\id HAB - Gamo Full Bible final version
\ide UTF-8
\h Imbaaqo Tinbite
\toc1 Imbaaqo Tinbite
\toc2 Imbaaqo Tinbite
\toc3 Im
\mt1 Imbaaqo Tinbite
\imt1 Giddo Qofa
\ip Ha maxaafay nam7u kifiletan shaakettana dandayees; ha maxaafan koyro nam7u shemppoti nabe Imbaaqoy Xoossara haasayda haasayata qonccisees. Imbaaqoy Yuhudan pirday geellattidayssassinne mooro oosoy daridayssas eqeteththa qaala sissides; Baabiloone asay Yuhuda deraa qaxxayana giza zaaro Xoossi izas immides. Gido attiin Imbaaqoy Baabiloone asay Yuhuda deraappe aadhdhida nagaranchcha gidida gishshas Yuhuda derey istta kushen waani qaxxayettanee? giidi Godaa oychchides. GODAY iza oyshaas Baabiloone asay sinththafe bantta woden qaxxayettana giza zaaro immides.
\ip Ha maxaafas wurseththa shemppoy Imbaaqoy Godaa bonchcho gishshassinne iza maata gishshas shiishshida galata woosa bessees.
\iot Ha Maxaafay Oykkida Kumeththa Qofa
\io1 Imbaaqo magananne Godaa zaaro \ior 1:1—2:4 \ior*
\io1 Nagaranchchata bolla yaana pirda \ior 2:5-20 \ior*
\io1 Imbaaqo woosa \ior 3:1-19 \ior*
\c 1
\p
\v 1 Nabe Imbaaqos ajjuutan qonccida kiitay hayssafe kaallizayssa.
\s1 Imbaaqos Koyro Zuuzunth
\p
\v 2 GODAWU! Ne tana maaddana mala ta nena xeygishin ne ayde gakkanaas siyikkii? «Qohoy darides» gaada ta waassishin ne ayde gakkanaas ashshikii? 
\v 3 Ne tana aazas qohoy darshin bessay? Hayssa mala gene oosoy oosettishin ne waana co7u gaada xeellay? Mooroynne makkallay ta sinththan dees. Ooshshinne palamay biitta bolla darides. 
\v 4 Hessa gishshas wogay leppides; tuma pirday deenna; tuma pirday geellattana mala iitati xillota un7eththeettes.
\s1 Xoossafe Imettida Zaaro
\p
\v 5 «Inttes yootettiinkka ammanontta inttena ta intte paxa dishin issi miish ooththana gishshas ane ha7i asaa xeellite; be7idinne daro malalettite.\x - \xo 1:5 \xo*\xt Hawa 13:41\xt*\x* 
\v 6 Baas gidontta keeththanne dizaso oykkanaas biitta ubbaa worajjiza shemppo iitatanne pilatata Baabiloone dere asaa tani denththana. 
\v 7 Isttika babisizaytanne daganththizayta; istta pirdaynne bonchchoy isttafe kezana. 
\v 8 Istta paray maaheppeka pilata; omarsa kana suytetappeka menxe iita; istta toga asaykka too pilatanne haahoppe yizayta. Baqqi ekkidi eleliza golle kafo mala piradhdheettes. 
\v 9 Wurikka genes gixxi kezida; istta ola asay bazzo biitta carko mala gede sinththe hordofees. Di7ettidayta ace mala shiishshees. 
\v 10 Kawota leqqees; dere haarizayta qidhi kaa7ees; ola miixa ubbaa leqqees; biitta issiso shiishshi guuppidi katamata baas oykkees. 
\v 11 Hessafe guye gote carko mala pitti ekki bees; heyti ba wolqqa baas xoossa kessida nagaranchchata» gees.
\s1 Imbaaqos Nam7anththo Zuuzunth
\p
\v 12 Abeet GODAWU! Ne mernaasofe daasa gidikkii? Ta Geeshshawu, ta Xoossawu, neni naagiza gishshas nuni hayqqoko; GODAWU istta pirdana mala ne istta shuumadasa. Zaallazoo! Istti nuna qaxxayana mala ne isttas maata immadasa. 
\v 13 Ne ayfeti iita xeellontta mala keehi geeshsha; neni qoho co7u ga xeellanaas dandayakka; histtiin as baleththizayta aazas co7u gadii? He asati baappe keehi xilliza asata dhayssishin ne aazas co7u gay? 
\v 14 Neni asaa abba giddon diza mole malanne GODAY isttas baynda abba giddon diza medheteththa mala ooththadasa. 
\v 15 Iita morkkey istta wursika manxakora oykki kessana; izi istta gitenkka oykki goochchana; ba woththizason istta shiishshi woththana; hessankka ufayettidi hashshu gaana. 
\v 16 Hessankka shempidi diza gishshassinne izi miza qumay modhdho gidida gishshas ba oykkida gitezas yarsho yarshees; qasseka ba shiishshizasozas exaane cuwasees. 
\v 17 Histtiin izi wontiin wontiin pacey baynda ba gite yeggi yeggi mole oykkiza mala derezakka mishay baynda wodhanaas bessizee?\x - \xo 1:17 \xo*\xt 2Kawo 24:2\xt*\x*
\c 2
\p
\v 1 Tani naage naagizason eqqana; miixa gimbe bolla kezada heen takkana. Ta oyshaas GODAY ay zaaro immanakko ta dizason daada iza naagana.
\s1 Imbaaqo Oyshaas Goday Immida Zaaro
\p
\v 2 Xoossi Imbaaqos,
\q1 «Waayisontta nababettana mala
\q2 nees ajjuutan qonccidayssa
\q2 saleeda bolla
\q2 lo7eththa wooca xaafa.
\q1
\v 3 Ne ajjuutazi
\q2 baas imettida wode naagees;
\q2 izikka wurseththa
\q2 gishshas yootees,
\q2 wordotenna.
\q2 Gam7ana misatikkoka naaga;
\q2 izi tumappe yaana;
\q2 mulekka gam7enna.\x - \xo 2:3 \xo*\xt Ib 10:37\xt*\x*
\b
\q1
\v 4 «Hekko izi otorettides;
\q2 iza amoy suure gidenna;
\q2 xillo asi gidikko ammanon dees.\x - \xo 2:4 \xo*\xt Oro 1:17; Gala 3:11; Ib 10:38\xt*\x*
\q1
\v 5 Dureteththi\f + \fr 2:5 \fr*\ft Hayssan dureteth gizayssa issi issi birsheththati woyne ushshu geettes.\ft*\f* as baleththees;
\q2 otoranchchas mulekka
\q2 shemppoy deenna;
\q2 izi duufo mala yora;
\q2 wodhiza hayqo malakka
\q2 kalo erenna;
\q2 dere ubbaa
\q2 shiishsheessinne
\q2 di7i ekki bees.
\q1
\v 6 Histtiin hessa mala
\q2 asa bolla qidheninne
\q2 kadhen asay, ‹Ba kaysi ekkida
\q2 shaqaceza baas shiishshizaades,
\q2 genen duretizaades aayye ana!
\q2 Hessaththo ayde gakkanaas
\q2 shiishshanee?›
\q2 gi iza bolla miiccennee?
\q1
\v 7 Ne acon yeggida asati
\q2 ne qoppontta ne bolla
\q2 dendettennee?
\q2 Istti beeggidi
\q2 nena daganththettenee?
\q2 Hessafe guye
\q2 ne istta kushen kundana.
\q1
\v 8 Ne daro dere miish
\q2 bonqqida gishshas
\q2 hankko bonqqettonttayti
\q2 nena bonqqana;
\q2 ne asa suuth gussadasa;
\q2 deraa, katamanne
\q2 izan dizayta wursa dhayssadasa.
\b
\q1
\v 9 «Wordora baleththi ekkida
\q2 miishshan baas daana keeth
\q2 keexxizaadessinne
\q2 ba morkke kusheppe attanaas
\q2 ba keeth dhoqqasohon keexxizaades
\q2 aayye ana!
\q1
\v 10 Daro asa shemppoy
\q2 dhayana mala qachchadasa;
\q2 ne keeththa bollanne
\q2 ne bolla dhayssizaaz ehadasa.
\q1
\v 11 Gimbe giddon shuchchi waassees;
\q2 giddon goda eqqida miththatikka
\q2 izas zaaro immeettes.
\b
\q1
\v 12 «Suuth gussidinne iita ooththidi
\q2 katama essizaytas aayye ana!
\q1
\v 13 Asa oosoy ubbay
\q2 taman xuugettana mala
\q2 dereykka mela daaburana mala
\q2 GODAY Ubbaafe
\q2 Wolqqama Xoossay
\q2 ubbaa woththibeennee?
\q1
\v 14 Abbay kumiza mala biittay
\q2 GODAA gitateth eron kumana.\x - \xo 2:14 \xo*\xt Isa 11:9\xt*\x*
\b
\q1
\v 15 «Asa kalloteth beyanaas
\q2 ba laggeta ushshu
\q2 ushshizaadessinne
\q2 istti uyidi maththottana gakkanaas
\q2 woyne ushshu duuqqizaades
\q2 aayye ana!
\q1
\v 16 Neni bonchcho gishshas yeellatana;
\q2 hessika ha7i taray nees gidida
\q2 gishshas uyada gandigara;
\q2 ne kallotta.
\q2 GODAA ushachcha kushen diza
\q2 hanqo xuu7ay ne bolla simmana;
\q2 kase nees diza bonchchoza
\q2 kawushshateththan laammana.
\q1
\v 17 Ne Libaanoose bolla
\q2 ooththida geney
\q2 nena mittana;
\q2 neni medosata dhayssidayssi
\q2 zaari nena daganththana;
\q2 hessika ne asa suuth gussida
\q2 gishshassinne
\q2 dereta, katamatanne
\q2 isttan dizayta
\q2 ne ubbaa dhayssida gishshassa.
\b
\q1
\v 18 «Asa kushey massi giigsida eeqanne
\q2 wordo haasayza misles
\q2 ay go7ay dizee?
\q2 Histtiin iza ooththidaadey
\q2 barkka ba ooson ammanettiza
\q2 gishshassinne
\q2 isttika haasayanaas dandayontta
\q2 eeqa ooththiza gishshassa.
\q1
\v 19 Miththaa, ‹Ne beegga!›
\q2 Shemppoy baynda shuchchaaka,
\q2 ‹Ne denda!› gizaades aayye ana!
\q2 Tumukka izi tamaarsana
\q2 dandayzee?
\q2 Hekko izi bollara worqqaninne
\q2 biran tiyettides;
\q2 izas shemppoyka deenna.
\q1
\v 20 GODAY gidikko ba Geeshsha
\q2 keeththan dees.
\q2 Biitta bolla diza derey wurikka
\q2 iza sinththan co7u go» gides.
\c 3
\s1 Imbaaqo Woosa
\p
\v 1 Nabe Imbaaqoy yeththan shiishshida woossa.
\q1
\v 2 Abeet GODAWU!
\q2 Ta ne goobateththa
\q2 gishshas siyadis.
\q2 GODAWU ne oosoykka
\q2 tana yashissides;
\q2 neni ne ooso
\q2 nu woden ooraththa;
\q2 ne oosoti nu wodenkka
\q2 erettana mala ooththarkkii!
\q2 Hanqo wodekka
\q2 maaroteth qopparkkii!
\b
\q1
\v 3 Xoossi Temaaneppe Geeshshayka
\q2 Paaraane zuma bollafe yides;
\q2 Iza bonchchoy
\q2 salo kammi oykkides;
\q2 Iza galataykka
\q2 biitta bolla kumides.
\q1
\v 4 Iza poo7oy awa arshe poo7o mala;
\q2 awa xalqqey
\q2 iza kusheppe kezides;
\q2 iza wolqqayka heen qotettides.
\q1
\v 5 Iita hargey
\q2 izappe sinththara bides;
\q2 hada hayqoykka
\q2 iza geedo kaallides.
\q1
\v 6 Izi eqqiin biittay qaaxxides;
\q2 izi xeellidi asaa kokkorisides;
\q2 Mernaas diza zumati
\q2 laaleteth piski gida;
\q2 Beniisofe diza
\q2 zumatikka woddida;
\q2 Iza ogey mernaassa.
\q1
\v 7 Tophphiya dunkaaneti
\q2 metotettishin,
\q2 Midiyaameta duussasoy
\q2 bul7akettishin ta beyadis.\f + \fr 3:7 \fr*\ft Tophphiya geetettiza qaalay laappun tammu eranchchata birsheththan gidishin Ibraaweta qaalan Kuushan gees; Kuushinne Kuushey dumma dumma hara qaalata; Tophphiyay Ibraaweta qaalan Kuushe geetettees attiin Kuushan gidenna. Kuushan geetettizayti Eedoome matan de7iza Arabe zaretakko.\ft*\f*
\b
\q1
\v 8 GODAWU! Ne haaththata bolla
\q2 hanqettadii?
\q2 Ne hanqoy haaththa
\q2 pulttota bolla dizee?
\q2 Neni ne paratanne
\q2 xooniza para-gaareta toggada
\q2 kaaleththida wode abba bolla
\q2 hanqettadii?
\q1
\v 9 Neni ne wondafe giigsadasa;
\q2 yiishshay nees yaana mala
\q2 azazadasa;
\q2 biitta phalqada haath kessadasa.
\q1
\v 10 Zumati nena be7idi mannida;
\q2 Haaththaa dambalay
\q2 aadhdhi bides;
\q2 abbay ceeqettides;
\q2 abbaa dambalakka
\q2 pude denththides.
\q1
\v 11 Ne pirisa yeddida
\q2 ne yiishshatappenne
\q2 xolqettiza ne toora poo7oppe
\q2 dendidayssan arsheynne
\q2 aginay ba dizason eqqi attida.
\q1
\v 12 Neni biitta bolla
\q2 hanqon simerettadasa;
\q2 deretakka hanqon yedhdhadasa.
\q1
\v 13 Neni ne dere ashshanaasinne
\q2 ne tiydaade ashshanaas kezadasa,
\q2 iita dere kaaleththizaade
\q2 liiqisadasa,
\q2 hu7eppe toho xugunth gakkanaas
\q2 kallo ashshadasa.
\q1
\v 14 Gote carko mala
\q2 nuna laallanaas yidayssa,
\q2 aykkoy baynda manqoza
\q2 geemara mittanaas amottizayssa,
\q2 olanchchata halaqa gididayssa
\q2 iza tooran
\q2 iza zaara caddadasa.
\q1
\v 15 Neni abba ne paratan
\q2 yedhisiza woden
\q2 ciimma abbay qaaxxees.
\b
\q1
\v 16 Tani siyadis;
\q2 ta wozinaykka dagammides;
\q2 Iza giirssafe dendidayssan
\q2 ta metershay kokkorides.
\q2 Babon taas maracey qaaxxides.
\q2 Taas gulbatey kokkorides;
\q2 gidikkoka nu bolla
\q2 worajjiza dereza bolla
\q2 metoy yaana gallas
\q2 ta gencca naagays.
\q1
\v 17 Balase geetettiza miththay
\q2 ayfontta aggikokka
\q2 woyne miththafe
\q2 ayfey beettontta aggiko
\q2 wogara miththika ayfontta aggiko
\q2 goshsha gadey
\q2 kath immontta aggiko
\q2 Dorsi yiren dontta aggikokka
\q2 Miizi zedhen dontta aggikokka
\q1
\v 18 Tani ta GODAAN ufayettana;
\q2 ta izan attida
\q2 Xoossan ufayettana.
\q1
\v 19 GODA Ta Xoossay taas wolqqa;
\q2 ta tohota izi
\q2 genessa toho mala minththo;
\q2 izi tana dhoqqasohora hemeththana.
\q1 Yexxizayta kaaleththizaades
\q2 yeththa miishshan yexettida mazamure.\x - \xo 3:19 \xo*\xt 2Same 22:34; Maza 18:33\xt*\x*