\id LUK Gamo project 
\h ሉቃሳ 
\toc1 ሉቃሲ ፃፊዳ ኑ ጎዳ ዬሱሲ ኪርስቶሳ ሚሺራቾ ቃላ 
\toc2 ሉቃሳ 
\toc3 ሉቃ 
\mt1 ሉቃሲ ፃፊዳ 
\mt2 ኑ ጎዳ ዬሱሲ ኪርስቶሳ ሚሺራቾ ቃላ 
\imt1 ጊዶ ቆፋ 
\ip ሉቃሳ ሚሺራቾ ቃላይ ዬሱሲ ዳሮ ዎዴፔ ካሴ ያናይሳኮ ጌቴቲ ናቤታን ኢስራዔሌ ኣሳስ ዮቴቲ ኡቲን ኢስራዔሌ ኣሳይ ናጊ ኡቲዳ ኪርስቶሲ “ኣስ ዉርሲ ኣሺዛዴ” ጊዲዳይሳ ቆንጪናሳ። ሉቃሲ ዬሱሳ “ማንቆታስ ሚሺራቾ ቃላ ሳባካናስ” ባ ኣዋፔ ኪቴቲዳዴ ጊዲዳይሳኔ ሚሺራቾ ቃላዚካ ኣሳስ ዲዛ ዱማ ዱማ ሜቶስ ኦጌ ቤሲዛይሳ ዮቴስ። ሉቃሳ ሚሺራቾ ቃላዛ ጊዶን ሃራፔካ ዬሱሳ ሂዶታ ጊሽ ዮቲዛ ኮይሮ ሼምፖቲኔ ዉርሴꬃ ሼምፖታን ሎዔꬅ ዮቲዳይ ሂዶታ ጊሻሳ። ዬሱሲ ፑዴ ሳሎ ቢዳፔ ጉዬ ኣማኖይ ዋኒ ናምዓንꬆ ዲጪዳኮኔ ሃዋሬታ ማፃፋን ሃይሳ ፃፊዳይ ሄ ማፃፋዛን ዮቲዴስ። 
\ip ኪታንቻቲ ዬፂዳ ዬꬃ ጊሽ ዬሱሲ ዬሌቲን ሜሄ ሄሚዛይቲ ኢዛ ቤዪዳይሳ፥ ዬሱሲ ቡሮ ጉꬃን ዲሺን ፆሳ ኬꬄ ቢዳይሳ ኣሳስ ሚሻ ጊዲዳ ሄ ሳማሪያ ኣዴዛ ኦሶን ꬋዪዲ ቤቲዲ ናዛ ታሪኬይ ሄይቲ ዉሪካ ሉቃሳ ሚሺራቾ ማፃፋን ፃላላ ቤቴቴስ። ኢዛ ሚሺራቾ ቃላዛን ጋፃፔ ጋፃ ጋካናስ ኣዴፌ ዮቲዳይ ዎሳ ጊሽ፥ ፂሎ ኣያና ጊሽ፥ ማጫሳታስ ዬሱሳ ኦሶ ጊዶን ኢስታስ ኢሜቲዳ ጊሻኔ ፆሲ ናጋራ ኣቶ ጊዳይሳ ዮቴስ ጉስ። 
\is1 ሃ ማፃፋይ ኦይኪዳ ኩሜꬃ ቆፋ 
\ip ጌሎሶ 1፡1-4 
\io1 ፃማቂዛ ዮሃኒሳ ዬሌቴꬂኔ ዬሱሳ ዬሌቴꬅ 1፡5-2፡52 
\io1 ፃማቂዛ ዮሃኒሳ ኦሶ 3፡1-20 
\io1 ዬሱሳ ፃማቄቴꬂኔ ፓጬቴꬅ 3፡21-4፡13 
\io1 ዬሱሲ ባ ኦꬆ ኮይሮ ጋሊላን ዶሚዴስ 4፡14-9፡50 
\io1 ጋሊላፔ ዬሩሳላሜ ቡስ 9፡51-19፡27 
\io1 ዬሩሳላሜኒኔ ሄ ሄራን ዉርሴꬃ ሳሚንታን ዬሱሳ ጋኪዳ ሜቶ 19፡28-23፡56 
\io1 ጎዳ ዴንዶ ቆንጬꬂኔ ፑዴ ሳሎ ቡስ 24፡1-53 
\c 1  
\p  
\v 1 ቦንቾ ቶፊሎሳ ኑ ኣቻን ሃኒዳ ዮዖታ ጊሽ ዳሮ ኣሳቲ ባሲ ሃኒዳ ማላ ፃፊዳ።  
\v 2 ሄ ታሪኬዚካ ኮይሮፔ ዴንꬂዲ ባ ኣይፌራ ቤዪዳ ማርካቲኔ ፆሳ ቃላ ዮቲዳይቲ ኑስ ኣꬂዳይሳ።  
\v 3 ታካ ታ ባጋራ ፃጶፔ ዴንꬃዳ ኬሃ ናጌታዳኔ ፓጫ ፄላዳ ታሪኬዛ ዉርሳ ሲንꬄ ፃፌታናስ ቤሲዛይሳ ሲንꬃሳዳ ካሊዲ ፃፌታናስ ቤሲዛይሳ ካሌꬃዳ ናጌታዳ ኔስ ፃፋና ማላ ታስ ሎዖ ጊዲ ቤቲዴስ።  
\v 4 ሃይሳ ዉርሲሳ ታ ኦꬂዛይ ኔ ታማሪዳይሲ ቱማ ጊዲዳይሳ ኔና ኤሮ ጉሳሳ። 
\s1 ፃማቂዛ ዮሃኒሲ ዬሌታናይሳ ኪታንቻ ጋብሬሌይ ካሴቲዲ ዮቲዴስ 
\p  
\v 5-6 ሄርዶሲ ዩሁዳ ቢታን ካዎቲዳ ዎዴ ኣቢያ ጌቴቲዛ ቄሴታ ሃላቃ ባጋፌ ቄሴቴꬃ ኦሶ ታራይ ኢዛ ጋኪዳ ዛካራሳ ጌቴቲዛ ኢሲ ቄሴይ ዴስ። ኢዛ ማቼያካ ኤሊሳቤፆ ጌቴታዉስ፥ ኢዛካ ኣሮኔ ባጋ ኣሳ። ናምዓቲካ ጎዳ ኣዛዞኔ ኢዛ ዎጋ ዎሶይ ባይንዳ ናጊዲ ዲዛይታኔ ፆሳ ሲንꬃን ፂሎ ኣሳ። \x * \xo 1:5-6 \xt 1ታር 24፡10\x* 
\p  
\v 7 ጊዶ ኣቲን ኤሊሳቤፃ ና ዬሎንታ ማካራ ጊዲዳ ጊሽ ኢስታስ ናይ ባዋ፤ ናምዓቲካ ዎዴይ ሱጌቲዳ ኣሳ። 
\p  
\v 8 ዛካራሲ ፆሳ ሲንꬃን ቄሴቴꬃ ኦሶ ታራይ ኢዛ ጋኪን ኢዚ ኦꬂሺን  
\v 9 ቄሴታስ ዲዛ ዎጋ ማላ ፆሳ ኬꬃን ጌሊዲ ኤፃኔ ጩዋሳና ማላ ኤፃይ ኢዛ ጋኪዴስ።  
\v 10 ኤፃኔይ ጩዋቲሺን ኣሳይ ዉሪካ ካሬን ዲዲ ዎሴስ። 
\p  
\v 11 ጎዳ ኪታንቻይ ኤፃኔይ ጩዋቲዛ ሶፔ ኡሻቻ ባጋራ ኤቂዲ ዛካራሳስ ቤቲዴስ።  
\v 12 ዛካራሲካ ኢዛ ቤዪዲ ኬሂ ዳጋሚዲ ባቢዴስ።  
\v 13 ኪታንቻይ ዛካራሳስ “ባቦፋ! ኔ ዎሳይ ሴቴቲዴስ፥ ኔ ማቼያ ኤሊሳቤፃ ኔስ ኣቱማ ና ዬላና ኢዛ ሱንꬃካ ኔ ዮሃኒሳ ጋዳ ሱንꬃና።  
\v 14 ኢዛ ዬሌታን ኔኒ ዳሮ ኡፋዬታና፤ ዳሮ ኣሳይካ ኡፋዬታና።  
\v 15 ጎዳ ሲንꬃን ኢዚ ጊታ ጊዳና። ዎይኔፔ ኦሴቲዳ ጫጄ ጊዲንካ ሃራ ማꬆሲዛ ኡሻ ጊዲንካ ኢዚ ኡዬና፤ ኢዚ ቡሮ ባ ኣዬይ ቃንꬃን ዲሼ ፂሎ ኣያናን ኩማና። \x * \xo 1:15 \xt ታይ 6፡3\x* 
\v 16 ኢስራዔሌ ኣሳፔ ዳሮታ ኢስታ ፆሳኮ ዛራና።  
\v 17 ኣዋታ ዎዝና ኢስታ ናይታኮ፥ ኣዛዜቶንታይቲካ ጌዴ ፂሎታ ጪንጫቴꬃኮ ዛራና ማላኔ ጎዳስ ቤሲዛ ዴሬ ጊጊሳና ማላ ኤላሳ ኣያናኔ ኢዛ ዎልቃን ጎዳፔ ሲንꬃራ ኢዚ ባና” ጊዴስ። \x * \xo 1:17 \xt ሚል 4፡5-6\x* 
\p  
\v 18 ዛካራሲ ኪታንቻስ፥ “ታኒ ጪማ፤ ታ ማቼያካ ጪማዱስ፤ ታኒ ሃይሳ ኣዛን ኤራኔ?” ጊዲ ኦይቺዴስ። 
\p  
\v 19 ኪታንቻይካ ዛሪዲ “ታኒ ፆሳ ሲንꬃን ኤቂዛ ጋብሬሌ። ታኒካ ሃ ሚሺራቾዛ ኔስ ጋꬃናስ ኪቴታዳ ያዲስ። \x * \xo 1:19 \xt ዳኔ 8፡16፤ 9፡21\x* 
\v 20 ሄኮ ኔኒ ባ ዎዴን ፖሌታና ታ ቃላ ኣማኖንታ ኢፂዳ ጊሽ ኔ ዱናይ ዱዳና፥ ኔኒካ ሃሳያና ዳንዳያካ” ጊዴስ። 
\p  
\v 21 ሄ ዎዴ ዴሬይ ዛካራሲ “ፆሳ ኬꬃፌ ኬዞንታ ኣዛስ ጋምዒዳኮ” ጊዲ ሞꬌቲሼ ናጊዴስ።  
\v 22 ኢዚ ፆሳ ኬꬃፌ ኬዚዲ ኣሳ ሃሳዪሳናስ ዳንዳይቤና። ማላቲ ማላቲ ቤሶፔ ኣቲን ሃሳያናስ ዳንዳዮንታ ኣጊን ኣሳይ ኢዚ ፆሳ ኬꬃን ፆሳፌ ኦራꬃ ሚሽ ቤዪዳይሳ ኤሪዴስ። 
\p  
\v 23 ዛካራሲካ ባ ኦሶ ታራይ ፖሌቲዳፔ ጉዬን ባሶ ሲሚዴስ።  
\v 24 ሄሳፌ ካሊን ኢዛ ማቼያ ኤሊሳቤፃ ና ቃንꬃታዱስ፥ ኢቻሻንꬆ ኣጊናይ ጋካናስ ኣሲ ባና ቤዮንታ ማላ ቆቴታዱስ።  
\v 25 ኢዛካ ጎዳይ ባ ማሮታን ታ ሌቄቲዳይሳ ኣሳ ጊዶፌ ዲጋናስ ሃ ዎዴዛን ሃይሳ ታስ ኦꬂዴስ ጋዱስ። 
\s1 ዬሱሲ ዬሌታናይሳ ጋብሬሌይ ካሴቲዲ ዮቲዴስ 
\p  
\v 26 ኤልሳቤፃ ቃንꬃቲዳ ኡሱፑንꬃ ኣጊናን፥ ፆሲ ባ ኪታንቻ ጋብሬሌ፥ ጋሊላ ቢታን ዲዛ፥ ናዚሬቴ ጊዛ ካታማ ዬዲዴስ።  
\v 27 ኢዚካ ካዎ ዳዉቴ ዜሬꬅ ጊዲዳ ዮሴፌ ጌቴቲዛ ኣሳስ ጊጋ ኡቲዳ ማራሞ ጌቴቲዛ ጌላዖይኮ ኪቴቲዴስ። \x * \xo 1:27 \xt ማቶ 1፡18\x* 
\v 28 ዪዲኔ ኢዛ ዲዛሶ ጌሊዲ “ሃኔ ፆሲ ኔና ኣንጂዳሬ ሳሮ ፆሲ ጎዳይ ኔናራ ዴስ ኔንካ ኣንጄቲዳሮ” ጊዴስ። 
\p  
\v 29 ማራማ ኪታንቻ ሃሳያን ኬሃ ዳጋማዳ፥ “ሃይሲ ኣይ ጊዛ ሳሮታ?” ጋዳ ዮዖዛ ኬሃ ቆፓዱስ።  
\v 30 ኪታንቻይካ ማራሞ “ፆሲ ኔናን ኡፋዬቲዛ ጊሽ ባቦፋ!  
\v 31 ኔኒ ቃንꬃታና፤ ኣቱማ ናካ ዬላና፥ ሱንꬃካ ዬሱሳ ጋዳ ሱንꬃና፤ \x * \xo 1:31 \xt ማቶ 1፡21\x* 
\v 32 ኢዚካ ጊታ ጊዳና፤ ኡባፌ ቦላ ፆሳ ና ጌቴታና፥ ጎዳ ፆሲ ኢዛ ኣዋ ዳዉቴ ካዎቴꬃ ኢዛስ ኢማና።  
\v 33 ኢዚ ኢስራዔሌ ናይታ ቦላን ሜርናስ ካዎታና፤ ኢዛ ካዎቴꬃሲካ ዉርሴꬂ ዴና” ጊዴስ። 
\p  
\v 34 ማራማካ ኪታንቻስ “ታኒ ኣዴ ጌላቤኬ፥ ሺን ሃይሲ ዋኒ ሃናኔ?” ጋዳ ኦይቻዱስ። 
\p  
\v 35 ኪታንቻይካ ማራሚሲ “ፂሎ ኣያናይ ኔ ቦላ ዎꬋና ዉርሶፌ ቦላ ፆሳ ዎልቃይ ኔ ቦላ ኩዋሳና፤ ሄሳ ጊሽ ዬሌታና ናዚ ጌሻ ፆሳ ና ጌቴታና።  
\v 36 ኣሲ ዬሉኩ ኢዛ ማካራ ጊዲ ሃሳዪዛ ኔ ዳቦያ ኤሊሳቤፃ ጪማቴꬃን ኣቱማ ና ቃንꬃታዳ ዬላናስ ኡሱፑንꬆ ኣጊና ኦይካዱስ።  
\v 37 ፆሳሲ ሃኖንታ ሚሺ ባዋ” \x * \xo 1:37 \xt ሜꬌ 18፡14\x* 
\p  
\v 38 ማራማካ ዛራዳ “ሄኮ ታኒ ፆሳ ኣይሌ ዲኪና፤ ኔ ጊዳ ማላ ታስ ሃኖ” ጊን ኪታንቻይ ኢዚፔ ሻካቲዲ ቢዴስ። ማራማ ኤሊሳቤፆ ቤያና ባዱስ። 
\p  
\v 39 ማራማካ ሄ ዎዴ ማታራ ኤሶታ ዴንዳዳ ፑዴ ጌዜ ዴሬን ዲዛ ኢሲ ዩሁዳ ካታማ ባዱስ።  
\v 40 ዛካራሳ ኬꬄ ጌላዳ ኤሊሳቤፆ ሳሮታዱስ።  
\v 41 ኤሊሳቤፃ ማራሚ ሳሮꬃ ሲዪዳ ማላ ቃንꬃን ዲዛ ናዚ ኢዚ ቃንꬃን ጉፒዴስ፥ ኤሊሳቤፂንካ ፂሎ ኣያናይ ኩሚዴስ።  
\v 42 ኢዛካ ባ ቃላ ꬎቁ ኦꬃዳ “ማጫሳ ኡባፌ ኔ ኣንጄቲዳሮ፤ ኔ ቃንꬃን ዲዛ ናዚካ ኣንጄቲዳይሳ።  
\v 43 ታ ጎዳ ኣያ ታኮ ያዳ ታና ኦይቻናስ ታኒ ኦኔ?  
\v 44 ኔ ሳሮካ ቃላ ታ ሲዪዳ ማላ ታ ኡሎ ጊዶን ዲዛ ናይ ኡፋይሳ ጉፒዴስ።  
\v 45 ፖሌታና ጊዲ ጎዳይ ኢዚስ ዮቲዳይሳ ኣማኒዳራ ኢዛ ኣንጄቲዳሮ” ጋዱስ 
\s1 ማራሚ ጋላታ ዎሳ 
\p  
\v 46-49 ማራማካ 
\q1 “ኢዚ ባ ኣይሌ ካዉሻቴꬃ ፄሊዳ ጊሽ 
\q2 ታ ሼምፒያ ጎዳ ꬎቁ ኦꬃዳ ቦንቻዉስ። \x * \xo 1:46-49 \xt 1ሳሜ 2፡1-10\x* 
\q1 ታ ኣያናይካ ታና ኣሺዛ ታ ፆሳን ኡፋዬታዉስ። 
\q2 ዎልቃማ ጎዳይ ታስ ጊታ ሚሼ ኦꬂዳ ጊሽ 
\q1 ሃቺፌ ሲንꬃን ኣሲ ዉሪ ታና ኣንጄቲዳሮ ጋና። 
\q2 ኢዛ ሱንꬃይካ ጌሻ። \x * \xo 1:46-49 \xt 1ሳሜ 1፡11\x* 
\q1  
\v 50 ኢዛ ማሮይ ኢዛስ ባቢዛይታስ 
\q2 ና ና ጋካናስ ዳና። 
\q1  
\v 51 ባ ዎልቃን ዳሮ ሚኖ ኦሶ ኦꬂዴስ፤ 
\q2 ባ ዎዝና ቆፋን ኦቶሬቲዛይታ ላሊዴስ። 
\q1  
\v 52 ካዎታ ካዎቴꬃፌ ዎꬂዴስ፥ 
\q2 ኣሽኬታ ቃሴ ꬎቁ ꬎቁ ሂስቲዴስ። \x * \xo 1:52 \xt ኢዮ 5፡11፤ 12፡19\x* 
\q1  
\v 53 ጋፊዳይታ ሎዖ ሚሻን ካልꬂዴስ፤ 
\q2 ዱሬታ ጊዲኮ ሜላ ኩሼ ዬዲዴስ። 
\q1  
\v 54-55 ካሴ ኑ ኣዋታስ ኣብራሃሜሲኔ ኢዛ 
\q2 ቆሞታስ ጊዳ ቃላ ናጋናስ 
\q1 ባ ማሬቴꬃ ዩሺ ቆፒዲ 
\q2 ባ ኣይሌ ኢስራዔሌ ማዲዴስ” ጋዱስ። \x * \xo 1:54-55 \xt ሜꬌ 17፡7\x* 
\p  
\v 56 ማራማካ ኤሊሳቤፂ ኣቻን ሄꬑ ኣጊና ሲሬ ጋምዓዳ ባሶ ሲማዱስ። 
\s1 ፃማቂዛ ዮሃኒሲ ዬሌቲዴስ 
\p  
\v 57 ኤሊሳቤፂስ ዬሎ ጋላሳይ ጋኪን ኣቱማ ና ዬላዱስ።  
\v 58 ኢዚ ጉታቲኔ ዳቦቲካ ጎዳይ ኢዚስ ጊታ ማሬቴꬃ ኦꬂዳይሳ ሲይዲ ኢዚራ ኢሲፌ ኡፋዬቲዳ። 
\p  
\v 59 ዬሌቲዳ ኦስፑንꬃ ጋላስ ቃፃራስ ዪዳ። ኢዛ ኣዋ ሱንꬃን ዛካራሳ ጊዲ ሱንꬃና ኮይዳ። \x * \xo 1:59 \xt ሌዌ 12፡3\x* 
\v 60 ጊዶ ኣቲን ኣያ “ሃኔና፥ ኢዛ ሱንꬂ ዮሃኒሳ ጌቴቶ” ጋዱስ። 
\p  
\v 61 ኢስቲካ ኢዚስ “ኔ ዳቦታፔ ዮሃኒሳ ጌቴቲዲ ፄይጌቲዳ ኣሲ ኦኒካ ባዋ” ጊዳ።  
\v 62 ኣዋይ ዛካራሲ “ናዛ ኦና ጊዲ ሱንꬃና ኮዪዳኮኔ” ማላታን ኦይቺዳ። 
\p  
\v 63 ዛካራስካ ፃፊዛ ሚሼ ኢዛስ ኢማና ማላ ኦይቺ ኤኪዲ ሱንꬃይ “ዮሃኒሳ” ጊዲ ፃፊን ኣሳይ ዉሪካ ማላሌቲዴስ።  
\v 64 ሄራካ ዛካራሳ ዱናይ ፖጌቲዲ ኢንፃርሲ ቢርሼቲን ፆሳ ጋላታ ኦይኪዴስ። 
\p  
\v 65 ኢዛ ጉታቲ ዉሪ ዳሮ ባቢዳ። ሃይሲ ዉሪካ ꬎቃ ጌዜ ቢታን ዩሁዳ ዴሬን፥ ኡባሶን ሃሳዬቲዴስ።  
\v 66 ሃይሳካ ሲዪዳ ኣሲ ዉሪካ “ሃ ጉꬃ ናይ ኣይ ሃናኔሻ?” ጊዲ ሃኖዛ ዉርሲካ ባ ዎዝናን ኦይኪዴስ። ጎዳ ኩሼይ ቱማፔ ኢዛራ ኢሲፌ ዴስ። 
\s1 ዛካራሲ ቲንቢቴ ዮቲዴስ 
\p  
\v 67 ናዛ ኣዋይ፥ ዛካራሲ ፂሎ ኣያናን ኩሚዲ ቲንቢቴ ሃሳዪሼ 
\q1  
\v 68 “ዪዲ ባ ኣሳ ኣሺዳ ጊሽ 
\q2 ኢስራዔሌ ፆሲ ጋላቴቶ። 
\q1  
\v 69-70 ቤኒ ዎዴ ባ ጌሻ ናቤታ 
\q2 ዱናን ሃሳዬቲዳይሳ ማላ 
\q1 ባ ኣይሌ ዳዉቴ ኬꬃን 
\q2 ኣሺዛ ዎልቃ ኑስ ዴንꬂዴስ። 
\q1  
\v 71 ኢዚ ኑና ኑ ሞርኬታፔኔ፥ 
\q2 ኑና ኢፂዛይታ ኩሼፔ ኣሼስ። 
\q1  
\v 72 ሃይሳ ኢዚ ኦꬂዳይ ኑ ኣዋታስ ባ ማሬቴꬃ ቤሳናሳ፥ 
\q2 ባ ጌሻ ጫቆዛ ዩሺ ቆፓናሳ። 
\q1  
\v 73-75 ካሴ ኑ ኣዋ ኣብራሃሜስ ጫቂዳይሳ ቆፓና ማላኔ 
\q2 ኑ ሞርኬታ ኩሼፔ ኢዚ ኑና ኬሲን ኑኒ ኢዛስ ባቦይ ባይንዳ ኦꬃናሲኔ 
\q2 ኑ ዲዛ ዎዴ ኡባን ባ ሲንꬃን ኑና ጌሻቴꬃኔ ፂሎቴꬃን ኤሳናሳ። 
\q1  
\v 76 ጎዳ ኦጌ 
\q2 ጊጊሳናስ ኔ ኢዛፔ ሲንꬃራ ቢዛ ጊሽ ታ ናዞ 
\q1 ኔኒ ዎጋ ፆሳ 
\q2 ናቤ ጌቴታና። \x * \xo 1:76 \xt ሚል 3፡1\x* 
\q1  
\v 77 ኣሳይ ባ ናጋራፔ ማሬቲዳ ጊሽ ዴሬስ 
\q2 ኣቶቴꬃ ኤራቴꬅ ኔ ኢማና ማላ 
\q1  
\v 78 ኑ ፆሳ ሎዖ ማሬቴꬃፌ ዴንዲዳይሳን 
\q2 ሳሎፔ ኑስ ኣዋይ ኬዚዴስ። 
\q1  
\v 79 ሄሲካ ꬉማን ዲዛይታሲኔ 
\q2 ሃይቆ ኩዋ ጊዶን 
\q1 ዲዛይታሲካ ፖዒሳና ማላኔ ኑ ቶሆታካ ሳሮቴꬃ ኦጌ ካሌꬃናሳ” ጊዴስ። 
\p  
\v 80 ጉꬃ ናዚካ ዲጪዴስ፤ ኣያናኒካ ሚኒዴስ። ኢስራዔሌ ኣሳስ ቆንጬን ቤታና ጋካናስ ባዞ ቢታን ዴዒዴስ። 
\c 2  
\s1 ዬሱሲ ዬሌቲዴስ 
\r (ማቶ 1፡18-25) 
\p  
\v 1 ሄ ዎዴ ቢታ ቦላን ዲዛ ኣሲ ዉሪካ ታዪቤቲዲ ፃፌታና ማላ ኦሮሜ ካዎ ኣዉጊስፆሳፔ ኣዋጃይ ኬዚዴስ።  
\v 2 ሄሲካ ቄሬኔዎሳ ጌቴቲዛይሲ ሶሪያ ጌቴቲዛ ዴሬ ሃሪዛ ዎዴ ሃኒዳ ኮይሮ ዴሬ ታይቦ።  
\v 3 ሄሳ ጊሽ ኣሲ ዉሪ ፃፌታናስ ባ ዴሬ ዴሬ ቢዴስ። 
\p  
\v 4 ዮሴፌይካ ኣሾ ዳቦቴꬃን ዳዉቴ ባጋፌ ጊዲዳ ጊሽ ጋሊላ ኣዉራጃ ጊዶን ዲዛ ናዚሬቴ ካታማፔ ዩሁዳ ኣዉራጃ ቤቴሌሜ ጌቴቲዛ ዳዉቴ ካታማፔ ዪዴስ።  
\v 5 ኢዚ ፃፌታና ቢሺን ኢዛስ ጊጌታ ዳሼ ዬላና ማቲዳ ማራሚራ ቢዴስ።  
\v 6 ኢስቲካ ሄን ዲሺን ኢዚስ ዬሎ ዎዴይ ጋኪዴስ።  
\v 7 ኢዛካ ኮይሮ ኣቱማ ና ዬሊዳይሳፌ ጉዬ ኢማꬂ ኣቂዛ ኬꬃን ኣቂዛሶይ ባይንዳ ጊሽ ናዛ ጫርቃራ ፃፃዳ ሚዛ ሲንꬃን ኢሺሳዱስ። 
\s1 ሜሄ ሄሚዛይታኔ ኪታንቻታ 
\p  
\v 8 ቤታሌሜ ኣቻን ዶርሳ ሄሚዛ ኣሳቲ ዶርሳ ናጊሼ ቃማራ ካሬን ኣቂዛይቲ ዴቴስ።  
\v 9 ጎዳ ኪታንቻይካ ኢስታኮ ዪዴስ፤ ጎዳ ቦንቾ ፖዖይካ ኢስታ ላንቄን ዩዪ ኣꬋናስ ፖዒዴስ። ኢስቲካ ኬሂ ዳጋሚዳ ጊሽ፥  
\v 10 ኪታንቻይ ኢስታ “ባቦፍቴ! ታኒ ኣሳ ኡባስ ጊዲዛ ጊታ ኡፋይሳ ሚሺራቾ ኤካ ያዲስ።  
\v 11 ሃች ካዎ ዳዉቴ ካታማ ቤታሌሜን ሼምፖ ꬋሌይ ዬሌቲዴስ። ኢዚካ ጎዳ ኪርስቶሳ ጌቴቴስ።  
\v 12 ጫርቃራ ፃፄቲ ኢቺዳ ጋጪኖ ና ዴማንዴታ ሄሲካ ኢንቴስ ማላታ ጊዶ” ጊዴስ። 
\p  
\v 13 ኢዛራካ ሃራ ዳሮ ሳሎ ኪታንቻቲ ቤቲዳ። ፆሳ ጋላቲሼ፥ 
\q1  
\v 14 “ቦላ ሳሎን ፆሳስ ቦንቾይ ጊዶ ሳሮቴꬂካ ቢታ ቦላን ኢዚ ዶሲዛ ኣሳ ኡባስ ጊዶ” ጊዳ። 
\p  
\v 15 ኪታንቻቲ ኢስታፌ ሻኬቲዲ ሳሎ ሲሚን ዶርሴ ሄሚዛይቲ ባ ጊዶን ኢሶይ ኢሳ “ኣኔ ሃ ዪቴ ጎዳይ ኑስ ቆንጪሲዳይሳኔ ሃኒዳይሳ ቤቴሌሜ ካታማ ቢዲ ቤዮስ” ጊዳ። 
\p  
\v 16 ኢስቲካ ኤሌሊ ቢዲ ማራሚራ፥ ዮሴፌራኔ ሚዛ ሲንꬃን ኢቺዳ ናዛ ዴሚዳ።  
\v 17 ቤይዳይሳፌ ጉዬን ጎዳ ኪታንቻይ ናዛ ጊሽ ኢስታስ ዮቲዳይሳ ዉርሲ ዛሪ ዮቲዳ።  
\v 18 ሄሚዛይቲ ዮቲዳይሳ ሲዪዳ ኣሳይ ዉሪ ኬሂ ማላሌቲዴስ።  
\v 19 ጊዶ ኣቲን ማራማ ዮዖዛ ዉርሳ ባ ዎዝናን ዎꬃ ዴንꬃ ቆፓሼ ጋምዓዱስ።  
\v 20 ሄሚዛይቲካ ሃንዳይስ ዉሪካ ኪታንቻይ ኢስታስ ዮቲዳ ማላ ጊዲዲ ቤቲዳ ጊሽ ሲይዳይሳሲኔ ቤዪዳይሳስ ኡባስ ፆሳ ጋላቲሼኔ ቦንቺሼ ሲሚዳ። 
\s1 ጋጪኖ ና ዬሱሳ ፆሳ ኬꬄ ኤፊዳ 
\p  
\v 21 ናዚ ዬሌቲን ኦስፑንꬃ ጋላሳን ቃፃሬቲዛ ዎዴይ ጋኪን ኣዬያ ኢዛ ቃንꬃታናፔ ካሴ ኪታንቻይ ጊዳ ማላ ዬሱሳ ጌቴቲዲ ሱሚዴስ። \x * \xo 2:21 \xt ሌዌ 12፡3፤ ሉቃ 1፡31\x* 
\p  
\v 22-23 ሙሴ ዎጋ ማላ ኢስቲ ጌዪዛ ዎዴይ ዉሪን ዮሴፌይኔ ማራማ ጉꬃ ና ዬሱሳ ጎዳ ፆሳ ሲንꬄ ሺሻናስ ኤኪዲ ዬሩሳላሜ ኬዚዳ። ሄሲካ ጎዳ ዎጋን ኮይሮ ዬሌቲዛ ኣቱማ ናይ ዉሪ ጎዳስ ዱማ ጊዳና ጌቴቲዲ ፃፌቲዳይሳ ፖላናሲኔ \x * \xo 2:22-23 \xt ኬሳ 13፡2፥12\x* 
\v 24 ቃሴካ ጎዳ ዎጋን ናምዑ ሃራጴ ካፎታኔ ዎይኮ ናምዑ ሃራጴ ካፎ ጪዬታ ጌቴቲዳይሳ ማላ ያርሾ ሺሻናሳ።\x * \xo 2:24 \xt ሌዌ 12፡6-8\x* 
\p  
\v 25 ሄ ዎዴ ዬሩሳላሜ ካታማን ፂሎኔ ፆሳ ባቢዛ ኢሲ ሲሞና ጌቴቲዛ ኣሲ ዴስ፤ ኢዚካ ኢስራዔሌ ናይታ ኣቶቴꬃ ናጊዛ ኣሳኔ ፂሎ ኣያናይ ኢዛ ቦላ ሼምፒዳ ኣሳ።  
\v 26 ቃሴካ ኪርስቶሳ ቤዮንታ ዲሼ ሃይቆንታ ማላ ፂሎ ኣያናይ ኢዛስ ቆንጪዴስ።  
\v 27 ኢዚካ ሄ ዎዴ ፂሎ ኣያናይ ካሌꬂን ፆሳ ኬꬄ ላሻ ጋꬅ ጌሊዴስ። ናዛ ኣዬዪራኔ ኣዋራ ሙሴ ዎጋን ቤሲዛይሳ ፖላናስ ጉꬃ ና ዬሱሳ ኤኪዲ ጌሊዳ ዎዴ፥  
\v 28 ሲሞኒ ናዛ ኤኪ ኢዲሚዲ ፆሳ ጋላቲሼ፥ 
\q1  
\v 29-31 “ጎዶ! ኔ ጫቂዳ ቃላ ማላ ሃዒ ታኒ ኔ 
\q2 ኣይሌይ ኔ ኣሺዛይሳ ታ ኣይፌራ ቤዪዳ ጊሽ ሂዓ ታና ሳሮን ኤካ፤ 
\q1 ኣሳ ኡባ ሲንꬃን ኔ ጊጊሲዳ ኣቶቴꬃ 
\q2 ሃዒ ታኒ ታ ኣይፌራ ቤያዲስ። 
\q1  
\v 32 ሃይሲካ ኡባ ዴሬስ ጌሜቲዳይሳ ቆንጪሲዛ ፖዖ፥ ኔ ዴሬ ኢስራዔሌሲካ ቦንቾ” ጊዴስ። 
\p  
\v 33 ኢዛ ኣዋይኔ ኣያ ኢዛ ጊሽ ሃሳዬቲዳ ዮዖዛን ማላሌቲዳ።  
\v 34 ሲሞኒካ ኢስታ ኣንጂዴስ፤ ማራሞካ “ዳሮ ኣሳ ዎዝና ቆፋይ ቆንጫና ማላ ሃይሲ ኢስራዔሌን ዲዛ ዳሮታስ ꬋዮሲኔ ኣቶቴꬃሳ፤ ኢዛ ኢፂዛይታስ ቃሴ ማላታ ጊዳና ማላ ዶሬቲዴስ።  
\v 35 ቃሴካ ዳሮታ ዎዝና ቆፋይ ቆንጫና ማላ ናዛ ሚሻይ ቃራ ማሻ ማላ ኔ ዎዝና ጳልቃና” ጊዴስ። 
\p  
\v 36 ቃሴካ ኣሴሬ ባጋፌ ፋኑዔሌ ና ሃና ጌቴቲዛ ጪሚዳ ናቤይ ዳዉስ፤ ኢዛካ ባ ኮይሮ ኣዚናራ ላፑን ላይꬅ ኩሜꬅ ዴዓዱስ።  
\v 37 ላይꬃይ ኢዚስ ኦሱፑን ታማኔ ኦይዱ ላይꬅ ጊዳና ጋካናስ ቃማኔ ጋላስ ፆማሼኔ ዎሳሼ ፆሳ ኬꬃፌ ሻኬቶንታ ኣምዔቴꬃን ጋምዓዱስ።  
\v 38 ሄ ዎዴካ ሺቃዳ ፆሳ ጋላታዱስ። ዬሩሳላሜ ዎዜቴꬅ ናጊሼ ዲዛይታስ ኡባስ ጉꬃ ናዛ ጊሽ ዮታዱስ። 
\s1 ናዚሬቴ ሲሚዳ 
\p  
\v 39 ዮሴፌራኔ ማራሚራ ጎዳ ዎጋን ኣዛዜቲዳይሳ ፖሊዲ ጋሊላ ኣዉራጃን ዲዛ ባሶ ናዚሬቴ ካታማ ሲሚዳ። \x * \xo 2:39 \xt ማቶ 2፡23\x* 
\v 40 ጉꬃ ናዚካ ዲጪዲ ሚኒ ሚኒ ቢዴስ፤ ኣꬎ ኤራቴꬃን ኩሚዴስ፤ ፆሳ ኣꬎ ኪያቴꬃይካ ኢዛ ቦላ ዴስ። 
\p  
\v 41 ኢዛ ኣዋይኔ ኣያ ላይꬃን ላይꬃን ፓዚጋ ቦንቻናስ ዬሩሳላሜ ቤቴስ። \x * \xo 2:41 \xt ኬሳ 12፡1-27፤ ዛሬ 16፡1-8\x* 
\v 42 ናዛስ ላይꬃይ ታማኔ ናምዑ ላይꬅ ኩሚዳ ዎዴ ካሴ ሎሴ ጊዲዳይሳ ማላ ፓዚጋ ቦንቻና ኬዚዳ።  
\v 43 ፓዚጋ ባዓሌዛ ቦንቺዲ ባሶ ሲሚሺን ዬሱሲ ዬሩሳላሜን ኣቲዴስ። ዬሊዳይቲካ ኢዚ ኣቲዳይሳ ኤሪቤይቴና።  
\v 44 ባናራ ኢሲፌ ቢዛ ኦጌ ኣሳራ ዴስ ጊሼ ኢሲ ጋላሳ ኦጌ ቢዳ። ጊዶ ኣቲን ኢዚ ኢስታራ ባይንዳይሳ ኤሪዲ ባ ዳቦታ ኣቻኒኔ ላጌታ ኣቻን ዲዛኮኔ ጊዲ ኮይዳ። 
\p  
\v 45 ኮዪ ኮይዲ ቤቶንታ ኢፂን ዬሩሳላሜ ሲሚዳ። 
\p  
\v 46 ሄꬑ ጋላሳፌ ጉዬ ፆሳ ኬꬃን ታማርሲዛይታ ጊዶን ኡቲዲ ሲዪሼ፥ ኣሳታ ኦይቺሼኔ ኢስታ ኦይሻ ዛሪሼ ፆሳ ኬꬃን ዲሺን ዴሚዳ።  
\v 47 ሲዪዳይቲ ዉሪ ዬሱሳ ኣኬካኒኔ ኢዛ ዛሮዛን ዳሮ ማላሌቲዳ። 
\p  
\v 48 ዮሴፌይኔ ማራማ ኢዛ ቤዪዳ ዎዴ ማላሌቲዳ። ማራማካ “ታ ናዞ ኣይስ ሃይሳ ማላ ኦꬃዲ? ኔ ኣዋይኔ ታኒኔ ኔና ኮዪሼ ኬሂ ሜቶቴቲዶስ” ጋዱስ። 
\p  
\v 49 ኢዚካ ዛሪዲ “ታና ኣይስ ኮዪዴቲ? ታኒ ታ ኣዋ ኬꬃን ዳናስ ቤሲዛይሳ ኤሪቤኬቲ ጊዴስ።”  
\v 50 ጊዶ ኣቲን ኢስታስ ኢዚ ዮቲዳይሲ ጌሊቤና። 
\p  
\v 51 ሄፔ ሲሚን ኢስታራ ኢሲፌ ናዚሬቴ ዎꬊዲ ኢስታስ ኣዛዜቲሼ ዴዒዴስ። ኢዛ ኣያ ማራማካ ሄ ሃኒዳ ሚሻ ዉርሳ ባ ዎዝናን ናጋሼ ጋምዓዱስ።  
\v 52 ዬሱሲ ኣꬎ ኤራቴꬃን፥ ጌሳኒኔ ሳባን ፆሳ ሲንꬃኒኔ ኣሳ ሲንꬃን ዲጪዴስ። \x * \xo 2:52 \xt 1ሳሜ 2፡26፤ ሌም 3፡4\x* 
\c 3  
\s1 ፃማቂዛ ዮሃኒሳ ቲሚርቴ 
\r (ማቶ 3፡1-12፤ ማር 1፡1-8፤ ዮሃ 1፡19-28) 
\p  
\v 1 ፂቢራዶሴ ጌቴቲዛይስ ቄሳሬይ ካዎቲዳ ታማኔ ኢቻሻንꬆ ላይꬃን ጳንፆሳ ጲላፆሳ ጊዛይሲ ዩሁዳ ቢታ ሃሪዛ ዎዴ፥ ሄርዶሲ ጋሊላ ቢታ ሃሪዛ ዎዴ፥ ኢዛ ኢሻይ ፒሊጶሲ፥ ኢፁሪያሳኔ ፂራኮንዶሴ ቢታ ሃሪዛ ዎዴ፥ ሊሳኖሲካ ኣብሎኔ ቢታ ሃሪዛ ዎዴ፥ 
\p  
\v 2 ሃናይኔ ቃያፋይ ቄሴታ ሃላቃ ጊዲዳ ዎዴ ፆሳ ቃላይ ባዞ ቢታን ዲዛ ዛካራሳ ና ዮሃኒሳኮ ዪዴስ። 
\p  
\v 3 ዮሃኒሲ ዮርዳኖሴ ሻፋ ኣቻን ዲዛ ዴሬታ “ኢንቴ ናጋራ ኣቶ ጋናስ ናጋራፔ ሲሚዲ ፃማቄቲቴ” ጊዲ ዮቲዴስ  
\v 4 ሄሲካ ቃሴ ናቤ ኢሳያሲ 
\q1 “ባዞን ሂዝጊዲ ዋሲዛ ኣሳ ኮሺንቺ 
\q2 ‘ጎዳስ ኦጌ ጊጊሲቴ ባሲዲካ ሎዔꬂቴ። 
\q1  
\v 5 ሾባ ቢታይ ዉሪ ኩማና፤ 
\q2 ዙማቲኔ ዙምቡላቲ ዉሪ ዚቂ ጋና፤ 
\q1 ጌላ ኦጌይ ሲቲ ጋና፤ 
\q2 ሞሬቲዳ ኦጌይ ሎዖ ጊዳና። 
\q1  
\v 6 ኣሳ ዜሬꬅ ኡባ ኣሺዛ ፆሳ ዎልቃ ቤያና’ 
\q2 ጊዲ ባዞን ዋሲዛ ኣሳ ቃላ ጊሪስ” 
\m ጊዲ ባ ማፃፋን ፃፊዳ ማላ። 
\p  
\v 7 ዮሃኒሲካ ኢዛ ኩሼን ፃማቄታና ዪዛ ኣሳስ “ኢንቴኖ ሃ ሾሻ ናይቶ! ያና ዲዛ ፆሳ ሃንቆፌ ሃካና ማላ ኦኒ ኢንቴና ዞሪዴ? \x * \xo 3:7 \xt ማቶ 12፡34፤ 23፡33\x* 
\v 8 ኢንቴ ናጋራ ኦሶፔ ሲሚዳይሳ ኤሪሲዛ ኦሶ ኦꬂቴ ‘ኑ ኣዋይ ኣብራሃሜይ ኑስ ዴስ’ ጉስ ኣጊቴ ጊዴስ። ‘ፆሲ ባስ ጊኮ ሃ ሹቻታፔ ኣብራሃሜስ ና ኦꬂ ዴንꬃናስ ዳንዳዒዛይሳ ኤሪቴ’ \x * \xo 3:8 \xt ዮሃ 8፡33\x* 
\v 9 ካልታይ ሚꬅ ቃንፃናስ ሚꬃ ፃጶን ዴስ። ሎዖ ኣይፌ ኣይፎንታ ኢታ ሚꬂ ዉሪ ቃንፄቲዲ ታማን ዬጌታና” ጊዴስ። \x * \xo 3:9 \xt ማቶ 7፡19\x* 
\p  
\v 10 ኣሳይካ “ሂስቲን ኣይ ኦꬆኒ?” ጊዲ ኦይቺዴስ። 
\p  
\v 11 ዮሃኒሲካ ኣሳስ “ናምዑ ማይዖይ ዲዛይ ኢሲ ማይዖይ ባይንዳ ኣሳስ ኢሞ፤ ቃሴካ ቁማይ ዲዛይካ ባይንዳዴስ ሻኪዲ ኢሞ” ጊዴስ። 
\p  
\v 12 ቃራፃ ሺሺዛይቲካ ፃማቄታናስ ዪዲ “ኣስታማሬ! ኑ ኣይ ኦꬂኖ?” ጊዳ። \x * \xo 3:12 \xt ሉቃ 7፡29\x* 
\p  
\v 13 ኢዚካ “ኢንቴ ኣዛዜቲዳይሳፌ ቦላራ ቃራፃ ሺሾፒቴ” ጊዴስ። 
\p  
\v 14 ዎታዳራቲካ “ኑኒ ቃሴ ኣይ ኦꬂኖ?” ጊዲ ኦይቺዳ። ኢዚካ “ኦና ሚሼካ ጊዲን ዎልቃን ኤኮፍቴ፤ ቃሴካ ኦናኔ ዎርዶን ሞቶፒቴ፤ ኢንቴ ዳሞዛይ ኢንቴስ ጊዳና” ጊዴስ። 
\p  
\v 15 ኣሳይ ዮሃኒሳ ቤዪዲ “ሃይሲ ኪርስቶሴ?” ጊዲ ባ ዎዝናን ሲꬊዴስ።  
\v 16 ዮሃኒሲካ ኡባስ “ታኒ ኢንቴና ሃꬃን ፃማቃይስ፤ ጊዶ ኣቲን ታ ኢዛ ጫማ ቢርሻናስ ቤሶንታ ታፔ ኣꬊዛዴይ ያና። ኢዚ ኢንቴና ፂሎ ኣያናኒኔ ታማን ፃማቃና።  
\v 17 ባሌዛን ዲዛ ካꬃ ጋፌዛፔ ጌሻስ ካꬅ ሱራጊዛ ፒꬃይ ኢዛ ኩሼን ዴስ። ባሌዛ ኩሜꬃ ጌሻና፤ ጊስቴዛ ቃሴ ዲዔን ቆላና፤ ጋፌዛካ ቶዖንታ ታማን ፁጋና” ጊዴስ። 
\p  
\v 18 ዮሃኒሲ ኣሳ ሃራ ዱማ ዱማ ዞሬ ቃላራ ሚኒꬄꬂ ዞሪሼ ሚሺራቾ ቃላ ዮቲዴስ።  
\v 19 ጊዶ ኣቲን ጋሊላ ቢታ ሃሪዛ ሄርዶሲ ባ ኢሻ ማቾ ሄሮዲያዶ ኤኪዳ ጊሺኔ ሃራ ዳሮ ኢታ ኦꬂዳ ጊሽ ዮሃኒሲ ኢዛ ሃንቂዳ ጊሽ፥  
\v 20 ካሴ ሞሮ ቦላ ሃራ ጉጂዲ ሄርዶሲ ዮሃኒሳ ቃሾ ኬꬃን ዬጊዴስ። 
\s1 ዬሱሲ ፃማቄቲዴስ 
\r (ማቶ 3፡13-17፤ ማር 1፡9-11) 
\p  
\v 21 ኣሳይ ፃማቄቲዳፔ ጉዬ ዬሱሲካ ፃማቄቲዴስ፤ ኢዚ ዎሲሺን ሳሎይ ዶዬቲዴስ።  
\v 22 ፂሎ ኣያናይካ ሃራጴ ሚሳቲዲ ኢዛ ቦላ ዎꬊዴስ። “ሳሎፔ ታ ዶሲዛ ናይ ኔና፤ ኔናን ታኒ ኡፋዬታይስ” ጊዛ ቃላይ ዪዴስ። \x * \xo 3:22 \xt ሜꬌ 22፡2፤ ማዛ 2፡7፤ ኢሳ 42፡1፤ ማቶ 3፡17፤ ማር 1፡11፤ ሉቃ 9፡35\x* 
\s1 ዬሱሳ ዜሬꬃ ዛርኬ 
\r (ማቶ 1፡1-17) 
\p  
\v 23 ዬሱሲ ፆሳ ኦሶ ኦይኪሺን ላይꬃይ ኢዛስ ሄꬑ ታሙ ላይꬃ ማላ ጊዳና። ኣሳይካ ኢዚ ዮሴፌ ና፥ ኤሌ ና፥  
\v 24 ማቴ ና፥ ሌዌ ና፥ ሚልካ ና፥ ዩሁዳ ና፥ ዮሴፌ ና፥  
\v 25 ማቶቲዮ ና፥ ኣሞፄ ና፥ ናሆሜ ና፥ ኢሲሊሜ ና፥ ናጌ ና፥  
\v 26 ማቴ ና፥ ማቶቲዮ ና፥ ሴሜዬ ና፥ ዮሴፌ ና፥ ዩሁዳ ና፥  
\v 27 ዮናኔ ና፥ ሬሴ ና፥ ዜሩባቤሌ ና፥ ሴላቲያሌ ና፥ ኔሬ ና፥  
\v 28 ሚልካ ና፥ ሃዴ ና፥ ዮሳ ና፥ ቆሳሜ ና፥ ኤሊሞዳሜ ና፥ ኤራ ና፥  
\v 29 ኢያሶ ና፥ ኤሊዓዛሬ ና፥ ዮራሜ ና፥ ማቴ ና፥ ኤሌ ና፥  
\v 30 ሲሞና ና፥ ዩሁዳ ና፥ ዮሴፌ ና፥ ዮና ና፥ ኤሊያቄሜ ና፥  
\v 31 ሜሊያ ና፥ ማይናኔ ና፥ ማፃቴ ና፥ ናታኔ ና፥ ዳዉቴ ና፥  
\v 32 ኢሴዬ ና፥ ኢዮቤዴ ና፥ ቦዔዜ ና፥ ሶሎሞኔ ና፥ ናሶኔ ና፥  
\v 33 ኣምናዳቤ ና፥ ኣራሜ ና፥ ኣሮኔ ና፥ ኤስሮሜ ና፥ ፋሬሴ ና፥ ዩሁዳ ና፥  
\v 34 ያቆቤ ና፥ ዪሳቃ ና፥ ኣብራሃሜ ና፥ ታራ ና፥ ናኮሬ ና፥  
\v 35 ሴሮሄ ና፥ ራጉዌ ና፥ ፋሌቄ ና፥ ኣቤሬ ና፥ ሳላ ና፥  
\v 36 ቃዪኔሜ ና፥ ኣርፋኪሲዴ ና፥ ሴሜ ና፥ ኖሄ ና፥ ላሜሄ ና፥  
\v 37 ማቱሳላ ና፥ ሄኖኬ ና፥ ያሬዴ ና፥ ማላሊዔሌ ና፥ ቃዪናሜ ና፥  
\v 38 ሄኖሴ ና ሴቴ ና ኣዳሜ ና፥ ፆሳ ና፥ ሚሳቲዴስ። 
\c 4  
\s1 ዬሱሲ ፓጬቲዴስ 
\r (ማቶ 4፡1-11፤ ማር 1፡12-13) 
\p  
\v 1 ዬሱሲ ፂሎ ኣያናን ኩሚዲ ዮርዳኖሴ ሻፋፔ ሲሚዳ ማላ ፂሎ ኣያናይ ኢዛ ካሌꬂዲ ባዞ ቢታ ኤፊዴስ።  
\v 2 ሄንካ ፃላዔን ኦይዱ ታሙ ጋላስ ፓጬቲዴስ። ሄ ፓጬቲዛ ጋላሳታን ኣይኮካ ሞንታ ጊሽ ዉርሴꬃን ጋፊዴስ። 
\p  
\v 3 ፃላዔይካ ዬሱሳ “ኔ ፆሳ ና ጊዲኮ ኣኔ ሃይሳ ሹቻ ካꬅ ጊዳና ማላ ኣዛዛ” ጊዴስ። 
\p  
\v 4 ዬሱሲካ ዛሪዲ “ኣሲ ካꬃን ፃላ ዴና ጌቴቲዲ ፃፌቲዴስ” ጊዲ ፃላዔስ ዛሪዴስ። \x * \xo 4:4 \xt ዛሬ 8፡3\x* 
\p  
\v 5 ሄሳፌ ካሊዲ ፃላዔይ ዬሱሳ ኢሲ ꬎቃ ዙማ ቦላ ኬሲዲ ሳሎ ጉፋንꬆን ዲዛ ካዎቴꬃ ቂጲዳ ኣይፌይ ፄላናስ ቤሲዲኔ፥  
\v 6 “ሃይሲ ኔ ቤዪዛ ቢታ ካዎታ ጎዳቴꬃይኔ ቦንቾይ ዉሪካ ታስ ኢሜቲዴስ፤ ታካ ታ ዶሲዛዴስ ኢማናስ ዳንዳዪዛ ጊሽ ኔስካ ኢማና። 
\p  
\v 7 “ሄሳ ጊሽ ኔኒ ኩንዳዳ ታስ ጎይኒኮ ሃይሲ ዉሪካ ኔስ ጊዳና” ጊዴስ። 
\p  
\v 8 ዬሱሲካ ዛሪዲ “ኔ ጎዳ ፆሳስ ኩንዳዳ ኢዛስ ፃላ ጎይና ጌቴቲዲ ፃፌቲዴስ” ጊዴስ። \x * \xo 4:8 \xt ዛሬ 6፡13\x* 
\p  
\v 9-11 ሄሳፌካ ዬሱሳ ዬሩሳላሜን ፆሳ ኬꬃ ፄራ ኬሲ ኤሲዲ ፆሳ ማፃፋን “ኔና ናጋና ማላ ፆሲ ኔ ጊሽ ባ ኪታንቻ ኣዛዛና፤ ‘ኔ ቶሆይ ሹቻን ꬉጴቶንታ ማላ ኪታንቻቲ ባ ኩሼራ ኔና ꬎቁ ሂስቲ ኦይካና’ ጌቴቲዲ ፃፌቲዳ ጊሽ ኣኔ ኔ ፆሳ ና ጊዲኮ ሃይሳፌ ዱጌ ኩንዳ” ጊዴስ። \x * \xo 4:9-11 \xt ማዛ 91፡11-12\x* 
\p  
\v 12 ዬሱሲካ “ኔ ጎዳ ፆሳ ፓጮፋ” ጌቴቲዴስ ጊዲ ዛሪዴስ። \x * \xo 4:12 \xt ዛሬ 6፡16\x* 
\p  
\v 13 ፃላዔይካ ባ ፓጫናይሳ ዉርሲዳፔ ጉዬን ሃራ ባስ ኢንጄ ዎዴይ ቤታናሼ ዬሱሳፔ ሻኬቲዴስ። 
\s1 ዬሱሲ ጋሊላን ታማርሶ ኦይኪዴስ 
\r (ማቶ 4፡12-17፤ ማር 1፡14-15) 
\p  
\v 14 ዬሱሲካ ፂሎ ኣያና ዎልቃን ጋሊላ ሲሚዴስ። ኢዛ ጎባቴꬃይ ጋሊላ ኣቻን ዲዛ ዴሬታን ሲዬቲዴስ።  
\v 15 ኢዚካ ኣይሁዳታ ዎሳ ኬꬃን ታማርሲሺን ኢዛ ቲሚርቴይ ሎዒን ኣሳይ ዉሪካ ኢዛ ጋላቲዴስ። 
\s1 ናዚሬቴን ዬሱሳ ኢፂዳ 
\r (ማቶ 13፡53-58፤ ማር 6፡1-6) 
\p  
\v 16 ሄፔ ባ ዬሌቲዳ ካታማ ናዚሬቴ ዪዲ ካሴ ሳምባታ ጋላስ ኣይሁዳ ዎሳ ኬꬄ ጌሊዛ ማላ ጌሊዲ ፆሳ ማፃፋ ናባባናስ ዴንዲ ኤቂዴስ።  
\v 17 ናቤ ኢሳያሳ ማፃፋይ ኢዛስ ኢሜቲን ማፃፋ ዶዪዳ ማላ። 
\q1  
\v 18-19 “ጎዳ ኣያናይ ታ ቦላ ዴስ፤ 
\q2 ማንቆታስ ሚሺራቾ ቃላ ዮታና ማላ ታና ቲዪዴስ፤ 
\q1 ቃሼቲዳይታስ ቢርሼቴꬅ፥ 
\q2 ቆቄቲ ፄላና ኦጌ ታ ኣዋጃና ማላ፥ 
\q1 ሜቶቴቲዳይታ ኣሻና ማላ፥ 
\q2 ዶሴቲዳ ጎዳ ላይꬃ ኣዋጃ ታ ዮታና ማላ ታና ኪቲዴስ” 
\m ጊዛ ሶ ዴሚ ናባቢዲኔ። 
\p  
\v 20 ማፃፋካ ጎርዲዲ ኣይሁዳ ዎሳ ኬꬄ ናጊዛይሳስ ዛሪ ኢሚዲ ኡቲዴስ። ኣይሁዳታ ዎሳ ኬꬃን ዲዛይቲ ዉሪካ ኢዛ ቲሺ ኦꬂ ፄሊዳ።  
\v 21 ኢዚካ ኢስታስ “ሃይሲ ኢንቴ ኢንቴ ሃይꬃራ ሲዪዳ ማፃፋ ቃላይ ሃቺ ፖሌቲዴስ” ጊዴስ። 
\p  
\v 22 ኣሳይ ዉሪካ ኢዛ ጊሽ ሎዖ ፃላላ ሃሳዬቴስ። ቃሴካ ኢዛ ዱናፔ ኬዚዛ ሎዖ ቃላፔ ዴንዲዳይሳን ማላሌቲዲ “ሃይሲ ዮሴፌ ና ጊዴኔ?” ጊዳ። 
\p  
\v 23 ኢዚካ “ꬋሌ ጎዶ ኔርካ ኔና ፓꬃ። ቂፊርናሆሜን ኔኒ ኦꬂሺን ኑ ሲዪዳይሳ ሃይሳን ኔ ካታማንካ ኦꬃ ጊዛ ሌሚሶ ኢንቴ ታ ቦላ ማላታናይሳስ ሲꬌይ ባዋ” ጊዲ ኢስታስ ዮቲዴስ።  
\v 24 ቃሴካ “ታ ኢንቴስ ቱማ ጋይስ ናቤይ ባ ዬሌቲዳ ዴሬን ቦንቼቲ ኤሬና። \x * \xo 4:24 \xt ዮሃ 4፡44\x* 
\p  
\v 25-26 “ጊዶ ኣቲን ታ ኢንቴስ ቱማ ጋይስ ሄꬑ ላይꬂኔ ባጋ ጋካናስ ሳሎይ ጎርዴቲን ዎልቃማ ኮሻይ ቢታ ቦላ ሃኒዳ ኤላሳ ዎዴ ሄ ላይꬃታን ኣዚናይ ባይንዳ ዳሮ ማጫሳቲ ኢስራዔሌ ቢታን ዴቴስ ሺን ኤላሳይ ኢስታፌ ኢሲኔይኮካ ኪቴቲቤና። ጊዶ ኣቲን ሲዶና ጌቴቲዛ ቢታን ሴራጲታ ጌቴቲዛ ካታማን ዲዛ ኢሲ ኣዚናይ ባይንዳ ማጫሴይኮ ኪቴቲዴስ። \x * \xo 4:25-26 \xt 1ካዎ 17፡1፥8-16\x* 
\v 27 ናቤ ኤሊሳዔ ዎዴ ኢስራዔሌ ዴሬን ዳሮ ኢንቺራቻ ሃርጊዛይቲ ዴቴስ ሺን ሶሪያ ቢታ ኣሳ ጊዲዳ ኒዒማኔፔ ኣቲን ሄ ዳሮታፔ ኦኒካ ኢንቺራቻ ሃርጌፌ ፓፂቤና” ጊዴስ። \x * \xo 4:27 \xt 2ካዎ 5፡1-14\x* 
\p  
\v 28 ኣይሁዳታ ዎሳ ኬꬃን ዲዛይቲ ዉሪካ ሄሳ ሲይዲ ዳሮ ሃንቄቲዳ።  
\v 29 ባ ኡቲዳሶፔ ዴንዲ ኤቂዲ ዬሱሳ ካታማፔ ካሬ ኬሲዲ ዱጌ ዛሪ ዬዳናስ ኢስታ ካታማያ ኦሴቲዳ ዙማ ቦላ ኣፎቲዛሶን ኦሴቲዳሶ ኤኪ ኤፊዳ።  
\v 30 ጊዶ ኣቲን ኢዚ ኢስታ ጊዶራ ሻኪ ዬጊዲ ኣꬊ ቢዴስ። 
\s1 ዬሱሲ ቱና ኣያና ኬሲዴስ \x * \xo 4:30 \xt ማር 1፡21-28\x* 
\p  
\v 31 ሄፔካ ጋሊላ ኣዉራጃን ዲዛ ቂፊርናሆሜ ጌቴቲዛ ካታማ ዎꬊዴስ። ሄንካ ሳምባታ ጋላስ ዳሮ ኣሳ ታማርሶ ኦይኪዴስ።  
\v 32 ኢዚ ጎዳቴꬃራ ሃሳዪዛ ጊሽ ኢዛ ቲሚርቴዛን ማላሌቲዳ። \x * \xo 4:32 \xt ማቶ 7፡28-29\x* 
\p  
\v 33 ኣይሁዳታ ዎሳ ኬꬃን ቱና ኣያናይ ኦይኪዳ ኣዴይ ዴስ። ኢዚካ ባ ቃላ ꬎቁ ሂስቲዲ  
\v 34 “ናዚሬቴ ዬሱሳ ሃዒ ታ ዋኖ? ኔናራ ታና ኣዚ ጋꬂዴ? ኔ ዪዳይ ኑና ꬋይሳናሴ? ኔ ኦናኮኔ ታ ኤራይስ ኔ ፆሳ ፂሎ ጊዲኪ?” ጊዲ ዋሲዴስ። 
\p  
\v 35 ዬሱሲካ ቱና ኣያናዛ ሃ ኣዴዛፔ “ጮዑ ጋዳ ኬዛ” ጊዲ ሴሪዴስ። ቱና ኣያናይካ ዳሮ ኣሳ ሲንꬃን ኣዴዛ ቦላፌ ዬጊዲ ኢሲ ቆሆካ ጋꬆንታ ዬዲዲ ኬዚዴስ። 
\p  
\v 36 ኣሳይ ዉሪካ ማላሌቲዲ ባ ጊዶን ኢሶይ ኢሳራ “ኣሶ ሃይሲ ኣይ ጊዛ ቲሚርቴ? ጎዳቴꬃራኔ ዎልቃራ ኢታ ኣያናን ኣዛዜስ፤ ኢስቲካ ኬዜቴስ” ጊዲ ሃሳዬቲዴስ።  
\v 37 ዬሱሳ ጎባቴꬃይካ ኡባስ ጋኪዴስ። 
\s1 ዬሱሲ ዳሮ ሃርጋንቻታ ፓꬂዴስ 
\r (ማቶ 8፡14-17፤ ማር 1፡29-34) 
\p  
\v 38 ሄሳፌ ጉዬ ዬሱሲ ኣይሁዳ ዎሳ ኬꬃፌ ኬዚዲ ሲሞና ኬꬄ ጌሊዴስ። ሲሞና ቦሎቴያ ዎልቃማ ሚሾ ሃርጌይ ኦይኪን ሳኬታዳ ዲሺን ዬሱሳ ኢዞ ፓꬃርኪ” ጊዲ ዎሲዳ።  
\v 39 ዬሱሲካ ኢዚኮ ሺቂዲ ሚሾ ሃርጌዛ ሴሪዴስ። ሚሻ ሃርጌይካ ዬዲን ሄራካ ዴንዳ ኤቃዳ ኢማꬃታ ሞካዱስ። 
\p  
\v 40 ኣዋ ኣርሼይ ዉላና ጊሺን ዱማ ዱማ ሃርጌይ ኦይኪዳ ኣሳ ዉርሲ ኢዛኮ ኤኪ ዪዳ። ኢዚካ ሃርጊዛ ኣሳታ ኡባ ቦላ ባ ኩሼ ዎꬂዲ ፓꬂዴስ።  
\v 41 ቱና ኣያናንቲ ቃሴካ ዬሱሳ “ኔኒ ፆሳ ና” ጊሼኔ ዋሲሼ ዳሮ ኣሳታፔ ኬዚዳ፤ ጊዶ ኣቲን ኢዚ ኢስታ ሴሪዴስ፤ ቱና ኣያናንቲ ኢዚ ኪርስቶሳ ጊዲዳይሳ ኤሪዛ ጊሽ ኢስቲ ኢሲኖካ ሃሳያና ማላ ኮይቤና። 
\s1 ዬሱሲ ቃሴካ ጋሊላን ታማርሲዴስ 
\p  
\v 42 ጋዴይ ዎኒቲሺን ዬሱሲ ኢሲ ኣሲ ባይንዳሶ ቢዴስ። ዳሮ ኣሳይካ ኢዛ ኮዪሼ ኢዚ ዲዛ ሶ ጋኪዴስ። ኢዚ ኢስታፌ ሻካቲዲ ቦንታ ማላ ዲጋናስ ኮይዳ።  
\v 43 ጊዶ ኣቲን ኢስታስ “ጌዴ ሃራ ካታማ ባዳ ፆሳ ካዎቴꬃ ሚሺራቾ ቃላ ዮታናስ ታስ ቤሴስ፤ ታኒ ኪቴቲዳ ጊታ ቆፋይ ሄሳኮ” ጊዴስ። 
\p  
\v 44 ኢዚካ ዩሁዳን ኣይሁዳ ዎሳ ኬꬃን ቃላ ጉጂ ዮቲዴስ። 
\c 5  
\s1 ዬሱሲ ኮይሮ ሃዋሬታ ፄይጊዴስ 
\r (ማቶ 4፡18-22፤ ማር 1፡16-20) 
\p  
\v 1 ዬሱሲ ጌንሴሬፄ ኣባ ላንቄን ኤቂዲ ፆሳ ቃላ ታማርሲሺን ሲዪዛ ኣሳይ ኢዛ ኡንዔꬂዴስ። 
\p  
\v 2 ሄ ዎዴ ናምዑ ዎጎሎቲ ኣባ ኣቻን ዲሺን ዬሱሲ ቤዪዴስ። ሞሌ ኦይኪዛይቲ ዎጎሎታፔ ዎꬊዲ ሞሌ ጊቴታ ሜጬቴስ።  
\v 3 ዬሱሲ ዎጎሎታፔ ሲሞና ዎጎሎን ጌሊዲ ቢታፌ ጌዴ ኣባ ጊዶ ሺሻና ማላ ኦይቺዲኔ ዎጎሎ ጊዶን ኡቲዲ ኣሳ ታማርሲዴስ። 
\p  
\v 4 ታማርሲ ዉርሲዳፔ ጉዬ ሲሞና “ኣባይ ጪማቲዛሶ ሺቃ ሞሌ ኦይካናስ ኢንቴ ጊቴዛ ኣባ ጊዶ ዬጊቴ” ጊዴስ። 
\p  
\v 5 ሲሞናይ ዬሱሳስ ዛሪዲ “ጎዶ! ቃማ ኩሜꬅ ዳቡሪ ኣቂዲ ኢሲኖካ ኦይኪቦኮ፤ ጊዶ ኣቲን ኔ ቃላን ጊቴዛ ዬጋና” ጊዴስ። \x * \xo 5:5 \xt ዮሃ 21፡3\x* 
\p  
\v 6 ዬጊዳ ዎዴ ዳሮ ሞሌ ኦይኪዳ። ጊቴይካ ዳኬቲዴስ። \x * \xo 5:6 \xt ዮሃ 21፡6\x* 
\v 7 ሃራ ዎጎሎን ዲዛይቲ ዪዲ ኢስታ ማዳና ማላ ኩሼራ ዉቲ ፄይጊዳ። ኢስቲካ ዪዲ ናምዑ ዎጎሎታ ሞሌ ኩንꬂዳ። ዎጎሎቲካ ዱጌ ሚቴቴꬅ ኦይኪዳ። 
\p  
\v 8 ሲሞና ጌቴቲዛ ጴፅሮሲ ሄሳ ቤዪዲ ዬሱሳ ቶሆ ቦላ ኩንዲዲ “ጎዶ! ታ ናጋራንቻ ጊዲዳ ጊሽ ታ ኣቻፌ ኪቻ” ጊዴስ።  
\v 9 ኢዚ ሄሳ ጊዳይ ኢዚኔ ኢዛራ ዲዛይቲ ኦይኪዳ ዳሮ ሞሌዛን ማላሌቲዳ ጊሻሳ።  
\v 10 ቃሴካ ሲሞና ላጌቲ ዛቢዶሳ ናይቲ ያቆቤይኔ ዮሃኒሲካ ዉሪ ማላሌቲዳ። ዬሱሲካ ሲሞና “ባቦፋ! ሃይሳፌ ጉዬ ኔ ኣስ ኦይኪዛዴ ጊዳና” ጊዴስ። 
\p  
\v 11 ኢስቲካ ዎጎሎታ ቢታኮ ሺሺዲ ዉርሲካ ዬጊ ኣጊዲ ዬሱሳ ካሊዳ። 
\s1 ዬሱሲ ኢንቺራቻ ኦይኬቲዳ ኣዴዛ ፓꬂዴስ 
\p  
\v 12 ዬሱሲ ካታማታፔ ኢሲኔዪን ዲሺን ኢንቺራቻ ሃርጌይ ቦላ ዉርሲ ኦይኪዳ ኢሲ ኣሲ ሄ ካታማን ዴስ። ሄ ኣዴዚካ ዬሱሳ ቤዪዲ ኢዛ ሲንꬃን ኩንዲዲ “ጎዶ! ኔ ኮይኮ ታና ፓꬃና ዳንዳያሳ” ጊዲ ዎሲዴስ። 
\p  
\v 13 ዬሱሲ ባ ኩሼ ዬዲ ቦቺዲ “ታ ዶሳዲስ፥ ፓፃ” ጊዴስ። ኢንቺራንቻይ ሄራካ ꬋዪዴስ።  
\v 14 ዬሱሲ ኢዛስ “ሃይሳ ኦናስካ ዮቶፓ፤ ጊዶ ኣቲን ባዳ ኔና ቄሴ ሃላቃስ ቤሳ፤ ኢስታስ ማርካ ጊዳና ማላ ኔ ጌዪዳይሳስ ሙሴይ ኣዛዚዳ ያርሾዛ ሺሻ” ጊዲ ኣዛዚዴስ። \x * \xo 5:14 \xt ሌዌ 14፡1-32\x* 
\p  
\v 15 ጊዶ ኣቲን ኢዛ ጊሽ ኣሳይ ሃሳዪዛ ዎሬይ ካሴፔ ኣኪ ኣኪ ቢዴስ። ኬሂ ዳሮ ኣሳይ ኢዛ ሃሳያ ሲያናሲኔ ባና ሳኪዛ ሃርጌፌ ፓፃናስ ኢዛኮ ሺቂዴስ።  
\v 16 ዬሱሲ ዳሮ ዎዴ ኣሲ ባይንዳሶ ቢዲ ዎሲዴስ። 
\s1 ዬሱሲ ሲላ ኣዴዛ ፓꬂዴስ 
\r (ማቶ 9፡1-8፤ ማር 2፡1-12) 
\p  
\v 17 ዬሱሲ ታማርሲሺን ኣሳይ ጋሊላፔኔ ዩሁዳፔ ቃሴካ ዬሩሳላሜፔ ዪዳ ፋርሳዌቲኔ ዎጋ ታማርሲዛይቲ ሄን ኡቲዳ። ኢዚ ፓꬃና ማላ ጎዳ ዎልቃይ ኢዛራ ዴስ።  
\v 18 ሄ ዎዴ ኣሳይ ኢሲ ኩሜꬃ ቦላይ ሲሊዲ ቃፆንታ ሃርጋንቻ ሃላራ ቶኪ ኤኪ ዪዲ ኬꬄ ጌልꬂዲ ዬሱሳ ሲንꬃን ዎꬃናስ ፓጪዳ።  
\v 19 ኣሳ ዳሮቴꬃፌ ዴንዲዳይሳኒ ኬꬄ ጌልꬃናስ ፆኔቲዳ ጊሽ ፑዴ ኬꬃ ካራ ቦላ ኬዚዲኔ ካራ ቃሪዲ ሃርጋንቻ ሃላራ ቶኪ ኤሂዲ ኣሳ ጊዶራ ዬሱሳ ሲንꬃን ዎꬂዳ።  
\v 20 ዬሱሲ ኢስታ ኣማኖ ቤዪዲ “ሃይሶ ኔኒ ኔ ናጋራፔ ማሬታዳሳ” ጊዴስ። 
\p  
\v 21 ሙሴ ዎጋ ፃፊዛይቲኔ ፋርሳዌቲ “ሃይሲ ፆሳ ቦላ ፃላቴꬃን ሃይሳꬆ ሃሳዪዛይ ኢዚ ኦኔ? ኢሲ ፆሳፌ ኣቲን ናጋራ ማራናስ ኦኒ ዳንዳዪዜ?” ጊዲ ቆፒዳ። 
\p  
\v 22 ዬሱሲ ኢስታ ቆፋ ኤሪዳ ጊሽ “ኢንቴ ኢንቴ ዎዝናን ኣይስ ሄሳꬆ ቆፔቲ?  
\v 23 ‘ኔኒ ናጋራፔ ማሬታዳሳ’ ጉሳፌኔ ‘ዴንዳዳ ባ’ ጉሳፌ ኣዋይሲ ካዉሼ?  
\v 24 ጊዶ ኣቲን ታ ሃይሳ ጊዳይ ኣሳ ናስ ቢታ ቦላ ኣሳ ናጋራፔ ማራናስ ጎዳቴꬂ ዲዛይሳ ኢንቴ ኤራና ማላ” ጊዴስ። ቃሴካ ሄ ሲላ ኣዴዛ “ኔና ጋይስ! ዴንዳ ኤቃ! ኔ ሃላ ቶካዳ ባ!” ጊዴስ። 
\p  
\v 25 ኢዚ ሄራካ ኢስታ ሲንꬃን ዴንዲ ኤቂዴስ። ካሴ ባ ኢቺዳ ሃላ ቶኪዲ ፆሳ ጋላቲሼ ባሶ ቢዴስ።  
\v 26 ሄ ዎዴ ኣሲ ዉሪ ማላሌቲዴስ። ፆሳ ጋላቲሼ “ሃች ማላሊሲዛዝ ቤይዶስ” ጊዲ ዳሮ ባቢዳ። 
\s1 ዬሱሲ ማቶሳ ጌቴቲዛ ሌዌ ፄይጊዴስ 
\r (ማቶ 9፡9-13፤ ማር 2፡13-17) 
\p  
\v 27 ሄሳፌ ጉዬ ዬሱሲ ሄፔ ኬዚ ቢዴስ። ሌዌ ጊዛ ኢሲ ቃራፃ ቃንፂሲዛይሲ ቃራፃ ቃንፂዛሶን ኡቲዳይሳ ቤዪዲ “ታና ካላ” ጊዴስ።  
\v 28 ኢዚካ ዉርሲ ኣጊዲ ኢዛ ካሊዴስ። 
\p  
\v 29 ሌዌይካ ዬሱሳሲ ባ ኬꬃን ጊታ ዲጊሳ ዲጊሲዴስ። ቃራፃ ቃንፂሲዛ ዳሮ ኣሳቲኔ ሃራ ኣሳቲካ ኢስታራ ኢሲፌ ማዳን ኡቲዳ።  
\v 30 ፋርሳዌቲኔ ኢስታ ፃፌቲ “ቃራፃ ቃንፂሲዛይታራኔ ናጋራንቻታራ ኢሲፌ ኣዛስ ሜቲ?” ጊዲ ዬሱሳ ካሊዛይታ ቦላ ዙዙሜቲዳ። \x * \xo 5:30 \xt ሉቃ 15፡1-2\x* 
\p  
\v 31 ዬሱሲካ ኢስታስ “ሃርጋንቻታስ ኣቲን ፓፃ ኣሳስ ኣኪሜ ኮሼና።  
\v 32 ታካ ናጋራንቻታ ማሮቴꬃኮ ዛራናስ ያዲስ ኣቲን ፂሎታ ፄይጋናስ ያቤኬ” ጊዴስ። 
\s1 ፆማ ጊሽ ኦይቼቲዳ ኦይሾ 
\r (ማቶ 9፡14-17፤ ማር 2፡18-22) 
\p  
\v 33 ኢስቲካ ዛሪዲ “ዮሃኒሳ ካሊዛይቲ ዳሮ ዎዴ ፆሜቴሲኔ ዎሴቴስ። ፋርሳዌታ ካሊዛይቲካ ኢዛꬆ ኦꬄቴስ። ኔና ካሊዛይቲ ጊዲኮ ኡባ ዎዴ ሜቴሲኔ ኡዬቴስ” ጊዳ። 
\p  
\v 34 ዬሱሲካ ኢስታስ ዛሪዲ “ሚሺራይ ኢሲፌ ዲሺን ዲጊሳስ ፄይጌቲዳይታ ፆሚሳናስ ቤሲዜ?  
\v 35 ጊዶ ኣቲን ሚሺራይ ኢስታፌ ሻኬታና ዎዴይ ያና ኢስቲ ሄ ዎዴ ፆማና” ጊዴስ። 
\p  
\v 36 ኢስታስ “ኦራꬅ ማይዖፔ ቃንፂ ኤኪዲ ጋልዓ ማይዖ ቦላ ዎꬂ ሲኪዛዴይ ዴና፤ ዎꬂ ሲኪኮ ኦራꬃዚ ጋልዓራ ጋጎንታ ጊሽ ጋልዓዛ ዳካና።  
\v 37 ዎይኔፔ ኦሴቲዳ ኦራꬃ ጫጄ ጋልዓ ሉካሞን ኩንꬂዲ ዎꬂዛ ኣሲ ኦኒካ ባዋ፤ ዎꬂዛ ጊዲኮ ዎይኔፔ ኦሴቲዳ ኦራꬃ ጫጄይ ጋልዓዛ ዳካና። ዎይኔ ጫጄዚካ ቢታን ጉካና፤ ጋልዓ ሉካሞይ ሲንꬃፌ ጎዖንታዝ ጊዳና።  
\v 38 ሄሳ ጊሽ ኦራꬃ ዎይኔ ጫጄይ ኦራꬃ ኦጎሮን ጉጄታናስ ቤሴስ።  
\v 39 ሂስቲኮ ጫላ ዎይኔ ጫጄ ኡዪዳፔ ጉዬ ጫሎንታዚ ኡያና ኮዪዛይ ኦኒኔ ዴና ጋሶይካ ጫላይ ሎዖ ጊዛ ጊሻሳ” ጊዴስ። 
\c 6  
\s1 ሳምባታ ጊሽ ኦይሼቲዳ ኦይሾ 
\r (ማቶ 12፡1-8፤ ማር 2፡23-28) 
\p  
\v 1 ኢሲ ሳምባታ ጋላስ ዬሱሲ ካꬃ ጊዶራ ኣꬊ ቢሺን ኢዛ ካሊዛይቲ ቲያ ፁጲ ኤኪዲ ባ ኩሼን ሺጊቺ ሚሺን፥ \x * \xo 6:1 \xt ዛሬ 23፡25\x* 
\v 2 ፋርሳዌታፔ ኢሲ ኢሲ ኣሳቲ “ሳምባታ ጋላስ ኦꬃናስ ቤሶንታይሳ ኣይሲ ኦꬄቲ?” ጊዳ። 
\p  
\v 3 ዬሱሲካ ኢስታስ “ዳዉቴይ ኢዛራ ዲዛ ኣሳቲ ጋፊዳ ዎዴ ኢዚ ኦꬂዳይሳ ናባቢቤኬቲ? \x * \xo 6:3 \xt 1ሳሜ 21፡1-6\x* 
\v 4 ኢዚ ፆሳ ኬꬄ ጌሊዲ ቄሴቲ ፃላ ማና ማላ ኣዛዜቲዳ ዱማ ኡኬꬃ ባሲ ሚዲ ባናራ ዲዛይታስ ኢሚዴስ” ጊዲ ዛሪዴስ። \x * \xo 6:4 \xt ሌዌ 24፡9\x* 
\p  
\v 5 ቃሴካ ዬሱሲ “ኣሳ ናይ ሳምባታ ጎዳ” ጊዲ ኢስታስ ዮቲዴስ። 
\s1 ዬሱሲ ኩሼይ ሲሊዳ ኣዴዛ ፓꬂዴስ 
\r (ማቶ 12፡9-14፤ ማር 3፡1-6) 
\p  
\v 6 ዬሱሲካ ሃራ ሳምባታ ጋላስ ኣይሁዳ ዎሳ ኬꬄ ጌሊዲ ታማርሲሺን ኡሻቻ ኩሼይ ሲሊዳ ኢሲ ኣሲ ሄን ዴስ።  
\v 7 ሙሴ ዎጋ ታማርሲዛይቲኔ ፋርሳዌቲ ዬሱሳ ሞታናስ ጋሶ ኮይዲ ኣኔ ኢዚ ሳምባታ ጋላሳን ኣዴዛ ፓꬂኮ ቤያና ጊዲ ናጊሼ ጋምዒዳ።  
\v 8 ዬሱሲካ ኢስታ ዎዝና ቆፋ ኤሪዲ ኩሼይ ሲሊዳ ኣዴዛ ኡባ ሲንꬃን “ዴንዳ ኤቃ” ጊዴስ። ኣዴዚካ ዴንዲ ኤቂዴስ። 
\p  
\v 9 ዬሱሲካ ኢስታ “ታ ኢንቴና ኢሲ ሚሽ ኣኔ ኦይቻይስ፤ ሳምባታ ጋላስ ኦꬃናስ ቤሲዛይ ሎዖ ኦሶዬ? ኢታ ኦሶ? ሼምፖ ኣሾ ዎይኮ ꬋይሶ?” ጊዲ ኦይቺዴስ። 
\p  
\v 10 ቃሴካ ዬሱሲ ባ ዩሾን ዲዛ ዉርሲ ዩሺ ፄሊዳፔ ጉዬን ኣዴዛ “ኔ ኩሼ ፒዲሳ” ጊዴስ። ኣዴዚካ ዬሱሲ ጊዳ ማላ ኦꬂዴስ። ኢዛ ኩሼይካ ፓፂዴስ። 
\p  
\v 11 ጊዶ ኣቲን ኣሳቲ ሃንቄቲዳ፤ ዬሱሳ ቦላ ኣይ ኦꬃናስ ኮሺዛኮኔ ባ ጊዶን ዞሬቲዳ። 
\s1 ዬሱሲ ታማኔ ናምዑ ሃዋሬታ ዶሪዴስ 
\r (ማቶ 10፡1-4፤ ማር 3፡13-19) 
\p  
\v 12 ሄ ጋላሳታፔ ኢሲ ጋላስ ዬሱሲ ዎሳናስ ዙማ ቦላ ኬዚዲ ቃማ ኩሜꬅ ፆሳ ዎሲሼ ኣቂዴስ።  
\v 13 ጋዴይ ዎንቲሺን ባና ካሊዛይታ ፄይጊዲ ኢስታፌ ታማኔ ናምዓታ ዶሪዴስ። ኢስታካ “ሃዋሬታ” ጊዲ ሱንꬂዴስ። 
\p  
\v 14 ኢስቲካ ጴፅሮሳ ጊዲ ሱንꬂዳ ሲሞናኔ ኢዛ ኢሻ ኢንዲራሳ፥ ያቆቤ፥ ዮሃኒሳ፥ ፒሊጶሳ፥ ባርቴሌሞሳ፥  
\v 15 ማቶሳ፥ ቶማሳ፥ ኢልፊዮሳ ና ያቆቤ፥ ባ ባጋስ ሚሼቲዛ ሲሞና፥  
\v 16 ያቆቤ ና ዩሁዳኔ ዬሱሳ ኣꬂ ኢሚዳ ኣስቆሮንቶ ዩሁዳ። 
\s1 ዬሱሲ ዳሮ ኣሳ ታማርሲዴሲኔ ፓꬂዴስ 
\r (ማቶ 4፡23-25) 
\p  
\v 17 ዬሱሲካ ኢስታራ ኢሲፌ ዙማ ቦላፌ ዱጌ ዎꬊዲ ዴንባሶን ኤቂዴስ። ኢዛ ካሊዛይታፔ ዳሮ ኣሳይ ሄን ዴስ፥ ዩሁዳፔኔ ዬሩሳላሜፔ፥ ቃሴካ ፂሮሴፔኔ ሲዶና ኣባ ኣቻፌ ዪዳ ኬሂ ዳሮ ኣሳይካ ሄን ዴስ።  
\v 18 ኢስቲካ ዪዳይ ዬሱሲ ጊዛይሳ ሲያናሲኔ ሃርጌፌ ፓፃናሳ። ቱና ኣያናይካ ዋይሲዛይቲ ዉሪ ፓፂዳ።  
\v 19 ዎልቃይካ ኢዛፔ ኬዚዲ ዳሮታ ፓꬂዛ ጊሽ ኣሳይ ዉሪ ኢዛ ቦቻናስ ዪዴስ። 
\s1 ኣንጆኔ ዋዬ ጋሶታ 
\r (ማቶ 5፡1-12) 
\p  
\v 20 ዬሱሲካ ባና ካሊዛይታስ “ፆሳ ካዎቴꬃይ ኢንቴስ ጊዲዳ ጊሽ ኢንቴኖ ማንቆቶ! ኢንቴ ኣንጄቲዳይታ፤ 
\q1  
\v 21 ኢንቴ ጉዬፔ ካላና ጊሽ ሃዒ ጋፊዛይቶ! 
\q2 ኢንቴ ኣንጄቲዳይታ፤ ኢንቴ ጉዬፔ ሚጫና ጊሽ 
\q1 ኢንቴኖ ሃዒ ዬኪዛይቶ! 
\q2 ኢንቴ ኣንጄቲዳይታ፤ 
\q1  
\v 22 ኣሳይ ታ ጊሽ ኢንቴና ኢፂሺን ባ ጊዶፌ ሻኪሺን፥ ቦርሺኒኔ ኢንቴና ኢታ ሱንꬃራ ፄይጊሺን ኢንቴ ኣንጄቲዳይታ፤ \x * \xo 6:22 \xt 1ጴፅ 4፡14\x* 
\p  
\v 23 “ኢንቴስ ሳሎን ጊታ ዎይቶይ ዲዛ ጊሽ ሄ ዎዴ ኡፋይሳን ጉፒቴ፤ ኣይስ ጊኮ ኢስታ ኣዋቲ ናቤታ ቦላ ሄሳꬆ ኦꬂዳ። \x * \xo 6:23 \xt 2ታር 36፡16፤ ሃዋ 7፡52\x* 
\q1  
\v 24 ጊዶ ኣቲን ኢንቴኖ ዱሬቶ ኢንቴ ሃዒ ኡፋዬቲዳ ጊሽ 
\q2 ኢንቴና ኣዬ-ኣና! 
\q1  
\v 25 ኢንቴኖ ሃዒ ካሊዳይቶ ኢንቴና ኣዬ ኣና! 
\q2 ኢንቴ ጉዬፔ ጋፋና፤ ኢንቴኖ ሃዒ ሚጪዛይቶ! 
\q1 ኢንቴስ ኣዬ ኣና! ኢንቴ ጉዬፔ ሚሼታናኔ ዬካና። 
\p  
\v 26 “ኣሲ ዉሪ ኢንቴ ጊሽ ሎዖ ሃሳዪዛ ዎዴ ኢንቴንስ ኣዬ-ኣና! ኣይስ ጊኮ ኢስታ ኣዋቲ ዎርዶ ናቤታስ ሄሳ ማላ ኦꬂዳ። 
\s1 ሞርኬ ሲቆ ጊሽ 
\r (ማቶ 5፡38-48፤ 7፡12) 
\p  
\v 27 “ጊዶ ኣቲን ታ ዮቲዛይሳ ሲዪዛይቶ ታኒ ኢንቴስ ዮቲዛይ ኢንቴ ሞርኬታ ሲቂቴ፤ ኢንቴና ኢፂዛይታስ ሎዖ ኦꬂቴ፤  
\v 28 ኢንቴና ቃንጊዛይታ ኣንጂቴ፤ ኢንቴና ቆሂዛይታስ ዎሲቴ፤  
\v 29 ኢሲ ሻጋላን ባቂኮ፥ ናምዓንꬆ ሻጋላ ጉጃ ቤሳ፤ ኦኒኔ ኔ ቦላራ ማይዒዳይሳ ቃሪ ኤኪኮ ጋꬃራ ማይዒዳይሳካ ዲጎፋ። \f + \fr 6:29 \fq ሻጋላን \ft ጊዛይሳ ኢሲ ኢሲ ባጋ ጋሞꬆ ቃላን ቂንፃሌ ጌቴቴስ።\f* 
\p  
\v 30 “ኔና ዎሲዛ ኡባስ ኢማ፤ ኔ ሚሻ ኤኪዳ ኣሲ ዛሪ ኢማና ማላ ኦይቾፋ። 
\p  
\v 31 “ኣሲ ኢንቴስ ኦꬃና ማላ ኢንቴ ኮዪዛይሳꬆ ኢንቴካ ሃራ ኣሳስ ኦꬂቴ። \x * \xo 6:31 \xt ማቶ 7፡12\x* 
\p  
\v 32 “ናጋራንቻቲካ ባና ሲቂዛይታ ሲቂዛ ጊሽ ኢንቴ ኢንቴና ሲቂዛይታ ፃላ ሲቂኮ ኢንቴስ ኣይ ዱማ ኣንጆይ ዲዜ?  
\v 33 ኢንቴ ኢንቴስ ሎዖ ኦꬂዛይታስ ፃላላ ሎዖ ኦꬂኮ ኢንቴስ ኣይ ዱማ ኣንጆይ ዲዜ? ኣይሲ ጊኮ ናጋራንቻቲካ ሄሳꬆ ኦꬂዛ።  
\v 34 ታልዔ ኤኪዲ ዛራና ዳንዳዬቴስ ጊዛይታስ ፃላ ኢንቴ ታልዒኮ ኢንቴ ሃራ ኣይ ዱማ ኣንጆ ዴማኔ? ኣይሲ ጊኮ ናጋራንቻቲካ ኢስቲ ታልዒዳይሳ ሲሬ ዛሪዲ ኤካናስ ናጋራንቻታስ ታልዔቴስ።  
\v 35 ጊዶ ኣቲን ፆሲ ባና ጋላቶንታይታሲኔ ኢታታስ ኪያ ጊዲዳ ማላ ኢንቴ ሞርኬታ ሲቂቴ፤ ሎዖ ኦꬂቴ፤ ጉዬፔ ዛሪዲ ኤካናስ ቆፖንታ ዲሼ ታልዔ ኢሚቴ፤ ሄሳንካ ኢንቴስ ኩሼ ዛሮይ ጊታ ጊዳና፤ ቃሴካ ኢንቴ ዎጋ ፆሳ ና ጊዳና።  
\v 36 ኢንቴ ኣዋይ ኪያ ጊዲዳ ማላ ኢንቴካ ኪያታ ጊዲቴ። 
\s1 ሃራ ኣሳ ፒርዳናስ ቤሴና 
\r (ማቶ 7፡1-5) 
\p  
\v 37 “ኢንቴ ሃራታ ቦላ ፒርዶፍቴ ኢንቴ ቦላካ ፒርዴቴና፤ ኢንቴ ቦላ ፒርዳይ ዳሮንታ ማላ ሃራታ ቦላ ፒርዳ ዳርሶፍቴ፤ ኣሳስ ኣቶ ጊቴ ኢንቴስካ ኣቶ ጌቴታና።  
\v 38 ኢሚቴ! ኢንቴስካ ኢሜታና፤ ኢንቴስ ኢንቴ ማኪዳ ሚሻን ሲሚዲ ማኬታና፤ ሃራፔካ ናቂ ባቄቲዲ ዪጌቲ ኩሚዲ ዎራ ጉካናሼ ሎዖ ማኪዛ ሚሻን ማኬቲዲ ኢንቴስ ኢሜታና” ጊዴስ። 
\p  
\v 39 ቃሴካ ዬሱሲ ኢስታስ ሌሚሶን “ቆቄይ ቆቄ ካሌꬃናስ ዳንዳዪዜ? ካሌꬂኮካ ናምዓቲ ኢሶይ ኢሳራ ኦይኬቲዲ ኦላን ጌሌቴኔ? \x * \xo 6:39 \xt ማቶ 15፡14\x* 
\v 40 ታማሬይ ባና ታማርሲዛዴፌ ኣꬌና፥ ጊዶ ኣቲን ሎዔꬂ ታማሪዳ ኣሲ ዉሪ ባ ኣስታማሬ ማላ ጊዴስ። \x * \xo 6:40 \xt ማቶ 10፡24-25፤ ዮሃ 13፡16፤ 15፡20\x* 
\p  
\v 41 “ኔ ኣይፌ ጊዶን ዲዛ ቱሳ ፄሎንታ ዳሼ ኔ ኢሻ ኣይፌ ጊዶን ዲዛ ቡራ ኣይስ ፄላይ?  
\v 42 ኔ ኣይፌን ዲዛ ቱሳ ቤዮንታ ኔ ኢሻ ‘ታኒ ኔ ኣይፌን ዲዛ ቡራ ኣኔ ኬሳይስ ጋናስ ዎስታ ዳንዳያይ?’ ኔኖ ቆꬌፔ ቆሞን ሃንዛይሶ ኮይሮታዳ ኔ ኣይፌን ዲዛ ቱሳ ኬሳ፤ ሄሳፌ ጉዬ ኔ ኢሻ ኣይፌን ዲዛ ቡራ ኬሳናስ ሎዔꬃ ፄላንዳሳ። 
\s1 ሚꬂ ባ ኣይፌን ኤሬቴስ 
\r (ማቶ 7፡17-20፤ 12፡34-35) 
\p  
\v 43 “ሎዖ ሚꬂ ኢታ ኣይፌ ኣይፌና፤ ቃሴካ ኢታ ሚꬂ ሎዖ ኣይፌ ኣይፌና።  
\v 44 ሚꬂ ዉሪካ ባ ኣይፌን ኣይፌን ኤሬቴስ፤ ኣጉንꬃፌ ባላሴ ጌቴቲዛ ሚꬃ ኣይፌይ ማፄቴና፤ ላዴፔ ዎይኔ ኣይፌይ ቃንፄቴና። \x * \xo 6:44 \xt ማቶ 12፡33\x* 
\v 45 ሎዖ ኣሲ ባ ዎዝና ኩሚዳ ሎዖ ሚሽ ኬሴስ፤ ኢታ ኣሲካ ባ ዎዝና ኩሚዳ ኢታ ሚሻፌ ኢታ ኬሴስ፤ ኣሲ ዉሪካ ባ ዎዝና ኩሚ ፓላሂዳይሳ ባ ዱናን ሃሳዬስ። \x * \xo 6:45 \xt ማቶ 12፡34\x* 
\s1 ናምዑ ቆሞ ኬꬄ ኬፂዛ ኣሳታ 
\r (ማቶ 7፡24-27) 
\p  
\v 46 “ታኒ ጊዛይሳ ኦꬄኬታ ሺን ኣይስ ታና ‘ጎዶ! ጎዶ!’ ጌቲ?  
\v 47-48 ታኮ ዪዲኔ ታ ቃላ ሲይዲ ፖሊዛይ ዉሪ ኦና ሚሳቲዛኮኔ ታ ኢንቴና ቤሳና፤ ኬꬄ ኬፃናስ ዚቂ ኦꬂ ቦኪዲ ሹቻ ቦላን ባ ኬꬃ ኬፂዳ ኣሳ ሚሳቴስ። ሃሮ ሃꬂ ዪዲ ሄ ኬꬃ ሱጊዴስ፤ ጊዶ ኣቲን ሚኒ ኬፄቲዳ ጊሽ ቃꬃናስ ዳንዳይቤና።  
\v 49 ጊዶ ኣቲን ታ ቃላ ሲይዲ ፖሎንታ ኣሲ ባ ኬꬄ ሎዔꬂ ባሶንታኔ ጊዶን ሹች ዬጎንታ ኬፂዳ ኣሳ ሚሳቴስ፤ ሃሮይካ ኬꬃ ሱጊን ኬꬃይ ሄራካ ኩንዲዲ ኢታ ላሌꬅ ላሌቲዴስ” ጊ ዮቲዴስ። 
\c 7  
\s1 ዬሱሲ ማቶ ሃላቃዛ ኣሽካራ ፓꬂዴስ 
\r (ማቶ 8፡13፤ ዮሃ 4፡3) 
\p  
\v 1 ዬሱሲ ሄሳ ዉርሲካ ዴሬ ሲንꬃን ዮቲ ዉርሲዳይሳፌ ጉዬ ቂፊርናሆሜ ጊዛሶ ቢ ጌሊዴስ።  
\v 2 ሄን ቂፍርናሆሜን ማቶ ሃላቃይ ዴስ፤ ሄ ኣዴዛስ ኢዚ ሲቂዛ ኣሽካራይ ሃርጊዲ ሃይቆስ ሼምፖ ቦላ ዴስ።  
\v 3 ኢዚካ ዬሱሳ ጊሽ ሲይዲ “ባ ኣሽካራ ፓꬃና ማላ ዬሱሳ ዎሴሪኬቲ!” ጊዲ ኢሲ ኢሲ ኣይሁዳ ባጋ ኣሳታፔ ጪማታ ዬሱሳኮ ዬዲዴስ።  
\v 4 ኪቴቲዲ ቢዳ ኣሳቲ ዬሱሳኮ ዪዲ “ሃይሳ ኣዴዛ ጊሽ ኔ ኣሽካራዛ ፓꬃና ቤሴስ።  
\v 5 ኣይስ ጊኮ ሃይሲ ኣዴዚ ኑ ኣሳ ዳሮ ዶሴስ፤ ኑስካ ኣይሁዳ ዎሳ ኬꬄ ኬፂሲዳይ ኢዛ” ጊዲ ሚንꬂ ዎሲዴስ። 
\p  
\v 6 ዬሱሲካ ኢስታራ ቢዴስ። ዬሱሲ ኣዴዛ ኬꬃኮ ማቲዛ ዎዴ ኣዴዚ ባ ላጌታ ዬሱሳኮ ዬዲዲ “ጎዶ! ኔ ታ ኬꬄ ጌላናስ ቤሴና፤ ታካ ኔና ታ ኬꬄ ጌልꬃናስ ቤሲዛ ኣሲ ጊዶንታ ጊሽ ሃ ያሼ ዳቡሮፓ።  
\v 7 ታኒ ኔ ሲንꬃን ቤታናስ ቤሶንታ ኣሳ ጊዲዳ ጊሽ ኔኮ ባቤይኬ፤ ሄሳ ጊሽ ኔኒ ሄን ዳዳ ቃላ ፃላ ጊኮ ታ ኣሽካራይ ፓፃና።  
\v 8 ታስካ ታና ኣዛዚዛ ኣሲ ታፔ ቦላራ ዴስ። ታፔ ጋርሳራ ታኒ ኣዛዚዛ ዎታዳራቲ ዴቴስ። ኢሳ ‘ሃያ!’ ጊኮ ዬስ፤ ኢሳ ‘ሄ ባ!’ ጊኮ ቤስ፤ ኣሽካራይካ ‘ሄሳ ኦꬃ!’ ጊኮ ኣዛዜቲዳይሳ ኦꬄስ” ጊዴስ። 
\p  
\v 9 ዬሱሲካ ኣዴዚ ጊዳይሳ ሲይዲ ኣዴዛ ሃኖቴꬃን ማላሌቲዴስ። ጉዬ ሲሚዲ ባና ካሊዛ ዴራስ “ታ ኢንቴስ ጊዛይ ሃይሳ ማላ ጊታ ኣማኖ ሃራይ ኣቶ ሺን ኢስራዔሌ ናይታ ጊዶንካ ዴማቤኬ” ጊዴስ። 
\p  
\v 10 ዬሱሳኮ ኪቴቲዳ ኣሳቲ ጉዬ ኪቲዳ ሃላቃሶ ሲሚዳ ዎዴ ኣሽካራያ ፓፂዳይሳ ቤዪዳ 
\s1 ዬሱሲ ኢሲ ኣምዔይ ና ሃይቆፔ ዴንꬂዴስ 
\p  
\v 11 ሄሳፌ ጉዬን ዬሱሲ ጋምዖንታ ዲሼ ናይኔ ጌቴቲዛ ካታማ ባና ካሊዛይታራኔ ዳሮ ዴሬራ ኢሲፌ ቢዴስ።  
\v 12 ኢዚ ቢዲ ካታማ ጌሊዛ ሚፃ ጋኪሺን ሄ ካታማይፔ ዳሮ ኣሳይ ኣሃ ቶኪ ኤኪዲ ኬዚ ዎꬊዴስ። ሃይቂዳይስ ባ ኣዬይስ ኢዚ ሜፂ ኢሲኖ። ኣዬይስካ ኣዚናይ ባዋ፤ ካታማፔ ዳሮ ኣሳይ ኢዚራ ኢሲፌ ዴስ።  
\v 13 ጎዳይካ ኢዞ ቤዪዳ ዎዴ ኢዚስ ሚቼቲዲ “ኣይኮይ ባዋ፤ ዬኮፋ!” ጊዴስ። 
\p  
\v 14 ሺቂዲኔ ኣሃ ቶኪዳ ሃላ ቦቺን ኣሃ ቶኪዳይቲ ሲቲ ጊ ኤቂዳ። ዬሱሲካ “ሃይሶ ናዞ ኔና ጋይስ ዴንዳ!” ጊዴስ።  
\v 15 ሃይቂዳ ናዚካ ሱሪ ኡቲዲ ሃሳያ ኦይኪዴስ። ዬሱሲካ ናዛ ኣዬይስ ኤፊ ኢሚዴስ። 
\p  
\v 16 ኣሳይ ዉሪካ ኬሂ ባቢዲ ፆሳ ጋላቲሼ “ጊታ ናቤይ ኑ ጊዶፌ ዴንዲዴስ፤ ፆሲካ ሃይሳ ዴሬዛ ዪዲ ቤይዴስ” ጊዴስ።  
\v 17 ሃይሲ ዬሱሳ ጊሽ ሃሳዬቲዛ ሎዖ ሃሳያይ ኩሜꬃ ዩሁዳኒኔ ዩሁዳ ዩሾን ዲዛ ዴሬታን ኬዚዴስ። 
\s1 ፃማቂዛ ዮሃኒሳፔ ዬሱሳኮ ኪቴቲዳ ኣሳታ 
\r (ማቶ 11፡19) 
\p  
\v 18 ፃማቂዛ ዮሃኒሳ ካሊዛይቲካ ሃይሳ ዉርሲ ዮሃኒሳስ ዮቲዳ። ዮሃኒሲካ ኢስታ ጊዶፌ ናምዓታ ፄይጊዲ፥  
\v 19 “ኢዚ ያና ጌቴቲዲ ሃሳዬቲዛይስ ኔኔዬ? ሃራ ኣስ ናጊኖ? ጊ ኦይቺቴ” ጊዲ ጎዳኮ ዬዲዴስ። 
\p  
\v 20 ቢዳ ኣሳቲ ዬሱሳኮ ጋኪዲ “ፃማቂዛ ዮሃኒሲ ‘ኢዚ ያና ጌቴቲዲ ሃሳዬቲዛይሲ ኔኔዬ? ሃራ ኣስ ናጊኖ?’ ጊዲ ኔኮ ኑና ዬዲዴስ” ጊዳ። 
\p  
\v 21 ሄ ዎዴ ዬሱሲ ዳሮ ኣሳ ዋዬፔ፥ ሃርጌፌኔ ቱና ኣያናታፔ ፓꬂዴስ። ዳሮ ቆቄታ ኣይፌይካ ፄሌስ።  
\v 22 ዮሃኒሲ ኪቲን ኢዛኮ ዪዳይታ “ቢዲ ኢንቴ ኢንቴ ኣይፌራ ቤዪዳይሳኔ ሲዪዳይሳ ዮሃኒሳስ ዮቲቴ። ኣይፌ ቆቄቲ ፄሌቴስ፤ ቶሆ ዎቤቲ ሱሬ ሃሙቴቴስ፤ ኢንቺራቻ ሃርጊዛይቲ ፓፂዳ፤ ቱሌቲ ሲዪዳ፤ ሃይቂዳይቲ ሃይቆፔ ዴንዲዳ፤ ማንቆታስ ሚሺራቾ ቃላይ ዮቴቴስ።\x * \xo 7:22 \xt ኢሳ 35፡5-6፤ ኢሳ 61፡1\x* 
\v 23 ታናን ꬉጴቶንታ ኣሲ ዉሪካ ኣንጄቲዳይሳ” ጊዴስ። 
\p  
\v 24 ዮሃኒሲ ኪቲዳ ኣሳቲ ዬሱሳ ኣቻፌ ቢዳይሳፌ ጉዬ ዬሱሲ ዳሮ ኣሳስ ዮሃኒሳ ጊሽ “ኢንቴ ኣይ ቤያናስ ባዞ ኬዚዴቲ? ጫርኮይ ሄኔ ሃኔ ቃꬄꬂዛ ሾምቦቆ ቤያናሴ?  
\v 25 ኣይ ቤያናስ ኬዚዴቲ? ሎዒዛ ማይዖ ማይዒዳ ኣስ ቤያና ኬዚዴቲ? ሎዖ ማይዖ ማይዒዲ ዋሪፅ ጊዛይቲ ኢሻሎ ዱሳ ዲዛይቲ ካዎ ኬꬃን ዴቴስ።  
\v 26 ሂስቲኮ ኣይ ቤያናስ ኬዚዴቲ? ናቤ ቤያናሴ? ኤ ታ ኢንቴስ ቱማ ጋይስ፤ ኢንቴ ኬዚዳይ ናቤፔ ኣꬊዛዴ ቤያናሳ።  
\v 27 ፆሳ ቃላን ‘ኔ ባና ኦጌ ኔስ ባሲ ሎዔꬃና ኪቴቲዳ ኣስ ታ ኔፔ ሲንꬃራ ዬዳና’ ጌቴቲዲ ኢዛ ጊሽ ፃፌቲዳይስ ኢዛኮ። \x * \xo 7:27 \xt ሚል 3፡1\x* 
\p  
\v 28 “ታኒ ኢንቴስ ጊዛይ ማጫሳፔ ዬሌቲዳ ኣሳ ጊዶን ዮሃኒሳፔ ኣꬊዛዴይ ኦኒካ ዴና፤ ፆሳ ካዎቴꬃን ጊዲኮ ኣሳ ኡባፌ ጉꬅ ጌቴቲዳ ኣሲ ዮሃኒሳፔ ኣꬋና” ጊ ዮቲዴስ። 
\p  
\v 29 ቃራፃ ቃንፂሲዛይቲካ ኣቶንታ ሃይሳ ዬሱሳ ቃላ ሲዪዳይቲ ዉሪካ ዮሃኒሳ ኩሼን ፃማቄቲዲ ፆሳስ ቤሲዛ ቦንቾ ኢሚዳ። \x * \xo 7:29 \xt ማቶ 21፡32፤ ሉቃ 3፡12\x* 
\v 30 ፋርሳዌቲኔ ሙሴ ዎጋ ኤራንቻቲ ዮሃኒሳ ኩሼን ፃማቄቶንታ ጊሽ ፆሲ ኢስታስ ዋና ቆፋ ኦꬂዲ ሺሺዳይሳ ሂራይሲዳ። 
\p  
\v 31 ቃሴካ ዬሱሲ ዛሪዲ “ሂስቲኮ ሃዒ ዬሌታ ኣዛን ሌሚሶ? ኢስቲ ኣይ ሚሳቲዞ?  
\v 32 ጊያን ኡቲዲ ባ ጊዶን ኢሶይ ኢሳራ ፄይጌቲዲ ‘ኢንቴስ ኑኒ ዲꬅ ዲፂዶስ ሺን ዱሪቤኬታ፤ ዚላሊስ ዚላሊዶስ ሺን ዬኪቤኬታ፤ ጊዛ ናይታ ሚሳቴቴስ’ ጊዴስ።  
\v 33 ኣይስ ጊኮ ፃማቂዛ ዮሃኒሲ ካꬅ ሞንታኔ ዎይኔፔ ኦሴቲዳ ጫጄ ኡዮንታ ዪን ‘ዳይዳንꬂ ኢዛ ቦላ ዴስ’ ጊዴታ።  
\v 34 ኣሳ ናይ ቃሴ ሚሼኔ ኡዪሼ ዪን ‘ጋንጃማኔ ኡሻንቻ፤ ቃራፃ ሺሺዛይታራኔ ናጋራንቻታራ ላጌቴስ’ ጊዴታ።  
\v 35 ሄሳ ጊሽ ኤራቴꬃ ቱማቴꬃይ ኢዚ ናይታ ኡባታ ኣቻን ኣማኔቲዴስ” ጊዴስ። 
\s1 ኢሲ ማጫሳያ ዬሱሳ ቶሆ ሺቶ ቲያዱስ 
\p  
\v 36 ሄሳፌ ጉዬ ፋርሳዌታፔ ኢሲ ኣሲ ዬሱሳ ቁማ ማናስ ባ ኬꬄ ፄይጊን ዬሱሲ ፄይጊዳ ፋርሳዌ ኬꬃ ቢዲ ኡቲዴስ።  
\v 37 ሄ ካታማን ዲዛ ኢሲ ናጋራንቻ ማጫስ ዲዛራ ዬሱሲ ፋርሳዌ ኬꬃን ቁማ ማዳ ቦላን ዲዛይሳ ሲያዳ ኢሲ ኣልባስፂሮሴ ቢልቃፄ ሺቶ ኤካ ያዱስ።  
\v 38 ያዳኔ ዬሱሳፔ ጉዬራ ኢዛ ቶሆ ኣቻን ኤቃዳ ዬካሼኔ ባ ኣፉንꬃን ኢዛ ቶሆ ጫጲሳዳ ባ ሁዔ ቢናናራ ቁጫሼኔ ዬራሼ ሺቶ ቲያዱስ።  
\v 39 ዬሱሳ ቁማስ ፄይሲዳ ፋርሳዌይካ ሄሳ ቤዪዲ “ሃይሲ ኣዴዚ ናቤ ጊዲዳኮ ሃና ኢዛ ቦቺዳ ማጫሳያ ኢዛ ኦናኮኔ ኣይ ኦꬂዛ ኣሳኮኔ ኤራናኮ ሺን፤ ኢዛ ናጋራንቻኮ ሺን” ጊዲ ባ ዎዝናን ቆፒዴስ። 
\p  
\v 40 ዬሱሲ “ሲሞና! ኔስ ታ ዮታናዚ ዴስ” ጊዴስ። ሲሞናይካ “ኣስታማሬ! ኤሮ ዮታ” ጊዴስ። 
\p  
\v 41 ዬሱሲ ዛሪዲ “ኢሲ ሚሼ ታልዔ ኢሚዛዴፌ ታልዔ ኤኪዳ ናምዑ ኣሳቲ ዴቴስ፤ ኢስታፌ ኢሳ ቦላ ኢቻሹ ፄት ዲናሬይ ዴስ፤ ናምዓንꬆዛ ቦላ ኢቻሹ ታሙ ዲናሬይ ዴስ። \f + \fr 7:41 \fq ዲናሬይ \ft ሄ ዎዴ ኢሲ ኦꬃንቻስ ኢሲ ጋላሳ ዳሞዛ።\f* 
\v 42 ኢስታስ ቃንፂዛ ሚሺ ꬋዪን ታልዔ ኢሚዳይሲ ናምዓታ ኣጮዛ ዉርሲካ ማሪዴስ። ሂስቲኮ ሃ ናምዓታፔ ሃ ታልዔ ኢሚዳይሳ ዳርሲ ዶሳናይ ኣዋይሴ?” ጊዴስ። 
\p  
\v 43 ሲሞናይካ ዛሪዲ “ዳሮ ኣጮይ ማሬቲዳይሳ ጋዳ ቆፓይስ” ጊዴስ። ዬሱሲካ “ቱሙ ፒርዳዳሳ” ጊዴስ። 
\p  
\v 44 ሄ ማጫሳይኮ ዩዪዲ ሲሞና “ሃኖ ማጫሳዮ ፄላይ? ታ ኔ ኬꬄ ጌሊን ኔ ታ ቶሆስ ሃꬄ ሺሻቤካ፤ ኢዛ ጊዲኮ ታ ቶሆ ባ ኣፉንꬃን ጫጲሳዳ ባ ሁዔ ቢናናራ ቁጫዱስ።  
\v 45 ኔኒ ኡባካ ታና ዬራቤካ፤ ኢዛ ግዲኮ ታ ጌሎሶፔ ኦይካዳ ታ ቶሆ ዬሮ ኣጋቤኩ።  
\v 46 ኔ ታ ሁዔ ዛይቴ ቲያቤካ ሺን ኢዛ ጊዲኮ ታ ቶሆ ሺቶ ቲያዱስ። 
\p  
\v 47 “ሄሳ ጊሽ ታ ኔና ጊዛይ ኢዛ ታና ኬሃ ዶሲዳ ጊሽ ኢዛ ባ ዳሮ ናጋራፔ ማሬታዱስ፤ ጉꬃራ ማሬቲዛ ኣሳ ሲቆይካ ጉꬃ” ጊዴስ። 
\p  
\v 48 ዬሱሲ ማጫሳዮ “ኔ ናጋራፔ ማሬታዳሳ” ጊዴስ። 
\p  
\v 49 ኢዛራ ኢሲፌ ማዳን ኡቲዳ ኢማꬃቲካ “ሃይሲ ናጋራ ማሪዛይ ኢዚ ኦኔ?” ጊዲ ባ ዎዝናራ ቆፒዳ።  
\v 50 ዬሱሲካ ማጫሳዮ “ኔና ኔ ኣማኖይ ኣሺዴስ፤ ሳሮን ባ!” ጊዴስ። 
\c 8  
\s1 ዬሱሳ ካሊዳይታኔ ኢዛስ ኦꬂዳ ማጫሳታ 
\p  
\v 1 ሄሳፌ ጉዬ ዬሱሲ ፆሳ ካዎቴꬃ ሚሺራቾ ሳባኪሼ ዱማ ዱማ ካታማታ ጊዶራኔ ጉታታ ጊዶራ ኣꬊዴስ። ኣꬊዲ ቢዛ ዎዴ ኢዛ ካሊዛ ታማኔ ናምዓቲ ኢዛራ ዴቴስ።  
\v 2 ቃሴካ ቱና ኣያናፔኔ ኢታ ሃርጌፌ ፓፂዳ ኢሲ ኢሲ ማጫሳቲ ኢዛራ ዴቴስ። ኢስቲካ ላፑን ቱና ኣያናይ ኢዚፔ ኬዚዳ ማግዳሌ ጌቴቲዛ ዴሬፔ ዪዳ ማራሞ፥  
\v 3 ካዎ ሄርዶሳሶን ኦꬂዛ ኩዛ ማቾ ዮሃኖ ቃሴካ ሶሲኖኔ ሃራ ዳሮ ማጫሳቲ ዴቴስ። ኢስቲካ ባስ ዲዛ ሚሻራ ዬሱሳስ ኦꬂዛይታ። 
\s1 ካꬅ ዜሪዛዴ ሌሚሶ 
\r (ማቶ 13፡1-9፤ ማር 4፡1-9) 
\p  
\v 4 ዳሮ ዴሬይ ኢሲፌ ሺቂዲ ዲሺን ቃሴካ ኣሳይ ዱማ ዱማ ካታማፔ ኢዛኮ ዎꬊዛ ዎዴ ዬሱሲ ሌሚሶራ ታማርሲሼ፥ 
\p  
\v 5 “ኢሲ ጎሻንቻይ ዜሬꬂ ዜራናስ ኬዚዴስ፤ ኢዚ ዜሪሺን ባጋይ ኦጌን ዎꬊዲ ኣሳ ቶሆን ዬꬌቲዴስ፤ ሳሎ ካፎቲካ ዪዲ ማፂ ሚዳ፤  
\v 6 ኢሲ ዜሬꬃይ ሹቻ ጋዴን ዎꬊዲ ሄራካ ጫሪዴስ፤ ጋዴዚካ ሜላ ጋዴ ጊዲዳ ጊሽ ኤሌ ሜሊቺዴስ።  
\v 7 ቃሴካ ሃራ ዜሬꬂ ኣጉንꬃ ጊዶን ዎꬊዴስ፤ ኣጉንꬃይካ ኢዛራ ኢሲፌ ዲጪዲ ጫሬቻይካ ዲጮንታ ማላ ጩሊዴስ።  
\v 8 ቃሴካ ሃራ ዜሬꬃይ ሎዖ ኣራዳ ጋዴን ዎꬊዴስ፤ ጫሪዳ ዎዴካ ፄቱ ኩሼ ኣይፊዴስ” ጊዴስ። 
\s1 ዬሱሲ ሌሚሶን ሃሳዪዳ ጋሶ 
\r (ማቶ 13፡10-17፤ ማር 4፡10-12) 
\p ዬሱሲ ሃሳያ ዉርሲዲ ቃላ ꬎቁ ሂስቲዲ “ሲዪዛ ሃይꬂ ዲዛ ኣሲ ሲዮ!” ጊዴስ። 
\p  
\v 9 ዬሱሳ ካሊዛይቲ “ዜሬꬃ ሌሚሶዛስ ቢርሼꬅ ኢማ” ጊዲ ኦይቺን፥  
\v 10 ኢዚካ ኢስታስ “ፆሳ ካዎቴꬃ ፁራ ኤሮይ ኢንቴስ ኢሜቲዴስ፤ ሃራታስ ጊዲኮ ሌሚሶራ ዮታይስ ቃሴካ ሃራቲ ቤዪዲ ዎዝናን ዎꬆንታ ማላኔ ሲይዲ ዩሺ ቆፖንታ ማላ ሃኒዴስ። 
\s1 ዬሱሲ ዜሬꬃ ሌሚሶ ቢርሺዴስ 
\r (ማቶ 13፡18-23፤ ማር 4፡13-20) 
\p  
\v 11 “ዜሬꬃ ሌሚሶይካ ሃይሳ፤ ዜሬꬅ ጌቴቲዳይሲ ፆሳ ቃላ።  
\v 12 ኦጌ ላንቄን ዎꬊዳይሲ ቃላ ሲዪዛይታ፤ ጊዶ ኣቲን ኢስቲ ኣማኒዲ ኣቶንታ ማላ ፃላዔይ ዪዲ ቃላ ኢስታ ዎዝናፔ ኤኪቺዛይታ።  
\v 13 ሹቻ ቦላ ዎꬊዳይቲካ ቃላ ሲይዲ ኡፋይሳራ ኤኪዛይታ፤ ኢስቲካ ሃዒስ ኣማኔቴስ ኣቲን ሜቶይ ኢስታ ቦላ ጋኪዛ ዎዴ ፃጶ ዬዶንታ ጊሽ ኤሌራ ኣማኖ ካዲዛይታ።  
\v 14 ኣጉንꬃ ጊዶን ዎꬊዳይቲ ቃላ ሲዪዛይታ፤ ሄይቲካ ሃይሳ ሃ ኣላሜ ቆፋኒኔ ኣቆታን፥ ሃይሳ ቢታ ቦላ ዱሳ ሎዔቴꬃን ጩሌቲዲ ሎዔꬂ ኣይፌ ኢሜቴና።  
\v 15 ኣራዳ ቢታን ዎꬊዳይሲ ቃላ ሱሬኒኔ ሎዖ ዎዝናን ሲይዲ ናጊዛይታኔ ዳንዳያን ሚኒዲ ኣይፌ ኣይፊዛይታ። 
\s1 ቆንጬን ኡቲዳ ፆምፔ 
\r (ማር 4፡21-25) 
\p  
\v 16 “ፖዖ ፖዒሲዲ ባꬃ ጊዶን ዎይኮ ኣርሳ ጊዶን ዎꬂዛ ኣሲ ባዋ፤ ጊዶ ኣቲን ኬꬄ ጌሊዛ ኣሳስ ፖዓና ማላ ቆንጬሶን ዎꬄቴስ። \x * \xo 8:16 \xt ማቶ 5፡15፤ ሉቃ 11፡33\x* 
\v 17 ቆቴቲዲ ቆንጬ ኬዞንታይ፤ ፖዖን ኬዚዲ ኤሬቶንታ ጌማን ኣታና ሚሺ ዴና። \x * \xo 8:17 \xt ማቶ 10፡26፤ ሉቃ 12፡2\x* 
\p  
\v 18 “ሄሳ ጊሽ ኢንቴ ሲዪዛይሳ ናጌቲ ሲዪቴ፤ ዲዛ ኣሳስ ጉጄታና ባይንዳዴስ ኡባፌ ኢዛስ ዲዛ ሚሳቲዛራካ ኤኬታይቻና” ጊ ዛሪዴስ። \x * \xo 8:18 \xt ማቶ 25፡29፤ ሉቃ 19፡26\x* 
\s1 ዬሱሳኔ ኢዛ ኢሻታ 
\r (ማቶ 12፡46-50፤ ማር 3፡31-35) 
\p  
\v 19 ሄሳፌ ጉዬ ዬሱሳ ኣያኔ ኢዛ ኢሻቲ ዬሱሳኮ ዪዳ። ጊዶ ኣቲን ኣሳ ዳሮቴꬃፌ ዴንዲዳይሳን ኢዛኮ ሺቃናስ ዳንዳዪቤቴና።  
\v 20 ሄ ዎዴ ኣሳይ ዬሱሳስ “ኔ ኣዬያኔ ኔ ኢሻቲ ኔና ቤያናስ ኮይዲ ካሬን ኤቂዳ” ጊዲ ዮቲዳ። 
\p  
\v 21 ዬሱሲካ ዛሪዲ “ታ ኣያኔ ታ ኢሻቲ ፆሳ ቃላ ሲይዲ ናጊዛይታ” ጊዴስ። 
\s1 ዬሱሲ ኣባ ዳምባላዛ ሴሪዴስ 
\r (ማቶ 8፡23-27፤ ማር 4፡35-41) 
\p  
\v 22 ኢሲ ጋላስ ዬሱሲ ባና ካሊዛይታራ ዎጎሎ ጊዶ ጌሊዲ “ኣባፌ ሄ ፒንꬅ ፒኖስ” ጊዴስ።  
\v 23 ኢስቲካ ፒኒሺን ኣባ ቦላ ዳምባላይ ዴንዲዲ ዋይሲዛ ዎዴ ዬሱሲ ꬊስኪዴስ። ሃꬃይካ ዎጎሎዛ ጊዶ ጌሊን ኣሳይ ዳሮ ሜቶቴቲዴስ።  
\v 24 ዬሱሳ ካሊዛይቲ ኢዛኮ ሺቂዲ “ጎዶ! ጎዶ! ኑ ዉራና ሃኖስ” ጊዲ ዬሱሳ ꬊስኮፌ ዴንꬂዳ። 
\p ኢዚካ ቤጊዲ ጫርኮዛኔ ኣባ ዳምባላ ሴሪን ጫርኮይኔ ኣባ ዳምባላይ ጮዑ ጊዴስ።  
\v 25 ኢዚካ ባና ካሊዛይታ “ኢንቴ ኣማኖይ ኣዋ ቢዴ?” ጊዴስ። ኢስቲካ ባ ጊዶን ባቢሼኔ ማላሌቲሼ “ጫርኮኔ ሃꬄ ኣዛዚዛይ፤ ኢስቲካ ኢዛስ ኣዛዜቲዛይ ኢዚ ኦኔ?” ጊዳ። 
\s1 ዬሱሲ ዳይዳንꬃቲ ኦይኪዳ ኣዴዛ ፓꬂዴስ 
\r (ማቶ 8፡28-34፤ ማር 5፡1-20) 
\p  
\v 26 ኢዛፔ ጉዬ ጋሊላፔ ሄ ፒንꬃን ዲዛ ጌርጌሴኖኔ ጌቴቲዛ ዴሬ ዎጎሎራ ፒኒዳ።  
\v 27 ዬሱሲ ዎጎሎዛፔ ጋዴን ዎꬊዳ ዎዴ ዳይዳንꬂ ኢዛ ቦላ ዲዛ ኢሳዴይ ካታማፔ ኬዚዲ ኢዛ ዴሚዴስ። ሄ ኣዴዚ ዳሮ ዎዴ ማይዖ ማይዖንታ ካሎ ዲዛዴኔ ኬꬃን ኣቆንታ ዱፎ ባስ ኣቆሶ ኦꬂዳ ኣሳ።  
\v 28 ዬሱሳ ቤዪዳ ዎዴ ዋሲሼ ዬሱሳ ሲንꬃን ኩንዲዴስ፤ ቃላ ꬎቁ ሂስቲዲ “ቦንቾ ፆሳ ና ዬሱሳ! ታሲኔ ኔስ ኣይ ጋይቶቴꬂ ዲዜ? ኔ ታና ዋይሶንታ ማላ ታ ኔና ዎሳይስ” ጊዴስ።  
\v 29 ቱና ኣያናይ ሄሳ ጋናስ ዳንዳዪዳይ ኣዴዛፔ ኬዛና ማላ ዬሱሲ ኣዛዚዳ ጊሻሳ። ቱና ኣያናዚካ ዎዴን ዎዴን ዴንዲዛ ጊሽ ኣዴዚ ሳንሳላታኒኔ ቢራታን ቶሆ ቃቺ ናጊንካ ቃሼቲዳ ሳንሳላታ ዱꬄሬꬂዲ ኢዛ ቦላ ዲዛ ዳይዳንꬃይ ኢዛ ዱጌ ባዞ ዛሪ ኤፌስ። 
\p  
\v 30 ዬሱሲ “ኔ ሱንꬂ ኦኔ?” ጊዲ ኦይቺዴስ፤ ኢዚካ ዳሮ ዳይዳንꬃቲ ኢዛን ጌሊዲ ዲዛ ጊሽ ታ ሱንꬂ “ሌጎኔ” ጊዴስ።  
\v 31 ዳይዳንꬃቲካ ባና ዉርሴꬂ ባይንዳ ጪማ ኦላን ዬጎንታ ማላ ሚንꬂዲ ዎሲዳ። 
\p  
\v 32 ሄንካ ዙማ ቦላ ዳሮ ጉዱንꬂ ሄሜቴስ፤ ዳይዳንꬃቲ “ጉዱንꬃ ዉዴዛን ጌሊቴ” ጊዲ ኣዛዛና ማላ ዎሲን ዬሱሲ “ኤሮ ጌሊቴ!” ጊዴስ።  
\v 33 ዳይዱንꬃቲ ኣዴዛፔ ኬዚዲ ጉዱንꬃታን ጌሊዳ። ጉዱንꬃቲ ኣፎዛ ዱጉንꬃራ ቢቻርሼ ቢዲ ኣባን ጌሊዲ ኣባን ሚቴቲዳ። 
\p  
\v 34 ሄሚዛይቲ ሃኒዳይሳ ቤዪዳ ዎዴ ቤሮቲ ቢዲ ካታማ ኣሳሲኔ ዴሬ ኣሳስ ዮቲዳ።  
\v 35 ሃንዳይሳ ቤያና ጊዲ ኣሳይ ባ ዲዛሶፔ ዬሱሳኮ ዪዴስ። ዳይዳንꬃይ ኢዛፔ ኬዚዳ ኣዴዚካ ዎዝናይ ካሃይ ሲሚን ኣፋላ ማዒዲ ዬሱሳ ቶሆ ጊዶን ኡቲዳይሳ ቤዪዲ ባቢዳ።  
\v 36 ዳይዳንꬃን ኦይኬቲዳ ኣዴዚ ፓፂሺን ቤዪዳይቲ ኢዚ ዋኒ ፓፂዳኮኔ ዴሬዛስ ዮቲዳ።  
\v 37 ጌርጌሴኖኔ ማታን ዲዛ ኣሳይ ኬሂ ባቢዳ ጊሽ ዬሱሳ “ሃይሳፌ ኪቻ!” ጊዲ ዎሲዳ፤ ኢዚካ ዎጎሎዛን ጌሊዲ ሲሚ ቢዴስ። 
\p  
\v 38 ዳይዳንꬃይ ኢዛፔ ኬዚዳ ኣዴዚ ዬሱሳራ ኢሲፌ ዳና ማላ ዎሲዴስ።  
\v 39 ጊዶ ኣቲን ዬሱሲ ኢዛ “ኔሶ ሲማዳ ፆሲ ኔስ ኦꬂዳ ጊታ ሚሽ ዮታ” ጊዲ ሞይዚዴስ። ኣዴዚካ ዬሱሲ ኢዛስ ኦꬂዳ ጊታ ሚሽ ባ ካታማን ዲዛ ኣሳስ ኡባስ ቆንጬን ዮቲሼ ቢዴስ። 
\s1 ያዒሮሳ ናኔ ዬሱሳ ማይዖ ቦቺዳ ማጫሳዮ 
\r (ማቶ 9፡18-26፤ ማር 5፡21-43) 
\p  
\v 40 ኣሳይ ዉሪ ዬሱሳ ዩሳ ናጊሼ ጋምዒዳ ጊሽ ኢዚ ሲሚሺን ኡፋይሳን ሞኪ ኤኪዳ።  
\v 41 ሄ ዎዴ ኢያዒሮሳ ጌቴቲዛ ኣይሁዳ ዎሳ ኬꬄ ሃላቃይ ዪዲ ዬሱሳ ቶሆ ቦላ ኩንዲዲ ባሶ ባና ማላ ዎሲዴስ።  
\v 42 ኢዚ ሄሳꬆ ኦይቺዳይ ኢዛስ ታማኔ ናምዑ ላይꬅ ኩሚዳ ኢሲ ማጫ ናይ ሳኬታዳ ሼምፖ ቦላ ዲዛ ጊሻሳ። 
\p ኢዚ ሄ ቡሳን ዲሺን ዴሬይ ዳሪዲ ባ ጊዶን ሱጌቲዲ ኢዛ ኬሂ ኡንዒሲዴስ።  
\v 43 ታማኔ ናምዑ ላይꬅ ሱꬂ ኢዚፔ ጉኪሺን ዲዛ ኢሲ ማጫሳያ ባስ ዲዛ ሚሻ ዉርሳ ꬋሌ ኤሪዛ ኣሳታስ ኢማ ዉርሲን ኢዞ ፓꬃናስ ዳንዳዪዳ ኣሲ ኢሳዴይካ ባዋ።  
\v 44 ኢዛካ ጉዬራ ሺቃዳ ዬሱሳ ኣፋላ ማጫራታ ቦቻዱስ፤ ኢዚፔ ጉኪዛ ሱꬃይ ሄራካ ኤቂ ኣጊዴስ 
\p  
\v 45 ዬሱሲካ “ታና ቦቺዳይ ኦኔ?” ጊዴስ። ዉሪካ ኑኒ ቦቺቤኮ ጊ ካዲዳ ዎዴ ጴፅሮሲ ዛሪዲ “ጎዶ! ኣሲ ዉሪ ዩዪ ኣꬊዲ ኔና ሱጌሬꬂዲ ኡንዒሴስ” ጊዴስ። 
\p  
\v 46 ጊዶ ኣቲን ዬሱሲ “ኣሲ ታና ቦቺዴስ፤ ዎልቃይ ታፔ ኬዚዳይሳ ታ ኤራይስ” ጊዴስ። 
\p  
\v 47 ማጫሳያ ኤሬቶንታ ቆቴታዳ ባናስ ዳንዳዮንታይሳ ኤራዳ ኮኮራሼ ያዳ ዬሱሳ ሲንꬃን ኩንዳዱስ። ኢዛካ ዬሱሳ ዋና ቦቺዳኮኔ ቃሴካ ኤሌራ ዋና ፓፂዳኮ ኡባ ኣሳ ሲንꬃን ዮታዱስ።  
\v 48 ኢዚካ “ታ ናዬ! ኔ ኣማኖይ ኔና ፓꬂዴስ፤ ሳሮን ባ!” ጊዴስ። 
\p  
\v 49 ዬሱሲ ቡሮ ማጫሳይስ ሃሳያ ቦላ ዲሺን ኣይሁዳ ዎሳ ኬꬄ ሃላቃ ኢያዒሮሳ ኬꬃፌ ኢሲ ኣሲ ኢያዒሮሳስ “ኔ ናያ ሃይቃዱስ፤ ሄሳ ጊሽ ሃይሳፌ ጉዬ ኣስታማሬዛ ሜላ ዳቡርሶፋ!” ጊዴስ። 
\p  
\v 50 ዬሱሲ ሄሳ ሲይዲ ኢያዒሮሳ “ኣይኮይ ባ፤ ባቦፋ! ኣማና ኣቲን ኔ ናያ ፓፃና” ጊዴስ። 
\p  
\v 51 ዬሱሲ ኢያዒሮሳ ኬꬄ ጌሊዛ ዎዴ ጴፅሮሳ፥ ዮሃኒሳኔ ያቆቤ ቃሴካ ናይ ኣዋፔኔ ኣዬዪፔ ኣቲን ሃራይ ኦኒካ ኢዛራ ጌላና ማላ ኮይቤና።  
\v 52 ሄ ዎዴ ኣሳይ ዉሪ ናይስ “ዉ ዉይ!” ጊ ዋሲ ዬኪሺን ዬሱሲ “ዬኮፍቴ ኢዛ ኢቻዱስ ኣቲን ሃይቃቤኩ” ጊዴስ። 
\p  
\v 53 ኣሳይካ ናያ ሃይቂዳይሳ ኤሪዛ ጊሽ ዬሱሳ ቦላ ሚጪዴስ።  
\v 54 ጊዶ ኣቲን ኢዚ ናይ ኩሼ ኦይኪዲ “ታ ናዬ! ዴንዳ!” ጊዴስ።  
\v 55 ናይስ ሼምፖይካ ሲሚዴስ። ሄራካ ዴንዳ ኤቃዱስ፤ ዬሱሲካ ኢዚስ ሚዛ ሚሽ ኢማና ማላ ኣዛዚዴስ።  
\v 56 ናዮ ዬሊዳይቲካ ማላሌቲዳ። ጊዶ ኣቲን ኢዚ ሃኒዳይሳ ኦናስካ ዮቶንታ ማላ ኣዛዚዴስ። 
\c 9  
\s1 ዬሱሲ ሃዋሬታ ሚሺራቾ ቃላ ዮታና ማላ ኪቲዴስ 
\r (ማቶ 10፡5-15፤ ማር 6፡7-13) 
\p  
\v 1 ዬሱሲካ ታማኔ ናምዑ ሃዋሬታ ኢሲፌ ፄይጊዲ ዳይዳንꬃታ ኬሳና ማላኔ ሃርጌፌ ፓꬃና ማላ ኢስታስ ዎልቃኔ ጎዳቴꬅ ኢሚዴስ፡  
\v 2 ቃሴካ ፆሳ ካዎቴꬃ ዮታናሲኔ ሃርጊዛይታ ፓꬃናስ ኢስታ ኪቲዴስ።  
\v 3 ኢስታስ “ኦጌ ቢሼ ጉፌ ዎይኮ፥ ቃራፂቴ ዎይኮ፥ ቁማ ዎይኮ፥ ሚሼ ዎይኮ ናምዑ ማይዖ ኦይኪ ባናስ ኮሼና። \x * \xo 9:3 \xt ሉቃ 10፡4-11\x* 
\v 4 ኢንቴካ ሄ ካታማይፔ ኬዛና ጋካናስ ኮይሮ ጌሊዳ ኦና ኬꬃንካ ጊዲን ሄን ጋምዒቴ።  
\v 5 ካታማ ኣሳይ ኢንቴና ሞኪ ኤኮንታ ኢፂኮ ሄ ካታማይፔ ኬዚዲ ኢንቴና ሞኮንታይታስ ማርካ ጊዳና ማላ ኢንቴ ቶሆን ዲዛ ጉዱላ ፒቲዲ ኬዚቴ” ጊዴስ። 
\p  
\v 6 ኢስቲካ ጎዳይ ጊዳ ማላ ኬዚዲ ሚሺራቾ ቃላ ዮቲሼኔ ሃርጋንቻታ ፓꬂሼ ጉታን ጉታን ዩዪዳ። 
\s1 ሄርዶሲ ዬሱሳ ዎሬ ሲይዴስ 
\r (ማቶ 14፡1-12፤ ማር 6፡14-29) 
\p  
\v 7-8 ሄ ዎዴ ኢሲ ኢሲ ኣሳቲ “ዮሃኒሲ ሃይቆፔ ዴንዲዴስ” ባጋይቲ “ኤላሲ ኬዚዲ ቤቲዴስ።” ቃሴ ባጋይቲ “ቤኒ ናቤታፔ ኢሶይ ሃይቆፔ ዴንዲዴስ” ጊዲ ሃሳዬቲዛ ጊሽ ዩሁዳ ቢታ ሃሪዛ ሄርዶሲ ሄሳ ሲይዲ ሃኒዛ ሚሻን ባ ዎዝናን ሜቶቴቲዴስ።  
\v 9 ሄርዶሲካ “ታኒ ኢዛ ቆꬌ ቃንፂዳ ፃማቂዛ ዮሃኒሲ ሃይቂዴስ። ሂስቲን ኢዛ ጊሽ ሃይሳ ማላ ሃሳዬቲሺን ታ ሲዪዛይስ ኢዚ ኦኔ?” ጊዲ ኢዛ ባ ኣይፌራ ቤያና ኮይዴስ። 
\s1 ዬሱሲ ኢቻሹ ሺ ኣሳ ሚዚዴስ 
\r (ማቶ 14፡13-21፤ ማር 6፡30-44፤ ዮሃ 6፡1-14) 
\p  
\v 10 ሃዋሬቲካ ሲሚዲ ኢስቲ ኦꬂዳይሳ ዉርሲ ዬሱሳስ ዮቲዳ። ኢዚካ ኢስታ ፃላ ባናራ ኤኪዲ ቤቴሳይዳ ጌቴቲዛ ፖቄꬃን ዲዛ ካታማ ቢዴስ።  
\v 11 ጊዶ ኣቲን ዳሮ ኣሳይ ሄሳ ኤሪዲ ኢስታ ካሊዴስ። ኢዚካ ኢስታ ሞኪ ኤኪዲ ፆሳ ካዎቴꬃ ጊሽ ዮቲዴስ። ቃሴካ ሃርጌፌ ፓꬃናስ ቤሲዛይታ ፓꬂዴስ። 
\p  
\v 12 ጋዴይ ሌምዒሺን ታማኔ ናምዑ ሃዋሬቲ ኢዛኮ ሺቂዲ “ኑኒ ዲዛይ ባዞ ቢታን ጊዲዳ ጊሽ ኣሳይ ቢዲ ባስ ኣቃናሶኔ ሚዛ ሚሽ ኮያና ማላ ኣሳ ሞይዛ” ጊዳ። 
\p  
\v 13 ጊዶ ኣቲን ኢዚ ኢስታስ ዛሪዲ “ኢንቴ ኢስታስ ሚዛዝ ኢሚቴ” ጊዴስ። ኢስቲካ “ኑስ ኢቻሹ ኡኬꬃፌኔ ናምዑ ሞሌፔ ሃራይ ባ። ሃ ኣሳስ ጊዲዛ ካꬅ ኮሺኮ ሻማናስ ቤሴስ” ጊዳ።  
\v 14 ዬሱሲካ ባና ካሊዛይታ “ኣሳ ኢቻሹ ታሙ፥ ኢቻሹ ታሙ ሂስቲ ሻኪ ሻኪ ኡቲሲቴ” ጊዴስ። ሄንካ ኢቻሹ ሺ ጊዲዛ ኣቱማሳይ ዴስ።  
\v 15 ዬሱሳ ካሊዛይቲካ ዬሱሲ ኣዛዚዳ ማላ ኣሳ ዉርሲ ኡቲሲዳ።  
\v 16 ዬሱሲካ ኢቻሹ ኡኬꬃኔ ናምዑ ሞሌታ ኦይኪዲ ፑዴ ሳሎ ፄሊዲ ፆሳ ጋላቲዴስ። ኢዚካ ኡኬꬃ ሜንꬂዲ ኣሳ ጋꬃና ማላ ባና ካሊዛይታስ ኢሚዴስ።  
\v 17 ኣሳይ ዉሪካ ሚዲ ካሊዴስ። ዬሱሳ ካሊዛይቲካ ኣሳፔ ኣቲዳ ታማኔ ናምዑ ሌማቴ ኩሜꬅ ማዳፌ ዴንꬂዳ። 
\s1 ጴፅሮሳ ኣማኖኔ ኢዛ ማርካቴꬅ 
\r (ማቶ 16፡13-19፤ ማር 8፡27-29) 
\p  
\v 18 ኢሲ ጋላስ ዬሱሲ ባርካ ዎሲሺን ኢዛ ካሊዛይቲ ኢዛኮ ዪዳ። ኢዚካ ኢስታ “ኣሳይ ታና ኦና ጊዜ?” ጊዲ ኦይቺዴስ። 
\p  
\v 19 ኢስቲካ ኢዛስ “ኢሲ ኢሲ ኣሳይ ፃማቂዛ ዮሃኒሳ፤ ባጋይቲ ኤላሳ፤ ሃራቲ ቃሴ ቤኒ ናቤታፔ ኢሶይ ሃይቆፔ ዴንዲዴስ ጌቴስ” ጊዳ። 
\p  
\v 20 ኢዚካ ኢስታ “ኢንቴች ታና ኦና ጌቲ?” ጊዲ ኦይቺዴስ። ጴፅሮሲካ “ኔኒ ፆሳፌ ኪቴቲዳ ኪርስቶሳ” ጊዲ ዛሪዴስ። \x * \xo 9:20 \xt ዮሃ 6፡68-69\x* 
\s1 ዬሱሳ ካሎይ ቃንፂሲዛ ዋጋ 
\r (ማቶ 10፡38-39፤ 16፡24-28፤ ማር 8፡34-38፤ ሉቃ 14፡25-27) 
\p  
\v 21 ዬሱሲካ ኢስታ “ሃይሳ ኦናስካ ዮቶፒቴ” ጊዲ ሚንꬂ ዮቲዲ  
\v 22 ቃሴካ “ኣሳ ናይ ዳሮ ዋዬ ኤካናስ ቤሴስ፤ ዴሬ ጪማታን፥ ቄሴ ሃላቃታኒኔ ሙሴ ዎጋ ፃፊዛይታን ኢፄታናኔ ኢስታ ኩሼን ሃይቃናሲኔ ሄꬓንꬆ ጋላሳን ሃይቆፔ ዴንዳና” ጊዴስ። 
\p  
\v 23-24 ቃሴካ ኡባስ “ባ ሼምፖ ኣሻና ጊዛ ኣሲ ዉሪ ꬋይሳና ሺን ባ ሼምፖ ታ ጊሽ ጊዲ ꬋይሲዛ ኣሲ ኣሻና። ሄሳ ጊሽ ታና ካላና ኮዪዛ ኣሲ ዲኮ ባና ካዶ፤ ኡባ ጋላስ ባ ማስቃሌ ቶኪዲ ታና ካሎ። \x * \xo 9:23-24 \xt ማቶ 10፡38-39፤ ሉቃ 14፡27፤ 17፡33፤ ዮሃ 12፡25\x* 
\v 25 ኣሲ ኣላሜ ጎዓ ሙሌ ዴሚዲ ባ ሼምፖ ꬋይሲኮ ኣዛ ጎዓይ ዲዜ?  
\v 26 ኦኒካ ታናኒኔ ታ ቃላን ዬላቲኮ ኣሳ ናይ ባ ቦንቾራ፥ ኣዋ ቦንቾራኔ ጌሻ ኪታንቻታ ቦንቾራ ዪዛ ዎዴ ታኒ ኢዛን ዬላታና።  
\v 27 ታ ኢንቴስ ቱሙ ጋይስ፤ ሃይሳን ኤቂዳ ኣሳፔ ሃይቃናፔ ሲንꬃን ፆሳ ካዎቴꬅ ቤያና ኢሲ ኢሲ ኣሳቲ ዴቴስ” ጊዴስ። 
\s1 ዬሱሳ ሜꬎይ ላሜቲዴስ 
\r (ማቶ 17፡1-8፤ ማር 9፡2-8) 
\p  
\v 28 ዬሱሲ ሄሳ ጊዳ ኦሱፑን ጋላሳ ማላፔ ጉዬ ዎሳናስ ዙማ ቦላ ኬዚዴስ። ቢሼ ባናራ ጴፅሮሳ፥ ዮሃኒሳኔ ያቆቤ ኤኪ ቢዴስ።  
\v 29 ኢዚ ዎሲሺን ኢዛ ኣይፌሶይ ላሜቲዴስ። ኢዛ ሜꬋይካ ዎልቃንꬃ ማላ ፆሊቂዲ ቦቲዴስ።  
\v 30 ናምዑ ኣሳቲ ሙሴይኔ ኤላሲ ኢዛራ ሃሳዬቲዳ  
\v 31 ኢስቲካ ቦንቾራ ቆንጪዲ ዬሩሳላሜን ፖሌታና ዲዛ ዬሱሳ ሃይቆ ጊሽ ሃሳዔቲዳ።  
\v 32 ጴፅሮሳኔ ኢዛራ ዲዛይታ ዴፆ ꬊስኮይ ኦይኪዴስ። ኢስቲካ ꬊስኮፌ ቤጊዲ ዬሱሳ ቦንቾኔ ናምዑ ኣሲ ኢዛራ ኤቂዳይታ ቤዪዳ።  
\v 33 ሄ ናምዑ ኣሳቲ ዬሱሳፔ ሻኬቲ ቢሺን ጴፅሮሲ ዬሱሳ “ጎዶ! ኢሲ ዳሴ ኔስ፥ ኢሲ ዳሴ ሙሴስ፥ ኢሲ ዳሴ ኤላሳስ ኦꬂዲ ሃን ዲዛኮ ኑስ ሎዖኮ! ሺን” ጊዴስ። ጊዶ ኣቲን ጴፅሮሲ ባ ጊዛይሳ ኤሮንታ ጊዴስ። 
\p  
\v 34 ኢዚ ሄሳ ሃሳዪሺን ሻራይ ዪዲ ኢስታ ጌንꬂዴስ። ሻራ ጊዶ ጌሊዲ ባቢዳ።  
\v 35 ሻራ ጊዶፌካ “ታኒ ዶሪዳ ታ ናይ ሃይሳ፤ ኢዛ ሲዪቴ” ጊዛ ቃላይ ሴቴቲዴስ። \x * \xo 9:35 \xt ኢሳ 42፡1፤ ማቶ 3፡17፤ 12፡18፤ ማር 1፡11፤ ሉቃ 3፡22\x* 
\p  
\v 36 ቃላይ ሴቴቲዳ ዎዴ ዬሱሲ ፃላ ቤቲዴስ። ዬሱሳ ካሊዛይቲካ ሃኒዳ ሚሻ ዉርሲ ባ ዎዝናን ኦይኪዳ ኣቲን ኦናስካ ዮቲቤቴና። 
\s1 ዬሱሲ ኢታ ኣያናይ ኦይኪዳ ናዛ ፓꬂዴስ 
\r (ማቶ 17፡14-18፤ ማር 9፡14-27) 
\p  
\v 37 ዎንቴꬃ ጋላስ ኢስቲ ዙማ ቦላፌ ዎꬊን ዳሮ ኣሳይ ዪዲ ዬሱሳራ ጋጊዴስ።  
\v 38 ሄ ዎዴ ኣሳ ጊዶፌ ኢሳዴይ ቃላ ꬎቁ ሂስቲዲ “ታማሪሲዛይሶ! ታስ ኢሲ ናይ ፃላ ዲዛ ጊሽ ኢዛ ኔ ፄላና ማላ ታ ኔና ዎሳይስ።  
\v 39 ኢዛ ኢታ ኣያናይ ኦይኪሺን ሃሳዓይ ባይንዳ ዋሴስ፤ ቃኬቲሼ ዱናራ ጎፖንቶ ኬሴስ፤ ቆሆ ጋꬂዳፔ ጉዬ ዳሮ ዋይሲዲ ኣጌስ።  
\v 40 ኔና ካሊዛይቲ ናዛፔ ኬሳና ማላ ኢስታ ታ ዎሳዲስ፤ ጊዶ ኣቲን ኬሳና ዳንዳዪቤቴና” ጊዴስ። 
\p  
\v 41 ዬሱሲካ ኢስታስ ዛሪዲ “ኣማኖንታ ሃ ዎዴ ዎቤ ኣሳቶ! ታኒ ኢንቴናራ ኣይዴ ጋካናስ ዳኔ? ኢንቴናካ ኣይዴ ጋካናስ ዳንዳያኔ? ናዛ ኣኔ ሃ ኤሃ!” ጊዴስ። 
\p  
\v 42 ናዚ ዪሺን ኢታ ኣያናይ ኢዛ ቦላፌ ዬጊን ቃኬቲዴስ። ዬሱሲካ ኢታ ኣያናዛ ሴሪዲ ናዛ ፓꬂዲ ናዛ ኣዋስ ኢሚዴስ።  
\v 43 ኣሳይካ ዉሪ ፆሳ ጊታቴꬃን ማላሌቲዴስ። 
\s1 ዬሱሲ ባ ሃይቆ ጊሽ ናምዓንꬆ ዮቲዴስ 
\r (ማቶ 17፡22-23፤ ማር 9፡30-32) 
\p ኢዚ ኦꬂዳይሳን ኣሳይ ዉሪ ማላሌቲሺን ዬሱሲ ባና ካሊዛይታ  
\v 44 “ኣሳ ናይ ኣሳ ኩሼን ኣꬊዲ ኢሜታና፤ ኢንቴካ ሃ ዮዖዛ ባሎፒቴ” ጊዴስ። 
\p  
\v 45 ጊዶ ኣቲን ኢዚ ጊዛይሲ ኢስታስ ጌሊቤና። ኣይስ ጊኮ ኢስቲ ኣኬኮንታ ማላ ዮዖዚ ኢስታፌ ጌሜቲዴስ፤ ዛሪዲካ ኦይቾንታ ማላ ባቢዳ። 
\s1 ኡባፌ ኣꬊዛይ ኦኔ? 
\r (ማቶ 18፡1-5፤ ማር 9፡33-37) 
\p  
\v 46 ኢዛ ካሊዛይቲ “ኦኒ ኦናፔ ኣꬊዜ?” ጊዲ ባ ጊዶን ፓላሜቲዳ። \x * \xo 9:46 \xt ሉቃ 22፡24\x* 
\v 47 ዬሱሲካ ኢስታ ዎዝና ቆፋ ኤሪዲ ጉꬃ ና ኤኪ ዪዲ ባ ማታን ኤሲዲ  
\v 48 “ሃ ጉꬃ ና ታ ሱንꬃን ኤኪዛዴይ ኦኒካ ዲኮ ታና ኤኬስ፤ ታና ኤኪዛዴይካ ታና ኪቲዳይሳ ኤኬስ። ኢንቴ ኡባፌ ጉꬃ ኣሲ ኢዚ ኡባፌ ኣꬌስ” ጊዴስ። \x * \xo 9:48 \xt ማቶ 10፡40፤ ሉቃ 10፡16፤ ዮሃ 13፡20\x* 
\s1 ኢንቴ ጊዛይሳ ኢፆንታይ ኢንቴ ባጋ 
\r (ማር 9፡38-40) 
\p  
\v 49 ዮሃኒሲካ “ጎዶ! ኢሲ ኣሲ ኔ ሱንꬃን ዳይዳንꬅ ኬሲሺን ቤይዶስ። ጊዶ ኣቲን ኢዚ ኑናራ ካሎንታ ጊሽ ዲጋናስ ኮይዶስ” ጊዴስ። 
\p  
\v 50 ዬሱሲካ “ኢንቴና ኢፆንታ ኣሲ ዉሪ ኢንቴ ባጋ ጊዲዳ ጊሽ ዲጎፍቴ” ጊዴስ። 
\s1 ሳማሪያ ኣሳይ ዬሱሳ ሞካናስ ኮይቤቴና 
\p  
\v 51 ዬሱሲ ሳሎ ቢዛ ዎዴይ ማቲዳ ጊሽ ዬሩሳላሜ ባናስ ዴንዲዴስ።  
\v 52 ኢዚካ ሲንꬃꬂዲ ኣሴ ኪቲዴስ። ኢስቲካ ኮሺዛ ሚሽ ጊጊሳናፔ ካሴቲዲ ሳማሪያ ቢታን ዲዛ ኢሲ ጉታ ቢዳ።  
\v 53 ጊዶ ኣቲን ዴሬይ ኢዚ ዬሩሳላሜ ቢዛይሳ ኤሪዳ ጊሽ ሞኪ ኤኪቤቴና።  
\v 54 ኢዛ ካሊዛይታፔ ያቆቤይኔ ዮሃኒሲ ሃኒዛይሳ ቤዪዲ “ጎዶ! ኤላሲ ኦꬆይሳꬆ ‘ታማይ ሳሎፔ ዎꬊዲ ኢስታ ዲፕ ሂስቶ!’ ጊዲ ኣዛዛና ማላ ኮያይ?” ጊዳ። \f + \fr 9:54 \ft ኢሲ ኢሲ ጌሻ ማፃፋቲ “ኤሊያሲ ኦꬆይሳ ማላ” ጊዛ ቃላ ጉጄቴስ።\f*\x * \xo 9:54 \xt 2ካዎ 1፡9-16\x* 
\p  
\v 55 ጊዶ ኣቲን ዬሱሲ ኢስታኮ ዩዪዲ “ኢንቴስ ኣይ ማላ ኣያናይ ዲዛኮኔ ኤሬኬቲ? ኣሳ ናይ ዪዳይ ኣሳ ሼምፖ ኣሻናስ ኣቲን ꬋይሳናስ ጊዴና” ጊዲ ኢስታ ሴሪዴስ።  
\v 56 ኢስቲ ዉሪካ ሃራ ጉታ ቢዳ። 
\s1 ዬሱሳ ካሊዛይታ ጋኪዛ ፓጬ 
\r (ማቶ 8፡19-22) 
\p  
\v 57 ኢስቲካ ቢርሺን ኢሲ ኣሲ ኢስታኮ ሺቂዲ “ታኒ ኔኒ ቢዛ ኡባሶ ኔና ታ ካላና” ጊዴስ። 
\p  
\v 58 ዬሱሲ “ዎርኬናታስ ኣቂዛ ኦላይ፥ ካፎታስ ቃሴ ኣቂዛ ካፎ ኬꬂ ዴስ፤ ጊዶ ኣቲን ኣሳ ናስ ባ ሁዔ ኣይሲዛሶይካ ባዋ” ጊዴስ። 
\p  
\v 59 ዬሱሲካ ሂንኮይሳ “ታና ካላ” ጊዴስ። ሄ ኣዴዚካ “ጎዶ! ታ ካሴታ ባዳ ታ ኣዋ ሞጎ?” ጊዴስ። 
\p  
\v 60 ዬሱሲካ “ኣጋጋ፥ ሃይቂዳይቲ ሃይቂዳይታ ሞጌቶ። ኔኒ ጊዲኮ ባዳ ፆሳ ካዎቴꬃ ኣሳስ ዮታ” ጊዴስ። 
\p  
\v 61 ቃሴካ ሃራ ኣሲ “ጎዶ! ታ ኔና ካላና ሺን ኮይሮ ሶ ባዳ ታ ኬꬃ ኣሳ ሳሮ ጋዳ ዮዖ?” ጊዴስ። \x * \xo 9:61 \xt 1ካዎ 19፡20\x* 
\p  
\v 62 ጊዶ ኣቲን ዬሱሲ “ቦራ ካሶ ኦይኪዲ ጎዪሼ ጉዬ ዛሪ ፄሊዛዴይ ኦኒካ ፆሳ ካዎቴꬃስ ቤሴና” ጊዴስ። 
\c 10  
\s1 ሚሺራቾ ቃላ ታማርሳና ማላ ዬሱሲ ባና ካሊዛ ላፑን ታማኔ ናምዓታ ኪቲዴስ 
\p  
\v 1 ሄሳፌ ጉዬ ጎዳይ ሃራ ላፑን ታማኔ ናምዑ ኣስ ዶሪዲ ሱንꬂዴስ። ኢስታካ ናምዑ ናምዑ ሂስቲዲ ኢዚ ባና ሶሆታኔ ካታማታ ዉርሲካ ኢስቲ ካሴቲዲ ባና ማላ ኪቲዴስ። \f + \fr 10:1 \fq ላፑን ታማኔ ናምዓታ \ft ኢሲ ኢሲ ጌሻ ማፃፋታ ቢርሼꬃስ “ላፑን ታማ” ያ ጌቴስ።\f* 
\v 2 “ማፃ ጋኪዳ ካꬃይ ዳሮ፤ ካꬃ ማፂ ሺሺዛይቲ ጉꬃታ ሄሳ ጊሽ ካꬃ ጎዳይ ካꬃ ማፂዲ ሺሺዛይታ ካꬃይ ዲዛሶ ዬዳና ማላ ዎሲቴ። \x * \xo 10:2 \xt ማቶ 9፡37-38\x* 
\v 3 ሄሳ ጊሽ ቢቴ ዶርሳቲ ካና ሱይቴ ጊዶራ ቢዛ ማላ ታ ኢንቴና ዬዳይስ። \x * \xo 10:3 \xt ማቶ 10፡16\x* 
\v 4 ኮሮጆ ዎይኮ ቃራፂቴ ዎይኮ ጫማ ኤኮፍቴ፤ ኦጌ ቦላ ኦናካ ሳሮ ጎፒቴ። \x * \xo 10:4 \xt ማቶ 10፡7-14፤ ማር 6፡8-11፤ ሉቃ 9፡3-5\x* 
\p  
\v 5 “ኢንቴ ኦና ኬꬂካ ጌሊዛ ጊዲኮ ኮይሮቲዲ ‘ኬꬃ ኣሶ ሳሮ!’ ጊቴ።  
\v 6 ሄ ኬꬃን ሳሮ ዶሲዛ ኣሲ ዲኮ ኢንቴ ሳሮታይ ሄ ኬꬃን ሼምፓና፤ ሳሮ ዶሲዛ ኣሲ ዶንታ ኣጊኮ ኢንቴ ሳሮታይ ኢንቴስ ሲማና።  
\v 7 ኢንቴስ ማና ሺሺዳ ካꬅ ዉርሲ ሚሼኔ ኡዪሼ ሄ ኢንቴ ጌሊዳ ኬꬃን ኡቲቴ፤ ኦꬂዛዴስ ባ ዎልቃ ዋጋ ኤካናስ ኢዛስ ቤሴስ። ሃ ኬꬃፌ ሄ ኬꬄ ዩዮፒቴ። \x * \xo 10:7 \xt 1ቆሮ 9፡14፤ 1ፂም 5፡18\x* 
\p  
\v 8 “ኢንቴ ኣይ ካታማካ ጋኪዛ ዎዴ ኣሳይ ኢንቴና ሞኪ ኤኪኮ ኢስቲ ኢንቴስ ኣꬂዳ ቁማ ሚቴ።  
\v 9 ሄ ካታማን ዲዛ ሃርጋንቻታ ፓꬂዲ ፆሳ ካዎቴꬂ ኢንቴኮ ማቲዴስ ጊዲ ዮቲቴ።  
\v 10 ጊዶ ኣቲን ኢንቴ ቢዲ ኢሲ ካታማ ጌሊሺን ሄ ካታማ ኣሳይ ኢንቴና ሞኪ ኤኮንታ ኢፂኮ ሄ ካታማ ኣሳይ ሺቂዛ ዱቡሻ ኬዚዲ፤  
\v 11 ‘ኑ ቶሆ ቦላ ዲዛ ኢንቴ ካታማ ጉዱላ ኢንቴስ ማርካ ጊዳና ማላ ኑ ቶሆ ቦላፌ ፒቶስ ሺን ፆሳ ካዎቴꬃይ ኢንቴኮ ማቲዳይሳ ኤሪቴ’ ጊቴ።  
\v 12 ታ ኢንቴስ ዮታይስ ፒርዳ ጋላስ ሄ ካታማ ፒርዳፌ ሶዶሜ ካታማ ፒርዳይ ካዉሼ ጊዳና። \x * \xo 10:12 \xt ሜꬌ 19፡24-28፤ ማቶ 10፡15፤ 11፡24\x* 
\s1 ኣማኖንታ ኢፂዳ ጊሽ ዋላሴቲዳ ካታማታ 
\r (ማቶ 11፡20-24) 
\p  
\v 13 “ኩራዚኔ ኔና ኣዬ-ኣና! ቤቴሳይዳ ኔና ኣዬ ኣና! ኢንቴናን ኦሴቲዳ ማላታቲ ፂሮሴኒኔ ሲዶናን ኦሴቲዳኮ ኢስቲካ ማይዖ ማይዒዲኔ ቢዲንꬅ ጎርፔቲዲ ሄ ዎዴ ቤኒ ማሬታናሺን። \x * \xo 10:13 \xt ኢሳ 23፡1-18፤ ሂዚ 26፡1-28፡26፤ ኢዩ 3፡4-8፤ ኣሞ 1፡9-10፤ ዛካ 9፡2-4\x* 
\v 14 ጊዶ ኣቲን ፒርዳ ዎዴ ኢንቴፌ ፂሮሴሲኔ ሲዶናስ ካዉያና።  
\v 15 ሃኔ ቂፊርናሆሜ ፑዴ ሳሎ ꬎቁ ꬎቁ ጋዲ? ኔኒ ዱጌ ሲዖሌ ዎꬋና፥ \x * \xo 10:15 \xt ኢሳ 14፡13-15\x* 
\p  
\v 16 “ኢንቴ ጊዛይሳ ሲዪዛ ኣሲ ታና ሲዬስ፤ ኢንቴና ኤኮንታ ኣሲ ታናካ ኤኬና፤ ታና ኤኮንታይካ ታና ኪቲዳይሳ ኤኬና” ጊዴስ። \x * \xo 10:16 \xt ማቶ 10፡40፤ ማር 9፡37፤ ሉቃ 9፡48፤ ዮሃ 13፡20\x* 
\s1 ዬሱሲ ኪቲዳ ላፑን ታማኔ ናምዓቲ ቢዳሶፔ ሲሚዳ 
\p  
\v 17 ላፑን ታማኔ ናምዓቲካ ኡፋዬቲሼ ሲሚዲ “ጎዶ! ሃራይ ኣቶ ሺን ዳይዳንꬃቲካ ኔ ሱንꬃን ኑስ ሃሬቲዳ” ጊዲ ዮቲዳ። 
\p  
\v 18 ኢዚካ ኢስታስ “ፃላዔይ ዎልቃንꬃ ማላ ሳሎፔ ኩንዲሺን ታ ቤያዲስ። 
\p  
\v 19 “ሂስቲኮ ሾሻኔ ማሲማሶ ኢንቴ ዬꬋና ማላ ሞርኬ ዎልቃ ኡባ ቦላ ኢንቴስ ጎዳቴꬅ ኢማዲስ፤ ኢንቴና ቆሂዛ ኢሲ ሚሺካ ዴና። \x * \xo 10:19 \xt ማዛ 91፡13\x* 
\v 20 ኢንቴ ሱንꬃይ ሳሎን ፃፌቲዳ ጊሽ ኡፋዬቲቴ ኣቲን ቱና ኣያናቲ ኢንቴስ ሃሬቲዳ ጊሽ ኡፋዬቶፍቴ” ጊዴስ። 
\s1 ዬሱሲ ባ ኡፋይሳ ቆንጪሲዴስ 
\r (ማቶ 11፡25-27፤ 13፡16-17) 
\p  
\v 21 ሄ ዎዴ ዬሱሲ ፂሎ ኣያናን ኡፋዬቲዲ “ሳሎሲኔ ሳዓስ ጎዳ ጊዲዳ ኣቦ ሃይሳ ዉርሳካ ኣꬎ ኤራንቻታፔኔ ኤራቻታፔ ቆታዳ ቄሪ ጉꬃ ናይታስ ኔ ቆንጪሲዳ ጊሽ ታኒ ኔና ጋላታይስ፤ ኤ፥ ታ ኣዋዉ! ሃይሲ ኔ ሎዖ ሼኔይ ሃኒዴስ። 
\p  
\v 22 “ዉሪ ታ ኣዋ ማታፔ ታስ ኢሜቲዴስ፤ ቃሴካ ኢዛ ናይ ኦናኮኔ ኣዋፔ ኣቲን ኤሪዛይ ባዋ። ኣዋይ ኦናኮኔ ናዛፔ ኣቲን ዎይኮ ናዚ ኢዛስ ቆንጪሳናስ ዶሲዳዴፔ ኣቲን ኤሪዛዴይ ባዋ” ጊዴስ። \x * \xo 10:22 \xt ዮሃ 3፡35፤ 10፡15\x* 
\p  
\v 23 ባና ካሊዛይታኮ ሲሚዲ ኢስታስ ዱማ “ኢንቴ ቤዪዛይሳ ቤዪዛ ኣይፌቲ ኣንጄቲዳይታ።  
\v 24 ታ ኢንቴስ ቱማ ጋይስ ዳሮ ናቤቲኔ ካዎቲ ኢንቴ ሃዒ ቤዪዛይሳ ቤያናስ ኮይዲ ቤይቤቴና፤ ኢንቴ ሃዒ ሲዪዛይሳካ ሲያናስ ኮይዲ ሲይቤቴና” ጊዴስ። 
\s1 ኣሳስ ቃꬌቲዛ ሳማሪያ ኣዴዛ 
\p  
\v 25 ኢሲ ጋላስ ሙሴ ዎጋ ታማርሲዛ ኢሲ ኣሲ ዬሱሳ ፓጫናስ ኮይዲ “ታማሪሲዛይሶ ታኒ ሜርና ዴዖ ላታናስ ኣይ ኦꬆ?” ጊዲ ኦይቺዴስ። \x * \xo 10:25 \xt ማቶ 22፡35-40፤ ማር 12፡28-34\x* 
\p  
\v 26 ዬሱሲካ ዛሪዲ “ዎጋ ማፃፋን ኣይ ጌቴቲ ፃፌቲዴ? ኢዛፔ ኔስ ጌሊዳይ ኣዜ?” ጊዲ ኦይቺዴስ። 
\p  
\v 27 ኣዴዚ ዛሪዲ “ኔ ጎዳ ፆሳ ኔ ኩሜꬃ ዎዝናፔ፥ ኔ ኩሜꬃ ሼምፖፌ፥ ኔ ኩሜꬃ ዎልቃፌኔ፥ ኔ ኩሜꬃ ቆፋፔ ሲቃ፤ ኔ ላጌካ ኔ ሁዔ ማላ ሲቃ ጌስ” ጊዲ ዛሪዴስ። \x * \xo 10:27 \xt ዛሬ 6፡5፤ ሌዌ 19፡18\x* 
\p  
\v 28 ዬሱሲካ “ሎዖ ዛራዳሳ። ኔኒካ ሄሳꬆ ኦꬂኮ ሜርና ዴዖ ዴማና” ጊዴስ። \x * \xo 10:28 \xt ሌዌ 18፡5\x* 
\p  
\v 29 ኣዴዚ ባና ፂሊሳናስ ኮይዲ “ሂስቲን ታ ላጌይ ኦኔ?” ጊዲ ዬሱሳ ኦይቺዴስ 
\p  
\v 30 ዬሱሲካ ዛሪዲ “ኢሲ ኣዴዚ ዬሩሳላሜፔ ኢያርኮ ዎꬊሺን ፓንጋቲ ዴሚዲ ኢዛ ማይዖ ቃሪ ኤኪዳ፤ ኬሂ ቆፄሬꬂዲ ሃይቆፔኔ ፓፃፔ ጊዶን ዬጊ ኣጊዲ ቢዳ።  
\v 31 ኢሲ ቄሴይ ሄ ኦጌራ ባሲ ዱጌ ዎꬊሼ ኣሙንሶንታ ሄ ቆፄቲዳ ኣዴዛ ዴሚዲ ፖቄꬃራ ዬጊ ኣꬊዴስ።  
\v 32 ቃሴካ ኢሲ ሌዌ ባጋ ኣሳፔ ኢሲ ኣዴዚ ሄ ኦጌራ ኣꬊሼ ቆፄቲዳ ኣዴዛ ቤዪዲ ሃዒካ ፖቂዲ ኣꬊዴስ።  
\v 33 ኢሲ ሳማሪያ ቢታ ኣሲ ሄ ኦጌራ ኣꬊ ቢሼ ቆፄቲዳ ኣዴዛ ቦላ ጋኪ ዎꬊዴስ፤ ኣዴዛ ቤዪዲኔ ኬሂ ሚሼቲዴስ።  
\v 34 ኣዴዛኮ ሺቂዲኔ ማዱንꬃ ꬋላና ማላ ዎጋራ ሚꬃ ዛይቴኔ ዎይኔ ጫጄ ማዱንꬃ ቦላ ጉሲዲ ቃቺዴስ፤ ኣዴዛ ባ ሃሬ ቶጊሲዲ ኢማꬂ ሼምፒዛሶ ኤፊዲ ሎዔꬂ ፄሊዴስ።  
\v 35 ዎንቴꬃ ጋላስ ኢማꬂ ሼምፒዛ ኬꬃ ጎዳስ ናምዑ ዲናሬ ኢሚዲኔ ‘ኔና ሃራ ሚሻ ኬሲሲኮ ታ ሲማሼ ኔስ ኢማና፤ ኔፔ ኬሳዳ ሎዔꬃ ናጋ’ ጊዴስ። 
\p  
\v 36 “ሂስቲኮ ሃ ሄꬑ ኣሳታፔ ፓንጋታን ቆፄቲዲ ሃይቆፔኔ ፓፃፔ ጊዶን ዬጌቲዳዴስ ኬሂ ማታ ላጌይ ኔስ ኣዋይሳ ሚሳቲዜ?” ጊዴስ። 
\p  
\v 37 ሙሴ ዎጋ ታማርሲዛይሲካ “ሄሲ ኔ ሚቼቲዳይሳኔ ማዲዳይሳ!” ጊዴስ። ዬሱሲካ ኢዛስ “ኔካ ባዳ ኢዛይሳꬆ ኦꬃ” ጊዴስ። 
\s1 ዬሱሲ ማርታኔ ማራሚ ሶ ቢዴስ 
\p  
\v 38 ዬሱሲኔ ኢዛ ካሊዛይቲ ኦጌ ቢሺን ዬሱሲ ኢሲ ጉታ ጌሊዴስ፤ ማርታ ጌቴቲዛ ኢሲ ማጫሲያ ባሶን ዬሱሳ ሞካ ኤካዱስ።  
\v 39 ኢዚስ ማራሞ ጌቴቲዛ ኢሲ ሚቼያ ዳዉስ። ማራማካ ኢዛፔ ቃላ ሲያሼ ጎዳ ቶሆ ጋርሳን ኡታዱስ። \x * \xo 10:39 \xt ዮሃ 11፡1\x* 
\v 40 ጊዶ ኣቲን ማርታይ ኦሶ ዳሮፔ ዴንዲዳይሳን ዳቡራዳ ዬሱሳኮ ሺቃዳ “ጎዶ! ታ ሚቺያ ኦሶ ዉርሳ ታ ቦላ ኣጋዳ ኡቲሺን ኔኒ ጮዑ ጋይ? ኢዛ ታና ማዳና ማላ ኢዚስ ዮታ ኣቲን” ጋዱስ። 
\p  
\v 41 ጊዶ ኣቲን ጎዳይ “ሃኔ ማርታኔ! ኔኒ ዳሮ ሚሻ ጊሽ ቆፋ ዳራሳ፤ ዲርባታሳ፤ ቱጋታሳ።  
\v 42 ኮሺዛይ ጊዲኮ ኢሲ ሚሽ ፃላ፤ ማራማካ ሎዖ ኤፃ ዶራዱስ፤ ሄሲካ ኢዚፔ ኤኬቴና።” 
\c 11  
\s1 ዬሱሲ ዎሳ ጊሽ ታማርሲዴስ 
\r (ማቶ 6፡9-13፤ 7፡7-11) 
\p  
\v 1 ኢሲ ጋላስ ዬሱሲ ኢሲሶን ዎሲዴስ፤ ኢዚ ዎሳ ዉርሲሺን ኢዛ ካሊዛይታፔ ኢሶይ “ጎዶ! ፃማቂዛ ዮሃኒሲ ባና ካሊዛይታ ዎሳ ታማርሲዳይሳꬆ ኔካ ኑና ዎሳ ታማርሳ!” ጊዴስ። 
\q1  
\v 2 ኢዚካ ኢስታስ “ዎሲሼ 
\q1 ‘ኑ ኣዋዉ! ኔ ሱንꬂ ኣንጄቶ፤ 
\q2 ኔ ካዎቴꬂ ሃዮ፤ 
\q1  
\v 3 ሃቺስ ጊዲዛ ቁማ ኑስ ኢማ፤ 
\q1  
\v 4 ኑና ቆሂዳይታ ኑ ማሪዛ ማላ ኑና ማራ፤ 
\q2 ፓጬንካ ኑና ጌልꬆፋ’ ጊ ዎሲቴ” ጊዴስ። 
\p  
\v 5-6 ቃሴካ “ኢንቴፌ ኢሳዴስ ላጌይ ዲኮ ሌላ ጊዶꬅ ሄ ላጌዛሶ ቢዲ ‘ታስ ኢሲ ኢማꬂ ኦጌፔ ዪን ሚዛና ካꬅ ባይንዳ ጊሽ ሄꬑ ሶሎይ ዲኮ ታስ ታልዓሪኪ?’  
\v 7 ላጌዚካ ዛሪዲ ‘ታና ዋይሶፓ፤ ካሬይካ ጎርዴቲዴስ፤ ታኒካ ናይታራ ኢቻዲስ። ሃዒ ዴንዳዳ ኢማናስ ዳንዳይኬ’ ጋንዴ?  
\v 8 ታካ ኢንቴስ ዮታይስ ላጌቴꬃ ጊሽ ዴንዲዲ ኢሞንታ ኣጊኮካ ኢዚ ኦይቾን ሳሌꬂዳ ጊሽ ዴንዲዲ ኮዪዛይሳ ዉርሲ ኢሚዴስ። 
\p  
\v 9 “ሄሳ ጊሽ ታኒ ኢንቴስ ጊዛይ፤ ዎሲቴ ኢንቴስ ኢሜታና፤ ኮዪቴ ኢንቴ ዴሜና፤ ካሬ ቆፂቴ ኢንቴስ ዶዬታና።  
\v 10 ኣይስ ጊኮ ዎሲዛይ ዉሪ ኤካና፤ ኮዪዛይካ ዴሜና ካሬ ቆፂዛዴስካ ዶዬታና። 
\p  
\v 11 “ኢንቴፌ ኣዋ ጊዲ ኡቲዲ ኢዚ ዬሊዳ ናይ ሞሌ ኦይቺኮ ሾሽ ኢሚዛይ ዳንዴ?  
\v 12 ዎይኮ ጱጱሌ ኦይቺኮ ማሲማሶ ኢሚዛይ ዳንዴ?  
\v 13 ኢንቴ ኢታታ ጊዲሼ ኢንቴ ናይታስ ሎዖ ኢሞታ ኢሞ ኤሪኮ፤ ሳሎን ዲዛ ኢንቴ ኣዋይ ባና ዎሲዛይታስ ፂሎ ኣያናን ዎስቲ ዳርሲ ኢሜኔ?” ጊዴስ። 
\s1 ዬሱሳኔ ቢዔሊዜቡላ 
\r (ማቶ 12፡22-30፤ ማር 3፡20-27) 
\p  
\v 14 ኢሲ ጋላስ ዬሱሲ ሃሳይሶንታ ዱዴ ዳይዳንꬅ ኬሲዴስ። ዳይዳንꬃዚካ ኬዚዳፔ ጉዬ ዱና ዱዴ ኣዴዚ ሃሳይዴስ፤ ቤዪዳ ኣሳቲካ ዳርሲ ማላሌቲዳ።  
\v 15 ጊዶ ኣቲን ኢሲ ኢሲ ኣሳቲ “ቢዔሊዜቡላ ጌቴቲዛ ዳይዳንꬃታ ሃላቃን ዳይዳንꬃታ ኬሴስ” ጊዳ። \x * \xo 11:15 \xt ማቶ 9፡34፤ 10፡25\x* 
\p  
\v 16 ኢሲ ኢሲ ኣሳይ ኢዛ ፓጫናስ “ሳሎፔ ማላታ ቤሳ” ጊዲ ኦይቺዳ። \x * \xo 11:16 \xt ማቶ 12፡38፤ 16፡1፤ ማር 8፡11\x* 
\v 17 ጊዶ ኣቲን ዬሱሲ ኢስታ ቆፋ ኤሪዲ “ባ ጊዶን ሻኬቲዛ ካዎቴꬂ ዉሪ ꬋያና፤ ባ ጊዶን ሲጋይ ባይንዳ ኬꬂካ ኩንዳና።  
\v 18 ኢንቴ ታና ‘ቢዔሊዜቡላን ዳይዳንꬃታ ኬሴስ’ ጊዲ ሃሳዬታ ሺን ፃላዔይካ ባ ጊዶን ኢሶይ ኢሳፌ ሻኬቲኮ ኢዛ ካዎቴꬂ ዋኒ ሚናኔ?  
\v 19 ሂስቲኮ ታኒ ዳይዳንꬃታ ቢዔሊዜቡላ ኬሲኮ ኢንቴ ናይቲ ኦናን ኬሳንዴቶ? ሄሳ ጊሽ ኢንቴ ናይቲ ኢንቴ ቦላ ፒርዲዛይታ ጊዳና።  
\v 20 ጊዶ ኣቲን ታኒ ዳይዳንꬃታ ኬሲዛይ ፆሳ ዎልቃን ጋኪዴስ፤ ፆሳ ካዎቴꬃይ ኢንቴኮ ማቲዳሮ ኤሪቴ። 
\p  
\v 21 “ሚኖ ኣሲ ሎዔꬂ ጊፄቲዲ ባ ኬꬄ ናጊኮ ኬꬃን ዲዛ ሚሺ ሎዖን ናጌቴስ።  
\v 22 ጊዶ ኣቲን ኢዛፔ ሃራ ሚኖ ኣሲ ዪዲ ፆኒኮ ኢዚ ኣማኔቲዳ ኦላ ሚሻታ ዎꬂ ኤኪዲ ኢዛስ ዲዛ ሃሮዛካ ዉርሲ ሃራስ ጊሻና። 
\p  
\v 23 “ታናራ ጊዶንታይ ታናራ ኤቄቴስ፤ ታናራካ ሺሾንታዴይ ላሌስ፥ \x * \xo 11:23 \xt ማር 9፡40\x* 
\s1 ኢታ ኣያናይ ኣጊ ቢዳሶ ሲሚ ዩስ 
\r (ማቶ 12፡43-45) 
\p  
\v 24 “ቱና ኣያናይ ኣሳፔ ኬዚዳ ዎዴ ሼምፖሶ ኮዪሼ ሃꬂ ባይንዳ ሜላ ሶን ዋዬቴስ፤ ሼምፖሶይ ꬋይኮ ‘ታኒ ካሴ ኬዚዳሶ ጉዬ ሲማና’ ጌስ።  
\v 25 ኢዛፔ ሲሚዲ ዪሺን ካሴ ኢዚ ኣጊ ቢዳ ኬꬃይ ፒቴቲዲኔ ጊጊ ኡቲዳይሳ ዴሜስ።  
\v 26 ሄሳፌ ሲሚ ቢዲ ባፔ ኢቲዛ ሃራ ላፑን ዳይዳንꬃታ ባናራ ኤኪዲ ዬስ፤ ኢስቲካ ጌሊዲ ሄን ዳና፤ ሄሳዴስካ ኮይሮይሳፌ ጉዬይሲ ኬሂ ኢታ ጊዳና” ጊዳ። 
\s1 ቱሙ ኣንጆ 
\p  
\v 27 ዬሱሲ ሄሳ ሃሳዪዛ ዎዴ ኣሳ ጊዶፌ ኢሲ ማጫስ ዲዛራ ባ ቃላ ꬎቁ ኦꬃዳ “ኔና ቶኪዳ ቃንꬂኔ ኔ ꬋሚዳ ꬋንꬃቲ ኣንጄቲዳይታ” ጋዱስ። 
\p  
\v 28 ጊዶ ኣቲን ኢዚ “ኣንጄቲዳይቲ ፆሳ ቃላ ሲይዲ ኣዛዜቲዛይታ” ጊዴስ። 
\s1 ዮናሲ ማላታ ጊዴꬅ 
\r (ማቶ 12፡38-42፤ ማር 8፡12) 
\p  
\v 29 ዳሮ ዴሬይ ዬሱሳኮ ሺቂዳ ዎዴ ዬሱሲ “ሃይሲ ዬሌታይ ኢታ ዬሌታ፤ ጊታ ማላታ ቤያናስ ኮዬስ። ጊዶ ኣቲን ዮናሳ ማላታፔ ሃራ ዱማ ማላታይ ኢሜቴና።  
\v 30 ጋሶይካ ዮናሲ ናናዌ ኣሳስ ማላታ ጊዲዳ ማላ ኣሳ ናይ ታኒ ሃ ዬሌታስ ማላታ ጊዳና። \x * \xo 11:30 \xt ዮሃ 3፡4\x* 
\v 31 ዱጌሃ ዴሬ ማጫ ካዎያ ሶሎሞኔ ኤራቴꬅ ቤያናስ ቢታ ጋፃፔ ዴንዳዳ ዪዳ ጊሽ ፒርዳ ዎዴ ኢዛ ሃ ዬሌታራ ዴንዳዳ ፒርዳና፤ ሄኮ ሶሎሞኔፔ ኣꬊዛዴይ ሃን ዴስ። \x * \xo 11:31 \xt 1ካዎ 10፡1-10፤ 2ታር 9፡1-12\x* 
\v 32 ዮናሲ ሳባኪሺን ሲይዲ ናናዌ ኣሳይ ባ ናጋራፔ ማሮቲዳ ጊሽ ሃ ዬሌታራ ኢሲፌ ዴንዲዲ ፒርዳና። ጊዶ ኣቲን ዮናሳፔ ኣꬊዛይ ሃን ዴስ። 
\p  
\v 33 “ፆምፔ ኦይꬂዲ ካሬፔ ጌሊዛ ኣሳስ ፖዓና ማላ ቆንጬሶን ዎꬄቴስ ኣቲን ጌማሶን ዎꬂዛ ኣሲ ዴና።  
\v 34 ኔ ኣሳቴꬃስ ፖዖይ ኔ ኣይፌ፤ ኔ ኣይፌይ ፓፃ ጊዲኮ ኔ ኩሜꬃ ኣሳቴꬃይ ፖዖ ጊዳና። ኔ ኣይፌይ ሳኬቲኮ ኔ ኩሜꬃ ኣሳቴꬃይ ꬉማ ጊዳና።  
\v 35 ሄሳ ጊሽ ኔናን ዲዛ ፖዖይ ꬉሞንታ ማላ ናጌታ።  
\v 36 ሂስቲኮ ኔ ኣሳቴꬃይ ፖዖ ጊዲኮ ꬉሚዳ ኣሳቴꬂ ዴና ኣጊኮ ኔ ኩሜꬃ ኣሳቴꬃይ ፆምፔ ሎዔꬂ ፖዒዛ ማላ ሎዒ ቤታና” ጊዴስ። 
\s1 ዬሱሲ ፋርሳዌታኔ ዎጋ ታማርሲዛይታ ዋላሲዴስ 
\r (ማቶ 23፡1-36፤ ማር 12፡38-40) 
\p  
\v 37 ዬሱሲ ሃሳያ ዉርሲዳ ማላ ኢሲ ፋርሳዌይ ባናራ ቁማ ማናስ ዬሱሳ ፄይጊዴስ።  
\v 38 ዬሱሲ ቁማ ማና ኩሼ ሜጬቶንታ ኣጊዳይሳ ቤዪዲ ማላሌቲዳ። 
\p  
\v 39 ጎዳይ ኢዛስ “ሃዒ ኢንቴ ፋርሳዌቲ ፁዓሲኔ ኬሬስ ቦላ ባጋ ሜጪ ጌሼታ፤ ኢንቴ ጊዶ ባጋዚ ኡዜቴꬃኒኔ ኢታቴꬃን ኩሚዴስ።  
\v 40 ኢንቴኖ ኤያቶ! ካሬ ባጋ ሜꬊዳይ ጊዶ ባጋ ሜꬊቤኔ?  
\v 41 ዮዖን ጊዲኮ ጊዶን ዲዛይሳ ሙፁዋታ ኢሚቴ፤ ሄ ዎዴ ዉሪካ ኢንቴስ ጌሽ ጊዳና። 
\p  
\v 42 “ኢንቴኖ ፋርሳዌቶ! ኢንቴስ ኣዬ ኣና! ኣኑጋፔኔ ፃሎታፔ ቃሴካ ዱማ ዱማ ካꬃፌ ታማፌ ኢሲኖ ኬሴታ፤ ጊዶ ኣቲን ቱማ ፒርዳኔ ፆሳ ዶሳናይሳ ኣጊ ኣꬌታ። ዮዖን ጊዲኮ ኢንቴ ኣጊ ኣꬋናስ ቤሴና። ሃንኮይሳ ኣጎንታ ኢንቴ ኦꬃና ቤሲዛይቲካ ሃይታ። 
\p  
\v 43 “ኢንቴኖ ፋርሳዌቶ! ኢንቴስ ኣዬ-ኣና! ኣይሁዳ ዎሳ ኬꬃን ኡታናስ ቦንቾ ኦይዴ ኮዬታ፤ ጊያ ጊዶንካ ኣሳይ ኢንቴ ሲንꬃን ሆካና ማላ ዶሴታ።  
\v 44 ኣሲ ኤሮንታ ኢዛ ቦላራ ቢዛ ቆቴቲ ዲዛ ዱፎ ኢንቴ ሚሳቲዛ ጊሽ ኢንቴና ኣዬ-ኣና!” ጊዳ። 
\p  
\v 45 ሙሴ ዎጋ ኤሪዛይታፔ ኢሶይ ዛሪዲ “ኣስታማሬ! ኔ ሄሳꬆ ሃሳዪዛ ዎዴ ኑናካ ጫያሳ” ጊዴስ። 
\p  
\v 46 ዬሱሲካ ዛሪዲ “ኢንቴኖ ሙሴ ዎጋ ኤሪዛይቶ ኢንቴስካ ኣዬ-ኣና! ኣሲ ቶካናስ ዳንዳዮንታ ዴፆ ቶሆ ኣሳ ቶሴታ። ኢንቴ ጊዲኮ ኢንቴስ ቢራꬌ ፄራኒካ ቦቼኬታ። 
\p  
\v 47 “ኢንቴ ኣዋቲ ዎꬊዳ ናቤታ ዱፎ ኢንቴ ሎዔꬂዛ ጊሽ ኢንቴስ ኣዬ ኣና።  
\v 48 ሂስቲኮ ኢንቴ ኢንቴ ኣዋታ ኦሶ ሚንꬂዛ ማርካታ፤ ኢስቲ ናቤታ ዎꬊዳ፤ ኢንቴካ ኢስታ ዱፎ ሎዔꬄታ። 
\p  
\v 49 “ሄሳ ጊሽ ፆሳ ኤራቴꬅ ሂዝጋዱስ ‘ናቤታኔ ሃዋሬታ ታ ኢስታስ ዬዳና፤ ኢስቲካ ኢስታፌ ኢሳ ኢሳ ዎꬋና፤ ሃራታካ ጎዳና።  
\v 50 ሄሳ ጊሽ ሃ ዬሌታይ ቢታይ ሜꬌቶሶፔ ሃዒ ጋካናስ ጉኪዳ ናቤታ ኡባ ሱꬃ ጊሽ ኦይሼታና።  
\v 51 ኣቤሌ ሱꬃፌ ኦይኪዲ ያርሺዛሶፔኔ ፆሳ ኬꬃ ጊዶን ጉኪዳ ዛካራሳ ሱꬃ ጋካናስ ኮዬቴስ።’ ኤ ታ ኢንቴስ ጊዛይ ሃ ዬሌታይ ሃይሳስ ኦይሼታና። 
\p  
\v 52 “ኢንቴኖ ዎጋ ኤሪዛይቶ! ኢንቴስ ኣዬ-ኣና! ኤራቴꬃ ፔንጌ ቁልፌ ዎልቃራ ዎꬂ ኤኪዲ ኢንቴስካ ጌሊቤኬታ፤ ጌላናይታካ ዲጌታ” ጊዴስ። 
\p  
\v 53 ዬሱሲ ሄፔ ኬዚዳፔ ጉዬ ፃፌቲኔ ፋርሳዌቲ ኤቄቲሼ ኦይሻን ሼምፖ ዲጊዳ።  
\v 54 ኢዛ ዱናፔ ኬዚዛ ቃላን ኢዛ ቃፃናስ ናጌቲዳ። 
\c 12  
\s1 ዬሱሲ “ሎዖ ሚሳቲዛ ፋርሳዌታ ኢታቴꬃፌ ናጌቲቴ” ጊዴስ 
\p  
\v 1 ሄ ዎዴ ዳሮ ዴሬይ ባ ጊዶን ኢሶይ ኢሳራ ዬꬌታና ጋካናስ ሺቂ ኡቲዳሼ ዬሱሲ ባና ካሊዛይታ “ፋርሳዌታ ኢርሾፌ ናጌቲቴ፤ ሄሲካ ቆꬌፔ ቆሞ ሃኖ። \x * \xo 12:1 \xt ማቶ 16፡6፤ ማር 8፡15\x* 
\v 2 ቆንጮንታ ካሜቲዲ ኣታናይኔ ኤሬቶንታ ቆታን ኣታና ሚሺ ዴና። \x * \xo 12:2 \xt ማር 4፡22፤ ሉቃ 8፡17\x* 
\v 3 ሄሳ ጊሽ ኢንቴ ጌማን ሃሳዪዳዚ ዉሪ ቆንጬ ኬዛና፤ ቃሴካ ኢንቴ ቆልዓን ሃይꬃን ሳሱኬቲ ሃሳዪዳዚ ዉሪ ዴሬ ሲንꬃን ዮቴታና። 
\s1 ኦናስ ባባናስ ቤሲዛኮኔ 
\r (ማቶ 10፡28-31) 
\p  
\v 4 “ታ ላጌቶ! ታ ኢንቴስ ጊዛይ ኣሾ ፃላ ዎꬋናፔ ኣቲን ሃራ ኣይኮካ ኦꬃናስ ዳንዳዮንታይታስ ባቦፍቴ።  
\v 5 ጊዶ ኣቲን ኢንቴ ባባናስ ቤሲዛይ ኦናኮኔ ታ ኢንቴና ቤሳና፤ ኣሾ ዎꬊዳፔ ጉዬ ኣሾኔ ሼምፖ ኢሲፌ ጋꬂ ጋናሜ ታማን ዬጋናስ ዳንዳዪዛይሳስ ባቢቴ። ኤ ኢዛስ ባቢቴ ጋይስ። 
\p  
\v 6 “ሲኔ ካፎ ኢቻሻቲ ናምዑ ሳንቴስ ባይዜቴቴስ፤ ጊዶ ኣቲን ኢስታፌ ኢሲኒዮካ ፆሲ ዶጌና።  
\v 7 ኢንቴ ሁዔ ቢናናይ ኩሜꬅ ታይቦን ዴስ። ሄሳ ጊሽ ባቦፍቴ፤ ዳሮ ሲኔ ካፎታፔ ኢንቴ ኣꬌታ። 
\s1 ኪርስቶሳ ጊሽ ማርካታና ኮሼስ 
\r (ማቶ 10፡32-33፤ 12፡32፤ 10፡19-20) 
\p  
\v 8 “ታ ኢንቴስ ዮታይስ ታ ጊሽ ኣሳ ሲንꬃን ማርካቲዛ ኣሳ ኡባስ ኣሳ ናይ ቃሴካ ፆሳ ኪታንቻ ሲንꬃን ኢዛ ጊሽ ማርካታና።  
\v 9 ጊዶ ኣቲን ኣሳ ሲንꬃን ታና ካዲዳዴይ ፆሳ ኪታንቻ ሲንꬃን ካዴታና። 
\p  
\v 10 “ኣሳ ና ቦላ ካዉሻ ቃላ ሃሳዪዛዴስ ናጋራይ ዉሪ ማሬታና ሺን ፂሎ ኣያና ጫዪዛዴይ ማሬቴና። \x * \xo 12:10 \xt ማቶ 12፡32፤ ማር 3፡29\x* 
\p  
\v 11 “ኣሳይ ኢንቴና ኦይኪዲ ዴሬ ሃሪዛይታኮኔ ጎዳቲዛይታኮ፥ ኣይሁዳ ዎሳ ኬꬄ ኦይኪ ኤፊኮ ‘ኣይ ጊ ዛሪኖ? ኣይ ጊኖ?’ ጊዲ ሂርጎፍቴ።  
\v 12 ኣይስ ጊኮ ኢንቴ ሃሳያናስ ቤሲዛይሳ ፂሎ ኣያናይ ሄ ዎዴ ኢንቴና ታማርሳና።” 
\s1 ዱሬ ኣዴዛ ኤያቴꬅ 
\p  
\v 13 ዳሮ ኣሳ ጊዶፌ ኢሳዴይ “ኣስታማሬ! ታ ኢሻይ ኑ ኣዋ ላታ ሚሻፌ ታና ጋኪዛይሳ ታስ ኢማና ማላ ኢዛስ ዮታ” ጊዴስ። 
\p  
\v 14 ዬሱሲካ “ሃይሶ! ታና ኢንቴ ቦላ ፒርዲዛ ዳና ኦꬂዳይ ኦኔ?” ጊዴስ።  
\v 15 ቃሴካ ኢስታስ “ኣሳስ ዳሮ ሚሽ ዲኮካ ሼምፖይ ሄ ዱሬቴꬃን ዶንታ ጊሽ ናጌቲቴ፤ ዪቄቴꬃፌ ኢንቴና ኬሂ ናጊቴ” ጊዴስ። 
\p  
\v 16 ዛሬꬂዲካ ኢስታስ “ሎዔꬂ ካꬅ ኢሚዛ ጋዴ ጎዳ ጊዲዳ ኢሲ ዱሬ ኣሲ ዴስ።  
\v 17 ሄ ኣዴዚካ ባ ዎዝናን ‘ታ ካꬃ ሺሻዳ ዎꬂዛሶይ ባይንዳ ጊሽ ኣይ ኦꬆ?’ ጊዲ ቆፒዴስ። 
\p  
\v 18 “ኣዴዚካ ‘ታስ ዲዛ ጎታራታ ላላዳ ሃራ ኣኪዛዝ ኬፃና፤ ሂስታዳ ታስ ዲዛ ካꬃኔ ታስ ዲዛዝ ዉርሳ ኢዛን ሺሻና።  
\v 19 ታ ሼምፖዮካ ታ ሼምፖዬ! ዳሮ ዎዴስ ጊዲዛ ካꬅ ሺሺዳ ጊሽ ሼምፓ ኡታዳ ማ፤ ኡያ፤ ኡፋዬታ’ ጋና ጊዴስ። 
\p  
\v 20 “ጊዶ ኣቲን ‘ፆሲ ሃይሶ ኤያዞ! ኔ ሼምፖዮ ሃቺ ኦማርስ ኔፔ ኤካና ኮዬቴስ፤ ሄሳ ጊሽ ኔ ኔስ ሺሺዳይስ ኦናስ ጊዳኔ?’ ጊዴስ። 
\p  
\v 21 “ሄሳ ጊሽ ፆሳ ኣቻን ዱሬ ጊዶንታ ባስ ሚሼ ሺሺዛ ኣሳ ዉርሴꬂካ ሄሳ ማላ” ጊ ሌሚሶን ዮቲዴስ። 
\s1 ፆሳን ኣማኔቴꬅ 
\r (ማቶ 6፡25-34) 
\p  
\v 22 ሄሳፌ ጉዬ ዬሱሲ ባና ካሊዛይታስ “ኢንቴስ ታ ዮታይስ ኢንቴ ዱሳስ ‘ኣይ ማናኮኔ ዎይኮ ኢንቴ ቦላስ ኣይ ማይዓናኮኔ’ ጊዲ ጬጮፒቴ።  
\v 23 ኣይስ ጊኮ ሼምፖይ ካꬃፌ ኣሳቴꬂ ቃሴ ማይዖፔ ኣꬌስ።  
\v 24 ቁሮታ ፄሊቴ ዜሬቴና፤ ማፄቴና፤ ካꬅ ሺሺዛ ጎታራይ ኢስታስ ባዋ ሺን ፆሲ ኢስታ ሚዜስ። ሂስቲኮ ኢንቴ ኢስታፌ ኬሂ ኣꬌኬቲ?  
\v 25 ጊዶ ኣቲን ኢንቴፌ ዳርሲ ቆፒዲ ባ ላይꬃ ቦላ ኢሲ ጋላስ ጉጃና ዳንዳዪዛይ ኦኔ? \f + \fr 12:25 \fq ባ ላይꬃ ቦላ ኢሲ ጋላስ ጉጃና \ft ጊዛይሳ ኢሲ ኢሲ ጌሻ ማፃፌታ ቢርሼꬃን ባሲ ዲዛ ኣዱሳቴꬃ ቦላ ኢሲ ዋꬋ ፑዴ ጉጃናስ ዳንዳዪዛይ ኦኔ? ጊዛዚ ዴስ።\f* 
\v 26 ሂስቲኮ ጉꬃ ሚሽ ኦሶይ ኢንቴስ ዳንዳዬቶንታሼ ኣይስ ሃራ ሚሻስ ኬሂ ቆፔቲ? 
\p  
\v 27 “ጪሻቲ ዋኒዲ ዲጪዛኮኔ ኣኔ ፄሊቴ፤ ዋዬቴና፤ ሱቄቴና፤ ጊዶ ኣቲን ታ ኢንቴስ ዮታይስ፤ ሶሎሞኔይካ ጊታ ኣሳ ሺን ኢስታፌ ኢሲኔይꬆ ማይዒቤና። \x * \xo 12:27 \xt 1ካዎ 10፡4-7፤ 2ታር 9፡3-6\x* 
\v 28 ሂስቲኮ ፆሲ ሃቺ ቤቲዲ ዎንቶ ታማን ዎꬋና ማታ ሃይሳꬆ ማይዚዛ ጊዲኮ ኢንቴኖ ኣማኖይ ፓጪዳይቶ! ኢንቴና ዎስቲ ኣꬂ ማዪዜኔ? 
\p  
\v 29 “ሄሳ ጊሽ ‘ኣይ ሚኖ? ኣይ ማይዒኖ?’ ጊዲ ኢንቴ ዎዝናይ ዳርሲ ቆፖፎ።  
\v 30 ቢታ ቦላን ዲዛ ኣሲ ዉሪ ሃይሳ ኮዬስ፤ ጊዶ ኣቲን ሃይሲ ዉሪ ኢንቴስ ኮሺዛይሳ ኢንቴ ሳሎ ኣዋይ ኤሬስ።  
\v 31 ኡባፌካ ኮይሮꬂዲ ፆሳ ካዎቴꬅ ኮዪቴ፤ ሃይሲ ዉሪ ኢንቴስ ጉጄቲ ኢሜታና። 
\s1 ሳዓ ቦላ ሚሼ ሺሻናስ ቤሴና 
\r (ማቶ 6፡19-21) 
\p  
\v 32 “ኢንቴኖ ጉꬃ ዉዴ ሜሄ ማላ ጊዲዳይቶ! ካዎቴꬅ ኢንቴስ ኢማናስ ኢንቴ ኣዋስ ሎዖ ቆፋ ጊዲዳ ጊሽ ባቦፍቴ።  
\v 33 ኢንቴስ ዲዛይሳ ባይዚዲ ማንቆታስ ኢሚቴ፤ ካይሶይ ኤኮንታሶን፥ ቢላይ ሞንታሶን፥ ጪሞንታ ኮሮጆን ዉሮንታ ሚሽ ሳሎን ሺሺቴ።  
\v 34 ኢንቴ ዎዝናይ ኢንቴ ሚሺ ዲዛሶን ዳና” ጊዴስ። 
\s1 ኦሳንቻታ ሚኖቴꬅ 
\p  
\v 35 “ቃንꬃን ጊፂዲ ጊጌቲቴ፥ ኢንቴ ፖዖይካ ፖዖ፥ \x * \xo 12:35 \xt ማቶ 25፡1-13\x* 
\v 36 ኢስታ ጎዳይ ቡላቻ ዲጊሳፔ ሲሚዲ ያናሼ ናጌቲዛይታኔ ኢዚ ዪዲ ፔንጌ ቆፂሺን ኤሌ ዶያናስ ጊጊ ኡቲዳ ኣሳታ ሚሳቲቴ። \x * \xo 12:36 \xt ማር 13፡34-36\x* 
\v 37 ኢስታ ጎዳይ ዪዛ ዎዴ ꬊስኮንታ ናጊዲ ኡቲዳ ኣሽካራቲ ኢስቲ ኣንጄቲዳይታ፤ ታ ኢንቴስ ቱሙ ጋይስ፤ ኢስታ ጎዳይ ባስ ቃንꬃን ጊፂ ኤቂዲ ኢስታ ማዳን ኡቲሲዲ ሙዛና።  
\v 38 ኦማርስ ዎይኮ ሌላ ጊዶꬃን ዪዲ ኢስቲ ꬊስኮንታ ዲሺን ዴሚኮ ሄ ኣሽካራቲ ኣንጄቲዳይታ።  
\v 39 ካይሶይ ኣይ ዎዴ ያናኮን ኤሪዛ ጊዲዳኮ ኬꬃ ጎዳይ ካይሶይ ቦኪሺን ጮዑ ጊዲ ቤሶንታይሳ ኤሪቴ። \x * \xo 12:39 \xt ማቶ 24፡43-44\x* 
\v 40 ኣሳ ናይ ኢንቴ ቆፖንታ ዎዴን ያናይሳ ኤሪዲ ኢንቴካ ጊጌቲዲ ናጊቴ” ጊዴስ። 
\s1 ኢታ ኦሳንቻታኔ ሎዖ ኦሳንቻታ ሌሚሶ 
\r (ማቶ 24፡45-51) 
\p  
\v 41 ጴፅሮሲካ “ጎዶ! ሃይሳ ሌሚሶ ኔ ዮቲዛይ ኑስ ፃላዬ? ኡባ ኣሳሳራ?” ጊዴስ። 
\p  
\v 42 ጎዳይካ “ሂስቲኮ ባሶ ኣሳስ ኮሺዛ ዎዴን ቁማ ኢማና ማላ ኬꬃዴይ ኬꬃ ኣሳ ቦላ ዎꬂዛ ኣማኔቲዳ ዎዝናማ ኣሲ ኦኔ?  
\v 43 ጎዳይ ሲሚሺን ሄሳꬆ ኦꬂሼ ቤቲዛዴይ ኢዚ ኣንጄቲዳዴ።  
\v 44 ታ ኢንቴስ ቱሙ ጋይስ፤ ባስ ዲዛ ሚሽ ኡባ ቦላ ሄሳዴ ጎዳሳና።  
\v 45 ጊዶ ኣቲን ‘ኢዛዴይ ታ ጎዳይ ኤሌ ዬና ጋምዓና’ ጊዲ ቆፒዲ ኣዴ ኣሽካራታኔ ማጫ ኣሽካራታ ቡኪኮ፥ ቃሴካ ኮይዳ ማላ ሚዲኔ ኡዪዲ ማꬆቲኮ፥  
\v 46 ሄሳዴ ጎዳይ ኢዚ ቆፖንታ ጋላሳን ያና ጊዲ ኤዙጎንታ ሳቴን ያና። ዪዲካ ኢዛ ቃንፄሬꬂ ዬጊዲ ኢዛ ኤፃ ኣማኖንታይታራ ኢሲፌ ኦꬃና። 
\p  
\v 47 “ባ ጎዳ ቆፋ ኤሪዲ ጊጌቶንታይኔ ጎዳ ሼኔ ኦꬆንታ ኣሽካራይ ኢታ ሾች ሾጬታና።  
\v 48 ጊዶ ኣቲን ኤሮንታ ዲሼ ሾቻስ ቤሲዛ ሞሮ ኦꬂዳ ኣሽካራይ ጉꬃራ ሾጬታና። ዳሮ ኢሜቲዳ ኣሳ ኡባፌ ዳሮይ ኮዬቴስ፤ ዳሮ ሃዳራ ኤኪዳዴፌ ዳሮይ ኮዬቴስ። 
\s1 ዉርሲ ኣጊዲ ዬሱሳ ካሎ 
\r (ማቶ 10፡34-36) 
\p  
\v 49 “ታኒ ዪዳይ ቢታ ቦላን ታማ ኤꬃናሳ። ሄ ታማይ ሃዒ ኤፂ ኬዚዳኮ ታና ዳሮ ኡፋይሳና።  
\v 50 ጊዶ ኣቲን ታኒ ፃማቄታና ፂንቃታይ ዴስ፤ ሄ ፂንቃታይ ፖሌታናሼ ታኒ ኬሃ ሜቶቴታዲስ። \x * \xo 12:50 \xt ማር 10፡38\x* 
\v 51 ኢንቴስ ታኒ ቢታ ቦላ ሳሮ ኤሃና ዪዳ ሚሳቲዜ? ጊዴና፤ ታ ኢንቴስ ዮታይስ ታኒ ዪዳይ ኢሳ ኢሳፌ ሻካናሳ።  
\v 52 ሃይሳፌ ሲንꬃን ኢሲ ኬꬃን ባ ጊዶን ሻኬቲዳ ኢቻሹ ኣሳቲ ዳና። ናምዓቲ ሄꬓታ ቦላ ሄꬓቲ ናምዓታ ቦላ ዴንዲዲ ባ ጊዶን ሻኬታና።  
\v 53 ኣዋይ ባ ኣቱማ ና ቦላ፥ ኣቱማ ናይካ ባ ኣዋ ቦላ፥ ኣያ ባ ማጫ ናይ ቦላ ማጫ ናያካ ባ ኣዬይ ቦላ፥ ቦሎታ ባ ና ማች ቦላ፥ ና ማቻካ ባ ቦሎቲ ቦላ ዴንዲዲ ባ ጊዶን ሻኬታና” ጊዴስ። \x * \xo 12:53 \xt ሚክ 7፡6\x* 
\s1 ዎዴዛ ሃኖታ ኤሮ 
\r (ማቶ 16፡2-3) 
\p  
\v 54 ቃሴካ ዴሬዛስ “ኢንቴ ኣዋ ኣርሼይ ሞኪዛ ባጋራ ሻራይ ኬዚሺን ቤዪዲ ‘ኤሌራካ ኢራይ ያና’ ጌስ ጌታ፤ ኢንቴ ጊዳ ማላካ ሃኔስ።  
\v 55 ዱጌሃ ባጋራ ፑዴሃ ጫርኪሺን ጋላሳይ ሆዖ ጊዳና ጌታ፤ ኢንቴ ጊዳ ማላካ ሃኔስ።  
\v 56 ኢንቴኖ! ሎዖ ሚሳቲዛ ኢታቶ፤ ሳሎይሳኔ ሳዓ ሜꬋ ቤዪዲ ሃናናይሳ ኤሬታ ሺን ሂስቲን ሃ ዎዴዛ ኤሮይ ኢንቴና ዋኒ ፆኒዜ?” ጊዴስ። 
\p  
\v 57 “ሂስቲኮ ኢንቴ ኣይስ ቱማ ፒርዴኬቲ? 
\s1 ሞርኬራ ሲጌቴꬅ 
\r (ማቶ 5፡25-26) 
\p  
\v 58 “ኔ ሞርኬራ ዳና ሲንꬃን ኤቃና ቢሺን ቡሮ ኦጌ ቦላን ዳሼ ኢዛራ ጊጋና ኦጌ ኮያ፤ ኔ ሂስቶንታ ኣጊኮ ኢዚ ኔና ጎቺዲ ዳና ሲንꬅ ኤፋና፤ ዳናይካ ኔና ኣꬂዲ ሃላቃስ ኢማና፤ ሃላቃይካ ኔና ዎይኔን ዬጋና።  
\v 59 ታ ኔስ ዮታይስ፤ ዳናይ ፒርዲዳ ዉርሴꬃ ሳንቲሜዮ ቃንፃ ዉርሳና ጋካናስ ሄፔ ኬዛካ።” 
\c 13  
\s1 ናጋራፔ ሲሞንታይ ዉሪ ꬋያና 
\p  
\v 1 ሄ ዎዴ ኢሲ ኢሲ ኣሳቲ ዬሱሳኮ ዪዲ “ጲላፆሲ ኢስታ ሱꬂ ኢስታ ያርሾራ ጋꬂ ዋላኪዳ ጋሊላ ኣሳታ” ጊሽ ዬሱሳስ ዮቲዳ።  
\v 2 ኢዚካ ዛሪዲ “ሂስቲን ሄሳ ማላ ሜቶይ ኢስታ ቦላ ጋኪዳ ኣሳቲ ሃንኮ ዋዬይ ጋኮንታ ኣቲዳ ጋሊላ ኣሳ ኡባፌ ኣꬊዳ ናጋራንቻ ጊዲዳ ጊሽ ጊዲ ቆፔቲ?  
\v 3 ጊዴና! ታ ኢንቴስ ዮታይስ ኢንቴ ማሬቶንታ ኢፂኮ ኢንቴ ዉሪካ ሄ ኣሳታ ማላ ꬋያና።  
\v 4 ዎይኮ ሳልሆሜን ጊምቤይ ኢስታ ቦላ ኩንዲን ሃይቂዳ ታማኔ ኦሱፑን ኣሳቲ ዬሩሳላሜን ዲዛ ኣሳ ኡባፌ ናጋራንቻ ጊዲዳ ጊሽ ጊዲ ቆፔቲ?  
\v 5 ጊዴና! ታ ኢንቴስ ዮታይስ ኢንቴ ማሬቶንታ ኢፂኮ ኢንቴ ዉሪካ ሄ ኣሳታ ማላ ꬋያና” ጊዴስ። 
\s1 ኣይፎንታ ባላሴ ሚꬃይ ሌሚሶ 
\p  
\v 6 ቃሴካ ኢስታስ “ኢሲ ኣሲ ዎይኔ ቶኪዛሶን ቶኬቲዳ ኢሲ ባላሴ ጊዛ ሚꬂ ዳዉስ፤ ሄ ባላሴ ሚꬃይኮ ኣይፌ ኮያና ዪዲ ኢሲ ኣይፌካ ዴሚቤና።  
\v 7 ዎዪኔ ኣታኪልቴ ኦꬂዛይሳስ ‘ሄኮ ታኒ ኣይፌ ዴማና ጋዳ ሃቺራ ሄꬑ ላይꬅ ሃ ባላሴይኮ ሲሜሬታ ያዳ ኢሲ ኣይፌካ ዴማቤኬ፤ ሄሳ ጊሽ ኢዞ ቃንፃ ዲጋ፤ ኣዛስ ጮ ቢታ ፁንፃዜ?’ ጊዲ ሌሚሶ ዮቲዴስ።  
\v 8 ኢዚካ ዛሪዲ ‘ጎዶ! ታኒ ኢዚ ፃጶን ኦሻ ዬጋዳ ኦሴꬃ ፄላና ማላ ሃላይꬃስ ኣጋጋርኪ?  
\v 9 ዪዛ ላይꬃስ ኢዛ ኣይፊኮ ሎዖ፤ ኣይፎንታ ኢፂኮ ቃንፃንዳሳ’ ” ጊዴስ። 
\s1 ዬሱሲ ኢሲ ቁና ማጫሲዮ ሳምባታ ጋላስ ፓꬂዴስ 
\p  
\v 10 ዬሱሲ ሳምባታ ጋላስ ኢሲ ኣይሁዳ ዎሳ ኬꬃን ታማርሲሺን፤  
\v 11 ታማኔ ኦሱፑን ላይꬅ ኩሜꬅ ኢታ ኣያናይ ኦይኪዲ ኣሳቴꬅ ፓጪሲዳ ኢሲ ማጫሳያ ሄን ዳዉስ፤ ኢዛካ ዞኮይ ቁኒዳ ጊሽ ሙሌካ ꬎቁ ጋናስ ዳንዳዑኩ።  
\v 12 ዬሱሲ ኢዞ ቤዪዳፔ ጉዬ ፄይጊዲ “ሃኔ ማጫሳዬ! ኔኒ ኔና ሳኪዛ ሃርጌዛፔ ፓፃዳሳኮ” ጊዴስ።  
\v 13 ዬሱሲ ባ ኩሼ ኢዚ ቦላ ዎꬂን ኢዛ ሄራካ ሲቲ ጋዳ ኤቃዱስ፤ ፆሳካ ጋላታዱስ። 
\p  
\v 14 ኣይሁዳታ ዎሳ ኬꬃ ሃላቃዚካ ሳምባታ ጋላስ ፓꬂዳይሳስ ዬሱሳ ቦላ ሃንቄቲዲ ኢዛኮ ዪዛ ዴሬዛ “ኦሶስ ቤሲዛ ኡሱፑን ጋላሳቲ ዲዛ ጊሽ ሄ ኦሶ ጋላሳታን ዪዲ ፓፂቴ ኣቲን ሳምባታ ጋላስ ዮፒቴ” ጊዴስ። \x * \xo 13:14 \xt ኬሳ 20፡9-10፤ ዛሬ 5፡13-14\x* 
\p  
\v 15 ጎዳይካ ዛሪዲ “ኢንቴኖ ቆꬌፔ ቆሞን ሃሳዪዛይቶ! ኢንቴ ጊዶፌ ኢሳዴይ ባ ቦራ ዎይኮ ባ ሃሬ ሳምባታ ጋላስ ባሶን ቃሼቲዳሶፔ ቢርሺዲ ሃꬄ ኡሻናስ ኤፊ ኤሬኔ?  
\v 16 ሂስቲን ሃና ማጫሳያ ኣብራሃሜ ና ጊዳዳ ታማኔ ኦሱፑን ላይꬅ ኩሜꬅ ፃላዔይ ቃቺን ዲዛሶፔ ሳምባታ ጋላስ ቢርሼታናስ ኢዚስ ቤሴኔ?” ጊዴስ።  
\v 17 ዬሱሲ ሂዝጊ ኦይቺዳ ዎዴ ኢዛራ ኤቄቲዛይቲ ዉሪካ ዬላቲዳ፤ ጊዶ ኣቲን ዴሬይ ዉሪካ ኢዚ ኦይቺዳ ማላሊሲዛ ኦይሻን ኡፋዬቲዴስ። 
\s1 ሳናፊጬ ጌቴቲዛ ሚꬃይ ዜሬꬃ ሌሚሶ 
\r (ማቶ 13፡31-33፤ ማር 4፡30-32) 
\p  
\v 18 ቃሴካ ዬሱሲ ዛሪዲ “ፆሳ ካዎቴꬂ ኣይ ሚሳቲዜ? ኢዞ ኣዛራ ሌሚሶ?  
\v 19 ኢሲ ኣሲ ሳናፊጬ ጌቴቲዛ ሚꬃ ኣይፌ ባ ጋዴን ቶኪን ሞካ ዲጫዳ ጊታ ጊዲን ካፎቲ ኢዚ ሃጋ ጊዶን ዱሳሶ ጊጊሳና ጋካናስ ዲጪዳ ሳናፊጬ ሚꬅ ሚሳታዉስ” ጊዴስ።\f + \fr 13:19 \fq ሃጋ \ft ጊዛይሳ ኢሲ ኢሲ ጋሞ ዴሬ ኣሳቲ ሃንጌ ጌቴስ።\f* 
\s1 ኢርሾ ሌሚሶ 
\r (ማቶ 13፡33) 
\p  
\v 20 ቃሴካ “ፆሳ ካዎቴꬂ ኣዛራ ሌሚሶ?  
\v 21 ኢሲ ማጫሲ ሙኑቃ ጫሊሳናስ ዳሮ ꬊሌራ ዋላኪዳ ጉꬃ ኢርሾ ሚሳታዉስ” ጊዴስ። 
\s1 ፁንꬃ ፔንጌ 
\r (ማቶ 7፡13-14፤ 21-23) 
\p  
\v 22 ሄሳፌ ጉዬ ዬሱሲ ዬሩሳላሜ ቢሼ ካንꬂ ቢዛ ካታማኒኔ ጉታታን ኣሳ ታማርሲሼ ኣꬊሺን፥  
\v 23-24 ኢሳዴይ ኢዛኮ ሺቂዲ “ጎዶ! ፒርዳፌ ጉꬃ ኣሳቲ ፃላ ኣታኔ?” ጊዲ ኦይቺዴስ። ኢዚካ ዛሪዲ “ፁንꬃ ፔንጌይራ ጌላናስ ባፄቲቴ፤ ዳሮቲ ጌላናስ ኮዬቴስ ሺን ኢስታስ ሃኔና።  
\v 25 ኬꬃ ጎዳይ ዴንዲዲ ባ ካሬ ጎርዲ ጊዲን ኢንቴ ካሬን ኤቂዲ ‘ጎዶ! ካሬ ዶያርኪ!’ ጊዲ ፔንጌ ቆፃና ሺን ኢዚ ዛሪዲ ‘ኢንቴ ኦናኮኔ ኣዋፔ ዪዳኮኔ ታ ኢንቴና ኤሪኬ’ ጋና ጊዴስ። 
\p  
\v 26 “ኢንቴኒካ ኢዛስ ዛሪዲ ‘ኑኒ ኔናራ ኢሲፌ ሚዶሲኔ ኢሲፌ ኡዪዶስ፤ ኑ ዱቡሻን ኑና ኔ ታማርሳዳሳ’ ጋና። 
\p  
\v 27 “ኢዚካ ዛሪዲ ‘ኢንቴና ኢንቴ ኦናኮኔ ኢንቴ ኣዋፔ ዪዳኮ ታ ኢንቴና ኤሪኬ፤ ኢንቴ ማካላቲ ዉሪካ ታፔ ሃኪቴ’ ጋና ጊዴስ። \x * \xo 13:27 \xt ማዛ 6፡8\x* 
\p  
\v 28 “ኢንቴ ኣብራሃሜ፥ ዪሳቃ፥ ያቆቤኔ ናቤታ ኡባታ ፆሳ ካዎቴꬃን ቤዪዛ ዎዴ ኢንቴ ካሬን ዬጌቲ ኣቲኮ ሄ ዎዴ ኢንቴስ ዬሆኔ ኣቻ ጋርጬች ጊዳና። \x * \xo 13:28 \xt ማቶ 22፡13፤ 25፡30\x* 
\v 29 ኣሳይ ኣዋ ኣርሼይ ሞኪዛ ባጋፌኔ ዉሊዛ ባጋፌ ፑዴሃፔኔ ዱጌሃፔ ዪዲ ፆሳ ካዎቴꬃ ማዳን ኡታና።  
\v 30 ሄኮ ጉዬን ዲዛይታፔ ባጋይቲ ሲንꬄ ኣꬋና ሲንꬃን ዲዛይታፔ ባጋቲ ጉዬ ኣꬋናይቲ ዴቴስ” ጊዴስ። \x * \xo 13:30 \xt ማቶ 19፡30፤ 20፡16፤ ማር 10፡31\x* 
\s1 ዬሱሲ ዬሩሳላሜ ዋላሲዴስ 
\p  
\v 31 ሄ ዎዴ ፋርሳዌታፔ ኢሲ ኢሲ ኣሲ ዪዲ “ሄርዶሲ ኔና ዎꬋናስ ኮዪዛ ጊሽ ሃይሳፌ ዴንዳ ኪቻ” ጊዳ። 
\p  
\v 32 ዬሱሲ ኢስታስ “ታኒ ቡሮ ‘ሃቺኔ ዎንቶ ዳይዳንꬃታ ኣሳፔ ኬሳና፤ ሃርጊዛይታካ ፓꬃና፤ ሄꬓንꬆ ጋላስ ታ ቆፋሶ ታ ጋꬃና’ ጊዴስ ጊዲ ሄ ዎርካናስ ዮቲቴ።  
\v 33 ጊዶ ኣቲን ናቤይ ዬሩሳላሜፔ ካሬን ሃይቃናስ ቤሶንታ ጊሽ ሃቺኔ ዎንቶ ዎንቶፔይንካ ታ ሲንꬄ ቡስ ጉጃና። 
\p  
\v 34 “ሃኔ ዬሩሳላሜ ናቤታ ዎꬊዛሬ ኔኮ ኪቴቲዳይታ ሹቻራ ጫዲዛሬ! ኩቶይ ባ ጪዬታ ባ ቄፌ ጋርስ ሺሺዛ ማላ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኣካይ ጋዳሳ።  
\v 35 ሄኮ ኢንቴ ኬꬃይ ካይዚዴስ፤ ታ ኢንቴስ ዮታይስ፥ ‘ጎዳ ሱንꬃን ዪዛዴይ ኣንጄቲዴስ’ ኢንቴ ጋና ዎዴይ ጋካናሼ ናምዓንꬆ ታና ቤዬኬታ” ጊዴስ። \x * \xo 13:35 \xt ማዛ 118፡26\x* 
\c 14  
\s1 ቃሴካ ዬሱሲ ኢሲ ሃርጋንቻ ሳምባታ ጋላስ ፓꬂዴስ 
\p  
\v 1 ኢሲ ጋላስ ዬሱሲ ቁማ ማናስ ፋርሳዌታ ሃላቃታፔ ኢሳ ሶ ጌሊዳ ዎዴ ኣሳይ ዉሪ ዬሱሳ ኣይ ኦꬃናኮኔ ጊዲ ኣይፌ ኢዛ ቦላ ቶኪ ፄሊዴስ።  
\v 2 ሄንካ ኣሳቴꬃይ ኢዛስ ፑሪን ዋዬቲዛ ኢሲ ኣሲ ኢዛ ሲንꬃን ዴስ።  
\v 3 ዬሱሲካ ሙሴ ዎጋ ኤሪዛይታኔ ፋርሳዌታ “ሳኬቲዛዴ ሳምባታ ጋላስ ፓꬃናስ ኮሺዜዬ? ኮሼኔ?” ጊዲ ኦይቺዴስ። 
\p  
\v 4 ኢስቲካ ጮዑ ጊዳ፤ ኢዚካ ኣዴዛ ቦቺዲ ፓꬂ ዬዲዴስ።  
\v 5 ቃሴካ “ኢንቴፌ ኢሲ ኣሳስ ሳምባታ ጋላስ ናይ ዎይኮ ቦራይ ኩንዲዲ ኦላን ጌሊኮ ኤሶን ሄራካ ኬሶንታዴይ ኦኔ?” ጊዴስ። \x * \xo 14:5 \xt ማቶ 12፡11\x* 
\p  
\v 6 ኢስቲካ ኦይሻስ ኣይኮ ዛሮካ ዴማናስ ዳንዳዪቤቴና 
\s1 ባና ዚቂ ሂስቴꬂኔ ኢማꬃ ሞኮ 
\p  
\v 7 ፄይጌቲዳ ኣሳቲ ኡታናስ ቦንቾ ሶ ኮዪሺን ዬሱሲ ቤዪዲ ሌሚሶራ ኢስታስ፥  
\v 8 “ኢሲ ኣሲ ኔና ሳርጌስ ፄይሲኮ ቦንቾሶን ኡቶፋ፤ ኔፔ ቦላራ ቦንቼቲዛዴይ ፄይሴቲኮ፤  
\v 9 ኢንቴና ናምዓታካ ፄይጊዳዴይ ዪዲ ‘ኔ ኡቲዳሶዛ ሃይሳዴስ ዬዳ’ ጋና፤ ኔኒካ ዬላታሼ ዚቃሶ ባንዳሳ።  
\v 10 ጊዶ ኣቲን ኔ ፄይሴቲዳ ዎዴ ዚቃሶ ፄላዳ ኡታ፤ ኔና ፄይጊዳዴይ ዪዲ ‘ታ ላጌዞ! ሃያ ꬎቃሶን ኡታ’ ጋንዴስ፤ ኔኒካ ሄ ዎዴ ኔናራ ማዳን ኡቲዳ ኣሳ ኡባ ሲንꬃን ቦንቼታና።  
\v 11 ኣይስ ጊኮ ባና ꬎቁ ሂስቲዛዴይ ዉሪ ዚቂ ጋና፤ ባና ዚቂ ሂስቲዛዴይ ዉሪ ꬎቁ ጋና” ጊዴስ። \x * \xo 14:11 \xt ማቶ 23፡12፤ ሉቃ 18፡14\x* 
\p  
\v 12 ዬሱሲካ ፄይጊዳዴዛ “ቁማ ዎይኮ ካዎ ሚዛናስ ፄይሲኮ ኔይሳꬆ ኔና ፄይሲዲ ሚዞንታ ማላ ኔ ላጌታ ዎይኮ ኔ ኢሻታ፥ ኔ ዳቦታ ዎይኮ ዱሬታ ዎይኮ ዱሬ ጉታታ ፄይጎፓ።  
\v 13 ጊዶ ኣቲን ኣሳ ፄይሳዳ ሚዛና ኮይኮ ማንቆታ፥ ኩሼይ፥ ቶሆይ ባይንዳ ዎቤታኔ ቆቄታ ፄይሳ፤ ኔኒ ኣንጄታና።  
\v 14 ፄይሴቲዳይቲ ኩሼ ዛራናስ ዳንዳዮንታ ጊሽ ፂሎታ ዴንꬃ ዎዴ ኔስ ኩሼይ ዛሬታና” ጊዴስ። 
\s1 ዎጋ ዲጊሴ ሌሚሶ 
\r (ማቶ 22፡1-10) 
\p  
\v 15 ማዳን ዬሱሳራ ኢሲፌ ኡቲዳይታፔ ኢሶይ ሃይሳ ሲይዲ “ፆሳ ካዎቴꬃን ሺቂዲ ማዳፌ ሚዛ ኣሲ ኣንጄቲዳዴ” ጊዴስ። 
\p  
\v 16 ዬሱሲካ “ኢሲ ኣሲ ዎልቃማ ዲጊሴ ጊጊሲዲ ዳሮ ኣስ ፄይጊዴስ። 
\p  
\v 17 “ዲጊሴ ማና ዎዴይካ ጋኪን ፄይጌቲዳ ኢማꬃታ፥ ‘ዉሪካ ጊጊዳ ጊሽ ሃ ዪቴ!’ ጊዲ ፄይጋና ማላ ባ ኣሽካራ ዬዲዴስ።  
\v 18 ጊዶ ኣቲን ዉሪካ ባሲ ሃራ ጋሶ ሺሺዲ ኢሶይ ‘ሃዒ ጋዴ ሻማዲስ፤ ታ ባዳ ቤያናስ ቤሴስ፤ ሃቺስ ታና ላንጮፋ’ ጊዴስ። 
\p  
\v 19 “ሃንኮይሲካ ‘ታኒ ኢቻሹ ዋፃ ቦራ ሻማዲስ። ኢስታ ፓጫ ፄላና ጊሽ ሃቺ ታና ላንጮፋ’ ጊዴስ። 
\p  
\v 20 “ቃሴ ሃራ ኢሳዴይካ ‘ታኒ ቡሮ ሚሺራቴꬃን ዳይስ፤ ባናስ ዳንዳይኬ’ ጊዴስ። 
\p  
\v 21 “ኦሳንቻይካ ኪቴቲዳሶፔ ሲሚዲ ሄꬓቲ ጊዳይሳ ባ ጎዳስ ዮቲዴስ። ሄ ዎዴካ ዲጊሳ ጊጊሲዳይሲ ሃንቄቲዲ ኦሳንቻ ‘ኤሌላ ኦይዱ ኦጌ ኬዛዳ ማንቆታ፥ ኩሼይኔ ቶሆይ ባይንዳ ዎቤታ ቆማፃታኔ ኣይፌይ ባይንዳ ቆቄታ ሃ ጌልꬃ’ ጊዴስ። 
\p  
\v 22 “ኦሳንቻዚካ ዛሪዲ ‘ታ ጎዶ! ኔ ታና ኣዛዚዳይሳ ዉርሳ ፖላዲስ፤ ሃዒካ ሃራ ኡቴꬃሶይ ዴስ’ ጊዴስ። 
\p  
\v 23 “ጎዳዚካ ኦሳንቻዛ ‘ጌዴ ኦይዱ ኦጌ ኬዛዳ ታ ኬꬄ ኩማና ማላ ፑዴኔ ዱጌ ኣꬊዛይታ ዎልቃራ ሃ ጌልꬃ።  
\v 24 ታኒ ቱማ ጋይስ፤ ዲጊሳ ማና ፄይሴቲዳይታፔ ኢሳዴይካ ዱናን ጌልꬄና’ ” ጊዴስ። 
\s1 ዬሱሳ ካሎይ ባና ያርሾ ኮዬስ 
\r (ማቶ 10፡37-38) 
\p  
\v 25 ዳሮ ዴሬይ ኢዛራ ኢሲፌ ቢዛይሳ ዬሱሲ ቤዪዲኔ ጉዬ ሲሚ  
\v 26 “ታኮ ዪዛይ ዉሪ ባ ኣዋ፥ ባ ማቾኔ ናይታ፥ ባ ኢሻታኔ ሚቼታ፥ ባ ሼምፖ ጊዲን ኢፆንታ ኣጊኮ ታና ካሊዛዴ ጊዳናስ ዳንዳዬና። \x * \xo 14:26 \xt ማቶ 10፡37\x* 
\v 27 ባ ማስቃሌ ቶኪዲ ታና ካሎንታይ ታና ካሊዛዴ ጊዳናስ ዳንዳዬና። \x * \xo 14:27 \xt ማቶ 10፡38፤ 16፡24፤ ማር 8፡34፤ ሉቃ 9፡23\x* 
\p  
\v 28 “ኢንቴፌ ኢሲ ኣሲ ኬꬄ ኬፃናስ ኮይኮ ፖላናስ ዳንዳያናኮኔ ዳንዳዮንታኮ ኮይሮቲዲ ባስ ዲዛ ቢራ ቆፖንታይ ኦኔ?  
\v 29 ኬꬃ ኬፃና ዶሚዲ ዉርሳናስ ሃኖንታ ኢፂኮ ቤዪዳ ኣሲ ዉሪ ኢዛ ቦላ ሚጫና።  
\v 30 ኢስቲካ ‘ሃይሲ ኣዴዚ ኬꬄ ኬፆ ኦይኪዴስ ሺን ፖሊቤና’ ጊ ሚጫና። 
\p  
\v 31 “ዎይኮ ኢሲ ካዎይ ሃራ ካዎራ ኦላስ ጊጌቲዲ ናምዑ ታሙ ሺ ኣሲ ኤኪ ዪዛ ካዎ ዛራናስ ታሙ ሺ ኦላ ኣሳራ ዛራናኮኔ ኡቲዲ ቆፖንታይ ኦኔ?  
\v 32 ኦላ ዛራናስ ዳንዳዬቶንታ ሚሳቲዲ ቤቲኮ ቡሮ ሃሆን ዲሺን ማቃይናናስ ጋና ዬዴስ።  
\v 33 ሄሳꬆካ ኢንቴፌ ኦናካ ጊዲን ባስ ዲዛይሳ ኣጎንታይ ታና ካሊዛዴ ጊዳናስ ዳንዳዬና። 
\s1 ማልዖንታ ማፂኔ ሌሚሶ 
\r (ማቶ 5፡13፤ ማር 9፡50) 
\p  
\v 34 “ማፂኔይ ሎዖሺን ባ ማፂኔቴꬃ ማልዖ ዬዲኮ ዛሪዲ ዋኒ ማልዓና ዳንዳዪዜ?  
\v 35 ጋዴን ዬጊን ኣራዲሶንታ ጊሽ ጮ ካሬ ዎራ ዬጌቴስ፤ ሲዪዛ ሃይꬂ ዲዛ ኣሲ ሲዮ!” ጊዴስ። 
\c 15  
\s1 ꬋዪዲ ቤቲዳ ዶርሳ ሌሚሶ 
\r (ማቶ 18፡12-14) 
\p  
\v 1 ኢሲ ጋላስ ቃራፃ ሺሺዛይቲኔ ናጋራንቻቲ ዉሪ ዬሱሳፔ ሲያናስ ኢዛ ኣቺ ሺቂዳ።  
\v 2 ፋርሳዌቲኔ ፃፌቲ “ሃይሲ ኣዴዚ ናጋራንቻታ ኢፄና፤ ኢስታራካ ሜስ” ጊዲ ባ ጊዶን ዙዙሜቲዳ። 
\p  
\v 3 ዬሱሲካ ኢስታስ ሌሚሶ ሂዝጊ ዮቲዴስ፤ 
\p  
\v 4 “ኢንቴ ጊዶፌ ኢሳዴስ ፄቱ ዶርሲ ዲኮ ሄ ፄቱ ዶርሳታፔ ኢሲና ꬋይኮ ኣቲዳ ኡዱፉን ታማኔ ኡዱፉናታ ዴንባን ዬጊዲ ꬋዪዳይሳ ዴማና ጋካናስ ኮያና ቦንታይ ኦኔ?  
\v 5 ዴሚዲ ኡፋይሳራ ሃሼን ቶኪ ኤኪዲ፥  
\v 6 ባሶ ሲሜስ፥ ባ ላጌታኔ ጉታ ኣሳታ ኢሲ ቦላ ፄይጊዲ ‘ꬋዪዳ ታ ዶርሳዮ ዴማዲስ፤ ታናራ ኢሲፌ ኡፋዬቲቴ’ ጋና።  
\v 7 ታ ኢንቴስ ዮታይስ ‘ሄሳꬆካ ማሮቴꬅ ኮሾንታ ኡዱፉን ታማኔ ኡዱፉን ፂሎታፔ ማሬቴꬃን ጌሊዛ ኢሲ ናጋራንቻን ሳሎን ኡፋይስ ጊዳና።’ 
\s1 ꬋዪዲ ቤቲዳ ቦꬃ ሺሊንጌ ሌሚሶ 
\p  
\v 8 “ዎይኮ ኢሲ ታሙ ቢራ ሳንቲሜይ ዲዛ ማጫሳያ ሄ ታማፌ ኢሲኔያ ꬋይኮ ፆምፔ ኦይꬃዳ ዴማና ጋካናስ ኬꬃ ጋርስ ፒታዳ ሎዔꬃ ኮዮንታ ማጫስ ኦኔ?  
\v 9 ኢዛካ ዴሚዳ ዎዴ ባ ላጌታኔ ባ ጉታታ ኢሲፌ ፄይጋዳ ‘ታፔ ꬋይዳ ቢራ ሳንቲሜዮ ዴሚዳ ጊሽ ታናራ ኢሲፌ ኡፋዬቲቴ’ ጋንዱስ።  
\v 10 ታ ኢንቴስ ዮታይስ ‘ሄሳꬆካ ማሮታን ጌሊዛ ኢሲ ናጋራንቻ ኣሳን ፆሳ ኪታንቻታ ኣቻን ኡፋይስ ጊዳና።’ 
\s1 ꬋዪዲ ቤቲዳ ናዛ ሌሚሶ 
\p  
\v 11 “ኢሲዴስ ናምዑ ናይቲ ዴቴስ።  
\v 12 ኢስታፌካ ካሎ ናዚ ባ ኣዋ ‘ኣቦ! ኔስ ዲዛ ሚሻፌ ታ ጊሻ ታስ ኢማ’ ጊዴስ። ኣዋይካ ባስ ዲዛ ሚሻ ባ ናይታስ ጊሺዴስ። 
\p  
\v 13 “ዳሮ ዎዴ ጋምዖንታ ዲሼ ካሎ ናዚ ባ ሚሻ ዉርሲ ሺሺ ኤኪዲ ሃሆ ቢታ ቢዴስ። ሄንካ ባስ ዲዛ ሚሻ ጎዓይ ባይንዳ ጮ ሜላ ꬋይሲዴስ።  
\v 14 ኢዚካ ባስ ዲዛይሳ ዉርሲ ꬋይሲዳፔ ጉዬን ሄ ቢታን ኢታ ኮሻይ ዴንዲን ዳሮ ዋዬቲዴስ።  
\v 15 ሄሳ ጊሽ ሄ ዴሬን ዲዛ ኣሳፔ ኢሳዴኮ ሺቂዴስ። ኢዛዴይካ ባ ጉዱንꬅ ሄማና ማላ ጉዱንꬃ ሄሚዛሶ ዬዲዴስ።  
\v 16 ናዚካ ጉዱንꬃቲ ሚዛ ሃርቆዛፔ ማናስ ኣሞቲዴስ ሺን ሄሳካ ኢሚዛዴይ ቤቲቤና። 
\p  
\v 17 “ጊዶ ኣቲን ኢዛ ዎዝናይ ሲሚዳ ዎዴ ‘ታ ኣዋ ኣሽካራታ ኣፑናታፔ ካꬂ ቲርፒዜ ሺን ታኒ ሃይሳን ጋፋን ሃይቃና ማታዲና?  
\v 18 ዴንዳዳ ታ ኣዋ ሶ ባዳ፥ ኣቦ! ሳሎን ፆሳ፥ ሳዓን ታ ኔና ቆሃዲስ።’  
\v 19 ሃይሳፌ ጉዬ ‘ታኒ ኔ ና ጌቴታዳ ፄይጌታናስ ታስ ቤሴና፤ ኔ ኣሽካራታፔ ኢሳ ማላ ታና ቆዳ’ ጊዴስ።  
\v 20 ሄሳ ጊሽ ዴንዲዲ ባ ኣዋኮ ቢዴስ። ጊዶ ኣቲን ቡሮ ኢዚ ሃሆራ ዪሺን ኣዋይ ቤዪዲ ሚሼቲዲኔ ኢዛኮ ዎፂ ቢዲ ኢዲሚ ኦይኪዲ ዬሪዴስ። 
\p  
\v 21 “ናዚካ ‘ኣቦ! ሳሎን ፆሳ፥ ሳዓን ታ ኔና ቆሃዲስ፤ ሃይሳፌ ጉዬ ታ ኔ ና ጌቴታዳ ፄይጌታናስ ታስ ቤሴና’ ጊዴስ። 
\p  
\v 22 “ጊዶ ኣቲን ኣዋይ ኣሽካራታስ ‘ኤሶቲዲ ኡባፌ ዶሬቲዳ ማይዖ ኤሂዲ ማይዚቴ፤ ኢዛ ቢራꬌን ሚግዳ፥ ኢዛ ቶሆንካ ጫማ ኣꬂቴ።  
\v 23 ሞꬎ ሚርጎ ቦራ ኤሂዲ ሹኪቴ፤ ሚዲ ኡፋዬቶስ።  
\v 24 ሃይሲ ታ ናዚ ሃይቂዴስ ሺን ፓፂዴስ፤ ꬋዪዴስ ሺን ቤቲዴስ’ ጊዴስ፤ ሄሳፌ ጉዬን ኡፋዬቴꬅ ኦይኪዳ። 
\p  
\v 25 “ሄሲ ሃኒዛ ዎዴ ባይራ ናዚ ጎሻሶን ዴስ፤ ሄፔካ ሲሚዲ ሶ ማቲዳ ዎዴ ዲꬃ ዱሪስ ሲይዴስ።  
\v 26 ኢዚካ ኣሽካራታፔ ኢሳ ፄይጊዲ ‘ሄሲ ኣዜ?’ ጊ ኦይቺዴስ።  
\v 27 ኣሽካራዚካ ‘ኔ ኢሻይ ዪዴስ፤ ኢዚ ሳሮኒኔ ሎዖን ሲሚዳ ጊሽ ኔ ኣዋይ ሞꬎ ሚርጎ ቦራ ሹኪዴስ’ ጊዴስ። 
\p  
\v 28 “ባይራ ኢሻዚካ ሃንቄቲዲ ሶ ጌላናስካ ኮይቤና። ኣዋይካ ካሬ ኬዚዲ ኢዚ ሶ ጌላና ማላ ዎሲዴስ።  
\v 29 ጊዶ ኣቲን ኢዚካ ዛሪዲ ኣዋስ ‘ሄኮ ታኒ ሃይሳ ጋካናስ ኔስ ኣይሌ ማላ ኦꬃዲስ፤ ኔ ኣዛዞፔ ኢሲኖካ ፓጪሳቤኬ፤ ጊዶ ኣቲን ታኒ ታ ላጌታራ ኡፋዬታና ማላ ኔ ታስ ኢሲ ዴይሻ ላቃካ ኢማቤካ።  
\v 30 ጊዶ ኣቲን ሃይሲ ኔ ናዚ ኔስ ዲዛይሳ ዉርሲ ላይማቲዛይታራ ዉርሲዲ ዪሺን ሞꬎ ሚርጎ ቦራ ኢዛስ ሹካዳሳ’ ጊዴስ። 
\p  
\v 31 “ኣዋይካ ‘ታ ናዞ ኔ ኡባ ዎዴ ታናራ ዳሳ፤ ታስ ጊዲዳይ ዉሪካ ኔሳ።  
\v 32 ሃይሲ ኔ ኢሻይ ሃይቂዴስ ሺን ፓፂዴስ፤ ꬋዪዴስ ሺን ቤቲዴስ፤ ሄሳ ጊሽ ኑኒ ኡፋዬታናስ ቤሴስ’ ” ጊዴስ። 
\c 16  
\s1 ጪንጫ ሄንꬃንቻ ሌሚሶ 
\p  
\v 1 ዬሱሲ ባና ካሊዛይታስ “ኢሲ ዱሬ ኣዴ ዳይሳስ ኢዛ ኬꬃ ኣይሲዛ ኢሲ ኣሲ ዴስ፤ ኢዚ ሄ ዱሬ ኣዴዛ ሚሻ ኦጌይ ባይንዳ ላሊዛይሳ ዎሬይ ሃ ዱሬ ኣዴዛ ሃይꬃን ዎꬊዴስ።  
\v 2 ዱሬ ኣዴዚ ሄ ኣዴዛ ፄይጊዲ ‘ሃይሶ ታ ሲይዛይሲ ሄሲ ኣዜ? ሃይሳፌ ዶማዳ ኔ ታ ኬꬃስ ኣይሲዛዴ ጊዳናስ ዳንዳዮንታ ጊሽ ኔ ኣላፌቴꬃ ጊዶን ዲዛ ሚሻ ኦይኪዳ ማዝጋባ ታስ ዛራ’ ጊዴስ። 
\p  
\v 3 “ኬꬃ ኣይሲዛ ኣዴዚ ባ ዎዝናራ ‘ታ ጎዳይ ታና ታ ኣላፌቴꬃፌ ጎዳና ጌስ፤ ጎያ ማናስ ታስ ዎልቃይ ባዋ፤ ዎሳናስ ዬላታይስ፤ ሄሳ ጊዲዳ ጊሽ ኣይ ኦꬆ?’ ጊዲ፥  
\v 4 ታኒ ኣላፌቴꬃፌ ኬዚኮ ኣሳይ ታና ሞኪ ኤካና ማላ ኦꬃና ኦጌ ታ ኤራይስ። 
\p  
\v 5 “ሄሳ ጊሽ ኢዛ ጎዳ ኣጮይ ኢስታ ቦላ ዲዛ ኣሳታ ኢሳ ኢሳ ፄይጊዴስ። ኮይሮ ዪዳይሳ ‘ኔ ቦላ ጎዳ ኣጮይ ኣፑኔ?’ ጊዴስ። 
\p  
\v 6 “ ‘ኢሲ ፄቱ ፃሮ ኩሜꬃ ዛይቴይ ታ ቦላ ዴስ’ ጊዴስ። ኣላፌዚ ዛሪዲ ካሴ ኔ ፋራሚዳ ዋራቃታ ሄዪ ኤካ ኡታዳ ኤሌ ኢቻሹ ታሙ ፃሮ ጋዳ ፃፋ ጊዴስ። 
\p  
\v 7 “ካሊዲ ሃንኮይሳ ‘ኔች ኔ ቦላ ኣፑን ዲዜ?’ ጊዴስ። ‘ፄቱ ኦጎሮ ጊስቴይ ዴስ’ ጊዴስ። ኣላፌዚ ዛሪዲ ‘ካሴ ኔ ታልዓሼ ፋራሚዳ ዋራቃታ ሄይ ኦሱፑን ታሙ ኦጎሮ ጋዳ ፃፋ’ ጊዴስ። 
\p  
\v 8 “ጎዳዚካ ሾጬቺዛ ኣላፌዚ ኦꬂዳ ጪንጫቴꬃ ጊሽ ኢዛ ናሺዴስ። ሃ ኣላሜ ናይቲ ባና ሚሳቲዛይታራ ዲዛ ጋጎቴꬃን ፖዖ ናይታፔ ኣꬊዳ ጪንጫታ። 
\s1 ሚሼ ቤሲዛሶን ፔይሾ ኮሼስ 
\p  
\v 9 “ሄሳ ጊሽ ታኒ ኢንቴና ጊዛይ ሃ ቢታ ሚሻይ ዉሪዳ ዎዴ ሜርና ኬꬃን ኢንቴ ኤኬታና ማላ ሃዒ ኢንቴስ ዲዛ ሚሻራ ኢንቴስ ላጌ ሜꬊቴ ጋይስ።  
\v 10 ጉꬃ ሚሻን ኣማኔቲዛዴይ ዳሮ ሚሻንካ ኣማኔታና፤ ጉꬃ ሚሻን ኣማኔቶንታዴይ ዳሮ ሚሻንካ ኣማኔቴና።  
\v 11 ሂስቲኮ ኢንቴ ሃ ቢታ ሚሻን ኣማኔቶንታ ኢፂኮ ቱማ ሚሻ ሃዳራ ኦይኪቴ ጊዲ ኦኒ ኢንቴስ ኢማኔ?  
\v 12 ኣሳ ሚሻን ኢንቴ ኣማኔቶንታ ኢፂኮ ኢንቴስ ቡዞ ጊዳና ሚሽ ኦኒ ኢማኔ? 
\p  
\v 13 “ናምዑ ጎዳስ ኢሲቶ ኢሲ ቦላ ኣዛዜታና ዳንዳዪዛዴይ ኦኒካ ዴና፤ ዎይኮ ኢሳ ዶሲዲ ኢሳ ኢፄስ ዎይኮ ኢሳኮ ሺቂዲ ሃንኮይሳ ሌቄስ። ፆሳሲኔ ሚሻስ ኢሲፌ ጋꬂ ሃሬታናስ ዳንዳዬኬታ” ጊዴስ። \x * \xo 16:13 \xt ማቶ 6፡24\x* 
\p  
\v 14 ሚሽ ዳርሲ ሲቂዛ ፋርሳዌቲ ሄሳ ዉርሲ ሲይዲ ዬሱሳ ቂꬊዳ።  
\v 15 ዬሱሲካ ኢስታስ “ኢንቴ ኢንቴና ኣሳ ኣቻን ፂሊሴታ፤ ጊዶ ኣቲን ፆሲ ኢንቴ ዎዝና ኤሬስ። ኣሳ ኣቻን ቦንቼቲዳዴይ ፆሳ ሲንꬃን ቱና” ጊዲ ኢስታስ ዮቲዴስ። 
\s1 ሙሴ ዎጋኔ ኤኮ ጌሎ ጊሽ 
\r (ማቶ 5፡31-32፤ 11፡12-13፤ ማር 10፡11-12) 
\p  
\v 16 “ሙሴ ዎጋይኔ ናቤቲ ዮሃኒሲ ያና ጋካናስ ዮቲሼ ጋምዒዳ። ሄሳ ካሊዲ ቃሴ ፆሳ ካዎቴꬃ ሚሺራቾ ቃላይ ሳባኬቲዴስ። ኣሲ ዉሪካ ሄ ጌላናስ ዋꬌቴስ። \x * \xo 16:16 \xt ማቶ 11፡12-13\x* 
\v 17 ጊዶ ኣቲን ሙሴ ዎጋፔ ኢሲ ቄሪና ኩንዳ ኣታናይሳፌ ሳሎይኔ ሳዓይ ኣꬋናይሲ ካዉሻ ጊዳና። \x * \xo 16:17 \xt ማቶ 5፡18\x* 
\p  
\v 18 “ባ ማቾ ኣንጂ ዬዲዲ ሃራ ማቾ ኤኪዛ ኣሲ ዉሪካ ላይማቴስ፤ ባ ኣዚናፔ ኣንጄታ ቢዳሮ ኤኪዳይሲካ ላይማቴስ። \x * \xo 16:18 \xt ማቶ 5፡32፤ 1ቆሮ 7፡10-11\x* 
\s1 ዱሬ ኣዴዛኔ ማንቆ ኣላዛሬ 
\p  
\v 19 “ቃሴካ ዬሱሲ ኢስታስ ‘ሎዖ ማይዖ ማይዒዲ ጋላስ ጋላስ ሎዖ ዱሳ ኡፋይሳን ዲዛ ኢሲ ዱሬ ኣሲ ዴስ’ ጊዴስ።  
\v 20 ሄ ኣዴዛ ፔንጌን ኩሜꬃ ቦላይ ማዱንꬅ ፃላ ጊዲዳ ኢሲ ኣላዛሬ ጌቴቲዛ ማንቆ ኣዴ ዲዛይሲ ኢቺዲ ዴስ።  
\v 21 ኢዚካ ሄ ዱሬ ኣዴዛ ኬꬃን ኣሳይ ካꬅ ሚሺን ማዳፌ ጋዴን ዎꬊዛ ሱፓ ማፂ ማናስ ኣሞቴስ። ካናቲካ ኢዛ ማዱንꬃ ላጬቴስ። 
\p  
\v 22 “ሃ ማንቆ ኣዴዚ ሃይቂን ሳሎ ኪታንቻቲ ኣብራሃሜ ኪዖ ኤኪ ቢዳ፤ ቃሴ ዱሬ ኣዴዚካ ሃይቂዲ ሞጌቲዴስ።  
\v 23 ኢዚ ሲዖሌን ዋዬቲሼ ꬎቁ ጊዲ ሃሆን ኣብራሃሜ ፄሊዴስ፤ ኣላዛሬካ ባ ኪዖን ኦይኪ ዲሺን ቤይዴስ። 
\p  
\v 24 “ዱሬ ኣዴዚ ‘ኣዋ ኣብራሃሜ! ሃይሳን ዋዬቲዛ ታስ ሚቼታርኪ! ጊ ኣላዛሬይ ባ ቢራꬌ ፄራ ኢርፃ ሃꬃን ቦቺዲ ታ ኢንፃርስ ኢርፂሳና ማላ ሃ ዬዳርኪ!’ ጊዲ ዋሲዴስ። 
\p  
\v 25 “ጊዶ ኣቲን ኣብራሃሜይ ‘ታ ናዞ ኔኒ ቢታ ቦላ ዳሼ ሎዖ ዱስ ዴዒዳይሳ ማላ ኣላዛሬይ ካሴ ዋዬ ቤዪዳይሳ ኔ ቆፓ፤ ጊዶ ኣቲን ሃዒ ኢዚ ኡፋዬቲሺን ኔኒ ዋዬታሳ’ ጊዴስ።  
\v 26 ሄሲ ዉሪ ሃኒሺን ሃን ዲዛ ኣሲ ሃፔ ሄ ኢንቴኮ ኣꬎንታ ማላ ቃሴካ ኢንቴኮን ዲዛይ ሃ ኑኮ ኣꬋና ኮዪዛዴይ ሃ ኣꬎንታ ማላ ኢንቴሲኔ ኑስ ጊዶን ጊታ ኣፎይ ጊጌቲዴስ ጊዴስ። 
\p  
\v 27-28 “ዱሬ ኣዴዚ ቃሴ ‘ኣቦ! ሄሲ ሄሳ ጊዲኮ ኔኒ ኣላዛሬ ዱጌ ታ ኣዋሶ ዬዳና ማላ ታ ኔና ዎሳይስ፤ ታስ ኢቻሹ ኢሻቲ ዴቴስ፤ ሃይቲ ሃይሳ ሃ ዋዬሶ ዮንታ ማላ ቢዲ ኢስታስ ሎዔꬂ ዮታና ማላ ኣላዛሬ ዬዳርኪ?’ ጊዴስ። 
\p  
\v 29 “ኣብራሃሜይ ኢዛስ ዛሪዲ ‘ሙሴይኔ ናቤቲ ሄን ኢስታ ኣቻን ዲዛ ጊሽ ኢስታፌ ሲዬቶ’ ጊዴስ። 
\p  
\v 30 “ኢዚካ ዛሪዲ ‘ኣዋ ኣብራሃሜ ሄሳ ማላ ጊዴና፤ ሃይቂዳ ኣሳፔ ኢሲዴይ ሃይቆፔ ዴንዲ ቢኮ ኢስቲ ፆሳ ማሮቴꬃን ጌላና’ ጊዴስ። 
\p  
\v 31 “ኣብራሃሜይካ ዛሪዲ ‘ሙሴይኔ ናቤቲ ጊዛይሳ ሲዮንታ ኢፂኮ ሃይቂዳ ኣሳፔ ኢሳዴይ ዴንዲዳኮካ ኢስቲ ኣማኔቴና’ ” ጊዴስ። 
\c 17  
\s1 ኣሳስ ꬉጴ ጊዳናፔ ናጌቴꬅ 
\r (ማቶ 18፡6-7፥21-22፤ ማር 9፡42) 
\p  
\v 1 ዬሱሲ ባና ካሊዛይታ “ኣሳ ꬉጲዲ ናጋራን ዬጊዛ ሚሺ ዮንታ ኣጌና፤ ጊዶ ኣቲን ያና ꬉጴዛስ ጋሶ ጊዲዛዴስ ኣዬ-ኣና!  
\v 2 ሄ ኣዴዚ ሃ ጉꬃታፔ ኢሳስ ꬉጴ ጊዳናፔ ዎፃ ሹቺ ኢዛ ቆꬌን ቃሼቲን ኣባ ጊዶ ኢዚ ዬጌቲዛኮ ኢዛስ ሎዖ ጊዳና።  
\v 3 ሄሳ ጊሽ ኢንቴ ሁዔስ ናጌቲቴ። ‘ኔ ኢሻይ ኔና ቆሂኮ ሃንቄታ፤ ኢዚ ባ ሞሮ ኤሪዲ ሲሚኮ ማራ።’ \x * \xo 17:3 \xt ማቶ 18፡15\x* 
\v 4 ኢሲ ጋላሳን ላፑንቶ ዛሪ ዛሪ ቆሂዲ ላፑን ቶካ ዛሪ ዛሪ ‘ማራ ጊኮ ማራ’ ” ጊዴስ። 
\p  
\v 5 ሃዋሬቲካ “ጎዶ! ኑስ ኣማኖ ጉጃ” ጊዳ። 
\p  
\v 6 ጎዳይካ “ጋሼ ኣይፌ ላጌ ኣማኖይ ኢንቴስ ዲኮ ሃይሳ ‘ኤꬃ ꬎቃሌታ ባዳ ኣባን ጌላ ቶኬታ’ ኢንቴ ጊኮ ኢዚ ኢንቴስ ኣዛዜታና” ጊዴስ። 
\p  
\v 7-8 ቃሴካ ዬሱሲ “ኢንቴ ጊዶፌ ኢሲ ኣሳስ ጎሻንቻይ ዎይኮ ዶርሳ ሄሚዛ ኣሽካራይ ዲኮ ኢዚ ጎሻሶፔ ሲሚሺን ‘ታስ ማና ካዎ ጊጊሳ፤ ታ ማዳ ኡያና ጋካናስ ጊፄታዳ ታስ ኦꬃ፤ ሄሳፌ ጉዬ ባጋን ማንዳሳኔ ኡያንዳሳ’ ጌስ ኣቲን ሃዒ ቁማ ማና ሃ ኣꬋ ጊዜ?  
\v 9 ሂስቲኮ ሄ ኣሽካራ ጎዳይ ኢዚ ኢዛ ኣዛዞ ፖሊዳ ጊሽ ኢዛ ጋላቲ ኤሪዜ?  
\v 10 ሄሳ ጊሽ ኢንቴኒካ ኢንቴ ኣዛዜቲዳይሳ ዉርሲ ፖሊዳ ዎዴ ‘ኑኒ ጎዓይ ባይንዳ ኦሳንቻታ ኑስ ኦꬃናስ ቤሲዛይሳ ፖሊ ኦꬂዶስ’ ጊቴ” ጊዴስ። 
\s1 ዬሱሲ ታሙ ኣሳታ ኢንቺራንቻሃርጌፌ ፓꬂዴስ 
\p  
\v 11 ሄሳፌ ጉዬ ዬሱሲ ዬሩሳላሜ ቢሼ ሳማሪያራኔ ጋሊላ ኣቻራ ኣꬊዴስ።  
\v 12 ኢሲ ጉታ ጌሊዳ ዎዴ ኢንቺራቻ ሃርጊዛ ታሙ ኣሳቲ ኢዛ ዴሚዳ። ኢስቲካ ሃሆን ኤቂዲ፤  
\v 13 ባ ቃላ ꬎቁ ሂስቲዲ “ዬሱሳ! ጎዶ! ኑስ ሚሼታርኪ!” ጊዳ። 
\p  
\v 14 ኢዚካ ኢስታ ቤዪዲ “ቢቴ! ኢንቴና ቄሴታስ ቤሲቴ” ጊዴስ። ኢስቲካ ቡሮ ቢሼ ኦጌ ቦላ ፓፂዳ። \x * \xo 17:14 \xt ሌዌ 14፡1-32\x* 
\v 15 ኢስታፌ ኢሶይ ባ ፓፂዳይሳ ቤዪዲ ባ ቃላ ꬎቁ ሂስቲዲ ፆሳ ቦንቺሼ ሲሚዴስ።  
\v 16 ኢዛዴይካ ዬሱሳ ቶሆ ቦላ ኩንዲዲ ጋላቲዴስ፤ ኢዚካ ሳማሪያ ቢታ ኣሳ። 
\p  
\v 17 ዬሱሲካ ኣዴዛ “ፓፂዳይቲ ታም ኣስ ዴቴኔ? ሂስቲን ኡዱፉናቲ ኣዋ ቢዶ?  
\v 18 ሃይሳ ዱማ ዴሬ ኣዴዛፔ ኣቲን ፆሳ ጋላቲዛይ ባዋ ጉሴ?” ጊዲ ኦይቺዴስ።  
\v 19 ኣዴዛካ ዛሪዲ “ዴንዳዳ ባ! ኔና ኔ ኣማኖይ ፓꬂዴስ” ጊዴስ። 
\s1 ፆሳ ካዎቴꬃ ዩሳ ጊሽ 
\r (ማቶ 24፡23-28፥37-41) 
\p  
\v 20 “ፆሳ ካዎቴꬂ ኣይዴ ያኔ?” ጊዲ ፋርሳዌቲ ዬሱሳ ኦይቺዳ ዎዴ ዬሱሲ “ፆሳ ካዎቴꬂ ቤቲዛ ማላታታን ዩኩ።  
\v 21 ኣሳይ ፆሳ ካዎቴꬂ ሃን ዳዉስ ዎይኮ ሄን ዳዉስ ጋናስ ዳንዳዬቴና፤ ፆሳ ካዎቴꬂ ኢንቴ ጊዶን ዳዉስ” ጊዲ ዛሪዴስ። 
\p  
\v 22 ባና ካሊዛይታስካ “ኣሳ ና ጋላሳታፔ ኢሲ ጋላሳዮ ቤያናስ ኢንቴ ኣሞታና ዎዴይ ያና፤ ጊዶ ኣቲን ኢንቴ ቤዬኬታ።  
\v 23 ኣሳይ ኢንቴስ ‘ሃን ዳዉስ’ ዎይኮ ‘ሄን ዳዉስ’ ጋና ሺን ኢንቴ ኢስታ ካሊዲ ቦፒቴ።  
\v 24 ጋሶይካ ዎልቃንꬂ ዎልቃሚዲ ሃ ጋፃፔ ሄ ጋፃ ጋካናስ ፖዒሲዛ ማላ ኣሳ ናይ ዪዛ ጋላስ ኢዛ ማላ ሃናና።  
\v 25 ጊዶ ኣቲን ሃይሲ ዉሪ ሃናናፔ ኮይሮ ኣሳ ናይ ዳሮ ሜቶ ኤካናሲኔ ሃይሳ ሃ ዬሌቴꬃን ካꬌታናስ ቤሴስ። 
\p  
\v 26 “ኖሄ ዎዴ ሃኒዳይሳ ማላ ኣሳ ና ዎዴንካ ሄሳꬆ ሃናና። \x * \xo 17:26 \xt ሜꬌ 6፡5-8\x* 
\v 27 ኖሄይ ማርካቤን ጌላና ጋላስ ጋካናስ ኣሳይ ሚሺኒኔ ኡዪሺን፤ ኤኪሺኒኔ ጌሊሺን ꬋይሲዛ ሃꬂ ዪዲ ዉርሲካ ꬋይሲዴስ። \x * \xo 17:27 \xt ሜꬌ 7፡6-24\x* 
\p  
\v 28 “ሎፄ ዎዴካ ኢዛ ማላ ሃኒዴስ፤ ኣሳይ ሜሲኔ ኡዬስ፤ ባዪዜሲኔ ሻሜስ፤ ቶኪዛዝ ቶኬስ፤ ኬꬂካ ኬፄቴስ።  
\v 29 ጊዶ ኣቲን ሎፄይ ሶዶሜፔ ኬዚዳ ጋላስ ሹቺኔ ሚꬅ ቆሮንታ ዲኔ ታማይ ሳሎፔ ቡኪዲ ዉርሲ ꬋይሲዴስ። 
\p  
\v 30 “ኣሳ ናይ ቆንጪዛ ጋላስ ሄሳꬆ ሃናና።  
\v 31 ሄ ዎዴ ባ ኬꬃ ቦላ ዲዛዴይ ኦኒካ ኬꬃ ጊዶን ዲዛ ሚሽ ኤካና ጊዲ ዱጌ ዎꬎፎ፤ ሄሳꬆካ ጎሻ ሶን ዲዛ ኣሲ ጉዬ ሶ ሲሞፎ። \x * \xo 17:31 \xt ማቶ 24፡17-18፤ ማር 13፡15-16\x* 
\v 32 ሎፄ ማቾ ቆፒቴ። \x * \xo 17:32 \xt ሜꬌ 19፡26\x* 
\v 33 ባ ዴዖ ጋምዒሳና ኮዪዛይ ዉሪ ꬋይሳና፤ ባ ሼምፖ ኣꬂ ኢሚዛዴይ ጋምዒሳና። \x * \xo 17:33 \xt ማቶ 10፡39፤ 16፡25፤ ማር 8፡35፤ ሉቃ 9፡24፤ ዮሃ 12፡25\x* 
\v 34 ታ ኢንቴስ ጊዛይ ሄ ዎዴ ኦማርስ ናምዑ ኣሲ ኢሲ ሂፃን ኢቻና፤ ኢሶኔያ ኤኬታና፤ ኢሶይ ኣታና።  
\v 35 ናምዑ ማጫሳቲ ኢሲፌ ጋጪሺን ኢሲኔያ ኤኬታና፤ ሃንኮራ ኣታና።  
\v 36 ናምዑ ኣሲ ኢሲፌ ጎሻሶን ዳና፤ ኢሶይ ኤኬታና፤ ኢሶይ ኣታና። \f + \fr 17:36 \ft ኢሲ ኢሲ ጌሻ ማፃፋታን ፓይዶ 36 ቦላ ዲዛ ቆፋ ጉጄቴስ፤ ቆፋዚካ ማቶ 24፡40 ዲዛይሳ ሚሳቴስ።\f* 
\p  
\v 37 “ኢስቲካ ዛሪዲ ‘ጎዶ! ኢስቲ ኣዋ ኤኬታኔ?’ ጊዳ። ኢዚካ ኣሃይ ዲዛሶን ኣንኮቲ ሺቃና” ጊዴስ። 
\c 18  
\s1 ኣምዔዮኔ ማካላ ዳና 
\p  
\v 1 ባና ካሊዛይቲ ኣዛሎንታ ኡባ ዎዴ ዎሳናስ ቤሲዛይሳ ኤሪሳናስ ዬሱሲ ሃ ሌሚሶዛ ኢስታስ ዮቲዴስ።  
\v 2 “ኢሲ ካታማን ፆሳስ ያዮንታ ኣሲኔ ቦንቾንታ ኢሲ ዳናይ ዴስ።  
\v 3 ሄ ካታማንካ ኢሲ ኣምዔ ማጫሲ ዳዉስ። ኢዛካ “ታ ባልጋራራ ታስ ሞቶይ ዲዛ ጊሽ ፒርዳርኪ?” ጋሼ ኢዛኮ ሲሜሬታዱስ። 
\p  
\v 4 ዳናዚካ ዳሮ ዎዴ ጋካናስ ኢዚስ ፒርዲቤና፤ ጊዶ ኣቲን ጉዬፔ ባ ዎዝናን “ፆሳስ ያዮንታ ኣሴካ ቦንቾንታ ኣጊኮ፥  
\v 5 ሃና ኣምዔ ማጫሳያ ታና ዋይሲዛ ጊሽ ታ ኢዚስ ፒርዳና’ ሄሳ ሂስቶንታ ኣጊኮ ኡባ ዎዴ ሲሜሬታዳ ኢዛ ታና ዳቡርሳና” ጊዴስ። 
\p  
\v 6 ጎዳይካ “ማካላንቻ ዳናይ ጊዳይሳ ሲዪቴ፤  
\v 7 ፆሲ ቃማ፥ ጋላሲኔ ኦማርስ ኢዛኮ ዋሲዛ ዶሬቲዳይታስ ፒርዴኔዬ? ታና ኣይ ሜቲዴ! ጊዲ ባ ማዶ ጋምዒሳንዴ?  
\v 8 ታ ኢንቴስ ጋይስ፤ ኢስታስ ኤሌ ፒርዳና፤ ጊዶ ኣቲን ኣሳ ናይ ዪዛ ዎዴ ቢታ ቦላ ኣማኖ ዴማንዴሻ?” ጊዴስ። 
\s1 ኦቶራንቻ ፋርሳዌኔ ኣሽኬ ቃራፃ ሺሺዛዴ ሌሚሶ 
\p  
\v 9 ባና ፂሎ ኣሳ ማላ ቆዲዲ ጬቄቲዛይታሲኔ ሃራታ ሌቆ ኣይፌን ፄሊዛይታስ ሌሚሶራ፥  
\v 10 “ናምዑ ኣሳቲ ዎሳናስ ፆሳ ኬꬄ ቢዳ፤ ኢሶይ ፋርሳዌ፥ ሂንኮይሲ ቃራፃ ሺሺዛዴ።  
\v 11 ፋርሳዌዚካ ኤቂዲ ባ ጊሽ ‘ፆሶ! ታኒ ሃራ ኣሳ ማላ ቦንቂዛዴ፥ ማካሊዛዴ፥ ላይማቲዛዴ ሃራፔካ ሃይሳ ቃራፃ ሺሺዛዴ ማላ ጊዶንታ ኣጊዳ ጊሽ ታ ኔና ጋላታይስ።  
\v 12 ሳሚንታን ናምዓ ፆማይስ፤ ታስ ዲዛ ታማፌ ኢሳ ኢማይስ’ ጊዲ ዎሲዴስ። 
\p  
\v 13 “ጊዶ ኣቲን ቃራፃ ሺሺዛዴዚ ሃሆን ኤቂዲ ፑዴ ሳሎ ꬎቁ ጊዲ ፄላናስ ኮይቤና፤ ጊዶ ኣቲን ባ ቲራ ኢጪሼ ‘ፆሶ! ታና ናጋራንቻዛ ማራርኪ!’ ጊዴስ። 
\p  
\v 14 “ታ ኢንቴስ ዮታይስ፤ ፆሳ ሲንꬃን ፋርሳዌዚ ፂሎቴꬂ ዴሚቤና ሺን ሃይሲ ቃራፂዛይሲ ፂሊዲ ባሶ ሲሚዴስ። ባና ꬎቁሲዛይ ዉሪ ዚቂ ጋና፤ ባና ዚቂሲዛይ ጊዲኮ ꬎቁ ጋና” ጊዴስ። \x * \xo 18:14 \xt ማቶ 23፡12፤ ሉቃ 14፡11\x* 
\p  
\v 15 ዬሱሲ ቦሼሬꬃና ማላ ኣሳይ ጉꬃ ናይታ ኢዛኮ ኤሂዴስ። ኢዛ ካሊዛይቲካ ሄሳ ቤዪዲ ሃንቄቲዳ።  
\v 16 ጊዶ ኣቲን ዬሱሲ ጉꬃ ናይታ ባኮ ፄይጊዲ “ጉꬃ ናይቲ ታኮ ያናይሳ ዲጎፍቴ፤ ፆሳ ካዎቴꬂ ሃይታንታ ማላታሳ።  
\v 17 ታ ኢንቴስ ቱሙ ጋይስ፤ ፆሳ ካዎቴꬂ ጉꬃ ና ማላ ኤኮንታይ ዉሪ ኢዚን ጌሌና” ጊዴስ። 
\s1 ሃ ቢታ ሃሮኔ ሳሎ ካዎቴꬅ 
\r (ማቶ 19፡16-30፤ ማር 10፡17-31) 
\p  
\v 18 ኣይሁዳታ ሃላቃታፔ ኢሶይ “ኪያ ኣስታማሬ! ሜርና ዴዖ ላታናስ ታ ኣይ ኦꬆ?” ጊዲ ኦይቺዴስ። 
\p  
\v 19 ዬሱሲካ “ኣዛስ ታና ኪያ ጋይ? ኢሲ ፆሳፌ ኣቲን ሃራ ኪያይ ዴና።  
\v 20 ‘ላይማቶፓ፤ ዎꬎፓ፤ ካይሶቶፓ፤ ዎርዶ ማርካቶፋ፤ ኔ ኣዋ ቦንቻ’ ጊዛ ኣዛዞዛታ ኔ ኤራሳ” ጊ ዛሪዴስ። \x * \xo 18:20 \xt ኬሳ 20፡12-16፤ ዛሬ 5፡16-20\x* 
\p  
\v 21 ኣዴዚካ “ሃይታ ጊዲኮ ጉꬃ ናቴቴꬃፌ ዶማዳ ናጋዲስ” ጊዴስ። 
\p  
\v 22 ዬሱሲካ ሄሳ ሲይዲ “ሂስቲኮ ኔስ ኢሲ ሚሺ ፓጬስ፤ ኔስ ዲዛዚ ዉርሳ ባዪዛዳ ማንቆታስ ኢማ፤ ሳሎ ማዝጋባን ዴማንዳሳ፤ ኢዛፔ ጉዬ ያዳ ታና ካላ” ጊዴስ።  
\v 23 ጊዶ ኣቲን ኣዴዚ ሄሳ ሲዪዳ ዎዴ ዳሮ ሃሮይ ኢዛስ ዲዛ ጊሽ ኬሂ ሚሼቲዴስ። 
\p  
\v 24 ዬሱሲካ ኣዴዛ ፄሊዲ “ዳሮ ሚሺ ዲዛ ኣሳቲ ፆሳ ካዎቴꬂ ጌላናይሲ ኣይ ማላ ሜቶ!  
\v 25 ዱሬይ ፆሳ ካዎቴꬅ ጌላናይሳፌ ጋሜላይ ናርፔ ሉኮራ ኣꬋናይሲ ማታና” ጊዴስ። 
\p  
\v 26 ሄሳ ሲዪዳ ኣሳይ “ሂስቲን ኦኒ ኣታና ዳንዳዪዜ?” ጊዴስ። 
\p  
\v 27 ዬሱሲካ ኣሳ ኣቻን ዳንዳዬቶንታይ ፆሳ ኣቻን ዳንዳዬቴስ ጊዴስ። 
\p  
\v 28 ጴፅሮሲካ “ሄኮ ኑኒ ኑስ ዲዛዝ ኡባ ኣጊዲ ኔና ካሊዶስ” ጊዴስ። 
\p  
\v 29 ዬሱሲካ ኢስታስ “ታ ኢንቴስ ቱሙ ጋይስ፤ ፆሳ ካዎቴꬃ ጊሽ ጊዲ ባ ኬꬄ፥ ባ ማቾ፥ ባ ኢሻንታ ዎይኮ ባና ዬሊዳይታ ዎይኮ ባ ናይታ ኣጊዳዴይ፥  
\v 30 ሃዒ ዎዴ ዳሮ ዳኮ ኩሼ ኤኮንታይኔ ዪዛ ዎዴ ቃሴ ሜርና ዴዖ ኤኮንታይ ኦኒካ ዴና” ጊዴስ። 
\s1 ዬሱሲ ባ ሃይቆ ጊሺኔ ዴንꬃ ጊሽ ሄꬓንꬆ ዮቲዴስ 
\r (ማቶ 20፡17-19፤ ማር 10፡32-34) 
\p  
\v 31 ዬሱሲካ ባና ካሊዛ ታማኔ ናምዓታ ዱማ ኤፊዲ “ሃዒ ኑኒ ዬሩሳላሜ ኬዛና ጎስ፤ ናቤቲ ኣሳ ና ጊሽ ፃፊዳይሲ ዉሪ ፖሌታና።  
\v 32 ዴሬ ኣሳስ ኣꬂ ኢማና፤ ኢስቲካ ኢዛ ቂꬊ ካዓናኔ ዋይሳና፤ ኢዛ ቦላ ጩታና።  
\v 33 ጋራፋና፤ ሄሳፌካ ዛሪዲ ዎꬋና፤ ኢዚካ ሄꬓንꬆ ጋላስ ሃይቆፔ ዴንዳና” ጊዴስ። 
\p  
\v 34 ኢዛ ካሊዛይቲ ጊዲኮ ሄሳ ኡባፌ ኢሲኖካ ኤሪቤይቴና። ኢዛ ጊዛይሲካ ኢስታስ ጌሊቤና። ኢዚ ኣዛ ጊሽ ሃሳዪዳኮኔ ኤሪቤይቴና። 
\p  
\v 35 ዬሱሲ ኢያርኮ ጌቴቲዛሶ ማቲዳ ዎዴ ኢሲ ቆቄ ኣዴይ ኦጌ ዱናን ኡቲዲ ዎሴስ።  
\v 36 ሄ ቆቄ ኣዴዚካ ዳሮ ኣሳይ ኦጌራ ኣꬊዛይሳ ሲይዲ “ሄሲ ኣዜ?” ጊ ኦይቺዴስ።  
\v 37 ኢስቲካ ኢዛስ “ናዚሬቴ ዬሱሲ ሃይሳራ ኣꬌስ” ጊዲ ዮቲዳ። 
\p  
\v 38 ኢዚካ “ዳዉቴ ና ዬሱሳ ታስ ቃꬌታ” ጊ ዋሲዴስ። 
\p  
\v 39 ዬሱሳፔ ሲንꬄቲ ቢዛይቲ “ጮዑ ጋ!” ጊዲ ሃንቄቲዳ። ጊዶ ኣቲን ኢዚ “ዳዉቴ ናዉ! ታስ ቃꬌታ” ጊዲ ዳርሲ ዋሲዴስ።  
\v 40 ዬሱሲካ ኤቂዲ ኣዴዛ ኢዛኮ ኤሃና ማላ ኣዛዚዴስ፤ ኢዚካ ኢዛኮ ሺቂዳ ዎዴ  
\v 41 “ታ ኔስ ኣይ ኦꬃና ማላ ኮያይ?” ጊዲ ኦይቺዴስ። ቆቄዚካ “ጎዶ ፄላናስ ኮያይስ” ጊዴስ። 
\p  
\v 42 ዬሱሲካ “ኔና ኔ ኣማኖይ ፓꬂዴስ ፄላ” ጊዴስ።  
\v 43 ኣዴዚ ሄራካ ፄሊዴስ፤ ፆሳካ ቦንቺሼ ዬሱሳ ካሊዴስ። ሄሳ ቤዪዳ ዴሬይ ዉሪ ፆሳ ጋላቲዴስ። 
\c 19  
\s1 ዬሱሳኔ ዜኪዮሳ 
\p  
\v 1 ዬሱሲ ኢያርኮ ጌቴቲዛሶራ ኣꬊ ቢሺን፥  
\v 2 ዜኪዮሳ ጌቴቲዛ ኢሲ ኣሲ ሄን ዬሱሲ ቢዛ ኦጌ ቦላ ዴስ። ኢዚካ ዴሬ ቃራፃ ቃንፂሲዛይታስ ሃላቃኔ ኬሂ ዱሬ ኣሳ።  
\v 3 ኢዚ ዬሱሳ ጌቴቲዛይሲ ኣዋይሳኮኔ ቤያናስ ኮዪሺን ቃንꬃ ኣሳ ጊዲዳ ጊሺኔ ዳሮ ዴሬይ ዬሱሳ ካሊዛ ጊሽ ዬሱሳ ቤያናስ ዳንዳይቤና።  
\v 4 ዬሱሲ ሄ ኦጌራ ኣꬊሺን ሲንꬄ ኣꬊዲ ኦጌ ቦላ ዲዛ ኢሲ ኤꬃ ሚꬃ ቦላ ኬዚዴስ። \f + \fr 19:4 \ft ኢሲ ኢሲ ባጋ ጋሞꬆ ቃላን ኤꬃ ሚꬅ ጊዛይሳ ቦባ ጌቴስ።\f* 
\p  
\v 5 ዬሱሲ ኤꬃ ጋርስ ጋኪዲ ꬎቁ ሂስቲ ፄሊዲ “ዜኪዮሳ! ሃች ታ ኔ ኬꬃን ፔዓናስ ቤሴስ። ኤሌላ ዎꬋ” ጊዴስ። 
\p  
\v 6 ኢዚካ ኤሌ ዎꬊዲ ኡፋይሳን ሞኪ ኤኪዴስ።  
\v 7 ሄ ዎዴ ሄን ኢዛራ ዲዛ ኣሳይ ሄሳ ቤዪዲ “ናጋራንቻ ኣሳ ኬꬃን ኢማቶ ማና ጌስ” ጊዲ ዉሪካ ባ ጊዶን ዙዙሜቲዳ። 
\p  
\v 8 ጊዶ ኣቲን ዜኪዮሲ ኤቂዲ “ጎዶ! ታኒ ታስ ዲዛ ሚሼ ኡባፌ ባጋ ሻካዳ ማንቆታስ ኢማና፤ ታኒ ኦናፔካ ዎርዶራ ቦንቃ ኤኪዳዚ ዲኮ ኦይዱ ኩሼ ጉጃዳ ኢዛዴስ ኢማና” ጊዴስ። 
\p  
\v 9 ዬሱሲካ “ሃ ኣዴዚ ኣብራሃሜ ና ጊዲዳ ጊሽ ሃች ሃ ኬꬃስ ፓፃቴꬂ ዪዴስ” ጊዴስ። 
\p  
\v 10 ሃይሳስ ጋሶይካ ኣሳ ናይ ሃ ዪዳይ ꬋዪዳይሳ ኮያናሲኔ ኣሻናሳ። \x * \xo 19:10 \xt ማቶ 18፡11\x* 
\v 11 ኣሳይ ሃይሳ ሲዪሺን ሌሚሶራ ሃሳያ ኦይኪዴስ፤ ጋሶይካ ኢዚ ዬሩሳላሜ ጋካናስ ማቲዳ ጊሺኔ ኣሳታስ ፆሳ ካዎቴꬅ ቆንጫና ሃኒዛ ሚሳቲዳ ጊሻሳ። \x * \xo 19:11 \xt ማቶ 25፡14-30\x* 
\v 12 ሄሳ ጊሽ “ኢሲ ካዎ ናይ ባ ካዎቴꬃ ሹሜቴꬅ ኤኪ ያናስ ሃሆ ቢታ ቢዴስ።  
\v 13 ባ ኣሽካራታ ጊዶፌ ታማታ ፄይጊዲ ታሙ ሚናኔ ኢስታስ ኢሚዲ ‘ታ ሲማዳ ያና ጋካናስ ሃይሳ ሚሻን ዛልዒቴ’ ጊዴስ። \f + \fr 19:13 \fq ሚናኔ \ft ሚናኔይ ሚሻቲ ኣይ ላጌ ዴፂዛኮ ኤራናስ ማዲዛ ሚሻ፤ ቃሴካ ሚሽ ጊዲዲ ዛልዔሲካ ማዴስ። ኢሲ ሚናኔይ ሄ ዎዴ ኢሳዴስ ሄꬑ ጋላሳስ ኦሶ ዳሞዛ ሊኬ ጊዳና።\f* 
\p  
\v 14 “ሄ ዴሬ ኣሳቲ ቃሴ ኢዛ ኢፂዳ ጊሽ ‘ሃይሲ ኣዴዚ ኑ ቦላ ካዎታና ማላ ኮዮኮ’ ጊዲ ኣስ ኢዛ ጌዶራ ኪታ ኣꬂ ዬዲዳ። 
\p  
\v 15 “ጊዶ ኣቲን ሃ ካዎ ናዚ ካዎ ጊዲዲ ጉዬ ባ ዴሬ ሲሚዴስ። ካሴ ቢሼ ታሙ ሚናኔ ኢሚዳ ታሙ ኣሽካራቲ ኢዚ ኢሚዳ ቢራን ዛልዒዲ ኣይ ኬና ቲርፊሲዳኮኔ ኤራናስ ኢስታ ፄይጊዴስ። 
\p  
\v 16 “ኢስታፌ ኮይሮይ ሺቂዲ ‘ጎዶ! ኔ ታስ ኢሚዳ ታሙ ሚናኔይ ሃራ ታሙ ዬሊዴስ’ ጊዴስ። 
\p  
\v 17 “ጎዳዚካ ኢዛ ‘ኔ ኣማኔቲዳ ኣሽካራ፤ ሎዖ ኦꬃዳሳ። ኔ ጉꬃ ሚሻን ኣማኔቲዳ ጊሽ ታሙ ካታማታ ኔ ሃራና ማላ ኔስ ኢማዲስ’ ጊዴስ። 
\p  
\v 18 “ናምዓንꬆዚካ ኢዛኮ ሺቂዲ ‘ጎዶ! ኔ ታስ ኢሚዳ ሚናኔፔ ሃራ ኢቻሹ ሚናኔይ ዎꬊዴስ’ ጊዴስ። 
\p  
\v 19 “ኢዛ ጎዳዚ ኢዛስ ዛሪዲ ‘ኔኒ ኣይሳና ማላ ታሙ ካታማቲ ኔስ ኢሜቲዳ’ ጊዴስ። 
\p  
\v 20-21 “ቃሴካ ሃንኮ ኦሳንቻይ ሺቂዲ ‘ጎዶ! ኔኒ ዎꬆንታሶፔ ኤኪዛዴ፤ ዜሮንታሶፔ ማፂዛዴኔ ሜንፄ ኢታ ኣስ ጊዲዳ ጊሽ ታ ኔስ ባባዳ ጩርቃን ፃፃ ዎꬂዳ ኔ ሚናኔዮ ሄይ ኤካ’ ጊዴስ። 
\p  
\v 22-23 “ኢዛ ጎዳዚ ዛሪዲ ኢዛስ ‘ሃይሶ ኢታ ኦሳንቻዞ! ታ ኔ ቃላን ኔና ዛራ ፒርዳይስ። ታኒ ዎꬆንታሶፔ ኤኪዛዴኔ ዜሮንታሶፔ ማፂዛ ሜንፄ ኢታ ኣስ ጊዲዳይሳ ኤራሳሺን ታኒ ታ ሚሻ ዬሎራ ኤካና ማላ ሄ ሚሻን ኦꬃና ኣሳታስ ኣዛስ ኢማቤኪ?’ ጊዴስ። 
\p  
\v 24 ኢዛ “ጎዳዚካ ሄን ኤቂዳ ኣሳታ ‘ኢዛ ኩሼፔ ሚናኔዛ ኤኪዲኔ ታሙ ሚናኔይ ዲዛይሳስ ኢሚቴ’ ጊዴስ። 
\p  
\v 25 “ኢስቲካ ዛሪዲ ‘ጎዶ! ኢዛስ ታሙ ሚናኔይ ዴሲኮ’ ጊዳ። 
\p  
\v 26-27 “ኢዚካ ዛሪዲ ‘ዲዛዴስ ኡባስ ሃራይ ጉጄታና፤ ባይንዳዴስ ካሴ ዲዛይሲ ኢዛፔ ኤኬቲቻና። \x * \xo 19:26-27 \xt ማቶ 13፡12፤ ማር 4፡25፤ ሉቃ 8፡18\x* ጊዶ ኣቲን ታኒ ኢስታ ቦላ ካዎቶንታ ማላ ኮይዳይታ ሃይታ ታ ሞርኬታ ታኮ ሃ ኤሂዲ ታ ሲንꬃን ሹኪቴ’ ” ጊዴስ። 
\p  
\v 28 ሄሳ ሃሳዪ ሲሚዲ ዬሱሲ ዬሩሳላሜ ኬዛናስ ኢስታፌ ሲንꬃቲ ቢዴስ።  
\v 29-31 ዳብራዛይቴ ጌቴቲዛ ዙማ ቦላ ዲዛ ቤቴፋጌኔ ቢታኒያ ጌቴቲዛ ካታማታኮ ማቲዳ ዎዴ ባና ካሊዛይታፔ ናምዓታ “ሄኒ ኢንቴ ሲንꬃን ዲዛ ቄሪ ካታማዮ ቢቴ፤ ቢዲ ካታማዮ ኢንቴ ጌሊሺን ኦኒካ ቶጊ ኤሮንታ ኢሲ ቃሼቲ ዲዛ ሃሬ ጉቴ ኢንቴ ዴሜና፤ ኢዛ ቢርሺዲ ሃ ታስ ኤኪ ዪቴ፤ ኢንቴና ኦኒካ ‘ኣዛስ ቢርሼቲ?’ ጊዲ ኦይቺኮ ‘ጎዳስ ኮሼስ ጊቴ’ ” ጊ ኪቲዴስ። 
\p  
\v 32 ኪቴቲዳይቲካ ቢዲ ኢዚ ኢስታስ ዮቲዳ ማላ ሃሬ ጉቴዛ ዴሚዳ።  
\v 33 ኢስቲ ጉቴዛ ቢርሺን ጉቴዛ ጎዳቲ ቤዪዲ “ኣዛስ ቢርሼቲ?” ጊዲ ኦይቺዳ። 
\p  
\v 34 ኢስቲካ “ጎዳስ ኮሼስ” ጊዳ።  
\v 35 ሃሬ ጉቴዛ ዬሱሳኮ ኤሂዲ ባ ማይዖ ዉርሲ ጉቴዛ ቦላ ዬጊዲ ዬሱሳ ሃሬ ጉቴዛ ቶጊሲዳ።  
\v 36 ኣሳይ ዉሪካ ባ ኣፋላ ዬሱሲ ቢዛ ኦጌ ቦላ ሚጪዴስ። 
\p  
\v 37-38 ዳብራዛይቴ ዙማ ቦላራ ዱጌ ዎꬂዛ ኦጌዛኮ ማቲዳ ዎዴ ቆዳይ ባይንዳ ዴሬይ ባ ቤዪዳ ማላታ ጊሽ ዉሪካ ኡፋይሳራ ባ ቃላ ꬎቁ ሂስቲዲ “ጎዳ ሱንꬃን ዪዛ ካዎይ ኣንጄቲዳይሳ፤ ሳሮይ ሳሎን ቦንቾይ ሳሎፔ ቦላ ሳሎን ጊዶ” ጊዴስ። \x * \xo 19:37-38 \xt ማዛ 118፡26\x* 
\p  
\v 39 ዴሬታፔ ኢሲ ኢሲ ፋርሳዌቲ ዬሱሳ “ኣስታማሬ! ሃ ኔና ካሊዛ ኣሳይ ጊዛይሳ ጎንታ ማላ ሃንቃ” ጊዴስ። 
\p  
\v 40 ኢዚካ ኢስታስ ዛሪዲ “ሃይቲ ጮዑ ጊዳኮኔ ሹቻቲካ ዋሳና” ጊዴስ። 
\p  
\v 41-43 ዬሱሲ ዬሩሳላሜ ማቲሼ ካታማዮ ቤዪዲ ኢዚስ ዬኪዴስ። “ኔስ ሳሮ ጊዲዛዝ ሃቺ ኔ ኤሪዳኮ ኣዜ ዲዛይ? ሃዒ ኔ ኣይፌፔ ቆቴቲዳ ጊሽ ኔ ሞርኬቲ ሄራ ሃራ ኔና ጊዶꬂዲ ኡንዔꬃና ዎዴይ ያና።  
\v 44 ኔናኔ ኔ ጊቤ ጊዶን ኔናራ ዲዛ ኔ ናይታ ዉርሲ ቢታ ኬሳና። ሹቻካ ሹቻ ቦላፌ ላሎንታ ኣጌቴና። ሄሲ ዉሪካ ፆሲ ኔና ኮዪሺን ኔኒ ኤሮንታ ኣጊዳ ጊሻሳ” ጊዴስ። 
\p  
\v 45 ሄሳፌ ካሊዲ ዬሱሲ ፆሳ ኬꬄ ጌሊዲ ፆሳ ኬꬃ ጊዶን ዛልዒዛይታ ኬሲዴስ።  
\v 46 ቃሴካ “ታ ኬꬃይ ዎሳ ኬꬃ ጊዳና ጌቴቲዲ ፃፌቲዴስ፤ ኢንቴን ጊዲኮ ፓንጋይ ዲዛ ጎንጎሎ ሂስቲዴታ” ጊዴስ። \x * \xo 19:46 \xt ኢሳ 56፡7፤ ኤር 7፡11\x* 
\p  
\v 47 ዎንቲን ዎንቲን ፆሳ ኬꬃን ኢዚ ታማሪሲሺን ፃፌቲኔ ዴሬ ሃላቃቲ ኢዛ ዎꬋናስ ኮይዳ። \x * \xo 19:47 \xt ሉቃ 21፡37\x* 
\v 48 ጊዶ ኣቲን ዴሬይ ዉሪካ ኢዛራ ኦይኬቲዲ ኢዚ ታማርሲዛይሳ ካሊዛ ጊሽ ኦꬃናዚ ኢስታስ ኪርቂ ጊዴስ። 
\c 20  
\s1 ዬሱሳ ዎልቃ ፓጫና ሺቂዳ ኦይሻ 
\r (ማቶ 21፡23-27፤ ማር 11፡27-33) 
\p  
\v 1 ኢሲ ጋላስ ዬሱሲ ኣሳ ፆሳ ኬꬃን ታማርሲሺኔ ሚሺራቾ ቃላ ሳባኪሺን ቄሴ ሃላቃቲ ፃፌቲኔ ዴሬ ጪማቲ ሺቄቲዲ ኢዛኮ ዪዳ።  
\v 2 “ሃይሳ ኔ ኦꬂዛይ ኦና ሼኔኔ? ኔስ ሼኔ ኢሚዳይ ኦኔ?” ጊዲ ኢዛ ኦይቺዳ። 
\p  
\v 3 ኢዚካ ኢስታስ “ታካ ኢንቴና ኢሲ ኦይሾ ኦይቻይስ፤ ኣኔ ታስ ዛሪቴ።  
\v 4 ዮሃኒሳ ፂንቃታይ ሳሎፔዬ? ኣሳፔ?” ጊዴስ። 
\p  
\v 5 ኢስቲካ ባ ጊዶን ኢሶይ ኢሳራ “ኑ ‘ዮሃኒሳ ፂንቃታይ ሳሎፔ’ ጊኮ ኢዚ ኑና ‘ሂስቲን ኣዛስ ኣማኒቤኬቲ?’ ጋና።  
\v 6 ‘ኣሳፔ’ ጊኮ ኣሳይ ዉሪ ዮሃኒሲ ናቤ ጊዲዳይሳ ኣማኒዛ ጊሽ ኑና ሹቻራ ጫዳና” ጊ ዞሬቲዳ። 
\p  
\v 7 ሄሳ ጊሽ “ኢዚ ኣዋፔኮኔ ኑ ኤሮኮ” ጊዲ ዛሪዳ። 
\p  
\v 8 ዬሱሲካ ሂስቲኮ “ታካ ኣዛ ዎልቃን ኦꬂዛኮኔ ኢንቴስ ዮቲኬ” ጊዴስ። 
\s1 ዎዪኔ ኣታክሊቴ ጎሻንቻታ ሌሚሶ 
\r (ማቶ 21፡33-46፤ ማር 12፡1-12) 
\p  
\v 9 ቃሴካ ዬሱሲ ኣሳስ ሌሚሶራ “ኢሳዴይ ዎይኔ ሚꬅ ቶኪዴስ፤ ጋዴ ጎዪዛይታስ ኪራ ኢሚዲኔ ሃራ ዴሬ ቢዲ ሄን ጋምዒዴስ። \x * \xo 20:9 \xt ኢሳ 5፡1\x* 
\v 10 ካፂዛ ቦኔ ዎዴ ካꬃፌ ኤኪ ያና ማላ ባ ኣሽካራታፔ ኢሳዴ ጋዴዛ ጎይዳ ኣሳታኮ ዬዲን ጋዳ ጎዪዛይቲ ኪታ ቢዳይሳ ቆፂዲ ሜላ ኩሼ ዬዲዳ።  
\v 11 ካሌꬂዲካ ሃራ ኣሽካራ ዬዲን ጎሻንቻቲ ሃዒካ ኦይኪ ቆፂዲኔ ካዉሺዲ ሜላ ዬዲዳ።  
\v 12 ሃዒካ ካሌꬂዲ ሄꬓንꬆ ኣሽካራ ዬዲን ጎሻንቻቲ ኢዛካ ቆፄሬꬂ ማዱንꬂዲ ጌዴ ካሬ ኬሲ ዬጊዳ። 
\p  
\v 13 “ዎይኔ ሚꬃ ጎዳይ ‘ሃዒ ኣይ ኦꬆ? ኦኔ ኤሪዛይ ታ ኬሃ ሲቂዛ ታ ናዛ ዬዲዳኮ ኢዛ ቦንቻንዴቶሻ?’ ጊዴስ። 
\p  
\v 14 “ጊዶ ኣቲን ቢታ ጎዪዛይቲ ናዛ ቤዪዳ ማላ ባ ጊዶን ‘ሃይሲ ኢዛ ላታና ናዛ ጊዴኔ? ሃ ዪቴ ኢዛ ዎꬊዲ ቢታ ላቶስ’ ጊዲ ዞሬቲዳ።  
\v 15 ዎዪኔ ሚꬃ ቶኪዳሶፔ ጌዴ ካሬ ኬሲዲ ናዛ ዎꬊዳ። ሂስቲኮ ሃዒ ዎይኔ ሚꬃ ጎዳይ ሃ ኣሳታ ዎስታኔ?  
\v 16 ዪዲኔ ሄ ጎሻንቻታ ꬋይሳና፤ ዎይኔ ሚꬃ ቶኪዛሶዛ ሃራታስ ኢማና” ጊዴስ። ዴሬይካ ሄሳ ኢዚ ጊዳይሳ ሲይዲ “ሃይሳ ማላይ ሃኖፖ” ጊዴስ። 
\p  
\v 17 ዬሱሲካ “ኢስታኮ ፄሊዲ ‘ሂስቲን ሹቻን ኬꬄ ኬፂዛ ኣሳቲ ሌቂ ኣጊዳ ሹቻይ ኬꬃስ ዋና ሁዔ ጊዳና” ጌቴቲዲ ፃፌቲዳ ሌሚሶዛስ ቢርሼꬃይ ኣዜ?’ ጊዴስ። \x * \xo 20:17 \xt ማዛ 118፡22\x* 
\v 18 ሃ ሹቻ ቦላ ኩንዲዳይ ዉሪ ሹቻን ቆፄታና፤ ሹቻይካ ኢዛ ቦላ ዎꬊዳዴይ ዉሪካ ሊቃና” ጊዴስ። 
\s1 ጊራ ቃንፆ ጊሻስ ሺቂዳ ኦይሻ 
\p  
\v 19 ፃፌቲኔ ቄሴታ ሃላቃቲ ሄሲ ሌሚሶዚ ኢስታ ቦላ ሃሳዬቲዳይሳ ኤሪዲ ሄራካ ኢዛ ኦይካናስ ኮይዳ ሺን ዴሬዛስ ባቢዳ።  
\v 20 ዬሱሳ ዎልቃራ ሃሪዛይታስ ኣꬂ ኢማናስ ኢዛ ዱናፔ ኬዚዛ ባላ ቃላ ዴሚዲ ኦይካናስ ካሊ ካሊ ናጊዳኔ ፂሎ ኣሳ ሚሳቲዲ ኢዛ ካሊ ኢዛ ዱናፔ ዮዖ ናጊዛ ኣሳታ ኢዛኮ ዬዲዳ።  
\v 21 ኢዛ ዱናፔ ዮዖ ኮዪዛ ኣሳቲ ዬሱሳ “ኣስታማሬ! ኔኒ ቱማ ሃሳዪዛይሳኔ ቱማ ታማርሲዛይሳ ቃሴካ ፆሳ ኦጌ ኔ ቱሙ ታማርሲዛይሳኔ ኦናካ ሻካ ማዶንታይሳ ኑ ኤሮስ።  
\v 22 ጊዶ ኣቲን ቄሳሬስ ጊራ ጊራናስ ቤሲዜ? ቤሴኔ?” ጊዲ ኦይቺዳ። 
\p  
\v 23 ኢዚካ ኢስታስ ዲዛ ጌኔ ቆፋ ኤሪዲ፥  
\v 24 “ኣኔ ኢሲ ዲናሬ ታና ቤሲቴ፥ ሃይሲ ኢዛ ቦላ ዲዛ ሜꬋዚኔ ፃፌቶይሲ ኦናይሴ?” ጊዴስ። ኢስቲካ “ቄሳሬይሳ” ጊዳ። 
\p  
\v 25 ኢዚካ ዛሪዲ ኢስታስ “ቄሳሬይሳ ቄሳሬስ፥ ፆሳይሳ ፆሳስ ኢሚቴ” ጊዴስ። 
\p  
\v 26 ሄሳ ጊሽ ኢዚ ሃሳዪዳ ቃላፔ ኤኪዲ ኣሳ ሲንꬃን ኢዛ ቃፃናስ ዳንዳይቤቴና፤ ኢዚ ኢሚዳ ቃላን ማላሌቲዲ ጮዑ ጊዳ። 
\s1 ሃይቂዳይታ ዴንꬃ ጊሽ 
\r (ማቶ 22፡23-33፤ ማር 12፡18-27) 
\p  
\v 27 ሃይቂዳይታ ዴንꬂ ባዋ ጊዛ ሳዱቃዌታፔ ኢሲ ኢሲ ኣሳቲ ዬሱሳኮ ዪዲ ኦይሾ ሺሺዳ። \x * \xo 20:27 \xt ሃዋ 23፡8\x* 
\v 28 “ጎዶ! ‘ኢሳዴይ ማቾ ኤኪዲ ና ዬሎንታ ሃይቂኮ ሄ ሃይቂዳይሳ ማቼዮ ኢዛ ኢሻይ ኤኪዲ ባ ኢሻ ላታና ና ኢዛስ ዬሎ’ ጊዲ ሙሴይ ኑስ ፃፊዴስ። \x * \xo 20:28 \xt ዛሬ 25፡5\x* 
\v 29 ሂስቲን ላፑን ኢሻቲ ዴቴስ ሺን ኢስታፌ ባይራይ ማቺዲ ና ዬሎንታ ሃይቂዴስ።  
\v 30 ኢዛ ካሎዚካ ኢዛꬆ ሃይቂዴስ፤  
\v 31 ሄꬓንꬆዚካ ኢዞ ኤኪዴስ፤ ላፑናቲ ዉሪካ ሄ ማጫሳዮ ኤኪዲ ዉሪካ ና ዬሎንታ ሃይቂዳ።  
\v 32 ዉርሴꬃን ማጫሳያ ሃይቃዱስ።  
\v 33 ላፑናቲካ ሃ ማጫሳዮ ኤኪዳ ሺን ሃ ማጫሳያ ዉርሴꬃን ሃይቂዳይቲ ዴንዲዛ ዎዴ ኢዛ ኣዋይሳ ማቾ ጊዳኔ?” 
\p  
\v 34 ዬሱሲ ኢስታስ “ሃ ዴሬ ናይቲ ጌሌቴሲኔ ኤኬቴስ።  
\v 35 ቡሮ ያና ኣላሜን ሃይቂዳይታ ዴንꬃ ዴማናስ ቤሲዛይቲ ጊዲኮ ጌሌቴናኔ ኤኬቴና።  
\v 36 ኢስቲ ኪታንቻታ ማላ ጊዳና ጊሽ ሄሳፌ ጉዬ ሃይቄቴናኔ ሃይቆፔ ዴንꬃ ናይታ ጊዲዳ ጊሽ ኢስቲ ፆሳ ናይታ።  
\v 37 ሙሴይ ቄሪ ዎራ ጊሽ ፃፌቲዳ ታሪኬዛን ጎዳ ‘ኣብራሃሜ ፆሳ፥ ዪሳቃ ፆሳ ያቆቤ ፆሳ’ ጉሳን ሃይቂዳይቲ ዴንዳናይሳ ቤሴስ። \x * \xo 20:37 \xt ኬሳ 3፡6\x* 
\v 38 ዉሪካ ኢዛስ ዴዖይ ዲዛ ጊሽ ኢዚ ፓፃታ ፆሳፌ ኣቲን ሃይቄꬃታ ፆሴ ጊዴና” ጊዴስ። 
\p  
\v 39 ኢሲ ኢሲ ፃፌቲ “ኣስታማሬ! ሎዖ ጋዳሳ” ጊዳ።  
\v 40 ሄሳፌ ጉዬ ኣይ ኣሲካ ኢዛ ኦይቻናስ ፃሊቤና። 
\s1 ፆሳይ ቲዪዳይሳ ጊሽ ሺቂዳ ኦይሻ 
\r (ማቶ 22፡41-46፤ ማር 12፡35-37) 
\p  
\v 41 ሄሳፌ ጉዬ ዬሱሲ “ኣሳይ ማሲሄ ዋኒዲ ኢዚ ዳዉቴ ና ጊዜ?  
\v 42-43 ጋሶይካ ዳዉቴይ ባ ፃፊዳ ማዛሙሬ ማፃፋታን ‘ታ ኔ ሞርኬታ ኔ ቶሆ ጋርስ ኣꬃና ጋካናስ ጎዳይ ታ ጎዳ ኔ ታ ኡሻቻን ኡታ’ ዋኒዲ ጊዴ? \x * \xo 20:42-43 \xt ማዛ 110፡1\x* 
\v 44 ሂስቲኮ ዳዉቴይ ኢዛ ‘ጎዳ’ ጊ ፄይጊሼ ዋኒ ኢዛስ ና ጊዳኔ?” ጊዴስ። 
\p  
\v 45 ዴሬይ ዉሪ ሲዪሺን ባና ካሊዛይታስ  
\v 46 “ጎሼቲዛ ኣዱሳ ቃምሴ ማይዒዲ ዩሼ ዶሲዛይታፔኔ ጊያይ ዲዛሶን ሳሮኬቴꬅ ኮዪዛይታፔኔ ኣይሁዳ ዎሳ ኬꬃን ꬎቃ ኦይዴኔ ዲጊሳሶን ቦንቾሶ ኮዪዛይታፔ ፃፌታፔ ናጌቲቴ።  
\v 47 ሃይታንቲ ኣምዔታ ኬꬃ ካሎሲዛይታ። ኣሲ ኢስታ ቤያና ማላ ዎሳ ኣዱሴቴስ፤ ሄይታንታ ኢታ ፒርዳይ ናጌስ” ጊዴስ። 
\c 21  
\s1 ኣምዔይ ኢሞታ 
\r (ማር 12፡41-44) 
\p  
\v 1 ዬሱሲ ꬎቁ ጊ ፄሊሺን ዱሬ ኣሳቲ ፆሳ ኬꬄን ሙፁዋታ ኢዛን ሺሺዛይሳ ጊዶን ሙፁዋታ ዬጊሺን ቤይዴስ።  
\v 2 ቃሴካ ኢሲ ኣምዖ ዲዛራ ናምዑ ሲኪና ጊዲዛ ናምዑ ፃርቂማላ ሄ ሙፁዋታ ኢዛን ሺሺዛይሳን ዬጊሺን ፄሊዲ፥  
\v 3 “ታ ኢንቴስ ቱሙ ጋይስ፤ ሃና ኣምዔያ ኡባ ኣሳፔ ቦላራ ኣꬌꬅ ኢማዱስ ጊዴስ።  
\v 4 ሃይቲ ኣሳቲ ኢሚዳይ ባስ ዲዛ ቲርፓፌ ጊዲሺን ኢዛ ጊዲኮ ባስ ባይንዳ ዎልቃፌ ባስ ዲዛሮኔ ባ ዱሳስ ኮሺዛሮ ዉርሳ ዬጋዱስ” ጊዴስ። 
\s1 ፆሳ ኬꬂ ላሌታናይሳ ዬሱስ ካሴቲዲ ዮቲዴስ 
\r (ማቶ 24፡1-2፤ ማር 13፡1-2) 
\p  
\v 5-6 ኢዛ ካሊዛይታፔ ኢሲ ኢሲ ኣሳቲ ፆሳ ኬꬃይ ሎዖ ሹቻኒኔ ኣሳይ ኢሚዳ ኢሞታን ኣይ ማላ ሎዒ ኬፄቲዳኮ ጊዲ ባ ጊዶን ሃሳዬቲሺን ዬሱሲ ሲይዲ “ሃይሲ ኢንቴ ቤዪዛይሲ ዉሪ ላሌቶንታ ሹቺ ሹቻ ቦላ ኬሌቲዳ ማላ ኣቶንታ ዎዴይ ያና” ጊዴስ። 
\p  
\v 7 ኢስቲካ ኢዛ “ኣስታማሬ! ሃይሲ ዉሪ ኣይዴ ሃናኔ? ቃሴ ሃይሲ ሃናናይሳስ ማላታይ ኣዜ?” ጊዲ ኦይቺዳ። 
\p  
\v 8 ኢዚካ ኢስታስ “ኢንቴ ባሌቶንታ ማላ ናጌቲቴ፤ ዳሮቲ ባና ‘ታ ኪርስቶሳኮ! ዎዴይካ ማቲዴስ’ ጊሼ ታ ሱንꬃራ ያና ሺን ኢንቴ ኢስታ ካሎፍቴ።  
\v 9 ኦላ ጊሺኔ ዴሬ ማካላቴꬃ ጊሽ ሲዪዛ ዎዴ ዳጋሞፍቴ። ሄሲ ዉሪ ካሴቲዲ ሃናናስ ቤሴስ፤ ዉርሴꬂ ጋኪዴስ፤ ጊዶ ኣቲን ሄራካ ሃኔና” ጊዴስ። 
\p  
\v 10 ቃሴ “ዴሬይ ዴሬ ቦላ፥ ካዎይ ካዎ ቦላ ዴንዳና።  
\v 11 ቢታይ ዎልቃማ ቃꬅ ቃፃና፤ ኮሻይኔ ቦሻይ ዱማ ዱማሶን ሃናና፤ ዳሮ ባቢሲዛዚኔ ሳሎፔ ጊታ ማላታይ ቤታና። 
\p  
\v 12 “ሄሲ ዉሪ ሃናናፔ ካሴቲዲ ኣሳይ ኢንቴና ኦይካናኔ ጎዳና፤ ኣይሁዳ ዎሳ ኬꬂኔ ቃሾ ኬꬄ ጌልꬃና፤ ካዎታ ሲንꬂኔ ዳናታ ሲንꬅ ሺሻና። ሄሲ ዉሪ ታ ሱንꬃ ጊሽ ኢንቴ ቦላ ጋካና።  
\v 13 ሄሲ ዉሪካ ማርካታናስ ሎዖ ቃዳ ጊዳና።  
\v 14 ሄሳ ጊሽ ኑና ኦይቺዛይታስ ኑ ኣይ ዛሪኖ? ጊዲ ካሴቲዲ ሂርጎንታ ማላ ሃይሳ ዎዝናን ዎꬂቴ። \x * \xo 21:14 \xt ሉቃ 12፡11-12\x* 
\v 15 ኢንቴ ሞርኬታፔ ኦኒካ ኢንቴናራ ኤቄታናሲኔ ባሌꬃናስ ዳንዳዮንታ ቃላኔ ጪንጫቴꬅ ታ ኢንቴስ ኢማና።  
\v 16 ኢንቴና ዬሊዳይቲኔ ኢንቴ ኢሻቲ፥ ኢንቴ ዳቦቲኔ ኢንቴ ላጌቲ ዉሪ ኢንቴና ኣꬂ ኢማና፤ ኢንቴፌ ባጋታ ዎꬋና።  
\v 17 ታ ሱንꬃ ጊሽ ኡባ ኣሳ ኣቻን ኢንቴ ኢፄታና።  
\v 18 ጊዶ ኣቲን ኢንቴ ሁዔ ቢናናታፔ ኢሲናካ ꬋዩኩ።  
\v 19 ኢንቴ ሚኒ ኤቂኮ ኢንቴ ሼምፖ ኢንቴ ኣሻና። 
\s1 ዬሱሲ ዬሩሳላሜ ꬋዮ ጊሻስ ካሴቲዲ ዮቲዴስ 
\r (ማቶ 24፡15-21፤ ማር 13፡14-19) 
\p  
\v 20 “ኦላ ኣሳይ ዬሩሳላሜ ጊዶꬂሺን ቤይኮ ኢዚስ ꬋዪዛ ዎዴይ ማቲዳይሳ ኤሪቴ።  
\v 21 ሄ ዎዴ ዩሁዳን ዲዛይቲ ፑዴ ዙማ ቦላ ጋንጌቶ፤ ካታማን ዲዛይቲካ ካታማፔ ኬዚቴ፤ ዴሬ ጊዶን ዲዛይቲካ ሄ ካታማዮ ጌሎፔቶ።  
\v 22 ፃፌቲዳይስ ዉሪ ፖሌታናስ ሃና ሃሎ ኬሲዛ ዎዴ። \x * \xo 21:22 \xt ሆሴ 9፡7\x* 
\v 23 ቢታ ቦላ ጊታ ሜቶይ ሃናና፤ ሃይሳ ዴሬዛ ቦላ ሃንቆይ ያና፤ ሄሳ ጊሽ ሄ ዎዴ ቃንꬃራ ዲዛ ማጫሳታሲኔ ꬋንꬂዛ ኣዬታስ ኣዬ ኣና!  
\v 24 ባጋ ኣሳይ ማሻን ሃይቃና፤ ባ ዴሬፔ ሃራ ዴሬ ዲዔታና፤ ዬሩሳላሜይካ ፆሴ ኤሮንታ ዴሬታ ዎዴይ ፖሌታና ጋካናስ፥ ፆሴ ኤሮንታ ኣሳታን ዬꬌቲዳሮ ጊዳና። 
\s1 ኣሳ ና ናምዓንꬆ ዩሳ ጊሽ 
\r (ማቶ 24፡29-31፤ ማር 13፡24-27) 
\p  
\v 25 “ኣዋ ኣርሼ ቦላ፥ ኣጊና ቦላኔ ፆሊንቴ ቦላ ማላታይ ቤታና፤ ኣባፌኔ ኣባ ዳምባላ ጊሪሳፌ ዴንዲዳይሳን ቢታ ቦላ ዲዛ ዴሬይ ሂርጋናኔ ሜቶቴታና። \x * \xo 21:25 \xt ኢሳ 13፡10፤ ሂዚ 32፡7፤ ኢዩ 2፡31፤ ኣጁ 6፡12-13\x* 
\v 26 ሳሎ ዎልቃማቲ ቃፂዛ ጊሽ ኣሳይ ቢታ ቦላ ኣዜ ሃናኔሻ ጉሳኒኔ ናጎን ፃላ ዳቡራና።  
\v 27 ሄ ዎዴ ኣሳ ናይ ዎልቃራ፥ ጊታ ቦንቾራኔ ሻራራ ዪሺን ቤያና። \x * \xo 21:27 \xt ዳኔ 7፡13፤ ኣጁ 1፡7\x* 
\v 28 ኢንቴካ ሃይቲ ሃ ታ ጊዳይቲ ፖሌቴꬅ ኦይኪሺን ኢንቴስ ኣቴꬃ ዎዴይ ማቲዳ ጊሽ ሲቲ ጊ ኤቂቴ፤ ኢንቴ ኣይፌ ፑዴ ꬎቁ ሂስቲቴ” ጊዴስ። 
\s1 ጎዳ ዩሳ ማላቲዛ ባላሴ ሚꬃይ ሌሚሶ 
\p  
\v 29-30 ካሌꬂዲ “ባላሴ ሚꬂኔ ሃራ ሚꬃታ ዉርሲ ፄሊቴ፤ ሄ ሚꬃቲ ሃይꬄ ኬሲሺን ኢንቴ ቤዪዛ ዎዴ ቦኔይ ማቲዳይሳ ኢንቴ ኤሬታ።  
\v 31 ሄሳꬆካ ሃይታንቲ ጌቴቲዳይቲ ፖሌቲሺን ኢንቴ ቤዪዛ ዎዴ ፆሳ ካዎቴꬂ ኢንቴኮ ማቲዳይሳ ኤሪቴ። 
\p  
\v 32 “ታ ኢንቴስ ቱሙ ጋይስ፤ ሃይሲ ዉሪ ፖሌታና ጋካናስ ሃ ዬሌታይ ኣꬌና።  
\v 33 ሳሎይኔ ሳዓይ ኣꬋና ሺን ታ ቃላይ ኣꬌና። 
\p  
\v 34 “ሂስቲኮ ዎጋይ ባይንዳ ዱሳን፥ ዳሮ ኡሻኒኔ ዱሳስ ሂርጋን ኢንቴ ዎዝናይ ዳቡሮፖ፤ ሄሳ ኦꬆንታ ኢፂኮ ሄ ጋላሳይ ኢንቴ ቆፖንታ ናርፃ ማላ ኢንቴ ቦላ ጋኮንታ ማላ ናጌቲቴ።  
\v 35 ሃይሲ ቢታ ቦላን ዲዛ ኣሳ ኡባ ቦላ ጋካና።  
\v 36 ሄሳ ጊሽ ቡሮ ያናይሳፌ ኢንቴ ኬሲ ኤካና ማላኔ ኣሳ ና ሲንꬃን ኤቃናስ ዳንዳያና ማላ ኡባ ጋላስ ሚኒዲ ዎሲቴ” ጊዴስ። 
\p  
\v 37 ዬሱሲ ጋላስ ጋላስ ፆሳ ኬꬃን ታማርሲ ታማርሲዲ ኦማርስ ኦማርስ ዳብራዛይቴ ጌቴቲዛ ዙማ ቦላ ኬዚ ኬዚ ኣቄስ። \x * \xo 21:37 \xt ሉቃ 19፡47\x* 
\v 38 ኣሳይ ዉሪካ ኢዛፔ ሲያናስ ማላዶ ዎንታራ ዬሱሳኮ ፆሳ ኬꬄ ዬስ። 
\c 22  
\s1 ዬሱሳ ቦላ ማቄቲዳ ማቆ 
\r (ማቶ 26፡1-5፤ 14፡16፤ ማር 14፡1-2፤ ዮሃ 11፡45-53) 
\p  
\v 1 ሄ ዎዴ ፓዚጋ ጌቴቲዛ ኡኬꬃራ ቦንቼቲዛ ባዓሌይ ማቲ ኡቲዴስ። \x * \xo 22:1 \xt ኬሳ 12፡1-27\x* 
\v 2 ቄሴታ ሃላቃቲኔ ፃፌቲ ሃንኮ ዴሬ ኣሳስ ባቢዛ ጊሽ ዬሱሳ ꬋይሳና ኦጌ ኮይዳ። 
\s1 ዩሁዳይ ዬሱሳ ኣꬂ ኢማና ዞሬቲዴስ 
\r (ማቶ 26፡14-16፤ ማር 14፡10-11) 
\p  
\v 3 ዬሱሳ ካሊዛ ታማኔ ናምዓታፔ ኣስቆሮንቶ ዴሬ ኣሳ ዩሁዳ ጌቴቲዛይሳን ፃላዔይ ጌሊዴስ።  
\v 4 ዩሁዳይካ ቄሴታ ሃላቃታኮኔ ፆሳ ኬꬃ ኣላፌታኮ ቢዲ ኢስታስ ዬሱሳ ዎስት ኣꬂ ኢማናኮኔ ኢስታራ ሃሳዬቲዴስ።  
\v 5 ኢስቲካ ሄሳን ኡፋዬቲዲ ሚሼ ኢማናስ ኢዛራ ጊጊዳ።  
\v 6-7 ዩሁዳይካ ኢስታ ቆፋ ዶሲዴስ፤ ዬሱሳ ኢስታስ ኣሲ ቤዮንታ ኣꬂ ኢማናስ ኢንጄ ዎዴ ናጊሺን ፓዚጋ ዶርሳ ሹኪዲ ኡኬꬃራ ቦንቺዛ ባዓሌ ጋላስ ጋኪዴስ። 
\s1 ዬሱሲ ባና ካሊዛይታራ ፓዚጋ ካዎ ሚዴስ 
\r (ማቶ 26፡17-25፤ ማር 14፡12-21፤ ዮሃ 13፡21-30) 
\p  
\v 8 ዬሱሲካ ባና ካሊዛይታ “ፓዚጋ ካዎ ማናስ ቢዲ ኑስ ጊጊሲቴ” ጊዲ ጴፅሮሳኔ ዮሃኒሳ ኪቲዴስ። 
\p  
\v 9 ኢስቲካ “ኑ ኣዋን ጊጊሳና ማላ ኮያይ?” ጊዳ። 
\p  
\v 10 ኢዚካ ዛሪዲ “ኢንቴ ጌዴ ዬሩሳላሜ ካታማ ጌሊሺን ሃꬃ ኦቶ ቶኪዳ ኣሲ ኢንቴና ዴሜና፤ ኢንቴካ ኢዚ ቢዲ ጌሊዛ ኬꬄ ጋካናስ ኢዛ ካሊቴ።  
\v 11 ኬꬃዴዛስ ‘ኣስታማሬይ ታና ካሊዛይታራ ፓዚጋ ካዎ ማናስ ኢማꬃ ኬꬂ ኣዋን ዲዜ?’ ጌስ ጊቴ።  
\v 12 ኢዚካ ኢማꬃስ ጊጌቲዳ ኣሆሶ ኢንቴና ቤሳና፤ ኢዚ ቤሲዛ ሶን ጊጊሲቴ” ጊዴስ።  
\v 13 ኢስቲካ ቢዲ ዬሱሲ ጊዳ ማላ ኬꬃ ዴሚዲ ፓዚጋ ሄን ጊጊሲዳ። 
\s1 ጎዳ ካዎ ኤኮ ዎጋ 
\r (ማቶ 26፡26-30፤ ማር 14፡22-26፤ 1ቆሮ 11፡23-25) 
\p  
\v 14-15 ዎዴይ ጋኪዳ ማላ ዬሱሲ ሃዋሬታራ ቁማ ማዳን ኡቲዲ “ታ ዋዬ ቤያናፔ ካሴታዳ ሃይሳ ፓዚጋ ኢንቴናራ ኢሲፌ ማናስ ኬሂ ኣሞታዲስ።  
\v 16 ታ ኢንቴስ ቱሙ ጋይስ፤ ፆሳ ካዎቴꬃን ሃይሳ ቢርሼꬂ ፖሌታና ጋካናስ ሃይሳ ፓዚጋ ናምዓንꬆ ታ ኢንቴናራ ሚኬ” ጊዴስ። 
\p  
\v 17 ዎይኔፔ ኦሴቲዳ ኡሻ ፁዓራ ኤኪዲኔ ፆሳ ጋላቲ ሲሚዲ “ሄይቴ፤ ዉሪካ ኢዛፔ ኡይቴ” ጊዲ ኢስታስ ኢሚዴስ።  
\v 18 “ታ ኢንቴስ ቱሙ ጋይስ፤ ሃይሳፌ ጉዬ ፆሳ ካዎቴꬂ ያና ጋካናስ ናምዓንꬆ ሃ ዎይኔ ኡሻፌ ኡዪኬ” ጊዴስ። 
\p  
\v 19 ኡኬꬃ ኤኪዲ ፆሳ ጋላቲዴስ። ኢዛፔ ኢስታስ ሜንꬂ ኢሚዲ “ሃይሲ ኢንቴ ጊሽ ኢሜታና ታ ኣሾ ሌሚሶ ጊዲዛ ጊሽ ሃይሳ ኡባ ዎዴ ታና ቆፓናስ ኦꬂቴ” ጊዴስ።  
\v 20 ኢዛꬆካ ካዎፔ ጉዬ ኡሻ ፁዓ ዴንꬂዲ “ሃይሲ ኡሻይ ኢንቴ ጊሽ ታ ሱꬃን ሃናና ኦራꬅ ጫቆ ዎጋ። \x * \xo 22:20 \xt ኤር 31፡31-34\x* 
\p  
\v 21 “ጊዶ ኣቲን ታና ኣꬂ ኢማናዴ ኩሼይ ታ ኩሼራ ኢሲፌ ማዳን ዴስ። \x * \xo 22:21 \xt ማዛ 41፡9\x* 
\v 22 ኣሳ ናይ ካሴቲዲ ኢዛ ጊሽ ሃናናይሲ ዉሪ ኡቲዳ ማላ ኢዚ ባና፤ ጊዶ ኣቲን ኢዛ ኣꬂ ኢሚዛዴስ ኣዬ-ኣና” ጊዴስ። 
\p  
\v 23 ኢስቲካ ሄሳ ኦꬃናይ ኦኔ? ጊዲ ባ ጊዶን ኢሶይ ኢሳ ኦይሼሬꬂዳ። 
\p  
\v 24 ቃሴካ “ኦኒ ኦናፔ ኣꬊዛኮኔ” ጊዲ ባ ጊዶን ኢሶይ ኢሳራ ፓላሜቲዳ። \x * \xo 22:24 \xt ማቶ 18፡1፤ ማር 9፡34፤ ሉቃ 9፡46\x* 
\v 25 ዬሱሲካ ኢስታ “ዴሬ ሃሪዛ ካዎቲ ባ ዴሬ ኣሳ ዎልቃራ ሃሬቴሲኔ ኢስቲካ ሎዖ ካዎታ ጌቴቲዲ ፄይጌቴቴስ። \x * \xo 22:25 \xt ማቶ 20፡25-27፤ ማር 10፡42-44\x* 
\v 26 “ኢንቴ ጊዲኮ ሄሳꬆ ሃኖፒቴ፤ ኢንቴፌ ጊታ ጊዲዳዴይ ዎይኮ ታ ኦፔካ ኣꬋይስ ጊዛ ኣሲ ኡባፌ ቄሪ ና ማላ ጊዶ፤ ሃሪዛዴይ ሃሬቲዛዴ ማላ ጊዶ። \x * \xo 22:26 \xt ማቶ 23፡11፤ ማር 9፡35\x* 
\v 27 ቁማ ኤቂዲ ሚዚዳዴፌኔ ኡቲዲ ሚዛዴፌ ኦኒ ኣꬊዜ? ኡቲዲ ሚዛዴ ጊዴኔ? ታኒ ቃሴ ኢንቴ ጊዶን ኣሽካራ ማላ ዳይስ። \x * \xo 22:27 \xt ዮሃ 13፡12-15\x* 
\p  
\v 28 “ኢንቴን ጊዲኮ ታፔ ሻኬቶንታ ታ ዋዪሺን ታ ማታን ኤቂዳይታ።  
\v 29 ታ ኣዋይ ታና ካዎꬂዳይሳ ማላ ታኒካ ታ ካዎቴꬃን ኢንቴና ካዎꬃና።  
\v 30 ሄሲካ ታ ካዎቴꬃን ታ ማዳፌ ኢንቴ ማና ማላኔ ኡያና ማላ። ቃሴካ ታ ካዎቴꬃ ኣልጋን ኡቲዲ ታማኔ ናምዑ ኢስራዔሌ ናይታ ቦላ ፒርዳናሳ” ጊዴስ። \x * \xo 22:30 \xt ማቶ 19፡28\x* 
\s1 ጴፅሮሲ ኢዛ ካዳናይሳ ዬሱሲ ካሴቲዲ ዮቲዴስ 
\r (ማቶ 26፡31-35፤ ማር 14፡27-31፤ ዮሃ 13፡36-38) 
\p  
\v 31 ቃሴካ ዬሱሲ ሲሞና ፄይጊዲ “ሲሞና! ፃላዔይ ኢንቴና ጊስቴ ማላ ሱራጋናስ ዎሲዴስ።  
\v 32 ጊዶ ኣቲን ታኒ ኔፔ ኣማኖይ ꬋዮንታ ማላ ኔ ጊሽ ፆሳ ዎሳዲስ፤ ኔካ ሲሚዳ ዎዴ ኔ ኢሻታ ሚንꬄꬃ” ጊዴስ። 
\p  
\v 33 ሲሞኒካ ዛሪዲ “ጎዶ! ታ ኔናራ ቃሼታናሲኔ ሃይቃናስ ጊጋ ኡታዲስ” ጊዴስ። 
\p  
\v 34 ዬሱሲካ ዛሪዲ “ጴፅሮሳ ሃች ኩቶይ ኢሲቶ ዋሳናስ ‘ታ ኢዛ ኤሪኬ’ ጋዳ ሄꬑቶ ኔ ታና ካዳና” ጊዴስ። 
\p  
\v 35 ቃሴካ ዬሱሲ ኢስታ “ታ ኢንቴና ካሴ ጫማይ፥ ኮሮጆይኔ ቃራፂቴ ባይንዳ ኪቲዳ ዎዴ ኢንቴስ ኣዚ ፓጪዴ?” ጊዲ ኦይቺዴስ። ኢስቲካ “ኣይኮይካ ፓጪቤና” ጊዳ። \x * \xo 22:35 \xt ማቶ 10፡9-10፤ ማር 6፡8-9፤ ሉቃ 9፡3፤ 10፡4\x* 
\p  
\v 36 ኢዚካ ዛሪዲ “ሃዒ ጊዲኮ ኮሮጆካ ቃራፂቴይካ ዲዛዴይ ኦይኮ፤ ጊꬃ ማሻይ ባይንዳዴይ ባ ማይዖ ባይዚዲ ሻሞ።  
\v 37 ታ ኢንቴስ ቱማ ጋይስ ‘ማካላታራ ኢዚ ኢሲፌ ታይቤቲዴስ’ ጌቴቲ ካሴ ፃፌቲዳ ቃላይ ታ ቦላ ፖሌታና ቤሴስ፤ ታ ጊሽ ፃፌቲዳይሳስ ፖሎይ ቱማፔ ጋኪዴስ” ጊዴስ። \x * \xo 22:37 \xt ኢሳ 53፡12\x* 
\p  
\v 38 ኢዛ ካሊዛይቲ ቃሴ “ጎዶ! ሄኮ ናምዑ ጊꬃ ማሻቲ ሃይሳን ዴቴስ” ጊዳ። ኢዚካ ኢዛ ጊሽ “ሃይሲ ጊዳና” ጊዴስ። 
\p  
\v 39 ካሴ ኢዛስ ሎሴ ጊዲዳ ማላ ፑዴ ዳብራዛይቴ ጌቴቲዛ ዙማ ቦላ ኬዚ ቢዴስ። ኢዛ ካሊዛይቲካ ኢዛ ካሊ ቢዳ።  
\v 40 ሄ ጋኪዳ ማላ “ኢንቴ ፓጬን ጌሎንታ ማላ ዎሲቴ” ጊዴስ።  
\v 41 ዬሱሲ ባና ካሊዛይታፔ ኣሲ ሹች ኦሊዲ ጋꬃናሶ ማላ ሃኪ ቢዲ ጉልባቲ ዎሲዴስ።  
\v 42 “ታ ኣዋዉ! ኔ ሼኔ ጊዲኮ ሃኖ ሜቶዮ ታፔ ዲጋ፤ ጊዶ ኣቲን ኔ ሼኔይ ሃኖፔ ኣቲን ታ ሼኔይ ሃኖፖ” ጊዲ ዎሲዴስ።  
\v 43 ሳሎፔ ኪታንቻይ ቆንጪዲ ዬሱሳ ሚንꬄꬂዴስ።  
\v 44 ኢዚካ ኬሂ ፁጌቲዲ ዎሲሺን ኢዛ ኣሳቴꬃፌ ጫዋይ ሱꬃ ማላ ጉኪዴስ። 
\p  
\v 45 ዎሳፔ ዴንዲዲ ባና ካሊዛይታኮ ቢዴስ። ኢስቲካ ኢዛስ ሚሼቲዲ ቆፒሺን ꬊስኮይ ኤፊዳሼ ዬሱሲ ኢስታኮ ዪዲ፥  
\v 46 “ኣይስ ꬊሲኬቲ? ኢንቴ ፓጬን ጌሎንታ ማላ ሃዒ ዴንዲዲ ዎሲቴ” ጊዴስ። 
\s1 ዬሱሲ ኣꬊ ኢሜቲዴሲኔ ኦይኬቲዴስ 
\r (ማቶ 26፡47-56፤ ማር 14፡43-50፤ ዮሃ 18፡3-11) 
\p  
\v 47 ኢዚ ቡሮ ሃሳያን ዲሺን ዬሱሳ ካሊዛይታፔ ኢሶይ ዩሁዳ ጌቴቲዛይሲ ባናራ ዳሮ ኣሳ ካሌꬂ ኤኪ ዪዲ ዬሱሳ ዬራናስ ኢዛኮ ሺቂዴስ።  
\v 48 ጊዶ ኣቲን ዬሱሲ ኢዛ “ዩሁዳ! ታና ኣሳ ና ዬሮን ኣꬃ ኢማይ?” ጊዴስ። 
\p  
\v 49 ዬሱሳ ዩዪ ኣꬊ ዲዛ ኣሳይ ሃኖዛ ሎዔꬂ ፄሊዲ “ጎዶ! ሃይታንታ ማሻራ ቡꬂኖ?” ጊዳ።  
\v 50 ኢስታፌ ኢሶይ ቄሴታ ኣላፌ ኣሽካራ ኡሻቻ ሃይꬄ ማሻራ ቃንፂዴስ። 
\p  
\v 51 ዬሱሲ ኢስታ “ኢንቴ ሃዒ ታስ ኣጊቴ!” ጊዲ ኣሽካራ ሃይꬃ ቦቺዲ ፓꬂዴስ። 
\p  
\v 52 ቃሴካ ኢዛ ኦይካና ዪዳ ቄሴታ ሃላቃታ ፆሳ ኬꬃ ኣላፌታኔ ጪማታ “ፓንጋ ኦይኪዛ ኣሳ ማላ ጊꬃ ማሻኔ ዱርቃ ኤኪዲ ዪዴቲ?  
\v 53 ጋላስ ጋላስ ታ ኢንቴናራ ፆሳ ኬꬃን ዲሺን ታ ቦላ ኩሼ ዎꬂቤኬታ፤ ሃይሲ ꬉማይ ካዎቲዳ ኢንቴ ዎዴ” ጊዴስ። 
\p  
\v 54 ሄሳፌ ጉዬ ዬሱሳ ኦይኪ ኤኪዲ ቄሴታ ሃላቃሶ ጌሊዳ፤ ጴፅሮሲካ ዬሱሳ ሃሆራ ካሊዴስ።  
\v 55 ኣሳይ ቄሴታ ሃላቃ ጋꬃን ታማ ኤꬂዲ ሆዒሼ ኢሲ ቦላ ኡቲዳሼ ጴፅሮሲካ ኢስታራ ኢሲፌ ኡቲዴስ።  
\v 56 ኢሲ ጋራዴያ ጴፅሮሲ ታማ ሆዒዛይታራ ኡቲዳይሳ ቤያዳኔ ቲሺ ኦꬃ ፄላዳ “ሃይሲ ኣዴዚካ ዬሱሳራ ዴስ!” ጋዱስ። 
\p  
\v 57 ጴፅሮሲካ “ሃኔ ማጫሳዬ! ታ ኢዛ ኤሪኬ” ጊዲ ካዲዴስ። 
\p  
\v 58 ጉꬅ ጋምዒሺን ሃራ ኢሳዴይ ኢዛ ቤዪዲ “ኔካ ኢዛራ ዲዛይታፔ ኢሳ ጊዲኪ?” ጊዴስ። ጴፅሮሲካ “ሃይሶ ታኒ ኢስታራ ዲኬ!” ጊዴስ። 
\p  
\v 59 ኢሲ ሳቴ ማላ ጋምዒሺን ሃራ ኣሲ ቃሴካ “ጋሊላ ኣስ ጊዲዛ ጊሽ ሲꬌይ ባይንዳ ሃይሲ ኢዛራ ዴስ” ጊዴስ። 
\p  
\v 60 ጴፅሮሲካ ቃሴ “ሃይሶ ኔ ጊዛዴ ታ ኤሪኬ!” ጊዴስ። ሂኖ ጊ ኬሶንታ ዲሺን ኩቶይ ዋሲዴስ።  
\v 61 ጎዳይካ ጴፅሮሳኮ ዪሼ ፄሊን ጴፅሮሲ “ሃች ኩቶይ ዋሳናስ ኔ ታና ሄꬑቶ ካዳና” ጊዲ ጎዳይ ካሴ ዮቶ ቃላይ ኢዛ ዎዝናን ካርፕ ጊዴስ።  
\v 62 ጴፅሮሲካ ካሬ ኬዚዲ ሂቂሚዲ ዬኪዴስ። 
\p  
\v 63 ዬሱሳ ቃቺዲ ናጊዛ ኣሳቲካ ኢዛ ቦላ ቂꬊ ቂꬊ ካዒሼ ሾጬሬꬂዳ።  
\v 64 ኢዛ ኣይፌ ጎዚዲ “ኔ ናቤ ጊዲኮ ኔና ሾጪዳይ ኦናኮኔ ኣኔ ኤራ!” ጊዲ ኦይቺዳ።  
\v 65 ሃራ ዳሮ ጫሻ ቃላራ ካዉሺዳ። 
\s1 ዬሱሳ ኣይሁዳታ ፒርዳ ዱላታ ሲንꬅ ኤፊዳ 
\r (ማቶ 26፡59-66፤ ማር 14፡55-64፤ ዮሃ 18፡19-24) 
\p  
\v 66 ጋዴይ ዎንቲን ዴሬ ጪማቲ፥ ቄሴታ ሃላቃቲኔ ሙሴ ዎጋ ታማርሲዛይቲ ዱላታ ሺቂዲ ዬሱሳ ዱላታኮ ሺሺዳ።  
\v 67 ኢስቲካ ዬሱሳ “ኔ ኪርስቶሴ? ኣኔ ኑስ ዮታ” ጊዳ። ዬሱሲካ “ታ ኢንቴስ ዮቲዳኮካ ታና ኣማኔኬታ።  
\v 68 ታ ኢንቴና ኦይቺዳኮ ታስ ዛሬኬታ።  
\v 69 ጊዶ ኣቲን ሃዒፔ ዶሚዲ ኣሳ ናይ ዎልቃማ ፆሳ ኡሻቻን ኡታና” ጊዴስ። 
\p  
\v 70 ሄ ዎዴ ዉሪካ “ሂስቲን ኔ ፆሳ ና?” ጊዲ ኦይቺዳ። ኢዚካ “ታ ፆሳ ና ጊዲዳይሳ ኢንቴካ ጌታ” ጊዴስ። \f + \fr 22:70 \fq ፆሳ ና? \ft ጊዛ ኦይሻይ ኢሲ ኢሲ ባጋ ጋሞꬆ ቃላን ፆሳ ናይ? ጌቴቴስ።\f* 
\p  
\v 71 ኢስቲካ “ሄኮ ኢዚ ባ ዱናራ ማርካቲሺን ኑ ሃይꬃራ ሲይዶስ፤ ሃይሳፌ ሃራ ማርካ ኣዛስ ኮሺዜ?” ጊዳ። 
\c 23  
\s1 ዬሱሲ ጲላፆሳ ሲንꬅ ሺቂዴስ 
\r (ማቶ 27፡1-2፥11-14፤ ማር 15፡1-5፤ ዮሃ 18፡28-38) 
\p  
\v 1 ሄን ሺቂዳ ኣሳይ ዉሪ ዴንዲዲ ዬሱሳ ጲላፆሳኮ ኤኪ ቢዴስ።  
\v 2 “ኣይስ ኑ ኣሳይ ቄሳሬስ ጊራ ጊሮንታ ማላ ባሌꬂሼኔ ባና ‘ታኒ ኪርስቶሲ ካዎ’ ጊዲ ባሌꬂሺን ሃይሳ ኣዴዛ ዴሚዶስ” ጊዲ ሞቲዳ። 
\p  
\v 3 ጲላፆሲካ ዬሱሳ “ኔኒ ኣይሁዳታ ካዎ?” ጊዲ ኦይቺዴስ። ዬሱሲካ ዛሪዲ “ኔ ጊዳ ማላ” ጊዴስ። 
\p  
\v 4 ጲላፆሲካ ቄሴታ ሃላቃታሲኔ ሺቂዳ ኣሳስ “ሃይሳ ኣዴዛ ቦላ ኢዛ ሞቲሲዛ ኢታ ዮዖ ዴማቤኬ” ጊዴስ። 
\p  
\v 5 ኢስቲ ዛሪዲ “ሃይሲ ኣዴዚ ጋሊላፔ ሃይሳ ጋካናስ ኩሜꬃ ዩሁዳ ዋዪሶ ቦላ ዴስ” ጊዲ ሚንꬂ ዮቲዳ። 
\s1 ዬሱሲ ሄርዶሳ ሲንꬅ ሺቂዴስ 
\p  
\v 6 ጲላፆሲ ኣሳይ ጊዛይሳ ሲይዲ “ዬሱሲ ጋሊላ ኣሳኮኔ ጊዲ ሎዔꬂ ኤራናስ” ኦይቺዴስ።  
\v 7 ዬሱሲ ሄርዶሳ ካዎቴꬃ ጊዶን ዲዛይሳ ሻኪ ኤሪዲ ሄ ዎዴ ሄርዶሲ ዬሩሳላሜን ዲዛ ጊሽ ኢዛኮ ዬሱሳ ዬዲዴስ። 
\p  
\v 8 ሄርዶሲካ ካሴ ዬሱሳ ቤያናስ ዳሮ ኮዪሼ ዲዛ ጊሽ ዬሱሳ ቤዪዲ ኬሂ ኡፋይዴስ። ኢዛ ጊሽ ካሴ ሲይዲ ኢዚ ኦꬂሺን ቤያናስ ኮይዲ ኡፋዬቲዴስ።  
\v 9 ዳሮ ኦይሻታካ ኢዛ ኦይሼሬቺዴስ ሺን ዬሱሲ ኢዛ ኦይሻ ዛሪቤና።  
\v 10 ቄሴ ሃላቃቲኔ ፃፌቲ ሄን ኢዛ ማታን ኤቂዲ ኬሂ ዎርዶ ሞቶ ሞቲዳ።  
\v 11 ሄርዶሲካ ባ ዎታዳራታራ ኢሲፌ ኢዛ ካꬊዳ፤ ካዎ ማይዖ ማይዚዲ ጌዴ ጲላፆሳኮ ዛሪ ዬዲዴስ።  
\v 12 ሄርዶሲኔ ጲላፆሲ ካሴ ባ ጊዶን ኢሶይ ኢሳራ ኦሻ ሺን ሄ ጋላስ ጊጊዳ። 
\s1 ዬሱሳ ቦላ ሃይቆ ፒርዳይ ፒርዴቲዴስ 
\r (ማቶ 27፡15-26፤ ማር 15፡6-15፤ ዮሃ 18፡39-19፡16) 
\p  
\v 13 ጲላፆሲ ቄሴታ ሃላቃታራ፥ ዴሬ ዳናታራኔ ዴሬ ኣሳ ሺሺዲ፥  
\v 14 “ሃይሲ ኣዴዚ ኣሳይ ዉሪ ማካላና ማላ ዴንꬄꬄስ ጊዲ ኢንቴ ታኮ ኤሂን ታ ቆርን ኢዛ ኦይꬂዛ ኢሲ ኢታ ሚሺካ ዴማቤኬ።  
\v 15 ቃሴካ ሄርዶሲ ኢሲ ኢታ ሚሺካ ኢዛ ቦላ ዴሞንታ ኣጊዳ ጊሽ ሃ ኑኮ ዛሪ ዬዲዴስ። ሃዒ ኢንቴ ቤዪዛ ማላ ኢዛ ሃይቆስ ጋꬂዛ ኢሲ ኢታ ሚሺካ ኦꬂቤና።  
\v 16 ሄሳ ጊሽ ቃፃያዳ ታ ኢዛ ዬዳና” ጊዴስ።  
\v 17 ኢዚ ሄሳ ጊዳይ ኢስታ ባዓሌ ጋላስ ቃሼቲዳ ኣሳፔ ኢሳዴ ቢርሺዛ ዎጋይ ዲዛ ጊሻሳ።\f + \fr 23:17 \ft ኢሲ ኢሲ ጌሻ ማፃፋቲ ፓይዶ 17 ቦላ ዲዛ ቆፋ ጉጄቴስ፤ ቆፋዚካ ማርቆሳን ሼምፖ 15፡6 ዲዛይሳ ሚሳቴስ።\f* 
\p  
\v 18 ዴሬይ ዉሪካ ኢሲ ቦላ “ባርባኔ ቢርሻዳ ሃይሳ ኣዴዛ ዲጋ!” ጊዲ ዋሲዴስ።  
\v 19 ባርባኔይ ካታማ ጊዶን ኣሳ ማካላ ዮዖን ዴንꬄꬂዲ ኣስ ዎꬊ ቃሼቲዳ ኣሳ። 
\p  
\v 20 ጲላፆሲካ ዬሱሳ ቢርሻናስ ኮይዳ ጊሽ ቃሴካ ዛሪዲ ኦይቺዴስ።  
\v 21 ኣሳይ ዛሪዲ ኢዛ “ካቃ! ካቃ!” ጊዲ ዋሲዴስ። 
\p  
\v 22 ጲላፆሲ ሄꬓንꬆካ “ኣዛስ ካቆ? ሃይሲ ኣዴዚ ኣይ ኢታ ኦꬂዴ? ታኒ ኢዛ ሃይቆስ ጋꬂዛ ኢታ ኦሶ ኢዛ ቦላ ቤያቤኬ፤ ሄሳ ጊሽ ቃፃያዳ ታ ኢዛ ቢርሻ ዬዳና” ጊዴስ። 
\p  
\v 23 ኣሳይካ ቃላ ꬎቁ ሂስቲዲ ዬሱሲ ካቄታና ማላ ጲላፆሳ ኬሂ ዎሲሼ ዋሲዳ።  
\v 24 ሄሳ ጊሽ ጲላፆሲ ኢስታ ኦይሾይ ፖሌታና ማላ ኣዛዚዴስ።  
\v 25 ኣሳ ማካሊሲዲ ሼምፖ ዎꬊዳ ጊሽ ቃሼቲዳይሳ ቢርሻና ማላ ኢስቲ ዎሲዳዴ ቢርሺዲ ቃሴካ ዬሱሳ ኢስቲ ዶሲዳ ማላ ኦꬄቶ ጊዲ ዴራስ ኣꬂ ኢሚዴስ። 
\s1 ዬሱሳ ካቄቴꬅ 
\r (ማቶ 27፡31-44፤ ማር 15፡21-32፤ ዮሃ 19፡17-27) 
\p  
\v 26 ኢስቲካ ዬሱሳ ኦይኪዲ ኤኪ ቢሺን ቃሬና ጌቴቲዛ ካታማፔ ኢሲ ሲሞና ጌቴቲዛ ኣዴይ ሃሆፔ ዪዛይሳ ዴሚዳ ዬሱሲ ካቄታና ማስቃሌ ኮጫ ኢዚ ቶኪዲ ዬሱሳ ካላና ማላ ዎልቃꬂዳ። 
\p  
\v 27 ዳሮ ዴሬይ ባ ቲራ ኢጪ ኢጪ ዬኪዛ ማጫሳቲ፥  
\v 28 ዬሱሳፔ ጉዬራ ኢዛ ካሊዳ። ዬሱሲ ኢስታኮ ሲሚ ፄሊዲ “ኢንቴ ዬሩሳላሜ ማጫሳይ ኢንቴሲኔ ኢንቴ ናይታስ ዬኪቴ ኣቲን ታስ ዬኮፍቴ።  
\v 29 ‘ሲንꬃፌ ኢንቴ ሄኮ ማካራ ጊዲዳ ማጫሳቲ፥ ዬሎንታ ኡሎቲኔ ናይ ꬋሞንታ ꬋንꬃቲ ኣንጄቲዳይታ!’ ጋና ዎዴይ ሲንꬃራ ዬስ።  
\v 30 ሄ ዎዴ ኣሳይ ‘ዙማቶ! ኑ ቦላ ዎዲቴ፤ ቄሪ ዙማቲካ ኑና ቆቲቴ!’ ጋና። \x * \xo 23:30 \xt ሆሴ 10፡8፤ ኣጁ 6፡16\x* 
\v 31 ሂስቲን ቃዬ ሚꬃ ቦላ ሃይሳꬆ ኦꬂዳይቲ ሜላ ሚꬃ ቦላ ዎስታኔሻ?” ጊዴስ። 
\p  
\v 32 ኢዛራ ኢሲፌ ሃይቃና ማላ ሃራ ናምዑ ኢታ ኦꬂዳ ኣሳታ ኢዛራ ኤፊዳ።  
\v 33 ቃራኒዮ ጌቴቲዛሶ ጋꬂዲ ካቂዳ። ኢታ ኦꬂዳይታፔ ኢሳ ኡሻቻ ባጋራ ኢሳ ሃዲርሳ ባጋራ ካቂዳ።  
\v 34 ዬሱሲካ “ታ ኣዋዉ! ሃይቲ ባ ኦꬂዛይሳ ኤሪዲ ኦꬆንታ ጊሽ ኢስታስ ኣቶ ጋ!” ጊዴስ። ኢስቲካ ኢዛ ማይዖዛ ሳማ ዬጊዲ ባ ጊዶን ጊሼቲ ኤኪዳ። \x * \xo 23:34 \xt ማዛ 22፡18\x* 
\v 35 ሄሲ ሃኒሺን ኣሳይ ዉሪ ኤቂ ፄሊዴስ፤ ዳናቲካ “ኢዚ ሃራ ኣሳ ኣሺዴስ ሺን ፆሳፌ ዶሬቲዳ ኪርስቶሲ ኢዛ ጊዲኮ ኣኔ ሃዒ ባና ኣሾ” ጊዲ ቂꬊዳ። \x * \xo 23:35 \xt ማዛ 22፡7\x* 
\p  
\v 36 ዎታዳራቲካ ሺቂዲ ዎይኔፔ ኣጌቲዳ ጫላ ኡሻ ኡሺዲ ኢዛ ቂꬊዳ። \x * \xo 23:36 \xt ማዛ 69፡21\x* 
\v 37 “ኔኒ ኣይሁዳ ካዎ ጊዲኪ? ኣኔ ሃዒ ኔና ኣሻ” ጊዳ። 
\p  
\v 38 ኢዛ ሁዔፔ ቦላ ባጋራ ማስቃሌ ኮጫ ቦላ “ሃይሲ ኣይሁዳታ ካዎ” ጊዛ ቃላ ፃፊ ቃጲዳ። 
\s1 ዬሱሲ ናምዑ ፓንጋታራ ካቄቲዴስ 
\r (ማቶ 27፡38-44፤ ማር 15፡27-32) 
\p  
\v 39 ኢታ ኦꬂዲ ካቄቲዳ ኣሳታፔ ኢሶይ ጫሻ ቃላ ዬሱሳ ቦላ ቆቆፊዴስ። “ኔ ኪርስቶሳ ጊዲኪ? ኣኔ ኔናካ ኑናካ ኣሻ” ጊዴስ። 
\p  
\v 40 ኢታ ኦሲዳይታፔ ኢሶይ “ኔኒ ኔስ ቤሲዛ ፒርዳ ኤካሼ ፆሳስ ባቢኪ?  
\v 41 ኑኒ ኑ ኦꬂዳ ኢታ ኦሶስ ቤሲዛይሳ ኤኮስ፤ ሃይሲ ኣዴዚ ጊዲኮ ኢሲ ኢታካ ኦꬂቤና” ጊዴስ። 
\p  
\v 42 ዬሱሳ “ኔኒ ኔ ካዎቴꬃራ ዪዛ ዎዴ ታና ቆፓ!” ጊዴስ። 
\p  
\v 43 ዬሱሲካ ዛሪዲ “ታ ኔስ ቱሙ ጋይስ፤ ሃች ኔ ታናራ ጋናቴን ዳና” ጊዴስ። 
\s1 ዬሱሲ ሃይቂዴስ 
\r (ማቶ 27፡45-56፤ ማር 15፡33-41፤ ዮሃ 19፡28-30) 
\p  
\v 44 ሄሳ ዎዴ ጋዴይ ሴታ ጋላስ ሺን ቢዲ ኡዱፉን ሳቴ ጋካናስ ኩሜꬃ ቢታ ቦላ ꬉማይ ꬉሚዴስ።  
\v 45 ኣዋ ኣርሼ ፖዖይ ዲጌቲዴስ። ፆሳ ኬꬃ ማጋላሻይካ ዳኬቲዲ ናምዑ ኬዚዴስ። \x * \xo 23:45 \xt ኬሳ 26፡31-33\x* 
\v 46 ዬሱሲካ ኬሂ ዋሲዲ “ታ ኣዋዉ! ታኒ ታ ሼምፖ ኔ ኩሼን ኢማይስ” ጊዳ ማላ ሼምፖ ኬዚዴስ። \x * \xo 23:46 \xt ማዛ 31፡5\x* 
\p  
\v 47 ማቶ ሃላቃይ ሄሳ ቤዪዲ “ሃይሲ ኣዴዚ ቱማፔ ፂሎ ኣሳኮሺን” ጊዲ ፆሳ ጋላቲዴስ። 
\p  
\v 48 ሄሳ ቤያናስ ሄን ሺቂዲ ዴሬይ ዉሪ ሄ ሃኒዳይሳ ቤዪዲ ቲራ ኢጪ ኢጪዲ ሲሚዴስ።  
\v 49 ጊዶ ኣቲን ዬሱሳ ካሴ ሎዔꬂ ኤሪዛይቲ ዉሪ ቃሴካ ጋሊላፔራ ኢዛ ካሊዛ ማጫሳቲ ሄሳ ፄሊሼ ሃኪ ኤቂዳ። \x * \xo 23:49 \xt ሉቃ 8፡2-3\x* 
\s1 ዬሱሳ ሞጌቴꬅ 
\r (ማቶ 27፡57-61፤ ማር 15፡42-47፤ ዮሃ 19፡38-42) 
\p  
\v 50 ኣይሁዳታ ዱላታ ኣሳፔ ኢሶይ ኢዚካ ዮሴፌ ጌቴቲዛይሲ ኢሲ ዳሮ ኪያኔ ፂሎ ኣሳ።  
\v 51 ኢዚካ ካሴ ኣሳይ ዬሱሳ ቦላ ዱላቲሺን ሄ ዱላታን ዴና፤ ኢዚካ ኢሲ ኣርማቲያሳ ጌቴቲዛ ኣይሁዳታ ካታማ ኣሳ ሺን ፆሳ ካዎቴꬂ ያናይሳ ናጊሼ ጋምዒዴስ።  
\v 52 ኢዚካ ጲላፆሳኮ ቢዲ ዬሱሳ ኣሃ ባስ ኢማና ማላ ጲላፆሳ ዎሲዴስ።  
\v 53 ጲላፆሲ ኢዛስ ኤሮ ጊን ዮሴፌይ ኣሃ ማስቃሌ ኮጫፔ ዎꬂዳ ማላ ፃፂዲ ሹቻፌ ዎጬቲዳ ካሴ ሃራ ኣሲ ሞጌቶንታ ዱፎን ኤፊዲ ዎꬂዴስ። 
\p  
\v 54 ሄ ጋላሳይ ኣሳይ ሳምባታስ ጊጌቲዛ ጋላስ ጊዲዳ ጊሽ ሳምባታይ ጌላና ሃኔስ። 
\p  
\v 55 ጋሊላፔ ዴንዲዲ ዬሱሳራ ዪዳ ማጫሳቲካ ዮሴፌ ካሊ ቢዲ ዱፎዛ ቤዪዳ። ዬሱሳ ኣሃ ዎስት ዎꬂዳኮኔ ቤዪዳ።  
\v 56 ሄፔ ሲሚዲ ሺቶኔ ቲዪዛ ሚሽ ጊጊሲዳ። ዎጋይ ጊዛ ማላ ሳምባታ ጋላስ ሼምፒዳ። \x * \xo 23:56 \xt ኬሳ 20፡10፤ ዛሬ 5፡4\x* 
\c 24  
\s1 ዬሱሲ ሃይቆፔ ዴንዲዴስ 
\r (ማቶ 28፡1-10፤ ማር 16፡1-8፤ ዮሃ 20፡1-10) 
\p  
\v 1 ዎጋ ዎንታ ማላዶራ ማጫሳቲ ባ ጊጊሲዳ ሺቶዛ ኤኪዲ ዬሱሳ ዎꬂዳ ዱፎዛኮ ቢዳ።  
\v 2 ሹቻይካ ዱፎዛ ዱናፔ ጌንዴሪዲ ዲዛይሳ ቤዪዳ።  
\v 3 ጊዶ ኣቲን ጊዶ ጌሊዲ ዬሱሳ ኣሃ ዴሞንታ ኣጊዳ ጊሽ፥  
\v 4 ኢስታስ ሃንዛዚ ꬋዪን ኢስቲ ቶሉ ጊዳሼ ቆፖንታ ፆሊቄቲዛ ማይዖ ማይዒዳ ናምዑ ኣሳቲ ኢስታ ኣቻን ኤቂዳ።  
\v 5 ማጫሳቲካ ኬሂ ባቢዲ ዱጌ ቢታ ፄሊሺን “ሄ ኣሳቲ ፓፂዲ ዴንዲዳይሳ ሃይቄꬃታ ጊዶን ኣይስ ኮዬቲ?  
\v 6 ኢዚ ዴንዲዴስ! ሃን ባዋ። ቃሴካ ኢዚ ጋሊላን ዲሼ ኢንቴስ ካሴ ኣይ ጊዳኮኔ ኣኔ ቆፒቴ።  
\v 7 ኣሳ ናይ ናጋራንቻታ ኩሼን ኣꬊ ኢሜታናሲኔ ካቄታናስ፥ ሃይቆፔካ ሄꬓንꬆ ጋላስ ዴንዳናስ ቤሴስ” ጊዲ ዮቲ ዎꬂዴስ። \x * \xo 24:7 \xt ማቶ 16፡21፤ 17፡22-23፤ 20፡18-19፤ ማር 8፡31፤ 9፡31፤ 10፡33-34፤ ሉቃ 9፡22፤ 18፡31-33\x* 
\p  
\v 8 ማጫሳቲካ ሄ ዎዴ ካሴ ኢዚ ጊዳ ቃላ ሃሳዪዳ።  
\v 9 ማጫሳቲ ዱፎሶፔ ሲሚዲ ሄሳ ዉርሲ ዬሱሳ ካሊዛ ታማኔ ኢሲኔታሲኔ ሃራታስ ዮቲዳ።  
\v 10 ሄሳካ ሃዋሬታስ ዮቲዳይ ማግዳሌ ጊዛሶፔ ዪዳ ማራሞኔ ዮሃኖ ጌቴቲዛሪራ ያቆቤ ማራሞኔ ኢስታራ ኢሲፌ ዲዛ ሃራ ማጫሳታ።  
\v 11 ጊዶ ኣቲን ኢስታስ ማጫሳቲ ዮቲዳይሲ ኣጉሞ ሚሳቲን ኣማኒቤቴና።  
\v 12 ጊዶ ኣቲን ጴፅሮሲ ዎꬃን ዬሱሳ ዱፎኮ ጋኪዲኔ ሆኪዲ ዱፎ ጊዶ ፄሊሺን ኢዛ ኣሃ ፃፂዳ ማይዖይ ፃላ ዲዛይሳ ቤዪዲ ኬሂ ማላሌቲሼ ባሶ ሲሚዴስ። 
\s1 ዬሱሲ ባና ካሊዛ ናምዓታስ ቆንጪዴስ 
\r (ማር 16፡12-13) 
\p  
\v 13 ሄ ጋላስ ኢዛ ካሊዛይታፔ ናምዓቲ ዬሩሳላሜፔ ታማኔ ኢሲ ኪሎሜቲሬ ሃኪዛ ኤማሆሴ ጌቴቲዛ ካታማ ቤቴስ።  
\v 14 ቢሼ ኢስቲ ሄ ዎዴ ሃኒዳ ዬሱሳ ሃይቆ ጊሽ ባ ጊዶን ሃሳዬቴቴስ።  
\v 15 ኢስቲ ሃሳዬቲሺን ዬሱሲ ኢስታኮ ሺቂዲ ኢስታራ ኢሲፌ ቢሺን፥  
\v 16 ኢስቲ ኢዛ ኤሮንታ ማላ ኢስታ ኣይፌይ ኦይኬቲዴስ። 
\p  
\v 17 ዬሱሲ ኢስታ “ሃይሲ ኦጌ ሃሙቲሼ ኢንቴ ኢንቴ ጊዶን ሃሳዬቲዛይሲ ኣዜ?” ጊዴስ። ኢስቲካ ዳጋማራ ሞꬌቲሼ ሲቲ ጊ ኤቃጊዳ።  
\v 18 ኢስታ ጊዶፌ ኢሶይ ቃሊዮጳ ጌቴቲዛይሲ ዛሪዲ “ሃ ማታ ጋላሳታን ዬሩሳላሜን ሃኒዳይሳ ኤሮንታ ኢማꬃ ኣሲ ኔና ፃላ?” ጊዴስ። 
\p  
\v 19 ኢዚካ ኢስታስ ዛሪዲ “ኣዚ ሃኒዴ?” ጊን ኢስቲ ቃሴ ዛሪዲ ‘ፆሳ ሲንꬃኒኔ ኡባ ኣሳ ሲንꬃን ኦሶኒኔ ቃላን ሚኖ ናቤ ጊዲዳ ናዚሬቴ ዬሱሳ ጊሽ’ ጊዳ።  
\v 20 ኢዛካ ቄሴታ ሃላቃቲኔ ዳናቲ ሃይቆ ፒርዳስ ኣꬂ ኢሚዳኔ ካቂዳ።  
\v 21 ኑኒ ጊዲኮ “ኢስራዔሌ ዎዝናይ ኢዛ’ ጊዲ ኡፋዬቲዶሲሺን ሃራፔካ ሄሲ ሃኒን ቃሴ ሃች ሄꬓንꬆ ጋላሳ።  
\v 22 ቃሴ ኑ ጊዶፌ ኢሲ ኢሲ ማጫሳቲ ኑና ኬሂ ማላሊሲዳ፤ ኢስቲካ ማላዶ ዎንታራ ጌዴ ኢዛ ዱፎኮ ቢዲ፥  
\v 23 ኢዛ ኣሃይ ቤቶንታ ኢፂን ዪዲ ኢዚ ፓፃ ዲዛይሳ ኢስታስ ዮቲን ኪታንቻታ ቤዪዳይሳ ኑስ ዮቲዳ።  
\v 24 ኑፔካ ኢሲ ኢሲ ኣሲ ኢዛ ዱፎኮ ቢዲ ማጫሳቲ ጊዳ ማላ ቤዪዳ ኣቲን ዬሱሳ ዴሚቤቴና” ጊዳ። 
\p  
\v 25 ኢዚካ ኢስታስ “ኢንቴ ዎዝናን ዎꬆንታይቶ! ኢንቴ ዎዝናይ ካሴ ናቤቲ ዮቲዳይሳ ኣማናናፔ ታኪዳይቶ!  
\v 26 ፆሳፌ ኪቴቲዳይሲ ሃ ሜቶዛ ኤካናሲኔ ጌዴ ባ ቦንቾሶ ጌላናስ ቤሴኔ?’ ጊዴስ።  
\v 27 ሙሴፔኔ ናቤታፔ ዶሚዲ ጌሻ ማፃፋታን ኢዛ ጊሽ ፃፌቲዳይሳ ኢስታስ ሎዔꬅ ዮቲዴስ። 
\p  
\v 28 ኢስቲ ባ ቢዛሶ ማቲዳ ዎዴ ዬሱሲ ኣꬊ ቢዛ ሚሳቲዴስ።  
\v 29 ኢስቲካ ቃሴ “ጋዴይ ቃሚዛ ጊሽ ኑናራ ኣቃ” ጊዲ ኢዛ ኬሂ ዎሲን ኢስታራ ኣቃናስ ጌሊዴስ።  
\v 30 ኢስታራ ኢሲፌ ማዳን ኡቲዲ ኡኬꬅ ባ ኩሼን ኦይኪዲ ኢስታስ ሜንꬂ ሜንꬂ ኢሚዴስ።  
\v 31 ሄሳ ዎዴ ኢስታ ኣይፌይ ዶዬቲን ኢዛ ጊዲዳይሳ ኤሪዳ፤ ኢዚካ ኢስታ ኣይፌፔ ጌሚዴስ።  
\v 32 ኢስቲካ “ኑ ዪሼ ኦጌ ቦላ ዲሺን ኑና ሃሳዪሲዲ ጌሻ ማፃፋታካ ቆንጪሲዲ ኑስ ጌላናሼ ዮቲን ኑ ዎዝናይ ታማ ማላ ፁጌቲቤኔ?” ጊዲ ኢሶይ ኢሳራ ሃሳዬቲዳ 
\p  
\v 33 ሄራካ ዴንዲዲ ዬሩሳላሜ ሲሚ ቢዳ። ታማኔ ኢሲኔቲኔ ኢስታራ ኢሲፌ ዲዛይቲካ ኢሲ ቦላ ሺቂ ዲዛይታ ዴሚዳ።  
\v 34 ኢስቲካ ባ ጊዶን ኢሶይ ኢሳስ “ጎዳይ ቱሙ ዴንዲዴስ! ሲሞናስካ ቤቲዴስ” ጊዳ። 
\p  
\v 35 ኢዛ ካሊዛይታፔ ናምዓቲ ኦጌ ቦላ ሃኒዳይሳኔ ዬሱሲ ኡኬꬃ ሜንꬂ ሜንꬂ ኢሚዳ ዎዴ ኢስቲ ዎስት ኤሪዳኮ ኢስታስ ዮቲዳ። 
\s1 ዬሱሲ ባና ካሊዛይታስ ቆንጪዴስ 
\r (ማቶ 28፡16-20፤ ማር 16፡14-18፤ ዮሃ 20፡19-23፤ ሃዋ 1፡6-8) 
\p  
\v 36 ሄሳ ጊሽ ኢስቲ ባ ጊዶን ሃሳዬቲሺን ዬሱሲ ኢስታ ጊዶን ኤቂዲ “ሳሮይ ኢንቴስ ጊዶ!” ጊዴስ። 
\p  
\v 37 ጊዶ ኣቲን ኢስቲ ሞይቲሌ ቤዪዳ ሚሳቲን ኬሂ ዳጋሚዳ።  
\v 38 ኢዚካ ኢስታስ “ኣዛስ ዳሮ ቆፔቲ? ኣዛስ ኢንቴ ዎዝናራ ሲꬌቲ?  
\v 39 ታ ኩሼታኔ ታ ቶሆታ ሃ ፄሊቴ ታናኮ፤ ቃሴካ ታና ኦይኪ ቤዪቴ፤ ታና ኢንቴ ቤዪዛይሳ ማላ ሞይቲሌስ ኣሾይኔ ሜቄꬂ ዴና” ጊዴስ። 
\p  
\v 40 ሄሳ ጊ ሲሚዲ ባ ቶሆታኔ ባ ኩሼታ ኢስታ ቤሲዴስ።  
\v 41 ኢስቲካ ኡፋይሳ ዳሮፔኔ ማላሌቴꬃፌ ዴንዲዳይሳን ቡሮ ኣማኖንታ ዲሺን ዬሱሲ ‘ሄሳን ኣይኮ ሚዛዚ ዲዜ?” ጊዲ ኢስታ ኦይቺዴስ።  
\v 42 ኢስቲካ ሞሌ ፂፃ ኢሲ ባርስ ኢዛስ ኢሚዳ።  
\v 43 ኢዚካ ኤኪዲ ኢስታ ሲንꬃን ሚዴስ። 
\p  
\v 44 ኢዚካ “ኢንቴናራ ታ ዲዛ ዎዴ ‘ሙሴ ዎጋን ናቤታኒኔ ማዛሙሬ ማፃፋታን ታ ጊሽ ፃፌቲዳይሲ ዉሪካ ፖሌታናስ ቤሴስ’ ጋዳ ታ ኢንቴስ ዮቲዳ ታ ቃላይ ሃይሳኮ” ጊዴስ። 
\p  
\v 45 ሄ ዎዴ ጌሻ ማፃፋታ ኢስቲ ኤራና ማላ ዎዝና ኢስታስ ዶዪዴስ።  
\v 46 ኢስታስካ “ኪርስቶሲ ዋዬ ቤያና፤ ሄꬓንꬆ ጋላስ ሃይቆፔ ዴንዳና ጌቴቲዲ ፃፌቲዴስ።  
\v 47 ዬሩሳላሜፔ ዶሚዲ ኡባ ዴሬስ ናጋራፔ ሲሞይኔ ማሮቴꬂ ኢዛ ሱንꬃን ዮቴታና።  
\v 48 ኢንቴካ ሃይሳስ ማርካታ።  
\v 49 ታካ ታ ኣዋይ ኢሚዳ ኡፋይሳ ኢንቴስ ዬዳና፤ ኢንቴ ቃሴ ዎልቃ ቦላፌ ማይዓና ጋካናስ ዬሩሳላሜ ካታማን ታኪቴ” ጊዴስ። \x * \xo 24:49 \xt ሃዋ 1፡4\x* 
\s1 ዬሱሲ ፑዴ ሳሎ ቢዴስ 
\r (ማር 16፡19-20፤ ሃዋ 1፡9-11) 
\p  
\v 50 ሄሳፌ ጉዬ ኢስታ ኤኪዲ ቢታኒያ ጌቴቲዛሶ ኬዚዴስ። ባ ኩሼታካ ዴንꬂዲ ኢስታ ኣንጂዴስ። \x * \xo 24:50 \xt ሃዋ 1፡9-11\x* 
\v 51 ኢስታ ኣንጂሼ ኢስታፌ ሻካቲዲ ፑዴ ሳሎ ቢዴስ።  
\v 52 ኢስቲካ ኢዛስ ሆኪ ጎይኒዳ፤ ኬሂ ኡፋዬቲሼ ዬሩሳላሜ ሲሚዳ።  
\v 53 ኡባ ዎዴ ፆሳ ኬꬃን ፆሳ ጋላቲሼ ጋምዒዳ።