\id 2TI - Gaammo project 
\h 2 Ximtoosa 
\toc1 Phawuloosi Ximtoosas Xaafida Nam7antho Kiita 
\toc2 2 Ximtoosa 
\toc3 2Xim 
\mt2 Phawuloosi 
\mt1 Ximtoosas 
\mt2 Xaafida Nam7antho Kiita 
\imt1 Giddo qofa 
\ip Phawuloosi Ximtoosas xaafida ha nam7antho kiitay Phawuloosi erays daro maaddo giidi bana maaddiza ooso lagge gidida naatetha naa Ximtoosas yeddida zore qaala oykides. Phawuloosi Ximtoosa izi daro dandayan minnana mala zorides. Ximtoossi Phawuloosappe ekkida mino zore qaalay issi Yesus Kirstoosa gish ammanettidi markattana mala Mishiraachcho qaalanne kase gal7a caaqo garsan diza timirtezakka minthi oykkana malanne izas aykko waayey darikkoka tamarsoninne Mishiraachcho qaala sabakko aggonta minnana malassa. 
\ip Ximtoosas imettida mino yo7oy coo mela eeyateththan asay palametiza yo7oppe izi haakkana malassa. Hessa mala yo7oy siyizayta moores attin izi immiza hara go7ay deenna. 
\ip Hayssa ubban Ximtoossi yuushi qoppanas bessizay Phawuloosi ammanon waani de7idakkonne, izi ay mala gencidakkonne iza siiqoza, iza minotethanne iza bolla gakkida waayeza leemiso izi kaallana mala. Phawuloosi hayssa ha kiita xaafiday ba laytha wursethan hayqo pirday iza bolla pirdeti uttin izi hayqo naagiza wode. (2Xim 4:6-8) 
\is1 Ha maxaafay oykkida kumeththa qofa 
\io1 Geloso 1:1-2 
\io1 Ximtoosas imettida zore 1:3-2:13 
\io1 Asay kadiza wode minni eqo 2:14-4:5 
\io1 He wode diza hanotanne heyta gish imettida zoreta 4:6-18 
\io1 Kuushsha qofa 4:19-22 
\c 1  
\p  
\v 1 Yesus Kirstoosara issifetethan diza de7o hidota qaala gish yootana mala Xoossa shenen Yesus Kirstoosa Hawaare gidida Phawuloosappe,  
\v 2 dosettida ta naa Ximtoosas kiyatethi, maarotethinne sarotethi Xoossa Aawappe Goda Yesus Kirstoosappe nees gido. \x * \xo 1:2 \xt Hawa 16:1\x* 
\s1 Ximtoosas imettida zore 
\p  
\v 3 Pacey baynda gallassinne qamma ne gish woossan qofisashe kase Aawati ooththida mala geeshsha woznara ta gooynniza Xoossa ta galatays.  
\v 4 Kase ne afuntha qoppa ekkada ta nena beyada ufayettana laamotays.  
\v 5 Qoodheppe qommon gidonta ne ammanoza ta qoppays. He ammanoyka koyro ne aayey aayn Loydininne qasseka ne aayeyn Ewonqen dees. Ha7i qas ne bolla dizayssakka ta eradis. \x * \xo 1:5 \xt Hawa 16:1\x* 
\v 6 Hessa gish tani ta kushe ne bolla woththin ne ekkidayssa ne bolla diza Xoossa imota ne dentheththana mala ta nena qofissays.  
\v 7 Xoossi nuus nuni nu hu7e haaranas Xoossa wolqa eranasinne siiqettana Ayana immides attin babo ayana immibenna. 
\p  
\v 8 Hessa gish Goda gish markatanas woykko Goda gish qashetida tanan yeellatoppa. Gido attin Xoossa wolqara mishiraachcho qaala gish tanara meto ekka.  
\v 9 Nu aykkokka ooththida gish gidonta dishin ba qofa malanne ba kiyatetha mala nuna ashshidaynne nuna erays dummasidi izi xeygides. He iza kiyatethay merna wodeppe kase Yesus Kirstoosa baggara nuus imettides.  
\v 10 Ha7i qas izi hayqo wursi dhayssidi mishiraachcho qaala baggara nuna poo7on kessida nu dhale Yesus Kirstoosa yuussan qoncides. 
\p  
\v 11 Takka hayssa ha mishiraachcho qaala yootizade, kiitettidadenne astamare gidada shuumetadis. \x * \xo 1:11 \xt 1Xim 2:7\x* 
\v 12 Tani meto beyizaykka hessa gishassa. Gidikkokka ta oona ammanizakkone tani ta ammanizade shaaka eriza gish izan yeellatikke. Ta izas immida hadara he gallassiya gakkanaas izi naaganas dandayizayssa ta shaaka eradis. 
\p  
\v 13 Ne taappe siyida timirteza Yesus Kirstoosara issifetethan diza ammanoninne siiqon leemiso histada oykka.  
\v 14 Nees imettida lo7o hadara nunan diza Xillo Ayanan naaga.  
\v 15 Iisiya awurajja giddon dizayti wurikka tana aggidayssa ne eraasa. Filgoossinne Hermogeenessi tana aggida asa giddon deettes.  
\v 16 Heneessifore so asa Goday maaro; aysi giikko izi tana daro wode minthethidessinne; ta sansalatan qasheta dishin tana beydi yeellatibenna.  
\v 17 Harappeka izi Oroome yida wode tana koy koydi demmides.  
\v 18 Wursetha pirda gallas Goday iza pirdafe ashsho. Izi tana Efesoonen ay mala maaddidakkone ne lo7etha eraasa. 
\c 2  
\p  
\v 1 Hessa gish, ta naazo neni Goda Yesus Kirstoosa kiyatethan minna.  
\v 2 Daro markata sinthan ne taappe siyidayssa harata tamarsanas dandayizaytassinne ammanettida asatas hadara imma. 
\p  
\v 3 Yesus Kirstoosas ammanettida lo7o wotadera mala tanara meto ekka.  
\v 4 Wotadaratethan ooththizadey ba halaqa ufayssanas dafettes attin hara bana qaxethiza ooson geli erena.  
\v 5 Hessathoka gaadde woxxizadey wotha woga naagonta woxxikko xoono aklile ekkenna.  
\v 6 Gooba goshshanchay ba goyi kessida kaththa xeera mizade gidanas bessees.  
\v 7 Ta nees gizayssa ne woznan wotha siyikko Goday nees yo7o ubban akeekka immana. 
\p  
\v 8 Hayqoppe dendida Dawute zereth gidida Yesus Kirstoosa qoppa; ta yootiza mishiraachcho qaalaykka hessa.  
\v 9 Hessa geedon iita ooththida asa mala qashettana gakkanaas waaye beyays. Gido attin Xoossa qaalay qashetenna.  
\v 10 Hessa gish Kirstoosa baggara diza atottethinne merna boncho demmana doorettidayta gish gaada wursakka dandayadis. 
\p  
\v 11 “Nu izara issife hayqqikko qasse 
\q3 nu izara de7on daana. 
\q1  
\v 12 Dandayan minnikko 
\q3 nu izara kawotana. 
\q2 Nu iza kaadikko 
\q3 izikka nuna kaadana. \x * \xo 2:12 \xt Mato 10:33; Luqa 12:9\x* 
\q1  
\v 13 Nu izas ammanetontayta gidikko 
\q3 izi mernas ammanettida mala daana. 
\q2 Izi barka bana kaadana dandayenna” 
\m geetettida qaalay ammanettidayssa. 
\s1 Mino oosancha 
\p  
\v 14 Hayta ha yo7ota gish asa qofiso aggofa. Asay ba giddon issoy issara qaala geedon paalametonta mala Xoossa sunthan zora. Hessa mala yo7oy siyizayta moores.  
\v 15 Tumu Xoossa qaala yootizade, yeellachonta oosanchanne asi ne gish lo7o markattizade gidada nenateth wursa Xoossa sinth shiishshanas minna.  
\v 16 Coo mela duuna lalabeteththafe haakka. Hessa mala yo7on waaxetida asati Xoossafe haakki haakki bettes.  
\v 17 Ista timirtey sakidi paxonta gede gujji gujji daakketti biza maduntha mala. Hemenewoossinne Filxoosa geetettizayti hessa mala timirte tamarizayta giddon deettes.  
\v 18 Heyti tumatethafe haakkidi coo mela waayetes. Istika hayqoppe denthi hayssafe kase hanni aadhdhides giidi issi issi asa ammano guye shiri yeggeetes. 
\p  
\v 19 Gido attin “Goday erays gidizayta erees” qasseka “Goda sunth xeygizay wuri iitappe haakko” giza matamey iza bolla diza laamettonta Xoossa koyro qofay laamettibenna. 
\p  
\v 20 Issi gita keeththan worqafenne birappe xalla gidonta mithafenne urqafe oosetidayti dizayssaththo heytantafeka baggayti boncho oosos, baggayti qas hiraaysso oosos ekkettettes.  
\v 21 Hessa gish oonikka hayta ta gida iita yo7otappe bana geeshshikko hesadey boncho oosos gidizaddenne anjettidade; Goda go7izaddenne lo7o oosos giigettidade gidana. 
\p  
\v 22 Paanthatetha iita amotethafe baqata. Geeshsha woznara Goda xeygiza asatara xilloteth, ammano, siiqonne saroteth kaalla. 
\p  
\v 23 Go7aynne hidotay baynda eeyata palamappe haakka. Ayssi giikko hessanta malay oosh kaaleththizayssa ne eraassa.  
\v 24 Goda oosanchay asara oyeetanas bessenna. Hessafe asa ubba achchan kiya, as tamarsanas dandayizadenne mino as gidanas bessees.  
\v 25 Izi banara eqqetiza asata ashketethara oykkizade gidanas bessees. Oone erizay isti tuma erana mala Xoossi istas maarettanas wode immana dandayees.  
\v 26 Hessika isti yuushi qoppi simmidi iza shene kunthana mala ista di7i efida Xala7e narxafe isti keessi ekkana. 
\c 3  
\s1 Wursetha woden yaana metota 
\p  
\v 1 Gido attin wode wursethan as metiza wodey yaanayssa ne era.  
\v 2 Asay bana dosizadde gidana, miishe siiqizayta, banan ceeqqettizayta, otoranchata, cashshanchata, bana yelidaytas azazetontayta, galatontaytanne geeshshatethi bayndayta,  
\v 3 siiqoy bayndayta, atto gi maarontayta, asa sunth moorizayta, barka bana haarontayta, menxe iita, lo7o miish dosontayta,  
\v 4 kaadizayta, naagetontayta, coo mela otoretethan kumidayta, Xoossafe aaththidi lo7o deeth dosizayta gidana.  
\v 5 Ammaniza as misatana shin ammanos diza wolqa kadana. Heyta malatappe ne haakka. 
\p  
\v 6 Heytanti issi issi keeththe kalxi gelidi daro deexo nagaraninne dumma dumma iita amotetha gars gelidi heene ha qaaxiza ammanon laafa macasata qaxi oykettes.  
\v 7 Heyta mala macasati ubba wode tamareetes shin tuma eri erettenna.  
\v 8 Iyaneessinne Iyanbaraassi Muse bolla dendida mala haytikka ista qofay mooretin erays ammanoppe kundida gish tumateth ixettes. \x * \xo 3:8 \xt Kessa 7:11\x* 
\v 9 Gido attin ista qofay kumenna. Gaasoyka Iyaneessanne Iyanbarasa eeyateth asas qoncida malaka hayta hanoykka ubbas qoncana. 
\s1 Phawuloosi Ximtoosas immida hadara 
\p  
\v 10 Ne gidikko ta timirteza, ta duussa, ta waanna qofa, ta ammanoza, ta dandaya, ta siiqozanne ta minotetha wursa eraasa.  
\v 11 Ta goodeteththanne ta waayeza Anxokiyan, Iqoniyooninne Listiranka ta bolla gakkidayssa wursa ta dandayan ekkidayssa ne eraassa. Gidikkokka Goday hessa ubbafe tana ashshides. \x * \xo 3:11 \xt Hawa 13:14-52; 14:1-20\x* 
\v 12 Tumappe Yesus Kirstoosa geeshsha woznappe ammani daana gizayti wurikka goodettizayta gidana.  
\v 13 Iita baleththiza asati erays balettidi asa baleththishe iitatetha bolla iitateth gujji gujji baana. 
\p  
\v 14 Ne gidikko kase ne tamarada erida ogen minna. Hessa oonappe tamaridakkone ne eraasa.  
\v 15 Ne guutha naatethafe ha7i gakkanaas Yesus Kirstoosa ammanon atotethi beettiza timirte immiza Geeeshsha Maxaafata lo7etha eraadasa.  
\v 16 Geeshsha Maxaafaati wurikka Xoossa Ayanay kaalethin xaafetidayta; istika as tamarsanas, hanqanas, suurisanas qasseka xillotetha ogen kaalethanas go7ettes.  
\v 17 Hessika Xoossa asi lo7o ooso ubbas bessizade gidana malassa. 
\c 4  
\p  
\v 1 Xoossa sinthaninne hessathoka paxa dizayta bollanne hayqqidayta bolla pirdanas diza Yesus Kirstoosa sinthan iza qoncethanne iza kawoteththa qofara hayssa nees hadara gays.  
\v 2 Qaala sabaka; nees giigin woykko gigonta aggin neni ne baggara giiga utta. Daro dandayara tamarson asa suurisa; hanqanne zora.  
\v 3 Gaasoyka asay wuri suure gidida timirte ekkonta ixana wodey yaana. Hessafe bollara asay ba amora gaaggizayssa ista haythey siyana koyizayssa xalla istas yootana mala bana tamarsana daro astamareta ba achchi shiishana.  
\v 4 Tuma siyanappe ba hayth haraso zaaridi hayssi7e bagga simmana.  
\v 5 Ne gidikko haniza yo7on ubban loddu ga; meto dandaya; mishiraachcho qaala yooto nees ooso hista; ne ooththozakka pola. 
\p  
\v 6 Ta qas yarshetanas mata uttadis; hayssa ha alamezappe shaaketta buussa wodey taas gakkides.  
\v 7 Lo7o baaxe ta baaxettadis; ta woxxana wothe wursisadis. Ammanokka naagadis.  
\v 8 Sinthafe taas akliley giigi uttides; hessikka xillotetha. Hessaka tumu pirdiza Goday he gallas taas immana. Hessika taas xalla gidonta iza yuussa laamotizaytas ubbaska immana. 
\s1 Phawuloosi azazida wursetha azazo 
\p  
\v 9 Taakko ellela yaanas nees dandayettida mala ooththa.  
\v 10 Deemaassi hayssa alameza siiqidi tana yeggi aggidi Tasolonqe bides. Qarqissi Galatiya bides. Titoosi gede Dalmaaxiya bides. \x * \xo 4:10 \xt Qola 4:14; Pil 24; 2Qoro 8:23; Gala 2:3; Tito 1:4\x* 
\v 11 Luqaassi xalla tanara dees. Marqoossi tana ooson maaddiza gish iza nenara ekka ya. \x * \xo 4:11 \xt Qola 4:14; Pil 24; Hawa 12:12,25; 13:13; 15:37-39; Qola 4:10; Pil 24\x* 
\v 12 Tiqiqoosa Efesoone yeddadis. \x * \xo 4:12 \xt Hawa 20:4; Efe 6:21-22; Qola 4:7-8\x* 
\v 13 Ne ha yashe ta Xiro7aadan Akirpha achchan woththida ta Maaqanne maxaafata harappeka galban xaafetida maxaafata taas ekka ya. \x * \xo 4:13 \xt Hawa 20:6\x* 
\p  
\v 14 Xarqimala qoxxiza Iskindiroosi ta bolla daro qoho gaththides shin Goday izas iza ooso mala immana. \x * \xo 4:14 \xt 1Xim 1:20; Maza 62:12; Oro 2:6\x* 
\v 15 Izi nu yootiza qaala keehi ixxides. Nekka izappe naageta. 
\p  
\v 16 Tana mootiza yo7ozas koyro tana ashshana marka ta shiishshin oonikka tana maaddana yibenna. Gido attin wurikka tana yeggidi bida. Hessaka ista bolla Xoossi qoho ooththi qoodoppo.  
\v 17 Gido attin qaala kiitay ta baggara kumeth yootettana malanne dere asay wuri siyana mala Goday ta achchan eqqidi tana minisides; Gaammo duunappekka tana ashshides.  
\v 18 Goday iita yo7o ubbafe tana ashshana. Gede ba salo kawoteththas tana sarora gaththana. Izas mernappe merna gakkanaas bonchoy gido. Amiin. 
\s1 Wursetha saroka 
\p  
\v 19 Phirsiqillas, Aqilas, Heneessifore so asaska ta sarokka gaththa.\x * \xo 4:19 \xt Hawa 18:2; 2Xim 1:16-17\x* 
\v 20 Erisxoossi Qorontoosen attides. Xirofomoosi saketida gish iza ta Miliixen aggadis.\x * \xo 4:20 \xt Hawa 19:22; Oro 16:23; Hawa 20:4; 21:29\x* 
\v 21 Balgoy gakkanappe sinthetada taakko ha gakkanaas nees dandayettida mala ooththa. Ewuguloosi, Phuddeesi, qasseka Linoosi, Qilawudiyaynne ammanizayti wurikka nena saro saro gida.  
\v 22 Goday nenara gido. Goda kiyatethi intenara gido.