\id REV - Gamo project 
\h ዮሃኒሳ ኣጁታ 
\toc1 ዮሃኒሳ ኣጁታ 
\toc2 ዮሃኒሳ ኣጁታ 
\toc3 ኣጁ 
\mt1 ዮሃኒሳ ኣጁታ 
\imt1 ጊዶ ቆፋ 
\ip ዮሃኒሳ ኣጁታይ ፃፌቲዳይ ኣማኒዛይቲ ዬሱስ ኪርስቶሲ ኢስታስ ጎዳ ጊዲዳይሳ ኤሪዲ ኣማኒዳ ጊሽ ጎዴቴꬂኔ ዋዬይ ኢስታ ቦላ ጋኪዳ ዎዴና። ፃፌዚ ማፃፋዛ ናባቢዛይቲ ባ ሂዶታ ቃንፆንታ ማላ ኢስታ ሚንꬄꬃናሲኔ ቤና ጋኪዳ ጎዴቴꬃኒኔ ሜቶ ጋርሳን ኢስቲ ባ ኣማኖን ሚኒ ኤቃና ማላ ሚንꬄꬃናሳ። 
\ip ሃ ማፃፋን ዳሪዛ ባጋይ ዳሮ ዱማ ዱማ ኦይኬቲ ዲዛ ኣጁታታ ኢሲ ቦላ ጋꬅ ኦይኪዴስ፤ ኣጁታቲካ ሄ ዎዴ ዲዛ ኣማኒዛ ኣሳይ ኤራናስ ዳንዳዪዛዚ ጊዲሺን ሃንኮ ኣሳስ ቃስ ጌሎንታ ፁራ ጊዲዲ ሺቂዳ ሌሚሶ ማላን ሺቂዳ ዮዖኮ። ሺሪ ሺሪ ዬፂዛ ማላ ማፃፋዛስ ዋና ቆፋቲ ዱማ ዱማ ኣጁታታ ባጋራ ዱማ ዱማ ሜꬋን ዛሬቲ ዛሬቲ ሺቂዳ። ሃ ማፃፋዛ ቢርሼꬂ ዱማ ዱማ ጊዲኮካ ኢዛስ ኣይፌ ቆፋይ ቃስ ቆንጬ። ሄሲካ ፆሲ ጎዳ ዬሱሳ ባጋራ ናምዓንꬆይ ባይንዳ ኦጌራ ፃላዔራ ኢዛ ሞርኬታ ዉርሲ ፆናና። ሄ ፆኖዚካ ዉሪዳፔ ጉዬ ባስ ኣማኔቲዳ ባ ላጌታስ ኢዚ ኦራꬃ ሳሎኔ ኦራꬃ ቢታ ኣንጆ ላቲሳና ጊዛይሳ። 
\is1 ሃ ማፃፋይ ኦይኪዳ ኩሜꬃ ቆፋ 
\io1 ጌሎሶ 1፡1-8 
\io1 ኮይሮ ቤቲዳ ኣጁታ 1፡9-20 
\io1 ላፑን ዎሳ ኬꬃታስ ዬዴቲዳ ኪታታ 2፡1-3፡22 
\io1 ማፃፋዛኔ ላፑን ማታሜታ 4፡1-8፡1 
\io1 ላፑን ፁሩምባታ 8፡2-11፡19 
\io1 ዳዌዛኔ ናምዑ ዶዓታ 12፡1-13፡18 
\io1 ዱማ ዱማ ኣጁታታ 14፡1-15፡8 
\io1 ፆሳ ሃንቆ ፁዓታ ላፑናታ 16፡1-21 
\io1 ባቢሎኔ ኩንዴꬅ፥ ዶዓዛ ዎርዶ ናቤታኔ ዳቡሎሳ ፆኔቴꬅ 17፡1-20፡10 
\io1 ዉርሴꬃ ፒርዳ 20፡11-15 
\io1 ኦራꬃ ሳሎ፥ ኦራꬃ ቢታኔ ኦራꬃ ዬሩሳላሜ 21፡1-22፡5 ኩሻ ቆፋ 22፡6-21 
\c 1  
\p  
\v 1 ሃይሲ ኣጁታዚ ማታ ዎዴ ቢታ ቦላ ሃናናይሳ ባስ ኦꬂዛይታ ቤሳና ማላ ፆሲ ዬሱስ ኪርስቶሳስ ኢሚዳይሳ። ዬሱስ ኪርስቶሲካ ባ ኪታንቻ ኪቲዲ ባ ኦሳንቻዛ ዮሃኒሳስ ሃይሳ ኣጁታዛ ቆንጪሲዴስ።  
\v 2 ዮሃኒሲካ ፆሳ ቃላ ጊሺኔ ዬሱስ ኪርስቶሲ ታማርሲዳ ቱማ ጊሽ ቃሴካ ኢዚ ባ ኣይፌን ቤዪዳይሳካ ዉርሲ ማርካቲዴስ።  
\v 3 ሃይሲ ዉሪካ ሃናናይ ማታ ዎዴን ጊዲዳ ጊሽ ሃይሳ ቲንቢቴ ቃላ ናባቢዛ ኣሲ ኣንጄቲዳዴ። ሄሳꬆካ ቲንቢቴ ቃላ ሲዪዛይቲኔ ሃ ቲንቢቴ ቃላ ፃፌቲዳይሳ ፖሊ ኦꬂዛይቲ ኢስቲ ኣንጄቲዳይታ። 
\s1 ኢሲያን ዲዛ ላፑን ዎሳ ኬꬃታስ ኪቴቲዳ ሳሮካ 
\p  
\v 4-5 ኢሲያን ዲዛ ላፑን ዎሳ ኬꬃታስ ካሴካ ዲዛይሳፌ፥ ሃዒካ ዲዛይሳፌኔ፥ \x * \xo 1:4-5 \xt ኬሳ 3፡14፤ ኣጁ 4፡5\x* ቡሮካ ያና ፆሳፌ ኢዛ ኣልጋ ሲንꬃን ዲዛ ላፑን ኣያናታፔ ሄሳꬆካ ሃይቆፔ ዴንꬃን ባይራ ጊዲዳይሳፌ፥ ሃ ቢታ ካዎታስ ካዎኔ ኣማኔቲዳ ማርካ ጊዲዳይሳፌ፥ ኑና ሲቂዛይሳፌኔ ባ ሱꬃን ኑና ኑ ናጋራፔ ጌሺዳ ዬሱስ ኪርስቶሳፔ ኪያቴꬂኔ ሳሮቴꬂ ኢንቴስ ጊዶ። \x * \xo 1:4-5 \xt ኢሳ 55፡4፤ ማዛ 89፡27\x* 
\v 6 ኑኒ ዬሱስ ኪርስቶሳ ኣዋ ፆሳስ ኦꬃና ማላ ኑና ኢዚ ካዎታኔ ቄሴታ ኬሲዳ ዬሱስ ኪርስቶሳስ ቦንቾይኔ ዎልቃይ ሜርናፔ ሜርና ጋካናስ ኢዛስ ጊዶ! ኣሚን። \x * \xo 1:6 \xt ኬሳ 19፡6፤ ኣጁ 5፡10\x* 
\p  
\v 7 ሄኮ ኢዚ ሳሎፔ ሻራራ ጊታ ቦንቾራ ያና። ካሴ ኢዛ ጫዲ ዎꬊዳይቲካ ኣቶንታ ኣሲ ዉሪካ ኢዛ ቤያና። ቢታ ቦላ ዲዛ ዴሬይካ ዉሪካ ኢዛ ጊሽ ዬካና። ሃይሲ ሃ ዮዖዚ ቱሙኮ! ኣሚን። \x * \xo 1:7 \xt ዳኔ 7፡13፤ ማቶ 24፡30፤ ማር 13፡26፤ ሉቃ 21፡27፤ 1ታሶ 4፡17፤ ዛካ 12፡10፤ ዮሃ 19፡34፥37\x* 
\p  
\v 8 ካሴካ፥ ሃዒካ ዲዛይሲ ቡሮፔካ ያናይሲ ዉርሲ ዳንዳዪዛ ጎዳ ፆሲ “ኣልፋይኔ ኦሜጋይ፥ ኮይሮይኔ ዉርሴꬂ ታና” ጌስ።\x * \xo 1:8 \xt ኬሳ 3፡14\x* 
\s1 ኪርስቶሲ ኣጁታን ቆንጪሺን 
\p  
\v 9 ታኒ ዬሱሳ ዋዬዛ ኢዛ ካዎቴꬃ ቃሴካ ኢዛ ዳንዳያን ኢንቴናራ ኢሲፌ ጊዲዳ ታ ኢንቴ ኢሻይ ዮሃኒሲ ፆሳ ቃላኒኔ ዬሱሳስ ማርካቲዳ ጊሽ ቃሼታዳ ፊፂሞ ጌቴቲዛ ኣባ ጊዶን ዲዛ ዴሬ ዳሪን ዳይስ።  
\v 10 ታኒ ጎዳ ጋላስ ፂሎ ኣያናን ꬊስኮ ማላ ጮ ሊጲጲ ጊሺን ዲንኬ ጊሪሳ ማላይ ጊታ ጊሪስ ታፔ ጉዬራ፥  
\v 11 “ኔኒ ቤዪዛይሳ ዋራቃታን ፃፋዳ ላፑን ዎሳ ኬꬃታስ ሄይቲካ ኤፔሶኔስ፥ ሳሜርኔሴስ፥ ጴርጋሞኔስ፥ ቲያፂሮኔስ፥ ሳርዴሴስ፥ ፒላዴልፊያሲኔ ሎዶቂያስ ዬዳ” ጊሺን ሲያዲስ። 
\p  
\v 12 ሄሳ ታስ ኦኒ ዮቲዳኮኔ ኤራና ጋዳ ታ ጉዬ ዩያ ፄሊዛ ዎዴ ፆምፔ ኢስታ ቦላ ዎꬂዛ ዎርቃፌ ኦሴቲዳ ላፑን ባላታ ቤያዲስ።  
\v 13 ሄ ኢስታ ቦላ ፆምፔ ዎꬂዛ ባላታ ጊዶን ኣሳ ና ሚሳቲዛዴ ዴማዲስ። ኢዚካ ሂርኪ ቶሆ ቂርጴ ጋኪዛ ኣዱሳ ማይዖ ማይዒዴስ፤ ቲራ ቦላካ ዎርቃ ማይዖ ማይዒዴስ።\x * \xo 1:13 \xt ዳኔ 7፡13፤ 10፡5\x* 
\v 14 ኢዛ ሁዔይኔ ኢዛ ሁዔ ቢናናይ ቃስ ቦꬃ ሻች ሚሳቲዛ ቦꬃ ሱፌ ጌቴቲዛ ካꬃ ማላ። ኢዛ ኣይፌቲካ ታማ ላጮ ሚሳቴቴስ። \x * \xo 1:14 \xt ዳኔ 7፡9፤ 10፡6\x* 
\v 15 ኢዛ ቶሆቲ ታማ ቦንቆን ቆፄቲ ኬዚዳ ፃርቂማላ ሚሳቴቴስ። ኢዛ ቃላይካ ዎልቃማ ፒሳ ሃꬄ ጊሪዛ ማላ ጊሬስ። \x * \xo 1:15 \xt ሂዚ 1፡24፤ 43፡2\x* 
\v 16 ኢዚ ባ ኡሻቻ ኩሼን ላፑን ፆሊንቴታ ኦይኪዲ ኡቲዴስ። ኢዛ ዱናፔ ናምዑ ባጋራ ቃራ ማሻይ ኬዜስ። ኢዛ ኣይፌሶይ ኣዋ ኣርሼ ማላ ፆልቄቴስ። 
\p  
\v 17 ታኒ ሄሳ ቤያዳ ሃይቂዳ ኣስ ሚሳታዳ ኢዛ ቶሆ ጋርሳን ኩንዳዲስ። ኢዚ ቃስ ታ ቦላ ባ ኡሻቻ ኩሼ ዎꬂዲ “ኔ ባቦፋ! ኮይሮይኔ ዉርሴꬂ ታና። \x * \xo 1:17 \xt ኢሳ 44፡6፤ 48፡12፤ ኣጁ 2፡8፤ 22፡13\x* 
\v 18 ታኒ ፓፃ ዳይስ። ካሴ ሃይቃዲስኮሺን ሄኮ ታኒ ሃይሳፌ ሜርናስ ፓፃ ዳና። ሃይቆ ቦላኔ ሲዖሌ ቦላ ታኒ ጎዳ።  
\v 19 ሄሳ ጊሽ ኔኒ ቤዪዳይሳ ሃዒ ዲዛይሳኔ ጉዬፔ ሃናናይሳ ፃፋ።  
\v 20 ኔኒ ታ ኡሻቻ ኩሼን ቤዪዳ ላፑን ፆሊንቴታኔ ፆምፔ ኢስታ ቦላ ዎꬂዛ ዎርቃፌ ኦሴቲዳ ላፑን ባላታ ፁራይ ሄኮ ሃይሳ። ላፑን ፆሊንቴቲ ላፑን ዎሳ ኬꬃታ ኪታንቻታ። ፆምፔ ኢስታ ቦላ ዎꬂዛ ላፑን ዎርቃ ባላቲ ላፑን ዎሳ ኬꬃታ።’ 
\c 2  
\s1 ኤፌሶኔ ዎሳ ኬꬅ 
\p  
\v 1 “ኤፌሶኔን ዎሳ ኬꬃ ኪታንቻስ ‘ሃይሲ ላፑን ፆሊንቴታ ባ ኡሻቻ ኩሼን ኦይኪዳዴፌኔ ኢስታ ቦላ ፆምፔ ዎꬂዛ ላፑን ዎርቃ ባላታ ጊዶን ሲሜሬቲዛዴፌ ዮቴቲዴስ።  
\v 2 ታኒ ኔ ኦሶዛ፥ ዳፌቴꬃኔ ዳንዳያካ ኤራይስ። ኔኒ ቃስ ኢታታ ዬጋ ኣꬋናስ ዳንዳዮንታይሳ ሃዋሬታ ጊዶንታ ዲሼ ባና ሃዋሬታ ጊዛይታካ ሻካዳ ኢስቲ ዎርዳንቻታ ጊዶይሳ ኔ ጋካ ዴሚዳይሳ ታ ኤራይስ።  
\v 3 ኔኒ ዳንዳያን ሚና ኤቂዳይሳኔ ታ ሱንꬃ ጊሽ ሳሌቶንታ ኔ ዋዬ ቤዪዳይሳ ታ ኤራይስ።  
\v 4 ጊዲኮካ ታ ኔና ካꬊዛ ኢሲ ሚሺ ዴስ። ሄሲካ ኔኒ ካሴ ኔ ሲቆዛ ኣጋዳሳ።  
\v 5 ኔኒ ካሴ ኣይ ማላ ꬎቃሶን ዳሼ ሃዒ ቃስ ኔ ዋና ኩንዲዳኮኔ ኣኔ ዩሻ ቆፓዳ ማሮቴꬃን ሲማ ጌላ። ኔ ካሴ ኦꬂዛ ቤኒ ኔ ኦሶዛ ዛራ ኦꬃ። ኔ ሄሳ ዉርሳ ዛራ ኦꬆንታ ኢፂኮ ታ ኔኮ ያና። ኔኒ ማሮቴꬃን ጌሎንታ ኢፂኮ ኔ ፆምፔ ኢዛ ቦላ ዎꬂዛ ባላ ሄ ኢዚ ዲዛሶፔ ታ ዴንꬃዪቻና።  
\v 6 ጊዶ ኣቲን ታ ኔና ጋላቲዛ ኢሲ ሚሺ ዴስ። ሄሲካ ታኒ ኢፂዛ ኒቆላ ባጋ ኣሳ ኦሶ ኔካ ኢፃዳሳ። 
\p  
\v 7 “ኣያናይ ዎሳ ኬꬃታስ ጊዛይሳ ሃይꬂ ዲዛዴይ ዉሪካ ሲዮ! ‘ፆኒዳዴይ ፆሳ ጋናቴ ጊዶን ዲዛ ዴዖ ሚꬃ ኣይፌ ማና ማላ ታ ኦꬃና።’ 
\s1 ሳማርኔሴ ዎሳ ኬꬃ 
\p  
\v 8 “ሳሜርኔሴ ዎሳ ኬꬃ ኪታንቻስ፥ ሃይሲ ኮይሮኔ ዉርሴꬅ ጊዲዳይሳፌ ካሴ ሃይቂዳይሳፌኔ ሃዒ ቃስ ፓፃ ዲዛይሳፌ ዮቴቲዳዛ። \x * \xo 2:8 \xt ኢሳ 44፡6፤ 48፡12፤ ኣጁ 1፡17፤ 22፡13\x* 
\v 9 ታኒ ኔ ዋዬዛኔ ኔ ማንቆቴꬃ ኤራይስ። ጊዲኮካ ኔኒ ዱሬኮ። ኣይሁዳ ጊዶንታ ዲሼ ባና ኑኒ ኣይሁዳኮ ጊዛ ፃላዔ ማባራ ጊዲዳይቲ ሄይቲ ኔ ሱንꬅ ሞሮይሳ ታ ኤራይስ።  
\v 10 ቡሮ ሲንꬃፌ ኔ ቦላ ጋካና ሜቶስ ባቦፋ። ኢንቴ ፓጬታና ማላ ኢንቴፌ ኢሲ ኢሲ ኣስ ዳቡሎሲ ቃሾ ኬꬄ ጌልꬃና። ታሙ ጋላስ ጋካናስ ኢንቴ ዋዬ ቤያናሺን ኔ ሃይቃና ጋካናስ ኣማኔቲዳዴ ጊዳ። ታኒ ኔስ ሜርና ዴዖ ኣክሊሌ ሂስታ ኢማና። 
\p  
\v 11 “ኣያናይ ዎሳ ኬꬃታስ ጊዛይሳ ሃይꬂ ዲዛዴይ ሲዮ! ፆኒዳዴይ ናምዓንꬆ ሃይቆን ቆሄቴና” ጋ ፃፋ ጊዴስ። \x * \xo 2:11 \xt ኣጁ 20፡14፤ 21፡8\x* 
\s1 ጴርጋሞኔ ዎሳ ኬꬃ 
\p  
\v 12 ጴርጋሞኔ ዎሳ ኬꬃ ኪታንቻስ “ሃይሲ ናምዑ ባጋራ ቃራ ማሻ ኦይኪዳይሳፌ ዮቴቲዳዛ።  
\v 13 ኔኒ ፃላዔ ኣልጋይ ዲዛሶን ዲዛይሳ ታኒ ኤራይስ። ጊዶ ኣቲን ኔኒ ታ ሱንꬃ ሎዔꬃ ኦይካዳሳ። ኔ ታና ኣማኒዛይሳ ኣጋቤይካ። ታስ ኣማኔቲዳ ማርካ ጊዲዳ ኣንቲጳሲ ፃላዔይ ዲዛ ኢንቴ ካታማን ኣሳ ኩሼን ሃይቂዳ ዎዴካ ኔ ታና ኣማኖ ኣጋቤይካ።  
\v 14 ጊዲኮካ ታ ኔና ካꬊዛ ኢሲ ሚሺ ኔ ቦላ ዴስ። ሄሲካ ባላዓሜ ቲሚርቴ ኦይኪዳ ኢሲ ኢሲ ኣሳቲ ኢንቴ ጊዶን ዴቴስ። ሄሲ ባላዓሜይ ኢስራዔሌ ኣሳይ ኤቃስ ያርሼቲዳ ካꬅ ሚዲኔ ላይማ ላይማቲዲ ꬉጴታና ማላ ባላቄ ዞሪዳዴ። \x * \xo 2:14 \xt ታይ 22፡5፥7፤ 31፡16፤ ዛሬ 23፡4፤ ታይ 25፡1-3\x* 
\v 15 ሄሳꬆካ ኒቆላ ባጋ ኣሳታ ቲሚርቴ ኦይኪዳ ኣሳቲካ ኢንቴ ጊዶን ዴቴስ።  
\v 16 ሄሳ ጊሽ ማሮቴꬃን ጌላ፤ ኣካይ ጊኮ ታኒ ኤሌሳዳ ኔኮ ባዳ ኔና ታ ዱናፔ ኬዚዛ ማሻ ሚሳቲዛ ቃላራ ኦላና። 
\p  
\v 17 “ኣያናይ ዎሳ ኬꬃታስ ጊዛይሳ ሃይꬂ ዲዛዴይ ሲዮ! ፆኒዳዴስ ታ ቆታን ዲዛ ማናፌ ኢማና። ኢዚ ታስ ጊዲዳይሳ ቤሳናስ ኢዛ ቦላ ኦራꬃ ሱንꬂ ፃፌቲዳ ቦꬃ ሹች ኢዛስ ታ ኢማና። ሄሳካ ኤኪዳዴፌ ኣቲን ሃራ ኣሲ ኦኒካ ኤሬና። \x * \xo 2:17 \xt ኬሳ 16፡14-15፤ 16፡33-34፤ ዮሃ 6፡48-50፤ ኢሳ 62፡2፤ 65፡15\x* 
\s1 ቲያፂሮኔ ዎሳ ኬꬃ 
\p  
\v 18 “ቲያፂሮኔ ዎሳ ኬꬃ ኪታንቻስ ሂዝጋ ፃፋ ‘ሃይሲ ታማ ላጮ ሚሳቲዛ ኣይፌቲ ዲዛዴፌኔ ቦንቂዳ ታማን ጌሊ ቆፄቲ ኬዚዳ ፃርቂማላ ሚሳቲዛ ቶሆቲ ዲዛዴፌ ፆሳ ናፔ ኪቴቲዳዛ።  
\v 19 ታኒ ኔ ኦሶኔ ኔ ሲቆ፥ ኔ ኣማኖኔ ኔ ሃጋዞ፥ ኔ ዳንዳያን ሚኖይሳካ ኤራይስ። ካሴ ኦሶዛፔ ጉዬይሲ ኣꬊዛይሳካ ታ ኤራይስ።  
\v 20 ጊዶ ኣቲን ታ ኔና ካꬊዛ ሚሺ ዴስ። ሄሲካ ባና ‘ታ ናቤ’ ጊዛ ማጫሳዮ ኤሊዛቤሎ ኔኒ ቤሳ ኣጊዳ ጊሽ ኢዛ ታስ ኦꬂዛይቲ ላይማ ላይማታና ማላኔ ኤቃስ ያርሼቲዳ ካꬅ ማና ማላ ኢዛ ታማርሳዳ ባሌꬃዱስ። \x * \xo 2:20 \xt 1ካዎ 16፡31፤ 2ካዎ 9፡22፥30\x* 
\v 21 ኢዛ ማሮቴꬃን ጌላና ማላ ታ ኢዚስ ዎዴ ኢማዲስሂን፥ ኢዛ ቃስ ባ ላይማቴꬃፌ ሲማናስ ኮያቤይኩ።  
\v 22 ሄሳ ጊሽ ታ ኢዞ ዋዬ ኣልጋ ቦላ ዬጋና። ኢዚራ ኦꬂዳ ኣሳቲ ባ ኢታ ኦሶፔ ማሮቴꬃን ሲሞንታ ኢፂኮ ኢዚራ ኢሲፌ ላይማቲዳ ኡባታ ቦላ ጊታ ሜቶ ታ ኤሃና።  
\v 23 ታኒ ኢዚ ናይታ ሃይቆን ቃፃያና። ዎሳ ኬꬃቲ ዉሪካ ኣሳ ቆፋኔ ኣሳ ኣሞ ሻካ ኤሪዛይ ታና ጊዲዳይሳ ኤራና። ታኒ ኢንቴስ ኢሳስ ኢሳስ ኢዛዴ ኦሶ ማላ ኢማና። 
\p  
\v 24 “ቲያፂሮኔን ዲዛይታስ ኢንቴሲኔ ሃይሳ ኢታ ቲሚርቴ ታማሮንታይታስ ኡባስ ሄሳꬆካ ኢሲ ኢሲ ‘ፃላዔስ ሃይሲ ጪማ ፁራ’ ጌቴቲዛይሳ ካሎንታይታ ኢንቴና ታኒ ሃራ ቶሆ ቶሲኬ።  
\v 25 ጊዲኮካ ታ ሄ ባና ጋካናስ ኢንቴስ ዲዛዝ ዉርሲ ሚንꬂ ኦይኪቴ።  
\v 26 ፆኒዳዴሲኔ ታ ኦሶን ዉርሴꬅ ጋካናስ ሚኒዛዴስ ኣይዛቤታ ቦላ ታ ጎዳቴꬅ ኢማና።  
\v 27 ኢዚ ኢስታ ቢራታ ጉፌራ ሃራና። ኡርቃፌ ሜꬌቲዳ ሚሻ ማላ ኢዚ ቡኪዲ ሊቂሳና። ሄሲ ሄ ጎዳቴꬃይካ ታኒ ታ ኣዋፔ ኤኮ ጎዳቴꬃ ማላ።  
\v 28 ታ ኢዛስ ዎንታ ቦላ ኬዚዛ ፆሊንቴዛ ኢማና።  
\v 29 ኣያናይ ዎሳ ኬꬃታስ ጊዛይሳ ሃይꬂ ዲዛይ ዉሪ ሲዮ!” ጋዳ ፃፋ ጊዴስ። 
\c 3  
\s1 ሳርዴሴ ዎሳ ኬꬃ 
\p  
\v 1 ሳርዴሴ ዎሳ ኬꬃ ኪታንቻስ፥ “ሃይሲ ፆሳ ኣያና ላፑናታፔኔ ፆሊንቴታ ኦይኪዳዴፌ ዮቴቲዳዛ። ታ ኔ ኦሶ ኤራይስ። ኔኒ ሱንꬃን ፓፃ ዳሳ ሺን ቃስ ሃይቃዳሳ።  
\v 2 ቤጋ! ሃይቃና ማቲዳይሳኔ ኔስ ዉራሼ ጉꬅ ኣቲዳ ዎልቃዮ ዛራ ሚንꬃ። ታኒ ታ ጎዳ ሲንꬃን ኔ ኦሶይ ኩሜꬅ ጊዲን ቤያቤኬ።  
\v 3 ሄሳ ጊሽ ኔኒ ኣይ ማላ ቲሚርቴ ኤኪዳኮኔ ኔ ሲዮይሳ ዩሻ ቆፓኔ ናጋ። ማሮቴꬃንካ ጌላ፤ ኔኒ ቤጎንታ ኣጊኮ ቃስ ታ ካይሶ ማላ ኔ ቆፖንታ ፑቱ ጋና። ታ ኣይ ሳቴን ኔኮ ያናኮኔ ኔ ኤራካ። \x * \xo 3:3 \xt ማቶ 24፡43-44፤ ሉቃ 12፡39-40፤ ኣጁ 16፡15\x* 
\v 4 ጊዶ ኣቲን ባ ማይዖ ቱኒሶንታይቲ ሳርዴሴን ጉꬃ ኣሳቲ ኔናራ ዴቴስ። ሄይቲ ቦꬃ ማይዖ ማይዓናይሲ ኢስታስ ቤሲዛ ጊሽ ኢስቲ ቦꬃ ማይዖ ማይዒዲ ታናራ ባና።  
\v 5 ፆኒዳዴይ ኢስታꬆካ ቦꬃ ማይዖ ማይዓና። ኢዛዴ ሱንꬅ ታኒ ታ ኣዋ ሲንꬃኒኔ ኪታንቻታ ሲንꬃን ኤሪሳና። ዴዖን ዲዛይታ ሱንꬂ ፃፌቲዳ ዴዖ ማዝጋባፔ ቁጪኬ። \x * \xo 3:5 \xt ኬሳ 32፡32-33፤ ማዛ 69፡28፤ ኣጁ 20፡12፤ ማቶ 10፡32፤ ሉቃ 12፡8\x* 
\p  
\v 6 “ኣያናይ ዎሳ ኬꬃታስ ጊዛይሳ ሃይꬂ ዲዛዴይ ሲዮ! 
\s1 ፊላዴልፊያ ዎሳ ኬꬃ 
\p  
\v 7 ፊላዴልፊያ ዎሳ ኬꬃ ኪታንቻስ “ሃይሲ ጌሺኔ ቱማንቻ ጊዲዳይሳፌ ዳዉቴ ኬꬃ ቁልፔ ኦይኪዳይሳፌ ዮቴቲዳይሳ። ኢዚ ዶዪዳይሳ ኦኒካ ጎርዴና። ኢዚ ጎርዲዳዝ ኦኒካ ዶዬና። \x * \xo 3:7 \xt ኢሳ 22፡22፤ ኢዮ 12፡14\x* 
\v 8 ታኒ ኔ ኦሶ ኤራይስ፤ ሄኮ ኦኒካ ጎርዳናስ ዳንዳዮንታ ዶያ ፔንጌ ኔ ሲንꬃን ዎꬃዲስ፤ ኔ ዎልቃይ ጉꬅ ጊዲዳይሳ ታ ኤራይስ፤ ጊዲኮካ ኔ ታ ቃላ ናጋዳሳ፤ ታ ሱንꬃካ ኔ ካዳቤይካ።  
\v 9 ሄሳ ጊሽ ባስ ኣይሁዳ ጊዶንታ ዲሼ ባና ኣይሁዳ ጊዛይቲ ሄይቲ ፃላዔ ማባራፔ ጊዲዳ ዎርዶቲ ዪዲ ኔ ቶሆ ቦላ ኩንዳና ማላ ታ ኦꬃና። ታኒ ኔና ሲቂዳይሳ ኢስቲ ኤራና ማላ ታ ኦꬃና።  
\v 10 ኔኒ ዳንዳዪዛዴ ጊዳ ጋዳ ታ ኔስ ዮቶ ቃላ ኔ ናጊዳ ጊሽ ታካ ቡሮ ቢታ ቦላ ዲዛ ኣሳ ፓጫናስ ኩሜꬃ ኣላሜ ቦላ ያና ዋዬዛ ጋላሳፌ ታ ኔና ናጋና።  
\v 11 ሄኮ ታ ኤሶን ያና። ኔ ኣክሊሌ ኦኒካ ኤኮንታ ማላ ኔስ ዲዛዝ ሎዔꬃ ኦይካ።  
\v 12 ፆኒዳዴ ታኒ ታ ጎዳ ፆሳ ኬꬃን ቱስ ኦꬃና። ኢዚ ሄፔ ሙሌካ ኬዜና። ታ ጎዳ ሱንꬂኔ ታ ጎዳ ካታማዛ ሱንꬂካ ታ ኢዛ ቦላ ፃፋና። ሃና ካታማያ ሳሎፔ ታ ጎዳ ኣቻፌ ዎꬋና ኦራꬃ ዬሩሳላሜ። ታካ ታ ኦራꬃ ሱንꬃ ሄ ኢዛዴ ቦላ ፃፋና። \x * \xo 3:12 \xt ኣጁ 21፡2፤ ኢሳ 62፡2፤ 65፡15\x* 
\p  
\v 13 ኣያናይ ዎሳ ኬꬃታስ ዮቲዛይሳ ሃይꬅ ዲዛዴይ ሲዮ! 
\s1 ሎዶቂያ ዎሳ ኬꬃ 
\p  
\v 14 “ሎዶቂያ ዎሳ ኬꬃ ኪታንቻስ ‘ሃይሲ ኣሚን’ ጊዳይሳፌ ቱሙ ኣማኔቲዳ ማርካ ጊዲዳዴፌ ፆሳ ሜꬌቴꬂ ዉሪ ኢዛፔ ቤቲዳዴፌ ዮቴቲዳዛ። \x * \xo 3:14 \xt ሌም 8፡22\x* 
\v 15 ታኒ ኔ ኦሶ ኤራይስ። ኔኒ ኢርፃ ዎይኮ ሚሻ ጊዳካ። ኔኒ ኢርፃ ዎይኮ ሚሻ ጊዲዳኮ ሎዖኮሺን።  
\v 16 ኢርፃ ዎይኮ ሚሻ ጊዶንታ ኔ ጮ ዶንቦላ ጊዲዳ ጊሽ ታ ኔና ታ ዱናፔ ኬሳ ጩታና ጋይስ።  
\v 17 ‘ታ ዱሬኮ፤ ታስ ዳሮ ሃሮይ ዴስ፤ ታስ ኣይኮይካ ፓጪቤና’ ጋሳ ሺን ኔ ቃስ ጊልቃ፤ ኣይኮይ ባይንዳ ሂዬሳ፥ ማንቆ፥ ቆቄኔ ኔ ካሎ ዲዛዴ ጊዲዳይሳ ኤራቤካ።  
\v 18 ኔ ዱሬ ጊዳና ኮይኮ ታፔ ታማን ፓጬቲዳ ዎርቃ ሻማና ማላ ኔኒ ኔ ካሎቴꬃ ዬላቴꬃ ካማናስ ቦꬃ ማይዖ ማይዓና ማላኔ ፄላናስካ ዳንዳያና ማላ ኣይፌ ꬋሌ ሻማዳ ኔ ቲዬታና ማላ ታ ኔና ዞራይስ።  
\v 19 ታኒ ታ ዶሲዛይታ ዉርሳ ሃንቃይሲኔ ቃፃያይስ፤ ሄሳ ጊሽ ኔኒ ሚና፤ ማሮቴꬃንካ ጌላ። \x * \xo 3:19 \xt ሌም 3፡12፤ ኢብ 12፡6\x* 
\v 20 ሄኮ! ታኒ ፔንጌን ኤቃዳ ፄይጋይስ፤ ኦኒካ ታ ቃላ ሲይዲ ባ ፔንጌዛ ታስ ዶዪኮ ታ ኢዛኮ ጌላዳ ኢዛዴራ ማና። ኢዛዴይካ ታናራ ማና።  
\v 21 ታኒ ፆናዳ ታ ኣዋራ ኢዛ ኣልጋን ኡቲዳይሳꬆ ፆኒዳዴይ ታናራ ኢሲፌ ታ ኣልጋ ቦላ ታ ኡቲሳና። 
\p  
\v 22 “ኣያናይ ዎሳ ኬꬃታስ ጊዛይሳ ሃይꬅ ዲዛይ ሲዮ!” ጋ ፃፋ ጊዴስ። 
\c 4  
\s1 ሳሎን ዲዛ ጎይኖ ዎጋ 
\p  
\v 1 ሄሳፍ ጉዬ ታኒ ሳሎን ዶያ ዲዛ ፔንጌ ቤያዲስ። ታኒ ኮይሮ ሲዪዳይ ዲንኬ ጊሪሳ ማላ ጊሪስ “ሃ ፑዴ ኬዛ፥ ቡሮፔ ሃናና ሚሻታ ታ ኔና ቤሳና” ጊዴስ።  
\v 2 ታኒ ሄራካ ኣያናን ሊጲጲ ጋዳ ሳሎን ዲዛ ኣልጋ ቤያዲስ። ሄ ኣልጋዛ ቦላካ ኢሳዴይ ኡቲዴስ።  
\v 3 ሄ ኣልጋ ቦላ ኡቲዳይሳ ሜꬋይ ኢያሲጲዴኔ ሴርዲኖኔ ኢንቁ ሚሳቲዛ ኣልጋዛ ዩዪ ኣꬊዲ ማርጊዴ ጌቴቲዛ ኢንቁ ሚሳቲዛ ዙላይ ዴስ።  
\v 4 ሄሳꬆካ ሄ ኣልጋዛ ዩዪ ኣꬊዳ ናምዑ ታማኔ ኦይዱ ኣልጋቲ ዴቴስ። ሄ ኣልጋታ ቦላ ቃስ ቦꬃ ማይዖ ማይዒዲ ባ ሁዔ ቦላ ዎርቃ ኣክሊሌ ዎꬂዳ ናምዑ ታማኔ ኦይዱ ጪማቲ ኡቲዳ።  
\v 5 ሄ ኣልጋፌ ቃስ ዎልቃንꬂኔ ዳዳ ጊሪስ ኬዜስ። ሄ ኣልጋ ሲንꬃን ፖዒዛ ላፑን ፆምፔቲ ዴቴስ። ሄይቲካ ፆሳ ኣያና ላፑናታ። \x * \xo 4:5 \xt ኬሳ 19፡16፤ ኣጁ 8፡5፤ 11፡19፤ 16፡18፤ ሂዚ 1፡13፤ ኣጁ 1፡4፤ ዛካ 4፡2\x* 
\v 6 ሄ ኣልጋ ሲንꬃን ጌሽ ሚልፂ ጊዳ ፆልቂዛ ማስቶቴ ሚሳቲዛ ኣባይ ዴስ። ኢዛ ጊዶን ኣልጋ ዩሾን ዳሮ ኣይፌራ ዲዛ ኦይዱ ዶዓቲ ዴቴስ።  
\v 7 ኮይሮ ዶዓዚ ጋሞ ሚሳቴስ። ናምዓንꬆዚ ቃስ ቦራ ሚሳቴስ። ሄꬓንꬆዛ ኣይፌሶይ ኣሳ ኣይፌሶ ሚሳቴስ። ኦይዳንꬆዚ ቃስ ፒራꬊዛ ጎሌ ካፎ ሚሳቴስ።  
\v 8 ሄ ኦይዱ ዶዓቲ ኢሶይ ኢሶይ ኡሱፑን ቄፌራ ዴቴስ። ቄፌታ ዩሾኒኔ ቄፌታ ጊዶን ኣይፌይ ኩሚዴስ። ኢስቲ ቃማኔ ጋላስ፥ “ጌሻዉ! ጌሻዉ! ጌሻዉ! ዉርሳ ዳንዳዪዛ ጎዶ! ካሴካ ሃዒካ ዲዛይሶ፥ ቡሮካ ያናይሶ ጉሳፌ ሼምፒ ኤሬቴና። \x * \xo 4:8 \xt ሂዚ 1፡18፤ 10፡12፤ ኢሳ 6፡2-3\x* 
\p  
\v 9 ሄ ዶዓቲ ሄ ኣልጋ ቦላ ኡቲዳይሳሲኔ ሜርናፔ ሜርና ጋካናስ ዲዛይሳስ ጊታቴꬅ፥ ቦንቾኔ ጋላታካ ሺሺዛ ዎዴ ኡባን፥  
\v 10 ናምዑ ታማኔ ኦይዱ ጪማቲ ሜርናፔ ሜርና ጋካናስ ዲዛ ባ ኣልጋ ቦላ ኡቲዳይሳ ሲንꬃን ጉፓኒዲ ኢዛስ ጎይኔቴስ። ባ ኣክሊሌታካ ሄ ኣልጋ ሲንꬃን ዎꬂዲ፥ 
\q1  
\v 11 “ኑ ጎዳ ፆሶ፥ 
\q2 ኔኒ ዉርሳ ሜꬊዳ ጊሽ 
\q1 ሜꬌቴꬂ ዉሪካ 
\q2 ሜꬌቲዳይኔ 
\q1 ሼምፖራ ዲዛይ ኔ ሼኔን ጊዲዳ ጊሽ 
\q2 ጊታቴꬂ፥ ቦንቾይኔ ዎልቃይካ ኔስ ቤሴስ” ጊዳ። 
\c 5  
\s1 ዶርሳዛኔ ኢዛ ማፃፋ 
\p  
\v 1 ሄ ኣልጋ ቦላ ኡቲዳይሳ ኡሻቻ ኩሼ ቃዓ ጋርሳኒኔ ቦላ ባጋራ ፃፌቲ ኡቲዳ ላፑን ማታሜን ጎርዴቲዳ ኢሲ ፃፄቲ ኡቲዳ ማፃፋ ቤያዲስ።  
\v 2 ኢሲ ሚኖ ኪታንቻ ዳይሲ ጊታ ቃላራ “ሃይታ ማታሜታ ቢርሺዲ ሃ ፃꬃ ማፃፋ ዶያናስ ቤሲዛዴይ ኦኔ?” ጊ ሃሳዪሺን ታ ቤያዲስ።  
\v 3 ጊዶ ኣቲን ሳሎንካ ጊዲን ዎይኮ ሳዓ ቦላ ዎይኮ ቢታፌ ጋርሳ ባጋንካ ሄ ፃꬃ ማፃፋ ዶዪዲ ኢዛ ጊዶን ዲዛይሳ ፄላናስ ዳንዳዪዳ ኣሲ ኦኒካ ቤቲቤና። 
\p  
\v 4 ታካ ሄ ፃꬃ ማፃፋ ቢርሺዲ ኢዛ ጊዶ ፄላናስ ቤሲዛዴይ ቤቶንታ ኣጊዳ ጊሽ ዳሮ ዬካዲስ።  
\v 5 ሄ ዎዴ ጪማታፔ ኢሳዴይ ታስ “ኔ ዬኮፋ! ሄኮ ዩሁዳ ባጋ ጊዲዳ ዳዉቴ ዛርኬፌ ዴንዲዳ ጋሞይ ኢዚ ካሴ ፆኒዴስ። ኢዚ ሄ ፃꬃ ማፃፋዛኔ ሄ ላፑን ማታሜዛ ዶያናስ ዳንዳዬስ” ጊዴስ።\x * \xo 5:5 \xt ሜꬌ 49፡9፤ ኢሳ 11፡1፥10\x* 
\p  
\v 6 ሄሳፌ ጉዬ ኣልጋ ቦላን ኦይዱ ዶዓታ ጊዶን ሄ ጪማታ ጊዶንካ ሹኬቲዳ ዶርሳ ሚሳቲዛይሲ ኤቂዳይሳ ታ ቤያዲስ። ሄ ዶርሳዛስ ላፑን ካጬይኔ ላፑን ኣይፌይ ዴስ። ሄ ኣይፌቲካ ኩሜꬃ ኣላሜ ኪቴቲዳ ፆሳ ኣያና ላፑናታ። \x * \xo 5:6 \xt ኢሳ 53፡7፤ ዛካ 4፡10\x* 
\v 7 ሄ ዶርሳይ ዪዲኔ ኣልጋ ቦላ ኡቲዳይሳፌ፥ ኡሻቻ ኩሼን ዲዛ ፃꬃ ማፃፋ ኤኪዴስ።  
\v 8 ሄ ፃꬃ ማፃፋዛ ኤኪዳ ማላ ኦይዱ ዶዓቲኔ ናምዑ ታማኔ ኦይዱ ጪማቲ ሄ ዶርሳ ሲንꬃን ባ ሊጴን ጉፓኒዳ። ኢስቲካ ኢሶይ ኢሶይ ባ ኩሼን ዲꬃ ማላ ሚሽ ኦይኪዴስ። ሄሳꬆካ ጌሻታ ዎሳ ጊዲዳ ኢዛን ኤፃኔይ ኩሚዳ ዎርቃ ፃሮ ባ ኩሼን ኦይኪ ዴቴስ።\x * \xo 5:8 \xt ማዛ 141፡2\x* 
\v 9 ኦራꬃ ዬꬅ ሂዝጊ ዬፂዳ 
\q1 “ኔኒ ኣሳ ዱማ ዱማ ኮቻፌ፥ 
\q2 ዱማ ዱማ ቃላን ሃሳዪዛይታፔ፥ 
\q2 ዱማ ዱማ ቆሞፌኔ 
\q2 ዱማ ዱማ ዴሬፔ 
\q1 ፆሳስ ዎዛናስ ኔ ሹኬቲዳ ጊሽ ሄ ፃꬃ ማፃፋዛ ኤካናሲኔ ማታሜታካ ዶያናስ ቤሲዛዴ ጊዳዳሳ። \x * \xo 5:9 \xt ማዛ 33፡3፤ 98፡1፤ ኢሳ 42፡10\x* 
\q1  
\v 10 ኔ ኢስታ ኑ ጎዳ ፆሳስ 
\q2 ካዎታኔ ቄሴታ ኦꬃዳሳ። 
\q2 ኢስቲካ ቢታ ቦላ ካዎታና።” \x * \xo 5:10 \xt ኬሳ 19፡6፤ ኣጁ 1፡6\x* 
\p  
\v 11 ታኒ ጌዴ ዛራ ፄሊሺን ሄ ኣልጋዛ፥ ዶዓታኔ ጪማታ ዩዪ ኣꬊዳ ዳሮ ኪታንቻታ ቃላ ጊሪስ ሲያዲስ። ኢስታስ ጮራቴꬃይ ዳሮ ሺያኒኔ ዳሮ ሚሎኔን ቆዴቴስ። \x * \xo 5:11 \xt ዳኔ 7፡10\x* 
\v 12 ኢስቲ ዳሮ ጊታ ቃላን “ሃ ሹኬቲዳ ዶርሳይ ዎልቃ፥ ዱሬቴꬅ፥ ኤራቴꬅ፥ ሚኖቴꬅ፥ ጊታቴꬅ፥ ቦንቾኔ ጋላታ ኤካናስ ቤሴስ” ጊዳ። 
\p  
\v 13 ሳሎንካ ሳዓ ቦላካ፥ ቢታፌ ጋርሳንካ፥ ኣባ ጊዶን ዲዛ ሜꬌቴꬃ ኡባን “ኣልጋ ቦላ ኡቲዳይሳሲኔ ዶርሳስ ጋላታይኔ ꬎቃቴꬂ፥ ቦንቾይኔ ዎልቃይ ሜርናፔ ሜርና ጋካናስ ኢዛስ ጊዶ!” ጊሺን ታ ሲያዲስ።  
\v 14 ኦይዱ ዶዓቲካ “ኣሚን” ጊዳ። ጪማቲካ ባ ሊጴን ጉፋኒዲ ኢዛስ ጎይኒዳ። 
\c 6  
\s1 ላፑን ማታሜታ ዶዬቴꬅ 
\p  
\v 1 ሄሳፌ ጉዬካ ሄ ዶርሳይ ላፑን ማታሜታፔ ኮይሮ ማታሜዛ ዶዪሺን ታ ቤያዲስ። ሄ ኦይዱ ዶዓታፔ ኢሶይ ዳዳ ጉጉንꬃ ማላ ቃላራ “ሃ ያ!” ጊሺን ሲያዲስ።  
\v 2 ቃሴካ ቦꬃ ፓራ ቤያዲስ። ሄ ፓራዛ ቦላ ባ ኩሼን ዎንዳፌ ኦይኪዳዴይ ዴስ። ኢዛስ ቃስ ኣክሊሌይካ ኢሜቲዴስ። ኢዚካ ፆኒዛዴ ጊዲዲ ፆኖፔ ጌዴ ፆኖን ባናስ ኬዚዴስ። \x * \xo 6:2 \xt ዛካ 1፡7-8፤ 6፡3፥6\x* 
\p  
\v 3 ሄ ዶርሳይ ናምዓንꬆ ማታሜዛ ዶይዳ ማላ ናምዓንꬆ ዶዓዚ “ሃ ያ!” ጊሺን ታ ሲያዲስ።  
\v 4 ቃሴካ ሃራ ፄቃ ዞዖ ፓራይ ኬዚዴስ። ሄ ፓራ ቶጊዳዴይ ቢታ ቦላፌ ሳሮቴꬅ ꬋይሳና ማላኔ ኣሳይ ባ ጋርሳን ኢሶይ ኢሳ ዉርሳና ማላ ኦꬂሳናስ ኢዛስ ጎዳቴꬂኔ ዎጋ ጊታ ማሻይ ኢሜቲዴስ። \x * \xo 6:4 \xt ዛካ 1፡7-8፤ 6፡2\x* 
\p  
\v 5 ዶርሳዚ ሄꬓንꬆ ማታሜዛ ዶዪን ሄꬓንꬆ ዶዓዚ “ሃ ያ!” ጊሺን ታ ሲያዲስ። ቃሴ ካሬꬃ ፓራ ቤያዲስ። ሄ ፓራ ቦላ ኡቲዳይሲ ባ ኩሼን ማካ ሚሽ ኦይኪዴስ። \x * \xo 6:5 \xt ዛካ 6፡2፥6\x* 
\v 6 ኦይዱ ዶዓታ ጊዶፌ ዪዳ ሚሳቲዛ ቃላ ሲያዲስ፤ ሄ ጊሪሳይካ “ባጋ ኪሎ ጊዲዛ ጊስቴ ኢሳዴስ ኢሲ ጋላሳ ዳሞዛ፤ ቃሴ ኢሲ ኪሎ ኩማና ሳይሶ ፓጬ ጊዲዛ ባንጋይ ኢሲ ጋላሳ ዳሞዛ ጊዶ። ጊዶ ኣቲን ዛይቴኔ ዎይኔ ሚꬅ ቆሆፓ” ጊሺን ታ ሲያዲስ። 
\p  
\v 7 ሄ ዶርሳይ ኦይዳንꬆ ማታሜዛ ዶዪን ኦይዳንꬆ ዶዓዛ ቃላይ “ሃ ያ!” ጊሺን ሲያዲስ።  
\v 8 ቃሴካ ጮሎሎ ፓራ ቤያዲስ። ፓራ ቶጊዳይሳ ሱንꬂ ሃይቆ ጌቴቴስ። ኢዛ ቃስ ዱፎይ ካሌስ። ሃይቆይኔ ዱፎይ ቢታፌ ሳይሶ ኦላን፥ ጋፋን፥ ቦሻኒኔ ባዞ ዶዓን ዎꬋና ማላ ጎዳቴꬂ ኢስታስ ኢሜቲዴስ። \x * \xo 6:8 \xt ሂዚ 14፡21\x* 
\p  
\v 9 ኢቻሻንꬆ ማታሜዛ ኢዚ ዶዪን ፆሳ ቃላ ጊሺኔ ባ ማርካቲዳ ማርካቴꬃ ጊሽ ሃይቂዳይታ ሼምፖታ ያርሾ ያርሺዛሶዛ ጋርሳን ቤያዲስ።  
\v 10 ኢስቲ ቃስ ቃላ ꬎቁ ሂስቲዲ “ጌሻኔ ቱማንቻ ጎዳዉ! ኔኒ ቢታ ቦላ ዲዛ ኣሳ ቦላ ፒርዶንታይኔ ኑ ሱꬃ ጊሽ ኔ ሃሎ ኬሶንታይ ኣዪዴ ጋካናሴ?” ጊዲ ዋሲዳ።  
\v 11 ኢስታስ ኢሳስ ኢሳስ ቦꬃ ማይዖይ ኢሜቲዴስ። ኢስታ ማላቲካ ቡሮ ሃይቃና። ኢስታ ማላ ኦሳንቻ ጊዲዳ ኢስታ ላጌቲኔ ኢስታ ኢሻታ ቆዳይ ኩማና ጋካናስ ኢስቲ ጉꬃ ዎዴስ ሼምፒዲ ታካና ማላ ኢስታስ ዮቴቲዴስ። 
\p  
\v 12 ሄሳፌ ጉዬ ሄ ዶርሳይ ኡሱፑንꬆ ማታሜዛ ዶዪን ታኒ ጌዴ ኢዛኮ ፄላዲስ፤ ሄኮ ቢታይ ዎልቃማ ቃꬅ ቃፂዴስ። ኣዋ ኣርሼይ ኣሲ ካዮስ ማይዒዛ ካሬꬃ ማይዖ ማላ ካሬፂዴስ። ኣጊናይካ ኩሜꬃራ ሱꬃ ማላ ዞዓዱስ። \x * \xo 6:12 \xt ኣጁ 11፡13፤ 16፡18፤ ኢሳ 13፡10፤ ኢዩ 2፡10፥31፤ 3፡15፤ ማቶ 24፡29፤ ማር 13፡24-25፤ ሉቃ 21፡25\x* 
\v 13 ዎልቃማ ኣሱራ ጫርኮይ ጫርኪዲ ሚꬃ ኣይፌ ቆቆፊዛ ማላ ሳሎፔ ፆሊንቴይ ቆቆፌቲዴስ። \x * \xo 6:13 \xt ኢሳ 34፡4\x* 
\v 14 ሳሎይካ ዋራቃታ ማላ ፃፄቲዲ ኪቺዴስ። ዙማቲኔ ኣባ ጊዶን ዲዛ ጋዴቲ ዉሪካ ባ ዲዛሶፔ ꬋዪቺዳ። \x * \xo 6:14 \xt ኣጁ 16፡20\x* 
\v 15 ቢታ ቦላ ዲዛ ካዎቲ ቢታ ሃሪዛይቲ፥ ኦላ ሃላቃቲ፥ ዱሬቲ፥ ዎልቃማቲ፥ ኣሽካራቲኔ ጎዳቲ ዉሪካ ጎንጎሎ ጊዶኒኔ ዙማታ ጋርሳን ዛላታ ጋርሳን ቆቴቲዳ። \x * \xo 6:15 \xt ኢሳ 2፡19፥21\x* 
\v 16 ዙማታኔ ዛላታካ “ኑና ካሚቴ! ኣልጋ ቦላ ኡቲዳይሳ ሲንꬃፌ፥ ሄ ዶርሳዛ ሃንቆፌ ኑና ቆቲቴ።\x * \xo 6:16 \xt ሆሴ 10፡8፤ ሉቃ 23፡30\x* 
\v 17 ዎልቃማ ሃንቆ ጋላሳይ ጋኪዴስ። ኢዛ ኦኔ ዳንዳያናይ?” ጊዳ።\x * \xo 6:17 \xt ኢዩ 2፡11፤ ሚል 3፡2\x* 
\c 7  
\s1 ፄታኔ ኦይዱ ታማኔ ኦይዱ ሺ ኣሳ ኣታሜቴꬅ 
\p  
\v 1 ሄሳፌ ጉዬ ኦይዱ ኪታንቻታ ቢታ ቦላ ኦይዱ ባጋራ ኤቂዳይታ ቤያዲስ። ኢስቲካ ቢታ ቦላ ጊዲን ዎይኮ ኣባ ቦላ ዎይኮ ሚꬃ ቦላ ኣይ ጫርኮይካ ጫርኮንታ ማላ ኦይዱ ባጋራ ዪዛ ቦሻ ጫርኮ ዉርሲ ኦይኪዳ። \x * \xo 7:1 \xt ኤር 49፡36፤ ዳኔ 7፡2፤ ዛካ 6፡5\x* 
\v 2 ዴዖ ፆሳ ማታማ ኦይኪዳ ሃራ ኪታንቻይ ኣዋ ኣርሼይ ሞኪዛ ባጋራ ሃ ዪሺን ታ ቤያዲስ። ቢታኔ ኣባ ቆሃናስ ኢስታስ ጎዳቴꬂ ኢሜቲዳ ኦይዱ ኪታንቻታ ባ ቃላ ꬎቁ ሂስቲዲ፥  
\v 3 “ኑኒ ኑ ጎዳ ኦሳንቻታ ሊጴ ቦላ ማታሜ ዎꬃና ጋካናስ ቢታ ቦላ ጊዲን ዎይኮ ኣባ ጊዶን ዲዛይታ ጊዲን ዎይኮ ሚꬃታ ጊዲንካ ሄይታንታ ቆሆፒቴ” ጊ ዋሲዴስ። \x * \xo 7:3 \xt ሂዚ 9፡4-6\x* 
\p  
\v 4 ታካ ማታሜይ ኢስታ ቦላ ዎꬊዳይታ ቆዳ ሲያዲስ። ኢስራዔሌ ኣሳ ኮቻ ኡባፌ ማታሜይ ኢስታ ቦላ ሾጬቲዳይታ ቆዳይ ፄታኔ ኦይዱ ታማኔ ኦይዱ ሺ ኣሳ።  
\v 5 ዩሁዳ ቆሞፌ ማታሜይ ኢስታ ቦላ ሾጬቲዳይቲ፥ ታማኔ ናምዑ ሺ፥ 
\q1 ሮቤሌ ቆሞፌ ታማኔ ናምዑ ሺ፥ 
\q1 ጋዴ ቆሞፌ ታማኔ ናምዑ ሺ፥ 
\q1  
\v 6 ኣሴሬ ቆሞፌ ታማኔ ናምዑ ሺ፥ 
\q1 ኒፍታሌሜ ቆሞፌ ታማኔ ናምዑ ሺ፥ 
\q1 ሚናሴ ቆሞፌ ታማኔ ናምዑ ሺ፥ 
\q1  
\v 7 ሲሞና ቆሞፌ ታማኔ ናምዑ ሺ፥ 
\q1 ሌዌ ቆሞፌ ታማኔ ናምዑ ሺ፥ 
\q1 ዪሳኮሬ ቆሞፌ ታማኔ ናምዑ ሺ፥ 
\q1  
\v 8 ዛቢሎኔ ቆሞፌ ታማኔ ናምዑ ሺ፥ 
\q1 ዮሴፌ ቆሞፌ ታማኔ ናምዑ ሺ፥ 
\q1 ቢኒያሜ ቆሞፌ ታማኔ ናምዑ ሺ። 
\s1 ቦꬃ ማይዖ ማይዒዳ ዳሮ ዴሬ 
\p  
\v 9 ሄሳፌ ጉዬ ታ ፄሊሺን ቆዳይ ባይንዳ ዳሮ ዴሬይ ዲዛይሳ ቤያዲስ። ሄይታንቲካ ዴሬፔ፥ ዱማ ዱማ ቆሞፌ፥ ዱማ ዱማ ዛርኬፌኔ ዱማ ዱማ ቃላ ሃሳዪዛይታፔ ሺቄቲዳይታ። ሄይቲ ዉሪ ቦꬃ ማይዖ ማይዒዲ ዛምባ ሃይꬅ ባ ኩሼን ኦይኪዲ ኣልጋ ሲንꬃኒኔ ዶርሳዛ ሲንꬃን ኤቂዳ።  
\v 10 ቃላ ꬎቁ ሂስቲዲ “ኣቶቴꬂ ኣልጋ ቦላ ኡቲዳ ኑ ጎዳፔኔ ዶርሳዛፔኮ!” ጊዳ። 
\p  
\v 11 ኢዛ ኪታንቻቲ ዉሪካ ኢዛ ኣልጋስ፥ ጪማታኔ ኦይዱ ዶዓታ ዩይ ኣꬊ ኤቂዳ ኣልጋዛ ሲንꬃን ጉፋኒዲ ፆሳስ ጎይኒዳ። 
\q1  
\v 12 “ኣሚን! ሳባይ፥ ጊታቴꬂ፥ 
\q2 ኤራቴꬂ፥ ጋላታይ፥ ቦንቾይ፥ 
\q1 ዎልቃይኔ ሚኖቴꬂ ኑ ጎዳስ ፆሳስ 
\q2 ሜርናፔ ሜርናስ ጊዶ። ኣሚን!” ጊዳ። 
\p  
\v 13 ጪማታ ጊዶፌ ኢሳዴይ ታኮ ሲሚዲ ታና “ሃይቲ ቦꬃ ማይዖ ማይዒዳይቲ ኦናንቴ? ኢስቲ ኣዋፔ ዪዳይቴ?” ጊዴስ። 
\p  
\v 14 ታካ “ጎዳዉ! ኔ ኤራሳ” ጋዲስ። ኢዚካ ታስ “ሃይቲ ዎልቃማ ዋዬዛ ካንꬂዲ ዪዳይታ። ኢስቲ ባ ማዮካ ዶርሳ ሱꬃን ሜጪ ጌሺዳ። \x * \xo 7:14 \xt ዳኔ 12፡1፤ ማቶ 24፡21፤ ማር 13፡19\x* 
\v 15 ሄሳ ጊሽ ፆሳ ኣልጋ ሲንꬃን ዴዒዲ ቃማኔ ጋላስ ኢዛ ኬꬃን ኢዛስ ኦꬄቴስ። ኣልጋ ቦላ ኡቲዳይሲ ባ ቦንቾራ ቤቲዲ ኢስታስ ኩዋሶ ጊዳና።  
\v 16 ሃይሳፌ ጉዬ ኢስቲ ጋፌቴና፥ ሳሞቴቴና፤ ኣዋ ኣርሼ ሴላይካ ኢስታ ቦቼናኔ ሆምቤይካ ኢስታ ሆምቤና። \x * \xo 7:16 \xt ኢሳ 49፡10\x* 
\v 17 ኣልጋዛስ ጊዶ ኣዳን ኡቲዳ ዶርሳይ ኢስታ ሄሚዛዴ ጊዳና። ኢስታካ ጌዴ ዴዖ ሃꬃ ፑልቶይ ዲዛሶ ካሌꬃና። ፆሲ ኢስታ ኣይፌፔ ኣፉንꬃ ቁጫና” ጊዴስ። \x * \xo 7:17 \xt ማዛ 23፡1፤ ሂዚ 34፡23፤ ማዛ 23፡2፤ ኢሳ 49፡10፤ ኢሳ 25፡8\x* 
\c 8  
\s1 ላፑንꬆ ማታሜ ዶዬቴꬅ 
\p  
\v 1 ዶርሳይ ላፑንꬆ ማታሜዛ ዶዪን ባጋ ሳቴ ጊዲዛይሳ ኬና ሳሎይ ጮዑ ጊዴስ።  
\v 2 ፆሳ ሲንꬃን ኤቂዛ ላፑን ኪታንቻታ ታኒ ቤያዲስ። ሄ ኣሳታስካ ላፑን ዲንኬይ ኢሜቲዴስ። 
\p  
\v 3 ኤፃኔ ኢዛን ጩዋሲዛ ዎርቃፍ ኦሴቲዳይሳ ኦይኪዳ ኪታንቻይ ዪዲ ያርሾ ኢዛን ያርሺዛሶዛ ኣቻን ኤቂዴስ። ኣልጋ ሲንꬃን ዲዛ ዎርቃፌ ኦሴቲዳ ያርሾ ኢዛ ቦላ ያርሺዛይሳ ቦላ ጌሻታ ዎሳራ ኢሲፌ ሺሺዛ ዳሮ ኤፃኔይ ኢዛስ ኢሜቲዴስ። \x * \xo 8:3 \xt ኣሞ 9፡1፤ ኬሳ 30፡1፥3\x* 
\v 4 ሄ ኤፃኔዛ ጩዋይ ፆሳስ ዱማቲዳ ኣሳታ ዎሳስ ሄ ኪታንቻ ኩሼፔ ፑዴ ፆሳ ሲንꬅ ኬዚዴስ።  
\v 5 ሄሳፌ ጉዬ ኪታንቻዚ ኤፃኔ ኢዛን ጩዋሲዛይሳ ኦይኪዲ ያርሾ ያርሺዛሶዛፔ ታማ ኤኪ ኢዛን ኩንꬂዲ ዱጌ ቢታ ቦላ ዬጊዴስ። ዳዳይ ዳዳቲዴስ፤ ጊርሲ ጊርዴስ፤ ዎልቃንꬂ ዎልቃሚዴስ፤ ቢታይካ ቃፂዴስ። \x * \xo 8:5 \xt ሌዌ 16፡12፤ ሂዚ 10፡2፤ ኬሳ 19፡16፤ ኣጁ 11፡19፤ 16፡18\x* 
\s1 ዛዬይ ፑኔቲዴስ 
\p  
\v 6 ላፑን ዛዬ ኦይኪዳ ላፑን ኪታንቻቲ ባ ዛዬ ፑናናስ ጊጌቲዳ። 
\p  
\v 7 ኮይሮ ኪታንቻዚ ባ ዛዬዛ ፑኒዴስ፤ ሻቺኔ ሱꬂ ዋላኬቲዳ ታማይ ሜꬌቲዲ ዱጌ ቢታ ቦላ ዬጌቲዴስ፤ ቢታፌ ጪጎይ ፁጌቲዴስ፤ ሚꬃፌካ ጪጎይ ፁጌቲዴስ፤ ጪሊላ ማታይካ ዉሪ ፁጌቲዴስ። \x * \xo 8:7 \xt ኬሳ 9፡23-25፤ ሂዚ 38፡22\x* 
\p  
\v 8 ናምዓንꬆ ኪታንቻይካ ባ ዛዬዛ ፑኒዴስ፤ ኢሲ ጊታ ዙማ ሚሳቲዛ ሚሺ ኤፂሼ ዱጌ ኣባ ጊዶ ዬጌቲዴስ፤ ኣባስ ጪጎይ ሱꬅ ጊዲዴስ።  
\v 9 ኣባ ጊዶን ሼምፖራ ዲዛ ሜꬌቴꬃፌ ጪጎይ ዉሪ ሃይቂዴስ። ማርካቤታፔካ ጪጎይ ኩሜꬅ ꬋዪዴስ። 
\p  
\v 10 ሄꬓንꬆ ኪታንቻዚ ባ ዛዬዛ ፑኒዴስ። ፆምፔ ማላ ኤፂዛ ኢሲ ጊታ ፆሊንቴይ ሳሎፔ ዱጌ ኩንዲዴስ። ኢዚ ኩንዲዳይ ሻፋታ ጪጎ ቦላኔ ሃꬃ ፑልቶታ ጪጎ ቦላ። \x * \xo 8:10 \xt ኢሳ 14፡12\x* 
\v 11 ሄ ፆሊንቴዛ ሱንꬃይ ጫሞ ጌቴቴስ፤ ሃꬃስ ጪጎይ ጫሞ ጊዲዴስ፤ ሄ ጫሞ ሃꬃ ጋሶን ዳሮ ዴሬይ ሃይቂዴስ። \x * \xo 8:11 \xt ኤር 9፡15\x* 
\p  
\v 12 ኦይዳንꬆ ኪታንቻይ ባ ዛዬዛ ፑኒዴስ፤ ኣዋ ኣርሼስ ጪጎይ፥ ኣጊናስ ጪጎይ፥ ፆሊንቴታስ ጪጎይ ሾጬቲዴስ፤ ሄሳ ጊሽ ሄይታንታ ፖዖፔ ጪጎይ ꬉሚዴስ፤ ሄሳ ማላንካ ጋላሳፌ ጪጎይ ኦማርስ ጊዲዴስ። ሄሳꬆካ ኦማርሳፔ ጪጎይ ፖዖይ ባይንዳ ꬉማ ጊዲዴስ። \x * \xo 8:12 \xt ኢሳ 13፡10፤ ሂዚ 32፡7፤ ኢዩ 2፡10፥31፤ 3፡15\x* 
\p  
\v 13 ታ ቃስ ዛራ ፄሊሺን ኢሲ ጎሌ ካፎይ ሳሎ ቦላ ፒራꬊሼ ጊታ ቃላን “ሃንኮ ኣቲዳ ሄꬑ ኪታንቻቲ ባ ዲንኬታ ጊሪስ ሲሲዛ ዎዴ ቢታ ቦላ ዲዛ ኣሳስ ኣዬ-ኣና! ኣዬ-ኣና! ኣዬ-ኣና!” ጊሺን ሲያዲስ። 
\b  
\c 9  
\p  
\v 1 ኢቻሻንꬆ ኪታንቻይ ባ ዛዬዛ ፑኒዴስ። ታ ቃስ ሳሎፔ ካሴ ዱጌ ቢታ ቦላ ኩንዲዳ ፆሊንቴዛ ቤያዲስ። ኢዛስ ቃስ ጪማ ኦላ ዶዪዛ ቁልፔይ ኢሜቲዴስ።  
\v 2 ኢዚካ ሄ ጪማ ኦላዛ ዶዪዴስ። ሄ ጪማ ኦላፔ ዎልቃማ ታማ ጩዋ ማላ ጩዋይ ኬዚዴስ። ሄ ኦላፌ ኬዚዳ ጩዋዛ ጌዶን ኣዋ ኣርሼይኔ ሳሎይ ꬉሚዴስ። \x * \xo 9:2 \xt ሜꬌ 19፡28\x* 
\p  
\v 3 ሄ ጩዋፔ ቢታ ቦላ ቦሌይ ኬዚዴስ። ቢታ ቦላ ዲዛ ማስማሶታስ ዲዛ ዎልቃ ማላ ዎልቃይ ኢስታስ ኢሜቲዴስ። \x * \xo 9:3 \xt ኬሳ 10፡12-15\x* 
\v 4 ቢታ ቦላ ዲዛ ማታ ጊዲን ዎይኮ ኣይ ሚሺካ ሃራ ጪሊላ ሚሽ ሞንታ ማላ ዎይኮ ኣይ ሚꬂካ ቆሆንታ ማላ ኢስታስ ዮቴቲዴስ። ኢስቲ ቆሃና ቤሲዛይ ቃስ ሊጴ ቦላ ፆሳ ማታሜይ ባይንዳ ኣሳታ ፃላላ ጊዳና ማላ። \x * \xo 9:4 \xt ሂዚ 9፡4\x* 
\v 5 ሄ ኢስታካ ኢቻሹ ኣጊና ጋካናስ ዋዬ ፃላላ ዋዪሳና ኣቲን ዎꬎ ዎꬋና ማላ ፒቃዴይ ኢስታስ ኢሜቲቤና። ሄ ቦሌቲ ኣሳ ቦላ ጋꬂዛ ዋዬዚ ማሲማሶይ ኣስ ዱኪኮ ኣስ ሴሊዛ ሴላ ማላ።  
\v 6 ሄ ጋላሳታን ኣሳይ ሃይቃና ኮያና ሺን ሃይቆ ዴሜና። ሃይቃናስ ኣሞታና ሺን ሃይቆይ ኢስታፌ ባቃታና። \x * \xo 9:6 \xt ኢዮ 3፡21፤ ኤር 8፡3\x* 
\p  
\v 7 ቦሌቲ ቃስ ኦላስ ጊጌቲዳ ፓራታ ሚሳቴቴስ፤ ኢስታስ ሁዔ ቦላ ዎርቃ ኣክሊሌ ሚሳቲዛ ሚሺ ዴስ። ኢስታ ኣይፌሶይ ኣሳ ኣይፌሶ ሚሳቴስ። \x * \xo 9:7 \xt ኢዩ 2፡4\x* 
\v 8 ኢስታ ሁዔ ኢꬂኬይ ማጫሳ ሁዔ ኢሲኬ ሚሳቴስ፤ ኢስታ ኣቼይ ቃስ ጋሞ ኣቼ ሚሳቴስ። \x * \xo 9:8 \xt ኢዩ 1፡6\x* 
\v 9 ቢራታፔ ኦሴቲዳ ፁሩሬ ጌቴቲዛ ማይዖ ማላ ቲራ ቦላ ማይዒዛ ማይዖይ ኢስታስ ዴስ፤ ኢስታ ቄፌይ ጊሪዛ ጊሪሳይ ኦላስ ቶጌቲዛ ዳሮ ፓራኔ ፓራ-ጋሬታ ጊሪሳ ማላ ጊሬስ። \x * \xo 9:9 \xt ኢዩ 2፡5\x* 
\v 10 ኢስታስ ማሲማሶ ጎይና ማላይኔ ዱኪዛሶይ ዴስ። ኢስታስ ጎይና ጊዶን ኢቻሹ ኣጊና ጋካናስ ኣስ ቆሂዛ ዎልቃይ ዴስ።  
\v 11 ካዎይካ ኢስታስ ዴስ። ሄ ኢዚካ ጪማ ኦላ ኪታንቻዛ። ኢዛ ሱንꬃይካ ኢብራዌታ ቃላራ “ኣባዶኔ” ጌቴቴስ። ቃሴ ጊሪኬ ቃላራ “ኣጲሊዮኔ” ጌቴቴስ። ሄሳ ጉሲካ ፒቲ ꬋይሲዛይሳ ጉሳ። \f + \fr 9:11 \fk ኣባዶኔ፥ ኣባዶኔይ ጊሪኬ ቃላራ “ኣጲሊዮኔ” ጌቴቴስ፤ ቢርሼꬃይካ “ፒቲ ꬋይሳ” ጉሳ\f* 
\p  
\v 12 ኮይሮ ሂርጊሶ ዋሶይ ኣꬊዴስ። ሄሳፌ ቃስ ሃራ ናምዑ ዋሶይ ቡሮ ያና። 
\p  
\v 13 ኡሱፑንꬆ ኪታንቻይካ ባ ዛዬዛ ፑኒዴስ። ሄኮ! ፆሳ ሲንꬃን ዲዛ ዎርቃፌ ኦሴቲዳ ያርሾ ያርሺዛሶዛን ዲዛ ካጬታ ጊዶፌ ጊሪስ ሲያዲስ። \x * \xo 9:13 \xt ኬሳ 30፡1-3\x* 
\v 14 ሄ ጊሪሳይካ ዲንኬ ኦይኪዳ ኡሱፑንꬃ ኪታንቻዛꬆ “ዎጋ ሻፋን ኤፊራፂሴን ቃሼቲ ዲዛ ኦይዱ ኪታንቻታ ቢርሻ ዬዳ” ጊዴስ።  
\v 15 ሃይሳ ሃ ሳቴዛሲኔ ሃ ጋላሳስ፥ ሃ ኣጊናሲኔ ሃ ላይꬃስ ጊጌቲዳ ኦይዱ ኪታንቻቲ ኣሳ ዜሬꬃፌ ጪጎ ባጋ ዎꬋና ማላ ቢርሼቲዳ።  
\v 16 ሄ ፓራን ኦሊዛ ኣሳታ ጮራቴꬃይ ፄታታን ቆዴቲዛ ሚሎኔ ጊዲዳይሳ ታኒ ሲያዲስ። 
\p  
\v 17 ፓራቲኔ ሄ ፓራታ ቶጊዳ ኣሳታ ታኒ ኣጁታን ቤዪዳይቲ ሃይሳፌ ካሊዛይሳ ማላኮ! ኢስታስ ቲራ ቦላ ዲዛ ፁሩሬዚ ታማ ቦንቆ ማላ ዞዖ፤ ሳሎ ማላ ካሬꬂኔ ጋላልዖ ሚሳቴስ። ፓራታ ሁዔይ ጋሞ ሁዔ ሚሳቴስ። ኢስታ ዱናፔ ታማይኔ ጩዋይ ዲኔ ጌቴቲዛ ሚሼ ኬዜስ።  
\v 18 ኢስቲ ባ ዱናፔ ኬሲዳ ታማይ ጩዋይኔ ዲኔይ ሃ ሄꬑ ቦቻታን ኣሳ ዜሬꬃፌ ጪጎይ ሃይቂዴስ።  
\v 19 ሄ ፓራታ ዎልቃይ ኢስታስ ዱና ጊዶኒኔ ጎይና ቦላ ዴስ። ኢስታ ጎይናይ ሾሽ ሚሳቴስ። ኢዛስ ሾሻ ሁዔይካ ዴስ። ኢስቲ ኣሴ ሄሳን ቆሄቴስ። 
\p  
\v 20 ሃይታ ሃ ቦቻታን ሃይቆፔ ኣቲዳ ኣሳ ዜሬꬃቲ ካሴ ባ ኦꬂዳ ኢታ ኦሶፔ ሲሚዲ ማሮቴꬃን ጌሊቤይቴና። ዳይዳንꬃስ ዎርቃፌ፥ ቢራፔ፥ ፃርቂማላፔ፥ ሹቻፌ፥ ሚꬃፌ፥ ኦሴቲዳ ፄላናስ ዎይኮ ሃይꬃን ሲያናስ ዎይኮ ሃሙታናስ ዳንዳዮንታ ኤቃታስ ጎይኖ ኣጊቤይቴና። \x * \xo 9:20 \xt ማዛ 115፡4-7፤ 135፡15-17፤ ዳኔ 5፡23\x* 
\v 21 ሄሳꬆካ ሼምፖ ዎꬎፔ፥ ቢታፔ፥ ላይማፌኔ ካይሶቴꬃፌ ሲሚዲ ማሮቴꬃን ጌሊቤይቴና። 
\c 10  
\s1 ኪታንቻኔ ፆሳ ማፃፋ ጉꬃዮ 
\p  
\v 1 ሄሳፌ ጉዬ ሻራ ማይዒዳ ሃራ ሚኖ ኪታንቻይ ሳሎፔ ዱጌ ዎꬊዛይሳ ቤያዲስ፤ ዙላይ ኢዛ ሁዔ ዩይ ኣꬊዴስ። ኢዛ ኣይፌሶይ ኣዋ ኣርሼ ሚሳቴስ። ኢዛ ቶሆቲካ ታማ ቱስ ሚሳቴቴስ።  
\v 2 ፃꬃፌ ቢርሼቲዳ ኢሲ ጉꬃ ማፃፋ ዲዛሮ ባ ኩሼን ኦይኪ ኡቲዴስ። ኢዚ ባ ኡሻቻ ቶሆዛን ኣባ ሃዲሪሳ ቶሆዛን ቃስ ቢታ ዬꬊ ኤቂዴስ።  
\v 3 ጋሞ ፃጎ ማላ ጊታ ቃላራ ፃጊዴስ። ኢዚ ፃጊዳ ማላ ላፑን ዳዳቲ ባ ጊሪሳ ሲሲዳ። 
\p  
\v 4 ላፑን ዳዳቲ ባ ጊሪሳ ሲሲዳ ማላ ታ ፃፋና ጋዳ ቆፓዲስ ሺን “ሃ ላፑን ዳዳቲ ዮቶይሳ ቁምዓ ዎꬃ ኣቲን ፃፎፓ!” ጊዛ ቃላ ሳሎፔ ሲያዲስ። 
\p  
\v 5 ሄሳፌ ካሊዲ ኣባ ቦላኔ ቢታ ቦላ ኤቂ ዲሺን ታ ቤዪዳ ኪታንቻዚ ባ ኡሻቻ ኩሼ ፑዴ ሳሎ ዴንꬂዲ፥  
\v 6 ሜርናፔ ሜርናስ ዲዛይሳን ሳሎኔ ሳሎን ዲዛይታ ቃሴካ ቢታኔ ቢታ ጋርሳን ዲዛይታ፥ ኣባኔ ኣባ ጊዶን ዲዛይታ ሜꬊዳ ፆሳ ሱንꬅ ፄይጊ ጫቂዲ “ሃይሳፌ ጉዬ ኢዚ ጋምዔና!  
\v 7 ጊዶ ኣቲን ላፑንꬃ ኪታንቻይ ባ ዛዬዛ ፑኒ ሲሲዛ ጋላሳታን ኢዚ ባ ኦሳንቻታሲኔ ናቤታስ ኤሪሲዳ ማላ ፆሳ ፁራይ ፖሌታና” ጊዴስ።  
\v 8 ሄሳፌ ጉዬ ታኒ ሳሎፔ ሲዪዳ ቃላይ “ኣባ ቦላኔ ቢታ ቦላ ኤቂዳ ኪታንቻ ኩሼን ዶዬቲ ዲዛ ፃꬃ ማፃፋዛ ባዳ ኤካ!” ጊዲ ቃሴካ ታስ ዮቲዴስ። 
\p  
\v 9 ታኒ ቃስ ኪታንቻዛኮ ባዳ “ሂኖ ቄሪ ፃꬃን ዲዛ ማፃፋዮ ታስ ኢማ” ጋዲስ። ኢዚካ “ሄይ ኤካዳ ማ! ኢዛ ኔና ኔ ኡሎ ጊዶን ጫማና ሺን ዱናን ቃሴ ኔና ኤሳ ማላ ማልዓና” ጊዴስ። 
\p  
\v 10 ታካ ሄ ቄሪ ፃꬃ ማፃፋዮ ኪታንቻዛ ኩሼፔ ኤካዳ ማዲስ። ኢዛካ ታ ዱናን ታና ኤሳ ማላ ማልዓዱስ ሺን ታ ማዳ ኣጊን ጉዬፔ ታ ኡሎ ጊዶን ታና ጫማዱስ።  
\v 11 ሄሳፌ ቃሴ “ዳሮ ዱማ ዱማ ቆሞ ኣሳ ጊሽ ዱማ ዱማ ቃላን ሃሳዪዛ ኣሳታ ጊሺኔ ካዎታ ጊሽ ቃሴካ ቲንቢቴ ኔ ዮታና ማላ ኔስ ቤሴስ” ጌቴቲዲ ታስ ዮቴቲዴስ። 
\c 11  
\s1 ናምዑ ማርካታ 
\p  
\v 1 ሄሳፌ ጉዬ ታ ኢዛራ ዋꬋ ዋꬋናስ ጉፌ ሚሳቲዛ ሾምቦቆይ ታስ ኢሜቲዴስ። ታስ ሂዝጌቲዴስ “ኔኒ ዴንዳዳ ፆሳ ኬꬃዛኔ ጊዶ ኪፊሌታ ዋꬋ! ሄን ጎይኒዛያታ ታይባ። \x * \xo 11:1 \xt ሂዚ 40፡3፤ ዛካ 2፡1-2\x* 
\v 2 ፆሳ ዎሳ ኬꬃፌ ካሬራ ጮ ዲዛሶዛ ኣጋጋ። ሄሲ ኣይዛቤታስ ኢሜቲዳሶ ጊዲዳ ጊሽ ኔ ኢዛ ዋꬎፋ። ኣይዛቤቲ ጌሻ ካታማዮ ኦይዱ ታማኔ ናምዑ ኣጊና ጋካናስ ዬꬊ ሃራና። \x * \xo 11:2 \xt ሉቃ 21፡24\x* 
\v 3 ታ ማርካ ናምዓቲ ካዮ ማይዖ ማይዒዲ ኢሲ ሺያኔ ናምዑ ፄታኔ ኡሱፑን ታሙ ጋላስ ጋካናስ ቲንቢቴ ዮታና ማላ ታ ኢስታስ ዎልቃ ኢማና።” 
\p  
\v 4 ሄይቲ ቢታ ጎዳ ሲንꬃን ኤቂዛ ናምዑ ዎጋራ ሚꬃቲኔ ኢስታ ቦላ ፆምፔ ዎꬂዛ ናምዑ ባላታ። \x * \xo 11:4 \xt ዛካ 4፡3፥11-14\x* 
\v 5 ኦኒካ ኢስታ ቆሃናስ ኮይኮ ኢስታ ዱናፔ ታማይ ኬዚዲ ኢስታ ሞርኬታ ፁጋና። ኢስታ ቆሃና ኮዪዛዴንቲ ዉሪ ሃይቃናይ ሄሳ ማላና።  
\v 6 ኢስቲ ቲንቢቴ ዮቲዛ ሄ ጋላሳታን ኢራይ ቡኮንታ ማላ ሳሎ ጎርዳናስ ማታይ ኢስታስ ዴስ። ሄሳꬆካ ሃꬃታ ሱꬃን ላማናስ ኮይኮካ ሃራ ኣይ ማላ ቦሻንካ ቢታ ሾጫናስ ዎልቃይ ኢስታስ ዴስ። \x * \xo 11:6 \xt 2ካዎ 17፡1፤ ኬሳ 7፡17-19፤ 1ሳሜ 4፡8\x* 
\p  
\v 7 ኢስቲ ባ ማርካቴꬃ ዉርሲዳፔ ጉዬ ሂርኪ ጪማ ኦላፌ ኬዚዛ ዶዓይ ኢስታራ ኦሌቲዲ ኢስታ ፆናናኔ ዎꬋና። \x * \xo 11:7 \xt ዳኔ 7፡7፥21፤ ኣጁ 13፡5-7፤ 17፡8\x* 
\v 8 ኢስታ ኣሃይ ሌሚሶራ ሶዶሜኔ ጊብፄ ጌቴቲዛ ጊታ ካታማይን ጮ ዴንባን ዚንዓና። ሂና ካታማያ ካሴ ኢስታ ጎዳይ ኢዚን ካቄቲዳሶዮ። \x * \xo 11:8 \xt ኢሳ 1፡9-10\x* 
\v 9 ዱማ ዱማ ቆሞቲኔ ዱማ ዱማ ዛርኬቲ፥ ዱማ ዱማ ቃላን ሃሳዪዛይቲኔ ዴሬቲ ሄꬑ ጋላሲኔ ባጋ ጋካናስ ኢስታ ኣሃ ፄላናኔ ሄ ኢስታ ኣሃይ ሞጌቶንታ ማላ ዲጋና።  
\v 10 ሄይቲ ናምዑ ናቤቲ ካሴ ቢታ ቦላ ዲዛ ኣሳ ዋይሲዳ ጊሽ ሃዒ ቃስ ቢታ ቦላ ዲዛ ኣሳይ ሃ ናቤቲ ሃይቂዳ ጊሽ ኡፋዬታና። ሄ ኡፋይሳስ ባዓሌ ኦꬂዲ ኢሶይ ኢሳስ ዬስ ኢማና።  
\v 11 ጊዶ ኣቲን ሄꬑ ጋላሲኔ ባጋይ ኣꬊዳፔ ጉዬ ኢስታስ ሼምፖ ኢሚዛ ፔኖይ ፆሳ ኣቻፌ ዪዲ ኢስታ ኣሃን ጌሊዴስ። ኢስቲካ ባ ቶሆን ኤቂዳ ኢስታ ቤዪዳ ኣሳይ ዳሮ ባቢዴስ። \x * \xo 11:11 \xt ሂዚ 37፡10\x* 
\v 12 ሄሳፌ ጉዬ ሄ ናምዑ ናቤቲ “ሃ ፑዴ ኬዚቴ!” ጊዛ ቃላ ሳሎፔ ሲዪዳ። ኢስታ ሞርኬቲ ኢስታ ፄሊሺን ኢስቲ ሻራራ ፑዴ ሳሎ ኬዚዳ። \x * \xo 11:12 \xt 2ካዎ 2፡11\x* 
\v 13 ሄ ሳቴዪንካ ዎልቃማ ቢታ ቃꬂ ሃንዴስ። ሄ ካታማስ ታማፌ ኢሲ ኩሼይ ላሌቲዴስ። ቢታ ቃꬃ ጋሶን ላፑን ሺ ዴሬይ ሃይቂዴስ። ሃይቆንታ ኣቲዳ ኣሳይ ቃስ ዳሮ ባቢዴሲኔ ሳሎ ፆሳካ ቦንቺዴስ። \x * \xo 11:13 \xt ኣጁ 6፡12፤ 16፡18\x* 
\p  
\v 14 ኣዬ ኣና! ጊዛ ቃላ ናምዓንꬆዚ ኣꬊን ሄꬓንꬆዛ ዋሶይ ኤሶን ጋካና። 
\s1 ላፑንꬆ ዛዬ 
\p  
\v 15 ላፑንꬆ ኪታንቻይካ ባ ዛዬዛ ፑኒዴስ። ሳሎን ቃስ “ኣላሜ ካዎቴꬂ ኑ ጎዳ ፆሳሲኔ ኪርስቶሳስ ጊዲዴስ። ኢዚካ ሜርናፔ ሜርና ጋካናስ ካዎታና” ጊዛ ጊታ ቃላይ ሲዬቲዴስ። \x * \xo 11:15 \xt ኬሳ 15፡18፤ ዳኔ 2፡44፤ 7፡14፥27\x* 
\v 16 ፆሳ ሲንꬃን ባ ኣልጋ ኣልጋ ቦላ ኡቲዳ ናምዑ ታማኔ ኦይዱ ጪማቲካ ባ ሊጴን ጉፋኒዲ ፆሳስ ጎይኒዳ።  
\v 17 ቃሴካ 
\q1 “ካሴካ፥ ሃዒካ ዲዛይሶ! 
\q2 ኡባካ ዳንዳዪዛ ጎዳ ፆሶ! 
\q1 ኔኒ ኔ ጊታ ጎዳቴꬃ ኔ ኩሼን ኦይኪዳ ጊሺኔ 
\q2 ካዎቲዳ ጊሽ ኑኒ ኔና ጋላቶስ። 
\q1  
\v 18 ኣይዛቤይ ሃንቄቲዴስ፤ 
\q2 ካሴ ሃይቂዳይቲ ፒርዳ ዴሚዛ ዎዴይ ጋኪዴስ፤ 
\q1 ካሴ ኔ ኦሳንቻታ ናቤታሲኔ 
\q2 ጌሻታስ ኔ ሱንꬃካ ቦንቺዛይታስ፤ 
\q1 ጉꬃታሲኔ ጊታታስ፤ 
\q2 ኔኒ ኢስታስ ኢስታ ዋጋ ኢሚዛ ዎዴይ ሃዒ ጋኪዴስ። 
\q1 ቢታ ꬋይሲዳይታ ኔ ꬋይሳናስ ዎዴይ ጋኪዴስ” ጊዳ። 
\p  
\v 19 ሳሎን ዲዛ ፆሳ ኬꬃ ጊዶ ኪፊሌይ ዶዬቲዴስ። ኢዛ ጫቆ ታቦታዚካ ሄን ፆሳ ኬꬃስ ጊዶ ኪፊሌን ቤቲዴስ። ዎልቃንꬂ ዎልቃሚዴስ፤ ጊርሲ ጊርዴስ፤ ዳዳይ ዳዳቲዴስ፤ ቢታ ቃꬂኔ ዎልቃማ ሻቺ ቡኪዴስ። \x * \xo 11:19 \xt ኣጁ 8፡5፤ 16፡21\x* 
\c 12  
\s1 ማጫሳዮኔ ዳዌ ሾሻ 
\p  
\v 1 ሄሳፌ ጉዬ ጊታ ማላሊሲዛ ማላታይ ቦላ ሳሎ ቦላ ቤቲዴስ። ኢሲ ማጫሲያ ኣዋ ኣርሼ ማይዓዳ፥ ኣጊና ባ ቶሆን ዬꬋዳ ታማኔ ናምዑ ፆሊንቴታ ኣክሊሌ ማላ ባ ሁዔን ዎꬃዳ ቤታዱስ።  
\v 2 ኢዛካ ሻራራ ዳዉስ። ዬሎ ሚፃይ ኢዞ ኦይኪን ሜቶታዳ ዋሳዱስ። 
\p  
\v 3 ሄሳꬆካ ሃራ ማላታይ ሳሎ ቦላ ቤቲዴስ። ኢዛስ ላፑን ሁዔይኔ ታሙ ካጬቲ ዲዛ ኢሲ ጊታ ዳዌይ ቤቲዴስ። ኢዛ ሁዔታ ቦላካ ላፑን ዛዉዴቲ ዴቴስ። \x * \xo 12:3 \xt ዳኔ 7፡7\x* 
\v 4 ኢዚ ባ ጎይናራ ሳሎ ፆሊንቴታፔ ጪጎ ጊዲዛይታ ሳሎፔ ዱጌ ቢታን ዬጊዴስ። ሄ ማጫሳያ ዬሊሺን ኢዛ ዬሊዛ ናዛ ሚታናስ ቆፒዲ ዳዌዚ ሄ ዬላናስ ማቲዳ ማጫሳይስ ሲንꬃን ኤቂዴስ። \x * \xo 12:4 \xt ዳኔ 8፡10\x* 
\p  
\v 5 ማጫሳያካ ካሴ ዴሬታ ኡባ ቢራታ ጉፌራ ሃሪዛ ኣቱማ ና ዬላዱስ ሺን ናዚ ቃስ ፑዴ ፆሳኮኔ ፆሳ ኣልጋኮ ኤኬቲዴስ። \x * \xo 12:5 \xt ኢሳ 66፡7፤ ማዛ 2፡9\x* 
\v 6 ማጫሳያካ ዱጌ ባዞ ቢታ ቤታዱስ። ሄ ባዳ ኢሲ ሺያኔ ናምዑ ፄታኔ ኡሱፑን ታሙ ጋላስ ጋካናስ ቦንቾን ዳናሶ ፆሲ ካሴ ኢዚስ ጊጊስ ዎꬂዴስ። 
\p  
\v 7 ሳሎ ቦላ ኦላይ ዴንዲዴስ። ሚካሌይኔ ኢዛ ኪታንቻቲ ዳዌዛራ ኦሌቲዳ። ዳዌዚኔ ኢዛ ኪታንቻቲካ ዛሪዲ ሚካሌራኔ ኢዛ ኪታንቻታራ ኦሌቲዳ። \x * \xo 12:7 \xt ዳኔ 10፡13፥21፤ 12፡1፤ ዩሁ 9\x* 
\v 8 ጊዶ ኣቲን ዳዌዚኔ ኢዛ ኪታንቻቲ ፆኔቲዳ። ሄሳፌ ጉዬ ኢስታስ ሳሎን ዳናሶይ ቤቲቤና።  
\v 9 ሄ ጊታ ዳዌዚ ዱጌ ዬጌቲዴስ። ኢዚካ ኩሜꬃ ኣላሜዛ ባሌꬂዛ ዳቡሎሳ ዎይኮ ፃላዔ ጌቴቲ ፄይጌቲዛ ቤኒ ዎዴ ሾሻዛ። ኢዚ ቃስ ዱጌ ቢታ ቦላ ዬጌቲዴስ። ኢዛ ኪታንቻቲካ ኢዛራ ኢሲፌ ዬጌቲዳ። \x * \xo 12:9 \xt ሜꬌ 3፡1፤ ሉቃ 10፡18\x* 
\p  
\v 10 ሄሳፌ ጉዬ ኢሲ ጊታ ጊሪስ ሳሎፔ ሂዝጊሺን ታ ሲያዲስ “ሄኮ ኣሴ ኣሾይ፥ ዎልቃይኔ ካዎቴꬂካ ኑ ጎዳስ ጊዲዴስ። ማታይካ ኪርስቶሳስ ጊዲዴስ። ኑ ኢሻታ ኑ ጎዳ ሲንꬃን ጋላሲኔ ቃማ ሞቲዛ ኑ ኢሻታ ባርጋራይ ዱጌ ዬጌቲዴስ። \x * \xo 12:10 \xt ኢዮ 1፡9-11፤ ዛካ 3፡1\x* 
\v 11 ኢስቲ ዶርሳዛ ሱꬃኒኔ ባ ዮቲዳ ማርካቴꬃ ቃላን ኢዛ ፆኒዳ። ኢስቲ ባ ሼምፖስ ሚሼቶንታ ዲሼ ባና ሃይቆስ ኣꬂ ኢሚዳ።  
\v 12 ሄሳ ጊሽ ሳሎቲኔ ኢስታ ጊዶን ዲዛይቲ ኢንቴ ዉሪካ ኡፋዬቲቴ። ኢዛስ ጉꬃ ዎዴይ ኣቲዳይሳ ኤሪዳ ጊሽ ዳቡሎሲ ጊታ ሃንቆራ ዱጌ ኢንቴኮ ዎꬊዳ ጊሽ ቢታሲኔ ኣባስ ኣዬ ኣና! ኣዬ ኣና!” 
\p  
\v 13 ዳዌዚ ዱጌ ቢታ ቦላ ዬጌቲዳይሳ ቤዪዲ ኣቱማ ና ዬሊዳ ማጫሳዮ ጎዴሬꬂዴስ።  
\v 14 ማጫሳያካ ባስ ጊጌቲ ዲዛሶ ፒራꬋዳ ዱጌ ባዞ ባና ማላ ኢዚስ ጊታ ጎሌ ካፎ ቄፌ ሚሳቲዛ ናምዑ ቄፌቲ ኢሜቲዳ። ኢዛ ሄን ዳዌዛ ሲንꬃፌ ሃካዳ ሄꬑ ላይꬂኔ ባጋ ጋካናስ ሎዖ ቦንቾን ናጌታዱስ። \x * \xo 12:14 \xt ዳኔ 7፡25፤ 12፡7\x* 
\p  
\v 15 ሄ ማጫሳዮ ዲዖይ ኤኪ ባና ማላ ሾሻዚ ሻፋ ሃꬄ ኬና ሃꬄ ባ ዱናፔ ጩቲዲ ኢዚፔ ጉዬ ባጋራ ጉሲዴስ።  
\v 16 ጊዶ ኣቲን ቢታያ ሄ ማጫሳዮ ማዳዱስ። ባ ዱና ዶያዳኔ ሄ ዳዌዚ ጩቲዲ ጉሲዳ ሃꬃካ ፁንፃዱስ።  
\v 17 ዳዌዚ ማጫሴይ ቦላ ሃንቄቲዲ ሃንኮ ኣቲዳ ኢዚ ዜሬꬃታራ ኦሌታናስ ቢዴስ። ኢስቲካ ፆሳ ኣዛዞታ ናጊዛይታኔ ዬሱሳስ ኣማኔቲዲ ማርካቲዛይታ።  
\v 18 ዳዌዚካ ኣባ ኣቻን ኣጬ ቦላ ኤቂዴስ። 
\c 13  
\s1 ናምዑ ዶዓታ 
\p  
\v 1 ሄሳፌ ጉዬ ኢሲ ዶዓይ ኣባፌ ኬዚሺን ቤያዲስ። ኢዛስ ታሙ ካጬይኔ ላፑን ሁዔይ ዴስ። ካጬታ ቦላ ታሙ ዛዉዴቲ ዴቴስ። ሁዔታ ቦላ ጫሻ ሱንꬃቲ ዴቴስ። \x * \xo 13:1 \xt ዳኔ 7፡3፤ ኣጁ 17፡3፥7-12\x* 
\v 2 ታ ቤዪዳ ዶዓዚ ማሄ ሚሳቴስ። ኢዛ ቶሆይ ዶዓ ዛርዶ ቶሆ ሚሳቴስ። ኢዛ ዱናይ ቃስ ጋሞ ዱና ሚሳቴስ፤ ዳዌዚ ባ ዎልቃ፥ ባ ኣልጋዛኔ ባ ጎዳቴꬃካ ሄ ዶዓዛስ ኢሚዴስ። \x * \xo 13:2 \xt ዳኔ 7፡4-6\x* 
\p  
\v 3 ሄ ዶዓዛ ሁዔታፔ ኢሳ ቦላ ዎꬊዛ ማዱንꬂ ዲዛይሳ ታ ቤያዲስ ሺን ኢዛ ሃይቆስ ጋꬂዛ ማዱንꬃዚ ፓፂዴስ። ኩሜꬃ ኣላሜይ ማላሌቲዲ ሄ ዶዓዛ ካሊዴስ።  
\v 4 ሄ ዶዓዛስ ጎዳቴꬂ ኢሜቲዳ ጊሽ ኣሳይ ዉሪካ ሄ ዳዌዛስ ጎይኒዴስ። “ሃይሳ ዶዓዛ ሚሳቲዛይ ኦኔ? ኢዛራ ኦሌታናስ ዳንዳዪዛይ ኦኔ?” ጊሼ ኢዛስ ጎይኒዴስ። 
\p  
\v 5 ኢዛስ ቃስ ኦቶሬቴꬂኔ ጫሻ ቃላ ሃሳይዛ ዱናይ ኢሜቲዴስ። ኢዚ ኦይዱ ታማኔ ናምዑ ኣጊና ጋካናስ ጎዳቴꬃን ኦꬃና ማላ ኢዛስ ኢሜቲዴስ።  
\v 6 ፆሳኔ ፆሳ ሱንꬅ ኢዚ ዲዛሶዛኔ ሳሎን ዲዛይታ ጫሼ ኦይኪዴስ።  
\v 7 ኢዚ ጌሻታ ኦላና ማላኔ ፆናና ማላ ኢዛስ ጎዳቴꬂ ኢሜቲዴስ። ዱማ ዱማ ቆሞታኔ ዛርኬታ፥ ዱማ ዱማ ቃላን ሃሳዪዛ ዴሬታ ኡባ ቦላ ኢዛስ ጎዳቴꬂ ኢሜቲዴስ። \x * \xo 13:7 \xt ዳኔ 7፡21\x* 
\v 8 ኣላሜይ ሜꬌቶሳፔ ሃ ሲሚን ኢስታ ሱንꬂ ሹኬቲዳ ዶርሳዛ ዴዖ ማፃፋን ፃፌቶንታ ኣላሜ ቦላ ዲዛ ኣሳይ ዉሪካ ሄ ዶዓዛስ ሆኪ ጎይናና። \x * \xo 13:8 \xt ማዛ 69፡28\x* 
\p  
\v 9 ሃይꬂ ዲዛዴይ ሲዮ!  
\v 10 “ዲዔታናስ ዲዛዴይ ዲዔታና፤ ማሻን ሃይቃናስ ዲዛዴይ ማሻን ሃይቃና” ሄሳ ጊዲዳ ጊሽ ኣማኒዛይታ ዳንዳያይኔ ኢስታ ኣማኔቴꬅ ኮሺዛይ ሃኒና። \x * \xo 13:10 \xt ኤር 15፡2፤ 43፡11\x* 
\p  
\v 11 ቃሴካ ሃራ ዶዓይ ቢታፌ ኬዚሺን ቤያዲስ። ኢዛስ ቃስ ዶርሳ ካጬ ማላ ናምዑ ካጬይ ዴስ። ኢዚ ዳዌꬆ ሃሳዬስ።  
\v 12 ኢዚ ካሴ ኮይሮ ዶዓዛ ኦላ ጌሊዲ ሄ ካሴይሳ ጎዳቴꬃን ኦꬄስ። ቢታያኔ ቢታ ቦላ ዲዛይቲ ዉሪካ ካሴ ኮይሮ ዶዓዛስ ጎይናና ማላ ኦꬂዴስ። ሄ ዶዓዚ ቃስ ካሴ ኢዛ ሃይቆስ ጋꬂዛ ማዱንꬃይ ፓፂዳ ኮይሮ ዶዓዛ።  
\v 13 ሄሲ ናምዓንꬆ ዶዓዚ ቃስ ኣሳ ሲንꬃን ታማ ሳሎፔ ዱጌ ዬጋና ጋካናስ ጊታ ማላታታ ኦꬂዴስ።  
\v 14 ኢዚ ኮይሮ ዶዓዛ ሲንꬃን ማላታ ኦꬃና ማላ ኢዛስ ኢሜቲዳ ማላታ ጌዶን ቢታ ቦላ ዲዛ ኣሳ ኢዚ ባሌꬂዴስ። ማሻን ማዱንፂዲ ፓፂዳ ዶዓዛ ቦንቾስ ሚሲሌ ኦꬃና ማላ ቢታ ቦላ ዲዛ ኣሳ ዉርሲ ኢዚ ኣዛዛና።  
\v 15 ናምዓንꬆ ዶዓዚ ኮይሮ ዶዓዛ ሚሲሌዛስ ሼምፖ ኢማና ማላ ኢዛስ ጎዳቴꬂ ኢሜቲዴስ። ዴዖ ሼምፖ ኢማናስ ኢዛስ ጎዳቴꬂ ኢሜቲዳ ሚሲሌዚ ሃሳያና ማላኔ ሄ ኢዛስ ሆኪ ጎይኖንታዴ ኢዚ ዉርሲካ ዎꬋና ማላሳ። 
\p  
\v 16 ናምዓንꬆ ዶዓዚ ቃስ ጉꬃታ ጊዲን ዎይኮ ጊታታ ጊዲን፥ ዱሬታ ጊዲን ዎይኮ ማንቆታ ጊዲን፥ ጎዳታ ጊዲን፥ ዎይኮ ኣሽካራታ ጊዲን፥ ዉሪካ ባ ኡሻቻ ኩሼን ዎይኮ ባ ሊጴ ቦላ ማላታ ዎልቃራ ዎꬂሳና።  
\v 17 ሄሳ ማላን ሄ ዶዓዛ ሱንꬅ ኤሪሲዛ ዱማ ማላታይ ዎይኮ ኢዛ ሱንꬂ ኢዛ ቦላ ፃፌቲዳ ቁፁሬይ ባይንዳዴይ ኦኒካ ጊያ ጌሊዲ ሻማናሲኔ ባይዛናስ ዳንዳዬና። 
\p  
\v 18 ሄሳ ጊሽ ኣሲ ኤራ ጊዳናይ ሃኒና። ዎዝናራ ዲዛዴይ ኣኬኮ፤ ሄ ዶዓዛ ቁፁሬዚካ ሃይሳፌ ካሊ ዲዛይሳኮ። ሄሲካ ኡሱፑን ፄታኔ ኡሱፑን ታማኔ ኡሱፑና። 
\c 14  
\s1 ዶርሳዛኔ ፄታኔ ኦይዱ ታማኔ ኦይዱ ሺ ኣሳ 
\p  
\v 1 ሄሳፌ ጉዬ ሄኮ ሄ ዶርሳዚ ፂዮኔ ዙማ ቦላ ኤቂዳይሳ ታ ቤያዲስ። ኢዛ ሱንꬂኔ ኢዛ ኣዋ ሱንꬂ ኢስታ ሊጴ ቦላ ፃፌቲዳይቲ ፄታኔ ኦይዱ ታማኔ ኦይዱ ሺ ኣሳቲ ኢዛራ ኢሲፌ ዴቴስ።  
\v 2 ሳሎፔ ዎልቃማ ፒሳ ሃꬃ ጊሪሲኔ ዎልቃማ ዳዳ ጊሪስ ሚሳቲዛ ጊሪሲካ ሲያዲስ። ታኒ ሲዪዳ ጊሪሳይ ዲꬂ ሚሳቲዛ ባጋና ጌቴቲዛይሳ ዲፂዲ ኣሳይ ሲሲዛ ጊሪሳ ማላ ጊሪዛይሳ።  
\v 3 ኣልጋ ሲንꬃኒኔ ኦይዱ ዶዓታ ሲንꬃን ጪማታ ሲንꬃን ፄታኔ ኦይዱ ታማኔ ኦይዱ ሺ ኣሳይ ኦራꬃ ዬꬅ ዬፂዴስ። ሄ ዬꬃዛካ ዴራ ጋርሳፌ ዶሬቲዳ ፄታኔ ኦይዱ ታማኔ ኦይዱ ሺ ኣሳፔ ኣቲን ሃራይ ኦኒካ ኢዛ ታማራናስ ዳንዳይቤና።  
\v 4 ሄይቲ ማቾንታይታ ጊዲዳ ጊሽ ኢስቲ ማጫራ ኣቂዲ ቱንቤቴና። ኢስቲ ዶርሳይ ቢዛሶ ኢዛ ካሌቴስ። ኢስቲ ፆሳሲኔ ኢዛ ዶርሳዛስ ኣሳ ጋርሳፌ ፄራ ካꬃ ማላ ሺቂዳይታ።  
\v 5 ኢስቲ ዎርዶ ሃሳያ ኤሬቴና። ዎሶይካ ኢስታ ቦላ ባዋ። \x * \xo 14:5 \xt ሶፎ 3፡13\x* 
\s1 ፆሳ ፒርዳ ኤሪሲዛ ሄꬑ ኪታንቻታ 
\p  
\v 6 ሄሳፌ ጉዬ ቢታ ቦላ ዲዛ ዱማ ዱማ ቃላን ሃሳዪዛ ዱማ ዱማ ዴሬታ፥ ዛርኬታስ፥ ቆሞታስ፥ ኡባስ ዮታናስ ሜርና ሚሺራቾ ቃላ ኦይኪዳ ሃራ ኢሲ ኪታንቻይ ሳሎን ቦላን ፒራꬊሺን ቤያዲስ።  
\v 7 ኢዚካ ባ ቃላ ꬎቁ ሂስቲዲ “ፆሳስ ባቢቴኔ ኢዛ ቦንቺቴ። ኢዛ ፒርዳ ዎዴይ ጋኪዴስ። ሳሎኔ ቢታ፥ ኣባኔ ሃꬃ፥ ፑልቶካ ሜꬊዳ ፆሳስ ጎይኒቴ” ጊዴስ። 
\p  
\v 8 ሃራ ናምዓንꬆ ኪታንቻይ ቃስ “ዴሬዛ ዉርሳ ማꬆሲዛ ላይማ ዎይኔ ጫጄ ኡሺዳ ማጫሳያ ሂናካ ዎጋ ጊታ ባቢሎና ኩንዳዱስ! ኩንዳዱስ!” ጊሼ ኮይሮ ኪታንቻዛ ካሊዴስ። \x * \xo 14:8 \xt ኢሳ 21፡9፤ ኤር 51፡8፤ ኣጁ 18፡2\x* 
\p  
\v 9 ሃራይ ሄꬓንꬆ ኪታንቻይ ቃስ ጊታ ꬎቃ ቃላን ሂዝጊሼ ኢስታ ካሊዴስ “ሄ ዶዓዛሲኔ ኢዛ ሚሲሌዛስ ጎይኒዛይቲኔ ባ ሊጴ ቦላ ዎይኮ ባ ኩሼ ቦላ ዎꬂዛይቲ ዉሪካ፥  
\v 10 ፆሳ ሃንቆ ዎይኔ ጫጄዛ ኡያና። ሄሲካ ሄ ዎይኔ ጫጄዚ ሃራራ ዋላኬቶንታ ኢዛ ሃንቆ ፁዓፔ ዱቄቲዳይሳ። ሄሳꬆካ ሃንኮ ጌሻ ኪታንቻታ ሲንꬃኒኔ ዶርሳዛ ሲንꬃን ታማኒኔ ዲኔ ታማን ፁጌታና። \x * \xo 14:10 \xt ኢሳ 51፡17፤ ሜꬌ 19፡24፤ ሂዚ 38፡22\x* 
\v 11 ኢስቲ ኢዛን ፁጌቲዛ ታማፔ ኬዚዛ ጩዋዚ ሜርፔ ሜርናስ ፑዴ ኬዚሼ ዳና። ሄ ዶዓዛሲኔ ኢዛ ሚሲሌዛስ ጎይኒዛይቲ ዎይኮ ኢዛ ሱንꬃ ማላታ ባ ቦላ ዎꬂዳይቲ ዉሪካ ዎንታኔ ቃማን ኢስታስ ሼምፖይ ዴና።” \x * \xo 14:11 \xt ኢሳ 34፡10\x* 
\p  
\v 12 ፆሳ ኣዛዞ ናጊዛይታፔኔ ዬሱሳ ኣማኖን ሚኒዳ ጌሻታፔ ኮዬቲዛ ዳንዳያይ ሃኒንኮ። 
\p  
\v 13 ታኒ ሳሎፔ ሂዝጊዛ ቃላ ሲያዲስ “ሃይሳፌ ጉዬ ጎዳ ዬሱሳይታ ጊዲዲ ሃይቃናይቲ ኢስቲ ኣንጄቲዳይታ።” ፂሎ ኣያናይካ “ኤ፥ ኢስቲ ባ ዳቡርሳፌ ሼምፓና ማላ ኢስታ ኦሶይ ኢስታ ካላና” ጌስ። 
\s1 ቢታ ቦላ ጎዳ ሃንቆ 
\p  
\v 14 ሄሳፌ ጉዬ ታ ፄሊሺን ታስ ቦꬃ ሻራይ ቤቲዴስ። ሄ ሻራ ቦላ ቃስ ና ሚሳቲዛይ ኡቲዴስ። ኢዚ ቃስ ባ ሁዔ ቦላ ዎርቃ ኣክሊሌ ዎꬂዴስ። ባ ኩሼንካ ቃራ ባጫ ኦይኪዴስ። \x * \xo 14:14 \xt ዳኔ 7፡13\x* 
\v 15 ሃራ ኪታንቻይ ፆሳ ኬꬃፌ ኬዚዲኔ ሻራ ቦላ ኡቲዳይሳስ ꬎቃ ቃላራ “ቢታ ቦላ ቦኔይ ጋኪዴስ! ካꬃይ ጫኬቲዛ ሳቴይ ማቲዴስ” ጊሼ ዋሲዴስ። \x * \xo 14:15 \xt ኢዩ 3፡13\x* 
\v 16 ሄ ሻራ ቦላ ኡቲዳይሲ ባጫዛ ዱጌ ቢታ ቦላ ዬዲዴስ። ቢታይካ ጫኬቲዴስ። 
\p  
\v 17 ቃሴ ሃራ ኪታንቻይ ቦላ ሳሎን ዲዛ ዎሳ ኬꬃፌ ኬዚዴስ። ሄ ኢዚካ ቃራ ባጫ ባ ኩሼን ኦይኪዴስ። 
\p  
\v 18 ታማ ቦላ ኢዛስ ጎዳቴꬂ ዲዛ ሃራ ኪታንቻይ ያርሾ ኢዛ ቦላ ሺሺዛሶዛ ኣቻፌ ኬዚዲ ሄ ቃራ ባጫ ኦይኪዳ ኪታንቻዛስ “ሚꬃ ኣይፌይ ካፂዳ ጊሽ ኔኒ ሃዒ ኔ ቃራ ባጫዛ ዬዳዳ ዎይኔ ሚꬃ ኣይፌዛ ዉርሳ ጫካዳ ቢታፌ ሺሻ” ጊዲ ጊታ ቃላን ዋሲዴስ።  
\v 19 ኪታንቻዚካ ባጫዛ ዱጌ ቢታ ቦላ ዬዲዲ ቢታን ዲዛ ዎይኔ ሚꬃ ኣይፌዛ ጫኪዲ ዎጋ ፆሳ ሃንቆ ዎይኔ ኣይፌ ጉምዒዛሶን ዬጊዴስ።  
\v 20 ካታማፔ ካሬ ባጋራ ዲዛ ዎይኔ ሚꬃ ኣይፌ ጉምዒዛሶን ጉሜዔቲዴስ። ሄ ጉምዒዛሶዛፔካ ቢታፌ ꬎቃቴꬂ ፓራ ቢፃላ ጋካናሲኔ ኢሲ ሺያኔ ኡሱፑን ፄት ኪሎሜቲሬ ጊዲዛሶ ጋካናስ ሱꬂ ጎጊዴስ። \x * \xo 14:20 \xt ኢሳ 63፡3፤ ኤር ዚላ 1፡15፤ ኣጁ 19፡15\x* 
\c 15  
\s1 ዉርሴꬃ ቦሻታ ኦይኪዳ ኪታንቻታ 
\p  
\v 1 ታኒ ሃራ ዎልቃማ ማላታ ሳሎ ቦላ ቤያዲስ። ፆሳ ሃንቆይ ኢስታን ፖሌታናስ ዉርሴꬅ ጊዲዳ ላፑን ቦሻታ ኦይኪዳ ላፑን ኪታንቻታ ቤያዲስ። 
\p  
\v 2 ሄሳፌ ጉዬ ታማራ ዋላኬቲዳ ማስቶቴ ኣባ ሚሳቲዛ ሚሽ ቤያዲስ። ሄሳꬆካ ሄ ዶዓዛኔ ኢዛ ሚሲሌዛ ኢዛ ሱንꬃ ቁፁሬዛ ማላታ ፆኒዳይታ ቤያዲስ። ፆሲ ኢስታስ ኢሚዳ ዲꬃ ማላ ባጋና ጌቴቲዛይሳ ኦይኪዲ ማስቶቴ ሚሳቲዛ ኣባ ኣቻን ኤቂዳ።  
\v 3 ፆሳ ኦሳንቻ ሙሴ ዬꬂኔ ዶርሳዛ ዬꬅ፥ 
\q1 “ኡባ ዳንዳዪዛ ጎዳ ፆሶ! 
\q2 ኔ ኦሶይ ጊታኔ ማላሊሲዛዛ፤ 
\q1 ዴሬ ካዎዞ! 
\q2 ኔ ኦጌይ ሊኬኔ ቱማ። \f + \fr 15:3 \fq ዴሬ ካዎዞ፥ \ft ኢሲ ኢሲ ቢርሼꬃቲ ዎዴታ ካዎዞ ጌቴስ።\f*\x * \xo 15:3 \xt ኬሳ 15፡1\x* 
\q1  
\v 4 ጎዶ ኔስ ባቦንታ ኣሲኔ 
\q2 ኔ ሱንꬅ ቦንቾንታ ኣሲ ኦኔ? 
\q1 ኔኒ ኔርካ ጌሻ፥ 
\q1 ኔ ቱማ ፒርዳይ ቆንጪዳ ጊሽ ዴሬቲ ዉሪ ዪዲ 
\q2 ኔ ሲንꬃን ኔስ ጎይናና” ጊ ዬፂዳ \x * \xo 15:4 \xt ኤር 10፡7፤ ማዛ 86፡9\x* 
\p  
\v 5 ሄሳፌ ጉዬ ታ ዛራ ፄሊሺን ካሴ ማርካቴꬃ ዱንካኔ ጊዲዳይሲ ፆሳ ኬꬂ ሳሎን ዶዬቲዴስ። \x * \xo 15:5 \xt ኬሳ 38፡21\x* 
\v 6 ላፑን ቦሻታ ኦይኪዳ ላፑን ኪታንቻቲ ፆሳ ኬꬃፌ ኬዚዳ። ኢስቲ ቃስ ጌሽ ጊዲዲ ፆልቂዛ ቦꬃ ማይዖ ማይዒዳ። ዎርቃፌ ኦሴቲዳ ዳንጮ ማላ ማይዖ ቲራ ቦላ ቃቺዳ።  
\v 7 ኦይዱ ዶዓታፔ ኢሶይ ላፑን ኪታንቻታስ ሜርናፔ ሜርናስ ዲዛ ፆሳ ሃንቆይ ኢስታን ኩሚ ኡቲዳ ላፑን ዎርቃ ፁዓታ ኢሚዴስ።  
\v 8 ፆሳ ኬꬃይካ ፆሳ ቦንቾፌኔ ኢዛ ዎልቃፌ ዴንዲዳይሳን ጩዋይ ኢዛን ኩሚዴስ። ላፑን ኪታንቻቲ ባ ኩሼን ኦይኪዳ ላፑን ቦሻቲ ፖሌታና ጋካናስ ኦኒካ ሄ ፆሳ ኬꬄ ጌላናስ ዳንዳይቤና። \x * \xo 15:8 \xt ኬሳ 40፡34፤ 1ካዎ 8፡10-11፤ 2ታር 5፡11-14፤ ኢሳ 6፡4\x* 
\c 16  
\s1 ፆሳ ሃንቆራ ዲዛ ፁዓታ 
\p  
\v 1 ሄሳፌ ጉዬ ላፑን ኪታንቻታ “ኢንቴ ቢዲ ፆሳ ሃንቆ ኦይኪዳ ላፑን ፁዓታ ዱጌ ቢታ ቦላ ጉሲቴ!” ጊዛ ጊታ ቃላይ ፆሳ ኬꬃፌ ኬዚሺን ታ ሲያዲስ። 
\p  
\v 2 ኮይሮ ኪታንቻዚ ቢዲ ፁዓዛ ቢታ ቦላ ጉሲዴስ። ዶዓዛ ማላታይ ኢስታ ቦላኔ ሄ ዶዓዛ ሚሲሌስ ጎይኒዛያታ ቦላ ኢታ ዋይሲዛ ማዱንꬅ ኬዚዴስ። \x * \xo 16:2 \xt ኬሳ 9፡10\x* 
\p  
\v 3 ናምዓንꬆ ኪታንቻዚ ቃስ ፁዓዛ ኣባ ቦላ ጉሲዴስ። ኣባይካ ሃይቂዳ ኣሳ ሱꬃ ማላ ጊዲዴስ። ኣባ ጊዶን ሼምፖራ ዲዛይቲ ዉሪካ ሃይቂዳ። 
\p  
\v 4 ሄꬓንꬆ ኪታንቻይ ባ ፁዓዛ ሻፋታ ቦላኔ ፑልቶ ሃꬃታ ቦላ ጉሲዴስ። ሄ ኢስቲካ ሱꬅ ጊዲዳ።  
\v 5 ሃꬃ ቦላ ኢዛስ ጎዳቴꬂ ዲዛ ኪታንቻዚ፥ “ካሴካ ሃዒካ ዲዛ ጌሻ ጎዶ! ኔኒ ሄሳꬆ ፒርዲዳ ጊሽ ኔኒ ቱማንቻ።  
\v 6 ኣሳይ ካሴ ኣማኒዛይታ ሱꬂኔ ናቤታ ሱꬅ ጉሲዳ ጊሽ ኔ ኢስታ ሱꬅ ኡሻዳሳ። ሄሲካ ኢስታስ ቤሴስ”  
\v 7 ያርሾ ያርሺዛሶዛፔ ቃስ “ኤ ዉርሳ ዳንዳዪዛ ጎዳ ፆሶ! ኔ ፒርዳቲ ዉሪካ ቱማኔ ሊኬ” ጊዛ ቃላ ሲያዲስ። 
\p  
\v 8 ኦይዳንꬆ ኪታንቻዚ ባ ፁዓዛ ኣዋ ኣርሼ ቦላ ጉሲዴስ። ኣዋ ኣርሼይካ ኣሳ ባ ሴላን ፁጋና ማላ ኣዋ ኣርሼስ ዎልቃይ ኢሜቲዴስ።  
\v 9 ኣሳይካ ዎልቃማ ሴላን ፁጌቲዴስ። ሄ ቦሻታ ቦላ ሼኔይ ኢዛስ ዲዛ ፆሳ ሱንꬅ ኣሳይ ጫዪዴስ ኣቲን ማሮቴꬃን ጌሊቤናኔ ኢዛካ ቦንቺቤና። 
\p  
\v 10 ኢቻሻንꬃ ኪታንቻይ ባ ፁዓ ዶዓዛ ኣልጋ ቦላ ጉሲዴስ። ሄ ዶዓዛ ካዎቴꬂ ቃስ ꬉሚዴስ። ኣሳይ ቃስ ዋዬዛፔ ዴንዲዳይሳን ባርካ ባ ኢንፃርስ ጋርጪዴስ።  
\v 11 ኢስቲ ቃስ ሄ ማዱንꬃ ሳኮፔ ዴንዲዳይሳን ሳሎ ፆሳ ቃንጊዳ ኣቲን ማሮቴꬃን ጌሊቤቴና። 
\p  
\v 12 ኡሱፑንꬃ ኪታንቻይ ቃስ ባ ፁዓዛ ዎጋ ኤፊራፂሴ ሻፋን ጉሲዴስ። ኣዋ ኣርሼይ ሞኪዛ ባጋፌ ያና ካዎታስ ኦጌ ጊጊሳና ማላ ሻፋዚ ሜሊዴስ።  
\v 13 ሄ ዳዌዛ ዱናፔኔ ሄ ዶዓዛ ዱናፔ፥ ዎርዶ ናቤዛ ዱናፔ ኦቃርስ ሚሳቲዛ ሄꬑ ቱና ኣያናቲ ኬዚሺን ታ ቤያዲስ።  
\v 14 ሄይቲ ቃስ ማላታታ ኦꬂዛ ዳይዳንꬃ ኣያናታ። ሄይቲ ኣያናቲ ዉርሲ ዳንዳዪዛ ጎዳ ጊታ ጋላስ ሃናና ኦላስ ኣሳ ሺሻናስ ኣላሜ ካዎቲ ዲዛሶ ኡባ ባና። 
\p  
\v 15 “ሄኮ ታኒ ካይሶ ማላ ቆፖንታ ጋካ ዎꬋና። ኢዚ ካሎቲን ኣሳይ ኢዛ ካሎቴꬅ ቤዮንታ ማላ ቤጊዲኔ ባ ማይዖ ናጊዛ ኣሲ ጋላቴቲዳዴ!” \x * \xo 16:15 \xt ማቶ 24፡43-44፤ ሉቃ 12፡39-40፤ ኣጁ 3፡3\x* 
\p  
\v 16 ኣያናቲካ ካዎታ ኢብራዌ ኣሳ ቃላራ፥ “ኣርማጌዶኔ” ጌቴቲዛ ሶ ሺሺዳ። \x * \xo 16:16 \xt 2ካዎ 23፡29፤ ዛካ 12፡11\x* 
\v 17 ላፑንꬆ ኪታንቻዚ ባ ፁዓዛ ጫርኮ ቦላ ጉሲዴስ። ፆሳ ኬꬃ ጊዶን ዲዛ ኣልጋዛፔ “ፖሌቲዴስ” ጊዛ ዎልቃማ ቃላይ ኬዚዴስ።  
\v 18 ዎልቃንꬂ፥ ዳዳ ጊሪሲኔ ጉጉንꬂ፥ ጊታ ቢታ ቃꬂ ሃኒዴስ። ኣሲ ቢታ ቦላ ሜꬌቶሳፔ ሃኖ ጋካናስ ሄሳ ማላይ ቢታ ቦላ ሃኒ ኤሬና። \x * \xo 16:18 \xt ኣጁ 8፡5፤ 11፡13፥19\x* 
\v 19 ዎጋ ካታማያ ሄꬑ ኬዛ ሻኬታ ዎꬋዱስ። ኣይዛቤታ ካታማቲ ላሌቲዳ ፆሲ ዎጋ ካታማዮ ባቢሎኔ ዛሪ ቆፒዴስ። ሚኖ ሃንቆ ፁዓን ኩሚ ኣቲዳ ዎይኔ ጫጄ ኡሻ ኡያና ማላ ኦꬂዴስ። \x * \xo 16:19 \xt ኢሳ 51፡17\x* 
\v 20 ኣባ ጊዶን ዲዛ ዴሬቲ ዉሪካ ባቃቲዳ፤ ዙማቲካ ቤቲቤቴና። \x * \xo 16:20 \xt ኣጁ 6፡14\x* 
\v 21 ኢሲ ኢሲ ሻቺ ኦይዱ ታማኔ ኢቻሹ ኪሎ ጊዲዛ ሻቺ ሳሎፔ ዱጌ ኣሳ ቦላ ዎꬊዴስ። ቦቻዚ ዳሮ ኢታ ጊዲዳ ጊሽ ኣሳይ ሄ ሻቻ ቦሻ ጌዶን ፆሳ ጫዪዴስ። \x * \xo 16:21 \xt ኬሳ 9፡23-24፤ ኣጁ 11፡19\x* 
\c 17  
\s1 ላይማን ኤሬቲዳ ማጫሳዮኔ ዶዓዛ 
\p  
\v 1 ላፑን ፁዓታ ባ ኩሼን ኦይኪዳ ላፑን ኪታንቻታፔ ኢሶይ ሃ ታኮ ዪዲ ታስ “ሃ ያ፥ ዳሮ ሃꬃታ ቦላ ኡቲዳ ሄ ኢታ ላይማ ማጫሳይ ቦላ ጋኪዛ ፒርዳ ታ ኔና ቤሳና። \x * \xo 17:1 \xt ኤር 51፡13\x* 
\v 2 ቢታ ቦላ ዲዛ ካዎቲ ዉሪካ ኢዚራ ላይማቲዳ። ቢታ ቦላ ዲዛ ኣሳይካ ኢዚ ላይማቴꬃ ዎይኔ ጫጄን ማꬆቲዴስ” ጊዴስ። \x * \xo 17:2 \xt ኢሳ 23፡17፤ ኤር 51፡7\x* 
\p  
\v 3 ሄሳፌ ጉዬ ኪታንቻዚ ታና ኣያናን ዱጌ ባዞ ቢታ ኤፊዴስ። ኢዛ ኣሳቴꬃዚ ኩሜꬅ ጫሻ ሱንꬃን ፃፌቲዳ ላፑን ሁዔቲኔ ታሙ ካጬቲ ዲዛ ኢሲ ዞዖ ዶዓዛ ቦላ ኡቲዳ ኢሲ ማጫሳዮ ቤያዲስ። \x * \xo 17:3 \xt ኣጁ 13፡1\x* 
\v 4 ሄ ማጫሳያ ጋላልዖ ማላ ማይዖኔ ዞዖ ማይዖ ማይዓዱስ፤ ዎርቃን፥ ቦንቾ ሹቻኒኔ ኢንቆ ጌቴቲዛ ኣልዖ ሚሺ ማይዓዳ ጶላዉስ፤ ኢዛ ባ ኩሼን ቃስ ኢታ ሹኒዛ ሚሺኔ ባ ቱና ላይማቴꬂ ኢዛን ኩሚዳ ዎርቃ ፁዓ ኦይካ ኡታዱስ። \x * \xo 17:4 \xt ኤር 51፡7\x* 
\v 5 ኢዚ ሊጴ ቦላ “ፁራ፥ ላይማቲዛይታሲኔ ቢታ ቦላ ቱና ኦꬂዛይታስ ኣዮ ዎጋ ባቢሎኔ” ጌቴቲዛ ሱንꬂ ፃፌቲ ኡቲዴስ።  
\v 6 ሂና ሄ ማጫሳያ ጌሻታ ሱꬃኒኔ ዬሱሳ ሱንꬃን ሃይቂዳ ኣሳ ሱꬃን ማꬆቲዳሮ ታኒ ቤያዲስ። ታ ኢዞ ቤያዳ ዳሮ ማላሌታዲስ።  
\v 7 ጊዶ ኣቲን ኪታንቻዚ ቃስ ታና “ኔ ኣዛስ ማላሌታይ? ሃ ማጫሳያ ፁራ ዮዖኔ ኢዛ ኢስታ ቦላ ኡቲዳ ላፑን ሁዔታኔ ታሙ ካጬቲ ኢዛስ ዲዛ ዶዓዛ ፁራ ታ ኔስ ቆንጪሳና።  
\v 8 ኔ ቤዪዳ ዶዓዚ ካሴካ ዲዛይሳኮ ሺን ሃዒ ዴና። ኢዚ ጉዬፔ ጪማ ኦላ ጊዶፌ ኬዛናኔ ጌዴ ꬋዮሶ ባና፤ ኣላሜይ ሜꬌቶሳፔ ኢስታ ሱንꬂ ዴዖ ማፃፋን ፃፌቶንታ ቢታ ቦላ ዲዛ ኣሳይ ሄ ዶዓዚ ካሴካ ዲዛይሳ ሃዒ ቃስ ዶንታይሳ ጉዬፔ ያናይሳ ጊዲዳይሳ ቤዪዲ ማላሌታና። \x * \xo 17:8 \xt ዳኔ 7፡7፤ ኣጁ 11፡7፤ ማዛ 69፡28\x* 
\p  
\v 9 “ዩሺ ቆፒዛ ኤራ ኣሲ ኮዬቲዛይ ሃኒና። ላፑን ሁዔቲ ሄ ማጫሳያ ኢስታ ቦላ ኡቲዳ ላፑን ዙማታ። ሄይቲካ ላፑን ካዎታኮ።  
\v 10 ሄ ላፑን ካዎታፔ ኢቻሻቲ ኩንዲዳ። ኢሶይ ሃዒ ዴስ። ሃንኮይሲ ቃስ ቡሮ ዪቤና። ኢዚ ዪዲ ጉꬃ ዎዴ ታካናስ ቤሴስ።  
\v 11 ኦስፑንꬆ ካዎዚ ካሴ ዲዛዴ ሺን ሃዒ ቃስ ባይንዳ ዶዓኮ። ኢዚ ላፑናታፔ ኢሳ። ኢዚካ ጌዴ ꬋዮሶ ባና። 
\p  
\v 12 “ኔ ቤዪዳ ታሙ ካጬቲ ቡሮ ካዎቶንታ ታሙ ካዎታ። ጊዲኮካ ኢስቲ ሄ ዶዓዛራ ኢሲፌ ኢሲ ሳቴስ ዶዓዛራ ካዎታናስ ካዎቴꬃ ዎልቃ ዴማና። \x * \xo 17:12 \xt ዳኔ 7፡24\x* 
\v 13 ሄ ታሙ ካዎታስ ኢሲ ቆፋይ ዴዓና። ኢስቲ ባ ዎልቃኔ ባ ጎዳቴꬅ ሄ ዶዓዛስ ኣꬂ ኢማና።  
\v 14 ኢስቲ ዶርሳዛ ቦላ ኦላ ዴንꬃና ሺን ዶርሳዚ ጎዳታስ ጎዳኔ ካዎታስ ካዎ ጊዲዳ ጊሽ ኢዚ ኢስታ ፆናና። ኢዛራ ዲዛይቲ ፄይጌቲዳይታ፥ ዶሬቲዳይታኔ ኣማኔቲዳይታ” ጊዴስ።  
\v 15 ሄ ኪታንቻዚካ ታስ “ሃ ላይማ ማጫሳያ ኢስታ ቦላ ኡታ ዲሺን ኔኒ ቤዪዳ ሃꬃታ፥ ዴሬታ፥ ኣሳታ፥ ዱማ ዱማ ቆሞታ ቃሴካ ዱማ ዱማ ቃላን ሃሳዪዛይታ።  
\v 16 ሄ ዶዓዚኔ ኔ ቤዪዳ ታሙ ካጬቲ ሄ ላይማ ማጫሳዮ ኢፄቴስ። ኢስቲ ኢዞ ꬋዮሶ ጋꬃና፤ ካሎ ሜላ ኣሻና፤ ኢስቲ ኢዚ ኣሾ ማናኔ ኢዞ ታማንካ ፁጋና።  
\v 17 ባ ቆፋ ፖላናስ ሃይሳꬆ ኦꬃና ማላ ሄሳ ሄ ቆፋ ኢስታ ዎዝናን ዎꬂዳይ ፆሳ። ሄሳ ጊሽ ፆሳ ቃላይ ፖሌታና ጋካናስ ኢስቲ ቆፋን ኢሲኖ ጊዳና። ባ ካዎቴꬃ ጎዳቴꬃካ ሄ ዶዓዛስ ኣꬂ ኢማና።  
\v 18 ኔ ቤዪዳ ማጫሳያ ቢታ ካዎታፔ ቦላራ ካዎታና ዲዛ ዎጋ ጊታ ካታማዮ” ጊዴስ። 
\c 18  
\s1 ባቢሎኔ ኩንዴꬅ 
\p  
\v 1 ሄሳፌ ጉዬ ጎዳቴꬂ ኢዛስ ዲዛ ሃራ ኪታንቻይ ሳሎፔ ዱጌ ዎꬊሺን ቤያዲስ። ኢዛ ቦንቾ ፖዖፔ ዴንዲዳይሳን ቢታይካ ፖዒዴስ። 
\p  
\v 2 ኢዚ ቃስ ꬎቃ ቃላን “ጊታ ባቢሎና ኩንዳዱስ! ኩንዳዱስ! ኩንዳዱስ! ዳይዳንꬃ ዱሳ ሶ ጊዳዱስ! ቱና ኣያናታስ ኣቆሶ ጊዳዱስ! ሃራሲዛ ኢታ ካፎታስ ሼምፖሶ፥ ኢታኔ ሃራሲዛ ዶዓታሲካ ኣቆሶ ጊዳዱስ። \x * \xo 18:2 \xt ኢሳ 21፡9፤ ኤር 51፡8፤ ኣጁ 14፡8፤ ኢሳ 13፡21፤ ኤር 50፡39\x* 
\v 3 ዴሬ ኣሳ ዉርሳ ማꬆሲዛ ባ ላይማቴꬃ ዎይኔ ጫጄዛ ኡሻዱስ። ቢታ ቦላ ዲዛ ካዎቲ ኢዚራ ላይማቲዳ። ቢታ ቦላ ዲዛ ዛልዓንቻቲ ኢዚስ ዲዛ ኢሻሎ ዱሳፌ ዴንዲዳይሳን ዳሮ ዱሬቲዳ” ጊ ዋሲዴስ \x * \xo 18:3 \xt ኢሳ 23፡17፤ ኤር 51፡7\x* 
\p  
\v 4 ቃሴካ ሃራ ቃላይ ሳሎፔ “ታ ዴሬቶ! ኢንቴ ኢዚራ ኢዚ ናጋራን ዙፔቶንታ ማላኔ ኢዞ ጋኪዛ ቦሻ ኢንቴ ኢዚራ ጊሼቲ ኤኮንታ ማላ ኢዚፔ ሻኬቲ ኬዚቴ። \x * \xo 18:4 \xt ኢሳ 48፡20፤ ኤር 50፡8፤ 51፡6፥45\x* 
\v 5 ኢዚ ናጋራይ ዶሬቲዲ ፑዴ ሳሎ ጋኪዴስ። ፆሲካ ኢዚ ሞሮዛ ኣኬኪዴስ። \x * \xo 18:5 \xt ሜꬌ 18፡20-21፤ ኤር 51፡9\x* 
\v 6 ኢዚ ኢሚዳሪ ጊና ኢዚስ ኩሼ ዛሪቴ፤ ኢዚ ኦሶ ጊሽ ኢዚስ ናምዑ ኩሼ ጪጊቴ፤ ኢዚስ ናምዑ ኩሼ ኢዚይሳፌ ኣꬂ ዋላኪቴ። \x * \xo 18:6 \xt ማዛ 137፡8፤ ኤር 50፡29\x* 
\v 7 ኢዛ ባስ፥ ባ ቦንቾሲኔ ባስ ጊጋና ማላ ኢሞይሳ ጊና ዋዬኔ ሙዞቴꬅ ኢዚስ ኢሚቴ፤ ኢዛ ባ ዎዝናራ ‘ታኒ ካዎ ማቺ ማላ ኡታዲስ ኣቲን ኣምዒ ማላ ጊዲኬ። ታና ሙዞቴꬂ ሙሌካ ጋኬና’ ጋዳ ጬቄታዉስ።  
\v 8 ሄሳ ጊሽ ኢዚ ቦላ ቦቻይ ዉሪካ ኢሲ ጋላስ ጋካና። ሃይቆይ፥ ሙዞቴꬂኔ ጋፋይ ኢዞ ጋካና፤ ኢዛ ታማን ፁጌታና፤ ኢዚ ቦላ ፒርዲዛ ጎዳይ ፆሲ ኢዚ ሚኖ” ጊሺን ታኒ ሲያዲስ። 
\p  
\v 9 ኢዚራ ላይማቲሼ ኢሻሎ ዱስ ዴዪዳ ሃ ቢታ ካዎቲ ኢዛ ፁጌቲሺን ጩዋቲዛ ጩዋ ቤዪዲ ኢዚ ጊሽ ዋሲዲ ዬካና።  
\v 10 ኢዚ ዋዬዛስ ባቢዳ ጊሽ ሃሆን ኤቂዲ “ሃኔ ጊታ ካታማዬ! ሃኔ ሚኖ ካታማዬ ባቢሎኔ! ኔ ፒርዳይ ሜፂ ኢሲ ሳቴ ጊዶን ዪዳ ጊሽ ኔስ ኣዬ ኣና! ኣዬ ኣና!” ጋና። 
\p  
\v 11 ሃይሳፌ ጉዬ ኢስታ ማርካቤን ጫኔቲዳዝ ሻሚዛ ኣሲ ባይንዳ ጊሽ ቢታ ቦላ ዲዛ ዛልዓንቻቲ ኢዚስ ዬካናኔ ካዮታና። \x * \xo 18:11 \xt ሂዚ 27፡31፥36\x* 
\v 12 ኢስታ ማርካቤን ጫኔቲዳይ ዎርቃ፥ ቢራ፥ ኣልዖ ሹች ኢንቁ፥ ሌዔ ማይዖ፥ ጋላልዖ ማላ ማይዖ፥ ሃሬ ጌቴቲዛ ማይዖ፥ ዞዖ ማይዖኔ ሎዖ ሳዎ ሳዊዛ ሚꬅ ኡባ፥ ዳንጋርሳ ዛሌ፥ ኣልዖ ሚꬃፌ፥ ፃርቂማላፔ ቢራታፔኔ ዎሊዎጆፌ ኦሴቲዳ ሚሺ ዉሪካ  
\v 13 ቃራፋ፥ ሳዎ፥ ሳዊዛ ሚꬂ፥ ካርቤ፥ ኤፃኔ፥ ዎይኔ ጫጄ፥ ዎጋራ ዛይቴ፥ ꬊሌ፥ ጊስቴ፥ ሚዝ፥ ዶርሳታ፥ ፓራታ፥ ፓራ-ጋሬታ፥ ኣይሌታኔ ሃራ ኣሳታኮ። 
\p  
\v 14 ዛልዓንቻቲ “ሃኔ ኔኒ ኣሞቲዳ ሎዖ ሚሻቲ ዉሪካ ኔፔ ሃኪ ቢ ጊዲዳ። ኔ ሃሮይካ ኔ ጌፄይካ ዉሪካ ꬋዪዴስ። ሃይሳፌ ጉዬ ኔኒ ሄይታንታ ሙሌካ ዛራ ዴማካ!” ጋና።  
\v 15 ሄይታንታ ዉርሲ ሻሚ ሻሚዲ ዱሬቲዳ። ዛልዓንቻቲ ኢዚ ቦላ ጋኪዳ ዋዬዛስ ባቢዲ ሃሆን ኤቃና፥ ዬኪሼኔ ሙዞቲሼ \x * \xo 18:15 \xt ሂዚ 27፡31፥36\x* 
\v 16 “ካሴ ሌዔ ማይዖኔ ጋላልዖ ማይዖ ቃሴካ ዞዖ ማይዖ ማይዒዛሪስ፥ ዎርቃኒኔ ቦንቾ ሹቻን፥ ኢንቁንካ ጶሊዳ ጊታ ካታማይስ ኣዬ ኣና! ኣዬ ኣና!  
\v 17 ሄሳ ማላ ሃሮይ ኢሲ ሳቴ ጋርሳን ꬋዪዴስ” ጋና። 
\p ማርካቤ ኣዛዚዛይቲ ዉሪ ማርካቤን ቢዛይቲ ዉሪ ማርካቤ ጊዶን ኦꬂዛይቲ ዉሪካ ኣባ ጊዶን ዛልዓንቻቲ ዉሪካ ሃሆን ኤቃና። \x * \xo 18:17 \xt ኢሳ 23፡14፤ ሂዚ 27፡26-30\x* 
\v 18 ኢዛ ፁጌቲሺን ጩዋቲዛ ጩዋ ቤዪዲ “ሃኖ ሃ ጊታ ካታማዮ ሚሳቲዛ ካታማይ ሃራይ ኣዋን ዳንዴ?” ጊሼ ዋሲዳ። \x * \xo 18:18 \xt ሂዚ 27፡32\x* 
\v 19 ባ ሁዔን ጉዱላ ቆሊዲ ዬኪሼኔ ሙዞቲሼ “ኣባ ቦላ ማርካቤይ ዲዛይቲ ዉሪካ ኢዚ ሚሼን ዱሬቲዳይቲ፥ ሂና ጊታ ካታማያ ኢሲ ሳቴ ጊዶን ሙሌራ ꬋይዳ ጊሽ ኢዚስ ኣዬ-ኣና! ኣዬ-ኣና!” ጊ ዋሲዳ። \x * \xo 18:19 \xt ሂዚ 27፡30-34\x* 
\v 20 ሳሎዞ! ኢዚ ጌዶን ኔ ኡፋዬታ፤ ፆሲ ኢንቴ ጊሽ ኢዚ ቦላ ፒርዲዳ ጊሽ ኢንቴ ጌሻቲ፥ ሃዋሬቲኔ ናቤቲካ ኡፋዬቲቴ። \x * \xo 18:20 \xt ዛሬ 32፡43፤ ኤር 51፡48\x* 
\p  
\v 21 ሄሳፌ ጉዬ ኢሲ ሚኖ ኪታንቻይ ዎልቃማ ዎፃ ሹች ሚሳቲዛ ኢሲ ሹች ዴንꬂዲ “ጊታ ካታማያ ባቢሎና ሄሳꬆካ ዎልቃራ ሱጌታዳ ኩንዳና። ሃይሳፌ ጉዬ ሙሌካ ቤቱኩ። \x * \xo 18:21 \xt ኤር 51፡63-64፤ ሂዚ 26፡21\x* 
\v 22 ዲꬅ ሚሳቲዛ ባጋና ጌቴቲዛይሳ ሾጪዛይታኔ ዬꬅ ዬፂዛይታ ዬꬃ ሱሱልዔ ሱሱልዒዛ ኣሳይኔ ዲንኬ ፑኒዛይታ ጊሪስ ናምዓንꬆ ኔናን ሲዬቴና። ኣይ ማላ ኩሼ ሂላቴꬅ ኦꬂዛ ኤራ ኣሲ ሃይሳፌ ጉዬ ኔናን ቤቴና፤ ዎፃ ጊሪስ ሃይሳፌ ጉዬ ኔናን ሲዬቴና። \x * \xo 18:22 \xt ኢሳ 24፡8፤ ሂዚ 26፡13\x* 
\v 23 ታማ ፖዖይ ሃይሳፌ ጉዬ ኔናን ፖዔና። ኣዴኔ ማጫ ሚሺራ ቃላይ ሃይሳፌ ጉዬ ኔናን ሲዬቴና። ኔ ዛልዓንቻቲ ካሴ ኣላሜን ኤሬቲዳይታ። ኔኒ ቃስ ኣሳ ዉርሳ ሙሬኖን ባሌꬃዳሳ። 
\p  
\v 24 ኢዚ ጊዶን ናቤታ ሱንꬂ፥ ጌሻታ ሱንꬂኔ ቢታ ቦላ ኣሳ ኩሼን ሃይቂዳይታ ኡባታ ሱንꬂ ቤቲዴስ” ጊሼ ዱጌ ኣባ ጊዶ ዬጊዴስ። \x * \xo 18:24 \xt ኤር 51፡49\x* 
\b  
\c 19  
\p  
\v 1 ሄሳፌ ጉዬ ዳሮ ኣሳ ቃላ ጊሪስ ሚሳቲዛ ጊታ ቃላ ጊሪስ ሳሎፔ “ሃሌ ሉያ! ኣቶቴꬂ፥ ቦንቾይ፥ ዎልቃይካ ኑ ጎዳሳ። \f + \fr 19:1 \fq ሃሌ ሉያ \ft ቢሪሼꬃይ ኢብራዌታ ቃላራ “ፆሲ ጋላቴቶ” ጉሳ።\f* 
\v 2 ኢዛ ፒርዳይ ቱማኔ ኣዳ፤ ኢዛ ቢታ ባ ላይማቴꬃን ቱኒሲዳ ዎጋ ጊታ ላይማዮ ኢዚ ባ ፒርዳን ኢዞ ቃፃይዴስ፤ ኢዞ ቃፃይዲ ባ ኦሳንቻታ ሱꬃ ሃሎ ኬሲዴስ” ጊሺን ታ ሲያዲስ።  
\v 3 ቃሴካ “ሃሌ ሉያ፤ ኢዚፔ ኬዚዛ ጩዋይ ሜርናፔ ሜርና ጋካናስ ፑዴ ጩዋቲሼ ዴዓና” ጊሼ ዋሲዳ። \x * \xo 19:3 \xt ኢሳ 34፡10\x* 
\p  
\v 4 ናምዑ ታማኔ ኦይዱ ጪማቲኔ ኦይዱ ዶዓቲ ኣልጋ ቦላ ኡቲዳ ፆሳስ ባ ሊጴ ቦላ ኩንዲዲ “ኣሚን፤ ሃሌ ሉያ!” ጊሼ ኢዛስ ጎይኒዳ። 
\s1 ዶርሳዛ ሳርጌ ዲጊሳ 
\p  
\v 5 ሄሳፌ ጉዬ “ኢዛስ ያዪዛ ኢዛ ኦሳንቻቲ ዉሪካ ጉꬃቲኔ ጊታቲ ኑ ጎዳ ጋላቲቴ” ጊዛ ቃላይ ኣልጋፌ ኬዚዴስ። \x * \xo 19:5 \xt ማዛ 115፡13\x* 
\v 6 ዳሮ ኣሳ ቃላ ጊሪስ ሚሳቲዛይ፥ ሻፋ ሃꬃ ጊሪስ ሚሳቲዛ ጊሪስ፥ ዎልቃማ ዳዳ ጊሪስ ሚሳቲዛ ጊሪስ “ሃሌ ሉያ! ዉርሲ ዳንዳዪዛ ጎዳይ ካዎቴስ! \x * \xo 19:6 \xt ሂዚ 1፡24፤ ማዛ 93፡1፤ 97፡1፤ 99፡1\x* 
\v 7 ዶርሳዛ ሳርጌ ጋላሲ ጋኪዳ ጊሺኔ ኢዛ ሚሺራያ ጊጌታ ኡቲዳ ጊሽ ሃ ዪቴ፤ ኣኔ ኡፋዬቶስ! ኣኔ ኡፋይሳን ኢዛ ቦንቾስ።  
\v 8 ኢዛ ፆልቄቲዛ ጌሻ ሎዖ ማይዖ ማይዓና ማላ ኢዚስ ኢሜቲዴስ” ጊሺን ሲያዲስ። ሄ ሌዔ ማይዖዚ ጌሻታ ፂሎቴꬃ ኦሶ። 
\p  
\v 9 ሄሳፌ ኪታንቻዚ ታና “ጌዴ ዶርሳዛ ሳርጌስ ፄይጌቲዳይቲ ኣንጄቲዳይታ ጋዳ ፃፋ” ጊዴስ። ካሌꬂዲካ “ሃይሲ ቱሙ ፆሳ ቃላ” ጊዴስ። \x * \xo 19:9 \xt ማቶ 22፡2-3\x* 
\p  
\v 10 ታካ ሄ ኪታንቻዛስ ጎይናናስ ኢዛ ቶሆ ቦላ ታ ሊጴን ጉፋናዲስ-ሺን ኢዚ ታና “ኣጋ! ሄሳꬆ ኦꬆፋ! ታካ ኔናራ ዬሱስ ኪርስቶሳ ማርካቴꬅ ኦይኪዳ ኢሻታራ ኢሲፌ ኦꬂዛዴ፤ ኔኒ ፆሳስ ጎይና! ዬሱሳ ማርካይ ቲንቢቴ ኣያና” ጊዴስ። 
\s1 ቦꬃ ፓራ ቶጊዳዴ 
\p  
\v 11 ሄሳፌ ጉዬ ሳሎይ ዶዬቲዳይሳ ታ ቤያዲስ። ቃሴካ ቦꬃ ፓራካ ቤያዲስ። ሄ ፓራዛ ቶጊዳይሲ ኣማኔቲዳዴኔ ቱማንቻ ጌቴቲዛዴ። ኢዚ ቃስ ቱማን ፒርዴሲኔ ኦሌቴስ። \x * \xo 19:11 \xt ሂዚ 1፡1-3፤ ማዛ 96፡13፤ ኢሳ 11፡4\x* 
\v 12 ኢዛ ኣይፌቲ ታማ ላጮ ሚሳቴቴስ። ኢዛ ሁዔ ቦላ ዳሮ ዛዉዴቲ ዴቴስ። ኢዛፔ ኣቲን ሃራ ኣሲ ኦኒካ ኤሮንታ ሱንꬂ ኢዛ ቦላ ፃፌቲ ኡቲዴስ። \x * \xo 19:12 \xt ዳኔ 10፡6\x* 
\v 13 ኢዚ ቃስ ሱꬃን ማꬌቲዳ ማይዖ ማይዒዴስ። ኢዛ ሱንꬃይ ቃስ “ፆሳ ቃላ” ጌኣቴቴስ።  
\v 14 ቦꬃ ፓራታ ቶጊዲ ቦꬂኔ ጌሽ ጊዲዳ ሎዖ ማይዖ ማይዒዳ ሳሎ ኦላንቻቲ ኢዛ ካሊዳ።  
\v 15 ኣይዛቤታ ኢዛራ ቃንፂዛ ቃራ ማሻይ ኢዛ ዱናፔ ኬዜስ። ኢዚ ኢስታ ቢራታ ጉፌራ ሃራና። ኢዚ ዉርሲካ ዳንዳዪዛ ፆሳ ሚኖ ሃንቆ ቆንጪሲዛ ዎይኔ ጫጄ ዬꬊዛሶን ኢስታ ዬꬋና። \x * \xo 19:15 \xt ማዛ 2፡9፤ ኢሳ 63፡3፤ ኢዩ 3፡13፤ ኣጁ 14፡20\x* 
\v 16 ኢዛ ማይዖ ቦላኔ ኢዛ ዎዲራ ቦላ “ኢዚ ካዎታስ ካዎ፥ ጎዳታስ ጎዳ” ጊዛ ሱንꬂ ፃፌቲ ኡቲዴስ። 
\p  
\v 17 ሄሳፌ ጉዬ ቃስ ኣዋ ኣርሼ ቦላ ኤቂዳ ኢሲ ኪታንቻ ቤያዲስ። ኢዚ ቃስ ሳሎ ቦላ ፒራꬊዛ ካፎታስ “ዎጋ ፆሳ ዲጊሳ ማናስ ሃ ዪቴ! ሃ ሺቂቴ!  
\v 18 ካዎታ ኣሾ፥ ኦላንቻታ ኣዛዚዛይታ ኣሾ፥ ጎባ ኦላንቻታ ኣሾ፥ ፓራታ ኣሾኔ ፓራ ቶጊዛይታ ኣሾ፥ ጎዳታ ኣሾኔ ኢስታ ኣሽካራታ ኣሾ፥ ጉꬃ ናይታኔ ጪማ ኣሳታ ኣሾ ጊዲዳ ኣሳ ኡባ ኣሾ ሃ ዪዲ ሚቴ!” ጊሼ ጊታ ቃላን ዋሲዴስ 
\p  
\v 19 ሄሳꬆካ ዶዓዚኔ ቢታ ካዎቲ ኢስታ ኦላ ኣሲካ ቦꬃ ፓራ ቶጊዳይሳራኔ ኢዛ ኦላ ኣሳራ ኦሌታናስ ሺቂዳይታ ቤያዲስ።  
\v 20 ጊዶ ኣቲን ሄ ዶዓዚ ኦይኬቲዴስ። ካሴ ኢዛራ ዳሮ ማላታ ኦꬂዳ ዎርዶ ናቤዚካ ኢዛራ ኦይኬቲዴስ። ኢዚ ቃስ ሄ ዶዓዛ ማላታይ ኢስታ ቦላ ዲዛይታኔ ሄ ዶዓዛ ሚሲሌዛስ ጎይኒዳይታኔ ጊታ ማላታታ ኦꬂ ኦꬂዲ ኢስታ ባሌꬂሼ ጋምዒዴስ። ሄይቲ ናምዓቲ ዲኔ ጌቴቲዛ ታማን ኤፂዛ ታማ ኣባን ሃይቆንታ ፓፃ ዲሼ ዬጌቲዳ። \x * \xo 19:20 \xt ኣጁ 13፡1-18\x* 
\v 21 ሃንኮ ኣቲዳይቲ ቃስ ቦꬃ ፓራ ቶጊዳይሳ ዱናፔ ኬዚዳ ማሻን ሃይቂዳ፤ ካፎቲካ ዉሪ ኢስታ ኣሾዛ ሚ ካሊዳ። 
\c 20  
\s1 ሺ ላይꬃ ካዎቴꬅ 
\p  
\v 1 ሄሳፌ ጉዬ ጪማ ኦላዛ ዶዪዛ ቁልፔኔ ጊታ ሳንሳላታ ባ ኩሼን ኦይኪዳ ኪታንቻይ ሳሎፔ ዱጌ ዎꬊሺን ታ ቤያዲስ።  
\v 2 ሄ ዳዌዛ ኦይኪዲ ሺ ላይꬅ ቃቺዴስ። ሄሲ ዳዌዚ ዳቡሎሳ ዎይኮ ፃላዔ ጌቴቲዛ ካሴ ቤኒ ሾሻዛ። \x * \xo 20:2 \xt ሜꬌ 3፡1\x* 
\v 3 ሺ ላይꬅ ጋካናስ ኢዚ ዴሬ ኣሳ ባሌꬆንታ ማላ ሄ ኪታንቻዚ ዳዌዛ ዱጌ ጪማ ኦላን ዬጊዴስ፤ ኢዛ ቦላ ጎርዲዲ ማታማ ዎꬂዴስ። ኢዚ ሄሳፌ ጉꬃ ዎዴስ ቢርሼታናስ ቤሴስ። 
\p  
\v 4 ሄሳፌ ጉዬ ታኒ ኣልጋታ ቤያዲስ። ሄ ኣልጋታ ቦላ ፒርዳ ፒርዳናስ ጎዳቴꬂ ኢስታስ ኢሜቲዳይቲ ኡቲዳይታ ቤያዲስ። ቃሴካ ዬሱሳ ጊሽ ኢስቲ ማርካቲዳ ጊሺኔ ፆሳ ቃላ ጊሽ ኢስታ ቆꬌይ ቃንፄቲዳ ኣሳታ ሼምፖካ ቤያዲስ። ሄይታንቲ ዶዓዛሲኔ ኢዛ ሚሲሌዛስ ጎይኒቤቴና። ኢዛ ማላታካ ባ ሊጴ ቦላ ጊዲን ባ ኩሼ ቦላ ዎꬆንታይታ። ኢስቲ ሃይቆፔ ዴንዲዳ ኪርስቶሳራ ኢሲፌ ሺ ላይꬅ ካዎቲዳ። \x * \xo 20:4 \xt ዳኔ 7፡9፥22\x* 
\v 5 ሃንኮ ኣቲዳ ሃይቄꬃቲ ቃስ ሄ ሺ ላይꬃይ ፖሌታና ጋካናስ ሃይቆፔ ዴንዲቤቴና። ሄሲካ ሃይቆፔ ኮይሮ ዴንꬃ።  
\v 6 ኮይሮ ዴንꬃን ዲዛይቲ ሄይቲ ኣንጄቲዳይታኔ ጌሻታ። ናምዓንꬆ ሃይቆይ ኢስታ ቦላ ዎልቃይ ዴና። ኢስቲ ፆሳ ቄሴታኔ ኪርስቶሳ ቄሴታ ጊዳና። ኢስቲ ኪርስቶሳራ ሺ ላይꬅ ካዎታና። 
\s1 ፃላዔ ፆኔቴꬅ 
\p  
\v 7 ሄ ሺ ላይꬃይ ፖሌቲዳ ማላ ፃላዔይ ባ ቃሼቲዳሶፔ ቢርሼታና።  
\v 8 ኣላሜ ቦላ ዲዛይቲ ሄይቲካ ጎጌኔ ማጎጌ ጌቴቲዛይታ ባሌꬃናሲኔ ኢስታ ኦላስ ኤኪ ባናስ ኬዛና፤ ሄይታንታ ቆዳይ ኣባ ኣቻን ዲዛ ኣጬ ማላ። \x * \xo 20:8 \xt ሂዚ 38፡2፥9፥15\x* 
\v 9 ኢስቲ ኩሜꬃ ቢታ ቦላ ላሌቲዲ ጌሻቲ ዲዛሶዮ ዶሴቲዳ ካታማዮ ጊዶꬂዳ ሺን ሳሎፔ ዎꬊዳ ታማይ ኢስታ ዲፒ ሂስቲ ፁጊዴስ።  
\v 10 ካሴ ኢስታ ባሌꬂዳ ዳቡሎሲ ሄ ዶዓዚኔ ዎርዶ ናቤዚ ዲዛሶይ ዲኔን ኤፂዛ ታማ ኣባ ጊዶን ዬጌቲዳ። ኢስቲ ሄን ቃማኔ ጋላስ ሜርናፔ ሜርና ጋካናስ ፁጌታና። 
\p  
\v 11 ሄሳፌ ጉዬ ኢሲ ጊታ ቦꬃ ኣልጋኔ ሄ ኣልጋ ቦላ ኡቲዳይሳ ቤያዲስ፤ ቢታይኔ ሳሎይ ኢዛ ሲንꬃፌ ባቃቲዳ ሺን ኢስቲ ቢዲ ጌላናሶይ ቤቲቤና። \x * \xo 20:11 \xt ዳኔ 7፡9-10\x* 
\v 12 ሄ ኣልጋዛ ሲንꬃን ሃይቂዳ ጪማታኔ ናቴꬃታ ቤያዲስ። ማፃፋቲካ ዶዬቲዳ ሃራ ዴዖ ማፃፋይካ ዶዬቲዴስ፤ ሃይቂዳይቲካ ማፃፋታን ካሴ ፃፌቲ ዲዛ ባ ኦሶ ኦሶ ማላ ፒርዳ ኤኪዳ።  
\v 13 ኣባይካ ባ ጋርሳን ዲዛ ሃይቄꬃታ ኢሚዴስ። ሃይቆይኔ ዱፎይ ቃስ ባ ጊዶን ዲዛይቲ ካሴ ሃይቂዳይታ ኢሚዳ። ኢሲ ኢሲ ኣሲ ባ ኦሶ ኦሶ ማላ ፒርዳ ኤኪዴስ።  
\v 14 ሃይቆይኔ ዱፎይ ታማ ኣባ ጊዶ ዬጌቲዳ። ሄ ታማ ኣባዚ ናምዓንꬆ ሃይቆ።  
\v 15 ኢዛ ሱንꬂ ዴዖ ማፃፋን ፃፌቶንታዴይ ዉሪካ ታማ ኣባን ዬጌቲዴስ። 
\c 21  
\s1 ኦራꬃ ሳሎኔ ኦራꬃ ሳዓ 
\p  
\v 1 ሄሳፌ ጉዬ ታኒ ኦራꬃ ሳሎኔ ኦራꬃ ሳዓ ቤያዲስ። ካሴ ሳሎይኔ ካሴ ቢታይ ኣꬊ ቢዳ። ሃይሳፌ ጉዬ ኣባይካ ዴና። \x * \xo 21:1 \xt ኢሳ 65፡17፤ 66፡22፤ 2ጴፅ 3፡13\x* 
\v 2 ጌሻ ካታማያ ኦራꬃ ዬሩሳላሜይ ባ ኣዚናስ ጊጌቲዳ ሚሽራ ማላ ሎዓ ጊጌታዳ ሳሎ ፆሳ ኣቻፌ ዎꬊሺን ታኒ ቤያዲስ። \x * \xo 21:2 \xt ኢሳ 52፡1፤ ኣጁ 3፡12፤ ኢሳ 61፡10\x* 
\v 3 ኣልጋዛፔ “ሄኮ ፆሳ ኣቆሶይ ኣሳራ ዴስ። ኢዚ ኢስታራ ዳና። ኢስቲካ ኢዛ ዴሬታ ጊዳና። ፆሲ ባ ቦንቾን ኢስታራ ኢሲፌ ጊዳና። ኢዚ ኢስታ ፆስ ጊዳና። \x * \xo 21:3 \xt ሂዚ 37፡27፤ ሌዌ 26፡11-12\x* 
\v 4 ኢዚ ኢስታ ኣይፌፔ ኣፉንꬅ ዉርሲ ቁጫና። ካሴ ዎጋይ ኣꬊዳ ጊሽ ሃይቆይ ዎይኮ ሙዞቴꬂ ዎይኮ ዬሆይ ዎይኮ ዋዬይ ሃይሳፌ ጉዬ ዴና” ጊዛ ጊታ ቃላይ ኬዚሺን ታኒ ሲያዲስ። \x * \xo 21:4 \xt ኢሳ 25፡8፤ 35፡10፤ 65፡19\x* 
\p  
\v 5 ሄ ኣልጋ ቦላ ኡቲዳይሲካ “ሄኮ ታኒ ዉርሳካ ኦራꬂ ኬሳና!” ጊዴስ። ቃሴካ ታና “ሃይሲ ቃላዚ ኣማኔቲዳ ቱሙ ጊዲዳ ጊሽ ኔ ሃይሳ ፃፋ!” ጊዴስ።  
\v 6 ሄሳፌ ጉዬ ታስ “ፖሌቲዴስ! ኣልፋይኔ ኦሜጋይ፤ ኮይሮይኔ ዉርሴꬂ ታና፤ ሳሞቲዳዴስ ታኒ ዴዖ ፑልቶ ሃꬄ ሚሼ ቃንፂሶንታ ኢዛስ ጮ ሜላ ኢማና። \x * \xo 21:6 \xt ኢሳ 55፡1\x* 
\v 7 ፆኒዳዴይ ሃይሳ ላታና። ታካ ኢዛዴስ ፆሳ ጊዳና። ኢዚካ ታስ ና ጊዳና። \x * \xo 21:7 \xt 2ሳሜ 7፡14፤ ማዛ 89፡26-27\x* 
\v 8 ጊዶ ኣቲን ሃንኮ ባቦቲ፥ ኢስታስ ኣማኔቶንታይቲ፥ ቱናቲ፥ ኣሳ ሼምፖ ዎꬊዛይቲ፥ ላይማቲዛይቲ፥ ቢቲዛይቲ፥ ኤቃስ ጎይኒዛይቲ፥ ዎርዶቲዛይቲ፥ ሄይታ ኡባታ ቃዳይ ዲኔን ኤፂዛ ታማ ኣባ ጊዶን ጊዳና። ሄሲካ ናምዓንꬆ ሃይቆ” ጊዴስ። 
\s1 ኦራꬃ ዬሩሳላሜ 
\p  
\v 9 ዉርሴꬃን ላፑን ቦሻቲ ኢስታን ኩሚዳ ላፑን ፁዋታ ኦይኪዳ ላፑን ኪታንቻታፔ ኢሶይ ታኮ ዪዲ ታና “ሃ ያ! ታ ኔና ዶርሳዛ ማቼዮ ሚሺራዮ ቤሳና” ጊዴስ።  
\v 10 ኢዚ ታና ኣያናን ኢሲ ጊታ ꬎቃ ዙማ ቦላ ኬሲዲ ጌሻ ካታማያ ኦራꬃ ዬሩሳላሜይ ፆሳ ኣቻፌ ሳሎፔ ዎꬊዛሮ ቤሲዴስ። \x * \xo 21:10 \xt ሂዚ 40፡1-2\x* 
\v 11 ኢዛካ ፆሳ ቦንቾን ፖዒሳዉስ። ኢዚ ፖዖዛ ሎዔቴꬃይ ቃስ ኬሂ ቦንቼቲዛ ሹቻ ማላኔ ቢሪሌ ማላ ጌሺኔ ኢያሲጲዴ ጌቴቲዛ ኢንቆ ማላ።  
\v 12 ኢዚስ ታማኔ ናምዑ ፔንጌታራ ዲዛ ጊታ ኣዱሳ ጊንቤ ላሻይ ዴስ። ሄ ታማኔ ናምዑ ፔንጌታን ታማኔ ናምዑ ኪታንቻቲ ኤቂዲ ናጌቴስ። ሄ ፔንጌታ ቦላ ታማኔ ናምዑ ኢስራዔሌ ኮቻታ ሱንꬂ ፃፌቲ ኡቲዴስ።  
\v 13 ኣርሼይ ሞኪዛ ባጋራ ሄꬑ ፔንጌይ ዴስ። ፑዴ ባጋራ ሄꬑ ፔንጌይ ዴስ። ዱጌሃ ባጋራ ሄꬑ ፔንጌይ ዴስ። ኣርሼይ ዉሊዛ ባጋራ ሄꬑ ፔንጌይ ዴስ።  
\v 14 ሄ ካታማይ ጊንቤ ላሻዛስ ታማኔ ናምዑ ዋና ማሳራቴቲ ዴቴስ። ሄ ማሳራቴታ ቦላ ታማኔ ናምዑ ሄ ዶርሳዛ ሃዋሬታ ሱንꬂ ፃፌቲ ኡቲዴስ። 
\p  
\v 15 ሄሳ ታስ ዮቲዳ ኪታንቻዛስ ሄ ካታማዮኔ ኢዚ ፔንጌታ ቃሴካ ሄ ጊንቤ ላሻዛ ኢዛራ ዋꬊዛ ዎርቃ ዛንጌይ ዴስ። \x * \xo 21:15 \xt ሂዚ 40፡3\x* 
\v 16 ሄ ካታማይ ኣዱሳቴꬂኔ ኣሆቴꬂ ኦይዱ ባጋራካ ኢሲ ጊና። ሄ ኪታንቻይካ ካታማዮ ባ ኢዛራ ዋꬊዛ ዋꬋ ዛንጌዛራ ዋꬊን ኣዱሳቴꬃይ ታማኔ ናምዑ ሺ ኪሎሜቲሬ ማላ ጊዲዴስ። ኢዚ ꬎቃቴꬂኔ ኣሆቴꬂካ ኢዚ ኣዱሳቴꬃ ጊና ጊዲዴስ።  
\v 17 ኪታንቻዚ ጊንቤዛ ዋꬊዴስ። ሄ ኪታንቻዚ ኢዛራ ዋꬊዛ ሚሻዚ ኤሬቲዳ ዋꬋ ሚሻዚ ፄታኔ ኦይዱ ታማኔ ኦይዱ ሜትሬ ማላ ጊዲዴስ።  
\v 18 ሄ ጊንቤዚ ጊንቤቲዳይ ኢያሲጲዴ ጌቴቲዛ ሹቻና። ሄ ካታማያካ ማስቶቴ ማላ ጌያ ኡቲዳ ጌሻ ዎርቃፌ ኦሴታዱስ። \x * \xo 21:18 \xt ኢሳ 54፡11-12\x* 
\v 19 ሄ ካታማይሲ ጊዶ ማሳራቴ ሹቻይ ዱማ ዱማ ኣልዖ ሹቻን ሎዒ ጊጊዴስ። ኮይሮ ማሳራቴዚ ኢያሲጲዴ፥ ናምዓንꬆዚ ሲምፔሬ፥ ሄꬓንꬆዚ ኬልቄዶኔ፥ ኦይዳንꬆዚ ማርጊዴ፥  
\v 20 ኢቻሻንꬆይ ሳርዶንኪሴ፥ ኡሱፑንꬆይ ሳርዲዮኔ፥ ላፑንꬆይ ኪርስቶሎቤ፥ ኦስፑንꬆይ ቢሪሌ፥ ኡዱፉንꬆይ ቶጳዚዮኔ [ዉራዉሬ]፥ ታማንꬆይ ኪሪስጲራሲሴ፥ ታማኔ ኢሲንꬆይ ያኪንቴ፥ ታማኔ ናምዓንꬆይ ኣሜቲስፂኖሴ ጌቴቲዛ ሹቻታፔ።  
\v 21 ሄ ታማኔ ናምዑ ፔንጌቲካ ታማኔ ናምዑ ኢንቆታ። ፔንጌቲ ዉሪካ ኢሶይ ኢሶይ ኢሲ ኢንቆፌ ኦሴቲዳ ሄ ካታማይ ጊዶ ኦጌይ ማስቶቴ ማላ ሃ ዛሪ ቤሲዛ ሙሩታ ዎርቃፌ ኦሴቲዴስ። 
\p  
\v 22 ዉርሲ ዳንዳዪዛ ጎዳ ፆሲኔ ዶርሳዚ ኢዚስ ፆሳ ኬꬄ ጊዲዳ ጊሽ ሄ ካታማይ ጊዶን ሃራ ፆሳ ኬꬅ ቤያቤኬ።  
\v 23 ፆሳ ቦንቾይ ኢዚስ ፖዒዛ ጊሺኔ ዶርሳዚ ኢዚ ፖዖ ጊዲዳ ጊሽ ሄ ካታማይስ ኣዋ ኣርሼይ ዎይኮ ኣጊናይ ፖዒሳናስ ኮሼና። \x * \xo 21:23 \xt ኢሳ 60፡19-20\x* 
\v 24 ዴሬቲ ኢዚ ፖዖዛን ሲሜሬታና። ቢታ ካዎቲ ዉሪካ ባ ቦንቾ ኢዚስ ኤሃና።  
\v 25 ሄ ካታማይን ቃማይ ባይንዳ ጊሽ ኢዚ ፔንጌቲ ኣይ ዎዴካ ጎርዴቴቴና።  
\v 26 ሃራ ካዎታ ጊታቴꬂኔ ቦንቾይ ኢዚስ ያና።  
\v 27 ሃራሲዛ ሚሺ ሙሌካ ጌዴ ኢዚን ጌሌና። ቱናቴꬅ ኦꬂዛይቲኔ ዎርዶ ሃሳዪዛይቲ ሙሌካ ሄ ኢዚኮ ጌሌቴና። ሄ ኢዚን ጌላናይታ ሱንꬂ ካሴ ሄ ዶርሳዛ ዴዖ ማፃፋን ፃፌቲዳይታ ፃላላ። \x * \xo 21:27 \xt ኢሳ 52፡1፤ ሂዚ 44፡9\x* 
\b  
\c 22  
\p  
\v 1 ሄሳፌ ጉዬ ሄ ኪታንቻዚ ፆሳ ኣልጋፌኔ ዶርሳዛ ኣልጋፌ ኬዚዛ ማስቶቴ ማላ ፂሎ ቂዢ ጊዳዳ ዴዖ ሃꬃ ሻፋ ታና ቤሲዴስ።  
\v 2 ሄ ሻፋዚ ሄ ካታማይስ ዋና ኦጌዛ ጊዶ ኣዳን ሻኪ ዬጊዲ ኣꬊ ቤስ። ሄ ሻፋዛስ ሃዲርሳ ባጋራኔ ኡሻቻ ባጋራ ኣጊናን ኣጊናን ፓጬይ ባይንዳ ላይꬃን ታማኔ ናምዑ ኣጊና ኩሜꬅ ኣይፊዛ ዴዖ ሚꬂ ዴስ። ሄ ሚꬃ ሃይꬃይ ዴሬ ፓꬄስ።  
\v 3 ሄሳፌ ጉዬ ቃንጌꬅ ሙሌካ ዴና። ፆሳ ኣልጋይኔ ዶርሳ ኣልጋይ ሄ ካታማይን ዳና። ኢዛ ኦሳንቻቲ ኢዛስ ጎይናና።  
\v 4 ኢስቲ ኢዛ ኣይፌሶ ቤያና። ኢዛ ሱንꬂ ኢስታ ሊጴ ቦላ ዳና።  
\v 5 ሄሳፌ ጉዬ ቃማይ ዴና። ጎዳ ፆሲ ኢስታስ ፖዒዛ ጊሽ ታማ ፖዖይ ዎይኮ ኣዋ ኣርሼ ፖዖይ ኢስታስ ኮሼና። ኢስቲ ሜርናፔ ሜርናስ ካዎታና። 
\s1 ዬሱሳስ ናምዓንꬆ ዩስ 
\p  
\v 6 ሄሳፌ ጉዬ ኪታንቻዚ ታስ “ሃይቲ ቃላቲ ኣማኔቲዳይታኔ ቱማታ። ናቤታ ሃሳይሲዛ ጎዳ ፆሲ ማታ ዎዴ ሃናናይሳ ባ ኦሳንቻታስ ቆንጪሳናስ ባ ኪታንቻዛ ኪቲዴስ” ጊዴስ። 
\p  
\v 7 ዬሱሲካ “ሄኮ ታ ኤሶን ያና፤ ሃይሳ ማፃፋዛ ቲንቢቴ ቃላ ናጊዛዴይ ኢዚ ኣንጄቲዳዴ” ጊዴስ። 
\p  
\v 8 ሃይታ ሃ ዮዖታ ሲዪዳይኔ ቤዪዳይ ታና ዮሃኒሳ። ታኒ ሃይታ ሃ ዮዖታ ሲዪዳ ዎዴኔ ቤዪዳ ዎዴ ሃይታ ሃ ዮዖታ ታና ቤሲዳ ኪታንቻዛ ሲንꬃን ኢዛስ ጎይናናስ ሆካዳ ኢዛ ቶሆ ቦላ ኩንዳዲስ።  
\v 9 ሄ ኪታንቻዚ ቃሴ “ሃይሶ ኣጋ! ሃይሳꬆ ኦꬆፋ! ታካ ኔናራ ኔ ኢሻታራኔ ናቤታራ ቃሴካ ሃይሳ ማፃፋዛ ቃላ ፖሊዛ ኣሳታራ ኦꬂዛዴ። ኔኒ ፆሳስ ፃላላ ጎይና” ጊዴስ።  
\v 10 ቃሴካ “ዎዴይ ማቲዳ ጊሽ ኔኒ ሃይሳ ማፃፋዛን ፃፌቲዳ ቲንቢቴ ቃላ ማታሜን ጎርዶፋ።  
\v 11 ሃይሳፌ ጉዬ ማካልዛይ ጉጂ ማካሎ፥ ቱናይካ ቱኖ፥ ፂሎይካ ፂሊ ካሎ፥ ጌሻይካ ጌዮ” ጊዴስ 
\p  
\v 12 “ሄኮ! ታ ኤሶን ያና! ኢሳዴስ ኢሳዴስ ኢዛ ኦሶ ማላ ታ ኢዛስ ኢዛስ ኢማና ዋጋ ታኒ ታ ኩሼን ኦይካ ኡታዲስ።  
\v 13 ኣልፋይኔ ኦሜጋይ፥ ሲንꬂኔ ጉዬይ፥ ኮይሮይኔ ዉርሴꬂ ታና” ጊዴስ። 
\p  
\v 14 ሄ ዴዖ ሚꬃ ኣይፌ ማናሲኔ ሄ ካታማዮ ኢዚ ፔንጌራ ጌላናስ ቤሲዛይቲ ባ ማይዖ ሜጪዳይቲ ኣንጄቲዳይታ።  
\v 15 ካና ማላ ጮ ሆꬁ ሆꬂዛይቲ ቢታ ቢቲዛይቲ፥ ላይማቲዛይቲ፥ ሼምፖ ዎꬊዛይቲ፥ ኤቃስ ጎይኒዛይቲ፥ ዎርዶ ሲቂዛይቲኔ ዎርዶ ኦꬂዛይቲ ዉሪካ ሄ ካታማይፔ ካሬን ኣታና። 
\p  
\v 16 “ታኒ ዬሱሲ ሃይሳ ኢንቴስ ማርካታና ማላ ታ ኪታንቻዛ ዎሳ ኬꬃታስ ዬዳዲስ። ታስ ዬሌቴꬃ ዛርኬይኔ ቆሞይ ካሴ ዳዉቴኮ። ታኒ ፖዒሲዛ ዎንታ ፆሊንቴ።” 
\p  
\v 17 ፂሎ ኣያናይኔ ኢዛ ሚሺራያ “ሃያ!” ጌቴስ። ሄሳ ሲዪዛዴይካ “ኔ ሃያ!” ጎ። ሳሞቲዳዴይካ ሃዮ፥ ኮይዳዴይ ዴዖ ሃꬄ ኣይኮ ዋጋካ ቃንፆንታ ጮ ሜላ ኡዮ። 
\p  
\v 18 ሄኮ ታኒ ሃይሳ ማፃፋዛን ፃፌቲዳ ቲንቢቴ ቃላ ሲዪዛይቲ ናጌታና ማላ ዮታይስ። ኦኒካ ሃይሳ ሃ ቃላ ቦላ ኣይኮካ ጉጂኮ ሃይሳ ሃ ማፃፋዛን ፃፌቲዳ ቦሻታ ፆሲ ኢዛ ቦላ ጉጃና።  
\v 19 ኦኒካ ሃይሳ ቲንቢቴ ማፃፋን ፃፌቲዳ ቃላታፔ ኢሲኖካ ፓጪሲኮ ሃይሳ ሃ ማፃፋዛን ዮቴቲዳ ዴዖ ሚꬃ ኣይፌፔኔ ጌሻ ካታማይፔ ፆሲ ኢዛ ጊሻዛ ፓጪሳና። 
\p  
\v 20 ሃይታንታ ታ ማርካቲዛይሲ “ታኒ ኣዳፌ ኤሶን ያና!” ጌስ። ኣሚን! ጎዳ ዬሱሳ ሃያ። 
\p  
\v 21 ጎዳ ዬሱሳ ኪያቴꬂ ኢንቴናራ ኡባትራ ጊዶ። ኣሚን! \f + \fr 22:21 \fq ኡባታራ \ft ኢሲ ኢሲ ጌሻ ማፃፋቲ “ዉሪሶታራ” ጊሺን ሃራይቲ ቃሴ “ፆሳ ዴሬታራ” ጌቴስ። ቃሴካ “ፆሳ ዴሬ ኡባታራ” ጊዛይቲካ ዴቴስ።\f*