\id JOB - Gamo Full Bible final version
\ide UTF-8
\h Iyoobe Maxaafa
\toc1 Iyoobe Maxaafa
\toc2 Iyoobe Maxaafa
\toc3 Iyo
\mt1 Iyoobe Maxaafa
\imt1 Giddo Qofa
\ip Iyoobe maxaafan nuni be7iza taarikey wolqqama metoynne qohoy iza bolla gakkida issi suure asa gishshas qonccisees. He addezikka ba naytanne ba haaro ubbaafe mela atoyssafeka bollara iita madunth madunxidi waayettees; hessafe guye ginxo malan heedzdzuto shiiqida haasayan Iyoobinne iza laggeti ha iita waayisiza metozan baas seetettiza yo7oza qoncciseettes; wurseththankka Xoossi Iyoobes qonccisides.
\ip Iyoobe laggeti iza bolla gakkida waayeza gishshas kase bantti eriza haymanote wogappe dendidi banttas diza dumma dumma qofa shiishsheettes; hessika, «Xoossi kiya; asas lo7o woga immees; iita as gidikko qaxxayees» geettes. «Hessaththoka Iyoobe ha ubba metoy gakkiday izi nagara ooththida gishshas gidontta aggenna» geettes. Iyoobe gidikko iza bolla wosoy bayndaadenne suure as gidida gishshas hayssa mala wolqqama qixaatey izas bessenna. Iyoobe mala suure asa bolla hayssa mala wolqqama metoy gakkidayssi birshettontta maaleththo gidides. Ha ubbaa metozan Iyoobe ammanoy yaanne haa qaaxxontta aggikokka tuma pirdiza Xoossay likke pirda izas immidi iza gakkida metozappe kessana malanne kase de7oza izas zaarana mala Xoossa minnidi woosappenne oyshoppe guye gibeenna.
\ip Xoossi Iyoobe iza oychchida oyshatas zaaro maarara maarara immontta aggikokka Iyoobes diza mino ammanoza nashshidi Xoossi ba wolqqanne ba erateththaa malalisiza ogera ginxon izas qonccisides. Hessafe guye Iyoobi Xoossi bayranne era gididayssa shaakki erides. Xoossa Xoossateththa shaakki eridaappe guye kase izi hanqon kumidi kessida deexo qaalata gishshas yeellatidi maaroteththan gelides.
\ip Maxaafaas wurseththa shemppoy Iyoobi bana gakkida metozappe zaaro demmidi kase de7ozan simmidayssanne qasseka haaro baggara kaseyssafe haa aadho demmidayssa qonccisees. Hara baggara qasse Iyoobe bolla gakkida metoy ay gaason iza bolla gakkidaakkon Iyoobe laggetas gelontta gishshas Xoossay istta minththi seerides.
\ip Lose gidida dumma dumma haymanote wogatappe Xoossi ba baggara bayra gididayssa Iyoobi xalala erida gishshas ba laggeta gishshas woossides; Xoossika iza woosaa siyides. Xoossi Iyoobes wurseththa de7oza koyroyssafe aaththi lo7eththides.
\iot Ha Maxaafay Oykkida Kumeththa Qofa
\io1 Iyoobe gakkida metota \ior 1:1—2:13 \ior*
\io1 Iyoobi ba yeleta gallassa qanggides \ior 3:1-26 \ior*
\io1 Koyro yuusho haasaya \ior 4:1—14:22 \ior*
\io1 Nam7anththo yuusho haasaya \ior 15:1—21:34 \ior*
\io1 Heedzdzanththo yuusho haasaya \ior 22:1—26:14 \ior*
\io1 Iyoobes wurseththa haasaya \ior 27:1—31:40 \ior*
\io1 Eelihu haasaya \ior 32:1—37:24 \ior*
\io1 Xoossi koyro yuusho haasayda haasaya \ior 38:1—39:30 \ior*
\io1 Nam7anththo yuusho Xoossa haasayanne Iyoobe zaaro \ior 40:1—42:6 \ior*
\io1 Xoossi Iyoobes zaaro immidi anjjides \ior 42:7-17 \ior*
\c 1
\s1 Iyoobe Bolla Gakkida Paace
\p
\v 1 Uuxe geetettiza deren issi Iyoobe geetettiza asi dees. Izikka iita ubbaafe haakkidaade; wosoy iza bolla bayndaade; Xoossas yayyizaadenne suure asa. 
\v 2 Izas laappun attuma naytinne heedzdzu macca nayti deettes. 
\v 3 Haaro baggarakka izas 7,000 dorsati, 3,000 gaamellati, 500 waaththa booratinne 500 hareti deettes; qasseka keehi daro aylleti deettes. Arshey mokkizaso baggara iza mala durenne gita asi haray deenna.
\p
\v 4 Iyoobe attuma nayti issoy issoy bason taran taran diggisa giigsidi issife shiiqi ufayetteettes; heedzdzu michchetakka banttako xeygisidi isttara issife meettessinne uyeettes. 
\v 5 Diggisa gallassati aadhdhidaappe guye Iyoobi wonttara dendidi ba nayta xeygisidinne issaa issaa sunththan yarsho shiishshees. Izi hessaththo ooththizay, «Ta nayti geelli gidaa Xoossa cayidi awukkora nagara ooththidaakkonne!» guussa hirgan nayta nagarappe geeshshanaas giidi ooththees. Iyoobi hayssa yarsho woga qanxxontta ubba wode ooththees.
\p
\v 6 Gallassatappe issi gallas salo kiitanchchati GODAA sinth shiiqida wode Xala7eykka isttara issife shiiqides.\x - \xo 1:6 \xo*\xt Medhe 6:2\xt*\x* 
\v 7 Xoossika, «Awappe yadii?» giidi Xala7e oychchides. Xala7eykka, «Sa7a gaxa ubbaa yaanne haa yuuyerettada yadis» giidi GODAAS zaarides.
\p
\v 8 GODAY Xala7eza, «Ta aylleza Iyoobe lo7eththa beyadii? Iza mala ammanettidanne suure as biitta bolla beettibeenna; izi iita ubbaafe haakkidi taas yayyiza suure asa» gides.
\p
\v 9 Xala7eykka zaaridi, «Iyoobi nees Xoossaas coo yayyizee? 
\v 10 Izi nees yayyizay neni izanne iza nayta, izas diza haaro ubbaa lo7eththa naagida gishshassa; izi ooththiza oosoza kumeth anjjida gishshassinne daro wude meheta ne izas immida gishshas gidennee? 
\v 11 Ane ne kushe yeddada izas dizayssa ubbaa ne dhayssidaakko tuma izi nena qonccen cayana» gides.\x - \xo 1:9-11 \xo*\xt Ajju 12:10\xt*\x*
\p
\v 12 GODAYKKA Xala7es, «Ero ane Iyoobe bolla issi metokka gaththofa attiin izas diza haaroza bolla ne koyidaazi ooththanawu dandayaasa» gides. Hessafe guye Xala7ey Xoossa sinththafe ke7idi bides.
\s1 Iyoobe Nayta Hayqonne Iza Haaro Dhayo
\p
\v 13 Gallassatappe issi gallas Iyoobe nayti bayra ishason wuri shiiqidi miidinne woyne cajje uyidi ufayetteettes. 
\v 14 He gallas issoy kiitetti yiidi, «Nuni boorata waaxidi goyishin; haretikka nu mata demban heemettishin, 
\v 15 Saaba dere asati yiidi nu bolla ola denththidi ubbaaka di7i ekki bida; ne aylleta ubbatakka mashshan wodhida; tani xalala attada hanida ubbaa nees yootanaas yadis» gides.
\p
\v 16 Koyro kiitanchchay ba haasayza haasaya buro ongontta dishin nam7anththo kiitanchchay yiidi, «Dorsatanne heemmiza heenththanchcha ubbaa wolqqanth saloppe wodhdhidi wodhides; tani xalla attada hanida ubbaa nees yootanaas yadis» gides.
\p
\v 17 Hayssa kiitanchchay haasayi ongontta hara kiitanchchay yiidi, «Heedzdzu butten shaakettida bonqqiza Kaladaawe asati yiidi qoppontta dishin nu bolla iita meto gaththida; gaamellata ubbaa di7i efichchida; ne aylleta ubbaa mashshan wodhida; tani xalla attada hanida miish ubbaa nees yootanaas yadis» gides.
\p
\v 18 Hayssa ha kiitanchchay haasayi ongontta hara kiitanchchay yiidi, «Ne nayti ubbatikka banttas bayra ishason shiiqidi mishenne woyne cajje uyishe ufayettiza. 
\v 19 Bazzofe yida gote carkoy qoppontta dishin yiidi keeththa kumeth shirechchi yeggides; keeththazikka istta bolla wodhdhiin wurikka hayqqida; tani xalla attada hanida miish ubbaa nees yootanaas yadis» gides.
\p
\v 20 Hessafe guye Iyoobi dendidi kayottidi ba may7oza daakkides; ba hu7e bulusides; biittan gufanni goynnides. 
\v 21 «Tani ta aayey uloppe kallo yelettadis; hayqqiza wodekka kallo baana; GODAY immides; GODAY ekkides; GODAA sunththi galatettidaaz gido» gides.
\p
\v 22 Ha paacey ubbay Iyoobe bolla gakkinkka izi ubbaaka nagara ooththibeenna; Xoossa bollaka camo qaala kessibeenna.
\c 2
\s1 Qasseka Iyoobe Gakkida Paace
\p
\v 1 Gallassatappe issi gallas salo kiitanchchati Xoossa sinth shiiqiza wode Xala7eykka isttara issife shiiqides.
\p
\v 2 GODAYKKA, «Awappe yadii?» giidi Xala7e oychchides. Xala7eykka, «Biitta ubbaa bolla yaanne haa simerettada yadis» gides.
\p
\v 3 GODAYKKA Xala7e, «Ta aylleza Iyoobe lo7eththa beyadii? Iza mala ammanettidaynne kiya as biitta bolla beettenna; izi iita ubbaafe haakkidi taas yayyiza suure asa; iza dhayssanaas ne dandayana mala ta nees aaththa immana mala ne tana denththeththiday hadanna. Beya Iyoobi gidikko hanno gakkanaas ba suureteththan minni eqqides» gides.
\p
\v 4 Xala7eykka, «Galba gishshas galba»\f + \fr 2:4 \fr*\ft Galba gishshas galba gizayssi tal7e woykko kushe zaaro gididayssa qonccisees.\ft*\f* gizayssa mala «Asi ba asho ashshanaas gishe baas dizayssa ubbaa immees. 
\v 5 Ha7i gidikko ne kushe iza bolla miccada izas kumeththa asateththa bolla qoho ne gaththidaakko tuma nena qonccera cayana» gides. 
\v 6 GODAYKKA Xala7eza, «Ane lo7o; wodho wodhoppa attiin iza bolla ne koyidayssa ooththanaas dandayaasa» gides.
\p
\v 7 Hessafe guye Xala7ey Xoossa sinththafe ke7idi Iyoobes hu7e binanappe doommidi toho xugunth gakkanawu wolqqama madunththan waayettana mala ooththides. 
\v 8 Hessafe dendidayssan Iyoobi bidinththa bolla uttidi ba madunththa kon7an qaach doommides.
\p
\v 9 Iyoobes machcheya, «Ha7ikka Xoossa bolla diza ne ammanozi mino dizee? Xoossa cayada hayqqa!» gadus.
\p
\v 10 Iyoobikka, «Waanada eeya maccassa haasaya haasayay? Xoossi lo7o miish immiza wode ufayssan ekkoos; ha7i gidikko iita izi nu bolla ehishin iza bolla zuuzumanaas bessizee?» gides. Iyoobi ha ubbaa metoynne waayey iza bolla gakkinkka izi Xoossa bolla iita miish haasaydi nagara ooththibeenna.
\s1 Iyoobe Lagge Heedzdzata
\p
\v 11 Temaane dere as Elfaaze, Shuha dere as Belidaadinne Na7imaane dere as Zoofaare geetettiza heedzdzu laggeti Iyoobes deettes. Isttika Iyoobe bolla gakkida metoza siyida wode izas istti qadhettoyssa qonccisanaassinne iza minththeththanaas bantta dereppe xeygettidi issife Iyoobekko yida. 
\v 12 Buro haakora yishin Iyoobe be7ida; gido attiin izi Iyoobe gididayssa shaakki eranaas dandaybeettenna. Isttas wozinay meqqiin izas mishettidi bantta may7oza daakkida; gudullaza ekkidi pude salo laallida; bantta hu7enkka makkidi addafe waassidi yeeho doommida. 
\v 13 Izas waayeza daraa be7ida gishshas aykko haasayontta izara laappun gallassanne laappun omars biitta bolla uttidi gam7ida.
\c 3
\s1 Iyoobi Ba Yelettida Gallas Qanggeth
\s1 Iyoobe Haasaya
\p
\v 1 Hayssafe guye Iyoobi haasaya doommides; ba yelettida gallassaa,
\q1
\v 2-3 «Tani ta aayey ulon
\q2 medhettida omarsayanne
\q2 tani yelettida gallassaya
\q2 qanggettidayta gidetto!
\q1
\v 4 He gallassay dhuman laametto;
\q2 Salo Xoossay iza qoppofo;
\q2 Poo7oy mulekka izan beettofo.
\q1
\v 5 Shaarumaninne girdi gida dhuman
\q2 kamettidayssa gido;
\q2 shaaray kammiin dhumay
\q2 iza poo7o mitto.
\q1
\v 6 He gallassa omarsayo
\q2 girdi gida dhumay kammo;
\q2 layththa gallassatara
\q2 issife taybettofo;
\q2 aginata qoodan geli qofettofo.
\q1
\v 7 He gallassa omarsay
\q2 aykkoy bayndaaz gido;
\q2 ufayssa qaalaykka izan seetettofo.
\q1
\v 8 Lewataane\f + \fr 3:8 \fr*\ft Lewataane geetettizayssi beni woden haylasho misatiza gita do7akko.\ft*\f* geetettiza do7a
\q2 qaaseththanaas dandayzayti,
\q2 gallassata qanggizayti,
\q2 he gallassayo qanggetto.
\q1
\v 9 He gallassa omars
\q2 bakkale xoolintteti dhumetto;
\q2 poo7o hidotay izan beettofo;
\q2 wontta xalqqey izan xalqqofo.\x - \xo 3:1-9 \xo*\xt Er 20:14-18\xt*\x*
\q1
\v 10 Ta ayfetappe meto genththana,
\q2 ta aayey ulo ta bolla
\q2 gordontta aggida gishshas
\q2 he gallassay qanggettidayssa gido.
\b
\q1
\v 11 «Ta aayey ulon dashe
\q2 haaththe gida attidaakko aazee!
\q2 Ta aayey uloppe ke7ida mala
\q2 ays hayqqabeekkinaa?
\q1
\v 12 Gulbateti tana mokki ekkanaas,
\q2 dhanththatikka tana dhanththanaas
\q2 ays beettidoo?
\q1
\v 13 Ha7i tani saron ichchidaakko,
\q2 dhiskadakka shemppo
\q2 demmanakkoshin.
\q1
\v 14 Ha7i laaletti beettizayta
\q2 baas keexxida biitta kawotaranne
\q2 zorizaytara ta dhiskada
\q2 shemppo demmanakkoshin.
\q1
\v 15 Ba keeththa worqqaninne
\q2 biran kunththida;
\q2 daannatara ta issife
\q2 shempanakkoshin.
\q1
\v 16 Qasseka ays biitta garsan
\q2 moogettida awucaya,
\q2 woykko issi gallassa poo7o
\q2 mulekka be7ontta naa mala
\q2 ays gidabeekkinaa?
\q1
\v 17 Heen iitata waayisoy attana;
\q2 daabursiza ooson
\q2 de7idayti shempana.
\q1
\v 18 Qashetti diza asatikka saro demmana;
\q2 bana oosisiza asata hanqo qaala
\q2 siyanayssafekka attana.
\q1
\v 19 Laafatinne gita asati issife beettana;
\q2 aylletikka heen
\q2 ba godatappe wozzettana.
\b
\q1
\v 20 «Xoossi un7o bolla dizaytas poo7o,
\q2 duussazi camo qofan kumidaades
\q2 de7o ays immizee?
\q1
\v 21 Hayqo laamotizaytassinne
\q2 qotetti diza aqoppe
\q2 aaththi koyidi demmonttaytas
\q2 de7o ays immizee?\x - \xo 3:21 \xo*\xt Ajju 9:6\xt*\x*
\q1
\v 22 Duge duufon gelishe ufayettizaytas
\q2 de7oy ays imettizee?
\q1
\v 23 Izi biza ogey
\q2 izaadefe geemettidaadessinne
\q2 Xoossi gordi woththida asas
\q2 poo7oy ays imettizee?
\q1
\v 24 Yeehoy taas kath gidides;
\q2 waasoykka taas
\q2 goggiza haaththa mala gidides.
\q1
\v 25 Ta yayyida miish ta bolla yides;
\q2 ta dagammidayssika
\q2 ta bolla gakkides.
\q1
\v 26 Ta giddon hirgay xalla diza gishshas
\q2 saroy, woppaynne
\q2 shemppoy deenna» gi qanggides.
\c 4
\s1 Elfaazey Koyro Haasayda Haasaya
\p
\v 1 Temaane dere as Elfaazey hizgi zaarides;
\q1
\v 2 «Iyoobee! Issi asi ne bolla
\q2 wolqqaththi haasaykko
\q2 izaade ne dandayan ezganee?
\q2 Haasayanaappe attiin
\q2 ooni agganee?
\q1
\v 3 Neni daro asata tamaarsadasa;
\q2 daaburda qesetakka minththadasa.
\q1
\v 4 Kase ne qaalati dhuphettizayta
\q2 maaddeetteskoshin;
\q2 neni kokkoriza gulbatetakka
\q2 minththaasakkoshin.
\q1
\v 5 Ha7i gidikko metoy
\q2 ne bolla gakkida gishshas
\q2 hidotay bayndaade gidadasa;
\q2 metoykka ne bolla
\q2 minnida gishshas
\q2 hidota qanxxadasa.
\q1
\v 6 Xoossaas ne yayyiza yashshay
\q2 ammanththizaaz gidennee?
\q2 Ne suure ogetikka
\q2 nees hidotata deettennee?
\q1
\v 7 Xillo as gidi dishin
\q2 iza metoy gakkidaadey,
\q2 suure as gidi dishe
\q2 tim7i gi dhaydaadey,
\q2 diikko ane qoppa.
\q1
\v 8 Tani akeekida mala,
\q2 iitateth goyidi meto zerizayti
\q2 heytantti ba ooththooro
\q2 shiishshana.
\q1
\v 9 Istti Xoossa peenon dhayana;
\q2 iza hanqo dambalan
\q2 istti dippi gi dhayana.
\q1
\v 10 Iitati gaammo mala xaaggana;
\q2 ba qaala dhoqqu ooththidi
\q2 waassana;
\q2 Xoossi gidikko isttas
\q2 achchaa menththereththana.
\q1
\v 11 Gaammoy shankkatidi
\q2 mizaaz dhayda wode
\q2 hayqqiza mala isttika hayqqana;
\q2 gaammo maratikka laalettiza mala
\q2 istta naytikka laalettana;
\q1
\v 12 Gallassafe issi gallas xuura gidida
\q2 kiitay taakko yides;
\q2 hessa he kiitaza saasukeththan
\q2 ta siyadis.
\q1
\v 13 Asay omars wolqqama dhisko
\q2 seerida wode,
\q2 tana iita agumoy agunththides.\x - \xo 4:13 \xo*\xt Iyo 33:15\xt*\x*
\q1
\v 14 Baboynne kokkorsi tana oykkiin,
\q2 taas meqeththati ubbay
\q2 kokkorana mala ooththides.
\q1
\v 15 Ayanay ta sinththara aadhdhides;
\q2 dagamappe dendidayssan
\q2 ta hasay eqqides.
\q1
\v 16 Heenkka issi miishshi
\q2 eqqi dizayssa beyadis;
\q2 tishshi ooththa xeelladis shin
\q2 izi aazakko shaakka
\q2 eranawu dandayabeekke.
\q2 Hessafe guye co7u gidasohoppe
\q2 hizgiza qaala siyadis,
\q1
\v 17 ‹Xoossa sinththan xillo gidi
\q2 beettanaas dandayza asi dizee?
\q2 woykko bana medhdhidayssa
\q2 sinththan
\q2 geeshsha asi beettanee?
\q1
\v 18 Xoossi baas ooththizaytan
\q2 ammanettontta aggiko,
\q2 ba kiitanchchata bollaka
\q2 izi mooro miish
\q2 demmizaaz gidikko,
\q1
\v 19 histtiin haradhdhoy
\q2 montta dishin laalettiza
\q2 istta yochchay biittafe gidida
\q2 urqqafe oosettida keeththa giddon
\q2 dizayta bolla
\q2 waani ammanettanee?\f + \fr 4:19 \fr*\ft Olath geetetizayssi issi issi bagga gamoththo qaalan haradhdho geetettees.\ft*\f*
\q1
\v 20 Maaladoppenne omarsafe giddon
\q2 istti meqerettana;
\q2 erettontta dishin
\q2 istti mernaaskka dhayana.
\q1
\v 21 Tole dhishkey
\q2 shodettichchida
\q2 dunkaane mala
\q2 istti erateththi baynda hayqqana.›
\c 5
\q1
\v 1 «Iyoobee! Ne xeygiin
\q2 nees koyanaadey diikko xeyga;
\q2 nees maado immana mala
\q2 kiitanchchatappe
\q2 awayssako xeellay?
\q1
\v 2 Eeya as yiilloy wodhana;
\q2 qanaateykka as dhayssana.
\q1
\v 3 Eeya asi minnidi dishin beyadis;
\q2 gido attiin iza aqoy
\q2 qoppontta dishin
\q2 Xoossa hanqon laalettides.
\q1
\v 4 Iza naytikka ba de7ozas
\q2 ammanththizaaz demmettenna;
\q2 dubbushankka istta gishshas
\q2 haasayza as
\q2 istti demmontta gishshas
\q2 istta bolla qohoy gakkana.
\q1
\v 5 Izi zerida kaththaaka
\q2 koshattida asati maana;
\q2 haray attiin agunththa giddon
\q2 mokkidayssaka izas ashshettenna;
\q2 Saametti uttida asati
\q2 iza haaroza ekkanaas amotteettes.
\q1
\v 6 Metoy coo biittafe dendenna;
\q2 waayeykka gadeppe coo kezenna.
\q1
\v 7 Tama finxeththi bonqofe dendidi
\q2 pude finxiza mala,
\q2 asikka waayes yelettees.
\b
\q1
\v 8 «Tani nena gididaakko
\q2 Xoossa woossana;
\q2 ta meto ubbaa izas qonccisana.
\q1
\v 9 Izi qooday baynda
\q2 malalisiza miish,
\q2 pilggiin gakettontta
\q2 gita miish ooththees.
\q1
\v 10 Biitta bolla ira bukisees;
\q2 goshshatakka
\q2 haaththan shugisees.
\q1
\v 11 Kawuyidayta bonchchon
\q2 dhoqqu histtees;
\q2 muuzottizayta minththeththidi
\q2 ufayssees.
\q1
\v 12 Istta oosoy polettontta mala
\q2 gene asata qofa hada ooththees.
\q1
\v 13 Cinccata istta gene oosozan
\q2 zaari oykkees.
\q2 Gene asata qofaakka
\q2 eesora dhayssees.\x - \xo 5:13 \xo*\xt 1Qoro 3:19\xt*\x*
\q1
\v 14 Gallassay isttas dhuma gidees;
\q2 buro seeta gallassan
\q2 omars dhuma giddon diza mala
\q2 istti tattafettana.
\q1
\v 15 Manqota istta morkketa
\q2 mashshafe ashshees;
\q2 metotanchchatakka
\q2 waayisizayta kusheppe
\q2 kessi ekkees.
\q1
\v 16 Manqotas hidota immees;
\q2 makkallateththika
\q2 biitta bollafe dhayssees.
\b
\q1
\v 17 «Xoossi seeriza asi anjjettidayssa;
\q2 hessa gishshas Ubbaa Dandayza
\q2 Xoossa seera leqqofa.\x - \xo 5:17 \xo*\xt Leemi 3:11; Ib 12:5-6\xt*\x*
\q1
\v 18 Xoossi madunththikokka
\q2 zaaridi paththees;
\q2 izi menththees;
\q2 ba kushen zaaridi koolees.\x - \xo 5:18 \xo*\xt Hose 6:1\xt*\x*
\q1
\v 19 Usuppun qommo boshappe
\q2 nena ashshi ekkana;
\q2 laappunththazanka ay qohoykka
\q2 ne bolla gakkenna.
\q1
\v 20 Kosha layththan izi nena
\q2 shemppora paxa woththana;
\q2 ola layththankka izi nena
\q2 hayqoppe ashshana.
\q1
\v 21 Xoossi nena iita
\q2 inxarsafe naagana;
\q2 boshay ne bolla
\q2 yiikkoka yayyaka.
\q1
\v 22 Wolqqamata qohoynne
\q2 koshay nena daganththenna;
\q2 biitta do7ataska ne yayyaka.
\q1
\v 23 Ne goyiza gaden nena
\q2 shuchchi waayisenna;
\q2 do7atarakka ne saron daana.
\q1
\v 24 Ne keeththan saroy kumanayssa
\q2 ne shaakka erana;
\q2 ne mehe xeellishin
\q2 aqoppe paccenna.
\q1
\v 25 Ne zereththay daranayssa ne erana;
\q2 ne zereththayka demban diza
\q2 maata mala darana.
\q1
\v 26 Kaththi kaxxidi maxettizayssa mala
\q2 nekka lo7eththa cimmada
\q2 duufon baana.
\q1
\v 27 Nuni hayssa ubbaa pilggidi
\q2 tumu gididayssa eridos;
\q2 nenikka akeekada
\q2 hayssa ooson peysha.»
\c 6
\s1 Iyoobe Haasaya
\p
\v 1 Hayssafe guye Iyoobi hizgi zaarides;
\q1
\v 2 «Ta muuzoteththi geeddaretti
\q2 uttidaakko aazee dizay!
\q2 ta metoy ubbay
\q2 geeddaran geeddaretti uttidaakko
\q2 aazee dizay!
\q1
\v 3 Abba lanqen diza
\q2 aceppe aadhdhi
\q2 deexxanakkoshin;
\q2 hessa gishshas dandayay paccida
\q2 ta haasayay
\q2 nena malalisanaas bessenna.
\q1
\v 4 Ubbaa dandayza Xoossay
\q2 tana ba yiishshatan caddides;
\q2 istta marzetikka
\q2 ta asateththa giddon laalettida;
\q2 daganththiza Xoossa boshay
\q2 ta yuushon yuuyi aadhdhides.
\q1
\v 5 Tumappe hardiday cilila maata
\q2 demmidi caaggi erizee?
\q2 Booraykka basso maata demmiko
\q2 xaaggi erizee?
\q1
\v 6 Maxiney gelontta mal7ontta
\q2 kaththi meetettizee?
\q2 Phuuphphulle haaththi mal7izee?
\q1
\v 7 Hayssa mala kath
\q2 maanaas koykke;
\q2 muusi attiin kushenkka bochchike.
\b
\q1
\v 8 «Ta amottizayssa Xoossi
\q2 taas immidaakko aazee dizay!
\q2 Izi ta waaso siyidaakko
\q2 aazee dizay!
\q1
\v 9 Hayssa ubbaafe izas shene gidiin
\q2 izi tana menththereththi
\q2 yeggizaakko!
\q2 Ba kusheza yeddidi
\q2 izi tana dhayssidaakko!
\q1
\v 10 Shempo immontta ay hargey
\q2 tana sakkikokka
\q2 tani ufayssan guppana;
\q2 tani Geeshshaza qaala
\q2 ay wodenkka kaddabeekke;
\b
\q2
\v 11 «De7on de7ana mala dandayza
\q2 ay minoteththi taas dizee?
\q2 Hidotay baynda aggiko
\q2 ays de7azinaa?
\q1
\v 12 Tani shuchcha mala minoo?
\q2 Ta asateththayka
\q2 xarqimalaththo minoo?
\q1
\v 13 Tana maaddanaas
\q2 taas aykko wolqqay deenna;
\q2 taas diza wolqqay
\q2 ubbay eketichchides.
\b
\q1
\v 14 «Ubbaa Dandayza Xoossas
\q2 yash aggidaadessinne
\q2 daaburdaadeska iza laggey
\q2 izas kiyateth bessanaas koshshees.
\q1
\v 15 Ta ishati gidikko haroy harotti
\q2 wodhidaappe guye meliza
\q2 ammanththontta
\q2 shaafata mala baleththizayta.
\q1
\v 16 Shaafatan balgo balgo
\q2 shachchi kumees.
\q1
\v 17 Bone aginatan gidikko
\q2 maayi dhayees;
\q2 shaafatikka haaththi baynda
\q2 melata gideettes.
\q1
\v 18 Caana meheta laaggi ogera biza
\q2 asati haath koshshas
\q2 ogeppe ke7i bazzo biitta gelidi
\q2 toylu toylishe dhayeettes.
\q1
\v 19 Teema biittafe biza mandara asati
\q2 haaththe koyeettes;
\q2 Saaba dere zal7anchchatikka
\q2 haaththe demmanaas
\q2 hidota ooththeettes.
\q1
\v 20 Banti ammanetti uttida shaafati
\q2 melidayssa be7idi
\q2 hidota qanxxeettes;
\q2 haaththaako gakkiza wode
\q2 yiilloteettes.
\q1
\v 21 Intteka taas hayta
\q2 ha shaafata mala;
\q2 ta bolla gakkida metoza be7idi
\q2 gede guye baqatideta.
\q1
\v 22 Histtiin ta inttena hessa woykko
\q2 hayssa taas immite,
\q2 woykko intte haarozappe kessidi
\q2 tana ashshite gadinaa?
\q1
\v 23 Qasse ta morkketa
\q2 kusheppe tana ashshite;
\q2 woykko tana waayisizayta
\q2 kusheppe tana
\q2 kessi ekkite gadinaa?
\b
\q1
\v 24 «Tana tamaarsite;
\q2 tanikka co7u gaana;
\q2 ta moorozakka tana bessite.
\q1
\v 25 Tuma qaalay
\q2 camo gidikkoka ekettees;
\q2 intte walassay gidikko
\q2 aykkoska go7enna.
\q1
\v 26 Intte ta haasaya
\q2 carko mala qoodeeta;
\q2 histtiko hidota qanxxida taas
\q2 zaaro immanaas ays koyeetii?
\q1
\v 27 Yi7o nayta bolla saama yeggeeta;
\q2 intte intte siiqo laggeta
\q2 bayzanaas miishshan
\q2 marshetteetii?
\b
\q1
\v 28 «Ane tana haa xeellite;
\q2 intte sinththan ta wordotadinaa?
\q1
\v 29 Inttes qoho gidontta mala simmite,
\q2 tani likke asakko!
\q1
\v 30 Tumukka ta inxarsan
\q2 qohoy beettanee?
\q2 Ta doonaykka gene miish
\q2 shaakki eranaas dandayennee?
\c 7
\p
\v 1 «Asas biitta duussay baaxe duus deennee?
\q2 Isttas gallassayka
\q2 une ooththiza oosanchchata
\q2 gallassa mala gidennee?
\q1
\v 2 Isttika kuwa garsan shempanaas
\q2 amottiza oosanchchatanne
\q2 ba damoza ekkanaas naagiza
\q2 une asa mala gidettennee?
\q1
\v 3 Ta daaburda aginati taas
\q2 go7ay bayndayta gidida;
\q2 meto omarsatikka
\q2 taas qofa omars gidida.
\q1
\v 4 Ichchiza wode awude
\q2 dendandinaasha gaada qoppays;
\q2 omarsayka gidikko
\q2 taas gede aduqqees;
\q2 tanikka wonttana gakkanaas
\q2 haa hee shirettashe aqays.
\q1
\v 5 Taas kumeththa asateththay
\q2 guxunen kumides;
\q2 taas ashoykka madunxi goggides;
\q2 taas madunththayka
\q2 dhuuqqidi uzazees.
\q1
\v 6 Ta layththata gallassati
\q2 daththa mooqe xongeththafe
\q2 eesoteettes;
\q2 issi hidotay baynda
\q2 wurseth gakkeettes.
\q1
\v 7 Ta Godawu! Ta shemppoya
\q2 peeno mala gididayssa qoppa;
\q2 hayssafe guye ubbaka
\q2 lo7o miish demmike.
\q1
\v 8 Ha7i tana be7izayssi
\q2 nam7anththo zaaridi beyenna;
\q2 izi koyzaa gidikkoka
\q2 tana demmanawu dandayenna.
\q1
\v 9 Shaaray laaletti dhayzayssa mala
\q2 hayqqidi duufon biza asi
\q2 haa simmidi yeenna.
\q1
\v 10 Nam7anththo zaaridi
\q2 baso simmenna;
\q2 izaade erizayti ubbay
\q2 iza balettana.
\b
\q1
\v 11 «Hayssafe guye co7u giikke!
\q2 Taas ayanay ceecidayssafe
\q2 dendidayssan ta haasayays;
\q2 ta shemppoya irayettida
\q2 gishshas zuuzumays.
\q1
\v 12 Hayssa likke naagettizaade
\q2 ne tana ooththiday tani abbayee?
\q2 Woykko abba giddon diza
\q2 do7aayee?
\q1
\v 13 Ta hiixay tana minththeththees;
\q2 ta ichchizasoy
\q2 ta sakoza baleththees
\q2 gaada ta qoppadis.
\q1
\v 14 Neni gidikko tana
\q2 agumon yashissaasa;
\q2 ajjuutankka daganththaasa.
\q1
\v 15 Hayssa metoy darida asateththa
\q2 tookkada daanaappe
\q2 ta cuuletta
\q2 hayqqanayssa doorays.
\q1
\v 16 Hidota qanxxadis;
\q2 daanaaska ta koykke;
\q2 taas layththayka
\q2 qaanth gidida gishshas
\q2 tana aggaaga.
\b
\q1
\v 17 «Ne soho immanaassinne
\q2 qoppanaas asi aazee?\x - \xo 7:17 \xo*\xt Maza 8:4; 14:3\xt*\x*
\q1
\v 18 Wonttan wonttan pilggana mala,
\q2 woden wodenkka
\q2 ne paaccana mala asi aazee?
\q1
\v 19 Cuch mittiza
\q2 guuththa wodekka taas immikii?
\q1
\v 20 Asa kaalettiza Godawu!
\q2 Tani nagara ooththoyssan
\q2 neni ay qohettadii?
\q2 Ays ta bolla ne toora zaaradii?
\q2 Ays hayssa keena
\q2 ta nena deexxadinaa?
\q1
\v 21 Ubbaaka ta nagara atto giikkii?
\q2 Ta ooththiza qoho
\q2 taappe diggikii?
\q2 Ta duufon
\q2 gelana wodey gakkides;
\q2 hayssafe guye ne tana
\q2 koyidaakkoka ta beettike.»
\c 8
\s1 Belidaade Haasaya
\p
\v 1 Shuha dere as Belidaade geetettizayssi hizgidi zaarides;
\q1
\v 2 «Ne doonappe ke7iza qaalati
\q2 gote carko mala;
\q2 awude gakkanaas hayssaththo
\q2 ne haasayanee?
\q1
\v 3 Xoossi pirda bokkasi erizee?
\q2 Ubbaa Dandayza Xoossay
\q2 xilloteth bokkasi erizee?
\q1
\v 4 Ne nayti Xoossa qohidaa gidikko,
\q2 istti bantta pirda ekkida guussa.
\q1
\v 5 Gidikkoka ne Xoossako simmiko,
\q2 Ubbaa Dandayza
\q2 Xoossa woossiko,
\q2
\v 6 suurenne geesh gidikko
\q2 izi eesoti nees bessiza sohon
\q2 nena zaarana.
\q1
\v 7 Ne doomeththay
\q2 guuth misatikkoka,
\q2 nees poloy keehi lo7o gidana.
\b
\q1
\v 8 «Ane kase yeleta oychcha;
\q2 kase aawati gakkidasoza
\q2 pilgga xeella.
\q1
\v 9 Nu layththazi
\q2 buro guuth gidida gishshas
\q2 nuni aykkoka erokko;
\q2 nu layththayka
\q2 eesho mala aadhdhizaaza.
\q1
\v 10 Istti nees tamaarsizayssinne
\q2 nees yootizayssi
\q2 ba akeekizayssafe
\q2 ekkidi gidennee?
\q1
\v 11 Tumukka carey bayndason
\q2 shacca maatay mokki erizee?
\q2 Haaththi bayndason
\q2 marcoy cililizee?
\q1
\v 12 Hayssi hanontta aggiko diccidi
\q2 buuch gakkanaappe sinththan
\q2 buro cililan dishe melees.
\q1
\v 13 Xoossa dogiza asata
\q2 ubbaa wurseththay
\q2 hessa mala hanana;
\q2 Xoossi baawa giza asata
\q2 hidotay qanxxettana.
\q1
\v 14 Achcharo keeththa mala
\q2 miishshan ammanetteettes;
\q2 istti hidota ooththiza
\q2 miishshi diikkoka
\q2 kawushshara dhayana.
\q1
\v 15 Achcharo keeththa bolla
\q2 istti zemppizaa gidikko
\q2 izi minni eqqenna;
\q2 achcharo keeththaza izi oykkiko
\q2 duuxeretti wodhdhana.
\q1
\v 16 Haaththa kallida harumay
\q2 ho7o demmidi daayees;
\q1
\v 17 Xaphoza shuchcha
\q2 muuhe giddon yeddees;
\q2 zaalla za7an xaphees.
\q1
\v 18 Ba dizasoppe shodettiza wode
\q2 izi dizasozi erettenna.
\q1
\v 19 Iza wurseththi hessa mala gidees;
\q2 hara maatati biittafe doleettes.
\b
\q1
\v 20 «Xoossi wosoy baynda
\q2 asata olenna;
\q2 iita asata qese minththenna.
\q1
\v 21 Hessa gishshas nenikka
\q2 ufayssan miiccana malanne
\q2 ‹Ililana› mala izi ooththana.
\q1
\v 22 Nena ixxiza asati gidikko
\q2 yeella may7ana;
\q2 iita asata keeththika dhayana.»
\c 9
\s1 Iyoobe Haasaya
\p
\v 1 Iyoobi hizgi zaarides;
\q1
\v 2 «Ee! Tani hayssa
\q2 tumu gididayssa erays;
\q2 gido attiin asi Xoossa sinththan
\q2 waani xillo gidanaas dandayzee?\x - \xo 9:2 \xo*\xt Iyo 4:17\xt*\x*
\q1
\v 3 Izarakka ooni marshettanaas
\q2 dandayzee?
\q2 Izi issi shii oyshota
\q2 oychchizaa gidikko
\q2 isttafe issinokka zaaranaas
\q2 dandayzaadey deenna.
\q1
\v 4 Xoossi eranchchanne wolqqama;
\q2 oonee izara eqettidi xoonettonttay?
\q1
\v 5 Akeekontta zumata kokkorsana;
\q2 ba hanqozankka
\q2 shirechchi yeggana.
\q1
\v 6 Xoossi biitta dizasoppe kokkorsana;
\q2 biitta tuussatakka qaaseththana.
\q1
\v 7 Awa arshey mokkontta mala
\q2 ooththanawu dandayees;
\q2 Xoolinttetikka
\q2 poo7isontta mala
\q2 ooththana.
\q1
\v 8 Oonikka maaddontta dishin
\q2 salota micciday iza;
\q2 izi abba dambala bolla hemettees.
\q1
\v 9 Zardo, Ooriyoninne
\q2 Piliyaadise geetettiza Xoolintteta,
\q2 qasseka duge baggara diza
\q2 daro Xoolintteta,
\q2 salo bolla medhdhi
\q2 woththiday Xoossa.\x - \xo 9:9 \xo*\xt Iyo 38:31; Amo 5:8\xt*\x*
\q1
\v 10 Izi ooththiza malalisiza miishshata
\q2 nuni pilggidi
\q2 akeekanawu dandayokko;
\q2 izi poliza makkalla miishshata
\q2 nuni qoodanawu dandayokko.
\b
\q1
\v 11 «Xoossi ta matara aadhdhikokka
\q2 ta demmike;
\q2 haa taakko shiiqikkoka
\q2 shaakkada erikke.
\q1
\v 12 Izi ba koyidayssa ekkiko
\q2 oonikka iza diggenna;
\q2 ‹Ays hayssaththo ooththay?› giidi
\q2 iza oychchanaas xalizay deenna.
\q1
\v 13 Xoossay ba hanqozappe
\q2 guye simmenna;
\q2 Era7aabe geetettiza
\q2 abba giddo do7ata
\q2 maaddizaytikka
\q2 iza toho garsan gulbatana.
\b
\q1
\v 14 «Histtiin tani izas zaaro
\q2 waana immana dandayazinaa?
\q2 Izara marshettanaas
\q2 ay qaala ta demmanee?
\q1
\v 15 Geesh gida ta beettidaakkoka;
\q2 ta bolla pirdizaadey
\q2 tana maarana mala
\q2 woossana attiin
\q2 izas zaaro immanaas xalikke.
\q1
\v 16 Ta iza sunththa xeygikko
\q2 izi zaaro taas immizaa gidikkoka
\q2 ta magana izi siyana gaada
\q2 ta ammanettike.
\q1
\v 17 Izi tana gote carkon liiqisana;
\q2 aykko gaasoykka baynda
\q2 taas madunththaa ha darsana.
\q1
\v 18 Shempo ta zaarana wodey
\q2 gakkanaaska
\q2 taas shemppo immenna;
\q2 ta shemppon waaye kunththides.
\q1
\v 19 Taas diza wolqqan
\q2 ta izara baaxetana gontta mala
\q2 wolqqan izara eqettidi
\q2 dandayanay deenna;
\q2 ta mootettada iza
\q2 laththana gontta mala
\q2 iza pirdiza asataakko
\q2 shiishshanaas
\q2 dandayza asi deenna.
\q1
\v 20 Tani geeshshinne xillokoshin
\q2 ta haasayay tana
\q2 qohanchcha kessees;
\q2 ta haasayza haasayati ubbay
\q2 ta bolla pirdeettes.
\b
\q1
\v 21 «Aykkoka tani
\q2 borey bayndaade gidikkoka
\q2 ta gishshas qoppike;
\q2 ta shemppoyokka harassetays.
\q1
\v 22 Xoossi xillozanne qohanchchazakka
\q2 dhayssiza gishshas
\q2 aykko dummateththika deenna
\q2 ta giday hessa gishshassa.
\q1
\v 23 Asi iita meton wurshin
\q2 izi geeshsha asa meto qidhees.
\q1
\v 24 Biittay iita asata kushen
\q2 aadhdhi imettishin
\q2 izi pirdiza asata ayfe goozees;
\q2 hayssa ooththiday Xoossa
\q2 gidontta aggiko haray oonee?
\b
\q1
\v 25 «Ta layththati woxxizaytappe
\q2 haa aadhdhi eesoteettes;
\q2 aykko ufayssika
\q2 ta demmontta aadhdheettes.
\q1
\v 26 Isttika sookke gizayssafe oosettida
\q2 wogolo mala eesoteettes;
\q2 baqqi ekkiza golle kafo mala
\q2 eesoteettes.
\q1
\v 27 Tani ta zuuzunththaa balana;
\q2 ‹Ta sinththaaka kareththo aggada
\q2 ane poo7isa bessays› giikko,
\q2
\v 28 Xoossi tana geesh ooththidi
\q2 qoodonttayssa tani eriza gishshas
\q2 metoynne waayey
\q2 ta bolla gakkana gaada yayyays.
\q1
\v 29 Histtiin ta qohanchcha
\q2 geetetta qoodettidaa gidikko
\q2 taas hada daaburay aazassee?
\q1
\v 30 Tani ta asateththa
\q2 saamunan meeccizaa gidikko,
\q2 ta kushezakka
\q2 keeha geeshshizaa gidikko,
\q1
\v 31 ha ubbaa ooththiinkka
\q2 neni duge iita ciimman tana olana;
\q2 ta may7otikka tana shaatettana.
\q1
\v 32 Izi ta mala as gidontta gishshas,
\q2 pirdiza asataakko biidi
\q2 pirdettoos gaanawu dandaykke.
\q1
\v 33 Nu bolla ba kusheza
\q2 gaththi woththidi
\q2 pirdi nuna shaakkiza asi
\q2 nu giddon dizaakko,
\q2
\v 34 iza teemateththi
\q2 tana hirgisontta mala
\q2 Xoossi ba guufeza
\q2 ta bollafe denththidaakko,
\q1
\v 35 tani izas yayyontta
\q2 haasayanakkoshin;
\q2 ha7i gidikko ta diza hanon dashe
\q2 haasayana dandaykke.
\c 10
\q1
\v 1 «Duussi tana saleththides;
\q2 ta de7iza camo de7oza
\q2 qonccen sissana.
\q1
\v 2 Tani Xoossa hizgana;
\q2 ta bolla nees lancey diikko
\q2 taas qonccisa attiin
\q2 ta bolla pirdofa!
\q1
\v 3 Hayssa likke ne tana metoththoyssi
\q2 nees wogaa?
\q2 Neni nerkka medhdhida asaa
\q2 ne kadhanaas nees bessizee?
\q2 Iita asata duulatay
\q2 nena ufayssizee?
\q1
\v 4 Ne ayfey asa ayfe malaa?
\q2 Woykko ne asaththo xeellay?
\q1
\v 5 Ne wodeti asayssa malaa?
\q2 Woykko ne layththati
\q2 asa layththa mala qaanththee?
\q1
\v 6 Ays ne ta qohoza xeellay?
\q2 Ays ne ta nagarakka
\q2 kaalla kaallada aggontta ixxay?
\q1
\v 7 Tani qohonttayssanne
\q2 ne kusheppe oonikka
\q2 tana ashshonttayssa ne eraasa.
\q1
\v 8 Taas medhanne mala
\q2 immi medhdhiday
\q2 ne kusheta;
\q2 histtiin ha7i ha kusheti
\q2 tana zaari laalli dhayssanee?
\q1
\v 9 Mana miishsha mala ne tana
\q2 biittafe medhdhoyssa qoppa;
\q2 histtiin ha7i ne tana
\q2 gudulla mala liiqisanee?
\q1
\v 10 Tana maaththa mala tigada,
\q2 meqo maaththa mala
\q2 irkkisa ooththadasa.
\q1
\v 11 Ta asateththa galbaninne
\q2 ashon kammadasa;
\q2 meqeththaninne shayan
\q2 gaththa oyththadasa.
\q1
\v 12 De7onne mernaa siiqo
\q2 taas immadasa;
\q2 ne naagoykka
\q2 ta ayana minththides.
\b
\q1
\v 13 «Hekko hayta ha miishshata
\q2 ne wozinan
\q2 qotta woththada daasa;
\q2 ne qofaykka hayssa gididayssa
\q2 ta eradis.
\q1
\v 14 Ta qohidaa gidikko
\q2 ne ayfeti beyana;
\q2 ta nagara gishshas
\q2 tana qaxxayontta aadhdhaka.
\q1
\v 15 Ta nagara ooththidaakko
\q2 eesora meto giddon kundana;
\q2 lo7o miish ooththidaa gidikkoka
\q2 galatetikke;
\q2 ta gilqiin yeellay tana gakkides.
\q1
\v 16 Ta otorettidaakko
\q2 ne tana gaammo mala
\q2 shankkatada oykkana;
\q2 ne tana qohanaas
\q2 zaara zaara shankkatana.
\q1
\v 17 Ta bolla markkattiza asata
\q2 ne ubbaa gallas demmana;
\q2 ta bolla ne hanqoy
\q2 gede dari dari baana;
\q2 neni tana qohanaas
\q2 ubba gallas ooraththa qofata
\q2 ola asata mala
\q2 ta bolla denththaasa.
\b
\q1
\v 18 «Ta Godaa Xoossawu!
\q2 Ays ta yelettana mala ooththadii?
\q2 Oonikka tana be7ontta
\q2 ta hayqqaychchidaakko
\q2 lo7okkoshin!
\q1
\v 19 Ta medhettontta attarkina;
\q2 tani ta aayey uloppe
\q2 duufon bidaakko
\q2 taas lo7o gidanakkoshin!
\q1
\v 20 Ta daana layththaya
\q2 qaanth gidekkee?
\q2 he qaanththa layththayn
\q2 guuththara ta ufayettana mala
\q2 tana aggarkkii!
\q1
\v 21 Hessika tani nam7anththo
\q2 haa simmanaas dandayontta
\q2 girdi gida dhumaso
\q2 baanaappe sinththana.
\q1
\v 22 Ta baanaasozi dhuma kuwaynne
\q2 shiroy kumida biitta;
\q2 heen diza poo7ozi dhuma mala.»
\c 11
\s1 Zoofaare Haasaya
\p
\v 1 Na7imaane dere as Zoofaarey hizgides;
\q1
\v 2 «Hayssa ha hada qaalatas ubbaas
\q2 zaaro immizay baye?
\q2 Asi haasaya daron
\q2 xillo gidana dandayzee?
\q1
\v 3 Iyoobee! Ne haasayda
\q2 hada haasayatas
\q2 zaaroy imettontta misatizee?
\q2 Ne hayssa mala qilccishin
\q2 nena seerana asi
\q2 bayndaz misatizee?
\q1
\v 4 Ne qofan, ‹Tani xillo› gaasa;
\q2 Xoossaska, ‹Ne sinththan
\q2 tani geeshsha› gaasa.
\q1
\v 5 Xoossi nees haasaydaakkonne
\q2 likke zaaro immidaakko
\q2 aazee dizay!
\q1
\v 6 Erateththas ogey
\q2 daro gidida gishshas,
\q2 Xoossay nees erateththa
\q2 xuura qonccisidaakko
\q2 aazee dizay!
\q2 Hessa gishshas
\q2 Xoossi nena qaxxayizay
\q2 nees bessizayssafe
\q2 guuththara gididayssa era.
\b
\q1
\v 7 «Neni Xoossas ciimma gidida xuura
\q2 eranaas dandayay?
\q2 Ubbaa Dandayza Xoossa
\q2 pilggada gakkanawu dandayay?
\q1
\v 8 Iza gitateththay saloppe bolla;
\q2 neni ay ooththanawu dandayay?
\q2 Iza ciimmateththayka
\q2 si7ooleppeka ziqqa;
\q2 neni ay eray?
\q1
\v 9 Xoossa gitateththay biittafe darees;
\q2 abbafe aakkees.
\q1
\v 10 Xoossi yiidi qachchiko,
\q2 gede pirda keeth shiishshidaakko
\q2 oonee iza digganay?
\q1
\v 11 Xoossi go7ontta asata erees;
\q2 izi qoho beyishe
\q2 co7u giidi xeellenna.
\q1
\v 12 Eeya asi eranchcha gidanaappe
\q2 harey as gididi
\q2 yelettanayssi kawuyana;
\q2
\v 13 Gidikkoka neni
\q2 ne wozina suurisikko,
\q2 ne kusheza miccada
\q2 pude Xoossako woossiko,
\q2
\v 14 Neni nagarappe haakkiko,
\q2 iita miishshika
\q2 neson beettontta mala
\q2 ne ooththiko,
\q2
\v 15 he wode dhoqqu gaada
\q2 yeellay baynda ubbaa miish
\q2 ne beyana;
\q2 yeellay baynda
\q2 minna eqqanawu dandayaasa.
\q1
\v 16 Ne metoza ubbaa ne dogana;
\q2 ne akeekizaykka
\q2 aadhdhi bichchida
\q2 haro haaththa mala gidana.
\q1
\v 17 Ne shemppoya seeta gallassa
\q2 awappe aadhdhada poo7ana;
\q2 dhumaykka wontta
\q2 poo7o mala gidana.
\q1
\v 18 Nees hidotay diza gishshas
\q2 nenikka ammanettada daana;
\q2 Xoossi nena naagiza gishshas
\q2 neni hirgay baynda
\q2 woppu gaada daana.
\q1
\v 19 Ne oonaska babbontta ichchana;
\q2 daro asatikka ne sinththan
\q2 bonchcho demmanaas koyana.
\q1
\v 20 Iitata ayfey qooqana;
\q2 istti attana ogeti ubbay
\q2 gorda gidana;
\q2 istta wurseththayka hayqo.»
\c 12
\s1 Iyoobe Haasaya
\p
\v 1 Iyoobi hizgi zaarides;
\q1
\v 2 «Tumukka intte keehi eranchchata;
\q2 intte hayqqishinkka erateththi
\q2 inttenara issife hayqqana
\q2 misatees.
\q1
\v 3 Gido attiin taaska intteyssa mala
\q2 akeekay dees;
\q2 tani inttefe
\q2 ay miishshankka guuxxike;
\q2 intte haasaydayssa
\q2 asi ubbay erees.
\b
\q1
\v 4 «Ta Xoossa xeygiin
\q2 taas izi zaarida wodey dees;
\q2 ha7i tani ta laggetas
\q2 qidhes gidadis;
\q2 mooroy baynda xillo
\q2 tani asa ubbaas qidhes attadis.
\q1
\v 5 Metoy iza bolla gakkontta asa
\q2 matan metotida asa meto
\q2 leqqanayssi kawushsha miishsha;
\q2 gido attiin kundanaas
\q2 gandigarzaade sugi yeggeeta.
\q1
\v 6 Ba eeqa xoossata goynnizayti,
\q2 kaysotinne xoossa kaddida
\q2 asatikka saron deettes.
\b
\q1
\v 7 «Gidikkoka medosata oychcha;
\q2 istti nena tamaarsana;
\q2 salo kafota oychcha;
\q2 istti nees yootana.
\q1
\v 8 Woykko biittays yoota;
\q2 izakka nena tamaarsana;
\q2 abba giddo moletikka
\q2 nees yootana.
\q1
\v 9 Hayssa ubbaa giddofe Xoossa kushey
\q2 hayssa ooththidayssa
\q2 eronttay oonee?
\q1
\v 10 Shemppora paxa diza
\q2 medheteththi ubbaynne
\q2 issi issi asa shemppoy
\q2 Xoossa maata giddon dees.
\q1
\v 11 Inxarsi kaththa qaana
\q2 shaakki erizayssa mala,
\q2 hayththika haasaya qommota
\q2 shaakki erees.
\q1
\v 12 Erateththay cimateththan,
\q2 akeekaykka layththa
\q2 adussateththan beetteettes.
\b
\q1
\v 13 «Xoossas gidikko
\q2 aadho erateththinne
\q2 wolqqay dees;
\q2 zoreynne akeekay
\q2 iza matappe beetteettes.
\q1
\v 14 Xoossi laallidayssa
\q2 oonikka zaari keexxanawu
\q2 dandayenna;
\q2 Xoossi qachchidayssa
\q2 oonikka birshanawu dandayenna.
\q1
\v 15 Xoossi ira diggiko kosha gidana;
\q2 ira bukisikko
\q2 qasse biittay haron meecettana.
\q1
\v 16 Xoossi minonne xoonizaade;
\q2 balettizaadeynne
\q2 baleththizaadey,
\q2 nam7atikka iza godateththa
\q2 garsanna.
\q1
\v 17 Izi zorizayta
\q2 erateth diggana;
\q2 dere kaaleththizayta
\q2 izi eeya ooththana.
\q1
\v 18 Izi kawota kawoteththa
\q2 araataappe woththana;
\q2 qasho asa mala dancco birshisana.
\q1
\v 19 Qeesetappe istta qeeseteththaa
\q2 woththi ekkidi istta gooddana;
\q2 godateththa bolla dizayta
\q2 istta godateththafe diggana.
\q1
\v 20 Ammanettida asata co7u ooththana;
\q2 cimatappeka akeeka diggana.
\q1
\v 21 Gita asata yeellachchana;
\q2 wolqqamata wolqqa diggana.
\q1
\v 22 Dhumason qotettida
\q2 xuura qonccisana;
\q2 sakkanna dhuma
\q2 poo7on laammana.
\q1
\v 23 Kawotakka gitasana;
\q2 zaaridikka dhayssana;
\q2 kawoteththaaka darsana;
\q2 zaaridikka laallana.
\q1
\v 24 Kaaleththizaytas akeekay
\q2 paccana malanne
\q2 ogey baynda bazzo biittan
\q2 toylattana mala izi ooththana.
\q1
\v 25 Poo7oy baynda dhumason
\q2 istti dhuphettana malanne
\q2 maththottida asa mala
\q2 istti gadigadana mala ooththana.
\c 13
\q1
\v 1 «Hekko hayssa ubbaa
\q2 ta ayfey be7ides;
\q2 ta hayththika siyidi akeekides.
\q1
\v 2 Intte erizayssa keena
\q2 tanikka erays;
\q2 ta aykkonka
\q2 inttefe guuxxike.
\q1
\v 3 Gidikkoka ta haasayay
\q2 ubbaa dandayza Xoossara;
\q2 ta izarakka marshettana.
\q1
\v 4 Intte gidikko wordon kumideta;
\q2 oonakka paththanawu
\q2 dandayontta aakimeta mala.
\q1
\v 5 Hayssa ubbaafe intte co7u gidaakko
\q2 eranchchata misati beettanakkoshin!
\q1
\v 6 Tani shiishshiza
\q2 marshe qaala siyite;
\q2 ta qohokka tani yootishin
\q2 co7u giidi ezgite.
\q1
\v 7 Xoossa sunththan
\q2 ays wordo haasayeetii?
\q2 baleththon intte Xoossa ufayssana
\q2 inttes misatizee?
\q1
\v 8 Iza bessontta ogera maaddeetii?
\q2 Izas xabaqa eqqandetii?
\q1
\v 9 Xoossi inttena qoridaakko
\q2 issi lo7o miish
\q2 inttefe demmandeshaa?
\q2 Intte asata eeysizayssa mala
\q2 Xoossaka eeyssanawu dandayana
\q2 inttes misatizee?
\q1
\v 10 Intte geemara wordo maaddiko
\q2 tumappe Xoossi inttena hanqana.
\q1
\v 11 Iza bonchchoy
\q2 inttena yashshennee?
\q2 Iza teemaykka
\q2 inttena daganththennee?
\q1
\v 12 Intte leemison haasayza haasayati
\q2 bidinththa mala
\q2 go7ay bayndayta;
\q2 intte marsheteththayka
\q2 mana miishsha mala meqerettana.
\q1
\v 13 Ane co7u giite!
\q2 Tani haasayana mala
\q2 taas gisha immite;
\q2 hessafe guye ba dosoyssa hano.
\b
\q1
\v 14 «Tani ach saxxada gencecashe
\q2 dizay aazassee?
\q2 Ta shemppoyakka
\q2 ta kushen dawus.
\q1
\v 15 Hessa gishshas Xoossi
\q2 tana wodhana koykkoka
\q2 taappe attiza miishshi
\q2 aykkoyka deenna;
\q2 gidikkoka ta hanoza izas erisana.
\q1
\v 16 Nagaranchcha asi Xoossa sinththi
\q2 shiiqanaas dandayontta gishshas
\q2 oonee erizay hayssi ta xalateththi
\q2 paxanaas gaaso gidanaas
\q2 dandayees.
\q1
\v 17 Ane ta haasayza qaalata
\q2 wogara ezgite;
\q2 ta doonara ta
\q2 markkattizayssa siyite.
\q1
\v 18 Ta marsheteththaa
\q2 lo7eththa giigsada shiishshadis,
\q2 izi taas pirdanayssaka
\q2 ta erays.
\q1
\v 19 Tana mootizay diikko
\q2 tani marshettontta
\q2 co7u gaada hayqqana.
\b
\q1
\v 20 «Godawu! Ta ne sinththafe
\q2 qotettontta mala
\q2 heyta nam7u miishshata
\q2 taas ooththa.
\q1
\v 21 Heytikka ne hanqo qeseta
\q2 ta bollafe denththa;
\q2 yashissiza ne taman
\q2 tana daganththofa.
\q1
\v 22 Xoossawu! Koyro ne haasaya;
\q2 ta nees zaaro immana;
\q2 tanikka haasayana;
\q2 nekka zaaro imma.
\q1
\v 23 Ero gido ta ooththida nagaraynne
\q2 qohoy ay likkee?
\q2 Ane ta moorozanne
\q2 ta nagara tana erisa.
\q1
\v 24 Ne sinththa taappe genththada
\q2 tana ne morkke mala
\q2 aazas qooday?
\q1
\v 25 Carkoy qoqofiza boncco malanne
\q2 mela happa mala
\q2 ne ays tana
\q2 yashiseththan goodday?
\q1
\v 26 Ta bolla ne xaafida mootoy
\q2 keehi camo;
\q2 tani yelagateththan
\q2 ooththida qohozakka
\q2 taas aggabeekka.
\q1
\v 27 Ne ta tohota
\q2 durumata giddon qachchadasa;
\q2 ta tanggo ubba wode
\q2 ne kaalettaasa;
\q2 ta geedon ne eqqaasa.\x - \xo 13:27 \xo*\xt Iyo 33:11\xt*\x*
\b
\q1
\v 28 «Hessa gishshas tani wooqqida
\q2 miishsha mala gidada attana;
\q2 baday mida may7o malakka
\q2 ta dhayana.
\c 14
\q1
\v 1 «Asho may7ida asas
\q2 layththay qaanththa;
\q2 hessika meton kumides.
\q1
\v 2 Ciishsha mala beettidi
\q2 heerakka qokkees;
\q2 eesho mala daro gam7ontta
\q2 heera aadhdhees.
\q1
\v 3 Histtiin neni hayssa mala
\q2 asa medheteththa kaalettay?
\q2 Ne sinththika
\q2 pirdas shiishshanee?
\q1
\v 4 Tuna miishshafe
\q2 geeshsha miish demmanaas
\q2 dandayzaadey oonikka deenna.
\q1
\v 5 Asa layththas wodhida zaway dees;
\q2 asi daana aginatikka
\q2 ne matan qoodan deettes;
\q2 nenikka woththida
\q2 layththa zawappe
\q2 aadhdhizaadey deenna.
\q1
\v 6 Uneti aqizaadey
\q2 ba ooththana gallassa oosoyo
\q2 polidi ufayettiza mala,
\q2 asikka ba daabura gallassan
\q2 ufayettana mala
\q2 ne ayfe iza bollafe denththa.
\q1
\v 7 Qanxxettida miththa uththaska
\q2 hidotay dees;
\q2 nam7anththo
\q2 simmi aacanaassinne
\q2 haggata kessanaas dandayees.
\q1
\v 8 Aykkoka xaphoti
\q2 biitta giddon cimmikokka,
\q2 anoykka biitta giddon musikko,
\q1
\v 9 Irxxa demmiko
\q2 nam7anththo aacees;
\q2 oorath tokettida miththa mala
\q2 haggata kessees.
\q1
\v 10 Asi gidikko hayqqidi
\q2 kase baynda mala hanees;
\q2 hayqqidaappe guye
\q2 awan beettanee?
\q1
\v 11 Abba haaththi wuriza mala,
\q2 shaafa haaththika meliza mala,
\q1
\v 12 asikka hessa mala
\q2 hayqqidaappe guye
\q2 haa simmenna;
\q2 saloy aadhdhanaashe
\q2 gakkanaas dendenna;
\q2 dhiskofekka beeggenna.
\b
\q1
\v 13 «Hayqqidayta giddon
\q2 ne tana qottidaakko aazee dizay!
\q2 Ne hanqozi aadhdhana
\q2 wodey gakkanaas
\q2 ne tana qottidaakko!
\q2 Qaxaro gallas qachchada
\q2 ne tana qoppidaakko!
\q1
\v 14 Asi hayqqidaappe guye
\q2 ashora paxa daanaas dandayzee?
\q2 Taas wodey laamettana gakkanaas,
\q2 ta hayssa baaxe layththaa
\q2 gencca aaththana.
\q1
\v 15 He wode neni tana xeygana;
\q2 tanikka nees ‹Yee› gaana;
\q2 ne medheta gidida tana
\q2 beyanaas ne laamotana.
\q1
\v 16 Hekko ha7i
\q2 ne ta hemeta kaalettaasa;
\q2 gidikkoka ta nagara qoppaka.
\q1
\v 17 Ta qohoy karaxiiten xunttettana;
\q2 ta nagarakka ne kammana.
\b
\q1
\v 18 «Zumay harottiza malanne
\q2 woddiza mala,
\q2 zaallayka ba dizasoppe
\q2 dhoqallettiza mala,
\q2
\v 19 haaththi shuch woocidi
\q2 ongiza mala,
\q2 di7oy biitta meecciza mala
\q2 nenikka asa hidota dhayssaasa.
\q1
\v 20 Ne wolqqay mernaas
\q2 izaade bolla minnees;
\q2 izikka kase baynda mala hanees;
\q2 ne iza medhaka laammada
\q2 ne sinththafe dhayssaasa.
\q1
\v 21 Iza nayti bonchcho demmidaakkoka
\q2 izi erenna;
\q2 kawuyizaakokka izi xeellenna.
\q1
\v 22 Izas iza asateththa
\q2 waayezi siyettees;
\q2 izikka ba metoza gishshas xalla
\q2 yeekkees.»
\c 15
\s1 Elfaaze Haasaya
\p
\v 1 Temaane dere as Elfaazey hizgides;
\q1
\v 2 «Tumu era asi
\q2 carko mala kushen oykettontta
\q2 miish haasayi erizee?
\q2 Iza ulon qohiza qofay
\q2 daanaas bessizee?
\q1
\v 3 Era asi aykko
\q2 go7ontta qaalataninne
\q2 go7ay baynda haasayan
\q2 marshettizee?
\q1
\v 4 Neni Xoossas yayyizayssa aggadasa;
\q2 Xoossas bessiza
\q2 goynnozakka diggaasa.
\q1
\v 5 Ne qohanchcha gididayssi
\q2 ne haasayan erettees;
\q2 gido attiin
\q2 cinccateththa haasayan
\q2 kammanaas baaxetaasa.
\q1
\v 6 Ne bolla pirdizay
\q2 ne doonappe attiin
\q2 tana gidikke;
\q2 ne haasayay nenateththaa qonccisees.
\b
\q1
\v 7 «Asappe sinththan
\q2 yelettiday nenee?
\q2 Zumati medhettanaappe
\q2 sinththan ne yelettadii?
\q1
\v 8 Tumu Xoossa xuura siyadii?
\q2 Asa erateth erizay
\q2 nena xalla nees misatizee?
\q1
\v 9 Nuni erizayssafe dumma miish
\q2 ne erizayssi aazee?
\q2 Nu erizayssafe nees qonccida
\q2 dumma miishshi aazee?
\q1
\v 10 Yeletan ne aawappe cimmiza
\q2 hu7ey pulumida cimati
\q2 qofan nunara deettes.
\q1
\v 11 Nu baggara nees yootettiza
\q2 Xoossafe imettida minththeththoy
\q2 nees gidennee?
\q1
\v 12 Nena ne wozinay
\q2 ays haraso efizee?
\q2 Ays hanqon dereqa xeellay?
\q1
\v 13 Hayssaththo ooson Xoossa bolla
\q2 ne ayana denththeththadasa.
\q2 Hayssa mala hanqo qaala
\q2 haasayanawu gakkadasa.
\b
\q1
\v 14 «Asi geesh gidanaas dandayzee?
\q2 Asho may7iday
\q2 xillanaas dandayzee?
\q1
\v 15 Xoossay ba kiitanchchata bolla
\q2 ammanettenna;
\q2 saloykka iza sinththan
\q2 geesh gidenna.
\q1
\v 16 Moorettidaynne tuniday
\q2 nagarakka haaththa mala
\q2 uyiza asi ay mala iitaa?\x - \xo 15:14-16 \xo*\xt Iyo 25:4-6\xt*\x*
\b
\q1
\v 17-18 «Istta aawati qottontta
\q2 isttas ooththidayssa,
\q2 eranchchati qonccisidayssa,
\q2 tanikka pilggidayssa
\q2 ta nena erisays;
\q2 ta nees yootays.
\q1
\v 19 Biittaya isttas xalla imettadus;
\q2 imaththatikka istta giddon
\q2 walakettibeettenna.
\q1
\v 20 As waayisishe de7iza iita asi
\q2 ba layththa kumeththan
\q2 waayettishe daana.
\q1
\v 21 Daganththiza giiris izi
\q2 ba hayththan siyana;
\q2 ubbaa miishshi saro misatidi
\q2 izas beettiza wode
\q2 iza dhayssiza miishshi
\q2 iza bolla yaana.
\q1
\v 22 Izas qaaday
\q2 mashshan hayqo gidida gishshas,
\q2 dhumappe attana hidotay
\q2 izas deenna.
\q1
\v 23 Kafos wora attida kaththa mala
\q2 izi wora attana;
\q2 izi dhayana dhuma gallassay
\q2 izaakko matidayssa izi erees.
\q1
\v 24 Metoynne ceecey iza yashshana;
\q2 olas giigettida kawo mala
\q2 iza bolla minnana.
\q1
\v 25 Hayssi hananay Xoossa bolla
\q2 ba kushe denththida gishshassa;
\q2 Ubbaa Dandayza Xoossa bolla
\q2 xalida gishshassa.
\q1
\v 26 Izi ba ordenne
\q2 mino gondalle ekkidi
\q2 Xoossara eqettana kezides.
\b
\q1
\v 27 «Iza ayfey moodhen goozettides;
\q2 iza xeessayka ordides.
\q1
\v 28 Hayssi ha addezi
\q2 mulera kundidi
\q2 dhayda katamatan,
\q2 laalettanaas matida
\q2 kayssa keeththata giddon dees.
\q1
\v 29 Duretenna; iza haaroykka
\q2 daro wode gam7enna;
\q2 biitta bollaka aakkenna.
\q1
\v 30 Dhumappe atti baanawu
\q2 dandayenna;
\q2 tama lacoy haggata
\q2 melissidayssa malanne
\q2 ciishshatikka carkon
\q2 qokkida miththa mala gidana.
\q1
\v 31 Hada miishshan ammanettishe
\q2 bana barkka baleththofo;
\q2 hessankka izi go7ay bayndayssa
\q2 gidi attana.
\q1
\v 32 Izi wodey gakkontta dishin
\q2 uththay meliza malanne
\q2 haggatikka cililontta
\q2 miththa mala hanana.
\q1
\v 33 Izi buron kaxxontta dishe
\q2 ayfezi qoqofettiza
\q2 woyne miththa malanne
\q2 ciishshay qoqofettiza
\q2 wogara miththa mala gidana.
\q1
\v 34 Xoossa Xoossateththa erontta asatas
\q2 zereththi de7enna;
\q2 gubbon oosettida keeththatikka
\q2 taman dippi gi xuugettana.
\q1
\v 35 Hayssa mala asati
\q2 gene miish qoppeettes;
\q2 metokka medhdheettes;
\q2 istta wozinaykka
\q2 baleththon kumides.»
\c 16
\s1 Iyoobe Haasaya
\p
\v 1 Iyoobikka hizgi zaarides;
\q1
\v 2 «Tani hayssa mala haasaya
\q2 daro wode siyadis;
\q2 intte saleththiza zoranchchata.
\q1
\v 3 Hayssa intte hada haasayas
\q2 wurseththi bayee?
\q2 Hayssa lagge tanara
\q2 marshettana mala
\q2 inttena denththeththiday aazee?
\q1
\v 4 Intte ta sozan gidiin
\q2 tani intte sohon gididaakko
\q2 kadhen tani hu7e qaaththada
\q2 ha7i intte gizayssa ubbaa
\q2 intte bolla lo7eththa
\q2 haasayanakkoshin.
\q1
\v 5 Hessa malakka ta doonan
\q2 inttena minththeththananne
\q2 minththanaas daro
\q2 haasayanakkoshin.
\b
\q1
\v 6 «Gido attiin daro haasaykkoka
\q2 ta hargey haa lo7enna;
\q2 co7u ga dandaykkoka
\q2 ta waayey taappe kichchenna.
\q1
\v 7 Xoossawu! Tana asateththafe
\q2 kare kessadasa,
\q2 ta dere asaa ubbaa dhayssadasa.
\q1
\v 8 Ta asateththay gundoyssi
\q2 ta bolla dendidi
\q2 neni nagaranchcha giidi
\q2 ta bolla markkattees.
\q1
\v 9 Xoossi tana hanqidi
\q2 ta asateththa qanxxereththides;
\q2 tana ixxidi ba ach
\q2 ta bolla garccides;
\q2 ta morkkey ba ayfe
\q2 ta bolla maxi kessides.
\q1
\v 10 Asay ta yuushon shiiqettidi
\q2 ta bolla ceeqettides;
\q2 tana qidhe qaalan baqqida.
\q1
\v 11 Xoossi tana iita asatas
\q2 aaththi immides;
\q2 makkallanchchata
\q2 kushen yeggides.
\q1
\v 12 Ta saron daysikoshin
\q2 gidikkoka Xoossi ba hanqozan
\q2 tana menththereththides;
\q2 ta qoodhe cuulli oykkidi
\q2 daaburissides;
\q2 ba qofa ta bolla polides.
\q1
\v 13 Wondafanchchati
\q2 tana giddoththida;
\q2 qadheteththi baynda
\q2 ta kilahota qanxxereththida;
\q2 ta ciyezakka biitta bolla gussida.
\q1
\v 14 Izi tana zaari zaari madunxides;
\q2 mino olanchcha mala
\q2 ziizimi yiidi
\q2 tana shocides.
\b
\q1
\v 15 «Ta kayoteththas
\q2 maaqa sikka may7adis;
\q2 gudulla bolla gufannadis.
\q1
\v 16 Ta ayfesoy yekon zo7ides;
\q2 sakkanna dhumay
\q2 ta siphinth kammides.
\q1
\v 17 Hayssi ubbay hanshin
\q2 ta ooththida qohoy deenna;
\q2 tani ta woosa
\q2 Xoossako shiishshizay
\q2 wozina geeshshateththanna.
\b
\q1
\v 18 «Biittazoo! Tana gakkida qohoza
\q2 ne kammofa!
\q2 Suure pirda gishshas
\q2 ta shiishshiza maganay
\q2 kametti attana mala
\q2 ne ooththofa!
\q1
\v 19 Hekko taas markkattizaadeynne
\q2 afakaato eqqizaadey salon dees.\x - \xo 16:19 \xo*\xt Iyo 19:25\xt*\x*
\q1
\v 20 Ta laggeti tana leqon xeelleettes;
\q2 tani gidikko
\q2 pude Xoossas yeekkays.
\q1
\v 21 As asara gaththi haasayssidi
\q2 maqayinththizaadey
\q2 dizayssa mala;
\q2 as Xoossara gaththi
\q2 maqayinththiza asi didaakko
\q2 aazee dizay?
\b
\q1
\v 22 «Ta layththas wurseththay gakkees;
\q2 ta haa simma yonttaso baanaas
\q2 guuththa wodey xalla attides.
\c 17
\q1
\v 1 «Ta ayanay daaburdes;
\q2 ta daana layththayka
\q2 polettanawu matides;
\q2 duufoykka tana naagees.
\q1
\v 2 Tana qidhizayti
\q2 tana yuuyi aadhdhida;
\q2 ta ayfeykka
\q2 istti ixxizayssa xeellees.
\q1
\v 3 Ta Xoossawu! Neeppe attiin
\q2 taas eqqanay haray deenna;
\q2 neni ne hu7era taas waase gida.
\q1
\v 4 Istti pilggidi
\q2 akeekanawu dandayontta mala
\q2 istta qofa gordadasa;
\q2 hessa gishshas istti
\q2 xoonana mala ooththofa.
\q1
\v 5 Miishshe demmanawu giidi
\q2 ba laggeza aaththi immiza
\q2 asa nayta
\q2 bolla gomey gakkana.
\b
\q1
\v 6 «Xoossi tana asas
\q2 kaassa miish ooththides;
\q2 asay izaade bolla cuttiza
\q2 asa mala gidadis.
\q1
\v 7 Afunththafe dendidayssan
\q2 ta ayfeti doljumida;
\q2 kumeththa ta asateththayka
\q2 eesho mala gidides.
\q1
\v 8 Xillo asati hayssan dagamettida;
\q2 geeshshati Xoossa ammanontta
\q2 asata bolla hanqettida.
\q1
\v 9 Gido attiin xilloti tuma ogeppe
\q2 kare ke7ettenna;
\q2 geeshshati minoteththa bolla
\q2 minoteththi gujettees.
\b
\q1
\v 10 «Intte ubbayka nam7anththo yiidi
\q2 ta sinththan marshettiko;
\q2 intte giddofe issi akeekara diza
\q2 as demmike.
\q1
\v 11 Ta layththay wurides;
\q2 ta qofaynne taas wozina amoy
\q2 hada gidi attides.
\q1
\v 12 Hayti ha asati
\q2 omarsa gallas geettes;
\q2 poo7oza qasse dhumana
\q2 hanees geettes.
\q1
\v 13 Hayssafe guye taas diza qaaday
\q2 duge hayqqida asati dizaso
\q2 duufon wodheththa;
\q2 yaan dhumason tani
\q2 ta hiixa ongana.
\q1
\v 14 Duufo, ‹Ta aawawu!›
\q2 gaada ta xeygana;
\q2 tana miza guxuneta tani,
\q2 ‹Ta aayee, ta michcheyee!›
\q2 gaada xeygana.
\q1
\v 15 Histtiin taas ay hidotay dizee?
\q2 taas hidota gidiza miish
\q2 oonee taas xeellanay?
\q1
\v 16 Tani duge si7oole wodhishin
\q2 hidotay tanara issife wodhanee?
\q2 Issifekka duge duufon
\q2 nu gelanee?»
\c 18
\s1 Belidaade Haasaya
\q1
\v 1 Shuha dere as Belidaadi
\q2 hizgi zaarides;
\q2
\v 2 Iyoobee! Ne ays
\q2 hayssa mala haasaya darsay?
\q2 Ane ezga; nunikka haasayoos.
\q1
\v 3 Neni nuna ays meheta mala qooday;
\q2 neni ays nuna tulleta mala
\q2 akeekontta as ooththa xeellay?
\q1
\v 4 Neni hanqettiko nena qohaasa attiin
\q2 ne hanqozan biittay
\q2 mela attenna.
\q2 Zaallatikka ba dizasoppe
\q2 qaaxxettenna.
\q1
\v 5 Nagaranchcha xomppey to7ana;
\q2 tama lacoykka nam7anththo beettenna;
\q1
\v 6 Iza dunkaane giddon diza
\q2 poo7oy to7ana;
\q2 poo7ozikka dhumana.\x - \xo 18:5-6 \xo*\xt Iyo 21:17\xt*\x*
\q1
\v 7 Izas mino tanggoy
\q2 qaammi qaammi baana;
\q2 gene qoppizaade qofay
\q2 iza zaari kundisana.
\q1
\v 8 Izi barkka biidi woximaden gelana;
\q2 iza tohoykka giten qaxettana.
\q1
\v 9 Woximadey iza qirphe oykkana;
\q2 heenkka waaxi ashshana.
\q1
\v 10 Sa7a bolla yarde wodoroy
\q2 micettides;
\q2 iza ogenkka woximadey
\q2 giigettides.
\q1
\v 11 «Yashshi iza giddoththides;
\q2 guyera kaalli kaalli
\q2 goodereththees.
\q1
\v 12 Iza wolqqay koshan wurides;
\q2 boshaykka iza dhayssanaas
\q2 giigettides.
\q1
\v 13 Hargey iza asateththa gilqisana;
\q2 hayqoykka mulera ekki baana.
\q1
\v 14 Hirgay baynda ammanetti diza
\q2 keeththafe izi goodettana;
\q2 as ubbaa haariza hayqoy
\q2 iza ekkana.
\q1
\v 15 Iza keeththan
\q2 ay miishshika attenna;
\q2 izi aqizasozankka
\q2 diine tamay laalettana.
\q1
\v 16 Xaphoppe meliza miththa malanne
\q2 haggatikka meqerettiza
\q2 miththa mala gidana.
\q1
\v 17 Biitta bolla iza qoppiza asi deenna;
\q2 iza goobateththika
\q2 biittafe dhayana.
\q1
\v 18 Izi Poo7osoppe
\q2 gede dhuman goodettana;
\q2 biitta bollafe izi kichchana.
\q1
\v 19 Iza dabbota giddofe
\q2 iza laattana yeletay beettenna;
\q2 iza baachchanka
\q2 zarey izas attenna.
\q1
\v 20 Ushachcha baggaranne
\q2 hadirsa baggara diza asay;
\q2 iza bolla gakkida metoza gishshas
\q2 keehi babbidi kokkorana.
\q1
\v 21 Ay wodekka iita asata wurseththay
\q2 hessa mala;
\q2 Xoossas yayyontta
\q2 asa qaaday hayssa.»
\c 19
\s1 Iyoobe Haasaya
\p
\v 1 Iyoobi hizgi zaarides;
\q1
\v 2 «Intte tana
\q2 awude gakkanaas waayisandetii?
\q2 Awude gakkanaas yo7on
\q2 taas meqeth menththandetii?
\q1
\v 3 Hekko intte tana tammuto cayeeta;
\q2 tana kawushshishekka
\q2 yeellatekketa.
\q1
\v 4 Tumukka tani balettidaa gidikko
\q2 ta balay tana xalla qohana.
\q1
\v 5 Tumu intte inttena dhoqqisidi
\q2 ta kawushshateththaa inttes
\q2 marshe miish ooththeeta.
\q1
\v 6 Gidikkoka hayssa ubbaa metoza
\q2 ta bolla gaththidaynne,
\q2 gite giddo tana yeggiday
\q2 Xoossa gididayssa
\q2 intte erana mala ta koyays.
\q1
\v 7 Ta qohettadis gaada woossiin
\q2 tana siyiza as demmabeekke;
\q2 ta qaala dhoqqu ooththada
\q2 magannikokka
\q2 suure pirda demmabeekke.
\q1
\v 8 Xoossi taas ogeza gordida gishshas
\q2 aadhdhanaasoy deenna;
\q2 ta baanaasozakka
\q2 dhuman gordides.
\q1
\v 9 Ta bonchchoza ta hu7eppe qaaridi
\q2 tana kawushshides.
\q1
\v 10 Ta asateththa Ubbasora
\q2 qoxereththidi
\q2 mulera laallides;
\q2 taas diza hidota
\q2 xaphoppe shodettidi kundiza
\q2 miththa mala ooththides.
\q1
\v 11 Xoossi tana hanqettidi gita meto
\q2 ta bolla gaththides;
\q2 baas morkke mala tana qoodides.
\q1
\v 12 Tana dhayssanaas
\q2 ba oosanchchata kiittides;
\q2 taas dunkaaneza yuuyi aadhdhidi
\q2 tana giddoththida.
\b
\q1
\v 13 «Xoossi ta ishati
\q2 taappe haakkana mala
\q2 ooththides;
\q2 tana eriza asati ubbay tana
\q2 asa dere as kessida.
\q1
\v 14 Ta dabboti taappe haakkida;
\q2 ta laggetikka tana balida.
\q1
\v 15 Tani tason imaththateth
\q2 mokka ekkidayti
\q2 ubbay tana balida;
\q2 ta garadeti
\q2 tana imaththa mala qoodida;
\q2 allaga malakka xeellida.
\q1
\v 16 Tani ta oosanchchaza xeygishin
\q2 izi taas koyenna;
\q2 «tana maaddarkkii»
\q2 ga ta waassishinkka
\q2 ero geenna.
\q1
\v 17 Ta machcha taappe ke7iza
\q2 peenoza shaatettadus;
\q2 ta ishatikka hararettida.
\q1
\v 18 Qeeri naytikka tana kadheettes;
\q2 tana be7iza wode
\q2 ta bolla qilcceettes.
\q1
\v 19 Taas mata laggetikka
\q2 tana shaatettida;
\q2 ta siiqoti ta bolla
\q2 morkke gidi dendida.
\q1
\v 20 Taas ashozi wuriin
\q2 galbazi meqeththara oykettides;
\q2 tana shiishshiin attadis.
\b
\q1
\v 21 «Ta siiqotoo! Xoossa kushey
\q2 tana shocida gishshas
\q2 ane zay taas mishettite!
\q2 Taas qadhettite!
\q1
\v 22 Xoossi tana gooddoyssa mala
\q2 intteka tana aazas gooddeetii?
\q2 Hayssa gakkanaas intte tana
\q2 waayisidayssi gidennee?
\q1
\v 23 Hayssa gakkanaas
\q2 ta haasayda qaala akeekizaynne
\q2 maxaafan xaafiza asi dizaakko
\q2 tana ay mala ufayssaneeshin!
\q1
\v 24 Iskirtoninne irsaasen xaafettidi
\q2 woykko shuchcha bolla
\q2 woocetti uttidi
\q2 mernaas daana mala
\q2 ooththidaakko
\q2 ay mala tana ufayssandeeshin!
\q1
\v 25 Gido attiin tana ashshizayssi
\q2 paxa de7iza mala
\q2 wurseththa woden
\q2 tana wozzanaas
\q2 biitta bolla izi eqqanayssa
\q2 tani erays.
\q1
\v 26 Taas galbazi meetetti wurikkoka
\q2 tani ta asateththafe shaakettada
\q2 tani Xoossaa beyanayssa erays.
\q1
\v 27 Hara as gidontta
\q2 izakka tani ta hu7en
\q2 ta ayfera beyana;
\q2 ta wozinayakka he gallassayo
\q2 keehi laamotees.
\b
\q1
\v 28 «Ta siiqotoo!
\q2 Tana walassidi waayisanaas
\q2 ‹Hayssa metoza izi barkka
\q2 baas ehides› gidi haasayeeta.
\q1
\v 29 Xoossa hanqoy mashshan
\q2 qaxxayeteththan
\q2 gaththiza gishshas mashshay
\q2 inttena montta mala naagettite.
\q2 Xoossa pirday dizayssaka erite.»
\c 20
\s1 Zoofaare Haasaya
\p
\v 1 Na7imaane dere as Zoofaarey
\q2 hizgi zaarides;
\q1
\v 2 «Iyoobee! Tana yiillo qofay
\q2 ne bolla zaaro
\q2 immana mala sugides;
\q2 hessa gishshassa
\q2 ta haasayanawu eesotiday.
\q1
\v 3 Tani tana kawushshiza seera siyays;
\q2 ta akeekiza akeekazi
\q2 tana nees
\q2 zaaro imma imma gees.
\b
\q1
\v 4 «Asi biitta bolla
\q2 beettoosofe doommidi
\q2 kaseppe hayssa mala
\q2 gidoyssa ne eray?
\q1
\v 5 Iita asa ceeqeteththi
\q2 guuththa wodessa;
\q2 Xoossa kaddiza asatas diza
\q2 ufayssay qiphida ayfey
\q2 xeellana gakkanaassa.
\q1
\v 6 Iita asi aykkoka otorettidi
\q2 salo gakkikokka,
\q2 iza hu7ey shaara gakki
\q2 bochchiinkka,
\q2
\v 7 izi ba sheeshsha uteththa mala
\q2 mulera pitettana;
\q2 kase iza beyishe diza asatikka,
\q2 ‹Izi awan dizee gaanee?›
\q1
\v 8 Agumo mala tim7i gi
\q2 dhayza gishshas beettenna;
\q2 omarsa elunththa mala
\q2 izi dhayana.
\q1
\v 9 Izi dizasoppe eeshora
\q2 dhayza gishshas,
\q2 issito iza be7ida as
\q2 nam7anththo zaari beyenna.
\q1
\v 10 Iza nayti aadashidi
\q2 istta aaway manqotappe
\q2 genera bonqqida
\q2 miishsha zaarana.
\q1
\v 11 Wolqqan kumida yelagateththa
\q2 asateththay guuththa
\q2 wodeppe guye biitta gidana.
\b
\q1
\v 12 «Iitateththi iza doonan
\q2 kaththa mala ay mal7ikkoka
\q2 ba inxarsan izi laacci xeellikokka,
\q2
\v 13 wurontta mala doonan
\q2 coommishe gam7ikokka,
\q2
\v 14 Iza ulo giddon
\q2 camon laamettana;
\q2 izas shooshsha
\q2 marze mala gidana.
\q1
\v 15 Iita asi ba mida miishsha
\q2 un7etti zaarana;
\q2 ulo giddon dizayssaka
\q2 Xoossi iza cooshshana.
\q1
\v 16 Iita asi mizayssi wuri
\q2 izas shooshsha
\q2 marze mala gidana;
\q2 shooshsha marze mala gididi
\q2 iza wodhana.
\q1
\v 17 Wogara zaytey di7o mala goggishin
\q2 eessinne maaththi shaafa
\q2 haaththa mala goggishin
\q2 izi be7ontta hayqqana.
\q1
\v 18 Izi ba daaburda daabura ayfe
\q2 zaareththi gede immana attiin
\q2 ba hu7es meenna.
\q2 Zal7idi izi shiishshida
\q2 de7ozankka ufayettenna.
\q1
\v 19 Hayssika hanzayssi
\q2 izi manqota un7eththida
\q2 gishshassinne
\q2 ba ooththontta keeththa
\q2 genen ekkida gishshassa.
\b
\q1
\v 20 «Iza hirgeteththazi
\q2 izas shemppo dhayssides;
\q2 izi shiishshida haaroykka
\q2 iza ashshanawu dandayenna.
\q1
\v 21 Iza haaroy wuri
\q2 qucetti wuriza gishshas
\q2 izas doonan gelththanaazikka
\q2 attenna.
\q1
\v 22 Aykokka izi dure as gidiinkka;
\q2 iza yiilloy gakkana;
\q2 daro metoykka izara gayttana.
\q1
\v 23 Izi ta maada kallana gishin
\q2 Xoossi wolqqama hanqo
\q2 iza bolla yeggana;
\q2 ba hanqozakka iza bolla gussana.
\q1
\v 24 Izi birata mashshafe attiko
\q2 xarqimala wondafen cadettana.
\q1
\v 25 Wondafezikka zokkaara
\q2 kanththi ke7ana;
\q2 xoxolqu giza xeerazi izas
\q2 tireza duusereththidi aadhdhana;
\q2 wolqqama hirgan
\q2 iza wozinay dagammana.
\q1
\v 26 Izi shiishshida haarozi
\q2 ubbay girdi gida
\q2 dhuma giddon dhayana;
\q2 asi oyththontta tamay xuuggana;
\q2 izason attiza miish ubbaa
\q2 dippi histtana.
\q1
\v 27 Izi ooththida nagara
\q2 saloy qonccisana;
\q2 sa7ayakka izas
\q2 morkke gidada dendana.
\q1
\v 28 Xoossas hanqo gallas
\q2 iza soon diza haaroy wuri
\q2 di7on qucetti dhayana.
\q1
\v 29 Xoossi makkallanchchatas
\q2 woththida qaaday,
\q2 iita asati ekkana waagay hayssa.»
\c 21
\s1 Iyoobe Haasaya
\p
\v 1 Iyoobikka hizgi zaarides;
\q1
\v 2 «Ane ta haasaya
\q2 wozinappe ezgite;
\q2 hayssi intte tana
\q2 minththeththida mala
\q2 inttes qoodettana.
\q1
\v 3 Issito haasayana mala
\q2 taas gishi immite;
\q2 hessafe guye intte koyida mala
\q2 tana qidhanawu dandayeeta.
\b
\q1
\v 4 «Tani asho may7ida asa
\q2 bolla mishettazinaa?
\q2 Histtiin taas dandayontta aggiko
\q2 izan aazi malalisizee?
\q1
\v 5 Ane taakko ha xeellite;
\q2 haasayay inttena
\q2 xoonanaashe gakkanaas
\q2 ta hanozi inttena shaaphees.
\q1
\v 6 Tani qoppishin tanakka daganththees;
\q2 ta asateththaaka
\q2 yashshan kokkorisees.
\b
\q1
\v 7 «Ays iita asata
\q2 layththay aduqqidi
\q2 istta haaroykka daridi
\q2 biitta bolla dizee?
\q1
\v 8 Ays istta naytinne nayta nayti
\q2 diccidi lo7i dishin beyizoo?
\q1
\v 9 Istti aykko hirgay baynda
\q2 saron deettes;
\q2 Xoossafe boshay
\q2 istta bolla gakki erenna.
\q1
\v 10 Istta mehetikka
\q2 issi metoy baynda yeletteettes;
\q2 isttas miizatikka
\q2 awucayontta yeleettes.
\q1
\v 11 Bantta nayta
\q2 dorsa wude mala heemmeettes;
\q2 istta naytikka
\q2 guppi guppi kaa7eettes.
\q1
\v 12 Karabe baqqishe, diiththi diixxishe,
\q2 dinke punnishe
\q2 ufayssan yexxeettes.
\q1
\v 13 Bantta layththa wogeteththaninne
\q2 ufayssan aaththeettes;
\q2 waayettontta ha biittafe
\q2 hayqon shaaketteettes.
\b
\q1
\v 14 «Hessi hessaththo gidi dishin
\q2 istti Xoossa,
\q2 ‹Nuuppe haakka; ne oge eranaas
\q2 nu koyokkon› geettes.
\q1
\v 15 ‹Nu izas goynnana mala
\q2 Ubbaa Dandayza Xoossay
\q2 izi oonee?
\q2 Nu iza woossiin izi nuna
\q2 ay maaddanee?› geettes.
\q1
\v 16 Istti hessa gizay
\q2 istta kushen diza haaroy wuri
\q2 istta wolqqan isttas shiiqida
\q2 misatiza gishshassa.
\q2 Tani gidikko
\q2 iita asata qofa ekkike.
\b
\q1
\v 17 «Histtiin iita asatas xomppey
\q2 to7i erizee?
\q2 Boshay istta bolla gakki erizee?
\q2 Xoossika istta bolla
\q2 hanqetti erizee?
\q1
\v 18 Istti happa mala carkon bidasoy
\q2 gudulla mala gote carkon
\q2 istti pitetti
\q2 dhayda wodey dizee?
\q1
\v 19 Intte, ‹Aawati qohida qohon
\q2 Xoossi nayta hanqettees› geeta;
\q2 ane Xoossi nagaranchchata
\q2 qaxxayo;
\q2 hessaththo hankko bantta qoho
\q2 istti akeekanawu dandayeettes.
\q1
\v 20 Nagaranchchati bantti ooththida
\q2 qohon bantta qixaate ekketto;
\q2 ubbaa dandayza Xoossi
\q2 ba hanqoza istta bolla eho.
\q1
\v 21 Asi hayqqidaappe guye
\q2 ba naytas qoppi erizee?
\b
\q1
\v 22 «Xoossi gita asata bollaka pirdana;
\q2 histtiin asi iza pirda
\q2 tamaarsana dandayzee?
\q1
\v 23 Issi issi asati
\q2 bantta layththa wurseththi
\q2 gakkanaas aykko metoy
\q2 istta bolla gakkontta minotanne
\q2 hargey bayndayta gididi
\q2
\v 24 istta bollay ordidi
\q2 kayshida mala,
\q2 istta meqeththaykka
\q2 shicida mala hayqqeettes.
\q1
\v 25 Harati gidikko yiillonne
\q2 camon kumida mala
\q2 meton oykettida mala
\q2 aykko lo7o miish
\q2 be7ontta hayqqeettes.
\q1
\v 26 Ubbayka duge duufon gelidi
\q2 biitta gideettes;
\q2 guxuneykka istta laattana.
\b
\q1
\v 27 «Be7ite! Intte tana qohanaas
\q2 qoppidi intte qachchida
\q2 geneza ta erays.
\q1
\v 28 Intte, ‹Hayssa
\q2 gita addaasoy awanee?
\q2 Nagaranchchaza
\q2 duussasoy awanee?› geeta.
\q1
\v 29 Mandara asata oychchibeekketii?
\q2 Istti inttes markkattida
\q2 markkateththaa
\q2 intte ekkeketii?
\q1
\v 30 Heyti, ‹Iita asata bolla
\q2 boshay yiza wode
\q2 qohoy istta gakkenna;
\q2 Xoossa hanqoy qoncciza wode
\q2 istti atti baana› giidi haasayda.
\q1
\v 31 Iita as iza iitateththaa gishshas
\q2 walassizay oonee?
\q2 Iza iita oosoza gishshas
\q2 iza qaxxayanay oonee?
\q1
\v 32 Izi hayqqidaappe guye
\q2 iza aha tookki ekkidi
\q2 duufon efeettes;
\q2 iza duufoykka naageettes.
\q1
\v 33 Shoobban diza biittay
\q2 izas giiga gidees;
\q2 asati ubbayka iza kaalleettes;
\q2 addafe daro asatikka
\q2 izappe sinththara beettes.
\b
\q1
\v 34 «Histtiin intte hada gidida yo7ora
\q2 tana minththeththanaas
\q2 ays qoppeetii?
\q2 Intte taas immiza
\q2 zaaroti ubbay wordo.»
\c 22
\s1 Elfaaze Haasaya
\p
\v 1 Temaane dere as Elfaazey
\q2 hizgi zaarides;
\q1
\v 2 «Asi Xoossa go7anawu dandayzee?
\q2 Haray attoshin
\q2 era as gidikkoka
\q2 go7azi izaadesafe attiin
\q2 Xoossas gidenna.
\q1
\v 3 Ne xilloteththi Ubbaa Dandayza
\q2 Xoossaa ay go7anee?
\q2 Wosoy baynda ne de7ozi
\q2 iza ay maaddanee?\x - \xo 22:2-3 \xo*\xt Iyo 35:6-8\xt*\x*
\q1
\v 4 Histtiin ne bolla izi pirdidaynne
\q2 hayssaththo nena hanqiday
\q2 neni Xoos yayyiza gishshassee?
\q1
\v 5 Hayssi ubbay nena gakkiday
\q2 ne iitateththi darida
\q2 gishshassinne
\q2 ne nagaray zaway bayndayssa
\q2 gidida gishshas gidennee?
\q1
\v 6 Issi gaasoykka baynda
\q2 ne ishatappe oyso ekkadasa;
\q2 qasse istta may7o qaara ekkada
\q2 istta kallo ashshadasa.
\q1
\v 7 Gafidinne saamettidi daaburdayta
\q2 kaththinne haath diggadasa.
\q1
\v 8 Ne gadaadenne wolqqama
\q2 as gidada
\q2 izan diza bonchcho
\q2 as gidikkoka,
\q2
\v 9 Neni am7e maccassata
\q2 mela kushe yeddadasa;
\q2 yi7o naytikka
\q2 bana ayssana de7oza dhayssadasa.
\q1
\v 10 Hayssa gaason
\q2 nena oykkana woximadey
\q2 nena yuuyi aadhdhides;
\q2 ne ezgontta
\q2 metoy nena daganththana.
\q1
\v 11 Nena Xeeloy metana gakkanaas
\q2 nees dhumides;
\q2 di7o haaththika nena meeccides.
\b
\q1
\v 12 «Xoossay dhoqqa salon
\q2 dizayssa gidennee?
\q2 Xoolintteti aykkoka
\q2 dhoqqasohon diikkoka
\q2 izi isttafe bollara diidi
\q2 istta xeellees.
\q1
\v 13 Neni gidikko, ‹Xoossi ay erizee?
\q2 Girdi gida dhuman
\q2 izi waani nu bolla
\q2 pirdanawu dandayzee?
\q1
\v 14 Salo bollan izi simerettishin
\q2 dhippi gida shaaray
\q2 iza kammiza gishshas
\q2 izi beyanawu dandayenna› gaasa.
\b
\q1
\v 15 «Nagaranchchati simerettiza
\q2 beni ogeza ne kaallay?
\q1
\v 16 Isttika wodey gakkontta
\q2 sinththara boshan shocettida;
\q2 di7onkka meecettidi
\q2 xaphora dhayda.
\q1
\v 17 Isttika Ubbaa Dandayza Xoossa,
\q2 ‹Nuuppe ne haakka;
\q2 ne nuus ay ooththanaas
\q2 dandayay?› gida.
\q1
\v 18 Gidikkoka istta keeththa
\q2 dureteththan
\q2 kunththiday Xoossa.
\q2 Hessa gishshas tani
\q2 iita asata qofa ekkike.
\b
\q1
\v 19 «Kiya asati iita asati
\q2 qaxxayettishin
\q2 be7idi ufayetteettes;
\q2 suure asati istta bolla qilcceettes,
\q1
\v 20 ‹Tunkka nu morkketi dhayda;
\q2 istta haarozi kumeth
\q2 taman xuugettides.›
\b
\q1
\v 21 «Hessa gishshas Iyoobe
\q2 nenateththaa Xoossas haarisa;
\q2 izarakka ne saron da;
\q2 ne hayssa ooththiko
\q2 lo7o miish demmana.
\q1
\v 22 Xoossi nees immiza timirtaa ekka;
\q2 iza qaalakka ne wozinan woththa.
\q1
\v 23 Nenateththaa ne Ubbaa
\q2 Dandayza Xoossaako
\q2 ne zaaridaakko,
\q2 ne kase mala hanana;
\q2 ne sooppe iita ooso digga.
\q1
\v 24 Worqqa gudullan ola;
\q2 ofire worqqa
\q2 shaafa shuchcha mala
\q2 wora ola.
\q1
\v 25 He wode Ubbaa Dandayza
\q2 Xoossay nees
\q2 worqqanne muuruta bira gidana.
\q1
\v 26 He wode Ubbaa Dandayza Xoossaan
\q2 neni ufayettana;
\q2 izan ammanettada ne daana.
\q1
\v 27 Ne izakko woossiza wode
\q2 izi ne woosaa siyana;
\q2 ne adinettidayssa izas gaththana.
\q1
\v 28 Ne qofay ubbay nees polettana;
\q2 nees oge ubbay poo7o gidana.
\q1
\v 29 Xoossi otoranchchata kawushshana;
\q2 ashketa gidikko izi ashshana.
\q1
\v 30 Nenikka suure wozinay
\q2 dizaade gidikko
\q2 Xoossi iita ubbaafe nena naagana;
\q2 ne kushetikka qoho oosoppe
\q2 geesh gidikko
\q2 Xoossi nena ashshi ekkana.»
\c 23
\s1 Iyoobe Haasaya
\p
\v 1 Iyoobikka hizgi zaarides;
\q1
\v 2 «Ha7ikka ta wozinay
\q2 camo qofaninne
\q2 zuuzunththan kumides;
\q2 gencecan ta woossiinkka
\q2 iza kushey ta bolla
\q2 deexxida mala dees.\f + \fr 23:2 \fr*\ft Iza kushey ta bolla deexxida mala dees gizayssi Ibraaweta maxaafan ta kushe pude denththanaas tana deexxees gees.\ft*\f*
\q1
\v 3 Izi dizasota eridaakko
\q2 ay mala dosazinaashin;
\q2 gede izi dizaso gakkidaakko
\q2 ta ay mala ufayettaneeshin;
\q2
\v 4 ta maganaa
\q2 ta izas shiishshanakkoshin;
\q2 ta mishaza maarara
\q2 ta izs shiishshanakkoshin.
\q1
\v 5 Taas imettiza zaarozakka
\q2 ta eranakkoshin;
\q2 tana izi ay gaanaakko
\q2 ta eranakkoshin.
\q1
\v 6 Histtiin Xoossi ba gita wolqqara
\q2 tana pirdandeshaa?
\q2 Akkay; ta gizayssa izi ezgana.
\q1
\v 7 Heenkka suure asi
\q2 izara marshettana;
\q2 taas pirdiza Xoossay
\q2 mernaas tana naxa kessana.
\b
\q1
\v 8 «Gido attiin ta arshey mokkiza bagga
\q2 biikko heen izi deenna;
\q2 arshey wulliza baggaka simmiko
\q2 iza demmanawu dandaykke.
\q1
\v 9 Izi gidikko pudehan
\q2 ba oosaa ooththees;
\q2 tani gidikko iza beyanawu
\q2 dandayabeekke;
\q2 duge bagga simmadakka
\q2 iza demmanawu
\q2 dandayabeekke.
\q1
\v 10 Izi ta tanggo ubbaa erees;
\q2 tana izi paaccikokka
\q2 tani worqqa mala geesh gida dishin
\q2 izi tana demmana.
\q1
\v 11 Ta tohoti
\q2 izi dosiza ogetara beettes;
\q2 baleththon hadirsika
\q2 ushachchika giikke.
\q1
\v 12 Tani iza azazotappe ke7ikke;
\q2 iza qaalaakka
\q2 ta miza qumappeka aaththada
\q2 ta wozinan naagadis.
\b
\q1
\v 13 «Izi barkka bana danday dees;
\q2 izara eqettanay deenna;
\q2 izi ba dosidayssa ubbaa
\q2 ooso dandayees.
\q1
\v 14 Ta bolla izi qoppidayssa
\q2 ubbaa polana;
\q2 hayssa misatiza
\q2 daro qofati deettes.
\q1
\v 15 Hessa gishshas iza sinththan
\q2 eqoy keehi
\q2 tana keehi yashshees;
\q2 ta hayssa qoppada yayyadis.
\q1
\v 16 Xoossi taas
\q2 wozinay daaburana mala
\q2 ooththides;
\q2 Ubbaa Dandayza Xoossay
\q2 tana daganththides.
\q1
\v 17 Girdi gida dhumay
\q2 ta ayfeta goozikkoka;
\q2 sakkanna dhumay ta haasayontta mala
\q2 tana diggibeenna.
\c 24
\q1
\v 1 «Ubbaa Dandayza Xoossay
\q2 ays ba pirda
\q2 immana gallassa baribeennee?
\q2 Izas ammanettidayti
\q2 awude gakkanaas
\q2 iza pirda qaala naagettandettoo?
\q1
\v 2 Iita asati zawa laalleettes;
\q2 kaysi ehida dorsata heemmeettes.
\q1
\v 3 Yi7ota hare bonqqeettes;
\q2 am7e maccassaya boora oyththadus
\q2 giidi banttas ekkeettes.
\q1
\v 4 Manqota shaatettidi
\q2 coo ogeppe gooddeettes;
\q2 istta sinththafe baqatidi
\q2 qotettana mala ooththeettes.
\q1
\v 5 Manqoti bazzon diza hardida mala,
\q2 bantta naytas kath
\q2 koyana ke7idi daabureettes.
\q1
\v 6 Unetidi haratas
\q2 kath shiishshizayta gideettes;
\q2 iita asata haaro
\q2 gidida woyne tokkizasohozan
\q2 geedon attida pushulo maxeettes.
\q1
\v 7 Kumeththa omars
\q2 kallo ichchi aqeettes;
\q2 mooce ashshiza may7oy
\q2 isttas deenna.
\q1
\v 8 Zuma bolla bukkiza iran
\q2 istta asateththay musees;
\q2 aqizasoy dhayiin
\q2 zaalla gars shiiqi aqeettes.
\q1
\v 9 Aaway hayqqida nay
\q2 isttas aylle gidana mala
\q2 aayey dhanth diggidi
\q2 bonqqeettes;
\q2 metotidayssa naaza
\q2 ba aco gishshas giidi
\q2 oyso ekkeettes.
\q1
\v 10 Manqoti aykko may7oy baynda
\q2 paxa kallo ooson geleettes.
\q2 Kaththa shiisho wode
\q2 mirqqeza tookki miiyishe
\q2 banttas gafan hayqqeettes.
\q1
\v 11 Iita asata gaden wogara ayfeppe
\q2 zayte kesseettes;
\q2 woyne miththa ayfeppe
\q2 cajje ageettesseshin
\q2 istti gidikko saametteettes.
\q1
\v 12 Katamatan hayqqanaas
\q2 tooqiza asati gootareettes;
\q2 madunxida asatikka
\q2 maado oyshon waasseettes.
\q2 Xoossi gidikko istta bolla
\q2 oosettida geneza beyibeenna.
\q1
\v 13 Poo7o ixxiza asati deettes;
\q2 poo7oy aazakko erontta gishshas
\q2 poo7o oge kaallettenna.
\q1
\v 14 Shempo wodhiza uray
\q2 wonttontta dendidi
\q2 manqotanne metotanchchata
\q2 wodhees;
\q2 omarsika kaysos kezees.
\q1
\v 15 Layma uray
\q2 gadey omarsanayssa naagettees;
\q2 oonikka be7ontta mala
\q2 ba sinththa goozeettes.
\q1
\v 16 Kaysoti kaysotanaas
\q2 omarsara keeth bookki geleettes;
\q2 gallas gidikko qotetti pe7eettes.
\q2 Poo7oka ixxeettes.
\q1
\v 17 Dhumara shiroteththi
\q2 istta ufayssiza gishshas
\q2 ubbaasikka girdi gida dhumay
\q2 isttas wontta maalado mala.
\b
\q1
\v 18 «Gidikkoka istti haaththa bolla
\q2 beettiza hoomo mala
\q2 guuththa wodes xalla istti beettana.
\q2 Istta biittayka
\q2 qanggettidayssa gidana;
\q2 istti woyne miththa
\q2 tokkizasohoza
\q2 oonikka beenna.
\q1
\v 19 Shachchi ho7on maayidi
\q2 dhayzayssa mala
\q2 si7ooleykka nagaranchchata
\q2 baakko bonqqa ekkana.
\q1
\v 20 Istta aayeti ubbay
\q2 istta dogana;
\q2 istta ashozakka guxuney maana;
\q2 iita asati qofettokona;
\q2 hessaththoka miththa mala
\q2 meqerettana.
\q1
\v 21 Hayssi ubbay istta bolla gakkiday
\q2 istti yelontta maynida maccassata
\q2 bonqqida gishshassinne
\q2 istta azinati
\q2 hayqqida maccassatas
\q2 aykko qadheteththika
\q2 bessontta gishshassa.
\q1
\v 22 Gido attiin Xoossi ba wolqqan
\q2 daannateththan diza asata diggana;
\q2 isttas de7oy giiga misatikkoka
\q2 istta duussas
\q2 ammanththiza miishshi deenna.
\q1
\v 23 Xoossi istta
\q2 saron daana mala ooththikokka,
\q2 istti biza oge ubbaa
\q2 tishshi histti xeellees
\q1
\v 24 Iita asati guuththa wodes duretana;
\q2 gido attiin eesora sharafa mala
\q2 shulli dhayana;
\q2 shulla kaththa mala buucettana.
\b
\q1
\v 25 «Hayssa mala gidenna geetettiko
\q2 tani wordanchchatanne
\q2 ta haasayda qaalay likke gidonttayssa
\q2 oonee ammanththanay?»
\c 25
\s1 Belidaade Haasaya
\p
\v 1 Shuha dere as Belidaadey
\q2 hizgi zaarides;
\q1
\v 2 «Maataynne yashshateththi Xoossassa;
\q2 bollan ba haarizason salon
\q2 saroteth medhdhana.
\q1
\v 3 Iza wottadarata tiripateththi
\q2 qoodettanawu dandayzee?
\q2 Xoossa poo7oy izas
\q2 poo7isonttaadey oonee?
\q1
\v 4 Asi Xoossa sinththan
\q2 waani xillo gidi
\q2 beettanawu dandayzee?
\q2 Asho may7ida medheta gididi
\q2 waani geesh gidanawu
\q2 dandayzee?
\q1
\v 5 Hekko Xoossa sinththan aginaykka
\q2 muqqa booth gidenna;
\q2 xoolinttetikka iza sinththan
\q2 geeshshata gidettenna.
\q1
\v 6 Musanne guxune gidada hayqqiza asi
\q2 hessafekka ay mala iita!»
\c 26
\s1 Iyoobe Haasaya
\p
\v 1 Iyoobi hizgi zaarides;
\q1
\v 2 «Hayssa ne haasayoyssan
\q2 daaburanchchata maaddida
\q2 nees misatizee?
\q2 Qesey argacidaade minththida
\q2 nees misatizee?
\q1
\v 3 Aadho erateththi paccidaades
\q2 ne ay zore immadii!
\q2 Ay erateththika
\q2 izaades qonccisadi!
\q1
\v 4 Histtiin hayssa ne haasayana mala
\q2 nena maaddiday oonee?
\q2 Ne haasayana mala
\q2 nena denththeththiday
\q2 oona ayanaa!»
\q1
\v 5 «Wolqqama wogga gita abbaafe
\q2 garsan diza hayqqidayta shemppoti
\q2 wolqqama kokkorsan deettes.
\q1
\v 6 Si7ooleykka Xoossa sinththan
\q2 qonccen dees;
\q2 Abadoone geetettizasoza
\q2 ay miishshika
\q2 kammanawu dandayenna.
\q1
\v 7 Xoossi pudeha baggara diza saloza
\q2 carko bolla miccides;
\q2 biittaaka aykkoy bayndason
\q2 kuulloti daana mala ooththides.
\q1
\v 8 Xoossi shaarati
\q2 haath xunxi oykkana mala ooththees;
\q2 haaththafe dendoyssan
\q2 shaarati daaketettenna.
\q1
\v 9 Izi uttiza
\q2 kawoteththa araata genththana;
\q2 shaararakka kammana.
\q1
\v 10 Poo7onne dhuma shaakkanaas;
\q2 wolqqama wogga gita abbaa sinththan
\q2 saloza zawa ooththidi miccides.
\q1
\v 11 Izi hanqiza wode
\q2 salo tuussati dagaman kokkoreettes.
\q1
\v 12 Izi ba wolqqan abbaa co7u ooththees;
\q2 iza aadho erateththayka
\q2 Era7aabe geetettizayssa dhayssana.
\q1
\v 13 Ba peenozan saloza geeshshana;
\q2 xongettiza shooshshaa
\q2 ba kushen caddana.
\q1
\v 14 Haytanti ubbay
\q2 Xoossi ooththiza oosotappe
\q2 guuththata;
\q2 nu siyizayssi izas saasuketh xalla;
\q2 wolqqama giirissa izayssa
\q2 ooni akeekanawu dandayzee?»
\c 27
\s1 Iyoobe Haasaya
\p
\v 1 Iyoobikka ba haasaya
\q2 sinththawu gujjidi hizgides;
\q1
\v 2 «Suure pirda diggidi
\q2 ta shemppoyo
\q2 addafe camo ooththida;
\q2 Ubbaa Dandayza De7o Xoossa
\q2 sunththan caaqqays;
\q2
\v 3 Xoossi tana
\q2 shemppora woththida
\q2 wodey gakkanaas,
\q2
\v 4 ubbaaka iita qaalay
\q2 ta doonappe ke7enna;
\q2 ta inxarsankka wordo haasaykke.
\q1
\v 5 Intte haasaydayssi wuri
\q2 likke gaada mulekka ekkike;
\q2 ta hayqqanaashe gakkanaas
\q2 suureteththan minna
\q2 eqqanayssa aggike.
\q1
\v 6 Tani ta xilloteththan
\q2 minna eqqana attiin
\q2 xilloteththa aggike;
\q2 shemppora paxa diza
\q2 layththa ubbaan
\q2 ta wozinay ha miishshan sidhenna.
\b
\q1
\v 7 «Nagaranchchata bolla
\q2 pirdettiza mala
\q2 ta morkketa bolla pirdetto;
\q2 tana ixxizayta bollaka
\q2 gene asata bolla
\q2 pirdettiza mala pirdetto.
\q1
\v 8 Xoossi istta shemppoyo
\q2 istta ashoppe shaakkidi
\q2 istta layththa qanxxida wode
\q2 Xoossa kaddida asatas
\q2 ay hidotay daandee?
\q1
\v 9 Metoy istta bolla yiza wode
\q2 Xoossi istta waasoza siyandee?
\q1
\v 10 Ubbaa Dandayza Xoossan
\q2 istti ufayettandettoo?
\q2 Woden wodenkka
\q2 Xoossa sunththa xeygandettoo?
\b
\q1
\v 11 «Xoossa wolqqay ay mala gitakko
\q2 ta inttena tamaarsana;
\q2 Ubbaa Dandayza Xoossay
\q2 qoppi woththoyssa
\q2 ta inttefe qottike.
\q1
\v 12 Inttenikka hayssa ubbaa ereeta;
\q2 histtiin hayssa hada miish
\q2 ays haasayeetii?
\b
\q1
\v 13 «Hekko Ubbaa Dandayza Xoossay
\q2 iita asinne genanchchati
\q2 ekkana laatay
\q2 hayssafe kaallizayssa.
\q1
\v 14 Iza nayti tiripikkoka olan wurana;
\q2 iza zereththatikka
\q2 kaththi dhayiin koshattana.
\q1
\v 15 Hessafe attidayti hargen wurana;
\q2 am7etikka isttas yeekkettenna.
\q1
\v 16 Iita asi bira
\q2 biitta mala shiishshanawu,
\q2 may7oka mana biitta mala
\q2 dooranawu dandayees.
\q1
\v 17 Gido attiin iita asi shiishshida
\q2 may7oza xillo asi may7ana;
\q2 izi shiishshida biraakka
\q2 geeshshati gishetti ekkana.
\q1
\v 18 Izi keexxiza keeththatikka
\q2 achcharo keeththa malanne
\q2 kath naagizaadey aqiza
\q2 gaabba mala laalettana.
\q1
\v 19 Iita asi wurseththa wode
\q2 dure gididi ichchees;
\q2 izi beeggiza wode gidikko
\q2 iza aqotay ubbay dhaydes.
\q1
\v 20 Dagamay iza bolla di7o mala
\q2 qoppontta dishin gakkana;
\q2 giddoththika gote carkoy
\q2 iza denththi efana.
\q1
\v 21 Arshey mokkizaso bagga carkoy
\q2 izasoppe iza pitti dhayssana.
\q1
\v 22 Izi baqatidi atti baanaas
\q2 baaxetikkoka
\q2 carkozi qadheteththi baynda
\q2 iza bolla gede minnana.
\q1
\v 23 Carkozi iza bolla kushe baqqides;
\q2 izi dizasoppe wayqeththan
\q2 pixiri yeggides.
\c 28
\s1 Aadho Erateth Nashshanaas Shiiqida Ginxo
\q1
\v 1 «Tumappe biitta garsan diza
\q2 ma7idineti bookettidi
\q2 bira ke7izasoynne
\q2 worqqay seeri oosettizasoy dees.
\q1
\v 2 Biratay biittafe beettes;
\q2 xarqimalay ma7idine shuchchafe
\q2 seeridi ke7ees.
\q1
\v 3 Asay dhuma kanththidi,
\q2 duge biitta giddo bookki gelidi
\q2 haakki dizasoza duge wodhdhidi
\q2 girdi gida dhuma giddon
\q2 ma7idine shuchcha koyeettes.
\q1
\v 4 Asi dizasoppe haakkidi,
\q2 asa tohoy yedhdhi eronttaso
\q2 gakkeettes.
\q2 Heenkka ciimma olla
\q2 bookkeettes;
\q2 wodoro bollara
\q2 kuulloti kuulloti wodhidi
\q2 asappe shaaketti barkka
\q2 ooththeettes.
\q1
\v 5 Biittay meetettiza kath immees.
\q2 Izas giddoy taman seeridi
\q2 shiretti shiretti wodhdhees.
\q1
\v 6 Semppere geetettiza al7o shuchchay
\q2 biittan diza shuchchata giddon beettees;
\q2 he biitta giddonkka
\q2 worqqay beettees.
\q1
\v 7 Gede ma7idinezakko efiza oge
\q2 xilloyka erenna;
\q2 ankkota ayfeykka beyibeenna.
\q1
\v 8 Iita do7ati he sohoza
\q2 yedhdhibeettenna;
\q2 gaammoyka iza baggara
\q2 aadhdhibeenna.
\q1
\v 9 Asi gade goyishe mino shuchchata
\q2 ba kushen denththees;
\q2 zumatakka xaphoppe
\q2 shiri yeggees.
\q1
\v 10 Zaallaka phalqidi
\q2 iza giddora aadhdhanaas
\q2 oge kessees;
\q2 al7o gidida ma7idine
\q2 shuchchatakka demmees.
\q1
\v 11 Shaafata pulttota teqqees;
\q2 biitta giddon qotan diza
\q2 miishshata qoncce kessees.
\q1
\v 12 Histtiin aadho erateththi
\q2 awappe beettizee?
\q2 Akeekasikka dizasoy awaa?
\q1
\v 13 Aadho erateththi
\q2 shemppora paxa diza medhetati
\q2 diza biittan beettuku;
\q2 izis tuma waagakka
\q2 eriza asi deenna.
\q1
\v 14 ‹Wogga gita abbayka
\q2 ta giddon duukku;
\q2 abbayka tanara duukku› gees.
\q1
\v 15 Erateththi geeshsha
\q2 worqqan shamettuku;
\q2 izi waagaykka
\q2 biran heregettenna.
\q1
\v 16 Aadho erateththi
\q2 ofire geetettiza worqqafe,
\q2 margidenne semppere geetettiza
\q2 al7o shuchchatappe
\q2 aadhdha bonchchettidaaro.
\q1
\v 17 Worqqaynne geeshsha heregay
\q2 izira ginattettenna;
\q2 xintta worqqafe oosettida
\q2 geexeykka izo laammana.
\q1
\v 18 Bonchchettida heleloynne
\q2 almaaze geetettizayti
\q2 aadho erateththara ginattettenna;
\q2 aadho erateththa gatey
\q2 luule geetettizayssafekka bolla.
\q1
\v 19 Tophaaziyoone geetettiza
\q2 Tophphiya biitta inqquyka
\q2 izira ginenna;
\q2 keehi geeyida
\q2 worqqafekka aadhdhawus.
\b
\q1
\v 20 «Histtiko erateththi awappe yazee?
\q2 Akeekaykka awappe beettazee?
\q1
\v 21 Shemppora paxa diza
\q2 medhetatappe geemmidaaro;
\q2 salora piradhdhiza kafotikka
\q2 koyidi izo demmettenna.
\q1
\v 22 Dhayoynne hayqoy,
\q2 ‹Nu izi gishshas erizay
\q2 woren xalla› geettes.\f + \fr 28:22 \fr*\ft Wore gizayssa issi issi bagga gamoththo qaalan paapunththa geetes.\ft*\f*
\q1
\v 23 Aadho erateththako efiza ogezanne
\q2 iza dizasoza erizay Xoossa xalla.
\q1
\v 24 Izikka sa7a gaxa kumeth demmees;
\q2 saloppe garsan dizayssa
\q2 ubbaa beyees.
\q1
\v 25 Izi carko wolqqa ooththida wode
\q2 wogga gita abba
\q2 izi makkida wode,
\q2
\v 26 irassinne wolqqanththara diza
\q2 dadas woga woththida wode,
\q2
\v 27 Xoossi erateth be7ides;
\q2 paacci xeellidi izo bonchchides;
\q2 pilggi be7idi minththi woththides.
\q1
\v 28 He wode asas,
\q2 ‹Hekko erateth guussi
\q2 Xoossas yashshateththa;
\q2 akeeka guussi
\q2 iitappe haako› gides.»\x - \xo 28:28 \xo*\xt Maza 111:10; Isa 1:7; 9:10\xt*\x*
\c 29
\s1 Iyoobi Wurseththan Shiishshida Magana
\p
\v 1 Iyoobikka ba haasaya
\q2 sinth gujjidi hizgides;
\q1
\v 2 «Taas ha7i de7ozi
\q2 kase Xoossi tana
\q2 naagiza wodeza mala gididaakko
\q2 tana ay mala ufayssandeeshaa!
\q1
\v 3 He wode dhuma giddora ta bishin
\q2 Xoossi taas poo7isishin
\q2 tani poo7on hemettaysikoshin.
\q1
\v 4 Xoossa maadoy ta keeththaa
\q2 kase naateteththa wode
\q2 naagizayssaththo
\q2 ha7ikka naagidaakko
\q2 aazee dizay?
\q1
\v 5 Ubbaa Dandayza Xoossay
\q2 tanara diza gishshas
\q2 ta nayti ubbay
\q2 ta yuushon deetteskoshin.
\q1
\v 6 Tani toho maaththan
\q2 meecettanaashe gakkanaas
\q2 daro maath demmayskoshin;
\q2 wogara miththati
\q2 mela biittankka tokettidi
\q2 di7o mala goggiza daro zayte
\q2 taas immeetteskoshin.
\q1
\v 7 Katama penge achchan diza
\q2 dubbusha baada
\q2 duulatan ta uttiza wode,
\q2
\v 8 naateththa nayti tana be7idi,
\q2 bonchchos ta sinththafe
\q2 issi bagga geettesishin;
\q2 cimatikka ta bonchcho gishshas
\q2 ba uttidasohoppe
\q2 dendi eqqeettesishin.
\q1
\v 9 Haasayshe diza dere kaaleththizayti
\q2 tana be7idi bantta kushetan
\q2 ba doona doona oykkidi
\q2 co7u geetteskoshin.
\q1
\v 10 Dere daannatikka tani dizason
\q2 co7u geettesishin;
\q2 isttas inxarsi oykettiin
\q2 haasayaykka istta xooneeskoshin.
\q1
\v 11 Tana siyida ubbay nashshides;
\q2 tana be7ida ubbay galatides.
\q1
\v 12 Hayssika haniday
\q2 tani manqota woosa siyada
\q2 istta ashshizayssanne
\q2 yi7o nayta
\q2 ta maaddiza gishshassa.
\q1
\v 13 Hayqqana matida asata
\q2 ta maaddiza gishshas
\q2 tana istti anjjida;
\q2 am7e maccassata ta maaddiza gishshas
\q2 ufayssan yexxida.
\q1
\v 14 Xilloteth may7o mala may7adis;
\q2 suure pirdaka
\q2 kaabba mala gopha may7adis;
\q2 qoobe malakka
\q2 hu7en woththadis.
\q1
\v 15 Qooqetas ayfe,
\q2 wobbetaskka toho gidadiskoshin.
\q1
\v 16 Manqotas aawa,
\q2 ta erontta asataskka
\q2 apakatokoshin.
\q1
\v 17 Gene asa banqila menththadis,
\q2 izi bonqqi ekkidayssaka
\q2 iza doonappe yegisadis.
\b
\q1
\v 18 «Tani, ‹Ta layththay
\q2 ancco mala dariin
\q2 tani tason diza mala
\q2 bonchchon hayqqana›
\q2 gadiskoshin.
\q1
\v 19 Xaphoti ubba wode
\q2 haaththe demmiza malanne
\q2 haggatikka xaazan
\q2 cililiza miththa malakkoshin.
\q1
\v 20 Ubba wode
\q2 ta bonchchettida mala
\q2 dayskoshin;
\q2 ta wolqqayka
\q2 ubba wode ooraxeskoshin.
\q1
\v 21 Asay ta zoreza
\q2 laamotan co7u giidi ezgees.
\q1
\v 22 Ta haasayay istta aliza gishshas
\q2 taappe guyera haasayza
\q2 asi deenna.
\q1
\v 23 Goshshanchchay badhdhesa
\q2 ira demmanawu
\q2 amottizayssa mala
\q2 isttika ta haasaya siyanawu
\q2 bantta doona doydi
\q2 naageetteskoshin.
\q1
\v 24 Ta miicca bessishin
\q2 istti ufayettetes;
\q2 ta sinththay poo7ishin xirphotida
\q2 istta sinththay birshettees.
\q1
\v 25 Kase ta istti
\q2 koyida mala ayssayskoshin;
\q2 ba ola asa kaaleththiza
\q2 kawo mala
\q2 ta istta kaaleththadiskoshin;
\q2 istti muuzottishin
\q2 tani istta
\q2 minththeththayssikoshin.
\c 30
\q1
\v 1 «Istta aawati
\q2 taas dorsa wudeza heemmiza
\q2 ta kanatara montta mala
\q2 istti ta kadhiza asatakkoshin;
\q2 ha7i gidikko
\q2 layththan taappe naatiza asati
\q2 ta bolla qilcceettes.
\q1
\v 2 Isttas wolqqay ixxida gishshassinne
\q2 istta bollay gilqida gishshas
\q2 aykkoka tana go7ettenna.
\q1
\v 3 Metoppenne kosha daroppe
\q2 dendidayssan
\q2 bazzo biitta bi biidi
\q2 miththa xapho maxeththi
\q2 gancceettes.
\q1
\v 4 Maxine mala mal7iza bazzon
\q2 mokkiza dumma dumma
\q2 miththa hayththata maxeettes;
\q2 mal7ontta sankkara xapho
\q2 qorereththi meettes.
\q1
\v 5 Asi kaysota waassidi
\q2 gooddizayssa mala
\q2 isttika deraa giddofe gooddeettes.
\q1
\v 6 Istti bantta duussaso
\q2 haaththi baynda shaafa giddon,
\q2 asi baynda bazzo biittaninne
\q2 kelka giddon bookettida
\q2 gongolotan
\q2 dosay baynda de7ida.
\q1
\v 7 Woray dizaso yuuyi yuuyi
\q2 wora do7ata mala waasseettes;
\q2 wora garsan issi bolla
\q2 shiiqetti aqeettes.
\q1
\v 8 Bantta biittafe xurqafen shocetti
\q2 goodettida gishshas
\q2 lo7o sunththinne wozinay
\q2 bayndayta gididi deettes.
\q1
\v 9 Ha7i qasse istta nayti
\q2 yeththan tana qidheettes;
\q2 tani istta giddonkka
\q2 miiceteththas attadis.
\q1
\v 10 Tana shaatettidi
\q2 taappe haakkeettes;
\q2 aykko yeellayka baynda
\q2 ta sinththan cutetteettes.
\q1
\v 11 Xoossay ta wolqqa daabursidi
\q2 tana kawushshida gishshas
\q2 istti qasse bixalay baynda
\q2 para mala
\q2 ta bolla dhoodhu dhoodheettes.
\q1
\v 12 Taappe ushachcha baggara
\q2 yeda diccidayti
\q2 ta bolla dendida;
\q2 tana oykkanaas
\q2 woximade woththida;
\q2 tana giddoththida.
\q1
\v 13 Taas aadhdhizaso dhayssidi
\q2 tana wodhana koyeettes.
\q2 Istti hayssaththo ooththanayssa
\q2 digganaadey deenna.
\q1
\v 14 Di7oy menththi gelizayssa mala
\q2 isttika tana cuggi gelida;
\q2 ubbaaka menththereththidi
\q2 ta bolla yida.
\q1
\v 15 Gita dagamay tana gakkides;
\q2 taas diza bonchchoy
\q2 carko mala aadhdhides;
\q2 ta attana giza hidotay
\q2 shaara mala dendi dhaydes.
\b
\q1
\v 16 «Ta shemppoya keeha ceecadus;
\q2 hayqoska matadus.
\q1
\v 17 Omars kumeth ta meqeththati
\q2 hargen waayetteettes;
\q2 sakozikka taas shemppo
\q2 immenna.
\q1
\v 18 Tana sakkiza
\q2 wolqqama sakoza gaason
\q2 ta may7oy gundi moorettides;
\q2 qoodhe xunththa shamize mala
\q2 tana cuulli oykkides.
\q1
\v 19 Xoossi tana duge
\q2 biittan olida gishshas
\q2 tani gudullanne
\q2 bidinth misatadis.
\q1
\v 20 Xoossoo, ta nena woossadis;
\q2 gido attiin ne taas zaarabeekka;
\q2 ta eqqada neekko woossadis;
\q2 neni gidikko ne sinththa
\q2 taakko zaarabeekka.
\q1
\v 21 Ne taas addafe menxe iitadasa;
\q2 neni ne gita wolqqankka
\q2 tana gooddadasa.
\q1
\v 22 Ne tana denththada
\q2 carko bolla woththadasa;
\q2 izi tana yuushshana malakka
\q2 ooththadasa;
\q2 gote carkoyka
\q2 tana shirechchi shirechchi
\q2 yeggees.
\q1
\v 23 Asa ubbaas qaada gidida hayqos
\q2 ne tana aaththada immanayssa
\q2 ta erays.
\b
\q1
\v 24 «Issi metotida uray
\q2 maado demmanaas
\q2 ba kushe miccidi woossishin
\q2 tumappe ay asikka iza qohenna.
\q1
\v 25 Tani metotida asatas
\q2 yeekkabeekkinaa?
\q2 Manqotaska mishettabeekkinaa?
\q1
\v 26 Lo7o miish demmana ga
\q2 ta naagishin
\q2 iita miishshi tana gakkides;
\q2 poo7oy yaana ga ta naagettishin
\q2 taas gallassay dhumides.
\q1
\v 27 Ta wozinay daro ceecides;
\q2 ay saroka demmabeekke;
\q2 meto gallassatikka
\q2 ta bolla gakkida.
\q1
\v 28 Ta bollay awa xuussan gidontta
\q2 muuzoteththan karexxides;
\q2 duulata asa sinththan eqqada
\q2 maado taas oychchays.
\q1
\v 29 Asappe shaakettada
\q2 worakanatas isha,
\q2 guttotas lagge gidadis.
\q1
\v 30 Taas galbazi karexxidi dendides;
\q2 taas bollazikka
\q2 mishan xuugettides.
\q1
\v 31 Tani ta ufays
\q2 isttan qonccisiza
\q2 bagananne zayey
\q2 ha7i ta kayottada
\q2 kessiza zilassa qaala
\q2 sissiza miish gidida.
\c 31
\s1 Iyoobi Ba Wurseththa Haasaya Polides
\q1
\v 1 «Lo7o maccassako xeellada
\q2 amottontta mala;
\q2 tani ta ayfetara caaqo geladis.
\q1
\v 2 Bollan de7iza Xoossay
\q2 asas ay qaada immandeesha?
\q2 Salon diza Ubbaa
\q2 Dandayza Xoossafe
\q2 asas imettida gishay aazeeshaa?
\q1
\v 3 Iita asa bolla qohoy,
\q2 nagaranchcha asa bollaka dhayoy
\q2 gakkanayssi erettidaaz gidennee?
\q1
\v 4 Xoossay ta ooththizayssa
\q2 ubbaa beyennee?
\q2 Ta hemetakka shaakki erennee?
\q1
\v 5 Tani wordo haasaydaa gidikko,
\q2 asakka baleththidaa gidikko;
\q1
\v 6 Xoossi tana suure
\q2 geeddaran geeddaro.
\q2 Tani xillo gididayssa shaakki ero.
\q1
\v 7 Ta suure ogeppe ke7idaa gidikko,
\q2 Ta ayfey be7ida ubbaa
\q2 ta wozinay amottidaa gidikko,
\q2 qasseka ta kushey
\q2 nagaran tunidaa gidikko,
\q2
\v 8 tani zeridayssa hara asi mo.
\q2 Ta caarechchazikka kumeththi
\q2 shodetti oletto.
\b
\q1
\v 9 «Ta wozinay
\q2 hara macca amottidaa gidikko,
\q2 ta shooroza machcho
\q2 laymatanaas iza pengen
\q2 ta zuggidaa gidikko,
\q2
\v 10 ta machcha hara asas gaaccu;
\q2 qasseka hara addey izira zin7o.
\q1
\v 11 Hayssika keehi tuna;
\q2 Wogankka qaxxayssiza nagara.
\q1
\v 12 Ha nagaray tama mala
\q2 xuuggiza gishshas
\q2 ta hayssa ooththidaakko
\q2 ta aqota xuuggi
\q2 dhayssanakkoshin.
\b
\q1
\v 13 «Maccanne attuma gidida
\q2 ta aylleti tana mootiin
\q2 istta mootoza
\q2 ta kadhada aggidaa gidikko,
\q1
\v 14 Xoossi tana pirdiza wode
\q2 tani waananee?
\q2 Qasse izi tana oychchiza wode
\q2 tani ay zaaro immanee?
\q1
\v 15 Ta aayey ulon tana medhdhidayssi
\q2 ta aylletakka medhdhiday
\q2 iza gidennee?
\q2 Nuna ubbatakka
\q2 aayi ulon medhdhiday
\q2 iza deennee?
\b
\q1
\v 16 «Manqoti tana woossiin
\q2 ta digga erikke;
\q2 Qasseka am7e maccassata
\q2 minththeththontta
\q2 agga erikke.
\q1
\v 17 Yi7onne yitto nayta aggada
\q2 ta kath tarkka mabeekke.
\q1
\v 18 Tani ta yelagateththafe doommada
\q2 tani istta aawa mala dichchadis,
\q2 ta de7o layth ubbaan
\q2 am7e maccassata maaddadis.
\q1
\v 19 May7oy dhayiin
\q2 meegoy wodhizaade;
\q2 woykko metoppe dendidayssan
\q2 kallo dizaade beyada,
\q2
\v 20 ta dorsata iskefe
\q2 oosettida may7o ta mayziin,
\q2 izaade ho7iin tana zaari galatontta
\q2 aggida wodey deenna.
\q1
\v 21 Tani mooton istta
\q2 laththanayssa erada
\q2 aaway baynda nayta
\q2 naaqqidaa gidikko,
\q2
\v 22 ta kushey hasheppe ke7o.
\q2 Ta qeseykka kurezappe koldo.
\q1
\v 23 Tani Xoossa hanqos
\q2 yayyiza gishshassinne
\q2 iza teemateththaas yayyiza gishshas
\q2 Hayssa mala yo7ota ooththanawu
\q2 ta dandaykke.
\b
\q1
\v 24 «Tani taas diza
\q2 aqotan ammanettabeekke.
\q2 Woykko payya worqqaka
\q2 taas ammanettiza
\q2 miish ooththabeekke.
\q1
\v 25 ‹Taas diza aqoy darides;
\q2 Tani dureteththafe dendidayssan
\q2 daro miish demmadis› gaada
\q2 ufayetta erikke.
\q1
\v 26 Arshe poo7oza beyada,
\q2 agina lo7eteththa beyada,
\q2
\v 27 ta wozinan istta
\q2 geemara bonchchabeeke;
\q2 qasseka ta kushe micca yeerada
\q2 isttas goynnabeekke.
\q1
\v 28 Tani hayssa mala ooththidaakko
\q2 salon diza xoossa
\q2 kaddo gidida gishshas
\q2 hayti ha oosoti
\q2 ta bolla pirda ehiza nagarata.
\b
\q1
\v 29 «Ta morkketa kundeththaan
\q2 tani ufayettabeekke;
\q2 iita miishshi istta bolla
\q2 gakkishinkka miiccabeekke.
\q1
\v 30 ‹Ta morkketi dhayetto› ga qanggada
\q2 nagara ooththabeekke.
\q1
\v 31 Tani ubba wode
\q2 imaththa mokkizayssa
\q2 taso aylleti
\q2 ta gishshas markkatteettes.
\q1
\v 32 Tani ta keeththa kare
\q2 ogera aadhdhi biza mandaras
\q2 doya woththadis.
\q2 Hessa gishshas gadey qammiin
\q2 yida imaththi
\q2 karen ayssa erikke.
\q1
\v 33 Tani ta mooro genththabeekke;
\q2 hara asata mala
\q2 ta nagaraakka qottabeekke.
\q1
\v 34 Tana asa daroy yashissininne
\q2 soo asata kadhoy daganththiin
\q2 tani tason co7u gaada
\q2 qotettida wodey deenna.
\b
\q1
\v 35 «Ta gizayssa siyizaadey
\q2 beettereneshin!
\q2 Tanikka teqe qaala
\q2 shiishshanakkoshin!
\q2 Ubbaa Dandayza Xoossay
\q2 ta gizayssa zaaro izi immo!
\q2 Tana mootiza mootanchchay
\q2 tana mootizayssa
\q2 xaafi shiishshiin
\q2 ta beyarkinaashin!
\q1
\v 36 Woyto mala tani
\q2 ta hashen tookkanakkoshin;
\q2 kallachcha malakka
\q2 ta hu7e bolla goxxana.
\q1
\v 37 Daannateththi diza asa mala
\q2 Xoossa sinththan
\q2 yayyontta eqqada
\q2 ta ooththida ubbaa
\q2 qonccisa yootanakkoshin.
\b
\q1
\v 38 «Asa gade wogay baynda
\q2 bonqqa ekkada
\q2 tani goyidaa gidikko,
\q2
\v 39 he gadaa godata
\q2 ta mishisidaa gidikko,
\q2 aykkoka isttas immontta dashe
\q2 mokkida kaththa
\q2 tani midaa gidikko,
\q2
\v 40 he ta goyiza goshshason diza
\q2 gistte gishshas agunththi,
\q2 bangga gishshas
\q2 sharafay mokko» gides.
\q2 Iyoobi ba haasaya
\q2 hayssan polides.
\c 32
\s1 Eelihu Haasaya
\r (32:1—37:24)
\p
\v 1 Iyoobi, «Tani xillo asa» giza qofa laammontta gishshas heedzdzu asati iza zorizayssa aggida. 
\v 2 Eraama zereththafe Buuze dere as Barakele naa Eelihuy; Iyoobi bana Xoossafe aaththidi xillisida gishshas Iyoobe bolla keehi hanqettides. 
\v 3 Qasseka Iyoobe lagge heedzdzati Iyoobe bolla pirdafe attiin iza ammanththiza qaala yooti ammanththontta gishshas istta bollaka hanqettides. 
\v 4 Eelihuy hankkoytappe yelaga gidida gishshas hankkoyti banttas dizayssa haasayi wursanaashe gakkanaas Iyoobera haasayanawu ba tara naago bolla dees. 
\v 5 Iyoobe lagge heedzdzati Iyoobes bessiza zaaro immanaas dandayontayssa be7idi keehi hanqettides.
\p
\v 6 Buuze dere as Barakele naa Eelihuy,
\q1 «Tani inttefe yelaga gidida
\q2 gishshassinne
\q2 intte cima gidida gishshas
\q2 pokkoynne yashshi tana oykkiin
\q2 hanno gakkanaas
\q2 ta qofa qonccisontta gam7adis.
\q1
\v 7 ‹Cimati sinththati haasayetto;
\q2 bantta layththan demmida
\q2 aadho erateththafe tamaarsetto›
\q2 ga qoppadis.
\q1
\v 8 Gido attiin asa giddon aqidi
\q2 aadho erateth asas immizay
\q2 Ubbaa Dandayza Xoossa ayana.
\q1
\v 9 As aadho eranchcha kessizay
\q2 cimateth gidenna;
\q2 qasseka asi akeekanaas
\q2 dandayzay
\q2 izaades layththi
\q2 aduqqida gishshas gidenna.
\b
\q1
\v 10 «Hessa gishshas lo7eththi siyite;
\q2 tanikka ta qofa inttes yootana.
\q1
\v 11 Intte haasayza wode
\q2 tani co7u gaada ezgays;
\q2 intte haasayana qaala
\q2 qoppishinka tani naagays.
\q1
\v 12 Tani intte haasayzayssa
\q2 lo7eththa siyadis;
\q2 gido attiin inttefe
\q2 oonikka Iyoobi mooranchcha
\q2 gididayssa ammanththidaynne
\q2 qasseka iza haasayas
\q2 bessiza zaaro immiday deenna.
\q1
\v 13 Iyoobe haasayas bessiza zaaro
\q2 immanaas dandayzay
\q2 Xoossafe attiin
\q2 as gidontta gishshas
\q2 intte, ‹Nuni aadho erateth
\q2 demmidos› giidi
\q2 coo hada ceeqettofte.
\q1
\v 14 Iyoobi marshettiday
\q2 inttenarappe attiin
\q2 tanara gidenna;
\q2 tanikka intte haasayzayssa malan
\q2 izas zaaro immike.
\b
\q1
\v 15 «Istti dagammidi
\q2 haasayza qaalay dhayda gishshas
\q2 aykko haasayanawu
\q2 dandaybeettenna.
\q1
\v 16 Hekko! Istti haasayza miishshi
\q2 dhayiin co7u giidi eqqida;
\q2 histtiin tanikka co7u ga
\q2 naaganaas taas bessizee?
\q1
\v 17 Akkay! Co7u giikke;
\q2 tanikka ta baggara diza
\q2 zaaroza immana;
\q2 ta qofaakka qonccisana.
\q1
\v 18 Ta haasayanaas bessizaazi
\q2 daroy diza gishshas;
\q2 tanan diza ayanay
\q2 tana wolqqara haasayssees.
\q1
\v 19 Be7ite! Tani haasayontta aggiko,
\q2 woyne cajje woththiza
\q2 ooraththa lukkamoy
\q2 shempizaso dhaydi
\q2 dhuuqqanaas puurizayssa mala
\q2 ta giddoy puuridi
\q2 dhuuqqana gakkides.
\q1
\v 20 Ane! Tani
\q2 hayssafe haasayada shempays;
\q2 ta doona doyada
\q2 tani haasayanaas bessees.
\q1
\v 21 Hayssa ha yo7ozan
\q2 tani oonakka maaddike;
\q2 woykko ay asakka aadashikke.
\q1
\v 22 Tani as aadashoy mulekka hanenna;
\q2 ta hessa mala ooththiko
\q2 tana medhdhidayssi
\q2 tana hanqana.
\c 33
\q1
\v 1 «Iyoobee! Ta nees
\q2 yootizayssa siya;
\q2 ta nees gizayssaka akeekan ezga;
\q2
\v 2 ta nees zaaro immanaas
\q2 giigetta uttadis;
\q2 ta doonaykka haasayanaas
\q2 giigetti uttides.
\q1
\v 3 Ta haasayza qaalati
\q2 ta wozina suureteththa
\q2 qoncciseettes;
\q2 ta inxarsay
\q2 ta eriza tuma haasayees.
\q1
\v 4 Tana medhdhiday Xoossa Ayana;
\q2 taas de7o immiday
\q2 Ubbaa Dandayza Xoossa Ayana.
\q1
\v 5 Neni dandayzaa gidikko
\q2 ta goyssas zaaro imma;
\q2 ne gaanayssa giigsada
\q2 tanara haasayeeta.
\q1
\v 6 Hekko! Tani Xoossa sinththan
\q2 nenara gina;
\q2 tanikka medhettiday urqqafe.
\q1
\v 7 Neni taas yayyanaas bessenna;
\q2 tanikka nena
\q2 naaqqanawu koshshenna.
\q1
\v 8 Neni haasayda ubbaa ezgashe
\q2 ta gam7adis;
\q2 ne inxarsafe ke7ida qaalata
\q2 ta siyadis.
\q1
\v 9 Neni haasayashe, ‹Tani qohoynne
\q2 borey baynda asa;
\q2 tani nagara ooththonttaadenne
\q2 xillo asa.
\q1
\v 10 Gido attiin Xoossi tana qaxxayanaas
\q2 gaaso koyees;
\q2 tanakka baas morkke mala
\q2 qoodees.
\q1
\v 11 Ta tohota izi
\q2 duruman duxxi qachchides.
\q2 Ta bizaso ubbaan
\q2 tana xeellees› gadasa.\x - \xo 33:11 \xo*\xt Iyo 13:27\xt*\x*
\b
\q1
\v 12 «Iyoobee! Hayssi ne haasayay
\q2 bala gidides;
\q2 tanikka nees
\q2 qonccisanaas koyays;
\q2 Xoossi asa ubbaafe aadhdhees.
\q1
\v 13 Histtiin, ‹Neni Xoossi
\q2 asi maganiza magana
\q2 siyenna› gaada
\q2 ays Xoossa bolla zuuzumay?
\q1
\v 14 Asi akeekennafe attiin
\q2 Xoossi dumma dumma
\q2 ogera haasayees.
\q1
\v 15 Omars asi hiixan ichchi diza wode
\q2 asi koyro dhisko
\q2 seeraagida wode;
\q2 agumoninne ajjuutankka
\q2 Xoossi haasayees.\x - \xo 33:15 \xo*\xt Iyo 4:13\xt*\x*
\q1
\v 16 He wode asi iza qaala siyana mala
\q2 hayththa doyees;
\q2 izi ba immiza seerankka
\q2 daganththees.
\q1
\v 17 Hessa mala ooson asi
\q2 nagara ooththontta mala diggees;
\q2 otoreteththaaka isttafe denththees.
\q1
\v 18 Xoossi asa shemppo
\q2 dhayoppe ashshees;
\q2 bashsha hayqoppeka wozzees.
\q1
\v 19 Woykko asi meqeththan gelida
\q2 sakon dishin
\q2 asi ba balappe simmana mala
\q2 harge hiixan Xoossi zorees.
\q1
\v 20 Hayssa malan harganchcha kath
\q2 lanqanaas iza iitees;
\q2 lo7o kaththika harassees.
\q1
\v 21 Gilqateththappe dendoyssan
\q2 izas ashozikka wurides;
\q2 meqeththi xalla attides.
\q1
\v 22 Iza shemppoy kezanaassinne
\q2 moogettanaas matides.
\b
\q1
\v 23 «Asi suure oge bessanaas
\q2 shiyan qoodettiza
\q2 Xoossa kiitanchchatappe,
\q2 issoy iza maaddanaas yidaakko,
\q2
\v 24 kiitanchchay izas qadhettidi,
\q2 ‹Iza wozzizaade
\q2 ta demmida gishshas
\q2 izi duge duufon
\q2 wodhdhontta mala
\q2 aggaaga!› giidi
\q2 hayqo oykkidaakko,
\q2
\v 25 hessa gishshas iza asateththay,
\q2 qeeri naa asho mala
\q2 zaari ooraxana;
\q2 izas yelagateththa wode mala
\q2 qasseka hanana.
\q1
\v 26 He wode Xoossako izi woossana.
\q2 Iza woosaakka Xoossi siyana;
\q2 Xoossa sinth
\q2 izi be7idi ufayettana;
\q2 Xoossika iza woosaas
\q2 zaaro immana.
\q1
\v 27 Izi asa sinththan,
\q2 ‹Tani nagara ooththadis;
\q2 suure gididayssaka geellasadis.
\q2 Xoossay gidikko ta moora mala
\q2 taas ooththibeenna.
\q1
\v 28 Tani duufon gelontta mala
\q2 tana ashshides;
\q2 hekko ha7i paxa daada
\q2 tani poo7o beyays› gi yexxides.
\b
\q1
\v 29 «Hekko! Xoossi hayssa
\q2 ubbaa miishsha
\q2 asas zaari zaari ooththees.
\q1
\v 30 De7on diidi poo7o beyana mala
\q2 iza shemppo hayqoppe ashshees.
\b
\q1
\v 31 «Iyoobee! Ta nees yootizayssa
\q2 lo7eththa siya;
\q2 tani nees yootays
\q2 ane neni co7u ga.
\q1
\v 32 Neni haasayanaas
\q2 koyza miishshi diikko
\q2 taas yoota,
\q2 ta neni xillo gididayssa
\q2 nena bessana koyays.
\q1
\v 33 Akkay giikko!
\q2 Tani haasayzayssa
\q2 co7u gaada siya;
\q2 tani nena
\q2 erateth tamaarsana» gides.
\c 34
\p
\v 1 Eelihuy ba haasaya gujjidi hizgides;
\q1
\v 2 «Intteno aadho eranchchatoo!
\q2 Ta inttes haasayzayssa siyite;
\q2 intteno eranchchatoo
\q2 ta haasaya ezgite.
\q1
\v 3 Inxarsi kaththa mal7o
\q2 shaakki erees;
\q2 hessaththoka hayththi yo7o
\q2 shaakki erees.\x - \xo 34:3 \xo*\xt Iyo 12:11\xt*\x*
\q1
\v 4 Tumu gidida yo7o
\q2 ane shaakki eroos;
\q2 lo7o gidida miishshika
\q2 issife tamaaroos.
\b
\q1
\v 5 «Iyoobi, ‹Tani xillo shin
\q2 Xoossi tana suure pirda diggides.
\q1
\v 6 Tani tumanchchashin
\q2 wordanchcha mala qoodettadis;
\q2 ta aykkoka moorontta dashe
\q2 paxontta madunththan
\q2 waayettays› gides.
\q1
\v 7 Iyoobe mala Xoossa bolla
\q2 qilccizaadey beettandeesha?
\q1
\v 8 Izi iita ooththizaytara laggetees;
\q2 izas peyshayka iita laggetara.
\q1
\v 9 ‹Xoossa ufayssana giidi oosoy
\q2 as aykkoka maaddenna› gees.
\b
\q1
\v 10 «Akeekiza asatoo
\q2 ane tana ezgite!
\q2 Iita oosoy Xoossafe;
\q2 bala oosoy
\q2 Ubbaa Dandayza
\q2 Xoossafe haakko!
\q1
\v 11 Xoossi asas
\q2 izaade ooso mala immees;
\q2 izas izaade hemeththa mala
\q2 ooththees.\x - \xo 34:11 \xo*\xt Maza 62:12\xt*\x*
\q1
\v 12 Ubbaa Dandayza Xoossay
\q2 mulekka iita miish ooththenna;
\q2 ay asaska
\q2 suure pirda geellasenna.
\q1
\v 13 Xoossasi biitta
\q2 hadara immidaadey deenna;
\q2 iza alame bollaka
\q2 shuumidaadey deenna.
\q1
\v 14 Xoossi ba ayanazanne
\q2 ba shemppoza;
\q2 baakko zaari ekkana koyidaakko,
\q2
\v 15 asho may7iday kumeth dhayana;
\q2 asa zereththika
\q2 duge biittan simmana.
\q1
\v 16 Neni akeekizaa gidikko hayssa siya;
\q2 ta nees haasayzayssa ezga.
\q1
\v 17 Suure pirda ixxizaadey
\q2 dere ayssanaas dandayzee?
\q2 Neni xillonne wolqqama Xoossa
\q2 nagaranchcha kessay?
\q1
\v 18 Kawota intte dhalleketa;
\q2 shuumetakka intte iita
\q2 gaanay oonee?
\q1
\v 19 Ubbatikka iza medhetata gidida
\q2 gishshas izi shuumeta
\q2 shaakki maaddenna;
\q2 duretakka manqotappe
\q2 shaakkenna.
\q1
\v 20 Istti leela giddoth
\q2 qoppontta hayqqana;
\q2 ubbay kokkori dhayana;
\q2 wolqqamatikka oona kusheykka
\q2 bochchontta kichchana.
\b
\q1
\v 21 «Xoossi asa ubbaa
\q2 tanggoza xeellees;
\q2 issaa issaa hemeth kaalleettes.
\q1
\v 22 Iita asati qotettana mala
\q2 girdi gida dhumay deenna.
\q1
\v 23 Xoossi asa bolla pirdanaas
\q2 bare immenna.
\q1
\v 24 Wolqqama daannata
\q2 daannateththafe denththanaas,
\q2 isttasohon hara woththanaas,
\q2 aykko oyshay shiiqontta
\q2 izi hessaththo ooththees.
\q1
\v 25 Izi istta oosaa eriza gishshas
\q2 issi omars
\q2 istta daannateththafe dhayssana.
\q1
\v 26 Istti ooththida makkallateththa
\q2 gaason ubbaa asa sinththan
\q2 makkallanchchata qaxxayees.
\q1
\v 27 Izi istta qaxxayizayssi
\q2 istti iza kaallizayssa aggida
\q2 gishshassa;
\q2 iza azazotakka
\q2 istti kadhida gishshassa.
\q1
\v 28 Istti manqota un7eththida;
\q2 pude Xoossako waassana mala
\q2 ooththida.
\q2 Xoossika manqota
\q2 waasoza siyides.
\q1
\v 29 Xoossi co7u giikko
\q2 oonee iza bolla pirdanay?
\q2 Izi ba zokko zaarikko
\q2 oonee iza beyanay?
\q1
\v 30 Hessaththoka Xoossas
\q2 yayyontta deraa
\q2 un7eththiza kawoy
\q2 deraa bolla dendiko
\q2 iza oonee digganay?
\b
\q1
\v 31 «Iyoobee! Neni ne nagara
\q2 Xoossas paaxada
\q2 zaara nagara ooththike ga
\q2 qaala geladii?
\q1
\v 32 Ta ooththida nagaray awayssako
\q2 tana tamaarsa;
\q2 ta mooridaa gidikko
\q2 zaarada izaththo
\q2 ooththike! gadii?
\q1
\v 33 Histtiin neni maarettanaappe
\q2 ixxis gaada
\q2 neni shiishshiza qofa mala
\q2 Xoossi ne amoza
\q2 nees polana mala
\q2 ne koyay?
\b
\q1
\v 34 «Tana siyiza asati
\q2 akeekiza eranchchatikka,
\q1
\v 35 ‹Iyoobi erateththi baynda haasayees;
\q2 hu7ey baynda haasayata
\q2 haasayees› geettes.
\q1
\v 36 Iita asata zaaro mala
\q2 zaariza gishshas
\q2 Iyoobi wurseththi gakkanawu
\q2 paacettidaakko aazee dizay!
\q1
\v 37 Nu giddon wogappe kare ke7ides;
\q2 Xoossa bolla kadhe darssides;
\q2 ba nagara bollaka
\q2 makkallateth gujjides» geettes.
\c 35
\p
\v 1 Eelihuy ba haasaya gujjidi hizgides;
\q1
\v 2 «Iyoobe ne nena,
\q2 ‹Tani Xoossa sinththan Xillo›
\q2 gizayssi likkee?
\q1
\v 3 ‹Nagara ooththontta aggiko
\q2 ta ay go7ettanee?
\q2 qasseka ay demmanee?› gaada
\q2 neni oychchadasa.
\q1
\v 4 Tani neessinne nenara dizaytas
\q2 zaaro immana.
\b
\q1
\v 5 «Dhoqqu gaada pude salo xeella;
\q2 neeppe dhoqqu giidi diza
\q2 shaara akeeka.
\q1
\v 6 Neni nagara ooththiko
\q2 Xoossa aazan qohay?
\q2 Neni iza darsa darsa qohikko
\q2 iza ay ooththanawu dandayay?
\q1
\v 7 Neni xillo gidikko izas ay immanee?
\q2 Izi neeppe aykkoka koyenna.
\q1
\v 8 Ne nagara ooththiko qohanay
\q2 ne mala asata xalla.
\q2 Ne lo7o miish ooththikoka
\q2 ne go7izay as xalla.\x - \xo 35:6-8 \xo*\xt Iyo 22:2-3\xt*\x*
\b
\q1
\v 9 «Asi haray darssi
\q2 qohishin waassees;
\q2 baappe wolqqatizaade kusheppe
\q2 bana ashshi ekkanaades
\q2 magannees.
\q1
\v 10 Gido attiin isttafe oonikka,
\q2 ‹Tana medhdhida
\q2 Xoossay awanee?
\q2 Leela giddoth
\q2 mazamure immizayssi awanee?
\q1
\v 11 Mehetappe nuna aaththi
\q2 tamaarsida;
\q2 salo kafotappeka
\q2 aadho eranchchata
\q2 ooththiday iza› giday baawa.
\q1
\v 12 Istti waasseettes;
\q2 izi gidikko istti otoranchchatanne
\q2 iitata gidida gishshas
\q2 isttas zaaro immenna.
\q1
\v 13 Xoossi tuma wozinappe gidontta
\q2 waaso siyenna;
\q2 Ubbaa Dandayza Xoossay
\q2 hessa mala ezgenna.
\q1
\v 14 Iyoobee! Neni ta Xoossa aykkoka
\q2 be7ikke giikkoka,
\q2 ne metoy iza sinththan
\q2 de7iza gishshas,
\q2 neni dandayan
\q2 naagana koshshees.
\q1
\v 15 Qasseka Xoossi nena
\q2 ba hanqon hanqontta
\q2 asa iitateththa co7u giidi
\q2 aadhdhana nees misatizee?
\q1
\v 16 Iyoobee! Neni coo mela
\q2 haasaya darsaasa;
\q2 erateththi baynda
\q2 coo gaada haasayaasa.»
\c 36
\p
\v 1 Eelihuy ba haasaya gujjidi hizgides;
\q1
\v 2 «Xoossa gishshas tani haasayana
\q2 haray diza gishshas
\q2 guuth dandayada ta gizayssa siya.
\q1
\v 3 Tani darosoppe demmida
\q2 erateththan, tana medhdhida
\q2 Xoossi Xillo gididayssa
\q2 tani nees erisays.
\q1
\v 4 Ta qaalay wordo gidonttayssa
\q2 neni lo7eththa era;
\q2 nenara haasayana taas kumeththa
\q2 erateththi dizayssa era.
\b
\q1
\v 5 «Tumukka Xoossi wolqqama;
\q2 gido attiin oonakka kadhenna;
\q2 izi ubbaaka akeekees.
\q1
\v 6 Izi iita asata paxa woththenna.
\q2 Metotida asatas gidikko
\q2 suure pirda pirdees.
\q1
\v 7 Xoossi xillo asata naagees;
\q2 kawota mala
\q2 bonchcho algan utisees;
\q2 mernaas istta
\q2 dhoqqu dhoqqu histtees.
\q1
\v 8 Gido attiin asi
\q2 sansalatan qashettiko,
\q2 woykko meto giten oykettiko,
\q2
\v 9 istti ba otoreteththan
\q2 ooththida nagara qonccisees.
\q1
\v 10 Istti seera siyana mala
\q2 istta hayththaa doyees;
\q2 istti bantta iita oosaappe simmidi
\q2 maarettana mala azazees.
\q1
\v 11 Istti Xoossas azazettidi ooththiko,
\q2 banttas attida layththa
\q2 dureteththaninne
\q2 ufayssan ongana.
\q1
\v 12 Gido attiin iza siyontta ixxiko
\q2 istti olan wurana;
\q2 istti bantta eeyateththan
\q2 dishe hayqqana.
\b
\q1
\v 13 «Bantta wozinara Xoossa kaddizayti
\q2 qaxxayettida mala daana;
\q2 izi istta qaxxayshinkka
\q2 istta kaaleththizayti
\q2 woossettenna.
\q1
\v 14 Istti ba poliza
\q2 iita laymateththa
\q2 boshan dhayana;
\q2 bantta yelagateththa layththankka
\q2 mulqqetti hayqqana.
\q1
\v 15 Xoossi meton un7ettizayta
\q2 istta metaappe ashshana;
\q2 istta gakkida metaan
\q2 isttas timirte immana.
\b
\q1
\v 16 «Hayssa ha wodezan
\q2 Xoossi nees qoppizay
\q2 nena ne diza metaappe kessidi
\q2 lo7o kaththi kumida
\q2 maaddan efanaassa.
\q1
\v 17 Ha7i gidikko
\q2 ne ooththida mooraappe
\q2 dendoyssan ne bolla
\q2 pirdettida gishshas,
\q2 nees bessiza qixaate
\q2 eko bolla daasa.
\q1
\v 18 Oonikka nena dureteththa daron
\q2 cimontta mala;
\q2 matta7enkka nena
\q2 baleththontta mala naagetta.
\q1
\v 19 Nees diza aqotaynne godateththi
\q2 daro gidikkoka
\q2 nena metoppe ashshettenna.
\q1
\v 20 Deraa dizasoppe dhayssiza
\q2 dhuma wodey
\q2 yaana mala amottofa.
\q1
\v 21 Neni meto giddon paacettizay
\q2 hessa gaason gidida gishshas
\q2 simmada nagara
\q2 ooththontta mala naagetta.
\b
\q1
\v 22 «Xoossa wolqqay
\q2 ay mala gitakko akeeka;
\q2 Xoossi ubbaafe aadho astamaare.
\q1
\v 23 ‹Hayssa ooththa› giidi
\q2 Xoossa azaziza asi woykko,
\q2 ‹Iita ooso ooththadasa› giidi
\q2 iza walassizay oonee?
\q1
\v 24 Izi ooththiza oosaa gishshas
\q2 asay ubba wode mazamuren
\q2 galatizayssa mala,
\q2 nenikka iza oosaas
\q2 yeththan galata.
\q1
\v 25 Asa zereththi ubbay
\q2 Xoossa oosaa be7ides;
\q2 asay tishshi ooththi
\q2 haakon be7ides.
\q1
\v 26 Xoossa gitateththa
\q2 pilggidi gakkanaas
\q2 nuni dandayokko;
\q2 iza layththa qoodaykka
\q2 nu erappe bolla.
\b
\q1
\v 27 «Xoossi haaththa abbafe
\q2 pude salo efees;
\q2 zaaridikka ira saloppe
\q2 duge bukisees.
\q1
\v 28 Ira shaarappe kessidi
\q2 wolqqama ira asas bukisees.
\q1
\v 29 Gido attiin Xoossi
\q2 shaara wostti miccizaakko,
\q2 wolqqanththa giddon uttidi
\q2 izi waani haasayzaakko
\q2 ooni eranawu dandayzee?
\q1
\v 30 Xoossi abba ciimmateththa
\q2 kammidi izi ba yuushon
\q2 wolqqanththa
\q2 wostti laallizaakko xeella.
\q1
\v 31 Hayssa mala ooththidi
\q2 Xoossi ba deraa ayssees;
\q2 asay miza daro kaththaaka
\q2 mokisees.
\q1
\v 32 Wolqqanththa izi
\q2 ba kushen oykkees;
\q2 oykkidi ba dosida
\q2 bagga baana mala azazees.
\q1
\v 33 Daday wolqqama iray
\q2 yaanayssa malatees;
\q2 mehetikka ira uushoy yizayssa ereettes.
\c 37
\q1
\v 1 «Wolqqama uushoppe dendoyssan
\q2 ta wozinay kokkorides;
\q2 Yashshateththafe dendoyssan
\q2 piri baana gakkides.
\q1
\v 2 Iza doonappe ke7iza qaala siyite;
\q2 Dada mala guummiza
\q2 giirissa qaala siyite.
\q1
\v 3 Saloppe garsan wolqqanththi
\q2 wolqqamees;
\q2 biitta gaxa gakkanawu kiittees.
\q1
\v 4 Hessafe guye wolqqama
\q2 ba giirissa sissees;
\q2 yashissiza ba giirissa
\q2 dada mala guunththees;
\q2 Wolqqanththa poo7oykka
\q2 zaari zaari beettees;
\q2 ba yashissiza giirissan guummees;
\q2 Izi ba giirissa sissiza wode
\q2 wolqqanththa diggenna.
\q1
\v 5 Xoossa giirissa gunththay
\q2 malalisiza gita guunth
\q2 guummees;
\q2 nuni eranawu dandayontta
\q2 gita miishshata ooththees.
\q1
\v 6 Biitta bolla shachchi
\q2 wodhdhana mala ooththees;
\q2 wolqqama iraykka
\q2 bukkana mala azazees.
\q1
\v 7 Izi medhdhida asati
\q2 iza ooso erana mala;
\q2 ubbaa asay bantta oosoza
\q2 ooththontta mala teqqees.
\q1
\v 8 He wode wora do7ati,
\q2 baqatidi bantta qoteteththaso
\q2 geleettes;
\q2 bantta gongolozan qoteteettes.
\q1
\v 9 Wolqqama carkoy
\q2 pudehappe dendees;
\q2 moociza carkoy pudehappe yees.
\q1
\v 10 Xoossa peenoy haaththa moocisees;
\q2 izappe shach medhdhees.
\q1
\v 11 Shaaray haaththa
\q2 tookkana mala ooththees;
\q2 ba giddon wolqqanththi
\q2 wolqqamana mala ooththees.
\q1
\v 12 Goda kaaleththon shaarati
\q2 biitta yuushon yuuyeettes;
\q2 banttana maaddiza
\q2 azazotakka poleettes.
\q1
\v 13 Xoossi ira bukisizay
\q2 biittaa irxxisanaas,
\q2 asata qaxxayanaas
\q2 woykko ba siiqo qonccisanaassa.
\q1
\v 14 Iyoobee! Neni takki gaada siya;
\q2 Xoossi ooththiza
\q2 malalisiza oosota
\q2 wozinan woththada akeeka.
\q1
\v 15 Xoossi shaara wostti azazizaakko,
\q2 wolqqanththaka
\q2 wostti wolqqanththizaakko
\q2 neni eray?
\q1
\v 16 Shaara salo bolla
\q2 wostti woththidaakko,
\q2 malalisiza ubbaa eriza Xoossa
\q2 oosoza ne eray?
\q1
\v 17 Saloy xarqimala misatiza wode,
\q2 wolqqama bazzo carkoy
\q2 biitta bolla carkiza wode
\q2 neni homben seerana.
\q1
\v 18 Xoossi salo seerida
\q2 mastoote mala micciko,
\q2 neni iza matan uttada
\q2 maaddanawu dandayay?
\b
\q1
\v 19 «Nuus eray pace gidida gishshas
\q2 nuni ay giidi
\q2 Xoossas zaaranaakko
\q2 neni nuna ane tamaarsa.
\q1
\v 20 Xoossara haasayana
\q2 gaada oychchike;
\q2 ta iza oychchada aazas
\q2 izi tana dhayssana mala
\q2 denththeththoo?
\q1
\v 21 Carkoy shaara saloppe
\q2 qucci geeshshiza wode,
\q2 oonikka xolqiza arshe
\q2 tishshi histti
\q2 xeellanaas dandayenna.
\q1
\v 22 Pudehappe worqqa mala
\q2 xolqiza poo7oy yaana;
\q2 Xoossi malalisiza
\q2 teeman qonccana.
\q1
\v 23 Ubbaa Dandayza Xoossay
\q2 nu qofappe bolla;
\q2 iza wolqqay gita;
\q2 izikka tumu pirdizaade.
\q1
\v 24 Bantta qofan,
\q2 ‹Nuni aadho eranchchata› gizayta
\q2 izi kadhees;
\q2 hessa gishshas asay wuri
\q2 izas yayyees.»
\c 38
\s1 Xoossafe Iyoobes Imettida Zaaro
\p
\v 1 Hayssafe guye GODAY
\q2 gote carko giddon gididi
\q2 Iyoobes hizgides,
\q1
\v 2 «Hayssi eray baynda haasayan
\q2 ta zoreza kadhizay
\q2 izi baas oonee?
\q1
\v 3 Ane adde gidikko
\q2 danccetta ta sinththan eqqa;
\q2 tani nena oychchizayssa
\q2 taas zaara.
\q1
\v 4 Tani hayssa alameza medhdhishin
\q2 neni awan day?
\q2 Ne erizanne akeekizaa gidikko
\q2 ane taas yoota.
\q1
\v 5 Hayssi sa7ay ay keena gidanaakko
\q2 qofa qachchiday oonee?
\q2 Sa7a bolla izi
\q2 mixe wodorota micciday
\q2 oonakko ne eray?
\q1
\v 6 Biitta tuussati kundontta mala
\q2 minththi oykkida wolqqay aazee?
\q2 Alameza ooso doommishin
\q2 yochcha shuch yeggiday oonee?
\q1
\v 7 Bakkale xoolintteti
\q2 issi bolla yexxizaashe,
\q2 kiitanchchati ubbay ililizaashe
\q2 neni awan day?
\b
\q1
\v 8 «Abbay biittafe
\q2 dhuuqqi ke7iza wode
\q2 pultto ayfeta gordiday oonee?
\q1
\v 9 Abba shaaran kammiday
\q2 Qasseka girdi gida dhuman
\q2 gordiday tana.
\q1
\v 10 Abbas zawa medhdhiday
\q2 pengenne zawa woththiday tana.
\q1
\v 11 Hayssa gakkanawu ya!
\q2 Hayssafe aadhdhofa!
\q2 Ne wolqqama dambalay,
\q2 ‹Hayssan eqqo› gadis.\x - \xo 38:8-11 \xo*\xt Er 5:22\xt*\x*
\b
\q1
\v 12 «Iyoobee! Neni yelettoosofe
\q2 wonttay wonttana mala
\q2 azaza eray?
\q2 Wontta poo7oska
\q2 soho giigsa eray?
\q1
\v 13 Wonttay biitta bolla
\q2 poo7o bessana mala
\q2 iita asati qotettidasoppe
\q2 qoncce kezana mala
\q2 ne istta azaza eray?
\q1
\v 14 Wontta poo7oy biitta
\q2 qalam7etti diza may7o mala
\q2 beettana mala ooththees;
\q2 mana miishsha bolla diza
\q2 maatame mala
\q2 qonccen bessees.
\q1
\v 15 Iitati poo7o digettida;
\q2 istti makkallateththan denththida
\q2 kusheykka meqqides.
\b
\q1
\v 16 «Ne duge ciimma abban
\q2 wodhdhadii?
\q2 Wogga gita abba garsan
\q2 simeretta eray?
\q1
\v 17 Hayqo pengeta nena bessidee?
\q2 Girdi gida dhuma
\q2 pengetakka beyadii?
\q1
\v 18 Sa7ay ay keena dalga gididaakko
\q2 ne eray?
\q2 Ane hayssa ubbaa erizaa gidikko
\q2 ne taas yoota.
\b
\q1
\v 19 «Poo7oy dizaso efiza ogey awanee?
\q2 Qasseka dhumay
\q2 de7izasoy awakko
\q2 ne eray?
\q1
\v 20 Neni poo7onne dhuma
\q2 istti dizaso dizaso
\q2 efanaas dandayayii?
\q2 Isttasoy dizaso efiza ogeza
\q2 ne eray?
\q1
\v 21 Neni biittay medhettiza wode
\q2 yelettida gishshassinne
\q2 nees layththayka
\q2 daro gidida gishshas
\q2 ne erontta aggaka!
\q1
\v 22 Shachchi wodhdhiza
\q2 keeththan geladiyee?
\q2 Woykko uttida shachcha
\q2 doore beyadii?
\q1
\v 23 Hayssa ha shachchaza
\q2 ta ola gallassasinne
\q2 meto gallassas
\q2 go7ettanaas minjja woththidaaza.
\q1
\v 24 Wolqqanththi awappe dendizee?
\q2 Woykko arshey mokkiza baggafe
\q2 carkoy biitta bolla laalettizaso
\q2 efiza ogey awanee?
\q1
\v 25 Iraththo wodhdhizaso giigsiday;
\q2 daday walakettida uushos
\q2 oge giigsiday oonee?
\q1
\v 26 Oonikka baynda biittan
\q2 asikka dontta bazzon ashshizay,
\q2
\v 27 iray bukkana malakka
\q2 ooththizay oonee?
\q2 Asi baynda sohozanne
\q2 bazzo biitta
\q2 haath kalssiday
\q2 biittayka maata mokkana mala
\q2 ooththiday oonee?
\q1
\v 28 Iranne xaaza immizay oonee?
\q1
\v 29 Shachchinne kenchcho
\q2 immizay oonee?
\q1
\v 30 Kenchcho haaththa shuchcha mala
\q2 minththees;
\q2 abba haaththika shachchaththo
\q2 shuchchatana mala ooththees.
\b
\q1
\v 31 «Piliyaadise geetettiza xoolintteta
\q2 issi bolla qachchanaas dandayay?
\q2 Ooriyo geetettiza xoolintteti
\q2 issi bolla oykettida wodoroza
\q2 duuththanawu dandayay?\x - \xo 38:31 \xo*\xt Iyo 9:9; Amo 5:8\xt*\x*
\q1
\v 32 Xoolintteta ubbaa
\q2 istta woden woden
\q2 kessanawu dandayay?
\q2 Zardo geetettiza do7a
\q2 medhoy diza xoolinte,
\q2 istta maaratara
\q2 ne kaaleththanawu dandayay?
\q1
\v 33 Saloti ay mala wogan a
\q2 qizaakko eray?
\q2 Hayssa ha wogazakka
\q2 biitta bolla oosisana dandayay?
\b
\q1
\v 34 «Daro ira nees bukisana mala
\q2 shaara ne azazanawu dandayay?
\q1
\v 35 Wolqqanth ne azazon wolqqamizee?
\q2 Wolqqanth ne yeddanaas dandayay?
\q2 Isttika nees,
\q2 ‹Hekko nu haan doos› gi erizoo?
\q1
\v 36 Wozinas cinccateth
\q2 qoppanaas kaha immiday oonee?
\q1
\v 37 Ba eran shaarata qoodanaas
\q2 dandayzay oonee?
\q2 saloppe haath duge tiganaas
\q2 dandayzay oonee?
\q1
\v 38 Gudulla oyseththidi
\q2 phashe kessanaas
\q2 dandayzay oonee?
\b
\q1
\v 39 «Macca gaammoy wora giddon
\q2 zamada uttidaashin
\q2 ne izis miza miish shankkatada
\q2 immanaas dandayay?
\q1
\v 40 Woykko gafi uttida izi marata
\q2 kalssanawu dandayay?
\q1
\v 41 Quuroti gafidi bichchariza wode
\q2 istta ciyetikka miza miish
\q2 dhaydi taakko waassiza wode
\q2 isttas miza miish
\q2 immizay oonee?
\c 39
\q1
\v 1 «Genessati yeliza wode ne eray?
\q2 Wusha geetettiza do7ay miixattidi
\q2 yelishin beya eray?
\q1
\v 2 Istti seebbatidi
\q2 ay lagge wode gam7izaakko
\q2 awude yelizaakko ne eray?
\q1
\v 3 Gulbati miixattishe bantta marata
\q2 istti yelizay
\q2 awudekko ne eray?
\q1
\v 4 Istta marati
\q2 woran diccidi minneettes;
\q2 isttafe shaakettidi beettes;
\q2 bidaappe guye
\q2 bantta aayetakko simmettenna.
\q1
\v 5 Hardiday yeda daana mala
\q2 ooththiday oonee?
\q2 Istta qashoppe birshiday oonee?
\q1
\v 6 Bazzoza isttas
\q2 dizaso histta immadis;
\q2 maxiney diza demban
\q2 istta woththadis.
\q1
\v 7 Kachchi dariza katamatappe
\q2 haakkidi deettes;
\q2 guyera laaggizayti
\q2 qoodizayssa dosettenna.
\q1
\v 8 Zumata bollan pe7eettes;
\q2 heen baas gidiza
\q2 cilila maata koyeettes.
\b
\q1
\v 9 «Menththi nees ooththanaas
\q2 eeno gaandee?
\q2 Woykko ne zedhen
\q2 eeno gi eqqandee?
\q1
\v 10 Menth waaxada
\q2 gosh goyanawu dandayay?
\q1
\v 11 Iza minoteththan ne ammanettay?
\q2 Nees deexxiza oosoza
\q2 izi ooththana mala
\q2 izas agga eray?
\q1
\v 12 Izi neekko simmi yaana mala,
\q2 ne kath bukkiza baley dizaso
\q2 miiyanayssa ammanettay?
\b
\q1
\v 13 «Yanchchay ba qefe
\q2 eeson miccawus;
\q2 gido attiin
\q2 sangano kafo mala piradhdhuku.
\q1
\v 14 Yanchchay ba phuuphphulle
\q2 biittan yeggawus;
\q2 biitta giddon uttidi
\q2 ho7ana mala ooththawus.
\q1
\v 15 ‹Heera aadhdhizaadey
\q2 ba tohon menththees;
\q2 wora do7atikka
\q2 yedhdhi liiqiseettes›
\q2 gaada qoppuku.
\q1
\v 16 Ba ciyetas allaga mala
\q2 menxe iitawus;
\q2 izi daaburay hadan attikokka
\q2 wuda guukku.
\q1
\v 17 Hayssaththo izis cinccateth
\q2 dhayssada iza erontta mala
\q2 ooththiday tana.
\q1
\v 18 Iza dendada woxxiza wode,
\q2 banara gaade woxxiza
\q2 togata bolla miiccawus.
\b
\q1
\v 19 «Iyoobee! Paratas wolqqa
\q2 immidaynne adussa gamma
\q2 istta morgen mayziday nenee?
\q1
\v 20 Parata boole mala guppizay
\q2 istti harbuqishe asata
\q2 daganththana mala
\q2 ooththizay nenee?
\q1
\v 21 Parati ola demba togetti bishe,
\q2 bantta wolqqankka ceeqettishe,
\q2 loddan adaraaso doommeettes.
\q1
\v 22 Yash giza miish mulekka erettenna;
\q2 ay miishshika
\q2 istta daganththenna;
\q2 istta bolla giththa mashsha;
\q2 denththidaakkoka
\q2 guye simmettenna.
\q1
\v 23 Istta toggiza olanchchati
\q2 oykkida ola miishshati,
\q2 wawaci gishe bantta giddon
\q2 giirettishe siyetteettes.
\q1
\v 24 Zayey zayetishin co7u gi
\q2 eqqanawu dandayettenna;
\q2 yiilloninne hanqon kumidi
\q2 ola demba woxxeettes.
\q1
\v 25 Zayey punettida taybon
\q2 ufayssan wayqeettes;
\q2 haakon dishe ola peeno ereettes;
\q2 Ola kaaleththizayti
\q2 immiza azazozanne
\q2 olanchchata ceeqeteththa siyeettes.
\b
\q1
\v 26 «Xiloy salo bolla paallizay,
\q2 izi ba qefeza dugeha miccizay
\q2 ne erateththanee?
\q1
\v 27 Golley pude ke7idi
\q2 dhoqqasohon ba keeth keexxizay
\q2 ne azaziinee?
\q1
\v 28 Golley zaallata giddon aqees;
\q2 kelka giddon ba keeth keexxees;
\q2 zaallatikka izas
\q2 qotettizaso gideettes.
\q1
\v 29 Heen uttidi baas
\q2 miza miish xeellees;
\q2 iza ayfetikka
\q2 haakon dizaaz demmeettes.
\q1
\v 30 Hayssa malan golleti
\q2 mizaazi dizaso shiiqeettes;
\q2 istta ciyetikka
\q2 suuth uyeettes» gides.\x - \xo 39:30 \xo*\xt Mato 24:28; Luqa 17:37\xt*\x*
\c 40
\p
\v 1 Qasseka Xoossi Iyoobes,
\q1
\v 2 «Iyoobee! Asi Ubbaa
\q2 Dandayza Xoossara marshettidi
\q2 laththana nees misatizee?
\q2 Tanara Xoossara marshettizay
\q2 nena gidida gishshas
\q2 ane taas zaara» gides.
\q1
\v 3 Iyoobi zaaridi,
\q1
\v 4 «Godoo! Tani aykko maaddontta
\q2 laafa asa,
\q2 hannife guye ta kushen
\q2 ta doona gordada;
\q2 co7u guussafe attiin
\q2 nees ta zaarana zaaroy
\q2 taas deenna.
\q1
\v 5 Tani issito gaanayssa gadis;
\q2 gido attiin taas
\q2 zaariza miishshi baawa;
\q2 hayssafe guye ubbaaka
\q2 ta haasaykke» gides.
\q1
\v 6 Hessafe guye GODAY
\q2 gote carko giddon gididi
\q2 Iyoobes hizgides,
\b
\q1
\v 7 «Ane adde gidikko dendada gixeta;
\q2 ta oychchizayssa taas zaara.
\q1
\v 8 Tana pirda geellasizaade kessada
\q2 nena xillo as kessanaas dafettay?
\q1
\v 9 Xoossa wolqqa mala
\q2 mino wolqqay nees dizee?
\q2 Xoossa qaala gunththa mala
\q2 ne qaalay guummanawu
\q2 dandayzee?
\q1
\v 10 Hessa mala gidikko
\q2 ane ne bonchchoninne
\q2 ne gitateththan denda!
\q2 Ne teemateththinne
\q2 gitateththa may7a.
\q1
\v 11 Otoranchchata beyada kawushsha;
\q2 ne hanqoza istta bolla guussa.
\q1
\v 12 Ane lo7eththa xeellada
\q2 otoranchchata ubbaa yeellachcha;
\q2 iita ooththizayta
\q2 istti dizason heen dhayssa.
\q1
\v 13 Istta ubbaa moogo may7on xaaxada
\q2 issi bolla duufon mooga.
\q1
\v 14 Hessafe guye neni
\q2 ne wolqqan xoonizayssa
\q2 tani nees markkattana.
\b
\q1
\v 15 «Tani nena medhdhidayssaththo
\q2 Horiqe geetettiza
\q2 do7a medhdhadis;
\q2 izikka boora mala maata mees.\fig Horiqe|alt="Hippopotamus" src="BK00026B.TIF" size="span" ref="40:15"\fig*
\q1
\v 16 Izas xeessan diza wolqqa beya;
\q2 izas ulo giddon diza
\q2 shaya minoteththa xeella.
\q1
\v 17 Izas goynay
\q2 Libaanoose ziga miththa mala
\q2 sitti gidayssa;
\q2 izas gedaa xaphotikka
\q2 minonne ordeta.
\q1
\v 18 Iza meqeththatikka xarqimalanne
\q2 birata marco mala minota.
\q1
\v 19 Ta medhdhida medheta
\q2 ubbaafe wolqqama;
\q2 taappe attiin iza xoonanay
\q2 haray deenna.
\q1
\v 20 Wora do7ati ubbay kaa7iza zumay,
\q2 izas miza miish mokisees.
\q1
\v 21 Kuway diza miththa garsan,
\q2 maqqa giddoninne
\q2 haaththi dizaso
\q2 care giddon ichchees.
\q1
\v 22 Kuway diza miththati
\q2 iza bantta kuwan genththeettes;
\q2 shaafa doonan dicciza miththati
\q2 iza kammeettes.
\q1
\v 23 Shaafa haaththa kixas
\q2 izi dagammenna;
\q2 Yordaanoose shaafay
\q2 keehi kumidi goggiinkka
\q2 izi yayyenna.
\q1
\v 24 Iza ayfeta toyssidi
\q2 iza oykkana asi dizee?
\q2 iza siidhekka dafon qachchidi
\q2 iza oykkanaas dandayzay oonee?
\c 41
\q1
\v 1 «Neni lewataane geetettiza
\q2 abba giddon diza do7a
\q2 mole oykkiza manxakon
\q2 oykkanaas dandayay?
\q2 Woykko iza inxarsaa
\q2 wodoron qachchanaas dandayay?\x - \xo 41:1 \xo*\xt Maza 74:14; 104:26; Isa 27:1\xt*\x*
\q1
\v 2 Iza siidhezan dafo aaththada,
\q2 woykko iza gacoza
\q2 manxakon gelththada,
\q2 oykkanaas dandayay?
\q1
\v 3 Izi, ‹Tana maararkkii!› gi
\q2 nena woossanee?
\q2 Woykko lo7o qaalan
\q2 nena oychchandee?
\q1
\v 4 Nees mernaas aylle gididi
\q2 nees ooththanawu
\q2 izi nees qaala gelanee?
\q1
\v 5 Asara meeze kafo mala
\q2 ne iza nenara meezesanee?
\q2 Woykko nees macca nayta
\q2 kaassana mala
\q2 ne qachcha woththanee?
\q1
\v 6 Mole zal7anchchati
\q2 iza shammanawu
\q2 miishshan marshettanee?
\q2 Woykko qanxxereththidi
\q2 iza banttas gishettanee?
\q1
\v 7 Iza galbakka ne koyidasora
\q2 tooran cadda daakkanaas
\q2 dandayay?
\q2 Woykko iza hu7eza
\q2 hoxe miishshan
\q2 cadda lukkanawu dandayay?
\q1
\v 8 Ane neni iza dandayana gidikko
\q2 kushen bochcha!
\q2 Izara ne baaxetida baaxe
\q2 wodenawukka balakka;
\q2 nam7anththo izara
\q2 ne baaxetanaas kajjalakka.
\q1
\v 9 Lewataane geetettiza
\q2 abba giddo do7ara baaxetidi
\q2 iza xoonana kajjalos
\q2 dhaley deenna.
\q2 iza be7iza ubbay
\q2 babon kokkorees.
\q1
\v 10 Iza bolla meto gaththana guussi,
\q2 hessa keena deexo gidikko,
\q2 histtiin tanara eqettanaas
\q2 xalizaadey izi baas oonee?
\q1
\v 11 Saloppe garsan diza miishshi
\q2 wurikka taassa;
\q2 histtiin ta izas zaarana mala
\q2 taas tal7iday oonee?
\q1
\v 12 Lewataane geetettiza
\q2 abba do7a gishshas,
\q2 iza mino wolqqa gishshassinne
\q2 izas lo7iza bolla gishshas,
\q2 ta qonccisontta aggike.
\q1
\v 13 Orde gidida iza galba shooqanaas,
\q2 woykko iza banqila poqqanawu
\q2 dandayzay oonee?
\q1
\v 14 Keehi yashissiza achchati diza
\q2 iza banqilata pooqqana
\q2 dandayzay oonee?
\q1
\v 15 Izas zokko galbay
\q2 maarara uttida gondalleta mala;
\q2 addafe shiddi oykettidayta.
\q1
\v 16 Istti issoy issaara
\q2 shiphi gida gishshas
\q2 Istta giddora haray attiin
\q2 carkoyka aadhdhenna.
\q1
\v 17 Istti ubbayka issoy issaara
\q2 oyketti uttida gishshas
\q2 ay miishshika
\q2 istta shaakkanawu dandayenna.
\q1
\v 18 Izi dhishiza wode
\q2 xoxolqu giza poo7oy beettees;
\q2 iza ayfetikka wontta maalado
\q2 arshe mala poo7eettes.
\q1
\v 19 Iza doonappe tama lacoy kezees;
\q2 tamaa pinxeththika
\q2 laalettishe beettes.
\q1
\v 20 Penttiza disttey
\q2 uttida coocen diza
\q2 afiray cuwattiza mala;
\q2 iza siidheppe cuway
\q2 kezishe beettes.
\q1
\v 21 Izi shempiza shemppoza seelay
\q2 xiixinththa oyseththees;
\q2 tama lacoykka iza doonappe kezees.
\q1
\v 22 Iza morgen wolqqay
\q2 kumida gishshas
\q2 iza sinththay yashissees.
\q1
\v 23 Iza ashoy dila7a gidida gishshas
\q2 iza bollay birata mala minnees.
\q1
\v 24 Izas tiray shuchcha mala mino;
\q2 gaacciza woxa malakka mino.
\q1
\v 25 Ha do7azi dendiza wode
\q2 wolqqamati
\q2 attontta babon kokkoreettes.
\q1
\v 26 Ay mashshaninne tooran
\q2 woykko wondafeninne
\q2 caddizaazan,
\q2 iza istti caddikokka xoonettenna.
\q1
\v 27 Izi birata maqa mala
\q2 menththereththees;
\q2 Xarqimalakka musa miththa mala
\q2 tiifereththees.
\q1
\v 28 Iza bolla wondafe xongikokka
\q2 izi yayyidi baqatenna;
\q2 Yanbarsha shuchchika
\q2 iza sinththan ishina mala.
\q1
\v 29 Koxe maata mala qoodees;
\q2 asi iza bolla toora xongishin
\q2 qidhe miich miiccees.
\q1
\v 30 Izas ulo galba hanchchazi
\q2 izi urqqa giddora bishin
\q2 biitta maarasha mala bookkees.
\q1
\v 31 Abba haaththa pentta mala pocisees;
\q2 oton penttiza
\q2 zayte mala podhisees.
\q1
\v 32 Izi aadhdhi biza ogey poo7isees;
\q2 abba haaththaaka
\q2 hoomo coppu histtees.
\q1
\v 33 Izi yash erontta medheta;
\q2 biitta bolla iza misatiza medhetay
\q2 mulekka deenna.
\q1
\v 34 Keehi gita gidida medhetatakka
\q2 izi kadhees;
\q2 izi do7a ubbaa bolla kawo.»
\c 42
\s1 Iyoobi Bana Kawushshides
\p
\v 1 Hayssafe guyen Iyoobi Xoossas hizgi zaarides;
\q1
\v 2 «Ta Godawu!
\q2 Neni ubba miish ooththanaas
\q2 dandayzayssa ta eradis;
\q2 ne qofaakka
\q2 dhuphi digganay deenna.
\q1
\v 3 Ta erizaara keehi guuth gidishin
\q2 ta daro haasayzayssa
\q2 aazas gididaakko
\q2 ne oychchadasa;
\q2 tumukka tani eronttayssanne
\q2 akeekontta ubbaa haasayadis.\x - \xo 42:3 \xo*\xt Iyo 38:2\xt*\x*
\q1
\v 4 ‹Ta oyshaa ezga siyada
\q2 taas zaaro imma› gadasa.\x - \xo 42:4 \xo*\xt Iyo 38:3\xt*\x*
\q1
\v 5 Ta hanno gakkanaas ne gishshas erizayssi
\q2 asappe siyoyssan xalla;
\q2 ha7i gidikko ta ayfetan
\q2 ta nena beyadis.
\q1
\v 6 Hessafe dendidayssan
\q2 ta haasayda miishshati
\q2 tana yeellachchida gishshas
\q2 bidinththaninne gudullan uttada
\q2 ta neeppe maarettana.»
\s1 Kuushsha Qofa
\p
\v 7 Xoossi Iyoobera haytantta ubbaa haasayettidaappe guye Temaane dere as Elfaazes, «Intte ta aylle Iyoobe mala ta gishshas likke haasayontta gishshas tani ne bollanne ne laggeta bolla hanqettadis. 
\v 8 Hessa gishshas ha7i laappun wofanotanne laappun dharshota ekkidi ta oosanchcha Iyoobekko biite. Heen intte nagara gishshas xuugettiza yarsho shiishshite. Ta oosanchcha Iyoobi inttes woossana; tanikka iza woosa siyada inttena intte nagara mala qaxxaykke. Intte taas Iyoobe mala lo7o miish haasaybeekketa» gides.
\p
\v 9 Hessafe guye Temaane dere as Elfaazey, Shuha dere as Belidaadinne Na7imaane dere as Zoofaarey biidi Xoossi istta azazida mala ooththida. Xoossika Iyoobe woosa siyides.
\p
\v 10 Iyoobi ba heedzdzu laggetas woossidaappe guye Xoossi izi zaari durettana mala ooththides. Kase izas dizayssafe aaththidi dakko izas immides.\x - \xo 42:10 \xo*\xt Iyo 1:1-3\xt*\x* 
\v 11 He wode Iyoobe ishati, iza michchetinne kase iza erizayti ubbay iza beyanaas yida. Izara issife izason kath mida; istti izas mishettizayssa qonccisidi Xoossi iza bolla gaththida metoza gishshas iza minththeththida. Issoy issoy birappenne worqqafe oosettida midiga izas imota immida. 
\v 12 Xoossi Iyoobes wurseththa de7oza koyroyssafe aaththi anjjides. Hessa gishshas Iyoobes 14,000 dorsi, 6,000 gaamellati, 1,000 waaththa boorati, 1,000 macca hareti deettes. 
\v 13 Qasseka laappun attuma naytanne heedzdzu macca nayta zaari yelides. 
\v 14 Macca naytappe koyroro Yimima, nam7anththayo Qexi7o, heedzdzanththoyo Qerene-Hafiko giidi sunththides. 
\v 15 Biitta bolla Iyoobe macca nayta mala medha lo7o maccay beettibeenna. Istta aaway isttas istta ishatara biitta laattana mala shaakki immides.
\p
\v 16 Hessafe guye Iyoobi 140 de7ides. Ba nayta oydanththo yeleta gakkanaas be7ides. 
\v 17 Iyoobi daro layth diidi lo7o cima cimmidi hayqqides.