\id DEU - Gamo Full Bible final version
\ide UTF-8
\h Zaareththo
\toc1 Zaareththo Maxaafa
\toc2 Zaareththo Maxaafa
\toc3 Zaare
\mt1 Zaareththo Maxaafa
\imt1 Giddo Qofa
\ip Zaareththo maxaafay Isra7eele asay bazzo biittan daro wode hemettishe Kanaane gelanaas guuth ashshidi Mo7aabe deren gam7idaappe guye Musey isttas zaari zaari yootida yo7ota oykkides. Zaareththo maxaafan xaafeti dizayti daro go7iza miishshata giddofe issi issi oosoti hayssafe kaalli dizayta, 1. Musey kase aadhdhida oyddu tammu layththatan hanida daro gita hanota yuushshi qoppidi yootees. Xoossay istta bazzo biittan wostti wostti kaaleththidaakko dereza akeekisson asay Xoossas ammanettiza as gidana malanne suureteththan izas azazettana mala qofsides. 2. Musey tammu azazota zaari zaari yootishe harappeka koyro azazoza birsheththi birshi yootidi derezi Xoossas xalla goynnana mala qofsees; hessarakka gaththidi Isra7eele asay isttas hidotan imettida dereyin dishe istti naaganaas bessiza wogata dumma dumma wogata qonccisi yootides. 3. Musey Xoossi izara caaqettida qaalay ay malakko derezas birshi yootidi derezi hessa he qaalaas ba ammaneteththaa ooraxissana mala istta qofsides. 4. Iyaasoy Musesohon gididi Xoossa deraa kaaleththana mala shuumettides. Musey Xoossaa ammaneteththa gishshas giigida ginxo yexxidaappe guye Isra7eele deraa ubbaa anjjidaappe guye Yordaanoose shaafappe arshey wulliza baggara diza Mo7aabe deren hayqqides. Ha maxaafaas ayfe yo7oy Xoossi ba dosidaytanne doorettida ba dereta izi ashshidayssanne anjjidayssa yootees. Derezikka Xoossa anjjoy izappe shaakettontta shemppora paxa daana mala Xoossi asaas ooththida ooso ubba wode akeekidi istti Xoos siiqanaasinne izas azazettanaas bessizayssa asaa qofsides. Ha maxaafas ayfe qofata oykkida xiqiseti ha maxaafan shemppo 6:4-6 gakkanaas dizayta gidishin heytikka Yesusi, «Azazota ubbatappe aadhdhiza gita azazota» giidi isttas yootida qaalata oykkidayta. Heytikka, «Neni ne GODAA kumeththa wozinappe, kumeththa shemppofe, kumeththa wolqqafe siiqa» gizayssa.
\iot Ha Maxaafay Oykkida Kumeththa Qofa
\io1 Musey koyro haasayda haasaya \ior 1:1—4:49 \ior*
\io1 Musey nam7anththo haasayda haasaya \ior 5:1—26:19 \ior*
\io2 Tammu azazota \ior 5:1—10:22 \ior*
\io2 Wogata, maaratanne seerata \ior 11:1—26:19 \ior*
\io1 Istti Kanaane gelanaappe kase isttas imettida kaaleththo wogata \ior 27:1—28:68 \ior*
\io1 Caaqo qaala ooraxiso \ior 29:1—30:20 \ior*
\io1 Musey wurseththan haasayda qaala \ior 31:1—33:29 \ior*
\io1 Muse hayqo \ior 34:1-12 \ior*
\c 1
\s1 Isra7eele Asay Siina Zumaa Matappe Dendi Baana Mala Imettida Azazo
\p
\v 1 Hayssa ha maxaafan diza qaalay wurikka Yordaanoose shaafappe he pinththan arshey mokkiza baggara diza bazzon istti dishin Musey Isra7eele naytas yootida qaala. Museykka ha qaalaa yootiza wode istti Suufe geetettizaso ginara Paaraane katamaappe qasseka hara baggara Topeele, Laaba, Haxirootenne Dizahaabe geetettiza katamata giddon diza Yordaanoose shoobbaan deettes. 
\v 2 Siina zumaappe dendidi Qaadeese Barine gakkanaas Eedoome zumata bollara efiza toho ogera biikko tammanne issi gallas ekkees. 
\v 3 Gibxeppe istti kezidaappe oyddu tammanththo layththan tammanne issinththa aginay gelida koyro gallas Musey derezas erisana mala GODAY izas yootida qaala ubbaa isttas yootides. 
\v 4 Hessika haniday Haseboone katamaan kawoti haariza Amoore dere kawo Sihoonenne Astarooten, Edira7e katamaan uttidi haariza Baasaane kawo Aage xoonidaappe guyenna. 
\v 5 Asay Yordaanooseppe arshey mokkiza baggara Mo7aabe deren dishin Musey hayssafe kaalli diza GODAA woga qoncciseth doommides;
\p
\v 6 «Nuni Siina zumaa bolla diza wode GODAA nu Xoossay nuus, ‹Hekko intte hayssa zuma bolla daro gam7ideta; 
\v 7 hayssafe guye intte dizasoppe dendi gede gezzettiza Amooreta dere, istta heeran diza Arabe deren diza gezzenne gadha, Negebe dere, Mediteraane abbaa lanqera, Kanaane derenne Libaanoose baggara kanththidi gita haaththaa Efiraaxise shaafaa gakkanaas kanththi biite. 
\v 8 Hekko tani ha biittayo inttes immadis; intteka biidi intte aawatas Abrahaames, Yisaaqas, Yaaqoobessinne isttafe guyen yaana istta zereththatas immanaas GODAY caaqqida biittayo laattite› gides» giidi yootides.
\s1 Musey Dere Kaaleththizayta Shuumides
\r (Kessa 18:13-27)
\p
\v 9 Musey derezas, «He wode tani inttes, ‹Tani tarkka inttena kaaleththanaas dandaykke. 
\v 10 Intte GODAY intte qooda Salo xoolintte mala darssides. 
\v 11 Ha7ikka intte aawata Xoossay kase inttes immida hidota qaalaa mala shii dakko gujjidi inttena anjjo. 
\v 12 Gido attiin ha7i intte garsan diza palamaa, ooshshaanne intte metoza tani tarkka wostta birshana dandayazinaa? 
\v 13 Intte intte qommofe qommofe akeekay, aadho erateththi dizaytanne ooththi losidayta doorite; tanikka istta intte bolla shuumana› ga yootadis.
\p
\v 14 «Intteka, ‹Ne shiishshida qofay lo7o› gi ekkideta. 
\v 15 Hessa gishshas issi issi qommofe intte dooridayta ooso losidayta, aadho eranchchatanne akeekizayta inttefe ekkada baggayta shaalaqata, baggayta mato halaqata, baggayta hamsa halaqatanne asira halaqata, baggayta qommota kaaleththiza halaqa histta shuumadis.
\p
\v 16 «Ta he wode isttas, ‹Intte deraa garsan dendiza palamanne oosh ekki geellay baynda suure pirda pirdite; intte deraa giddon woykko hara dereppe yiidi intte giddon diza asaas geellay baynda suure pirda pirdite. 
\v 17 Intte gela pirda pirdofte; guuth gidiin gita gidiin maado pirda pirdofte; pirday Xoossas gidida gishshas ay asaska babofte; inttefe bolla gididayssa ubbaa taakko ehite; hessa tani pirdana› gadis. 
\v 18 Intte ooththanaas bessizayssa ta inttes he wode lo7eththa yootadis.
\s1 Qaadeese Barineppe Dereza Yuuyi Wochchizayta Kiiteteth
\r (Tay 13:1-33)
\p
\v 19 «Hessafe guye nu GODAY nuna azazida mala Siina zumaappe dendidi intte be7ida iita bazzozara kanththidi Amoore deren shaara menththora aadhdhi biidi Qaadeese Barine gakkidos. 
\v 20 Tani inttes, ‹Xoossay nuna laatissanaas qaala gelida shaara menththo gidida Amoore dere hekko gakkideta. 
\v 21 He dereyo hanno be7ite! GODAY nu aawata Xoossay beni azazida mala intte gelidi izo laattite; baboftenne hidota qanxxofte› ga yootadis.
\p
\v 22 «Intte ubbatikka taakko yiidi, ‹He biittayn diza katamati ay malakko qasse nuna hee gaththana ogeykka ay mala ogekko bi wochchi simmidi nuus yootana asata nu garsafe ane dooroos› giidi tana oychchideta.
\p
\v 23 «Hessa histtanayssi taas lo7o misati beettiin intte garsafe qommaafe qommaafe issi issi as doorada tammanne nam7u asata yeddadis. 
\v 24 Isttika shaara menththo deraara kanththi biidi Eshkoole shoobba gakkanaas yuuyi xomosi xeellida. 
\v 25 Isttika heen ba be7ida miththaa ayfeppe amardayssa ekki yiidi GODAA nu Xoossay nuus immana qoppida biittaya keeha lo7o biitta gididayssa nuus qonccisi yootida.
\p
\v 26 «Gido attiin GODAA intte Xoossaa azazo bolla makkallida gishshas he biittayo gelanaas koyibeekketa.\x - \xo 1:26 \xo*\xt Zaare 9:23; Ib 3:16\xt*\x* 
\v 27 Intte intte dunkaanen, ‹Xoossi nuna ixxides; izi nuna Gibxeppe kessiday hayta Amoore asatan nuna wodhisanaassinne istta kushen nuna aaththi immanaassa; 
\v 28 histtiin nu hee aazas bizonii? Nuni babboos; nuni kiittida asati heen diza asay wurikka minonne keehi adussata gididayssa qasseka istti diza katamata gimbey salo gakkidayssa nuus yootida; keehi adus gidida Enaaqe nayta be7ida› giidi zuuzumideta.
\p
\v 29 «Gido attiin tani inttes, ‹Hayta ha asatas baboftenne dagammofte. 
\v 30 Inttefe sinththara biza GODAA intte Xoossay kase intte ayfen be7ishin Gibxeta bolla ooththoyssa mala ha7ikka izi intte gishshas olettana. 
\v 31 Aaway ba naa al7isiza mala intte biza bazzo biitta ubbaan izi inttena kaaleththishe inttena saron hayssa wostti gaththidaakko intte beyideta.›\x - \xo 1:31 \xo*\xt Hawa 13:18\xt*\x* 
\v 32-33 Ha ubbaa ta yootiinkka intte dunkkaanana sohoza bessanaassinne intte baana oge bessanaas omars tuussa taman, gallas tuussa mala shaaran inttena kaaleththida intte GODAAN ammanettibeekketa.\x - \xo 1:32-33 \xo*\xt Ib 3:19\xt*\x*
\s1 Xoossay Isra7eele Asaas Immida Qixaate
\r (Tay 14:20-45)
\p
\v 34 «Intte zuuzumida zuuzunththaa Xoossi siyidi hanqettides; 
\v 35 hessa gishshas, ‹Tani kase intte aawatas immana gaada caaqqida he lo7o biittayo ha iita yeletaappe issoyka gelenna.\x - \xo 1:34-35 \xo*\xt Ib 3:18\xt*\x* 
\v 36 Yoofine naa Kaalebey xalla he biittayo gelana; izikka kumeththa wozinappe ammanetti beettida gishshas he izi be7ida biittayo izassinne iza zereththatas ta immana› gi caaqqides.
\p
\v 37 «Intte gaason GODAY tana hanqettidi, ‹Muse nenikka he dereyo gelakka. 
\v 38 Gido attiin nena maaddiza Nawe naa Iyaasoy he biittayo gelana; he biittayokka laattana mala Isra7eele nayta kaaleththanay iza gidida gishshas ne iza menththeththa› gides.
\p
\v 39 «Qasseka GODAY inttes, ‹Intte nu nayti di7ettana› gida iitanne kiya shaakki erontta qii nayti xalla he biittayo gelana; tani he biittayo isttas immana; isttika he biittayo laattana. 
\v 40 Intte gidikko simmidi Zo7o abbaako efiza ogezara duge bazzo biite» gides.
\p
\v 41 «Intteka, ‹Musee! Nuni nu GODAA qohidos; ha7i GODAY nu Xoossay nuna azazida mala nu olettana› gideta; he shaara menththo dereyo worajjoy kawushsha miish misati beettiin issoy issoy olas giigettideta» gides.
\p
\v 42 GODAY gidikko, «Ta inttenara ke7ontta gishshas olas kezopite; intte ixxis gi kezikko intte morkketi inttena xoonana» giidi taas yootides. 
\v 43 Tanikka GODAY taas yootoyssa inttes yootadis shin intte ixxideta. Iza bollaka makkallideta; otoro daroppe dendidayssan intte he shaara menththo biittayo olanaas bideta. 
\v 44 He zumbullata bolla diza Amoore dere asati inttenara ola oykettida; istta olanchchati maththa mala intte bolla yiidi Horma gakkanaas inttena yedeththida; zumbullati dari uttida Eedoome deren inttena xoonida. 
\v 45 Hessa gishshas intte simmi yiidi GODAA sinththan yeekkideta; gido attiin izi intte yeehozanne waasoza siyidi inttena maaddanaas koyibeenna. 
\v 46 Histtiin intte Qaadeesen daro wode gam7ideta.
\c 2
\s1 Isra7eele Nayti Bazzo Biittan Toylattida Wodeta
\p
\v 1 Hessafe guye Xoossi azazida mala gede Zo7o abbaako efiza ogezara guye simmi duge bazzo biitta bidos; nuni heen toylattishe shaara menththo Eedoome deren daro wode gam7idos.\x - \xo 2:1 \xo*\xt Tay 21:4\xt*\x*
\p
\v 2 Hessafe guye GODAY taas hizgi yootides. 
\v 3 «Intte ha shaara menththo deretan daro wode toylattideta; ha7i pudeha bagga simmi biite. 
\v 4 Deraa, ‹Intte dabbo Eesawe zereththati diza Eedoome derera aadhdhi baana; istti inttes yayyana; gidikkoka intte keehi naagettite.\x - \xo 2:4 \xo*\xt Medhe 36:8\xt*\x* 
\v 5 Shaara menththon diza Eedoome biittaa ta Eesawes xinxxo histta immida gishshas istta biittafe tohoy yedhdhizasokka ta inttes immida istta bolla ola denththofte. 
\v 6 Inttes koshshiza kath gidiin haath miishshan shammi ekkite› ga azaza» gides.
\p
\v 7 GODAA intte Xoossay intte ooththida ubbaa inttes keehi anjjides; intte hayssa wolqqama bazzozara kanththi biza wode ishalsi oykkides; ha oyddu tammu layth kumeththaan GODAA intte Xoossay inttenara diza gishshas aykkoyka inttes paccibeenna.
\p
\v 8 Hessa gishshas nuni nu isha Eesawe zereththati diza Eedoome biittara kanththi bidos; qasse Eelaatepenne Eexiyoon-Gaabire katamaappe yiza ogezara Arabe ogezara Mo7aabe bazzo simmi bidos.
\p
\v 9 Xoossayka taas, «Looxe zereth Mo7aabe asata waayisopite; isttara olettanaas istta denththeththofte; tani Eere katama isttas duussaso histta immida gishshas istta xinxxofe aykkoka inttes immike» gides.\x - \xo 2:9 \xo*\xt Medhe 19:37\xt*\x*
\p
\v 10 [Eemime geetettiza wolqqama daro derey Eeren dees; heytikka Enaaqe zereththa mala gubbaninne geesan gitata. 
\v 11 Istti Enaaqe asata mala Erafaymeta geetetti xeygetteettes; Mo7aabe asay qasse istta Eemimeta gi xeygees; hankko Mo7aabe asay qasse istti Imaameta gi xeygeettes. 
\v 12 Hoore asay kase Eedoome biittaan dees; gido attiin Isra7eele asay laattana mala GODAY isttas immida biittan istti ooththoyssaththo Eesawe zereththati Uure asaa gooddi dhayssidi istta biittan keexxi uttida.]
\p
\v 13 Hessafe guye GODAY nuus yootida mala Zaraade geetettiza shaafaa pinnidos. 
\v 14 Nuni Qaadeese Barineppe biidi Zaraade shaafa pinnanaas heedzdzu tammanne osppun layththi aadhdhides; he wode GODAY istta gishshas kase caaqqida mala he yeletaappe olas gakkida attuma asay ubbay wurides. 
\v 15 Istti ubbay wurana gakkanaas GODAA kushey istta bolla deexxides. 
\v 16 Olas gakkida attuma asay ubbay wuridaappe guye, 
\v 17 GODAY hizgides, 
\v 18 «Mo7aabe deres tiixa bolla diza Eere biittara intte hach kanththi baanaas bessees. 
\v 19 Hessafe kaallidi Looxe zereth gidida Amoone asata waayisopite; isttara olettanaas istta denththeththofte; tani Amoone biittaa isttas duussaso histta immida gishshas istta xinxxofe aykkoka inttes immike.»\x - \xo 2:19 \xo*\xt Medhe 19:38\xt*\x*
\p
\v 20 [He biittay kase heen diza asay xeygiza sunththan Erafaymeta biitta geetettidi xeygettees; qasse Amoone asay Zamizumeta gi xeygees. 
\v 21 Isttika Enaaqe zereththa mala gubbaninne geesan gitata, wolqqamanne daro dere; gido attiin GODAY istta dhayssiin Amooneti istta biitta laattidi heen keexxi uttida. 
\v 22 GODAY Eedoomen de7iza Eesawe zereththatas ooththida mala isttaskka ooththides; hessika izi he biittan de7iza Hooreta dhayssiin Eesawe zereththati istta biittaa laattidi hach gakkanaas heen keexxi uttida. 
\v 23 Gaaza gakkanaas de7iza heeratan diza Awe dere asata Kaftoore geetettiza biittafe yida Kaftoore asati istta dhayssidi istta biittan keexxi uttida.]
\p
\v 24 Nuni Mo7aabe achchara aadhdhidaappe guye Xoossi nuus, «Ha7i dendidi Arnoone shaafaa pinnite; Haseboonen uttidi haariza Amooreta kawo Sihoonenne iza deraakka tani inttes aaththa immadis; intte iza olidi iza biittaa laattite. 
\v 25 Hachchafe guye awankka diza dere asay inttes babbana mala ta ooththana; oonikka intte gishshas siyidi wurikka hirgan kokkorana» gides.
\s1 Kawo Sewoone Xooneteth
\r (Tay 21:21-30)
\p
\v 26 Hessafe guye saroka kiita asa bolla Qidimoote bazzofe gede Haseboone kawo Sihoonekko kiittadis. 
\v 27 «Nu intte derera aadhdhi baana mala nuna diggofa; nu ogeppe kare kezontta sitti gi baana. 
\v 28 Nuni maana kaththinne haath nu miishshan shammi ekkana; nuni ne biittara kanththi bishin ne nuna diggontta mala xalla koyoos. 
\v 29 Eedoomen diza Eesawe zereththatinne Eeren diza Mo7aabe zereththati nu istta derera aadhdhana mala nuus ero gida malakka Yordaanoose shaafaa pinnidi Xoossay nuna laatissana biittayo nuni gakkanaashe gakkanaas nuni ogera xalla aadhdhi baana mala nuus ero garkkii!»
\p
\v 30 Kawo Sihooney qasse nuni iza derera aadhdhi baana mala koyibeenna; gaasoykka GODAA intte Xoossay hach intte be7izayssa mala iza intte kushen aaththi immanaas iza wozina muumisidi otoranchcha kessides.
\p
\v 31 Hessafe guye GODAY taas, «Ane xeella, tani kawo Sihoonenne iza biitta ne kushen aaththa immadis; intte iza biitta laattidi heen de7ite» gides.
\p
\v 32 Kawo Sihooney baas diza olanchchata ubbaa ekkidi Yahaaxe katama achchan nunara olettanaas yides. 
\v 33 Gido attiin GODAA nu Xoossay iza nu kushen aaththi immida gishshas iza, iza naytanne izas diza olanchchata ubbaa nu dippi histtidos. 
\v 34 He wode nuni iza katamata ubbaa worajji oykkidi katamata ubbaa, isttan diza attumasatara, maccassataranne naytara issife dhayssidos; aykkoka ashshontta ubbaa dippi histtidos. 
\v 35 Istta mehetanne nu worajjida katamatappe di7ida miishshata nuus ekkidos. 
\v 36 Nuni Arnoone shoobbaa gaxa baggara diza Aaro7eere katamaappenne heen zullezan diza katamaappe doommi biidi Gala7aade gakkanaas nunara eqettana dandayza issi katamaykka beettibeenna. GODAA nu Xoossay ubbaa nuus aaththi immides. 
\v 37 Gido attiin nuni Amoone dere, woykko Yaabooqe shaafaa mata, shaara menththo bolla diza katamataakkonne GODAA nu Xoossay nuni baana mala azazontta soho ubbaakko shiiqibookko.
\c 3
\s1 Baasaane Kawo Aage Xooneteth
\r (Tay 21:31-35)
\p
\v 1 Hessafe guye nuni simmidi Baasaane efiza ogezara kezidos; kawo Aagey ba olanchchata ubbaa ekkidi nunara olettanaas Edira7e katama kezides. 
\v 2 Gido attiin GODAY taas, «Kawo Aages babbofa! Tani iza, iza deraanne iza biitta ne kushen aaththa immadis; Haseboonen uttidi haariza Amooreta kawo Sihoone bolla ooththoyssa mala neni iza bollaka ooththana» gides.
\p
\v 3 Hessa gishshas GODAA nu Xoossay kawo Aagenne iza olanchchata ubbaa nu kushen aaththi immides; nunikka isttafe issi asikka ashshontta ubbaa dhayssidos. 
\v 4 He wode iza katamata ubbaa oykkidos; nu oykkontta attida issi katamaykka deenna; hessaththoka Baasaane kawo Aagey Argoba deren ayssiza usuppun tammu katamatakka oykkidos. 
\v 5 He katamati wuri gimben gimbettida; pengetikka kolatatan gordeteettes; istta yuushon dirsay baynda cora mandarati deettes. 
\v 6 Haseboone kawo Sihooneppe nu ekkida katamata bolla nu ooththidayssaththo ha katamatakka ubbaa dhayssidos; attuma asaa, maccassaanne naytakka ashshontta ubbaa dhayssidos. 
\v 7 Meheta ubbaa di7idos; katamatan diza miish ubbaa lim7i histtidos.
\p
\v 8 He wode nuni Yordaanoose shaafaappe biidi arshey mokkiza baggara, Arnoone zullefe biidi Hermoone zuma gakkanaas dizayssa oykkidos; hayta Amoore dere kawotappe woththi ekkidos. 
\v 9 [Hermoone zumaza Sidoona asay, «Siriyoone» gizayssa Amoore asay, «Sanire» gi sunththides.] 
\v 10 Nuni gezze biittan diza katamata ubbaa, Gala7aade biitta ubbaa, Baasaane biitta ubbaanne Baasaane biittan Aagey haariza Salaakanne Edira7e katamata gakkanaas dizasohota oykkidos. 
\v 11 [Erafaymeta baggafe kawo Aagey wurseththa kawo; izi ichchiza algay mino biratappe oosettides; algaas adussateththay osppun wadha gidishin gomppay oyddu wadha; he algazi Eraaba geetettiza Amooneta katamaan ha7i gakkanaas beettees.]
\s1 Yordaanooseppe Arshey Mokkiza Baggara Diza Qommota
\r (Tay 32:1-42)
\p
\v 12 He biittayo nuni laattidaappe Arnoone shaafaa achchan diza Aaro7eere katamaappe doommidi pudeha baggan diza derezanne gezze biittan diza Gala7aade deraappe baggaa heen diza katamatara Oroobeele zereththatassinne Gaade zereththatas immadis. 
\v 13 Gala7aade dereppe attida biittanne Aagey haariza Baasaane biitta ubbaa, hessika Argoba kawoteththaa Minaase zereththatappe baggaytas immadis. (He Baasaane biitta ubbay Erafaymeta biitta geetetti xeygettees. 
\v 14 Minaase qommo gidida Ya7irey Argoba dere kumeththaa laattides; hessika Geeshuretanne Ma7ikate zawa gakkanaas diza Baasaane; he biittayakka iza sunththan xeygettadus; hessa gaason ha7i gakkanaas istti Ya7ire katamata geetetteetes.)
\p
\v 15 Qasse Gala7aade biittaaka Minaase qommo Maakire zereththatas immadis. 
\v 16 Oroobeele qommotassinne Gaade qommotas Gala7aadeppe biidi Arnoone shaafaa achchi gakkanaas diza dereza immadis; dugeha baggara istta zaway Arnoone shaafa; pudeha bagga zaway qasse Amooneta deren zawa bolla diza Yaabooqe shaafaza. 
\v 17 Arshey wulliza baggara istta zaway Araben de7iza Yordaanoose shaafa gakkees; hessika Kinereete abbaafe doommidi Pizga zuma garsan diza Maxine abba gakkanaassa.
\p
\v 18 He wode istta kaaleththana mala hayssafe kaalliza wogata ta inttes immadis; GODAA nu Xoossay Yordaanooseppe arshey mokkiza baggara diza biitta intte laattana mala inttes immides; hessa gishshas intte intte olanchchata gixisidi hankko Isra7eele asay bantta xinxxo laattana gakkanaas isttafe sinththati olettanaas aadhdhite. 
\v 19 Inttes daro mehey dizayssa ta erays; hessa gishshas intte machcheti, naytinne meheti xalla haan attetto; istti tani inttes immida katamatan detto. 
\v 20 Intte GODAY hayssan inttena shempisoyssaththo intte ishanttaka Yordaanooseppe arshey wulliza baggara GODAY isttas immiza biittayo gelidi saroteththan shempana gakkanaas intte istta maaddite; hessafe guye tani inttes immida biittayo haa simmanaas dandayeeta.\x - \xo 3:18-20 \xo*\xt Iya 1:12-15\xt*\x*
\p
\v 21 Hayssafe guye tani Iyaaso, «GODAA intte Xoossay Sewoonenne Aage geetetti xeygettiza nam7u kawota bolla ooththoyssa intte intte ayfera be7ideta; intte istta biittaa laattiza dere ubbaa bolla hayssa mala ooso zaari ooththana. 
\v 22 Inttes olettanay GODAA intte Xoossaa gidida gishshas intte isttas babbofte» ga zoradis.
\s1 Musey Kanaane Gelontta Mala Digeteth
\p
\v 23 He wode tani keeha woossashe, 
\v 24 «Ubbaafe dhoqqa GODAWU! Ne gitateththaanne ne mino qeseza taas ne ayllezas beso doommadasa; neni ooththiza gitanne wolqqama oosota ooththiza hara GODAY Salonkka Sa7ankka deenna. 
\v 25 Godoo! Tani Yordaanoose shaafa pinnada he pinththan diza lo7onne shaara menththoson diza cilila biittayonne Libaanoose zuma ta be7anayssa tana diggofarkkii!» gadis.
\p
\v 26 Gido attiin intte gaason GODAY ta bolla hanqettidi ta woosaa siyanayssa ixxidi, «Hi7a nees gidana! Hayssa nam7anththo denththofa! 
\v 27 Hessa aggada dendada pude Pizga zumaa bolla keza; histtada ne ayfey demmanaas dandayza keena dereyssi pudehanne dugeha bagga, arshe mokkiza bagganne wulliza bagga yuushsha xeella; gaasoykka neni Yordaanoose pinna baana mala nees piqaadey imettibeenna.\x - \xo 3:23-27 \xo*\xt Tay 27:12-14; Zaare 32:48-52\xt*\x* 
\v 28 Gido attiin neni Iyaasos azazo imma; iza xalisanne minththeththa; gaasoykka izi deraa kaaleththidi Yordaanoose shaafaa pinththana; hanno ne be7iza biittayo izi istta laatissana» gides.
\p
\v 29 Hessa gaason Beeti-Pe7oore katamappe sinththa baggara diza shoobban gam7idos.
\c 4
\s1 Isra7eele Asay Xoossas Azazettana Mala Musey Immida Azazo
\p
\v 1 Hessafe guye Musey asaas, «Ha7ikka Isra7eele asawu! Intte de7on daana malanne GODAA intte aawata Xoossay inttes immiza biittaa intte laattana mala tani inttena tamaarsiza wogaanne maaraa siyite! Qasseka naagite. 
\v 2 Ta inttes immiza wogaa bolla aykkoka gujjofte; aykkoka izappe pacinchchofte; GODAA intte Xoossay inttes ta baggara immida wogaas azazettizayta gidite. 
\v 3 GODAY Ba7aali-Pe7oore zuma bolla ooththoyssa ubbaaka intte intte ayfera be7ideta; izi he zumaa bolla Ba7aale geetettiza eeqa xoossaas goynnizayta ubbaa intte giddofe dhayssides.\x - \xo 4:3 \xo*\xt Tay 25:1-9\xt*\x* 
\v 4 Intte gidikko GODAA intte Xoossaas ammanetti eqqidayta gidida gishshas hach gakkanaas shemppora paxa deeta.
\p
\v 5 «GODAA ta Xoossay ta inttes yootana mala tana azazida wogaanne maara ubbaa inttena tamaarsadis; intte gelidi laattana biittayn he azazota naagite. 
\v 6 Intte istta naagitenne polite; intte hessaththo ooththizaa gidikko intte ay keena aadho eranchchatanne akeekizayta hara dere asay inttena be7ana; istti ha azazota siyiza wode, ‹Tumukka ha gita kawoteththay aadho eranchchanne akeekanchcha dere› gaana. 
\v 7 GODAA nu Xoossay nu woossishin mata gidida mala iza GODAY izas mata gidida hara gita kawoteththi oonee? 
\v 8 Tani hach intte sinththan woththiza ha azazoza mala suurenne likke gidida wogaynne maaray diza hara ay gita kawoteththi dizee?
\p
\v 9 «Histtiko intte diza wode ubbaan hayssa intte intte ayfera be7idayssa ubbaa balontta malanne intte wozinappe dhayontta mala naagettite; intte naytanne intte nayta naytakka tamaarsite. 
\v 10 Siina zumaa bolla GODAA intte Xoossaa sinththan intte eqqida wode izi tana, ‹Intte de7iza wode ubbaan istti taas yashshateth taamarana mala, bantta naytakka tamaarsana malanne ta qaalaa siyana mala deraa taakko shiishsha› gidayssa akeekite.
\p
\v 11 «Salo gakkiza tama lacoynne dhippi gida cuwaynne shaaray iza goozi oykkida zumaa garsan shiiqi eqqideta. 
\v 12 Hessaththoka GODAY tama laco giddon dishe inttes haasaydes; histtiin izi haasayza qaalaa siyideta attiin iza medha mulekka be7ibeekketa.\x - \xo 4:11-12 \xo*\xt Kessa 19:16-18\xt*\x* 
\v 13 Intte ooththanaas bessiza ba caaqo qaalaa inttes qonccisides; hessika masettida nam7u shuchchata bolla xaafettida tammu azazota.\x - \xo 4:13 \xo*\xt Kessa 31:18; 34:28; Zaare 9:10\xt*\x* 
\v 14 Intte geli laattana biittayn dishe intte ooththanaas bessiza wogatanne maarata ta inttena tamaarsana mala GODAY tana azazides.\x - \xo 4:14 \xo*\xt Kessa 21:1\xt*\x*
\s1 Eeqa Xoossatas Goynoppe Haakkana Mala Imettida Azazo
\p
\v 15 «GODAY Siina zumaa bollan tama laco giddofe inttes haasayza gallas ay medhakka be7ontta gishshas keehippe naagettite. 
\v 16 Hessika adde woykko macca misatissi eeqa misle medhdhidi izan intte tunontta malassa.\x - \xo 4:16 \xo*\xt Kessa 20:4; Lewe 26:1; Zaare 5:8; 27:15\xt*\x* 
\v 17 Biitta bolla de7iza mehenne do7a leemiso woykko salo gufanththon piradhdhiza kafo gidiin, 
\v 18 woykko biitta bollara tiran gooshettiza medheteththatanne mole misleta inttes ooththidi goynnofte.\x - \xo 4:17-18 \xo*\xt Oro 1:23\xt*\x* 
\v 19 Qasse salo pude xeellidi intte GODAY asa ubbaas immida arshe, agina, xoolinttenne salo medheta ubbaa be7idi intte isttas goynnidi balontta mala naagettite. 
\v 20 Intte gidikko tamay izan eexxiza birata cooce misatiza Gibxeppe inttena GODAY shoddi kessiday intte izas dumma dere gidana malassa.\x - \xo 4:20 \xo*\xt Kessa 19:5; Zaare 7:6; 14:2; 26:18; Tito 2:14; 1Phex 2:9\xt*\x*
\p
\v 21 «GODAY ne gaason ta bolla hanqettidi Yordaanoose shaafa ta pinna bontta malanne izi inttena laatissiza he cilila biittayo ta be7ontta mala taas caaqqi yootides.\x - \xo 4:21 \xo*\xt Tay 20:12\xt*\x* 
\v 22 Hessa gishshas tani Yordaanoose shaafa pinnontta hannin hayqqana days; intte gidikko pinnidi he biittayo laattana. 
\v 23 Hessa gishshas Xoossay inttenara gelida caaqo qaalaa intte balontta mala shaakki erite; GODAA intte Xoossay inttena ooththofte giidi azazida eeqa misleta ay medhankka misatissi ooththi kessofte. 
\v 24 Gaasoykka GODAA intte Xoossay xuuggiza tamanne qanaatiza Xoossa.\x - \xo 4:24 \xo*\xt Ib 12:29\xt*\x*
\p
\v 25 «Intte he biittayn naytanne nayta nayta yelidi ufayssan de7iza layth ubbaan inttenateththaa tunisidi ay medhan gidikkoka misle misatissi medhdhidi GODAA intte Xoossaa sinththan hessa mala iitaa ooththidi iza hanqeththofte. 
\v 26 Intte hessa ooththiko Yordaanoose shaafa pinnidi laattana biittayn daro layth gam7onttayssanne intte mulera dhayanayssa tani hach intte bolla salonne sa7a markka woththa yootays. 
\v 27 GODAY inttena hara kawoteththata giddon laallana; intte bi laalettidason inttefe amardayti xalla attana. 
\v 28 Heen intte miththafenne shuchchafe asa kushen oosettidi xeellontta, siyontta, monttanne singontta eeqa xoossatas goynnana. 
\v 29 Gido attiin intte heen dishe GODAA intte Xoossaa kumeththa wozinappenne kumeththa shemppofe koykko intte iza demmana. 
\v 30 Ha ubbaa metoy inttena gakkiin intte metotishe wurseththan GODAA intte Xoossaako simmidi qasseka izas azazettana. 
\v 31 GODAA intte Xoossay maariza Xoossa gidida gishshas inttena mulera aggenna; inttena ubbaaka dhayssenna; kase intte aawatara gelida caaqo qaalaa mulekka balenna.
\p
\v 32 «Xoossay ase biitta bolla medhdhoosofe doommidi intte yelettanaappe kase aadhdhida wodeta xomosite; biitta gaxappe gaxa gakkanaas pilggi xeellite; hayssafe kase hayssa mala gita miishshi mulekka hani erizee? Woykko siyetti erizee? 
\v 33 Tama laco giddora Xoossay haasayiin siyidi intte dhayontta shemppora paxa de7on diza mala Xoossay haasayiin siyidi shemppora paxa de7on diza hara asi dizee? 
\v 34 Woykko GODAA intte Xoossay intte xeellishin Gibxe biittan inttes ooththizayssaththo paacen, malaatan, malalisiza miishshan, olan, mino qeseninne micettida kushen, qasse yashissiza ba wolqqan hara kawoteththata giddo gelidi issi kawoteth baas ekkanaas baaxetida hara xoossi dizee? 
\v 35 GODAY iza xalla gididayssa intte erana mala hayssa izi inttena bessides; izappe attiin hara Xoossi deenna.\x - \xo 4:35 \xo*\xt Mar 12:32\xt*\x* 
\v 36 Izi inttena tamaarsanaas koyida gishshas ba cenggurssaa saloppe sissides; qasseka sa7a bolla yashshiza gita tamaa inttena bessides; he tamaza giddofe iza cenggurssaa siyideta. 
\v 37 Izi hessaththo ooththiday intte aawata dosida gishshassinne istta zereththata doorida gishshas ba gita wolqqaan inttena Gibxeppe kessides. 
\v 38 Hach intte be7iza mala inttena gelththanaassinne istta biittaa xinxxo ooththi inttes immanaas inttefe darizaytanne wolqqatiza kawoteththata intte sinththafe gooddi kessides.
\p
\v 39 «Hessa gishshas salonkka sa7ankka GODAY izi xalla Xoos gididayssanne izappe hara Xoossi bayndayssa erite; intte wozinan woththite. 
\v 40 Inttessinne inttefe guyen yaana intte zereththaas lo7o gidana mala qasse GODAA intte Xoossay mernaas inttes immiza xinxxoyn intte layththi aduqqana mala tani hach inttena azaziza wogaanne maaraa naagite» gides.
\s1 Shempo Wodhidayti Baqati Attanaas Imettida Katamata
\p
\v 41 Hessafe guye Musey Yordaanoose shaafappe he pinththan arshey mokkiza baggara heedzdzu katamata shaakki woththides. 
\v 42 Izi hessaththo ooththiday kase morkketeththi baynda erontta dishe as wodhida ay asikka he katamatappe issineyn baqati biidi ba shemppo ashshana malassa. 
\v 43 Hessa gishshas Oroobeele qommotas zumbullati uttida bazzon diza Baxira, Gaade qommotas Gala7aaden diza Eramootenne Minaase qommotas Baasaanen diza Golaane katamata shaakki shaakki woththides.\x - \xo 4:41-43 \xo*\xt Iya 20:8-9\xt*\x*
\s1 Xoossa Woga Gishshas Imettida Timirte
\p
\v 44 Musey Isra7eele deraas immida GODAA wogay hayssa. 
\v 45 Gibxeppe kezida wode Musey deraas yootida azazoy, wogaynne maaray hayssa bollan xaafettidayssa. 
\v 46 Heytantta izi awajjiday Yordaanoose shaafappe arshey mokkiza baggara Beeti-Pe7oore zulles sinththa baggara diza Amooreta kawoy diza Haseboone deren, Museynne Isra7eeleti Gibxeppe ke7i olettidi xoonida Sihoone derenna. 
\v 47 He wode istti iza biittanne hessaththoka Yordaanooseppe arshey mokkiza baggara diza Baasaane dere haariza Amoore kawo Aage biitta laattida. 
\v 48 He biittay Arnoone Shaafa doonan diza Aaro7eere katamaappe biidi Siriyoone zumaa gakkees; Siriyoone geetettiza zumazi Hermoone zuma. 
\v 49 He biittayka Yordaanoose shaafappe arshey mokkiza baggara diza Arabe dere ubbaa ekkidi Pizga zumaa garsan diza hayqo abba gakkees.
\c 5
\s1 Tammu Azazota
\r (Kessa 20:1-17)
\p
\v 1 Museykka Isra7eele asaa ubbaa issi bolla xeygidi, «Isra7eele asawu! Tani hach inttes immiza wogaanne maaraa ane wozinan woththi siyite; istta lo7eththi tamaartenne minththi naagite. 
\v 2 GODAA nu Xoossay Siina zumaa bolla nunara caaqo qaala gelides. 
\v 3 Izi caaqqidaykka nu aawatara xalla gidontta ha7i shemppora paxa diza nunarakka caaqettides. 
\v 4 Heen he zumaa bolla eexxiza tama giddon dishe GODAY inttena qonccera haasayssides. 
\v 5 Intte tamazas babbidi pude zumaa bolla kezanaas yayyida gishshas tanikka he wode GODAY gizayssa ubbaa inttes yootanaas inttessinne GODAAS giddon eqqadis.
\p «Izikka taas, 
\v 6 ‹Neni kase aylleteththan haaretta diza Gibxe dereppe nena wozza ekkiday tana GODAA ne Xoossaa.
\p
\v 7 « ‹Taappe attiin hara Xoossi nees dooppo.
\p
\v 8 « ‹Salon gidiin sa7an, woykko biitta garsan diza haaththa giddon dizaytappe awoyssaka nees misle medhdhada Xoossa mala goynnofa. 
\v 9 Tani GODAA ne Xoossay keeha qanaatiza Xoossa; hessa gishshas masetti oosettida ay eeqa xoossataska goynnofanne ziggofa; tani tana ixxizayta wursa qaxxayays; istta zereththatakka heedzdzanththonne oydanththo yeleta gakkanaas tani qaxxayana.\x - \xo 5:8-9 \xo*\xt Lewe 26:1; Zaare 4:15-18; 27:15\xt*\x* 
\v 10 Tana dosizaytassinne ta azazota naagizaytas gidikko shii yeleta gakkanaas ta kiyateththaanne ta siiqo ta istta bessana.\x - \xo 5:9-10 \xo*\xt Kessa 34:6-7; Tay 14:18; Zaare 7:9-10\xt*\x*
\p
\v 11 « ‹Tana ne GODAA sunththaa hadan xeygoppa; ta sunththaa hadan xeygizayta ta qaxxayontta aggike.\x - \xo 5:11 \xo*\xt Lewe 19:12\xt*\x*
\p
\v 12 « ‹Tani GODAY ne Xoossay nena azazida mala sambata gallassa dummasada bonchcha.\x - \xo 5:12 \xo*\xt Kessa 16:23-30; 31:12-14\xt*\x* 
\v 13 Neni ooththiza ooso ubbaa usuppun gallassatan ooththa. 
\v 14 Laappunththo gallassay gidikko taas ne GODAAS dumma shemppo gallassa; he gallas ay oosokka ooththofa; nena gidiin woykko ne nayta gidiin nees ooththizaytikka, ne meheykka, ne deren bete asata gidikkoka he gallas aykkoka ooththofte; ne shempizayssaththo isttika shempetto.\x - \xo 5:13-14 \xo*\xt Kessa 23:12; 31:15; 34:21; 35:2; Lewe 23:3\xt*\x* 
\v 15 Neni Gibxe biittan de7iza wode aylle gidada de7idayssa akeeka; qasseka GODAA ne Xoossay ba mino qeseninne ba micettida kushen nena heeppe kessidayssa dogoppa; sambata gallassa ne bonchchana mala GODAA ne Xoossay azaziday hessassa.
\p
\v 16 « ‹Tani GODAA ne Xoossay nena azazida mala ne aawaanne ne aayo bonchcha; ne hessaththo ooththiko GODAA ne Xoossay nees immiza biittayn ne layththi aduqqananne nees injjetana.\x - \xo 5:16 \xo*\xt Zaare 27:16; Mato 15:4; 19:19; Mar 7:10; 10:19; Luqa 18:20; Efe 6:2-3\xt*\x*
\p
\v 17 « ‹As wodhoppa;\x - \xo 5:17 \xo*\xt Medhe 9:6; Lewe 24:17; Mato 5:21; 19:18; Mar 10:19; Luqa 18:20; Oro 13:9; Yaaqo 2:11\xt*\x*
\p
\v 18 « ‹Laymatoppa;\x - \xo 5:18 \xo*\xt Lewe 20:10; Mato 5:27; 19:18; Mar 10:19; Luqa 18:20; Oro 13:9; Yaaqo 2:11\xt*\x*
\p
\v 19 « ‹Kaysotoppa;\x - \xo 5:19 \xo*\xt Lewe 19:11; Mato 19:18; Mar 10:19; Luqa 18:20; Oro 13:9\xt*\x*
\p
\v 20 « ‹Oona bollaka wordo markkattofa;\x - \xo 5:20 \xo*\xt Kessa 23:1; Mato 19:18; Mar 10:19; Luqa 18:20\xt*\x*
\p
\v 21 « ‹Asa machcho, asa keeth, asa xinxxo, asa oosanchchata, asa mehe, asa hare gidiin hara ay aqotakka ubbaa amottofa› gides.\x - \xo 5:21 \xo*\xt Oro 7:7; 13:9\xt*\x*
\p
\v 22 «Intte issi bolla shiiqidason GODAY zumaa bolla dishe inttes ubbaas immida azazoti hayta; taman, girdi gida dhumaninne shaara giddon dishe gita cenggurssan izi inttes yootida azazoti hayta xalla; izi heytakka nam7u shuchchata bolla wooci xaafidi taas immides.
\s1 Dereza Yash
\r (Kessa 20:18-21)
\p
\v 23 «Zumazi taman xuugettiza wodenne dhuma giddofe cenggurssa intte siyida wode inttena kaaleththizaytinne intte korapinneti taakko yiidi, 
\v 24 ‹GODAA nuni Xoossa cenggurssaa tama giddofe siyida wode GODAA nu Xoossay ba gitateththinne ba bonchcho nuna qonccen bessides; Xoossi asara haasaydaappe guyen asi hayqqontta shemppora paxa de7ana dandayzayssa nu hach beydos. 
\v 25 Hayssafe guye GODAA nu Xoossaa cenggurssaa nu siyizaa gidikko nu hayqqana; he wolqqama tamay nuna dhayssana dandayees; histtiin nuni ays hayqqizonii? 
\v 26 De7o Xoossay tama giddon dishe yootiin nu siyida mala iza cenggurssa siyidi hayqqontta shemppora paxa attida asi daanee? 
\v 27 Hessa gishshas neni izakko shiiqada GODAA nu Xoossay gizayssa ubbaa siya; hessafe guye ne siyidayssa ubbaa nuus yaada yoota; nunikka iza siyidi azazettana› gideta.\x - \xo 5:22-27 \xo*\xt Ib 12:18-19\xt*\x*
\p
\v 28 «Xoossayka intte hessa gishin siyidi taas, ‹Ha asati nees yootidayssa ubbaa tani siyadis; istti gidayssi ubbay likke. 
\v 29 Isttassinne istta zereththatas mernaas ubbaa miishshi lo7o gidana mala istti taas yayyanaassinne ta azazota ubba wode naaganaas hayssa mala wozinay dizaakko ay mala lo7ooshaa! 
\v 30 Ha7ikka neni baada istti ba dunkaanen dunkaanen simmana mala isttas yoota. 
\v 31 Neni gidikko haan ta achchan eqqa; tani ta wogata, azazotanne maarata ubbaa nees immana; tani isttas immiza dereyin istti ha azazota, wogatanne maarata naagana mala dereza tamaarsa› gides.
\p
\v 32 «Isra7eele asawu! GODAA intte Xoossay inttena azazidayssa ubbaa polanaas giigettite; isttafe issinoyokka menththofte. 
\v 33 Ubba miishshi inttes lo7o gidana malanne intte laattana biittayn inttes layththay aduqqana mala Xoossi inttena azazidayssa ubbaa polite» gides.
\c 6
\s1 Gita Azazo
\p
\v 1 Intte pinni biidi laattanaas biza biittaan intte ooththana malanne tani inttena tamaarsana mala GODAA intte Xoossay tana azazida azazoti, wogatinne maarati hayta. 
\v 2 Intte he biittayn adussa layth daana mala intte, intte naytinne intte nayta nayti bantti diza wode ubbaan Xoossas yayyanaassinne ta immida azazota, maaratanne wogata ubbaa naaganaas bessees. 
\v 3 Intteno Isra7eele asawu! Ubba miishshi inttes lo7o gidana mala, GODAA intte aawata Xoossay inttes gidayssaththo maaththinne eessi goggiza biittaan intte keehi corattana mala ha azazota siyitenne minni ooththite.
\p
\v 4 Isra7eele asatoo! Intte hayssa akeekite! GODAA nu Xoossay izi xalla Xoossa.\x - \xo 6:4 \xo*\xt Mar 12:29\xt*\x*
\p
\v 5 GODAA ne Xoossaa ne kumeththa wozinappe, ne kumeththa shemppofenne ne kumeththa wolqqafe siiqa.\x - \xo 6:5 \xo*\xt Mato 22:37; Mar 12:30; Luqa 10:27\xt*\x* 
\v 6 Hach ta nena azazida azazota wozinan woththa. 
\v 7 Hayta azazota ne nayta tamaarsa; neni neson uttiza wode gidiin oge bashekka, ichchiza wode gidiin beeggiza wode ubbaan haytantta akeekashe yuushsha qoppa. 
\v 8 Nees malata gidana mala ne kushe bolla qachcha qasseka ne piidhe bolla woththa. 
\v 9 Ne keeththa qosilaththa bollanne gibbe penge bolla xaafa.\x - \xo 6:6-9 \xo*\xt Zaare 11:18-20\xt*\x*
\s1 Azazettana Mala Wondi Yootida azazo
\p
\v 10 GODAA intte Xoossay kase intte aawatas Abrahaames, Yisaaqassinne Yaaqoobeska caaqqida qaalaa mala inttena izi he biittayo gelththiza wode kase intte keexxontta gitanne lo7iza katamati diza biittayo laatissana.\x - \xo 6:10 \xo*\xt Medhe 12:7; 26:3; 28:13\xt*\x* 
\v 11 Intte laattanay intte keexxontta lo7o miishshan kumida keeththata, intte bookkontta haaththa ollata, intte tokkontta woyne miththatanne wogara miththata; heytantta izi inttes immiza wode, 
\v 12 kase intte aylleteththan deyida Gibxe dereppe inttena wozzi kessida GODAA intte balontta mala naagettite. 
\v 13 Intte GODA Xoossaas yayyite; izas xalla goynnitenne iza sunththan xalla caaqqite.\x - \xo 6:13 \xo*\xt Mato 4:10; Luqa 4:8\xt*\x* 
\v 14 Intte yuushon diza hara dere asay goynniza eeqa xoossatas goynnofte; 
\v 15 Gaasoykka intte giddon de7iza GODAA intte Xoossay qanaatiza Xoossa; hessa gishshas iza hanqoy intte bollan tama mala eexxi kezana; izikka inttena biitta bollafekka mulera dippi histti dhayssana.
\p
\v 16 Kase intte Maasan ooththidayssaththo GODAA intte Xoossaa paaccofte.\x - \xo 6:16 \xo*\xt Kessa 17:1-7; Mato 4:7; Luqa 4:12\xt*\x* 
\v 17 Izi inttena azazida azazota, wogatanne maarata ubbaa lo7eththi naagite. 
\v 18 Inttes ubba miishshi lo7o gidana mala GODAA sinththan intte suurenne lo7o ooththite; histtiko inttes immanaas GODAY intte aawatas qaala gelida he lo7o biittayo intte laattana. 
\v 19 Izi inttes hidota qaala gelida mala intte intte morkketa gooddi dhayssana.
\p
\v 20 Guyeppe yaana wodetan intte nayti, «GODAA nu Xoossay hayta azazota, wogatanne maarata birsheththay aazee?» gi oychchana. 
\v 21 He wode intte qasse isttas, «Kase nuni Gibxe kawos aylletidos shin Xoossay nuna ba gita wolqqaan wozzi kessides. 
\v 22 Gibxe asaa, istta kawozanne istta shuumeta keehi qohiza gita malaatata izi ooththizayssa nuni nu ayfera be7idos. 
\v 23 Kase nu aawata laatissanaas immida hidota qaalaa mala nuna ha biittayo laatissanaas Gibxeppe wozzi kessidi haa ehides. 
\v 24 Hessafe guye hach hanidayssaththo nuus ubba wodekka lo7o gidana malanne nuni shemppora paxa de7ana mala, nuni azazota, wogatanne maarata naagana malanne GODAA nu Xoossaas yayyana mala azazides. 
\v 25 GODAA nu Xoossay nuna azazida mala iza azazota ubbaa nu naagikko hessi nuus xilloteth gidana» giite.
\c 7
\s1 Xoossan Doorettida Dere
\r (Kessa 34:11-16)
\p
\v 1 GODAA intte Xoossay intte laattanaas biza biittayo inttena gelththiza wode qasseka inttefe wolqqamizanne minniza laappun kawoteththata heytikka Hiiteta, Gergeseta, Amooreta, Kanaaneta, Paarizeta, Hiiwetanne Yaabuseta intte sinththafe dhoqalli dhayssana.\x - \xo 7:1 \xo*\xt Hawa 13:19\xt*\x* 
\v 2 GODAA intte Xoossay he dereta intte kushen aaththi immiin intte istta xooniza wode istta kumeth suppu histti dhayssite attiin isttara ay qaalakka gelopitenne isttas qadhettofte. 
\v 3 Isttara ekettoftenne gelettofte; intte macca nayta istta attuma naytas immofte; istta macca naytakka intte attuma naytas ekkofte. 
\v 4 Gaasoykka intte hessaththo ooththontta aggiko istti intte nayta GODAA kaallizasoppe betissidi eeqa xoossata kaallana mala ooththana; he wode GODAA hanqoy eexxi kezananne izi inttena heerakka eeson dhayssana. 
\v 5 Hessa gishshas intte istti yarsho yarshizasoza laallite; istti goynniza tuussa malata shuchchata kinchchereththi yeggite; Asheero geetettiza eeqa xoossay misleza tinchchereththi yeggite; masetti giigida eeqa xoossata misletakka taman xuuggite.\x - \xo 7:5 \xo*\xt Zaare 12:3\xt*\x* 
\v 6 Gaasoykka GODAA intte Xoossay inttena baas gidana mala doorida dumma dere; biitta bolla diza dere ubbaafe intte izas dumma dere gidana mala doorettideta.\x - \xo 7:6 \xo*\xt Kessa 19:5; Zaare 4:20; 14:2; 26:18; Tito 2:14; 1Phex 2:9\xt*\x*
\p
\v 7 GODAY inttena siiqidaynne dooriday intte hara asaappe qoodan dariza gishshas gidenna; intte hara deraappe qoodan keehi guuththata. 
\v 8 Gido attiin GODAY inttena siiqida gishshassinne kase intte aawatas gelida hidota qaala naaganaas koyida gishshas izi inttena Gibxe kawos aylleteththan diza Gibxe biittafe ba gita wolqqan wozzidi kessides. 
\v 9 Hessa gishshas GODAA intte Xoossay mulera ammanettida Xoossaa gididayssa intte yuushshi qopite; izi ba caaqqida qaalaa naagees; iza dosizaytassinne iza azazo polizaytas ubbaas shii yeleta gakkanaas izi ba mernaa siiqo bessana. 
\v 10 Gido attiin bana ixxizayta ba halo kessana; istta bolla ba halo kessanaas gam7enna.\x - \xo 7:9-10 \xo*\xt Kessa 20:5-6; 34:6-7; Tay 14:18; Zaare 5:9-10\xt*\x* 
\v 11 Hessa gishshas ta hach inttena azaziza azazota, wogatanne maarata lo7eththi naagite.
\s1 Azazeteththan Beettiza Anjjo
\r (Zaare 28:1-14)
\p
\v 12 Intte ha azazota, wogatanne maarata siyidi lo7eththi naagikko GODAA intte Xoossay kase intte aawatas gelida caaqo qaalanne ba mernaa siiqo intteska minththana. 
\v 13 Izi inttena siiqana; anjjananne qoodan darsana; qasseka izi intte aawatas caaqqida biittayn intte yelota, intte biittay immiza ayfeta, kaththaa, woynenne wogara zayte, intte mehetanne dorsa wudeta ubbaa darssidi anjjana. 
\v 14 Intte mala anjjettida derey alame bolla mulekka deenna; intte giddofe macca gidiin woykko attumas gidiin hessaththoka intte meheta giddon maynney beettenna. 
\v 15 GODAY harge ubbaafe inttena naagana; intte kase Gibxen dishe be7ida iita hargetappe awoyssaka intte bolla ehenna; gido attiin izi bana ixxizayta bolla he hargeta ehana. 
\v 16 GODAA intte Xoossay intte kushen aaththi immida dereta ubbaasikka qadhettontta dhayssite; inttes woximade gidontta mala istta eeqa xoossatas goynnofte.\x - \xo 7:12-16 \xo*\xt Zaare 11:13-17\xt*\x*
\p
\v 17 Intte intte wozinan, «Ha kawoteththati nuuppe minneettes; histtiin nu istta wostti dhayssanee?» giidi qoppontta aggeketa. 
\v 18 Gido attiin intte isttas yayyofte; GODAA intte Xoossay Gibxe kawo bollanne he dere asaa ubbaa bolla ooththidayssa yuushshi qopite. 
\v 19 GODAA intte Xoossay inttena Gibxeppe kessiza wode ooththida gita boshata, malaatata, malalisiza miishshata, iza mino qesetanne micettida kusheta intte intte ayfen be7ideta; ha7i intte yayyiza asa ubbaa bollankka GODAA intte Xoossay hessaththo ooththana. 
\v 20 GODAA intte Xoossay istta giddon shiro denththana;\f + \fr 7:20 \fr*\ft Shiro denththana gizayssa bosha yeddana woykko saxxiza udunxxe yeddana gaana dandayettees.\ft*\f* inttefe baqatidi qotettidaytikka heera dhayana. 
\v 21 Hessa gishshas he deretas babofte; GODAA intte Xoossay inttenara dees; izi gitanne yashissiza Xoossa. 
\v 22 GODAA intte Xoossay hayta kawoteththata guuththara guuththara shoddi kessana; intte istta ubbaa issito dhayssofte; intte issito dhayssiko biitta bolla do7ay daridi inttena waayisana. 
\v 23 GODAA intte Xoossay intte morkketa intte kushen aaththi immana; istti ubbay wurana gakkanaas izi istta garsan shiro denththana. 
\v 24 Qasseka istta kawota izi intte kushen aaththi immana; intte istta sunththaa mulera biittafe dhayssana; intte istta dhayssana gakkanaas inttenara eqetti dandayana ay asikka deenna. 
\v 25 Istta eeqa xoossata ubbaa taman xuuggite; he eeqa xoossata bolla diza worqqanne bira amottidi inttes ekkofte; GODAA intte Xoossay eeqa xoossatas goyno ixxiza gishshas intte ekkiko izi inttes woximade gidana. 
\v 26 Ha tunida eeqa xoossata intteso gelththofte; intte intteso gelththiko istti dhayzayssaththo intteka dhayana; istti dhayanaas bessiza gishshas intte istta ixxitenne harasettite.
\c 8
\s1 Ufayssa Biittayo Wostti Laattanaakko Imettida Woga
\p
\v 1 Intte shemppora paxa daana mala, intte qooday darana malanne GODAY kase intte aawatas immanaas caaqqida biittayo laattanaas intte dandayana mala hach ta inttes immiza azazoyo ammanettidi naagite. 
\v 2 GODAA intte Xoossay inttes immida azazota intte naagizaakkonne naagonttaakko intte wozinan diza qofa eranaas, inttena paaccanaassinne inttena ashkesanaas oyddu tammu layth kumeth meto giddora aaththidi izi inttena wostti wostti kaaleththidaakko ane yuushshi qopite. 
\v 3 Asi Xoossa doonappe keziza qaalan attiin kaththan xalla shemppora paxa daanaas dandayonttayssa tamaarsanaas inttena gafisides; intteninne intte aawati erontta manna mizides.\x - \xo 8:3 \xo*\xt Mato 4:4; Luqa 4:4\xt*\x* 
\v 4 He oyddu tammu layththata garsan intte may7ida may7oy wuribeenna; hemeththa daron intte tohoy kixxibeenna. 
\v 5 Aaway ba naa seerizayssaththo GODAA intte Xoossay inttena seerizayssa yuushshi qopite. 
\v 6 Iza kaallishenne izas yayyishe GODAA intte Xoossaa azazota naagite. 
\v 7 Gaasoykka GODAA intte Xoossay inttena shoobbafenne zumbullatappe pultti goggiza qeeri shaafatinne pulttiza pulttoti diza lo7o biittaa gelththanaas ehides. 
\v 8 He biittaya gistteynne banggay, woyneynne balasey, oroomaaneynne wogara ayfey, qasseka eessi kumida biitta. 
\v 9 He biittayakka intte pacey baynda kath miza biittanne inttes aykkoyka paccontta biitta; he biittayn diza shuchchatappe biratay, zumbullafe xarqimalay beettees. 
\v 10 Intte miidi kallana; histtidi izi inttes immida lo7o biittay gishshas GODAA intte Xoossaa intte galatana.
\s1 Xoossa Dogizaytas Imettida Seera
\p
\v 11 Intte GODAA intte Xoossaa dogidi tani hach inttes immiza azazota, wogatanne maarata moorontta mala naagettite. 
\v 12 Intte miidi kalliza wodenne lo7o keeth keexxi uttiza wode, 
\v 13 miizinne dorsay, biraynne worqqay qasseka hara aqotati inttes dariza wode, 
\v 14 intte wozinay otorettontta malanne intte Gibxeppe aylleteththa biittafe inttena wozzi kessida GODAA intte Xoossaa balontta mala naagettite. 
\v 15 Marze shooshshaynne masimasoy kumida keehi hirgisiza bazzora inttena kaaleththides; izi inttes mela bazzon mino zaallafe haaththe pulttisides. 
\v 16 Inttena ashkesanaasinne paaccanaas wurseththankka lo7o gidana mala kase intte aawati mi erontta manna bazzo biittan inttes immides.\x - \xo 8:11-16 \xo*\xt Hose 13:5-6\xt*\x* 
\v 17 Hessa gishshas, «Nuni nu wolqqaninne nu minoteththan duretidos» gi qoppofte. 
\v 18 Intte durettana mala inttes wolqqanne minoteth immiday GODAA intte Xoossaa gididayssa yuushshi qopite; izi hessaththo ooththiday kase intte aawatas gelida caaqo qaala minththanaassa. 
\v 19 GODAA intte Xoossaa intte dogidi eeqa xoossatas goynniko, isttas haggazanaas intte sinth intte isttako zaarikko, addaka intte dhayanayssa hach ta inttena haara erisays. 
\v 20 GODAA intte Xoossaas intte azazettontta ixxiko intte gede sinththe sinththe bishin intte sinththan diza kawoteththata dhayssizayssa mala inttenakka dhoqalli dhayssana.
\c 9
\s1 Makkallateththa Gaason Yiza Meto
\p
\v 1 Intteno Isra7eele dere asawu! Siyite; intte inttefe gitatizanne wolqqamiza kawoteththata qasse isttas dirsa gimbey salo gakkida gita katamatakka laattanaas hach Yordaanoose pinneeta. 
\v 2 He biittaan diza asay geesanne gubba gitatanne keehi minota; isttas, «Ooninne Enaaqe zereththatara eqettanaas dandayenna» gishin intte siyideta. 
\v 3 Gido attiin tama mala xuuggiza GODAA intte Xoossay izi inttefe sinththara bishin intte hach be7ana; intte gede sinththe sinththe gujjishin izi istta xooni xooni baana; hessa gishshas izi inttes immida hidota qaalaa mala intte istta dhoqallidi eeson gooddi dhayssana.
\p
\v 4 GODAA intte Xoossay istta intte sinththafe gooddidaappe guye intte, «GODAY nuna ha biittaa ehiday nuni lo7o ooso ooththida gishshassa» giidi qoppofte; GODAY istta intte sinththafe gooddi kessizay istta iitateththaa gishshassa. 
\v 5 Intte istta biittaa laattana mala GODAA intte Xoossay isttas aaththi immizay intte xillonne suure ooththida gishshas gidenna; istti iitata gidida gishshassinne Xoossay kase intte aawatas Abrahaames, Yisaaqassinne Yaaqoobes immida hidota qaalaa naaganaas koyida gishshas istta shoddi gooddana. 
\v 6 GODAA intte Xoossay ha lo7o biittaa inttena laatissizay intte xilloteththaa gishshas gidenna; gaasoykka intte wozinay muume.
\p
\v 7 GODAA intte Xoossaa bazzon intte wostti hanqeththidaakko balopite; intte Gibxeppe kezida gallassafe doommidi hanno gakkanaas intte GODAA intte Xoossaa bolla makkallideta. 
\v 8 Siina bazzon izi inttena dhayssanaas dendana gakkanaas GODAA keehi hanqeththideta. 
\v 9 GODAY inttenara caaqettida qaalay istta bolla xaafettida shuchchata ekkanaas tani pude zumaa bolla kezada heen aykkoka monttanne uyontta oyddu tammu gallassinne oyddu tammu qamma gama7adis.\x - \xo 9:9 \xo*\xt Kessa 24:18\xt*\x* 
\v 10 Hessafe guye intte he zumaa garsan shiiqiin GODAY tama giddofe haasayshin intte siyida qaala izi ba kushera istta bolla xaafida nam7u lochcha shuchchata taas immides. 
\v 11 Oyddu tammu gallassafenne oyddu tammu omarsafe guye GODAA caaqo qaalay istta bolla xaafettida nam7u lochcha shuchchata taas immides.
\p
\v 12 Hessafe guye GODAY taas, «Ne eeson zumaa bollafe duge wodhdha; neni Gibxeppe kaaleththa kessida asay iita miish ooththidi tunides; ta isttas immida azazotappe eeson kare kezidi banttas goynnanaas eeqa xoossata medhdhida» gides.
\p
\v 13 Qasseka GODAY taas, «Hayssi derezi wozina muumenne makkalla gididayssa ta erays. 
\v 14 Tani istta dhayssanayssanne istta sunththaaka biitta bollafe qucca dhayssanayssa tana diggofa; nena isttafe minnizayssanne corattiza kawoteth kessana» gides.
\p
\v 15 Hessa gishshas caaqo qaalazi xaafettida nam7u lochcha shuchchata nam7u kushen oykkida mala zumaa bollafe simmada duge wodhdhadis; he wode tama lacoy zumaa bolla lacees. 
\v 16 Intteka GODAA intte Xoossay inttes immida azazota menththidi kare kezideta; worqqafe seerisidi medhdhida mara misleza inttes eeqa xoos ooththideta; hessan intte intte GODAA bolla makkallidayssa ta be7adis. 
\v 17 Hessa gaason azazoti istta bolla xaafettida lochcha shuchchata ta intte sinththan bollafe yeggada menththereththadis. 
\v 18 Hessafe guye intte keehi iita nagara ooththidi GODAA hanqeththida gaason tani oyddu tammu gallassinne oyddu tammu qamma gakkanaas aykkoka monttanne uyontta GODAA sinththan gufannada gam7adis.
\p
\v 19 Izi inttena keehi hanqettidi dhayssanaas dendida gishshas GODAY hanqiza gita hanqozi tana babisides; gidikkoka GODAY zaaridi ta woosa siyides.\x - \xo 9:19 \xo*\xt Ib 12:21\xt*\x* 
\v 20 GODAY Aaroonekka dhayssanaas iza bolla keehi hanqettides; hessa gishshas izaskka woossadis. 
\v 21 Tani intte medhdhida he nagaran kumida mara misleza ekkada taman xuuggadis; izakka kinchchereththa gudulla mala liiqisada zumaa bollafe duge goggiza haaththan yeggadis.
\p
\v 22 Intte qasseka Tabeeren, Maasaninne Kibroote-Hatta7aaben intte GODAA hanqeththideta.\x - \xo 9:22 \xo*\xt Tay 11:3,34; Kessa 17:7\xt*\x* 
\v 23 GODAY inttena, «Biite! Ta inttes immida hidota biittayo laattite» giidi inttena Qaadeese Barineppe kiittida wode intte iza bolla makkallideta attiin izan ammanettibeekketa; iza qaalaska azazettibeekketa.\x - \xo 9:23 \xo*\xt Tay 13:25—14:38; Zaare 1:21; Ib 3:16\xt*\x* 
\v 24 Ta inttena eroosofe hanno gakkanaas intte GODAA bolla makkallida mala deeta.
\p
\v 25 GODAY, «Tani istta dhayssana» giidi yootida gishshas tani he oyddu tammu gallassatanne oyddu tammu qammata GODAA sinththan gufannada gam7adis. 
\v 26 Tani woossashe, «Ubbaafe dhoqqa GODAWU! Neni ne gita wolqqaninne ne mino qesen wozzada Gibxeppe kessida ne dereza dhayssofarkkii! 
\v 27 Kase ne oosanchchata Abrahaame, Yisaaqanne Yaaqoobe qoparkkii; hayssa deraa wozina muumeteththaa, iitateththaanne; nagaraa ubbaa qoodoparkkii!» ga woossadis. 
\v 28 Ne histtontta aggiko nuna he dere asay, «GODAY istta gelththana giidi hidota immida biittayo gelththanaas dandayontta gishshassinne izi istta ixxida gishshas bazzo biittan istta wodhanaas kessides» giidi miiccana. 
\v 29 Gido attiin ha asay neni ne gita wolqqaninne ne mino qesen nees gidana mala ne doora kessida dere.
\c 10
\s1 Musey Nam7anththo Ekkida Tammu Azazota
\r (Kessa 34:1-10)
\p
\v 1 Hessafe guye GODAY tana, «Hayssafe kase meqqida lochcha shuchchata mala hara nam7u shuch massa giigsa; istta woththanaas Taabotaa miththafe medhdha; histtada pude ha zuma hu7e keza. 
\v 2 Ne kase menththida lochcha shuchchata bolla xaafettida azazota qasseka tani izara xaafana; nenikka istta Taabotaza giddon woththa» gides.
\p
\v 3 Hessa gishshas tani odoro miththafe Taabota giigsadis; kaseyta misatiza nam7u lochcha shuchchata massa ekkada pude zumaa bolla kezadis. 
\v 4 Intte zumaa garsan shiiqi dishin GODAY tama giddon dishe inttes qonccisida tammu azazota kaseyssaththoka ha7i lochcha shuchchata bolla xaafidi taas immides. 
\v 5 Hessafe guye tani zumaa bollafe duge wodhdhada GODAY tana azazida mala he masettida lochcha shuchchata ta giigsida Taabotaa giddon woththadis; he gallassafe hanno gakkanaas heen iza giddon deettes. 
\v 6 [Isra7eele asay Bi7erooti-Beeni-Yaqine asatas haaththa ollay dizasoppe Moseere bida; Aarooneykka hayqqidi heen moogettides; izasohon iza naa El7ezeerey qeese gidides.\x - \xo 10:6 \xo*\xt Tay 20:28; 33:38\xt*\x* 
\v 7 Asay hessafe dendidi gede Gudigoda bides; heeppeka Yoxbaate geetettiza goggiza haaththi dizaso bides. 
\v 8 He wode Lewe qommoti Caaqo Qaala Taabotaa tookkana mala, GODAA sinththan eqqidi izas ooththana malanne asaakka GODAA sunththan anjjana mala shuumides; hach gakkanaas Lewe qommota oosoy hessa.\x - \xo 10:8 \xo*\xt Tay 3:5-8\xt*\x* 
\v 9 Hessa gaason Lewe qommoti hankko qommotara gishettanaas xinxxoy imettonttayssi hessassa; intte GODAY isttas yootida malakka istta xinxxoy GODAA intte Xoossaa.]
\p
\v 10 Tani kaseyssaththo woossashe oyddu tammu gallassinne oyddu tammu qamma gakkanaas gam7adis; GODAY ha7ikka ta woosaa siyidi inttena dhayssontta shemppora paxa woththides.\x - \xo 10:10 \xo*\xt Kessa 34:28\xt*\x* 
\v 11 Hessafe guye izi tana, «Ha7i ne ba! Tani kase istta aawatas immida hidota qaalaa mala istti he biittayo laattana mala deraa kaaleththa» gides.
\s1 Xoossas Bessiza Yashshateth
\p
\v 12 Isra7eele asawu! GODAY inttefe koyzay hayssafe kaallizayssa; GODAA intte Xoossaa yayyite; iza oge kaallite; iza siiqite; kumeththa wozinappenne kumeththa shemppofe izas ooththite. 
\v 13 Inttes lo7ana mala tani hach inttes immiza GODAA azazotanne wogata naagite.
\p
\v 14 Saloynne saloppe bollan diza saloti, biittaynne biitta bolla diza ubbay GODAASSA. 
\v 15 GODAY kase intte aawata keehi siiqida gaason inttena ayzaabeta giddofe doorides; intteka hach gakkanaas izas doorettida dere gidideta. 
\v 16 Hessa gishshas ane hayssafe guye intte wozina muumisopitenne intte wozina iitateththaa diggidi GODAAS azazettite. 
\v 17 GODAA intte Xoossay xoossa geetettiza ubbaafe bolla; godatas Godaa; izi gita, minonne yashshiza Xoossa; izi maaddi pirdontta Xoossanne maganxo ekkontta Xoossa.\x - \xo 10:17 \xo*\xt 1Xim 6:15; Ajju 17:14; 19:16; Hawa 10:34; Oro 2:11; Gala 2:6; Efe 6:9\xt*\x* 
\v 18 Izi yi7otassinne am7etas pirdees; izi deraa giddon diza bete asata dosiza gishshas kaththinne may7o isttas immees. 
\v 19 Hessaththoka intte kase Gibxe biittan bete as gidida gishshas intteka intte giddon diza bete asata siiqite. 
\v 20 GODAA intte Xoossaas yayyite; izas xalla goynnite; izan ammanettidi iza sunththan caaqqite. 
\v 21 Intte Xoossay iza; izi inttes ooththida gitanne malalisiza miishshata ubbaa intte intte ayfen be7ida gishshas ubba wode iza galatite. 
\v 22 Beni intte aawati duge Gibxe wodhdhiza wode isttas qooday laappun tammu xalla; ha7i gidikko GODAA intte Xoossay intte qooda salo xoolintte mala darssides.\x - \xo 10:22 \xo*\xt Medhe 15:5; 22:17; 46:27\xt*\x*
\c 11
\s1 Azazeteththafe Beettiza Go7a
\p
\v 1 Hessa gishshas GODAA intte Xoossaa siiqite; izi inttefe koyza iza wogaa, maaraanne azazota ubba wode polite. 
\v 2 GODAA intte Xoossaa seeraza hessika iza gitateththaa, iza wolqqaanne izas diza maataa be7idaynne erizay intte nayta gidontta inttena gididayssa yuushshi qopite. 
\v 3 Malaatatanne izi Gibxe kawo bollanne kumeththa deraa bolla ooththida gita oosota intte intte ayfera be7ideta.\x - \xo 11:3 \xo*\xt Kessa 7:8-12\xt*\x* 
\v 4 Qasse istti inttena kaallidi yedeththida wode GODAY Gibxe biitta olanchchata, istta paratanne para-gaareta Zo7o abbaan mitissidi hach gakkanaas istta mulera dhayssidayssa be7ideta.\x - \xo 11:4 \xo*\xt Kessa 14:28\xt*\x* 
\v 5 Intte bazzofe dendidi haa hayssa gakkanaas GODAY inttes ay ooththidaakko intte ereeta. 
\v 6 Oroobeele qommotappe Elyaabe naa Daataanenne Abraame bolla izi ooththoyssa yuushshi qopite; Isra7eele nayti beyishin biittaya doyettada istta, isttaso asaa, istta dunkaanenne istta haaro ubbaa mittadus.\x - \xo 11:6 \xo*\xt Tay 16:31-32\xt*\x* 
\v 7 GODAY ooththida ha gita oosota ubbaa intte intte ayfera be7ideta.
\p
\v 8 Histtiko intte pinnidi laattana biittayo oykkanaas intte wolqqa demmana mala tani hach inttes immiza azazota ubbaa naagite. 
\v 9 Intte iza azazota naagikko GODAY kase intte aawatassinne istta zereththatas immanaas caaqqida eessinne maaththi kumida he lo7o biittayn intte daro layth daana. 
\v 10 Intte laattanaas gelana biittaya intte kezidi yida Gibxe biittaa mala gidukku; Gibxen intte kath zeridaappe guye haaththi kaththa giddo baana mala zaraza intte tohon yedhdhi yedhdhi besseeta. 
\v 11 Gido attiin intte Yordaanoose shaafaa pinnidi laattana biittaya izin zumatinne shoobbati diza gishshas iza ira haath uyiza biitta. 
\v 12 Hanno ha biittayo lo7eththi oykkizaynne layth kumeth naagizay GODAA intte Xoossa.
\p
\v 13 Hessa gishshas GODAA intte Xoossaa siiqite; kumeththa wozinappenne kumeththa shemppofe izas ooththite; tani hach inttes immiza azazota polite. 
\v 14 Intte hessaththo ooththiko intte kaththaa, woynenne zayte pacey baynda shiishshana mala GODAY inttes badhdhesa iranne balgo ira woden woden bukisana. 
\v 15 GODAY intte mehetas maata darsana; inttes koshshiza kath immiin intte kallana. 
\v 16 Intte GODAAPPE haakkidi eeqa xoossatas ooththanaassinne goynnanaas guye simmontta mala naagettite.
\p
\v 17 Intte naagettontta aggiko GODAA hanqoy intte bolla eexxi kezana; iray bukkontta malanne biittay kath immontta mala izi salo gordana; intteka GODAY inttes immida lo7o biittayfe eeson dhayana.\x - \xo 11:13-17 \xo*\xt Lewe 26:3-5; Zaare 7:12-16; 28:1-14\xt*\x*
\p
\v 18 Intte ha azazota ubba wode intte wozinaninne intte qofan woththite; inttes malata gidana mala istta intte qesen qachchite; qasseka inttes liiphe bollaka oyththite. 
\v 19 Intte nayta tamaarsite; intteson uttishe woykko ogen hemettishekka woykko shempizason gidiinkka woykko ooso ubbaan istta gishshas haasayettite. 
\v 20 Intte keeththa penge qosilaththa bollanne intte gibbe penge bolla xaafi woththite.\x - \xo 11:20 \xo*\xt Zaare 6:6-9\xt*\x* 
\v 21 Intte hessaththo ooththiko intte GODAY kase intte aawatas immanaas caaqqida biittay bolla intte layththaynne intte nayta layththay sa7appe biidi salo gakkana keena aduqqana.
\p
\v 22 GODAA intte Xoossaa siiqanaas, iza oge ubbaa kaallanaassinne izan ammanettanaas tani hach inttes immiza azazota minththidi naagite. 
\v 23 Intte hessaththo ooththiko GODAY hayta intte sinththan diza kawoteththata ubbaa kessi gooddana; inttenikka corateththaninne wolqqan inttefe mino gidida dereta biittaa laattana. 
\v 24 Intte tohon intte yedhdhida biittay wurikka inttes gidana; intte zaway dugeha baggara diza bazzaafe biidi pudeha baggara diza Libaanoose zumaa gakkana; qasseka arshey mokkiza baggara Efiraaxise shaafappe biidi arshey wulliza baggara diza Mediteraane abba gakkana. 
\v 25 Inttenara ay asikka eqettanaas dandayenna; GODAA intte Xoossay inttes immida hidota qaalaa mala intte bizaso ubbaan asay inttena be7idi dagammana malanne yayyana mala ooththana.\x - \xo 11:24-25 \xo*\xt Iya 1:3-5\xt*\x*
\p
\v 26 Hekko! Tani hach anjjofenne qanggeththafe issaa intte doorana mala intte sinththan woththadis. 
\v 27 Ta hach inttes immiza GODAA intte Xoossaa azazota naagikko intte anjjettana. 
\v 28 Gido attiin tani inttena hach azaziza GODAA intte Xoossa azazota naagontta ixxidi intte erontta hara eeqa xoossata goynnanaas iza ogeppe kare ke7izaa gidikko intte qanggettana. 
\v 29 GODAA intte Xoossay intte laattana biza biittayo laatissida wode anjjoza Garizaane zumaa bolla qasseka qanggeththa Eebaale zumaa bolla awajja.\x - \xo 11:29 \xo*\xt Zaare 27:11-14; Iya 8:33-35\xt*\x* 
\v 30 He zumati Yordaanoose shaafappe arshey wulliza baggara Araben diza Kanaane biittan Gelgela katamappe sinththa baggara diza Moore miththa achchan deettes. 
\v 31 Intte heen daana mala GODAA intte Xoossay inttes immida biittayo laattanaas intte Yordaanoose shaafaa pinnidi laattiza wode, 
\v 32 ta inttes hach immiza wogaanne maaraa ubbaa lo7eththi naagite.
\c 12
\s1 Goynnanaas Imettida Pexi Issi Soho
\p
\v 1 GODAA intte aawata Xoossay inttes immiza biittaa bolla diza wode intte naagana wogatinne maarati haytantta; 
\v 2 intte laattana biittayn diza kawoteththay zumata bolla, zumbullata bollanne daashsha miththata garsan bantta eeqa xoossatas goynnizasota mulera dhayssite. 
\v 3 Istti yarsho yarshizasohota laalli dhayssite; shuchchafe oosettidi tuussa mala eqqida eeqa xoossata ubbaa liiqisite; Asheero geetetta xeygettiza eeqa xoossay misleta ubbaa taman xuuggite; masetti giigida istta eeqa xoossata ubbaa menththereththi yeggite; istta sunththaaka biittafe dhayssite.\x - \xo 12:3 \xo*\xt Zaare 7:5\xt*\x*
\p
\v 4 Intte GODAA intte Xoossaas ayzaabeti bantta eeqa xoossatas goynnizayssaththo goynnofte. 
\v 5 GODAA intte Xoossay daanaassinne iza sunththay heen xeygettana mala ubba qommota giddon izi dooridasoza koyidi hee biite. 
\v 6 Xuugettiza yarshota, hara yarshota, intte asraata, intte muxuwaata, intte adinettida adinata, intte dosidi immiza imotatanne intte mehaappe bayrata hee ehite. 
\v 7 Heen GODAA intte Xoossaa sinththan intte maana; qasse intte intte wolqqan ooththi kessida ubbaaninne GODAA intte Xoossay inttena anjjida ubbaan intte intteso asaara ufayettana.
\p
\v 8 Intte hanno gakkanaas intte shene mala ooththishe gam7ideta; he wode hessaththo ooththeketa. 
\v 9 GODAA intte Xoossay inttes immiin intte shempidi daana biittayo buro gelibeekketa. 
\v 10 GODAA intte Xoossay inttes immana biittayn daanaas intte Yordaanoose shaafaa pinnana; intte yuushon dooddi uttida morkketappe inttena izi shempisana; intteka heen woppu gi daana. 
\v 11 He wode GODAA intte Xoossay ba sunththay xeygettana mala dooridaso tani inttena azaziza ubbaa, xuugettiza yarshota, hara yarshota, intte asraata, intte muxuwaata, intte adinettida adina ubbaa ehandeta. 
\v 12 Intte macca naytaranne intte attuma naytara, inttes ooththiza maccassataranne attumasatara, inttenara xinxxo gishetti ekkontta bantta bantta kataman katamaan diza Lewe qommotara GODAA intte Xoossaa sinththan intte ufayettana. 
\v 13 Intte Xoossas xuuggi yarshiza yarsho beettooson coo yarshontta mala naagettite. 
\v 14 Intte intte zereththati dizaso ubbaafe issaan GODAY dooridason xalla xuugettiza yarsho yarshite; tani inttena azaziza miish ubbaaka heen ooththite.
\p
\v 15 Gidikkoka GODAA intte Xoossay inttena anjjida keena intte katamatappe awayssankka intte meheppe, woykko gaarappe woykko genessafe shukkidi intte koyida keena maana dandayeeta; ha ashozappe wogay giza mala geeyida asi gidiin woykko geeyontta asi ubbay maana dandayees. 
\v 16 Gido attiin istta suuth moopite; suuththaza haaththa mala duge gaden gussite.\x - \xo 12:16 \xo*\xt Medhe 9:4; Lewe 7:26-27; 17:10-14; 19:26; Zaare 15:23\xt*\x* 
\v 17 Intte intte kaththaafe, woyne ushshaafenne wogara zayteppe immiza asraata, intte miizatappe, dorsatappe, deyshatappe bayra, GODAAS intte immanaas adinettida adina ubbaanne intte intte dosan miish ubbaaka intte dizaso awanka moopite. 
\v 18 GODAA intte Xoossay dooridason intte macca naytaranne attuma naytara, intte macca aylletaranne attuma aylletara, hessaththoka intte katamatan diza Lewe qommotara issife GODAA intte Xoossaa sinththan miite; intte daaburdi shiishshida miish ubbaan GODAA intte Xoossaa sinththan heen ufayettana. 
\v 19 Intte intte biittan diza wode ubbaan Lewe qommota yeggi aggontta mala naagettite.
\p
\v 20 GODAA intte Xoossay inttes caaqqida qaala mala intte zawa aassiza wode inttena asho amosiko intte koyida keena maana dandayeeta. 
\v 21 GODAA intte Xoossay ba sunththay xeygettana mala dooridasoy inttefe haakon diikko inttena izi azazida mala miizatappe, dorsatappe shukkidi intte diza katamatan intte koyida keena ashoza maana dandayeeta. 
\v 22 Wogay giza mala geeshsha as gidiin woykko geeyontta as gidiin oonikka gaara asho woykko genessa asho miza mala he ashoza maanaas dandayees. 
\v 23 Gido attiin shemppoy suuththan diza gishshas suuththara diza asho montta mala naagettite; hessa gishshas shemppo suuththara gaththi moopite. 
\v 24 Suuththaa mela gaden gussite attiin moopite.\x - \xo 12:23-24 \xo*\xt Lewe 17:10-14\xt*\x* 
\v 25 Inttessinne intte naytas lo7o gidana mala suuth moopite; intte hessaththo ooththiko Xoossi ufayettana.
\p
\v 26 Hessa gishshas intte GODAA intte Xoossaas immanaas dummasidayssanne adinettidayssa ekkidi doorettidaso efte. 
\v 27 Xuugettiza yarshoza, ashaanne suuththaa ubbaa GODAA intte Xoossaas yarsho yarshizasoza bolla shiishshite; suuththaza GODAA intte Xoossas yarsho yarshizasohota bolla gussite; ashoza gidikko intte miite. 
\v 28 Inttessinne intte naytas mernaas lo7o gidana mala izi inttena azaziza azazota lo7eththi naagite; intte hessaththo ooththiko GODAA intte Xoossaa sinththan lo7onne suure gidida ooso ooththeeta.
\s1 Eeqa Xoossata Misles Goynnontta Mala Imettida Azazo
\p
\v 29 Intte laattanaas biza kawoteththata GODAA intte Xoossay intte sinththafe dhayssiza wodenne intteka istta biittaa laattidi de7iza wode, 
\v 30 istti intte sinththafe dhaydaappe guye, «Hayti ha kawoteththati bantta eeqa xoossatas wostti goynnizoo? Nunikka isttayssaththo ooththana» giidi woximaden oykettontta mala naagettite. 
\v 31 Intte GODAA intte Xoossaas goynniza goynoy ayzaabeti goynniza goyno mala gidanaas bessenna; istti ba eeqa xoossatas goynnishe ooththiza oosoti ubbay keehi shaattizaazinne GODAA matan ixettidaaza; gaasoykka istti ba yelida naytakka bantta eeqa xoossatas yarsho ooththidi taman xuuggeettes.
\p
\v 32 Hessa gishshas ta inttena azazida azazo ubbaa ooththite; istta bolla aykkoka gujjofte; qasseka isttafe issinokka pacisopite.\x - \xo 12:32 \xo*\xt Zaare 4:2; Ajju 22:18-19\xt*\x*
\c 13
\p
\v 1 Intte giddofe kaayiza asi woykko agumo agumettiza asi, «Tani gita malaata woykko malalisiza miish ooththana» giikko, 
\v 2 izi yootida gita malataynne malalisiza miish ubbay tumukka polettiin izi inttena, «Ane intte erontta hara xoossatas goynnoos» giikko, 
\v 3 GODAA intte Xoossay intte iza kumeththa wozinappenne kumeththa shemppofe dosizaakko eranaas koyidi he kaayizayssa yeddida gishshas izi gizayssa mulekka siyopite. 
\v 4 GODAA intte Xoossaa kaallite; izas xalla yayyite; iza azazota naagite; iza qaala siyite; izas xalla goynnite; inttes izara diza issifeteththi mino gido. 
\v 5 Kase intte aylleteththan diza Gibxeppe inttena wozzi kessidi ashshida GODAA intte Xoossaa bolla intte makkallana mala agumo yootizaade woykko ta nabe giza ubbaa wodhite; hessa mala asati GODAA intte Xoossay inttena minni eqqana mala azazida ogeppe kare kessanaas qoppeettes; hessa gishshas hayta iitata intte giddofe diggite.
\p
\v 6 Intte aayi naa ishay, intte attuma naytinne intte macca nayti, intte siiqiza intte machcheti, intte siiqiza intte laggeti inttena, «Kase intteninne intte aawati goynni erontta xoossas ane goynnoos» giikko, 
\v 7 biittas ha gaxappe he gaxa gakkanaas diza intte yuusho ubbaan mataninne haakon diza ubbaa asay goynniza xoossatas, «Biidi ane isttas goynnoos» giidi baleththiko, 
\v 8 intte hessa mala asatas eeno goopite; istti gizayssaka siyopite; hessa mala asatas qadhettidi istta ashshanaas dafettofte. 
\v 9 Sidhontta istta wodhite; hessa mala as koyrottidi intte caddite; harati inttefe kaallidi shuchchara caddetto. 
\v 10 Intte kase Gibxe biittan aylleteththan dizasoppe inttena wozzi kessida GODAA intte Xoossaafe inttena haassanaas koyida gishshas hessaadey hayqqana gakkanaas shuchchan kurakkite. 
\v 11 Hessafe guye Isra7eele asay ubbay hessa siyidi babbana; hessa gishshas hessa mala iita ooso nam7anththo oonikka ooththenna.
\p
\v 12 GODAA intte Xoossay intte daana mala inttes immiza katamatappe issaan intte diza wode, 
\v 13 intte asaa giddofe iitati dendidi asaa, «Ane biidi intte erontta xoossatas goynnoos» giidi baleththishin siyikko, 
\v 14 intte hessa he yo7oza oychchite; minththika qorite; hayssi iita hanoy intte giddon oosettidayssi tumu gidikko, 
\v 15 he katamayn diza asaa ubbaa mashshan siifi dhayssite; he katamayonne izin diza mehaa kumeth ashshontta dhayssite. 
\v 16 He katamayn diza asaa aqota ubbaa ekkidi he katamay giddon diza dubbushan shiishshi doorite; histtidi GODAA intte Xoossaas yarsho ooththidi taman xuuggite; he katamaya nam7anththo simma eqqontta mala mernaas laaletta attu. 
\v 17 Piila miishshafe aykkoyka intte kushen beettofo; histtiko GODAY ba wolqqama hanqofe simmidi inttena maarana; izi inttes qadhettana; kase intte aawatas gelida qaala mala intte qooda darsana. 
\v 18 Gaasoykka tani hach inttena azaziza azazo ubbaa intte naagidi GODAA intte Xoossaas azazettiko, qasse GODAA intte Xoossaa sinththankka suure ooso ooththiko he izi gelida hidota qaalay inttes tumu polettana.
\c 14
\s1 Digettida Yeeho Wogata
\p
\v 1 Intte GODAA intte Xoossa nayta; hessa gishshas hayqqida asas mishettidi intte bolla qaaci madunththofte; intte hu7e binanakka buucofte.\x - \xo 14:1 \xo*\xt Lewe 19:28; 21:5\xt*\x* 
\v 2 Gaasoykka intte, GODAA intte Xoossaas dumma dere; GODAY biitta bolla diza dere ubbaafe intte izas dumma dere gidana mala izi inttena baas doorides.\x - \xo 14:2 \xo*\xt Kessa 19:5-6; Zaare 4:20; 7:6; 26:18; Tito 2:14; 1Phex 2:9\xt*\x*
\s1 Meetettizanne Meetettontta Medosata
\r (Lewe 11:1-47)
\p
\v 3 Tuna gididaaz ay miishsheka moopite. 
\v 4 Hessa gishshas maana mala inttes imettida medosati hekko hayssafe kaalli dizayta; kacera dizaytappe miiz, dorsinne deysh, 
\v 5 genessa, doge, wusha, wora deysh, cofosho, gaara, cagonne bihore miite. 
\v 6 Qinccifilley phalqettidaytanne banchikizayta ubbaa miite. 
\v 7 Gido attiin qinccafilley phalqettonttaytanne banchikonttayta moopite; heytikka gaamella, harbaynonne guppale moopite; heytantta mala medosati banchikizaa gidikkoka istta qinccifilley muume gidida gishshas tuna gidi qoodetteettes. 
\v 8 Gudunththa qinccifilley phalqeth gidikkoka banchikontta gishshas izi hankko tunatara issife qoodettees; haytantta mala medosata moopitenne isttas ahakka bochchofte.
\p
\v 9 Haaththa giddon diza medheteththa ubbaafe qefera dizaytanne poqoy dizayta ubbaa miite. 
\v 10 Gido attiin haaththa giddon medheteththa ubbaafe qefeynne poqoy bayndayta moopite; heyti inttes tuna gidetto.
\p
\v 11 Kafotappe geeshshata miite. 
\v 12 Meetettanaas bessonttayti golle, qoollo, ankko, 
\v 13 dumma dumma xilotanne woleta, 
\v 14 dumma dumma quurota, 
\v 15 yanchcha, cancce gutto, haaththa kafo, gace zare ubbaa, 
\v 16 gutto, hazo, woyino 
\v 17 bazzo gutto, ankko, biya, 
\v 18 zigile, saabissa geetettiza haaththa kafo zare ubbaa, jinjilaate geetettiza kafonne wurkawurkko.\f + \fr 14:12-18 \fr*\ft Haytanti ubbay hara kafota miza kafota.\ft*\f*
\p
\v 19 Qefera diza qeeri medheteththati ubbay inttes tuna gidida gishshas istta moopite. 
\v 20 Gido attiin istta giddofe geeshshata miite. 
\v 21 GODAA intte Xoossaas intte dummatida dere gidida gishshas bawuti hayqqida mehe asho moopite; hara dereppe yiidi intte giddon dizayti maana giikko diggofte; woykko hara dere asas bayzana dandayeeta. Deyshsha laaqqa iza aayey maaththan doyssofte.\x - \xo 14:21 \xo*\xt Kessa 23:19; 34:26\xt*\x*
\s1 Asraata Keso Woga
\p
\v 22 Intte layththan layththan goyidi demmiza kaththafe tammaafe issi kushe dumma shaakki woththite. 
\v 23 Intte ubba wode GODAA intte Xoossaa bonchcho taamarana mala izi ba sunththi xeygettana mala dooridason intte kaththaa, woyne ushshaanne zayte asraata, intte dorsatappenne mehetappe koyro yelettidayta GODAA intte Xoossaa sinththan miite. 
\v 24 GODAA intte Xoossay ba sunththi xeygettana mala dooridasozi intte dizasoppe keehi haaho gidikko GODAA Xoossay inttena anjjana mala intte intte asraataa he tookki ekkidi baanaas dandayontta ixxiko, 
\v 25 he intte kessida asraata bayzidi miishsheza GODAY dooridasoza miishshe ekkidi biite. 
\v 26 Histtidi heen he asraataa miishshaara intte koyida miish, miiz gidiin woykko dors, woyne ushshu gidiin woykko lo7o mino ushshu intte koyida mala shammidi intteso asa ubbaara mishe GODAA intte Xoossaa sinththan ufayettite.
\p
\v 27 Hessa intte ooththiza wode intte katamaan diza Lewe qommota gishan gakkida xinxxoy baynda gishshas intte istta yeggi aggofte. 
\v 28 Heedzdzanththo layththan layththan ubba wode intte kaththafe kessiza dumma asraata intte diza katamatan shiishshite. 
\v 29 Hessaka intte katamatan diza xinxxoy baynda Leweti, beteti, aaway baynda naytinne am7eti yiidi meto; intte hessaththo ooththizaa gidikko GODAA intte Xoossay intte ooso ubbaan inttena anjjana.\x - \xo 14:22-29 \xo*\xt Lewe 27:30-33; Tay 18:21\xt*\x*
\c 15
\s1 Aco Qanxxoy Attiza Layth
\r (Lewe 25:1-7)
\p
\v 1 Laappunththa laappunththa layththa wurseththan inttefe tal7idaytas acoza isttas aggaagite. 
\v 2 Aggishe histti aggite; ba bagga Isra7eele asaas miishshe tal7idaadey wuri ba tal7idayssa izaades maaro; GODAY acoy maarettiza layththa giidi awajjida gishshas ba tal7ida miishshaa zaari ekkanaas koyoppo. 
\v 3 Hara kare dere asas intte tal7ida miishshey diikko inttes zaarana mala oychchana dandayeeta; inttes isha Isra7eele asatappe inttefe miishshe tal7iday diikko isttas aggaagite.
\p
\v 4-5 Hach ta inttena azaziza azazota ubbaan GODAA intte Xoossaas intte azazettizayta gidikko GODAA intte Xoossi inttena keehi anjjana gishshas izi inttes xinxxo histti immiza biittayn intte garsan manqoy deenna. 
\v 6 GODAA intte Xoossay inttes hidota qaalaa mala inttena anjjana; intte daro deretas tal7anashin isttafe oonappeka tal7e haa ekkeeta; qasseka intte kawoteththata haarana attiin oonikka inttena haarenna.
\p
\v 7 GODAA intte Xoossay inttes immiza biittaan intte diza katamata ubbaan Isra7eele asaappe issaadey metotishin be7ikko izi intte bagga gidida gishshas izas meqeth iitopite; qasse iza maaddanaappe intte kushe guye ekkofte. 
\v 8 Intte kushe miccidi izas koshshizaaz ubbaa modhettontta tal7ite.\x - \xo 15:7-8 \xo*\xt Lewe 25:35\xt*\x* 
\v 9 «Aco qanxxofe maariza laappunththa layththay gakkides» giidi metotanchcha intte ishata tal7e diggofte; hessa mala iita qofay intte wozinan geloppo; manqo gidida intte ishatas intte tal7ontta ixxiko istti pude Xoossaako waassiin inttes gome gidontta mala naagettite. 
\v 10 Intte izas coo kiyateth immite; intte izas immishe intte wozinan modhettontta immite; histtiko intte ooso ubbaaninne intte kushey bochchida miish ubbaan GODAA intte Xoossay inttena anjjana. 
\v 11 Ay wode gidiinkka biitta bolla metotanchchaynne manqoy diza gishshas intte deren diza manqotassinne metotanchchatas intte kiyateth ooththana mala ta azazays.\x - \xo 15:11 \xo*\xt Mato 26:11; Mar 14:7; Yoha 12:8\xt*\x*
\s1 Aylleta Ayso Woga
\r (Kessa 21:1-11)
\p
\v 12 Adde gidiin macca gidiin ne bagga gidida Isra7eele asaappe issi asi ayllettanaas bana nees bayzikko izi nees usuppun layth ooththidaappe guye laappunththa layththan iza aylleteththafe kessa yedda. 
\v 13 Neni aylleteththafe iza kessa yeddiza wode mela kushe yeddofa. 
\v 14 GODAA ne Xoossay nees immida anjjofe, dorsatappe, kaththafenne woyne ayfeppe izas kiyateththan immada yedda. 
\v 15 Intteka kase Gibxe biittan aylle gididayssanne GODAA intte Xoossay inttena heeppe wozzidayssa dogopte; tani inttena hach azazizay hessassa.
\p
\v 16 Gido attiin he ayllezi nenanne neso asaa dosida gishshassinne nenara duussi izas lo7o gidida gishshas, «Ta neeppe shaakettana koykke» giikko, 
\v 17 neni iza neso penge efada iza hayththaa ne penge sanqqa bolla woththada wosfera lukka; Hessafe guye izi ba de7o layth ubbaan nees aylle gido; qasseka aylle gidiza maccassaska hessaththo ooththa. 
\v 18 Ne iza aylleteththafe kessa yeddiza wode, «Hayssi taas qoho» gaada qoppofa; gaasoykka izi ha usuppun layththaan miishshas ooththiza asi ooththiza oosoppe dakko darssidi nees ooththides; hessa gishshas ne hessaththo ooththiko GODAA ne Xoossay ne ooththiza ooso ubbaan nena anjjana.\x - \xo 15:12-18 \xo*\xt Lewe 25:39-46\xt*\x*
\s1 Mehe Bayra
\p
\v 19 Neni ne mehaappenne ne dorsa wudaappe bayra yelettida adde ubbaa GODAA ne Xoossaas dummasa; istta aykkoska go7ettofa; hessaththoka dorsa wudaappe bayra yelettidayta iskeka qanxxofa.\x - \xo 15:19 \xo*\xt Kessa 13:12\xt*\x* 
\v 20 Neninne neso asay GODAA ne Xoossay dooridasohon GODAA intte Xoossaa sinththan layththan layththan heyta miite. 
\v 21 Gido attiin ne yarshiza meheta bolla wosoy beettiko, hessika toho sila woykko qooqe, qasseka hara iita borizaazi istta bolla diikko hessantta GODAA ne Xoossaas yarsho shiishshofa. 
\v 22 Heytantta mala meheta heen intteson maanaas dandayeeta; wogay giza mala geeshsha as gidiin woykko tuna as gidiin genessa ashonne gaara asho miza mala maana dandayeeta. 
\v 23 Gido attiin istta suuththaa haaththa mala wora gussite attiin moopite.\x - \xo 15:23 \xo*\xt Medhe 9:4; Lewe 7:26-27; 17:10-14; 19:26\xt*\x*
\c 16
\s1 Paaziga Ba7aale
\r (Kessa 12:1-20)
\p
\v 1 GODAA intte Xoossay inttena Abibe aginan omarsara Gibxeppe kessides; hessa gishshas Abibe aginan GODAA intte Xoossaa Paaziga ba7aale bonchchite. 
\v 2 GODAA intte Xoossay ba sunththi xeygettana mala dooridason intte iza bonchchana mala intte meheppe, woykko dorsafe issaa Paaziga ba7aalen yarsho shiishshite. 
\v 3 He yarsho kaththaa intte miza wode irshoy izan gelida kath moopite; hessaththoka kase intte eeson Gibxeppe keziza wode ooththoyssa mala laappun gallas gakkanaas irshoy izan gelontta waaye uketh miite; hessika intte daro meto be7idi Gibxe biittafe kezida gallassaa inttena qofsana. 
\v 4 Laappun gallas gakkanaas intte deren ay asa keeththankka irshoy dooppo; intte koyro gallassa omars yarshos shukkida asho ubbay he gallas meetetti wurana bessees.
\p
\v 5 Intte Paaziga yarsho GODAA intte Xoossay inttes immiza ay katamatankka coo shukkofte. 
\v 6 Gido attiin GODAA intte Xoossay ba sunththay xeygettana mala dooridason xalla shukkite; shukkishe arshey wulliza wode intte kase Gibxeppe kezida gallassayonne saateyo naagidi shukkite. 
\v 7 He shukkida ashoza GODAA intte Xoossay dooridason xiixi miite; wonteththa gallas gede intte dunkaanen dunkaanen simmite. 
\v 8 Usuppun gallas irshoy izan gelontta uketh miite; Laappunththo gallas GODAA intte Xoossaas goynnanaas issiso shiiqite; he gallas ay oosokka ooththofte.
\s1 Kaththa Shiisho Ba7aale
\r (Kessa 34:22; Lewe 23:15-21)\x - \xo 16:1-8 \xo*\xt Lewe 23:5-8; Tay 28:16-25\xt*\x*
\p
\v 9 Intte kath shiishshanaas koyro doommida gallassafe biidi laappun saamintta kumeth qoodite. 
\v 10 Hessafe guye GODAA intte Xoossay inttena anjjida keena intte intte dosan imota ehidi GODAA intte Xoossaas kaththa shiisho ba7aale bonchchite. 
\v 11 Hessan intte intte attuma naytaranne intte macca naytara, intte attuma aylletaranne macca aylletara, intte katamaan diza Lewetaranne bete asatara, intte giddon diza yi7otaranne am7etara ubbay GODAA intte Xoossi ba sunththi xeygettana mala dooridason ufayettite. 
\v 12 Kase intte Gibxen aylle gididayssa yuushshi qoppidi hayta wogata lo7eththi naagite.\x - \xo 16:9-12 \xo*\xt Tay 28:26-31\xt*\x*
\s1 Daase Ba7aale
\r (Lewe 23:33-43)
\p
\v 13 Intte kath baleppe gelththidaappe guye qasseka woyne gum7izasohoppe ekkidaappe guye laappun gallas gakkanaas daase ba7aale bonchchite. 
\v 14 Hessan intte, intte attuma naytaranne intte macca naytara, intte attuma aylletanne macca aylletara, intte katamaan diza Lewetaranne bete asatara, intte giddon diza yi7otaranne am7etara ubbay ufayettite. 
\v 15 GODAA intte Xoossay dooridason laappun gallas gakkanaas izas ba7aale bonchchite; GODAA intte Xoossay intte kaththaanne intte ooththiza ooso ubbaan inttena anjjana; izan intte ufayettana.\x - \xo 16:13-15 \xo*\xt Tay 29:12-38\xt*\x*
\p
\v 16 Intte biittan diza attuma as gidida ubbay layththan heedzdzuto Paaziga ba7aale wode, kaththa shiisho ba7aale wodenne daase ba7aale wode GODAA intte Xoossay izi dooridaso iza sinth shiiqo; ba7aaleza bonchchana yishe oonikka coo mela kushe GODAA sinth yooppo. 
\v 17 Issi issi asi ekki yaana imotay GODAA intte Xoossay izaade anjjida keena gido.
\s1 Xillo Pirda
\p
\v 18 Intte zareti ubbay GODAA intte Xoossay immiza katamatan ubbaan intte daannatanne halaqata sunththite; isttika asaas xillo pirda pirdetto. 
\v 19 Pirda geellasoppa; asa ayfeso beyada maadda pirdofa; baleththofa; maganxo mooppa; gaasoykka maganxoy aadho eranchchata ayfe qooqisees; xillota qaalakka bokkisees.\x - \xo 16:19 \xo*\xt Kessa 23:6-8; Lewe 19:15\xt*\x* 
\v 20 Intte shemppora paxa daana malanne GODAA intte Xoossay inttes immiza biitta intte laattana mala xillonne suure pirda pirdite.
\s1 Eeqa Xoossatas Goynnontta Mala Imettida Wogata
\p
\v 21 GODAA intte Xoossaas intte yarshizaso achchan miththafe oosettida Asheeri misle essofte.\x - \xo 16:21 \xo*\xt Kessa 34:13\xt*\x* 
\v 22 Qasseka GODAA intte Xoossay ixxiza goyno shuch essofte.\x - \xo 16:22 \xo*\xt Lewe 26:1\xt*\x*
\c 17
\p
\v 1 Intte intte mehe garsafe wosoy woykko pacey dizaaz boora gidiin woykko dorsa GODAA intte Xoossaas yarsho shiishshofte; hessi GODAA achchan ixettida miishsha. 
\v 2 Intte GODAY inttes immiza katamatappe issineyn diza macca gidiin adde gidiin caaqo qaalaa menththidi GODAA intte Xoossaa sinththan iita miish ooththi beettiko, 
\v 3 qasseka ta azazo yedhdhi aadhdhidi hara xoossatas goynniko woykko arshes, aginassinne xoolinttetas goynniko,\x - \xo 17:3 \xo*\xt Kessa 22:20\xt*\x* 
\v 4 heytantta mala hanota intte siyikko he yo7oza pilggi qorite; hessa mala iita yo7oti Isra7eele asaa giddon oosettidayssi tumu gidikko, 
\v 5 he iita ooththidaade woykko ooththidaaro katama giddofe gede haraso efidi shuchchan kurakki wodhite. 
\v 6 Hessika nam7u markkay woykko heedzdzu markkay izaade bolla markkattidaappe guye gido; gido attiin issi asi xalla markkattida markkan ay asikka hayqqofo.\x - \xo 17:6 \xo*\xt Tay 35:30; Zaare 19:15; Mato 18:16; 2Qoro 13:1; 1Xim 5:19; Ib 10:28\xt*\x* 
\v 7 Markkati koyrottidi shuchchan caddetto; hessafe guye hankko dere ubbay caddo; hessaththo ooththidi intte giddofe iita ubbaa diggite.\x - \xo 17:7 \xo*\xt 1Qoro 5:13\xt*\x*
\s1 Deexo Pirda
\p
\v 8 Intte intte katamatan pirdanaas keehi deexxiza shemppo gishshas shiiqiza mooto, shochcha mooto, qasse, «Taas bessees» giza aqota mooto gidiinkka dendiko he wode GODAA intte Xoossay dooridaso eeson ehite. 
\v 9 Lewe qommotappe qeese gididaytassinne he wode daanna gididi pirdizayssas yo7oza shiishshite; he yo7oza istti pirdetto. 
\v 10 GODAY dooridason gididi istti inttes pirdiza pirda mala ooththite; intte polana mala istti immiza azazota naagetti polite. 
\v 11 Istti inttena tamaarsida wogaanne pirda mala ooththite; istti pirdida pirdafe hadirsinne ushach goopite. 
\v 12 GODAA intte Xoossaas ooththiza daannaas woykko qeeses azazettontta ixxidi otorettiza asi diikko hessaadey hayqqo; hessaththo ooththidi heytantta misatiza iita miishshata ubbaa Isra7eele deraa giddofe diggite. 
\v 13 Hessafe guye asi wuri hessa siyidi babbana; nam7anththo hessa mala iita ooso ooththanaas xalana asi deenna.
\s1 Kawo Kawoththana Imettida Woga
\p
\v 14 GODAA intte Xoossay inttes immiza biittayo geli laattidi heen duus doommiza wode, «Nuna yuuyi aadhdhida kawoteththatas kawoy dizayssaththo nunikka nuus kawo kawoththana» giikko,\x - \xo 17:14 \xo*\xt 1Same 8:5\xt*\x* 
\v 15 intte kawoththanay GODAA intte Xoossay inttes dooridaade gididayssa erite; hessi intte asaa giddofe doorettidayssa giddofe attiin hara biitta as intte bolla kawosopite. 
\v 16 He kawozi daro para baas shiishshanaas bessenna; GODAY asay Gibxe simmontta mala azazida gishshas heeppe para shammanaas asaa yeddofo.\x - \xo 17:16 \xo*\xt 1Kawo 10:28; 2Taari 1:16; 9:28\xt*\x* 
\v 17 Iza wozina baleththontta mala kawoy cora machcho ekkofo; worqqanne biraakka darssi shiishshofo.\x - \xo 17:17 \xo*\xt 1Kawo 10:14-22,27; 11:1-8; 2Taari 1:15; 9:27\xt*\x* 
\v 18 Izi ba kawoteththa algan uttiza wode Xoossa woga maxaafa Lewe qommo gidida qeeseta matappe baas duuqqi ekko. 
\v 19 He maxaafaza ba matan woththidi ba de7o layth ubbaan nababo; izi histtiko GODAA ba Xoossaa bonchchonne he maxaafan xaafettida wogatanne maarata keehi naagettidinne ammanettidi polo taamarana. 
\v 20 Histtiko izi ba wozinan, «Tani ta laggetappe aadhdhays» giidi Isra7eele asaa bolla otorettenna; GODAA ba Xoossaa wogappe hadirsinne ushach geenna; izi daro layth kawotana; iza naytikka Isra7eele biittan daro layth kawotana.
\c 18
\s1 Qeesetanne Leweta Gakkiza Gisha
\p
\v 1 Lewetappe qeesetinne qasseka kumeththa Lewe qommoti hankko attida Isra7eele asaara biitta gishettiza wogay isttas baynda gishshas istti GODAAS yarshanaas shiishshiza yarshofe miidi detto. 
\v 2 Istta ishata Isra7eele asaa garsan isttas xinxxo gadey dooppo; izi isttas immida hidota qaala mala GODAY isttas xinxxo.\x - \xo 18:2 \xo*\xt Tay 18:20\xt*\x* 
\v 3 Wofano gidiin woykko dorsa yarshos shiishshiza wode qeeseti missata, banqilatanne ganjjeta ekketto. 
\v 4 Intte kaththafe xeera, woyne ushshafenne wogara zayteppe xeera, dorsa iskefe koyro qanxxettidayssa isttas immite. 
\v 5 Mernaas qeeseteththan ooththana mala hara qommota giddofe GODAA intte Xoossay Lewe qommota baas doorides.
\p
\v 6 Lewe qommotappe issi asi kase ba diza Isra7eele katamappe GODAY dooridaso baanaas daro amoy izas diikko, 
\v 7 biidi heen kase haggaziza Lewe qommoti ooththizayssaththo izikka GODAA sinththan ooththo. 
\v 8 Qasse ba aawa aqo bayziin bana gakkidayssa ekkidaa gidikkoka qeeseti go7ettizayssa ubbaa isttara gina gishetti ekko.
\s1 Ayzaabeta Wogappe Naagettana Mala Imettida Seera
\p
\v 9 GODAA intte Xoossay inttes immiza biittaa intte geliza wode he biittan diza kawoteththay ooththiza tuna ooso ooththofte. 
\v 10 Ba attuma naa woykko macca naa yarshos giidi taman xuuggiza ay asikka intte giddon dooppo; bitizay, marace xeellizay, muurennizaynne maroy intte giddon dooppo.\x - \xo 18:10 \xo*\xt Lewe 19:26; Kessa 22:18\xt*\x* 
\v 11 Qasseka daggamizaadey (gojizay), woykko moytille xeygizaadey woykko iita ayanatara haasayzaadey, woykko hayqqida asata ayanara haasayzaadey intte giddon dooppo.\x - \xo 18:11 \xo*\xt Lewe 19:31\xt*\x* 
\v 12 Hessantta mala ooththiza ay asikka GODAA matan ixettidaade; istti hessa mala tuna ooththida gishshas GODAA intte Xoossay he kawoteththata intte sinththafe dhoqalli dhayssana. 
\v 13 GODAA intte Xoossaa sinththan mulera intte ammanettizayta gidanaas bessees.\x - \xo 18:13 \xo*\xt Mato 5:48\xt*\x*
\s1 Muse Mala Sinththafe Dendana Nabe
\p
\v 14 Ha intte laattanaas biza biittaan diza kawoteththati muurennizaytinne marace xeellizayti yootizayssa siyizayta. Intte gidikko hessaththo ooththontta mala GODAA intte Xoossay inttena diggides. 
\v 15 GODAA intte Xoossay intte zareppe ta mala nabe denththana; intte izi inttes yootizayssa siyidi azazettite.\x - \xo 18:15 \xo*\xt Hawa 3:22; 7:37\xt*\x* 
\v 16 Intte Siina zuma bolla shiiqida wode GODAA intte Xoossaa, «Nuni hayqqontta mala GODAA nu Xoossaa cenggurssaa zaari siyokko; qasseka ha wolqqama tamaakka nam7anththo be7okko» giidi oychchideta.
\p
\v 17 Hessa gishshas GODAY taas, «Istti oychchiza oyshay likke» gides. 
\v 18 Tani istta zareta giddofe isttas ne mala nabe denththana; izi haasayana qaala ta izas immana; ta azazizayssa ubbaa izi inttes yootana. 
\v 19 Ta sunththan yootiza he nabeza qaala siyontta as ta qaxxayana.\x - \xo 18:19 \xo*\xt Hawa 3:23\xt*\x* 
\v 20 Gido attiin ta iza azazontta xalateththan ta sunththan yootiza nabey woykko eeqa xoossata sunththan yootiza nabey hayqqo.
\p
\v 21 Intte, «Nabey yootiza tinbite qaalay GODAAPPE gidonttayssa ta aazan shaakka eranee?» gi oychchana dandayeeta. 
\v 22 He nabezi yootiday GODAA sunththan yootiin izi yootida qaalay polettontta aggiko hessi GODAY yootonttayssa gididayssa ereeta; he nabezi wordo haasayda gishshas izas yayyofte.
\c 19
\s1 Asi Baqati Attiza Katamata
\r (Tay 35:9-28; Iya 20:1-9)
\p
\v 1 GODAA intte Xoossay inttes immiza biittan diza kawoteththata dhayssidi intte istta katamataninne keeththatan de7o doommiza wode, 
\v 2 GODAA intte Xoossay inttes xinxxo ooththidi immiza biittan diza katamatappe heedzdzu katamata inttes shaakkite. 
\v 3 GODAA intte Xoossay inttes xinxxo ooththidi immiza biittaa heedzdzu kessi shaakkite; histtidi ase wodhida asi oonikka he katamatappe issaan baqati attana mala hee efi gaththiza oge giigsite. 
\v 4 Issi asi kase izara morkketeththi bayndaade wodhana gi qoppontta dingate as wodhikko hessaadey katamatappe issineyn bi gelidi ba shemppo ashsho. 
\v 5 Leemisos nam7u asati mith qanxxana bidason istti mith qanxxishin miththaa qanxxiza beyixezi woykko kalttazi tuutezappe qoppontta koletti biidi izara dizaadeza wodhikko, he beyixey iza kusheppe koletti bi wodhidaadezi he heedzdzu katamatappe issi katamayo bi geli ba shemppo ashsho. 
\v 6 Qotetti attiza katamay eeson gakettontta haakoson dizaa gidikko ogey aduqqida gaason suuth azarizaadey keehi hanqettidi gooddi gakkidi hayqqanaas bessonttayssa wodhanaas dandayees; gaasoykka izi ba shooro wodhiday morkketeththi diza gishshas gidenna. 
\v 7 Intte heedzdzu katamata dumma shaakkana mala ta inttena azazizay hessa gishshassa. 
\v 8 GODAA intte Xoossay kase intte aawatas gelida hidota qaalaa mala izi intte zawa aassiko, 
\v 9 hach ta inttena azazidayssa ubbaa intte polikko, GODAA intte Xoossaka siiqikko qasse iza ogen biikko izi inttes hanno biittayo immiza gishshas asi isttan baqati biidi attana mala hara heedzdzu katamata gujji giigsite. 
\v 10 Intte hessaththo ooththiza gaasoykka intte izin daana mala GODAA intte Xoossay inttes xinxxo histti immiza biittayn xillo suuththi gukkontta malanne intteka suuththa acon oyshettontta malassa.
\p
\v 11 Gidikkoka issi asi morkketeththan dendidi geeman zamadi uttidi qadhetay baynda as wodhidaappe guye ba shemppo ashshanaas he katamatappe issineyn baqati biikko, 
\v 12 izi diza katamaa cimati izi baqati bida katamaappe as kiitti ehisidi hayqqidayssa suuth azarizaades aaththi immetto. 
\v 13 Izas aykkoka qadhettofte; inttes ubba miishshi lo7o gidana mala shemppo wodhizayta Isra7eele giddofe dhayssite.
\s1 Dhas Shoddanaas Bessenna
\p
\v 14 GODAA intte Xoossay inttes immiza xinxxon beni asati inttessinne intte shooros giddon essida zawa shoddofte.
\s1 Markkateththas Imettida Azazo
\r (Zaare 27:17)
\p
\v 15 Asi moorida mooro shaakki eranaas issi markkay xalla gidenna; nam7u woykko heedzdzu markkay markkattana bessees.\x - \xo 19:15 \xo*\xt Tay 35:30; Zaare 17:6; Mato 18:16; Yoha 19:31; 2Qoro 13:1; 1Xim 5:19; Ib 10:28\xt*\x* 
\v 16 Issi iita asi hara as wordora mootikko, 
\v 17 nam7atikka he wode GODAA sinththan ooththiza qeeseta sinththaninne pirdiza daannata sinththan eqqetto. 
\v 18 He pirdizaytikka he yo7oza lo7eththi pilggi xeelletto; he markkattizaadezi ba ishaza bolla wordora markkattidayssi tumu gidikko, 
\v 19 izi he mootoza ba ishaa qaxxayssanaas qoppida qixaatezan ba hu7es qaxxayetto; histtidi hessa mala iita ooththizayssa intte giddofe diggite. 
\v 20 Histtiko hara asay hessa siyidi babbana; hessa mala iita oosoy intte giddon oosettenna. 
\v 21 Hessa mala iita ooththizaytas mulekka qadhettofte; shemppo wodhidaade wodhite; ayfe toyssidaades ayfe toyssite; ach menththidaades ach menththite; kushe menththidaades kushe menththite; toho menththidaades toho menththite.\x - \xo 19:21 \xo*\xt Kessa 21:23-25; Lewe 24:19-20; Mato 5:38\xt*\x*
\c 20
\s1 Ola Asatas Imettida Woga
\p
\v 1 Intte intte morkketa olana bishin para-gaaretinne toga asati inttefe daro gidikko hessa be7idi dagammofte; gaasoykka inttena Gibxeppe kessida GODAA intte Xoossay inttenara diza gishshas babbofte. 
\v 2 Intte ola doommanaappe sinththatidi qeesezi ola asaakko shiiqidi, 
\v 3 «Isra7eele asawu! Haa ezgite! Intte hach intte morkketara olettanaas beeta; intte wozinay dagammofonne babbofo; istta sinththan kokkoropitenne shirotopite. 
\v 4 GODAA intte Xoossay intte morkketa olanaas inttenara biza gishshas izi inttena xoonisana» go.
\p
\v 5 Hessafe kaallidi ola asaa kaaleththizayti olanchchatas, «Ooraththa keeth keexxidi gelontta asi intte garsan diikko izi olaso bi hayqqiin hara asi iza keeththan gelontta mala baso guye simmo. 
\v 6 Woykko woyne tokkidi iza ayfe shiishshontta asi diikko izi olan hayqqiin hara asi iza woyne ayfe baas shiishshidi ufayettontta mala izi baso simmo. 
\v 7 Machcho ekkana giigsi woththida asi olan hayqqiin hara asi izo ekkontta mala izi baso simmo» getto.
\p
\v 8 Ola asaa kaaleththizayti, «Wozinay babbiza asi intte garsan diikko hankko ola asaa wozina hirgisontta mala izi baso simmo» getto. 
\v 9 Ola asaa kaaleththizayti hessa yooti wursidaappe guye ola asaa butten butten shaakkidi issi issi buttes kaaleththizayta dooretto.
\p
\v 10 Issi katama olanaas biidi intte isttako matiza wode koyrottidi saron istti kushe immana mala oychchite. 
\v 11 Istti inttena saron mokki ekkidi bantta gimbe penge doydi inttena gelththiko he katamaan diza asay ubbay inttes haggazonne deexo ooso ooththo. 
\v 12 Gido attiin he katamaa asay inttes saron ba kushe immontta ixxidi inttenara olettana koykko istta katamaa dooddite. 
\v 13 GODAA intte Xoossay he katamayo intte kushen aaththi immiza wode he katamayn diza attumasaa ubbaa wodhite. 
\v 14 Gido attiin maccassatanne guuththa nayta, mehenne he katamayn diza aqota ubbaa inttes di7i ekkite; qasse GODAA intte Xoossay inttes immiza intte morkketa aqota inttes go7ettite. 
\v 15 Qasseka intte dizasoppe haakki diza katamatakka intte oykkiza wode hayssafe kaallizayssa ooththite.
\p
\v 16 GODAA intte Xoossay inttes aaththi immida biitta bolla asaa intte oli oykkizaa gidikko asa ubbaa wodhite. 
\v 17 GODAY intte Xoossay inttena azazida mala Hiiteta, Amooreta, Kanaaneta, Paarizeta, Hiiwetanne Yaabuseta ubbaa wodhite. 
\v 18 Intte histtontta aggiko istti bantta eeqa xoossatas goynniza tuna ooso intte ooththana mala inttena tamaarsana; hessan GODAA intte Xoossaa bolla nagara ooththana.
\p
\v 19 Intte katamaa oykkanaas dooddi daro gallas olettishe gam7iza wode izan diza ayfe immiza miththata ayfe intte maana dandayza gishshas istta qanxxofte; istti ayfe ayfiza miththafe attiin asara olettiza as gidettenna; he demban diza miththata qanxxofte. 
\v 20 Hankko ayfe ayfontta miththata gidikko istta qanxxereththi yeggidi he katamaya kundana gakkanaas giddoththi naagana dandayeeta.
\c 21
\s1 As Wodhidi Erettontta Geemmidaade Daafa
\p
\v 1 Intte laattana mala GODAA intte Xoossi inttes immiza biittayn ooni wodhidaakko erettontta asa ahay coo demban kundi beettiko, 
\v 2 intte daannatinne intte cimati biidi ahazi dizasoppe doommidi he heeran diza katamata gakkanaas diza haahoteththaa wadhdhetto. 
\v 3 Hessafe guye ahazi dizasos matiza katamayn diza kaaleththizayti oosos gakkontta buro qambaray izi morge bolla wodhdhontta issi ussu dooretto. 
\v 4 He ussiyo mulekka goyetti eronttaso, ay atakiltey toketti eronttasonne goggiza haaththi diza shoobba efidi heen ussay morge mirqqi menththetto. 
\v 5 Histtidi GODAA intte Xoossay ba sinththan ooththana mala, ba sunththan anjjana mala, mootonne shemppo daafa gelidi shaakki pirdana mala GODAA intte Xoossay Lewe naytappe doorida qeeseti ahazi dizaso mata betto. 
\v 6 Hessafe guye ahazi dizaso matan diza katamayo kaaleththiza cimati morge mirqqi menththida ussay bolla bantta kushe meecettetto. 
\v 7 Histtidi, «Hayssa nu wodhibeekko; ooni wodhidaakkoka nu beyibeekko. 
\v 8 GODAWU! Neni Gibxeppe wozzada kessida ne dere Isra7eele nagaraa wursa; nunakka maara; hayssa gukkida xillo suuththaa gishshas nuna oychchofa» getto. 
\v 9 Intte GODAA sinththan suure miish ooththidi xillo suuththi gukkida nagaraa intte giddofe diggite.
\s1 Di7etti Yida Maccassatappe Machcho Eko Woga
\p
\v 10 Ne morkketara ne olettanaas keziin GODAA ne Xoossi istta ne kushen aaththi immiin ne istta di7ida wode, 
\v 11 he di7ettidayta giddon mala lo7o maccas demmada izo nees machcho ekkanaas koykko, 
\v 12 izo neni neso ehikko iza ba hu7e meedettu; qasse ba xugunth iiru. 
\v 13 Kase iza di7etta yashe may7ida may7o laammu; issi agina gakkanaas neson uttada olan hayqqida ba aayssinne ba aawaas yeekku; hessafe guye izo nees machcho ekka. 
\v 14 Guyeppe neni izin ufayettontta aggiko izo anjja yeddanaas dandayaasa; kase izo wolqqara ekkiday nena gidida gishshas zaarada bayzanaassinne aylle mala qoodanaas bessenna.
\s1 Bayra Naas Imettida Laattana Woga
\p
\v 15 Issi asi nam7u machcho ekkidi isttafe issineyo dosidi issineyo ixxiko he nam7atikka izas attuma nayta yelikko he yelettida naytappe bayrazi izi ixxizaari naa gidikko, 
\v 16 izi ba haaro ba naytas gishiza wode izi ixxizaarippe yelettida bayra naaza bayrateththaa kadhidi ba dosizaarippe yelettida naazas maaddidi aaththi immanaas bessenna. 
\v 17 Bayra naazi izi siiqontta machcheyfe yelettikokka izi izas koyro yelo gidida gishshas hankko naytappe aaththidi nam7u kushe aaththi immidi izi bayra gididayssa eriso.
\s1 Azazettontta Naytas Imettida Woga
\p
\v 18 Aawassinne aayis azazettontta ixxidi istti muriinkka simmontta ixxida makkallanchchanne wozina muume nay isttas diikko, 
\v 19 aayanne aaway bantti diza katamata garsan cimati pirdizaso ekki betto. 
\v 20 «Hayssi nu naazi wozina muume; makkallanchcha; nuus azazettenna; maththotteessinne miish coo dhayssees» gi cimatas yootetto. 
\v 21 He katamayn diza attuma asay ubbay iza shuchchan caddi wodhetto; intte hessaththo histtiko intte garsafe iita miishshi dhayana; Isra7eele deren dizay wuri hessa siyidi yayyana.
\s1 Dumma Dumma Wogata
\p
\v 22 Issi asi ba ooththida gita mooro gaason miththa bolla kaqetti hayqqana mala pirdettiko, 
\v 23 miththa bolla kaqetti hayqqida asi Xoossi qanggidaade gidida gishshas iza ahay miththa bolla kaqetti aqopo; GODAA intte Xoossay inttes immiza biitta tunisontta mala hayqqida ahaza he gallas moogite.\x - \xo 21:23 \xo*\xt Gala 3:13\xt*\x*
\c 22
\p
\v 1 Isra7eele asaa booray woykko dorsi dhaydi wora bishin intte demmiko co7u gi aadhdhofte; iza godaas laagga efa imma. 
\v 2 Gido attiin mehaaddey dizasoy haaho gidikko woykko he mehaaddey oonakko ne erontta aggiko meheza neso ekkada ba; mehaaddey koyishe yiikko izayssa izas zaara. 
\v 3 May7o gidiin woykko hare gidiin woykko hara ay miishshika ne bagga Isra7eele asaappe dhayiin ne demmidaa gidikko zaarada izaades imma.
\p
\v 4 Ne bagga Isra7eele asaas harey woykko booray ogen kundiin ne be7idaa gidikko maaddada denththa attiin be7ashe yegga aadhdhofa.\x - \xo 22:1-4 \xo*\xt Kessa 23:4-5\xt*\x*
\p
\v 5 GODAA intte Xoossay hessaththo ooththizayta ixxiza gishshas maccati attumasata may7o, attumasati maccassata may7o may7ofetto.
\p
\v 6 Ne oge bishin kafoy ba keeththan miththa bolla woykko biitta bolla yelida ciyeta woykko phuuphphulle haphpha diza kafo ne demmidaa kafoyo ciyetara gaththa neso efoppa. 
\v 7 Ciyeta neso ekka baanaas dandayaasa; aayeyo gidikko iza piradhdha baana mala yedda; neni hessaththo ooththiko nees lo7o gidananne ne daro layth daana.
\p
\v 8 Ne ooraththa keeth keexxashe he keeththaa kaarappe asi kundidi suuththa acon nena oyshisontta mala keeththaa kaara bolla teqe woththa.\f + \fr 22:8 \fr*\ft Keeththaa kaara bolla teqe woththa gizayssi Isra7eele biittan keeth keexxishe keeththaa kaaray bollan demba gidida gishshas asi bollafe kundontta mala gaxara teqe woththeettes.\ft*\f*
\p
\v 9 Neni woyne mith tokkashe iza giddon hara zereth zeroppa; ne hara zerikko woyne miththaa ayfeppe gidiin woykko hara ne zeroo kaththaafe go7ettanaas dandayakka.\x - \xo 22:9-11 \xo*\xt Lewe 19:19\xt*\x*
\p
\v 10 Booranne hare issife issi qambaran waaxa goyoppa.
\p
\v 11 Suufeppenne puuttofe walaketti dadettida may7o may7ofa.
\p
\v 12 Ne may7ana may7os oyddu baggarakka macara medhdha.\x - \xo 22:12 \xo*\xt Tay 15:37-41\xt*\x*
\s1 Geela7oteththas Imettida Woga Naago
\p
\v 13 Issi asi machcho ekkida mala izira aqi simmidi izo ixxiko, 
\v 14 «Hanno maccassayo ekkadis shin izis geela7oteththa wogay baawa» giidi wordora izi sunththu moorikko, 
\v 15 he nayo yelidayti naya geela7o gididayssas markka ehidi he katamaan diza cimata bessetto. 
\v 16 Nay aaway isttas, «Tani ta nayo hayssa addezas immadis shin ha7i izi izo ixxidayssa qonccisides. 
\v 17 ‹Ne nays geela7oteththi baawa› giidi ta nay sunththu moorides; ta nays geela7oteththi dizayssas hayssi markka» giidi he dere kaaleththizayta sinththan izi izo ekkishin may7o bolla gukkida suuththara diza malata carqqaza besso. 
\v 18 He katamayo kaaleththizayti addeza shoci qaxxayetto. 
\v 19 Qasseka izi Isra7eele naytappe geela7oteththara diza issiney sunththu moorida gishshas issi xeetu saqile bira nay aawaas magaco qanxxo; hessafe guye nayakka izas machcho gidu; izi shemppora paxa diza layth ubbaan izo anjji yeddanaas dandayenna.
\p
\v 20 Gido attiin izi gidayssi tumu gidi beettiko qasse iza geela7o gididayssa qonccisiza malatay baynda aggiko, 
\v 21 iza ba aawa soon dashe laymatada Isra7eele asaa yeellachchiza ooso ooththida gishshas izo izi aawa keeththa kare efetto; he katamaan diza asay izo shuchchara caddi wodho; hessaththo histtidi intte giddofe iita miish diggite.
\p
\v 22 Issi asi hara asa machchira zin7i beettiko nam7ayka hayqqetto; hessaththo histtidi intte giddofe iita miish diggite.
\p
\v 23 Ay asikka katama giddon azina gelana giiga uttida geela7oyra zin7idi beettiko, 
\v 24 nam7atakka he katamayppe kare kessidi shuchchan caddi wodhite; geela7oya katama giddon dashe, «Tana ashshite» gaada waassontta gishshas hayqqanaas bessees; qasse addezi hara asara giiga dizaarira zin7idi woga menththida gishshas hayqqanaas bessees; hessaththo histtidi intte giddofe iita miish diggite.
\p
\v 25 Issi asi hara asas giiga uttida geela7oyo iza diza katamappe harason demmi wolqqaththidi izi geela7oteththaa ekkidaa gidikko hessaadey xalla hayqqo. 
\v 26 Naya hayqos gaththiza nagara ooththontta gishshas izo bochchofte; hayssa mala oosoy issi asi genera ba laggeza shemppo wodhizayssara issi gina. 
\v 27 Hessika he addezi hara asas giigetta uttida geela7oya ba diza katamappe karen dishin demmidi izo oykkida gishshassinne iza waassidaakkoka izo ashshana asi baynda gishshassa.
\p
\v 28 Ay asikka hara asara giigettontta geela7oyra zin7ishe oykettiko, 
\v 29 nay aawaas ichchash tammu saqile bira qanxxidi izo baas machcho histto; wolqqan izira zin7ida gishshas hayqqana gakkanaaska izo anjji yeddanaas dandayenna.\x - \xo 22:28-29 \xo*\xt Kessa 22:16-17\xt*\x*
\p
\v 30 Oonikka ba aawa machcho ekkidi woykko izira zin7idi ba aawa yeellasoppo.\x - \xo 22:30 \xo*\xt Lewe 18:8; 20:11; Zaare 27:20\xt*\x*
\c 23
\s1 Xoossa Asaara Diza Issifeteththafe Shaakkiza Hanota
\p
\v 1 Sangettida asi woykko qaaratettida asi GODAA dere duulatan beettofo.
\p
\v 2 Laggeththon yelettidaynne iza zereththi biidi tammanththo gakkanaas GODAA asa shiiqon geloppo.
\p
\v 3 Amoonenne Mo7aabe zereththati wurikka tammanththa yeleta gakkanaas GODAA asaa duulatan geloppetto. 
\v 4 Gaasoykka intte Gibxeppe kezidi yishin istti inttena kaththinne haath diggida; qasse Mesphexoomiya biittan Patoore katamaan diza Bi7oore naa Balaamey inttena qanggana mala miishshan shammida.\x - \xo 23:4 \xo*\xt Tay 22:1-6\xt*\x* 
\v 5 Gido attiin GODAA intte Xoossay inttena siiqiza gishshas Balaamey qanggiza qanggeththaa siyibeenna; izi qanggida qanggeththaa anjjon laammides.\x - \xo 23:3-5 \xo*\xt Nahi 13:1-2\xt*\x*\x - \xo 23:5 \xo*\xt Tay 23:7—24:9\xt*\x* 
\v 6 He dere asati duretidi saron daana mala istta maaddofte.
\p
\v 7 Istti inttes dabbo gidida gishshas Eedoome asaa kadhidi ixxofte; qasse intte Gibxe biittan kase bete gididi de7ida gishshas Gibxe asatakka ixxofte. 
\v 8 Istta zereththi heedzdzanththo yeletappe doommidi GODAA asaa shiiqon walakettana dandayees.
\s1 Ola Asay Dunkaani Uttidaso Geeshshateththan Naago
\p
\v 9 Intte olas kezidi dunkaani uttidasohon inttena tunisiza miishshafe naagettite. 
\v 10 Issi asi omars agumora maallay iza bolla gukkiko asi diza heeraappe haraso biidi heen takko. 
\v 11 Omarsa wode ba bolla meecettidi arshey wullishin kase ba dizaso simmo.
\p
\v 12 Sheesh uttizaso intte dizaso heerappe karen giigsite. 
\v 13 Intte sheesh uttanaaso bookkanaassinne biitta zaari kammanaas go7iza miish intte ola massarara gaththi issife oykkite. 
\v 14 Gaasoykka GODAA intte Xoossay inttena naaganaassinne intte morkketa intte kushen aaththi immanaas intte guta giddon hemetettiza gishshas iza shaattiza miish be7idi guye simmontta mala intte diza heeray geesh gidana bessees.
\s1 Dumma Dumma Wogata
\p
\v 15 Ba godaappe baqatidi neekko yida aylle zaarada iza godaas immofa. 
\v 16 Izi intte katamatappe ba koyidason inttenara de7o; iza un7eththofte.
\p
\v 17 Isra7eele asaappe ooninne attuma gidiin woykko macca gidiin eeqa xoossatas goynnizayti ooththizayssa mala laymatopite.\x - \xo 23:17 \xo*\xt Lewe 19:29\xt*\x* 
\v 18 GODAA intte Xoossay layma ixxiza gishshas adde gidiin woykko maccassi laymateththan demmida miish adina gaso giidi GODAA intte Xoossa keeth ehopetto.
\p
\v 19 Ne zare gidida Isra7eele asaas miishshe, kath woykko hara miish tal7ada zaarashe dich ekkofa. 
\v 20 Hara biitta asaappe dichcha ekkanaas dandayaasa; gido attiin ne bagga gidida Isra7eele asaas dichchas tal7ofa; histtiko ne baada laattana biittayn GODAA ne Xoossay nena ubba baggarakka anjjana.\x - \xo 23:19-20 \xo*\xt Kessa 22:25; Lewe 25:36-37; Zaare 15:7-11\xt*\x*
\p
\v 21 GODAA ne Xoossaas ne immana gaada adinettida miish gaththanaas gam7ofa; ne gida qaalaa ne polana mala GODAA ne Xoossi koyees; ne adinettida qaala gaththontta ixxiko hessi nees nagara gidees.\x - \xo 23:21 \xo*\xt Tay 30:1-16; Mato 5:33\xt*\x* 
\v 22 GODAA ne Xoossaas ne immana gaada adinettontta aggiko hessi nees nagara gidenna. 
\v 23 Gido attiin GODAA ne Xoossas ne dosan immana gaada ne gelida mala ne inxarsafe kezidayssa pola.
\p
\v 24 Asi tokkida woyne miththa giddora kanththa bashe ne koyida keena izappe maanaas dandayaasa; gido attiin ay miishshankka yeggada neso efoppa. 
\v 25 Asa kaththa giddora aadhdha bashe tiyappe xupha maana dandayaasa; gido attiin maxa ekkada neso booppa.
\c 24
\s1 Machcho Anjji Yeddidi Hara Eko Gishshas Imettida Woga
\p
\v 1 Issi asi machcho ekki simmidaappe guye izi bolla issi iita miish demmidi izo ixxiko izo anjji yeddishe izis waraqata xaafi immidi yeddo.\x - \xo 24:1 \xo*\xt Mato 5:31; 19:7; Mar 10:4\xt*\x* 
\v 2 Izasoppe kezada hara azina gelikko, 
\v 3 he nam7anththo azinaykka izo dosontta ixxidi izis waraqata xaafi immidi ba sooppe izo kessi yeddiko, woykko izo ekkida he nam7anththo azinazi hayqqiko; 
\v 4 iza tunida gishshas koyro anjji yeddida azinazi nam7anththo izo zaaridi ekkofo; hessi GODAA matan ixettidayssa; qasse intteka GODAA intte Xoossay inttes immida biittan hayssa mala nagara ooththofte.
\s1 Dumma Dumma Wogata
\p
\v 5 Mata wode machcho ekkida asi olas booppo; hara deexo oosokka iza oosisopite. Issi layththi aadhdhana gakkanaas bason gam7idi bananne ba ekkida machchiyo ufaysso.
\p
\v 6 Neni issaades miishshe tal7e tal7ashe kath gaacciza woxa woykko woxa mayde izappe oyththo ekkofa. Hessaththo oosoy asa shemppo oysora gina.
\p
\v 7 Ba isha gidida Isra7eele asaa garsafe dhanka barsi efidi baas aylle ooththizay woykko hara asas aylleteththas aaththi bayzizaadey oonikka hayqo. Hessaththo histtidi iita ooso intte giddofe diggite.\x - \xo 24:7 \xo*\xt Kessa 21:16\xt*\x*
\p
\v 8 Issaafe issaan aadhdhiza galba hargefe keehi naagettite; tani istta azazida mala Lewe qommo gidida qeeseti inttes immiza wogata lo7eththi naagite.\x - \xo 24:8 \xo*\xt Lewe 13:1-14,54\xt*\x* 
\v 9 Intte Gibxeppe kezi yishin GODAA intte Xoossi Maarami bolla ooththidayssa yuushshi qopite.\x - \xo 24:9 \xo*\xt Tay 12:10\xt*\x*
\p
\v 10 Neni issaades issi miishshe tal7e immashe izi nena oyththiza miish ekkanaas izaade soo geloppa. 
\v 11 Neni karen dishin izaadey ba kushera nees oyso eho. 
\v 12 Izaadey manqo gidikko ne oyso ekkada iza afala ne soon ayssofa. 
\v 13 Izi may7i aqana mala arshey wullontta dishin izas zaara; izikka nena galatana; hessi nees GODAA ne Xoossaa achchan xilloteththan qoodettana.\x - \xo 24:10-13 \xo*\xt Kessa 22:26-27\xt*\x*
\p
\v 14 Ne bagga gidida Isra7eele asaappe gidiin woykko hara dereppe bete yiidi metotida manqo asi nees ooththiko, izaade wolqqa coo mela nees go7ettofa. 
\v 15 Izi hach ooththidayssa hach ekkanaas minththi koyza gishshas arshey wullontta dishin qanxxa; histtontta aggiko metotanchchay neeppe dendoyssan GODAAS waassiko nees nagara gidana.\x - \xo 24:15-16 \xo*\xt Lewe 19:13\xt*\x*
\p
\v 16 Nayti moorida mooron yelidayti, qasse yelidayti moorida mooron istta nayti hayqon qaxxayettanaas bessenna; issoy issoy ba moorida mooroza gishshas hayqon qaxxayetto.\x - \xo 24:16 \xo*\xt 2Kawo 14:6; 2Taari 25:4; Hizi 18:20\xt*\x*
\p
\v 17 Hara biitta asatassinne yi7o naytas pirda geellasoppa; am7ey may7o iza tal7e ekkida miishsha gishshas gaada oyso ekkofa.
\p
\v 18 Kase intte Gibxe biittan aylleteththan de7idayssanne intte GODAA Xoossay inttena wozzi kessidayssa yuushshi qopite; tanikka hayta ha azazota inttes immizay hessassa.\x - \xo 24:17-18 \xo*\xt Kessa 23:9; Lewe 19:33-34; Zaare 27:19\xt*\x*
\p
\v 19 Neni maxida kaththaa shiishshiin baletti guye attida mirqqey diikko iza ekkanaas guye simmofa; hessa hara biittafe yida bete asatas, yi7otassinne am7etas heen aggaaga. Ne hessaththo ooththiko ne ooththiza ooso ubbaan GODAA ne Xoossay nena anjjana. 
\v 20 Neni wogara miththa ayfe issito maxidaappe guye geedon attidayssa ekkanaas nam7anththo guye simmofa. Hessa hara biittafe bete yidaytas, yi7o naytassinne am7etas aggaaga. 
\v 21 Neni woyne miththa ayfe issito maxidaappe guye geedon attidayssa ekkanaas nam7anththo guye simmofa; hessa hara biittafe bete yidaytas, yi7o naytassinne am7etas aggaaga.\x - \xo 24:19-21 \xo*\xt Lewe 19:9-10; 23:22\xt*\x* 
\v 22 Nekka kase Gibxe biittan aylle gididayssa baloppa; tanikka hayta ha azazota inttes immizay hessassa.
\c 25
\p
\v 1 Nam7u asati ba garsan palamettidi pirdaso biikko qohettidayssa ne xillo; qohidayssa, «Ne wordo» giidi pirdizayti pirdetto. 
\v 2 Qohidayssi garafetti qaxxayettanaas bessizaa gidikko pirdizayti izi zaqullidi garafettana mala azazetto; hessafe guye mooranchchay pirdizayta sinththan ba mooro keena garafetto. 
\v 3 Izi oyddu tammuto shocetto attiin hessafe aadho shocettanaas bessenna; hessafe bollara garafettiko ne ishazi ne sinththan kawuyana.\x - \xo 25:3 \xo*\xt 2Qoro 11:24\xt*\x*
\p
\v 4 Kath booran bukkashe bukkiza boora doona qachchofa.\x - \xo 25:4 \xo*\xt 1Qoro 9:9; 1Xim 5:18\xt*\x*
\s1 Naa Yelontta Hayqqida Ishaas Ooththana Bessiza Woga
\p
\v 5 Issife de7iza ishanttafe issoy naa yelontta hayqqiko iza machcha kare baada allaga as geluppu; izi azinaa ishay izo laattidi izis koshshiza ubbaa kunththo. 
\v 6 Qasseka isttafe yelettida koyro nay Isra7eele biittan hayqqidaade sunththay dhayontta mala kase hayqqida ishaas naa gido.\x - \xo 25:5-6 \xo*\xt Mato 22:24; Mar 12:19; Luqa 20:28\xt*\x*
\p
\v 7 Gido attiin izi ba ishaa machcheyo ayssanaas koyontta aggiko iza katama pengen uttida cimataakko baada, «Ta azinaa ishay ba ishaa sunththi Isra7eelen de7ana mala koyibeenna; tana ekkike giidi taas koshshiza miish kunththontta ixxides» gaada magannu. 
\v 8 Hessafe guye he katamayo kaaleththiza cimati addeza baakko xeygidi iza oychchetto. Izi ha7ikka maccassayo ekkontta ixxiko, 
\v 9 he hayqqidayssa machcheya he katamayo kaaleththiza cimata sinththi shiiqada he addeza tohoppe issi caamma shoddada iza ayfeson cuch cuttada, «Ba ishaas zereththi de7ana mala koyontta asa bolla hayssa mala kawushshateththi gakkanaas bessees» gu.
\p
\v 10 He addeza zarey Isra7eele asaa giddon, «Iza tohoppe caammay shodettidaade soo asata» geetetti kawushshan xeygettishe de7ana.\x - \xo 25:7-10 \xo*\xt Uru 4:7-8\xt*\x*
\s1 Hara Azazota
\p
\v 11 Nam7u asati wadhettishin isttafe issaa machcheya yaada ba azina ashshanaas ba kushe yeddada hankkoyssa attumateththa oykkiko, 
\v 12 he maccassay kushey maaroy baynda qanxxetto.
\p
\v 13 As baleththanaas gitanne guth gidida nam7u qommo geeddara miishshi ne matan dooppo. 
\v 14 As baleththanaas adussenne qaanth gidida nam7u qommo wadha miishshi ne soon dooppo. 
\v 15 GODAA ne Xoossay nees immana biittayn neni adussa wode de7ana mala ammanththizanne likke gidida geeddara miishshinne wadha miishshi nees do. 
\v 16 Geeddara miishshaninne wadha miishshan wordora as baleththiza asata ubbaa GODAA ne Xoossay ixxees.\x - \xo 25:13-16 \xo*\xt Lewe 19:35-36\xt*\x*
\s1 Amaaleeqeta Wodhanaas Imettida Azazota
\p
\v 17 Intte Gibxe biittafe kezi bishin Amaaleeqe asay intte bolla gaththida qohoza balopite. 
\v 18 Istti Xoossas yayyontta asa; intte ogen inttenara eqettida; intte hemettishin daaburdi guye attida asaa ubbaa wodhida. 
\v 19 Hessa gishshas GODAA intte Xoossay he biittayo inttena laatissidi inttena yuuyi aadhdhida intte morkketa ubbaafe shempisiza wode asi istta biitta bolla zaari qoppontta mala Amaaleeqe asaa wursa dhayssa; hessa mulekka baloppa.\x - \xo 25:17-19 \xo*\xt Kessa 17:8-14; 1Same 15:2-9\xt*\x*
\c 26
\s1 Asraatanne Xeera
\p
\v 1 GODAA ne Xoossay nena laatissana biittayo ne gela uttiza wode, 
\v 2 GODAA ne Xoossay nees immiza biittan mokkida kath ubbaafe xeera keeshera GODAA ne Xoossay ba sunththi hessan xeygettana mala dooridaso ekka ba.\x - \xo 26:2 \xo*\xt Kessa 23:19\xt*\x* 
\v 3 Histtada he woden aawateththan ooththiza qeesezakko baada, «GODAA ne Xoossay nuus immana giidi kase nu aawatas caaqqida biittayo ta gelidayssa ne GODAA sinththan hach markkattays» ga.
\p
\v 4 Qeesezikka kaththara diza keesheza ekkidi GODAA ne Xoossas yarsho shiishshizasozas sinththa baggan woththo. 
\v 5 Hessafe guye neni GODAA ne Xoossaa sinththan, «Ta aaway kase coo yuuyi yuuyi diza Aaraame dere asa; izi qoodan guuththa asatara Gibxe wodhdhidi de7ishe heen gita wolqqamanne qoodan cora kawoteth gidides. 
\v 6 Gibxe asay gidikko nuus meqeth iitidi nuna un7eththidanne deexo ooso nu bolla caanida. 
\v 7 Histtiin nuni GODAA nu aawata Xoossako waassidos; izikka nu waasoza siyidi nu waayeza, nu daaburazanne nuni qohettidayssa be7ides. 
\v 8 Histtidi GODAY ba wolqqama qeseninne ba micettida kushen, gita dagaman, malataninne malalisiza ooraththa miish ooththidi Gibxe biittafe nuna kessides. 
\v 9 Nuna haa hayssa ehidi hanno maaththinne eessi izin kumida modhdho biittayo laatissides. 
\v 10 Hessa gishshas hekko tanikka izi taas immida gaden kaxxida kaththaafe xeera izas ekka yadis» gaada keesheza woththada GODAA ne Xoossaa sinththan hokka goynna. 
\v 11 Neessinne ne soo asaas GODAA ne Xoossay immida lo7o miishshaan ufayettidi GODAA galatite; Lewetinne intte giddon de7iza bete asati ubbayka inttenara ufayetetto.
\p
\v 12 Asraata kessiza heedzdzanththo layththan layththan mokkida kath ubbaafe asraata kessa wursidaappe guye ne katamaan de7iza Lewetas, bete asatas, yi7otassinne am7etas ne katamaan istti kalli maana mala imma.\x - \xo 26:12 \xo*\xt Zaare 14:28-29\xt*\x* 
\v 13 Hessafe guye GODAA ne Xoossaa sinththan, «Ne azazida mala tani tasoppe nees dummatidayssa Lewe qommotas, bete asatas, yi7otassinne am7etas immadis; tani ne azazotappe issinokka menththabeekke; qasse issinokka doga aggabeekke. 
\v 14 Asi hayqqiin kayottashe izappe mabeekke; tani geeyontta dashe izappe aykkoka mabeekke; hayqqida asa gishshas shiiqiza yarshoska izappe aykkoka shiishshabeekke. Tani GODAA ta Xoossaas azazettadis; qasse neni tana azazida ubbaa poladis. 
\v 15 Neni salon de7iza geeshsha sohoppe haa duge xeella; ne dere Isra7eelenne kase nu aawatas ne immana gaada caaqqida mala nuus immida ha maaththinne eessi goggiza biittayo anjja» ga.
\s1 Xoossas Dummatida Dere
\p
\v 16 GODAA ne Xoossaa wogatanne maarata ne naagana mala hekko hach nena azazides; hessa gishshas neni kumeththa shemppofenne kumeththa wozinappe naaga. 
\v 17 GODAY nees Xoossaa gididayssa ne iza ogen baanayssa, iza wogaa, iza azazotanne iza maaraa neni polanayssa hach erisadasa. 
\v 18 Qasse GODAYKKA ba gelida qaalaa mala neni izas dumma as gididayssa, izas xinxxo gididayssanne neni iza azazo ubbaa naaganayssa erisides.\x - \xo 26:18 \xo*\xt Kessa 19:5; Zaare 4:20; 7:6; 14:2; Tito 2:14; 2Phex 2:9\xt*\x* 
\v 19 Neni hessa ooththiko izi medhdhida asa ubbaafe bollara galatan, sunththaninne bonchchon gita kawoteth ooththana; izi gelida caaqo qaalaa mala izas dumma dere ooththanayssa nees erisides.
\c 27
\s1 Lochcha Shuchchata Bolla Xaafettida Xoossa Wogata
\p
\v 1 Hessafe guye Musey Isra7eele asaa kaaleththizaytara derezas, «Tani inttes hach immiza azazota ubbaa naagite. 
\v 2 Intte Yordaanoose shaafaa pinnidi GODAA intte Xoossay inttes immiza biittayo geliza wode amarda gita shuchchata essidi istta noora tiyite.\x - \xo 27:2-8 \xo*\xt Iya 8:30-32\xt*\x* 
\v 3 Kase GODAA intte aawata Xoossay eessinne maaththi kumida biittayo inttes immanaas caaqqida qaalaa mala he biittayo oykkanaas intte pinnida wode ha woga qaalata lochcha shuchchata bolla xaafte. 
\v 4 Intte Yordaanoose shaafaa pinnidi ta inttena hach azazida mala he shuchchata Eebaale zumaa bolla essidi istta bolla noora tiyite. 
\v 5 Heen GODAA intte Xoossaas biratay bochchontta shuchchata ekkidi yarsho yarshizaso giigsite. 
\v 6 GODAA intte Xoossaas yarsho yarshizaso masettontta shuchchafe ooththidi iza bollan GODAA intte Xoossaas xuugetti shiiqiza yarsho shiishshite.\x - \xo 27:5-6 \xo*\xt Kessa 20:25\xt*\x* 
\v 7 Issifeteththa yarsho shiishshidi heen GODAA intte Xoossaa sinththan ufayettishe miite. 
\v 8 He shuchchata bolla Xoossa wogata ubbaa nababettana mala qonccisi xaafte» gi azazides.
\p
\v 9 Museykka Lewe qommotappe qeesetara gididi Isra7eele asaa ubbaas, «Isra7eele asawu tani gizayssa wozinan woththa siya; hekko hach neni GODAA ne Xoossaa dere gidadasa. 
\v 10 Hessa gishshas tani nees hach immiza azazotanne wogata ne wursa naagada GODAA ne Xoossaa qaalas azazetta» gides.
\s1 Azazeteth Ixoy Ehiza Qanggeth
\p
\v 11 He gallas Musey Isra7eele deraa hizgi azazides, 
\v 12 «Intte Yordaanoose pinnidaappe guye dereza anjjanaas Garizaane zumaa bolla eqqanaas bessizayti Simoona, Lewe, Yuhuda, Yisakoore, Yooseefe qommotanne Biniyaame qommota.\x - \xo 27:12 \xo*\xt Zaare 11:29; Iya 8:33-35\xt*\x* 
\v 13 Dereza qangganaas Eebaale zumaa bolla eqqanaas bessizayti Oroobeele, Gaade, Aaseere, Zaabiloone, Daane qommotanne Niftaaleme qommota.»
\p
\v 14 Lewe qommoti ba qaala dhoqqu histtidi hayssafe kaalliza qaalaa Isra7eele asa ubbaas getto.
\p
\v 15 «GODAY eeqa xoossatas goyno ixxiza gishshas, miththafe massidi shuchchafe qoxxidinne birata seerisidi eeqa xoos giigsidi geeman goynnizaadey oonikka qanggettidaade gido!»\x - \xo 27:15 \xo*\xt Kessa 20:4; 34:17; Lewe 19:4,26; Zaare 4:15-18; 5:8\xt*\x*Derezi wurikka, «Amiin!» go.
\p
\v 16 «Ba aawa woykko ba aayo kawushshizaadey qanggettidaade gido!» Derezi wurikka, «Amiin!» go.\x - \xo 27:16 \xo*\xt Kessa 20:12; Zaare 5:16\xt*\x*
\p
\v 17 «Dhas shoddizaadey wuri qanggettidaade gido!» Derezi wurikka, «Amiin!» go.\x - \xo 27:17 \xo*\xt Zaare 19:14\xt*\x*
\p
\v 18 «Qooqe as hadirsa oge kaaleththiza ubbay qanggettidaade gido!» Derezi wurikka, «Amiin!» go.\x - \xo 27:18 \xo*\xt Lewe 19:14\xt*\x*
\p
\v 19 «Bete asata, yi7o naytanne am7eta pirda geellasi pirdiza ubbay qanggettidaade gido!» Derezi wurikka, «Amiin!» go.\x - \xo 27:19 \xo*\xt Kessa 22:21; 23:9; Lewe 19:33-34; Zaare 24:17-18\xt*\x*
\p
\v 20 «Ba aawa machchira zin7idi ba aawa bonchcho kawushshiza ubbay qanggettidaade gido!» Derezi wurikka, «Amiin!» go.\x - \xo 27:20 \xo*\xt Lewe 18:8; 20:11; Zaare 22:30\xt*\x*
\p
\v 21 «Ay meherakka parattizaadey qanggettidaade gido!» Derezi wurikka, «Amiin!» go.
\p
\v 22 «Ba michcheyra woykko ba aayi nayra woykko ba aawa nayra zin7iza ubbay qanggettidaade gido!» Derezi wurikka, «Amiin» go.
\p
\v 23 «Ba bolloteyra zin7iza ubbay qanggettidaade gido!» Derezi wurikka, «Amiin» go.
\p
\v 24 «Geemason zamadi uttidi ase wodhiza ubbay qanggettidaade gido!» Derezi wurikka, «Amiin!» go.
\p
\v 25 «Miishshan shamettidi xillo shemppo wodhiza ubbay qanggettidaade gido!» Derezi wurikka, «Amiin!» go.
\p
\v 26 «Hayta ha woga qaalata naagontta ubbay qanggettidaade gido!» Derezi wurikka, «Amiin!» go.
\c 28
\s1 Azazeteththan Beettiza Anjjo
\r (Lewe 26:3-13; Zaare 7:12-24)
\p
\v 1 Neni GODAA ne Xoossaas azazettiko hach ta nees immiza azazota ne ubbaa ammanettada naagikko izi nena biitta bolla diza kawoteththata ubbaafe bollara dhoqqu dhoqqu histtana. 
\v 2 Neni GODAA ne Xoossaas azazettiko hayssafe kaalliza anjjoti wurikka neyta gidana.
\p
\v 3 Neni katamaninne gaxaren anjjettida as gidana.
\p
\v 4 Ne nayti, ne biittan diza kaththa ayfey, ne miizati, dorsatinne deyshati ubbay anjjettana.
\p
\v 5 Ne kaththa gootaraynne maadday anjjettana.
\p
\v 6 Neni geladakka kezadakka anjjettana.
\p
\v 7 Ne morkketi ne bolla meto gaththiza wode GODAY istta ne sinththan kundisana; istti ne bolla issi baggara yaana; gido attiin laappun ogera neeppe baqatana.
\p
\v 8 GODAY ne kushey oykkida ubbaanne ne gootara ubbaa anjjana; qasse izi nees immida biittankka nena anjjana.
\p
\v 9 Neni GODAA ne Xoossaas azazettikonne ne iza azazota ubbaa polikko izi nees caaqqida qaalaa mala izi nena baas dumma shaakettida dere histtana. 
\v 10 Hessafe guye biitta bolla diza derey wurikka GODAA sunththi nenan xeygettizayssa be7idi nees yayyana. 
\v 11 GODAY nees immanaas kase ne aawatas caaqqida biittaa bolla nees daro nayta, daro mehenne keehi daro kath immana.
\p
\v 12 Ne kushe ooso ubbaa anjjanaassinne GODAY ne biittaas ira wodera bukisanaas ba minjja keeththaa, salo penge nees doyana; qasse neni daro kawoteththatas tal7anaappe attiin ooppeka haa tal7e ekkaka. 
\v 13 GODAY nena hu7e histtanappe attiin goyna histtenna; hach tani nees immiza ne GODAA azazo siyada hessa neni minththada kaalliko neni ubbaafe bolla gidanaappe attiin garse gidakka. 
\v 14 Tani nees hach immida ha azazotappe kare kezada eeqa xoossatas goynnanaassinne isttas ooththanaas bessenna.\x - \xo 28:1-14 \xo*\xt Zaare 11:13-17\xt*\x*
\s1 Azazettontta Ixoy Ehiza Qanggeth
\r (Lewe 26:14-46)
\p
\v 15 Qasse neni GODAA ne Xoossaas azazettontta ixxiko, tani nees immiza wogatanne azazota ne ammanettada naagontta ixxiko hayssafe kaalliza qanggeththati ne bolla gakkananne nena ekki baana.
\p
\v 16 Neni katamaninne gaxaren qanggettidaade gidana.
\p
\v 17 Ne kaththa gootaraynne maadday qanggettidaazi gidana.
\p
\v 18 Ne nayti, ne biittan diza kaththa ayfey, ne miizati, dorsatinne deyshati ubbay qanggettidaaz gidana.
\p
\v 19 Neni geladakka kezadakka qanggettidaade gidana.
\p
\v 20 Neni iita ooson GODAA aggida gishshas ne ooththiza ooson ubbaan ne mulera dhayana gakkanaas qanggeth, hirganne kawushshateth GODAY ne bolla ehana. 
\v 21 Neni laattanaas gelana biittayfe nena mulera dhayssana gakkanaas neeppe kichchontta iita harge GODAY ne bolla yeddana.\x - \xo 28:21 \xo*\xt Kessa 22:19; 20:15\xt*\x* 
\v 22 GODAY nena gilqateththan, mishoninne qoxon, madunththan, xuuggiza awaninne koshan nena dhayssana; ne kaththaa dhayssanaas kutul7enne lobe ne bolla yeddana.\x - \xo 28:22 \xo*\xt Lewe 18:9; 20:17\xt*\x* 
\v 23 Neeppe bollara ne ginan de7iza saloy xarqimala gidana; ne biittayka birata mala gidana.\x - \xo 28:23 \xo*\xt Lewe 18:17; 20:14\xt*\x* 
\v 24 GODAY ne biittan bukkiza iraa buuhenne gudulla kessana; neni biittafe dhayana gakkanaas gudullay saloppe duge bukkana.
\p
\v 25 GODAY ne morkketa sinththan neni xoonettana mala ooththana; neni istta bolla issi ogera baanashin isttafe attanaas laappunasora baqatana; biitta bolla diza kawoteththati ubbay ne bolla gakkizayssa be7idi hirgan kokkorana. 
\v 26 Ne ahay salo kafotassinne bazzo do7atas quma gidana; istta gooddana asikka deenna.\x - \xo 28:26 \xo*\xt Gala 3:10\xt*\x*
\p
\v 27 GODAY nena paxontta Gibxe dere hargen, kixan, giiyiza madunththaninne puuso hargen shocanna. 
\v 28 GODAY nena gooshshan, qooqeteththaninne dagaman yeggana. 
\v 29 Gallassa seetan neni qooqey tattafettiza mala tattafettana; ne ooththiza ubbay nees giigontta ixxana; neni ne de7o ubbaan un7etashenne bonqqettashe daana; nena maaddiza asekka demmaka.
\p
\v 30 Neni machcho ekkanaas geela7o giigsana; gido attiin hara asi izo dafi ekkana; ne keeth keexxanashin izan daakka; neni woyne mith tokkanashin iza ayfe go7ettaka. 
\v 31 Ne ayfey xeellishin ne mehe hara asi shukkana; gido attiin he ashozappe aykkoka maakka; ne harey neeppe bonqqetti ekettana; gido attiin nees guye simmenna; ne dorsati ne morkkes imettana; hessafe ashshanaas nena maaddanay deenna. 
\v 32 Ne ayfe sinththan ne attuma naytinne macca nayti hara kawoteththas imettana; istti simmiin be7ana gaada ne xeellishin ne ayfey doljumana; hessa digganaas nees ay wolqqayka deenna. 
\v 33 Ne biittaa kaththa ayfenne ne daabura kessida ubbaa hara dere asi maana; neni ne de7o ubbaan un7ettidaadenne qohettidaade gidana. 
\v 34 Neni ayfen be7iza ubbay nena gooshshana. 
\v 35 GODAY nees toho xugunththafe biidi hu7e binana gakkanaas miza paxontta iita madunththaninne kixan ne suulenne ne wodira shocanna.
\p
\v 36 GODAY nenanne neni ne bolla kawosana kawoza ha biittafe denththidi kase neninne ne aawati erontta hara kawoteth efana; intte heen miththafenne shuchchafe oosettida eeqa xoossatas goynnana. 
\v 37 GODAY neni laaletta biza kawoteththata ubbaa giddon nena qilccas, miichchassinne kadhes kessana.
\p
\v 38 Ne gaden ne daro kath zerana shin booley mishin attida guuththa kath shiishshana. 
\v 39 Neni woyne mith tokkanashin iza ayfeza go7ettaka; gaasoykka guxuney iza maana. 
\v 40 Ne deren awanka wogara miththi mokkanashin wodey gakkontta dishin ayfe qoqofana; hessa gishshas wogara zaytey nees deenna. 
\v 41 Neni macca naytanne attuma nayta yelanashin istti olan di7etti biikko ne mela attana. 
\v 42 Ne gaden diza miththaanne kaththaa ubbaa booley maana.
\p
\v 43 Ne wolqqay daaburi daaburi bishin ne deren diza bete asaa wolqqay minni minni baana. 
\v 44 Ne deren diza bete asay nees tal7e immana attiin ne isttas tal7aka; istti nees hu7e gidana; neni gidikko isttas goyna gidana.
\p
\v 45 Neni GODAA ne Xoossas azazettontta ixxida gishshassinne izi nees immida wogatanne azazota neni naagontta ixxida gishshas neni mulera dhayana gakkanaas hayti ha qanggeththati ubbay ne bolla gakkana. 
\v 46 Ha qanggeththati ubbay Xoossi ne bollanne ne zereththata bolla qixaates yeggida mernaas malaatanne malalisizaaz gidana. 
\v 47 GODAA ne Xoossay nena daro baggara anjjides; gido attiin ne galatashe ufayssan izas ooththabeekka. 
\v 48 Hessa gishshas neni gafan, saamon, kalloteththaninne meto ubbaan GODAY ne bolla yeddiza ne morkketas ne haarettana; GODAY nena dhayssana gakkanaas ne morgen birata qambara waaxana.
\p
\v 49 GODAY ne istta qaala erontta kawoteth haako dereppe ne bolla ehana; isttika golle kafo mala ne bolla wodhdhana. 
\v 50 Istti menxe iitata, cimmida asaa bonchchonttaytanne guuththa naytas mishettonttayta gidana. 
\v 51 Istti ne mehenne ne kath ubbaa pitti mizayta gidida gishshas neni hayqqana gakkanaas koshan waayana; istti ne dhayana gakkanaas ne kaththaafe issi ayfe, ne meheppe guuththa mari, ne dorsafe guuththa laaqqa, woyneppenne wogara miththa ayfeppe qii palakka ashshettenna. 
\v 52 Ne biittan de7iza neni isttan ammanettiza adussanne mino dirsati ubbasora laalettana gakkanaas ne katamata ubbaa yuushon dooddidi nena un7eththana. GODAA ne Xoossay nees immida biitta ubbaa yuushon dooddi ne miixata dippi histti dhayssana.
\p
\v 53 Ne morkketi ne katamata dooddidi nena un7eththiin nees mizaazi dhayiin ne metotiza wode GODAA ne Xoossay nees immida ne uloppe yelettida macca naytanne attuma nayta asho dosay baynda ne maana. 
\v 54 Ne giddon haray atto kase kiyanne injje duussi dees geetettiza asikka ba ishaas, ba siiqiza machcheyssinne ba yelida naytas qadhettenna. 
\v 55 Guyen katama dooddidi un7eththida gaason maana miishshi haray baynda gishshas ba miza ba nayta ashoppe haras oonaska immenna. 
\v 56 Ne giddon kase injjen de7awus geetettidaara ba injje duussafe dendoyssan sa7a yedhdhanaas shaatettiza maccassayakka ba siiqiza azinaassinne ba naytas qadhettuku. 
\v 57 Morkkey iza de7iza katamaa dooddidi izo un7eththida gishshassinne tuggasida gishshas izis miza miishshi haray aykkoyka deenna; Hessa gishshas iza ba yelida yidhanne do7aa ba siiqiza azinaanne ba nayta gaththontta uuzettada geeman barkka maana.\x - \xo 28:57 \xo*\xt 2Kawo 6:28-29; Er Zila 4:10\xt*\x*
\p
\v 58 Hayssa ha maxaafan xaafettida Xoossa wogaa intte lo7eththi naagontta aggiko qasse malalisizanne yashissiza GODAA intte Xoossa sunththaa intte bonchchontta aggiko, 
\v 59 GODAY intte bollanne intte nayta bolla babisiza bosha, simmontta bashshinne paxontta deexo harge intte bolla yeggana. 
\v 60 Neni Gibxe biitta bolla wodhdhiin beyada hirgida he iita hargeza ubbaa izi ne bolla yeddana; nekka he hargezappe paxakka. 
\v 61 GODAA wogati xaafettida ha maxaafan xaafettontta hara boshata inttena ubbaa wursana gakkanaas intte bolla yeddana. 
\v 62 GODAA intte Xoossaas intte azazettontta ixxida gishshas salo xoolintte mala darida inttefe guuththati xalla attana. 
\v 63 GODAY inttena duresanaassinne intte qooda darsanaas dosida mala qasseka inttena guuththishenne biittafe dhayssishe izi ufayettana; intteka laattanaas biza biittayfe shodettana.
\p
\v 64 GODAY nena kumeththa alamen diza asaa giddon biittas gaxappe gaxa gakkanaas laallana; heen neninne ne aawati kase goynni erontta miththafenne shuchchafe oosettida eeqa xoossatas intte goynnana. 
\v 65 He kawoteththata giddon intte woppa demmeketa; intte toho caammay yedhdhiza soho keena gadeykka inttes deenna; hessan GODAY inttes meto qofan xalla kumida hu7e, amon xalla daaburda ayfenne hidota qanxxiza wozina immana. 
\v 66 Inttes duussay ubba wode waaye xalla gidana; duussay ammanththontta gishshas intte qammanne gallas hirgishe daana. 
\v 67 Intte wozinan kumida hirgafenne intte ayfen be7iza palappe dendidayssan gadey wontishin intte, «Ayde qammaneesha!» qasse gadey qammishin, «Ayde wonttaneesha!» gaana. 
\v 68 Tani inttena, «Nam7anththo ha ogezara beekketa» gida ogezara GODAY inttena zaaridi markaben guye Gibxe yeddana. Heen intte aylle gidanaas intte morkketas inttena bayzanaas koyana; gido attiin inttena ayllesanaas shammiza as demmeketa.
\c 29
\s1 Goday Isra7eele Asaara Mo7aabe Deren Gelida Caaqo Qaala
\p
\v 1 GODAY Koreben Isra7eele asaara caaqettida caaqo qaalappe hara Mo7aabe deren nam7anththo caaqettanaas Muse azazida caaqo qaalati hayssafe kaallizayta.
\p
\v 2 Musey Isra7eele asaa ubbaa xeygidi, GODAY Gibxe kawo bolla, iza shuumeta bollanne ubba deraa bolla izi ooththidayssa, 
\v 3 he iita metota, gita malaatatanne malalisiza miishshata intte intte ayfera be7ideta. 
\v 4 Gido attiin hach gakkanaas GODAY inttes akeekiza wozina, xeelliza ayfenne siyiza hayth immibeenna. 
\v 5 Tani inttena oyddu tammu layth kumeth bazzon kaaleththishin intte may7oy ceeggibeenna; intte tohon aaththida caammayka wuribeenna. 
\v 6 Intte uketh mibeekketa; woyne ushshu gidiin woykko maththosiza ushshu uyibeekketa. Tani hessaththo ooththiday tani GODAA intte Xoossay intte Xoossa gididayssa intte eranaassa.
\p
\v 7 Intte hayssa haa gakkida mala Haseboone kawo Sihooneynne Baasaane kawo Aagey nuna olanaas yiin nuni istta xoonidos.\x - \xo 29:7 \xo*\xt Tay 21:21-35\xt*\x* 
\v 8 Nuni istta biittaa nuus ekkidos; Oroobeele qommotas Gaade qommotassinne Minaase qommotappe baggaytas shaakki shaakki isttas xinxxo gidana mala immidos.\x - \xo 29:8 \xo*\xt Tay 32:33\xt*\x*
\p
\v 9 Hessa gishshas intte ooththiza ooso ubbay inttes anjjettana mala hayta caaqo qaalata ubbaa minni kaallite. 
\v 10 Intte ubbati, inttena kaaleththizaytinne intte halaqati, intte cimatinne intte shuumeti, hessaththoka hankko Isra7eele asay ubbayka intte hach GODAA intte Xoossaa sunththan eqqideta. 
\v 11 Intte naytinne intte machcheti inttes mith qanxxishenne haaththe duuqqishe inttenara diza bete asatara issife eqqideta. 
\v 12 GODAA intte Xoossaara intte caaqettida qaalaza minththanaas hach hayssan shiiqideta. 
\v 13 Xoossi inttena hach ba dere histti minththana; inttessinne beni intte aawatas, Abrahaames, Yisaaqassinne Yaaqoobes gelida caaqo qaalaa mala izi inttes Xoos gidana. 
\v 14 Tani hayssa caaqo qaala geliday inttenara xalla gidenna. 
\v 15 GODAA nu Xoossay hayssa ha caaqo qaala gelizay iza sunththan eqqida nunara xalla gidontta hach hayssan dontta buro yaana yeleta ubbaassara caaqqees.
\p
\v 16 Nuni Gibxen waani de7idaakkonne nu hayssa haa yishe issi issi kawoteththara waani kanththi yidaakko intte ubbayka hessa ereeta. 
\v 17 Istta giddon diza harassiza miishshata miththafe, shuchchafe, birappenne worqqafe oosettida eeqa xoossata intte be7ideta. 
\v 18 Ha inttefe ooninne attuma gidiin woykko macca gidiin issi keeththa as gidiin woykko qommo gidiin GODAA nu Xoossaafe sher7i giidi hara kawoteththata xoossatas goynnontta mala naagettite; intte garsan hessa mala camonne marze gidida miish ooththiza asi doontta mala naagettite.\x - \xo 29:18 \xo*\xt Ib 12:15\xt*\x*
\p
\v 19 Ha caaqo qaalaa siyidi ba wozinan, «Tani ta shene mala diikkoka taas saroy dees» giidi bana cimmiko hessa mala asi lo7ota bollanne iitata bolla bash ehana. 
\v 20 Hessa mala as GODAY mulekka maarenna; GODAA hanqoy izaade bolla tama mala eexxana; hayssa ha maxaafan xaafettida qanggeththi izaade bolla wodhdhana; salo garsafe iza sunththaa GODAY dhayssana. 
\v 21 Hayssa wogaa maxaafan xaafettida qanggeththa qaalaa mala GODAY izaade Isra7eele asaa ubbaa garsafe dumma shaakki dhayssana.
\p
\v 22 Sinththafe yaana yeletay, intte zareynne haaho dereppe yaana hara biitta asay GODAY intte bolla ehida boshaanne metoza be7ana. 
\v 23 He Biittaya mulera xuugettida maxinenne diine geetettiza Bidinth gidana; issi miishshika izin tokettenna; ay miishshika izin mokkenna; izin pude dicciza miishshi beettenna; izi bolla gakkana kundeththi GODAY keehi shenetidi mulera dhayssida Sodoome malanne Gamoora mala, Adaama malanne Xaboyme mala gidana.\x - \xo 29:23 \xo*\xt Medhe 19:24-25\xt*\x* 
\v 24 Kawoteththati ubbay, «GODAY ha biitta bolla hayssa aazas gaththidee? Ha wolqqama hanqozas gaaso gididay aazee?» gi oychchana.
\p
\v 25 Asay izas zaaridi, «Kase istta aawata Xoossay istta Gibxe dereppe kessida wode isttara paacetti caaqoza asay aggida gishshassa. 
\v 26 Qasse istti biidi kase ba erontta xoossatassinne izi isttas goynnofte gida eeqa xoossatas goynnida. 
\v 27 Hessa gishshas GODAY hanqettidi ha maxaafan xaafettida qanggeth ubbaa istta bolla ehides. 
\v 28 GODAY wolqqama hanqoninne iita boshan istta istta dereppe shoddides; hessa gishshas istti hach gakkanaas heen deettes» gaana. 
\v 29 Xuura yo7oti GODAA nu Xoossassa; gido attiin nuni ha woga qaalaa naagana mala qonccida yo7oti mernaas nuussinne nu naytassa.
\c 30
\s1 Xoossako Simon Beettiza Anjjo
\p
\v 1 Nam7atappe issaa intte doorana mala hach ta intte sinththan anjjonne qanggeth woththadis; GODAA intte Xoossay inttena kawoteththata giddon dishe intte iza yuushshi qoppiza wode, 
\v 2 Intteninne intte nayti GODAA intte Xoossako simmidi kumeththa wozinappenne kumeththa shemppofe tani hach inttena azazida qaalaas azazettiko, 
\v 3 GODAA intte Xoossay inttes qadhettananne inttefe di7ettida intte miishshaa inttes zaarana; intte kase laaletti diza dereppe zaari ehidi qasseka duresana. 
\v 4 Intte biitta gaxa gakkanaas laalettikokka heeppe GODAA intte Xoossay inttena issi bolla shiishshidi zaari ehana. 
\v 5 Hessaththo hanidi kase intte aawata biittaa intte zaari laattana; izikka inttena kase intte aawatappe aaththi duresananne intte qooda darsana. 
\v 6 Intte de7on daana malanne GODAA intte Xoossaa intte kumeththa wozinappenne kumeththa shemppofe siiqana mala izi inttessinne intte naytas azazettiza wozina\f + \fr 30:6 \fr*\fqa Azazettiza wozina: \fqa*\ft Azazettiza wozina gizayssa issi issi Geeshsha maxaafati qaxxarettida wozina geettes.\ft*\f* immana. 
\v 7 GODAA intte Xoossay hayta ha qanggeththata ubbaa intte morkketa bollanne inttena ixxizayta bolla zaarana. 
\v 8 Intteka zaaridi intte GODAAS azazettana; ta inttes hach immiza iza azazota intte naagandeta. 
\v 9 Hessafe guye intte ooththiza ooso ubbaan GODAA intte Xoossay inttena duresana; izi inttes nayta, mehe, kaththinne miththa ayfe darsana; GODAA intte Xoossay kase intte aawata duresidi ufayettida mala inttenakka duresidi ufayettana. 
\v 10 Izi hessaththo ooththanaykka hayssa woga maxaafaan xaafettida azazotanne wogata intte kumeththa wozinappenne kumeththa shemppofe naagidi GODAA intte Xoossaako intte simmikonna.
\s1 Hayqoppenne De7oppe Issaa Dooro
\p
\v 11 Tani hach inttes immiza azazoy keehi deexo woykko inttefe haakkidaaz gidenna. 
\v 12 «Nuni iza siyidi azazettana mala pude salo bi ehidi nuus yootanay oonee?» giidi intte oychchontta mala hayssi wogazi bolla saloppe beettenna. 
\v 13 «Nuni iza siyidi azazettana mala abba pinni bi ehidi nuus yootanay oonee?» giidi intte oychchontta mala izi abba pinththafe beettenna. 
\v 14 Iza qaalay intte matan dees; intte iza naagana mala izi intte doonaninne intte wozinan dees.\x - \xo 30:12-14 \xo*\xt Oro 10:6-8\xt*\x*
\p
\v 15 Neni doorana mala tani hach nees de7onne lo7eteth, woykko hayqonne bash ne sinththan woththadis. 
\v 16 GODAA intte Xoossaa siiqana mala, iza ogen hemettana malanne iza azazota, maaratanne iza wogata naagana mala, tani hach inttes immiza GODAA intte Xoossaa azazota intte naagikko intte shemppora paxa de7ananne corattana; qasse intte laattanaas geliza biittan GODAA intte Xoossay inttena anjjana.
\p
\v 17 Gido attiin intte intte wozina Xoossafe haassidi iza qaala siyontta ixxiko, hara eeqa xoossatas goynnikonne isttas ooththiko, 
\v 18 intte mulera dhayanayssa hach ta inttes yootays; intte Yordaanoose shaafa pinnidi laattana biittayn daro layth gam7eketa.
\p
\v 19 Tani intte sinththan de7onne hayqo, anjjonne qanggeth woththidayssas hach salonne sa7aa intte bolla markkasays; hessa gishshas intteninne intte zareti de7on de7ana mala de7o doorite. 
\v 20 GODAA intte Xoossaa siiqite; iza qaala siyite; izakko shiphi giite; hessaththo hanikko GODAY kase intte aawatas, Abrahaames, Yisaaqassinne Yaaqoobes immanaas caaqqida biittan intteninne intte nayti adussa layth de7ana.\x - \xo 30:20 \xo*\xt Medhe 12:7; 26:3; 28:13\xt*\x*
\c 31
\s1 Iyaasoy Muse Sohon Doorettides
\p
\v 1 Musey hayssa qaala ubbaa Isra7eele asaas yootidaappe guye, 
\v 2 isttas, «Hekko ha7i taas 120 layth gidida gishshas hayssafe guyen ta inttena kaaleththanaas dandaykke; hessafekka bollara tani Yordaanoose shaafaa pinnontta mala GODAY taas yooti woththides.\x - \xo 31:2 \xo*\xt Tay 20:12\xt*\x* 
\v 3 GODAA intte Xoossay inttefe sinththara bishe inttena kaaleththana; heen diza kawoteththata ubbaa izi dhayssiin intte istta biitta laattana; GODAY yootida mala Iyaasoy inttena kaaleththana. 
\v 4 GODAY Amoore dere kawota Sihoonenne Aage xoonidi istta biittaa dhayssida mala istta bollaka hessaththo ooththana.\x - \xo 31:4 \xo*\xt Tay 21:21-35\xt*\x* 
\v 5 GODAY istta inttes aaththi immana; inttenikka ta inttena azazida mala istta bolla ooththana. 
\v 6 Inttes murttateththinne xalateththi de7o; isttas mulekka babboftenne dagammofte; GODAA intte Xoossay inttenara dees; izi inttena yeggi aggenna» gides.
\p
\v 7 Hessafe guye Musey Iyaaso baakko xeygidi kumeththa Isra7eele asaa sinththan, «Minna; babbofa; GODAY kase istta aawata laatissana giidi caaqqida biittayo laattana mala dereza kaaleththa gelththada laatisanay nena. 
\v 8 GODAY nenara gididi izi nena kaaleththana; izi nena yeggenna; mulekka aggenna; hessa gishshas babbofa; hidotakka qanxxofa» gides.\x - \xo 31:8 \xo*\xt Iya 1:5; Ib 13:5\xt*\x*
\s1 Wogay Nababettanaas Bessiza Layththata
\p
\v 9 Hessafe guye Musey woga xaafidi Caaqo Qaala Taabotaa tookkiza qeese gidida Lewe naytassinne Isra7eele cimata ubbaas immides. 
\v 10 Museykka isttas, «Aco ubbaa maariza laappunththa layththan wurseththa bolla bonchchettiza daase ba7aalezan,\x - \xo 31:10 \xo*\xt Zaare 15:1; 16:13-15\xt*\x* 
\v 11 GODAA intte Xoossaa sinththan izi kase dooridason izas goynnanaas Isra7eele asay ubbay shiiqiza wode hayssa wogaza istta sinththan nababite. 
\v 12 Istti ubbayka hessa siyidi GODAA intte Xoossaas yashshateth taamarana malanne hayssa wogaa qaalata ubbaa lo7eththi naagana mala maccassata, addeta, naytanne intte deren diza bete asata ubbaa issi bolla shiishshite. 
\v 13 Hessa malan GODAA intte Xoossaa woga kase siyi erontta intte zereththati ubbayka siyetto; qasse intte Yordaanoose shaafa pinnidi laattana biittan diza wode ubbaan istti Xoossas azazeteth tamaaretto» gi azazides.
\s1 Musessinne Iyaasos Immida Wogata
\p
\v 14 Hessafe guye Xoossay Muses, «Nees hayqo wodey gakkides; izi kaallana wogata izas ta immana mala Iyaaso xeygada izara gede Gaytoteththa Dunkaanezakko shiiqite» gides. Museynne Iyaasoy issife gede Gaytoteththa dunkaanezakko shiiqida.
\p
\v 15 GODAYKKA isttas Dunkaaneza pengen tuussa mala eqqida shaaran qonccides. 
\v 16 GODAY Muses, «Neni mata wode hayqqada ne aawatan gayttana; hessafe guye hayssi asazi ta izara caaqettida qaalaa laallana; istti tana aggaagidi layma maccassa mala he istti laattana biittaan diza eeqa xoossatas goynnana. 
\v 17 Hessaththo haniza wode tani istta bolla hanqettada isttafe shaakettana; ta isttas zokko zaarana; isttika ubbay dhayana; istta bolla iita metoynne boshay yaana; he wode isttas, ‹Hayssi metozi nu bolla gakkiday nu Xoossay nu giddon dontta aggiin gidennee?› gaana. 
\v 18 Istti eeqa xoossatas goynnidi istti ooththida nagara gishshas tani he wode isttas zokko zaarana.
\p
\v 19 «Hayssa yeththaa xaafada Isra7eele asaa tamaarsada isttika yexxana mala ooththa; hayssi yeththazi istta bolla taas markka gidana. 
\v 20 Tani beni istta aawatas caaqqida caaqo qaalaa mala eessinne maaththi kumida biittayo ta istta gelththana; istti heen miidinne uyidi kallidaappenne durettidaappe guye tana yeggi aggana; ta caaqo qaalaakka yeggi aggidi eeqa xoossatas goynnana. 
\v 21 Daro metoynne bashshi istta bolla gakkiza wode ha yeththay istta nayta doonappe kichchenna gishshas istta bolla markka gidana. Gaasoykka tani caaqqida biittaa istta buro gelththontta dashe haarakka istti qoppiza qofaa eraychchadis» gides.
\p
\v 22 Musey he gallas yeththaza xaafidi Isra7eele asaa tamaarsides.
\p
\v 23 Hessafe guye Xoossay Nawe naa Iyaaso, «Minna; xala gida; neni Isra7eele asaa kaaleththada ta kase isttas immana ga caaqqida biittayo gelththana; tanikka nenara gidana» gi azazides.\x - \xo 31:23 \xo*\xt Tay 27:23; Iya 1:6\xt*\x*
\p
\v 24 Museykka hayssa wogaa qaalata koyroppe biidi wurseth gakkanaas ubbaa xaafidaappe guyen; 
\v 25 GODAA Caaqo Qaala Taabotaa tookkiza Lewe qommota hizgi azazides; 
\v 26 «GODAA wogay izan xaafettida maxaafaa ekkidi GODAA intte Xoossaa Caaqo Qaala Taabotaza achchan woththite; heen izi ba dizason dishe dereza bolla markka gidana. 
\v 27 Isra7eele asay ay mala makkallanchchakonne wozina muumekko ta erays; tani shemppora paxa isttara dishin istti GODAA bolla makkallizayti tani hayqqidaappe guye keehi makkallanchchata gidana. 
\v 28 Hessa gishshas ta isttas hayssa ubbaa yootana mala korapinnetanne dere halaqata taas shiishshite; tani istta bolla salonne sa7a markka gidana mala xeygana. 
\v 29 Tani hayqqidaappe guye ta inttena azazida azazoppe kare kezidi tuna ooso intte ooththanayssa ta erays; GODAA sinththan iita ooso ooththidi intte iza hanqeththiko izi intte bolla bosha yeddana.»
\s1 Muse Yeththa
\p
\v 30 Hessafe guye Musey kumeththa Isra7eele asaa sinththan hayta mazamure qaalata koyroppe biidi wurseth gakkanaas yootides.
\c 32
\q1
\v 1 Salotoo! Tani yootizayssa
\q2 ezgi siyite;
\q2 Sa7azoo ta doonappe
\q2 keziza qaala siya.
\q1
\v 2 Ta immiza timirtey
\q2 ira mala bukko;
\q2 ta haasayaykka
\q2 xaaza mala xoketto;
\q2 maata bolla loddi gi bukkiza
\q2 ira mala bukko;
\q2 kaththa caarechcha bolla
\q2 puuse mala wodhdho.
\q1
\v 3 Tani GODAA sunth awajjays;
\q2 nu Xoossaa gitateth
\q2 intte yootite.
\q1
\v 4 «Izi nuus miixa;
\q2 iza oosotikka kumeththa;
\q2 Iza ogeti wurikka suure;
\q2 izi balettontta
\q2 ammanettida Xoossa;
\q2 izi suurenne xillo Xoossa.
\b
\q1
\v 5 «Istti iza sinththan
\q2 iita ooththida;
\q2 istti bantta iitateththaafe
\q2 dendidayssan
\q2 hayssafe guye
\q2 iza nayta gidettenna;
\q2 istti bokkanne geella yeletata.
\b
\q1
\v 6 «Intteno eeyatoo!
\q2 Qasseka wozinay bayndaytoo!
\q2 Intte GODAAS
\q2 immiza zaaroy hayssee?
\q2 Inttena medhdhida
\q2 intte aaway iza gidennee?
\q2 Inttena medhdhidi hayssas
\q2 gaththiday iza gidennee?
\b
\q1
\v 7 «Kase beni wodeza
\q2 yuushshi qoppite;
\q2 daro yeletata
\q2 layththaaka akeekite;
\q2 Intte aawata oychchite;
\q2 istti inttes yootana;
\q2 kase cimatakka oychchite;
\q2 istti inttes
\q2 qonccisi yootana.
\b
\q1
\v 8 «Ubbaafe Dhoqqa Xoossay
\q2 kawoteththatas biitta
\q2 gishechchida wode,
\q2 asa nayta istta
\q2 zaren zaren shaakkida wode,
\q2 Isra7eele asaa qooda keena
\q2 kawoteththatas dhas woththides.\x - \xo 32:8 \xo*\xt Hawa 17:26\xt*\x*
\b
\q1
\v 9 «Isra7eeley GODAAS gisha;
\q2 Yaaqoobeykka
\q2 izas buzo miishsha.
\b
\q1
\v 10 «Aykkoyka baynda bazzon
\q2 carkoy punniza biittaan
\q2 iza demmides;
\q2 izas gondalle gidides;
\q2 ba ayfe ciro mala
\q2 iza naagides.
\q1
\v 11 Golle kafoy ba ciyeta
\q2 piradho tamaarsiza mala,
\q2 ba qefe miccada
\q2 gakka oykka ashshiza mala,
\q2 GODAY ba qefen haphphidi
\q2 istta ashshides.
\q1
\v 12 Hara eeqa xoossati
\q2 izara baynda GODAY
\q2 iza barkka kaaleththides.
\b
\q1
\v 13 «Dhoqqa sohon
\q2 iza woththides;
\q2 biittafe mokkida kaththa ayfe
\q2 iza mizides;
\q2 zaallafe beettida ees ushshides;
\q2 shuchcha biittan mokkida
\q2 wogara zayte mizides.
\q1
\v 14 Miizappe dorsafenne
\q2 deysha wudeppe
\q2 beettiza maaththaninne oys
\q2 Baasaane dereppe beettiza
\q2 ohala laaqqata,
\q2 modhdho dharshota,
\q2 wofanotanne deyshata,
\q2 lo7o gistte daabbora
\q2 istta mizides.
\q1 Intte iza dereti
\q2 zo7o woyne miththa ayfeppe,
\q2 giigida woyne
\q2 ushshu uyideta.
\b
\q1
\v 15 «Isra7eele asay
\q2 ordidessinne makkallides.
\q2 Daro miidi modhdhidessinne
\q2 moollattides;
\q2 bana medhdhida
\q2 Xoossaa aggides;
\q2 bana ashshidayssaka
\q2 kawushshides.
\q1
\v 16 Istti eeqa xoossatas
\q2 goynnidi Xoossaa mishisida;
\q2 bantta iita oosonkka
\q2 iza hanqeththida.
\q1
\v 17 Hayssafe kase
\q2 ba eronttaytas,
\q2 Xoos gidontta daydanththatas,
\q2 mata wode yida xoossatas,
\q2 beni istta aawati isttas
\q2 goynnontta eeqatas,
\q2 istti yarsho shiishshida.\x - \xo 32:17 \xo*\xt 1Qoro 10:20\xt*\x*
\q1
\v 18 Istti baas de7o immida
\q2 zaallaa dogida;
\q2 bana medhdhida
\q2 Xoossaaka balida.
\b
\q1
\v 19 «GODAY hessa be7idi
\q2 istta bolla hanqettides;
\q2 istta macca naytanne
\q2 istta attuma nayta diggides.
\q1
\v 20 ‹Tani ta ayfeso
\q2 isttafe genththana;
\q2 istti geellanne ammanettontta
\q2 dere gidida gishshas
\q2 istta wurseththi
\q2 ay gidanaakko
\q2 ta co7u ga beyana.›
\q1
\v 21 Tumu gidontta xoossatan
\q2 tana mishisida;
\q2 go7ay baynda
\q2 ba eeqa xoossatan
\q2 tana hanqeththida.
\q1 Tanikka istta kadhettida
\q2 kawoteththata
\q2 istti miigettana mala ooththana.
\q2 Ta istta akeekontta
\q2 deretan hanqeththana.\x - \xo 32:21 \xo*\xt 1Qoro 10:22; Oro 10:19\xt*\x*
\q1
\v 22 Ta hanqoy
\q2 tama mala eexxana;
\q2 biittanne biitta bolla diza
\q2 ubbaa xuuggana;
\q2 he tamay si7oole
\q2 ciimmaa gakkanaas eexxana;
\q2 tamazi zumaas
\q2 yoch gakkanaas maana.
\q1
\v 23 Tani istta bolla
\q2 zaareththa zaareththa
\q2 bosha ehana;
\q1 Taas diza wondafe
\q2 ta istta bolla wursana.
\q1
\v 24 Ta ubbaa wursiza kosha
\q2 istta bolla yeddana;
\q2 issaafe issaan aadhdhiza
\q2 iita hargeninne
\q2 boshan istti wurana;
\q2 meto gaththiza iita do7atanne
\q2 dukkiza marzera diza
\q2 shooshshata
\q2 ta istta bolla yeddana.
\q1
\v 25 Oge ubbaan istta nayta
\q2 olay wursana;
\q2 keeththa giddonkka
\q2 hirgay kumana;
\q2 panththatinne geela7oti,
\q2 guuththa naytinne
\q2 cimati ubbay wurana.
\q1
\v 26 Tani istta ubbaa laallana;
\q2 Hessafe guye istta
\q2 hassa7ana asi deenna.
\q1
\v 27 Gido attiin istta morkketi,
\q2 ‹Nuni nu wolqqan
\q2 istta xoonidos attiin
\q2 Xoos gidenna› giidi
\q2 otoreteththan ceeqettidi
\q2 tana hanqeththanaakko
\q2 gaada qoppays.
\q1
\v 28 Isra7eele asay
\q2 yuushshi qoppontta kawoteth;
\q2 isttas akeekay deenna.
\q1
\v 29 Istti erata gididaakko
\q2 hayssa istti kasetidi qoppana;
\q2 bantta wurseththankka
\q2 hananayssa yuushshi
\q2 qoppanashin!
\q1
\v 30 Istta medhdhidayssi
\q2 istta aaththi immonttaako,
\q2 GODAY istta
\q2 yeggi aggonttaako,
\q2 Issaadey 1,000 as
\q2 wostti gooddandee?
\q2 Woykko nam7ati 10,000 as wostti gooddanee?
\q1
\v 31 Haray attoshin nu morkketi
\q2 istta xoossay
\q2 laafa gididayssanne
\q2 Isra7eele Xoossaa mala
\q2 gidonttayssa ereettes.
\q1
\v 32 Nu morkketi Sodoomenne
\q2 Gamoora dere asaa mala tuna;
\q2 isttika camonne marzera diza
\q2 ayfe ayfiza woyne miththa mala.
\q1
\v 33 Istta woyne ushshay
\q2 shooshsha marze mala;
\q2 qasseka haso shooshsha
\q2 marze mala.
\b
\q1
\v 34 «Hayssa tani dogadinaa?
\q2 Ta mazgaban xaafetti uttides.
\q1
\v 35 Istta morkketa bolla
\q2 halo kessanay tana;
\q2 ubbaasikka ta istta
\q2 ooso ooso mala immana;
\q2 isttas dhayo
\q2 gallassi gakkida gishshas
\q2 istti dhuphettana;
\q2 eesonkka dhayana.»\x - \xo 32:35 \xo*\xt Oro 12:19; Ib 10:30\xt*\x*
\b
\q1
\v 36 Isttas wolqqay
\q2 daaburdayssanne
\q2 isttaka maaddizay
\q2 bayndayssa be7idi,
\q2 GODAY ba asaas pirdana;
\q2 ba aylletaskka qadhettana.\x - \xo 32:36 \xo*\xt Maza 135:14\xt*\x*
\q1
\v 37 GODAY ba asaa,
\q2 «Istti ammanettiza
\q2 istta xoossati
\q2 awan dizoo?
\q2 Istti baqati attiza zaallati
\q2 awan dizoo?» gi oychchana.
\q1
\v 38 Istti yarshos
\q2 shiishshiza tolthoza midayti,
\q2 istta woyne ushsha
\q2 yarshoza uyida
\q2 istta eeqa xoossati
\q2 ane ha7i inttena
\q2 dendi maaddetto;
\q2 qasseka inttes
\q2 duussaso immetto.
\b
\q1
\v 39 «Tani xalla
\q2 Xoos gididayssa erite;
\q2 taappe hara Xoossi deenna;
\q2 wodhizaykka paxa
\q2 woththizaykka tana;
\q2 tani madunththayssinne
\q2 paththays;
\q2 ta kusheppe oonikka
\q2 inttena ashshenna.
\q1
\v 40 Tani ta kushe
\q2 pude salo denththada,
\q2 ‹Ta mernaas de7ays.
\q1
\v 41 Wawaci giza
\q2 ta giththa mashshaa leefana;
\q2 ta kushey pirdas oykkana;
\q2 ta morkketa bolla
\q2 halo kessana;
\q2 tana ixxizaytas
\q2 ta istta ooso mala
\q2 isttas immana.
\q1
\v 42 Morkketa halaqata,
\q2 madunxidaytanne
\q2 di7ettidayta suuththan
\q2 ta wondafeta
\q2 ta maththosana;
\q2 ta giththa mashshatikka
\q2 ta morkketa asho maana›
\q2 ga caaqqana.
\b
\q1
\v 43 «Intteno kawoteththatoo!
\q2 GODAY ba oosanchchata
\q2 suuth accana;
\q2 morkketa bolla halo kessana;
\q2 bana ixxizayta qaxxayana;
\q2 ba dereza nagara wursana;
\q2 biittayokka tunateththafe
\q2 geeshshana;
\q2 hessa gishshas
\q2 intte iza asaara
\q2 issife ufayettite» giidi,\x - \xo 32:43 \xo*\xt Oro 15:10; Ajju 19:2\xt*\x*
\p
\v 44 Museynne Nawe naa Iyaasoy derezi siyishin ha mazamureza yootida.
\s1 Wurseththan Musey Immida Zore
\p
\v 45 Musey hayta ha qaalata kumeththa Isra7eele asaa sissidaappe guye, 
\v 46 izi, «Hayssa woga qaala ubbaa intte nayti lo7eththi naagana mala, istti ooththana malanne intte nayta intte azazana mala hach ta inttes markkattiza qaala ubbaa intte wozinan woththite. 
\v 47 Ha qaalay inttes de7oppe attiin coo mela qaalaa gidenna; ha qaala naagikko intte Yordaanoose pinnidi laattana biittankka adussa layth intte de7ana» gides.
\s1 Muse Hayqo Gishshas Yootettida Tinbite
\p
\v 48 He gallas GODAY Muses hizgides, 
\v 49 «Mo7aabe deren Iyarkko katama ginara diza Abaarime zumata giddofe Nebo zuma bolla keza; histtada tani Isra7eele asaas immana gida Kanaane biitta he pinththan xeella. 
\v 50 Ne isha Aarooney Hoore zumaa bolla hayqqidi kase hayqqida ba asatan gayttida mala nekka he zumaa bolla hayqqada ne asatan gayttana. 
\v 51 Intte nam7ayka Isra7eele asaa sinththan taas ammanettibeekketa; Xiine bazzon Qaadeese katamaa matan diza Mariiba haaththa achchan ta geeshshateththaa Isra7eele asaa bessibeekketa. 
\v 52 Hessa gishshas neni he biittayo haahon dashe be7ana attiin tani Isra7eele asaa laatissana biittayo neni gelakka.»\x - \xo 32:48-52 \xo*\xt Tay 27:12-14; Zaare 3:23-27\xt*\x*
\c 33
\s1 Musey Isra7eele Asaa Bazida Bassa Qaala
\p
\v 1 Xoossa as Musey hayqqanaappe kasetidi Isra7eele asaas woththida basse qaalay hayssafe kaalli dizayssa; 
\v 2 Musey,
\q1 «GODAY Siina zumaappe yides;
\q2 Eedoomeppe awa arshey
\q2 nu bolla poo7ides;
\q2 Paaraane zuma bollafekka
\q2 nuus xolqides;
\q2 izas ushachcha baggara
\q2 tama lacoy dees;
\q2 qooday baynda kiitanchchati
\q2 izara issife deettes.
\q1
\v 3 GODAWU! Neni deraa
\q2 keeha siiqaasa;
\q2 geeshshati ubbayka
\q2 ne kushen deettes;
\q2 ne toho garsan
\q2 gulbati goynneettes;
\q2 histtidi neeppe
\q2 azazo ekkeettes.
\q1
\v 4 Musey immida wogay
\q2 Isra7eele asaas
\q2 laata xinxxo.
\q1
\v 5 Isra7eele qommoti ubbaynne
\q2 deraa halaqati shiiqiin
\q2 GODAY ba dere
\q2 Isra7eele asaa bolla
\q2 kawotides» gides.
\p
\v 6 Oroobeele qommota gishshas Musey,
\q2 «Oroobeele qommoti
\q2 detto attiin hayqqofetto;
\q2 istta qoodaykka
\q2 paccofo» gides.
\p
\v 7 Yuhuda qommota gishshas Musey,
\q2 «GODAWU, Yuhuda qommota
\q2 waaso siya;
\q2 istti ba dabbotara
\q2 issifeteththan
\q2 daana mala ooththa;
\q2 isttas gita
\q2 wolqqa imma;
\q2 istti ba morkketara
\q2 olettishin neni istta
\q2 maadda» gides.
\p
\v 8 Lewe qommota gishshas Musey,
\q2 «Godawu! Neni istta
\q2 Maasan paaccadasa;
\q2 Mariiba haaththa achchan
\q2 isttara palamettadasa;
\q2 hessa gishshas Tumimeynne
\q2 Urimey ne dosida
\q2 ne oosanchchatas gido.\x - \xo 33:8 \xo*\xt Kessa 17:7; Tay 20:13\xt*\x*
\q1
\v 9 Ne gishshas giidi
\q2 istti bana
\q2 yelidayta balida;
\q2 ba dabbotappe shaakettida;
\q2 ba ishatappe shaakettida;
\q2 ba nayta aggida;
\q2 ne qaalaa bonchchida;
\q2 ne immida
\q2 caaqo qaalaakka naagida.
\q1
\v 10 Istti ne woththida
\q2 maaraa Yaaqoobe,
\q2 ne wogaakka Isra7eele
\q2 asaa tamaarseettes;
\q2 istti ne sinththan
\q2 exaane cuwaseettes;
\q2 xuugettiza yarshoka
\q2 yarsho yarshizasoza bolla
\q2 shiishsheettes.
\q1
\v 11 GODAWU! Ne istta
\q2 de7o anjja;
\q2 istti ooththiza ooso ubbaan
\q2 ne ufayetta;
\q2 istta morkketa shaya
\q2 ne duuththa;
\q2 istta ixxizayti
\q2 nam7anththo dendontta mala
\q2 digga!» gides.
\p
\v 12 Biniyaame qommota gishshas Musey,
\q1 «GODAY siiqida asi
\q2 izan ammanetti dees;
\q2 ubba gallas
\q2 istta izi naagees;
\q2 ba hashen tookkidi
\q2 shempisees» gides.
\p
\v 13 Yooseefe qommota gishshas Musey,
\q1 «GODAY saloppe bukkiza iran,
\q2 biittafe pude keziza pultton
\q2 intte biittaa anjjo.
\q1
\v 14 Awa wode kaxxiza
\q2 lo7o ayfe immo;
\q2 woden woden kaxxiza
\q2 kaththa ayfen kumo.
\q1
\v 15 Beniisofe diza
\q2 istta zumatinne
\q2 zumbullati coranne
\q2 lo7o ayfen anjjettetto.
\q1
\v 16 Istta biittay
\q2 lo7o miishshan kumo;
\q2 Xuugettiza tusha giddofe
\q2 qonccida GODAA
\q2 kiyateththi daro;
\q1 Yooseefey ba ishata giddon
\q2 halaqa gidida gishshas
\q2 ha anjjoti ubbay
\q2 iza gakketto.
\q1
\v 17 Yooseefe teemay
\q2 korma boora mala yashiso;
\q2 iza kaceti
\q2 menththa kace mala
\q2 mino gidetto;
\q2 iza kaceti shiyan qoodettiza
\q2 Minaase zaretanne
\q2 tammu shiyan qoodettiza
\q2 Efreeme zareta;
\q2 he kacetan izi
\q2 kawoteththata qaycana;
\q2 biitta gaxa gakkanaas
\q2 istta izi gooddana» gides.
\p
\v 18 Zaabiloone qommota gishshassinne Yisakoore qommota gishshas Musey,
\q1 «Zaabiloone!
\q2 Neni ne kessan ufayetta;
\q2 Yisakoore! Nenikka
\q2 ne dunkaane giddon ufayetta.
\q1
\v 19 Istti dereza pude
\q2 zuma bolla xeygidi
\q2 heen xilloteththa
\q2 yarsho yarshana;
\q2 banttas aqotanne
\q2 dureteth abbafenne
\q2 shaaminttafe demmana» gides.
\p
\v 20 Gaade qommota gishshas Musey,
\q1 «Gaade qommota zawa
\q2 aassida Xoossay galatetto;
\q2 Gaadey morkketa
\q2 menththereththanaas
\q2 gaammo mala shankkatees.
\q1
\v 21 Halaqatas bessiza biittazi
\q2 iza naagees;
\q2 izikka lo7o biitta
\q2 baas doorides;
\q2 deraa kaaleththizayti shiiqida
\q2 wode izi GODAA shenenne
\q2 xillo pirda pirdides» gides.
\b
\p
\v 22 Daane qommota gishshas Musey,
\q2 «Daaney Baasaaneppe
\q2 guppi ke7iza
\q2 wodalla gaammo mala» gides.
\p
\v 23 Niftaaleme qommota gishshas Musey,
\q1 «Niftaalemey GODAA
\q2 matan dosettides;
\q2 GODAA anjjonka kumides;
\q2 iza zaway abbaafe aadhdhidi
\q2 dugeha bagga gakkides» gides.
\p
\v 24 Aaseere qommota gishshas Musey,
\q1 «Aaseere qommoti
\q2 hara qommotappe
\q2 aadhdhi anjjettidayta gidetto;
\q2 istti ba ishata giddon
\q2 dosettidayta gidetto;
\q2 istta biittay
\q2 zayten kumo.
\q1
\v 25 Istta katamata pengeti
\q2 birataninne xarqimalan
\q2 minni gordetetto;
\q2 ba diza layth ubbaan
\q2 istti wolqqama gidetto» gides.
\b
\q1
\v 26 Isra7eele asawu!
\q2 Saloppe inttena maaddanaas
\q2 ba teemara
\q2 shaara bolla hemettiza
\q2 intte Xoossa mala
\q2 hara Xoossi deenna.
\q1
\v 27 Mernaa Xoossay
\q2 inttes duussaso;
\q2 Mernaas diza iza qeseti
\q2 inttefe garsara
\q2 diidi kaafeettes;
\q2 intte morkketa izi
\q2 intte sinththafe gooddana;
\q2 intte istta dhayssana mala
\q2 izi inttena maaddana.
\q1
\v 28 Hessa gishshas Isra7eele
\q2 asay Saloppe iray
\q2 izin bukkiza biittayn,
\q2 kaththinne woyne ushshi
\q2 izin kumida biittayn
\q2 hirgay baynda
\q2 saron de7ana.
\q1
\v 29 Isra7eele asawu!
\q2 Intte ay mala
\q2 anjjettida deree!
\q2 GODAY ashshida
\q2 intte malay oonee?
\q2 Izi inttes gondallenne
\q2 inttena maaddizayssa;
\q2 izan intte xooniza
\q2 giththa mashsha;
\q2 intte morkketi
\q2 intte sinththan gufannana;
\q2 intteka istti goynnizasota laallana.
\c 34
\s1 Muse Hayqo
\p
\v 1 Musey Mo7aabeppe dendi pude Nebo zumaa bolla kezides; Iyarkkofe arshey mokkiza baggara diza pude Pizga zuma xeera gakkides; izi heen dishin GODAY Gala7aadeppe biidi Daane gakkanaas diza biitta ubbaa bessides. 
\v 2 Niftaaleme biitta, Efreemenne Minaase biittaa ubbaa arshey wulliza baggara diza wogga gita abbaa\f + \fr 34:2 \fr*\ft Arshey wulliza baggara diza wogga gita abba gizayssi Mediteraane abba bessees.\ft*\f* gaxa gakkanaas diza Yuhuda biitta, 
\v 3 Negebenne zambay diza Iyarkko shoobbafe biidi Zo7aare gakkanaas dizaso ubbaa bessides. 
\v 4 GODAY Muses, «Abraames, Yisaaqassinne Yaaqoobes, ‹Ta intte zereththata laatissana› ga caaqqida biittaya hannoko! Hekko neni ne ayfera be7ana mala ooththadis; gido attiin ne gelakka» gides.\x - \xo 34:4 \xo*\xt Medhe 12:7; 26:3; 28:13\xt*\x*
\p
\v 5 Hessa gishshas GODAA oosanchcha Musey Mo7aabe biittan dishe GODAY izas yootida mala heen hayqqides. 
\v 6 GODAY Muse ahaa Mo7aabe deren diza Beeti-Pe7oore katamappe sinththan diza shoobbaan moogides; gido attiin izi moogettidaso shaakki eriza asi hach gakkanaas beettibeenna. 
\v 7 Musey hayqqishin izas layththay 120; gido attiin iza ayfey doljumibeenna; iza wolqqayka daaburbeenna. 
\v 8 Isra7eele asay Muses michay aadhdhana gakkanaas heedzdzu tammu gallas gakkanaas Mo7aabe demban kayottishe yeekkides.
\p
\v 9 Ba ollan izi ooththana mala Musey Nawe naa Iyaaso bolla ba kushe woththidi shuumida gishshas Iyaasoy aadho erateththaninne ayanan kumides; Isra7eele asay Iyaasos azazettides; GODAY Muse baggara isttas immida azazozakka naagida.
\p
\v 10 Asi asara haasayza mala GODAARA haasayda Muse mala nabey Isra7eele biittan dendibeenna.\x - \xo 34:10 \xo*\xt Kessa 33:11\xt*\x* 
\v 11 GODAY Gibxe kawozaakko, izara ooththiza halaqataakkonne kumeththa asaakko yeddidi iza baggara ooraththinne malalisiza miish ubbaa ooththida Muse mala hara nabey oonikka deenna. 
\v 12 Musey Isra7eele asaa ubbaa sinththan ooththidayssa mala wolqqamanne babisiza malaatata ooththida hara nabey mulekka deenna.