\id PHM - Gaammo project 
\h ፒልሞና 
\toc1 ጳዉሎሲ ፒልሞናስ ፃፊዳ ኪታ 
\toc2 ፒልሞና 
\toc3 ፒል 
\mt2 ጳዉሎሲ 
\mt1 ፒልሞናስ 
\mt2 ፃፊዳ ኪታ 
\imt1 ጊዶ ቆፋ 
\ip ፒልሞናይ ዳሮ ኤሬቲዳ ኣማኒዛዴ። ኢዚ ቆላሲያሴ ዎሳ ኬꬃን ኣማኒዛ ኣሳ ጋርሳን ዲዛዴ ሚሳቴስ። ፒልሞናስ ኣናስሞሳ ጌቴቲዛ ኣይሌ ዴስ። ሄሲ ሄሳዴይ ባ ጎዳ ሶፔ ቤቴ ቢዲ ቃሾ ኬꬃን ዲዛ ጳዉሎሳራ ጋጊዴስ። ኢዚ ጳዉሎሳ ባጋራ ኣማኒዴስ። ጳዉሎሲ ፒልሞናስ ፃፊዳ ኪታይ ፒልሞናይ ሲሚዲ ኢዛኮ ቢዛ ሄ ኦሳንቻዛራ ኢጊንታና ማላ ቆፊሴስ። ቃሴካ ኣናስሞሲ ሃዒ ኣማኒዳዴ ጊዲዳ ጊሽ ሃይሳፌ ጉዬ ፒልሞናይ ኣማኖን ኤራይስ ኢሻ ማላ ኤካናፔ ኣቲን ኣይሌꬆ ቆዶንታ ማላ ዮቴስ። 
\is1 ሃ ማፃፋይ ኦይኪዳ ኩሜꬃ ቆፋ 
\io1 ጌሎሶ 1-3 
\io1 ፒልሞናስ ጳዉሎሲ ሺሺዳ ቃላታ 4-7 
\io1 ጳዉሎሲ ኣናስሞሳ ጊሽ ሺሺዳ ሚኖ ዎሳ 8-22 
\io1 ኩሻ ቆፋ 23-25 
\c 1  
\p  
\v 1 ዬሱስ ኪርስቶሳ ጊሽ ቃሼቲዳ ታፔ ጳዉሎሳፔኔ ኑ ኢሻ ፂምቶሳፔ ኑ ሲቆ ኢሻ ጊዲዲ ኑናራ ኢሲፌ ኦꬂዛ ፒልሞናስ፤  
\v 2 ኔ ኬꬃን ሺቂዛ ኣማኒዛ ኣሳሲኔ ኑ ሚቼዮ ኣምፒብያስ ቃሴካ ኑናራ ኢሲፌ ኪርስቶሳ ዎታዳራ ጊዲዳ ኣርኪጳሴስ፤ \x * \xo 1:2 \xt ቆላ 4፡17\x* 
\p  
\v 3 ኑ ኣዋ ፆሳፌ ኑ ጎዳ ዬሱስ ኪርስቶሳፔ ኪያቴꬂኔ ሳሮቴꬂ ኢንቴስ ጊዶ። 
\s1 ፒልሞና ሲቆኔ ኣማኖ 
\p  
\v 4 ታኒ ታ ዎሳን ኔና ቆፓሼ ኡባ ዎዴ ፆሳ ጋላታይስ።  
\v 5 ጋሶይካ ኔ ፆሳ ኣሳ ሲቂዛይሳኔ ጎዳ ዬሱስ ኪርስቶሳን ኔ ኣማኒዛይሳ ታ ሲያዲስ።  
\v 6 ኑኒ ኪርስቶሳስ ጊዲዳይሳኔ ኑስ ዲዛ ሎዖ ዮዖይ ዉሪ ቆንጬን ኤሬታና ማላ ኔካ ኔ ኣማኖ ሃራ ኣሳስ ቤሳና ማላ ታ ኔስ ሚና ዎሳይስ።  
\v 7 ታ ኢሻዞ! ኔ ሃኖን ፆሳ ኣሳ ዎዝናይ ኦራፂዳ ጊሽ ኔ ሲቆይ ታ ዎዝና ኬሂ ሚንꬂዴስ። 
\s1 ኣናስሞሲ ፒልሞናኮ ሲማና ማላ ጳዉሎሲ ዎሲዴስ 
\p  
\v 8 ሄሳ ጊሽ ኔ ኦꬃናስ ቤሲዛይሳ ኦꬃና ማላ ኔና ኣዛዛናስ ታስ ኪርስቶሳን ፃላቴꬅ ዴስኮሺን።  
\v 9 ጊዲኮካ ታ ኔና ኣዛዛናፔ ሲቆራ ዎሳይስ። ጋሶይካ ታኒ ዬሱስ ኪርስቶሳ ጊሽ ቃሼታዳ ቃሾ ኬꬃን ዲዛ ጳዉሎሳ።  
\v 10 ታ ኔና ዎሲዛይ ታ ቃሾ ኬꬃን ዳሼ ዬሱስ ኪርስቶሳን ዬሊዳ ና ኣናስሞሳ ጊሻሳ። \x * \xo 1:10 \xt ቆላ 4፡9\x* 
\v 11 ኣናስሞሲ ሃይሳፌ ካሴ ኔና ጎዒቤና ሺን ሃዒ ጊዲኮ ኢዚ ኔናካ ታናካ ጎዒዛዴ። \f + \fr 1:11 \ft ኣናስሞሴ ጉሲ ጊሪኬ ቃላን ጎዒዛዴ ጉሳ።\f* 
\p  
\v 12 ታ ሃዒ ኢዛ ኔኮ ዛራ ዬዳዲስ። ታ ኔኮ ዬዲዛይ ኢዛ ጊዶንታ ታ ዎዝና ኔኮ ዛራ ዬዲዛ ማላ ቆዳይስ።  
\v 13 ሚሺራቾ ቃላ ጋሶን ታ ሃን ቃሼታ ዲሺን ኔ ታና ኦꬃ ማዳናይሳ ኢዚ ታናራ ዴዪዳኮ ታና ኡፋይሴስ።  
\v 14 ጊዶ ኣቲን ኔ ሎዖ ኦሶይ ኔ ዶሳንፔ ኣቲን ዎልቃራ ጊዶንታ ማላ ጋዳ ኔና ኦይቾንታ ኣይኮካ ኦꬃና ኮያቤይኬ። 
\p  
\v 15 ኣናስሞሲ ሃኖ ጋካናስ ኔፔ ጉꬃ ዎዴ ሻኬቲኮካ ኦኔ ኤሪዛይ ሃይሳፌ ጉዬ ኡባ ዎዴ ኔናራ ዳና ዳንዳዬስ።  
\v 16 ሃይሳፌ ጉዬ ኢዚ ኔናራ ዳናይ ኣይሌ ማላ ጊዶንታ ኣይሌፌ ኣꬊ ኔስ ኣሾ ኢሻ ማላ ጊዳና። ኢዚ ታስ ዶሴቲዳ ኢሻ። ጊዶ ኣቲን ኢዚ ኔና ኦꬂ ጎዓና ኣስ ጊዲዳ ጊሺኔ ኢዚ ኔስ ኪርስቶሳ ባጋራ ኢሻ ጊዲዳ ጊሽ ኔስ ኬሂ ዶሴቲዳዴ ጊዳና። 
\p  
\v 17 ኑስ ዲዛ ኢሲፌቴꬃ ጋሶን ኔ ታና ኔስ ኢሻ ማላ ቆዲዛ ጊዲኮ ታና ኔ ሞካ ኤኪዛ ማላ ኢዛካ ሞካ ኤካ።  
\v 18 ኢዚ ኔ ቦላ ጋꬂዳ ቆሆይ ዲኮ ዎይኮ ኔ ኣጮይ ኢዛ ቦላ ዲኮ ኢዛ ኣጮዛ ታ ቦላ ቆዳ።  
\v 19 ሄኮ ታ ጳዉሎሲ “ኢዛ ኣጮዛ ታ ኔስ ቃንፃና” ጋዳ ታ ኩሼራ ፃፋዲስ። ጊዲኮካ ኔ ኪርስቶሳ ኣማኒዳይ ታ ባጋራ ጊዲዳ ጊሽ ሃራይ ኣቶሺን ኔካ ታስ ቃንፃና ኣጮይ ዲዛዴ ጊዲዳይሳ ታ ኔና ኤሪሳናስ ኮሼና።  
\v 20 ሂዓ ታ ኢሻዞ ሄሳ ሎዖ ኦሶ ኔ ታስ ኦꬃና ማላ ጎዳ ሱንꬃን ኪርስቶሳ ጊሽ ጋዳ ኔ ታ ዎዝና ሼምፒሳና ማላ ኔና ዎሳይስ። 
\p  
\v 21 ታ ኔስ ሃይሳ ፃፊዳይ ኔ ታስ ኣዛዜታናይሳ ኣማናዳኮ! ታ ኔና ኦይቺዳይሳፌ ኔ ኣꬃ ኦꬃናይሳ ታ ኤራይስ።  
\v 22 ፆሲ ኢንቴ ዎሳ ሲይዲ ታ ኢንቴኮ ባና ማላ ታስ ሂዶታይ ዲዛ ጊሽ ታ ባዳ ኢንቴኮን ሼምፓናሶ ታስ ሃያና ጊጊሳ። 
\s1 ዉርሴꬃ ሳሮካ 
\p  
\v 23 ዬሱስ ኪርስቶሳ ጋሶን ታናራ ቃሼቲዳ ኤጳፒራይ ኔና ሳሮ ጌስ። \x * \xo 1:23 \xt ቆላ 1፡7፤ 4፡12\x* 
\v 24 ሄሳꬆካ ታናራ ኦꬂዛይቲ ማርቆሲ ኣርሲፂሮኮሲ፥ ዴማሲኔ ሉቃሲ ኔና ሳሮ ጌቴስ። \x * \xo 1:24 \xt ሃዋ 12፡12፥25፤ 13፡13፤ 15፡37-39፤ 19፡29፤ 27፡2፤ ቆላ 4፡10፥14፤ 2ፂም 4፡10-11\x* 
\v 25 ጎዳ ዬሱስ ኪርስቶሳ ኪያቴꬅ ኢንቴናራ ጊዶ።