\id 1TH - Gaammo project 
\h 1 Tasolonqe 
\toc1 Phawuloosi Tasolonqe Asas Xaafida Koyro Kiita 
\toc2 1 Tasolonqe 
\toc3 1Taso 
\mt2 Phawuloosi 
\mt1 Tasolonqe Asas 
\mt2 Xaafida Koyro Kiita 
\imt1 Giddo qofa 
\ip Tasolonqey Maqidooniya geetettiza Oroomes waanna katama. Phawuloosi Tasolonqe Woossa Keeththayo essiday Piliphisiyoose yeggi bidappe guyenna. Heerakka issi agina kumoonta dishin Ayhudati izi Piliphisiyoose yeggi bidayssa siyida. Hessa gish Phawuloosi istas xaafida ba kiitazan Mishiraachcho qaala qaanthara qoncisides. (1:9-10) Istika Ayhudata ammano ekkanas mati uttida Ayzaabeti Phawuloosi yootiza ammanon wozna bochettida. Hessa gish Ayhudati qanatetethan Phawuloosa bolla palama denthida. Hessa gish Phawuloosi Tasolonqe yeggidi gede Beeriya baanayssi izas manne gidides. Guuthi gam7ishe Qorontose katama bi gakkida mala Ximtoossi Woossa Keeththay hanizayssa wursikka izas yootides. 
\ip Phawuloosi koyro kiita Tasolonqe asas xaafiday ammanizayta dentheththanassinne minthethanassa. Izi ista lo7o ammano gishshinne ista siiqotetha gish lo7o wore siydi Xoosse galatides. Kase Phawuloosi istara diza wode izi istara ay mala duus deyidakkonne ista qofises. Hessafeka Kirstoosas nam7antho yuussa gish dendida oyshatas zaaro imees. 
\ip He oyshatappe baggati “Kirstoosi haa simmi yaanappe kasetidi kase hayqqida ammaniza asay Kirstoosa yuussan beettiza merna de7o demmanee?” gizayta. Phawuloossikka hessa gaaso histidi “Kirstoosas nam7antho yuussa timirteza hidotan naagishe he wode gakkanaas co7u giidi inte ooso ooththite” giidi ista zorees. 
\is1 Ha maxaafay oykkida kumeththa qofa 
\io1 Geloso 1:1 
\io1 Phawuloosa ufayssinne iza galata 1:2-3:13 
\io1 Ammaniza asay kaallana woga 4:1-12 
\io1 Kirstoosi nam7antho yaana yuussa gish imettida timirte 4:13-5:11 
\io1 Wursetha zore 5:12-22 
\io1 Kuushsha qofa 5:23-28 
\c 1  
\p  
\v 1 Phawuloosappe, Silwaanooseppenne Ximtoosappe; Xoossa Aawasinne Goda Yesus Kirstoosayta gidida Tasolonqen diza ammaniza asas nu Aawa Xoossafenne Goda Yesus Kirstoosa kiyatethinne saroteth intes gido.\x * \xo 1:1 \xt Hawa 17:1\x* 
\s1 Tasolonqen ammaniza asa ammano gish shiiqida galata 
\p  
\v 2 Nu intena nu woossan qoppishe ubba wode Xoossa inte gish galatoos.  
\v 3 Ammanoninne mino siiqotethan inte ooththida ooso gish Goda Yesus Kirstoosa bolla diza inte mino ufayssan beettida inte minotetha gish nu Goda Xoossa, nu Aawa sinthan ubba gallas inte gish qoppoos. 
\p  
\v 4 Xoossan dosettida nu ishato! Izi intena dooridayssa nu eroos.  
\v 5 Gaasoyka Mishiraachcho qaalay inteko yiday wolqara Xillo Ayananinne lo7ethi shaakki erin attin coo qaala xallan gidenna; qasseka nu inte gish giidi waani de7idakkone inte ereeta.  
\v 6 Ha7i inte nunanne Goda misatideta. Inte bolla ay metoy gakkida gidikkokka Xillo Ayana ufayssa qaala inte ekkideta. \x * \xo 1:6 \xt Hawa 1:5-9\x* 
\v 7 Hessafe dendidayssan inte Maqidooniyaninne Akaayan ammaniza asa ubbas lo7o leemisota gidideta.  
\v 8 Goda qaalay intefe kezidi Maqidooniyaninne Akaayan siyeteth xalla gidonta intes Xoossa bolla diza ammanoy ubbason eretides; hessa gish nu intes yootanas aykkokka koshshenna.  
\v 9 Inte nuna wosti mokki ekkidakkone de7on diza tumu Xoossas ooththanas inte eeqatappe Xoossakko waani simmidako asay inte gish haasayees.  
\v 10 Qasseka Xoossi hayqoppe denthidayssa buro yaana hanqofe nuna ashshana Saloppe yaana Xoossa Naa Yesusa yuussa inte wosti naagizakkone asay haasayees. 
\c 2  
\s1 Tasolonqen Phawuloosa ooso 
\p  
\v 1 Nu ishato! Nu intekon gam7ida gam7oy coo mela gidontayssa inteka ereeta.  
\v 2 Inteka erizayssa mala hayssafe kase Piliphisiyoosen nu waayenne meto beydossinne cayettidos; gido attin aynne mino waayey nuna gakkikkoka Xoossa Mishiraachcho qaala intes yootanas nu Godappe xalateth demmidos. \x * \xo 2:2 \xt Hawa 16:19-24; 17:1-9\x* 
\v 3 Nu intena zorida zorey iita qofara woykko intena baleththanas koydi gidenna.  
\v 4 Gido attin nu Mishiraachcho qaala hadara ekkanas dandayiza asata mala Xoossi nuna qoodida gish nu hasayos; hessaka nu ooththizay nu wozna paaci eriza Xoossa ufayssanas attin as ufayssanas giidi gidenna.  
\v 5 Nu mulekka baleththo qaala yootibeekko woykko nu uuzeteth kammanas giidi baleththo hano nu hanotayssa inte ereeta. Hayssaska nu markay Xoossa. 
\p  
\v 6 Intefe gidin woykko haratappe oonappekka asappe imettiza boncho nu koybekko.  
\v 7 Nu Kirstoosi kiittidayta gidida gish intes tooho gidanas dandayoos; gido attin aaya ba nayta dichchiza mala nukka inte giddon ashketethan simeretidos.  
\v 8 Xoossa qaala xalla gidonta dishin nu shempoka inte gish ufayssan immana gakkanaas intena siiqidos. Gaasoyka nu intena daro siiqida gishassa.  
\v 9 Nu ishato! Nu dafetteththanne nu daabura inte ereeta; oonaska tooho gidonta mala qammanne gallas nuus ooththishe Mishiraachcho qaala intes yootidos. 
\p  
\v 10 Nu intenara ammanizaytara diza wode xillotethaninne geeshshatethan qasseka wosoy baynda nu waani de7idakkonne inteka Xoossika nuus marka.  
\v 11 Aaway ba naytas haniza mala nukka intes issas issas ay hanidakkonne inte ereeta.  
\v 12 Inte intena ba kawotethassinne ba bonchos xeygida Xoossas bessiza mala inte daana mala nu intena minthidos; lo7ethi zoridossinne hadara gidos. 
\p  
\v 13 Inte nuuppe siyida Xoossa qaala ekkida wode ammaniza inte achchan tumu ooththiza Xoossa qaala mala ekkideta attin coo asa qaala mala inte ekkonta aggida gish nu Xoossa qanxoy baynda galatoos. 
\p  
\v 14 Nu ishato! Yuhuda biittan Yesus Kirstoosa ammaniza Xoossa Woossa Keeththata misatideta; isti Ayhudatappe metonne waaye ekkida mala inteka inte asappe waaye ekkideta. \x * \xo 2:14 \xt Hawa 17:5\x* 
\v 15 Isti Goda Yesusanne kase nabetaka wodhida; nunakka goodida; Xoossaka ufaysibetenna; asa ubbara eqetizayta gidida. \x * \xo 2:15 \xt Hawa 9:23,29; 13:45,50; 14:2,5,19; 17:5,13; 18:12\x* 
\v 16 Hessika Ayzaabeti siydi attana qaala nu istas yootonta mala digganassa. Hessa mala ooson ba nagara ubba wode ba bolla wurseth gakkanaas gujji gujji beetes; Xoossa hanqoyka ista bolla wodhdhides. 
\s1 Phawuloosi Tasolonqe asa beyanas laamotides 
\p  
\v 17 Gidikkokka nu ishato! Nu guutha wodes intefe Ayanan gidonta ashon shaakketikkokka inte laamotay nuna wodhiza gish inte ayfeso beyanas daro dafetteththan doos.  
\v 18 Nu inteko baanas daro laamotidos shin harappeka ta Phawuloosi daro wode dafettadis shin Xala7ey nuna diggides.  
\v 19 Goda Yesusi ha yiza wode iza sinthan nu amoy woykko nu ufaysi woykko nu zawudey nuus intefe haray oonee?  
\v 20 Tumappekka nu ufaysinne nu bonchoy intena. 
\c 3  
\p  
\v 1 Hessa gish nuus dandayettonta ixin he wode Atenan nurka nu attanayssi nuus lo7o gidi beettides. \x * \xo 3:1 \xt Hawa 17:15\x* 
\v 2 Intena ammanon minthana mala nunara asas Kirstoosa mishiraachcho qaala yootiza Xoossa ashkara gidida Ximtoosa inteko yeddidos.  
\v 3 Hessika hayssa paacezan oonikka ammanoppe qanxonta mala; nukka hayssas doorettidayssa inteka ereeta.  
\v 4 Nu qasse intenara diza wode waayey nu bolla gakkanayssa kasetidi intes yootidos; inte eriza malaka hanides.  
\v 5 Hessa gish aykkokka ta gencecin taas dandayettonta ixida gish inte ammano gish eranas gaada Ximtoosa kiitadis. Ta hessa ooththiday ooni erize paacizadey ista paacin hanni wode nu daaburay wurikka mela gidonta aggenna gaada babbida gishassa. 
\s1 Ximtoossi ekki yida minthethiza qaala 
\p  
\v 6 Ha7i qasse Ximtoossi inte achchafe nuukko yiidi inte ammano gishshinne inte siiqotetha gish lo7o wore nuna sisides. Qasseka inte ubba wode nuna lo7ethi qoppizayssanne nukka intena beyanas laamotiza mala inteka nuna beyanas laamotizayssa nuus yootides. \x * \xo 3:6 \xt Hawa 18:5\x* 
\v 7 Hessa gish nu ishato! Nu dizay waayeninne meto garsan gidikkokka inte ammano gaason intenan ha7i nu minetoos.  
\v 8 Inte Godan minni eqqida gish tumappe ha7i nu paxa daana.  
\v 9 Inte geedon nu Xoossa sinthan nu demmida ufaysa ubba gish Xoossa ay mala galatanas dandayizonii?  
\v 10 Qasseka nu intena beyanassinne inte ammanoppe paccidayssa kunthanas omarsinne gallas keehi woossos. 
\p  
\v 11 Ha7ikka nu inteko baana mala nu Aaway Xoossi Goda Yesus Kirstoosi ogeza izi nuus suuriso.  
\v 12 Nu intena siiqiza mala intes inte garsan diza siiqonne inte harata siiqiza siiqoza Goday darsonne keehi gujjo.  
\v 13 Nu Goda Yesus Kirstoosi geeshshata ubbatara yiza wode nu Aawa Goda Xoossa sinthan inte wosoy bayndaytanne geeshshata gididi bettana mala inte wozna izi miniso. 
\c 4  
\s1 Xoosse ufaysiza duus 
\p  
\v 1 Ha7i wursethan ta ishato! Inte Xoossa ufayssanas inte waani waani daana bessizakkone nu intena tamarsidos. Tumappekka nu tamarsida mala deeta; hessa gish Goda Yesus Kirstoosan nu intena woossizaynne zorizay hayssafeka aadhdhiza hanora inte sinthe gujjana mala.  
\v 2 Goda Yesus Kirstoosa wolqan nu intes ay azazo immidakkone inte ereeta. 
\p  
\v 3 Xoossa sheney inte laymappe hakkidi dummatanassa.  
\v 4 Qasse issi issi asay ba macho geeshshatethaninne bonchon ayso bessizayssa shaakki ero.  
\v 5 Hessika Xoosse ammanonta Ayzaabeta mala layma qaqetethan gidoppo.  
\v 6 Hessa malan oonikka balettidi ba isha baleththofo; gaasoyka hayssafe kase nu intes yootida malanne naagetanas akeekissida mala Goday heytanta mala nagara ooththiza ubbata bolla ba hanqo ehana.  
\v 7 Xoossi nuna geeshshateththas xeygides attin tunatethas xeygibenna.  
\v 8 Hessa gish hayssa ha zoreza kadhidi ekkontadey Xillo Ayana izas immida Xoossa kadhees attin as kadhizade gidenna. 
\p  
\v 9 Ishata siiqotetha gish intes oonikka xaafanas koshshenna; gaasoyka inte inte giddon siiqettana mala inte inte baggara Xoossafe tamarideta.  
\v 10 Kumeththa Maqidooniyan diza ammaniza asa inte wursi siiqizays eretidayssa. Gido attin nu ishato! Sintha baggan inte hayssafe aaththi siiqettana mala nu intenna zoroos.  
\v 11 Nu hayssafe kase intena azazida mala inte inte kushera ooththite; woppu gi diite; intes gidizayssa lo7ethi xeellite.  
\v 12 Hessika gallas gallas inte duussay hanko ammanonta asa achchan intena bonchissana malanne inte ayy asaska tooho gidonta mala. 
\s1 Godas nam7antho yuus 
\p  
\v 13 Ta ishato! Inte ashon hayqqidayta gish eronta attana mala nu koyokko. Qasseka hidotay baynda hara asata mala inte kayottana mala nu koyokko.  
\v 14 Yesusi hayqqidi dendidayssa nu ammaniza gidikko Yesusa ammanidayta Xoossi Yesusara hessathoka zaari ha yeddana. 
\p  
\v 15 Nu Goda qaalan intes gizay hayssa. Nuni hayqqonta paxa dizaytinne Goday yaana gakkanaas gam7anayti kase hayqqidaytappe sinthatokko.  
\v 16 Goday ba hu7era gita azazon kiitanchata halaqa giirissara Xoossa xurumba giirissan saloppe wodhdhana. Kase Kirstoosa ammanidi hayqqidayti isti kaseti dendana.  
\v 17 Hessafe guye nu qasse paxa dizayti Goda carko bolla gaagganas istara issife shaarara dendana; hessathoka nu mernas Godara daana.  
\v 18 Hessa gish hayssa qaalan issoy issara minetite. 
\c 5  
\p  
\v 1 Ta ishato! Hessi hanana wodeza gish nu intes xaafanas koshshenna.  
\v 2 Kaysoy qamman yiza mala Goda gallassikka hessa mala yaanayssa inte inte baggara lo7ethi ereeta. \x * \xo 5:2 \xt Mato 24:43; Luqa 12:39; 2Phex 3:10\x* 
\v 3 Asay “Gadey saronne lo7okko” gishin miixay qanthara diza macas oykkiza mala hessathoka as dhayssizay qopponta asa bolla gakkana. Oonikka kessi ekkenna. 
\p  
\v 4 Inteno ishato! He gallassay kayso mala intena daganthanas inte dhuman deekketa.  
\v 5 Inte wurikka poo7o nayta; nuni dhuma woykko qamma bagga gidokko.  
\v 6 Histikko ane beeggoos; ane nurka nuna haaros attin hanko dhiskiza asa mala nukka ane dhiskokko.  
\v 7 Dhisikizayti qamara dhisikeetes; mathotizaytikka qamara mathottettes.  
\v 8 Nu qas gallasa asata gidida gish ammanonne siiqo, tiran may7iza xurure may7o mala may7idi atotetha hidota hu7en woththiza birata qoobe mala hu7en woththidi ane nunatetha haaridi de7oos. \x * \xo 5:8 \xt Isa 59:17; Efe 6:13-17\x* 
\v 9 Xoossi nu Goda Yesus Kirstoosa baggara atoteth demmana mala attin nuna hanqos xeygibenna.  
\v 10 Nu hayqqikkoka woykko paxa diikkokka izara daana mala izi nu gish hayqqides.  
\v 11 Hessa gish tumappe inte ha7i ooththizayssa malaka issoy issara minetitenne minthethite. 
\s1 Wursetha zorenne saroka 
\p  
\v 12 Histikko ta ishato! Inte giddon minni ooththizayta Godan intefe bollara diza halaqatanne intena zorizayta inte bonchana mala nu intena woossos.  
\v 13 Ista ooso gishikka ista siiqora lo7ethi bonchite; inte inte giddon saron diite. 
\p  
\v 14 Ta ishato! Nu intena “Ooso ooththonta asata hanqettite; babbizayta minisite; daaburanchata maaddite; as ubba dandayite” gi zoroos.  
\v 15 Oonaska iita gish iita zaaronta mala naagetite; gido attin inte inte giddon gidin hara asara gidin ubba wode lo7o gidizayssa ooththanas baaxetite. 
\p  
\v 16 Ubba wode ufayetite.  
\v 17 Qanxonta woossite.  
\v 18 Ay hanonka galattite Xoossa sheney intes Yesus Kirstoosa baggara hessa. 
\p  
\v 19 Xillo Ayana tama toyssofte.  
\v 20 Tinbite qaala kadhoppite.  
\v 21 Wursikka paaci xeellite, lo7o gididaz oykkite.  
\v 22 Iita gidida ay miishappekka haakkite. 
\p  
\v 23 Sarotetha Goday izi intenatetha erays dummaso; inte ayanay, inte shempoynne inte ashoy Goda Yesus Kirstoosi yiza wode wosoy baynda naageto.  
\v 24 Intena xeygidayssi ammanettidade gidida gish izi hessa ooththana. 
\p  
\v 25 Nu ishato! Nu gishikka woossite.  
\v 26 Ammanizayta ubba geeshsha yeeretethan sarokite.  
\v 27 Ha kiitay ammanizaytas ubbas nababettana mala Goda sunthan hadara gays. 
\p  
\v 28 Nu Goda Yesus Kirstoosa aadhdho kiyatethi intenara gido.