\id PHP - Gaammo project 
\h ፒሊጲሲዮሴ 
\toc1 ጳዉሎሲ ፒሊጲሲዮሴ ኣሳስ ፃፊዳ ኪታ 
\toc2 ፒሊጲሲዮሴ 
\toc3 ፒሊ 
\mt2 ጳዉሎሲ 
\mt1 ፒሊጲሲዮሴ ኣሳስ 
\mt2 ፃፊዳ ኪታ 
\imt1 ጊዶ ቆፋ 
\ip ጳዉሎሲ ሃ ኪታዛ ፃፊዳይ ማቂዶኒያ ጌቴቲዛ ኦሮሜ ካዎይ ሃሪዛሶን ዲዛ ፒሊጲሲዮሴ ጌቴቲዛ ዴሬን ዲዛ ዎሳ ኬꬃይሳ። ሄና ሄ ዎሳ ኬꬃያ ጳዉሎሲ ኮይሮ ኣዉሮፓን ኤሲዳ ዎሳ ኬꬃ። ፒሊጲሲዮሴ ካታማን ዲዛ ኣሳፔ ዳሪዛ ባጋይ ኦሮሜ ቢታፌ ዪዳ። ሄሳፌ ዴንዲዳይሳን ዳሮቲ ኦቶሬቴቴስ። (ሃዋ 16፡21) ኢስታፌ ባጋቲ ኪርስቶሳን ኣማኒዛይታ። ሄሳ ጊሽ ባ ኣሳታን ኢፄቲዳይታኔ ጎዴቲዛይታ ጊዲዳ። ሄሲካ ኢስቲ ሃ ኣላሜ ዱሳን ማንቆ ጊዳና ማላ ኦꬂዴስ። (2ቆሮ 8፡2) ጊዲዳኮካ ኢስቲ ኣማኖን ሚኒ ኤቂዲ ሃንኮ ኣማኒሼ ዋዬቲዛይታ ማዲዛይታ ጊዲዳ። ሄሳ ጋሶን ጳዉሎሲ ኢስታ ኣዴፌ ሲቄስ። 
\ip ሃ ኪታይ ፃፌቲዳይ ጳዉሎሲ ቃሾሶን ዲሺን ሃንኮ ኣማኒዛ ኦሳንቻታፔ ኤቄቴꬂ ኢዛ ጋኪን ፒሊጲሲዮሳን ዲዛ ዎሳ ኬꬄይ ጋርሳን ዴንዲዳ ዎርዶ ቲሚርቴ ጋሶን ኢዛ ዎዝናይ ሜቂ ዲሺና። ጊዶ ኣቲን ሃ ኪታዛን ቆንጪ ቤቲዛይ ኡፋይሲኔ ኩሜꬃ ኣማኔቴꬅ። ጳዉሎሲ ሄሳ ሄ ኪታዛ ፃፊዳ ጋሶይ ኢዚ ሜቶቲ ዲሺን ፒሊጶሲኔ ኣማኒዛ ኣሳይ ኢዛስ ማዶ ዬዲዳ ጊሽ ኢስታ ጋላታናሲኮ! ኢዛ ቦላ ጊዲን ዎይኮ ኢስታ ቦላ ዱማ ዱማ ሜቶቲ ጋኪኮካ ኢስታስ ዳሮ ፃላቴꬃኒኔ ኩሜꬃ ሚኖ ኣማኖይ ኢስታስ ዳና ማላ ኢዚ ኢስታ ሚንꬄꬄስ። ኦቶሬቴꬂኔ ጬቄቴꬅ ኣጊዲ ዬሱስ ኪርስቶሳ ኣሺኬቴꬃን ኩማና ማላ ኢዚ ኢስታ ሚንꬂ ቆፊሴስ። ኢስቲ ዬሱስ ኪርስቶሳራ ኣያናን ኢሲኖ ጊዲዲ ዴሚዳ ዴዖዚ ፆሳ ኪያቴꬃፌ ቤቲዳይሳኔ ኢስቲ ኣማኖን ኤኪዳይሳፌ ኣቲን ዎጋ ናጎን ቤቲዳይሳ ጊዴና ጊዲ ኢዚ ኢስታ ቆፊሴስ። ዬሱስ ኪርስቶሳራ ኢሲፌቴꬃን ዲዛ ኡባታስ ፆሲ ኢስታስ ኢሚዛ ሳሮቴꬃ ጊሺኔ ኡፋይሳ ጊሺካ ፃፊዴስ። 
\ip ሃይሲ ሃ ኪታዚ ኤሬቲዛይ ኡፋይስ፥ ኣማኔቴꬅ፥ ኢሲፌቴꬂኔ ኣማኖን ዴዖን ሚኒ ኤቃና ማላ ቆንጪሲ ቤሲዛይሳና። ቃሴካ ሃዋሬ ጳዉሎሲ ፒሊጲሲዮሴ ዎሳ ኬꬃዮ ዳሮ ሲቂዛይሳ ቆንጪሴስ። 
\is1 ሃ ማፃፋይ ኦይኪዳ ኩሜꬃ ቆፋ 
\io1 ጌሎሶ 1፡1-11 
\io1 ጳዉሎሳ ዱሳ ጊሽ 1፡12-26 
\io1 ኣማኖን ዱሳስ ሌሚሶ 1፡27-2፡18 
\io1 ፂምቶሳኔ ኣፍሮዲፆ ቆፋ 2፡19-30 
\io1 ኣማኖ ኢፂዛይታፔ ናጌታና ማላ ዮቶ 3፡1-4፡9 
\io1 ጳዉሎሲ ፒሊጲሲዮሳን ኣማኒዛይታስ ሺሺዳ ጋላታኔ ዞሬ 4፡10-20 
\io1 ኩሻ ቆፋ 4፡21-23 
\c 1  
\p  
\v 1 ዬሱስ ኪርስቶሳ ኦሳንቻ ጊዲዳ ጳዉሎሳፔኔ ፂምቶሳፔ ዎሳ ኬꬃ ጪማታራኔ ዳቆኔታራ ኢሲፌ ፒልጲሲዮሴ ዴሬን ዲዛ ኣማኒዛይታስ ዬሱስ ኪርስቶሳስ ዱማቲዳይታስ ኡባስ፤ \x * \xo 1:1 \xt ሃዋ 16፡12\x* 
\v 2 ኑ ኣዋ ፆሳፌ፥ ጎዳ ዬሱስ ኪርስቶሳፔ ኪያቴꬂኔ ሳሮቴꬂ ኢንቴስ ጊዶ። 
\s1 ጋላታ ዎሳ 
\p  
\v 3 ኢንቴና ቆፒዛ ኡባ ጋላስ ታኒ ታ ፆሳ ጋላታይስ።  
\v 4 ኡባ ጋላስ ኢንቴ ጊሽ ታ ዎሲዛ ዎዴ ኡፋይሳን ዎሳይስ።  
\v 5 ኮይሮ ጋላሳፌ ሃ ሲሚን ሃኖ ጋካናስ ሚሺራቾ ቃላ ኦሶን ኢንቴ ታናራ ዴታ።  
\v 6 ኢንቴናን ሎዖ ኦሶ ዶሚዳይሲ ኢዚ ዬሱስ ኪርስቶሲ ዉርሴꬃ ፒርዳስ ያና ጋካናስ ኢንቴና ዳንዳዪሳናይሳ ታ ኣማናይስ። 
\p  
\v 7 ታ ሃዒ ቃሾ ኬꬃን ዲሺኒኔ ታ ቃሼታናፔካ ካሴ ሚሺራቾ ቃላ ቱማ ናጋናሲኔ ሚንꬄꬃናስ ፆሲ ታስ ባ ኪያቴꬃን ኢሚዳ ማዶን ኢንቴ ዉሪካ ታናራ ኢሲፌ ኦꬂዳይታ ጊዲዳ ጊሽ ኢንቴ ኡባ ጋላስ ታ ዎዝናፔ ꬋዬኬታ። ሄሳ ጊሽ ታ ኢንቴ ጊሽ ቆፓናስ ታስ ቤሴስ።  
\v 8 ታ ኢንቴና ዬሱስ ኪርስቶሳ ሲቆን ዎስታ ላሞቲዛኮኔ ፆሲ ታስ ማርካ። 
\p  
\v 9 ኢንቴ ሲቆይ ኤራቴꬃኒኔ ኣኬካን ኬሂ ዳራና ማላ ታ ዎሳይስ።  
\v 10 ሄሲካ ኢንቴ ኡባፌ ኣꬊዛይሳ ሻኪ ኤራና ማላኔ ዬሱስ ኪርስቶሳ ዩሳ ጋላስ ጋካናስ ኢንቴ ጌሻታኔ ዎሶይ ባይንዳይታ ጊዳና ማላ ኮያይስ።  
\v 11 ፆሳ ቦንቺሲዛይሳኔ ጋላቲሲዛይሳ ኢንቴ ኦꬃና ማላ ዬሱስ ኪርስቶሳን ቤቲዛ ጌሻቴꬃ ኣይፌን ኢንቴ ዎዝናይ ኩሞ። 
\s1 ጳዉሎሳ ቃሼቴꬃን ሚሺራቾ ቃላ ዲች 
\p  
\v 12 ሃዒካ ታ ኢሻቶ! ታ ቦላ ጋኪዳ ሜቶይ ሚሺራቾ ቃላይ ካሴፔ ዳሪ ኣካናስ ጊዲዳይሳ ኢንቴ ኤራና ማላ ታ ኮያይስ።  
\v 13 ሄሳ ጊሽ ታ ቃሼቴꬃይ ኪርስቶሳ ጊሽ ጊዲዳይሲ ካዎ ኬꬃ ዛቤታሲኔ ሃራታስካ ኤሬቲዴስ። \x * \xo 1:13 \xt ሃዋ 28፡30\x* 
\v 14 ታ ቃሼቲዳይሳ ጌዶን ኣማኒዛይቲ ፆሳ ቃላ ባቦንታ ፃላቴꬃን ኣሳስ ማርካታናስ ሚኖቴꬅ ዴሚዳ። 
\p  
\v 15 ኢሲ ኢሲ ኣሳቲ ጮ ኑ ኢዛፔ ዋኒዶን ጌꬃኒኔ ሆሎቴꬃን ሳባኬቴስ። ባጋይቲ ቃሴ ሎዖ ቆፋራ ኪርስቶሳ ጊሽ ሳባኬቴስ።  
\v 16 ባጋይቲ ታ ሚሺራቾ ቃላ ጊሽ ሞቴታና ሃን ዲዛይሳ ኤሪዛ ጊሽ ሲቆን ሳባኬቴስ።  
\v 17 ሃንኮይቲ ቃሴ ሎዖ ቆፋን ጊዶንታ ታና ጋኪዳ ቃሾዛ ቦላ ሃራ ዋዬ ጋꬃናሲኔ ባ ኢታ ቆፋ ፖላናስ ኪርስቶሳ ሳባኬቴስ። 
\p  
\v 18 ሄሳ ጊዲኮ ኣይ ሜቶ ዲዛይ! ዋና ኣይፌ ዮዖይ ሱሬቴꬃን ጊዲን ዎይኮ ሚሳቲሶን ጊዲንካ ኣዋራካ ኪርስቶሳ ሳባኪዛ ጊሽ ታ ኡፋዬታይስ። ቃሴካ ታ ኡፋዬታና።  
\v 19 ታ ቦላ ጋኪዳ ሜቶፔ ታ ኣꬋናይ ኢንቴ ዎሳኒኔ ዬሱስ ኪርስቶሳ ኣያና ማዶን ጊዲዳይሳ ታ ኤራይስ።  
\v 20 ታ ኣይ ኦጌራካ ዬላቶንታ ማላ ሚኖ ኡፋይሲኔ ላሞታይ ታስ ዴስ። ጊዶ ኣቲን ካሴካ ሃቺካ፤ ታ ሃይቂንካ ፓፃ ዲንካ ኪርስቶሲ ታ ኣሾን ቦንቼታናይሳ ታ ፃላቴꬃን ሃሳያይስ።  
\v 21 ታስ ዱስ ጉሲ ኪርስቶሳ። ሃይቆይካ ታስ ጎዓ።  
\v 22 ጊዶ ኣቲን ታኒ ሃይሳ ኣሾ ዱሳን ጉጃ ዲዛኮ ኣይፌ ኢሚዛ ኦሶ ኦꬃይስ ጉሳ። ታ ኣዋይሳ ዶራናኮኔ ታስ ኤሬቴና።  
\v 23 ሃ ናምዑ ሃኖታን ሜቶቴታዲስ። ታ ባዳ ኪርስቶሳራ ዳናስ ላሞታይስ። ሄሲ ሃራ ኡባፌ ኬሂ ሎዖ።  
\v 24 ጊዶ ኣቲን ታስ ኣሾን ዱሲ ኢንቴስ ኬሂ ኮሼስ። 
\p  
\v 25 ሄሳ ኣኬካዳ ኢንቴ ኣማኖን ዲጫና ማላኔ ኡፋዬታና ማላ ኢንቴ ኡባታ ማታን ጋምዓናይሳኔ ዳናይሳ ታ ኤራይስ።  
\v 26 ታ ሄ ባዳ ኢንቴ ኣቻን ዴዪኮ ታ ጋሶን ኢንቴስ ኪርስቶሳን ዲዛ ጬቄቴꬂ ዳራና። 
\p  
\v 27 ኪርስቶሳ ሚሺራቾ ቃላስ ቤሲዛ ማላ ዲቴ። ሄሳꬆ ሃንካ ታ ኢንቴና ሄ ባዳ ቤይዳኮ ዎይኮ ሃሆን ዳዳ ኢንቴ ጊሽ ታ ሲዪዛኮ ኢንቴ ሚሺራቾ ቃላ ኣማኖስ ኢሲኖ ኦሌቲሼ ኢሲ ኣያናን ኢንቴ ሚኒ ኤቅናይሳ ታ ኤራይስ።  
\v 28 ኣይ ኦጌራካ ኢንቴናራ ኤቄቲዛይታስ ሂርጎፍቴ። ሄሲ ኢስቲ ꬋያናይሳሲኔ ኢንቴ ኣታናይሳስ ፆሳፌ ኢሜቲዳ ማላታ።  
\v 29 ኢንቴ ኪርስቶሳ ኣማኒዛይታ ፃላላ ጊዶንታ ኢዛ ጊሽ ዋዬ ኤኪዛይታ ጊዳና ማላ ሃይሲ ፆሳ ኪያቴꬂ ኢንቴስ ኢሜቲዴስ።  
\v 30 ኢንቴ ካሴ ቤዪዳ ማላ ሃዒካ ታ ቦላ ዲዛይሳ ኢንቴ ሲዪዛይሳ ማላ ሄሳꬆ ኢንቴናካ ዋዪሶን ዴስ። \x * \xo 1:30 \xt ሃዋ 16፡19-40\x* 
\c 2  
\s1 ኣሽኬቴꬅ ኪርስቶሳፔ ታማሮ 
\p  
\v 1-2 ኢንቴስ ኪርስቶሳ ባጋራ ቤቲዳ ኢሲፌቴꬃ ጋሶን ኢሶይ ኢሳ ሚንꬄꬂዛዝ ሲቆ ጊዲንካ ዎይኮ ኣያና ኢሲፌቴꬅ ዎይኮ ማሮይኔ ኣሳስ ሚሼቴꬅ ኢንቴ ጋርሳን ዲኮ ኢንቴ ኣስ ሲቆን ኢሲ ኣያናኒኔ ኢሲ ቆፋን ጊዲዲ ታ ኡፋይስ ፖሊቴ።  
\v 3 ኣስ ኡባ ኢንቴፌ ቦላራ ፄሊቴ ኣቲን ኢንቴርካ ኢንቴና ዶሶን ዎይኮ ጎዓይ ባይንዳ ጋላታ ኤካናስ ኢሲ ሚሺካ ኦꬆፍቴ።  
\v 4 ኢንቴፌ ኢሲ ኢሲ ኣሲ ሃራ ኣስ ጎዒዛይሳ ፄሊቴ ኣቲን ኢንቴ ጎዓ ፃላላ ፄሎፍቴ። 
\p  
\v 5 ዬሱስ ኪርስቶሳስ ዲዛ ኣሽኬቴꬂ ኢንቴ ኣቻንካ ዶ።  
\v 6 ኢዚ ኤራይስ ፆሳኮሺን ባና ፆሳራ ጊኒሳናስ ኮይቤና። 
\p  
\v 7 ጊዶ ኣቲን ኣይሌ ሜꬋ ኤኪዲ ኣስ ሚሳቲዲ ባርካ ባና ኤያ ኣስ ኬሲዴስ።  
\v 8 ኣስ ጊዲ ቆንጪዲካ ባና ኣሳፔ ዚቃ ኦꬂዴስ። ሃይቃና ጋካናስ ሄሲካ ማስቃሌ ቦላ ካቄቲ ሃይቃና ጋካናስ ኣዛዜቲዴስ።  
\v 9 ሄሳ ጊሽ ፆሲ ኢዛ ዳሮ ꬎቁ ሂስቲዴስ። ሱንꬃ ኡባፌ ꬎቁ ጊዳ ሱንꬅ ኢዛስ ኢሚዴስ። 
\p  
\v 10 ሄሲካ ሳሎንካ ቢታ ቦላን ቢታፌ ጋርሳንካ ዲዛ ሜꬌቴꬂኔ ጉልባቴይ ዉሪ ዬሱሳ ሱንꬃስ ጉልባታና ማላ።  
\v 11 ኣሳ ኢንፃርሲ ዉሪካ ፆሳ ኣዋ ቦንቾስ ዬሱስ ኪርስቶሲ ጎዳ ጊዲዳይሳ ማርካታናሳ። 
\s1 ዴሬ ፖዖ 
\p  
\v 12 ሄሳ ጊሽ ታ ኢሻቶ! ኢንቴ ካሴ ኡባ ዎዴ ኣዛዜቲዛይታ ጊዲዳ ማላ ሃዒካ ታ ማታን ዶንታ ኢንቴፌ ሃሆን ዲኮካ ኢንቴ ኣቴꬃይ ኩሜꬅ ጊዳና ማላ ያሻቴꬃኒኔ ቦንቾን ፖሊቴ።  
\v 13 ፆሲ ኢንቴስ ኣዛዜቴꬅ ኢሚሼ ባ ቆፋ ዉርሴꬅ ጋካናስ ኢንቴ ጊዶን ኦꬄስ። 
\p  
\v 14 ኣይ ሚሺካ ዙዙንꬂኔ ፓላማይ ባይንዳ ኦꬂቴ።  
\v 15 ሄሲካ ኢንቴ ኢታኔ ጌላ ኣሳ ጊዶን ጌሻታኔ ዎሶይ ባይንዳ ፆሳ ናይታ ጊዲዲ ኣላሜ ቦላ ኣዋ ኣርሼ ማላ ዴሬ ኡባስ ፖዓናሳ። \x * \xo 2:15 \xt ዛሬ 32፡5\x* 
\v 16 ኢንቴ ኤኪዳ ዴዖ ቃላ ሎዔꬂ ኦይኪኮ ኪርስቶሲ ሃ ሲሚ ዪዛ ዎዴ ታ ሜላ ዳቡሮንታይሳ ጊሽ ታ ጬቄታናዚ ታስ ዴስ። 
\p  
\v 17 ቃሴካ ኢንቴስ ጎዳን ዲዛ ኣማኖይ ኢንቴ ፆሳስ ሺሻዳ ዱማ ያርሾ ማላ ታ ሼምፖይ ኢንቴ ያርሾራ ኢሲፌ ያርሾ ማላ ጉኪዛኮ ኢንቴናራ ታካ ኡፋዬታና።  
\v 18 ሄሳꬆካ ኢንቴ ኢንቴስ ኡፋዬቲዲ ታናካ ኡፋይሳናስ ቤሴስ። 
\s1 ፂምቶሳ ዎሳኔ ኣፍሮዲፆ ዎሳ 
\p  
\v 19 ጎዳይ ማዲኮ ፂምቶሳ ኢንቴኮ ዬዳዳ ኢንቴ ሎዔቴꬃ ጊሽ ሎዖ ዎሬ ሲያናስ ኮያይስ።  
\v 20 ኢንቴ ሎዔቴꬃ ጊሽ ቆፒዛ ኣሲ ሃራ ኢዛ ማላይ ኦኒካ ባዋ።  
\v 21 ሃራይ ዉሪካ ዬሱስ ኪርስቶሳይሳ ጊዶንታ ባ ጎዓስ ዎፂዛዴ ፃላላ።  
\v 22 ጊዶ ኣቲን ኢንቴ ኤሪዛይሳ ማላ ፂምቶሲ ኢዚ ኣይ ማላ ኣሳኮኔ ባ ጊሽ ማርካሲዴስ። ናይ ባ ኣዋራ ኦꬂዛ ማላ ታናራ ሚሺራቾ ቃላ ዮቲዴስ።  
\v 23 ሄሳ ጊሽ ሃይሳፌ ሲንꬃን ታ ዋናናኮኔ ሻካ ኤሪዳፔ ጉዬ ኢዛ ታ ኢንቴኮ ኪታና ቆፓይስ።  
\v 24 ታካ ኢንቴኮ ማታ ዎዴ ባናይሳ ጎዳን ኣማኔታይስ። 
\p  
\v 25 ሄሳꬆካ ኢንቴ ታና ኮሺዛ ሚሻን ኡባን ማዳና ማላኔ ሎዔꬂ ኦይካና ማላ ዬዲዳ ኣፍሮዲፆ ታ ኢንቴኮ ዛራ ዬዳና ማላ ኮሺዛይሲ ታስ ኤሬቲዴስ።  
\v 26 ጋሶይካ ኢዚ ኢንቴና ኩሜꬃታ ቤያናስ ላሞቲዳ ጊሺኔ ቃሴካ ኢንቴ ኢዛ ሳኮዛ ሲዪዳይሳስ ቆፒዳ ጊሻሳ።  
\v 27 ቱማፔካ ሃርጊዲ ሃይቂሼ ኣቲዴስ። ጊዶ ኣቲን ፆሲ ኢዛ ማሪዴስ። ታ ካሴ ሙዞቲዛይሳ ቦላ ሃራ ሙዞይ ጉጄቶንታ ማላ ታናካ ማዲዴስ። 
\p  
\v 28 ሄሳ ጊሽ ኢንቴ ኢዛ ቤይዲ ኡፋዬታና ማላኔ ታካ ሂርጋፌ ሼምፓና ማላ ኣሞታይስ።  
\v 29 ኢንቴ ኢዛ ኬሂ ኡፋይሳን ሞኪ ኤኪቴ። ኢዛ ማላ ኣሳታካ ቦንቺቴ።  
\v 30 ኢንቴ ታና ማታን ዲዲ ኦꬂ ማዳናስ ዳንዳዮንታ ጊሽ ኢዚ ባ ሼምፖስ ሚሼቶንታ ታና ኦꬂ ማዲዲ ኪርስቶሳ ኦሶን ሃይቂሼ ኣቲዴስ። 
\c 3  
\s1 ኣሾን ጬቄታናስ ቤሴና 
\p  
\v 1 ታ ኢሻቶ! ሃይሳፌ ሃራ ታ ኢንቴና ጊዛይ ጎዳን ኡፋዬቲቴ። ሃዒካ ዛራዳ ኢዞ ታ ኢንቴስ ፃፊኮ ታና ሳሌꬄና። ኢንቴናካ ጎዓና። 
\p  
\v 2 ሄይታ ካና ማላ ሁስካቲዛይታፔ፥ ኢታ ኦꬂዛይታፔኔ ኣሳስ ሜቄꬅ ሜንꬂዛ ኣሳታፔ ናጌቲቴ።  
\v 3 ቱሙ ቃፃሬቲዳይቲ፥ ፆሴ ዎሲዛይቲ፥ ዬሱስ ኪርስቶሳን ጬቂዛይቲ፥ ኣሾን ጬቄቶንታይቲኔ ኣሾንካ ኣማኔቶንታይቲ ኑና። 
\p  
\v 4 ታ ጬቃና ኮይኮ ኣሾ ባጋራ ጬቃና ሚሺ ታስካ ዴስ። ኦናስካ ኣሾን ጬቂዛ ሚሺ ዲዛ ሚሳቲኮ ታ ኢዛፔ ኣꬋይስ።  
\v 5 ታኒ ዬሌቲዳ ኦስፑንꬃ ጋላስ ቃፃሬታዲስ። ታ ኢስራዔሌ ዜሬꬂኔ ቢኒያሜ ኮቻፌ ዬሌታዲስ። ኢብራዌታ ጊዶን ታካ ኣዳ ኢብራዌ። ዎጋ ባጋራ ኦይቺዛዴይ ዲኮ ታ ካሴ ፋርሳዌ። \x * \xo 3:5 \xt ኦሮ 11፡1፤ ሃዋ 23፡6፤ 26፡5\x* 
\v 6 ሙሴ ዎጋስ ዚልዔቲዛይሳ ጊዲኮ ታኒ ካሴ ዎሳ ኬꬃ ጎዲዛዴ። ዎጋ ናጎን ቤቲዛ ፂሎቴꬂ ጊዲኮ ካሴ ታ ቦላ ኢሲ ዎሶይካ ዴና። \x * \xo 3:6 \xt ሃዋ 8፡3፤ 22፡4፤ 26፡9-11\x* 
\p  
\v 7 ጊዶ ኣቲን ታስ ጎዓ ጊዲዳይሳ ኡባ ኪርስቶሳ ጊሽ ጋዳ ጎዓይ ባይንዳ ሚሻ ማላ ቆዳዲስ።  
\v 8 ሄሳፌካ ታ ጎዳ ዬሱስ ኪርስቶሳ ኤሮፔ ኣꬊዛይ ሃራይ ኣይኮይካ ባይንዳይሳ ታ ኣማኒዛ ጊሽ ኡባካ ጮ ሜላ ጎዓይ ባይንዳ ሚሻ ማላ ቆዳዲስ። ታኒ ኢዛ ጊሽ ጋዳ ኡባካ ኣጋዲስ። ታ ኪርስቶሳ ዴማና ጋዳ ኡባ ሚሻካ ዎራ ዎꬊዳ ኢታ ሚሻ ማላ ቆዳዲስ።  
\v 9 ታኒ ሄሳꬆ ኦꬂዛ ጋሶይ ካሴ ሙሴ ዎጋን ታስ ዲዛ ፂሎቴꬃ ኣጋዳ ኣማኖን ቤቲዛ ፆሳ ፂሎቴꬅ ኪርስቶሳን ኣማናዳ ዴማናሲኔ ታ ኢዛራ ኢሲፌ ዴዓናሳ።  
\v 10 ኪርስቶሳኔ ኢዚ ሃይቂ ዴንዲዳ ዴንꬃ ዎልቃ ታ ኤራና ማላ ኢዛ ዋዬካ ታ ኢዛራ ጊሼታና ማላኔ ሃይቆንካ ታ ኢዛ ሚሳታና ማላ ኣሞታይስ።  
\v 11 ሄሳꬆካ ታ ሃይቃ ዴንዲዳፔ ጉዬ ሜርናስ ዳናስ ኮያይስ 
\s1 ዉርሴꬅ ጋካናስ ዎꬄ 
\p  
\v 12 ታ ሃይሳ ዉርሳ ዴማዲስ ዎይኮ ሃይሳꬆ ሃናዲስ ጉስ ጊዴና። ጊዶ ኣቲን ዬሱስ ኪርስቶሲ ታና ኤራይስ ሂስቲዲ ታስ ጊጊሲዳ ዎይቶ ኤካናስ ሚና ዎꬃ ቦላ ዳይስ።  
\v 13 ታ ኢሻቶ! ታ ሃዒ ታ ኮዪዛይሳካ ኦይኪዳ ማላ ቆዲኬ። ጊዶ ኣቲን ታ ኢሲ ሚሺ ኦꬃና። ታፔ ጉዬራ ዲዛይሳ ኣጋ ኣጋዳ ታፔ ሲንꬃን ዲዛይሳ ኦይካናስ ዛራꬋይስ።  
\v 14 ፆሲ ታና ዬሱስ ኪርስቶሳ ባጋራ ፑዴ ፄይጊዳ ጊሽ ዎይቶ ጋካ ኤካናስ ኤሌላይስ። 
\p  
\v 15 ሄሳ ጊሽ ኑኒ ኣማኖን ሚኒዳይቲ ዉሪካ ሃኒዛ ዮዖ ዉርሲ ሄሳꬆ ፄላናስ ቤሴስ። ኢሲ ኢሲ ዱማ ቆፋይ ኢንቴስ ዲኮ ሄሳካ ፆሲ ኢንቴስ ቆንጪሳና።  
\v 16 ጊዲኮካ ኑ ሃዒ ጋኪ ኤሪዳዛን ኣኔ ሲሜሬቶስ። 
\p  
\v 17 ታ ኢሻቶ! ኣኔ ኢንቴ ታ ሃኒዛ ማላ ታና ካሊቴኔ ሃራታራካ ኢሲፌ ዴዒቴ። ኑ ኑና ኢንቴስ ሌሚሶ ሂስቲ ቤሲዳ ማላ ዲዛ ኣሳታ ዎዝናን ዎꬂቴ። \x * \xo 3:17 \xt 1ቆሮ 4፡16፤ 11፡1\x* 
\v 18 ጋሶይካ ሃይሳፌ ካሴ ታ ኢንቴስ ዛራ ዛራ ዮቲዳ ማላ ሃዒካ ዛራዳ ኣፉንꬃራ ኢንቴስ ዮታይስ። ዳሮቲ ኪርስቶሳ ማስቃሌስ ሞርኬ ጊዲዲ ሲሜሬቴቴስ።  
\v 19 ኢስታ ዉርሴꬅ ꬋዮ። ኢስታ ኡሎይ ኢስታ ፆሳ። ኢስታስ ካዉሻቴꬃይ ኢስታስ ቦንቾ። ኢስታ ዎዝናይ ሼምፒዳይ ሃ ቢታ ዱሳና።  
\v 20 ኑ ዴሬይ ጊዲኮ ሳሎና። ሄፔ ቡሮ ያናይሳ ኑና ኣሺዳ ጎዳ ዬሱስ ኪርስቶሳ ዩሳ ላሞቴꬃን ናጎን ዶስ።  
\v 21 ኢዚካ ዉርሲ ባፔ ጋርሳን ሃሪሳና ዳንዳዪዛ ባ ዎልቃና፥ ዳቡራንቻ ጊዲዳ ኑ ኣሳቴꬅ ቦንቼቲዳ ባ ኣሳቴꬅ ሚሳቲሲዲ ላማና። 
\c 4  
\s1 ዉርሴꬃ ዞሬ 
\p  
\v 1 ታ ኢንቴና ዶሲዛይቶ! ታ ኢንቴና ላሞቲዛይቶ! ታስ ኡፋይሲኔ ኦሶ ዛዉዴ ጊዲዳ ታ ኢሻቶ! ጎዳን ሚኒ ኤቂቴ። 
\p  
\v 2 ኢንቴ ቆፋይ ጎዳን ኢሲኖ ጊዳና ማላ ኤዎዲያኔ ሲንፄኬይ ባ ጋርሳን ሲቄታና ማላ ታ ኢስታ ዎሳይስ።  
\v 3 ኤሮ! ኔኖ! ታናራ ኢሲፌ ኣማኔቲዳ ኦሳንቻዞ፥ ሚሺራቾ ቃላ ዮቶስ ታናራኔ ቃላሜንፆሳራ ቃሴካ ኢስታ ሱንꬃይ ዴዖ ማፃፌን ፃፌቲዳ ሃንኮ ታናራ ኦሶ ላጌታራ ኢሲፌ ዋዪዳይታ ሄ ማጫሳታ ኔ ማዳና ማላ ታ ኔና ዎሳይስ። 
\p  
\v 4 ኣይ ዎዴካ ጎዳን ኡፋዬቲቴ። ቃሴካ ታ ኢንቴና ኡፋዬቲቴ ጋይስ።  
\v 5 ኢንቴ ኪያቴꬂ ኣሳ ኡባ ኣቻን ኤሬቶ። ጎዳይ ያና ማቲዴስ።  
\v 6 ሃኒዛ ዮዖን ኡባን ጋላታን፥ ዎሳኒኔ ጋናቴꬃን ፆሳ ሲንꬂ ሺቂቴ ኣቲን ኣይ ሚሻንካ ሂርጎፍቴ። 
\p  
\v 7 ኣሳ ቆፋፔ ቦላራ ዲዛ ፆሳ ሳሮቴꬂ ኢንቴ ዎዝናኔ ኢንቴ ቆፋ ዉርሲ ዬሱስ ኪርስቶሳን ናጌስ። 
\p  
\v 8 ዉርሴꬃ ቦላ ታ ኢሻቶ! ቱሙ ጊዲዳ ዮዖ ዉርሲ፥ ቦንቾ ጊዲዳ ዮዖ ዉርሲ፥ ኣዳ ጊዲዳ ዮዖ ዉርሲ፥ ጌሺ ጊዲዳ ዮዖ ዉርሲ፥ ዶሴቲዳ ሚሺ ዉርሲ፥ ሎዖ ጊዲዳ ዮዖ ዉርሲ፥ ሎዔቴꬂ ጊዲንካ ጋላታካ ሃይታንታ ሚሳቲዛዝ ዉርሲ ቆፒቴ።  
\v 9 ኢንቴ ታፔ ታማሪዳይሳ ዎይኮ ኢንቴ ታፔ ኤኪዳይሳኔ ሲዪዳይሳ ዎይኮ ቤይዳይሳ ኣይ ጊዲኮካ ዉርሲ ኦꬂቴ። ጎዳይ ኢንቴናራ ጊዳና። 
\s1 ጳዉሎሲ ማዲዳይታስ ሺሺዳ ጋላታ 
\p  
\v 10 ዳሮ ዎዴፔ ጉዬ ኦራꬃ ቆፋራ ኢንቴ ታ ጊሽ ቆፎ ኦይኪዴታ። ሄሲካ ጎዳ ባጋራ ታና ኬሂ ኡፋይሴስ። ቱሙካ ኢንቴ ታስ ቆፎ ኣጊቤይኬታሺን ኢንቴ ቆፒዳ ማላ ኦꬃናስ ኢንቴስ ሃኖ ኢፂዴስ።  
\v 11 ታኒ ሄሳ ጊዛይ ታና ሜቲዳ ጊሽ ጊዴና። ጋሶይካ ታ ኣይ ሃኒኮካ “ዲዛይሲ ታስ ጊዳና” ጉስ ታማራዲስ።  
\v 12 ፓጬካ ታ ኤራይስ፤ ዴማዳካ ኤራይስ፤ ታ ጋፋዳካ፥ ካላዳካ ኤራይስ፤ ዲንካ ꬋዪንካ ኤራይስ፤ ኣይ ጊዲኮካ ታስ ዲዛይ ታስ ጊዳና ጉሳ ፁራ ታ ሎዔꬃ ኤራይስ።  
\v 13 ታስ ዎልቃ ኢሚዛ ኪርስቶሳን ታኒ ኡባ ሚሼ ኦꬃናስ ዳንዳያይስ። 
\p  
\v 14 ጊዲኮካ ኢንቴ ታና ታ ዋዬን ማዲዳ ጊሽ ሎዖ ኦꬂዴታ።  
\v 15 ኢንቴ ፒሊጲሲዮሴ ኣሳቲ ሄሳፌ ቦላራ ኢንቴ ኤሪዛይ ኮይሮ ሚሺራቾ ቃላ ኢንቴ ኤኪዳ ዎዴ ታኒ ማቂዶኒያፔ ዴንዳሼ ኢንቴፌ ኣቲን ጌዴ ኢሚዲካ ሃ ኤኪዲካ ማዴቲዲኔ ማዲዲ ጊዛ ዎሳ ኬꬂ ታስ ዴና። \x * \xo 4:15 \xt 2ቆሮ 11፡9\x* 
\v 16 ሃራይ ኣቶ ሺን ታ ካሴ ታሶሎንቄን ዲዛ ዎዴካ ታኒ ሜቶቲን ኢንቴ ዛሪ ዛሪ ታስ ማዶ ዬዲዴታ።  
\v 17 ታ ሄሳ ጊዛይ ኢሚዳ ጊሽ ኢንቴስ ኣንጆይ ዳራና ማላ ጋዳ ኣቲን ታ ኢንቴፌ ማዶ ኤካናስ ኣሞታዳ ጊዴና። 
\p  
\v 18 ታስ ኮሺዛይሳኔ ታና ኮሺዛይሳፌካ ቦላራ ኤካዲስ። ኢንቴ ታስ ዬዲዳ ማዶ ሚሻ ኣፍሮዲፆ ኩሼፔ ኤኪን ታ ፓጬይ ኩሚዴስ። ሃይሲ ዳሮፔ ፆሳ ኣቻን ኤኬቲዳ ዳሮ ሎዖ ሳዊዛ ያርሾ ማላ። \x * \xo 4:18 \xt ኬሳ 29፡18\x* 
\v 19 ፆሲ ባ ዱሬቴꬃ ጊና ኢንቴና ኮሺዛይሳ ጎዳ ዬሱስ ኪርስቶሳ ባጋራ ኢንቴስ ኩንꬃና።  
\v 20 ኑ ኣዋሲኔ ኑ ፆሳስ ሜርናፔ ሜርናስ ቦንቾይ ጊዶ። ኣሚን። 
\s1 ዉርሴꬃ ሳሮካ 
\p  
\v 21 ኣማኒዛ ኣሳ ኡባ ዬሱስ ኪርስቶሳ ሱንꬃን ሳሮ ጊቴ። ታናራ ዲዛ ኢሻቲ ዉሪካ ኢንቴና ሳሮ ጌቴስ።  
\v 22 ኣማኒዛይቲ ዉሪ ሃራፔካ ቄሳሬሶ ኣሳፔ ኣማኒዛይቲ ዉሪካ ኢንቴና ሳሮ ጌቴስ። 
\p  
\v 23 ጎዳ ዬሱስ ኪርስቶሳ ኣꬎ ኪያቴꬂ ኢንቴናራ ጊዶ። ኣሚን።