\id ZEC - Gamo Full Bible final version
\ide UTF-8
\h Zakaraasa Tinbite
\toc1 Zakaraasa Tinbite
\toc2 Zakaraasa Tinbite
\toc3 Zaka
\mt1 Zakaraasa Tinbite
\imt1 Giddo Qofa
\ip Nabe Zakaraasa maxaafay nam7u kezi shaakettides. 1. Shem 1-8 Kirstoosi yelettanaappe kase ichchash xeetanne nam7u tammu layththafe biidi ichchash xeetanne tammanne osppun layth gakkana diza layththata garsan dumma dumma wodetan nabe Zakaraasi yootida buroppe hanana qaalata oykkida kifiletakko. Heytikka he tinbite qaalati ajjuuta malan shiiqidayta gidishin Yerusalaame ooraxo gishshas GODAA keeththay simmi keexettanayssa gishshas, GODAY dereza buro geeshshanayssa gishshassinne sinththafe yaana Masiheza gishshas yootidayta. 2. Shem 9-14 gakkanaas diza kifilezi guyeppe takkidi hananayssa yootida qaalata. Heyti he buroppe hanana qaalati yootizay buroppe yaana Kirstoosa gishshassinne wurseththa pirda gishshassa.
\iot Ha Maxaafay Oykkida Kumeththa Qofay
\io1 Koyro ajjuutay paratanne toga asata \ior 1:1-7 \ior*
\io1 Nam7anththo ajjuutay medosata kaceta \ior 1:18-21 \ior*
\io1 Heedzdzanththo ajjuutay wadha wodoro \ior 2:1-13 \ior*
\io1 Oydanththo ajjuutay nabe Zakaraasi qeeseta halaqa gishshas be7ida ajjuuta \ior 3:1-10 \ior*
\io1 Ichchashanththo ajjuutay xomppenne wogara miththata \ior 4:1-14 \ior*
\io1 Usuppunththa ajjuutay Piradhdhiza xaaththa maxaafa \ior 5:1-4 \ior*
\io1 Laappunththa ajjuutay Daachcho giddon diza maccassayo \ior 5:5-11 \ior*
\io1 Osppunththa ajjuutay para-gaareta \ior 6:1-8 \ior*
\io1 Iyaaso tiydi kawosana mala imettida azazo \ior 6:9-15 \ior*
\io1 Xoossi bessontta xooma ekkonttayssa \ior 7:1-7 \ior*
\io1 Azazettontta ixoy goodeteththas gaaso gideth \ior 7:8-14 \ior*
\io1 Xoossi Yerusalaame gishshas immida hidota \ior 8:1-23 \ior*
\io1 Xoossi ba dereza ashshidi istta morkketa qaxxayanayssa \ior 9:1—11:3 \ior*
\io1 Isra7eele asa kaaleththiza nam7ata \ior 11:4-17 \ior*
\io1 Yerusalaame xoono \ior 12:1-9 \ior*
\io1 Derezi olan cadettidayssas qadhettidi godaakko simo \ior 12:10—13:9 \ior*
\io1 Wurseththa olanne godaa xoono \ior 14:1-21 \ior*
\c 1
\s1 Asay Xoossako Simmana Mala Goday Xeygees
\p
\v 1 Daariyoosi kawotida nam7anththo layththan osppunththa aginan GODAA qaalay Iddo naa Baraakaye naa Nabe Zakaraasakko yides;\x - \xo 1:1 \xo*\xt Iz 4:24—5:1; 6:14\xt*\x*
\p
\v 2 «GODAY kase intte aawata bolla keehi hanqettides. 
\v 3 Ha7i gidikko asaas, ‹Taakko haa simmite; tanikka intteko simmana› gees Ubbaafe Wolqqama GODAY. 
\v 4 Kase nabeti intte aawatas, ‹Intte intte iita ogeppenne intte oosoppe simmite› giidi minththi yootida; gido attiin istti qasse siyibeettennanne ta azazokka naagibeettenna; hessa mala intte intte aawata mala hanopite. 
\v 5 Kase intte aawati ha7i awan dizoo? Nabetikka mernaas de7andettoo? 
\v 6 Gido attiin tani ta nabeta baggara yootida qaalatinne wogati intte aawata bolla gakkibeettennee? ‹Isttika maaroteththan gelththishe Ubbaafe Wolqqama GODAY ba koyida mala nu ooso malanne nu oge mala nuus bessizaaz nu bolla ooththides› » gida.
\s1 Zakaraasi Ajjuutan Beyida Parata
\p
\v 7 Daariyoosi kawotida nam7anththo layththan shebaaxe geetettiza tammanne issinththo aginan nam7u tammanne oydanththo gallassan GODAA qaalay Iddo naa Baraakaye naa Nabe Zakaraasakko yides. 
\v 8 Omarsa wode ajjuutan zo7o para toggida issaade be7adis; he izikka shoobba giddon barsineete miththata garsan eqqides; qasse iza guyera daama, zo7onne booththa parati deettes.\x - \xo 1:8 \xo*\xt Ajju 6:2-8\xt*\x*
\p
\v 9 Tanikka, «Ta godo haytanti aazee?» gaada oychchadis; tanara haasayza kiitanchchazi qasse, «Haytanti istti aazakko tani nena bessana» gides. 
\v 10 He Barsineete miththa garsan eqqidayssi, «Hayti biitta ubbaa bolla simeretti xomosana mala GODAY kiittidayta» gides. 
\v 11 Isttika barsineete miththaa garsan eqqida GODAA kiitanchchaas, «Nu biitta ubbaa bolla simeretti xomosidos; biitta ubbay woppu giidi dees» gida.
\p
\v 12 Hessafe guye GODAA kiitanchchay, «Ubbaafe Wolqqama GODAWU! Laappun tammu layththatan ne istta bolla hanqettida Yerusalaamenne Yuhuda katamata ne ayide gakkanaas maarkkii?» gides. 
\v 13 GODAYKKA tanara haasayza kiitanchchaas ufayssiza qaalaninne minththeththiza qaalan malthe zaarides. 
\v 14 Qasseka tanara haasayza kiitanchchazi, «Hayssa qaalaa yoota; Ubbaafe Wolqqama GODAY, ‹Tani Xiyoonessinne Yerusalaames keeha qadhettays. 
\v 15 Gido attiin saroteth demmidi woppan diza kawoteththata keeha hanqettadis; hessas gaasoykka tani ta dereza bolla guuththara hanqettiin kawoteththati ta qofappe bollara ta deraa qohida› gides.
\p
\v 16 «Hessa gishshas Ubbaafe Wolqqama GODAY, ‹Tani ta maaroteth Yerusalaames immana; heenkka ta keeththay simmi ooraxidi keexettana; Yerusalaame katamayakka wodoron wadhettana› gees.
\p
\v 17 «Kaaleththidikka kiitanchchazi, ‹Ubbaafe Wolqqama GODAY ta katamati keehi duretana; GODAY Yerusalaame kase mala maaddananne ba katama histti doorana› » gi awajjite.
\s1 Zakaraasi Ajjuutan Beyida Oyddu Kaceta
\p
\v 18 Hessafe guye ajjuutan oyddu kaceta be7adis. 
\v 19 Tanara haasayza kiitanchchaza, «Hayti aazee?» ga oychchadis; izikka, «Hayti Yuhuda asa, Isra7eele asanne Yerusalaame asaa laallida kaceta» gides.
\p
\v 20 Hessafe kaaleththidi GODAY naariqa oykkida oyddu wogaceta tana bessides. 
\v 21 Tanikka, «Haytanti ay ooththana yidoo?» ga oychchadis. Izikka, «Hayti oonikka dhoqqu gi xeellontta mala Yuhuda biitta laallida kaceta; ha wogaceti yiday istta daganththanaassinne deraa laallanaas Yuhuda bolla bantta kace denththida kawoteththata kace menththi olanaassa» gides.
\c 2
\s1 Zakaraasi Ajjuutan Beyida Wadha Wodoro
\p
\v 1 Qasseka ta ajjuutan wadha wodoro ba kushen oykkidayssa be7adis. 
\v 2 Tanikka iza, «Ne awa bay?» ga oychchadis. Izi qasse, «Yerusalaame adussateththaynne aakoteththay aappun wadhakko wadhdha beyana bays» gides.
\p
\v 3 He tanara haasayza kiitanchchay bides. Hara kiitanchchayka izara gaagganaas yides. 
\v 4 Histtidi izas, «Woxxa baada hessa naateththa addezas, ‹Yerusalaamey izin diza asa daroteththafenne mehe daroteththafe dendoyssan katamaa yuushon gimbe dirsa koshshenna. 
\v 5 Tani tarkka izis tama dirsa gidana; izi giddon tani izis bonchcho gidana› gees gaada yoota» gides.
\s1 Betida Asaa Simo
\p
\v 6 GODAY ba deraa, «Ta kase inttena oyddu bagga laalladis; ha7i gidikko pudeha baggafe baqati kezite; haa yiite. 
\v 7 Hanne Xiyoone haa ya; Baabiloone macca naytara de7izaare istta giddofe baqata. 
\v 8 Ubbaafe Wolqqama GODAY: ba bonchcho qonccisana mala ba asaa bonqqidayta kawoteththaako tana kiittides; inttena bochchizay taas ayfe ciro bochchiza mala. 
\v 9 Hekko tani ta kushe istta bolla denththana; istta aylleti istta bonqqana; hessafe guye Ubbaafe Wolqqama GODAY tana kiittidayssa intte erana.
\p
\v 10 «Hanne Xiyoone nayee ane ilila; ufayetta; tani yaada ne giddon daana» gees GODAY. 
\v 11 He gallas daro kawoteththati GODAAKKO shiiqidi iza dere gidana; izikka ne giddon de7ana; Ubbaafe Wolqqama GODAY tana neekko kiittidayssa nekka erana. 
\v 12 GODAY geeshsha biittayn Yuhuda baas buzo histti laattana; Yerusalaamekka zaari doorana. 
\v 13 GODAY geesh gidida basozappe dendida gishshas asho may7ida ubbay iza sinththan co7u go.
\c 3
\s1 Qeeseta Halaqas Gidiza Geeshsha May7o
\p
\v 1 Hessafe guye qeeseta halaqa Iyaasoy GODAA kiitanchchaa sinththan eqqidayssanne Xala7eykka iza mootanaas izappe ushachcha baggara eqqidayssa tana ajjuutan bessides.\x - \xo 3:1 \xo*\xt Iz 5:2; Ajju 12:10\xt*\x* 
\v 2 GODAY qasse Xala7e, «Haysso Xala7e GODAY nena seero; Yerusalaame doorida GODAY nena hanqo; hayssi addezi tamappe attida durca gidennee?» gides.\x - \xo 3:2 \xo*\xt Yuhu 9\xt*\x*
\p
\v 3 Iyaasoykka qita may7o may7idi kiitanchchaza sinththan eqqides. 
\v 4 Kiitanchchazi ba sinththan eqqidayta, «Hessa qita may7oza iza bollafe qaari diggite» gides; Iyaasoska, «Hekko ta ne nagara neeppe diggadis; ta nena lo7o may7o mayzana» gides.
\p
\v 5 Qasse tanikka, «Geeshsha goosse iza hu7en goozisite» ga azazadis; GODAA kiitanchchay iza achchan eqqi dishin geeshsha goosse iza hu7en goozisidanne may7oka mayzida.
\p
\v 6 GODAA kiitanchchayka Iyaasoy naagettana mala izas zore immides. 
\v 7 Ubbaafe Wolqqama GODAY, «Ne ta ogen biikko, ne ta azazo naagikko ta keeththa ne ayssana; gibbezasikka ne aawatana. Qasseka hayssan eqqidaytara issife ne gelana malanne kezana mala ta nees maata immana.
\p
\v 8 «Haysso qeeseta halaqa Iyaaso siya! Ne matan nena ooththi maaddizayti buro sinththafe hanana lo7o malata gidida gishshas isttika siyetto; hekko tani buro purcciza ta aylleza ehana.\x - \xo 3:8 \xo*\xt Er 23:5; 33:15; Zaka 6:12\xt*\x* 
\v 9 Beya! Tani Iyaaso sinththan laappun ayfey diza shuch woththana; ta he shuchchaa bollan xaafettizaaz wooca wooca xaafana; he biittay nagarakka ta issi gallas diggana» gees.
\p
\v 10 Ubbaafe Wolqqama GODAY, «He wode issoy issoy ba woyne miththa garsaninne ba balase miththa garsan ba lagge diggisas xeygana» gees.\x - \xo 3:10 \xo*\xt Miki 4:4\xt*\x*
\c 4
\s1 Zakaraasi Ajjuutan Be7ida Xomppe Woththizaasonne Wogara Mith
\p
\v 1 Tana haasayssida kiitanchchazi simmi yiidi issi issi asi dhiskofe beeggiza mala tana beegoththides. 
\v 2 Izikka, «Haysso hessi ne be7izayssi aazee?» gides. Tanikka «Hekko iza bolla zayte otoy diza kumeththara worqqa gidida xomppe woththiza balla be7adis; he ballata bolla laappun bombay diza laappun xomppeta be7adis. 
\v 3 Qasseka nam7u wogara miththata be7adis; isttafe issoy zaytera diza otozappe ushachcha baggara dizayssa qasse issoy hadirsa baggara dizayssa be7adis» gadis.\x - \xo 4:3 \xo*\xt Ajju 11:4\xt*\x*
\p
\v 4 Tanara haasayza kiitanchchaza, «Ta godoo! Haytanti aazee?» ga oychchadis.
\p
\v 5 Izikka taas, «Hayti aazakko ne erkkii?» gi zaarides. Tanikka izas, «Ta godawu! Ta erikke» gadis.
\p
\v 6 Qasseka, «GODAY Zerubaabeles yootida qaalay hayssa, ‹Ta ayananpe attiin wolqqaninne minoteththan gidenna› gees Ubbaafe Wolqqama GODAY.\x - \xo 4:6 \xo*\xt Iz 5:2\xt*\x*
\p
\v 7 «Haysso gita zumazo ne aazee? Ne Zerubaabele sinththan tidhdhi gida demba gidana; qasse Zerubaabeley Xoossa Keeththa keexxi giigidi qustte shuchcha pude kessiza wode asay, ‹Hashshu hashshu lo7on polettides› gi sabbana» gees. 
\v 8 Qasse GODAA qaalay taakko yides; 
\v 9 «Zerubaabele kushey hayssa GODAA keeththas yochcha shuch woththides; iza kushey keexxi polana; hessafe guye Ubbaafe Wolqqama GODAY tana intteko kiittidayssa intte erana.
\p
\v 10 «Guuththa miishshati haniza gallassi kadhiday oonee? Asay Zerubaabele kushen tumbe be7idi ufayettana; heyti laappun xomppeta istta bolla woththiza laappun ballati alame bolla yuuyi xeelliza GODAA ayfeta.»\x - \xo 4:10 \xo*\xt Ajju 5:6\xt*\x* 
\v 11 Hessafe guye tani kiitanchchaza, «Xomppezappe istta bolla woththiza ballatappe ushachcha baggaranne hadirsa baggara dizayti hayti wogara miththati istti aazee?» ga oychchadis.\x - \xo 4:11 \xo*\xt Ajju 11:4\xt*\x* 
\v 12 Qasseka, «Nam7u worqqa bombata achchan wogara zaytey isttafe gukkiza nam7u bombata matan diza nam7u wogara haggati aazee?» ga oychchadis.
\p
\v 13 Izikka tana, «Heyti aazakko ne erkkii?» gides; tanikka izas, «Ta godoo! Ta erikke» gadis.
\p
\v 14 Izi qasseka, «Hayti nam7ati medheteththa ubbaa Goda sinththan ooththana tiyettida asata» gides.
\c 5
\s1 Piradhdhiza Xaaththa Maxaafa
\p
\v 1 Ta zaarada xeellishin heen ta sinththan issi piradhdhiza xaaththa maxaafa be7adis. 
\v 2 Izikka tana, «Ay xeellay?» gi oychchides. Tanikka izas, «Adussateththay nam7u tammu wadha, gomppay tammu wadha gidida issi piradhdhiza xaaththa maxaafa be7adis» gadis.
\p
\v 3 Izikka taas, «Ha xaaththa maxaafa giddon biitta ubbaa bolla yaana qanggeththi xaafeti uttides; he maxaafan issi baggara, ‹Kayso ubbay biitta bollafe dhayana› geetetti xaafettides; qasseka hankko baggara, ‹Wordo caaqqiza ubbay dhayana› geetetti xaafettides. 
\v 4 Ubbaafe Wolqqama GODAY, ‹Tani qanggeth ehana; izikka kaysota keeththinne ta sunththan wordo caaqqizayta keeth gelana; isttas heen diza keeththaa, miththaanne shuchchaa ubbaa dhayssana› gees» gides.
\s1 Daachcho Giddon Zakaraasi Ajjuutan Be7ida Maccassayo
\p
\v 5 Hessafe kaallidi tanara haasayettiza kiitanchchay taakko yiidi, «Hayssi yizay aazakko dhoqqu histta xeella» gides.
\p
\v 6 Tanikka iza, «Hayssi aazee?» ga oychchadis. Izikka «Hayssi maka daachcho» gides; qasseka gujjidi, «Hayssi biitta bolla diza asay ooththida qohoza bessiza malata» gides.
\p
\v 7 Hessafe guye irsaase geetettiza biratappe oosettida kamay qaarettiza wode daachchoza giddon uttida issi maccassayo be7adis. 
\v 8 Kiitanchchazikka taas, «Hanna tuna» gi yootidi izo guye zaari daachchoza giddo naaqqi gelththides; he daachcho kamazakka zaari kammides.
\p
\v 9 Hessafe guye tani pude dhoqqu ga xeellishin isttas qefetan carkoy diza nam7u maccassata be7adis; isttas qefeykka kafo wole qefe mala; istti he daachchoza denththi ekkidi pude salo piradhdhida.
\p
\v 10 Tanikka tanara haasayza kiitanchchaza, «Hayti daachchaa awa efizoo?» ga oychchadis. 
\v 11 Izikka, «Izas keeth keexxanaas Sana7oore dere efeettes; keexetti giigiza wode daachchoza heen woththana» gides.
\c 6
\s1 Zakaraasi Ajjuutan Be7ida Para-gaareta
\p
\v 1 Qasseka hara ajjuutan oyddu para-gaareti nam7u xarqimala zumata giddora yizayta be7adis. 
\v 2 Koyro gaareza goochchiza parazi zo7o, nam7anththozi kareththa,\x - \xo 6:2 \xo*\xt Ajju 6:4-5\xt*\x* 
\v 3 heedzdzanththozi booththa para, oydanththozi qasse masara gidishin parati ubbayka wolqqama.\x - \xo 6:3 \xo*\xt Ajju 6:2\xt*\x* 
\v 4 Tanikka tanara haasayza kiitanchchaza, «Ta godawu! Haytanti aazee?» ga oychchadis.
\p
\v 5 Kiitanchchazikka, «Hayti sa7a ubbaa Goda sinththan ooththizasoppe kezida salo ayana oyddata.\x - \xo 6:5 \xo*\xt Ajju 7:1\xt*\x* 
\v 6 Kareththa parati goochchiza gaarey pudeha bagga, booththa parati goochchiza gaarey arshe geloso bagga, masara parati goochchiza paray dugeha baggara diza dere beettes» gides.
\p
\v 7 Mino parati buro kezishe biitta ubbaa bolla simerettanaas leessotteettes; izikka istta, «Intte sa7a ubbaa gars biidi xomosite» gides; isttika biidi xomosida. 
\v 8 Qasseka kiitanchchazi taas, «Pudeha bagga dereta bida parati ta ayana shempisida» giidi ba qaala dhoqqu histti yootides.
\s1 Iyaaso Hu7e Bolla Wodhdhida Kallachcha
\p
\v 9 GODAA qaalay taakko yides. 
\v 10 Baabiloone dereppe di7oppe simmida Heldayeppenne Yaddayappe worqqanne bira ekkada he gallassika Sofonaasa naa Iyosiyaasa soo ba. 
\v 11 Istti immida birappenne worqqafe kallachcha medhdhada Iyosaadoqe naa qeeseta halaqa Iyaaso hu7en goxxa. 
\v 12 Neni izas, «Ubbaafe Wolqqama GODAY, ‹Iza sunththay Hagga› geetettidayssi hayssa; izikka ba dizason daayana; izi GODAA keeth zaaridi keexxana.\x - \xo 6:12 \xo*\xt Er 23:5; 33:15; Zaka 3:8\xt*\x* 
\v 13 Izi GODAA keeththa keexxana; izi kawo mala bonchcho may7ana; ba kawoteththaa araatan uttidi haarana; qasseka izi ba araatan uttidi qeeseteththan ooththana; he nam7atikka saroteththaninne sigan ooththana» gees ga yoota. 
\v 14 He kallachchazikka Helemes, Xoobbiyas, Yaddayassinne Sofonaasa naa Heenes GODAA Keeththa giddon istti hassa7issizaaz gidana. 
\v 15 Heyti haahon dizayti yiidi GODAA Keeththay keexettishin istta ooson maaddana; intteka tana Ubbaafe Wolqqama GODAY kiittidayssa erana. GODAA intte Xoossaas intte wozinappe azazettiko hessi wuri inttes hanana.
\c 7
\s1 Goday Ekkontta Xooma
\p
\v 1 Daariyoosi kawotida oydanththo layththan kaselo geetettiza uddufunththa aginan oydanththo gallas GODAA qaalay Zakaraasakko yides. 
\v 2 Beetele asay GODAY woossanaas Sarsarenne Ergeme-Meleeke isttara dizaytara issife kiittida. 
\v 3 Isttika Ubbaafe Wolqqama GODAA Keeththa qeesetanne nabeta, «Nu kase daro wode ooththidayssa mala ichchashanththa aginan ceecanaassinne xoomanaas nuus bessizee?» giidi oychchida.
\p
\v 4 Qasseka GODAA qaalay taakko yides; 
\v 5 «Ha dere asaanne qeeseta, ‹Kase aadhdhida laappun tammu layththatan ichchashanththa aginaninne laappunththa aginan intte xoomida xoomaynne intte ceecida ceecey ta bonchchossee? 
\v 6 Kase intte midayssinne uyidayssi inttes xalla gidennee? 
\v 7 Yerusalaameynne izi achchan yuuyi aadhdhi diza katamati saroteththaninne dureteththan diza wode dugeha bagga zumata garsaninne arshey geliza baggan diza zumata garsan kase asi heen diza wode GODAY ba nabeta baggara yootida qaalay hayssa gidennee?› ga oychcha.»
\p
\v 8 GODAA qaalay qasseka Zakaraasakko yides; 
\v 9 «Ubbaafe Wolqqama GODAY, ‹Tumu pirda pirdite; intte garsan issoy issaara maarettitenne issoy issaas qadhettite. 
\v 10 Am7eta, yi7ota, bete asatanne manqota metoththofte; issoy issaas intte wozinan iita qoppofte› gees.
\p
\v 11 «Istti qasse siyana koyibeettenna; zokko zaaridi ba hayth tuccida. 
\v 12 Ba wozina zaalla shuchcha mala minththida; Ubbaafe Wolqqama GODAY kase nabeta baggara ba ayanan kiittida qaalaa woykko woga siyontta ixxida; hessa gishshas Ubbaafe Wolqqama GODAY istta bolla keehi hanqettides. 
\v 13 ‹Ta istta xeygishin istta siyibeettenna; hessa gishshas istti tana xeygishin tanikka siyikke› gees Ubbaafe Wolqqama GODAY. 
\v 14 Istti erontta allaga dere giddo gote carkon istta laalladis; isttafe guyera haray oonikka hee bontta malanne haa yontta mala biittaya asi baynda bula biitta gidadus; istti lo7o biittayo bula ooththiday hessa malanna.»
\c 8
\s1 Yerusalaame Ooraththanaas Goday Immida Hidota
\p
\v 1 Qasseka Ubbaafe Wolqqama GODAY taakko yides; 
\v 2 Ubbaafe Wolqqama GODAY, «Ta Xiyoonis daro mishettays; izi mishay tana xuuggees» gees.
\p
\v 3 GODAY, «Ta gede Xiyoonikko simmana; Yerusalaamenkka de7ana. Yerusalaameykka tumu katama geetettawus; izakka Ubbaafe Wolqqama GODAAS geeshsha zuma geetettana» gees.
\p
\v 4 Ubbaafe Wolqqama GODAY, «Adde cimatinne macca cimati kase mala Yerusalaame dubbushan uttana; isttafe issoy issoy cimateththa gaason guufe oykkidi hemettana. 
\v 5 Katamayn diza ogetan kaa7iza macca naytinne attuma nayti kumana» gees.
\p
\v 6 Ubbaafe Wolqqama GODAY, «Hayssi kase di7ettontta attida Isra7eele naytas malalisizaaz misatana shin tana Ubbaafe Wolqqama GODA malalisanaas dandayzee?» gees.
\p
\v 7 Ubbaafe Wolqqama GODAY, «Tani ta dereta arshey mokkiza bagga deretappenne wulliza bagga deretappe ashshana. 
\v 8 Istti Yerusalaamen de7ana mala ta istta zaara haa ehana; isttika ta dereta gidana; tanikka xilloteththaninne ammaneteththan istta Xoossa gidana» gees.
\p
\v 9 Ubbaafe Wolqqama GODAY, «Ubbaafe Wolqqama GODAA Keeththaas yochchi yegettishin heen diza nabeti yootida qaalaa ha7i siyizayti ubbay Ubbaafe Wolqqama GODAA Keeth keexxanaas intte kushe minththite. 
\v 10 Hayssafe kase asaas damozay imetti erenna; meheskka kiray imetti erenna. Morkkey diza gishshas oonikka ba ooso wogara ooththi erenna; kase tani asay laggey lagge bolla dendana mala ooththida gishshas hessi hanides. 
\v 11 Ha7i qasse ta kase ooththida mala hayssa haan attida dereza bolla ooththike» gi awajjees.
\p
\v 12 Zereththay lo7o mokkana; woyne miththay ayfana; biittayka kath immana; saloykka ira immana; heyta wursaka haan hayssan attiza derezas xinxxo histti immana. 
\v 13 Yuhuda derenne Isra7eele dere asatoo! Intte kase kawoteththata giddon qanggettida dere mala qoodettideta; ha7i gidikko ta inttena ashshana; intteka anjjos gidana; hessa gishshas babbofte; minnite.
\p
\v 14 Ubbaafe Wolqqama GODAY, «Kase intte aawati tana hanqeththida gishshas tanikka mishay baynda inttena qaxxayana qachchadis» gees. 
\v 15 «Ha7i qasse Yerusalaamessinne Yuhuda deraas lo7o ooththanaas ta qachchida gishshas babbofte. 
\v 16 Intte ooththanaas bessiza miishshati haytantta; intte intte garsan issoy issaara tumu haasayettite; intte dubbushankka tumanne suure pirda pirdite.\x - \xo 8:16 \xo*\xt Efe 4:25\xt*\x* 
\v 17 Issoy issaa qohanaas gene qoppofte; wordo markkattofte; ta haytantta ubbaa ixxays» gees GODAY.
\p
\v 18 Qasseka Ubbaafe Wolqqama GODAA qaalay taakko yides; 
\v 19 «Oydanththo aginan, ichchashanththo aginan, laappunththa aginaninne tammanththa aginan intte xoomiza xoomay Yuhuda deraas ufayssa gallassinne ba7aale gallas gidana; hessa gishshas intte tumateththinne saroteth koyite.»
\p
\v 20 Ubbaafe Wolqqama GODAY, «Daro katamatan diza derey Yerusalaame goggana wodey yaana. 
\v 21 Issi katamayn diza asaykka, ‹GODAA anjjo woossanaassinne Ubbaafe Wolqqama GODAA koyanaas ane haa yiite; ane eeson boos; nunikka boos› gishe hara katama baana. 
\v 22 Daro dereynne wolqqama kawotikka Ubbaafe Wolqqama GODAA koyanaassinne iza woossanaas Yerusalaame yaana.
\p
\v 23 «He gallassatan dumma dumma dereppe dumma dumma qaalan haasayza tammu asati issi Ayhuda asa may7o macara oykkidi, ‹Inttenara Xoossi dizayssa nu siyida gishshas nu inttenara issife baana› gaana» gides.
\c 9
\s1 Isra7eele Asa Morkketa Bolla Yaana Pirda
\q1
\v 1 Isra7eele asa ubbaa ayfey
\q2 pude GODAAKKO xeellees;
\q2 hessa gishshas GODAY
\q2 kase yooti woththida mala
\q2 Sedireeke bollanne
\q2 Damasqo bolla pirdana.\x - \xo 9:1 \xo*\xt Isa 17:1-3; Er 49:23-27; Amo 1:3-5\xt*\x*
\q1
\v 2 Ha pirdazikka Damasqo zawan diza
\q2 Hamaate bolla,
\q2 aadho erateththi diza
\q2 Xiroose katamata bollanne
\q2 Sidoona katamata bolla gakkana.
\q1
\v 3 Xiroose katamaya baas mino
\q2 miixa giigsadus;
\q2 bira biitta mala,
\q2 worqqaka gudulla mala
\q2 shiishsha guuppadus.
\q1
\v 4 Gido attiin GODAY
\q2 iza guuppidayssa
\q2 woththi ekkana;
\q2 izis abba giddon diza wolqqa
\q2 ubbaa dhayssana;
\q2 izakka taman xuugetta dhayana.\x - \xo 9:1-4 \xo*\xt Isa 23:1-18; Hizi 26:1—28:26; Iyu 3:4-8; Amo 1:9-10; Mato 11:21-22; Luqa 10:13-14\xt*\x*
\q1
\v 5 Asqeloonay hessa be7idi yayyana;
\q2 Gaazay meton un7ettana;
\q2 hessaththoka Aqarooney
\q2 hidotakka qanxxana;
\q2 Gaazay qasse
\q2 kawoy bayndaaro gidana;
\q2 Asqeloonay bula gidana.\x - \xo 9:5-7 \xo*\xt Isa 14:29-31; Er 47:1-7; Hizi 25:15-17; Iyu 3:4-8; Amo 1:6-8; Sofo 2:4-7\xt*\x*
\q1
\v 6 Walaka derey Azaxoone oykkana;
\q2 ceeqettiza Filisxeeme asaa
\q2 ta dhayssana.
\q1
\v 7 Tani istta doonappe suuth,
\q2 istta gacoppe montta mala
\q2 digettida kath diggana;
\q2 hankko attidayti ta dere gidana;
\q2 Yuhuda biittan halaqatana;
\q2 Aqaroone asaykka
\q2 Yaabuse asa mala gidana.
\q1
\v 8 Tani gidikko ta keeththa
\q2 bonqqiza wolqqamatappe naagana;
\q2 hayssafe guye un7eththizay
\q2 ta deraa laattenna.
\q2 Tani ha7i minna naagays.
\s1 Buro Yaana Xiyoone Kawo
\q1
\v 9 Hanne Xiyoone nayee
\q2 keeha ufayetta.
\q2 Hanne Yerusalaame nayee
\q2 ufayssan ilila;
\q2 xillonne ashshiza ne kawoy
\q2 ashke gididi hareyonne
\q2 harey gutte toggidi neekko yees.\x - \xo 9:9 \xo*\xt Mato 21:5; Yoha 12:15\xt*\x*
\q1
\v 10 Para-gaareta Efreemeppe
\q2 ola parata Yerusalaameppe
\q2 ta ekka dhayssana.
\q2 Tani ola toorata
\q2 menththereththana.
\q2 Saroteth kawoteththatas awajjana.
\q2 Izi abbaafe abban
\q2 gakkanaas haarana;
\q2 Efiraaxise shaafappe sa7a gaxa
\q2 gakkanaas izi ayssana.\x - \xo 9:10 \xo*\xt Maza 72:8\xt*\x*
\q1
\v 11 Ta nenara suuththan
\q2 caaqettida caaqoza gishshas
\q2 haaththi baynda ollan
\q2 qashettida asata
\q2 ta birshada yeddana.\x - \xo 9:11 \xo*\xt Kessa 24:8\xt*\x*
\q1
\v 12 Intteno hidotay diza qasho asatoo!
\q2 Intte kase diza miixan simmite;
\q2 kase inttes diza aqota
\q2 dakko histta ta inttes zaarana.
\q1
\v 13 Yuhuda wondafe mala
\q2 Efreemekka yiishsha mala
\q2 ta go7ettana;
\q2 hanne Xiyoone tani ne nayta
\q2 Girike dere bolla
\q2 denththeththana;
\q2 nenakka tani wolqqama
\q2 mashsha mala
\q2 histta go7ettana.
\s1 Goday Qonccana
\q1
\v 14 GODAY istta bolla qonccana;
\q2 iza yiishshay wolqqanththa mala
\q2 popol7u gaana;
\q2 Ubbaafe Wolqqama GODAY
\q2 xurumba punnana.
\q2 Dugehappe keziza gote carko mala
\q2 izi baana.
\q1
\v 15 Ubbaafe Wolqqama GODAY
\q2 isttas gondalle gidana;
\q2 istti ba morkketa
\q2 ubbaa dhayssana;
\q2 istti yanbarshan
\q2 olizayta yedhdhana;
\q2 istti woyne ushshu
\q2 uyida asa mala waassana;
\q2 yarsho suuththi kere kumi
\q2 yarshosoho bolla gukkiza mala
\q2 istta morkketa
\q2 suuththika gukkana.
\q1
\v 16 He wode GODAY istta Xoossay
\q2 ba deraa baas wude mehe
\q2 histti ashshana;
\q2 kallachcha bolla diza
\q2 seeloy xolqiza mala
\q2 isttika Xoossa deren phoollana.
\q1
\v 17 Istti ay mala lo7onne
\q2 puula as gidaneeshshaa!
\q2 Kaththi naateththata
\q2 woyne ushshi geela7ota
\q2 anqarsana.
\c 10
\s1 Goday Yuhuda Naaganaas Woththida Hidota
\q1
\v 1 GODAY inttes assura ira
\q2 immana mala woossite.
\q2 Ira shaara kiittizay GODAA;
\q2 izi ubbaa asas
\q2 gidiza ira immees;
\q2 issaas issaas tokkanaas
\q2 dooza immees.
\q1
\v 2 Eeqa xoossati
\q2 baleththo yo7o yooteettes;
\q2 Maroti wordo ajjuuta beyeettes;
\q2 kaayizayti wordo
\q2 agumo agumetteettes;
\q2 asakka coo hada yo7on
\q2 minththeththeettes;
\q2 hessa gishshas derey
\q2 heemmizaadey baynda dorsa mala
\q2 coo mela toylattishe qohettides.
\p
\v 3 GODAY, «Ta hanqoy
\q2 heenththachchata bolla
\q2 tama mala eexxi kezides.
\q2 Deraa kaaleththizayta
\q2 ta qaxxayana.
\q2 Tani Ubbaafe Wolqqama GODAY
\q2 ba wude gidida Yuhuda asaa
\q2 olas giigida para mala ooththana.
\q1
\v 4 Yuhudappe gulan woththiza
\q2 shuchchi,
\q2 dunkaane toliza dhishkey,
\q2 ola tooraynne
\q2 dere ubbaa haarizay kezana.
\q1
\v 5 Istti ubbayka issi bolla
\q2 ogen diza urqqa yedhdhiza
\q2 mino olanchchata mala gidana;
\q2 GODAY isttara diza gishshas
\q2 paran olettizayta istti xoonana.
\b
\q1
\v 6 «Tani Yuhuda keeth minththana;
\q2 ta isttas qadhettiza gishshas
\q2 istti kase dizasota istta zaarana;
\q2 tani GODAA istta Xoossa gidida gishshas
\q2 ta istta woosa siyana;
\q2 isttika hayssafe kase
\q2 ta yegga erontta
\q2 asa mala gidana.
\q1
\v 7 Efreeme asay
\q2 wolqqama asa mala gidana;
\q2 istta wozinay
\q2 woyne ushshu uyida
\q2 asa mala ufayettana;
\q2 istta nayti istta
\q2 beyananne ufayettana;
\q2 isttika GODAAN ufayettana.
\q1
\v 8 Tani istta wayqeththan xeygada
\q2 issi bolla shiishshana;
\q2 tumappe ta istta wozzana;
\q2 kase mala ta istta darsana.
\q1
\v 9 Tani istta dereta giddon laallikokka
\q2 istti heen haaho deren dishe
\q2 tana qoppana;
\q2 isttanne istta nayti
\q2 shemppora paxa attidi
\q2 guye simmana.
\q1
\v 10 Tani istta Gibxeppe kessana;
\q2 asooreppeka shiishshana;
\q2 isttas uttizasoy
\q2 un7anaashe gakkanaas
\q2 tani istta Gala7aadeninne
\q2 Libaanoosen shiishshana.
\q1
\v 11 Istti abba giddora
\q2 waayetti aadhdhana;
\q2 abba dambalay co7u gaana;
\q2 ciimma abbayka wuri miccana;
\q2 otoranchcha Asoore dere
\q2 asay kawuyana;
\q2 Gibxe Kawoteththa
\q2 xam7ay meqqana.
\q1
\v 12 Tani istta GODAAN minththana;
\q2 isttika iza sunththan
\q2 simerettana» gees.
\c 11
\s1 Pirda Leemiso
\q1
\v 1 Libaanoose nenan diza
\q2 ziga miththaa
\q2 tamay maana mala
\q2 ne pengeta doya.
\q1
\v 2 Xiiddatoo! Ziga miththay
\q2 kundida gishshas yeekkite;
\q2 bonchchettida miththati dhayda;
\q2 Baasaane wolati «Wu! wuy»
\q2 gi waassite;
\q2 dhippi gida woray qeexettides.
\q1
\v 3 Heenththa nayta waaso siyite;
\q2 istta bonchchoy qaarettides;
\q2 Yordaanoose shaafa doonan diza
\q2 dhippi gida woray
\q2 wurida gishshas
\q2 gaammota xaago siyite.
\s1 Nam7u Qommo Heenththanchchata
\p
\v 4 GODAA ta Xoossay nena, «Shukettanaas doorettida dorsata dhiikka. 
\v 5 Istta shammi shukkidayti qaxxayettettenna; istta bayzidayti, ‹GODAY galatetto; nu duretidos› geettes. Istta heemmizaytikka isttas qadhettettenna.
\p
\v 6 «Hayssafe guye ha biittay bolla diza asas ta qadhettike; tani ta baggara issaa issaa iza laggessinne iza kawos aaththa immana; isttika biitta un7eththana; tanikka istta istta kusheppe ashshike» gees.
\p
\v 7 Hessa gishshas tani bayzizaytassinne shammizaytas qaxxaretta shukettanaas doorettida dorsata heemmizaade gidadis; dorsatakka heemmashe nam7u guufeta ekkada issaa, «Kiyateth» nam7anththoza, «Issifeteth» ga sunththadis. 
\v 8 Issi agina giddon mehe heemmiza heedzdzata diggadis; isttika tana ixxida gishshas tanikka istta salettadis. 
\v 9 Tani isttas, «Hayssafe guye tani inttena heemmike; hayqqanayti hayqqetto; dhayanaytikka dhayetto; attidaytikka issoy issaa asho mo» gadis.
\p
\v 10 Qasseka dere ubbaara ta caaqettida qaala laallanaas, «Kiyateth» gaada sunththida ta guufeza menththadis. 
\v 11 He gallas kase caaqozi laalettides; un7etti uttidi tana xeelliza dorsati hessi GODAA qaala gididayssa erida. 
\v 12 Tanikka isttas, «Inttes lo7o misatikko ta waaga taas qanxxite; akkay giikko aggaagite» gadis; hessa gishshas istti taas heedzdzu tammu saqile bira qanxxida.\x - \xo 11:12 \xo*\xt Mato 26:15\xt*\x*
\p
\v 13 GODAYKKA istti taas immana giigida kadhettida bira ekkada, «Minjja keeththan woththa!» gides. Tanikka he heedzdzu tammu saqile biraa ekkada GODAA Keeththa giddon minjjason woththadis.\x - \xo 11:13-14 \xo*\xt Mato 27:9-10\xt*\x* 
\v 14 Hessafe qasse Isra7eelenne Yuhuda ishateth laallada, «Issifeteth» gaada ta sunththida nam7anththo guufezakka menththadis.
\p
\v 15 Qasseka GODAY tana, «Azalla heenththanchchati oykkiza miish isttafe woththa ekka. 
\v 16 Hekko tani biitta bolla ooraththa heenththanchcha denththana; he heenththanchchay kase dhaydayssa zaari qoppenna; laalettidayssaka koyenna; meqqidayssaka koolenna; paxidayssaka dhiikkenna; gido attiin modhidayssa asho maana; qinccifilleka ashshontta dippi histtana. 
\v 17 Wudeza yeggi aggiza go7ay baynda heenththanchchas aayye ana!
\q1 «Iza ushachcha ayfenne
\q2 iza qese mashshay caddo;
\q2 iza qesey silo;
\q2 iza ushachcha ayfeykka
\q2 qilch gi qooqo» gides.
\c 12
\s1 Yerusalaames Diza Hidota
\p
\v 1 Salo miccida GODAY, sa7a medhdhida GODAY asa naytas de7o shemppo immida GODAY Isra7eele naytas yootida qaalay hayssafe kaallizayssa; 
\v 2 «Tani Yerusalaame izo yuuyi aadhdhi diza deretas maththosiza woyne ushshu izan tigiza birille mala ooththana; Yerusalaame dooddana mala Yuhuda katamayokka dooddana. 
\v 3 Biitta bolla diza derey izi bolla dendiza gallas tani Yerusalaame dere ubbaas sugiin qaaxxontta zaalla kessana; izo qaaththana paacci xeellizay baas qohettana. 
\v 4 He gallas tani toga parata dagaman, parata toggida asaa gooshshana; istta morkketa parata qooqisana; gido attiin Yuhuda asaa tani ta kiya ayfen naagana. 
\v 5 Yuhuda asaa kaaleththizayti bantta wozinan, ‹Ubbaafe Wolqqama GODAY istta Xoossi gidida gishshas Yerusalaamen diza asay mino› gaana.
\p
\v 6 «Ta he gallas Yuhuda kaaleththizayta doore miththa giddon diza tama cooce kessana; kaththa mirqqe giddon diza xomppe laco kessana; istti baappe hadirsaranne ushachchara yuuyi aadhdhi diza dereta xuuggana; Yerusalaamey gidikko ba dizasoppe mulekka qaaxxuku.
\p
\v 7 «Dawiteso asaanne Yerusalaamen dizayta bonchchoy Yuhuda bonchchofe aadhdhontta mala tani GODAY kasetada Yuhuda asaas xoono immana. 
\v 8 He gallas istta giddon daro laafa gididay Dawite mala mino gidana; Dawiteso asay qasse isttafe sinththe sinththe biza Xoossa malanne GODAA kiitanchcha mala gidana; Yerusalaamen dizaytas GODAY gondalle gidana. 
\v 9 He gallas Yerusalaame olana dendiza kawoteththata ubbaa dhayssanaas ta dendana.
\s1 Banti Caddidayssas Yeekkida Yeeho
\p
\v 10 «He wode Dawite keeththa asaa bollanne Yerusalaamen diza asaa bolla kiyateththa ayananne woosa ayana ta gussana; tana caddidayti taakko xeellana; isttika asi baas diza issi nay hayqqiin yeekkiza asa mala izas yeekkana; bayra naas asi yeekkiza mala camo yeeho yeekkana.\x - \xo 12:10 \xo*\xt Yoha 19:37; Ajju 1:7\xt*\x* 
\v 11 He wode Magiddo geetettiza Hadaadey Ermoonas yeekkoyssaththo Yerusalaamenkka hessa mala gita yeeho gidana. 
\v 12 Biitta bolla diza qommoy ubbay baas baas yeekkana; istta machchetikka baas baas yeekkana; hessa malan Dawite baggafe attumasay ba machchetara, Naataaneso asay bantta machchetara yeekkana. 
\v 13 Lewe baggati bantta machchetara, Shim7e baggati bantta machchetara, 
\v 14 hankko attida qommotappe attumasay ubbay bantta machchetara yeekkana» gees.\x - \xo 12:10-14 \xo*\xt Mato 24:30; Ajju 1:17\xt*\x*
\c 13
\s1 Nagarappe Geeyeth
\p
\v 1 Ubbaafe Wolqqama GODAY, «He gallas Dawite keeththa asanne Yerusalaamen diza asaa nagarappenne tunateththafe geeshshanaas pulttoy pulttana.
\p
\v 2 «Tani he wode biittafe eeqa xoossata sunth dhayssana; hessafe nam7anththo istti qofettettenna; istta nabetanne tuna ayanata biittay bollafe ta diggana. 
\v 3 Oonikka tani nabe giikko izaade yelida aawaynne aayeya iza ne GODAA sunththan wordo haasayda gishshas nees hayqoy bessees getto; izi tinbite haasayshin iza yelidayti iza caddetto. 
\v 4 He wode wordo haasaydaadey oonikka ba haasayda wordo tinbiten yeellatana; baleththanaas iskera diza nabeta may7o may7enna. 
\v 5 Izikka, ‹Ta gooshsha asa attiin nabe gidikke; ta naateteththafe doommada hanno gakkanaas goshshanchcha› gaana. 
\v 6 Issi asi, ‹Hessi ne bolla ay madunththee?› gi oychchiko izi, ‹Ta hayssa ta laggetason dashe madunxadis› gides.
\s1 Heenththanchchay Shocettiin Iza Dorsata Laaleteth
\p
\v 7 «Ubbaafe Wolqqama GODAY,
\q2 ‹Mashsha! Ta heenththanchcha
\q2 ta daro dosizayssa bolla beegga!
\q2 Heemmizayssa shoca;
\q2 dorsatikka laalettana;
\q2 tanikka ta qese guuththata bolla
\q2 denththana› » gees.\x - \xo 13:7 \xo*\xt Mato 26:31; Mar 14:27\xt*\x*
\p
\v 8 GODAY, «Biitta ubbaan diza
\q2 heedzdzu kushe asaappe
\q2 nam7u kushey dhayana;
\q2 issi kushe asi attana.
\q1
\v 9 He attida issi kushe asaa
\q2 ta gede taman yeggana;
\q2 bira taman geeshshiza mala
\q2 ta geeshshana;
\q2 worqqa malakka paaccana;
\q2 istti ta sunth xeygana;
\q2 tanikka isttas koyana;
\q2 ta isttas, ‹Ta dereta› gaana;
\q2 isttika, ‹Nu GODAA›
\q2 gaana» gides.
\c 14
\s1 Yerusalaamenne Kawoteththata
\p
\v 1 Hekko GODAY pirdiza gallassi gakkides; neeppe bonqqida miishsha ne ayfey be7ishin istti gishetti ekkana. 
\v 2 Yerusalaame olana mala kawoteththata ubbaa ta shiishshana; katamayakka oykettana; keeththa giddon diza miishshi bonqqettana; maccassatarakka wolqqan ichchana; katama asaappe baggay di7ettana; attida derey qasse katamayppe kezenna.
\p
\v 3 Hessafe guye GODAY kase ola gallas olettiza mala he kawoteththata olanaas dendana. 
\v 4 He wode iza tohoy Yerusalaameppe arshey mokkiza baggara Dabrazayte zumaa bolla eqqana. Dabrazayte zumaykka arshey mokkizasoppe wullizaso gakkanaas nam7u kezi shaaketti wodhana; bagga zumay pudeha bagga, baggay dugeha bagga shaakettidi giddon wolqqama shoobbay medhettana. 
\v 5 Inttenikka Azeele gakkanaas zuma tani nam7u kessi shaakkida shoobbara baqatana; kase yuhuda kawo Ooziya wode biittay qaaxxiin beni intte aawati gangida mala intte gangana; hessafe guye GODAA ta Xoossay geeshshatara issife yaana.
\p
\v 6 He wode ta kenchchoy, shachchinne poo7oy mulekka deenna. 
\v 7 He gallassay gallassinne qammay baynda GODAY eriza dumma gallas gidana; he gallassi poo7oy poo7oshin de7ana.
\p
\v 8 He wode Yerusalaameppe de7o haaththi pulttana; izappe baggay arshey mokkiza baggan diza hayqo abban gelana; baggay qasse arshey wulliza baggara diza Mediteraane abban gelana; bone gidiin balgo gidiin layth kumeth pacey baynda goggishe de7ana.\x - \xo 14:8 \xo*\xt Hizi 47:1; Yoha 7:38; Ajju 22:1\xt*\x* 
\v 9 He wode GODAY biitta ubbaa bolla kawotana; he wode GODAY issaa xalla; iza sunththayka issaa gidana.
\p
\v 10 Pudeha baggara Geebappe doommidi Yerusalaame dugeha baggara diza Armoone katama gakkanaas diza Awurajjay tidhdha demba gidana; Yerusalaame katamaya Biniyaame pengefe beni penge ginaranne gula penge gakkanaas hessaththoka Hanani7eele gimbefe gede kawo keeththaso woyne ushshu gum7izasoho gakkanaas dhoqqu gaada iza minna de7ana. 
\v 11 Yerusalaamey daro asi daanaso gidana; hessafe guye iza dhayukku; izin diza derey hirgay baynda woppan daana.\x - \xo 14:11 \xo*\xt Ajju 22:3\xt*\x*
\p
\v 12 Yerusalaame olana dendiza dere bolla GODAY bosha harge ehana; istta shemppora paxa dishin istta ashoy wooqqana; istta ayfeynne inxarsay heen ba dizason wooqqana. 
\v 13 He wode GODAY istta bolla hirganne babo yeddana; isttika issoy issoy ba laggeza bolla qoho gaththana. 
\v 14 Yuhuda asay Yerusalaame bagga gididi olettana; bana yuuyi aadhdhida kawoteththati haarida aqota ubbaa worqqa, bira, may7onne qooday baynda miish di7i ekkana. 
\v 15 Hessa misatiza boshay morkketi dizason dizason, parata, baqulota, gaamellatanne hareta bollanne hara mehe ubbaa bolla yaana.
\p
\v 16 Hessafe guye Yerusalaame olana kezida kawoteththatappe hayqqontta attida ubbay Ubbaafe Wolqqama GODAAS goynnanaassinne daase ba7aale bonchchanaas layththan layththan Yerusalaamen shiiqana.\x - \xo 14:16 \xo*\xt Lewe 23:39-43\xt*\x* 
\v 17 Ubbaafe Wolqqama GODAAS goynnanaas Yerusalaame shiiqontta biitta kawoteththata ubbaas iray bukkenna. 
\v 18 Gibxe asaykka hee bontta iray isttas bukkenna; Yerusalaame kezidi daase ba7aale bonchchontta ixxida kawoteththata bolla GODAY ehana boshaa istta bolla ehana. 
\v 19 Gibxe asaakka gidiin hara dere asa kawota gidiin, «Daase ba7aale nu bonchchoko» giikko istta bolla yaana qixaatey hayssafe bollan dizayta; 
\v 20 He wode parata qoodhen qashettiza daala ubbaa bolla, «Hayssi Xoossas dummatidayssa» giza qaalay xaafettana; GODAA Keeththa giddon kath kaththiza ototikka yarsho yarshizaso sinththan diza saaneta mala dummatana. 
\v 21 Yerusalaameninne Yuhudan diza otoy wurikka medheteththa Ubbaafe Wolqqama GODAAS dummatidaaz gidana; Yarsho shiishshiza asay wurikka otota ekkidi yarsho asho isttan doyssana; he wode Ubbaafe Wolqqama GODAA Keeththa giddon ay zal7anchchayka deenna.