\id MRK - Gamo project 
\h ማርቆሳ 
\toc1 ማርቆሲ ፃፊዳ ኑ ጎዳ ዬሱስ ኪርስቶሳ ሚሺራቾ ቃላ 
\toc2 ማርቆሳ 
\toc3 ማር 
\mt1 ማርቆሲ ፃፊዳ 
\mt2 ኑ ጎዳ ዬሱስ ኪርስቶሳ ሚሺራቾ ቃላ 
\imt1 ጊዶ ቆፋ 
\ip ማርቆሳ ሚሺራቾ ቃላይ “ሃይሲ ፆሳ ና ዬሱስ ኪርስቶሳ ሚሺራቾ ቃላስ ኮይሮ” ጉሳን ዶሜስ። ሃይሳ ሃ ሚሺራቾ ቃላዛ ጊዶን ዬሱሲ ኦሳንቻኔ ኢዚ ጎዳቴꬃራ ዲዛዴ ጊድ ሺቂዴስ። ጎዳቴꬃይካ ኢዛ ቲሚርቴን፥ ዳይዳንꬃታ ቦላ ዲዛ ዎልቃኒኔ ኢዚ ኣሳ ናጋራ ኣቶ ጊዳይሳን ኤሬቲዴስ። ዬሱሲ “ኣሳ ናጋራ ኣይሌቴꬃፌ ኬሲ ኤካናስ ታ ሼምፖ ኣሳ ጊሽ ኣꬃ ኢማናስ ዪዳ ኣሳ ናይ ታና” ጊዲ ባርካ ዮቲዴስ። 
\ip ማርቆሲ ዬሱሳ ታሪኬ ሺሺዳይ ቆንጬኒኔ ዎልቃይ ኩሚዳ ኦጌራ ጊዲሺን ኢዚ ቲሺ ሂስቲ ፄሊዳይ ዬሱሳ ቃላኔ ኢዛ ቲሚርቴዛ ጊዶንታ ኢዚ ኦꬂዳ ጊታ ማላታ ኦሶታ። ኢዚ ፃማቂዛ ዮሃኒሳ ጊሽ፥ ዬሱሳ ፂንቃቴ ጊሺኔ ኢዚ ኤኪዳ ሜቶዛ ጊሽ ቃንꬃራ ዮቲዳፔ ጉዬን ዬሱሲ ታማርሲዳ ቲሚርቴዛ ጊሺኔ ኢዚ ሃርጋንቻታ ፓꬂዳይሳ ቢርሽ ዮቴስ። ዬሱሳ ካሊዛይቲ ጉዬፔ ዬሱሳ ሎዔꬂ ኤሪ ኤሪ ቢዳ ማላ ዬሱሳራ ኤቄቲዛይቲ ቃሴ ዬሱሳ ካሴፔ ኣꬂ ኢፂ ኢፂ ቢዳ። ማፃፋስ ዉርሴꬃ ሼምፖቲ ዬሱሲ ቢታ ቦላ ዴዒዳ ዉርሴꬃ ላይꬃን ዉርሴꬃ ሳሚንታን ፖሌቲዳ ኦሶታ፤ ሃራፔካ ኢዛ ካቄቴꬃ ጊሺኔ ኢዛ ዴንꬃ ጊሽ ዮቴቴስ። 
\ip ማርቆሳ ሚሺራቾ ቃላስ ዉርሴꬃን ዲዛ ናምዑ ኪፊሌቲ ኢሲ ኢሲ ማፃፋታን ፃላላ ዴቴስ። 
\is1 ሃ ማፃፋይ ኦይኪዳ ኩሜꬃ ቆፋ 
\io1 ሚሺራቾ ቃላስ ኮይሮ ዶሜꬅ 1፡1-13 
\io1 ዬሱሲ ባ ኦሶ ኮይሮ ጋሊላን ዶሚዴስ 1፡14-9፡50 
\io1 ዬሩሳላሜን ዬሱሳ ኦሶ 10፡1-52 
\io1 ዬሩሳላሜኒኔ ሄ ሄራን ዉርሴꬃ ሳሚንታን ዬሱሳ ጋኪዳ ሜቶ 11፡1-15፡47 
\io1 ሃይቆፔ ጎዳ ዴንꬂ 16፡1-8 
\io1 ሃይቆፔ ዴንዲዳ ጎዳ ቆንጬꬂኔ ፑዴ ሳሎ ቡስ 16፡9-20 
\c 1  
\s1 ፃማቂዛ ዮሃኒሳ ማርካቴꬅ 
\r (ማቶ 3፡1-12፤ ሉቃ 3፡1-18፤ ዮሃ 1፡19-28) 
\p  
\v 1 ፆሳ ና ዬሱስ ኪርስቶሳ ኮይሮ ሚሺራቾይ ሃይሳ፤ \f + \fr 1:1 \ft ኢሲ ኢሲ ጌሻ ማፃፋታን ፆሳ ና ጊዛ ቃላዚ ፃፌቲቤና። \f* 
\v 2 ናቤ ኢሳያሳ ባጋራ 
\q1 “ሄኮ ኔስ ኦጌ ሎዔꬃናዴ ታ ኪታናዴ 
\q2 ኔፔ ሲንꬃራ ዬዳና። \x * \xo 1:2 \xt ሚል 3፡1\x* 
\q1  
\v 3 ‘ጎዳስ ኦጌ ጊጊሲቴ፤ 
\q2 ኢዚ ባና ኦጌ ሱሪሲዲ ኦꬂቴ’ 
\q1 ጊሼ ባዞ ቢታን ዋሲዛ ጊሪስ” 
\q2 ጌቴቲ ፃፌቲዴስ። \x * \xo 1:3 \xt ኢሳ 40፡3\x* 
\p  
\v 4 ሄሳꬆካ ፃማቂዛ ዮሃኒሲ ኣሳ ፃማቂሼኔ “ኢንቴ ናጋራፔ ሲሚዲ ፃማቄቲቴ፥ ፆሲ ኢንቴ ናጋራ ኣቶ ጋና” ጊ ኣዋጂሼ ባዞራ ኬዚ ዎꬊዴስ።  
\v 5 ዩሁዳ ዴሬይ ኩሜꬅ ዬሩሳላሜ ኣሳይ ዉሪ ዮሃኒሳኮ ቢ ቢዲ ባ ናጋራ ናጋራ ፓፂ ፓፂ ዮርዳኖሴ ሻፋን ዮሃኒሳ ኩሼን ፃማቄቲዴስ።  
\v 6 ሄ ዎዴ ዮሃኒሲ ማይዒዛይ ጋሜላ ኢሲኬፔ ኦሴቲዳ ማይዖ፤ ቃሴ ባ ፄሳን \f + \fr 1:6 \fq ፄሳ \ft ጉሲ ኢሲ ኢሲ ጋሞ ኣሳታ ቃላራ ዳባ ጌቴቴስ። \f* ዳፎ ጊፄስ። ኢዚ ሚዛ ቁማይ ቦሌኔ ዴጌራ ኤሳ። \x * \xo 1:6 \xt 2ካዎ 1፡8\x* 
\v 7 ኢዚ “ታኒ ሆካዳ ኢዛ ጫማ ቃሾ ቢርሻናስ ቤሶንታዴይ፥ ታፔ ኣꬊዛዴይ ታፔ ጉዬራ ያና።  
\v 8 ታኒ ኢንቴና ሃꬃን ፃማቃይስ ኢዚ ጊዲኮ ኢንቴና ፂሎ ኣያናን ፃማቃና” ጊዲ ሳባኪዴስ። 
\s1 ዬሱሳ ፃማቄቴꬂኔ ፓጬቴꬅ 
\p  
\v 9 ሄ ዎዴ ዬሱሲ ጋሊላ ጊዶን ዲዛ ናዚሬቴ ጌቴቲዛ ካታማይፔ ዮርዳኖሴ ሻፋ ዪዲ ዮሃኒሳ ኩሼን ፃማቄቲዴስ።  
\v 10 ዬሱሲ ፃማቄቲዲ ሃꬃፌ ኬዚዳ ማላ ሳሎይ ዶዬቲን ፂሎ ኣያናይ ኢዛ ቦላ ሃራጴ ካፎ ሚሳቲዲ ዎꬊሺን ቤዪዴስ።  
\v 11 ቃሴካ “ታ ዶሲዛ ናይ ኔና፥ ኔናን ታ ኡፋዬታይስ” ጊዛ ቃላ ጊሪሲ ፑዴ ሳሎፔ ሴቴቲዴስ። \x * \xo 1:11 \xt ሜꬌ 22፡2፤ ማዛ 2፡7፤ ኢሳ 42፡1፤ ማቶ 3፡17፤ 12፡18፤ ማር 9፡7፤ ሉቃ 3፡22\x* 
\p  
\v 12 ሄራካ ፂሎ ኣያናይ ኢዛ ዱጌ ባዞ ካሌꬂ ኤፊዴስ።  
\v 13 ሄን ባዞንካ ኦይዱ ታሙ ጋላስ ጋካናስ ፃላዔራ ፓጬቲሼ ጋምዒዴስ። ዶዓታራ ኢሲፌ ዴዒዴስ። ኪታንቻቲካ ኢዛ ማዲዳ። 
\s1 ዬሱሲ ሞሌ ኦይኪዛ ኦይዱ ኣሳታ ባና ካላና ማላ ፄይጊዴስ 
\p  
\v 14-15 ዮሃኒሲ ቃሾ ኬꬅ ጌሊዳይሳፌ ጉዬ ዬሱሲ ፆሳ ሚሺራቾ ቃላ ሳባኪሼ ጌዴ ጋሊላ ቢዲ “ዎዴይ ጋኪዴስ፤ ፆሳ ካዎቴꬂ ማቲዴስ፤ ናጋራፔ ሲሚቴ፥ ሚሺራቾ ቃላን ኣማንቴ” ጊዲ ሳባኪዴስ። 
\p  
\v 16 ዬሱሲ ጋሊላ ኣባ ኣቻራ ኣꬊን ሲሞናይኔ ኢዛ ኢሻ ኢንዲራሲ ሞሌ ኦይኪዛይታ ጊዲዳ ጊሽ ኢስቲ ሞሌ ኦይኪዛ ጊቴ ኣባን ዬጊሺን ቤዪዴስ።  
\v 17 ዬሱሲ ኢስታ “ሃ ዪቴ! ታና ካሊቴ፤ ኢንቴ ሞሌ ኦይኪ ሺሺዛ ማላ ታ ኢንቴና ኣስ ኦይኪዛይታ ኦꬃና” ጊዴስ።  
\v 18 ኢስቲ ሄራካ ሞሌ ጊቴዛ ዬጊ ኣጊዲ ዬሱሳ ካሊዳ። 
\p  
\v 19 ጉꬅ ጌዴ ሲንꬄ ኣꬊዲ ዛቢዶሳ ና ያቆቤይኔ ኢዛ ኢሻ ዮሃኒሲ ዎጎሎን ኡቲዲ ሞሌ ጊቴ ጊጊሲሺን ቤዪዲኔ ሄራካ ኢስታ ፄይጊዴስ።  
\v 20 ኢስቲካ ባ ኣዋ ዛቢዶሳስ ቃፃሬቲዲ ኦꬂዛ ኣሳታራ ኢሲፌ ዎጎሎዛ ጊዶን ኣጊዲ ዬሱሳ ካሊ ቢዳ። 
\s1 ቱና ኣያናይ ኢዛ ቦላ ዲዛዴ ዬሱሲ ፓꬂዴስ 
\p  
\v 21 ሄፔካ ቂፊርናሆሜ ቢዳ። ሄራካ ዬሱሲ ኣይሁዳታ ሳምባታ ጋላስ ኣይሁዳታ ዎሳ ኬꬄ ጌሊዲ ታማርሶ ኦይኪዴስ። \f + \fr 1:21 \fk ኣይሁዳታ ዎሳ ኬꬄ \ft ጊዛይሳ ኣማራꬆ ቃላን “ሚኩራቤ” ጌቴቴስ። \f* 
\v 22 ፃፌታ ማላ ጊዶንታ ጎዳቴꬃራ ዲዛ ኣሳ ማላ ኢዚ ታማርሲን ኣሳይ ዉሪ ኢዛ ቲሚርቴዛን ማላሌቲዴስ። 
\p  
\v 23 ሄ ዎዴ ኣይሁዳታ ዎሳ ኬꬃን ዲዛ ቱና ኣያናይ ኢዛ ቦላ ዲዛ ኢሲ ኣዴይ  
\v 24 “ናዚሬቴ ዬሱሳ ኔ ኑፔ ኣዚ ኮያይ? ኑና ꬋይሳና ያዲ? ኔ ኦናኮኔ ታ ኔና ኤራይስ፤ ኔኒ ፆሳ ጌሻዛ” ጊዲ ዋሲዴስ። 
\p  
\v 25 ዬሱኣሲካ ቱና ኣያናዛ “ጮዑ ጋዳ ኢዛፔ ኬዛ!” ጊዲ ሃንቂዴስ። 
\p  
\v 26 ቱና ኣያናይ ኣዴዛ ጌንዴርሲዲ ኢዚ ቃኬቲሺን ኢዛፔ ዋሲሼ ኬዚዴስ።  
\v 27 ዴሬይ ዉሪ “ኣሶ ሃይሲ ኣዛ ፓላ? ሃይሲ ጎዳቴꬃራ ዲዛ ኦራꬃ ቲሚርቴ፤ ቱና ኣያናታካ ኣዛዜስ፤ ኢስቲካ ኢዛስ ኣዛዜቴቴስ” ጊ ማላሌቲሼ ኣሳይ ባ ጊዶን ኢሶይ ኢሳ ኦይሼቾ ኦይኪዴስ። 
\p  
\v 28 ሄራካ ኢዛ ኦሶ ዎሬይ ኩሜꬅ ጋሊላ ዩሾን ዲዛ ዴሬ ኡባን ሲዬቲዴስ። 
\s1 ዬሱሲ ዳሮ ሃርጋንቻታ ፓꬂዴስ 
\p  
\v 29 ኣይሁዳታ ዎሳ ኬꬃፌ ኬዚዳ ማላ ያቆቤራኔ ዮሃኒሳራ ኢሲፌ ጌዴ ሲሞናሶኔ ኢንዲራሳሶ ጌሊዳ።  
\v 30 ሄ ጌሊዳ ማላ ሲሞና ቦሎቴያ ሚሻ ሃርጌ ሳኬታዳ ኢቺዳይሳ ኢዛስ ዮቲዳ።  
\v 31 ሄሳ ጊሽ ዬሱሲ ኢዚኮ ሺቂዲ ኢዚ ኩሼ ኦይኪዲ ዴንꬂዴስ። ሚሻይ ኣጊን ኢዛ ዴንዳዳ ኢስታ ሞካዱስ። 
\p  
\v 32 ኣዋ ኣርሼይ ዉሊዳፔ ጉዬ ጋዴይ ꬉሚሺን ኣሳይ ሃርጋንቻታኔ ዳይዳንꬂ ኦይኪዳ ኣሳ ዉርሲ ዬሱሳኮ ኤኪ ዪዴስ።  
\v 33 ሄ ካታማዪን ዲዛ ኣሳይ ዉሪ ኬꬃ ካሬን ሺቂዴስ።  
\v 34 ኢዚካ ዱማ ዱማ ሃርጌን ሳኬቲዳይታ ዳሮታ ፓꬂዴስ። ዳሮ ዳይዳንꬃታካ ኬሲዴስ። ጊዶ ኣቲን ዳይዳንꬃቲ ዬሱሲ ኦናኮኔ ኤሪዛ ጊሽ ዳይዳንꬃቲ ሃሳያና ማላ ዬሱሲ ኮይቤና። 
\s1 ዬሱሲ ጋሊላን ሚሺራቾ ቃላ ታማርሲዴስ 
\p  
\v 35 ባዞይ ዞዖንታ ማላዶ ዎንታራ ዬሱሲ ዴንዲዲ ኢሲ ኣሲ ባይንዳሶ ቢዲ ሄን ዎሳ ኦይኪዴስ።  
\v 36 ሲሞኒኔ ኢዛራ ዲዛይቲ ዬሱሳ ኮያና ኬዚ ቢዳ።  
\v 37 ኢስቲ ኢዛ ዴሚዲ ኣሲ ዉሪ ኔና ኮሻን ዴስ ጊዳ። 
\p  
\v 38 ዬሱሲካ “ታ ዪዳይ ታማርሳናስ ጊዲዳ ጊሽ ኣኔ ሚሺራቾ ቃላ ዮታናስ ማታን ዲዛ ጉታታ ቦስ” ጊዴስ። 
\p  
\v 39 ሄሳ ጊሽ ኣይሁዳታ ዎሳ ኬꬃን ጌሊ ጌሊ ሳባኪሼኔ ዳይዳንꬂ ኬሲሼ ጋሊላ ኩሜꬃን ዩዪዴስ። 
\s1 ዬሱሲ ኢንቺራቻ ሃርጊዛዴ ፓꬂዴስ 
\p  
\v 40 ኢሲ ኢንቺራቻ ሃርጊዛዴይ ዬሱሳኮ ሺቂዲኔ ኢዛ ሲንꬃን ጉልባቲዲ “ኔ ሼኔ ጊዲኮ ኔ ታና ፓꬃና ዳንዳያሳ” ጊ ዎሲዴስ። \f + \fr 1:40 \fk ንቺራቻ \ft ጌሻ ማፃፋይ ቆንጪሲዛ ማላ ኣሳቴꬃ ቦላ ቦላራ ጋልባን ኬዚዛ ዱማ ዱማ ሃርጌታ ኡባ ቤሴስ። \f* 
\p  
\v 41 ዬሱሲካ ኣዴዛስ ሚሼቲዲ ባ ኩሼ ዬዲ ኢዛ ቦቺዲኔ “ታ ኔ ፓፃና ማላ ኮያይስ፤ ፓፃ!” ጊዴስ። 
\p  
\v 42 ሄራካ ኣዴዛ ኢንቺራቻ ሃርጌይ ኣጊን፥ ኣዴዚ ፓፂዴስ።  
\v 43-44 ዬሱሲካ ኣዴዛስ “ኦናስካ ሃይሳ ኔ ሃሳዮንታ ማላ ናጌታ፤ ጊዶ ኣቲን ባዳ ቄሴስ ኔና ቤሳ። ዴሬዛስ ማርካ ጊዳና ማላ ኔ ፓፂዳይሳስ ሙሴይ ኣዛዚዳ ያርሾዛ ሺሻ” ጊዲ ኬሂ ሚንꬅ ዮቲዴስ። 
\p  
\v 45 ጊዶ ኣቲን ኣዴዚ ኬዚ ቢዲ ባ ቢዳ ኡባሶን ዎሬ ዳርሲ ꬋርጪዴስ። ሄሳ ጌዶን ዬሱሲ ኣይ ካታማንካ ቆንጬራ ጌላናስ ዳንዳይቤና። ሄሳፌ ዴንዲዳይሳን ካታማፔ ካሬራ ኣሲ ባይንዳሶን ዱስ ኦይኪዴስ። ኣሳይ ጊዲኮ ዱማ ዱማሶፔካ ኢዛኮ ዪዴስ። 
\c 2  
\s1 ዬሱሲ ቶሆ ሲላ ኣዴዛ ፓꬂዴስ 
\r (ማቶ 9፡1-8፤ ሉቃ 5፡17-26) 
\p  
\v 1 ጉꬃ ጋላሳፌ ጉዬ “ዬሱሲ ቂፊርናሆሜ ሲሚዲ ሶን ዴስ” ጊዛ ዎሬ ኣሳይ ሲዪዴስ።  
\v 2 ሄሳ ጊሽ ኬꬃራ ካሬራ ኡቲዛሶይ ꬋያና ጋካናስ ዳሮ ዴሬይ ሺቂዴስ። ኢዚካ ፆሳ ቃላ ኣሳስ ሳባኪዴስ።  
\v 3 ኦይዱ ኣስ ዳይቲ ኢሲ ቶሆይ ሲሊዳ ኣስ ቶኪዲ ኢዛኮ ኤሂዳ።  
\v 4 ኣሳ ዳሮቴꬃፌ ዴንዲዳይሳን ዬሱሲ ዲዛሶ ጋꬃናስ ዳንዳዮንታ ጊሽ ዬሱሲ ዲዛ ጊናራ ካራ ቃሪዲ ሃርጋንቻዛ ኢዚ ኢቺዳ ሃላራ ዬሱሳ ሲንꬅ ዱጌ ዎꬂዳ። \f + \fr 2:4 \fq ሃላራ \ft ጊዛይሳ ኢሲ ኢሲ ባጋ ጋሞꬆ ቃላራ ዛጳራ ጌቴስ።\f* 
\v 5 ዬሱሲ ኣሳታ ኣማኖ ቤዪዲ ቶሆይ ሲሊዳ ኣዴዛ “ታ ናዞ! ኔ ናጋራይ ኣቶ ጌቴቲዴስ” ጊዴስ። 
\p  
\v 6-7 ሄን ጋዳን ኡቲዳ ኢሲ ኢሲ ሙሴ ዎጋ ፃፌቲ ባ ዎዝናራ ሃይሲ ኣዴዚ ዎስቲ ሃይሳꬆ ጊዜ? “ፆሳ ቦላ ጫሻ ቃላ ሃሳዬስ። ኢሲ ፆሳፌ ኣቲን ናጋራ ማራና ዳንዳዪዛይ ኦኔ?” ጊዲ ቆፒዳ። 
\p  
\v 8 ዬሱሲ ሄራካ ኢስቲ ባ ዎዝናን ቆፒዳይሳ ባ ኣያናን ኤሪዲ “ኢንቴ ዎስቲ ሃይሳꬆ ቆፔቲ?  
\v 9 ቶሆይ ሲሊዳ ኣዴዛ፥ ‘ኔ ናጋራይ ኣቶ ጌቴቲዴስ’ ጉሳፌኔ ‘ዴንዳዳ ኔ ሃላ ቶካዳ ባ ጉሳፌ ኣዋይሲ ማቲዜ?’  
\v 10 ጊዶ ኣቲን ኣሳ ናስ ቢታ ቦላን ናጋራ ማራና ጎዳቴꬂ ዲዛይሳ ኢንቴ ኤራና ማላ” ጊዲ ቶሆ ሲላ ኣዴዛ፤  
\v 11 “ዴንዳዳ ኔ ቶኬታ ዪዳ ሃላ ቶካዳ ኔሶ ባ” ጊዴስ። 
\p  
\v 12 ኢዚካ ዴንዲዲ ኣሳይ ዉሪ ቤዪሺን ሃላ ቶኪዲ ቢዴስ። ሄን ጋዳን ዲዛ ኣሳይ ዉሪ ሃኖዛን ማላሌቲዲ “ካሴ ሃይሳ ማላይ ሃኒን ቤይቦኮ” ጊዲ ፆሴ ጋላቲዴስ። 
\s1 ዬሱሲ ሌዌ ፄይጊዴስ 
\r (ማቶ 9፡9-13፤ ሉቃ 5፡27-32) 
\p  
\v 13 ቃሴካ ዬሱሲ ጋሊላ ኣባ ላንቄ ቢዴስ። ዳሮ ዴሬይ ኢዛኮ ዪን ኢዚካ ዪዳ ኣሳ ታማርሲዴስ።  
\v 14 ኢዚ ኦጌራ ኣꬊ ቢሺን ኢልፊዮሳ ና ሌዌይ ቃራፃ ሺሺዛሶን ኡቲዳይሳ ቤዪዲ “ሃያ ታና ካላ” ጊዴስ። ኢዚካ ዴንዲዲ ዬሱሳ ካሊዴስ። 
\p  
\v 15 ሄሳፌ ጉዬ ሌዌ ሶን ካꬃ ማዳን ኡቲ ዲሺን ቃራፃ ሺሺዛ ዳሮ ኣሳቲኔ ናጋራንቻቲ ኢዛራ ካሊ ዪዳ ጊሽ ኢስቲ ዬሱሳራኔ ኢዛ ካሊዛይታራ ኢሲፌ ማዳን ኡቲዳ።  
\v 16 ፋርሳዌታ ባጋፌ ጊዲዳ ሙሴ ዎጋ ታማርሲዛይቲ ዬሱሲ ናጋራንቻታራኔ ቃራፃ ሺሺዛይታራ ሚሺን ቤዪዲ ኢዛ ካሊዛይታ “ቃራፃ ቃንፂሲዛይታራኔ ናጋራንቻታራ ኣዛስ ሚዜ?” ጊዲ ኦይቺዳ። 
\p  
\v 17 ዬሱሲካ ኢስቲ ጊዛይሳ ሲይዲ “ኣኪሜይ ሃርጋንቻታስ ኮሼስ ኣቲን ሃርጎንታይታስ ጊዴና። ታካ ናጋራንቻታ ፄይጋናስ ያዲስ ኣቲን ፂሎታ ፄይጋናስ ያቤኬ” ጊዴስ። 
\s1 ፆማ ጊሽ ሺቂዳ ኦይሾ 
\r (ማቶ 9፡14-17፤ ሉቃ 5፡33-39) 
\p  
\v 18 ዮሃኒሳ ካሊዛይቲኔ ፋርሳዌቲ ፆማ ፆሜቴስ። ኢሲ ኢሲ ኣሳቲ ዬሱሳኮ ዪዲ “ዮሃኒሳ ካሊዛይቲኔ ፋርሳዌታ ካሊዛይቲ ፆሜቴስ ሺን ኔና ካሊዛይቲ ኣዛስ ፆሜቴኔ?” ጊ ኦይቺዳ። 
\p  
\v 19 ዬሱሲካ ኢስታስ “ሚሺራይ ኢስታራ ዲሺን ሚሺራ ላጌቲ ፆሚ ኤሪዞ? ሚሺራይ ኢስታራ ዲሺን ፆሚ ኤሬቴና።  
\v 20 ሚሺራይ ኢስታፌ ኤኬታና ዎዴይ ያና። ሄ ዎዴ ኢስቲ ፆማና። 
\p  
\v 21 “ጋልዓ ማይዖ ቦላ ኦራꬃ ዎሶ ዎꬂ ሲኪዛዴይ ኦኒካ ዴና፤ ሄሳꬆ ኦꬂኮ ኦራꬃዚ ጋልዓ ዳኪ ዳኪ ዬጌስ፤ ዳኬꬃይካ ካሴፔ ጌዴ ኣꬊ ኢቴስ።  
\v 22 ሄሳꬆካ ኦራꬃ ዎይኔ ጫጄ ጋልዓ ሉካሞን ዎꬂዛዴይ ዴና። ዎꬂዛ ጊዲኮ ዎይኔ ጫጄዚ ጋልዓ ሉካሞዛ ꬉሴስ፤ ዎይኔ ጫጄዚኔ ሉካሞዚ ናምዓይ ሞሬቴቴስ። ሄሳ ጊሽ ኦራꬃ ዎይኔ ጫጄይ ዳናስ ቤሲዛይ ኦራꬃ ሉካሞና” ጊዴስ። 
\s1 ሳምባታ ጊሽ ሺቂዳ ኦይሾ 
\r (ማቶ 12፡1-8፤ ሉቃ 6፡1-5) 
\p  
\v 23 ዬሱሲ ኣይሁዳታ ሳምባታ ጋላስ ጊስቴ ቲያ ጊዶራ ኣꬊሺን ኢዛ ካሊዛይቲ ኢዛራ ኢሲፌ ቢሼ ቲያ ፁጶ ኦይኪዳ። \x * \xo 2:23 \xt ዛሬ 23፡25\x* 
\v 24 ፋርሳዌቲ “ኔና ካሊዛይቲ ሳምባታ ጋላስ ዲጌቲዳ ሚሽ ኣዛስ ኦꬂዞ?” ጊዲ ዬሱሳ ኦይቺዳ። 
\p  
\v 25 ኢዚካ ኢስታስ “ዳዉቴይ ጋፊዲ ሚዛ ሚሽ ኮይዳ ዎዴ ኢዛራ ኢሲፌ ዲዛይታራ ኢዚ ኦꬂዳይሳ ናቤቢቤኬቲ? \x * \xo 2:25 \xt 1ሳሜ 21፡1-6\x* 
\v 26 ኣቢያታሬይ ቄሴታ ሃላቃቴꬃን ዲሺን ኢዚ ፆሳ ኬꬄ ጌሊዲ ቄሴቲ ፃላላ ማናስ ቤሲዛ ዱማ ካꬃ ባሲ ሚዲኔ ባናራ ዲዛይታስ ኢሚዴስ” ጊዴስ። \x * \xo 2:26 \xt ሌዌ 24፡9\x* 
\p  
\v 27 ቃሴካ ዬሱሲ ኢስታስ “ሳምባታይ ኣሳስ ሜꬌቲዴስ ኣቲን ኣሲ ሳምባታስ ሜꬌቲቤና።  
\v 28 ሄሳ ጊሽ ታ ኣሳ ናይ ሳምባታ ጎዳ” ጊዴስ። 
\c 3  
\s1 ዬሱሲ ኩሼይ ሲሊዳ ኣዴዛ ፓꬂዴስ 
\r (ማቶ 12፡9-14፤ ሉቃ 6፡6-11) 
\p  
\v 1 ሃራ ጋላስ ዬሱሲ ኣይሁዳ ዎሳ ኬꬄ ጌሊዴስ። ሄንካ ኩሼይ ሲሊዳዴይ ዴስ።  
\v 2 ዬሱሳ ሞታናስ ጋሶ ኮዪዛ ኣሳቲ ኢዚ ኣይሁዳታ ሳምባታ ጋላስ ፓꬃናኮኔ ጊዲ ፓꬂሺን ቤያና ኮይዳ። 
\p  
\v 3 ኢዚካ ኩሼይ ሲሊዳ ኣዴዛ “ሄን ሺቂ ኡቲዳ ኣሳ ሲንꬃን ዴንዳ ኤቃ” ጊዴስ።  
\v 4 ሄሳፌ ጉዬ ዬሱሲ ኣሳ “ሳምባታ ጋላስ ቤሲዛይ ሎዖ ኦሶዬ? ኢታ ኦሶ? ኣሳ ሼምፖ ኣሾዬ? ዎይኮ ሼምፖ ዎꬎ?” ጊዲ ኦይቺዴስ። ኢስቲካ ጮዑ ጊዳ። 
\p  
\v 5 ኢስታ ዎዝና ሹቻቴꬃን ሚሼቲዲ ኢዛ ጊዶꬂዲ ዩዪ ኣꬊ ኤቂዳ ኣሳ ሃንቆራ ፄሊዲ ኣዴዛ “ኔ ኩሼዛ ፒዲሳ!” ጊዴስ። ኣዴዚካ ባ ኩሼ ፒዲሲን ኩሼዚ ሙሌራ ፓꬂዴስ።  
\v 6 ፋርሳዌቲ ኬዚ ቢዲ ኢዛ ዎስቲ ꬋይሳናኮኔ ሄርዶሳ ባጋ ጊዲዳ ኣሳታራ ዞሬቲዳ። 
\s1 ኣባ ላንቄን ዳሮ ኣሳይ ዬሱሳኮ ሺቂዴስ 
\p  
\v 7 ዬሱሲ ባና ካሊዛይታራ ኣባኮ ቢዴስ። ጋሊላፔኔ ዩሁዳፔ ዪዳ ዳሮ ዴሬይ ኢዛ ካሊዴስ።  
\v 8 ኢዚ ኦꬂዛይሳ ሲይዲ ኣሳይ ዩሁዳፔ፥ ዬሩሳላሜፔ፥ ኤዶሜፔ፥ ዮርዳኖሴ ፒንꬃን ዲዛ ዴሬታፔ ቃሴ ፂሮሴፔኔ ሲዶና ሄራፔ ኢዛኮ ዪዴስ።  
\v 9 ኣሳይ ዳሪዳ ጊሽ ኢዛ ኡንዔꬆንታ ማላ ጉꬃ ዎጎሎ ኢስቲ ጊጊሳና ማላ ባና ካሊዛይታ ኣዛዚዴስ።  
\v 10 ኢዚ ዳሮ ሃርጋንቻታ ፓꬂዳ ጊሽ ሳኮይ ዋይሲዛይቲ ዉሪ ኢዛ ባ ኩሼራ ቦቻናስ ዳፌቲዳ። \x * \xo 3:10 \xt ማር 4፡1፤ ሉቃ 5፡1-3\x* 
\v 11 ቱና ኣያናቲካ ዬሱሳ ቤዪዳ ማላ ኢዛ ሲንꬃን ኩንዲዲ “ኔኒ ፆሳ ና” ጊዲ ዋሲዳ። 
\p  
\v 12 ጊዶ ኣቲን ኢዚ ኦናኮኔ ቱና ኣያናቲ ቆንጪሶንታ ማላ ኬሂፔ ሃንቂዴስ። 
\s1 ዬሱሲ ባና ካሊዛ ታማኔ ናምዓታ ዶሪዴስ 
\r (ማቶ 10፡1-4፤ ሉቃ 6፡12-16) 
\p  
\v 13 ዬሱሲ ፑዴ ዙማ ቦላ ኬዚዲ ባ ኮዪዛይታ ባኮ ያና ማላ ፄይጊዴስ፥ ኢስቲካ ኢዛኮ ዪዳ።  
\v 14 ኢዛራ ኢሲፌ ጊዳና ማላኔ ሳባካናስ ዬዳና ማላ ታማኔ ናምዓታ “ሃዋሬታ” ጊ ሱንꬂዴስ።  
\v 15 ኣሳፔ ዳይዳንꬃታ ኬሳና ማላ ኢስታስ ጎዳቴꬂ ኢሚዴስ። 
\p  
\v 16 ኢዚ ሱንꬂዳ ታማኔ ናምዓታ ሱንꬂ ሃይሳፌ ካሊዛይሳ፤ ጴፅሮሳ ጌቴቲዳ ሲሞና፥  
\v 17 ቢዖሪኔጌሴ ዎይኮ ዳዳ ናይታ ጌቴቲዳ ዛቢዶሳ ናይታ ያቆቤኔ ዮሃኒሳ፥  
\v 18 ኢንዲራሳ፥ ፒሊጶሳ፥ ባርቴሌሞሳ፥ ማቶሳ፥ ቶማሳ፥ ኢልፊዮሳ ና ያቆቤ፥ ታዶሳ፥ ባ ባጋስ ሚሼቲዛ ሲሞና፥ \f + \fr 3:18 \fq ባ ባጋስ ሚሼቲዛ፥ ሲሞና \ft ሃይሲ ሃ ሱንꬃይ ጉጄቲዳይ ኢሲ ኢሲ ኣሳቲ ኢዚ ባ ሃይማኖቴዛስ ሚሼቲዛ ጊሻሳ ጌቴስ። ሃራይቲ ቃሴ ኢዚ ኢሲ ኣሳ ኣይሌቴꬃፌ ዎዚዛ ኢሲ ዲርጂቴ ጊዶን ዲዛ ጊሻሳ ጌቴስ። \f* 
\v 19 ዬሱሳ ኣꬂ ኢሚዳ ኣስቆሮንቶ ዩሁዳ። 
\s1 ዬሱሳኔ ቢዔሊዜቡላ 
\r (ማቶ 12፡22-32፤ ሉቃ 11፡14-23፤ 12፡10) 
\p  
\v 20 ሄሳፌ ጉዬ ዬሱሲ ኢሲ ሶ ጌሊዴስ። ኢዚኔ ኢዛ ካሊዛይቲ ካꬅ ማና ዎዴይ ኢስታስ ꬋያና ጋካናስ ዴሬይ ቃሴካ ዳሪ ሺቂዴስ።  
\v 21 ኢዛ ሃኖታ ሲዪዳ ኢዛ ዳቦቲ “ጎዮንታ ኣጌና” ጊዲ ባናራ ኤኪ ባናስ ኢዚ ዲዛሶ ጋኪዳ። 
\p  
\v 22 ዬሩሳላሜፔ ዪዳ ፃፌቲካ “ቢዔሊዜቡላ ጌቴቲዛ ዳይዳንꬃታ ሃላቃይ ኢዛ ቦላ ዴስ። ኢዚ ዳይዳንꬃታ ኬሲዛይ ዳይዳንꬃታ ሃላቃ ዎልቃንኮ!” ጊዳ። 
\p  
\v 23 ኢዚካ ኢስታ ፄይጊዲ ሌሚሶራ “ፃላዔይ ኣሳፔ ፃላዔ ዎስቲ ኬሳኔ?  
\v 24 ባ ጊዶን ሻኮይ ዲዛ ካዎቴꬂ ሚናናስ ዳንዳዬና።  
\v 25 ኢሲ ኬꬃ ኣሲካ ባ ጊዶን ሻኬቲኮ ኤቃናስ ዳንዳዬና።  
\v 26 ሄሳꬆካ ፃላዔይ ባ ጋራሳን ኢሶይ ኢሳራ ሻኬቲኮኔ ኢፄቲኮ ሚኒ ኤቃናስ ዳንዳዬና። ሄሲካ ኢዛስ ዉርሴꬅ ጊዳና። 
\p  
\v 27 “ሄሳ ጌዶን ኢሳዴይ ኮይሮቲዲ ዎልቃማ ኣስ ቃቾንታ ዲሼ ዎልቃማዛሶ ጌላናሲኔ ኢዛ ሚሼ ቦንቃናስ ዳንዳዬና፤ ኢዛ ኣቆ ቦንቃናስ ዳንዳዬቲዛይ ዎልቃማዛ ቃቺኮ ፃላላ። 
\p  
\v 28 “ታ ኢንቴስ ቱሙ ጋይስ፤ ኣሳ ናይታስ ናጋራይኔ ጫሺ ዉሪ ማሬታና።  
\v 29 ጊዶ ኣቲን ፂሎ ኣያና ቦላ ጫሻ ቃላ ሃሳዪዛ ኣሳ ኡባስ ሜርናስ ናጋራ ኣጮ ጊዳና ኣቲን ማሬቴና” ጊዴስ። \x * \xo 3:29 \xt ሉቃ 12፡10\x* 
\v 30 ሄሳ ኢዚ ጊዳይ ኢስቲ ኢዛ “ኔ ቦላ ቱና ኣያናይ ዴስ” ጊዳ ጊሻሳ። 
\s1 ዬሱሳ ኣዬዮኔ ኢዛ ኢሻታ 
\r (ማቶ 12፡46-50፤ ሉቃ 8፡19-21) 
\p  
\v 31 ሄሳፌ ጉዬ ኢዛ ኣዬያኔ ኢዛ ኢሻቲ ካሬ ዪ ኤቂዲኔ ኣሴ ኢዛኮ ኪቲ ፄይጊሲዳ።  
\v 32 ኢዛ ዩዪ ኣꬊ ኡቲዳ ዳሮ ኣሳይ “ሄኮ ኔ ኣዬያኔ ኔ ኢሻቲ ካሬን ኤቂዲ ኔና ኮዬቴስ” ጊዳ። 
\p  
\v 33 ኢዚካ ዛሪዲ “ታ ኣያ ኦኔ? ታ ኢሻቲ ኦናንቴ?” ጊዴስ።  
\v 34 ኢዛ ዩዪ ኡቲዳ ኣሳኮ ፄሊዲ “ታ ኣዬያኔ ታ ኢሻቲ ሃይታንታኮ!  
\v 35 ፆሳ ሼኔ ኦꬂዛይ ዉሪ ኢዚ ታ ኢሻ፥ ታ ሚቾኔ ታ ኣዮ” ጊዴስ። 
\c 4  
\s1 ዜሬꬅ ዜሪዛዴ ሌሚሶ 
\r (ማቶ 13፡1-9፤ ሉቃ 8፡4-8) 
\p  
\v 1 ቃሴ ዬሱሲ ሃራ ዎዴ ኣባ ኣቻን ታማርሶ ኦይኪዴስ። ኢዛኮ ኬሂ ዳሮ ዴሬይ ሺቂዳ ጊሽ ኣባ ጊዶን ዲዛ ዎጎሎ ዲዛሪን ጌሊዲ ኡቲዴስ፤ ኣሳይካ ዉሪ ኣባ ኣቻን ሺቂዴስ። \x * \xo 4:1 \xt ሉቃ 5፡1-3\x* 
\v 2 ኢዚካ ዳሮ ዮዖታ ሌሚሶ ሂዝጊ ታማርሲዴስ።  
\v 3 “ሲዪቴ! ኢሳዴይ ዜሬꬅ ዜራናስ ኬዚዴስ።  
\v 4 ኢዚ ዜሪሺን ኢሲ ኢሲ ዜሬꬂ ኦጌ ቦላ ዎꬊዴስ። ኦጌ ቦላ ዎꬊዳ ዜሬꬃ ካፎቲ ማፂ ሚዳ።  
\v 5 ባጋይ ሜላ ቢታን ዎꬊዴስ። ሄ ቢታይ ሜላ ጊዲዳ ጊሽ ሄራካ ጫሪዴስ።  
\v 6 ጊዶ ኣቲን ኣዋ ኣርሼይ ኬዚዳ ማላ ሹሊዲ ፃጶ ዬዶንታ ጊሽ ሜሊዴስ።  
\v 7 ቃሴ ኢሲ ዜሬꬂ ኣጉንꬃ ጊዶን ዎꬊዴስ፤ ኣጉንꬃይካ ዲጪዲ ጩሊዳ ጊሽ ኣይፊቤና።  
\v 8 ሃራ ዜሬꬂ ቃሴ ሎዖ ኦርዴ ቢታ ቦላ ዎꬊዳ ጊሽ ጫሪዲ ዲጪዴስ፤ ኣይፌካ ኣይፊዴስ፤ ኢሶይ ሄꬑ ታሙ፥ ኢሶይ ቃሴ ኡሱፑን ታሙ፥ ኢሶይ ቃሴ ፄቱ ኣይፊዴስ።” 
\p  
\v 9 ዬሱሲ ቃሴካ “ሲዪዛ ሃይꬂ ዲዛዴይ ሲዮ!” ጊዴስ። 
\s1 ዬሱሲ ሌሚሶራ ዮቲዛ ጋሶ 
\r (ማቶ 13፡10-17፤ ሉቃ 8፡9-10) 
\p  
\v 10 ዬሱሲ ባርካ ዲሺን ታማኔ ናምዓቲኔ ካሴ ኢዛራ ዲዛ ኣሳይ ኢዚ ዮቲዳ ሌሚሶዛ ጊሽ ኢዛ ዛሪ ኦይቺዳ።  
\v 11 ኢዚካ ኢስታስ “ኢንቴስ ፆሳ ካዎቴꬃ ፁራ ኤሮይ ጌሊዴስ ሺን ካሬን ዲዛይታስ ጊዲኮ ዮዖይ ዉሪ ሌሚሶራ ዮቴቴስ።  
\v 12 ሄሲካ ካሴ ‘ኢስቲ ቤዪዲ ቤዪዳይሳ ኣኬኮንታ ማላኔ ሲሞንታ ማላ፥ ቃሴካ ኢስታ ናጋራይ ማሬቶንታ ማላኮ’ ” ጊዴስ። 
\p  
\v 13 ቃሴካ ዬሱሲ “ሃይሲ ሌሚሶይ ኢንቴስ ጌሊቤኔ? ሂስቲን ሃራ ሌሚሶ ኢንቴ ዎስቲ ኤራኔ?  
\v 14 ዜሪዛዴይ ቃላ ዜሬስ።  
\v 15 ኢሲ ኢሲ ኣሳቲ ኦጌ ቦላ ዎꬊዳ ዜሬꬃ ሚሳቴቴስ፤ ኢስቲ ቃላ ሲዪዛ ዎዴ ፃላዔይ ዪዲ ሄራካ ኢስቲ ሲዪዳ ቃላ ኢስታ ዎዝናፔ ኤኪቼስ።  
\v 16 ሄሳꬆካ ሃራቲ ሜላ ቢታ ቦላ ዎꬊዳ ዜሬꬃ ሚሳቴቴስ። ኢስቲ ቃላ ሲይዲ ኡፋይሳን ኤኬቴስ።  
\v 17 ጊዶ ኣቲን ኢስቲ ፃጶ ዬዶንታ ጊሽ ጉꬃ ዎዴ ጋምዒሺን ቃላ ጌዶን ሜቶይ ዎይኮ ጎዴታይ ኣሳታ ቦላ ዪዛ ዎዴ ሄራካ ꬉጴቴቴስ።  
\v 18 ሃራቲ ቃሴ ኣጉንꬃ ጊዶን ዎꬊዳ ዜሬꬃ ሚሳቴቴስ፤ ኢስቲ ቃላ ሲሲ ሲዬቴስ።  
\v 19 ጊዶ ኣቲን ሃ ቢታ ሜቶይ፥ ሚሻ ሲቆይኔ ሃራ ኣሞይ ኢስቲ ሲዪዳ ቃላ ጩሊዲ ኣይፌ ኣይፎንታ ማላ ዲጌስ።  
\v 20 ሃንኮይቲ ሎዖ ቢታን ዜሬቲዳ ዜሬꬃ ሚሳቴቴስ፤ ሄይቲካ ቃላ ሲይዲ ኤኪዛዴኔ ሄꬑ ታሙ ኣይፌ፥ ኡሱፑን ታሙ ኣይፌኔ ፄቱ ኣይፌ ኣይፊዛይታ” ጊዴስ። 
\s1 ጌማን ዲዛ ፆምፔ 
\r (ሉቃ 8፡16-18) 
\p  
\v 21 ቃሴካ ዬሱሲ “ፆምፔ ኦይꬂዲ ጌማሶን ዎይኮ ኣርሳ ጊዶን ዎꬂ ኤሬቲ? ፖዓና ማላ ቆንጬሶን ዎꬄታ ጊዴኔ? \x * \xo 4:21 \xt ማቶ 5፡15፤ ሉቃ 11፡33\x* 
\v 22 ሄሳ ጊሽ ቆቴቲዲ ቆንጬ ኬዞንታይ፥ ፖዖን ኬዞንታ ጌማን ኣታናይ ባዋ። \x * \xo 4:22 \xt ማቶ 10፡26፤ ሉቃ 12፡2\x* 
\v 23 ሄሳ ጊሽ ሲዪዛ ሃይꬂ ዲዛዴይ ሲዮ!” ጊዴስ። 
\p  
\v 24 ጉጂዲካ “ኢንቴ ሲዪዛይሳ ዎዝናን ዎꬂቴ፤ ኢንቴ ማኪዛ ሚሻራ ኢንቴስ ማኬታና፤ ሄሳፌካ ዳሮይ ጉጄታና። \x * \xo 4:24 \xt ማቶ 7፡2፤ ሉቃ 6፡38\x* 
\v 25 ዲዛዴስ ጉጄታና ሺን ባይንዳዴፌ ኢዛስ ዲዛራካ ኤኬቲቻና” ጊዴስ። \x * \xo 4:25 \xt ማቶ 13፡12፤ 25፡29፤ ሉቃ 19፡26\x* 
\s1 ዲጪዛ ዜሬꬃ ሌሚሶ 
\p  
\v 26 ቃሴካ ዬሱሲ “ፆሳ ካዎቴꬂ ዜሬꬅ ዜሪዛ ኢሲ ኣስ ሚሳታዉስ።  
\v 27 ዜሪዳዴይ ኦማርስ ꬊሲኬስ። ዎንቲሺን ዴንዴስ፤ ጊዶ ኣቲን ኢዚ ኤሮንታ ዲሺን ዜሬቲዳ ካꬃይ ሞኪዲ ዲጬስ።  
\v 28 ጋዴያካ ኮይሮ ጫሬች፥ ካሌꬃዳ ፑꬌ፥ ቅሴካ ፑꬌዛ ቦላ ሎዖ ኣይፌ ኢማዉስ።  
\v 29 ካꬃይ ካፂዳፔ ጉዬ ቦኔይ ጋኪን ኬꬃ ኣዋይ ሄራካ ማፃ ኦይኬስ” ጊዴስ። 
\s1 ሳናፊጬ ጌቴቲዛ ሚꬃ ኣይፌ ሌሚሶ 
\p  
\v 30 ዬሱሲ “ፆሳ ካዎቴꬅ ኑ ኣዛራ ጊኒሳኔ? ኣዛራ ሌሚሳኔ?  
\v 31 ቢታ ቦላ ኡባፌ ላፋ ጊዲዳ ሳናፊጬ ኣይፌ ሚሳታዉስ።  
\v 32 ዜሬታዳ ዲጪዳፔ ጉዬ ቃስ ኣታኪልቴታ ኡባፌ ኣꬊዛ ጊሽ ካፎቲ ዪዲ ሄ ኣታኪልቴይ ሃጋታ ኩዋ ጊዶን ሼምፔቴስ” ጊዴስ። 
\p  
\v 33 ዬሱሲካ ኣሳይ ኤካናስ ዳንዳዪዛይሳ ኬና ሃይታ ሚሳቲዛ ሃራ ዳሮ ሌሚሶራ ኢስታስ ዮቲዴስ።  
\v 34 ኣይ ሚሽ ጊዲኮካ ኣሳስ ሌሚሶይ ባይንዳ ዮቲ ኤሬና። ኢዚኔ ኢዛ ካሊዛይቲ ፃላ ዲዛ ዎዴ ጊዲኮ ዉርሲ ቢርሽ ዮቴስ። 
\p  
\v 35 ሄ ጋላስ ጋዴይ ቃሚሺን ባና ካሊዛይታ “ኣኔ ጌዴ ሄ ፒንꬅ ፒኖስ” ጊዴስ።  
\v 36 ኢስቲ ኣሳ ሄን ኣጋጊዲ ኢዚ ኡቲ ዲዛ ዎጎሎዛራ ዬሱሳ ኤኪ ቢዳ። ሃራ ዎጎሎቲካ ኢስታራ ኢሲፌ ዴቴስ።  
\v 37 ሄ ዎዴ ዎልቃማ ዳምባላይ ኣባ ቦላ ዴንዲዲ ዎጎሎዛ ሃꬂ ኩማና ጋካናስ ዳምባላይ ሾጬቺዴስ።  
\v 38 ጊዶ ኣቲን ዬሱሲ ቦርኮꬅ ቦርኮቲዲ ዎጎሎዛስ ጉዬ ባጋን ኢቺዴስ። ኢስቲካ ኢዛ ዴንꬂዲ “ኣስታማሬ! ኑኒ ꬋዪሺን ኔና ሜቴኔ?” ጊዳ። 
\p  
\v 39 ኢዚካ ዴንዲዲ ጫርኮዛ “ጮዑ ጋ!” ኣባካ “ዎፑ ጋ!” ጊዴስ፤ ጫርኮይካ ጮዑ ጊዴስ፤ ሙሌካ ጮዑ ጊዴስ።  
\v 40 ባና ካሊዛይታካ “ሃይሳꬆ ኣዛስ ባቢዴቲ? ሃይሳ ጋካናስ ኢንቴስ ኣማኖይ ባዌ?” ጊዴስ። 
\p  
\v 41 ኢስቲካ ኬሂ ባቢዲ ባ ጊዶን ኢሶይ ኢሳራ “ጫርኮይኔ ኣባይ ኢዛስ ኣዛዜቲዛይ ሃይሲ ኦኔ?” ጌቴቲዳ። 
\c 5  
\s1 ዬሱሲ ኢሲ ቱና ኣያናይ ኢዛ ቦላ ዲዛዴ ፓꬂዴስ 
\r (ማቶ 8፡28-34፤ ሉቃ 8፡26-39) 
\p  
\v 1 ኣባ ፒኒዲ ጌዴ ጌርጌሴኖኔ ጌቴቲዛሶ ቢዳ።  
\v 2 ዬሱሲ ዎጎሎዪፔ ዎꬊዳ ማላ ቱና ኣያናይ ኢዛ ቦላ ዲዛዴይ ዱፎፔ ኬዚዲ ዬሱሳራ ጋጋና ኢዛኮ ዪዴስ።  
\v 3 ሃይሲ ኣዴዚ ዱፎሶን ዲዛዴኔ ሃራይ ኣቶሺን ኦኒካ ኢዛ ሳንሳላታንካ ቃቻናስ ዳንዳይቤና።  
\v 4 ዳሮ ዎዴ ቶሆ ቢራታራኔ ሳንሳላታራ ቃሼቴስ። ጊዶ ኣቲን ኩሼ ሳንሳላታ ዱꬄꬂ ዬጌስ፤ ቶሆ ቢራታካ ሜንꬄሬꬂ ዬጌስ፤ ኦኒካ ኢዛ ኦይኪዲ ቴቃናስ ዳንዳይቤና።  
\v 5 ጋላሲኔ ቃማ ዱፎታ ጊዶኒኔ ዙማታ ቦላ ዩዪ ዩዪ ዋሲሼ ባ ቦላ ሹቻራ ቃንፄሬꬂዲ ማዱንꬄስ። 
\p  
\v 6 ኢዚካ ዬሱሳ ሃሆን ቤዪዳ ማላ ዎꬃን ኢዛኮ ዪዲ ኢዛ ሲንꬃን ጉልባቲዲ ጎይኒዴስ።  
\v 7 ኬሂ ዋሲዲ “ሃይሶ ዎጋ ፆሳ ና ዬሱሳ፥ ኔስ ታናራ ኣዚ ዲዜ? ፆሳ ሱንꬃን ታ ኔና ዎሳይስ ታና ዋይሶፓ” ጊዴስ።  
\v 8 ኢዚ ሄሳ ጊዳይ ዬሱሲ ካሴ “ኔኒ ቱና ኣያናይ ሃይሳፌ ኬዛ” ጊዳ ጊሻሳ። 
\p  
\v 9 ሄሳፌ ቃሴ ዬሱሲ ኢዛ “ኔ ሱንꬂ ኦኔ?” ጊዲ ኦይቺዴስ። ኢዚካ “ኑኒ ዳሮታ ጊዲዳ ጊሽ ታ ሱንꬂ ሌጎኔ ጌቴቴስ” ጊዴስ። \f + \fr 5:9 \fq ሌጎኔ \ft ጉሲ ዳሮ ዎታዳራታ ቡቴ [ጪፊራ] ጉሳ።\f* 
\p  
\v 10 ሄ ዴሬፔ ኬሲ ዬዶንታ ማላ ዬሱሳ ኬሂ ዎሲዴስ። 
\p  
\v 11 ሄን ማታን ዙማ ቦላ ዳሮ ጉዱንꬂ ሄሜቴስ።  
\v 12 ቱና ኣያናቲ “ኑ ጉዱንꬃታን ጌላና ማላ ኑስ ኤሮ ጋርኪ?” ጊዲ ዬሱሳ ዎሲዳ።  
\v 13 ኢዚካ ኢስታስ “ኤሮ” ጊዴስ። ቱና ኣያናቲካ ኣዴዛፔ ኬዚዲ ጉዱንꬃታን ጌሊዳ። ናምዑ ሺ ጊዲዳ ጉዱንꬃይ ዉሪ ኣፎዛራ ዱጌꬃ ጌንዴሬቲ ዎꬊዲ ኣባን ሚቴቲዳ። 
\p  
\v 14 ጉዱንꬃ ሄሚዛይቲ ባቃቲዲ ሃኒዳይሳ ካታማኒኔ ዴሬ ጊዶን ዮቲዳ። ዴሬይካ ሃኒዳይሳ ቤያናስ ባ ዲዛሶፔ ዲዛሶፔ ኬዚዴስ።  
\v 15 ዬሱሳኮ ዪዲ ዳሮ ዳይዳንꬂ ኢዛ ቦላ ዲዛ ኣዴዛ ዎዝናይ ኢዛስ ሲሚን ማይዖ ማይዒዲኔ ዎጋራ ኡቲዳይሳ ዪዳ ኣሳይ ቤዪዲ ባቢዴስ።  
\v 16 ሃይሳ ቤዪዳ ኣሳይ ዳይዳንꬂ ኢዛ ቦላ ዲዛ ኣዴዛ ጊሺኔ ጉዱንꬃቲ ሃኖይሳ ዴሬዛስ ዮቲዳ። 
\p  
\v 17 ሄሳፌ ጉዬ ሄ ዴሬ ኣሳይ ዬሱሲ ኢስታ ዴሬ ዬዲዲ ባና ማላ ዎሲዴስ። 
\p  
\v 18 ዬሱሲ ዎጎሎን ጌሊሺን ዳይዳንꬃቲ ኢዛፔ ኬዚዳ ኣዴዚ ዬሱሳራ ዳናስ ዎሲዴስ። 
\p  
\v 19 ዬሱሲ ቃሴ ኢዚ ኦይቺዳይሳ ኣካይ ጊዲኔ “ኔኒ ጌዴ ኔ ሶ ባ፥ ጎዳይ ኔስ ኣይ ማላ ጊታ ሚሽ ኦꬂዳኮኔ ኢዚ ኔስ ኦꬂዳ ማሮቴꬃ ኔ ሶ ኣሳስ ዮታ” ጊዴስ። 
\p  
\v 20 ኣዴዚካ ባሶ ቢዲ ዬሱሲ ኢዛስ ኦꬂዳ ጊታ ሚሽ ዉርሲ ታሙ ካታማ ጌቴቲዛ ዴሬን ዮቲን ሲዪዳይ ዉሪካ ማላሌቲዴስ። 
\p  
\v 21 ቃሴካ ዬሱሲ ዎጎሎን ጌሊዲ ጌዴ ፒንꬅ ፒኒዲ ኣባ ኣቻን ዲሺን ዳሮ ኣሳይ ኢዛ ኣቺ ሺቂዲኔ ኢዛ ጊዶꬂዴስ።  
\v 22 ኣይሁዳታ ዎሳ ኬꬃ ሃላቃታፔ ኢሶይ ኢያዒሮሳ ጌቴቲዛይሲ ኢዚ ዲዛሶ ቢዲ ዬሱሳ ዴሚዳ ማላ ኢዛ ቶሆ ቦላ ኩንዲዲ  
\v 23 “ታስ ጉꬃ ና ዲዛራ ሃይቃና ጋዉስ። ኢዛ ሃይቆንታ ፓፃ ዳና ማላ ኔ ሃ ያዳ ኔ ኩሼ ኢዚ ቦላ ዎꬃርኪ?” ጊዲ ኬሂ ዎሲዴስ። 
\p  
\v 24 ዬሱሲካ ኢዛራ ኢሲፌ ቢዴስ። ዳሮ ኣሳይ ኢዛ ኡንዔꬃና ጋካናስ ካሊዴስ። 
\p  
\v 25 ታማኔ ናምዑ ላይꬅ ኩሜꬅ ሱꬂ ኢዚ ቦላፌ ጉኪዛ ማጫስ ዲዛራ ሄን ኣሳራ ዳዉስ። 
\p  
\v 26 ኢዛ ባሲ ዲዛ ሚሽ ዉርሳ ኦንጋና ጋካናስ ኣኪሜፔ ኣኪሜ ላሞን ዳሮ ዳቡራዱስ። ጊዶ ኣቲን ሳኮይ ኢዚስ ጌዴ ዳሪዴስ ኣቲን ኣይኮካ ሎዒቤና።  
\v 27 ኢዛ ዬሱሳ ጊሽ ሲዪዳ ማላ ኣሳ ጊዶራ ዬሱሳ ጉዬራ ካላዳ ኢዛ ማይዖ ቦቻዱስ።  
\v 28 ጋሶይካ “ታ ኣይ ሃናዳካ ኢዛ ማይዖ ኩሼራ ቦቾ ቦቺዳኮካ ታ ፓፃና” ጋዳ ቆፒዳ ጊሻሳ። 
\p  
\v 29 ጉኪዛ ሱꬃይ ሄራካ ኤቂ ኣጊዴስ፤ ኢዛካ ፓፂዳይሳ ባ ኣሳቴꬃን ኤራዱስ።  
\v 30 ባፔ ዎልቃይ ኬዚዳይሳ ዬሱሲ ኤሪዲ ጌዴ ኣሳኮ ሲሚዲ “ታ ማይዖ ኦኔ ቦቺዳይ?” ጊዴስ። 
\p  
\v 31 ኢዛ ካሊዛይቲ ቃሴ “ሃይሲ ዴሬይ ኡንዔቲዲ ሱጌቲሺን ቤያሼ ዋናዳ ‘ታና ቦቺዳይ ኦኔ?’ ጋይ” ጊዳ። 
\p  
\v 32 ዬሱሲ ሄሳ ኦꬂዳይ ኦናኮኔ ቤያናስ ዩሺ ፄሊዴስ።  
\v 33 ማጫሳያካ ባስ ኣዚ ዋኒዳኮኔ ኤራዳ ባባሼኔ ኮኮራሼ ያዳ ዬሱሳ ሲንꬃን ጉፋናዳ ሃኒዳ ቱማ ዉርሳ ኢዛስ ዮታዱስ።  
\v 34 ኢዚካ “ታ ናዬ! ኔ ኣማኖይ ኔና ኣሺዴስ። ሳሮን ባ! ኔ ዋዬፔ ፓፃ!” ጊዴስ። 
\p  
\v 35 ዬሱሲ ቡሮ ሃሳያን ዲሺን ኣይሁዳታ ዎሳ ኬꬄ ሃላቃ ኢያዒሮሳ ሶፔ ዪዲ ኢያዒሮሳስ “ኔ ናያ ሃይቃዱስ፥ ጎዳ ሜላ ኣዛስ ዳቡሪሳይ?” ጊዳ። 
\p  
\v 36 ጊዶ ኣቲን ዬሱሲ ኢስታ ሃሳያ ሌፒ ሂስቲዲ ኣይሁዳታ ዎሳ ኬꬃ ሃላቃዛ “ኔ ኣማኖ ፃላ ኣማና ኣቲን ባቦፋ!” ጊዴስ።  
\v 37 ጴፅሮሳ ያቆቤራኔ ያቆቤ ኢሻ ዮሃኒሳፔ ኣቲን ሃራይ ኦኒካ ኢዛ ካላና ማላ ኮይቤና።  
\v 38 ጌዴ ኣይሁዳታ ዎሳ ኬꬃ ሃላቃ ሶ ጋኪዳ ማላ ኣሳይ ዋሲሼ ጫሞ ዬሆ ዬኪዛይሳ ቤዪዴስ።  
\v 39 ሶ ጌሊዲ “ሃይሲ ዉሪ ኣዛ ዋሶኔ ኣዛ ዬሆ? ናያ ꬊስካዱስ ኣቲን ሃይቃቤይኩ” ጊዴስ። 
\p  
\v 40 ቃሴ ኣሳይ ዉሪ ኢዛ ቦላ ሚጪዴስ፤ ኣሳ ዉርሲካ ኬꬃፌ ኬሲዲ ናይ ኣዋኔ ናይ ኣዪዮ ቃሴካ ኢዛራ ኢሲፌ ዪዳይታ ኢዛ ካሊዛይታ ፃላ ካሌꬂዲ ናያ ዲዛ ሶ ጌሊዴስ።  
\v 41 ናይ ኩሼካ ኦይኪዲ “ፃቢታ ኩም!” ጊዴስ። “ፃቢታ ኩም” ጉሳስ ቢርሼꬂ “ሃኔ ናዬ፥ ዴንዳ” ጉሳ። 
\p  
\v 42 ናያካ ሄራካ ዴንዳ ኤቃዱስ፤ ሄኔ ሃኔ ሃሙታዱስ። ኢዚስካ ላይꬃይ ታማኔ ናምዑ ላይꬃ፤ ኣሳይካ ሄ ሃኖዛን ዳሮ ማላሌቲዴስ።  
\v 43 ዬሱሲ ሃይሳ ኦኒካ ኤሮንታ ማላ ኬሂ ሚንꬂ ዮቲዴስ፤ “ናይስ ማና ቁማ ኢሚቴ” ጊዴስ። 
\c 6  
\s1 ናዚሬቴ ኣሳይ ዬሱሳ ኤኪቤቴና 
\r (ማቶ 13፡53-58፤ ሉቃ 4፡16-30) 
\p  
\v 1 ሄሳፌ ጉዬ ዬሱሲ ሄፔ ዴንዲዲ ጌዴ ባ ዴሬ ቢዴስ። ኢዛ ካሊዛይቲካ ኢዛራ ቢዳ።  
\v 2 ኣይሁዳታ ሳምባታይ ጋኪን ኣይሁዳታ ዎሳ ኬꬄ ጌሊዲ ታማርሲሺን ሲዪዳ ኣሳይ “ሃይሲ ኣዴዚ ሃይሳ ዉርሲ ኣዋፔ ኤኪዴ? ሃይሲ ኢዛስ ኢሜቲዳ ኤራቴꬃይ ኣዜ? ቃሴ ሃይቲ ኢዚ ኦꬂዛ ማላታቲ ዋኒ ኢዛ ኩሼን ሃኒዞ?” ጊሼ ማላሌቲዳ።  
\v 3 “ሃይሲ ኣናፄዛ ጊዴኔ? ማራሚ ና ያቆቤንታ ዮሳንታ፥ ዩሁዳንታኔ ሲሞናንታ ኢሻ ጊዴኔ? ኢዛ ሚቼቲ ኑናራ ሃን ኑ ማታን ዲዛይታ ዴቴኔ?” ጊዲ ሄሳፌ ዴንዲዳይሳኒ ኢዛን ኡፋዬቲቤቴና። 
\p  
\v 4 ዬሱሲካ ኢስታስ “ናቤይ ቦንቼቶንታይ ባ ዴሬን ባ ዳቦታ ጊዶኒኔ ባሶ ኣሳ ኣቻን ፃላ” ጊዴስ። \x * \xo 6:4 \xt ዮሃ 4፡44\x* 
\p  
\v 5 ሄን ጉꬃ ሃርጋንቻታ ቦላ ኩሼ ዎꬂ ፓꬆሪፔ ኣቲን ሃራ ኣይኮ ማላታካ ኦꬃናስ ዳንዳይቤና።  
\v 6 ኢስታስ ኣማኖይ ባይንዳይሳ ቤዪዲ ማላሌቲዴስ። ሄሳፌካ ዬሱሲ ጉታን ጉታን ዩዪ ዩዪ ታማርሲዴስ። 
\s1 ባና ካሊዛ ታማኔ ናምዓታ ዬሱሲ ኪቲዴስ 
\r (ማቶ 10፡5-15፤ ሉቃ 9፡1-6) 
\p  
\v 7 ታማኔ ናምዓታ ባኮ ፄይጊዲ ናምዑ ናምዑ ሂስቲ ኪቲሼ ቱና ኣያናታ ቦላ ኢስታስ ጎዳቴꬂ ኢሚዴስ።  
\v 8 ኢዚ “ኦጌስ ጊዲዛ ጉፌ ኣቲን ኦጌ ሺንቄ ዎይኮ ኮሮጆ ዎይኮ ሚሼ ኦይኮፍቴ። \x * \xo 6:8 \xt ሉቃ 10፡4-11\x* 
\v 9 ጫማ ኣꬂቴ ጊዶ ኣቲን ላማና ማይዖ ኦይኮፍቴ።  
\v 10 ኢሲ ኬꬄ ኢንቴ ጌሊኮ ሄ ካታማፔ ኢንቴ ኬዛና ጋካናስ ሄ ኬꬃን ዲቴ።  
\v 11 ኣዋንካ ኦኒካ ኢንቴና ሞኪ ኤኮንታ ኢፂኮ ሄፔ ኬዚሼ ሄ ዴሬታ ቦላ ማርካ ጊዳና ማላ ኢንቴ ቶሆ ቦላ ዲዛ ጉዱላ ቆቆፍቴ” ጊዲ ኣዛዚዴስ።\f + \fr 6:11 \ft ጊዒዜ ኦራꬃ ጫቆ ማፃፋዪኔ 1947 ማሮቴꬃ ላይꬃን ፃፌቲዳ ኣማራꬆ ጌሻ ማፃፋይ ሃይሳፌ ካሊዲ ዲዛ ቆፋ ጉጄቴስ፤ “ኢንቴስ ቱማ ጋይስ፤ ሄ ካታማይፔ ሶዶሜሲኔ ጋሞራስ ፒርዳ ጋላስ ሎዓና” ሃይሳ ሃ ቆፋይ ጊሪኬ ቃላን ቢርሼቲዳ ማፃፋታን ዴና። \f*\x * \xo 6:11 \xt ሃዋ 13፡51\x* 
\p  
\v 12 ኢስቲካ ሄፔ ኬዚዲ ዴሬይ ማሮቴꬃን ጌላና ማላ ሳባኪዳ።  
\v 13 ዳሮ ዳይዳንꬃታ ኬሲዳ፤ ዳሮ ሃርጋንቻታ ዛይቴ ቲዪ ቲዪዲ ፓꬂዳ። \x * \xo 6:13 \xt ያቆ 5፡14\x* 
\s1 ፃማቂዛ ዮሃኒሳ ሃይቆ 
\r (ማቶ 14፡1-12፤ ሉቃ 9፡7-9) 
\p  
\v 14 ዬሱሳ ሱንꬂ ካሴፔ ኤሬቲ ኤሬቲ ቢሺን ካዎ ሄርዶሲ ሄሳ ሲዪዴስ። ኢሲ ኢሲ ኣሳቲ “ሃይሳ ማላ ማላታታ ኦꬂዛ ፃማቂዛ ዮሃኒሲ ሃይቆፔ ዴንዲኒኮ” ጊዳ። 
\p  
\v 15 ባጋይቲ “ኤላሳ” ጌቴስ፤ ባጋ ኣሳይ ቃሴ “ካሴ ናቤታፔ ኢሳ ሚሳቴስ” ጌቴስ። 
\p  
\v 16 ሄርዶሲ ዮዖዛ ሲይዲ “ታ ኢዛ ቆꬌ ቃንፂሲዳ ዮሃኒሲ ሃይቆፔ ፓፂ ዴንዲዴስ” ጊዴስ።  
\v 17 ሄርዶሲ ባ ኢሻ ፒሊጶሳ ማቾ ሄሮዲያዶ ኤኪዳ ጌዶን ኦይኬቲዲ ቃሼታና ማላ ኣዛዚዲ ዮሃኒሳ ቃሾ ኬꬄ ጌልꬂዴስ።  
\v 18 ዮሃኒሲ ሄርዶሳ “ኔ ኢሻ ማቾ ኔ ኤኮንታ ማላ ዎጋይ ኔና ዲጌስ” ጊዳ ጊሽ ቃቺዴስ። \x * \xo 6:18 \xt ሉቃ 3፡19-20\x* 
\p  
\v 19 ሄሮዲያዳ ሄሳ ጊሽ ሆሎታዳ ኢዛ ዎꬊሳናስ ኮያዱስ ሺን ዳንዳያቤኩ።  
\v 20 ጋሶይካ ዮሃኒሲ ፂሎኔ ጌሻ ኣስ ጊዲዳይሳ ሄርዶሲ ኤሪዛ ጊሽ ዮሃኒሳስ ባቤሲኔ ኢዛ ናጌስ። ዮሃኒሲ ዮቲዛይሳ ሄርዶሲ ሲይዲ ሂርጊዛ ጊዲኮካ ኢዚ ዮቲዛይሳ ዎዝናፔ ሲዬስ። 
\p  
\v 21 ሄርዶሳ ዬሌታ ጋላስ ቦንቻናስ ꬎቃ ሹሜታስ፤ ኦላ ዎታዳራታ ኣዛዚዛ ዋናታሲኔ ጋሊላ ቢታን ኬሂ ኤሬቲዛ ጊታ ኣሳታስ ጊቢራ ኬሲዴስ፤ ሄሲካ ሄሮዲያዲስ ጊጋ ጋላስ ጊዲዴስ።  
\v 22 ሄሮዲያዲ ማጫ ናያ ጌላዳ ኣሳ ሲንꬃን ዬꬅ ዬፂን ሄርዶሳኔ ኢዚ ፄይጊዳ ኣሳ ኢዚ ዬꬃይ ኡፋይሲዴስ። ካዎይካ ናዮ “ኔ ኮዪዛ ሚሽ ዉርሳ ታና ኦይቻ ታ ኔስ ኢማና” ጊዴስ።  
\v 23 ቃሴካ ታ ካዎቴꬃ ባጋ ጊዲዳኮካ ኔ ኦይቺኮ ዉርሳ ታ ኔስ ኢማና ጊዲ ኢዚስ ጫቂዴስ። 
\p  
\v 24 ናያካ ኤሌላ ኬዛዳ ባ ኣዬዮ “ካዎ ኣይ ኦይቾ?” ጋዱስ። ኣዪያካ “ፃማቂዛ ዮሃኒሳ ሁዔ ቃንፃዳ ኢማ ጋ” ጋዱስ። 
\p  
\v 25 ናያካ ኤሌላ ኬዛዳ ካዎዛኮ ጌላዳ “ፃማቂዛ ዮሃኒሳ ሁዔ ኬሬን ዎꬃዳ ኔ ታስ ኢማና ማላ ኮያይስ” ጋ ኦይቻዱስ። 
\p  
\v 26 ካዎይ ሄ ዮዖዛን ዳሮ ሞꬌቲዴስ፤ ጊዶ ኣቲን ፄይጌቲዳ ኢማꬃ ጊሺኔ ጫቂዳ ቃላ ጊሽ ኢዚስ ኣካይ ጋናስ ኮይቤና።  
\v 27 ሄሳ ጊሽ ዎታዳራታፔ ኢሳ ኤሶን ኪቲዲ ዮሃኒሳ ቆꬌ ቃንፂዲ ኢዛ ሁዔ ኤኪ ያና ማላ ኣዛዚዴስ፤ ኢዚካ ቢዲ ቃሾ ኬꬃ ጊዶን ዮሃኒሳ ቆꬌ ቃንፂዴስ።  
\v 28 ሁዔዛ ኬሬራ ኤሂዲ ናይስ ኢሚዴስ፤ ናያካ ባ ኣዬይሲ ኢማዱስ።  
\v 29 ዮሃኒሳ ካሊዛይቲካ ሄሳ ሲዪዳ ማላ ዪዲ ዮሃኒሳ ኣሃ ኤኪ ኤፊዲ ሞጊዳ። 
\s1 ዬሱሲ ኢቻሹ ሺ ዴሬ ሚዚዴስ 
\r (ማቶ 14፡13-21፤ ሉቃ 9፡10-17፤ ዮሃ 6፡1-14) 
\p  
\v 30 ሄሳፌ ጉዬ ሃዋሬቲ ሲሚዲ ዬሱሳ ኣቻን ዩዪ ኣꬊ ባ ኦꬂዳይሳኔ ባ ታማርሲዳይሳ ዉርሲ ኢዛስ ዮቲዳ።  
\v 31 ዳሮ ኣሳይ ዪሼኔ ቢሼ ጊዛ ጊሽ ቁማ ሚዛ ዎዴይካ ቤቲቤና፤ “ኣኔ ኢንቴ ፃላ ታናራ ኣሲ ባይንዳሶ ቢዲ ኣኔ ጉꬅ ሼምፒ ኤኪቴ” ጊዴስ።  
\v 32 ሄሳ ጊሽ ኢስቲ ባርካ ዎጎሎን ጌሊዲ ኢሲ ኣሲ ባይንዳሶ ቢዳ። 
\p  
\v 33 ኢስቲ ቢሺን ዳሮቲ ቤዪዲ ቶሆራ ዎꬃን ኢስታፌ ሲንꬄ ኣꬊዳ።  
\v 34 ዬሱሲ ዎጎሎዛፔ ዎꬊዛ ዎዴ ዳሮ ዴሬይ ሺቂ ኡቲዳይሳ ቤዪዴስ። ሄሚዛዴይ ባይንዳ ሜሄ ማላ ጊዲዳ ጊሽ ኣሳስ ቃꬌቲዴስ። ዳሮ ዮዖካ ታማርሶ ኦይኪዴስ። \x * \xo 6:34 \xt ታይ 27፡17፤ 1ካዎ 22፡17፤ 2ታር 18፡16፤ ሂዚ 34፡5፤ ማቶ 9፡36\x* 
\p  
\v 35 ሄ ዎዴ ጋዴይ ቃሚ ቃሚ ቢዛ ጊሽ ኢዛ ካሊዛይቲ ኢዛኮ ሺቂዲ “ሃይሲ ኑ ዲዛሶይ ባዞኮ፥ ጋዴይካ ቃሚዴስ።  
\v 36 ሃይሳ ሄራን ኣሲ ዲዛሶ ቢዲ ኣሳይ ባስ ሚዛ ካꬅ ሻሚ ማና ማላ ኣሳ ዬዳ” ጊዳ። 
\p  
\v 37 ኢዚ ኢስታስ ዛሪዲ “ኣሳስ ሚዛ ሚሽ ኢንቴ ኢሚቴ” ጊዴስ። ኢስቲካ ማላሌቲዲ “ኑኒ ቢዲ ናምዑ ፄቱ ዲናሬራ ካꬅ ሻሚዲ ሃይሳ ኣሳስ ኢሚዛኮ ጊዳንዴ?” ጊዳ። \f + \fr 6:37 \ft ሄ ዎዴ 200 ዲናሬ ዴማናስ ኢሲ ኣሲ 200 ጋላስ ኦꬃናስ ኮሼስ። \f* 
\p  
\v 38 ኢዚካ ኢስታስ “ኢንቴስ ኣይ ላጌ ኡኬꬂ ዲዛኮኔ ኣኔ ቢዲ ፄሊቴ” ጊን ኢስቲ ቢ ፄሊዲ “ኢቻሹ ኡኬꬂኔ ናምዑ ሞሌይ ዴስ” ጊዳ። 
\p  
\v 39 ሄሳፌ ካሊዲ ኣሳ ጪሊላ ማታ ቦላ ኦይዳን ኦይዳን ኡቲሳና ማላ ኣዛዚዴስ።  
\v 40 ኣሳይካ ፄቱ ፄቱኔ ኢቻሹ ታሙ ኢቻሹ ታሙ ጊዲዲ ኦይዳን ኡቲዴስ።  
\v 41 ኢዚካ ኢቻሹ ኡኬꬃኔ ናምዑ ሞሌታ ባ ኩሼን ኦይኪዲ ፑዴ ሳሎ ፄሊዲ ኣንጂዲኔ ኡኬꬃ ሜንꬂ ሜንꬂ ኣሳስ ጊሻና ማላ ባና ካሊዛይታስ ኢሚዴስ፤ ናምዑ ሞሌታካ ኡባ ኣሳስ ሻኬሬꬂዴስ።  
\v 42 ኣሳይ ዉሪካ ሚዲ ካሊዴስ።  
\v 43 ዬሱሳ ካሊዛይቲ ኣሳይ ካሊ ሚን ኣቲዳይሳ ታማኔ ናምዑ ፒꬃ ኩሜꬅ ሺሺዳ።  
\v 44 ካꬅ ሚዳ ኣሳፔ ኣቱማሳይ ፃላ ኢቻሹ ሺ። 
\s1 ዬሱሲ ኣባ ቦላራ ሃሙቲዴስ 
\r (ማቶ 14፡22-33፤ ዮሃ 6፡15-21) 
\p  
\v 45 ሄራካ ኢዚ ኣሳ ሞይዚሼ ኢዛ ካሊዛይቲ ሲንꬃቲዲ ጌዴ ፒንꬅ ቤቴሳይዳ ጌቴቲዝሶ ፒናና ማላ ኣዛዚዴስ።  
\v 46 ሄፔካ ኢስታ ኣጋጊዲ ዎሳናስ ፑዴ ዙማ ቦላ ኬዚዴስ። 
\p  
\v 47 ጋዴይ ቃሚን ዎጎሎይ ኣባ ጊዶን ዲሺን ኢዚ ባርካ ቢታ ቦላ ዴስ።  
\v 48 ኣባ ቦላ ጫርኮይ ኬሂ ሜቲዳ ጊሽ ኢዛ ካሊዛይቲ ኣባ ሺሪ ሺሪ ዎጎሎ ላጊዛ ሚሻራ ባፄቲሺን ዬሱሲ ቤዪዴስ። ዎንታ ቦላ ኢስታኮ ዪዴስ፤ ዪዲኔ ኢስታ ኣቻራ ኣꬊ ባናꬆ ሃኒዴስ።  
\v 49 ጊዶ ኣቲን ኣꬊ ባና ሃኒሺን ኢዛ ቤዪዳ ማላ ሞይቲሌ ቤዪዳ ሚሳቲን ዉሪካ ዋሲዳ።  
\v 50 ዉሪካ ኢዛ ቤዪዲ ዳጋሚዳ፤ ኢዚካ ሄራካ ኢስታ ዮቺዲኔ “ኣይኮይ ባ፤ ታናኮ ዳጋሞፍቴ!” ጊዴስ።  
\v 51 ኢዚካ ዎጎሎን ኢስታኮ ጌሊን ጫርኮይ ጮዑ ጊዴስ፥ ኢስቲካ ዳሮ ማላሌቲዳ።  
\v 52 ካሴ ኢዚ ኡኬꬃን ኦꬂዳ ማላታ ቢርሼꬅ ኢስቲ ኤሮንታ ጊሽ ኢስታ ዎዝናይ ዶጪዴስ። 
\p  
\v 53 ኣባ ፒኒዲ ጌንሴሬፄ ጌቴቲዛሶ ጋኪዳ፤ ዎጎላፔ ዎꬊዲ ዎጎሎዛ ሄን ቃቺዲ ኣጊ ቢዳ።  
\v 54 ኢስቲ ዎጎሎፔ ዎꬊዳ ማላ ኣሳይ ዬሱሳ ኤሪዴስ።  
\v 55 ዉሪካ ባ ዲዛሶ ዲዛሶ ዎፄሬቲዲ ሃርጋንቻታ ሃላን ቶኪ ቶኪ ኤኪዲ ዬሱሲ ዲዛሶ ኤሂዳ።  
\v 56 ኢዚ ጋኪዳ ጉታን ዎይኮ ካታማ ጊዶን ዎይኮ ዴሬ ጊዶን ጊዲን ሃርጋንቻቲ ኢዚ ኣꬊሺን ኢዛ ዎሲዲኔ ኢዛ ማይዖ ቦቺዲ ፓፃና ማላ ሺሺ ሺሺ ዱቡሻይ ዲዛሶን ዎꬂዳ። ኢዚ ኣꬊ ቢሺን ኢዛ ማይዖ ቦቺዳይቲ ዉሪ ፓፂዳ። 
\c 7  
\s1 ካሴ ኣይሁዳ ኣዋታ ዎጋ 
\r (ማቶ 15፡1-9) 
\p  
\v 1 ሄሳፌ ጉዬ ፋርሳዌቲኔ ዬሩሳላሜፔ ዪዳ ኢሲ ኢሲ ፃፌቲ ዬሱሳ ላንቄን ዩዪ ኣꬊዳ።  
\v 2 ዬሱሳ ካሊዛይታፔ ባጋይቲ ሜጬቶንታ ቂታ ኩሼራ ካꬅ ሚሺን ቤዪዳ። 
\p  
\v 3 ፋርሳዌቲኔ ካሴ ጪማ ኣይሁዳ ኣሳቲ ካሴ ዴሬ ዎጋ ናጋናስ ኩሼ ሎዔꬂ ሜጬቶንታ ካꬅ ሚ ኤሬቴና።  
\v 4 ጊያ ቢ ሲሚኮካ ቦላ ሜጬቲ ጌዮንታ ዲሼ ካꬅ ሚ ኤሬቴና። ሄሳꬆካ ዋንጫካ፥ ኦቶካ፥ ኬሬካ፥ ኢቺዛ ሂꬄካ ሜቻ ማላታ ሃራ ዎጋታካ ናጌቴስ። 
\p  
\v 5 ፋርሳዌቲኔ ፃፌቲ ዬሱሳ “ኔና ካሊዛይቲ ካሴ ኣዋታ ዎጋ ማላ ዱስ ኣጊዲ ኣዛስ ኩሼ ሜጬቶንታ ካꬅ ሚዞ?” ጊዲ ኦይቺዳ። 
\p  
\v 6 ኢዚካ ኢስታስ “ኢሳያሲ ቆꬌፔ ቆሞን ሃኒዛ ኢንቴ ጊሽ 
\q1 ‘ሃይሲ ዴሬይ ባ ሜቴርሻን ፃላላ ታና ቦንቼስ፤ 
\q2 ዎዝናይ ጊዲኮ ታፔ ሃኪዴስ። 
\q1  
\v 7 ታስ ሜላ ሃዳ ጎይኔቴስ፤ 
\q2 ኢስታ ቲሚርቴይካ ኣሲ ዎꬂዳ ዎጋ ፃላ’ 
\q1 ጊዲ ዮቲዳይስ ቱማ” ጊዴስ። 
\p  
\v 8 ፆሳ ዎጋ ኣጊዲ ኣሲ ዎꬂዳ ዎጋ ናጌቴስ።  
\v 9 ቃሴካ “ኢንቴ ዎጋስ ጊዲ ፆሳ ዎጋ ኢንቴ ኣጋጊዛ ጪንጫቴꬃ ኦጌይ ኢንቴስ ዴስ።  
\v 10 ኣይስ ጊኮ ሙሴይ ‘ኔ ኣዮኔ ኔ ኣዋ ቦንቻ፤ ባ ኣዮኔ ባ ኣዋ ጫዪዛዴይ ሙሌካ ሃይቆ’ ጊዴስ። \x * \xo 7:10 \xt ኬሳ 20፡12፤ 21፡17፤ ዛሬ 5፡16፤ ሌዌ 20፡9\x* 
\v 11 ጊዶ ኣቲን ኢንቴ ቃሴ ‘ኢሲ ኣሲ ባ ኣዋ ዎይኮ ባ ኣዮ ኢንቴ ታፔ ዴማናስ ኮሺዛ ማዶ ታ ፆሳስ ኢማዲስ’ ጊኮ፤  
\v 12 ኢንቴ ቃሴ ሃይሳዴይ ባ ኣዋስካ ባ ኣዬይሲ ሃራ ኣይኮካ ኦꬃና ማላ ኮዬኬታ።  
\v 13 ሄሳ ጊሽ ኢንቴ ዎጋ ናጋና ጊዲ ፆሳ ቃላ ላሜታ። ሄይታንታ ሚሳቲዛ ዳሮታ ኦꬄታ።” ጊዴስ። 
\p  
\v 14 ቃሴካ ዬሱሲ ኣሳ ባኮ ፄይጊዲ “ዉሪካ ታ ጊዛ ሲዪቴኔ ዎዝናን ዎꬂቴ።  
\v 15 ካሬፔ ኡሎ ጊዶ ጌሊዲ ኣስ ቱኒሲዛ ኢሲ ሚሺካ ዴና። ሃራፔካ ኣሴ ቱኒሲዛይ ኬꬃ ኣዋፔ ጌዴ ካሬ ኬዚዛ ሚሻ።  
\v 16 ሲዪዛ ሃይꬂ ዲዛይ ሲዮ!” ጊዴስ።\f + \fr 7:16 \ft ኢሲ ኢሲ ጌሻ ማፃፋቲ ፓይዶ 16 ቦላ ዲዛ ቆፋ ጉጄቴስ።\f* 
\p  
\v 17 ኢዚ ኣሳ ካሬን ኣጊዲ ኬꬄ ጌሊን ኢዛ ካሊዛይቲ ኢዚ ዮቲዳ ሌሚሶዛ ቢርሼꬅ ዬሱሳ ኦይቺዳ።  
\v 18 ኢዚካ ኢስታ “ኢንቴስካ ዮዖይ ጌሌኔ? ካሬፔ ጌሊዲ ኣሴ ቱኒሲዛ ሚሺ ኣዚካ ዴና።  
\v 19 ካሬፔ ጌሊዛይ ጌዴ ዎዝናን ጊዶንታ፤ ዱጌ ቃንꬃ ጊዶ ጌሌስ ቃሴ ሄፔ ኢዛዴ ኣሳቴꬃፌ ጌዴ ካሬ ኬዜስ።” ዬሱሲ ሄሳ ጊዳይ ኣሲ ሚዛ ካꬂ ዉሪካ ጌሽ ጊዲዳይሳ ቆንጪሳናሳ። 
\p  
\v 20 ካሌꬂዲካ “ኣሳፔ ኬዚዛዚ ኣሴ ቱኒሴስ።  
\v 21 ኣሳ ዎዝና ጊዶፌ ኬዚዛይ ኢታ ቆፋታ፥ ላይማ ኣሞኔ ካይሶቴꬅ፥ ኣሴ ዎꬎ፥ ላይማቴꬅ፥  
\v 22 ዪቄቴꬅ፥ ኢታቴꬅ፥ ባሌꬆ፥ ላይማ ካስ፥ ቃናቴቴꬅ፥ ኣሳ ሱንꬅ ሞሮ፥ ኦቶሬቴꬂኔ ኣዛላ።  
\v 23 ሃይቲ ኢታ ሃኖቲ ዉሪ ኣሳፔ ኬዜቴሲኔ ኣሴ ቱኒሴቴስ” ጊዴስ። 
\s1 ኢሲ ማጫሳይ ኣማኖ 
\r (ማቶ 15፡21-28) 
\p  
\v 24 ዬሱሲ ሄፔ ኬዚዲ ፂሮሴ ጌቴቲዛ ዴሬ ቢዴስ። ሄን ኢሳዴ ኬꬄ ጌሊዲ ኢዚ ሄን ዲዛይሳ ኣሲ ኤሮንታ ማላ ኮዪዴስ። ጊዶ ኣቲን ኢዚ ሄን ኢዛ ዱሳይ ቆቴታናስ ዳንዳዬቲቤና። 
\p  
\v 25 ሄራካ ኢሲ ቱና ኣያናይ ኦይኪዳ ጉꬃ ና ዲዛሪ ኣያ ዬሱሲ ሄን ዲዛይሳ ሲያዳ ኢዛኮ ያዳ ኢዛ ቶሆ ቦላ ኩንዳዱስ።  
\v 26 ማጫሳያ ኣይሁዳ ጊዶንታ ጊሪኬ ቃላ ሃሳዪዛ ማጫሳሺን ኢዛ ዬሌቲዳሶይ ሲሮፊንቄ ጌቴቴስ። ኢዛካ ዬሱሲ ናይፔ ቱና ኣያና ኬሳና ማላ ዎሳዱስ።  
\v 27 ዬሱሲ ዛሪዲ ኢዚስ “ናይታ ቁማ ኤኪ ካናስ ዬጋናስ ቤሶንታ ጊሽ ኮይሮ ናይቲ ሚ ካሌቶ” ጊዴስ። 
\p  
\v 28 ኢዛካ ዛራዳ “ኤ ጎዶ! ካናቲካ ማዳ ማታን ዴዒዲ ናይታ ኩሼፔ ጋዴን ዎꬊዳይሳ ሜቴሲኮ” ጋዱስ። 
\p  
\v 29 ኢዚካ “ሂስቲኮ ኔኒ ሄሳ ጊዳ ጊሽ ባ! ዳይዳንꬃይ ኔ ናይፔ ኬዚዴስ” ጊዴስ።  
\v 30 ኢዛ ሲማዳ ሶ ቢሺን ናያ ዳይዳንꬃይ ዬዲን ፓፃዳ ሂፃን ኢቺዳሮ ዴማዱስ። 
\s1 ዬሱሲ ኢሲ ዱና ዱዴኔ ሃይꬃ ቱሌ ኣስ ፓꬂዴስ 
\p  
\v 31 ሄሳፌ ዬሱሲ ፂሮሴ ቢታፌ ዴንዲዲ ሲዶና ጊዛሶራ ኣꬊ ታሙ ካታማ ጊዛሶራ ካንꬂዲ ጌዴ ጋሊላ ኣባኮ ጋኪዴስ።  
\v 32 ኣሳይ ኢሲ ሃይꬃ ቱሌኔ ኣይፌ ቆቄ ኣሲ ኢዛኮ ሄ ኤኪ ዪዲ ዬሱሲ ኢዛ ቦላ ባ ኩሼ ዎꬃና ማላ ዎሲዳ። 
\p  
\v 33 ዬሱሲካ ኢዛ ኣሳፔ ሻኪ ኤኪ ቢዲ ባ ኩሼ ቢራꬌታ ኣዴዛ ሃይꬃን ጌልꬂዴስ፤ ቃሴካ ጩች ጩቲዲ ኣዴዛ ኢንፃርሳ ቦቺዴስ።  
\v 34 ፑዴ ሳሎ ፄሊዲኔ ቶኪ ሼምፒዲ “ኤፊታ” ጊዴስ። ሄሲካ “ፖጌታ” ጉሳ።  
\v 35 ሄራካ ኣዴዛ ሃይꬃቲ ፖጌቲዳ፤ ኢንፃርሳይካ ቢርሼቲን ጌሺ ሃሳዪዴስ። 
\p  
\v 36 ዬሱሲ ሃይሳ ቤዪዳይቲ ኦናስካ ዮቶንታ ማላ ኣዛዚዴስ፤ ጊዶ ኣቲን ኣሳይ ኢዚ ኣዛዚዛዳይሳፌ ቦላራ ኬሂ ጉጂዲ ዮቲዳ።  
\v 37 ዴሬዚካ ዎጋፔ ኣꬂ ማላሌቲዲ “ኢዚ ኦꬂዳይሲ ዉሪ ሎዖ፤ ቱሌቲ ሲያና ማላ፥ ዱና ዱዴቲ ሃሳያና ማላ ኦꬂዴስ” ጊዳ። 
\c 8  
\s1 ዬሱሲ ኦይዱ ሺ ኣስ ሚዚዴስ 
\r (ማቶ 15፡32-39) 
\p  
\v 1 ሄ ዎዴ ቃሴ ዳሮ ኣሲ ሺቂዴስ። ሺቂዳ ኣሳስ ሚዛ ካꬂ ባይንዳ ጊሽ ዬሱሲ ባና ካሊዛይታ ፄይጊዲ፥  
\v 2 “ሃይቲ ኣሳቲ ታናራ ሄꬑ ጋላስ ጋካናስ ጋምዒዳ ጊሺኔ ቃሴካ ኢስታስ ሚዛ ካꬂ ባይንዳ ጊሽ ታና ሚቼቴስ።  
\v 3 ኢስታፌ ኢሲ ኢሲ ኣሳቲ ሃሆፔ ዪዳ ጊሽ ሃይሳ ጋፋራ ታ ኢስታ ሶ ዬዲኮ ዳቡሪዲ ኦጌ ቦላ ኩንዳና” ጊዴስ። 
\p  
\v 4 ኢዛ ካሊዛይቲካ ዛሪዲ “ሃይሳ ባዞን ሃይሳ ማላ ዴሬ ሚዛና ቁማ ኣዋፔ ዴማኔ?” ጊዳ። 
\p  
\v 5 ኢዚካ ኢስታ “ኢንቴኮን ኣፑን ኡኬꬂ ዲዜ?” ጊ ኦይቺዴስ። ኢስቲካ “ላፑን ኡኬꬂ ዴስ” ጊዳ። 
\p  
\v 6 ኢዚካ ኣሳይ ጋዴን ኡታና ማላ ኣዛዚዴስ፤ ላፑን ኡኬꬃ ባ ኩሼን ኦይኪ ጋላቲዲኔ ሜንꬂዲ ኣሳስ ጊሼቻና ማላ ባና ካሊዛይታስ ኢሚን ኢስቲካ ዴሬዛስ ጊሺዳ።  
\v 7 ቃሴካ ሄን ዲዛ ቄሪ ጉꬃ ሞሌታ ጊሽ ፆሳ ጋላቲዲ ጉꬃ ሞሌታ ኣሳስ ጊሼቻና ማላ ባና ካሊዛይታ ኣዛዚዴስ።  
\v 8 ዴሬይካ ሚዲ ካሊዴስ። ሄሳፌካ ኢዛ ካሊዛይቲ ማዳፌ ፓላሂዳ ካꬅ ላፑን ፒꬃ ኩሜꬅ ዴንꬂዳ።  
\v 9-10 ሄሳ ሚዳ ኣሳይ ኦይዱ ሺ ጊዳና። ሄ ኣሳ ሞይዚዲ ባና ካሊዛይታራ ዎጎሎን ጌሊዲ ጌዴ ዳልማኑታ ጌቴቲዛሶ ቢዴስ። 
\p  
\v 11 ፋርሳዌቲ ዪዲ ዬሱሳራ ፓላሜቴꬅ ኦይኪዳ። ኢዛ ፓጫናስ ኮዪዲ ባና ሳሎፔ ማላታ ቤሳና ማላ ኦይቺዳ። \x * \xo 8:11 \xt ማቶ 12፡38፤ ሉቃ 11፡16\x* 
\v 12 ኢዚካ ቶኪ ሼምፒዲ “ሃይሲ ዬሌታዚ ኣዛስ ማላታ ኮዪዜ? ታ ኢንቴስ ቱማ ጋይስ፤ ሃይሳ ዬሌታስ ኢሲ ማላታይካ ኢሜቴና” ጊዴስ። \x * \xo 8:12 \xt ማቶ 12፡39፤ ሉቃ 11፡29\x* 
\v 13 ኢስታ ሄን ኣጊዲኔ ዎጎሎን ጌሊዲ ሄ ፒንꬅ ፒኒዴስ። 
\s1 ፋርሳዌታ ኢርሾኔ ሄርዶሳ ኢርሾ 
\r (ማቶ 16፡5-12) 
\p  
\v 14 ኢዛ ካሊዛይቲ ካꬅ ኦይኮንታ ባሌቲዳ ጊሽ ኢሲ ኡኬꬅ ኣቲን ዎጎሎ ጊዶን ሃራ ኣይ ካꬂካ ዴና።  
\v 15 ዬሱሲ ኢስታ “ፋርሳዌታ ኢርሾፌኔ ሄርዶሳ ኢርሾፌ ናጌቲቴ” ጊዲ ኣዛዚዴስ። \x * \xo 8:15 \xt ሉቃ 12፡1\x* 
\p  
\v 16 ኢስቲ ቃሴ ባ ጊዶን ኢሶይ ኢሳራ “ኢዚ ኑና ሃይሳ ጊዛይ ኑስ ካꬅ ባይንዳ ጊሻሳ” ጊ ዮቴቲዳ። 
\p  
\v 17 ቃሴ ዬሱሲ ኢስታ ቆፋ ኤሪዲ “ኑስ ካꬂ ባይንዳ ጊሽ ጋሳ ጊዲ ኢንቴ ጊዶን ኣዛስ ሃሳዬቴቲ? ሃዒካ ዩሺ ቆፔኬቲ? ዎዝናንካ ዎꬄኬቲ? ዎይኮ ኢንቴ ዎዝናይ ሹቻቲዴ?  
\v 18 ኢንቴስ ኣይፌይ ዴስ ሺን ፄሌኬቲ? ሃይꬂ ዴስ ሺን ሲዬኬቲ? ኣኬኬኬቲ? \x * \xo 8:18 \xt ኤር 5፡21፤ ሂዚ 12፡2፤ ማር 4፡12\x* 
\v 19 ኢቻሹ ኡኬꬃ ኢቻሹ ሺ ኣሳስ ታ ሜንꬃ ኢሚን ኣፑን ፒꬃ ኩሜꬃ ካꬅ ዴንꬂዴቲ?” ጊዴስ። 
\p ኢስቲካ ዛሪዲ “ታማኔ ናምዑ” ጊዳ።  
\v 20 ኢዚካ “ላፑን ኡኬꬃ ኦይዱ ሺ ኣሳስ ታ ሜንꬃ ኢሚን ኣፑን ፒꬃ ኩሜꬃ ካꬅ ዴንꬂዴቲ?” ጊ ኦይቺን ኢስቲካ “ላፑን” ጊዳ። 
\p  
\v 21 ኢዚካ ኢስታ “ሂስቲን ሃዒ ጋካናስ ዩሺ ቆፒቤኬታካ!” ጊዴስ። 
\s1 ዬሱሲ ቤቴሳይዳን ኢሲ ቆቄ ኣሲ ፓꬂዴስ 
\p  
\v 22 ሄሳፌ ጌዴ ቤቴሳይዳ ጌቴቲዛሶ ቢዳ። ጉꬃ ኣሳቲካ ኢሲ ኣይፌ ቆቄ ኣሲ ዬሱሳኮ ኤሂዲ ዬሱሲ ኢዛ ቦቻና ማላ ዎሲዳ።  
\v 23 ኢዚካ ሄ ቆቄዛ ኩሼ ኦይኪ ጎቺዲ ኣሲ ዲዛሶፔ ጌዴ ካሬ ኬሲ ኣዴዛ ኣይፌን ጩቲዲኔ ባ ኩሼ ኢዛ ቦላ ዎꬂዲ “ሃዒ ኔስ ኣዚ ቤቲዜ?” ጊ ኦይቺዴስ። 
\p  
\v 24 ኢዚካ ꬎቁ ጊ ፄሊዲ “ኣሳይ ሚꬅ ሚሳቲዲ ቃፄቲሼ ቤቴስ” ጊዴስ። 
\p  
\v 25 ቃሴካ ዬሱሲ ባ ኩሼታ ኢዛ ኣይፌታ ቦላ ዎꬂዴስ፤ ሄራካ ኢዛ ኣይፌቲ ፄሊዳ፤ ፖዖይካ ኢዛስ ሲሚን ዉርሲካ ጌሺ ፄሊዴስ።  
\v 26 ቃሴ “ሃ ጉታታ ጊዶ ጌሎፓኔ ኦናስካ ዮቶፓ” ጊዲ ኢዛ ጌዴ ኢዛሶ ዬዲዴስ።\f + \fr 8:26 \ft ጊዒዜ ጫቆ ኦራꬃ ማፃፋዚ 1947 ማሮቴꬃ ላይꬃን ፃፌቲዳ ኣማራꬆ ጌሻ ማፃፋዚኔ ኢሲ ኢሲ ቤኒ ጊሪኬ ቃላን ፃፌቲዳ ጌሻ ማፃፋቲ ሃይሳፌ ካሊዛ ቆፋይ ጉጄቲዴስ። ሂስቲኮ ሃይሳ ኦናስካ ዮቶፓ።\f* 
\s1 ዬሱሲ ፆሳፔ ኪቴቲዳዴ ጊዲዳይሳ ጴፅሮሲ ማርካቲዴስ 
\r (ማቶ 16፡13-20፤ ሉቃ 9፡18-21) 
\p  
\v 27 ዬሱሲ ባና ካሊዛይታራ ቂሳሪያ ፒሊጲሲዮሴ ጌቴቲዛ ዴሬ ኣቻን ዲዛ ጉታታ ቢዴስ፤ ኢስቲ ኦጌ ቦላ ዲሺን ባና ካሊዛይታ “ታና ኣሳይ ኦና ጊዜ?” ጊዲ ኦይቺዴስ። 
\p  
\v 28 ኢስቲካ ዛሪዲ ኔና “ፃማቂዛ ዮሃኒሳ ጊዛይቲካ ዴቴስ፥ ባጋቲ ቃሴ ኤላሳ ጌቴስ፥ ሃራቲ ቃስ ናቤታፔ ኢሳዴ ጌቴስ” ጊዲ ዮቲዳ። \x * \xo 8:28 \xt ማር 6፡14-15፤ ሉቃ 9፡7-8\x* 
\p  
\v 29 ካሌꬂዲካ ኢንቴች ታና ኦና ጌቲ? ጊዲ ኦይቺዴስ። ጴፅሮሲ “ኔኒ ኪርስቶሳ” ጊዴስ። 
\p  
\v 30 ዬሱሲካ ባ ጊሽ ኦናስካ ኢስቲ ዮቶንታ ማላ ሚንꬂ ዮቲዴስ። 
\s1 ዬሱሲ ባ ሃይቃናይሳ ካሴቲዲ ዮቲዴስ 
\r (ማቶ 16፡21-28፤ ሉቃ 9፡22-27) 
\p  
\v 31 ሄሳፌ ዬሱሲ ባና ካሊዛይታ፥ “ኣሳ ናይ ዳሮ ዋዬ ቤያናይሳኔ ዴሬ ጪማታን፥ ቄሴታ ሃላቃኒኔ ፃፌታን ካꬌታናይሳ ኣሳ ኩሼን ሃይቃናይሳ፥ ሃይቆፔ ሄꬓንꬆ ጋላስ ዴንዳናስ ቤሴስ” ጊዲ ታማርሶ ኦይኪዴስ።  
\v 32 ኢዚካ ሄሳ ኢስታስ ቆንጪሲ ዮቲዴስ፥ ጴፅሮሲካ ኢዛ ዱማ ሻኪ ኤፊዲ “ሄሳꬆ ጎፓ!” ጊዲ ሃንቂዴስ። 
\p  
\v 33 ዬሱሲ ቃሴ ባና ካሊዛይታ ዩሺ ፄሊሼ ጴፅሮሳ “ሃይሶ ፃላዔ ኔ ታፔ ጌዴ ጉዬ ባ! ኔኒ ኣሳዛፔ ኣቲን ፆሳዝ ቆፓካ!” ጊዲ ሃንቂዴስ። 
\p  
\v 34 ሄሳፌ ጉዬ ኣሳ ባና ካሊዛይታራ ኢሲፌ ባኮ ፄይጊዲ “ታና ካላናስ ዶሲዛዴይ ዲኮ ባና ካዶ፤ ባ ማስቃሌ ቶኪዲ ታና ካሎ። \x * \xo 8:34 \xt ማቶ 10፡38፤ ሉቃ 14፡27\x* 
\v 35 ባ ሼምፖ ኣሻና ዶሲዛዴይ ꬋይሳና ሺን ታ ጊሺኔ ታ ሚሺራቾ ቃላ ጊሽ ባ ሼምፖ ꬋይሲዛዴይ ዉሪካ ኣሻና። \x * \xo 8:35 \xt ማቶ 10፡39፤ ሉቃ 17፡33፤ ዮሃ 12፡25\x* 
\v 36 ኣሲ ኣላሜ ኩሜꬅ ሃሪኮኔ ባ ሼምፖፌ ꬋይሲኮ ኢዛ ኣይ ጎዓኔ?  
\v 37 ዎይኮ ኣሲ ባ ሼምፖ ጊሽ ላሜ ኤካናይ ኣዚ ዲዜ? 
\p  
\v 38 “ሃይሳ ላይማኔ ናጋራንቻ ዬሌታ ጊዶን ዲሼ ታናኒኔ ታ ቃላን ዬላቲዛ ኣሲ ዉሪ ታ ኣሳ ናይ ታ ኣዋ ቦንቾራኔ ጌሻ ኪታንቻታራ ዪዛ ዎዴ ኢዛን ዬላታና” ጊዴስ። 
\b  
\c 9  
\p  
\v 1 ካሌꬂዲካ ዬሱሲ “ታ ኢንቴስ ቱማ ጋይስ፤ ሃይሳን ኤቂዳ ኣሳፔ ፆሳ ካዎቴꬂ ዎልቃራ ዪሺን ቤያና ጋካናስ ሃይቆንታ ጋምዓና ኢሲ ኢሲ ኣሳቲ ዴቴስ” ጊዴስ። 
\s1 ዬሱሳ ሜꬋይ ላሜቲዴስ 
\p  
\v 2 ኡሱፑን ጋላሳፌ ጉዬ ዬሱሲ ጴፅሮሳ ያቆቤኔ ዮሃኒሳ ባናራ ካሌꬂ ኤኪዲ ኢሲ ጊታ ዙማ ቦላ ኬዚዴስ። ኢስቲ ባርካ ዲሺን ኢስታ ሲንꬃን ኢዛ ሜꬋይ ላሜቲ ዎꬊዴስ። \x * \xo 9:2 \xt 2ጴፅ 1፡17-18\x* 
\v 3 ኢዚ ማይዒዳ ማይዖይ ቢታ ቦላ ኦኒካ ማይዖ ሜጪዲ ሄሳ ማላ ቦꬃናስ ዳንዳዮንታ ቦꬅ ቦቲዴስ።  
\v 4 ሄ ዎዴ ኤላሲኔ ሙሴይ ዬሱሳራ ሃሳዬቲሼ ኢስታስ ቤቲዳ። 
\p  
\v 5 ጴፅሮሲ ዬሱሳ “ኣስታማሬ! ኑኒ ሃን ሃይሳን ዲዛኮ ኑስ ሎዖ፤ ኔስ ኢሲ ዳሴ፥ ሙሴስ ኢሲ ዳሴ፥ ቃሴ ኤላሳስ ኢሲ ዳሴ፥ ሄꬑ ዳሴታ ኑ ኦꬂኮቺ?” ጊዴስ።  
\v 6 ዳሮ ባቢዳ ጊሽ ጴፅሮሲ ባ ጊዛይሳ ኤሪዲ ጊቤና። 
\p  
\v 7 ሄራካ ሻራይ ኢስታ ካሚን ሻራ ጊዶራ “ሃይሲ ታ ዶሲዛ ታ ናዛኮ! ኢዚ ጊዛ ሲዪቴ” ጊዛ ቃላ ጊሪሲ ዪዴስ። \x * \xo 9:7 \xt ማቶ 3፡17፤ ማር 1፡11፤ ሉቃ 3፡22\x* 
\p  
\v 8 ሄራካ ኢስቲ ዩሺ ፄሊን ዬሱሳፔ ኣቲን ኦኒካ ሃራ ኣስ ኢስታራ ዴና። 
\p  
\v 9 ኢስቲ ዙማ ቦላፌ ዱጌ ዎꬊሺን ኣሳ ናይ ሃይቆፔ ዴንዳና ጋካናስ ሃይሳ ኢስቲ ቤዪዳይሳ ኦናስካ ዮቶንታ ማላ ኣዛዚዴስ።  
\v 10 ኢስቲካ ባስ ዮቲዳ ቃላ ባ ዎዝናን ኦይኪዳ ሺን “ሃይቆፔ ዴንዶ ጉሲ ኣይ ጉሳኮኔ” ጊዲ ባ ጊዶን ሃሳዬቲዳ 
\p  
\v 11 ቃሴ ኢስቲ ሙሴ ዎጋ ታማርሲዛይቲ “ካሴቲዲ ኤላሲ ያና ኮሼስ ኣዛስ ጊዞ?” ጊዲ ኢዛ ኦይቺዳ። \x * \xo 9:11 \xt ሚል 4፡5፤ ማቶ 11፡14\x* 
\p  
\v 12 ዬሱሲ ኢስታስ “ቱሙካ ኤላሲ ካሴቲ ዪዲ ዉርሲካ ጊጊሳና። ሂስቲንካ ኣሳ ናይ ዳሮ ዋዬ ኤካናሲኔ ካꬌታናስ ቤሴስ ጌቴቲ ፃፌቲዳይሲ ኢንቴስ ኣይ ሚሳቲዜ?  
\v 13 ጊዶ ኣቲን ታ ኢንቴስ ጊዛይ ኤላሲ ጊዲኮ ዪዴስ ሺን ኣሳይካ ኢዛ ጊሽ ፃፌቲዳ ማላ ባና ኮሺዳ ማላ ኢዛ ቦላ ኦꬂዴስ” ጊዴስ። 
\s1 ዬሱሲ ኢታ ኣያናይ ኦይኪዳ ኢሲ ና ፓꬂዴስ 
\r (ማቶ 17፡14-20፤ ሉቃ 9፡37-43) 
\p  
\v 14 ዱጌ ጊዶን ኣቲዳ ዬሱሳ ካሊዛይታኮ ኢስቲ ሲሚ ዪሺን ዳሮ ኣሳይ ኢስታ ጊዶꬂን ሙሴ ዎጋ ታማርሲዛይቲ ኢስታራ ፓላሜቲዛይሳ ቤዪዳ።  
\v 15 ዴሬይ ኢዛ ዴሚዳ ማላ ማላሌቲዲ ሳሮካናስ ኢዛኮ ዎፂዴስ። 
\p  
\v 16 ኢዚካ ኢስታ “ኢንቴ ኢስታራ ኣዛ ጊሽ ፓላሜቴቲ?” ጊዲ ኦይቺዴስ። 
\p  
\v 17 ኣሳ ጊዶፌ ኢሳዴይ “ኣስታማሬ! ቱና ኣያናይ ኢዛን ጌሊን ዱና ዱዲዳ ታ ና ዳይሳ ታ ኔኮ ኤካ ያዲስ።  
\v 18 ኣያናዚ ዴንዲዛ ዎዴ ቦላፌ ዬጌስ፤ ዱናራ ጎፖንቶ ኬሲ ኬሲ ዬጌስ፤ ኣቻካ ጋርጬስ፤ ኣሳቴꬃካ ዞዲሴስ። ቱና ኣያና ኬሴቶ ጋዳ ኔና ካሊዛይታ ታ ኦይቺን ኢስቲካ ዳንዳዪቤቴና” ጊዴስ። 
\p  
\v 19 ዬሱሲካ ኢስታስ ዛሪዲ “ኢንቴኖ ኣማኖንታ ዬሌታቶ፥ ኣይዴ ጋካናስ ታ ኢንቴናራ ዳኔ? ቃሴ ኣይዴ ጋካናስ ታ ኢንቴና ዳንዳያኔ? ኣኔ ናዛ ሃ ኤሂቴ” ጊዴስ።  
\v 20 ኣሳይካ ናዛ ኢዛኮ ኤሂዴስ፥ ቱና ኣያናይ ዬሱሳ ቤዪዳ ማላ ናዛ ሄራካ ጋዴን ጌንዴርሲዲ ኮኮርሲዲኔ ዱናራ ጎፖንቶ ጮፑ ሂስቲዴስ። 
\p  
\v 21 ዬሱሲ ናዛ ኣዋ “ሃይሲ ሃርጌይ ኢዛ ኣዪዴሳፔ ኦይኪዴ?” ጊዴስ። ናዛ ኣዋይካ “ናቴꬃፌ ዶሚዲ” ጊዴስ።  
\v 22 “ኢዛ ዎꬋናስ ኮይዲ ዳሮ ዎዴ ታማንካ ሃꬃንካ ዬጌስ። ኔስ ዳንዳዬቲኮ ኑስ ሚሼታኔ ኑና ማዳ” ጊዴስ። 
\p  
\v 23 ዬሱሲ ቃሴ “ ‘ኔስ ዳንዳዬቲኮ’ ጋይ? ኣማኒዛዴስ ዉሪካ ዳንዳዬቴስ” ጊዴስ። 
\p  
\v 24 ናዛ ኣዋይ ሄራካ “ታ ኣማናይስ ሺን ታ ኣማኖይ ላፋ፥ ታና ማዳሪኪ?” ጊዲ ዋሲዴስ። 
\p  
\v 25 ኣሳይ ዎጫሚሼ ቡሬቲ ኤኪዲ ኢዛኮ ዪዛይሳ ዬሱሲ ቤዪዲ “ሃይሶ ቱሌኔ ዱዴ ኣያናዞ! ሃይሳ ናዛፔ ኬዛ፥ ኔ ቃሴ ሲማዳ ጌሎንታ ማላ ታ ኔና ኣዛዛይስ” ጊዲ ቱና ኣያና ሴሪዴስ። 
\p  
\v 26 ቱና ኣያናዚካ ኬሂ ዋሲዴስ፤ ናዚካ ኬሂ ቃኬቲዳፔ ጉዬ ናዛፔ ኬዚዴስ። ዳሮቲ ሃይቂዴስ ጋና ጋካናስ ናዚ ኣሃ ሚሳቲዴስ።  
\v 27 ጊዶ ኣቲን ዬሱሲ ናዛ ኩሼ ኦይኪ ዴንꬂዴስ። ናዚካ ዴንዲ ኤቂዴስ። 
\p  
\v 28 ዬሱሲ ሶ ጌሊዳፔ ጉዬ ኢዛ ካሊዛይቲ “ኑ ኢዛፔ ቱና ኣያና ኬሳናስ ኣዛስ ዳንዳዪቤይኮኒ?” ጊዲ ኢዛ ኦይቺዳ። 
\p  
\v 29 ኢዚካ ኢስታስ “ሃይሳ ማላይ ኬዛና ዳንዳዪዛይ ዎሳኒኔ ፆማን ፃላ” ጊዴስ። 
\s1 ዬሱሲ ባ ሃይቆ ጊሺኔ ባ ዴንዶ ጊሽ ቃሴካ ዮቲዴስ 
\r (ማቶ 17፡22-23፤ ሉቃ 9፡43-45) 
\p  
\v 30 ሄፔ ዴንዲ ጋሊላ ባጋራ ኣꬊ ቢዳ። ዬሱሲ ባ ዲዛሶ ኦኒካ ኤራና ማላ ኮይቤና።  
\v 31 ጋሶይካ ዬሱሲ ባና ካሊዛይታስ “ኣሳ ናይ ኣሳ ኩሼን ኣꬊ ኢሜታና ኢስቲካ ኢዛ ዎꬋና፥ ሄꬓንꬆ ጋላሳፌ ጉዬ ኢዚ ዴንዳና” ጊዲ ኢስታ ታማርሲዛ ጊሻሳ።  
\v 32 ጊዶ ኣቲን ኢዚ ጊዛይሲ ኢስታስ ጌሊቤና፤ ኢዛ ኦይቻናስካ ባቢዳ። 
\s1 ኡባፌ ኣꬊዛይ ኦኔ? 
\r (ማቶ 18፡1-5፤ ሉቃ 9፡46-48) 
\p  
\v 33 ሄሳፌ ጉዬ ቂፊርናሆሜ ቢዳ። ኢዚ ኬꬄ ጌሊዲ “ኢንቴ ዪሼ ኦጌ ቦላ ኣዛ ጊሽ ፓላሜቲዴቲ?” ጊ ኦይቺዴስ። 
\p  
\v 34 ኢስቲ ቃስ ኦጌ ቦላ “ኑ ጊዶን ኑፔ ኡባፌ ኣꬊዛይ ኦኔ?” ጊዲ ፓላሜቲዳ ጊሽ ዉሪካ ጮዑ ጊዳ። \x * \xo 9:34 \xt ሉቃ 22፡24\x* 
\p  
\v 35 ኢዚ ኡቲዳፔ ጉዬ ታማኔ ናምዓታ ፄይጊዲ “ኮይሮ ጊዳና ኮዪዛዴይ ኡባፌ ዉርሴꬂኔ ኡባታስ ኣሽካራ ጊዶ” ጊዴስ። \x * \xo 9:35 \xt ማቶ 20፡26-27፤ 23፡11፤ ማር 10፡43-44፤ ሉቃ 22፡26\x* 
\p  
\v 36 ቂ ጉꬃ ና ኤሂዲ ኢስታ ጊዶን ኤሲዴስ። ኢዲሚዲኔ  
\v 37 “ሃይታ ጉꬃ ናይታፔ ኢሳዴ ታ ሱንꬃን ሞኪ ኤኪዛዴይ ታናካ ሞኪ ኤኬስ። ታና ሞኪ ኤኪዛዴይ ዉሪ ታና ፃላላ ጊዶንታ ታና ኪቲዳይሳካ ሞኪ ኤኬስ” ጊዴስ። \x * \xo 9:37 \xt ማቶ 10፡40፤ ሉቃ 10፡16፤ ዮሃ 13፡20\x* 
\s1 ኑና ኢፆንታይ ዉሪ ኑ ባጋ 
\r (ሉቃ 9፡49-50) 
\p  
\v 38 ዮሃኒሲካ “ኣስታማሬ! ኢሳዴይ ኔ ሱንꬃን ዳይዳንꬂ ኬሲሺን ኑ ቤይዶስ። ኢዚ ኑና ካሎንታ ጊሽ ኬሶንታ ማላ ዲጊዶስ” ጊዴስ። 
\p  
\v 39 ዬሱሲ ቃሴ “ዲጎፍቴ፤ ኦኒካ ታ ሱንꬃን ማላታ ኦꬂዲ ኤሶቲዲ ታ ቦላ ኢታ ሃሳያናስ ዳንዳዬና።  
\v 40 ኑናራ ኤቄቶንታይ ዉሪ ኑናራ ዴስ። \x * \xo 9:40 \xt ማቶ 12፡30፤ ሉቃ 11፡23\x* 
\v 41 ታ ኢንቴስ ቱሙ ጋይስ፤ ኢንቴ ቲዬቲዳ ኪርስቶሳስ ጊዲዳ ጊሽ ታ ሱንꬃን ኢሲ ዋንጫ ሃꬅ ኢንቴና ኡሺዳዴይ ዉሪ ባ ኦሶይስ ዋጋ ꬋዬና። \x * \xo 9:41 \xt ማቶ 10፡42\x* 
\s1 ኣሳስ ꬉጴ ጊዳናፔ ናጌቴꬅ 
\r (ማቶ 18፡6-9፤ ሉቃ 17፡1-2) 
\p  
\v 42 “ሃይታ ታና ኣማኒዛ ሃ ጉꬃታፔ ኢሳዴስ ꬉጴ ጊዲዛይ ዉሪ ዴፆ ዎፃ ሹቺ ኢዛ ቆꬌን ቃሼቲን ዱጌ ኣባ ጊዶ ኦሌቲዳኮ ኢዛስ ሎዖ ጊዳና።  
\v 43 ሄሳ ጊሽ ኔ ኩሼይ ኔና ባሌꬂኮ ኔፔ ቃንፃ ዬጋ፤ ናምዑ ኩሼራ ዳዳ ጌዴ ጋናሜ ታማን ኔ ባናይሳፌ ኩሼ ዱፃ ጊዳዳ ጌዴ ዴዖን ጌሎይ ኔስ ሎዖ ጊዳና። \x * \xo 9:43 \xt ማቶ 5፡30\x* 
\v 44 ጋናሜን ጉፁኔይ ሃይቄና፥ ታማይኔ ቶዔና። \f + \fr 9:44 \ft ኢሲ ኢሲ ጌሻ ማፃፋቲ ፓይዶ 44 ቦላ ዲዛ ቆፋ ጉጄቴስ፤ ቆፋዚካ ፓይዶ 48 ቦላ ዲዛይሳ ሚሳቴስ።\f* 
\v 45 ኔና ኔ ቶሆይ ባሌꬂኮ ኔፔ ቃንፃ ዲጋ፤ ናምዑ ቶሆራ ዳዳ ጌዴ ጋናሜ ታማን ዬጌታናፔ ኔ ዎቤ ጊዳዳ ጌዴ ዴዖሶ ጌሎይ ኔስ ሎዖ።  
\v 46 ጋናሜን ጉፁኔይ ሃይቄና፥ ታማይኔ ቶዔና። \f + \fr 9:46 \ft ኢሲ ኢሲ ጌሻ ማፃፋቲ ፓይዶ 46 ቦላ ዲዛ ቆፋ ጉጄቴስ፤ ቆፋይካ ፓይዶ 48 ቦላ ዲዛይሳ ሚሳቴስ።\f* 
\v 47 ኔና ኔ ኣይፌይ ባሌꬂኮ ዎጫ ኬሳዳ ኔፔ ዲጋ፤ ናምዑ ኣይፌራ ዳዳ ጌዴ ጋናሜን ዬጌታናፔ ኢሲ ኣይፌራ ፆሳ ካዎቴꬅ ጌሎይ ኔስ ሎዖ። \x * \xo 9:47 \xt ማቶ 5፡29\x* 
\v 48 ጋናሜን ጉፁኔይ ሃይቄና ታማይኔ ቶዔና። \x * \xo 9:48 \xt ኢሳ 66፡24\x* 
\p  
\v 49 “ቡሮ ኣሲ ዉሪ ታማን ፓጬታና። 
\p  
\v 50 “ማፂኔይ ሎዖ፤ ጊዶ ኣቲን ማፂኔይ ባ ማፂኔቴꬃ ዬዲኮ ኢንቴ ዎስቲ ኢዛ ማልዖ ኤራኔ? ኢንቴ ኣሳቴꬃን ማፂኔይ ዴዖ። ኢንቴ ኢንቴ ጊዶን ዶሴቲቴ” ጊዴስ። \x * \xo 9:50 \xt ማቶ 5፡13፤ ሉቃ 14፡34-35\x* 
\c 10  
\s1 ማቾ ኣንጂ ዬዳናስ ቤሴና 
\r (ማቶ 19፡1-12፤ ሉቃ 16፡18) 
\p  
\v 1 ዬሱሲ ሄፔ ዴንዲዲ ጌዴ ዩሁዳ ጌቴቲዛ ዴሬኔ ዮርዳኖሴ ሻፋፔ ፒንꬃን ዲዛ ዴሬ ቢዴስ። ዴሬይካ ቃሴ ኢዛ ዩዪ ኣꬊን ኢዚ ካሴ ባ ኦꬂዛ ማላ ኣሳ ታማርሲዴስ። 
\p  
\v 2 ኢሲ ኢሲ ፋርሳዌቲ ኢዛኮ ዪዲ “ኣሲ ባ ማቾ ኣንጂ ዬዳናስ ቤሲዜ?” ጊዲ ኢዛ ፓጬ ኦይሾ ኦይቺዳ። 
\p  
\v 3 ኢዚካ ኢስታስ “ሙሴይ ኢንቴና ኣይ ጊ ኣዛዚዴ?” ጊዲ ዛሪ ኦይቺዴስ። 
\p  
\v 4 ኢስቲካ ኢዛስ “ሙሴይ ታ ኢዞ ኣንጃ ዬዳዲስ ጊዛ ዋራቃታ ፃፊ ኢሚዲ ኣንጆ ጊዴስ” ጊዳ። \x * \xo 10:4 \xt ዛሬ 24፡1-4፤ ማቶ 5፡31\x* 
\p  
\v 5 ዬሱሲካ ዛሪዲ ኢስታ “ሙሴይ ሃይሳ ማላ ዎጋ ፃፊዳይሲ ኢንቴ ዎዝናይ ሚኒዳ ጊሻሳ።  
\v 6 ጊዶ ኣቲን ኮይሮ ፆሲ ሜꬊሼ ማጫኔ ኣዴ ኦꬂ ሜꬊዴስ። \x * \xo 10:6 \xt ሜꬌ 1፡27፤ 5፡2\x* 
\v 7 ሄሳ ጊሽ ኣሲ ባ ኣዋኔ ባ ኣዮ ኣጊዲ ባ ማቺራ ዋፄቴስ።  
\v 8 ናምዓይ ኢሲ ኣሾ ጊዴቴስ፤ ሄሳ ጊሽ ኢስቲ ናምዓይ ኢሲኖፔ ኣቲን ናምዑ ዴቴና።  
\v 9 ሄሳ ጊሽ ፆሲ ጋꬂ ዋፂዳይታ ኣሲ ሻኮፎ።” ጊዴስ። 
\p  
\v 10 ቃሴካ ኢስቲ ሶ ጌሊን ኢዛ ካሊዛይቲ ሄ ዮዖዛ ጊሽ ዛሪ ኢዛ ኦይቺዳ።  
\v 11 ኢዚ ኢስታስ “ኦኒካ ባ ማቾ ኣንጂ ዬዲዲ ሃራ ማጫስ ኤኪኮ ሄ ማጫሳይ ቦላ ላይማ ኦꬄስ።  
\v 12 ማጫሳያካ ባ ኣዚና ኣጋዳ ሃራ ኣዴ ጌሊኮ ኢዛካ ላይማታዉስ” ጊዴስ። \x * \xo 10:12 \xt ማቶ 5፡32፤ 1ቆሮ 7፡10-11\x* 
\s1 ዬሱሲ ጉꬃ ናይታ ኣንጂዴስ 
\r (ማቶ 19፡13-15፤ ሉቃ 18፡15-17) 
\p  
\v 13 ዬሱሲ ባ ኩሼ ዎꬃና ማላ ኣሳይ ናይታ ኢዛኮ ኤሂዴስ። ኢዛ ካሊዛይቲ ቃሴ ኤሂዳ ኣሳ ቦላ ሃንቄቲዳ።  
\v 14 ዬሱሲ ሄሳ ቤዪ ሃንቄቲዲ “ናይቲ ታኮ ዬቶ፤ ዲጎፍቴ፤ ፆሳ ካዎቴꬂ ሃይታንታ ማላሳ።  
\v 15 ታ ኢንቴስ ቱሙ ጋይስ፤ ፆሳ ካዎቴꬅ ሃይሳ ጉꬃ ናይታ ማላ ኤኮንታዴይ ኢዚን ሙሌካ ጌሌና” ጊዴስ። \x * \xo 10:15 \xt ማቶ 18፡3\x* 
\v 16 ናይታ ኢዲሚዲ ኢስታ ቦላ ባ ኩሼ ዎꬂዲ ኣንጂዴስ። 
\s1 ኢሲ ዱሬ ኣዴ 
\r (ማቶ 19፡16-30፤ ሉቃ 18፡18-30) 
\p  
\v 17 ሄፔ ቡሮ ኦጌ ኬዚሺን ኢሳዴይ ዎፂሼ ኢዛኮ ጋኪዲኔ ኢዛ ሲንꬃን ጉልባቲዲ “ኪያ ኣስታማሬንቶ! ታኒ ሜርና ዴዖ ዴማና ማላ ኣይ ኦꬃና ታስ ቤሲዜ?” ጊ ኦይቺዴስ። 
\p  
\v 18 ዬሱሲካ “ኣዛስ ታና ኪያ ጋይ? ኢሲ ፆሳፌ ኣቲን ኪያይ ባ” ጊዴስ።  
\v 19 “ኔኒ ኣዛዞታ ኤራይ? ‘ዎꬎፓ፤ ላይማቶፓ፤ ካይሶቶፓ፤ ዎርዶ ማርካቶፋ፤ ኣስ ባሌꬆፋ፤ ኔ ኣዋኔ ኔ ኣዮ ቦንቻ’ ጊዛይታ” ጊዴስ። \x * \xo 10:19 \xt ኬሳ 20፡12-16፤ ዛሬ 5፡16-20\x* 
\p  
\v 20 ኣዴዚካ ዛሪዲ “ኣስታማሬ! ታ ሃይታ ዉርሳ ናቴꬃፌ ኦይካዳ ናጋዲስ” ጊዴስ። 
\p  
\v 21 ዬሱሲ ኢዛ ፄሊዲኔ ዶሲዲ “ሂስቲኮ ሃዒ ኔስ ኢሲ ሚሺ ፓጬስ። ባዳኔ ኔስ ዲዛ ዉርሳ ባይዛ፥ ሚሻ ማንቆታስ ኢማ፤ ኔኒ ሳሎን ሺቂዳ ሚሽ ዴማንዳሳ፤ ሂስታዳኔ ሃያ ታና ካላ” ጊዴስ።  
\v 22 ኣዴዚካ ሄሳ ሲይዲ ዳሮ ዪሎቲዴስ። ኢዛስ ዳሮ ሃሮይ ዲዛ ጊሽ ሙዞቲሼ ቢዴስ። 
\p  
\v 23 ዬሱሲ ዩሺ ኣꬂ ፄሊዲ ባና ካሊዛይታ “ዱሬታስ ፆሳ ካዎቴꬅ ጌሎይ ኣይ ማላ ዴፆ!” ጊዴስ። 
\p  
\v 24 ኢዛ ካሊዛይቲካ ኢዛ ሃሳያን ማላሌቲዳ። ዬሱሲ ቃሴ ዛሪዲ “ናይቶ! ፆሳ ካዎቴꬅ ጌሎይ ኣይ ማላ ዴፆ ሚሼ!  
\v 25 ዱሬይ ፆሳ ካዎቴꬅ ጌላናይሳፌ ጋሜላይ ናርፔ ሉኮራ ኣꬋናይሲ ካዉያና!” ጊዴስ። 
\p  
\v 26 ኢዛ ካሊዛይቲካ ዳርሲ ማላሌቲዲ ባ ጊዶን ኢሶይ ኢሳ “ሂስቲን ኦኒ ኣታና ዳንዳዪዜ?” ጊዳ። 
\p  
\v 27 ዬሱሲ ኢስታ ፄሊዲኔ “ሃይሲ ኣሳስ ዳንዳዬቴና፤ ፆሳ ማታን ጊዲኮ ሄሳ ማላ ጊዴና። ፆሳስ ዉሪካ ዳንዳዬቴስ” ጊዴስ። 
\p  
\v 28 ጴፅሮሲ ቃሴ “ሄኮ፤ ኑኒ ዉርሲካ ኣጊዲ ኔና ካሊዶስ” ጊዴስ። 
\p  
\v 29 ዬሱሲካ ዛሪዲ “ታ ኢንቴስ ቱሙ ጋይስ፤ ታ ጊሺኔ ሚሺራቾ ቃላ ጊሽ ጊዲ ባ ኬꬄ፥ ዎይኮ ባ ኢሻታ፥ ዎይኮ ባ ሚቼታ፥ ዎይኮ ባ ኣዮ፥ ዎይኮ ባ ኣዋ፥ ባ ናይታ፥ ዎይኮ ባ ጋዴ ኣጊዳ ኣስ ዉሪ፥  
\v 30 ሃይሳ ሃ ዎዴዛን ሃዒ ጎዴቴꬃራ ኬꬃታ፥ ኢሻታ፥ ሚቼታ፥ ኣዬታ፥ ናይታኔ ጋዴካ ፄቱ ኩሼ ኣꬂ ኤኮንታይኔ ቡሮ ያና ኣላሜዛንካ ሜርና ዴዖ ላቶንታዴይ ዴና።  
\v 31 ጊዶ ኣቲን ሲንꬃቲዳ ዳሮቲ ጉዬታና፤ ጉዬቲዳይቲ ሲንꬃታና” ጊዴስ። \x * \xo 10:31 \xt ማቶ 20፡16\x* 
\s1 ዬሱሲ ባ ሃይቂ ዴንዳናይሳ ሄꬓንꬆ ዮቲዴስ 
\p  
\v 32 ኢስቲ ዬሩሳላሜ ኤፊዛ ኦጌ ቦላ ዲሺን ዬሱሲ ኢስታፌ ሲንꬄ ሲንꬄ ቤስ። ኢዛ ካሊዛይቲ ኢዛ ቡሳን ማላሌቲዳ። ሃንኮ ኢዛ ጌዶን ዲዛ ኣሳይ ቃስ ኢዛስ ባቢዴስ። ቃሴካ ታማኔ ናምዓታ ዴሬዛፔ ዱማ ሻኪዲ ባ ቦላ ኣዚ ጋካናኮኔ ኢስታስ ሂዝጊ ዮቲዴስ፤  
\v 33 “ኑኒ ዬሩሳላሜ ኬዛና፤ ኣሳ ናይ ቄሴታ ሃላቃታሲኔ ሙሴ ዎጋ ታማርሲዛይታስ ኣꬊ ኢሜታና፤ ኢስቲካ ኢዛ ቦላ ሃይቆ ፒርዳ ፒርዳናኔ ዴሬ ኣሳስ ኣꬂ ኢማና።  
\v 34 ኢዛ ቦላ ቂꬊ ካዓና፤ ኢዛ ቦላ ጩታና፤ ኢዛካ ጋራፋናኔ ዎꬋና ሺን ኢዚ ሄꬑ ጋላሳፌ ጉዬን ሃይቆፔ ዴንዳና።” 
\s1 ያቆቤይኔ ዮሃኒሲ ዎሲዳ ዎሳ 
\r (ማቶ 20፡20-28) 
\p  
\v 35 ቃሴ ዛቢዶሳ ናይቲ ያቆቤይኔ ዮሃኒሲ ኢዛኮ ሺቂዲ “ኣስታማሬ! ኑኒ ኔና ዎሲዳይሳ ኔ ኑስ ዉርሳ ኦꬃና ማላ ኑ ኮዮስ” ጊዳ። 
\p  
\v 36 ኢዚካ ኢስታስ “ታ ኢንቴስ ኣይ ኦꬃና ማላ ኮዬቲ?” ጊዴስ።  
\v 37 ኢስቲካ “ኔኒ ኔ ካዎቴꬃ ቦንቾ ዎዴ ኑፔ ኢሳዴይ ኔ ኡሻቻን ኢሳዴይ ኔ ሃዲርሳን ኡታና ማላ ኑስ ኤሮ ጋርኪ?” ጊዳ። 
\p  
\v 38 ዬሱሲካ “ኢንቴ ኦይቺዛይሳ ኤሬኬታ። ታኒ ኡያና ኡሻ ኡያናሲኔ ታኒ ፃማቄቲዛ ፂንቃታ ፃማቄታናስ ዳንዳያንዴቲ?” ጊዴስ። \x * \xo 10:38 \xt ሉቃ 12፡50\x* 
\v 39 ኢስቲካ ዛሪዲ “ኤ፥ ዳንዳዮስ” ጊዳ። ዬሱሲካ “ታ ኡዪዛ ኡሻ ኢንቴ ኡያናኔ ታ ፃማቄቲዛ ፂንቃታ ኢንቴ ፃማቄታና።  
\v 40 ጊዶ ኣቲን ታ ኡሻቻራ ዎይኮ ታ ሃዲሪሳራ ኡቴꬂ ፆሲ ኢስታስ ጊጊሲዳይታስ ኣቲን ታ ኢማና ሚሽ ጊዴና” ጊዴስ። 
\p  
\v 41 ታማቲ ሄሳ ሲይዲ ያቆቤኔ ዮሃኒሳ ቦላ ሃንቄቲዳ።  
\v 42 ዬሱሲካ ኢሲ ቦላ ሺሺዲ “ዴሬ ሃላቃ ጌቴቲዛይቲ ዴሬ ሃሪዛይሳ ማላ ኢስታ ሹሜቲ ኢስታ ቦላ ባ ጎዳቴꬅ ቤሲዛይሳ ኢንቴ ኤሬታ።  
\v 43 ጊዶ ኣቲን ኢንቴ ጊዶን ጊታ ጊዳና ኮዪዛ ኡባይ ኣሽካራ ጊዶ። \x * \xo 10:43 \xt ሉቃ 22፡25-26\x* 
\v 44 ሲንꬄ ኣꬋና ኮዪዛይ ዉሪካ ኡባስ ኣይሌ ጊዶ።  
\v 45 ኣሳ ናይ ጊዲኮ ኣሳስ ኦꬃናሲኔ ባ ሼምፖ ዳሮታ ጊሽ ኣꬂ ኢማናስ ዪዴስ ኣቲን ኣሴ ኦሲሳናስ ዪቤና።” ጊዴስ። 
\s1 ዬሱሲ ቆቄ ባርፄሞሳ ኣይፌ ፓꬂዴስ 
\r (ማቶ 20፡29-34፤ ሉቃ 18፡35-43) 
\p  
\v 46 ሄፔ ጌዴ ያርኮ ቢዳ። ዬሱሲኔ ኢዛ ካሊዛይቲ ሃራ ዳሮ ኣሳታራ ኢያርኮፌ ኬዚሺን ፂሞሳ ና ባርፄሞሳ ጌቴቲዛ ኣይፌ ቆቄይ ኦጌ ቦላ ኡቲዲ ዎሴስ።  
\v 47 ኢዚካ ዪዛይ ናዚሬቴ ዬሱሳ ጊዲዳይሳ ሲይዲ “ዳዉቴ ና ዬሱሳ ታና ማራ” ጊዲ ኬሂ ዋሲዴስ። 
\p  
\v 48 ዳሮቲ ኢዚ ጮዑ ጋና ማላ ሃንቂዳ፤ ጊዶ ኣቲን ኢዚ “ዳዉቴኖ! ታና ማራ” ጊዲ ኬሂ ዋሲዴስ። 
\p  
\v 49 ዬሱሲካ ኤቂዲ “ኢዛ ሃ ፄይጊቴ” ጊዴስ። ኢስቲካ ቆቄዛ “ኣይኮይ ባ ዴንዳ ኔና ፄይጌስ” ጊዳ።  
\v 50 ኢዚካ ባ ማይዖ ቃሪ ዬጊዲ ፑሱኩ ጊ ዴንዲ ኤቂዲ ዬሱሳኮ ዪዴስ። 
\p  
\v 51 ዬሱሲካ “ታ ኔስ ኣይ ኦꬃና ማላ ኮያይ?” ጊዴስ። ቆቄዚካ “ኣስታማሬንቶ! ታ ፄላናዉ ኮያይስ” ጊዴስ። 
\p  
\v 52 ዬሱሲካ ዛሪዲ “ባ ኔና ኔ ኣማኖይ ፓꬂዴስ” ጊዴስ። ሄራካ ኢዛ ኣይፌይ ፄሊዴስ። ኢዚካ ዬሱሳ ካሊ ቢዴስ። 
\c 11  
\s1 ዬሱሲ ጊታ ቦንቾራ ዬሩሳላሜ ጌሊዴስ 
\r (ማቶ 21፡1-11፤ ሉቃ 19፡28-40፤ ዮሃ 12፡12-19) 
\p  
\v 1 ኢስቲ ጌዴ ዬሩሳላሜን ዳብራዛይቴ ጌቴቲዛ ዙማ ኣቻን ዲዛ ቤቴፋጌኔ ቢታኒያ ጌቴቲዛሶ ማቲዳ ዎዴ ዬሱሲ ባና ካሊዛይታፔ ናምዓታ ሂዝጊ ኪቲዴስ፥  
\v 2 “ጌዴ ኢንቴ ሲንꬃን ዲዛ ጉታዮ ቢቴ። ኢንቴ ሄ ጌሊዳ ማላ ሄን ኣሲ ቶጊ ኤሮንታ ቃሾን ዲዛ ሃሬ ጉቴ ኢንቴ ዴማና፤ ቢርሺዲ ኢዛ ሃ ኤኪ ዪቴ።  
\v 3 ኦኒካ ኢንቴና ‘ሃይሳ ኣይስ ኦꬄቲ?’ ጊኮ ጎዳስ ኮሼስ ጊዲ ዮቲቴ፤ ኢዚካ ኢንቴስ ኤሶን ዛሪ ዬዳና” ጊዴስ። 
\p  
\v 4 ኢስቲካ ቢዲ ኢሲ ኬꬃ ካሬን ኦጌ ቦላ ቃሼቲ ዲዛ ሃሬ ጉቴ ዴሚዲ ቢርሺዳ።  
\v 5 ሄን ኤቂዳ ኢሲ ኢሲ ኣሳቲ “ሃሬ ጉቴዛ ኣዛስ ቢርሼቲ?” ጊ ኦይቺዳ። 
\p  
\v 6 ዬሱሳ ካሊዛይቲ ዬሱሲ ኢስታስ ጊዳ ማላ ኣሳታስ ዮቲን ኤሮ ኤኪ ቢቴ ጊዳ።  
\v 7 ጉቴዛካ ዬሱሳኮ ኤሂዲ ባ ማይዖ ኢዛ ዞኮ ቦላ ዬጊን ዬሱሲ ኢዛ ቶጊዴስ።  
\v 8 ዳሮ ኣሳይ ባ ማይዖ ኬሲ ኬሲ ኦጌ ቦላ ሚጪዴስ። ባጋ ኣሳይ ጪሊላ ሚꬃ ሃይꬅ ቃንፂ ቃንፂዲ ኦጌ ቦላ ላሊዴስ።  
\v 9 ዬሱሳፔ ሲንꬃራኔ ጉዬራ ዲዛ ኣሳይ ቃላ ꬎቁ ሂስቲዲ 
\q1 “ሆሳና፤ 
\q2 ጎዳ ሱንꬃን ዪዛዴይ ኣንጄቲዳዴ። 
\q1  
\v 10 ሃና ዪዛራ ኑ ኣዋ 
\q2 ዳዉቴ ካዎቴꬃያ ኣንጄቲዳሮ፤ 
\q1 ሆሳና! 
\q2 ቦላ ሳሎን ፆሲ ቦንቼቶ” 
\m ጊሼ ዋሲዴስ። 
\p  
\v 11 ዬሱሲ ዬሩሳላሜ ጋኪዲ ሄሳፌካ ፆሳ ኬꬄ ጌሊዴስ። ሄ ሄራን ዲዛይሳ ዉርሲ ፄሊዲ ጋዴይ ቃሚዳ ጊሽ ታማኔ ናምዓታራ ጌዴ ቢታኒያ ኬዚዴስ። 
\s1 ዬሱሲ ቃንጊዳ ባላሴ ሚꬃዮ 
\r (ማቶ 21፡18-19) 
\p  
\v 12 ዎንቴꬃ ጋላስ ኢስቲ ቢታኒያፔ ኬዚ ቢሺን ዬሱሲ ጋፊዴስ።  
\v 13 ኢዚ ኢሲ ሃይꬂ ጪሊሊዳ ባላሴ ጌቴቲዛ ሚꬂ ሃሆን ቤዪዲ ኣይፌይ ዳናኮኔ ጊዲ ኢዚኮ ዪዴስ። ጊዶ ኣቲን ባላሴ ሚꬂ ኣይፎንታ ዎዴ ጊዲዳ ጊሽ ሃይꬃፌ ኣቲን ኢሲ ኣይፌካ ኢዚፔ ዴሚቤና።  
\v 14 ሄሳ ጊሽ ሚꬃዮ “ሃኒፌ ጉዬ ሜርናስ ኦኒካ ኔፔ ኣይፌ ሞፖ!” ጊዴስ። ኢዛ ካሊዛይቲካ ኢዚ ጊዛይሳ ሲዪዳ። 
\p  
\v 15 ጌዴ ዬሩሳላሜ ቢዳ፤ ሄፔካ ጌዴ ፆሳ ኬꬄ ጌሊዲ ሄን ባይዚዛይታኔ ሻሚዛይታ ኬሲ ጎዶ ኦይኪዴስ። ሚሼ ላሚዛይታ ፃራጴዛኔ ሃራጴ ባይዚዛይታ ኦይዴ ጉፋንꬂ ጉፋንꬂ ዬጊዴስ።  
\v 16 ኦኒካ ኣይ ሚሽ ቶኪዲ ፆሳ ኬꬄ ጊቤ ጊዶራ ኣꬎንታ ማላ ዲጊዴስ።  
\v 17 ኢስታካ ታማርሲሼ “ታ ኬꬂ ዴሬ ኡባስ ዎሳ ኬꬄ ጊዳና ጌቴቲ ፃፌቲቤኔ? ጊዶ ኣቲን ኢንቴ ቃሴ ካይሶታ ጎንጎሎ ኬሲዴታ” ጊዴስ። \x * \xo 11:17 \xt ኢሳ 56፡7፤ ኤር 7፡11\x* 
\p  
\v 18 ቄሴታ ሃላቃቲኔ ሙሴ ዎጋ ታማርሲዛይቲ ሄሳ ሲይዲ ኢዛ ዎስቲ ꬋይሳናኮኔ ኦጌ ኮሽ ኦይኪዳ። ጊዶ ኣቲን ዴሬይካ ኢዛ ቲሚርቴዛን ማላሌቲዳ ጊሽ ኢዛስ ባቢዳ። 
\p  
\v 19 ኢስቲካ ጋዴይ ቃሚን ካታማይፔ ኬዚ ቢዳ። 
\p  
\v 20 ዎንቴꬃ ጋላስ ማላዶ ኢስቲ ኦጌራ ኣꬊ ቢሺን ባላሴ ሚꬃያ ፃጶፔ ሜሊዳሮ ቤዪዳ።  
\v 21 ዮዖዚ ኢዛ ዎዝናን ኣኬኬቲን ጴፅሮሲ ዬሱሳ “ኣስታማሬ! ሄኮ፥ ሃና ኔ ቃንጊዳ ባላሴያ ሜላዱስ” ጊዴስ። 
\p  
\v 22 ኢዚካ ዛሪዲ “ፆሳ ኣማንቴ።  
\v 23 ታ ኢንቴስ ቱሙ ጋይስ፤ ‘ኦኒካ ሃይሳ ዙማዛ ኔ ꬎቃሌታዳ ጌዴ ኣባን ጌላ’ ጊዛኮኔ ሄሳካ ዎዝናን ሲꬎንታ ኣማኒዳኮ ኢዛዴስ ሃናና። \x * \xo 11:23 \xt ማቶ 17፡20፤ 1ቆሮ 13፡2\x* 
\v 24 ሄሳ ጊሽ ኢንቴ ዎሳን ኦይቺዳዝ ዉርሲ ኤኪዳ ማላ ኣማኒኮ ኢንቴስ ሃናና።  
\v 25 ሄሳꬆካ ኢንቴ ዎሳስ ኤቂዛ ዎዴ ኢንቴ ሳሎ ኣዋይ ኢንቴ ናጋራ ኣቶ ጋና ማላ ኢንቴካ ኢንቴና ቆሂዳይታ ናጋራ ዉርሲ ኣቶ ጊቴ።  
\v 26 ኢንቴ ኣቶ ጎንታ ኢፂኮ ኢንቴ ሳሎ ኣዋይካ ኢንቴ ናጋራ ኣቶ ጌና።” ጊዴስ። \f + \fr 11:26 \ft ኢሲ ኢሲ ጌሻ ማፃፋቲ ፓይዶ 26 ቦላ ዲዛ ቆፋ ጉጄቴስ።\f*\x * \xo 11:26 \xt ማቶ 6፡14-15\x* 
\p  
\v 27 ቃሴካ ዬሩሳላሜ ዪዳ። ዬሱሲ ፆሳ ኬꬄ ካሬ ጊዶን ጌዴኔ ሃኔ ዩዬቲሺን ቄሴታ ሃላቃቲ፥ ሙሴ ዎጋ ታማርሲዛይቲኔ ዴሬ ጪማቲ ኢዛኮ ሺቂዲ፥  
\v 28 “ሃይሳ ኔ ኦꬂዛይ ኣይ ጎዳቴꬃራ? ሃይታ ኔ ኦꬃና ማላ ሃይሳ ማላ ጎዳቴꬅ ኔስ ኦኒ ኢሚዴ?” ጊዳ። 
\p  
\v 29 ዬሱሲካ ኢስታስ ዛሪዲ “ኣኔ ታካ ኢንቴና ኢሲ ኦይሾ ኦይቻይስ ኢንቴካ ታስ ዛሪኮ ታካ ሃ ዮዖታ ኣይ ጎዳቴꬃራ ኦꬂዛኮኔ ኢንቴስ ዮታና።  
\v 30 ዮሃኒሳ ፂንቃቴይ ፆሳፌዬ? ኣሳፔ? ኣኔ ታስ ዛሪቴ” ጊዴስ። 
\p  
\v 31 ኢስቲካ ባ ጊዶን ኢሶይ ኢሳራ “ኑ ሳሎፔ ጊኮ ኢዚ ኑና ‘ሂስቲን ኣዛስ ኢዛ ኣማኒቤይኬቲ?’ ጋና፤  
\v 32 ‘ኑ ኣሳፔ’ ጊኮ” ዮሃኒሲ ቱሙ ናቤ ጊዲዳይሳ ዴሬይ ዉሪ ኣማኒዛ ጊሽ ሄሳꬆ ጋና ባቢዳ። 
\p  
\v 33 ሄሳ ጊሽ “ኑ ኤሮኮ” ጊዲ ዬሱሳስ ዛሪዳ። ዬሱሲካ “ሂስቲኮ ታ ሃይታ ኣዛ ጎዳቴꬃራ ኦꬂዛኮኔ ታካ ኢንቴስ ዮቲኬ” ጊዴስ። 
\c 12  
\s1 ዎይኔ ሚꬂ ቶኪዛ ጎሻ ኣሳታ ሌሚሶ 
\r (ማቶ 21፡33-46፤ ሉቃ 20፡9-19) 
\p  
\v 1 ቃሴ ኢስታስ ሌሚሶራ ዮቲሼ “ኢሳዴይ ባ ዎይኔ ሚꬅ ቶኪዴስ። ኬላ ዩሺ ኣꬂ ኬሊዴስ፤ ዎይኔ ሚꬃ ኣይፌ ጉምዓና ኦላ ቦኪዴስ። ናጌ ኬꬄካ ኬፂዴስ። ሄሳፌ ጎሻንቻታስ ኪራ ኢሚዲ ሃራ ዴሬ ቢዴስ።  
\v 2 ሚꬃይ ኣይፊዛ ዎዴ ዎይኔ ሚꬃ ኣይፌ ኤካዳ ያ ጊዲ ኣሽካራታፔ ኢሳዴ ጎሻንቻታኮ ዬዲዴስ።  
\v 3 ጎሻንቻቲ ኣሽካራዛ ኦይኪ ሾጪዲ ጮ ሜላ ኩሼ ዬዲዳ።  
\v 4 ናምዓንꬆካ ሃራ ኣሽካራ ዬዲዴስ። ጎሻንቻቲ ሃዒካ ኣሽካራ ኦይኪዲ ኢዛስ ሁዔታራ ቆዒዲኔ ካዉሺዲ ዛሪ ዬዲዳ።  
\v 5 ሃዒካ ዛሪዲ ሃራ ኣሽካራ ዬዲዴስ። ሄ ዬዶይሳካ ዎꬊዳ፤ ሃራ ዳሮታ ጊዶፌ ኢሲ ኢሲ ኣሳታ ቆፂዳ፤ ባጋይታ ዎꬊዳ። 
\p  
\v 6 “ሃዒካ ኪቶንታ ኣቲዛ ሃራይ ዴስ፤ ኢዚካ ኣዋይ ዶሲዛ ኢዛ ናዛ። ‘ታ ናዛ ኢስቲ ቦሳና’ ጊ ቆፒዲ ዉርሴꬃን ባ ናዛ ዬዲዴስ።  
\v 7 ጎሻንቻቲ ቃስ ባ ጊዶን ‘ሃይሲ ዋና ኢዛ ላታና ናዛ፤ ሃ ዪቴ ኑ ኢዛ ዎꬊኮ ቢታይ ኑስ ጊዳና’ ጊዳ።  
\v 8 ሄሳ ጊሽ ሄን ኦይኪ ዎꬊዲ ዎይኔ ሚꬃያ ዲዛሶፔ ሃራሶ ኬሲ ዬጊዳ። 
\p  
\v 9 “ሂስቲን ዎይኔ ሚꬃ ጎዳይ ኢንቴስ ኣይ ኦꬃና ሚሳቲዜ? ኢዚ ያና፤ ጎሻንቻታካ ዎꬋና፤ ዎይኔ ሚꬃ ሃራታስ ኢማና።  
\v 10-11 ጌሻ ማፃፋን 
\q1 ‘ሹቻ ኬꬄ ኬፂዛይቲ ሃኔና ጊዲ ዎራ ዬጊዳ ሹቻይ 
\q2 ኬꬃ ማዛኔስ ቦላ ሁዔ ጊዲዴስ፤ 
\q1 ሄሳካ ጎዳይ ኦꬂዴስ። 
\q2 ሄሲካ ኑ ኣይፌስ ማላሊሲዛዝ ጌቴቲዲ ፃፌቲዳይሳ ናቤቢቤኬቲ?’ ” ጊዴስ። \f + \fr 12:10-11 \ft ማዒዜኔ ሹቻይ፥ ቱሲ ኬꬄ ናጊዛይሳ ማላ ሹቻ ኬꬂ ኩንዶንታ ማላ ናጊዛይሳ።\f*\x * \xo 12:10-11 \xt ማዛ 118፡22-23\x* 
\p  
\v 12 ኢዚ ኢስታስ ሌሚሶዛ ዮቲዳይ ኢስታ ጊሽ ጊዲዳይሳ ኣይሁዳ ሃላቃቲ ኤሪዳ ጊሽ ኢዛ ኦይካናስ ኮይዳ። ጊዶ ኣቲን ኣሳስ ባቢዳ ጊሽ ኣጊ ቢዳ። 
\s1 ጊራ ጊሽ ሺቂዳ ኦይሾ 
\r (ማቶ 22፡15-22፤ ሉቃ 20፡20-26) 
\p  
\v 13 ዬሱሳ ዮዖን ቃፃና ማላ ፋርሳዌታፔኔ ሄርዶሳ ባጋታፔ ጉꬃ ኣሳታ ዶሪዲ ኢዛኮ ዬዲዳ።  
\v 14 ኢስቲካ ኢዛኮ ዪዲ “ኣስታማሬ! ኔኒ ሞሮይ ባይንዳ ኣስ ጊዲዳይሳ ኑ ኤሮስ፤ ኔ ኦናስካ ባባዳ ዎርዶ ማዳካ፤ ፆሳ ኦጌ ፃላላ ቱሙ ታማርሳሳ። ኦሮሜ ካዎ ቄሳሬስ ጊራ ቃንፃናስ ቤሲዜዬ? ቤሴኔ? ኑ ቃንፂኖዬ? ቃንፆፊኖ?” 
\p  
\v 15 ዬሱሲ ኢስታ ኦይሾይ ቆꬌፔ ቆሞ ጊዲዳይሳ ኤሪዲ “ኣዛስ ታና ቃፃና ኮዬቲ? ኣኔ ኢሲ ዲናሬ ሃሚቴ ታ ቤያይስ” ጊዴስ። 
\p  
\v 16 ኢስቲካ ሚሻ ኤሂን “ሃይሲ ኢዛ ቦላ ዲዛ ሚሲሌዚ ኦና ሚሲሌ? ኢዛ ቦላ ፃፌቲዳይሲ ኦና ጊዜ?” ጊዴስ። ኢስቲካ “ቄሳሬይሳኮ” ጊዳ።  
\v 17 ዬሱሲካ “ቄሳሬይሳ ቄሳሬስ፥ ፆሳይሳ ፆሳስ ኢሚቴ” ጊዴስ። ኢስቲካ ኢዛ ዛሮን ማላሌቲዳ። 
\s1 ሃይቆፔ ዴንꬃ ጊሽ ሺቂዳ ኦይሾ 
\r (ማቶ 22፡23-33፤ ሉቃ 20፡27-40) 
\p  
\v 18 ሄሳፌ ጉዬ ሃይቂዳይታስ ሃይቆፔ ዴንꬂ ባዋ ጊዛ ሳዱቃዌቲ ኢዛኮ ዪዲ ኢዛ ሂዝጊ ኦይቺዳ። \x * \xo 12:18 \xt ሃዋ 23፡8\x* 
\v 19 “ኣስታማሬ! ኢሲ ኣሲ ማቾ ኤኪዲ ና ዬሎንታ ሃይቂኮ ሃይቂዳይሳ ኢሻይ ኢዛ ማቼዮ ኤኪዲ ኢዛስ ላታ ና ዬላና ማላ ካሴ ሙሴይ ኑስ ፃፊዴስ። \x * \xo 12:19 \xt ዛሬ 25፡5\x* 
\v 20 ጊዶ ኣቲን ላፑን ኢሻንቲ ዴቴስ፤ ኢስታፌ ባይራይ ማቾ ኤኪዲ ና ዬሎንታ ሃይቂዴስ።  
\v 21 ካሎዚ ሄ ማጫሳዮ ኤኪዲ ሃዒካ ና ዬሎንታ ሃይቂዴስ፤ ሄꬓንꬆይካ ዬሎንታ ሃይቂዴስ።  
\v 22 ላፑናቲካ ሄ ማጫሳዮ ኤኪዲ ላታ ዬሊቤቴና ዉርሴꬃን ማጫሳያካ ሃይቃዱስ።  
\v 23 ሂስቲን ላፑናቲካ ኢዞ ኤኪዳሺን ሃይቆፔ ዴንዶይ ዲዛ ጊዲኮ ሃ ማጫሳያ ኢስታፌ ኦና ማቾ ጊዳኔ?” ጊዳ። 
\p  
\v 24 ዬሱሲካ ኢስታስ “ኢንቴ ባሌቲዛይ ጌሻ ማፃፋታኔ ፆሳ ዎልቃ ኤሮንታ ጊሻሳ።  
\v 25 ሃይቂዳይቲ ዴንዲዛ ዎዴ ሳሎ ኪታንቻታ ማላ ጊዳና ኣቲን ኤኬቴቴናኔ ጌሌቴቴና።  
\v 26 ሃይቂዳይታ ዴንꬃ ጊሻስ ጊዲኮ ሙሴ ማፃፋን ሄሲካ ቄሪ ዎራ ጊዶን ኤፂዛ ታማ ጊዶፌ ፆሲ ‘ታኒ ኣብራሃሜ ፆሳ፤ ዪሳቃ ፆሳ፤ ያቆቤ ፆሳ’ ጊዛይሳ ናባቢቤኬቲ? \x * \xo 12:26 \xt ኬሳ 3፡6\x* 
\v 27 ፆሲ ፓፃታ ፆሳ ኣቲን ሃይቄꬃታ ፆሲ ጊዴና። ሄሳ ጊሽ ኢንቴ ዳሮ ባሌቲዴታ” ጊዴስ። 
\p  
\v 28 ኢስቲ ፓላማን ዲሺን ፃፌታፔ ኢሳዴይ ኢስታ ፓላማ ሲይዲኔ ዬሱሲ ኦይሼቲዳይሳስ ሎዔꬅ ዛሪዳይሳ ኣኬኪዲ “ኤሮ! ኣዛዞታፔ ኡባፌ ኣꬊዛይ ኣዋይሴ?” ጊዲ ኦይቺዴስ። 
\p  
\v 29 ዬሱሲ ኢዛስ ሂዝጊዴስ “ኡባፌ ኣꬊዛይ ሃይሳ ‘ኢስራዔሌ ሲያ! ጎዳ ፆሲ ኢሲ ጎዳ፥  
\v 30 ኔካ ጎዳ ኔ ፆሳ ኔ ኩሜꬃ ዎዝናፔ፥ ኔ ኩሜꬃ ሼምፖፌ፥ ኔ ኩሜꬃ ቆፋፔ፥ ኔ ኩሜꬃ ዎልቃፌ ዶሳ።’  
\v 31 ናምዓንꬆይካ ‘ኔ ላጌ ኔ ሁዔ ማላ ዶሳ’ ሃ ናምዓታፔ ኣꬊዛ ኣዛዞይ ባዋ።” \x * \xo 12:31 \xt ሌዌ 19፡18\x* 
\v 32 ፃፌዚካ “ኣስታማሬ፥ ሎዖ ጋዳሳ፥ ‘ፆሲ ኢሲኖ ጊዲዳይሳኔ ኢዛፔ ሃራይ ባይንዳይሳ’ ኔ ዮቲዳይሲ ሊኬ። \x * \xo 12:32 \xt ዛሬ 4፡35\x* 
\v 33 ኢዛ ኔ ኩሜꬃ ዎዝናፔ ኔ ኩሜꬃ ቆፋፔ ኔ ኩሜꬃ ዎልቃፌ ዶሶይ ቃሴካ ኔ ላጌ ኔ ሁዔ ማላ ዶሶይ ፁጌቲዛ ያርሾፌኔ ሃራ ያርሾ ኡባፌ ኣꬌስ” ጊዴስ። \x * \xo 12:33 \xt ሆሴ 6፡6\x* 
\v 34 ዬሱሲካ ኣዴዚ ዩሺ ቆፒዲ ዛሪዳይሳ ቤዪዲ “ኔኒ ፆሳ ካዎቴꬃፌ ሃሆን ዳካ” ጊዴስ። ሄሳፌ ጉዬ ኢዛ ኦይቻናስ ፃሊዳዴይ ቤቲቤና። \x * \xo 12:34 \xt ሉቃ 10፡25-28\x* 
\p  
\v 35 ዬሱሲ ፆሳ ኬꬄ ጋꬃን ታማርሲሼ “ሙሴ ዎጋ ታማርሲዛይቲ ኣዛስ ‘ኪርስቶሳ ዳዉቴ ና’ ጊዞ?  
\v 36 ዳዉቴይ ፂሎ ኣያናን ሃሳዪሼ ‘ጎዳይ ታ ጎዳ ኔ ሞርኬታ ታ ኔ ቶሆ ጋርስ ኣꬃና ጋካናስ ታ ኡሻቻን ኡታ ጊዴስ’ ጌስ። \x * \xo 12:36 \xt ማዛ 110፡1\x* 
\v 37 ሂስቲን ዳዉቴይ ባ ዱናራ ኢዛ ‘ጎዳ’ ጊኮ ዋኒዲ ሲሚ ኢዛስ ና ጊዳኔ?” ጊዴስ። ዳሮ ዴሬይካ ኢዚ ጊዛይሳ ኡፋይሳራ ሲዪዴስ። 
\p  
\v 38 ኢዚ ታማርሲሼ “ሙሴ ዎጋ ታማርሲዛይታፔ ናጌቲቴ፥ ጋዴራ ጎሼቲዛ ኣዱሳ ማይዖ ማይዒዲ ዩሽ ዩያና ዶሴቴስ፤ ኣዋንካ ኣꬊ ኣꬊ ኣሲ ኢስታስ ቦንቾ ሳሮታ ኢማና ማላ ኮዬቴስ።  
\v 39 ኣይሁዳታ ዎሳ ኬꬃን ꬎቃሶ፥ ጊቢራሶካ ቦንቾሶ ኮዬቴስ።  
\v 40 ኢስቲ ኣዚናይ ባይንዳ ማጫሳ ኬꬃ ካሎሴቴስ፤ ቃሴካ ባና ቤሳናስ ኣዱሳ ዎሳ ዎሴቴስ። ሃይታንቲ ኢታ ፒርዳ ፒርዴታና” ጊዴስ። 
\s1 ኣምዔይ ሙፁዋታ 
\r (ሉቃ 21፡1-4) 
\p  
\v 41 ዬሱሲካ ኣሳይ ሙፁዋታ ዬጊዛሶን ኡቲዲ ዳሮ ኣሳቲ ኢሚዛይሳ ፆሳ ኬꬃ ሚሻ ሺሺዛ ሳፂኔን ዬጊዛይሳ ፄሊዴስ። ዳሮ ዱሬቲ ዳሮ ሚሽ ዬጊዳ።  
\v 42 ኢሲ ኣዚናይ ባይንዳ ኣምዔ ዲዛራ ኢሲ ሲኪናፌ ዳሮንታ ፃርቂማላ ቢራታፔ ኦሴቲዳ ናምዑ ሚሽ ዬጋዱስ።  
\v 43 ዬሱሲ ባና ካሊዛይታ ፄይጊዲ “ታ ኢንቴስ ቱሙ ጋይስ፤ ሳፂኔዛን ዬጊዳ ኡባፌ ሃና ማንቆ ኣምዔያ ኣꬌꬅ ዬጋዱስ።  
\v 44 ሃይቲ ዉሪ ባስ ዲዛ ቲርፓ ሚሻፌ ዬጊዳሺን ሃና ቃሴ ባ ማንቆቴꬃፌ ባስ ዲዛይሳ ሲንꬃፌ ኢዞ ኮሺዛይሳራ ዉርሳ ኢማዱስ” ጊዴስ። 
\c 13  
\s1 ፆሳ ኬꬂ ላሌታናይሳ ዬሱሲ ካሴቲዲ ዮቲዴስ 
\r (ማቶ 24፡1-2፤ ሉቃ 21፡5-6) 
\p  
\v 1 ኢዚ ፆሳ ኬꬃፌ ኬዚሺን ኢዛ ካሊዛይታፔ ኢሶይ “ኣስታማሬ! ሃይሲ ኬꬃይኔ ኬꬃይ ኬፄቲዳ ሹቻይ ኣይ ማላ ሎዒዛኮኔ ሃይሳ ቤያይ?” ጊዴስ።  
\v 2 ዬሱሲካ ዛሪዲ “ሃይታ ጊታ ኬꬃታ ፄላይ? ሹቻቲ ኢሶይ ኢሳ ቦላ ዲዛ ማላ ዴቴና፤ ዉሪካ ላሌታና” ጊዴስ። 
\s1 ዎዴ ዉርሴꬃ ማላታታ 
\r (ማቶ 24፡3-14፤ ሉቃ 21፡7-19) 
\p  
\v 3 ዬሱሲ ፆሳ ኬꬃ ጊናራ ዳብራዛይቴ ዙማ ቦላ ኡቲዲሺን ጴፅሮሲ፥ ያቆቢ፥ ዮሃኒሲኔ ኢንዲራሲ ፃላ ኢዛኮ ሺቂዲ፥  
\v 4 “ሃይሲ ኣይዴ ሃናናኮኔ ኑስ ዮታ። ሃይሲ ዉርሴꬃን ፖሌታናስ ማላታይ ኣዜ?” ጊ ኦይቺዳ። 
\p  
\v 5 ዬሱሲካ ኢስታስ “ኦኒካ ኢንቴና ባሌꬆንታ ማላ ናጌቲቴ።  
\v 6 ቡሮ ዳሮቲ ‘ታ ኪርስቶሳ’ ጊሼ ታ ሱንꬃን ያና፤ ዳሮታካ ባሌꬃና።  
\v 7 ኢንቴ ኦላኔ ኦላ ዎሬ ሲዪዛ ዎዴ ዳጋሞፍቴ። ሄሲ ሃናናይሲ ኣቴና። ዉርሴꬂ ጊዲኮ ቡሮና።  
\v 8 ዴሬይ ዴሬ ቦላ ካዎይ ካዎ ቦላ ዴንዳና፥ ዳሮሶን ቢታ ቃꬂኔ ኮሻይ ሃናና፤ ሄይቲ ዉሪ ሚፃስ ሌሶ ማላ። 
\p  
\v 9 “ኢንቴ ኢንቴስ ናጌቲቴ። ቡሮ ኢንቴና ዴሬ ዱላታን ኣꬂ ኢማና። ኢስቲ ኢንቴና ኣይሁዳታ ዎሳ ኬꬃን ጋራፋና። ኢንቴ ታ ማርካታ ጊዳና ማላ ታ ጊሽ ዴሬ ዳናታ ሲንꬃኒኔ ካዎታ ሲንꬃን ኤቃና።  
\v 10 ኮይሮቲዲ ሚሺራቾ ቃላይ ዴሬ ኡባስ ሳባኬታና ቤሴስ።  
\v 11 ኢንቴ ኦይኬቲዲ ፒርዳስ ሺቂዛ ዎዴ ሂኖ ሄ ሳቴዪን ኢንቴስ ኢሜቲዛሮ ሃሳዪቴ ኣቲን ቢዲ ኑ ኣይ ጊኖ? ጊዲ ካሴቲ ሂርጎፍቴ። ሃሳያናይ ፂሎ ኣያናፔ ኣቲን ኢንቴና ጊዴኬታ። \x * \xo 13:11 \xt ማቶ 10፡17-20\x* 
\p  
\v 12 “ኢሻይ ኢሻ፥ ኣዋይ ባ ና ሃይቆስ ኣꬂ ኢማና፤ ናይቲ ባና ዬሊዳይታ ቦላ ማካላናኔ ዎꬋና።  
\v 13 ታ ጌዶን ኢንቴ ኣሳ ኡባን ኢፄቲዳይታ ጊዳና። ዉርሴꬅ ጋካናስ ሚኒ ኤቂዳዴይ ጊዲኮ ኣታና። \x * \xo 13:13 \xt ማቶ 10፡22\x* 
\s1 ዬሩሳላሜ ቦላ ጋካና ጊታ ሜቶ 
\r (ማቶ 24፡15-21፤ ሉቃ 21፡20-24) 
\p  
\v 14 “ኢንቴ ሃራሲዛ ቱናቴꬂ ኢዛስ ቤሶንታሶን ኤቂዳሼ ቤይኮ ናባቢዛዴይ ዎዝናን ዎꬆ፤ ዩሁዳን ዲዛይቲ ፑዴ ዙማ ቦላ ባቃቴቶ። \x * \xo 13:14 \xt ዳኔ 9፡27፤ 11፡31፤ 12፡11\x* 
\v 15 ኬꬃ ካሬን ዲዛዴይ ሶ ጌሎፖ፤ ባ ሚሽ ኬሳና ጊዲ ኬꬄ ጌሎፖ።  
\v 16 ጎሻሶን ዲዛዴይ ባ ማይዖ ኤካናስ ጉዬ ሲሞፎ። \x * \xo 13:16 \xt ሉቃ 17፡31\x* 
\v 17 ሄ ጋላሳታን ሻራ ማጫሳታሲኔ ና ꬋንꬂዛይታስ ኣዬ-ኣና!  
\v 18 ሄሲካ ባልጎን ጊዶንታ ማላ ፆሴ ዎሲቴ።  
\v 19 ኮይሮ ፆሲ ሜꬌቴꬃ ዉርሲ ሜꬎሶፔ ሃዒ ጋካናስ ዎይኮ ሃይሳፌ ጉዬ ኢዛ ሚሳቲዛይ ባይንዳ ጊታ ሜቶይ ሃናና። \x * \xo 13:19 \xt ዳኔ 12፡1፤ ኣጁ 7፡14\x* 
\v 20 ጎዳይ ሄ ጋላሳታ ቃንꬆንታኮ ኦኒካ ኣቴና ሺን ባሲ ዶሬቲዳይታ ጊሽ ሄ ጋላሳታ ቃንꬂዴስ። 
\p  
\v 21 “ሄ ዎዴ ኦኒካ ሄኮ ኪርስቶሲ ሃይሳን ዴስ፤ ጊኮ ዎይኮ ሄኮ ሄን ዴስ ጊኮ ኣማኖፒቴ።  
\v 22 ዎርዶ ኪርስቶሳቲኔ ዎርዶ ናቤቲ ቡሮ ዴንዲዲ ማላታታኔ ካሴ ሃኒ ኤሮንታ ፓላ ሚሽ ኦꬃና። ኢስታስ ዳንዳዬቲኮ ሃራይ ኣቶ ሺን ዶሬቲዳይታካ ባሌꬃና።  
\v 23 ሄሳ ጊሽ ናጌቲቴ፤ ሄ ዎዴይ ጋኮንታ ዲሺን ሃራ ሃይሳ ዉርሳ ታ ኢንቴስ ዮታዲስ። 
\s1 ኪርስቶሳ ናምዓንꬆ ዩስ 
\r (ማቶ 24፡29-31፤ ሉቃ 21፡25-28) 
\p  
\v 24 “ሄ ዎዴ ሄ ሜቶዛፔ ካሊዲ ኣዋ ኣርሼይ ꬉማና፤ 
\q2 ኣጊናይካ ፖዑሱኩ። 
\q1  
\v 25 ፆሊንቴቲ ሳሎፔ ቆቆፌታና፥ 
\q2 ሳሎን ዲዛ ዎልቃማቲ ቃፃና። \x * \xo 13:25 \xt ኢሳ 34፡4፤ ኣጁ 6፡13፤ ኢዩ 2፡10\x* 
\m  
\v 26 ሄ ዎዴ ኣሳ ናይ ጊታ ዎልቃራኔ ቦንቾራ ሳሎ ሻራራ ዪሺን ኣሳይ ኢዛ ቤያና። \x * \xo 13:26 \xt ዳኔ 7፡13፤ ኣጁ 1፡7\x* 
\v 27 ኢዚካ ኪታንቻታ ዬዲዲ ኦይዱ ባጋፌ ቢታ ጋፃፔ ጋፃ ጋካናስ ዲዛ ባስ ዶሬቲዳይታ ሺሻና። 
\s1 ባላሴ ሚꬃይ ሌሚሶ 
\r (ማቶ 24፡32-35፤ ሉቃ 21፡29-33) 
\p  
\v 28 “ሌሚሶዛ ባላሴ ሚꬃፌ ታማሪቴ። ኡንቁሎይ ጪሊሊዛ ዎዴ ሃይꬂ ኬሲሺን ቦኔይ ማቲዳይሳ ኢንቴ ኤሬታ። \f + \fr 13:28 \ft ሃይሲ ሃ ቆፋይ ቤሲዛይሲ ኢስታ ዴሬን ዲዛ ሚꬃቲ ኣጪዛይኔ ሃይꬃቲ ጪሊሊዛይ ቦኔ ጊዲዳይሳ ቤሳናሳ።\f* 
\v 29 ሄሳꬆካ ሃይቲ ታ ጊዳይቲ ፖሌቲሺን ኢንቴ ቤይኮ ዎዴይ ማቲ ዪዲ ፔንጌ ጋኪዳይሳ ኤሪቴ።  
\v 30 ታ ኢንቴስ ቱሙ ጋይስ፤ ሃ ዮዖቲ ፖሌታና ጋካናስ ሃይሲ ሃ ዬሌታይ ኣꬌና።  
\v 31 ሳሎይኔ ሳዓይ ኣꬋና ሺን ታ ቃላይ ጊዲኮ ኣꬌና። 
\s1 ጎዳይ ያና ጋላሳዮኔ ሳቴዮ ኦኒካ ኤሬና 
\r (ማቶ 24፡36-44) 
\p  
\v 32 “ቃሴ ሄ ጋላሳይ ጊሽ ዎይኮ ሄ ሳቴይ ጊሽ ታ ኣዋፔ ኣቲን ሳሎ ኪታንቻታ ጊዲንካ ናዛ ጊዲንካ ኦኒካ ኤሬና።  
\v 33 ሄሳ ጊሽ ዎዴይ ኣይዴኮኔ ኢንቴ ኤሮንታ ጊሽ ናጌቲቴ፥ ሚኒቴኔ ዎሲቴ።  
\v 34 ሄሲካ ባ ኬꬄ ኣሽካራታስ ኣጊዲ ኣሽካራታ ኢሳ ኢሳ ኦሶ ኦይꬂዲ ፔንጌ ናጊዛይሲ ቤጊዲ ናጋና ማላ ኣዛዚዲ ቢዳ ኣሳ ሚሳቴስ። \x * \xo 13:34 \xt ሉቃ 12፡36-38\x* 
\p  
\v 35 “ሂስቲኮ ኬꬃ ኣዋይ ኣይዴ ያናኮኔ ዎይኮ ቃማ ሌላ ጊዶꬅ ያናኮኔ ዎይኮ ኮይሮ ኩቶይ ባቂሺን ያናኮኔ ዎይኮ ዎንታ ቦላ ባዞይ ዞዒሺን ያናኮ ኢንቴ ኤሮንታ ጊሽ ቤጊዲ ናጊቴ።  
\v 36 ኢንቴ ቆፖንታ ዲሺን ኢዚ ዪዲ ኢንቴ ꬊስኪዲሺን ኢንቴና ዴሞፎ። 
\p  
\v 37 “ታ ኢንቴስ ዮቲዛይሳ ኣሳ ኡባስ ዮታይስ፤ ሚኒዲ ናጊቴ! ጋይስ” ጊዴስ። 
\c 14  
\s1 ኣሳይ ዬሱሳ ዎꬋናስ ማቄቲዴስ 
\r (ማቶ 26፡1-5፤ ሉቃ 22፡1-2፤ ዮሃ 11፡45-53) 
\p  
\v 1 ፓዚጋኔ ኡኬꬃ ሙሳ ባዓሌ ጋላሳይ ቦንቼታናስ ናምዑ ጋላሲ ኣቲሺን ቄሴታ ሃላቃቲኔ ሙሴ ዎጋ ታማርሲዛይቲ ዬሱሳ ባሌꬂ ኦይኪዲ ዎꬋና ኦጌ ኮይዳ። \x * \xo 14:1 \xt ኬሳ 12፡1-27\x* 
\v 2 ጊዶ ኣቲን “ኣሳይ ሜቶ ሜꬎንታ ማላ ባዓሌ ጋላሳታን ጊዶፖ” ጊዳ። 
\p  
\v 3 ኢዚ ቢታኒያ ጌቴቲዛ ሶን ኢሲ ኢንቺራቻ ሃርጋንቻ ጊዲዳ ሲሞና ሶን ቁማ ቦላ ዲሺን ዋጋይ ዳሮ ኣልዖ ጊዲዳ ናርዶሴ ጌቴቲዛ ሺቶይ ኩሚ ኡቲዳ ኣልባስፂሮሴ ቢልቃፄ ኦይኪዳ ኢሲ ማጫሳያ ቢልቃፄዛ ሜንꬃዳ ሺቶዛ ዬሱሳ ሁዔ ቦላ ጉሳዱስ። \x * \xo 14:3 \xt ሉቃ 7፡37-38\x* 
\p  
\v 4 ሄን ጋዳን ዲዛ ኣሳታፔ ኢሲ ኢሲ ኣሳቲ “ሃይሲ ሺቶዚ ኣዛስ ዎጋይ ባይንዳ ጉኪዜ?” ጊዲ ባ ጊዶን ሃንቄቲዳ።  
\v 5 “ሺቶዚ ባይዞ ባይዚዳኮ ሄꬑ ፄቱ ዲናሬፔ ቦላራ ባይዜቲዲ ማንቆታስ ኢሜቴኔሺን” ጊዲ ማጫሳዮካ ካꬊዳ። \f + \fr 14:5 \ft 300 ዲናሬይ ጉሲ ቤኒ ዎዴ ኣሳስ ላይꬃ ዳሞዛ።\f* 
\p  
\v 6 ጊዶ ኣቲን ዬሱሲ ኢስታስ “ኣጊቴ! ሃኖ ማጫሳዮ ኣዛስ ዋይሴቲ? ኢዛ ታስ ሎዖ ሚሽ ኦꬃዱስ።  
\v 7 ማንቆቲ ኣይ ዎዴካ ኢንቴናራ ዴቴስ። ኢንቴ ኮይዳ ዎዴ ኣይዴካ ኢስታ ማዳናስ ዳንዳዬታ ሺን ታ ጊዲኮ ኡባ ዎዴ ኢንቴናራ ዲኬ። \x * \xo 14:7 \xt ዛሬ 15፡11\x* 
\v 8 ሃና ባ ኦꬃናስ ዳንዳዪዛሪ ኬና ኦꬃዱስ። ታስ ሞጎስ ጊዳና ማላ ታ ኣሾ ካሴታ ቲያዱስ።  
\v 9 ታ ኢንቴስ ቱሙ ጋይስ፤ ሃይሲ ሚሺራቾ ቃላይ ኣላሜ ኩሜꬃን ሳባኬቲዛሶን ኣዋንካ ኢዛ ኦꬂዳይሲ ኢዞ ሃሳዒሲዛዝ ጊዲዲ ሃሳዬታና” ጊዴስ። 
\s1 ዩሁዳይ ዬሱሳ ኣꬂ ኢማናስ ጊጊዴስ 
\r (ማቶ 26፡14-16፤ ሉቃ 22፡3-6) 
\p  
\v 10 ሄሳፌ ጉዬ ታማኔ ናምዓታፔ ኢሶይ ኣስቆሮንቶ ዩሁዳይ ዬሱሳ ኣꬂ ኢማናስ ቄሴታ ሃላቃታኮ ቢዴስ።  
\v 11 ኢስቲካ ሄሳ ሲይዲ ኡፋዬቲዳ፤ ኢዛስ ሚሼ ኢማናስ ኢዛራ ጊጊዳ። ሄሳ ጊሽ ዬሱሳ ኣꬂ ኢማናስ ኢንጄ ዎዴ ናጊሼ ጋምዒዴስ። 
\p  
\v 12 ፓዚጋ ዶርሲ ሹኬቲዛ ኡኬꬃ ሙሳ ቦንቺዛ ኮይሮ ጋላስ ዬሱሳ ካሊዛይቲ ዬሱሳኮ ሺቂዲ “ፓዚጋ ካዎ ማናሶ ኣዋን ጊጊሳና ማላ ኮያይ?” ጊ ኦይቺዳ። 
\p  
\v 13 ኢዚካ ባና ካሊዛይታፔ ናምዓታ “ጌዴ ካታማ ቢቴ፤ ኢንቴ ቢሺን ሃꬄ ኦቶራ ቶኪዳ ኢሳዴይ ኢንቴናራ ጋጋና።  
\v 14 ኢዚ ቢዲ ጌሊዛሶ ጋካናስ ኢዛ ካሊቴ። ኬꬃዴዛስ ‘ኣስታማሬይ ኔና ታና ካሊዛይታራ ፓዚጋ ካዎ ማናስ ታስ ጊዲዛ ኢማꬃ ሼምፖሶይ ኣዋይሴ? ጊዴስ’ ጊቴ።  
\v 15 ኢዚካ ቦላ ፖቄ ቦላ ዲዛ ጊጊ ኡቲዳ ኣሆ ሶ ኢንቴና ቤሳና፤ ሄን ኢዛን ጊጊሲቴ” ጊ ኪቲዴስ። 
\p  
\v 16 ኢዛ ካሊዛይቲካ ኬዚዲ ጌዴ ካታማ ቢዳ። ዉሪካ ዬሱሲ ጊዳ ማላ ሃኒ ቤቲዴስ፤ ፓዚጋካ ሄን ጊጊሲዳ። 
\p  
\v 17 ጋዴይ ቃሚሺን ዬሱሲ ባና ካሊዛ ታማኔ ናምዓታራ ጋኪዴስ።  
\v 18 ኢስቲ ማዳን ዲሺን “ታ ኢንቴስ ቱሙ ጋይስ፤ ኢንቴ ጊዶፌ ኢሶይ ኢዚካ ታናራ ኢሲፌ ሚዛይሲ ታና ኣꬂ ኢማና” ጊዴስ። \x * \xo 14:18 \xt ማዛ 41፡9\x* 
\p  
\v 19 ኢስቲካ ሙዞቲዲ “ታኔሻ? ታኔሻ?” ጊዲ ኢሶይ ኢሶይ ዬሱሳ ኦይቺዳ። 
\p  
\v 20 ኢዚካ ኢስታስ “ታማኔ ናምዓታፔ ኢሶይ ታናራ ባ ኩሼ ኬሬን ዬዲዛዴ።  
\v 21 ካሴ ፃፌቲዳ ማላ ኣሳ ናይ ኢዛ ጊሽ ሃይቃና ሺን ኣሳ ና ኣꬂ ኢሚዛዴስ ኣዬ-ኣና! ሄሳዴይ ካሴ ዬሌቶንታ ኣጊዳኮ ኢዛስ ሎዖኮሺን!” ጊዴስ። 
\s1 ጎዳ ካዎ ኤኮ ዎጋ 
\r (ማቶ 26፡26-30፤ ሉቃ 22፡14-23፤ 1ቆሮ 11፡23-25) 
\p  
\v 22 ኢስቲ ሚሺን ኡኬꬃ ኤኪ ኣንጂዲኔ ሜንꬂዲ ባና ካሊዛይታስ “ሃይሳ ታ ኣሾ ሄይቴ” ጊ ኢሚዴስ። 
\p  
\v 23 ኡሻካ ዴንꬂ ጋላቲዲ ኢስታስ ኢሚን ኢስቲ ዉሪካ ኡዪዳ።  
\v 24 ቃሴ ዬሱሲ “ሃይሲ ዳሮታ ጊሽ ጉካና ታ ኦራꬃ ጫቆ ሱꬃ። \x * \xo 14:24 \xt ኬሳ 24፡8፤ ኤር 31፡31-34\x* 
\v 25 ታ ኢንቴስ ቱሙ ጋይስ፤ ኦራꬃ ዎይኔፔ ጊጊዳ ኡሻ ፆሳ ካዎቴꬃን ታ ኡያና ዎዴ ጋካናስ ናምዓንꬆ ሃይሳ ኡዪኬ” ጊዴስ። 
\p  
\v 26 ሄሳፌ ጉዬ ማዛሙሬ ኢሲፌ ዬፂዲ ፑዴ ዳብራዛይቴ ዙማ ቦላ ኬዚዳ። 
\p  
\v 27 ዬሱሲ “ ‘ታ ሄሚዛይሳ ሾጫና ሄ ዎዴ ኢዛ ዶርሳቲ ላሌታና’ ጌቴቲ ፃፌቲዳይሳ ማላ ኢንቴ ዉሪካ ታናን ዱጴታና። \x * \xo 14:27 \xt ዛካ 13፡7\x* 
\v 28 ታ ዴንዲዳይሳፌ ጉዬ ጊዲኮ ታ ኢንቴፌ ካሴታዳ ጋሊላ ባና” ጊዴስ። \x * \xo 14:28 \xt ማቶ 28፡16\x* 
\p  
\v 29 ጴፅሮሲካ “ኣሳይ ዉሪ ꬉጴቲኮካ ታኒ ꬉጴቲኬ!” ጊዴስ። 
\p  
\v 30 ዬሱሲካ “ታ ኔስ ቱሙ ጋይስ፤ ሃቺ ቃማ ኩቶይ ናምዑቶ ዋሳና ጋካናስ ኔኒ ታና ሄꬑቶ ካዳና” ጊዴስ። 
\p  
\v 31 ጴፅሮሲ ቃስ “ታ ኔናራ ሃይቂዛኮካ ሙሌካ ኔና ካዲኬ” ጊዲ ኬሂ ሚንꬂ ዮቲዴስ። ሃንኮይቲካ ዉሪ ኢዛይሳꬆ ጊዳ። 
\s1 ዬሱሲ ጌቴሴማኔን ዎሲዴስ 
\r (ማቶ 26፡36-46፤ ሉቃ 22፡39-46) 
\p  
\v 32 ሄሳፌ ጉዬ ጌቴሴማኔ ጌቴቲዛሶ ቢዳ ዬሱሲካ ባና ካሊዛይታ “ታኒ ዎሲሺን ኢንቴ ሃይሳን ጋምዒሺቴ” ጊዴስ።  
\v 33 ጴፅሮሳ፥ ያቆቤኔ ዮሃኒሳ ባናራ ኤኪ ቢዴስ። ኬሂ ቆፒዴሲኔ ሜቶቲዴስ።  
\v 34 ቃሴካ ኢስታስ “ታ ሼምፖያ ዳሮ ሜቶታዱስ ኢንቴ ሃን ዲሺቴ። ꬊስኮንታ ናጊቴ” ጊዴስ። 
\p  
\v 35 ኢስታ ኣቻፌ ጉꬅ ጌዴ ፖቂዲ ቢታ ቦላ ጉፋኒዲ ሃንኮ ሄ ሳቴያ ኢዛፔ ኣꬋና ማላ ዎሲዴስ።  
\v 36 “ታ ኣዋዉ! ኔስ ዉሪ ዳንዳዬቴስ፤ ሃይሳ ዋዬ ፁዓ ታፔ ሃሳ። ጊዲኮካ ኔ ሼኔፔ ኣቲን ታ ሼኔይ ሃኖፖ” ጊዴስ። 
\p  
\v 37 ኢዚ ሄፔ ሲሚ ዪሺን ኢዛ ካሊዛይቲ ꬊሲኪዳይታ ቤዪዴስ። ጴፅሮሳካ “ሲሞና ꬊስካዲ? ሃራይ ኣቶ ሺን ኢሲ ሳቴካ ሚናዳ ናጎይ ኔና ፆኒዴ?  
\v 38 ኢንቴ ፓጬን ጌሎንታ ማላ ቤጊዲ ዎሲቴኔ ሚኒቴ። ኣያናይ ጊጌቲ ኡቲዴስ ሺን ኣሾይ ጊዲኮ ዳቡራንቻ” ጊዴስ። 
\p  
\v 39 ቃሴካ ቢዲ ኮይሮይሳꬆ ዎሲዴስ።  
\v 40 ኢዚ ናምዓንꬆ ሲሚ ዪሺን ኢስታ ኣይፌን ꬊስኮይ ዴፂን ꬊስኪዳይታ ዴሚዴስ ሺን ኢስቲ ኢዛስ ኣይ ዛራናኮኔ ኤሪቤቴና። 
\p  
\v 41 ሄꬓንꬆ ዪዲ “ሃዒካ ኢንቴ ኢቺዲ ሼምፔቲ? ሃዒ ጊዳና፥ ሳቴያካ ጋካዱስ፤ ሄኮ ኣሳ ናይ ናጋራንቻታ ኩሼን ኣꬊ ኢሜታና።  
\v 42 ኣኔ ኤቂቴ ቦስ፤ ታና ኣꬂ ኢማናዴይ ዪዴስ” ጊዴስ። 
\s1 ዬሱሲ ኦይኬቲዴሲኔ ኣꬊ ኢሜቲዴስ 
\r (ማቶ 26፡47-56፤ ሉቃ 22፡47-53፤ ዮሃ 18፡3-12) 
\p  
\v 43 ዬሱሲ ቡሮ ሃሳያን ዲሺን ታማኔ ናምዓታፔ ኢሶይ ዩሁዳይ ዪዴስ። ኢዛራ ኢሲፌ ቄሴ ሃላቃታፔኔ ሙሴ ዎጋ ታማርሲዛይታፔ ኪቴቲዳ ዳሮ ኣሳይ ጊꬃ ማሻኔ ዱርቃ ኦይኪዲ ዪዴስ።  
\v 44 ኢዛ ኣꬂ ኢማና ዩሁዳይ ኢስታስ “ኣሳ ጊዶፌ ታ ዬሪዛዴይ ኢዛ ጊዲዳ ጊሻስ ኦይኪዲ ሎዔꬂ ናጊ ኤፊቴ” ጊዲ ካሴቲ ማላታ ኢሚ ዎꬂዴስ። 
\p  
\v 45 ጋኪዳ ማላ ዩሁዳይ ዬሱሳኮ ሺቂዲ “ኣስታማሬ!” ጊዲ ዬሪዴስ።  
\v 46 ኣሳቲካ ዬሱሳ ኦይኪዳ።  
\v 47 ኢዛ ኣቻን ኤቂዳ ኢሶይ ማሻ ኮሆፔ ሾዲ ቄሴታ ሃላቃ ኣሽካራ ሃይꬅ ቃንፂዴስ።  
\v 48 ዬሱሲካ ኢስታስ “ፓንጋ ማላ ታና ኦይካና ማሻኔ ዱርቃ ኦይኪዲ ዬቲ?  
\v 49 ዎንቲን ዎንቲን ፆሳ ኬꬃን ታማርሳሼ ታ ኢንቴናራ ዲሺን ኦይኪቤኬታ ሺን ካሴ ፃፌቲዳይሲ ፖሌታና ማላ ሃይሲ ሃኒዴስ” ጊዴስ። \x * \xo 14:49 \xt ሉቃ 19፡47፤ 21፡37\x* 
\p  
\v 50 ሄሳ ዎዴ ኢዛ ካሊዛይቲ ዉሪ ኢዛ ዬጊ ኣጊ ቢዳ።  
\v 51 ባ ካሎቴꬅ ቄሪ ናፃላን ካሚዳ ኢሲ ናይ ዬሱሳ ካሊሺን ኣሳይ ኢዛ ኦይኪን፥  
\v 52 ናዚ ናፃላ ዬጊዲ ካሎ ኪቺዴስ። 
\s1 ዬሱሳ ፒርዳ ዱላታኮ ሺሺዳ 
\r (ማቶ 26፡57-68፤ ሉቃ 22፡54-55፥63-71፤ ዮሃ 18፡13-14፥19-24) 
\p  
\v 53 ዬሱሳካ ጌዴ ቄሴታ ሃላቃኮ ኤፊዳ። ቄሴታ ሃላቃቲ፥ ዴሬ ጪማቲኔ ሙሴ ዎጋ ታማርሲዛይቲ ሄን ኢሲፌ ዉሪ ሺቂዳ።  
\v 54 ጴፅሮሲካ ዬሱሳ ሃሆራ ካሊሼ ቄሴታ ሃላቃ ጊቤ ጋካናስ ቢዴስ። ኢዚ ሄን ኡቲዲ ሃራ ኣሳታራ ታማ ሆዒሺን፥  
\v 55 ቄሴታ ሃላቃቲኔ ዴሬ ጪማቲ ዉሪ ዬሱሳ ዎꬋናስ ማርካታና ኣስ ኮይዳ ሺን ዴማናስ ዳንዳዪቤቴና።  
\v 56 ዳሮቲ ኢዛ ቦላ ዎርዶራ ማርካቲኮካ ማርካታ ቃላይ ኦይኬቲቤና። 
\p  
\v 57 ኢሲ ኢሲ ማርካቲ ዴንዲዲ ዎርዶራ፥  
\v 58 “ሃይሲ ኣዴዚ ‘ታ ኣሳ ኩሼን ኬፄቲዳ ፆሳ ኬꬃ ላላዳ ኣሳ ኩሼይ ቦቾንታዝ ሃራ ፆሳ ኬꬃ ሄꬑ ጋላሳራ ታ ኬፃና’ ጊሺን ኑ ሲዪዶስ” ጊ ማርካቲዳ። \x * \xo 14:58 \xt ዮሃ 2፡19\x* 
\v 59 ጊዶ ኣቲን ኢስታ ማርካቴꬂ ኢሲ ቦላ ዎꬊቤና። 
\p  
\v 60 ቄሴታ ሃላቃይካ ኢስታ ሲንꬃን ኤቂዲ “ሃይቲ ኔ ቦላ ማርካቲዛይሲ ኣዜ? ኔ ኣዛስ ዱና ዛሪኪ?” ጊዲ ዬሱሳ ኦይቺዴስ። 
\p  
\v 61 ጊዶ ኣቲን ዬሱሲ ኢስታስ ኣይኮካ ዛሮንታ ጮዑ ጊዴስ። ቄሴታ ሃላቃይ ቃሴካ “ኣንጄቲዳ ፆሳ ናይ ኪርስቶሲ ኔኔ?” ጊ ኦይቺዴስ። 
\p  
\v 62 ዬሱሲካ ዛሪዲ “ኤ፤ ታናኮ! ኣሳ ናይ ዎልቃማ ፆሳ ኡሻቻን ኡቲሺኒኔ ሳሎ ሻራራ ዪሺን ኢንቴ ኢዛ ቤያና” ጊዴስ። \x * \xo 14:62 \xt ዳኔ 7፡13\x* 
\p  
\v 63 ቄሴታ ሃላቃይ ባ ማይዖ ዳኪዲ “ኑስ ሃራ ኣዛ ማርካ ኮሺዜ?  
\v 64 ኢዚ ጫሻ ቃላ ፆሳ ቦላ ሃሳይሺን ኢንቴ ሲዪዴታ፤ ሃዒች ኢንቴስ ኣይ ሚሳቲዜ?” ጊዴስ። ኢስቲካ “ኢዛስ ሃይቆይ ቤሴስ” ጊዲ ዉሪካ ኢሲ ቃላን ፒርዲዳ። \x * \xo 14:64 \xt ሌዌ 24፡16\x* 
\p  
\v 65 ሄሳ ዎዴ ኢሲ ኢሲ ኣሳቲ ኢዛ ቦላ ጩች ጩቲዳ፤ ኢዛ ኣይፌ ጎዚ ኦይኪዲ ኢጪሼ “ኣኔ ቲንቢቴ ዮታ” ጊዳ። ባጋይቲ ቃሴ ሻጋላን ባቂሼ ኤፊዳ። 
\s1 ጴፅሮሲ ዬሱሳ ካዲዴስ 
\r (ማቶ 26፡69-75፤ ሉቃ 22፡56-62፤ ዮሃ 18፡15-18፥25-27) 
\p  
\v 66 ጴፅሮሲ ዱጌ ባጋራ ሄን ጊቤ ጊዶን ዲሺን ቄሴታ ሃላቃ ጋራዴታፔ ኢሲኒያ ያዱስ።  
\v 67 ጴፅሮሲ ታማ ሆዒሺን ቲሺ ሂስታ ፄላዳ “ኔኒ ናዚሬቴ ዬሱሳራ ዳሳ ጊዲኪ?” ጋዱስ። 
\p  
\v 68 ኢዚ ቃስ “ኔ ጊዛይሳዴ ታ ኤሪኬ፤ ኔ ጊዝይሲ ታስ ጌሌና” ጊዲ ካዲዴስ። ሄሳፌ ጌዴ ፔንጌ ፖቂ ኤቂ ዲሺን ሄራካ ኩቶይ ዋሲዴስ። 
\p  
\v 69 ሄ ጋራዴያ ኢዛ ቤዪዳ ማላ ሄን ኤቂዳ ኣሳታስ “ሃይሲ ኣዴዚ ኢዛራ ዲዛ ኣሳታፔ ኢሳዴኮ!” ጋዳ ቃሴካ ሃሳያዱስ።  
\v 70 ኢዚ ቃሴካ ካዲዴስ። ጉꬃ ዎዴ ጋምዒሺን ሄን ኤቂዳ ኣሳቲ ጴፅሮሳ “ኔኒ ጋሊላ ኣሳ፥ ሄሳ ጊሽ ቱማፔ ኔ ኢስታፌ ኢሳዴ” ጊዳ። 
\p  
\v 71 ጊዶ ኣቲን ኢዚ ቃስ “ኢንቴ ጊዛዴ ታ ኤሪኬ!” ጊሼ ጫቆኔ ባና ቃንጌꬅ ኦይኪዴስ። 
\p  
\v 72 ሄራካ ኩቶይ ናምዓንꬆ ዋሲዴስ። ጴፅሮሲካ “ኩቶይ ናምዓ ዋሳናስ ኔ ታና ሄꬓ ካዳና” ጊዳ ዬሱሳ ቃላይ ኢዛስ ቆፌቲን ሂቂሚዲ ዬኪዴስ። 
\c 15  
\s1 ዬሱሳ ጲላፆሳኮ ኤፊዳ 
\r (ማቶ 27፡1-2፥11-14፤ ሉቃ 23፡1-5፤ ዮሃ 18፡28-38) 
\p  
\v 1 ማላዶ ዎንታራ ቄሴታ ሃላቃቲ፥ ዴሬ ጪማቲኔ ሙሴ ዎጋ ታማርሲዛይቲ ኩሜꬃ ሻንጎ ኣላፌታራ ኢሲፌ ዞሬቲዲ ዬሱሳ ቃቺ ኤኪ ኤፊዲ ጲላፆሳስ ኣꬂ ኢሚዳ። 
\p  
\v 2 ጲላፆሲካ ዬሱሳ “ኔ ኣይሁዳታ ካዎ?” ጊ ኦይቺዴስ። ዬሱሲካ “ኤ፥ ኔ ጊዳ ማላ” ጊዲ ኢዛስ ዛሪዴስ። 
\p  
\v 3 ቄሴታ ሃላቃቲካ ዳሮ ዮዖ ኢዛ ቦላ ሺሺ ሞቲዳ።  
\v 4 ጲላፆሲ ቃስ “ኔ ኣዛስ ኦይሻ ዛሪኪ? ሄኮ ኔና ዳሮ ዮዖን ሞቴቴስ” ጊዲ ቃሴካ ኦይቺዴስ። 
\p  
\v 5 ጊዶ ኣቲን ዬሱሲ ሃዒካ ኢዛስ ኣይኮካ ዛሮ ኢሞንታ ጊሽ ጲላፆሲካ ማላሌቲዴስ። 
\p  
\v 6 ፓዚጋ ባዓሌ ጋላስ ጲላፆሲ ዴሬይ ቢርሻና ማላ ኦይቺዳዴ ቢርሺ ዬዲዛ ዎጋይ ካሴ ዴስ።  
\v 7 ኢታ ኦሶን ዴሬ ቦላ ዴንዲዲ ሼምፖ ዎꬊዳ ኣሳታራ ኢሲፌ ቃሼቲዳ ባርባኔ ጌቴቲዛ ኢሳዴይ ዴስ።  
\v 8 ዴሬይካ ዪዲ ካሴ ሎሴ ጊዲዳይሳ ኢዚ ኦꬃና ማላ ጲላፆሳ ዎሲዴስ። 
\p  
\v 9 ጲላፆሲካ ኢስታስ “ታ ኢንቴስ ኣይሁዳ ካዎ ቢርሻና ማላ ኮዬቲ?” ጊ ኦይቺዴስ።  
\v 10 ጲላፆሲ ሄሳꬆ ኦይቺዳይ ካሴ ቄሴታ ሃላቃቲ ዬሱሳ ቃናቴን ኣꬂ ኢሚዳይሳ ኤሪዛ ጊሻሳ። 
\p  
\v 11 ቄሴታ ሃላቃቲ ቃስ “ኢዛ ኤፃ ባርባኔይ ቢርሼቶ!” ጊ ኦይቻና ማላ ዴሬዛ ዴንꬄꬂዳ።  
\v 12 ጲላፆሲ “ሂስቲኮ ኢንቴ ኣይሁዳ ካዎ ጊዛ ኣዴዛ ዎስታና ማላ ኮዬቲ” ጊዴስ። 
\p  
\v 13 ኢስቲ ቃሴካ “ካቃ! ካቃ!” ጊ ዋሲዳ። 
\p  
\v 14 ጲላፆሲካ “ኣይ ኢታ ኦꬂዴ?” ጊ ኢስታ ኦይቺዴስ። ኢስቲ ቃስ “ካቃ! ካቃ!” ጊዲ ካሴፔ ኣꬂ ዋሲዳ። 
\p  
\v 15 ጲላፆሲካ ዴሬዛ ኡፋይሳና ጊዲ ባርባኔ ኢስታስ ቢርሺዴስ። ዬሱሳ ጋራፊዲ ካቃናስ ኣꬂ ኢሚዴስ። 
\s1 ዎታዳራቲ ዬሱሳ ቦላ ቂሊጪዳ 
\r (ማቶ 27፡27-30፤ ዮሃ 19፡2-3) 
\p  
\v 16 ዎታዳራቲ ዬሱሳ ዴሬ ሃሪዛይሳ ጊቤ ኤኪ ቢዲ ኣቲዳ ዎታዳራታ ዉርሲ ሺሺዳ።  
\v 17 ዬሱሳ ዞዖ ማይዖ ማይዚዳ፤ ኣጉንꬃ ኣክሊሌ ፃፂዲ ኢዛ ሁዔን ዎꬂዳ።  
\v 18 ሄሳፌካ “ኣይሁዳ ካዎ ሳሮይ ኔስ ጊዶ!” ጊሼ ኢዛ ሳሮꬂዳ።  
\v 19 ኢዛ ሁዔ ጉፌራ ሾጪዳ፤ ኢዛ ቦላካ ጩቲዳ ጉልባቲዲ ኢዛስ ጎይኒዳ።  
\v 20 ኢዛ ቦላ ቂꬊ ካዒዳፔ ጉዬ ካሴ ማይዚዳ ዞዖ ማይዖዛ ቃሪ ኤኪዲ ካሴ ኢዛ ማይዖዛ ዛሪ ማይዚዲ ካቃናሶ ኤኪ ቢዳ። 
\s1 ዬሱሳ ካቄቴꬅ 
\r (ማቶ 27፡31-44፤ ሉቃ 23፡27-43፤ ዮሃ 19፡17-27) 
\p  
\v 21 ኣላኪሳንድሮሳኔ ሩፎሳ ኣዋ ሲሞና ጌቴቲዛ ኢሲ ቃሬና ዴሬ ኣሲ ዴሬፔ ካታማ ዪዛይሳ ዬሱሳ ማስቃሌ ዎልቃራ ኦይኪ ቶሲዳ። \x * \xo 15:21 \xt ኦሮ 16፡13\x* 
\v 22 ሄሳፌ ጉዬ ዬሱሳ ጎልጎታ ጌቴቲዛሶ ኤፊዳ፤ ኢዛስ ቢርሼꬃይ “ኣሳ ሁዔ ጉጌ” ጉሳ።  
\v 23 ካርቤ ጌቴቲዛ ጫሞራ ዋላኬቲዳ ዎይኔ ጫጄ ኡያና ማላ ኢዛስ ኢሚን ኢዚ ኤኮንታ ኢፂዴስ።  
\v 24 ሄሳፌ ጉዬ ኢዛ ካቂዳ፥ ኢዛ ማይዖ ኢሳዴ ኢሳዴ ኣዋይሲ ጋካናኮኔ ጊዲ ሳማ ዬጊዲ ጊሼቲዳ። 
\p  
\v 25 ኢስቲ ኢዛ ካቂሺን ዎንታፌ ሄꬑ ሳቴ ጊዲዴስ።  
\v 26 ኢስቲ ማስቃሌ ቦላ ፃፊ ሺሺዳ ሞቶ ቃላይ “ኣይሁዳ ካዎ” ጊዛ ቃላ።  
\v 27 ኢዛራ ኢሲፌ ናምዑ ፓንጋታ ኢሳ ኢዛፔ ኡሻቻራ ኢሳ ሃዲርሳራ ካቂዳ።  
\v 28 ሄሳንካ ካሴ ማፃፋይ “ኢታታራ ኢሲፌ ታይቤቲዴስ” ጊዳ ቲንቢቴ ቃላይ ፖሌቲዴስ።\f + \fr 15:28 \ft ኢሲ ኢሲ ጌሻ ማፃፋቲ ፓይዶ 28 ቦላ ዲዛ ቆፋ ጉጄቴስ፤ ቃላይካ ሉቃሳን 22፡37 ቦላ ዲዛይሳ ሚሳቴስ።\f*\x * \xo 15:28 \xt ኢሳ 53፡12\x* 
\p  
\v 29 ኦጌራ ኣꬊ ቢዛይቲካ ባ ሁዔ ቃꬂሼ “ኦይ! ኦይ! ፆሳ ኬꬃ ላላዳ ሄꬑ ጋላሳን ኬፃናይ ኔኔ?” ጊዲ ኢታ ጫሼ ጫዪሼ፤ \x * \xo 15:29 \xt ማዛ 22፡7፤ 109፡25፤ ማር 14፡58፤ ዮሃ 2፡19\x* 
\v 30 “ኣኔ ሃዒ ማስቃሌ ቦላፌ ዎꬋዳ ኔና ኣሻ” ጊዳ። 
\p  
\v 31 ሄሳꬆካ ቄሴታ ሃላቃቲኔ ሙሴ ዎጋ ታማርሲዛይቲ ባ ጊዶን ኢሶይ ኢሳስ “ሃራታ ኣሺዴስ ሺን ባና ኣሻና ዳንዳይቤና” ጊዲ ኢዛ ቂꬊዳ።  
\v 32 “ኑ ኢዛ ቤዪዲ ኣማናና ማላ ኣኔ ሃይሲ ኪርስቶሲ ኢስራዔሌታ ካዎይ ሃዒ ማስቃሌፔ ዎꬎ” ጊዳ። ኢዛራ ካቄቲዳይቲካ ኢዛ ቦላ ጫሼ ኮሪዳ። 
\s1 ዬሱሳ ሃይቆ 
\r (ማቶ 27፡45-56፤ ሉቃ 23፡44-49፤ ዮሃ 19፡28-30) 
\p  
\v 33 ኡሱፑን ሳቴፔ ኦይኪዲ ኡዱፉን ሳቴ ጋካናስ ቢታይ ዉሪ ꬉሚዴስ።  
\v 34 ኡዱፉን ሳቴ ቦላ ዬሱሲ “ኤሎሄ! ኤሎሄ! ላማ ሳባቂታኔ” ጊዲ ቃላ ꬎቁ ሂስቲዲ ዋሲዴስ። ሄሳስ ቢርሼꬃይ “ታ ፆሶ! ታ ፆሶ! ኔ ታና ኣዛስ ኣጋዲ?” ጉሳ። \x * \xo 15:34 \xt ማዛ 22፡1\x* 
\p  
\v 35 ሄን ጋዳን ኤቂዳ ኣሳፔ ኢሲ ኢሲ ኣሳቲ ሄሳ ሲይዲ “ኤላሳ ፄይጌስኮ” ጊዳ።  
\v 36 ሄሳፌ ኢሲ ኣሲ ኤሌሊ ቢዲ ጫሊዳ ዎይኔ ጫጄ ኢስፖንጄ ማላ ሚሻን ጌልꬂ ኬሲዲ ሚꬃ ፄራን ኦይꬂዲ ኡያና ማላ ዬሱሳስ ሺሺዴስ። ሄሳፌ ቃሴ “ኣኔ ኣጋጊቴ፤ ኤላሲ ዪዲ ኢዛ ካቆፔ ዎꬂሺን ኑ ቤያና” ጊዴስ። \f + \fr 15:36 \fq ጫሊዳ ዎይኔ ጫጄ \ft ካቄቲዳ ኣሲ ባ ዋዬ ባላና ማላ ኡሼቴስ።\f* 
\p  
\v 37 ሄሳፌ ዬሱሲ ቃላ ꬎቁ ሂስቲ ዋሲዲ ሼምፖ ኬዚዴስ። 
\p  
\v 38 ፆሳ ኬꬄ ማጋላሻይ ሁዔራ ዱጌ ናምዑ ኬዚ ዳኬቲዴስ። \x * \xo 15:38 \xt ኬሳ 26፡31-33\x* 
\v 39 ዬሱሳ ጊናራ ኤቂዳ ኢሲ ማቶ ሃላቃይ ዬሱሲ ሄሳꬆ ጊታ ቃላራ ዋሲዲ ሼምፖ ኬዚሺን ቤዪዲ “ሃይሳዴይ ቱሙ ፆሳ ናኮሺን” ጊዴስ።  
\v 40 ሄሳ ዎዴ ማጫሳቲ ሃኒዛይሳ ሃሆን ዲዲ ፄሊዳ። ኢስታ ጊዶፌ ማግዳሌፔ ዪዳ ማራማኔ ካሎቲዛ ያቆቤኔ ዮሳ ኣዮ ማራሚራ ቃሴካ ሳሎሚራ ኢሲፌ ዴቴስ።  
\v 41 ሄይቲ ማጫሳቲ ጋሊላን ዬሱሳ ካሊሼኔ ኢዛስ ኦꬂሼ ጋምዒዳይታ። ኢስታራካ ኢሲፌ ሃራ ዳሮ ማጫሳቲ ዬሩሳላሜ ቢዳ። \x * \xo 15:41 \xt ሉቃ 8፡2-3\x* 
\p  
\v 42 ጋዴይ ቃሚ ቃሚ ቢሺን ሳምባታስ ጊጌቲዛ ጋላሲ ጋኪዴስ።  
\v 43 ዴሬ ጪማታ ጊዶን ቦንቼቲዳ ኢሲ ኣርማቲያሳ ዴሬ ኣስ ዮሴፌ ጌቴቲዛይሲ ፆሳ ካዎቴꬅ ናጊሼ ዲዛዴይ ባቦንታ ጲላፆሳኮ ቢዲ ዬሱሳ ኣሃ ዎሲዴስ።  
\v 44 ጲላፆሲካ ኢዚ ሂኒ ዎዴ ኤሌራ ሃይቂዳይሳ ሲይዲ ማላሌቲዴስ። ማቶ ሃላቃ ፄይጊስዲ “ኢዚ ሃይቂ ጋምዒዴ?” ጊዲ ኦይቺዴስ።  
\v 45 ኢዚ ሃይቂዳይሳ ማቶ ሃላቃይ ጌሺ ኤሪዳፔ ጉዬ ዬሱሳ ኣሃ ዮሴፌስ ኢሚዴስ።  
\v 46 ዮሴፌካ ሞጎ ማይዖ ሻሚዲ ኣሃ ማስቃሌፔ ዎꬂዲ ሞጎ ማይዖን ፃፂዲ ሹቻፌ ዎጬቲዳ ዱፎን ሞጊዴስ። ዱፋ ዱና ሹቻራ ጎርዲዴስ።  
\v 47 ማግዳሌፔ ዪዳ ማራሚራኔ ዮሴፌ ኣዮ ማራሚራ ዬሱሳ ኣሃ ኣዋን ሞጊዳኮኔ ቤዪዳ። 
\c 16  
\s1 ዬሱሲ ሃይቆፔ ዴንዲዴስ 
\r (ማቶ 28፡1-8፤ ሉቃ 24፡1-12፤ ዮሃ 20፡1-10) 
\p  
\v 1 ሳምባታይ ኣꬊዳፔ ጉዬ ማግዳሌ ማራማ፥ ያቆቤ ኣዮ ማራሚራኔ ሳሎሚራ ኢሲፌ ቢዲ ዬሱሳ ኣሃ ቲያናስ ሺቶ ሻሚዳ።  
\v 2 ሳሚንታፌ ኮይሮ ጋላስ ማላዶ ዎንታራ ቡሮ ኣዋ ኣርሼይ ኬዚዳ ማላ ዬሱሳ ዱፎኮ ቡሮ ቢሺን፥  
\v 3 “ዱፎዛ ዱናፔ ሹቻ ኑስ ኦኒ ጌንዴርሳኔ?” ጊዲ ባ ጊዶን ሃሳዬቲዳ። 
\p  
\v 4 ኢስቲ ꬎቁ ጊ ፄሊሺን ዳሮ ጊታ ሹቻይ ዱፎዛ ዱናፔ ጌንዴሪዳይሳ ቤዪዳ።  
\v 5 ጌዴ ዱፎዛ ጊዶ ጌሊዳ ማላ ኢሲ ቦꬃ ማይዖ ማይዒዳ ፓንꬂ ኡሻቻ ባጋራ ኡቲዳይሳ ቤዪዲ ዳጋሚዳ። 
\p  
\v 6 ኢዚ ቃስ ኢስታስ “ዳጋሞፍቴ! ኢንቴ ካቄቲዳ ናዚሬቴ ዬሱሳ ኮዬታ፤ ኢዚ ዴንዲዴስ ሃን ዴና፥ ኢስቲ ኢዛ ዎꬂዳሶ ሃይሳ ቤይቴ።  
\v 7 ጊዶ ኣቲን ኢንቴ ቢዲ ኢዛ ካሊዛይታሲኔ ጴፅሮሳስ ካሴ ኢንቴስ ዮቲዳ ማላ ኢንቴፌ ካሴቲዲ ኢዚ ጋሊላ ባና። ኢንቴ ኢዛ ሄን ዴማና ጊዲ ኢስታስ ዮቲቴ” ጊዴስ። \x * \xo 16:7 \xt ማቶ 26፡32፤ ማር 14፡28\x* 
\p  
\v 8 ማጫሳቲካ ማላሌቲሼኔ ኮኮርሼ ዱፋፔ ኬዚ ባቃቲዳ። ባቢዳ ጊሽ ኦናስካ ኣይኮካ ቃቲቤቴና።\f + \fr 16:8 \ft ኢሲ ኢሲ ቤኒ ጌሻ ማፃፋታን ፓይዶ ኦስፑናፔ ጉዬ ዲዛ ቆፋይ ሃይሳፌ ካሊዲ ፃፌቲዴስ። ማጫሳቲ ጴፅሮሳኮኔ ባ ላጌታኮ ቢዲ ኪታንቻዚ ኢስታስ ዮቲዳይሳ ኡባ ኢስታስ ዮቲዳ። ሄሳፌ ጉዬ ዬሱሲ ኣሺዛ ላሜቶንታ ጌሻ ሚሺራቾ ቃላ ኣዋ ኣርሼይ ሞኪዛሶፔ ዉሊዛሶ ጋካናስ ባና ካሊዛ ታማሬታ ባጋራ ኪቲዴስ።\f* 
\p  
\v 9 ሳሚንታፌ ኮይሮ ጋላስ ዎጋ ዎንታ ማላዶራ ኢዚ ሃይቆፔ ዴንዲዳፔ ጉዬ ዬሱሲ ኢዚፔ ላፑን ዳይዳንꬂ ኬሲዳ ማግዳሌ ማራሚስ ኮይሮ ቤቲዴስ። \f + \fr 16:9 \ft ኢሲ ኢሲ ቢርሼꬃታኒኔ ኢሲ ኢሲ ሃራይታፔ ዱቄቲዳ ጌሻ ማፃፋታን ፓይዶ 9-20 ጋካናስ ዲዛ ቆፋይ ፃፌቲቤና።\f* 
\v 10 ኢዛካ ባዳ ካሴ ኢዛራ ዲዛይቲ ካዮቲሼኔ ዬኪሼ ዲሺን ዴማዳ ዮታዱስ።  
\v 11 ኢስቲ ዬሱሲ ፓፃ ዲዛይሳኔ ኢዛ ታ ዬሱሳ ቤያዲስ ጊዳይሳ ሲይዲ ኣማንቤቴና። 
\s1 ዬሱሲ ባና ካሊዛ ናምዓታስ ቤቲዴስ 
\r (ሉቃ 24፡13-35) 
\p  
\v 12 ሄሳፌ ጉዬ ኢዛ ካሊዛይታፔ ናምዓቲ ጌዴ ዴሬ ጋርስ ቢሺን ዬሱሲ ኢስታስ ሃራ ኣስ ሚሳቲ ቤቲዴስ።  
\v 13 ኢስቲካ ሲሚዲ ሄሳ ኢዛ ካሊዛይታፔ ኣቲዳይታስ ዮቲዳ። ጊዶ ኣቲን ኢዛ ካሊዛይቲ ሲይዲ ኣማንቤቴና። 
\s1 ዬሱሲ ባና ካሊዛ ታማኔ ኢሲኔታስ ቤቲዴስ 
\r (ማቶ 28፡16-20፤ ሉቃ 24፡36-49፤ ዮሃ 20፡19-23፤ ሃዋ 1፡6-8) 
\p  
\v 14 ሄሳፌ ጉዬ ታማኔ ኢሲኔቲ ማዳ ቦላ ዲሺን ዬሱሲ ኢስታስ ቆንጪዴስ። ኢዚ ሃይቆፔ ዴንዲን ኢዛ ቤዪዳ ኣሳቲ ኢስታስ ዮቲን ሲይዲ ኣማኖንታ ኣጊዳ ጊሽ ኢስታስ ኣማኖይ ባይንዳይሳኔ ኢስታ ዎዝና ሙሜቴꬃ ጊሽ ኢስታ ቦሪዴስ።  
\v 15 ኢስታሲካ “ኣላሜ ኡባሶ ቢቴ፥ ሚሺራቾ ቃላ ሜꬌቴꬃ ኡባስ ሳባኪቴ። \x * \xo 16:15 \xt ሃዋ 1፡8\x* 
\v 16 ኣማንዳይኔ ፃማቄቲዳይ ኣታና። ኣማኖንታይ ጊዲኮ ፒርዴታና።  
\v 17 ታና ኣማኒዛይታ ሃይቲ ማላታቲ ካላና። ኢስቲ ታ ሱንꬃን ዳይዳንꬃታ ኬሳና፥ ኦራꬃ ቃላንካ ሃሳያና።  
\v 18 ኢስቲ ሾሻታ ባ ኩሼራ ኦይካና፤ ዎꬊዛ ማርዜ ኡዪኮካ ኢስታ ቆሄና። ባ ኩሼ ሃርጋንቻታ ቦላ ዎꬂ ዎሲኮ ሃርጋንቻቲ ፓፃና” ጊዴስ። 
\s1 ዬሱሲ ፑዴ ሳሎ ቢዴስ 
\r (ሉቃ 24፡50-53፤ ሃዋ 1፡9-11) 
\p  
\v 19 ጎዳ ዬሱሲ ሄሳ ዮቲዳፔ ጉዬ ፑዴ ሳሎ ዴንዲ ቢዲ ፆሳ ኡሻቻን ኡቲዴስ።  
\v 20 ኢዛ ካሊዛይቲ ሄሳፌ ኬዚዲ ኡባሶን ኣꬊ ኣꬊ ሳባኪዳ። ጎዳይካ ኢስታራ ኦꬂዴስ። ኢስታ ቲሚርቴዛ ኤኪዲ ኦꬂዛይታስ ባ ዮቲዳ ቃላካ ማላታ ኦꬂ ኦꬂ ሚንꬂዴስ።