\id COL - Gamo Full Bible final version
\ide UTF-8
\h Qolasiyaase Asaas
\toc1 Phawuloosi Qolasiyaase Asaas Xaafida Kiita
\toc2 Qolasiyaase Asaas
\toc3 Qola
\mt2 Phawuloosi
\mt1 Qolasiyaase Asaas
\mt2 Xaafida Kiita
\imt1 Giddo Qofa
\ip Hayssi kiitazi xaafettiday qeeri Iisiyan diza Efesoone katamappe arshey mokkiza baggara diza Qolasiyaase kataman diza Woosa Keeththassa; hinno he Woosa Keeththayo essiday Phawuloosa gidontta aggikokka iza Oroome kawoteththa garsan diza Iisiyan waanna katama gidida Efesooneppe Mishiraachcho qaala yootizayta hee yeddida gishshas Qolasiyaaseska alaafeteththi dees; Qolasiyaase Woosa Keeththan, «Xoossa eranaassinne mulera atoteth demmanaas issi issi asi hu7en hu7en wolqqama ayanatassinne godatas goynnanaas koshshees» giza wordo astamaareti dizayssa Phawuloosi siyides; he astamaareti tamaarsiza hara yooti, «Asi wurikka qaxxara wogaas haarettanaas bessees; kaththa muussa woganne hara wogatakka naaganaas bessees» giidi tamaarseettes.
\ip Phawuloosi ha kiitaza xaafiday tumu gidida ammano timirte tamaardi he wordo astamaareta timirteza digganaassa; iza malthetappe waannatizay, «Yesus Kirstoosi kumeththa atoteth immees; hankkoyti ammaniza ammanoy gidikko Yesusappe haasseettes» gizayssa. Xoossi hayssa alameza Kirstoosan medhdhides; qasseka Xoossi ha alameza Kirstoosa baggara baakko zaari ehana; hayssi alamezi attanay Kirstoosa wozinappe ammanon xalla. Hessan eqqidi Phawuloosi hayssi wolqqama timirtey ammanizayta de7on waani daanaas koshshizaakko bessees.
\ip Hayssa ha kiitaza Phawuloosappe ekkidi Qolasiyaase asaas gaththanaas kiitettida Tiqiqoosara issife dizay Anasmoosa gididayssa eroy maaddizaaza. Phawuloosi he Anasmoosa geetettiza aylleza gishshas Pilmoonas hara kiita xaafides. Qolasiyaase kiitaa giddon diza qofay Efesoone kiitaara addafe gayttees; nam7ayka issi woden xaafettida. Istta giddon diza gita dummateththi Efesoone kiitan Phawuloosi Kirstoosa Woosa keeththaa hu7e ooththidi shiishshees; qasse Qolasiyaase kiitaan Kirstoosa medheteth ubbaas hu7e ooththidi shiishshees. Hayssa izi ooththiday Xoossi medhdhida kiitanchchatas goynoy eeyateth gididayssa bessanaassa.
\iot Ha Maxaafay Oykkida Kumeththa Qofa
\io1 Geloso \ior 1:1-8 \ior*
\io1 Kirstoosa hanonne iza ooso \ior 1:9—2:19 \ior*
\io1 Kirstoosan diza ooraththa de7o \ior 2:20—4:6 \ior*
\io1 Kuushsha qofa \ior 4:7-18 \ior*
\c 1
\p
\v 1 Xoossa shenen Yesus Kirstoosan kiitettida Phawuloosappenne nu ishaa Ximtoosappe, 
\v 2 Qolasiyaasen diza Kirstoosan dummatidaytassinne ammanettida ishatas nu Aawaa Xoossaafe saroteththinne kiyateththi inttes gido.
\s1 Galata Woosa
\p
\v 3 Nu intte gishshas woossiza ubba gallas nu Godaa Yesus Kirstoosa Aawaa Xoossaa galatoos. 
\v 4 Gaasoykka inttes Yesus Kirstoosan diza ammanoninne ammaniza asaa intte ubbaa siiqizayssa nu siyida gishshassa. 
\v 5 Hessi wurikka haniday salon inttes giigettida hidotappe dendidayssanna; hessa he hidota gishshas Mishiraachcho qaalaa intte kasetidi siyideta. 
\v 6 Hessika hee intteko gakkides; hessa Mishiraachcho qaalaa intte siyoosoppenne Xoossa kiyateththa tumateththa intte eroo gallassafe haa simmiin alame yuushon izi ooththishe dizayssa mala intte achchan ayfe ayfishenne diccishe dees. 
\v 7 Hessaka ha7i nu gishshas\f + \fr 1:7 \fr*\fqa Nu gishshas: \fqa*\ft Nu gishshas gizayssa issi issi Geeshsha Maxaafatan intte gishshas geetettides.\ft*\f* gididi Kirstoosas ammanettida oosanchcha gididayssinne nunara issife ooththizanne siiqiza Ephafiray inttena tamaarsides.\x - \xo 1:7 \xo*\xt Qola 4:12; Pilm 23\xt*\x* 
\v 8 Qasseka izi inttenan diza Ayana siiqoteththaa nuus yootides.
\p
\v 9 Nu qasse hessa siyoosoppe haa simmiin intte Xoossa shene erateththaninne akeekan inttena kunththana mala intte gishshas woosa qanxxibeekko. 
\v 10 Hessaththoka Godaas bessiza duus daana mala intte iza poli ufayssana mala lo7o ooso ubbaan ayfe immana malanne Xoos eron dicci dicci baana mala nu inttes woossoos. 
\v 11 Goday ba gita wolqqan ba minoteth ubbaa inttes immo; wursika intte dandayana malanne ufayssan giigettidayta gidana mala inttena izi maaddo. 
\v 12 Ammanizayti laattizaso poo7o kawoteth laattizayta nu gidana mala nuna gaththida nu Aawaa intte galatanaassa. 
\v 13 Izi nuna dhuman haareteththafe ashshidi gede ba dosiza naaza kawoteththan pinththides. 
\v 14 Nu izan wozzettidi nagarappe maarettidos.\x - \xo 1:14 \xo*\xt Efe 1:7\xt*\x*
\s1 Kirstoosi Ubbaafe Bolla
\p
\v 15 Kirstoosi ayfen beettontta Xoossas tumu leemiso; medheteththa ubbaafe gitanne bayra. 
\v 16 Medheteththi wuri izan medhettides. Saloninne sa7an dizayti, ayfen beettizaytinne beettonttayti gidiinkka, wolqqamata gidiinkka, haarizayti gidiinkka woykko godateththi dizayti haniday wurikka izan izas medhettida. 
\v 17 Izi ubbaafe kase dees; wurikka issi bolla oyketti minniday izanna. 
\v 18 Izi ba asateth gidida Woosa Keeththays hu7e; ubbaas bolla gidana mala izi hayqqida asa ubbaafe koyro dendides.\x - \xo 1:18 \xo*\xt Efe 1:22-23\xt*\x* 
\v 19 Hessika haniday kumeththa Xoossateththay iza Naazan de7ana mala Xoossaa Aawaa shene gidida gishshassa. 
\v 20 Masqale bolla izappe gukkida suuththaan saroteth medhdhidi sa7a bolla gidiin salo bolla dizayssa ubbaa iza baggara banara maqayinththides.\x - \xo 1:20 \xo*\xt Efe 2:16\xt*\x*
\p
\v 21 Intte iita qofa gaason kase intte Xoossafe shaakettidi izas morkketakkoshin. 
\v 22 Ha7i qasse intte bolla balaynne wosoy baynda geeshshata ooththidi inttena ba sinth shiishshanaas Kirstoosa asho hayqo baggara Xoossi inttena banara maqayinththides. 
\v 23 Hessika hananay intte ammanon xaphphidinne giigetti intte intte ammanon ekkida mishiraachcho qaalaappe qaaxxontta minni eqqikonna; inttessinne salo gufanththon diza medheteththaas sabbakettida Mishiraachcho qaalay hessa. Ta Phawuloosikka hayssa ha mishiraachcho qaalaas oosanchcha gidadis.
\s1 Phawuloosi Woosa Keeththa Gishshas Ekkida Waaye
\p
\v 24 Ta intte gishshas waaye be7idayssi ha7ikka tana ufayssees; Kirstoosi ba asateth hessika Woosa Keeththa gishshas izi ekkida waayezappe ekkishin pacciday diikko tani ta ashon kunththana.\f + \fr 1:24 \fr*\ft Phawuloosi hayssan, «Izi ekkida waayezappe ekkishin pacciday diikko tani ta ashon kunththana» guussi Nagara maarana dandayza Kirstoosi ooththida oosoppe attidayssi dees guus gidenna; Hayssan Phawuloosi gizayssi Kirstoosi asa nagara gishshas masqale bolla kaqettidayssaththo dhayda ha alameys Mishiraachcho qaala yootishe iza waayeza shaakettizayssa bessees.\ft*\f* 
\v 25 Xoossa qaalaa ta inttes pacey baynda gaththana mala taas Xoossafe imettida hadaraa mala ta Woosa Keeththa oosanchcha gidadis. 
\v 26 Ha qaalay beni wodeppenne kase yeletaappe geemmidi xuura gidi gam7ides; ha7i gidikko ammanizaytas ubbaas qonccides. 
\v 27 Xoossi ba asaas qonccisanaas koyida xuuray iza bonchcho dureteththi ayzaabe gidida intte giddon ay mala gitakko bessanaassa; izikka iza bonchcho hidota gidida intte giddon diza Kirstoosa.
\p
\v 28 Nunikka issi issi as Kirstoosas kumeththa as histti shiishshanaas dandayana mala as ubbaa hiillara zorishenne tamaarsishe Kirstoosa gishshas sabbakoos. 
\v 29 Xoossi ba gita wolqqan tanan ooththiza gishshas he wolqqaan baaxetashe he qofaa polanaas dafettays.
\c 2
\p
\v 1 Intte gishshassinne Lodoqiyan dizaytanne hessaththoka tana ba ayfera beyi erontta asa ubbaas ta ay mala baaxetizaakko intte erana mala ta koyays. 
\v 2 Qasseka istta wozinay minnana malanne istti siiqoteththan issoy issaara oykettana mala kumeth gididayssa yuushshi qoppi eron dureteth demmidi Xoossaa xuura gidida Kirstoosa istti erana mala ta dafettays. 
\v 3 Qotan diza cinccateththinne erateththa haaroy wurikka beettizay Kirstoosa achchanna. 
\v 4 Oonikka inttena doona mal7eththon baleththontta mala ta inttes yootays. 
\v 5 Ta inttefe asho ayfen haakka diikkoka Ayanan inttenara issife days; intte wogara dizayssanne intte Kirstoosa lo7eththi ammanizayssa beyada ta daro ufayettays.
\s1 Kirstoosan Beettiza Kumeththa De7o
\p
\v 6 Hessa gishshas intte Godaa Yesus Kirstoosa ammanida mala izan de7ite. 
\v 7 Intte izan tokettidinne keexettidi intte tamaarda mala ammanon minnidi daro tirpa galata izas shiishshishe diite.
\p
\v 8 Kirstoosan xaphphidaaz gidontta asa woganinne go7ay baynda ha alameza laafa wogan eqqida asa erateththaninne coo baleththo haasayan inttena oonikka di7ontta mala naagettite. 
\v 9 Gaasoykka kumeththa Xoossateththay iza asateththan dees. 
\v 10 Intteka haarizaytassinne godata ubbaas hu7e gidida Kirstoosan kumeth gidite.
\p
\v 11 Intte izan qaxxarettideta; hessi he qaxxarazikka nagara gidida asho qofaa digganaas Kirstoosan hanidayssa attiin asa kushen hanibeenna. 
\v 12 Xinqatan izara issife moogettideta; iza hayqoppe denththida Xoossa wolqqan ammanidi qasseka izara issife dendideta.\x - \xo 2:12 \xo*\xt Oro 6:4\xt*\x* 
\v 13 Intte kase intte mooroninne intte asho nagara hanoteththaa inttefe diggontta aggida gishshas hayqqidaytakko shin Xoossi inttena Kirstoosa baggara paththides; intte nagaraakka ubbaa atto gides.\x - \xo 2:13 \xo*\xt Efe 2:1-5\xt*\x* 
\v 14 Kase nuna mootishenne nunara eqettishe diza Muse wogaan aco mootos xaafettidayssa qucci diggides. Masqale bolla torgidi nu bollafe diggides. 
\v 15 Halaqatanne godatizayta godateth isttafe woththi ekkidinne masqale bolla hayqqidi xooni dendidi di7ettidayta qonccen yuushshi bessides.
\p
\v 16 Hessa gishshas muussan woykko ushshan, issife bonchchon woykko agina xeeroninne Sambata gallas bonchcho gishshas intte bolla oonikka pirdofo.\x - \xo 2:16 \xo*\xt Oro 14:1-6\xt*\x* 
\v 17 Heyti wurikka buro yaana hanotas eeshota gidishin waanna asateththay gidikko Kirstoosa. 
\v 18 Bessontta ashketeththinne kiitanchchatas goyno dosiza asi oonikka inttena dhuphidi mela ashshontta mala naagettite; hessa mala asi ba be7ida agumos wogay baynda bana nashshishe hada asho qofaan kumidi otorettees. 
\v 19 Hessa mala asas hu7e gidida Kirstoosara aykko gaytoteththika deenna; kumeththa asateth shayaninne koldzen oyseththi dichchiza hu7ey Kirstoosa; Xoossi Kirstoosa asateth kumeth dichchizay hessa malanna.\x - \xo 2:19 \xo*\xt Efe 4:16\xt*\x*
\s1 Wordo Timirtefe Naageteth
\p
\v 20 Hayssa ha alameza wogaas intte Kirstoosara hayqqidayta gidikko histtiin ha7i aazas he wogaas haaretteetii? 
\v 21 He wogati oykkofa, laacca beyoppa; bochchofa gizayta. 
\v 22 Hayti wuri asa azazoninne asa timirten wodhdhida wogata gidida gishshas oosettidaappe guye coo dhayanaas deettes. 
\v 23 Ha azazoti barkka baappe medhdhi ekkida goyno qofay coo bessontta ashketeththinne ba asateth naaqqi oyththan isttas tumu aadho erateththi dizayta misateettes; gido attiin asho amoteth shiishshi oykkiza wolqqay isttas baa.
\c 3
\s1 Geeshshateththa Duussas Maaddiza Woga
\p
\v 1 Histtiko intte Kirstoosara issife dendidayta gidikko Kirstoosi Xoossa achchan uttidasohon puden diza hanoteththaa koyite.\x - \xo 3:1 \xo*\xt Maza 110:1\xt*\x* 
\v 2 Intte qofay pude bollan diza miishsha bolla gido attiin ha biittaa yo7o bolla gidoppo. 
\v 3 Gaasoykka intte hayqqidetanne intte de7oykka Kirstoosara Xoossa achchan qotettides. 
\v 4 Inttes de7o gidida Kirstoosi qoncciza gallas intteka he wode izara issife bonchchora qonccana.
\p
\v 5 Hessa gishshas inttes biitta bolla diza amoteth diggite; heytikka layma, tunateth, asho amo, iita amoteththinne eeqas goyno mala gidida gaphigapho. 
\v 6 Heytantta gaason Xoossa hanqoy Xoossas azazettonttayta bolla yaana. 
\v 7 Intteka kase diza duussaan he miishshata ooththideta.
\p
\v 8 Ha7i gidikko hanqo, yiillo, cashshe, zigirsinne yeellasiza haasaya heytantta misatizayta ubbaa diggite. 
\v 9 Kase ceega asateth iza oosora gaththi inttefe qaari yeggida gishshas intte intte garsan issoy issaara wordo haasayopite.\x - \xo 3:9 \xo*\xt Efe 4:22\xt*\x* 
\v 10 Bana medhdhidayssa misatana mala eran ooraxida ooraththa asateth may7ideta.\x - \xo 3:10 \xo*\xt Efe 4:24; Medhe 1:26\xt*\x* 
\v 11 Heen Girike as gidiin woykko Ayhuda as woykko qaxxarettidayta woykko qaxxarettonttayta woykko tamaardaytanne tamaaronttayta woykko maarettonttayta woykko aylle woykko goqa geetettiza dummateththi deenna; Kirstoosi heytantta ubbaassa; qasse ubbaankka dees.\f + \fr 3:11 \fr*\ft Tamaardaytanne tamaaronttayta gizayssi kase koyro Girike qaalan Barbariyanne Asikute guussi gidishin izikka wora giddofe yida asatanne Girike qaala eronttayta bessees\ft*\f* 
\v 12 Hessa gishshas dumma gididi dosettidaytoo! Intte Xoossas doorettidayta gidida mala misheteththinne kiyateth, ashketeth, bonchchonne dandaya may7ite.\x - \xo 3:12-13 \xo*\xt Efe 4:2\xt*\x* 
\v 13 Intte issoy issaa dandayte; inttefe issaadey issaade bolla mishettiko yo7oykka iza bolla diikko issoy issaas atto atto geetettite; Godaykka inttes atto gida mala intteka hara asas atto giite.\x - \xo 3:13 \xo*\xt Efe 4:32\xt*\x* 
\v 14 Hessa ubbaa bolla ubbaa kumeththa issifeteththan shiishshi qachchiza siiqo may7ite. 
\v 15 Intte wurikka issi asho gididi saroteththas xeygettida Kirstoosa saroteththi intte wozinan kawoto; intte galatizayta gidite.
\p
\v 16 Kirstoosa qaalay inttenan kumeth gido; intte intte garsan aadho erateththan tamaartenne zorettite; mazamureninne saban Ayana yeththan galatara gaththi intte wozinara Xoossas yexxite. 
\v 17 Iza baggara Xoossaa Aawaas galata shiishshishe qaalan gidiin woykko ooson intte ooththizayssa ubbaa Godaa Yesusa sunththan ooththite.
\s1 Ammaniza Asay Baso Asaa Kaaleththiza Woga
\p
\v 18 Machchetoo! Godaa achchan inttes bessiza miish gidida gishshas intte azinatas azazettite.\x - \xo 3:18 \xo*\xt Efe 5:22; 1Phex 3:1\xt*\x* 
\v 19 Azinatoo! Intte intte machcheta siiqitenne isttas menxe iitopite.\x - \xo 3:19 \xo*\xt Efe 5:25; 1Phex 3:7\xt*\x*
\p
\v 20 Naytoo! Intte Godaa ufayssana mala intte inttena yelidaytas ubba miishshan azazettite.\x - \xo 3:20 \xo*\xt Efe 6:1\xt*\x* 
\v 21 Aawatoo! Nayti hidota qanxxontta mala intte nayta hanqeththofte.\x - \xo 3:21 \xo*\xt Efe 6:4\xt*\x*
\p
\v 22 Aylletoo! As ufayssanaassinne coo ayfeson beettanaas gidontta suure wozinappe intte Godaas babbite; hayssa ha biittan haariza godataska hano ubbaan azazettite.\x - \xo 3:22-25 \xo*\xt Efe 6:5-8\xt*\x* 
\v 23 Intte ooththiza miish ubbaa asas gidontta Godaas ooththiza mala taybidi kumeththa wozinappe ooththite. 
\v 24 Intte Godaa achchafe intte ooso mala ekkanaas laatay dizayssa intte ereeta; intte ooththizay Godaa Yesus Kirstoosassa. 
\v 25 Qoho ooththidaadey ba ooththidaari kushe ekkana; iza achchan dumma maadoy deenna.\x - \xo 3:25 \xo*\xt Zaare 10:17; Efe 6:9\xt*\x*
\c 4
\p
\v 1 Godatoo! Inttes salon Goday dizayssa intte eriza gishshas inttes ooththizaytas tumaninne suureteththan ooththite.\x - \xo 4:1 \xo*\xt Efe 6:9\xt*\x*
\s1 Gujo Zore
\p
\v 2 Beeggidi galatara gaththi pacey baynda Xoossaa woossite. 
\v 3 Ta iza gishshas qashettida Kirstoosa xuuraa awajjanaas dandayana mala Xoossi nuus qaala yootanaas oge doyana mala nu gishshassika woossite. 
\v 4 Qasseka haasayanaas bessiza qaala qonccen ta haasayana mala taas woossite.
\p
\v 5 Ammanontta asatara inttes diza hanoteththan aadho erateththan simerettite; inttes beettida lo7o qaadan go7ettite.\x - \xo 4:5 \xo*\xt Efe 5:16\xt*\x* 
\v 6 Issoy issaas intte zaaro wostti immanaakko intte erana mala intte haasayay maxinera kaxxida kaththa mala mal7o gido.
\s1 Wurseththa Saroka
\p
\v 7 Tiqiqoosi ta duussaa gishshas wursi inttes yootana; izi daro dosettida ishanne Godaas tanara issife ooththiza ammanettida oosanchcha.\x - \xo 4:7 \xo*\xt Hawa 20:4; 2Xim 4:12\xt*\x* 
\v 8 Nu duussaa gishshas intte erana malanne intte wozina minththana mala tani iza intteko kiittadis. 
\v 9 Izi intte bagga gididi ammanettidaadenne dosettidaade gidida nu ishaa Anasmoosara intteko yaana; isttika haan diza hanoza ubbaa inttes yootana.\x - \xo 4:9 \xo*\xt Pilm 10-12\xt*\x* 
\v 10 Barnabaasa aawaa michchey naa Marqoosinne tanara issife qashettida Arxirokoosi inttena saro geettes. Marqoosa gishshas intte ay ooththanaakko kase inttena ta qofsa woththida mala izi intteko gakkishin iza mokki ekkite.\x - \xo 4:10 \xo*\xt Hawa 12:12,25; 13:13; 15:37-39; 19:29; 27:2; Pilm 24\xt*\x*
\p
\v 11 Iyosxoosa geetettiza Iyaasoykka inttena saro gees; Ayhuda asaa giddofe Xoossa Kawoteththas tanara ooththizayti haytantta xalla; istti tana minththeththida.
\p
\v 12 Intte baggafe gidida Yesus Kirstoosa oosanchcha Ephafiray inttena saro gees; izikka inttena Ayana duussan lo7eththi minnidi mulera woppu giidi Xoossa shenen minni eqqana mala ubba wode intte gishshas woosan baaxetees.\x - \xo 4:12 \xo*\xt Qola 1:7; Pilm 23\xt*\x* 
\v 13 Qasseka intte gishshas hessaththoka Lodoqiyaninne Iyarpolise kataman dizaytas izi pacey baynda ooththizayssa ta iza gishshas markkattays.
\p
\v 14 Daro dosettida aakime Luqaasinne Deemaasi inttena saro geettes.\x - \xo 4:14 \xo*\xt 2Xim 4:10-11; Pilm 24\xt*\x* 
\v 15 Lodoqiyan diza nu ishatas, Nimpusinne izi keeththan shiiqiza ammaniza asatas ta sarokaa yootite.\f + \fr 4:15 \fr*\ft Nimpusissinne izi keeththan dizaaris gizayssa issi issi birsheththa maxaafati Nimpusessinne iza keeththan shiiqiza ammaniza asata geettes\ft*\f* 
\v 16 Hanna ta kiitaya inttes nababettida mala qasseka Lodoqiyan diza Woosa Keeththayn nababettana mala ooththite; intteka qasse Lodoqiyappe inttes kiitettida kiitaa nababite. 
\v 17 Arikiphaases, «Neni Godaappe ekkida oosoza wurseth gaththanaas minna» giite.\x - \xo 4:17 \xo*\xt Pilm 2\xt*\x*
\p
\v 18 Hayssa sarokaa tani Phawuloosi ta kushera xaafadis; ta qashetta dizayssa dogopite; Xoossa kiyateththi inttenara gido.