\id EPH - Gaammo project 
\h Efesoone 
\toc1 Phawuloosi Efesoone Asas Xaafida Kiita 
\toc2 Efesoone 
\toc3 Efe 
\mt2 Phawuloosi 
\mt1 Efesoone Asas 
\mt2 Xaafida Kiita 
\imt1 Giddo qofa 
\ip Phawuloosi Efesoone asas xaafida kiitay harappeka kasetidi izi lo7ethi xeellizay “Xoossa sheney poletanay saloninne Sa7an diza medhetethati wurikka issife issi Kirstoosa Godatetha gars aadhdhiza wodey gakkishinna” (1:10) giza qofa bolla. Qasseka Goda Yesus Kirstoosa issifetethan asa zerethi wurikka issino gidana mala hayssa gita qofa ooson peyshshana mala Xoossa dereza qoppisizaza. 
\ip Efesoone kiitan koyro kifileza xaafezi issifetetha gish doommidi ayfe yo7oza aassidi Xoossa Aaway dereza wosti dooridakko, ba naaza Yesus Kirstoosa baggara isti ba nagarappe maaroteth demmidi waani attidakonne Xoossa gita hidota qaalay Xillo Ayana baggara waani qoncidakko erisses. Nam7antho kifilezan qasse xaafezi nababizayti issifetetha de7on Kirstoosan istas diza issifetethay tumu gidana mala isti waani waani de7anakkonne ista qoppisees. 
\ip Asay Kirstoosan diza issifetethan ay mala issifetethi istas dizaakkonne dumma dumma haasaya qommotan qoncides. Woossa keeththi Kirstoosa asateth gidishin Kirstoosi qas asatethas hu7e mala. Woossa keeththaya gimbe keeththa mala gidishin Kirstoosi qas keeththas denqeshen uttiza shuchcha mala. Woossa keeththiya machi mala gidishin Kirstoosi qas azina mala. Xaafezi Kirstoosa baggara qoncida Xoossa kiyatetha keehi dhoqisi yootiza wode ciimmatethi diza qaalan yootees. Ubba miisheka izi xeellizay Kirstoosa siiqon, iza yarshetethan, iza maarotethan, iza kiyatethaninne iza sarotetha baggarakko! 
\is1 Ha maxaafay oykkida kumeththa qofa 
\io1 Geloso 1:1-2 
\io1 Kirstoosanne Woossa Keeththe 1:3-3:21 
\io1 Kirstoosan gidida ooratha de7o 4:1-6:20 
\io1 Kuushsha qofa 6:1-24 
\c 1  
\p  
\v 1 Xoossa shene mala Yesus Kirstoosa Hawaare gidida Phawuloosappe. Yesus Kirstoosan diza ammanettizaytas Efesoonen ammaniza asas. \x * \xo 1:1 \xt Hawa 18:19-21\x* 
\v 2 Nu Aawa Xoossafenne Goda Yesus Kirstoosappe kiyatethinne sarotethi intes gido. 
\s1 Kirstoosappe beettiza Ayana anjo 
\p  
\v 3 Nu Goda Yesus Kirstoosa baggara salon Ayana anjo ubban nuna anjida Goda Yesus Kirstoosa Aaway Xoossi anjeto.  
\v 4 Nu iza sinthan geeshshinne wosoy bayndayta gidana mala buro alamey medhetanappe kase ba siiqon Kirstoosa baggara nuna doorides.  
\v 5 Yesus Kirstoosa baggara nu iza naa gidana mala ba lo7o qofan koyro wursi woththides.  
\v 6 Hessika ba dosizadde baggara coo mela nuus imettida boncho kiyatethay galatettana mala. 
\p  
\v 7 Xoossa aadho kiyatetha duretethafe dendoyssan Yesusa suuthan wozetidi nagarappe nu maaretidos. \x * \xo 1:7 \xt Qola 1:14\x* 
\v 8 Izi ba kiyatetha, hiillatethaninne erateth ubban nu bolla keehi darsides.  
\v 9 Xoossi qoppida xuura ba qofa Kirstoosa baggara ba lo7o qofa mala nuna erisides.  
\v 10 Buroppe wode wursethan hananas diza iza qofay sallo bollanne biitta bolla dizaytas ubbas hu7e gidida Yesus Kirstoosappe wursi gars aaththanassa.  
\v 11 Wursikka ba shene mala ooththiza iza shenen koyrokka izi qoppi woththidayti nuni izan doorettidos.  
\v 12 Nuni kasetidi Kirstoosa baggara ekana giidi ufayssaN naagizayti Xoossa boncho galatan qoncisanasa. 
\p  
\v 13 Inteka qasse tuma qaala hessikka intena ashshiza Mishiraachcho qaala siydi Kirstoosan ammanideta. Iza ammanidi kase imettana geetettida Xillo Ayana matamen atamettideta.  
\v 14 He Ayanazikka iza boncho galatan qoncisana mala Xoossi erays gididayta ubbata wozana gakkanaas nu laatas oytho. 
\s1 Galatanne woossa 
\p  
\v 15-16 Hessa gish inte Goda Yesusa amannida gishshinne ammaniza asa inte siiqizayssa ta siyosappe ha simmin intena qoppa qoppa ekada tani ta woossan inte gish Xoossas galata shiisho aggabeyke.  
\v 17 Boncho Aawa gidida nu Goda Yesus Kirstoosa Aawa Xoossa inte lo7ethi erana mala Qoncisiza Ayanaynne Eratetha Ayanay intes imettana mala ta intes pacey baynda woossays.  
\v 18 Hessathoka inte izan xeeygetida ufayssay hessikka ammanizayta achchan diza iza duretethay aazakkone inte erana mala inte wozna ayfey poo7ana mala woossays. 
\p  
\v 19-20 Nuus ammanizaytas ubbafe bolla gidida iza wolqa dhoqateth inte erana mala ta woossays. He wolqaykka iza gitateththa minotetha ooson bessidaysi hayqoppe Kirstoosa denthidi salon ba ushachchan uttissida Kirstoosa baggara. \x * \xo 1:19-20 \xt Maza 110:1\x* 
\v 21 Ayssizaytappe, godateththappe, wolqafenne kawoteththafe qasseka ha7i xalla gidonta buroppe yaana wodekka gidin sunth ubbafe izi bolla.  
\v 22 Xoossi hara wursi iza tohoppe garsan haarisides. Woossa keeththanka ubba bolla hu7e ooththides. \x * \xo 1:22 \xt Maza 8:6\x* 
\v 23 Woossa keeththiya Kirstoosa asatetha. He izakka ubbason ubba miish kunthiza he iza kumetha. 
\c 2  
\s1 Kirstoosi paxi dendides 
\p  
\v 1 Inte inte qohida qoho gishshinne inte nagara gaason hayqqideyta shin,  
\v 2 hessa inte hayssa alameza iita ooge kaallideta. Bolla carko bolla diza wolqama haarizayssas ha7ikka Xoossas azazettonta asa bolla ooththiza iita ayanas inte azazettishe gam7ideta.  
\v 3 Hayssafe kase nuni nu asho amoteth polishe ashoy koyiza oge kaallishe istara doos. Nunikka hanko asa mala nu medhetethafe Xoossa hanqo giddon de7oos. 
\p  
\v 4-5 Gido attin Xoossi keehi siiqida gish ba maarotetha daron nuni nu qoho dareteththan hayqqidayta gidi dishin Kirstoosa baggara nuna ashshides. Inte paxiday iza kiyatethanna.  
\v 6 Xoossi nuna Kirstoosara gaththi denthides. Yesus Kirstoosa baggara nuna salon banara uttissides.  
\v 7 Hessika hayssafe guye yaana wodezan Yesus Kirstoosi nuus ba kiyatethan qoncisida zaway baynda ba kiyatetha duretetha nuna bessanasa.  
\v 8 Inte Xoossa kiyatethan ammanon attideta. Hessika Xoossi intes mela coo imidazappe attin inte oosoppe gidenna.  
\v 9 Oonikka ceeqqettonta mala oosoppe gidenna.  
\v 10 Hessika Xoossi kase koyro giigissi woththida lo7o ooso nuni ooththana mala Yesus Kirstoosa baggara nuni nam7antho medhetidaytanne Xoossa medhetethata. 
\s1 Kirstoosan beettida issifeteth 
\p  
\v 11 Hessa gish inte kase inte yeletethan Ayzaabeti inte asatetha bolla asa kushe ooso geedon “Nuni qaxxarettidos” giza asati intena “Qaxxaretontayta” gizayto! Inte hessa ane woznan woththite.  
\v 12 Inte he wode Kirstoosappe shaaketidi, Isra7eele naytappe hakkidi, caaqo qaalassikka alaga gididi, hayssa alameza bolla hidotaynne Xoossi baynda inte kase dizayssa yuushi qoppite.  
\v 13 Ha7i qasse inte kase hahon dizayti Yesus Kirstoosan gididi iza suutha baggara shiiqideta. 
\p  
\v 14 Nam7ata issi bolla gaththidi giddon shaakki ooshiza miisha laallida nu saroy iza.  
\v 15 Woga, woga azazora gaththi issife ba ashon shaarides. Hessa izi ooththida gaasoy izas waanna qofay nam7atappe issi ooratha as ba baggara medhidi saroteth ehanasa.  
\v 16 Izi masqale bolla hayqqidi morketeth diggides. Nam7ataka issi asho histidi Xoossara maqayinthides. \x * \xo 2:16 \xt Qola 1:20\x* 
\v 17 Izi yiidi intena hakki dizaytassinne matan dizaytas gaththi saroteth sabakides. \x * \xo 2:17 \xt Isa 57:19\x* 
\v 18 Nu wurikka iza baggara issi Ayanan Aawa ach shiiqana. 
\p  
\v 19 Hessa gish inte ammanizaytara issife issi dere asanne Xoossas so asa attin hayssafe guye betetanne imathata gidekketa.  
\v 20 Inte Hawaaretanne nabeta baasan keexettideta; keeththas wursetha kuushshay Yesus Kirstoosa.  
\v 21 Keeththazi wurikka issife oyketidi Godas dumma keeththe gidanas diccees.  
\v 22 Intenka Xoossi ba Ayanan daanas izas duussaso gidana mala issife keexxetishe deeta. 
\c 3  
\s1 Ayzaabetas Hawaare gidida Phawuloosa 
\p  
\v 1 Hessa geedon ta Phawuloosi intes ammanontayta gish Yesus Kirstoosi qachidade gidadis.  
\v 2 Ta intena go7ana mala Xoossi kiyatethan taas oosos exxa immidayssa inte tumappe siyideta.  
\v 3 Hayssafe kase ta intes qaanthara xaafida mala taas qoncin ta eranas dandayida xuuray hayssa.  
\v 4 Hessa gish inte hessa nababishe Kirstoosa xuura ta ay mala eridakkone inteka eranas dandayeeta.  
\v 5 He xuuraykka ha7i ammaniza Hawaaretassinne nabetas qoncida mala kase beni aadhdhida wode diza asataska qoncibenna.  
\v 6 Hessi he xuuray Ayzaabeti Mishiraachcho qaala baggara Isra7eele naytara issife laattizayta; issife issade asateth mala gididi Yesus Kirstoosa baggara beettida hidota issife gishetti laattizayta gidanassa. 
\p  
\v 7 Takka iza wolqa ooso mala taas imettida Xoossa kiyatetha imota mala hayssa Mishiraachcho qaala oosancha gidadis.  
\v 8 Ta qas hanko ammaniza asappe laafa gidikkokka oonikka zaway baynda Kirstoosa dureteth Ayzaabetas sabakana mala Xoossa kiyatethan hayssi taas imettides.  
\v 9 Hessathoka wursikka medhdhida Xoossan beni wode qoteti diza Xooossas xuura qofay aazakonne ubbas ta qoncisana mala taas Xoossa kiyatethi imettides.  
\v 10 Iza qofay ha7i wode Woossa Keeththa baggara dumma dumma medhay diza Xoossa hiillatethi salon diza halaqatassinne godatas erettana mala hanides. 
\p  
\v 11 Xoossi nu Goda Yesus Kirstoosa baggara hayssa poliday merna ba qofa mala.  
\v 12 Nuni izayta gidida gishshinne izan ammanida gish geeshshateththaranne hirgay baynda nuni Xoossako shiiqana dandayoos.  
\v 13 Hessa gish inte bonchettana mala tani inte gish ta bolla gakkida waayezan inte ufays qanxonta mala ta intena hadara gays. 
\s1 Efesoonen ammaniza asas woossetida woossa 
\p  
\v 14 Hessa gish tani Xoossa sinthan gulbatays.  
\v 15 Salon dizaynne biitta bolla diza izaso asay wurikka izi sunthin summes.  
\v 16 Inte garsa baggara minnana mala Ayana baggara iza boncho duretethay intes imettana mala ta woossays.  
\v 17 Hessika Kirstoosi inte woznan ammanon daana malanne qasseka inte izan xaphidi siiqon minnana mala.  
\v 18 Kirstoosa siiqos aahotethay, adusatethay, dhoqatethaynne cimateththay ay ginakko inte ammaniza asa ubbara issife shaakki erana mala.  
\v 19 Inte Xoossa kumeththara shaakki eridi izan kumeth gidana mala asa erappe bolla gidida Kirstoosa siiqo inte erana mala ta woossays.  
\v 20 Hessa gish nu giddon ooththiza ba wolqa gina nu woossizayssafenne woykko nu qoppizayssafe ubbafe bollara keehi darsi ooththanas dandayiza Xoossas,  
\v 21 Woossa keeththan qasseka Yesus Kirstoosa baggara wode ubban mernappe merna gakkanaas izas bonchoy gido. Amiin. 
\c 4  
\s1 Kirstoosa baggara betida issifeteth 
\p  
\v 1 Hessa gish Goda sunthan qashetida tani inte xeeygetida xeeyssas bessiza duus daana mala intena woossays.  
\v 2 Mulekka ashketanne shugota gidite. Issoy issara siiqon diitenne issoy issa dandayite. \x * \xo 4:2 \xt Qola 3:12-13\x* 
\v 3 Saroteth immiza Ayana issifeteth naaganas minnite.  
\v 4 Inte xeeygettida gallas issi hidotaako xeeygetida mala issi asatethinne issi Ayanay dees.  
\v 5 Issi Goday, issi ammanoynne issi xinqatay dees.  
\v 6 Ubbafe bollara gididay, ubba bolla ooththizay, ubbason dizay, ubbas Aawa gidida issi Xoossi dees. 
\p  
\v 7 Gidikkokka Kirstoosi immana gi qachida mala nuus issas issas dumma dumma imotethi imettides.  
\v 8 Hessa gish 
\q2 “Izi pude kezida wode di7o di7ides; 
\q3 Asas kiyatetha imota immides” 
\m geetetti Geeshsha Maxaafan xafetidees. \x * \xo 4:8 \xt Maza 68:18\x* 
\v 9 Histin “Izi pude kezides” guussi qasseka duge biitta gars wodhdhides guus gidonta agikko hessi ay guussee?  
\v 10 Izi duge garse wodhdhidayssi kumeth alame medheteth kumana mala saloppekka bolla keziday iza. 
\p  
\v 11 Issi issi asati Hawaareta, baggati Nabeta, harati Mishiraachcho qaala sabake, baggayti qasse heemmizaytanne tamarsizayta gidana mala izi imota immides.  
\v 12 Hessika Kirstoosa asateth gidida Woossa Keeththiya keexettana mala ammanizayta ammano oosos giigissanassa.  
\v 13 Hessika hananay nu wurikka Xoossa Naa ammanoninne iza eron beettiza issifetethako gakkidi kumeththa as gidanas Kirstoosan nuni Kirstoosatho kumeththinne polo gidana mala. 
\p  
\v 14 Hessa gish abba bolla dendiza gote carkoy heenne ha shocechiza mala dumma dumma timirte carkon asa geneninne baleththon ane nuni heenne ha phonqetishe qeeri guutha nayta mala hanokko.  
\v 15 Hessatho hano aggidi tuma siiqon haasayishe hu7e gididayssakko hanizazan ubban ane diccoos. He hu7ezika Kirstoosa.  
\v 16 Iza geedon asatethi wuri xaphon oyketidi issi issi asatethi ba ooso ooththishe wurikka siiqon diccessinne banaka minthes. \x * \xo 4:16 \xt Qola 2:19\x* 
\s1 Poo7o nayta mala duus 
\p  
\v 17 Ayzaabeta mala coo mela qofan mela simeretanas intes bessenna gaada ta intena zorays.  
\v 18 Ista woznay muumida gishshinne yuushi qopponta gish ista wozna ayfey qooqides. Isti Xoossa de7oppe shaaketida.  
\v 19 Ista woznay doccida gish kalloy baynda ba koyda mala bana kalthonta amoninne tunatethan daanas wogay baynda iita oosos bana aaththi immida. 
\p  
\v 20 Inte qasse Kirstoosa hessa malan eribeyketa.  
\v 21 Ee tumukka inte iza gish siyidetanne Yesusan diza tuma izappe tamarideta.  
\v 22 Inte kase diza dussay baleththiza amon qitattida gish kase ceega asateth intefe qari yeggana mala tamarideta. \x * \xo 4:22 \xt Qola 3:9\x* 
\v 23 Qasseka inte qofay Ayanan ooraxo.  
\v 24 Tumu xillotethaninne geeshshatethan Xoosse misatana medhetida ooratha asateth may7ite. \x * \xo 4:24 \xt Qola 3:10\x* 
\p  
\v 25 Nu wurikka issi asho gidida gish wordoteth diggidi nuni nu garsan issoy issara ane tuma hasayos. \x * \xo 4:25 \xt Zaka 8:16\x* 
\v 26 Hanqettite shin nagara ooththofte; inte hanqon dishin awa arshey wullofo. \x * \xo 4:26 \xt Maza 4:4\x* 
\v 27 Xala7es soho immofte.  
\v 28 Kase kaysotizadey hayssafe guye kaysotoppa. Gido attin metotetidi iza woossizaytas immiza miish iza kushen daana mala lo7o miish ba kushera ooththi demmanas daaburo. 
\p  
\v 29 Koshshiza mala hanko siyizayta go7izazinne maaddiza qaalappe attin go7oy baynda qaalay inte duunappe kezoppo.  
\v 30 Inte attana gallassas atamettida Xoossa Xillo Ayana mishisoppite.  
\v 31 Camo yo7o wursi hanqokka, yiillo, oosh, cashshe, qasseka hanko hara iitateth wursi intefe diggite.  
\v 32 Intena Xoossi Kirstoosa baggara atto gida mala inteka inte garsan atto atto geetettite; issoy issara kiyatanne issoy issas qadhetizayta gidite. \x * \xo 4:32 \xt Qola 3:13\x* 
\c 5  
\p  
\v 1 Hessa gish inte dosettiza nayta mala Xoosse misatite.  
\v 2 Kirstoosi nuna siiqida mala qasseka nu gish bana sawiza yarsho ooth Xoossas immida mala inteka siiqon simeretite. \x * \xo 5:2 \xt Kessa 29:18; Maza 40:6\x* 
\p  
\v 3 Laymay woykko tunatethi woykko uuzetethi mulekka inte giddon betoy attin zigirsikka siyetofo. Hessa malay geeshsha Xoossa asas bessenna.  
\v 4 Inte galata galatizayta gidite attin ase yellachiza laafa haasayay coo eeyateththa yo7oy intes besontaa gish hessa malay inte garsan dooppo.  
\v 5 Qasseka inte laymatizaytas woykko tunatas woykko uuzetizaytassinne eqqas goynnizaytas Kirstoosa kawoteththaninne Xoossa Kawoteththan istas laatasoy bayndayssa inte erite. 
\p  
\v 6 Intena oonikka wordo hasayon baleththofo. Gaasoyka Xoossa hanqoy izas azazettonta nayta bolla yaanay haytanta malanna.  
\v 7 Hessa gish hessanta malara zupetoppite.  
\v 8 Kase inte dhuma shin Godan ha7i inte poo7o. Inte poo7o nayta mala diite.  
\v 9 Poo7os ayfey lo7etethan, Xillotethaninne tumatethan ubban dees. 
\p  
\v 10 Hessathoka Goda ufaysiza miish koyite.  
\v 11 Ayfey baynda dhuma oosora intes aykko gagoteththi dooppo. Hessafe iita ooso qonce kessite.  
\v 12 Dhuman diza asati geeman ooththiza miisha gish haasayayka yellaches.  
\v 13 Poo7oy poo7idazi wuri qonceen bettes.  
\v 14 Gaasoyka wursi bessizay poo7o. Hessa gish “Neno, dhiskizaysso beegga! Hayqoppe denda, Kirstoosi nees poo7isana” geetettides. 
\p  
\v 15 Hessa gish eratethi bayndayta mala gidonta inte waanidi erata mala daanakkonne naagetite.  
\v 16 Hayssi wodezi iita gidida gish hessa lo7ethi eritte. \x * \xo 5:16 \xt Qola 4:5\x* 
\v 17 Hessa gish eeyata gidopite; Goda sheney azakkonne yuushi qoppite. 
\p  
\v 18 Ayanay kumidayta gidite attin mathosiza ushshan mathotofte. Hessi mela miisha laaleththa.  
\v 19 Ayana yethan galatara gaththi yexishe inte giddon issoy issara hasayettite. Inte sabaninne yethan kumeththa woznappe Goda galattite.  
\v 20 Hessan Xoossa Aawa, Goda Yesus Kirstoosa suntha ubba miishas ubba wode galattite. 
\s1 Machonne azina 
\p  
\v 21 Inte Kirstoosa bonchos giidi yashshara issoy issas azazetite. 
\p  
\v 22 Macheto inte Godas haarettiza mala inte azinatas haarettite. \x * \xo 5:22 \xt Qola 3:18; 1Phex 3:1\x* 
\v 23 Kirstoosi ba asho gidida Woossa Keeththays hu7e gidida mala azinaykka ba macheysi hu7e.  
\v 24 Hessa gish Woossa Keeththiya Kirstoosas azazettiza mala machetikka ba azinatas ay hanonka azazettanas bessees. 
\p  
\v 25 Azinato! Kirstoosi Woossa Keeththayo siiqida malanne bana izi gish aaththi immida mala inteka inte macheta siiqite. \x * \xo 5:25 \xt Qola 3:19; 1Phex 3:7\x* 
\v 26 Ba qaala baggara haaththan meeci geshshidi erays dummasida mala.  
\v 27 Hessathoka qitay woykko ayfeso xirphotethi woykko issi iitay izi bolla beettonta geeshinne balay izi bolla bayndaro boncho Woossa Keeththe histidi erays shiishanassa.  
\v 28 Azinatikka hessatho ba macheta ba asho mala siiqanas bessees. Ba macho siiqizadey bana siiqees.  
\v 29 Barka bana ixizadey oonikka baawa. Ba ashos meessinne bana naagees. Kirstoossikka Woossa Keeththas hinnitho ooththides.  
\v 30 Nuni Kirstoosa asatetha.  
\v 31 Hessa gish “Asi aayonne aawa aggidi ba macheyra issino gides; nam7aykka issi asho gidettes” geetetti Geeshsha Maxaafan xafettides. \x * \xo 5:31 \xt Medhe 2:24\x* 
\v 32 Hayssi daro xuura yo7o, takka hayssa Kirstoosa gishshinne Woossa Keeththa gish yootays.  
\v 33 Gidikkokka intefe issi issadey ba macho bana siiqiza mala siiqo; machakka ba azina bonchu. 
\c 6  
\s1 Yelidaytanne Nayta 
\p  
\v 1 Nayto! Inte intena yelidaytas Godan azazetite. Hessi intes bessees. \x * \xo 6:1 \xt Qola 3:20\x* 
\v 2 “Ne aawanne ne aayiyo boncha” giza azazo giddon diza hidotay koyro azazo.  
\v 3 Ne hessatho ooththikko nees lo7ananne nees laythay biitta bolla aduqana.  
\v 4 Yelidayto! Inteka inte nayta hanqeethofte; gido attin inte nayta Goda zoreninne seeran dichchite. \x * \xo 6:4 \xt Qola 3:21\x* 
\s1 Ooththisizaytanne ooththizayta 
\p  
\v 5 Oosanchato inte Kirstoosas azazettiza mala biitta bolla intena ooththisizaytas yashshatethaninne bonchon suure woznappe azazetite.  
\v 6 Coo asa ayfen bettana malanne ooththisizaytappe duna anjo ekanas gidonta inte Kirstoosa aylleeta mala Xoossa shene kumeththa woznappe polana mala woznappe azazetite.  
\v 7 Asas ooththiza mala gidonta Godas ooththiza mala inte kumeth woznappe ooththite.  
\v 8 Gaasoyka aylle gidin woykko goda gidin ba ooththiza lo7o oosos ubbas woyto ekkanayssa inte ereeta. 
\p  
\v 9 Inteno godato! Inteka inte ooththisizaytas hessatho ooththite. Istasinne intes Goda gididay bolla salon dizayssa; izikka as ayfeso xeelli maadontayssakka inteka eriiza gish oosanchata babiso aggidi lo7o ooththite. \x * \xo 6:9 \xt Qola 4:1; Zaare 10:17; Qola 3:25\x* 
\s1 Xoossafe beettiza ola miish 
\p  
\v 10 Hara baggara mino Godaninne iza gita wolqan minnite.  
\v 11 Dabulosa gene ooso inte eqetanas dandayana mala Xoossa ola may7ota mayte.  
\v 12 Gaasoyka nu oletanay ashoranne suuthara gidonta hayssa dhuma alameza haariza godataranne wolqamatara qasseka sallo bolla diza tuna ayana olanchatara olettos.  
\v 13 Iita gallassay gakkishin inte morke wolqara eqetanas dandayana mala Xoossa ola may7ota kumeth may7ite. Inte ubbakka polidappe guye minni eqqanas dandayeeta. 
\p  
\v 14 Hessa gish inte xeessan tuma zinnare mala dancettidi xillotetha xurureta mala tiran may7idi,\f + \fr 6:14 \ft xurure gussi beni wode ola asati tiran may7iza ola may7o.\f*\x * \xo 6:14 \xt Isa 11:5; 59:17\x* 
\v 15 sarotetha Mishiraachcho qaala tohon caamma mala aaththidi giigeti eqiite. \x * \xo 6:15 \xt Isa 52:7\x* 
\v 16 Heytantafeka bollara tama mala poppol7u giza iita ayana wondafeta inte wursi toyssana dandayana mala ammano gondalle mala denthite.  
\v 17 Atoteth birata qoobe mala hu7en woththite. Ayana giththa mashsha oykkite; hessikka Xoossa qaala. \x * \xo 6:17 \xt Isa 59:17\x* 
\p  
\v 18 Woossan ay hanonka Ayanan woossite. Hessa qoppidi beeggite; ammanizayta ubba gish qanxonta woassite.  
\v 19 Tani Mishiraachcho qaala xuura asas qoncisanas duna doyiza ubba wode yashshi baynda ta xalatethan yootana qaalay taas imettana mala taas woossite.  
\v 20 Tani Mishiraachcho qaala gish sansalatan qashetada kiitettidade gididay hessassa. Hessa gish ta yootanas bessizaysa babbonta yootana mala taas woossite. 
\s1 Wursetha saroka 
\p  
\v 21 Ta ay mala dizaakkonne ay ooththizakko inte erana mala dosettida ta ishay Godas ammanettida oosanchay Tiqiqoossi intes hanidayssa wursikka intes yootana. \x * \xo 6:21 \xt Hawa 20:4; 2Xim 4:12\x* 
\v 22 Inte nu hanoteth erana malanne inte wozna izi minthethana mala ta iza intekko yeddadis. \x * \xo 6:22 \xt Qola 4:7-8\x* 
\p  
\v 23 Aawa Xoossafe, Goda Yesus Kirstoossappe sarotethinne siiqoy ammanora intes ta ishatas gido.  
\v 24 Goda Yesus Kirstoosa pacey baynda siiqiza ubbas sarotethi gido. Amiin.