\id 3JN - Gamo Full Bible final version
\ide UTF-8
\h 3Yohannisa Kiita
\toc1 Yohannisi Xaafida Heedzdzanththo Kiita
\toc2 3Yohannisa Kiita
\toc3 3Yoha
\mt1 Yohannisi
\mt2 Xaafida Heedzdzanththo Kiita
\imt1 Giddo Qofa
\ip Heedzdzanththo kiitazikka xaafettiday, «Cima gidida Hawaare Yohannisappe» gidishin he kiitazi issi Woosa Keeth kaaleththiza Gayiyoosa geetettizaadessa; Gayiyoosi hankko ammanizayta maaddida gishshas xaafezi iza galatees. Hara baggara qasse Diyotrafese geetettizaade issi iita asappe naagettana mala qofsees; gaasoykka izi Woosa Keeththa bolla otoreteththafe dendidayssan daanna gidana koyza gishshassa.
\iot Ha Maxaafay Oykkida Kumeththa Qofa
\io1 Geloso \ior 1-4 \ior*
\io1 Gayiyoosas imettida galata \ior 5-8 \ior*
\io1 Diyoxiroosas shiiqida walasse \ior 9-10 \ior*
\io1 Dimexiroosas imettida qaalata \ior 11-12 \ior*
\io1 Kuushsha qofa \ior 13-15 \ior*
\c 1
\p
\v 1 Taappe cimazappe, tumappe ta siiqiza ta siiqo lagge Gayiyoosas,\x - \xo 1 \xo*\xt Hawa 19:29; Oro 16:23-24; 1Qoro 1:14\xt*\x*
\p
\v 2 Ta ishazoo! Ne shemppoy lo7on diza mala ne asateththay lo7o daana malanne ne ooththizaazi wurikka nees giiga gidana mala ta nees woossays. 
\v 3 Neni tumaas ammanettidaade gidida mala qasseka ne hanoy wuri tumu gididayssa issi issi ammaniza asati taakko yiidi ne gishshas yootiin siyada ta daro ufayettadis. 
\v 4 Gaasoykka ta nayti lo7oninne tuman simerettishin sissafe aadhdhiza hara ufayssi taas deenna.
\s1 Gayiyoosas Imettida Lo7o Markkateth
\p
\v 5 Ta ishazoo! Istti nees imath gidikkoka neni ne ishatas ooththida miishshe ubbaan ammanettadasa. 
\v 6 Ne bolla ay mala siiqoy dizaakko istti ne gishshas Woosa Keeththa asaa sinththan markkattida; istti biza ogen Xoos ufayssiza hanon ne istta maaddiko lo7o ooththaasa. 
\v 7 Ays giikko istti Xoossaa ammanonttaytappe aykkoka ekkontta Kirstoosa sunththaa gishshas mela kezida. 
\v 8 Hessa gishshas nu issife tumaas ooththana mala heytantta malata mokki ekkanaas bessees.
\p
\v 9 Tani Woosa keeththas hayssafe kase xaafadis; gido attiin kaaleththizaade gidana koyza Diyoxiraxoosi nuni gizaaz ekkenna. 
\v 10 Hessa gishshas ta hee biikko izi ba iita qaalaan nu sunth mooranaas ooththidayssa ta inttes qonccisana; hessika izas gidontta ixxiin ammaniza asaa mokki ekkenna; mokki ekkana koyzaytakka diggeessinne Woosa Keeththafe kessi gooddees.
\p
\v 11 Ta ishazoo! Lo7ota misata attiin iita asata misatoppa; lo7o ooththizaadey wurikka Xoossa asa; iita ooththizaadey gidikko Xoos beyibeenna. 
\v 12 Dimexiroosas asi wuri lo7o markkattees; tumaykka izas markkattawus; nunikka izas markkattoos; intteka nu markkay tumu gididayssa ereeta.
\s1 Wurseththa Saroka
\p
\v 13 Ta nees xaafana buro daro yo7oy dees shin waraqatan xaafanaas koykke. 
\v 14 Ta nena mata wode beyanaas hidota ooththays; he wode nu issife utti haasayana.
\p
\v 15 Ane saron da; ne laggeti nena saro saro geettes; ta laggeta sunththan sunththan xeygada saro ga.