\id EPH - Gamo Full Bible final version
\ide UTF-8
\h Efesoone Asaas
\toc1 Phawuloosi Efesoone Asaas Xaafida Kiita
\toc2 Efesoone Asaas
\toc3 Efe
\mt2 Phawuloosi
\mt1 Efesoone Asaas
\mt2 Xaafida Kiita
\imt1 Giddo Qofa
\ip Phawuloosi Efesoone asaas xaafida kiitay harappeka kasetidi izi lo7eththi xeellizay, «Xoossa sheney polettanay saloninne Sa7an diza medheteththati wurikka issife issi Kirstoosa Godateththaa gars aadhdhiza wodey gakkishinna» (1:10) giza qofaa bolla. Qasseka Godaa Yesus Kirstoosa issifeteththaan asa zereththi wurikka issino gidana mala hayssa gita qofaa ooson peyshshana mala Xoossa dereza qofsizaaza.
\ip Efesoone kiitaan koyro kifileza xaafezi issifeteththa gishshas doommidi ayfe yo7oza aassidi Xoossa Aaway dereza wostti dooridaakko, ba naaza Yesus Kirstoosa baggara istti ba nagarappe maaroteth demmidi waani attidaakonne Xoossa gita hidotaa qaalay Xillo Ayana baggara waani qonccidaakko erisees; nam7anththo kifilezan qasse xaafezi nababizayti issifeteththa de7on Kirstoosan isttas diza issifeteththay tumu gidana mala istti waani waani de7anaakko istta qofsees.
\ip Asay Kirstoosan diza issifeteththaan ay mala issifeteththi isttas dizaakko dumma dumma haasaya qommotan qonccides; Woosa keeththi Kirstoosa asateth gidishin Kirstoosi qasse asateththas hu7e mala. Woosa keeththaya gimbe keeththa mala gidishin Kirstoosi qasse keeththas gulan uttiza shuchcha mala; Woosa keeththiya machchi mala gidishin Kirstoosi qasse azina mala; xaafezi Kirstoosa baggara qonccida Xoossa kiyateththaa keehi dhoqqisi yootiza wode ciimmateththi diza qaalan yootees. Ubba miishsheka izi xeellizay Kirstoosa siiqon, iza yarsheteththan, iza maaroteththan, iza kiyateththaninne iza saroteththa baggarakko!
\iot Ha Maxaafay Oykkida Kumeththa Qofa
\io1 Geloso \ior 1:1-2 \ior*
\io1 Kirstoosanne Woosa Keeth \ior 1:3—3:21 \ior*
\io1 Kirstoosan gidida ooraththa de7o \ior 4:1—6:20 \ior*
\io1 Kuushsha qofa \ior 6:21-24 \ior*
\c 1
\p
\v 1 Xoossa shene mala Yesus Kirstoosa Hawaare gidida Phawuloosappe, Yesus Kirstoosan diza ammanettizaytas Efesoonen ammaniza asaas,\x - \xo 1:1 \xo*\xt Hawa 18:19-21\xt*\x* 
\v 2 nu Aawaa Xoossafenne Godaa Yesus Kirstoosappe kiyateththinne saroteththi inttes gido.
\s1 Kirstoosappe Beettiza Ayana Anjjo
\p
\v 3 Nu Godaa Yesus Kirstoosa baggara salon Ayana anjjo ubbaan nuna anjjida Godaa Yesus Kirstoosa Aaway Xoossi anjjetto. 
\v 4 Nu iza sinththan geeshshinne wosoy bayndayta gidana mala buro alamey medhettanaappe kase ba siiqon Kirstoosa baggara nuna doorides. 
\v 5 Yesus Kirstoosa baggara nu iza naa gidana mala ba lo7o qofaan koyro ubbaa woththides. 
\v 6 Hessika ba dosizaade baggara coo mela nuus imettida bonchcho kiyateththi galatettana malassa.
\p
\v 7 Xoossa aadho kiyateththa dureteththaafe dendoyssan Yesusa suuththan wozzettidi nagarappe nu maarettidos.\x - \xo 1:7 \xo*\xt Qola 1:14\xt*\x* 
\v 8 Izi ba kiyateththaa, hiillateththaninne erateth ubbaan nu bolla keehi darssides. 
\v 9 Xoossi qoppida ba xuura qofaa Kirstoosa baggara ba lo7o qofaa mala nuna erisides. 
\v 10 Buroppe wode wurseththan hananaas diza iza qofay salo bollanne biitta bolla dizaytas ubbaas hu7e gidida Yesus Kirstoosappe ubbaa gars aaththanaassa. 
\v 11 Wursika ba shene mala ooththiza iza shenen koyrokka izi qoppi woththidayti nuni izan doorettidos. 
\v 12 Nuni kasetidi Kirstoosa baggara ekkana giidi ufayssan naagizayti Xoossa bonchcho galatan qonccisanaassa.
\p
\v 13 Intteka qasse tumaa qaalaa hessika inttena ashshiza Mishiraachcho qaalaa siyidi Kirstoosan ammanideta; iza ammanidi kase imettana geetettida Xillo Ayana maatamen attamettideta. 
\v 14 He Ayanazikka iza bonchcho galatan qonccisana mala Xoossi baas gididayta ubbata wozzana gakkanaas nu laatas oyso.
\s1 Galatanne Woosa
\p
\v 15-16 Hessa gishshas intte Godaa Yesusa ammanida gishshassinne ammaniza asaa intte siiqizayssa ta siyoosoppe haa simmiin inttena qoppa qoppa ekkada tani ta woosan intte gishshas Xoossas galata shiisho aggabeekke. 
\v 17 Bonchcho Aawaa gidida nu Godaa Yesus Kirstoosa Aawaa Xoossaa intte lo7eththi erana mala qonccisiza Ayanaynne erateththa Ayanay inttes imettana mala ta inttes pacey baynda woossays. 
\v 18 Hessaththoka intte izan xeygettida ufayssay hessika ammanizayta achchan diza iza dureteththi aazakkonne intte erana mala intte wozina ayfey poo7ana mala woossays.
\p
\v 19-20 Nuus ammanizaytas ubbaafe bolla gidida iza wolqqa dhoqqateth intte erana mala ta woossays; he wolqqayka iza gita minoteththaa ooson bessidayssi hayqoppe Kirstoosa denththidi salon ba ushachchan utissida Kirstoosa baggara.\x - \xo 1:19 \xo*\xt Maza 110:1\xt*\x* 
\v 21 Ayssizaytappe, godateththafe, wolqqafenne kawoteththafe qasseka ha7i xalla gidontta buroppe yaana wodekka gidiin sunth ubbaafe izi bolla. 
\v 22 Xoossi hara wursi iza tohoppe garsan haarisides; Woosa keeththankka ubbaa bolla hu7e ooththides.\x - \xo 1:22 \xo*\xt Maza 8:6\xt*\x* 
\v 23 Woosa Keeththiya Kirstoosa asateththa; he izakka ubbason ubba miish kunththiza he iza kumeththa.
\c 2
\s1 Kirstoosa Denth
\p
\v 1 Intte qohida qoho gishshassinne intte nagara gaason intte hayqqideta shin; 
\v 2 hessa intte hayssa alameza iita oge kaallideta; bolla carko bolla diidi haariza wolqqama ayanatas ha7ikka Xoossas azazettontta asaa bolla ooththiza iita ayanas intte azazettishe gam7ideta. 
\v 3 Hayssafe kase nuni nu asho amoteth polishe ashoy koyza oge kaallishe isttara doos; nunikka hankko asa mala nu medheteththafe Xoossa hanqo garsan de7oos.
\p
\v 4-5 Gido attiin Xoossi keehi siiqida gishshas ba maaro daron nuni nu qoho daroteththaan hayqqidayta gidi dishin Kirstoosa baggara nuna ashshides; intte paxiday iza kiyateththanna. 
\v 6 Xoossi nuna Kirstoosara gaththi denththides; Yesus Kirstoosa baggara nuna salon banara utissides. 
\v 7 Hessika hayssafe guye yaana wodezan Yesus Kirstoosi nuus ba kiyateththan qonccisida zaway baynda ba kiyateththa dureteththaa nuna bessanaassa. 
\v 8 Intte Xoossa kiyateththan ammanon attideta; hessika Xoossi inttes mela coo immidazaappe attiin intte oosoppe gidenna. 
\v 9 Oonikka ceeqettontta mala oosoppe gidenna. 
\v 10 Hessika Xoossi kase koyro giigsi woththida lo7o ooso nuni ooththana mala Yesus Kirstoosa baggara nuni nam7anththo medhettidaytanne Xoossa medheteththata.
\s1 Kirstoosan Beettiza Issifeteth
\p
\v 11 Hessa gishshas intte kase intte yeleteththan Ayzaabeti intte asateththa bolla asa kushe ooso gaason, «Nuni qaxxarettidos» giza asati inttena, «Qaxxarettonttayta» gizaytoo! Intte hessa ane wozinan woththite. 
\v 12 Intte he wode Kirstoosappe shaakettidi, Isra7eele naytappe haakkidi, caaqo qaalaska allaga gididi, hayssa alameza bolla hidotaynne Xoossi baynda kase intte diza duussaa yuushshi qopite. 
\v 13 Ha7i qasse intte kase haahon dizayti Yesus Kirstoosan gididi iza suuththaa baggara shiiqideta.
\p
\v 14 Nam7ata issi bolla gaththidi giddon shaakki ooshshiza miishshaa laallida nu saroy iza. 
\v 15 Wogaa, woga azazora gaththi issife ba ashon shaarides; izi hessa ooththida gaasoykka izas waanna qofay nam7atappe issi ooraththa as ba baggara medhdhidi saroteth ehanaassa. 
\v 16 Izi masqale bolla hayqqidi morkketeth diggides; nam7atakka issi asho histtidi Xoossara maqayinththides.\x - \xo 2:16 \xo*\xt Qola 1:20\xt*\x* 
\v 17 Izi yiidi inttes haakki dizaytassinne matan dizaytas gaththi saroteth sabbakides.\x - \xo 2:17 \xo*\xt Isa 57:19\xt*\x* 
\v 18 Nu wurikka iza baggara issi Ayanan Aawaa ach shiiqana.
\p
\v 19 Hessa gishshas intte ammanizaytara issife issi dere asanne Xoossas soo asa attiin hayssafe guye betetanne imaththata gidekketa. 
\v 20 Intte Hawaaretanne nabeta yochchan keexettideta; keeththaas wurseththa kuushshay Yesus Kirstoosa. 
\v 21 Keeththazi wurikka issife oykettidi Godaas dumma keeththe gidanaas diccees. 
\v 22 Intteka Xoossi ba Ayanan daanaas izas duussaso gidana mala issife keexettishe deeta.
\c 3
\s1 Ayzaabetas Hawaare Gidida Phawuloosa
\p
\v 1 Hessa gaason ta Phawuloosi inttes ammanonttayta gishshas Yesus Kirstoosi qachchidaade gidadis. 
\v 2 Ta inttena go7ana mala Xoossi kiyateththan taas oosos exa immidayssa intte tumappe siyideta. 
\v 3 Hayssafe kase ta inttes qaanththara xaafida mala taas qoncciin ta eranaas dandayda xuuray hayssa. 
\v 4 Hessa gishshas intte hessa nababishe Kirstoosa xuura ta ay mala eridaakko intteka eranaas dandayeeta. 
\v 5 He xuuraykka ha7i ammaniza Hawaaretassinne nabetas qonccida mala kase beni aadhdhida wode diza asataskka qonccibeenna. 
\v 6 Hessi he xuuray Ayzaabeti Mishiraachcho qaalaa baggara Isra7eele naytara issife laattizayta; issife issaade asateththa mala gididi Yesus Kirstoosa baggara beettida hidota issife gishetti laattizayta gidanaassa.
\p
\v 7 Tanikka iza wolqqa ooso mala taas imettida Xoossa kiyateththa imota mala hayssa Mishiraachcho qaalaa oosanchcha gidadis. 
\v 8 Ta qasse hankko ammaniza asaappe laafa gidikkoka oonikka zaway baynda Kirstoosa dureteth Ayzaabetas sabbakana mala Xoossa kiyateththan hayssi taas imettides. 
\v 9 Hessaththoka ubbaa medhdhida Xoossaan beni wode qotetti diza Xoossaas xuura qofay aazakko ubbaas ta qonccisana mala taas Xoossa kiyateththi imettides. 
\v 10 Iza qofay ha7i wode Woosa Keeththa baggara dumma dumma medhay diza Xoossa hiillateththi salon diza halaqatassinne godatas erettana mala hanides.
\p
\v 11 Xoossi nu Godaa Yesus Kirstoosa baggara hayssa poliday ba mernaa qofaa mala. 
\v 12 Nuni izayta gidida gishshassinne izan ammanida gishshas geeshshateththaranne hirgay baynda nuni Xoossako shiiqana dandayoos. 
\v 13 Hessa gishshas intte bonchchettana mala tani intte gishshas ta bolla gakkida waayezan intte ufays qanxxontta mala ta inttena hadara gays.
\s1 Efesoonen Ammaniza Asaas Woosettida Woosa
\p
\v 14 Hessa gishshas tani Xoossa sinththan gulbatays. 
\v 15 Salon dizaynne biitta bolla diza izaso asay wurikka izi sunththiin summees. 
\v 16 Intte garsa baggara minnana mala Ayana baggara iza bonchcho dureteththi inttes imettana mala ta woossays. 
\v 17 Hessika Kirstoosi intte wozinan ammanon daana malanne qasseka intte izan xaphidi siiqon minnana mala woossays. 
\v 18 Kirstoosa siiqos aahoteththay, adussateththay, dhoqqateththaynne ciimmateththi ay ginakko intte ammaniza ubba asaara issife shaakki erana mala. 
\v 19 Intte Xoossaa kumeththara shaakki eridi izan kumeth gidana mala asa erappe bolla gidida Kirstoosa siiqo intte erana mala ta woossays. 
\v 20 Hessa gishshas nu giddon ooththiza ba wolqqaa gina nu woossizayssafenne woykko nu qoppizayssafe ubbaafe bollara keehi darssi ooththanaas dandayza Xoossaas, 
\v 21 Woosa keeththan qasseka Yesus Kirstoosa baggara wode ubbaan mernaappe mernaa gakkanaas izas bonchchoy gido. Amiin.
\c 4
\s1 Kirstoosa Baggara Beettida Issifeteth
\p
\v 1 Hessa gishshas Godaa sunththan qashettida tani intte xeygettida xeyssaas bessiza duus daana mala inttena woossays. 
\v 2 Mulekka ashketanne shugota gidite; issoy issaara siiqon diitenne issoy issaa dandayte.\x - \xo 4:2 \xo*\xt Qola 3:12-13\xt*\x* 
\v 3 Saroteth immiza Ayana issifeteth naaganaas minnite. 
\v 4 Intte xeygettida gallas issi hidotaakko xeygettida mala issi asateththinne issi Ayanay dees. 
\v 5 Issi Goday, issi ammanoynne issi xinqatay dees. 
\v 6 Ubbaafe bollara gididay, ubbaa bolla ooththizay, ubbason dizay, ubbaas Aawaa gidida issi Xoossi dees.
\p
\v 7 Gidikkoka Kirstoosi immana gi qachchida mala nuus issaas issaas dumma dumma imoteththi imettides. 
\v 8 Hessa gishshas,
\q1 «Izi pude kezida wode
\q2 di7o di7ides;
\q2 Asaas kiyateththa
\q2 imota immides»
\m geetetti Geeshsha Maxaafan xaafettides.\x - \xo 4:8 \xo*\xt Maza 68:18\xt*\x* 
\v 9 Histtiin, «Izi pude kezides» guussi qasseka duge biitta gars wodhdhides guus gidontta aggiko hessi ay guussee? 
\v 10 Izi duge garse wodhdhidayssi kumeth alame medheteth kumana mala saloppeka bolla keziday iza.
\p
\v 11 Issi issi asati Hawaareta, baggayti Nabeta, harati Mishiraachcho qaala sabaake, baggayti qasse heemmizaytanne tamaarsizayta gidana mala izi imota immides. 
\v 12 Hessika Kirstoosa asateth gidida Woosa Keeththiya keexettana mala ammanizayta ammano oosos giigsanaassa. 
\v 13 Hessika hananay nu wurikka Xoossa Naa ammanoninne iza eron beettiza issifeteththaako gakkidi kumeththa as gidanaas Kirstoosan nuni Kirstoosaththo kumeththinne polo gidana malassa.
\p
\v 14 Hessa gishshas abba bolla dendiza gote carkoy yaanne haa shocechchiza mala dumma dumma timirte carkon asa geneninne baleththon ane nuni yaanne haa phonqettishe qeeri guuththa nayta mala hanokko. 
\v 15 Hessaththo hano aggidi tumaa siiqon haasayshe hu7e gididayssaako hanizaazan ubbaan ane diccoos; he hu7ezikka Kirstoosa. 
\v 16 Iza gaason asateththi wuri xaphon oykettidi issi issi asateththi ba ooso ooththishe wurikka siiqon dicceessinne banakka minththees.\x - \xo 4:16 \xo*\xt Qola 2:19\xt*\x*
\s1 Poo7o Nayta Mala Duus
\p
\v 17 Ayzaabeta mala coo mela qofan mela simerettanaas inttes bessenna gaada ta inttena zorays. 
\v 18 Istta wozinay muumida gishshassinne yuushshi qoppontta gishshas istta wozina ayfey qooqides; istti Xoossa de7oppe shaakettida. 
\v 19 Isttafe yeellateththi dhayda gishshas ba koyida mala bana kalssontta amoninne tunateththan daanaas wogay baynda iita oosos bana aaththi immida.
\p
\v 20 Intte qasse Kirstoosa hessa malan eribeekketa. 
\v 21 Ee tumukka intte iza gishshas siyidetanne Yesusan diza tumaa izappe tamaardeta. 
\v 22 Intte kase diza duussay baleththiza amon qitattida gishshas kase ceega asateth inttefe qaari yeggana mala tamaardeta.\x - \xo 4:22 \xo*\xt Qola 3:9\xt*\x* 
\v 23 Qasseka intte qofay Ayanan ooraxo. 
\v 24 Tumu xilloteththaninne geeshshateththan Xoos misatana medhettida ooraththa asateth may7ite.\x - \xo 4:24 \xo*\xt Qola 3:10\xt*\x*
\p
\v 25 Nu wurikka issi asho gidida gishshas wordoteth diggidi nuni nu garsan issoy issaara ane tumaa haasayoos.\x - \xo 4:25 \xo*\xt Zaka 8:16\xt*\x* 
\v 26 Hanqettite shin nagara ooththofte; intte hanqon dishin arshey wullofo.\x - \xo 4:26 \xo*\xt Maza 4:4\xt*\x* 
\v 27 Xala7es soho immofte. 
\v 28 Kase kaysotizaadey hayssafe guye kaysotoppa; gido attiin metotettidi iza woossizaytas immiza miishshi iza kushen daana mala lo7o miish ba kushera ooththi demmanaas daaburo.
\p
\v 29 Koshshiza mala hankko siyizayta go7izaazinne maaddiza qaalappe attiin go7ay baynda qaalay intte doonappe kezoppo. 
\v 30 Intte attana gallassas attamettida Xoossaa Xillo Ayana mishisopite. 
\v 31 Camo yo7o ubbaa hanqo, yiillo, oosh, cashshe, qasseka hankko hara iitateth ubbaa inttefe diggite. 
\v 32 Inttena Xoossi Kirstoosa baggara atto gida mala intteka intte garsan atto atto geetettite; issoy issaara kiyatanne issoy issaas qadhettizayta gidite.\x - \xo 4:32 \xo*\xt Qola 3:13\xt*\x*
\c 5
\p
\v 1 Hessa gishshas intte dosettiza nayta mala Xoos misatite. 
\v 2 Kirstoosi nuna siiqida mala qasseka nu gishshas bana sawiza yarsho ooththi Xoossas immida mala intteka siiqon simerettite.\x - \xo 5:2 \xo*\xt Kessa 29:18; Maza 40:6\xt*\x*
\p
\v 3 Laymay woykko tunateththi woykko uuzeteththi mulekka intte giddon beetoy attiin zigirsika siyettofo; hessa malay geeshsha Xoossa asas bessenna. 
\v 4 Intte galata galatizayta gidite attiin ase yeellachchiza laafa haasayay, coo eeyateththa yo7oy inttes bessontta gishshas hessa malay intte garsan dooppo. 
\v 5 Qasseka intte laymatizaytas woykko tunatas woykko uuzettizaytassinne eeqas goynnizaytas Kirstoosa kawoteththaninne Xoossa Kawoteththan isttas laatasoy bayndayssa intte erite.
\p
\v 6 Inttena oonikka wordo haasayan baleththofo; gaasoykka Xoossa hanqoy izas azazettontta nayta bolla yaanay haytantta malanna. 
\v 7 Hessa gishshas hessantta malara zuppetopite. 
\v 8 Kase intte dhuma shin Godaan ha7i intte poo7o; intte poo7o nayta mala diite. 
\v 9 Poo7os ayfey lo7eteththan, xilloteththaninne tumateththan ubbaan dees.
\p
\v 10 Hessaththoka Godaa ufayssiza miish koyite. 
\v 11 Ayfey baynda dhuma oosora inttes aykko gaagoteththi dooppo; hessafe iita ooso qoncce kessite. 
\v 12 Dhuman diza asati geeman ooththiza miishsha gishshas haasayaykka yeellachchees. 
\v 13 Poo7oy poo7idaazi wuri qonccen beettees. 
\v 14 Gaasoykka ubbaa bessizay poo7o; hessa gishshas,
\q1 «Nenoo, dhiskizaysso beegga!
\q2 Hayqoppe denda!
\q2 Kirstoosi nees poo7isana» geetettides.
\p
\v 15 Hessa gishshas erateththi bayndayta mala gidontta intte waanidi erata mala daanaakko naagettite. 
\v 16 Hayssi wodezi iita gidida gishshas hessa lo7eththi erite.\x - \xo 5:16 \xo*\xt Qola 4:5\xt*\x* 
\v 17 Hessa gishshas eeyata gidopite; Godaa sheney aazakko yuushshi qopite.
\p
\v 18 Ayanay kumidayta gidite attiin maththosiza ushshan maththottofte; hessi coo mela miishsha laaleththa. 
\v 19 Ayana yeththan galatara gaththi yexxishe intte giddon issoy issaara haasayettite; intte sabaninne yeththan kumeththa wozinappe Godaa galatite. 
\v 20 Hessan Xoossa Aawaa, Godaa Yesus Kirstoosa sunththaa ubba miishshas ubba wode galatite.
\s1 Machchonne Azina
\p
\v 21 Intte Kirstoosa bonchchos giidi yashshara issoy issaas azazettite.
\p
\v 22 Machcheto intte Godaas haarettiza mala intte azinatas haarettite.\x - \xo 5:22 \xo*\xt Qola 3:18; 1Phex 3:1\xt*\x* 
\v 23 Kirstoosi ba asho gidida Woosa Keeththays hu7e gidida mala azinaykka ba machcheys hu7e. 
\v 24 Hessa gishshas Woosa Keeththiya Kirstoosas azazettiza mala machchetikka ba azinatas ay hanonkka azazettanaas bessees.
\p
\v 25 Azinatoo! Kirstoosi Woosa Keeththayo siiqida malanne bana izi gishshas aaththi immida mala intteka intte machcheta siiqite.\x - \xo 5:25 \xo*\xt Qola 3:19; 1Phex 3:7\xt*\x* 
\v 26 Ba qaala baggara haaththan meecci geeshshi dummasides. 
\v 27 Hessaththoka qitay woykko ayfeso xirphoteththi woykko issi iitay izi bolla beettontta geeshshinne balay izi bolla bayndaaro bonchcho Woosa Keeththe histtidi shiishshanaassa. 
\v 28 Azinatikka hessaththo ba machcheta ba asho mala siiqanaas bessees; ba machcho siiqizaadey bana siiqees. 
\v 29 Barkka bana ixxizaadey oonikka deenna; ba ashos meessinne bana naagees; Kirstoosikka Woosa Keeththas hinniththo ooththides. 
\v 30 Nuni Kirstoosa asateththa. 
\v 31 Hessa gishshas, «Asi aayonne aawa aggidi ba machcheyra issino gidees; nam7ayka issi asho gideettes» geetetti Geeshsha Maxaafan xaafettides.\x - \xo 5:31 \xo*\xt Medhe 2:24\xt*\x* 
\v 32 Hayssi daro xuura yo7o; tanikka hayssa Kirstoosa gishshassinne Woosa Keeththa gishshas yootays. 
\v 33 Gidikkoka inttefe issi issaadey ba machcho bana siiqiza mala siiqo; machchaka ba azinaa bonchchu.
\c 6
\s1 Yelidaytanne Nayta
\p
\v 1 Naytoo! Intte inttena yelidaytas Godaan azazettite; hessi inttes bessees.\x - \xo 6:1 \xo*\xt Qola 3:20\xt*\x* 
\v 2 «Ne aawaanne ne aayo bonchcha» giza azazo giddon diza hidotay koyro azazo. 
\v 3 Ne hessaththo ooththiko nees lo7ananne nees layththay biittaa bolla aduqqana. 
\v 4 Yelidaytoo! Intteka intte nayta hanqeththofte; gido attiin intte nayta Godaa zoreninne seeran dichchite.\x - \xo 6:4 \xo*\xt Qola 3:21\xt*\x*
\s1 Oosisizaytanne Ooththizayta
\p
\v 5 Oosanchchatoo! Intte Kirstoosas azazettiza mala biitta bolla inttena oosisizaytas yashshateththaninne bonchchon suure wozinappe azazettite. 
\v 6 Coo asa ayfen beettana malanne oosisizaytappe doona anjjo ekkanaas gidontta intte Kirstoosa aylleta mala Xoossa shene kumeththa wozinappe polana mala wozinappe azazettite. 
\v 7 Asas ooththiza mala gidontta Godaas ooththiza mala intte kumeththa wozinappe ooththite. 
\v 8 Gaasoykka aylle gidiin woykko godaa gidiin ba ooththiza lo7o oosos ubbaas woyto ekkanayssa intte ereeta.
\p
\v 9 Intteno godatoo! Intteka intte oosisizaytas hessaththo ooththite; isttassinne inttes Godaa gididay bolla salon dizayssa; izikka ayfeso xeelli as maaddonttayssaka intteka eriza gishshas oosanchchata babiso aggidi lo7o ooththite.\x - \xo 6:9 \xo*\xt Qola 4:1; Zaare 10:17; Qola 3:25\xt*\x*
\s1 Xoossafe Beettiza Ola Miish
\p
\v 10 Hara baggara mino Godaaninne iza gita wolqqan minnite. 
\v 11 Daabulosa gene ooso intte eqettanaas dandayana mala Xoossaa ola may7ota may7ite. 
\v 12 Gaasoykka nu olettanay ashoranne suuththara gidontta hayssa dhuma alameza haariza godatara, wolqqamataranne salo bolla diza tuna ayana olanchchatara olettoos. 
\v 13 Iita gallassay gakkishin intte morkke wolqqara eqettanaas dandayana mala Xoossa ola may7ota kumeth may7ite; intte ubbaaka polidaappe guye minni eqqanaas dandayeeta.
\p
\v 14 Hessa gishshas intte xeessan tumaa zinnaare mala danccettidi xilloteththa xurureta mala tiran may7idi,\f + \fr 6:14 \fr*\ft Xurure guussi beni wode ola asati tiran may7iza ola may7o.\ft*\f*\x - \xo 6:14 \xo*\xt Isa 11:5; 59:17\xt*\x* 
\v 15 saroteththa Mishiraachcho qaalaa tohon caamma mala aaththidi giigetti eqqite.\x - \xo 6:15 \xo*\xt Isa 52:7\xt*\x* 
\v 16 Heytanttafekka bollara tama mala popol7u giza iita ayana wondafeta intte ubbaa toyssana dandayana mala ammano gondalle mala denththite. 
\v 17 Atoteth birata qoobe mala hu7en woththite; Ayana giththa mashsha oykkite; hessika Xoossa qaala.\x - \xo 6:17 \xo*\xt Isa 59:17\xt*\x*
\p
\v 18 Woosan ay hanonkka Ayanan woossite; hessa qoppidi beeggite; ammanizayta ubbaa gishshas qanxxontta woossite.\fig Kumeththa ola massarara diza Oroome wottadara|alt="Roman soldier in armor" src="LB00196B.TIF" size="span" ref="6:18"\fig* 
\v 19 Tani Mishiraachcho qaala xuuraa asas qonccisanaas doona doyza ubba wode yashshi baynda ta xalateththan yootanaas qaalay taas imettana mala taas woossite. 
\v 20 Tani Mishiraachcho qaalaa gishshas sansalatan qashettada kiitettidaade gididay hessassa; hessa gishshas ta yootanaas bessizayssa babbontta yootana mala taas woossite.
\s1 Wurseththa Saroka
\p
\v 21 Ta ay mala dizaakkonne ay ooththizaakko intte erana mala dosettida ta ishay Godaas ammanettida oosanchchay Tiqiqoosi inttes hanidayssa wursika inttes yootana.\x - \xo 6:21 \xo*\xt Hawa 20:4; 2Xim 4:12\xt*\x* 
\v 22 Intte nu hanoteth erana malanne intte wozina izi minththeththana mala ta iza intteko yeddadis.\x - \xo 6:21-22 \xo*\xt Qola 4:7-8\xt*\x*
\p
\v 23 Aawaa Xoossaafe, Godaa Yesus Kirstoosappe saroteththinne siiqoy ammanora inttes ta ishatas gido. 
\v 24 Godaa Yesus Kirstoosa pacey baynda siiqiza ubbaas saroteththi gido. Amiin.