\id ROM - Gamo Full Bible final version
\ide UTF-8
\h Oroome Asaas
\toc1 Phawuloosi Oroome Asaas Aadhdhida Kiita
\toc2 Oroome Asaas
\toc3 Oro
\mt2 Phawuloosi
\mt1 Oroome Asaas
\mt2 Xaafida Kiita
\imt1 Giddo Qofa
\ip Hawaare Phawuloosa kiitay Oroome asaas xaafettiday Phawuloosi Oroomen diza Woosa Keeththayo gakki beyanaas qoppida gishshas istti iza giigetti naagana mala erisanaassa. Phawuloosas diza qofay Oroomen diza ammaniza asaara guuththa wode ooththidaappe guye istti iza maaddiko izi Ispeene biitta baanaassa; izi baas gelida mala isttaskka ammanoy geliin ammanizayti ba duussan ammano bessana mala ammano timirte hano isttas ubbaa birshi xaafides; Phawuloosa kiitay kumeth gidi beettiday hayssa ha kiitazanna.
\ip Phawuloosi Oroomen diza ammaniza asaas ba saroka yeddidaappenne isttas izi woossana qaala gelidaappe guye ba kiitaas waanna ayfe yo7o (1:17) «Xoossafe beettiza xilloteth ammanonne ammanos gidida mala Mishiraachcho qaalan qonccides» giza qaala gididayssa bessees.
\ip Hessafe guye Phawuloosi hayssa ha qofaza gujji aassi xaafees; Ayhudatakka gidiin woykko hankko dere asaa gidiin asi wurikka nagaras haarettida gishshas Xoossara maqaynnanaas bessees; asay Xoossara maqaynnana dandayzay Yesus Kirstoosan ammanonna. Hessi asay Xoossara doommida ooraththa issifeteththa ayfey ooraththa de7o gididayssa Phawuloosi lo7eththi erisees; ammanizaadey Xoossara saron de7ees; Xoossa Ayana baggara hessaadey nagarappenne hayqo wolqqafe wozzettees; shempo 5-8 gakkanaas Phawuloosi Xoossa wogaa gishshassinne ammanizayta de7on ooththiza Xoossa Xillo Ayanas qofay aazakko qonccisees. Qasseka gujjidi Phawuloosi, «Asa zereththa gishshas Xoossas diza qofa giddon Ayhudaynne Ayzaabey issife oykettanaas dandayzee?» giza oyshos zaaro immanaas baaxetees.
\ip Qasseka Phawuloosi qonccisida mala Ayhudati Yesusa ammanontta attiday Xoossa qofaa mala; hessika haniday Yesus Kirstoosa baggara Xoossi qonccisida iza atoteththa kiyan kumeth asa zereththi wurikka gakki ekkana gaththanaassa; gido attiin Ayhuda asay Yesusan ammanana wodey yaanayssa Phawuloosi ammanees. Wurseththan Phawuloosi ammanon waani de7anaakkonne harappeka ammanizayti ba garsan baas diza gaytoteththan siiqo oge kaallanaas bessizayssa istta erisees. Gujjidikka isttas Xoossa ooso gishshas ammanizayti ba dere gishshas, ba garsan issoy issaa naaganaas bessiza alaafeteththa gishshassinne qofappe dendiza oyshata ubbaa hu7en hu7en erisees.
\iot Ha Maxaafay Oykkida Kumeththa Qofa
\io1 Ha maxaafazi oykkida ayfe qofata \ior 1:1-17 \ior*
\io1 Asa naas atoteththi koshshees \ior 1:18—3:20 \ior*
\io1 Xoossi asa naa ashshiza oge \ior 3:21—4:25 \ior*
\io1 Kirstoosa baggara beettiza ooraththa de7o \ior 5:1—8:39 \ior*
\io1 Isra7eele asay Xoossa qofa garsan \ior 9:1—11:36 \ior*
\io1 Ammaniza asa lo7o ooso \ior 12:1—15:13 \ior*
\io1 Wurseththa saroka \ior 15:14—16:27 \ior*
\c 1
\p
\v 1 Yesus Kirstoosa ayllenne Hawaare gidanaas xeygettida Mishiraachcho qaalaa yootanaas Phawuloosappe kiitettida kiita.
\p
\v 2 He mishiraachcho qaalaa gishshas kase nabeta baggara Geeshsha Maxaafatan ufayssi imettides. 
\v 3 Mishiraachcho qaalaykka ba naaza gishshas izi asho baggara Dawite zereththafe gididayssa yootiza gishshassa. 
\v 4 Hessaththoka nu Godaa Yesus Kirstoosi ba geeshshateththa Ayanan hayqoppe dendidayssi izi Xoossa naa gididayssi gita wolqqan qonccides. 
\v 5 Kirstoosa sunththaa gishshas ammanontta derey ammanana malanne azazettana mala iza baggara nuni hawaarateththas gaththiza kiyateth ekkidos. 
\v 6 Intteka Yesus Kirstoosayta gidana mala xeygettidaytara deeta.
\p
\v 7 Xoossan dosettidaytanne geeshshata gidanaas xeygettida Oroome biittan diza inttes ubbaas nu Aawaa Xoossaafenne nu Godaa Yesus Kirstoosappe kiyateththinne saroteththi inttes gido.
\s1 Phawuloosi Oroome Beyana Laamoteth
\p
\v 8 Intte ammanoy kumeththa alamen siyettida gishshassinne intte gishshas ta Godaa Xoossa Yesus Kirstoosa baggara galatays. 
\v 9 Ta intte gishshas ubba wode ay mala qoppizaakkonne Xoossa naa mishiraachcho sabbakon ta kumeththa wozinappe izas ooththiza Xoossay taas markka. 
\v 10 Tani ta woosan ubba wode inttena qoppays; ha7i qasse wurseththan Xoossa shene gidikko ta intteko baana mala Xoossi taas oge doyana mala woossays. 
\v 11 Intte minnana mala maaddiza Ayana imota ta intte gishshassinne inttena ayfera beyanaas laamotays. 
\v 12 Hessika intteninne tani issoy issaara ammanon minettanaassa.
\p
\v 13 Ta ishatoo! Harason ammanonttayta matan taas hanida mala intte matankka taas ooso ayfey beettana mala daro wode qoppadis shin hanno gakkanaas ta digettada dizayssa intte erana mala koyays.\x - \xo 1:13 \xo*\xt Hawa 19:21\xt*\x* 
\v 14 Tamaardaytas gidiin tamaaronttaytaska, eratassinne eeyatas ubbaas ta bolla tamaarsana acoy dees. 
\v 15 Inttes Oroomen dizaytaska tani mishiraachcho qaala yootanaas ta amottizay hessassa.
\p
\v 16 Ammanizayti wuri attana mala Xoossa wolqqa gidida gishshas tani mishiraachcho qaalan yeellatikke; hessika koyro Ayhudatas kaallidi Ayzaabetassa.\x - \xo 1:16 \xo*\xt Mar 8:38\xt*\x* 
\v 17 «Xilloy Xoossa ammanon dees» geetettidi kase xaafettida mala Xoossa xilloteththi mishiraachcho qaalan qoncciina; he xilloteththay koyroppe wurseth gakkanaas ammanon hanana.\x - \xo 1:17 \xo*\xt Im 2:4\xt*\x*
\s1 Asa Nayta Iitateth
\p
\v 18 Tumaa ba iitateththaninne makkallan tucci oykkizayta iitateththaa bollanne istta makkallateththaa ubbaa bolla Xoossa hanqoy saloppe qonccana. 
\v 19 Istti eranaas bessizaaz Xoossi ubbaa isttas qonccisida gishshas istti Xoos eranaas qoncce gidides. 
\v 20 Alamey medhettoosofe haa simmiin asa ayfen beetti erontta Xoossa hanoteththi hessika izas diza mernaa wolqqaynne Xoossateththay izi medhdhida medheteththaan qonccen beettees; hessa gishshas asay shiishshana gaasoykka deenna. 
\v 21 Istti Xoos erikkoka iza Xoossateththaa mala iza bonchchibeettenanne galatibeettenna; gido attiin istta qofay mela go7ay bayndaaz gididessinne yuushshi qoppontta mala istta wozinay dhumides.\x - \xo 1:21 \xo*\xt Efe 4:17-18\xt*\x* 
\v 22 Istti bana, «Era» gizayta gidikkoka eeyata gidida. 
\v 23 Mernaa Xoossa bonchcho hayqqiza asaninne kafotan; mehetaninne biitta bolla gooshettiza medheteththatan misatissidi laammida.\x - \xo 1:23 \xo*\xt Zaare 4:16-18\xt*\x*
\p
\v 24 Hessa gishshas Xoossi istta ba giddon issoy issaara barkka ba asateththaan tuna ooso ooththana mala geeshshateththi baynda laymateththas aaththi immides. 
\v 25 Istti Xoossa tumateth wordon laammida; medhdhida Xoossaa aggidi medheteththas goynnidanne isttas ooththida; medhdhida Xoossi izi mernaas galatettidayssa. Amiin.
\p
\v 26 Hessa gaason Xoossi istta yeellachchiza amoteththas aaththi immides; istta maccassati kase losettida gaytoteththa wogaa losey baynda wogan laammida. 
\v 27 Hessaththoka attuma asay baas bessiza maccassatara zin7anayssa aggidi addey addera zin7anaas amon xuugettidi maccassatara zin7iza mala addey addera zin7idi pala miish ooththida; heytantti barkka ba ooththida iita oosozas bessiza qixaate ba bolla ehida.
\p
\v 28 Qasseka istti ba qofara Xoos eroy nuna maaddenna gida gishshas istti ooththanaas bessonttayssa ooththana mala Xoossi istta go7ontta qofas aaththi immides. 
\v 29 Ubba baggara makkallanne iitateth, yiiqenne iita ooson xalala kumida; qanaateteththan, shemppo wodhon, ooshshan, baleththoninne genen kumidayta qasseka zigirzayta gidida. 
\v 30 Asa sunth moorizayta, Xoos ixxizayta, as cayizayta, otoranchchatanne ceeqettizayta gidida, ubba wode iita ooththanaas oge koyzayta, bana yelidaytas azazettonttayta, 
\v 31 yuushshi qopponttayta, gida qaala zaari laallizayta, asas mishettonttayta; menxe iitata. 
\v 32 «Hessa ooththizayti wurikka hayqqanaas bessees» giza Xoossa wogaa istti erishe heytantta baas ooso xalala gidontta hessaththo ooththizaytakka minththeththeettes.
\c 2
\s1 Xoossa Pirda
\p
\v 1 Hessa gishshas nenoo hara bolla pirdizaysso neni ta hanni gaason ooththadis giza gaasoykka nees deenna; ne hara asa bolla pirdizayssan nerkka nees kunane ekkaasa; gaasoykka hara asa bolla ne pirdizayssa nekka zaarada iza ooththiza gishshassa.\x - \xo 2:1 \xo*\xt Mato 7:1; Luqa 6:37\xt*\x* 
\v 2 Hayta malaata ooththiza asata bolla Xoossa pirday likke gididayssa nu eroos. 
\v 3 Hessa gishshas ne asa bolla pirdashe he ne pirdizayssa zaara ooththizaade gidikko ne Xoossa pirdafe kessa ekka attana nees misatizee? 
\v 4 Woykko Xoossa kiyateththi nena maaroteththaako kaaleththizayssa shaakka erontta dashe iza gita kiyateththaanne iza dandaya dureteththaa ne leqqay?
\p
\v 5 Gido attiin neni ne wozina muumeteththaninne maaroteth koyontta ne wozina gaason Xoossaa tuma pirday qoncciza wode Xoossa hanqo gallassas ne bolla daro hanqo shiishshaasa. 
\v 6 Xoossi issaas issaas iza ooso mala immana.\x - \xo 2:6 \xo*\xt Maza 62:12; Leemi 24:12\xt*\x* 
\v 7 Lo7o ooso aggontta ooththidi bonchcho sabanne mernaa de7o koyzaytas mernaa de7o immana. 
\v 8 Gido attiin barkka bana dosizaytassinne tumaa aggaagidi iita kaallizayta bolla pirdaynne hanqoy gakkana. 
\v 9 Iita ooththiza ay asa bollaka koyro Ayhuda asa bolla, kaallidi Ayzaabeta bolla waayeynne metoy gakkana. 
\v 10 Gidikkoka lo7o ooththizaades oonaska Ayhuda asas gidiin Ayzaabetas sabay, saroteththinne bonchchoy gidana. 
\v 11 Xoossi oonakka shaakki maaddenna.\x - \xo 2:11 \xo*\xt Zaare 10:17\xt*\x*
\p
\v 12 Kase wogay eqqontta wode nagara ooththida asay wurikka wogay baynda dhayana; wogay eqqi simmiin nagara ooththidayti wogan oykettidi pirdettana. 
\v 13 Ays giikko Xoossa achchan xillo geetettizayti eqqida wogaas azazettizaytappe attiin wogaa sis siyizayta xalla gidettenna. 
\v 14 Wogay baynda Ayzaabeti wogay yootizayssa coo mela hanoteththafe eridi ooththishin isttas wogay baynda aggikokka isttas medheteththa wogay diza gishshas istti ba ooththanayssa ereettes. 
\v 15 Istta wozinay isttas markkattiza gishshassinne istta qofay istta mootiza gishshas qasseka istta maaddiza gishshas wogay yootizay istta wozinan xaafettidayssa ereettes. 
\v 16 Hessika ta Mishiraachcho qaalan tamaarsiza mala Xoossi asa wozinan qotettidayssa Kirstoosa baggara pirdiza gallassan qonccisana.
\s1 Ayhudatanne Istta Wogaa
\p
\v 17 Ne nena Ayhuda as giikko wogan ammanettaasanne nees Xoossara diza issifeteththaan ceeqettaasa. 
\v 18 Wogaa kaalliza gishshas Xoossa shene erada kumeth gidizaaz shaakka eridaa gidikko, 
\v 19 ne qooqeta kaaleththizaade; dhuman dizaytas poo7o gididayssa ne ammanettidaade gidikko 
\v 20 wogaappe ne demmida erateththaninne tumateththan hankko eronttayta zorizaade, guuththa nayta tamaarsizaade gidikko, 
\v 21 neni harata tamaarso aggada ne hu7es aazas tamaarkkii? Neni hara as kaysotoppa ga sabbakashe nees kaysotay? 
\v 22 Neni hara asi laymatontta mala yootashe nees laymatay? Nees eeqa ixxaasa shin Xoossa Keeththa miishshaa bonqqay? 
\v 23 Neni wogaan ceeqettaasa shin wogaa ne baggara ooththontta aggada Xoossa kawushshay? 
\v 24 Hessika, «Intte gaason Xoossa sunththi Ayzaabeta achchan cayettees» geetetti xaafettida mala hanides.\x - \xo 2:24 \xo*\xt Isa 52:5\xt*\x*
\p
\v 25 Ne wogaa naaga polizaade gidikko qaxxaras go7ay dees; ne wogaa ooththonttaade gidikko qasse ne qaxxaray coo hada. 
\v 26 Qaxxarettontta dishe wogay gizayssa polikko qaxxarettidaadera gina qoodettennee? 
\v 27 Nees xaafettida wogaynne qaxxaray nees diikko diza wogaa ne naagonttaade gidikko hankko qaxxarettontta dishe wogaas azazettiday ne bolla pirdana.
\p
\v 28 Issaadey coo mela sunththas asa ayfen ta Ayhuda as gidana giikko izi Ayhuda as gidenna; tumappe qaxxereteththi coo karera asho ayfen beettiza qaxxara gidenna. 
\v 29 Gidikkoka issi asi Ayhuda as gidanaas dandayzay izas gaaththa baggay Ayhuda as gidishinna. Qaxxaraykka qaxxara gidizay xaafettida woga xalala gidontta Ayanan wozinappe gidida qaxxara gidikkoko! Hessa mala asi galata asappe gidontta Xoossafe demmees.\x - \xo 2:29 \xo*\xt Zaare 30:6\xt*\x*
\c 3
\p
\v 1 Histtiko Ayhuda as gideththas aaza go7ay dizee? Qaxxaray ay go7izee? 
\v 2 Awarakka gidiin go7ay daro; harappe koyro Xoossa qaalay hadara Ayhudatas imettides. 
\v 3 Isttafe issotas issotas ammanoy baynda aggiko Xoossan ammaneteth diggizee? 
\v 4 Mulekka diggenna! Asi wurikka wordanchcha,
\q1 «Neni ne qaalaappe
\q2 dendidayssan tumanchcha;
\q2 ne morkke pirdankka xoonaasa»
\q2 geetetti xaafettida mala
\q2 Xoossi qasse tumanchcha.\x - \xo 3:4 \xo*\xt Maza 51:4\xt*\x*
\p
\v 5 Nu makkalla oosoy Xoossa xilloteth qonccen bessizayssa gidikko histtiin nu ay gaanee? Coo asa woga mala palamettanaas Xoossi ba hanqo nu bolla ehizayssi nuus bessenna gaaneyee? Hessaka ta gizay asaththo qofanna. 
\v 6 Tumappe hessaththo hanenna; hessaththo hanizaa gidikko Xoossi alame bolla wostti pirdandee?
\p
\v 7 «Ta wordoteththi Xoossa tumateth qonccisizayssan iza bonchcho gede gujjizaa gidikko histtiin ha7i gakkanaas wostti ta bolla nagaranchcha mala pirdettizee?» giidi palamettana asi daana dandayees. 
\v 8 Hessa guussi, «Lo7oy yaana mala ane iita ooththoos» geettes giidi issi issi asati nu bolla woresizayssa mala. Hayta asata bolla gakkiza pirday tumu pirda.
\s1 Asi Wuri Nagaranchcha
\p
\v 9 Histtiin nu ay giinoo? Nuni isttafe aadhdhizonii? Mulekka aadhdhoko. Ayhudata gidikkoka, Ayzaabeta gidikkoka wurikka nagarappe garsa baggara diza gishshas ta wursaka kasetada isttas yootadis.
\q1
\v 10 «Xilloy oonikka deenna;
\q2 issaadeyka deenna.
\q1
\v 11 Yuushshi qoppizaadey baa;
\q2 Xoos koyzay issaadeyka baa.
\q1
\v 12 Wurikka balettidanne
\q2 issi bolla go7onttayta gidida.
\q2 Lo7o ooththizay oonikka baa;
\q2 issaadeyka deenna.
\q1
\v 13 Istta doonay doya diza duufo mala;
\q2 istta doonay ubba wode
\q2 baleththo haasayees;
\q2 istta metershay
\q2 shooshsha marzera dees.\x - \xo 3:13 \xo*\xt Maza 5:9; 140:3\xt*\x*
\q1
\v 14 Istta doonan qanggeththinne
\q2 camo miishshi kumides.\x - \xo 3:14 \xo*\xt Maza 10:7\xt*\x*
\q1
\v 15 Istta tohoy
\q2 suuth gussanaas eesotees.
\q1
\v 16 Istta ogen dhayoynne
\q2 laafateththi dees.
\q1
\v 17 Istti saroteththa oge erettenna.
\q1
\v 18 Istta ayfeson Xoossas yashshateththi baa»
\m geetetti xaafettida mala.\x - \xo 3:18 \xo*\xt Maza 36:1\xt*\x*
\p
\v 19 Hessa gishshas doonay wurikka gordettana mala derey kumeth Xoossas zaaro immana mala wogay gizay wurikka wogappe giddora dizaytas gididayssa nu eroos. 
\v 20 Hessa gishshas wogay nagaray aazakko erisees attiin wogaa naagon oonikka iza achchan xillo geetettanaas dandayenna.
\s1 Ammanon Beettiza Xilloteth
\p
\v 21 Ha7i qasse kase nabeti izas markkattidayssi wogaappe karera gidida Xoossa xilloteththi qonccides. 
\v 22 Hessi Xoossa xilloteththi Yesus Kirstoosa ammanon dummateththi baynda beettiza xilloteththa.\x - \xo 3:22 \xo*\xt Gala 2:16\xt*\x*
\p
\v 23 Gaasoykka asi wurikka nagara ooththides; Xoossa bonchchoyka asa naas paccides. 
\v 24 Asay Yesus Kirstoosi asa naa gishshas ooththida kiyateththafe dendidayssan coo mela xillides. 
\v 25 Iza suuththan gidida ammanon nagarappe maarettana yarsho histtidi Xoossi Yesusa shiishshides; izi hessa ooththiday kasetidi polettida nagara qaxxayontta dandayan aadhdhida ba xilloteth bessanaassa. 
\v 26 Izi hessa ha wodezan ooththiday ba xilloteththaa; hessika ba baggara xillo gidida Yesus Kirstoosan ammanizaade xillisizayssa bessanaassa.
\p
\v 27 Histtiin nuni izan ceeqettiza miishshi aazi dizee? Aykko miishshankka ceeqettoko; nu ceeqettana gaasoykka aazee? Wogaa naagiza gishee? Gidenna; ammanonna. 
\v 28 Ay asikka ammanon attiin wogaa naagon attonttayssa nu geeshshi yootoos.
\p
\v 29 Xoossi Ayhudatas xallaa? Ayzaabetaska Xoos gidennee? Ee Ayzaabetaska izi Xoossa. 
\v 30 Qaxxarettidayssa ammanon qasse qaxxarettonttayssaka he ammanonkka xillisizaykka izi issi Xoossaa xalla.\x - \xo 3:30 \xo*\xt Zaare 6:4; Gala 3:20\xt*\x* 
\v 31 Histtiin hessi hessa gidikko ammano gaason wogaa go7ay baynda miish ooththinoo? Mulekka hessaththo hanenna; Wogaa nu minththana attiin.
\c 4
\s1 Ammanon Abrahaame Xilleteth
\p
\v 1 Hessa gishshas qasse nu Abrahaamey hayssafe ay go7a demmides giinoo? 
\v 2 Abrahaamey ba ooson xillidaakko izi ceeqettanaazi izas deesikoshin; izi Xoossa sinththan ceeqettanaas dandayenna. 
\v 3 Geeshsha Maxaafay, «Abrahaamey Xoos ammanidessinne iza ammanoy izas xilloteththan qoodettides» gees.\x - \xo 4:3 \xo*\xt Medhe 15:6; Gala 3:6\xt*\x*
\p
\v 4 Issaadey ooso ooththiko izi ekkiza miishshay izas coo kiyateth imettizaaz gidontta izaades ooso waaga gidees. 
\v 5 Gido attiin ooso ooththontta nagaranchcha asi xillo kessiza Xoossan ammanizaades iza ammanoy izas xilloteththan taybettees. 
\v 6 Dawitikka xilloteththi izaades qoodettizay lo7o ooson gidontta asa gishshas,
\q1
\v 7 «Isttas istta bala oosoy
\q2 atto geetettidaytinne
\q2 nagarappe maarettidayti
\q2 anjjettidayta!
\q1
\v 8 Iza nagaraa Goday
\q2 mulekka qoodonttaadey
\q2 izi anjjettidayssa!» gides.
\p
\v 9 Ha anjjozi qaxxarettidaytas xalalayee? Woykko qaxxarettonttaytassaraa? «Kase koyro nu aawaa Abrahaame ammanoy izas xilloteththan qoodettides» gidos.
\p
\v 10 Histtiin waani izas hessaththo qoodettidee? Izi qaxxarettidaappe guyee? Woykko qaxxarettanaappe kasee? Izas xilloteththan qoodettiday izi qaxxarettanaappe sinththana. 
\v 11 Izi kase qaxxarettanaappe kase demmida xilloteththay qaxxaras malata gidana mala xilloteththas maatame ekkides. Hessa gishshas qaxxarettontta ammanizaytas xilloteththan qoodettana mala ubbatas izi aawa.\x - \xo 4:11 \xo*\xt Medhe 17:10\xt*\x* 
\v 12 Izi qaxxarettidaytaska aawa; qaxxarettidaytas xalala gidontta nu aawaa Abrahaamey kase qaxxarettanaappe sinththe izas diza ammano geedo kaallizaytas ubbaassa.
\s1 Ammaniza Asas Imettida Ufays
\p
\v 13 Izi alame laattizaade gidana mala Abrahaameynne iza zereththati ufayssa qaala ekkiday woga baggara gidontta ammanon gidida xilloteththana.\x - \xo 4:13\xo*\xt Medhe 17:4-6; 22:17-18; Gala 3:29\xt*\x* 
\v 14 Woga naagizayti laattizayta gidikko ammanos go7ay deenna; hidotaykka coo hada gidanashin; 
\v 15 wogay hanqo kaaleththees; wogay bayndason woga menththoy deenna.
\p
\v 16 Hessa gishshas hidotay ammanon yides; hessika iza hidotay iza kiyateththan gidana malanne Abrahaame zereth ubbaas ammanettizayssa gidana mala hanides; hessika wogan izayta gididaytas xalala gidontta ammanon Abrahaame nayta gididaytas ubbatassa; izikka nuus ubbaasikka aawa.\x - \xo 4:16 \xo*\xt Gala 3:7\xt*\x* 
\v 17 Hessika, «Ta nena daro dere aawa ooththadis» geetetti xaafettida mala hanides; izikka hayqqidaytas de7o immizaaden, bayndayssa qasse diza mala ooththizaaden ammanida Xoossa sinththan izi nuus aawa.\x - \xo 4:17 \xo*\xt Medhe 17:5\xt*\x*
\p
\v 18 Kase izas, «Ne zereththi hessaththo hanana» geetettida mala hidota ooththanaas dandayettontta miishshan Abrahaamey Xoossi hanana gidayssa ammanidi daro dere aawa gidides.\x - \xo 4:18 \xo*\xt Medhe 15:5\xt*\x* 
\v 19 Abrahaames yelettiin 100 layth gidishin Abrahaamey ba asateththay hayqeththa mala gididayssanne Saaras yelo wodey aadhdhi bidayssa erishekka ammanon leppibeenna.\x - \xo 4:19 \xo*\xt Medhe 17:17\xt*\x*
\p
\v 20 Gede gujjidi ammanon minnidi Xoossas bonchcho immides attiin Xoossi gida qaalaa sidhibeenna. 
\v 21 Xoossi izas immida hidotay polettanayssa kumeththa wozinappe ammanides. 
\v 22 Hessa gishshas izas xilloteththan qoodettides. 
\v 23 «Izas xilloteththan qoodettides» giza qaalay xaafettiday izas xalala gidenna. 
\v 24 Gido attiin Xoossi nu xilloteththaa iza baggara taybiza nu Godaa Yesusa hayqoppe denththidayssan ammaniza nuussarakko. 
\v 25 Izi nu nagara gishshas hayqqanaas aadhdhi imettides; izi nuna xillisanaas hayqoppe dendides.\x - \xo 4:25 \xo*\xt Isa 53:4-5\xt*\x*
\c 5
\s1 Saroteththinne Ufays
\p
\v 1 Histtiko nuni ammanon xillida gishshas nu Godaa Yesus Kirstoosa baggara nuus Xoossara saroteththi dees. 
\v 2 Hayssa ha ammanozan minni diza kiyateththan nuni geliday iza baggara gidida gishshas ufayssan Xoossa bonchcho gishetti ekkizayta gidida gishshas nu ufayettoos.
\p
\v 3 Hayssan xalala gidontta nuna gakkiza waayenkka ufayettoos. Gaasoykka waayey dandayan gaththizayssa nu eroos. 
\v 4 Dandayay paacen minoteth immees; paacen minoteththi hidota immees. 
\v 5 He hidotay qasse nuna yeellachchenna. Xoossi nuus immida Xillo Ayanan ba siiqo nu wozinan gussida gishshas he hidotay nuna yeellan gaththenna.
\p
\v 6 Nu daaburanchchata gidi dishin Xoossa wodey gakkida mala Kirstoosi nu nagara gishshas hayqqides. 
\v 7 Xillo asa gishshas hayqqana asi beettanayssi daro metees. Lo7o asa gishshas hayqqanaas xalana asi oonee erizay beettana dandayees. 
\v 8 Gido attiin nu buro nagaranchcha gidi dishin Kirstoosi nu gishshas hayqqides; hessika Xoossi nuna siiqiza ba siiqo hessan bessees.
\p
\v 9 Nuni iza suuththan geeyidayta gidikko harappeka iza baggara Xoossa hanqofe attana. 
\v 10 Nu Xoossas morkketa gidi dishin iza naaza hayqon izara giigidayta gidikko nu izara giigidaappe guye iza naaza de7o baggara nuni paxidayssi waani keehi darennee! 
\v 11 Hessa xalala gidenna; qasseka nuni ha7i izara giiga demmida nu Godaa Yesus Kirstoosa baggara Xoossankka ufays ooththoos.
\s1 Hayqoy Addaame Baggara, De7oy Kirstoosa Baggara Yides
\p
\v 12 Hessa gishshas nagaray issaade gaason duge ha alameza yida mala hayqoykka nagara gaason yides; hayqoykka hessa baggara asa ubbaakko yides; hessas gaasoykka asi wurikka iza baggara nagara ooththida gishshassa.\x - \xo 5:12 \xo*\xt Medhe 3:6\xt*\x* 
\v 13 Wogay imettanaappe kase nagaray biitta bolla dees shin wogay bayndason nagaray nagara gidenna. 
\v 14 Gido attiin Addaameppe haa simmiin Muse wode gakkanaas diza woden Addaame mala woga menththidi nagara ooththonttayta bollaka hayqoy kawotides; Addaamey buro yaana Kirstoosas leemiso.
\p
\v 15 Gidikkoka iza kiyateththa imotay asa qoho mala gidenna; issaadey mooridayssan daro asay hayqqikokka Xoossa kiyateththaninne issi as Yesus Kirstoosa kiyateththan yida imotay darotas keehi dari imettides. 
\v 16-17 Qasseka Xoossa imotay issaade baggara yida nagarappe beettida ayfe mala gidenna; gaasoykka iza pirday issaade nagara kaallidi pirda ekki yides; iza imotay qasse daro qoho gaason xilloteth ehides. Hayqoy issaade baggara kawotidayssa gidikko daro tirpa gidida Xoossa kiyateththinne xilloteththa imota ekkidayti issaade baggara hessika Yesus Kirstoosa baggara xoonidi de7on daana.
\p
\v 18 Histtiko issaade qoho gaason pirday asa ubbaa bolla gakkida mala hessaththoka issaade xilloteththa ooson as ubbaas de7o immiza xilloteththi beettides. 
\v 19 Issaadey azazettontta ixxida gishshas daro asay nagaranchcha gidida mala issaade azazeteththan qasse daroti xillana.
\p
\v 20 Wogay yiin mooroy darides; gido attiin nagaray daroyssafe bollara Xoossa kiyateththi keehi darides. 
\v 21 Hessika haniday nagaray hayqo bolla kawotidayssa mala Yesus Kirstoosa baggara qasse mernaa de7oy beettana mala iza kiyateththi xilloteththan kawotanaassa.
\c 6
\s1 Nagarappe Shaakettidi Kirstoosan Duus
\p
\v 1 Histtiin nu ay giinoo? Xoossa kiyateththi darana mala nagara gujji ooththinoo? 
\v 2 Mulekka gidenna; nuni nagaras hayqqidos; histtiin hayssafe guye nu waani nagaran daanee? 
\v 3 Nuni Yesus Kirstoosara issino gidana mala xammaqettidayti iza hayqon nu issife gidanaas xammaqettidayssa hayssa intte erekketii? 
\v 4 Hessa gishshas Kirstoosi ba Aawaa bonchchon hayqoppe dendida mala nunikka hessaththo ooraththa de7on daanaas xinqatan hayqqidi izara moogettidos.\x - \xo 6:4 \xo*\xt Qola 2:12\xt*\x*
\p
\v 5 Nuni hessa mala hayqon izara issino gidikko qasse denththankka izara issino gidoos. 
\v 6 Hayssafe guye nuni nagaras aylle gidontta mala nagara asateththay kichchana mala kase nu ceega asateththay izara issife kaqettidayssa nu eroos. 
\v 7 Gaasoykka hayqqida asi nagarappe shempides.
\p
\v 8 Nuni Kirstoosara hayqqidayta gidikko nu izara issife daanayssa ammanoos. 
\v 9 Kirstoosi hayqoppe dendida gishshas nam7anththo izi hayqqonttayssanne iza bolla hayqos wolqqay bayndayssa nu eroos. 
\v 10 Izi hayqqida wode issito ubbaa nagara gishshas hayqqides; gido attiin Xoossas paxa duus dees. 
\v 11 Hessaththoka intte nagaras hayqqidi Xoossas Yesus Kirstoosa baggara paxa dizayssa erite.
\p
\v 12 Hessa gishshas iita ooththana koyza iita asho qofa koyidi hayqqida intte asateththaa bolla nagaray kawotana mala ooththofte. 
\v 13 Intte asateththaa iita ooso ooththiza miish ooththi nagaras haarisopite; hessa mala ooththanaappe hayqoppe gede de7on pinnida asata mala inttena Xoossas haarisite; intte asateththaa xilloteththa miishsha mala Xoossas haarisite. 
\v 14 Intte Xoossa kiyateththa garsan deeta attiin woga garsan dontta gishshas inttena nagaray haarenna.
\s1 Xilloteththa Oosanchchata
\p
\v 15 Histtiin ay ooththinoo? Woga garsan gidontta nuni Xoossa kiyateththa garsan diza gishshas nagara ooththinoo? Mulekka ooththanaas bessenna. 
\v 16 Intte inttena aylle mala shiishshiza wode intte azazettizaades aylle gididayssa ereeta; hessaththoka gede hayqokko efiza nagaras woykko xilloteththako gaththiza azazeteththas intte aylle gididayssa erekketii? 
\v 17 Intte kase nagaras aylleta gidikko inttes imettida timirtezas intte wozinappe azazettida gishshas Xoossi galatetto. 
\v 18 Intte nagarappe wozzettidi xilloteththas aylle gidideta.
\p
\v 19 Hayssa tani asa qaalan inttes qonccen yootizay intte yeleteththan daaburanchcha gidida gishshassa. Intte kase wode intte asateththaa aylleteththasinne kaseppe aadhdhi iitana mala ooththi immida mala ha7i qasse geeshshateththaako efiza xilloteththas aylle histti haarisite.
\p
\v 20 Intte kase nagaras aylletidi diza wode intte xilloteththaafe mela attideta shin; 
\v 21 ha7i qasse intte yeellatiza miishshatappe he wode ay go7a demmidetii? Hessa he hanozas go7ay hayqo. 
\v 22 Ha7i qasse intte nagarappe wozzettidi Xoossa aylleta gidideta; hessika inttena geeshshateththaako kaaleththees; wurseththayka mernaa de7o. 
\v 23 Nagara waagay hayqo; gido attiin Xoossa imotay gidikko Godaa Yesus Kirstoosa baggara mernaa de7o.
\c 7
\s1 Ekonne Gelo Leemiso
\p
\v 1 Ta ishatoo! Tani woga eriza asatas yootays; wogay shemppora paxa diza asaa xalala haarizayssa intte erekketii? 
\v 2 Issi maccassi azina gelikko ba azinara iza wogan qashettizay azinay paxa diza wode gakkanaassa; azinay hayqqiko iza machcho gidiza wogaappe anjjettawus. 
\v 3 Gido attiin azinay paxa dishin iza hara azina gelikko layma geetettawus; azinay hayqqiko qasse hara as gelikko kase azinaa wogaappe anjjettadus attiin, «Layma» geetettuku.
\p
\v 4 Hessa gishshas ta ishatoo! Intteka Yesus Kirstoosa asateththa baggara wogas hayqqideta; intte hayqoppe dendida Kirstoosa bagga gidiin nuni Xoossas ayfe ayfanaassa. 
\v 5 Nagaranchcha medheteththa shenen nu diza wode hayqos gaththiza ayfe nu ayfana mala wogay denththeththida nagara amoy nu bolla ooththides. 
\v 6 Ha7i gidikko kase nuna waaxi qachchida wogaas hayqqida gishshas he wogaappe wozzettidos; hessika kase ceega wogaan xaafettidayssan gidontta dishe ooraththa Ayana ogen nuni ooththanaassa.
\s1 Nagarara Baaxeteth
\p
\v 7 Histtiin nu ay giinoo? Ba hu7es wogay nagaraa? Mulekka gidenna. Woga baggara gidonttaakko nagaray aazakko nu erokko shin; wogay «Amottofa!» gonttaako amoy aazakko tumappe ta erikke.\x - \xo 7:7 \xo*\xt Kessa 20:17; Zaare 5:21\xt*\x* 
\v 8 Nagaray qasse wogappe kezida azazoy bessida ogen go7ettidi ta giddon dumma dumma iita amo denththeththides; wogay yaanaappe kase nagaray hayqqidaaza.
\p
\v 9 Wogay baynda kase tani paxa dayssishin wogay yiin qasse nagaray paxa gidides; ta gidikko hayqqadis. 
\v 10 As ashshana qofettida azazoykka hayqo ekki yidayssa eradis. 
\v 11 Nagaray woga baggara beettida gaason go7ettidi tana baleththidessinne azazon wodhides.\x - \xo 7:11 \xo*\xt Medhe 3:13\xt*\x*
\p
\v 12 Hessa gishshas wogay ba baggara geeshsha; azazoykka geeshsha; xillonne lo7o. 
\v 13 Gido attiin lo7os hanidayssi taas hayqos gididee? Mulekka gidenna; gido attiin nagaray ba nagarateththan erettana mala lo7o gidida hano baggara ta bolla hayqo ehides; hessika nagaray azazo baggara kaseppe aaththi nagara darssides.
\p
\v 14 Wogay Ayana yo7o gididayssa nu eroos; ta qasse nagaras aylle mala bayzettida asa. 
\v 15 Tani ta ooththizayssa erikke; ta ooththana koyzayssa ooththa erikke shin ta ixxiza miish ooththays.\x - \xo 7:15 \xo*\xt Gala 5:17\xt*\x* 
\v 16 Ta ooththana koyontta miish ooththizaa gidikko wogay lo7o gididayssa ta markkattays. 
\v 17 Hessa ooththizay tana gidontta ta gaaththan diza nagaray ooththees.
\p
\v 18 Tanan hessika nagaranchcha gidida ta medheteththa giddon aykko lo7o miishshi bayndayssa ta erays; lo7o ooththanaas taas amoteththi dees shin pola ooththa erikke. 
\v 19 Ta ooththizay ooththana gaada koyza lo7o ooso gidenna; gido attiin ta ooththana koyontta iita ooso ooththays. 
\v 20 Tani ooththanaas koyonttayssa ooththizaa gidikko hessa ooththizay tana gidontta ta giddon diza nagara.
\p
\v 21 Hessa gishshas hayssi wogay ooson dizayssi taas gelides. Hessika tani lo7o ooththana koyaysishin iita ooththays. 
\v 22 Tani ta gaaththara Xoossa wogaan ufayettays. 
\v 23 Gido attiin ta asateththa giddon ooththiza nagara wogay tana qachchi oykkidi ta qofa wogaara olettiza hara wogay ta asateththa giddon ooththishin beyays. 
\v 24 Ta ay mala laafa asee! Hayssa hayqos imettida asateththafe tana ashshanay oonee? 
\v 25 Nu Godaa Yesus Kirstoosa baggara galatay Xoossas gido.
\p Histtiko tani ta baggara ta qofan Xoossa wogaas aylle gidashe tani ta medheteththa wogan nagara wogas aylle.
\c 8
\s1 Xillo Ayanan Duussa Gishshassinne Ashon Duussa Gishshas
\p
\v 1 Hessa gishshas Yesus Kirstoosa ammanizayta bolla pirday deenna. 
\v 2 Gaasoykka de7o Ayana wogay Yesus Kirstoosa baggara nagarappe istta geeshshida gishshassa. 
\v 3 Nagaranchcha ashoppe dendidayssan wogay polanaas dandayonttayssa Xoossi ba naaza nagaranchcha asa leemison nagaras yarshettana mala yeddidi polides; histtidi nagara iza ashon pirdides. 
\v 4 Hessika nuni ashon gidontta Ayanan simerettiza nuuppe wogay koyza xilloteththaa polanaassa.
\p
\v 5 Asho shene mala daana koyza asata wozinay ashoy koyza miishshan shempees; Ayana shene mala dizayti qasse ba wozina Ayanay koyza miishsha bolla woththeettes. 
\v 6 Ashos xalla qofay hayqo gidishin Ayana yo7os qofay gidikko de7onne saroteththa. 
\v 7 Nagaras haarettiza wozinay Xoossara ooshsha; gaasoykka izi Xoossa wogas haarettennanne haarettanaas dandayenna. 
\v 8 Asho shene mala diza asatikka Xoos ufayssanaas dandayettenna.
\p
\v 9 Intte qasse Xoossa Ayanay inttenan dizaa gidikko ashon gidontta Ayanan deeta; Kirstoosa Ayanay iza bolla bayndaadey Kirstoosas gidenna. 
\v 10 Kirstoosi intte giddon diikko qasse intte asateththay nagara gaason hayqeth gidikkoka intte Ayanay qasse xilloteththa gaason de7on dees. 
\v 11 Yesusa hayqoppe denththida iza Ayanay intte bolla dizaa gidikko Kirstoosa hayqoppe denththidayssi intte giddon diza iza ayanay hayqqanaas diza intte asateththas de7o immana.\x - \xo 8:11 \xo*\xt 1Qoro 3:16\xt*\x*
\p
\v 12 Hessa gishshas ta ishatoo! Hessika hananay dosan gidennashin nuni asho shene mala daanaas ashos gidokko. 
\v 13 Asho shene mala dizaa gidikko intte hayqqana; asho ooso iitaza intte Ayanan wodhikko intte de7on daana. 
\v 14 Xoossa Ayanan kaallizayti istti Xoossa nayta. 
\v 15 Intte ekkida Ayanay zaaridi inttena aylleteththan haariza ayana gidontta «Nu Aawawu» gi xeygisiza naateteththa Ayana ekkideta.\x - \xo 8:15 \xo*\xt Mar 14:36; Gala 4:6\xt*\x* 
\v 16 Nuni Xoossa nayta gididayssa he Ayanay ba baggara nu ayanara issife nuus markkattees. 
\v 17 Nuni Xoossa nayta gidikko iza laattizayta. Nu Kirstoosa bonchchoza laattizayta gidana mala addafekka izara iza metoza gishettizayta gidikko nu Xoos laattizayta; Kirstoosarakka issife laattizayta.
\s1 Buro Yaana Bonchcho
\p
\v 18 Ha7i nu ekkiza waayey buro nuus sinththan giigi uttida bonchchozara gaththi xeellishin aykkoka gidenna gays. 
\v 19 Medheteththi wurikka Xoossa nayti qonccanayssa laamoteththan naagon dees. 
\v 20 Medheteththi wurikka mela hada gidana mala pirdettides; hessika ba dooron gidontta sinththafes haarettana mala izi ba shene mala haarisida gishshassa.\x - \xo 8:20 \xo*\xt Medhe 3:17-19\xt*\x* 
\v 21 Hessika medheteththi wurikka dhayssa aylleteththafe wozzettidi Xoossa naytas gidida bonchchettida shene mala dizaso gakkanaassa. 
\v 22 Ha7i gakkanaas medheteththi wurikka daro waayen miixattishe dizayssa nu eroos. 
\v 23 Iza xalala gidontta koyro Xillo Ayana imota demmida nunikka nu asateththay attana; nu iza naa gidanayssaka laamotishenne wozinara miixattishe doos.\x - \xo 8:23 \xo*\xt 2Qoro 5:2-4\xt*\x* 
\v 24 Hayssa ha hidotan xalla attidos; hidotay ayfen beettiza miish gidikko buroppe naagana koshshenna; ha7i ba ayfen be7iza miishshi buroppes naagizay oonee? 
\v 25 Gido attiin nuni buro nu ayfen be7ontta miish hidotan naagizaaz gidikko saletay baynda naagoos.
\p
\v 26 Hessaththoka qasse nu daaburshin Ayanay nuna maaddees; nuni woosa wostti woossanaakko erontta gishshas Ayanay nuni qaalan qonccisanaas dandayettontta qaalara nuus woossees. 
\v 27 Nu wozina paacci eriza Ayanay izi Ayana qofaa erees; gaasoykka Ayanay Xoossa shene mala ammaniza asaas nuus woossees.
\p
\v 28 Xoossi bana dosizaytassinne iza shene mala xeygettidaytas ubbaas ooththiza miish ubbaaka lo7os ooththizayssa nu eroos. 
\v 29 Xoossi kaseppe ba erizayta istti iza naaza misatana mala kasekka doori woththides; hessika daro ba ishata giddofe izi bayra gidanaassa. 
\v 30 Kase koyroppe ba dooridayta istta xeygides; qasseka xeygidayta xillisides; ba xillisidaytakka bonchchides.
\s1 Xoossa Siiqo
\p
\v 31 Histtiin hessa nu ay giinoo? Xoossi nunara gidikko nunara eqettanaas dandayzay oonee? 
\v 32 Ba naazas mishettontta nu gishshas aaththi immiday iza; histtiin ubba miish nuus izara kiyateththan wursi aazas immennee? 
\v 33 Xoossi dooridayta mootizay oonee? Xillisizay Xoossa. 
\v 34 Histtiin pirdizay oonee? Hayqqidi hayqoppe dendidi Xoossa ushachchan uttida Yesus Kirstoosi nu gishshas gaannatees.
\p
\v 35 Nuna Kirstoosa siiqoppe shaakkanay oonee? Metoyee? Waayee? Woykko goodeteththee? Woykko gafaa? Woykko kalloteththee? Woykko qoppontta gakkiza metoyee? Mashshaa? 
\v 36 Hessika kase, «Ne gishshas nu shukettiza dorsa mala qoodettidos; gallas kumeth ne gishshas nuni hayqora baaxetana» geetetti xaafettidayssa mala. 
\v 37 Nuna aazikka izappe shaakkenna; hayssa ubbaan nuna siiqidayssan xoonizaytappeka nu aadhdhoos.
\p
\v 38 Hessa gishshas hayqo gidiin, de7o gidiin, kiitanchchata gidiin, woykko ha7i diza miish gidiin, buro yaana miish gidiin, woykko ay wolqqama gidiin, 
\v 39 dhoqqa gidiin woykko ziqqa gidiin, woykko ay medheteth gidiin Godaa Yesus Kirstoosa baggara nuus diza Xoossa siiqoppe nuna shaakkana dandayza miishshi bayndayssa ta shaakka eradis.
\c 9
\s1 Xoossa Dooro
\p
\v 1 Ta Yesusa sunththan tumu gays; wordotikke; ta wozinaykka Xillo Ayana baggara taas markkattees. 
\v 2 Taas wozinappe kichchontta gita qofaynne mishay dees. 
\v 3 Ta dabbota gishshas ta qanggetadanne Kirstoosappe shaaketta wora wodhdhidaakko dosays. 
\v 4 Isttika Isra7eele nayta; istti Xoossa naa gidana mala Xoossa bonchchoynne caaqo qaalay, wogaynne Xoossa Keeththa woga hidotay isttas imettides.\x - \xo 9:4 \xo*\xt Kessa 4:22\xt*\x* 
\v 5 Kase Aawatikka istta bagga; Kirstoosi istta zereththa zarkken qoodettees; izikka ubbaafe bolla gidida mernaas galatettida Xoossaa. Amiin.
\p
\v 6 Gido attiin hessa guussi Xoossa qaalay attides guus gidenna; Isra7eeleppe yelettiday wuri Isra7eele as gidenna. 
\v 7 Abrahaameppe yelettidayti izappe yelettida gishshas wurikka iza nayta gidettennashin, «Ne zereththi Yisaaqa baggara xeygettana» geetettida mala hanides.\x - \xo 9:7 \xo*\xt Medhe 21:12\xt*\x* 
\v 8 Hessa guussika Xoossa naa geetettidayti istti ashon yelidayta gidettenna; gido attiin naa gidanayti hidota qaalaan yootetti uttidayta. 
\v 9 «Yiza layth hanni wode ta haa simmana; Saaraykka nees attuma naa yelana» geetettidi izas hidota qaalay imettides.\x - \xo 9:9 \xo*\xt Medhe 18:10\xt*\x*
\p
\v 10 Hessa xalalakka gidenna; Irbiqa nayti issaade naakko! Izikka nu aawaa Yisaaqa. 
\v 11 Mentteti yelettidi buro iita woykko lo7o ooththontta dishin Xoossa qofay minnana mala, 
\v 12 ooson gidontta xeygidayssafe gidida gishshas, «Bayray kaalozas haarettana» geetettidi Irbiqas yootettides.\x - \xo 9:12 \xo*\xt Medhe 25:23\xt*\x* 
\v 13 Hessika, «Ta Yaaqoobe dosadis; Eesawe ixxadis» geetetti kase xaafettida mala hanides.\x - \xo 9:13 \xo*\xt Mil 1:2-3\xt*\x* 
\v 14 Histtiin nu ha7i ay giinoo? Xoossi bessontta ogera maaddi erizee? Mulekka maaddi erenna. 
\v 15 Xoossi Muses, «Ta maarana koyidaade maarana; ta mishettana koyidaadeska mishettana» gees.\x - \xo 9:15 \xo*\xt Kessa 33:19\xt*\x* 
\v 16 Hessa gishshas asi koyida mala gidontta woykko asa daaburan gidontta Xoossi maarida mala hanees.
\p
\v 17 Geeshsha Maxaafay Paaroone, «Ta wolqqay ne bolla beettana malanne ta sunththi biitta ubbaa bolla yootettana mala ta nena hayssas denththadis» gees.\x - \xo 9:17 \xo*\xt Kessa 9:16\xt*\x* 
\v 18 Hessa gishshas Xoossi maarana koyzaade maarees; iza wozina muumisana koyzaade wozina muumisees. 
\v 19 Inttefe issaadey, «Histtiin hanoy hessa mala gidikko nuna hanno gakkanaas aazas waayisizee? Gaasoykka iza shene diggana dandayzay oonee?» gaada ne oychchontta aggaka.
\p
\v 20 Gido attiin Xoossas zaaro imos ne oonee? «Oosettida miish zaaridi ooththidayssa ne tana aazas hayssaththo ooththadii?» gi erizee?\x - \xo 9:20 \xo*\xt Isa 29:16; 45:9\xt*\x* 
\v 21 Urqqa medhdhizaadey he urqqaafe baggaa bonchchos, baggaa qasse coo hiraysso oosos medhdhanaas iza shene gidennee?
\p
\v 22 Xoossika ba hanqo bessanaassinne ba wolqqa erisanaas koyidi iza hanqo qonccisizayta, dhayanaas giigettidayta dhayssontta aggikochchi! 
\v 23 Koyro bonchchos giigsida iza maaroteth bessizaytas iza bonchcho dureteththi erettana mala izi ooththanaassa. 
\v 24 Xeygidaadey Ayhudata baggafe xalala gidontta Ayzaabeta baggafe gidida nunakka ashshontta xeygides.
\p
\v 25 Hose7e maxaafan, «Ta dere gidonttayta tani,
\q2 ‹Ta dereta› ga xeygana;
\q2 tani istta dosettonttayta,
\q2 ‹Dosettidayta› ga xeygana.\x - \xo 9:25 \xo*\xt Hose 2:23\xt*\x*
\q1
\v 26 Qasseka, ‹Intte ta dere deekketa›
\q2 geetetti yootettidason,
\q2 ‹Istti de7o Xoossa nayta›
\q2 geetetti xeygettana.»\x - \xo 9:26 \xo*\xt Hose 1:10\xt*\x*
\p
\v 27 Isayaasikka Isra7eele nayta gishshas,
\q2 «Isra7eele nayta qooday
\q2 abba ace mala darikkoka
\q2 guuththati xalala attana.
\q2
\v 28 Goday ba pirdaa biitta bolla
\q2 elle pirdana» gi yootides.
\q1
\v 29 Hessika, «Wogga Goday
\q2 nuus zereth ashshonttaakko
\q2 nunikka Sodoome
\q2 katamaa malanne
\q2 Gamoora katama mala dhayanashin»
\m geetettidi kase Isayaasa doonan yootidayssa mala hanides.\x - \xo 9:29 \xo*\xt Isa 1:9\xt*\x*
\s1 Isra7eele Naytanne Mishiraachcho Qaala
\p
\v 30 Histtiin nu ay giinoo? Ammanon beettida xilloteth demmanaas Ayzaabey daaburontta demmides. 
\v 31 Gido attiin xilloteththa woga kaalliza Isra7eele nayti demmibeettenna. 
\v 32 Hessi aazas hessaththo hanidee? Istti ammanon gidontta ooson demmana kaallida gishshassa; isttika dhuphe shuchchan dhuphettida. 
\v 33 Hessika,
\q1 «Hekko as dhuphiza shuch
\q2 istta kundisiza zaalla
\q2 Xiyoone bolla
\q2 ta woththana;
\q2 izan ammanizaadey yeellatenna»
\m geetettidi kase Geeshsha Maxaafan xaafettidayssa mala hanides.
\c 10
\p
\v 1 Ta ishatoo! Isra7eele nayta gishshas ta amoynne ta Xoos woossizay istti dhayontta attanaassa. 
\v 2 Istti Xoossa yo7os mishettizayta gididayssa ta istta gishshas markkattana dandayays; istta misheteththi gidikko erateththan gidenna. 
\v 3 Xoossi as xillisiza oge erontta aggidi ba xilloteththa oge kaallida attiin Xoossa xilloteththa oge kaallibeettenna. 
\v 4 Ammaniza asaa ubbaa xillisanaas Kirstoosi woga ubbaa polides.
\p
\v 5 Musey woga baggara beettiza xilloteththaa gishshas erisishe, «Hayta wogata poli ooththizaadey ha wogatan daana» gizayssa.\x - \xo 10:5 \xo*\xt Lewe 18:5\xt*\x* 
\v 6 Ammanon beettiza xilloteththi qasse, «Ne wozinara pude salo oonee kezanay? gooppa;» hessaththo guussi Kirstoosa saloppe duge haa woththana guussa. 
\v 7 Woykko, « ‹Duge ciimman oonee wodhdhanay?› Gooppa!» hessika Kirstoosa hayqoppe buro denththana guussa.
\p
\v 8 Gido attiin qaalay ay gizee? «Qaalay ne achchan dees.» Ne doonaninne ne wozinan dees, nuni ammano gishshas sabbakiza qaalay hayssa.
\p
\v 9 Neni ne doonara, «Yesusi Godaa» gaada markkattiko Xoossi iza hayqoppe denththidayssa ne wozinan ne ammanikko attana. 
\v 10 Neni xillanay wozinan ammanikko; ne attanay ne doonara markkattiina. 
\v 11 Geeshsha Maxaafay giza mala, «Izan ammanizay wurikka yeellatenna.»\x - \xo 10:11 \xo*\xt Isa 28:16\xt*\x* 
\v 12 Ayhudata giddoninne Ayzaabeta giddon dummateththi deenna; issi Goday ubbaasikka Godaa; iza woossizayta gujji anjjees. 
\v 13 «Godaa sunth xeygizayti wurikka attana» geetetti Geeshsha Maxaafan xaafettides.
\p
\v 14 Histtiin iza ammanonttayti iza wozgi xeyganee? Qasse iza gishshas siyontta dishe wostti ammananee? Sabaakey baynda dishin wostti siyanee? 
\v 15 Kiitettontta wostti sabbakandettoo? Hessika, «Mishiraachcho qaala ekki yizayta yuussi ay mala lo7oo!» geetetti Geeshsha Maxaafan xaafettida mala hanides.\x - \xo 10:15 \xo*\xt Isa 52:7\xt*\x* 
\v 16 Gido attiin siyidayti wurikka Mishiraachcho qaalaa ekkibeettenna; Isayaasi, «Godoo! Nu yootidayssa ooni ammanidee?» gida mala hanides.\x - \xo 10:16 \xo*\xt Isa 53:1\xt*\x*
\p
\v 17 Hessa gishshas ammanoy beettizay yootiza qaala siyeththana; yootettiza qaalaykka Kirstoosa gishshas yootiza qaalaappe.
\p
\v 18 Gido attiin asay siyibeenneeshaa? gaada ta oychchays; tumappe asay siyides; Geeshsha Maxaafan xaafettida mala,
\q1 «Istta qaalay biitta ubbaaninne
\q2 alame gaxa gakkanaas siyettdes.»\x - \xo 10:18 \xo*\xt Maza 19:4\xt*\x*
\p
\v 19 Ta qasseka oychchays; Isra7eele nayti qaalaa eribeetteneeshaa? Koyro Musey isttas,
\q1 «Ta dere gidonttaytan
\q2 ta istta amosana;
\q2 yuushshi qoppontta deretan
\q2 ta istta yiillochchana» gides.\x - \xo 10:19 \xo*\xt Zaare 32:21\xt*\x*
\p
\v 20 Isayaasikka xalateththan,
\q1 «Tana koyonttaytas ta beettadis;
\q2 tana oychchonttaytas
\q2 tana qonccisadis» gides.\x - \xo 10:20 \xo*\xt Isa 65:1\xt*\x*
\p
\v 21 Isra7eele gishshas qasse,
\q1 «Taas azazettontta derekkonne
\q2 taas eeno gontta derekko
\q2 kumeththa gallas
\q2 ta kushe miccadis» gees.\x - \xo 10:21 \xo*\xt Isa 65:2\xt*\x*
\c 11
\s1 Xoossi Isra7eele Asa Mule Yeggi Aggibeenna
\p
\v 1 Histtiin Xoossi ba dereta yeggi aggidee? Gaada ta oychchays; mulekka aggibeenna; tanikka ta baggara Biniyaame zarkke, Abrahaame zereth gidida Isra7eele asa.\x - \xo 11:1 \xo*\xt Pili 3:5\xt*\x* 
\v 2 Xoossi koyroppe ba erida dereza yeggibeenna; Eelaasi Isra7eele nayta bolla mooto Xoossaako wostti shiishshidaakko Geeshsha Maxaafay iza gishshas ay gizaakko intte erekketii? 
\v 3 «Godoo! Istti ne nabeta wodhida; nees yarshizasohotakka laallida; qasse tani tarkka attadis; tanakka wodhana geettes» gides.\x - \xo 11:3 \xo*\xt 1Kawo 19:10,14\xt*\x*
\p
\v 4 Xoossi izas, «Ba7aale geetettiza Eeqas goynnonttayta laappun shii as tani taas ashshadis» gi zaarides\x - \xo 11:4 \xo*\xt 1Kawo 19:18\xt*\x* 
\v 5 Hessa malakka ha7i ha wodezankka Xoossa kiyateththan Isra7eele asaappe dooretti attida guuththati deettes. 
\v 6 Histtiin hessi Xoossa kiyateththan attiin asa ooson gidenna; asa ooson gididaakko Xoossa kiyateththi kiyateth gidenna.
\p
\v 7 Histtiin ay gaanee? Isra7eele nayti lo7eththi koyidayssa demmibeettenna; Xoossan doorettidayti gidikko demmida; hankko attidayta wozinay muumides. 
\v 8 Kase, «Istta ayfey xeellontta mala, istta hayththayka siyontta mala Xoossi hanno gakkanaas isttas doccissiza Ayana immides» geetetti Geeshsha Maxaafan xaafettida mala.\x - \xo 11:8 \xo*\xt Zaare 29:4; Isa 29:10\xt*\x*
\m
\v 9 Dawitikka, «Istta maadday
\q2 istta oykkiza narxanne yarde;
\q2 isttas dhuphizaazinne
\q2 qixaate gido.
\q1
\v 10 Istta ayfey xeellofo; goozetto;
\q2 istta zokkoy
\q2 mernaas kuunno» gides.
\s1 Ayzaabeta Ateth
\p
\v 11 Ane qasse ta zaara oychchays; Isra7eele asay kundeththaafe nam7anththo dendennee? Dendana. Harappeka Isra7eele nayta qanaatissana gishshas istta mooro gaason atoteththi Ayzaabetas gakkides. 
\v 12 Gido attiin qasse istta mooroy Ayzaabetas anjjo gidides. Istta kundeththika qasse Ayzaabetas anjjo gidikko istti simmi attidaakko ay mala gita anjjo gidandeeshin!
\p
\v 13 Ayzaabetoo! Ta inttes yootays; ta Ayzaabetas kiitettidaade gidida gishshas ta oosoza minna polana. 
\v 14 Hessika ta bagga asati amosana mala denththeththada isttafe guuththa asata ashshanaas ufays ooththays. 
\v 15 Xoossi istta aggida Ayzaabeti Xoossara giigikko Xoossi Isra7eele nayta zaaridi ekkiza wode inttes aazi hanana misatizee? Hessa guussi, «Hayqoppe dendides» guussa mala.
\p
\v 16 Koyro bukeesoy lo7o gidikko hankko izappe oosettizayssi wurikka lo7o gidees; hessaththoka issi miththa xaphoy lo7o gidikko hankko iza bolla diza haggatikka lo7o gideettes. 
\v 17 Keeththa matan diza wogara miththa haggata malati intte meqqi wodhdhiin hankko woran diza wogara miththata misatiza Ayzaabeti intte kichchoosan gididi intte haaronne intte anjjo shaakki ekkizaadentta gidikko, 
\v 18 heyta he meqqi wodhdhida haggata bolla otorettofa; intte istta bolla otorettiko qasse hanno wozinan woththite; he miththaa tookkiday nena gidakka; miththay nena tookkides attiin.
\p
\v 19 Histtiko, «He haggati meqqi wodhdhiday nuni istti kichchoosan gelana malassa» gontta aggeketa. 
\v 20 Tumu gidetashin istti meqqiday ammano paceppe dendidayssanna. Intte qasse ammanon eqqideta; babbite attiin otorettofte. 
\v 21 Xoossi koyroppe diza haggatas mishettonttaade gidikko intteska mishettenna.
\p
\v 22 Hessa gishshas Xoossa kiyateththinne iza menxe iitateththaa ane xeella; iza menxe iitateththi kundidayta bolla; iza kiyateththi qasse intte iza qadheteththa garsan diza wode gakkanaas xalala; hessi baynda aggiko intteka qanxxettana. 
\v 23 Istti ammanontta minni eqqidasoppe simmiko kase ba dizaso simmi gelana; Xoossika istta zarsi gelththana dandayees. 
\v 24 Intte bazzo wogara miththafe qanxxetti kase intte medheteththafe gidontta lo7o miththan intte gelana dandaykko koyroppe ba medheteththa haggata gididayti heyti kase iza bolla diza wogara miththaan simmi geloy isttas waani hanennee?\fig Ayfera diza Wogara mith|alt="Olive tree with its fruits" src="LB00087B.TIF" size="span" ref="11:24"\fig*
\s1 Isra7eele Asaas Xoossa Maaroteth
\p
\v 25 Ta ishatoo! Intte cincca as gididayssa inttes misatontta mala hayssa giddo xuura yo7oza intte erontta attana mala ta koykke. Hessika Ayzaabetappe xeygettidayti wuri ammanana gakkanaas Isra7eele nayta wozinay muumides. 
\v 26 Hessa gishshas Isra7eele nayti wurikka attana. «Ashshizaadey Xiyooneppe yaana; Yaaqoobeppeka iitateth diggana.\x - \xo 11:26 \xo*\xt Isa 59:20\xt*\x* 
\v 27 Tani istta nagara wursa dhayssidaappe guye ta isttara caaqon geliza qaalay hessa» geetettidi kase Geeshsha Maxaafan xaafettida mala hanides.\x - \xo 11:27 \xo*\xt Er 31:33-34\xt*\x*
\p
\v 28 Inttes Ayzaabetas Mishiraachcho qaalay gakkana mala Isra7eele nayti Xoossan ixettida as gidida; gidikkoka kase dooroza mala gidikko ba aawata baggara istti dosettidayta. 
\v 29 Xoossi dooridaappenne ba kiyateth immidaappe guye ba ooththida miishshan simmidi modhettenna. 
\v 30 Intteka kase azazettonttaytakko! Istti azazettontta ixxiin ha7i inttena maaridayssaththo; 
\v 31 Xoossi inttena maarida gaason isttika maarettana mala ha7i azazettonttayta gidida. 
\v 32 Xoossi wursika maaranaas asi wurikka azazettontta mala gordides.
\s1 Xoossas Shiiqida Saba
\p
\v 33 Xoossa dureteththi, aadho erateththaynne iza erateththay ay mala ciimmaa! Iza pirday ay malakko paacettenna; izi aadhdhida geedoykka erettenna.\x - \xo 11:33 \xo*\xt Isa 55:8\xt*\x* 
\v 34 «Godaa wozina eriday oonee? Izas zore immiday oonee? 
\v 35 Xoossi zaari immana mala izas tal7e immiday oonee?» geetetti xaafettida mala.\x - \xo 11:35 \xo*\xt Iyo 41:11\xt*\x*
\p
\v 36 Wurikka izappe, izan, izassa; izas bonchchoy mernaappe mernaas gido! Amiin.\x - \xo 11:36 \xo*\xt 1Qoro 8:6\xt*\x*
\c 12
\s1 Xoossas Bessiza De7o Yarsho
\p
\v 1 Hessa gishshas ta ishatoo! Intte asateththaa geeshshinne Xoos ufayssiza de7o yarsho ooththidi intte shiishshana mala ta inttena Xoossa qadhetan woossays; hessika wozinama asa mala intte Xoossas ooththiza ooso. 
\v 2 Lo7o, ufayssizaazinne kumeth gidida Xoossa sheney aazakko intte paacci erana mala intte qofan ooraxidi laamettite attiin hayssa alame asaa misatopite.
\p
\v 3 Inttes Xoossi immida ammano mala intterkka inttena paacci xeellite attiin ha7i dizayssafe bollara inttena dhoqqisi xeellontta mala tani taas imettida Xoossa kiyateththan inttena issaa issaa zorays. 
\v 4 Nuuppe issi issi asas issi asateththa bolla daro billiteti diza mala heytikka he billiteti issi mala ooso ooththonttayssaththo, 
\v 5 hessaththoka nuni darota gidi uttidi Kirstoosan issi asho; nuni issoy issaas asho. 
\v 6 Nuus imettida imota mala dumma dumma imotay dees; issaades buroppe hananaaz yooto gidikko izaades imettida ammano mala yooto. 
\v 7 Ooththi maaddizaadey ooththi maaddo; tamaarsizaadeyka tamaarso. 
\v 8 Zorizaadey gidikko zoro; bayndaytas immizaadey gujji immo; ayssizaadey minni aysso; maarizaadeyka ufayssan maaro.
\s1 Siiqo
\p
\v 9 Intte siiqoteththi qoodheppe qommon gidoppo; iita gididayssa wursika ixxite. Lo7o gididayssara issife oykettite. 
\v 10 Intte intte garsan issoy issaara ishata mala lo7eththi siiqettite; issoy issaa baappe aaththi bonchchizayta gidite. 
\v 11 Godaas ooththana Ayanan xuugettizayta gidite attiin hessa he minoteththaafe guye goopite. 
\v 12 Hidotan ufayettizayta gidite; meto dandayte; woosan minnite. 
\v 13 Ammanishe waayettizaytas inttes dizayssafe shaakki immite; imath mokkite.
\p
\v 14 Inttena qanggizayta anjjite attiin qanggofte.\x - \xo 12:14 \xo*\xt Mato 5:44; Luqa 6:28\xt*\x* 
\v 15 Ufayettizaytara ufayettite; muuzottizaytara muuzottite. 
\v 16 Intte intte garsan doseteththan diite; manqotara issifeteththan daanaas koyite attiin otorettoftenne ceeqettofte.\x - \xo 12:16 \xo*\xt Leemi 3:7\xt*\x*
\p
\v 17 Oonaska iita gishshas iita zaaropite; as ubbaa achchan lo7o miish ooththanaas minnite. 
\v 18 Inttes dandayettiko intte intte baggara as ubbaara saron diite. 
\v 19 Ta siiqotoo! Intte halo Xoossi kesso attiin intterkka halo kessofte. «Halo kessanay tana gees Goday» geetetti Geeshsha Maxaafan xaafettides.\x - \xo 12:19 \xo*\xt Zaare 32:35\xt*\x*
\p
\v 20 Halo kessanaappe, «Neni ne morkkey gafikko miza; izi saamettiko ushsha; ne hessaththo ooththiko tama bonqo iza bolla koraasa» geetettidi Geeshsha Maxaafan xaafettides.\x - \xo 12:20 \xo*\xt Leemi 25:21-22\xt*\x* 
\v 21 Iita lo7o ooson xoona attiin iitan xoonettofa.
\c 13
\s1 Dere Ayssizaytas Azazeteth
\p
\v 1 Ay asikka bana ayssiza daannatas haarettanaas bessees; Xoossafe imettontta dishin daannateththi deenna; ha7i diza daannati Xoossafe daannatidayta. 
\v 2 Hessa gishshas daanna bolla makkalliday Xoossa wogaa bolla makkallees. He makkallizaytikka ba bolla pirda eheettes. 
\v 3 Dere ayssizayti iita ooththizayta babiseettes attiin lo7o ooththizayta babisettenna. Neni dere ayssizaades babbontta aggana koyay? Histtiko lo7o ooththa; izikka nena galatana. 
\v 4 Izi nees lo7o ooththanaas Xoossa oosanchcha; gido attiin ne iita ooththidaa gidikko izas babba; gaasoykka izi mashsha coo mela gixxibeenna; izi iita ooththizaade qaxxayanaas Xoossa oosanchcha. 
\v 5 Hessa gishshas iza qixaates babo xalala gidontta ne qofankka daannatizaades azazettanaas bessees.
\p
\v 6 Intte giira immizay hessassa; ayssizayta he oosoza bolla Xoossi woththides. 
\v 7 Isttafe issaas issaas bessizayssa immite; giira immana bessizaytas giira immite; qaraxa qanxxanaas bessizaytas qaraxa qanxxite; babbanaas bessizaytas babbite; bonchchanaas bessizayta bonchchite.
\s1 Issoy Issaara Siiqeteth
\p
\v 8 Intte garsan issoy issaara siiqeteththafe attiin oona bollaka acoy dooppo; as siiqiza asi izi wogaa polides. 
\v 9 «Laymatoppa; wodhoppa; amottofa» gizaytinne hara azazoti diikkoka, «As ubbaaka ne mala siiqa» giza hanno issi wogayn wurikka kuuyettides.\x - \xo 13:9 \xo*\xt Kessa 20:14-15; 20:13,17; Zaare 5:17-19,21; Lewe 19:18\xt*\x* 
\v 10 Siiqoy asa bolla iita ooththenna; hessa gishshas siiqoy woga ubbaas kuushsha.
\p
\v 11 Hayssa wodeza caddi xeellidi hessa ooththite; ha7i hanna intte dhiskofe dendiza wode; nu kase ammanoosofe haa simmiin ha7i nuus attiza wodey matides. 
\v 12 Qammay aadhdhiin wonttana gees; hessa gishshas ane nu dhuma ooso wora yeggidi poo7o ola miish may7oos. 
\v 13 Gallassara hemettiza mala ane wogara hemettoos; magulsaninne maththon gidoppo; layma amoninne layman gidoppo; qanaateteththaninne palaman gidoppo. 
\v 14 Hessa aggidi Yesus Kirstoosa may7ite; asho amo polanaas qoppofte.
\c 14
\s1 Asa Bolla Pirdofa
\p
\v 1 Intte garsan ammanon buro minnonttaade shiishshi ekkite attiin iza qofaa bolla pirdofte. 
\v 2 Issi issi asi beettidayssa wursi maanaas ammanoy dees; qasse ammanon minnonttaadey atakilte xalala mees. 
\v 3 Beettidayssa ubbaa mizaadey wursi monttaade kadhoppa; monttaadey qasse mizaade bolla pirdofo; Xoossi ubbaaka ekkides. 
\v 4 Hankko ooththizaade bolla pirdizaadey ne oonee? Izaadey kundiko woykko eqqikokka Godaassa; Goday iza essanaas dandayza gishshas izi eqqandes.
\p
\v 5 Issaadey, «Gallassatappe issi gallas hara gallassafe aaththidi baas dumma gallas» gi qoppees; hara asi qasse, «Gallassati wurikka issi gina» gi qoppees. Issi issi asi ba wozinan ammanida mala ooththo. 
\v 6 Issi gallas hara gallassafe dummasi qoppizaadey izi hessa ooththizay Godaa bonchchos gidikko mizaadeyka Godaa bonchchos giidi mees. Histtidi Xoos galatees. Monttaadeyka Godaa bonchchos giidi muus aggeessinne Xoossas galata immees. 
\v 7 Nuuppe oonikka baas dizaadeynne baappe baas hayqqizaadey deenna. 
\v 8 Nu diikkoka Godaas doos; hayqqikokka Godaas hayqqoos; hessa gishshas diikkoka woykko hayqqiko nuni Godaassa.
\p
\v 9 Hessa gishshas hayqqidaytassinne paxa dizaytas Godaa gidanaas Kirstoosi hayqqidi hayqoppe paxi dendides. 
\v 10 Histtiin ne aazas ne ishaa bolla pirday? Aazas ne ishaa leqqay? Nu wurikka Xoossa pirda wombora sinth shiiqana doos.\x - \xo 14:10 \xo*\xt 2Qoro 5:10\xt*\x*
\q1
\v 11 «Ta paxa days;
\q2 gulbatey wurikka taas gulbatana.
\q2 Inxarsi wuri
\q2 Xoossas markkattana»
\m geetetti kase Geeshsha Maxaafan xaafettides.\x - \xo 14:11 \xo*\xt Isa 45:23\xt*\x* 
\v 12 Hessa gishshas nuni issi issi asi Xoossa sinth shiiqidi nu ooso gishshas izas zaaro immana.
\p
\v 13 Hessa gishshas nuni nu garsan issoy issaa bolla pirdanaappe ane naagettoos; hessa aggidi nu ishaas dhuphe gidizayssa woykko iza oykkiza narxa woththontta mala ane nu naagettoos. 
\v 14 Tani Godaa Yesusan ammanada miza kaththan tunay bayndayssa eradis; gido attiin issaadey issi miish tuna gi qoppiko he miishshay izaades tuna. 
\v 15 Neni ne ishaas miza kaththa gaason dhuphe gidikko siiqon simerettabeekka; Kirstoosi iza gishshas hayqqida ne ishaa ne miza kaththa gaason wodhoppa. 
\v 16 Intte lo7o giidi qoppiza miishshi iita geetettana mala ooththofte. 
\v 17 Xoossa kawoteththi Xillo Ayanan beettida xilloteth, saroteththinne ufayssafe attiin muussa yo7onne ushsha yo7o gidenna. 
\v 18 Hayssaththo Kirstoosas ooththizaadey Xoos ufaysseessinne asa achchanka galatettees.
\p
\v 19 Hessa gishshas saroteththi beettiza ogenne nuni nu garsan lo7anaas bessiza oge ane koyoos. 
\v 20 Nuni miza kaththa gaason Xoossa ooso ane moorokko; kaththi wurikka geeshsha; gido attiin hara asas dhuphe gidiza kath muussi bala ooso. 
\v 21 Ne ishaas dhuphe gidizaaz gidikko ashokka maanaappenne woyne cajje uyanaappe woykko ay miishshika ne ooththontta aggiko lo7o.
\p
\v 22 Hessa gishshas haytantta misatiza miishshatas nees diza ammanoy ne giddoninne Xoossa giddon de7o. «Hayssi likkeko» giidi ammanon ekkida miishshan barkka ba bolla pirdonttaadey izaadey anjjettidaade. 
\v 23 Gido attiin wozinara sidhishe miikko izi ammanon montta gishshas iza bolla pirdettides; ammanon ooththonttaazi wurikka nagara.
\c 15
\p
\v 1 Nuni ammanon minnidayti hankko ammanon minnonttayta meto tookkanaas bessees attiin nu xalla ufayettizayta gidanaas bessenna. 
\v 2 Nuni wurikka hara asi ba ammanon minnana mala iza go7izaazinne ufayssiza miish ane ooththoos. 
\v 3 Kirstoosi bana ufayssibeenna; harappeka, «Asay nena cayida cashshay tana gakkides» geetetti kase Geeshsha Maxaafan xaafettidayssi polettides.\x - \xo 15:3 \xo*\xt Maza 69:9\xt*\x* 
\v 4 Nuni Geeshsha Maxaafatappe demmiza dandayaynne minoteththi nuus daana mala koyroppe xaafettidayssi wurikka nu izappe nuus timirte demmana mala xaafettides.
\p
\v 5 Minoteththinne dandaya immiza Xoossi intte Yesus Kirstoosa kaallishin inttes intte giddon Ayana issifeteth immo. 
\v 6 Hessika intte issi wozinaninne issi doona gididi nu Godaa Yesus Kirstoosa Aawaa Xoossa bonchchanaassa.
\s1 Ammanontta Deretas Sabbakettida Mishiraachcho Qaala
\p
\v 7 Hessa gishshas Xoossi inttena Xoossa bonchchon mokki ekkida mala intteka issoy issaa ufayssan mokki ekkite. 
\v 8 Kase aawatas imettida hidota qaalaa polanaas Xoossa tumateththi erettana mala Kirstoosi Ayhudatas ooththizaade gididayssa ta inttes yootays. 
\v 9 Hessaththoka Ayzaabeti iza maaroteththaa gishshas Xoos galatana mala; hessika,
\q1 «Ta nena dere giddon galatana;
\q2 ne sunththaaska
\q2 galata mazamure yexxana»
\m geetetti Geeshsha Maxaafan xaafettida mala.\x - \xo 15:9 \xo*\xt 2Same 22:50; Maza 18:49\xt*\x*
\p
\v 10 Qasseka, «Ayzaabetoo!
\q2 Intteka Xoossa
\q2 deretara ufayettite»
\m geetetti Geeshsha Maxaafan xaafettides.\x - \xo 15:10 \xo*\xt Zaare 32:43\xt*\x*
\p
\v 11 Nam7anththoka, «Ayzaabeti
\q2 intte wurikka Godaa galatite;
\q2 derey wuri iza sabbite»
\m geetetti Geeshsha Maxaafan xaafettides.\x - \xo 15:11 \xo*\xt Maza 117:1\xt*\x*
\p
\v 12 Hessaththo Isayaasan,
\q1 «Ba dere asaa bolla
\q2 kawotiza Isseye nay yaana.
\q2 Alame asaa ayssizaadey dendana;
\q2 isttika izan ufayettana» gees.\x - \xo 15:12 \xo*\xt Isa 11:10\xt*\x*
\p
\v 13 Intte izan ammaniza gishshas hidota Xoossi inttenan ufayssinne saroteth kunththo; hessika Xillo Ayana wolqqa hidotay inttes daranaassa.
\s1 Ayzaabeta Oosanchcha Phawuloosa
\p
\v 14 Ta ishatoo! Intte lo7eteththan, erateth ubbaan kumidaytanne harata zoranaas eray dizayta gididayssa ta addafe shaakka eradis. 
\v 15 Ta Xoossafe ekkida imotaa gina qasseka inttena qofsanaas issi issi yo7ota xalateththan inttes xaafadis. 
\v 16 Hessa he kiyateththi imettiday tani Xoossa Mishiraachcho qaalaa hankko deretas yootana malassa; qasseka qeese mala gidida Yesus Kirstoosas ooththanaassa; hessa gishshas hankko dere asay Xillo Ayanan dummatidi Xoos ufayssiza yarsho gididi shiiqana mala ooththays.
\p
\v 17 Hessa tani Xoossas ooththiza gishshas Yesus Kirstoosan ceeqettays. 
\v 18 Ta yootidayssaninne ta ooththidayssan hankko dere asay Xoossas azazettana mala Kirstoosi tanan gididi ooththidaazappe attiin hara haasayana xalikke. 
\v 19 Hessika haniday Xillo Ayana wolqqan malaatata baggara hanides; hessa malankka Yerusalaameppe Ilwaqoore gakkanaas ta Kirstoosa Mishiraachcho qaalaa sabbakadis.
\p
\v 20 Hara asi kase ooththidason ta gelontta mala gaada kase Kirstoosa sunththi xeygetti eronttason Mishiraachcho qaalaa sabbakanayssi taas amo. 
\v 21 Harappeka,
\q2 «Iza gishshas isttas yootetonttayti
\q2 iza beyana;
\q2 siyi eronttayti akeekana»
\m geetetti kase Geeshsha Maxaafan xaafettida mala hanides.\x - \xo 15:21 \xo*\xt Isa 52:15\xt*\x*
\p
\v 22 Hessa gaason ta intteko bontta mala daro wode digettadis.
\s1 Oroome Beyanaas Phawuloosa Giigeteth
\p
\v 23 Ha7i qasse taas haan oosoy baynda gishshas daro layththatappe haa simmiin inttena beyanaas ta daro laamotadis.\x - \xo 15:23 \xo*\xt Oro 1:13\xt*\x* 
\v 24 Hayssa ta qofaa tani Ispeene biza wode polanaas qoppays; heera aadhdhashe inttena beyanaassinne inttenara guuththa wode gam7ada laamota aaththida mala intte tana maaddana gaada hidota ooththays.
\p
\v 25 Ha7i qasse ammanizaytas imettiza maado miish ekkada Yerusalaame bays. 
\v 26 Gaasoykka Maqidooniyaninne Akayan diza manqota maaddana Xoossa derey dendides.\x - \xo 15:25-26 \xo*\xt 1Qoro 16:1-4\xt*\x* 
\v 27 Hayssa ha maadoza istti ba dosan immiday istti ooththanaas bessiza gishshassa; Ayzaabeti Ayhudatara issife Ayana anjjo ekkizayta gidikko isttika baas diza biittaa anjjon Ayhudata maaddanaas bessees.\x - \xo 15:27 \xo*\xt 1Qoro 9:11\xt*\x* 
\v 28 Hessa gishshas hayssa shiiqida maado miishshaa Yerusalaamen immidaappe guye intte achchara ta Ispeene baana. 
\v 29 Ta hee intteko bashe inttes Kirstoosa anjjo kunththa ekka baanayssa ta erays.
\p
\v 30 Ta ishatoo! Tani Xoossa woosan baaxetiza mala intteka tanara baaxetana mala ta inttena Godaa Yesus Kirstoosaninne Xillo Ayana siiqon woossays. 
\v 31 Tani Yuhudan diza ammanontta asaa kusheppe attana malanne Yerusalaamen diza ta oosoykka heen ammanizayta achchan ekettana mala taas woossite. 
\v 32 Hessika Xoossa shene mala hee intteko ta ufayssara baana malanne inttenara issife shempanaassa. 
\v 33 Saroteththa Goday inttenara ubbatara gido. Amiin.
\c 16
\s1 Saroka
\p
\v 1 Kinkira7oose Woosa Keeththan ooththiza ammanettida michcheyo Pebeeno inttes hadara gays. 
\v 2 Ammaniza asas bessiza moko intte izo Godaa sunththan mokki ekkana malanne iza inttefe koyza ay miishshankka intte izo maaddana mala ta inttena qofsays.
\p
\v 3 Kase tanara Godaa Yesus Kirstoosas issife ooththida Phirsiqillassinne Aqilas ta saroka gaththite.\x - \xo 16:3 \xo*\xt Hawa 18:2\xt*\x* 
\v 4 Istti ta gishshas hayqqana gakkanaas bana aaththi immida; tana xalala gidontta Ayzaabetappe ammanidaytikka istta galateettes. 
\v 5 Istta keeththan diza ammaniza asaakka saro giite; Iisiyappe koyro Kirstoosan ammanida ta siiqoza Ephenexoose saro giite. 
\v 6 Inttes daro daaburdaaro Maaramo saro giite. 
\v 7 Tanara issife qashettida Andiraqonenne Yuniyaase\f + \fr 16:7 \fr*\fqa Yuniyaase: \fqa*\ft Yuniyaase issi issi Geeshsha Maxaafati Yoliya geettes.\ft*\f* saro giite; heytantti Hawaareta garsan lo7o sunththara dizaytanne Kirstoosa taappe kase ammanidayta.
\p
\v 8 Tani Godaa baggara daro siiqiza Philyaxone saro giite. 
\v 9 Kirstoosa ooso tanara issife ooththiza Irobanoonenne ta siiqiza Senxakekka saro giite. 
\v 10 Kirstoosan iza ammanoy paacettidi galatettida Exesseneesses ta saroka gaththite; Arsixabaloso asaasikka ta saroka gaththite. 
\v 11 Ta dabbo Herodiyaana saro giite; Godaan diza Niriqaasoso asaa saro giite.
\p
\v 12 Godaan gididi minoteththan ooththiza maccassata Tirofimoononne Xirofimoono saro giite; Godaas ooson daro daaburdaaris Kirstoosan tani izo siiqiza Xarsidis ta saroka gaththite. 
\v 13 Godaan doorettida Erufoones, taassinne izas aayo gididaaris ta saroka yootite.\x - \xo 16:13 \xo*\xt Mar 15:21\xt*\x* 
\v 14 Asqeroones, Afilasoones, Heromeenes, Phaxirobaanes, Hermaanessinne isttara diza ishata ubbatas ta saroka gaththite. 
\v 15 Filegoones, Yuuliyas, Neeriyassinne iza michcheys hessaththoka Alxoones, isttara diza ammanizaytasikka ta saroka gaththite.
\p
\v 16 Issoy issaa yeeri yeeri ekkidi sarokettite; Kirstoosan ammaniza Woosa Keeththaa asay wurikka inttena saro gees.
\p
\v 17 Ta ishatoo! Asa garsan shaaketeth medhdhizaytappenne intte tamaarda timirtaa ekkontta ixon inttes dhuphe gidiza asatappe intte naagettite. 
\v 18 Heytantta mala asati Yesus Kirstoosas ooththizayta gidontta ba qanththa kaththa gishshas ooththizayta; shugo qaalara haasayaninne wozina kiya asata baleththeettes. 
\v 19 Intte mishiraachcho qaalas azazettizayta gididayssa asi wuri siyides; hessika tana daro ufayssides; gidikkoka intte lo7o hanos cinccata qasse iita oosos eeyata gidana mala ta koyays. 
\v 20 Saroteththa Goday Xala7e eeson intte toho gars aaththi dincereththana.
\p Godaa Yesus Kirstoosa kiyateththi inttenara gido.
\p
\v 21 Tanara issife ooththiza Ximtoosi qasseka ta dabbo Luqiyoosi, Iyaasooneynne Susiphexiroosi inttena saro saro geettes.\x - \xo 16:21 \xo*\xt Hawa 16:1\xt*\x*
\p
\v 22 Hayssa kiitaa xaafiday tani Xerixiyoosi inttena Godaa sunththan saro gays.
\p
\v 23 Taninne hayssan diza kumeththa Woosa Keeththa asay mokki ekkiza Gayiyoosikka inttena saro gees; katama miishshaa oykkiza Erisxoosinne nu isha Qo7axiroosi inttena saro geettes.\x - \xo 16:23 \xo*\xt Hawa 19:29; 1Qoro 1:14; 2Xim 4:20\xt*\x* 
\v 24 Godaa Yesus Kirstoosa kiyateththi inttenara ubbatara gido. Amiin.
\p
\v 25 Tani yootiza Mishiraachcho qaalay Yesus Kirstoosa gishshas yootettiza kiitaynne beni wodeppe doommidi qotan gam7idi ha7i qasse qonccida tuma xuura baggara izi inttena ammanon essanaas dandayees. 
\v 26 Ha7i qasse hayssi tumay qonccides; mernaa Xoossa azazon wurikka ammanidi azazettana mala nabeta maxaafa baggara dereti wurikka iza erana mala hanides.
\p
\v 27 Izi xalala era gidida Godaas Yesus Kirstoosa baggara mernaa bonchchoy izas gido! Amiin.