\id PHM - Gamo Full Bible final version
\ide UTF-8
\h Pilmoonas
\toc1 Phawuloosi Pilmoonas Xaafida Kiita
\toc2 Pilmoonas
\toc3 Pilm
\mt2 Phawuloosi
\mt1 Pilmoonas
\mt2 Xaafida Kiita
\imt1 Giddo Qofa
\ip Pilmoonay daro erettida ammanizaade; izi Qolasiyaase Woosa Keeththan ammaniza asaa garsan dizaade misatees. Pilmoonas Anasmoosa geetettiza aylley dees; hessaadey ba godaa sooppe bete biidi qasho keeththan diza Phawuloosara gaaggides; izi Phawuloosa baggara ammanides. Phawuloosi Pilmoonas xaafida kiitay Pilmoonay simmidi izakko biza he oosanchchazara maqaynnana mala qofsees. Qasseka Anasmoosi ha7i ammanidaade gidida gishshas hayssafe guye Pilmoonay ammanon baas isha mala ekkanaappe attiin aylleththo qoodontta mala yootees.
\iot Ha Maxaafay Oykkida Kumeththa Qofa
\io1 Geloso \ior 1-3 \ior*
\io1 Pilmoonas Phawuloosi shiishshida qaalata \ior 4-7 \ior*
\io1 Phawuloosi Anasmoosa gishshas shiishshida mino woosa \ior 8-22 \ior*
\io1 Kuushsha qofa \ior 23-25 \ior*
\c 1
\p
\v 1 Yesus Kirstoosa gishshas qashettida taappe Phawuloosappenne nu ishaa Ximtoosappe nu siiqo ishaa gididi nunara issife ooththiza Pilmoonas, 
\v 2 ne keeththan shiiqiza ammaniza asaassinne nu michcheyo Ampibyas qasseka nunara issife Kirstoosa wottadara gidida Arkiphaases,\x - \xo 1:2 \xo*\xt Qola 4:17\xt*\x*
\p
\v 3 Nu Aawaa Xoossaafe nu Godaa Yesus Kirstoosappe kiyateththinne saroteththi inttes gido.
\s1 Pilmoona Siiqonne Ammano
\p
\v 4 Tani ta woosan nena qoppashe ubba wode Xoossaa galatays. 
\v 5 Gaasoykka ne Xoossa asaa siiqizayssanne Godaa Yesus Kirstoosan ne ammanizayssa ta siyadis. 
\v 6 Nuni Kirstoosas gididayssanne nuus diza lo7o yo7oy wuri qonccen erettana mala nenikka ne ammano hara asas bessana mala ta nees minna woossays. 
\v 7 Ta ishazoo! Ne hanon Xoossa asaa wozinay ooraxida gishshas ne siiqoy ta wozina keehi minththides.
\s1 Anasmoosi Pilmoonaakko Simmana Mala Phawuloosa Woosa
\p
\v 8 Hessa gishshas ne ooththanaas bessizayssa ooththana mala nena azazanaas taas Kirstoosan xalateththi deesikoshin. 
\v 9 Gidikkoka ta nena azazanaappe siiqora woossays; gaasoykka tani Yesus Kirstoosa gishshas qashettada qasho keeththan diza Phawuloosa. 
\v 10 Ta nena woossizay tani qasho keeththan dashe Yesus Kirstoosan yelida naa Anasmoosa gishshassa.\x - \xo 1:10 \xo*\xt Qola 4:9\xt*\x* 
\v 11 Anasmoosi hayssafe kase nena go7ibeenna shin ha7i gidikko izi nenakka tanakka go7izaade.\f + \fr 1:11 \fr*\ft Anasmoosa guussi Girike qaalan go7izaade guussa.\ft*\f*
\p
\v 12 Ta ha7i iza neekko zaara yeddadis; tani neekko yeddizay iza gidontta ta wozina neekko zaara yeddiza mala qoodays. 
\v 13 Mishiraachcho qaalaa gaason ta haan qashetta dishin ne tana ooththa maaddanayssa izi tanara de7idaakko tana ufayssees. 
\v 14 Gido attiin ne lo7o oosoy ne dosanpe attiin wolqqara gidontta mala gaada nena oychchontta aykkoka ooththana koyabeekke.
\p
\v 15 Anasmoosi hanno gakkanaas neeppe guuththa wode shaakettikokka oonee erizay hayssafe guye ubba wode nenara daana dandayees. 
\v 16 Hayssafe guye izi nenara daanay aylle mala gidontta ayllefe aadhdhi nees asho isha mala gidana; izi taas dosettida isha; gido attiin izi nena ooththi go7ana as gidida gishshassinne izi nees Kirstoosa baggara isha gidida gishshas nees keehi dosettidaade gidana.
\p
\v 17 Nuus diza issifeteththaa gaason ne tana nees isha mala qoodizaa gidikko tana ne mokka ekkiza mala izakka mokka ekka. 
\v 18 Izi ne bolla gaththida qohoy diikko woykko ne acoy iza bolla diikko iza acoza ta bolla qooda. 
\v 19 Hekko ta Phawuloosi, «Iza acoza ta nees qanxxana» gaada ta kushera xaafadis; gidikkoka ne Kirstoosa ammaniday ta baggara gidida gishshas haray attoshin nekka taas qanxxana acoy dizaade gididayssa ta nena erisanaas koshshenna. 
\v 20 Hi7a ta ishazoo! Hessa lo7o ooso ne taas ooththana mala Godaa sunththan Kirstoosa gishshas gaada ne ta wozina shempisana mala ta nena woossays.
\p
\v 21 Ta nees hayssa xaafiday ne taas azazettanayssa ammanadakko! Ta nena oychchidayssafe ne aaththa ooththanayssa ta erays. 
\v 22 Xoossi intte woosaa siyidi ta intteko baana mala taas hidotay diza gishshas ta baada inttekon shempanaaso hayyana taas giigsa.
\s1 Wurseththa Saroka
\p
\v 23 Yesus Kirstoosa gaason tanara qashettida Ephafiray nena saro gees.\x - \xo 1:23 \xo*\xt Qola 1:7; 4:12\xt*\x* 
\v 24 Hessaththoka tanara ooththizayti Marqoosi Arsixirokoosi, Deemaasinne Luqaasi nena saro geettes.\x - \xo 1:24 \xo*\xt Hawa 12:12,25; 13:13; 15:37-39; 19:29; 27:2; Qola 4:10,14; 2Xim 4:10-11\xt*\x* 
\v 25 Godaa Yesus Kirstoosa kiyateththi inttenara gido.