\id HOS - Gamo Full Bible final version
\ide UTF-8
\h Hose7e Tinbite
\toc1 Hose7e Tinbite
\toc2 Hose7e Tinbite
\toc3 Hose
\mt1 Hose7e Tinbite
\imt1 Giddo Qofa
\ip Nabe Hose7ey Kirstoosi yelettanaappe kase 721 layththan Samaariya katamaya laalettanaappe kase diza nabe. He wode metoy kumida iita wodezan nabe Amoxeppe guye pudeha baggara diza Isra7eele kawoteththa garsan tinbite deraas yootides. Hose7ey derezi eeqa xoos goynnizayssanne GODAAN ammaneteth pacisidayssa qonccisi yootides. Hose7ey hessa derezi GODAAN ammanettonttayssa asaa erisanaas ammanettontta machcho ekkidi isttas leemiso gididi istta tamaarssees; iza machcheya Goomera izas ammanettonttayssaththoka derezi GODAA ba Xoossaa aggaagides; hessa gaason pirday Isra7eele bolla yaana gees; gido attiin wurseththan GODAY ba dereza keehi siiqiza gishshas baakko zaaridi baassinne deraas giddon diza issifeteththaa ooraxissides; he gita siiqozi hayssafe kaalli diza qaalan qonccides; «Isra7eele asawu! Ta nena wostta aggaagoo? Ta nena wostta haras aaththa immoo? Ta nena siiqiza siiqoy keehi gita gidida gishshas hessa ubbaa ooththanaas ta wozinay koyenna.» [11:8]
\iot Ha Maxaafay Oykkida Kumeththa Qofa
\io1 Hose7e soo asay ammanoy bayndaytas leemiso gideth \ior 1:3-5 \ior*
\io1 GODAY Isra7eele, Yuhudanne istta kaaleththizayta walasse \ior 4:1—5:15 \ior*
\io1 Derezi GODAAKKO simmidaa misatisso \ior 6:1—7:10 \ior*
\io1 GODAAN ammanettontta ixxida Isra7eele deraa \ior 7:11—8:14 \ior*
\io1 Isra7eele derezi baas bessiza qixaate eko \ior 9:1-16 \ior*
\io1 Isra7eele deraas yootida mino qofso \ior 10:1-15 \ior*
\io1 GODAY deraa siiqiza siiqo \ior 11:1-11 \ior*
\io1 GODAY deraa bolla yeddida pirda \ior 11:12—13:16 \ior*
\io1 Nagarappe maareteththinne anjjo hidota \ior 14:1-9 \ior*
\c 1
\p
\v 1 Ooziyay, Iyo7aatamey, Akaazeynne Hizqiyaasi issoy issaafe kaalli kaallidi Yuhudan kawotida wode hessaththoka Iyo7aasa naa Iyorba7aamey Isra7eelen kawotida wode Bi7eere naa Hose7ekko yida GODAA qaalay hayssafe kaallizayssa.\x - \xo 1:1 \xo*\xt 2Kawo 14:23—15:7; 15:32—16:20; 18:1—20:21; 2Taari 26:1—27:8; 28:1—32:33\xt*\x*
\s1 Hose7e Machchonne Iza Nayta
\p
\v 2 GODAY Hose7e baggara Isra7eele naytas qaala buro yootishe Hose7es, «Ta derey taappe shaakettidi iita layma laymatiza gishshas neni baada issi laymatiza maccas nees machcho ekka; izippe nees nayta yela» gides.
\p
\v 3 Hessa gishshas Hose7ey biidi Dibilayeme nayo Goomero machcho ekkides; izakka qanththatada izas attuma naa yeladus. 
\v 4 Hessafe guye GODAY Hose7es, «Iyunne iza zereththati Izra7eelen wodhida asata geedon Iyu zereththata ta qaxxayana wodey haaho gidenna; Isra7eele kawoteththi hayssafe guye kundana mala ta ooththana.\x - \xo 1:4 \xo*\xt 2Kawo 10:11\xt*\x* 
\v 5 He wode Izra7eele shoobban Isra7eele ola asa ubbaa ta menththereththana; hessa gishshas ne naaza sunththaa, ‹Izra7eele› gaada sunththa» gides.
\p
\v 6 Goomera qasseka qanththatada macca naa yeladus. GODAYKKA Hose7es, «Tani hayssafe guye Isra7eele asaas qadhettike; ta istta maarikke; hessa gishshas neni izi sunththaa, ‹Loruhama› ga sunththaa.\f + \fr 1:6 \fr*\ft Loruhama guussi ta deraa ta maarikke guussa.\ft*\f* 
\v 7 Yuhuda asaas gidikko tani ta siiqo bessana. Tani GODAY istta Xoossay ashshana; ta istta ashshanayssi ola wolqqan gidenna; mashshan, tooran woykko paraninne paran olizaytan gidenna» gides.
\p
\v 8 Goomera ba nayo dhanththi duuththidaappe guye qasseka qanththatada attuma naa yeladus. 
\v 9 GODAYKKA Hose7e, «Hayssafe guye Isra7eele asay ta dere gidenna; tanikka istta Xoos gidikke. Hessa gishshas neni ne naaza sunththaa, ‹Lo7aami› ga xeyga» gides.\f + \fr 1:9 \fr*\ft Lo7aami guussi ta dere gidenna.\ft*\f*
\s1 Isra7eele Asaas Imettida Hidota
\p
\v 10 Gidikkoka Isra7eele asay qooday baynda abban shaamintta mala darana. Ha7i Xoossi, «Intte ta dere deekketa» geetettidasohon, «Intte de7o Xoossa nayta» geetetti xeygettana wodey yaana.\x - \xo 1:10 \xo*\xt Oro 9:26\xt*\x* 
\v 11 He wode Yuhuda asaynne Isra7eele asay simmidi issino gidana. Nam7ati banttana ayssanaade issi as doorana. Qasseka istti bantta deren dichchaninne dureteththan de7ana. Izra7eele gallassay gita gidana.
\c 2
\p
\v 1 Hessa gishshas intte intte ishata Isra7eele nayta, «Aami»\f + \fr 2:1 \fr*\ft Aami guussi ta dere guussa.\ft*\f* intte michchetakka «Uruhaama» gi sunththite.
\s1 Ammanettontta Ixxida Isra7eele Asaa Qaxxayeteth
\q1
\v 2 «Ta naytoo! Intte aayo zorite;
\q2 hayssafe guye iza taas
\q2 machcho gidukku;
\q2 tanikka izis azina gidikke;
\q2 ba sinththafe layma suuke hano,
\q2 ba wodira giddofe
\q2 laymateth diggu.
\q1
\v 3 Iza simmontta ixxiko
\q2 iza ba aayey uloppe
\q2 kallo yelettida mala
\q2 ta izo xiire kallo ashshana.
\q2 Bazzo malanne mela biitta mala
\q2 ta izo ooththana.
\q2 Ta izo haaththa
\q2 saamon wodhana.
\q1
\v 4 Layma maccassafe
\q2 yelettida gishshas
\q2 izi naytas ta mishettike.
\q1
\v 5 Istta aaya layma;
\q2 kawushsha hanon shaaradus.
\q2 Iza ba doonara,
\q2 ‹Tani ta laggeththotaakko bays;
\q2 istti taas kaththinne haaththe,
\q2 suufeppenne lee7e haareppe
\q2 dadettida may7o,
\q2 wogara zaytenne
\q2 woyne ushshu immana› gadus.
\q1
\v 6 Hessa gishshas tani izi oge
\q2 agunththara gordana;
\q2 iza kezana penge
\q2 demmontta mala
\q2 tani gimbe yuushsha
\q2 aaththa gordana.
\q1
\v 7 Iza ba laggeththota
\q2 demmanaas woxxana shin
\q2 isttako gakkanaas dandayukku.
\q2 Iza istta
\q2 daro koyana shin demmuku;
\q2 hayssafe guye,
\q2 ‹Hayssa ha duussafe
\q2 taas kase duussay lo7o;
\q2 hessa gishshas beni ta azinaakko
\q2 ta simma baana› gaana.
\q1
\v 8 Tani izis kase kath,
\q2 woyne ushshinne
\q2 wogara zayte immidayssanne
\q2 qasseka iza ba7aale geetettiza
\q2 eeqa xoossas yarsho biranne
\q2 worqqa izis darssiday
\q2 tana gididayssa
\q2 iza shaakka erabeekku.
\q1
\v 9 Hessa gishshas
\q2 kaththi kaxxiza wode
\q2 ha kaxxiza kaththaa,
\q2 woyne ayfey teeriza wode
\q2 woyne ushshaa,
\q2 tani izippe woththa ekkana.
\q2 Hessaththoka iza ba kalloteththa
\q2 kammontta mala suufeppenne
\q2 lee7e haareppe
\q2 dadettida may7oza
\q2 ta izippe qaara ekkana.
\q1
\v 10 Izi laggeththota sinththan
\q2 ta izo kallo ashshana;
\q2 izo ta kusheppe
\q2 ashshanay deenna.
\q1
\v 11 Iza ba ufayssa ba7aaleta ubbaa,
\q2 layththan layththan
\q2 bonchchiza ba7aaleta,
\q2 agina xeeron xeeron
\q2 bonchchiza ba7aaleta,
\q2 Sambatatanne hara iza
\q2 dumma dumma doora
\q2 bonchchiza ba7aaleta
\q2 nam7anththo ooththontta mala
\q2 ta diggana.
\q1
\v 12 Iza ba laggeththotappe
\q2 baas waaga gaada
\q2 ekkida woyne miththatanne
\q2 balase miththata ta dhoqallana.
\q2 Isttaka wora do7ati maana.
\q1
\v 13 Ba7aale geetettiza eeqa xoossas
\q2 exaane cuwasanaassinne
\q2 lo7o geexe woththada
\q2 iza ba laggeththota kaallada
\q2 tana aggida gishshas
\q2 ta izo qaxxayana.
\s1 Xoossi Ba Deraa Siiqiza Siiqo
\b
\q1
\v 14 «Hessa gishshas ta izo
\q2 maqqada bazzo efana;
\q2 heen ta izira siiqo qaalan
\q2 haasayssana.
\q2
\v 15 Kase izi woyne atakilteza
\q2 ta izis zaarana;
\q2 meto shoobba ta izis
\q2 hidota penge histtana;
\q2 heen iza Gibxeppe kezida gallas
\q2 naateththan dashe yexxida mala
\q2 yexxana.\x - \xo 2:15 \xo*\xt Iya 7:24-26\xt*\x*
\q1
\v 16 Iza he gallassi tana,
\q2 ‹Ta azinazoo› ga xeygana attiin
\q2 hayssafe guye,
\q2 ‹Ba7aale› geetettiza
\q2 eeqa xoossa sunththan
\q2 tana xeygukku.
\q1
\v 17 Ba7aale geetettiza
\q2 eeqa xoossata sunththaa
\q2 ta izi doonappe diggana;
\q2 hayssafe guye
\q2 istta sunththi dendenna.
\q1
\v 18 He wode do7atara,
\q2 kafotaranne biitta bolla
\q2 gooshettiza medheteth ubbatara
\q2 ta intte gishshas caaqettana.
\q2 Ubbayka saron daana mala
\q2 ola, tooranne, Mashsha
\q2 biitta bollafe ta diggana.
\q1
\v 19 Hanne Isra7eele!
\q2 Ta nena mernaas taas giigsana;
\q2 Ta nees xilloteththaninne
\q2 suureteththan pirdana;
\q2 aggontta siiqoninne qadhetan
\q2 ta nena taas oychcha giigsana.
\q2
\v 20 Tani ammanettada nena
\q2 taas machcho giigsana.
\q2 Nenikka tani
\q2 GODA gididayssa erana.
\m
\v 21 «He gallas tani zaaro immana;
\q2 tani salo azazana;
\q2 saloykka sa7as zaaro immana.
\q2
\v 22 Biittay kath, woyne ushshunne
\q2 zayte immana;
\q2 isttika Izra7eeles zaaro gidana.
\q1
\v 23 Tani ta dereyo biitta bolla tokkana.
\q2 ‹Maaroteththi bayndaaro› geetettidaaro
\q2 ta zaarada maarana;
\q2 ‹Ta maarikke› gidayssaka
\q2 zaara maarana;
\q2 ‹Intte ta dere deekketa›
\q2 geetettideta.
\q2 ‹Ta dereta› gaada
\q2 ta xeygana gaana;
\q2 isttika tana,
\q2 ‹Neni nu Xoossa› gaana» gees.\x - \xo 2:23 \xo*\xt Oro 9:25; 1Phex 2:10\xt*\x*
\c 3
\s1 Hose7ey Ba Machcheyra Maqaynnides
\p
\v 1 GODAY tana, «Isra7eele asay hara xoossatakko simmidi zabibe ukeththi shiishshana koyides; hessarakka GODAY istta siiqizayssa mala nekka baada ba laggeththota siiqada laymatashe diza kase ne machcheyo zaarada siiqa» gides.
\p
\v 2 Hessa gishshas ta izo tammanne ichchashu saqile biraninne 150 kilo banggan shammadis. 
\v 3 Ta izo, «Ne laymatizayssanne hara as kaallizayssa aggada tanara daro wode xilloteththan de7a; tanikka nenara ammaneteththan daana» ga zoradis.
\p
\v 4 Hessaththoka Isra7eele asay kawoy baynda woykko kaaleththizaadey baynda, yarshoy baynda woykko eeqa xoossata hawultey baynda, qeeseteththa may7oy baynda woykko eeqa xoossata misley baynda daro wode de7ana. 
\v 5 Hessafe guye Isra7eele derey GODAA ba Xoossaakonne ba kawo Dawitekko simmana. Wurseththa wode istti yashshan kokkorishe GODAAKKONNE iza anjjoko yaana.
\c 4
\s1 Isra7eele Bolla Dendida Mooto
\p
\v 1 Hanno biittay bolla diza asa ubbaa bolla
\q2 GODAY shiishshiza mootoy dees.
\q2 Hessa gishshas Isra7eele asawu!
\q2 Izi inttena gizayssa siyite;
\q2 «Hanno biittay bollafe
\q2 ammaneteththay,
\q2 siiqoynne Xoos eroy dhaydes.
\q1
\v 2 Haan dizay qanggeth, wordo,
\q2 shemppo wodho, laymateththinne
\q2 caaqqida qaala muusi xalla dees.
\q2 Geneynne shemppo wodhoy
\q2 dari dari bees.
\q1
\v 3 Hessa gaason biittay bolla
\q2 koshay yees;
\q2 izi bolla dizay wuri gilqees;
\q2 meheti, do7ati, kafotinne
\q2 Abba giddon diza moleti
\q2 ubbay wureettes.»
\s1 Goday Qeeseta Bolla Hanqettides
\p
\v 4 GODAY, «Intteno qeeseto
\q2 ta inttena mootiza miishshi dees;
\q2 hessa gishshas oonikka
\q2 hara asara palamettofo;
\q2 qasse oonikka hara as mootoppo.
\q1
\v 5 Intte omarsinne gallas
\q2 dhuphetteeta;
\q2 nabetikka inttenara
\q2 dhuphetteettes.
\q2 Hessa gishshas tani intte aayo
\q2 Isra7eele dhayssana.
\q1
\v 6 Ta derezas erateththi
\q2 paccida gishshas dhaydes.
\q2 Intte tana eranaas
\q2 koyontta gishshas
\q2 tanikka intte taas qeeseta gidi
\q2 ooththana mala koykke.
\q2 Intte ta woga balettida gishshas
\q2 tanikka intte nayta balana.
\q1
\v 7 Qeeseta qooday dari dari bishin
\q2 istti ta bolla ooththida nagaray
\q2 dari dari bides;
\q2 bantta bonchchoka
\q2 kawushshan laammida.
\q1
\v 8 Ta dereza nagaray
\q2 isttas muussas kiyides;
\q2 hessa gishshas derey
\q2 nagara ooththizayssa
\q2 keehi dosida.
\q1
\v 9 Intte qeesetikka deraappe
\q2 dummatekketa;
\q2 hessa gishshas ta ubbaaka
\q2 izaade hano mala iza qaxxayana;
\q2 iza ooso malakka izas immana.
\q1
\v 10 Ta derey tana GODAA
\q2 aggida gishshas
\q2 istti maanashin
\q2 kallettenna;
\q2 laymatanashin
\q2 corattettenna» gees.
\s1 Goday Eeqa Xoossatas Goyno Ixxees
\b
\q1
\v 11 «Laymateththas,
\q2 Caalida woyne ushshas,
\q2 mal7o woyne ushsha suukes
\q2 banttana aaththi immida;
\q2 hessantti ta dereza
\q2 wozina ekkida.
\q1
\v 12 Hessa gishshas miththafe oosettida
\q2 eeqa xoossa zore oychcheettes;
\q2 istti izan maroththiza guufezikka
\q2 isttas zaaro immiza misatees;
\q2 laymateththa qofay baleththides;
\q2 bantta Xoossaas
\q2 ammanettibeettenna.
\q1
\v 13 Zumay dizason dizason
\q2 yarsho yarsheettes;
\q2 zumbullata bolla,
\q2 gita daashsha miththata
\q2 kuwa garsan
\q2 xuugettiza yarsho yarsheettes.
\q2 Hessa gaason intte macca nayti
\q2 layman daana;
\q2 intte nayta machcheti laymatana.
\q1
\v 14 Intte macca naytinne
\q2 intte nayta machcheti
\q2 laymatishin tani istta qaxxaykke;
\q2 gaasoykka intte attumasati
\q2 layma maccassatara suuketeettes;
\q2 eeqa xoossatas laymateththa
\q2 yarsho shiishshizaytara
\q2 intteka izaththo yarsheeta.
\q2 Hessa gishshas akeekay baynda
\q2 derey dhayana.
\b
\q1
\v 15 «Intteno Isra7eele asatoo!
\q2 Intte laymatikkoka
\q2 Yuhuda asay
\q2 laymatana mala ooththofte;
\q2 hessa gishshas taas goynnanaas
\q2 Gelgela woykko
\q2 Beeti-Awene\f + \fr 4:15 \fr*\fqa Beet-Awene: \fqa*\ft Beet-Awene guussi iitateththa keeth gidishin Beet7eeles imettida cachcha sunththa.\ft*\f*
\q2 geetettizaso boopite;
\q2 ‹De7o GODAY beyiin› giidi
\q2 ta sunththan caaqqofte.
\q1
\v 16 Isra7eele derey makkallanchcha
\q2 ussa mala makkallides;
\q2 histtiin GODAY istta
\q2 dorsa laaqqata mala
\q2 lo7oson wostti heemmanee?
\q1
\v 17 Efreemey eeqa xoossata goynon
\q2 oykettida gishshas
\q2 istta gede aggaagite.
\q1
\v 18 Woyne ushshu uyidaappe guye
\q2 laymateettes.
\q2 Istta ayssizaytikka
\q2 yeellachchiza miish doseettes.
\q1
\v 19 Istta gote carkoy pitti efana;
\q2 istta yarshoy istta bolla
\q2 yeella ehana.
\c 5
\m
\v 1 Intteno qeeseto hayssa siyite!
\q2 Isra7eele asatoo akeekite!
\q2 Kawo keeththa asatoo
\q2 hayssa ezgite!
\q2 Hekko pirday intte bolla yides;
\q2 Gaasoykka
\q2 intte Mixiphphan narxa,
\q2 Taaboore zuman gite gidideta.
\q1
\v 2 Makkallanchchati shemppo wodho
\q2 kaseppe haa darssida;
\q2 hessa gishshas tani istta
\q2 ubbaaka qaxxayana.
\q1
\v 3 Tani Isra7eele asa ubbaa erays.
\q2 Isra7eeley ta ayfeppe
\q2 geemmabeekku;
\q2 Efreeme,\f + \fr 5:3 \fr*\fqa Efreeme: \fqa*\ft Efreeme geetettizayssi Isra7eeles nam7anththo sunththa.\ft*\f* neni laymateththa
\q2 goynon tunadasa.
\m
\v 4 Isra7eele asay ooththida mooroy
\q2 istti ba Xoossaako
\q2 simmontta mala diggides.
\q2 Laymateththa ayanay
\q2 istta wozina kumides.
\q2 Hessa gishshas
\q2 istti GODAA erettenna.
\q1
\v 5 Isra7eele asaa otoroy
\q2 istta bolla simmi markkattees.
\q2 Istti bantta nagaran dhuphettana.
\q2 Yuhudaykka isttara issife
\q2 dhuphetti kundana.
\q1
\v 6 Istti GODAA koyanaas
\q2 bantta wude mehetanne
\q2 miizatakka laaggi efana;
\q2 gido attiin izi isttafe
\q2 shaakettida gishshas
\q2 istti iza demmettenna.
\q1
\v 7 Istti eeqa xoossatas
\q2 goynniza gishshas
\q2 GODAAS ammanettibeettenna;
\q2 istti layman nayta yelida.
\q2 Hessa gishshas istti agina xeeron
\q2 bonchchiza ba7aaley
\q2 isttanne istta nayta
\q2 issife dhayssana.
\s1 Isra7eeleninne Yuhuda Giddon Dendana Ola
\m
\v 8 Asay olas kezana mala
\q2 Gibi7an zaye zayite;
\q2 Eraaman xurumba punnite.
\q2 Beeti-Awenen,
\q2 ‹Biniyaame baggatoo!
\q2 Nu inttenara doos› gishe waassite.
\q1
\v 9 Qixaatey yiza wode
\q2 Efreemey bula gidana;
\q2 hayssi Isra7eele bolla
\q2 gakkanayssa
\q2 ta lo7eththa erisays» gees.
\b
\q1
\v 10 GODAY, «Yuhuda
\q2 kaaleththizayti dhas
\q2 shoddiza asa mala
\q2 gidida gishshas
\q2 tani ta hanqo haaththa di7o mala
\q2 istta bolla yeddana.
\q1
\v 11 Isra7eele asay hada xoos
\q2 kaalon minnides.
\q2 Hessa gaason naaqettidetanne
\q2 pirdan qohettideta.
\q1
\v 12 Hessa gishshas tani
\q2 Isra7eele asaa piinno mala,
\q2 Yuhuda asas qasse
\q2 quno mala gidana.
\q1
\v 13 Isra7eeley ba sakoza;
\q2 Yuhudaykka ba madunththa be7idi
\q2 Isra7eeley Asoorekko
\q2 ba ayfso zaaradus;
\q2 Isra7eeley maado demmanaas
\q2 gita Asoore kawookko
\q2 qasttanne kiittadus.
\q2 Gido attiin izi inttena ashshanaas
\q2 woykko intte madunththa
\q2 paththanaas dandaybeenna.
\q1
\v 14 Hessafe dendidayssan
\q2 tani Isra7eeles gaammo mala
\q2 Yuhudaska wodalla
\q2 gaammo mala gidana;
\q2 ta istta nififi histta
\q2 menththereththa yeggana;
\q2 bonqqa ekkada baana;
\q2 oonikka istta ta kusheppe
\q2 ashshanaas dandayenna.
\m
\v 15 Istti ba bala eridi taakko simmana gakkanaas
\q2 tani isttafe haakkana.
\q2 Istta bolla metoy dariza wode
\q2 istti tana minththi koyana» gees.
\c 6
\s1 Wozinappe Gidontta Maaroteth
\p
\v 1 Derezi, «Haa yiite,
\q2 ane GODAAKKO simmoos!
\q2 Izi nuna menththida mala
\q2 izikka nuna zaaridi koolana;
\q2 izi nuna madunththida mala
\q2 zaaridikka izi nu madunththaa
\q2 paththana.
\q1
\v 2 Nam7u gallassatappe guye
\q2 izi nuna beegoththana;
\q2 heedzdzanththo gallas
\q2 izi nuna denththana;
\q2 nunikka iza sinththan
\q2 paxa daana.
\q1
\v 3 Ane nuni GODAA eroos!
\q2 Nu iza lo7eththi eranaas
\q2 ane minettoos!
\q2 Izi wontta poo7o mala
\q2 nuus qonccana;
\q2 biitta kalssiza assura ira malanne
\q2 balgo ira mala
\q2 izi nuukko yaana» gees.
\p
\v 4 GODAY, «Efreeme asatoo!
\q2 Yuhuda asatoo!
\q2 Ta inttena wosttiko lo7oo?
\q2 Intte tana siiqiza siiqoy
\q2 maalado shaara malanne
\q2 maalado xaaza mala
\q2 coo tim7i gi eeson dhayees.
\q1
\v 5 Hessa gishsha
\q2 s tani ta nabeta baggara
\q2 inttena qanxxereththadis;
\q2 ta doonappe ke7iza qaalan
\q2 ta inttena wodhadis.
\q2 Ta pirdayka intte bolla
\q2 wolqqanththa mala poo7ides.
\q1
\v 6 Tani yarshofe aaththada
\q2 maaroteth dosays.
\q2 Xuugettiza yarshofe aaththada
\q2 Xoos ero dosays.\x - \xo 6:6 \xo*\xt Mato 9:13; 12:7\xt*\x*
\q1
\v 7 Istti qasse kase Addaame
\q2 geetettizason
\q2 tanara gelida
\q2 caaqo qaala laallida;
\q2 heenkka istti tanan
\q2 ammanettibeettenna.
\q1
\v 8 Gala7aadey suuththan moorettadus;
\q2 iita asata duussaso gidadus.
\q1
\v 9 Pangati ase wodhanaas
\q2 zamadiza mala
\q2 qeesetikka zuppetidi hessaththo ooththeettes.
\q2 Gede Seekeeme efiza oge bollaka
\q2 naagi naagi as wodheettes;
\q2 yeellachchiza iita miish
\q2 ooththeettes.\f + \fr 6:9\fr*\ft Seekeemey Xoossa keeththi dizaso.\ft*\f*
\q1
\v 10 Dizhiginthiza iita miish
\q2 Isra7eelen beyadis;
\q2 Efreemey eeqas goynoninne
\q2 laymateththan tunides.
\b
\q1
\v 11 «Intteno Yuhuda asatoo!
\q2 Ta inttena qaxxayana gallas
\q2 bara woththadis.
\c 7
\q1
\v 1 «Tani ta dere Isra7eele
\q2 asa paththanaassinne
\q2 zaarada duresanaas koyza wode;
\q2 Efreeme nagaraynne
\q2 Samaariya asa iitateththi
\q2 keehi dari beettides.
\q2 Istti issoy issaas wordoteettes,
\q2 kaysoti keeththe bookki gelidi
\q2 kaysoteettes,
\q2 pangati oge bolla
\q2 aadhdhooson aadhdhooson
\q2 bonqqeettes.
\q1
\v 2 Gido attiin tani hayssa
\q2 istta iitateththaa wursa erizayssa
\q2 istti akeekibeettenna.
\q1 Hessa gishshas istta
\q2 istta nagaray giddoththi
\q2 woththides;
\q2 istta iita oosoy
\q2 taappe geemmibeenna» gees.
\s1 Kawo Keeththan Dendida Iita Maqqo
\p
\v 3 GODAY,
\q1 «Istti kawoza ba iitateththan
\q2 halaqatakka bantta wordon
\q2 baleththeettes.
\q1
\v 4 Istti wurikka laymatizayta,
\q2 bukeesoy dendana gakkanaas
\q2 daabbo uukkizaadey
\q2 tama eeththanaas
\q2 koshshontta seelisida cooce mala.
\q1
\v 5 Nu kawoza ba7aale gallas
\q2 halaqati woyne ushshan
\q2 maththo leelaa gida.
\q2 Izikka qidhizaytara zuppetides.
\q1
\v 6 Istta wozinay
\q2 cooce tama mala seellides;
\q2 genen izakko shiiqeettes.
\q2 Istti omarsi kumeththi
\q2 hanqo cuwattishe aqeettes
\q2 wonteththa gallas eexxiza
\q2 tama mala
\q2 popol7u geettes.
\q1
\v 7 Wurikka tama cooce mala
\q2 seellidayta;
\q2 banttana ayssizayta
\q2 dippi histti wursida.
\q2 Istta kawotikka kundida;
\q2 isttafe oonikka
\q2 taakko shiiqibeenna.
\s1 Isra7eele Asay Hara Kawoteththatara Walakettides
\b
\q1
\v 8 «Efreemey hara kawoteththatara
\q2 walakettides;
\q2 izi shirettontta attida
\q2 ukeththa mala.
\q1
\v 9 Allagati istta wolqqa mida;
\q2 gido attiin istti hessa
\q2 eribeettenna.
\q2 Iza hu7ey puulunth caddides;
\q2 gido attiin izi hessa eribeenna.
\q1
\v 10 Isra7eele asaa otoreteththi
\q2 istta bolla markkattees;
\q2 hessi wuri haniinkka
\q2 istti GODAA bantta Xoossako
\q2 simmibeettenna;
\q2 izakka koyibeettenna.
\b
\q1
\v 11 «Isra7eele asay
\q2 elle balettizanne
\q2 qofay baynda
\q2 haraphphe kafo mala.
\q2 Issito Gibxe xeygees;
\q2 hara wode
\q2 qasse Asoorekko simmees;
\q1
\v 12 Istti piradhdhishin ta gite
\q2 istta bolla yeggana;
\q2 salo kafota mala
\q2 duge goochcha woththana;
\q2 istti ooththida iita ooso gishshas
\q2 ta istta dere sinththan
\q2 qaxxayana.
\q1
\v 13 Istti taappe haakki bida gishshas
\q2 isttas aayye ana!
\q2 Ta bolla istti makkallida gishshas
\q2 istta bolla dhayssizaazi yo;
\q2 Tani istta wozzana koyadis;
\q2 istti gidikko ta bolla
\q2 wordo haasayeettes.
\q1
\v 14 Istti ba hiixa bolla
\q2 ichchidi yeekkeettes;
\q2 gido attiin wozinappe
\q2 taakko woosettenna;
\q2 kaththassinne
\q2 ushshas shiiqeettes;
\q2 gido attiin taappe sher7i gida.
\q1
\v 15 Tani istta tamaarsadissinne
\q2 istta minththadis;
\q2 istti gidikko ta bolla dendida.
\q1
\v 16 Taappe haakkidi
\q2 hada miishshako simmida;
\q2 Istti caddana xongiin
\q2 wora biza toora mala.
\q2 Istta kaaleththizaytikka
\q2 bantti haasayza iita
\q2 qaala gaason
\q2 mashshan wurana;
\q2 hessafe dendoyssan istti Gibxe
\q2 biittan qidhes attana.
\c 8
\s1 Isra7eele Asaa Bolla Yida Godaa Hanqo
\q1
\v 1 «Asay tanara diza
\q2 caaqo qaala laallides;
\q2 ta woga bollaka makkallides.
\q2 Hessa gaason morkkey
\q2 arganththa mala
\q2 GODAA keeththa bolla
\q2 alaanththees.
\q2 Hessa gishshas
\q2 istti naagettana mala
\q2 zaye punna!
\q1
\v 2 Isttika, ‹Xoossawu!
\q2 Nu nena eroos› gishe
\q2 taakko waasseettes.
\q1
\v 3 Gido attiin Isra7eele asay
\q2 lo7o miish ixxida gishshas
\q2 morkkey istta gooddana.
\b
\q1
\v 4 «Ta sheney baynda istti baas
\q2 kawota kawoththida;
\q2 tana oychchontta dishe
\q2 daannata doorida;
\q2 ba birappenne ba worqqafe
\q2 bana dhayssana eeqa xoossata
\q2 baas ooththida.
\q1
\v 5 Samaariya dere asatoo!
\q2 mari misatissi intte medhdhida
\q2 eeqa xoossati tana shaatteettes.
\q2 Ta hanqoy intte bolla
\q2 tama mala eexxees;
\q2 intte mooro ooson
\q2 ayde gakkanaas intte gam7anee?
\q1
\v 6 Hiillanchchay mara misle
\q2 medhdhida eeqa xoossati
\q2 Xoos gidanaas dandayettenna.
\q2 Hessa gishshas
\q2 mar misati oosettida
\q2 Samaariya eeqa xoossati
\q2 meqeretti wodhdhana.
\q1
\v 7 Istti carko zeridi gote shiishshana;
\q2 buuxa bolla ayfey deenna;
\q2 dhiilleyka beettenna;
\q2 ayfikkoka allagati maana.
\q1
\v 8 Isra7eeley
\q2 hara kawoteththata giddon
\q2 hiraysso miishsha mala gidida.
\q1
\v 9 Barkka bazzo biittan toylattiza
\q2 hardida mala
\q2 gede Asoore dere bida.
\q2 Bana maaddana mala
\q2 kawotas miishshe immidi
\q2 baas dabbo shammida.
\q2
\v 10 Istti bana kawotas
\q2 aaththi bayzikkoka
\q2 ha7i ta istta shiishshana;
\q2 kawotinne daannati
\q2 istta bolla gaththiza
\q2 metoppe dendidayssan
\q2 istti guuxxi guuxxi baana.
\b
\q1
\v 11 «Efreemey nagara wursanaas
\q2 daro yarshosoho ooththides;
\q2 gido attiin he yarshosohoti
\q2 nagara ooththizaso gidida.
\q1
\v 12 Ta isttas ta wogaa garsan diza
\q2 daro miishshata xaafadis.
\q2 Istti gidikko
\q2 hada miishsha mala qoodida.
\q1
\v 13 Istti lo7o yarsho shiishsheettes
\q2 he yarsho ashozakka meettes;
\q2 gido attiin GODAY
\q2 isttan ufayettibeenna.
\q2 Hessa gishshas izi istta
\q2 iitateththaa zaari qoppana;
\q2 istta nagara gishshas qaxxayana.
\q2 Isttika Gibxe simmana.
\b
\q1
\v 14 «Isra7eele derey
\q2 baas gita kawoteththa
\q2 keeththata keexxides;
\q2 gido attiin bana medhdhidayssa balides.
\q2 Yuhuda dereykka daro mino
\q2 katamata ooththides;
\q2 gido attiin tani he katamata bolla
\q2 tama yeddana;
\q2 istta miixataka
\q2 tamay maana» gides.
\c 9
\s1 Isra7eele Bolla Yaana Qixaate
\q1
\v 1 Isra7eele asawu! Ufayettofte!
\q2 Hara kawoteththata mala
\q2 ufays nococu goopite!
\q2 Ays giikko intte intte Xoossas
\q2 ammanettibeekketa;
\q2 kaththa bale ubbaan
\q2 laymateththas
\q1
\v 2 Hessa gishshas hayssafe guye
\q2 intte kaththa baleppe kath,
\q2 woyne gum7izasohoppe
\q2 woyne ushshu demmeketa.
\q2 Ooraththa woyne ushshika
\q2 inttes paccana.
\q1
\v 3 Isra7eele derey GODAY
\q2 isttas immida biittan uttenna.
\q2 Efreemey duge Gibxe simmana;
\q2 Asoorekka biidi tunida kath maana.
\q1
\v 4 Heen GODAAS woyne ushshu
\q2 yarshanaas dandayettenna;
\q2 istta yarshoyka
\q2 GODAA ufayssenna.
\q2 Hessa gishshas isttas yarshozi
\q2 shochcha kath gidana;
\q2 iza miza ubbay tunana.
\q2 He kaththazi coo gafas
\q2 miza kath gidana attiin
\q2 GODAA keeth yarshos shiiqenna.
\q1
\v 5 Histtiin intte dumma dumma
\q2 ba7aale gallassataninne
\q2 GODAA ba7aale gallassatan
\q2 ay ooththeetii?
\q1
\v 6 Istti bashshafe attanaas betikkoka
\q2 Gibxey istta shiishshana;
\q2 Memppisa geetettizason
\q2 istta moogana;
\q2 istti haarida biray wurikka
\q2 sharafa may7i attana;
\q2 istta duussaso
\q2 ubbaa agunththi laattana.
\b
\q1
\v 7 Qaxxayana wodey gakkides;
\q2 Pirda gallassika gakkides;
\q2 hessa Isra7eele asay ero.
\q1 Intte ooththida nagaray
\q2 daro gidida gishshassinne
\q2 intte morkketeththi gita gidida
\q2 gishshas nabey eeya mala,
\q2 Xoossa Ayanay iza bolla
\q2 shempidaadey
\q2 gooshsha mala qoodettides.\x - \xo 9:7 \xo*\xt Luqa 21:22\xt*\x*
\q1
\v 8 Nabey Xoossara gididi
\q2 Efreeme naagizaade;
\q2 gido attiin iza oge
\q2 ubbaan woximadey,
\q2 iza Xoossa Keeththan ixoy
\q2 iza naagees.
\q1
\v 9 Isra7eele asay
\q2 kase Gibi7a wode diza
\q2 asa mala keehi tunides;
\q2 Xoossi istta qohoza qoppidi
\q2 istta nagara gishshas
\q2 istta qaxxayana.\x - \xo 9:9 \xo*\xt Daanna 19:1-30\xt*\x*
\s1 Nagara Gaason Isra7eele Asa Kundeth
\p
\v 10 GODAY,
\q1 «Tani Isra7eele asaa demmida wode
\q2 taas bazzo biittan
\q2 woyne miththa ayfe
\q2 demmida misatides.
\q2 Tani kase intte aawata
\q2 be7ida wode
\q2 taas koyro kaxxida balase miththa
\q2 ayfe be7idaa misatides.
\q2 Istti Ba7aali-Pe7oore gakkida wode
\q2 banttanateththa yeellachchiza
\q2 eeqa xoossas dummasida.
\q2 Isttika he ba siiqiza
\q2 eeqa xoossaa mala tunida.\x - \xo 9:10 \xo*\xt Tay 25:1-5\xt*\x*
\q1
\v 11 Efreeme bonchchoy
\q2 kafoy piradhdhiza mala
\q2 piradhdhi dhayana;
\q2 hayssafe guye naa qanththateththi,
\q2 shaaraynne naa yeloykka deenna.
\q1
\v 12 Naa yelidi dichchikokka
\q2 istti dhoommana gakkanaas
\q2 ta istta wodhana.
\q2 Ta isttafe ta ayfeso zaarida wode
\q2 isttas aayye ana!
\q1
\v 13 Efreemey Xiroose mala
\q2 lo7o gaden tokettiin be7adis;
\q2 Ha7i gidikko Efreemey
\q2 ba nayta shemppo wodhizaytas
\q2 aaththi immana.
\q1
\v 14 GODAWU! Ne ha deraas
\q2 ay immanee?
\q2 Awucayiza ulonne
\q2 shulla dhanth imma!
\s1 Isra7eele Asa Bolla Xoossa Pirda
\b
\q1
\v 15 «Istti Gelgelan
\q2 ooththida iitateththaa
\q2 gaason ta istta ixxadis;
\q2 istti ooththida iita ooso gishshas
\q2 ta keeththafe ta istta gooddana;
\q2 hayssafe guyekka
\q2 ta istta dosikke;
\q2 istta kaaleththizayti
\q2 ubbay makkallanchchata.
\q1
\v 16 Efreemey shocettides;
\q2 isttas xaphoykka melides;
\q2 Istti ishalon dichchida nayta
\q2 ta wodhana» gees.
\s1 Hose7ey Isra7eele Asa Seerides
\b
\q1
\v 17 Istti azazettontta ixxida gishshas
\q2 ta Xoossi istta yeggi aggana;
\q2 isttika kawoteththata giddon
\q2 coo toylattana.
\c 10
\q1
\v 1 Isra7eele asay daayida
\q2 woyne miththa mala.
\q2 Istti daro ayfe ayfida;
\q2 ayfezi darida keena
\q2 daro yarshosoho medhdhida.
\q1 Istta biittaya lo7o ayfe immada
\q2 istta duresida mala
\q2 istti goynniza tuussata aleqessida.
\q1
\v 2 Istta wozinan geney kumides;
\q2 istti ba ooththida geneza
\q2 waaga ekkana.
\q2 GODAY istti yarsho
\q2 yarshizasohota
\q2 ubbaa laallana.
\q2 Istti goynniza eeqa xoossa
\q2 tuussatakka shoddana.
\p
\v 3 Isttika, «Nuus kawoy deenna;
\q2 nuni GODAA bonchchontta
\q2 gishshas kawoy dizaakkoka
\q2 izi nuus ay ooththanee?» gaana.
\q1
\v 4 Istti wordora caaqqidi
\q2 qaala geleettes;
\q2 hada hidota ooththeettes;
\q2 hessa gishshas kaththa giddon
\q2 marzera diza haruma maatay
\q2 mokkiza mala
\q2 istta giddon gene pirday darana.
\q1
\v 5 Samaariya kataman diza derey
\q2 Beeti-Awenen diza
\q2 mara mislen oosettida
\q2 eeqa xoossas yayyees.
\q2 Izappe bonchchoy qaaretti
\q2 kichchida gishshas
\q2 asay yeekkees.
\q2 He eeqa misleza qeesetikka
\q2 waasseettes.
\q1
\v 6 He eeqa mislezi gita gidida
\q2 Asoore kawos kiyateth imettana.
\q2 Efreemey kawuyana;
\q2 Isra7eeleykka bantta eeqa
\q2 xoossa gishshas yeellatana.
\q1
\v 7 Samaariya kawoy
\q2 haaththa goppontto mala
\q2 coo dhayana.
\q1
\v 8 Isra7eeles nagara gidida
\q2 Beet-Awenen goynnizasoho
\q2 zumbullazi dhayana;
\q2 okkaynne ohay mokkana;
\q2 He wode derey zumata,
\q2 «Nuna qottite!»
\q2 zumbullatakka
\q2 «Nuna kammite!» gaana.\x - \xo 10:8 \xo*\xt Luqa 23:30; Ajju 6:16\xt*\x*
\s1 Goday Isra7eele Asaa Qaxxayana
\p
\v 9 GODAY, «Isra7eele asawu!
\q2 Gibi7an nagara ooththoosoppe
\q2 hach gakkanaas
\q2 Geba7oonen nagara ooththizayta
\q2 olay wursibeennee?\x - \xo 10:9 \xo*\xt Daanna 19:1-30\xt*\x*
\q1
\v 10 Tani koyza wode istta qaxxayana;
\q2 Istti ooththida
\q2 dakko nagara gishshas
\q2 qixaatey istta bolla gakkana;
\q2 kawoteththati
\q2 istta bolla dendana.
\q1
\v 11 Isra7eeley kath bukkanaas
\q2 dosiza mehe mala;
\q2 gido attiin lo7iza izi morge bolla
\q2 qambara woththana;
\q2 Efreeme waaxana;
\q2 Yuhuday goyana;
\q2 Yaaqoobe nayti
\q2 waaxettidi biitta pixana.
\q1
\v 12 GODAY yiidi xilloteth
\q2 intte bolla ira mala
\q2 bukisana gakkanaas
\q2 hanna intte iza koyza wode
\q2 gidida gishshas oththaa goyite;
\q2 inttes xilloteth zerite;
\q2 mino siiqo ayfe maxite.\x - \xo 10:12 \xo*\xt Er 4:3\xt*\x*
\b
\q1
\v 13 «Intte gidikko intte wolqqaninne
\q2 intte ola qarata daroteththan
\q2 ammanettidi iitateththi zerideta;
\q2 nagara shiishshideta;
\q2 wordoteththa ayfe mideta.
\q1
\v 14 Shilimaaney Beeti-Arbeele
\q2 geetettiza katama olan kase
\q2 laallidayssaththonne
\q2 Aayeta naytara gaththi
\q2 biitta bolla
\q2 dincereththi wursida mala
\q2 shiroy deraa bolla yaana.
\q2 Intte dere asaa bolla wolqqama
\q2 olay yaana;
\q2 Intte miixay laalettana.
\q1
\v 15 Beetele! Ne iitateththi
\q2 gita gidida gishshas
\q2 ne bollaka hessaththo hanana;
\q2 he gallassaya gakkiza wode
\q2 Isra7eele kawoy
\q2 mulera dhayana» gees.
\c 11
\s1 Isra7eeles Godaa Siiqo
\p
\v 1 GODAY, «Isra7eeley buro
\q2 yidhan dishin dosadis.
\q2 Histtada ta naaza
\q2 ta Gibxe biittafe xeygadis.\x - \xo 11:1 \xo*\xt Kessa 4:22; Mato 2:15\xt*\x*
\q1
\v 2 Gido attiin ta istta xeygida keena
\q2 istti taappe gede
\q2 haakki haakki bida.
\q2 Ba7aales yarsho shiishshida;
\q2 iza misletasikka
\q2 exaane cuwasida.
\q1
\v 3 Efreemes kusheza oykkada
\q2 hemeth tamaarsiday tana;
\q2 Gido attiin istta paththiday
\q2 tana gididayssa
\q2 istti eribeettenna.
\q1
\v 4 Ta istta qadheta wodoroninne
\q2 siiqo sansalatan
\q2 taakko shiishshadis;
\q2 istta morgefe
\q2 qambara denththadis;
\q2 ziqqi ga hokkada istta mizadis.
\b
\q1
\v 5 «Histtiin istti
\q2 maaroteththan gelontta gishshas
\q2 duge Gibxe simmettennee?
\q2 Asoorey istta haarennee?
\q1
\v 6 Istta iita halchcho gishshas
\q2 Morkke tooray istta
\q2 katamata olana;
\q2 istta katamata pengetakka
\q2 menththereththi yeggana.
\q2 Isttika mulera dhayana.
\q1
\v 7 Ta derey
\q2 taappe haakkanaas koyides;
\q2 gidikkoka istti taakko Ubbaafe
\q2 Wolqqama Xoossako waassiko
\q2 ta istta ashshike.
\b
\q1
\v 8 «Efreemee! Ta nena
\q2 wostta aggaaganee?
\q2 Isra7eele ta nena
\q2 wostta aaththa immanee?
\q2 Ta kase Adaamaninne
\q2 Xaboymen ooththidayssaththo
\q2 wostta ne bolla ooththoo?
\q2 Ta wozinay giddon qaaxxides;
\q2 ta maaroteththay
\q2 nena ashshana dendides.\x - \xo 11:8 \xo*\xt Zaare 29:23\xt*\x*
\q1
\v 9 Tani intte giddon diza Geeshsha
\q2 Xoossa attiin as gidikke.
\q2 Ta hanqora intte intteko yiikke;
\q2 ta bosha hanqo
\q2 intte bolla yeddike;
\q2 Efreeme zaarada dhayssike.
\b
\q1
\v 10 «Tani GODAY istta ashshanaas
\q2 xaaggiza gaammo mala
\q2 tani ta qaala sissishin
\q2 istti tana kaallana;
\q2 ta nayti kokkorishe
\q2 arshey mokkiza baggafe yaana.
\q1
\v 11 Gibxeppe kafo mala
\q2 Asooreppe haraphphe mala
\q2 piradhdhi yaana.
\q2 Tani istta isttasohon
\q2 woththana» gees.
\s1 Isra7eele Nagaranne Yuhuda Nagara
\p
\v 12 GODAY, «Efreeme wordon
\q2 Isra7eeleykka genen
\q2 tana giddoththides;
\q2 Yuhuday Xoossas
\q2 haarettonttaade;
\q2 ammanettida Geeshshazara
\q2 eqettizaade» gees.
\c 12
\q1
\v 1 Efreemey carko heenththanchcha;
\q2 gallas kumeth arshey mokkiza
\q2 bagga carko kaallees;
\q2 wordonne makkalla darsees.
\q2 Asoore deraara
\q2 caaqo qaala gelees;
\q2 wogara zayte Gibxe biitta yeddees.
\q1
\v 2 GODAY Yuhuda deraa bolla
\q2 shiishshiza mootoy dees;
\q2 izi Yaaqoobe iza
\q2 hanota mala qaxxayana.
\q2 Iza ooso mala izas immana.
\q1
\v 3 Yaaqoobey buro
\q2 ba aayey ulon dishe
\q2 ba isha toho qirphe oykkides;
\q2 Asa zawa gakkidaappe guye
\q2 oossara baaxetides.\x - \xo 12:3 \xo*\xt Medhe 25:26\xt*\x*\x - \xo 12:3-4 \xo*\xt Medhe 32:24-26\xt*\x*
\q1
\v 4 Kiitanchchara baaxetidi
\q2 iza xoonides;
\q2 iza sinththan teema demmanaas
\q2 yeekki woossides;
\q2 izakka Beetelen demmides;
\q2 heen izara haasayettides.\x - \xo 12:4 \xo*\xt Medhe 28:10-22\xt*\x*
\q1
\v 5 GODAY Ubbaafe Wolqqama Xoossay
\q2 izas erettida sunththay GODAA.
\q1
\v 6 Hessa gishshas
\q2 ne Xoossako simma;
\q2 siiqonne tumu pirda
\q2 lo7eththa oykka;
\q2 ubba wode ne Xoossan ammanetta.
\b
\q1
\v 7 «Zal7anchchati
\q2 wordo geeddaran bayzeettes;
\q2 shocechchoka doseettes.
\q1
\v 8 Efreemey, ‹Tani dure;
\q2 ta duretadis;
\q2 taas hayssi ubbay dishin
\q2 ay qohoykka
\q2 woykko nagaray
\q2 ta bolla gakkenna›
\q2 gi ceeqettees.
\b
\q1
\v 9 «Inttena Gibxe biittafe kessida
\q2 GODAA intte Xoossay tana;
\q2 layththa ba7aale gallas
\q2 kase intte ooththiza mala
\q2 intte intte dunkaanen daana mala
\q2 ta ooththana.\x - \xo 12:9 \xo*\xt Lewe 23:42-43\xt*\x*
\b
\q1
\v 10 «Tani kasetada nabetas yootadis;
\q2 daro ajjuuta ta istta bessadis;
\q2 istta baggara leemison yootadis.
\q1
\v 11 Gala7aaden iitateththi kumides;
\q2 asaykka shufuro xalla.
\q2 Gelgelan mirgota yarshos
\q2 shiishshizoo?
\q2 Istta yarshizasoy meqerettidi
\q2 goshsha giddon korettida
\q2 shuchcha mala gidana» gees.
\b
\q1
\v 12 Yaaqoobey Mesphexoomiya
\q2 baqatides;
\q2 Isra7eeley machcho ekkanaas
\q2 heen haggazides;
\q2 izis immana ciloosha gishshas
\q2 dors heemmides.\x - \xo 12:12 \xo*\xt Medhe 29:1-20\xt*\x*
\q1
\v 13 GODAY nabe baggara Isra7eele
\q2 Gibxeppe kessides,
\q2 nabeza baggara istta
\q2 ishalsi oykkides.\x - \xo 12:13 \xo*\xt Kessa 12:50-51\xt*\x*
\q1
\v 14 Gido attiin Efreemey
\q2 iza keehi hanqeththides;
\q2 iza GODAY izi suuth gussida mala
\q2 qohoza iza bolla gaththana;
\q2 izi leqqiza leqoza gishshas
\q2 izas bessizaaz qanxxana.
\c 13
\s1 Isra7eele Bolla Yaana Wurseththa Pirda.
\q1
\v 1 Efreemey Isra7eele dereza giddon
\q2 bonchchetti diza gishshas
\q2 izi haasayshin asay
\q2 ubbay kokkorees.
\q2 Gido attiin ba7aales
\q2 goynnida gishshas
\q2 qohides; hayqqides.
\q1
\v 2 Ha7ikka nagara bolla
\q2 nagara gujjida;
\q2 bantta cinccateththan misleta
\q2 baas giigsida;
\q2 birappe eeqa xoossata
\q2 banttas medhdhida;
\q2 heyti wurikka
\q2 asa kushen oosettidayta;
\q2 hayta ha asata gishshas,
\q2 «As yarsho histti shiishsheettes;
\q2 mara mislen oosettida eeqa
\q2 xoossata yeereettes» geetettides.
\q1
\v 3 Hessa gaason istti wontta
\q2 maalado shaara mala
\q2 coo tim7i gaana;
\q2 maalado xaaza malakka coo
\q2 wodhdhi dhayana;
\q2 woykko bangga bukkiza baleppe
\q2 gote carkoy efiza
\q2 suulla mala gidana;
\q2 woykko keeththafe
\q2 kezidi beettishe
\q2 coo dhayza cuwa mala gidana.
\p
\v 4 GODAY, «Nena Gibxeppe kessiday
\q2 tana GODAA ne Xoossa;
\q2 nees taappe attiin
\q2 hara Xoossi deenna;
\q2 nena ashshiday taappe attiin
\q2 hara xoos gidenna.
\q1
\v 5 Bazzo biittan
\q2 kaththinne haaththi bayndason
\q2 nena ishalsa woththadis.
\q1
\v 6 Gido attiin ta miziin
\q2 istti kallida;
\q2 kallidi otorettida;
\q2 hessafe guye tana balida.\x - \xo 13:5-6 \xo*\xt Zaare 8:11-17\xt*\x*
\q1
\v 7 Hessa gishshas tani istta bolla
\q2 gaammo mala yaana;
\q2 maahe mala oge bolla
\q2 zamada uttana.
\q1
\v 8 Izi marati bonqqettida zardo mala
\q2 ta istta shocananne
\q2 puuzereththana;
\q2 ta istta gaammo mala
\q2 puuzereththa mittana;
\q2 wora do7a mala duusereththana.
\b
\q1
\v 9 «Isra7eele derezoo!
\q2 Ne ta bolla dendida gishshassinne
\q2 nena maaddiza tanara
\q2 ne eqettida gishshas
\q2 ne dhayana;
\q1
\v 10 Ne tana, ‹Taas kawonne
\q2 halaqata imma› gadasa;
\q2 histtiin ha7i nena ashshana
\q2 kawoy awan dizee?
\q2 Ne katamatan diza
\q2 halaqati ubbay
\q2 ha7i awan dizoo?\x - \xo 13:10 \xo*\xt 1Same 8:5-6\xt*\x*
\q1
\v 11 Ta hanqettashe
\q2 inttes kawo immadis;
\q2 gido attiin tani boshankka
\q2 iza shaaradis.\x - \xo 13:11 \xo*\xt 1Same 10:17-24; 15:26\xt*\x*
\b
\q1
\v 12 «Efreeme qohoy doorettides;
\q2 iza nagaraykka
\q2 mazgaben xaafettides.
\q1
\v 13 Miixay oykkida maccassa mala
\q2 iza bolla metoy yaana;
\q2 izi gidikko
\q2 aadho erateththi baynda
\q2 eeya naa;
\q2 yelettiza wodey gakkiin
\q2 ba aayey uloppe yelettanaas
\q2 koyontta naa mala.
\q1
\v 14 Tani nena
\q2 duufo wolqqafe ashshana;
\q2 hayqoppeka wozzana.
\q2 Hayqoo! Ne wodhiza wolqqay
\q2 awan dizee?
\q2 Duufozoo! Neni as dhayssiza
\q2 wolqqay awan dizee?
\q2 Tani izas qadhettike.\x - \xo 13:14 \xo*\xt 1Qoro 15:55\xt*\x*
\q1
\v 15 Izi ba ishata giddon
\q2 dure gidikkoka
\q2 GODAAPPE kiitettida carkoy
\q2 arshey mokkiza baggara
\q2 bazzo biittafe dendidi yaana.
\q2 Pulttoy to7ana;
\q2 haaththa olaykka melana;
\q2 izas diza al7o aqotay
\q2 minjja keeththafe bonqqettana.
\q1
\v 16 Samaariya asay
\q2 bantta Xoossa bolla
\q2 makkallida gishshas
\q2 bantta qoho tookkana;
\q2 mashshankka siifettana;
\q2 qeeri nayti biitta bolla
\q2 dinccettana;
\q2 qanththara diza maccassata
\q2 uloy daakettana» gees.
\c 14
\s1 Asay Maarettana Mala Awajjettida Awajja
\q1
\v 1 Isra7eele derezoo!
\q2 Intte intte nagara gaason
\q2 kundida gishshas
\q2 GODAA intte Xoossako simmite.
\q1
\v 2 Paaxeththa qaala ekki
\q2 GODAAKKO simmidi,
\q2 «Nu nagara ubbaa atto ga;
\q2 nuni nu doonappe galata
\q2 shiishshana mala
\q2 ne maaroteththan nuna ekka.
\q1
\v 3 Asoorey nuna ashshenna;
\q2 nuni ola paratankka
\q2 ammanettoko;
\q2 hayssafe guye nuni
\q2 nu kushen medhdhida
\q2 eeqa xoossata,
\q2 ‹Hayti nu xoossata› gookko.
\q2 Manqoti neeppe qadheteth
\q2 demmeettes» giite.
\s1 Ooraththa De7os Hidotay Imettides
\p
\v 4 GODAY, «Ta hanqoy
\q2 istta bollafe simmida gishshas
\q2 taas ammanettontta ixxida
\q2 ta deraa
\q2 ta paththana;
\q2 ta istta coo mela siiqana.
\q1
\v 5 Tani Isra7eele asaas
\q2 puuse ira mala gidana;
\q2 isttika lo7o ciishsha mala ciiyana;
\q2 Libaanoose ziga mala
\q2 xapho yeddana.
\q1
\v 6 Istta haggay diccana;
\q2 wogara miththa mala
\q2 istti lo7ana; Libaanoose ziga mala
\q2 lo7o sawo sawana.
\q1
\v 7 Istti simmidi
\q2 ta kuwa garsan uttana;
\q2 Caarechcha kaththa mala
\q2 istti cililana;
\q2 woyne miththa mala istti ciiyana.
\q2 Istta sunththi Libaanoose
\q2 dere woyne
\q2 ushsha mala ubbason erettana.
\q1
\v 8 Efreemee! Taassinne eeqa xoossatas
\q2 ay gaytoteththi dizee?
\q2 Ne woosa siyizaynne
\q2 nena naagizay tana;
\q2 Tani ubba wode cilili uttida
\q2 miththa mala;
\q2 ne ayfizay
\q2 taappe dendidayssanna» gees.
\s1 Kuushsha Qaala
\p
\v 9 Aadho eranchchay
\q2 ha yo7ota akeekana.
\q1 Akeekizaadey ha yo7ota erana;
\q2 GODAA ogey suure;
\q2 xilloti izan hemetteettes.
\q2 Nagaranchchati gidikko
\q2 izan dhuphetteettes.