\id 2TH - Gamo Full Bible final version
\ide UTF-8
\h 2Tasolonqe Asaas
\toc1 Phawuloosi Tasolonqe Asaas Xaafida Nam7anththo Kiita
\toc2 2Tasolonqe Asaas
\toc3 2Taso
\mt2 Phawuloosi
\mt1 Tasolonqe Asaas
\mt2 Xaafida Nam7anththo Kiita
\imt1 Giddo Qofa
\ip Kirstoosi nam7anththo yaanayssa gishshas oyshaynne ooshshi dendida gishshas Tasolonqe Woosa Keeththaa garsan metoy dari dari bides. Phawuloosi Tasolonqe asaas xaafida nam7anththo kiitay, «Godaa yuussaa gallassi matides» giza ammano qaala qonccisi yootides. Phawuloosi xaafishe Kirstoosi yaanaappe kasetidi, «Makkalla as» geetettizaadey Kirstoosara eqettizaadey baleththon hayssa alameza bolla iitateththinne makkallay dari dari baana guussan istta ammano giigsanaas dafettees.
\ip Nababizayti waayeynne metoy istta bolla darikkoka istti ba ammanon minni eqqana mala Phawuloosinne harati izara issife ooththizayti ooththiza mala isttika ba duussas koshshizayssa demmanaas minni ooththana malanne lo7o ooso ooththanaas azallontta mala istta lo7eththi zorees.
\iot Ha Maxaafay Oykkida Kumeththa Qofa
\io1 Geloso \ior 1:1-2 \ior*
\io1 Galatanne hadara imo \ior 1:3-12 \ior*
\io1 Kirstoosa nam7anththo yuussaa gishshas imettida timirte \ior 2:1-17 \ior*
\io1 Ammanon duussa gishshas imettida zore \ior 3:1-15 \ior*
\io1 Kuushsha qofa \ior 3:16-18 \ior*
\c 1
\p
\v 1 Phawuloosappe, Silwaanoosappenne Ximtoosappe; nu Aawaa Xoossaninne Godaa Yesus Kirstoosan gidida Tasolonqen ammaniza asaas,\x - \xo 1:1 \xo*\xt Hawa 17:1\xt*\x* 
\v 2 Xoossaa Aawappenne Godaa Yesus Kirstoosappe kiyateththinne saroteththi inttes gido.
\s1 Galatanne Woosa
\p
\v 3 Ta ishatoo! Intte ammanoy wodeppe woden dicci dicci biza gishshassinne intte siiqoykka kaseppe gujetti gujetti biza gishshas nu intte gishshas Xoossa lo7eththi galatanaas bessees. 
\v 4 Hessa gishshas intte bolla gakkida goodeteththaninne meto ubbaan intte minnida gishshas nuni nu baggara intte dandayaa gishshassinne intte ammano gishshas ammaniza asa ubbaa achchan ceeqettoos.
\p
\v 5 Hessi wurikka Xoossa pirday suure gididayssa bessees; hessa gaason waaye be7iza intte Xoossa Kawoteththas bessizayta gidi beettideta. 
\v 6 Xoossi xillo gidida gishshas inttena waayisizayta izi waayisana. 
\v 7 Waaye ekkida inttessinne nuus shempo immana; hessika Godaa Yesus Kirstoosi wolqqama salo Xoossa kiitanchchatara salo bolla qoncciza wode hanana. 
\v 8 He wode Xoos erontta asatanne Godaa Yesus Kirstoosa Mishiraachcho qaalaas azazettontta asata bolla izi ba halo kessana. 
\v 9 Isttika Godaa sinththafenne iza bonchcho wolqqaa achchafe kichchidi mernaas dhayon qaxxayettana.\x - \xo 1:9 \xo*\xt Hawa 17:1\xt*\x* 
\v 10 Istti qaxxayettanay izi geeshshata achchan bonchchettanaassinne ammanizayti wuri izan malalettana mala izi yiza gallassan hanana; intteka he ammaniza asaara daana; gaasoykka nu inttes markkattidayssa intte ammanida gishshassa.
\p
\v 11 Nu hessa qoppishe nu Xoossi inttena ba xeyssaas gidizayta histti qoodana mala intte lo7o ooththanaas amottiza amozanne ammanon intte ooththida oosoza ubbaa izi inttes ba wolqqan polana mala nu inttes ubba wode woossoos. 
\v 12 Qasseka nu Godaa Xoossaanne nu Godaa Yesus Kirstoosa kiyateththaa mala Yesus Kirstoosa sunththi intte achchan bonchchettana malanne intteka izan bonchchettana mala nu inttes woossoos.
\c 2
\s1 Makkalla As
\p
\v 1 Ta ishatoo! Godaa Yesus Kirstoosa yuussaa gishshassinne nu izakko baana buussaa gishshas nu inttena qofsoos.\x - \xo 2:1 \xo*\xt 1Taso 4:15-17\xt*\x* 
\v 2 Ayanay qonccisides woykko qaalay gees giidi woykko nuuppe inttes kiitettida kiitaa mala, «Godaa yuussaa gallassi gakkides» giidi intte qofan yark yarkoftenne dagammofte. 
\v 3 Oonikka ay hanonkka inttena baleththofo. Daro asay ammano kaddanaappe sinththe dhayanaas bessiza issi makkalla asi qonccontta dishin he gallassay gakkenna. 
\v 4 Izikka Xoos geetetti goynnettiza eeqa xoossata ubbaafe bollara bana dhoqqu dhoqqu histtizaadenne Xoossara eqettizaade; izikka Xoossa Keeththan uttidi bana, «Tani Xoossa» giidi awajja awajjisana.\x - \xo 2:4 \xo*\xt Hizi 28:2\xt*\x*
\p
\v 5 Ta inttenara diza wode hayta ha yo7ota inttes ta yootidayssi inttes qofettizeesha? 
\v 6 Izi ba woden qonccana gakkanaas ha7i izi qonccontta mala aazi diggizaakko intte ereeta.
\p
\v 7 Makkallanchcha xuuray haray attoshin ha7ikka ooso bolla dees; gido attiin hayssi hananay izi ha7i ooththontta mala iza diggizaadey iza ogeppe kichchana gakkanaas xalla. 
\v 8 Hessafekka kaallidi Godaa Yesusi ba doona peenoninne ba bonchcho yuussaan dhayssana; makkallanchchay qonccana.\x - \xo 2:8 \xo*\xt Isa 11:4\xt*\x* 
\v 9 He makkallanchcha yuussi Xala7e wolqqan hessika as baleththiza malaatataninne malalisiza miishshatan hanana.\x - \xo 2:9 \xo*\xt Mato 24:24\xt*\x* 
\v 10 Hessaththoka ekki attontta mala tumaa ixxidi dhayza asata baleththanaas dumma dumma iita oosoy yaana. 
\v 11 Hessa gaason istti wordo yo7o ammanana mala Xoossi istta bolla bala ooso kiittana. 
\v 12 Hessi hananay tumaa ammanontta ixxidi wordo yo7on ufayettizayti wuri pirdettanaassa.
\s1 Minni Eqqite
\p
\v 13 Godaan dosettida ta ishatoo! Nu gidikko ubba wode intte gishshas Xoos galatanaas nuus bessees; gaasoykka Xoossi inttena koyroppe oykkidi intte Xillo Ayanan dummatidaytanne tumu ammanidi intte attana mala inttena doorides. 
\v 14 Nu Godaa Yesus Kirstoosi bonchcho gishettizayta intte gidana mala nu yootida mishiraachcho qaalaa baggara inttena xeygides. 
\v 15 Hessa gishshas ta ishatoo! Intte minni eqqite; nuni nu doonan gidiin woykko kiitan woykko nu inttes aaththi yeddida timirteza lo7eththi oykkite.
\p
\v 16 Izi nu Godaa Yesus Kirstoosi qasse nuna siiqidaynne ba kiyateththan mernaa minththeththonne lo7o hidota izi nuus immida nu Aawaa Xoossay, 
\v 17 izi intte wozina lo7o oosoninne qaalan minththo.
\c 3
\s1 Woosa Gishshas Shiiqida Oysho
\p
\v 1 Wurseththan ta ishatoo! Qasseka Godaa qaalay intte achchan hanoyssaththoka eleli ubbaso gakkana malanne bonchchettana mala nuus woossite. 
\v 2 Qasseka asi wuri ammanizayssa gidontta gishshas makkallanchchatappenne iita asatappe nu attana mala nuus woossite. 
\v 3 Goday gidikko ammanettidayssa; izikka inttena minththana; Xala7eppeka inttena naagana. 
\v 4 Nu inttena azazidayssa intte ha7i ooththideta shin sinththafekka intte ooththanayssa nuni Godaan ammanettoos. 
\v 5 Goday intte wozina Xoossa siiqookkonne Kirstoosa dandayaakko kaaleththo.
\s1 Ooso Ooththana Mala Imettida Zore
\p
\v 6 Ta ishatoo! Ooso ooththontta asaappenne intte nuuppe ekkida timirteza mala dontta ammanizaytappe intte haakkana mala Godaa Yesus Kirstoosa sunththan inttena nu azazoos. 
\v 7 Intte nu leemiso wostti kaallanaakko intte intte baggara ereeta; nu inttenara diza wode ooso ooththontta coo de7ibeekko. 
\v 8 Qasseka oona sooppeka kath coo mela mibeekko; qasse inttefe oonaska nu tooho gidontta mala qammanne gallas daaburan ooththi midos. 
\v 9 Nu hessa ooththiday intte nuna kaallana mala inttes lo7o leemiso gidana giidippe attiin nuus koshshizayssa inttefe ekkanayssa nuna diggiza wogay diin gidenna. 
\v 10 Nu inttenara diza wode, «Ooso ooththanaas dosontta asi kath mooppo» giza azazo inttes immidos. 
\v 11 Intte giddon issi issi asati ooso ooththonttayssa nu siyidos; heytantti ooso ooththontta mela asa yo7on geliza asata. 
\v 12 Heyta mala asati ba ooso co7u gi ooththana malanne ba kath maana mala Godaa Yesus Kirstoosa sunththan nu istta azazoossinne zoroos. 
\v 13 Intte gidikko ta ishatoo! Lo7o ooso ooththanaappe mulekka azallofte. 
\v 14 Hayssa nu kiittida qaalaas azazettonttay oonikka diikko hessa misatizaade lo7eththi kaallitenne izi ba ooson yeellatana mala izara gaaggofte. 
\v 15 Gido attiin iza intte isha mala hanqite attiin morkke mala xeellofte.
\s1 Wurseththa Saroka
\p
\v 16 Saroteththaa Goday izi ba baggara yo7o ubbaan inttes saroteth immo; Goday inttenara ubbaara gido. 
\v 17 Hayssa sarokaa tani ta kushera inttes xaafiday tana Phawuloosa. Ta kiitaas dumma malatay hayssa; izikka hayssa tani ta kushen xaafoyssa. 
\v 18 Nu Godaa Yesus Kirstoosa aadho kiyateththi inttenara ubbaara gido.