\id 2JN - Gamo Full Bible final version
\ide UTF-8
\h 2Yohannisa Kiita
\toc1 Yohannisi Xaafida Nam7anththo Kiita
\toc2 2Yohannisa Kiita
\toc3 2Yoha
\mt1 Yohannisi
\mt2 Xaafida Nam7anththo Kiita
\imt1 Giddo Qofa
\ip Nam7anththo kiitazi xaafettiday cima gidida Hawaare Yohannisan gidishin kiitazi xaafettiday issi doorettida godatteyssinne izi naytassa; oonee erizay issi Woosa Keeththan diza ammanizaytas xaafettontta aggenna. Hayssi ha qaanththa kiitazi xaafettiday asay ba garsan issoy issaara siiqettana mala qofsanaassinne wordo astamaaretappe istta timirtefekka asay naagettana malakko.
\iot Ha Maxaafay Oykkida Kumeththa Qofa
\io1 Geloso \ior 1-3 \ior*
\io1 Siiqoy ubbaafe aadheth \ior 4-6 \ior*
\io1 Wordo timirtefe naagettana mala qofso \ior 7-11 \ior*
\io1 Kuushsha qofa \ior 12-13 \ior*
\c 1
\p
\v 1 Taappe cimazappe, tumappe ta dosiza doorettida godatteyssinne izi naytas,\f + \fr 1:1 \fr*\ft Godatteyssinne izi naytas gizayssi Woosa keeththan diza abaaleta (ammaniza asa) bessees. Taybo 4-5 xeella.\ft*\f* tana xalla gidontta tumaa erizayti wuri dosizaaris kiitettida kiita. 
\v 2 Gaasoykka hayssi tumay ha7ikka nu giddon dizayssanne sinththafekka mernaas daanayssa.
\p
\v 3 Xoossaa Aawappenne iza Naa Yesus Kirstoosappe kiyateththi, maaroteththinne saroy tumaninne siiqon nunara gido.
\p
\v 4 Ne naytappe baggayti Aawappe nuus imettida azazoza mala tumaan minni dizayta ta be7ida gishshas daro ufayettadis. 
\v 5 Ha7ikka godatteyee! Kaseppeka dizaaro attiin ta nees hara ooraththa azazo xaafikke; hessika nuni nu giddon siiqettanayssa.\x - \xo 1:5 \xo*\xt Yoha 13:34; 15:12,17\xt*\x* 
\v 6 He siiqoykka nu iza azazoza mala daanayssa; azazozikka intte koyro siyida mala siiqon daanaassa.
\p
\v 7 Yesus Kirstoosi asa asho may7idi yibeenna giza ammanontta daro baleththizayti alame bolla laalettida; heyta malay ay asikka as baleththizaadenne Kirstoosara eqettizaade. 
\v 8 Intte gidikko intte daabura waagaappe mela attontta malanne kumeththa woyto ekkana mala intte hu7es naagettite. 
\v 9 Kirstoosa timirte mala dontta asinne iza timirtefe balettidi kare keziza asan oonankka Xoossi deenna; Kirstoosa timirten dizaadey gidikko izas Aawaynne Aawaa Nay deettes. 
\v 10 Oonikka intteko yishe hessa he timirteza ekki yontta as mokki ekkoftenne saroka goopite. 
\v 11 Mokki ekkidi baso gelththizaadey hessaade ooson izara issino gidees.
\s1 Wurseththa Saroka
\p
\v 12 Ta inttes xaafanaas koyza daro miishshi deessishin waraqataninne qalamen xaafana mala koykke; gidikkoka nu ufayssay kumeth gidana mala ta intteko baada intte sinththan inttenara haasayanaas hidota ooththays. 
\v 13 Doorettida ne michchey nayti nena saro geettes.