\id JER - Gamo Full Bible final version
\ide UTF-8
\h Ermaasa Tinbite
\toc1 Ermaasa Tinbite
\toc2 Ermaasa Tinbite
\toc3 Er
\mt1 Ermaasa Tinbite
\imt1 Giddo Qofa
\ip Tinbite yootiza Ermaasi Kirstoosi yelettanaappe kase laappun xeetu layththa wurseththaninne usuppun xeetu layththi doomettiza wode de7ides. Ermaasi daro wode ooththida ba ooson istta eeqaa xoossa goynoninne istta nagara ooso gaason Xoossa asaa bolla gita bashshi gakkanayssa minththidi erisides; izi yootida tinbitetappe baggay polettiza wode paxa diidi ba ayfen be7ides. Baabiloone Kawo Nabukadanaxoorey Yerusalaame oykkidi katamayonne Xoossa Keeththaa laalloyssa, Yuhuda kawoynne asaappeka dariza baggay di7ettidi Baabiloone bidayssa be7ides. Gujjidikka Ermaasi asay di7oppe simmanayssanne Isra7eele kawoteththi simmi eqqanayssa kasetidi yootides.
\ip Ermaasa maxaafaa oyddu kessidi be7anaas dandayettees. 1. Iyosiyaasa, Iyo7aaqeme, Iyo7aakinenne Sedeqiyaasa kawoteththa layththatan Yuhuda asaassinne istta kaaleththizaytas Xoossafe yida qaala. 2. Dumma dumma tinbiteta, Ermaasa de7on polettida ayfe yo7otanne Ermaasa xaafe Baarokey xaafi woththida yo7ota. 3. Dumma dumma allaga biitta asas Xoossafe yootettida tinbite qaala. 4. Yerusalaame oyketeththinne asay di7ettidi Baabiloone baanayssa yootiza gujo taariketa.
\ip Ermaasi ba asaa keehi wozinappe siiqizaadenne istta bolla bashsha pirda tinbite aaththanaas keehippe daro ixxiza asa. Nabeteththan izi ooththana mala Xoossi iza xeygida gishshas bana gakkida meto gaason izi ceecida mino ceecey iza maxaafa giddon daro sohon xaafetti uttides. Xoossa qaalay iza wozina giddon tama mala xuuggiza gishshas kammidi digganaas dandayonttayssa qonccisides.
\ip Ha maxaafan diza gita tinbite qaalatappe issoti issoti metoy kumida Ermaasa layththafe kanththidi Xoossi isttas immiza ooraththa caaqo qaalay polettana wodeza bessizayta; he ooraththa caaqo qaalay asa wozinan xaafettiza gishshas istta akeekissiza astamaare koshshontta istta naagana. (31:31-34).
\iot Ha Maxaafay Oykkida Kumeththa Qofa
\io1 Xoossan Ermaasa dooreteth \ior 1:1-19 \ior*
\io1 Yuhuda bollanne Isra7eele bolla Xoossi ehana qixaate \ior 2:1—25:38 \ior*
\io1 Wordo nabetara Ermaasa eqeteth \ior 26—29 \ior*
\io1 Xoossi ba deraa di7ettidasoppe zaaranayssa \ior 30—33 \ior*
\io1 Dumma dumma Ermaasa oosota \ior 34—38 \ior*
\io1 Yerusalaame kundeththinne Yuhudan medhettida hanota \ior 39—42 \ior*
\io1 Gibxe biittan Ermaasa \ior 43—44 \ior*
\io1 Baarokes kiitettida kiita \ior 45 \ior*
\io1 Nabezi dumma dumma deretas yootida tinbite \ior 46—51 \ior*
\io1 Yerusalaame kundeththa gishshas yootettida yo7ota \ior 52 \ior*
\c 1
\p
\v 1 Biniyaame biittan Anatoote kataman diza qeesetappe issaa Kilqiyaasa naa Ermaasi yootida qaalay hayssafe kaallizayssa. 
\v 2 Amoone naa Yuhuda kawo Iyosiyaasi kawotida tammanne heedzdzanththo layththan GODAA qaalay Ermaasakko yides.\x - \xo 1:2 \xo*\xt 2Kawo 22:3—23:27; 2Taari 34:8—35:19\xt*\x* 
\v 3 Qasse Iyosiyaasa naa Yuhuda Kawo Iyo7aaqemey kawotida layththatan GODAA qaalay Ermaasakko yides. Hessafe guye Iyosiyaasa naa Sedeqiyaasi kawotiin tammanne issinththa layththan he wode ichchashanththa aginan Yerusalaame asay di7ettidi baana gakkanaas GODAA qaalay Ermaasa baggara izas yootettides.\x - \xo 1:3 \xo*\xt 2Kawo 23:36—24:7; 24:18—25:21; 2Taari 36:5-8; 11:21\xt*\x*
\s1 Ermaasa Dooreteth
\p
\v 4 GODAA qaalay taakko hizgishe yides.
\q1
\v 5 «Ermaasa! Tani nena
\q2 ne aayey ulon medhdhanaappe
\q2 kase erays.
\q2 Neni yelettanaappe sinththan
\q2 ta nena dummasa woththadis.
\q2 Qasseka kawoteththatas nabe
\q2 gidana mala shuumadis.»
\p
\v 6 Histtiin tani, «Ubbaa Haariza GODAWU! Tani buro naa gidida gishshas ay ga haasayanaakko ta erikke» gadis.
\p
\v 7 Gido attiin GODAY tana, « ‹Tani naa› gooppa. Tani nena kiittiza asa ubbaakko ba. Tani azaziyssa ubbaaka yoota. 
\v 8 Tani nena ashshanaas nenara diza gishshas ne isttas yayyofa; tani GODAY hayssa nees yootays» gides.
\p
\v 9 GODAY ba kushe yeddidi ta metershata bochchidi, «Hekko ne yootana ta qaala ne doonan woththadis. 
\v 10 Neni shoddanaassinne laallanaas, dhayssanaassinne shira yegganaas, keexxanaassinne tokkanaas dereta bollanne kawoteththata bolla tani hach nena shuumadis» gides.
\p
\v 11 GODAA qaalay taakko yiidi, «Ermaasaa! Ne ay be7ay?» gi oychchides. Tanikka, «Ochcholoone hagga be7ays» gadis.
\p
\v 12 GODAY tana, «Neni likke be7adasa. Tanikka ta qaalay polettanayssa tishshi histta be7ays» gides.
\p
\v 13 GODAA qaalay qasseka taakko yiidi, «Haray aazi nees beettizee?» gi oychchides. Tanikka zaarada, «Issi penttiza otoy pudeha baggafe haa geddi gi uttidayssi beettees» gadis.
\p
\v 14 GODAY taas, «Pudeha baggafe bashshi dhuuqqidi ha biittan diza asaa ubbaa bolla gukkana. 
\v 15 Tani pudeha baggan diza kawoteththata haa yaana mala xeygana; Yerusalaameninne izi yuushon diza Yuhuda katamata bolla meto gaththidi istta oykkana; hessafe guye Yerusalaame geliza pengeta bolla bantta araata miccana.
\q1
\v 16 «Yuhuda asay tana aggidi,
\q2 hara eeqa xoossatas
\q2 exaane cuwasida gishshas,
\q2 ba kushen ooththi kessidayta
\q2 goynnida gishshas
\q2 ta deraa bolla pirdaa awajjadis.
\p
\v 17 «Neni gidikko giigetta! Denda eqqada tani nena azazizayssa ubbaa isttas yoota; isttas yayyofa. Neni isttas yayyiko tani nena istta sinththan gujja yashissana.
\p
\v 18 «Hach tani nena ha biitta ubbaa bolla, Yuhuda kawota bolla, halaqata bolla, qeeseta bollanne ha biitta asaa bolla ne eqetta dandayana mala gimbettida katama, birata tuussinne xarqimalappe oosettida birata dirsa mala ooththadis. 
\v 19 Istti nenara olettana; gido attiin tani ashshanaas nenara issife diza gishshas nena xoonettenna. Tani GODAY hayssa nees yootays» gides.
\c 2
\s1 Isra7eele Asay Ooththida Nagara
\p
\v 1 GODAA qaalay yiidi taas,
\q1
\v 2 «Ba! Baada waassa;
\q2 Yerusalaame asaa
\q2 hayththan sissa;
\q2 GODAY, ‹Neni naateteththan
\q2 ay keena ammanettidaakko,
\q2 qasse neni buro mishiran dashe
\q2 tana ay keena siiqidaakko,
\q2 zereththi zerettontta
\q2 bazzo biittan
\q2 ne wostta kaallidaakko
\q2 ta akeekays.
\q1
\v 3 He wode Isra7eeley
\q2 GODAAS geeshsha,
\q2 koyro shiishshiza
\q2 xeera kaththa mala;
\q2 izo mittidayti
\q2 mooranchcha gidida;
\q2 istta bolla bashshi yides› » gees.
\q1
\v 4 Intteno Yaaqoobe keeththa asatoo!
\q2 Isra7eele zare ubbatoo!
\q2 GODAA qaala siyite!
\q1
\v 5 GODAY, «Kase intte aawati
\q2 taappe haakkiday,
\q2 hada yo7o kaalliday,
\q2 ba hu7esikka
\q2 go7ay bayndayta gididay
\q2 taappe ay mooro demmidii?
\q1
\v 6 Isttika, ‹Nuna Gibxeppe kessiday,
\q2 bazzon samida ogera,
\q2 kundukurcco biittara,
\q2 melanne dhuma biittara,
\q2 asi aadhdhonttasora
\q2 nuna kaaleththi ehida
\q2 GODAY awan dizee?›
\q2 gi oychchibeettenna.
\q1
\v 7 Intte izi ayfenne
\q2 izi anjjo maana mala
\q2 tani inttena aradda biitta ehadis;
\q2 gido attiin intte yiidi
\q2 ta biitta tunisideta;
\q2 ta xinxxoyo
\q2 harasettana mala ooththideta.
\q1
\v 8 Qeesetikka, ‹GODAY awan dizee?›
\q2 gi oychchibeettenna;
\q2 Ta wogay istta kushen diza
\q2 asatikka tana eribeettenna.
\q2 Dere kaaleththizaytikka
\q2 ta bolla makkallida.
\q2 Nabeti Ba7aale sunththan
\q2 tinbite yootida;
\q2 go7ontta miishshatakka
\q2 kaallida» gides.
\b
\q1
\v 9 Qasseka GODAY,
\q2 «Hessa gishshas tani
\q2 inttenara buro pirdettana;
\q2 intte nayta naytarakka mootettana.
\q1
\v 10 Kiitime pinni xeellite;
\q2 Qeedaare kiittidi
\q2 lo7eththi xomosite;
\q2 Histtidi ane hayssa mala hanoy
\q2 kase hani erizaakko be7ite.
\q1
\v 11 Istti tumu xoossata
\q2 gidontta aggikokka
\q2 ba eeqa xoossata
\q2 laammida kawoteththi dizee?
\q2 Ta derey gidikko
\q2 isttas bonchcho gididayssa
\q2 hada gidida eeqa xoossatan
\q2 laammides» gees.
\q1
\v 12 Qasseka Ubbaafe
\q2 Wolqqama GODAY,
\q2 «Salotoo, ‹Hanno Poora!› giite;
\q2 keehi dagammidi kokkorite!
\q1
\v 13 Ta derey nam7u
\q2 iita miishshata ooththides;
\q2 de7o haaththa pultto gidida
\q2 tana aggides;
\q2 haaththa oykkanaas dandayontta
\q2 lukettida ollata baas bookkida.
\q1
\v 14 Isra7eeley kareppe yida ayllee?
\q2 woykko soon yelettida ayllee?
\q2 Histtiin ays
\q2 bonqqas aadhdhi imettidee?
\q1
\v 15 Gaammoti iza bollan xaaggida;
\q2 istti bantta qaala dhoqqu histtidi
\q2 iza bolla garmamida;
\q2 istti iza biitta bula kessida;
\q2 iza katamatikka xuugettidanne kayzida.
\q1
\v 16 Qasseka Memppisanne
\q2 Xaafinaase asati
\q2 ne hu7e bulusida.
\q1
\v 17 Oge nena kaaleththizayssa
\q2 GODAA ne Xoossa aggada
\q2 hayssa ne bolla ehiday
\q2 nena gidikkii?
\q1
\v 18 Shihoore shaafappe haath uyanaas,
\q2 ay ekkanaas
\q2 duge Gibxe wodhdhadii?\f + \fr 2:18 \fr*\ft Shihoore shaafay Nayle shaafas gabbara haaththa.\ft*\f*
\q2 Woykko Efiraaxise shaafappe
\q2 haath uyanaas
\q2 duge Asoore beeth
\q2 ays koshshidee?
\q1
\v 19 Ne iitateththi ne bolla
\q2 qixaate gaththana;
\q2 ne tana kaddoyssi ne bolla
\q2 hanqo ehana.
\q2 GODAA ne Xoossaa ne aggishin,
\q2 taas yashshateth
\q2 ne wudu gontta ixxishin
\q2 ay mala iitaynne
\q2 camo miishshi
\q2 ne bolla gakkanaakko qoppa;
\q2 ane akeeka» gees.
\b
\q1
\v 20 Ubbaa Haariza GODAY,
\q2 «Benippe doommada tani
\q2 ne qambara menththadis;
\q2 nena qachchida
\q2 miishshika duuththadis.
\q2 Histtiinkka,
\q2 ‹Tani nees ooththike› gadasa.
\q2 Histtada dhoqqa zumbullata
\q2 achchan miththa garsan
\q2 laymatanaas ichchadasa.
\q1
\v 21 Tani nena muuruta
\q2 zereththafe ekkada,
\q2 lo7o woyne tura mala tokkadis.
\q2 Histtiin neni waana
\q2 guye simmada
\q2 woran mokkidi moorettida
\q2 woyne tura mala gidadii?
\q1
\v 22 Neni hadinccen meecettikokka,
\q2 woykko daro saamunan meecettikokka
\q2 ne mooro qitay ha7ikka
\q2 ta sinththan dees» gees
\q2 Ubbaa Haariza GODAY.
\q1
\v 23 Neni waanada, «Tani tunabeekke;
\q2 tani Ba7aale eeqatas
\q2 goynnanaas woxxabeekke»
\q2 gaanaas dandayay?
\q2 Neni shoobban ooththidayssa
\q2 ane qoppa;
\q2 neni ooththidayssa ane akeeka;
\q2 neni yaanne haa woxerettiza
\q2 gaamella mala gidadasa.
\q1
\v 24 Neni bazzo biittan baas dose
\q2 histtada ziita keza
\q2 singeththashe woxxiza
\q2 hardida mala gidadasa;
\q2 Iza birassas kezaychchiko
\q2 oonee izo teqqanaas dandayzay?
\q2 Iza biras keziin
\q2 izo koyzayti ubbati
\q2 waayontta demmeettes.
\q1
\v 25 Ne tohoy argacana
\q2 gakkanaas woxxofa;
\q2 ne doonay saamon melana
\q2 gakkanaas toylattofa;
\q2 ne gidikko, «Coo daaburoppa;
\q2 tani eeqa xoossata dosadis;
\q2 tani istta kaallana» gadasa.
\b
\q1
\v 26 «Kaysoy oykettidi yeellatiza mala
\q2 Isra7eele asay yeellatides;
\q2 isttika, istta kawoti,
\q2 istta shuumeti,
\q2 istta qeesetinne istta nabeti
\q2 ubbay hessaththo yeellatana.
\q1
\v 27 Istti mith,
\q2 ‹Neni ta aawaa› geettes;
\q2 qasse shuch,
\q2 ‹Neni tana yeladasa› geettes.
\q2 Istti taas ba sinth
\q2 zaaranayssa aggidi
\q2 zokko zaarida;
\q2 gido attiin istta
\q2 metoy gakkida wode,
\q2 ‹Yaada nuna ashsha› geettes.
\q1
\v 28 Histtiin ane intte inttes
\q2 medhdhida xoossati awan dizoo?
\q2 Yuhudaa, intte metotiza wode
\q2 istti inttena ashshanaas
\q2 dandaykko
\q2 ane inttena yiidi ashshetto!
\q2 Intteno Yuhuda asatoo!
\q2 Intte xoossati intte
\q2 katamata mala cora» gides.
\b
\q1
\v 29 GODAY, «Intte tanara
\q2 ays mootetteetii?
\q2 Intte ubbayka
\q2 ta bolla makkallideta.
\q1
\v 30 Tani intte nayta
\q2 coo mela qaxxayadis;
\q2 istti gidikko baaybeettenna;
\q2 gafida gaammo mala
\q2 intte mashshay
\q2 intte nabeta mides» gees.
\q1
\v 31 Intteno ha wode yeletatoo!
\q2 GODAA qaala yuushshi qopite;
\q2 «Tani inttes Isra7eele
\q2 asaas bazzo mala
\q2 woykko sakkanna dhumay diza
\q2 biitta mala gidadinaa?
\q2 Histtiin ays ta asay,
\q2 ‹Nuni nu shene mala hanana;
\q2 simmidikka neekko yookko› gizee?
\q1
\v 32 Geela7oy ba alleqo woykko
\q2 mishiraya ba mishirateththa
\q2 may7o bala erazee?
\q2 ta derey gidikko
\q2 tana daro wode
\q2 gakkanaas balides.
\q1
\v 33 Ziitan as oykkanaas
\q2 ne ay mala eranchchaa?
\q2 Huskku huskkiza
\q2 iita maccassatikka
\q2 ne hanoteththaafe daro
\q2 iita miish tamaareettes.
\q1
\v 34 Ne istta kaysoteththan oykkontta
\q2 xillo manqota suuththi
\q2 ne may7o bolla beettides.
\q2 Neni hayssa ubbaa
\q2 ooththa woththadakka,
\q1
\v 35 ‹Tani xillo; tumappe iza hanqoy
\q2 tana gakkenna› gaasa.
\q2 Neni, ‹Tani nagara
\q2 ooththabeekke›
\q2 giza gishshas
\q2 tani ne bolla pirdana.
\q1
\v 36 Histtiin ne oge laamma laamma
\q2 ays woxxay?
\q2 Kase nena Asoore biittay
\q2 kawushshida mala
\q2 Gibxe biittay nena kawushshana.
\q1
\v 37 Neni ammanettizayta
\q2 GODAY kawushshida
\q2 gishshassinne
\q2 isttafekka maado
\q2 demmontta gishshas
\q2 hayssafekka ne hu7e kushen
\q2 baqqa oykkada kezana.
\c 3
\s1 Ammanettontta Ixxida Isra7eele
\p
\v 1 «Issi asi ba keeththaayo anjji yeddiin
\q2 iza baada hara azina gelikko,
\q2 kase anjji yeddidaadey
\q2 simmi izikko bizee?
\q2 izi biikko he biittaya
\q2 mule tunekkee?
\q2 Neni gidikko ne siiqiza
\q2 cora laggetara laymatadasa;
\q2 histtadakka ha7i neni
\q2 taakko simmana koyay?» gees.
\q1
\v 2 «Ane dhoqqu gaada aykkoy baynda
\q2 zumbullata xeella;
\q2 neni laymas ichchonttasoy
\q2 hessan dizee?
\q2 Bonqqana bazzon uttida
\q2 panga mala
\q2 oge doonan uttada
\q2 ne laggeththota naagadasa;
\q2 histtada neni laymateththaninne
\q2 iitateththan biittayo tunisadasa.
\q1
\v 3 Hessa gishshas puuseykka
\q2 puusontta mala digettides;
\q2 balgo iraykka bukkontta aggides;
\q2 ne gidikko hanno gakkanaas
\q2 laymateth aggabeekka;
\q2 neni yeellatonttaka ixxadasa.
\q1
\v 4 Ha7i neni tana,
\q2 ‹Ta aawawu,
\q2 taas naateteththa laggezoo!
\q1
\v 5 Neni ubbato ta bolla hanqettanee?
\q2 Ne hanqoy mernaassee?› gadasa.
\q2 Ee neni hizgaasa;
\q2 gido attiin neni dandayda keena
\q2 iita miish ubbaa
\q2 ooththaasa» gees.
\s1 Maaroteththas Isra7eelenne Yuhuda Xeygeteth
\p
\v 6 Kawo Iyosiyaasi kawotida layth GODAY taas, «Hanna ammanoy baynda Isra7eeley ooththidayssa neni be7adii? Iza dhoqqa zumbullata bolla kezada daashsha miththata garsan laymatadus.\x - \xo 3:6 \xo*\xt 2Kawo 22:1—23:30; 2Taari 34:1—35:27\xt*\x* 
\v 7 Iza hayssa ubbaa ooththadakka taakko simmana gaada qoppadis shin simmabeekku. Qasse ammanettontta izi michcho Yuhudaykka hessa beyadus. 
\v 8 Ammanoy baynda Isra7eele dereti laymatida gishshas anjjo waraqata imma yeddadis; Isra7eele michcho ammanettontta Yuhudaykka hayssa be7ashe yayyontta kezada laymatishin be7adis. 
\v 9 Ba kawushshateththan biitta tunisadus; miththarakka shuchcharakka laymatadus. 
\v 10 Hessan ubbaankka izi michchiya, ammanettontta Yuhuday coo simmidaa misatawusife attiin kumeththa wozinappe taakko simmabeekku» gides.
\p
\v 11 GODAY taas, «Ammanettontta Yuhudappe ammanoy baynda Isra7eeley xilla beettadus.
\q1
\v 12 «Ba; baada pudeha baggas,
\q2 ‹Hanne ammanoy baynda
\q2 Isra7eelee simma!
\q2 Tani maarotay
\q2 kumidaade gidida gishshas
\q2 nena iita ayfen xeellike;
\q2 mernaaskka hanqettike›
\q2 gees GODAY.
\q1
\v 13 Gidikkonne neni,
\q2 ‹GODAA ne Xoossaa bolla
\q2 makkallateththan,
\q2 ne bonchchoka allaga xoossatas
\q2 daashsha miththata garsan
\q2 aaththa imoninne
\q2 taas azazettontta ixon neni
\q2 mooranchcha gididayssa
\q2 xalla ammana›
\q2 gees GODAY» gides.
\p
\v 14 Qasseka GODAY,
\q2 «Intteno ammanettontta
\q2 asatoo, simmite;
\q2 tani inttes azina;
\q2 Tani intte giddofe
\q2 issi katamappe issaa,
\q2 issi qommofe nam7ata doorada
\q2 Xiyoone ehana.
\p
\v 15 «Hessafe guye tani ta wozina mala inttena erateththaninne akeekan heemmiza heenththanchchata inttes immana. 
\v 16 Qasseka GODAY intte qooday biitta bolla corattiza wode, ‹GODAA Caaqo Qaala Taabotaa› gi xeygekketa. Izi isttas qofettennanne akeekettenna, dhayennanne haray oosettenna. 
\v 17 He woden istti Yerusalaame, ‹GODAA araata› gi xeygana. Kawoteththa ubbaafe asay GODAA sunth bonchchanaas Yerusalaame shiiqana. Hessafe istti bantta iita wozina hanoteththaa kaallettenna. 
\v 18 He gallassatan Yuhuda asati Isra7eele asatara gayttidi pudeha bagga biittafe tani kase intte aawatas xinxxo histta immida biitta issife yaana» gees.
\s1 Xoossa Derey Eeqa Misletas Goynnida Goyno
\q1
\v 19 GODAY, «Tani nena
\q2 attuma nayta mala
\q2 wostta woththanaakko,
\q2 doorettida biittayonne
\q2 ay kawoteththika demmontta
\q2 lo7o biittayo
\q2 nena laatissana qoppadis.
\q2 Qasse tana, ‹Ta aawawu!› gaada
\q2 xeygana misatides;
\q2 tana kaallizasoppe
\q2 guye simmontta misatadasa;
\q1
\v 20 Gido attiin Isra7eele asawu!
\q2 Intte ba azinaas
\q2 ammanettontta maccassa mala
\q2 taas ammanettibeekketa» gees.
\q1
\v 21 Istti GODAA bantta Xoossaa balidi
\q2 bantta oge geellasida gishshas
\q2 Isra7eele deraa waasoy,
\q2 misha yeehoy aykkoy baynda
\q2 zumbullata bolla siyettees;
\q1
\v 22 Istti, «Intteno ammanoy baynda
\q2 asatoo! Taakko simmite.
\q2 Intte ammanettana mala,
\q2 tani inttena paththana» gides.
\q1 Histtiin isttas,
\q2 «Ero, nuni neekko simmana.
\q2 Ays giikko neni GODAA
\q2 nu Xoossa.
\q1
\v 23 Nuni zumbullata bollanne
\q2 zumata bolla eeqa xoossatas
\q2 goynoy tumappe nuus bala;
\q2 tumappe nuus Isra7eeletas
\q2 atoteththi GODAA nu Xoossaafe.
\q1
\v 24 Nuni yelagateththafe doommiin
\q2 nu aawati daaburi
\q2 demmida ayfeta,
\q2 istta dorsatanne meheta,
\q2 istta macca naytanne
\q2 attuma nayta
\q2 tuna xoossati mi dhayssida.
\q1
\v 25 Nuni yelagateththafe doommidi
\q2 hach gakkanaas,
\q2 nunikka nu aawatikka
\q2 GODAA nu Xoossa bolla
\q2 nagara ooththidos;
\q2 GODAAS nu Xoossaas
\q2 azazettibeekko;
\q2 hessa gishshas ane nuni yeellateth
\q2 gullunttidi ichchoos;
\q2 qasse kawushshateththi nuna
\q2 afala mala kammo» geettes.
\c 4
\s1 Maarettanaas Xeys
\p
\v 1 GODAY, «Isra7eele asawu!
\q2 simmiko haa taakko simmite.
\q2 Intte harassiza miishshata
\q2 ta sinththafe diggiko,
\q2 yayyontta minni eqqiko,
\q2
\v 2 intte tuman,
\q2 suureteththaninne xilloteththan,
\q2 ‹De7o GODAY beyiin!›
\q2 giidi caaqqiko,
\q2 he wode kawoteththati
\q2 izan anjjettananne
\q2 bonchchettana» gees.
\q1
\v 3 GODAY Yuhuda asaassinne
\q2 Yerusalaamen dizaytas,
\q2 «Oththa gade goyite;
\q2 agunththa giddon zeropite.\x - \xo 4:3 \xo*\xt Hose 10:12\xt*\x*
\q1
\v 4 Intteno Yuhuda asatoo,
\q2 Yerusalaamen dizaytoo!
\q2 GODAAS intte qaxxarettite;
\q2 intte wozina
\q2 iitateththaa diggite;
\q2 histtontta aggiko
\q2 intte ooththida
\q2 iitateththaa gishshas
\q2 ta hanqoy tama mala
\q2 eexxi kezana;
\q2 oonikka iza toyssanaas
\q2 dandayenna» gees.
\s1 Pudeha Baggafe Yaana Bash
\p
\v 5 GODAY, « ‹Biitta ubbaan
\q2 zaye punnite!›
\q2 giidi Yuhudan yootite.
\q2 Yerusalaamenkka awajjite;
\q2 ‹Issife shiiqite!
\q2 Ane gimbettida katamatakko
\q2 baqatoos!› gi waassite.
\q1
\v 6 Xiyoone gelanaas bandira oykkite!
\q2 eeson baqati attite;
\q2 Ays giikko tani pudeha baggafe
\q2 hanqonne bash ehana.
\q1
\v 7 Gaammoy ba dizasoppe kezides;
\q2 kawoteththata
\q2 dhayssizay kiitettides;
\q2 ne biittayokka bulasanaas
\q2 ba dizasoppe kezides;
\q2 ne katamati laalettana;
\q2 kundidikka kayzi attana.
\q1
\v 8 Hessa gishshas maaqa may7ite;
\q2 kayottishe, ‹Wuu! Wuy›
\q2 gi yeekkite.
\q2 Ays giikko GODAA hanqo seelay
\q2 nu bollafe simmibeenna» gees.
\q1
\v 9 Qasseka GODAY,
\q2 «He gallas kawo wozinaynne
\q2 shuumeta wozinay taahana;
\q2 qeeseti dagammana;
\q2 nabetikka kokkorana» gees.
\p
\v 10 Histtiin tani, «Abeet Ubbaa Haariza GODAWU! Mashshay istta qoodhen wodhdhiin, ‹Inttes sa7ay saro gidana› gaada ha asaanne Yerusalaame ays keeha baleththadii?» gadis.
\p
\v 11 He woden ha asaassinne Yerusalaames, «Bazzon diza aykkoy baynda zumbullatappe xuuggiza carkoy ta deraa bolla carkana; gido attiin hessi kath suragganaassinne geeshshanaas gidenna.
\m
\v 12 Hessafekka keehi wolqqamiza carkoy ta azazon carkana; ha7i tani istta bolla pirdana» geetetti yootettana.
\s1 Morkken Yuhuda Doodeteth
\q1
\v 13 Be7ite! Morkkey shaara mala
\q2 biitta kumides;
\q2 iza para-gaaretikka
\q2 gote carko mala yeettes;
\q2 iza paratikka
\q2 golle kafota mala eesoteettes;
\q2 aayye ana nu dhayana goos!
\q1
\v 14 Nenoo Yerusalaamee!
\q2 Ne attana koykko ne wozina
\q2 iitateththaa meecetta;
\q2 Iita qofay ne wozinan
\q2 ayde gakkanaas gam7anee?
\q1
\v 15 Cenggurssi Daaneppe seetettees;
\q2 Efreeme zumata bolla
\q2 bashshi awajjeettes.
\q1
\v 16 «Kawoteththatas yootite;
\q2 Yerusalaameskka,
\q2 ‹Dooddi un7eththizayti
\q2 haaho biittafe yaana;
\q2 Yuhuda katamata
\q2 bollaka ceeqettana;
\q1
\v 17 Iza ta bolla makkallida gishshas
\q2 kath naagiza asa mala
\q2 istti Yuhuda giddoththana› giite.
\b
\m
\v 18 Ne hanoynne ne oosoy
\q2 hessa ne bolla ehides;
\q2 hessi nees qixaate;
\q2 hessika ay mala cammizaazee!
\q2 ay mala wozina menththizaazee!»
\q2 gees GODAY.
\b
\q1
\v 19 Waanoo tanii!
\q2 Tani hayssa wostta dandayanee!
\q2 Tana metides!
\q2 Ta wozinay hirgees;
\q2 tani co7u gaanaas dandaykke.
\q2 Ays giikko tani zaye
\q2 cenggurssinne
\q2 ola cenggurs siyadis.
\q1
\v 20 Iita miishshi iita miish kaallees;
\q2 mule biittay moorettides;
\q2 ta dunkaanetinne magalashati
\q2 eeson dhayda.
\q1
\v 21 Tani ayde gakkanaas
\q2 ola malata xeellanee?
\q2 ta ayde gakkanaas
\q2 zaye giiris siyanee?
\b
\q1
\v 22 GODAY, «Ta asay eeya;
\q2 istti tana erettenna.
\q2 Istti yuushshi qopponttayta;
\q2 istti akeekay bayndayta;
\q2 istti iita miish
\q2 ooththanaas eranchchata;
\q2 lo7o ooththanaas
\q2 eray paccidayta» gees.
\b
\q1
\v 23 Tani sa7a xeellada sa7ay
\q2 lo7i giigonttayssanne
\q2 coo mela dizayssa be7adis.
\q2 Qasse salota xeellada isttan
\q2 poo7oy bayndayssa be7adis.
\q1
\v 24 Tani zumata xeellada
\q2 istti kokkorishininne
\q2 zumbullati ubbay
\q2 yon7iyon7ishin be7adis.
\q1
\v 25 Tani xeelladis shin
\q2 ay asikka be7abeekke;
\q2 salo kafotikka ubbay
\q2 piradhdhidi dhayda.
\q1
\v 26 Aradda biittay
\q2 bazzo gididayssa be7adis;
\q2 GODAA sinththan,
\q2 iza suule hanqo sinththan
\q2 he katamatikka laalettida.
\q1
\v 27 GODAY, «Mule biittay bulattana;
\q2 gido attiin tani izo
\q2 mulera dhayssike.
\q1
\v 28 Hessa gishshas sa7ay yeekkana;
\q2 saloykka dhumana.
\q2 Ays giikko tani gadis;
\q2 he qofaa ta laammontta mala
\q2 qachchadis» gees.
\q1
\v 29 Para asatanne wondafe
\q2 asata kachcha gaason
\q2 asay katama ubbaafe baqatana.
\q2 Baggay woxxidi wora gars gelana;
\q2 baggay qasse
\q2 zaalla bolla kezana;
\q2 katamay ubbay asi baynda
\q2 kayzi attana.
\q1
\v 30 Hanne bashshas uttidaaree!
\q2 Neni ay ooththay?
\q2 Ne zo7o may7o ays may7ay?
\q2 Worqqa alleqokka ays aaththay?
\q2 Ne ayfe ciro ays tiyay?
\q2 Neni coo mela
\q2 nena lo7eththaasa;
\q2 Ne laggeththoti nena kadhida;
\q2 istti nena wodhanaas koyeettes.
\q1
\v 31 Tani koyro bayra naa yelanaas
\q2 miixattiza maccassa mala
\q2 ne waassishin ta siyadis;
\q2 Yerusalaame macca naya
\q2 peenoy tucettanaashe
\q2 gakkanaas waassishininne
\q2 ba kushe miccada,
\q2 «Ta waanoo! Hekko tana
\q2 wodhana geettes!»
\q2 gishin siyadis.
\c 5
\s1 Yerusalaame Asaa Nagara
\p
\v 1 GODAY, «Ane Yerusalaame ogeta bolla kezidi
\q1 pudenne duge yuushshi
\q2 xeellitenne akeekite;
\q2 derey duulatizasotan
\q2 xilloteth koyzaynne
\q2 suure pirdiza kezidi
\q2 intte issaadeka demmiko
\q2 tani Yerusalaame maarana.
\q1
\v 2 Gido attiin isttas,
\q2 ‹GODAY beyiin› gi caaqqikokka
\q2 istti tumappe
\q2 wordo caaqqeettes» gees.
\q1
\v 3 Abeet GODAWU!
\q2 Ne ayfeti tumaa xeelettennee?
\q2 Neni istta shocadasa shin
\q2 istta sakkibeenna.
\q2 Neni istta kinchchereththadasa;
\q2 gido attiin
\q2 istti simmibeettenna;
\q2 istti bantta wozina
\q2 shuchchafe aaththi minththida;
\q2 bantta nagarappeka
\q2 simmontta ixxida.
\q1
\v 4 Hessafe guye tani ta wozinan,
\q2 «Hayti manqotanne eeyata;
\q2 heyti GODAA ogenne
\q2 bantta Xoossa woga eronttayta.
\q1
\v 5 Hessa gishshas
\q2 tani gita asataakko baana;
\q2 isttaskka yootana;
\q2 gaasoykka GODAA ogenne
\q2 bantta Xoossa woga ereettes»
\q2 gaada qoppadis.
\q2 Gido attiin istti ubbayka
\q2 issife iza qambara menththida;
\q2 qashozakka duuththida.
\q1
\v 6 Hessa gishshas gaammoy
\q2 worappe kezidi
\q2 istta menththereththana;
\q2 kana suytey bazzofe kezidi
\q2 istta puuzereththana;
\q2 Maahey istta katamata yuusho
\q2 zamadi naagana.
\q2 He katamatappe keziza ubbaa
\q2 izi puuzana.
\q2 Gaasoykka istta
\q2 makkallateththinne
\q2 kaddoy darides.
\q1
\v 7 GODAY, «Tani intte nagara
\q2 ays atto goo?
\q2 Intte nayti tana aggida;
\q2 eeqa xoossatankka caaqqida;
\q2 Tani istta kalssa mizadis;
\q2 istti gidikko laymatidanne
\q2 layma keeth bida.
\q1
\v 8 Istti dhiikettida
\q2 korma para mala gidida;
\q2 istti issoy issoy
\q2 asa machcho
\q2 laggeththanaas kaallida.
\q1
\v 9 Tumuppe tani ha yo7ota gishshas
\q2 istta qaxxayanaas bessennee?
\q2 Tani ta hu7era
\q2 hessa mala kawoteththa bolla
\q2 halo kessana bessennee?» gees.
\q1
\v 10-11 Qasseka GODAY,
\q2 «Woyne tura giddo biidi
\q2 iza moorite;
\q2 gido attiin mulera dhayssofte.
\q2 Istti GODAAS gidontta gishshas
\q2 izi haggata tarshi tarshi yeggite;
\q2 Isra7eele asaynne
\q2 Yuhuda asay mulera
\q2 tana kaddida» gees.
\q1
\v 12 Istti GODAA bolla wordo haasayda;
\q2 «Izi nuna aykkoka ooththenna;
\q2 iita miishshika
\q2 nu bolla gakkenna;
\q2 olanne kosha
\q2 nuni mulekka be7okko.
\q1
\v 13 Nabeti carko mala attiin
\q2 istta giddon qaalay deenna;
\q2 istti gizaazi ubbay
\q2 istta bolla gakko» geettes.
\q1
\v 14 Hessa gishshas GODAY
\q2 Ubbaafe Wolqqama Xoossay,
\q2 «Istti ha qaala haasayda gishshas
\q2 tani ta qaala
\q2 ne doonan tama kessana.
\q2 Ha asaakka mith kessana;
\q2 tamaykka istta
\q2 mi dhayssana» gees.
\q1
\v 15 GODAY inttena,
\q2 «Intteno Isra7eele asatoo!
\q2 Tani intte bolla haaho biittafe
\q2 issi kawoteth ehana.
\q2 Izi wolqqamanne
\q2 beniisofe diza kawoteththa.
\q2 Iza qaalay inttes erettenna;
\q2 iza haasayay inttes gelenna.
\q1
\v 16 Istta mashsha koohoy doya diza
\q2 duufo mala;
\q2 istti ubbayka wolqqama
\q2 olanchchata.
\q1
\v 17 Istti intte kaththaanne
\q2 qumaa pitti maana.
\q2 Intte attuma naytanne
\q2 macca nayta wodhana.
\q2 Intte dorsanne miizaa
\q2 bonqqidi maana.
\q2 Intte woyne teeranne
\q2 balase teera
\q2 bonqqidi maana.
\q2 Intte ammanettiza gimbettida
\q2 katamatakka istti bantta
\q2 mashshan dhayssana» gees.
\q1
\v 18 GODAY Ermaasa, «Gido attiin
\q2 he gallassatan
\q2 tani inttena mulera dhayssike.
\q1
\v 19 Asay nena, ‹Nu GODAA nu Xoossay
\q2 nu bolla hayssa ubbaa
\q2 ays ooththidee?›
\q2 giidi oychchiza wode
\q2 neni isttas, ‹Intte tana GODAA
\q2 aggidi intte biittan
\q2 allaga xoossatas ooththida mala,
\q2 intteka asa biittan allagatas
\q2 hessaththo ooththana› ga» gides.
\q1
\v 20 Qasseka GODAY,
\q2 «Hayssa Yaaqoobeso asatas yoota;
\q2 Yuhuda biittankka hizga awajja;
\q1
\v 21 Intteno Ayfey dishin
\q2 demmonttaytoo!
\q2 Hayththi dishin siyonttaytoo!
\q2 Eeyanne yuushshi qopponttaytoo!
\q2 Hayssa siyite!\x - \xo 5:21 \xo*\xt Isa 6:9-10; Hizi 12:2; Mar 8:18\xt*\x*
\q1
\v 22 Intte taas yayyanaas bessennee?
\q2 Intte ta sinththan
\q2 kokkoranaas bessennee?
\q2 Ays giikko izi mernaas
\q2 kanththi bontta mala,
\q2 tani ancco abbas zawa ooththadis.
\q2 Dambalay bulakettikokka
\q2 zawappe aadhdhenna;
\q2 Izi guummikkoka
\q2 pinnanaas dandayenna.\x - \xo 5:22 \xo*\xt Iyo 38:8-11\xt*\x*
\q1
\v 23 Gido attiin ha deraas muumenne
\q2 makkalla wozinay dees;
\q2 Istti oge aggi wora bida.
\q1
\v 24 Istti bantta wozinan,
\q2 ‹Nuus sila iranne gabba ira
\q2 woden woden bukissiza,
\q2 kaththa shiishsho wode
\q2 nuus wodera ehiza GODAA
\q2 nu Xoossaas
\q2 ane yayyoos› gibeettenna.
\q1
\v 25 ‹Intte iita oosoy
\q2 hayta inttena diggides.
\q2 Intte nagaray inttena
\q2 lo7o miishshafe
\q2 ashshides› ga» gees.
\q1
\v 26 GODAY, «Ta asaa giddon
\q2 iita asati deettes.
\q2 Kafota oykkanaas
\q2 naagiza asa mala
\q2 istti woximade woththidi
\q2 asaa oykkanaas naageettes.
\q1
\v 27 Kafo keeththan kafoy kumida mala
\q2 istta keeththan
\q2 baleththoy kumides.
\q2 Hessa gishshas istti
\q2 durenne wolqqama gidida.
\q1
\v 28 Istti ordidanne modhdhida;
\q2 istta iitateththaas zaway deenna.
\q2 Yi7oti suure pirda demmana mala
\q2 isttas eqqibeettenna;
\q2 manqota maata gishshassika
\q2 mootettettenna.
\q1
\v 29 Histtiin tani hayta
\q2 ha yoota gishshas,
\q2 istta qaxxayanaas bessennee?
\q2 Hessa mala kawoteththa bolla
\q2 ta halo kessanaas
\q2 bessennee?» gees.
\q1
\v 30 Qasseka GODAY,
\q2 «Daro babisiza miishshinne
\q2 daganththiza miishshi
\q2 biitta bollan hanides.
\q1
\v 31 Nabeti wordo tinbite yooteettes;
\q2 qeesetikka istta zoren aysseettes.
\q2 Ta asaykka hessa mala
\q2 miish dosees!
\q2 Histtiin wurseththan
\q2 intte ay ooththanee?» gees.
\c 6
\s1 Yerusalaamey Morkketan Doodeteth
\p
\v 1 GODAY, «Intteno Biniyaame zaretoo!
\q2 Pudeha baggafe iita miishshinne
\q2 bashshi yaana giza gishshas
\q2 intte shemppo
\q2 ashshanaas baqatite!
\q2 Yerusalaameppe kezite!
\q2 Tequhe kataman zaye punnite!
\q2 Beeti-Hakarimen malata bessite!
\q1
\v 2 Tani mala lo7onne
\q2 ufayssiza Xiyoone
\q2 nayo dhayssana.
\q1
\v 3 Heenththanchchati
\q2 bantta wude ekkidi
\q2 izi bolla yaana;
\q2 histtidi izi yuushon
\q2 bantta dunkaane tokkana;
\q2 bantta wude bantta
\q2 sohon sohon heemmana.
\q1
\v 4 Istti issoy issaa, ‹Yerusalaamera
\q2 olettanaas giigettite! Dendite!
\q2 Ane nuni izo seeta gallas oloos.
\q2 Gido attiin aayye ana!
\q2 Sa7ay qammees;
\q2 omarsa kuway
\q2 aduqqi aduqqi bees.
\q1
\v 5 Hessa gishshas dendite!
\q2 Ane omars oloos;
\q2 histtidi izi miixaakka
\q2 ane laalloos›
\q2 giidi maqettida» gees.
\q1
\v 6 Ubbaafe Wolqqama GODAY,
\q2 «Miththata qanxxite.
\q2 Yerusalaame gimbe lanqen
\q2 biitta doorite;
\q2 ha katamayn qohoy
\q2 kumida gishshas
\q2 izis qixaatey bessees.
\q1
\v 7 Ollafe haaththi pulttiza mala izakka
\q2 ba iitateththaa pulttisawus;
\q2 Makkalla miishshinne
\q2 bashsha miishshi
\q2 izi giddon seetettees;
\q2 ubba wode izi sakoynne
\q2 madunththi taas beettees.
\q1
\v 8 Hanne Yerusalaame naagetta;
\q2 ne akkay giikko
\q2 ta neeppe shaakettana;
\q2 qasse ne biittaaka
\q2 bulasana» gees.
\s1 Isra7eele Asaa Makkallateth
\q1
\v 9 Ubbaafe Wolqqama GODAY,
\q2 «Woyne teera issinokka
\q2 ashshontta maxiza mala
\q2 Isra7eele asaappe
\q2 attidayta hessaththoka
\q2 maxi shiishshite.
\q2 Woyne teera maxiza asa mala
\q2 intte kushe haggata giddo
\q2 nam7anththoka yeddite» gees.
\q1
\v 10 Tani oonas yootoo?
\q2 Oona seeroo?
\q2 Ooni ta gizaaz siyanee?
\q2 hekko istta hayththi
\q2 tulle gidida gishshas
\q2 istti siyettenna;
\q2 GODAA qaalay
\q2 isttas qidhes kezides;
\q2 istti izan ufayettettenna.
\q1
\v 11 Hessa gishshas GODAA hanqoy
\q2 tanan kumi uttides;
\q2 tani ha hanqoza
\q2 ta ulon oykkana dandaykke.
\q2 Histtiin GODAY tana,
\q2 «Ta hanqoza ogen diza
\q2 guuththa nayta bollanne
\q2 shiiqida yelaga nayta bolla gussa;
\q2 machchanne azinay,
\q2 cimmida asatikka
\q2 kessi ekki attettenna.
\q1
\v 12 Tani he biittan dizayta bolla
\q2 ta kushe yeddiza wode
\q2 istta keeththati, istta gadetinne
\q2 istta machchetikka attontta
\q2 ubbay haratas gidana» gees.
\q1
\v 13 Qasseka GODAY,
\q2 «Guuththayka gitaykka
\q2 ubbay ba go7as yiiqetees.
\q2 Nabetinne qeeseti ubbay
\q2 as baleththeettes.
\q1
\v 14 Istti ta deraa madunththaa
\q2 qeeri miishsha mala xeellida;
\q2 paxana mala koshshiza
\q2 ooso ooththibeettenna;
\q2 Saroy baynda,
\q2 ‹Saro; saro› geettes.\x - \xo 6:14 \xo*\xt Hizi 13:10\xt*\x*
\q1
\v 15 Ha harassiza oosoza gishshas
\q2 istti yeellatidoo?
\q2 Akkay mulekka yeellatibeettenna;
\q2 istti yeellay aazakko erettenna.
\q2 Hessa gishshas istti kundizaytara
\q2 issife kundana;
\q2 tani istta qaxxayiza wode
\q2 istti kawuyana» gees.\x - \xo 6:12-15 \xo*\xt Er 8:10-12\xt*\x*
\q1
\v 16 GODAY, «Daggala oge bolla
\q2 eqqi xeellite;
\q2 beni ogeyo oychchite;
\q2 Lo7o ogey awaarii? Izira biite;
\q2 intte intte shemppos
\q2 shemppo demmana;
\q2 intte gidikko,
\q2 ‹Nu izira bookko!› gideta.\x - \xo 6:16 \xo*\xt Mato 11:29\xt*\x*
\q1
\v 17 Ta inttena naagizayta woththadis;
\q2 ‹Zayey punettishin siyite› gadis;
\q2 intte gidikko,
\q2 ‹Nuni siyokko› gideta.
\m
\v 18 Hessa gishshas kawoteththatoo, siyite!
\q2 Intteno markkatoo!
\q2 Istta bolla aazi
\q2 gakkanaakko akeekite.
\q1
\v 19 Biittayee siya!
\q2 Istti ta qaala
\q2 siyontta ixxida gishshassinne
\q2 ta wogaakka kadhida gishshas
\q2 tani deraa bolla
\q2 istta iita qofaa mala bash ehana.
\q1
\v 20 Exaaney Saaba biittafe
\q2 sawiza qimamey
\q2 haako biittafe yiikko
\q2 tana ay gaanee?
\q2 Xuugettiza intte yarshozakka
\q2 ta ekkike;
\q2 intte shiishshiza hara yarshoyka
\q2 tana ufayssenna» gees.
\q1
\v 21 Hessa gishshas GODAY,
\q2 «Tani ha deraa sinththan
\q2 dhuphiza miish woththana;
\q2 aawatinne attuma nayti
\q2 izan dhuphettana;
\q2 shoorotinne laggeti
\q2 dhayana» gees.
\s1 Pudeha Baggafe Worajjiza Olanchchata
\b
\q1
\v 22 Qasseka GODAY,
\q2 «Hekko pudeha baggafe
\q2 olanchchati yeettes;
\q2 gita kawoteththi sa7a gaxappe
\q2 denththa bolla dees.
\q1
\v 23 Istti wondafenne toora oykkida.
\q2 Istti menxe iitatanne
\q2 qadhetay bayndayta;
\q2 istti bantta parata toggiza wode
\q2 abbay guummiza mala
\q2 guummeettes.
\q2 Intteno Xiyoone macca naytoo!
\q2 Istti giigettidi inttena
\q2 olanaas yeettes» gees.
\b
\q1
\v 24 Nuni he yo7o siyiin
\q2 nu qesey kim7ilish gides.
\q2 Maccas miixay oykkida mala
\q2 nuna ceecey oykkides.
\q1
\v 25 Morkkey mashsha gixxides;
\q2 ubbason shiroy kumides;
\q2 hessa gishshas kare kezopite;
\q2 ogenkka hemettofte.
\q1
\v 26 Ta deretoo maaqa may7ite;
\q2 bidinththa bolla bululettite;
\q2 mexi issi nay hayqqida asa mala
\q2 camo yeeho yeekkite;
\q2 gaasoykka nu qoppontta dishin
\q2 dhayssizay nu bolla yaana.
\q1
\v 27 GODAY Ermaasa, «Ermaasaa!
\q2 Birata paaccizaade mala
\q2 neni ta dereza ogenne
\q2 istta hemeta paaccana mala
\q2 ta nena woththadis;
\q1
\v 28 Istti ubbay zigirshe yuuyizaytanne
\q2 yootiin ekkontta
\q2 makkallanchchata;
\q2 istti xarqimala malanne
\q2 birata mala;
\q2 istti ubbayka mooro ooththizayta.
\q1
\v 29 Birata seerisanaas womppiina
\q2 lo7eththa punna;
\q2 gido attiin iitati mulera
\q2 pitetti kezontta gishshas
\q2 hessi coo hada daabura.
\q1
\v 30 GODAY istta kadhida gishshas
\q2 istti kadhettida bira
\q2 geetetti xeygettana» gees.
\c 7
\s1 Ermaasi Xoossa Keeththan Tamaarsida Timirte
\p
\v 1 GODAAPPE Ermaasas yida qaalay hayssafe kaalli dizayssa; 
\v 2 «Neni GODAA Xoossa Keeththa pengen eqqa; histtada ha qaala, ‹Intteno GODAAS goynnanaas ha pengetara geliza Yuhuda asatoo, ubbayka GODAA qaala siyite!› ga awajja. 
\v 3 Ubbaafe Wolqqama GODAA Isra7eele Xoossay, ‹Intte ogenne intte ooso lo7eththite; intte histtiko ta inttena hayssan daana mala ooththana› gees. 
\v 4 Cimo qaalan, ‹Hayssi GODAA Xoossa Keeththa! Hayssi GODAA Xoossa Keeththa! Hayssi GODAA Xoossa Keeththa!› giidi ammanettofte. 
\v 5 Intte intte ogenne intte ooso lo7eththiko, intte giddon suureteththi diikko, 
\v 6 bete yida asatanne yi7ota, am7eta intte qohontta aggiko, hayssa ha biitta bolla xillo suuth gussontta aggiko, inttena qohiza eeqa xoossata intte kaallontta aggiko, 
\v 7 tani intte aawatas mernaas xinxxo histta immida ha biittayn ta inttena woththana. 
\v 8 Hekko intte hada gidida wordo qaalan ammanettideta.»
\p
\v 9 GODAY, «Intte kaysoteeta, as wodheeta, laymateeta, wordo caaqqi markkatteeta, Ba7aale eeqa xoossas yarsho yarsheeta, hayssafe kase intte erontta eeqa xoossatas goynneeta. 
\v 10 Histtidi ta sunththan xeygettida Xoossa Keeththaa yi ta sinththan eqqidi, ‹Nuni lo7o doos!› gishe hayta harassiza miishshata ooson deeta. 
\v 11 Ta sunththan xeygettida ha Xoossa Keeththay inttes pangati qotettiza gongolo gididee? Intte ooththizayssa ubbaa tani ta ayfera be7adis» gees.\x - \xo 7:11 \xo*\xt Mato 21:13; Mar 11:17; Luqa 19:46\xt*\x*
\p
\v 12 GODAY, «Tani ta sunththay izan daana mala ta dooridaso Seelo biite; ta asaa Isra7eele iitateththaa gaason tani heen ooththidayssa biidi be7ite. 
\v 13 Intte hessa ubbaa ooththishin tani inttes zaara zaarada yootadis; gido attiin intte siyontta ixxideta; tani inttena xeygadis shin intte taas koyibeekketa. 
\v 14 Hessa gishshas tani Seelon ooththidayssa mala ha7ikka hayssan intte ammanettiza, ta sunththay izan xeygettiza ha Xoossa Keeththaa bollaka ooththana; inttessinne kase intte aawatas immida sohon hayssan tani Seelo bolla ooththidayssa mala zaarada ooththana.\x - \xo 7:12-14 \xo*\xt Iya 18:1; Maza 78:60; Er 26:6\xt*\x* 
\v 15 Intte ishata Efreeme zareta tani diggida mala ta sinththafe inttenakka diggana» gees.
\p
\v 16 GODAY, «Ermaasa, ne woossiinkka ta siyontta gishshas ne hayssa deraas woossofa; isttas shoobbofa woykko isttas gaannatoppa. 
\v 17 Istti Yuhuda katamataninne Yerusalaame ogetan ay ooththizaakko ne be7ikkii? 
\v 18 ‹Salo godatteyo› geetettiza xoossayssi uketh uukkanaas maccassati dhiille munuqeettes; Nayti mith mixeettes; aawati tama eeththeettes. Istti tana qohana giidi ushsha yarsho hara xoossatas yarsheettes.\x - \xo 7:18 \xo*\xt Er 44:7-19\xt*\x* 
\v 19 Istti hayssa ubbaa ooththizay tana qohanaasee? Hayssan qohettidi yeellatanay bantta hu7es istta gidettennee?» gides.
\p
\v 20 Hessa gishshas Ubbaafe Wolqqama GODAY, «Ta yiilloynne ta hanqoy ha soho bolla, medosata bolla, gaden diza miththa bollanne kaththa bolla gukkana; histtidi eexxana; to7anaaska dandayenna» gees. 
\v 21 Ubbaafe Wolqqama GODAA Isra7eele Xoossay, «Intte xuuggi shiishshiza yarshoza gidiin hara yarshotara gujjidi ashozara inttes miite. 
\v 22 Tani intte aawata Gibxe biittafe kessida wode xuugettiza yarsho gishshas gidiin, hara yarsho gishshas gidiin, ta isttas yootabeekke woykko istta azazabeekke. 
\v 23 Gido attiin tani isttas, ‹Taas azazettite; histtiko tani intte Xoossa gidana; intteka ta dere gidana; inttes lo7ana mala tani inttena azaziza oge ubbaara biite› gaada azazadis. 
\v 24 Istti gidikko ta gizaaz siyibeettenna; wozinan woththi siyanaaska koyibeettenna; istti bantta iita wozina qofaa minththi kaallida; istti sinththe buus aggidi guye guye bida. 
\v 25 Intte aawati Gibxe biittafe kezida gallassafe doommidi hanno gakkanaas tani ta aylle gidida nabeta isttas kiittashe days. 
\v 26 Derezi gidikko ta gizaaz siyibeenna; wozinan woththi siyanaaska koyibeenna; istti bantta morge minththidanne istta aawati ooththida iita miishshafe aadhdhiza iita miish ooththida.
\p
\v 27 «Hayssa ubbaa neni isttas yootana; gido attiin istti ne gizayssa siyettenna; neni istta xeygana shin istti nees koyettenna. 
\v 28 Hessa gishshas neni isttas, ‹Hayssi derezi GODAA ba Xoossaas azazettonttanne iza zore ekkontta dere; tumay deenna; istta inxarsafe dhaydes. 
\v 29 Hanqoy iza bolla gakkida ha yeletaa GODAY kadhida gishshassinne aggida gishshas intte hu7e meedidi wora yeggite; aykkoyka baynda zumbullata bolla kezidi zilalite› ga» gees.
\s1 Shuka Shukkizaaso Henoome Shoobba
\p
\v 30 Qasseka GODAY, «Yuhuda asati ta sinththan iita miish ooththida; harassiza eeqa xoossata ehidi ta sunththan xeygettida Xoossa Keeththaan woththidi tunisida. 
\v 31 Istti bantta attuma naytanne macca nayta taman xuuggidi yarshanaas, Henoome naa shoobban Toofeete geetettiza yarshosoho gimbida. Gido attiin hessi tani istta azazonttayssanne ta qofan bayndayssa.\x - \xo 7:31 \xo*\xt Lewe 18:21; 2Kawo 23:10; Er 32:35\xt*\x* 
\v 32 Hessa gishshas he sohoy Henoome naa shoobba woykko Toofeete geetettizayssi attidi Shuka Zulle geetetti xeygettana gallassati yeettes. Gaasoykka moogosoy dhayana gakkanaas hayqqida asati Toofeeten moogettana. 
\v 33 He wode he asata ahay salo kafotassinne sa7a do7atas quma gidana; istta babisidi gooddiza miishshi deenna. 
\v 34 Tani ilisi, ufayssa cenggurssinne mishirata cenggurs Yuhuda katamatappenne Yerusalaame ogetappe dhayssana; biittayakka bula gida attana» gees.\x - \xo 7:34 \xo*\xt Er 16:9; 25:10; Ajju 18:23\xt*\x*
\c 8
\p
\v 1 Ubbaafe Wolqqama GODAY, «He woden Yuhuda kawota meqeththi, shuumeta meqeththi, qeeseta meqeththi, nabeta meqeththinne Yerusalaamen diza asata meqeththi ubbay duufoppe maxettidi kezana. 
\v 2 Histtidi istti siiqida, kiitettida, kaallida, zore oychchidanne goynnida arshe sinththan, agina sinththaninne salo xoolintteta ubbaa sinththan micettana. Istta meqeththay shiiqenna woykko moogettenna; gido attiin biitta bolla olettida buura mala gidana. 
\v 3 Ha iita asaa kusheppe attidayti ubbay ta istta goodda yeddidaso ubbaan de7oppe hayqo doorana» gees.
\s1 Nagara Gaason Gakkiza Qixaate
\p
\v 4 GODAY tana, «Asaas, ‹Asi kundiko kundidasohoppe simmidi dendennee?
\q2 Woykko asi balidaa gidikko
\q2 guyeppe ba balaappe simmennee?
\q1
\v 5 Histtiin hayssi derezi
\q2 ays guye simmi bizee?
\q2 Yerusalaamey ays ubbato
\q2 guye simmazee?
\q2 Istti gene ooso minththi oykkida;
\q2 simmanaaska koyettenna.
\q1
\v 6 Tani istta lo7eththa ezgadis;
\q2 istti suure haasayettenna;
\q2 ta ay ooththadinaa?› gees.
\q2 Gido attiin ba iita ooso
\q2 paaxizay issoyka deenna;
\q2 olas dirgiza para mala
\q2 ubbayka baas baas woxxees.
\q1
\v 7 Shimela geetettiza kafoti
\q2 bantti simmiza wode ereettes;
\q2 haraphpheti, dagicetinne
\q2 waalla geetettiza kafoti
\q2 ba dendi biza wode ereettes;
\q2 gido attiin ta derey
\q2 GODAA woga eribeenna.\f + \fr 8:7 \fr*\ft Dagicey kafo qommo gididayssa qonccisees.\ft*\f*
\m
\v 8 Wordanchcha xaafeti bantta bi7iren
\q2 ta wogaa wordora xaafida;
\q2 histtiin waanidi,
\q2 ‹Nuni aadho eranchcha;
\q2 GODAA wogay
\q2 nunara dees› geetii?
\q1
\v 9 Aadho eranchchati yeellatana;
\q2 istti kawuyananne
\q2 woximaden oykettana.
\q2 GODAA qaalara
\q2 istti eqettichchiin
\q2 isttas aaza erateththi dizee?
\q1
\v 10 Hessa gishshas tani istta machcheta
\q2 hara azinatas,
\q2 istta biittatakka
\q2 allagatas immana;
\q2 guuththayka gitaykka ubbay
\q2 bantta go7as yiiqeteettes.
\q2 Nabetinne qeesetikka ubbay
\q2 as baleththeettes.
\q1
\v 11 Istti ta dereza madunththaa
\q2 qeeri miishshan qoodidi
\q2 maaddontta dhale immeettes;
\q2 saroy baynda,
\q2 ‹Saro, saro› geettes.\x - \xo 8:11 \xo*\xt Hizi 13:10\xt*\x*
\q1
\v 12 Tuna ooso ooththidi yeellatidoo?
\q2 Chii! Mulekka yeellatibeettenna.
\q2 Istti yeellay aazakkoka erettenna.
\q2 Hessa gishshas
\q2 isttika kundidaytara
\q2 issife kundana;
\q2 ta istta qaxxayiza wode
\q2 istti kawuyana» gees.\x - \xo 8:10-12 \xo*\xt Er 6:12-15\xt*\x*
\b
\q1
\v 13 GODAY, «Istti goyi kessida
\q2 kath ubbaa
\q2 ta isttafe ekkaychchana;
\q2 istta woyne turan
\q2 ayfey dhayana;
\q2 balase miththika ayfe immenna;
\q2 istta bonccotikka qokkana;
\q2 tani isttas immidayssi
\q2 isttafe ekettichchana» gees.
\b
\q1
\v 14 Histtiin asati,
\q2 «Nuni hayssan ays uttinoo?
\q2 Ane issi bolla shiiqite;
\q2 gimbetti uttida katamatan
\q2 baqati biidi heen hayqqoos;
\q2 GODAA nu Xoossay nuna
\q2 hayqqana mala pirdides;
\q2 nuni iza bolla
\q2 nagara ooththida gishshas
\q2 nu uyana mala marzera diza
\q2 haath immides.
\q1
\v 15 ‹Saroy yaana› giidi
\q2 hidota ooththidos;
\q2 gido attiin
\q2 lo7o miishshi yibeenna.
\q2 ‹Nuni paxana› giidi amottidos;
\q2 gido attiin dagama xalla gidides.
\q1
\v 16 Morkketa para peenoy
\q2 Daane katamappe siyettees;
\q2 istta wodalla parata caashan
\q2 biittay ubbay qaaxxees;
\q2 biittayonne biittay bolla
\q2 diza ubbaa,
\q2 katamayonne izin diza ubbaa
\q2 mittanaas yida» geettes.
\b
\q1
\v 17 GODAY, «Be7ite,
\q2 tani marzera diza shooshshata,
\q2 muurennizayta hiillateththi
\q2 teqqanaas dandayontta
\q2 haso shooshshata
\q2 intte giddo yeddana;
\q2 istti inttena dukkana» gees.
\s1 Ermaasi Deraas Ceecida Ceece
\q1
\v 18 Ta ceeciza wode
\q2 tana minththeththizayssoo!
\q2 Ta wozinay keehi meqqides.
\q1
\v 19 Ta asay haaho biittan dishe
\q2 waassiza waaso siya.
\q2 Istti, «GODAY Xiyoonen deennee?
\q2 Izi kawoykka heen deennee?»
\q2 giidi waasseettes.
\q2 Histtiin GODAY izas,
\q2 «Istti baas massida misletan,
\q2 hada gidida eeqa xoossatan
\q2 tana ays hanqeththidoo?» gees.
\b
\q1
\v 20 Histtiin asay,
\q2 «Hekko kaththa shiishsho
\q2 wodey aadhdhides;
\q2 boneykka wurides;
\q2 nunikka attibeekko»
\q2 giidi waasseettes.
\q1
\v 21 Ta derey madunxishin
\q2 tanikka madunxadis;
\q2 yeekkadissinne dagammadis.
\q1
\v 22 Gala7aaden tiyiza dhaley deennee?
\q2 Woykko heen aakimey deennee?
\q2 Histtiin ta deraa madunththi
\q2 ays paxibeennee?
\c 9
\p
\v 1 Shukettida ta deraa gishshas omarsinne
\q2 gallas ta yeekkana mala
\q2 ta hu7ey haaththa olla,
\q2 ta ayfetikka pultto mala
\q2 afunth gogissidaakko
\q2 ta ay mala dosandinaa!
\q1
\v 2 Tani ta deraappe shaakettada
\q2 haakka baana mala
\q2 bazzon mandaray aqizasoho
\q2 taas oonee immanay!
\q2 Istti ubbayka laymatizaytanne
\q2 baleththizayta gidida.
\q1
\v 3 GODAY, «Istti bantta inxars
\q2 wordo haasayanaas
\q2 wondafe mala giigsida;
\q2 tuman gidontta wordora
\q2 biittay bolla minnida;
\q2 istti iita bolla iita
\q2 gujji gujji bida;
\q2 tanakka erettenna» gees.
\q1
\v 4 Qasseka GODAY,
\q2 «Ishay isha baleththees;
\q2 laggey ba lagge zigirees;
\q2 hessa gishshas ishay
\q2 ishaappe naagetto;
\q2 laggey ba laggaan ammanettofo.
\q1
\v 5 Laggey ba lagge cimmees;
\q2 tuma haasayzay deenna;
\q2 istti bantta inxars
\q2 wordo haasaya tamaarsida.
\q2 Nagara ooson
\q2 banttana daaburseettes.
\q1
\v 6 Neni baleththoy kumidason daasa;
\q2 istti bantta cimo gaason tana
\q2 erana koyibeettenna» gees.
\q1
\v 7 Hessa gishshas Ubbaafe
\q2 Wolqqama GODAY,
\q2 «Tani istta birata mala
\q2 paaccada seerisa geeshshana.
\q2 Ta deraa nagara gishshas
\q2 ta hayssafe hara
\q2 ay ooththana dandayazinaa?
\q1
\v 8 Istta inxarsay
\q2 wodhiza yiishsha mala;
\q2 istti cimo haasaya haasayeettes.
\q2 Ubbayka bantta laggetara
\q2 siiqo qaalan haasayeettes;
\q2 gido attiin bantta wozinara
\q2 woximade giigsseettes.
\q1
\v 9 Histtiin hayta ha yo7ota gishshas
\q2 ta istta qaxxayana bessennee?
\q2 Tani ta hu7es hayssa mala
\q2 kawoteththa bolla
\q2 halo kessikinaa?» gees.
\q1
\v 10 Tani dhoqqa deretas
\q2 yeekkananne waassana;
\q2 bazzon heenththasohotas
\q2 kayottana.
\q2 Gaasoykka istti dhayda;
\q2 heera issi asinne kanththenna.
\q2 Mehe waasoy siyettenna;
\q2 salo kafotinne do7ati
\q2 baqatidi bichchida.
\q1
\v 11 GODAY, «Yerusalaame katama
\q2 tani budhetti kayzidasonne
\q2 worakanati kaa7izaso ooththana.
\q2 Yuhuda katamatakka
\q2 asi bayndaso
\q2 bula kessana» gees.
\p
\v 12 Hessa akeekanaas dandayza aadho eranchchay oonee? GODAY izas qonccisiin hayssa izas yootana dandayzay oonee? Biittaya asi baynda kays ays gidadee?
\p
\v 13 GODAY, «Hayssi haniday isttas tani immida woga istti aggidi azazettontta gishshassinne ta maara kaallontta aggida gishshassa. 
\v 14 Histtidi istti bantta wozina muumeteththan biidi bantta aawati tamaarsida malakka Ba7aale geetettiza eeqa xoossa kaallida» gides.
\p
\v 15 Hessa gishshas Ubbaafe Wolqqama GODAA Isra7eele Xoossay, «Be7ite, tani ha asaa cammiza quma mizananne marzera diza haath ushshana. 
\v 16 Istta woykko istta aawati erontta kawoteththata giddon tani istta laallana. Tani istta dhayssana gakkanaas mashshan yedeththana» gees.
\s1 Yerusalaame Asaa Zilas
\q1
\v 17 Qasseka Ubbaafe Wolqqama GODAY,
\q2 «Ane yeeho yeekkiza maccassata xeygite;
\q2 zilas lo7eththi eriza maccassata ehite.
\q1
\v 18 Istti eeson yetto;
\q2 nu ayfera afunththi
\q2 gogganaashe gakkanaassinne
\q2 nu siphinththara afunththi pulttana
\q2 gakkanaas nu gishshas zilaletto.
\q1
\v 19 Xiyoonen zilassaa cenggurssi siyettees;
\q2 ‹Nuni dhaydos!
\q2 Nuni keehi kawuyidos!
\q2 Nu keeththi laalettichchida gishshas
\q2 nu biittaa aggidi dendi boos›
\q2 gi zilaleettes» gees.
\q1
\v 20 Intteno maccassatoo!
\q2 GODAA qaala siyite!
\q2 Intte hayththay iza doonappe keziza
\q2 qaala ezgo.
\q2 Intte macca nayta
\q2 zilas tamaarsite;
\q2 issiniya hankkooro yeeho tamaarsu.
\q1
\v 21 Hayqoy nayta ogeppe,
\q2 naateththa nayta dubbushappe
\q2 pitti dhayssides;
\q2 nu maskootetara gelides;
\q2 nu qol7a giddo kanththides.
\q1
\v 22 Hessa gishshas GODAY tana,
\q2 « ‹Asa ahay buura mala
\q2 demban laalettana;
\q2 kath shiishshizayti guyen aggida
\q2 pushulo mala attana;
\q2 istta oonikka shiishshenna› ga»
\q2 giidi azazides.
\q1
\v 23 GODAY, «Aadho eranchchay
\q2 ba aadho erateththan ceeqettofo;
\q2 wolqqamay ba wolqqan ceeqettofo;
\q2 woykko durey ba dureteththan ceeqettofo.
\q1
\v 24 Gido attiin ceeqettiza oonikka
\q2 tani GODAA gididayssa eroninne
\q2 biitta bolla siiqo, suure pirdanne
\q2 xilloteth ooththizay tana gidoyssa
\q2 akeekon ceeqetto.
\q2 Tani haytan ufayettays» gees.\x - \xo 9:24 \xo*\xt 1Qoro 1:31; 2Qoro 10:17\xt*\x*
\p
\v 25 Qasseka GODAY, «Be7ite, bantta asho xalla qaxxarettida asaa tani qaxxayana wodey yees. 
\v 26 Heytikka Gibxe, Yuhuda, Eedoome, Amoone, Mo7aabenne bantta hu7e ciiri meedidi bazzon diza asaa ubbata. Ha kawoteththatan diza asay ubbay tumukka qaxxarettibeenna; Isra7eele asaa ubbaa wozinaykka qaxxarettibeenna» gees.
\c 10
\s1 Xoossenne Eeqa Xoossata
\p
\v 1 Intteno Isra7eele asatoo!
\q2 GODAY inttes yootiza qaala siyite!
\q1
\v 2 GODAY, «Kawoteththata oge
\q2 intte tamaaropite.
\q2 Istti salo bolla
\q2 malata be7idi shirotikkoka,
\q2 intte shirotopite.
\q1
\v 3 Gaasoykka dereta wogay hada.
\q2 Istti mith worappe qanxxeettes;
\q2 hiillay massi giigssees.
\q1
\v 4 Istti biraninne
\q2 worqqan alleqisseettes;
\q2 qaaxxontta mala naariqara
\q2 misimaaren dhishkidi
\q2 oyththeettes.
\q1
\v 5 Istta eeqa xoossati
\q2 istta kaththa giddon
\q2 do7a daganththanaas
\q2 essiza misle mala.
\q2 Haasayanaas dandayettenna.
\q2 Hemettanaas
\q2 istti dandayontta gishshas
\q2 asay istta tookkees.
\q2 Istti iita gidiin
\q2 woykko lo7o miish
\q2 intte bolla ooththanaas
\q2 dandayontta gishshas
\q2 isttas mulekka yayyofte» gees.
\q1
\v 6 Abeet GODAWU!
\q2 Ne malay oonikka deenna.
\q2 Neni gita;
\q2 ne sunththayka gitanne wolqqama.
\q1
\v 7 Abeet kawoteththatas kawoo!
\q2 Nees yayyonttay oonee?
\q2 Nees bonchchoy bessees;
\q2 gaasoykka aadho eranchchata
\q2 garsaninne
\q2 istta kawoteththata ubbaa garsan
\q2 ne malay deenna.\x - \xo 10:7 \xo*\xt Ajju 15:4\xt*\x*
\q1
\v 8 Hada gidida miththafe masettida
\q2 eeqa xoossatappe
\q2 timirte tamaarza ubbay
\q2 eeyanne damma.
\q1
\v 9 He eeqa xoossati Tarseeseppe
\q2 yida biraninne
\q2 Ufaazeppe yida
\q2 worqqan alleqettida.
\q2 Istti woyne ushshaninne
\q2 ochcha teera misatiza
\q2 medhara diza
\q2 may7on kamettida.
\q2 Istti ubbay kushe ooso
\q2 hiillatan oosettida.
\q1
\v 10 Gido attiin GODAY tumu Xoossa;
\q2 izi de7o Xoossanne mernaa Kawo.
\q2 Izi hanqettiza wode
\q2 biittay qaaxxees;
\q2 kawoteththatikka
\q2 iza yiillo dandayettenna.
\q1
\v 11 GODAY, «Intteka, ‹Heyti salonne
\q2 sa7a medhdhontta xoossati
\q2 sa7appenne salo garsafe
\q2 dhayana› geeta» gees.
\q1
\v 12 Ba wolqqan sa7a medhdhiday,
\q2 ba aadho erateththan
\q2 alame essiday,
\q2 ba akeekan
\q2 salo micciday GODAA.
\q1
\v 13 Izi guummiza wode,
\q2 salon diza ubbay qaaxxees.
\q2 Izi shaara sa7a gaxappe
\q2 pude denththees.
\q2 Izi irara dada yeddees;
\q2 carkoka ba minjjasoppe kessees.
\q1
\v 14 Asi ubbay era dhaydi dammides;
\q2 worqqa seerisiza asi ubbay
\q2 ba ooththida eeqa xoossatan
\q2 yeellatides.
\q2 Gaasoykka eeqa xoossati wordo;
\q2 isttas shemppoy deenna.
\q1
\v 15 Istti coo qidhes
\q2 medhettida miishsha.
\q2 Pirday istta bolla gakkiza wode
\q2 istti dhayana.
\q1
\v 16 Gido attiin Yaaqoobe qaaday
\q2 heyta mala gidenna.
\q2 Gaasoykka izi ubbaa medhdhidayssa;
\q2 Isra7eeley doorettida dere.
\q2 Iza dooridayssa sunththay
\q2 Ubbaafe Wolqqama
\q2 GODAA Xoossa.
\s1 Buroppe Yaana Iita
\q1
\v 17 Intteno morkkey giddoththidaytoo!
\q2 Diza miish dizasoppe shiishshite.
\q1
\v 18 Gaasoykka GODAY,
\q2 «Tani ha sa7a bolla diza asaa
\q2 ha7i gede kare kessada gooddana.
\q2 Isttas erettana mala
\q2 ta istta bolla meto ehana» gees.
\q1
\v 19 Waanoo ay hanoo!
\q2 Ta madunththay
\q2 paxontta madunththa.
\q2 Gido attiin ta tana,
\q2 «Hayssi ta harge;
\q2 tani dandayanaas bessees» gadis.
\q1
\v 20 Ta dunkaaney laalettides;
\q2 iza wodoroy ubbay duuxerettides.
\q2 Ta nayti ubbay
\q2 taappe shaakettidi bichchida;
\q2 hayssafe guye simmettenna;
\q2 ta dunkaana zaaridi tolanaas
\q2 woykko ta magalasha kaqqanaas
\q2 ha7i issi asinne attibeenna.
\q1
\v 21 Heenththanchchati dammida;
\q2 istti GODAA oychchibeettenna.
\q2 Hessa gishshas isttas injjetibeenna;
\q2 istta wude ubbay laalettides.
\q1
\v 22 Siyite! Iita yo7oy yuussa bolla dees;
\q2 hessi, «Pudeha baggara diza
\q2 kawoteththan
\q2 gita bul7aketeththi
\q2 yuussan dees» gizayssa.
\q2 Iza olanchchati yiidi
\q2 Yuhuda katamata bazzonne
\q2 worakanata duussaso kessana.
\q1
\v 23 Abeet GODAWU! Asa de7oy
\q2 izaade kushen donttayssanne
\q2 ba hemetaakka barkka
\q2 ba shene mala
\q2 lo7eththana dandayonttayssa
\q2 ta erays.
\q1
\v 24 Abeet GODAWU! Tana seera;
\q2 gido attiin ginara gido.
\q2 Tani mulera dhayontta mala
\q2 neni hanqora ta bolla yooppa;
\q1
\v 25 Yaaqoobe mulera
\q2 mi mittidayta bollanne
\q2 ne sunththaa xeygontta
\q2 asata bolla guussa.
\q2 Iza duussasokka
\q2 kayzisida gishshas
\q2 neni ne hanqoza nena erontta
\q2 dereta bollanne
\q2 ne sunth xeygontta
\q2 kawoteththata bolla gussa.
\c 11
\s1 Ermaasanne Godaa Caaqo Qaala
\p
\v 1 GODAAPPE Ermaasas yida qaalay hayssafe kaallizayssa; 
\v 2 «Ha caaqo qaalata siya; histtada Yuhuda asaassinne Yerusalaame kataman dizaytas yoota. 
\v 3 GODAA Isra7eele Xoossay, ‹Hayssa caaqo qaalas azazettontta asi qanggettidaade gido.
\p
\v 4 « ‹Hayssi azazozi beni intte aawata Gibxe biittafe, birata seerisiza cooceppe kessiza wode ta qaala siyidaakko, ta azazo naagidaakko istti ta nayta; tani istta GODAA gidana mala tani isttas immida qaala. 
\v 5 Hessan maaththinne eessi goggiza biitta kase intte aawatas immanaas tani caaqqida caaqo polana› gadis» gees. Tanikka, «Ero, GODAWU, amiin» gadis.
\p
\v 6 Hessafe guye GODAY taas, «Hayssa ta qaala ubbaa Yuhuda katamataninne Yerusalaame ogetan, ‹Ha caaqo qaala siyite; siyidi iza kaallite. 
\v 7 Kase intte aawata tani Gibxe biittafe kessoosappe hach gakkanaas, zaara zaarada, taas azazettite!› gaada seeradis. 
\v 8 Istti gidikko ba wozina iitateththaa kaallida attiin taas azazettibeettenna; ba hayththika haa taakko yeggibeettenna; hessa gishshas istti kaallana mala ta azazida caaqo qaala polontta aggida gishshas ta istta bolla qanggeth ehadis» gides.
\p
\v 9 Zaaridikka GODAY taas, «Yuhuda asaa giddoninne Yerusalaamen dizayta giddon iita maqqoy dees. 
\v 10 Istti kase ta qaala siyontta ixxidi nagara ooththida bantta aawata malakka nagara ooththida; istti hara xoossatas goynnidanne istta kaallida; Isra7eele asaynne Yuhuda asay tani kase istta aawatara caaqettida caaqo qaala laallida. 
\v 11 Hessa gishshas GODAY isttas, ‹Istti baqatidi attanaas dandayontta meto ta istta bolla ehana. Istti taakko waassikokka ta siyikke. 
\v 12 He wode Yuhuda katamata asatinne Yerusalaame asati biidi bantti exaane cuwasiza eeqa xoossatas waassana; gido attiin meto wode he xoossati mulekka istta maaddettenna. 
\v 13 Intteno Yuhuda asatoo! Intte xoossati intte katamata keena cora. Qasse Ba7aale geetettiza he yeellachchiza xoossas exaane cuwasanaas intte essida yarshizasohoti Yerusalaame ogeta keena cora› gees.
\p
\v 14 «Ermaasa, istti metotidi tana woossiko ta siyontta gishshas ne istta gishshas tana woossofa; istta gishshas gaannatoppa woykko oychchofa.
\m
\v 15 Ta siiqoya ba iitateththaa
\q2 darotara qaxereththashe
\q2 taassara izis
\q2 aaza gaytoteththee dizay?
\q2 Adineteththi woykko
\q2 asho yarshoy
\q2 nena qixaateppe
\q2 ashshana dandayzee?
\q2 Ne heytantta polada
\q2 ufayettana dandayay?
\q1
\v 16 GODAY nena, ‹Dicciza,
\q2 Lo7o ayfe ayfiza wogara mith›
\q2 giidi sunththides.
\q2 Gido attiin izi wolqqama
\q2 gote carko giirissan xuuggana;
\q2 izi haggatikka meqeretti wodhdhana.
\p
\v 17 «Isra7eele asatinne Yuhuda asati Ba7aales exaane cuwasidi tana yiillosida gishshas inttena tokkida Ubbaafe Wolqqama GODAY intte bolla iita miish ehanaas awajjadis» gides.
\s1 Ermaasa Wodhanaas Maqettida Maqqo
\p
\v 18 GODAY istta maqqo taas qonccisida gishshas tani eradis; he wode istti iita ooththizayssa izi tana bessides. 
\v 19 Tani shukas kaaleththidi efiza dorsa laaqqa mala gidadis. Istti ta bolla, «Ane nuni miththaa qanxxidi iza ayfezara gaththi dhayssoos. Iza sunththay mulekka hassa7ettontta mala, ane nuni iza paxa dizayta giddofe dhoqallidi dhayssoos» giidi istti maqettidayssa tani erabeekke.
\q1
\v 20 Wozinanne kilaho paacca xeelliza
\q2 Ubbaafe Wolqqama GODAWU!
\q2 Ta yo7ota nees immadis;
\q2 neni istta bolla
\q2 halo kessishin
\q2 ta beyana.
\p
\v 21 Hessa gishshas, «GODAA sunththan tinbite yootoppa; ne yootikko nu kushen hayqqana» giidi nena wodhanaas koyza Anatoote asaa gishshas GODAY gizayssi hayssa. 
\v 22 Ubbaafe Wolqqama GODAY, «Tani istta qaxxayana; istta naateththa nayti mashshan hayqqana; istta macca naytinne attuma nayti koshan hayqqana; 
\v 23 isttafe issoynne attenna; gaasoykka tani istta qaxxayiza layth Anatoote asaa bolla iita miish ehana» gees.
\c 12
\s1 Ermaasa Oysha
\q1
\v 1 Abeet GODAWU!
\q2 Tani nenara palamettiza wode
\q2 ubbaankka ne xillo.
\q2 Iita asati ooththizayssi
\q2 isttas ays injjetizee?
\q2 Ammanettonttayti
\q2 ays ishalo duus dizoo?
\q1
\v 2 Neni istta tokkadasa;
\q2 histtiin xapho yeddida;
\q2 diccidi ayfe ayfida.
\q2 Istti nena doonappe yeggettenna;
\q2 neni gidikko istta wozinappe
\q2 haakon daasa.
\q1
\v 3 Gido attiin abeet GODAWU!
\q2 Neni tana eraasa.
\q2 Tana be7aasa;
\q2 tani nees
\q2 ay qoppizaakko paaccaasa.
\q2 Shukettana biza dorsata mala
\q2 neni istta laagga!
\q2 Shuka gallassas istta dumma
\q2 shaakka woththa!
\q1
\v 4 Iray dhayiin biittay
\q2 ayde gakkanaas melanee?
\q2 Maataykka
\q2 ayde gakkanaas melanee?
\q2 Asaa iitateththaafe dendidayssan
\q2 medosatinne kafoti dhayda.
\q2 Hessa bollaka asay,
\q1 «GODAY nuni ooththizayssa
\q2 demmenna» gees.
\s1 Goday Ermaasa Oyshaas Immida Zaaro
\q1
\v 5 GODAY Ermaasas,
\q2 «Neni tohon woxxiza asatara
\q2 woxxada daaburkko
\q2 parara waana gaadde woxxanee?
\q2 Neni saro biittan dhuphettiko,
\q2 Yordaanoose wora garsan
\q2 waana hemettanee?
\q1
\v 6 Ne ishatinne ne soho asati
\q2 nena hilida;
\q2 ne bolla waassida;
\q2 hessa gishshas istti nees
\q2 lo7o haasaykkoka
\q2 ne istta ammanoppa.
\q1
\v 7 Tani ta keeththaa aggana;
\q2 ta xinxxoyokka yegga aggana;
\q2 tani ta siiqiza asaa
\q2 istta morkketa kushen
\q2 aaththa immana.
\q1
\v 8 Ta xinxxoya
\q2 wora giddon diza gaammo mala
\q2 ta bolla dendadus;
\q2 ta bollaka xaaggadus;
\q2 hessa gishshas tani izo ixxadis.
\q1
\v 9 Ta xinxxoya phircoti
\q2 maana giddoththida
\q2 kafo mala gidabeekkee?
\q2 Biidi wora do7ata
\q2 ubbaa shiishshite;
\q2 istti izo duuththeththi
\q2 maana mala xeygite.
\q1
\v 10 Daro heenththanchchati
\q2 ta woyne tura soho moorida;
\q2 tani izan ufayettiza
\q2 ta gadeza bulasida.
\q1
\v 11 He biittay ta sinththan
\q2 bazzo, bulanne
\q2 mela biitta gidana;
\q2 izis qoppizay baynda gishshas
\q2 biittaya bazzo gidana.
\q1
\v 12 Bazzon diza zumbullata bollafe
\q2 dhayssizayti yaana;
\q2 gaasoykka GODAA
\q2 mashshay biitta
\q2 ha gaxaappe
\q2 he gaxa gakkanaas maana.
\q2 Hessa gishshas
\q2 oonikka attanaas dandayenna.
\q1
\v 13 Istti gistte zeridi
\q2 agunth cakkana;
\q2 istti daro daaburanaashin
\q2 aykkoka demmettenna;
\q2 daro zeridi GODAA hanqo
\q2 gaason intte guuth
\q2 demmidi yeellatana» gides.
\p
\v 14 GODAY, «Tani ta dere Isra7eeles immida xinxxo biitta oykkiza iita shoorota tani istta istta biittafe dhoqallana. Qasse Yuhuda asatakka istta giddofe dhoqallana. 
\v 15 Gido attiin tani istta istta biittafe dhoqallidaappe guye zaarada maarana; tani istta dereninne istta xinxxon xinxxon zaara ehana. 
\v 16 Kase ta asaa Ba7aale sunththan caaqqana mala tamaarsoyssaththoka, ‹GODAY be7iin!› giidi ta sunththan caaqqiko istti ta asaa giddon xaphphidi daana. 
\v 17 Ta gizaaz ekkontta kawoteththi diikko ta iza mulera dhoqalla dhayssana» gees.
\c 13
\s1 Laynoppe Oosettida Dancco
\p
\v 1 GODAY tana, «Baada laynoppe oosettida dancco shammada ne xeessan dancca; gido attiin haaththan boshisoppa» gides. 
\v 2 Hessa gishshas tani GODAY azazida mala dancco shammada ta xeessan danccadis.
\p
\v 3 GODAA qaalay nam7anththo taakko yiidi, 
\v 4 «Neni shamma danccida danccoza ekkada Efiraaxise Shaafa ba; histtada zaalla za7a giddon qotta» gides. 
\v 5 Histtiin tani GODAY taas yootida mala efada Efiraaxise Shaafa lanqen qottadis.
\p
\v 6 Daro gallassafe guye GODAY, «Denda Efiraaxise Shaafa baada tani nena, ‹Heen qotta› gida danccoza kessa» gides. 
\v 7 Histtiin tani Efiraaxise Shaafa ba bookkada danccoza ta qottidaasoppe kessadis; gido attiin he danccozi moorettidi mulera go7onttaaz gidides.
\p
\v 8 Hessafe guye GODAA qaalay taakko yiidi, 
\v 9 «GODAY tani Yuhuda asaa otoreteththinne Yerusalaame asaa ceeqeteth hessa mala dhayssana. 
\v 10 Ta qaala siyontta ixxidi, bantta wozina muumeteththa kaallidi, eeqa xoossatas ooththanaassinne goynnanaas biza ha iita asay hayssa danccoza mala mulekka go7onttayssa gidana. 
\v 11 Danccoy asa xeessa baqqi oykkiza mala Yuhuda asay ubbaynne Isra7eele asay ubbay taakko shiphphi gaana malanne ta sunththas galatanne bonchcho immana mala ta ooththiin istti ta gizaaz siyibeettenna» gees.
\s1 Woyne Ushsha Oto
\p
\v 12 Qasseka GODAA Isra7eele Xoossay, «Ermaasa! Asaas, ‹Oto ubbaan woyne ushshay kumana› gees. Istti nees zaaridi, ‹Oto ubbaan woyne ushshi kumanayssa waani nu erokkonii?› giikko, 
\v 13 neni isttas, ‹GODAY tani ha biittan diza asaa ubbaa, Dawite kawoteththa araatan uttiza kawota, qeeseta, nabetanne Yerusalaamen diza asaa ubbaaka ta woyne ushshan maththosana. 
\v 14 Tani issi as hara asara, aawa naara ooshshana; tani istta dhayssana attiin isttas mishettike; qadhettikenne maarikke› gees ga» gides.
\s1 Otoreteththi Ehiza Ayfe
\q1
\v 15 GODAY yootides;
\q2 wozinan woththi siyite;
\q2 aggite otoranchcha gidopite.
\q1
\v 16 Izi dhuma ehontta dishin
\q2 dhumida zumata bolla intte tohoy
\q2 dhuphettontta dishin
\q2 GODAAS intte Xoossas
\q2 bonchcho immite;
\q2 Intte, «Poo7oy yaana»
\q2 giidi naageeta;
\q2 gido attiin
\q2 izi dhuman laammana;
\q2 sakkanna dhuma ooththana.
\q1
\v 17 Intte siyontta ixxiko,
\q2 intte otoreteththaa gishshas
\q2 ta shemppoya geeman yeekkana;
\q2 GODAA wudey
\q2 di7etti bichchida gishshas
\q2 tani camo yeeho yeekkays;
\q2 ta ayfeppe afunththi
\q2 haaththa mala goggees.
\q1
\v 18 GODAY tana, «Kawozasinne
\q2 iza aayo godatteys,
\q2 ‹Intte bonchcho kallachchay
\q2 intte hu7eppe
\q2 wodhdhana gishshas,
\q2 intte kawoteththa araataappe
\q2 duge wodhdhite.
\q1
\v 19 Negebe biittan diza katamati
\q2 ubbay gordettana.
\q2 Istta doyanaadeyka deenna;
\q2 Yuhuda asay ubbay
\q2 di7ettidi baana;
\q2 istta ogeykka
\q2 gordettana› ga» gides.
\q1
\v 20 Qasseka GODAY, «Ane dhoqqu giidi
\q2 pudeha baggafe yizayta xeellite;
\q2 inttes imettida wudey,
\q2 intte ceeqettiza dorsati
\q2 awan dizoo?
\q1
\v 21 Neni nees dabbo gidana mala
\q2 koyidayti nena xoonidi
\q2 haariza wode
\q2 ne ay gaanee?
\q2 Yelo miixay oykkida
\q2 maccassa mala
\q2 nena miixay oykkennee?
\q1
\v 22 Neni ne wozinan,
\q2 ‹Hayssi ubbay ta bolla
\q2 ays gakkidee?› giikko,
\q2 ne may7oy qaarettiin
\q2 ne sugettiday,
\q2 ne asa kushen waaye be7iday
\q2 ne nagaray darida gishshassa.
\q1
\v 23 Tumu Tophphiya asi ba medha,
\q2 woykko maahey ba masarateththaa
\q2 laammanaas dandayzee?
\q2 Intte iita ooththi meezetidayti
\q2 lo7o ooththanaas
\q2 dandayekketa» gides.
\q1
\v 24 GODAY, «Bazzo carkoy
\q2 suulla laalliza mala
\q2 tanikka inttena laallana.
\q1
\v 25 Intte tana dogida gishshassinne
\q2 wordo xoossatan
\q2 ammanettida gishshas
\q2 intte saamaynne
\q2 intte qaaday hayssa.
\q1
\v 26 Intte kalloy
\q2 beettanaashe gakkanaas
\q2 tani intte may7o qaarada
\q2 intte sinth kammana.
\q1
\v 27 Intte zumbullata bollanne
\q2 demban ooththida harassiza ooso
\q2 tani be7adis;
\q2 intte laymateththanne intte ziita
\q2 hanota ta be7adis;
\q2 Yerusalaame nees aayye ana!
\q2 Neni ayde gakkanaas
\q2 ne tunateththaafe
\q2 geeyontta daanee?» gees.
\c 14
\s1 Kosha, Gafanne Ola
\p
\v 1 GODAY kosha gishshas Ermaasas
\q2 yootida qaalay hayssafe kaallizayssa;
\q1
\v 2 «Yuhuda biittay yeekkees;
\q2 katamatikka porqqu geettes;
\q2 asay biitta bolla uttidi ceecees;
\q2 Yerusalaameppeka
\q2 waasoy seetettees.
\q1
\v 3 Dureti bantta aylleta
\q2 haath duuqqanaas kiitteettes.
\q2 Isttika haaththa ollay
\q2 dizaso beettes;
\q2 gido attiin haath demmettenna;
\q2 bantta oto mela
\q2 tookki ekkidi simmeettes.
\q2 Yeellatidinne hidota qanxxidi
\q2 bantta hu7e gulluntteettes.
\q1
\v 4 Iray bukkontta gishshas
\q2 biittay melidi za7ees.
\q2 Goshshanchchati yeellatidi
\q2 bantta hu7e gulluntteettes.
\q1
\v 5 Maatay baynda gishshas
\q2 qorkkey ba yelida mara
\q2 demban yeggada bawus.
\q1
\v 6 Hardidati aykkoy baynda
\q2 zumbullata bolla eqqida;
\q2 worakanata mala
\q2 haath koyidi leessotteettes.
\q2 Isttas miza miishshi
\q2 dhayda gaason istta ayfey
\q2 xeellanaas daaburdes» gides.
\q1
\v 7 Asay, «Abeet GODAWU!
\q2 ne sinththafe baqata darssidos;
\q2 ne sunththaa gishshas
\q2 nuus issi miish ooththa;
\q2 nuni neeppe daroti
\q2 guye simmidos;
\q2 ne bollan nagara ooththidos.
\q1
\v 8 Abeet Isra7eele hidotawu!
\q2 Meto wode ashshizayssoo!
\q2 neni biittan imaththa mala,
\q2 issi omars aqidi biza
\q2 oge asa mala ays hanay?
\q1
\v 9 Neni hanizaazi dhayda asa mala,
\q2 ashshanaas wolqqay dhayda
\q2 olanchcha mala ays giday?
\q2 Abeet GODAWU!
\q2 Neni nu giddon daasa;
\q2 nunikka ne sunththan xeygettidos;
\q2 nuna neni aggofarkkii!» gides.
\q1
\v 10 Ha asata gishshas GODAY,
\q2 «Istti toylatteteth keehi doseettes;
\q2 bantta toho naagettenna.
\q2 Hessa gishshas GODAY
\q2 isttan ufayettenna;
\q2 ha7i izi istta qoho qoppees;
\q2 istta nagara gaason
\q2 istta qaxxayees» gees.
\p
\v 11 Hessafe guye GODAY tana,
\q2 «Ha deraa lo7oteththas woossofa.
\q1
\v 12 Istti xoomi woossikokka
\q2 tani istta waaso siyikke;
\q2 xuugettiza yarshonne
\q2 kaththa yarshoza
\q2 istti yarshikokka
\q2 tani istta yarshoza ekkike.
\q2 Tani istta mashshan,
\q2 koshaninne iita hargen
\q2 dhayssana» gides.
\p
\v 13 Histtiin tani, «Abeet Ubbaafe wolqqama GODAWU! Aayye ana! Nabeti isttas, ‹Intte ola be7ekketa woykko koshay inttena demmenna; tani inttes wurseth gakkanaas saroteth immana› geettes» gadis.
\p
\v 14 Histtiin GODAY taas, «Nabeti ta sunththan wordo yooteettes. Tani istta kiittabeekke, azazabeekke, isttaskka yootabeekke. Istti inttes wordo ajjuuta, muurenno yo7o, hada yo7onne bantta wozinan diza baleththo yo7o yooteettes. 
\v 15 Hessa gishshas ta kiittontta dishin, ‹Olaynne koshay ha biittay bolla yeenna› giidi ta sunththan wordo tinbite yootiza nabeta tani olaninne koshan dhayssana. 
\v 16 Qasse istti tinbite yootida dereykka koshaninne ola gaason Yerusalaame dubbushatan kundana; isttas, istta machcheta, istta attuma naytanne macca nayta aha moogizay dhayana; tani istta mooro mala istta bolla qixaate ehana» gides.
\q1
\v 17 Ha qaala isttas,
\q2 « ‹Ta derey
\q2 keehi deshettidi
\q2 madunxida gishshas,
\q2 ta ayfeti omarsinne
\q2 gallas shempontta afunxxeettes.
\q1
\v 18 Tani gaxare biikko,
\q2 mashshan hayqqidayta be7ays;
\q2 katama gelikko
\q2 koshay wursidayta be7ays.
\q2 Nabetinne qeeseti
\q2 ba erontta dere baqatida›
\q2 gees GODAY» gides.
\q1
\v 19 Abeet GODAWU!
\q2 Neni Yuhuda mulekka aggadii?
\q2 Xiyoone asaa harassetadii?
\q2 Neni nuna paxontta mala
\q2 ooththada ays dechchadii?
\q2 Nuni saroteth naagidos;
\q2 gido attiin saroteth
\q2 demmibeekko;
\q2 «Paxana wodey yaana»
\q2 giidi naagidos;
\q2 gido attiin dagama xalla gidides.
\q1
\v 20 Abeet GODAWU!
\q2 Nuni nu iitateththaa eridos;
\q2 Nu aawata qohokka akeekidos;
\q2 tumappeka ne bolla
\q2 nagara ooththidos.
\q1
\v 21 Nuna ne sunththaa gishshas
\q2 gaada kadhopparkkii!
\q2 Ne bonchcho araata kawushshofa.
\q2 Neni nunara caaqettida
\q2 caaqoza qoppa;
\q2 ne caaqqida qaala mooppa.
\q1
\v 22 Kawoteththata eeqa xoossati
\q2 ira bukisana dandayzoo?
\q2 Saloti ba shenen
\q2 puuse duge yeddanaas dandayzoo?
\q2 Dandayettenna;
\q2 Abeet nu GODAWU!
\q2 Hessa ubbaa ooththana
\q2 dandayzay nena;
\q2 hessa gishshas nuni nenan
\q2 hidota ooththoos.
\c 15
\s1 Yuhuda Asaa Bolla Gakkana Pirda
\p
\v 1 Hessafe guye GODAY taas, «Museynne Sameeli ta sinththan eqqidaakkoka ta wozinay ha deraas mishettenna; istta ta sinththafe digga; istti betto.\x - \xo 15:1 \xo*\xt Kessa 32:11-14; Tay 14:13-19; 1Same 7:5-9\xt*\x* 
\v 2 Qasse istti nena, ‹Nuni awa biinoo?› gi oychchiko,
\q2 ne isttas, ‹Hayqos
\q2 pirdettidayti hayqqana;
\q2 mashshas pirdettidayti
\q2 mashshan shukettana;
\q2 koshas pirdettidayti
\q2 koshan wurana;
\q2 di7ettanaas pirdettidayti
\q2 di7etti baana.›\x - \xo 15:2 \xo*\xt Ajju 13:10\xt*\x*
\p
\v 3 «GODAY, ‹Tani oyddu qommo bash istta bolla ehana; heytikka istta wodhanaas mashsha, istta aha goochchanaas kanata, istta ashoza miidi dhayssanaas salo kafotanne sa7a do7ata. 
\v 4 Hizqiyaasa naa, Yuhuda Kawo Minaasey Yerusalaamen ooththida pala gishshas tani istta bolla sa7a kawoteththata ubbaas daganththizaaz ooththana› gees gaada yoota» gides.\x - \xo 15:4 \xo*\xt 2Kawo 21:1-16; 2Taari 33:1-9\xt*\x*
\q1
\v 5 «Hanne Yerusalaamee!
\q2 Nees oonee qadhettanay?
\q2 Nees mishettanay oonee?
\q2 Ne lo7eteththa
\q2 geli oychchanay
\q2 oonee?» gees.
\q1
\v 6 «Ne tana aggadasa;
\q2 guye guye baasa;
\q2 hessa gishshas tani ne bolla
\q2 ta kushe denththada
\q2 nena dhayssana;
\q2 hayssafe guye nees qadhettike.
\q1
\v 7 Tani istta kath suraggiza mala
\q2 suraggada katamata
\q2 pengen laallana;
\q2 istti ba ogeppe
\q2 simmontta aggida gishshas
\q2 tani ta dereza kayon kunththana;
\q2 istta bollaka bash ehana.
\q1
\v 8 Tani istta am7eta qooda
\q2 abban diza aceppeka darsana;
\q2 mino aayeta dhayssizaaz
\q2 seeta gallas ta istta bolla ehana;
\q2 istti qoppontta dishin
\q2 dagamanne shiro
\q2 ta istta bolla yeggana.
\q1
\v 9 Laappun nayti hayqqida aaya
\q2 dagaman daaburana;
\q2 peenora dhayana
\q2 izis gallassay qammana;
\q2 iza yeellatananne kawuyana;
\q2 attidaytakka morkketa mashshas
\q2 aaththa immana» gees GODAY.
\s1 Ermaasi Ba Metto Godaas Magannides
\q1
\v 10 Ta aayee! Hanno poora!
\q2 Tani as ubbaas ooshshasinne
\q2 palamas gidana mala
\q2 ays tana yeladii?
\q2 Tani oonaska tal7e immabeekke;
\q2 oonappeka tal7e ekkabeekke;
\q2 gido attiin asi ubbay
\q2 tana qanggees.
\q1
\v 11 GODAY, «Tumappe tani nena
\q2 lo7o miishshas ashsha ekkana;
\q2 Tumappe ne morkketi
\q2 meto wodenne
\q2 waaye wode
\q2 nena shoobbana mala
\q2 tani ooththana.
\b
\m
\v 12 Asi birata, pudeha baggafe yida birata
\q2 woykko xarqimala
\q2 menththana dandayzee?
\q1
\v 13 Ne dere ubbaan oosettida
\q2 nagara gishshas
\q2 ne aqota ubbaa di7izaytas
\q2 coo aaththa immana.
\q1
\v 14 Ta hanqoy intte bolla
\q2 tama mala eexxana;
\q2 hessa gishshas neni
\q2 ne erontta biittan
\q2 ne morkketas
\q2 tani nena ayllesana» gides.
\b
\q1
\v 15 Abeet GODAWU! Ne eraasa.
\q2 Tana qoppa; mokkaka xeella;
\q2 tana yedeththizayta bolla
\q2 halo kessa;
\q2 ne dandayanchcha gidida
\q2 gishshas tana dhayssofa;
\q2 ne gaason tana gakkiza kadheza
\q2 ne qoppa.
\q1
\v 16 Abeet Ubbaafe
\q2 Wolqqama GODAWU!
\q2 tani ne sunththan
\q2 xeygettida gishshas
\q2 ne qaalay taakko yiin madis;
\q2 histtiin ne qaalay taas pashkanne
\q2 wozina ufays immides.
\q1
\v 17 Guppizaytara uttabeekke;
\q2 isttarakka guppabeekke.
\q2 Neni ne kushe ta bolla
\q2 denththida gishshassinne
\q2 ne hanqo ta bolla yeddida gishshas
\q2 tani tarkka uttadis.
\q1
\v 18 Ta bolla hargey ays minnidee?
\q2 Ta madunththay
\q2 ays dari dari bidee?
\q2 Ays paxontta ixxidee?
\q2 Neni taas baleththiza
\q2 shaafa malanne
\q2 cimmiza pultto mala
\q2 ays gidadii?
\q1
\v 19 Hessa gishshas GODAY,
\q2 «Neni simmiko ta nena
\q2 zaara essana;
\q2 nekka taas ooththana.
\q2 Hada yo7o aggada
\q2 bonchcho qaala xalla haasaykko
\q2 neni ta doona gidana.
\q2 Istti neekko simmana attiin
\q2 ne isttako simmaka.
\q1
\v 20 Ta nena ha deraas
\q2 gimbe ooththana;
\q2 xarqimalappe oosettida
\q2 gimbe mala histtana;
\q2 tani nena ashshanaassinne
\q2 woththa ekkanaas
\q2 nenara diza gishshas
\q2 istti nenara olettana shin
\q2 nena xoonettenna.
\q1
\v 21 Iitata kusheppe tani nena wozzana;
\q2 menxe iitata qohoppeka
\q2 ta nena ashshana» gees.
\c 16
\s1 Bashsha Gallas
\p
\v 1 GODAA qaalay taakko yiidi, 
\v 2 «Neni hayssan machcho ekkofa; attuma naakka, macca naakka yeloppa» gides. 
\v 3 Ha biitta bolla yelettiza attuma naytanne macca nayta gishshas, istta yelida aayetanne aawata gishshas GODAY, 
\v 4 «Istti iita hargen hayqqana; isttas yeehoy deenna; moogokka moogettettenna; istta ahay biitta bollan buura mala yegetti attana; istti mashshaninne koshan wurana; istta ahay salo kafotassinne wora do7atas quma gidana» gides.
\p
\v 5 GODAY taas, «Tani ta anjjoza, ta siiqozanne ta maaroteththaa ha deraa bollafe denththadis; hessa gishshas yeeho keeth geloppa; yeekkanaassinne kayottanaas hee booppa. 
\v 6 Duretinne manqoti ha biittay bolla hayqqana; istti moogettettenna. Istta yeehoykka yeekettenna; isttas ba bolla qaacanay deenna; ba hu7ekka buucanay deenna. 
\v 7 Kayottizayta minththeththanaas shoch ehanay deenna; qasseka aaway hayqqida woykko aaya hayqqida as minththeththanaas shochcha ushshu ehanay deenna.
\p
\v 8 «Gibiray diza keeththika geloppa; maanaassinne uyanaas isttara issife uttofa. 
\v 9 Tani Isra7eele Xoossay Ubbaafe Wolqqama GODAY, ‹Hekko, tani ufayssinne ililisa cenggurs, mishiraza cenggurssinne mishiray cenggurssi hayssafe ta diggana; hessa intte woden intte intte ayfera be7ana› gees.\x - \xo 16:9 \xo*\xt Er 7:34; 25:10; Ajju 18:23\xt*\x*
\p
\v 10 «Neni ha qaala ubbaa ha asas yootiza wode istti nena, ‹GODAY ays hayssa mala gita bash nu bolla awajjidee? Nuni ay mooridonii? GODAA nu Xoossaas ay nagara ooththidonii?› gi oychchana. 
\v 11 He wode neni isttas, ‹Kase intte aawati tana aggida gishshassa, istti eeqa xoossata kaallidi isttas ooththida gishshassinne goynnida gishshassa; tana aggi baqatidi ta wogaa naagontta ixxida gishshassa; 
\v 12 intte kase intte aawatappeka aadhdhida iita ooththida gishshassa; be7ite; intte issoy issoy intte wozina iitateththaa kaallideta; taaska azazettontta ixxideta. 
\v 13 Hessa gishshas tani inttena ha biittayfe denththada intte woykko intte aawati erontta biitta efa olana; heen intte eeqa xoossatas gallassinne omars goynnana. Tani mulekka inttes qadhettike› gaana» gides.
\s1 Di7eteththafe Simo
\p
\v 14 GODAY, «Hessa gishshas asay, ‹Isra7eele asaa Gibxe biittafe kessida GODAY beyiin› giidi caaqqontta wodey yaana. 
\v 15 ‹Gido attiin Isra7eele asaa pudeha bagga biittafenne istta izi laallida biittata ubbaafe zaaridi ehida GODAY beyiin› giidi caaqqana wodey yaana; gaasoykka tani kase istta aawatas immida xinxxo biittan zaarada istta ehana» gees.
\s1 Yaana Qixaate
\p
\v 16 GODAY, «Ha7i gidikko tani mole oykkiza daro asata kiittana; isttika oykkana. Hessafe guye tani daro shankkatiza asata yeddana; isttika zumati dizasoppe, zumbullati dizasoppenne, zaallata gongoloppe shankkatidi oykkana. 
\v 17 Ta ayfey istta oge ubbaa be7ees; istti taappe geemmettenna; istta nagaraykka ta ayfeppe geemmibeenna. 
\v 18 Istti ta biittaa aha mala gidida harassiza eeqa xoossatan tunisida gishshassinne ta xinxxoka yeellachchiza miishshatan kunththida gishshas tani istti ooththida qohoza gishshassinne nagara gishshas nam7u kushe qaxxayana» gees.
\s1 Ermaasa Woosa
\q1
\v 19 Taas minoteththinne miixa gidada
\q2 meto gallas ta shiiqa
\q2 attizaso gidida GODAWU!
\q2 Kawoteththati sa7a gaxaappe neekko yiidi,
\q2 «Kase nu aawati
\q2 bana aykkoka maaddontta
\q2 eeqa xoossatas goynnida.
\q1
\v 20 Asi baas xoos
\q2 medhdhanaas dandayzee?
\q2 Ee dandayanashin
\q2 istti medhdhizayti
\q2 tumu xoos gidettenna!» gaana.
\q1
\v 21 GODAY, «Hessa gishshas
\q2 ha7i ta istta ta wolqqanne
\q2 ta gitateth tamaarsana;
\q2 isttika ta sunththay
\q2 GODAA gididayssa erana» gees.
\c 17
\s1 Yuhuday Ooththida Nagara Gishshas Imettida Qixaate
\q1
\v 1 GODAY, «Yuhuda nagaray
\q2 birata bi7ireninne
\q2 hoxe almaaze xeeran xaafettides;
\q2 istta wozina bollanne
\q2 istti yarshizason diza
\q2 kaceta bolla xaafettides.
\q1
\v 2 Isttas naytikka attontta cilila
\q2 miththata garsaninne
\q2 dhoqqa zumbullata bolla diza
\q2 yarshosotanne
\q2 Asheero geetettiza
\q2 eeqa misleyo qoppeettes.
\q1
\v 3 Ne biittan oosettida nagara gaason
\q2 zumata bollanne
\q2 zumbullata bolla diza
\q2 ne aqota,
\q2 ne dureteththinne ne goynosota
\q2 tani di7os aaththa immana.
\q1
\v 4 Ne mooro gaason
\q2 ta nees immida xinxxozappe
\q2 ne mela attana;
\q2 nena tani ne erontta biittan
\q2 ne morkketas ayllesana.
\q2 Gaasoykka mernaas
\q2 tama mala eexxiza
\q2 ta hanqoza
\q2 ne denththeththadasa» gees.
\s1 Dumma Dumma Leemisota
\q1
\v 5 GODAY, «Asan ammanettizay,
\q2 asho may7ida asan ceeqettizay,
\q2 ba wozina GODAAPPE
\q2 haassizay qanggettidaade.
\q1
\v 6 Izi bazzon diza
\q2 qeeri wora mala gidana;
\q2 izi lo7o miish be7enna;
\q2 izi asi baynda maxine biittan
\q2 bazzon mela sohon uttana.
\m
\v 7 Gido attiin GODAAN ammanettiza asi,
\q2 izi ammanettizay
\q2 GODAA gididaadey anjjettidaade.
\q1
\v 8 Izi haaththa lanqen tokettidi,
\q2 ba xapho duge haaththan yeddida
\q2 miththa mala.
\q2 Awa seelaskka yayyenna;
\q2 iza hayththay
\q2 cililida mala daana;
\q2 away darida layththika babbenna;
\q2 ayfe imoppeka paccenna.\x - \xo 17:8 \xo*\xt Maza 1:3\xt*\x*
\m
\v 9 Asa wozinay ubbaa miishshafekka gene;
\q2 izas paxateththika deenna;
\q2 iza eranaas ooni dandayanee?
\q1
\v 10 Tani GODAY as ubbaas
\q2 iza oge malanne
\q2 iza ooso mala immanaas
\q2 asaa wozina pilggayssinne
\q2 iza kaha paaccays» gees.\x - \xo 17:10 \xo*\xt Maza 62:12; Ajju 2:23\xt*\x*
\b
\q1
\v 11 Bessontta ogera aqota dagasiza asi
\q2 ba phuqisontta ciye
\q2 haphphiza kuracho mala.
\q2 Iza layththay buro baggattishin
\q2 izi aqota aggi baana;
\q2 wurseththan iza eeyateththi
\q2 qoncce kezana.
\q1
\v 12 Nu Xoossa Keeththi dizasoy
\q2 benippe doommidi dhoqqu gida
\q2 bonchcho araata.
\q1
\v 13 Isra7eeles hidota gidida GODAWU!
\q2 nena aggi bida ubbay yeellatana;
\q2 nena de7o haaththa pultto gidida
\q2 GODAA aggida gishshas
\q2 ba ayfeso neeppe
\q2 haraso zaarizayti
\q2 gudulla bolla
\q2 xaafettidayssa mala gidana.
\s1 Ermaasa Woosa
\p
\v 14 Abeet GODAWU! Tana paththa;
\q2 tanikka paxana;
\q2 tana ashsha;
\q2 tanikka attana;
\q2 gaasoykka ta galatay nena.
\q1
\v 15 Asay tana zaari zaaridi,
\q2 «GODAA qaalay awan dizee?
\q2 Ane ha7i poletto!» geettes.
\q1
\v 16 Heenththanchcha gidada
\q2 nees ooththanaappe
\q2 guye gabeekke;
\q2 ta isttas iita gallas
\q2 amottonttayssa ne eraasa;
\q2 ta doonappe kezizayssi
\q2 ne sinththan qoncce.
\q1
\v 17 Tana daganththizaade gidoppa;
\q2 neni taas meto gallas
\q2 ta baqata attizasoho.
\q1
\v 18 Tana yedeththizayti yeellatetto;
\q2 tana yeellasoppa;
\q2 istti dagammetto;
\q2 gido attiin tana dagamappe qotta;
\q2 istta bolla iita gallas eha;
\q2 istta bolla dakko bash eha.
\s1 Sambata Bonchcho
\p
\v 19 GODAY tana, «Yuhuda kawoti katama gelizaasoninne kezizaaso deraa pengeninne hara Yerusalaame pengeta ubbaan baada eqqa. 
\v 20 Histtada isttas, ‹Ha pengetara geliza Yuhuda kawoto! Yuhuda asatoo! Yerusalaamen diza as ubbatoo GODAA qaala siyite!› ga» gees. 
\v 21 GODAY taas, «Sambata gallas tooho tookkidi Yerusalaame pengetara gelontta mala inttes naagettite!\x - \xo 17:21 \xo*\xt Nahi 13:15-22\xt*\x* 
\v 22 Sambata gallassan intte keeththafe tooho tookkidi kessofte; woykko aykko oosonne ooththofte. Kase intte aawata tani azazida mala, Sambata gallas dummasidi bonchchite.\x - \xo 17:22 \xo*\xt Kessa 20:8-10; Zaare 5:12-14\xt*\x* 
\v 23 Istti gidikko siyibeettenna; wozinankka woththibeettenna; istti siyontta malanne simmontta mala ba wozina muumisida. 
\v 24 Gido attiin intte tani GODAY yootizayssa naagetti azazettiko, Sambata gallassan ay miishshika tookkidi hanno ha katamay pengetara gelontta aggiko, Sambata gallas dummasidi izan ay oosonne ooththontta bonchchiko, 
\v 25 Dawite kawoteththa araatan uttiza kawotinne istta shuumeti ha katamay pengera gelana; istti ba parataninne ba para-gaareta bolla uttidi Yuhuda asaynne Yerusalaame asay azhabiin yaana; ha katamaya mernaas asi diza katama gidana. 
\v 26 Asay xuugettiza yarshonne hara yarsho, kaththa yarsho, exaanenne galata yarsho ekkidi, Yuhuda katamatappe, Yerusalaame yuushon diza mooththatappe, Biniyaame biittafe, gadhappenne gezzefe qasseka Negebe biittafe GODAA Keeth yaana. 
\v 27 Gido attiin intte Sambata gallassata dummasontta ixxidi sambata gallas tooho tookkidi Yerusalaame pengetara gelidi ta azazo menththiko tani Yerusalaame pengeta bolla izi miixata miza to7ontta tama ta eeththana» gides.
\c 18
\s1 Mana Keeththan Ermaasa
\p
\v 1 GODAA matappe Ermaasakko, 
\v 2 «Dendada manaso ba; heen ta nees ta kiita yootana» giza qaalay yides. 
\v 3 Tanikka duge manazaso badis; izi ba medhdhiza irzo bolla oto medhdhishin be7adis. 
\v 4 Izi medhdhishin otozi iza kushen moorettides; histtiin izi he urqqaa zaaridi ba koyida mala medhdhides. 
\v 5 He wode GODAA qaalay, 
\v 6 «Isra7eele asawu! Manazi ooththizayssaththo ta inttena ooththanaas dandaykkinaa? Isra7eele asawu! Urqqay mana kushen dizayssaththo intteka ta kushen deeta. 
\v 7 Tani issi derey woykko issi kawoteththi shodettana mala, laalettana malanne dhayana mala yootikko, 
\v 8 he tani yootida kawoteththay ba iitateththaafe aggidi simmiko, tani istta bolla ehana gida iita miish ehontta aggaagana. 
\v 9 Qasse hara wodekka tani issi dere woykko issi kawoteth minththa essanaas yootikko, 
\v 10 ta sinththan iita miish ooththikonne taas azazettontta ixxiko, ‹Ta izas ooththana› gida lo7o miishsha ubbaa ooththontta aggaagana» gees.
\p
\v 11 GODAY, «Hessa gishshas, Ermaasa ha7i Yuhuda asatassinne Yerusalaamen dizaytas baada, ‹Hekko tani intte bolla bash giigso bolla days; intte bolla iita miish medhdhashe days; hessa gishshas intte ubbayka intte biza iita ogeppe simmite; intte ogenne intte ooso suurisite› ga yoota. 
\v 12 Gido attiin isttas, ‹Daaburoppa; nu halchchida ogera baana; nuni issoy issoy nu iita wozina qofa kaallana› geettes» gides.
\q1
\v 13 Hessa gishshas GODAY,
\q2 «Ane kawoteththata,
\q2 ‹Hayssa mala miishshi
\q2 intte giddon seetetti erizee?›
\q2 gi oychchite.
\q2 Geela7oya Isra7eeley harassiza
\q2 iita miish ooththadus.
\q1
\v 14 Shuch xalla gidida
\q2 Libaanoose zumata
\q2 bollafe shachchi dhayi erizee?
\q2 Ladde bollafe duge goggiza
\q2 irxxa haaththi
\q2 gogeth aggi erizee?
\q1
\v 15 Ta derey gidikko tana balides;
\q2 istti go7ontta xoossatas
\q2 exaane cuwaseettes;
\q2 bantta ogera biidi dhuphettida;
\q2 beni ogeppe kare kezida;
\q2 baasettontta diza kundukurcco
\q2 ogera bida.
\q1
\v 16 Istta biittay bulanne
\q2 mernaas kadhettidaaz gidana;
\q2 heera aadhdhiza
\q2 ubbay malalettana;
\q2 ba hu7ekka qidhishe qaaththana.
\q1
\v 17 Arshey mokkiza bagga carko mala
\q2 tani istta istta
\q2 morkketa
\q2 sinththan laallana.
\q2 Istti dhayza gallas ta isttas
\q2 zokko zaarana attiin
\q2 ta ayfeso bessike» gees.
\s1 Ermaasa Bolla Maqettida Maqqo
\p
\v 18 Isttika, «Ane haa yiite; Ermaasa bolla maqettoos; wogay qeeseta achchan, zorey aadho eranchchata achchan, qaalaykka nabeta achchan dhayenna; ane haa yiite; nu inxarsan iza toochchoos; izi gizayssaka ubbaa siyokko» gida.
\q1
\v 19 Abeet GODAWU! Ta gizaaz siya;
\q2 ta morkketi ta bolla
\q2 haasayzayssa ezga.
\q1
\v 20 Lo7o ooththidaades iita zaarizoo?
\q2 Istti gidikko
\q2 taas olla bookkida;
\q2 ne hanqoy isttafe simmana mala
\q2 ne sinththan eqqada
\q2 istta gishshas
\q2 ta yootidayssa qoppa.
\q1
\v 21 Hessa gishshas
\q2 istta nayta koshassinne
\q2 mashshas aaththa imma;
\q2 istta maccassati maynnenne
\q2 am7eta gidetto;
\q2 istta attumasatikka
\q2 para hayqon wuretto;
\q2 istta naateththa nayti
\q2 olason mashshas gidetto
\q1
\v 22 Istti tana kundisanaas
\q2 olla bookkiza gishshassinne
\q2 ta tohoska woximade
\q2 woththida gishshas
\q2 istti qoppontta neni istta bolla
\q2 bonqqizayta yeddiin
\q2 istta keeththan waasoy kezo.
\q1
\v 23 Gido attiin abeet GODAWU!
\q2 istti tana wodhanaas maqettidayssa
\q2 ubbaa neni eraasa;
\q2 neni istta iitateththaa
\q2 atto gooppa,
\q2 woykko istta nagara
\q2 ne sinththafe quccofa;
\q2 istti ne sinththan
\q2 xoonettidi kundetto;
\q2 Ne hanqo gallas
\q2 ne istta maaroppa.
\c 19
\s1 Leemisos Meqqida Gombo
\p
\v 1 GODAY Ermaasas, «Baada manappe gombo shamma; histtada nenara dere cimatappenne qeesetappe guuththata ekkada, 
\v 2 Kon7a Meqo Penge achchara aadhdhada Henoome naa shoobba ba; heen tani nees yootiza qaala awajja.\x - \xo 19:2 \xo*\xt 2Kawo 23:10; Er 7:30-32; 32:34-35\xt*\x* 
\v 3 ‹Intteno Yuhuda kawoto! Yerusalaamen diza derezoo! GODAA qaala siyite! Ubbaafe Wolqqama GODAA Isra7eele Xoossay: Siyanaas hayththas iitiza miish ha biitta bolla tani ehana. 
\v 4 Gaasoykka asay tana aggidi hayssa ha sohoza eeqa goynnizasoho kessides; istti gidiin woykko kase istta aawati, woykko Yuhuda kawoti erontta eeqa xoossatas yarshida; hayssa ha sohozan xillo suuth gussida. 
\v 5 Qasse tani istta azazonttayssa, woykko isttas yootonttayssa, woykko ta wozinan qopponttayssa bantta attuma nayta Ba7aales taman xuuggi yarshanaas goynnizasoho zumbullata ooththida.\x - \xo 19:5 \xo*\xt Lewe 18:21\xt*\x* 
\v 6 Hessa gishshas asay ha sohoza shuka shoobba gaanaappe attiin Toofeete woykko Henoome naa shoobba gi xeygontta wodey yaana.
\p
\v 7 « ‹Ha sohon Yuhuda halchchonne Yerusalaame halchcho ta laallana; istti bantta morkketa mashshaninne banttana wodhanaas koyzayta kushen hayqqana mala tani ooththana; istta aha salo kafotassinne wora do7atas quma histta immana. 
\v 8 Tani ha katamayo mulera dhayssana; miichchaska kessana; izi matara aadhdhiza asay ubbay hanno pala! gi qidhi kaa7ana. 
\v 9 Istti bantta macca nayta ashonne bantta attuma nayta asho maana mala tani ooththana; istta wodhanaas koyza istta morkketi istta giddoththiin istti ubbay issoy issaa asho maana› gees.
\p
\v 10 «Hessafe guye nenara issife bida asata sinththan he gomboza menththa. 
\v 11 Histtidi isttas Ubbaafe Wolqqama GODAA Xoossay, ‹Manaza gomboy meqqidayssaththonne simmi koolettana dandayonttayssaththo tani ha kawoteththaanne ha katamaa hessaththo ooththana; asay aha moogizasoy baynda gishshas Toofeeten moogana. 
\v 12 Tani ha sohozaninne izan diza asaa bolla hessaththo ooththana; tani ha katamayo Toofeete mala ooththana. 
\v 13 Bantta keeththa kaara bolla salo medheteththatas exaane cuwasidinne eeqa xoossatas ushshu shiishshidayti Yerusalaame asaa keeththatinne Yuhuda kawota keeththati Toofeete mala tunana› gees.\f + \fr 19:13 \fr*\ft Keeththa kaara bolla exaane cuwasoy Isra7eele asay ba keeththa bolla pooqe mala ooththidi yarsho shiishshiza woga.\ft*\f*
\p
\v 14 «Hessafe guye Ermaasi GODAY tinbite yootanaas kiittida Toofeeteppe simmi yiidi GODAA Keeththaa dubbushan eqqidi, 
\v 15 Ubbaafe Wolqqama GODAA Isra7eele Xoossay, ‹Siyite! Istti bantta wozina shuchchasidi ta qaala siyontta ixxida gishshas tani ha katamaa bollanne iza matan diza mooththata ubbaa bolla ehana gida iita miish ubbaa istta bolla ehana gays› gees» gides.
\c 20
\s1 Ermaasanne Pashkure
\p
\v 1 He wode GODAA Keeththan Imere naa qeese Pashkurey Ermaasi tinbite yootishin siyidi, 
\v 2 nabe Ermaasa shocides; Xoossa Keeththaafe pude baggara diza Biniyaame gimbe penge bolla agrimooqen qachchides. 
\v 3 Wonteththa gallas Pashkurey Ermaasa qashoppe birshiin Ermaasi izas, «Hachchife doommiin GODAY ne sunth Maagormisaabibe\f + \fr 20:3 \fr*\fqa Maagormisaabibe: \fqa*\ft Maagormisaabibe geetettizayssa Ibraaweta qaala birsheththi ubbaa miishshankka dagama guussa.\ft*\f* gaana attiin Pashkure geenna. 
\v 4 Gaasoykka GODAY, ‹Tani nenanne ne laggeta ubbaa dagamas aaththa immana; istti neni xeellishin bantta morkketa mashshan wurana; tani Yuhuda asaa ubbaa Baabiloone kawo kushen aaththa immana; izi istta di7idi Baabiloone efana; histtidi heen istta mashshan siifana. 
\v 5 Ha katamay aqota, iza ooththa demmida ubbaa, Yuhuda kawota aqotanne isttas diza al7o miish ubbaa tani istta morkketas aaththa immana; isttika di7i ekkidi Baabiloone efana. 
\v 6 Pashkure! Neninne ne sohon diza ubbayka di7ettidi Baabiloone baana. Neninne ne isttas wordo tinbite yootida ne laggeti ubbay heen hayqqananne moogettana› gees» gides.
\s1 Ermaasa Zuuzunth
\q1
\v 7 Abeet GODAWU!
\q2 Neni tana cimmadasa;
\q2 tanikka cimettadis.
\q2 Neni taappe keeha minnada
\q2 tana xoonadasa.
\q2 Gallas kumeth tani asas
\q2 miichchas attadis;
\q2 ubbayka tana qidhees.
\q1
\v 8 Tani haasayza wode
\q2 ubbaan waassays;
\q2 «Shironne bash» ga awajjays;
\q2 Hessa gishshas GODAA qaalay
\q2 taas kumeththa gallas ta bolla
\q2 cashshenne qidhe ehides.
\q1
\v 9 Tani, «Hayssafe guye
\q2 GODAA sunththaa denththike;
\q2 iza sunththankka
\q2 haasaykke» giikko
\q2 iza qaalay ta wozina giddon
\q2 tama mala,
\q2 ta meqeththa giddonkka
\q2 surquntto mala gidides;
\q2 hessa gishshas
\q2 ta kamma oykkanaas xoonides;
\q2 mulerakka eqettanawu
\q2 dandayabeekke.
\q1
\v 10 «Ubbason shiroy dees;
\q2 hilite ane nunikka hiloos» giidi
\q2 daroti saasukettishin ta siyadis;
\q2 ta kundeth naagettishe diza
\q2 ta laggeti ubbay,
\q2 «Oonee erizay
\q2 balettana dandayzaakko
\q2 histtiko nuni iza xoonanakkonne
\q2 nu halo kessanakko» geettes.
\q1
\v 11 Gido attiin GODAY yashissiza
\q2 toora qara mala tanara dees;
\q2 hessa gishshas tana yedeththizayti
\q2 dhuphettana attiin
\q2 tana xoonettenna;
\q2 istti iita kawush kawuyana attiin
\q2 isttas giigenna;
\q2 istta kawushshateththay
\q2 mulekka dogettenna.
\q1
\v 12 Abeet Ubbaafe
\q2 Wolqqama GODAWU!
\q2 xilloza paaccizayssoo!
\q2 wozinanne kaha
\q2 pilgga xeellizayssoo!
\q2 tani ta mooto nees
\q2 aaththa immida gishshas
\q2 neni istta bolla halo kessishin
\q2 ta ayfen be7anaas tana gaththa.
\q1
\v 13 GODAAS yexxite!
\q2 Izas galata shiishshite;
\q2 izi metotanchchata shemppo
\q2 iitata kusheppe ashshees.
\q1
\v 14 Tani yelettida gallassaya
\q2 qanggettidaaro gidu!
\q2 Ta aayeya tana yelida
\q2 gallassaya anjjettufu!
\q1
\v 15 Ta aawaas, «Nees mishiraachcho;
\q2 nees attuma nay yelettides!»
\q2 gi yootiday qanggettidaade gido!
\q1
\v 16 Hessaadey GODAY qadhetay baynda
\q2 shirechchi yeggida
\q2 katamata mala gido;
\q2 maalado waaso, gallassa seetan
\q2 ola shiro siyo.
\q1
\v 17 Ta aaya taas duufo gidana mala,
\q2 izi uloy taas mernaa
\q2 duussaso gidana mala
\q2 tana heen ays wodhibeennee?
\q1
\v 18 Tani metonne ceece be7anaassinne
\q2 ta de7o layththaa ubbaa
\q2 kawushshateththan
\q2 wursanaas ta aayi uloppe
\q2 ays kezadinaa?\x - \xo 20:14-18 \xo*\xt Iyo 3:1-19\xt*\x*
\c 21
\s1 Yerusalaame Xooneteththa Gishshas Yootettida Tinbite
\p
\v 1 Yuhuda Kawo Sedeqiyaasi Malkiya naa Pashkurenne Ma7isaya naa qeese Sofonaasa Ermaasakko kiittida wode GODAA qaalay Ermaasakko yides. 
\v 2 Kiitettidaytikka, «Baabiloone Kawo Nabukadanaxoorey ba olanchchatara ha katama giddoththida gishshas ane nuus GODAA oychcha. GODAY beniyssa mala malalisiza ooso nu gishshas ooththidi iza guye zaaranaakko ooni erizee» gi oychchida.\x - \xo 21:2 \xo*\xt 2Kawo 25:1-11; 2Taari 36:17-21\xt*\x*
\p
\v 3 Ermaasi gidikko isttas, «Biidi Sedeqiyaasas, 
\v 4 ‹GODAA Isra7eele Xoossay nena gimbezappe kare baggara dooddi uttida Baabiloone kawonne iza olanchchata olanaas intte kushen intte oykkida ola miishshaa tani intte bolla guye zaarana. Istta ha katamayo zaara gelththana. 
\v 5 Tani ta hu7era qixaates denththida kusheninne mino qesen, hanqoninne bashshan, gita boshan ta inttena caddana.\x - \xo 21:5 \xo*\xt Mato 23:38; Luqa 13:35\xt*\x* 
\v 6 Tani ha katamayn diza asaanne mehaa shocana; isttika iita hargen wurana. 
\v 7 Hessafe guye Yuhuda Kawo Sedeqiyaasanne iza shuumeta, iita hargefe, mashshafenne koshappe attida deraa Baabiloone Kawo Nabukadanaxooressinne istta wodhanaas koyza morkketas tani GODAY aaththa immana. Izi istta qara mashshan wodhana; istta maarenna; isttas mishettenanne qadhettenna› gees» giite.
\p
\v 8 GODAY Ermaasa, «Gujjadakka hayssa deraas, ‹GODAY hekko tani intte sinththan de7o ogenne hayqo oge woththadis. 
\v 9 Hanno ha katamayn takkiza ubbay mashshan, koshaninne iita hargen hayqqana; gido attiin katamayppe kezi biidi katama dooddi oykkida Baabiloone asatas ba kushe immida asi ba shemppo ashshananne de7on daana. 
\v 10 Tani ha katamaas lo7o ooththanaas gidontta iita ooththanaas qachchadis; iza Baabiloone kawos aadhdha imettana; izikka izo taman xuuggana› gees.
\p
\v 11 «Qasseka Yuhuda kawo keeththa asaas,
\q2 ‹GODAA qaala siyite!
\q1
\v 12 Intteno Dawite soo asawu!
\q2 Intte ooththida iita ooso gaason
\q2 eexxiin oonikka toyssana
\q2 dandayontta tama mala
\q2 ta hanqoy intte bolla
\q2 eexxontta mala
\q2 wonttan wonttan suure pirdite;
\q2 bonqqettidayta un7eththizayta
\q2 kusheppe ashshite› gees ga.
\q1
\v 13 ‹Hanne shoobbaafe pude baggara
\q2 shuchchi dari dizason diza
\q2 Yerusalaame!
\q2 Tani ne bolla dendadis;
\q2 nu bolla oonee dendanay?
\q2 Nu keeth oonee
\q2 xali gelanay?› gizaaree!
\q1
\v 14 Tani nena ne ooso mala qaxxayana;
\q2 tani ne woran tama yeddana;
\q2 iza yuushon dizayssaka
\q2 ubbaa xuuggana» gees.
\c 22
\s1 Ermaasi Yuhuda Kawo Keeththa Asaas Yootida Qaala
\p
\v 1 GODAY, «Duge Yuhuda kawo soo baada, 
\v 2 ‹Nenoo Dawite kawoteththa araata bolla uttida Yuhuda kawoo! Neninne ne shuumeti, ha pengetara geliza as ubbay GODAA qaala siyite› ga» gees. 
\v 3 GODAY, «Suure pirdanne xillo ooththite; bonqqettidayta un7eththizayta kusheppe ashshite; beteta, yi7otanne am7eta qohopite; ha sohonkka xillo suuth gussofte. 
\v 4 Hayta azazota intte lo7eththi naagikko Dawite kawoteththa araata bolla uttiza kawoti ba shuumetaranne ba dere asaara para-gaarenne para toggidi hayssa kawoteththa keeththa pengera gelananne kezana. 
\v 5 Gido attiin intte ta azazota naagontta ixxiko, ‹Ha kawoteththa keeththay mulera dhayana› gaada tani tarkka tanan caaqqays» gides.
\p
\v 6 GODAY Yuhuda kawo keeththas,
\q1 «Neni taas Gala7aade biittanne
\q2 Libaanoose zuma xeera mala
\q2 lo7ikkoka tani nena
\q2 addafe bazzonne
\q2 asi izan baynda
\q2 katama ooththana.
\q1
\v 7 Tani nena olizayta hu7en hu7en
\q2 ola miish oyththada
\q2 ne bolla yeddana;
\q2 istti zigappe masettida tuuqeta
\q2 qanxxereththidi taman yeggana.
\p
\v 8 «Dumma dumma kawoteththafe yida asay ha katamayra aadhdhi bishe, ‹GODAY hanno gita katamayo ays hayssaththo ooththidee?› giidi ba garsan haasayettana.
\p
\v 9 «Istti, ‹GODAA bantta Xoossaara caaqettida caaqo aggidi eeqa xoossatas goynnida gishshassinne isttas ooththida gishshassa› gaana» gees.
\s1 Ermaasi Shaalume Gishshas Yootida Qaala
\q1
\v 10 Hayqqida Kawo
\q2 Iyosiyaasas yeekkofte
\q2 woykko kayottofte;
\q2 Hessa aggidi di7etti bida
\q2 Shaalumes mishettidi yeekkite.
\q2 Gaasoykka izi mulekka
\q2 guye simmenna;
\q2 ba yelettida biitta
\q2 nam7anththo be7enna.
\q1
\v 11 Ba aawa sohon
\q2 Yuhudan kawotidi dishe
\q2 ha sohoppe bida
\q2 Iyosiyaasa naa Shaalume gishshas
\q2 GODAY, «Izi mulekka
\q2 guye simmenna.
\q1
\v 12 Izi di7etti bida biittan
\q2 heen hayqqana;
\q2 simmi yiidi ha biittayo be7enna.
\s1 Ermaasi Iyo7aaqeme Gishshas Yootida Qaala
\b
\q1
\v 13 «Ba kawoteththa keeththa
\q2 genen keexxizayssas,
\q2 pirda geellasidi
\q2 pooqe keexxizayssas,
\q2 as coo mela oosisizayssas,
\q2 iza wolqqa waaga ciggonttaades,
\q1
\v 14 Izi, ‹Gita pooqenne
\q2 aaho kawoteththa keeth
\q2 taas keexxana› gizaades
\q2 aayye ana!
\q2 Izi ba keeththas
\q2 gita maskooteta kessees;
\q2 ziga miththan alleqissees;
\q2 zo7o qalamekka tiyees.
\b
\q1
\v 15 «Ne kawoteththa keeththa
\q2 daro ziga miththan keexxidayssi
\q2 nees kawotidaa misatizee?
\q1 Ne aaway suure pirdanne
\q2 xillo ooththida gishshas
\q2 mizaazinne uyizaazi paccidee?
\q2 Izas ubbaa miishshika injjetides.
\q1
\v 16 Izi manqotassinne metotanchchatas
\q2 pirda geellasibeenna;
\q2 hessa gishshas ubbaa
\q2 miishshika izas eeno gides;
\q2 taas ero guussi hessa gidennee?
\q1
\v 17 Gido attiin ne ayfeynne
\q2 ne wozinay shempiday
\q2 haa hee shocechchon
\q2 demmiza go7an,
\q2 xillota suuth gusson,
\q2 asaa un7eththoninne
\q2 gene oosonna» gees.
\b
\q1
\v 18 Hessa gishshas GODAY
\q2 Yuhuda Kawo Iyosiyaasa naa
\q2 Iyo7aaqeme gishshas,
\q2 «Woo ta ishawu!
\q2 Waay waay ta michchee!
\q2 Qasse, ‹Ta godawu woo woo!
\q2 Ne gitateththaa woo woo!›
\q2 giidi zilalettenna.\x - \xo 22:18 \xo*\xt 2Kawo 23:36—24:6; 2Taari 36:5-7\xt*\x*
\q1
\v 19 Harey moogettiza mala
\q2 izi moogettana;
\q2 Iza ahay Yerusalaame
\q2 pengetappe gooshettidi
\q2 kare olettana» gees.
\s1 Yerusalaame Gishshas Ermaasi Yootida Qaala
\b
\q1
\v 20 GODAY Yerusalaame,
\q2 «Pude Libaanoose baada waassa;
\q2 Ne qaalakka Baasaanen sissa;
\q2 Abaarimen eqqada waassa;
\q2 gaasoykka nees ola laggeti
\q2 ubbay wurida.
\q1
\v 21 Neni saro dishin
\q2 ta nees minththa yootadis;
\q2 gido attiin neni, ‹Siyikke› gadasa.
\q2 Yelagateththafe doommiin
\q2 ne ogey hayssa;
\q2 neni taas azazettontta ixxadasa.
\q1
\v 22 Ne heenththanchchata ubbaa
\q2 carkoy efana;
\q2 ne laggeti ubbay di7etti baana;
\q2 ne iitateththaa ubbaa gaason
\q2 yeellatananne kawuyana.
\q1
\v 23 Hanne Libaanoosen dizaaree!
\q2 Ne keeththaa ziga
\q2 miththafe keexxidaaree!
\q2 miixay oykkida maccassa mala
\q2 metoy ne bolla yishin
\q2 waana waassandii!» gees.
\p
\v 24 GODAY, « ‹Tani ta de7on caaqqays› Yuhuda kawo Iyo7aaqeme naa Ikoniyaane neni taas ushachcha kushe qalabate maatame gididaakkoka ta nena kessa olana.\x - \xo 22:24 \xo*\xt 2Kawo 24:8-15; 2Taari 36:9-10\xt*\x* 
\v 25 Nena wodhanaas koyzaytas, neni yayyiza Baabiloone Kawo Nabukadanaxooressinne iza olanchchatas tani nena aaththa immana. 
\v 26 Tani nenakka nena yelida ne aayeyokka intte yelettontta allaga biittan ola aggana; intteka heen hayqqana. 
\v 27 Intte simmanaas laamotiza biittayo mulekka simmeketa» gees.
\q1
\v 28 Hayssi Ikoniyaaney kadhettidi
\q2 meqqida oto mala
\q2 oonikka koyontta miishshe?
\q1 Izinne iza nayti
\q2 ays kare oletti attidoo?
\q1 Istti ba erontta allaga biittan
\q2 ays yegetti attidoo?
\q1
\v 29 Hanne biittayee, hanne biittayee!
\q2 GODAA qaala siya!
\q1
\v 30 GODAY, «Yuhuda ayssanaas
\q2 asi baynda gishshas,
\q2 Dawite araatan uttana
\q2 issaadeyka ke7ontta gishshas,
\q2 issi paxa asi kezontta gishshas
\q2 izas de7o layththa
\q2 ubbaan injjetontta
\q2 dhonththa as giidi xaafte» gees.
\c 23
\s1 Sinththafe Yaana Hidota
\p
\v 1 GODAY, «Ta heenththasohon diza ta dorsata dhayssizaytassinne laalliza heenththanchchatas aayye ana!» gees. 
\v 2 GODAA Isra7eele Xoossay ba asaa heemmiza heenththanchchatas, «Intte ta dorsata laallidi wora yeddida gishshassinne intte istta lo7eththi xeellontta aggida gishshas intte iitateththaas bessiza qixaate ta immana. 
\v 3 Hessafe guye ta wudeppe attidayta kase ta goodda yeddida dere ubbaafe tani tarkka shiishshada kase ta heemmizasoho zaara ehana; isttika hessan yelettidi corattana. 
\v 4 Tani lo7eththi heemmiza heenththanchchata isttas denththana; istti nam7anththo babbettennanne dagammettenna; isttafe issaadeyka dhayenna» gees.
\p
\v 5 GODAY,
\q1 «Tani Dawites xillo zare
\q2 denththana wodey yaana;
\q2 izi tumu pirdanne
\q2 xilloteth ooththizaade,
\q2 aadho erateththan haariza kawo gidana.
\q1
\v 6 Iza kawoteththa layththan
\q2 Yuhuday attana;
\q2 Isra7eeleykka saron daana;
\q2 iza sunththi,
\q2 ‹GODAY Nuus Xilloteththa› geetettana.\x - \xo 23:5-6 \xo*\xt Er 33:14-16\xt*\x*
\q1
\v 7 Hessa gishshas asay
\q2 hayssafe guye iza,
\q2 ‹Isra7eele asaa Gibxe biittafe
\q2 kessidi ehida GODAY be7iin›
\q2 gi caaqqontta wodey yaana gees GODAY.
\q1
\v 8 Gido attiin, ‹Isra7eele zareta
\q2 pudeha bagga biittafenne
\q2 izi istta laallida hara deretappe
\q2 kessida de7o GODAY be7iin›
\q2 gi caaqqana wodey yaana;
\q2 hessafe guye istti
\q2 bantta deren daana» gees.
\b
\s1 Wordo Nabeta
\q1
\v 9 Nabeta gishshas ta wozinay meqqides;
\q2 ta meqeththati ubbayka kokkorida.
\q2 GODAA gaasoninne
\q2 iza geeshsha qaala gaason
\q2 woyne ushshu uyidi
\q2 maththottiza asa mala gidadis.
\q1
\v 10 Biittaya layman xalla kumadus;
\q2 qanggettida gishshas yeekkawus;
\q2 bazzon diza mehe heenththasohoti melida;
\q2 nabetikka geella oge kaallida;
\q2 baas imettida maataa
\q2 wogay baynda go7ettida.
\q1
\v 11 GODAY, «Nabeti, qeeseti
\q2 xilloteththa ogera beettenna;
\q2 ta Keeththaa garsankka istti
\q2 ooththiza iitateththaa ta be7adis.
\q1
\v 12 Hessa gishshas istta ogey hallixana;
\q2 isttika dhuman kundana;
\q2 istti gandigardi kundana;
\q2 istti qaxxayettiza wode
\q2 ta istta bolla pala miish ehana.
\q1
\v 13 Tani Samaariyan diza nabeta bolla
\q2 ufayssontta miish be7adis;
\q2 istti Ba7aale sunththan
\q2 tinbite yootida;
\q2 ta deraa Isra7eelekka baleththida.
\q1
\v 14 Yerusalaamen diza nabeta bolla
\q2 deexxiza iita miish be7adis;
\q2 istti laymateettes;
\q2 wordoteththan de7eettes;
\q2 oonikka ba iita oosoppe
\q2 simmontta mala
\q2 iitata minththeettes;
\q2 ta matan istti ubbayka
\q2 Sodoome mala,
\q2 izin diza asaykka
\q2 Gamoora mala» gees.\x - \xo 23:14 \xo*\xt Medhe 18:20; Hizi 16:49\xt*\x*
\q1
\v 15 Hessa gishshas Ubbaafe Wolqqama GODAY
\q2 hayta nabeta gishshas,
\q2 «Yerusalaamen diza nabetappe
\q2 tuna miishshi kezidi
\q2 biitta ubbaan laalettida gishshas
\q2 ta istta camo kath mizana;
\q2 qasse marzettida
\q2 haath ushshana» gees.
\b
\q1
\v 16 Ubbaafe Wolqqama GODAY,
\q2 «Hayti nabeti tinbite
\q2 inttes yootizayssa siyopite;
\q2 istti inttena
\q2 wordo hidotan kunththeettes;
\q2 istti GODAAPPE gidontta
\q2 baappe medhdhi ekki yooteettes.
\q1
\v 17 Tana kadhizayta isttas,
\q2 ‹GODAY inttes
\q2 saro gidana gides› geettes;
\q2 bantta wozina muumeteththa
\q2 kaallizayta ubbaa
\q2 isttas, ‹Iita miishshi
\q2 inttena gakkenna› geettes.
\q1
\v 18 Iza qaala siyanaassinne azazettanaas
\q2 GODAY de7iza shiiqon isttafe
\q2 oonee eqqanay?
\q2 Iza qaala ezgi siyiday oonee?
\q1
\v 19 GODAA hanqoy gote carko mala dendana;
\q2 mino dambalay
\q2 iita asata hu7e shocana.
\q1
\v 20 Iza wozina qofa
\q2 mulera polontta dishe
\q2 iza hanqoy coo hada simmenna;
\q2 guyeppe yiza layththatan hayssa
\q2 qonccen intte erana.
\q1
\v 21 Hayta ha nabeta ta kiittabeekke;
\q2 gido attiin istti bantta kiita
\q2 ekki woxxeettes;
\q2 ta isttas yootontta
\q2 tinbite yooteettes.
\q1
\v 22 Istti ta zoren eqqidaakko
\q2 ta qaala ta deraa sissana;
\q2 iita ogeppenne iita oosoppe
\q2 istta zaarana.
\m
\v 23 Tani matas xalla Xoossee?
\q2 Haahoska Xoos gidikkinaa?
\q1
\v 24 Tani be7ontta mala geemason
\q2 qotetti attana asi dizee?
\q2 Salonne sa7a kumiday
\q2 tana gidikkinaa!» gees GODAY.
\p
\v 25 GODAY, «Tani agumettadis; tani agumettadis» gishe ta sunththan wordo tinbite haasayza nabeta qaala siyadis. 
\v 26 Ha yo7oy bantta wozina baleththon wordo tinbite haasayza nabeta wozinan ayde gakkanaas gam7anee? 
\v 27 Istta aawati Ba7aale geetettiza eeqaza gaason ta sunththaa dogida mala, istti issoy issaas yootiza agumon ta asay ta sunththaa dogana mala ooththidaa isttas misatees. 
\v 28 Agumettiza nabey ba agumaa yooto; ta qaalay izan dizaadey gidikko he qaala ammaneteththan yooto; happassinne kaththa ayfes ay gaytoteththi dizee? 
\v 29 «Ta qaalay tama malanne shuch qeriza naariqa mala gidennee?» gees.
\p
\v 30 GODAY, «Hessa gishshas qaala issoy issaafe kaysi kaysi ekkidi taappe ekkida mala yootiza nabetara ta eqettays. 
\v 31 Bantta doona cinccateththan, ‹GODAY hizgees› giza nabetara ta eqettays» gees. 
\v 32 GODAY, «Tani wordo agumo kaallidi tinbite yootiza nabetara eqettays; ta kiittontta dishin woykko ta shuumontta dishin xalateththan wordo yo7o yooteettes; ta derezakka baleththeettes; hayssa ha dereza aykkoka go7ettenna» gees.
\s1 Wordo Nabeta Tinbite
\p
\v 33 GODAY taas, «Ha derey, woykko nabey, woykko qeesey, ‹GODAAS tooho gididay aazee?› giidi oychchiko, ‹GODAAS toohoy inttena; hessa gishshas tani inttena wora olana› gees ga yoota. 
\v 34 Nabey, woykko qeesey, woykko ay asikka, ‹Hayssi GODAA tooho› giidi haasaykko tani hessaadenne iza soho asaa qaxxayana. 
\v 35 Issoy issoy ba lagge woykko ba dabbo, ‹GODAY ay zaaro immidee?› woykko, ‹GODAY yootiday aazee?› giidi oychchanaas bessees. 
\v 36 Hayssafe guyen gidikko, ‹GODAA tooho› giidi intte haasayanaas bessenna. Gaasoykka as ubbaas izi haasayda qaalay izas tooho gidiza gishshas de7o Xoossa, Ubbaafe Wolqqama GODAA nu Xoossa qaala intte bokkiseeta. 
\v 37 Hessa gishshas nabezas, ‹GODAY inttes ay zaaro immidee?› woykko, ‹GODAY yootiday aazee?› gaada oychchanaas bessees. 
\v 38 Gido attiin intte, ‹Hayssi GODAA tooho› giikko, GODAY tani inttena, ‹Hayssi GODAA tooho› goopite giinkka intte, ‹Hayssi GODAA tooho› gideta. 
\v 39 Hessa gishshas inttena, qasseka inttessinne intte aawatas ta immida katamayra gaththada yegga aggana; ta sinththafekka wora olana. 
\v 40 Mernaas dogettontta mernaa yeellateththinne kawushshateth ta intte bolla ehana» gides.
\c 24
\s1 Ermaasi Ajjuutan Be7ida Nam7u Keesheta
\p
\v 1 Baabiloone Kawo Nabukadanaxoorey Iyo7aaqeme naa, Yuhuda kawo Ikoniyaanenne iza shuumeta, anaaxetanne wogaceta Yerusalaameppe di7idi Baabiloone efidaappe guye Xoossa Keeththaafe sinththa baggara balase teeray izan kumi uttida nam7u keesheta GODAY ajjuutan tana bessides.\x - \xo 24:1 \xo*\xt 2Kawo 24:12-16; 2Taari 36:10\xt*\x* 
\v 2 Issi keeshezan shachche gakkida keehi lo7iza balase teera misatizay dees. Nam7anththo keeshezan meetettontta mala moorettida keehi iita balase teeray dees.
\p
\v 3 GODAY tana, «Ermaasa, hessi neni be7izay aazee?» giidi oychchides. Tanikka, «Balase teera be7ays; lo7o teeray keehippe lo7o; gido attiin iita teeray meetettontta mala moorettida keehi iita» gadis.
\p
\v 4 Qasseka GODAA qaalay taakko yiidi, 
\v 5 «GODAA Isra7eele Xoossay, ‹Hayssa lo7o balaseza mala tani hayssafe Baabiloone biitta yeddida Yuhudappe di7ettidayssa lo7on qoppana. 
\v 6 Tani lo7o ayfen istta xeellana; qasse tani istta zaarada ha biitta ehana. Ta istta giigsana attiin laallike; ta istta tokkana attiin shoddike. 
\v 7 Tani GODAA gididayssa eriza wozina isttas immana; istti bantta kumeththa wozinappe taakko simmana gishshas istti ta dere gidana; tanikka istta Xoos gidana.
\p
\v 8 « ‹Gido attiin GODAY, meetettontta keehi iita balaseza mala Yuhuda Kawo Sedeqiyaasanne iza shuumeta, qasseka Yerusalaamen casha attidaytanne Gibxen dizayta ta hessaththo ooththana. 
\v 9 Biitta bolla kawoteththata ubbaa sinththan harassettizaytanne cayettidayta gidana; istta laalla yeddizaso ubbaan istti qidhes, leemisos, kadhessinne qanggeththas ta istta ooththana. 
\v 10 Tani isttassinne istta aawatas immida biittafe istti mulera dhayana gakkanaas, mashsha, koshanne iita harge istta bolla yeddana› gees» gides.
\c 25
\s1 Laappun Tammu Di7eteththa Layththata
\p
\v 1 Yuhuda kawo Iyosiyaasa naa Iyo7aaqemey kawotida oydanththo layththan, Baabiloone kawo Nabukadanaxoorey kawotida koyro layththan Yuhuda asaa ubbaa gishshas Ermaasakko yida qaalay hayssa.\x - \xo 25:1 \xo*\xt 2Kawo 24:1; 2Taari 36:5-7; Daane 1:1-2\xt*\x* 
\v 2 Nabe Ermaasi Yuhuda asaa ubbaassinne Yerusalaamen diza ubbatas, 
\v 3 «Yuhuda kawo Amoone naa Iyosiyaasi kawotida tammanne heedzdzanththo layththafe doommidi hach gakkanaas nam7u tammanne heedzdzu layth kumeth GODAA qaalay taakko yides. Histtiin tanikka zaara zaarada inttes yootadis; gido attiin intte siyontta ixxideta.
\p
\v 4 «GODAY ba aylle gidida nabeta ubbaa zaari zaaridikka intteko kiittides; gido attiin intte istta siyontta ixxideta; isttaskka wudu gontta ixxideta» gides. 
\v 5 Istti, «Intte ubbayka intte iita ogeppenne intte iita oosoppe ha7i simmite. Histtiko GODAY inttessinne intte aawatas meri mernaas immida biittan intte daana. 
\v 6 Eeqa xoossatas ooththanaassinne goynnanaas kaallofte; qasse intte kushey ooththida miishshan tana yiillosopite. Histtiko ta intte bolla iita ooththike» gida.
\p
\v 7 GODAY, «Intte tana siyontta aggida gishshas intte kushey ooththida miish ubbaan tana hanqeththideta; histtidi intte bolla iita miish ehideta» gees.
\p
\v 8 Hessa gishshas Ubbaafe Wolqqama GODAY, «Intte ta qaalas azazettontta ixxida gishshas, 
\v 9 tani pudeha bagga deraa ubbaanne ta aylle gidida Baabiloone kawo Nabukadanaxoore xeygana. Histtada istta ha biitta bolla, ha biittan diza asaa bollanne heeran diza kawoteththata ubbaa bolla ehana; tani inttena mulera dhayssana; qasse mernaas asi kadhizanne qidhiza bula kessana. 
\v 10 Tani isttafe ufayssinne ililisa cenggurssa, mishirazanne mishiray cenggurssa, woxa giirissinne xomppe poo7o dhayssana.\x - \xo 25:10 \xo*\xt Er 7:34; 16:9; Ajju 18:22-23\xt*\x* 
\v 11 Ha biittay mulera bulanne kays gidana; ha kawoteththatikka Baabiloone kawos laappun tammu layth haarettana.\x - \xo 25:11 \xo*\xt 2Taari 36:21; Er 29:10; Daane 9:2\xt*\x*
\p
\v 12 «Laappun tammu layththay polettidaappe guye Baabiloone kawo, iza deraanne iza biittaa mooro gishshas tani qaxxayana; istta biittaaka mernaas bula ooththana. 
\v 13 Tani he biitta bolla haasaydayssa ubbaa, ha maxaafazan xaafettidayssa, Ermaasi kawoteththata ubbaa bolla yootida tinbiteta ehana. 
\v 14 Baabiloone derey daro kawoteththatassinne gita kawotas aylle gidana; istta kushe ooso mala ta isttas qanxxana» gees.
\s1 Xoossa Hanqo
\p
\v 15 GODAA Isra7eele Xoossay taas, «Hayssa ta hanqo woyne ushshazi kumida wanca hey; efada tani nena kiittiza kawoteththata ubbaa ushsha. 
\v 16 Istti uyida wode gandigarana; istta bolla ta yeddida olaa gaason istti gooyana» gides.
\p
\v 17 Histtiin tani GODAA kusheppe wancaa ekkada izi tana kiittida kawoteththatakko baada istta ushshadis. 
\v 18 Hach hanidayssa mala istti bula, asi harasettizayta, kadhizaytanne qanggettidayta gidana mala Yerusalaamenne Yuhuda katama asata, istta kawotanne istta shuumeta ubbaa, 
\v 19 Gibxe biitta kawo, iza aylleta, iza shuumeta, iza deraa ubbaa, 
\v 20 heen diza walaka deraa ubbaa, Uuxe biitta kawota ubbaa, Filisxeeme kawota, Asqeloonan, Gaazan, Aqarooneninne Azaxoonen atti diza deraa ubbaa, 
\v 21 Eedoome, Mo7aabenne Amoone, 
\v 22 Xiroosenne Sidoona abbafe he pinththa gaxan diza kawota, 
\v 23 Dadaane, Teema, Buuzenne bantta hu7e gaamme meediza asaa ubbata, 
\v 24 Arabiya biitta kawota ubbaanne bazzo biittan diza walaka dere kawota ubbaa, 
\v 25 Zimire, Elaamenne Meedoone kawota ubbaa ushshadis. 
\v 26 Haahoninne matan diza pudeha bagga kawota ubbaa, taran taran biitta bolla diza kawoteththata ubbaa ushshadis. Istta ubbaafe guye Baabiloone kawoykka uyana.
\p
\v 27 Hessa gishshas GODAY tana, «Ubbaafe Wolqqama GODAA Isra7eele Xoossay inttena, ‹Uyite; maththottite; cooyite nam7anththo intte dendontta mala ta intte giddo yeddiza olaa sinththan kundite› gees. 
\v 28 Gido attiin istti ne kusheppe wancaa ekkonttanne uyontta ixxiko isttas, ‹Ubbaafe Wolqqama GODAY intte dosontta uyana. 
\v 29 Be7ite; ta sunththay xeygettida katamayo ta dhayso doommana; histtiin intte qaxxayettontta atti baanee? Tani sa7an diza ubbaa bolla ola xeygida gishshas intte qaxxayettontta atteketa› gees» gides.
\p
\v 30 Hessa gishshas GODAY Ermaasas,
\q1 «Ha qaala ubbaa istta bolla
\q2 tinbite yoota;
\q2 ‹GODAY bollafe waassana;
\q2 ba diza geeshsha sohoppe
\q2 dadattiza ba gunththaa sissana;
\q2 izi ba biitta bolla keehi waassana;
\q2 woyne maxishe yexxiza mala
\q2 sa7an diza ubbaa bolla izi guummana.
\q1
\v 31 GODAY kawoteththata bolla pirdiza wode
\q2 iza cenggurssay
\q2 biitta gaxa gakkanaas siyettana;
\q2 izi as ubbaa bolla pirdana;
\q2 iitatakka mashshas
\q2 aaththi immana› » gides.
\q1
\v 32 GODAY Ubbaafe Wolqqama Xoossay,
\q2 «Be7a, iita miishshi kawoteththaafe
\q2 kawoteth aakki aakki bides;
\q2 sa7a gaxappe wolqqama gote
\q2 carkoy dendides» gees.
\q1
\v 33 He woden GODAY wodhidayta ahay
\q2 biitta gaxaappe biitta gaxa gakkanaas
\q2 porccu gi kundana;
\q2 isttas yeekettenna;
\q2 istta ahay shiiqennanne moogettenna;
\q2 biitta bolla buura mala olettana.
\q1
\v 34 Intteno heenththanchchatoo!
\q2 Yeekkitenne waassite.
\q2 Intteno wudaa heemmizaytoo!
\q2 bidinththan genderettite.
\q2 Intte shukettana
\q2 wodey gakkida gishshas
\q2 lo7i medhettida mana miishshi
\q2 tinchchettiza mala
\q2 intte kundi tinchchettana.
\q1
\v 35 Heenththanchchati baqatizasoy deenna;
\q2 wude heemmizayti kessi ekki
\q2 attizasoy baa.
\q1
\v 36 GODAY istti heemmizasoho
\q2 dhayssida gishshas heenththanchchata waasonne
\q2 wude heemmizayta yeeho siyite.
\q1
\v 37 GODAA hanqo seela gaason
\q2 saro biittay bula gidana.
\q1
\v 38 Gaammoy ba aqizasoppe yeggi biza mala
\q2 un7eththizayssa mashshafenne
\q2 GODAA hanqofe dendidayssan
\q2 istta biittaya bula gidana.
\c 26
\s1 Ermaasa Bolla Shiiqida Pirda
\p
\v 1 Yuhuda kawo Iyosiyaasa naa Iyo7aaqemey kawotida koyro layththan hayssafe kaalli diza qaalay GODAA achchafe yides.\x - \xo 26:1 \xo*\xt 2Kawo 23:36—24:6; 2Taari 36:5-7\xt*\x*
\p
\v 2 GODAY tana, «GODAA Keeththaa zagon eqqada GODAA Keeththan goynnanaas Yuhuda katamatappe yiza dere ubbaas yoota; tani nena, ‹Yoota› gaada azazida qaala ubbaafe issinokka ashshontta wursa yoota. 
\v 3 Istti siyidi ba biza iita ogeppe simmanaakko oonee erizay? Tanikka istti ooththida iitateththaa gishshas istta bolla ehana gida qixaateza aggana. 
\v 4 Ne isttas, ‹GODAY inttena intte ta gizaaz siyontta ixxiko, ta inttes immida ta wogaa naagontta ixxiko, 
\v 5 intte siyana mala ta oosanchchata zaara zaara ta intteko yeddida nabeta qaala intte siyontta ixxiko, 
\v 6 tani ha Keeththaa Seelo mala ooththana; ha katamayokka sa7a bolla diza kawoteththa ubbaa sinththan qanggettidaaro histtana› gees ga» gides.\x - \xo 26:6 \xo*\xt Iya 18:1; Maza 78:60; Er 7:12-14\xt*\x*
\p
\v 7 Ermaasi GODAA Keeththan ha qaala yootishin qeeseti, nabetinne derey wuri siyida. 
\v 8 Gido attiin Ermaasi derezas yootana mala GODAY izas yootidayssa derezas yooti wursida mala qeeseti, nabetinne derezi wuri iza oykkidi, «Nena wodhanaas bessees! 
\v 9 Neni, ‹Hayssi Keeththazi Seelo mala gidana; qasse hanna katamaya bulanne kays gidana› gaada GODAA sunththan ays tinbite yootay?» gida. Histtidi GODAA Keeththan shiiqida asay ubbay Ermaasa giddoththides.
\p
\v 10 Yuhuda shuumeti hessa ubbaa siyida mala kawoteththa keeththafe kezidi GODAA Keeth bida. Histtidi GODAA Keeththas, «Ooraththa Penge» geetettizaso pengezan bi uttida. 
\v 11 Qeesetinne nabeti shuumetassinne dere ubbaas, «Intte intte hayththan siyida mala ha addezi hanno katamay bolla tinbite yootida gishshas izas hayqoy bessees!» gida.
\p
\v 12 Ermaasikka shuumetassinne dere ubbaas, «Ha intte siyida qaala ubbaa ha Keeththaa bollanne hanno katamay bolla ta yootana mala GODAY tana kiittides. 
\v 13 Ha7ikka intte ogenne intte ooso lo7eththite; GODAA intte Xoossas azazettite; intte histtiko GODAY intte bolla ehana gi yootida iita miishshaa izi aggaagana.
\p
\v 14 «Tani gidikko hekko intte kushen days; inttes lo7onne suure misatizayssa ta bolla ooththite. 
\v 15 Gido attiin hayssa intte siyida qaala ubbaa tani inttes yootana mala GODAY taas addafe yootida gishshas intte tana wodhikkoka intte xillo suuth gussidi intte intte hu7essinne hanno katamayn diza as ubbaa mooranchcha histtontta mala naagettite» gides.
\p
\v 16 Histtiin shuumetinne derezi ubbay qeesetassinne nabetas, «Hayssi addezi GODAA nu Xoossa sunththan haasayda gishshas hayqqanaas bessenna!» gida.
\p
\v 17 Dere cimatappeka issi issi asati dendi eqqidi shiiqida deraas, 
\v 18 «Hizqiyaasi Yuhudan kawotidi diza wode Moresheteppe yida Mikiyaasi Yuhuda dere ubbaas,
\q1 «Ubbaafe Wolqqama GODAA Xoossay,
\q2 ‹Xiyooney goshsha gade mala goyettana;
\q2 Yerusalaamey laalli korida
\q2 keeththa mala gidana;
\q2 Xoossa Keeththay iza bolla
\q2 keexettida zumay
\q2 wora may7ana› gides.\x - \xo 26:18 \xo*\xt Miki 3:12\xt*\x*
\p
\v 19 «Histtiin, Yuhuda Kawo Hizqiyaasinne Yuhuda asay ubbay iza wodhidoo? Hizqiyaasi GODAAS yayyidi izappe maaro woossibeennee? GODAYKKA ba ehana gi qoppida qixaateza aggaagibeennee? Gido attiin nuni nurkka nu bolla pala iita miish ehana hanoos» gides.
\p
\v 20 Qasseka beni wode Qiriyaate-Yi7aarime gizason diza Shama7e naa Ooriyoy dees; izikka Ermaasi yootida mala ha katama bollanne ha biitta bolla GODAA sunththan tinbite yootides. 
\v 21 Kawo Iyo7aaqemey, iza olanchchati, iza oosanchchati Ooriyoy yootidayssa siyida wode kawozi iza wodhanaas koyides. Ooriyoy hessa siyidi babbida gishshas Gibxe biitta baqatides. 
\v 22 Gido attiin Kawo Iyo7aaqemey Akiboore naa Elnataanenne hara asatakka iza bolla gujjidi Gibxe biitta kiittides. 
\v 23 Istti Ooriyo Gibxeppe oykki ehidi kawo Iyo7aaqemekko efida. Kawozi iza mashshan wodhidi iza aha beettiday moogettizason efi yeggides. 
\v 24 Gido attiin Saafaane naa Akiqaamey Ermaasa bagga gidida gishshas asay Ermaasa wodhana mala aaththi immibeenna.
\c 27
\s1 Yuhuda Kundeth
\p
\v 1 Yuhuda kawo Iyosiyaasa naa Sedeqiyaasi kawotida koyro layththan GODAA qaalay Ermaasakko yides.\x - \xo 27:1 \xo*\xt 2Kawo 24:18-20; 2Taari 36:11-13\xt*\x* 
\v 2 GODAY taas, «Miththafe qambara giigsada dafo izan gelththada ne morgen woththa. 
\v 3 Yuhuda kawo Sedeqiyaasakko Yerusalaame yida asata bolla Eedoome kawos, Mo7aabe kawos, Amoone kawos, Xiroose kawossinne Sidoona kawos kiita yedda. 
\v 4 Istti bantta godata erisana mala isttas Ubbaafe Wolqqama GODAA Isra7eele Xoossay intte godatas hayssa yootite. 
\v 5 Ta gita wolqqaninne micettida ta kushen sa7anne sa7a bolla diza asinne mehe medhdhadis. Istta ta dosidaades immana. 
\v 6 Ha7ikka hayta ha dereta ubbaa ta aylleza Baabiloone kawo Nabukadanaxoores aaththa immana; wora do7atakka ta izas haarisana. 
\v 7 Iza derey haras haarettana gakkanaas kawoteththati ubbay izas, iza naassinne izas naa naas haarettana. Hessafe guye daro kawoteththatinne gita kawoti iza haarana.
\p
\v 8 «Gido attiin ay derey woykko ay kawoteththinne ha Baabiloone Kawo Nabukadanaxoores azazettontta ixxikonne iza qambaran gelontta ixxiko, tani GODAY he kawoteththa iza kushen dhayssana gakkanaas, olan, koshaninne iita hargen qaxxayana. 
\v 9 Hessa gishshas inttena, ‹Baabiloone kawos haaretteketa› giza intte nabeta, muurennizayta, agumo agumettizayta, moytille xeygizayta siyopite. 
\v 10 Gaasoykka intte intte biittafe shodettana mala, ta inttena gooddana malanne dhayssana mala istti inttes wordo tinbite yooteettes. 
\v 11 Gido attiin ay kawoteththika Baabiloone kawo qambaran gelidi ba hu7e ziqqi histtidi izas ooththizaa gidikko tani GODAY he deraa heen ba deren attidi goyishe daana mala ooththana» gides.
\p
\v 12 Tani Yuhuda Kawo Sedeqiyaasasika hayssa ha kiitaa yootadis; «Intte morge Baabiloone kawo qambara garsan ziqqi histtite; izassinne iza deraas haggazite; histtiko intte shemppora paxa daana. 
\v 13 GODAY Baabiloone kawos haarettontta ixxiza kawoteththata bolla ehana gida olan, koshaninne iita hargen neninne ne derey ays wureetii? 
\v 14 Wordo nabeti inttes, ‹Intte Baabiloone kawos haaretteketa› giza wordo tinbite siyopite. 
\v 15 ‹Tani istta kiittabeekke; istti ta sunththan wordo tinbite yooteettes; hessa gishshas tani inttenanne inttes nabeta goodda kessana; intteka dhayana› gees GODAY.»
\p
\v 16 Hessafe guye tani qeesetassinne ha dere ubbaas, «GODAY, ‹GODAA Keeththaa miishshay Baabilooneppe elle simmana› giza nabeta qaala siyopite. Gaasoykka istti inttes wordo tinbite yooteettes. 
\v 17 Hessa gishshas istti yootizayssa sissi aggidi Baabiloone kawos haarettite; intte shemppora paxa daana; ha katamaya ays laaletta attanee? 
\v 18 Istti tumu nabeta gidikko, tumukka GODAA qaalay dizaa gidikko GODAA Keeththan, Yuhuda kawo keeththaninne Yerusalaamen attida miishshati Baabiloone di7etti bontta mala ane GODAA Ubbaafe Wolqqama Xoossaako shoobbi woossetto. 
\v 19 GODAY Ubbaafe Wolqqama Xoossay ha kataman attida tuussata gishshas, xarqimalappe oosettida gita saaneza gishshas, gaareta gishshassinne hara attida ubbaa miishshata gishshas, 
\v 20 hayti ha miishshati Baabiloone Kawo Nabukadanaxoorey Yuhuda Kawo Iyo7aaqeme naa Ikoniyaane, Yuhudaninne Yerusalaamen diza shuumeta di7idi efiza wode attida gishshas, 
\v 21 GODAA Keeththan, Yuhuda kawo keeththaninne Yerusalaamen attida miishshata gishshas Ubbaafe Wolqqama GODAA Isra7eele Xoossay, 
\v 22 ‹Istti Baabiloone biitta di7etti baana; tani istta xomosana gallassi gakkanaas heen daana; he wode ta istta zaara ehada kase isttasohon woththana› gees» gadis.
\c 28
\s1 Ermaasanne Wordo Nabe Hanaaniya
\p
\v 1 He wode Yuhuda kawo Sedeqiyaasi kawotida oydanththo layththan ichchashanththo aginan Geba7oone as Azuure naa nabe Hanaaniyay GODAA Keeththan qeeseta sinththaninne dere ubbaa sinththan taas,\x - \xo 28:1 \xo*\xt 2Kawo 24:18-20; 2Taari 36:11-13\xt*\x* 
\v 2 «Ubbaafe Wolqqama GODAA Isra7eele Xoossay, ‹Baabiloone kawoy inttena toossida qambara ta menththana. 
\v 3 Baabiloone kawo Nabukadanaxoorey GODAA Keeththaafe di7i ekkidi efida miishshata ubbaa tani nam7u layththa giddon zaarada ha soho ehana. 
\v 4 Qasse tani Yuhuda Kawo Iyo7aaqeme naa Ikoniyaanenne Yuhudappe di7ettidi Baabiloone bida asaa ubbaa zaarada ha soho ehana. Gaasoykka Baabiloone kawoy inttena toossida qambara ta menththana› gees» gides.
\p
\v 5 Histtiin GODAA Keeththaa giddon eqqida qeeseta sinththaninne deraa sinththan nabe Ermaasi nabe Hanaaniyas, 
\v 6 «Amiin! GODAY ooththo! GODAA Keeththaa miishshatanne di7ettidi bida asaa ubbaa Baabilooneppe zaari ehidi GODAY ba yootida qaala polo! 
\v 7 Gidikkoka ane ta neessinne ha asaas yootiza qaala siya. 
\v 8 Neeppenne taappe kase sinththan de7ida nabeti daro dereta bollanne gita kawoteththata bolla ola gishshas, bashsha gishshassinne iita harge gishshas tinbite yootida. 
\v 9 Gido attiin saroteththa gishshas tinbite yootida nabey izi yootida qaalay polettiza wode tumappe GODAY iza kiittidayssi hessan erettees» gides.
\p
\v 10 Hessafe guye nabe Hanaaniyay nabe Ermaasa morgefe qambaraa ekkidi menththides. 
\v 11 Histtidi Hanaaniyay asaa ubbaa sinththan, «GODAY, ‹Tani nam7u layththata giddon Baabiloone kawo Nabukadanaxoore qambara kawoteththata ubbaa morgefe denththada hayssaththo menththana› gees» gides. He wode nabe Ermaasi aggaagidi ba oge bides.
\p
\v 12 Nabe Hanaaniyay nabe Ermaasa morgefe qambara menththida guuththa wodeppe guye GODAA qaalay nabe Ermaasakko yiidi, 
\v 13 «Baada Hanaaniyas, ‹Neni miththa qambara menththadasa; tani gidikko iza gishshas birata qambara giigsana› gees GODAY gaada yoota. 
\v 14 Qasseka Ubbaafe Wolqqama GODAA Isra7eele Xoossay, ‹Baabiloone kawo Nabukadanaxoores haggazana mala tani ha kawoteththata ubbaa morgen birata qambara woththana; isttika izas haarettana. Haray attoshin wora do7ata bollaka godateth izas immana› gees» gides.
\p
\v 15 Hessafe guye nabe Ermaasi nabe Hanaaniyas, «Hanaaniya siya! GODAY nena kiittibeenna; gido attiin neni ha asay wordo miishshan ammanettana mala ooththadasa. 
\v 16 Hessa gishshas GODAY, ‹Tani nena ha sa7a bollafe diggana; neni GODAA bolla makkalla haasayda gishshas ne ha layth hayqqana› gees» gides.
\p
\v 17 Nabe Hanaaniyay he layth laappunththa aginan hayqqides.
\c 29
\s1 Di7etti Bida Asaas Xaafettida Dabdaabbe
\p
\v 1 Nabe Ermaasi di7etti biidi hayqqontta shemppora paxa diza cimatas, qeesetas, nabetassinne Nabukadanaxoorey Yerusalaameppe di7idi Baabiloone efida hara as ubbaas Yerusalaameppe yeddida dabdaabbey hayssafe kaallidi xaafettidayssa. 
\v 2 Hayssi haniday kawo Ikoniyaaney, godatteya iza aaya, kawo keeththa oosanchchati, Yuhudanne Yerusalaame kaaleththizayti, hiillanchchatinne wogaceti Yerusalaameppe di7etti bidaappe guyenna.\x - \xo 29:1-2 \xo*\xt 2Kawo 24:12-16; 2Taari 36:10\xt*\x* 
\v 3 Ermaasi Yuhuda kawo Sedeqiyaasi Baabiloone kawo Nabukadanaxoores kiittiza Saafaane naa El7aasa bollanne Kilqiyaasa naa Gamaariya bollan he dabdaabbeza yeddides.
\p
\v 4 Dabdaabbezikka, «Ubbaafe Wolqqama GODAA Isra7eele Xoossay tani Yerusalaameppe Baabiloone di7isa yeddida asaas, 
\v 5 ‹Keeth keexxidi uttite; doozata tokkidi istta ayfe miite; 
\v 6 Ekettidi macca naytanne attuma nayta yelite; intte attuma naytinne macca nayti ekettana malanne gelettana mala ooththite; isttika attuma naytanne macca nayta yeletto; intte heen qoodan corattite attiin guuxxofte. 
\v 7 Intte di7etti bida katamays saroteththinne dureteth koyite; he katamays GODAA woossite; iza duretikko intteka durettana› gees. 
\v 8 Tumukka Ubbaafe Wolqqama GODAA Isra7eele Xoossay, ‹Intte giddon diza nabetinne maroti inttena baleththofetto; istti intte gishshas agumettiza agumo siyopite. 
\v 9 Istti ta sunththan wordo tinbite yooteettes ta istta kiittabeekke› gees.
\p
\v 10 «GODAY, ‹Intte Baabiloonen daana laappun tammu layththi polettidaappe guye ta inttena mokka xeellana; tani inttena ha biitta zaara ehana gida lo7o qaalayokka inttes polana.\x - \xo 29:10 \xo*\xt 2Taari 36:21; Er 25:11; Daane 9:2\xt*\x* 
\v 11 Ta inttes halchchida halchcho erays; he halchchozas poloy lo7onne hidota immizaaza, inttena go7izaaza attiin qohizaaz gidenna. 
\v 12 Intteka tana xeygana; shiiqidi tana woossana; tanikka siyana. 
\v 13 Intte tana koyana; intte tana kumeththa wozinappe koykko demmana.\x - \xo 29:13 \xo*\xt Zaare 4:29\xt*\x* 
\v 14 Tanikka inttes beettana. Ta intte di7etti bida biittafe zaarana; tani inttena laalla yeddida kawoteththafenne soho ubbaafe shiishshana; histtada tani inttena di7os yeddanaappe kase intte de7ida soho guye zaarada ehana› gees.
\p
\v 15 «Intteka, ‹GODAY nabe nuus Baabiloonen denththides› gaana. 
\v 16 Gido attiin GODAY Dawite kawoteththa algan uttana kawo gishshas, inttenara di7etti bontta haan attida dabbota gishshassinne ha kataman attida deraa ubbaa gishshas, 
\v 17 tumukka GODAY Ubbaafe Wolqqama Xoossay, ‹Tani istta bolla ola, koshanne iita harge yeddana; qasse tani istta maanaas giigontta moorettida balase teera mala ooththana. 
\v 18 Tani istta mashshan, koshaninne iita hargen yedeththana; histtada tani istta sa7a kawoteththata ubbaa sinththan kadhessinne qidhes kessana; qasse tani istta yedeththa yeddida deraa giddon qanggeththassinne dagamas, boressinne kadhes malata gidana. 
\v 19 Gaasoykka ta oosanchcha nabeta bolla tani isttas zaara zaarada kiittida ta qaala istti siyontta ixxida. Intteka di7etti bidayti siyontta ixxideta› gees.
\p
\v 20 « ‹Tani Yerusalaameppe Baabiloone di7isa yeddida asatoo! Intte ubbayka GODAA qaala siyite› gees. 
\v 21 Ubbaafe Wolqqama GODAA Isra7eele Xoossay ta sunththan wordo tinbite inttes yootiza Qolaaya naa Akaabe gishshassinne Ma7isaya naa Sedeqiyaasa gishshas tani istta Baabiloone Kawo Nabukadanaxoores aaththa immana; intte xeellishin izi istta wodhana. 
\v 22 Hessafe guye Yuhudappe di7etti biidi Baabiloonen diza asay ubbay, ‹GODAY nena Baabiloone kawoy taman xuuggida Sedeqiyaasa malanne Akaabe mala ooththo› giidi qanggana. 
\v 23 Istti ba laggeta machchetara laymateththan ta isttas yootontta qaala ta sunththan wordo yooton Isra7eele bolla qoho gaththida; hessa tani erays; tani hessas markka» gees GODAY.
\s1 Shama7es Kiitettida Kiita
\p
\v 24 Nehelaame dere as Shama7es, 
\v 25 «Ubbaafe Wolqqama GODAA Isra7eele Xoossay, ‹Yerusalaamen diza as ubbaas, Ma7isaya naa qeese Sofonaasassinne hara qeeseta ubbaas neni ne sunththan dabdaabbeta yeddadasa› gees. Ne Sofonaasas, 
\v 26 GODAA Keeththan halaqa gidana mala nena GODAY Yoodahe sohon qeese ooththidi shuumides; ‹Tani nabe› gishe gooyidi tinbite yootiza ay asa toho agrimooqen, iza qoodhekka sansalatan zexxa qachchanaas bessees. 
\v 27 Histtiin, ‹Tani nabe› Anatoote dere as Ermaasa ays seerabekkii? 
\v 28 Ha addezi, ‹Intte di7eteththan gam7ana wodey adussa gidida gishshas inttes keeth keexxidi izan diite; doozatakka tokkidi istta ayfe miite› giidi nuus Baabiloone kiita yeddides» gides.
\p
\v 29 Qeese Sofonaasi nabe Ermaasas ha dabdaabbeza nababides. 
\v 30 Histtiin GODAA qaalay Ermaasakko, 
\v 31 «Hayssa ha kiitaa di7eteththan dizaytas ubbaas, ‹Nehelaame dere as Shama7ey tani kiittontta tinbite yootides; intte wordon ammanettana mala ooththides› ga kiita. 
\v 32 GODAY, ‹Tani Nehelaame dere as Shama7enne iza soo asaa qaxxayana. Ta bolla izi makkalla miish haasayda gishshas ha deraa giddon izas zarey attenna; qasse tani ta deraas ooththana lo7o miishshaka gakki beyenna› gides» gishe yides.
\c 30
\s1 Goday Ba Deraas Immida Hidota Qaala
\p
\v 1 GODAAPPE Ermaasakko yida qaalay hayssafe kaallizayssa. 
\v 2 GODAA Isra7eele Xoossay Ermaasa, «Tani nees yootida qaala ubbaa maxaafan xaafa. 
\v 3 Tani ta dere Isra7eelenne Yuhuda kase istta aawatas ta immida biitta isttas zaara ehana wodey gakkides; isttika laattana» gees.
\p
\v 4 GODAY Isra7eelesinne Yuhudas yootida qaalay hayssafe kaallizayssa.
\p
\v 5 GODAY, «Tani babonne
\q2 shiro waaso siyays;
\q2 saroykka deenna.
\q1
\v 6 Ane oychchitenne akeekite!
\q2 Addey yelanaas dandayzee?
\q2 Histtiin addey ubbaa
\q2 miixay oykkida maccassa mala
\q2 ba kushe ba ulo bolla woththiin
\q2 asa ubbaa sinth karettiin
\q2 ta be7izay aazassee?
\q1
\v 7 He gallassay ay mala
\q2 daganththiza gallas gidanee!
\q2 hessa mala gallassi deenna;
\q2 he gallassay Yaaqoobe
\q2 zereththatas
\q2 meto gallas gidana;
\q2 gido attiin istti
\q2 he metozappe attana» gees.
\q1
\v 8 GODAY Ubbaafe
\q2 Wolqqama Xoossay,
\q2 «He gallas tani istta morgefe
\q2 qambara menththana;
\q2 istti qashettida
\q2 sansalatakka duuththana;
\q2 hayssafe guyen
\q2 allagay istta haarenna.
\q1
\v 9 Gido attiin GODAAS
\q2 bantta Xoossassinne
\q2 tani isttas kawoththida
\q2 kawo Dawite zares
\q2 istti haarettana» gees.
\b
\q1
\v 10 «Hessa gishshas ta aylle
\q2 Yaaqoobe zareto yayyofte!
\q2 Intteno Isra7eeleto dagammofte!
\q2 Intte haahoson dishin
\q2 tani inttena ashshana;
\q2 intte zaretakka istti di7ettida
\q2 biittafe kessa ekkana;
\q2 Yaaqoobe zareti simmidi
\q2 saroninne woppan uttana;
\q2 istta yashissana
\q2 ay miishshika deenna.
\q1
\v 11 Tani inttena ashshanaas
\q2 inttenara days;
\q2 tani inttena
\q2 kawoteththata giddon laalladis;
\q2 he kawoteththata
\q2 mulera dhayssana;
\q2 gido attiin inttena
\q2 mulera dhayssike;
\q2 tani qixaatey baynda coo aggike;
\q2 gidikkoka tani inttena
\q2 ginara qaxxayana» gees GODAY.\x - \xo 30:10-11 \xo*\xt Er 46:27-28\xt*\x*
\b
\q1
\v 12 GODAY, «Intte meqoy koolettenna;
\q2 intte madunththay paxenna.
\q1
\v 13 Intte gishshas mootettizay deenna;
\q2 intte madunththaska dhaley beettenna;
\q2 inttes paxoy deenna.
\q1
\v 14 Intte laggeti ubbay inttena dogida;
\q2 istti intte gishshas wudettettenna;
\q2 tani inttena
\q2 morkke shociza mala shocadis;
\q2 menxe iita asa mala
\q2 ta inttena qaxxayadis.
\q2 Gaasoykka intte qohoy gita;
\q2 intte nagaraykka daro.
\q1
\v 15 Dhaley baynda intte hargessinne
\q2 intte madunththaa gishshas ays waasseetii?
\q2 Intte mooroy gitanne
\q2 intte nagaray daro gidida gishshas
\q2 hayta ubbaa ta intte bolla
\q2 ooththadis» gees.
\b
\q1
\v 16 «Gido attiin inttena
\q2 dippi histti mida ubbati
\q2 hessaththo meetettana;
\q2 intte morkke ubbatikka di7etti baana;
\q2 inttena bonqqidayti bonqqettana;
\q2 inttena boggizayti bogettana.
\q1
\v 17 Inttena gidikko tani zaarada payyisana;
\q2 intte madunththaaka paththana.
\q2 Gaasoykka isttas, ‹Kadhettidaaro;
\q2 oonikka koyontta Xiyoono›
\q2 gida gishshassa» gees GODAY.
\p
\v 18 GODAY,
\q1 «Tani Yaaqoobe keeth zaara keexxana;
\q2 izi dizasoskka qadhettana;
\q2 katamayakka kase ba laalettidason
\q2 simma keexettana;
\q2 kawoteththa keeththayka kase ba dizason
\q2 simmi keexettana.
\q1
\v 19 Isttafe galata mazamureynne
\q2 ilili1sa cenggurssi siyettana;
\q2 Tani istta darssana;
\q2 istta qoodaykka paccenna;
\q2 tani istta bonchchettida dere ooththana;
\q2 istti kadhettidayta gidettenna.
\q1
\v 20 Istta zereththay
\q2 beni wode diza mala daana;
\q2 istta maabaraykka ta sinththan
\q2 minni eqqana;
\q2 istta un7eththiza ubbaaka
\q2 tani qaxxayana.
\q1
\v 21 Istta kaaleththizay istta baggafe gidana;
\q2 istta ayssizay
\q2 istta giddofe dendana;
\q2 tani iza taakko shiishshana;
\q2 izikka taakko shiiqana.
\q2 Ta shiishshontta dishin xalidi
\q2 taakko shiiqanay oonee?
\q1
\v 22 Hessa gishshas intte ta dere gidana;
\q2 tanikka intte Xoos gidana» gees.
\q1
\v 23 Be7ite GODAA hanqoy
\q2 dambala mala dendees;
\q2 bul7akettiza gote carkoy
\q2 iitata wodhdhana.
\q1
\v 24 Iza wozina qofaa
\q2 polontta GODAA hanqoy
\q2 coo hada guye simmenna;
\q2 hessa yiza wodetan intte akeekana.
\c 31
\p
\v 1 GODAY,
\q1 «He wode tani Isra7eele
\q2 qommo ubbatas Xoos gidana;
\q2 isttika ta dere gidana» gees.
\p
\v 2 GODAY, «Mashshafe attida derey
\q2 bazzo biittan
\q2 taappe kiyateth demmana;
\q2 tanikka Isra7eeles
\q2 shemppo immanaas yaana» gees.
\q1
\v 3 GODAY nuus haahosoppe qonccidi,
\q2 «Tani inttena
\q2 mernaa siiqon dosadis;
\q2 hessa gishshas ta qadheteththan
\q2 inttena taakko shiishshadis.
\q1
\v 4 Isra7eele derezoo!
\q2 Tani inttena zaara keexxana;
\q2 intteka keexettana.
\q2 Intte karabe zaari denththidi
\q2 ufayssan hombocizaytara
\q2 intte hombocana.
\q1
\v 5 Intte zaaridi Samaariya
\q2 zumbullata bolla
\q2 woyne tokkana;
\q2 goshshanchchati tokkana;
\q2 istti ayfiza
\q2 ayfezankka ufayettana.
\q1
\v 6 Efreeme zumbullata bolla
\q2 naagizayti,
\q2 ‹Haa yiite;
\q2 GODAA nu Xoossaako
\q2 pude Xiyoone ane kezoos›
\q2 gi xeygana wodey yaana» gees.
\p
\v 7 GODAY, «Yaaqoobe deraas
\q2 ufayssan yexxite;
\q2 kawoteththata halaqas ilili giite;
\q2 intte galatakka sissite;
\q2 ‹GODAWU Isra7eeleppe
\q2 casha attida
\q2 ne deraa ashsha› giite.
\q1
\v 8 Be7ite tani istta
\q2 pudeha baggafe ehana;
\q2 biitta gaxappeka
\q2 tani shiishshana;
\q2 istta giddon qooqetinne wobbeti,
\q2 abbey baynda maccassatinne
\q2 miixattizayti daana;
\q2 keehi daridi
\q2 bantta dere simmana.
\q1
\v 9 Tani istta zaarada ehiza wode
\q2 istti yeekkishenne
\q2 woossishe yaana.
\q2 Tani istta pultto
\q2 haaththa achchara
\q2 suure ogera kaaleththana.
\q2 Gaasoykka tani Isra7eeles aawa;
\q2 Efreemeykka taas bayra naa.
\b
\q1
\v 10 «Intteno kawoteththatoo
\q2 GODAA qaala siyite!
\q2 Haahon diza abba gaxatankka,
\q2 ‹Isra7eele laalliday
\q2 izi istta zaari shiishshana;
\q2 ba wudezakka
\q2 heenththanchcha mala
\q2 izi heemmana› giidi awajjite.
\q1
\v 11 Gaasoykka GODAY
\q2 Yaaqoobe wozzana;
\q2 izappe minnizayta kusheppe
\q2 iza kessi ekkana.
\q1
\v 12 Istti yiidi Xiyoone zuma bolla
\q2 ufayssa mazamure yexxana;
\q2 istti GODAA kiyateth gidida
\q2 kaththan, woyne ushshan,
\q2 zayten, deyshaninne
\q2 dorsa laaqqatan, wofanotaninne
\q2 ussatan ufayettana;
\q2 istti haaththi paccontta
\q2 atakilte soho mala gidana;
\q2 hayssafe guye istti
\q2 muuzottettenna.
\q1
\v 13 He wode geela7oti
\q2 ufayettidi yexxana;
\q2 wodallatinne cimati guppana;
\q2 ta istta yeehoza
\q2 ufayssan laammana;
\q2 ta istta muuzoteththafe
\q2 minththeththana;
\q2 ta isttas ufays immana.
\q1
\v 14 Tani qeeseta keeha anjjana;
\q2 ta derezakka
\q2 kiyateththi kaallana» gees.
\p
\v 15 GODAY,
\q1 «Waasoynne camo yeehoy
\q2 Eraama katamappe seetettides;
\q2 izi nayti wurida gishshas
\q2 Eraheela yeekkadus;
\q2 minetonttaka ixxadus» gees.\x - \xo 31:15 \xo*\xt Medhe 35:16-19; Mato 2:18\xt*\x*
\p
\v 16 GODAY, «Yeekkofanne afunxxofa;
\q2 ne daaburay coo hada attenna;
\q2 morkketa biittafe istti simmana.
\q1
\v 17 Sinththafe nees
\q2 hidotay diza gishshas
\q2 ne nayti bantta
\q2 biitta simmana» gees.
\b
\q1
\v 18 «Efreemey camo milas milalishin
\q2 addafe ta siyadis;
\q2 ‹Loohontta wofano mala
\q2 tana qaxxayadasa;
\q2 tanikka qaxxayettadis;
\q2 neni GODAA ta Xoossa;
\q2 neni tana zaara;
\q2 tanikka simmana.
\q1
\v 19 Ta neeppe haakka bidaappe guye
\q2 simmada modhettadis;
\q2 ta akeekida wode
\q2 ta hu7e baqqadis;
\q2 ta yelagateththaa
\q2 kawushshateth tookkadis;
\q2 yeellatada guuxxadis› gides.
\q1
\v 20 Efreemey ta dosada
\q2 ufayettiza ta naaza gidennee?
\q2 Daro wode ta izara
\q2 eqetta haasaykkoka
\q2 zaarada iza gishshas ta qoppays;
\q2 ta maracey kokkorees;
\q2 ta izas keeha qadhettays»
\q2 gees GODAY.
\p
\v 21 GODAY, «Ogen malata essa;
\q2 bizaso bessiza malata tokka;
\q2 ne baana wogga ogeza akeeka;
\q2 geela7oye Isra7eele simma;
\q2 histtada ne katamata gela.
\q1
\v 22 Hanne kaddida nayee!
\q2 Ne ayde gakkanaas toylattanee?
\q2 GODAY sa7a bolla
\q2 ooraththa miish medhdhana;
\q2 hessika maccay
\q2 adde dooddana» gees.
\s1 Xoossa Deres Sinththafe Yaana Ishalo De7o
\p
\v 23 Ubbaafe Wolqqama GODAA Isra7eele Xoossay, «Tani isttafe di7ettida miishshaa ta isttas zaariza wode istti Yuhuda biittaninne izi katamatan, ‹Nenoo xilloteththi aqiza geeshsha zumazoo! GODAY nena anjjo!› giza qaala zaari go7ettana. 
\v 24 Goshshanchchatinne mehe haaron aqizayti Yuhudaninne Yuhuda katamatan issife daana; 
\v 25 Tani labbanida shemppoyo ooraxissana; daaburdaarokka minththana» gees.
\p
\v 26 He wode tani dhiskofe beeggada yuushsha xeelladis; tani mal7o dhisko dhiskadis.
\p
\v 27 GODAY, «Tani Isra7eele biittaninne Yuhuda biittan asinne mehe kunththiza wodey yaana. 
\v 28 Istta dhoqallanaas, laallanaas, shira yegganaas, dhayssanaassinne bash istta bolla ehanaas keeha tani minnida mala istta zaara keexxanaassinne tokkanaas keeha minnana» gees.
\p
\v 29 «He wode asay,
\q1 ‹Aawati woyne miththa teera
\q2 caalidayssa miin
\q2 istta nayta achchi zil7ides›
\q2 geetettiza leemiso
\q2 nam7anththo haasayettenna.\x - \xo 31:29 \xo*\xt Hizi 18:2\xt*\x*
\m
\v 30 Gido attiin asay issoy issoy ba nagaran nagaran hayqqana; woyne teera qawu7e mida asa achchi ubbay zil7ana» gees GODAY.
\q1
\v 31 GODAY, «Tani Isra7eele deraaranne
\q2 Yuhuda deraara ooraththa caaqo
\q2 caaqettana wodey yaana.\x - \xo 31:31 \xo*\xt Mato 26:28; Mar 14:24; Luqa 22:20; 1Qoro 11:25; 2Qoro 3:6\xt*\x*\x - \xo 31:31-34 \xo*\xt Ib 8:8-12\xt*\x*
\q1
\v 32 He caaqozi tani istta Gibxeppe
\q2 kessanaas istta kushe oykkada
\q2 istta aawatara caaqettida
\q2 caaqoza mala gidenna;
\q2 tani isttas
\q2 azina mala gida dishin
\q2 istti tanara diza
\q2 caaqo qaalaza laallida» gees.
\b
\q1
\v 33 «Gido attiin tani GODAY
\q2 he wodeppe guye
\q2 Isra7eele deraara
\q2 ta caaqettana caaqoy hayssa;
\q2 tani ta woga
\q2 istta wozinan xaafa woththana;
\q2 tanikka isttas Xoossa gidana;
\q2 isttika ta dere gidana.\x - \xo 31:33 \xo*\xt Ib 10:16\xt*\x*
\q1
\v 34 Hayssafe guye oonikka ba lagge
\q2 woykko ba isha,
\q2 ‹GODAA era› giidi tamaarsenna;
\q2 gaasoykka guuththafe doommidi
\q2 gita gakkanaas
\q2 istti ubbay tana erana;
\q2 tanikka istta qoho atto gaana;
\q2 istta nagarakka nam7anththo
\q2 zaara qoppike» gees GODAY.\x - \xo 31:34 \xo*\xt Ib 10:17\xt*\x*
\q1
\v 35 Gallassan poo7isana mala
\q2 arshe woththiday,
\q2 omarsan poo7isana mala aginanne
\q2 xoolintteta azaziday,
\q2 dambalay guummana mala abba qaaththizay
\q2 iza sunththay GODAA Ubbaafe
\q2 Wolqqama Xoossa geetettizayssi,
\q1
\v 36 «Ha eqqidi diza medheta wogay
\q2 ta sinththafe kichchiko
\q2 he wode Isra7eele zereththati
\q2 ta sinththan
\q2 mernaas kawoteth gididi
\q2 duussay attana» gees GODAY.
\q1
\v 37 GODAY, «Bollan diza salota
\q2 gakki wadhdhanaas dandayettiko,
\q2 woykko garsan diza biitta xapho
\q2 gakki pilggi eranaas dandayettiko
\q2 he wode tani Isra7eeley ooththida
\q2 ooso ubbaa gishshas
\q2 ta istta yegga aggana» gees.
\p
\v 38 GODAY, «Hanani7eele Gimbefe doommidi gula penge gakkanaas katamaya taas GODAAS oosettana wodey yaana. 
\v 39 Wadha wodorozi heeppe doommi sitti giidi Gaareebe zumbullatara aadhdhidi Go7aha gakkanaas micettana. 
\v 40 Ahaynne bidinththi yegettiza shoobba ubbay arshey mokkiza Qediroone shoobbara biidi Para Penge gakkanaas diza tidhdhi gida dembay ubbay GODAAS dummatidaaz gidana; hessafe guye he katamaya shodettukunne laalettuku» gees.
\c 32
\s1 Ermaasi Shammida Gade
\p
\v 1 Yuhuda Kawo Sedeqiyaasi kawotida tammanththa layththan, Baabiloone Kawo Nabukadanaxoorey kawotida tammanne osppunththa layththan GODAA qaalay Ermaasakko yides.\x - \xo 32:1 \xo*\xt 2Kawo 25:1-7\xt*\x* 
\v 2 He wode Baabiloone kawo olanchchati Yerusalaame giddoththida; nabe Ermaasi Yuhudan kawoteththa keeththa zagon diza zabeta keeththan gordetti uttides.
\p
\v 3 Kase Yuhuda kawo Sedeqiyaasi iza, «Ne hayssa mala tinbite waana yootay? GODAY, ‹Tani hanno ha katamayo Baabiloone kawo kushen aaththa immana; izikka haarana. 
\v 4 Yuhuda kawo Sedeqiyaasi Baabiloone kawos aadhdhi imettana; kawoza sinththan eqqidi iza haasayssana; izikka ba ayfera be7ana attiin Baabilooneta kusheppe kessi ekki attenna. 
\v 5 Hessafe guye istti Sedeqiyaasa Baabiloone efana; histtiin tani iza bolla pirdana gakkanaas izi heen daana; intte Baabiloone asatara olettiko inttes giigenna› gees gaasa» giidi hessa gishshas qashissides.
\p
\v 6 Ermaasikka GODAA qaalay taakko, 
\v 7 «Ne aawa ishaa Shaloome naa Hanaam7eeley neekko yiidi, ‹Anatoote kataman diza ta gadeza shamma; gaasoykka shammanaas dabboteththi gaththizay nena› gees» gishe yides.
\p
\v 8 GODAY gida mala, ta aawa ishaa naa Hanaam7eeley taakko zabeti naagizaso zago yiidi, «Biniyaame biittan Anatooten diza ta gadeza wozzanaas bessizay nena gidida gishshas nees buzoththa shamma» gides; hayssika GODAA qaala gididayssa eradis. 
\v 9 Histtiin Anatoote kataman diza gadeza ta aawa ishaa naa Hanaam7eeleppe tammanne laappun saqile bira immada shammadis. 
\v 10 Histtada markkata sinththan wule waraqata paramada gordadis; miishshaakka meezaanen woththada qooda immadis. 
\v 11 Hessafe guye nu haasayettida paateththa yo7ota oykkidi gordettidanne gordettontta wule waraqata ta kushen ekkadis. 
\v 12 Histtada paramettida wule waraqataa ta aawa ishaa naa Hanaam7eele sinththan, paramida markkatta sinththaninne zabe naagiza keeththa zagon uttida ubbaa Ayhudata sinththan Ma7iseya naa, Neeriya naa Baarokes immadis. 
\v 13 Hessafe guye istta sinththan tani Baarokes azazo immadis; 
\v 14 Ubbaafe Wolqqama GODAA Isra7eele Xoossay, «Gordettidayssanne gordettontta diza nam7u wule waraqatati moorettontta dishe daro wode gam7ana mala efada oto giddon woththa» gees. 
\v 15 Ubbaafe Wolqqama GODAA Isra7eele Xoossay, «Ha biittan asay keeth, goshsha gadenne woyne tokkizasoho zaari shammana» gees.
\s1 Ermaasa Woosa
\p
\v 16 Tani Neeriya naa Baarokes gadeza shammida wule waraqata immidaappe guye GODAA, 
\v 17 «Abeet Ubbaafe Wolqqama GODAWU! Neni salotanne sa7a ne gita wolqqaninne micettida ne kushen medhdhadasa; nena xooniza issi miishshika deenna. 
\v 18 Neni ne siiqonne kiyateth shii yeleta gakkanaas bessaasa; gido attiin aawata mooro istta nayta bolla zaaraasa. Abeet gitanne wolqqama Xoossawu! Ne sunththay GODAA Ubbaafe Wolqqama Xoossa. 
\v 19 Ne halchchoy gita; neni ne ooson mino; ne ayfeti asa oge ubbaa xeelleettes; issaas issaas iza oge malanne iza ooso mala ne immana. 
\v 20 Neni Gibxen malaatatanne ooraththa miish ooththadasa; hach gakkanaaska ha ooraththa oosota Isra7eele asaa giddoninne hara kawoteththata ubbaa giddon ooththizayssa aggabeekka. Hessafe dendidayssan ne sunththay ubbason erettides. 
\v 21 Neni malataninne ooraththa miishshan, ne mino qeseninne micettida kushen keehi yashissiza puulateththan ne dere Isra7eele Gibxeppe kessadasa. 
\v 22 Istta aawatas neni immana gaada caaqqida maaththinne eessi izippe goggiza hanno ha biittayo ne isttas immadasa. 
\v 23 Histtiin istti he biittaa gelidi laattida; gido attiin nees azazettibeettenna; ne wogaakka naagibeettenna; istti ooththana mala neni azazidayssa ubbaaka ooththibeettenna; hessa gishshas neni istta bolla ha bosha ubbaa ehadasa.
\p
\v 24 «Hekko Baabilooneti katamayo oykkanaas gimbe yuushon biitta dooridi giddoththida; olappe, koshappenne iita hargefe dendidayssan katamaya isttara olettiza Baabilooneta kushen aadhdha imettana hanawus; neni ha7i be7izayssa mala ne yootida ubbay polettishe dees. 
\v 25 Abeet Ubbaafe Wolqqama GODAWU! Katamaya Baabiloonetas aadhdha imeteththa bolla dishin, ‹Gadaa biran shamma; shammashe markka sinththan shamma› gaasa» ga woossadis.
\p
\v 26 Hessafe guye GODAA qaalay Ermaasakko yiidi, 
\v 27 «Tani GODAY as ubbaas Xoossa; tumappe tana xooniza miishshi dizee?» gides. 
\v 28 Hessa gishshas GODAY, «Tani ha katamayo Baabiloonetassinne Baabiloone kawo Nabukadanaxoores aaththa immana; isttika izo oykkana.\x - \xo 32:28 \xo*\xt 2Kawo 25:1-11; 2Taari 36:17-21\xt*\x* 
\v 29 Katamayo oliza Baabilooneti yiidi katamay giddo gelana; izokka taman xuuggana; tana hanqeththanaas asay bantta keeththa pooqe pooqe bolla Ba7aales exaane cu7asidasohotanne eeqa xoossatas ushsha yarsho shiishshida keeththata ubbaa istti xuuggana» gees.
\p
\v 30 GODAY, «Isra7eele asaynne Yuhuda asay bantta yelagateththafe doommidi ta sinththan iita miish ooththidaappe attiin hara issi lo7o miish ooththibeettenna; istti bantta kushen ooththida ooson tana hanqeththida. 
\v 31 Hanna katamaya eqqidaasoppe hach gakkanaas tani izo ta sinththafe dhayssana mala ta hanqonne bash denththeththadus. 
\v 32 Isra7eele asaynne Yuhuda asay, istta kawotinne shuumeti, istta qeesetinne nabeti ooththida iita ooso ubbaan tana hanqeththida. 
\v 33 Istti taas bantta sinth aggidi zokko zaarida; tani istta zaara zaarada tamaarsikokka istti siyettennanne seeraakka ekkettenna. 
\v 34 Ta sunththi xeygettiza Keeththaa harassiza bantta eeqa xoossata essidi tunisida.\x - \xo 32:34 \xo*\xt 2Kawo 23:10; Er 7:30-31; 19:1-6\xt*\x* 
\v 35 Istti bantta attuma naytanne macca nayta Molookes yarshanaas Henoome naa shoobban Ba7aales goynniza dhoqqasohota giigsida; gido attiin istti Yuhuda nagara oosisanaas hayssa mala harassiza ooso ooththana mala ta istta azazabeekke; ta hessa mulekka qoppabeekke» gides.\x - \xo 32:35 \xo*\xt Lewe 18:21; 2Kawo 23:10; Er 7:31\xt*\x*
\s1 Ammanththiza Hidota
\p
\v 36 Intte, «Olan, koshaninne iita hargen Baabiloone kawo kushen aadhdha imettana» gida ha katamays GODAA Isra7eele Xoossay, 
\v 37 «Ta mino hanqoninne gita boshan ta istta goodda yeddida biitta ubbaafe shiishshana; histtada hasoho zaara ehada saroteththan ta istta woththana. 
\v 38 Istti ta dere gidana; tanikka istta Xoos gidana. 
\v 39 Isttassinne isttafe guye istta naytas lo7o gidana malanne istti taas ubba wode yayyana mala tani isttas issi wozinanne issi qofa immana. 
\v 40 Tani isttara mernaas gidiza caaqo caaqettana; tani isttas lo7o miish ooso aggike; istti taappe wora simmontta malanne istti taas yayyana mala ta ooththana. 
\v 41 Ta isttas lo7o ooththada ufayettana; qasse tani ta kumeththa wozinappenne ta kumeththa shemppofe tumappe ha biittay bolla istta tokkana» gees.
\p
\v 42 Qasseka GODAY, «Tani ha deraa bolla hayssa wolqqama bash ubbaa ehida mala tani isttas lo7o ooththana gaada caaqqida qaala ubbaa polana. 
\v 43 Intteka, ‹Ha biittaya Baabiloonetas aadhdha imettida gishshas izin asinne mehey baynda diza mela biitta› intte gida ha biittayn gadey zal7ettana. 
\v 44 Tani isttafe di7ettida miish zaariza gishshas Biniyaame deren, Yerusalaame yuushon diza gutatan, Yuhuda katamataninne gezze biittan diza katamatan, arshey wulliza baggan diza zumatas duge bagganinne Negeben diza biittay saqile biran shamettana; wulezi paramettidi markkata sinththan gordettana» gees.
\c 33
\s1 Simos Diza Hidota
\p
\v 1 Ermaasi zabe naagizayta kifilen qashon dishin GODAA qaalay izakko nam7anththo yides. 
\v 2 Sa7aa medhdhiday, giigsidaynne yoch yeggida GODAY, izas sunththayka GODAA gididay, 
\v 3 «Ne haa taakko waassa; tanikka nees zaarana; ne erontta miish hessika wolqqamanne pilggiin erettontta miish ta nees qonccisana. 
\v 4 GODAA Isra7eele Xoossay Baabiloonetara diza olaan biitta dooridi mashshan qohiza olaa teqqanaas laalettida ha katamay keeththatassinne Yuhuda kawoteththa keeththata gishshas, 
\v 5 ‹Haytanti ta hanqoninne bashshan wodhiza asata ahan kumana; istta iitateththaa gishshas tani ta ayfeso ha katamayppe haraso zaarana› gees.
\p
\v 6 «Gido attiin tani izis paxateththinne payyateth zaara immana; ta derezakka paththana; ta istta daro saroteththaninne woppateththan woththana. 
\v 7 Tani Yuhuda asaanne Isra7eele asaa di7etti istti bidasoppe zaarana; istti kase diza mala ta istta lo7eththa woththana. 
\v 8 Istti ta bolla ooththida nagara ubbaafe ta istta geeshshana; istti makkallateththan tana qohida nagara ubbaa ta isttas atto gaana. 
\v 9 Hessafe guye hanna ha katamaya ta izis ooththida lo7o miish ubbaa siyiza kawoteththata ubbaa sinththan sabas, ufayssas, galatasinne bonchchos gidana; ta izis immiza daro dureteththaafenne saroteththafe dendidayssan asay izis yashshan kokkorana» gees.
\p
\v 10 GODAY, «Intte, ‹Hanna ha sohoya asinne medosati bayndaso› geeta; gido attiin asinne medosati baynda bula gidida Yuhuda katamataninne Yerusalaame ogetan qasse cenggurssi seetettana. 
\v 11 Ufayssa cenggurssi, mishirata cenggurssi hessaththoka bullachchizayssanne bullachchettizaari qaalay,
\q1 « ‹GODAY kiya;
\q2 iza maaroteththayka mernaassa;
\q1 GODAA Ubbaafe Wolqqama
\q2 Xoossaa galatite›
\q2 giza galata yarsho ekkidi
\q2 Xoossa Keeth yiza
\q2 asata cenggurssi seetettana;
\q2 he biittayfe di7ettida miish
\q2 kase dizasota zaarana» gees.\x - \xo 33:11 \xo*\xt 1Taari 16:34; 2Taari 5:13; 7:3; Iz 3:11; Maza 100:5\xt*\x*
\p
\v 12 GODAY Ubbaafe Wolqqama Xoossay, «As gidiin woykko medosati baynda bula sohon katamata ubbaan heenththanchchati bantta wudeta heemmizasoho demmana. 
\v 13 Gezze biittan, arshey wullizaso baggan diza zumata garsan, Negeben diza katamatan, Biniyaame biittan, Yerusalaame yuushon diza heerataninne Yuhuda katamatan heenththanchchati bantta wude meheta qoodana.
\p
\v 14 «Tani Isra7eele asaassinne Yuhuda asas ooththana gida hidota qaala polana gallassati yaana.
\q1
\v 15 «He gallassataninne he wodetan
\q2 tani Dawite zareppe
\q2 issi xillo hagga aacisana;
\q2 izi he biittan suure pirdanne
\q2 xilloteth ooththana.
\q1
\v 16 He wode Yuhuda asay attana;
\q2 Yerusalaame asaykka saron daana;
\q2 izakka, ‹GODAY Nuus
\q2 Xilloteththa› gaana.\x - \xo 33:14-16 \xo*\xt Er 23:5-6\xt*\x*
\p
\v 17 «GODAY, ‹Dawite zereththafe Isra7eele kawoteththa araatan uttiza asi mulekka dhayenna.\x - \xo 33:17 \xo*\xt 2Same 7:12-16; 1Kawo 2:4; 1Taari 1:11-14\xt*\x* 
\v 18 Lewe zareppe gidida qeesetappe xuugettiza yarsho, kaththa yarshonne hara yarsho shiishshanaas ubba wode ta sinththan eqqiza asi istta garsafe dhayenna› » gees.\x - \xo 33:18 \xo*\xt Tay 3:5-10\xt*\x*
\p
\v 19 GODAA qaalay Ermaasakko yides. 
\v 20 GODAY, «Tani gallassasinne omarsas woththida wogaa intte laallidi gallassinne omarsi banttas wodhdhida wogaan ooththontta mala ta caaqoza intte laallana dandaykko, 
\v 21 he wode tani Dawitesinne taas qeeseteththan ooththana mala Lewetas gelida caaqo qaala laallana dandayettees; hessafe guye Dawite zareppe kawoteththa araatan uttana asi deenna. 
\v 22 Tani ta oosanchcha Dawite zaretanne ta sinththan haggaziza Lewe qommota qooday baynda salo xoolintteta malanne makkiin wurontta abba shaamintta mala darsana» gees.
\p
\v 23 GODAA qaalay qasseka Ermaasakko yiidi, 
\v 24 «Ha asay, ‹GODAY ba doorida nam7u kawoteththata yeggi aggides› gi haasayzayssa ne akeekabeekkii? Istti ta deraa kadhidi kawoteththan qoodibeettenna» gees. 
\v 25 GODAY, «Gallassasinne omarsas, salossinne sa7as woga essiday tana gidontta aggiko, 
\v 26 tani Yaaqoobe zereththatanne ta aylle Dawite zereththata aggaagana; Dawite zareppe Abrahaame, Yisaaqanne Yaaqoobe zareta bolla kawotana mala doorikke; tani isttas qadhettana; isttafe di7ettidayssaka isttas zaarana» gees.
\c 34
\s1 Kawo Sedeqiyaasas Yootettida Seera Qaala
\p
\v 1 Baabiloone kawo Nabukadanaxoorey, iza olanchchati ubbaynne izi haariza kawoteththa garsan diza kawotinne dere ubbay, Yerusalaamenne izi yuushon diza katamata ubbaa oliza wode ha qaalay GODAAPPE Ermaasakko yides.\x - \xo 34:1 \xo*\xt 2Kawo 25:1-11; 2Taari 36:17-21\xt*\x* 
\v 2 GODAA Isra7eele Xoossay, «Yuhuda Kawo Sedeqiyaasakko baada, ‹Tani ha katamayo Baabiloone kawo kushen aaththa immana; izikka ha katamayo taman xuuggana. 
\v 3 Neni iza kusheppe kessa ekkaka; neni di7ettananne izas aadhdha imettana; neni ne ayfen Baabiloone kawo be7ana; nenara izi tiran gaytti haasayana; hessafe guye neni Baabiloone biitta baana.
\p
\v 4 « ‹Gido attiin Yuhuda kawo Sedeqiyaasaa! GODAA qaala siya! Neni olan hayqqaka; 
\v 5 neni saro hayqo hayqqana; neeppe sinththan kawotida ne aawati hayqqiin istti bonchchos tama eeththida mala neni moogettiza gallassika istti ne bonchchos tama eeththana; histtidi «Woo! Woo! Nu kawozoo!» giidi nees yeekkana; hayssa ha qaalaa yootiday tana GODAA› gees gaada yoota» gides.
\p
\v 6 Hessafe guye nabe Ermaasi ha tinbite ubbaa Yuhuda Kawo Sedeqiyaasas Yerusalaamen yootides. 
\v 7 He wode Baabiloone kawo olanchchati Yerusalaame katamanne Yuhudan istta yuushoy gimbetti uttiin attida Laakishenne Azeeqe geetettiza katamata olishe deettes. Gimbetti uttida katamatappe attidayti hayta xalla.
\s1 Aylleteththafe La7a Kes
\p
\v 8 Kawo Sedeqiyaasi aylleteththa garsan dizayta la7a kessanaas Yerusalaamen diza asaa ubbaara caaqettidaappe guye GODAA qaalay Ermaasakko yides. 
\v 9 Issoy issoy Ibraawe gidi uttidi attuma as gidiin woykko macca as gidiin aylleteththan dizaade la7a yeddana bessees; Ayhudatappe oonikka ba isha aylle histti haaranaas bessenna. 
\v 10 Hayssa ha caaqo qaalan kuuyida shuumetinne derey ubbay bantta attumanne macca aylleta aylleteththafe kessanaassinne nam7anththo zaaridi aylleteththan haarontta agganaas qaala qachchida. 
\v 11 Gido attiin bantta qofa laammidi aylleteththafe la7a yeddida bantta attumanne macca aylleta zaaridi aylleteththan haarida.
\p
\v 12 Hessa gishshas GODAA qaalay Ermaasakko yides. 
\v 13 GODAA Isra7eele Xoossay, «Tani intte aawata Gibxeppe aylleteththa biittafe kessida wode isttara, 
\v 14 ‹Bana aylleteththas aaththi immida intte dabbo Ibraaweta usuppun layth haaridaappe guye laappunththa layththan la7a yeddo› gaada caaqeththadis; gido attiin intte aawati ta gizaaz siyontta ixxidi ba hayth haraso yeggida. 
\v 15 Ha7i intte maaroteththan gelidi ta sinththan lo7o ooso ooththideta; intte issoy issoy Ibraawe gidida intte dabboti aylleteththafe la7a kezana mala awajjideta; ta sunththay izan xeygettiza Keeththaan ta sinththan caaqo qaala gelideta. 
\v 16 Gido attiin ha7ikka intte intte qofa laammidi ta sunththaa tunisideta. Intte la7a yeddida attumanne macca aylleta zaaridi aylleteththan haarideta» gees.
\p
\v 17 Hessa gishshas tani GODAY, «Intte taas azazettontta ixxidi intte ishatanne intte dabbota aylleteththafe la7a yeddiza awajja awajjibeekketa; be7ite tani intte bolla, ‹La7a› awajja awajjana; hessika olan, iita hargeninne koshan intte kundana awajja; tani inttena sa7a bolla diza kawoteththati shaaphettiza miish ooththana. 
\v 18 Tanara caaqettida qaala menththidaytanne ta sinththan caaqettida qaala polontta asata istti mari shukki iza asho nam7u kessi shaakki woththidi iza giddora aadhdhidayssaththo tanikka istta ooththana. 
\v 19 Yuhudanne Yerusalaame kaaleththizayta, kawo keeththa shuumeta, qeesetanne mara ashaa giddora aadhdhida deraa ubbaa, 
\v 20 tani istta shemppo wodhanaas koyza istta morkketa kushen aaththa immana; istta ahay salo kafotassinne do7atas quma gidana» gees.
\p
\v 21 GODAY, «Tani Yuhuda Kawo Sedeqiyaasanne iza shuumeta istti wodhana koyza istta morkketa kushen heytikka guuththa wodes inttena olo aggida Baabiloone kawo olanchchata kushen aaththa immana. 
\v 22 Tani istta azazana; istti ha katamayo olana mala tani zaara ehana; isttika katamayo oli oykkananne taman xuuggana; tani Yuhuda katamata asi bayndaso bula kessana» gees.
\c 35
\s1 Erekaabeta Ammaneteth
\p
\v 1 Yuhuda kawo Iyosiyaasa naa Iyo7aaqeme kawoteththa layththan GODAA qaalay Ermaasakko yiidi,\x - \xo 35:1 \xo*\xt 2Kawo 23:36—24:6; 2Taari 36:5-7\xt*\x* 
\v 2 «Erekaabetakko baada istta haa Xoossa keeth ekka ya; istta kifile gelththada isttas uyanaas woyne ushshu imma» gides.
\p
\v 3 Histtiin tani baada Erekaabe naa, Ermaasa naaza Ya7izaane, iza ishatanne iza attuma nayta ubbaanne Erekaabe zareta ubbaa xeygadis. 
\v 4 Istta Xoossa keeth ehada Hanaane nayta kifile gelththadis; Hanaane aawa Gedeliyay Xoossa asa; he kifilezi penge naagiza Shaloome naa Ma7isaya kifileppe bolla baggara shuumeta kifile matan dees. 
\v 5 Hessafe guye tani Erekaabeta sinththan woyne ushshi kumida ototanne wancata woththada, «Hayssa woyne ushshaa uyite» gadis.
\p
\v 6 Gido attiin istti zaaridi, «Nuni woyne ushshu uyokko; nu aawa Erekaabe naa Iyoonadaabey nuna, ‹Intteka intte naytikka woyne ushshu mernaas uyopite; 
\v 7 keeth keexxofte; kath zeropite; woyne tokkofte; ubbato dunkaanen diite; haytappe issinakka inttes duuppu. Hessaththo intte ooththiko intte imaththateth diza biittan daro layth daana› gides. 
\v 8 Nu aawa Erekaabe naa Iyoonadaabey nuna azazida ubbaa nuni polidos; Nuninne nu machcheti, nu attuma naytinne nu macca nayti woyne ushshu uyi erokko. 
\v 9 Nu izan daana keeththika keexxibeekko; woyne tokkiza gadey, goshsha gadey, zereththa kaththika nuus deenna. 
\v 10 Nuni dunkaane giddon de7idos; nu aawa Iyoonadaabey nuna azazida ubbaa nu naagidos. 
\v 11 Gido attiin Baabiloone kawo Nabukadanaxoorey ha biittayo worajjida wode, ‹Haa yiite Baabiloone olanchchatappenne Aaraame olanchchatappe baqati attanaas Yerusalaame boos› gidos; hessa gishshas nu Yerusalaamen uttidos» gida.
\p
\v 12 Hessafe guye GODAA qaalay Ermaasakko yides. 
\v 13 Ubbaafe Wolqqama GODAA Isra7eele Xoossay, «Baada Yuhuda asaassinne Yerusalaame asaas, ‹Ta qaala naagana mala hayssafe tamaarekketii?› ga yoota. 
\v 14 Erekaabe naa Iyoonadaabey ba nayta woyne ushshu uyontta mala azazides; he azazoykka naagettides; istti bantta aawa azazo naagida gishshas hach gakkanaas woyne ushshu uyettenna; intte gidikko ta inttes zaara zaarada yootiinkka azazettibeekketa. 
\v 15 Taas oosanchcha gidida nabeta zaara zaara intteko kiittadis; histtada, ‹Intte ubbayka intte iita ogeppe ha7i simmite; intte oosokka lo7eththite; eeqa xoossatas goynnoftenne ooththofte. Histtiko, tani GODAY inttessinne intte aawatas immida biittan intte daana› gadis. Intte gidikko intte hayth taakko yeggidi siyibeekketa. 
\v 16 Erekaabe naa Iyoonadaabe zereththati istta aaway istta azazida azazo polida; gido attiin ha asay taas azazettibeenna» gees.
\p
\v 17 Hessa gishshas Ubbaafe Wolqqama GODAA Isra7eele Xoossay, «Be7ite; tani Yuhuda asaa bollanne Yerusalaamen dizayta ubbaa bolla ehana gida iita miish ta ehana; gaasoykka ta isttas yootiin siyibeettenna; ta istta xeygiin istti taas koyibeettenna» gees.
\p
\v 18 Hessafe guye Ermaasi Erekaabe zereththatas, «Ubbaafe Wolqqama GODAA Isra7eele Xoossay inttena, ‹Intte intte aawa Iyoonadaabes azazettida gishshas, iza woga kaallida gishshassinne izi azazida miish ubbaaka polida gishshas, 
\v 19 Erekaabe naa Iyoonadaabey taas GODAAS ooththiza attuma asi aydekka dhayenna› gees» gides.
\c 36
\s1 Baarokey Deraas Nababida Xaaththa Maxaafa
\p
\v 1 Yuhuda kawo Iyosiyaasa naa Iyo7aaqemey kawotida oydanththo layththan, GODAA qaalay Ermaasakko yiidi,\x - \xo 36:1 \xo*\xt 2Kawo 24:1; 2Taari 36:5-7; Daane 1:1-2\xt*\x* 
\v 2 «Xaaththa maxaafa ekkada tani Iyosiyaasa kawoteththa wodeppe doommada ta nees yooto oykkoosofe hach gakkanaas Isra7eele bolla, Yuhuda bollanne hara kawoteththata ubbaa bolla haasayda qaala ubbaa xaafa. 
\v 3 Tani Yuhuda asaa bolla ehana gaada halchchida bosha ubbaa asay siyidi issoy issoy ba biza iita ogeppe simmanaakko oonee erizay? Tanikka istta qohonne istta nagara atto gaana» gides.
\p
\v 4 Hessa gishshas Ermaasi Neeriya naa Baaroke xeygides; histtidi GODAY izas yootidayssa ubbaa Baarokes yootiin izi xaaththa maxaafan xaafides. 
\v 5 Hessafe guye Ermaasi Baarokes, «Tani GODAA Keeth gelontta mala digettida gishshas gelana dandaykke. 
\v 6 Hessa gishshas neni asay xoomiza gallas GODAA Keeththaa baada, tani yootiin, neni xaaththa maxaafan xaafida GODAA qaala isttas nababa; bantta katamatappe yida Yuhuda as ubbaasikka nababa. 
\v 7 Hayssa deraa bolla GODAY yootida hanqoynne boshay deexo gidida gishshas isttafe issoy issoy ba nagara GODAA sinththan paaxidi bantta iita ogeppe istti simmanaakko oonee erizay?» gides.
\p
\v 8 Neeriya naa Baarokey nabe Ermaasi izas yootidayssa ubbaa polides; GODAA Keeththan GODAA qaala xaaththa maxaafappe nababides. 
\v 9 Yuhuda kawo Iyosiyaasa naa Iyo7aaqemey kawotida ichchashanththo layththan, uddufunththa aginan, Yerusalaamen diza as ubbaassinne Yuhuda katamatappe yida asaas GODAA sinththan xoomana mala awajjida. 
\v 10 Baarokey xaaththa maxaafan xaafettida Ermaasa qaala GODAA Keeththafe pude baggan diza zagon, «Ooraththa Penge» geetettiza Xoossa Keeththa penge achchan diza Saafaane naa xaafe Gamaariya kifilen eqqidi dere ubbaas nababides.
\p
\v 11 Saafaane naaza Gamaariya naa Mikiyaasi xaaththa maxaafappe nababettida GODAA qaala ubbaa siyidi, 
\v 12 kawoteththa keeththan xaafeza kifile bides; heen shuumeti ubbay xaafe Elshamay, Shama7e naa Dallayay, Akiboore naa Elnataaney, Saafaane naa Gamaariyay, Hanaaniya naa Sedeqiyaasinne hara shuumeti ubbay heen uttida. 
\v 13 Baarokey deraas xaaththa maxaafappe nababishin siyida qaala ubbaa Mikiyaasi isttas yootidaappe guye, 
\v 14 shuumeti ubbay Kuushe naa, Shelemiya naa, Nataniya naa Yuhuda, «Deraas ne nababida xaaththa maxaafaa ekkada ya» giidi Baarokes kiita yeddida; Neeriya naa Baarokey xaaththa maxaafa ekkidi isttako yides; 
\v 15 isttika iza, «Ane uttada nuus maxaafa nababa» gida. Baarokeykka isttas nababides. 
\v 16 Isttika qaala ubbaa siyidi ba garsan issoy issaa yashshateththan xeellidi Baarokes hayssa ha qaala ubbaa, «Nuni kawozas yootanaas bessees» gida. 
\v 17 Qasseka zaaridi, «Neni ha qaala ubbaa wostta xaafidaakko nuus yoota; Ermaasi ba doonan yootiin xaafadii?» giidi Baaroke oychchida.
\p
\v 18 Baarokeykka, «Ee, ha qaala ubbaa Ermaasi ba doonappe taas yootides; tanikka qalamen xaaththa maxaafan xaafadis» gi zaarides.
\p
\v 19 Shuumeti Baaroke, «Neninne Ermaasi biidi qotettite; intte awan dizaakko oonikka inttena eroppo» gida.
\s1 Xaaththa Maxaafaza Xuugeteth
\p
\v 20 Shuumeti xaaththa maxaafaza xaafe Elshama kifilen woththidaappe guye kawozi diza zago biidi izas hanidaa ubbaa yootida. 
\v 21 Histtiin he maxaafa ehana mala kawozi Yuhuda kiittides; Yuhudaykka xaaththa maxaafa Elshama kifileppe ehidi kawozasinne iza yuushon eqqida shuumetas nababides. 
\v 22 Uddufunththa aginan sa7ay balgo gidida gishshas kawozi balgo izan gam7iza keeththan dees; he wode iza sinththan cooce tamay eexxishe dees. 
\v 23 Yuhuday heedzdzu woykko oyddu sohota nababidaappe guye kawozi he sohota xaaththa maxaafappe xaafeza magallan qanxxi qanxxidi kumeththa maxaafay xuugetti wurana gakkanaas tamazan yeggides. 
\v 24 Kawoza gidiin woykko he qaala siyida shuumeti ubbay aykkoka yayyibeettenna; bantta may7oka daakkibeettenna. 
\v 25 Elnataaney, Dallayaynne Gamaariyay kawozi xaaththa maxaafaa taman xuuggontta mala woossiinkka izi istta woosa siyibeenna. 
\v 26 Hessafekka bollara xaafe Baarokenne nabe Ermaasa oykki qachchana mala kawoza naa Yerahim7eele, Azari7eele naa Sarayanne Abdi7eele naa Shelemiya azazides; gido attiin GODAY istta qottides.
\s1 Ermaasi Nam7anththo Zaari Xaafida Maxaafa
\p
\v 27 Ermaasi yootishin Baarokey xaafida xaaththa maxaafa kawozi xuuggidaappe guye GODAA qaalay Ermaasakko yiidi, 
\v 28 «Ha7ikka hara xaaththa maxaafa ekkada Yuhuda Kawo Iyo7aaqemey kase xuuggida xaaththa maxaafa giddon diza qaala ubbaa xaafa. 
\v 29 Qasse Yuhuda Kawo Iyo7aaqemes, ‹Baabiloone kawoy tumappe yiidi ha biitta dhayssana; izin diza asaanne mehe wursana gaada ays xaafadii?› gaada xaaththa maxaafa xuuggadasa» gees GODAY gaada yoota. 
\v 30 Hessa gishshas GODAY Yuhuda kawo Iyo7aaqeme gishshas, «Dawite kawoteththa araatan uttanay iza zareppe beettenna; iza ahaykka gallassa awa seelassinne omarsa kenchchos yegetti attana. 
\v 31 Izanne iza nayta, iza shuumeta istta iitateththaa gishshas ta istta qaxxayana; ta gizaaz istti siyontta ixxida gishshas ta istta bolla ehana gida bash ubbaa istta bolla, Yerusalaameninne Yuhudan diza asaa bolla ehana» gees.
\p
\v 32 Hessafe guye Ermaasi hara xaaththa maxaafa ekkidi Neeriya naa xaafe Baarokes immides; histtiin Baarokey Yuhuda kawo Iyo7aaqemey taman xuuggida xaaththa maxaafa qaala ubbaa Ermaasi izas doonan yootiin xaafides. Qasse Ermaasi hessa misatiza hara qaalakka gujjiin ubbaaka Baarokey xaafides.
\c 37
\s1 Ermaasanne Kawo Sedeqiyaasa
\p
\v 1 Baabiloone kawo Nabukadanaxoorey Iyo7aaqeme naa Iyo7aakine sohon Iyosiyaasa naa Sedeqiyaasa Yuhuda biittan kawoththides.\x - \xo 37:1 \xo*\xt 2Kawo 24:17; 2Taari 36:10\xt*\x* 
\v 2 Gido attiin Sedeqiyaasi, iza shuumetinne dere asay ubbay GODAY nabe Ermaasa baggara yootida qaalas azazettibeettenna.
\p
\v 3 Kawo Sedeqiyaasi, Shelemiya naa Yekaalenne Ma7isaya naa qeese Sofonaasa nabe Ermaasakko, «GODAA nu Xoossaa nuus woossa» giidi kiittides. 
\v 4 He wode Ermaasi buro qasho keeth gelontta diza gishshas ba shene mala simerettishe dees. 
\v 5 Gibxe kawo olanchchati Gibxeppe kezidi yizayssa Yerusalaame giddoththida Baabiloone olanchchati siyida wode istti Yerusalaameppe aggidi guye simmida.
\p
\v 6 Hessafe guye GODAA qaalay nabe Ermaasakko yiidi, 
\v 7 GODAA Isra7eele Xoossay, «Tana intte oychchana mala inttena kiittida Yuhuda kawos, ‹Be7ite, inttena maaddanaas kezida Gibxe kawo olanchchati bantta biitta guye simmi baana. 
\v 8 Baabiloone olanchchatikka simmi yiidi hanno ha katamayo oli oykkananne izo xuuggana› giite» gees.
\p
\v 9 GODAY, « ‹Baabiloone olanchchati nuna tumappe aggi bida› giidi qoppofte; istti aggi bontta gishshas inttena intterkka baleththofte. 
\v 10 Inttenara olettiza Baabiloone olanchchata intte xooniin istta dunkaane giddon madunxida asi xalla attikokka heyti yiidi hanno ha katamayo xuuggana» gees.
\s1 Ermaasa Qasheteth
\p
\v 11 Baabiloone olanchchati Gibxe kawo olanchchata gaason Yerusalaame yeggi kezidaappe guye, 
\v 12 He wode Ermaasi deraa giddon bana gakkiza xinxxo ekkanaas Biniyaame biitta baanaas Yerusalaameppe dendides. 
\v 13 Gido attiin izi biidi Biniyaame Penge gakkishin zabeta halaqa Hanaaniya naaza Shelemiya naa Yiiriyay iza, «Neni deraa kaddada Baabiloone asaakko baana gaasa!» giidi oykkides.
\p
\v 14 Ermaasikka, «Neni gizayssi wordo; tani kaddada Baabiloone biza as gidikke» gides; gido attiin Yiiriyay izi gizayssa siyontta ixxidi Ermaasa oykki ekkidi shuumetakko efides. 
\v 15 Shuumetikka keehi hanqettidi Ermaasa wadhdhida; hessafe guye istti qasho keeth histtida xaafe Yoonataane keeththan efi qachchida.
\p
\v 16 Ermaasi heen biitta garsan diza qasho keeththan daro wode gam7ides. 
\v 17 Hessafe guye kawo Sedeqiyaasi as kiittidi Ermaasa ba dizaso kawo keeth xeygi ehisides; iza xalla efidi, «GODAAPPE yida qaalay neekkon dizee?» gi oychchides. Ermaasi zaaridi, «Ee dees; neni Baabiloone kawo kushen aadhdha imettana» gides.
\p
\v 18 Qasseka Ermaasi Kawo Sedeqiyaasas, «Intte tana qasho keeththan yegganaas tani intte bolla, inttes ooththiza shuumeta bolla woykko ha asaa bolla ay mooro ooththadinaa? 
\v 19 ‹Ane Baabiloone kawoy inttenanne ha biittayo yiidi olenna› giidi inttes tinbite yootida nabeti ha7i awan dizoo? 
\v 20 Hessa gishshas ta godawu kawoo! Ta gizaaz ezga! Ta nena woossays. Tani heen hayqqontta mala xaafe Yoonataane soo zaara yeddofa» gides.
\p
\v 21 Kawo Sedeqiyaasi zabe naagizayta zagon daana malanne he katamayn diza kaththi wuranaashe gakkanaas kath kaththizayta heerappe gallas gallas issi issi buddennay izas imettana mala azazides; hessa gishshas Ermaasi zabe naagizayta zagon de7ides.
\c 38
\s1 Ollan Ermaasa Yegeteth
\p
\v 1 Mataane naa Shafaaxiyay, Pashkure naa Godoliyaasay, Shelemiya naa Yekaaleynne Malkiya naa Pashkurey Ermaasi as ubbaas yootida qaalata siyida. 
\v 2 GODAY, «Hanno katamayn attiza oonikka olan, koshaninne iita hargen hayqqana; gido attiin Baabiloonetakko biza oonikka hayqqenna; ba hu7e ashshana; paxakka daana» gees. 
\v 3 Qasseka GODAY, «Hanna katamaya tumappe Baabiloone kawo olanchchata kushen aadhdha imettana; isttika izo haarana» gides.
\p
\v 4 Hessafe guye shuumeti kawozaakko biidi, «Hayssi addezi ha katamayn attida olanchchatanne deraa hidota qanxxisizaade gidida gishshas izi hayqqanaas bessees; hayssi addezi derey dhayana mala koyees attiin deraas lo7o miish koyenna» gida.
\p
\v 5 Kawo Sedeqiyaasi zaaridi, «Izi intte kushen dees; kawozi inttenara eqettidi aykkoka ooththana dandayenna» gides.
\p
\v 6 Histtiin istti Ermaasa kawo keeththa naagiza zabeta dubbushan diza kawo naa Malkiya haaththaa ollan yeggida; istti iza wodorora duge ollaan woththida; he wode he ollazan urqqafe attiin haaththi deenna; Ermaasi he urqqaan mitettides.
\p
\v 7 Gido attiin Tophphiya as gidida kawo keeththan ooththiza Abimelekke geetettiza issi gundulay Ermaasi ollan yegettidayssa siyides; he wode kawoy Biniyaame Pengen utti dishin, 
\v 8 Abimelekkey kawo keeththafe kezidi, 
\v 9 «Ta godawu kawoo! Hayti asati nabe Ermaasa bolla keehi iita miish ooththida; hanno katamayn kaththi dhayda woden izi koshan hayqqana mala ollan yeggida» gides.
\p
\v 10 Kawozikka Tophphiya as Abimelekkes, «Heedzdzu tammu as nenara ekka baada Ermaasi hayqqontta dishin ollaafe kessa» gi azazides.
\p
\v 11 Histtiin Abimelekkey asaa banara ekkidi kawoteththa minjja keeththan garsa baggara diza kifilaakko bides; heeppe ceega carqqanne ceega may7o ekki wodoron qachchidi duge Ermaasas yeggides. 
\v 12 Tophphiya as Abimelekkey Ermaasa olla giddo duge xeygidi, «Nena qum7ontta mala hayssa ceega carqqaynne ceega may7oy iza bolla xaaxettida wodoroza ne shophpha giddo gelththa» gides. Ermaasikka izi goyssaththo ooththides. 
\v 13 Histtiin he wodorozan iza ollaafe kessida; Ermaasikka zabeta zagon gam7ides.
\s1 Sedeqiyaasi Ermaasa Nam7anththo Oychchida Oysha
\p
\v 14 Hessafe guye kawo Sedeqiyaasi Ermaasa kiitti ehisidi GODAA Keeth geliza heedzdzanththo penge matan izas, «Tani issi miish nena oychchays; neni taappe aykkoka qottofa» gides.
\p
\v 15 Ermaasi zaaridi Sedeqiyaasas, «Ta nees zaaro immiko ne tana wodhikkii? Ta zoriin ne ekkaka» gides.
\p
\v 16 Kawo Sedeqiyaasi Ermaasas, «Shemppo nuus immida de7o Xoossi be7iin ta nena wodhikke; nena wodhanaas koyzaytaska ta aaththa immike» giidi qotan caaqqides.
\p
\v 17 Ermaasi Sedeqiyaasas zaaridi, «Ubbaafe Wolqqama GODAA Isra7eele Xoossay, ‹Baabiloone kawo ola halaqatas ne kushe neni immiko ne shemppoy attana; hanna katamayakka xuugettuku; neninne neso asay shemppora paxa daana. 
\v 18 Gido attiin Baabiloone kawo ola halaqatas neni ne kushe immontta ixxiko hanna katamaya Baabiloonetas aadhdha imettana; isttika izo xuuggana; nenikka istta kusheppe kessa ekkaka› gees» gides.
\p
\v 19 Qasseka kawo Sedeqiyaasi Ermaasas, «Baabiloone baqati bida Ayhudati ta bolla qidhi kaa7ontta mala tana istta kushen aaththi immanaakko gaada babbays» gides. 
\v 20 Ermaasikka zaaridi, «Aykkoy baawa! Istti nena aaththi imettenna; ta nees yootiza GODAA qaalas azazetta; hessika nees lo7o gidana; ne shemppoyka attana. 
\v 21 Gido attiin neni kushe immontta ixxiko GODAY tana bessida miishshi dees. 
\v 22 Yuhuda kawoteththa keeththan attida maccassati ubbay di7ettidi Baabiloone shuumetas aadhdhi imettana; he maccassati,
\q1 « ‹Neni isttan ammanettida
\q2 ne siiqoti
\q2 nena baleththidanne xoonida;
\q2 ne tohoy urqqan mitettides;
\q2 ne siiqotikka
\q2 nena yeggi bida› gaana.
\p
\v 23 «Ne machchetinne ne nayti ubbay Baabiloone asaas aadhdhi imettana; nenikka Baabiloone kawo kushen oykettana attiin istta kusheppe kessa ekkaka; hanna katamayakka taman xuugettana» gides.
\p
\v 24 Sedeqiyaasi Ermaasas zaaridi, «Hayssa nu haasaydayssa oonikka eroppo; akkay giikko ne hayqqana. 
\v 25 Shuumeti ta nenara haasaydayssa siyi neekko yiidi, ‹Neni kawoza ay giin izi nena ay gidaakko nuus yoota; qottontta nuus yoota; ne histtontta aggiko nu nena wodhana› istti giikko, 
\v 26 neni isttas, ‹Tani heen hayqqontta mala tana zaarada Yoonataane soo yeddofa gaada woossadis› gaada yoota» gides.
\p
\v 27 Hessafe guye shuumeti ubbay Ermaasakko yiidi iza oychchida; izikka kawozi iza azazida qaala ubbaa isttas yootides. Izi kawozara haasaydayssa siyida issi asikka baynda gishshas hessafe bollara iza haasayssibeettenna. 
\v 28 Yerusalaamey oykettana gakkanaas Ermaasi zabeta zagon gam7ides.
\c 39
\s1 Yerusalaame Kundeth (2kawo 25:1-12, Erma 52:4-16)
\p
\v 1 Sedeqiyaasi Yuhudan kawotida uddufunththo layththan, tammanththa aginan, Baabiloone kawo Nabukadanaxooreynne iza olanchchati ubbay yiidi Yerusalaame worajji giddoththi oykkida. 
\v 2 Sedeqiyaasi kawotida tammanne issinththa layththan, oydanththo aginan, uddufunththa gallassan Baabiloone olanchchati katamay gimbe menththida. 
\v 3 He wode Baabiloone kawo shuumeti, Nebo dere as Nerigale-Sarsarey, waanna shuume Nebo Sarsikiney, dhoqqa shuume Nerigale-Sarsarey, hessaththoka hara Baabiloone shuumeti gelidi giddo pengen uttida. 
\v 4 Yuhuda Kawo Sedeqiyaasinne iza olanchchati ubbay Baabiloone olanchchata be7ida wode baqatida; omarsara kawoy dooza tokkizasoho baggara nam7u gimbetappe giddora katamaappe kezidi Yordaanoose zulle bida.
\p
\v 5 Gido attiin Baabiloone olanchchati istta guyera yedeththi ekkidi Iyarkko demban gakki oykkida; Sedeqiyaasi di7idi Hamaate biittan Erebila kataman diza Kawo Nabukadanaxoorekko efida; histtiin Kawo Nabukadanaxoorey heen Sedeqiyaasa bolla pirdides. 
\v 6 Baabiloone kawoy Erebila kataman Sedeqiyaasa attuma nayta izi beyishin siifides; Yuhudan diza shuumeta ubbaaka wodhides. 
\v 7 Sedeqiyaasa ayfeta wooci kessidi iza Baabiloone biitta efanaas xarqimala sansalatan qachchides.
\p
\v 8 He wode Baabiloone olanchchati kawo keeththanne asay diza keeththata ubbaa taman xuuggida; Yerusalaame gimbekka laallida. 
\v 9 Baabiloone kawo bonchcho naagiza zabeta azaziza Nabuzaradaaney kataman attida asatanne kaddidi banan gaaggida asata ubbaa issife di7idi Baabiloone biitta efides. 
\v 10 Gido attiin kawo bonchcho naagiza zabeta azaziza Nabuzaradaaney aykkoyka isttas baynda manqotappe guuththata Yuhudan aggidi, isttas woyne tura sohotanne goyiza gadeta immides.
\s1 Ermaasa Birsheteth
\p
\v 11 Baabiloone kawo Nabukadanaxoorey kawo bonchcho naagiza zabeta azaziza Nabuzaradaane baggara Ermaasa gishshas, 
\v 12 «Iza ekkada qallaya; izi koyzayssa ubbaa pola attiin qohoppa» giidi azazo immides.\f + \fr 39:12 \fr*\ft Qallaya gizayssi qohettida asas imettiza qallaba bessees.\ft*\f* 
\v 13 Hessa gishshas Nabuzaradaaney, waanna shuume Nebushazibaane, dhoqqa shuume Nerigale-Sarsare hessaththoka hara Baabiloone kawo shuumeta ubbaa, 
\v 14 kiittidi Ermaasa zabeta zagoppe kessida; histtidi Saafaane naa, Akiqaame naa Godoliyaasay ba soo efana mala hadarida; hessafe dendidayssan Ermaasikka ba dere asaara issife de7ides.
\s1 Abimelekkes Imettida Hidota
\p
\v 15 Ermaasi zabeta zagon qashetti diza wode GODAA qaalay izakko yides; 
\v 16 Ubbaafe Wolqqama GODAA Isra7eele Xoossay Ermaasi biidi Tophphiya dere as gidida Abimelekkes, «Hayssafe kase tani yootida mala ha katamay bolla dich gidontta bash ehada ta qaala ta polana; hessi ubbay haniza wode nenikka ha kataman uttada ne ayfen be7ana. 
\v 17 Gido attiin he gallassan tani nena ashshana; neni yayyiza asata kushen aadhdha imettaka. 
\v 18 Tani nena ashshana; neni tanan ammanettida gishshas shemppora paxa attana attiin mashshan siifettaka» giidi yootana mala azazides.
\c 40
\s1 Godoliyaasa Matan Ermaasa Duus
\p
\v 1 Kawo bonchcho naagiza zabeta azaziza Nabuzaradaaney Ermaasi Yerusalaameppenne Yuhudappe di7ettidi Baabiloone biitta biza asata giddon Eraaman sansalatan qashetti dizayssa be7idi iza qashoppe birshisides; hessafe guye GODAA qaalay Ermaasakko yides. 
\v 2 Kawo bonchcho naagiza zabeta azazizayssi Ermaasa xalla ekkidi izas, «GODAA ne Xoossay hayssi bashshay ha biittay bolla yaanayssa yootides. 
\v 3 Ha7ikka GODAY ba gida mala ehidi ba qaala polides; hayssi ubbay haniday intte GODAA bolla nagara ooththida gishshassinne izas azazettontta ixxida gishshassa. 
\v 4 Beya, ha7i ne qashetta uttida sansalata ne kusheppe birshadis; tanara Baabiloone biitta baana giikko aadhdha; ne dosizaa gidikko tanara Baabiloone yedhdha; tani nena qallayana; ne dosontta aggiko booppa; be7a dere ubbay ne sinththan dees; ne dosidaso ba» gides.
\p
\v 5 Ermaasi buro zaaro immontta dishin Nabuzaradaaney gujjidi, «Baabiloone Kawo Nabukadanaxoorey iza Yuhuda katamata bolla shuumi woththida Saafaane naa, Akiqaame naa Godoliyaasakko ba; izara issife deraa giddon utta; woykko nena lo7izaso ba» gides. Zabeta azazizayssi imotanne shinqe immidi iza moyzides. 
\v 6 Ermaasi Mixiphphan diza Akiqaame naa Godoliyaasakko bides; izara issife heen attida deraa giddon de7ides.
\s1 Godoliyaasa Hayqo
\r (2Kawo 25:22-24)
\p
\v 7 Yuhudappe issi issi amarda ola qaratinne olanchchati bantta kushe Baabiloone kawos immontta gishshas demban laaletti uttida; Baabiloone kawoy Akiqaame naa Godoliyaasay he biittayo haarana mala shuumidayssanne di7ettidi Baabiloone bontta attida manqo attumasata, maccassatanne nayta bolla maata immi woththidayssa siyides. 
\v 8 Histtidi Nataniya naa Isma7eeley, Qaareeha nayti Yohanaaneynne Yoonataaney, Tanihumeeta naa Saraya, Naxoofe katamappe yida Efaaya naytinne Ma7ikate katama as Ya7izaaney bantta olanchchata ubbaara Godoliyaasakko Mixiphpha yida. 
\v 9 Saafaane naa Akiqaame naa Godoliyaasay isttassinne istta olanchchatas, «Baabiloonetas haarettanaas yayyofte; hanno biittayn uttidi Baabiloone kawos haggazite; histtiko ubbaa miishshi inttes lo7o gidana.\x - \xo 40:7-9 \xo*\xt 2Kawo 25:22-24\xt*\x* 
\v 10 Tani Mixiphphan uttada Baabiloone biittafe nuukko yiza asatara intte gishshas haasayana; intte gidikko intte diza heeran heeran woyne, wogara zaytenne bone kaththa ayfe ubbaa shiishshite» giidi qaala gelides.
\p
\v 11 He wode Mo7aaben, Amoonen, Eedoomeninne hara biittatan diza Ayhuda ubbay Baabiloone kawoy amarda asata Yuhudan ashshidayssanne istta bolla Saafaane naa Akiqaame naa Godoliyaasa shuumidayssa siyida. 
\v 12 Ubbatikka ba laaletti diza dereppe Yuhuda biitta simmida. Histtidi Godoliyaasay dizaso Mixiphpha yida; heen daro woynenne bone kaththa ayfe dagasida.
\p
\v 13 Hessafe guye Qaareeha naa Yohanaaneynne buro kushe immontta diza ola qarati ubbay Godoliyaasakko Mixiphpha yiidi, 
\v 14 «Amoone Kawo Ba7aalisi Nataniya naa Isma7eele nena wodhana mala yeddidayssa erkkii?» gida. Gido attiin Akiqaame naa Godoliyaasay istti gizayssa ammanibeenna.
\p
\v 15 Hessafe guye Qaareeha naa Yohanaaney Mixiphphan diza Godoliyaasakko yiidi, «Oonikka erontta dishin baada Nataniya naa Isma7eele tani wodhana; gaasoykka baqatidi neekko yida asay laalettana malanne Yuhudan attida asaykka dhayana mala ays nena wodhana gizee?» giidi xuuran yootides.
\p
\v 16 Gido attiin Akiqaame naa Godoliyaasay Qaareeha naa Yohanaane, «Neni Isma7eele gishshas taas yootizayssi ubbay wordo gidida gishshas hessa mala miish ooththofa» gides.
\c 41
\p
\v 1 Yuhudan kawo keeththa asaappe olanchchata shuumetappe issoy Elshama naa, Nataniya naa Isma7eeley laappunththa aginan tammu asatara issife Mixiphphan diza Akiqaame naa Godoliyaasakko bides. Istti ubbay kaththa maaddan dishin, 
\v 2 Nataniya naa Isma7eeleynne izara diza tammu asati bantta mashsha mashsha kessidi Baabiloone kawoy Yuhuda haarana mala shuumida Saafaane naa Akiqaame naa Godoliyaasa wodhida. 
\v 3 Hessa bollaka qasse Isma7eeley Mixiphphan Godoliyaasara diza Ayhudatanne Baabiloone olanchchata ubbaa wodhides.\x - \xo 41:1-3 \xo*\xt 2Kawo 25:25\xt*\x*
\p
\v 4 Godoliyaasay hayqqiin wonteththa gallas oonikka iza hayqo erontta dishin, 
\v 5 Seekeemeppe, Seeloppenne Samaariyappe osppun tammu asati kayottishe, bantta buuch meedidi, bantta may7o daakkidinne bantta bollaka puuzidi kaththa yarshonne exaane GODAA Keeth ekki yida. 
\v 6 Nataniya naa Isma7eeley Mixiphphafe kezidi yeekkishe isttara gaagganaas bides; isttara gaaggidi, «Akiqaame naa Godoliyaasakko haa yiite» gides. 
\v 7 Istti katamay giddo gelida mala Nataniya naa Isma7eeleynne izara diza asati he asata wodhidi haaththa ollan yeggida. 
\v 8 Gido attiin he hayqqida asatara diza tammu asati Isma7eele, «Nuna wodhopparkkii! Nuni nu shooqan qottida daro gisttey, banggay, wogara zayteynne eessi dees» gida. Izikka istta hankkoytara wodhontta aggaagides. 
\v 9 Isma7eeley Godoliyaasara issi bolla wodhida asaa ubbaa olida ollay Isra7eele kawo Baashey olanaas yida wode Kawo Aasay izas babbidi bana ashshanaas bookissida gita olla. Nataniya naa Isma7eeley he olla ahan kunththides.
\p
\v 10 Isma7eeley kawo macca naytanne Mixiphphan attida asaa ubbaa di7ides. Heyti Kawo bonchcho naagiza zabeta azaziza Nabuzaradaaney Akiqaame naa Godoliyaasara issife Mixiphphan woththidayta. Izi istta di7i banara ekkidi Amoone biitta baanaas dendides.
\p
\v 11 Qaareeha naa Yohanaaneynne izara issife diza ola asa shuumeti Isma7eeley ooththida iita miish ubbaa siyidi, 
\v 12 Nataniya naa Isma7eele olanaas ba asaa ubbaa ekkidi bida; Isma7eelekka Geba7oonen diza gita eele haaththa matan gakki oykkida. 
\v 13 Isma7eeley di7idi banara efida asay ubbay Qaareeha naa Yohanaanenne izara diza ola asaa shuumeta be7ida wode keehi ufayettida. 
\v 14 Isma7eeley Mixiphphafe di7i efida asay ubbay kessi ekki biidi Qaareeha naa Yohanaanen gayttides. 
\v 15 Gido attiin Nataniya naa Isma7eeleynne hara osppun asati issife Yohanaaneppe kessi ekkidi Amoone biitta baqatida.
\s1 Baqati Gibxe Buus
\p
\v 16 Hessafe guye Qaareeha naa Yohanaaneynne izara diza ola qarati ubbay Nataniya naa Isma7eeley Akiqaame naa Godoliyaasa wodhi simmidi Mixiphphafe di7idi ehida olanchchata, maccassata, naytanne kawo keeththan ooththiza shuumeta ubbaa Geba7ooneppe zaaridi ekki bida. 
\v 17 Heeppe dendidi Gibxe bishe Beeteliheeme matan diza Geerot-Keme7aame gakki shemppida; 
\v 18 istti Gibxe biday Baabiloone asaappe kessi ekki attanaassa; Nataniya naa Isma7eeley Baabiloone kawoy biittayo haarana mala shuumi woththida Akiqaame naa Godoliyaasa wodhida gishshas istti Baabiloonetas babbida.
\c 42
\s1 Derey Ermaasa Oychchida Oysha
\p
\v 1 Ola qarati, Qaareeha naa Yohanaaney, Hosha7iya naa Azaariyaasinne asay ubbay guuththafe gita gakkanaas yiidi, 
\v 2 nabe Ermaasas, «Nuni kase daro, ha7i ne be7iza mala guuth attidos; hessa gishshas nu nena woossiza woosa siya; hayssa attida deraa gishshas GODAA ne Xoossaa woossa. 
\v 3 Nuni biza ogenne nu ooththana miish izi nuna bessana mala GODAA ne Xoossa woossa» gida.
\p
\v 4 Nabe Ermaasi zaaridi, «Lo7o; intte gida malakka GODAA intte Xoossaa tani woossana; qasse inttefe aykkoka qottontta izi yootidayssa ubbaa zaarada ta inttes yootana» gides.
\p
\v 5 Istti zaaridi Ermaasas, «GODAA ne Xoossay ne baggara nuus kiittizayssa ubbaa nuni polontta aggiko GODAY nu bolla tumunne ammanettida markka gido. 
\v 6 GODAA nu Xoossaas azazettiin nuus lo7o gidana mala nuus giigiin giigontta aggiin nena nu izakko kiittiza GODAAS nu Xoossaas nu azazettana» gida.
\p
\v 7 Tammu gallassafe guye GODAA qaalay Ermaasakko yides. 
\v 8 Histtiin izi Qaareeha naa Yohanaane, izara diza ola qaratanne as ubbaa guuththafe gita gakkanaas xeygidi, 
\v 9 «Intte woosaa tani izakko shiishshana mala intte tana kiittida GODAA Isra7eele Xoossay, 
\v 10 ‹Ta intte bolla ehida bashsha gaason ceecida gishshas intte ha biittan uttiko tani inttena keexxanaappe attiin laallike; tokkanappe attiin shoddike. 
\v 11 Intte ha7i babisida Baabiloone kawos babofte! Ta inttena iza kusheppe woththa ekkanaassinne ashshanaas inttenara diza gishshas yayyofte! 
\v 12 Izi inttena maarana malanne intte biitta zaarana mala tanikka inttena maarana› gees.
\p
\v 13 «Gido attiin intte, ‹Ha biittayn uttoko› giidi GODAAS intte Xoossas azazettontta ixxiko, 
\v 14 qasse intte, ‹Ola beyonttaso, ola zayey punettonttaasonne koshay bayndaso Gibxe biidi heen daana› giikko, 
\v 15 intteno Yuhudan casha attidaytoo! GODAA qaala siyite. Ubbaafe Wolqqama GODAA Isra7eele Xoossay, ‹Intte Gibxen daana giidi qofa qachchidi bizaa gidikko, 
\v 16 intte babbida mashshay inttena heen demmana; intte hirgida koshaykka inttena kaallidi Gibxe gakkanaas baana; intteka heen hayqqana. 
\v 17 Gibxen daana giidi qofa qachchidi bida asay ubbay olan, koshaninne iita hargen hayqqana; tani istta bolla ehiza iita miishshafe issaadeyka kessi ekki attenna› gees.
\p
\v 18 «Ubbaafe Wolqqama GODAA Isra7eele Xoossay, ‹Ta hanqoynne boshay Yerusalaamen dizayta bolla gukkida mala intte Gibxe geliza wode intte bollaka gukkana; intte dagamas, qidhes, qanggeththassinne palqqes malata gidandeta; ha biittaa zaari be7ekketa› gees.
\p
\v 19 «Yuhudan casha attidaytoo! GODAY inttena, ‹Gibxe boopite!› gides. Tanikka hach inttes minththa yootidayssa erite. 
\v 20 Intte tana, ‹Neni nu gishshas GODAA nu Xoossaa woossa; izi nees yootizayssa ubbaaka nuus yoota; nunikka izas azazettana› giidi tana GODAA intte Xoossaako kiittida wode intte shemppo dhayssiza bala miish ooththideta. 
\v 21 Tani izi gida miish ubbaa hach inttes qonccen yootadis; gido attiin intte GODAY ta baggara inttes kiittida qaalas intte ha7ikka azazettibeekketa. 
\v 22 Hessa gishshas intte biidi daanaas koyza biittan intte olan, koshaninne iita hargen hayqqidi wurana» gides.
\c 43
\s1 Casha Attida Asaa Baqata
\p
\v 1 GODAY kiittida qaala ubbaa Ermaasi isttas yootidi wursidaappe guye, 
\v 2 Hosha7iya naa Azaariyaasi, Qaareeha naa Yohanaaneynne otoranchchati ubbay Ermaasa, «Neni wordo yootaasa! GODAA nu Xoossay, ‹Heen daanaas Gibxe boopite› gaada ne yootana mala nena kiittibeenna. 
\v 3 Gido attiin Baabiloone biitta asay nuna wodhana mala woykko di7idi bantta biitta efana mala neni nuna istta kushen aaththada immana mala Neeriya naa Baarokey nena nu bolla denththeththides» gida.
\p
\v 4 Hessa gishshas Qaareeha naa Yohanaaney ola qarati ubbaynne kumeththa derezi Yuhuda biittan daana mala GODAY istta azazida azazo polontta ixxida. 
\v 5 Histtidi Qaareeha naa Yohanaaneynne ola qarati ubbay Yuhuda biittan daanaas kawoteththata ubbaafe simmidaytanne Yuhudanne casha attidayta ubbaa ekki bida. 
\v 6 Qasse kawo bonchcho naagiza zabeta azaziza Nabuzaradaaney Saafaane naa, Akiqaame naa Godoliyaasa kushen woththida kawo macca nayta, nabe Ermaasanne Neeriya naa Baaroke, qasseka attumasata, maccassatanne qeeri nayta ekki bida. 
\v 7 GODAA qaalas azazettontta ixxidi Gibxe biitta gelida; gede Xaafinaase gakkanaas kanththi bida.\x - \xo 43:5-7 \xo*\xt 2Kawo 25:26\xt*\x*
\p
\v 8 Xaafinaasen GODAA qaalay Ermaasakko yiidi, 
\v 9 «Gita shuchchata ekkada Yuhuda asay be7ishin Xaafinaasen diza Gibxe kawoteththa keeththa pengen xuubeppe oosettida wuygezan mooga. 
\v 10 Ubbaafe Wolqqama GODAA Isra7eele Xoossay taas, ‹Tani kiittada, ta aylleza Baabiloone kawo Nabukadanaxoore ehisana; histtada ha moogettida shuchchata bollan iza kawoteththa araata woththana. Histtidaappe guye izi ba kawoteththa dunkaana iza bollan essana. 
\v 11 Izi yiidi Gibxe olana; hayqos bessizayta hayqos, di7os bessizayta di7os, mashshas bessizayta mashshas aaththi immana. 
\v 12 Gibxen eeqa xoossata keeththan tama yeddananne istta mulera xuuggana; istta eeqa xoossatakka di7i efana. Heenththanchchay ba heenththa may7o may7iza mala izi Gibxe biittafe buuri ekkidi saron baana. 
\v 13 Gibxe biittan Heliyopolisa geetettiza kataman awa arshe xoos geetettiza eeqa xoossata hawulteta izi menththereththana; Gibxen eeqa xoossata keeththatakka taman xuuggana› gees gaada isttas yoota» gides.
\c 44
\s1 Eeqas Goynoy Ehida Meto
\p
\v 1 Gibxen pudeha baggara diza Migidoolen, Xaafinaaseninne Memppisan hessaththoka Gibxeppe dugeha baggan diza Ayhuda asaas GODAA qaalay Ermaasakko yiidi, 
\v 2 Ubbaafe Wolqqama GODAA Isra7eele Xoossay, «Yerusalaame bollaninne Yuhuda katamata ubbaa bollan tani ehida bash ubbaa intte intte ayfera be7ideta; istti hach gakkanaas oonikka dontta bazzo biitta gidi attida. 
\v 3 Hessi haniday istti ooththida iita ooso gishshassa; istta gidiin, inttena woykko intte aawata gidiin, ba erontta hara eeqa xoossatas exaane cuwaseththaninne isttas goynon tana hanqeththida. 
\v 4 Tanikka isttas, ‹Hayssa tana harassiza miish ooththofte!› gaada taas ooththiza nabeta isttako zaara zaara yeddadis. 
\v 5 Istti gidikko ero gi ekkibeettenna; istti ba ooththiza iita oosoppe simmibeettenna; hara eeqa xoossatas exaane cuwaseth aggibeettenna. 
\v 6 Hessa gishshas Yuhuda katamata bollanne Yerusalaame ogeta bolla ta hanqoynne bashshi wodhdhidi tama mala eexxides; hach intte be7iza mala oonikka dontta mala laalettidaso gidides.
\p
\v 7 «Ha7ikka Ubbaafe Wolqqama GODAA Isra7eele Xoossay, ‹Inttes zereththi Yuhudan attontta mala, maccassata bollanne attumata bolla, gita nayta bollanne qeeri nayta bolla bashshi yaana mala ays koyeetii? 
\v 8 Intte daanaas gelida ha Gibxe biittan hara eeqa xoossatas exaane cuwaseththan intte intte kushen medhdhida miishshatan tana ays hanqeththeetii? Biitta bolla diza kawoteththata ubbaa giddon qanggeththassinne qidhes malata gidana mala intterkka inttena dhayssana koyeetii? 
\v 9 Kase intte aawati, Yuhuda kawotinne istta machcheti, qasse intteninne intte machcheti Yuhuda katamataninne Yerusalaame ogetan ooththida iitateththaa ubbaa dogidetii? 
\v 10 Intte hach gakkanaas inttenateththaa ziqqisidi taas bonchcho immibeekketa; qasse tani inttessinne intte aawatas woththida wogaanne maara kaallibeekketa› gees.
\p
\v 11 «Hessa gishshas Ubbaafe Wolqqama GODAA Isra7eele Xoossay, ‹Tani intte bolla meto ehanaassinne Yuhuda ubbaa dhayssanaas qachcha dendadis. 
\v 12 Yuhudan casha attidayti Gibxe biidi heen daana qachchida ubbata tani denththa dhayssana; istti ubbay dhayana; Gibxe biittan mashshaninne koshan wurana; gitappe gashe gakkanaas diza ubbay mashshaninne koshan hayqqana; palqqes, dagamas, qanggeththassinne qidhes kezana. 
\v 13 Tani Yerusalaame olan, koshaninne iita hargen qaxxayda mala Gibxe biittan dizaytakka qaxxayana. 
\v 14 Gibxe biidi diza casha attida Yuhuda asati simmidi Yuhuda biitta baana amottikkoka beti yida guuththatappe attiin kessi ekkidi Yuhuda biitta simmana asi issaadeyka deenna› gees» gides.
\p
\v 15 Istta machcheti hara eeqa xoossatas exaane cuwasizayssa eriza attumasati ubbaynne heen diza maccassati ubbay hessika pudeha bagga Gibxeninne dugeha bagga Gibxen diza dere ubbay issife shiiqidi Ermaasas, 
\v 16 «Neni GODAA sunththan nuus yootizayssa ubbaa nuni siyokko. 
\v 17 Nuni ooththana gida miish ubbaa ooththoos; Nuni, nu aawati, nu kawotinne nu halaqati Yuhuda katamataninne Yerusalaame ogetan kase ooththida mala, nunikka salo kawoyo geetettiza eeqa xoossays exaane cuwasoos; ushsha yarshoka izis yarshoos; nuni kase hessa ooththiza wode nuus tirpa kaththi dees; nuni lo7o duus de7idos attiin aykko iitakka be7ibeekko. 
\v 18 Gido attiin Salo Kawoys exaane cuwaseththinne ushsha yarsho shiisho nu aggoosoppe haa simmiin ubbaa miishshi nuus paccides; nuni mashshaninne koshan wuron doos» gida.
\p
\v 19 Maccassatikka, «Nuni Salo kawoys exaane cuwasishin, ushsha yarsho shiishshiin, izi misle misatissidi qeeri uketh nu shiishshiin hessa ubbaa nu azinati erontta dishin nu ooththidonii?» gida.
\p
\v 20 Ermaasi baas zaaro immida attumasaas, maccassinne ubbaa asaas, 
\v 21 «Intteninne intte aawati, intte kawotinne intte shuumeti, qasse biittayn diza asay ubbay Yuhuda katamataninne Yerusalaame ogetan intte exaane cuwasidayssa GODAY eronttaanne dogidaa inttes misatizee? 
\v 22 Intte ooththida iitanne harassiza ooso GODAY co7u gaanaas dandayontta gishshas hach intte be7iza mala intte biittay qanggeththas malata, asi baynda bazzo biitta gidides. 
\v 23 Be7ite, hach ha bashshay ubbay inttena gakkiday intte hara eeqa xoossatas exaane cuwasida gishshas, GODAA qohida gishshas, GODAA qaala naagontta ixxida gishshas, iza wogaa, maaraanne azazo bonchchontta aggida gishshassa» gides.
\p
\v 24 Hessafe guye Ermaasi deraas, attumaasinne maccas ubbaas, «Intteno Yuhudappe yiidi Gibxe biittan diza asatoo! Ubbayka GODAA qaala siyite! 
\v 25 Ubbaafe Wolqqama GODAA Isra7eele Xoossay intteninne intte machcheti, ‹Nuni Salo kawoys exaane cuwasanaassinne ushsha yarsho shiishshanaas nu adinida adina addafe nu polana› intte gida qaala polideta; histtiko guye goopite; intte adinida qaala polite. 
\v 26 Intteno Gibxe biittan diza Yuhuda asatoo! GODAA qaala siyite! GODAY, ‹Hayssafe guye Gibxe biittan awa baggankka diza Yuhuda asi oonikka de7o GODAY be7iin!› giidi ta sunth xeygi caaqqontta mala tani ta gita sunththan caaqqadis. 
\v 27 Tani istta bolla lo7o miish ehanaas gidontta iita miish ehanaas baaxetana; Gibxen diza Yuhuda asay mulera wurana gakkanaas, olaninne koshan hayqqana. 
\v 28 Gido attiin olappe attida guuththati Gibxeppe simmidi Yuhuda gelana; he wode Gibxen daana biidi heen attida Yuhuda cashati ubbay ta qaalappenne istta qaalappe awayssi tumu gidanaakko istti erana.
\p
\v 29 «Tani inttena ha sohon qaxxayanaassinne tani intte bolla ehana gida iita miishshi polettanayssa intte erana mala ta hayssan inttena qaxxayanayssas hayssafe kaallizayssi inttes malata gido. 
\v 30 Hessika, ‹Tani Yuhuda Kawo Sedeqiyaasi izas morkke gididi iza wodhanaas koyza Baabiloone kawo Nabukadanaxoore wodhanaas koyza iza morkketas ta aaththa immana› gees GODAY» gides.\x - \xo 44:30 \xo*\xt 2Kawo 25:1-7\xt*\x*
\c 45
\s1 Baarokes Yootettida Kiita
\p
\v 1 Iyosiyaasa naa Iyo7aaqemey Yuhudan kawotida oydanththo layththan, Neeriya naa Baarokey ha qaalata Ermaasi yootiin siyidi maxaafan xaafides. He wode Ermaasi izas yootida qaalay,\x - \xo 45:1 \xo*\xt 2Kawo 24:1; 2Taari 36:5-7; Daane 1:1-2\xt*\x* 
\v 2 «Baaroke! Nena GODAA Isra7eele Xoossay, 
\v 3 Neni, ‹GODAY ta sako bolla ceece gujjida gishshas taas aayye ana! Tani daro yeekkida gishshas daaburadis; shempoyka taas baawa› gadasa» gees.
\p
\v 4 GODAY, «Tani biitta bolla keexxidayssa laallana; ta tokkidayssaka shoddana. 
\v 5 Histtiin neni nees gita miish koyay? Asa nayta ubbaa bolla tani bash ehana gishshas ne hessa koyoppa; gido attiin neni bidaso ubbaan ta ne shemppo ashshana» gees.
\c 46
\s1 Gibxe Gishshas Yootettida Kiita
\p
\v 1 Kawoteththata gishshas nabe Ermaasakko yida GODAA qaalay hayssafe kaalli dizayssa;
\p
\v 2 Gibxe gishshas Yuhuda kawo Iyosiyaasa naa Iyo7aaqemey kawotida oydanththo layththan, Efiraaxise Shaafa matan diza Karkamishen, Baabiloone kawo Nabukadanaxoorey xoonida Gibxe kawo Nika ola asaa bolla yootettida kiitay hayssafe kaalli dizayssa;\x - \xo 46:2-26 \xo*\xt Isa 19:1-25; Hizi 29:1—32:32\xt*\x*
\q1
\v 3 «Intte wogga gondallenne
\q2 qeeri gondalle giigsite;
\q2 histtidi olas kezite!
\q1
\v 4 Intte parata kooridi toggite;
\q2 intte hu7en
\q2 birata qoobe woththidi,
\q2 intte soho soho oykkite!
\q2 Intte toora leefte;
\q2 intte ola may7oka may7ite!
\q1
\v 5 Gido attiin hayssi
\q2 tani be7izay aazee?
\q2 keehi yayyidi guye undudeettes;
\q2 wolqqama istta olanchchati
\q2 xoonettida;
\q2 guye simmi xeellontta
\q2 eeson baqateettes;
\q2 ubbason shiroy dees.
\q1
\v 6 Pilatay baqati attenna;
\q2 minoykka kessi ekki attenna;
\q2 pudeha baggan Efiraaxise Shaafa
\q2 matan dhuphetti kundida.
\q1
\v 7 Hayssi Abbaye Shaafa mala
\q2 kixxidi guppizay
\q2 qasse di7o haaththa mala
\q2 goggizay oonee?
\q1
\v 8 Gibxey Abbaye shaafay
\q2 kixxidi guppiza mala guppees;
\q2 di7o haaththa mala xongettees;
\q2 Gibxey, ‹Tani kezada
\q2 biitta kammana;
\q2 katamatanne isttan diza
\q2 asaa dhayssana› gees.
\q1
\v 9 Paratoo guppi kezite;
\q2 para-gaaretoo adaraasite;
\q2 gondalle oykkida
\q2 Tophphiya asaynne
\q2 Puuxe asay,
\q2 wondafe waaxi oykkida
\q2 mino gidida Luudime asati,
\q2 intte mino olanchchati
\q2 olas dendite.
\q1
\v 10 He gallassay GODAA
\q2 Ubbaafe Wolqqama
\q2 Xoossa gallassa;
\q2 izi ba morkketa bolla
\q2 halo kessiza gallassa;
\q2 mashshay kallana
\q2 gakkanaas maana;
\q2 saamo alana gakkanaaska
\q2 suuth uyana;
\q2 GODAY Ubbaafe Wolqqama
\q2 Xoossay pudeha baggan Efiraaxise
\q2 Shaafa matan
\q2 isttas yarsho giigsi woththides.
\q1
\v 11 Hanne Gibxe geela7oyee!
\q2 pude Gala7aade keza;
\q2 tiyettiza dhale ekka ya;
\q2 gido attiin neni
\q2 dhale coo mela darssaasa;
\q2 ne paxakka.
\q1
\v 12 Kawoteththati
\q2 ne yeellateththaa siyana;
\q2 ne yeehoy biitta kumana;
\q2 olanchchay olanchchara
\q2 oyketti kundana»
\q2 gees GODAY.
\p
\v 13 Baabiloone kawo Nabukadanaxoorey Gibxe biitta yiidi olanayssa GODAY nabe Ermaasas yootida qaalay hayssafe kaalli dizayssa;\x - \xo 46:13 \xo*\xt Er 43:10-13\xt*\x*
\m
\v 14 «Hayssa Gibxen yoota;
\q2 qasse Gibxe katamatan
\q2 Migidoolen, Memppisaninne
\q2 Xaafinaasen awajja.
\q1 Intte yuushon dizayta
\q2 mashshay maana
\q2 giigettida gishshas
\q2 intte dizason dizason
\q2 giigetti uttite.
\q1
\v 15 Wolqqama gidida Aphphise geetettiza
\q2 eeqa xoossay ays kundidee?
\q2 GODAY iza sugi yeggida gishshas
\q2 eqqana dandaybeenna.
\q1
\v 16 Iza kaalliza asati
\q2 zaari zaari dhuphettana;
\q2 issoy issaa bolla kundana;
\q2 ‹Ane dendite!
\q2 Gede nu derenne
\q2 nu asaakko ane simmoos;
\q2 morkke mashshafekka
\q2 ane kessi ekkoos› gaana.
\q1
\v 17 Istti heen, ‹Gibxe kawo Paarooney
\q2 baas imettida qaadan
\q2 go7ettontta dishe
\q2 coo ta days ta days gi
\q2 ceeqettizaade gi xeygana› gides.
\q1
\v 18 Iza sunththay GODAA
\q2 Ubbaafe Wolqqama
\q2 Xoossa geetettiza Kawoy,
\q2 tani ta de7on caaqqays;
\q2 zumata giddon diza
\q2 Taaboore zuma misatizay,
\q2 abba achchan diza
\q2 Qarmeloose zuma
\q2 misatiza issaadey yaanaas dees.
\q1
\v 19 Intteno Gibxe biittan dizaytoo!
\q2 Di7etti baanaas
\q2 inttes dizaaz giigsite;
\q2 Memppisa laallettada izin
\q2 asi baynda bula gidana.
\q1
\v 20 Gibxe biittay lo7o ussa mala;
\q2 gido attiin saxxiza
\q2 boxey pudeha baggafe yaana.
\q1
\v 21 Miishshan shametti yida
\q2 izi olanchchati
\q2 modhdhida wofano mala.
\q2 Istti qaxxayettana
\q2 wodey gakkida gishshassinne
\q2 istti dhayanaas wodey
\q2 matida gishshas
\q2 istti issife
\q2 guye simmi baqatana;
\q2 ba dizason minni eqqidi
\q2 eqettanaas dandayettenna.
\q1
\v 22 Morkkey xooni xooni yishin
\q2 Gibxe asay baqatishe
\q2 shooshshi suyqiza mala suyqana;
\q2 mith qanxxana biza asa mala
\q2 izi morkketi izo qanxxana
\q2 kaltta ekki yaana.
\q1
\v 23 Dhippi gida wora gidikkoka
\q2 woray qeexettees;
\q2 istta daroteththay boole mala;
\q2 istti qoodettanaas dandayettenna.
\q1
\v 24 Gibxe macca naya yeellatana;
\q2 pudeha bagga deres
\q2 aadhdha imettana.»
\p
\v 25 Ubbaafe Wolqqama GODAA Isra7eele Xoossay, «Teebeese xoossa Amoone bolla, Paaroone bolla, Gibxe bollanne izi eeqa xoossata bolla, izi kawota bollanne Paaroonen ammanettizayta bolla tani qixaate ehana. 
\v 26 Istta wodhanaas koyza Baabiloone Kawo Nabukadanaxoore kusheninne iza olanchchata kushen ta aaththa immana. Guuththa wodeppe guye Gibxey kaseyssaththo asi dizaso gidana» gees.
\b
\q1
\v 27 «Ta oosanchcha Yaaqoobe yayyofa;
\q2 Isra7eele shirotoppa;
\q2 ta nena haaho biittafe
\q2 ne zarekka di7etti
\q2 bidasoppe ashshana.
\q2 Yaaqoobeykka simmidi
\q2 saroteththan woppu gi daana;
\q2 iza babisana miishshika deenna.\x - \xo 46:27-28 \xo*\xt Er 30:10-11\xt*\x*
\q1
\v 28 Ta nenara diza gishshas
\q2 ta oosanchcha Yaaqoobe babbofa.
\q2 Ta nena izan laallida kawoteth
\q2 ubbaa mulera dhayssikokka
\q2 nena gidikko
\q2 mulera dhayssike.
\q2 Ta nees bessiza qixaate qaxxayana attiin
\q2 mela aggike» gees GODAY.
\c 47
\s1 Filisxeeme Gishshas Yootettida Kiita
\p
\v 1 Paarooney Gaaza oli oykkanaappe kase Filisxeemeta gishshas GODAAPPE Ermaasakko yida qaalay hayssafe kaalli dizayssa.\x - \xo 47:1-7 \xo*\xt Isa 14:29-31; Hizi 25:15-17; Iyu 3:4-8; Amo 1:6-8; Sofo 2:4-7; Zaka 9:5-7\xt*\x*
\p
\v 2 GODAY, «Be7ite, pudeha baggan
\q2 haaththi kumi kumi bees;
\q2 wolqqama di7o gidana;
\q2 dereyonne izi giddon
\q2 dizayta ubbaa
\q2 izi katamatanne
\q2 katamatan diza
\q2 asaa ubbaa mittana.
\q2 Derezikka ba qaala
\q2 dhoqqu histti waassana;
\q2 he biittan diza asay ubbay
\q2 camo yeeho yeekkana.
\q1
\v 3 Para toho giirissi
\q2 morkke para-gaareta waaso,
\q2 para-gaareta tohoy genderishe
\q2 giiriza giirissa gaason
\q2 aawati bantta nayta ashshanaas
\q2 guye simmi xeellettenna;
\q2 istta kusheykka sila gidana.
\q1
\v 4 Filisxeeme asaa ubbaa dhayssanaas,
\q2 baas attidi harata maaddizayta
\q2 ubbaa Xirooseppenne
\q2 Sidoonappe duuththa ashshanaas
\q2 wodey gakkides.
\q2 GODAY Kaftoore gaxan
\q2 attida Filisxeeme asaa
\q2 dhayssana dendides.
\q1
\v 5 Gaazay kayos
\q2 ba binana meedettana;
\q2 Asqeloonay ba doona bolla
\q2 kushe woththana;
\q2 intteno demba bolla
\q2 casha attidaytoo!
\q2 Intte ayde gakkanaas
\q2 intte bolla qaacishe daanee?
\b
\q1
\v 6 «Intte, ‹Nenoo GODA mashshawu!
\q2 Ne ayde shemppanee?
\q2 Ne koohon simma gela;
\q2 neni co7u gaada utta› gaana.
\q1
\v 7 Gido attiin GODAY Asqeloonanne
\q2 abba gaxa olana mala azazishin
\q2 waani shemppanaas
\q2 dandayettizee?» gees.
\c 48
\s1 Mo7aabe Gishshas Yootettida Kiita
\p
\v 1 Mo7aabe gishshas Ubbaafe Wolqqama GODAA Isra7eele Xoossay,
\q1 «Neboy dhayana gishshas
\q2 izis aayye ana!
\q2 Qiriyaataymey kawuyananne
\q2 oykettana;
\q2 miixatikka oykettananne
\q2 laalettana.\x - \xo 48:1-47 \xo*\xt Hizi 25:8-11; Amo 2:1-3; Sofo 2:8-11\xt*\x*
\q1
\v 2 Hayssafe guye Mo7aabey
\q2 bonchchettuku;
\q2 asay Haseboonen uttidi,
\q2 ‹Haa yiite! Hanno katamayo
\q2 ane dhayssoos›
\q2 giidi izi bolla duulatana.
\q2 Hanne Madimeenee!
\q2 Nena buro co7u histtana;
\q2 mashshay nena gooddana.
\q1
\v 3 Horonaymeppe keziza dhayssa
\q2 waasonne gita bashsha waaso
\q2 giiris siyite;
\q1
\v 4 Mo7aabey meqqana;
\q2 izi naytikka waaso sissana.
\q1
\v 5 Camo yeeho yeekkana;
\q2 Luhite pudunth kezana;
\q2 bana gakkida iita metoppe
\q2 dendidayssan camo yeeho
\q2 yeekkishe Horonayme
\q2 dugunththa wodhdhana.
\q1
\v 6 Baqatidi intte shemppo ashshite;
\q2 bazzon tusha wora gidite.
\q1
\v 7 Intte ooththida oosoninne
\q2 intte aqotan intte ammanettiza
\q2 gishshas intteka di7ettana;
\q2 Kamoosheykka ba qeesetaranne
\q2 ba shuumetara di7etti baana.
\q1
\v 8 Katama ubbaa bolla
\q2 dhayssizay yaana;
\q2 issi katamaykka
\q2 kessi ekki attenna;
\q2 GODAY yootida gishshas
\q2 shoobbay dhayana;
\q2 dembatikka dhayana.
\q1
\v 9 Mo7aabey piradhdha attana mala
\q2 izis qefe immite;
\q2 izi katamati aykkoy baynda
\q2 bula gidana.
\b
\q1
\v 10 «GODAA oosos wudu gonttaadey
\q2 qanggettidaade gido!
\q2 iza mashshay
\q2 suuth gussontta mala
\q2 diggizaadey qanggettidaade gido.
\b
\q1
\v 11 «Mo7aabey yelagateththafe
\q2 doommidi gacettontta
\q2 tocera diza woyne
\q2 ushsha mala woppan dees;
\q2 otoppe oton laamettibeenna;
\q2 izi di7etti bi erenna;
\q2 iza mal7oy
\q2 kase diza mala dees;
\q2 iza sawoykka laamettibeenna.
\q1
\v 12 Gido attiin otoza laammiza asata
\q2 ta kiittana wodey yaana;
\q2 isttaka wora gussidi
\q2 otaa xalla ashshana;
\q2 duuqqiza miishshatakka
\q2 menththereththi yeggana.
\q1
\v 13 Isra7eele asay Beetelen
\q2 ammanetti dishe
\q2 yeellatidayssaththo
\q2 Mo7aabe asaykka
\q2 ba xoossan
\q2 Kamooshen yeellatana.
\b
\q1
\v 14 «Intte, ‹Nuni mino olanchchata›
\q2 gaanaas waani dandaydetii?
\q1
\v 15 Be7ite Mo7aabe biittay dhayana;
\q2 izi katamatikka worajjettana;
\q2 doorettida izi yelaga naytikka
\q2 shukettanaas duge wodhdhana;
\q2 iza sunththay GODAY Ubbaafe
\q2 Wolqqama Xoossay,
\b
\q1
\v 16 «Mo7aabes kundeththa
\q2 wodey gakkides;
\q2 bashshi iza bolla eeson yaana.
\q1
\v 17 Iza yuushon diza ubbay
\q2 iza gitateth erizayti ubbay
\q2 izas yeekkite;
\q2 intte, ‹Mino iza cikkay,
\q2 bonchchettida xanbaroy
\q2 waani meqqidee?› giite.
\b
\q1
\v 18 «Mo7aabe dhayssanay
\q2 ne bolla yaana;
\q2 gimbettida ne katamata
\q2 izi dhayssana;
\q2 hanne Diboone nayee!
\q2 Ne bonchchozappe
\q2 duge wodhdha;
\q2 mela biitta bolla wodhdha utta.
\q1
\v 19 Hanne Aaro7eeren dizaaree!
\q2 Neni oge doonan eqqada xeella;
\q2 baqatiza attumas,
\q2 kessa ekka biza maccas,
\q2 ‹Aazee medhettiday?›
\q2 gaada oychcha.
\q1
\v 20 Mo7aabey laalettidi kawuyides;
\q2 ‹Wu! Wuy› giidi waassite;
\q2 Mo7aabey mulera dhaydayssa
\q2 Arnoone Shaafa achchan awajjite!
\q1
\v 21 Pirday bolla gezze biittan
\q2 Holoone bolla,
\q2 Yahaaxe bollanne
\q2 Mefa7aate bolla,
\q1
\v 22 Diboone bolla,
\q2 Nebo bollanne
\q2 Beeti-Dibilaatayme bolla,
\q1
\v 23 Qiriyaatayme bolla,
\q2 Beeti-Gaamule bollanne
\q2 Beeti-Ma7oone bolla,
\q1
\v 24 Qiriyaate bollanne Booxira bolla,
\q2 haahoninne matan diza Mo7aabe
\q2 katamata ubbaa bolla yides.
\q1
\v 25 Mo7aabe kacey qanxxettides;
\q2 iza qeseykka meqerettides.
\b
\q1
\v 26 «Izi GODAA kadhida gishshas
\q2 Mo7aabe ushshan maththosite;
\q2 Mo7aabey ba cooshsha bolla
\q2 genderetto; qidhes atto.
\q1
\v 27 Neni kase Isra7eele qidhabeekkii?
\q2 Izi gishshas ne haasayza wode
\q2 neni ne hu7e qaaththabeekkii?
\q2 Iza kaysotara kaysotashe
\q2 oykettadee?
\q1
\v 28 Intteno Mo7aaben dizaytoo!
\q2 katamappe kezi biidi
\q2 zaalla giddon diite;
\q2 aafo doonan ba keeth keexxiza
\q2 haraphphey mala gidite.
\q1
\v 29 Mo7aabe otoreteth,
\q2 bana dhoqqu histteth,
\q2 ceeqeteththinne
\q2 wozina muumeteth
\q2 nu siyidos.
\q1
\v 30 Tani iza wolqqa erays;
\q2 gido attiin hessi hada;
\q2 iza ceeqeteththaas go7ay deenna.
\q1
\v 31 Hessa gishshas
\q2 tani Mo7aabes yeekkays;
\q2 Mo7aabe dere ubbaas,
\q2 ‹Wuu! Wuy› gays;
\q2 Qiire-Hereese asaasikka
\q2 yeeho cenggurs sissays.
\q1
\v 32 Nenoo Seebama woyne miththazoo!
\q2 Iyaazeeres yeekkoyssafe
\q2 aaththada tani nees yeekkays.
\q2 Ne haggati daayidi Abba pinnidi
\q2 Iyaazeere gakkida;
\q2 gido attiin nees maxa gakkida
\q2 kaththa ayfenne
\q2 woyne dhayssanay yides.
\q1
\v 33 Mo7aaben atakiltesoppenne
\q2 goshsha gadeppe
\q2 hashshu histtizaazinne
\q2 ufayssi dhaydes;
\q2 woyne ushshi gum7iin
\q2 wodhdhontta mala melissadis;
\q2 oonikka iza ililishe gum7enna;
\q2 heen asa qaalay siyettikokka
\q2 ililisa cenggurssa gidenna.
\b
\q1
\v 34 «Hasebooneppe biidi El7eelenne
\q2 Yahaaxe gakkanaas,
\q2 Zo7aareppe biidi Horonayme,
\q2 Egilaate-Shalishiya gakkanaas
\q2 istta waasoy keehi seetettees;
\q2 Nimiriime haaththi melides.
\q1
\v 35 Dhoqqasohota bolla yarshizaytanne
\q2 bantta eeqa xoossatas
\q2 exaane cuwasizayta
\q2 tani Mo7aabe biittafe dhayssana.
\b
\q1
\v 36 «Ta wozinay Mo7aabessinne
\q2 Qiire-Hereese asaas zayen
\q2 yeekkiza asa mala yeekkees;
\q2 gaasoykka istta dureteththi
\q2 dhaydes.
\q1
\v 37 As ubbaa hu7eynne
\q2 buuchchi meedettides;
\q2 bantta kushekka cadereththida;
\q2 qasse maaqa may7ida.
\q1
\v 38 Mo7aaben diza keeththa
\q2 ubbaaninne dabaaban
\q2 yeehoppe attiin
\q2 haray deenna;
\q2 gaasoykka tani Mo7aabe dere
\q2 mooho oto mala
\q2 menththereththa yeggadis.
\b
\q1
\v 39 «Mo7aabey ay meqo meqqidee!
\q2 Asay ay yeeho yeekkizee!
\q2 Mo7aabey ay mala
\q2 yeellatidi zokko zaaridee!
\q2 Mo7aabey ba heeran diza
\q2 asa ubbaas
\q2 cashshassinne shabarsas
\q2 malata gidides» gees GODAY.
\q1
\v 40 GODAY, «Golley ba qefe
\q2 piddi histti
\q2 piradhdhi wodhdhiza mala,
\q2 Mo7aabe bolla wodhdhana.
\q1
\v 41 Iza katamatinne
\q2 iza miixati oykettana;
\q2 He gallas Mo7aabe
\q2 olanchchata wozinaykka
\q2 miixa oykettida maccassa
\q2 wozina mala gidana.
\q1
\v 42 Mo7aabey GODAA
\q2 kawushshida gishshas dhayana;
\q2 iza kawoteththayka attana.
\q1
\v 43 Nenoo Mo7aabe derezoo!
\q2 Nena shabarsi, ollaynne
\q2 woximadey naagees.
\b
\q1
\v 44 «Shabarsafe baqati attida ubbay
\q2 ollan gelana;
\q2 ollafe keziday
\q2 woximaden oykettana;
\q2 tani Mo7aabey qaxxayettiza
\q2 layth ehana gishshassa.
\b
\q1
\v 45 «Hasebooneppe Mo7aabe liiphe,
\q2 ceeqettizayta piidhe
\q2 xuuggiza tamay,
\q2 tama lacoy Sihoone
\q2 keeththafe kezides;
\q2 baqati bidayti
\q2 Haseboone kuwa garsan
\q2 baanaaso dhaydi eqqida.
\q1
\v 46 Mo7aabe nees aayye ana!
\q2 Kamooshes goynniza
\q2 derey wuri wurides.
\q2 Ne attuma nayti ubbay di7ettida;
\q2 macca nayti ubbayka di7etti bida.
\b
\q1
\v 47 «Gido attiin wurseththan Mo7aabeppe
\q2 di7etti bidayta ta zaarana» gees.
\q2 Mo7aabe bolla pirdettida
\q2 pirday hessa.
\c 49
\s1 Amoone Deres Yootettida Kiita
\p
\v 1 Amoone asaa GODAY,
\q1 «Isra7eeley attuma
\q2 nayta yelibeennee?
\q2 woykko iza laattanayti baawee?
\q2 Histtiin Milkkoomey\f + \fr 49:1 \fr*\ft Milkkoomey Amooneti goynniza eeqa xoossatappe issaa.\ft*\f*
\q2 Gaade ays laattidee?
\q2 Iza asati ays katamayn dizoo?\x - \xo 49:1-6 \xo*\xt Hizi 21:28-32; 25:1-7; Amo 1:13-15; Sofo 2:8-11\xt*\x*
\q1
\v 2 Amoone katama Eraaba bolla
\q2 ola waaso cenggurssi
\q2 seetettana wodey yaana.
\q2 Iza budhettada doorettida
\q2 doore gidana;
\q2 izi gutati ubbay xuugettana;
\q2 Isra7eeley bana kessi gooddidayta
\q2 ba dereppe kessa gooddana.
\q1
\v 3 Hanne Haseboone!
\q2 Aye katamay
\q2 dhayda gishshas yeekka;
\q2 Eraaba macca naytoo waassite;
\q2 maaqa may7idi yeekkite;
\q2 gaasoykka Milkkoomey
\q2 ba qeesetaranne
\q2 ba shuumetara di7ettidi baana;
\q2 dirsa giddon
\q2 yaanne haa woxerettite.
\q1
\v 4 Hanne kaddidaaree!
\q2 Neni ne shoobbatan
\q2 ays ammanettay?
\q2 Neni lo7o kath immiza
\q2 ne shoobban ays ceeqettay?
\q2 neni ne dureteththan ceeqettada,
\q2 ‹Tana oonee bochchanay?› gaasa.
\q1
\v 5 Tani ne yuushon dizaytappe
\q2 ne bolla shiro ehana;
\q2 intte ubbayka goodettana;
\q2 baqata bolla dizayta
\q2 shiishshana asi beettenna.
\p
\v 6 «Hessafe guye tani
\q2 Amoone asaappe di7ettida
\q2 miishshaa zaarana» gees.
\s1 Eedoome Gishshas Yootettida Kiita
\p
\v 7 Eedoome gishshas GODAY Ubbaafe wolqqama Xoossay,
\q2 «Aadho erateththi
\q2 Temaane asaappe dhaydee?
\q2 Zorey akeekanchchatappe
\q2 haakkidee?
\q2 Istta aadho erateththay cingidee?\x - \xo 49:7-22 \xo*\xt Isa 34:5-17; 63:1-6; Hizi 25:12-14; 35:1-5; Amo 1:11-12; Ab 1-14; Mil 1:2-5\xt*\x*
\q1
\v 8 Tani Eesawe qaxxayiza wode
\q2 ta iza bolla bashsha
\q2 ehiza gishshas
\q2 intte Didaanen dizayti
\q2 guye simmi baqatite;
\q2 ciimma olla giddon qotettite.
\q1
\v 9 Woyne maxizayti intteko yiidi
\q2 maxishe pushulo
\q2 ashshi erettennee?
\q2 kaysoti kaysotana gelikko
\q2 ba koyidayssa xalla
\q2 ekkeettes deettennee?
\q1
\v 10 Gido attiin tani Eesawe
\q2 paxa kallo ashshana;
\q2 izi qotetti attontta mala
\q2 izi qotettanaasohota
\q2 tani qoncce kessana;
\q2 iza nayti, iza dabbotinne
\q2 iza shooroti dhayana;
\q2 izikka ba hu7es deenna.
\b
\q1
\v 11 «Yelida aayanne aaway baynda
\q2 ne garsan diza nayta
\q2 ne aggaaga;
\q2 ta istta dichchana;
\q2 am7etikka tanan
\q2 ammanettetto» gees.
\p
\v 12 GODAY, «Xawa uyana bessonttaytas xawa ushshi attonttayssa gidikko neni waana qixaateppe attanee? Nees qaxxayeteththi attenna; ne uyanaas bessees. 
\v 13 Booxiray laalettada dagamas, qidhessinne qanggeththas malata gidana mala tani tanan caaqqadis; izi katamati ubbay mernaas aykkoy baynda bula gidana» gees.
\p
\v 14 GODAAPPE yida issi kiita siyadis;
\q1 «Eedoome bolla
\q2 worajjanaas shiiqite;
\q2 olettanaas dendite!» gi yootiza
\q2 qasttanney kawoteththatakko
\q2 kiitettides.
\p
\v 15 GODAY, «Ha7i tani nena
\q2 kawoteththata giddon laafa;
\q2 asaa giddonkka
\q2 kadhettidaade ooththana.
\q1
\v 16 Nenoo zaalla gongolo
\q2 giddon dizayssoo!
\q2 Nenoo dhoqqa zumbulla
\q2 hu7en uttidayssoo!
\q2 Ne yombiza yombaynne
\q2 ne wozina
\q2 otoroy nena baleththides;
\q2 neni ne keeth golle mala
\q2 dhoqqasohon keexxikokka
\q2 tani nena
\q2 heeppe duge olana» gees.
\p
\v 17 GODAY, «Eedoomey
\q2 dagamas malata gidana;
\q2 heera aadhdhiza as ubbay
\q2 izi bolla gakkida bash be7idi
\q2 malalettishe qidhana.
\q1
\v 18 Sodoomeynne Gamooray
\q2 bantta yuushon diza katamatara
\q2 issife dhayda mala
\q2 Eedoomey dhayana;
\q2 oonikka he biittan de7enna;
\q2 issaadeyka izin uttenna» gees.\x - \xo 49:18 \xo*\xt Medhe 19:24-25\xt*\x*
\b
\q1
\v 19 GODAY, «Gaammoy
\q2 Yordaanoose woratappe
\q2 mehe heemmiza demban
\q2 kezi wodhdhiza mala
\q2 tanikka Eedoomey qoppontta
\q2 dishin keza wodhdhana;
\q2 iza biittafe ta iza gooddana;
\q2 ta dooridayssa
\q2 iza bolla shuumana;
\q2 ta malay oonee?
\q2 tanara eqettana
\q2 dandayzay oonee?
\q2 tanara eqettana dandayza
\q2 heenththanchchay oonee?» gees.
\q1
\v 20 Hessa gishshas tani GODAY
\q2 Eedoome bolla polanaas
\q2 halchchida halchchonne
\q2 Temaanen dizayta bolla
\q2 ta qoppida qofaa siyite!
\q2 guuththa wudeti gooshetti baana;
\q2 hessa gaason wudey heemettizaso
\q2 mulera dhayssana.
\q1
\v 21 Eedoome kundeththa giirissi
\q2 biitta qaaththana;
\q2 istta waasoykka
\q2 Zo7o abba gakkanaas
\q2 kooshumees.
\q1
\v 22 Golle mala duge sitti gi
\q2 izi bolla wodhdhana;
\q2 ba qefetakka
\q2 Booxira bolla miccana;
\q2 he wode Eedoome olanchchati
\q2 miixay oykkida
\q2 maccassa mala hirgana.
\s1 Damasqo Gishshas Yootettida Kiita
\p
\v 23 GODAY Damasqo gishshas,
\q1 «Hamaate asaynne
\q2 Arfaade asay
\q2 Damasqo katama
\q2 dhayo siyidi dagammides;
\q2 abba dambala mala shirotides;
\q2 istta wozinaykka seerides.
\q1
\v 24 Damasqoy daaburadus;
\q2 baqatanaas guye simmadus;
\q2 kokkoradus;
\q2 miixay oykkida
\q2 maccassa mala ceeceynne
\q2 tuggay izo oykkides.\x - \xo 49:24-27 \xo*\xt Isa 17:1-3; Amo 1:3-5; Zaka 9:1\xt*\x*
\q1
\v 25 Ta izin ufayettiza erettida katamaya
\q2 waana yegetta attadee?
\q1
\v 26 He wode izis naateththa
\q2 attuma nayti ubbay
\q2 ke7idason ke7idason
\q2 oge bolla kundana;
\q2 olanchchati ubbayka
\q2 hayqqi wurana.
\q1
\v 27 Tani Damasqo katama yuushon diza
\q2 gimbe bolla tama yeddana;
\q2 he tamay Beeni-Hadaade
\q2 shakko maana» gees.
\s1 Qeedaare Gishshassinne Haxoore Gishshas Yootettida Kiita.
\q1
\v 28 Baabiloone kawo
\q2 Nabukadanaxoorey
\q2 oli xoonida Qeedaare
\q2 kawoteththa gishshassinne
\q2 Haxoore kawoteththa gishshas
\q2 GODAY, «Dendidi Qeedaare olite!
\q2 Arshey mokkiza baggara diza
\q2 deraa dippi histtite.
\q1
\v 29 Istta dunkaanetanne
\q2 istta wudeta ekkite!
\q2 Istta aqosoynne istta gaamellati
\q2 ubbay attontta ekettana;
\q2 Histtidi isttas, ‹Istta bolla
\q2 shiro bolla shiroy yides›
\q2 giidi waassana.
\b
\q1
\v 30 «Intteno Haxooren dizaytoo!
\q2 Baabiloone kawo
\q2 Nabukadanaxoorey
\q2 intte bolla iita miish ooththana
\q2 maqetti uttida gishshas baqatite;
\q2 biidi ciimma gongolon qotettite.
\b
\q1
\v 31 «Dendite! Hirgay baynda
\q2 badhdhi gi uttida
\q2 banan ammanetti uttida
\q2 kawoteththaa olite!
\q2 Ibiththi woykko kolatay
\q2 baynda dishin barkka diza
\q2 deraa bolla worajjite» gees.
\p
\v 32 GODAY, «Istta gaamellati bonqqettana;
\q2 istta wudetakka buuri ekki baana;
\q2 bantta hu7e gaamme histti
\q2 meedettidayta
\q2 tani carkon laallana;
\q2 tani Ubbasora istta bolla
\q2 bosha ehana.
\b
\q1
\v 33 «Haxoorey worakanata
\q2 duussaso gidana;
\q2 mernaas bula gidana;
\q2 oonikka heen de7enna;
\q2 ay asikka izin uttenna» gees.
\s1 Eelaame Gishshas Yootettida Kiita
\q1
\v 34 Yuhuda kawo Sedeqiyaasi kawotida
\q2 koyro layth GODAAPPE
\q2 Elaame gishshas
\q2 taakko yida qaalay,
\q1
\v 35 Ubbaafe wolqqama GODAY,
\q2 «Hekko izi wolqqateththas
\q2 yoch gidida
\q2 Elaame wondafeta
\q2 ta menththana.
\q1
\v 36 Oyddu bagga gulatappe
\q2 tani Elaame bolla
\q2 oyddu carkota ehana;
\q2 istta he oyddu bagga carkotan
\q2 ta laallana;
\q2 Elaameppe di7etti bidayti
\q2 gakkontta kawoteththay deenna.
\q1
\v 37 Istta shemppo wodhana koyza
\q2 istta morkketa sinththan
\q2 tani Elaame yarkiyarkisana;
\q2 istta bolla bash ehana;
\q2 hessika ta istta bolla
\q2 ehana hanqo;
\q2 tani istta mulera
\q2 dhayssana gakkanaas
\q2 mashshan yedeththana.
\q1
\v 38 Tani araata Elaamen tokkana;
\q2 tani izi kawotanne
\q2 shuumeta dhayssana.
\b
\q1
\v 39 «Gido attiin wurseththa wodetan
\q2 tani Elaame zaara
\q2 ishalsana» gees.
\c 50
\s1 Baabiloone Gishshas Yootettida Kiita
\p
\v 1 Baabiloone biittanne Baabiloone asa gishshas Xoossi nabe Ermaasa baggara yootida qaalay hayssafe kaallizayssa;\x - \xo 50:1—51:64 \xo*\xt Isa 13:1—14:23; 47:1-15\xt*\x*
\q1
\v 2 «Kawoteththata ubbaa
\q2 giddon awajjite!
\q2 Bandira dhoqqu histti
\q2 oykkidi awajjite!
\q2 Aykkoka ashshontta dishe,
\q2 ‹Hekko Baabilooney oykettana;
\q2 Beeley kawuyana;
\q2 Mardukey shiron kumana;
\q2 izi eeqa xoossati kawuyana;
\q2 izi eeqa misleti
\q2 meqerettana› giite.
\q1
\v 3 Pudeha baggafe
\q2 issi kawoteththay yiidi
\q2 Baabiloone biitta olana;
\q2 hessafe dendidayssan
\q2 asinne mehey baqatana;
\q2 biittayokka bula kessana;
\q2 oonikka izin deenna.»
\s1 Isra7eelenne Yuhuda Asaa Simo
\q1
\v 4 GODAY, «He wodeninne
\q2 he gallassatan
\q2 Isra7eele asaynne
\q2 Yuhuda asay issife yaana;
\q2 GODAA bantta Xoossa
\q2 koyishenne yeekkishe yaana.
\q1
\v 5 Istti Xiyoone efiza oge oychchana;
\q2 bantta sinth hee zaarana;
\q2 yiidi mulera dogettontta mernaa
\q2 caaqo qaalan
\q2 GODAARA oykettana.
\b
\q1
\v 6 «Ta derey dhayda
\q2 dorsa mala gidides;
\q2 istta heenththanchchati
\q2 istta baleththidi
\q2 wora kaaleththida;
\q2 zumata bollanne
\q2 zumbullata bolla toylattida;
\q2 ba aqizasokka dogida.
\q1
\v 7 Demmida ubbay istta qohees;
\q2 istta morkketi,
\q2 ‹Nu bolla mooroy baa;
\q2 hayssi metoy istta gakkiday
\q2 bantta aawatas
\q2 hidota gidida GODAA,
\q2 tumappe isttas duussaso gidida
\q2 GODAA qohida gishshassa› gida.
\b
\q1
\v 8 «Baabilooneppe baqatite!
\q2 Istta biittaaka yeddite!
\q2 wude kaaleththiza
\q2 deysha orge mala gidite.\x - \xo 50:8 \xo*\xt Ajju 18:4\xt*\x*
\q1
\v 9 Tani pudeha baggafe
\q2 wolqqama kawoteththata
\q2 Baabiloone bolla
\q2 denththeththana;
\q2 isttika izi bolla salfana;
\q2 histtidi izo heeppe oykkana;
\q2 istta wondafey yeddontta
\q2 loohida olanchchata mala.
\q1
\v 10 Baabiloone biittay bonqqettana;
\q2 izo bonqqizayti baas gidanaashe
\q2 gakkanaas bonqqana» gees.
\s1 Baabiloone Kundeth
\q1
\v 11 «Intteno ta xinxxo
\q2 bonqqi ekkidaytoo!
\q2 Intte ufayettida gishshassinne
\q2 ufayssan maggulida gishshas,
\q2 demban xikettiza ussa mala
\q2 intte lifxettida gishshas,
\q2 wodalla para mala
\q2 intte caaggida gishshas,
\q2
\v 12 intte aaya keeha yeellatana;
\q2 inttena yelidaarakka kawuyana;
\q2 kawoteththata ubbaa giddon
\q2 iza guuth gidana;
\q2 iza asi bayndaso,
\q2 haaththi baynda biittanne
\q2 bazzo gidana.
\q1
\v 13 GODAA hanqo gaason
\q2 iza bazzo gidana attiin
\q2 asi izin deenna;
\q2 izi bolla gakkida bashsha gaason
\q2 Baabiloonera aadhdhi biza
\q2 ubbay malalettishe iza qidhana.
\b
\q1
\v 14 «Intteno yiishshan dukkizaytoo!
\q2 Baabiloone olanaas
\q2 izi yuushon salfte;
\q2 nagara ooththida gishshas
\q2 intte yiish issinokka ashshontta
\q2 izi bolla yeddite.
\q1
\v 15 Ubbaa baggarakka
\q2 izi bolla maggulite!
\q2 Iza inttes kushe immana;
\q2 izi miixatinne
\q2 gimbetti laalettana;
\q2 hayssi GODAY halo kessiza
\q2 oge gidida gishshas
\q2 intte izi bolla halo kessite;
\q2 iza harata bolla ooththida mala
\q2 intte izi bolla ooththite.
\q1
\v 16 Baabilooneppe zereththi zerizayssa,
\q2 kaththa shiisho wode cakkanaas
\q2 baaca oykkidayssa dhayssite;
\q2 un7eththizayta
\q2 mashshafe dendidayssan
\q2 issoy issoy
\q2 ba asaakko simmo;
\q2 ba derekka baqato.
\p
\v 17 «Isra7eeley gaammoy gooddidi laallida wude mala gidides;
\q2 koyro Asoore kawoy
\q2 puuzerethi mides;
\q2 guyeppe Baabiloone kawo Nabukadanaxoorey
\q2 meqeththaa dhoggides»
\q2 gees GODAY.
\q1
\v 18 Hessa gishshas Ubbaafe Wolqqama
\q2 GODAA Isra7eele Xoossay,
\q1 «Asoore kawo tani qaxxayda mala
\q2 Baabiloone kawonne
\q2 iza biitta qaxxayana.
\q1
\v 19 Gido attiin tani Isra7eele
\q2 kase izi heemettizaso iza zaarana;
\q2 Qarmelooseninne Baasaane deren
\q2 izi heemettana;
\q2 qasse izi Efreeme
\q2 zumbullata bollanne
\q2 Gala7aade zumbullata bolla
\q2 kallanaashe gakkanaas
\q2 maana» gees.
\p
\v 20 He wodetaninne he gallassatan GODAY,
\q2 «Isra7eele mooroy koyettana;
\q2 gido attiin issinakka beettuku;
\q2 Yuhuda nagaraykka koyettana;
\q2 gido attiin mulekka beettenna;
\q2 hayqoppe ta ashshida shoogeta
\q2 ta maarana» gees.
\s1 Baabiloone Bolla Yaana Pirda
\p
\v 21 «Mirataymeninne Paqooden diza asaa gooddite;
\q2 wodhitenne mulera dhayssite;
\q2 tani inttena azazidayssa
\q2 ubbaa ooththite.
\q1
\v 22 He biittan ola shiroynne
\q2 gita bashsha waasoy seetettides.
\q1
\v 23 Alame ubbaa liiqisiza madooshay
\q2 waani meqqidee?
\q2 Waani liiqidee?
\q2 Kawoteththata giddon waana
\q2 Baabilooney bula gidadee?
\q1
\v 24 Hanne Baabiloonee!
\q2 Ta nees woximade woththadis;
\q2 nekka erontta dashe oykettadasa;
\q2 neni GODAARA eqettida gishshas
\q2 beettada oykettadasa.
\q1
\v 25 GODAY ba ola massaraa woththiza
\q2 minjja keeththaa doydes;
\q2 ba hanqo ola massara kessides;
\q2 GODAY Ubbaafe
\q2 Wolqqama Xoossay
\q2 Baabiloone biittan ooththiza
\q2 oosoy dees.
\q1
\v 26 Yaara haara izi bolla worajjite;
\q2 izi gootarata laallite;
\q2 di7ettida miishsha
\q2 kaththa mala doorite;
\q2 mulera izo dhayssite;
\q2 izin aykkoyka attofo.
\q1
\v 27 Izi wofanota ubbaa shukkite;
\q2 duge shukettizaso wodhdhetto!
\q2 Istti qaxxayettana wodeynne
\q2 gallassay gakkida gishshas
\q2 aayye ana!
\b
\q1
\v 28 «GODAA nu Xoossay
\q2 halo kessidayssa,
\q2 Xoossa Keeththa gishshas
\q2 halo kessidayssa
\q2 Baabilooneppe betidaytinne
\q2 goodettidayti
\q2 Xiyoonen haasayzayssa siyite.
\b
\q1
\v 29 «Wondafen olizayta
\q2 Baabiloone bolla xeygite;
\q2 issaadeyka kessi ekki bontta mala
\q2 istta giddoththidi dunkaanite;
\q2 GODAA Isra7eele geeshshaa
\q2 kawushshida gishshas
\q2 izi ooso mala izis zaarite;
\q2 iza harata bolla
\q2 ooththidayssaththo
\q2 izi bolla ooththite.\x - \xo 50:29 \xo*\xt Ajju 18:6\xt*\x*
\q1
\v 30 Hessa gishshas
\q2 izi naateththa attuma nayti
\q2 aadhdhooson aadhdhooson
\q2 hayqqana;
\q2 izi olanchchati ubbay
\q2 he gallas kundana» gees GODAY.
\p
\v 31 GODAY Ubbaafe Wolqqama Xoossay,
\q1 «Nenoo otoranchchazoo!
\q2 Tani ne bolla dendadis;
\q2 neni qaxxayettana wodeynne
\q2 gallassay gakkides.
\q1
\v 32 Otoranchchay dhuphettidi kundana;
\q2 denththanaykka deenna;
\q2 iza yuushon dizayta
\q2 ubbaa miza tama
\q2 iza katamata bolla
\q2 yeddana» gees.
\p
\v 33 GODAY Ubbaafe Wolqqama Xoossay,
\q1 «Isra7eele asaynne Yuhuda asay
\q2 issi bolla qohettides;
\q2 di7idayti ubbay
\q2 istta minththi oykkida;
\q2 istta yeddanaas ixxida.
\q1
\v 34 Gido attiin istta wozzizay mino;
\q2 iza sunththayka
\q2 GODAA Ubbaafe
\q2 Wolqqama Xoossaa;
\q2 istti biittas shemppo immanaas
\q2 keehi baaxetees;
\q2 gido attiin Baabiloonen dizaytas
\q2 shemppo dhayssees» gees.
\p
\v 35 GODAY, «Mashshay
\q2 Baabiloone asaa bolla yides;
\q2 izin diza asata bolla,
\q2 maatay diza asata bollanne
\q2 aadho eranchchata bolla
\q2 siifanaas shodettides.
\q1
\v 36 Mashshay wordo gidida
\q2 izi nabeta bolla yides;
\q2 istti eeyata gidana;
\q2 mashshay istta
\q2 olanchchata bolla shodettana;
\q2 isttika shirotana.
\q1
\v 37 Istta parata bollanne
\q2 istta para-gaareta bolla
\q2 qasse izi giddon diza
\q2 hara dere wottadarata bolla
\q2 mashshay yaana;
\q2 isttika maccassata mala gidana;
\q2 mashshay izi aqota
\q2 ubbaa bolla yaana;
\q2 isttika bonqqettana.
\q1
\v 38 Biittaya babisizanne as gooshshiza
\q2 eeqa xoossatan kumida gishshas
\q2 izi haaththata bolla
\q2 arshey kezana;
\q2 isttika melana.
\b
\q1
\v 39 «Hessa gishshas bazzo do7atassinne
\q2 godares duussaso gidana;
\q2 guttos aqoso gidana;
\q2 hayssafe guye oonikka
\q2 izin deenna;
\q2 yeletappe yeleta gakkanaas
\q2 izin uttanay beettenna.\x - \xo 50:39 \xo*\xt Ajju 18:2\xt*\x*
\q1
\v 40 Sodoomenne Gamoora katamaa
\q2 istta yuushon diza dereta
\q2 asi dontta mala ooththides;
\q2 hessaththoka oonikka
\q2 heen deenna;
\q2 izin uttanaykka beettenna» gees.\x - \xo 50:40 \xo*\xt Medhe 19:24-25\xt*\x*
\b
\q1
\v 41 «Be7ite! Pudeha baggafe
\q2 asay yeeththa bolla dees;
\q2 issi wolqqama kawoteththinne
\q2 daro kawoti
\q2 sa7a gaxappe dendida.
\q1
\v 42 Istti wondafetanne
\q2 mashshata oykkida;
\q2 istti maarontta menxe iitata,
\q2 maarokka ooththettenna;
\q2 istti parata toggishin
\q2 istta giirissay
\q2 abba dambala mala guummees;
\q2 hanne Baabiloone macca nayee!
\q2 olas giigettida olanchchata mala
\q2 ne bolla yaana.
\q1
\v 43 Baabiloone kawoy
\q2 istta gishshas siyides;
\q2 iza kushetikka doccida;
\q2 iza ceecey oykkides;
\q2 miixay oykkida
\q2 maccassa mala sakettides.
\q1
\v 44 Gaammoy Yordaanoose woratappe
\q2 mehe heemmiza demban
\q2 kezi wodhdhiza mala
\q2 tanikka Baabilooney qoppontta
\q2 dishin keza wodhdhana;
\q2 izi biittafe ta izo gooddana;
\q2 ta dooridayssa izi bolla shuumana;
\q2 ta malay oonee?
\q2 tanara eqettana
\q2 dandayzay oonee?
\q2 tanara eqettana dandayza
\q2 heenththanchchay oonee?
\q1
\v 45 Hessa gishshas GODAY
\q2 Baabiloone bolla
\q2 halchchida halchcho,
\q2 Baabiloone biitta bolla
\q2 qoppida qofaa siyite!
\q2 guuththa wudey gooshetti baana;
\q2 istta gaason heemmizasohoza
\q2 mulera dhayssana.
\q1
\v 46 Baabiloone kundeththa giirissi
\q2 biitta qaaththana;
\q2 izi waasoy kawoteththa
\q2 ubbaa garsan kooshumana» gees.
\c 51
\s1 Baabiloone Dhayo Gishshas Yootettida Kiita
\p
\v 1 GODAY,
\q1 «Be7ite! Baabiloonenne
\q2 izin dizayta bolla
\q2 dhayssiza carko tani yeddana.
\q1
\v 2 Izo suragganaassinne
\q2 izo dhayssanaas allagata
\q2 ta Baabiloone bolla kiittana;
\q2 iza metotida gallas
\q2 izo dooddi oykkidi un7eththana.
\q1
\v 3 Wondafe dukkizayti
\q2 ba wondafe dukkanaas,
\q2 ba ola may7o
\q2 may7ana gakkanaas
\q2 shemppo immofte;
\q2 naateththa izi naytas qadhettofte;
\q2 izi olanchchata mulera dhayssite.
\q1
\v 4 Istti Baabiloone biittan siifettidi,
\q2 izi ogetan hayqqana gakkanaas
\q2 madunxidi kundana.
\q1
\v 5 Istta biittaya Isra7eele
\q2 Geeshsha sinththan
\q2 mooron kumidaa gidikkoka
\q2 Isra7eelenne Yuhuda Ubbaafe
\q2 Wolqqama GODAY istta Xoossay
\q2 istta yeggi aggibeenna.
\b
\q1
\v 6 «Baabilooneppe baqati kezite!
\q2 Elelidi intte shemppo ashshite;
\q2 izi nagara gaason dhayopite;
\q2 hayssi GODAY halo kessiza wode
\q2 izi ooso mala izis immana.
\q1
\v 7 Baabilooney GODAA kushen
\q2 worqqa xuu7a;
\q2 biitta ubbaa maththosadus;
\q2 kawoteththati ubbay
\q2 izi woyne ushshaa uyida;
\q2 hessa gishshas ha7i gooyida.\x - \xo 51:7 \xo*\xt Ajju 17:2-4; 18:3\xt*\x*
\q1
\v 8 Baabilooney qoppontta dashe
\q2 kunda meqqana;
\q2 hessa gishshas izis waassite!
\q2 Oonee erizay iza paxanaakko
\q2 izi madunththaska dhale koyite.
\b
\q1
\v 9 «Asay, ‹Nuni Baabiloone
\q2 paththanaas baaxetidos;
\q2 iza gidikko paxana dandayukku;
\q2 izi pirday
\q2 pude salo gakkida gishshas
\q2 shaaran gakkanaaska
\q2 dhoqqu gida gishshas
\q2 izo aggaagidi ane
\q2 nu dere dere simmoos.\x - \xo 51:9 \xo*\xt Ajju 18:5\xt*\x*
\q1
\v 10 GODAY nu suureteththa gishshas
\q2 markkattides;
\q2 ane haa yiite;
\q2 GODAA nu Xoossay
\q2 ooththidayssa
\q2 Xiyoonen awajjoos› gides.
\b
\q1
\v 11 «Toorata leefte;
\q2 gondalletakka giigsite;
\q2 GODAY Baabiloone dhayssana
\q2 qoppida gishshas
\q2 Meedoone kawota denththeththides;
\q2 GODAY halo kessana;
\q2 ba Keeththa gishshas
\q2 halo kessana.
\q1
\v 12 Baabiloone gimbeta bolla
\q2 malata essite;
\q2 minththi naagite;
\q2 zabe naagizayta essite;
\q2 zamadi uttidi olizayta giigsite.
\q2 GODAY Baabiloone asaa bolla
\q2 qoppida qofaanne
\q2 ba halchcho polana.
\q1
\v 13 Hanne daro shaafata
\q2 matan dizaaree!
\q2 aqotan keeha duretidaaree!
\q2 Ne dhayana wodey gakkides;
\q2 nees wurseththi gakkides» gees.\x - \xo 51:13 \xo*\xt Ajju 17:1\xt*\x*
\q1
\v 14 GODAY Ubbaafe
\q2 Wolqqama Xoossay,
\q2 «Booley biitta kumiza mala
\q2 daro as ta ne bolla yeddana;
\q2 heyti nena xoonida ufayssafe
\q2 dendidayssan ne bolla
\q2 ceeqettana» giidi
\q2 ba sunththan caaqqides.
\s1 Galata yeththa
\q1
\v 15 «Xoossi ba wolqqan
\q2 sa7a medhdhides;
\q2 ba aadho erateththan
\q2 alame giigsides;
\q2 salotakka ba akeekan miccides.
\q1
\v 16 Izi ba cenggurssa sissiza wode
\q2 salon diza
\q2 haaththati guummeettes;
\q2 shaarata izi sa7a gaxappe ehees;
\q2 irara wolqqanth kiittees;
\q2 ba minjjasohoppeka
\q2 carko kiittees.
\b
\q1
\v 17 «As ubbay dammanne
\q2 erateththi bayndayssa gidides;
\q2 worqqa seerisizayti ubbay
\q2 ba ooththida
\q2 eeqa misletan yeellatida;
\q2 istti giigsida misleti wordonne
\q2 shemppoy bayndayta.
\q1
\v 18 Istti hadanne kadhettidayta;
\q2 istta bolla pirday yiza wode
\q2 istti dhayana.
\q1
\v 19 Yaaqoobe qaaday gidikko
\q2 heytantta mala gidenna;
\q2 izi ubbaa medhdhidayssa;
\q2 Isra7eele asay
\q2 izi baas doorida dere;
\q2 iza sunththi GODAA
\q2 Ubbaafe Wolqqama Xoossa» gees.
\s1 Xoossa Xam7a
\p
\v 20 GODAY, «Baabiloone
\q2 neni ta xam7anne ola massara;
\q2 nenan go7ettada
\q2 tani dere ubbaa
\q2 menththereththadis;
\q2 qasse kawoteththatakka
\q2 dhayssadis.
\q1
\v 21 Nenan paratanne
\q2 para toggizayta dhayssadis;
\q2 para-gaaretanne
\q2 istta laaggizayta
\q2 menththereththadis.
\q1
\v 22 Nenan maccassatanne
\q2 attumasata menththereththadis;
\q2 cimatanne naateththata
\q2 menththereththadis;
\q2 panththatanne geela7ota menththereththadis.
\q1
\v 23 Nenan heenththanchchatanne
\q2 wudeta menththereththadis;
\q2 goshshanchchatanne boorata
\q2 menththereththadis;
\q2 dere haarizaytanne shuumeta
\q2 menththereththadis» gees.
\s1 Baabiloone Bolla Yiza Qixaate
\p
\v 24 GODAY, «Xiyoone bolla
\q2 istti ooththida iita ooso gishshas
\q2 Baabiloonesinne izin diza ubbaas
\q2 intte intte ayfen be7ishin
\q2 istta ooso mala
\q2 ta isttas immana» gees.
\p
\v 25 GODAY,
\q1 «Hanne dhayssiza zumayee!
\q2 biitta ubbaa dhayssizaaree!
\q2 ta ne hu7e bolla days;
\q2 tani ta kushe
\q2 ne bolla denththana;
\q2 ta nena aafo hu7eppe
\q2 duge bululana;
\q2 ta nena xuugettida
\q2 zuma histtana.
\q1
\v 26 Neeppe yochcha
\q2 shuchchi beettenna;
\q2 gulas gidiza shuchchi ekettenna;
\q2 neni mernaas bula gidana» gees.
\b
\q1
\v 27 «Biitta ubbaa bolla
\q2 bandira denththite;
\q2 kawoteththata giddon
\q2 zaye punnite;
\q2 kawoteththata izi bolla
\q2 olas giigsite;
\q2 Araraate, Minaanenne
\q2 Ashkenaaze kawota
\q2 olas izi bolla xeygi shiishshite;
\q2 ola gadawa izi bolla shuumite;
\q2 boole wude mala
\q2 parata izi bolla yeddite.
\q1
\v 28 Meedoone kawota,
\q2 izo ayssizaytanne
\q2 izi shuumeta ubbaa,
\q2 istti haarizason diza
\q2 kawoteththata ubbaa
\q2 izi bolla olas giigsite.
\q1
\v 29 Baabiloone oonikka dontta
\q2 bazzo biitta histtanaas
\q2 GODAY qoppida qofay
\q2 polettana wodey gakkida gishshas
\q2 biittay kokkorees;
\q2 metonkka poporqqu gees.
\q1
\v 30 Baabiloone olanchchati ola aggida;
\q2 bantta miixan uttida;
\q2 isttas wolqqay wurides;
\q2 istti maccassa mala gidida;
\q2 istta keeththatikka xuugettida;
\q2 izi penge kolatati meqerettida.
\q1
\v 31 Katamaya mulera oykettidayssa
\q2 Baabiloone kawos yootanaas
\q2 issi yombay hara yombas,
\q2 issi qasttanney hara qasttannes
\q2 heerakka toho bolla kaallees.
\q1
\v 32 Shaafa pinniza purdeti
\q2 oykettidayssa,
\q2 shaafa matan diza miixati
\q2 xuugettidayssa,
\q2 istta wottadarati babon
\q2 bul7akettidayssa,
\q2 dagammidayssa yootanaas
\q2 woxeretteettes» gees.
\q1
\v 33 Ubbaafe Wolqqama GODAA
\q2 Isra7eele Xoossay,
\q2 «Baabiloone macca nayti
\q2 kath bukkanaas giigiza bale mala;
\q2 kaththa shiisho wodey izi bolla
\q2 eeson gakkana» gees.
\b
\q1
\v 34 Baabiloone kawo
\q2 Nabukadanaxoorey
\q2 Yerusalaame aqota bonqqides;
\q2 gaacci liiqisides;
\q2 aykkoy baynda
\q2 kayssa oto kessides;
\q2 dawey mittiza mala
\q2 deraa mittides;
\q2 mal7o miza mala miidi
\q2 guyeppe nuna kessi cuttides.
\q1
\v 35 Hessa gishshas Xiyoone asay,
\q2 «Nu bolla gakkida geney
\q2 Baabiloone bolla gakko» gees;
\q2 Yerusalaamey, «Nu suuththi
\q2 Baabiloonen diza
\q2 asata bolla gido» gawus.
\p
\v 36 Hessa gishshas GODAY,
\q1 «Ne gishshas ta mootettana;
\q2 ne halokka kessana;
\q2 izi abbaanne pultto haaththata
\q2 ta melissana.
\q1
\v 37 Baabilooney laaleththi
\q2 doorettizaso gidana;
\q2 worakanati kaa7izaso gidana;
\q2 dagamassinne qidhes
\q2 malata gidana;
\q2 oonikka izin deenna.
\q1
\v 38 Izin diza asay
\q2 wodalla gaammo
\q2 mala xaaggees;
\q2 gaammo mara mala daarees;
\q2 istti ho7etti dendettishin
\q2 ta isttas gibira giigsana;
\q2 istti maththottana mala ooththana.
\q1
\v 39 Miiccishe mernaas beeggontta
\q2 dhisko dhiskana.
\q1
\v 40 Laaqqa mala, dharsho malanne
\q2 korbe mala
\q2 ta istta shukas efana.
\b
\q1
\v 41 «Sheshaaka waana di7ettadee!\f + \fr 51:41 \fr*\ft Sheshaakay Baabiloone katama guussa.\ft*\f*
\q2 Sa7a ubbay izin ceeqettizaara
\q2 waana oykettadee!
\q2 Baabilooney kawoteththata
\q2 ubbaa sinththan
\q2 ay mala daganththizaaz gidadee!
\q1
\v 42 Abbay Baabiloone bolla kezana;
\q2 dambalaykka guummishe
\q2 izo mittana
\q1
\v 43 Izi katamati asi bayndaso,
\q2 asi mokki xeellonttaso,
\q2 melanne bazzo biitta,
\q2 aykkoy baynda
\q2 bula biitta gidana.
\q1
\v 44 Beele tani Baabiloonen qaxxayana;
\q2 izi mittidayssaka ta cooshshana;
\q2 hayssafe kawoteththay
\q2 izakko goggenna;
\q2 Baabiloone gimbey kundana.
\q1
\v 45 Ta deretoo! Izippe kezite;
\q2 intte shemppo ashshite;
\q2 yashshiza GODAA hanqofe
\q2 kessi ekki attite.
\q1
\v 46 Worey biittayn seetettishin
\q2 hidota qanxxoftenne babofte;
\q2 kawoy kawo bolla dendizayssa,
\q2 makkallateththi biittay bolla
\q2 dizayssa issi worey ha layththan,
\q2 haray layth kaallidi yaana.
\q1
\v 47 Tumappe tani Baabiloone
\q2 eeqa xoossata
\q2 qaxxayana wodey yaana;
\q2 biittaya kumeth kawuyana;
\q2 siifettidayti ubbay
\q2 izin porccu gi kundana.
\q1
\v 48 Dhayssizayti pudeha baggafe yiidi
\q2 izo oliza gishshas
\q2 saloynne sa7ay
\q2 qasse istta giddon diza ubbay
\q2 Baabiloone bolla
\q2 ilili gaana» gees.\x - \xo 51:48 \xo*\xt Ajju 18:20\xt*\x*
\p
\v 49 GODAY,
\q1 «Biitta ubbaan siifettidayti,
\q2 Baabiloone gaason kundida mala
\q2 Isra7eelen siifettidayta gaason
\q2 Baabilooney kundana
\q2 bessawus» gees.\x - \xo 51:49 \xo*\xt Ajju 18:24\xt*\x*
\s1 Baabiloonen Diza Isra7eele Asaas Kiitettida Kiita
\p
\v 50 Intteno mashshafe kessi ekki attidaytoo!
\q1 Biite; hayssan takkofte;
\q2 haako biittan dizaytoo
\q2 GODAA akeekite;
\q2 Yerusalaamekka qopite.
\b
\q1
\v 51 «Allagati geeshshasoho
\q2 GODAA Keeth gelida gishshas,
\q2 ‹Nuni cayettidos;
\q2 yeellay nu sinth kammides;
\q2 kawushshateththika
\q2 gulluntidos› giite» gees.
\p
\v 52 Gido attiin GODAY,
\q1 «Baabiloone eeqa xoossata
\q2 qaxxayana wodey yaana;
\q2 izi biitta ubbaan
\q2 madunxidayti goottarana.
\q1
\v 53 Baabilooney pude salo kezikokka,
\q2 dhoqqu gida mino miixa
\q2 ooththikokka tani dhayssizayta
\q2 izi bolla yeddana» gees.
\s1 Baabiloone Dhayo
\b
\q1
\v 54 «Baabilooneppe waasoy siyettana;
\q2 istta biittafe gita bashsha
\q2 cenggurssi siyettana.
\q1
\v 55 GODAY Baabiloone dhayssana;
\q2 keeha waassiza izi waasoza
\q2 co7u histtana;
\q2 istta morkketi
\q2 gita haaththa mala guummana;
\q2 istta waasoykka kooshumana.
\q1
\v 56 Baabiloone dhayssiza miishshi yaana;
\q2 izi olanchchati di7ettana;
\q2 istta wondafeykka meqqana;
\q2 GODAY gene ooso gishshas
\q2 halo kessizaadenne
\q2 izi haniza miish ubbaas
\q2 bessiza waaga qanxxiza Xoossa.
\q1
\v 57 Izi shuumetanne aadho eranchchata
\q2 izo haarizaytanne gita asata,
\q2 izi olanchchata tani maththosana;
\q2 istti mernaas ichchana;
\q2 simmidikka beeggettenna» gees
\q2 iza sunththi GODAA
\q2 Ubbaafe Wolqqama
\q2 Xoossaa geetettiza kawoy.
\p
\v 58 GODAY Ubbaafe Wolqqama Xoossay,
\q1 «Gubbay dalga gidida
\q2 Baabiloone gimbetti laalettana;
\q2 dhoqqu gida izi pengetikka
\q2 taman xuugettana;
\q2 asay hada daaburees;
\q2 kawoteththata daaburay
\q2 tamas xalla gidana» gees.
\p
\v 59 Yuhuda kawo Sedeqiyaasi kawotida oydanththo layththan kawoza gibbe zabezi Ma7iseya naaza Neeriya naa Sarayay kawozara Baabiloone bida wode nabe Ermaasi izas yootida kiitay hayssa. 
\v 60 Ermaasi Baabiloone gishshas kase xaafi woththidayssa ubbaa Baabiloone bolla yaana bash ubbaa xaaththa maxaafan xaafides. 
\v 61 Sarayaska, «Neni Baabiloone gakkida mala hayssa qaala ubbaaka ne qaala dhoqqu histtada nababanayssa baloppa. 
\v 62 Neni, ‹Abeet GODAWU! Neni hanno ha sohoyin as gidiin mehey mulera dhayana gakkanaas mernaas bula kessana gadasa› ga. 
\v 63 Neni hayssa xaaththa maxaafaza nababa wursidaappe guye iza giddon shuch qachchada Efiraaxise shaafan efa yegga. 
\v 64 Histtada, ‹Baabilooneykka ta izi bolla ehiza bashshaafe dendidayssan hayssaththo mitettana; nam7anththo simma denduku; izi asaykka kundana› ga» gees.\x - \xo 51:63-64 \xo*\xt Ajju 18:21\xt*\x* Ermaasi haasayda qaalay hayssan polettides.
\c 52
\s1 Yerusalaame Kundeth
\r (2Taari 24:18-20; 25:1-7)
\p
\v 1 Sedeqiyaasi kawotiza wode izas layththay nam7u tammanne issino; izi Yerusalaamen tammanne issi layth kawotides; iza aayey sunththi Amxalo gidishin iza Libina dere as Ermaasa naa. 
\v 2 Sedeqiyaasika Iyo7aaqemey ooththoyssaththo GODAA sinththan iita miish ooththides. 
\v 3 GODAY Yerusalaame bollanne Yuhuda bolla hessa ubbaaka gaththidaynne wurseththan izi ba sinththafe diggiday hanqettida gishshassa.
\p Sedeqiyaasikka Baabiloone kawo bolla makkallides. 
\v 4 Hessa gishshas Sedeqiyaasi kawotida uddufunththa layththan tammanththa aginan tammanththa gallas Baabiloone kawo Nabukadanaxoorey ba ola wottadarata ubbaa shiishshi ekkidi Yerusalaame bolla worajjides. Katamayokka giddoththides; yuuyi aadhdhanaas keela keelides.\x - \xo 52:4 \xo*\xt Hizi 24:2\xt*\x* 
\v 5 Katamayakka kawo Sedeqiyaasi kawotiin izas layththay biidi tammanne issi layth gidana gakkanaas giddoththida mala gam7adus.
\p
\v 6 Oydanththa aginan uddufunththa gallas he katamayn koshay minnida gishshas derezas maana kaththi dhaydes. 
\v 7 He katamay gimbey laalettides; ola asay ubbayka kezi baqatides. Baabiloone dere asay he katamay yuushon diikkoka kawoza atakilte achchan nam7u gimbeta giddon diza pengezara giddoth katamayppe kessi ekki baqatidi Arabe geetettizaso bida.\x - \xo 52:7 \xo*\xt Hizi 33:21\xt*\x* 
\v 8 Baabiloone dere olanchchati kawo Sedeqiyaasa yedeththidi Iyarkko demban iza gakkida; wottadarati ubbayka izappe shaakettidi laaleteththan dishin kawoza oykkida.
\p
\v 9 Iza Hamaate deren Erebila geetettizason diza Baabiloone kawookko efida; Baabiloone kawoy heen iza bolla pirdides. 
\v 10 Erebilan Baabiloone kawoy Sedeqiyaasa attuma nayta iza sinththan shukkides; Yuhuda dere shuumeta ubbaaka wodhides. 
\v 11 Sedeqiyaasa ayfetakka wooci kessides; xarqimala sansalatan iza qachchidi Baabiloone efides; histtidi izi hayqqana gakkanaas heen qasho keeththan gam7isides.\x - \xo 52:11 \xo*\xt Hizi 12:13\xt*\x*
\p
\v 12 Baabiloone kawo Nabukadanaxoorey kawotida tammanne uddufunththa layththan ichchashanththo aginan tammanththa gallas Baabiloone kawoza bonchcho naagiza wottadarata halaqay kawo shuume Nabuzaradaaney Yerusalaame yides. 
\v 13 GODAA Keeththazanne kawoteththa keeththaa hessaththoka Yerusalaamen diza keeth ubbaaka taman xuuggides; hara wolqqama keeththatakka dippi histti xuuggides.\x - \xo 52:13 \xo*\xt 1Kawo 9:8\xt*\x* 
\v 14 Kawoza bonchcho naagiza wottadarata halaqappe garsara diza Baabiloone olanchchati ubbay Yerusalaame yuushon diza gimbeza ubbaa laallida. 
\v 15 Nabuzaradaaney issi issi manqota, katamay giddon attida asata, hiillanchchatanne baqatidi Baabiloone kawos kushe immidayta denththi efides. 
\v 16 Gido attiin Nabuzaradaaney hankko he biittan diza manqota woyne tokkanaassinne goshshanchchata gidana mala heen aggides.
\p
\v 17 Baabiloone dere asay GODAA Keeththan diza xarqimala tuussata; miishshata istta bolla woththidi issi sohoppe haraso efiza gaaretanne xarqimalappe oosettida haaththa gonggeta menththereththi yeggida; xarqimala ubbaaka Baabiloone ekki bida.\x - \xo 52:17-23 \xo*\xt 1Kawo 7:15-47\xt*\x* 
\v 18 Heytappe harakka xaarota, tama kaashiza kon7ata, qapheta, kereta, cilfatanne GODAA Keeththa giddon oosos go7iza xarqimalappe oosettida miishshata ubbaaka ekki bida. 
\v 19 Kawo bonchcho naagiza wottadarata halaqay muuruta worqqafenne muuruta birappe oosettida miishshata ubbaa, guuqa saaneta, exaane cuwasiza xinnata, kereta, qeeri xaarota, xomppe istta bolla woththiza miishshata, cilfatanne ushsha yarsho isttan shiishshiza xuu7ata ekki bides.
\p
\v 20 Kawo Solomooney GODAA Keeththes xarqimalappe oosisida nam7u tuussati, haaththa gongge, izappe garsa baggara diza 12 wofanotinne miishshata istta bolla woththidi issi sohoppe haraso efiza gaareti keehi deexxeettes. 
\v 21 Issi issi tuussa geesay 18 wadha, gomppay yuuyi aadhdhanaas 12 wadha; izas giddoy doya gidida gishshas issaa issaa doona ordeteththay oyddu biradhdhey wodhdhiza keena. 
\v 22 Issi tuussa hu7e bolla wadhdhiza xarqimalappe oosettida qusttey dees; issi issi xarqimalappe oosettida qustte adussateththay 5 wadha gidishin yuuyi aadhdhanaas oroomaane miththa ayfe misatiza geexen geexettides; hankko tuussayka he oroomaane ayfe misatiza geexen geexetti kaseyssara issino misatides. 
\v 23 Uddufun tammanne usuppun oroomaane miththa ayfeti mille baggara waayey baynda beettizayta gidishin yuushozan diza oroomaane miththa ayfeta qooday xeeta.
\p
\v 24 Kawoza bonchcho naagiza wottadarata halaqay kase qeeseta halaqa Saraya, izappe garsara diza qeese Sofonaasanne penge naagiza heedzdzu zabeta qachchi efides. 
\v 25 Katamaa giddon attida asaappe olanchchatas alaafe gidida ola gadawa, kawo zoriza laappunata, dereza giddofe olanchchata dooriza ola gadawa, xaafezanne katama giddon beettida hara 60 asata ekki bides. 
\v 26 Kawoza bonchcho naagiza wottadarata halaqa Nabuzaradaaney heytantta ubbaa ekkidi Baabiloone kawoy dizaso Erebila gaththides. 
\v 27 Kawozikka istta heen Erebilan dippi histti wodhides; Yuhudaykka hessa malan ba biittafe di7etta badus. 
\v 28 Nabukadanaxoorey di7i efida dereza qooday hayssafe kaalli dizayssa;
\q2 izi ba kawotida laappunththa layththan 3,023 ayhudata,
\q2
\v 29 ba kawotida tammanne osppunththa layththan
\q2 Nabukadanaxoorey 832 as,
\q2
\v 30 Ba kawotida nam7u tammanne heedzdzanththo layththan
\q2 Nabuzaradaaney 745 ayhudata di7i efides;
\q2 izi di7i efida asaa qooday issi bolla 4,600.
\s1 Iyo7aakine Birsheteth
\p
\v 31 Yuhuda kawo Iyo7aakiney di7ettida heedzdzu tammanne laappunththa layththan Yori-Marodeeqey Baabiloonen kawotides; he layththankka tammanne nam7anththa aginan nam7u tammanne ichchashanththo gallassan Yuhuda kawo Iyo7aakine qoppides; qasho keeththafekka iza kessides. 
\v 32 Iza lo7o qaalan haasayssides; Baabiloonen izara qashoson diza kawota ubbatappe bollara aaththidi iza bonchchoson woththides. 
\v 33 Iyo7aakiney qashoson dishe may7ida may7oza izappe qaari yeggides; hessafe biidi hayqqana gakkanaas ba diza wode ubbaan kawoza maaddafe mishe gam7ides. 
\v 34 Baabiloone kawo Iyo7aakiney biidi hayqqana gakkanaas pacey baynda ubba wode izas maana qallaba immides.