\id PRO - Gamo Full Bible final version
\ide UTF-8
\h Leemiso Maxaafa
\toc1 Leemiso Maxaafa
\toc2 Leemiso Maxaafa
\toc3 Leemi
\mt1 Leemiso Maxaafa
\imt1 Giddo Qofa
\ip Leemiso Maxaafay tosseninne Leemiso haasayan giigida oosonne ammano timirte. Izappe dariza baggay asaa de7on hach hach gayttiza hanota gishshas yootees. Koyroppe doommishe, «Aadho erateththas koyroy Xoossas yashshateth» giza qofa hassa7isson doommees. Izikka tamaarsizayssi ammano wogan asi ooththanayssa xalla gidontta, asi baas hach hach de7on hananaas bessiza lo7o kandonne ooththanaas bessiza lo7o ooso gujjidi tamaarssees. Ha maxaafa giddon ashketeththa gishshas, dandaya gishshas, asas qadheteththa gishshassinne ammaneteththa gishshas daro timirtey leemison imettides.
\iot Ha Maxaafay Oykkida Kumeththa Qofa
\io1 Leemisota wostti go7ettanaakko bessiza oge \ior 1:1-7 \ior*
\io1 Aadho erateth koyana mala imettida zore \ior 1:8—7:27 \ior*
\io1 Erateth sabbanaas yexettida mazamure \ior 8:1—9:18 \ior*
\io1 Solomoone leemisota \ior 10:1—29:27 \ior*
\io1 Agurey haasayda yo7ota \ior 30:1-33 \ior*
\io1 Limu7eele aaya ba naaza tamaarsida timirte \ior 31:1-31 \ior*
\c 1
\s1 Leemisota Wostti Go7ettanaakko Bessiza Oge
\q1
\v 1 Hayti Isra7eele Kawo Dawite naa
\q2 Solomoone leemisota.\x - \xo 1:1 \xo*\xt 1Kawo 4:32\xt*\x*
\q1
\v 2 Leemisoti asay aadho erateththa,
\q2 seeranne erateththa haasaya
\q2 akeekanaas maaddeettes.
\q1
\v 3 Isttika de7ana de7on
\q2 aadho erateth,
\q2 xilloteth, suure pirdanne
\q2 suure hano tamaarsizayta.
\q1
\v 4 Erateththi paccidaytas akeeka,
\q2 naateththatas erateththinne
\q2 wozinamateth immizayta.
\q1
\v 5 Aadho eranchchati
\q2 ha leemisota siyidi
\q2 erateth gujjeettes;
\q2 akeekanchcha asatikka
\q2 lo7o zoreta ekkeettes.
\q1
\v 6 Hessa malan leemisotanne
\q2 istta birsheththata,
\q2 aadho eranchchata haasayanne
\q2 istta maaleththo
\q2 akeekanaas dandayeettes.
\b
\q1
\v 7 Aadho erateththas koyroy
\q2 GODAAS yashshateththa;
\q2 eeyati gidikko
\q2 aadho erateththinne
\q2 seera kadheettes.\x - \xo 1:7 \xo*\xt Iyo 28:28; Maza 111:10; Leemi 9:10\xt*\x*
\b
\s1 Yelaga Naytas Imettida Zore
\q1
\v 8 Ta naazoo!
\q2 Ne aawa zore ezga;
\q2 ne aaya tamaarsizayssaka aggofa.
\q1
\v 9 Hessi ne hu7es
\q2 bonchcho kallachcha;
\q2 nees qoodhen aaththiza
\q2 alleqo mala gidana.
\b
\q1
\v 10 Ta naazoo!
\q2 Nena nagaranchchati
\q2 baleththiko eeno gooppa.
\q1
\v 11 Istti nena, «Ane haa ya;
\q2 issife biidi
\q2 suuth gussanaas zuggoos;
\q2 xillotakka wodhanaas
\q2 qotetti uttoos.
\q1
\v 12 Duufoy mittiza mala
\q2 nunikka ane istta
\q2 paxa dishin mittoos;
\q2 nuni istta ciimma ollan
\q2 olettiza asa mala
\q2 ane ooththoos.
\q1
\v 13 Nuni al7o miish
\q2 ubbaa demmana;
\q2 histtidi nu keeththa
\q2 bonqqi ekkida
\q2 miishshan kunththana.
\q1
\v 14 Nunara zuppeta;
\q2 demmidaaz issife
\q2 go7ettana» gaana.
\q1
\v 15 Ta naazoo!
\q2 Isttara issife
\q2 oge hemettofa;
\q2 istti biza oge baana gaada
\q2 ne toho denththofa.
\q1
\v 16 Gaasoykka istti iita miish
\q2 ooththanaas woxxeettes;
\q2 asaa suuth gussanaaskka
\q2 jaameettes.
\q1
\v 17 Kafoy xeellishin
\q2 iza oykkanaas
\q2 yarde woththiko
\q2 aykkoka maaddenna.
\q1
\v 18 Hayti ha asati bantta
\q2 suuth gussanaas zuggeettes;
\q2 bantta shemppo wodhanaas
\q2 qotetti utteettes.
\q1
\v 19 Bessontta ogera go7a demmanaas
\q2 woxxiza ubbata wurseththay
\q2 hayssa mala;
\q2 istti shiishshida aqotay
\q2 istta shemppo ekki baana.
\s1 Aadho Erateth Kadhizaytas Imettida Seera
\q1
\v 20 Aadho erateththaya
\q2 oge bolla de7ashe xeygawus;
\q2 dubbushan ba qaala
\q2 dhoqqu histtada waassawus.
\q1
\v 21 Aadho erateththaya cora asi
\q2 shiiqizason waassawus;
\q2 katama geliza pengen eqqada,\x - \xo 1:20-21 \xo*\xt Leemi 8:1-3\xt*\x*
\b
\q1
\v 22 «Intteno wozina pacetoo!
\q2 Intte awude gakkanaas
\q2 eeyateththa oge kaallanee?
\q2 Qilccizaytoo! Intte qilccizayssan
\q2 awude gakkanaas ufayetteetii?
\q2 Eeyatoo! Erateththa
\q2 awude gakkanaas ixxanee?
\q1
\v 23 Ta seeran intte simmidaakko,
\q2 tani ta qofa
\q2 inttes qonccisanakkoshin;
\q2 ta qaalakka
\q2 inttena tamaarsanakkoshin.
\q1
\v 24 Tani xeygida wode
\q2 intte koyontta ixxideta;
\q2 tani ta kusheza micciin
\q2 oonikka wudu gibeenna.
\q1
\v 25 Ta zore ubbaa kadhideta;
\q2 ta seerakka ekkibeekketa.
\q1
\v 26 Hessa gishshas
\q2 inttena metoy gakkiza wode
\q2 tani intte bolla miiccana;
\q2 bashshi intte bolla gakkiza wode
\q2 tani intte bolla qilccana.
\q1
\v 27 Bashshi abba dambala mala
\q2 inttena qaaththiza wode,
\q2 metoy gote carko mala
\q2 inttena denththiza wode,
\q2 tuggaynne waayey
\q2 inttena mittiza wode
\q2 tani inttena qilccana.
\b
\q1
\v 28 «He wode istti tana xeygana;
\q2 ta gidikko isttas koykke;
\q2 istti tana minththi koyana;
\q2 gido attiin tana demmettenna.
\q1
\v 29 Istti erateth ixxida;
\q2 GODAAS yashshateth
\q2 dooribeettenna.
\q1
\v 30 Ta zore ekkanaas koyibeettenna;
\q2 ta seera ubbaa kadhida.
\q1
\v 31 Hessa gishshas
\q2 istti bantti ooththida
\q2 ooso ayfeza maana;
\q2 bantti qoppida
\q2 qofa ayfekka kallana.
\q1
\v 32 Wozinay paccidayta
\q2 aadho erateththafe
\q2 haakoy istta wodhana;
\q2 balata wuda dhayoy
\q2 istta dhayssana.
\q1
\v 33 Gido attiin tana siyizayti
\q2 ubbay saron daana;
\q2 aykko hirgay baynda
\q2 woppan daana» gawus.
\c 2
\s1 Aadho Erateththafe Beettiza Anjjo
\q1
\v 1 Ta naazoo! Neni ta qaala siyikko,
\q2 ta azazokka
\q2 neni ne wozinan woththiko,
\q2
\v 2 ne hayth aadho erateththaako
\q2 zaarikko,
\q2 ne wozina akeekakko
\q2 ne zaarikko,
\q1
\v 3 shaakki erisiza erateth
\q2 ne koykko,
\q2 ne qaala dhoqqu histtada
\q2 akeeka xeygikko,
\q1
\v 4 izokka bira koyza mala
\q2 ne koykko,
\q2 qotan diza aqota mala
\q2 ne izo minththa koykko,
\q2
\v 5 he wode neni
\q2 GODAAS yashshateth akeekana;
\q2 Xoossaaka lo7eththada erana.
\q1
\v 6 GODAY aadho erateth
\q2 immiza gishshas
\q2 izappe erateththinne
\q2 akeekay beettes.
\q1
\v 7 Izi suuretas xoono minjjees;
\q2 istta bolla wosoy bayndaytas
\q2 gondalle gidees.
\q1
\v 8 Suure pirda oge naagees;
\q2 baas ammanettizayta
\q2 hemeth minththees.
\q1
\v 9 He wode neni xilloteth,
\q2 suure pirda,
\q2 geellay baynda pirdanne
\q2 lo7o oge ubbaa shaakka erana.
\q1
\v 10 Gaasoykka aadho erateththi
\q2 ne wozinan gelana;
\q2 erateththayka
\q2 ne shemppo ufayssana.
\q1
\v 11 Shaakki eroy nees gondalle gidana;
\q2 akeekaykka nena naagana.
\q1
\v 12 Aadho erateththi nena
\q2 iita asata ogeppe ashshana;
\q2 geella haasayzaytappeka
\q2 nena naagana.
\q1
\v 13 Istti dhuma ogen baanaas
\q2 suure oge aggizayta;
\q2
\v 14 Istti iita ooson ufayettizayta;
\q2 geella ogen hombocizayta.
\q1
\v 15 Istta ogey geella;
\q2 istta hemetay mirqqeththa.
\b
\q1
\v 16 Aadho erateththi
\q2 layma maccassafe naagana;
\q2 ba inxarsan cimmizaarippe
\q2 nena ashshana.
\q1
\v 17 Iza ba yelagateththa
\q2 azina aggidaaro;
\q2 Xoossa sinththan gelida
\q2 caaqo qaala kadhidaaro.
\q1
\v 18 Izi soo beeththi hayqos gaththees;
\q2 izi ogetikka
\q2 moytilleta duulatan gaththeettes.
\q1
\v 19 Izikko gelida
\q2 oonikka guye simmenna;
\q2 de7o ogekka demmenna.
\b
\q1
\v 20 Hessa gishshas neni
\q2 lo7o asata leemiso kaalla;
\q2 xillota ogen hemetta.
\q1
\v 21 Suure asati biitta bolla gam7ana;
\q2 wosoy baynda asatikka
\q2 izi bolla minni daana.
\q1
\v 22 Gido attiin iitati biittafe dhayana;
\q2 ammanettonttaytikka dhoqallettana.
\c 3
\s1 Godaan Ammaneteth
\q1
\v 1 Ta naazoo!
\q2 Tani nena tamaarsizayssa
\q2 dogoppa;
\q2 ta azazotakka
\q2 ne wozinan woththa.
\q1
\v 2 Istti ne layth adussana;
\q2 ishalo de7onne
\q2 saroteth nees gujjana.
\q1
\v 3 Siiqoynne tumateththi
\q2 neeppe haakkofetto;
\q2 istta ne qoodhen qachcha;
\q2 ne wozinankka xaafa.
\q1
\v 4 Histtiko neni Xoossa sinththaninne
\q2 asaa sinththan sabettananne
\q2 lo7o sunth demmana.\x - \xo 3:4 \xo*\xt Luqa 2:52\xt*\x*
\b
\q1
\v 5 Neni polo wozinan
\q2 GODAAN ammanetta;
\q2 neni ne akeekan zemppofa.
\q1
\v 6 Neni biza oge ubbaan
\q2 iza sinththasa;
\q2 izikka ne biza oge suurisana.
\q1
\v 7 Nerkka nena
\q2 aadho eranchcha gooppa;
\q2 GODAAS yayya;
\q2 iitappeka haakka.\x - \xo 3:7 \xo*\xt Oro 12:16\xt*\x*
\q1
\v 8 Hessi ne bollaa payya woththana;
\q2 ne meqeththatakka xalisana.
\b
\q1
\v 9 GODAA ne aqotan bonchcha;
\q2 biittay nees immiza ayfe ubbaafe
\q2 xeeraa izas imon bonchcha.
\q1
\v 10 Ne hessaththo ooththiko
\q2 ne gootarati kumi palahana;
\q2 neni woyne ushshu agizasoti
\q2 cippi gi kumana.
\q1
\v 11 Ta naazoo!
\q2 GODAA seera kadhoppa;
\q2 izi nena hanqiza
\q2 wodekka lanccofa.\x - \xo 3:11 \xo*\xt Iyo 5:17\xt*\x*
\q1
\v 12 Aaway ba siiqiza naa
\q2 seerizayssaththo
\q2 GODAYKKA ba dosiza
\q2 naa seerees.\x - \xo 3:11-12 \xo*\xt Ib 12:5-6\xt*\x*\x - \xo 3:12 \xo*\xt Ajju 3:19\xt*\x*
\q1
\v 13 Aadho erateth demmanaas
\q2 woxxiza asi,
\q2 akeekakka baas miishshe
\q2 ooththiza asi anjjettidaade.
\q1
\v 14 Gaasoykka izippe demmiza go7ay
\q2 birappe demmiza
\q2 go7appe aadhdhees;
\q2 izippe beettiza go7ay
\q2 worqqafe beettiza
\q2 go7appe aadhdhees.
\q1
\v 15 Aadho erateththi zo7o inqqufe
\q2 keehi al7o;
\q2 neni demmanaas amottiza ubbay
\q2 izira ginattenna.
\q1
\v 16 Iza ushachcha kushen adussa layth,
\q2 hadirsa kushen aqotanne
\q2 bonchcho oykkadus.
\q1
\v 17 Izi ogeti ufayssiza ogeta;
\q2 iza hemettiza oge ubbayka saro.
\q1
\v 18 Iza bana idimmizaytas
\q2 de7o miththa;
\q2 izo oykkizaytikka anjjettana.
\b
\q1
\v 19 GODAY ba aadho erateththan
\q2 sa7a medhdhides;
\q2 ba akeekankka salota
\q2 istti dizason minththides.
\q1
\v 20 Shaafati iza erateththan goggeettes;
\q2 shaarati ira immeettes.
\q1
\v 21 Ta naazoo! Suure pirdanne
\q2 shaakki ero naaga;
\q2 istti ne sinththafe haakkofetto.
\q1
\v 22 Istti nees de7o gidana;
\q2 ne qoodheskka aleqo gidana.
\q1
\v 23 He wode neni ogen
\q2 hirgay baynda hemettana;
\q2 ne tohoykka dhuphettenna.
\q1
\v 24 Neni ichchida wode babbaka;
\q2 ichchadakka
\q2 mal7o dhisko dhiskana.
\q1
\v 25 Akeekontta gakkiza metonne
\q2 iitata bolla gakkiza
\q2 dhayssas babbaka.
\q1
\v 26 Ays giikko GODAY nees
\q2 ammanettizaade gidana;
\q2 ne tohoy
\q2 woximaden oykettontta mala
\q2 izi nena naagana.
\b
\q1
\v 27 Nees maaddana wolqqay dishin
\q2 maado bessizaytas
\q2 lo7o ooso aggofa.
\q1
\v 28 Ha7i nees dishin ne shoorozas,
\q2 «Simmada ya;
\q2 tani nees wonto immana» gooppa.
\q1
\v 29 Nenan ammanettidi ne matan dishin
\q2 ne shooroza bolla
\q2 iita miish ooththanaas halchchofa.
\q1
\v 30 Nena qohontta as
\q2 gaasoy baynda coo mootoppa.
\b
\q1
\v 31 Gene ooththiza asata qullofa;
\q2 istta iita ogekka kaallofa.
\q1
\v 32 Gaasoykka GODAY
\q2 iita ooththizayta ixxees;
\q2 gido attiin suuretas izi
\q2 ba wozina qofa qonccisees.
\b
\q1
\v 33 GODAA qanggeththi
\q2 iita ooththizayta keeththanna;
\q2 gido attiin
\q2 iza anjjoy xillotasonna.
\q1
\v 34 Otoreteththan qilccizayta bolla
\q2 GODAYKKA qilccees;
\q2 gido attiin banttana
\q2 kawushshizayta bonchchees.\x - \xo 3:34 \xo*\xt Yaaqo 4:6; 1Phex 5:5\xt*\x*
\q1
\v 35 Aadho eranchchati
\q2 bonchcho laattana;
\q2 eeyati gidikko kawushshateththas
\q2 aadhdhi imettana.
\c 4
\s1 Aadho Erateththa Go7a
\q1
\v 1 Ta naytoo! Intte aawa zore siyite;
\q2 wozinan woththi ezgite;
\q2 akeekakka inttes miish histtite.
\q1
\v 2 Tani inttes lo7o timirte
\q2 immiza gishshas
\q2 ta timirte aggofte.
\q1
\v 3 Tani ta hu7enkka
\q2 ta aawaas yelaga naa;
\q2 ta aayeyska mexi issi naa.
\q1
\v 4 Ta aaway tana tamaarsishe,
\q2 «Ta qaala kumeththa
\q2 wozinan oykka;
\q2 ta azazotakka naaga;
\q2 ne histtiko paxa de7ana.
\q1
\v 5 Aadho erateththinne akeeka oykka;
\q2 ta qaala dogoppa;
\q2 izippeka kare kezoppa.
\q1
\v 6 Aadho erateth aggofa;
\q2 iza nees gondalle gidana;
\q2 izo siiqa;
\q2 izakka nena naagana.
\q1
\v 7 Aadho erateththi bayra;
\q2 hessa gishshas izo demma.
\q2 Akeekay ne aqoza ubbaa
\q2 ekkizaa gidikkoka iza demma.
\q1
\v 8 Neni aadho erateth bonchcha;
\q2 iza nena
\q2 dhoqqu dhoqqu ooththana;
\q2 neni izo idimma;
\q2 iza nena bonchchana.
\q1
\v 9 Iza ne hu7en
\q2 saba akilile woththana;
\q2 bonchcho kallachchaka
\q2 immana» gees.
\q1
\v 10 Ta naazoo! Ta gizayssa ezga;
\q2 ta qaalaakka
\q2 ne wozinan woththa;
\q2 ne layththi aduqqana.
\q1
\v 11 Tani nena aadho erateththa
\q2 oge kaaleththana;
\q2 suure ogekka bessana.
\q1
\v 12 Ne hemettashe dhuphettaka;
\q2 woxxikokka kundaka.
\q1
\v 13 Ta timirte lo7eththa oykka;
\q2 izo yeddofa;
\q2 iza nees de7o gidida gishshas
\q2 izo naaga.
\q1
\v 14 Nagaranchchata oge yedhdhofa;
\q2 iita asata ogenkka hemettofa.
\q1
\v 15 Izippe haakka; izin hemettofa;
\q2 izippe guye simma;
\q2 histtada ne ogeyra ba.
\q1
\v 16 Istti iita ooththontta dishe
\q2 dhiski erettenna;
\q2 as dhupheththontta dishin
\q2 dhiskoy istta ayfen yeenna.
\q1
\v 17 Istti iitateth kaththa mala meettes;
\q2 genekka ushsha mala uyeettes.
\b
\q1
\v 18 Xillota ogey seeta gallas gakkanaas
\q2 poo7i poo7i biza
\q2 mallado xalqqe mala.
\q1
\v 19 Gido attiin nagaranchchata ogey
\q2 sakkanna dhuma mala;
\q2 istti aazan dhuphettanaakkoka
\q2 erettenna.
\q1
\v 20 Ta naazoo! Ta gizayssa akeeka;
\q2 ta qaalaakka lo7eththa ezga.
\q1
\v 21 Ne ayfe sinththafe haassofa;
\q2 ne wozinan woththa.
\q1
\v 22 Gaasoykka istti demmiza asas
\q2 de7o immeettes;
\q2 istti asateththaska
\q2 payyateth immeettes.
\q1
\v 23 Ubbaafekka bollara
\q2 neni ne wozina
\q2 minththada naaga;
\q2 ays giikko de7oy izappe pulttees.
\q1
\v 24 Ne doonappe gene haasaya digga;
\q2 iita haasaya
\q2 ne metershafe haassa.
\q1
\v 25 Ne ayfeti sitti giidi
\q2 sinth xeelletto;
\q2 tishshi histtada
\q2 ne sinththan dizayssa xeella.
\q1
\v 26 Ne tohos oge giigsa;
\q2 suure oge xalla hemetta.\x - \xo 4:26 \xo*\xt Ib 12:13\xt*\x*
\q1
\v 27 Ushach hadirsi gooppa;
\q2 ne toho iitappe naaga.
\c 5
\s1 Laymateththafe Naageteth
\q1
\v 1 Ta naazoo! Ta aadho erateththaa
\q2 ne wozinan woththa;
\q2 tani akeekan yootiza qaala
\q2 lo7eththa ezga.
\q1
\v 2 Hessika wozinamateththi
\q2 nees miish gidana malanne
\q2 ne metershati
\q2 erateth naagana malassa.
\q1
\v 3 Layma maccassa inxarsafe
\q2 eessa ililoy xokkees;
\q2 izi haasayay oyssafekka
\q2 aadhdhi shuggees.
\q1
\v 4 Gido attiin iza wurseththan
\q2 godare uuththa mala cammawus;
\q2 nam7u baggara qanxxiza
\q2 qara mashsha mala.
\q1
\v 5 Izi tohoti duge hayqoso beettes;
\q2 izi tanggoy sitti histti
\q2 duge duufon kaaleththees.
\q1
\v 6 Iza de7o oges wudu guukku;
\q2 izi ogeti geella;
\q2 gido attiin geella gididayssaka
\q2 iza erukku.
\b
\q1
\v 7 Ta naytoo! Tana ezgite;
\q2 ta yootiza qaalaappe ke7opite.
\q1
\v 8 Intte oge izippe haassite;
\q2 izi pengerakka aadhdhofte.
\q1
\v 9 Hessika intte intte
\q2 goobateththa haratas,
\q2 intte layththaaka menxe iitatas
\q2 intte immontta malassa.
\q1
\v 10 Allagati intte aqotan
\q2 kaa7ontta malanne
\q2 intte daaburankka hara asasoy
\q2 duretontta malassa.
\q1
\v 11 Intte ashoy wuriin,
\q2 intte meqeththi gilqiin
\q2 wurseththa layththan
\q2 intte goottarana.
\q1
\v 12 Qasseka neni,
\q2 «Tani ays seera ixxadinaa!
\q2 Ta wozinaykka zore
\q2 ays kadhidee!
\q1
\v 13 Tana tamaarsizayti
\q2 yootidayssa ekkabeekke;
\q2 tana zorizayta
\q2 zorezakka ezgabeekke.
\q1
\v 14 Hessa gishshas tani
\q2 shiiqida duulata sinththafe
\q2 dhayana matadis» gaana.
\b
\q1
\v 15 Neni eelissida ne pultto haaththafe
\q2 uyada aliza mala
\q2 ne machcheys ammanettada
\q2 izi siiqon ala.
\q1
\v 16 Beetta beetta maccassi
\q2 uyiza pultto haath gidoppa.
\q1
\v 17 Nenateththaa ne machcheys naaga;
\q2 hara maccassara zin7ofa.
\q1
\v 18 Ne machcheya nees
\q2 anjjettida pultto gidu;
\q2 yelagateththan neni ekkida
\q2 ne machcheyra ufayetta.
\q1
\v 19 Lo7iza gaara malanne
\q2 ufayssiza genessa mala,
\q2 izi dhanththati ubba wode
\q2 nena aletto;
\q2 izi siiqoy nena ubbato oykko.
\q1
\v 20 Ta naazoo!
\q2 Layma maccassay siiqon
\q2 ays maththottay?
\q2 Hara asa machchira
\q2 ays qoomettay?
\b
\q1
\v 21 Gaasoykka asi ooththiza ubbaa
\q2 GODAY beyees;
\q2 izi hemettiza hemetaa ubbaa
\q2 pilggi xeellees.
\q1
\v 22 Nagaranchcha izi ooththida
\q2 nagaray zaari oykkees.
\q2 Iza nagara gitey iza qachchees.
\q1
\v 23 Izi ba eeyateththa daron
\q2 oge balana;
\q2 bana haarana dandayontta
\q2 aggida gishshas
\q2 izi hayqqana.
\c 6
\s1 Hachchas Hachchas Bessiza Zore
\q1
\v 1 Ta naazoo! Neni ne shoorozas
\q2 waase gelidaa gidikko,
\q2 hara asa gishshas neni
\q2 kushe baqqa caaqqidaa gidikko,
\q2
\v 2 neni gelida qaalan
\q2 oykettidaa gidikko,
\q2 ne doonappe ke7ida qaalan
\q2 ne oykettidaa gidikko,
\q2
\v 3 ta naazoo! Neni ne shooroza
\q2 kushen kundida gishshas
\q2 nena ashshanaas baada
\q2 iza sinththan kunda;
\q2 ne shoorozakko baada shoobba.
\q1
\v 4 Hessaththo ooththontta
\q2 dashe dhiskofa;
\q2 ne siphinththati liphopetto.
\q1
\v 5 Shankkanchchatappe genessi
\q2 kessi ekki attiza mala,
\q2 yarden oykettontta attida
\q2 kafo mala nena ashsha.
\b
\q1
\v 6 Nenoo azallazoo!
\q2 Cunccalletaakko ba;
\q2 histtada isttafe tamaarada
\q2 aadho eranchcha gida.
\q1
\v 7 Cunccalletas azazizay deenna;
\q2 istta haarizay deenna.
\q1
\v 8 Gido attiin banttas maana miish
\q2 bone shiishsheettes;
\q2 kath shiishshiza wode
\q2 banttas kath shiishsheettes.
\b
\q1
\v 9 Nenoo azallazoo!
\q2 Neni awude gakkanaas
\q2 dhiskanee?
\q2 Dhiskofekka
\q2 ne awude beegganee?
\q1
\v 10 «Tani guuththara dhiska ekkana;
\q2 guuththara liipha dendana;
\q2 ta kushe borkotada
\q2 guuththara shempa ekkana»
\q2 ne gishin,
\q2
\v 11 he wode manqoteththi
\q2 panga mala,
\q2 pacey ola miishsha
\q2 oykkida asa mala
\q2 ne bolla puttu gaana.\x - \xo 6:10-11 \xo*\xt Leemi 24:33-34\xt*\x*
\b
\q1
\v 12 Womaleynne menxe iita asi
\q2 yuuyi yuuyidi
\q2 iita qaala haasayzay,
\q2
\v 13 ba ayfera qim7otizay,
\q2 ba tohon bessizay,
\q2 ba biradhdhetankka malatizay,
\q2
\v 14 ba wozinan iita miish
\q2 woththi denththi qoppizay
\q2 ay wodekka oosh denththees.
\q1
\v 15 Hessa gaason bashshi akeekontta
\q2 iza bolla yaana;
\q2 izi hassa7ay baynda meqqana;
\q2 meqqidikka paxenna.
\b
\q1
\v 16 GODAY ixxiza usuppun
\q2 yo7oti deettes;
\q2 laappunththaza
\q2 keehi harasettees.
\q1
\v 17 Otoreteththan xeelliza ayfe,
\q2 wordotiza inxars,
\q2 xillo asata wodhiza kushe,
\q2
\v 18 iita miish qoppiza wozina,
\q2 iitaso eesotiza tohota,
\q2
\v 19 wordo bolla wordo gujji gujjidi
\q2 yootiza wordo markka,
\q2 ishantta giddon
\q2 oosh medhdhiza asa.
\s1 Laymappe Haako
\q1
\v 20 Ta naazoo! Ne aawa azazo pola;
\q2 ne aaya tamaarsidayssaka aggofa.
\q1
\v 21 Istta ubbato ne wozinan oykka;
\q2 ne qoodhenkka qachcha.
\q1
\v 22 Neni hemettiza wode
\q2 istti nena kaaleththana;
\q2 neni ichchiza wode
\q2 istti nena naagana;
\q2 neni beegottiza wodekka
\q2 istti nena zorana.
\q1
\v 23 Ays giikko ha azazoti nees xomppe;
\q2 timirtetikka poo7o;
\q2 qasse seeraykka
\q2 de7okko efiza oge.
\q1
\v 24 Ha azazoti iita maccassafe
\q2 nena naagana;
\q2 doonan cimmiza hawusha
\q2 maccassafekka naagana.
\q1
\v 25 Izi lo7eteththa
\q2 ne wozinan amottofa;
\q2 izi qim7oteththan oykettofa.
\q1
\v 26 Issi addey
\q2 bana bayza diza maccassayo
\q2 guuththa miishshan
\q2 demmanaas dandayees;
\q2 asa machchi geedo kaaloy
\q2 nees shemppo dhayssana.
\q1
\v 27 Issi asi tama idimmiin
\q2 iza may7oy
\q2 meetettontta attanaas dandayzee?
\q1
\v 28 Issi asi bonqo tama yedhdhi bishin
\q2 iza tohoy
\q2 xuugettontta attana dandayzee?
\q1
\v 29 Asa machcho laggeththiza asi
\q2 hessa mala;
\q2 izo bochchiza ubbay
\q2 qaxxayettontta attenna.
\b
\q1
\v 30 Kaysoy gafa attanaas kaysikko
\q2 asay iza kadhenna.
\q1
\v 31 Gido attiin izas diza aqota
\q2 ubbaa oychchikokka
\q2 izi oykettidaa gidikko
\q2 laappun kushe qanxxana bessees.
\q1
\v 32 Layma laymatiza asas
\q2 wozinay pace;
\q2 hessaadey barkka
\q2 ba shemppo dhayssees.
\q1
\v 33 Bukaynne kawushshateththi
\q2 izas qaada;
\q2 yeellateththi izappe
\q2 mulekka qucettenna.
\q1
\v 34 Qanaatey azina hanqettana mala denththeththees;
\q2 izi halo kessiza wode
\q2 izas qadhettenna.
\q1
\v 35 Izi ay edakka ekkenna;
\q2 ay keena imotaykka
\q2 iza hanqo doshisenna.
\c 7
\s1 Laymappe Naagettana Mala Imettida Seera
\q1
\v 1 Ta naazoo! Ta qaala naaga;
\q2 ta azazokka ne wozinan
\q2 qum7a oykka.
\q1
\v 2 Ne paxa de7ana mala
\q2 ta azazota naaga;
\q2 ta timirtezakka
\q2 ne ayfe ciro mala naaga.
\q1
\v 3 Hayta ne biradhdhetan qachcha;
\q2 ne wozinankka xaafa.
\q1
\v 4 Aadho erateth ne taas michcho ga;
\q2 akeekakka ne taas dabbo ga.
\q1
\v 5 Istti nena layma maccassafenne
\q2 ba qaalan baleththiza
\q2 hawusha maccassafe naagana.
\q1
\v 6 Issi gallas tani
\q2 ta keeththa maskootezara
\q2 kare xeelladis.
\q1
\v 7 Akeekay paccida yelagata be7adis.
\q2 Istta giddofe issoy keehi eeya.
\q1
\v 8 He wodallay izi soo efiza
\q2 oge baggara oykki bishe
\q2 izi keeththa achchara
\q2 aadhdhi bishin,
\q1
\v 9 he wode sa7ay qammanaas
\q2 lankilankishin,
\q2 dhumay ayfe oykkishin,
\b
\q2
\v 10 issi maccassaya
\q2 iza demmanaas kezadus;
\q2 layma maccassa may7o may7ada
\q2 baleththanaas murtta kezadus.
\q1
\v 11 Iza xalanne
\q2 yeellay baynda maccassa;
\q2 sohon woppu gaada uttuku.
\q1
\v 12 Iza issito ogen, issito gulan,
\q2 issito dubbushan eqqada naagawus.
\q1
\v 13 Iza he naaza
\q2 shiishsha oykkada yeerawus;
\q2 yeellay baynda iza ayfe
\q2 tishshi histta xeellashe,
\b
\q2
\v 14 «Tani tason issifeteththa yarsho
\q2 yarshanaas bessees;
\q2 tani ta adina hach poladis.
\q1
\v 15 Histtada nena xeellanawu ke7adis;
\q2 nena keeha koyadis;
\q2 ha7i beya nena demmadis.
\q1
\v 16 Tani Gibxeppe yida
\q2 alleqissiza ansolakka
\q2 ta hiixan yeggadis.
\q1
\v 17 Tani karbbe, almmuniyemenne
\q2 qarafa geetettiza
\q2 sawotappe oosettida
\q2 shitto ta hiixan cacafadis.
\q1
\v 18 Haa ya; ane wonttana gakkanaas
\q2 siiqo aloos;
\q2 qoomettidikka ufayettoos.
\q1
\v 19 Ta keeththaaway soon deenna;
\q2 haako dere bides.
\q1
\v 20 Miish karaxiite kunththi
\q2 ekki bida gishshas
\q2 aginay dors daganththontta
\q2 simmenna» gadus.
\b
\q1
\v 21 Histtada ba mal7o haasayan
\q2 iza baleththadus;
\q2 ba liiqo inxarsankka cimmadus.
\q1
\v 22 Shukas laagetti biza boora mala,
\q2 woximaden oykettana
\q2 biza cofosho mala
\q2 heerakka aamusontta
\q2 izo kaallidi bides.
\q1
\v 23 Wondafe yiishshi
\q2 iza tire caddana gakkanaas,
\q2 iza shemppo dhayssanayssa
\q2 erontta dishe piradhdhidi yarden
\q2 geliza kafo mala gidides.
\b
\q1
\v 24 Ta naazoo! Ane ha7i siya;
\q2 ta doonappe keziza
\q2 qaalaakka ezga.
\q1
\v 25 Ne wozinay izikko booppo;
\q2 iza biza bala ogen geloppa.
\q1
\v 26 Iza kawushshada olidayti undenna;
\q2 iza wodhidayta qooday
\q2 keehi daro.
\q1
\v 27 Izi soy duufon efiza oge;
\q2 he ogey duge hayqoso gaththees.
\c 8
\s1 Aadho Erateththa Saba
\q1
\v 1 Siyite! Aadho erateththaya ba qaala
\q2 doqqu histta xeygekkee?
\q2 Akeekaykka ba cenggurssaa
\q2 dhoqqu histta sissekee?
\q1
\v 2 Oge doonan de7iza
\q2 zumbullata bollanne
\q2 daggala ogetan eqqawus.
\q1
\v 3 Gimbeza lanqen katamata
\q2 geliza pengen eqqada
\q2 ba qaala dhoqqu histtada,\x - \xo 8:1-3 \xo*\xt Leemi 1:20-21\xt*\x*
\q2
\v 4 hayto asatoo! Tani inttena xeygays;
\q2 tani asa zereth ubbaa xeygays.
\q1
\v 5 Intteno akeekay paccidaytoo!
\q2 wozinama gidite;
\q2 intteno eeyatoo akeeka demmite.
\q1
\v 6 Tani go7iza miish
\q2 yootiza gishshas ezgite;
\q2 ta doonappe suure yo7oy kezees.
\q1
\v 7 Ta doonay tuma haasayees;
\q2 ta metershatikka
\q2 iita miish ixxeettes.
\q1
\v 8 Ta doonappe keziza qaalati
\q2 ubbay tuma;
\q2 geella woykko bokka gidettenna.
\q1
\v 9 Akeekay diza asas
\q2 ta haasayay likke;
\q2 erateththi dizaytas
\q2 ta haasayan wordoy deenna.
\q1
\v 10 Birappe aaththidi ta zore ekkite;
\q2 muuruta worqqafe aaththidi
\q2 erateth doorite.
\b
\q1
\v 11 Ays giikko, «Tani aadho erateththi
\q2 zo7o inqqufekka keeha al7ays;
\q2 neni amottiza miish ubbayka
\q2 tanara ginattanaas dandayenna.
\q1
\v 12 Tani aadho erateththi
\q2 akeekara days;
\q2 erateththinne wozinamateththi
\q2 ta miishshata.
\q1
\v 13 Godaas yashshateththi iita ixo;
\q2 tani otoronne hallaca,
\q2 menxe iitateththinne
\q2 geella haasaya ixxays.
\q1
\v 14 Zoreynne lo7o pirday tayta;
\q2 taas akeekaynne wolqqay dees.
\q1
\v 15 Kawoti tanan kawoteettes;
\q2 dere ayssizayti
\q2 suure woga kesseettes.
\q1
\v 16 Daannati tani maaddiin
\q2 deraa aysseettes;
\q2 deraa haariza gita asati
\q2 ubbay haareettes.
\q1
\v 17 Tana siiqizayta tani siiqays;
\q2 minni koyzayti tana demmana.
\q1
\v 18 Dureteththinne bonchchoy
\q2 ta matan deettes;
\q2 wurontta aqotaynne
\q2 injjey ta matanna.
\q1
\v 19 Intte taappe demmiza go7ay
\q2 muuruta worqqafe aadhdhees;
\q2 ta imotaykka
\q2 seerisi kessida birappe darees.
\q1
\v 20 Tani xilloteththa ogen hemettays;
\q2 suure pirda kaallays.
\q1
\v 21 Tana siiqizaytas
\q2 tani dureteth immana;
\q2 istta minjja keeththaaka
\q2 tani kunththana.
\b
\q1
\v 22 «GODAY tana ba ooso ubbaafe
\q2 koyro medhdhides;
\q2 benippeka iza oosaas
\q2 koyroy tana.\x - \xo 8:22 \xo*\xt Ajju 3:14\xt*\x*
\q1
\v 23 Saloynne sa7ay
\q2 medhettanaappe kase
\q2 Beni mernaasofe
\q2 tani shuumettadis.
\q1
\v 24 Wogga gita abbati baynda wode,
\q2 haaththa pulttoti
\q2 dhuuqqanaappe kase
\q2 tani yelettadis.
\q1
\v 25 Zumatinne zumbullati
\q2 medhettanaappe
\q2 kase tani yelettadis.
\q1
\v 26 GODAY sa7anne
\q2 sa7a bolla diza dembata
\q2 woykko alame bolla diza gudullata
\q2 medhdhanaappe kase tani yelettadis.
\q1
\v 27 GODAY salota miccida wodenne
\q2 gita abbatappe bollara
\q2 salo gufanththo giigsida wode
\q2 tani heen de7ays.
\q1
\v 28 GODAY shaarata bollan
\q2 woththida wode,
\q2 gita abbaa pulttota
\q2 dhuussida wode,
\q2
\v 29 abbaa haaththati
\q2 banttas imettida zawappe
\q2 pinnidi aadhdhontta mala
\q2 zawa woththida wode,
\q2 sa7as yoch yeggida wode,
\q2
\v 30 he wode tani iza matan
\q2 waanna oosanchcha;
\q2 ubbaa gallas tani
\q2 ufayssan kumays;
\q2 tanikka iza sinththan ufayettays.
\q1
\v 31 Izas gidida alame ubbaan
\q2 ta ufayettays;
\q2 asaa naytankka ta ufayettays.
\b
\q1
\v 32 «Ha7ikka ta naytoo!
\q2 Tani gizayssa ezgite;
\q2 ta oge naagizayti anjjettidayta.
\q1
\v 33 Ta timirte siyite;
\q2 aadho eranchchata gidite;
\q2 wuda dhayopite.
\q1
\v 34 Tani yootizayssa siyiza asi,
\q2 hach hach ta pengen beettiza asi,
\q2 taso gelizasonkka
\q2 naagiza asi anjjettidaade.
\q1
\v 35 Tana demmiday de7o demmees;
\q2 GODAAPPE izi saba demmees.
\q1
\v 36 Gido attiin tana
\q2 demmontta aggida asi
\q2 bana qohees;
\q2 tana ixxiza ubbati
\q2 hayqo siiqeettes» gadus.
\c 9
\s1 Aadho Erateththinne Eeyateth
\q1
\v 1 Aadho erateththaya
\q1 baas keeth keexxadus;
\q2 keeththas laappun
\q2 tuussata essadus.
\q1
\v 2 Iza modhdho mehe shukkadus;
\q2 woyne ushshu aggadus;
\q2 maaddaka giigsadus.
\q1
\v 3 Histtada asaa xeyganaas
\q2 ba macca aylleta kiittadus.
\q2 Iza katamayppe dhoqqa soon
\q2 eqqada xeygadus;
\q1
\v 4 «Inttenoo! Eray paccidayto
\q2 haa gelite!» gadus.
\q2 Eeyatakka iza,
\q1
\v 5 «Haa yiidi ta qumaa miite;
\q2 tani aggida
\q2 woyne ushshaaka uyite!
\q1
\v 6 Intte eeyateththa ogeza aggite;
\q2 intte shemppora paxa de7ana;
\q2 akeeka ogen hemettite» gadus.
\q1
\v 7 Qilcciza as seeriza asi ubbay
\q2 baas cashshe kallana;
\q2 iita as zorizaadeyka
\q2 baas kawuyana.
\q1
\v 8 Qilcciza as zoroppa;
\q2 ne iza zorikko izi nena ixxana.
\q2 Aadho eranchcha as seera;
\q2 ne iza seerikko izi nena dosana.
\q1
\v 9 Aadho eranchcha as tamaarsa;
\q2 histtiko izi kaseyssafekka
\q2 aadho eranchcha gidana.
\q2 Xillo as tamaarsa;
\q2 histtiko izi erateth gujjana.
\b
\q1
\v 10 Aadho erateththas koyroy
\q2 GODAAS yashshateththa;
\q2 Geeshshaza eroykka akeeka.\x - \xo 9:10 \xo*\xt Iyo 28:28; Maza 111:10; Leemi 1:7\xt*\x*
\q1
\v 11 Ta gaason nees barey aduqqana;
\q2 nees de7o layththayka gujettana.
\q1
\v 12 Neni aadho eranchcha gidikko
\q2 go7ettana;
\q2 ne qilccizaade gidikko qohettana.
\b
\q1
\v 13 Eeya maccassi wocama darawus;
\q2 iza bana haarukku;
\q2 iza aykkoka erukku.
\q1
\v 14 Iza ba karen utta pe7awus;
\q2 katama giddon dhoqqaso
\q2 keza uttawus.
\q1
\v 15 Heera aadhdhi
\q2 ba oge bizayta xeygawus.
\q1
\v 16 Izakka wozina pacetas,
\q2 «Inttenoo! akeekay paccidayto
\q2 taakko haa yiite.
\q1
\v 17 Kaysi uyiza haaththi mal7ees;
\q2 geeman miza qumaykka
\q2 suukesees» gawus.
\q1
\v 18 Gido attiin hayqqida asay
\q2 heen de7izayssa,
\q2 izi imaththatikka duufo giddon
\q2 dizayssa istti erettenna.
\c 10
\s1 Solomoone Leemisota
\q1
\v 1 Hayti Solomoone leemisota.
\q2 Aadho erateththi diza nay
\q2 ba aawa ufayssees;
\q2 gido attiin eeya nay
\q2 ba aayo ceecisees.
\q1
\v 2 Bessontta ogera yida
\q2 aqotay go7enna;
\q2 gido attiin xilloteththi
\q2 hayqoppe ashshees.
\q1
\v 3 GODAY xillota gafisenna;
\q2 gido attiin nagaranchchata
\q2 amo calqamissana.
\q1
\v 4 Azallateththi manqisees;
\q2 minni oosoy gidikko duresees.
\q1
\v 5 Aadho eranchchay
\q2 kath wodera shiishshees;
\q2 kath shiishshiza wode dhiskiza
\q2 asi gidikko kawuyees.
\q1
\v 6 Xillo asi anjjettees;
\q2 iita asa doona
\q2 makkallateththi gordees.
\q1
\v 7 Xillota sunththay
\q2 anjjon xeygettishe daana;
\q2 iitata sunththi gidikko dogettana.
\q1
\v 8 Aadho eranchchay
\q2 azazo ero gi ekkees;
\q2 lom7ulom7iza eeyati gidikko
\q2 bashshaso beettes.
\q1
\v 9 Suure asi hirgay baynda dees;
\q2 geella oge biza asi gidikko
\q2 ba mooron oykettana.
\q1
\v 10 Gene oosos qim7otiza asi
\q2 meto ehees;
\q2 lom7ulom7iza eeyaykka
\q2 meto ehees.
\q1
\v 11 Xillota haasayay de7o pultto;
\q2 iitata haasayay gidikko
\q2 makkallateth genththees.
\q1
\v 12 Ixoy palama denththeththees;
\q2 siiqoy gidikko
\q2 bala ubbaa kammi aadhdhees.\x - \xo 10:12 \xo*\xt Yaaqo 5:20; 1Phex 4:8\xt*\x*
\q1
\v 13 Wozinama asay
\q2 aadho eran haasayees;
\q2 eeya zokkon gidikko
\q2 xam7ay meqqees.
\q1
\v 14 Aadho eranchchati
\q2 erateth dagaseettes;
\q2 eeya haasayay gidikko bash xeygees.
\q1
\v 15 Dureta aqotay isttas
\q2 gimbettida katama;
\q2 manqota manqoteththi
\q2 isttas dhayoso.
\q1
\v 16 Xillo asa damozay de7o;
\q2 iita asatas
\q2 wodhey gidikko qixaate.
\q1
\v 17 Seera ekkiza asi
\q2 de7o ogen hemettees;
\q2 seera ixxiza asi gidikko
\q2 meto bolla wodhdhees.
\q1
\v 18 Ixxishe ba ixxizayssa
\q2 qottiza asi wordanchcha;
\q2 zigirs zigirza
\q2 asi gidikko eeya.
\q1
\v 19 Daro haasaya giddon
\q2 mooroy dhayenna;
\q2 ba doona shiishshi ekkiza
\q2 asi gidikko
\q2 aadho eranchcha.
\q1
\v 20 Xillota haasayati
\q2 geeshsha bira mala;
\q2 iita asa qofas gidikko
\q2 go7ay deenna.
\q1
\v 21 Xillota haasayay darota go7ees;
\q2 eeyati gidikko
\q2 ba wozina pacen hayqqeettes.
\q1
\v 22 GODAA anjjoy dure kessees;
\q2 izi he dureteththan
\q2 meto gujjenna.
\q1
\v 23 Eeya asi iita ooson ufayeettes;
\q2 wozinama asi gidikko
\q2 aadho erateththan ufayeettes.
\q1
\v 24 Iita as hirgiza miish
\q2 iza bolla gakkana;
\q2 gido attiin xillo amoy
\q2 izas polettana.
\q1
\v 25 Gote carkoy dendishin
\q2 iitati pitetti dhayana;
\q2 xilloti gidikko
\q2 mernaas minni daana.
\q1
\v 26 Caalay ach zil7issiza malanne
\q2 cuway ayfe qohiza mala
\q2 azalla asi kiittidaadenttas
\q2 hessa mala.
\q1
\v 27 GODAAS yashshi layth adussees;
\q2 iitata barey gidikko qaanththa.
\q1
\v 28 Xillota hidotay ufayssan gaththees;
\q2 iitata hidotay gidikko
\q2 hada gidi attees.
\q1
\v 29 GODAA ogey xillotas
\q2 baqati attizasoho;
\q2 iita ooththizaytas gidikko bashsha soho.
\q1
\v 30 Xilloti mulekka dhoqallettettenna;
\q2 iitati gidikko biitta bolla
\q2 de7ettenna.
\q1
\v 31 Xillota doonay
\q2 aadho erateth haasayees;
\q2 geellata inxarsi gidikko qanxxettana.
\q1
\v 32 Xillota metershay
\q2 bessiza yo7o haasayees;
\q2 iita doonay gidikko
\q2 bokka yootees.
\c 11
\q1
\v 1 GODAY wordo geeddara ixxees;
\q2 gido attiin suure
\q2 geeddaran ufayettees.
\q1
\v 2 Otoroteththi kawushshateth kaaleththees;
\q2 ashketeththi gidikko
\q2 aadho erateth ehees.
\q1
\v 3 Xillota istta suureteththi kaaleththees;
\q2 gido attiin wordanchchata
\q2 istta wordoteththi dhayssees.
\q1
\v 4 Hanqo gallas dureteththi go7enna;
\q2 gido attiin xilloteththi
\q2 hayqoppe ashshees.
\q1
\v 5 Borey baynda asata
\q2 istta xilloteththi
\q2 isttas oge suurisees;
\q2 gido attiin iitati bantta
\q2 iitateththan kundeettes.
\q1
\v 6 Suureta istta xilloteththi ashshees;
\q2 gido attiin malteti
\q2 bantta iita
\q2 amon oykettana.
\q1
\v 7 Iita asi hayqqiza wode
\q2 iza hidotay hada gidees;
\q2 ba wolqqan izi ceeqettizaazi
\q2 ubbayka dhayees.
\q1
\v 8 Xilloy metoppe attees;
\q2 gido attiin metoy
\q2 iita asa bolla gakkees.
\q1
\v 9 Iita asi ba doonan
\q2 ba laggeza dhayssees;
\q2 gido attiin xilloti erateththan
\q2 kessi ekki atteettes.
\q1
\v 10 Xillotas injjetiza wode
\q2 katamay ufayettees;
\q2 qasse iitati dhayza wode
\q2 hashshu gees.
\q1
\v 11 Suureta anjjo gaason
\q2 katamay diccees;
\q2 iita haasayan gidikko
\q2 katamay dhayees.
\q1
\v 12 Wozina pace asi
\q2 ba shooroza kadhees;
\q2 akeekanchcha asi gidikko
\q2 ba doona shiishshi ekkees.
\q1
\v 13 Zigirza asi xuura laallees;
\q2 ammanettiza asi gidikko
\q2 xuura naagees.
\q1
\v 14 Kaaleththo pacen
\q2 kawoteththi kundees;
\q2 daro zoranchchati de7ikko
\q2 saroy dees.
\q1
\v 15 Erontta asas waasettizay
\q2 meton gelees;
\q2 waase gelanaas caaqqonttaade
\q2 aykkoyka bochchenna.
\q1
\v 16 Ulo kiya maccassaya
\q2 bonchchettawus;
\q2 wolqqaththiza asati
\q2 dureteth xalla duretteettes.
\q1
\v 17 Kiya asi bana go7ees;
\q2 menxe iita asi gidikko
\q2 ba bolla meto ehees.
\q1
\v 18 Iita asi demmiza wodhey deenna;
\q2 xilloteth zeriza asi gidikko
\q2 suure woyto ekkana.
\q1
\v 19 Xilloy de7o demmana;
\q2 gido attiin iitateth
\q2 kaalliza asi hayqqana.
\q1
\v 20 GODAY iita qofay
\q2 de7iza asata shaatettees;
\q2 gido attiin suure
\q2 hemettizaytan ufayettees.
\q1
\v 21 Iita asi qaxxayettontta attenna;
\q2 gido attiin xilloti
\q2 qaxxayettettenna.
\q1
\v 22 Akeekay paccida
\q2 maccassa puulateththi
\q2 guddunththa siidhen
\q2 aaththida worqqa mala.
\q1
\v 23 Xillota amos wurseththi lo7o xalla;
\q2 gido attiin iitata amos
\q2 wurseththi hanqo xalla.
\q1
\v 24 Issi issi asati
\q2 coo kiyateth immeettes;
\q2 gido attiin isttas aqoy
\q2 haa haa darees.
\q2 Baggati keehi uuzetteettes;
\q2 gido attiin istti
\q2 manqi manqi beettes.
\q1
\v 25 Kiya asi durettana;
\q2 haratas immizay
\q2 baas woppa demmees.
\q1
\v 26 Geemara kath dagasizaade
\q2 derey qanggees;
\q2 kessi bayzizaadey gidikko
\q2 anjjettees.
\q1
\v 27 Lo7o miish minththi koyzaade
\q2 lo7o miishshi naagees;
\q2 gido attiin iita miish koyzaade
\q2 iita miishshi gakkees.
\q1
\v 28 Ba dureteththan
\q2 ammanettiza asi kundana;
\q2 xilloti gidikko
\q2 lo7o miththa mala cililana.
\q1
\v 29 Soo asaa bolla shiro denththiza
\q2 asi go7ay baynda attana;
\q2 Eeyatikka aadho eranchchatas
\q2 aylle gidana.
\q1
\v 30 Xillo asi de7o ayfe
\q2 ayfiza miththa mala;
\q2 shemppota ashshizay
\q2 aadho eranchcha.
\q1
\v 31 Xilloti sa7an
\q2 bantta ooso waaga
\q2 ekkizaa gidikko,
\q2 iitatinne nagaranchchati
\q2 bantta oosos ekkana waagay
\q2 waani darandeeshaa!\x - \xo 11:31 \xo*\xt 1Phex 4:18\xt*\x*
\c 12
\q1
\v 1 Seera dosiza asi erateth dosees;
\q2 gido attiin seera ixxiza
\q2 asi damma.
\q1
\v 2 Lo7o asi GODAAPPE saba demmees;
\q2 gido attiin GODAY
\q2 genanchchata pirdees.
\q1
\v 3 Asi iitateththan eqqidi
\q2 minni kanththanawu dandayenna;
\q2 xilloti gidikko
\q2 ba dizasoppe qaaxxettenna.
\q1
\v 4 Wozinama maccassaya
\q2 ba keeththaawas
\q2 kallachcha mala;
\q2 yeellachchiza machcha
\q2 ba azinaas
\q2 meqeththa garsan diza
\q2 woyzazire harge mala.
\q1
\v 5 Xillota qofay suure;
\q2 iitata zorey gidikko cimo.
\q1
\v 6 Iitata haasayay as wodhees;
\q2 xillota haasayay gidikko
\q2 as ashshees.
\q1
\v 7 Iita asati kundana;
\q2 isttas zereththika attenna;
\q2 xillota zereththi gidikko
\q2 minni daana.
\q1
\v 8 Asi ba aadho erateththa mala
\q2 galateettes;
\q2 gido attiin geella qofay
\q2 de7iza asi kadhettees.
\q1
\v 9 Aykkoy baynda dishin
\q2 dure asa mala ceeqettiza asappe
\q2 bana ziqqi histti
\q2 baas ooththi aqiza asi kiya.
\q1
\v 10 Xillo asi ba mehes qadhettees;
\q2 iita asi kiyattees giikkoka
\q2 menxe iita.
\q1
\v 11 Ba biittaa minththi ooththiza asi
\q2 kath kallees;
\q2 akeekay paccida asi
\q2 go7ay baynda hidota gooddees.
\q1
\v 12 Nagaranchchati iitati
\q2 di7i ehidayssa amotteettes;
\q2 xillota zereththi gidikko daayana.
\q1
\v 13 Iita asi ba haasayda
\q2 iita haasayan oykettees;
\q2 xilloy gidikko metoppe
\q2 kessi ekki attees.
\q1
\v 14 Asi ba doonappe ke7iza qaalan
\q2 lo7o miish kallees;
\q2 ba ooththida ooso
\q2 waagakka demmees.
\q1
\v 15 Eeya asas izi biza ogey
\q2 izas lo7o misatees;
\q2 aadho eranchchay zore siyees.
\q1
\v 16 Eeya asa hanqoy heerakka erettees;
\q2 cincca asi gidikko
\q2 cashshe wudu geenna.
\q1
\v 17 Suure markkay tuma markkattees;
\q2 wordoy gidikko
\q2 wordo markkattees.
\q1
\v 18 Akeekontta haasayza haasayay
\q2 toora mala caddees;
\q2 aadho eranchcha
\q2 inxarsi gidikko paththees.
\q1
\v 19 Wordo haasayay guuththa wodessa;
\q2 tuma haasayay gidikko
\q2 mernaassa.
\q1
\v 20 Iita qoppizayta wozinan
\q2 baleththoy dees;
\q2 gido attiin saro miish qoppizayta
\q2 wozinan ufayssi dees.
\q1
\v 21 Xillota qohoy gakkenna;
\q2 iitati gidikko meto kallana.
\q1
\v 22 GODAY wordo haasaya harasettees;
\q2 tumanchchatan gidikko
\q2 ufayettees.
\q1
\v 23 Akeekara diza asi
\q2 ba erateth qottees;
\q2 wozinay baynda asi
\q2 ba eeyateththaa nashshees.
\q1
\v 24 Minni ooththiza asi dere haarees;
\q2 azallay aylle gidees.
\q1
\v 25 Hirgan kumida wozinay
\q2 as ceecen yeggees;
\q2 shongara diza haasayay gidikko
\q2 ufayssees.
\q1
\v 26 Xillo asi ba lagge
\q2 lo7o zore zorees;
\q2 iitata zorey gidikko
\q2 tuma ogeppe haassees.
\q1
\v 27 Azalla asi shankkatidi
\q2 ehida ashoza xiixenna;
\q2 minni ooththiza asi gidikko
\q2 ba aqotas mishettees.
\q1
\v 28 Xilloteththa ogen de7oy dees;
\q2 he ogen hayqoy deenna.
\c 13
\q1
\v 1 Era nay ba aawa zore
\q2 wozinappe siyees;
\q2 qilccizay gidikko seera siyenna.
\q1
\v 2 Asi ba doonappe ke7iza qaalan
\q2 lo7o miish demmees;
\q2 ammanettonttayti gidikko
\q2 makkallateth amotteettes.
\q1
\v 3 Ba doona naagiza asi
\q2 ba shemppo naagees;
\q2 doonan yida mala haasayza asi
\q2 bana dhayssees.
\q1
\v 4 Azallay keehi amottees shin
\q2 aykkoka demmenna;
\q2 minni ooththizayta
\q2 amoy gidikko kumana.
\q1
\v 5 Xillo asati wordo haasaya ixxeettes;
\q2 iita asata haasayay gidikko
\q2 yeellaseessinne kawushshees.
\q1
\v 6 Xilloteththi Suure as naagees;
\q2 iitateththi gidikko
\q2 nagaranchcha dhayssees.
\q1
\v 7 Aykkoy baynda
\q2 bana dure misatissiza asi dees;
\q2 hara baggara baas
\q2 daro aqotay dishin
\q2 manqo misati beettiza asi dees.
\q1
\v 8 Asi ba dureteththan
\q2 ba shemppo wozzana gidana;
\q2 manqoy gidikko
\q2 hirgay baynda uttees.
\q1
\v 9 Xillota poo7oy keehi poo7ees;
\q2 iitata xomppey gidikko to7ana.
\q1
\v 10 Otoroy oosh yelees;
\q2 aadho erateththi gidikko
\q2 zore ekkizayta matan dees.
\q1
\v 11 Bessontta ogera demmida miishshi
\q2 dhayi dhayi bees;
\q2 ba cawa gussidi demmida aqotay
\q2 dari dari bees.
\q1
\v 12 Hidotay polettontta gam7iko
\q2 wozinay meqqees;
\q2 gido attiin amottidayssi
\q2 polettishin ufayssees.
\q1
\v 13 Zore kadhiza asi meton gelees;
\q2 azazo bonchchiza asi gidikko
\q2 ba waaga ekkana.
\q1
\v 14 Aadho eranchchay immiza timirtey
\q2 de7o pultto;
\q2 hessi asi hayqo woximaden
\q2 gelontta mala naagees.
\q1
\v 15 Akeekay de7iza asi bonchchettees;
\q2 ammanettontta agoy
\q2 bashsha oge efees.
\q1
\v 16 Akeekiza asi eran ooththees;
\q2 eeyay gidikko
\q2 ba eeyateththa qonccisees.
\q1
\v 17 Iita asi kiitettiko meton gelees;
\q2 ammanettida asi kiitettiko
\q2 saroteth ehees.
\q1
\v 18 Seera ixxiza asi
\q2 manqeessinne kawuyees;
\q2 hanqo siyiza asi gidikko
\q2 bonchchettees.
\q1
\v 19 Amoy polettiko keehi ufayssees;
\q2 eeyati gidikko
\q2 iitappe haakkanaas koyettenna.
\q1
\v 20 Aadho eranchchatara hemettiza asi
\q2 aadho eranchcha gidees;
\q2 gido attiin eeyatara hemettiza asi
\q2 meton gelees.
\q1
\v 21 Nagaranchchata
\q2 iita qaaday kaallees;
\q2 dureteththi gidikko
\q2 xillotas imettiza woyto.
\q1
\v 22 Lo7o asi baas
\q2 naa nayta gakkanaas laatisees;
\q2 nagaranchcha aqotay gidikko
\q2 xillotas dagattees.
\q1
\v 23 Manqo gadey
\q2 daro kath immana dandayees;
\q2 gido attiin suure pirday dhaykko
\q2 pitetti dhayees.
\q1
\v 24 Seerontta dichchizay ba naa ixxees;
\q2 gido attiin seeri dichchizay
\q2 ba naa dosees.
\q1
\v 25 Xilloy kallanaashe gakkanaas mees;
\q2 iitati gidikko gafida mala daana.
\c 14
\q1
\v 1 Aadho erateththi diza maccassaya
\q2 ba keeth keexxawus;
\q2 eeyaya gidikko ba keeth
\q2 ba kushen laallawus.
\q1
\v 2 Suure hemettiza asi
\q2 GODAAS yayyees;
\q2 geella oge hemettizay gidikko
\q2 iza kadhees.
\q1
\v 3 Eeya haasayay iza zokkos
\q2 gatuma ehees;
\q2 aadho eranchchata
\q2 inxarsay gidikko
\q2 istta naagees.
\q1
\v 4 Booray bayndason
\q2 gootaray mela dees;
\q2 gido attiin nees boorata wolqqan
\q2 daro kaththi beettees.
\q1
\v 5 Ammanettiza markkay ubbato
\q2 tuma markkattees;
\q2 wordo markkay gidikko
\q2 wordo markkattees.
\q1
\v 6 Qilccizay aadho erateth
\q2 koykkoka demmenna;
\q2 akeekay diza asi waayettontta
\q2 erateth demmees.
\q1
\v 7 Eeya asappe haakka;
\q2 ays giikko neni iza haasayappe
\q2 erateth demmaka.
\q1
\v 8 Akeekanchcha asas
\q2 aadho erateththi
\q2 ba oge naago;
\q2 eeyata eeyateththi gidikko
\q2 istta cimmees.
\q1
\v 9 Eeyati nagara ooththidi
\q2 modhettanayssa aggidi
\q2 qilcceettes;
\q2 suure asatappe gidikko
\q2 lo7o qofay beettees.
\q1
\v 10 Issoy issoy ba wozinan diza
\q2 ceece erees;
\q2 iza ufayssaa
\q2 oonikka izara koxxenna.
\q1
\v 11 Iitata keeththay laalettana;
\q2 suureta keeththay gidikko
\q2 minni de7ana.
\q1
\v 12 Asas likke misatiza ogey dees;
\q2 wurseththan gidikko
\q2 hayqos gaththees.\x - \xo 14:12 \xo*\xt Leemi 16:25\xt*\x*
\q1
\v 13 Miichchankka wozinay
\q2 meqqi erees;
\q2 muuzoteththan ufayssi
\q2 polettana dandayees.
\q1
\v 14 Ba wozina xilloteththafe haassizayti
\q2 ba ooso waaga ekkana;
\q2 lo7o asikka ba lo7o ooso
\q2 waaga ekkana.
\q1
\v 15 Eeya asi ubbaa miish ammanees;
\q2 cinccay gidikko
\q2 akeekidi tanggees.
\q1
\v 16 Aadho eranchchay
\q2 GODAAS yayyeessinne
\q2 saatti tanggees;
\q2 iitappeka haakkees;
\q2 eeyay gidikko
\q2 wuday baynda bichcharees.
\q1
\v 17 Elle hanqettiza asi
\q2 eeya ooso ooththees;
\q2 yo7o qachchiza asi dosettenna.
\q1
\v 18 Wozina paceti eeyateth laattana;
\q2 akeekanchchati gidikko
\q2 erateth kallachcha mala goxxana.
\q1
\v 19 Iitati lo7ota sinththan gulbatana;
\q2 nagaranchchati
\q2 xillota pengen hokkana.
\q1
\v 20 Manqota istta laggetikka ixxeettes;
\q2 duretas gidikko
\q2 daro laggeti deettes.
\q1
\v 21 Ba shooro kadhiza asi
\q2 nagara ooththees;
\q2 gido attiin manqo maaddizay
\q2 anjjettidayssa.
\q1
\v 22 Iita halchchizayti
\q2 suure ogeppe
\q2 kare kezeettes dettenee?
\q2 Lo7o qoppizayti gidikko
\q2 siiqonne ammaneteth eheettes.
\q1
\v 23 Minni ooson ubbaan wodhey dees;
\q2 hada yo7oy gidikko manqisees.
\q1
\v 24 Aadho eranchchatas
\q2 istta dureteththi
\q2 isttas kallachcha;
\q2 eeyata eeyateththi gidikko
\q2 coo hada.
\q1
\v 25 Tumu markkay shemppo ashshees;
\q2 wordo markkay gidikko baleththees.
\q1
\v 26 GODAAS yayyiza asas
\q2 mino miixay dees;
\q2 iza naytaska
\q2 baqati attiza sohoy dees.
\q1
\v 27 GODAAS yashshi de7o pultto;
\q2 hayqo woximadeppe as ashshees.
\q1
\v 28 Dere corateththay kawos bonchcho;
\q2 dere guuththateththi
\q2 kawos bash gidees.
\q1
\v 29 Dandayanchcha asas
\q2 gita akeekay dees;
\q2 elle hanqettiza asi gidikko
\q2 ba eeyateth qonccisees.
\q1
\v 30 Woppu gida wozinay
\q2 bollas payyateth immees;
\q2 qanaatey gidikko
\q2 meqeththa giddon gelida
\q2 woyzazire mala.
\q1
\v 31 Manqota naaqqiza asi
\q2 istta medhdhidayssa cayees;
\q2 metotanchchatas
\q2 qadhettizaa gidikko
\q2 Xoossa bonchchees.
\q1
\v 32 Iitati bantta iita ooson kundana;
\q2 gido attiin xilloti
\q2 hayqo wodekka
\q2 baqati attizasoy dees.
\q1
\v 33 Akeekanchcha asaa wozinan
\q2 aadho erateththi kumides;
\q2 gido attiin eeyati
\q2 aadho erateththa gishshas
\q2 aykkoka erettenna.
\q1
\v 34 Xilloteththi kawoteththaa
\q2 dhoqqu dhoqqu ooththees;
\q2 gido attiin nagaray
\q2 ay asikka kawushshees.
\q1
\v 35 Aadho erateththi diza aylley
\q2 kawo ufayssees;
\q2 gido attiin yeellachchiza aylley
\q2 ba bolla hanqo ehees.
\c 15
\q1
\v 1 Liiqo zaaroy hanqo irxxisees;
\q2 pordolo qaalay gidikko
\q2 hanqo denththeththees.
\q1
\v 2 Aadho eranchcha inxarsafe
\q2 erateththi pulttees;
\q2 gido attiin dogata doonappe
\q2 eeyateththi pulttees.
\q1
\v 3 GODAA ayfeti ubbaso xeelleettes;
\q2 iitatanne lo7ota ubbaa
\q2 lo7eththi be7eettes.
\q1
\v 4 Shongay de7iza lo7o haasayay
\q2 de7o miththa mala;
\q2 gido attiin baleththo haasayay
\q2 ayana qohees.
\q1
\v 5 Eeyay ba aawa seera kadhees;
\q2 gido attiin zore ekkizay
\q2 ba akeekateththaa qonccisees.
\q1
\v 6 Xillo asa keeththan
\q2 daro aqotay dees;
\q2 gido attiin iitatas
\q2 geliza miishshi meto ehees.
\q1
\v 7 Aadho eranchchata doonay
\q2 erateth zerees;
\q2 eeyata wozinay gidikko
\q2 hessa mala deenna.
\q1
\v 8 GODAY iitata yarsho shaatettees;
\q2 suureta woosay gidikko
\q2 iza ufayssees.
\q1
\v 9 GODAY iita asata oge shaatettees;
\q2 gido attiin xilloteth
\q2 kaallizayta dosees.
\q1
\v 10 Suure oge aggidi kare ke7idaade
\q2 hanqoy naagees;
\q2 seera ixxiza asi hayqqees.
\q1
\v 11 Duufoninne dhayo giddon dizayssi
\q2 GODAA sinththan qoncce;
\q2 histtiin asa wozina qofay
\q2 waani izappe geemmanee?
\q1
\v 12 Qilcciza asi seera dosenna;
\q2 aadho eranchchatappekka
\q2 zore oychchenna.
\q1
\v 13 Wozina ufayssi sinth poo7isees;
\q2 wozina ceecey gidikko
\q2 ayana qohees.
\q1
\v 14 Akeekiza wozinay erateth koyees;
\q2 gido attiin dogata doonay
\q2 eeyateth banchikees.
\q1
\v 15 Manqota de7oy
\q2 ubbaa gallassika baaxe.
\q2 Ufayettiza asati ubbatokka
\q2 bantta de7on ufayetteettes
\q1
\v 16 Ooshshi dizason diza gita aqotappe
\q2 GODAA yashshateththara diza
\q2 guuththa aqotay aadhdhees.
\q1
\v 17 Ooshshi dizason
\q2 modhdho asho maanaappe
\q2 siiqoy dizason
\q2 santh muusi aadhdhees.
\q1
\v 18 Eeson hanqettiza asi oosh kessees;
\q2 dandayza asi gidikko
\q2 oosh irxxisees.
\q1
\v 19 Azalla asa ogey
\q2 agunththan diretti uttides;
\q2 suure asa ogey gidikko
\q2 baasa gidees.
\q1
\v 20 Aadho erara diza nay
\q2 ba aawa ufayssees;
\q2 gido attiin eeya nay
\q2 ba aayo kadhees.
\q1
\v 21 Wozina pace asi
\q2 ba eeyateththan ufayettees;
\q2 gido attiin akeeki
\q2 suure oge kaallees.
\q1
\v 22 Zorey dhaykko
\q2 halchchoy ogen attees;
\q2 daro zoranchchati dizason
\q2 halchchoy polettees.
\q1
\v 23 Asi bessiza zaaro immidi
\q2 ufays demmees;
\q2 koshshiza woden imettida qaalay
\q2 ay mala lo7oo!
\q1
\v 24 Duge duufon woththiza
\q2 oge bontta mala
\q2 de7o ogey aadho eranchcha
\q2 pude kaaleththawus.
\q1
\v 25 GODAY otoranchchata
\q2 keeththa laallees;
\q2 gido attiin am7ey zawa naagees.
\q1
\v 26 GODAY iitata qofa shaatettees;
\q2 geeshshata qofay gidikko
\q2 iza ufayssees.
\q1
\v 27 Uuze asi baso asa bolla
\q2 meto ehees;
\q2 gido attiin matta7e ixxiza asi
\q2 paxa daana.
\q1
\v 28 Xillo asi haasayanaappe
\q2 kasetidi qoppees;
\q2 gido attiin iita asa doonappe
\q2 iita qaalay goggees.
\q1
\v 29 GODAY iitatappe haakon dees;
\q2 gido attiin xillota woosa siyees.
\q1
\v 30 Pashka hanoy wozina ufayssees;
\q2 mishiraachcho qaalay
\q2 meqeth cililisees.
\q1
\v 31 De7o immiza seera ekkiza asi
\q2 aadho eranchchatara
\q2 issife daana.
\q1
\v 32 Seera ixxiza asi bana kadhees;
\q2 seera ekkiza asi gidikko
\q2 akeeka demmees.
\q1
\v 33 GODAAS yashshi
\q2 aadho erateth tamaarssees;
\q2 bonchchettana koyida asi
\q2 koyro bana
\q2 kawushshanaas koshshees.
\c 16
\q1
\v 1 Asi ba wozinan halchchees;
\q2 gido attiin zaaroy
\q2 GODAAPPE beettees.
\q1
\v 2 Asi biza oge ubbay
\q2 izas lo7o misatees;
\q2 GODAY koyro denththa qofaa
\q2 caddi xeellees.
\q1
\v 3 Ne ooththiza ubbaa hadara
\q2 GODAAS imma;
\q2 histtiko ne halchchoy polettana.
\q1
\v 4 GODAY ubbaa miish
\q2 medhdhida gaasoykka dees;
\q2 makkallanchchata gidikkoka
\q2 bashsha gallassas
\q2 giigsi woththides.
\q1
\v 5 GODAY otorettiza
\q2 ubbaa shaatettees;
\q2 istti qaxxayettontta attettenna.
\q1
\v 6 Siiqoninne ammaneteththan
\q2 nagaray atto geetettees;
\q2 GODAAS yashshateththan
\q2 asi iitappe haakkees.
\q1
\v 7 Asa hemetay
\q2 GODAA ufayssizaaz gidikko
\q2 iza morkketi
\q2 izara saro daana mala ooththees.
\q1
\v 8 Xilloteththan beettiza
\q2 guuththa miishshi
\q2 wordora demmiza
\q2 daro wodheppe aadhdhees.
\q1
\v 9 Asi ba wozinan
\q2 ba ooththana miish halchchees;
\q2 halchchozi GODAY giikko
\q2 polettees.
\q1
\v 10 Kawo metershati
\q2 Xoossafe ekkida maatan
\q2 haasayeettes;
\q2 iza inxarsi
\q2 pirda geellasanaas bessenna.
\q1
\v 11 Suure geeddaratinne
\q2 maka miishshati GODAAPPE;
\q2 karaxiite giddon diza geeddarati
\q2 ubbay iza oosota.
\q1
\v 12 Kawoti iita ooso harassetteettes;
\q2 ays giikko kawoteththa araatay
\q2 xilloteththan eqqees.
\q1
\v 13 Xillo haasayan kawoti ufayetteettes;
\q2 tuma haasayzaytakka doseettes.
\q1
\v 14 Kawo hanqoy
\q2 hayqo kiitanchcha mala;
\q2 aadho eranchchay gidikko
\q2 hanqo irxxisees.
\q1
\v 15 Kawoy pashki gishin de7oy dees;
\q2 izas kiyateththi
\q2 ira tookkida badhdhesa
\q2 shaara mala.
\q1
\v 16 Aadho erateththa demoy
\q2 worqqa demmizayssafe aadhdhees;
\q2 akeeka demoy
\q2 bira demoppeka aadhdhees.
\q1
\v 17 Suureta ogey iitatappe haakon dees;
\q2 ba hemeta naagiza asi
\q2 ba shemppo naagees.
\q1
\v 18 Otoro geedo bashshi kaallees;
\q2 hallaca geedokka
\q2 kundeththi kaallees.
\q1
\v 19 Otoranchchatara zuppetidi
\q2 di7i ehida miish
\q2 shaaketti ekkanaappe
\q2 manqotara manqeteththan
\q2 duussi kiya.
\q1
\v 20 Zore ekkiza asi duretees;
\q2 GODAAN ammanettiza asi
\q2 anjjettidaade.
\q1
\v 21 Wozinan aadho eranchcha gidida
\q2 asati akeekanchcha
\q2 geetetteettes;
\q2 lo7o qaalay erateth gujjees.
\q1
\v 22 Baas miish ooththidaades
\q2 akeekay de7o pultto;
\q2 dogatas gidikko
\q2 eeyateththi hanqo ehees.
\q1
\v 23 Aadho eranchcha wozinay
\q2 iza doona kaaleththees;
\q2 iza metershatikka
\q2 erateth gujji gujji beettes.
\q1
\v 24 Lo7o qaalay
\q2 eessa ililo mala mal7ees;
\q2 bollaka maaddeessinne
\q2 paththees.
\q1
\v 25 Asas suure misatiza ogey dees;
\q2 gido attiin wurseththan
\q2 hayqos gaththees.\x - \xo 16:25 \xo*\xt Leemi 14:12\xt*\x*
\q1
\v 26 Kaththa koshshi
\q2 asi minni ooththana mala
\q2 denththeththees;
\q2 gafaykka oosos minththeththees.
\q1
\v 27 Iita asi iitateth qoppees;
\q2 iza haasayaykka xuuggiza tama mala.
\q1
\v 28 Geella asi oosh denththees;
\q2 zigirsi ammanettiza
\q2 laggeta shaakkees.
\q1
\v 29 Gene asi ba shooroza cimmees;
\q2 lo7o gidontta oge
\q2 iza kaaleththees.
\q1
\v 30 Ayfera qim7oti bessiza asi
\q2 geellateth qoppees;
\q2 ba mettershaa saxxiza asi
\q2 iitaso bees.
\q1
\v 31 Pulunththi bonchcho kallachcha;
\q2 hessi xilloteththa
\q2 duussan beettees.
\q1
\v 32 Wolqqama as gidanaappe
\q2 dandaya as gideth lo7o;
\q2 bana haarizaadey
\q2 katama wolqqan
\q2 haarizaadefe aadhdhees.
\q1
\v 33 Asi saama yeggees;
\q2 gido attiin wurseththa polo
\q2 immizay GODAA.
\c 17
\q1
\v 1 Ooshshi de7izason de7iza
\q2 gita gibira maanaappe
\q2 saroynne woppay de7izason
\q2 ukeththa mela meeththi kiya.
\q1
\v 2 Akeekanchcha aylles shufuro gidida
\q2 ba goda naa bolla maatay dees;
\q2 histtidi ishantta mala
\q2 isttara issife laattees.
\q1
\v 3 Worqqaynne biray
\q2 taman paacettizayssa mala
\q2 GODAY asaa wozina pilggi xeellees.
\q1
\v 4 Iita asi iita haasaya siyees;
\q2 wordanchchayka
\q2 genanchcha haasaya ezgees.
\q1
\v 5 Hiyeesata bolla qilcciza asi
\q2 istta medhdhidayssa cayees;
\q2 hara as gakkiza meton
\q2 ufayettiza asi
\q2 qaxxayettontta attenna.
\q1
\v 6 Nayta nayti
\q2 cimmida asatas kallachcha;
\q2 yelidayti bantta naytas bonchcho.
\q1
\v 7 Lo7o haasayay eeyas giigenna;
\q2 wordo haasayay dere ayssizaades
\q2 ay mala deexo!
\q1
\v 8 Matta7ey immizaades bita mala;
\q2 izi bida soho ubbaan izas
\q2 injjetana misatees.
\q1
\v 9 Qohettidi ba qohoza genththiza asi
\q2 siiqo koyees;
\q2 gido attiin yo7o
\q2 zaari zaaridi piqqiza asi
\q2 ammanettiza laggeta shaakkees.
\q1
\v 10 Eeyay xeetuto
\q2 lisson shociin erizayssafe
\q2 akeekay de7iza asi coo seeriin
\q2 erizayssi aadhdhees.
\q1
\v 11 Iita asi makkalla miish xalla koyees;
\q2 hessa gishshas iza bolla
\q2 menxe iita asi kiitettana.
\q1
\v 12 Eeya asara
\q2 iza eeyateththa mala
\q2 gayttanaappe
\q2 marata bonqqi ekkichchida
\q2 maaheyra gayteththi kiya.
\q1
\v 13 Lo7o ooththidaades iita
\q2 zaarizaadesoppe
\q2 iitay mulekka dhayenna.
\q1
\v 14 Oosh doomeththi eele haath
\q2 pogi yeddo mala;
\q2 hessa gishshas ooshshi
\q2 medhettanaappe
\q2 kasetada kichchaycha.
\q1
\v 15 Wordanchcha xillo
\q2 xilloza wordo guussi
\q2 nam7ayka GODAA sinththan
\q2 ixettida ooso.
\q1
\v 16 Aadho erateththi demmanaas
\q2 izi koyontta gishshas
\q2 eeya kushen gelida miish
\q2 iza ay go7anee?
\q1
\v 17 Laggey ay wodekka lagge;
\q2 ishaykka meto wodes yelettees.
\q1
\v 18 Akeekay paccida asi baqqi caaqqidi
\q2 hara asas waase gelees.
\q1
\v 19 Oosh dosiza asi nagara dosees;
\q2 ubbato bana dhoqqu histtizaadey
\q2 ba bolla bash xeygees.
\q1
\v 20 Geella qofay de7izaades injjetenna;
\q2 wordo haasayza asikka
\q2 meton gelees.
\q1
\v 21 Eeya naa yeloy ceecisees;
\q2 eeya naa aawaas ufayssi deenna.
\q1
\v 22 Ufayettiza wozinay lo7o dhale;
\q2 gido attiin meqqida wozinay
\q2 asas wolqqa dhayssees.
\q1
\v 23 Iita asi pirda geellasanaas
\q2 geeman matta7e ekkees.
\q1
\v 24 Akeekay de7iza asi
\q2 aadho erateth
\q2 ba sinththafe dhayssenna;
\q2 gido attiin eeya ayfey
\q2 sa7a gaxa gakkanaas yuuyees.
\q1
\v 25 Eeya nay ba aawa ceecisees;
\q2 bana yelida aayokka xuuggees.
\q1
\v 26 Xillo as qaxxayo bessenna;
\q2 suure as shocoy lo7o gidenna.
\q1
\v 27 Amarda qaala haasayza asi
\q2 aadho eranchcha;
\q2 woppa ayanay de7iza
\q2 asikka akeekanchcha.
\q1
\v 28 Eeya asi co7u giikko
\q2 aadho eranchcha misatees;
\q2 ba doonakka shiishshi oykkiko
\q2 akeekanchcha misatees.
\c 18
\q1
\v 1 Laggeteth koyontta asi
\q2 ba amo kaallees;
\q2 suure pirdaka ubbaa palqqees.
\q1
\v 2 Eeyay ba qofa
\q2 qonccisanaaro xalla dosees;
\q2 gido attiin hara asappe
\q2 era ekkanaas dosenna.
\q1
\v 3 Iitateththi kadhe kaaleththees;
\q2 yeellateththi yishin
\q2 kawushshateththi yees.
\q1
\v 4 Asa doonappe ke7iza haasayay
\q2 ciimma haaththa mala;
\q2 aadho erateththa pulttoyka
\q2 xongettiza piissa haaththaa mala.
\q1
\v 5 Iita as maaddidi,
\q2 xilloza pirda geellasizayssi
\q2 lo7o gidenna.
\q1
\v 6 Eeya asa doonay iza bolla
\q2 oosh denththees;
\q2 iza doonappe ke7iza qaalay
\q2 iza bolla durqqa xeygees.
\q1
\v 7 Eeya asa haasayay iza dhayssees;
\q2 iza metershati izas
\q2 woximade gideettes.
\q1
\v 8 Zigiranchcha qaalay mal7o quma mala;
\q2 asas duge marace gakkees.
\q1
\v 9 Azalla asi dhayssiza asas isha.
\q1
\v 10 GODAA sunththi mino gimbe mala;
\q2 xillo asi hee woxxidi
\q2 iitappe attees.
\q1
\v 11 Dureta dureteththi
\q2 isttas yuushoy
\q2 gimbettida katama mala;
\q2 istti bantta dureteththa
\q2 ke7ettontta
\q2 adussa gimbe mala qoodettees.
\q1
\v 12 Asi kundanaappe kase
\q2 iza wozinay otorettees;
\q2 ashketeththi bonchchofe
\q2 sinththatees.
\q1
\v 13 Lo7eththi siyontta dishe zaaroy,
\q2 izaades eeyateththinne
\q2 yeella gidees.
\q1
\v 14 Asa ayanay
\q2 harge dandayana mala maaddees;
\q2 gido attiin ayanay
\q2 meqerettichchiko
\q2 iza ooni dandayanee?
\q1
\v 15 Akeekanchcha wozinay
\q2 erateth koyees;
\q2 aadho eranchcha hayththi
\q2 minththi koyees.
\q1
\v 16 Imotay immizaades oge doyees;
\q2 iza gita asatarakka erisees.
\q1
\v 17 Baalgaaray yiidi
\q2 ba qaala immana gakkanaas
\q2 kasetidi yo7o haasaydaadey
\q2 xillo misatees.
\q1
\v 18 Saama yessi palama teqqees;
\q2 nam7u wolqqama
\q2 baaligaaratakka shaakkees.
\q1
\v 19 Qohettida ishay
\q2 gimbettida katamappe
\q2 aadhdhi minnees;
\q2 iza palamaykka gimbe penge
\q2 gordiza mino kolata mala.
\q1
\v 20 Ba doonan haasaydaazappe
\q2 asi ba ulo kunththees;
\q2 ba inxarsafe ke7ida
\q2 yo7on kallees.
\q1
\v 21 Inxarsa bolla hayqoynne
\q2 de7o wolqqay dees;
\q2 izo dosizayti izi ayfe meettes.
\q1
\v 22 Machcho demmida asi
\q2 lo7o miish demmees;
\q2 hessaadey GODAAPPE
\q2 bonchcho ekkees.
\q1
\v 23 Hiyeesa asi aadashidi haasayees;
\q2 gido attiin durey
\q2 dhechchi zaarees.
\q1
\v 24 Lagge darssiza asi
\q2 baas meto darsees;
\q2 gido attiin ishappe aadhdhidi
\q2 ammanettiza laggey dees.
\c 19
\q1
\v 1 Geella yo7o haasayza iita asappe
\q2 ba de7on borey baynda
\q2 hiyeesa asi lo7o.
\q1
\v 2 Erateththi baynda zil7eteththi
\q2 lo7o gidenna;
\q2 eeso hemetay oge baleththees.
\q1
\v 3 Issi issi asay ba eeyateththan
\q2 ba de7o moorees;
\q2 histtidi GODAA bolla yiillotees.
\q1
\v 4 Dureteththi daro lagge medhdhees;
\q2 gido attiin manqoteththi
\q2 kase diza lagge haassees.
\q1
\v 5 Wordo markkay
\q2 qaxxayettontta attenna;
\q2 wordo puukkizaykka
\q2 qaxxayettontta attenna.
\q1
\v 6 Daro asay lo7o misatanaas
\q2 daanna sinththan alaanththees;
\q2 coo immiza asara
\q2 asi ubbay dabbotees.
\q1
\v 7 Manqo iza dabbo ubbay ixxees;
\q2 histtiin iza laggeti ay keena
\q2 izappe baqatanee!
\q2 Kaalli aadashidikka
\q2 izi istta demmenna.
\q1
\v 8 Aadho erateth
\q2 baas miish ooththizay
\q2 bana siiqees;
\q2 akeeka siiqizaades injjetees.
\q1
\v 9 Wordo markkay
\q2 qaxxayettontta attenna;
\q2 wordo puukkizaykka dhayana.
\q1
\v 10 Eeyati ishalo duus
\q2 daanaas bessenna;
\q2 aylley godaa bolla godatikko
\q2 hessi ay keena iitaa!
\q1
\v 11 Aadho erateththi
\q2 as dandayanchcha kessees;
\q2 qoho yedhdhi aadheththi bonchchon gaththees.
\q1
\v 12 Kawo hanqoy gaammo xaago mala;
\q2 gido attiin iza sinththan
\q2 saba demoy
\q2 maata cililissiza ira mala.
\q1
\v 13 Eeya nay ba aawa
\q2 bashshas aaththi immees;
\q2 oosh ehiza machcha
\q2 ira aaththiza keeththa mala.
\q1
\v 14 Keeththinne aqotay
\q2 yelidaytappe laatteettes;
\q2 akeekara diza machcha GODAAPPE beettawus.
\q1
\v 15 Azallateththi deexo dhisko ehees;
\q2 ooso ooththontta asi gafees.
\q1
\v 16 Azazo naagizay
\q2 ba shemppo naagees;
\q2 gido attiin
\q2 izo ixxizaadey hayqqees.
\q1
\v 17 Manqos kiyiza asi
\q2 GODAAS tal7ees;
\q2 GODAY he lo7o ooso
\q2 waaga qanxxana.
\q1
\v 18 Wodera ne naa seera;
\q2 izi hayqos bishin
\q2 co7u ga xeellofa.
\q1
\v 19 Eeson yiillotiza asi
\q2 qaxxayettanaas bessees;
\q2 neni agga aadhdhiko
\q2 hara wodekka
\q2 nees hessaththo oosoy attenna.
\q1
\v 20 Zore siya; seerakka ekka.
\q2 Histtiko neni wurseththan
\q2 aadho eranchcha gidana.
\q1
\v 21 Asa wozinan daro halchchoy dees;
\q2 gido attiin
\q2 GODAA qofay polettees.
\q1
\v 22 Asappe koyettizay mino siiqo;
\q2 wordanchcha gidanaappe
\q2 manqoteththi lo7o.
\q1
\v 23 GODAAS yashshi de7os kaaleththees;
\q2 hessa mala asi woppan dees;
\q2 iitaykka iza bochchenna.
\q1
\v 24 Azallay ba kushe maaddan yeddees;
\q2 gido attiin pude ba doonan
\q2 zaaranawu waayettees.
\q1
\v 25 Qilccizaade shocikko
\q2 wozina pacey akeeka taamarana;
\q2 akeekanchcha asa seerikko
\q2 izi erateth demmana.
\q1
\v 26 Ba aawa bonqqiza nay,
\q2 ba aayokka kessi yedeththiza nay
\q2 izi yeellateththinne
\q2 kawushshateth ehiza naa.
\q1
\v 27 Ta naazoo!
\q2 Ta zore ne siyontta aggiko,
\q2 ne eriza qaalaakka balana.
\q1
\v 28 Wordo markkay
\q2 suure pirda bolla qilccees;
\q2 iita asa doonay
\q2 iitateth banchikees.
\q1
\v 29 Qilccizaytas pirday,
\q2 eeyata zokkos lissoy
\q2 giigi uttides.
\c 20
\q1
\v 1 Maththosiza ushshi uyizay
\q2 qilccizaadenne eeya gidees;
\q2 haytanttan balettida ubbay
\q2 aadho eranchcha gidenna.
\q1
\v 2 Kawo hanqoy gaammo xaago mala;
\q2 iza yiillochchizay
\q2 ba shemppo bolla pirdees.
\q1
\v 3 Palamappe haakoy
\q2 izaades bonchcho;
\q2 gido attiin eeya asi ubbay
\q2 ooshshas eesotees.
\q1
\v 4 Azalla goshshanchchay
\q2 wodera goyenna;
\q2 kath shiishshiza wode
\q2 shiishshanaas koyees;
\q2 gido attiin aykkoka demmenna.
\q1
\v 5 Asa wozina halchchoy
\q2 ciimma ollan de7iza
\q2 haaththa mala;
\q2 gido attiin wozinama asi
\q2 heeppe duuqqi kessees.
\q1
\v 6 Daro asati bantta
\q2 kiyateththa yooteettes;
\q2 gido attiin ammanettiza as
\q2 ooni demmanaas dandayzee?
\q1
\v 7 Xillo asi borey baynda de7o dees;
\q2 izappe kaallidi
\q2 iza naytikka anjjettidayta.
\q1
\v 8 Kawoy pirdanaas ba kawoteththa
\q2 algan uttiza wode
\q2 iita ubbaa ba ayfetan
\q2 harqidi kessees.
\q1
\v 9 «Ta wozinaa geeshshadis;
\q2 ta geeshsha;
\q2 tanan nagaray baawa»
\q2 gaanay oonee?
\q1
\v 10 GODAY wordo meezaanenne
\q2 nam7u qommo geeddara
\q2 miish ixxees.
\q1
\v 11 Nay geeshshinne suure gidizayssi
\q2 izi ooththiza ooson erettees.
\q1
\v 12 Siyiza hayththinne xeelliza ayfe,
\q2 isttaka GODAY medhdhides.
\q1
\v 13 Dhisko siiqoppa!
\q2 Ne histtontta aggiko ne manqana.
\q2 Minnada ooththa;
\q2 histtiko neni kath kallana.
\q1
\v 14 Shammiza asi,
\q2 «Hayssi al7o! Qohees!» gees;
\q2 gido attiin shammi
\q2 simmidaappe guyen,
\q2 «Hiraysson shammadis»
\q2 giidi ceeqettees.
\q1
\v 15 Eray kumida qaala haasayza
\q2 metershati worqqafenne
\q2 zo7o inqqufekka
\q2 aadho geexe.
\q1
\v 16 Erontta asas
\q2 waase geliza asa may7o
\q2 qaari ekkite;
\q2 hawusha maccassas
\q2 waase geliza as oykkite.\f + \fr 20:16 \fr*\ft Hawusha maccas gizayssas birsheththay kawushsha guussa.\ft*\f*
\q1
\v 17 Wordon demmida kaththi mal7ees;
\q2 gido attiin aqi pe7idi
\q2 doonan ace gidees.
\q1
\v 18 Zore ekkada halchcho halchcha;
\q2 zore ekkontta de7ashe
\q2 olas booppa.
\q1
\v 19 Zigiranchchay xuura laallees;
\q2 hessa gishshas lom7ulom7a
\q2 asappe haakka.
\q1
\v 20 Ba aawa woykko
\q2 ba aayo cayizaades,
\q2 xomppey sakkanna
\q2 dhuman to7ana.
\q1
\v 21 Koyrora eeson beettida aqotas
\q2 wurseththan anjjoy deenna.
\q1
\v 22 Neessi iita ooththida asas,
\q2 «tani izas halo kessana» gooppa;
\q2 GODAAN ammanettada naaga;
\q2 izi nena ashshana.
\q1
\v 23 GODAY wordo meezaanen
\q2 ufayettenna
\q2 nam7u qommo geeddara
\q2 miish ixxees.
\q1
\v 24 Asay baanaas bessiza oge
\q2 GODAY kaaleththees;
\q2 histtiin asi barkka
\q2 ba baana oge
\q2 wostti akeekanaas dandayzee?
\q1
\v 25 Issi miish Eesotidi,
\q2 «Hayssa tani Xoossas immana»
\q2 giidi adinettidaappe guye
\q2 zil7eteththi as oykkiza yarde.
\q1
\v 26 Aadho erateththi diza kawoy
\q2 makkallanchchata shaakki erees;
\q2 izi istta qadhettontta qaxxayees.
\q1
\v 27 Asa ayanay GODAA xomppe;
\q2 hessa gishshas
\q2 giddo asateth ubbaa
\q2 izi pilggi xeellees.
\q1
\v 28 Kiyateththinne tumateththi
\q2 kawo naagettees;
\q2 iza kawoteththa araataykka
\q2 siiqon minnees.
\q1
\v 29 Yelagata wolqqay isttas bonchcho;
\q2 cimata pulunththi
\q2 isttas bonchcho.
\q1
\v 30 Mino qixaatey iitateth diggees;
\q2 wadhay iita wozina laammees.
\c 21
\q1
\v 1 Kawo wozinay
\q2 GODAA kushen dees;
\q2 izi iza wozinaa
\q2 goggiza haaththa mala
\q2 ba dosidaso zaarees.
\q1
\v 2 Asi biza ogey izaades
\q2 suure misatees;
\q2 GODAY gidikko
\q2 wozinaa pilggi xeellees.
\q1
\v 3 Yarshofe bollara xillonne
\q2 suure pirda GODAY dosees.
\q1
\v 4 Otoroynne hallacay
\q2 iita asata bessiza malata;
\q2 hessika nagara.
\q1
\v 5 Mino oosanchcha
\q2 halchchoy duresees;
\q2 gido attiin bichcharisi manqisees.
\q1
\v 6 Wordotidi dagasida aqotay
\q2 dhayza pentta mala;
\q2 qasseka wodhiza woximade mala.
\q1
\v 7 Iitati suure ooso dosontta gishshas
\q2 iitata istta makkallateththi
\q2 dhayssana.
\q1
\v 8 Mooranchchati
\q2 geella ogera hemetteettes;
\q2 gido attiin geeshshati
\q2 suure haneettes.
\q1
\v 9 Duunama machchira daanaappe
\q2 keeththa daaranchchan
\q2 aqoy lo7o.
\q1
\v 10 Iitati iita miish ooththanaas
\q2 keehi amotteettes.
\q2 Iza laggey izappe
\q2 qadheta demmenna.
\q1
\v 11 Qilccizaadey qaxxayettida wode
\q2 wozinay paccida asi
\q2 aadho erateth tamaarees;
\q2 wozinama asikka tamaardi
\q2 erateth demmees.
\q1
\v 12 Xillo Xoossay iitatason
\q2 oosettiza ubbaa caddi xeellees;
\q2 istta mulera dhayssees.
\q1
\v 13 Manqo waaso siyanaappe giidi
\q2 ba hayth tucciko
\q2 izikka waassiza wode
\q2 alliza asi dhayana.
\q1
\v 14 Geeman immiza imotay
\q2 hanqo doshisees;
\q2 afala giddora immida matta7ey
\q2 suule hanqo irxxisees.
\q1
\v 15 Suure pirday xillota ufayssees;
\q2 iita ooththizayta gidikko
\q2 shirosees.
\q1
\v 16 Akeeka ogeppe kare keziza asi
\q2 moytille duulatan shemppees.
\q1
\v 17 Hallaca duus daana
\q2 koyza asi manqees;
\q2 ushshinne muus
\q2 gooddiza asi durettenna.
\q1
\v 18 Xillota bolla yida metoy
\q2 iitata bolla simmana;
\q2 suure asata bolla yida metoy
\q2 ammanettonttayta bolla gakkana.
\q1
\v 19 Wocamizanne doonatiza
\q2 machchira daanaappe
\q2 bazzon duussi kiya.
\q1
\v 20 Wozinama asa soon
\q2 mal7o qumaynne
\q2 zaytey dagatti dees;
\q2 gido attiin eeya asi
\q2 baas dizayssa, bayndaa
\q2 ubbaa dippi histti mees.
\q1
\v 21 Xilloteththinne siiqo
\q2 kaallizaadey de7o,
\q2 dureteththinne
\q2 bonchcho demmees.
\q1
\v 22 Wozinama asi
\q2 wolqqama olanchchati diza
\q2 katama menththi gelees;
\q2 istti ammanettida miixatakka
\q2 laalli yeggees.
\q1
\v 23 Ba doonanne ba inxars naagiza asi
\q2 bana boshappe naagees.
\q1
\v 24 Otoranchchaynne hallaca asi
\q2 qidhanchcha geetettees;
\q2 izi otoro hano hanees.
\q1
\v 25 Azalla amoy wodhees;
\q2 ays giikko
\q2 izi ooththanaas koyenna.
\q1
\v 26 Azallay gallas kumeth
\q2 amottishe pe7ees;
\q2 xilloy gidikko uuzettontta immees.
\q1
\v 27 Iita asa yarshoy harassees;
\q2 iita qofan shiishshizaa gidikko
\q2 ay mala iita gidanee?
\q1
\v 28 Wordo markkay dhayana;
\q2 gido attiin tumu markkattizay
\q2 minnidi de7ana.
\q1
\v 29 Iita asi bessonttaz xala xalees;
\q2 gido attiin suure asi
\q2 yuushshi qoppees.
\q1
\v 30 Asi ba eran, akeekaninne
\q2 halchchon GODAARA
\q2 eqettanaas dandayenna.
\q1
\v 31 Ola gallassas para giigssees;
\q2 gido attiin xoonoy GODAAPPE yees.
\c 22
\q1
\v 1 Lo7o sunththi
\q2 daro dureteththafe aadhdhees;
\q2 asa matan bonchcheteththika
\q2 birappenne worqqafe aadhdhees.
\q1
\v 2 Durenne manqo ubbaa
\q2 GODAY medhdhides;
\q2 hessan istta naykka issi gina.
\q1
\v 3 Akeekanchcha asi iita be7idi
\q2 attanaas baqatees;
\q2 gido attiin akeekay paccida asi
\q2 meton gelidi qohettees.
\q1
\v 4 Ashketeththinne GODAAS yashshi,
\q2 dureteth, bonchchonne
\q2 de7o immees.
\q1
\v 5 Iita asa ogen agunththinne
\q2 yardey dees;
\q2 gido attiin bana naagiza asi
\q2 hessafe haakkees.
\q1
\v 6 Nayi waanidi de7ana bessizaakko
\q2 tamaarsa;
\q2 histtiko izi cimmidikka
\q2 hessafe haakkenna.
\q1
\v 7 Durey manqo haarees;
\q2 tal7e ekkidaadey tal7e
\q2 immidaades aylle gides.
\q1
\v 8 Iitateth zeriza asi waaye cakkees;
\q2 iza hanqo guufey dhayana.
\q1
\v 9 Kiya asi anjjettees;
\q2 ba qumappeka hiyeesas immees.
\q1
\v 10 Qilcciza as digga;
\q2 histtiko palamay attana;
\q2 ooshshinne cashshika dhayana.
\q1
\v 11 Wozina geeshshateth dosiza asinne
\q2 doonappe lo7o haasayza asara
\q2 kawoy laggetees.
\q1
\v 12 GODAA ayfeti erateth naagettees;
\q2 gido attiin wordanchchata qaala
\q2 hada kessees.
\q1
\v 13 Azalla asi,
\q2 «Gaammoy karen dees;
\q2 tana ogen wodhana» gees.
\q1
\v 14 Layma maccassa doonay
\q2 ciimma olla mala;
\q2 GODAY hanqettida asi
\q2 izin wullees.
\q1
\v 15 Naa wozina eeyateththi
\q2 baqqi oykkees;
\q2 gido attiin seera shoch
\q2 izappe haassees.
\q1
\v 16 Baas aqota gujjana giidi
\q2 hiyeesa naaqqizaynne
\q2 duresi imota immizay
\q2 naykka manqana.
\b
\s1 Aadho Eranchcha Zore Heedzdzu Tammata
\q1
\v 17 Aadho eranchcha zore
\q2 wozinappe siya;
\q2 ne wozinaykka
\q2 ta timirtekko simmo!
\q1
\v 18 Ays giikko
\q2 istta ne wozinan woththiko,
\q2 ne doonanka
\q2 istta ubbaa haasaykko
\q2 ne ufayettana.
\q1
\v 19 Ne ammanoy
\q2 GODAAN gidana mala
\q2 tani nena hach tamaarsays.
\q1
\v 20 Tani neessi zorenne
\q2 erateth immiza
\q2 lo7o timirteta xaafabeekkinaa?
\q1
\v 21 Nena kiittidayssas bessiza
\q2 zaaro zaarana mala,
\q2 tani nena tumanne
\q2 ammanettida qaalata
\q2 tamaarsana mala gidennee?
\q1
\v 22 Hiyeesatasi aykkoyka baynda
\q2 gishshas istta bonqofa;
\q2 shilotankka metotanchchata
\q2 waayisoppa.
\q1
\v 23 Ays giikko GODAY
\q2 istta gishshas mootettana;
\q2 istta bonqqidaytakka
\q2 izi bonqqana.
\q1
\v 24 Hanqettiza asara laggetoppa;
\q2 hanqettanaas eesotiza
\q2 asarakka zuppetoppa.
\q1
\v 25 Neni iza hanoza meezetikko,
\q2 guyeppe agganawu dandayakka.
\q1
\v 26 Waase gelanaas caaqqofa;
\q2 asa aco qanxxanaas
\q2 waase geloppa.
\q1
\v 27 Neessi qanxxizaazi dhaykko,
\q2 ne ichchiza algayka
\q2 attontta ekettana.
\q1
\v 28 Ne aawati essida
\q2 beniisofe diza zawaa shoddofa.
\q1
\v 29 Ba ooson loohida as beyadii?
\q2 Izi kawotas ooththeesippe attiin
\q2 bessontta asatas ooththenna.
\c 23
\q1
\v 1 Neni dere haarizayssara
\q2 kath maanaas uttida wode,
\q2 ne sinththan de7izayssa
\q2 lo7eththada akeeka.
\q1
\v 2 Neni daro yora as gidikko,
\q2 keehippe naagetta.
\q1
\v 3 Izi nena paaccanaas
\q2 dandayza gishshas,
\q2 shiiqida mal7o qumas yiiqetoppa.
\q1
\v 4 Duretana gaada daaburoppa;
\q2 hayssa mala qofa agganaas
\q2 akeekanchcha gida.
\q1
\v 5 Hessa mala dureteththa bolla
\q2 neni ne ayfe woththiko
\q2 heera dhayana;
\q2 qefe kessida golle kafo mala
\q2 salora paallana.
\b
\q1
\v 6 Uuze asa kath mooppa;
\q2 mal7iza iza kath
\q2 maanaas amottofa.
\q1
\v 7 Qoodheppe qommon izi nena,
\q2 «Ma; uya» geesippe attiin
\q2 iza wozinay nenara de7enna.
\q1
\v 8 Neni mida guuththa kaththayka
\q2 nena cooshshana;
\q2 ne galataykka hada gidana.
\b
\q1
\v 9 Eeyara haasayoppa;
\q2 ays giikko
\q2 ne aadho era haasaya
\q2 izi kadhana.
\q1
\v 10 Beniisofe diza dhassaa shoddofa.
\q2 Qasse yi7o nayta gade sugoppa;
\q2
\v 11 ays giikko istta
\q2 ashshiza GODAY mino;
\q2 izi istta gishshas nenara mootettana.
\q1
\v 12 Ne wozina zores,
\q2 ne hayththaka erateththa
\q2 qaalaakko zaara.
\b
\q1
\v 13 Ne naa seeranaappe guye gooppa;
\q2 neni qircunchchan shocikko
\q2 izi hayqqenna.
\q1
\v 14 Neni qircunchchan shoca;
\q2 iza shemppo hayqoppe ashsha.
\q1
\v 15 Ta naazoo!
\q2 Ne wozinay aadho
\q2 eranchcha gidikko
\q2 ta wozinaykka ufayettees.
\q1
\v 16 Ne inxarsay suure haasayza wode
\q2 ta wozinay ufayettees.
\b
\q1
\v 17 Nagaranchchata bolla qanaatoppa;
\q2 gido attiin ubbato GODAAS
\q2 yashshateth aggofa.
\q1
\v 18 Histtiko nees sinththafe kiyana;
\q2 ne hidotay hada gidenna.
\b
\q1
\v 19 Ta naazoo! Siya; wozinama gida;
\q2 ne wozinay suure ogeppe
\q2 kare kezoppo.
\q1
\v 20 Daro woyne ushshu uyizaytaranne
\q2 asho muussas
\q2 yaaretizaytara zuppetoppa.
\q1
\v 21 Ays giikko maththottizaytinne
\q2 yorati manqana;
\q2 dhisko daroy carqqa mayzees.
\b
\q1
\v 22 Nena yelida aaway yootizayssa siya;
\q2 ne aayiyakka
\q2 ceeggida wode kadhoppa.
\q1
\v 23 Tumaa shammafe attiin
\q2 mulekka bayzoppa;
\q2 aadho erateth, seeranne
\q2 akeeka nees miishshe ooththa.
\q1
\v 24 Xillo naa aaway
\q2 keehippe ufayettees;
\q2 wozinama naa yelida asikka
\q2 izan ufayettees.
\q1
\v 25 Ne aawaynne ne aaya ufayettetto;
\q2 nena yelidaarakka ufayettu.
\b
\q1
\v 26 Ta naazoo!
\q2 Ne wozina ha taakko zaara;
\q2 ne ayfeti ta ogeppe
\q2 kare kezoppetto.
\q1
\v 27 Ays giikko layma maccassaya
\q2 ciimma olla mala;
\q2 laggeththo machcha
\q2 xunththa olla mala.
\q1
\v 28 Iza panga mala zamada naagawus;
\q2 ammanettontta addeta
\q2 dere giddon darsawus.
\b
\q1
\v 29 «Woo!» giza waasoy oossee?
\q2 Ceecey oossee? Ooshshi oossee?
\q2 Zuuzunththi oossee?
\q2 Gaasoykka baynda
\q2 madunththi oossee?
\q2 Ayfey zo7izay oossee?
\q1
\v 30 Woyne ushshu uyishe
\q2 gam7izaytas gidennee?
\q2 Walakettida woyne ushshu
\q2 yuuyi yuuyi
\q2 ganxizaytas gidennee?
\q1
\v 31 Woyne ushshi zo7ida wode,
\q2 iza medhay birille giddon
\q2 phoolliza wode,
\q2 duuqqishin cororu gi geliza wode
\q2 iza tishshi histta xeellofa.
\q1
\v 32 Wurseththan izi
\q2 shooshsha mala dukkees;
\q2 goppe shooshsha malakka
\q2 ba yiishsha puukkees.
\q1
\v 33 Ne ayfey beyi eronttaaz beyana;
\q2 ne wozinaykka elumettana.
\q1
\v 34 Neni abbaa giddon diza
\q2 markabe xeeran
\q2 ichchida asa mala gidana.
\q1
\v 35 Neni, «Istti tana dechchida;
\q2 gido attiin tani qohettabeekke;
\q2 istti tana wadhdhida;
\q2 gido attiin taas erettibeenna.
\q2 Hara ushsha uyanaas
\q2 tani awude
\q2 dendandinaashaa?» gaana.
\c 24
\q1
\v 1 Ta naazoo! Iita asata mala
\q2 gidarkina gooppa;
\q2 Isttara laggeteththika
\q2 nena lo7oppo.
\q1
\v 2 Istti ubbato makkalla
\q2 miish maqetteettes;
\q2 bantta inxarsankka
\q2 gene haasayeettes.
\q1
\v 3 Keeththi aadho erateththan
\q2 keexettees;
\q2 akeekankka minnees.
\q1
\v 4 Eray de7ikko,
\q2 keeththi al7oninne
\q2 lo7o miishshan kumees.
\b
\q1
\v 5 Wozinama asas gita wolqqay dees;
\q2 eranchcha asikka
\q2 minoteth gujjees.
\q1
\v 6 Ola olettanaas nees lo7o zore
\q2 xoono demmanaaskka
\q2 daro zoranchchata koshshees.
\b
\q1
\v 7 Eeya asi aadho erateththafe
\q2 keehi haahon dees;
\q2 duulata sinththan eqqidi
\q2 haasayana dandayenna.
\b
\q1
\v 8 Iita ooththanaas halchchiza asi
\q2 «Genanchcha» geetettees.
\q1
\v 9 Eeyateththa qofay nagara;
\q2 qilccizaade asi ixxees.
\b
\q1
\v 10 Neni meto gallas laafikko,
\q2 ne wolqqay ay mala guuththee?
\b
\q1
\v 11 Hayqos laagetti bizayta ashsha;
\q2 shukettanaas gooshetti
\q2 bizayta ashsha.
\q1
\v 12 Neni, «Ta hayssa erikke» giikko,
\q2 wozina pilggi erizayssi
\q2 izi akeekennee?
\q2 Ne shemppo naagizayssi erennee?
\q2 As ubbaas iza
\q2 ooso ooso mala immennee?
\b
\q1
\v 13 Ta naazoo!
\q2 Lo7o gidida gishshas eessa ma;
\q2 ililo eessi doonan mal7ees.
\q1
\v 14 Aadho erateththika hessa mala;
\q2 izi ne shemppos
\q2 mal7o gididayssa era.
\q2 Neni izo demmizaa gidikko
\q2 wonto nees zemppo gidana;
\q2 ne hidotaykka hada gidenna.
\b
\q1
\v 15 Xillo asa keeth bonqqanaas
\q2 panga mala zamadoppa;
\q2 iza keeththa bolla meto gaththofa.
\q1
\v 16 Xillo asi
\q2 laappunto kundikokka dendees;
\q2 gido attiin iitati
\q2 meton dhayeettes.
\q1
\v 17 Ne morkkey
\q2 kundiza wode ufayettofa;
\q2 izi dhuphettiza wodekka
\q2 ne wozinan, «Hashshu!» gooppa.
\q1
\v 18 Ne histtontta aggiko
\q2 GODAY hessa be7idi ufayettenna;
\q2 izi ba hanqoza
\q2 ne morkkeza bollafe zaarana.
\b
\q1
\v 19 Iita asata ooson ceecoppa;
\q2 istta mala gidarkina gooppa.
\q1
\v 20 Iita asas hidotay baawa;
\q2 iitata xomppey tippi giidi to7ana.
\b
\q1
\v 21 Ta naazoo! GODAASSINNE
\q2 kawaas yayya;
\q2 makkallizaytarakka zuppetoppa.
\q1
\v 22 Ays giikko hessa mala asata
\q2 qoppontta metoy gakkees;
\q2 kawoppenne GODAAPPE yaana
\q2 meto oonee erizay?
\s1 Aadho Eranchchay Gujji Yootida Hara Leemisota
\p
\v 23 Aadho eranchchati
\q2 gujjidikka hayssaththo gida;
\q1 Pirdishe maado pirday
\q2 lo7o gidenna.
\q1
\v 24 Mooranchcha, «Neni xillo» gizaade
\q2 derey qanggees;
\q2 kawoteththatikka iza hileettes.
\q1
\v 25 Gido attiin Mooranchcha,
\q2 «Neni mooradasa» gizayta
\q2 isttara lo7o miishshi gayttana;
\q2 isttas keehi daro anjjoy yaana.
\b
\q1
\v 26 Suure zaaro imoy
\q2 doona yeereteththa mala.
\b
\q1
\v 27 Kasetada ne karen diza
\q2 ooso ooththa;
\q2 ne goshsha giigsa;
\q2 hessafe guye ne keeth keexxa.
\b
\q1
\v 28 Ne shooroza bolla
\q2 gaasoy baynda markkattofa;
\q2 ne doonanka cimmofa.
\q1
\v 29 Izi taas ooththida mala
\q2 tani izas ooththana;
\q2 «Tani izas iza ooso
\q2 kushe zaarana» gooppa.
\b
\q1
\v 30 Tani azalla asa gadera aadhdhadis;
\q2 akeekay paccida asa
\q2 woyne tura giddora kanththadis.
\q1
\v 31 Ubbason agunththi mokkides;
\q2 gadaa sharafay goozides;
\q2 gimbeyka laalettides.
\q1
\v 32 Tani be7idayssa yuushsha qoppadis;
\q2 tani beyooysafe
\q2 timirte demmadis.
\q1
\v 33 Neni, «Guuththara liphiphi gays;
\q2 guuththara dhiska ekkays;
\q2 ne kushezakka shiishshada
\q2 guuththara shempa
\q2 ekkays» giikko,
\q2
\v 34 manqoteththi ne bolla
\q2 panga mala yaana;
\q2 paceykka ola miishsha
\q2 oykkida asa mala puttu gaana.\x - \xo 24:33-34 \xo*\xt Leemi 6:10-11\xt*\x*
\c 25
\s1 Solomooney Xaafida Hara Leemisota
\p
\v 1 Yuhuda Kawo Hizqiyaasa asati duuqqidi xaafida Solomoone leemisoti hayssafe kaallizayta.
\q1
\v 2 Xuura genththoy Xoossas bonchcho;
\q2 xuura pilggidi kesoy
\q2 kawotas bonchcho.
\b
\q1
\v 3 Salota dhoqqateththanne
\q2 sa7a ciimmateththa
\q2 asi gakkonttayssa mala,
\q2 kawota qofaakka asi pilggi
\q2 eranaas dandayenna.
\q1
\v 4 Birappe qita diggaycha;
\q2 wogaceykka qoxxidi
\q2 lo7o miish kessana.
\q1
\v 5 Kawo sinththafe iitata diggaycha;
\q2 histtiko iza kawoteththa araatay
\q2 xilloteththan minni eqqana.
\b
\q1
\v 6 Kawo sinththan nena
\q2 dhoqqu dhoqqu histtofa;
\q2 gita asata giddon
\q2 beettanaas amottofa.
\q1
\v 7 Gita asa sinththan
\q2 nena kawushshanaappe
\q2 izi barkka nena,
\q2 «Haysso dhoqqu ga»
\q2 giikko nees lo7o.\x - \xo 25:6-7 \xo*\xt Luqa 14:8-10\xt*\x*
\b
\q1
\v 8 Ne ayfezan be7ida ubbaa
\q2 markkattanaas dubbusha
\q2 baanaas eesotoppa;
\q2 ays giikko
\q2 neni markkatta simmiin,
\q2 hara asi ne markkateththay
\q2 bala gididayssa qonccisikko
\q2 neni yeellatana.
\b
\q1
\v 9 Neessinne ne laggezas giddon
\q2 palamay medhettiko,
\q2 he palama garsan
\q2 hara asa xuura qonccisoppa.
\q1
\v 10 Histtontta aggiko
\q2 neni yootizayssa siyida asi
\q2 nena kawushshana;
\q2 hessan ne sunththay
\q2 nam7anththo simmidi
\q2 lo7ontta mala moorettana.
\b
\q1
\v 11 Koshshiza wodezan
\q2 haasayettida likke
\q2 qaalay bira bolla tigettida
\q2 worqqa alleqo mala.
\b
\q1
\v 12 Aadho erateththi diza asi
\q2 zoriza zorey ezgiza asas
\q2 hayththan aaththiza worqqa mala;
\q2 woykko muuruta worqqafe
\q2 oosettida alleqo mala.
\b
\q1
\v 13 Kath shiishshiza wode irxxa haaththi
\q2 uyiin aliza mala;
\q2 ammanettiza kiitanchchay
\q2 bana kiittizayta ufayssees.
\b
\q1
\v 14 Immonttayssa, «Immana» giidi
\q2 coo paapottiza asi
\q2 iray baynda shaaranne carko mala.
\b
\q1
\v 15 Dandayanchcha asi
\q2 dere haarizaade
\q2 yooti mayzees;
\q2 liiqo qaalay
\q2 meqeth kanththi gelees.
\b
\q1
\v 16 Ees demmiko ginara ma;
\q2 gido attiin darssiko
\q2 nena xuuggana.
\q1
\v 17 Nena uufidi ixxontta mala
\q2 ne lagge soo ubbato booppa.
\b
\q1
\v 18 Ba laggeza bolla wordora
\q2 markkattiza asi koxey,
\q2 giththa mashshaynne wondafey
\q2 as qohiza mala qohees.
\b
\q1
\v 19 Metto wode ammanettontta
\q2 asan zemppoy,
\q2 qaaxxiza achchan
\q2 coommiza malanne
\q2 silida tohon hemettiza mala.
\b
\q1
\v 20 Ceeci uttida asas mazamure yexeththi
\q2 meego gallas
\q2 may7o qaariza malanne
\q2 madunththa bolla xuuggiza miish
\q2 tigiza mala.
\b
\q1
\v 21 Ne morkkey gafikko miza;
\q2 saamettiko ushsha.
\q1
\v 22 Neni hessaththo ooththiko
\q2 iza hu7en tama bonqo kaashidi
\q2 qolizaade mala.
\q2 GODAYKKA ne oosos
\q2 waaga immana.\x - \xo 25:21-22 \xo*\xt Oro 12:20\xt*\x*
\b
\q1
\v 23 Arshey mokkiza bagga carkoy
\q2 ira ehiza mala,
\q2 zigirsi hanqo ehees.
\q1
\v 24 Duunama machchira
\q2 issi keeththan de7anaappe
\q2 keeththa daaranchchan
\q2 deeththi lo7o.
\b
\q1
\v 25 Daaburda asi irxxa haath
\q2 uyidi aliza mala
\q2 haakko biittafe yiza
\q2 lo7o qaalay ufayssees.
\q1
\v 26 Iita asa sinththan
\q2 kundiza xillo asi
\q2 bulqottida pulttonne
\q2 moorettida olla haaththa mala.
\q1
\v 27 Daro eessa muusi lo7o gidenna;
\q2 hessaththoka baas bonchcho
\q2 koshshi bonchchisenna.
\b
\q1
\v 28 Bana haarontta asi
\q2 gimbey laalettida katama mala.
\c 26
\q1
\v 1 Bonen shach, kath shiishshiza wodenkka
\q2 iray koshshonttayssa mala,
\q2 eeyas bonchchoy koshshenna.
\q1
\v 2 Kafoti yaanne haa paallishe
\q2 as qohonttayssa mala,
\q2 gaasoykka baynda
\q2 qanggiza qanggeththi
\q2 as gakkenna.
\q1
\v 3 Parasi lisso,
\q2 hares ancafa koshshizayssa mala,
\q2 eeya zokkozas durqqa koshshees.
\q1
\v 4 Eeya asas
\q2 iza eeyateththa mala zaaroppa;
\q2 zaarikko nenikka
\q2 iza mala gidana.
\q1
\v 5 Gidikkoka eeyas
\q2 iza eeyateththaa bessa;
\q2 histtontta aggiko izi bana
\q2 eranchcha mala qoodana.
\q1
\v 6 Eeya asa bolla kiita yedoy
\q2 barkka ba tohota
\q2 qanxxizayssa mala;
\q2 woykko wodhiza
\q2 marze ushsha mala.
\q1
\v 7 Eeya asa leemisoy
\q2 silida toho mala.
\q1
\v 8 Eeya asas bonchcho imoy
\q2 yanbarsha bolla
\q2 qachchi woththidi
\q2 yuushshiza shuchcha mala.
\q1
\v 9 Eeya asa leemisoy
\q2 maththottida asa kushen eqqida
\q2 agunththa mala.
\q1
\v 10 Eeya as woykko
\q2 baas ogera kanththi biza as
\q2 oosos qaxariza asi
\q2 ba wondafen coo demmida as
\q2 dukki madunththiza asa mala.
\q1
\v 11 Kanay ba cooshshi
\q2 simmi laacciza mala,
\q2 eeyay ba eeyateththa ooso
\q2 zaari zaari yeggees.
\b
\q1
\v 12 Barkka bana,
\q2 «Tani aadho eranchcha»
\q2 giza as beyadii?
\q2 Izappe eeya asas
\q2 lo7o qaaday dees.
\b
\q1
\v 13 Azallay, «Ogen gaammoy dees;
\q2 yashshiza gaammoy
\q2 wogga ogen yuuyees» gees.
\b
\q1
\v 14 Pengey ba maaxafa bollan
\q2 yaanne haa qaaxxiza mala
\q2 azallaykka ba hiixan yaanne haa
\q2 shiretti shiretti wodhdhees.
\b
\q1
\v 15 Azallay ba kushe maaddan yeddees;
\q2 gido attiin pude ba doonan
\q2 zaaranaas waayettees.
\b
\q1
\v 16 Azalla asi akeekan yootiza
\q2 laappun eranchchatappe
\q2 bana aadho eranchcha
\q2 giidi qoppees.
\q1
\v 17 Bana gaththontta asa yo7on
\q2 guppi geliza asi
\q2 kana hayth oykkiza asa mala.
\q1
\v 18 Gooyiza asi tamaa xiifa oliza mala
\q2 woykko wondafe dukkiza mala;
\q1
\v 19 «Tani kaassas ooththadis» gishe
\q2 ba laggeza cimmiza asikka
\q2 hessa mala.
\q1
\v 20 Miththi wurikko tamay to7ees;
\q2 zigirssi dhaykko ooshshi attees.
\q1
\v 21 Xiixinththi bonqo
\q2 darssizayssa malanne
\q2 miththi tamaa darssizayssa mala,
\q2 doonama asi oosh darssees.
\q1
\v 22 Zigirsanchcha qaalay
\q2 mal7o qumaa mala
\q2 asas duge marace gakkees.
\q1
\v 23 Wozinan iita miishshi dishin,
\q2 ba inxarsan liiqo qaala
\q2 haasayza asi
\q2 biran meeshettida
\q2 mana miishsha mala.
\q1
\v 24 Gene asi ba doonan cimees;
\q2 gido attiin ba wozinan
\q2 iitateth xunttees.
\q1
\v 25 Iza wozinan laappun tunateththi
\q2 kumi uttides;
\q2 hessa gishshas izi
\q2 lo7o qaala haasaykkoka
\q2 ammanoppa.
\q1
\v 26 Izi ba gene baleththon
\q2 genththanaas dandayees;
\q2 gido attiin izi ooththida
\q2 iitateththi duulatan qonccana.
\q1
\v 27 Haratas olla bookkiza asi
\q2 he ollan baas kundana;
\q2 harata bolla shuch
\q2 bululiza asa bolla
\q2 he shuchchay simmi
\q2 iza bolla kundana.
\q1
\v 28 Wordotiza inxarsi
\q2 ba qohida asata ixxawus;
\q2 cimmiza metershika bash ehawus.
\c 27
\q1
\v 1 Wontoyssan ceeqettofa;
\q2 wonto aazi hananaakko
\q2 ne erakka.\x - \xo 27:1 \xo*\xt Yaaqo 4:13-16\xt*\x*
\q1
\v 2 Nena hara asi galatoppe attiin
\q2 nerkka nena galatoppa;
\q2 hara asi nena sabbofe attiin
\q2 neni nerkka nena sabbofa.
\q1
\v 3 Shuchchi deexo;
\q2 anccoy tooko;
\q2 gido attiin eeya asi
\q2 denththiza ooshshi
\q2 nam7atappeka deexxees.
\q1
\v 4 Sheney menxe iita;
\q2 hanqoy menxe iita;
\q2 qanaate sinththan eqqi
\q2 dandayanay oonee?
\q1
\v 5 Geemmida siiqoppe
\q2 qonccen seeriza seeray lo7o.
\q1
\v 6 Morkkey nena daroto yeeranaappe
\q2 siiqoy nena dechchizayssi kiya.
\q1
\v 7 Kallida as eessa ililoy iitees;
\q2 gido attiin gafida as
\q2 gara mala cammiza
\q2 miishshika mal7ees.
\q1
\v 8 Ba soo aggidi yuuyiza asi,
\q2 ba keeththafe haakka paalliza
\q2 kafo mala.
\q1
\v 9 Shittoynne exaaney
\q2 as ufayssizayssa mala,
\q2 siiqo lagge zoreykka ufayssees.
\q1
\v 10 Ne laggenne ne aawa lagge aggofa;
\q2 nena metoy gakkiza wode
\q2 ne ishaakko booppa.
\q2 Haahon diza ishappe
\q2 nees matan diza
\q2 shooroy kiya.
\q1
\v 11 Ta naazoo!
\q2 Neni aadho eranchcha gida;
\q2 ta wozina ufayssa;
\q2 histtiko tana kadhizayta
\q2 oyshakka zaarana.
\q1
\v 12 Cincca asi metoy yiza wode
\q2 be7idi qotettees;
\q2 gido attiin akeekay paccida asi
\q2 meto gars bi gelees;
\q2 histtidi guyeppe qohettees.
\q1
\v 13 Erontta asas hurbuta geliza
\q2 asa may7o qaara ekka;
\q2 hawusha maccassas waase geliza
\q2 asa may7o oykka.
\q1
\v 14 Maalado wonttara
\q2 ba qaala dhoqqu histtidi
\q2 ba shooro anjjoy
\q2 qanggeththa mala qoodettees.
\q1
\v 15 Ubbaa wode oosh ooyettiza machcha
\q2 ira gallas pacey baynda
\q2 aaththiza keeththa mala.
\q1
\v 16 Carko teqqanaas woykko
\q2 zayte cucumidi oykkanaas
\q2 dandayettonttayssa mala
\q2 izo co7u ooththanaas
\q2 dandayettenna.
\q1
\v 17 Biratay birata qarasiza mala
\q2 asikka issoy issaa qarasees.
\q1
\v 18 Balase miththayo
\q2 ishalsidi naagida asi
\q2 izi ayfe maana;
\q2 ba godaas ooththiza
\q2 asi bonchchettana.
\q1
\v 19 Haaththay heregaththo
\q2 sinth bessiza mala
\q2 asa wozinay
\q2 izaade kando bessees.
\q1
\v 20 Hayqoynne Bashshi kalli erettenna;
\q2 hessaththoka asa ayfey kallenna.
\q1
\v 21 Biraynne worqqay taman paacettidi
\q2 geeyza mala
\q2 asikka ba ekkiza
\q2 galatan paacettees.
\q1
\v 22 Eeya as kaththa mala
\q2 udulan yeggada,
\q2 udula miththan caddizaakkoka
\q2 izappe eeyateththi kichchenna.
\q1
\v 23 Ne dorsati de7iza hanota
\q2 lo7eththada era;
\q2 ne wudekka wozinappe heemma.
\q1
\v 24 Ays giikko
\q2 dureteththi mernaas de7enna;
\q2 kallachchayka yeletappe
\q2 yeleta gakkanaas
\q2 minni de7enna.
\q1
\v 25 Mela maatay buucettidaappe,
\q2 aaca maatay ke7idaappe,
\q2 zumbullata bollan de7iza maatay
\q2 shiiqidaappe guyen,
\q2
\v 26 dorsata iskefe
\q2 neni nees
\q2 may7o kessana;
\q2 deyshatan nees
\q2 goshsha gade shammana.
\q1
\v 27 Attida deyshata maaththi
\q2 neessinne ne soo asas,
\q2 ne macca aylletaskka
\q2 quma gidanaas
\q2 kumi palahana.
\c 28
\q1
\v 1 Iita asi oonikka
\q2 yedeththontta baqatees;
\q2 gido attiin xilloy
\q2 gaammo mala wozina kumeththa.
\q1
\v 2 Derey makkalliko
\q2 haarizay corattees;
\q2 Gido attiin era asinne
\q2 akeekiza asi woga essees.
\q1
\v 3 Hiyeesata un7eththiza daannay
\q2 kath dhayssiza
\q2 wolqqama ira mala.
\q1
\v 4 Woga bonchchontta asi
\q2 mooranchchata sabbees;
\q2 gido attiin wogaa bonchchizay
\q2 istta qofa palqqees.
\q1
\v 5 Iita asatas suure pirday gelenna;
\q2 gido attiin GODAAS goynnizayti
\q2 ubbaaka ereettes.
\q1
\v 6 Geella as gidi uttidi
\q2 dure gidanaappe
\q2 borey baynda hiyeesa
\q2 gideththi lo7o.
\q1
\v 7 Wogaa naagiza nay akeekanchcha;
\q2 gido attiin
\q2 ganjamatara zuppetizay
\q2 ba aawa yeellasees.
\q1
\v 8 Bessontta dishon
\q2 ba aqota dagasiza asi
\q2 he aqota hiyeesas
\q2 kiyiza asas shiishshees.
\q1
\v 9 Wogaa siyanaappe ba hayth
\q2 wora zaariza asa woosay
\q2 Xoossa harassees.
\q1
\v 10 Suureta iita oge kaaleththiza asi
\q2 ba bookkida ollan kundana;
\q2 gido attiin geeshsha asi
\q2 lo7o miish laattana.
\q1
\v 11 Dure asi bana
\q2 aadho eranchcha giidi qoppees;
\q2 gido attiin akeekay de7iza
\q2 hiyeesay iza paaccees.
\q1
\v 12 Xilloti xoonida wode asay
\q2 ubbay ufayettees;
\q2 gido attiin iitati maata
\q2 oykkida wode asay baqatees.
\q1
\v 13 Ba nagara genththiza asi aacenna;
\q2 gido attiin paaxizaynne
\q2 nagara aggizay maarettana.
\q1
\v 14 GODAAS ubbato
\q2 yayyiza asi anjjettidaade;
\q2 gido attiin ba wozina dammasiza
\q2 asi meton gelana.
\q1
\v 15 Hiyeesa haariza iita daannay
\q2 xaaggiza gaammonne
\q2 guppi oykkiza zardo mala.
\q1
\v 16 Wozinay paccida daannay
\q2 menxe iitees;
\q2 gido attiin bessontta
\q2 go7a ixxizaadey
\q2 daro layth de7ees.
\q1
\v 17 As wodhida asi hayqqana
\q2 gakkanaas toylattishe dees;
\q2 iza oonikka shiishshi ekkenna.
\q1
\v 18 Borey baynda hemettiza asi
\q2 qohettontta attana;
\q2 gido attiin geella asi
\q2 issi gallas kundana.
\q1
\v 19 Ba gade goyiza mino asi
\q2 kath kallees;
\q2 gido attiin hada yo7o kaalliza asi
\q2 manqoteththaafe ke7enna.
\q1
\v 20 Ammanettida asi keehi anjjettana;
\q2 gido attiin durettanaas jaamizay
\q2 qaxxayettontta attenna.
\q1
\v 21 Shaakkidi maadoy lo7enna;
\q2 gido attiin asi guuththa kaththas
\q2 giidi mooro ooththees.
\q1
\v 22 Uuzettiza asi durettanaas jaamees;
\q2 bana hiyeesateththi
\q2 oykkanayssaka erenna.
\q1
\v 23 As coo sabbiza asappe
\q2 seeriza asi guyeppe dosettees.
\q1
\v 24 Ba aawappenne ba aayppe kaysidi,
\q2 «Tani aykkoka nagara
\q2 ooththabeekke» giza asi
\q2 bashshiza asara issi mala.
\q1
\v 25 Yiiqey asi oosh denththees;
\q2 gido attiin GODAAN
\q2 ammanettizay anjjettees.
\q1
\v 26 Banan ammanettiza asi eeya;
\q2 gido attiin aadho erateththan
\q2 hemettizay saron de7ees.
\q1
\v 27 Hiyeesas immiza asas paccenna;
\q2 gido attiin istti
\q2 be7ishe be7onttaththo
\q2 hanizaade qanggeththi gakkana.
\q1
\v 28 Iita asati maata demmiza wode
\q2 derey baqatees;
\q2 gido attiin istti dhayza wode
\q2 xilloti coratteettes.
\c 29
\q1
\v 1 Daro wode seeriin ixxidi
\q2 ba morge zoodisida asi
\q2 hassa7ontta meqqana;
\q2 hessaades paxeteththika deenna.
\q1
\v 2 Xillo asati maata oykkiza wode
\q2 asay ufayettees;
\q2 gido attiin iita asati
\q2 biitta haariza wode asay oolees.
\q1
\v 3 Aadho erateth dosiza asi
\q2 ba aawa ufayssees;
\q2 gido attiin laymatara laggetizay
\q2 ba aqota dhayssees.
\q1
\v 4 Tumaa pirdiza kawoy
\q2 ba dere woppu histtees;
\q2 gido attiin matta7e
\q2 maanaas yiiqetizay
\q2 ba deraa laallees.
\q1
\v 5 Ba laggezas cimo haasayza asi
\q2 iza tohos woximade waaxees.
\q1
\v 6 Iita asi barkka
\q2 ba nagaran oykettees;
\q2 gido attiin xillo asi
\q2 ufayetteessinne yexxees.
\q1
\v 7 Xillo asi hiyeesatas
\q2 suure pirday
\q2 pirdettana mala qoppees;
\q2 gido attiin iita asi
\q2 hessa mala wudukka geenna.
\q1
\v 8 Miirizayti kataman
\q2 shiro denththeettes;
\q2 gido attiin aadho erateththi diza
\q2 asati hanqo irixiseettes.
\q1
\v 9 Aadho erateththi diza asi
\q2 eeya asara pirdaso biikko
\q2 eeyay hanqetteessinne qidhees;
\q2 izas saroykka deenna.
\q1
\v 10 Suuth gussanaas jaamiza asati
\q2 suure as ixxeettes;
\q2 qasse xillo asaakka
\q2 wodhanaas koyeettes.
\q1
\v 11 Eeya asi zaway baynda hanqeettes;
\q2 gido attiin aadho eranchchay
\q2 ba hanqo mittees.
\q1
\v 12 Dere haarizaadey
\q2 wordo yo7o ekkiko
\q2 iza shuumeti ubbay
\q2 iita gideettes.
\q1
\v 13 Hiyeesaynne as naaqqizaades
\q2 koththa miishshi dees;
\q2 GODAY nam7ataska
\q2 xeelliza ayfe immides.
\q1
\v 14 Issi kawoy hiyeesas suure pirdiko
\q2 iza kawoteththa araatay
\q2 mernaas minni daana.
\q1
\v 15 Xunduqi dishoy naytas
\q2 aadho erateth immees;
\q2 gido attiin yeda diccida nay
\q2 ba aayo kawushshees.
\q1
\v 16 Iita asati maata oykkiza wode
\q2 nagaray darees;
\q2 gido attiin xilloti
\q2 istta kundeththaa be7ana.
\q1
\v 17 Ne naa seera;
\q2 histtiko neni saro demmana;
\q2 izi nena ufayssana.
\q1
\v 18 Ajjuutay bayndason
\q2 derey yeda daana;
\q2 gido attiin wogaa naagiza
\q2 asi anjjettidaade.
\q1
\v 19 Ashkaray coo doonan yootiin
\q2 xalla erenna;
\q2 yo7oy izas gelizaakkoka
\q2 izi azazettenna.
\q1
\v 20 Eeson haasayza as beyay?
\q2 Izappe eeya asas hidotay dees.
\q1
\v 21 Asi ba aylle
\q2 naateteththafe doommidi
\q2 al7ison dichchiko
\q2 wurseththan izaade bolla
\q2 ceecey gakkana.
\q1
\v 22 Hanqettiza asi
\q2 oosh denththeththees;
\q2 elle yiillotiza asi
\q2 daro nagara ooththees.
\q1
\v 23 Otoroy as kawushshees;
\q2 gido attiin
\q2 ashketeththi bonchchisees.
\q1
\v 24 Kaysora zuppetiza asi
\q2 bana ixxiza asa;
\q2 qanggi caaqisishin siyishekka
\q2 izi co7u gees.
\q1
\v 25 Asas yayyizayssi
\q2 izaades woximade gidees;
\q2 gido attiin
\q2 GODAAN ammanettiza asi
\q2 saron de7ees.
\q1
\v 26 Daroti dere haarizayta sinththan
\q2 erettana koyeettes;
\q2 gido attiin asas suure pirday
\q2 GODAA achchafe beettees.
\q1
\v 27 Xilloti as baleththizayta
\q2 shaatetteettes;
\q2 Iitati suure asata ixxeettes.
\c 30
\s1 Agurey Haasayda Leemisota
\p
\v 1 Hayssafe kaallidi xaafettidayssi Yaaqe naa Agurey haasayda leemisota.
\q2 Agurey Itti7eelessinne
\q2 Ukaalas hayssa haasaydes.
\b
\q1
\v 2 «Tani asa ubbaafekka eeya darays;
\q2 asas de7iza akeekay taas baawa.
\q1
\v 3 Tani aadho erateth tamaarabeekke;
\q2 Geeshshaza gishshassika
\q2 tani eriza miishshi deenna.
\q1
\v 4 Salo pude ke7idi
\q2 duge wodhdhiday oonee?
\q2 Carko ba kushen oykkiday,
\q2 haath ba afalan yiiciday
\q2 sa7a gaxa iza soon soon
\q2 woththiday oonee?
\q2 Ane erikko iza sunth taas yoota;
\q2 Iza naaza sunththi
\q2 oona geetettizee?
\b
\q1
\v 5 «Xoossay yootiza qaalay
\q2 ubbay tuma;
\q2 Izan ammanettiza ubbaas
\q2 izi gondalle.
\q1
\v 6 Iza qaala bolla aykkoka gujjofa;
\q2 gujjiko izi nena seerana;
\q2 neni wordanchcha gididayssaka
\q2 izi qonccisana.
\b
\q1
\v 7 «GODAWU! Tani nena
\q2 nam7u miish oychchays;
\q2 tani hayqqana gakkanaas
\q2 istta tana diggofa.
\q1
\v 8 Tani as cimmontta malanne
\q2 wordo haasayontta mala
\q2 tana naaga;
\q2 tana dure woykko
\q2 manqo histtofa;
\q2 gido attiin hachchis hachchis
\q2 gidiza kath taas imma.
\q1
\v 9 Histtontta aggiko
\q2 tani keeha kallada nena kaddana;
\q2 ‹GODAY izi oonee?› gaana;
\q2 woykko manqada kaysana;
\q2 histtada tani Xoossa
\q2 sunththaa caysana.
\b
\q1
\v 10 «Nena qanggontta malanne
\q2 izi qanggiin nees
\q2 gometontta mala,
\q2 aylle iza goda sinththan
\q2 iitan denththofa.
\q1
\v 11 Ba aawa qanggizanne
\q2 ba aayokka anjjontta
\q2 yeletay dees.
\q1
\v 12 Tuna gidi uttidi
\q2 banttana geeshsha mala
\q2 qoodiza asati deettes.
\q1
\v 13 Otoron kumida asatinne
\q2 as kadhidi xeelliza asati deettes.
\q1
\v 14 Hiyeesatanne metotanchchata
\q2 dere giddofe dhayssanaas
\q2 istta achchay mashsha mala gidida
\q2 istta gaaginay biillama mala
\q2 gidida asati deettes.
\b
\q1
\v 15 «Ulos nam7u macca nayti deettes.
\q2 Istti, ‹Nuus imma! Nuus imma!›
\q2 giidi waasseettes.
\q2 Mulekka kalli erontta
\q2 heedzdzati deettes;
\q2 oydanththozi qasse mulera,
\q2 ‹Gidana› gi erenna.
\q1
\v 16 Hessanttika duufo, maynida ulo,
\q2 haaththi kalli erontta
\q2 mela biittanne,
\q2 ‹Taas gidana!› gi erontta tama.
\b
\q1
\v 17 «Ba aawa qidhiza naa ayfenne,
\q2 ba aayo kadhiza naa ayfe
\q2 kelkan de7iza quuroti woocana;
\q2 iza ashoza ankkoti maana.
\q1
\v 18 Tana keehi malalisiza
\q2 heedzdzu miishshati deettes;
\q2 oydanththozi
\q2 ubbaarakka taas gelenna.
\q1
\v 19 Hessanttika golleti
\q2 salora paalliza paalo,
\q2 shooshshi shuchcha bollara
\q2 sololu gi buus,
\q2 markabey abbaa bollara biza
\q2 buus addey macca naa siiqo
\q2 demmanaas haniza hanota.
\b
\q1
\v 20 «Layma maccassaya
\q2 haniza hanoykka
\q2 hessa mala.
\q2 Iza muussa mawus;
\q2 gido attiin midaappe guyen,
\q2 ba doona quccada,
\q2 ‹Tani aykkoka
\q2 moorabeekke› gawus.
\b
\q1
\v 21 «Heedzdzu yo7otan
\q2 biittay qaaxxees;
\q2 oydanththoza ubbaaka
\q2 tookkanaas dandayenna.
\q1
\v 22 Hessanttika aylley kawotida wode,
\q2 eeyay kath kallida wode,
\q1
\v 23 asi ixxida maccassaya
\q2 adde gelida wodenne
\q2 macca ashkariya ba godatteyo
\q2 laattida wode haniza hanota.
\b
\q1
\v 24 «Sa7a bolla oyddu
\q2 guuththa medhetati deettes;
\q2 gido attiin istti
\q2 keehi aadho eranchchata.
\q1
\v 25 Hessanttika cunccalleti
\q2 wolqqay baynda medheta;
\q2 gido attiin banttas miza miish
\q2 bone shiishshi dagaseettes.
\q1
\v 26 Guppaleti guuththa
\q2 wolqqay de7izayta;
\q2 gido attiin bantta keeth
\q2 zaalla giddon keexxeettes.
\q1
\v 27 Booletas kawoy deenna;
\q2 gido attiin istti ubbayka
\q2 maaran maaran zatteettes.
\q1
\v 28 Zareti kushen
\q2 oykkiinkka oyketteettes;
\q2 gido attiin istti
\q2 kawo keeththankka de7eettes.
\b
\q1
\v 29 «Bantta maata bessishe hemettiza,
\q2 heedzdzu medhetati deettes;
\q2 oydanththozikka
\q2 puulattidi hemettees.
\q1
\v 30 Hessanttika do7a ubbaafe
\q2 wolqqamanne
\q2 aykkoska yayyidi
\q2 baqati erontta gaammo.
\q1
\v 31 Maccassata giddon kososi
\q2 hemettiza adde kutto,
\q2 deysha orgenne
\q2 ba olanchchatan
\q2 ajjabettida kawo.
\b
\q1
\v 32 «Neni eeyada
\q2 otorettidaa gidikkonne
\q2 iita miish ooththanaas
\q2 halchchidaa gidikko
\q2 ane takki gaada qoppa.
\q1
\v 33 Maaththi bukkiin oysi ke7iza mala,
\q2 siidhe iccinkka
\q2 suuththi yiza mala
\q2 hanqo denththeththiko
\q2 oosh medhdhees.»
\c 31
\s1 Kawo Limu7eele Aaya Ba Naazas Immida Timirte
\p
\v 1 Kawo Limu7eele aaya kawo Limu7eele tamaarsida timirtey hayssafe kaallidayssa.
\q1
\v 2 «Ta naazoo!
\q2 Ta uloppe wodhdhida ta naazoo!
\q2 Tani adinetta yelida ta naazoo!
\q1
\v 3 Maccassan ne wolqqa wursofa;
\q2 kawota bashshiza miishshan
\q2 ne akata dhayssofa.
\b
\q1
\v 4 «Limu7eele hayssi kawotas
\q2 bessenna;
\q2 kawoti woyne ushshu
\q2 uyanaas bessenna;
\q2 dere ayssizayti
\q2 maththosiza ushshu
\q2 yaaretanaas bessenna.
\q1
\v 5 Istti uyiza wode wogaa baletteettes;
\q2 qohettidayta maata sugeettes.
\q1
\v 6 Hayqqana hanizaytas
\q2 maththosiza ushshu
\q2 meto bolla dizaytas
\q2 woyne ushshu immite.
\q1
\v 7 Istti uyidi
\q2 bantta manqoteththa dogetto;
\q2 bantta tuggaka zaari qoppofetto.
\b
\q1
\v 8 «Bantta gishshas haasayanaas
\q2 dandayonttaytas
\q2 neni haasaya;
\q2 metotanchchata maata gishshas
\q2 neni mootetta.
\q1
\v 9 Haasayada isttas suure pirda pirda;
\q2 hiyeesatanne
\q2 metotanchchata maata
\q2 bonchchisa» gaada tamaarsadus.
\b
\s1 Wozinama Machcho
\q1
\v 10 Wozinama machcho
\q2 ooni demmanawu dandayzee?
\q2 Iza zo7o inqqufekka
\q2 keeha aadhdhawus.
\q1
\v 11 Izi keeththa aaway
\q2 izo ubbaa miishshankka
\q2 ammanees;
\q2 izas aykkoyka paccenna.
\q1
\v 12 Iza ba de7o layth ubbaan
\q2 izas lo7o attiin
\q2 iita miish ooththuku.
\q1
\v 13 Dorsa iskefenne
\q2 talbba buuxa ekkada,
\q2 ooso dosiza ba kushen suqawus.
\q1
\v 14 Iza zal7anchchata markabe mala;
\q2 ba kath haakko biittafe ehawus.
\q1
\v 15 Iza ba soo asas
\q2 quma kaththanaassinne
\q2 ba macca aylletas
\q2 ooso shaakka immanaas,
\q2 sa7ay buro wonttana gishin
\q2 dendawus.
\q1
\v 16 Iza barkka qoppada
\q2 goshsha gade shammawus;
\q2 ba demmida miishshan
\q2 woyne tokkawus.
\q1
\v 17 Iza minnada ba ooso polawus;
\q2 izi qesetikka oosos mino.
\q1
\v 18 Iza ba oosos
\q2 wodhey dizayssa akeekawus;
\q2 omarsika izi xomppey to7enna.
\q1
\v 19 Iza ba liqaqan suqawus,
\q2 ba afala daddawus.
\q1
\v 20 Iza hiyeesatas ba kushe miccawus;
\q2 metotanchchatas
\q2 kiyateth immawus.
\q1
\v 21 Izi soo asay ubbay
\q2 ho7iza may7o may7ida;
\q2 hessa gishshas iza
\q2 shachchi bukkikokka hirguku.
\q1
\v 22 Hiiththan ongiza
\q2 may7o ooththawus;
\q2 laynonne ochcha teera misatiza
\q2 may7o may7awus.
\q1
\v 23 Dere cimati dubbusha shiiqizason
\q2 izi keeththa aaway
\q2 bonchchettida asa.
\q1
\v 24 Laynoppe seelo may7ota
\q2 ooththada bayzawus;
\q2 zal7anchchataskka dancco
\q2 dadda shiishshawus.
\q1
\v 25 Iza minonne puulara diza maccassa;
\q2 iza yiza layththata
\q2 ufayssan mokkawus.
\q1
\v 26 Aadho eran iza haasayawus;
\q2 izi inxarsafe
\q2 suure zorey ke7ees.
\q1
\v 27 Iza ba soo asaa hano
\q2 lo7eththa kaallawus;
\q2 azalla hanoy izi bollan
\q2 beetti erenna.
\q1
\v 28 Izi nayti izo,
\q2 «Anjjettidaree» geettes;
\q2 izi keeththa aawaykka
\q2 izo galatishe,
\q1
\v 29 «Lo7o miish ooththida
\q2 daro maccassati deettes;
\q2 gido attiin neni istta
\q2 ubbaafe aadhdhaasa» gees.
\q1
\v 30 Mala lo7oy baleththees;
\q2 puulaykka qokkees;
\q2 gido attiin GODAAS yayyiza
\q2 maccassi iza anjjettidaaro.
\q1
\v 31 Izis bessiza imota immite;
\q2 iza ooththida oosoy ubbay
\q2 dubbushan izo galatisso.