\id 1TH - Gamo Full Bible final version
\ide UTF-8
\h 1Tasolonqe Asaas
\toc1 Phawuloosi Tasolonqe Asaas Xaafida Koyro Kiita
\toc2 1Tasolonqe Asaas
\toc3 1Taso
\mt2 Phawuloosi
\mt1 Tasolonqe Asaas
\mt2 Xaafida Koyro Kiita
\imt1 Giddo Qofa
\ip Tasolonqey Maqidooniya geetettiza Oroomes waanna katama. Phawuloosi Tasolonqe Woosa Keeththayo essiday Piliphisiyoose yeggi bidaappe guyenna. Heerakka issi agina kumontta dishin Ayhudati izi Piliphisiyoose yeggi bidayssa siyida; hessa gishshas Phawuloosi isttas xaafida ba kiitazan Mishiraachcho qaalaa qaanththara qonccisides. (1:9-10) Isttika Ayhudata ammano ekkanaas mati uttida Ayzaabeti Phawuloosi yootiza ammanon wozina boshettida. Hessa gishshas Ayhudati qanaateteththan Phawuloosa bolla palama denththida; hessa gishshas Phawuloosi Tasolonqe yeggidi gede Beeriya baanayssi izas manne gidides. Guuth gam7ishe Qorontoose katama bi gakkida mala Ximtoosi Woosa Keeththay hanizayssa wursika izas yootides.
\ip Phawuloosi koyro kiitaa Tasolonqe asaas xaafiday ammanizayta denththeththanaassinne minththeththanaassa; izi istta lo7o ammano gishshassinne istta siiqoteththaa gishshas lo7o wore siyidi Xoos galatides. Kase Phawuloosi isttara diza wode izi isttara ay mala duus de7idaakko istta qofsees; hessafekka Kirstoosas nam7anththo yuussaa gishshas dendida oyshatas zaaro immees.
\ip He oyshatappe baggayti, «Kirstoosi haa simmi yaanaappe kasetidi kase hayqqida ammaniza asay Kirstoosa yuussaan beettiza mernaa de7o demmanee?» gizayta. Phawuloosikka hessa gaaso histtidi, «Kirstoosas nam7anththo yuussa timirteza hidotan naagishe he wode gakkanaas co7u giidi intte ooso ooththite» giidi istta zorees.
\iot Ha Maxaafay Oykkida Kumeththa Qofa
\io1 Geloso \ior 1:1 \ior*
\io1 Phawuloosa ufayssinne iza galata \ior 1:2—3:13 \ior*
\io1 Ammaniza asay kaallana woga \ior 4:1-12 \ior*
\io1 Kirstoosi nam7anththo yaana yuussaa gishshas imettida timirte \ior 4:13—5:11 \ior*
\io1 Wurseththa zore \ior 5:12-22 \ior*
\io1 Kuushsha qofa \ior 5:23-28 \ior*
\c 1
\p
\v 1 Phawuloosappe, Silwaanoosappenne Ximtoosappe; Xoossaa Aawassinne Godaa Yesus Kirstoosayta gidida Tasolonqen diza ammaniza asaas nu Aawaa Xoossaafenne Godaa Yesus Kirstoosa kiyateththinne saroteththi inttes gido.\x - \xo 1:1 \xo*\xt Hawa 17:1\xt*\x*
\s1 Tasolonqen Ammaniza Asaa Ammano Gishshas Shiiqida Galata
\p
\v 2 Nu inttena nu woosan qoppishe ubba wode Xoossaa intte gishshas galatoos. 
\v 3 Ammanoninne mino siiqoteththan intte ooththida ooso gishshas Godaa Yesus Kirstoosa bolla diza intte mino hidotan beettida intte minoteththaa gishshas nu Godaa Xoossaa, nu Aawaa sinththan ubba gallas intte gishshas qoppoos.
\p
\v 4 Xoossan dosettida nu ishatoo! Izi inttena dooridayssa nu eroos. 
\v 5 Gaasoykka Mishiraachcho qaalay intteko yiday wolqqara Xillo Ayananinne lo7eththi shaakki eriin attiin coo qaala xallan gidenna; qasseka nu intte gishshas giidi waani de7idaakko intte ereeta. 
\v 6 Ha7i intte nunanne Godaa misatideta; intte bolla ay metoy gakkidaa gidikkoka Xillo Ayana ufayssan qaalaa intte ekkideta.\x - \xo 1:6 \xo*\xt Hawa 1:5-9\xt*\x* 
\v 7 Hessafe dendidayssan intte Maqidooniyaninne Akayan ammaniza asa ubbaas lo7o leemisota gidideta. 
\v 8 Godaa qaalay inttefe kezidi Maqidooniyaninne Akayan siyeteth xalla gidontta inttes Xoossa bolla diza ammanoy ubbason erettides; hessa gishshas nu inttes yootanaas aykkoka koshshenna. 
\v 9 Intte nuna wostti mokki ekkidaakkonne de7on diza tumu Xoossaas ooththanaas intte eeqatappe Xoossaako waani simmidaakko asay intte gishshas haasayees. 
\v 10 Qasseka Xoossi hayqoppe denththidayssa buro yaana hanqofe nuna ashshana Saloppe yaana Xoossa Naa Yesusa yuussaa intte wostti naagizaakko asay haasayees.
\c 2
\s1 Tasolonqen Phawuloosa Ooso
\p
\v 1 Nu ishatoo! Nu inttekon gam7ida gam7oy hada gidonttayssa intteka ereeta. 
\v 2 Intteka erizayssa mala hayssafe kase Piliphisiyoosen nu waayenne meto be7idossinne cayettidos; gido attiin aynne mino waayey nuna gakkikokka Xoossa Mishiraachcho qaalaa inttes yootanaas nu Godaappe xalateth demmidos.\x - \xo 2:2 \xo*\xt Hawa 16:19-24; 17:1-9\xt*\x* 
\v 3 Nu inttena zorida zorey iita qofara woykko inttena baleththanaas koyidi gidenna. 
\v 4 Gido attiin nu Mishiraachcho qaalaa hadara ekkanaas dandayza asata mala Xoossi nuna qoodida gishshas nu haasayoos; hessaka nu ooththizay nu wozina paacci eriza Xoossaa ufayssanaas attiin as ufayssanaas giidi gidenna. 
\v 5 Nu mulekka baleththo qaala yootibeekko woykko nu uuzeteth kammanaas giidi baleththo hano nu hanonttayssa intte ereeta; hayssaska nu markkay Xoossa.
\p
\v 6 Inttefe gidiin woykko haratappe oonappeka asappe imettiza bonchcho nu koyibeekko. 
\v 7 Nu Kirstoosi kiittidayta gidida gishshas inttes tooho gidanaas dandayoos; gido attiin aaya ba nayta dichchiza mala nunikka intte giddon ashketeththan simerettidos. 
\v 8 Xoossa qaala xalla gidontta dishin nu shemppoka intte gishshas ufayssan immana gakkanaas inttena siiqidos; gaasoykka nu inttena daro siiqida gishshassa. 
\v 9 Nu ishatoo! Nu dafeteththaanne nu daaburaa intte ereeta; oonaska tooho gidontta mala qammanne gallas nuus ooththishe Mishiraachcho qaalaa inttes yootidos.
\p
\v 10 Nu inttenara ammanizaytara diza wode xilloteththaninne geeshshateththan qasseka wosoy baynda nu waani de7idaakko intteka Xoossika nuus markka. 
\v 11 Aaway ba naytas haniza mala nunikka inttes issaas issaas ay hanidaakko intte ereeta. 
\v 12 Intte inttena ba kawoteththassinne ba bonchchos xeygida Xoossaas bessiza mala intte daana mala nu inttena minththidos; lo7eththi zoridossinne hadara gidos.
\p
\v 13 Intte nuuppe siyida Xoossa qaalaa ekkida wode ammaniza intte achchan tumu ooththiza Xoossa qaalaa mala ekkideta attiin coo asa qaala mala intte ekkontta aggida gishshas nuni Xoossaa qanxxoy baynda galatoos.
\p
\v 14 Nu ishatoo! Yuhuda biittan Yesus Kirstoosa ammaniza Xoossa Woosa Keeththata misatideta; istti Ayhudatappe metonne waaye ekkida mala intteka intte asaappe waaye ekkideta.\x - \xo 2:14 \xo*\xt Hawa 17:5\xt*\x* 
\v 15 Istti Godaa Yesusanne kase nabetakka wodhida; nunakka gooddida; Xoossaaka ufayssibeettenna; as ubbaara eqettizayta gidida.\x - \xo 2:15 \xo*\xt Hawa 9:23,29; 13:45,50; 14:2,5,19; 17:5,13; 18:12\xt*\x* 
\v 16 Hessika Ayzaabeti siyidi attana qaala nu isttas yootontta mala digganaassa; hessa mala ooson ba nagara ubba wode ba bolla wurseth gakkanaas gujji gujji beettes; Xoossa hanqoyka istta bolla wodhdhides.
\s1 Phawuloosi Tasolonqe Asaa Beyanaas Laamoteth
\p
\v 17 Gidikkoka nu ishatoo! Nu guuththa wodes inttefe Ayanan gidontta ashon shaakettikokka intte laamotay nuna wodhiza gishshas intte ayfeso beyanaas daro dafeteththan doos. 
\v 18 Nu intteko baanaas daro laamotidos shin harappeka ta Phawuloosi daro wode dafettadis shin Xala7ey nuna diggides. 
\v 19 Godaa Yesusi haa yiza wode iza sinththan nu hidotay woykko nu ufayssi woykko nu zawudey nuus inttefe haray oonee? 
\v 20 Tumappeka nu ufayssinne nu bonchchoy inttena.
\c 3
\p
\v 1 Hessa gishshas nuus dandayettontta ixxiin he wode Ateenan nurkka nu attanayssi nuus lo7o gidi beettides.\x - \xo 3:1 \xo*\xt Hawa 17:15\xt*\x* 
\v 2 Inttena ammanon minththana mala nunara asas Kirstoosa mishiraachcho qaalaa yootiza Xoossa ashkara gidida Ximtoosa intteko yeddidos. 
\v 3 Hessika hayssa paacezan oonikka ammanoppe qanxxontta malassa; nunikka hayssas doorettidayssa intteka ereeta. 
\v 4 Nu qasse inttenara diza wode waayey nu bolla gakkanayssa kasetidi inttes yootidos; intte eriza malakka hanides. 
\v 5 Hessa gishshas ta aykkoka genceciin taas dandayettontta ixxida gishshas intte ammano gishshas eranaas gaada Ximtoosa kiittadis; ta hessa ooththiday oonee erizay paaccizaadey istta paacciin hanni wode nu daaburay wurikka hada gidontta aggenna gaada babbida gishshassa.
\s1 Ximtoosi Ekki Yida Minththeththiza Qaala
\p
\v 6 Ha7i qasse Ximtoosi intte achchafe nuukko yiidi intte ammano gishshassinne intte siiqoteththaa gishshas lo7o wore nuna sissides. Qasseka intte ubba wode nuna lo7eththi qoppizayssanne nunikka inttena beyanaas laamotiza mala intteka nuna beyanaas laamotizayssa nuus yootides.\x - \xo 3:6 \xo*\xt Hawa 18:5\xt*\x* 
\v 7 Hessa gishshas nu ishatoo! Nu dizay waayeninne meto garsan gidikkoka intte ammano gaason inttenan ha7i nu minettoos. 
\v 8 Intte Godaan minni eqqida gishshas tumappe ha7i nu paxa daana. 
\v 9 Intte gaason nu Xoossa sinththan nu demmida ubba ufayssaa gishshas Xoossa ay mala galatanaas dandayzonii? 
\v 10 Qasseka nu inttena beyanaassinne intte ammanoppe paccidayssa kunththanaas omarsinne gallas keehi woossoos.
\p
\v 11 Ha7ikka nu intteko baana mala nu Aaway Xoossi Godaa Yesus Kirstoosi ogeza izi nuus suuriso. 
\v 12 Nu inttena siiqiza mala inttes intte garsan diza siiqonne intte harata siiqiza siiqoza Goday darsonne keehi gujjo. 
\v 13 Nu Godaa Yesus Kirstoosi geeshshata ubbatara yiza wode nu Aawaa Godaa Xoossaa sinththan intte wosoy bayndaytanne geeshshata gididi beettana mala intte wozina izi minththo.
\c 4
\s1 Xoos Ufayssiza Duus
\p
\v 1 Ha7i wurseththan ta ishatoo! Intte Xoossa ufayssanaas intte waani waani daana bessizaakko nu inttena tamaarsidos; tumappeka nu tamaarsida mala deeta; hessa gishshas Godaa Yesus Kirstoosan nu inttena woossizaynne zorizay hayssafekka aadhdhiza hanora intte sinththe gujjana malassa. 
\v 2 Godaa Yesus Kirstoosa wolqqan nu inttes ay azazo immidaakko intte ereeta.
\p
\v 3 Xoossa sheney intte laymappe haakkidi dummatanaassa. 
\v 4 Qasse issi issi asay ba machcho geeshshateththaninne bonchchon ayso bessizayssa shaakki ero. 
\v 5 Hessika Xoos ammanontta Ayzaabeta mala layma qaaqqateththan gidoppo. 
\v 6 Hessa malan oonikka balettidi ba ishaa baleththofo; gaasoykka hayssafe kase nu inttes yootida malanne naagettanaas akeekissida mala Goday heytantta mala nagara ooththiza ubbata bolla ba hanqo ehana. 
\v 7 Xoossi nuna geeshshateththas xeygides attiin tunateththas xeygibeenna. 
\v 8 Hessa gishshas hayssa ha zoreza kadhidi ekkonttaadey Xillo Ayana izas immida Xoossaa kadhees attiin as kadhizaade gidenna.
\p
\v 9 Ishata siiqoteththa gishshas inttes oonikka xaafanaas koshshenna; gaasoykka intte intte giddon siiqettana mala intte intte baggara Xoossafe tamaardeta. 
\v 10 Kumeththa Maqidooniyan diza ammaniza asaa intte ubbaa siiqizayssi erettidayssa; gido attiin nu ishatoo! Sinththa baggan intte hayssafe aaththi siiqettana mala nu inttena zoroos. 
\v 11 Nu hayssafe kase inttena azazida mala intte intte kushera ooththite; woppu gi diite; inttes gidizayssa lo7eththi xeellite. 
\v 12 Hessika gallas gallas intte duussay hankko ammanontta asaa achchan inttena bonchchisana malanne intte ay asaska tooho gidontta malassa.
\s1 Godaas Nam7anththo Yuus
\p
\v 13 Ta ishatoo! Intte ashon hayqqidayta gishshas tumaa erana mala nu koyokko; qasseka hidotay baynda hara asata mala intte kayottana mala nu koyokko. 
\v 14 Yesusi hayqqidi dendidayssa nu ammanizaa gidikko Yesusa ammanidayta Xoossi Yesusara hessaththoka zaari haa yeddana.
\p
\v 15 Nu Godaa qaalan inttes gizay hayssa; nuni hayqqontta paxa dizaytinne Goday yaana gakkanaas gam7anayti kase hayqqidaytappe sinththatokko. 
\v 16 Goday ba hu7era gita azazon kiitanchchata halaqa giirissara Xoossa xurumba giirissan saloppe wodhdhana; kase Kirstoosa ammanidi hayqqidayti istti kaseti dendana. 
\v 17 Hessafe guye nuni qasse paxa dizayti Godaa carko bolla gaagganaas isttara issife shaarara dendana; hessaththoka nu mernaas Godaara daana. 
\v 18 Hessa gishshas ha qaalaan issoy issaara minettite.
\c 5
\p
\v 1 Ta ishatoo! Hessi hanana wodeza gishshas nu inttes xaafanaas koshshenna. 
\v 2 Kaysoy qamman yiza mala Godaa gallassika hessa mala yaanayssa intte intte baggara lo7eththi ereeta.\x - \xo 5:2 \xo*\xt Mato 24:43; Luqa 12:39; 2Phex 3:10\xt*\x* 
\v 3 Asay, «Gadey saronne lo7okko» gishin miixay qanththara diza maccas oykkiza mala hessaththoka as dhayssizay qoppontta dishin asa bolla gakkana; oonikka kessi ekkenna.
\p
\v 4 Intteno ishatoo! He gallassay kayso mala inttena daganththanaas intte dhuman deekketa. 
\v 5 Intte wurikka poo7o nayta; nuni dhuma woykko qamma baggata gidokko. 
\v 6 Histtiko ane beeggoos; ane nurkka nuna haaroos attiin hankko dhiskiza asaa mala nunikka ane dhiskokko. 
\v 7 Dhiskizayti qammara dhiskeettes; maththottizaytikka qammara maththotteettes. 
\v 8 Nuni gidikko gallassa asata gidida gishshas ammanonne siiqo, tiran may7iza xurure may7o mala may7idi atoteththa hidota hu7en woththiza birata qoobe mala hu7en woththidi ane nunateththaa haaridi de7oos.\x - \xo 5:8 \xo*\xt Isa 59:17; Efe 6:13-17\xt*\x* 
\v 9 Xoossi nu Godaa Yesus Kirstoosa baggara atoteth demmana mala attiin nuna hanqos xeygibeenna. 
\v 10 Nu hayqqikokka woykko paxa diikkoka izara daana mala izi nu gishshas hayqqides. 
\v 11 Hessa gishshas tumappe intte ha7i ooththizayssa malakka issoy issaara minettitenne minththeththite.
\s1 Wurseththa Zorenne Saroka
\p
\v 12 Histtiko ta ishatoo! Intte giddon minni ooththizayta Godaan inttefe bollara diza halaqatanne inttena zorizayta intte bonchchana mala nu inttena woossoos. 
\v 13 Istta ooso gishshassika istta siiqora lo7eththi bonchchite; intte intte giddon saron diite.
\p
\v 14 Ta ishatoo! Nu inttena, «Ooso ooththontta asata hanqettite; babbizayta minththite; daaburanchchata maaddite; as ubbaa dandayte» gi zoroos. 
\v 15 Oonaska iita gishshas iita zaarontta mala naagettite; gido attiin intte intte giddon gidiin hara asara gidiin ubba wode lo7o gidizayssa ooththanaas baaxetite.
\p
\v 16 Ubba wode ufayettite. 
\v 17 Qanxxontta woossite. 
\v 18 Ay hanonkka galatite; Xoossa sheney inttes Yesus Kirstoosa baggara hessa.
\p
\v 19 Xillo Ayana tama toyssofte. 
\v 20 Tinbite qaala kadhopite. 
\v 21 Wursika paacci xeellite; lo7o gididaaz oykkite. 
\v 22 Iita gidida ay miishshafekka haakkite.
\p
\v 23 Saroteththa Goday izi ubba miishshan inttena dummaso; intte ayanay, intte shemppoynne intte ashoy Godaa Yesus Kirstoosi yiza wode wosoy baynda naagetto. 
\v 24 Inttena xeygidayssi ammanettidaade gidida gishshas izi hessa ooththana.
\p
\v 25 Nu ishatoo! Nu gishshassika woossite. 
\v 26 Ammanizayta ubbaa geeshsha yeereteththan sarokkite. 
\v 27 Ha kiitay ammanizaytas ubbaas nababettana mala Godaa sunththan hadara gays.
\p
\v 28 Nu Godaa Yesus Kirstoosa aadho kiyateththi inttenara gido.