\id MAT - Gamo Full Bible final version
\ide UTF-8
\h Matoosa Mishiraachcho
\toc1 Matoosa Mishiraachcho
\toc2 Matoosa Mishiraachcho
\toc3 Mato
\mt1 Matoosi Xaafida
\mt2 Nu Godaa Yesus Kirstoosa Mishiraachcho Qaala
\imt1 Giddo Qofa
\ip Matoosa Mishiraachcho qaalay, Yesus Kirstoosi buroppe yaanayssa sinththasidi iza gishshas yootettida dere ashshanadey iza gididayssanne Xoossi kase Gal7a Caaqo Maxaafan ba derezas immida hidota qaala kunththiday iza baggara gididayssa yootiza Mishiraachcho qaalara dees. Hessika he Mishiraachcho qaalay, Yesus Kirstoosi istta giddon yeletti diccida Ayhuda asas xalala gidontta alame asas kumeththassa.
\ip Matoosa Mishiraachcho qaalay, daroppe naageteththan giigettida maxaafa. Maxaafazi koyroppe Yesusas yeleta gishshas yooto doommidi iza xinqata gishshassinne izi paacettida paaceza lo7eththi yootidaappe guye izi Galila deren sabbakidayssa, tamaarsidayssanne asa hargefe paththidayssa qonccisees. Qasseka Yesusi Galila dereppe Yerusalaame bidayssa, izi hayssa ha alameza bolla de7ida de7o gishshassinne ha alameza bolla gam7ida wurseththa layththan wurseththa saaminttan hanida hanota gishshas yootees. Heytikka Yesusi kaqettidayssa, hayqqidayssanne hayqoppe dendidayssa.
\ip Ha Mishiraachcho qaalazi, Yesusi Xoossa woga birshanaas izas godateththi dizaadenne Xoossa Kawoteththa gishshas tamaarsiza gita astamaare histti shiishshees. Iza timirtezappe dariza baggay ichchashu dumma dumma kifilen shaakettees.
\ili 1. Xoossa Kawoteththan dizayta hano, istta ooso, istta shene, istti hanana mala isttas bessizaazinne isttas bessiza wurseththa exa shaakki erisiza zuma bolla sabbakida qaala (shempo 5-7)
\ili 2. Tammanne nam7u iza ashkarati Mishiraachcho qaala yootanaas kiitetti bishin isttas imettida wogata (shempo 10)
\ili 3. Xoossa Kawoteththa gishshas shiiqida dumma dumma leemisota (shempo 13)
\ili 4. Yesusa wostti kaallanaakkon isttas gelana mala imettida timirte (shempo 18)
\ili 5. Hayssa ha wodeza wurseththa gishshassinne Xoossa Kawoteththay yaanayssa gishshas imettida timirte (shempo 24-25)
\iot Ha Maxaafay Oykkida Kumeththa Qofa
\io1 Yesus Kirstoosa yeleta zarkkenne iza yeleta \ior 1:1—2:23 \ior*
\io1 Xammaqiza Yohannisa ooso \ior 3:1-12 \ior*
\io1 Yesusa xammaqeteththinne iza paaceteth \ior 3:13—4:11 \ior*
\io1 Yesusi Galilan ooso doommides \ior 4:12—18:35 \ior*
\io1 Yesusi Galilappe Yerusalaame buus \ior 19:1—20:34 \ior*
\io1 Wurseththa saaminttan Yesusa gakkida metota \ior 21:1—27:66 \ior*
\io1 Yesusi hayqoppe dendi beettides \ior 28:1-20 \ior*
\c 1
\s1 Yesus Kirstoosa Yeleta Zarkke
\r (Luqa 3:23-38)
\p
\v 1 Dawite naa, Abrahaame naa gidida Yesus Kirstoosa yeleta zarkkey hayssafe kaallizayssa;
\p
\v 2 Abrahaamey Yisaaqa yelides; Yisaaqi Yaaqoobe yelides; Yaaqoobey Yuhudanne iza ishata yelides; 
\v 3 Yuhuday Timaarippe Faareesenne Zaara yelides; Faareesey Esroome yelides; Esroomey Aaraame yelides; 
\v 4 Aaraamey Aminadaabe yelides; Aminadaabey Ne7asoone yelides; Ne7asooney Solomoone yelides; 
\v 5 Solomooneykka Boo7eeze Eraabippe yelides; Boo7eezey Urutippe Iyoobeede yelides; Iyoobeedey Isseye yelides; 
\v 6 Isseyey kawo Dawite yelides; Dawiti Ooriyo machcheyfe Solomoone yelides.
\p
\v 7 Solomooney Erobi7aame yelides; Erobi7aamey Abbiya yelides; Abbiyayka Aasaafe yelides; 
\v 8 Aasaafey Iyoosaafixe yelides; Iyoosaafixey Iyoraame yelides; Iyoraamey Ooziya yelides; 
\v 9 Ooziyay Iyo7aatame yelides; Iyo7aatamey Akaaze yelides; Akaazey Hizqiyaasa yelides; 
\v 10 Hizqiyaasi Minaase yelides; Minaasey Amoxe yelides; Amoxey Iyosiyaasa yelides; 
\v 11 Iyosiyaasi Baabiloone di7o layth Ikoniyaanenne iza ishata yelides.
\p
\v 12 Baabiloone di7oppe guye Ikoniyaaney Salatiyaale yelides; Salatiyaaley Zerubaabele yelides; 
\v 13 Zerubaabeley Abiyoode yelides; Abiyoodey Elyaaqeeme yelides; Elyaaqeemey Azaare yelides; 
\v 14 Azaarey Saadooqe yelides; Saadooqey Aakime yelides; Akimey Eliyoode yelides; 
\v 15 Eliyoodey Alazaare yelides; Alazaarey Maataane yelides; Maataaney Yaaqoobe yelides; 
\v 16 Yaaqoobeykka Kirstoosa geetettidayssa Yesusa yelida Maaramo ekkana giigsida Yooseefe yelides.\f + \fr 1:16 \fr*\fqa Kirstoosa \fqa*\ft Kirstoosa guussi, «Masihe» woykko «Tiyettidayssa» guussa.\ft*\f*
\p
\v 17 Hessa gishshas Abrahaameppe yiidi Dawite gakkanaas tammanne oyddu yeleteth; qasse Dawiteppe Baabiloone di7o wode gakkanaas tammanne oyddu yeleteth; Baabiloone di7oppe Kirstoosa yeleta gakkanaas tammanne oyddu yeleta gidees.
\s1 Yesus Kirstoosa Yeleta
\p
\v 18 Yesus Kirstoosa yeleta taarikey hayssafe kaalli dizayssa; iza aayo Maarama Yooseefes giigetta dishin izi izira gayttontta Xillo Ayanan qanththatada beettadus.\x - \xo 1:18 \xo*\xt Luqa 1:27\xt*\x* 
\v 19 Izo giigsida Yooseefey xillo as gidida gishshas Maaramo asa sinththan qoncce kessontta qotara agganaas ba wozinara qachchides. 
\v 20 Hayssa izi qoppishin Xoossa kiitanchchay agumora izas qonccidi, «Dawite naa Yooseefe! Ne giigsida Maarama qanththatiday Xillo Ayanan gidida gishshas izo neso efanaas babbofa. 
\v 21 Iza attuma naa yelana; izi as nagarappe ashshanaade gidida gishshas iza sunth ne, ‹Yesusa› ga sunththana» gides.\x - \xo 1:21 \xo*\xt Luqa 1:31\xt*\x*
\p
\v 22-23 Goday nabe Isayaasa doonan, «Hekko! Geela7oy qanththatana; attuma naakka yelana; naaza sunththayka Amanu7eele geetettana; hessa birsheththika, ‹Xoossi nunara dees› geetettidi xaafettidayssi polettana mala hayssi wurikka hanides» gides.\x - \xo 1:22-23 \xo*\xt Isa 7:14\xt*\x*
\p
\v 24 Yooseefeykka dhiskofe beeggidi Godaa kiitanchchay iza azazida mala Maaramo baso efides.
\p
\v 25 Gido attiin baada iza koyro naaza yelana gakkanaas izo ekkibeenna. Yelettida guuththa naaza sunththaa, «Yesusa» gides.\x - \xo 1:25 \xo*\xt Luqa 2:21\xt*\x*
\c 2
\s1 Arshey Mokkiza Baggafe Yida Eranchchata
\p
\v 1 Kawo Herdoosa wode Yesusi Beeteliheeme Yuhudan yelettidaappe guye arshey mokkiza baggafe eranchchati Yerusalaame yiidi, 
\v 2 «Yelettida Ayhuda kawoy awan dizee? Awa arshey mokkiza baggara diza xoolintteza be7idi izas goynnana yidos» giidi oychchida.
\p
\v 3 Kawo Herdoosi hessa siyidi dagammides; Yerusalaamen diza asay wuri izara dagammides. 
\v 4 Izikka qeeseta halaqatanne woga tamaarsizayta ubba shiishshidi, «Kirstoosi awan yelettanee?» giidi oychchides.
\p
\v 5-6 Isttika izas, «Nabey, ‹Yuhuda biittan dizaaree hanne Beeteliheemee!
\q2 Ta dere Isra7eele naagizaadey
\q2 neeppe kezana gishshas
\q2 hankko Yuhuda haarizaytappe
\q2 aazankka guuxxaka›
\q2 giidi xaafida gishshas
\q2 izi Beeteliheeme Yuhudan yelettana»
\m giidi yootida.\x - \xo 2:5-6 \xo*\xt Miki 5:2\xt*\x*
\p
\v 7 Hessafe guye Herdoosi he eranchchata geemara xeygisidinne istta haasayssidi xoolinttezi isttas beettida wodeyo shaakki erides. 
\v 8 Eranchchata Beeteliheeme yeddidi, «Biidi guuththa naaza koyite, tanikka baada izas goynnana mala demmida mala haa taakko simmidi izi awan dizaakkon taas yootite» gides.
\p
\v 9 Eranchchatikka kawoy isttas gidayssa siyidaappe guye simmi bida; arshey mokkiza baggara isttas beettida xoolinttey istta kaaleththidi guuththa naazi dizaso gaththides. 
\v 10 Istti xoolintteza be7ida wode daro ufayettida. 
\v 11 Keeththe gelidi guuththa naaza iza aayo Maaramira demmidinne gulbatidi izas goynnida; ba saaxine saaxine doydi worqqa, exaanenne karbbe geetettiza miish izas immida.
\p
\v 12 Istti Herdoosakko simmontta mala agumon keehi naagettana mala geetettida gishshas hara ogera ba dere simmida.
\s1 Gibxe Biitta Bete Buus
\p
\v 13 Eranchchati bidaappe guye Godaa kiitanchchay Yooseefes agumora beettidi, «Herdoosi guuththa naaza wodhana koyza gishshas ne simmana wode ta nena erisana gakkanaas dendada guuththa naaza aayeyra ekkada duge Gibxe biitta baqatada heen daashsha» gides.
\p
\v 14 Hessa gishshas Yooseefey dendidi aayiyo naazara ekkidi giddoththara duge Gibxe biitta bides. 
\v 15 Herdoosi hayqqana gakkanaas heen de7ides. Hessankka, «Ta naaza ta Gibxe biittafe xeygadis» giidi Goday kase nabe doonan haasaydayssi polettides.\x - \xo 2:15 \xo*\xt Hose 11:1\xt*\x*
\p
\v 16 Eranchchati iza baleththidayssa erida wode Herdoosi keehi hanqettides. Eranchchati izas kase yootida mala ba as kiittidi nam7u layththinne nam7u layth kumonttayta Beeteliheemeninne Beeteliheeme yuushon diza guuththa attuma nayta ubbaa wodhisides.
\p
\v 17-18 Hessan,
\q2 «Yeehoynne gita waaso giirissay
\q2 Eraaman siyettides;
\q2 Ira7eela ba naytas yeekkadus;
\q2 nayti wuri wurida gishshas
\q2 minnanaas dandayontta ixxadus»
\q2 geetettidi nabe Ermaasan
\q2 yootettidayssi polettides.\x - \xo 2:17-18 \xo*\xt Er 31:15\xt*\x*
\s1 Gibxeppe Naazirete Simo
\p
\v 19 Herdoosi hayqqidaappe guye Godaa kiitanchchay agumora Yooseefes Gibxe biittan beettidi, 
\v 20 «Dendada guuththa Naazanne iza aayiyo ekkada Isra7eele biitta simma; Naaza wodhana koyzayti hayqqida» gides. 
\v 21 Yooseefey dendidi naaza aayeyra ekkidi Isra7eele biitta simmides.
\p
\v 22 Gido attiin Arkalawoosey ba aawa Herdoosa sohon Yuhudan kawotidayssa siyidinne hee baanaas babbides; Goday agumora izi hee bontta mala yootida gishshas Galila awuraajja bides. 
\v 23 Naazirete geetettiza katamayo biidi heen duus oykkides. Hessankka kase nabetan «Naazirete as geetettana» geetettidi sinththafe hananayssa kaseti yootettidayssi polettides.\x - \xo 2:23 \xo*\xt Mar 1:24; Luqa 2:39; Yoha 1:45\xt*\x*
\c 3
\s1 Xammaqiza Yohannisa Sabbako
\r (Mar 1:1-8; Luqa 3:1-18; Yoha 1:19-28)
\p
\v 1-2 He wode xammaqiza Yohannisi asaas, «Salo kawoteththi matida gishshas intte nagarappe simmite» gi sabbakishe Yuhuda bazzora yides.\x - \xo 3:2 \xo*\xt Mato 4:17; Mar 1:15\xt*\x*
\q1
\v 3 «Godaa oge ooththite;
\q2 wogga ogezakka lo7eththite
\q2 gishe bazzo biittan
\q2 waassiza qaala»
\q2 geetettidi kase nabe Isayaasan
\q2 yootettidayssi Yohannisa
\q2 gishshassa.\x - \xo 3:3 \xo*\xt Isa 40:3\xt*\x*
\p
\v 4 Yohannisi gaamella iskefe oosettida may7o may7ees. Ba xeessan dafo gixxees; izi miza qumay degera eessinne boole.\x - \xo 3:4 \xo*\xt 2Kawo 1:8\xt*\x* 
\v 5 Yerusalaameppe, kumeththa Yuhudappenne Yordaanoose shaafa matan diza dere asay wuri Yohannisakko wodhdhidi, 
\v 6 ba nagarakka izas paaxishe Yordaanoose Shaafan iza kushen xammaqettides.
\p
\v 7 Daro Farsaawetinne Saduqaaweti izi xammaqizaso yishin be7idi Yohannisi, «Intteno shooshshatoo! Intte sinththara diza hanqofe attana mala inttena ooni bessidee?\x - \xo 3:7 \xo*\xt Mato 12:34; 23:33\xt*\x* 
\v 8 Intte intte nagaraappe simmidayssa bessiza ooso ooththite. 
\v 9 ‹Nu aaway Abrahaamey nuus dees› gizayssan intterkka inttena baleththofte; ta inttes Xoossi hayta shuchchatappe Abrahaames naa histti denththanaas dandayees gays.\x - \xo 3:9 \xo*\xt Yoha 8:33\xt*\x* 
\v 10 Hekko kalttay qanxxanaas miththata garsan giigetti uttides; hessa gishshas lo7o ayfe ayfontta miththi wuri qanxxettananne taman yegettana.\x - \xo 3:10 \xo*\xt Mato 7:19\xt*\x* 
\v 11 Tani maaroteththas haaththan xammaqays; haray attoshin ta iza caamma tookkanaas bessonttaadey taappe aadhdhiza minoy guyera yaana; izikka Xillo Ayananinne taman inttena xammaqana. 
\v 12 Kath suraggiza layday\f + \fr 3:12 \fr*\ft Kath suraggiza layda gizayssa amaraththo birsheththay menshe gees; hessa gishshas nuni layda gizayssa mislen go7ettidos.\ft*\f* iza kushen dees; izikka ba kaththa baleza pitti geeshshana; ba gisttezakka di7en qolana; happaa gidikko to7ontta taman xuuggana» gides.\fig Kath suraggiza layda|alt="Winnowing grain with winnowing fork" src="HK00097B.TIF" size="span" ref="3:12"\fig*
\s1 Yesusa Xammaqeteth
\r (Mar 1:9-11; Luqa 3:21-22)
\p
\v 13 He wode Yesusi Yohannisan xammaqettanaas Galilappe Yordaanoose shaafa bides. 
\v 14 Gido attiin Yohannisi, «Hayssi hanenna; tani nenan xammaqettana bessishin neni waanada taakko yay?» giidi izara marshettides.
\p
\v 15 Yesusikka, «Aykkoy baa, ero garkkii? Hayssa ooththidi nuni xilloteth ubbaa polanaas nuus bessees» gides. Yohannisikka iza qofaa ero gi ekkides. 
\v 16 Yesusi xammaqettidi haaththaafe kezida mala heerakka saloy doyettiin Xoossa Ayanay haraphphe misatidi iza bolla wodhdhishin be7ides. 
\v 17 Saloppeka, «Tani izan ufayettiza Naazinne ta siiqiza ta Naazi hayssa» giza qaalay siyettides.\x - \xo 3:17 \xo*\xt Medhe 22:2; Mato 12:18; 17:5; Mar 1:11; Luqa 9:35\xt*\x*
\c 4
\s1 Yesusi Paacettides
\r (Mar 1:12-13; Luqa 4:1-13)
\p
\v 1 Hessafe guye Xillo Ayanay Xala7en paacettana mala Yesusa duge bazzo biitta efides.\x - \xo 4:1 \xo*\xt Ib 2:18; 4:15\xt*\x* 
\v 2 Oyddu tammu gallassinne oyddu tammu qamma xoomidaappe guye Yesusi gafides. 
\v 3 Paaccizayssi Yesusaakko shiiqidi, «Ne Xoossa Naa gidikko ane hayta shuchchata uketh gidana mala azaza» gides.
\p
\v 4 Yesusikka, « ‹Asi Xoossa doonappe keziza qaalanppe attiin kaththan xalla deenna› geetetti xaafettides» giidi izas zaarides.\x - \xo 4:4 \xo*\xt Zaare 8:3\xt*\x*
\p
\v 5 Qasseka Xala7ey Yesusa geeshsha katamayo efi Xoossa Keeththa qustte bolla kessidi, 
\v 6 «Ne Xoossa Naa gidikko ane hayssafe duge guppa; ays giikko
\q1 « ‹Ne tohoy shuchchan dhuphettontta mala
\q2 kiitanchchati ba kushera nena
\q2 oykki denththana mala ne gishshas
\q2 Xoossi ba kiitanchcha kiittana›
\q2 geetetti xaafettides» gides.\x - \xo 4:6 \xo*\xt Maza 91:11-12\xt*\x*
\p
\v 7 Yesusikka, «Geeshsha Maxaafan, ‹GODAA ne Xoossaa paaccofa› geetetti xaafettides» giidi zaarides.\x - \xo 4:7 \xo*\xt Zaare 6:16\xt*\x*
\p
\v 8 Qasseka Xala7ey Yesusa keehi dhoqqa zuma bolla kessidi salo gufanththon diza kawoteththa bonchchozara ubba ehi bessidi, 
\v 9 «Ne kundada taas goynniko hayssa ubbaa ta nees immana» gides.
\p
\v 10 Yesusi, «Haysso Xala7e! Ta sinththafe ne haakka! ‹Neni Godaa ne Xoossaas goynna; izas xalala azazetta› geetetti Geeshsha maxaafan xaafettides» gides.\x - \xo 4:10 \xo*\xt Zaare 6:13\xt*\x*
\p
\v 11 Hessafe Xala7ey iza aggidi bides; kiitanchchatikka yiidi iza maaddida.
\s1 Yesusi Sabbako Doometh
\r (Mar 1:14-15; Luqa 4:14-15)
\p
\v 12 Yesusi, Yohannisi qashettidayssa siyidi gede Galila simmides.\x - \xo 4:12 \xo*\xt Mato 14:3; Mar 6:17; Luqa 3:19-20\xt*\x* 
\v 13 Naazirete katama aggidi Zaabiloone Niftaaleme heeran abba matan diza Qifirnahoome kataman duus oykkides.\x - \xo 4:13 \xo*\xt Yoha 2:12\xt*\x*
\p
\v 14-16 «Hessan Zaabilooneninne Niftaaleme biittan,
\q1 «Yordaanooseppe he pinththan
\q2 abba lanqera efiza
\q2 oge matan diza
\q2 Ayzaabe gidida Galila dere asay,
\q2 dhuman diza derey
\q2 wolqqama poo7o be7ides.
\q1 Hayqo kuwa giddon diza deres
\q2 poo7oy poo7ides»
\m geetettidi nabe Isayaasa doonan kasetidi haasayettidayssi polettides.
\p
\v 17 Yesusi he wodeppe haa simmiin, «Salo kawoteththi matides; maarotan gelite» giidi sabbako oykkides.\x - \xo 4:17 \xo*\xt Mato 3:2\xt*\x*
\s1 Koyro Yesusa Kaallidayta Xeygeteth
\r (Mar 1:16-20; Luqa 5:1-11)
\p
\v 18 Yesusi Galila Abba lanqera aadhdhishe nam7u ishantta, heytikka Phexroosa geetettiza Simoonanne iza isha Indiraasa be7ides. Isttika mole oykkizayta gidida gishshas mole oykkiza gite abban yeggishe deettes. 
\v 19 Yesusi istta, «Haa yiite! Tana kaallite! Ta inttena as oykkiza as kessana» gides. 
\v 20 Istti heerakka mole oykkiza giteza yeggi aggidi Yesusa kaallida.
\p
\v 21 Guuth sinththe bishe hara nam7u ishantta Zabdoosa naa nam7ata Yaaqoobenne Yohannisa be7ides; isttika ba aawa Zabdoosara wogolo giddon mole gite lo7eththeettes. Yesusikka istta xeygiin 
\v 22 istti heerakka wogolozanne ba aawaa aggidi iza kaallida.
\s1 Yesusi Hargizayta Paththides
\r (Luqa 6:17-19)
\p
\v 23 Yesusi Ayhudata istta Woosa Keeththan tamaarsishenne kawoteththa Mishiraachcho qaala sabbakishe qasse dere giddon ay hargeyka sakkizayta paththishe kumeththa Galilan yuuyides.\x - \xo 4:23 \xo*\xt Mato 9:35; Mar 1:39\xt*\x* 
\v 24 Hessa gaason lo7o nashoy kumeththa Sooriya biittan siyettides; dereykka dumma dumma sakon daro waayettizayta, daydanththi isttan gelidayta, biicco\f + \fr 4:24 \fr*\fqa Biicco: \fqa*\ft Biicco geetettizayssi issi issi bagga gamoththon kiiro woykko buththunththa harge geetettees.\ft*\f* hargey dizaytanne silidayta izakko ehiin ubbaaka paththides. 
\v 25 Hessafe dendidayssan Galilappe, tammu katamatappe,\f + \fr 4:25 \fr*\fqa Tammu katamatappe: \fqa*\ft Tammu katamappe geetettizayssi Girike qaala haasayzaytinne Ayhuda gidontta dereti issife dizasoy tammu katamata geetettees. He katamatappe daro baggati Galila abbafe arshey gelizaso baggaranne pudeha baggara ushachcha bolla deettes.\ft*\f* Yerusalaameppenne Yuhudappe, Yordaanoose shaafa pinththafe yida daro asay iza kaallides.
\c 5
\s1 Yesusi Zuma Bolla Tamaarsida Timirte
\p
\v 1 Daro derey shiiqidayssa be7idi Yesusi pude zuma bolla kezi uttides; iza kaallizaytikka izakko yida. 
\v 2 Izikka istta hizgi tamaarso oykkides;
\s1 Tumu Anjjo Demmana Asata
\r (Luqa 6:20-23)
\q1
\v 3 «Ayanan bana kawushshizayti anjjettidayta;
\q2 ays giikko Salo Kawoteththi isttassa.
\q1
\v 4 Qadhettizayti anjjettidayta,
\q2 ays giikko istti minettana.\x - \xo 5:4 \xo*\xt Isa 61:2\xt*\x*
\q1
\v 5 Ashketi anjjettidayta;
\q2 ays giikko istti biitta laattana.\x - \xo 5:5 \xo*\xt Maza 37:11\xt*\x*
\q1
\v 6 Xilloteth gafizaytinne saamettizayti anjjettidayta;
\q2 ays giikko istti kallana.\x - \xo 5:6 \xo*\xt Isa 55:1-2\xt*\x*
\q1
\v 7 Asas lo7o ooththizayti anjjettidayta;
\q2 ays giikko isttaskka lo7oy oosettana.
\q1
\v 8 Wozina xilloti anjjettidayta;
\q2 ays giikko istti Xoossa beyana.
\q1
\v 9 Saroteth ooththizayti anjjettidayta;
\q2 ays giikko istti Xoossa nayta
\q2 geetetti xeygettana.
\q1
\v 10 Xilloteththa gishshas
\q2 goodettizayti anjjettidayta;
\q2 ays giikko salo kawoteththi isttassa.\x - \xo 5:10 \xo*\xt 1Phex 3:14\xt*\x*
\p
\v 11 «Ta gaason asay inttena cayikko, gooddikkonne iita yo7o wordora intte bolla haasaykko intte anjjettidayta.\x - \xo 5:11 \xo*\xt 1Phex 4:14\xt*\x* 
\v 12 Intte salon demmana waagay keehi gita gidida gishshas ufayssan guppite. Inttefe sinththan diza nabetakka hessaththo gooddida.\x - \xo 5:12 \xo*\xt 2Taari 36:16; Hawa 7:52\xt*\x*
\s1 Maxinenne Poo7o Leemiso
\r (Mar 9:50; Luqa 14:34-35)
\p
\v 13 «Intte ha biitta asas maxine mala. Maxiney ba mal7oteththaa yeddizaa gidikko gede kare yegettidi yedheteththafe attiin zaaridi demmanaas dandayzee?\x - \xo 5:13 \xo*\xt Luqa 14:34-35\xt*\x* 
\v 14 Intte alames poo7o. Zuma bolla diza katamaya qotettanaas dandayakku.\x - \xo 5:14 \xo*\xt Yoha 8:12; 9:5\xt*\x* 
\v 15 Asi xomppe oyththidi keeththan diza asaa kumeththaas poo7ana mala dhoqqasohon woththees attiin geemasohon woththi erenna.\x - \xo 5:15 \xo*\xt Mar 4:21; Luqa 8:16; 11:33\xt*\x* 
\v 16 Hessaththoka asay intte lo7o ooso be7idi salon diza intte Aawaa bonchchana mala intte poo7oy asa sinththan poo7o.\x - \xo 5:16 \xo*\xt 1Phex 2:12\xt*\x*
\s1 Muse Wogaa Gishshas
\p
\v 17 «Tani Muse wogaanne nabeta qaalaa shaarana yidaa inttes misatoppo; polanaas yadis attiin shaaranaas yabeekke. 
\v 18 Ta inttes tumu gays, saloynne sa7ay aadhdhana gakkanaas Muse wogay wuri polettana attiin wogaappe issi pidaleykka woykko qeerinakka shaarettuku.\x - \xo 5:18 \xo*\xt Luqa 16:17\xt*\x* 
\v 19 Hessa gishshas oonikka ha azazotappe guuxxizaaro gidikkoka ooththontta yeggi aadhdhiko, hankkoytakka yedhdhi aadhdhana mala tamaarsiko salo kawoteththan hessaadey guuth geetetti xeygettana; gido attiin hayta azazota ooththi polishe hankkoyta polana mala tamaarsiko hessaadey Salo Kawoteththan gita geetettana. 
\v 20 Ta inttes gays, intte xilloteththi Farsaawetappenne Muse wogaa tamaarsizayta xilloteththafe aadhdhontta aggiko Salo Kawoteth gelana dandayekketa.
\s1 As Wodhanaas Bessenna
\p
\v 21 «Kase asatas, ‹Wodhoppa; wodhidaade bolla pirdettana› geetettidayssa intte siyideta.\x - \xo 5:21 \xo*\xt Kessa 20:13; Zaare 5:17\xt*\x* 
\v 22 Ta qasse inttes gizay ba isha bolla ogey baynda hanqettizaade bolla pirdettana; oonikka ba isha, ‹Nappay› gizaadey duulata sinththan oyshettana. ‹Eeyay› gizaade Gaanname tama pirday naagees. 
\v 23 Hessa gishshas neni yarsho shiishshizason Xoossas yarshana gishin ne ishay ne bolla mishettidaazi nees qofettiko, 
\v 24 ne yarshizayssa heen yarshizason aggada koyro baada ne ishara giiga; hessafe guye simmada ne yarshoza Xoossas shiishsha.
\p
\v 25 «Nena mootida ne morkkey ne bolla pirdisontta mala, pirdiza daannay qachchizayssas nena aaththi immontta mala, qasho keeththan ne wodhdhontta mala buro oge bolla dashe ne morkkera elela giigaychcha. 
\v 26 Ta nees tumu gays; izi pirdisi wursidaa gidikko wurseththa santiyo qanxxana gakkanaas qashoppe neni birshettaka.
\s1 Laymatanaas Bessenna
\p
\v 27 « ‹Laymatoppa› gizayssa intte siyideta.\x - \xo 5:27 \xo*\xt Kessa 20:14; Zaare 5:18\xt*\x* 
\v 28 Tani gidikko inttena hizgays; maccas amo ayfera xeellidaadey wuri ba wozinan izira laymatides. 
\v 29 Nagara ooththanaas ne ushachcha ayfey nees gaaso gidikko neeppe kessa wora yegga; ne asateththay kumeth gede Gaanname taman yegettanaappe ne asateththafe issina pacciko lo7o. 
\v 30 Ne ushachcha kushey nagara oosos gaaso gidikko neeppe qanxxa digga; ne asateththay kumeth Gaannamen yegettanayssafe ne asateththafe issi billitey nees pace gidikko lo7o.
\p
\v 31 « ‹Machcho anjji yeddizaadey pirma waraqata izis immana bessees› geetettides.\x - \xo 5:31 \xo*\xt Zaare 24:1-4; Mato 19:7; Mar 10:4\xt*\x* 
\v 32 Tani qasse inttena hizgays, hara asara laymatishin be7ontta dishe ba machcho anjjizaadey wuri iza laymatana mala ooththees. Hessaththoka anjjettidaaro ekkizaadeyka laymatida mala qoodettees.\x - \xo 5:32 \xo*\xt Mato 19:9; Mar 10:11-12; Luqa 16:18; 1Qoro 7:10-11\xt*\x*
\s1 Caaqo Gishshas
\p
\v 33 «Kase asatas, ‹Wordo caaqqofa; Xoossa sinththan ne caaqqidayssa naaga› geetettidayssa intte siyideta.\x - \xo 5:33 \xo*\xt Lewe 19:12; Tay 30:2; Zaare 23:21\xt*\x* 
\v 34 Ta qasse inttena aykkoka caaqqofte gays; saloy Xoossas uttiza araata gidida gishshas salon caaqqofte.\x - \xo 5:34 \xo*\xt Yaaqo 5:12; Mato 23:22\xt*\x* 
\v 35 Biittay Xoossa tohoy yedhdhizaso gidida gishshas biittankka caaqqofte. Wogga kawo katama gidida gishshas Yerusalaamenkka caaqqofte.\x - \xo 5:35 \xo*\xt Isa 66:1; Maza 48:2\xt*\x* 
\v 36 Intte hu7enkka caaqqofte; intte hu7e binanappe issineyokka booth woykko kareth histtanaas dandayekketa. 
\v 37 Hessa gishshas intte intte giddon haasayettishin intte haasayay, ‹Ee› gaanaaz gidikko, ‹Ee› giite; ‹Akkay› gaanaaz gidikko, ‹Akkay› giite; hessafe haray wuri iita asappe yizaaza.
\s1 Halo Keso Gishshas
\r (Luqa 6:29-30)
\p
\v 38 « ‹Ayfe gishshas ayfe, ach gishshas ach› geetettidayssa intte siyideta.\x - \xo 5:38 \xo*\xt Kessa 21:24; Lewe 24:20; Zaare 19:21\xt*\x* 
\v 39 Ta qasse inttes gizay iita ooththidaadera eqettofte; gido attiin nees ushachcha shagala baqqizaades hankkoyssaka yuushsha bessa. 
\v 40 Issi asi neni garsara may7idayssa neeppe ekkanaas nena mootikko bollara may7idayssaka gujjada izas imma. 
\v 41 Issi asi nena issi saate oge ne baana mala wolqqaththiko issife nam7u dakko gidana oge izara ba. 
\v 42 Nena woossizaades imma; neeppe tal7e ekkanaas koyzaades zokko zaaroppa.
\p
\v 43 « ‹Ne lagge siiqa; ne morkke ixxa› geetettidayssa siyideta. 
\v 44 Ta qasse inttena intte morkketa dosite; inttena gooddizaytas woossite gays. 
\v 45 Intte hessaththo ooththiko intte salo Aawaas nayta gidana. Izi arshe iitatassinne lo7otas issi bolla gaththi immees. Irakka xillotassinne nagaranchchatas issi bolla bukisees. 
\v 46 Inttena dosizayta xalla intte dosikko inttes aaza go7ay dizee? Qaraxa qanxxisizayti hessaththo ooththettennee? 
\v 47 Intte ishata xalla intte sarotikko hankkoytappe aazan lo7eetii? Ammanonttaytikka hessaththo ooththeettes. 
\v 48 Hessa gishshas intte salo Aaway wosoy bayndaytas gidida mala intteka wosoy bayndaade gidite.\x - \xo 5:48 \xo*\xt Lewe 19:2; Zaare 18:13\xt*\x*
\c 6
\s1 Manqos Maado Imo
\p
\v 1 «Asi inttena beyana mala asa sinththan lo7o ooththontta mala naagettite; hessaththo ooththiko intte salo Aawappe go7a demmeketa.\x - \xo 6:1 \xo*\xt Mato 23:5\xt*\x* 
\v 2 Intte manqotas maado immiza wode asi tana beyo giidi asa sinththan bonchchettanaas ogeninne Ayhuda Woosa Keeththan xurumba punisiza qoodheppe qommon hanizaytaththo ooththofte. Ta inttes tumu gays; istti ba waaga ubbaa haan ekkida. 
\v 3 Intte manqotas immishin ushachcha kushey ooththizaa hadirsa kushey eroppo. 
\v 4 Intte imoy geeman gido; qotan oosettidayssa be7iza intte Aawaykka intte waaga inttes immana.
\s1 Woosa Gishshas
\r (Luqa 11:2-4)
\p
\v 5 «Intte woossishe qoodheppe qommon hanizayta mala hanopite; istti asi beyana mala Ayhuda woosa keeththataninne oyddu oge bolla eqqidi woossanaas doseettes. Ta inttes tumu gays; istti kumeththa waaga ekkichchida.\x - \xo 6:5 \xo*\xt Luqa 18:10-14\xt*\x* 
\v 6 Neni woossana geliza ne kifile gela; karekka ne bolla gordada geeman diza ne Aawaakko woossa. Geeman oosettidayssa be7iza ne Aaway ne ooso mala nees immana.
\p
\v 7 «Ammanontta asay issi qaala zaari zaari woossiko isttas siyettiza misatiin istti zaari zaari gizayssaththo intteka woossishe issi qaala zaari zaari goopite. 
\v 8 Gido attiin intte Aaway intte woossanaappe kasetidi inttes aazi koshshizaakko eriza gishshas intte istta misatopite. 
\v 9 Intte woossishe,
\q1 « ‹Salon diza nu Aawawu!
\q2 Ne sunththi anjjetto.
\q1
\v 10 Ne kawoteththi haa yo;
\q2 ne sheney salon gidida mala
\q2 sa7ankka hano.
\q1
\v 11 Hachchis gidiza kath
\q2 nuus hach imma.
\q1
\v 12 Nu nuna qohidaytas
\q2 atto giza mala
\q2 nekka nu qoho nuus atto ga.
\q1
\v 13 Iitappe nuna ashsha attiin
\q2 nuna paacen gelththofa;
\q2 bonchchoy merippe
\q2 mernaa gakkanaas neyssa.
\q2 Amiin› gi woossite.
\p
\v 14 «Intte inttena qohidaytas atto giikko intte salo Aawaykka inttes atto gaana. 
\v 15 Qasse intte asa nagara atto gontta ixxiko intte Aawaykka intte nagara atto geenna.
\s1 Xooma Gishshas
\p
\v 16 «Intte xooma xoomishe qoodheppe qommon xoomizaytaththo shullofte. Istti ba xoomizayssa asi erana mala ba ayfeso iisseettes. Ta tumu gays; hessaththo ooththizayti ba waaga kumeth ekkichchida. 
\v 17 Neni xooma xoomashe ne ayfeso meecetta, ne hu7e tiyetta. 
\v 18 Hessaththo ne xoomikko geeman diza ne Aaway xalala erizaazinne asi oonikka erontta qotan gidana. Qotan oosettidayssa be7iza ne Aawaykka ne waaga nees immana.
\s1 Salon Diza Haaro
\r (Luqa 12:33-34)
\p
\v 19 «Bilay mizason buuqqidinne shiydi moorettizason, kaysoy bookkidi kaysanaas dandayzason, ha biittaa bolla inttes miish shiishshofte.\x - \xo 6:19 \xo*\xt Yaaqo 5:2-3\xt*\x* 
\v 20 Gido attiin bilay maanaas, buuqqidi woykko shiydi moorettonttason, kaysoy bookki ekkana dandayonttason heen salon inttes miish shiishshite. 
\v 21 Ne miishshay dizason ne wozinay heen dees.
\p
\v 22 «Ayfey asateththas poo7o; hessa gishshas ne ayfey paxa gidikko, ne kumeththa asateththayka poo7o gidana. 
\v 23 Ne ayfey harganchcha gidikko, ne kumeththa asateththayka dhuma xalla gidana. Histtiko nenan diza poo7oy dhuma gidikko, qasse dhumay waanida girdi gida dhuma gidandee?
\p
\v 24 «Issi asi nam7u godaas ooththana dandayenna. Issaa ixxidi nam7anththoza dosana; woykko issaa bonchchidi nam7anththoza leqqana; Xoossassinne miishshas nam7atas gaththi ooththanaas dandayettenna.
\s1 Daro Qoppofte
\p
\v 25 «Hessa gishshas ta inttena intte duussa gishshas, ‹Ay miinoo? Ay uyinoo? Ay may7inoo?› giidi hirgofte gays. Shemppoy qumappe, ashoy may7ofe aadhdhennee? 
\v 26 Ane salo kafota xeellite! Zerettenna; maxettenna; di7en qolettenna; gido attiin intte salo Aaway istta mizees. Intte isttafe keehi aadhdheketii? 
\v 27 Ane inttefe daro waayettidi baas imettida layththa bolla hara issi gallas gujjana dandayza asi dizee?\f + \fr 6:27 \fr*\ft Baas imettida layththa bolla hara issi gallas gujjana dandayza asi dizee? gizayssa issi issi Geeshsha Maxaafata birsheththan «Baas diza adussateththaa bolla issi wadha pude gujjanaas dandayza asi dizee?» gizaazi dees.\ft*\f*
\p
\v 28 «Qasse may7o gishshas aazas hirgeetii? Ane coo demban diza ciishshata xeellite; daaburettenna woykko suqettenna. 
\v 29 Hessa gishshas ta inttena gizay haray attoshin kawo Solomooneykka ba bonchchora ha ciishshatappe issiney mala lo7o may7ibeenna. 
\v 30 Intteno pace ammanoy dizaytoo! Hach asa ayfen beettidi wonto taman wodhdhana maata hayssaththo mayziza Xoossi inttena hessafe lo7eththi aaththi mayzanaas dandayennee? 
\v 31 Hessa gishshas nu ay maanee? Ay uyanee? Ay may7anee? giidi hirgofte. 
\v 32 Hankko ammanontta asay hayssa demmanaas daro qoppees. Hayssi wuri inttes koshshizayssa intte salo Aaway erees. 
\v 33 Harappe sinththatidi Xoossa Kawoteththa xilloteth koyite; hayti wuri inttes gujettana. 
\v 34 Hessa gishshas wontos keehi qoppofte; wonto metoy wontos aqo; issi issi gallassay baas baas gidiza metora dees.
\c 7
\s1 Hara Asa Bolla Pirdanaas Koshshenna
\r (Luqa 6:37-42)
\p
\v 1 «Intte bolla pirdettontta mala hara asa bolla pirdofte. 
\v 2 Intte pirdida mala intte bollaka pirdettana. Intte makkida miishshara inttes makettana.\x - \xo 7:2 \xo*\xt Mar 4:24\xt*\x* 
\v 3 Ne ayfen diza gita miththaa be7ontta dashe ne isha ayfen diza qeeri buura aazas xeellay? 
\v 4 Ne ayfen gita miththi dishin ne isha, ‹Ane ta ne ayfeppe qeeri buurayo kessays› gaanaas waana dandayay? 
\v 5 Nenoo qoodheppe qommon hanizaysso kasetada ne ayfen diza gita miththaa kessaycha. Hessafe guye ne isha ayfen diza buuraa kessanaas lo7eththa xeellandassa. 
\v 6 Ba tohon yedhdhontta malanne simmidi inttena saxxi daakereththontta mala anjjettidayssa kanata sinththan yeggofte; qasse intte worqqaaka guddunthata sinththan yeggofte.
\s1 Woossite, Koyite, Qoxxite
\r (Luqa 11:9-13)
\p
\v 7 «Woossite inttes imettana; koyite intte demmana; kare qoxxite inttes doyettana. 
\v 8 Woossida ubbaas imettana; koyza asi demmana; qoxxizaades karey doyettana. 
\v 9 Intte giddofe issaades nay uketh woossiko shuch immiza aaway daandee? 
\v 10 Woykko mole woossiko shoosh immizaadey daandee? 
\v 11 Histtiin intte iitata gidi uttidi intte naytas lo7o miish imo erizayta gidikko intte salo Aaway iza woossizaytas waanidi aadhdhiza lo7o miish immennee? 
\v 12 Hessa gishshas hara asi inttes ooththana mala intte koyzayssa, intteka haratas ooththite. Muse wogaynne nabeti gizayssi hayssa.\x - \xo 7:12 \xo*\xt Luqa 6:31\xt*\x*
\s1 Aaho Pengenne Xunththa Penge
\r (Luqa 13:24)
\p
\v 13 «Xunththa pengera gelite; dhayoso efiza ogey gita; pengeyka aaho; daro asay he pengezara gelees. 
\v 14 De7os gaththiza ogey gidikko xunththa; pengeyka xunththa; gelanaytikka guuththata xalla.
\s1 Wordo Nabeta
\r (Luqa 6:43-44)
\p
\v 15 «Isttas giddo baggay Kana suyte\f + \fr 7:15 \fr*\fqa Kana suyte: \fqa*\ft Kana suytey issi issi bagga Gamoththo qaalan suudhume geetettees.\ft*\f* mala gidi uttidinne dorsa ite may7i gelidi intte giddo giddon ooththiza wordo nabetappe naagettite. \fig Dorsatanne kana suyteta|alt="Sheep and wolves" src="LB00011B.TIF" size="span" ref="7:15"\fig* 
\v 16 Intte istta, istta ooson erandeta. Agunththa worappe woyney, kindichcho agunththafe balase ayfey maxettizee? 
\v 17 Hessaththoka lo7o miththi wuri lo7o ayfees; iita miththika iita ayfe ayfees. 
\v 18 Lo7o miththi iita ayfe ayfanaas dandayonttayssa mala iita miththi lo7o ayfe ayfanaas dandayenna. 
\v 19 Lo7o ayfe ayfontta miththi wurikka qanxxettananne taman yegettana.\x - \xo 7:19 \xo*\xt Mato 3:10; Luqa 3:9\xt*\x* 
\v 20 Hessa gishshas intte istta istti ayfiza ayfen shaakki erana.\x - \xo 7:20 \xo*\xt Mato 12:33\xt*\x*
\p
\v 21 «Salon diza ta Aawaa shene polontta dishe tana, ‹Godoo! Godoo!› gizay wuri Salo Kawoteth gelenna. 
\v 22 He gallas daroti, ‹Godoo! Godoo! Nuni ne sunththan tinbite yootibeekkonii? Ne sunththan daydanth kessibeekkonii? Ne sunththan daro malaata ooththibeekkonii?› gaana. 
\v 23 He wode ta isttas, ‹Ta inttena mulekka erikke! Intte iitati taappe haakkite› gaada qonccera ta isttas yootana.
\s1 Keeththe Keexxiza Eranne Eeya Asa Leemiso
\r (Luqa 6:47-49)
\p
\v 24 «Histtiko hayssa ta qaalaa siyidi ooson peyshizaadey ba keeththe zaalla bolla keexxizaade misatees. 
\v 25 Deexo iray bukkiin haroykka harottides; carkoyka carkides; keeththaaka sugides shin zaalla bolla keexettida gishshas kundibeenna.
\p
\v 26 «Hayssa ta qaalaa siyidi ooththonttaadey gidikko ba keeththe ace bolla keexxida eeya asa mala. 
\v 27 Deexo iray bukkiin haroykka harottides; carkoyka carkides; he keeththaaka sugides; keeththayka iita kundeth kundides» gides. 
\v 28 Yesusi tamaarsi wursiin asay iza timirtezan malalettides. 
\v 29 Gaasoykka Muse woga tamaarsizayta mala gidontta izi godateththi diza asa mala tamaarsides.
\c 8
\s1 Yesusi Inchchirachcha Hargey Oykkida Addeza Paththides
\r (Luqa 6:37,41-42)
\p
\v 1 Yesusi zuma bollafe wodhdhiin daro derey iza kaallides. 
\v 2 Issi inchchirachcha\f + \fr 8:2 \fr*\fqa Inchchirachcha: \fqa*\ft Inchchirachcha Geeshsha Maxaafay qonccisiza mala asateththa bolla bollara galban keziza dumma dumma hargeta ubbaa bessees.\ft*\f* hargey dizaadey Yesusaakko shiiqidi iza sinththan gulbatidi, «Godoo! Ne koykko tana paththanaas dandayaasa» gides. 
\v 3 Yesusi ba kushe yeddidi, «Ta dosadis; paxa!» giin addezi he hargezappe heerakka paxides. 
\v 4 Qasseka Yesusi addeza, «Ne paxidayssa oonaska yootoppa; gido attiin baada nena qeeses bessa. Istti azazida yarshoza gaththa; hessika isttas markka gidana» gides.
\s1 Yesusi Mato Halaqaza Ashkara Paththides
\r (Luqa 7:1-10)
\p
\v 5 Yesusi Qifirnahoome gakkida mala mato halaqay izakko shiiqidi iza hizgi woossides. 
\v 6 «Godoo! Ta ashkaray keehi sakettidi keeththan ichchi dees» gides.
\p
\v 7 Yesusikka izas, «Ta baada paththana» gides. 
\v 8 Mato halaqazi izas zaaridi, «Ta nena ta keeththe gelththanaas bessizaade gidikke; gido attiin ne haan daada issi qaala xalla giikko ta ashkaray paxana. 
\v 9 Taaska tana azaziza halaqati taappe bollara deettes; qasseka taas azazettiza wottadarati taappe garsara deettes; isttafe issaa, ‹Ba!› giikko bees; qasse issaa, ‹Haa ya!› giikko yees; tani ta ashkaraza, ‹Hessa ooththa!› giikko ooththees» gides.
\p
\v 10 Yesusi iza zaarozan malalettidi bana kaallizaytas, «Ta inttes tumu gays; haray attoshin Isra7eele asaa garsan hayssa mala ammanoy dizaade issaadeka demmabeekke. 
\v 11 Ta inttes yootays; daroti arshey mokkiza baggafenne wulliza baggafe yaana. Salo Kawoteththa maaddan Abrahaamenttara Yisaaqanttaranne Yaaqoobenttara issife uttana.\x - \xo 8:11 \xo*\xt Luqa 13:29\xt*\x* 
\v 12 Salo Kawoteththi isttas gidana bessiza asati heen kare dhuman yegettana. Heenkka yeehonne achcha garccech gidana» gides.\x - \xo 8:12 \xo*\xt Mato 22:13; 25:30; Luqa 13:28\xt*\x* 
\v 13 Yesusikka mato halaqazas, «Ba! Ne ammano mala nees hano» gides; ashkarazi heerakka paxides.
\s1 Yesusi Darota Paththides
\r (Mar 1:29-34; Luqa 4:38-41)
\p
\v 14 Yesusikka buro Phexroosa keeththe gelishin Phexroosa bolloteya misho harge sakettada ichchidaaro be7ides. 
\v 15 Izi kushe Yesusi bochchiin misho hargezi aggides. Izakka dendada Yesusa mokkadus.
\p
\v 16 He gallassa omars daydanththi oykkida daro asata Yesusaakko ehida. Izikka tuna ayanata ba qaalara isttafe kessides; harganchchata ubbaaka paththides. 
\v 17 Isayaasi, «Izi nu harge ekkides; nu sakokka tookkides» gida qaalay hayssan polettides.
\p
\v 18 Daro asay iza giddoththidayssa biyidi Yesusi asaa abbafe he pinth pinnana mala azazides. 
\v 19 He wode issi Ayhuda ammano tamaarsizaadey izakko shiiqidi, «Astamaaree! Ne bizaso awakka ta nena kaallana» gides.
\p
\v 20 Yesusikka izas zaaridi, «Worakanatas ollay dees; salo kafotas keeththi dees; taas Asa Naas gidikko hu7e gelththizasoykka deenna» gides.
\p
\v 21 Iza kaalliza issi hara asi qasse, «Godoo! Koyro baada ta aawa moogoo?»\f + \fr 8:21 \fr*\ft Ta aawa moogoo? gizayssi iza aaway hayqqana gakkanawu heemmidi hayqqiko moogi yaanaas diza iza amoza bessiza misatees.\ft*\f* gides. 
\v 22 Izi qasse, «Hayqqidayti ba hayqeth moogetto; neni gidikko tana kaalla» gides.
\s1 Yesusi Abba Dambala Co7u Histtides
\r (Mar 4:35-41; Luqa 8:22-25)
\p
\v 23 Hessafe guye Yesusikka wogolon geliin iza kaallizaytikka izara issife bida. 
\v 24 Qoppontta abba giddon dambalay dendidi wogoloyo mittana gakkanaas istta waayisides. Hessi wuri hanishin Yesusi dhiskides. 
\v 25 Iza kaallizayti iza beegoththidi, «Godoo! Nu dhayoos; nuna ashsha!» gida.
\p
\v 26 Yesusikka isttas, «Intteno ammanoy paccidaytoo! Aazas hayssa mala babbetii?» gides. Hessafe dendidi carkozanne abba dambalaa izi hanqiin heerakka sirphi gides.
\p
\v 27 Isttika, «Hayssi abbaynne carkoyka izas azazettizaadey izi waanidaadee?» giidi malalettida.
\s1 Tuna Ayanappe Paxida Nam7u Asata
\r (Mar 5:1-20; Luqa 8:26-39)
\p
\v 28 Izi abba pinnidi Gergesenoone geetettiza dere gakkida mala daydanththi oykkida nam7u as dayti ba diza duufoppe kezidi izara gaaggida. Asi he ogezara aadhdhanaas dandayetontta mala asas daro keehi meto gidi deettes. 
\v 29 Isttika, «Xoossa Nawu! Nees nunara aaza issifeteththi dizee? Wodey gakkontta dishin nuna xuuggana yadii?» gi waassida.
\p
\v 30 Heen isttafe guuth haakkidi daro guddunththa wudey issi bolla heemettees. 
\v 31 Daydanththati Yesusa, «Ne nuna kessanaa gidikko haytan daro guddunththatan nu gelana mala nuus piqaade imma» giidi woossida. 
\v 32 Yesusikka istta, «Biite!» gides. Daydanththatikka isttafe kezidi guddunththatan gelida. Guddunththati wurikka ba dizaso aafora bichcharishe abban gelidi haaththan mitetti hayqqida.
\p
\v 33 Guddunththaa heemmizayti elelidi katamay dizaso biidi guddunthay hanoyssanne daydanththi istta oykkida asata bolla hanidayssa ubbaa asaas yootida. 
\v 34 Katamaa asay wuri Yesusara gaagganaas kezides. Yesusa be7idinne istta dere yeddi baana mala iza woossida.
\c 9
\s1 Gunda Addeza Paxo
\r (Mar 2:1-12; Luqa 5:17-26)
\p
\v 1 Hessafe guye Yesusi abba bolla wogolora pinnidi kase ba diza katama yides. 
\v 2 Heen issi gunda addeza, asay halara\f + \fr 9:2 \fr*\ft Hala, issi issi bagga Gamoththo qaalan hala guussi zaphpha guussa.\ft*\f* tookkidi Yesusaakko ehides. Yesusikka istta ammano be7idi gunda addeza, «Aykkoy baa; haysso naazoo! Ne nagaray atto geetettides» gides.
\p
\v 3 He wode Muse wogaa tamaarsizayti, «Hayssi Xoossa cashsha» giidi ba wozinan qoppida.
\p
\v 4 Yesusi istta qofaa eridi, «Intte wozinan iita yo7o aazas qoppeetii? 
\v 5 ‹Ne nagaray atto geetettides› guussafenne ‹Dendada ba!› guussafe awayssi kawushshee? 
\v 6 Gido attiin Asa Naas biitta bolla ase nagarappe maaranaas sheney dizayssa erana malassa» giidi gunda addeza «Denda! Ne halaa ekkada neso ba» gides. 
\v 7 Gunda addezikka dendidi baso bides. 
\v 8 Dereykka hessa be7idi malaleteththaninne babon kumidi hayssa mala godateth asas immida Xoossaa galatides.
\s1 Yesusi Matoosa Xeygides
\r (Mar 2:13-17; Luqa 5:27-32)
\p
\v 9 Yesusi heeppe dendidi bishe issi Matoosa geetettizaadey qaraxa qanxxisizason uttidayssa be7idi, «Tana kaalla!» giin dendidi iza kaallides.
\p
\v 10 Yesusi Matoosason maadda bolla dishin daro qaraxa qaraxizaytinne nagaranchchati izakko yiidi izaranne iza kaallizaytara issife maanaas uttida. 
\v 11 Farsaaweti hessa biyidi Yesusa kaallizayta, «Inttena tamaarsizayssi qaraxa qanxxisizaytaranne nagaranchchatara waani isttara issife kath mizee?» gi oychchida.
\p
\v 12 Yesusikka istti gizayssa siyidi isttas, «Aakimey koshshizay sakettidaytas attiin sakettontta paxatas gidenna. 
\v 13 Hessa gishshas, ‹Intte biidi yarsho gidontta maaroteth dosays› giza qaalaa birsheth tamaarte. Nagaranchchata xeygana yadis attiin xillota xeyganaas yabeekke» gides.\x - \xo 9:13 \xo*\xt Mato 12:7\xt*\x*
\s1 Yesusa Kaallizayti Xooma Xoomontta Gaaso
\r (Mar 2:18-22; Luqa 5:33-39)
\p
\v 14 Xammaqiza Yohannisa kaallizayti Yesusaakko yiidi, «Nuninne Farsaaweti xoomishin nena kaallizayti aazas xoomettennee?» gi oychchida.
\p
\v 15 Yesusi isttas, «Mishiraa laggeti mishirazi isttara dishin muuzottana bessizee? Mishiray isttafe ekettana wodey yaana; istti he wode xoomana.
\p
\v 16 «Gal7a may7o bolla ooraththa woso woththi sikkiza asi deenna. Gal7a bolla oorath woththi sikkiko ooraththazi gal7aza peedhereththidi daaketh haa darssana. 
\v 17 Oonikka ooraththa woyne ushshu gal7a lukkamon gujjenna. Gujjizaa gidikko lukkamozi dhuuqqana; woyne cajjezikka gukkana; lukkamozikka go7ay bayndaaz gidana. Gido attiin ooraththa woyne cajjey ooraththa lukkamozan gujjeettes. Hessa malara woyne cajjezinne lukkamozi lo7on naagettidi gam7ees» gides.\f + \fr 9:17 \fr*\fqa Lukkamo: \fqa*\ft Lukkamo issi issi bagga Gamoththo qaalan ogoro guussa.\ft*\f*
\s1 Ya7iroosa Nayonne Yesusa Afala Macara Bochchida Maccassayo
\r (Mar 5:21-43; Luqa 8:40-56)
\p
\v 18 Yesusi asaa haasaysson dishin issi shuumey iza sinththan kundidi, «Taas naa daara hayqqana gawus. Iza paxa daana mala yaada ne kushe izi bolla woththarkii?» giin, 
\v 19 Yesusi dendidi izara bides; Yesusa kaallizaytikka izara bida.
\p
\v 20 Tammanne nam7u layth kumeth izippe suuththi gukkiza issi maccassaya Yesusappe guyera yaada iza afala macara bochchadus.\x - \xo 9:20\xo*\xt Tay 15:38; Zaare 22:12\xt*\x* 
\v 21 Iza hessa ooththiday, «Iza afalaa macara ta bochchidaakko paxana» giza ammanoy izi wozinan diza gishshas bochchadus.
\p
\v 22 Yesusikka guye simmi xeellidi maccassayo, «Aykkoy baa, ta nayee! Nena ne ammanoy paththides» giin maccassaya heerakka paxaa gadus.
\p
\v 23 Yesusikka shuumeza soo mata gakkishin derey zayeranne dinkera waassishe yeekkizayssa be7idi, 
\v 24 «Kichchite! Naya dhiskadus attiin hayqqabeekku» giin istti iza bolla miiccida. 
\v 25 Derey wuri keeththafe keziin izi keeththaa gelidi nay kushe oykkides; nayakka denda eqqadus. 
\v 26 Iza goobateththi he dere ubbaan seetettides.
\s1 Yesusi Qooqetanne Doona Duudeza Paththides
\p
\v 27 Yesusikka heeppe bishin nam7u qooqeti, «Dawite Nawu! Nuna maararkkii!» giidi waassishe iza geedo kaallida.
\p
\v 28 Qooqetikka Yesusi gelida keeththaa iza kaallidi gelida. Yesusikka isttas, «Ta intte ayfe paththana dandayzayssa ammaneetii?» giidi oychchides. Isttika, «Ee, Godoo!» gida.
\p
\v 29 Hessafe guye Yesusi istta ayfe bochchidi, «Intte ammano mala inttes hano!» gides. 
\v 30 Istta ayfeykka xeellides. Yesusikka, «Hayssa oonikka erontta mala» giidi minththi yootides.
\p
\v 31 Gido attiin istti biidi heera ubbason Yesusa gishshas woresida. 
\v 32 Istti heeppe kezishin daydanththi oykkida issi doona duude as Yesusaakko ehida. 
\v 33 Daydanththazi kezidaappe guye he doona duude addezi haasaya oykkides; derezikka malalettidi, «Hayssa mala hanoy Isra7eele biittan haniin nu beyi erokko» gida.
\p
\v 34 Gido attiin Farsaaweti zaaridi iza, «Daydanth kessizay daydanththata halaqanna» gida.\x - \xo 9:34 \xo*\xt Mato 10:25; 12:34; Mar 3:22; Luqa 11:15\xt*\x*
\s1 Yesusi Deraas Mishettides
\p
\v 35 Yesusi Ayhudata Woosa Keeththan Ayhudata tamaarsishenne Xoossa Kawoteththa Mishiraachcho qaala yootishe qasseka harge ubbaafe asaa paththishe gutatan gutatan yuuyides.\x - \xo 9:35 \xo*\xt Mato 4:23; Mar 1:39; Luqa 4:44\xt*\x* 
\v 36 Asay wuri heemmizaadey baynda dorsa mala keehi metotettidi xeellizay bayndaade gididayssa be7ida wode isttas daro mishettides.\x - \xo 9:36 \xo*\xt Mar 6:34\xt*\x* 
\v 37 Bana kaallizaytaska, «Maxa gakkida kaththay daro shin maxi shiishshizayti guuththata. 
\v 38 Hessa gishshas kaththaa Goday kaththaako oosanchchata yeddana mala woossite!» gides.
\c 10
\s1 Yesusa Kaalliza Tammanne Nam7ata Kiiteteth
\r (Mar 3:13-19; Luqa 6:12-16)
\p
\v 1 Yesusi bana kaalliza tammanne nam7ata baakko xeygidi, istti tuna ayanata kessana mala qasseka sakoppenne hargefe paththana mala isttas godateth immides. 
\v 2 Tammanne nam7u Hawaareta sunththay hayssafe kaallizayssa; koyroy Phexroosa geetettiza Simoona, iza ishaa Indiraasa, Zabdoosa naa Yaaqoobenne iza ishaa Yohannisa, 
\v 3 Piliphoosanne Bartelemoosa, Toomaasanne qaraxa shiishshiza Matoosa, Ilfiyoosa naa Yaaqoobenne Tadoosa, 
\v 4 ba baggas mishettiza Simoonanne\f + \fr 10:4 \fr*\fqa Ba baggas mishettiza Simoona: \fqa*\ft Hayssi ha sunththay gujettiday issi issi asati izi ba haymanotezas mishettiza gishshassa geettes. Harati qasse izi as aylleteththafe kessiza issi dirjite giddon diza gishshassa geettes.\ft*\f* guyeppe Yesusa hayqos aaththi immida Asqoronto\f + \fr 10:4 \fr*\fqa Asqoronto: \fqa*\ft Hayssa ha qaalaa gishshas shiiqiza nam7u qofati deettes; issoy Yuhuday Asqoronto geetettiza dereppe yidayssa bessanaas go7ettishin harati qasse Yuhuda wordanchchanne baleththizayssa giidi cayanaas go7ettiza sunththa geettes.\ft*\f* Yuhuda.
\p
\v 5 Hayta tammanne nam7ata ubbaa, «Ayzaabeta giddo boopite; Samaariya asaa katama gelopite. 
\v 6 Gido attiin Isra7eele deraa garsafe dhayda dorsatakko biite. 
\v 7 Biidinne, ‹Salo kawoteththi matides!› giidi sabbakite.\x - \xo 10:7-15 \xo*\xt Luqa 10:4-12\xt*\x* 
\v 8 Harganchchata paththite, hayqqidayta hayqoppe denththite, inchchirachcha hargizayta geeshshite; daydanththata kessite; intte mela ekkidayssa mela immite; 
\v 9 worqqa, bira woykko xarqimala gidiin intte kiisen oykkofte. 
\v 10 Oosanchchas hachchis hachchis gidizaaz koshshiza gishshas intte oges giidi shinqe, koshshontta may7o, caamma woykko guufe ekki boopite.\x - \xo 10:10 \xo*\xt 1Qoro 9:14; 1Xim 5:18\xt*\x*
\p
\v 11 «Issi katama woykko issi guta intte geliza wode inttena mokkanaade koyi demmidi iza keeththan shempite; heeppe kezana gakkanaas heen diishshite. 
\v 12 Intte oona keeththika gelshe, ‹Saro› giite. 
\v 13 He keeththay sarotay bessiza keeththe gidikko intte sarotay he keeththaas gido; sarotay bessontta keeththe gidikko intte sarotay aggi inttes simmo. 
\v 14 Ay asikka inttena mokki ekkanaassinne intte gizaa siyanaas koyonttaade gidikko hessaade keeththafe woykko he katamaappe kezishe istta bolla yiza gomeppe intte attidayssas markka gidana mala intte toho bolla diza gudulla pittidi kezite.\x - \xo 10:14 \xo*\xt Hawa 13:51\xt*\x* 
\v 15 Ta inttes tumu gays; pirda gallas he katamay bolla gakkana pirday Sodoome bollanne Gamoora bolla gakkida pirdaafe deexo gidana.\x - \xo 10:15 \xo*\xt Mato 11:24\xt*\x*
\p
\v 16 «Ta inttena dorsa mala kana suyteta giddora kiittays. Hessa gishshas shooshsha mala cinccatanne haraphphe mala ashketa gidite.\x - \xo 10:16 \xo*\xt Luqa 10:3\xt*\x* 
\v 17 Asay inttena oykkidi pirdiza duulatas shiishshana; Ayhudati ba Woosa Keeththan inttena garafana; hessa gishshas isttafe naagettite.\x - \xo 10:17-20 \xo*\xt Mar 13:9-11; Luqa 12:11-12; 21:12-15\xt*\x* 
\v 18 Ta gaason dere haarizaytakkonne kawotakko inttena efana; istta sinththaninne ammanontta asata sinththan intte markka gidana. 
\v 19 Inttena istti oykkiza wode, ‹Nu ay gi haasaynoo? Wozgi zaaro imminoo?› gi hirgofte. He wode intte gaanaazi inttes imettana. 
\v 20 Inttenan haasayanay intte Aawa Ayanappe attiin inttena gidekketa.
\p
\v 21 «Ishay ba ishaa hayqos aaththi immana; aaway ba naa bolla, nayti bana yelidayta bolla makkallateththan dendidi hara asan wodhisana. 
\v 22 Ta gishshas asi wurikka inttena ixxana. Gido attiin wurseth gakkanaas minni eqqiday izi attana.\x - \xo 10:22 \xo*\xt Mato 24:9; Mar 13:13; Luqa 21:17\xt*\x* 
\v 23 Asay inttena intte diza heeraappe gooddiko haraso kichchite! Ta inttes tumu gays; intte Isra7eele katama ubbaa gakkontta dishin ta Asa Nay yaana.
\p
\v 24 «Ashkaray godaappe woykko kaallizaadey kaaleththizaadefe aadhdhenna.\x - \xo 10:24 \xo*\xt Luqa 6:40; Yoha 13:16; 15:20\xt*\x* 
\v 25 Tamaarey bana tamaarsizayssa mala woykko ashkaray ba godaa mala gidikko hessi izas gidana. Keeththa aawa, ‹Bi7elizeebula› giikko iza soo asaa ays hessafe iita geetenne!\x - \xo 10:25 \xo*\xt Mato 9:34; 12:24; Mar 3:2; Luqa 11:15\xt*\x*
\p
\v 26 «Hessa gishshas isttas babbofte; geemettiday qonccontta qotettiday geesh kezontta attenna.\x - \xo 10:26 \xo*\xt Mar 4:22; Luqa 8:17\xt*\x* 
\v 27 Ta inttes dhumara yootidayssa poo7on haasayte; hayththan siyidayssa qonccen haasayte. 
\v 28 Asho wodhikkofe attiin shempo wodhanaas dandayonttaytas babbofte; hessafe ashonne shempo gaththi Gaanname taman dhayssanaas dandayzayssas babbite. 
\v 29 Issi santen bayzettiza nam7u siine kafotappe issiniyakka intte salo Aawaa sheney baynda coo kunda attuku.\f + \fr 10:29 \fr*\fqa Siine kafo: \fqa*\ft Siine kafo issi issi bagga Gamoththo qaalan siine gizayssi gaashe kafo guussa.\ft*\f* 
\v 30 Haray attoshin intte hu7e binanaykka taybon dees. 
\v 31 Hessa gishshas babbofte. Daro siine kafotappe intte waagay aadhdhi bonchchettidaaza.
\p
\v 32 «Asa sinththan taas markkattizaades tanikka salon diza ta Aawaa sinththan izaades markkattana. 
\v 33 Qasse asa sinththan tana kaddidaade tanikka salon diza ta Aawaa sinththan iza ta kaddana.\x - \xo 10:33 \xo*\xt 2Xim 2:12\xt*\x*
\p
\v 34 «Tani biitta bolla saroteth ehanaas yidaa inttes misatoppo; mashsha ehanaas attiin saroteth ehanaas yabeekke. 
\v 35 Tani yiday naa aawappe, macca naa aayppe, naa machcho bollotippe shaakkanaassa. 
\v 36 Asas morkkey soo asaa gidana.
\p
\v 37 «Taappe aaththidi ba aawaa woykko ba aayo siiqizaadey taas gidanaas bessenna. Taappe aaththidi ba attuma naa woykko, macca naa siiqizaadey taas gidanaas bessenna. 
\v 38 Ba masqale tookkidi tana kaallontta asi taas gidanaas bessenna.\x - \xo 10:38 \xo*\xt Mato 16:24; Mar 8:34; Luqa 9:23\xt*\x* 
\v 39 Ba shempo ashshanaas koyzaadey dhayssees; ba shempo ta gishshas aaththi immizaadey ashshees.\x - \xo 10:39 \xo*\xt Mato 16:25; Mar 8:35; Luqa 9:24; 17:33; Yoha 12:25\xt*\x*
\p
\v 40 «Inttena mokki ekkizaadey tanakka mokki ekkees. Tana mokki ekkizaadey tana kiittidaadekka mokki ekkees.\x - \xo 10:40 \xo*\xt Mar 9:37; Luqa 9:48; Yoha 13:20\xt*\x* 
\v 41 Issi nabe nabeteththan mokki ekkizaadey he nabeza waaga demmana. Xillo as iza xilloteththa gishshas mokki ekkiko he xilloza waaga ekkana. 
\v 42 Hessa gishshas ta inttes tumu gays; oonikka hayta guuththatappe tana kaallizaade gidida gishshas issi xuu7a irxxa haath ushshiko hinniska waagay dhayenna» gides.
\c 11
\s1 Xammaqiza Yohannisi Kiittida Asata
\r (Luqa 7:18-35)
\p
\v 1 Yesusikka bana kaalliza tammanne nam7u asatas azazo immi wursidaappe guye tamaarsanaassinne sabbakanaas Galilan diza katamata bides.
\p
\v 2-3 Yohannisi qasho keeththan dishe Kirstoosi ooththiza hanota siyidi bana kaallizayta izakko yeddidi, «As ashshizaadey yaana geetettiday neneyee? Hara naaginoo?» giidi oychchides.
\p
\v 4 Yesusikka zaaridi, «Biidi intte siyidayssanne intte be7idayssa Yohannisas yootite. 
\v 5 Qooqeti xeelleettes; wobbeti hemetteettes; inchchirachcha hargizayti paxeettes; tulleti siyeettes; hayqqidayti hayqoppe paxi dendeettes; manqotas Mishiraachcho qaalay yooteettes. 
\v 6 Tanan dhuphettonttaadey anjjettidaade» gides.
\p
\v 7 Yohannisa kaallizayti bidaappe guye Yesusikka asaas Yohannisa gishshas, «Ay beyanaas duge bazzo bidetii? Carkoy qaaththiza shomboqo beyanaas yidetii? 
\v 8 Woykko ay beyanaas kezidetii? Lo7o may7o may7i dizayta beyana yidetii? Lo7o may7o may7idi lo7izayti kawota keeththan deettes. 
\v 9 Histtiin ay beyana kezidetii? Nabe beyana kezidetii? Ee, ta inttes gays, nabeppe aadhdhizayssa beyanaassa.
\q1
\v 10 « ‹Ne baana oge nees giigsanaade
\q2 neeppe kaseta ta nees kiittana
\q2 geetettidi iza gishshas
\q2 kase xaafettidaadey
\q2 izakko!› gides.
\p
\v 11 «Ta inttes tumu gays; maccassafe yelettida asappe xammaqiza Yohannisa misatiza asi biitta bolla dendibeenna. Gidikkoka Xoossa Kawoteththan as ubbaafe laafa asi Yohannisappe aadhdhana.
\p
\v 12 «Xammaqiza Yohannisa wodeppe haa simmiin ha7i gakkanaas Salo Kawoteththaya daro baaxe bolla dawus. Mino asati xalla izo demmana. 
\v 13 Nabetikka Muse wogaykka wuri Yohannisa wode gakkanaas buroppe hananayssa yootida. 
\v 14 Histtiko intte ekkana koykko izi yaana geetettida Eelaasi izakko!\x - \xo 11:14 \xo*\xt Mato 17:10-13; Mar 9:11-13\xt*\x* 
\v 15 Siyiza hayththi diza asi siyo!
\p
\v 16-17 «Hayssa ha wode asaa aazan leemisoo? Giyan uttidi ba laggeta, ‹Nu inttes diith diixxiin intte duribeekketa! Yeeho zilas zilaliin yeekkibeekketa!› giza nayta misateettes. 
\v 18 Yohannisi muussafenne ushshafe naagettidi yida gishshas, ‹Izi daydanththara dees› gida. 
\v 19 Ta Asa Nay mashenne uyashe yiin, ‹Hayssi miidi kallontta asa, ushshanchcha, qaraxa shiishshizaytassinne nagaranchchatas laggeko!› gida. Gido attiin Xoossa erateththi ba ooson xilladus» gides.
\s1 Ammanontta Ixxida Gishshas Walassettida Katamata
\r (Luqa 10:13-15)
\p
\v 20-21 Hessafe guye Yesusi izi malaatata ooththida katama asay maaroteththan gelontta aggida gishshas, «Kuraziinenne Betesayda! Inttena aayye ana! Intte bolla oosettida malatay Xiroose bollanne Sidoona bolla oosettidaakko istti maaqa\f + \fr 11:20-21 \fr*\fqa Maaqa: \fqa*\ft Maaqa geetettizayssi issi issi bagga Gamoththo qaalan waaro geetettees.\ft*\f* may7idinne bidinththan uttidi beni maaroteththan gelanakkoshin. 
\v 22 Hessa gishshas tani inttes gizay pirda gallas inttefe aadhdhi Xiroosessinne Sidoonas qixaatey kawuyana.
\p
\v 23 «Hanne Qifirnahoome pude salo dhoqqu dhoqqu gaanaas koyadii? Gido attiin neni duge Si7oole wodhdhandasa; ne bolla oosettida malatay Sodoomen oosettidaakko Sodoomey hach gakkanaas daanakkoshin. 
\v 24 Hessa gishshas ta nena gizay pirda gallas qixaatey neeppe Sodoomes kawuyana» gides.\x - \xo 11:24 \xo*\xt Mato 10:15; Luqa 10:12\xt*\x*
\s1 Kirstoosi Immiza Shempo
\r (Luqa 10:21-22)
\p
\v 25 He wode Yesusi, «Salonne sa7a Godoo! Ta Aawawu! Hayssa daro eranchchatappenne cinccatappe qottada qeeri naytas ne qonccisida gishshas ta nena galatays. 
\v 26 Ta Aawawu! Ee hayssi ne sinththan lo7o ne shene gidi beettides.
\p
\v 27 «Wurikka ta Aawappe taas imettides; Aawappe attiin Naaza gishshas eriza asi baa; qasse Naazappenne Naazi ba shenen qonccisida asappe haray aawaa eriza asi baa.\x - \xo 11:27 \xo*\xt Yoha 3:35; 1:18; 10:15\xt*\x*
\p
\v 28 «Toohoy deexxidaytoo, daaburdaytoo, intte wurikka taakko haa yiite; tanikka inttes shempo immana. 
\v 29 Ta qambara tookkite; taappeka tamaarte; tani ta wozinan aadanne ashke; intte shemppos intte shempo demmana. 
\v 30 Ta qambaray shaykonne ta toohoy kawushsha» gides.
\c 12
\s1 Sambata Gishshas Shiiqida Oysho
\r (Mar 2:23-28; Luqa 6:1-5)
\p
\v 1 Hessafe guye Yesusi Sambata gallas kaththa giddora aadhdhi bides. Iza kaallizaytikka gafida gishshas tiya duuththidi shigechchi muus oykkida. 
\v 2 Farsaaweti hessa be7idi Yesusa, «Hekko nena kaallizayti Sambata gallas oosettanaas bessonttayssa ooththeettes» gida.
\p
\v 3 Izikka isttas zaaridi, «Dawitinne izara diza asati gafida wode izi ay ooththidaakkon nababibeekketii? 
\v 4 Xoossa Keeththe gelidi qeesetappe attiin Dawitinne izara dizayti bochchanaas bessontta dummatida uketh mides. 
\v 5 Qasse qeeseti Sambata shaaridi Xoossa Keeththa giddon ooso ooththiko mooro gidonttayssa Muse wogappe nababibeekketii? 
\v 6 Gidikkoka ta inttes gizay Xoossa Keeththafe aadhdhizaadey haan dees. 
\v 7 ‹Tani yarsho gidontta maaroteth dosays› giza qaalay ay guussako intte erizaakko xillota bolla pirdeketakkoshin.\x - \xo 12:7 \xo*\xt Mato 9:13\xt*\x* 
\v 8 Asa Nay Sambatas Goda» gides.
\p
\v 9 Heeppe izi aadhdhi bishe Ayhudata Woosa Keeth gelides. 
\v 10 Heenkka issi kushe silidaadey dees. Yesusa mootanaas gaaso koyidi, «Sambata gallas paththanaas bessizee?» giidi iza oychchides.
\p
\v 11 Izikka istta, «Inttefe issaade dorsi Sambata gallas ollan gelikko ba dorsaa izi gelidi ollaafe goochchi kessi erennee?\x - \xo 12:11 \xo*\xt Luqa 14:5\xt*\x* 
\v 12 Histtiko asi dorsafe keehi aadhdhennee? Hessa gishshas Sambata gallas lo7o oosoy digettenna» gides. 
\v 13 Qasseka addeza, «Ne kushe piddisa!» gides; addezikka ba kushe piddisiin hinko kusheza mala paxa gidides. 
\v 14 Gido attiin Farsaaweti heeppe kezidi, Yesusa wostti oykki wodhanaakko ba giddon zorettida.
\s1 Xoossi Doorida Ashkaraa
\p
\v 15 Yesusi istta qofaa eridi heeppe haraso sher7i gides. Daro derey iza kaallides; harganchchatakka ubbaa paththides. 
\v 16 Izi oonakkonne asas yootontta mala istta azazides. 
\v 17-21 Hessika haniday nabe Isayaasan,
\q1 «Ta dooridaynne
\q2 ta izan ufayettiza
\q2 ta nay hayssako!
\q2 Ta Ayana ta iza bolla woththana;
\q2 izikka ammanontta deretas
\q2 tumu pirda awajjana;
\q2 marshettenna;
\q2 woykko waassenna.
\q2 Izas qaalaykka
\q2 karen siyettenna;
\q2 suure pirda xoonos
\q2 gaththana gakkanaas
\q2 dincetti uttida shomboqoka
\q2 menththennanne cuwattiza
\q2 muqaaddaka toyssenna;
\q2 Ayzaabeti iza ufayssan naagana»
\q2 geetetti yootettida tinbite
\q2 qaalay polettana.
\s1 Yesusanne Bi7elizeebula
\r (Mar 3:20-30; Luqa 11:14-23)
\p
\v 22 Hessafe guye daydanththi oykkiin xeellanaassinne haasayanaas dandayontta issi as Yesusaakko ekki yida. Yesusikka iza paththiin addezi xeellanaassinne haasayanaas dandaydes. 
\v 23 Asay wurikka malalettidi, «Hayssi addezi Dawite naashaa?» gides.
\p
\v 24 Gido attiin Farsaaweti hessa siyidi, «Hayssi addezi daydanth kessizay daydanththa halaqa Bi7elizeebula wolqqan xalla gidanaas bessees» gida.\x - \xo 12:24 \xo*\xt 9:34; 10:25\xt*\x*
\p
\v 25 Yesusikka istta qofaa eridi, «Ba giddon issoy issaafe shaakettiza kawoteththi wurikka kundana; ba giddon shaakettiza katamay woykko keeththa asi minnenna. 
\v 26 Xala7ey Xala7e kessizaa gidikko Xala7ey ba giddon shaakettides guussa. Hessaththo hankko iza kawoteththi waani minnana dandayzee? 
\v 27 Tani Bi7elizeebula wolqqan kessizaa gidikko intte nayti aaza wolqqan kessanee? Hessa gishshas intte nayti intte bolla pirdana. 
\v 28 Gido attiin tani daydanth kessizay Xoossa Ayanan gidikko Xoossa Kawoteththi intteko yides guussa.
\p
\v 29 «Woykko issi asi wolqqara dizaade keeththe gelidi miishshe bonqqana koykko kasetidi he wolqqara diza addeza oykki qachchontta wostti bonqqanee? Qachchidaappe guye bonqqana dandayees.
\p
\v 30 «Tanara gidonttaadey tanara eqettees; tanara issife shiishshontta asi wurikka laallees.\x - \xo 12:30 \xo*\xt Mar 9:40\xt*\x* 
\v 31 Hessa gishshas ta inttes tumu gays; nagara oosoynne cashshi wuri asas atto geetettana shin Xillo Ayana cayidaadey maarettenna. 
\v 32 Ay asikka asa naa bolla haasayza iita qaalaa gishshas maarettanashin, Xillo Ayana bolla haasayza iita qaalay gidikko hayssa ha woden gidiin woykko buro yaana woden gidiin maaroy deenna.\x - \xo 12:32 \xo*\xt Luqa 12:10\xt*\x*
\s1 Lo7o Miththi Lo7o Ayfen Erettees
\r (Luqa 6:43-45)
\p
\v 33 «Miththi wuri ayfen erettizayssa mala intte lo7o ayfe demmanaas inttes lo7o miththi do; inttes iita miththi dizaa gidikko intte iita ayfe ekkana.\x - \xo 12:33 \xo*\xt Mato 7:20; Luqa 6:44\xt*\x* 
\v 34 Intteno marzera diza shooshshatoo! Intte iitata gidi uttidi waani lo7o haasayanaas dandayeetii? Ulo giddon kumidaazi doonara haasayettees.\x - \xo 12:34 \xo*\xt Mato 3:7; 23:33; 15:18; Luqa 3:7; 6:45\xt*\x*
\p
\v 35 «Lo7o asi ba wozinan kunththi woththida lo7o qofaappe lo7o haasayees; iita asikka ba wozinan kunththi woththida iitateththaafe iita yo7o kessees. 
\v 36 Gido attiin ta inttes gizay asay ba haasayda hada qaala ubbaa gishshas pirda gallas wurikka oyshettana. 
\v 37 Gaasoykka ne qaalappe dendidayssan ne xillada attananne ne qaalappe dendidayssan ne bolla pirdettana» gides.
\s1 Malata Beyanaas Shiiqida Oysho
\r (Mar 8:11-12; Luqa 11:29-32)
\p
\v 38 Hessafe guye issi issi Muse woga tamaarsizaytinne Farsaaweti Yesusa, «Astamaaree! Nu neeppe malalisiza malaata beyana koyoos» gida.\x - \xo 12:38 \xo*\xt Mato 16:1; Mar 8:11; Luqa 11:16\xt*\x* 
\v 39 Izi isttas zaaridi, «Ha iitanne layma yeletay malata oychchees; gido attiin nabe Yoonaasa malataappe attiin hara malatay imettenna.\x - \xo 12:39 \xo*\xt Mato 16:4; Mar 8:12\xt*\x* 
\v 40 Yoonaasi gita mole ulo giddon heedzdzu qammanne heedzdzu gallas gam7ida mala Asa Naykka heedzdzu gallassinne heedzdzu qamma biitta garsan gam7ana. 
\v 41 Nannawe asay pirda gallas hayssa ha yeletaara dendidi ha yeletaa bolla pirdana; gaasoykka Nannawe asay Yoonaasa markkateththan maaroteth gelida gishshassa. Hekko Yoonaasappe aadhdhizaadey haan dees. 
\v 42 Dugeha dere kawoya Solomoone erateth siyanaas biitta gaxappe dendada yida gishshas pirda gallas iza hayssa ha yeletaara dendada ha yeletaa bolla pirdana. Hekko Solomooneppe aadhdhizaadey hayssan dees.
\p
\v 43 «Tuna ayanay asappe kezidi shempo demmanaas haaththi baynda mela biittan daaburees. Gido attiin ba koyza shemppoza demmenna. 
\v 44 Hessafe qasse kase ta dizaso simma baana giidi beniiso izi simmishin kase izi dizasoy aykkoyka baynda mela keeththe gididi geeyidayssanne giigetti dizayssa demmees. 
\v 45 Hessafe biidi hara baappe iitiza laappun iita ayanata banara ekkidi yees. Isttika he addezan gelidi de7ana. He addezas kase duussaafe guye duussay iita gidana. Hayssa iita yeletaska hessa mala hanana» gides.
\s1 Yesusa Aayeyonne Iza Ishata
\r (Mar 3:31-35; Luqa 8:19-21)
\p
\v 46 Yesusi asaas yootishin iza aayeyanne ishati iza yoochchana koyidi karen eqqida. 
\v 47 Issi asi, «Hekko ne aayanne ne ishati nena haasayssanaas karen eqqidi nena koyeettes» gides.\f + \fr 12:47 \fr*\ft Issi issi geeshsha maxaafatan taybo oyddu tammanne laappuna bolla diza qaalay deenna.\ft*\f*
\p
\v 48 Yesusikka, «Ta aaya oonee? Ta ishatich! Istti oonanttee?» gides. 
\v 49 Ba kushera bana kaallizaytakko malatidi, «Ta aayanne ta ishati haytantta. 
\v 50 Salon diza ta Aawa shene ooththizayti wurikka taas isha, michchonne aayo» gides.
\c 13
\s1 Zereth Zerizaade Leemiso
\r (Mar 4:1-9; Luqa 8:4-8)
\p
\v 1 He gallas Yesusi keeththafe kare kezidi abbaa lanqen uttides. 
\v 2 Daro derey iza yuuyi aadhdhi giddoththida gishshas asaa abbaa gaxan aggidi wogolo giddo geli uttidi,\x - \xo 13:2 \xo*\xt Luqa 5:1-3\xt*\x* 
\v 3 daro yo7o leemisora, «Issi goshshanchchay zereth zeranaas kezides. 
\v 4 Izi zerishin issi issi zereththi oge doonan wodhdhiin kafoti yiidi maxi mida. 
\v 5 Issi issi zereththi melanne shuchchatiza biitta bolla wodhdhiin biittay mela biitta gidida gishshas elle caarides. 
\v 6 Gido attiin away awattiin shullidinne xapho yeddontta aggida gishshas melides. 
\v 7 Issi issi zereththay agunththa giddon wodhdhides; agunththayka diccidi caarechchaa cuullides. 
\v 8 Hara zereththika aradda biittan wodhdhidi ayfekka ayfides; issoy xeetu, issoy usuppun tammu, issoy heedzdzu tammu ayfe immides. 
\v 9 Siyiza hayththi dizaadey siyo!» gi yootides.
\p
\v 10 Hessafe guye iza kaallizayti izakko shiiqidi, «Ne aazas leemisora yootay?» gida.
\p
\v 11 Izikka isttas, «Salo Kawoteththa xuura eroy inttes imettides; isttas gidikko imettibeenna. 
\v 12 Dizaades dizayssa bolla gujettananne darana shin bayndaadefe hinna dizaarakka ekettaychchana.\x - \xo 13:12 \xo*\xt Mato 25:29; Mar 4:25; Luqa 8:18; 19:26\xt*\x* 
\v 13 Ta hayssaththo leemisora yootizay istti siyishe ezgontta gishshassinne xeellishe demmontta gishshassa.
\p
\v 14-15 «Isayaasi,
\q1 ‹Intte sis siyana shin
\q2 yuushshi qoppeketa;
\q2 xeelo xeellana shin
\q2 wozinan woththeketa;
\q2 dereza wozinay muumides;
\q2 istta hayththayka siyenna;
\q2 xeellontta mala
\q2 ba ayfe qilim7ida;
\q2 hessa mala gidonttaakko
\q2 istti ba ayfera be7idinne
\q2 ba hayththara siyidi
\q2 ba wozinan yuushshi qoppidi
\q2 taakko haa simmiin
\q2 ta istta paththanashin›
\q2 gida tinbite qaalay
\q2 isttan polettides.\x - \xo 13:14-15 \xo*\xt Isa 6:9-10\xt*\x*
\p
\v 16 «Intte ayfey xeelliza gishshassinne intte hayththati siyiza gishshas intte anjjettidayta. 
\v 17 Ta inttes tumu gays; daro nabetinne daro xillo asati ha7i intte be7izayssa beyanaassinne ha7i intte siyizayssa siyanaas amottida shin isttas hanibeenna.
\p
\v 18 «Histtiko ha7i zereththaa leemisoza birsheth siyite. 
\v 19 Kawoteththa qaala siyidi yuushshi qoppontta ay asa wozinappeka Xala7ey yiidi zerettida zereththaa eeson maxichchana. Hessika oge bolla wodhdhida zereththa. 
\v 20 Shuchcha bolla zerettidayssi qaala ufayssan siyidi heerakka ufayssan ekkizaade misatees. 
\v 21 Gido attiin xapho yeddanaas dandayontta aggida gishshas daro gam7ontta qaalaa gaason metoynne goodeteththi yiza wode eleli dhuphettees. 
\v 22 Agunththa giddon zerettida zereththay qaala siyidi hayssa ha alamezas daro metoteththaninne dureteththa qofan balettidinne cuulettidi ayfe immontta asa mala. 
\v 23 Lo7o biittan zerettida zereththay qasse qaala siyidi yuushshi qoppizaade misatees; lo7o ayfe ayfees; issoy xeetu, issoy usuppun tammu, issoy heedzdzu tammu ayfe immides» gides.
\s1 Leeshsho Leemiso
\p
\v 24 Yesusi qasseka hara leemiso isttas, «Salo Kawoteththi ba goshsha gaden lo7o zereth zeridaade misatees. 
\v 25 Gido attiin asi wuri ichchida wode morkkey yiidi gistteza giddon leeshsho zeridi bides. 
\v 26 Gisttezi diccidi ayfe ayfiza wode leeshshoyka izara issife beettides.
\p
\v 27 «Kaththaa godaza ashkarati godazaakko shiiqidi, ‹Godoo! Neni ne goshshan lo7o zereth zerabeekkii? Hayssi leeshshoy awappe yidee?› gida.
\p
\v 28 «Izikka isttas, ‹Hessa morkkey ooththides› gides. Ashkaratikka, ‹Nu biidi leeshshoza shoddana mala koyay?› gi oychchida.
\p
\v 29 «Izikka isttas, ‹Akkay hanenna; gaasoykka intte leeshshoza shoddishe gisttezara gaththi shoddana; 
\v 30 aggite! Maxa wodey gakkanaas issife dicco; he wode maxizayti leeshshoza kasetidi qori maxidi taman xuugganaas mirqqen mirqqen qachchite; gistteza qasse shiishshidi gootaran gelththite› gaada ta inttes yootana» gi yootides.
\s1 Miththa Ayfe Leemisonne Irsho Leemiso
\r (Mar 4:30-32; Luqa 13:18-19)
\p
\v 31 Hara leemiso isttas, «Salo Kawoteththi issi asi ba gade giddon zerida barzaafe miththa ayfe mala. 
\v 32 Barzaafe miththa ayfey hara miththa ayfe ubbaafe daro laafa gidikkoka diccada miththa ubbaafe gita gidawus. Salo kafotikka izi hagga bolla keexxidi daana gakkanaas gita mith gidawus» gides.
\p
\v 33 Ha7ikka hara leemiso isttas, «Salo Kawoteththi maccassi bukeesoy dendana mala bukeeso giddon gujjida guuththa irsho misatawus» gides.
\p
\v 34 Yesusi hayssa ubba asaas leemisora yootides. Leemisoy baynda issinokka yootibeenna. 
\v 35 Hessika kase nabe doonan,
\q1 «Ta doona leemison ta doyana;
\q2 alamey medhettoosoppe
\q2 haa simmiin
\q2 qotettidayssa ta haasayana»
\q2 geetetti yootettidayssi polettides.\x - \xo 13:35 \xo*\xt Maza 78:2\xt*\x*
\s1 Leeshsho Leemisoza Birsheth
\p
\v 36 Hessafe Yesusi asaa aggidi soo gelides. Iza kaallizayti izakko shiiqidi, «Kaththa giddon diza leeshshoza gishshas ne yootida leemisoza birsheth nuus yoota» gida.
\p
\v 37 Izikka isttas zaaridi, «Lo7o zereth zeriday Asa Naa. 
\v 38 Goshshay hayssa alameza; lo7o zereththay Kawoteththa nayta gididayssa bessees; leeshshoy qasse Xala7e nayta. 
\v 39 Leeshshoza zeridi bida morkkey Daabulosa. Maxa wodey alame wurseth gidishin maxizayti Xoossa kiitanchchata.
\p
\v 40 «Leeshshoy qorettidi taman xuugettiza mala alame wurseththan hessaththo hanana. 
\v 41 Asa Nay ba kiitanchchata kiittana; isttika nagaras gaaso gididaytanne iita ooththizayta iza Kawoteththa giddofe ubbaa qori kessana. 
\v 42 Yeehoy dizasoninne ach garccizason daro wolqqama taman istta yeggana. 
\v 43 He wode xilloti ba Aawaa Kawoteththan arshe mala poo7ana. Siyiza hayththi dizaadey siyo!
\s1 Qotan Diza Haaronne Inqqu Geetettiza Worqqa Leemiso
\p
\v 44 «Salo Kawoteththi gade giddon qotettida miishshe misatees. Issi asi he miishshayo demmidi zaari qottides. Ufayssafe dendidayssan biidi baas dizaaz ubbaa bayzidi he miishshiya diza biitta shammides.
\p
\v 45 «Hessaththoka Salo Kawoteththi al7o worqqa koyza zal7anchcha misatees. 
\v 46 Daro al7o gidida inqqu geetettiza shuch demmida mala biidi baas diza ubbaa bayzidi shammides.
\s1 Mole Gite Leemiso
\p
\v 47 «Qasseka Salo Kawoteththi abba giddon yegettidi dumma dumma mole oykkida mole gite misatees. 
\v 48 Mole oykkizayti gitey kumiin goochchidi abba lanqe kessida. Heen uttidi lo7o lo7o mole qoridi keeshen gujjida. Iita moleta wora yeggida. 
\v 49-50 Alame wurseththan hessaththo hanana. Kiitanchchati yiidi nagaranchchata xillotappe shaakkidi yeekkizasonne ach garccizaso gede to7ontta taman yeggana.
\p
\v 51 «Yesusi istta hayssi wuri inttes gelidee?» gides. Isttika «Ee» gida.
\p
\v 52 Izikka zaaridi, «Hessa gishshas Salo Kawoteththa xuuray gelida Muse wogaa tamaarsizaadey oonikka izas minjji woththida al7o miishshafe ooraththinne gal7a miish kessizaade misatees» gides.
\s1 Nabey Ba Deren Bonchchettenna
\r (Mar 6:1-6; Luqa 4:16-30)
\p
\v 53 Yesusikka hayta leemisota yooti wursidi heeppe haraso bides. 
\v 54 Ba dere biidi Ayhudata Woosa Keeththan asaa tamaarso oykkides. Isttika malalettidi, «Hayssi addezi hayssa erateththaanne hayta malaatata ooththana wolqqa awappe demmidee? 
\v 55 Hayssi anaaxeza naa deennee? Iza aayey sunththi Maaramo gidennee? Iza ishati Yaaqoobe, Yooseefe, Simoonanne Yuhuda gidettennee? 
\v 56 Michcheti nunara dizayta gidettennee? Histtiin hayssi addezi hayssa ubbaa awappe ekkidee?» gida.
\p
\v 57 Hessa gishshas istti izi gizayssa ekkibeettenna.
\p Yesusikka isttas, «Nabey ba dereninne ba keeththan bonchchettenna attiin harason bonchchettees» gides. 
\v 58 Istti ammanontta aggida gishshas daro malaatata heen ooththibeenna.
\c 14
\s1 Xammaqiza Yohannisa Hayqo
\r (Mar 6:14-29; Luqa 9:7-9)
\p
\v 1 He wode Galila dere haariza Herdoosi asay Yesusa nashshizayssa siyides. 
\v 2 Herdoosi ba ashkaratas, «Hessa gidikko Xammaqiza Yohannisi hayqoppe dendidi yides guussakaa! Hayssi wuri gita malaatay iza kushen oosettizay hessassa» gides.
\p
\v 3 Herdoosi ba isha Piliphoosa machcho Herodiyaadi gaason Yohannisa oyththidi qasho keeththan yeggides.\x - \xo 14:3-4 \xo*\xt Luqa 3:19-20\xt*\x* 
\v 4 Gaasoykka Yohannisi Herdoosa, «Ne izo ekkana mala woga gidenna gida gishshassa» gides. 
\v 5 Herdoosikka Yohannisa wodhanaas koyishin asay Yohannisa nabe mala xeelliza gishshas babbides.
\p
\v 6-7 Herdoosi ba yeleta gallas Herodiyaadi naya yeththan iza ufayssida gishshas naya iza oychchidaaz ubbaa immanaas izis caaqqides. 
\v 8 Nayakka aayey zoren, «Xammaqiza Yohannisa hu7e keren woththada ha7i hannin taas imma» gadus.
\p
\v 9 He wode kawozi izas mishettides. Gido attiin caaqqida gishshassinne izara diza imaththata gishshas giidi nayi oyshay polettana mala azazides. 
\v 10 Kiittidinne Yohannisa woyne keeththan dishin qoodhe qanxxisides. 
\v 11 Qanxxettida hu7eza keren woththidi nays immida. Nayakka ekkada ba aayeys immadus. 
\v 12 Yohannisa kaallizayti iza aha ekkidi moogidinne hanidayssa ubbaa Yesusas yootida.
\s1 Yesusi Ichchashu Shii Asaa Mizides
\r (Mar 6:30-44; Luqa 9:10-17; Yoha 6:1-14)
\p
\v 13 Hessa siyida mala Yesusi kase ba dizaso aggidinne wogolon gelidi barkka hara asi bayndaso bides. Dereykka hessa siyidi katamay dizasoppe tohora iza kaallides. 
\v 14 Yesusikka wogolozappe wodhdhishe daro asa be7idi asaas mishettides. Sakettizaytakka paththides.
\p
\v 15 Gadey qammi qammi bizayssa be7idi iza kaallizayti izakko shiiqidi, «Hayssi nu dizasoy bazzo; gadeykka qammi qammi biza gishshas gede gutatan gutatan biidi baas maanaaz shammana mala asaa yedda» gida.
\p
\v 16 Gido attiin Yesusikka istta, «Intte asaas maanaaz immite attiin asay baanaas koshshenna» gides.
\p
\v 17 Isttika izas zaaridi, «Hayssan nuus ichchashu ukeththafenne nam7u moleppe attiin haray baa» gida.
\p
\v 18 Izikka istta, «Ane heyta dizayta haa taas ekki yiite» gides. 
\v 19 Qasseka asay maata bolla uttana mala azazides. Ichchashu ukeththinne nam7u moleta ba kushen oykkidi ba ayfe pude salo dhoqqu histti galatidi, ukeththaa menththi bana kaallizaytas immides. Isttika asaas immida.
\p
\v 20 Asay wurikka miidi kallides. Hessafe guye iza kaallizayti asaappe mishin attidayssa tammanne nam7u leemate kumeth shiishshida. 
\v 21 Mida asay maccassatinne guuththa nayti gujettontta attumasay xalla ichchashu shii gidanaaza.
\s1 Yesusi Abba Bolla Hemettides
\r (Mar 6:45-52; Yoha 6:15-21)
\p
\v 22 Heerakka iza kaallizayti wogolon gelidi gede pinth izappe kasetidi pinnana mala azazidi asaa moyzanaas baas guye attides. 
\v 23 Dereza moyzidaappe guye woosa woossanaas barkka zuma bolla kezides. Gadey dhumiinkka heen zuma bolla barkka dees. 
\v 24 He wode wogoloya abbaa kanththa bishin dambalay dendidi daro metoththo oykkides.
\p
\v 25 Omars koyro kuttoy baqqishin Yesusi abba bollara hemettidi iza kaallizayti dizaso yides. 
\v 26 Yesusa kaallizaytikka izi abba bollara hemetti yishin be7idi babbida gishshas iza moytille giidinne waassida.
\p
\v 27 Yesusi heerakka, «Aykkoy baa! Tanakko; babbofte!» gides.
\p
\v 28 Phexroosi, «Godoo! Nena gidikko ta abbaa bollara hemettada neekko baana mala tana azaza» gides.
\p
\v 29 Yesusi iza, «Haa ya!» gides. Phexroosikka wogolozappe wodhdhidi haaththa bollara hemettidi Yesusaakko yides. 
\v 30 Gido attiin carkoza wolqqa biyidi babbida gishshas haaththan miteteth oykkidi, «Godoo! Tana ashsha!» gi waassides.
\p
\v 31 Yesusi heerakka ba kushe yeddi oykkidi, «Nenoo, ammanoy paccidayssoo! Aazas sidhadii?» gides.
\p
\v 32 Yesusinne Phexroosi wogolozan gelida mala carkoy sirphi gides. 
\v 33 Hessafe guye wogolon dizayti, «Tumu neni Xoossa Naa!» giidi izas goynnida.
\s1 Yesusi Gensereexen Harganchchata Paththides
\p
\v 34 Yesusinne iza kaallizayti abba pinnidi Gensereexe geetettizaso gakkida. 
\v 35 Heen dizayti Yesusa gididayssa eridi, he heeran yuuyi aadhdhanaas diza asaas kiita yeddida. Asaykka harganchchata ubbaa Yesusaakko ehides. 
\v 36 Harganchchati iza afala xeera xalla bochchana mala Yesusa woossida. Bochchidayti wurikka paxida.
\c 15
\p
\v 1 Qasseka Yerusalaameppe yida Farsaawetinne Muse wogaa tamaarsizayti Yesusaakko shiiqidi, 
\v 2 «Nena kaallizayti kase nu aawata wogaa aazas dhayssizoo? Quma maanaas kushe meecettettenna» gida.
\p
\v 3 Yesusikka isttas, «Intte intte wogaas giidi Xoossa azazo ays shaareetii? 
\v 4 Xoossi, ‹Ne aayonne ne aawaa bonchcha; ba aawa bolla woykko ba aayi bolla iita qaala haasaydaadey hayqqo!› gi azazides. 
\v 5 Intte gidikko ay asikka ba aawaa woykko ba aayo, ‹Ta inttes ooththanaas bessizaaz ay miishshika Xoossas yarsho ooththa shiishshadis› giikko, 
\v 6 ‹He addezi ba aawaa woykko ba aayo bonchchides› geeta; hessa gishshas intte woga gishshas Xoossa qaala shaareeta. 
\v 7-9 Intteno qoodheppe qommon hanizaytoo! Isayaasi intte gishshas yootishe,
\q1 « ‹Hayssi derey tana
\q2 doonan xalla bonchchees;
\q2 wozinay gidikko taappe haakkides;
\q2 mela hada tana goynnees;
\q2 istta timirteyka
\q2 asi woththida woga›
\q2 gididi sinththafe hananayssa
\q2 yootidayssi tuma» gides.
\p
\v 10 Yesusi asaa baakko xeygidi, «Siyite wozinan woththite. 
\v 11 As tunisizay izaade doonara haa kezizayssafe attiin doonara duge gelizay tunisenna» gides.
\p
\v 12 Qasse iza kaallizayti izakko shiiqidi, «Farsaaweti ne gidayssa siyidi hanqettidayssa eradii?» gida.
\p
\v 13 Izi isttas, «Ta Aawaa saloyssi tokkontta miththi wurikka dhoqallettana. 
\v 14 Istta aggaagite; istti qooqeti kaaleththiza qooqeta gidida gishshas, qooqeti qooqe kaaleththiko nam7ay issoy issaara oykettidi aafon wullana» gides.\x - \xo 15:14 \xo*\xt Luqa 6:39\xt*\x*
\p
\v 15 Phexroosi Yesusa, «Ne yootida leemisoza nuus birsha» gides.
\p
\v 16 Izikka, «Intte ha7i gakkanaaska eribeekketa guussee? 
\v 17 Doonara gelizay wuri duge qanth kanththidi gede kare kezizayssa erekketii? 
\v 18 Doonara kezizay gidikko wozinappe pulttees. As tunisizay hessa.\x - \xo 15:18 \xo*\xt Mato 12:34\xt*\x* 
\v 19 Iita qofay, shempo wodhoy, laymay, laymatanaas qaaqqatoy, kaysoy, wordo markkateththinne asa sunth mooroy wuri wozinappe pulttees. 
\v 20 As tunisizay haytanttafe attiin kushe meecettontta muusi as tunisenna» gides.
\s1 Kanaane Dere Maccassay Ammano
\r (Mar 7:24-30)
\p
\v 21 Yesusi heeppe kezidi Xiroosenne Sidoona geetettiza dere bides. 
\v 22 Issi Kanaane maccas dizaara he heerappe kezada Yesusaakko yaada, «Godoo, Dawite nawu! Taas mishetta! Ta naya tuna ayanay oykkiin keeha waayawus» gaada waassadus.
\p
\v 23 Gido attiin izi issi qaalakka izis zaaribeenna. Histtiin he wode iza kaallizayti izakko shiiqidi, «Nuna kaalla kaalla waayisiza gishshas ne izo moyza» giidi iza oychchida.
\p
\v 24 Izikka isttas, «Tani Isra7eele keeththafe dhayda dorsatakko xalla kiitettadis» gides.
\p
\v 25 Maccassayakka Yesusa toho bolla kundada, «Godoo! Tana maaddarkkii!» gadus.
\p
\v 26 Izikka izis zaaridi, «Nayta kath ekkidi kana butulatas yegganaas bessenna» gides.
\p
\v 27 Izakka, «Ee Godoo; butulatikka ba godaa maaddafe gaden wodhdhida kath maxi meettes» gadus.
\p
\v 28 Yesusikka maccassayo, «Hanne maccassayee, ne ammanoy gita! Ne koyida mala nees hano» gides. Maccassay naya heerakka paxadus.
\p
\v 29 Yesusi heeppe dendidi Galila abbaa lanqe biidi heen diza issi zuma bolla kezi uttides. 
\v 30 Qoodan daro derey wobbeta, qooqeta, silata, haasayontta duudeta haratakka daro harganchchata ehidi iza sinththan woththides; izikka istta paththides. 
\v 31 Duudey haasayshin, toho silay paxishin, wobbey sitti gi hemettishin, qooqey xeellishin be7idi asay malalettides; Isra7eele Godaakka galatides.
\s1 Yesusi Oyddu Shii As Mizides
\r (Mar 8:1-10)
\p
\v 32 Yesusi bana kaallizayta xeygidi, «Asay tanara heedzdzu gallas gam7ida gishshassinne maana kaththi baynda gishshas asay tana michchees. Oge bollan gafan daaburdi kundontta mala mela ulora yeddana koykke» gides.
\p
\v 33 Iza kaallizayti, «Hayssan aykkoyka baynda bazzo biittan hayssa keena dere mizanaas gidiza quma nu awappe demmanee?» gida.
\p
\v 34 Yesusi istta, «Inttes aappun ukeththi dizee?» gi oychchiin isttika, «Laappun ukeththinne qii guuththa moleti deettes» gida.
\p
\v 35 Izikka derezi gaden uttana mala azazides. 
\v 36 Laappun ukeththaanne moleza ba kushen oykkidi galatidaappe guye menththidi bana kaallizaytas immides; isttika deraas gishida. 
\v 37 Asay wurikka miidi kallides; Yesusa kaallizayti asaappe attidayssa laappun leemate kumeth shiishshida. 
\v 38 Midaytikka naytinne maccassay baynda addeti xalla oyddu shii gidida.
\p
\v 39 Yesusi dereza moyzidaappe guye wogolon gelidi Megidoone geetettizaso bides.
\c 16
\p
\v 1 Farsaawetinne Saduqaawe geetettizayti Yesusaakko shiiqidi iza paaccanaas «Saloppe nuna malaata bessa» giidi oychchida.\x - \xo 16:1 \xo*\xt Luqa 11:38\xt*\x* 
\v 2 Izikka isttas, «Omarsa wode saloy zo7ikko, ‹Gadey awattana› geeta. 
\v 3 Wontta bolla, ‹Saloy deexxiko hach iray bukkana› geeta; salo medha xeellidi shaakki ereeta shin ta yaana wode malaata shaakki eranaas dandayekketa.\f + \fr 16:3 \fr*\ft Issi issi Geeshsha Maxaafatan taybo nam7anne heedzdza bolla Yesusi haasayda leemisoza go7ettettenna.\ft*\f* 
\v 4 Hayssi iitanne layma yeletay malaata koyees; gido attiin Yoonaasa malataappe attiin hara malatay izas imettenna» gides. Yesusi istta heen aggidi haraso bides.\x - \xo 16:4 \xo*\xt Mato 12:39; Luqa 11:29\xt*\x*
\p
\v 5 Abba pinnida mala Yesusa kaallizayti quma ekki baanayssa balettida. 
\v 6 Yesusikka, «Qopite; Farsaaweta irshofenne Saduqaaweta irshofe naagettite» gides.\x - \xo 16:6 \xo*\xt Luqa 12:1\xt*\x*
\p
\v 7 Istti qasse ba giddon, «Nuni kath oykkontta gishshas hessa gides» giidi issoy issaara haasayettida.
\p
\v 8 Yesusikka istta qofaa eridi, «Intteno ammanoy paccidaytoo! Kath oykkontta gishshas aazas issoy issaara haasayetteetii? 
\v 9 Ichchashu ukeththi ichchashu shii asaas gididi aappun leematey tirpiin intte denththidaakko yuushshi qoppeketii?\x - \xo 16:9 \xo*\xt Mato 14:17-21\xt*\x* 
\v 10 Hessaththoka laappun ukeththi oyddu shii asas gididi aappun leematey tirpiin intte denththidaakko wozinan woththibeekketa guussee?\x - \xo 16:10 \xo*\xt Mato 15:34-38\xt*\x* 
\v 11 Histtiin ta inttes yootiday kaththa gishshas gidonttayssa ays yuushshi qoppeketii? Ha7ikka Farsaaweta irshofenne Saduqaaweta irshofe naagettite» gides.
\p
\v 12 Ha7i izi istta qofsizay bukeeso denththanaas gujjiza irsho gishshas gidontta Farsaawetanne Saduqaaweta timirtefe naagettana mala gididayssi isttas gelides.
\s1 Phexroosi Yesusi Xoossa Naa Gidoyssa Yootides
\p
\v 13 Yesusi Qisaariya Piliphisiyoose geetettiza biitta gakkida wode bana kaallizayta, «Asay tana Asa Naa oona gizee?» giidi oychchides.
\p
\v 14 Isttika, «Issi issi asay, ‹Xammaqiza Yohannisa› gees; bagga asay, ‹Eelaasa› gees; baggay, ‹Ermaasa woykko nabetappe issaa gidontta aggenna› gees» gida.\x - \xo 16:14 \xo*\xt Mar 6:14-15; Luqa 9:7-8\xt*\x*
\p
\v 15 Izikka istta, «Intte tana oona geetii?» gides.
\p
\v 16 Simoona geetettiza Phexroosi, «Neni Kirstoosa de7o Xoossa Naa gidikkii?» giidi zaarides.\x - \xo 16:16 \xo*\xt Yoha 6:68-69\xt*\x*
\p
\v 17 Yesusi, «Yoona naa Simoonaa! Neni anjjettidaade! Nees hayssa qonccisiday salon diza ta Aawappe attiin ashonne suuth gidenna. 
\v 18 Neni zaalla; hayssa zaalla bolla tani ta Woosa Keeththe keexxana; Gaanname pengetikka izo xoonettenna. 
\v 19 Salo Kawoteththa qulpeta ta nees immana; neni biitta bolla hano gizay wuri salonkka hanana. Biitta bolla ne hanoppo gidayssi wurikka salonkka hanenna» gides.\x - \xo 16:19 \xo*\xt Mato 18:18; Yoha 20:23\xt*\x*
\p
\v 20 Qasseka izi Kirstoosa gididayssa istti oonaska yootontta mala bana kaallizaytas lo7eththi yootides.\f + \fr 16:20 \fr*\fqa Kirstoosa \fqa*\ft Guussi Xoossafe tiyettidaade guussa.\ft*\f*
\s1 Yesusi Ba Bolla Gakkana Meto Gishshas Nam7anththoka Yootides
\p
\v 21 Hessafe haa simmiin Yesusi Yerusalaame baanayssa, heen dere cimatan, qeeseta halaqataninne Muse woga tamaarsizayta kushen waaye ekkanayssa, hayqqanayssanne heedzdzanththo gallas hayqoppe dendanayssa bana kaallizaytas qonccisi yootides.
\p
\v 22 Phexroosi Yesusa gede issi bagga zaaridi, «Godoo! Hayssi ne bolla gakkofo!» giidi hanqides.
\p
\v 23 Yesusi Phexroosakko shiiqidi, «Haysso Xala7ee! Hayssafe kichcha! Neni asazaappe attiin Xoossa yo7oy ne wozina giddon baynda gishshas ne taas dhuphe gidadasa» gides.
\p
\v 24 Qasseka Yesusi bana kaallizaytas, «Tana kaallanaas dosiza asi bana kaddo; ba masqale tookkidi tana kaallo.\f + \fr 16:24 \fr*\fqa Masqale \fqa*\ft Guussi meto guussa.\ft*\f* 
\v 25 Ba shempo ashshana koyza asi wuri dhayssana; gido attiin ba shempo ta gishshas dhayssizaadey ashshana.\x - \xo 16:25 \xo*\xt Mato 10:39; Luqa 17:33; Yoha 12:25\xt*\x* 
\v 26 Asi alamen dizaaz kumeth haaridi ba shempo dhayssiko iza ay maaddanee? Woykko asi ba shempo gishshas qanxxana dandayzaazi aazee? 
\v 27 Asa Nay ba Aawa bonchchoranne salo kiitanchchatara yaana; issaas issaas iza ooso mala izaade waaga immana.\x - \xo 16:27 \xo*\xt Mato 25:31; Maza 62:12; Oro 2:6\xt*\x* 
\v 28 Ta inttes tumu gays; hayssan eqqida asata giddofe Asa Nay ba kawoteththara yishin beyana gakkanaas hayqoy istta bochchontta asati deettes» gides.
\c 17
\s1 Yesusa Medha Laameteth
\r (Luqa 9:28-36)
\p
\v 1 Usuppun gallassafe guye Yesusi Phexroosanne Yaaqoobe qasseka Yaaqoobe isha Yohannisa banara ekkidi isttara xalla dhoqqa zuma bolla kezides.\x - \xo 17:1 \xo*\xt 2Phex 1:17-18\xt*\x* 
\v 2 Istti heen dishin Yesusa medhay laamettides; iza ayfesoy Awa arshe mala poo7ides; iza may7oyka poo7o mala xolqides. 
\v 3 Heerakka Museynne Eelaasi Yesusara haasayshe isttas beettides. 
\v 4 Phexroosi Yesusa, «Godoo! Nu hannin dizaakko nuus lo7okko! Ne shene gidikko issi daase nees, issi daase Muses, issi daase Eelaasas heedzdzu daase ooththonii?» gides.
\p
\v 5 Izi buro haasayan dishin poo7iza shaaray istta kammides; shaara gaaththara, «Tani izan ufayettiza ta dosiza ta nay hayssa; izi gizayssa siyite» giza qaala giiris Siyite.\x - \xo 17:5 \xo*\xt Medhe 22:2; Zaare 18:5; Mato 3:17; 12:8; Isa 2:7; Mar 1:11; Luqa 3:22\xt*\x*
\p
\v 6 Iza kaallizaytikka hessa siyida mala dagammidi biitta bolla gufannida. 
\v 7 Yesusi isttako shiiqidi istta ba kushen bochchidi, «Dendite; babbofte!» gides. 
\v 8 Istti dhoqqu gi xeellishin Yesusappe attiin izara hara as oonakka be7ibeettenna.
\p
\v 9 Istti zumaza bollafe wodhdhishin Yesusi, «Asa Nay hayqoppe dendana gakkanaas intte beyoyssa oonaska yootontta mala» gi azazides.
\p
\v 10 Yesusa kaallizayti, «Histtiin Muse woga tamaarsizayti, Eelaasi kasetidi yaana bessees aazas gizoo?» gi oychchida.\x - \xo 17:10 \xo*\xt Miki 4:5\xt*\x*
\p
\v 11 Izikka isttas, «Tumakko; Eelaasi yiidi wursika giigsana gi zaarides. 
\v 12 Ta inttes gizay Eelaasi yides; gido attiin asay ba koyida mala iza bolla ooththides attiin iza eribeenna; hessaththoka Asa Nay istta kushen waaye beyana» gides.\x - \xo 17:12 \xo*\xt Mato 11:14\xt*\x*
\p
\v 13 He wode Yesusa kaallizayti Yesusi isttas yootizayssi Xammaqiza Yohannisa gishshas gididayssa erida.
\s1 Daydanththi Oykkida Issi Naa Yesusi Paththides
\r (Mar 9:14-29; Luqa 9:37-43)
\p
\v 14-15 Yesusinne iza kaallizayti asaakko simmida mala issi asi Yesusaakko shiiqidi iza sinththan gulbatidi, «Godoo! Ta naa dayssa bollafe yeggiza hargey daro waayisiza gishshas taas maararkkii! Daro wode taman kundees; haaththankka gelees. 
\v 16 Tani naaza nena kaallizaytakko ehadis shin istti iza paththana dandaybeettenna» gides.
\p
\v 17 Yesusi, «Intteno ammanontta geella yeletatoo! Ayde gakkanaas ta inttenara daanee? Qasse ayde gakkanaas ta inttena dandayanee? Ane naaza haa taakko ehite» gides. 
\v 18 Hessafe guye Yesusi daydanththaza seeridi naazappe kessides; naazikka he saateppe simmidi paxides.
\p
\v 19 Yesusa kaallizayti xalala izakko shiiqidi, «Nuni daydanth kessanaas aazas dandaybeekkonii?» giidi oychchida.
\p
\v 20 Izikka isttas, «Inttes ammanoy pace gidida gishshas dandaybeekketa; ta inttes tumu gays; qeeri gaashe ayfe mala ammanoy intte bolla dizaakko hayssa zumaa, ‹Hayssafe dendada gede ba!› intte gidaakko izi inttes baana. Inttena xoonanay deenna.\x - \xo 17:20 \xo*\xt Mato 21:21; Mar 11:23; 1Qoro 13:2\xt*\x* 
\v 21 Hayssa malay gidikko xoomaninne woosan attiin haran kezenna» gides.\f + \fr 17:21 \fr*\ft Issi issi Geeshsha Maxaafatan taybo nam7u tammanne issaa bolla diza qofay gujettibeenna; qaalaykka Mar 9:29 dizayssa mala.\ft*\f*
\p
\v 22 Istti Galilan issife dishin Yesusi isttas, «Tana Asa Naa asas aaththi immana. 
\v 23 Isttika iza wodhana; izikka heedzdzanththo gallas dendana» giin iza kaallizayti keehi mishettida.
\s1 Xoossa Keeththa Giira Qanxxo
\p
\v 24 Yesusinne iza kaallizayti Qifirnahoome geetettizaso gakkidaappe guye Xoossa Keeththa giira ekkizayti Phexroosakko shiiqidi, «Intte astamaarey Xoossa Keeththa giiraa nam7u dinaareza\f + \fr 17:24 \fr*\ft Issi dinaarey he wode issi asas nam7u gallassa damoza lagge.\ft*\f* ays qanxxennee?» gida.\x - \xo 17:24 \xo*\xt Kessa 30:13-15; 38:26\xt*\x*
\p
\v 25 Izikka isttas, «Qanxxees» gides. Phexroosi soo gelida mala Yesusi kasetidi, «Simoona dere kawoti giira gidiin woykko qaraxa gidiin ba naytappe ekkizoyee? Haratappe ekkiza misatizee?» gides.
\p
\v 26 Phexroosikka, «Haratappe ekkeettes» gides. Yesusi, «Histtiko nayta bolla acoy baa guussakaa! 
\v 27 Histtikokka istta nu dhupheththontta mala ne mole oykkiza gite ekka baada abban yegga; koyro oykkida moleza doona pooqqada ne demmida miishshaa ekkada ta sunththaranne ne sunththara giira qanxxa» gides.
\c 18
\s1 Salo Kawoteththan Ubbaafe Aadhdhanay Oonee?
\r (Mar 9:33-37; Luqa 9:46-48)
\p
\v 1 He wode Yesusa kaallizayti izakko shiiqidi, «Salo Kawoteththan nu garsan ubbaafe aadhdhanaadey oonee?» gi oychchida.\x - \xo 18:1 \xo*\xt Luqa 22:24\xt*\x* 
\v 2-3 Yesusi issi naa xeygi ehidi istta giddon essidi, «Ta inttes tumu gays; intte simmontta ixxikonne guuththa nayta mala hanontta ixxiko mulekka Salo Kawoteth gelekketa.\x - \xo 18:2 \xo*\xt Mar 10:15; Luqa 18:17\xt*\x* 
\v 4 Hessa gishshas ha naaza mala bana ziqqisizaadey Salo Kawoteththan ubbaafe aadhdhana. 
\v 5 Hayssa mala guuththa naa ta sunththan ekkizaadey tana ekkees.\x - \xo 18:5 \xo*\xt Mar 9:42-48; Luqa 17:1-2\xt*\x*
\p
\v 6 «Gido attiin tana ammaniza guuththatappe issaade dhupheththizay deexo woxa shuchchi iza qoodhen qashettiin abba ciimman yegettidi mitettiko izas lo7o gidana. 
\v 7 Hanna alameya as dhuphana gaaso gidida gishshas izis aayye ana! Dhuphey yuus aggenna shin dhuphezas gaaso gidizaades aayye ana!
\p
\v 8 «Ne kushey woykko ne tohoy nena dhuphanaas gaaso gidikko neeppe qanxxa digga! Neni nam7u kushera woykko nam7u tohora gede mernaa taman yegettanaappe wobbe woykko toho sila gidada hee gede de7oy dizaso geloy nees lo7ana. 
\v 9 Hessaththoka ne ayfey nees dhuphe gidikko neeppe kessa yegga! Nam7u ayfera gede Gaanname taman ne yegettanaappe issi ayfera de7oy dizaso ne gelizayssi nees lo7o.\x - \xo 18:9 \xo*\xt Mato 5:29\xt*\x*
\p
\v 10 «Hayta guuththata giddofe issineyokka intte kadhontta mala naagettite! Ta inttes tumu gays; salon diza istta kiitanchchati salon ta Aawa ayfeso ubbaa gallas xeelleettes. 
\v 11 Asa Nay dhaydayta ashshanaas yides.\x - \xo 18:11 \xo*\xt Luqa 19:10\xt*\x*\f + \fr 18:11 \fr*\ft Issi issi Geeshsha Maxaafati taybo tammanne issaa bolla diza qofa gujjeettes; izikka Luqaasa shempo 10 bolla dizayssa mala.\ft*\f*
\s1 Dhayda Dorsa Leemiso
\r (Luqa 15:3-7)
\p
\v 12 «Ane taas yootite, issaades xeetu dorsi diikko qasse isttafe issina dhaykko, hankko uddufun tammanne uddufunata zuma bolla yeggidi dhaydaaro koyana bi erennee? 
\v 13 Ta inttes tumu gays; hankko dhayontta attida uddufun tammanne uddufun dorsatappe aaththidi beettida dorsayn ufayettees. 
\v 14 Hessaththoka ha guuththata giddofe issoy dhayana mala salon diza intte aawaa shene gidenna.
\s1 Qohidaades Ay Ooththana Bessizaakko
\p
\v 15 «Ne ishay nena qohikko izakko baada iza xalala nenara ekkada iza mooro izas yoota; izi ne gizaa siyikko ne ishaa ne as histtaasa.\x - \xo 18:15 \xo*\xt Luqa 17:3\xt*\x* 
\v 16 Izi ne gizayssa siyontta ixxiko yo7oy wuri nam7u markkan woykko heedzdzu markkan ladhdhiza gishshas issaade woykko nam7u as nenara ekka baada iza haasayssa.\x - \xo 18:16 \xo*\xt Zaare 19:15\xt*\x* 
\v 17 Izi isttaka siyontta ixxiko Woosa Keeththas yoota; Woosa Keeththayokka siyontta ixxiko izaade ne ammanonttaade malanne yootiin simmontta iita asa mala qooda.
\p
\v 18 «Ta inttes tumu gays; biitta bolla intte qachchiday wuri salonkka qashettidaa gidana; biitta bolla intte birshidaazi salonkka birshettidayssa gidana.\x - \xo 18:18 \xo*\xt Mato 16:19; Yoha 20:23\xt*\x* 
\v 19 Qasseka ta inttes tumu gays; biitta bolla intte nam7u gididi ay miishshika issife dosan intte oychchiko salon diza ta Aaway inttes immana. 
\v 20 Nam7u woykko heedzdzu gididi ta sunththan intte shiiqizason heen intte giddon ta daana» gides.
\s1 Maaro Gishshas
\p
\v 21 He wode Phexroosi Yesusaakko shiiqidi, «Godoo! Ta ishay tana qohikko ta izas aappunto atto goo? Laappunto atto goo?» gides.\x - \xo 18:21-22 \xo*\xt Luqa 17:3-4\xt*\x*
\p
\v 22 Yesusikka izas zaaridi, «Laappun tammuto laappun attiin laappunto xalla ga giikke;\x - \xo 18:22 \xo*\xt Medhe 4:24\xt*\x*
\p
\v 23 «Hessa gishshas Salo Kawoteththi ba ashkarata bolla diza miishshe shiishshana koyida kawo misatawus. 
\v 24 Miishshaa qooda oykkida mala iza ashkaratappe daro miloone bira\f + \fr 18:24 \fr*\fqa Daro miloone bira: \fqa*\ft Daro miloone bira geetettizayssi Amaraththo Maxaafan, «Meklite» gees; issi meklitey he wode issi asas tammanne ichchashu layththa damozappe bolla gididayssa bessees.\ft*\f* acoy iza bolla dizaade ekki yida. 
\v 25 Ashkarazikka ba bolla diza acoza qanxxoy xoonida gishshas izikka iza machchiyakka iza naytinne izas dizaazi wuri bayzettidi miishshay qanxxettana mala iza goday iza azazides. 
\v 26 He wode ashkarazi godaza toho bolla kundidi, ‹Tani ta bolla diza acoza wursa nees qanxxana gakkanaas taas guuththa wode immarkkii!› giidi woossides. 
\v 27 Iza godaykka izas mishettidi iza acoza ubbaa maaridi yeddides.
\p
\v 28 «He ashkarazikka ba godaa achchafe kezida mala guuththa acoy\f + \fr 18:28 \fr*\fqa Guuththa acoy: \fqa*\ft Guuththa acoy gizayssa Amaraththo maxaafan, «Xeetu dinaare» gees; he wode issi asas issi gallassa ooso damoza bessees.\ft*\f* iza bolla diza ba lagge demmidinne, ‹Ne bolla diza ta miishshayo ha7i hannin qanxxa› giidi cuulli oykkides. 
\v 29 He iza lagge ashkaray, ‹Taas guuththa wode immarkkii! Ta nees qanxxana› giidi iza toho bolla kundidi woossides.
\p
\v 30 «Gido attiin izas guuththa wode immanaas koyontta ixxidi iza laggezi ba bolla diza acoza qanxxana gakkanaas qasho keeththan yeggides. 
\v 31 Izi hessa ooththishin be7ida asaynne hankko iza lagge ashkarati daro mishettida. Biidikka hanidayssa ubbaa ba godaas yootida.
\p
\v 32-33 «He wode godazi he ashkaraa xeygisi ehidi, haysso nenoo! Iitazoo, ne tana woossiin ne bolla diza acoza ta nees aggadisi shin ta nena maarida mala nenikka ne laggeza maaranaas bessennee? 
\v 34 giidi iza bolla diza acoza izi ubbaa qanxxana gakkanaas qachchana mala qachchizaytas aaththi immides. 
\v 35 Hessa gishshas intte issoy issaa wozinappe maarontta aggiko salon diza ta Aawaykka inttena maarenna» gides.
\c 19
\s1 Yesusi Eko Gishshassinne Gelo Gishshas Tamaarsides
\r (Mar 10:1-12)
\p
\v 1 Yesusi yooti wursidaappe guye Galila aggidi Yordaanoose pinththan diza Yuhuda awuraajja bides. 
\v 2 Daro derey iza heen kaalliin izikka harganchchata paththides.
\p
\v 3 Farsaaweti iza paaccanaas izakko shiiqidi ay gaasonkka, «Asi ba machcho anjji yeddana bessizee?» gi oychchida.
\p
\v 4 Izikka isttas, «Xoossi koyroppe maccanne adde medhdhidayssa nababibeekketii? gides.\x - \xo 19:4 \xo*\xt Medhe 1:27; 5:2\xt*\x* 
\v 5 Qasseka, ‹Asi ba aawaanne ba aayo aggidi ba machchira issife gidees. Nam7ayka issi asho gideettes› geetettidayssi hayssa gaason gidennee? gides.\x - \xo 19:5 \xo*\xt Medhe 2:24\xt*\x* 
\v 6 Nam7ay issi asho attiin sinththafe nam7u gidettenna. Hessa gishshas Xoossi gaththi waaxidayssa asi shaakkofo» gides.
\p
\v 7 Isttika izas, «Histtiin Musey, ‹Asi ba machcho anjji yeddida anjjo waraqata izis immi yeddo› giidi aazas azazidee?» gida.\x - \xo 19:7 \xo*\xt Zaare 24:1-4; Mato 5:31\xt*\x*
\p
\v 8 Yesusikka isttas, «Musey intte wozina muumeteth be7idi machcheta intte anjjana mala piqaade inttes immides attiin koyroppe hessa mala gidenna.
\p
\v 9 «Ta inttes tumu gays; ba azinappe harara laymatontta dishin ba machcho anjji yeddida hara machcho ekkizaadey wuri laymatees. Anjjettidaarokka ekkizaadey izira laymatees» gides.\x - \xo 19:9 \xo*\xt Mato 5:32; 1Qoro 7:10-11\xt*\x* 
\v 10 Yesusa kaallizayti izas, «Machchi wogaynne azina wogay hayssa mala gidikko machcho ekkontta agoy lo7o» gida.
\p
\v 11 Gido attiin Yesusi isttas, «Issi issi dumma imotay diza asatappe attiin hayssa timirteza oonikka ekkanaas dandayenna. 
\v 12 Gaasoykka issi issi asay ba aayi uloppe yelettishe shuufa gidi yelettees; issi issi asay asa kushen qaaratettidi gundulees; issi issi asay Salo Kawoteththas giidi bana barkka gundula ooththiza asikka dees. Hayssa ekkanaas dandayzaadey ekko» gides.
\s1 Yesusi Guuththa Nayta Anjjides
\r (Mar 10:13-16; Luqa 18:15-17)
\p
\v 13 He wode Yesusi istta bolla ba kushe woththidi woossana mala guuththa nayta izakko ekki ehida; gido attiin iza kaallizayti nayta ehida asata bolla hanqettida. 
\v 14 Yesusi, «Nayti haa taakko yetto; diggofte; Salo Kawoteththi haytantta malassa!» gides.
\p
\v 15 Ba kushe nayta bolla woththidi anjjidaappe guye heeppe dendi bides.
\s1 Dure Gidida Naateththa Addeza Oysha
\r (Mar 10:17-31; Luqa 18:18-30)
\p
\v 16 Hessafe guye issaadey Yesusaakko shiiqidi, «Astamaaree! Mernaa de7o demmanaas tani lo7o ooso ay ooththoo?» gi oychchides. 
\v 17 Yesusikka, «Tana aazas lo7o gishshas oychchay? Lo7oy issi Xoossaa xalla; de7oy dizaso ne gelana koykko azazota naaga» gides.
\p
\v 18-19 Addezi, «Azazoti awaytee?» giidi oychchides. Yesusikka zaaridi, «As wodhoppa; laymatoppa; kaysotoppa; wordo markkattofa; ne aawaanne ne aayo bonchcha; ne shooro ne mala siiqa» gides.\x - \xo 19:18-19 \xo*\xt Kessa 20:13-16; Zaare 5:17-20; Lewe 19:18\xt*\x* 
\v 20 Naateththazi zaaridi, «Hayssa wursa ta naagadis; haray aazi taas paccidee?» gides.
\p
\v 21 Yesusikka zaaridi, «Ne mule xillana koykko baada ne haaridaaz ubbaa bayzada miishshaa wursa manqotas imma; neni salon miish demmandasa; hessafe guye simma yaada tana kaalla» gides.
\p
\v 22 Addezi hessa siyidi izas daro miishshi diza gishshas keehippe mishettishe bides. 
\v 23 Yesusi bana kaallizayta, «Ta inttes tumu gays; dureti Salo Kawoteth gelanayssi daro meto. 
\v 24 Qasseka tani inttes gizay durey Salo Kawoteth gelanayssafe gaamellay\f + \fr 19:24 \fr*\fqa Gaamellay: \fqa*\ft Gaamellay gizayssa issi issi bagga Gamoththo qaalan Gaale geettes.\ft*\f* narpe lukora aadheththi kawuyana» gides. \fig Caanara diza Gaamellata|alt="Man leading unloaded camel" src="LB00040B.TIF" size="span" ref="19:24"\fig*
\p
\v 25 Hessa siyidi iza kaallizayti daro qoppidi, «Histtiin ooni attanaas dandayzee?» giidi Yesusa oychchida.
\p
\v 26 Yesusikka istta xeellidi, «Hayssi asa achchan dandayettenna; Xoossa achchan gidikko wurikka dandayettees» gides.
\p
\v 27 Phexroosi izas zaaridi, «Nu ubbaaka aggidi nena kaallidos; histtiin ha7i nu ay demmanee?» gides.
\p
\v 28 Yesusikka isttas, «Ta inttes tumu gays; Asa Nay buro yaana ooraththa alamen ba bonchcho araata bolla uttiza wode intte tana kaallidayti tammanne nam7u araatata bolla uttidi tammanne nam7u Isra7eele nayta bolla pirdana.\x - \xo 19:28 \xo*\xt Mato 25:31; Luqa 22:30\xt*\x* 
\v 29 Ta sunththaa gishshas giidi ba keeththe, ba ishata, ba michcheta, ba aawa, ba aayonne ba nayta, woykko ba biitta aggiza asi wuri xeetu kushe dakko ekkana; mernaa de7okka laattana. 
\v 30 Gido attiin daro sinththe gidida asati guye gidana; daro guyen diza asati sinththatana.\x - \xo 19:30 \xo*\xt Mato 20:16; Luqa 13:30\xt*\x*
\c 20
\s1 Woyne Atakilte Oosanchchata Leemiso
\p
\v 1 «Salo Kawoteththi ba woyne atakilte giddon ooththiza oosanchchata qaxxaranaas maaladora kezida issi atakiltey diza gadaade misatawus. 
\v 2 Issi gallassa damoza gidizaaz haasayettidi giigidaappe guye oosanchchata woyne atakilte ooso oyththides.
\p
\v 3 «Maalado heedzdzu saaten kezidi oosoy baynda mela giyay eqqizason eqqida hara asata demmides. 
\v 4 ‹Intte biidi ta woyne giddon ooththite; ta inttes bessiza miishshe immana› gides. 
\v 5 Isttika bida. Qasseka gallassaafe usuppun saateninne uddufun saate bolla kezidi hara oosanchchata ooson gelththides. 
\v 6 Omarsa wode tammanne issi saate gidishin kezidi coo eqqidayta harata demmidi, ‹Intte kumeththa gallas oosoy baynda aazas hayssan eqqidetii?› gi oychchides.
\p
\v 7 «Isttika, ‹Nuna oosisiza asi dhayda gishshas eqqidos› gida. Izikka istta, ‹Intteka biidi ta woyne atakilte giddon ooththite› gides.
\p
\v 8 «Gadey qammishin woyne atakilteza goday oosanchchata alaafezas, ‹Guyeppe yidaytappe doommada koyro yidayta gakkanaas diza oosanchchata ubbaa xeygada istta ooso gate qanxxa› gides.\x - \xo 20:8 \xo*\xt Lewe 19:13; Zaare 24:15\xt*\x* 
\v 9 Tammanne issinththa saate bolla ooson gelidayti yiidi issoy issoy kumeththa gallassa gate ekkida.
\p
\v 10 «Koyro ooson gelidayti yishe ba wozinara hinkoytappe bollara daro demmana gi qoppishin isttaskka hinkoytara gina immides. 
\v 11-12 Miishshaa ekkishe qanxxizaade bolla, ‹Hayti wurseththan ooson gelidi issi saate xalla ooththidayti kumeththa gallas ooson daaburdinne awan xuugettidi pe7ida nuussinne isttas wostta issi gina qanxxay?› gida.
\p
\v 13-14 «Izikka isttafe issaades, ‹Ta jaalazoo! Nena qohabeekke; issi gallassas gidiza damozan ooththanaas tanara giigabeekkii? Ha7i hey ne gishaa ekkada ba; nees immidayssa mala wurseththan yidayssaska ta immana koyays. 
\v 15 Histtiin ta miishshaan ta dosidaaz ooththanaas dandaykkinaa? Woykko ta kiya gididayssi nena qanaatissizee?›
\p
\v 16 «Guyen dizayti sinththe, sinththen dizayti guye aadhdhana» gides.\x - \xo 20:16 \xo*\xt Mato 19:30; Mar 10:31; Luqa 13:30\xt*\x*
\s1 Yesusi Ba Hayqo Gishshas Heedzdzanththo Yootides
\r (Mar 10:32-34; Luqa 18:31-34)
\p
\v 17 Yesusi Yerusalaame bishe bana kaalliza tammanne nam7ata dumma shaakki ekkidi, 
\v 18 «Hiya nuni Yerusalaame baana goos; Asa Nay qeeseta halaqassinne Muse wogaa tamaarsizaytas aadhdhi imettana; isttika izi hayqqana mala iza bolla pirdana. 
\v 19 Iza bolla qidhi kaa7anaassinne garafana mala, wodhana malakka deretas aaththi immana; heedzdzanththo gallas izikka hayqoppe dendana» gides.
\s1 Zabdoosa Nayta Aayey Oysha
\r (Mar 10:35-45)
\p
\v 20 Hessafekka Zabdoosa nayta aaya ba naytara Yesusaakko shiiqada iza sinththan gulbatada Yesusi izis issi miish ooththana mala woossadus. 
\v 21 Izikka izo, «Ay koyay?» gides; izakka, «Hayti ta naa nam7ati ne kawoteththaan issoy ne ushachchara, issoy ne hadirsara uttana mala ooththarkkii!» gadus.
\p
\v 22 Yesusikka zaaridi, «Intte woossizaaz erekketa; tani uyiza xuu7a intte uyana dandayanee?» gides. Isttika, «Ee dandayoos» gida.
\p
\v 23 Izikka, «Ta xuu7aappe tumu intte uyanashin ta ushachchaninne ta hadirsan uteththi ta Aaway giigsidaadenttas attiin tani immizaaz gidenna» gides. 
\v 24 Tammati hessa siyidi nam7u ishata bolla hanqettida. 
\v 25 Yesusi istta issi bolla xeygidi, «Ayzaabe halaqati ba haariza dere bolla godatizayssa mala godateththi dizayti wolqqara haarizayssa intte ereeta. 
\v 26 Intte giddon hessa mala hananaas bessenna; inttefe gita gidana koyzaadey inttes ooththizaade gido.\x - \xo 20:26-27 \xo*\xt Mato 23:11; Mar 9:35; Luqa 22:26\xt*\x* 
\v 27 Inttefe bolla gidanaas koyzaadey inttefe gars gido. 
\v 28 Asa Nay asay izas ooththana mala gidontta izi asas ooththanaassinne ba shempo darota gishshas aaththi immanaas yides» gides.
\s1 Yesusi Ayfe Qooqe As Nam7ata Paththides
\r (Mar 10:46-52; Luqa 18:35-43)
\p
\v 29 Yesusi bana kaallizaytara Iyarkkofe kezi bishin daro derey iza kaallides. 
\v 30 Heen ayfey qooqida nam7u asati oge doonan utti deettes. Yesusi aadhdhi bizayssa siyidi, «Godoo! Dawite nawu, nuna maara!» giidi waassida.
\p
\v 31 Derezi, «Hayzite!» giidi hanqides; gido attiin istti darssi waassishe, «Godoo! Dawite nawu, nuna maara!» gida.
\p
\v 32 Yesusikka eqqi istta xeygidi, «Ta inttes ay ooththana mala koyeetii?» gides.
\p
\v 33 Isttika, «Nu ayfey xeellana mala koyoos» gida. 
\v 34 Yesusi isttas mishettidi istta ayfetakka ba kushera boshechiin heerakka xeellidi iza kaallida.
\c 21
\s1 Yesusi Gita Bonchchon Yerusalaame Gelides
\r (Mar 11:1-11; Luqa 19:28-38; Yoha 12:12-19)
\p
\v 1 Istti Yerusalaame matan Dabrazayte zuma bolla diza Betefaage geetettizaso gakkida mala Yesusi bana kaallizaytappe nam7ata kiittides. 
\v 2 «Hanno intte matan diza gutayo biidi intte hee gakkida mala issi hare dizaara ba gutteyra qashetta dishin intte demmana. Birshidi haa taakko ekki yiite. 
\v 3 Oonikka inttena, ‹Ays hayssaththo ooththeetii?› giikko ‹Goday istta koyees› giite; inttena oychchizaadey heerakka yeddana.
\q1
\v 4-5 «Hayssika hanizay kase naben
\q2 Xiyoonis hizgite,
\q2 ‹Hekko! Ne kawoy ashke gididi
\q2 hareyonne harey gutteyo
\q2 toggidi neekko yaana›
\q2 geetettidayssi polettanaassa» gides.\x - \xo 21:5 \xo*\xt Zaka 9:9\xt*\x*
\p
\v 6 Iza kaallizayti Yesusi isttas yootida mala ooththida. 
\v 7 Hareyo izi gutteyra ehidi ba may7o istta bolla woththiin izikka hareta toggides.\f + \fr 21:7 \fr*\fqa Hareta toggides: \fqa*\ft Hareta toggides gizayssi NIV garsan dees; haray qasse tinbitey polettana mala hare gutte bolla uttides gees bagga geeshsha maxaafay.\ft*\f*
\p
\v 8 Deraappe dariza baggay ba may7o oge bolla miccides; bagga asay miththa boncco duuththi duuththi oge bolla aaththi aaththi yeggides. 
\v 9 Izappe sinththara biza dereynne guyera kaalliza dereykka ba qaala dhoqqu histtidi,
\q1 «Hoosa7inna! Dawite nay galatetto!
\q2 Godaa sunththan
\q2 yiday anjjettidaade!
\q2 Xoossi galatetto!» gida.\f + \fr 21:9 \fr*\fqa Hoosa7inna \fqa*\ft Ibraaweta qaalara Hoosa7inna guussi, «Atoteth» «Nuna ashsharkkii!» guussa.\ft*\f*
\p
\v 10 Izi Yerusalaame gelida mala katama asay wuri, «Hayssi oonee?» giidi yark yarkides.
\p
\v 11 Iza kaallidi yida derezikka, «Hayssi Galila giddon diza Naazireteppe yida Nabe Yesusa gidennee?» gides.
\s1 Yesusi Xoossa Keeththan Zal7e Zal7iza Asaa Gooddides
\r (Mar 11:15-19; Luqa 19:45-48; Yoha 2:13-22)
\p
\v 12-13 Hessafe guye Yesusi Xoossa Keeth gelidi Xoossa Keeththaa kare giddon gaaththan bayzizaytanne shammizayta gooddides. Miish laammizayta xaraphpheezatanne haraphphe bayzizayta oyde shiri shiri yeggidi, « ‹Ta Keeththay Woosa Keeththe geetettees› geetettidi xaafettides; intte qasse bonqqizayta gongolo histtideta» gides.\x - \xo 21:13 \xo*\xt Isa 56:7; Er 7:11\xt*\x*
\p
\v 14 Ayfe qooqetanne tohoy silida asata Yesusaakko Xoossa Keeththe ehida. Izikka istta paththides. 
\v 15 Gido attiin qeeseta halaqatinne Muse wogaa tamaarsizayti izi ooththida malaatata be7idayssaninne guuththa nayti, «Woze kawo, galatay Dawite naas gido!» giidi waassizayssa siyida gishshas daro hanqettida.
\p
\v 16 Isttika Yesusa, «Hayti nayti gizayssa siyay?» gida; Yesusikka isttas, «Ee siyadis; nayta doonaninne dhammiza qeeri nayta doonan tani galata giigsadis gizaso mulerakka nababi erekketii?» gides. 
\v 17 Istta yeggi aggidi he katamaappe kezidi Bitaaniya geetettizaso biidi heen aqides.
\s1 Ayfey Baynda Balase Miththiyo
\r (Mar 11:12-14,20-24)
\p
\v 18 Yesusi wonteththa gallas maalado guye katama simmishin iza gafisides. 
\v 19 Oge matan issi balase geetettiza mith be7idi gede izikko shiiqishin hayth xalalappe attiin ayfey bayndayssa be7idi, «Hiyappe guye ne bolla ayfey dooppo!» giin balase miththaya heerakka meladus.
\p
\v 20 Yesusa kaallizayti hessa be7idinne malalettidi, «Hanna balaseya waanada heerakka meladee?» gida. 
\v 21 Yesusikka istta, «Ta inttes tumu gays; inttes ammanoy diikkonne intte sidhontta aggiko balase miththay bolla hanidayssa mala xalala gidontta hayssa zumaa, ‹Hayssafe dhoqallettada duge abban gela› intte gidaakkoka izi gelana» gides.\fig Balase ayfe maxizaade|alt="Man picking figs" src="LB00085B.TIF" size="span" ref="21:22"\fig* 
\v 22 Inttes ammanoy diikko intte woosan oychchida miish ubbaaka ekkana.
\s1 Yesusa Godateththa Gishshas Shiiqida Oysha
\r (Mar 11:27-33; Luqa 20:1-8)
\p
\v 23 Yesusi Xoossa Keeththe gelidi tamaarsishin qeeseta halaqatinne dere cimati izakko shiiqidi, «Hayssa wursa oona shenen ooththay? Hayssa ooththanaas shene nees ooni immidee?» giidi iza oychchida.
\p
\v 24 Yesusikka isttas zaaridi, «Tanikka inttena issi miish oychchays; intte taas zaarikko tanikka hayta oona shenen ooththizaakko inttes yootana. 
\v 25 Yohannisa xinqatay awappe yidee? Saloppe yideyee? Asappee?» gides. Isttika, «Nu, ‹Saloppe yides› giikko, ‹Histtiin aazas ammanibeekketii?› gaana giidi ba giddon issoy issoy issaara zorettida. 
\v 26 Qasse nu, ‹Asappe› giikko, asay wurikka Yohannisa nabe giidi ammaniza gishshas nu babboos» gida.
\p
\v 27 Hessa gishshas Yesusas, «Nu erokko» giidi zaarida. Izikka isttas, «Hayta ta oona shenen ooththizaakko tanikka inttes yootikke» gides.
\s1 Nam7u Nayta Leemiso
\p
\v 28 Yesusi istta, «Inttes ay misatizee? Nam7u attuma nay diza issaadey dees; izikka koyro naazakko biidi, ‹Ta naazoo! Hach gede woyne miththaso baada ooththa› gides. 
\v 29 Naazi qasse, ‹Biikke!› giidinne guyeppe muuzottidi bides.
\p
\v 30 «Nam7anththo naazakka kaseyssaththoka, ‹Ba!› giin naazi, ‹Ero!› giidi bontta aggaagides. 
\v 31 Hayta nam7atappe aawaa shene poliday awayssee?» giidi oychchides. Isttika, «Koyro naaza!» gida. Yesusikka isttas, «Ta inttes tumu gays; qaraxa qanxxisizaytinne laymatizayti Salo Kawoteth inttefe sinththan gelana.
\p
\v 32 «Xammaqiza Yohannisi inttena xilloteththa oge bessanaas intteko yides shin intte izi gizayssa ammanibeekketa; gido attiin qaraxa qanxxisizaytinne laymatizayti gidikko ammanida; izi hanidayssa intte beyi simmidikka maaroteththan gelidi ammanibeekketa» gides.\x - \xo 21:32 \xo*\xt Luqa 3:12; 7:29-30\xt*\x*
\s1 Woyne Miththa Giddon Ooththiza Goshshanchcha Leemiso
\r (Mar 12:1-12; Luqa 20:9-19)
\p
\v 33 «Hara leemisokka siyite; woyne miththi tokkizasohoy dizaadey he woynezas birda yuushshi aaththidi woyneza ayfe gum7anaas olla bookkides. Woyneza naaganaas miththa bolla shakko\f + \fr 21:33 \fr*\fqa Shakko: \fqa*\ft Shakko issi issi bagga Gamoththo qaalan tuulla geetettees.\ft*\f* giigsides. Hessafe guye gadeza woyne miththara goyizaytas kira immidi hara dere bides.\x - \xo 21:33 \xo*\xt Isa 5:1-2\xt*\x* 
\v 34 Boney gakkishin woyne miththaza ayfe ekkanaas ba ashkarata gadeza goyizaytakko yeddides. 
\v 35 Gadeza goyizayti ashkarata oykkidi issaa wodhida; issaa qasse shuchchan caddida. 
\v 36 Gadaa goday kaseytappe aadhdhiza hara ashkarata yeddides. Goyizayti ha7ikka kaseyta bolla ooththidayssa malakka istta bollaka polida. 
\v 37 Wurseththan oone erizay, ‹Istti iza bonchchanaakko› giidi ba naa aaththi yeddides. 
\v 38 Gido attiin gadaa goyizayti naaza be7ida mala, ‹Hayssi iza laattanayssako! Ane haa yiite; iza wodhidi gadaa laattoos› gida. 
\v 39 Naaza oykkidi woyney tokettidasozappe kare kessidi wodhida.
\p
\v 40 «Ero! Woyneza goday yiza wode he gadaa goyiza asata wosttana inttes misatizee?» gides. 
\v 41 Isttika, «Heyta iitata daro waayisi wodhidi woyney tokettiza gadaappe bessiza woyne ayfe wodera izas immiza hara goshshanchchatas gadaa kirasana» gi izas zaarida.
\p
\v 42 Yesusikka isttas, «Geeshsha Maxaafan,
\q1 ‹Gimbe keexxizayti iita giidi
\q2 wora yeggida shuchchay
\q2 keeththas gula bolla
\q2 wodhdhiza shuch gidides;
\q2 Xoossi hayssa ooththides;
\q2 iza oosoykka
\q2 nu ayfes malalisizaaz›
\q2 geetetti xaafettidayssa
\q2 nababibeekketii?\x - \xo 21:42 \xo*\xt Maza 118:22-23\xt*\x*
\p
\v 43 «Hessa gishshas ta inttes Xoossa Kawoteththi inttefe ekettada ayfe ayfiza deretas imettana. 
\v 44 Hayssa shuchchaa bolla kundizay meqqana; shuchchay iza bolla wodhizaadeyka liiqana» gides.\f + \fr 21:44 \fr*\ft Issi issi Geeshsha Maxaafati taybo oyddu tammanne oyddu bolla dizayssa gujjeettes; qofazikka Luqaasa shempo 20:18 dizayssa misatees.\ft*\f*
\p
\v 45 Qeeseta halaqatinne Farsaaweti iza leemisoy istta gishshas gididayssa erida. 
\v 46 Gido attiin istti iza oykki qachchontta mala asay Yesusa nabe mala xeelliza gishshas babbida.
\c 22
\s1 Sarges Xeygettida Asata Leemiso
\r (Luqa 14:15-24)
\p
\v 1 Qasseka Yesusi hara leemiso, 
\v 2 «Salo Kawoteththi ba naas sarge giigsida issi kawo misatawus. 
\v 3 Kawoykka diggisas yootidayta xeyganaas ba ashkarata yeddides; xeygettidaytikka, ‹Nu bookko› gida.
\p
\v 4 «Qasseka hara ashkarata, ‹Kase isttas yootidayta hekko ta sanga booratanne modhdhida meheta shukkada diggisa giigsadis; wurikka giigettida gishshas sargeso haa yiite!› giidi yootite. 
\v 5 Xeygettidayti gidikko iza xeyssaa wudan yeggontta aggidi issoy ba goshshasoho, issoy ba zal7eso bides. 
\v 6 Hankko attidayta ashkarati oykkidi daro waayisidi wodhida.
\p
\v 7 «Kawoykka hanqettidi wottadarata yeddidi ashkaraza wodhidayta dhayssides; istta katamaa xuuggides. 
\v 8 Ba ashkaratakka, ‹Sargeza diggisay giigides; gido attiin sargezaso xeygettidayti sarges bessizayta gidibeettenna. 
\v 9 Gede oge bolla kezidi intte demmida as ubbaa haa diggisaso xeygite› gides. 
\v 10 Ashkaratikka oge bolla kezidi ba demmidayta lo7otakka iitatakka ubbaa shiishshidi sargezaso imath kunththida.
\p
\v 11 «Kawoykka xeygettida imaththaa beyanaas soo geliza wode sarge may7o may7ontta as demmides. 
\v 12 ‹Haysso! Sarge may7o may7ontta waanada haa gelanaas dandayadii?› gi oychchiin addezas zaarana qaalay dhaydes. 
\v 13 Kawoykka ba ashkarata, ‹Hayssa addeza tohonne kushe shiishshi qachchidi heen karen diza dhumaan kessi olite; heen yeehonne achcha garccech gidana.›\x - \xo 22:13 \xo*\xt Mato 8:12; 25:30; Luqa 13:28\xt*\x*
\p
\v 14 «Xeygettidayti darota; doorettidayti gidikko guuththata» gi yootides.
\s1 Giira Qanxxanaas Shiiqida Oysho
\r (Mar 12:13-17; Luqa 20:20-26)
\p
\v 15 Hessafe guye Farsaaweti kezi bishe, «Iza doonappe bala qaala wostti demmi oykkinoo?» giidi zorettida. 
\v 16 Bana kaallizayta Herdoosa asatara izakko kiittidi, «Astamaaree! Neni tumanchchanne Xoossa oge tumappe tamaarsizaade gididayssanne oonaska dumma maado ooththontta ubbaaka issi mala ne xeellizayssa nu eroos. 
\v 17 Nees ay misatizaakko ane nuus yoota; Qeesaares giira qanxxanaas bessizee? Bessennee?» gida.
\p
\v 18 Yesusikka istta gene qofaa eridi, «Intteno qoodheppe qommon hanizaytoo! Tana yo7on baleththi oykkanaas aazas koyeetii? 
\v 19 Intte giira qanxxiza miishshaa ane tana bessite» giin isttika issi dinaare geetettiza miish izas ehida. 
\v 20 Izikka, «Hayssa miishshaa bolla diza misleynne xaafettida sunththay oonayssee?» gides.
\p
\v 21 Isttika izas, «Qeesaareyssa» gida. Izikka isttas zaaridi, «Qeesaareyssa Qeesaares, Xoossayssa Xoossas immite» gides. 
\v 22 Hessa siyidi istti malalettidi iza aggi bida.
\s1 Hayqqidayta Denththa Gishshas Shiiqida Oysho
\r (Mar 12:18-27; Luqa 20:27-40)
\p
\v 23 «Hayqqidaytas dendoy baa» giidi ammaniza Saduqaaweti he gallas Yesusaakko shiiqidi,\x - \xo 22:23 \xo*\xt Hawa 23:8\xt*\x* 
\v 24 «Astamaaree! Musey, ‹Issaadey machcho ekkidi naa yelontta hayqqiko iza ishay hayqqidayssa machcho ekkidi ba ishaa laattiza naa izas yelo› gides.\x - \xo 22:24 \xo*\xt Zaare 25:5\xt*\x* 
\v 25 Nu achchan laappun ishati deettes shin koyro ishay machcho ekkidi naa yelontta hayqqida gishshas kaalo ishay iza machcheyo ekkides. 
\v 26 Nam7anththo ishaykka hayqqida ishaaththo naa yelontta hayqqides; hessaththoka hanishin maccassaya laappunththa ishaa geladus. 
\v 27 Wurseththan maccassaya hayqqadus. 
\v 28 Hessa gishshas laappunati wurikka izo ekkidashin hayqoppe denththa gallas maccassaya laappunatappe awayssa machcho gidanee?» gida.
\p
\v 29 Yesusikka isttas zaaridi, «Geeshsha Maxaafatanne Xoossa wolqqa intte erontta gishshas baletteeta. 
\v 30 Hayqoppe dendidaappe guye asay salo kiitanchchata mala gidana attiin eketettenanne gelettenna. 
\v 31-32 Hayqqidayta denththa gishshas gidikko Xoossi, ‹Tani Abrahaame Xoossa, Yisaaqa Xoossa, Yaaqoobe Xoossa› giidi inttes yootoyssa nababibeekketii? Xoossi paxata Xoossa attiin hayqeththata Xoos gidenna» gides.\x - \xo 22:32 \xo*\xt Kessa 3:6\xt*\x* 
\v 33 Derezikka hessa siyidi iza timirtezan malalettides.
\s1 Ubbaafe Aadhdhiza Azazo
\r (Mar 12:28-34; Luqa 10:25-28)
\p
\v 34 Yesusi Saduqaaweta co7u histtidayssa siyidi Farsaaweti issi bolla shiiqettida. 
\v 35-36 Istta giddofe issi Muse wogaa lo7eththi erizaadey Yesusa paaccanaas koyidi, «Astamaaree! Muse wogata giddon ubbaafe aadhdhizay awayssee?» giidi oychchides.\x - \xo 22:35-40 \xo*\xt Luqa 10:25-28\xt*\x*
\p
\v 37 Izikka zaaridi, « ‹Ne Godaa Xoossa ne kumeththa wozinappe, ne kumeththa shemppofe, ne kumeththa qofappe dosa.›\x - \xo 22:37 \xo*\xt Zaare 6:5\xt*\x* 
\v 38 Hayssi koyronne ubbaafe aadhdhiza azazo. 
\v 39 Nam7anththoyka iza misatees, hessika, ‹Ne shooro ne hu7e mala dosa› gizayssa.\x - \xo 22:39 \xo*\xt Lewe 19:18\xt*\x* 
\v 40 Muse wogaynne nabeta timirtey wurikka hayta nam7u azazotan qashettees» gides.
\s1 Kirstoosa Gishshas Shiiqida Oysho
\r (Mar 12:35-37; Luqa 20:41-44)
\p
\v 41 Farsaaweti issi bolla shiiqetti dishin Yesusi istta, 
\v 42 «Kirstoosa gishshas intte ay geetii? Izi oona naa?» gi oychchides; isttika izas zaaridi, «Izi Dawite naa» gida.
\p
\v 43-44 Izikka isttas,
\q1 «Histtiin Dawiti
\q2 Xillo Ayana wolqqan,
\q2 ‹Xoossay ta Godaa›
\q2 giidi waani xeygidee?
\q2 ‹Ta ne morkketa ne toho garsan
\q2 gulbatissana gakkanaas
\q2 ne ta ushachchan utta!› gides.\x - \xo 22:43-44 \xo*\xt Maza 110:1\xt*\x*
\m
\v 45 Hessa gishshas Dawiti iza, ‹Ta Godaa› giidi xeygikko waanidi izas naa gidana dandayzee?»
\m gides. 
\v 46 Izas issi qaala zaarana dandayda asi woykko he gallassafe simmiin iza oysho oychchana xalida asi oonikka beettibeenna.
\c 23
\s1 Yesusi Farsaawetanne Muse Wogaa Tamaarsizayta Kadhides
\r (Mar 12:38-39; Luqa 11:43-46; 20:45-46)
\p
\v 1 Qasseka Yesusi derezassinne bana kaallizaytas, 
\v 2 «Muse wogaa tamaarsizaytinne Farsaaweti Muse wombora bolla uttida.\fig Farsaawey ba hu7e bolla ashenkitaabe qachchidi Xoos woossishe may7iza may7ora|alt="Pharisee with phylactery and prayer" src="LB00276B.TIF" size="span" ref="23:2"\fig* 
\v 3 Hessa gishshas istti inttes yootizayssa ubbaa ooththitenne naagite; gido attiin istti doonan haasayzayssa mala ooson bessontta gishshas intte istta ooso kaallofte.
\p
\v 4 «Hessaththoka asi tookkanaas dandayontta deexo tooho qachchidi asa hashe bolla woththeettes; baas gidikko biradhdhe xeerankka bochchettenna. 
\v 5 Istta ooso ubbaa asi beyana mala ooththeettes; ba ashenkitaabe Geeshsha Maxaafa giddofe xaafi ekkida issi issi xiqiseta kitabe sikkidi liiphe bolla woykko kushen qachchizaaz ooththeettes. Ba may7o macara adusseettes.\x - \xo 23:5 \xo*\xt Mato 6:1; Zaare 6:8; Tay 15:38\xt*\x* 
\v 6 Diggisay dizason bonchchoso Ayhuda Woosa Keeththankka sinththara uttana doseettes. 
\v 7 Hessaththoka giya giddon saro geetettanaassinne asay istta, ‹Astamaaree!› gaana mala koyeettes.
\p
\v 8 «Intte gidikko, ‹Astamaare› geetetti xeygettofte; intte Astamaarey issaa xalala gidishin intte wurikka issoy issaas ishantta. 
\v 9 Salon inttes issi Aaway xalala diza gishshas biitta bolla oonakka, ‹Aawawu!› gi xeygopite. 
\v 10 Intte astamaarey issi Kirstoosa xalla gidida gishshas intte, ‹Astamaarentoo!› geetettofte. 
\v 11 Intte giddon ubbaafe aadhdhizaadey inttes ooththizaade gidana.\x - \xo 23:11 \xo*\xt Mato 20:26-27; Mar 9:35; 10:43-44; Luqa 22:26\xt*\x* 
\v 12 Bana dhoqqisizaadey kawuyana; bana kawushshizaadey bonchchettana.\x - \xo 23:12 \xo*\xt Luqa 14:11; 18:14\xt*\x*
\p
\v 13 «Intteno qoodheppe qommon hanizaytoo, Muse wogaa tamaarsizaytoo! Intteno Farsaawetoo! Asay Xoossa kawoteth gelontta mala asa bolla intte penge gordiza gishshas inttena aayye ana! Intte inttes gelekketanne gelanaas koyzaytakka gelththeketa. 
\v 14 Intteno qoodheppe qommon hanizaytoo! Muse wogaa tamaarsizaytoo, qasseka Farsaawetoo! Inttes aayye ana! Azinay baynda maccassata keeth kallosishe asa ayfe sinththan adussa woosa intte woossiza gishshas intte iita pirda pirdettana.\f + \fr 23:14 \fr*\ft Issi issi Geeshsha Maxaafati taybo tammanne oyddu bolla diza qofa gujjeettes; qofazikka Marqoosan shempo 12:40 dizayssa misatees.\ft*\f*
\p
\v 15 «Intteno qoodheppe qommon hanizaytoo! Muse wogaa tamaarsizaytoo! Qasseka Farsaawetoo! Issi as Ayhuda ammanon gelththanaas abba bollaranne biitta bollara yuuyi daaburdinne ammanththida asaa inttefe nam7u kushe aaththidi Gaanname naa intte kessiza gishshas inttes aayye ana!
\p
\v 16 «Intteno Inttes qooqi uttidi harata kaaleththizaytoo! Inttes aayye ana! ‹Oonikka Xoossa Keeththan caaqqiko aykkoy baa› gido attiin, ‹Xoossa Keeththa giddon diza worqqan caaqqiko caaqo gomey gakkana› geeta. 
\v 17 Intteno qooqidaytoo! Balettidaytoo! Worqqafenne worqqa dummasida Xoossa Keeththafe awayssi aadhdhizee? 
\v 18 Hessaththoka, ‹Oonikka yarsho\f + \fr 23:18 \fr*\fqa Yarsho: \fqa*\ft Yarsho asi ba godaas giidi ooththiza oosoy wuri yarsho geetettees.\ft*\f* yarshizaso bolla caaqqiko aykkoy baa; gido attiin yarshizason diza yarshoza bolla caaqqiko caaqoy gomees› geeta. 
\v 19 Intteno qooqetoo! Yarshofenne yarsho shiishshizasoppe awayssee aadhdhizay? 
\v 20 Hessa gishshas yarsho shiishshizaso bolla caaqqizaadey yarshosoza bollanne yarshizaso bolla diza ubba miishshan caaqqees. 
\v 21 Hessaththoka Xoossa Keeththaza bolla caaqqiday Xoossa Keeththaninne iza giddon aqizayssan caaqqees. 
\v 22 Salon caaqizaadeyka Xoossa alganinne alga bolla uttidayssan caaqqees.\x - \xo 23:22 \xo*\xt Isa 66:1; Mato 5:34\xt*\x*
\p
\v 23 «Intteno qoodheppe qommon hanizaytoo, Muse wogaa tamaarsizaytoo, Farsaawetoo! Inttes aayye ana! Aasutappe, aanugappenne katkal7afe tammaafe issino immeeta; gido attiin wogatappe waannatizayta heytikka tuma pirda, maaroteththinne ammaneteth gidikko kadhideta. Heyta aggontta dishe haytantta intte ooththanaas inttes bessees shin aggideta.\x - \xo 23:23 \xo*\xt Lewe 27:30\xt*\x* 
\v 24 Intteno qooqi uttidi kaaleththizaytoo! Uu7e gaccidi uyeeta shin gaamella muume mitteeta!
\p
\v 25 «Intteno qoodheppe qommon hanizaytoo, Muse wogaa tamaarsizaytonne Farsaawetoo! Inttes aayye ana! Xuu7assinne keres bolla bagga qucceeta shin iza giddon dizayssa intte bonqqaninne uuzeteththan shiishshideta. 
\v 26 Nenoo qooqe Farsaawezoo! Koyrottada xuu7assinne keres giddo bagga geeshsha! Hessafe guye kare baggay geesh gidana.
\p
\v 27 «Intteno qoodheppe qommon hanizaytoo, Muse wogaa tamaarsizaytoo, qasse Farsaawetoo! Bolla baggay nooran meeshettidi lo7izayti giddoy gidikko hayqqidayta meqeththinne daro tunateththan kumida duufota misatiza gishshas inttes aayye ana!\x - \xo 23:27 \xo*\xt Hawa 23:3\xt*\x* 
\v 28 Intteka bolla baggara asas xillo asata misateeta; intte giddoy gidikko cimoninne iitateththan kumides.
\p
\v 29 «Intteno doonan cimmizaytoo! Muse wogaa astamaaretoo, qasseka Farsaawetoo! Inttes aayye ana! Nabeta duufo lo7eththizaytoo! Xillo asata duufo hawultera giigsizaytoo! 
\v 30 Nu aawati nabeta wodhiza wode nu dizaakko isttara zuppetokko shin, 
\v 31 intte nabeta wodhida asata nayta gididayssa intte doonara intterkka intte intte bolla markkatteeta. 
\v 32 Histtiko oosettidi polettontta oge bolla diza intte aawata ooso polite.
\p
\v 33 «Intteno dukkiza iita shooshsha naytoo! Gaanname tama pirdafe intte waani attanee?\x - \xo 23:33 \xo*\xt Mato 3:7; 12:34; Luqa 3:7\xt*\x* 
\v 34 Hessa gishshas nabetanne eranchchata astamaaretakka ta inttes yeddana. Intte istta giddofe issi issi asata wodhana. Baggayta intte kaqqana; baggayta intte Ayhuda Woosa Keeththan garafananne he katamappe hara katama intte gooddana. 
\v 35 Hessa gishshas xillo Aabeele suuththaafe haa simmiin Xoossa Keeththaninne yarsho yarshizaso giddon intte wodhida Baarakiyo naa Zakaraasa suuththaa gakkanaas biitta bolla gukkida xillota suuththa ubbaas intte oyshettana.\x - \xo 23:35 \xo*\xt Medhe 4:8; 2Taari 24:20-21\xt*\x* 
\v 36 Ta inttes tumu gays; kase aadhdhida yo7o ubbaas hayssi ha yeletay oyshettana.
\p
\v 37 «Hanne Yerusalaamee! Nabeta wodhizaaree! Neekko kiitettidayta shuchchara caddizaaree! Hanne Yerusalaame, kutto aaya ba ciyeta ba qefe giddo shiishshiza mala ta ne nayta shiishshanaas aappun wode koyadinaashin ne gidikko koyabeekka. 
\v 38 Hekko intte keeththi kays gidi attana.\x - \xo 23:38 \xo*\xt Er 22:5\xt*\x* 
\v 39 Ta inttes tumu gays; intte Godaa sunththan yizaadey anjjettidaade gaana wodey gakkanaas nam7anththo tana beyekketa» gides.\x - \xo 23:39 \xo*\xt Maza 118:26\xt*\x*
\c 24
\s1 Wode Wurseththa Malaatata
\r (Mar 13:1-2; Luqa 21:5-6)
\p
\v 1 Yesusi Xoossa Keeththafe kezi bishin iza kaallizayti Xoossa Keeththazi shuchchan keexettidayssa bessana koyidi Yesusaakko shiiqida. 
\v 2 Izikka isttas, «Hayssa ubbaa xeelleetii? Ta inttes tumu gays; hayssi intte be7iza issoy issaa bolla diza shuchchay laalettontta issi shuchchika hayssaththo deenna» gides.
\p
\v 3 Izi Dabrazayte geetettiza zumaa bolla utti dishin iza kaallizayti xalala izakko shiiqidi, «Ane nuus yoota; hayssi ne gizayssi ayde hananee? Ne yuussassinne wode wurseththas malatay aazee?» gi oychchida.
\p
\v 4 Yesusikka zaaridi, «Oonikka inttena baleththontta mala naagettite. 
\v 5 Buro daroti, ‹Ta Kirstoosa› gishe ta sunththan yaana; darotakka baleththana. 
\v 6 Olanne ola gishshas haasayettiza wore intte siyana. Ha yo7oti wurikka wolqqara polettana shin wurseththi buro gidida gishshas intte hayssan dagammontta mala naagettite. 
\v 7 Derey dere bolla, kawoy kawo bolla dendana; dumma dumma deren koshaynne biitta qaaththi hanana. 
\v 8 Hessi wurikka miixas leesso mala. 
\v 9 He wode inttena waayes aaththi immana; inttena wodhana; ta sunththaa gaason dere ubbaan intte ixettidayta gidana.\x - \xo 24:9 \xo*\xt Mato 10:22\xt*\x*
\p
\v 10 «He wode daro asay dhuphettana; issoy issaa aaththi immananne ba giddon ixettana. 
\v 11 Daro wordo nabeti dendananne darota baleththana. 
\v 12 Iitateththi dariza gishshas darotappe siiqoy irxxana. 
\v 13 Wurseth gakkanaas minnidaadey attana.\x - \xo 24:13 \xo*\xt Mato 10:22\xt*\x* 
\v 14 Dere ubbaas markka gidana mala hayssi kawoteththa Mishiraachcho qaalay kumeththa alamen yootettana; hessafe guye wurseththi yaana.
\p
\v 15 «Hessa gishshas nabe Daaneelan yootettidayssa mala, ‹Harassiza tunateththi› anjjettidason eqqidayssa intte be7iza wode nababizaadey wozinan woththo;\x - \xo 24:15 \xo*\xt Daane 9:27; 11:31; 12:11\xt*\x* 
\v 16 He wode Yuhudan dizayti pude zuma bolla gangetto. 
\v 17 Keeththa kaara bolla dizaadey oonikka ba miish keeththaafe kessana giidi duge wodhdhofo.\x - \xo 24:17-18 \xo*\xt Luqa 17:31\xt*\x* 
\v 18 Gade giddon dizaadey oonikka ba may7o ekkana giidi soo simmofo. 
\v 19 He gallassatan qanththara diza maccassatassinne naa dhanththiza aayetas aayye ana! 
\v 20 Hessa gishshas intte gangoy balgo woykko Sambata gallas gidontta mala woossite. 
\v 21 He wode alamey medhettoosoppe hach gakkanaas hani erontta miishshi sinththafekka iza misatizay baynda wolqqama metoy hanana. 
\v 22 He gallassati qaammonttaako asho may7ida asi wuri attenna shin doorettidayta gishshas he gallassati qaammana.
\p
\v 23 «He wode oonikka, ‹Hekko Kirstoosi hayssan dees!› Woykko, ‹Hessan dees› gizaade ammanopite. 
\v 24 Wordo Kirstoosinne wordo nabeti buro dendidi isttas dandayettiko doorettidayta baleththanaas giidi wolqqama malaatatanne kase oosetti erontta miish ooththana.
\p
\v 25 «Hekko hayssa ta inttes kaseta yootays. 
\v 26 Hessa gishshas, ‹Hekko hirki bazzon dees› giidi inttes yootikko hee kezopite; ‹Hekko ilpinnen dees› giikko ammanopite.\x - \xo 24:26-27 \xo*\xt Luqa 17:23-24\xt*\x* 
\v 27 Wolqqanththi arshey mokkizasora wolqqamidi arshey wullizaso gakkanaas poo7izayssa mala Asa Naa yuussayka hessaththo hanana. 
\v 28 Ahay dizaso ankkoy shiiqees.\x - \xo 24:28 \xo*\xt Luqa 17:37\xt*\x*
\p
\v 29 «Heerakka he iita meto gallassatappe guye
\q2 arshey dhumana;
\q2 aginay ba poo7o diggana;
\q2 xoolintteti saloppe qoqofettana;
\q2 salo wolqqamatikka qaaxxana.\x - \xo 24:29 \xo*\xt Isa 13:10; 34:4; Iyu 2:10,31; 3:15; Ajju 6:12-13; Hizi 32:7; Iyu 2:10; 3:15\xt*\x*
\p
\v 30 «He wode asa naa malatay salo bolla beettana. Biitta bolla diza derey wuri yeekkana; Asa Naykka salo shaara bolla daro wolqqaranne gita bonchchora yishin asay beyana. 
\v 31 Kiitanchchatakka daro wolqqama xurumba giirissara yeddana. Isttika doorettidayta oyddu gulappe salos ha gaxappe he gaxa gakkanaas ubbaa issiso shiishshana.
\p
\v 32 «Balase geetettiza miththafe hayssa tamaarte; balase miththays unquloy cililiza wode iza hayth kessishin boney matidayssa intte ereeta. 
\v 33 Hessaththoka hayta intte be7iza wode izi penge matidayssa intte erana. 
\v 34 Ta tumu gays; hayssi wuri polettana gakkanaas ha yeletay aadhdhenna. 
\v 35 Saloynne sa7ay aadhdhana shin ta qaalay gidikko mulekka aadhdhenna.
\s1 Goday Yaana Gallas Oonikka Erenna
\r (Mar 13:32-37; Luqa 17:26-30,34-36)
\p
\v 36 «He gallassayonne he saateyo Aawappe attiin salo kiitanchchata gidiinkka Naaza gidiinkka oonikka erenna. 
\v 37 Nohe wode hanidayssa mala Asa Naa yuussi hessa mala gidana.\x - \xo 24:37 \xo*\xt Medhe 6:5-8\xt*\x* 
\v 38 Dhayssiza haaththafe kase Nohey markaben geliza gallas gakkanaas asay mishenne uyishe, ekkishenne gelshe gam7ides. 
\v 39 He wodey gakkanaas aazi hananaakko asay eronttanne qoppontta bashsha haaththi yiidi mittidayssa mala ta Asa Nay yiza wodeykka hessaththo hanana.\x - \xo 24:39 \xo*\xt Medhe 7:6-24\xt*\x*
\p
\v 40 «He wode nam7u asati issife goshshan pe7ana shin isttafe issaadey ekettana; issaadey attana. 
\v 41 Nam7u maccassati woxan issife gaaccana shin isttafe issineya ekettana; issineya attana.
\p
\v 42 «Histtiko intte Goday yaana gallassaa intte erontta gishshas beeggidi naagite. 
\v 43 Hayssa wozinan woththite; kaysoy qammaafe aafuntha saate bolla yaanakkon erizaakko iza miish kaysoy ekkontta mala keeththaa aaway beeggidi naagana. 
\v 44 Asa Naykka intte qoppontta saate bolla yaana; intteka hessaththo giigettidayta gidite.
\p
\v 45 «Wodera soo asaa quma mizana mala goday ba keeththa asaa bolla shuumida ammanettiza cincca oosanchchay oonee? 
\v 46 Keeththa aaway simmidi yiza wode izas immida hadara ooththi polishe beettida oosanchchay anjjettidayssa. 
\v 47 Ta inttes tumu gays; goday iza ba haarida ubbaa bolla shuumana. 
\v 48 Gido attiin he oosanchchay iita gididi, ‹Ta goday gam7idi yaana› gi qoppidi, 
\v 49 dendi hankko oosanchchata wadha oykkiko maththottizaytara miikkonne uyikko, 
\v 50 izi qoppontta gallassaninne erontta saaten iza goday yiidi, 
\v 51 iza qanxxeththi kaa7ana; iza exa qoodheppe qommon hanizaytara ooththana. Heenkka yeehoynne achcha garccechchi hanana.
\c 25
\s1 Tammu Geela7ota Leemiso
\p
\v 1 «He wode Salo Kawoteththiya mishira mokkanaas xomppe oykkidi kezida tammu geela7ota misatawus.\x - \xo 25:1 \xo*\xt Luqa 12:35\xt*\x* 
\v 2 He tammatappe ichchashu geela7oti eeyata; hankko ichchashati cinccata. 
\v 3 Eeyati kuraaze, xomppe oykkida shin wurikko gujjana hara naage lamba oykkibeettenna. 
\v 4 Cinccati gidikko ba kuraazezara wurikko gujjana lamba hara xarmusen oykkida. 
\v 5 Machchiyo ekkana mishiray yontta gam7iin dhiskoy deexxiin asay wurikka dhiskides.
\p
\v 6 «Leela giddoth gidishin, ‹Mishirazi yees! Kezidi mokki ekkite!› giza xeyssa qaalay siyettides. 
\v 7 He wode geela7oti wurikka dendidi ba xomppe xomppe oyseththonne giigeteth oykkida. 
\v 8 Eeyati cinccata, ‹Nu xomppey to7ana giza gishshas intte lambaafe nuus immite› gida.
\p
\v 9 «Cincca geela7oti isttas zaaridi, ‹Nuus diza lambay nuussaranne inttessara gidontta gishshas biidi lamba bayzizaytappe inttes shammite› gida. 
\v 10 Istti lamba shammana bi kichchiin mishirazi gakki wodhdhides. Kase giigetti uttida geela7oti bullachchaso izara gelida; kareykka gordettides.
\p
\v 11 «Guuth gam7ishe hankko geela7oti yiidi, ‹Godoo! Godoo! Kare nuus doya!› gida. 
\v 12 Izikka zaaridi, ‹Ta inttes tumu gays; ta inttena erikke!› gides. 
\v 13 Hessa gishshas yaana gallassaa woykko saateza intte erontta gishshas giigettidi naagite.
\s1 Heedzdzu Oosanchchata Leemiso
\r (Luqa 19:11-27)
\p
\v 14 «Xoossa Kawoteththi baas dizaaz ubbaa ba ashkaratas hadara immidi hara dere baana dendida issi as misatees.\x - \xo 25:14-30 \xo*\xt Luqa 19:11-27\xt*\x* 
\v 15 Ashkaratas issaas issaas istta wolqqa mala giigsidi issaas ichchashu shii bira, issaas nam7u shii bira, hankkoyssas qasse issi shii bira immidi bides. 
\v 16 Ichchashu shii bira ekkida addezi heerakka miishshaan zal7e oykkidi hara ichchashu shii bira wodhisides. 
\v 17 Qasseka nam7u shii bira ekkidayssi hara nam7u shii bira wodhisides. 
\v 18 Issi shii bira ekkidayssi ba godaa bira biittan moogidi qottides.
\p
\v 19 «Ashkarata goday ba bidason daro wode gam7i simmidi miishshaa isttara salla7ettides. 
\v 20 Ichchashu shii bira ekkida ashkaray hara ichchashu shii bira wodhisidayssa ekki yiidi, ‹Godoo! Ne taas ichchashu shii bira immadasa shin hekko hayssa ta hara ichchashu shii bira wodhisadis› gides. 
\v 21 Iza godaykka, ‹Lo7o ooththadasa; nenoo lo7o ammanettida ashkarazoo! Neni guuththa miishshan ammanettida as gidida gishshas ta nena daro miishsha bolla shuumana; gede ne godaa ufayssaso gela› gides.
\p
\v 22 «Hessaththoka nam7u shii bira ekkidayssi godazaakko shiiqidi, ‹Godoo! Ne taas nam7u shii bira immadasa shin hekko hara nam7u shii bira wodhisadis› gides. 
\v 23 Godazikka, ‹Lo7eththadasa; haysso lo7onne taas ammanettida ashkarazoo! Neni guuththan ammanettidaade gidida gishshas ta nena daro miishsha bolla shuumays; gede ne Godaa ufayssaso gela› gides.
\p
\v 24 «Issi shii bira ekkida ashkarazi shiiqidi, ‹Godoo! Neni zeronttasoppe maxizaadenne laallonttasoppe shiishshiza menxe iita as gididayssa ta erays. 
\v 25 Hessa gishshas ta babbada biitta bookkada ne biraa bookkida ollan moogada qottadis; ne miish hessa beya!› gides.
\p
\v 26 «Iza goday zaaridi, ‹Haysso iita azalla ashkarazoo! Tani zeronttasoppe maxizaade laallonttasoppe shiishshizaade gididayssa ne eray? 
\v 27 Histtiin ta simma yiza wode ta miishshaa yelora ta ekkana mala tirpisi zal7iza asas ne immanaas besseesishin› gides.
\p
\v 28 « ‹Ane ha7i izappe shii bira ekkidi tammu shii biray dizaades immite. 
\v 29 Dizaades gujettananne dari dari baana; bayndaadefe he diza guuththayakka izappe ekettaychchana.\x - \xo 25:29 \xo*\xt Mato 13:12; Mar 4:25; Luqa 8:18\xt*\x* 
\v 30 Hayssa go7ay baynda ashkaraa gede yeekkizasonne achchey garccettizaso heen karen diza dhuman kessi yeggite› gides.\x - \xo 25:30 \xo*\xt Mato 8:12; 22:13; Luqa 13:28\xt*\x*
\s1 Wurseththa Pirda
\p
\v 31 «Asa Nay ba kiitanchchata ubbaara bonchchon yiza wode ba bonchcho alga bolla uttana.\x - \xo 25:31 \xo*\xt Mato 16:27; Mato 19:28\xt*\x* 
\v 32 Derey wuri iza sinththi shiiqana; izikka mehe heemmizaadey deysh dorsafe qori shaakkiza mala asaa issaa issaafe qori shaakkana. 
\v 33 Dorsata ba ushachcha baggara, deyshata hadirsa baggara essana. 
\v 34 He wode kawoy ushachcha baggara dizayta, ‹Inttenoo! Ta Aaway inttena anjjidayti haa yiite! Alamey medhettoosoppe inttes giigettida kawoteththaa laattite! gaana. 
\v 35 Gaasoykka tani gafiin tana mizideta; ta saamettiin tana ushshideta; ta imath gidada yiin tana mokki ekkideta. 
\v 36 Ta kallottiin tana mayzideta; ta sakettiin tana hargisideta; ta qashettiin tana oychchideta› gaana.
\p
\v 37 «Xillotikka zaaridi, ‹Godoo! Ne gafiin nu nena ayde mizidonii? Woykko ne saamettiin ayde be7idi nu nena ushshidonii? 
\v 38 Nu ayde nena be7idi imaththateth mokkidonii? Woykko ayde ne kallottiin be7idi nena mayzidonii? 
\v 39 Hessaththoka ne sakettiin woykko qashettiin ayde be7idi nena oychchidonii?› gaana. 
\v 40 Kawoykka zaaridi, ‹Ta inttes tumu gays; hayta laafa gidida ta ishatappe issaades ooththidayssi intte taas ooththida mala› gaana.
\p
\v 41 «Qasseka hadirsa baggara dizaytas, ‹Intteno qanggettidaytoo! Taappe shaakettidi Daabulosassinne iza kiitanchchatas giigettida mernaa taman biite gaana. 
\v 42 Gaasoykka ta gafiin tana mizibeekketa; ta saamettiin tana ushshibeekketa; 
\v 43 tana imaththateth mokkibeekketa; ta kallottiin tana mayzibeekketa; ta sakettininne qashettiin tana oychchibeekketa› gaana.
\p
\v 44 «Isttika zaaridi, ‹Godoo! Ne gafiin woykko ne saamettiin woykko ne imath gidiin woykko ne kallottininne ne sakettiin woykko ne qashettiin nu nena be7idi ayde neekko gakkibeekkonii?› gaana.
\p
\v 45 «He wode izikka isttas zaaridi, ‹Ta inttes tumu gays; hayta laafa ta ishatappe issaades intte ooththontta aggidayssi taas intte ooththontta aggida mala› gaana. 
\v 46 Heyti gede mernaa pirdan baana; xilloti gidikko mernaa de7okko baana» gides.\x - \xo 25:46 \xo*\xt Daane 12:2\xt*\x*
\c 26
\s1 Ayhudati Yesusa Wodhanaas Maqeteth
\r (Mar 14:1-2; Luqa 22:1-2; Yoha 11:45-53)
\p
\v 1-2 Yesusi hessa haasayi wursidaappe guye bana kaallizaytas, «Nam7u gallassafe guye Paaziga gididayssa ereetii? Asa Nay kaqettanaas aadhdhi imettana» gides.\x - \xo 26:2 \xo*\xt Kessa 12:1-27\xt*\x*
\p
\v 3-4 Hessafe guye qeeseta halaqatinne dere cimati Qayafa geetettiza qeeseta halaqaa gibben shiiqidi hiillara Yesusa oyththidi wodhisanaas maqettida. 
\v 5 Gido attiin, «Asaa giddon ooshshi dendontta mala ba7aale gallas gidoppo» giidi qachchida.
\s1 Yesusa Shitto Tiyda Maccassayo
\r (Mar 14:3-9; Yoha 12:1-8)
\p
\v 6 Yesusi Bitaaniyan inchchirachcha hargera diza Simoona geetettizaade soon dishin, 
\v 7 issi maccas dizaara gatey keehi al7o gidida albasxiroose\f + \fr 26:7 \fr*\fqa Albasxiroose: \fqa*\ft Albasxiroose bonchcho miish izappe oosettiza booththa al7o shuchcha.\ft*\f* shitto bilqaaxe kumeth oykkada Yesusaakko shiiqada izi maaddan utti dishin iza hu7e bolla shittoza gussadus.\x - \xo 26:7 \xo*\xt Luqa 7:37-38\xt*\x* 
\v 8 Iza kaallizayti, «Hessa be7idi hayssi aazas mela moorettizee? 
\v 9 Shittozi daro gates bayzettidi miishshay manqotas imettizaakochchii?» gida.
\p
\v 10 Yesusi hessa eridi, «Hanno maccassayo aazas waayiseetii? Iza taas lo7o ooththadus. 
\v 11 Manqoti ubba wode inttenara deettes; ta gidikko ubba wode inttenara diikke.\x - \xo 26:11 \xo*\xt Zaare 15:11\xt*\x* 
\v 12 Iza shittoza ta bolla gussidayssi tana moogos giigsanaassa. 
\v 13 Ta inttes tumu gays; hayssi Mishiraachcho qaalay sabbakettiza alame yuushon awanka iza ooththidayssi izo qofsizaaz gididi haasayettana» gides.
\s1 Yesusa Aaththi Immanaas Yuhuda Giigeteth
\r (Mar 14:10-11; Luqa 22:3-6)
\p
\v 14 Hessafe guye tammanne nam7atappe issoy Asqoronto Yuhuda geetettizayssi qeeseta halaqataakko biidi, 
\v 15 «Ta inttes iza aaththa immiko intte taas ay immanee?» gides. Isttika izas heedzdzu tammu bira iza kushen taybi immida.\x - \xo 26:15 \xo*\xt Zaka 11:12\xt*\x* 
\v 16 He gallassafe simmidi Yuhuday Yesusa isttas aaththi immanaas injje wode naagishe gam7ides.
\s1 Godaa Kawo
\r (Mar 14:12-21; Luqa 22:7-13; Yoha 13:21-30)
\p
\v 17 Ukeththa ba7aale geetettiza ba7aale gallas iza kaallizayti Yesusaakko shiiqidi, «Ne Paaziga maanaso awan giigsana mala koyay?» gida.
\p
\v 18 Izikka isttas zaaridi gede katama biidi ebelo geetettiza as, «Astamaarey, ‹Ta wodey matida gishshas tana kaallizaytara Paaziga ta ne keeththan bonchchana gides› gi yootite» gides. 
\v 19 Iza kaallizaytikka Yesusi istta azazida mala Paaziga kawo giigsida.
\p
\v 20 Gadey omarsishin Yesusi tammanne nam7atara maaddan uttides. 
\v 21 Istti muussan dishin izi isttas, «Ta tumu gays; inttefe issoy tana aaththi immana» gides.
\p
\v 22 Isttika keehi muuzottidi taran taran, «Godoo taneeshaa?» gida. 
\v 23 Izikka zaaridi, «Tana aaththi immanaadey keren tanara kushe yeddizaade.\x - \xo 26:23 \xo*\xt Maza 41:9\xt*\x* 
\v 24 Iza gishshas kase xaafettidayssa mala Asa Nay baana; gido attiin Asa Naa aaththi immizaades aayye ana! Hessaadey yelettontta attidaakko izas lo7okkoshin» gides. 
\v 25 Iza aaththi immana Yuhuday, «Astamaaree! Taneeshaa?» gides. Izikka, «Ee, ne gida mala» gides.
\p
\v 26 Istti muussan dishin Yesusi miza qumaappe ekkidi anjjides. Menththidinne bana kaallizaytas immidi, «He7ite miite; hayssi ta ashokko» gides.\fig Yesusi bana kaallizaytara wurseththa kawo mishin|alt="Jesus eating last supper with disciples" src="LB00320B.TIF" size="span" ref="26:26"\fig* 
\v 27 Qasseka ushshaa denththidi galatidinne bana kaallizaytas immidi, «Wurikka hayssafe uyite; 
\v 28 daro asaa nagarappe maarana gukkiza ta ooraththa caaqo suuththay hayssa.\x - \xo 26:28 \xo*\xt Kessa 24:8; Er 31:31-34\xt*\x* 
\v 29 Ta inttes gizay ta Aawaa Kawoteththan ta inttenara ooraththa woyne ushshaa uyana gakkanaas hayssafe guye hayssa woyne ushshaa inttenara uyikke» gides.
\p
\v 30 Yeththa yexxidaappe guye pude Dabrazayte geetettiza zuma bolla kezida.
\s1 Phexroosi Iza Kaddanayssa Yesusi Kaseti Yootides
\r (Mar 14:27-31; Luqa 22:31-34; Yoha 13:36-38)
\p
\v 31 Yesusi isttas, «Intte wuri hach omarsi tanan dhuphettidi tana yeggi baana; ‹Heemmizayssa ta shocana; meheti laalettana› geetettidi kase xaafettides.\x - \xo 26:31 \xo*\xt Zaka 13:7\xt*\x* 
\v 32 Gido attiin tani dendidaappe guye inttefe sinththatada Galila baana» gides.\x - \xo 26:32 \xo*\xt Mato 28:16\xt*\x*
\p
\v 33 Phexroosi zaaridi, «Hankkoyti wuri ne gaason dhuphettikokka tani mulekka dhuphettike!» gides. 
\v 34 Yesusikka izas zaaridi, «Tumu gays; hach omars kuttoy waassontta kasetada heedzdzuto ne tana kaddana» gides. 
\v 35 Phexroosi qasse, «Nenara ta hayqqana koshshikokka mulekka ta nena kaddike!» gides. Yesusa kaalliza hankkoytikka kumeth izayssaththoka gida.
\s1 Getesemaanen Yesusa Woosa
\r (Mar 14:32-42; Luqa 22:39-46)
\p
\v 36 Hessafe guye Yesusi bana kaallizaytara Getesemaane geetettizaso bides. Isttaka, «Hee baada ta woossishin intte hayssan uttiishshite» gides. 
\v 37 Phexroosara Zabdoosa nayta nam7ata banara ekki biidi muuzoteththinne daro qofeteth oykkides. 
\v 38 Hessafekka, «Ta shemppoya hayqqana gakkanaas daro muuzottadus; tanara minnidi hannin takkite» gides.
\p
\v 39 Isttafe guuth gede haakki bi gufannidi, «Ta Aawawu! Nees dandayettiko hayssi metoy taappe aadho; gido attiin tani koyida mala gidontta neni koyida mala hano» gi woossides. 
\v 40 Hessafe simmidi bana kaallizaytakko yiidi istti dhiskishin demmides. Phexroosakka, «Hayto asatoo! Intte tanara issi saatekka minnanaas xoonidee? 
\v 41 Paacen intte gelontta mala minnidi woossite; ayanay giigettides shin ashoy gidikko daaburanchcha» gides.
\p
\v 42 Qasseka nam7anththo biidi, «Ta Aawawu! Ta hayssa uyanayssi taas attontta miish gidikko ne sheney poletto» giidi woossides. 
\v 43 Qasseka izi yishin istta ayfen dhiskoy deexxida gishshas ichchidayta be7ides. 
\v 44 Istta aggidi qasseka biidi heedzdzanththo kase woossida qaala zaari woossides.
\p
\v 45 Hessafe bana kaallizaytakko simmidi, «Ha7ikka shempi dhiskidetii? Hekko ha7i saatey matides; Asa Nay nagaranchchata kushen aadhdhi imettana. 
\v 46 Dendite ane boos! Tana aaththi immizaadey yuussa bolla dees» gides.
\s1 Yesusa Oyketeth
\r (Mar 14:43-50; Luqa 22:47-53; Yoha 18:3-12)
\p
\v 47 Izi haasayshin tammanne nam7atappe issoy Yuhuday yides. Qeeseta halaqatinne dere cimati yeddida daro asay tooranne durqqa oykkidi Yuhudara issife dees. 
\v 48 Yuhudaykka, «Ta yeerizaadey iza gidida gishshas oykkite» giidi kase yooti woththides.
\p
\v 49 Sitti gi Yesusaakko biidi, «Astamaaree! Saro» gishe Yesusa yeerides. 
\v 50 Yesusikka, «Ta laggee! Ne yida qofaa pola» gides. Heerakka asay shiiqidi Yesusa oykki qachchides. 
\v 51 Yesusara dizaytappe issoy giththa mashsha shoddidi qeeseta halaqaza ashkaraa hayth qanxxides.
\p
\v 52 Yesusikka, «Ane ne mashshaa koohon zaara gelththa; mashsha shoddizayti mashshan dhayana. 
\v 53 Koshshiko tani ta Aawaa oychchizaakko daro shiyan qoodettiza oliza kiitanchcha taas yeddontta aggana nees misatizee? 
\v 54 Hessaththo ooththiko qasse Geeshsha Maxaafatan hanana geetettidayssi waani polettanee?» gides.
\p
\v 55 He wode Yesusi asaa, «Panga oykkiza asaththo mashshanne durqqa ekkidi tana oykkana yidetii? Wontiin wontiin Xoossa Keeththan uttada ta tamaarsishin kase oykkibeekketa shin.\x - \xo 26:55 \xo*\xt Luqa 19:47; 21:37\xt*\x* 
\v 56 Gido attiin hayssi wurikka hanidayssi kase nabeti Geeshsha Maxaafatan yootidayssi polettanaassa» gides. He wode Yesusa kaallizayti iza yeggidi dhayda.
\s1 Pirda Duulata Sinth Yesusa Aadheth
\r (Mar 14:53-65; Luqa 22:54-55,63-71; Yoha 18:13-14,19-24)
\p
\v 57 He wode Yesusa oykkidi asati Muse wogaa astamaaretinne dere cimati issife shiiqidason qeeseta halaqa Qayafakko efida. 
\v 58 Gido attiin Phexroosi qeeseta halaqa gibbe gakkanaas haahora Yesusa kaallides. Gibbe giddo gelidi hanizayssa wurseth beyanaas, gibbe naagizaytara uttides.
\p
\v 59 He wode qeeseta halaqatinne Ayhudata duulatay kumeth Yesusa wodhisanaas wordo markka koyides. 
\v 60-61 Daro wordo markkati shiiqikkoka bessiza markkateth demmibeettenna; gido attiin guyeppe nam7u as dayti shiiqidi, «Hayssi addezi, ‹Tani Xoossa Keeththaa laallada heedzdzu gallassara zaarada keexxana dandayays› gides» giidi markkattida.\x - \xo 26:61 \xo*\xt Yoha 2:19\xt*\x*
\p
\v 62 Hessa siyida qeeseta halaqay uteththafe dendi eqqidi, «Hayti asati ne bolla markkattizayssas aykkoka zaarikkii?» gides. 
\v 63 Yesusikka co7u gides. Qeeseta halaqay, «Ta nena de7o Xoossaa sunththan oychchays! Neni Xoossa naa Kirstoosa gidikko taas yoota!» gides.
\p
\v 64 Yesusikka, «Ne goyssaka mala; gido attiin inttes ubbaas ta yootizay sinththafe Asa Nay Wolqqamaza ushachchan uttidi salo shaarara yiza wode intte beyana» gides.\x - \xo 26:64 \xo*\xt Daane 7:13\xt*\x*
\p
\v 65 He wode qeeseta halaqay ba may7o daakkidi, «Xoossa bolla cashsha qaala haasaydes; nuus hayssafe aadhdhiza hara aaza markka koshshizee! Xoossa bolla cashsha qaala izi haasayshin intte intte hayththara siyideta. 
\v 66 Inttes ay misatizee?» gides. Isttika zaaridi izas, «Hayqoy izas bessees» gida.
\p
\v 67 He wode Yesusa ayfeson cuttishe iza iccida; baggayti iza baqqishe, 
\v 68 «Kirstoosaa! Ne nena nabe gaasa shin nena baqqiday oonakkon ane nuus yoota» gida.
\s1 Phexroosi Yesusa Kaddides
\r (Mar 14:66-72; Luqa 22:56-62; Yoha 18:15-18,25-27)
\p
\v 69 Hessafe guye Phexroosi qeeseta halaqaza gibben utti dishin keeththa giddon ooththiza issi maccas dizaara izakko shiiqada, «Nenikka Galila Yesusara dizaade!» gadus.
\p
\v 70 Izi qasse, «Ne ay gizaakko ta erikke!» giidi ubba asaa sinththan kaddides. 
\v 71 Gibbeza penge izi bishin issi hara oosanchchaya iza xeellada heen dizaytas, «Hayssi addezi Naazirete Yesusara dizaadeko!» gadus.
\p
\v 72 Izikka, «Ta iza erikke!» giidi nam7anththo kaddides. 
\v 73 Guuth gam7ishin heen eqqida asati shiiqidi Phexroosa, «Ne haasayay ne haytara dizayssa qonccisees; tumappe ne istta bagga asa» gida. 
\v 74 Izikka caaqishenne amatishe, «Hessa addeza ta erikke!» gides. Heerakka kuttoy waassides.
\p
\v 75 He wode Yesusi kase Phexroosas, «Kuttoy waassanaas ne tana heedzdzuto kaddana» giidi yootida qaalay qofettiin, Phexroosi kare kezidi camo yeeho yeekkides.
\c 27
\s1 Yuhuda Kaqeteth
\r (Mar 15:1; Luqa 23:1-2; Yoha 18:28-32)
\p
\v 1 Maalado wonttara qeeseta halaqatinne dere cimati wurikka Yesusa wodhana oge zorettida. 
\v 2 Yesusa qachchi efidi dere haariza Philaxoosas aaththi immida.
\p
\v 3-4 Iza aaththi immida Yuhudaykka Yesusa bolla pirdettidayssa be7idi, «Ta iza aaththa immontta aggarkina» giidi ba ekkida heedzdzu tammu biraa qeeseta halaqatassinne dere cimatas zaari immidi, «Xillo as aaththa immida gishshas ta mooradis» gides. Isttika, «Histtiin nuus ay metoo! Ne era ekka!» gida. 
\v 5 Hessa gishshas Yuhuday biraa efidi Xoossa Keeththa giddon yeggidi kezi biidi cuuletti hayqqides.
\p
\v 6 Qeeseta halaqati biraa denththidi, «Suuththa waaga gidida gishshas Xoossa Keeththa miishshan gujjanaas bessenna» gida. 
\v 7 Ba giddon zorettidi imath gidida asatas duufo gidana mala issi urqqa miish medhdhiza hiillaza gade shammida. 
\v 8 Hessa gishshas he gadey hach gakkanaas suuththa gade geetettees.
\p
\v 9-10 Izas waaga gidana mala, «Isra7eele nayti heregida heedzdzu tammu bira qoodi ekkida. Xoossi tana azazida mala urqqa medhdhiza hiillaza gades immida» geetettidi nabe Ermaasa doonan yootettidayssi polettides.
\s1 Philaxoosa Sinth Yesusa Shiiqo
\r (Mar 15:2-5; Luqa 23:3-5; Yoha 18:33-38)
\p
\v 11 He wode Yesusi dere haarizayssa sinth shiiqides. Dere haarizayssika, «Neni Ayhuda kawoo?» giidi iza oychchides. Yesusikka, «Ne gida mala gido» gides. 
\v 12 Qeeseta halaqatinne dere cimati iza mootishin Yesusi isttas aynne zaaribeenna. 
\v 13 He wode Philaxoosi Yesusa, «Aappun yo7on nena mootizaakko siyikkii?» gides. 
\v 14 Dere haarizayssi keehi malalettana gakkanaas Yesusi issi qaalakka zaaribeenna.
\p
\v 15 Dere haarizayssas ba7aale gallas derey qasho asaappe, «Ebeloy nuus birshetto!» gi oychchiko issaade birshiza wogay dees. 
\v 16 He wode gene ooson erettida Barbaane geetettiza issaadey qashoson dees. 
\v 17 Derey shiiqida mala Philaxoosi, «Barbaaneppenne Kirstoosa geetettiza Yesusappe ta inttes oona birshana mala koyeetii?» gides. 
\v 18 Philaxoosi istta coo qanaates aaththi immidayssa erishe oychchides.
\p
\v 19 Izi pirda alga bolla utti dishin iza machcheya, «Iza gaason hach tani agumora daro metotadis; hessa xillo addeza bolla ne aykkoka ooththontta mala» giza kiita Philaxoosas yeddadus.
\p
\v 20 Gido attiin qeeseta halaqatinne cimati isttas Barbaaney birshettana malanne qasse Yesusa wodhana mala woossanaas dereza qaalay gaaggana mala ooththida. 
\v 21 Dere haarizayssi, «Nam7atappe oona birshana mala koyeetii?» gi oychchiin istti, «Barbaane birsha!» gida.
\p
\v 22 Philaxoosikka, «Histtiko Kirstoosa geetettiza Yesusa wosttoo?» gides. Intte wurikka, «Kaqetto!» gida.
\p
\v 23 Philaxoosikka aazas? «Izi ay iita ooththidee?» giidi istta oychchides. Isttika qasse keehi waassidi, «Kaqetto!» gida. 
\v 24 Philaxoosi hanizayssi wurikka asay ba giddon bul7aketeththafe attiin hara ay go7ay bayndayssa yuushshi xeellidi, «Hayssa addeza suuththaa gomeppe ta geeshsha; hayssafe guye intte shene» giidi haath ehisidi dereza sinththan ba kushe meecettides.\x - \xo 27:24 \xo*\xt Zaare 21:6-9\xt*\x*
\p
\v 25 Derey wuri, «Iza suuththi nu bollanne nu nayta bolla gakko» giidi zaarides. 
\v 26 He wode Barbaane isttas birshidi Yesusa garafissidaappe guye kaqqana mala aaththi immides.
\s1 Yesusa Bolla Wottadarata Qilcca
\r (Mar 15:16-21; Yoha 19:2-3)
\p
\v 27 Hessafe wottadarati Yesusa gede dere haarizayssa gibbe ekki biidi wuri shiiqidi Yesusa giddo aaththida. 
\v 28 Iza may7o qaaridi hara zo7o may7o mayzida. 
\v 29 Agunththa akilile xaaxidi giigsida; iza hu7e bolla woththida; shomboqo guufe ushachcha kushen oyththidinne iza sinththan gulbatidi, «Ayhuda kawoo! Inttes too!» giidi iza qidhida. 
\v 30 Iza bolla cuttida; shomboqo guufeza iza kusheppe ekkidi Yesusa hu7en zaari zaaridi shocida. 
\v 31 Iza bolla qidhi kaa7idaappe guye qasseka zo7o may7oza qaari ekkidinne kase iza may7oza zaari mayzidi kaqqanaaso ekki bida.
\s1 Yesusa Kaqeteth
\p
\v 32 Istti ekki bishin Qareena geetettizasoppe yida Simoona geetettizayssa demmidi masqaleza iza wolqqara toossida. 
\v 33-34 Birsheththay, «Hu7e guugge» geetettiza Golgota gakkishin ciyera walakettida woyne cajje, «Uya» giidi immida; gido attiin izi ganxi ekkidi uyana koyibeenna.\x - \xo 27:34 \xo*\xt Maza 69:21\xt*\x* 
\v 35 Iza kaqqidaappe guye iza may7oza bolla saama yeggidi gishettida. 
\v 36 Heen uttidi iza naagida. 
\v 37 «Hayssi Ayhuda kawo Yesusa» giza mooto qaala iza hu7eppe bollara woththida. 
\v 38 Nam7u pangatappe issoy Yesusappe ushachcha baggara, issoy hadirsa baggara izara issife kaqettida.
\p
\v 39-40 Ogera aadhdhi biza asay cayishenne hu7e qaaththishe,\x - \xo 27:39-40 \xo*\xt Maza 22:7; 109:25; Mato 26:61; Yoha 2:19\xt*\x* «Xoossa Keeththaa laallada heedzdzu gallassan zaara keexxana gizayssoo! Ane nena ashsha; ne Xoossa Naa gidikko ane masqaleza bollafe wodhdha» gida.
\p
\v 41 Qeeseta halaqati dere cimatara gididi iza bolla qidhishe; 
\v 42 «Hara asaa ashshides shin bana ashshanaas dandaybeenna; izi Isra7eele kawo gidikko ane ha7i masqale bollafe wodhdho; nunikka iza ammanana. 
\v 43 Xoossan ammanettides; bana Xoossa Naa gida mala Xoossi iza dosizaa gidikko ane ha7i iza ashsho» gida.\x - \xo 27:43 \xo*\xt Maza 22:8\xt*\x* 
\v 44 Izara issife kaqettida pangatikka hessaththo cashsha qaala iza bolla qoqofida.
\s1 Yesusa Hayqo
\r (Mar 15:33-41; Luqa 23:44-49; Yoha 19:28-30)
\p
\v 45 Gallas usuppun saateppe biidi uddufun saate gakkanaas kumeththa biittay dhumides. 
\v 46 Uddufun saate gidishin Yesusi qaalaa dhoqqu histtidi, «Eelohe! Eelohe! Lama sabaqitane» giidi waassides. Hessa guussas birsheththay, «Ta Xoossoo! Ta Xoossoo! Tana ays aggadii?» guussa.\x - \xo 27:46 \xo*\xt Maza 22:1\xt*\x* 
\v 47 Heen eqqida asaappe issi issi asati iza waasoza siyidi, «Eelaasa xeygees» gida. 
\v 48 Isttafe issaadey woxxi biidi zandza misatiza safinege geetettiza miish ekkidi caalida woyne cajjen yeggi caphisidinne shomboqo geetettiza miththa xeeran qaaphidi uyana mala Yesusa doonaakko shiishshides.\x - \xo 27:48 \xo*\xt Maza 69:21\xt*\x* 
\v 49 Hankko asay qasse, «Aggaagite ane, Eelaasi yiidi iza ashshishin beyana» gida. 
\v 50 Yesusi qasseka dhoqqa qaalan waassidi shempo kezides.
\p
\v 51 He wode Xoossa Keeththaa magalashay bolla hu7era duge simmi daakettidi nam7u kezides; biittay qaaxxides; zaallati za7ida.\x - \xo 27:51 \xo*\xt Kessa 26:31-33\xt*\x* 
\v 52 Duufoti doyettida; kase hayqqida Xoossa asaappe dariza baggay dendides. 
\v 53 Duufoppe kezidi Yesusa denththaafe guye geeshsha katama gelidi darota ayfen beettida. 
\v 54 Mato halaqaynne izara issife Yesusa naagizayti biitta qaaththaanne hanidayssa ubbaa be7idi daro babbida. Qasse, «Hayssi tumappe Xoossa Naakko!» gida. 
\v 55 Galilappe yiidi Yesusa koshshizaazan ooththi maaddanaas kaalliza daro maccassati hanizayssa wursika haahora xeellishe heen deettes. 
\v 56 Istta giddon Magdaleppe yida Maaramiranne, Yaaqoobenne Yooseefe aayo Maaramira, qasseka Zabdoosa nayta aayeyra issife deettes.
\s1 Yesusa Moogeteth
\r (Mar 15:42-47; Luqa 23:50-56; Yoha 19:38-42)
\p
\v 57 Gadey omarsishin Yooseefe geetettiza issi dure adde dayssi Armatiyase geetettizasoppe yides. Izikka ba baggara Yesusa kaallizaade. 
\v 58 Izi Philaxoosa sinththi shiiqidi Yesusa aha izas immana mala woossiin Philaxoosikka izas immana mala azazides. 
\v 59 Yooseefey ahaa ekkidi geesh gidida moogo afalan xaaxides. 
\v 60 Shuch woocidi baas giigsida duufon efi woththidi gita shuch genderisi duufoza gordides. 
\v 61 He wode Magdale Maaramiranne hankko Maaramira duufoza ginan uttida.
\p
\v 62 Sambatas giigettiza wonteththa gallas qeeseta halaqatinne Farsaaweti Philaxoosa sinth shiiqidi, 
\v 63 «Godoo! He wordoy kase paxa dishe, ‹Heedzdzu gallassafe guye ta dendana› gida qaalay nu wozinan turchchu gides.\x - \xo 27:63 \xo*\xt Mato 16:21; 17:23; 20:19; Mar 8:31; 9:31; 10:33-34; Luqa 9:22; 18:31-33\xt*\x* 
\v 64 Hessa gishshas iza kaallizayti iza ahaa kaysoti ekkidi deraas, ‹Izi hayqoppe dendides› giidi woresontta mala heedzdzanththo gallas gakkanaas duufoy naagettana mala azaza; akkay giikko kaseyssafe guye balay aadheth gidana» gida. 
\v 65 Philaxoosi, «Inttes naagizayti deettes; biidinne inttes erettida mala naagisite» gides. 
\v 66 Isttika biidi duufoza doona maatamen gordidi naagana zabe essida.
\c 28
\s1 Hayqoppe Yesusa Denth
\r (Mar 16:1-8; Luqa 24:1-12; Yoha 20:1-10)
\p
\v 1 Sambatay aadhdhidaappe guye saaminttafe koyro gallas buro saloy zo7ishin Magdale Maaramanne hankko Maarama duufoza beyana bida.\f + \fr 28:1 \fr*\fqa Sambata \fqa*\ft Hayssa bolla Sambatay Qeera gallassa.\ft*\f* 
\v 2 Qoppontta dishin gita biitta qaaththi hanides; Godaa kiitanchchayka saloppe wodhdhi duufaakko biidi shuchchaa genderisidi iza bolla uttides. 
\v 3 Kiitanchchazas medhay wolqqanththa poo7o mala; iza may7oyka shachcha mala booththa. 
\v 4 Duufo naagizayti kiitanchchazas babbi kokkoridinne hayqeth misatida.
\p
\v 5-6 Kiitanchchazi maccassata, «Babbofte; intte kaqettida Yesusa koyzayssa ta erays; izi ha7i haan baa; izi kase yootida mala hayqoppe dendides; haa yiidi izi ichchidaso be7ite. 
\v 7 Ha7ikka eleli biidi iza kaallizaytas, ‹Hayqoppe dendides. Inttefe kasetidi Galila bees; intte iza heen demmana› giidi yootite. Hi7a ta inttes yootadis» gides. 
\v 8 Maccassatikka baboninne ufayssan kumidi iza kaallizaytas yootanaas elelidi woththan duufozi dizaso yeggi aggidi bida.
\p
\v 9 Heerakka Yesusi istta demmidi, «Haytoo saro» gides. Isttika Yesusaakko shiiqidinne iza toho oykkidi izas goynnida. 
\v 10 Yesusi istta, «Babbofte! Biidinne istti Galila baana mala ta ishatas yootite. Istti tana heen beyana» gides.
\s1 Naagizayta Markkateth
\p
\v 11 Maccasati buro oge bolla dishin naagizaytappe baggati katamaa biidi hanidayssa ubbaa qeeseta halaqatas yootida. 
\v 12-13 Qeeseta halaqatikka dere cimatara shiiqettidi zorettida; wottadaratas gidiza miish immidi, « ‹Nuni dhiskon dishin iza kaallizayti qammara yiidi kaysoti efida› gite gida. 
\v 14 Hayssi worey dere haarizayssa matan siyettikokka nuni izas lo7eththi yootana; aykko iitaykka intte bolla gakkontta mala nu ooththana» gida. 
\v 15 Wottadaratikka miishshaa ekkidi istti gida mala ooththida; hayssi yo7ozi hach gakkanaas Ayhudata achchan daroson yootettishe dees.
\s1 Bana Kaallizayta Ayfen Yesusa Beeto
\r (Mar 16:14-18; Luqa 24:36-49; Yoha 20:19-23; Hawa 1:6-8)
\p
\v 16 Hessafe guye Yesusa kaalliza tammanne issineti Yesusi istta bessida Galilan diza zuma bolla kezida. 
\v 17 Yesusa be7ida mala izas goynnida; istta garsafe guuxxiza baggati sidhida.
\p
\v 18-20 Yesusikka bana kaallizaytakko shiiqidi, «Saloninne sa7an godateththi taas imettides. Hessa gishshas biidi dere ubbaa Aawaa, Naazanne Xillo Ayana sunththan xammaqishe, tana kaallizayta ooththite; ta inttena azazidayssa ubbaa naagana mala tamaarsite. Tanikka alame wurseth gakkanaas inttenara days» gides.\x - \xo 28:18-20 \xo*\xt Hawa 1:8\xt*\x*