\id JON - Gamo Full Bible final version
\ide UTF-8
\h Yoonaasa Tinbite
\toc1 Yoonaasa Tinbite
\toc2 Yoonaasa Tinbite
\toc3 Yoona
\mt1 Yoonaasa Tinbite
\imt1 Giddo Qofa
\ip Yoonaasa tinbitey Xoossas azazettike gida issi nabe bolla gakkida dumma dumma metota yootiza maxaafa gidida gishshas hara tinbite maxaafatappe dummatees. Xoossi Yoonaasa, «Isra7eele asaas mino morkke gidida gita Asoore kawoteththas waanna katama Nannawe ba!» giidi iza azazides.
\ip Yoonaasi gidikko, «Xoossay katamayo dhayssanaas immida mino qofsozas izi gida mala ooththenna» gi qoppida gishshas Xoossa qaala ekkidi Nannawe baanaas koyibeenna; daro hanoti handaappe guye keehi ufayettontta dishe azazettides; izi buro hanana gida iza qaalazi polettontta aggiin lancettides.
\ip Ha maxaafazi Xoossas iza medheteththa ubbaa bolla godateththi dizayssa erisees. Harappeka Xoossi siiqonne maariza Godaa gidida gishshas ba deraa morkketa bolla hanqettidi mulera dhayssanaappe atto giidi maaranaas dosizayssa bessees.
\iot Ha Maxaafay Oykkida Kumeththa Qofa
\io1 Godaappe Yoonaasa baqata \ior 1:1-7 \ior*
\io1 Yoonaasa woosa \ior 2:1-10 \ior*
\io1 Yoonaasi Nannawe biin dereza maareteth \ior 3:1-10 \ior*
\io1 Xoossi dereza maarida gishshas Yoonaasa hanqeteth \ior 4:1-11 \ior*
\c 1
\s1 Yoonaasi Azazettontta Ixo
\p
\v 1 Amaate naa Yoonaasakko GODAA qaalay,\x - \xo 1:1 \xo*\xt 2Kawo 14:25\xt*\x* 
\v 2 «Dendada he gita katamaa Nannawe ba; he katamaa asaa iitateth ta be7idayssa isttas yoota» gishe yides. 
\v 3 Gido attiin Yoonaasi GODAA sinththafe baqatidi Tarseese biitta baanaas dendides; izi Yoophphe katamaa wodhidi Tarseese biza markabe demmides; GODAA sinththafe baqatidi isttara Tarseese baanaas miish qanxxidi markabezan gelides.
\p
\v 4 Markabezi bishin GODAY abba bolla gote carko denththiin abba dambalay keehi darida gishshas markabezi meqqana gakkides. 
\v 5 Histtiin markabezan diza asay babbida gishshas wurikka ba xoossaako waassides; qasse markabezi kawuyana mala iza giddon diza caanaa denththidi abbaan olida; gidikkoka Yoonaasi markabezas garsa kifile wodhidi heen deexo dhisko wodhides.
\p
\v 6 Markabeza halaqay izakko biidi, «Ays dhiskadii? Dendada ne xoossaa woossa! Izi ba lo7o ayfen xeellidi nuna ashshanaakko ooni erizee!» gides.
\p
\v 7 Markabezan diza asay issoy issaa, «Haa yiite! Hayssi iita miishshi oona gaason nuna gakkidaakko eranaas ane saama yeggoos» gida; histtiin istti saama yeggiin saamay Yoonaasa bolla wodhdhides. 
\v 8 Hessafe guye istti Yoonaasa, «Hayssi iita miishshi oona gaason nu bolla gakkidaakko ane nuus yoota! Ne oosoy aazee? Awappe yadii? Ne derey awa? Neni oona zereththee?» gi oychchida.
\p
\v 9 Histtiin Yoonaasi zaaridi, «Tani Ibraawe asa; abbaanne biittaa medhdhida salo GODAA goynnays» gides.
\p
\v 10 Hessa gishshas Xoossa sinththafe izi baqatizayssa izi isttas yootidayssafe asay erida gishshas keehi Babbidi, «Haysso ay pala miish ooththadii?» gida.
\p
\v 11 Qasse abba dambalay kaseyssafe haa darida gishshas asay Yoonaasa, «Nuus abbay co7u gaana mala nena nuni wosttinoo?» giidi oychchida.
\p
\v 12 Izikka isttas, «Hayssi wolqqama dambalay intte bollan dendiday ta gaason gididayssa ta erays; hessa gishshas tana denththidi abban olite; histtiko abbay inttes co7u gaana» gides.
\p
\v 13 Gido attiin markabezan diza asay markabeza guye abba lanqe kessanaas minththi laaggida shin abba dambalay keehi darida gishshas kessanaas dandaybeettenna. 
\v 14 Hessa gishshas isttas, «Abeet GODAWU! Hayssa addeza shemppo gishshas neni nuna dhayssontta malanne hayssa geeshsha suuththa acozakka neni nuuppe oychchontta mala nuni nena keehi woossoos. Ays giikko GODAWU neni ne koyida mala ooththadasa» giidi GODAAKKO waassida.
\p
\v 15 Hessafe guye Yoonaasa denththidi abban oliin abba dambalay co7u gides. 
\v 16 Histtiin asay GODAAS keehi babbides; GODAAS yarsho yarshida; adinakka adinettida.
\p
\v 17 Yoonaasa mittana mala issi gita mole GODAY giigsiin he moleza ulon Yoonaasi heedzdzu gallassinne heedzdzu omars aqides.\x - \xo 1:17 \xo*\xt Mato 12:40\xt*\x*
\c 2
\s1 Yoonaasa Woosa
\p
\v 1 Yoonaasi moleza ulon dishe ba GODAAKKO, 
\v 2 «Tani tuggaa giddon dashe GODAA xeygiin izi taas koyides; tani hayqqidayti diza ciimma giddon dashe neekko waassadis; nekka ta waaso siyadasa. 
\v 3 Ne tana ciimma abba giddo duge yeggadasa; haaththi tana dooddides; ne Dambalay ta bollara aadhdhides. 
\v 4 Hessa gishshas tani, ‹Ta ne sinththafe wora olettadis; gidikkoka ta ne geeshsha keeththaa qasseka zaara be7ana› gadis.
\p
\v 5 «Haaththay taas qoodhe gakkanaas mittides; ciimma abbay tana mittides; abbaa giddon diza maataykka ta hu7e bolla xaaxettides. 
\v 6 Tani zumata gars duge wodhdhadis; heen biittaa garsan mernaas gordan uttadis; gidikkoka abeet ta GODAWU! Neni ta shemppo ciimma ollafe kessadasa.
\p
\v 7 «Tani hayqqana matida wode nena GODAA qoppadis. Ta woosaykka neekko pude geeshsha keeth gakkides. 
\v 8 Hada eeqata kaallizayti wuri nenan GODAAN ammanettanayssa aggida. 
\v 9 Gido attiin ta galata nees yarshana; ta adinettidayssa ubbaaka gaththana; ays giikko atoteththi GODAAPPE yees» gi woossides.
\p
\v 10 Hessafe guye GODAY moleza azaziin molezi Yoonaasa biitta bolla cooyides.
\c 3
\s1 Yoonaasa Azazeteth
\p
\v 1 GODAA qaalay nam7anththo Yoonaasakko, 
\v 2 «Dendada he gita katamaa Nannawe baada tani nees yootiza qaalaa isttas awajja» gishe yides.
\p
\v 3 Histtiin Yoonaasi dendidi GODAA qaalaaththo Nannawe bides. Nannawey keehi gita katama; ha gaxappe he gaxa gakkanaas heedzdzu gallas hemeththees. 
\v 4 Yoonaasi Nannawe katama bi gakkidi issi gallassa oge mala katamaas giddo biidi, «Oyddu tammu\f + \fr 3:4 \fr*\ft Oyddu tammu gizayssa laappun tammu eranchchata birsheththan heedzdzu gallas gees.\ft*\f* gallassafe guye Nannawey dhayana» giidi awajjides.
\p
\v 5 Histtiin Nannawe asay Xoossaa ammanidi xooma awajjides; gitatappe guuththata gakkanaas wurikka maaqa may7ida.\x - \xo 3:4-5 \xo*\xt Mato 12:41; Luqa 11:32\xt*\x*
\p
\v 6 Yo7ozi Nannawe kawookko gakkiin izi ba kawoteththaa araataappe wodhdhidi kawoteththaa may7o may7idayssa qaaridi maaqa may7idi bidinththan uttides. 
\v 7 Histtidi Nannawe asaas, «Kawozappenne kawo oosanchchatappe imettida azazo mala hachchife doommidi asinne mehey ubbay aykkoka mooppo; haaththika uyoppo. 
\v 8 Asaykka meheykka wuri maaqa may7o; asi wuri minththidi Xoossako waasso; ba iita ogeppenne qoho oosoppeka simmo. 
\v 9 Histtiko Xoossay nuus qadhettidi nu dhayontta mala ba wolqqama hanqofe simmanaakko oonee erizay» gides.
\p
\v 10 Istti ba iita ogeppe simmidayssa Xoossay be7idi isttas qadhettidi istta bolla ehana gida pirdaa aggides.
\c 4
\s1 Yoonaasa Yiillonne Xoossa Qadheteth
\p
\v 1 Yoonaasi gidikko he hanoza ubbaan ufayettibeenna; hessa gishshas keehi hanqettides; 
\v 2 Hessafe guye GODAA, «Abeet GODAWU! Tani buro ta deren dashe gidayssi hayssa gidennee? Ta ne sinththafe betada Tarseese baanaas eesotidayssi hessassa; qadhetaynne maarotay nenan kumida Xoossaa ne gididayssa, hanqos eesotonttayssanne aggontta siiqon kumidayssa, qasse ehana gida iita miishshika aggiza Xoossa ne gididayssa tani kasekka erays.\x - \xo 4:2 \xo*\xt Kessa 34:6\xt*\x* 
\v 3 Abeet GODAWU! Ha7i ta shemppo ekka; paxa duussafe taas hayqoy lo7o» gi woossides.\x - \xo 4:3 \xo*\xt 1Kawo 19:4\xt*\x*
\p
\v 4 Histtiin GODAY izas, «Tumu ne hayssas hanqettanaas bessizee?» gides.
\p
\v 5 Yoonaasi katamaappe kezi biidi arshey mokkiza baggan uttides; katamaa bolla gakkizaaz beyanaas heen baas daase daasidi iza kuwan uttides. 
\v 6 Arshe seelappe Yoonaasa ashshanaas GODAY issi gose dolisides; he gosey diccidi Yoonaasa kuwasides; Yoonaasi he gosey gishshas keehi ufayettides. 
\v 7 Gido attiin wonteththa gallas maalado Xoossay guxune kiittides; he guxuneya gosey xapho duuththiin goseya meladus. 
\v 8 Arshey mokkiza wode Xoossay xuuggiza carko arshey mokkiza baggafe yeddides; hessafe dendidayssan Yoonaasi daaburana gakkanaas away Yoonaasa hu7e xuuggides; histtiin izi, «Paxa daanaappe taas hayqoy lo7o» gides.
\p
\v 9 Histtiin Xoossay Yoonaasas, «Tumu neni ha gosey gishshas hanqettanaas bessizee?» gides.
\p Yoonaasikka, «Ee! Hayqqana gakkanaas hanqettanaas taas bessees» gides.
\p
\v 10 Histtiin GODAY Yoonaasas, «Issi gallas mokkada, nam7anththo gallas melida goseys neni izin daaburonttaarissinne izo dichchonttaaris hayssa mala mishettaasashin, 
\v 11 ushachchinne hadirs shaakki erontta xeetanne nam7u tammu shiyappe bollara diza dereynne daro mehey diza ha gita Nannawe katamays ta mishettanaas bessennee?» gides.