\id ROM - Gaammo project 
\h ኦሮሜ 
\toc1 ጳዉሎሲ ኦሮሜ ኣሳስ ፃፊዳ ኪታ 
\toc2 ኦሮሜ 
\toc3 ኦሮ 
\mt2 ጳዉሎሲ 
\mt1 ኦሮሜ ኣሳስ 
\mt2 ፃፊዳ ኪታ 
\imt1 ጊዶ ቆፋ 
\ip ሃዋሬ ጳዉሎሳ ኪታይ ኦሮሜ ኣሳስ ፃፌቲዳይ ጳዉሎሲ ኦሮሜን ዲዛ ዎሳ ኬꬃዮ ጋኪ ቤያናስ ቆፒዳ ጊሽ ኢስቲ ኢዛ ጊጌቲ ናጋና ማላ ኤሪሳናሲኮ። ጳዉሎሳስ ዲዛ ቆፋይ ኦሮሜን ዲዛ ኣማኒዛ ኣሳራ ጉꬃ ዎዴ ኦꬂዳፔ ጉዬ ኢስቲ ኢዛ ማዲኮ ኢዚ ጌዴ ኢስፔኔ ቢታ ባናስኮ። ኢዚ ባሲ ጌሊዳ ማላ ኢስታስካ ኣማኖይ ጌሊን ኣማኒዛይቲ ባ ዱሳን ኣማኖ ቤሳና ማላ ኣማኖ ቲሚርቴ ሃኖ ኢስታስ ዉርሲ ቢርሺ ፃፊዴስ። ጳዉሎሳ ኪታይ ኩሜꬅ ጊዲ ቤቲዳይ ሃይሳ ሃ ኪታዛኒኮ። 
\ip ጳዉሎሲ ኦሮሜን ዲዛ ኣማኒዛ ኣሳስ ባ ሳሮካ ዬዲዳፔኔ ኢስታስ ኢዚ ዎሳና ቃላ ጌሊዳፔ ጉዬ ባ ኪታስ ዋና ኣይፌ ዮዖ (1፡17) “ፆሳፌ ቤቲዛ ፂሎቴꬅ ኣማኖኔ ኣማኖስ ጊዲዳ ማላ ሚሺራቾ ቃላን ቆንጪዴስ” ጊዛ ቃላ ጊዲዳይሳ ቤሴስ። 
\ip ሄሳፌ ጉዬ ጳዉሎሲ ሃይሳ ሃ ቆፋዛ ጉጂ ኣሲ ፃፌስ። ኣይሁዳታካ ጊዲን ዎይኮ ሃንኮ ዴሬ ኣሳ ጊዲን ኣሲ ዉሪካ ናጋራስ ሃሬቲዳ ጊሽ ፆሳራ ኢጊንታናስ ቤሴስ። ኣሳይ ፆሳራ ኢጊንታናስ ዳንዳዪዛይ ዬሱስ ኪርስቶሳን ኣማኖና። ሄሲ ኣሳይ ፆሳራ ዶሚዳ ኦራꬃ ኢሲፌቴꬃ ኣይፌይ ኦራꬃ ዴዖ ጊዲዳይሳ ጳዉሎሲ ሎዔꬂ ኤሪሴስ። ኣማኒዛዴይ ፆሳራ ሳሮን ዴዔስ፤ ፆሳ ኣያና ባጋራ ሄሳዴይ ናጋራፔኔ ሃይቆ ዎልቃፌ ዎዜቴስ፤ ሼምፖ 5-8 ጋካናስ ጳዉሎሲ ፆሳ ዎጋ ጊሺኔ ኣማኒዛይታ ዴዖን ኦꬂዛ ፆሳ ፂሎ ኣያናስ ቆፋይ ኣዛኮኔ ቆንጪሴስ። ቃሴካ ጉጂዲ ጳዉሎሲ “ኣሳ ዜሬꬃ ጊሽ ፆሳስ ዲዛ ቆፋ ጊዶን ኣይሁዳይኔ ኣይዛቤይ ኢሲፌ ኦይኬታናስ ዳንዳዪዜ?” ጊዛ ኦይሾስ ዛሮ ኢማናስ ባፄቴስ። 
\ip ቃሴካ ጳዉሎሲ ቆንጪሲዳ ማላ ኣይሁዳቲ ዬሱሳ ኣማኖንታ ኣቲዳይ ፆሳ ቆፋ ማላ። ሄሲካ ሃኒዳይ ዬሱስ ኪርስቶሳ ባጋራ ፆሲ ቆንጪሲዳ ኢዛ ኣቶቴꬃ ኪያን ኩሜꬅ ኣሳ ዜሬꬂ ዉሪካ ጋኪ ኤካና ጋꬃናሳ። ጊዶ ኣቲን ኣይሁዳ ኣሳይ ዬሱሳን ኣማናና ዎዴይ ያናይሳ ጳዉሎሲ ኣማኔስ። ዉርሴꬃን ጳዉሎሲ ኣማኖን ዋኒ ዴያናኮኔ ሃራፔካ ኣማኒዛይቲ ባ ጋርሳን ባሲ ዲዛ ጋይቶቴꬃን ሲቆ ኦጌ ካላናስ ቤሲዛይሳ ኢስታ ኤሪሴስ። ጉጂዲካ ኢስታስ ፆሳ ኦሶ ጊሽ ኣማኒዛይቲ ባ ዴሬ ጊሽ፥ ባ ጋርሳን ኢሶይ ኢሳ ናጋናስ ቤሲዛ ኣላፌቴꬃ ጊሺኔ ቆፋፔ ዴንዲዛ ኦይሻታ ዉርሲ ሁዔን ሁዔን ኤሪሴስ። 
\is1 ሃ ማፃፋይ ኦይኪዳ ኩሜꬃ ቆፋ 
\io1 ሃ ማፃፋዚ ኦይኪዳ ኣይፌ ቆፋታ 1፡1-17 
\io1 ኣሳ ናስ ኣቶቴꬂ ኮሼስ 1፡18-3፡20 
\io1 ፆሲ ኣሳ ና ኣሺዛ ኦጌ 3፡21-4፡25 
\io1 ኪርስቶሳ ባጋራ ቤቲዛ ኦራꬃ ዴዖ 5፡1-8፡39 
\io1 ኢስራዔሌ ኣሳይ ፆሳ ቆፋ ጋርሳን 9፡1-11፡36 
\io1 ኣማኒዛ ኣሳ ሎዖ ኦሶ 12፡1-15፡13 
\io1 ዉርሴꬃ ሳሮካ 15፡14-16፡27 
\c 1  
\p  
\v 1 ዬሱስ ኪርስቶሳ ኣይሌኔ ሃዋሬ ጊዳናስ ፄይጌቲዳ ሚሺራቾ ቃላ ዮታናስ ጳዉሎሳፔ ኪቴቲዳ ኪታ። 
\p  
\v 2 ሄ ሚሺራቾ ቃላ ጊሽ ካሴ ናቤታ ባጋራ ጌሻ ማፃፋታን ኡፋይሲ ኢሜቲዴስ።  
\v 3 ሚሺራቾ ቃላይካ ባ ናዛ ጊሽ ኢዚ ኣሾ ባጋራ ዳዉቴ ዜሬꬃፌ ጊዲዳይሳ ዮቲዛ ጊሻሳ።  
\v 4 ሄሳꬆካ ኑ ጎዳ ዬሱስ ኪርስቶሲ ባ ጌሻቴꬃ ኣያናን ሃይቆፔ ዴንዲዳይሲ ኢዚ ፆሳ ና ጊዲዳይሲ ጊታ ዎልቃን ቆንጪዴስ።  
\v 5 ኪርስቶሳ ሱንꬃ ጊሽ ኣማኖንታ ዴሬይ ኣማናና ማላኔ ኣዛዜታና ማላ ኢዛ ባጋራ ኑኒ ሃዋራቴꬃስ ጋꬂዛ ኪያቴꬅ ኤኪዶስ።  
\v 6 ኢንቴካ ዬሱስ ኪርስቶሳይታ ጊዳና ማላ ፄይጌቲዳይታራ ዴታ። 
\p  
\v 7 ፆሳን ዶሴቲዳይታኔ ጌሻታ ጊዳናስ ፄይጌቲዳ ኦሮሜ ቢታን ዲዛ ኢንቴስ ኡባስ ኑ ኣዋ ፆሳፌኔ ኑ ጎዳ ዬሱስ ኪርስቶሳፔ ኪያቴꬂኔ ሳሮቴꬂ ኢንቴስ ጊዶ። 
\s1 ጳዉሎሲ ኦሮሜ ቤያና ላሞቲዴስ 
\p  
\v 8 ኢንቴ ኣማኖይ ኣላሜ ኩሜꬃን ሲዬቲዳ ጊሺኔ ኢንቴ ጊሽ ታ ጎዳ ፆሳ ዬሱስ ኪርስቶሳ ባጋራ ጋላታይስ።  
\v 9 ታ ኢንቴ ጊሽ ኡባ ዎዴ ኣይ ማላ ቆፒዛኮኔ ፆሳ ና ሚሺራቾ ሳባኮን ታ ኩሜꬃ ዎዝናፔ ኢዛስ ኦꬂዛ ፆሳይ ታስ ማርካ።  
\v 10 ታኒ ታ ዎሳን ኡባ ዎዴ ኢንቴና ቆፓይስ። ሃዒ ቃሴ ዉርሴꬃን ፆሳ ሼኔ ጊዲኮ ታ ኢንቴኮ ባና ማላ ፆሲ ታስ ኦጌ ዶያና ማላ ዎሳይስ።  
\v 11 ኢንቴ ሚናና ማላ ማዲዛ ኣያና ኢሞቴꬂ ታ ኢንቴስ ጊሻናሲኔ ኢንቴና ኣይፌራ ቤያናስ ላሞታይስ።  
\v 12 ሄሲካ ኢንቴኔ ታኒ ኢሶይ ኢሳራ ኣማኖን ሚኔታናሳ። 
\p  
\v 13 ታ ኢሻቶ! ሃራሶን ኣማኖንታይታ ማታን ታስ ሃኒዳ ማላ ኢንቴ ማታንካ ታስ ኦሶ ኣይፌይ ቤታና ማላ ዳሮ ዎዴ ቆፓዲስ ሺን ሃኖ ጋካናስ ታ ዲጌታዳ ዲዛይሳ ኢንቴ ኤራና ማላ ኮያይስ። \x * \xo 1:13 \xt ሃዋ 19፡21\x* 
\v 14 ታማሪዳይታስ ጊዲን ታማሮንታይታስካ፤ ኤራታሲኔ ኤያታስ ኡባስ ታ ቦላ ታማርሳና ኣጮይ ዴስ።  
\v 15 ኢንቴስ ኦሮሜን ዲዛይታሲካ ታ ሚሺራቾ ቃላ ዮታናስ ታ ኣሞቲዛይ ሄሳሳ። 
\p  
\v 16 ኣማንዛይቲ ዉሪ ኣታና ማላ ፆሳ ዎልቃ ጊዲዳ ጊሽ ታ ሚሺራቾ ቃላን ዬላቲኬ፤ ሄሲካ ኮይሮ ኣይሁዳታስ ካሊዲ ኣይዛቤታሳ። \x * \xo 1:16 \xt ማር 8፡38\x* 
\v 17 “ፂሎይ ፆሳ ኣማኖን ዴስ” ጌቴቲዲ ካሴ ፃፌቲዳ ማላ ፆሳ ፂሎቴꬅ ሚሺራቾ ቃላን ቆንጪና፤ ሄ ፂሎቴꬂ ኮይሮፔ ዉርሴꬅ ጋካናስ ኣማኖን ሃናና። \x * \xo 1:17 \xt ኢብ 2፡4\x* 
\s1 ኣሳ ናይታ ኢታቴꬅ 
\p  
\v 18 ቱማ ባ ኢታቴꬃኒኔ ማካላን ቱጪ ኦይኪዛይታ ኢታቴꬃ ቦላኔ ኢስታ ማካላቴꬃ ኡባ ቦላ ፆሳ ሃንቆይ ሳሎፔ ቆንጫና።  
\v 19 ኢስቲ ኤራናስ ቤሲዛዚ ፆሲ ዉርሲ ኢስታስ ቆንጪሲዳ ጊሽ ኢስቲ ፆሴ ኤራናስ ቆንጬ።  
\v 20 ኣላሜይ ሜꬌቶሶፔ ሃ ሲሚን ኣሳ ኣይፌን ቤቲ ኤሮንታ ፆሳ ሃኖቴꬂ ሄሲካ ኢዛስ ዲዛ ሜርና ዎልቃይኔ ፆሳቴꬃይ ኢዚ ሜꬊዳ ሜꬌቴꬃን ቆንጬን ቤቴስ። ሄሳ ጊሽ ኣሳይ ሺሻና ጋሶይ ዴና።  
\v 21 ኢስቲ ፆሴ ኤሪኮካ ኢዛ ፆሳቴꬃ ማላ ቦንቺቤቴናኔ ጋላቲቤቴና። ጊዶ ኣቲን ኢስታ ቆፋይ ሜላ ጎዓይ ባይንዳዚ ጊዲዴሲኔ ዩሺ ቆፖንታ ማላ ኢስታ ዎዝናይ ꬉሚዴስ። \x * \xo 1:21 \xt ኤፌ 4፡17-18\x* 
\v 22 ኢስቲ ባና “ኤራ” ጊዛይታ ጊዲኮካ ኤያታ ጊዲዳ።  
\v 23 ሜርና ፆሳ ቦንቾ ሃይቂዛ ኣሳኒኔ ካፎታን፤ ሜሄታኒኔ ቢታ ቦላ ጎሼቲዛ ሜꬌቴꬃታን ሚሳቲሲዲ ላሚዳ። \x * \xo 1:23 \xt ዛሬ 4፡16-18\x* 
\p  
\v 24 ሄሳ ጊሽ ፆሲ ኢስታ ባ ጊዶን ኢሶይ ኢሳራ ባርካ ባ ኣሳቴꬃን ቱና ኦሶ ኦꬃና ማላ ጌሻቴꬂ ባይንዳ ላይማቴꬃስ ኣꬂ ኢሚዴስ።  
\v 25 ኢስቲ ፆሳ ቱማቴꬅ ዎርዶን ላሚዳ፤ ሜꬊዳ ፆሳ ኣጊዲ ሜꬌቴꬃስ ጎይኒዳኔ ኢስታስ ኦꬂዳ። ሜꬊዳ ፆሲ ኢዚ ሜርናስ ጋላቴቲዳይሳ። ኣሚን። 
\p  
\v 26 ሄሳ ጌዶን ፆሲ ኢስታ ዬላቺዛ ኣሞቴꬃስ ኣꬂ ኢሚዴስ። ኢስቲ ማጫሳቲ ባናራ ዚንዓናስ ቤሶንታይታራ ዚንዓና ማላ ባና ኣꬂ ኢሚዳ።  
\v 27 ሄሳꬆካ ኣቱማ ኣሳይ ባሲ ቤሲዛ ማጫሳታራ ዚንዓናስ ቤሲሺን ኣዴይ ኣዴራ ዚንዓናስ ኣሞን ፁጌቲዲ ማጫሳታራ ዚንዒዛ ማላ ኣዴይ ኣዴራ ዚንዒዲ ፓላ ሚሺ ኦꬂዳ። ሄይታንቲ ባርካ ባ ኦꬂዳ ኢታ ኦሶዛስ ቤሲዛ ቂፃቴ ባ ቦላ ኤሂዳ። 
\p  
\v 28 ቃሴካ ኢስቲ ባ ቆፋራ ፆሴ ኤሮይ ኑና ማዴና ጊዳ ጊሽ ኢስቲ ኦꬃናስ ቤሶንታይሳ ኦꬃና ማላ ፆሲ ኢስታ ጎዖንታ ቆፋስ ኣꬂ ኢሚዴስ።  
\v 29 ኡባ ባጋራ ማካላኔ ኢታቴꬅ፥ ዪቄኔ ኢታ ኦሶን ፃላላ ኩሚዳ፤ ቃናቴቴꬃን፥ ሼምፖ ዎꬎን፥ ኦሻን፥ ባሌꬆኒኔ ጌኔን ኩሚዳይታ ቃሴካ ዚጊርዛይታ ጊዲዳ።  
\v 30 ኣሳ ሱንꬅ ሞሪዛይታ፥ ፆሳ ኢፂዛይታ፥ ኣስ ጫይዛይታ፥ ኦቶራንቻታኔ ጬቄቲዛይታ ጊዲዳ፥ ኡባ ዎዴ ኢታ ኦꬃናስ ኦጌ ኮዪዛይታ፥ ባና ዬሊዳይታስ ኣዛዜቶንታይታ፥  
\v 31 ዩሺ ቆፖንታይታ፥ ጊዳ ቃላ ዛሪ ላሊዛይታ፥ ኣሳስ ሚሼቶንታይታ፤ ሜንፄ ኢታታ።  
\v 32 ሄሳ “ኦꬂዛይቲ ዉሪካ ሃይቃናስ ቤሴስ” ጊዛ ፆሳ ዎጋ ኢስቲ ኤሪሼ ሄይታንታ ባሲ ኦሶ ፃላላ ጊዶንታ ሄሳꬆካ ኦꬂዛይታካ ሚንꬄꬄቴስ። 
\c 2  
\s1 ፆሳ ፒርዳ 
\p  
\v 1 ሄሳ ጊሽ ኔኖ ሃራ ቦላ ፒርዲዛይሶ ኔኒ ታ ሃኒ ጌዶን ኦꬃዲስ ጊዛ ጋሶይ ኔስ ዴና። ኔ ሃራ ኣሳ ቦላ ፒርዲዛይሳን ኔርካ ኔስ ኩናኔ ኤካሳ። ጋሶይካ ሃራ ኣሳ ቦላ ኔ ፒርዲዛይሳ ኔካ ዛራዳ ኢዛ ኦꬂዛ ጊሻሳ። \x * \xo 2:1 \xt ማቶ 7፡1፤ ሉቃ 6፡37\x* 
\v 2 ሃይታ ማላታ ኦꬂዛ ኣሳታ ቦላ ፆሳ ፒርዳይ ሊኬ ጊዲዳይሳ ኑ ኤሮስ።  
\v 3 ሄሳ ጊሽ ኔ ኣሳ ቦላ ፒርዳሼ ሄ ኔ ፒርዲዛይሳ ዛራ ኦꬂዛዴ ጊዲኮ ኔ ፆሳ ፒርዳፌ ኬሳ ኤካ ኣታና ኔስ ሚሳቲዜ?  
\v 4 ዎይኮ ፆሳ ኪያቴꬅ ኔና ማሮቴꬃኮ ካሌꬂዛይሳ ሻካ ኤሮንታ ዳሼ ኢዛ ጊታ ኪያቴꬃኔ ኢዛ ዳንዳያ ዱሬቴꬃ ኔ ሌቃይ? 
\p  
\v 5 ጊዶ ኣቲን ኔኒ ኔ ዎዝና ሙሜቴꬃኒኔ ማሮቴꬅ ኮዮንታ ኔ ዎዝና ጌዶን ቱማ ፆሳ ፒርዳይ ቆንጪዛ ዎዴ ፆሳ ሃንቆ ጋላሳስ ኔ ቦላ ዳሮ ሃንቆ ሺሻሳ።  
\v 6 ፆሲ ኢሳስ ኢሳስ ኢዛ ኦሶ ማላ ኢማና። \x * \xo 2:6 \xt ማዛ 62፡12፤ ሌም 24፡12\x* 
\v 7 ሎዖ ኦሶ ኣጎንታ ኦꬂዲ ቦንቾ ሳባኔ ሜርና ዴዖ ኮዪዛይታስ ሜርና ዴዖ ኢማና።  
\v 8 ጊዶ ኣቲን ባርካ ባና ዶሲዛይታሲኔ ቱማ ኣጋጊዲ ኢታ ካሊዛይታ ቦላ ፒርዳይኔ ሃንቆይ ጋካና።  
\v 9 ኢታ ኦꬂዛ ኣይ ኣሳ ቦላ ኮይሮ ኣይሁዳ ኣሳ ቦላ ካሊዲ ኣይዛቤታ ቦላ ዋዬይኔ ሜቶይ ጋካና።  
\v 10 ጊዲኮካ ሎዖ ኦꬂዛዴስ ኦናስካ ኣይሁዳ ኣሳስ ጊዲን ኣይዛቤታስ ሳባይ፥ ሳሮቴꬂኔ ቦንቾይ ጊዳና።  
\v 11 ፆሲ ኦናካ ሻኪ ማዴና። \x * \xo 2:11 \xt ዛሬ 10፡17\x* 
\p  
\v 12 ካሴ ዎጋይ ኤቆንታ ዎዴ ናጋራ ኦꬂዳ ኣሳይ ዉሪካ ዎጋይ ባይንዳ ꬋያና፤ ዎጋይ ኤቂ ሲሚን ናጋራ ኦꬂዳይቲ ዎጋን ኦይኬቲዲ ፒርዴታና።  
\v 13 ኣይሲ ጊኮ ፆሳ ኣቻን ፂሎ ጌቴቲዛይቲ ኤቂዳ ዎጋስ ኣዛዜቲዛይታፔ ኣቲን ዎጋ ሲሲ ሲዪዛይታ ፃላ ጊዴቴና።  
\v 14 ዎጋይ ባይንዳ ኣይዛቤቲ ዎጋይ ዮቲዛይሳ ጮ ሜላ ሃኖቴꬃፌ ኤሪዲ ኦꬂሺን ኢስታስ ዎጋይ ባይንዳ ኣጊኮካ ኢስታስ ሜꬌቴꬃ ዎጋይ ዲዛ ጊሽ ኢስቲ ባ ኦꬃናይሳ ኤሬቴስ።  
\v 15 ኢስታ ዎዝናይ ኢስታስ ማርካቲዛ ጊሺኔ ኢስታ ቆፋይ ኢስታ ሞቲዛ ጊሽ ቃሴካ ኢስታ ማዲዛ ጊሽ ዎጋይ ዮቲዛይ ኢስታ ዎዝናን ፃፌቲዳይሳ ኤሬቴስ።  
\v 16 ሄሲካ ታ ሚሺራቾ ቃላን ታማርሲዛ ማላ ፆሲ ኣሳ ዎዝናን ቆቴቲዳይሳ ኪርስቶሳ ባጋራ ፒርዲዛ ጋላሳን ቆንጪሳና። 
\s1 ኣይሁዳታኔ ኢስታ ዎጋ 
\p  
\v 17 ኔ ኔና ኣይሁዳ ኣስ ጊኮ ዎጋን ኣማኔታሳኔ ኔስ ፆሳራ ዲዛ ኢሲፌቴꬃን ጬቄታሳ።  
\v 18 ዎጋ ካሊዛ ጊሽ ፆሳ ሼኔ ኤራዳ ኩሜꬅ ጊዲዛዝ ሻካ ኤሪዳ ጊዲኮ፥  
\v 19 ኔ ቆቄታ ካሌꬂዛዴ፤ ꬉማን ዲዛይታስ ፖዖ ጊዲዳይሳ ኔ ኣማኔቲዳዴ ጊዲኮ  
\v 20 ዎጋፔ ኔ ዴሚዳ ኤራቴꬃኒኔ ቱማቴꬃን ሃንኮ ኤሮንታይታ ዞሪዛዴ፥ ጉꬃ ናይታ ታማርሲዛዴ ጊዲኮ  
\v 21 ሂስቲኮ ኔኒ ሃራታ ታማርሶ ኣጋዳ ኔ ሁዔስ ኣዛስ ታማሪኪ? ኔ ሃራ ኣሲ ካይሶቶፓ ጋ ሳባካሼ ኔስ ካይሶታይ?  
\v 22 ኔ ሃራ ኣሳይ ላይማቶንታ ማላ ዮታሼ ኔስ ላይማታይ? ኔስ ኤቃ ኢፃሳሺን ፆሳ ኬꬃ ሚሻ ቦንቃይ?  
\v 23 ኔስ ዎጋን ጬቄታሳ ሺን ዎጋ ኔ ባጋራ ኦꬆንታ ኣጋዳ ፆሳ ካዉሻይ?  
\v 24 ሄሲካ “ኢንቴ ጌዶን ፆሳ ሱንꬂ ኣይዛቤታ ኣቻን ጫዬቴስ” ጌቴቲ ፃፌቲዳ ማላ ሃኒዴስ። \x * \xo 2:24 \xt ኢሳ 52፡5\x* 
\p  
\v 25 ኔ ዎጋ ናጋ ፖሊዛዴ ጊዲኮ ቃፃራስ ጎዓይ ዴስ። ኔ ዎጋ ኦꬆንታዴ ጊዲኮ ቃሴ ኔ ቃፃራይ ጮ ሃዳ።  
\v 26 ቃፃሬቶንታ ዲሼ ዎጋይ ጊዛይሳ ፖሊኮ ቃፃሬቲዳዴራ ጊና ቆዴቴኔ?  
\v 27 ኔስ ፃፌቲዳ ዎጋይኔ ቃፃራይ ኔስ ዲኮ ዲዛ ዎጋ ኔ ናጎንታዴ ጊዲኮ ሃንኮ ቃፃሬቶንታ ዳሼ ዎጋስ ኣዛዜቲዳይ ኔ ቦላ ፒርዳና። 
\p  
\v 28 ኢሳዴይ ጮ ሜላ ሱንꬃስ ኣሳ ኣይፌን ታ ኣይሁዳ ኣስ ጊዳና ጊኮ ኢዚ ኣይሁዳ ኣሲ ጊዴና። ቱማፔ ቃፄሬቴꬂ ጮ ካሬራ ኣሾ ኣይፌን ቤቲዛ ቃፃራ ጊዴና።  
\v 29 ጊዲኮካ ኢሲ ኣሲ ኣይሁዳ ኣስ ጊዳናስ ዳንዳዪዛይ ኢዛስ ጋꬃ ባጋራ ኣይሁዳ ኣስ ጊዲሺና። ቃፃራይካ ቃፃራ ጊዲዛይ ፃፌቲዳ ዎጋ ፃላላ ጊዶንታ ኣያናን ዎዝናፔ ጊዲዳ ቃፃራ ጊዲኮኮ! ሄሳ ማላ ኣሲ ጋላታ ኣሳፔ ጊዶንታ ፆሳፌ ዴሜስ። \x * \xo 2:29 \xt ዛሬ 30፡6\x* 
\c 3  
\p  
\v 1 ሂስቲኮ ኣይሁዳ ኣስ ጊዴꬃስ ኣዛ ጎዓይ ዲዜ? ቃፃራይ ኣይ ጎዒዜ?  
\v 2 ኣዋራካ ጊዲን ጎዓይ ዳሮ። ሃራፔ ኮይሮ ፆሳ ቃላይ ሃዳራ ኣይሁዳታስ ኢሜቲዴስ።  
\v 3 ኢስታፌ ኢሲ ኢሳዴስ ኣማኖይ ባይንዳ ኣጊኮ ፆሳ ኣማኖቴꬅ ዲጊዜ?  
\v 4 ሙሌካ ዲጌና! ኣሲ ዉሪካ ዎርዳንቻ ቅ1 “ኔኒ ኔ ቃላፔ ዴንዲዳይሳን ቱማንቻ፤ ቅ2 ፒርዳንካ ፆኒዛዴ ጊዳሳ” ሄሳꬆ ጌቴቲ ፃፌቲዳ ማላ ፆሲ ቃሴ ቱማንቻ። \x * \xo 3:4 \xt ማዛ 51፡4\x* 
\p  
\v 5 ኑ ማካላ ኦሶይ ፆሳ ፂሎቴꬅ ቆንጬን ቤሲዛይሳ ጊዲኮ ሂስቲን ኑ ኣይ ጋኔ? ጮ ኣሳ ዎጋ ማላ ፓላሜታናስ ፆሲ ባ ሃንቆ ኑ ቦላ ኤሂዛይሲ ኑስ ቤሴና ጋኔዬ? ሄሳካ ታ ጊዛይ ኣሳꬆ ቆፋና።  
\v 6 ቱማፔ ሄሳꬆ ሃኔና። ሄሳꬆ ሃኒዛ ጊዲኮ ፆሲ ኣላሜ ቦላ ዎስቲ ፒርዳንዴ? 
\p  
\v 7 ታ ዎርዶቴꬅ ፆሳ ቱማቴꬅ ቆንጪሲዛይሳን ኢዛ ቦንቾ ጌዴ ጉጂዛይሳ ጊዲኮ ሂስቲን ሃዒ ጋካናስ ዎስቲ ታ ቦላ ናጋራንቻ ማላ ፒርዴቲዜ? ጊዲ ፓላሜታና ኣሲ ዳና ዳንዳዬስ።  
\v 8 ሄሳ ጉሲ “ሎዖይ ያና ማላ ኣኔ ኢታ ኦꬆስ” ጌቴስ ጊዲ ኢሲ ኢሲ ኣሳቲ ኑ ቦላ ዎሬሲዛይሳ ማላ። ሃይታ ኣሳታ ቦላ ጋኪዛ ፒርዳይ ቱሙ ፒርዳ። 
\s1 ኣሲ ዉሪ ናጋራንቻ 
\p  
\v 9 ሂስቲን ኑ ኣይ ጊኖ? ኑኒ ኢስታፌ ኣꬊዞኒ? ሙሌካ ኣꬎኮ። ኣይሁዳታ ጊዲኮካ ኣይዛቤታ ጊዲኮካ ዉሪካ ናጋራፔ ጋርሳ ባጋራ ዲዛ ጊሽ ታ ዉርሳካ ካሴታዳ ኢስታስ ዮታዲስ።  
\v 10 “ፂሎይ ኦኒካ ዴና፤ ኢሳዴይካ ዴና።  
\v 11 ዩሺ ቆፒዛዴይ ባዋ፤ ፆሴ ኮዪዛይ ኢሳዴይካ ባዋ። 
\q1  
\v 12 ዉሪካ ባሌቲዳኔ 
\q2 ኢሲ ቦላ ጎዖንታይታ ጊዲዳ። 
\q1 ሎዖ ኦꬂዛይ ኦኒካ ባዋ፤ 
\q2 ኢሳዴይካ ዴና። 
\q1  
\v 13 ኢስታ ዱናይ ዶያ ዲዛ ዱፎ ማላ፤ 
\q2 ኢስታ ዱናይ ኡባ ዎዴ ባሌꬆ ሃሳዬስ፤ 
\q2 ኢስታ ሜቴርሻይ ሾሻ ማርዜራ ዴስ። \x * \xo 3:13 \xt ማዛ 5፡9፤ 140፡3\x* 
\q1  
\v 14 ኢስታ ዱናን ቃንጌꬂኔ ጫሞ ሚሽ ኩሚዴስ። \x * \xo 3:14 \xt ማዛ 10፡7\x* 
\q1  
\v 15 ኢስታ ቶሆይ ሱꬅ ጉሳናስ ኤሶቴስ። 
\q1  
\v 16 ኢስታ ኦጌን ꬋዮይኔ ላፋቴꬅ ዴስ። 
\q1  
\v 17 ኢስቲ ሳሮቴꬃ ኦጌ ኤሬቴና። 
\q1  
\v 18 ኢስታ ኣይፌሶን ፆሳስ ባቦይ ባዋ” ጌቴቲ ፃፌቲዳ ማላ። \x * \xo 3:18 \xt ማዛ 36፡1\x* 
\p  
\v 19 ሄሳ ጊሽ ዱናይ ዉሪካ ጎርዴታና ማላ ዴሬይ ኩሜꬅ ፆሳስ ዛሮ ኢማና ማላ ዎጋይ ጊዛይ ዉሪካ ዎጋፔ ጊዶራ ዲዛይታስ ጊዲዳይሳ ኑ ኤሮስ።  
\v 20 ሄሳ ጊሽ ዎጋይ ናጋራይ ኣዛኮኔ ኤሪሴስ ኣቲን ዎጋ ናጎን ኦኒካ ኢዛ ኣቻን ፂሎ ጌቴታናስ ዳንዳዬና። 
\s1 ኣማኖን ቤቲዛ ፂሎቴꬅ 
\p  
\v 21 ሃዒ ቃሴ ዎጋ ካሴ ናቤቲ ኢዛስ ማርካቲዳይስ ዎጋፔ ካሬራ ጊዲዳ ፆሳ ፂሎቴꬂ ቆንጪዴስ።  
\v 22 ሄሲ ፆሳ ፂሎቴꬂ ዬሱስ ኪርስቶሳ ኣማኖን ዱማቴꬂ ባይንዳ ቤቲዛ ፂሎቴꬃ። \x * \xo 3:22 \xt ጋላ 2፡16\x* 
\p  
\v 23 ጋሶይካ ኣሲ ዉሪካ ናጋራ ኦꬂዴስ። ፆሳ ቦንቾይካ ኣሳ ናስ ፓጪዴስ።  
\v 24 ኣሳይ ዬሱስ ኪርስቶሲ ኣሳ ና ጊሽ ኦꬂዳ ኪያቴꬃፌ ዴንዲዳይሳን ጮ ሜላ ፂሊዴስ።  
\v 25 ኢዛ ሱꬃን ጊዲዳ ኣማኖን ናጋራፔ ማሬታና ያርሾ ሂስቲዲ ፆሲ ዬሱሳ ሺሺዴስ። ኢዚ ሄሳ ኦꬂዳይ ካሴቲዲ ፖሌቲዳ ናጋራ ቃፃዮንታ ዳንዳያን ኣꬊዳ ባ ፂሎቴꬅ ቤሳናሳ።  
\v 26 ኢዚ ሄሳ ሃ ዎዴዛን ኦꬂዳይ ባ ፂሎቴꬃ ሄሲካ ባ ባጋራ ፂሎ ጊዲዳ ዬሱስ ኪርስቶሳን ኣማኒዛዴ ፂሊሲዛይሳ ቤሳናሳ። 
\p  
\v 27 ሂስቲን ኑኒ ኢዛን ጬቄቲዛ ሚሺ ኣዚ ዲዜ? ኣይኮ ሚሻንካ ጬቄቶኮ። ኑ ጬቄታና ጋሶይ ኣዜ? ዎጋ ናጊዛ ጊሼ? ጊዴና፥ ኣማኖና።  
\v 28 ኣይ ኣሲካ ኣማኖን ኣቲን ዎጋ ናጎን ኣቶንታይሳ ኑ ጌሺ ዮቶስ። 
\p  
\v 29 ፆሲ ኣይሁዳታ ፆሴ ፃላላ? ኣይዛቤታስካ ፆሴ ጊዴኔ? ኤ ኣይዛቤታስካ ኢዚ ፆሳ።  
\v 30 ቃፃሬቲዳይሳ ኣማኖን ቃሴ ቃፃሬቶንታይሳካ ሄ ኣማኖንካ ፂሊሲዛይካ ኢዚ ኢሲ ፆሳ ፃላ። \x * \xo 3:30 \xt ዛሬ 6፡4፤ ጋላ 3፡20\x* 
\v 31 ሂስቲን ሄሲ ሄሳ ጊዲኮ ኣማኖ ጌዶን ዎጋ ጎዓይ ባይንዳ ሚሽ ኦꬂኖ? ሙሌካ ሄሳꬆ ሃኔና፤ ዎጋ ኑ ሚንꬃና ኣቲን። 
\c 4  
\s1 ኣብራሃሜይ ኣማኖን ፂሊዴስ 
\p  
\v 1 ሄሳ ጊሽ ቃሴ ኑ ኣብራሃሜይ ሃይሳፌ ኣይ ጎዓ ዴሚዴ ጊኖ?  
\v 2 ኣብራሃሜይ ባ ኦሶን ፂሊዳኮ ኢዚ ጬቄታናዚ ኢዛስ ዴስኮ ሺን፤ ኢዚ ፆሳ ሲንꬃን ጬቄታናስ ዳንዳዬና።  
\v 3 ጌሻ ማፃፋይ “ኣብራሃሜይ ፆሴ ኣማኒዴሲኔ ኢዛ ኣማኖይ ኢዛስ ፂሎቴꬃን ቆዴቲዴስ” ጌስ። \x * \xo 4:3 \xt ሜꬌ 15፡6፤ ጋላ 3፡6\x* 
\p  
\v 4 ኢሳዴይ ኦሶ ኦꬂኮ ኢዚ ኤኪዛ ሚሻይ ኢዛስ ጮ ኪያቴꬅ ኢሜቲዛዝ ጊዶንታ ኢዛዴስ ኦሶ ዋጋ ጊዴስ።  
\v 5 ጊዶ ኣቲን ኦሶ ኦꬆንታ ናጋራንቻ ኣሲ ፂሎ ኬሲዛ ፆሳን ኣማኒዛዴስ ኢዛ ኣማኖይ ኢዛስ ፂሎቴꬃን ታይቤቴስ።  
\v 6 ዳዉቴይካ ፂሎቴꬂ ኢዛዴስ ቆዴቲዛይ ሎዖ ኦሶን ጊዶንታ ኣሳ ጊሽ፥ 
\q1  
\v 7 “ኢስታስ ኢስታ ባላ ኦሶይ ኣቶ ጌቴቲዳይቲኔ 
\q2 ናጋራፔ ማሬቲዳይቲ 
\q2 ኣንጄቲዳይታ! 
\q1  
\v 8 ኢዛ ናጋራ ጎዳይ ሙሌካ ቆዶንታዴይ ኢዚ 
\q2 ኣንጄቲዳይሳ!” ጊዴስ። 
\p  
\v 9 ሃ ኣንጆዚ ቃፃሬቲዳይታስ ፃላላዬ? ዎይኮ ቃፃሬቶንታይታሳራ? “ካሴ ኮይሮ ኑ ኣዋ ኣብራሃሜ ኣማኖይ ኢዛስ ፂሎቴꬃን ቆዴቲዴስ” ጊዶስ። 
\p  
\v 10 ሂስቲን ዋኒ ኢዛስ ሄሳꬆ ቆዴቲዴ? ኢዚ ቃፃሬቲዳፔ ጉዬ? ዎይኮ ቃፃሬታናፔ ካሴ? ኢዛስ ፂሎቴꬃን ቆዴቲዳይ ኢዚ ቃፃሬታናፔ ሲንꬃና።  
\v 11 ኢዚ ካሴ ቃፃሬታናፔ ካሴ ዴሚዳ ፂሎቴꬃይ ቃፃራስ ማላታ ጊዳና ማላ ፂሎቴꬃስ ማታሜ ኤኪዴስ። ሄሳ ጊሽ ቃፃሬቶንታ ኣማኒዛይታስ ፂሎቴꬅ ቆዴታና ማላ ኡባታስ ኢዚ ኣዋ። \x * \xo 4:11 \xt ሜꬌ 17፡10\x* 
\v 12 ኢዚ ቃፃሬቲዳይታስካ ኣዋ፤ ቃፃሬቲዳይታስ ፃላላ ጊዶንታ ኑ ኣዋ ኣብራሃሜይ ካሴ ቃፃሬታናፔ ሲንꬄ ኢዛስ ዲዛ ኣማኖ ጌዶ ካሊዛይታስ ኡባሳ። 
\s1 ኣማኒዛ ኣሳስ ኢሜቲዳ ኡፋይስ 
\p  
\v 13 ኢዚ ኣላሜ ላቲዛዴ ጊዳና ማላ ኣብራሃሜይኔ ኢዛ ዜሬꬃቲ ኡፋይሳ ቃላ ኤኪዳይ ዎጋ ባጋራ ጊዶንታ ኣማኖን ጊዲዳ ፂሎቴꬃና። \x * \xo 4:13 \xt ሜꬌ 17፡4-6፤ 22፡17-18፤ ጋላ 3፡29\x* 
\v 14 ዎጋ ናጊዛይቲ ላቲዛይታ ጊዲኮ ኣማኖስ ጎዓይ ዴና፤ ሂዶታይካ ጮ ሃዳ ጊዳናሺን፤  
\v 15 ዎጋይ ሃንቆ ካሌꬄስ። ዎጋይ ባይንዳሶን ዎጋፔ ኣꬌꬅ ዴና። 
\p  
\v 16 ሄሳ ጊሽ ሂዶታይ ኣማኖን ዪዴስ። ሄሲካ ኢዛ ሂዶታይ ኢዛ ኪያቴꬃን ጊዳና ማላኔ ኣብራሃሜ ዜሬꬃስ ኡባስ ኣማኔቲዛይሳ ጊዳና ማላ ሃኒዴስ። ሄሲካ ዎጋን ኢዛይታ ጊዲዳይታስ ፃላላ ጊዶንታ ኣማኖን ኣብራሃሜ ናይታ ጊዲዳይታስ ኡባታሳ። ኢዚካ ኑስ ኡባስካ ኣዋ። \x * \xo 4:16 \xt ጋላ 3፡7\x* 
\v 17 ሄሲካ “ታ ኔና ዳሮ ዴሬ ኣዋ ኦꬃዲስ” ጌቴቲ ፃፌቲዳ ማላ ሃኒዴስ። ኢዚካ ሃይቂዳይታስ ዴዖ ኢሚዛዴን ባይንዳይሳ ቃሴ ዲዛ ማላ ኦꬂዛዴን ኣማኒዳ ፆሳ ሲንꬃን ኢዚ ኑስ ኣዋ። \x * \xo 4:17 \xt ሜꬌ 17፡5\x* 
\p  
\v 18 ካሴ ኢዛስ “ኔ ዜሬꬂ ሄሳꬆ ሃናና” ጌቴቲዳ ማላ ኣይኮ ሂዶታይካ ባይንዳ ዲሺን ኣብራሃሜይ ፆሲ ሃናና ጊዳይሳ ኣማኒዲ ዳሮ ዴሬ ኣዋ ጊዲዴስ። \x * \xo 4:18 \xt ሜꬌ 15፡5\x* 
\v 19 ኣብራሃሜስ ዬሌቲን ፄቱ ላይꬅ ጊዲቺን ኣብራሃሜይ ባ ኣሳቴꬃይ ሃይቄꬃ ማላ ጊዲዳይሳኔ ሳራስ ዬሎ ዎዴይ ኣꬊ ቢዳይሳ ኤሪሼካ ኣማኖን ሌፒቤና። \x * \xo 4:19 \xt ሜꬌ 17፡17\x* 
\p  
\v 20 ጌዴ ጉጂዲ ኣማኖን ሚኒዲ ፆሳስ ቦንቾ ኢሚዴስ ኣቲን ፆሲ ጊዳ ቃላ ሲꬊቤና።  
\v 21 ፆሲ ኢዛስ ኢሚዳ ሂዶታይ ፖሌታናይሳ ኩሜꬃ ዎዝናፔ ኣማኒዴስ።  
\v 22 ሄሳ ጊሽ ኢዛስ ፂሎቴꬃን ቆዴቲዴስ።  
\v 23 “ኢዛስ ፂሎቴꬃን ቆዴቲዴስ” ጊዛ ቃላይ ፃፌቲዳይ ኢዛስ ፃላላ ጊዴና።  
\v 24 ጊዶ ኣቲን ፆሲ ኑ ፂሎቴꬃ ኢዛ ባጋራ ታዪቢዛ ኑ ጎዳ ዬሱሳ ሃይቆፔ ዴንꬂዳይሳን ኣማኒዛ ኑሳራ።  
\v 25 ኢዚ ኑ ናጋራ ጊሽ ሃይቃናስ ኣꬊ ኢሜቲዴስ። ኢዚ ኑና ፂሊሳናስ ሃይቆፔ ዴንዲዴስ። \x * \xo 4:25 \xt ኢሳ 53፡4-5\x* 
\c 5  
\s1 ሳሮቴꬂኔ ኡፋይስ 
\p  
\v 1 ሂስቲኮ ኑኒ ኣማኖን ፂሊዳ ጊሽ ኑ ጎዳ ዬሱስ ኪርስቶሳ ባጋራ ኑስ ፆሳራ ሳሮቴꬅ ዴስ።  
\v 2 ሃይሳ ሃ ኣማኖዛን ሚኒ ዲዛ ኪያቴꬃን ኑኒ ጌሊዳይ ኢዛ ባጋራ ጊዲዳ ጊሽ ኡፋይሳን ፆሳ ቦንቾ ጊሼቲ ኤኪዛይታ ጊዲዳ ጊሽ ኑ ኡፋዮስ። 
\p  
\v 3 ሃይሳን ፃላላ ጊዶንታ ኑና ጋኪዛ ዋዬንካ ኡፋዬቶስ። ጋሶይካ ዋዬይ ዳንዳያን ጋꬂዛይሳ ኑ ኤሮስ።  
\v 4 ዳንዳያይ ፓጬን ሚኖቴꬅ ኢሜስ፤ ፓጬን ሚኖቴꬅ ሂዶታ ኢሜስ።  
\v 5 ሄ ሂዶታይ ቃሴ ኑና ዬላቼና። ፆሲ ኑስ ኢሚዳ ፂሎ ኣያናን ባ ሲቆ ኑ ዎዝናን ጉሲዳ ጊሽ ሄ ሂዶታይ ኑና ዬላን ጋꬄና። 
\p  
\v 6 ኑ ዳቡራንቻታ ጊዲ ዲሺን ፆሳ ዎዴይ ጋኪዳ ማላ ኪርስቶሲ ኑ ናጋራ ጊሽ ሃይቂዴስ።  
\v 7 ፂሎ ኣሳ ጊሽ ሃይቃና ኣሲ ቤታናይሲ ዳሮ ሜቴስ። ሎዖ ኣሳ ጊሽ ሃይቃናስ ፃላና ኣሲ ኦኔ ኤሪዛይ ቤታና ዳንዳዬስ።  
\v 8 ጊዶ ኣቲን ኑ ቡሮ ናጋራንቻ ጊዲ ዲሺን ኪርስቶሲ ኑ ጊሽ ሃይቂዴስ። ሄሲካ ፆሲ ኑና ሲቂዛ ባ ሲቆ ሄሳን ቤሴስ። 
\p  
\v 9 ኑኒ ኢዛ ሱꬃን ጌዪዳይታ ጊዲኮ ሃራፔካ ኢዛ ባጋራ ፆሳ ሃንቆፌ ኣታና።  
\v 10 ኑ ፆሳስ ሞርኬታ ጊዲ ዲሺን ኢዛ ናዛ ሃይቆን ኢዛራ ጊጊዳይታ ጊዲኮ ኑ ኢዛራ ጊጊዳፔ ጉዬ ኢዛ ናዛ ዴዖ ባጋራ ኑኒ ፓፂዳይሲ ዋኒ ኬሂ ዳሬኔ!  
\v 11 ሄሳ ፃላላ ጊዴና፤ ቃሴካ ኑኒ ሃዒ ኢዛራ ጊጋ ዴሚዳ ኑ ጎዳ ዬሱስ ኪርስቶሳ ባጋራ ፆሳንካ ኡፋይስ ኦꬆስ። 
\s1 ሃይቆይ ኣዳሜ ባጋራ፥ ዴዖይ ኪርስቶሳ ባጋራ ዪዴስ 
\p  
\v 12 ሄሳ ጊሽ ናጋራይ ኢሳዴ ጋሶን ዱጌ ሃ ኣላሜዛ ዪዳ ማላ ሃይቆይካ ናጋራ ጋሶን ዪዴስ። ሃይቆይካ ሄሳ ባጋራ ኣሳ ኡባኮ ዪዴስ። ሄሳስ ጋሶይ ኣሲ ዉሪካ ኢዛ ባጋራ ናጋራ ኦꬂዳ ጊሻሳ። \x * \xo 5:12 \xt ሜꬌ 3፡6\x* 
\v 13 ዎጋይ ኢሜታናፔ ካሴ ናጋራይ ቢታ ቦላ ዴስ ሺን ዎጋይ ባይንዳሶን ናጋራይ ናጋራ ጊዴና።  
\v 14 ጊዶ ኣቲን ኣዳሜፔ ሃ ሲሚን ሙሴ ዎዴ ጋካናስ ዲዛ ዎዴን ኣዳሜ ማላ ዎጋ ሜንꬂዲ ናጋራ ኦꬆንታይታ ቦላካ ሃይቆይ ካዎቲዴስ። ኣዳሜይ ቡሮ ያና ኪርስቶሳስ ሌሚሶ። 
\p  
\v 15 ጊዲኮካ ኢዛ ኪያቴꬃ ኢሞታይ ኣሳ ቆሆ ማላ ጊዴና። ኢሳዴይ ሞሪዳይሳን ዳሮ ኣሳይ ሃይቂኮካ ፆሳ ኪያቴꬃኒኔ ኢሲ ኣሲ ዬሱስ ኪርስቶሳ ኪያቴꬃን ዪዳ ኢሞታይ ዳሮታስ ኬሂ ዳሪ ኢሜቲዴስ።  
\v 16-17 ቃሴካ ፆሳ ኢሞታይ ኢሳዴ ባጋራ ዪዳ ናጋራፔ ቤቲዳ ኣይፌ ማላ ጊዴና። ጋሶይካ ኢዛ ፒርዳይ ኢሳዴ ናጋራ ካሊዲ ፒርዳ ኤኪ ዪዴስ። ኢዛ ኢሞታይ ቃሴ ዳሮ ቆሆ ጋሶን ፂሎቴꬅ ኤሂዴስ። ሃይቆይ ኢሳዴ ባጋራ ካዎቲዳይሳ ጊዲኮ ዳሮ ቲርፓ ጊዲዳ ፆሳ ኪያቴꬂኔ ፂሎቴꬃ ኢሞታ ኤኪዳይቲ ኢሳዴ ባጋራ ሄሲካ ዬሱስ ኪርስቶሳ ባጋራ ፆንዲ ዴዖን ዳና። 
\p  
\v 18 ሂስቲኮ ኢሳዴ ቆሆ ጌዶን ፒርዳይ ኣሳ ኡባ ቦላ ጋኪዳ ማላ ሄሳꬆካ ኢሳዴ ፂሎቴꬃ ኦሶን ኣስ ኡባስ ዴዖ ኢሚዛ ፂሎቴꬂ ቤቲዴስ።  
\v 19 ኢሳዴይ ኣዛዜቶንታ ኢፂዳ ጊሽ ዳሮ ኣሳይ ናጋራንቻ ጊዲዳ ማላ ኢሳዴ ኣዛዜቴꬃን ቃሴ ዳሮቲ ፂላና። 
\p  
\v 20 ዎጋይ ዪን ሞሮይ ዳሪዴስ። ጊዶ ኣቲን ናጋራይ ዳሮይሳፌ ቦላራ ፆሳ ኪያቴꬂ ኬሂ ዳሪዴስ።  
\v 21 ሄሲካ ሃኒዳይ ናጋራይ ሃይቆ ቦላ ካዎቲዳይሳ ማላ ዬሱስ ኪርስቶሳ ባጋራ ቃሴ ሜርና ዴዖይ ቤታና ማላ ኢዛ ኪያቴꬂ ፂሎቴꬃን ካዎታናሳ። 
\c 6  
\s1 ናጋራፔ ሻኬቲዲ ኪርስቶሳን ዱስ 
\p  
\v 1 ሂስቲን ኑ ኣይ ጊኖ? ፆሳ ኪያቴꬂ ዳራና ማላ ናጋራ ጉጂ ኦꬂኖ?  
\v 2 ሙሌካ ጊዴና። ኑኒ ናጋራስ ሃይቂዶስ። ሂስቲን ሃይሳፌ ጉዬ ኑ ዋኒ ናጋራን ዳኔ?  
\v 3 ኑኒ ዬሱስ ኪርስቶሳራ ኢሲኖ ጊዳና ማላ ፃማቄቲዳይቲ ኢዛ ሃይቆን ኑ ኢሲፌ ጊዳናስ ፃማቄቲዳይሳ ሃይሳ ኢንቴ ኤሬኬቲ?  
\v 4 ሄሳ ጊሽ ኪርስቶሲ ባ ኣዋ ቦንቾን ሃይቆፔ ዴንዲዳ ማላ ኑኒካ ሄሳꬆ ኦራꬃ ዴዖን ዳናስ ፂንቃቴን ሃይቂዲ ኢዛራ ሞጌቲዶስ። \x * \xo 6:4 \xt ቆላ 2፡12\x* 
\p  
\v 5 ኑኒ ሄሳ ማላ ሃይቆን ኢዛራ ኢሲኖ ጊዲኮ ቃሴ ዴንꬃንካ ኢዛራ ኢሲኖ ጊዶስ።  
\v 6 ሃይሳፌ ጉዬ ኑ ናጋራስ ኣይሌ ጊዶንታ ማላ ናጋራ ኣሳቴꬃይ ኪቻና ማላ ካሴ ኑ ጬጋ ኣሳቴꬃይ ኢዛራ ኢሲፌ ካቄቲዳይሳ ኑ ኤሮስ።  
\v 7 ጋሶይካ ሃይቂዳ ኣሲ ናጋራፔ ሼምፒዴስ። 
\p  
\v 8 ኑኒ ኪርስቶሳራ ሃይቂዳይታ ጊዲኮ ኑ ኢዛራ ኢሲፌ ዳናይሳ ኣማኖስ።  
\v 9 ኪርስቶሲ ሃይቆፔ ዴንዲዳ ጊሽ ናምዓንꬆ ኢዚ ሃይቆንታይሳኔ ኢዛ ቦላ ሃይቆስ ዎልቃይ ባይንዳይሳ ኑ ኤሮስ።  
\v 10 ኢዚ ሃይቂዳ ዎዴ ኢሲቶ ዉርሲ ናጋራ ጊሽ ሃይቂዴስ። ጊዶ ኣቲን ፆሳስ ፓፃ ዱስ ዴስ።  
\v 11 ሄሳꬆካ ኢንቴ ናጋራስ ሃይቂዲ ፆሳስ ዬሱስ ኪርስቶሳ ባጋራ ፓፃ ዲዛይሳ ኤሪቴ። 
\p  
\v 12 ሄሳ ጊሽ ኢታ ኦꬃና ኮዪዛ ኢታ ኣሾ ቆፋ ኮይዲ ሃይቂዳ ኢንቴ ኣሳቴꬃ ቦላ ናጋራይ ካዎታና ማላ ኦꬆፍቴ።  
\v 13 ኢንቴ ኣሳቴꬅ ኢታ ኦሶ ኦꬂዛ ሚሽ ኦꬂ ናጋራስ ሃሪሶፍቴ። ሄሳ ማላ ኦꬃናፔ ሃይቆፔ ጌዴ ዴዖን ፒኒዳ ኣሳታ ማላ ኢንቴና ፆሳስ ሃሪሲቴ። ኢንቴ ኣሳቴꬃ ፂሎቴꬃ ሚሻ ማላ ፆሳስ ሃሪሲቴ።  
\v 14 ኢንቴ ፆሳ ኪያቴꬃ ጋርሳን ዴታ ኣቲን ዎጋ ጋርሳን ዶንታ ጊሽ ኢንቴና ናጋራይ ሃሬና። 
\s1 ፂሎቴꬃ ኦሳንቻታ 
\p  
\v 15 ሂስቲን ኣይ ኦꬂኖ? ዎጋ ጋርሳን ጊዶንታ ኑኒ ፆሳ ኪያቴꬃ ጋርሳን ዲዛ ጊሽ ናጋራ ኦꬂኖ? ሙሌ ኦꬃናስ ቤሴና።  
\v 16 ኢንቴ ኢንቴና ኣይሌ ማላ ሺሺዛ ዎዴ ኢንቴ ኣዛዜቲዛዴስ ኣይሌ ጊዲዳይሳ ኤሬታ። ሄሳꬆካ ጌዴ ሃይቆኮ ኤፊዛ ናጋራስ ዎይኮ ፂሎቴꬃኮ ጋꬂዛ ኣዛዜቴꬃስ ኢንቴ ኣይሌ ጊዲዳይሳ ኤሬኬቲ?  
\v 17 ኢንቴ ካሴ ናጋራስ ኣይሌታ ጊዲኮ ኢንቴስ ኢሜቲዳ ቲሚርቴዛስ ኢንቴ ዎዝናፔ ኣዛዜቲዳ ጊሽ ፆሲ ጋላቴቶ።  
\v 18 ኢንቴ ናጋራፔ ዎዜቲዲ ፂሎቴꬃስ ኣይሌ ጊዲዴታ። 
\p  
\v 19 ሃይሳ ታ ኣሳ ቃላን ኢንቴስ ቆንጬን ዮቲዛይ ኢንቴ ዬሌቴꬃን ዳቡራንቻ ጊዲዳ ጊሻሳ። ኢንቴ ካሴ ዎዴ ኢንቴ ኣሳቴꬃ ኣይሌቴꬃሲኔ ካሴፔ ኣꬊ ኢታና ማላ ኦꬂ ኢሜታ ሺን ሃዒ ቃሴ ጌዴ ጌሻቴꬃኮ ኤፊዛ ፂሎቴꬃስ ኣይሌ ሂስቲ ሃሪስቴ። 
\p  
\v 20 ኢንቴ ካሴ ናጋራስ ኣይሌቲዲ ዲዛ ዎዴ ኢንቴ ፂሎቴꬃፌ ሜላ ኣቲዴታ ሺን፤  
\v 21 ሃዒ ቃሴ ኢንቴ ዬላቲዛ ሚሻታፔ ሄ ዎዴ ኣይ ጎዓ ዴሚዴቲ? ሄሳ ሄ ሃኖዛ ጎዓይ ሃይቆ።  
\v 22 ሃዒ ቃሴ ኢንቴ ናጋራፔ ዎዜቲዲ ፆሳ ኣይሌታ ጊዲዴታ። ሄሲካ ኢንቴና ጌዴ ጌሻቴꬃኮ ካሌꬄስ። ዉርሴꬃይካ ሜርና ዴዖ።  
\v 23 ናጋራ ዋጋይ ሃይቆ፤ ጊዶ ኣቲን ፆሳ ኢሞታይ ጊዲኮ ጎዳ ዬሱስ ኪርስቶሳ ባጋራ ሜርና ዴዖ። 
\c 7  
\s1 ኤኮኔ ጌሎ ሌሚሶ 
\p  
\v 1 ታ ኢሻቶ! ታኒ ዎጋ ኤሪዛ ኣሳታስ ዮታይስ። ዎጋይ ሼምፖራ ፓፃ ዲዛ ኣሳ ፃላላ ሃሪዛይሳ ኢንቴ ኤሬኬቲ?  
\v 2 ኢሲ ማጫሲ ኣዚና ጌሊኮ ባ ኣዚናራ ኢዛ ዎጋን ቃሼቲዛይ ኣዚናይ ፓፃ ዲዛ ዎዴ ጋካናሳ። ኣዚናይ ሃይቂኮ ኢዛ ማቾ ጊዲዛ ዎጋፔ ኣንጄታዉስ።  
\v 3 ጊዶ ኣቲን ኣዚናይ ፓፃ ዲሺን ኢዛ ሃራ ኣዚና ጌሊኮ ላይማ ጌቴታዉስ። ኣዚናይ ሃይቂኮ ቃሴ ሃራ ኣሲ ጌሊኮ ካሴ ኣዚና ዎጋፔ ኣንጄታዱስ ኣቲን “ላይማ” ጌቴቱኩ። 
\p  
\v 4 ሄሳ ጊሽ ታ ኢሻቶ! ኢንቴካ ዬሱስ ኪርስቶሳ ኣሳቴꬃ ባጋራ ዎጋስ ሃይቂዴታ። ኢንቴ ሃይቆፔ ዴንዲዳ ኪርስቶሳ ባጋ ጊዲን ኑኒ ፆሳስ ኣይፌ ኣይፋናሳ።  
\v 5 ናጋራንቻ ሜꬌቴꬃ ሼኔን ኑ ዲዛ ዎዴ ሃይቆስ ጋꬂዛ ኣይፌ ኑ ኣይፋና ማላ ዎጋይ ዴንꬄꬂዳ ናጋራ ኣሞይ ኑ ቦላ ኦꬂዴስ።  
\v 6 ሃዒ ጊዲኮ ካሴ ኑና ዋፂ ቃቺዳ ዎጋስ ሃይቂዳ ጊሽ ሄ ዎጋፔ ዎዜቲዶስ። ሄሲካ ካሴ ጬጋ ዎጋን ፃፌቲዳይሳን ጊዶንታ ዲሼ ኦራꬃ ኣያና ኦጌን ኑኒ ኦꬃናሳ። 
\s1 ናጋራራ ባፄቴꬅ 
\p  
\v 7 ሂስቲን ኑ ኣይ ጊኖ? ባ ሁዔስ ዎጋይ ናጋራ? ሙሌካ ጊዴና። ዎጋ ባጋራ ጊዶንታኮ ናጋራይ ኣዛኮኔ ኑ ኤሮኮኮ ሺን፤ ዎጋይ “ኣሞቶፋ!” ጎንታኮ ኣሞይ ኣዛኮኔ ቱማፔ ታ ኤሪኬ። \x * \xo 7:7 \xt ኬሳ 20፡17፤ ዛሬ 5፡21\x* 
\v 8 ናጋራይ ቃሴ ዎጋፔ ኬዚዳ ኣዛዞይ ቤሲዳ ኦጌን ጎዔቲዲ ታ ጊዶን ዱማ ዱማ ኢታ ኣሞ ዴንꬄꬂዴስ። ዎጋይ ያናፔ ካሴ ናጋራይ ሃይቂዳዛ። 
\p  
\v 9 ዎጋይ ባይንዳ ካሴ ታኒ ፓፃ ዳይሲሺን ዎጋይ ዪን ቃሴ ናጋራይ ፓፃ ጊዲዴስ። ታ ጊዲኮ ሃይቃዲስ።  
\v 10 ኣስ ኣሻና ቆፌቲዳ ኣዛዞይካ ሃይቆ ኤኪ ዪዳይሳ ኤራዲስ።  
\v 11 ናጋራይ ዎጋ ባጋራ ቤቲዳ ጋሶን ጎዔቲዲ ታና ባሌꬂዴሲኔ ኣዛዞን ዎꬊዴስ። \x * \xo 7:11 \xt ሜꬌ 3፡13\x* 
\p  
\v 12 ሄሳ ጊሽ ዎጋይ ባ ባጋራ ጌሻ። ኣዛዞይካ ጌሻ፤ ፂሎኔ ሎዖ።  
\v 13 ጊዶ ኣቲን ሎዖስ ሃኒዳይሲ ታስ ሃይቆስ ጊዲዴ? ሙሌካ ጊዴና። ጊዶ ኣቲን ናጋራይ ባ ናጋራቴꬃን ኤሬታና ማላ ሎዖ ጊዲዳ ሃኖ ባጋራ ታ ቦላ ሃይቆ ኤሂዴስ። ሄሲካ ናጋራይ ኣዛዞ ባጋራ ካሴፔ ኣꬂ ናጋራ ዳርሲዴስ። 
\p  
\v 14 ዎጋይ ኣያና ዮዖ ጊዲዳይሳ ኑ ኤሮስ። ታ ቃሴ ናጋራስ ኣይሌ ማላ ባይዜቲዳ ኣሳ።  
\v 15 ታኒ ታ ኦꬂዛይሳ ኤሪኬ። ታ ኦꬃና ኮዪዛይሳ ኦꬃ ኤሪኬ ሺን ታ ኢፂዛ ሚሽ ኦꬃይስ። \x * \xo 7:15 \xt ጋላ 5፡17\x* 
\v 16 ታ ኦꬃና ኮዮንታ ሚሽ ኦꬂዛ ጊዲኮ ዎጋይ ሎዖ ጊዲዳይሳ ታ ማርካታይስ።  
\v 17 ሄሳ ኦꬂዛይ ታና ጊዶንታ ታ ጋꬃን ዲዛ ናጋራይ ኦꬄስ። 
\p  
\v 18 ታናን ሄሲካ ናጋራንቻ ጊዲዳ ታ ሜꬌቴꬃ ጊዶን ኣይኮ ሎዖ ሚሽ ባይንዳይሳ ታ ኤራይስ። ሎዖ ኦꬃናስ ታስ ኣሞቴꬅ ዴስ ሺን ፖላ ኦꬃ ኤሪኬ።  
\v 19 ታ ኦꬂዛይ ኦꬃና ጋዳ ኮዪዛ ሎዖ ኦሶ ጊዴና። ጊዶ ኣቲን ታ ኦꬃና ኮዮንታ ኢታ ኦሶ ኦꬃይስ።  
\v 20 ታኒ ኦꬃናስ ኮዮንታይሳ ኦꬂዛ ጊዲኮ ሄሳ ኦꬂዛይ ታና ጊዶንታ ታ ጊዶን ዲዛ ናጋራ። 
\p  
\v 21 ሄሳ ጊሽ ሃይሲ ዎጋይ ኦሶን ዲዛይሲ ታስ ጌሊዴስ። ሄሲካ ታኒ ሎዖ ኦꬃና ኮያይሲሺን ኢታ ኦꬃይስ።  
\v 22 ታኒ ታ ጋꬃራ ፆሳ ዎጋን ኡፋዬታይስ።  
\v 23 ጊዶ ኣቲን ታ ኣሳቴꬃ ጊዶን ኦꬂዛ ናጋራ ዎጋይ ታና ቃቺ ኦይኪዲ ታ ቆፋ ዎጋራ ኦሌቲዛ ሃራ ዎጋይ ታ ኣሳቴꬃ ጊዶን ኦꬂሺን ቤያይስ።  
\v 24 ታ ኣይ ማላ ላፋ ኣሴ! ሃይሳ ሃይቆስ ኢሜቲዳ ኣሳቴꬃፌ ታና ኣሻናይ ኦኔ?  
\v 25 ኑ ጎዳ ዬሱስ ኪርስቶሳ ባጋራ ጋላታይ ፆሳስ ጊዶ። 
\p ሂስቲኮ ታኒ ታ ባጋራ ታ ቆፋን ፆሳ ዎጋስ ኣይሌ ጊዳሼ ታኒ ታ ሜꬌቴꬃ ዎጋን ናጋራ ዎጋስ ኣይሌ። 
\c 8  
\s1 ፂሎ ኣያናን ዱሳ ጊሺኔ ኣሾን ዱሳ ጊሽ 
\p  
\v 1 ሄሳ ጊሽ ዬሱስ ኪርስቶሳ ኣማኒዛይታ ቦላ ፒርዳይ ዴና።  
\v 2 ጋሶይካ ዴዖ ኣያና ዎጋይ ዬሱስ ኪርስቶሳ ባጋራ ናጋራፔ ኢስታ ጌሺዳ ጊሻሳ።  
\v 3 ናጋራንቻ ኣሾፔ ዴንዲዳይሳን ዎጋይ ፖላናስ ዳንዳዮንታይሳ ፆሲ ባ ናዛ ናጋራንቻ ኣሳ ሌሚሶን ናጋራስ ያርሼታና ማላ ዬዲዲ ፖሊዴስ። ሂስቲዲ ናጋራ ኢዛ ኣሾን ፒርዲዴስ።  
\v 4 ሄሲካ ኑኒ ኣሾን ጊዶንታ ኣያናን ሲሜሬቲዛ ኑፔ ዎጋይ ኮዪዛ ፂሎቴꬃ ፖላናሳ። 
\p  
\v 5 ኣሾ ሼኔ ማላ ዳና ኮዪዛ ኣሳታ ዎዝናይ ኣሾይ ኮዪዛ ሚሻን ሼምፔስ። ኣያና ሼኔ ማላ ዲዛይቲ ቃሴ ባ ዎዝና ኣያናይ ኮዪዛ ሚሻ ቦላ ዎꬄቴስ።  
\v 6 ኣሾስ ፃላላ ቆፋይ ሃይቆ ጊዲሺን ኣያና ዮዖስ ቆፋይ ጊዲኮ ዴዖኔ ሳሮቴꬃ።  
\v 7 ናጋራስ ሃሬቲዛ ዎዝናይ ፆሳራ ኦሻ። ጋሶይካ ኢዚ ፆሳ ዎጋስ ሃሬቴናኔ ሃሬታናስ ዳንዳዬና።  
\v 8 ኣሾ ሼኔ ማላ ዲዛ ኣሳቲካ ፆሴ ኡፋይሳስ ዳንዳዬቴና። 
\p  
\v 9 ኢንቴ ቃሴ ፆሳ ኣያናይ ኢንቴናን ዲዛ ጊዲኮ ኣሾን ጊዶንታ ኣያናን ዴታ። ኪርስቶሳ ኣያናይ ኢዛ ቦላ ባይንዳዴይ ኪርስቶሳስ ጊዴና።  
\v 10 ኪርስቶሲ ኢንቴ ጊዶን ዲኮ ቃሴ ኢንቴ ኣሳቴꬃይ ናጋራ ጌዶን ሃይቄꬅ ጊዲኮካ ኢንቴ ኣያናይ ቃሴ ፂሎቴꬃ ጋሶን ዴዖን ዴስ።  
\v 11 ዬሱሳ ሃይቆፔ ዴንꬂዳ ኢዛ ኣያናይ ኢንቴ ቦላ ዲዛ ጊዲኮ ኪርስቶሳ ሃይቆፔ ዴንꬂዳይሲ ኢንቴ ጊዶን ዲዛ ኢዛ ኣያናይ ሃይቃናስ ዲዛ ኢንቴ ኣሳቴꬃስ ዴዖ ኢማና። \x * \xo 8:11 \xt 1ቆሮ 3፡16\x* 
\p  
\v 12 ሄሳ ጊሽ ታ ኢሻቶ! ሄሲካ ሃናናይ ዶሳን ጊዴና ሺን ኑ ኣሾ ሼኔ ማላ ዳናስ ኣሾስ ጊዶኮ።  
\v 13 ኣሾ ሼኔ ማላ ዲዛ ጊዲኮ ኢንቴ ሃይቃና፤ ኣሾ ኦሶ ኢታዛ ኢንቴ ኣያናን ዎꬊኮ ኢንቴ ዴዖን ዳና።  
\v 14 ፆሳ ኣያናን ካሊዛይቲ ኢስቲ ፆሳ ናይታ።  
\v 15 ኢንቴ ኤኪዳ ኣያናይ ዛሪዲ ኢንቴና ኣይሌቴꬃን ሃሪዛ ኣያና ጊዶንታ “ኑ ኣዋዉ” ጊ ፄይጊሲዛ ናቴꬃ ኣያና ኤኪዴታ። \x * \xo 8:15 \xt ማር 14፡36፤ ጋላ 4፡6\x* 
\v 16 ኑኒ ፆሳ ናይታ ጊዲዳይሳ፤ ሄ ኣያናይ ባ ባጋራ ኑ ኣያናራ ኢሲፌ ኑስ ማርካቴስ።  
\v 17 ኑኒ ፆሳ ናይታ ጊዲኮ ኢዛ ላቲዛይታ። ኑ ኪርስቶሳ ቦንቾዛ ላቲዛይታ ጊዳና ማላ ኣዳፌካ ኢዛራ ኢዛ ሜቶዛ ጊሼቲዛይታ ጊዲኮ ኑ ፆሴ ላቲዛይታ፤ ኪርስቶሳራካ ኢሲፌ ላቲዛይታ። 
\s1 ቡሮ ያና ቦንቾ 
\p  
\v 18 ሃዒ ኑ ኤኪዛ ዋዬይ ቡሮ ኑስ ሲንꬃን ጊጊ ኡቲዳ ቦንቾዛራ ጋꬂ ፄሊሺን ኣይኮካ ጊዴና ጋይስ።  
\v 19 ሜꬌቴꬃይ ዉሪካ ፆሳ ናይቲ ቆንጫናይሳ ላሞቴꬃን ናጎን ዴስ።  
\v 20 ሜꬌቴꬂ ዉሪካ ሜላ ሃዳ ጊዳና ማላ ፒርዴቲዴስ። ሄሲካ ባ ዶሮን ጊዶንታ ሲንꬃፌስ ሃሬታና ማላ ኢዚ ባ ሼኔ ማላ ሃሪሲዳ ጊሻሳ። \x * \xo 8:20 \xt ሜꬌ 3፡17-19\x* 
\v 21 ሄሲካ ሜꬌቴꬅ ዉሪካ ꬋይሳ ኣይሌቴꬃፌ ዎዜቲዲ ፆሳ ናይታስ ጊዲዳ ጌዴ ቦንቼቲዳ ሼኔ ማላ ዲዛሶ ጋካናሳ።  
\v 22 ሃዒ ጋካናስ ሜꬌቴꬂ ዉሪካ ዳሮ ዋዬን ሚፃቲሼ ዲዛይሳ ኑ ኤሮስ።  
\v 23 ኢዛ ፃላላ ጊዶንታ ኮይሮ ፂሎ ኣያና ኢሞታ ዴሚዳ ኑኒካ ኑ ኣሳቴꬃይ ኣታና፤ ኑ ኢዛ ና ጊዳናይሳካ ላሞቲሼኔ ዎዝናራ ሚፃቲሼ ዶስ። \x * \xo 8:23 \xt 2ቆሮ 5፡2-4\x* 
\v 24 ሃይሳ ሃ ሂዶታን ፃላላ ኣቲዶስ። ሂዶታይ ቃሴ ኣይፌን ቤቲዛ ሚሽ ጊዲኮ ቡሮፔ ናጊዛ ሚሽ ጊዴና፤ ሃዒ ባ ኣይፌን ቤዪዛ ሚሺ ቡሮፔስ ናጊዛይ ኦኔ?  
\v 25 ጊዶ ኣቲን ኑኒ ቡሮ ኑ ኣይፌን ቤዮንታ ሚሽ ሂዶታን ናጊዛዝ ጊዲኮ ሳሌታይ ባይንዳ ናጎስ። 
\p  
\v 26 ሄሳꬆካ ቃሴ ኑ ዳቡሪሺን ኣያናይ ኑና ማዴስ። ኑኒ ዎሳ ዎስቲ ዎሳናኮኔ ኤሮንታ ጊሽ ኣያናይ ኑኒ ቃላን ቆንጪሳናስ ዳንዳዬቶንታ ቃላራ ኑስ ዎሴስ።  
\v 27 ኑ ዎዝና ፓጪ ኤሪዛ ኣያናይ ኢዚ ኣያና ቆፋ ኤሬስ። ጋሶይካ ኣያናይ ፆሳ ሼኔ ማላ ኣማኒዛ ኣሳስ ኑስ ዎሴስ። 
\p  
\v 28 ፆሲ ባና ዶሲዛይታሲኔ ኢዛ ሼኔ ማላ ፄይጌቲዳይታስ ኡባስ ኦꬂዛ ሚሽ ዉርሲካ ሎዖስ ኦꬂዛይሳ ኑ ኤሮስ።  
\v 29 ፆሲ ካሴፔ ባ ኤሪዛይታ ኢስቲ ኢዛ ናዛ ሚሳታና ማላ ካሴካ ዶሪ ዎꬂዴስ። ሄሲካ ዳሮ ባ ኢሻታ ጊዶፌ ኢዚ ባይራ ጊዳናሳ።  
\v 30 ካሴ ኮይሮፔ ባ ዶሪዳይታ ኢስታ ፄይጊዴስ። ቃሴካ ፄይጊዳይታ ፂሊሲዴስ። ባ ፂሊሲዳይታካ ቦንቺዴስ። 
\s1 ፆሳ ሲቆ 
\p  
\v 31 ሂስቲን ሄሳ ኑ ኣይ ጊኖ? ፆሲ ኑናራ ጊዲኮ ኑናራ ኤቄታናስ ዳንዳዪዛይ ኦኔ?  
\v 32 ባ ናዛስ ሚሼቶንታ ኑ ጊሽ ኣꬂ ኢሚዳይ ኢዛ። ሂስቲን ኡባ ሚሽ ኑስ ኢዛራ ኪያቴꬃን ዉርሲ ኣዛስ ኢሜኔ?  
\v 33 ፆሲ ዶሪዳይታ ሞቲዛይ ኦኔ? ፂሊሲዛይ ፆሳ።  
\v 34 ሂስቲን ፒርዲዛይ ኦኔ? ሃይቂዲ ሃይቆፔ ዴንዲዲ ፆሳ ኡሻቻን ኡቲዳ ዬሱስ ኪርስቶሲ ኑ ጊሽ ጋናቴስ። 
\p  
\v 35 ኑና ኪርስቶሳ ሲቆፔ ሻካናይ ኦኔ? ሜቶዬ? ዋዬ? ዎይኮ ጎዴቴꬄ? ዎይኮ ጋፋ? ዎይኮ ካሎቴꬄ? ዎይኮ ቆፖንታ ጋኪዛ ሜቶዬ? ማሻ?  
\v 36 ሄሲካ ካሴ “ኔ ጊሽ ኑ ሹኬቲዛ ዶርሳ ማላ ቆዴቲዶስ። ጋላስ ኩሜꬅ ኔ ጊሽ ኑኒ ሃይቆራ ባፄታና” ጌቴቲ ፃፌቲዳይሳ ማላ።  
\v 37 ኑና ኣዚካ ኢዛፔ ሻኬና። ሃይሳ ኡባን ኑና ሲቂዳይሳን ፆኒዛይታፔካ ኑ ኣꬎስ። 
\p  
\v 38 ሄሳ ጊሽ ሃይቆ ጊዲን፥ ዴዖ ጊዲን፥ ኪታንቻታ ጊዲን፥ ዎይኮ ሃዒ ዲዛ ሚሽ ጊዲን፥ ቡሮ ያና ሚሽ ጊዲን፥ ዎይኮ ኣይ ዎልቃማ ጊዲን፥  
\v 39 ꬎቃ ጊዲን ዎይኮ ዚቃ ጊዲን፥ ዎይኮ ኣይ ሜꬌቴꬅ ጊዲን ጎዳ ዬሱስ ኪርስቶሳ ባጋራ ኑስ ዲዛ ፆሳ ሲቆፔ ኑና ሻካና ዳንዳዪዛ ሚሺ ባይንዳይሳ ታ ሻካ ኤራዲስ። 
\c 9  
\s1 ፆሳ ዶሮ 
\p  
\v 1 ታ ዬሱሳ ሱንꬃን ቱሙ ጋይስ፤ ዎርዶቲኬ፤ ታ ዎዝናይካ ፂሎ ኣያና ባጋራ ታስ ማርካቴስ።  
\v 2 ታስ ዎዝናፔ ኪቾንታ ጊታ ቆፋይኔ ሚሻይ ዴስ።  
\v 3 ታ ዳቦታ ጊሽ ታ ቃንጌታዳኔ ኪርስቶሳፔ ሻኬታዳ ዎራ ዎꬊዳኮ ዶሳይስ።  
\v 4 ኢስቲካ ኢስራዔሌ ናይታ፤ ኢስቲ ፆሳ ና ጊዳና ማላ ፆሳ ቦንቾይኔ ጫቆ ቃላይ፥ ዎጋይኔ ፆሳ ኬꬃ ዎጋ ሂዶታይ ኢስታስ ኢሜቲዴስ።\x * \xo 9:4 \xt ኬሳ 4፡22\x* 
\v 5 ካሴ ኣዋቲካ ኢስታ ባጋ ኪርስቶሲ ኢስታ ዜሬꬃ ዛርኬን ቆዴቴስ። ኢዚካ ኡባፌ ቦላ ጊዲዳ ሜርናስ ጋላቴቲዳ ፆሳ። ኣሚን። 
\p  
\v 6 ጊዶ ኣቲን ሄሳ ጉሲ ፆሳ ቃላይ ኣቲዴስ ጉሲ ጊዴና። ኢስራዔሌፔ ዬሌቲዳይ ዉሪ ኢስራዔሌ ኣስ ጊዴና።  
\v 7 ኣብራሃሜፔ ዬሌቲዳይቲ ኢዛፔ ዬሌቲዳ ጊሽ ዉሪካ ኢዛ ናይታ ጊዴቴናሺን “ኔ ዜሬꬅ ዪሳቃ ባጋራ ፄይጌታና” ጌቴቲዳ ማላ ሃኒዴስ። \x * \xo 9:7 \xt ሜꬌ 21፡12\x* 
\v 8 ሄሳ ጉሲካ ፆሳ ና ጌቴቲዳይቲ ኢስቲ ኣሾን ዬሊዳይታ ጊዴቴና፤ ጊዶ ኣቲን ና ጊዳናይቲ ሂዶታ ቃላን ዮቴቲ ኡቲዳይታ።  
\v 9 “ዪዛ ላይꬅ ሃኒ ዎዴ ታ ሃ ሲማና፤ ሳራይካ ኔስ ኣቱማ ና ዬላና” ጌቴቲዲ ኢዛስ ሂዶታ ቃላይ ኢሜቲዴስ። \x * \xo 9:9 \xt ሜꬌ 18፡10\x* 
\p  
\v 10 ሄሳ ፃላላካ ጊዴና። ኢርቢቃ ናይቲ ኢሳዴ ናኮ! ኢዚካ ኑ ኣዋ ዪሳቃ።  
\v 11 ሜንቴቲ ዬሌቲዲ ቡሮ ኢታ ዎይኮ ሎዖ ኦꬆንታ ዲሺን ፆሳ ቆፋይ ሚናና ማላ፥  
\v 12 ኦሶን ጊዶንታ ፄይጊዳይሳፌ ጊዲዳ ጊሽ “ባይራይ ካሎዛስ ሃሬታና” ጌቴቲዲ ኢርቢቃስ ዮቴቲዴስ። \x * \xo 9:12 \xt ሜꬌ 25፡23\x* 
\v 13 ሄሲካ “ታ ያቆቤ ዶሳዲስ፤ ኤሳዌ ኢፃዲስ” ጌቴቲ ካሴ ፃፌቲዳ ማላ ሃኒዴስ። \x * \xo 9:13 \xt ሚል 1፡2-3\x* 
\v 14 ሂስቲን ኑ ሃዒ ኣይ ጊኖ? ፆሲ ቤሶንታ ኦጌራ ማዲ ኤሪዜ? ሙሌካ ማዲ ኤሬና።  
\v 15 ፆሲ ሙሴስ “ታ ማራና ኮዪዳዴ ማራና፤ ታ ሚሼታና ኮዪዛዴስካ ሚሼታና” ጌስ። \x * \xo 9:15 \xt ኬሳ 33፡19\x* 
\v 16 ሄሳ ጊሽ ኣሲ ኮይዳ ማላ ጊዶንታ ዎይኮ ኣሳ ዳቡራን ጊዶንታ ፆሲ ማሪዳ ማላ ሃኔስ። 
\p  
\v 17 ጌሻ ማፃፋይ ፋሮኔ “ታ ዎልቃይ ኔ ቦላ ቤታና ማላኔ ታ ሱንꬂ ቢታ ኡባ ቦላ ዮቴታና ማላ ታ ኔና ሃይሳስ ዴንꬃዲስ” ጌስ። \x * \xo 9:17 \xt ኬሳ 9፡16\x* 
\v 18 ሄሳ ጊሽ ፆሲ ማራና ኮዪዛዴ ማሬስ። ኢዛ ዎዝና ሙሚሳና ኮዪዛዴ ዎዝና ሙሚሴስ።  
\v 19 ኢንቴፌ ኢሳዴይ “ሂስቲን ሃኖይ ሄሳ ማላ ጊዲኮ ኑና ሃኖ ጋካናስ ኣዛስ ዋይሲዜ? ጋሶይካ ኢዛ ሼኔ ዲጋና ዳንዳዪዛይ ኦኔ?” ጋዳ ኔ ኦይቾንታ ኣጋካ። 
\p  
\v 20 ጊዶ ኣቲን ፆሳስ ዛሮ ዛራ ኢሚዛይ ኔ ኦኔ? “ኦሴቲዳ ሚሽ ዛሪዲ ኦꬂዳይሳ ኔ ታና ኣዛስ ሃይሳꬆ ኦꬃዲ?” ጊ ኤሪዜ? \x * \xo 9:20 \xt ኢሳ 29፡16፤ 45፡9\x* 
\v 21 ኡርቃ ሜꬊዛዴይ ሄ ኡርቃፌ ባጋ ቦንቾስ ባጋ ቃሴ ጮ ሂራይሶ ኦሶስ ሜꬋናስ ኢዛ ሼኔ ጊዴኔ? 
\p  
\v 22 ፆሲካ ባ ሃንቆ ቤሳናሲኔ ባ ዎልቃ ኤሪሳናስ ኮይዲ ኢዛ ሃንቆ ቆንጪሲዛይታ፥ ꬋያናስ ጊጌቲዳይታ ꬋይሶንታ ኣጋጊኮቺ!  
\v 23 ኮይሮ ቦንቾስ ጊጊሲዳ ኢዛ ማሮቴꬅ ቤሲዛይታስ ኢዛ ቦንቾ ዱሬቴꬃይ ኤሬታና ማላ ኢዚ ኦꬃናሳ።  
\v 24 ፄይጊዳዴይ ኣይሁዳታ ባጋፌ ፃላላ ጊዶንታ ኣይዛቤታ ባጋፌ ጊዲዳ ኑናካ ኣሾንታ ፄይጊዴስ። 
\p  
\v 25 ሆሴዔ ማፃፋን “ታ ዴሬ ጊዶንታይታ ታኒ 
\q1 ‘ታ ዴሬታ’ ጋ ፄይጋና፤ ዶሴቶንታይታ 
\q2 ኢስታ ታ ‘ዶሴቲዳይታ’ ጋዳ ፄይጋና። \x * \xo 9:25 \xt ሆሴ 2፡23\x* 
\q1  
\v 26 ቃሴካ ‘ኢንቴ ታ ዴሬ ዴኬታ’ ጌቴቲ ዮቴቲዳሶን ሄንካ 
\q1 ‘ኢስቲ ዴዖ ፆሳ ናይታ’ ጌቴቲ ፄይጌታና።” \x * \xo 9:26 \xt ሆሴ 1፡10\x* 
\p  
\v 27 ኢሳያሲካ ኢስራዔሌ ናይታ ጊሽ 
\q1 “ኢስራዔሌ ናይታ ቆዳይ ኣባ ኣጬ ማላ ዳሪኮካ 
\q2 ጉꬃቲ ፃላላ ኣታና። 
\q1  
\v 28 ጎዳይ ባ ፒርዳ ቢታ ቦላ ኤሌ ፒርዳና” ጊ ዮቲዴስ።  
\v 29 ሄሲካ 
\q1 “ዎጋ ጎዳይ ኑስ ዜሬꬅ ኣሾንታኮ 
\q2 ኑካ ሶዶሜ ካታማ ማላኔ 
\q1 ጋሞራ ካታማ ማላ ꬋያናሺን” ጌቴቲዲ ካሴ ኢሳያሳ ዱናን ዮቲዳይሳ ማላ ሃኒዴስ። \x * \xo 9:29 \xt ኢሳ 1፡9\x* 
\s1 ኢስራዔሌ ናይታኔ ሚሺራቾ ቃላ 
\p  
\v 30 ሂስቲን ኑ ኣይ ጊኖ? ኣማኖን ቤቲዳ ፂሎቴꬅ ዴማናስ ኣይዛቤይ ዳቡሮንታ ዴሚዴስ።  
\v 31 ጊዶ ኣቲን ፂሎቴꬃ ዎጋ ካሊዛ ኢስራዔሌ ናይቲ ዴሚቤቴና።  
\v 32 ሄሲ ኣዛስ ሄሳꬆ ሃኒዴ? ኢስቲ ኣማኖን ጊዶንታ ኦሶን ዴማና ካሊዳ ጊሻሳ። ኢስቲካ ꬉጴ ሹቻን ꬉጴቲዳ።  
\v 33 ሄሲካ 
\q1 “ሄኮ ኣሳ ꬉጲዛ ሹች ኢስታ ኩንዲሲዛ ዛላ ፂዮኔ ቦላ ታ ዎꬃና፤ 
\q2 ኢዛን ኣማኒዛዴይ ዬላቴና” 
\m ጌቴቲዲ ካሴ ጌኤሻ ማፃፋን ፃፌቲዳይሳ ማላ ሃኒዴስ። 
\c 10  
\p  
\v 1 ታ ኢሻቶ! ኢስራዔሌ ናይታ ጊሽ ታ ኣሞይኔ ታ ፆሴ ዎሲዛይ ኢስቲ ꬋዮንታ ኣታናሳ።  
\v 2 ኢስቲ ፆሳ ዮዖስ ሚሼቲዛይታ ጊዲዳይሳ ታ ኢስታ ጊሽ ማርካታና ዳንዳያይስ፤ ኢስታ ሚሼቴꬂ ጊዲኮ ኤራቴꬃን ጊዴና።  
\v 3 ፆሲ ኣስ ፂሊሲዛ ኦጌ ኤሮንታ ኣጊዲ ባ ፂሎቴꬃስ ኦጌ ካሊዳ ኣቲን ፆሳ ፂሎቴꬃ ኦጌ ካሊቤቴና።  
\v 4 ኣማኒዛ ኣሳ ኡባ ፂሊሳናስ ኪርስቶሲ ዎጋ ኡባ ፖሊዴስ። 
\p  
\v 5 ሙሴይ ዎጋ ባጋራ ቤቲዛ ፂሎቴꬃ ጊሽ ኤሪሲሼ “ሃይታ ዎጋታ ፖሊ ኦꬂዛዴይ ሃ ዎጋታን ዳና” ጊዛይሳ። \x * \xo 10:5 \xt ሌዌ 18፡5\x* 
\v 6 ኣማኖን ቤቲዛ ፂሎቴꬂ ቃሴ ሂዝጌስ “ኔ ዎዝናራ ፑዴ ሳሎ ኦኔ ኬዛናይ? ጎፓ” ሄሳꬆ ጉሲ ኪርስቶሳ ሳሎፔ ዱጌ ሃ ዎꬃና ጉሳ።  
\v 7 ዎይኮ “ ‘ዱጌ ጪማን ኦኔ ዎꬋናይ?’ ጎፓ!” ሄሲካ ኪርስቶሳ ሃይቆፔ ቡሮ ዴንꬃና ጉሳ። 
\p  
\v 8 ጊዶ ኣቲን ቃላይ ኣይ ጊዜ? “ቃላይ ኔ ኣቻን ዴስ።” ኔ ዱናኒኔ ኔ ዎዝናን ዴስ። ኑኒ ኣማኖ ጊሽ ሳባኪዛ ቃላይ ሃይሳ። 
\p  
\v 9 ኔኒ ኔ ዱናራ “ዬሱሲ ጎዳ” ጋዳ ማርካቲኮ ፆሲ ኢዛ ሃይቆፔ ዴንꬂዳይሳ ኔ ዎዝናን ኔ ኣማኒኮ ኣታና።  
\v 10 ኔኒ ፂላናይ ዎዝናን ኣማኒኮኔ ኣታናይ ኔ ዱናራ ማርካቲና።  
\v 11 ጌሻ ማፃፋይ ጊዛ ማላ “ኢዛን ኣማኒዛይ ዉሪካ ዬላቴና።” \x * \xo 10:11 \xt ኢሳ 28፡16\x* 
\v 12 ኣይሁዳታ ጊዶኒኔ ኣይዛቤታ ጊዶን ዱማቴꬂ ዴና፤ ኢሲ ጎዳይ ኡባስካ ጎዳ፤ ኢዛ ዎሲዛይታ ጉጂ ኣንጄስ።  
\v 13 “ጎዳ ሱንꬅ ፄይጊዛይቲ ዉሪካ ኣታና” ጌቴቲ ጌሻ ማፃፋን ፃፌቲዴስ። 
\p  
\v 14 ሂስቲን ኢዛ ኣማኖንታይቲ ኢዛ ዎዝጊ ፄይጋኔ? ቃሴ ኢዛ ጊሽ ሲዮንታ ዲሼ ዎስቲ ኣማናኔ? ሳባኬይ ባይንዳ ዲሺን ዎስቲ ሲያኔ?  
\v 15 ኪቴቶንታ ዎስቲ ሳባካንዴቶ? ሄሲካ “ሚሺራቾ ቃላ ኤኪ ዪዛይታ ዩሲ ኣይ ማላ ሎዖ” ጌቴቲ ጌሻ ማፃፋን ፃፌቲዳ ማላ ሃኒዴስ። \x * \xo 10:15 \xt ኢሳ 52፡7\x* 
\v 16 ጊዶ ኣቲን ሲዪዳይቲ ዉሪካ ሚሺራቾ ቃላ ኤኪቤቴና፤ ኢሳያሲ “ጎዶ ኑ ዮቲዳይሳ ኦኒ ኣማኒዴ?” ጊዳ ማላ ሃኒዴስ። \x * \xo 10:16 \xt ኢሳ 53፡1\x* 
\p  
\v 17 ሄሳ ጊሽ ኣማኖይ ቤቲዛይ ዮቲዛ ቃላ ሲዬꬃና። ዮቴቲዛ ቃላይካ ኪርስቶሳ ጊሽ ዮቲዛ ቃላፔ። 
\p  
\v 18 ጊዶ ኣቲን ኣሳይ ሲይቤኔሻ? ጋዳ ታ ኦይቻይስ፤ ቱማፔ ኣሳይ ሲይዴስ፤ ጌሻ ማፃፋን ፃፌቲዳ ማላ 
\q1 “ኢስታ ቃላይ ቢታ ኡባኒኔ 
\q2 ኣላሜ ጋፃ ጋካናስ ሲዬቲዴስ።” \x * \xo 10:18 \xt ማዛ 19፡4\x* 
\p  
\v 19 ታ ቃሴካ ኦይቻይስ፤ ኢስራዔሌ ናይቲ ቃላ ኤሪቤቴኔሻ? ኮይሮ ሙሴይ ኢስታስ 
\q1 “ታ ዴሬ ጊዶንታይታን ታ ኢስታ ኣሞሲሳና፤ 
\q2 ዩሺ ቆፖንታ ዴሬታን ታ ኢስታ ዪሎቻና” ጊዴስ። \x * \xo 10:19 \xt ዛሬ 32፡21\x* 
\p  
\v 20 ኢሳያሲካ ፃላቴꬃን 
\q1 “ታና ኮዮንታይታስ ታ ቤታዲስ፤ 
\q2 ታና ኦይቾንታይታስ ታና ቆንጪሳዲስ” ጊዴስ። \x * \xo 10:20 \xt ኢሳ 65፡1\x* 
\p  
\v 21 ኢስራዔሌ ጊሽ ቃሴ 
\q1 “ታስ ኣዛዜቶንታ ዴሬኮኔ 
\q2 ታስ ኤኖ ጎንታ ዴሬኮ ኩሜꬃ ጋላስ ታ ኩሼ ሚጫዲስ” ጌስ። \x * \xo 10:21 \xt ኢሳ 65፡2\x* 
\c 11  
\s1 ፆሲ ኢስራዔሌ ኣሳ ሙሌ ዬጊ ኣጊቤና 
\p  
\v 1 ሂስቲን ፆሲ ባ ዴሬታ ዬጊ ኣጊዴ? ጋዳ ታ ኦይቻይስ፤ ሙሌካ ኣጊቤና፤ ታካ ታ ባጋራ ቢኒያሜ ዛሪኬ፥ ኣብራሃሜ ዜሬꬅ ጊዲዳ ኢስራዔሌ ኣሳ። \x * \xo 11:1 \xt ፒሊ 3፡5\x* 
\v 2 ፆሲ ኮይሮፔ ባ ኤሪዳ ዴሬዛ ዬጊቤና። ኤላሲ ኢስራዔሌ ናይታ ቦላ ሞቶ ፆሳኮ ዎስቲ ሺሺዳኮኔ ጌሻ ማፃፋይ ኢዛ ጊሽ ኣይ ጊዛኮ ኢንቴ ኤሬኬቲ?  
\v 3 “ጎዶ! ኢስቲ ኔ ናቤታ ዎꬊዳ። ኔስ ያርሺዛሶታካ ላሊዳ። ቃሴ ታኒ ታርካ ኣታዲስ። ታናካ ዎꬋና ጌቴስ” ጊዴስ። \x * \xo 11:3 \xt 1ካዎ 19፡10፥14\x* 
\p  
\v 4 ፆሲ ኢዛስ “ባዓሌ ጌቴቲዛ ኤቃስ ጎይኖንታይታ ላፑን ሺ ኣስ ታኒ ታስ ኣሻዲስ” ጊ ዛሪዴስ \x * \xo 11:4 \xt 1ካዎ 19፡18\x* 
\v 5 ሄሳ ማላካ ሃዒ ሃ ዎዴዛንካ ፆሳ ኪያቴꬃን ኢስራዔሌ ኣሳፔ ዶሬቲ ኣቲዳ ጉꬃቲ ዴቴስ።  
\v 6 ሂስቲን ሄሲ ፆሳ ኪያቴꬃን ጊዲኮ ኣሳ ኦሶን ጊዴና። ኣሳ ኦሶን ጊዲዳኮ ፆሳ ኪያቴꬂ ኪያቴꬅ ጊዴና። 
\p  
\v 7 ሂስቲን ኣይ ጋኔ? ኢስራዔሌ ናይቲ ሎዔꬂ ኮዪዳይሳ ዴሚቤቴና። ፆሳን ዶሬቲዳይቲ ጊዲኮ ዴሚዳ። ሃንኮ ኣቲዳይታ ዎዝናይ ሙሚዴስ።  
\v 8 ካሴ “ኢስታ ኣይፌይ ፄሎንታ ማላ፥ ኢስታ ሃይꬃይካ ሲዮንታ ማላ ፆሲ ሃኖ ጋካናስ ኢስታስ ዶጪሲዛ ኣያና ኢሚዴስ” ጌቴቲ ጌሻ ማፃፋን ፃፌቲዳ ማላ። \x * \xo 11:8 \xt ዛሬ 29፡4፤ ኢሳ 29፡10\x* 
\v 9 ዳዉቴይካ 
\q1 “ኢስታ ማዳይ ኢስታ ኦይኪዛ ናርፃኔ ያርዴ፤ 
\q2 ኢስታስ ꬉጲዛዚኔ ቂፃቴ ጊዶ። 
\q1  
\v 10 ኢስታ ኣይፌይ ፄሎፎ፤ ጎዜቶ፤ 
\q2 ኢስታ ዞኮይ ሜርናስ ኩኖ” ጊዴስ። 
\s1 ኣይዛቤቲካ ኣታና 
\p  
\v 11 ኣኔ ቃሴ ታ ዛራ ኦይቻይስ፤ ኢስራዔሌ ኣሳይ ናምዓንꬆ ኩንዴꬃፌ ዴንዴኔ? ዴንዳና። ሃራፔካ ኢስራዔሌ ናይታ ቃናቲሳና ጊሽ ኢስታ ሞሮ ጋሶን ኣቶቴꬂ ኣይዛቤታስ ጋኪዴስ።  
\v 12 ጊዶ ኣቲን ቃሴ ኢስታ ሞሮይ ኣይዛቤታስ ኣንጆ ጊዲዴስ። ኢስታ ኩንዴꬂካ ቃሴ ኣይዛቤታስ ኣንጆ ጊዲኮ ኢስቲ ሲሚ ኣቲዳኮ ኣይ ማላ ጊታ ኣንጆ ጊዳንዴሺን! 
\p  
\v 13 ኣይዛቤቶ! ታ ኢንቴስ ዮታይስ፥ ታ ኣይዛቤታስ ኪቴቲዳዴ ጊዲዳ ጊሽ ታ ኦሶዛ ሚናዳ ፖላና።  
\v 14 ሄሲካ ታ ባጋ ኣሳቲ ኣሞዛና ማላ ዴንꬄꬃዳ ኢስታፌ ጉꬃ ኣሳታ ኣሻናስ ኡፋይሳ ኦꬃይስ።  
\v 15 ፆሲ ኢስታ ኣጊዳ ኣይዛቤቲ ፆሳራ ጊጊኮ ፆሲ ኢስራዔሌ ናይታ ዛሪዲ ኤኪዛ ዎዴ ኢንቴስ ኣዚ ሃናና ሚሳቲዜ? ሄሳ ጉሲ “ሃይቆፔ ዴንዲዴስ” ጉሳ ማላ። 
\p  
\v 16 ኮይሮ ቡኬሶይ ሎዖ ጊዲኮ ሃንኮ ኢዛፔ ኦሴቲዛይስ ዉሪካ ሎዖ ጊዴስ። ሄሳꬆካ ኢሲ ሚꬃ ፃጶይ ሎዖ ጊዲኮ ሃንኮ ኢዛ ቦላ ዲዛ ሃጋቲካ ሎዖ ጊዴቴስ።  
\v 17 ኬꬃ ማታን ዲዛ ዎጋራ ሚꬃ ሃጋታ ማላቲ ኢንቴ ሜቂ ዎꬊን ሃንኮ ዎራን ዲዛ ዎጋራ ሚꬃታ ሚሳቲዛ ኣይዛቤቲ ኢንቴ ኪቾሳን ጊዲዲ ኢንቴ ሃሮኔ ኢንቴ ኣንጆ ሻኪ ኤኪዛዴንታ ጊዲኮ፤  
\v 18 ሄይታ ሄ ሜቂ ዎꬊዳ ሃጋታ ቦላ ኦቶሬቶፋ። ኢንቴ ኢስታ ቦላ ኦቶሬቲኮ ቃሴ ሃኖ ዎዝናን ዎꬂቴ። ሄ ሚꬃ ቶኪዳይ ኔና ጊዳካ። ሚꬃይ ኔና ቶኪዴስ ኣቲን። 
\p  
\v 19 ሂስቲኮ “ሄ ሃጋቲ ሜቂ ዎꬊዳይ ኑኒ ኢስቲ ኪቾሳን ጌላና ማላሳ” ጎንታ ኣጌኬታ።  
\v 20 ቱሙ ጊዴታ ሺን ኢስቲ ሜቂዳይ ኣማኖ ፓጬፔ ዴንዲዳይሳና። ኢንቴ ቃስ ኣማኖን ኤቂዴታ። ባቢቴ ኣቲን ኦቶሬቶፍቴ።  
\v 21 ፆሲ ኮይሮፔ ዲዛ ሃጋታስ ሚሼቶንታዴ ጊዲኮ ኢንቴስካ ሚሼቴና። 
\p  
\v 22 ሄሳ ጊሽ ፆሳ ኪያቴꬂኔ ኢዛ ሜንፄ ኢታቴꬃ ኣኔ ፄላ። ኢዛ ሜንፄ ኢታቴꬃይ ኩንዲዳይታ ቦላ። ኢዛ ኪያቴꬃይ ቃሴ ኢንቴ ኢዛ ቃꬌቴꬃ ጋርሳን ዲዛ ዎዴ ጋካናስ ፃላላ። ሄሲ ባይንዳ ኣጊኮ ኢንቴካ ቃንፄታና።  
\v 23 ኢስቲ ኣማኖንታ ሚኒ ኤቂዳሶፔ ሲሚኮ ካሴ ባሶ ሲሚ ጌላና። ፆሲካ ኢስታ ዛርሲ ጌልꬃና ዳንዳዬስ።  
\v 24 ኢንቴ ባዞ ዎጋራ ሚꬃፌ ቃንፄቲዳይቲ ካሴ ኢንቴ ሜꬌቴꬃፌ ጊዶንታ ሎዖ ሚꬃን ኢንቴ ጌላና ዳንዳዪኮ ኮይሮፔ ባ ሜꬌቴꬃ ሃጋታ ጊዲዳይቲ ሄይቲ ካሴ ኢዛ ቦላ ዲዛ ዎጋራ ሚꬃን ሲሚ ጌሎይ ኢስታስ ዋኒ ሃኔኔ? 
\s1 ኢስራዔሌ ኣሳይ ዉሪካ ኣታና 
\p  
\v 25 ታ ኢሻቶ! ኢንቴ ጪንጫ ኣስ ጊዲዳይሳ ኢንቴስ ሚሳቶንታ ማላ ሃይሳ ጊዶ ፁራ ዮዖዛ ኢንቴ ኤሮንታ ኣታና ማላ ታ ኮዪኬ። ሄሲካ ኣይዛቤታፔ ፄይጌቲዳይቲ ዉሪ ኣማናና ጋካናስ ኢስራዔሌ ናይታ ዎዝናይ ሙሚዴስ።  
\v 26 ሄሳ ጊሽ ኢስራዔሌ ናይቲ ዉሪካ ኣታና። “ኣሺዛዴይ ፂዮኔፔ ያና፤ ያቆቤፔካ ኢታቴꬅ ዲጋና። \x * \xo 11:26 \xt ኢሳ 59፡20\x* 
\v 27 ታኒ ኢስታ ናጋራ ዉርሳ ꬋይሲዳፔ ጉዬ ታ ኢስታራ ጫቆን ጌሊዛ ቃላይ ሄሳ” ጌቴቲዲ ካሴ ጌሻ ማፃፋን ፃፌቲዳ ማላ ሃኒዴስ። \x * \xo 11:27 \xt ኤር 31፡33-34\x* 
\p  
\v 28 ኢንቴስ ኣይዛቤታስ ሚሺራቾ ቃላይ ጋካና ማላ ኢስራዔሌ ናይቲ ፆሳን ኢፄቲዳ ኣስ ጊዲዳ። ጊዲኮካ ካሴ ዶሮ ማላ ጊዲኮ ባ ኣዋታ ባጋራ ኢስቲ ዶሴቲዳይታ።  
\v 29 ፆሲ ዶሪዳፔኔ ባ ኪያቴꬅ ኢሚዳፔ ጉዬ ባ ኦꬂዳ ሚሻን ሲሚዲ ሞꬌቴና።  
\v 30 ኢንቴካ ካሴ ኣዛዜቶንታይታኮ! ኢስቲ ኣዛዜቶንታ ኢፂን ሃዒ ኢንቴና ማሪዳይሳꬆ፤  
\v 31 ፆሲ ኢንቴና ማሪዳ ጌዶን ኢስቲካ ማሬታና ማላ ሃዒ ኣዛዜቶንታይታ ጊዲዳ።  
\v 32 ፆሲ ዉርሲካ ማራናስ ኣሲ ዉሪካ ኣዛዜቶንታ ማላ ጎርዲዴስ። 
\s1 ፆሳ ሳቦ 
\p  
\v 33 ፆሳ ዱሬቴꬃይ፥ ኣꬎ ኤራቴꬃይኔ ኢዛ ኤራቴꬃይ ኣይ ማላ ጪማ! ኢዛ ፒርዳይ ኣይ ማላኮኔ ፓጬቴና። ኢዚ ኣꬊዳ ጌዶይካ ኤሬቴና። \x * \xo 11:33 \xt ኢሳ 55፡8\x* 
\v 34 “ጎዳ ዎዝና ኤሪዳይ ኦኔ? ኢዛስ ዞሬ ኢሚዳይ ኦኔ?  
\v 35 ፆሲ ዛሪ ኢማና ማላ ኢዛስ ታልዔ ኢሚዳይ ኦኔ?” ጌቴቲ ፃፌቲዳ ማላ። \x * \xo 11:35 \xt ኢዮ 41፡11\x* 
\p  
\v 36 ዉሪካ ኢዛፔ፥ ኢዛን፥ ኢዛሳ፤ ኢዛስ ቦንቾይ ሜርናፔ ሜርናስ ጊዶ! ኣሚን። \x * \xo 11:36 \xt 1ቆሮ 8፡6\x* 
\c 12  
\s1 ፆሳስ ቤሲዛ ዴዖ ያርሾ 
\p  
\v 1 ሄሳ ጊሽ ታ ኢሻቶ! ኢንቴ ኣሳቴꬃ ጌሺኔ ፆሴ ኡፋይሲዛ ዴዖ ያርሾ ኦꬂዲ ኢንቴ ሺሻና ማላ ታ ኢንቴና ፆሳ ቃꬌታን ዎሳይስ። ሄሲካ ዎዝናማ ኣሳ ማላ ኢንቴ ፆሳስ ኦꬂዛ ኦሶ።  
\v 2 ሎዖ፥ ኡፋይሲዛዚኔ ኩሜꬅ ጊዲዳ ፆሳ ሼኔይ ኣዛኮኔ ኢንቴ ፓጪ ኤራና ማላ ኢንቴ ቆፋን ኦራፂዲ ላሜቲቴ ኣቲን ሃይሳ ኣላሜ ኣሳ ሚሳቶፒቴ። 
\p  
\v 3 ኢንቴስ ፆሲ ኢሚዳ ኣማኖ ማላ ኢንቴርካ ኢንቴና ፓጪ ፄሊቴ ኣቲን ሃዒ ዲዛይሳፌ ቦላራ ኢንቴና ꬎቂሲ ፄሎንታ ማላ ታኒ ታስ ኢሜቲዳ ፆሳ ኪያቴꬃን ኢንቴና ኢሳ ኢሳ ዞራይስ።  
\v 4 ኑፔ ኢሲ ኢሲ ኣሳስ ኢሲ ኣሳቴꬃ ቦላ ዳሮ ቢሊቴቲ ዲዛ ማላ ሄይቲካ ሄ ቢሊቴቲ ኢሲ ማላ ኦሶ ኦꬆንታይሳꬆ፤  
\v 5 ሄሳꬆካ ኑኒ ዳሮታ ጊዲ ኡቲዲ ኪርስቶሳን ኢሲ ኣሾ፤ ኑኒ ኢሶይ ኢሳስ ኣሾ።  
\v 6 ኑስ ኢሜቲዳ ኢሞታ ማላ ዱማ ዱማ ኢሞቴꬂ ዴስ። ኢሳዴስ ቡሮፔ ሃናናዝ ዮቶ ጊዲኮ ኢዛዴስ ኢሜቲዳ ኣማኖ ማላ ዮቶ።  
\v 7 ኦꬂ ማዲዛዴይ ኦꬂ ማዶ፤ ታማርሲዛዴይካ ታማርሶ።  
\v 8 ዞሪዛዴይ ጊዲኮ ዞሮ፤ ባይንዳይታስ ኢሚዛዴይ ጉጂ ኢሞ። ኣይሲዛዴይ ሚኒ ኣይሶ። ማሪዛዴይካ ኡፋይሳን ማሮ። 
\s1 ሲቆ 
\p  
\v 9 ኢንቴ ሲቆቴꬂ ቆꬌፔ ቆሞን ጊዶፖ። ኢታ ጊዲዳይሳ ዉርሲካ ኢፂቴ። ሎዖ ጊዲዳይሳራ ኢሲፌ ኦይኬቲቴ።  
\v 10 ኢንቴ ኢንቴ ጋርሳን ኢሶይ ኢሳራ ኢሻታ ማላ ሎዔꬂ ሲቄቲቴ። ኢሶይ ኢሳ ባፔ ኣꬂ ቦንቺዛይታ ጊዲቴ።  
\v 11 ጎዳስ ኦꬃና ኣያናን ፁጌቲዛይታ ጊዲቴ ኣቲን ሄሳ ሄ ሚኖቴꬃፌ ጉዬ ጎፒቴ።  
\v 12 ሂዶታን ኡፋዬቲዛይታ ጊዲቴ፤ ሜቶ ዳንዳዪቴ፤ ዎሳን ሚኒቴ።  
\v 13 ኣማኒሼ ዋዬቲዛይታስ ኢንቴስ ዲዛይሳፌ ሻኪ ኢሚቴ። ኢማꬅ ሞኪቴ። 
\p  
\v 14 ኢንቴና ቃንጊዛይታ ኣንጂቴ ኣቲን ቃንጎፍቴ። \x * \xo 12:14 \xt ማቶ 5፡44፤ ሉቃ 6፡28\x* 
\v 15 ኡፋዬቲዛይታራ ኡፋዬቲቴ፤ ሙዞቲዛይታራ ሙዞቲቴ።  
\v 16 ኢንቴ ኢንቴ ጋርሳን ዶሴቴꬃን ዲቴ። ማንቆታራ ኢሲፌቴꬃን ዳናስ ኮዪቴ ኣቲን ኦቶሬቶፊቴኔ ጬቄቶፍቴ። \x * \xo 12:16 \xt ሌም 3፡7\x* 
\p  
\v 17 ኦናስካ ኢታ ጊሽ ኢታ ዛሮፒቴ። ኣሳ ኡባ ኣቻን ሎዖ ሚሽ ኦꬃናስ ሚኒቴ።  
\v 18 ኢንቴስ ዳንዳዬቲኮ ኢንቴ ኢንቴ ባጋራ ኣሳ ኡባራ ሳሮን ዲቴ።  
\v 19 ታ ሲቆቶ! ኢንቴ ሃሎ ፆሲ ኬሶ ኣቲን ኢንቴርካ ሃሎ ኬሶፍቴ “ሃሎ ኬሳናይ ታና ጌስ ጎዳይ” ጌቴቲ ጌሻ ማፃፋን ፃፌቲዴስ። \x * \xo 12:19 \xt ዛሬ 32፡35\x* 
\p  
\v 20 ሃሎ ኬሳናፔ “ኔኒ ኔ ሞርኬይ ጋፊኮ ሚዛ፤ ኢዚ ሳሞቲኮ ኡሻ፤ ኔ ሄሳꬆ ኦꬂኮ ታማ ቦንቆ ኢዛ ቦላ ኮራሳ” ጌቴቲዲ ጌኤሻ ማፃፋን ፃፌቲዴስ። \x * \xo 12:20 \xt ሌም 25፡21-22\x* 
\v 21 ኢታ ሎዖ ኦሶን ፆና ኣቲን ኢታን ፆኔቶፋ። 
\c 13  
\s1 ዴሬ ኣይሲዛይታስ ኣዛዜቴꬅ 
\p  
\v 1 ኣይ ኣሲካ ባና ኣይሲዛ ዳናታስ ሃሬታናስ ቤሴስ። ፆሳፌ ኢሜቶንታ ዲሺን ዳናቴꬂ ዴና። ሃዒ ዲዛ ዳናቲ ፆሳፌ ዳናቲዳይታ።  
\v 2 ሄሳ ጊሽ ዳና ቦላ ማካሊዳይ ፆሳ ዎጋ ቦላ ማካሌስ። ሄ ማካሊዛይቲካ ባ ቦላ ፒርዳ ኤሄቴስ።  
\v 3 ዴሬ ኣይሲዛይቲ ኢታ ኦꬂዛይታ ባቢሴቴስ ኣቲን ሎዖ ኦꬂዛይታ ባቢሴቴና። ኔ ዴሬ ኣይሲዛዴስ ባቦንታ ኣጋና ኮያይ? ሂስቲኮ ሎዖ ኦꬃ፤ ኢዚካ ኔና ጋላታና።  
\v 4 ኢዚ ኔስ ሎዖ ኦꬃናስ ፆሳ ኦሳንቻ። ጊዶ ኣቲን ኔ ኢታ ኦꬂዳ ጊዲኮ ኢዛስ ባባ። ጋሶይካ ኢዚ ማሻ ጮ ሜላ ጊፂቤና፤ ኢዚ ኢታ ኦꬂዛዴ ቃፃያናስ ፆሳ ኦሳንቻ።  
\v 5 ሄሳ ጊሽ ኢዛ ቂፃቴስ ባቦ ፃላላ ጊዶንታ ኔ ቆፋንካ ዳናቲዛዴስ ኣዛዜታናስ ቤሴስ። 
\p  
\v 6 ኢንቴ ጊራ ኢሚዛይ ሄሳሳ። ኣይሲዛይታ ሄሳ ሄ ኦሶዛ ቦላ ፆሲ ኢስታ ዎꬂዴስ።  
\v 7 ኢስታፌ ኢሳስ ኢሳስ ቤሲዛይሳ ኢሚቴ። ጊራ ኢማና ቤሲዛይታስ ጊራ ኢሚቴ፤ ቃራፃ ቃንፃናስ ቤሲዛይታስ ቃራፃ ቃንፂቴ፤ ባባናስ ቤሲዛይታስ ባቢቴ፤ ቦንቻናስ ቤሲዛይታ ቦንቺቴ። 
\s1 ዎዴይ ማቲዳ ጊሽ ኢንቴ ጋርሳን ሲቄቲቴ 
\p  
\v 8 ኢንቴ ጋርሳን ኢሶይ ኢሳራ ሲቄቴꬃፌ ኣቲን ኦና ቦላካ ኣጮይ ዶፖ። ኣስ ሲቂዛ ኣሲ ኢዚ ዎጋ ፖሊዴስ።  
\v 9 “ላይማቶፓ፥ ዎꬎፓ፥ ኣሞቶፋ” ጊዛይቲኔ ሃራ ኣዛዞቲ ዲኮካ “ኣስ ኡባካ ኔ ማላ ሲቃ” ጊዛ ሃኖ ኢሲ ዎጋን ዉሪካ ኩዬቲዴስ። \x * \xo 13:9 \xt ኬሳ 20፡14-15፤ 20፡13፥17፤ ዛሬ 5፡17-19፥21፤ ሌዌ 19፡18\x* 
\v 10 ሲቆይ ኣሳ ቦላ ኢታ ኦꬄና፤ ሄሳ ጊሽ ሲቆይ ዎጋ ኡባስ ኩሻ። 
\p  
\v 11 ሃይሳ ዎዴዛ ጫዲ ፄሊዲ ሄሳ ኦꬂቴ። ሃዒ ሃና ኢንቴ ꬊስኮፌ ዴንዲዛ ዎዴ። ኑ ካሴ ኣማኖሳፔ ሃ ሲሚን ሃዒ ኑስ ኣቲዛ ዎዴይ ማቲዴስ።  
\v 12 ቃማይ ኣꬊን ዎንታና ጌስ። ሄሳ ጊሽ ኣኔ ኑ ꬉማ ኦሶ ዎራ ዬጊዲ ፖዖ ኦላ ሚሺ ማይዖስ።  
\v 13 ጋላሳራ ሃሙቲዛ ማላ ኣኔ ዎጋራ ሃሙቶስ። ማጉልꬃኒኔ ማꬆን ጊዶፖ፤ ላይማ ኣሞኒኔ ላይማን ጊዶፖ፤ ቃናቴቴꬃኒኔ ፓላማን ጊዶፖ።  
\v 14 ሄሳ ኣጊዲ ዬሱስ ኪርስቶሳ ማይዒቴ። ኣሾ ኣሞ ፖላናስ ቆፖፍቴ። 
\c 14  
\s1 ኣሳ ቦላ ፒርዶፋ 
\p  
\v 1 ኢንቴ ጋርሳን ኣማኖን ቡሮ ሚኖንታዴ ሺሺ ኤኪቴ ኣቲን ኢዛ ቆፋ ቦላ ፒርዶፍቴ።  
\v 2 ኢሲ ኢሲ ኣሲ ቤቲዳይሳ ዉርሲ ማናስ ኣማኖይ ዴስ። ቃሴ ኣማኖን ሚኖንታዴይ ኣታኪልቴ ፃላላ ሜስ።  
\v 3 ቤቲዳይሳ ዉርሲ ሚዛዴይ ዉርሲ ሞንታዴ ካꬎፓ። ሞንታዴይ ቃሴ ሚዛዴ ቦላ ፒርዶፎ። ፆሲ ኡባካ ኤኪዴስ።  
\v 4 ሃንኮ ኦꬂዛዴ ቦላ ፒርዲዛዴይ ኔ ኦኔ? ኢዛዴይ ኩንዲኮ ዎይኮ ኤቂኮካ ጎዳሳ። ጎዳይ ኢዛ ኤሳናስ ዳንዳዪዛ ጊሽ ኢዚ ኤቃንዴስ። 
\p  
\v 5 ኢሳዴይ “ጋላሳታፔ ኢሲ ጋላስ ሃራ ጋላሳፌ ኣꬂዲ ባሲ ዱማ ጋላስ” ጊ ቆፔስ። ሃራ ኣሲ ቃሴ “ጋላሳቲ ዉሪካ ኢሲ ጊና” ጊ ቆፔስ። ኢሲ ኢሲ ኣሲ ባ ዎዝናን ኣማኒዳ ማላ ኦꬆ።  
\v 6 ኢሲ ጋላሲ ሃራ ጋላሳፌ ዱማሲ ቆፒዛዴይ ኢዚ ሄሳ ኦꬂዛይ ጎዳ ቦንቾስ ጊዲኮ ሚዛዴይካ ጎዳ ቦንቾስ ጊዲ ሜስ። ሚዲ ፆሴ ጋላቴስ። ሞንታዴይካ ጎዳ ቦንቾስ ጊዲ ሙስ ኣጌሲኔ ፆሳስ ጋላታ ኢሜስ።  
\v 7 ኑፔ ኦኒካ ባሲ ዲዛዴይኔ ባፔ ባሲ ሃይቂዛዴይ ዴና።  
\v 8 ኑ ዲኮካ ጎዳስ ዶስ። ሃይቂኮካ ጎዳስ ሃይቆስ። ሄሳ ጊሽ ዲኮካ ዎይኮ ሃይቂኮ ኑ ጎዳሳ። 
\p  
\v 9 ሄሳ ጊሽ ሃይቂዳይታሲኔ ፓፃ ዲዛይታስ ጎዳ ጊዳናስ ኪርስቶሲ ሃይቂዲ ሃይቆፔ ፓፂ ዴንዲዴስ።  
\v 10 ሂስቲን ኔ ኣዛስ ኔ ኢሻ ቦላ ፒርዳይ? ኣዛስ ኔ ኢሻ ሌቃይ? ኑ ዉሪካ ፆሳ ፒርዳ ዎምቦራ ሲንꬅ ሺቆስ ዶስ። \x * \xo 14:10 \xt 2ቆሮ 5፡10\x* 
\p  
\v 11 “ታ ፓፃ ዳይስ። 
\q1 ጉልባቴይ ዉሪካ ታስ ጉልባታና። 
\q2 ኢንፃርሲ ዉሪ ፆሳስ ማርካታና” 
\m ጌቴቲ ካሴ ጌሻ ማፃፋን ፃፌቲዴስ። \x * \xo 14:11 \xt ኢሳ 45፡23\x* 
\v 12 ሄሳ ጊሽ ኑኒ ኢሲ ኢሲ ኣሲ ፆሳ ሲንꬅ ሺቂዲ ኑ ኦሶ ጊሽ ኢዛስ ዛሮ ኢማና። 
\p  
\v 13 ሄሳ ጊሽ ኑኒ ኑ ጋርሳን ኢሶይ ኢሳ ቦላ ፒርዳናፔ ኣኔ ናጌቶስ። ሄሳ ኣጊዲ ኑ ኢሻስ ꬉጴ ጊዲዛይሳ ዎይኮ ኢዛ ኦይኪዛ ናርፃ ዎꬆንታ ማላ ኣኔ ኑ ናጌቶስ።  
\v 14 ታኒ ጎዳ ዬሱሳን ኣማናዳ ሚዛ ካꬃን ቱናይ ባይንዳይሳ ኤራዲስ። ጊዶ ኣቲን ኢሳዴይ ኢሲ ሚሽ ቱና ጊ ቆፒኮ ሄ ሚሻይ ኢዛዴሲ ቱና።  
\v 15 ኔኒ ኔ ኢሻ ሚዛ ካꬃ ጌዶን ꬉጴ ጊዲኮ ሲቆን ሲሜሬታባካ። ኪርስቶሲ ኢዛ ጊሽ ሃይቂዳ ኔ ኢሻ ኔ ሚዛ ካꬃ ጋሶን ዎꬎፓ።  
\v 16 ኢንቴ ሎዖ ጊዲ ቆፒዛ ሚሽ ኢታ ጌቴታና ማላ ኦꬆፍቴ።  
\v 17 ፆሳ ካዎቴꬂ ፂሎ ኣያናን ቤቲዳ ፂሎቴꬅ፥ ሳሮቴꬂኔ ኡፋይሳፌ ኣቲን ሙሳ ዮዖኔ ኡሻ ዮዖ ጊዴና።  
\v 18 ሃይሳꬆ ኪርስቶሳስ ኦꬂዛዴይ ፆሴ ኡፋይሴሲኔ ኣሳ ኣቻንካ ጋላቴቴስ። 
\p  
\v 19 ሄሳ ጊሽ ሳሮቴꬂ ቤቲዛ ኦጌኔ ኑኒ ኑ ጋርሳን ሎዖናስ ቤሲዛ ኦጌ ኣኔ ኮዮስ።  
\v 20 ኑኒ ሚዛ ካꬃ ጊሽ ጊዲ ፆሳ ኦሶ ኣኔ ላሎኮ። ካꬂ ዉሪካ ጌሻ። ጊዶ ኣቲን ሃራ ኣሳስ ꬉጴ ጊዲዛ ካꬅ ሙሲ ባላ ኦሶ።  
\v 21 ኔ ኢሻስ ꬉጴ ጊዲዛዚ ጊዲኮ ኣሾካ ማናፔኔ ዎይኔ ጫጄ ኡያናፔ ዎይኮ ኣይ ሚሺካ ኔ ኦꬆንታ ኣጊኮ ሎዖ። 
\p  
\v 22 ሄሳ ጊሽ፥ ሃይታንታ ሚሳቲዛ ሚሻታስ ኔስ ዲዛ ኣማኖይ ኔ ጊዶኒኔ ፆሳ ጊዶን ዴዖ። “ሃይሲ ሊኬኮ” ጊዲ ኣማኖን ኤኪዳ ሚሻን ባርካ ባ ቦላ ፒርዶንታዴይ ኢዛዴይ ኣንጄቲዳዴ።  
\v 23 ጊዶ ኣቲን ዎዝናራ ሲꬊሼ ሚኮ ኢዚ ኣማኖን ሞንታ ጊሽ ኢዛ ቦላ ፒርዴቲዴስ። ኣማኖን ኦꬆንታዚ ዉሪካ ናጋራ። 
\c 15  
\p  
\v 1 ኑኒ ኣማኖን ሚኒዳይቲ ሃንኮ ኣማኖን ሚኖታይታ ሜቶ ቶካናስ ቤሴስ ኣቲን ኑ ፃላ ኡፋዬቲዛይታ ጊዳናስ ቤሴና።  
\v 2 ኑኒ ዉሪካ ሃራ ኣሲ ባ ኣማኖን ሚናና ማላ ኢዛ ጎዒዛዚኔ ኡፋይሲዛ ሚሽ ኣኔ ኦꬆስ።  
\v 3 ኪርስቶሲ ባና ኡፋይሲቤና፤ ሃራፔካ “ኣሳይ ኔና ጫዪዳ ጫሻይ ታና ጋኪዴስ” ጌቴቲ ካሴ ጌሻ ማፃፋን ፃፌቲዳይሲ ፖሌቲዴስ። \x * \xo 15:3 \xt ማዛ 69፡9\x* 
\v 4 ኑኒ ጌሻ ማፃፋታፔ ዴሚዛ ዳንዳያይኔ ሚኖቴꬂ ኑስ ዳና ማላ ኮይሮፔ ፃፌቲዳይሲ ዉሪካ ኑ ኢዛፔ ኑስ ቲሚርቴ ዴማና ማላ ፃፌቲዴስ። 
\p  
\v 5 ሚኖቴꬂኔ ዳንዳያ ኢሚዛ ፆሲ ኢንቴ ዬሱስ ኪርስቶሳ ካሊሺን ኢንቴስ ኢንቴ ጊዶን ኣያና ኢሲፌቴꬅ ኢሞ።  
\v 6 ሄሲካ ኢንቴ ኢሲ ዎዝናኒኔ ኢሲ ዱና ጊዲዲ ኑ ጎዳ ዬሱስ ኪርስቶሳ ኣዋ ፆሳ ቦንቻናሳ። 
\s1 ሚሺራቾ ቃላይ ኣማኖንታ ዴሬታስ ሳባኬቲዴስ 
\p  
\v 7 ሄሳ ጊሽ ፆሲ ኢንቴና ፆሳ ቦንቾን ሞኪ ኤኪዳ ማላ ኢንቴካ ኢሶይ ኢሳ ኡፋይሳን ሞኪ ኤኪቴ።  
\v 8 ካሴ ኣዋታስ ኢሜቲዳ ሂዶታ ቃላ ፖላናስ ፆሳ ቱማቴꬂ ኤሬታና ማላ ኪርስቶሲ ኣይሁዳታስ ኦꬂዛዴ ጊዲዳይሳ ታ ኢንቴስ ዮታይስ።  
\v 9 ሄሳꬆካ ኣይዛቤቲ ኢዛ ማሮቴꬃ ጊሽ ፆሴ ጋላታና ማላ፤ ሄሲካ 
\q1 “ታ ኔና ዴሬ ጊዶን ጋላታና፤ 
\q2 ኔ ሱንꬃስካ ጋላታ ዬꬅ ዬፃና” 
\m ጌቴቲ ጌሻ ማፃፋን ፃፌቲዳ ማላ። \x * \xo 15:9 \xt 2ሳሜ 22፡50፤ ማዛ 18፡49\x* 
\p  
\v 10 ቃሴካ 
\q1 “ኣይዛቤቶ! 
\q2 ኢንቴካ ፆሳ ዴሬታራ ኡፋዬቲቴ” 
\m ጌቴቲ ጌሻ ማፃፋን ፃፌቲዴስ። \x * \xo 15:10 \xt ዛሬ 32፡43\x* 
\p  
\v 11 ናምዓንꬆካ 
\q1 “ኣይዛቤቲ ኢንቴ ዉሪካ ጎዳ ጋላቲቴ፤ 
\q2 ዴሬይ ዉሪ ኢዛ ሳቢቴ” 
\m ጌቴቲ ጌሻ ማፃፋን ፃፌቲዴስ። \x * \xo 15:11 \xt ማዛ 117፡1\x* 
\p  
\v 12 ሄሳꬆ ኢሳያሳን 
\q1 “ባ ዴሬ ኣሳ ቦላ ካዎቲዛ ኢሴዬ ናይ ያና። 
\q2 ኣላሜ ኣሳ ኣይሲዛዴይ ዴንዳና፤ 
\q2 ኢስቲካ ኢዛን ኡፋዬታና” ጌስ። \x * \xo 15:12 \xt ኢሳ 11፡10\x* 
\p  
\v 13 ኢንቴ ኢዛን ኣማኒዛ ጊሽ ሂዶታ ፆሲ ኢንቴናን ኡፋይሲኔ ሳሮቴꬅ ኩንꬆ። ሄሲካ ፂሎ ኣያና ዎልቃ ሂዶታ ኢንቴስ ዳራናሳ። 
\s1 ኣይዛቤታስ ኦሳንቻ ጊዲዳ ጳዉሎሳ 
\p  
\v 14 ታ ኢሻቶ! ኢንቴ ሎዔቴꬃን፤ ኤራቴꬅ ኡባን ኩሚዳይታኔ ሃራታ ዞራናስ ኤራይ ዲዛይታ ጊዲዳይሳ ታ ኣዳፌ ሻካ ኤራዲስ።  
\v 15 ታ ፆሳፌ ኤኪዳ ኢሞቴꬃ ጊና ቃሴካ ኢንቴና ቆፊሳናስ ኢሲ ኢሲ ዮዖታ ፃላቴꬃን ኢንቴስ ፃፋዲስ።  
\v 16 ሄሳ ሄ ኪያቴꬃይ ኢሜቲዳይ ታኒ ፆሳ ሚሺራቾ ቃላ ሃንኮ ዴሬታስ ዮታና ማላ፤ ቃሴካ ቄሴ ማላ ጊዲዳ ዬሱስ ኪርስቶሳስ ኦꬃናሳ፤ ሄሳ ጊሽ ሃንኮ ዴሬ ኣሳይ ፂሎ ኣያናን ዱማቲዲ ፆሴ ኡፋይሲዛ ያርሾ ጊዲዲ ሺቃና ማላ ኦꬃይስ። 
\p  
\v 17 ሄሳ ታኒ ፆሳስ ኦꬂዛ ጊሽ ዬሱስ ኪርስቶሳን ጬቄታይስ።  
\v 18 ታ ዮቲዳይሳኒኔ ታ ኦꬂዳይሳን ሃንኮ ዴሬ ኣሳይ ፆሳስ ኣዛዜታና ማላ ኪርስቶሲ ታናን ጊዲዲ ኦꬂዳዛፔ ኣቲን ሃራ ሃሳያና ፃሊኬ።  
\v 19 ሄሲካ ሃኒዳይ ፂሎ ኣያና ዎልቃን ማላታታ ባጋራ ሃኒዴስ። ሄሳ ማላንካ ዬሩሳላሜፔ ኢልዋቆሬ ጋካናስ ታ ኪርስቶሳ ሚሺራቾ ቃላ ሳባካዲስ። 
\p  
\v 20 ሃራ ኣሲ ካሴ ኦꬂዳሶን ታ ጌሎንታ ማላ ጋዳ ካሴ ኪርስቶሳ ሱንꬂ ፄይጌቲ ኤሮንታሶን ሚሺራቾ ቃላ ሳባካናይሲ ታስ ኣሞ።  
\v 21 ሃራፔካ 
\q1 “ኢዛ ጊሽ ኢስታስ ዮቴቶንታይቲ ኢዛ ቤያና፤ 
\q2 ሲዪ ኤሮንታይቲ ሃሳዓና” 
\m ጌቴቲ ካሴ ጌሻ ማፃፋን ፃፌቲዳ ማላ ሃኒዴስ። \x * \xo 15:21 \xt ኢሳ 52፡15\x* 
\p  
\v 22 ሄሳ ጌዶን ታ ኢንቴኮ ቦንታ ማላ ዳሮ ዎዴ ዲጌታዲስ። 
\s1 ኦሮሜ ቤያናስ ጳዉሎሳ ጊጌቴꬅ 
\p \x * \xo 15:22 \xt ኦሮ 1፡13\x* 
\v 23 ሃዒ ቃስ ታስ ሃን ኦሶይ ባይንዳ ጊሽ ዳሮ ላይꬃታፔ ሃ ሲሚን ኢንቴና ቤያናስ ታ ዳሮ ላሞታዲስ።  
\v 24 ሃይሳ ታ ቆፋ ታኒ ኢስፔኔ ቢዛ ዎዴ ፖላናስ ቆፓይስ። ሄራ ኣꬋሼ ኢንቴና ቤያናሲኔ ኢንቴናራ ጉꬃ ዎዴ ጋምዓዳ ላሞታ ኣꬂዳ ማላ ኢንቴ ታና ማዳና ጋዳ ሂዶታ ኦꬃይስ። 
\p  
\v 25 ሃዒ ቃስ ኣማኒዛይታስ ኢሜቲዛ ማዶ ጊሽ ኤካዳ ዬሩሳላሜ ባይስ።  
\v 26 ጋሶይካ ማቂዶኒያኒኔ ኣካያን ዲዛ ማንቆታ ማዳና ዴንዲዴስ። \x * \xo 15:26 \xt 1ቆሮ 16፡1-4\x* 
\v 27 ሃይሳ ሃ ማዶዛ ኢስቲ ባ ዶሳን ኢሚዳይ ኢስቲ ኦꬃናስ ቤሲዛ ጊሻሳ፤ ኣይዛቤቲ ኣይሁዳታራ ኢሲፌ ኣያና ኣንጆ ኤኪዛይታ ጊዲኮ ኢስቲካ ባሲ ዲዛ ቢታ ኣንጆን ኣይሁዳታ ማዳናስ ቤሴስ። \x * \xo 15:27 \xt 1ቆሮ 9፡11\x* 
\v 28 ሄሳ ጊሽ ሃይሳ ሺቂዳ ማዶ ሚሻ ዬሩሳላሜ ኢሚዳፔ ጉዬ ኢንቴ ኣቻን ታ ኢስፔኔ ባና።  
\v 29 ታ ሄ ኢንቴኮ ባሼ ኢንቴስ ኪርስቶሳ ኣንጆ ኩንꬃ ኤካ ባናይሳ ታ ኤራይስ። 
\p  
\v 30 ታ ኢሻቶ! ታኒ ፆሳ ዎሳን ባፄቲዛ ማላ ኢንቴካ ታናራ ባፄታና ማላ ታ ኢንቴና ጎዳ ዬሱስ ኪርስቶሳኒኔ ፂሎ ኣያና ሲቆን ዎሳይስ።  
\v 31 ታኒ ዩሁዳን ዲዛ ኣማኖንታ ኣሳ ኩሼፔ ኣታና ማላኔ ዬሩሳላሜን ዲዛ ታ ኦꬆይካ ሄን ኣማኒዛይታ ኣቻን ኤኬታና ማላ ታስ ዎሲቴ።  
\v 32 ሄሲካ ፆሳ ሼኔ ማላ ሄ ኢንቴኮ ታ ኡፋይሳራ ባና ማላኔ ኢንቴናራ ኢሲፌ ሼምፓና ማላ።  
\v 33 ሳሮቴꬃ ጎዳይ ኢንቴናራ ኡባታራ ጊዶ። ኣሚን። 
\c 16  
\s1 ሳሮካ 
\p  
\v 1 ኪንኪራዖሴ ዎሳ ኬꬃን ኦꬂዛ ኣማኔቲዳ ሚቼዮ ፔቤኖ ኢንቴስ ሃዳራ ጋይስ።  
\v 2 ኣማኒዛ ኣሳስ ቤሲዛ ሞኮ ኢንቴ ኢዞ ጎዳ ሱንꬃን ሞኪ ኤካና ማላኔ ኢዛ ኢንቴፌ ኮዪዛ ኣይ ሚሻንካ ኢንቴ ኢዞ ማዳና ማላ ታ ኢንቴና ቆፊሳይስ። 
\p  
\v 3 ካሴ ታናራ ጎዳ ዬሱስ ኪርስቶሳስ ኢሲፌ ኦꬂዳ ጲርሲቂላሲኔ ኣቂላስ ታ ሳሮካ ጋꬂቴ። \x * \xo 16:3 \xt ሃዋ 18፡2\x* 
\v 4 ኢስቲ ታ ጊሽ ሃይቃና ጋካናስ ባና ኣꬂ ኢሚዳ፤ ታና ፃላላ ጊዶንታ ኣይዛቤታፔ ኣማኒዳይቲካ ኢስታ ጋላቴቴስ።  
\v 5 ኢስታ ኬꬃን ዲዛ ኣማኒዛ ኣሳካ ሳሮ ጊቴ። ኢሲያፔ ኮይሮ ኪርስቶሳን ኣማኒዳ ታ ሲቆዛ ኤጴኔፆሴ ሳሮ ጊቴ።  
\v 6 ኢንቴስ ዳሮ ዳቡሪዳሮ ማራሞ ሳሮ ጊቴ።  
\v 7 ታናራ ኢሲፌ ቃሼቲዳ ኣንዲራቆኔኔ ዩኒያሴ ሳሮ ጊቴ። ሄይታንቲ ሃዋሬታ ጋርሳን ሎዖ ሱንꬃራ ዲዛይታኔ ኪርስቶሳ ታፔ ካሴ ኣማኒዳይታ። \f + \fr 16:7 \fq ዩኒያሴ \ft ኢሲ ኢሲ ጌሻ ማፃፋቲ ዮሊያ ጌቴስ።\f* 
\p  
\v 8 ታኒ ጎዳ ባጋራ ዳሮ ሲቂዛ ጲልያፆኔ ሳሮ ጊቴ።  
\v 9 ኪርስቶሳ ኦሶ ታናራ ኢሲፌ ኦꬂዛ ኢሮባኖኔኔ ታ ሲቂዛ ሴንፃኬካ ሳሮ ጊቴ።  
\v 10 ኪርስቶሳን ኢዛ ኣማኖይ ፓጬቲዲ ጋላቴቲዳ ኤፄሴኔሴስ ታ ሳሮካ ጋꬂቴ። ኣርሲፃባሎሶ ኣሳስካ ታ ሳሮካ ጋꬂቴ።  
\v 11 ታ ዳቦ ሄሮዲያና ሳሮ ጊቴ። ጎዳን ዲዛ ኒሪቃሶሶ ኣሳ ሳሮ ጊቴ። 
\p  
\v 12 ጎዳን ጊዲዲ ሚኖቴꬃን ኦꬂዛ ማጫሳታ ቲሮፊሞኖኔ ፂሮፊሞኖ ሳሮ ጊቴ። ጎዳስ ኦሶን ዳሮ ዳቡሪዳሪስ ኪርስቶሳን ታኒ ኢዞ ሲቂዛ ፃርሲዲስ ታ ሳሮካ ጋꬂቴ።  
\v 13 ጎዳን ዶሬቲዳ ሩፎኔስ፥ ታሲኔ ኢዛስ ኣዮ ጊዲዳሪስ ታ ሳሮካ ዮቲቴ። \x * \xo 16:13 \xt ማር 15፡21\x* 
\v 14 ኣስቄሮኔሲ፥ ኣፊላሶኔሲ፥ ሄሮሜኔሲ፥ ጳፂሮባኔሲ፥ ሄርማኔሲኔ ኢስታራ ዲዛ ኢሻታ ኡባታስ ታ ሳሮካ ጋꬂቴ።  
\v 15 ፊሌጎኔስ፥ ዩሊያስ፥ ኔሪያሲኔ ኢዛ ሚቼይስ ሄሳꬆካ ኣልፆኔስ፥ ኢስታራ ዲዛ ኣማኒዛይታስካ ታ ሳሮካ ጋꬂቴ። 
\p  
\v 16 ኢሶይ ኢሳ ዬሪ ዬር ኤኪዲ ሳሮኬቲቴ። ኪርስቶሳን ኣማኒዛ ዎሳ ኬꬃ ኣሳይ ዉሪካ ኢንቴና ሳሮ ጌስ። 
\p  
\v 17 ታ ኢሻቶ! ኣሳ ጋርሳን ሻኬቴꬂ ሜꬊዛይታፔኔ ኢንቴ ታማሪዳ ቲሚርታ ኤኮንታ ኢፆን ኢንቴስ ꬉጴ ጊዲዛ ኣሳታፔ ኢንቴ ናጌቲቴ።  
\v 18 ሄይታንታ ማላ ኣሳቲ ዬሱስ ኪርስቶሳስ ኦꬂዛይታ ጊዶንታ ባ ቃንꬃ ካꬃ ጊሽ ኦꬂዛይታ። ሹጎ ቃላራ ሃሳያኒኔ ዎዝና ኪያ ኣሳታ ባሌꬄቴስ።  
\v 19 ኢንቴ ሚሺራቾ ቃላስ ኣዛዜቲዛይታ ጊዲዳይሳ ኣሲ ዉሪ ሲይዴስ። ሄሲካ ታና ዳሮ ኡፋይሲዴስ። ጊዲኮካ ኢንቴ ሎዖ ሃኖስ ጪንጫታ ቃሴ ኢታ ኦሶስ ኤያታ ጊዳና ማላ ታ ኮያይስ።  
\v 20 ሳሮቴꬃ ጎዳይ ፃላዔ ኤሶን ኢንቴ ቶሆ ጋርስ ኣꬂ ዲንጬሬꬃና። 
\p ጎዳ ዬሱስ ኪርስቶሳ ኪያቴꬂ ኢንቴናራ ጊዶ። 
\p  
\v 21 ታናራ ኢሲፌ ኦꬂዛ ፂምቶሲ ቃሴካ ታ ዳቦ ሉቂዮሲ፥ ኢያሶኔይኔ ሱሲጴፂሮሲ ኢንቴና ሳሮ ሳሮ ጌቴስ። \x * \xo 16:21 \xt ሃዋ 16፡1\x* 
\p  
\v 22 ሃይሳ ኪታ ፃፊዳይ ታኒ ፄሪፂዮሲ ኢንቴና ጎዳ ሱንꬃን ሳሮ ጋይስ። 
\p  
\v 23 ታኒኔ ሃይሳን ዲዛ ኩሜꬃ ዎሳ ኬꬃ ኣሳይ ሞኪ ኤኪዛ ጋዪዮሲካ ኢንቴና ሳሮ ጌስ፤ ካታማ ሚሻ ኦይኪዛ ኤሪስፆሲኔ ኑ ኢሻ ቆዓፂሮሲ ኢንቴና ሳሮ ጌቴስ። \x * \xo 16:23 \xt ሃዋ 19፡29፤ 1ቆሮ 1፡14፤ 2ፂም 4፡20\x* 
\v 24 ጎዳ ዬሱስ ኪርስቶሳ ኪያቴꬅ ኢንቴናራ ኡባታራ ጊዶ። ኣሚን። 
\p  
\v 25 ታኒ ዮቲዛ ሚሺራቾ ቃላይ ዬሱስ ኪርስቶሳ ጊሽ ዮቴቲዛ ኪታይኔ ቤኒ ዎዴፔ ዶሚዲ ቆታን ጋምዒዲ ሃዒ ቃሴ ቆንጪዳ ቱማ ፁራ ባጋራ ኢዚ ኢንቴና ኣማኖን ኤሳናስ ዳንዳዬስ።  
\v 26 ሃዒ ቃሴ ሃይሲ ቱማይ ቆንጪዴስ። ሜርና ፆሳ ኣዛዞን ዉሪካ ኣማኒዲ ኣዛዜታና ማላ ናቤታ ማፃፋ ባጋራ ዴሬቲ ዉሪካ ኢዛ ኤራና ማላ ሃኒዴስ። 
\p  
\v 27 ኢዚ ፃላላ ኤራ ጊዲዳ ጎዳስ ዬሱስ ኪርስቶሳ ባጋራ ሜርና ቦንቾይ ኢዛስ ጊዶ። ኣሚን።