\id 1PE - Gamo Full Bible final version
\ide UTF-8
\h 1Phexroosa Kiita
\toc1 Phexroosi Xaafida Koyro Kiita
\toc2 1Phexroosa Kiita
\toc3 1Phex
\mt1 Phexroosi
\mt2 Xaafida Koyro Kiita
\imt1 Giddo Qofa
\ip Hawaare Phexroosi xaafida koyro kiitaza giddon, «Xoossas doorettida dere» geetetti xeygettizaytassinne pudeha baggara qeeri Iisiya deren laaletti diza ammanizaytassa. He kiitaas waanna qofay ammano gaason daro metoynne goodeteththi istta bolla gakkidayta minththeththanaassinne denththeththanaasko. Xaafezi hessaththo ooththiday Yesusa hayqo gishshas, hayqoppe denththa gishshassinne izi nam7anththo haa simmi yaana yuussaa hidota qonccisiza Yesus Kirstoosa Mishiraachcho qaalaa nababizayta qofsanaassa. Yesus Kirstoosi kase deyida duussaa leemiso mala xeellidi isttika meto gencci aaththanaas bessizayssa qofsees. Heytara ubbaa gaththidi metoy istta ammano minoteth paaccizayssanne Yesus Kirstoosi qoncciza gallas istti baas bessiza waaga ekkanayssa istta qofsees.
\ip Xaafezi istti meto dandayana mala istta minththeththofekka bollara hessa nababizayti Kirstoosa kaallizayti de7anaas bessiza duus daana mala qofsees.
\iot Ha Maxaafay Oykkida Kumeththa Qofa
\io1 Geloso \ior 1:1-2 \ior*
\io1 Xoossi ashshizaade gididayssa eriso \ior 1:3-12 \ior*
\io1 Xoossas dummati daana mala imettida zore \ior 1:13—2:10 \ior*
\io1 Meto wode ammanizayta alaafeteth \ior 2:11—4:19 \ior*
\io1 Ammanizayta ashketeththinne istta ooso \ior 5:1-11 \ior*
\io1 Kuushsha qofa \ior 5:12-14 \ior*
\c 1
\p
\v 1 Yesus Kirstoosa Hawaare gidida Phexroosappe, asa biittan beten dizaytas Phanxoosan, Galatiyan, Qophodooqiyan, Iisiyaninne Bitiniya biittan laaletti diza inttes, 
\v 2 Aaway Xoossi kase inttena erida mala doorettidaytas, Yesus Kirstoosas azazettanaassinne intte iza suuththan aracettidi geeyana mala Xillo Ayanan dummatida inttes kiyateththinne saroteththi daro.
\s1 Gita Hidota
\p
\v 3 Yesus Kirstoosi hayqoppe dendida gishshas nuus de7o gidida hidota immidayssi ba gita maaroteththan nuna baas ooraththa nayta histtida nu Godaa Yesus Kirstoosa Aaway Xoossi galatetto. 
\v 4 Izi dhayontta, moorettonttanne ceeggontta laataso inttes salon giigsi woththides. 
\v 5 Intteka wurseththa gallassan buro qonccana atoteththaas ammano gaason Xoossa wolqqan naagettideta.
\p
\v 6 Ha7i guuththa wodes dumma dumma paacetti inttena waayisikkoka intte hessan ufayettite. 
\v 7 Hessi he paacezi intte bolla gakkizay intte ammanozi tumu gididayssa qonccisanaassa. Dhayana worqqayka taman paacettees; worqqafe aadhdhi bonchcho gidida intte ammanoykka hessaththo paacettanaas bessees. Hessi paacettida intte ammanoy Yesus Kirstoosi qoncciza gallas galatas, bonchchossinne sabas inttena gaththana. 
\v 8 Intte Yesus Kirstoosa ayfera be7ontta aggikokka intte iza doseeta; ha7ikka intte iza be7ontta aggikokka iza ammaneeta; coo qaalan qonccisana dandayontta gita bonchcho ufays intte ufayetteeta. 
\v 9 Intte naagiza intte shemppoys atoteth intte ammanon demmideta.
\p
\v 10 He atoteththaza gishshas inttes imettana kiyateththaas kase nabeti lo7eththi wozinappe pilggi xeellida. 
\v 11 Kase isttan diza Kirstoosa Ayanay Xoossafe tiyettidayssa bolla gakkana waayezanne he waayezappe guye izi demmana bonchchoza gishshas kase baas woththides; istti qasse hessi wurikka ayde waani hananaakko yuushshi qoppida. 
\v 12 He kase nabeti inttes ooththida attiin istti baas ooththonttayssi isttas qonccen erettides. Istti inttes ooththiday bolla saloppe kiitettida Xillo Ayana baggara ha7i inttes Mishiraachcho qaala yootida asati inttes yootidayssa qonccisanaassa; hessa he qaalaa kiitanchchatikka beyanaas amottida.
\s1 Xoossas Dummati Duus
\p
\v 13 Hessa gishshas intte intte wozina suurisidi oosos giigettite; wogara de7ite. Yesus Kirstoosi qoncciza wode intte iza kiyateththaa demmanaas inttes kumeththa hidotay de7o. 
\v 14 Intte azazettiza nayta gididi erontta dishe intte kase izan diza iita qofaa kaallofte. 
\v 15 Inttena xeygida Xoossay dumma gidida mala intteka intte duussan ubbaan dummatite. 
\v 16 Gaasoykka, «Tani geesh gidida gishshas intteka geesh gidite» geetetti Geeshsha Maxaafan kase xaafettides.\x - \xo 1:16 \xo*\xt Lewe 11:44-45; 19:2\xt*\x*
\p
\v 17 Oonakka dumma shaakki maaddontta issaas issaas izaade ooso mala pirdiza Xoossaa, «Izi nu Aawaa» giidi intte xeygikko hayssa alamezan intte imaththenne bete as gididi diza wode ubbaan izas babbite. 
\v 18 Intte kase intte aawatappe laattida hada duussaafe wozzettiday dhayza biran woykko worqqan gidonttayssa intte ereeta. 
\v 19 Gido attiin intte wozzettiday iitaynne wosoy iza bolla baynda geeshsha dorsa mala gidida Kirstoosa bonchcho suuththankko. 
\v 20 Izi erettiday hayssi alamezi medhettanaappe kase gidishin ha7i qasse wurseththa woden inttes qonccides. 
\v 21 Inttes ammanoynne intte hidotay Xoossan gidana mala Yesus Kirstoosa baggara iza hayqoppe denththidi izas bonchcho immida Xoossaan intte ammanetteeta.
\p
\v 22 Intte ammanizayta suure wozinappe\f + \fr 1:22 \fr*\fqa Suure wozinappe: \fqa*\ft Suure wozinappe gizayssa issi issi geeshsha maxaafati kumeththa wozinappe geettes.\ft*\f* siiqana mala tumaas azazeteththan intte intte asateth geeshshideta; hessa gishshas intte intte giddon issoy issaara lo7eththi siiqettite. 
\v 23 Intte nam7anththo yelettiday mernaas minni diza dhayontta de7o Xoossa qaalan dhayontta zereththafe attiin dhayza zereththafe gidenna. 
\v 24 Geeshsha Maxaafay giza mala,
\q1 «Asho may7iday wurikka
\q2 maata mala;
\q2 iza bonchchoyka wurikka
\q2 wora ciishsha mala;
\q2 maataykka melees;
\q2 ciishshayka qokkees.
\q1
\v 25 Godaa qaalay gidikko
\q2 mernaas eqqi dees.»
\m Inttes sabbakettida Mishiraachcho qaalaykka hessa.
\c 2
\s1 De7o Shuchchinne Geeshsha Dere
\p
\v 1 Hessa gishshas iitateth wursi, baleththo wursi, qoodheppe qommon hano, qanaateteth aykko qommo zigirs inttefe diggite. 
\v 2 Ha7i yelettida guuththa nayti maath amottizayssa mala intteka attanaas, izan dicci dicci baanaas Geeshsha Ayana timirte laamotite. 
\v 3 Intte laamotanaas bessizay Goday kiya gididayssa shaakki erikko.\x - \xo 2:3 \xo*\xt Maza 34:8\xt*\x*
\p
\v 4 Hessa gishshas gede de7o shuch gidida Yesusaakko shiiqite; he shuchchay asay leqqi aggidayssa shin Xoossa achchan gidikko doorettidayssanne bonchcho waagay dizayssa. 
\v 5 Intte Godaa Yesusaakko shiiqanaykka de7o shuchchaa mala Xillo Ayana duussaso gidana mala oosetteeta; hessaththoka intte Yesus Kirstoosa baggara ufayssiza Ayana yarsho Xoossas shiishshanaas geeshsha qeeseta gidandeta. 
\v 6 Geeshsha Maxaafan, «Hekko doorettida bonchcho gidida keeththas gulan uttiza shuch tani Xiyoonen woththana; izan ammanizaadey yeellatenna» giza qaalay xaafetti uttides.\x - \xo 2:6 \xo*\xt Isa 28:16\xt*\x* 
\v 7 Hessa gishshas inttes ammanizaytas he shuchchay bonchcho shuchchiko; hinko izan ammanonttaytas gidikko, «Shuchchan keexxiza keeththa hiillati leqqi wora yeggidayssi izi keeththa gulas hu7e gidides»\x - \xo 2:7 \xo*\xt Maza 118:22\xt*\x* 
\v 8 Qasseka, «Hekko ase dhuphiza shuchchay hayssich! Asa dhuphi kundisiza zaalla shuchchay hayssako» gees; istti qaalaa ammanontta ixxida gishshas dhuphetteettes; kasekka istti hessas dizayta.\x - \xo 2:8 \xo*\xt Isa 8:14-15\xt*\x*
\p
\v 9 Intte gidikko dhumappe gede daro malalisiza iza poo7okko xeygida malalisiza Xoossaa ooso awajjanaas doorettida yeletata, Kawo qeeseta, Xoossi inttena baas histtida intte dumma dereta.\x - \xo 2:9 \xo*\xt Kessa 19:5-6; Isa 43:20-21; Zaare 4:20; 7:6; 14:2; Tito 2:14; Isa 9:2\xt*\x* 
\v 10 Intte kase Xoossa dere gidekketa; ha7i gidikko intte Xoossa dereta; intte kase Xoossi inttes qadhettontta derekko shin ha7i gidikko inttes qadhettides.\x - \xo 2:10 \xo*\xt Hose 2:23\xt*\x*
\s1 Xoossa Oosanchchata
\p
\v 11 Ta siiqotoo! Intte hayssa alameza bolla imaththenne bete as gidida gishshas shemppora olettiza asho amoteththatappe haakkana mala ta inttena hadara gays. 
\v 12 Oonee erizay, «Inttena istti iita ooththeettes» giidi asay zigirkkoka Xoossi nuna beyanaas yiza gallas Ayzaabeti intte oosoy lo7o gididayssa be7idi Xoos galatana mala intte isttara diza wode intte amaley lo7o gido.
\p
\v 13 Intte Godaa Yesusa gishshas giidi dere ayssizaytas azazettite. Kawoy qasse ubbaafe bollara diza gishshas kawosikka azazettite. 
\v 14 Dere ayssizaytas azazettite; istti iita ooththizayta qaxxayanaassinne lo7o ooththizayta galatanaas Kawoppe kiitettizayta. 
\v 15 Intte lo7o ooson hankko eray baynda eeyateththan haasayzayta co7u histtana mala hessika Xoossa shene. 
\v 16 Intte Xoossas ooththiza asata mala gididi hirgay baynda de7ite attiin intte intte shene mala diza duussaa iitateththaa kammiza miish histtofte. 
\v 17 As ubbaaka bonchchite; ammanizayta siiqite; Xoossas babbite; kawo bonchchite.
\s1 Kirstoosa Waayeteththaa Leemiso
\p
\v 18 Intteno Asas ooththi aqizaytoo! Inttena oosisiza godatas bonchchon azazettite; intte azazettanay lo7otassinne ashketas xalla gidontta hankko iitatassarakko! 
\v 19 Asi galatettizay coo qohettishe; hessika Xoossa gishshas giidi dandayana. 
\v 20 Intte iita ooththida gishshas qaxxayettishe dandaykko inttes aaza galatay daanee? Intte lo7o ooththidi waaye ekkishe dandaykko intte Xoossafe galata ekkandeta. 
\v 21 Intte xeygettidaykka hessassa; intte iza leemiso kaallana mala Kirstoosi intte gishshas waaye ekkidi inttes leemiso gidides. 
\v 22 Izi aykko nagarakka ooththibeenna; iza doonan geney beettibeenna.\x - \xo 2:22 \xo*\xt Isa 53:9\xt*\x* 
\v 23 Asay iza cayishin izi zaari cayibeenna. Waayettishe bana tumu pirdiza Godaas hadara aaththi immides attiin halo kessana mandibeenna.\x - \xo 2:23 \xo*\xt Isa 53:7\xt*\x* 
\v 24 Nuni nagarappe shaakettidi xilloteththan daana mala izi barkka ba ashon nu nagaraa masqale bolla tookkides; intte iza madunththaan paxideta.\x - \xo 2:24-25 \xo*\xt Isa 53:5\xt*\x* 
\v 25 Intte dhayda dorsata mala toylattideta; ha7i gidikko intte shemppo heemmizayssakonne naagizayssako simmideta.
\c 3
\s1 Azina Gishshassinne Machchi Gishshas
\p
\v 1 Hessaththoka machchetoo! Intte intte azinatas azazettite. Hessaththo issi issi azinati Xoossa qaalaa ammanonttayta gidikkoka coo mela ba machcheta lo7eteththaan xalla simmontta aggettenna.\x - \xo 3:1 \xo*\xt Efe 5:22; Qola 3:18\xt*\x* 
\v 2 Istti simmana dandayzay intte geeshshateththaanne intte ase bonchchiza duus dizayssa be7idikko. 
\v 3 Intte lo7eteththi coo mela hu7e daththaninne worqqan geexeteththan, al7o may7o may7on, coo mela ayfen beettiza geexen gidoppo.\x - \xo 3:3 \xo*\xt 1Xim 2:9\xt*\x* 
\v 4 Intte lo7eteththi Xoossa sinththan waagara diza keehi bonchchettidaazinne dhayontta geexen, ashketeththan, addateththaninne Ayanan geexettida wozina garsan qotetti diza giddo wozina lo7eteth gido. 
\v 5 Beni wode ba hidota Xoossan ooththida geeshsha maccassati geexettiday hayssa malanna; istti ba azinatas azazettida. 
\v 6 Istti azazettidaykka Saaray Abrahaame, «Ta Godoo!» gaada azazettidayssa mala; intteka lo7o miish ooththikonne issi iita miishshi inttena daganththontta aggiko intte Saara nayta.
\p
\v 7 Azinatoo! Intte intte machchetara akeekan issife de7ite; istti inttefe daaburanchcha medheteth gidida gishshassinne qasseka Xoossi coo kiyateththan immiza de7o istti inttenara issife laattanayssa gishshas intte istta bonchchite; intte hessaththo ooththiko intte woosaa dhuphiza miishshi deenna.\x - \xo 3:7 \xo*\xt Efe 5:25; Qola 3:19\xt*\x*
\s1 Lo7o Ooththiza Gishshas Waaye Be7o
\p
\v 8 Hessafe asa baggara qasse intte issoy issaara siiqon diite; hara asa bolla gakkiza meto intte meto mala xeellite; intte intte garsan ishantta mala siiqettite; ashketanne kiyata gidite. 
\v 9 Anjjite attiin isttas iita cashshas cash zaaropite; intte xeygettiday hessaththo ooththidi anjjo laattanaassa. 
\v 10 Geeshsha Maxaafay giza mala, «De7on daana koyzaynne lo7o gallassata beyanaas koyza asi ba doonappe iita haasayontta malanne ba metershatikka gene haasayontta mala naagetto. 
\v 11 Iita yo7oppe haakko, lo7o ooththo; saroteth koyonne kaallo. 
\v 12 Godaa ayfeti xillota bagga xeelleettes; iza hayththatikka istta woosaa siyanaas doya deettes; hinko iita ooththizayta gidikko Goday ba hanqo ayfeso bessana» gides.
\p
\v 13 Intte lo7o ooththanaas minettiko intte bolla iita miish gaththanay oonee? 
\v 14 Intte lo7o ooththida gishshas waaye be7ikkoka intte anjjo ekkana; asay intte bolla iita ooththanaas mandettizayssas babboftenne daro qoppofte.\x - \xo 3:14 \xo*\xt Mato 5:10; Isa 8:12-13\xt*\x* 
\v 15 Godaa Kirstoosa intte wozinan bonchchitenne iza intte de7os Godaa histtite; inttes diza hidota gishshas inttena oychchizaytas ubbaas zaaro immanaas ubba wode giigetti uttite. 
\v 16 Intte isttas immana zaaroy qasse ashketeththaninne bonchchon gido; intte Kirstoosayta gidida gishshas inttes diza lo7o amaleza gishshas iita haasayza asay ba iita haasayan yeellatana mala inttes lo7o qofay de7o. 
\v 17 Xoossa shene gidikko intte iita ooso ooththidi waayettanayssafe lo7o ooso ooththidi waayettiko lo7o. 
\v 18 Kirstoosikka nuna Xoossaako shiishshanaas izi ba hu7es Xillokoshin hankko Xillo gidontta nu nagara gishshas nam7anththettontta mala issito waayettidi hayqqides. Izi ashon hayqqides; Ayanan gidikko paxides. 
\v 19 He ayanaan qasho keeththan diza shemppotaakko biidi isttas Mishiraachcho qaalaa yootides. 
\v 20 Heyti heen woyne keeththan diza shemppoti kase Nohe wode markabezi oosetti giigshin istti simmana mala Xoossi dandayan naagishin nuni nees azazettoko gidayta. He markabezan geliin haaththafe attidayta qooday osppun gidida guuththa asata xalla.\x - \xo 3:20 \xo*\xt Medhe 6:1—7:24\xt*\x* 
\v 21 Hessi he haaththi ha7i qasse intte izan attiza xinqata leemiso; hayssi xinqatay qita bolla geeyanaas meeceteththi gidontta geeshsha qofaa ekkanaas Xoossaako shiishshiza woosa. Izi inttena ashshanaykka Yesus Kirstoosa denththaa baggara. 
\v 22 Izi pude salo biidi ha7i Xoossa achchan dees; kiitanchchatinne godateththi isttas diza wolqqamatikka izas haarettida.
\c 4
\s1 Geeshshateththan Duus
\p
\v 1 Kirstoosi ba ashon waaye ekkida gishshas intteka ola olettiza miishshe gixxida asa mala hayssa ha qofaan minnidi giigettite; ba ashon waaye be7ida asi nagara ooso aggides. 
\v 2 Hessafe guye ba diza wode ubbaan izi daanay iita asho amoteth ooson gidontta dishe Xoossa shene polonna. 
\v 3 Hinko Xoos erontta asay ooththizayssa mala intte coo mela yeda duussan asho amon, maththon, ogey baynda kaassan, wogappe aaththi uyidi durussaninne harassiza eeqa goynon kase intte aaththida wodezi inttes gidana. 
\v 4 Ha7i gidikko intte ha yo7ozan isttara wogay baynda qiixi qiixontta gishshas istti malaletteetessinne inttena cayeettes. 
\v 5 Gido attiin hayqqidayta bollanne paxa dizayta bolla pirdanaas giigi uttidayssas istti zaaro immana. 
\v 6 Hayqqidaytassara Mishiraachcho qaalay yootettiday hessa gishshassa; hessaththoka ay asa bollaka pirdiza mala istta asho bolla pirdana; istta shemppoy gidikko Xoossi diza mala de7on deyana.
\s1 Xoossa Imotata Wogara Go7eteth
\p
\v 7 Hessa gishshas wode wurseththi matides; intte minni woossanaas dandayana mala wogara diitenne woppu gida qofay inttes de7o. 
\v 8 Siiqoy daro nagara kammiza gishshas harappe bollara intte intte garsan lo7eththi siiqettite.\x - \xo 4:8 \xo*\xt Leemi 10:12\xt*\x* 
\v 9 Zuuzunththi baynda issoy issaa imaththateth mokki ekkite. 
\v 10 Dumma dumma gidida Xoossa kiyateththa imotata ammaneteththan oykkidi inttefe issi issi asi baas imettida Xoossa kiyateththa imotan hara as maaddo. 
\v 11 Tamaarsizaadey Xoossa qaala tamaarsiza mala tamaarso; haggazizaadey Xoossi izas immiza wolqqan haggazo; hessa malan Xoossi Yesus Kirstoosa baggara haniza ubbaan galatettana; bonchchoynne godateththi mernaappe mernaa gakkanaas izas gido. Amiin!
\s1 Meto Dandayo
\p
\v 12 Ta siiqotoo! Intte tama mala paacciza meto giddon geliza wode hessa malay kase baynda ooraththa miishshi gakkidaaz inttes misatiin malalettofte. 
\v 13 Hessafe bollara Kirstoosa bonchchoy qoncciza wode intte keehi ufayettana mala intte izara iza waayeza ekkizayta gidida mala ufayettite. 
\v 14 Intte Kirstoosa sunththaa gishshas cayettiko bonchcho Ayanay hessika Xoossa Ayanay intte bolla shempiza gishshas ufayettite. 
\v 15 Inttefe oona bollaka metoy gakkiko hessaadey shempo wodhida asa mala, kayso mala, iita ooththida asa malanne asa yo7o giddo coo woxxi gelidaade mala gidoppo. 
\v 16 Izi ammanizaade gidida gishshas iza bolla gakkiza metoy diikko qasse Kirstoosa sunththan izi Xoossaa galato attiin yeellatoppo.
\p
\v 17 Pirday doomettanaas wodey matides; he pirday doomettanay koyro Xoossa asaa bollako! Histtiin pirday nunan doommiko Xoossa Mishiraachcho qaalaas azazettontta ixxida asaa wurseththi ay gidanee? 
\v 18 Geeshsha Maxaafay, «Xilloyka waaydi attanaaz gidikko, hankko Xoossas goynnontta asaynne nagaranchchati waanandettoo?» giza mala.\x - \xo 4:18 \xo*\xt Leemi 11:31\xt*\x* 
\v 19 Hessa gishshas Xoossa shene mala waayettiza asati banateththaa ubbaa ammanettida bana medhdhidayssas hadara immidi lo7o ooso ooththontta aggofetto.
\c 5
\s1 Xoossa Asaa Ayssanaas Imettida Woga
\p
\v 1 Hessa gishshas tanikka isttara issife Woosa Keeththas cimanne Kirstoosa waayezas markka gidida tani qasseka buroppe qonccana bonchchoza gishettanaas diza tani inttenara diza Woosa Keeththa cimata zorays. 
\v 2 Inttes hadara imettida Xoossaa wude naagite; iza wudeza wolqqara gidontta Xoossi koyza ogera dosan heemmite; miishshas yiiqeteththan gidontta haggazanaas wozinappe koshshan gido.\x - \xo 5:2 \xo*\xt Yoha 21:15-17\xt*\x* 
\v 3 Hessaththoka intte alaafeteththaa garsan dizayta yedhdhi haaron gidontta wudezas lo7o leemiso beson gido. 
\v 4 Intte hessaththo ooththiko hankko waanna heemmizayssi qoncciza wode intte moorettontta bonchcho akilile ekkana.
\p
\v 5 Hessaththoka intteno naateththatoo! Intte cimatas azazettite; intte wurikka ashketeth afala mala may7idi issoy issaas ooththite. «Xoossi otorizayta ixxees; ashketas qasse ba kiyateth immees» geetetti kase Geeshsha Maxaafan xaafettides.\x - \xo 5:5 \xo*\xt Leemi 3:34\xt*\x* 
\v 6 Hessa gishshas Xoossi ba woden dhoqqu histtana mala mino Xoossaa kusheppe garsara inttena ziqqi histtite.\x - \xo 5:6 \xo*\xt Mato 23:12; Luqa 14:11; 18:14\xt*\x* 
\v 7 Izi inttes qoppiza gishshas inttena metiza qofaa wursi iza bolla yeggite.
\p
\v 8 Wogara de7ite! Beeggite! Intte morkke Daabulosi baas mittana miish koyishe xaaggiza gaammo mala intte yuushon harbuqees. 
\v 9 Alame kumeththaan diza intte ishati hessa mala meto ekkana dizayssa intte eridi ammanon minni eqqidi izara eqettite. 
\v 10 Intte guuththa wodes waayettidayssafe guye inttena Kirstoosa baggara mernaa bonchchos xeygida kiyateth ubbaas Goday izi barkka inttena gakkida waayezappe ashshana, maaddananne minththeththana qasseka dazgisana. 
\v 11 Bonchchoynne wolqqay mernaappe mernaa gakkanaas izas gido. Amiin.
\s1 Wurseththa Saroka
\p
\v 12 Tani izan ammanettida isha ga qoppiza Silwaanoosa baggara hayssa kiitaza qaanththara inttes xaafadis; ta hessa xaafiday inttena zoranaassinne hayssi tumu Xoossa kiyateth gididayssa inttes qonccisanaas gaadakko; hessa gishshas intte hayssan Xoossa kiyateththan minni eqqite.\x - \xo 5:12 \xo*\xt Hawa 15:22,40\xt*\x*
\p
\v 13 Intte mala doorettidaara Baabiloonen diza michcho gidida Woosa Keeththaya inttes saroka shiishshawus. Ta naa Marqoosikka inttena sarokkees.\x - \xo 5:13 \xo*\xt Hawa 12:12,25; 13:13; 15:37-39; Qola 4:10; Pilm 24\xt*\x* 
\v 14 Ammano siiqoteththan intte issoy issaa yeeri yeeri ekkidi sarokettite.
\p Inttes Kirstoosaytas ubbaas saroy gido.