\id MAT - Gaammo Matthew project 
\h ማቶሳ 
\toc1 ማቶሲ ፃፊዳ ኑ ጎዳ ዬሱስ ኪርስቶሳ ሚሺራቾ ቃላ 
\toc2 ማቶሳ 
\toc3 ማቶ 
\mt1 ማቶሲ ፃፊዳ 
\mt2 ኑ ጎዳ ዬሱስ ኪርስቶሳ ሚሺራቾ ቃላ 
\imt1 ጊዶ ቆፋ 
\ip ማቶሳ ሚሺራቾ ቃላይ፥ ዬሱስ ኪርስቶሲ ቡሮፔ ያናይሳ ሲንꬃሲዲ ኢዛ ጊሽ ዮቴቲዳ ዴሬ ኣሻናዴይ ኢዛ ጊዲዳይሳኔ ፆሲ ካሴ ጋልዓ ጫቆ ማፃፋን ባ ዴሬዛስ ኢሚዳ ሂዶታ ቃላ ኩንꬂዳይ ኢዛ ባጋራ ጊዲዳይሳ ዮቲዛ ሚሺራቾ ቃላራ ዴስ። ሄሲካ ሄ ሚሺራቾ ቃላይ፥ ዬሱስ ኪርስቶሲ ኢስታ ጊዶን ዬሌቲ ዲጪዳ ኣይሁዳ ኣሳስ ፃላላ ጊዶንታ ኣላሜ ኣሳስ ኩሜꬃሳ። 
\ip ማቶሳ ሚሺራቾ ቃላይ፥ ዳሮፔ ናጌቴꬃን ጊጌቲዳ ማፃፋ። ማፃፋዚ ኮይሮፔ ዬሱሳስ ዬሌቴꬃ ጊሽ ዮቶ ዶሚዲ ኢዛ ፂንቃቴ ጊሺኔ ኢዚ ፓጬቲዳ ፓጬዛ ሎዔꬂ ዮቲዳፔ ጉዬ ኢዚ ጋሊላ ዴሬን ሳባኪዳይሳ፥ ታማርሲዳይሳኔ ኣሳ ሃርጌፌ ፓꬂዳይሳ ቆንጪሴስ። ቃሴካ ዬሱሲ ጋሊላ ዴሬፔ ዬሩሳላሜ ቢዳይሳ፥ ኢዚ ሃይሳ ሃ ኣላሜዛ ቦላ ዴዒዳ ዴዖ ጊሺኔ ሃ ኣላሜዛ ቦላ ጋምዒዳ ዉርሴꬃ ላይꬃን ዉርሴꬃ ሳሚንታን ሃኒዳ ሃኖታ ጊሽ ዮቴስ። ሄይቲካ ዬሱሲ ካቄቲዳይሳ፥ ሃይቂዳይሳኔ ሃይቆፔ ዴንዲዳይሳ። 
\ip ሃ ሚሺራቾ ቃላዚ፥ ዬሱሲ ፆሳ ዎጋ ቢርሻናስ ኢዛስ ጎዳቴꬂ ዲዛዴኔ ፆሳ ካዎቴꬃ ጊሽ ታማርሲዛ ጊታ ኣስታማሬ ሂስቲ ሺሼስ። ኢዛ ቲሚርቴዛፔ ዳሪዛ ባጋይ ኢቻሹ ዱማ ዱማ ኪፊሌን ሻኬቴስ። 
\ip 1. ፆሳ ካዎቴꬃን ዲዛይታ ሃኖ፥ ኢስታ ኦሶ፥ ኢስታ ሼኔ፥ ኢስቲ ሃናና ማላ ኢስታስ ቤሲዛዚኔ ኢስታስ ቤሲዛ ዉርሴꬃ ኤፃ ሻኪ ኤሪሲዛ ዙማ ቦላ ሳባኪዳ ቃላ (ሼምፖ 5-7) 
\ip 2. ታማኔ ናምዑ ኢዛ ኣሽካራቲ ሚሺራቾ ቃላ ዮታናስ ኪቴቲ ቢሺን ኢስታስ ኢሜቲዳ ዎጋታ (ሼምፖ 10) 
\ip 3. ፆሳ ካዎቴꬃ ጊሽ ሺቂዳ ዱማ ዱማ ሌሚሶታ (ሼምፖ 13) 
\ip 4. ዬሱሳ ዎስቲ ካላናኮኔ ኢስታስ ጌላና ማላ ኢሜቲዳ ቲሚርቴ (ሼምፖ 18) 
\ip 5. ሃይሳ ሃ ዎዴዛ ዉርሴꬃ ጊሺኔ ፆሳ ካዎቴꬃይ ያናይሳ ጊሽ ኢሜቲዳ ቲሚርቴ (ሼምፖ 24-25) 
\is1 ሃ ማፃፋይ ኦይኪዳ ኩሜꬃ ቆፋ 
\io1 ዬሱስ ኪርስቶሳ ዬሌቴꬃ ዛርኬኔ ኢዛ ዬሌቴꬃ 1፡1-2፡23 
\io1 ፃማቂዛ ዮሃኒሳ ኦሶ 3፡1-12 
\io1 ዬሱሳ ፃማቄቴꬂኔ ኢዛ ፓጬቴꬅ 3፡13-4፡11 
\io1 ዬሱሲ ጋሊላን ኦሶ ዶሚዴስ 4፡12-18፡35 
\io1 ዬሱሲ ጋሊላፔ ዬሩሳላሜ ቡስ 19፡1-20፡34 
\io1 ዬሱሳ ዉርሴꬃ ሳሚንታን ጋኪዳ ሜቶታ 21፡1-27፡66 
\io1 ዬሱሲ ሃይቆፔ ዴንዲ ቤቲዴስ 28፡1-20 
\c 1  
\s1 ዬሱስ ኪርስቶሳ ዬሌታ ዛርኬ 
\r (ሉቃ 3፡23-38) 
\p  
\v 1 ዳዉቴ ና፥ ኣብራሃሜ ና ጊዲዳ ዬሱስ ኪርስቶሳ ዬሌቴꬃ ዛርኬይ ሃይሳፌ ካሊዛይሳ፤ 
\p  
\v 2 ኣብራሃሜይ ዪሳቃ ዬሊዴስ፤ ዪሳቂ ያቆቤ ዬሊዴስ፤ ያቆቤይ ዩሁዳኔ ኢዛ ኢሻታ ዬሊዴስ፤  
\v 3 ዩሁዳይ ቲማሪፔ ፋሬሳኔ ዛራ ዬሊዴስ፤ ፋሬሳይ ኤስሮሜ ዬሊዴስ፤ ኤስሮሜይ ኣራሜ ዬሊዴስ፤  
\v 4 ኣራሜይ ኣሚናዳቤ ዬሊዴስ፤ ኣሚናዳቤይ ኔዓሶኔ ዬሊዴስ፤ ኔዓሶኔይ ሳሎሞኔ ዬሊዴስ፤  
\v 5 ሳሎሞንካ ቦዔዜ ኤራዓቢፔ ዬሊዴስ፤ ቦዔዜይ ኡሩቲፔ ኢዮቤዴ ዬሊዴስ፤ ኢዮቤዴይ ኢሴዬ ዬሊዴስ፤  
\v 6 ኢሴዬይ ካዎ ዳዉቴ ዬሊዴስ፤ ዳዉቴይ ኦሪዮ ማቼይፌ ሶሎሞኔ ዬሊዴስ። 
\p  
\v 7 ሶሎሞንካ ሮቢዓሜ ዬሊዴስ፤ ሮቢዓሜይ ኣቢያ ዬሊዴስ፤ ኣቢያይካ ኣሳፌ ዬሊዴስ፤  
\v 8 ኣሳፌይ ዮሳፒፄ ዬሊዴስ፤ ዮሳፒፄይ ኢዮራሜ ዬሊዴስ፤ ኢዮራሜይ ኦዚያ ዬሊዴስ፤  
\v 9 ኦዚያኔይ ኢዮዓታሜ ዬሊዴስ፤ ኢዮዓታሜይ ኣካዜ ዬሊዴስ፤ ኣካዜይ ሂዚቃሴ ዬሊዴስ፤  
\v 10 ሂዚቃሲ ሚናሴ ዬሊዴስ፤ ሚናሴይ ኣሞፄ ዬሊዴስ፤ ኣሞፄይካ ዮሲያሳ ዬሊዴስ፤  
\v 11 ዮሲያሲ ባቢሎኔ ዲዖ ላይꬅ ኢኮኛኔኔ ኢዛ ኢሻታ ዬሊዴስ። 
\p  
\v 12 ባቢሎኔ ዲዖፔ ጉዬ ኢኮኛኔይ ሳላቲያሌ ዬሊዴስ፤ ሳላቲያሌይካ ዜሩባቤሌ ዬሊዴስ፤  
\v 13 ዜሩባቤሌይ ኣቢዮዴ ዬሊዴስ፤ ኣቢዮዴይ ኤሊያቄሜ ዬሊዴስ፤ ኤሊያቄሜይ ኣዛሬ ዬሊዴስ፤  
\v 14 ኣዛሬይ ሳዶቄ ዬሊዴስ፤ ሳዶቄይ ኣኪሜ ዬሊዴስ፤ ኣኪሜይካ ኤሊዮዴ ዬሊዴስ፤  
\v 15 ኤሊዮዴይ ኣላዛሬ ዬሊዴስ፤ ኣላዛሬይ ማታኔ ዬሊዴስ፤ ማታኔይ ያቆቤ ዬሊዴስ፤  
\v 16 ያቆቤይካ ኪርስቶሳ ጌቴቲዳይሳ ዬሱሳ ዬሊዳ ማራሞ ኤካና ጊጊሲዳ ዮሴፌ ዬሊዴስ። \f + \fr 1:16 \fk ኪርስቶሳ \ft ኪርስቶሳ ጉሲ “ሜሲሄ” ዎይኮ “ቲዬቲዳይሳ” ጉሳ።\f* 
\p  
\v 17 ሄሳ ጊሽ ኣብራሃሜፔ ዪዲ ዳዉቴ ጋካናስ ታማኔ ኦይዱ ዬሌቴꬅ፤ ቃሴ ዳዉቴፔ ባቢሎኔ ዲዖ ዎዴ ጋካናስ ታማኔ ኦይዱ ዬሌቴꬅ፤ ባቢሎኔ ዲዖፔ ኪርስቶሳ ዬሌቴꬅ ጋካናስ ታማኔ ኦይዱ ዬሌቴꬅ ጊዴስ። 
\s1 ዬሱስ ኪርስቶሳ ዬሌታ 
\p  
\v 18 ዬሱስ ኪርስቶሳ ዬሌቴꬃ ታሪኬይ ሃይሳፌ ካሊ ዲዛይሳ፤ ኢዛ ኣያ ማራማ ዮሴፌስ ጊጌታ ዲሺን ኢዚ ኢዚራ ጋይቶንታ ፂሎ ኣያናን ቃንꬃታዳ ቤታዱስ። \x * \xo 1:18 \xt ሉቃ 1፡27\x* 
\v 19 ኢዞ ጊጊሲዳ ዮሴፌይ ፂሎ ኣስ ጊዲዳ ጊሽ ማራሞ ኣሳ ሲንꬃን ቆንጬ ኬሶንታ ቆታራ ኣጋናስ ባ ዎዝናራ ቃቺዴስ።  
\v 20 ሃይሳ ኢዚ ቆፒሺን ፆሳ ኪታንቻይ ኣጉሞራ ኢዛስ ቆንጪዲ “ዳዉቴ ና ዮሴፌ! ኔ ጊጊሲዳ ማራማ ቃንꬃቲዳይ ፂሎ ኣያናን ጊዲዳ ጊሽ ኢዞ ኔሶ ኤፋናስ ባቦፋ።  
\v 21 ኢዛ ኣቱማ ና ዬላና፤ ኢዚ ኣሳ ናጋራፔ ኣሻናዴ ጊዲዳ ጊሽ ኢዛ ሱንꬅ ኔ ‘ዬሱሳ’ ጋ ሱንꬃና” ጊዴስ። \x * \xo 1:21 \xt ሉቃ 1፡31\x* 
\p  
\v 22-23 ጎዳይ ናቤ ኢሳያሳ ዱናን “ሄኮ! ጌላዖይ ቃንꬃታና፤ ኣቱማ ናካ ዬላና፤ ናዛ ሱንꬃይካ ኣማኑዔላ ጌቴታና፤ ሄሳ ቢርሼꬂካ ‘ፆሲ ኑናራ ዴስ’ ጌቴቲዲ ፃፌቲዳይሲ ፖሌታና ማላ ሃይሲ ዉሪካ ሃኒዴስ” ጊዴስ። \x * \xo 1:22-23 \xt ኢሳ 7፡14\x* 
\p  
\v 24 ዮሴፌይካ ꬊስኮፌ ቤጊዲ ጎዳ ኪታንቻይ ኢዛ ኣዛዚዳ ማላ ማራሞ ባሶ ኤፊዴስ። 
\p  
\v 25 ጊዶ ኣቲን ባዳ ኢዛ ኮይሮ ናዛ ዬላና ጋካናስ ኢዞ ኤኪቤና። ዬሌቲዳ ጉꬃ ናዛ ሱንꬃ “ዬሱሳ” ጊዴስ። \x * \xo 1:25 \xt ሉቃ 2፡21\x* 
\c 2  
\s1 ኣዋ ኣርሼይ ሞኪዛ ባጋፌ ዪዳ ኤራንቻታ 
\p  
\v 1 ካዎ ሄርዶሳ ዎዴ ዬሱሲ ቤቴሌሜ ዩሁዳን ዬሌቲዳፔ ጉዬ ኣዋ ኣርሼይ ሞኪዛ ባጋፌ ኤራንቻቲ ዬሩሳላሜ ዪዲ  
\v 2 “ዬሌቲዳ ኣይሁዳ ካዎይ ኣዋን ዲዜ? ኣዋ ኣርሼይ ሞኪዛ ባጋራ ኢዛ ፆሊንቴዛ ቤዪዲ ኢዛስ ጎይናና ዪዶስ” ጊዲ ኦይቺዳ። 
\p  
\v 3 ካዎ ሄርዶሲ ሄሳ ሲይዲ ዳጋሚዴስ፤ ዬሩሳላሜን ዲዛ ኣሳይ ዉሪ ኢዛራ ዳጋሚዴስ።  
\v 4 ኢዚካ ቄሴታ ሃላቃታኔ ዎጋ ታማርሲዛይታ ኡባ ሺሺዲ “ኪርስቶሲ ኣዋን ዬሌታኔ?” ጊዲ ኦይቺዴስ። 
\p  
\v 5-6 ኢስቲካ ኢዛስ “ናቤይ 
\q1 ‘ዩሁዳ ቢታን ዲዛሬ ሃኔ ቤቴሌሜ! 
\q2 ታ ዴሬ ኢስራዔሌ ናጊዛዴይ ኔፔ ኬዛና ጊሽ 
\q1 ሃንኮ ዩሁዳ ሃሪዛይታፔ ኣዛንካ ጉፃካ’ 
\q2 ጊዲ ፃፊዳ ጊሽ ኢዚ ቤቴሌሜ ዩሁዳን ዬሌታና” 
\m ጊዲ ዮቲዳ። \x * \xo 2:5-6 \xt ሚክ 5፡2\x* 
\p  
\v 7 ሄሳፌ ጉዬ ሄርዶሲ ሄ ኤራንቻታ ጌማራ ፄይጊሲዲኔ ኢስታ ሃሳይሲዲ ፆሊንቴዚ ኢስታስ ቤቲዳ ዎዴዮ ሻኪ ኤሪዴስ።  
\v 8 ኤራንቻታ ቤቴሌሜ ዬዲዲ “ቢዲ ጉꬃ ናዛ ኮዪቴ፥ ታካ ባዳ ኢዛስ ጎይናና ማላ ዴሚዳ ማላ ሃ ታኮ ሲሚዲ ኢዚ ኣዋን ዲዛኮን ታስ ዮቲቴ” ጊዴስ። 
\p  
\v 9 ኤራንቻቲካ ካዎይ ኢስታስ ጊዳይሳ ሲዪዳፔ ጉዬ ሲሚ ቢዳ፤ ኣዋ ኣርሼይ ሞኪዛ ባጋራ ኢስታስ ቤቲዳ ፆሊንቴይ ኢስታ ካሌꬂዲ ጉꬃ ናዚ ዲዛሶ ጋꬂዴስ።  
\v 10 ኢስቲ ፆሊንቴዛ ቤዪዳ ዎዴ ዳሮ ኡፋዬቲዳ።  
\v 11 ኬꬄ ጌሊዲ ጉꬃ ናዛ ኢዛ ኣዮ ማራሚራ ዴሚዲኔ ጉልባቲዲ ኢዛስ ጎይኒዳ፤ ባ ሳፂኔ ሳፂኔ ዶይዲ ዎርቃ፥ ኤፃኔኔ ካርቤ ጊዛ ሚሽ ኢዛስ ኢሚዳ። 
\p  
\v 12 ኢስቲ ሄርዶሳኮ ሲሞንታ ማላ ኣጉሞን ኬሂ ናጌታና ማላ ጌቴቲዳ ጊሽ ሃራ ኦጌራ ባ ዴሬ ሲሚዳ። 
\s1 ጊብፄ ቢታ ቤቴ ቡስ 
\p  
\v 13 ኤራንቻቲ ቢዳፔ ጉዬ ጎዳ ኪታንቻይ ዮሴፌስ ኣጉሞራ ቤቲዲ “ሄርዶሲ ጉꬃ ናዛ ዎꬋና ኮዪዛ ጊሽ ኔ ሲማና ዎዴ ታ ኔና ኤሪሳና ጋካናስ ዴንዳዳ ጉꬃ ናዛ ኣዬይራ ኤካዳ ዱጌ ጊብፄ ቢታ ባቃታዳ ሄን ዳሻ” ጊዴስ። 
\p  
\v 14 ሄሳ ጊሽ ዮሴፌይ ዴንዲዲ ኣዪዮ ናዛራ ኤኪዲ ጊዶꬃራ ዱጌ ጊብፄ ቢታ ቢዴስ።  
\v 15 ሄርዶሲ ሃይቃና ጋካናስ ሄን ዴዒዴስ። ሄሳንካ “ታ ናዛ ታ ጊብፄ ቢታፌ ፄይጋዲስ” ጊዲ ጎዳይ ካሴ ናቤ ዱናን ሃሳዪዳይሲ ፖሌቲዴስ። \x * \xo 2:15 \xt ሆሴ 11፡1\x* 
\p  
\v 16 ኤራንቻቲ ኢዛ ባሌꬂዳይሳ ኤሪዳ ዎዴ ሄርዶሲ ኬሂ ሃንቄቲዴስ። ኤራንቻቲ ኢዛስ ካሴ ዮቲዳ ማላ ባ ኣስ ኪቲዲ ናምዑ ላይꬃኔ ናምዑ ላይꬅ ኩሞንታይታ ቤቴሌሜኒኔ ቤታሌሜ ዩሾን ዲዛ ጉꬃ ኣቱማ ናይታ ኡባ ዎꬊሲዴስ። 
\p  
\v 17-18 ሄሳን 
\q1 “ዬሆይኔ ጊታ ዋሶ ጊሪሳይ ኤራማን ሲዬቲዴስ፤ 
\q2 ኢራዔላ ባ ናይታስ ዬካዱስ፤ 
\q1 ናይቲ ዉሪ ዉሪዳ ጊሽ 
\q2 ሚናናስ ዳንዳዮንታ ኢፃዱስ” 
\m ጌቴቲዲ ናቤ ኤርማሳን ዮቴቲዳይስ ፖሌቲዴስ። \x * \xo 2:17-18 \xt ኤር 31፡15\x* 
\s1 ጊብፄፔ ናዚሬቴ ሲሞ 
\p  
\v 19 ሄርዶሲ ሃይቂዳፔ ጉዬ ጎዳ ኪታንቻይ ኣጉሞራ ዮሴፌስ ጊብፄ ቢታን ቤቲዲ፥  
\v 20 “ዴንዳዳ ጉꬃ ናዛኔ ኢዛ ኣዪዮ ኤካዳ ኢስራዔሌ ቢታ ሲማ፤ ናዛ ዎꬋና ኮዪዛይቲ ሃይቂዳ” ጊዴስ።  
\v 21 ዮሴፌይ ዴንዲዲ ናዛ ኣዪይራ ኤኪዲ ኢስራዔል ቢታ ሲሚዴስ። 
\p  
\v 22 ጊዶ ኣቲን ኣርካላዎሲ ባ ኣዋ ሄርዶሳ ሶን ዩሁዳን ካዎቲዳይሳ ሲይዲኔ ሄ ባናስ ባቢዴስ፤ ጎዳይ ኣጉሞራ ኢዚ ሄ ቦንታ ማላ ዮቲዳ ጊሽ ጋሊላ ኣዉራጃ ቢዴስ።  
\v 23 ናዚሬቴ ጌቴቲዛ ካታማዮ ቢዲ ሄን ዱስ ኦይኪዴስ። ሄሳንካ ካሴ ናቤታን “ናዚሬቴ ኣስ ጌቴታና” ጌቴቲዲ ካሴቲዲ ሲንꬃፌስ ሃሳዬቲዳይሲ ኩሚዴስ። \x * \xo 2:23 \xt ማር 1፡24፤ ሉቃ 2፡39፤ ዮሃ 1፡45\x* 
\c 3  
\s1 ፃማቂዛ ዮሃኒሳ ሳባኮ 
\r (ማር 1፡1-8፤ ሉቃ 3፡1-18፤ ዮሃ 1፡19-28) 
\p  
\v 1-2 ሄ ዎዴ ፃማቂዛ ዮሃኒሲ ኣሳስ “ሳሎ ካዎቴꬂ ማቲዳ ጊሽ ኢንቴ ናጋራፔ ሲሚቴ” ጊ ሳባኪሼ ዩሁዳ ባዞራ ዪዴስ። \x * \xo 3:1-2 \xt ማቶ 4፡17፤ ማር 1፡15\x* 
\q1  
\v 3 “ጎዳ ኦጌ ኦꬂቴ፥ ዎጋ ኦጌዛካ ሎዔꬂቴ ጊሼ ባዞ ቢታን ዋሲዛ ቃላ” 
\q2 ጌቴቲዲ ካሴ ናቤ ኢሳያሳን ዮቴቲዳይሲ ዮሃኒሳ ጊሻሳ። \x * \xo 3:3 \xt ኢሳ 40፡3\x* 
\p  
\v 4 ዮሃኒሲ ጋሜላ ኢሲኬፌ ኦሴቲዳ ማይዖ ማይዔስ። ባ ፄሳን ዳፎ ጊፄስ፤ ኢዚ ሚዛ ቁማይ ዴጌራ ኤሳኔ ቦሌ። \x * \xo 3:4 \xt 2ካዎ 1፡8\x* 
\v 5 ዬሩሳላሜፔ፥ ኩሜꬃ ዩሁዳፔኔ ዮርዳኖሴ ሻፋ ማታን ዲዛ ዴሬ ኣሳይ ዉሪ ዮሃኒሳኮ ዎꬊዲ፥  
\v 6 ባ ናጋራካ ኢዛስ ፓፂሼ ዮርዳኖሴ ሻፋን ኢዛ ኩሼን ፃማቄቲዴስ። 
\p  
\v 7 ዳሮ ፋርሳዌቲኔ ሳዱቃዌቲ ኢዚ ፃማቂዛሶ ዪሺን ቤዪዲ ዮሃኒሲ “ኢንቴኖ ሾሻቶ! ኢንቴ ሲንꬃራ ዲዛ ሃንቆፌ ኣታና ማላ ኢንቴና ኦኒ ቤሲዴ? \x * \xo 3:7 \xt ማቶ 12፡34፤ 23፡33\x* 
\v 8 ኢንቴ ኢንቴ ናጋራፔ ሲሚዳይሳ ቤሲዛ ኦሶ ኦꬂቴ።  
\v 9 ‘ኑ ኣዋይ ኣብራሃሜይ ኑስ ዴስ’ ጊዛይሳን ኢንቴርካ ኢንቴና ባሌꬆፍቴ፤ ታ ኢንቴስ ፆሲ ሃይታ ሹቻታፔ ኣብራሃሜስ ና ኦꬂ ዴንꬃናስ ዳንዳዬስ ጋይስ። \x * \xo 3:9 \xt ዮሃ 8፡33\x* 
\v 10 ሄኮ ካልታይ ቃንፃናስ ሚꬃታ ጋርሳን ጊጌቲ ኡቲዴስ፤ ሄሳ ጊሽ ሎዖ ኣይፌ ኣይፎንታ ሚꬂ ዉሪ ቃንፄታናኔ ታማን ዬጌታና። \x * \xo 3:10 \xt ማቶ 7፡19\x* 
\v 11 ታኒ ማሮቴꬃስ ሃꬃን ፃማቃይስ፤ ሃራይ ኣቶ ሺን ታ ኢዛ ጫማ ቶካናስ ቤሶንታዴይ ታፔ ኣꬊዛ ሚኖይ ጉዬራ ያና፤ ኢዚካ ፂሎ ኣያናኒኔ ታማን ኢንቴና ፃማቃና።  
\v 12 ካꬅ ሱራጊዛ ፒꬃይ ኢዛ ኩሼን ዴስ፤ ኢዚካ ባ ካꬃ ባሌዛ ፒቲ ጌሻና፤ ባ ጊስቴዛካ ካꬃ ዲዔን ቆላና፤ ሃፓ ጊዲኮ ቶዖንታ ታማን ፁጋና” ጊዴስ። 
\s1 ዬሱሲ ፃማቄቲዴስ 
\r (ማር 1፡9-11፤ ሉቃ 3፡21-22) 
\p  
\v 13 ሄ ዎዴ ዬሱሲ ዮሃኒሳን ፃማቄታናስ ጋሊላፔ ዮርዳኖሴ ሻፋ ቢዴስ።  
\v 14 ጊዶ ኣቲን ዮሃኒሲ “ሃይሲ ሃኔና፤ ታኒ ኔናን ፃማቄታና ቤሲሺን ኔኒ ዋናዳ ታኮ ያይ?” ጊዲ ኢዛራ ማርሼቲዴስ። 
\p  
\v 15 ዬሱሲካ “ኣይኮይ ባዋ፥ ኤሮ ጋርኪ? ሃይሳ ኦꬂዲ ኑኒ ፂሎቴꬅ ኡባ ፖላናስ ኑስ ቤሴስ” ጊዴስ። ዮሃንሲካ ኢዛ ቆፋ ኤሮ ጊ ኤኪዴስ።  
\v 16 ዬሱሲ ፃማቄቲዲ ሃꬃፌ ኬዚዳ ማላ ሄራካ ሳሎይ ዶዬቲን ፆሳ ኣያናይ ሃራጴ ካፎ ሚሳቲዲ ኢዛ ቦላ ዎꬊሺን ቤዪዴስ።  
\v 17 ሳሎፔካ “ታኒ ኢዛን ኡፋዬቲዛ ናዚኔ ታ ሲቂዛ ታ ናዚ ሃይሳ” ጊዛ ቃላይ ሲዬቲዴስ። \x * \xo 3:17 \xt ሜꬌ 22፡2፤ ማቶ 12፡18፥17፡5፤ ማር 1፡11፤ ሉቃ 9፡35\x* 
\c 4  
\s1 ዬሱሲ ፓጬቲዴስ 
\r (ማር 1፡12-13፤ ሉቃ 4፡1-13) 
\p  
\v 1 ሄሳፌ ጉዬ ፂሎ ኣያናይ ፃላዔን ፓጬታና ማላ ዬሱሳ ዱጌ ባዞ ቢታ ኤፊዴስ። \x * \xo 4:1 \xt ኢብ 2፡18፤ 4፡15\x* 
\v 2 ኦይዱ ታሙ ጋላሲኔ ኦይዱ ታሙ ቃማ ፆሚዳፔ ጉዬ ዬሱሲ ጋፊዴስ።  
\v 3 ፓጪዛይሲ ዬሱሳኮ ሺቂዲ “ኔ ፆሳ ና ጊዲኮ ኣኔ ሃይታ ሹቻታ ኡኬꬅ ጊዳና ማላ ኣዛዛ” ጊዴስ። 
\p  
\v 4 ዬሱሲካ “ ‘ኣሲ ፆሳ ዱናፔ ኬዚዛ ቃላንፔ ኣቲን ካꬃን ፃላ ዴና’ ጌቴቲ ፃፌቲዴስ” ጊዲ ኢዛስ ዛሪዴስ። \x * \xo 4:4 \xt ዛሬ 8፡3\x* 
\p  
\v 5 ቃሴካ ፃላዔይ ዬሱሳ ጌሻ ካታማዮ ኤፊ ፆሳ ኬꬃ ቁስቴ ቦላ ኬሲዲ፥  
\v 6 “ኔ ፆሳ ና ጊዲኮ ኣኔ ሃይሳፌ ዱጌ ጉፓ፤ ኣይሲ ጊኮ 
\q1 ‘ኔ ቶሆይ ሹቻን ꬉጴቶንታ ማላ ኪታንቻቲ 
\q2 ባ ኩሼራ ኔና ኦይኪ ዴንꬃና ማላ ኔ ጊሽ 
\q1 ፆሲ ባ ኪታንቻ ኪታና’ ጌቴቲ ፃፌቲዴስ” ጊዴስ። \x * \xo 4:6 \xt ማዛ 91፡11-12\x* 
\p  
\v 7 ዬሱሲካ “ጌሻ ማፃፋን ‘ኔ ጎዳ ፆሳ ፓጮፋ’ ጌቴቲ ፃፌቲዴስ” ጊዲ ዛሪዴስ። \x * \xo 4:7 \xt ዛሬ 6፡16\x* 
\p  
\v 8 ቃሴካ ፃላዔይ ዬሱሳ ኬሂ ꬎቃ ዙማ ቦላ ኬሲዲ ሳሎ ጉፓንꬆን ዲዛ ካዎቴꬃ ቦንቾዛራ ኡባ ኤሂ ቤሲዲ፥  
\v 9 “ኔ ኩንዳዳ ታስ ጎይኒኮ ሃይሳ ኡባ ታ ኔስ ኢማና” ጊዴስ። 
\p  
\v 10 ዬሱሲ “ሃይሶ ፃላዔ! ታ ሲንꬃፌ ሃካ! ‘ኔኒ ኔ ጎዳስ ፆሳስ ጎይና፤ ኢዛስ ፃላላ ኣዛዜታ’ ጌቴቲ ጌሻ ማፃፋን ፃፌቲዴስ” ጊዴስ። \x * \xo 4:10 \xt ዛሬ 6፡13\x* 
\p  
\v 11 ሄሳፌ ፃላዔይ ኢዛ ኣጊዲ ቢዴስ፤ ኪታንቻቲካ ዪዲ ኢዛ ማዲዳ። 
\s1 ዬሱሲ ሳባኮ ኦይኪዴስ 
\r (ማር 1፡14-15፤ ሉቃ 4፡14-15) 
\p  
\v 12 ዬሱሲ፥ ዮሃኒሲ ቃሼቲዳይሳ ሲይዲ ጌዴ ጋሊላ ሲሚዴስ። \x * \xo 4:12 \xt ማቶ 14፡3፤ ማር 6፡17፤ ሉቃ 3፡19-20\x* 
\v 13 ናዚሬቴ ካታማ ኣጊዲ ዛቢሎኔ ኒፍታሌሜ ሄራን ኣባ ማታን ዲዛ ቂፊርናሆሜ ካታማን ዱስ ኦይኪዴስ። \x * \xo 4:13 \xt ዮሃ 2፡12\x* 
\p  
\v 14-16 “ሄሳን ዛቢሎኔኒኔ ኒፍታሌሜ ቢታን፥ 
\q1 ዮርዳኖሴፔ ሄ ፒንꬃን ኣባ ላንቄራ ኤፊዛ ኦጌ ማታን ዲዛ 
\q1 ኣይዛቤ ጊዲዳ ጋሊላ ዴሬ ኣሳይ፥ 
\q2 ꬉማን ዲዛ ዴሬይ ዎልቃማ ፖዖ ቤዪዴስ። 
\q1 ሃይቆ ኩዋ ጊዶን 
\q2 ዲዛ ዴሬስ ፖዖይ ፖዒዴስ” 
\m ጌቴቲዲ ናቤ ኢሳያሳ ዱናን ካሴቲዲ ሃሳዬቲዳይሲ ፖሌቲዴስ። 
\p  
\v 17 ዬሱሲ ሄ ዎዴፔ ሃ ሲሚን “ሳሎ ካዎቴꬂ ማቲዴስ፥ ማሮታ ጌሊቴ” ጊዲ ሳባኮ ኦይኪዴስ። \x * \xo 4:17 \xt ማቶ 3፡2\x* 
\s1 ኮይሮ ዬሱሳ ካሊዳይታ ፄይጌቴꬅ 
\r (ማር 1፡16-20፤ ሉቃ 5፡1-11) 
\p  
\v 18 ዬሱሲ ጋሊላ ኣባ ላንቄራ ኣꬊሼ ናምዑ ኢሻንታ፤ ሄይቲካ ጴፅሮሳ ጌቴቲዛ ሲሞናኔ ኢዛ ኢሻ ኢንዲራሳ ቤዪዴስ። ኢስቲካ ሞሌ ኦይኪዛይታ ጊዲዳ ጊሽ ሞሌ ኦይኪዛ ጊቴ ኣባን ዬጊሼ ዴቴስ።  
\v 19 ዬሱሲ ኢስታ “ሃ ዪቴ! ታና ካሊቴ! ታ ኢንቴና ኣስ ኦይኪዛ ኣስ ኬሳና” ጊዴስ።  
\v 20 ኢስቲ ሄራካ ሞሌ ኦይኪዛ ጊቴዛ ዬጊ ኣጊዲ ዬሱሳ ካሊዳ። 
\p  
\v 21 ጉꬅ ሲንꬄ ቢሼ ሃራ ናምዑ ኢሻንታ ዛቢዶሳ ና ናምዓታ ያቆቤኔ ዮሃኒሳ ቤዪዴስ፤ ኢስቲካ ባ ኣዋ ዛቢዶሳራ ዎጎሎ ጊዶን ሞሌ ጊቴ ሎዔꬄቴስ። ዬሱሲካ ኢስታ ፄይጊን፤  
\v 22 ኢስቲ ሄራካ ዎጎሎዛኔ ባ ኣዋ ኣጊዲ ካሊዳ። 
\s1 ዬሱሲ ሃርጊዛይታ ፓꬂዴስ 
\r (ሉቃ 6፡17-19) 
\p  
\v 23 ዬሱሲ ኣይሁዳታ ኢስታ ዎሳ ኬꬃን ታማርሲሼኔ ካዎቴꬃ ሚሺራቾ ቃላ ሳባኪሼ ቃሴ ዴሬ ጊዶን ኣይ ሃርጌይካ ሳኪዛይታ ፓꬂሼ ኩሜꬃ ጋሊላን ዩዪዴስ። \x * \xo 4:23 \xt ማቶ 9፡35፤ ማር 1፡39\x* 
\v 24 ሄሳ ጌዶን ሎዖ ናሾይ ኩሜꬃ ሶሪያ ቢታን ሲዬቲዴስ፤ ዴሬይካ ዱማ ዱማ ሳኮን ዳሮ ዋዬቲዛይታ፥ ዳይዳንꬂ ኢስታን ጌሊዳይታ፥ ቦላፌ ቢታን ዬጊዛ ሃርጌይ ዲዛይታኔ ሲሊዳይታ ኢዛኮ ኤሂን ኡባካ ፓꬂዴስ።  
\v 25 ሄሳፌ ዴንዲዳይሳን ጋሊላፔ፥ ታሙ ካታማታፔ፥ ዬሩሳላሜፔኔ ዩሁዳፔ፥ ዮርዳኖሴ ሻፋ ፒንꬃፌ ዪዳ ዳሮ ኣሳይ ኢዛ ካሊዴስ። \f + \fr 4:25 \fq ታሙ ካታማፔ \ft ጊሪኬ ቃላ ሃሳዪዛይቲኔ ኣይሁዳ ጊዶንታ ዴሬቲ ኢሲፌ ዲዛሶይ ታሙ ካታማታ ጌቴቴስ። ሄ ካታማታፔ ዳሮ ባጋቲ ጌሊላ ኣባፌ ኣዋ ኣርሼይ ጌልዛሶ ባጋራኔ ፑዴሃ ባጋራ ኡሻቻ ቦላ ዴቴስ።\f* 
\c 5  
\s1 ዬሱሲ ዙማ ቦላ ታማርሲዳ ቲሚርቴ 
\p  
\v 1 ዳሮ ዴሬይ ሺቂዳይሳ ቤዪዲ ዬሱሲ ፑዴ ዙማ ቦላ ኬዚ ኡቲዴስ፤ ኢዛ ካሊዛይቲካ ኢዛኮ ዪዳ።  
\v 2 ኢዚካ ኢስታ ሂዝጊ ታማርሶ ኦይኪዴስ፤ 
\s1 ቱማ ኣንጆ ዴማና ኣሳቲ 
\r (ሉቃ 6፡20-23) 
\q1  
\v 3 “ኣያናን ባና ካዉሺዛይቲ 
\q2 ኣንጄቲዳይታ፤ 
\q1 ኣይሲ ጊኮ ሳሎ ካዎቴꬅ ኢስታሳ። 
\q1  
\v 4 ቃꬌቲዛይቲ ኣንጄቲዳይታ፥ 
\q2 ኣይሲ ጊኮ ኢስቲ ሚኔታና። \x * \xo 5:4 \xt ኢሳ 61፡2\x* 
\q1  
\v 5 ኣሽኬቲ ኣንጄቲዳይታ፤ 
\q2 ኣይሲ ጊኮ ኢስቲ ቢታ ላታና። \x * \xo 5:5 \xt ማዛ 37፡11\x* 
\q1  
\v 6 ፂሎቴꬅ ጋፌቲዛይቲኔ ሳሞቲዛይቲ ኣንጄቲዳይታ፤ 
\q2 ኣይሲ ጊኮ ኢስቲ ካላና። \x * \xo 5:6 \xt ኢሳ 55፡1-2\x* 
\q1  
\v 7 ኣሳስ ሎዖ ኦꬂዛይቲ ኣንጄቲዳይታ፤ 
\q2 ኣይሲ ጊኮ ኢስታስካ ሎዖይ ኦሴታና። 
\q1  
\v 8 ዎዚና ፂሎቲ ኣንጄቲዳይታ፤ 
\q2 ኣይሲ ጊኮ ኢስቲ ፆሳ ቤያና። 
\q1  
\v 9 ሳሮቴꬅ ኦꬂዛይቲ ኣንጄቲዳይታ፤ 
\q2 ኣይሲ ጊኮ ኢስቲ ፆሳ ናይታ ጌቴቲ ፄይጌታና። 
\q1  
\v 10 ፂሎቴꬃ ጊሽ ጎዴቲዛይቲ ኣንጄቲዳይታ፤ 
\q2 ኣይሲ ጊኮ ሳሎ ካዎቴꬂ ኢስታሳ። \x * \xo 5:10 \xt 1ጴፅ 3፡14\x* 
\p  
\v 11 “ታ ጌዶን ኣሳይ ኢንቴና ጫዪኮ፥ ጎዲኮኔ ኢታ ዮዖ ዎርዶራ ኢንቴ ቦላ ሃሳዪኮ ኢንቴ ኣንጄቲዳይታ። \x * \xo 5:11 \xt 1ጴፅ 4፡14\x* 
\v 12 ኢንቴ ሳሎን ዴማና ዋጋይ ኬሂ ጊታ ጊዲዳ ጊሽ ኡፋይሳን ጉፒቴ። ኢንቴፌ ሲንꬃን ዲዛ ናቤታካ ሄሳꬆ ጎዲዳ። \x * \xo 5:12 \xt 2ታር 36፡16፤ ሃዋ 7፡52\x* 
\s1 ማፂኔኔ ፖዖ ሌሚሶ 
\r (ማር 9፡50፤ ሉቃ 14፡34-35) 
\p  
\v 13 “ኢንቴ ሃ ቢታ ኣሳስ ማፂኔ ማላ። ማፂኔይ ባ ማልዖቴꬃ ዬዲዛ ጊዲኮ ጌዴ ካሬ ዬጌቲዲ ዬꬌቴꬃፌ ኣቲን፥ ዛሪዲ ዴማናስ ዳንዳዪዜ? \x * \xo 5:13 \xt ማር 9፡50፤ ሉቃ 14፡34\x* 
\v 14 ኢንቴ ዴሬስ ፖዖ። ዙማ ቦላ ዲዛ ካታማያ ቆቴታናስ ዳንዳዑኩ። \x * \xo 5:14 \xt ዮሃ 8፡12፤ 9፡5\x* 
\v 15 ኣሲ ፆምፔ ኦይꬂዲ ኬꬃን ዲዛ ኣሳ ኩሜꬃስ ፖዓና ማላ ꬎቃሶን ዎꬄስ ኣቲን ጌማ ሶን ዎꬂ ኤሬና። \x * \xo 5:15 \xt ማር 4፡21፤ ሉቃ 8፡16፤ 11፡33\x* 
\v 16 ሄሳꬆካ ኣሳይ ኢንቴ ሎዖ ኦሶ ቤዪዲ ሳሎን ዲዛ ኢንቴ ኣዋ ቦንቻና ማላ ኢንቴ ፖዖይ ኣሳ ሲንꬃን ፖዖ። \x * \xo 5:16 \xt 1ጴፅ 2፡12\x* 
\s1 ሙሴ ዎጋ ጊሽ 
\p  
\v 17 “ታኒ ሙሴ ዎጋኔ ናቤታ ቃላ ሻራና ዪዳ ኢንቴስ ሚሳቶፖ፤ ፖላናስ ያዲስ ኣቲን ሻራናስ ያቤኬ።  
\v 18 ታ ኢንቴስ ቱሙ ጋይስ፤ ሳሎይኔ ሳዓይ ኣꬋና ጋካናስ ሙሴ ዎጋይ ዉሪ ፖሌታና ኣቲን ዎጋፔ ኢሲ ፒዳሌይካ ዎይኮ ቄሪኛካ ሻሬቱኩ። \x * \xo 5:18 \xt ሉቃ 16፡17\x* 
\v 19 ሄሳ ጊሽ ኦኒካ ሃ ኣዛዞታፔ ጉፂዛሮ ጊዲኮካ ኦꬆንታ ዬጊ ኣꬊኮ፥ ሃንኮይታካ ዬꬊ ኣꬋና ማላ ታማርሲኮ ሳሎ ካዎቴꬃን ሄሳዴይ ጉꬅ ጌቴቲ ፄይጌታና፤ ጊዶ ኣቲን ሃይታ ኣዛዞታ ኦꬂ ፖሊሼ ሃንኮይታ ፖላና ማላ ታማርሲኮ ሄሳዴይ ሳሎ ካዎቴꬃን ጊታ ጌቴታና።  
\v 20 ታ ኢንቴስ ጋይስ፥ ኢንቴ ፂሎቴꬂ ፋርሳዌታፔኔ ሙሴ ዎጋ ታማርሲዛይታ ፂሎቴꬃፔ ኣꬎንታ ኣጊኮ ሳሎ ካዎቴꬅ ጌላና ዳንዳዬኬታ። 
\s1 ኣስ ዎꬋናስ ቤሴና 
\p  
\v 21 “ካሴ ኣሳታስ ‘ዎꬎፓ፤ ዎꬊዳዴ ቦላ ፒርዴታና’ ጌቴቲዳይሳ ኢንቴ ሲዪዴታ። \x * \xo 5:21 \xt ኬሳ 20፡13፤ ዛሬ 5፡17\x* 
\v 22 ታ ቃሴ ኢንቴስ ጊዛይ ባ ኢሻ ቦላ ኦጌይ ባይንዳ ሃንቄቲዛዴ ቦላ ፒርዴታና፤ ኦኒካ ባ ኢሻ ‘ናፓይ’ ጊዛዴይ ዱላታ ሲንꬃን ኦይሼታና። ‘ኤያይ’ ጊዛዴ ጋናሜ ታማ ፒርዳይ ናጌስ።  
\v 23 ሄሳ ጊሽ ኔኒ ያርሾ ሺሺዛሶን ፆሳስ ያርሻና ጊሺን ኔ ኢሻይ ኔ ቦላ ሚሼቲዳዚ ኔስ ቆፔቲኮ፥  
\v 24 ኔ ያርሺዛይሳ ሄን ያርሾሶን ኣጋጋዳ ኮይሮ ባዳ ኔ ኢሻራ ጊጋ፤ ሄሳፌ ጉዬ ሲማዳ ኔ ያርሾዛ ፆሳስ ሺሻ። 
\p  
\v 25 “ኔና ሞቲዳ ኔ ሞርኬይ ኔ ቦላ ፒርዲሶንታ ማላ፥ ፒርዲዛ ዳናይ ቃቺዛይሳስ ኔና ኣꬂ ኢሞንታ ማላ፥ ቃሾ ኬꬃን ኔ ዎꬎንታ ማላ ቡሮ ኦጌ ቦላ ዳሼ ኔ ሞርኬራ ኤሌላ ጊጋይቻ።  
\v 26 ታ ኔስ ቱሙ ጋይስ፤ ኢዚ ፒርዲሲ ዉርሲዳ ጊዲኮ ዉርሴꬃ ሳንቲዮ ቃንፃና ጋካናስ ቃሾፔ ቢርሼታካ። 
\s1 ላይማታናስ ቤሴና 
\p  
\v 27 “ ‘ላይማቶፓ’ ጊዛይሳ ኢንቴ ሲዪዴታ። \x * \xo 5:27 \xt ኬሳ 20፡14፤ ዛሬ 5፡18\x* 
\v 28 ታኒ ጊዲኮ ኢንቴና ሂዝጋይስ፤ ማጫሳ ኣሞ ኣይፌራ ፄሊዳዴይ ዉሪ ባ ዎዝናን ኢዚራ ላይማቲዴስ።  
\v 29 ናጋራ ኦꬃናስ ኔ ኡሻቻ ኣይፌይ ኔስ ጋሶ ጊዲኮ ኔፔ ኬሳ ዎራ ዬጋ፤ ኔ ኣሳቴꬃይ ኩሜꬅ ጌዴ ጋናሜ ታማን ዬጌታናፔ ኔ ኣሳቴꬃፌ ኢሲና ፓጪኮ ሎዖ።  
\v 30 ኔ ኡሻቻ ኩሼይ ናጋራ ኦሶስ ጋሶ ጊዲኮ ኔፔ ቃንፃ ዲጋ፤ ኔ ኣሳቴꬃይ ኩሜꬅ ጋናሜን ዬጌታናይሳፌ ኔ ኣሳቴꬃፌ ኢሲ ቢሊቴይ ኔስ ፓጬ ጊዲኮ ሎዖ። 
\p  
\v 31 “ ‘ማቾ ኣንጂ ዬዲዛዴይ ፒርማ ዋራቃታ ኢዚስ ኢማና ቤሴስ’ ጌቴቲዴስ። \x * \xo 5:31 \xt ማቶ 19፡7፤ ማር 10፡4\x* 
\v 32 ታኒ ቃሴ ኢንቴና ሂዝጋይስ፥ ሃራ ኣሳራ ላይማቲሺን ቤዮንታ ዲሼ ባ ማቾ ኣንጂዛዴይ ዉሪ ኢዛ ላይማታና ማላ ኦꬄስ። ሄሳꬆካ ኣንጄቲዳሮ ኤኪዛዴይካ ላይማቲዳ ማላ ቆዴቴስ። \x * \xo 5:32 \xt ማቶ 19፡9፤ ማር 10፡11-12፤ ሉቃ 16፡18፤ 1ቆሮ 7፡10-11\x* 
\s1 ጫቆ ጊሽ 
\p  
\v 33 “ካሴ ኣሳታስ ‘ዎርዶ ጫቆፋ፤ ፆሳ ሲንꬃን ኔ ጫቂዳይሳ ናጋ’ ጌቴቲዳይሳ ኢንቴ ሲዪዴታ። \x * \xo 5:33 \xt ሌዌ 19፡12፤ ታይ 30፡2፤ ዛሬ 23፡21\x* 
\v 34 ታ ቃስ ኢንቴና ኣይኮካ ጫቆፍቴ ጋይስ፤ ሳሎይ ፆሳስ ኡቲዛ ኣልጋ ጊዲዳ ጊሽ ሳሎን ጫቆፍቴ። \x * \xo 5:34 \xt ያቆ 5፡12፤ ማቶ 23፡22\x* 
\v 35 ቢታይ ፆሳ ቶሆይ ዬꬊዛሶ ጊዲዳ ጊሽ ቢታንካ ጫቆፍቴ። ዎጋ ካዎ ካታማ ጊዲዳ ጊሽ ዬሩሳላሜንካ ጫቆፍቴ። \x * \xo 5:35 \xt ኢሳ 66፡1፤ ማዛ 48፡2\x* 
\v 36 ኢንቴ ሁዔንካ ጫቆፍቴ፤ ኢንቴ ሁዔ ቢናናፔ ኢሲኔዮካ ቦꬅ ዎይኮ ካሬꬅ ሂስታናስ ዳንዳዬኬታ።  
\v 37 ሄሳ ጊሽ ኢንቴ ኢንቴ ጊዶን ሃሳዬቲሺን ኢንቴ ሃሳያይ “ኤ” ጋናዝ ጊዲኮ “ኤ” ጊቴ “ኣካይ” ጋናዝ ጊዲኮ “ኣካይ” ጊቴ፤ ሄሳፌ ካሬ ጊዲዳይ ዉሪ ኢታ ኣሳፔ ዪዛዛ። 
\s1 ሃሎ ኬሶ ጊሽ 
\r (ሉቃ 6፡29-30) 
\p  
\v 38 “ ‘ኣይፌ ጊሻስ ኣይፌ ኣቻ ጊሻስ ኣቻ’ ጌቴቲዳይሳ ኢንቴ ሲዪዴታ። \x * \xo 5:38 \xt ኬሳ 21፡24፤ ሌዌ 24፡20፤ ዛሬ 19፡21\x* 
\v 39 ታ ቃሴ ኢንቴስ ጊዛይ ኢታ ኦꬂዳዴራ ኤቄቶፒቴ፤ ጊዶ ኣቲን ኔስ ኡሻቻ ሻጋላ ባቂዛዴስ ሃንኮይሳካ ዩሻ ቤሳ።  
\v 40 ኢሲ ኣሲ ኔ ጊዶራ ማይዒዳይሳ ኔፔ ኤካናስ ኔና ሞቲኮ ቦላራ ማይዒዳይሳካ ጉጃዳ ኢዛስ ኢማ።  
\v 41 ኢሲ ኣሲ ኔና ኢሲ ሳቴ ኦጌ ኔ ባና ማላ ዎልቃꬂኮ ኢሲፌ ናምዑ ዳኮ ጊዳና ኦጌ ኢዛራ ባ።  
\v 42 ኔና ዎሲዛዴስ ኢማ፤ ኔፔ ታልዔ ኤካናስ ኮዪዛዴስ ዞኮ ዛሮፓ። 
\p  
\v 43 “ ‘ኔ ላጌ ሲቃ፤ ኔ ሞርኬ ኢፃ’ ጌቴቲዳይሳ ሲዪዴታ።  
\v 44 ታ ቃስ ኢንቴና ኢንቴ ሞርኬታ ዶሲቴ፤ ኢንቴና ጎዲዛይታስ ዎሲቴ ጋይስ።  
\v 45 ኢንቴ ሄሳꬆ ኦꬂኮ ኢንቴ ሳሎ ኣዋስ ናይታ ጊዳና። ኢዚ ኣዋ ኣርሼ ኢታታሲኔ ሎዖታስ ኢሲ ቦላ ጋꬂ ኢሜስ። ኢራካ ፂሎታሲኔ ናጋራንቻታስ ኢሲ ቦላ ቡኪሴስ።  
\v 46 ኢንቴና ዶሲዛይታ ፃላላ ኢንቴ ዶሲኮ ኢንቴስ ኣዛ ጎዓይ ዲዜ? ቃራፃ ቃንፂሲዝይቲ ሄሳꬆ ኦꬄቴኔ?  
\v 47 ኢንቴ ኢሻታ ፃላ ኢንቴ ሳሮቲኮ ሃንኮይታፔ ኣዛን ሎዔቲ? ኣማኖንታይቲካ ሄሳꬆ ኦꬄቴስ።  
\v 48 ሄሳ ጊሽ ኢንቴ ሳሎ ኣዋይ ዎሶይ ባይንዳይታ ጊዲዳ ማላ ኢንቴካ ዎሶይ ባይንዳዴ ጊዲቴ። \x * \xo 5:48 \xt ሌዌ 19፡2፤ ዛሬ 18፡13\x* 
\c 6  
\s1 ማንቆስ ማዶ ኢሞ 
\p  
\v 1 “ኣሲ ኢንቴና ቤያና ማላ ኣሳ ሲንꬃን ሎዖ ኦꬆንታ ማላ ናጌቲቴ፤ ሄሳꬆ ኦꬂኮ ኢንቴ ሳሎ ኣዋፔ ጎዓ ዴሜኬታ። \x * \xo 6:1 \xt ማቶ 23፡5\x* 
\v 2 ኢንቴ ማንቆታስ ማዶ ኢሚዛ ዎዴ ኣሲ ታና ቤዮ ጊዲ ኣሳ ሲንꬃን ቦንቼታናስ ኦጌኒኔ ኣይሁዳ ዎሳ ኬꬃን ፁሩምባ ፑኒሲዛ ቆꬌፔ ቆሞን ሃኒዛይታꬆ ኦꬆፍቴ። ታ ኢንቴስ ቱሙ ጋይስ፤ ኢስቲ ባ ዋጋ ኡባ ሃን ኤኪቺዳ።  
\v 3 ኢንቴ ማንቆታስ ኢሚሺን ኡሻቻ ኩሼይ ኦꬂዛ ሃዲሪሳ ኩሼይ ኤሮፖ።  
\v 4 ኢንቴ ኢሞይ ጌማን ጊዶ፤ ቆታን ኦሴቲዳይሳ ቤዪዛ ኢንቴ ኣዋይካ ኢንቴ ዋጋ ኢንቴስ ኢማና። 
\s1 ዎሳ ጊሽ 
\r (ሉቃ 11፡2-4) 
\p  
\v 5 “ኢንቴ ዎሲሼ ቆꬌፔ ቆሞን ሃኒዛይታ ማላ ሃኖፒቴ፤ ኢስቲ ኣሲ ቤያና ማላ ኣይሁዳ ዎሳ ኬꬃታኒኔ ኦይዱ ኦጌ ቦላ ኤቂዲ ዎሳናስ ዶሴቴስ። ታ ኢንቴስ ቱሙ ጋይስ፤ ኢስቲ ኩሜꬃ ዋጋ ኤኪቺዳ። \x * \xo 6:5 \xt ሉቃ 18፡10-14\x* 
\v 6 ኔ ዎሳና ጌሊዛ ኔ ኪፊሌ ጌላ፤ ካሬካ ኔ ቦላ ጎርዳዳ ጌማን ዲዛ ኔ ኣዋኮ ዎሳ። ጌማን ኦሴቲዳይሳ ቤዪዛ ኔ ኣዋይ ኔ ኦሶ ማላ ኔስ ኢማና። 
\p  
\v 7 “ኣማኖንታ ኣሳይ ኢሲ ቃላ ዛሪ ዛሪ ዎሲኮ ኢስታስ ሲዬቲዛ ሚሳቲን ኢስቲ ዛሪ ዛሪ ጊዛይሳꬆ ኢንቴካ ዎሲሼ ኢሲ ቃላ ዛሪ ዛሪ ጎፒቴ።  
\v 8 ጊዶ ኣቲን ኢንቴ ኣዋይ ኢንቴ ዎሳናፔ ካሴቲዲ ኢንቴስ ኣዚ ኮሺዛኮኔ ኤሪዛ ጊሽ ኢንቴ ኢስታ ሚሳቶፒቴ።  
\v 9 ኢንቴ ዎሲሼ 
\q1 ‘ሳሎን ዲዛ ኑ ኣዋዉ! 
\q2 ኔ ሱንꬂ ኣንጄቶ። 
\q1  
\v 10 ኔ ካዎቴꬂ ሃዮ፤ 
\q1 ኔ ሼኔይ ሳሎን ጊዲዳ ማላ ሳዓንካ ሃኖ። 
\q1  
\v 11 ሃቺስ ጊዲዛ ካꬅ 
\q2 ኑስ ሃቺ ኢማ። 
\q1  
\v 12 ኑ ኑና ቆሂዳይታስ ኣቶ ጊዛ ማላ 
\q2 ኔካ ኑ ቆሆ ኑስ ኣቶ ጋ። 
\q1  
\v 13 ኢታፔ ኑና ኣሻ ኣቲን ኑና ፓጬን ጌልꬆፋ፤ 
\q1 ቦንቾይ ሜርፔ ሜርና ጋካናስ ኔይሳ። ኣሚን’ 
\m ጊ ዎሲቴ። 
\p  
\v 14 “ኢንቴ ኢንቴና ቆሂዳይታስ ኣቶ ጊኮ ኢንቴ ሳሎ ኣዋይ ኢንቴስ ኣቶ ጋና።  
\v 15 ቃሴ ኢንቴ ኣሳ ናጋራ ኣቶ ጎንታ ኢፂኮ ኢንቴ ኣዋይካ ኢንቴ ናጋራ ኣቶ ጌና። 
\s1 ፆማ ጊሽ 
\p  
\v 16 “ኢንቴ ፆማ ፆሚሼ ቆꬌፔ ቆሞራ ፆሚዛይታꬆ ሹሎፍቴ። ኢስቲ ባ ፆሚዛይሳ ኣሲ ኤራና ማላ ባ ኣይፌሶ ኢሴቴስ። ታ ቱሙ ጋይስ፤ ሄሳꬆ ኦꬂዛይቲ ባ ዋጋ ኩሜꬅ ኤኪቺዳ።  
\v 17 ኔኒ ፆማ ፆማሼ ኔ ኣይፌሶ ሜጬታ፥ ኔ ሁዔ ቲዬታ።  
\v 18 ሄሳꬆ ኔ ፆሚኮ ጌማን ዲዛ ኔ ኣዋይ ፃላላ ኤሪዛዚኔ ኣሲ ኦኒካ ኤሮንታ ቆታን ጊዳና። ቆታን ኦሴቲዳይሳ ቤዪዛ ኔ ኣዋይካ ኔ ዋጋ ኔስ ኢማና። 
\s1 ሳሎን ዲዛ ሃሮ 
\r (ሉቃ 12፡33-34) 
\p  
\v 19 “ቢላይ ሚዛሶን ቡቂዲኔ ሺይዲ ሞሬቲዛሶን ካይሶይ ቦኪዲ ካይሳናስ ዳንዳዪዛሶን፥ ሃ ቢታ ቦላ ኢንቴስ ሚሼ ሺሾፍቴ። \x * \xo 6:19 \xt ያቆ 5፡2-3\x* 
\v 20 ጊዶ ኣቲን ቢላይ ማናስ፥ ቡቂዲ ዎይኮ ሺይዲ ሞሬቶንታሶን፥ ካይሶይ ቦኪ ኤካና ዳንዳዮንታሶን ሄን ሳሎን ኢንቴስ ሚሺ ሺሺቴ።  
\v 21 ኔ ሚሻይ ዲዛሶን ኔ ዎዝናይ ሄን ዴስ። 
\p  
\v 22 “ኣይፌይ ኣሳቴꬃስ ፖዖ፤ ሄሳ ጊሽ ኔ ኣይፌይ ፓፃ ጊዲኮ፥ ኔ ኩሜꬃ ኣሳቴꬃይካ ፖዖ ጊዳና።  
\v 23 ኔ ኣይፌይ ሃርጋንቻ ጊዲኮ፥ ኔ ኩሜꬃ ኣሳቴꬃይካ ꬉማ ፃላ ጊዳና። ሂስቲኮ ኔናን ዲዛ ፖዖይ ꬉማ ጊዲኮ፥ ቃሴ ꬉማይ ዋኒዳ ጊርድ ጊዳ ꬉማ ጊዳንዴ? 
\p  
\v 24 “ኢሲ ኣሲ ናምዑ ጎዳስ ኦꬃና ዳንዳዬና። ኢሳ ኢፂዲ ናምዓንꬆዛ ዶሳና፤ ዎይኮ ኢሳ ቦንቺዲ ናምዓንꬃ ሌቃና፤ ፆሳሲኔ ሚሻስ ናምዓታስ ጋꬂ ኦꬃናስ ዳንዳዬቴና። 
\s1 ዳሮ ቆፖፍቴ 
\p  
\v 25 “ሄሳ ጊሽ ታ ኢንቴና ኢንቴ ዱሳ ጊሽ ኣይ ሚኖ? ኣይ ኡዪኖ? ኣይ ማይዒኖ? ጊዲ ሂርጎፍቴ ጋይስ። ሼምፖይ ቁማፔ፥ ኣሾይ ማይዖፔ ኣꬌኔ?  
\v 26 ኣኔ ሳሎ ካፎታ ፄሊቴ! ዜሬቴና፥ ማፄቴና፥ ዲዔን ቆሌቴና ሺን ኢንቴ ሳሎ ኣዋይ ኢስታ ሚዜስ። ኢንቴ ኢስታፌ ኬሂ ኣꬌኬቲ?  
\v 27 ኣኔ ኢንቴፌ ዳሮ ዋዬቲዲ ባስ ኢሜቲዳ ላይꬃ ቦላ ሃራ ኢሲ ጋላስ ጉጃና ዳንዳዪዛ ኣሲ ዲዜ? \f + \fr 6:27 \fq ባስ ኢሜቲዳ ላይꬃ ቦላ ሃራ ኢሲ ጋላስ ጉጃና ዳንዳይዛ ኣሲ ዲዜ? \ft ጊዛይሳ ኢሲ ኢሲ ጌሻ ማፃፋታ ቢርሼꬃን “ባሲ ዲዛ ኣዱሳቴꬃ ቦላ ኢሲ ዋꬋ ፑዴ ጉጃናስ ዳንዳዪዛ ኣሲ ዲዜ?” ጊዛዚ ዴስ።\f* 
\p  
\v 28 “ቃሴ ማይዖ ጊሽ ኣዛስ ሂርጌቲ? ኣኔ ጮ ዴንባን ዲዛ ጪሻታ ፄሊቴ፤ ዳቡሬቴና ዎይኮ ሱቄቴና።  
\v 29 ሄሳ ጊሽ ታ ኢንቴና ጊዛይ ሃራይ ኣቶ ሺን ካዎ ሶሎሞኒካ ባ ቦንቾራ ሃ ጪሻታፔ ኢሲኔይ ማላ ሎዖ ማይዒቤና።  
\v 30 ኢንቴኖ ፓጬ ኣማኖይ ዲዛይቶ! ሃቺ ኣሳ ኣይፌን ቤቲዲ ዎንቶ ታማን ዎꬋና ማታ ሃይሳꬆ ማይዚዛ ፆሲ ኢንቴና ሄሳፌ ሎዔꬂ ኣꬂ ማይዛናስ ዳንዳዬኔ?  
\v 31 ሄሳ ጊሽ ኑ ኣይ ማኔ? ኣይ ኡያኔ? ኣይ ማይዓኔ? ጊዲ ሂርጎፍቴ።  
\v 32 ሃንኮ ኣማኖንታ ኣሳይ ሃይሳ ዴማናስ ዳሮ ቆፔስ። ሃይሲ ዉሪ ኢንቴስ ኮሺዛይሳ ኢንቴ ሳሎ ኣዋይ ኤሬስ።  
\v 33 ሃራፔ ሲንꬃቲዲ ፆሳ ካዎቴꬃ ፂሎቴꬅ ኮዪቴ፤ ሃይቲ ዉሪ ኢንቴስ ጉጄታና።  
\v 34 ሄሳ ጊሽ ዎንቶስ ኬሂ ቆፖፍቴ፤ ዎንቶ ሜቶይ ዎንቶስ ኣቆ፤ ኢሲ ኢሲ ጋላሳይ ባሲ ጊዲዛ ሜቶራ ዴስ። 
\c 7  
\s1 ሃራ ኣሳ ቦላ ፒርዳናስ ኮሼና 
\r (ሉቃ 6፡37-42) 
\p  
\v 1 “ኢንቴ ቦላ ፒርዴቶንታ ማላ ሃራ ኣሳ ቦላ ፒርዶፍቴ።  
\v 2 ኢንቴ ፒርዲዳ ማላ ኢንቴ ቦላካ ፒርዴታና። ኢንቴ ማኪዳ ሚሻራ ኢንቴስ ማኬታና። \x * \xo 7:2 \xt ማር 4፡24\x* 
\v 3 ኔ ኣይፌን ዲዛ ጊታ ሚꬃ ቤዮንታ ዳሼ ኔ ኢሻ ኣይፌን ዲዛ ቄሪ ቡራ ኣዛስ ፄላይ?  
\v 4 ኔ ኣይፌን ጊታ ሚꬂ ዲሺን ኔ ኢሻ ‘ኣኔ ታ ኔ ኣይፌፔ ቄሪ ቡራዮ ኬሳይስ’ ጋናስ ዋና ዳንዳያይ?  
\v 5 ኔኖ ቆꬌፔ ቆሞን ሃኒዛይሶ ካሴታዳ ኔ ኣይፌን ዲዛ ጊታ ሚꬃ ኬሳይቻ። ሄሳፌ ካላዳ ኔ ኢሻ ኣይፌን ዲዛ ቡራ ኬሳናስ ሎዔꬃ ፄላንዳሳ።  
\v 6 ባ ቶሆን ዬꬎንታ ማላኔ ሲሚዲ ኢንቴና ሳፂ ዳኬሬꬆንታ ማላ ኣንጄቲዳይሳ ካናታ ሲንꬃን ዬጎፍቴ፤ ቃሴ ኢንቴ ዎርቃካ ጉዱንꬃታ ሲንꬃን ዬጎፍቴ። 
\s1 ዎሲቴ፥ ኮዪቴ፥ ቆፂቴ 
\r (ሉቃ 11፡9-13) 
\p  
\v 7 “ዎሲቴ ኢንቴስ ኢሜታና፤ ኮዪቴ ኢንቴ ዴማና፤ ካሬ ቆፂቴ ኢንቴስ ዶዬታና።  
\v 8 ዎሲዳ ኡባስ ኢሜታና፤ ኮዪዛ ኣሲ ዴማና፤ ቆፂዛዴስ ካሬይ ዶዬታና።  
\v 9 ኢንቴ ጊዶፌ ኢሳዴስ ናይ ኡኬꬅ ዎሲኮ ሹች ኢሚዛ ኣዋይ ዳንዴ?  
\v 10 ዎይኮ ሞሌ ዎሲኮ ሾሽ ኢሚዛዴይ ዳንዴ?  
\v 11 ሂስቲን ኢንቴ ኢታታ ጊዲ ኡቲዲ ኢንቴ ናይታስ ሎዖ ሚሽ ኢሞ ኤሪዛይታ ጊዲኮ ኢንቴ ሳሎ ኣዋይ ኢዛ ዎሲዛይታስ ዋኒዲ ኣꬊዛ ሎዖ ሚሽ ኢሜኔ?  
\v 12 ሄሳ ጊሽ ሃራ ኣሲ ኢንቴስ ኦꬃና ማላ ኢንቴ ኮዪዛይሳ፥ ኢንቴካ ሃራታስ ኦꬂቴ። ሙሴ ዎጋይኔ ናቤቲ ሃይሳን ኩዬቴስ። \x * \xo 7:12 \xt ሉቃ 6፡31\x* 
\s1 ኣሆ ፔንጌኔ ፁንꬃ ፔንጌ 
\r (ሉቃ 13፡24) 
\p  
\v 13 “ፁንꬃ ፔንጌራ ጌሊቴ፤ ꬋዮሶ ኤፊዛ ኦጌይ ጊታ፤ ፔንጌይካ ኣሆ፤ ዳሮ ኣሳይ ሄ ፔንጌዛራ ጌሌስ።  
\v 14 ዴዖስ ጋꬂዛ ኦጌይ ጊዲኮ ፁንꬃ፤ ፔንጌይካ ፁንꬃ፤ ጌላናይቲካ ጉꬃታ ፃላላ። 
\s1 ዎርዶ ናቤታ 
\r (ሉቃ 6፡43-44) 
\p  
\v 15 “ኢስታስ ጊዶ ባጋይ ካና ሱይቴ ማላ ጊዲ ኡቲዲኔ ዶርሳ ኢቴ ማይዒዲ ኢንቴ ጊዶ ጌሊዲ ጊዶራ ኦꬂዛ ዎርዶ ናቤታፔ ናጌቲቴ። \f + \fr 7:15 \fq ካና ሱይቴ ኢሲ ኢሲ ባጋ ጋሞꬆ ቃላን ሱꬉሜ ጌቴቴስ።\f* 
\v 16 ኢንቴ ኢስታ፥ ኢስታ ኦሶን ኤራንዴታ። ኣጉንꬃ ዎራፔ ዎይኔይ፥ ኪንዲቾ ኣጉንꬃፌ ባላሴ ኣይፌይ ማፄቲዜ?  
\v 17 ሄሳꬆካ ሎዖ ሚꬂ ዉሪ ሎዖ ኣይፌስ፤ ኢታ ሚꬂካ ኢታ ኣይፌ ኣይፌስ።  
\v 18 ሎዖ ሚꬂ ኢታ ኣይፌ ኣይፋናስ ዳንዳዮንታይሳ ማላ ኢታ ሚꬂ ሎዖ ኣይፌ ኣይፋናስ ዳንዳዬና።  
\v 19 ሎዖ ኣይፌ ኣይፎንታ ሚꬂ ዉሪካ ቃንፄታናኔ ታማን ዬጌታና። \x * \xo 7:19 \xt ማቶ 3፡10፤ ሉቃ 3፡9\x* 
\v 20 ሄሳ ጊሽ ኢንቴ ኢስታ ኢስቲ ኣይፊዛ ኣይፌን ሻኪ ኤራና። \x * \xo 7:20 \xt ማቶ 12፡33\x* 
\p  
\v 21 “ሳሎን ዲዛ ታ ኣዋ ሼኔ ፖሎንታ ዲሼ ታና ‘ጎዶ! ጎዶ!’ ጊዛይ ዉሪ ሳሎ ካዎቴꬅ ጌሌና።  
\v 22 ሄ ጋላስ ዳሮቲ ‘ጎዶ! ጎዶ! ኑኒ ኔ ሱንꬃን ቲንቢቴ ዮቲቤኮኒ? ኔ ሱንꬃን ዳይዳንꬂ ኬሲቤኮኒ? ኔ ሱንꬃን ዳሮ ማላታ ኦꬂቤኮኒ?’ ጋና።  
\v 23 ሄ ዎዴ ታ ኢስታስ ‘ታ ኢንቴና ሙሌካ ኤሪኬ! ኢንቴ ኢታቲ ታፔ ሃኪቴ’ ጋዳ ቆንጬራ ታ ኢስታስ ዮታና። 
\s1 ኬꬄ ኬፂዛ ኤያኔ ኤራ ኣሳ ሌሚሶ 
\r (ሉቃ 6፡47-49) 
\p  
\v 24 “ሂስቲኮ ሃይሳ ታ ቃላ ሲይዲ ኦሶን ፔይሺዛዴይ ባ ኬꬄ ዛላ ቦላ ኬፂዛዴ ሚሳቴስ።  
\v 25 ዴፆ ኢራይ ቡኪን፤ ሃሮይካ ሃሮቲዴስ፤ ጫርኮይካ ጫርኪዴስ፤ ኬꬃካ ሱጊዴስ ሺን ዛላ ቦላ ኬፄቲዳ ጊሽ ኩንዲቤና። 
\p  
\v 26 “ሃይሳ ታ ቃላ ሲይዲ ኦꬆንታዴይ ጊዲኮ ባ ኬꬄ ኣጬ ቦላ ኬፂዳ ኤያ ኣሳ ማላ።  
\v 27 ዴፆ ኢራይ ቡኪን ሃሮይካ ሃሮቲዴስ፤ ጫርኮይካ ጫርኪዴስ፤ ሄ ኬꬃካ ሱጊዴስ፤ ኬꬃይካ ኢታ ኩንዴꬅ ኩንዲዴስ” ጊዴስ።  
\v 28 ዬሱሲ ታማርሲ ዉርሲን ኣሳይ ኢዛ ቲሚርቴዛን ማላሌቲዴስ።  
\v 29 ጋሶይካ ሙሴ ዎጋ ታማርሲዛይታ ማላ ጊዶንታ ኢዚ ጎዳቴꬂ ዲዛ ኣሳ ማላ ታማርሲዴስ። 
\c 8  
\s1 ዬሱሲ ኢንቺራቻ ሃርጌይ ኦይኪዳ ኣዴዛ ፓꬂዴስ 
\r (ሉቃ 6፡37፥41-42) 
\p  
\v 1 ዬሱሲ ዙማ ቦላፌ ዎꬊን ዳሮ ዴሬይ ኢዛ ካሊዴስ።  
\v 2 ኢሲ ኢንቺራቻ ሃርጌይ ዲዛዴይ ዬሱሳኮ ሺቂዲ ኢዛ ሲንꬃን ጉልባቲዲ “ጎዶ! ኔ ኮይኮ ታና ፓꬃናስ ዳንዳያሳ” ጊዴስ \f + \fr 8:2 \fq ኢንቺራቻ \ft ጌሻ ማፃፋይ ቆንጪሲዛ ማላ ኣሳቴꬃ ቦላ ቦላራ ጋልባን ኬዚዛ ዱማ ዱማ ሃርጌታ ኡባ ቤሴስ።\f* 
\v 3 ዬሱሲ ባ ኩሼ ዬዲዲ “ታ ዶሳዲስ፤ ፓፃ!” ጊን ኣዴዚ ሄ ሃርጌዛፔ ሄራካ ፓፂዴስ።  
\v 4 ቃሴካ ዬሱሲ ኣዴዛ “ኔ ፓፂዳይሳ ኦናስካ ዮቶፓ፤ ጊዶ ኣቲን ባዳ ኔና ቄሴስ ቤሳ። ኢስቲ ኣዛዚዳ ያርሾዛ ጋꬃ፤ ሄሲካ ኢስታስ ማርካ ጊዳና” ጊዴስ። 
\s1 ዬሱሲ ማቶ ሃላቃዛ ኣሽካራ ፓꬂዴስ 
\r (ሉቃ 7፡1-10) 
\p  
\v 5 ዬሱሲ ቂፊርናሆሜ ጋኪዳ ማላ ማቶ ሃላቃይ ኢዛኮ ሺቂዲ ኢዛ ሂዝጊ ዎሲዴስ።  
\v 6 “ጎዶ! ታ ኣሽካራይ ኬሂ ሳኬቲዲ ኬꬃን ኢቺዲ ዴስ” ጊዴስ። 
\p  
\v 7 ዬሱሲካ ኢዛስ “ታ ባዳ ፓꬃና” ጊዴስ።  
\v 8 ማቶ ሃላቃይ ኢዛስ ዛሪዲ “ታ ኔና ታ ኬꬄ ጌልꬃናስ ቤሲዛዴ ጊዲኬ፤ ጊዶ ኣቲን ኔ ሃን ዳዳ ኢሲ ቃላ ፃላ ጊኮ ታ ኣሽካራይ ፓፃና።  
\v 9 ታስካ ታና ኣዛዚዛ ሃላቃቲ ታፔ ቦላራ ዴቴስ፤ ቃሴካ ታስ ኣዛዜቲዛ ዎታዳራቲ ታፔ ጋርሳራ ዴቴስ፤ ኢስታፌ ኢሳ ‘ባ!’ ጊኮ ቤስ፤ ቃሴ ኢሳ ‘ሃያ!’ ጊኮ ዬስ፤ ታ ኣሽካራ ‘ሄሳ ኦꬃ!’ ጊኮ ኦꬄስ” ጊዴስ። 
\p  
\v 10 ዬሱሲ ኢዛ ዛሮዛን ማላሌቲዲ ባና ካሊዛይታስ “ታ ኢንቴስ ቱሙ ጋይስ፤ ሃራይ ኣቶሺን ኢስራዔሌታ ጊዶን ሃይሳ ማላ ኣማኖይ ዲዛዴ ኢሳዴካ ዴማቤኬ።  
\v 11 ታ ኢንቴስ ዮታይስ፤ ዳሮቲ ኣዋ ኣርሼይ ሞኪዛ ባጋፌኔ ዉሊዛ ባጋፌ ያና። ሳሎ ካዎቴꬃ ማዳን ኣብራሃሜንታራ ዪሳቃንታራኔ ያቆቤንታራ ኢሲፌ ኡታና። \x * \xo 8:11 \xt ሉቃ 13፡29\x* 
\v 12 ሳሎ ካዎቴꬂ ኢስታስ ጊዳና ቤሲዛ ኣሳቲ ሄን ካሬ ꬉማን ዬጌታና። ሄንካ ዬሆይኔ ኣቻ ጋርጬች ጊዳና” ጊዴስ። \x * \xo 8:12 \xt ማቶ 22፡13፤ 25፡30፤ ሉቃ 13፡28\x* 
\v 13 ዬሱሲካ ማቶ ሃላቃስ “ኔ ባ ኔ ኣማኖ ማላ ኔስ ሃኖ” ጊዴስ፤ ኣሽካራዚ ሄራካ ፓፂዴስ። 
\s1 ዬሱሲ ዳሮታ ፓꬂዴስ 
\r (ማር 1፡29-34፤ ሉቃ 4፡38-41) 
\p  
\v 14 ዬሱሲካ ቡሮ ጴፅሮሳ ኬꬄ ጌልሺን ጴፅሮሳ ቦሎቴያ ሚሾ ሃርጌ ሳኬታዳ ኢቺዳሮ ቤዪዴስ።  
\v 15 ኢዚ ኩሼ ዬሱሲ ቦቺን ሚሾ ሃርጌይ ኣጊዴስ። ኢዛካ ዴንዳዳ ዬሱሳ ሞካዱስ። 
\p  
\v 16 ሄ ጋላሳ ኦማሪስ ዳይዳንꬂ ኦይኪዳ ዳሮ ኣሳታ ዬሱሳኮ ኤሂዳ። ኢዚካ ቱና ኣያናታ ባ ቃላራ ኢስታፌ ኬሲዴስ፤ ሃርጋንቻታካ ኡባ ፓꬂዴስ።  
\v 17 ኢሳያሲ “ኢዚ ኑ ሃርጌ ኤኪዴስ፤ ኑ ሳኮካ ቶኪዴስ” ጊዳ ቃላይ ሃይሳን ፖሌቲዴስ። 
\p  
\v 18 ዳሮ ኣሳይ ኢዛ ጊዶꬂዳይሳ ቢዪዲ ዬሱሲ ኣሳ ኣባፌ ሄ ፒንꬅ ፒናና ማላ ኣዛዚዴስ።  
\v 19 ሄሳ ዎዴ ኢሲ ኣይሁዳ ኣማኖ ታማርሲዛዴይ ኢዛኮ ሺቂዲ “ኣስታማሬ! ኔ ቢዛሶ ኣዋካ ታ ኔና ካላና” ጊዴስ። 
\p  
\v 20 ዬሱሲካ ኢዛስ ዛሪዲ “ዎርካናታስ ኦላይ ዴስ፤ ሳሎ ካፎታስ ኬꬂ ዴስ፤ ታስ ኣሳ ናስ ጊዲኮ ሁዔ ጌልꬂዛሶይ ባዋ” ጊዴስ። 
\p  
\v 21 ኢዛ ካሊዛ ኢሲ ሃራ ኣሲ ቃሴ “ጎዶ! ኮይሮ ባዳ ታ ኣዋ ሞጎ?” ጊዴስ። \f + \fr 8:21 \fq ታ ኣዋ ሞጎ? \ft ኢዛ ኣዋይ ሃይቃና ጋካናዉ ሄሚዲ ሃይቂኮ ሞጊ ያናስ ዲዛ ኢዛ ኣሞዛ ቤሲዛ ሚሳቴስ።\f* 
\v 22 ኢዚ ቃሴ “ሃይቂዳይቲ ባ ሃይቄꬅ ሞጌቶ፤ ኔኒ ጊዲኮ ታና ካላ” ጊዴስ። 
\s1 ዬሱሲ ኣባ ዳምባላ ጮዑ ሂስቲዴስ 
\r (ማር 4፡35-41፤ ሉቃ 8፡22-25) 
\p  
\v 23 ሄሳፌ ጉዬ ዬሱሲካ ዎጎሎን ጌሊን ኢዛ ካሊዛይቲካ ኢዛራ ኢሲፌ ቢዳ።  
\v 24 ቆፖንታ ኣባ ጊዶን ዳምባላይ ዴንዲዲ ዎጎሎዮ ሚታና ጋካናስ ኢስታ ዋይሲዴስ። ሄሲ ዉሪ ሃኒሺን ዬሱሲ ꬊስኪዴስ።  
\v 25 ኢዛ ካሊዛይቲ ኢዛ ቤጎꬂዲ “ጎዶ! ኑ ꬋዮስ፤ ኑና ኣሻ!” ጊዳ። 
\p  
\v 26 ዬሱሲካ ኢስታ “ኢንቴኖ ኣማኖይ ፓጪዳይቶ! ኣዛስ ሃይሳ ማላ ባቤቲ?” ጊዴስ። ሄሳፌ ዴንዲዲ ጫርኮዛኔ ኣባ ዳምባላ ኢዚ ሃንቂን ሄራካ ሲርጵ ጊዴስ። 
\p  
\v 27 ኢስቲካ “ሃይሲ ኣባይኔ ጫርኮይካ ኢዛስ ኣዛዜቲዛዴይ ኢዚ ዋኒዳዴ?” ጊዲ ማላሌቲዳ። 
\s1 ቱና ኣያናፔ ፓፂዳ ናምዑ ኣሳታ 
\r (ማር 5፡1-20፤ ሉቃ 8፡26-39) 
\p  
\v 28 ኢዚ ኣባ ፒኒዲ ጌርጌሴኖኔ ጌቴቲዛ ዴሬ ጋኪዳ ማላ ዳይዳንꬂ ኦይኪዳ ናምዑ ኣስ ዳይቲ ባ ዲዛ ዱፎፔ ኬዚዲ ኢዛራ ጋጊዳ። ኣሲ ሄ ኦጌዛራ ኣꬋናስ ዳንዳዬቶንታ ማላ ኣሳስ ዳሮ ኬሂ ሜቶ ጊዲ ዴቴስ።  
\v 29 ኢስቲካ “ፆሳ ናዉ! ኔስ ኑናራ ኣዛ ኢሲፌቴꬅ ዲዜ? ኑ ዎዴይ ጋኮንታ ዲሺን ኑና ፁጋና ያዲ?” ጊዲ ዋሲዳ። 
\p  
\v 30 ሄን ኢስታፌ ጉꬅ ሃኪዲ ዳሮ ጉዱንꬃ ዉዴይ ኢሲ ቦላ ሄሜቴስ።  
\v 31 ዳይዳንꬃቲ ዬሱሳ “ኔ ኑና ኬሳና ጊዲኮ ሃይታን ዳሮ ጉዱንꬃታን ኑ ጌላና ማላ ኑስ ፒቃዴ ኢማ” ጊዲ ዎሲዳ።  
\v 32 ዬሱሲካ ኢስታ “ቢቴ!” ጊዴስ። ዳይዳንꬃቲካ ኢስታፌ ኬዚዲ ጉዱንꬃታን ጌሊዳ። ጉዱንꬃቲ ዉሪካ ባ ዲዛሶ ኣፎራ ቢቻርሼ ኣባን ጌሊዲ ሃꬃን ሚቴቲዲ ሃይቂዳ። 
\p  
\v 33 ጉዱንꬃ ሄሚዛይቲ ኤሌሊዲ ካታማይ ዲዛሶ ቢዲ ጉዱንꬃይ ሃኖይሳኔ ዳይዳንꬂ ኢስታ ኦይኪዳ ኣሳታ ቦላ ሃኒዳይሳ ኡባ ኣሳስ ዮቲዳ።  
\v 34 ካታማ ኣሳይ ዉሪ ዬሱሳራ ጋጋናስ ኬዚዴስ። ዬሱሳ ቤዪዲኔ ኢስታ ዴሬ ዬዲ ባና ማላ ኢዛ ዎሲዳ። 
\c 9  
\s1 ጉንዳ ኣዴዛ ፓፆ 
\r (ማር 2፡1-12፤ ሉቃ 5፡17-26) 
\p  
\v 1 ሄሳፌ ጉዬ ዬሱሲ ኣባ ቦላ ዎጎሎራ ፒኒዲ ካሴ ባ ዲዛ ካታማ ዪዴስ።  
\v 2 ሄን ኢሲ ጉንዳ ኣዴዛ፥ ኣሳይ ሃላራ ቶኪዲ ዬሱሳኮ ኤሂዴስ። ዬሱሲካ ኢስታ ኣማኖ ቤዪዲ ጉንዳ ኣዴዛ “ኣይኮይ ባ፤ ሃይሶ ናዞ! ኔ ናጋራይ ኣቶ ጌቴቲዴስ” ጊዴስ።\f + \fr 9:2 \ft ሃላ፥ ኢሲ ኢሲ ባጋ ጋሞꬆ ቃላን ሃላ ጉሲ ዛጳ ጉሳ።\f* 
\p  
\v 3 ሄ ዎዴ ሙሴ ዎጋ ታማርሲዛይቲ “ሃይሲ ፆሳ ጫሻ” ጊዲ ባ ዎዝናን ቆፒዳ። 
\p  
\v 4 ዬሱሲ ኢስታ ቆፋ ኤሪዲ “ኢንቴ ዎዝናን ኢታ ዮዖ ኣዛስ ቆፔቲ?  
\v 5 ‘ኔ ናጋራይ ኣቶ ጌቴቲዴስ’ ጉሳፌኔ ‘ዴንዳዳ ባ!’ ጉሳፌ ኣዋይሲ ካዉሼ?  
\v 6 ጊዶ ኣቲን ኣሳ ናስ ቢታ ቦላ ኣሴ ናጋራፔ ማራናስ ሼኔይ ዲዛይሳ ኤራና ማላሳ” ጊዲ ጉንዳ ኣዴዛ “ዴንዳ! ኔ ሃላ ኤካዳ ጌዴ ኔሶ ባ” ጊዴስ።  
\v 7 ጉንዳ ኣዴዚካ ዴንዲዲ ባሶ ቢዴስ።  
\v 8 ዴሬይካ ሄሳ ቤዪዲ ማላሌቴꬃኒኔ ባቦን ኩሚዲ ሃይሳ ሲሬ ጎዳቴꬂ ኣሳስ ኢሚዳ ፆሳ ጋላቲዴስ። 
\s1 ዬሱሲ ማቶሳ ፄይጊዴስ 
\r (ማር 2፡13-17፤ ሉቃ 5፡27-32) 
\p  
\v 9 ዬሱሲ ሄፔ ዴንዲዲ ቢሼ ኢሲ ማቶሳ ጌቴቲዛዴይ ቃራፃ ቃንፂሲዛሶን ኡቲዳይሳ ቤዪዲ “ታና ካላ!” ጊን፥ ዴንዲዲ ኢዛ ካሊዴስ። 
\p  
\v 10 ዬሱሲ ማቶሳሶን ማዳ ቦላ ዲሺን ዳሮ ቃራፃ ቃራፂዝይቲኔ ናጋራንቻቲ ኢዛኮ ዪዲ ኢዛራኔ ኢዛ ካሊዛይታራ ኢሲፌ ማናስ ኡቲዳ።  
\v 11 ፋርሳዌቲ ሄሳ ቢዪዲ ዬሱሳ ካሊዛይታ “ኢንቴና ታማርሲዛይሲ ቃራፃ ቃንፂሲዛይታራኔ ናጋራንቻታራ ዎስቲ ኢስታራ ኢሲፌ ካꬅ ሚዜ?” ጊ ኦይቺዳ። 
\p  
\v 12 ዬሱሲካ ኢስቲ ጊዛይሳ ሲይዲ ኢስታ “ኣኪሜይ ኮሺዛይ ሳኬቲዳይታስ ኣቲን ሳኬቶንታ ፓፃታስ ጊዴና።  
\v 13 ሄሳ ጊሽ ‘ኢንቴ ቢዲ ያርሾ ጊዶንታ ማሮቴꬅ ዶሳይስ’ ጊዛ ቃላ ቢርሼꬅ ታማሪቴ። ናጋራንቻታ ፄይጋና ያዲስ ኣቲን ፂሎታ ፄይጋናስ ያቤኬ” ጊዴስ። \x * \xo 9:13 \xt ማቶ 12፡7\x* 
\s1 ዬሱሳ ካሊዛይቲ ፆማ ፆሞንታ ጋሶ 
\r (ማር 2፡18-22፤ ሉቃ 5፡33-39) 
\p  
\v 14 ፃማቂዛ ዮሃኒሳ ካሊዛይቲ ዬሱሳኮ ዪዲ “ኑኒኔ ፋርሳዌቲ ፆሚሺን ኔና ካሊዛይቲ ኣዛስ ፆሜቴኔ?” ጊ ኦይቺዳ። 
\p  
\v 15 ዬሱሲ ኢስታስ “ሚሺራ ላጌቲ ሚሺራዚ ኢስታራ ዲሺን ሙዞታና ቤሲዜ? ሚሺራይ ኢስታፌ ኤኬታና ዎዴይ ያና፤ ኢስቲ ሄ ዎዴ ፆማና። 
\p  
\v 16 “ጋልዓ ማይዖ ቦላ ኦራꬃ ዎሶ ዎꬂ ሲኪዛ ኣሲ ዴና። ጋልዓ ቦላ ኦራꬅ ዎꬂ ሲኪኮ ኦራꬃዚ ጋላዓዛ ፔꬌሬꬂዲ ሃ ዳሲ ዳሪሳና።  
\v 17 ኦኒካ ኦራꬃ ዎይኔ ጫጄ ጋልዓ ሉካሞን ጉጄና። ጉጂዛ ጊዲኮ ሉካሞዚ ꬉቃና፤ ዎይኔ ጫጄዚካ ጉካና፤ ሉካሞዚካ ጎዓይ ባይንዳዚ ጊዳና። ጊዶ ኣቲን ኦራꬃ ዎይኔ ጫጄይ ኦራꬃ ሉካሞዛን ጉጄቴስ። ሄሳ ማላራ ዎይኔ ጫጄዚኔ ሉካሞዚ ሎዖ ናጌቲዲ ጋምዓና” ጊዴስ። \f + \fr 9:17 \fq ሉካሞ፥ \ft ኢሲ ኢሲ ባጋ ጋሞꬆ ቃላን ኦጎሮ ጉሳ።\f* 
\s1 ያዒሮሳ ናዮኔ ዬሱሳ ኣፋላ ማጫራ ቦቺዳ ማጫሳዮ 
\r (ማር 5፡21-43፤ ሉቃ 8፡40-56) 
\p  
\v 18 ዬሱሲ ኣሳ ሃሳይሶን ዲሺን ኢሲ ሹሜይ ኢዛ ሲንꬃን ኩንዲዲ “ታስ ና ዳራ ሃይቃና ጋዉስ። ኢዛ ፓፃ ዳና ማላ ያዳ ኔ ኩሼ ኢዚ ቦላ ዎꬃርኪ?” ጊን፥  
\v 19 ዬሱሲ ዴንዲዲ ኢዛራ ቢዴስ፤ ዬሱሳ ካሊዛይቲካ ኢዛራ ቢዳ። 
\p  
\v 20 ታማኔ ናምዑ ላይꬅ ኩሜꬅ ኢዚፔ ሱꬂ ጉኪዛ ኢሲ ማጫሲ ዬሱሳፔ ጉዬራ ያዳ ኢዛ ኣፋላ ማጫራ ቦቻዱስ። \x * \xo 9:20 \xt ታይ 15፡38፤ ዛሬ 22፡12\x* 
\v 21 ኢዛ ሄሳ ኦꬂዳይ “ታ ኢዛስ ኣፋላ ማጫራ ቦቺዳኮ ፓፃና” ጊዛ ኣማኖይ ኢዚ ዎዝናን ዲዛ ጊሽ ቦቻዱስ። 
\p  
\v 22 ዬሱሲካ ጉዬ ሲሚ ፄሊዲ ማጫሳዮ “ኣይኮይ ባ፥ ታ ናዬ፤ ኔና ኔ ኣማኖይ ፓꬂዴስ” ጊን ማጫሳያ ሄራካ ፓፃጋዱስ። 
\p  
\v 23 ዬሱሲካ ሹሜዛ ሶ ማታ ጋኪሺን ዴሬይ ዛዬራኔ ዲንኬራ ዋሲሼ ዬኪዛይሳ ቤዒዲ፥  
\v 24 “ኪቺቴ! ናያ ꬊስካዱስ ኣቲን ሃይቃቤኩ” ጊን ኢስቲ ኢዛ ቦላ ሚጪዳ።  
\v 25 ዴሬይ ዉሪ ኬꬃፌ ኬዚን ኢዚ ኬꬄ ጌሊዲ ናይ ኩሼ ኦይኪዴስ፤ ናያካ ዴንዳ ኤቃዱስ።  
\v 26 ኢዛ ጎባቴꬂ ሄ ዴሬ ኡባን ሴቴቲዴስ። 
\s1 ዬሱሲ ዱና ዱዴዛኔ ቆቄታ ፓꬂዴስ 
\p  
\v 27 ዬሱሲካ ሄፔ ቢሺን ናምዑ ቆቄቲ “ዳዉቴ ናዉ! ኑና ማራሪኪ!” ጊዲ ዋሲሼ ኢዛ ጌዶ ካሊዳ። 
\p  
\v 28 ቆቄቲካ ዬሱሲ ጌሊዳ ኬꬃ ኢዛ ካሊዲ ጌሊዳ። ዬሱሲካ ኢስታ “ታ ኢንቴ ኣይፌ ፓꬃና ዳንዳዒዛይሳ ኣማኔቲ?” ጊዲ ኦይቺዴስ። ኢስቲካ “ኤ፥ ጎዶ!” ጊዳ። 
\p  
\v 29 ሄሳፌ ጉዬ ዬሱሲ ኢስታ ኣይፌ ቦቺዲ “ኢንቴ ኣማኖ ማላ ኢንቴስ ሃኖ!” ጊዴስ።  
\v 30 ኢስታ ኣይፌይካ ፄሊዴስ። ዬሱሲካ “ሃይሳ ኦኒካ ኤሮንታ ማላ” ጊዲ ሚንꬂ ዮቲዴስ። 
\p  
\v 31 ጊዶ ኣቲን ኢስቲ ቢዲ፥ ሄራ ኡባሶን ዬሱሳ ጊሽ ዎሬሲዳ።  
\v 32 ኢስቲ ሄፔ ኬዚሺን ዳይዳንꬂ ኦይኪዳ ኢሲ ዱና ዱዴ ኣስ ዬሱሳኮ ኤሂዳ።  
\v 33 ዳይዳንꬃዚ ኬዚዳፔ ጉዬ ሄ ዱና ዱዴ ኣዴዚ ሃሳያ ኦይኪዴስ፤ ዴሬዚካ ማላሌቲዲ “ሃይሳ ማላ ሃኖይ ኢስራዔሌ ቢታን ሃኒን ኑ ቤዪ ኤሮኮ” ጊዳ። 
\p  
\v 34 ጊዶ ኣቲን ፋርሳዌቲ ዛሪዲ ኢዛ “ዳይዳንꬂ ኬሲዛይ ዳይዳንꬃታ ሃላቃና” ጊዳ። \x * \xo 9:34 \xt ማቶ 10፡25፤ 12፡34፤ ማር 3፡22፤ ሉቃ 11፡15\x* 
\s1 ዬሱሲ ኣሳስ ሚቼቲዴስ 
\p  
\v 35 ዬሱሲ ኣይሁዳታ ዎሳ ኬꬃን ኣይሁዳታ ታማርሲሼኔ ፆሳ ካዎቴꬃ ሚሺራቾ ቃላ ዮቲሼ ቃሴካ ሃርጌ ኡባፌ ኣሳ ፓꬂሼ ጉታታን ጉታታን ዩዪዴስ። \x * \xo 9:35 \xt ማቶ 4፡23፤ ማር 1፡39፤ ሉቃ 4፡44\x* 
\v 36 ኣሳይ ዉሪ ሄሚዛዴይ ባይንዳ ዶርሳ ማላ ኬሂ ሜቶቴቲዲ ፄሊዛይ ባይንዳዴ ጊዲዳይሳ ቤዪዳ ዎዴ ኢስታስ ዳሮ ሚሼቲዴስ። \x * \xo 9:36 \xt ማር 6፡34\x* 
\v 37 ባና ካሊዛይታስካ “ማፃ ጋኪዳ ካꬃይ ዳሮ ሺን ማፂ ሺሺዛይቲ ጉꬃታ።  
\v 38 ሄሳ ጊሽ ካꬃ ጎዳይ ካꬃኮ ኦሳንቻታ ዬዳና ማላ ዎሲቴ!” ጊዴስ። 
\c 10  
\s1 ዬሱሳ ካሊዛ ታማኔ ናምዓታ ኪቴቴꬅ 
\r (ማር 3፡13-19፤ ሉቃ 6፡12-16) 
\p  
\v 1 ዬሱሲ ባና ካሊዛ ታማኔ ናምዓታ ባኮ ፄይጊዲ፥ ኢስቲ ቱና ኣያናታ ኬሳና ማላ ቃሴካ ሳኮፔኔ ሃርጌፌ ፓꬃና ማላ ኢስታስ ጎዳቴꬅ ኢሚዴስ።  
\v 2 ታማኔ ናምዑ ሃዋሬታ ሱንꬃይ ሃይሳፌ ካሊዛይሳ፤ ኮይሮ ጴፅሮሳ ጌቴቲዛ ሲሞና፥ ኢዛ ኢሻ ኢንዲራሳ፥ ዛቢዶሳ ና ያቆቤኔ ኢዛ ኢሻ ዮሃኒሳ፥  
\v 3 ፒሊጶሳኔ ባርቴሌሞሳ፥ ቶማሳኔ ቃራፃ ሺሺዛ ማቶሳ፥ ኢልፊዮሳ ና ያቆቤኔ ታዶሳ፥  
\v 4 ባ ባጋስ ሚሼቲዛ ሲሞናኔ ጉዬፔ ዬሱሳ ሃይቆስ ኣꬂ ኢሚዳ ኣስቆሮንቶ ዩሁዳ። \f + \fr 10:4 \fq ባ ባጋስ ሚሼቲዛ ሲሞና \ft ሃይሲ ሃ ሱንꬃይ ጉጄቲዳይ ኢሲ ኢሲ ኣሳቲ ኢዚ ባ ሃይማኖቴዛስ ሚሼቲዛ ጊሻሳ ጌቴስ። ሃራቲ ቃሴ ኢዚ ኢሲ ኣሳ ኣይሌቴꬃፌ ኬሲዛ ኢሲ ዲርጂቴ ጊዶን ዲዛ ጊሻሳ ጌቴስ።\f*\f + \fr 10:4 \fq ኣስቆሮንቶ \ft ሃይሳ ሃ ቃላ ጊሽ ሺቂዛ ናምዑ ቆፋቲ ዴቴስ፤ ኢሶይ ዩሁዳይ ኣስቆሮንቶ ጊዛ ዴሬፔ ዪዳይሳ ቤሳናስ ጎዔቲሺን ሃራይቲ ቃሴ ዩሁዳ፥ ዎርዳንቻኔ ባሌꬂዛይሳ ጊዲ ጫያናስ ጎዔቲዛ ሱንꬃ ጌቴስ።\f* 
\p  
\v 5 ሃይታ ታማኔ ናምዓታ ኡባ “ጌዴ ኣይዛቤታ ጋꬅ ቦፒቴ፤ ሳማሪያ ኣሳ ካታማ ጌሎፒቴ።  
\v 6 ጊዶ ኣቲን ኢስራዔሌ ዴራ ጋርሳፌ ꬋዪዳ ዶርሳታኮ ቢቴ።  
\v 7 ቢዲኔ ‘ሳሎ ካዎቴꬅ ማቲዴስ!’ ጊዲ ሳባኪቴ። \x * \xo 10:7 \xt ሉቃ 10፡4-12\x* 
\v 8 ሃርጋንቻታ ፓꬂቴ፥ ሃይቂዳይታ ሃይቆፔ ዴንꬂቴ፥ ኢንቺራቻ ሃርጊዛይታ ጌሺቴ፤ ዳይዳንꬃታ ኬሲቴ፤ ኢንቴ ሜላ ኤኪዳይሳ ሜላ ኢሚቴ፤  
\v 9 ዎርቃ፥ ቢራ ዎይኮ ፃርቂማላ ጊዲን ኢንቴ ኪሴን ኦይኮፍቴ።  
\v 10 ኦሳንቻስ ሃቺስ ሃቺስ ጊዲዛዚ ኮሺዛ ጊሽ ኢንቴ ኦጌስ ጊዲ ሺንቄ፥ ኮሾንታ ማይዖ፥ ጫማ ዎይኮ ጉፌ ኤኪ ቦፒቴ። \x * \xo 10:10 \xt 1ቆሮ 9፡14፤ 1ፂም 5፡18\x* 
\p  
\v 11 “ኢሲ ካታማ ዎይኮ ኢሲ ጉታ ኢንቴ ጌሊዛ ዎዴ ኢንቴና ሞካናዴ ኮዪ ዴሚዲ ኢዛ ኬꬃን ሼምፒቴ፤ ሄፔ ኬዛና ጋካናስ ሄን ዲሺቴ።  
\v 12 ኢንቴ ኦና ኬꬂካ ጌሊሼ ‘ሳሮ’ ጊቴ።  
\v 13 ሄ ኬꬃይ ሳሮታይ ቤሲዛ ኬꬄ ጊዲኮ ኢንቴ ሳሮታይ ሄ ኬꬃስ ጊዶ፤ ሶሮታይ ቤሶንታ ኬꬄ ጊዲኮ ኢንቴ ሳሮታይ ኣጊዲ ኢንቴስ ሲሞ።  
\v 14 ኣይ ኣሲካ ኢንቴና ሞኪ ኤካናሲኔ ኢንቴ ጊዛ ሲያናስ ኮዮንታዴ ጊዲኮ ሄሳዴ ኬꬃፌ ዎይኮ ሄ ካታማፔ ኬዚሼ ኢስታ ቦላ ዪዛ ጎሜፔ ኢንቴ ኣቲዳይሳስ ማርካ ጊዳና ማላ ኢንቴ ቶሆ ቦላ ዲዛ ጉዱላ ፒቲዲ ኬዚቴ። \x * \xo 10:14 \xt ሃዋ 13፡51\x* 
\v 15 ታ ኢንቴስ ቱሙ ጋይስ፤ ፒርዳ ጋላስ ሄ ካታማይ ቦላ ጋካና ፒርዳይ ሶዶሜ ቦላን ጋሞራ ቦላ ጋኪዳ ፒርዳፌ ዴፆ ጊዳና። \x * \xo 10:15 \xt ማቶ 11፡24\x* 
\p  
\v 16 “ታ ኢንቴና ዶርሳ ማላ ካና ሱይቴታ ጊዶራ ኪታይስ። ሄሳ ጊሽ ሾሻ ማላ ጪንጫታኔ ሃራጴ ማላ ኣሽኬታ ጊዲቴ። \x * \xo 10:16 \xt ሉቃ 10፡3\x* 
\v 17 ኣሳይ ኢንቴና ኦይኪዲ ፒርዲዛ ዱላታስ ሺሻና፤ ኣይሁዳቲ ባ ዎሳ ኬꬃን ኢንቴና ጋራፋና፤ ሄሳ ጊሽ ኢስታፌ ናጌቲቴ። \x * \xo 10:17 \xt ማር 13፡9-11፤ ሉቃ 12፡11-12፤ 21፡12-15\x* 
\v 18 ታ ጌዶን ዴሬ ሃሪዛይታኮኔ ካዎታኮ ኢንቴና ኤፋና፤ ኢስታ ሲንꬄኒኔ ኣማኖንታ ኣሳታ ሲንꬃን ኢንቴ ማርካ ጊዳና።  
\v 19 ኢንቴና ኢስቲ ኦይኪዛ ዎዴ ‘ኑ ኣይ ጊ ሃሳዪኖ? ዎዝጊ ዛሮ ኢሚኖ?’ ጊ ሂርጎፍቴ። ሄ ዎዴ ኢንቴ ጋናዚ ኢንቴስ ኢሜታና።  
\v 20 ኢንቴናን ሃሳያናይ ኢንቴ ኣዋ ኣያናፔ ኣቲን ኢንቴና ጊዴኬታ። 
\p  
\v 21 “ኢሻይ ባ ኢሻ ሃይቆስ ኣꬂ ኢማና፤ ኣዋይ ባ ና ቦላ፥ ናይቲ ባና ዬሊዳይታ ቦላ ማካላቴꬃን ዴንዲዲ ሃራ ኣሳን ዎꬊሳና።  
\v 22 ታ ጊሽ ኣሲ ዉሪካ ኢንቴና ኢፃና። ጊዶ ኣቲን ዉርሴꬅ ጋካናስ ሚቅኒ ኤቂዳይ ኢዚ ኣታና። \x * \xo 10:22 \xt ማቶ 24፡9፤ ማር 13፡13፤ ሉቃ 21፡17\x* 
\v 23 ኣሳይ ኢንቴና ኢንቴ ዲዛ ሄራፔ ጎዲኮ ሃራሶ ኪቺቴ! ታ ኢንቴስ ቱሙ ጋይስ፤ ኢንቴ ኢስራዔሌ ካታማ ኡባ ጋኮንታ ዲሺን ታ ኣሳ ናይ ያና። 
\p  
\v 24 “ኣሽካራይ ጎዳፔ ዎይኮ ካሊዛዴይ ካሌꬂዛዴፌ ኣꬌና። \x * \xo 10:24 \xt ሉቃ 6፡40፤ ዮሃ 13፡16፤ 15፡20\x* 
\v 25 ታማሬይ ባና ታማርሲዛይሳ ማላ ዎይኮ ኣሽካራይ ጎዳ ማላ ጊዲኮ ሄሲ ኢዛስ ጊዳና። ኬꬃ ኣዋ ‘ቢዔሊዜቡላ’ ጊኮ ሶ ኣሳ ኣይሲ ሄሳፌ ኢታ ጌቴኔ! \x * \xo 10:25 \xt ማቶ 9፡34፤ 12፡24፤ ማር 3፡2፤ ሉቃ 11፡15\x* 
\p  
\v 26 “ሄሳ ጊሽ ኢስታስ ባቦፍቴ፤ ጌሜቲዳይ ቆንጮንታ ቆቴቲዳይ ጌሽ ኬዞንታ ኣቴና። \x * \xo 10:26 \xt ማር 4፡22፤ ሉቃ 8፡17\x* 
\v 27 ታ ኢንቴስ ꬉማራ ዮቲዳይሳ ፖዖን ሃሳዪቴ፤ ሃይꬃን ሲዪዳይሳ ቆንጬን ሃሳዪቴ።  
\v 28 ኣሾ ዎꬊኮፌ ኣቲን ሼምፖ ዎꬋናስ ዳንዳዮንታይታስ ባቦፍቴ፤ ሄሳፌ ኣሾኔ ሼምፖ ጋꬂ ጋናሜ ታማን ꬋይሳናስ ዳንዳዪዛይሳስ ባቢቴ።  
\v 29 ኢሲ ሳንቴን ባይዜቲዛ ናምዑ ሲኔ ካፎታፔ ኢሲኒያካ ኢንቴ ሳሎ ኣዋ ሼኔይ ባይንዳ ጮ ኩንዳ ኣቱኩ። \f + \fr 10:29 \fq ሲኔ ካፎ \ft ኢሲ ኢሲ ባጋ ጋሞꬆ ቃላን ሲኔ ጊዛይሲ ጋሼ ካፎ ጉሳ።\f* 
\v 30 ሃራይ ኣቶ ሺን ኢንቴ ሁዔ ቢናናይካ ታዪቦን ዴስ።  
\v 31 ሄሳ ጊሽ ባቦፍቴ። ዳሮ ሲኔ ካፎታፔ ኢንቴ ዋጋይ ኣꬊ ቦንቼቲዳዛ። 
\p  
\v 32 “ኣሳ ሲንꬃን ታስ ማርካቲዛዴስ ታካ ሳሎን ዲዛ ታ ኣዋ ሲንꬃን ኢዛዴስ ማርካታና።  
\v 33 ቃሴ ኣሳ ሲንꬃን ታና ካዲዳዴ ታካ ሳሎን ዲዛ ታ ኣዋ ሲንꬃን ኢዛ ካዳና። \x * \xo 10:33 \xt 2ፂም 2፡12\x* 
\p  
\v 34 “ታ ቢታ ቦላ ሳሮቴꬅ ኤሃናስ ዪዳ ኢንቴስ ሚሳቶፖ፤ ማሻ ኤሃናስ ኣቲን ሳሮቴꬅ ኤሃናስ ያቤኬ።  
\v 35 ታኒ ዪዳይ ና ኣዋፔ፥ ማጫ ና ኣዪፔ፥ ና ማቾ ቦሎቲፔ ሻካናሳ።  
\v 36 ኣሳስ ሞርኬይ ሶ ኣሳ ጊዳና። 
\p  
\v 37 “ታፔ ኣꬂዲ ባ ኣዋ ዎይኮ ባ ኣዮ ሲቂዛዴይ ታስ ጊዳናስ ቤሴና። ታፔ ኣꬂዲ ባ ኣቱማ ና ዎይኮ፥ ማጫ ና ሲቂዛዴይ ታስ ጊዳናስ ቤሴና።  
\v 38 ባ ማስቃሌ ቶኪዲ ታና ካሎንታ ኣሲ ታስ ጊዳናስ ቤሴና። \x * \xo 10:38 \xt ማቶ 16፡24፤ ማር 8፡34፤ ሉቃ 9፡23\x* 
\v 39 ባ ሼምፖ ኣሻናስ ኮዪዛዴይ ꬋይሴስ፤ ባ ሼምፖ ታ ጊሽ ኣꬂ ኢሚዛዴይ ኣሼስ። \x * \xo 10:39 \xt ማቶ 16፡25፤ ማር 8፡35፤ ሉቃ 9፡24፤ 17፡33፤ ዮሃ 12፡25\x* 
\p  
\v 40 “ኢንቴና ሞኪ ኤኪዛዴይ ታናካ ሞኪ ኤኬስ። ታና ሞኪ ኤኪዛዴይ ታና ኪቲዳዴካ ሞኪ ኤኬስ። \x * \xo 10:40 \xt ማር 9፡37፤ ሉቃ 9፡48፤ ዮሃ 13፡20\x* 
\v 41 ኢሲ ናቤ ናቤቴꬃን ሞኪ ኤኪዛዴይ ሄ ናቤዛ ዋጋ ዴማና። ፂሎ ኣስ ኢዛ ፂሎቴꬃ ጊሽ ሞኪ ኤኪኮ ሄ ፂሎዛ ዋጋ ኤካና።  
\v 42 ሄሳ ጊሽ ታ ኢንቴስ ቱሙ ጋይስ፤ ኦኒካ ሃይታ ጉꬃታፔ ታና ካሊዛዴ ጊዲዳ ጊሽ ኢሲ ፁዓ ኢርፃ ሃꬅ ኡሺኮ ሂኒስካ ዋጋይ ꬋዬና” ጊዴስ። 
\c 11  
\s1 ፃማቂዛ ዮሃኒሲ ኪቲዳ ኣሳታ 
\r (ሉቃ 7፡18-35) 
\p  
\v 1 ዬሱሲካ ባና ካሊዛ ታማኔ ናምዑ ኣሳታስ ኣዛዞ ኢሚ ዉርሲዳፔ ጉዬ ታማርሳናሲኔ ሳባካናስ ጋሊላን ዲዛ ካታማታ ቢዴስ። 
\p  
\v 2-3 ዮሃኒሲ ቃሾ ኬꬃን ዲሼ ኪርስቶሳስ ኦꬂዛ ሃኖታ ሲይዲ ባና ካሊዛይታ ኢዛኮ ዬዲዲ “ኣሲ ኣሺዛዴይ ያና ጌቴቲዳይ ኔኔዬ? ሃራ ናጊኖ?” ጊዲ ኦይቺዴስ። 
\p  
\v 4 ዬሱሲካ ዛሪዲ “ቢዲ ኢንቴ ሲዳይሳኔ ኢንቴ ቤዪዳይሳ ዮሃኒሳስ ዮቲቴ።  
\v 5 ቆቄቲ ፄሌቴስ፤ ዎቤቲ ሃሙቴቴስ፤ ኢንችራቻ ሃርጊዛይቲ ፓፄቴስ፤ ቱሌቲ ሲዬቴስ፤ ሃይቂዳይቲ ሃይቆፔ ፓፂ ዴንዴቴስ፤ ማንቆታስ ሚሺራቾ ቃላይ ዮቴቴስ።  
\v 6 ታናን ꬉጴቶንታዴይ ኣንጄቲዳዴ” ጊዴስ። 
\p  
\v 7 ዮሃኒሳ ካሊዛይቲ ቢዳፔ ጉዬ ዬሱሲካ ኣሳስ ዮሃኒሳ ጊሽ “ኣይ ቤያናስ ዱጌ ባዞ ቢዴቲ? ጫርኮይ ቃꬂዛ ሾምቦቆ ቤያናስ ዪዴቲ?  
\v 8 ዎይኮ ኣይ ቤያናስ ኬዚዴቲ? ሎዖ ማይዖ ማይዒዲ ሎዒ ኡቲዳዴ ቤያና ዪዴቲ? ሎዖ ማይዖ ማይዒዲ ሎዒዛይቲ ካዎታ ኬꬃን ዴቴስ።  
\v 9 ሂስቲን ኣይ ቤያና ኬዚዴቲ? ናቤ ቤያና ኬዚዴቲ? ኤ፥ ታ ኢንቴስ ጋይስ ናቤፔ ኣꬊዛይሳ ቤያናሳ። 
\p  
\v 10 ‘ኔ ባና ኦጌ ኔስ ጊጊሳናዴ ኔፔ ካሴታ ታ ኔስ ኪታና 
\q2 ጌቴቲዲ ኢዛ ጊሽ ካሴ ፃፌቲዳዴይ ኢዛኮ!’ 
\m ጊዴስ።  
\v 11 ታ ኢንቴስ ቱሙ ጋይስ፤ ማጫሳፔ ዬሌቲዳ ኣሳፔ ፃማቂዛ ዮሃኒሳ ሚሳቲዛ ኣሲ ቢታ ቦላ ዴንዲቤና። ጊዲኮካ ፆሳ ካዎቴꬃን ኣስ ኡባፌ ላፋ ኣሲ ዮሃኒሳፔ ኣꬋና። 
\p  
\v 12 “ፃማቂዛ ዮሃኒሳ ዎዴፔ ሃ ሲሚን ሃዒ ጋካናስ ሳሎ ካዎቴꬃያ ዳሮ ባፄታ ቦላ ዳዉስ። ሚኖ ኣሳቲ ፃላ ኢዞ ዴማና።  
\v 13 ናቤቲካ ሙሴ ዎጋይካ ዉሪ ዮሃኒሳ ዎዴ ጋካናስ ቡሮፔ ሃናናይሳ ዮቲዳ።  
\v 14 ሂስቲኮ ኢንቴ ኤካና ኮይኮ ኢዚ ያና ጌቴቲዳ ኤላሲ ኢዛኮ! \x * \xo 11:14 \xt ማቶ 17፡10-13፤ ማር 9፡11-13\x* 
\v 15 ሲዪዛ ሃይꬂ ዲዛ ኣስ ሲዮ! 
\p  
\v 16-17 “ሃይሳ ሃ ዎዴ ኣሳ ኣዛን ሌሚሶ? ጊያን ኡቲዲ ባ ላጌታ ‘ኑ ኢንቴስ ዲꬂ ዲፂን ኢንቴ ዱርቤኬታ! ዬሆ ዚላልꬅ ዚላሊን ዬኪቤኬታ!’ ጊዛ ናይታ ሚሳቴቴስ።  
\v 18 ዮሃኒሲ ሙሳፌኔ ኡሻፌ ናጌቲዲ ዪዳ ጊሽ ‘ኢዚ ዳይዳንꬃራ ዴስ’ ጊዳ።  
\v 19 ታ ኣሳ ናይ ማሼኔ ኡያሼ ዪን ‘ሃይሲ ሚዲ ካሎንታ ኣሳ፥ ኡሻንቻ፥ ቃራፃ ሺሺዛይታሲኔ ናጋራንቻታስ ላጌኮ!’ ጊዳ። ጊዶ ኣቲን ፆሳ ኤራቴꬂ ባ ኦሶን ፂላዱስ” ጊዴስ። 
\s1 ኣማኖንታ ኢፂዳ ጊሽ ዋላሴቲዳ ካታማታ 
\r (ሉቃ 10፡13-15) 
\p  
\v 20-21 ሄሳፌ ጉዬ ዬሱሲ ኢዚ ማላታታ ኦꬂዳ ካታማ ኣሳይ ማሮቴꬃን ጌሎንታ ኣጊዳ ጊሽ “ኩራዚኔኔ ቤቴሳይዳ! ኢንቴና ኣዬ ኣና! ኢንቴ ቦላ ኦሴቲዳ ማላታይ ፂሮሴ ቦላኔ ሲዶና ቦላ ኦሴቲዳኮ ኢስቲ ማቃ ማይዒዲኔ ቢዲንꬃን ኡቲዲ ቤኒ ቤኒ ማሮቴꬃን ጌላናኮሺን። \f + \fr 11:20-21 \fq ማቃ \ft ጊዛይሲ ኢሲ ኢሲ ባጋ ጋሞꬆ ቃላን ዋሮ ጌቴቴስ።\f* 
\v 22 ሄሳ ጊሽ ታኒ ኢንቴስ ጊዛይ ፒርዳ ጋላስ ኢንቴፌ ኣꬊ ፂሮሴሲኔ ሲዶናስ ቂፃቴይ ካዉያና። 
\p  
\v 23 “ሃኔ ቂፊርናሆሜ ፑዴ ሳሎ ꬎቁ ꬎቁ ጋናስ ኮያዲ? ጊዶ ኣቲን ኔኒ ዱጌ ሲዖሌ ዎꬋንዳሳ፤ ኔ ቦላ ኦሴቲዳ ማላታይ ሶዶሜን ኦሴቲዳኮ ሶዶሜይ ሃቺ ጋካናስ ዳናኮሺን።  
\v 24 ሄሳ ጊሽ ታ ኔና ጊዛይ ፒርዳ ጋላስ ቂፃቴይ ኔፔ ሶዶሜስ ካዉያና” ጊዴስ። \x * \xo 11:24 \xt ማቶ 10፡15፤ ሉቃ 10፡12\x* 
\s1 ኪርስቶሲ ኢሚዛ ሼምፖ 
\r (ሉቃ 10፡21-22) 
\p  
\v 25 ሄ ዎዴ ዬሱሲ “ሳሎኔ ሳዓ ጎዶ! ታ ኣዋዉ! ሃይሳ ዳሮ ኤራንቻታፔኔ ጪንጫታፔ ቆታዳ ቄሪ ናይታስ ኔ ቆንጪሲዳ ጊሽ ታ ኔና ጋላታይስ።  
\v 26 ታ ኣዋዉ! ኤ ሃይሲ ኔ ሲንꬃን ሎዖ ኔ ሼኔ ጊዲዲ ቤቲዴስ። 
\p  
\v 27 “ዉሪካ ታ ኣዋፔ ታስ ኢሜቲዴስ፤ ኣዋፔ ኣቲን ናዛ ጊሽ ኤሪዛ ኣስ ባዋ፤ ቃሴ ናዛፔኔ ናዚ ባ ሼኔን ቆንጪሲዳ ኣሳፔ ሃራይ ኣዋ ኤሪዛ ኣስ ባዋ። \x * \xo 11:27 \xt ዮሃ 3፡35፤ 1፡18፤ 10፡15\x* 
\p  
\v 28 “ቶሆይ ዴፂዳይቶ፥ ዳቡሪዳይቶ ኢንቴ ዉሪካ ታኮ ሃ ዪቴ፤ ታካ ኢንቴስ ሼምፖ ኢማና።  
\v 29 ታ ቃምባራ ቶኪቴ፤ ታፔካ ታማሪቴ፤ ታኒ ታ ዎዝናን ኣዳኔ ኣሽኬ፤ ኢንቴ ሼምፖስ ኢንቴ ሼምፖ ዴማና።  
\v 30 ታ ቃምባራይ ሻይኮኔ ታ ቶሆይ ካዉሻ” ጊዴስ። 
\c 12  
\s1 ሳምባታ ጊሽ ሺቂዳ ኦይሾ 
\r (ማር 2፡23-28፤ ሉቃ 6፡1-5) 
\p  
\v 1 ሄሳፌ ጉዬ ዬሱሲ ሳምባታ ጋላስ ካꬃ ጊዶራ ኣꬊ ቢዴስ። ኢዛ ካሊዛይቲካ ጋፊዳ ጊሽ ቲያ ዱꬂዲ ሺጌቺ ሙስ ኦይኪዳ።  
\v 2 ፋርሳዌቲ ሄሳ ቤዪዲ ዬሱሳ “ሄኮ ኔና ካሊዛይቲ ሳምባታ ጋላስ ኦꬄታናስ ቤሶንታይሳ ኦꬄቴስ” ጊዳ። 
\p  
\v 3 ኢዚካ ኢስታስ ዛሪዲ “ዳዉቴይኔ ኢዛራ ዲዛ ኣሳቲ ጋፊዳ ዎዴ ኢዚ ኣይ ኦꬂዳኮኔ ናባቢቤኬቲ?  
\v 4 ፆሳ ኬꬄ ጌሊዲ ቄሴታፔ ኣቲን ዳዉቴይኔ ኢዛራ ዲዛይቲ ቦቻናስ ቤሶንታ ዱማቲዳ ኡኬꬅ ሚዴስ።  
\v 5 ቃሴ ቄሴቲ ሳምባታ ሻሪዲ ፆሳ ኬꬃ ጊዶን ኦሶ ኦꬂኮ ሞሮ ጊዶንታይሳ ሙሴ ዎጋፔ ናባቢቤኬቲ?  
\v 6 ጊዲኮካ ታ ኢንቴስ ጊዛይ ፆሳ ኬꬃፌ ኣꬊዛዴይ ሃን ዴስ።  
\v 7 ‘ታኒ ያርሾ ጊዶንታ ማሮቴꬅ ዶሳይስ’ ጊዛ ቃላይ ኣይ ጉሲኮኔ ኢንቴ ኤሪዛኮ ፂሎታ ቦላ ፒርዴኬታኮሺን። \x * \xo 12:7 \xt ማቶ 9፡13\x* 
\v 8 ኣሳ ናይ ሳምባታስ ጎዳ” ጊዴስ። 
\p  
\v 9 ሄፔ ኢዚ ጌዴ ኣꬊሼ ኣይሁዳታ ዎሳ ኬꬃን ጌሊዴስ።  
\v 10 ሄንካ ኢሲ ኩሼ ሲሊዳዴይ ዴስ። ዬሱሳ ሞታናስ ጋሶ ኮይዲ “ሳምባታ ጋላስ ፓꬃናስ ቤሲዜ?” ጊዲ ኢዛ ኦይቺዴስ። 
\p  
\v 11 ኢዚካ ኢስታ “ኢንቴፌ ኢሳዴ ዶርሲ ሳምባታ ጋላስ ኦላን ጌሊኮ ባ ዶርሳ ኢዚ ጌሊዲ ኦላፌ ጎቺ ኬሲ ኤሬኔ? \x * \xo 12:11 \xt ሉቃ 14፡5\x* 
\v 12 ሂስቲኮ ኣሲ ዶርሳፌ ኬሂ ኣꬌኔ? ሄሳ ጊሽ ሳምባታ ጋላስ ሎዖ ኦሶይ ዲጌቴና” ጊዴስ።  
\v 13 ቃሴካ ኣዴዛ “ኔ ኩሼ ፒዲሳ!” ጊዴስ፤ ኣዴዚካ ባ ኩሼ ፒዲሲን ሂንኮ ኩሼዛ ማላ ፓፃ ጊዲዴስ።  
\v 14 ጊዶ ኣቲን ፋርሳዌቲ ሄፔ ኬዚዲ፥ ዬሱሳ ዎስቲ ኦይኪ ዎꬋናኮኔ ባ ጊዶን ዞሬቲዳ። 
\s1 ፆሲ ዶሪዳ ኣሽካራ 
\p  
\v 15 ዬሱሲ ኢስታ ቆፋ ኤሪዲ ሄፔ ሃራሶ ሼርዒ ጊዴስ። ዳሮ ዴሬይ ኢዛ ካሊዴስ፤ ሃርጋንቻታካ ኡባ ፓꬂዴስ።  
\v 16 ኢዚ ኦናኮኔ ኣሳስ ዮቶንታ ማላ ኢስታ ኣዛዚዴስ።  
\v 17-21 ሄሲካ ሃኒዳይ ናቤ ኢሳያሳን 
\q1 “ታ ዶሪዳይኔ 
\q2 ታ ኢዛን ኡፋዬቲዛ ታ ናይ ሃይሳኮ! 
\q1 ታ ኣያናፔ ታ 
\q2 ኢዛ ቦላ ዎꬃና፤ 
\q1 ኢዚካ ኣማኖንታ ዴሬታስ ቱሙ ፒርዳ ኣዋጃና፤ 
\q2 ማርሼቴና፤ ዎይኮ ዋሴና። 
\q1 ኢዛስ ቃላይካ ካሬን ሲዬቴና፤ 
\q2 ቱማ ፒርዳ ፆኖስ ጋꬃና ጋካናስ 
\q1 ዲንጬቲ ኡቲዳ ሾምቦቆካ ሜንꬄናኔ 
\q2 ጩዋቲዛ ሙቃዳካ ቶይሴና፤ 
\q1 ኣይዛቤቲ ኢዛ ኡፋይሳን ናጋና” 
\q2 ጌቴቲ ዮቴቲዳ ቲንቢቴ ቃላይ ፖሌታና። 
\s1 ዬሱሳኔ ቢዔሊዜቡላ 
\r (ማር 3፡20-30፤ ሉቃ 11፡14-23) 
\p  
\v 22 ሄሳፌ ጉዬ ዳይዳንꬂ ኦይኪን ፄላናሲኔ ሃሳያናስ ዳንዳዮንታ ኢሲ ኣስ ዬሱሳኮ ኤኪ ዪዳ። ዬሱሲካ ኢዛ ፓꬂን ኣዴዚ ፄላናሲኔ ሃሳያናስ ዳንዳዪዴስ።  
\v 23 ኣሳይ ዉሪካ ማላሌቲዲ “ሃይሲ ኣዴዚ ዳዉቴ ናሻ?” ጊዴስ። 
\p  
\v 24 ጊዶ ኣቲን ፋርሳዌቲ ሄሳ ሲዪዳ ዎዴ “ሃይሲ ኣዴዚ ዳይዳንꬅ ኬሲዛይ ዳይዳንꬃ ሃላቃ ቢዔሊዜቡላ ዎልቃን ፃላ ጊዳናስ ቤሴስ” ጊዳ። \x * \xo 12:24 \xt 9፡34፤ 10፡25\x* 
\p  
\v 25 ዬሱሲካ ኢስታ ቆፋ ኤሪዲ “ባ ጊዶን ኢሶይ ኢሳፌ ሻኬቲዛ ካዎቴꬂ ዉሪካ ኩንዳና፤ ባ ጊዶን ሻኬቲዛ ካታማይ ዎይኮ ኬꬃ ኣሲ ሚኔና።  
\v 26 ፃላዔይ ፃላዔ ኬሲዛ ጊዲኮ ፃላዔይ ባ ጊዶን ሻኬቲዴስ ጉሳ። ሄሳꬆ ሃኒኮ ኢዛ ካዎቴꬂ ዋኒ ሚናና ዳንዳዪዜ?  
\v 27 ታኒ ቢዔሊዜቡላ ዎልቃን ኬሲዛ ጊዲኮ ኢንቴ ናይቲ ኣዛ ዎልቃን ኬሳኔ? ሄሳ ጊሽ ኢንቴ ናይቲ ኢንቴ ቦላ ፒርዳና።  
\v 28 ጊዶ ኣቲን ታኒ ዳይዳንꬅ ኬሲዛይ ፆሳ ኣያናን ጊዲኮ ፆሳ ካዎቴꬂ ኢንቴኮ ዪዴስ ጉሳ። 
\p  
\v 29 “ዎይኮ ኢሲ ኣስ ዎልቃራ ዲዛዴ ኬꬄ ጌሊዲ ሚሼ ቦንቃና ኮይኮ ካሴቲዲ ሄ ዎልቃራ ዲዛ ኣዴዛ ኦይኪ ቃቾንታ ዎስቲ ቦንቃኔ? ቃቺዳፔ ጉዬ ቦንቃና ዳንዳዬስ። 
\p  
\v 30 “ታናራ ጊዶንታዴይ ታናራ ኤቄቴስ፤ ታናራ ኢሲፌ ሺሾንታ ኣሲ ዉሪካ ላሌስ። \x * \xo 12:30 \xt ማር 9፡40\x* 
\v 31 ሄሳ ጊሽ ታ ኢንቴስ ቱሙ ጋይስ፤ ናጋራ ኦሶይኔ ጫሺ ዉሪ ኣሳስ ኣቶ ጌቴታና ሺን ፂሎ ኣያና ጫዪዳዴይ ማሬቴና።  
\v 32 ኣይ ኣሲካ ኣሳ ና ቦላ ሃሳዪዛ ኢታ ቃላ ጊሽ ማሬታና ሺን፥ ፂሎ ኣያና ቦላ ሃሳዪዛ ኢታ ቃላይ ጊዲኮ ሃይሳ ሃ ዎዴን ጊዲን ዎይኮ ቡሮ ያና ዎዴን ጊዲን ማሮይ ዴና። \x * \xo 12:32 \xt ሉቃ 12፡10\x* 
\s1 ሎዖ ሚꬂ ሎዖ ኣይፌን ኤሬቴስ 
\r (ሉቃ 6፡43-45) 
\p  
\v 33 “ሚꬂ ዉሪ ኣይፌን ኤሬቲዛይሳ ማላ ኢንቴ ሎዖ ኣይፌ ዴማናስ ኢንቴስ ሎዖ ሚꬂ ዶ፤ ኢንቴስ ኢታ ሚꬂ ዲዛ ጊዲኮ ኢንቴ ኢታ ኣይፌ ኤካና። \x * \xo 12:33 \xt ማቶ 7፡20፤ ሉቃ 6፡44\x* 
\v 34 ኢንቴኖ ማርꬔራ ዲዛ ሾሻቶ! ኢንቴ ኢታታ ጊዲ ኡቲዲ ዎስቲ ሎዖ ሃሳያናስ ዳንዳዬቲ? ኡሎ ጊዶን ኩሚዳዚ ዱናራ ሃሳዬቴስ። \x * \xo 12:34 \xt ማቶ 3፡7፤ 23፡33፤ 15፡18፤ ሉቃ 3፡7፤ 6፡45\x* 
\p  
\v 35 “ሎዖ ኣሲ ባ ዎዝናን ኩንꬂ ዎꬂዳ ሎዖ ቆፋፔ ሎዖ ሃሳዬስ፤ ኢታ ኣሲካ ባ ዎዝናን ኩንꬂ ዎꬂዳ ኢታቴꬃፌ ኢታ ዮዖ ኬሴስ።  
\v 36 ጊዶ ኣቲን ታ ኢንቴስ ጊዛይ ኣሳይ ባ ሃሳዪዳ ሃዳ ቃላ ኡባ ጊሽ ፒርዳ ጋላስ ዉሪካ ኦይሼታና።  
\v 37 ጋሶይካ ኔ ቃላፔ ዴንዲዳይሳን ኔ ፂላዳ ኣታናኔ ኔ ቃላፔ ዴንዲዳይሳን ኔ ቦላ ፒርዴታና” ጊዴስ። 
\s1 ማላታ ቤያናስ ሺቂዳ ኦይሾ 
\r (ማር 8፡11-12፤ ሉቃ 11፡29-32) 
\p  
\v 38 ሄሳፌ ጉዬ ኢሲ ኢሲ ሙሴ ዎጋ ታማርሲዛይቲኔ ፋርሳዌቲ ዬሱሳ “ኣስታማሬ! ኑ ኔፔ ማላሊሲዛ ማላታ ቤያናስ ኮዮስ” ጊዳ። \x * \xo 12:38 \xt ማቶ 16፡1፤ ማር 8፡11፤ ሉቃ 11፡16\x* 
\v 39 ኢዚ ኢስታስ ዛሪዲ “ሃ ኢታኔ ላይማ ዬሌታይ ማላታ ኦይቼስ፤ ጊዶ ኣቲን ናቤ ዮናሳ ማላታፔ ኣቲን ሃራ ማላታይ ኢሜቴና። \x * \xo 12:39 \xt ማቶ 16፡4፤ ማር 8፡12\x* 
\v 40 ዮናሲ ጊታ ሞሌ ኡሎ ጊዶን ሄꬑ ቃማኔ ሄꬑ ጋላስ ጋምዒዳ ማላ ኣሳ ናይካ ሄꬑ ጋላሲኔ ሄꬑ ቃማ ቢታ ጋርሳን ጋምዓና።  
\v 41 ናናዌ ኣሳይ ፒርዳ ጋላስ ሃይሳ ሃ ዬሌታራ ዴንዲዲ ሃ ዬሌታ ቦላ ፒርዳና፤ ጋሶይካ ናናዌ ኣሳይ ዮናሳ ማርካቴꬃን ማሮቴꬅ ጌሊዳ ጊሻሳ። ሄኮ ዮናሳፔ ኣꬊዛዴይ ሃን ዴስ።  
\v 42 ዱጌሃ ዴሬ ካዎያ ሶሎሞኔ ኤራቴꬅ ሲያናስ ቢታ ጋፃፔ ዴንዳዳ ዪዳ ጊሽ ፒርዳ ጋላስ ኢዛ ሃይሳ ዬሌቴꬃራ ዴንዳዳ ሃ ዬሌቴꬃ ቦላ ፒርዳና። ሄኮ ሶሎሞኔፔ ኣꬊዛዴይ ሃይሳን ዴስ። 
\p  
\v 43 “ቱና ኣያናይ ኣሳፔ ኬዚዲ ሼምፖ ዴማናስ ሃꬂ ባይንዳ ሜላ ቢታን ዳቡሬስ። ጊዶ ኣቲን ባ ኮዪዛ ሼምፖ ዴሜና።  
\v 44 ሄሳፌ ቃሴ ካሴ ታ ዲዛሶ ሲማ ባና ጊዲ ቤኒሶ ኢዚ ሲሚሺን ካሴ ኢዚ ዲዛሶይ ኣይኮይኔ ባይንዳ ሜላ ኬꬄ ጊዲዲ ጌዬዳይሳኔ ጊጌቲ ዲዛይሳ ዴሜስ።  
\v 45 ሄሳፌ ቢዲ ሃራ ባፔ ኢቲዛ ላፑን ኢታ ኣያናታ ባናራ ኤኪዲ ዬስ። ኢስቲካ ሄ ኣዴዛን ጌሊዲ ዴዓና። ሄ ኣዴዛስ ካሴ ዱሳፌ ጉዬ ዱሳይ ኢታ ጊዳና። ሃይሳ ኢታ ዬሌቴꬃስካ ሄሳ ማላ ሃናና” ጊዴስ። 
\s1 ዬሱሳ ኣዪዮኔ ኢዛ ኢሻታ 
\r (ማር 3፡31-35፤ ሉቃ 8፡19-21) 
\p  
\v 46 ዬሱሲ ኣሳስ ዮቲሺን ኢዛ ኣዬያኔ ኢሻቲ ኢዛ ዮቻና ኮይዲ ካሬን ኤቂዳ።  
\v 47 ኢሲ ኣሲ “ሄኮ ኔ ኣያኔ ኔ ኢሻቲ ኔና ሃሳዪሳናስ ካሬን ኤቂዲ ኔና ኮዬቴስ” ጊዴስ።\f + \fr 12:47 \ft ኢሲ ኢሲ ጌሻ ማፃፌታን ፓይዶ ኦይዱ ታማኔ ላፑና ቦላ ዲዛ ቃላይ ዴና።\f* 
\p  
\v 48 ዬሱሲካ “ታ ኣያ ኦኔ? ታ ኢሻቲች፥ ኢስቲ ኦናንቴ?” ጊዴስ።  
\v 49 ባ ኩሼራ ባና ካሊዛይታኮ ማላቲዲ “ታ ኣያኔ ታ ኢሻቲ ሃይታንታ።  
\v 50 ሳሎን ዲዛ ታ ኣዋ ሼኔ ኦꬂዛይቲ ዉሪካ ታስ ኢሻ፥ ሚቾኔ ኣዮ” ጊዴስ። 
\c 13  
\s1 ዜሬꬅ ዜሪዛዴ ሌሚሶ 
\r (ማር 4፡1-9፤ ሉቃ 8፡4-8) 
\p  
\v 1 ሄ ጋላሲ ዬሱሲ ኬꬃፌ ካሬ ኬዚዲ ኣባ ላንቄን ኡቲዴስ።  
\v 2 ዳሮ ዴሬይ ኢዛ ዩዪ ኣꬊ ጊዶꬂዳ ጊሽ ኣሳ ኣባ ጋፃን ኣጊዲ ዎጎሎ ጊዶ ጌሊ ኡቲዲ፥ \x * \xo 13:2 \xt ሉቃ 5፡1-3\x* 
\v 3 ዳሮ ዮዖ ሌሚሶራ “ኢሲ ጎሻንቻይ ዜሬꬅ ዜራናስ ኬዚዴስ።  
\v 4 ኢዚ ዜሪሺን ኢሲ ኢሲ ዜሬꬂ ኦጌ ዱናን ዎꬊን ካፎቲ ዪዲ ማፂ ሚዳ።  
\v 5 ኢሲ ኢሲ ዜሬꬂ ሜላኔ ሹቻቲዛ ቢታ ቦላ ዎꬊን ቢታይ ሜላ ቢታ ጊዲዳ ጊሽ ኤሌ ጫሪዴስ።  
\v 6 ጊዶ ኣቲን ኣዋይ ኣዋቲን ሹሊዲኔ ፃጶ ዬዶንታ ኣጊዳ ጊሽ ሜሊዴስ።  
\v 7 ኢሲ ኢሲ ዜሬꬃይ ኣጉንꬃ ጊዶን ዎꬊዴስ፤ ኣጉንꬃይካ ዲጪዲ ጫሬቻ ጩሊዴስ።  
\v 8 ሃራ ዜሬꬂካ ሎዖ ኦርዴ ቢታን ዎꬊዲ ኣይፌካ ኣይፊዴስ፤ ኢሶይ ፄቱ፥ ኢሶይ ኡሱፑን ታሙ ኢሶይ ሄꬑ ታሙ ኣይፌ ኢሚዴስ።  
\v 9 ሲዪዛ ሃይꬂ ዲዛዴይ ሲዮ!” ጊ ዮቲዴስ። 
\p  
\v 10 ሄሳፌ ኢዛ ካሊዛይቲ ኢዛኮ ሺቂዲ “ኣዛስ ሌሚሶራ ዮታይ?” ጊዳ። 
\p  
\v 11 ኢዚካ ኢስታስ “ሳሎ ካዎቴꬃ ፁራ ኤሮይ ኢንቴስ ኢሜቲዴስ፤ ኢስታስ ጊዲኮ ኢሜቲቤና።  
\v 12 ዲዛዴስ ዲዛይሳ ቦላ ጉጄታናኔ ዳራና ሺን ባይንዳዴፌ ሂና ዲዛራካ ኤኬታይቻና። \x * \xo 13:12 \xt ማቶ 25፡29፤ ማር 4፡25፤ ሉቃ 8፡18፤ 19፡26\x* 
\v 13 ታ ሃይሳꬆ ሌሚሶራ ዮቲዛይ ኢስቲ ሲዪሼ ኤዝጎንታ ጊሺኔ ፄሊሼ ዴሞንታ ጊሻሳ። 
\p  
\v 14-15 “ኢሳያሲ 
\q1 ‘ኢንቴ ሲሳ ሲያናሺን ዩሺ ቆፔኬታ፤ 
\q2 ፄሎ ፄላና ሺን ዎዝናን ዎꬄኬታ፤ 
\q1 ዴሬዛ ዎዝናይ ሙሚዴስ፤ 
\q1 ኢስታ ሃይꬃይካ ሲዬና፤ 
\q2 ፄሎንታ ማላ ባ ኣይፌ ቂልምዒዳ፤ 
\q1 ሄሲ ባይንዳኮ ኢስቲ ባ ኣይፌራ ቤዪዲኔ 
\q2 ባ ሃይꬃራ ሲይዲ 
\q1 ባ ዎዝናን ዩሺ ቆፒዲ 
\q2 ታኮ ሃ ሲሚን 
\q1 ታ ኢስታ ፓꬃና ሺን’ 
\q2 ጊዳ ቲንቢቴ ቃላይ ኢስታን ፖሌቲዴስ። \x * \xo 13:14-15 \xt ኢሳ 6፡9-10\x* 
\p  
\v 16 “ኢንቴ ኣይፌይ ፄሊዛ ጊሺኔ ኢንቴ ሃይꬃቲ ሲዪዛ ጊሽ ኢንቴ ኣንጄቲዳይታ።  
\v 17 ታ ኢንቴስ ቱሙ ጋይስ፤ ዳሮ ናቤቲኔ ዳሮ ፂሎ ኣሳቲ ሃዒ ኢንቴ ቤዪዛይሳ ቤያናሲኔ ሃዒ ኢንቴ ሲዪዛይሳ ሲያናስ ኣሞቲዳ ሺን ኢስታስ ሃኒቤና። 
\p  
\v 18 “ሂስቲኮ ሃዒ ዜሬꬃ ሌሚሶዛ ቢርሼꬅ ሲዪቴ፡  
\v 19 ካዎቴꬃ ቃላ ሲይዲ ዩሺ ቆፖንታ ኣይ ኣሳ ዎዝናፔካ ፃላዔይ ዪዲ ዜሬቲዳ ዜሬꬃ ኤሶን ማፂቻና። ሄሲካ ኦጌ ቦላ ዎꬊዳ ዜሬꬃ።  
\v 20 ሹቻ ቦላ ዜሬቲዳይሲ ቃላ ሲዪዳ ማላ ኡፋይሳን ሲይዲ ሄራካ ኡፋይሳን ኤኪዛዴ ሚሳቴስ።  
\v 21 ጊዶ ኣቲን ፃጶ ዬዳናስ ዳንዳዮንታ ኣጊዳ ጊሽ ዳሮ ጋምዖንታ ቃላ ጌዶን ሜቶይኔ ጎዴቴꬂ ዪዛ ዎዴ ኤሌሊ ꬉጴቴስ።  
\v 22 ኣጉንꬃ ጊዶን ዜሬቲዳ ዜሬꬃይ ቃላ ሲይዲ ሃይሳ ሃ ኣላሜዛስ ዳሮ ሜቶቴꬃኔ ዱሬቴꬃ ቆፋን ባሌቲዲኔ ጩሌቲዲ ኣይፌ ኢሞንታ ኣሳ ማላ።  
\v 23 ሎዖ ቢታን ዜሬቲዳ ዜሬꬃይ ቃሴ ቃላ ሲይዲ ዩሺ ቆፒዛዴ ሚሳቴስ፤ ቱሙ ኣይፌ ኣይፌስ፤ ኢሶይ ፄቱ፥ ኢሶይ ኡሱፑን ታሙ፥ ኢሶይ ሄꬑ ታሙ ኣይፌ ኢሚዴስ” ጊዴስ። 
\s1 ሌሾ ሌሚሶ 
\p  
\v 24 ዬሱሲ ቃሴካ ሃራ ሌሚሶ ኢስታስ “ሳሎ ካዎቴꬂ ባ ጎሻ ጋዴን ሎዖ ዜሬꬅ ዜሪዳዴ ሚሳቴስ።  
\v 25 ጊዶ ኣቲን ኣሲ ዉሪ ኢቺዳ ዎዴ ሞርኬይ ዪዲ ጊስቴዛ ጊዶን ሌሾ ዜሪዲ ቢዴስ።  
\v 26 ጊስቴዚ ዲጪዲ ኣይፌ ኣይፊዛ ዎዴ ሌሾይካ ኢዛራ ኢሲፌ ቤቲዴስ። 
\p  
\v 27 “ካꬃ ጎዳ ኣሽካራቲ ጎዳዛኮ ሺቂዲ ‘ጎዶ! ኔኒ ኔ ጎሻን ሎዖ ዜሬꬅ ዜራቤኪ? ሃይሲ ሌሾይ ኣዋፔ ዪዴ?’ ጊዳ። 
\p  
\v 28 “ኢዚካ ኢስታስ ‘ሄሳ ሞርኬይ ኦꬂዴስ’ ጊዴስ። ኣሽካራቲካ ‘ኑ ቢዲ ሌሾዛ ሾዳና ማላ ኮያይ?’ ጊ ኦይቺዳ። 
\p  
\v 29 “ኢዚካ ኢስታስ፥ ‘ኣካይ ሃኔና፤ ጋሶይካ ኢንቴ ሌሾዛ ሾዲሼ ጊስቴዛራ ጋꬂ ሾዳና፤  
\v 30 ኣጊቴ! ማፃ ዎዴይ ጋካናስ ኢሲፌ ዲጮ፤ ሄ ዎዴ ማፂዛይቲ ሌሾዛ ካሴቲዲ ቆሪ ማፂዲ ታማን ፁጋናስ ሚርቄን ሚርቄን ቃቺቴ፤ ጊስቴዛ ቃሴ ሺሺዲ ጎታራን ጌልꬂቴ’ ጋዳ ታ ኢንቴስ ዮታና” ጊ ዮቲዴስ። 
\s1 ሚꬃ ኣይፌ ሌሚሶኔ ኢርሾ ሌሚሶ 
\r (ማር 4፡30-32፤ ሉቃ 13፡18-19) 
\p  
\v 31 ሃራ ሌሚሶ ኢስታስ “ሳሎ ካዎቴꬂ ኢሲ ኣሲ ባ ጋዴ ጊዶን ዜሪዳ ባርዛፌ ሚꬃ ኣይፌ ማላ።  
\v 32 ባርዛፌ ሚꬃ ኣይፌይ ሃራ ሚꬃ ኣይፌ ኡባፌ ዳሮ ላፋ ጊዲኮካ ዲጫዳ ሚꬃ ኡባፌ ጊታ ጊዳዉስ። ሳሎ ካፎቲካ ኢዚ ሃጋ ቦላ ኬፂዲ ዳና ጋካናስ ጊታ ሚꬂ ጊዳዉስ” ጊዴስ። 
\p  
\v 33 ሃዒካ ሃራ ሌሚሶ ኢስታስ “ሳሎ ካዎቴꬂ ማጫሲ ሊፄይ ዴንዳና ማላ ሊፄ ጊዶን ጉጂዳ ጉꬃ ኢርሾ ሚሳታዉስ” ጊዴስ። 
\p  
\v 34 ዬሱሲ ሃይሳ ኡባ ኣሳስ ሌሚሶራ ዮቲዴስ። ሌሚሶይ ባይንዳ ኢሲኖካ ዮቲቤና።  
\v 35 ሄሳንካ ካሴ ናቤ ዱናን 
\q1 “ታ ዱና ታ ሌሚሶን ዶያና፤ 
\q2 ኣላሜይ ሜꬌቶሳፔ ሃ ሲሚን 
\q1 ቆቴቲዳይሳ ታ ሃሳያና” 
\q2 ጌቴቲ ዮቴቲዳይስ ፖሌቲዴስ። \x * \xo 13:35 \xt ማዛ 78፡2\x* 
\s1 ሌሾ ሌሚሶዛ ቢርሼꬅ 
\p  
\v 36 ሄሳፌ ዬሱሲ ኣሳ ኣጊዲ ሶ ጌሊዴስ። ኢዛ ካሊዛይቲ ኢዛኮ ሺቂዲ “ካꬃ ጊዶን ዲዛ ሌሾዛ ጊሽ ኔ ዮቲዳ ሌሚሶዛ ቢርሼꬅ ኑስ ዮታ” ጊዳ። 
\p  
\v 37 ኢዚካ ኢስታስ ዛሪዲ “ሎዖ ዜሬꬅ ዜሪዳይ ኣሳ ና።  
\v 38 ጎሻይ ሃይሳ ኣላሜዛ፤ ሎዖ ዜሬꬃይ ካዎቴꬃ ናይታ ጊዲዳይሳ ቤሴስ፤ ሌሾይ ቃሴ ፃላዔ ናይታ።  
\v 39 ሌሾዛ ዜሪዲ ቢዳ ሞርኬይ ዳቡሎሳ። ማፃ ዎዴይ ኣላሜ ዉርሴꬂ ጊዲሺን ማፂዛይቲ ፆሳ ኪታንቻታ። 
\p  
\v 40 “ሌሾይ ቆሬቲዲ ታማን ፁጌቲዛይሳ ማላ ኣላሜ ዉርሴꬃን ሄሳꬆ ሃናና።  
\v 41 ኣሳ ናይ ባ ኪታንቻታ ኪታና፤ ኢስቲካ ናጋራስ ጋሶ ጊዲዳይታኔ ኢታ ኦꬂዛይታ ኢዛ ካዎቴꬃ ጊዶፌ ኡባ ቆሪ ኬሳና።  
\v 42 ዬሆይ ዲዛሶኔ ኣች ጋርጪዛሶን ዳሮ ዎልቃማ ታማን ኢስታ ዬጋና።  
\v 43 ሄሳ ዎዴ ፂሎቲ ባ ኣዋ ካዎቴꬃን ኣዋ ኣርሼ ማላ ፖዓና። ሲዪዛ ሃይꬂ ዲዛዴይ ሲዮ! 
\s1 ቆታን ዲዛ ሃሮኔ ኢንቆ ጌቴቲዛ ዎርቃ ሌሚሶ 
\p  
\v 44 “ሳሎ ካዎቴꬂ ጋዴ ጊዶን ቆቴቲዳ ሚሼ ሚሳቴስ። ኢሲ ኣስ ሄ ሚሻዮ ዴሚዲ ዛሪ ቆቲዴስ። ኡፋይሳፌ ዴንዲዳይሳን ቢዲ ባስ ዲዛዚ ኡባ ባይዚዲ ሄ ሚሺያ ዲዛ ቢታ ሻሚዴስ። 
\p  
\v 45 “ሄሳꬆካ ሳሎ ካዎቴꬂ ኣልዖ ዎርቃ ኮዪዛ ዛልዓንቻ ሚሳቴስ።  
\v 46 ዳሮ ኣልዖ ጊዲዳ ኢንቆ ጊዛ ሹቻ ዴሚዳ ማላ ቢዲ ባስ ዲዛዚ ኡባ ባይዚዲ ሻሚዴስ። 
\s1 ሞሌ ጊቴ ሌሚሶ 
\p  
\v 47 “ቃሴካ ሳሎ ካዎቴꬂ ኣባ ጊዶን ዬጌቲዲ ዱማ ዱማ ሞሌ ኦይኪዳ ሞሌ ጊቴ ሚሳቴስ።  
\v 48 ሞሌ ኦይኪዛይቲ ጊቴይ ኩሚን ጎቺዲ ኣባ ላንቄ ኬሲዳ። ሄን ኡቲዲ ሎዖ ሎዖ ሞሌ ቆሪዲ ኬሼን ጉጂዳ። ኢታ ሞሌታ ዎራ ዬጊዳ።  
\v 49-50 ኣላሜ ዉርሴꬃን ሄሳꬆ ሃናና። ኪታንቻቲ ዪዲ ናጋራንቻታ ፂሎታፔ ሻኪዲ ዬኪዛሶኔ ኣች ጋርጪዛሶ ጌዴ ቶዖንታ ታማን ዬጋና። 
\p  
\v 51 “ዬሱሲ ኢስታ ሃይሲ ዉሪ ኢንቴስ ጌሊዴ?” ጊዴስ። ኢስቲካ “ኤ” ጊዳ። 
\p  
\v 52 ኢዚካ ዛሪዲ “ሄሳ ጊሽ ሳሎ ካዎቴꬃ ፁራይ ጌሊዳ ሙሴ ዎጋ ታማርሲዛዴይ ኦኒካ ኢዛስ ሚንጂ ዎꬂዳ ኣልዖ ሚሻፌ ኦራꬃኔ ካሴ ጋልዓ ሚሽ ኬሲዛዴ ሚሳቴስ” ጊዴስ። 
\s1 ናቤይ ባ ዴሬን ቦንቼቴና 
\r (ማር 6፡1-6፤ ሉቃ 4፡16-30) 
\p  
\v 53 ዬሱሲካ ሃይታ ሌሚሶታ ዮቲ ዉርሲዲ ሄፔ ሃራሶ ቢዴስ።  
\v 54 ጌዴ ባ ዴሬ ቢዲ ኣይሁዳታ ዎሳ ኬꬃን ኣሳ ታማርሶ ኦይኪዴስ። ኢስቲካ ማላሌቲዲ “ሃይሲ ኣዴዚ ሃይሳ ኤራቴꬃኔ ሃይታ ማላታታ ኦꬃና ዎልቃ ኣዋፔ ዴሚዴ?  
\v 55 ሃይሲ ኣናፄዛ ና ዴኔ? ኢዛ ኣዬይ ሱንꬂ ማራሞ ጊዴኔ? ኢዛ ኢሻቲ ያቆቤ፥ ዮሴፌ፥ ሲሞናኔ ዩሁዳ ጊዴቴኔ?  
\v 56 ሚቼቲ ኑናራ ዲዛይታ ጊዴቴኔ? ሂስቲን ሃይሲ ኣዴዚ ሃይሳ ኡባ ኣዋፔ ኤኪዴ?” ጊዳ። 
\p  
\v 57 ሄሳ ጊሽ ኢስቲ ኢዚ ጊዛይሳ ኤኪቤቴና። 
\p ዬሱሲካ ኢስታስ “ናቤይ ባ ዴሬኒኔ ባ ኬꬃን ቦንቼቴና ኣቲን ሃራሶን ቦንቼቴስ” ጊዴስ።  
\v 58 ኢስቲ ኣማኖንታ ኣጊዳ ጊሽ ዳሮ ማላታታ ሄን ኦꬂቤና። 
\c 14  
\s1 ፃማቂዛ ዮሃኒሳ ሃይቆ 
\r (ማር 6፡14-29፤ ሉቃ 9፡7-9) 
\p  
\v 1 ሄ ዎዴ ጋሊላ ዴሬ ሃሪዛ ሄርዶሲ ኣሳይ ዬሱሳ ናሺዛይሳ ሲይዴስ።  
\v 2 ሄርዶሲ ባ ኣሽካራታስ “ሄሳ ጊዲኮ፥ ፃማቂዛ ዮሃኒሲ ሃይቆፔ ዴንዲዲ ዪዴስ ጉሳካ! ሃይሲ ዉሪ ጊታ ማላታይ ኢዛ ኩሼን ኦሴቲዛይ ሄሳሳ” ጊዴስ። 
\p  
\v 3 ሄርዶሲ ባ ኢሻ ፒሊጶሳ ማቾ ሄሮዲያዲ ጋሶን ዮሃኒሳ ኦይꬂዲ ቃሾ ኬꬃን ዬጊዴስ። \x * \xo 14:3 \xt ሉቃ 3፡19-20\x* 
\v 4 ጋሶይካ ዮሃኒሲ ሄርዶሳ “ኔ ኢዞ ኤካና ማላ ዎጋ ጊዴና ጊዳ ጊሻሳ” ጊዴስ።  
\v 5 ሄርዶሲካ ዮሃኒሳ ዎꬋናስ ኮዪሺን ኣሳይ ዮሃኒሳ ናቤ ማላ ፄሊዛ ጊሽ ባቢዴስ። 
\p  
\v 6-7 ሄርዶሲ ባ ዬሌቴꬃ ጋላስ ሄሮዲያዲ ናያ ዬꬃን ኢዛ ኡፋይሲዳ ጊሽ ናያ ኢዛ ኦይቺዳዝ ኡባ ኢማናስ ኢዚስ ጫቂዴስ።  
\v 8 ናያካ ኣዬይ ዞሬን “ፃማቂዛ ዮሃኒሳ ሁዔ ኬሬን ዎꬃዳ ሃዒ ሃኒን ታስ ኢማ” ጋዱስ። 
\p  
\v 9 ሄ ዎዴ ካዎዚ ኢዛስ ሚሼቲዴስ። ጊዶ ኣቲን ጫቂዳ ጊሺኔ ኢዛራ ዲዛ ኢማꬃታ ጊሽ ጊዲ ናይ ኦይሾይ ፖሌታና ማላ ኣዛዚዴስ።  
\v 10 ኪቲዲኔ ዮሃኒሳ ዎይኔ ኬꬃን ዲሺን ቆꬌ ቃንፂሲዴስ።  
\v 11 ቃንፄቲዳ ሁዔዛ ኬሬን ዎꬂዲ ናይስ ኢሚዳ። ናያካ ኤካዳ ባ ኣዬይስ ኢማዱስ።  
\v 12 ዮሃኒሳ ካሊዛይቲ ኢዛ ኣሃ ኤኪዲ ሞጊዲኔ ሃኒዳይሳ ኡባ ዬሱሳስ ዮቲዳ። 
\s1 ዬሱሲ ኢቻሹ ሺ ኣሳ ሚዚዴስ 
\r (ማር 6፡30-44፤ ሉቃ 9፡10-17፤ ዮሃ 6፡1-14) 
\p  
\v 13 ሄሳ ሲዪዳ ማላ ዬሱሲ ካሴ ባ ዲዛሶ ኣጊዲኔ ዎጎሎን ጌሊዲ ባርካ ሃራ ኣሲ ባይንዳሶ ቢዴስ። ዴሬይካ ሄሳ ሲይዲ ካታማይ ዲዛሶፔ ቶሆራ ኢዛ ካሊዴስ።  
\v 14 ዬሱሲካ ዎጎሎዛፔ ዎꬊሼ ዳሮ ኣሳ ቤዪዲ ኣሳስ ሚሼቲዴስ። ሳኬቲዛይታካ ፓꬂዴስ። 
\p  
\v 15 ጋዴይ ቃሚ ቃሚ ቢዛይሳ ቤዪዲ ኢዛ ካሊዛይቲ ኢዛኮ ሺቂዲ “ሃይሲ ኑ ዲዛሶይ ባዞ፤ ጋዴይካ ቃሚ ቃሚ ቢዛ ጊሽ ጌዴ ጉታታን ጉታታን ቢዲ ባሲ ማናዝ ሻማና ማላ ኣሳ ዬዳ” ጊዳ። 
\p  
\v 16 ጊዶ ኣቲን ዬሱሲካ ኢስታ “ኢንቴ ኣሳስ ማናዝ ኢሚቴ ኣቲን ኣሳይ ባናስ ኮሼና” ጊዴስ። 
\p  
\v 17 ኢስቲካ ኢዛስ ዛሪዲ “ሃይሳን ኑስ ኢቻሹ ኡኬꬂኔ ናምዑ ሞሌፔ ኣቲን ሃራይ ባዋ” ጊዳ። 
\p  
\v 18 ኢዚካ ኢስታ “ኣኔ ሄይታ ዲዛይታ ሃ ታስ ኤኪ ዪቴ” ጊዴስ።  
\v 19 ቃሴካ ኣሳይ ማታ ቦላ ኡታና ማላ ኣዛዚዴስ። ኢቻሹ ኡኬꬃኔ ናምዑ ሞሌታ ባ ኩሼን ኦይኪዲ ባ ኣይፌ ፑዴ ሳሎ ꬎቁ ሂስቲ ጋላቲዲ፥ ኡኬꬃ ሜንꬂ ባና ካሊዛይታስ ኢሚዴስ። ኢስቲካ ኣሳስ ኢሚዳ። 
\p  
\v 20 ኣሳይ ዉሪካ ሚዲ ካሊዴስ። ሄሳፌ ጉዬ ኢዛ ካሊዛይቲ ኣሳፔ ሚሺን ኣቲዳይሳ ታማኔ ናምዑ ሌማቴ ኩሜꬅ ሺሺዳ።  
\v 21 ሚዳ ኣሳይ ማጫሳቲኔ ጉꬃ ናይቲ ጉጄቶንታ ኣቱማሳይ ፃላላ ኢቻሹ ሺ ጊዳና። 
\s1 ዬሱሲ ኣባ ቦላ ሃሙቲዴስ 
\r (ማር 6፡45-52፤ ዮሃ 6፡15-21) 
\p  
\v 22 ሄራካ ኢዛ ካሊዛይቲ ዎጎሎን ጌሊዲ ጌዴ ፒንꬅ ኢዛፔ ካሴቲዲ ፒናና ማላ ኣዛዚዲ ኣሳ ሞይዛናስ ባሲ ጉዬ ኣቲዴስ።  
\v 23 ዴሬዛ ሞይዚዳፔ ጉዬ ዎሳ ዎሳናስ ባርካ ዙማ ቦላ ኬዚዴስ። ጋዴይ ꬉሚንካ ያን ዙማ ቦላ ባርካ ዴስ።  
\v 24 ሄሳ ዎዴ ዎጎሎያ ኣባ ካንꬃ ቢሺን ዳምባላይ ዴንዲዲ ዳሮ ሜቶꬆ ኦይኪዴስ። 
\p  
\v 25 ቃማፔ ኮይሮ ኩቶይ ባቂሺን ዬሱሲ ኣባ ቦላራ ሃሙቲዲ ኢዛ ካሊዛይቲ ዲዛሶ ዪዴስ።  
\v 26 ዬሱሳ ካሊዛይቲካ ኢዚ ኣባ ቦላራ ሃሙቲ ዪሺን ቤዪ ባቢዳ ጊሽ ኢዛ ሞይቲሌ ጊዲኔ ዋሲዳ። 
\p  
\v 27 ዬሱሲ ሄራካ “ኣይኮይ ባ! ታናኮ፤ ባቦፍቴ!” ጊዴስ። 
\p  
\v 28 ጴፅሮሲ “ጎዶ! ኔና ጊዲኮ ታ ኣባ ቦላራ ሃሙታዳ ኔኮ ባና ማላ ታና ኣዛዛ” ጊዴስ። 
\p  
\v 29 ዬሱሲ ኢዛ “ሃያ!” ጊዴስ። ጴፅሮሲካ ዎጎሎዛፔ ዎꬊዲ ሃꬃ ቦላራ ሃሙቲዲ ዬሱሳኮ ዪዴስ።  
\v 30 ጊዶ ኣቲን ጫርኮዛ ዎልቃ ቢዪዲ ባቢዳ ጊሽ ሃꬃን ሚቴቴꬅ ኦይኪዲ “ጎዶ! ታና ኣሻ!” ጊ ዋሲዴስ። 
\p  
\v 31 ዬሱሲ ሄራካ ባ ኩሼ ዬዲ ኦይኪዲ “ኔኖ፥ ኣማኖይ ፓጪዳይሶ! ኣዛስ ሲꬋዲ?” ጊዴስ። 
\p  
\v 32 ዬሱሲኔ ጴፅሮሲ ዎጎሎዛን ጌሊዳ ማላ ጫርኮይ ሲርጵ ጊዴስ።  
\v 33 ሄሳፌ ጉዬ ዎጎሎን ዲዛይቲ “ኔኒ ቱሙ ፆሳ ና!” ጊዲ ኢዛስ ጎይኒዳ። 
\s1 ዬሱሲ ጌንሴሬፄን ሃርጋንቻታ ፓꬂዴስ 
\p  
\v 34 ዬሱሲኔ ኢዛ ካሊዛይቲ ኣባ ፒኒዲ ጌንሴሬፄ ጌቴቲዛሶ ጋኪዳ።  
\v 35 ሄን ዲዛይቲ ዬሱሳ ጊዲዳይሳ ኤሪዲ፥ ሄ ሄራን ዩዪ ኣꬋናስ ዲዛ ኣሳስ ኪታ ዬዲዳ። ኣሳይካ ሃርጋንቻታ ኡባ ዬሱሳኮ ኤሂዴስ።  
\v 36 ሃርጋንቻቲ ኢዛ ኣፋላ ፄራ ፃላላ ቦቻና ማላ ዬሱሳ ዎሲዳ። ቦቺዳይቲ ዉሪካ ፓፂዳ። 
\b  
\c 15  
\p  
\v 1 ቃሴካ ዬሩሳላሜፔ ዪዳ ፋርሳዌቲኔ ሙሴ ዎጋ ታማርሲዛይቲ ዬሱሳኮ ሺቂዲ  
\v 2 “ኔና ካሊዛይቲ ካሴ ኑ ኣዋታ ዎጋ ኣዛስ ꬋይሲዞ? ቁማ ማናስ ኩሼ ሜጬቴቴና” ጊዳ። 
\p  
\v 3 ዬሱሲካ ኢስታስ “ኢንቴ ኢንቴ ዎጋስ ጊዲ ፆሳ ኣዛዞ ኣይስ ሻሬቲ?  
\v 4 ፆሲ ‘ኔ ኣዪዮኔ ኔ ኣዋ ቦንቻ፤ ባ ኣዋ ቦላ ዎይኮ ባ ኣዪ ቦላ ኢታ ቃላ ሃሳዪዳዴይ ሃይቆ!’ ጊ ኣዛዚዴስ።  
\v 5 ኢንቴ ጊዲኮ ኣይ ኣሲካ ባ ኣዋ ዎይኮ ባ ኣዮ ‘ታ ኢንቴስ ኦꬃናስ ቤሲዛዝ ኣይ ሚሼካ ፆሳስ ያርሾ ኦꬃ ሺሻዲስ’ ጊኮ፥  
\v 6 ‘ሄ ኣዴዚ ባ ኣዋ ዎይኮ ባ ኣዮ ቦንቺዴስ’ ጌታ፤ ሄሳ ጊሽ ኢንቴ ዎጋ ጊሽ ፆሳ ቃላ ሻሬታ።  
\v 7-9 ኢንቴኖ፥ ቆꬌፔ ቆሞን ሃኒዛይቶ! ኢሳያሲ ኢንቴ ጊሽ ዮቲሼ 
\q1 ‘ሃይሲ ዴሬይ 
\q2 ታና ዱናን ፃላላ ቦንቼስ፤ 
\q1 ዎዝናይ ጊዲኮ ታፔ ሃኪዴስ፤ 
\q2 ሜላ ሃዳ ታና ጎይኔስ፤ 
\q1 ኢስታ ቲሚርቴይካ ኣሲ ዎꬂዳ ዎጋ’ 
\q2 ጊዲዲ ሲንꬃፌ ሃናናይሳ ዮቲዳይሲ ቱማኮ” ጊዴስ። 
\p  
\v 10 ዬሱሲ ኣሳ ባኮ ፄይጊዲ “ሲዪቴ ዎዝናን ዎꬂቴ።  
\v 11 ኣስ ቱኒሲዛይ ኢዛዴ ዱናራ ሃ ኬዚዛይሳፌ ኣቲን ዱናራ ዱጌ ጌሊዛይ ቱኒሴና” 
\m ጊዴስ። 
\p  
\v 12 ቃሴ ኢዛ ካሊዛይቲ ኢዛኮ ሺቂዲ “ፋርሳዌቲ ኔ ጊዳይሳ ሲይዲ ሃንቄቲዳይሳ ኤራዲ?” ጊዳ። 
\p  
\v 13 ኢዚ ኢስታስ “ታ ኣዋ ሳሎይሲ ቶኮንታ ሚꬂ ዉሪካ ꬎቃሌታና።  
\v 14 ኢስታ ኣጋጊቴ ኢስቲ ቆቄቲ ካሌꬂዛ ቆቄታ ጊዲዳ ጊሽ፥ ቆቄቲ ቆቄ ካሌꬂኮ ናምዓይ ኢሶይ ኢሳራ ኦይኬቲዲ ኣፎን ዉላና” ጊዴስ። \x * \xo 15:14 \xt ሉቃ 6፡39\x* 
\p  
\v 15 ጴፅሮሲ ዬሱሳ “ኔ ዮቲዳ ሌሚሶዛ ኑስ ቢርሻ” ጊዴስ። 
\p  
\v 16 ኢዚካ “ኢንቴ ሃዒ ጋካናስካ ኤሪቤኬታ ጉሴ?  
\v 17 ዱናራ ጌሊዛይ ዉሪ ዱጌ ቃንꬄ ካንꬂዲ ጌዴ ካሬ ኬዚዛይሳ ኤሬኬቲ?  
\v 18 ዱናራ ኬዚዛይ ጊዲኮ ዎዝናፔ ፑልቴስ። ኣስ ቱኒሲዛይ ሄሳ። \x * \xo 15:18 \xt ማቶ 12፡34\x* 
\v 19 ኢታ ቆፋይ፥ ሼምፖ ዎꬎይ፥ ላይማይ፥ ላይማታናስ ቃቃቶይ፥ ካይሶይ፥ ዎርዶ ማርካቴꬂኔ ኣሳ ሱንꬅ ሞሮይ ዉሪ ዎዝናፔ ፑልቴስ።  
\v 20 ኣስ ቱኒሲዛይ ሃይታንታፌ ኣቲን ኩሼ ሜጬቶንታ ሙሲ ኣስ ቱኒሴና” ጊዴስ። 
\s1 ካናኔ ዴሬ ማጫሳይ ኣማኖ 
\r (ማር 7፡24-30) 
\p  
\v 21 ዬሱሲ ሄፔ ኬዚዲ ጌዴ ፂሮሴኔ ሲዶና ጌቴቲዛ ዴሬ ቢዴስ።  
\v 22 ኢሲ ካናኔ ማጫሲ ዲዛራ ሄ ሄራፔ ኬዛዳ ዬሱሳኮ ያዳ “ጎዶ፥ ዳዉቴ ናዉ! ታስ ሚሼታ! ታ ናያ ቱና ኣያናይ ኦይኪን ኬሃ ዋያዉስ” ጋዳ ዋሳዱስ። 
\p  
\v 23 ጊዶ ኣቲን ኢዚ ኢሲ ቃላካ ኢዚስ ዛሪቤና። ሂስቲን ሄ ዎዴ ኢዛ ካሊዛይቲ ኢዛኮ ሺቂዲ “ኑና ካላ ካላ ዋይሲዛ ጊሽ ኔ ኢዞ ሞይዚኮቺ?” ጊዲ ኢዛ ኦይቺዳ። 
\p  
\v 24 ኢዚካ ኢስታስ “ታኒ ኢስራዔሌ ኬꬃፌ ꬋዪዳ ዶርሳታኮ ፃላላ ኪቴታዲስ” ጊዴስ። 
\p  
\v 25 ማጫሳያካ ዬሱሳ ቶሆ ቦላ ኩንዳዳ “ጎዶ! ታና ማዳርኪ!” ጋዱስ። 
\p  
\v 26 ኢዚካ ኢዚስ ዛሪዲ “ናይታ ካꬅ ኤኪዲ ካና ቡቱላታስ ዬጋናስ ቤሴና” ጊዴስ። 
\p  
\v 27 ኢዛካ “ኤ ጎዶ፤ ቡታላቲካ ባ ጎዳ ማዳፔ ጋዴን ዎꬊዳ ካꬅ ማፂ ሜቴስ” ጋዱስ። 
\p  
\v 28 ሂዝጊን ዬሱሲካ ማጫሳዮ “ሃኔ ማጫሳዬ፥ ኔ ኣማኖይ ጊታ! ኔ ኮይዳ ማላ ኔስ ሃኖ” ጊዴስ። ማጫሳይ ናያካ ሄራካ ፓፃዱስ። 
\p  
\v 29 ዬሱሲ ሄፔ ዴንዲዲ ጋሊላ ኣባ ላንቄ ቢዲ ሄን ዲዛ ኢሲ ዙማ ቦላ ኬዚ ኡቲዴስ።  
\v 30 ቆዳን ዳሮ ዴሬይ ዎቤታ፥ ቆቄታ፥ ሲላታ፥ ሃሳዮንታ ዱዴታ ሃራታካ ዳሮ ሃርጋንቻታ ኤሂዲ ኢዛ ሲንꬃን ዎꬂዴስ፤ ኢዚካ ኢስታ ፓꬂዴስ።  
\v 31 ዱዴይ ሃሳዪሺን፥ ቶሆ ሲላይ ፓፂሺን፥ ዎቤይ ሲቲ ጊዲ ሃሙቲሺን፥ ቆቄይ ፄሊሺን ቤዪዲ ኣሳይ ማላሌቲዴስ፤ ኢስራዔሌ ጎዳካ ጋላቲዴስ። 
\s1 ዬሱሲ ኦይዱ ሺ ኣሳ ሚዚዴስ 
\r (ማር 8፡1-10) 
\p  
\v 32 ዬሱሲ ባና ካሊዛይታ ፄይጊዲ “ኣሳይ ታናራ ሄꬑ ጋላስ ጋምዒዳ ጊሺኔ ማና ካꬂ ባይንዳ ጊሽ ኣሳይ ታና ሚቼስ። ኦጌ ቦላን ጋፋን ዳቡሪዲ ኩንዶንታ ማላ ሜላ ኡሎራ ዬዳናስ ኮዪኬ” ጊዴስ። 
\p  
\v 33 ኢዛ ካሊዛይቲ “ሃይሳን ኣይኮይካ ባይንዳ ባዞ ቢታን ሃይሳ ኬና ዴሬ ሚዛናስ ጊዲዛ ቁማ ኑ ኣዋፔ ዴማኔ?” ጊዳ። 
\p  
\v 34 ዬሱሲ ኢስታ “ኢንቴስ ኣፑን ኡኬꬂ ዲዜ?” ጊ ኦይቺን ኢስቲካ “ላፑን ኡኬꬂኔ ቂ ጉꬃ ሞሌቲ ዴቴስ” ጊዳ። 
\p  
\v 35 ኢዚካ ዴሬዚ ጋዴን ኡታና ማላ ኣዛዚዴስ።  
\v 36 ላፑን ኡኬꬃኔ ሞሌዛ ባ ኩሼን ኦይኪዲ ጋላቲዳፔ ጉዬ ሜንꬂዲ ባና ካሊዛይታስ ኢሚዴስ፤ ኢስቲካ ዴራስ ጊሺዳ።  
\v 37 ኣሳይ ዉሪካ ሚዲ ካሊዴስ፤ ዬሱሳ ካሊዛይቲ ኣሳፔ ኣቲዳይሳ ላፑን ሌማቴ ኩሜꬅ ሺሺዳ።  
\v 38 ሚዳይቲካ ናይቲኔ ማጫሳይ ባይንዳ ኣዴቲ ፃላላ ኦይዱ ሺ ጊዲዳ። 
\p  
\v 39 ዬሱሲ ዴሬዛ ሞይዚዳፔ ጉዬ ዎጎሎን ጌሊዲ ሜጊዶኔ ጌቴቲዛሶ ቢዴስ። 
\b  
\c 16  
\p  
\v 1 ፋርሳዌቲኔ ሳዱቃዌ ጌቴቲዛይቲ ዬሱሳኮ ሺቂዲ ኢዛ ፓጫናስ “ሳሎፔ ማላታ ቤሳ” ጊዲ ኦይቺዳ። \x * \xo 16:1 \xt ሉቃ 11፡38\x* 
\v 2 ኢዚካ ኢስታስ “ኦማርሳ ዎዴ ሳሎይ ዞዒኮ ‘ጋዴይ ኣዋታና’ ጌታ።  
\v 3 ዎንታ ቦላ ‘ሳሎይ ዴፂኮ ዴፂዴስ፤ ሃቺ ኢራይ ቡካና’ ጌታ፤ ሳሎ ሜꬋ ፄሊዲ ሻኪ ኤሬታ ሺን ታ ያና ዎዴ ማላታ ሻኪ ኤራናስ ዳንዳዬኬታ። \f + \fr 16:3 \ft ኢሲ ኢሲ ጌሻ ማፃፌታን ፓይዶ ናምዓኔ ሄꬓ ቦላ ዬሱሲ ሃሳዪዳ ሌሚሶዛ ጎዔቴቴና።\f* 
\v 4 ሃይሲ ኢታኔ ላይማ ዬሌታይ ማላታ ኮዬስ፤ ጊዶ ኣቲን ዮናሳ ማላታፔ ኣቲን ሃራ ማላታይ ኢዛስ ኢሜቴና” ጊዴስ። ዬሱሲ ኢስታ ሄን ኣጋጊዲ ሃራሶ ቢዴስ። \x * \xo 16:4 \xt ማቶ 12፡39፤ ሉቃ 11፡29\x* 
\p  
\v 5 ኣባ ፒኒዳ ማላ ዬሱሳ ካሊዛይቲ ቁማ ኦይካናይሳ ባሌቲዳ።  
\v 6 ዬሱሲካ “ቆፒቴ፤ ፋርሳዌታ ኢርሾፌኔ ሳዱቃዌታ ኢርሾፌ ናጌቲቴ” ጊዴስ። \x * \xo 16:6 \xt ሉቃ 12፡1\x* 
\p  
\v 7 ኢስቲ ቃሴ ባ ጊዶን “ኑኒ ካꬅ ኦይኮንታ ጊሽ ሄሳ ጊዴስ” ጊዲ ኢሶይ ኢሳራ ሃሳዬቲዳ 
\p  
\v 8 ዬሱሲካ ኢስታ ቆፋ ኤሪዲ “ኢንቴኖ ኣማኖይ ፓጪዳይቶ! ካꬅ ኦይኮንታ ጊሽ ኣዛስ ኢሶይ ኢሳራ ሃሳዬቴቲ?  
\v 9 ኢቻሹ ኡኬꬂ ኢቻሹ ሺ ኣሳስ ጊዲዲ ኣፑን ሌማቴይ ቲርፒን ኢንቴ ዴንꬂዳኮኔ ዩሺ ቆፔኬቲ? \x * \xo 16:9 \xt ማቶ 14፡17-21\x* 
\v 10 ሄሳꬆካ ላፑን ኡኬꬂ ኦይዱ ሺ ኣሳስ ጊዲዲ ኣፑን ሌማቴይ ቲርፒን ኢንቴ ዴንꬂዳኮኔ ዎዝናን ዎꬂቤኬታ ጉሴ? \x * \xo 16:10 \xt ማቶ 15፡34-38\x* 
\v 11 ሂስቲን ታ ኢንቴስ ዮቲዳይ ካꬃ ጊሽ ጊዶንታይሳ ዋንዲ ዩሺ ቆፔኬቲ? ሃዒካ ፋርሳዌታ ኢርሾፌኔ ሳዱቃዌታ ኢርሾፌ ናጌቲቴ” ጊዴስ። 
\p  
\v 12 ሃዒ ኢዚ ኢስታ ቆፊሲዛይ ቡኬሶ ዴንꬃናስ ጉጂዛ ኢርሾ ጊሽ ጊዶንታ ፋርሳዌታኔ ሳዱቃዌታ ቲሚርቴፌ ናጌታና ማላ ጊዲዳይሲ ኢስታስ ጌሊዴስ። 
\s1 ጴፅሮሲ ዬሱሲ ፆሳ ና ጊዶይሳ ዮቲዴስ 
\p  
\v 13 ዬሱሲ ቂሳሪያ ፒሊጲሲዮሴ ጌቴቲዛ ቢታ ጋኪዳ ዎዴ ባና ካሊዛይታ “ኣሳይ ታና ኣሳ ና ኦና ጊዜ?” ጊዲ ኦይቺዴስ። 
\p  
\v 14 ኢስቲካ “ኢሲ ኢሲ ኣሳይ ‘ፃማቂዛ ዮሃኒሳ’ ጌስ፤ ባጋ ኣሳይ ‘ኤላሳ’ ጌስ፤ ባጋይ ‘ኤርማሳ ዎይኮ ናቤታፔ ኢሳዴ ጊዶንታ ኣጌና’ ጌስ” ጊዳ። \x * \xo 16:14 \xt ማር 6፡14-15፤ ሉቃ 9፡7-8\x* 
\p  
\v 15 ኢዚካ ኢስታ “ኢንቴ ታና ኦና ጌቲ?” ጊዴስ። 
\p  
\v 16 ሲሞና ጌቴቲዛ ጴፅሮሲ “ኔኒ ኪርስቶሳ ዴዖ ፆሳ ና ጊዲኪ?” ጊዲ ዛሪዴስ። \x * \xo 16:16 \xt ዮሃ 6፡68-69\x* 
\p  
\v 17 ዬሱሲ “ዮና ና ሲሞና ኔኒ ኣንጄቲዳዴ! ኔስ ሃይሳ ቆንጪሲዳይ ሳሎን ዲዛ ታ ኣዋፔ ኣቲን ኣሾኔ ሱꬂ ጊዴና።  
\v 18 ኔኒ ዛላ፤ ሃይሳ ዛላ ቦላ ታኒ ታ ዎሳ ኬꬄ ኬፃና፤ ጋናሜ ፔንጌቲካ ኢዞ ፆኔቴና።  
\v 19 ሳሎ ካዎቴꬃ ቁልፔታ ታ ኔስ ኢማና፤ ኔኒ ቢታ ቦላ ሃኖ ጊዛይ ዉሪ ሳሎኒካ ሃናና። ቢታ ቦላ ኔ ሃኖፖ ጊዳይሲ ዉሪካ ሳሎኒካ ሃኔና” ጊዴስ። \x * \xo 16:19 \xt ማቶ 18፡18፤ ዮሃ 20፡23\x* 
\p  
\v 20 ቃሴካ ኢዚ ኪርስቶሳ ጊዲዳይሳ ኢስቲ ኦናስካ ዮቶንታ ማላ ባና ካሊዛይታስ ሎዔꬂ ዮቲዴስ። \f + \fr 16:20 \fk ኪርስቶሳ \ft ጉሲ ፆሳፌ ቲዬቲዳዴ ጉሳ።\f* 
\s1 ዬሱሲ ባ ቦላ ጋካና ሜቶ ጊሽ ናምዓንꬆካ ዮቲዴስ 
\p  
\v 21 ሄሳፌ ሃ ሲሚን ዬሱሲ ዬሩሳላሜ ባናይሳ፥ ሄን ዴሬ ጪማታን፥ ቄሴታ ሃላቃታኒኔ ሙሴ ዎጋ ታማርሲዛይታ ኩሼን ዋዬ ኤካናይሳ፥ ሃይቃናይሳኔ ሄꬓንꬆ ጋላስ ሃይቆፔ ዴንዳናይሳ ባና ካሊዛይታስ ቆንጪሲዲ ዮቲዴስ። 
\p  
\v 22 ጴፅሮሲ ዬሱሳ ጌዴ ኢሲ ባጋ ዛሪዲ “ጎዶ! ሃይሲ ኔ ቦላ ጋኮፎ!” ጊዲ ሃንቂዴስ። 
\p  
\v 23 ዬሱሲ ጴፅሮሳኮ ሺቂዲ “ሃይሶ ፃላዔ! ሃይሳፌ ኪቻ! ኔኒ ኣሳዛፔ ኣቲን ፆሳ ዮዖይ ኔ ዎዝና ጊዶን ባይንዳ ጊሽ ኔ ታስ ꬉጴ ጊዳዳሳ” ጊዴስ። 
\p  
\v 24 ቃሴካ ዬሱሲ ባና ካሊዛይታስ “ታና ካላናስ ዶሲዛ ኣሲ ባና ካዶ፤ ባ ማስቃሌ ቶኪዲ ታና ካሎ። \f + \fr 16:24 \fk ማስቃሌ \ft ጉሲ ሜቶ ጉሳ።\f* 
\v 25 ባ ሼምፖ ኣሻና ኮዪዛ ኣሲ ዉሪ ꬋይሳና፤ ጊዶ ኣቲን ባ ሼምፖ ታ ጊሽ ꬋይሲዛዴይ ኣሻና። \x * \xo 16:25 \xt ማቶ 10፡39፤ ሉቃ 17፡33፤ ዮሃ 12፡25\x* 
\v 26 ኣሲ ኣላሜን ዲዛዝ ኩሜꬅ ሃሪድ ባ ሼምፖ ꬋይሲኮ ኢዛ ኣይ ማዳኔ? ዎይኮ ኣሲ ባ ሼምፖ ጊሽ ቃንፃና ዳንዳዪዛዚ ኣዜ?  
\v 27 ኣሳ ናይ ባ ኣዋ ቦንቾራኔ ሳሎ ኪታንቻታራ ያና፤ ኢሳስ ኢሳስ ኢዛ ኦሶ ማላ ኢዛዴ ዋጋ ኢማና። \x * \xo 16:27 \xt ማቶ 25፡31፤ ማዛ 62፡12፤ ኦሮ 2፡6\x* 
\v 28 ታ ኢንቴስ ቱሙ ጋይስ፤ ሃይሳን ኤቂዳ ኣሳታ ጊዶፌ ኣሳ ናይ ባ ካዎቴꬃራ ዪሺን ቤያና ጋካናስ ሃይቆይ ኢስታ ቦቾንታ ኣሳቲ ዴቴስ” ጊዴስ። 
\c 17  
\s1 ዬሱሳ ሜꬋይ ላሜቲዴስ 
\r (ማር 9፡2-13፤ ሉቃ 9፡28-36) 
\p  
\v 1 ኡሱፑን ጋላሳፌ ጉዬ ዬሱሲ ጴፅሮሳኔ ያቆቤ ቃሴካ ያቆቤ ኢሻ ዮሃኒሳ ባናራ ኤኪዲ ኢስታራ ፃላላ ኢሲ ꬎቃ ዙማ ቦላ ኬዚዴስ። \x * \xo 17:1 \xt 2ጴፅ 1፡17-18\x* 
\v 2 ኢስቲ ሄን ዲሺን ዬሱሳ ሜꬋይ ላሜቲዴስ፤ ኢዛ ኣይፌሶይ ኣዋ ኣርሼ ማላ ፖዒዴስ፤ ኢዛ ማይዖይካ ፖዖ ማላ ፆልቂዴስ።  
\v 3 ሄራካ ሙሴይኔ ኤላሲ ዬሱሳራ ሃሳዪሼ ኢስታስ ቤቲዴስ።  
\v 4 ጴፅሮሲ ዬሱሳ “ጎዶ! ኑ ሃኒን ዲዛኮ ኑስ ሎዖኮ! ኔ ሼኔ ጊዲኮ ኢሲ ዳሴ ኔስ፥ ኢሲ ዳሴ ሙሴስ፥ ኢሲ ዳሴ ኤላሳስ ሄꬑ ዳሴ ኦꬆ?” ጊዴስ። 
\p  
\v 5 ኢዚ ቡሮ ሃሳያን ዲሺን ፖዒዛ ሻራይ ኢስታ ካሚዴስ፤ ሻራ ጋꬃራ “ታኒ ኢዛን ኡፋዬቲዛ ታ ዶሲዛ ታ ናይ ሃይሳ፤ ኢዚ ጊዛዝ ሲዪቴ” ጊዛ ቃላ ጊሪስ ሲዬቲዴስ። \x * \xo 17:5 \xt ሜꬌ 22፡2፤ ዛሬ 18፡5፤ ማቶ 3፡17፤ 12፡8፤ ኢሳ 2፡7፤ ማር 1፡11፤ ሉቃ 3፡22\x* 
\p  
\v 6 ኢዛ ካሊዛይቲካ ሄሳ ሲዪዳ ዎዴ ዳጋሚዲ ቢታ ቦላ ጉፋኒዳ።  
\v 7 ዬሱሲ ኢስታኮ ሺቂ ኢስታ ባ ኩሼን ቦቺዲ “ዴንዲቴ፤ ባቦፍቴ!” ጊዴስ።  
\v 8 ኢስቲ ꬎቁ ጊ ፄሊሺን ዬሱሳፔ ኣቲን ኢዛራ ሃራ ኣስ ኦናካ ቤዒቤቴና። 
\p  
\v 9 ኢስቲ ዙማ ቦላፌ ዎꬊሺን ዬሱሲ “ኣሳ ናይ ሃይቆፔ ዴንዳና ጋካናስ ኢንቴ ቤዮይሳ ኦናስካ ዮቶንታ ማላ” ጊ ኣዛዚዴስ። 
\p  
\v 10 ዬሱሳ ካሊዛይቲ “ሂስቲን ሙሴ ዎጋ ታማርሲዛይቲ፥ ኤላሲ ካሴቲዲ ያና ቤሴስ ኣዛስ ጊዞ?” ጊዲ ኦይቺዳ። \x * \xo 17:10 \xt ሚክ 4፡5\x* 
\p  
\v 11 ኢዚካ ኢስታስ “ቱማኮ፤ ኤላሲ ዪዲ ዉርሲካ ጊጊሳና ጊዲ ዛሪዴስ።  
\v 12 ታ ኢንቴስ ጊዛይ ኤላሲ ዪዴስ፤ ጊዶ ኣቲን ኣሳይ ባ ኮይዳ ማላ ኢዛ ቦላ ኦꬂዴስ ኣቲን ኢዛ ኤርቤና፤ ሄሳꬆካ ኣሳ ናይ ኢስታ ኩሼን ዋዬ ቤያና” ጊዴስ። \x * \xo 17:12 \xt ማቶ 11፡14\x* 
\p  
\v 13 ሄ ዎዴ ዬሱሳ ካሊዛይቲ ዬሱሲ ኢስታስ ዮቲዛይስ ፃማቂዛ ዮሃኒሳ ጊሽ ጊዲዳይሳ ኤሪዳ። 
\s1 ዳይዳንꬂ ኦይኪዳ ኢሲ ና ዬሱሲ ፓꬂዴስ 
\r (ማር 9፡14-29፤ ሉቃ 9፡37-43) 
\p  
\v 14-15 ዬሱሲኔ ኢዛ ካሊዛይቲ ኣሳኮ ሲሚዳ ማላ ኢሲ ኣሲ ዬሱሳኮ ሺቂዲ ኢዛ ሲንꬃን ጉልባቲዲ “ጎዶ! ታ ና ዳይሳ ቦላፌ ዬጊዛ ሃርጌይ ዳሮ ዋይሲዛ ጊሽ ታስ ማራሪኪ! ዳሮ ዎዴ ታማን ኩንዴስ፤ ሃꬃንካ ጌሌስ።  
\v 16 ታኒ ናዛ ኔና ካሊዛይታኮ ኤሃዲስ ሺን ኢስቲ ኢዛ ፓꬃና ዳንዳዪቤቴና” ጊዴስ። 
\p  
\v 17 ዬሱሲ “ኔኖ ኣማኖንታ ጌላ ዬሌታዞ! ኣይዴ ጋካናስ ታ ኢንቴናራ ዳኔ? ቃሴ ኣይዴ ጋካናስ ታ ኢንቴና ዳንዳያኔ? ኣኔ ናዛ ሃ ታኮ ኤሂቴ” ጊዴስ።  
\v 18 ሄሳፌ ጉዬ ዬሱሲ ዳይዳንꬃ ሴሪዲ ናዛፔ ኬሲዴስ፤ ናዚካ ሄ ሳቴፔ ሲሚዲ ፓፂዴስ። 
\p  
\v 19 ዬሱሳ ካሊዛይቲ ፃላላ ኢዛኮ ሺቂዲ “ኑኒ ዳይዳንꬃ ኬሳናስ ኣዛስ ዳንዳይቤይኮኒ?” ጊዲ ኦይቺዳ። 
\p  
\v 20 ኢዚካ ኢስታስ “ኢንቴስ ኣማኖይ ፓጬ ጊዲዳ ጊሽ ዳንዳይቤኬታ፤ ታ ኢንቴስ ቱሙ ጋይስ፤ ቄሪ ጋሼ ኣይፌ ማላ ኣማኖይ ኢንቴ ቦላ ዲዛኮ ሃይሳ ዙማ ‘ሃይሳፌ ዴንዳዳ ጌዴ ባ!’ ኢንቴ ጊዳኮ ኢዚ ኢንቴስ ባና። ኢንቴና ፆናናይ ዴና። \x * \xo 17:20 \xt ማቶ 21፡21፤ ማር 11፡23፤ 1ቆሮ 13፡2\x* 
\v 21 ሃይሳ ማላይ ጊዲኮ ፆማኒኔ ዎሳን ኣቲን ሃራን ኬዜና” ጊዴስ። \f + \fr 17:21 \ft ኢሲ ኢሲ ጌኤሻ ማፃፋታን ፓይዶ ናምዑ ታማኔ ኢሲን ቦላ ዲዛ ቆፋይ ጉጄቲቤና፤ ቃላይካ ማር 9፡29 ዲዛይሳ ማላ።\f* 
\p  
\v 22 ኢስቲ ጋሊላን ኢሲፌ ዲሺን ዬሱሲ ኢስታ “ታና ኣሳ ና ኣሳስ ኣꬂ ኢማና።  
\v 23 ኢስቲካ ኢዛ ዎꬋና፤ ኢዚካ ሄꬓንꬆ ጋላስ ዴንዳና” ጊን ኢዛ ካሊዛይቲ ኬሂ ሚሼቲዳ። 
\s1 ፆሳ ኬꬃ ጊራ ቃንፆ 
\p  
\v 24 ዬሱሲኔ ኢዛ ካሊዛይቲ ቂፊርናሆሜ ጌቴቲዛሶ ጋኪዳፔ ጉዬ ፆሳ ኬꬃ ጊራ ኤኪዛይቲ ጴፅሮሳኮ ሺቂዲ “ኢንቴ ኣስታማሬይ ፆሳ ኬꬃ ጊራ ናምዑ ዲናሬዛ ኣይስ ቃንፄኔ?” ጊዳ። \x * \xo 17:24 \xt ኬሳ 30፡13-15፤ 38፡26\x*\f + \fr 17:24 \ft ኢሲ ዲናሬይ ሄ ዎዴ ኢሲ ኣሳስ ናምዑ ጋላሳ ዳሞዛ ላጌ።\f* 
\p  
\v 25 ኢዚካ ኢስታስ “ቃንፄስ” ጊዴስ። ጴፅሮሲ ሶ ጌሊዳ ማላ ዬሱሲ ካሴቲዲ “ሲሞና ዴሬ ካዎቲ ጊራ ጊዲን ዎይኮ ቃራፃ ጊዲን ባ ናይታፔ ኤኪዞዬ? ሃራታፔ ኤኪዛ ሚሳቲዜ?” ጊዴስ። 
\p  
\v 26 ጴፅሮሲካ “ሃራታፔ ኤኬቴስ” ጊዴስ። ዬሱሲ “ሂስቲኮ ናይታ ቦላ ኣጮይ ባ ጉሳካ!  
\v 27 ሂስቲኮካ ኢስታ ኑ ꬉጴꬆንታ ማላ ኔ ሞሌ ኦይኪዛ ጊቴ ኤካ ባዳ ኣባን ዬጋ፤ ኮይሮ ኦይኪዳ ሞሌዛ ዱና ኔ ፖቃዳ ዴሚዛ ሚሻ ኤካዳ ታ ሱንꬃራኔ ኔ ሱንꬃራ ጊራ ቃንፃ” ጊዴስ። 
\c 18  
\s1 ሳሎ ካዎቴꬃን ኡባፌ ኣꬋናይ ኦኔ? 
\r (ማር 9፡33-37፤ ሉቃ 9፡46-48) 
\p  
\v 1 ሄ ዎዴ ዬሱሳ ካሊዛይቲ ኢዛኮ ሺቂዲ “ሳሎ ካዎቴꬃን ኑ ጋራሳን ኡባፌ ኣꬋናዴይ ኦኔ?” ጊ ኦይቺዳ። \x * \xo 18:1 \xt ሉቃ 22፡24\x* 
\v 2-3 ዬሱሲ ኢሲ ና ፄይጊ ኤሂዲ ኢስታ ጊዶን ኤሲዲ “ታ ኢንቴስ ቱሙ ጋይስ፤ ኢንቴ ሲሞንታ ኢፂኮኔ ጉꬃ ናይታ ማላ ሃኖንታ ኢፂኮ ሙሌካ ሳሎ ካዎቴꬅ ጌሌኬታ። \x * \xo 18:2-3 \xt ማር 10፡15፤ ሉቃ 18፡17\x* 
\v 4 ሄሳ ጊሽ ሃ ናዛ ማላ ባና ዚቂሲዛዴይ ሳሎ ካዎቴꬃን ኡባፌ ኣꬋና።  
\v 5 ሃይሳ ማላ ጉꬃ ና ታ ሱንꬃን ኤኪዛዴይ ታና ኤኬስ። \x * \xo 18:5 \xt ማር 9፡42-48፤ ሉቃ 17፡1-2\x* 
\p  
\v 6 “ጊዶ ኣቲን ታና ኣማኒዛ ጉꬃታፔ ኢሳዴ ꬉጴꬂዛይ ዴፆ ዎፃ ሹች ባ ቆꬌን ቃሼቲዲ ኣባ ጪማን ዬጌቲዲ ሚቴቲኮ ኢዛስ ሎዖ ጊዳና” ጊዴስ።  
\v 7 ሃና ኣላሜያ ኣሲ ꬉጳና ጋሶ ጊዲዳ ጊሽ ኢዚስ ኣዬ-ኣና! ꬉጴይ ዩስ ኣጌና ሺን ꬉጴዛስ ጋሶ ጊዲዛዴስ ኣዬ-ኣና! 
\p  
\v 8 ኔ ኩሼይ ዎይኮ ኔ ቶሆይ ኔና ꬉጳናስ ጋሶ ጊዲኮ ኔፔ ቃንፃ ዲጋ! ኔ ናምዑ ኩሼራ ዎይኮ ናምዑ ቶሆራ ጌዴ ሜርና ታማን ዬጌታናፔ ዎቤ ዎይኮ ቶሆ ሲላ ጊዳዳ ሄ ጌዴ ዴዖይ ዲዛሶ ጌሎይ ኔስ ሎዓና።  
\v 9 ሄሳꬆካ ኔ ኣይፌይ ኔስ ꬉጴ ጊዲኮ ኔፔ ኬሳ ዬጋ! ናምዑ ኣይፌራ ጌዴ ጋናሜ ታማን ኔ ዬጌታናፔ ኢሲ ኣይፌራ ዴዖይ ዲዛሶ ኔ ጌሊዛይሲ ኔስ ሎዖ። \x * \xo 18:9 \xt ማቶ 5፡29\x* 
\p  
\v 10 “ሃይታ ጉꬃታ ጊዶፌ ኢሲኒዮካ ኢንቴ ካꬎንታ ማላ ናጌቲቴ! ታ ኢንቴስ ቱሙ ጋይስ፤ ሳሎን ዲዛ ኢስታ ኪታንቻቲ ሳሎን ታ ኣዋ ኣይፌሶ ኡባ ጋላስ ፄሌቴስ።  
\v 11 ኣሳ ናይ ꬋዪዳይታ ኣሻናስ ዪዴስ። \x * \xo 18:11 \xt ሉቃ 19፡10\x*\f + \fr 18:11 \ft ኢሲ ኢሲ ጌሻ ማፃፋቲ ፓይዶ ታማኔ ኢሲን ቦላ ዲዛ ቆፋ ጉጄቴስ፤ ኢዚካ ሉቃሳ ሼምፖ 10 ቦላ ዲዛይሳ ማላ።\f* 
\s1 ꬋዪዳ ዶርሳ ሌሚሶ 
\r (ሉቃ 15፡3-7) 
\p  
\v 12 “ኣኔ ታስ ዮቲቴ ኢሳዴስ ፄቱ ዶርሲ ዲኮ ቃሴ ኢስታፌ ኢሲና ꬋይኮ፥ ሃንኮ ኡዱፉን ታማኔ ኡዱፉናታ ዙማ ቦላ ዬጊዲ ꬋዪዳሮ ኮያና ቢ ኤሬኔ?  
\v 13 ታ ኢንቴስ ቱሙ ጋይስ፤ ሃንኮ ꬋዮንታ ኣቲዳ ኡዱፉን ታማኔ ኡዱፉን ዶርሳታፔ ኣꬂዲ ቤቲዳ ዶርሳይን ኡፋዬቴስ።  
\v 14 ሄሳꬆካ ሃ ጉꬃታ ጊዶፌ ኢሶይ ꬋያና ማላ ሳሎን ዲዛ ኢንቴ ኣዋ ሼኔ ጊዴና። 
\s1 ቆሂዳዴስ ኣይ ኦꬃና ቤሲዛኮ 
\p  
\v 15 “ኔ ኢሻይ ኔና ቆሂኮ ኢዛኮ ባዳ ኢዛ ፃላላ ኔናራ ኤካዳ ኢዛ ሞሮ ኢዛስ ዮታ፤ ኢዚ ኔ ጊዛ ሲዪኮ ኔ ኢሻ ኔ ኣስ ኦꬃሳ። \x * \xo 18:15 \xt ሉቃ 17፡3\x* 
\v 16 ኢዚ ኔ ጊዛይሳ ሲዮንታ ኢፂኮ ዮዖይ ዉሪ ናምዑ ማርካን ዎይኮ ሄꬑ ማርካን ላꬊዛ ጊሽ ኢሳዴ ዎይኮ ናምዑ ኣስ ኔናራ ኤካ ባዳ ኢዛ ሃሳይሳ። \x * \xo 18:16 \xt ዛሬ 19፡15\x* 
\v 17 ኢዚ ኢስታካ ሲዮንታ ኢፂኮ ዎሳ ኬꬃስ ዮታ፤ ዎሳ ኬꬃዮካ ሲዮንታ ኢፂኮ ኢዛዴ ኔ ኣማኖንታዴ ማላኔ ዮቲን ሲሞንታ ኢታ ኣሳ ማላ ቆዳ። 
\p  
\v 18 “ታ ኢንቴስ ቱሙ ጋይስ፤ ኢንቴ ቢታ ቦላ ቃቺዳይ ዉሪካ ሳሎኒካ ቃሼቲዳ ጊዳና፤ ኢንቴ ቢታ ቦላ ቢርሺዳዚ ሳሎኒካ ቢርሼቲዳይሳ ጊዳና። \x * \xo 18:18 \xt ማቶ 16፡19፤ ዮሃ 20፡23\x* 
\v 19 ቃሴካ ታ ኢንቴስ ቱሙ ጋይስ፤ ኢንቴ ቢታ ቦላ ናምዑ ጊዲዲ ኣይ ሚሺካ ኤሮ ኤሮ ጊዲ ኢንቴ ኦይቺኮ ሳሎን ዲዛ ታ ኣዋይ ኢንቴስ ኢማና።  
\v 20 ናምዑ ዎይኮ ሄꬑ ጊዲዲ ታ ሱንꬃን ኢንቴ ሺቂዛሶን ሄን ኢንቴ ጊዶን ታ ዳና” ጊዴስ። 
\s1 ማሮ ጊሽ 
\p  
\v 21 ሄሳ ዎዴ ጴፅሮሲ ዬሱሳኮ ሺቂዲ “ጎዶ! ታ ኢሻይ ታና ቆሂኮ ታ ኢዛስ ኣፑንቶ ኣቶ ጎ? ላፑንቶ ኣቶ ጎ?” ጊዴስ። \x * \xo 18:21 \xt ሉቃ 17፡3-4\x* 
\p  
\v 22 ዬሱሲካ ኢዛስ ዛሪዲ “ላፑን ታሙቶ ላፑን ኣቲን ላፑንቶ ፃላላ ጋ፥ ጊኬ፤ \x * \xo 18:22 \xt ሜꬌ 4፡24\x* 
\p  
\v 23 “ሄሳ ጊሽ ሳሎ ካዎቴꬂ ኣሽካራ ቦላ ዲዛ ሚሼ ሺሻና ኮይዳ ካዎ ሚሳታዉስ።  
\v 24 ሚሻ ቆዳ ኦይኪዳ ማላ ኢዛ ኣሽካራታፔ ዳሮ ሚሎኔ ቢራ ኣጮይ ኢዛ ቦላ ዲዛዴ ኤኪ ዪዳ። \f + \fr 18:24 \fq ዳሮ ሚሎኔ ቢራ \ft ዳሮ ሚሎኔ ቢራ ጊዛይሲ ኣማራꬆ ማፃፋን ‘ሜክሊቴ’ ጌስ፤ ኢሲ ሜክሊቴይ ሄ ዎዴ ኢሲ ኣሳስ ታማኔ ኢቻሹ ላይꬃ ዳሞዜፔ ቦላ ጊዲዳይሳ ቤሴስ።\f* 
\v 25 ኣሽካራይካ ኢዛ ቦላ ዲዛ ኣጮዛ ቃንፆይ ፆንዳ ጊሽ ኢዚካ ኢዛ ማቺያካ ኢዛ ናይቲኔ ኢዛስ ዲዛዚ ዉሪ ባይዜቲዲ ሚሻይ ቃንፄታና ማላ ኢዛ ጎዳይ ኣዛዚዴስ።  
\v 26 ሄ ዎዴ ኣሽካራዚ ጎዳዛ ቶሆ ቦላ ኩንዲዲ ‘ታኒ ታ ቦላ ዲዛ ኣጮዛ ዉርሲ ኔስ ቃንፃና ጋካናስ ታስ ጉꬃ ዎዴ ኢማርኪ!’ ጊዲ ዎሲዴስ።  
\v 27 ኢዛ ጎዳይካ ኢዛስ ሚሼቲዲ ኢዛ ኣጮዛ ዉርሲ ማሪዲ ዬዲዴስ። 
\p  
\v 28 “ሄ ኣሽካራይካ ባ ጎዳ ኣቻፌ ኬዚዳ ማላ ጉꬃ ኣጮይ ኢዛ ቦላ ዲዛ ባ ላጌ ዴሚዲኔ ‘ኔ ቦላ ዲዛ ታ ሚሻዮ ሃዒ ሃኒን ቃንፃ’ ጊዲ ጩሊ ኦይኪዴስ። \f + \fr 18:28 \fq ጉꬃ ኣጮይ \ft ጊዛይሳ ኣማራꬆ ማፃፋን ‘ፄቱ ዲናሬ’ ጌስ፤ ሄ ዎዴ ኢሲ ኣሳስ ኢሲ ጋላሳ ኦሶ ዳሞዜ ቤሴስ።\f* 
\v 29 ሄ ኢዛ ላጌ ኣሽካራይ ‘ታስ ጉꬃ ዎዴ ኢማርኪ! ታ ኔስ ቃንፃና’ ጊዲ ኢዛ ቶሆ ቦላ ኩንዲዲ ዎሲዴስ። 
\p  
\v 30 “ጊዶ ኣቲን ኢዛስ ጉꬃ ዎዴ ኢማናስ ኮዮንታ ኢፂዲ ኢዛ ላጌዚ ባ ቦላ ዲዛ ኣጮዛ ቃንፃና ጋካናስ ቃሾ ኬꬃን ዬጊዴስ።  
\v 31 ሄሳ ኢዚ ኦꬂሺን ቤዪዳ ኣሳይኔ ሃንኮ ኢዛ ላጌ ኣሽካራቲ ዳሮ ሚሼቲዳ። ቢዲካ ሃኒዳይሳ ዉርሲ ባ ጎዳስ ዮቲዳ። 
\p  
\v 32-33 “ሄ ዎዴ ጎዳዚ ሄ ኣሽካራ ፄይጊሲ ኤሂዲ፥ ሃይሶ ኔኖ! ኢታዞ፥ ኔ ታና ዎሲን ኔ ቦላ ዲዛ ኣጮዛ ታ ኔስ ኣጋዲሲሺን ታ ኔና ማሪዳ ማላ ኔካ ኔ ላጌዛ ማራናስ ቤሴኔ?  
\v 34 ጊዲ ኢዛ ቦላ ዲዛ ኣጮዛ ኢዚ ዉርሲ ቃንፃና ጋካናስ ቃቻና ማላ ቃቺዛይታስ ኣꬂ ኢሚዴስ።  
\v 35 ሄሳ ጊሽ ኢንቴ ኢሶይ ኢሳ ዎዝናፔ ማሮንታ ኣጊኮ ሳሎን ዲዛ ታ ኣዋይካ ኢንቴና ማሬና” ጊዴስ። 
\c 19  
\s1 ዬሱሲ ኤኮ ጊሺኔ ጌሎ ጊሽ ታማርሲዴስ 
\r (ማር 10፡1-12) 
\p  
\v 1 ዬሱሲ ዮቲ ዉርሲዳፔ ጉዬ ጋሊላ ኣጊዲ ዮርዳኖሴ ፒንꬃን ዲዛ ዩሁዳ ኣዉራጃ ቢዴስ።  
\v 2 ዳሮ ዴሬይ ኢዛ ሄን ካሊን ኢዚካ ሃርጋንቻታ ፓꬂዴስ። 
\p  
\v 3 ፋርሳዌቲ ኢዛ ፓጫናስ ኢዛኮ ሺቂዲ ኣይ ጋሶንካ “ኣሲ ባ ማቾ ኣንጂ ዬዳና ቤሲዜ?” ጊዲ ኦይቺዳ። 
\p  
\v 4 ኢዚካ ኢስታስ “ፆሲ ኮይሮፔ ማጫኔ ኣዴ ሜꬊዳይሳ ናባቢቤይኬቲ? ጊዴስ። \x * \xo 19:4 \xt ሜꬌ 1፡27፤ 5፡2\x* 
\v 5 ቃሴካ ‘ኣሲ ኣዋኔ ኣዮ ኣጊዲ ባ ማቺራ ኢሲፌ ጊዴስ። ናምዓይካ ኢሲ ኣሾ ጊዴቴስ’ ጌቴቲዳይሲ ሃይሳ ጌዶን ጊዴኔ? ጊዴስ። \x * \xo 19:5 \xt ሜꬌ 2፡24\x* 
\v 6 ናምዓይ ኢሲ ኣሾ ኣቲን ሲንꬃፌ ናምዑ ጊዴቴና። ሄሳ ጊሽ ፆሲ ጋꬂ ዋፂዳይሳ ኣሲ ሻኮፎ” ጊዴስ። 
\p  
\v 7 ኢስቲካ ኢዛስ “ሂስቲን ሙሴይ ‘ኣሲ ባ ማቾ ኣንጂ ዬዲዳ ኣንጆ ዋራቃታ ኢዚስ ኢሚ ዬዶ’ ጊዲ ኣዛስ ኣዛዚዴ?” ጊዳ። \x * \xo 19:7 \xt ዛሬ 24፡1-4፤ ማቶ 5፡31\x* 
\p  
\v 8 ዬሱሲካ ኢስታስ “ሙሴይ ኢንቴ ዎዝና ሙሜቴꬅ ቤዪዲ ማቼታ ኢንቴ ኣንጃና ማላ ፒቃዴ ኢንቴስ ኢሚዴስ ኣቲን ኮይሮፔ ሄሳ ማላ ጊዴና። 
\p  
\v 9 “ታ ኢንቴስ ቱሙ ጋይስ፤ ባ ኣዚናፔ ሃራራ ላይማቶንታ ዲሺን ባ ማቾ ኣንጂዲ ሃራ ማቾ ኤኪዛዴይ ዉሪ ላይማቴስ። ኣንጄቲዳሮካ ኤኪዛዴይ ኢዚራ ላይማቴስ” ጊዴስ። \x * \xo 19:9 \xt ማቶ 5፡32፤ 1ቆሮ 7፡10-11\x* 
\v 10 ዬሱሳ ካሊዛይቲ ኢዛስ “ማቺ ዎጋይኔ ኣዚና ዎጋይ ሃይሳ ማላ ጊዲኮ ማቾ ኤኮንታ ኣጎይ ሎዖ” ጊዳ። 
\p  
\v 11 ጊዶ ኣቲን ዬሱሲ ኢስታስ “ኢሲ ኢሲ ኢሜቲዳ ኣሳታፔ ኣቲን ሃይሳ ቲሚርቴዛ ኦኒካ ኤካናስ ዳንዳዬና።  
\v 12 ጋሶይካ ኢሲ ኢሲ ኣሳይ ባ ኣዪ ኡሎፔ ዬሌቲሼ ሹፋ ጊዲዲ ዬሌቴስ፤ ኢሲ ኢሲ ኣሳይ ኣሳ ኩሼን ቃራቴቲዲ ጉንዱሌስ፤ ኢሲ ኢሲ ኣሳይ ሳሎ ካዎቴꬃስ ጊዲ ባና ባርካ ጉንዱላ ኦꬂዛ ኣሲካ ዴስ። ሃይሳ ኤካናስ ዳንዳዪዛዴይ ኤኮ” ጊዴስ። 
\s1 ዬሱሲ ጉꬃ ናይታ ኣንጂዴስ 
\r (ማር 10፡13-16፤ ሉቃ 18፡15-17) 
\p  
\v 13 ሄ ዎዴ ዬሱሲ ኢስታ ቦላ ባ ኩሼ ዎꬂዲ ዎሳና ማላ ጉꬃ ናይታ ኢዛኮ ኤኪ ኤሂዳ፤ ጊዶ ኣቲን ኢዛ ካሊዛይቲ ናይታ ኤሂዳ ኣሳታ ቦላ ሃንቄቲዳ።  
\v 14 ዬሱሲ “ናይቲ ሃ ታኮ ዬቶ፤ ዲጎፍቴ፤ ሳሎ ካዎቴꬂ ሃይታንታ ማላሳ!” ጊዴስ። 
\p  
\v 15 ባ ኩሼ ናይታ ቦላ ዎꬂዲ ኣንጂዳፔ ጉዬ ሄፔ ዴንዲ ቢዴስ። 
\s1 ናቴꬃ ዱሬ ኣዴዛ ኦይሻ 
\r (ማር 10፡17-31፤ ሉቃ 18፡18-30) 
\p  
\v 16 ሄሳፌ ጉዬ ኢሳዴይ ዬሱሳኮ ሺቂዲ “ኣስታማሬ! ሜርና ዴዖ ዴማናስ ታኒ ሎዖ ኦሶ ኣይ ኦꬆ?” ጊዲ ኦይቺዴስ።  
\v 17 ዬሱሲካ “ታና ኣዛስ ሎዖ ጊሽ ኦይቻይ? ሎዖይ ኢሲ ፆሳ ፃላላ፤ ጌዴ ዴዖይ ዲዛሶ ኔ ጌላና ኮይኮ ኣዛዞታ ናጋ” ጊዴስ። 
\p  
\v 18-19 ኣዴዚ “ኣዛዞቲ ኣዋይቴ?” ጊዲ ኦይቺዴስ። ዬሱሲካ ዛሪዲ “ኣስ ዎꬎፓ፤ ላይማቶፓ፤ ካይሶቶፓ፤ ዎርዶ ማርካቶፋ፤ ኔ ኣዋኔ ኔ ኣዮ ቦንቻ፤ ኔ ሾሮ ኔ ማላ ሲቃ” ጊዴስ። \x * \xo 19:18-19 \xt ኬሳ 20፡13-16፤ ዛሬ 5፡17-20፤ ሌዌ 19፡18\x* 
\v 20 ናቴꬃዚ ዛሪዲ “ሃይሳ ዉርሳ ታ ናጋዲስ፤ ሃራይ ኣዚ ታስ ፓጪዴ?” ጊዴስ። 
\p  
\v 21 ዬሱሲካ ዛሪዲ “ኔ ሙሌ ፂላና ኮይኮ ባዳ ኔ ሃሪዳዝ ዉርሳ ባይዛዳ ሚሻ ዉርሳ ማንቆታስ ኢማ፤ ኔኒ ሳሎን ሚሽ ዴማንዳሳ፤ ሄሳፌ ጉዬ ሲማ ያዳ ታና ካላ” ጊዴስ። 
\p  
\v 22 ኣዴዚ ሄሳ ሲይዲ ኢዛስ ዳሮ ሚሺ ዲዛ ጊሽ ኬሂፔ ሚሼቲሼ ቢዴስ።  
\v 23 ዬሱሲ ባና ካሊዛይታ “ታ ኢንቴስ ቱሙ ጋይስ፤ ዱሬቲ ሳሎ ካዎቴꬅ ጌላናይሲ ዳሮ ሜቶ።  
\v 24 ቃሴካ ታኒ ኢንቴስ ጊዛይ ዱሬይ ሳሎ ካዎቴꬅ ጌላናይሳፌ ጋሜላይ ናርፔ ሉኮራ ኣꬌꬂ ካዉያና” ጊዴስ። \f + \fr 19:24 \fq ጋሜላይ \ft ጊዛይሳ ኢሲ ኢሲ ባጋ ጋሞꬆ ቃላን ጋሌይ ጌቴስ።\f* 
\p  
\v 25 ሄሳ ሲዪዳ ኢዛ ካሊዛይቲ ዳሮ ቆፒዲ “ሂስቲን ኦኒ ኣታናስ ዳንዳዪዜ?” ጊዲ ዬሱሳ ኦይቺዳ። 
\p  
\v 26 ዬሱሲካ ኢስታ ፄሊዲ “ሃይሲ ኣሳ ኣቻን ዳንዳዬቴና፤ ፆሳ ኣቻን ጊዲኮ ዉሪካ ዳንዳዬቴስ” ጊዴስ። 
\p  
\v 27 ጴፅሮሲ ኢዛስ ዛሪዲ “ኑ ዉርሲካ ኣጊዲ ኔና ካሊዶስ፤ ሂስቲን ሃዒ ኑ ኣይ ዴማኔሻ?” ጊዴስ። 
\p  
\v 28 ዬሱሲካ ኢስታስ “ታ ኢንቴስ ቱሙ ጋይስ፤ ኣሳ ናይ ቡሮ ያና ኦራꬃ ኣላሜን ባ ቦንቾ ኣልጋ ቦላ ኡቲዛ ዎዴ ኢንቴ ታና ካሊዳይቲ ታማኔ ናምዑ ኣልጋ ቦላ ኡቲዲ ታማኔ ናምዑ ኢስራዔሌ ናይታ ቦላ ፒርዳና። \x * \xo 19:28 \xt ማቶ 25፡31፤ ሉቃ 22፡30\x* 
\v 29 ታ ሱንꬃ ጊሽ ጊዲ ባ ኬꬄ፥ ባ ኢሻታ፥ ባ ሚቼታ፥ ባ ኣዋ፥ ባ ኣዮኔ ባ ናይታ፥ ዎይኮ ባ ቢታ ኣጊዛ ኣሲ ዉሪ ፄቱ ኩሼ ዳኮ ኤካና፤ ሜꬊና ዴዖካ ላታና።  
\v 30 ጊዶ ኣቲን ዳሮ ሲንꬄ ጊዲዳ ኣሳቲ ጉዬ ጊዳና፤ ዳሮ ጉዬን ዲዛ ኣሳቲ ሲንꬃታና። \x * \xo 19:30 \xt ማቶ 20፡16፤ ሉቃ 13፡30\x* 
\c 20  
\s1 ዎይኔ ኣታኪልቴ ኦሳንቻታ ሌሚሶ 
\p  
\v 1 “ሳሎ ካዎቴꬂ ባ ዎይኔ ኣታኪልቴ ጊዶን ኦꬂዛ ኦሳንቻታ ቃፃራናስ ማላዶራ ኬዚዳ ኢሲ ኣታኪልቴይ ዲዛ ጋዳዴ ሚሳታዉስ።  
\v 2 ኢሲ ጋላሳ ዳሞዛ ጊዲዛዝ ሃሳዬቲዲ ጊጊዳፔ ጉዬ ኦሳንቻታ ዎይኔ ኣታኪልቴ ኦሶ ኦይꬂዴስ። 
\p  
\v 3 “ማላዶ ሄꬑ ሳቴን ኬዚዲ ኦሶይ ባይንዳ ሜላ ጊያይ ኤቂዛሶን ኤቂዳ ሃራ ኣሳታ ዴሚዴስ።  
\v 4 ‘ኢንቴ ቢዲ ታ ዎይኔ ጊዶን ኦꬂቴ፤ ታ ኢንቴስ ቤሲዛ ሚሼ ኢማና’ ጊዴስ።  
\v 5 ኢስቲካ ቢዳ። ቃሴካ ጋላሳፌ ኡሱፑን ሳቴኒኔ ኡዱፉን ሳቴ ቦላ ኬዚዲ ሃራ ኦሳንቻታ ኦሶን ጌልꬂዴስ።  
\v 6 ኦማርሳ ዎዴ ታማኔ ኢሲ ሳቴ ጊዲዛ ዎዴ ኬዚዲ ጮ ኤቂዳይታ ሃራታ ዴሚዲ ‘ኢንቴ ኩሜꬃ ጋላስ ኦሶይ ባይንዳ ኣዛስ ሃይሳን ኤቄቲ?’ ጊዲ ኦይቺዴስ። 
\p  
\v 7 “ኢስቲካ ‘ኑና ኦꬂሲዛ ኣሲ ꬋዪዳ ጊሽ ኤቂዶስ’ ጊዳ። ኢዚካ ኢስታ ‘ኢንቴካ ቢዲ ታ ዎይኔ ኣታኪልቴ ጊዶን ኦꬂቴ’ ጊዴስ። 
\p  
\v 8 “ጋዴይ ቃሚሺን ዎይኔ ኣታኪልቴዛ ጎዳይ ኦሳንቻታ ኣላፌዛስ ‘ጉዬፔ ዪዳይታፔ ኦይካዳ ኮይሮ ዪዳይታ ጋካናስ ዲዛ ኦሳንቻታ ዉርሲ ፄይጋዳ ኢስታ ኦሶ ዋጋ ቃንፃ’ ጊዴስ። \x * \xo 20:8 \xt ሌዌ 19፡13፤ ዛሬ 24፡15\x* 
\v 9 ታማኔ ኢሲንꬃ ሳቴ ቦላ ኦሶን ጌሊዳይቲ ዪዲ ኢሶይ ኢሶይ ኩሜꬃ ጋላሳ ዋጋ ኤኪዳ። 
\p  
\v 10 “ኮይሮ ኦሶን ጌሊዳይቲ ዪሼ ባ ዎዝናራ ሂንኮይታፔ ቦላራ ዳሮ ዴማና ጊ ቆፒሺን ኢስታስካ ሂንኮይታራ ጊና ኢሚዴስ።  
\v 11-12 ሚሻ ኤኪሼ ቃንፂዛዴ ቦላ ‘ሃይቲ ዉርሴꬃን ኦሶን ጌሊዲ ኢሲ ሳቴ ፃላላ ኦꬂዳይቲ ኩሜꬃ ጋላስ ኦሶን ዱሪዲኔ ኣዋን ፁጌቲዲ ፔዒዳ ኑሳራ ዎስታ ኢስታስ ኢሲ ጊና ቃንፃይ?’ ጊዳ። 
\p  
\v 13-14 “ኢዚካ ኢስታፌ ኢሳዴስ ‘ታ ጃላዉ! ኔና ቆሃቤኬ፤ ኢሲ ጋላሳስ ጊዲዛ ዳሞዛን ኦꬃናስ ታናራ ጊጋቤይኪ? ሃዒ ሄሂ ኔ ጊሻ ኤካዳ ባ፤ ኔስ ኢሚዳይሳ ማላ ዉርሴꬃን ዪዳይሳስካ ታ ኢማና ኮያይስ።  
\v 15 ሂስቲን ታ ሚሻን ታ ዶሲዳዚ ኦꬃናስ ዳንዳዒኪና? ዎይኮ ታ ኪያ ጊዲዳይሲ ኔና ቃናቲሲዜ?’ 
\p  
\v 16 “ጉዬን ዲዛይቲ ሲንꬄ፥ ሲንꬄን ዲዛይቲ ጉዬ ኣꬋና” ጊዴስ። \x * \xo 20:16 \xt ማቶ 19፡30፤ ማር 10፡31፤ ሉቃ 13፡30\x* 
\s1 ዬሱሲ ባ ሃይቆ ጊሽ ሄꬓንꬆ ዮቲዴስ 
\r (ማር 10፡32-34፤ ሉቃ 18፡31-34) 
\p  
\v 17 ዬሱሲ ዬሩሳላሜ ቢሼ ባና ካሊዛ ታማኔ ናምዓታ ዱማ ሻኪ ኤኪዲ  
\v 18 “ሂያ ኑኒ ዬሩሳላሜ ባና ጎስ፤ ኣሳ ናይ ቄሴታ ሃላቃሲኔ ሙሴ ዎጋ ታማርሲዛይታስ ኣꬊ ኢሜታና፤ ኢስቲካ ኢዚ ሃይቃና ማላ ኢዛ ቦላ ፒርዳና።  
\v 19 ኢዛ ቦላ ቂꬊ ካዓናሲኔ ጋራፋና ማላ፥ ዎꬋና ማላካ ዴሬታስ ኣꬂ ኢማና፤ ሄꬓንꬆ ጋላስ ኢዚካ ሃይቆፔ ዴንዳና” ጊዴስ። 
\s1 ዛቢዶሳ ናይታ ኣዬይ ኦይሻ 
\r (ማር 10፡35-45) 
\p  
\v 20 ሄሳፌካ ዛቢዶሳ ናይታ ኣያ ባ ናይታራ ዬሱሳኮ ሺቃዳ ኢዛ ሲንꬃን ጉልባታዳ ዬሱሲ ኢዚስ ኢሲ ሚሽ ኦꬃና ማላ ዎሳዱስ።  
\v 21 ኢዚካ ኢዞ “ኣይ ኮያይ?” ጊዴስ፤ ኢዛካ “ሃይቲ ታ ና ናምዓቲ ኔ ካዎቴꬃን ኢሶይ ኔ ኡሻቻራ፥ ኢሶይ ኔ ሃዲርሳራ ኡታና ማላ ኦꬃርኪ!” ጋዱስ። 
\p  
\v 22 ዬሱሲካ ዛሪዲ “ኢንቴ ዎሲዛዝ ኤሬኬታ፤ ታኒ ኡዪዛ ፁዓ ኢንቴ ኡያና ዳንዳያኔ?” ጊዴስ። ኢስቲካ “ኤ ዳንዳዮስ” ጊዳ። 
\p  
\v 23 ኢዚካ “ታ ፁዓፔ ቱሙ ኢንቴ ኡያናሺን ታ ኡሻቻኒኔ ታ ሃዲርሳን ኡቴꬂ ታ ኣዋይ ጊጊሲዳዴንታስ ኣቲን ታኒ ኢሚዛዝ ዴና” ጊዴስ።  
\v 24 ታማቲ ሄሳ ሲይዲ ናምዑ ኢሻታ ቦላ ሃንቄቲዳ።  
\v 25 ዬሱሲ ኢስታ ኢሲ ቦላ ፄይጊዲ “ኣይዛቤ ሃላቃቲ ባ ሃሪዛ ዴሬ ቦላ ጎዳቲዛይሳ ማላ ጎዳቴꬂ ዲዛይቲ ዎልቃራ ሃሪዛይሳ ኢንቴ ኤሬታ።  
\v 26 ኢንቴ ጊዶን ሄሳ ማላ ሃናናስ ቤሴና፤ ኢንቴፌ ጊታ ጊዳና ኮዪዛዴይ ኢንቴስ ኦꬂዛዴ ጊዶ። \x * \xo 20:26 \xt ማቶ 23፡11፤ ማር 9፡35፤ ሉቃ 22፡26\x* 
\v 27 ኢንቴፌ ቦላ ጊዳናስ ኮዪዛዴይ ኢንቴፌ ጋርስ ጊዶ።  
\v 28 ኣሳ ናይ ኣሳይ ኢዛስ ኦꬃና ማላ ጊዶንታ ኣሳስ ኦꬃናሲኔ ባ ሼምፖ ዳሮታ ጊሽ ኣꬂ ኢማናስ ዪዴስ” ጊዴስ። 
\s1 ዬሱሲ ኣይፌ ቆቄ ናምዑ ኣሳታ ፓꬂዴስ 
\r (ማር 10፡46-52፤ ሉቃ 18፡35-43) 
\p  
\v 29 ዬሱሲ ባና ካሊዛይታራ ኢያርኮፌ ኬዚዲ ቢሺን ዳሮ ዴሬይ ኢዛ ካሊዴስ።  
\v 30 ሄን ኣይፌይ ቆቂዳ ናምዑ ኣሳቲ ኦጌ ዱናን ኡቲ ዴቴስ። ዬሱሲ ኣꬊ ቢዛይሳ ሲይዲ “ጎዶ! ዳዉቴ ናዉ ኑና ማራ!” ጊዲ ዋሲዳ። 
\p  
\v 31 ዴሬዚ “ሃይዚቴ!” ጊዲ ሃንቂዴስ፤ ጊዶ ኣቲን ኢስቲ ዳርሲ ዋሲሼ “ጎዶ! ዳዉቴ ናዉ ኑና ማራ!” ጊዳ። 
\p  
\v 32 ዬሱሲካ ኤቂዲ ኢስታ ፄይጊዲ “ታ ኢንቴስ ኣይ ኦꬃና ማላ ኮዬቲ?” ጊዴስ። 
\p  
\v 33 ኢስቲካ “ኑ ኣይፌይ ፄላና ማላ ኮዮስ” ጊዳ።  
\v 34 ዬሱሲ ኢስታስ ሚሼቲዲ ኢስታ ኣይፌታካ ባ ኩሼራ ቦሼቺን ሄራካ ፄሊዲ ኢዛ ካሊዳ። 
\c 21  
\s1 ዬሱሲ ጊታ ቦንቾን ዬሩሳላሜ ጌሊዴስ 
\r (ማር 11፡1-11፤ ሉቃ 19፡28-38፤ ዮሃ 12፡12-19) 
\p  
\v 1 ኢስቲ ዬሩሳላሜ ማታን ዳብራዛይቴ ዙማ ቦላ ዲዛ ቤቴፋጌ ጌቴቲዛሶ ጋኪዳ ማላ ዬሱሲ ባና ካሊዛይታፔ ናምዓታ ኪቲዴስ።  
\v 2 “ሃኖ ኢንቴ ማታን ዲዛ ጉታዮ ቢዲ ኢንቴ ሄ ጋኪዳ ማላ ኢሲ ሃሬ ዲዛራ ባ ጉቴይራ ቃሼታ ዲሺን ኢንቴ ዴማና። ቢርሺዲ ሃ ታኮ ኤኪ ዪቴ።  
\v 3 ኦኒካ ኢንቴና ‘ኣይስ ሃይሳꬆ ኦꬄቲ?’ ጊኮ ‘ጎዳይ ኢስታ ኮዬስ’ ጊቴ፤ ኢንቴና ኦይቺዛዴይ ሄራካ ዬዳና። 
\p  
\v 4-5 “ሃይሲካ ሃኒዛይ ካሴ ናቤን 
\q1 ፂዮኒስ ሂዝጊቴ 
\q2 ‘ሄኮ! ኔ ካዎይ ኣሽኬ ጊዲዲ 
\q1 ሃሬዮኔ ሃሬይ ጉቴዮ ቶጊዲ ኔኮ ያና’ 
\q2 ጌቴቲዳይሲ ፖሌታናሳ” ጊዴስ። \x * \xo 21:4-5 \xt ዛካ 9፡9\x* 
\p  
\v 6 ኢዛ ካሊዛይቲ ዬሱሲ ኢስታስ ዮቲዳ ማላ ኦꬂዳ።  
\v 7 ሃሬዮ ኢዚ ጉቴይራ ኤሂዲ ባ ማይዖ ኢስታ ቦላ ዎꬂን ኢዚካ ሃሬታ ቶጊዴስ።\f + \fr 21:7 \fq ሃሬታ ቶጊዴስ \ft ጊዛይሲ NIV ጋርሳን ዴስ፤ ሃራይ ቃሴ ቲንቢቴይ ፖሌታና ማላ ሃሬ ጉቴ ቦላ ኡቲዴስ ባጋ ጌሻ ማፃፋይ ጌስ።\f* 
\p  
\v 8 ዴራፔ ዳሪዛ ባጋይ ባ ማይዖ ኦጌ ቦላ ሚጪዴስ፤ ባጋ ኣሳይ ሚꬃ ቦንጮ ዱꬂ ዱꬂ ኦጌ ቦላ ኣꬂ ኣꬂ ዬጊዴስ።  
\v 9 ኢዛፔ ሲንꬃራ ቢዛ ዴሬይኔ ጉዬራ ካሊዛ ዴሬይካ ባ ቃላ ꬎቁ ሂስቲዲ 
\q1 “ሆሳና! ዳዉቴ ናይ ጋላቴቶ! 
\q2 ጎዳ ሱንꬃን ዪዳይ ኣንጄቲዳዴ! 
\q1 ፆሲ ጋላቴቶ!” ጊዳ። \f + \fr 21:9 \fk ሆሳና \ft ኢብራዌታ ቃላራ ሆሳዒና ጉሳ “ኣቶቴꬅ” “ኑና ኣሻርኪ!” ጉሳ።\f* 
\p  
\v 10 ኢዚ ዬሩሳላሜ ጌሊዳ ዎዴ ካታማ ኣሳይ ዉሪ “ሃይሲ ኦኔ?” ጊዲ ያርክ ያርኪዴስ። 
\p  
\v 11 ኢዛ ካሊዲ ዪዳ ዴሬይካ “ሃይሲ ጋሊላ ጊዶን ዲዛ ናዚሬቴፔ ዪዳ ናቤ ዬሱሳ ጊዴኔ?” ጊዴስ። 
\s1 ዬሱሲ ፆሳ ኬꬄን ዛልዔ ዛልዒዛ ኣሳ ጎዲዴስ 
\r (ማር 11፡15-19፤ ሉቃ 19፡45-48፤ ዮሃ 2፡13-22) 
\p  
\v 12-13 ሄሳፌ ዬሱሲ ፆሳ ኬꬃ ጌሊዲ ፆሳ ኬꬃ ካሬ ጊዶን ጋꬃን ባይዚዛይታኔ ሻሚዛይታ ጎዲዴስ። ሚሽ ላሚዛይታ ፃራጴዛታኔ ሃራጴ ባዪዚዛይታ ኦይዴ ሺሪ ሺሪ ዬጊዲ “ ‘ታ ኬꬃይ ዎሳ ኬꬄ ጌቴቴስ’ ጌቴቲዲ ፃፌቲዴስ፤ ኢንቴ ቃሴ ቦንቂዛይታ ጎንጎሎ ሂስቲዴታ” ጊዴስ። \x * \xo 21:12-13 \xt ኢሳ 56፡7፤ ኤር 7፡11\x* 
\p  
\v 14 ኣይፌ ቆቄታኔ ቶሆይ ሲሊዳ ኣሳታ ዬሱሳኮ ፆሳ ኬꬄ ኤሂዳ። ኢዚካ ኢስታ ፓꬂዴስ።  
\v 15 ጊዶ ኣቲን ቄሴታ ሃላቃቲኔ ሙሴ ዎጋ ታማርሲዛይቲ ኢዚ ኦꬂዳ ማላታታ ቤዪዳይሳኒኔ ጉꬃ ናይቲ “ዎዜ ካዎ፥ ጋላታይ ዳዉቴ ናስ ጊዶ!” ጊዲ ዋሲዛይሳ ሲዪዳ ጊሽ ዳሮ ሃንቄቲዳ። 
\p  
\v 16 ኢስቲካ ዬሱሳ “ሃይቲ ናይቲ ጊዛይሳ ሲያይ?” ጊዳ፤ ዬሱሲካ ኢስታስ “ኤ ሲያዲስ፤ ናይታ ዱናፔኔ ꬋሚዛ ቄሪ ናይታ ዱናን ታኒ ጋላታ ጊጊሳዲስ ጊዛሶ ሙሌራካ ናባቢ ኤሬኬቲ?” ጊዴስ።  
\v 17 ኢስታ ዬጊ ኣጊዲ ሄ ካታማፔ ኬዚዲ ቢታኒያ ጌቴቲዛሶ ቢዲ ሄን ኣቂዴስ። 
\s1 ኣይፌይ ባይንዳ ባላሴ ሚꬂዮ 
\r (ማር 11፡12-14፥20-24) 
\p  
\v 18 ዬሱሲ ዎንቴꬃ ጋላስ ማላዶ ጉዬ ካታማ ሲሚሺን ኢዛ ጋፊሲዴስ።  
\v 19 ኦጌ ማታን ኢሲ ባላሴ ጌቴቲዛ ሚꬂ ቤዪዲ ጌዴ ኢዚኮ ሺቂሺን ሃይꬅ ፃላላፔ ኣቲን ኣይፌይ ባይንዳይሳ ቤዪዲ “ሂያፔ ጉዬ ኔ ቦላ ኣይፌይ ዶፖ!” ጊን ባላሴ ሚꬃያ ሄራካ ሜላዱስ። 
\p  
\v 20 ዬሱሳ ካሊዛይቲ ሄሳ ቤዪዲኔ ማላሌቲዲ “ሃና ባላሴያ ዋናዳ ሄራካ ሜላዴ?” ጊዳ።  
\v 21 ዬሱሲካ ኢስታ “ታ ኢንቴስ ቱሙ ጋይስ፤ ኢንቴስ ኣማኖይ ዲኮኔ ኢንቴ ሲꬎንታ ኣጊኮ ባላሴ ሚꬃይ ቦላ ሃኒዳይሳ ማላ ፃላላ ጊዶንታ ሃይሳ ዙማ ‘ሃይሳፌ ꬎቃሌታዳ ዱጌ ኣባን ጌላ’ ኢንቴ ጊዳኮካ ኢዚ ጌላና” ጊዴስ።  
\v 22 ኢንቴስ ኣማኖይ ዲኮ ኢንቴ ዎሳን ኦይቺዳ ሚሽ ዉርሲካ ኤካና። 
\s1 ዬሱሳ ጎዳቴꬃ ጊሽ ሺቂዳ ኦይሻ 
\r (ማር 11፡27-33፤ ሉቃ 20፡1-8) 
\p  
\v 23 ዬሱሲ ፆሳ ኬꬄ ጌሊዲ ታማርሲሺን ቄሴታ ሃላቃቲኔ ዴሬ ጪማቲ ኢዛኮ ሺቂዲ “ሃይሳ ዉርሳ ኦና ሼኔን ኦꬃይ? ሃይሳ ኦꬃናስ ሼኔ ኔስ ኦኒ ኢሚዴ?” ጊዲ ኢዛ ኦይቺዳ። 
\p  
\v 24 ዬሱሲካ ኢስታስ ዛሪዲ “ታካ ኢንቴና ኢሲኖ ኦይቻይስ፤ ኢንቴ ታስ ዛሪኮ ታካ ሃይታ ኦꬂዛይታ ኦና ሼኔን ኦꬂዛኮኔ ኢንቴስ ዮታና።  
\v 25 ዮሃኒሳ ፂንቃቴይ ኣዋፔ ዪዴ? ሳሎፔ ዪዴዬ? ኣሳፔ?” ጊዴስ። ኢስቲካ “ኑ ‘ሳሎፔ ዪዴስ’ ጊኮ ‘ሂስቲን ኣዛስ ኣማኒቤኬቲ?’ ጋና ጊዲ ባ ጊዶን ኢሶይ ኢሶይ ኢሳራ ዞሬቲዳ።  
\v 26 ቃሴ ኑ ‘ኣሳፔ’ ጊኮ፥ ኣሳይ ዉሪካ ዮሃኒሳ ናቤ ጊዲ ኣማኒዛ ጊሽ ኑ ባቦስ” ጊዳ። 
\p  
\v 27 ሄሳ ጊሽ ዬሱሳስ “ኑ ኤሮኮ” ጊዲ ዛሪዳ። ኢዚካ ኢስታስ “ሃይታ ታ ኦꬂዛይታ ኦና ሼኔን ኦꬂዛኮኔ ታካ ኢንቴስ ዮቲኬ” ጊዴስ። 
\s1 ናምዑ ናይታ ሌሚሶ 
\p  
\v 28 ዬሱሲ ኢስታ “ኢንቴስ ኣይ ሚሳቲዜ? ናምዑ ኣቱማ ናይ ዲዛ ኢሳዴይ ዴስ፤ ኢዚካ ኮይሮ ናዛኮ ቢዲ ‘ታ ናዞ! ሃቺ ጌዴ ዎይኔ ሚꬃሶ ባዳ ኦꬃ’ ጊዴስ።  
\v 29 ናዚ ቃሴ ‘ቢኬ!’ ጊዲኔ ጉዬፔ ሙዞቲዲ ቢዴስ። 
\p  
\v 30 “ናምዓንꬆ ናዛካ ካሴይሳꬆካ ‘ባ!’ ጊን ናዚ ‘ኤሮ!’ ጊዲ ቦንታ ኣጋጊዴስ።  
\v 31 ሃይታ ናምዓታፔ ኣዋ ሼኔ ፖሊዳይ ኣዋይሴ?” ጊዲ ኦይቺዳ። ኢስቲካ “ኮይሮ ናዛ!” ጊዳ። ዬሱሲካ ኢስታስ፥ “ታ ኢንቴስ ቱሙ ጋይስ፤ ቃራፃ ቃንፂሲዛይቲኔ ላይማቲዛይቲ ሳሎ ካዎቴꬂ ኢንቴፌ ሲንꬃን ጌላና። 
\p  
\v 32 “ፃማቂዛ ዮሃኒሲ ኢንቴና ፂሎቴꬃ ኦጌ ቤሳናስ ኢንቴኮ ዪዴስ ሺን ኢንቴ ኢዚ ጊዛይሳ ኣማኒቤኬታ፤ ጊዶ ኣቲን ቃራፃ ቃንፂሲዛይቲኔ ላይማቲዛይቲ ጊዲኮ ኣማኒዳ፤ ኢዚ ሃኒዳይሳ ኢንቴ ቤዪ ሲሚዲካ ማሮቴꬃን ጌሊዲ ኣማኒቤኬታ” ጊዴስ። \x * \xo 21:32 \xt ሉቃ 3፡12፤ 7፡29-30\x* 
\s1 ዎይኔ ሚꬃ ጊዶን ኦꬂዛ ጎሻንቻ ሌሚሶ 
\r (ማር 12፡1-12፤ ሉቃ 20፡9-19) 
\p  
\v 33 “ሃራ ሌሚሶካ ሲዪቴ፤ ዎይኔ ሚꬂ ቶኪዛሶይ ዲዛዴይ ሄ ዎይኔዛስ ቢርዳ ዩሺ ኣꬂዲ ዎይኔዛ ኣይፌ ጉምዓናስ ኦላ ቦኪዴስ። ዎይኔዛ ናጋናስ ሚꬃ ቦላ ሻኮ ጊጊሲዴስ። ሄሳፌ ጉዬ ጋዴዛ ዎይኔ ሚꬃራ ጎይዛይታስ ኪራ ኢሚዲ ሃራ ዴሬ ቢዴስ። \x * \xo 21:33 \xt ኢሳ 5፡1-2\x*\f + \fr 21:33 \fq ሻኮ \ft ኢሲ ኢሲ ባጋ ጋሞꬆ ቃላን ቱላ ጌቴቴስ።\f* 
\v 34 ቦኔይ ጋኪሺን ዎይኔ ሚꬃዛ ኣይፌ ኤካናስ ባ ኣሽካራታ ጋዴዛ ጎይዛይታኮ ዬዲዴስ።  
\v 35 ጋዴዛ ጎይዛይቲ ኣሽካራታ ኦይኪዲ ኢሳ ዎꬊዳ፤ ኢሳ ቃሴ ሹቻን ጫዲዳ።  
\v 36 ጋዳ ጎዳይ ካሴይታፔ ኣꬊዛ ሃራ ኣሽካራታ ዬዲዴስ። ጎይዛይቲ ሃዒካ ካሴይታ ቦላ ኦꬂዳይሳ ማላካ ኢስታ ቦላካ ፖሊዳ።  
\v 37 ዉርሴꬃን ኦኒ ኤሪዜ ‘ኢስቲ ኢዛ ቦንቻናኮኔ’ ጊዲ ባ ና ኣꬂ ዬዲዴስ።  
\v 38 ጊዶ ኣቲን ጋዳ ጎይዛይቲ ናዛ ቤዪዳ ማላ ‘ሃይሲ ኢዛ ላታናይሳኮ! ኣኔ ሃ ዪቴ፥ ኢዛ ዎꬊዲ ጋዳ ላቶስ’ ጊዳ።  
\v 39 ናዛ ኦይኪዲ ዎይኔይ ቶኬቲዳሶፔ ጌዴ ካሬ ኬሲዲ ዎꬊዳ። 
\p  
\v 40 “ኤሮ! ዎይኔዛ ጎዳይ ዪዛ ዎዴ ሄ ጋዳ ጎዪዛ ኣሳታ ዎስታና ኢንቴስ ሚሳቲዜ?” ጊዴስ።  
\v 41 ኢስቲካ “ሄይታንታ ኢታታ ዳሮ ዋይሲ ዎꬊዲ ዎይኔይ ቶኬቲዛ ጋዳፔ ቤሲዛ ዎይኔ ኣይፌ ዎዴራ ኢዛስ ኢሚዛ ሃራ ጋዴ ጎይዛይታስ ኪራሳና” ጊዲ ኢዛስ ዛሪዳ። 
\p  
\v 42 ዬሱሲካ ኢስታስ “ጌሻ ማፃፋን 
\q1 ‘ጊምቤ ኬፂዛይቲ ኢታ ጊዲ ዎራ ዬጊዳ ሹቻይ ኬꬃስ 
\q2 ማዛኔ ቦላ ዎꬊዛ ሹች ጊዲዴስ፤ 
\q1 ፆሲ ሃይሳ ኦꬂዴስ፤ 
\q2 ኢዛ ኦሶይካ ኑ ኣይፌስ ማላሊሲዛዝ’ 
\q1 ጌቴቲ ፃፌቲዳይሳ ናባቢቤኬቲ? \x * \xo 21:42 \xt ማዛ 118፡22-23\x* 
\p  
\v 43 “ሄሳ ጊሽ ታ ኢንቴስ ፆሳ ካዎቴꬂ ኢንቴፌ ኤኬታዳ ኣይፌ ኣይፊዛ ዴሬታስ ኢሜታና።  
\v 44 ሃይሳ ሹቻ ቦላ ኩንዲዛይ ሜቃና፤ ሹቻይ ኢዛ ቦላ ዎꬊዛዴይካ ሊቃና” ጊዴስ። \f + \fr 21:44 \ft ኢሲ ኢሲ ጌሻ ማፃፋቲ ፓይዶ ኦይዱ ታማኔ ኦይዱ ቦላ ዲዛይሳ ጉጄቴስ፤ ቆፋይካ ሉቃሳ ሼምፖ 20፡18 ዲዛይሳ ሚሳቴስ።\f* 
\p  
\v 45 ቄሴታ ሃላቃቲኔ ፋርሳዌቲ ኢዛ ሌሚሶይ ኢስታ ጊሽ ጊዲዳይሳ ኤሪዳ።  
\v 46 ጊዶ ኣቲን ኢስቲ ኢዛ ኦይኪ ቃቾንታ ማላ ኣሳይ ዬሱሳ ናቤ ማላ ፄሊዛ ጊሽ ባቢዳ። 
\c 22  
\s1 ሳርጌስ ፄይጌቲዳ ኣሳታ ሌሚሶ 
\r (ሉቃ 14፡15-24) 
\p  
\v 1 ቃሴካ ዬሱሲ ሃራ ሌሚሶ  
\v 2 “ሳሎ ካዎቴꬂ ባ ናስ ሳርጌ ጊጊሲዳ ኢሲ ካዎ ሚሳታዉስ።  
\v 3 ካዎይካ ዲጊሳስ ዮቲዳይታ ፄይጋናስ ባ ኣሽካራታ ዬዲዴስ፤ ፄይጌቲዳይቲካ ‘ኑ ቦኮ’ ጊዳ። 
\p  
\v 4 “ቃሴካ ሃራ ኣሽካራታ ‘ካሴ ኢስታስ ዮቲዳይታ ሄኮ ታ ሳንጋ ቦራታኔ ሞꬊዳ ሜሄታ ሹካዳ ዲጊሳ ጊጊሳዲስ፤ ዉሪካ ጊጌቲዳ ጊሽ ሳርጌሶ ሃ ዪቴ!’ ጊዲ ዮቲቴ።  
\v 5 ፄይጌቲዳይቲ ጊዲኮ ኢዛ ፄይሳ ዉዳን ዬጎንታ ኣጊዲ ኢሶይ ባ ጎሻሶ፥ ኢሶይ ባ ዛልዔሶ ቢዴስ።  
\v 6 ሃንኮ ኣቲዳይታ፥ ኣሽካራቲ ኦይኪዲ ዳሮ ዋይሲዲ ዎꬊዳ። 
\p  
\v 7 “ካዎይካ ሃንቄቲዲ ዎታዳራታ ዬዲዲ ኣሽካራ ዎꬊዳይታ ꬋይሲዴስ፤ ኢስታ ካታማ ፁጊዴስ።  
\v 8 ባ ኣሽካራታካ ‘ሳርጌዛ ዲጊሴይ ጊጊዴስ፤ ጊዶ ኣቲን ሳርጌዛሶ ፄይጌቲዳይቲ ሳርጌስ ቤሲዛይታ ጊዲቤቴና።  
\v 9 ጌዴ ኦጌ ቦላ ኬዚዲ ኢንቴ ዴሚዳ ኣስ ዉርሲ ሃ ሳርጌ ዲጊሴስ ፄይጊቴ’ ጊዴስ።  
\v 10 ኣሽካራቲካ ኦጌ ቦላ ኬዚዲ ባ ዴሚዳይታ ሎዖታካ ኢታታካ ዉርሲ ሺሺዲ ሳርጌዛሶ ኢማꬅ ኩንꬂዳ። 
\p  
\v 11 “ካዎይካ ፄይጌቲዳ ኢማꬃ ቤያናስ ሶ ጌሊዛ ዎዴ ሳርጌ ማይዖ ማይዖንታ ኣስ ዴሚዴስ።  
\v 12 ‘ሃይሶ! ሳርጌ ማይዖ ማይዖንታ ዋናዳ ሃይሳ ጌላናስ ዳንዳያዲ?’ ጊ ኦይቺን ኣዴዛስ ዛራና ቃላይ ꬋዪዴስ።  
\v 13 ካዎይካ ባ ኣሽካራታ ‘ሃይሳ ኣዴዛ ቶሆኔ ኩሼ ሺሺ ቃቺዲ ሄን ካሬን ዲዛ ꬉማን ኬሲ ኦሊቴ፤ ሄን ዬሆኔ ኣቻ ጋርጬች ጊዳና።’ \x * \xo 22:13 \xt ማቶ 8፡12፤ 25፡30፤ ሉቃ 13፡28\x* 
\p  
\v 14 “ፄይጌቲዳይቲ ዳሮታ፤ ዶሬቲዳይቲ ጊዲኮ ጉꬃታ” ጊ ዮቲዴስ። 
\s1 ጊራ ቃንፃናስ ሺቂዳ ኦይሾ 
\r (ማር 12፡13-17፤ ሉቃ 20፡20-26) 
\p  
\v 15 ሄሳፌ ጉዬ ፋርሳዌቲ ኬዚ ቢሼ “ኢዛ ዱናፔ ባላ ቃላ ዎስቲ ዴሚ ኦይኪኖ?” ጊዲ ዞሬቲዳ።  
\v 16 ባና ካሊዛይታ ሄርዶሳ ኣሳታራ ኢዛኮ ኪቲዲ “ኣስታማሬ! ኔኒ ቱማንቻኔ ፆሳ ኦጌ ቱማፔ ታማርሲዛዴ ጊዲዳይሳኔ ኦናስካ ዱማ ማዶ ኦꬆንታ ዉርሳካ ኢሲ ማላ ኔ ፄሊዛይሳ ኑ ኤሮስ።  
\v 17 ኔስ ኣይ ሚሳቲዛኮኔ ኣኔ ኑስ ዮታ? ቄሳሬስ ጊራ ቃንፃናስ ቤሲዜ? ቤሴኔ?” ጊዳ። 
\p  
\v 18 ዬሱሲካ ኢስታ ጌኔ ቆፋ ኤሪዲ “ኢንቴኖ ቆꬌፔ ቆሞን ሃኒዛይቶ ታና ዮዖን ባሌꬂ ኦይካናስ ኣዛስ ኮዬቲ?  
\v 19 ኢንቴ ጊራ ቃንፂዛ ሚሻ ኣኔ ታና ቤሲቴ” ጊን ኢስቲካ ኢሲ ዲናሬ ጌቴቲዛ ሚሽ ኢዛስ ኤሂዳ።  
\v 20 ኢዚካ “ሃይሳ ሚሻ ቦላ ዲዛ ሚሲሌይኔ ፃፌቲዳ ሱንꬃይ ኦናይሴ?” ጊዴስ። 
\p  
\v 21 ኢስቲካ ኢዛስ “ቄሳሬይሳ” ጊዳ። ኢዚካ ኢስታስ ዛሪዲ “ቄሳሬይሳ ቄሳሬስ፥ ፆሳይሳ ፆሳስ ኢሚቴ” ጊዴስ።  
\v 22 ሄሳ ሲዪዳ ዎዴ ማላሌቲዲኔ ኢዛ ኣጊ ቢዳ። 
\s1 ሃይቂዳይታ ዴንꬃ ጊሽ ሺቂዳ ኦይሾ 
\r (ማር 12፡18-27፤ ሉቃ 20፡27-40) 
\p  
\v 23 “ሃይቂዳይታስ ዴንዶይ ባዋ” ጊዲ ኣማኒዛ ሳዱቃዌቲ ሄ ጋላስ ዬሱሳኮ ሺቂዲ፥ \x * \xo 22:23 \xt ሃዋ 23፡8\x* 
\v 24 “ኣስታማሬ! ሙሴይ ‘ኢሳዴይ ማቾ ኤኪዲ ና ዬሎንታ ሃይቂኮ ኢዛ ኢሻይ ሃይቂዳይሳ ማቾ ኤኪዲ ባ ኢሻ ላቲዛ ና ኢዛስ ዬሎ’ ጊዴስ። \x * \xo 22:24 \xt ዛሬ 25፡5\x* 
\v 25 ኑ ኣቻን ላፑን ኢሻቲ ዴቴስ ሺን ኮይሮ ኢሻይ ማቾ ኤኪዲ ና ዬሎንታ ሃይቂዳ ጊሽ ካሎ ኢሻይ ኢዛ ማቼዮ ኤኪዴስ።  
\v 26 ናምዓንꬆ ኢሻይካ ሃይቂዳ ኢሻꬆ ና ዬሎንታ ሃይቂዴስ፤ ሄሳꬆካ ሃኒሺን ማጫሳያ ላፑንꬃ ኢሻ ጌላዱስ።  
\v 27 ዉርሴꬃን ማጫሳያ ሃይቃዱስ።  
\v 28 ሄሳ ጊሽ ላፑናቲ ዉሪካ ኢዞ ኤኪዳ ሺን ሃይቆፔ ዴንꬃ ጋላስ ማጫሳያ ላፑንታፔ ኣዋይሳ ማቾ ጊዳኔ?” ጊዳ። 
\p  
\v 29 ዬሱሲካ ኢስታስ ዛሪዲ “ጌሻ ማፃፋታኔ ፆሳ ዎልቃ ኢንቴ ኤሮንታ ጊሽ ባሌቴታ።  
\v 30 ሃይቆፔ ዴንዲዳፔ ጉዬ ኣሳይ ሳሎ ኪታንቻታ ማላ ጊዳና ኣቲን ኤኬቴቴናኔ ጌሌቴና።  
\v 31-32 ሃይቂዳይታ ዴንꬃ ጊሽ ጊዲኮ ፆሲ ‘ታኒ ኣብራሃሜ ፆሳ፥ ዪሳቃ ፆሳ፥ ያቆቤ ፆሳ’ ጊዲ ኢንቴስ ዮቶይሳ ናባቢቤኬቲ? ፆሲ ፓፃታ ፆሳ ኣቲን ሃይቄꬃታ ፆሴ ጊዴና” ጊዴስ። \x * \xo 22:31-32 \xt ኬሳ 3፡6\x* 
\v 33 ዴሬይካ ሄሳ ሲይዲ ኢዛ ቲሚርቴዛን ማላሌቲዴስ። 
\s1 ዉርሶፔ ኣꬊዛ ኣዛዞ 
\r (ማር 12፡28-34፤ ሉቃ 10፡25-28) 
\p  
\v 34 ዬሱሲ ሳዱቃዌታ ጮዑ ሂስቲዳይሳ ሲይዲ ፋርሳዌቲ ኢሲ ቦላ ሺቄቲዳ።  
\v 35-36 ኢስታ ጊዶፌ ኢሲ ሙሴ ዎጋ ሎዔꬂ ኤሪዛዴይ ዬሱሳ ፓጫናስ ኮይዲ “ኣስታማሬ! ሙሴ ዎጋታ ጊዶን ኡባፌ ኣꬊዛይ ኣዋይሴ?” ጊዲ ኦይቺዴስ። \x * \xo 22:35-36 \xt ሉቃ 10፡25-28\x* 
\p  
\v 37 ኢዚካ ዛሪዲ “ ‘ኔ ጎዳ ፆሳ ኔ ኩሜꬃ ዎዝናፔ፥ ኔ ኩሜꬃ ሼምፖፌ፥ ኔ ኩሜꬃ ቆፋፔ ዶሳ።’ \x * \xo 22:37 \xt ዛሬ 6፡5\x* 
\v 38 ሃይሲ ኮይሮኔ ኡባፌ ኣꬊዛ ኣዛዞ።  
\v 39 ናምዓንꬆይካ ኢዛ ሚሳቴስ፥ ሄሲካ ‘ኔ ሾሮ ኔ ሁዔ ማላ ዶሳ’ ጊዛይሳ። \x * \xo 22:39 \xt ሌዌ 19፡18\x* 
\v 40 ሙሴ ዎጋይኔ ናቤታ ቲሚርቴይ ዉሪካ ሃይታ ናምዑ ኣዛዞታን ቃሼቴስ” ጊዴስ። 
\s1 ኪርስቶሳ ጊሽ ሺቂዳ ኦይሾ 
\r (ማር 12፡35-37፤ ሉቃ 20፡41-44) 
\p  
\v 41 ፋርሳዌቲ ኢሲ ቦላ ሺቄቲ ዲሺን ዬሱሲ ኢስታ፥  
\v 42 “ኪርስቶሳ ጊሽ ኢንቴ ኣይ ጌቲ? ኢዚ ኦና ና?” ጊ ኦይቺዴስ፤ ኢስቲካ ኢዛስ ዛሪዲ “ኢዚ ዳዉቴ ና” ጊዳ። 
\p  
\v 43-44 ኢዚካ ኢስታስ 
\q1 “ሂስቲን ዳዉቴይ ፂሎ ኣያና ዎልቃን 
\q2 ‘ፆሳይ ታ ጎዳ’ ጊዲ ዋኒ ፄይጊዴ? 
\q1 ‘ታ ኔ ሞርኬታ ኔ ቶሆ ጊዶን ጉልባቲሳና ጋካናስ ኔ ታ ኡሻቻን 
\q2 ኡታ!’ ጊዴስ። \x * \xo 22:43-44 \xt ማዛ 110፡1\x* 
\v 45 ሄሳ ጊሽ ዳዉቴይ ኢዛ ‘ታ ጎዳ’ ጊዲ 
\q1 ፄይጊኮ ዋኒዲ ኢዛስ ና ጊዳና ዳንዳዪዜ?” 
\m ጊዴስ።  
\v 46 ኢዛስ ኢሲ ቃላ ዛራና ዳንዳዪዳ ኣሲ ዎይኮ ሄ ጋላሳፌ ሲሚን ኢዛ ኦይሾ ኦይቻና ፃሊዳ ኣሲ ኦኒካ ቤቲቤና። 
\c 23  
\s1 ዬሱሲ ፋርሳዌታኔ ሙሴ ዎጋ ታማርሲዛይታ ካꬊዴስ 
\r (ማር 12፡38-39፤ ሉቃ 11፡43-46፤ 20፡45-46) 
\p  
\v 1 ቃሴካ ዬሱሲ ዴሬዛሲኔ ባና ካሊዛይታስ፥  
\v 2 “ሙሴ ዎጋ ታማርሲዛይቲኔ ፋርሳዌቲ ሙሴ ዎምባራ ቦላ ኡቲዳ።  
\v 3 ሄሳ ጊሽ ኢስቲ ኢንቴስ ዮቲዛይሳ ዉርሲ ኦꬂቴኔ ናጊቴ፤ ጊዶ ኣቲን ኢስቲ ዱናን ሃሳዪዛይሳ ማላ ኦሶን ቤሶንታ ጊሽ ኢንቴ ኢስታ ኦሶ ካሎፍቴ። 
\p  
\v 4 “ሄሳꬆካ ኣሲ ቶካናስ ዳንዳዮንታ ዴፆ ቶሆ ቃቺዲ ኣሳ ሃሼ ቦላ ዎꬄቴስ ሺን ባሲ ጊዲኮ ቢራꬌ ፄራንካ ቦቼቴና።  
\v 5 ኢስታ ኦሶ ዉርሲ ኣሲ ቤያና ማላ ኦꬄቴስ፤ ባ ኣሼንኪታቤ ጌሻ ማፃፋ ጊዶፋ ፃፊ ኤኪዳ ኢሲ ኢሲ ፂቂሴታ ኪታቤ ሲኪዲ ሊጴ ቦላ ዎይኮ ኩሼን ቃቺዛዝ ኦꬄቴስ። ባ ማይዖ ማጫራ ኣዱሴቴስ።  
\v 6 ዲጊሳይ ዲዛሶን ቦንቾ ሶ ኣይሁዳ ዎሳ ኬꬃንካ ሲንꬃራ ኡታና ዶሴቴስ።  
\v 7 ሄሳꬆካ ጊያ ጊዶን ሳሮ ጌቴታናሲኔ ኣሳይ ኢስታ ‘ኣስታማሬ!’ ጋና ማላ ኮዬቴስ። 
\p  
\v 8 “ኢንቴ ጊዲኮ ‘ኣስታማሬ’ ጌቴቲ ፄይጌቶፍቴ። ኢንቴ ኣስታማሬይ ኢሳ ፃላላ ጊዲሺን ኢንቴ ዉሪካ ኢሶይ ኢሳስ ኢሻንታ።  
\v 9 ሳሎን ኢንቴስ ኢሲ ኣዋይ ፃላላ ዲዛ ጊሽ ቢታ ቦላ ኦናካ ‘ኣዋዉ!’ ጊዲ ፄይጎፒቴ።  
\v 10 ኢንቴ ኣስታማሬይ ኢሲ ኪርስቶሳ ፃላ ጊዲዳ ጊሽ ኢንቴ ‘ኣስታማሬቶ!’ ጌቴቶፍቴ።  
\v 11 ኢንቴ ጊዶን ኡባፌ ኣꬊዛዴይ ኢንቴስ ኦꬂዛዴ ጊዳና። \x * \xo 23:11 \xt ማቶ 20፡26-27፤ ማር 9፡35፤ 10፡43-44፤ ሉቃ 22፡26\x* 
\v 12 ባና ꬎቂሲዛዴይ ካዉያና፤ ባና ካዉሺዛዴይ ቦንቼታና። \x * \xo 23:12 \xt ሉቃ 14፡11፤ 18፡14\x* 
\p  
\v 13 “ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ኢንቴኖ ፋርሳዌቶ! ኣሳይ ፆሳ ካዎቴꬅ ጌሎንታ ማላ ኣሳ ቦላ ኢንቴ ፔንጌ ጎርዲዛ ጊሽ ኢንቴና ኣዬ-ኣና! ኢንቴ ኢንቴስ ጌሌኬታኔ ጌላናስ ኮዪዛይታካ ጌልꬄኬታ።  
\v 14 ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴካ ፋርሳዌቶ! ኢንቴስ ኣዬ-ኣና! ኣዚናይ ባይንዳ ማጫሳታ ኬꬃ ካሎሲሼ ኣሳ ኣይፌ ሲንꬃን ኣዱሳ ዎሳ ኢንቴ ዎሲዛ ጊሽ ኢንቴ ኢታ ፒርዳ ፒርዴታና። \f + \fr 23:14 \ft ኢሲ ኢሲ ጌሻ ማፃፋቲ ፓይዶ ታማኔ ኦይዱ ቦላ [14] ዲዛ ቆፋ ጉጄቴስ፤ ቆፋይካ ማርቆሳን ሼምፖ 12፡40 ዲዛይሳ ሚሳቴስ።\f* 
\p  
\v 15 “ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴካ ፋርሳዌቶ! ኢሲ ኣስ ኣይሁዳ ኣማኖን ጌልꬃናስ ኣባ ቦላራኔ ቢታ ቦላራ ዩዪ ዳቡርዲኔ ኣማንꬂዳ ኣሳ ኢንቴፌ ናምዑ ኩሼ ኣꬂዲ ጋናሜ ና ኢንቴ ኬሲዛ ጊሽ ኢንቴና ኣዬ-ኣና! 
\p  
\v 16 “ኢንቴኖ! ኢንቴስ ቆቂ ኡቲዲ ሃራታ ካሌꬂዛይቶ! ኢንቴስ ኣዬ-ኣና! ‘ኦኒካ ፆሳ ኬꬃን ጫቂኮ ኣይኮይ ባ’ ጊዶ ኣቲን ‘ፆሳ ኬꬃ ጊዶን ዲዛ ዎርቃን ጫቂኮ ጫቆ ጎሜይ ጋካና’ ጌታ።  
\v 17 ኢንቴኖ ቆቂዳይቶ! ባሌቲዳይቶ፥ ዎርቃፌኔ ዎርቃ ዱማሲዳ ፆሳ ኬꬃፌ ኣዋይሲ ኣꬊዜ?  
\v 18 ሄሳꬆካ ‘ኦኒካ ያርሾ ያርሺዛሶ ቦላ ጫቂኮ ኣይኮይ ባዋ፤ ሺን ያርሺዛሶን ዲዛ ያርሾ ቦላ ጫቂኮ ጫቆይ ጎሜስ’ ጌታ።\f + \fr 23:18 \fk ያርሾ። \ft ኣሲ ባ ጎዳስ ጊዲ ኦꬂዛ ኦሶይ ዉሪ ያርሾ ጌቴቴስ።\f* 
\v 19 ኢንቴኖ ቆቄቶ! ያርሾፔኔ ያርሾ ሺሺዛሶፔ ኣዋይሴ ኣꬊዛይ?  
\v 20 ሄሳ ጊሽ ያርሾ ሺሺዛሶ ቦላ ጫቂዛዴይ ያርሾሶዛ ቦላኔ ያርሺዛሶ ቦላ ዲዛ ኡባ ሚሻን ጫቄስ።  
\v 21 ሄሳꬆካ ፆሳ ኬꬃዛ ቦላ ጫቂዳይ ፆሳ ኬꬃኒኔ ኢዛ ጊዶን ኣቂዛይሳን ጫቄስ።  
\v 22 ሳሎን ጫቂዛዴይካ ፆሳ ኣልጋኒኔ ኣልጋ ቦላ ኡቲዳይሳን ጫቄስ። \x * \xo 23:22 \xt ኢሳ 66፡1፤ ማቶ 5፡34\x* 
\p  
\v 23 “ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ፋርሳዌቶ! ኢንቴና ኣዬ ኣና! ኣሱታፔ፥ ኣኑጋፔኔ ካትካልዓፌ ታማፌ ኢሲኖ ኢሜታ ሺን ዎጋታፔ ዋናቲዛይታ ሄይቲካ ቱማ ፒርዳ፥ ማሮቴꬂኔ ኣማኔቴꬅ ጊዲኮ ካꬊዴታ። ሄይታ ኣጎንታ ዲሼ ሃይታንታ ኢንቴ ኦꬃናስ ኢንቴስ ቤሴስ ሺን ኣጊዴታ። \x * \xo 23:23 \xt ሌዌ 27፡30\x* 
\v 24 ኢንቴኖ ቆቂ ኡቲዲ ካሌꬂዛይቶ! ኡዔ ጋጪዲ ኡዬታ ሺን ጋሜላ ሙሜ ሚቴታ! 
\p  
\v 25 “ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶኔ ፋርሳዌቶ! ኢንቴስ ኣዬ-ኣና! ፁዓሲኔ ኬሬስ ቦላ ባጋ ቁጬታ ሺን ኢዛ ጊዶን ዲዛይሳ ኢንቴ ቦንቃኒኔ ኡዜቴꬃን ሺሺዴታ።  
\v 26 ኔኖ ቆቄ ፋርሳዌዞ! ኮይሮታዳ ፁዓሲኔ ኬሬስ ጊዶ ባጋ ጌሻ! ሄሳፌ ጉዬ ካሬ ባጋይ ጌሽ ጊዳና። 
\p  
\v 27 “ኢንቴኖ ቆꬌፔ ቆሞን ሃኒዛይቶ፥ ሙሴ ዎጋ ታማርሲዛይቶ፥ ቃሴ ፋርሳዌቶ! ቦላ ባጋይ ኖራራ ሜሼቲዲ ሎዒዛይቲ ጊዶይ ጊዲኮ ሃይቂዳይታ ሜቄꬂኔ ዳሮ ቱናኔቴꬃን ኩሚዳ ዱፎታ ሚሳቲዛ ጊሽ ኢንቴና ኣዬ-ኣና! \x * \xo 23:27 \xt ሃዋ 23፡3\x* 
\v 28 ኢንቴካ ቦላ ባጋራ ኣሳስ ፂሎ ኣሳታ ሚሳቴታ፤ ኢንቴ ጊዶይ ጊዲኮ ጪሞኒኔ ኢታቴꬃን ኩሚዴስ። 
\p  
\v 29 “ኢንቴኖ ዱናን ጪሚዛይቶ! ሙሴ ዎጋ ኣስታማሬቶ፥ ቃሴካ ፋርሳዌቶ! ኢንቴስ ኣዬ-ኣና! ናቤታ ዱፎ ሎዔꬂዛይቶ፥ ፂሎ ኣሳታ ዱፎ ሃዉልቴራ ጊጊሲዛይቶ!  
\v 30 ኑ ኣዋቲ ናቤታ ዎꬊዛ ዎዴ ኑ ዲዛኮ ኢስታራ ዙፔቶኮኮ ሺን፥  
\v 31 ኢንቴ ናቤታ ዎꬊዳ ኣሳታ ናይታ ጊዲዳይሳ ኢንቴ ዱናራ ኢንቴርካ ኢንቴ ኢንቴ ቦላ ማርካቴታ።  
\v 32 ሂስቲኮ ኦሴቲዲ ፖሌቶንታ ኦጌ ቦላ ዲዛ ኢንቴ ኣዋታ ኦሶ ፖሊቴ።\f + \fr 23:32 \ft ቦኔ፥ ኢስታ ዴሬን ሚꬃቲ ሃይꬅ ኬሲዛይኔ ጪሊሊዛይ ቦኔይ ማቲሺን ጊዶይሳ ቤሴስ።\f* 
\p  
\v 33 “ኢንቴኖ ዱኪዛ ኢታ ሾሻ ናይቶ! ጋናሜ ታማ ፒርዳፌ ኢንቴ ዋኒ ኣታኔ? \x * \xo 23:33 \xt ማቶ 3፡7፤ 12፡34፤ ሉቃ 3፡7\x* 
\v 34 ሄሳ ጊሽ ናቤታኔ ኤራንቻታ ኣስታማሬታካ ታ ኢንቴስ ዬዳና። ኢንቴ ኢስታ ጊዶፌ ኢሲ ኢሲ ኣሳታ ዎꬋና። ባጋይታ ኢንቴ ካቃና፤ ባጋይታ ኢንቴ ኣይሁዳ ዎሳ ኬꬃን ጋራፋናኔ ሃ ካታማፔ ሃራ ኢንቴ ጎዳና።  
\v 35 ሄሳ ጊሽ ፂሎ ኣቤሌ ሱꬃፌ ሃ ሲሚን ፆሳ ኬꬃኒኔ ያርሾ ያርሺዛሶ ጊዶን ኢንቴ ዎꬊዳ ባራኪዮ ና ዛካራሳ ሱꬃ ጋካናስ ቢታ ቦላ ጉኪዳ ፂሎታ ሱꬃ ኡባስ ኢንቴ ኦይሼታና። \x * \xo 23:35 \xt ሜꬌ 4፡8፤ 2ታር 24፡20-21\x* 
\v 36 ታ ኢንቴስ ቱሙ ጋይስ፤ ካሴ ኣꬊዳ ዮዖ ኡባስ ሃይሲ ሃ ዬሌታይ ኦይሼታና። 
\p  
\v 37 “ሃኔ ዬሩሳላሜ! ናቤታ ዎꬊዛሬ! ኔኮ ኪቴቲዳይታ ሹቻራ ጫዲዛሬ! ሃኔ ዬሩሳሌሜ ኩቶ ኣያ ባ ጪዬታ ባ ቄፌ ጊዶ ሺሺዛ ማላ ታ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኮያባካ።  
\v 38 ሄኮ ኢንቴ ኬꬂ ካይስ ጊዲ ኣታና። \x * \xo 23:38 \xt ኤር 22፡5\x* 
\v 39 ታ ኢንቴስ ቱሙ ጋይስ፤ ኢንቴ ጎዳ ሱንꬃን ዪዛዴይ ኣንጄቲዳዴ ጋና ዎዴይ ጋካናስ ናምዓንꬆ ታና ቤዬኬታ” ጊዴስ። \x * \xo 23:39 \xt ማዛ 118፡26\x* 
\c 24  
\s1 ዎዴ ዉርሴꬃ ማላታታ 
\r (ማር 13፡1-2፤ ሉቃ 21፡5-6) 
\p  
\v 1 ዬሱሲ ፆሳ ኬꬃፌ ኬዚ ቢሺን ኢዛ ካሊዛይቲ ፆሳ ኬꬃዚ ሹቻን ኬፄቲዳይሳ ቤሳና ኮይዲ ዬሱሳኮ ሺቂዳ።  
\v 2 ኢዚካ ኢስታስ “ሃይሳ ዉርሲ ፄሌቲ? ታ ኢንቴስ ቱሙ ጋይስ፤ ሃይሲ ኢንቴ ቤዪዛ ኢሶይ ኢሳ ቦላ ዲዛ ሹቻይ ላሌቶንታ ኢሲ ሹቺካ ሃይሳꬆ ዴና” ጊዴስ። 
\p  
\v 3 ኢዚ ዳብራዛይቴ ጌቴቲዛ ዙማ ቦላ ኡቲ ዲሺን ኢዛ ካሊዛይቲ ፃላላ ኢዛኮ ሺቂዲ “ኣኔ ኑስ ዮታ፤ ሃይሲ ኔ ጊዛይሲ ኣይዴ ሃናኔ? ኔ ዩሳሲኔ ዎዴ ዉርሴꬃስ ማላታይ ኣዜ?” ጊ ኦይቺዳ። 
\p  
\v 4 ዬሱሲካ ዛሪዲ “ኦኒካ ኢንቴና ባሌꬆንታ ማላ ናጌቲቴ።  
\v 5 ቡሮ ዳሮቲ ‘ታ ኪርስቶሳ’ ጊሼ ታ ሱንꬃን ያና፤ ዳሮታካ ባሌꬃና።  
\v 6 ኦላኔ ኦላ ጊሽ ሃሳዬቲዛ ዎሬ ኢንቴ ሲያና። ሃ ዮዖቲ ዉሪካ ዎልቃራ ፖሌታና ሺን ዉርሴꬂ ቡሮ ጊዲዳ ጊሽ ኢንቴ ሃይሳን ዳጋሞንታ ማላ ናጌቲቴ።  
\v 7 ዴሬይ ዴሬ ቦላ፥ ካዎይ ካዎ ቦላ ዴንዳና፤ ዱማ ዱማ ዴሬን ኮሻይኔ ቢታ ቃꬂ ሃናና።  
\v 8 ሄሲ ዉሪካ ሚፃስ ሌሶ ማላ።  
\v 9 ሄ ዎዴ ኢንቴና ዋዬስ ኣꬂ ኢማና፤ ኢንቴና ዎꬋና፤ ታ ሱንꬃ ጌዶን ዴሬ ኡባን ኢንቴ ኢፄቲዳይታ ጊዳና። \x * \xo 24:9 \xt ማቶ 10፡22\x* 
\p  
\v 10 “ሄ ዎዴ ዳሮ ኣሳይ ꬉጴታና፤ ኢሶይ ኢሳ ኣꬂ ኣꬂ ኢማናኔ ባ ጊዶን ኢፄታና።  
\v 11 ዳሮ ዎርዶ ናቤቲ ዴንዳናኔ ዳሮታ ባሌꬃና።  
\v 12 ኢታቴꬂ ዳሪዛ ጊሽ ዳሮታፔ ሲቆይ ኢርፃና።  
\v 13 ዉርሴꬅ ጋካናስ ሚኒዳዴይ ኣታና። \x * \xo 24:13 \xt ማቶ 10፡22\x* 
\v 14 ዴሬ ኡባስ ማርካ ጊዳና ማላ ሃይሲ ካዎቴꬃ ሚሺራቾ ቃላይ ኩሜꬃ ኣላሜን ዮቴታና፤ ሄሳፌ ጉዬ ዉርሴꬂ ያና። 
\p  
\v 15 “ሄሳ ጊሽ ናቤ ዳኔላን ዮቴቲዳይሳ ማላ ‘ሃራሲዛ ቱናቴꬂ’ ኣንጄቲዳሶን ኤቂዳይሳ ኢንቴ ቤዪዛ ዎዴ ናባቢዛዴይ ዎዝናን ዎꬆ። \x * \xo 24:15 \xt ዳኔ 9፡27፤ 11፡31፤ 12፡11\x* 
\v 16 ሄ ዎዴ ዩሁዳን ዲዛይቲ ፑዴ ዙማ ቦላ ጋንጌቶ።  
\v 17 ኬꬃ ካራ ቦላ ዲዛዴይ ኦኒካ ባ ሚሽ ኬꬃፌ ኬሳና ጊዲ ዱጌ ዎꬎፎ። \x * \xo 24:17 \xt ሉቃ 17፡31\x* 
\v 18 ጋዴ ጊዶን ዲዛዴይ ኦኒካ ባ ማይዖ ኤካና ጊዲ ሶ ሲሞፎ።  
\v 19 ሄ ጋላሳታን ቃንꬃራ ዲዛ ማጫሳታሲኔ ና ꬋንꬂዛ ኣዬታስ ኣዬ-ኣና!  
\v 20 ሄሳ ጊሽ ኢንቴ ጋንጎይ ባልጎ ዎይኮ ሳምባታ ጋላስ ጊዶንታ ማላ ዎሲቴ።  
\v 21 ሄ ዎዴ ኣላሜይ ሜꬌቶሳፔ ሃቺ ጋካናስ ሃኒ ኤሮንታ ሚሺ ሲንꬃፌካ ኢዛ ሚሳቲዛይ ባይንዳ ዎልቃማ ሜቶይ ሃናና።  
\v 22 ሄ ጋላሳቲ ቃሞንታኮ ኣሾ ማይዒዳ ኣሲ ዉሪ ኣቴና ሺን ዶሬቲዳይታ ጊሽ ሄ ጋላሳቲ ቃማና። 
\p  
\v 23 “ሄ ዎዴ ኦኒካ ‘ሄኮ ኪርስቶሲ ሃይሳን ዴስ!’ ዎይኮ ‘ሄሳን ዴስ’ ጊዛዴ ኣማኖፒቴ።  
\v 24 ዎርዶ ኪርስቶሳኔ ዎርዶ ናቤቲ ቡሮ ዴንዲዲ ኢስታስ ዳንዳዬቲኮ ዶሬቲዳይታ ባሌꬃናስ ጊዲ ዎልቃማ ማላታታኔ ካሴ ኦሴቲ ኤሮንታ ሚሽ ኦꬃና። 
\p  
\v 25 “ሄኮ ሃይሳ ታ ኢንቴስ ካሴታ ዮታይስ።  
\v 26 ሄሳ ጊሽ ‘ሄኮ ሂርኪ ባዞን ዴስ’ ጊዲ ኢንቴስ ዮቲኮ ሄ ኬዞፒቴ፤ ‘ሄኮ ኢልፒኔን ዴስ’ ጊኮ ኣማኖፒቴ። \x * \xo 24:26 \xt ሉቃ 17፡23-24\x* 
\v 27 ዎልቃንꬂ ኣዋ ኣርሼይ ሞኪዛሶራ ዎልቃሚዲ ኣዋ ኣርሼይ ዉሊዛሶ ጋካናስ ፖዒዛይሳ ማላ ኣሳ ና ዩሳይካ ሄሳꬆ ሃናና።  
\v 28 ኣሃይ ዲዛሶ ኣንኮ ካፎይ ሺቄስ። \x * \xo 24:28 \xt ሉቃ 17፡37\x* 
\p  
\v 29 “ሄራካ ሄ ኢታ ሜቶ ጋላሳታፔ ጉዬ 
\q1 ኣዋ ኣርሼይ ꬉማና፤ 
\q2 ኣጊናይ ባ ፖዖ ዲጋና፤ 
\q1 ፆሊንቴቲ ሳሎፔ ቆቆፌታና፤ 
\q2 ሳሎ ዎልቃማቲካ ቃፃና። \x * \xo 24:29 \xt ኢሳ 13፡10፤ 34፡4፤ ኢዩ 2፡10፥31፤ 3፡15፤ ኣጁ 6፡12-13፤ ሂዚ 32፡7፤ ኢዩ 2፡10፤ 3፡15\x* 
\p  
\v 30 ሄ ዎዴ ኣሳ ና ማላታይ ሳሎ ቦላ ቤታና። ቢታ ቦላ ዲዛ ዴሬይ ዉሪ ዬካና፤ ኣሳ ናይካ ሳሎ ሻራ ቦላ ዳሮ ዎልቃራኔ ጊታ ቦንቾራ ዪሺን ኣሳይ ቤያና።  
\v 31 ኪታንቻታካ ዳሮ ዎልቃማ ፁሩምባ ጊሪሳራ ዬዳና። ኢስቲካ ዶሬቲዳይታ ኦይዱ ማዒዜኔፔ ሳሎስ ሃ ባጋ ጋፃፔ ሄ ጋፃ ባጋ ጋፃ ጋካናስ ዉርሲ ኢሲ ሶ ሺሻና። 
\p  
\v 32 “ባላሴ ጌቴቲዛ ሚꬃፌ ሃይሳ ታማሪቴ፤ ባላሴ ሚꬃይስ ኡንቁሎይ ጪሊሊዛ ዎዴ ኢዛ ሃይꬅ ኬሲሺን ቦኔይ ማቲዳይሳ ኢንቴ ኤሬታ።  
\v 33 ሄሳꬆ ሃይታ ኢንቴ ቤዪዛ ዎዴ ኢዚ ፔንጌ ማቲዳይሳ ኢንቴ ኤራና።  
\v 34 ታ ቱሙ ጋይስ፤ ሃይሲ ዉሪ ፖሌታና ጋካናስ ሃ ዬሌታይ ኣꬌና።  
\v 35 ሳሎይኔ ሳዓይ ኣꬋና ሺን ታ ቃላይ ጊዲኮ ሙሌካ ኣꬌና። 
\s1 ጎዳይ ያና ጋላስ ኦኒካ ኤሬና 
\r (ማር 13፡32-37፤ ሉቃ 17፡26-30፥34-36) 
\p  
\v 36 “ሄ ጋላሳዮኔ ሄ ሳቴዮ ኣዋፔ ኣቲን ሳሎ ኪታንቻታ ጊዲንካ ናዛ ጊዲንካ ኦኒካ ኤሬና።  
\v 37 ኖሄ ዎዴ ሃኒዳይሳ ማላ ኣሳ ና ዩሲ ሄሳ ማላ ጊዳና። \x * \xo 24:37 \xt ሜꬌ 6፡5-8\x* 
\v 38 ꬋይሲዛ ሃꬃፌ ካሴ ኖሄይ ማርካቤን ጌሊዛ ጋላስ ጋካናስ ኣሳይ ሚሼኔ ኡዪሼ፥ ኤኪሼኔ ጌሊሼ ጋምዒዴስ።  
\v 39 ሄ ዎዴይ ጋካናስ ኣዚ ሃናናኮኔ ኣሳይ ኤሮንታኔ ቆፖንታ ባሻ ሃꬃይ ዪዲ ሚቲዳይሳ ማላ ታ ኣሳ ናይ ዪዛ ዎዴይካ ሄሳꬆ ሃናና። \x * \xo 24:39 \xt ሜꬌ 7፡6-24\x* 
\p  
\v 40 “ሄ ዎዴ ናምዑ ኣሳቲ ኢሲፌ ጎሻን ፔዓና ሺን ኢስታፌ ኢሳዴይ ኤኬታና፤ ኢሳዴይ ኣታና።  
\v 41 ናምዑ ማጫሳቲ ዎፃን ኢሲፌ ጋጫና ሺን ኢስታፌ ኢሲኔያ ኤኬታና ኢሲኔያ ኣታና። 
\p  
\v 42 “ሂስቲኮ ኢንቴ ጎዳይ ያና ጋላሳ ኢንቴ ኤሮንታ ጊሽ ቤጊዲ ናጊቴ።  
\v 43 ሃይሳ ዎዝናን ዎꬂቴ፤ ካይሶይ ቃማፌ ኣፉንꬃ ሳቴ ቦላ ያናኮኔ ኤሪዛኮ ኢዛ ሚሽ ካይሶይ ኤኮንታ ማላ ኬꬃ ኣዋይ ቤጊዲ ናጋና።  
\v 44 ኣሳ ናይካ ኢንቴ ቆፖንታ ሳቴ ቦላ ያና፤ ኢንቴካ ሄሳꬆ ጊጌቲዳይታ ጊዲቴ። 
\p  
\v 45 “ዎዴራ ሶ ኣሳ ቁማ ሚዛና ማላ ጎዳይ ባ ኬꬃ ኣሳ ቦላ ሹሚዳ ኣማኔቲዛ ጪንጫ ኦሳንቻይ ኦኔ?  
\v 46 ኬꬃ ኣዋይ ሲሚዲ ዪዛ ዎዴ ኢዛስ ኢሚዳ ሃዳራ ኦꬂ ፖሊሼ ቤቲዳ ኦሳንቻይ ኣንጄቲዳይሳ።  
\v 47 ታ ኢንቴስ ቱሙ ጋይስ፤ ጎዳይ ኢዛ ባ ሃሪዳ ኡባ ቦላ ሹሜስ።  
\v 48 ጊዶ ኣቲን ሄ ኦሳንቻይ ኢታ ጊዲዲ ‘ታ ጎዳይ ጋምዒዲ ያና’ ጊ ቆፒዲ፥  
\v 49 ዴንዲ ሃንኮ ኦሳንቻታ ዋꬋ ኦይኪኮ ማꬆቲዛይታራ ሚኮኔ ኡዪኮ፥  
\v 50 ኢዚ ቆፖንታ ጋላሳኒኔ ሳቴን ኢዛ ጎዳይ ዪዲ፥  
\v 51 ኢዛ ቃንፄꬂ ካዓና፤ ኢዛ ኤፃ ቆꬌፔ ቆሞን ሃኒዛይታራ ኦꬃና። ሄንካ ዬሆይኔ ኣቻ ጋርጬቺ ሃናና። 
\c 25  
\s1 ታሙ ጌላዖታ ሌሚሶ 
\p  
\v 1 “ሄ ዎዴ ሳሎ ካዎቴꬂ ሚሺራ ሞካናስ ፆምፔ ኦይኪዲ ኬዚዳ ታሙ ጌላዖታ ሚሳታዉስ። \x * \xo 25:1 \xt ሉቃ 12፡35\x* 
\v 2 ሄ ታማታፔ ኢቻሹ ጌላዖቲ ኤያታ፥ ሃንኮ ኢቻሻቲ ቃሴ ጪንጫታ።  
\v 3 ኤያቲ ኩራዜ ፆምፔ ኦይኪዳ ሺን ዉሪኮ ጉጃና ሃራ ናጌ ላምባ ኦይኪቤቴና።  
\v 4 ጪንጫቲ ጊዲኮ ባ ኩራዜዛራ ዉሪኮ ጉጃና ላምባ ሃራ ፃርሙሴን ኦይኪዳ።  
\v 5 ማቺዮ ኤካና ሚሺራይ ዮንታ ጋምዒን ꬊስኮይ ዴፂን ኣሳይ ዉሪካ ꬊስኪዴስ። 
\p  
\v 6 “ሌላ ጊዶꬅ ጊዲሺን ‘ሚሺራዚ ዬስ! ኬዚዲ ሞኪ ኤኪቴ!’ ጊዛ ፄይሳ ቃላይ ሲዬቲዴስ።  
\v 7 ሄሳ ዎዴ ጌላዖቲ ዉሪካ ዴንዲዲ ባ ፆምፔ ፆምፔ ኦይሴꬆኔ ጊጌቴꬅ ኦይኪዳ።  
\v 8 ኤያቲ ጪንጫታ ‘ኑ ፆምፔይ ቶዓና ጊዛ ጊሽ ኢንቴ ላምባፔ ኑስ ኢሚቴ’ ጊዳ። 
\p  
\v 9 “ጪንጫ ጌላዖቲ ኢስታስ ዛሪዲ ‘ኑስ ዲዛ ላምባይ ኑሳራኔ ኢንቴሳራ ጊዶንታ ጊሽ ቢዲ ላምባ ባይዚዛይታፔ ኢንቴስ ሻሚቴ’ ጊዳ።  
\v 10 ኢስቲ ላምባ ሻማና ቢ ኪቺን ሚሺራዚ ጋኪ ዎꬊዴስ። ካሴ ጊጌቲ ኡቲዳ ጌላዖቲ ቡላቻሶ ኢዛራ ጌሊዳ፤ ካሬይካ ጎርዴቲዴስ። 
\p  
\v 11 “ጉꬅ ጋምዒሼ ሃንኮ ጌላዖቲ ዪዲ ‘ጎዶ! ጎዶ! ካሬ ኑስ ዶያ!’ ጊዳ።  
\v 12 ኢዚካ ዛሪዲ ‘ታ ኢንቴስ ቱሙ ጋይስ፤ ታ ኢንቴና ኤሪኬ!’ ጊዴስ።  
\v 13 ሄሳ ጊሽ ያና ጋላሳ ዎይኮ ሳቴዛ ኢንቴ ኤሮንታ ጊሽ ጊጌቲዲ ናጊቴ። 
\s1 ሄꬑ ኦሳንቻታ ሌሚሶ 
\r (ሉቃ 19፡11-27) 
\p  
\v 14 “ፆሳ ካዎቴꬂ ባሲ ዲዛዚ ዉርሲ ባ ኣሽካራታስ ሃዳራ ኢሚዲ ሃራ ዴሬ ባና ዴንዲዳ ኢሲ ኣስ ሚሳቴስ። \x * \xo 25:14 \xt ሉቃ 19፡11-27\x* 
\v 15 ኣሽካራታስ ኢሳስ ኢሳስ ኢስታ ዎልቃ ማላ ጊጊሲዲ ኢሳስ ኢቻሹ ሺ ቢራ፥ ኢሳስ ናምዑ ሺ ቢራ፥ ሃንኮይሳስ ቃሴ ኢሲ ሺ ቢራ ኢሚዲ ቢዴስ።  
\v 16 ኢቻሹ ሺ ቢራ ኤኪዳ ኣዴዚ ሄራካ ሚሻን ዛልዔ ኦይኪዲ ሃራ ኢቻሹ ሺ ቢራ ዎꬊሲዴስ።  
\v 17 ቃሴካ ናምዑ ሺ ቢራ ኤኪዳይሲ ሃራ ናምዑ ሺ ቢራ ዎꬊሲዴስ።  
\v 18 ኢሲ ሺ ቢራ ኤኪዳይሲ ባ ጎዳ ቢራ ቢታን ሞጊዲ ቆቲዴስ። 
\p  
\v 19 “ኣሽካራታ ጎዳይ ባ ቢዳሶን ዳሮ ዎዴ ጋምዒ ሲሚዲ ሚሻ ኢስታራ ሳላዔቲዴስ።  
\v 20 ኢቻሹ ሺ ቢራ ኤኪዳ ኣሽካራይ ሃራ ኢቻሹ ሺ ቢራ ዎꬊሲዳይሳ ኤኪ ዪዲ ‘ጎዶ! ኔ ታስ ኢቻሹ ሺ ቢራ ኢማዳሳ ሺን ሄኮ ሃይሳ ታ ሃራ ኢቻሹ ሺ ቢራ ዎꬊሳዲስ’ ጊዴስ።  
\v 21 ኢዛ ጎዳይካ ‘ሎዖ ኦꬃዳሳ፤ ኔኖ ሎዖ ኣማኔቲዳ ኣሽካራዞ! ኔ ጉꬃ ሚሻን ኣማኔቲዳ ኣስ ጊዲዳ ጊሽ ታ ኔና ዳሮ ሚሻ ቦላ ሹማና፤ ጌዴ ኔ ጎዳ ኡፋይሳሶ ጌላ’ ጊዴስ። 
\p  
\v 22 “ሄሳꬆካ ናምዑ ሺ ቢራ ኤኪዳይሲ ጎዳዛኮ ሺቂዲ ‘ጎዶ! ኔ ታስ ናምዑ ሺ ቢራ ኢማዳሳ ሺን ሄኮ ሃራ ናምዑ ሺ ቢራ ዎꬊሳዲስ’ ጊዴስ።  
\v 23 ጎዳዚካ ‘ሎዔꬃዳሳ፤ ሃይሶ ሎዖኔ ታስ ኣማኔቲዳ ኣሽካራዞ! ኔኒ ጉꬃን ኣማኔቲዳዴ ጊዲዳ ጊሽ ታ ኔና ዳሮ ሚሻ ቦላ ሹማይስ፤ ጌዴ ኔ ጎዳ ኡፋይሳሶ ጌላ’ ጊዴስ። 
\p  
\v 24 “ኢሲ ሺ ቢራ ኤኪዳ ኣሽካራይ ሺቂዲ ‘ጎዶ! ኔኒ ዜሮንታሶፔ ማፂዛዴኔ ላሎንታሶፔ ሺሺዛ ሜንፄ ኢታ ኣስ ጊዲዳይሳ ታ ኤራይስ።  
\v 25 ሄሳ ጊሽ ታ ባባዳ ቢታ ቦካዳ ኔ ቢራ ቦኪዳ ኦላን ሞጋዳ ቆታዲስ፤ ኔ ሚሽ ሄሳ ቤያ!’ ጊዴስ። 
\p  
\v 26 “ኢዛ ጎዳይ ዛሪዲ ‘ሃይሶ ኢታ ኣዛላ ኣሽካራዞ! ታኒ ዜሮንታሶፔ ማፂዛዴ ላሎንታሶፔ ሺሺዛዴ ጊዲዳይሳ ኔ ኤራይ?  
\v 27 ሂስቲን ታ ሲማ ዪዛ ዎዴ ታ ሚሻ ዬሎራ ታ ኤካና ማላ ቲርፒሲ ዛልዒዛ ኣሳስ ኔ ኢማናስ ቤሴሴሺን’ ጊዴስ። 
\p  
\v 28 “ ‘ኣኔ ሃዒ ኢዛፔ ሺ ቢራ ኤኪዲ ታሙ ሺ ቢራይ ዲዛዴስ ኢሚቴ።  
\v 29 ዲዛዴስ ጉጄታናኔ ዳሪ ዳሪ ባና፤ ባይንዳዴፌ ሄ ዲዛ ጉꬃያካ ኢዛፔ ኤኬታይቻና። \x * \xo 25:29 \xt ማቶ 13፡12፤ ማር 4፡25፤ ሉቃ 8፡18\x* 
\v 30 ሃይሳ ጎዓይ ባይንዳ ኣሽካራ ጌዴ ዬኪዛሶኔ ኣቼይ ጋርጬቲዛሶ ሄን ካሬን ዲዛ ꬉማን ኬሲ ዬጊቴ’ ጊዴስ። \x * \xo 25:30 \xt ማቶ 8፡12፤ 22፡13፤ ሉቃ 13፡28\x* 
\s1 ዉርሴꬃ ፒርዳ 
\p  
\v 31 “ኣሳ ናይ ባ ኪታንቻታ ኡባራ ቦንቾን ዪዛ ዎዴ ባ ቦንቾ ኣልጋ ቦላ ኡታና። \x * \xo 25:31 \xt ማቶ 16፡27፤ ማቶ 19፡28\x* 
\v 32 ዴሬይ ዉሪ ኢዛ ሲንꬂ ሺቃና፤ ኢዚካ ሜሄ ሄሚዛዴይ ዴይሺ ዶርሳፌ ቆሪ ሻኪዛ ማላ ኣሳ ኢሳ ኢሳፌ ቆሪ ሻካና።  
\v 33 ዶርሳታ ኢዛስ ኡሻቻ ባጋራ፥ ዴይሻታ ሃዲርሳ ባጋራ ኤሳና።  
\v 34 ሄ ዎዴ ካዎይ ኡሻቻ ባጋራ ዲዛይታ ‘ኢንቴኖ! ታ ኣዋይ ኢንቴና ኣንጂዳይቲ ሃ ዪቴ! ኣላሜይ ሜꬌቶሳፔ ኢንቴስ ጊጌቲዳ ካዎቴꬃ ላቲቴ! ጋና።  
\v 35 ጋሶይካ ታኒ ጋፊን ታና ሚዚዴታ፤ ታ ሳሜቲን ታና ኡሺዴታ፤ ታ ኢማꬃ ጊዳዳ ዪን ታና ሞኪ ኤኪዴታ።  
\v 36 ታ ካሎቲን ታና ማይዚዴታ፤ ታ ሳኬቲን ታና ሃርጊሲዴታ፤ ታ ቃሼቲን ታና ኦይቺዴታ’ ጋና። 
\p  
\v 37 “ፂሎቲካ ዛሪዲ ‘ጎዶ! ኔ ጋፊን ኑ ኔና ኣይዴ ሚዚዶኒ? ዎይኮ ኔ ሳሞቲን ኣይዴ ቤዪዲ ኑ ኔና ኡሺዶኒ?  
\v 38 ኑ ኣይዴ ኔና ቤዪዲ ኢማꬃቴꬅ ሞኪዶኒ? ዎይኮ ኣይዴ ኔ ካሎቲን ቤዪዲ ኔና ማይዚዶኒ?  
\v 39 ሄሳꬆካ ኔ ሳኬቲን ዎይኮ ቃሼቲን ኣይዴ ቤዪዲ ኔና ኦይቺዶኒ?’ ጋና።  
\v 40 ካዎይካ ዛሪዲ ‘ታ ኢንቴስ ቱሙ ጋይስ፤ ሃይታ ላፋ ጊዲዳ ታ ኢሻታፔ ኢሳዴስ ኦꬂዳይሲ ኢንቴ ታስ ኦꬂዳ ማላ’ ጋና። 
\p  
\v 41 “ቃሴካ ሃዲርሳ ባጋራ ዲዛይታስ፤ ‘ኢንቴኖ ቃንጌቲዳይቶ! ታፔ ሻኬቲዲ ዳቡሎሳሲኔ ኢዛ ኪታንቻታስ ጊጌቲዳ ሜርና ታማን ቢቴ ጋና።  
\v 42 ጋሶይካ ታ ጋፊን ታና ሚዚቤኬታ፤ ታ ሳሞቲን ታና ኡሺቤኬታ፤  
\v 43 ታና ኢማꬃቴꬅ ሞኪቤኬታ፤ ታ ካሎቲን ታና ማይዚቤኬታ፤ ታ ሳኬቲኒኔ ቃሼቲን ታና ኦይቺቤኬታ’ ጋና። 
\p  
\v 44 “ኢስቲካ ዛሪዲ ‘ጎዶ፥ ኔ ጋፊን ዎይኮ ኔ ሳሞቲን ዎይኮ ኔ ኢማꬅ ጊዲን ዎይኮ ኔ ካሎቲኒኔ ኔ ሳኬቲን ዎይኮ ኔ ቃሼቲን ኑ ኔና ቤዪዲ ኣይዴ ኔስ ጋኪቤኮኒ?’ ጋና። 
\p  
\v 45 “ሄ ዎዴ ኢዚካ ኢስታስ ዛሪዲ ‘ታ ኢንቴስ ቱሙ ጋይስ፤ ሃንታ ላፋ ታ ኢሻታፔ ኢሳዴስ ኢንቴ ኦꬆንታ ኣጊዳይሲ ታስ ኢንቴ ኦꬆንታ ኣጊዳ ማላ’ ጋና።  
\v 46 ሄይቲ ጌዴ ሜርና ፒርዳን ባና፤ ፂሎቲ ጊዲኮ ሜርና ዴዖኮ ባና” ጊዴስ። \x * \xo 25:46 \xt ዳኔ 12፡2\x* 
\c 26  
\s1 ኣይሁዳቲ ዬሱሳ ዎꬋናስ ማቄቲዳ 
\r (ማር 14፡1-2፤ ሉቃ 22፡1-2፤ ዮሃ 11፡45-53) 
\p  
\v 1-2 ዬሱሲ ሄሳ ሃሳዪ ዉርሲዳፔ ጉዬ ባና ካሊዛይታስ “ናምዑ ጋላሳፌ ጉዬ ፓዚጋ ጊዲዳይሳ ኤሬቲ? ኣሳ ናይ ካቄታናስ ኣꬊ ኢሜታና” ጊዴስ። \x * \xo 26:1-2 \xt ኬሳ 12፡1-27\x* 
\p  
\v 3-4 ሄሳፌ ጉዬ ቄሴታ ሃላቃቲኔ ዴሬ ጪማቲ ቃያፋ ጌቴቲዛ ቄሴታ ሃላቃ ጊቤን ሺቂዲ ሂላራ ዬሱሳ ኦይꬂዲ ዎꬊሳናስ ማቄቲዳ።  
\v 5 ጊዶ ኣቲን “ኣሳ ጊዶን ኦሺ ዴንዶንታ ማላ ባዓሌ ጋላስ ጊዶፖ” ጊዲ ቃቺዳ። 
\s1 ዬሱሳ ሺቶ ቲዪዳ ማጫሳዮ 
\r (ማር 14፡3-9፤ ዮሃ 12፡1-8) 
\p  
\v 6 ዬሱሲ ቢታኒያን ኢንቺራቻ ሃርጌራ ዲዛ ሲሞና ጌቴቲዛዴ ሶን ዲሺን፥  
\v 7 ኢሲ ማጫሲ ዲዛራ ዋጋይ ኬሂ ኣልዖ ጊዲዳ ኣልባስፂሮሴ ጌቴቲዛ ሺቶ ቢልቃፄ ኩሜꬅ ኦይካዳ ዬሱሳኮ ሺቃዳ ኢዚ ማዳን ኡቲዲሺን ኢዛ ሁዔ ቦላ ሺቶዛ ጉሳዱስ።\f + \fr 26:7 \fq ኣልባስፂሮሴ \ft ቦንቾ ሚሽ ኢዛፔ ኦሴቲዛ ቦꬃ ኣልዖ ሹቻ።\f*\x * \xo 26:7 \xt ሉቃ 7፡37-38\x* 
\v 8 ኢዛ ካሊዛይቲ “ሄሳ ቤዪዲ ሃይሲ ኣዛስ ሜላ ሞሬቲዜ?  
\v 9 ሺቶዚ ዳሮ ዋጋስ ባይዜቲዲ ሚሻይ ማንቆታስ ኢሜቲዛኮቺ?” ጊዳ። 
\p  
\v 10 ዬሱሲ ሄሳ ኤሪዲ “ሃኖ ማጫሳዮ ኣዛስ ዋይሴቲ? ኢዛ ታስ ሎዖ ኦꬃዱስ።  
\v 11 ማንቆቲ ኡባ ዎዴ ኢንቴናራ ዴቴስ፤ ታ ጊዲኮ ኡባ ዎዴ ኢንቴናራ ዲኬ ጊዴስ። \x * \xo 26:11 \xt ዛሬ 15፡11\x* 
\v 12 ኢዛ ሺቶዛ ታ ቦላ ጉሲዳይሲ ታና ሞጎስ ጊጊሳናሳ።  
\v 13 ታ ኢንቴስ ቱሙ ጋይስ፤ ሃይሲ ሚሺራቾ ቃላይ ሳባኬቲዛ ኣላሜ ዩሾን ኣዋንካ ኢዛ ኦꬂዳይሲ ኢዞ ቆፊሲዛዝ ጊዲዲ ሃሳዬታና” ጊዴስ። 
\s1 ዩሁዳይ ዬሱሳ ኣꬂ ኢማናስ ጊጌቲዴስ 
\r (ማር 14፡10-11፤ ሉቃ 22፡3-6) 
\p  
\v 14 ሄሳፌ ጉዬ ታማኔ ናምዓታፔ ኢሶይ ኣስቆሮንቶ ዩሁዳ ጌቴቲዛይሲ ቄሴታ ሃላቃታኮ ቢዲ፥  
\v 15 “ታ ኢንቴስ ኢዛ ኣꬃ ኢሚኮ ኢንቴ ታስ ኣይ ኢማኔ?” ጊዴስ። ኢስቲካ ኢዛስ ሄꬑ ታሙ ቢራ ኢዛ ኩሼን ታዪቢ ኢሚዳ። \x * \xo 26:15 \xt ዛካ 11፡12\x* 
\v 16 ሄ ጋላሳፌ ሲሚዲ ዩሁዳይ ዬሱሳ ኢስታስ ኣꬂ ኢማናስ ኢንጄ ዎዴ ናጊሼ ጋምዒዴስ። 
\s1 ጎዳ ካዎ 
\r (ማር 14፡12-21፤ ሉቃ 22፡7-13፤ ዮሃ 13፡21-30) 
\p  
\v 17 ኡኬꬃ ባዓሌ ጌቴቲዛ ባዓሌ ጋላስ ኢዛ ካሊዛይቲ ዬሱሳኮ ሺቂዲ “ኔ ፓዚጋ ማናሶ ኣዋን ጊጊሳና ማላ ኮያይ?” ጊዳ። 
\p  
\v 18 ኢዚካ ኢስታስ ዛሪዲ ጌዴ ካታማ ቢዲ ኤቤሎ ጌቴቲዛ ኣስ “ኣስታማሬይ ‘ታ ዎዴይ ማቲዳ ጊሽ ታና ካሊዛይታራ ፓዚጋ ታ ኔ ኬꬃን ቦንቻና ጊዴስ’ ጊዲ ዮቲቴ” ጊዴስ።  
\v 19 ኢዛ ካሊዛይቲካ ዬሱሲ ኢስታ ኣዛዚዳ ማላ ፓዚጋ ካዎ ጊጊሲዳ። 
\p  
\v 20 ጋዴይ ኦማርሲሺን ዬሱሲ ታማኔ ናምዓታራ ማዳን ኡቲዴስ።  
\v 21 ኢስቲ ሙሳን ዲሺን ኢዚ ኢስታስ “ታ ቱሙ ጋይስ፤ ኢንቴፌ ኢሶይ ኣꬂ ኢማና” ጊዴስ። 
\p  
\v 22 ኢስቲካ ኬሂ ሙዞቲዲ ታራን ታራን “ጎዶ ታኔሻ?” ጊዳ።  
\v 23 ኢዚካ ዛሪዲ “ታና ኣꬂ ኢማናዴይ ኬሬን ታናራ ኩሼ ዬዲዛዴ። \x * \xo 26:23 \xt ማዛ 41፡9\x* 
\v 24 ኢዛ ጊሽ ካሴ ፃፌቲዳይሳ ማላ ኣሳ ናይ ባና፤ ጊዶ ኣቲን ኣሳ ና ኣꬂ ኢሚዛዴስ ኣዬ-ኣና! ሄሳዴይ ዬሌቶንታ ኣቲዳኮ ኢዛስ ሎዖኮሺን” ጊዴስ።  
\v 25 ኢዛ ኣꬂ ኢማና ዩሁዳይ “ኣስታማሬ! ታኔሻ?” ጊዴስ። ኢዚካ “ኤ፥ ኔ ጊዳ ማላ” ጊዴስ። 
\p  
\v 26 ኢስቲ ሙሳን ዲሺን ዬሱሲ ሚዛ ቁማፔ ኤኪዲ ኣንጂዴስ። ሜንꬂዲኔ ባና ካሊዛይታስ ኢሚዲ “ሄዪቴ ሚቴ፤ ሃይሲ ታ ኣሾኮ” ጊዴስ።  
\v 27 ቃሴካ ኡሻ ዴንꬂዲ ጋላቲዲኔ ባና ካሊዛይታስ ኢሚዲ “ዉሪካ ሃይሳፌ ኡዪቴ፤  
\v 28 ዳሮ ኣሳ ናጋራፔ ማራና ጉኪዛ ታ ኦራꬃ ጫቆ ሱꬃይ ሃይሳ። \x * \xo 26:28 \xt ኬሳ 24፡8፤ ኤር 31፡31-34\x* 
\v 29 ታ ኢንቴስ ጊዛይ ታ ኣዋ ካዎቴꬃን ታ ኢንቴናራ ኦራꬃ ዎይኔን ኡሻዛ ኡያና ጋካናስ ሃይሳፌ ሲንꬃን ሃይሳ ዎይኔ ኡሻ ኢንቴናራ ኡዪኬ” ጊዴስ። 
\p  
\v 30 ማዛሙሬ ዬፂዳፔ ጉዬ ፑዴ ዳብራዛይቴ ጌቴቲዛ ዙማ ቦላ ኬዚዳ። 
\s1 ጴፅሮሲ ኢዛ ካዳናይሳ ዬሱሲ ካሴቲዲ ዮቲዴስ 
\r (ማር 14፡27-31፤ ሉቃ 22፡31-34፤ ዮሃ 13፡36-38) 
\p  
\v 31 ዬሱሲ ኢስታስ “ኢንቴ ዉሪ ሃቺ ኦማርሲ ታናን ꬉጴቲዲ ታና ዬጊ ባና፤ ‘ሄሚዛይሳ ታ ሾጫና፤ ሜሄቲኔ ላሌታና’ ጌቴቲዲ ካሴ ፃፌቲዴስ። \x * \xo 26:31 \xt ዛካ 13፡7\x* 
\v 32 ጊዶ ኣቲን ታኒ ዴንዲዳፔ ጉዬ ኢንቴፌ ሲንꬃታዳ ጌዴ ጋሊላ ባና” ጊዴስ። \x * \xo 26:32 \xt ማቶ 28፡16\x* 
\p  
\v 33 ጴፅሮሲ ዛሪዲ “ሃንኮይቲ ዉሪ ኔ ጌዶን ꬉጴቲኮካ ታኒ ሙሌካ ꬉጴቲኬ!” ጊዴስ።  
\v 34 ዬሱሲካ ኢዛስ ዛሪዲ “ቱሙ ጋይስ፤ ሃቺ ቃማ ኩቶይ ዋሶንታ ካሴታዳ ሄꬑቶ ኔ ታና ካዳና” ጊዴስ።  
\v 35 ጴፅሮሲ ቃሴ “ኔናራ ታ ሃይቃና ኮሺኮካ ሙሌካ ታ ኔና ካዲኬ!” ጊዴስ። ዬሱሳ ካሊዛ ሃንኮይቲካ ኩሜꬅ ኢዛይሳꬆካ ጊዳ። 
\s1 ጌቴሴማኔን ዬሱሳ ዎሳ 
\r (ማር 14፡32-42፤ ሉቃ 22፡39-46) 
\p  
\v 36 ሄሳፌ ጉዬ ዬሱሲ ባና ካሊዛይታራ ጌዴ ጌቴሴማኔ ጌቴቲዛሶ ቢዴስ። ኢስታካ “ሄ ባዳ ታ ዎሲሺን ኢንቴ ሃይሳን ኡቲሺቴ” ጊዴስ።  
\v 37 ጴፅሮሳራ ዛቢዶሳ ናይታ ናምዓታ ባናራ ኤኪ ቢዲ ሙዞቴꬂኔ ዳሮ ቆፎ ኦይኪዴስ።  
\v 38 ሄሳፌካ “ታ ሼምፖያ ሃይቃና ጋካናስ ዳሮ ሙዞታዱስ፤ ታናራ ሚኒዲ ሃኒን ታኪቴ” ጊዴስ። 
\p  
\v 39 ኢስታፌ ጉꬅ ጌዴ ሃኪ ቢ ጉፓንዲ “ታ ኣዋዉ! ኔስ ዳንዳዬቲኮ ሃይሲ ሜቶይ ታፔ ኣꬎ፤ ጊዶ ኣቲን ታኒ ኮይዳ ማላ ጊዶንታ ኔኒ ኮይዳ ማላ ሃኖ” ጊ ዎሲዴስ።  
\v 40 ሄሳፌ ሲሚዲ ባና ካሊዛይታኮ ዪዲ ኢስቲ ꬊስኪሺን ዴሚዴስ። ጴፅሮሳካ “ሃይቶ ኣሳቶ! ኢንቴ ታናራ ኢሲ ሳቴኮኔ ሚናናስ ፆኒዴ?  
\v 41 ፓጬን ኢንቴ ጌሎንታ ማላ ሚኒዲ ዎሲቴ፤ ኣያናይ ጊጌቲዴስ ሺን ኣሾይ ጊዲኮ ዳቡራንቻ” ጊዴስ። 
\p  
\v 42 ቃሴካ ናምዓንꬆ ቢዲ “ታ ኣዋዉ! ሃይሳ ኡያናሲ ታስ ኣቶንታ ሚሽ ጊዲኮ ኔ ሼኔይ ፖሌቶ” ጊዲ ዎሲዴስ።  
\v 43 ቃሴካ ኢዚ ዪሺን ኢስታ ኣይፌን ꬊስኮይ ዴፂዳ ጊሽ ኢቺዳይታ ቤዪዴስ።  
\v 44 ኢስታ ኣጊዲ ቃሴካ ቢዲ ሄꬓንꬆ ካሴ ዎሲዳ ቃላ ዛሪ ዎሲዴስ። 
\p  
\v 45 ሄሳፌ ባና ካሊዛይታኮ ሲሚዲ “ሃዒካ ሼምፒዲ ꬊስኪዴቲ? ሄኮ ሃዒ ሳቴይ ማቲዴስ፤ ኣሳ ናይ ናጋራንቻታ ኩሼን ኣꬊ ኢሜታና።  
\v 46 ዴንዲቴ ኣኔ ቦስ! ታና ኣꬂ ኢሚዛዴይ ዩሳ ቦላ ዴስ” ጊዴስ። 
\s1 ዬሱሲ ኦይኬቲዴስ 
\r (ማር 14፡43-50፤ ሉቃ 22፡47-53፤ ዮሃ 18፡3-12) 
\p  
\v 47 ኢዚ ሃሳዪሺን ታማኔ ናምዓታፔ ኢሶይ ዩሁዳይ ዪዴስ። ቄሴታ ሃላቃቲኔ ዴሬ ጪማቲ ዬዲዳ ዳሮ ኣሳይ ቶራኔ ዱርቃ ኦይኪዲ ዩሁዳራ ኢሲፌ ዴስ።  
\v 48 ዩሁዳይካ “ታ ዬሪዛዴይ ኢዛ ጊዲዳ ጊሽ ኦይኪቴ” ጊዲ ካሴ ዮቲ ዎꬂዴስ። 
\p  
\v 49 ሲቲ ጊ ዬሱሳኮ ቢዲ “ኣስታማሬ! ሳሮ” ጊሼ ዬሱሳ ዬሪዴስ።  
\v 50 ዬሱሲካ “ታ ላጌ! ኔ ዪዳ ቆፋ ፖላ” ጊዴስ። ሄራካ ኣሳይ ሺቄቲዲ ዬሱሳ ኦይኪዲ ቃቺዴስ።  
\v 51 ዬሱሳራ ዲዛይታፔ ኢሶይ ጊꬃ ማሻ ሾዲዲ ቄሴታ ሃላቃዛ ኣሽካራ ሃይꬅ ቃንፂዴስ። 
\p  
\v 52 ዬሱሲካ “ኣኔ ኔ ማሻ ኮሆን ዛራ ጌልꬃ፤ ማሻ ሾዲዛይቲ ማሻን ꬋያና።  
\v 53 ኮሺኮ ታኒ ታ ኣዋ ኦይቺዛኮ ዳሮ ሺዬን ቆዴቲዛ ኦሊዛ ኪታንቻ ታስ ዬዶንታ ኣጋና ሚሳቲዜ?  
\v 54 ሄሳꬆ ኦꬂኮ ቃሴ ጌሻ ማፃፋታን ሃናና ጌቴቲዳይሲ ዋኒ ፖሌታኔ?” ጊዴስ። 
\p  
\v 55 ሄ ዎዴ ዬሱሲ ኣሳ “ፓንጋ ኦይኪዛ ኣሳꬆ ማሻኔ ዱርቃ ኤኪዲ ታና ኦይካና ዪዴቲ? ዎንቲን ዎንቲን ፆሳ ኬꬃን ኡታዳ ታ ታማርሲሺን ካሴ ኦይኪቤኬታ ሺን። \x * \xo 26:55 \xt ሉቃ 19፡47፤ 21፡37\x* 
\v 56 ጊዶ ኣቲን ሃይሲ ዉሪካ ሃኒዳይሲ ካሴ ናቤቲ ጌሻ ማፃፋታን ዮቲዳይሲ ፖሌታናሳ” ጊዴስ። ሄ ዎዴ ዬሱሳ ካሊዛይቲ ኢዛ ዬጊዲ ꬋዪዳ። 
\s1 ዬሱሲ ፒርዳ ዱላታ ሲንꬅ ኣꬊዴስ 
\r (ማር 14፡53-65፤ ሉቃ 22፡54-55፥63-71፤ ዮሃ 18፡13-14፥19-24) 
\p  
\v 57 ሄ ዎዴ ዬሱሳ ኦይኪዲ ኣሳቲ ሙሴ ዎጋ ኣስታማሬቲኔ ዴሬ ጪማቲ ኢሲፌ ሺቂዳሶን ቄሴታ ሃላቃ ቃያፋኮ ኤፊዳ።  
\v 58 ጊዶ ኣቲን ጴፅሮሲ ቄሴታ ሃላቃ ጊቤ ጋካናስ ሃሆራ ዬሱሳ ካሊዴስ። ጊቤ ጊዶ ጌሊዲ ሃኒዛይሳ ዉርሴꬅ ቤያናስ፥ ጊቤ ናጊዛይታራ ኡቲዴስ። 
\p  
\v 59 ሄ ዎዴ ቄሴታ ሃላቃቲኔ ኣይሁዳታ ዱላታይ ኩሜꬅ ዬሱሳ ዎꬊሳናስ ዎርዶ ማርካ ኮዪዴስ።  
\v 60-61 ዎርዶ ማርካቲ ዳሮቲ ሺቂኮካ ቤሲዛ ማርካቴꬅ ዴሚቤቴና፤ ጊዶ ኣቲን ጉዬፔ ናምዑ ኣስ ዳይቲ ሺቂዲ “ሃይሲ ኣዴዚ ‘ታ ፆሳ ኬꬃ ላላዳ ሄꬑ ጋላሳራ ዛራዳ ኬፃና ዳንዳያይስ’ ጊዴስ” ጊዲ ማርካቲዳ። \x * \xo 26:60-61 \xt ዮሃ 2፡19\x* 
\p  
\v 62 ሄሳ ሲዪዳ ቄሴታ ሃላቃይ ኡቴꬃፌ ዴንዲ ኤቂዲ “ሃይቲ ኣሳቲ ኔ ቦላ ማርካቲዛይሳስ ኣይኮካ ዛሪኪ?” ጊዴስ።  
\v 63 ዬሱሲካ ጮዑ ጊዴስ። ቄሴታ ሃላቃይ “ታ ኔና ዴዖ ፆሳ ሱንꬃን ኦይቻይስ! ኔኒ ኪርስቶሳ፥ ፆሳ ና ጊዲኮ ታስ ዮታ!” ጊዴስ። 
\p  
\v 64 ዬሱሲካ “ኔ ጎይሳካ ማላ፤ ጊዶ ኣቲን ኢንቴስ ኡባስ ታ ዮቲዛይ ሲንꬃፌ ኣሳ ናይ ዎልቃማዛ ኡሻቻን ኡቲዲ ሳሎ ሻራራ ዪዛ ዎዴ ኢንቴ ቤያና” ጊዴስ። \x * \xo 26:64 \xt ዳኔ 7፡13\x* 
\p  
\v 65 ሄ ዎዴ ቄሴታ ሃላቃይ ባ ማይዖ ዳኪዲ “ፆሳ ቦላ ጫሻ ቃላ ሃሳዪዴስ፤ ኑስ ሃይሳፌ ኣꬊዛ ሃራ ኣዛ ማርካ ኮሺዜ! ፆሳ ቦላ ጫሻ ቃላ ኢዚ ሃሳዪሺን ኢንቴ ኢንቴ ሃይꬃራ ሲዪዴታ።  
\v 66 ኢንቴስ ኣይ ሚሳቲዜ?” ጊዴስ። ኢስቲካ ዛሪዲ ኢዛስ “ሃይቆይ ቤሴስ” ጊዳ። 
\p  
\v 67 ሄ ዎዴ ዬሱሳ ኣይፌሶን ጩቲሼ ኢጪዳ፤ ባጋይቲ ባቂሼ፥  
\v 68 “ኪርስቶሳ! ኔ ኔና ናቤ ጋሳሺን ኔና ባቂዳይ ኦናኮኔ ኣኔ ኑስ ዮታ” ጊዳ። 
\s1 ጴፅሮሲ ዬሱሳ ካዲዴስ 
\r (ማር 14፡66-72፤ ሉቃ 22፡56-62፤ ዮሃ 18፡15-18፥25-27) 
\p  
\v 69 ሄሳፌ ጉዬ ጴፅሮሲ ቄሴታ ሃላቃ ጊቤን ኡቲ ዲሺን ኢሲ ኬꬃ ጊዶን ኦꬂዛ ማጫስ ዲዛራ ኢዛኮ ሺቃዳ “ኔኒካ ጋሊላ ዬሱሳራ ዲዛዴ!” ጋዱስ። 
\p  
\v 70 ኢዚ ቃሴ “ኔ ኣይ ጊዛኮኔ ታ ኤሪኬ!” ጊዲ ኡባ ኣሳ ሲንꬃን ካዲዴስ።  
\v 71 ጊቤዛፔ ኬዚዛ ፔንጌ ኢዚ ቢሺን ኢሲ ሃራ ኦሳንቻያ ኢዛ ፄላዳ ሄን ጋዳን ዲዛይታስ “ሃይሲ ኣዴዚ ናዚሬቴ ዬሱሳራ ዲዛዴኮ!” ጋዱስ። 
\p  
\v 72 ኢዚካ “ታ ኢዛ ኤሪኬ!” ጊዲ ናምዓንꬆ ካዲዴስ።  
\v 73 ጉꬅ ጋምዒሺን ሄን ኤቂዳ ኣሳቲ ሺቂዲ ጴፅሮሳ “ኔ ሃሳያይ ኔ ሃይታራ ዲዛይሳ ቆንጪሴስ፤ ቱማፔ ኔ ኢስታ ባጋ ኣሳ” ጊዳ።  
\v 74 ኢዚካ ጫቂሼኔ ኣማቲሼ ሄሳ ኣዴዛ “ታ ኤሪኬ!” ጊዴስ። ሄራካ ኩቶይ ዋሲዴስ። 
\p  
\v 75 ሄሳ ዎዴ ዬሱሲ ካሴ ጴፅሮሳስ “ኩቶይ ዋሳናስ ኔ ታና ሄꬑቶ ካዳና” ጊዲ ዮቲዳ ቃላይ ቆፌቲን፥ ጴፅሮሲ ካሬ ኬዚዲ ጫሞ ዬሆ ዬኪዴስ። 
\c 27  
\s1 ዩሁዳይ ካቄቲ ሃይቂዴስ 
\r (ማር 15፡1፤ ሉቃ 23፡1-2፤ ዮሃ 18፡28-32) 
\p  
\v 1 ማላዶ ዎንታራ ቄሴታ ሃላቃቲኔ ዴሬ ጪማቲ ዉሪካ ዬሱሳ ዎꬋና ኦጌ ዞሬቲዳ።  
\v 2 ዬሱሳ ቃቺ ኤፊዲ ጋዤ ጲላፆሳስ ኣꬂ ኢሚዳ። 
\p  
\v 3-4 ኢዛ ኣꬂ ኢሚዳ ዩሁዳይካ ዬሱሳ ቦላ ፒርዴቲዳይሳ ቤዪዲ “ኣꬃ ኢሞንታ ኣጋርኪና” ጊዲ ባ ኤኪዳ ሄꬑ ታሙ ቢራ ቄሴታ ሃላቃታሲኔ ዴሬ ጪማታስ ዛሪ ኢሚዲ “ፂሎ ኣስ ኣꬃ ኢሚዳ ጊሽ ታ ሞራዲስ” ጊዴስ። ኢስቲካ “ሂስቲን ኑስ ኣይ ሜቶ! ኔ ኤራ ኤካ!” ጊዳ።  
\v 5 ሄሳ ጊሽ ዩሁዳይ ቢራ ኤፊዲ ፆሳ ኬꬃ ጊዶን ዬጊዲ ኬዚ ቢዲ ጩሌቲ ሃይቂዴስ። 
\p  
\v 6 ቄሴታ ሃላቃቲ ቢራ ዴንꬂዲ “ሱꬃ ዋጋ ጊዲዳ ጊሽ ፆሳ ኬꬃ ሚሻን ጉጃናስ ቤሴና” ጊዳ።  
\v 7 ባ ጊዶን ዞሬቲዲ ኢማꬅ ጊዲዳ ኣሳታስ ዱፎ ጊዳና ማላ ኢሲ ኡርቃ ሚሽ ሜꬊዛ ሂላዛ ጋዴ ሻሚዳ።  
\v 8 ሄሳ ጊሽ ሄ ጋዴይ ሃቺ ጋካናስ ሱꬃ ጋዴ ጌቴቴስ። 
\p  
\v 9-10 ኢዛስ ዋጋ ጊዳና ማላ “ኢስራዔሌ ናይቲ ሄሬጊዳ ሄꬑ ታሙ ቢራ ቆዲ ኤኪዳ። ፆሲ ታና ኣዛዚዳ ማላ ኡርቃ ሜꬊዛ ሂላዛ ጋዴስ ኢሚዳ” ጌቴቲዲ ናቤ ኤርማሳ ዱናን ዮቴቲዳይሲ ፖሌቲዴስ። 
\s1 ዬሱሲ ጲላፆሳ ሲንꬃን 
\r (ማር 15፡2-5፤ ሉቃ 23፡3-5፤ ዮሃ 18፡33-38) 
\p  
\v 11 ሄ ዎዴ ዬሱሲ ዴሬ ሃሪዛይሳ ሲንꬅ ሺቂዴስ። ዴሬ ሃሪዛይሲካ “ኔኒ ኣይሁዳ ካዎ?” ጊዲ ኦይቺዴስ። ዬሱሲካ “ኔ ጊዳ ማላ ጊዶ” ጊዴስ።  
\v 12 ቄሴታ ሃላቃቲኔ ዴሬ ጪማቲ ኢዛ ሞቲሺን ዬሱሲ ኢስታስ ኣይኔ ዛሪቤና።  
\v 13 ሄ ዎዴ ጲላፆሲ ዬሱሳ “ኣፑን ዮዖን ኔና ሞቲዛኮኔ ሲዪኪ?” ጊዴስ።  
\v 14 ዴሬ ሃሪዛይሲ ኬሂ ማላሌታና ጋካናስ ዬሱሲ ኢሲ ቃላካ ዛሪቤና። 
\p  
\v 15 ዴሬ ሃሪዛይሳስ ባዓሌ ጋላስ ዴሬይ ቃሾ ኣሳፔ “ኤቤሎይ ኑስ ቢርሼቶ!” ጊ ኦይቺኮ ኢሳዴ ቢርሺዛ ዎጋይ ዴስ።  
\v 16 ሄ ዎዴ ጌኔ ኦሶን ኤሬቲዳ ባርባኔ ጌቴቲዛ ኢሲ ቃሾ ኣሲ ዴስ።  
\v 17 ዴሬይ ሺቂዳ ማላ ጲላፆሲ “ባርባኔፔኔ ኪርስቶሳ ጌቴቲዛ ዬሱሳፔ ታ ኢንቴስ ኦና ቢርሻና ማላ ኮዬቲ?” ጊዴስ።  
\v 18 ጲላፆሲ ኢስቲ ጮ ቃናቴስ ኣꬂ ኢሚዳይሳ ኤሪሼ ኦይቺዴስ። 
\p  
\v 19 ኢዚ ፒርዳ ኣልጋ ቦላ ኡቲ ዲሺን ኢዛ ማቼያ “ኢዛ ጌዶን ሃቺ ታኒ ኣጉሞራ ዳሮ ሜቶታዲስ፤ ሄሳ ፂሎ ኣዴዛ ቦላ ኔ ኣይኮካ ኦꬆንታ ማላ” ጊዛ ኪታ ጲላፆሳስ ዬዳዱስ። 
\p  
\v 20 ጊዶ ኣቲን ቄሴታ ሃላቃቲኔ ጪማቲ ኢስታስ ባርባኔይ ቢርሼታና ማላኔ ቃሴ ዬሱሳ ዎꬋና ማላ ዎሳናስ ዴሬዛ ቃላይ ጋጋና ማላ ኦꬂዳ።  
\v 21 ዴሬ ሃሪዛይሲ “ናምዓታፔ ኦና ቢርሻና ማላ ኮዬቲ?” ጊ ኦይቺን፥ ኢስቲ “ባርባኔ ቢርሻ!” ጊዳ። 
\p  
\v 22 ጲላፆሲካ “ሂስቲኮ ኪርስቶሳ ጌቴቲዛ ዬሱሳ ዎስቶ?” ጊዴስ። ዉሪካ “ካቄቶ!” ጊዳ። 
\p  
\v 23 ጲላፆሲካ ኣይሲ? “ኣይ ኢታ ኦꬂዴ?” ጊዲ ኢስታ ኦይቺዴስ። ኢስቲካ ቃሴ ኬሂ ዋሲዲ “ካቄቶ!” ጊዳ።  
\v 24 ጲላፆሲ ሃኒዛይሲ ዉሪካ ኣሳይ ባ ጊዶን ቡልዓኬቴꬃፌ ኣቲን ሃራ ኣይ ጎዓይ ባይንዳይሳ ዩሺ ፄሊዲ “ሃይሳ ኣዴዛ ሱꬃ ጎሜፔ ታ ጌሻ፤ ሃይሳፌ ጉዬ ኢንቴ ሼኔ” ጊዲ ሃꬂ ኤሂሲዲ ዴሬዛ ሲንꬃን ባ ኩሼ ሜጬቲዴስ። \x * \xo 27:24 \xt ዛሬ 21፡6-9\x* 
\p  
\v 25 ዴሬይ ዉሪ “ኢዛ ሱꬂ ኑ ቦላኔ ኑ ናይታ ቦላ ጋኮ” ጊዲ ዛሪዴስ።  
\v 26 ሄ ዎዴ ባርባኔ ኢስታስ ቢርሺዲ ዬሱሳ ጋራፊሲዳፔ ጉዬ ካቃና ማላ ኣꬂ ኢሚዴስ። 
\s1 ዎታዳራቲ ዬሱሳ ቦላ ቂሊጪዳ 
\r (ማር 15፡16-21፤ ዮሃ 19፡2-3) 
\p  
\v 27 ሄሳፌ ዎታዳራቲ ዬሱሳ ጌዴ ዴሬ ሃሪዛይሳ ጊቤ ኤኪ ቢዲ ዉሪ ሺቂዲ ዬሱሳ ጊዶ ኣꬂዳ።  
\v 28 ኢዛ ማይዖ ቃሪዲ ሃራ ዞዖ ማይዖ ማይዚዳ።  
\v 29 ኣጉንꬃ ኣክሊሌ ፃፂዲ ጊጊሲዳ፤ ኢዛ ሁዔ ቦላ ዎꬂዳ፤ ሾምቦቆ ጉፌ ኡሻቻ ኩሼን ኦይꬂዲኔ ኢዛ ሲንꬃን ጉልባቲዲ “ኣይሁዳ ካዎ! ኢንቴስ ቶ!” ጊዲ ኢዛ ቂꬊዳ።  
\v 30 ኢዛ ቦላ ጩቲዳ፥ ሾምቦቆ ጉፌዛ ኢዛ ኩሼፔ ኤኪዲ ዬሱሳ ሁዔን ዛሪ ዛሪዲ ሾጪዳ።  
\v 31 ኢዛ ቦላ ቂꬊ ካዒዳይሳፌ ጉዬ ቃሴካ ዞዖ ማይዖዛ ቃሪ ኤኪዲኔ ካሴ ኢዛ ማይዖዛ ዛሪ ማይዚዲ ካቃናሶ ኤኪ ቢዳ። 
\s1 ዬሱሳ ካቄቴꬅ 
\p  
\v 32 ኢስቲ ኤኪ ቢሺን ቃሬና ጌቴቲዛሶፔ ዪዳ ሲሞና ጌቴቲዛይሳ ዴሚዲ ማስቃሌዛ ኢዛ ዎልቃራ ቶሲዳ።  
\v 33-34 ቢርሼቻይ “ሁዔ ጉጌ” ጌቴቲዛ ጎልጎታ ጋኪሺን ጪዬራ ዋላኬቲዳ ዎይኔ ጫጄ “ኡያ” ጊዲ ኢሚዳ፤ ጊዶ ኣቲን ኢዚ ጋንፂ ኤኪዲ ኡያና ኮይቤና። \x * \xo 27:33-34 \xt ማዛ 69፡21\x* 
\v 35 ኢዛ ካቂዳፔ ጉዬን ኢዛ ማይዖዛ ቦላ ሳማ ዬጊዲ ጊሼቲዳ።  
\v 36 ሄን ኡቲዲ ኢዛ ናጊዳ።  
\v 37 “ሃይሲ ኣይሁዳ ካዎ ዬሱሳ” ጊዛ ሞቶ ቃላ ኢዛ ሁዔፔ ቦላራ ዎꬂዳ።  
\v 38 ናምዑ ዎምባዴታፔ ኢሶይ ዬሱሳፔ ኡሻቻ ባጋራ፥ ኢሶይ ሃዲርሳ ባጋራ ኢዛራ ኢሲፌ ካቄቲዳ። 
\p  
\v 39-40 ኦጌራ ኣꬊ ቢዛ ኣሳይ ጫዪሼኔ ሁዔ ቃꬂሼ \x * \xo 27:39-40 \xt ማዛ 22፡7፤ 109፡25\x* “ፆሳ ኬꬃ ላላዳ ሄꬑ ጋላሳን ሃራ ኬፃና ጊዛይሶ! ኣኔ ኔና ኣሻ፥ ኔ ፆሳ ና ጊዲኮ ኣኔ ማስቃሌ ቦላፌ ዎꬋ” ጊዳ። \x * \xo 27:39-40 \xt ማቶ 26፡61፤ ዮሃ 2፡19\x* 
\p  
\v 41 ቄሴታ ሃላቃቲ ዴሬ ጪማታራ ጊዲዲ ኢዛ ቦላ ቂꬊሼ፤  
\v 42 “ሃራ ኣሳ ኣሺዴስ ሺን ባና ኣሻናስ ዳንዳይቤና፤ ኢዚ ኢስራዔሌ ካዎ ጊዲኮ ኣኔ ሃዒ ማስቃሌ ቦላፌ ዎꬎ፤ ኑካ ኢዛ ኣማናና።  
\v 43 ፆሳን ኣማኔቲዴስ፤ ባና ፆሳ ና ጊዳ ማላ ፆሲ ኢዛ ዶሲዛ ጊዲኮ ኣኔ ሃዒ ኢዛ ኣሾ” ጊዳ። \x * \xo 27:43 \xt ማዛ 22፡8\x* 
\v 44 ኢዛራ ኢሲፌ ካቄቲዳ ፓንጋቲካ ሄሳꬆ ጫሻ ቃላ ኢዛ ቦላ ቆቆፊዳ። 
\s1 ዬሱሳ ሃይቆ 
\r (ማር 15፡33-41፤ ሉቃ 23፡44-49፤ ዮሃ 19፡28-30) 
\p  
\v 45 ጋላሳፌ ኡሱፑን ሳቴፔ ቢዲ ኡዱፉን ሳቴ ጋካናስ ኩሜꬃ ቢታይ ꬉሚዴስ።  
\v 46 ኡዱፉን ሳቴ ጊዲሺን ዬሱሲ ቃላ ꬎቁ ሂስቲዲ “ኤሎሄ! ኤሎሄ! ላማ ሳባቂታን” ጊዲ ዋሲዴስ። ሄሳ ጉሳስ ቢርሼꬃይ “ታ ፆሶ! ታ ፆሶ! ታና ኣይሲ ኣጋዲ?” ጉሳ። \x * \xo 27:46 \xt ማዛ 22፡1\x* 
\v 47 ሄን ጋዳን ኤቂዳ ኣሳታፔ ኢሲ ኢሲ ኣሳቲ ኢዛ ዋሶዛ ሲይዲ “ኤላሳ ፄይጌስኮ!” ጊዳ።  
\v 48 ኢስታፌ ኢሳዴይ ዎፂ ቢዲ ዛንꬓ ሚሳቲዛ ሴፊኔጌ ጌቴቲዛ ሚሽ ኤኪዲ ጫሊዳ ዎይኔ ጫጄን ዬጊ ጫጲሲዲኔ ሾምቦቆ ጌቴቲዛ ሚꬃ ፄራን ቃጲዲ ኡያና ማላ ዬሱሳ ዱናኮ ሺሺዴስ። \x * \xo 27:48 \xt ማዛ 69፡21\x* 
\v 49 ሃንኮ ኣሳይ ቃሴ “ኣጋጊቴ ኣኔ፥ ኤላሲ ዪዲ ኢዛ ኣሺን ቤያና” ጊዳ።  
\v 50 ዬሱሲ ቃሴካ ꬎቃ ቃላን ዋሲዲ ሼምፖ ኬዚዴስ። 
\p  
\v 51 ሄ ዎዴ ፆሳ ኬꬃ ማጋላሻይ ቦላ ሁዔራ ዱጌ ሲሚ ዳኬቲዲ ናምዑ ኬዚዴስ፤ ቢታይ ቃፂዴስ፤ ዛላቲ ዛዒዳ። \x * \xo 27:51 \xt ኬሳ 26፡31-33\x* 
\v 52 ዱፎቲ ዶዬቲዳ፤ ካሴ ሃይቂዳ ፆሳ ኣሳፔ ዳሮ ባጋይ ዴንዲዴስ።  
\v 53 ዱፎፔ ኬዚዲ ዬሱሳ ዴንꬃፌ ጉዬ ጌዴ ጌሻ ካታማ ጌሊዲ ዳሮታ ኣይፌን ቤቲዳ።  
\v 54 ማቶ ሃላቃይኔ ኢዛራ ኢሲፌ ዬሱሳ ናጊዛይቲ ቢታ ቃꬃኔ ሃኒዳይሳ ዉርሲ ቤዪዲ ዳሮ ባቢዳ። ቃሴ “ሃይሲ ቱማፔ ፆሳ ናኮ!” ጊዳ።  
\v 55 ጋሊላፔ ዪዲ ዬሱሳ ኮሺዛዛን ኦꬂ ማዳናስ ካሊዛ ዳሮ ማጫሳቲ ሃኒዛይሳ ዉርሲካ ሃሆራ ፄሊሼ ሄን ዴቴስ።  
\v 56 ኢስታ ጊዶን ማግዳሌፔ ዪዳ ማራሚራኔ፥ ያቆቤኔ ዮሴፌ ኣዮ ማራሚራ፥ ቃሴካ ዛቢዶሳ ናይታ ኣዬዪራ ኢሲፌ ዴቴስ። 
\s1 ዬሱሲ ሞጌቲዴስ 
\r (ማር 15፡42-47፤ ሉቃ 23፡50-56፤ ዮሃ 19፡38-42) 
\p  
\v 57 ጋዴይ ኦማርሲሺን ዮሴፌ ጌቴቲዛ ኢሲ ዱሬ ኣዴ ዳይሲ ኣርማቲያሳ ጌቴቲዛሶፔ ዪዴስ። ኢዚካ ባ ባጋራ ዬሱሳ ካሊዛዴ።  
\v 58 ኢዚ ጲላፆሳ ሲንꬂ ሺቂዲ ዬሱሳ ኣሃ ኢዛስ ኢማና ማላ ዎሲን ጲላፆሲካ ኢዛስ ኢማና ማላ ኣዛዚዴስ።  
\v 59 ዮሴፌይ ኣሃ ኤኪዲ ጌሺዛ ሞጎ ኣፋላን ፃፂዴስ።  
\v 60 ሹች ዎጪዲ ባሲ ጊጊሲዳ ዱፎን ኤፊ ዎꬂዲ ጊታ ሹች ጌንዴርሲዲ ዱፎዛ ጎርዲዴስ።  
\v 61 ሄሳ ዎዴ ማግዳሌ ማራሚራኔ ሃራ ማራሚራ ዱፎዛ ጊናን ኡቲዳ። 
\p  
\v 62 ሳምባታስ ጊጌቲዛ ዎንቴꬃ ጋላስ ቄሴታ ሃላቃቲኔ ፋርሳዌቲ ጲላፆሳ ሲንꬅ ሺቂዲ፥  
\v 63 “ጎዶ! ሄ ዎርዶይ ካሴ ፓፃ ዲሼ ‘ሄꬑ ጋላሳፌ ጉዬ ታ ዴንዳና’ ጊዳ ቃላይ ኑ ዎዝናን ቱርቹ ጊዴስ። \x * \xo 27:63 \xt ማቶ 16፡21፤ 17፡23፤ 20፡19፤ ማር 8፡31፤ 9፡31፤ 10፡33-34፤ ሉቃ 9፡22፤ 18፡31-33\x* 
\v 64 ሄሳ ጊሽ ኢዛ ካሊዛይቲ ኢዛ ኣሃ ካይሶቲ ኤኪዲ ዴሬስ ‘ኢዚ ሃይቆፔ ዴንዲዴስ’ ጊዲ ዎሬሶንታ ማላ ሄꬓንꬆ ጋላስ ጋካናስ ዱፎይ ናጌታና ማላ ኣዛዛ፤ ኣካይ ጊኮ ካሴይሳፌ ጉዬ ባላይ ኣꬌꬅ ጊዳና” ጊዳ።  
\v 65 ጲላፆሲ “ኢንቴስ ናጊዛይቲ ዴቴስ፤ ቢዲኔ ኢንቴስ ኤሬቲዳ ማላ ናጊሲቴ” ጊዴስ።  
\v 66 ኢስቲካ ቢዲ ዱፎዛ ዱና ማታሜን ጎርዲዲ ናጋና ዛቤ ኤሲዳ። 
\c 28  
\s1 ዬሱሲ ሃይቆፔ ዴንዲዴስ 
\r (ማር 16፡1-8፤ ሉቃ 24፡1-12፤ ዮሃ 20፡1-10) 
\p  
\v 1 ሳምባታይ ኣꬊዳፔ ጉዬ ሳሚንታፔ ኮይሮ ጋላስ ቡሮ ሳሎይ ዞዒሺን ማግዳሌ ማራማኔ ሃራ ማራማ ዱፎዛ ቤያና ቢዳ።\f + \fr 28:1 \fk ሳምባታ \ft ሃይሳ ቦላ ሳምባታይ ቄራ ጋላሳ።\f* 
\v 2 ቆፖንታ ዲሺን ጊታ ቢታ ቃꬂ ሃኒዴስ፤ ጎዳ ኪታንቻይካ ሳሎፔ ዎꬊ ዱፋኮ ቢዲ ሹቻ ጌንዴርሲዲ ኢዛ ቦላ ኡቲዴስ።  
\v 3 ኪታንቻስ ሜꬋይ ዎልቃንꬃ ፖዖ ማላ፤ ማይዖይካ ሻቻ ማላ ቦꬃ።  
\v 4 ዱፎ ናጊዛይቲ ኪታንቻዛስ ባቢዲ ኮኮሪዲኔ ሃይቄꬅ ሚሳቲዳ። 
\p  
\v 5-6 ኪታናቻይ ማጫሳታ “ባቦፍቴ፤ ኢንቴ ካቄቲዳ ዬሱሳ ኮዪዛይሳ ታ ኤራይስ፤ ኢዚ ሃዒ ሃን ባዋ፤ ኢዚ ካሴ ዮቲዳ ማላ ሃይቆፔ ዴንዲዴስ፤ ሃ ዪዲ ኢዚ ኢቺዳሶ ቤይቴ።  
\v 7 ሃዒካ ኤሌሊ ቢዲ ኢዛ ካሊዛይታስ ‘ሃይቆፔ ዴንዲዴስ። ኢንቴፌ ካሴቲዲ ጋሊላ ቤስ፤ ኢንቴ ኢዛ ሄን ዴማና’ ጊዲ ዮቲቴ። ሂዓ ታ ኢንቴስ ዮታዲስ” ጊዴስ።  
\v 8 ማጫሳቲካ ባቦኒኔ ኡፋይሳን ኩሚዲ ኢዛ ካሊዛይታስ ዮታናስ ኤሌሊዲ ዎꬃን ዱፎይ ዲዛሶ ዬጊ ኣጊዲ ቢዳ። 
\p  
\v 9 ሄራካ ዬሱሲ ኢስታ ዴሚዲ “ሃይቶ ሳሮ” ጊዴስ። ኢስቲካ ዬሱሳኮ ሺቂዲኔ ኢዛ ቶሆ ኦይኪዲ ኢዛስ ጎይኒዳ።  
\v 10 ዬሱሲ ኢስታ “ባቦፍቴ! ቢዲኔ ኢስቲ ጋሊላ ባና ማላ ታ ኢሻታስ ዮቲቴ። ኢስቲ ታና ሄን ቤያና” ጊዴስ። 
\s1 ናጊዛይታ ማርካቴꬅ 
\p  
\v 11 ማጫሳቲ ቡሮ ኦጌ ቦላ ዲሺን ናጊዛይታፔ ጉꬃ ባጋቲ ካታማ ቢዲ ሃኒዳይሳ ዉርሲ ቄሴታ ሃላቃታስ ዮቲዳ።  
\v 12-13 ቄሴታ ሃላቃቲካ ዴሬ ጪማታራ ሺቄቲዲ ዞሬቲዳ፤ ዎታዳራታስ ጊዲዛ ሚሽ ኢሚዲ “ ‘ኑኒ ꬊሲኪዳሺን ኢዛ ካሊዛይቲ ቃማራ ዪዲ ካይሶቲ ኤፊዳ’ ጊቴ ጊዳ።  
\v 14 ሃይሲ ዎሬይ ዴሬ ሃሪዛይሳ ማታን ሲዬቲኮካ ኑኒ ኢዛስ ሎዔꬂ ዮታና፤ ኣይኮ ኢታይካ ኢንቴ ቦላ ጋኮንታ ማላ ኑ ኦꬃና” ጊዳ።  
\v 15 ዎታዳራቲካ ሚሻ ኤኪዲ ኢስቲ ጊዳ ማላ ኦꬂዳ፤ ሃይሲ ዮዖዚ ሃቺ ጋካናስ ኣይሁዳታ ኣቻን ዳሮሶን ዮቴቲሼ ዴስ። 
\s1 ዬሱሲ ባና ካሊዛይታ ኣይፌን ቤቲዴስ 
\r (ማር 16፡14-18፤ ሉቃ 24፡36-49፤ ዮሃ 20፡19-23፤ ሃዋ 1፡6-8) 
\p  
\v 16 ሄሳፌካ ዬሱሳ ካሊዛ ታማኔ ኢሲኔቲ ዬሱሲ ኢስታ ቤሲዳ ጋሊላን ዲዛ ዙማ ቦላ ኬዚዳ።  
\v 17 ዬሱሳ ቤዪዳ ማላ ኢዛስ ጎይኒዳ፥ ኢስታ ጋራሳፌ ጉፂዛ ባጋቲ ሲꬊዳ። 
\p  
\v 18-20 ዬሱሲካ ባና ካሊዛይታኮ ሺቂዲ “ሳሎኒኔ ሳዓን ጎዳቴꬂ ታስ ኢሜቲዴስ። ሄሳ ጊሽ ቢዲ ዴሬ ኡባ ኣዋ፥ ናዛኔ ፂሎ ኣያና ሱንꬃን ፃማቂሼ፤ ታና ካሊዛይታ ኦꬂቴ፤ ታ ኢንቴና ኣዛዚዳይሳ ዉርሲ ናጋና ማላ ታማርሲቴ። ታካ ኣላሜ ዉርሴꬅ ጋካናስ ታ ኢንቴናራ ዳይስ” ጊዴስ። \x * \xo 28:18-20 \xt ሃዋ 1፡8\x*