\id JUD - Gamo Full Bible final version
\ide UTF-8
\h Yuhuda Kiita
\toc1 Yuhuday Xaafida Kiita
\toc2 Yuhuda Kiita
\toc3 Yuhu
\mt1 Yuhuday
\mt2 Xaafida Kiita
\imt1 Giddo Qofa
\ip Yuhuda kiitay xaafettiday ammanizaytas gidontta ammaniza as misatidi wordo timirte biitta gaththiza asatappe ammanizayti naagettana malassa. Nam7anththo Phexroosa kiitaa misatiza hayssa ha qaanththa kiitazan xaafezi, «Xoossay nam7anththontta mala ba derezas issito immida ammano gishshas asay minni olettana mala» nababizayta lo7eththi qofsees.
\iot Ha Maxaafay Oykkida Kumeththa Qofa
\io1 Geloso \ior 1-2 \ior*
\io1 Wordo astamaareta timirte, hanonne kundeth \ior 3-16 \ior*
\io1 Ammanizayti ba ammano naagana mala imettida zore \ior 17-23 \ior*
\io1 Wurseththa anjjo \ior 24-25 \ior*
\c 1
\p
\v 1 Yesus Kirstoosas ooththiza Yaaqoobe isha Yuhudappe, inttes xeygettidaytas, Xoossay Aaway siiqizaytassinne Yesus Kirstoosi naagidaytas ubbatas,\x - \xo 1:1 \xo*\xt Mato 13:55; Mar 6:3\xt*\x* 
\v 2 maaroteththi, saroteththinne siiqoy inttes daro.
\s1 Wordo Astamaareta
\p
\v 3 Ta siiqotoo! Nu issife attida atoteththaa gishshas ta inttes xaafanaas daro koyadisishin ha7i qasse nam7anththontta issito Xoossi asas immida ammano gishshas intte daro baaxetana mala ta inttena zorays. Ta inttes xaafanaas taas tooho gidides. 
\v 4 Istta bolla pirdettanayssi daro wodeppe kase istta gishshas xaafettida asati intteko kalxi gelida; heytantti Xoos eronttayta; nu Godaa kiyateththaa coo mela laammizaytanne Xoossaa goynnonttayta. Izi barkka nuna haarizayssanne nuus Godaa gidida Yesus Kirstoosakka kaddeettes.
\p
\v 5 Intte hessa ubbaaka kaseti erikkoka Goday ba dereza Gibxeppe kessidi ashshidayssanne hankko ammanonttayta guyeppe dhayssidayssa ta inttena akeekissana koyays.\x - \xo 1:5 \xo*\xt Kessa 12:51; Tay 14:29-30\xt*\x* 
\v 6 Hessaththoka ba bonchcho naagontta ixxidi ba dizaso yeddida kiitanchchata intte yuushshi qopite; Xoossi istta gita pirdaa gallas gakkanaas mernaa qashos girdi gida dhuman naagi woththides. 
\v 7 Hessaththoka Sodoomeynne Gamooray qasseka istta heeran diza katamatikka laymatidanne salo medheteththatara laymatanaas amottida; hessa gishshas istti mernaa taman xuugetanaytas leemiso gidida.\f + \fr 1:7 \fr*\ft Sodoome asay Looxekko yida imaththatara laymatana koyidayssa bessees.\ft*\f*\x - \xo 1:7 \xo*\xt Medhe 19:1-24\xt*\x*
\p
\v 8 Hessaththoka he asati barkka ba agumo kaallidi barkka ba asho tuniseettes; baappe bollara dizaytas azazettettenna; istti salon bonchchora dizaytakka cayeettes. 
\v 9 Haray attoshin salo kiitanchchata halaqay Mikaaley Muse asho gishshas izara palamettishe, «Nena Goday hanqetto!» gides attiin izas cashsha qaala zaaribeenna.\x - \xo 1:9 \xo*\xt Daane 10:13,21; 12:1; Ajju 12:7; Zaare 34:6; Zaka 3:2\xt*\x* 
\v 10 Hayti asati gidikko isttas erettontta ixxida miish ubbaa cash cayeettes; aykkoka erontta meheta mala coo mela qoppi ekkida miishshi isttas diikko istti hessan dhayana. 
\v 11 Istti Qayeele ogen bida gishshas miishshas giidi Bala7aame mala balan kundida; qasse Qoorey eqettida mala isttika eqettidi dhayda gishshas isttas aayye ana!\x - \xo 1:11 \xo*\xt Medhe 4:3-8; Tay 22:1-35; 16:1-35\xt*\x*
\p
\v 12 Hayti ha asati yeellay baynda layma hanora issi bolla intte diggisason beettiza wode inttes dhuphe gideettes; istti baas xalla qoppeettes; istti carkon biza iray baynda shaara mala; ayfey ayfiza woden ayfey baynda xaphoppe dhoqallettidi nam7uto melida miththa mala. 
\v 13 Istti yeellachchiza ba oosoza wolqqama abba dambala mala goppontto coppu histtizayta; girdi gida dhumay istta mernaas naagizayssanne coo mela waayettiza xoolintteta malakko!
\p
\v 14 Addaameppe haa simmiin laappunththo yeleta gidida Heenookey, «Hekko Xoossi qooday baynda geeshsha kiitanchchatara asa ubbaa bolla pirdanaas yaana.\x - \xo 1:14 \xo*\xt Medhe 5:18,21-24\xt*\x* 
\v 15 Heyti Xoossas goynnontta asati ooththida iita ooso gaason istta izi qaxxayana; addafekka Xoossi heyta baas goynnontta nagaranchchata bolla istti haasayda iita miishshata gishshas izi istta bolla pirdana» gides.
\p
\v 16 Heyti he asati ubba wode zuuzumettizaytanne ay miishshankka ufayetti eronttayta; istti ba iita amo kaallizayta; istta doonan otoreteththa qaalay kumides; baas ba go7a koyishe as aadasheettes.
\s1 Akeekisso Zore
\p
\v 17 Intteno ta siiqotoo! Nu Godaa Yesus Kirstoosa Hawaareti hayssafe kase yootida qaalaa akeekite. 
\v 18 Istti, «Wode wurseththan Xoossa sheneppe haakkidayti barkka ba iita amo kaallishe as qidhizayti yaana» giidi inttes kase yooti woththida.\x - \xo 1:18 \xo*\xt 2Phex 3:3\xt*\x* 
\v 19 Heyti as issaa issaafe shaakkizayta; asho amoteth kaallizaytanne isttan Xillo Ayanay bayndayta. 
\v 20 Ta ishatoo! Intte gidikko ubbaafe bollara intte geeshsha ammanon minni eqqite; Xillo Ayanankka minni woossite. 
\v 21 Nu Godaa Yesus Kirstoosi ba maaroteththan inttena mernaa de7on gaththanayssa naagettishe inttenateththaa Xoossaa siiqon naagite.
\p
\v 22 Sidhishe diza asatas mishettite. 
\v 23 Issi issi asata tamappe kessi ekki ashshite; haratas yashshateththan mishettite shin nagaran tunida istta asateth bochchida may7oka ubbaa ixxite.
\s1 Galata Woosa
\p
\v 24 Inttena kundeththafe ashshanaassinne inttena wosoy bayndayta histtidi ufayssan ba bonchcho sinth shiishshanaas dandayzayssas, 
\v 25 izi xalla nuus Xoossanne dhale gidida Godaa Yesus Kirstoosa baggara benippe doommidi ha7i gakkanaassinne mernaaskka bonchchoynne gitateththi, wolqqaynne godateththi izas gido. Amiin.