\id SNG - Gamo Full Bible final version
\ide UTF-8
\h Siiqo Saba
\toc1 Siiqo Saba
\toc2 Siiqo Saba
\toc3 Siiqo
\mt1 Siiqo Saba
\imt1 Giddo Qofa
\ip «Siiqo Saba» geetettiza maxaafay siiqo ginxota issi bolla shiishshi oykkida maxaafa. Ha ginxotappe dariza baggati mazamure yeththas giigiza mala xaafettida; haytikka addey maccays, maccay addes xaafida ginxota. Ha maxaafay issi issi birsheththatan, «Siiqo Saba» woykko «Yeth Ubbaafe Aadhdhiza Yeth» geetetti erettees. Hara birsheththatan qasse, «Solomoone yeththa» geetetti erettees. Ays giikko Ibraaweta qaalan xaafettida maxaafay Solomooney xaafides giidi yootiza gishshassa. Ha mazamurey Kirstoosassinne woosa keeththas giddon diza gaytoteththa bessiza leemisota oykkida mazamure. Gido attiin Ayhudati, «Xoossassinne Isra7eele asaas giddon diza siiqo bessiza leemisota oykkida maxaafa» geettes.
\iot Ha Maxaafay Oykkida Kumeththa Qofa
\io1 Siiqoy woyne ushshafe aadhdhees \ior 1:1—2:7 \ior*
\io1 Siiqoy ubba miish lo7o ooththees \ior 2:8—3:5 \ior*
\io1 Ekonne gelo \ior 3:6—4:5 \ior*
\io1 Ekonne gelo issifeteth \ior 4:6—5:16 \ior*
\io1 Siiqoy ubbaafe aadhdhees \ior 6:1—7:6 \ior*
\io1 Tananne nena xalla \ior 7:7—8:4 \ior*
\io1 Siiqo saba \ior 8:5-14 \ior*
\c 1
\p
\v 1 Yeth ubbaafe aadhdhiza Solomoone mazamure.\x - \xo 1:1 \xo*\xt 1Kawo 4:32\xt*\x*
\sp Geela7oya
\q1
\v 2 «Ne siiqoy woyne ushshafe
\q2 aadhdhi ufayssees;
\q2 ne mettershan zaara zaaradakka
\q2 tana yeera.
\q1
\v 3 Ne tiyettiza shittoy
\q2 ay mala sawizee!
\q2 Ne sunththay xeygettiza wodekka
\q2 ay mala ufayssizee!
\q2 Geela7oti nena
\q2 hessa gishshas siiqeettes.
\q1
\v 4 Tana nenara ekkada ba;
\q2 haa ya, ane nam7ay issife woxxoos!
\q2 Ta kawoo, tana ne quruxo
\q2 giddo gelththa» gadus.
\sp Laggeti
\q2 «Izan nuni ay keena
\q2 ufayettidonii!
\q2 Nuni iza siiqo
\q2 woyne ushshafekka
\q2 aaththidi nashshoos.
\q2 Tumukka maccassay ubbay nena
\q2 siiqanaas bessees» gida.
\sp Geela7oya
\q1
\v 5 «Intteno Yerusalaame
\q2 maccassatoo, siyite!
\q2 Tani kareth gidikkoka mala lo7o.
\q2 Ta kareththateththay
\q2 Qeedaare dunkaane mala;
\q2 gido attiin ta medhay
\q2 kawo Solomoone keeththa
\q2 magalashata mala.
\q1
\v 6 Ta medha kareththiday awa seela;
\q2 tani kareth gidida gishshas
\q2 tana kadhopite.
\q2 Ta aayi naa ishati
\q2 tanara ooyettidi
\q2 tana woyne atakilte
\q2 naaganaas woththida;
\q2 hessa gishshas tani tayssa
\q2 naagabeekke.
\q1
\v 7 Ta siiqozoo! Ane taas yoota;
\q2 ne dorsa wude heemmizay awanee?
\q2 Gallas awappe ne istta
\q2 guurissizay awanee?
\q2 Nena demmanaas
\q2 ne laggeta wude kaallashe
\q2 ays coo toylattiza
\q2 maccassa mala gidoo?» gadus.
\sp Panththazi
\q1
\v 8 «Haa macca ubbaafe aadhdha
\q2 lo7iza malanchchayee!
\q2 Ta dizaso erontta aggiko
\q2 dorsati bida geedo kaallada ya;
\q2 ne deysha laaqqatakka
\q2 heenththanchchata dunkaane
\q2 matan heemma.»
\q1
\v 9 «Ta godee! Gibxe kawos
\q2 para-gaare goochchiza
\q2 parata giddon diza
\q2 macca paray mala lo7aasa.
\q1
\v 10 Ne shagalasoy lozhzhu gides;
\q2 ne qoodhey inqqu geetettiza
\q2 seelon alleqettides.
\q1
\v 11 Nuni nees biran alleqettida
\q2 worqqa geexe oosisana» gides.
\sp Geela7oya
\q1
\v 12 «Kawoy maaddan utti dishin
\q2 ta shitto sawoy keeththa giddo
\q2 ubbaan tunnu gides.
\q1
\v 13 Ta siiqozi ta dhanththata
\q2 giddon diza
\q2 sawiza karbbe xuntte mala.
\q1
\v 14 Ta siiqozi En-Gaade geetettiza
\q2 woyne tokkiza gaden mokkida
\q2 bazzo ciishsha mala» gadus.
\sp Panththazi
\q1
\v 15 «Ta godee! Neni ay mala lo7ay!
\q2 Neni ay mala lo7ay!
\q2 Ne ayfeti haraphphe mala
\q2 lo7eettes» gides.
\sp Geela7oya
\q1
\v 16 «Ta siiqozoo,
\q2 nenikka ay mala lo7ay!
\q2 Ne keeha lo7aasa;
\q2 nu hiiththay cilila maata mala
\q2 ufayssees» gadus.
\sp Panththazi
\q1
\v 17 «Nu keeththa tuussi
\q2 Libaanoose ziga;
\q2 kaaraykka
\q2 xiiddan oosettides» gides.
\c 2
\sp Geela7oya
\q1
\v 1 «Tani Lasharoonen mokkiza ciishsha malanne
\q2 gadhan mokkiza
\q2 suufe ciishsha mala» gadus.
\sp Panththazi
\q1
\v 2 «Ta siiqoya maccassata garsan
\q2 agunththa giddon diza
\q2 lo7o ciish misatawus» gides.
\sp Geela7oya
\q1
\v 3 «Ta siiqoza tani
\q2 naateththatara gaththa
\q2 xeelliza wode,
\q2 wora giddon diza appile misatees;
\q2 tanikka keeha ufayettadis;
\q2 tani iza kuwa garsan shempadis;
\q2 mal7iza iza ayfezapeka
\q2 ma kalladis.
\q1
\v 4 Izi tana gibiras
\q2 aaho keeththan gelththides;
\q2 ba siiqo ta bolla bandira mala
\q2 dhoqqu dhoqqu ooththides.
\q1
\v 5 Tani iza siiqon oykettada hargadis;
\q2 hessa gishshas tana zabibe ayfe
\q2 mizidi gazidissite;
\q2 appile mizidi tana beegoththite.
\q1
\v 6 Ba hadirsa kushe bolla
\q2 tana borkotissides;
\q2 ba ushachcha kushen
\q2 tana idimmides.
\q1
\v 7 Intteno Yerusalaame
\q2 yelaga maccassatoo!
\q2 siiqoy baas dosidi
\q2 dendana gakkanaas
\q2 iza intte beegoththontta mala,
\q2 tani inttena genessataninne
\q2 bazzo wushan amatays.
\q1
\v 8 Be7ite! Ta siiqoza cenggurssi
\q2 zumata bollara pirishe,
\q2 zumbullata bollara xongettishe
\q2 yizayssi siyettees.
\q1
\v 9 Ta siiqozi Wusha laaqqa
\q2 woykko genessa
\q2 laaqqa misatees.
\q2 Be7ite! Izi nu keeththa
\q2 daaranchchan eqqides;
\q2 maskootera soo xeellees;
\q2 magalasha xoo7era
\q2 xuulungi xeellees.
\q1
\v 10 Ta siiqozi tana,
\q2 ‹Ta godee, denda!
\q2 Ta lo7oyee! Haa ya!
\q2 Ane issife boos.
\q1
\v 11 Beya, balgoy aadhdhides;
\q2 iraykka aggides.
\q1
\v 12 Ubbason ciishshi ciiyides;
\q2 mazamure yexxiza
\q2 aginaykka gakkides;
\q2 haraphphe yeththika
\q2 nu biittan siyettees.
\q1
\v 13 Balasey ayfe imo doommides;
\q2 woyney ciiyides;
\q2 iza ciishsha sawoy
\q2 ubbason tunnu gees.
\q2 Hessa gishshas ta godee, Denda;
\q2 ta lo7oyee! Haa ya;
\q2 ane issife boos› gees» gadus.
\sp Panththazi
\q1
\v 14 «Neni aafo doonan
\q2 zaalla za7a giddon diza
\q2 haraphphey mala;
\q2 ane issito ne ayfeso
\q2 tana bessa;
\q2 ne qaala cenggurssikka
\q2 tana sissa.
\q2 Ays giikko ne cenggurssay
\q2 tana ufayssees;
\q2 ne ayfesoykka
\q2 tana lo7ees» gides.
\q1
\v 15 Nu woyne atakiltey ciiyides;
\q2 hessa gishshas nu woyne atakilte
\q2 giddo moorontta mala
\q2 worakanatanne istta butulata
\q2 woximaden oykkite.
\sp Geela7oya
\q1
\v 16 «Ta siiqozi taassa;
\q2 tanikka izassa;
\q2 cilila maata giddon
\q2 izi ba mehe heemmees.
\q1
\v 17 Omarsa dhumay qaarettanaashin,
\q2 maalado carkoy carkanaashin,
\q2 ta siiqozoo!
\q2 Genessa mala woykko
\q2 wusha laaqqa mala
\q2 aafotiza zuma bollara
\q2 woxxada haa simma» gadus.
\c 3
\sp Geela7oya
\q1
\v 1 «Omars kumeth ta hiixan ichchada,
\q2 ta siiqoza demmanaas amottadis;
\q2 minththadakka koyadis;
\q2 gido attiin demmanaas
\q2 dandayabeekke.
\q1
\v 2 Katama giddon diza ogetaninne
\q2 dubbushata ubbaan yuuyadis;
\q2 ta siiqoza demmanaas amottadis;
\q2 minththadakka koyadis;
\q2 gido attiin
\q2 demmanaas dandayabeekke.
\q1
\v 3 Katama yuuyi naagizayti
\q2 tana demmida;
\q2 tani isttas,
\q2 ‹Ta siiqoza beyidetii?›
\q2 gaada oychchadis.
\q1
\v 4 Isttafe guuth aadhdha baada
\q2 ta siiqoza demmadis;
\q2 izi taappe kessi ekkontta mala
\q2 minththada oykkadis;
\q2 ta aayey keeth ekka efadis;
\q2 ta yelettida kifile gelththadis.
\q1
\v 5 Intteno Yerusalaame geela7otoo!
\q2 Siiqozi baas dosidi
\q2 dendana gakkanaas,
\q2 iza intte beegoththontta mala,
\q2 tani inttena genessataninne
\q2 bazzo Wushatan amatays» gadus.
\sp Laggeti
\q1
\v 6 «Karbbefe, exaaneppenne
\q2 zal7anchchata
\q2 sawoppe giigettida shitto mala
\q2 sawo tunnu gashenne
\q2 cuwa mala tullu gashe
\q2 bazzora yizaara
\q2 hanna iza oonee?
\q1
\v 7 Hekko be7ite, Solomoone
\q2 para-gaareya yuussan dawus;
\q2 Isra7eeleppe doorettida
\q2 usuppun tammu ola asati
\q2 izo azhabida.
\q1
\v 8 Istti ubbayka
\q2 mashsha oyth meezetida,
\q2 ola erizaytanne
\q2 omars yiza meto eqettanaas
\q2 issoy issoy
\q2 mashsha gixxida mala aqeettes.
\q1
\v 9 Kawo Solomooney
\q2 para-gaare giddon
\q2 uttiza araatay
\q2 Libaanoose miththafe oosettides.
\q1
\v 10 Iza araata tuussati
\q2 biran tiyettida;
\q2 zemppozi worqqan alleqettides;
\q2 uttizaasozi ochcha teera misatiza
\q2 qacinappe oosettides;
\q2 giddoza Yerusalaame
\q2 geela7oti siiqos
\q2 dadida afalan aleqissida» gida.
\sp Geela7oya
\q1
\v 11 «Intteno Xiyoone geela7otoo!
\q2 Izi keehi ufayettida
\q2 iza bullachcha gallas
\q2 iza aaya iza hu7en woththida
\q2 kallachcha goxxi
\q2 uttidayssa be7anaas
\q2 Kawo Solomoonekko
\q2 haa yiite» gadus.
\c 4
\sp Panththazi
\q1
\v 1 «Ta godee! Ne ay mala lo7o!
\q2 Neni ay mala giiga!
\q2 Ne ayfeti ne ayfeso kammiza
\q2 quraace giddora xeelliza wode
\q2 haraphphe mala lo7eettes;
\q2 ne binanay Gala7aade
\q2 zumaara duge
\q2 wodhdhiza deysha
\q2 wude misatees.
\q1
\v 2 Istta giddon maynney baynda
\q2 mentte mentte yeliza
\q2 iskey diirettiin
\q2 meecetti keziza
\q2 booththa dorsa wudeta mala
\q2 ne achchati tana ufaysseettes.
\q1
\v 3 Ne metershati
\q2 zo7o qacina mala lo7eettes;
\q2 ne haasayza wode
\q2 keehi ufaysseettes;
\q2 ne shagalati ayfeso kammiza
\q2 quraace giddora xeelliza wode
\q2 oroomaane nam7u kessi
\q2 phalqidaa misateettes.
\q1
\v 4 Ne qoodhey shiyan
\q2 qoodettiza gondalleti,
\q2 ola massarati iza bolla
\q2 kaqetti beettizanne
\q2 ola miixa gidanaas
\q2 oosettida Dawite gimbe misatees;
\q1
\v 5 Ne dhanththati mentte yelettidi,
\q2 suufe ciishshata giddon
\q2 miza genessa
\q2 laaqqata misateettes.
\q1
\v 6 Qammay wonttana gakkanaas,
\q2 dhumay aadhdhana gakkanaas
\q2 karbbey diza zuma bollanne
\q2 exaaney iza zumbulla bolla
\q2 baada shempana.
\q1
\v 7 Ta godee!
\q2 Ne asateththay kumeth lo7o;
\q2 ne bolla aykko wosoykka baawa.
\m
\v 8 Ta mishirayee! Libaanooseppe
\q2 haa duge wodhdha;
\q2 gaammoynne maahey dizaso
\q2 Amaana zumaappe,
\q2 Sanire zumappenne
\q2 Hermoone zumaappe wodhdhada
\q2 haa ya.
\q1
\v 9 Taas siiqo michcho gidida
\q2 ta mishirayee!
\q2 Ne xeelliza xeeloynne
\q2 ne qoodhen diza alleqoy
\q2 ta wozina ekkides.
\q1
\v 10 Taas siiqo michcho gidida
\q2 ta mishirayee!
\q2 Ne siiqoy tana ay mala ufayssizee!
\q2 Ne siiqoy woyne ushshafe
\q2 aadhdhi ufayssees;
\q2 ne shittoy ubbaafekka
\q2 aadhdhidi sawees.
\q1
\v 11 Ta mishirayee!
\q2 Ne metershara
\q2 eessa ililoy xokkees.
\q2 Ne doonappe eessinne
\q2 maaththi pulttees;
\q2 ne may7o sawoy
\q2 Libaanoose shitto mala sawees.
\q1
\v 12 Taas siiqo michcho gidida
\q2 ta mishirayee!
\q2 Ne taas dirsa giddon naagettiza
\q2 atakilte mala,
\q2 izas yuushoy shuurettida
\q2 pultto haaththa malanne
\q2 asi gakkontta piissa haaththa mala.
\q1
\v 13 Ne aadhdha bizason
\q2 mal7iza miththa ayfeti kumida;
\q2 heytikka oroomaane
\q2 atakiltesohota mala.
\q1
\v 14 Nardoosey, laadey,
\q2 sawo maataynne qarafay,
\q2 qasseka exaane mala sawiza
\q2 dumma dumma
\q2 atakilteti deettes;
\q2 haray qasse karbbey,
\q2 godare uuththa ciishshaynne
\q2 dumma dumma
\q2 sawo atakilteti mokkeettes.
\q1
\v 15 Neni atakilte ushshiza
\q2 pultto haaththa mala;
\q2 de7o haaththi keziza olla mala;
\q2 Libaanoose zuma garsafe
\q2 goggiza shaafa
\q2 haaththa mala» gides.
\sp Geela7oya
\q1
\v 16 «Pudeha bagga carkozoo! Denda!
\q2 Dugeha bagga carkozoo! Haa ya!
\q2 Ta atakilte bolla carka!
\q2 heerazi ubbay sawo tunnu go.
\q2 Ta siiqozi
\q2 ba atakilte giddo yo;
\q2 doorettida miththa
\q2 ayfetakka mo» gadus.
\c 5
\sp Panththazi
\q1
\v 1 «Taas siiqo michcho gidida ta mishirayee!
\q2 Tani ta atakilte giddo geladis.
\q2 Ta karbbenne ta shitto
\q2 ciish maxadis;
\q2 Eessa ukeththaa ililozara
\q2 gaththa madis;
\q2 Ta woyne ushshaa,
\q2 ta maaththaa uyadis» gides.
\sp Laggeti
\b
\q2 «Intteno siiqettizaytoo!
\q2 Kallana gakkanaas miite;
\q2 alana gakkanaaska uyite» gida.
\sp Geela7oya
\q1
\v 2 «Tani omars dhiskadis;
\q2 gido attiin ta wozinay beeggides;
\q2 Ta siiqozi kare qoxxishe,
\q2 ‹Taas siiqo michcho
\q2 gidida mishirayee!
\q2 Nenan wosoy baynda
\q2 ta haraphpheyee!
\q2 Nena shoobbays taas kareza doya;
\q2 ta hu7ey kenchchon wooqqides.
\q2 Ta binanaykka omarsa puusen
\q2 musides› gishin siyadis.
\q1
\v 3 Tani ta may7o kessadis;
\q2 histtiin zaara may7oo?
\q2 Ta tohokka meecettadis;
\q2 qasse zaarada urqqasoo?
\q1
\v 4 Ta siiqozi penge xoo7era
\q2 kushe yeddides;
\q2 histtiin taas maracen
\q2 pol7u gides.
\q1
\v 5 Hessafe guye ta siiqozas
\q2 kare doyanaas dendadis;
\q2 kareza doyana ta oykkishin
\q2 ta kusheppe karbbey xokettides;
\q2 ta biradhdhetappeka
\q2 shittoy goggides.
\q1
\v 6 Ta kareza doyshin ta siiqozi
\q2 simmidi bichchides;
\q2 iza qaala cenggurssa siyanaas
\q2 keeha amottadis.
\q2 Minththadakka koyadis;
\q2 gido attiin demmanaas
\q2 dandayabeekke;
\q2 Xeygadis shin
\q2 izi taas koyibeenna.
\q1
\v 7 Katama naagizayti tana demmi
\q2 wadhdhidi madunththida;
\q2 katama gimbe naagizayti
\q2 ta may7ida seelo may7oza
\q2 qaari ekkida.
\q1
\v 8 Intteno Yerusalaame geela7otoo!
\q2 Intte ta siiqoza
\q2 demmidaa gidikko
\q2 tani iza siiqoppe dendidayssan
\q2 hargidayssa hadara
\q2 izas yootite» gadus.
\sp Laggeti
\q1
\v 9 «Hanne maccassa
\q2 ubbaafe aadho lo7oyee!
\q2 Tumu ne siiqo laggezi
\q2 haratappe dummatizee?
\q2 Neni hayssa mala
\q2 nuna hadara gizay
\q2 izi haratappe waaninee?» gida.
\sp Geela7oya
\q1
\v 10 «Ta siiqoy daro lo7onne mino;
\q2 10,000 attumasa garsan
\q2 iza malay deenna.
\q1
\v 11 Iza hu7ey geeshsha
\q2 worqqa misatees;
\q2 iza binanaykka olossinne
\q2 dum7a kareth misatees.
\q1
\v 12 Iza ayfeti
\q2 shaafa lanqen diza
\q2 haraphpheta malanne
\q2 maaththan meecettida
\q2 inqquta mala.
\q1
\v 13 Iza shagalati mal7iza
\q2 sawo maatata mala;
\q2 dumma dumma
\q2 qimameti tokettida
\q2 atakilteso misateettes;
\q2 iza metershati karbbe shittoy
\q2 xokkiza suufe ciishsha mala
\q2 lo7eettes.
\q1
\v 14 Iza kusheti inqqun alleqettida
\q2 worqqa guufe mala lo7eettes;
\q2 iza bollay simpere geetettiza
\q2 inqqun alleqettida danggarsa
\q2 zaale mala lo7ees.
\q1
\v 15 Iza tohoti worqqan tokettida,
\q2 daldachcha tuussata misateettes;
\q2 iza medhay
\q2 Libaanoose zigan alleqettida
\q2 Libaanoose zuma misatees.
\q1
\v 16 Iza qaalay eessa mala mal7ees;
\q2 iza bollay mulera kayshees;
\q2 Intteno Yerusalaame geela7otoo,
\q2 ta siiqozinne ta laggezi
\q2 hayssa misatees» gadus.
\c 6
\sp Laggeti
\q1
\v 1 «Maccassa ubbaafe lo7oyee!
\q2 Ne siiqo laggezi awa bidee?
\q2 Nunikka nenara issife koyanaas,
\q2 izi awa baggara bidaakko
\q2 nuus yoota» gida.
\sp Geela7oya
\q1
\v 2 «Ta siiqozi dorsa wude heemmanaas
\q2 lo7o ciishshata maxanaas
\q2 shittos go7iza sawo
\q2 maatay dizaso
\q2 duge atakilte giddo wodhdhides.
\q1
\v 3 Tani ta siiqozassa;
\q2 izikka taassa;
\q2 izi wudeza cilila maatan
\q2 heemmees» gadus.
\sp Panththazi
\q1
\v 4 «Ta godee! Neni Tirxxa katamay
\q2 lo7iza mala lo7aasa;
\q2 Yerusalaame mala keeha kayshaasa;
\q2 bandira tookkidi biza
\q2 olanchcha mala
\q2 yashissiza teemara daasa.
\q1
\v 5 Woze nena ne ayfe
\q2 taappe denththarkkii!
\q2 Istti tana di7idi
\q2 qasho as kessida;
\q2 Ne binanay Gala7aade zumaappe
\q2 duge wodhdhiza
\q2 deysha wude misatees.
\q1
\v 6 Istta giddon maynney baynda
\q2 mentte mentte yeliza iskey
\q2 diirettiin meecetti keziza
\q2 booththa dorsa wudeta mala
\q2 ne achchati tana ufaysseettes.
\q1
\v 7 Ne shagalati ayfeso kammiza
\q2 quraace giddora xeelliza wode
\q2 oroomaane nam7u kessi
\q2 phalqidaa misateettes.
\q1
\v 8 Usuppun tammu macca kawoti,
\q2 osppun tammu
\q2 laggeththo maccassati,
\q2 qasse qooday baynda
\q2 geela7oti deettes.
\q1
\v 9 Tani gidikko
\q2 issiniyo xalla dosays;
\q2 izi bolla ay wosoy deenna;
\q2 iza haraphphe mala
\q2 kaysha uttadus;
\q2 iza ba aayeyska mexi issino;
\q2 izo yelida aaya izo
\q2 ubbaafe aaththa siiqawus.
\q2 Geela7otikka izo
\q2 xeellidi xeellidi sabbeettes;
\q2 kawo machchetinne
\q2 iza laggeththoti izo nashsheettes.
\sp Laggeti
\q1
\v 10 Hanna maalado
\q2 xalqqe mala mokkizaara,
\q2 agina mala phoollizaara,
\q2 awa mala poo7izaara,
\q2 bandira tookkidi biza
\q2 olanchcha mala
\q2 yashissizaara
\q2 iza oonee?» geettes.
\sp Panththazi
\q1
\v 11 «Tani shoobban tokettida
\q2 atakilteta be7anaas,
\q2 woyney aacidaakko,
\q2 oroomaaneykka ciiyidaakko
\q2 xeellanaas
\q2 duge ochcholooney
\q2 tokettizaso wodhdhadis.
\q1
\v 12 Tani qoppontta dishin,
\q2 ta amoy tana efidi
\q2 kawo para-gaareta bolla
\q2 utissides» gides.
\sp Laggeti
\q1
\v 13 «Hanne Shulaame maccassayee!
\q2 Haa simma;
\q2 Nena nu lo7eththi xeellana mala
\q2 haa simma» gida.
\sp Geela7oya
\b
\q2 «Daro asa sinththan
\q2 yexxiza asa mala,
\q2 tana Shulaame maccassayo
\q2 ays xeelleetii?» gadus.
\c 7
\sp Panththazi
\q1
\v 1 «Kawo naada lo7izaaree!
\q2 Ne tohoti neni
\q2 naxala caamma aaththa dishin
\q2 be7iza wode ay mala lo7izoo!
\q2 Ne sheechchati
\q2 hiillanchcha wogacey qoxxidi
\q2 lo7eththi alleqissida
\q2 inqqu misatees.
\q1
\v 2 Ne gul7ay woyne ushshi kumida
\q2 birille misatees;
\q2 ne xeessay
\q2 lo7o ciishshan qashettida
\q2 gistte mirqqe misatees.
\q1
\v 3 Ne dhanththati mentte yelettida
\q2 Wusha laaqqa misateettes.
\q1
\v 4 Ne qoodhey danggarsa
\q2 zaalen alleqettida
\q2 adussa gimbe misatees;
\q2 ne ayfey gita Haseboone
\q2 katama penge matan diza
\q2 eele haath misatees;
\q2 ne siidhey Damasqo xeelisidi
\q2 gimbida Libaanoose
\q2 gimbeza misatees.
\q1
\v 5 Ne hu7ey Qarmeloose
\q2 zuma misatees;
\q2 ne hu7e binanay
\q2 xaaxetti uttida
\q2 xilata misatees;
\q2 ne hu7e daththayka
\q2 kawoza wozina ekkides.
\q1
\v 6 Ta godee!
\q2 Ne ay mala lo7ay!
\q2 Ne ay mala kayshay!
\q2 Ne siiqoy tana
\q2 ay mala ufayssizee!
\q1
\v 7 Ne geesay zamba geesa misatees;
\q2 ne dhanththay
\q2 zamba wurco misatees.
\q1
\v 8 Tani ha zamba bolla kezana;
\q2 kezada iza ayfeta maxana;
\q2 ne dhanththati woyne ayfe mala
\q2 wurccotti uttida;
\q2 qasse ne peenoy
\q2 appile ayfe mala sawees.
\q1
\v 9 Ne metershati
\q2 eessa ililo mala
\q2 mal7eettes» gides.
\sp Geela7oya
\q2 «Histtiko he lo7o ililoy
\q2 ta siiqoza metershata giddoranne
\q2 achchata giddora duge
\q2 wololu gi goggo.
\q1
\v 10 Tani ta siiqozassa;
\q2 izikka tana amottees.
\q1
\v 11 Ta siiqozoo! haa ya;
\q2 nam7ay katamappe kezidi
\q2 ane gede gaxare boos;
\q2 heen omars ane issife aaththoos.
\q1
\v 12 Maalado wonttara
\q2 ane woyne atakilte
\q2 giddo boos;
\q2 woyney ciiyidaakko,
\q2 oroomaaneykka ayfidaakko
\q2 ane beyoos;
\q2 heen tani ta siiqo
\q2 nees qonccisana.
\q1
\v 13 Inko ayfe sawoynne
\q2 dumma dumma ayfe
\q2 immiza atakilteti
\q2 nu karen kumida;
\q2 ta siiqozoo!
\q2 Ha ayfetappe teeridaytanne
\q2 oorath maxettidayta
\q2 nees woththadis.
\c 8
\m
\v 1 Ne ta aayey dhanth dhammi diccida
\q2 ta isha mala gididaakko
\q2 ta nena ogen
\q2 demmada yeera ekkidaakko
\q2 tana oonikka kadhennakoshin!
\q1
\v 2 Tana tamaarsida ta aayeyso
\q2 ta ne kushe
\q2 oykkada efanakkoshin;
\q2 ne uyanaas
\q2 oroomaaneppenne woyneppe
\q2 gum7ettida lo7o ushshu
\q2 ta nees immanakkoshin.
\q1
\v 3 Ba hadirsa kushe bolla
\q2 tana borkotissees;
\q2 ushachcha kushenkka
\q2 tana qoommees.
\q1
\v 4 Intteno Yerusalaame geela7otoo!
\q2 Siiqozi baas dosidi
\q2 dendana gakkanaas
\q2 iza intte beegoththontta mala
\q2 tani inttena
\q2 hadara gays» gadus.
\sp Laggeti
\q1
\v 5 «Ba siiqo laggeza bolla zemppada,
\q2 bazzofe yizaara
\q2 hanna oonee?» gida.
\sp Geela7oya
\b
\q2 «Beni ne aaya
\q2 nena miixatta yelida
\q2 appile miththa garsafe
\q2 ta nena beegoththa denththadis.
\q1
\v 6 Mernaa siiqon
\q2 ne wozinan tana woththa;
\q2 tana xalla ne qese bolla
\q2 maatame mala shoca;
\q2 ays giikko siiqoy
\q2 hayqo mala mino;
\q2 qanaatey duufo mala
\q2 menxe iita;
\q2 izi lacoykka tama laco mala
\q2 popol7u gees.
\q1
\v 7 Haaththa daroy siiqo tama
\q2 toyssanaas dandayenna;
\q2 di7oykka meeccidi efenna;
\q2 asi baas diza miish ubbaan
\q2 siiqo shammanaas koykko
\q2 siiqoy miishshan
\q2 beettontta gishshas
\q2 asay qilcci kaa7ees» gadus.
\sp Laggeti
\q1
\v 8 «Dhanththi uttontta qeeri michcha
\q2 nuus dawus;
\q2 azinay izo oychchiko
\q2 nu izis ay ooththanee?
\q1
\v 9 Iza gimbe gididaakko
\q2 nuni izi bolla birappe
\q2 shakko ooththana;
\q2 iza geliza penge gididaakko
\q2 nuni izi bolla
\q2 Libaanoose zigappe
\q2 sanqqa kessana» gida.
\sp Geela7oya
\q1
\v 10 «Be7ite tani gimbe;
\q2 ta dhanththatikka shakko mala;
\q2 tani ta siiqozara diza wode
\q2 izi ufayssinne
\q2 saroteth demmees.
\q1
\v 11 Solomoones Ba7aali-Hamoonen
\q2 woyne tokkizasohoy dees;
\q2 he woyne tokkizasohoza
\q2 oosanchchatas
\q2 kira immides;
\q2 isttika hu7en hu7en
\q2 shii bira izas eheettes.
\q1
\v 12 Gido attiin taas buzo gidida
\q2 woyne tokkizasohoy dees;
\q2 Solomoone neni shii bira ekka;
\q2 oosanchchati 200 bira
\q2 ekketto» gadus.
\sp Panththazi
\q1
\v 13 «Hanne ta mishirayee!
\q2 Ne atakilte giddon
\q2 dashe haasayza
\q2 qaala ta laggeti siyana koyeettes;
\q2 ane tanakka ne qaala
\q2 cenggurssaa sissa» gides.
\sp Geela7oya
\q1
\v 14 «Ta siiqozoo!
\q2 Taakko eeson haa ya!
\q2 Sawo atakilteti mokkiza
\q2 zumata bollara guppiza
\q2 genessa woykko Wusha
\q2 laaqqa misata» gadus.