\id JHN - Gamo project 
\h ዮሃኒሳ 
\toc1 ዮሃኒሲ ፃፊዳ ኑ ጎዳ ዬሱስ ኪርስቶሳ ሚሺራቾ ቃላ 
\toc2 ዮሃኒሳ 
\toc3 ዮሃ 
\mt1 ዮሃኒሲ ፃፊዳ 
\mt2 ኑ ጎዳ ዬሱስ ኪርስቶሳ ሚሺራቾ ቃላ 
\imt1 ጊዶ ቆፋ 
\ip ዮሃኒሳ ሚሺራቾ ቃላይ ዬሱሲ ኣሾ ማይዒዲ ኣሳ ጊዶን ቤቲዳ ዴዖ ፆሳ ቃላ ጊዲዳይሳ ቆንጪሴስ። ሄሲካ ኣዋይ ጎዳ ፆሳ ጊዲዳ ማላ፥ ዬሱሲካ ጎዳ ፆሳ ጊዲዳይሳ ቤሴስ። ዮሃ 1፡1፤ 8፡58፤ 12፡41፤ 20፡28። ማፃፋዚ ሎዔꬂ ቆንጪሲዛ ማላ ሃይሲ ሚሺራቾ ቃላይ ፃፌቲዳይ ናባቢዛይቲ ዬሱሲ ኣስ ኣሺዛዴ ጊዲዲ ያና ጌቴቲዳ ፆሳ ና ጊዲዳይሳ ኣማናና ማላኔ ኣሳይ ኢዛ ኣማኒዲ ሜርና ዴዖይ ኢዛን ዲዛይሳ ኤራና ማላሳ። (20፡31) 
\ip ሚሺራቾ ቃላዛስ ኮይሮ ኪፍሌይ ሜርናስ ዲዛ ፆሳ ቃላይኔ ዬሱሲ ኢሲኖ ጊዲዳይሳ ኮይሮ ሺሺዳፔ ጉዬ ዬሱሲ ኣስ ኣሺዛዴ ጊዲዲ ያና ጌቴቲዳ ፆሳ ናይ ኢዛ ጊዲዳይሳ ቤሲዛ ዱማ ዱማ ማላታታካ ሺሼስ። ሄሳፌ ቃሴ ሄ ማላታታፔ ኣይ ኣይፌይ ቤቲዳኮኔ ቆንጪሲዛ ታሪኬቲ ካሌቴስ። ሃይሲ ሃ ኪፊሌዚ ኢሲ ኢሲ ኣሳቲ ዬሱሳን ኣማኒዲ ኢዛ ካሊዛይታ ጊዲዳይሳኔ ሃራ ኣሳቲ ቃሴ ኢዛራ ዋኒ ኤቄቲዳኮኔ ኢዛን ኑ ኣማኖኮ ጊዛይሳ ዮቴቴስ። (13፡17) ጋካናስ ዬሱሲ ኦይኬቲዳ ኦማርስ ባና ካሊዛይታራ ኢዛስ ኣይ ማላ ሚኖ ኢሲፌቴꬂ ዲዛኮ ኢዛስ ካቄቴꬃ ዎዴይ ማቲሺን ኢዚ ባና ካሊዛይታስ ጊጊሲዛ ቃላኔ ሚንꬄꬂዛ ቃላ ኢዚ ኢስታ ሲሲዳይሳ ቆንጪሴቴስ። ሃንኮ ኣቲዳ ዉርሴꬃ ሼምፖቲ ቃስ ዬሱሲ ኦይኬቲዳይሳ፥ ፒርዳስ ሺቂዳይሳ፥ ኢዛ ካቄቴꬃ ጊሺኔ ሃይቆፔ ዴንꬃ ጊሽ ሄሳꬆካ ኢዛ ዴንꬃፌ ጉዬ ባና ካሊዛይታስ ኢዚ ባና ቆንጪሲዳይሳ ዮቴስ። 
\ip ዮሃኒሲ ዬሱስ ኪርስቶሳ ባጋራ ቤቲዛ ሜርና ዴዖ ሎዔꬂ ቤሲዛይ፥ ፆሳ ኪያቴꬂ ሃዒፔ ዶሚዲ ዬሱሳ፥ ኦጌ፥ ቱማኔ ዴዖ ሂስቲ ኣማኖን ኤኪዛይታሳ። ዮሃኒሳ ሚሺራቾ ቃላ ሃራታፔ ዱማሲዛይ ኣያና ቱማቴꬅ ኤሪሳናስ ኬሂ ኤሬቲዳ ኣሲ ሃች ሃች ጎዔቲዛ ሚሻታ ሄይቲካ ሃꬃ፥ ቁማ፥ ፖዖ፥ ሄሚዛዴ፥ ዶርሳታ፥ ዎይኔ ሚꬂኔ ዎይኔ ሚꬃ ኣይፌ ሚሳቲዛይታ ሌሚሶን ዮቲዛይሳ። 
\is1 ሃ ማፃፋይ ኦይኪዳ ኩሜꬃ ቆፋ 
\io1 ጌሎሶ 1፡1-18 
\io1 ፃማቂዛ ዮሃኒሳኔ ዬሱሳ ካሊዳ ኮይሮ ታማሬታ 1፡1-19-51 
\io1 ዬሱሲ ፆሳ ኦሶ ዶሚዴስ 2፡1-12፡50 
\io1 ዬሩሳላሜኒኔ ሄ ሄራን ዬሱሳስ ዉርሴꬃ ኦሶ ጋላሳታ 13፡1-19፡42 
\io1 ሃይቆፔ ጎዳ ዴንꬂኔ ኢዛ ቆንጬꬅ 20፡1-31 
\io1 ኩሻ ቆፋ 21፡1-25 
\c 1  
\p  
\v 1 ቃላይ ካሴ ኮይሮ ዴስ። ቃላይካ ፆሳ ኣቻን ዴስ። ሄ ቃላይካ ፆሳ።  
\v 2 ኢዚ ኮይሮ ፆሳ ኣቻን ዴስ።  
\v 3 ሜꬌቴꬂ ዉሪ ኢዛን ሜꬌቲዴስ። ሜꬌቲዳዛን ኢዚ ባይንዳ ሜꬌቲዳይ ኢሲናካ ዱኩ።  
\v 4 ዴዖይ ኢዛን ዳዉስ። ሃና ዴዖያ ኣሳስ ፖዖ።  
\v 5 ፖዖይ ꬉማን ፖዒሴስ። ꬉማይ ፖዖ ሙሌካ ፆኔና። 
\p  
\v 6 ፆሳፌ ኪቴቲዳ ዮሃኒሳ ጌቴቲዛ ኢሳዴይ ዴስ። \x * \xo 1:6 \xt ማቶ 3፡1፤ ማር 1፡4፤ ሉቃ 3፡1-2\x* 
\v 7 ኢዛ ማርካቴꬃን ኣሲ ዉሪ ኣማናና ማላ ፖዖስ ማርካ ጊዲ ዪዴስ።  
\v 8 ኢዚ ፖዖ ጊሽ ማርካታና ዪዴስ ኣቲን ኢዚ ባ ሁዔስ ፖዖ ጊዴና።  
\v 9 ኣሳ ኡባስ ፖዖ ኢሚዛ ቱሙ ፖዖይ ሃይሳ ሃ ኣላሜዛን ዬሱሳን ዴስ። 
\p  
\v 10 ቃላይካ ካሴ ኣላሜን ዴስ። ኣላሜይካ ሜꬌቲዳይ ኢዛና። ጊዶ ኣቲን ኣላሜይ ኢዛ ኤሪቤና።  
\v 11 ኢዚ ባ ባጋታኮ ዪን ኢዛ ባጋቲ ኢዛ ኤኪቤቴና።  
\v 12 ጊዶ ኣቲን ኢዛ ኤኪዳይቲ ኢዛ ሱንꬃን ኣማኒዳይቲ ኢስቲ ፆሳ ናይታ ጊዳና ማላ ማታ ኢስታስ ኢሚዴስ።  
\v 13 ኢስቲካ ፆሳ ናይታ ጊዲዳይ ፆሳፌ ዬሌቲዳ ጊሽ ኣቲን ኣሳ ዜሬꬃፌ ሄሲካ ኣሳ ዎጋን ዎይኮ ኣሾ ሼኔን ጊዴና። 
\p  
\v 14 ቃላይካ ኣስ ጊዲዴስ። ፆሳ ኪያቴꬃኒኔ ቱማን ኩሚዲ ኑናን ኣቂዴስ፤ ኢሲ ናስ ኣዋ ማታን ዲዛ ቦንቾ ሚሳቲዛ ኢዛ ቦንቾ ኑ ቤይዶስ። 
\p  
\v 15 ዮሃኒሲካ “ታፔ ጉዬራ ዪዛይሲ ታፔ ኣꬌስ። ጋሶይካ ኢዚ ታፔ ካሴካ ዴስ ጋዳ ታ ኢንቴስ ዮቲዳይሲ ሄኮ ሃይሲ ኢዛኮ!” ጊ ማርካቲዴስ። 
\p  
\v 16 ኢዛ ኩሜꬃ ኪያቴꬃን ኑ ዉሪ ኪያቴꬃ ቦላ ኪያቴꬅ ኤኪዶስ።  
\v 17 ዎጋይ ሙሴ ባጋራ ኢሜቲዴስ፤ ኪያቴꬂኔ ቱማይ ጊዲኮ ዬሱስ ኪርስቶሳ ባጋራ ኑስ ዪዴስ።  
\v 18 ፆሴ ቤዪዳይ ኦኒካ ባዋ። ጊዶ ኣቲን ፆሳ ኣዋ ማታን ዲዛ ፆሳ ና ኢሶይ ፃላላ ኢዛ ቆንጪሲዴስ። 
\s1 ፃማቂዛ ዮሃኒሳ ማርካቴꬅ 
\r (ማቶ 3፡1-12፤ ማር 1፡1-8፤ ሉቃ 3፡15-17) 
\p  
\v 19 ኣይሁዳታ ዳናቲ ዬሩሳላሜፔ ቄሴታኔ ሌዌ ናይታ ዮሃኒሳኮ ኪቲዲ “ኔ ኦኔ?” ጊዲ ኦይቺሺን፥ 
\p  
\v 20 ዮሃኒሲ “ታኒ ኪርስቶሳ ጊዲኬ” ጊዲ ጌሺ ማርካቲዴስ ኣቲን ማርካታናስ ኢፂቤና። 
\p  
\v 21 ኢስቲካ “ሂስቲን ኔ ኦኔ? ኔ ኤላሳ?” ጊዲ ኦይቺዳ። ኢዚካ “ጊዲኬ” ጊዲ ኢስታስ ዛሪዴስ። ኢስቲካ “ኢዚ ያና ጌቴቲዳ ናቤይ ኔኔ?” ጊዳ። ኢዚካ “ኣካይ ታና ጊዲኬ” ጊዴስ። \x * \xo 1:21 \xt ሚል 4፡5፤ ዛሬ 18፡15-18\x* 
\p  
\v 22 ኢስቲ ቃስ “ሂስቲን ኔ ኦኔ? ኑና ኪቲዳ ኣሳስ ኑ ዮታና ማላ ኔ ኔና ኦና ጋይ?” ጊዳ።  
\v 23 ኢዚካ “ናቤ ኢሳያሲ ዮቲዳ ማላ ታኒ ‘ፆሳ ኦጌ ሱሪሲቴ’ ጊሼ ባዞ ቢታን ዋሲዛዴ ቃላ ጊሪሳ” ጊዴስ \x * \xo 1:23 \xt ኢሳ 40፡3\x* 
\p  
\v 24 ፋርሳዌታፔ ኪቴቲዳ ኢሲ ኢሲ ኣሳቲ  
\v 25 ሄሳ ጊሽ “ኔ ፆሲ ኪቲዳዴ ዎይኮ ቡሮ ያና ጌቴቲዳ ናቤይ ኔና ጊዶንታ ጊዲኮ ሂስቲን ኣዛስ ኑና ፃማቃይ?” ጊዲ ኢዛ ኦይቺዳ። 
\p  
\v 26 ዮሃኒሲካ ኢስታስ “ታ ሃꬃን ፃማቃይስ፤ ጊዶ ኣቲን ኢንቴ ኤሮንታዴይ ኢንቴ ጊዶን ኤቂዴስ።  
\v 27 ታፔ ጉዬራ ያናይሲ ኢዛ። ታ ኢዛ ጫማ ቃሾ ቢርሻናስ ቤሲዛዴ ጊዲኬ” ጊዴስ። 
\p  
\v 28 ሃይሲ ዉሪ ሃኒዳይ ዮሃኒሲ ፃማቂዛ ዮርዳኖሴ ሻፋፔ ሄ ፒንꬃን ዲዛ ቢታኒያ ጌቴቲዛ ካታማና። 
\s1 ፆሳ ዶርስ 
\p  
\v 29 ዎንቴꬃ ጋላስ ዮሃኒሲ ዬሱሲ ባኮ ዪሺን ቤዪዲ “ዴሬ ናጋራ ቢታፌ ዲጋና ፆሳ ዶርሲ ሄኮ ሃይሲች!  
\v 30 ‘ታፔ ጉዬራ ያናይሲ ኢዚ ታፔ ካሴካ ዲዛ ጊሽ ታፔ ኣꬌስ’ ጋዳ ታ ኢንቴስ ዮቲዛይ ሃይሲች!  
\v 31 ታካ ታ ባጋራ ኢዛ ኤራቤኬ ሺን ጊዲኮካ ኢዚ ኢስራዔሌ ዴሬስ ቆንጫና ማላ ታ ሃꬃን ፃማቃሼ ያዲስ” ጊዴስ። 
\p  
\v 32 ካሌꬂዲካ ዮሃኒሲ ሂዝጊ ማርካቲዴስ “ፂሎ ኣያናይ ሃራጴ ካፎ ሚሳትዲ ሳሎፔ ዎꬊሺኒኔ ኢዛ ቦላ ኡቲሺን ቤያዲስ።  
\v 33 ታ ታ ባጋራ ኢዛ ኤሪኬ ሺን ታ ሃꬃን ፃማቃና ማላ ታና ኪቲዳዴይ ‘ፂሎ ኣያናይ ኢዛ ቦላ ዎꬊ ሼምፒሺን ኔ ቤያናዴይ ፂሎ ኣያናን ሜጫናይ ኢዛ’ ጊዲ ታስ ዮቲዴስ።  
\v 34 ታካ ሄሳ ቤያዲስ። ሄሳ ጊሽ ኢዚ ፆሳ ና ጊዲዳይሳ ታ ማርካታይስ” ጊዴስ። 
\s1 ኮይሮ ዬሱሳ ካሊዳይታ 
\p  
\v 35 ዎንቴꬃ ጋላስ ዮሃኒሲ ባና ካሊዛ ናምዓታራ ሄን ኤቂዴስ።  
\v 36 ዬሱሲ ኢዛ ኣቻራ ኣꬊሺን ዮሃኒሲ ቤዪዲ “ፆሳ ዶርሲ ሄኮ ሃይሲች!” ጊዴስ። 
\p  
\v 37 ዮሃኒሳ ካሊዛ ናምዓቲ ሄሳ ሲይዲ ዬሱሳ ካሊዳ።  
\v 38 ኢስቲ ኢዛ ካሊሺን ዬሱሲ ጉዬ ዩይ ፄሊዲ “ኣይ ኮዬቲ?” ጊዴስ። ኢስቲካ “ኣስታማሬ! ኔ ዱሳሶይ ኣዋ?” ጊዳ። 
\p  
\v 39 ኢዚካ ኢስታ “ሃ ዪዲ ቤይቴ” ጊዴስ። ሄሳ ጊሽ ቢዲ ኢዚ ኣዋን ዲዛኮ ቤዪዳኔ ሄ ጋላስ ኢዛራ ኢሲፌ ፔዒዳ። ዎዴይካ ጌዴ ታሙ ሳቴሶ ቢዴስ። 
\p  
\v 40 ዮሃኒሲ ዮቲዳ ቃላ ሲይዲ ዬሱሳ ካሊዳ ናምዓታፔ ኢሶይ ሲሞና ጴፅሮሳ ኢሻ ኢንዲራሳ።  
\v 41 ኢንዲራሲ ኮይሮ ባ ኢሻ ሲሞናኮ ቢዲኔ “ፆሲ ኪቲዳ ኪርስቶሳ ኑ ዴሚዶስ!” ጊዴስ።  
\v 42 ሄሳፌ ጉዬ ኢንዲራሲ ሲሞና ዬሱሳኮ ኤኪ ዪዴስ። 
\p ዬሱሲካ ኢዛ ቲሺ ሂስቲ ፄሊዲ “ሃይሶ! ኔ ዮና ና ሲሞና፤ ሃይሳፌ ጉዬ ኔ ኬፋ ጌቴታና።” ኬፋ ጉሲ ጴፅሮሳ ጉሳ ዎይኮ ዛላ ሹች ጉሳ። 
\s1 ዬሱሲ ፒሊጶሳኔ ናቲናዔሌ ፄይጊዴስ 
\p  
\v 43 ዎንቴꬃ ጋላስ ዬሱሲ ጋሊላ ባናስ ኮይዴስ። ፒሊጶሳካ ዴሚዲ “ታና ካላ” ጊዴስ።  
\v 44 ፒሊጶሲካ ኢንዲራሳ ማላኔ ጴፅሮሳ ማላ ቤቴሳይዳ ካታማ ኣሳ።  
\v 45 ፒሊጶሲ ናቲናዔሌ ዴሚዲ “ሙሴይ ዎጋ ማፃፋን ቃሴ ናቤቲካ ቡሮፔ ሃናናይሳ ዮቲዛ ባ ማፃፋታን ኢዛ ጊሽ ፃፊዳ ኣዴዛ ኑ ዴሚዶስ። ኢዚካ ዮሴፌ ና ናዚሬቴ ዬሱሳኮ!” ጊዴስ። 
\p  
\v 46 ናቲናዔሌይ ቃስ “ናዚሬቴፔ ሎዖ ሚሺ ቤቲ ኤሪዜ?” ጊ ኦይቺን ፒሊጶሲ ኢዛ “ሃ ያዳ ቤያ” ጊዴስ።  
\v 47 ናቲናዔሌይ ዬሱሳ ቤያና ዪሺን ዬሱሲ ቤዪዲ ኢዛ “ሄኮ! ጌኔይ ባይንዳ ቱሙ ኢስራዔሌ ኣሳ!” ጊዲ ኢዛ ጊሽ ዮቲዴስ። 
\p  
\v 48 ናቲናዔሌይካ ዛሪዲ “ታና ዎስታ ኤራዲ?” ጊ ኦይቺን ዬሱሲካ “ፒሊጶሲ ኔና ፄይጋናፔ ካሴ ባላሴ ሚꬃ ጋርሳን ኔ ዲሺን ታ ኔና ቤያዲስ” ጊ ዛሪዴስ።  
\v 49 ናቲናዔሌይ “ኣስታማሬ! ኔ ፆሳ ና፤ ኔ ኢስራዔሌ ካዎ” ጊዴስ። 
\p  
\v 50 ዬሱሲካ ኢዛስ “ኔ ኣማኒዳይ፤ ታ ኔና ‘ባላሴ ሚꬃ ጋርሳን ቤያዲስ’ ጊዳ ጊሼ? ኔ ቡሮ ሄሳፌ ኣꬊዛ ዳሮ ሚሽ ቤያና።  
\v 51 ጉጂዲካ ታ ኢንቴስ ቱሙ ጋይስ፤ ቡሮ ሳሎይ ዶዬቲን ፆሳ ኪታንቻቲ ኣሳ ና ቦላ ዎꬊሺኒኔ ኬዚሺን ኢንቴ ቤያና” ጊዴስ። \x * \xo 1:51 \xt ሜꬌ 28፡12\x* 
\c 2  
\s1 ዬሱሲ ሃꬄ ዎይኔ ኡሽ ኬሲዴስ 
\p  
\v 1 ሄꬓንꬆ ጋላስ ጋሊላ ጊዶን ዲዛ ቃና ጌቴቲዛ ካታማን ሳርጌይ ዴስ። ዬሱሳ ኣዬያካ ሄን ዳዉስ።  
\v 2 ዬሱሲኔ ኢዛ ካሊዛይቲካ ሳርጌዛሶ ፄይጌቲዳ።  
\v 3 ሳርጌዛሶን ዎይኔፔ ኣጌቲዳ ኡሻይ ዉሪን ዬሱሳ ኣያ ዬሱሳ “ዎይኔ ኡሻይ ዉርዴስ” ጋዱስ።  
\v 4 ዬሱሲካ ኢዞ “ኣዬ! ታስ ኔናራ ኣዚ ዲዜ? ታ ዎዴይ ጋኪቤና” ጊዴስ። 
\p  
\v 5 ሄ ዎዴ ዬሱሳ ኣዬያ ማራማ ሄን ጋዴዛን ዲዛ ኦሳንቻታ “ኢዚ ኢንቴና ጊዛይሳ ኦꬂቴ” ጋዱስ።  
\v 6 ኣይሁዳታስ ጌሾ ዎጋይ ዲዛ ጊሽ ኡሱፑን ሹቻፌ ሜꬌቲዳ ባꬃቲ ሄን ጋዳን ዴቴስ። ኢስቲካ ኢሶይ ኢሶይ ናምዑ ኦቶ ዎይኮ ሄꬑ ኦቶ ሃꬄ ኦይኬቴስ።  
\v 7 ዬሱሲ ኦሳንቻታ “ባꬃታ ሃꬄ ኩንꬂቴ” ጊን ኢስቲካ ባꬃታ ዱና ጋካናስ ሲልቲ ሂስቲ ኩንꬂዳ።  
\v 8 ሄሳፌ ቃሴካ ኦሳንቻታ “ኣኔ ሃዒ ዱቂዲ ሳርጌዛ ኣላፌዛስ ኢዛፔ ኢሚቴ” ጊዴስ። ኢስቲካ ዱቂ ዱቂ ኢሚዳ።  
\v 9 ኣላፌዚካ ዎይኔ ኡሻን ላሜቲዳ ሃꬃ ጋንፂ ፄሊዲ ኢዚ ኣዋፔ ዪዳኮኔ ኤሪቤና። ሃꬃ ዱቂዳይቲ ጊዲኮ ኤሬቴስ። ሄሳ ጊሽ ሳርጌዛ ኣላፌይ ሚሺራዛ ፄይጊዲ፥  
\v 10 “ኣሲ ዉሪ ሳርጌሶን ኮይሮ ሎዖ ኡሺ ሺሼስ፤ ኣሳይ ማꬆቲዳፔ ጉዬ ኢታ ኤሄስ፤ ጊዶ ኣቲን ኔ ጊዲኮ ሎዖ ኡሺ ሃኖ ጋካናስ ዎꬃጋዳሳ” ጊዴስ። 
\p  
\v 11 ዬሱሲ ሄሳ ማላሊሲዛ ማላታ ኡባፌ ኮይሮ ጋሊላ ጌቴቲዛ ዴሬን ቃና ካታማን ኦꬂዴስ። ባ ቦንቾካ ሄሳ ማላን ቆንጪሲዴስ። ኢዛ ካሊዛይቲካ ኢዛን ኣማኒዳ።  
\v 12 ሄሳፌ ጉዬ ዬሱሲ ባ ኣዬይራ ባ ኢሻታራኔ ባና ካሊዛይታራ ዱጌ ቂፊርናሆሜ ዎꬊዲ ሄን ጉꬃ ዎዴ ታኪዳ። \x * \xo 2:12 \xt ማቶ 4፡13\x* 
\s1 ዬሱሲ ፆሳ ኬꬃን ዛልዒዛይታ ጎዲዴስ 
\r (ማቶ 21፡12-13፤ ማር 11፡15-17፤ ሉቃ 19፡45-46) 
\p  
\v 13 ኣይሁዳታ ፓዚጋ ባዓሌይ ማቲዳ ጊሽ ዬሱሲ ያሩሳላሜ ቢዴስ። \x * \xo 2:13 \xt ኬሳ 12፡1-27\x* 
\v 14 ፆሳ ኬꬃ ጊቤ ጊዶን ቦራታ፥ ዶርሳታኔ ሃራጴታ ባይዚዛይታ ቃሴካ ሚሼ ላሚዛይቲ ሚሼ ላሚሺን ዴሚዴስ።  
\v 15 ሄሳ ቤዪዲ ዎዶሮ ፁርቃፌፔ ዶቂ ኤኪዲ ኣሳኔ ቦራታካ ፆሳ ኬꬃ ጊቤፌ ኬሲዴስ፤ ሚሽ ላሚዛይታ ሚሻካ ꬋርጪዲ ኢስታ ፃራጴዛታካ ሺሪ ሺሪ ዬጊዴስ። 
\p  
\v 16 ሃራጴ ባይዚዛ ኣሳካ “ሃይሳ ዉርሲ ጌዴ ዲጊቴ! ታ ኣዋ ኬꬃ ዛልዔ ኬꬄ ሂስቶፍቴ” ጊዴስ።  
\v 17 ሄ ዎዴ ኢዛ ካሊዛይቲ “ኔ ኬꬃ ሚሻይ ታና ታማ ማላ ፁጌስ” ጌቴቲ ፃፌቲዳ ቃላ ሃሳዪዳ። \x * \xo 2:17 \xt ማዛ 69፡9\x* 
\p  
\v 18 ሄሳፌ ጉዬ ኣይሁዳ ኣሳ ሃላቃቲ ዬሱሳ “ኔ ሃይሳ ዉርሳ ኦꬃናስ ሼኔይ ኔስ ዲዛይሳ ቆንጪሳናስ ኔ ኑና ኣይ ማላሊሲዛ ማላታ ቤሳኔ?” ጊ ኦይቺዳ። 
\p  
\v 19 ዬሱሲካ ኢስታስ “ኣኔ ሃይሳ ፆሳ ኬꬃ ላሊቴ፤ ታ ኢዛ ሄꬑ ጋላሳራ ዛራ ኬፃና” ጊ ዛሪዴስ። \x * \xo 2:19 \xt ማቶ 26፡61፤ 27፡40፤ ማር 14፡58፤ 15፡29\x* 
\p  
\v 20 ኢስቲካ ኢዛ “ሃይሳ ፆሳ ኬꬃ ኬፃናስ ካሴ ኦይዱ ታማኔ ኡሱፑን ላይꬅ ኤኪዴስ፤ ሂስቲን ኔኒ ሄꬑ ጋላሳራ ኬፃ ኩንꬃኔ?” ጊ ኦይቺዳ። 
\p  
\v 21 ጊዶ ኣቲን ዬሱሲ “ፆሳ ኬꬃ” ጊዳይ ባ ኣሳቴꬃ ጊሻሳ።  
\v 22 ሄሳ ጊሽ ዬሱሲ ሃይቂ ዴንዲን ኢዛ ካሊዛይቲ ሄ ዮዖዛ ዩሺ ቆፒዲ ኤሪዳኔ ሃይሳ ካሴ ማፃፋን ፃፌቲዳይሳኔ ዬሱሲ ኢስታስ ካሴቲ ዮቲዳ ቃላ ኣማኒዳ። 
\p  
\v 23 ፓዚጋ ባዓሌ ጋላስ ዬሱሲ ዬሩሳላሜን ዲሼ ኦꬂዳ ማላታታ ቤዪዲ ዳሮ ኣሳይ ኢዛ ኣማኒዴስ።  
\v 24 ቃሴ ዬሱሲ ኣሳ ዉርሲ ኤሪዛ ጊሽ ኦናካ ኣማኒቤና።  
\v 25 ኢዚ ኣሳ ዎዝናን ዲዛ ዉርሲ ኤሪዛ ጊሽ ኦኒካ ኢዛስ ኣሳ ጊሽ ዮታናስ ኮሺቤና። 
\c 3  
\s1 ዬሱሳኔ ኒቆዲሞሳ 
\p  
\v 1 ፋርሳዌታ ባጋ ኣስ ጊዲዳ ኣይሁዳታ ሃላቃታፔ ኢሲ ኒቆዲሞሳ ጌቴቲዛ ኣሲ ዴስ።  
\v 2 ኢዚ ቃማራ ዬሱሳኮ ቢዲ “ኣስታማሬ! ፆሲ ኢዛራ ዲዛዴ ጊዲኮፌ ኣቲን ሃይታ ኔ ኦꬂዛ ማላሊሲዛ ማላታታ ኦꬃናስ ዳንዳዪዛዴይ ዴና። ሄሳ ጊሽ ኔ ፆሳ ኣቻፌ ዪዳ ኣስታማሬ ጊዲዳይሳ ኑ ኤሮስ” ጊዴስ። 
\p  
\v 3 ዬሱሲካ ኢዛስ ዛሪዲ “ታ ኔስ ቱሙ ጋይስ፤ ኣሲ ናምዓንꬆ ዬሌቶንታ ኣጊኮ ፆሳ ካዎቴꬅ ቤያናስ ዳንዳዬና” ጊዴስ።  
\v 4 ኒቆዲሞሲካ ዛሪዲ “ሂስቲን ኣሲ ጪሚዳፔ ጉዬ ዋኒዲ ናምዓንꬆ ዬሌታና ዳንዳዪዜ? ቃሴካ ጌዴ ባ ኣዪ ኡሎን ሲሚ ጌሊዲ ዬሌታኔ?” ጊዲ ኦይቺዴስ። 
\p  
\v 5 ዬሱሲካ ኢዛስ “ታ ኔስ ቱሙ ጋይስ፤ ኣሲ ሃꬃፌኔ ፂሎ ኣያናፔ ዬሌቶንታ ዲሼ ፆሳ ካዎቴꬅ ጌላናስ ዳንዳዬና።  
\v 6 ኣሳፔ ዬሌቲዳይ ኣሳ። ኣያናፔ ዬሌቲዳይ ኣያና።  
\v 7 ሄሳ ጊሽ ‘ኢንቴ ናምዓንꬆ ዬሌታናስ ኮሼስ’ ታ ኔና ጊዳ ጊሽ ማላሌቶፋ።  
\v 8 ጫርኮይ ባ ኮይዳ ባጋ ጫርኬስ። ኔ ጫርኮስ ጊሪስ ሲያሳ ኣቲን ኢዚ ኣዋፔ ዪዛኮኔ ኣዋ ቢዛኮ ኤራካ። ኣያናፔ ዬሌቲዳይካ ሄሳ ማላ” ጊዴስ። 
\p  
\v 9 ኒቆዲሞሲ “ሃይሲ ዋኒ ሃናና ዳንዳዒዜ?” ጊዲ ኦይቺዴስ።  
\v 10 ዬሱሲካ ኢዛስ “ኢስራዔሌ ኣስታማሬ ጊዳ ኡታዳ ሄሳ ኔ ኤሪኪ?  
\v 11 ታ ኔስ ቱሙ ጋይስ፤ ኑኒ ኑ ኤርዛይሳ ዮቶስ። ኑ ቤዪዳይሳ ማርካቶስ ጊዶ ኣቲን ኢንቴ ኑ ማርካቴꬅ ኤኬኬታ።  
\v 12 ታ ኢንቴስ ሃይሳ ሃ ቢታ ዮዖ ዮቲን ኣማኖንታ ኢፂኮ ሳሎ ሚሽ ዮቲኮ ዎስቲ ኢንቴ ኣማናኔ?  
\v 13 ሳሎፔ ዱጌ ዎꬊዳ ኣሳ ናፔ ኣቲን ፑዴ ሳሎ ኬዚዳይ ሃራይ ኦኒካ ዴና። \f + \fr 3:13 \fq ሳሎፔ ዱጌ ዎꬊዴስ ኣሳ ናፔ ኣቲን ፑዴ ሳሎ ኬዚዳይ ሃራይ ኦኒካ ዴና \ft ኢሲ ኢሲ ጌሻ ማፃፋቲ ሳሎን ዲዛ ኣሳናፔ ኣቲን ጌቴስ።\f* 
\p  
\v 14 “ባዞ ቢታን ሙሴይ ሾሽ ꬎቁ ሂስቲ ካቂዳይሳꬆ ሄሳꬆካ ኣሳ ናይ ꬎቃሶን ካቄታናስ ቤሴስ። \x * \xo 3:14 \xt ታይ 21፡9\x* 
\v 15 ሄሲካ ኢዛን ኣማኒዛዴይ ዉሪካ ሜርና ዴዖ ዴማናሳ።  
\v 16 ፆሳ ና ኣማኒዛይ ዉሪ ሜርና ዴዖ ዴማናፔ ኣቲን ꬋዮንታ ማላ ፆሲ ሃይሳ ኣላሜዛ ዳሮ ሲቂዳ ጊሽ ባ ሜፂ ኢሲ ናዛ ኢሚዴስ።  
\v 17 ፆሲ ባ ናዛ ሃ ዱጌ ኣላሜ ኪቲዳይ ኣላሜ ኣሳይ ኢዛን ኣማኒዲ ኣታና ማላሳ ኣቲን ኢዚ ኣላሜ ኣሳ ቦላ ፒርዳናስ ጊዴና። 
\p  
\v 18 “ኢዛ ኣማኒዛዴ ቦላ ፒርዴቴና። ኢዛ ኣማኖንታዴይ ጊዲኮ ፆሳ ና ኢሲኔዛን ኣማኖንታ ጊሽ ካሴካ ፒርዴቲ ኡቲዴስ።  
\v 19 ፒርዳይካ ሃይሳ ማላ፥ ፖዖይ ሃ ኣላሜ ዪዴስ ሺን ኣሳስ ኦሶይ ኢታ ጊዲዳ ጊሽ ኣሳይ ፖዖፔ ዳሮ ꬉማ ዶሲዴስ።  
\v 20 ኢታ ኦꬂዛዴይ ዉሪካ ፖዖ ዶሴና። ኢዚ ኦꬂዛ ኢታ ኦሶይ ቆንጪ ኬዞንታ ማላ ኢዚ ባ ሁዔስ ፖዖይ ዲዛሶ ኬዜና።  
\v 21 ቱሙ ኦꬂዛዴይ ጊዲኮ ፖዖይ ዲዛሶ ዬስ። ኢዚ ፖዖይ ዲዛሶ ዪዛ ጋሶይ ፆሳ ኣዛዞ ማላ ኢዚ ኦꬂዳ ኦሶይ ቆንጫና ማላሳ” ጊዴስ። 
\s1 ዬሱሳኔ ፃማቂዛ ዮሃኒሳ 
\p  
\v 22 ሄሳፌ ካሊዲ ዬሱሲ ባና ካሊዛይታራ ዩሁዳ ዴሬ ቢዴስ፤ ሄንካ ኣሳ ፃማቂሼ ኢስታራ ጉꬃ ዎዴ ጋምዒዴስ።  
\v 23 ሄ ዎዴ ሳሊሜ ኣቻን ሄኖኔ ጌቴቲዛሶን ዳሮ ሃꬂ ዲዛ ጊሽ ዮሃኒሲ ኣሳ ፃማቂሺን ኣሲካ ኢዛኮ ቢዲ ፃማቄቲዴስ።  
\v 24 ሄሳ ዎዴ ዮሃኒሲ ቡሮ ቃሾ ኬꬄ ጌሊቤና። \x * \xo 3:24 \xt ማቶ 14፡3፤ ማር 6፡17፤ ሉቃ 3፡19-20\x* 
\p  
\v 25 ሄ ዎዴ ዮሃኒሳ ካሊዛይታ ጊዶኒኔ ኢሲ ኢሲ ኣይሁዳ ኣሳታ ጊዶን ኣይሁዳታ ጌሾ ዎጋ ጊሽ ጊታ ፓላማይ ዴንዲዴስ።  
\v 26 ዮሃኒሳ ካሊዛይቲ ኢዛኮ ሺቂዲ “ኣስታማሬ! ኔናራ ዮርዳኖሴ ሻፋ ፒንꬃን ኢሲፌ ዲሺን ኔ ኢዛ ጊሽ ማርካቶ ኣዴዚ ሄኮ ፃማቄስ፤ ኣሲካ ኢዛኮ ቤስ” ጊዳ።  
\v 27 ዮሃኒሲካ ኢስታስ “ኦናስካ ፆሳፌ ኢሜቶንታ ዲሺን ኣይኮይካ ዳና ዳንዳዬና። 
\p  
\v 28 “ታኒ ኢዛፔ ሲንꬃታ ኪቴታዲስ ኣቲን ያና ጊዳ ኪርስቶሲ ታና ግዲኬ’ ጋዳ ታ ኢንቴስ ዮቶይሳስ ኢንቴ ኢንቴ ሁዔራ ታ ማርካታ። \x * \xo 3:28 \xt ዮሃ 1፡20\x* 
\v 29 ሳርጌ ዎዴ ኤካና ሚሺራይ ዲዛዴይ ኢዚካ ሚሺራ። ሚሺራ ላጌይ ጊዲኮ ሚሺራዛ ኣቻን ኤቂዲ ሚሺራዚ ጊዛዝ ሲዬስ። ሚሺራዛ ፃላ ሲይዲ ኡፋዬቴስ። ሄሳ ጊሽ ታ ኡፋይሲ ሃዒ ፖሌቲዴስ።  
\v 30 ኢዚ ꬎቁ ꬎቁ ጋና ማላ ታካ ዚቂ ዚቂ ጋና ኮሼስ። 
\p  
\v 31 “ፑዴፔ ዪዛዴይ ኡባፌ ቦላ። ጋርሳ ቢታፌ ዪዳዴይ ኢዚ ቢታፌኔ ቢታዚ ዮቴስ። ሳሎፔ ዪዛዴይ ኢዚ ኡባፌ ቦላ።  
\v 32 ኢዚ ባ ቤዪዳዚኔ ባ ሲዪዳዝ ማርካቴስ። ጊዶ ኣቲን ኢዛ ማርካቴꬅ ኤኪዛዴይ ዴና።  
\v 33 ኢዛ ማርካቴꬅ ኤኪዛዴይ ጊዲኮ ፆሳ ቱማንቻ ጊዲዳይሳ ቆንጪሴስ።  
\v 34 ፆሲ ኪቲዳዴይ ፆሳ ቃላ ዮቴስ። ፆሲካ ኢዛዴስ ባ ኣያና ማኪ ኢሜና። 
\p  
\v 35 “ኣዋይ ባ ና ዶሴስ። ሃኒዛ ዮዖ ዉርሲ ኢዛ ኩሼን ኣꬂ ኢሜስ። \x * \xo 3:35 \xt ማቶ 11፡27፤ ሉቃ 10፡22\x* 
\v 36 ናዛን ኣማኒዛዴስ ሜርና ዴዖይ ዴስ። ናዛን ኣማኖንታይ ጊዲኮ ፆሳ ሃንቆይ ኢዛ ቦላ ዳና ኣቲን ዴዖ ዴሜና” ጊዴስ። 
\c 4  
\p  
\v 1 ሄ ዎዴ ዬሱሲ ዮሃኒሳፔ ቦላራ ዳሮ ኣሳ ባና ካሊዛዴይ ኦꬂዛይሳኔ ፃማቂዛይሳ ፋርሳዌቲ ሲዪዳ።  
\v 2 ጊዶ ኣቲን ፃማቂዛይቲ ኢዛ ካሊዛይታፔ ኣቲን ኢዚ ፃማቂቤና።  
\v 3 ኢዛ ጊሽ ሃሳዬቲዛይሳ ፋርሳዌቲ ሲይዳ ዬሱሲ ኤሪዲ ዩሁዳ ዴሬ ኣጊዲ ጋሊላ ዴሬ ሲሚ ቢዴስ።  
\v 4 ኢዚ ሄ ቢሺን ሳማሪያራ ኣꬊ ባናይሲ ኢዛስ ኣቶንታዝ ጊዲዴስ። 
\p  
\v 5 ሄሳ ጊሽ ሲካሮ ጌቴቲዛሶ ሳማሪያ ካታማ ቢዴስ። ሲካራ ያቆቤይ ባ ና ዮሴፌስ ኢሚዳ ቢታ ኣቻን ዳዉስ። \x * \xo 4:5 \xt ሜꬌ 33፡19፤ ኢያ 24፡32\x* 
\v 6 ሄንካ ያቆቤ ሃꬃ ኦላይ ዴስ። ዬሱሲ ኦጌ ሃሙቲ ዳቡሪዳ ጊሽ ሄ ኦላይ ኣቻን ኡቲዴስ። ዎዴይካ ጋላሳፌ ኡሱፑን ሳቴ ማላ። 
\p  
\v 7 ሄሳ ዎዴ ኢሲ ሳማሪያ ዴሬ ማጫስ ዲዛራ ሃꬄ ዱቃናስ ሄ ሃꬃ ኦላኮ ያዱስ። ዬሱሲካ ኢዞ “ታና ሃꬄ ኡሻ” ጊዴስ። \f + \fr 4:7 \fq ቲካናስ \ft ጊዛ ቃላ ኢሲ ኢሲ ጋሞ ኣሳቲ ዱቃናስ ጌቴስ።\f* 
\v 8 ሄሲ ሃኒሺን ዬሱሳ ካሊዛይቲ ቁማ ሻማና ካታማ ቢዳ።  
\v 9 ሂና ሳማሪያ ማጫሳያ ዬሱሳ “ኔ ኣይሁዳ ኣስ ጊዳ ኡታዳ ዋናዳ ታና ሳማሪያ ማጫስ ‘ሃꬄ ኡሻ’ ጋ ኦይቻይ?” ጋዱስ። ኢዛ ሄሳ ጊዳይ ኣይሁዳ ኣሳሲኔ ሳማሪያ ኣሳስ ጋጎቴꬂ ዶንታ ጊሻሳ። \x * \xo 4:9 \xt ሂዚ 4፡1-5፤ ኢያ 4፡1-2\x* 
\p  
\v 10 ዬሱሲካ ኢዚስ “ፆሳ ኢሞታይኔ ኔና ‘ታና ሃꬄ ኡሻ’ ጊዛዴይ ኢዚ ኦናኮኔ ኔ ኤሪዛኮ ኔ ኢዛ ዎሳናስ ቤሴስ። ኢዚካ ኔስ ዴዖ ሃꬄ ኢማናኮሺን” ጊዴስ።  
\v 11 ኢዛካ ኢዛስ “ጎዶ! ኔስ ሃꬄ ዱቂዛ ሚሺ ዴና፤ ሃꬃ ኦላይካ ዳሮ ጪማ፤ ሂስቲን ኔ ዴዖ ሃꬂ ኣዋፔ ዴማኔ?  
\v 12 ኔ ሃይሳ ሃꬃ ኦላዛ ኑስ ኢሚዳ ኑ ኣዋ ያቆቤፔ ኣꬋይ? ኢዚኔ ኢዛ ናይቲ ኢዛ ሜሄቲካ ሃይሳ ሃ ኦላፌ ሃꬄ ኡዪዳ” ጋዱስ። 
\p  
\v 13 ዬሱሲ ኢዚስ “ሃይሳ ሃ ሃꬃፌ ኡዪዛይ ዉሪ ናምዓንꬆ ሳሞቲዲ ዛሪ ሃራ ኡያናሺን።  
\v 14 ታ ኢሚዛ ሃꬄ ኡዪዛዴይ ጊዲኮ ሜርናስ ሙሌካ ሳሞቴና። ጋሶይካ ታ ኢሚዛ ሃꬄ ኡዪዛዴስ ሜርና ዴዖስ ፑልቲዛ ፑልቶ ሃꬄ ጊዳና” ጊዴስ። 
\p  
\v 15 ማጫሳያካ “ጎዶ! ሃይሳፌ ጉዬ ታና ሃꬄ ሳሞንታ ማላኔ ቃሴካ ታ ሃꬄ ዱቃና ሃ ዮንታ ማላ ሄሳ ኔ ጊዛ ሃꬃ ማላ ሃꬄ ታስ ኢማርኪ?” ጋዱስ።  
\v 16 ዬሱሲካ ኢዞ “ባዳኔ ኔ ኣዚና ፄይጋ ኤካዳ ያ” ጊዴስ።  
\v 17 ማጫሳያካ ዛራዳ “ታስ ኣዚናይ ዴና” ጋዱስ። ኢዚ ሂዝጊን ዬሱሲ “ ‘ኔ ታስ ኣዚናይ ዴና’ ጉሳይ ቱሙኮ።  
\v 18 ጋሶይካ ካሴ ኔስ ኢቻሹ ኣዚናቲ ዴቴስ። ቃሴ ሃዒ ኔናራ ዲዛይሲ ኔ ኣዚና ጊዴና። ሄሳ ጊሽ ኔ ቱሙ ጋዳሳ” ጊዴስ። 
\p  
\v 19 ማጫሳያ ኢዛስ “ጎዶ! ኔኒ ናቤ ጊዲዳይሳ ታ ሃዒ ኤራዲስ።  
\v 20 ካሴ ኑ ኣዋቲ ሃይሳ ዙማ ቦላ ጎይኒዳ። ኢንቴ ቃሴ ‘ኣሳይ ጎይናናስ ቤሲዛሶይ ዬሩሳላሜንኮ!’ ጌታ” ጋዱስ። 
\p  
\v 21 ዬሱሲካ ኢዚስ “ሃኔ ማጫሳዬ፥ ፆሳ ኣዋስ ሃይሳ ዙማ ቦላ ዎይኮ ዬሩሳላሜን ኢንቴ ጎይኖንታ ዎዴይ ያናይሳ ኣማና፤  
\v 22 ኢንቴ ኢንቴ ኤሮንታ ፆሳስ ጎይኔታ። ኑ ጊዲኮ ኣሳስ ኣቶቴꬂ ኣይሁዳፔ ጊዲዳ ጊሽ ኑኒ ኑ ኤሪዛ ፆሳስ ጎይኖስ።  
\v 23 ጊዶ ኣቲን ቱሙ ጎይኒዛይቲ ፆሳ ኣዋስ ኣያናኒኔ ቱማን ጎይኒዛ ዎዴይ ቡሮ ያና። ሃራይ ኣቶሺን ሃዒካ ዪዴስ። ፆሳ ኣዋይካ ኮዪዛይ ሄሳ ማላ ጎይኒዛይታ።  
\v 24 ፆሲ ባ ሁዔስ ኣያና፤ ኢዛ ጎይኒዛይቲ ኣይናኒኔ ቱማን ጎይናናስ ቤሴስ” ጊዴስ። 
\p  
\v 25 ማጫሳያካ “ኪርስቶሲ ያናይሳ ታ ኤራይስ፤ ኢዚ ዪዲ ሃኒዛዝ ዉርሲ ኑስ ዮታና” ጋዱስ።  
\v 26 ዬሱሲካ ኢዚስ “ሃዒ ኔናራ ሃሳዪዛይ ታ ኢዛ” ጊዴስ። 
\p  
\v 27 ሄሲ ሃኒሺን ኢዛ ካሊዛይቲ ባ ቢዳሶፔ ሲሚዳ። ዬሱሲ ማጫሳራ ሃሳዪዛይሳ ማላሌቲዳ። ጊዶ ኣቲን “ሃኔ ኣይ ኮያይ? ዎይኮ ሃኒራ ኣዛስ ሃሳያይ?” ጊዲ ኦኒካ ኦይቺቤና።  
\v 28 ሄሳፌ ጉዬ ማጫሳያ ኦቶዛ ሄን ኣጋጋዳ ጌዴ ካታማ ባዳ ኣሳስ፤  
\v 29 “ታ ኦꬂዳዝ ዉርሲ ታስ ዮቲዳዴ ሃ ዪዲ ቤይቴ። ኦኔ ኤሪዛይ ፆሲ ቲዪዳ ኪርስቶሲ ኢዛኮኔ!” ጋዱስ። 
\p  
\v 30 ኣስካ ካታማፔ ኬዚዲ ዬሱሳኮ ቢዴስ።  
\v 31 ሄ ዎዴ ዬሱሳ ካሊዛይቲ ዬሱሳ “ኣስታማሬ! ቁማ ማ” ጊዲ ዎሲዳ።  
\v 32 ኢዚ ቃስ “ኢንቴ ኤሮንታይ ታ ሚዛ ቁማይ ታስ ዴስ” ጊዴስ። 
\p  
\v 33 ሄሳ ጊሽ ኢዛ ካሊዛይቲ “ኣይኮ ሚዛ ካꬅ ኣሲ ኢዛስ ኤሂዴሻ?” ጊዲ ባ ጊዶን ሃሳዬቲዳ  
\v 34 ዬሱሲካ ኢስታስ ዛሪዲ “ታ ቁማይ ታና ኪቲዳ ታ ኣዋ ሼኔ ኦሶኔ ኢዛ ኦሶ ፖሎ።  
\v 35 ኢንቴ ቃስ ‘ካꬃ ማፃይ ጋካናስ ቡሮ ኦይዱ ኣጊናይ ኣቲዴስ’ ጌታ ጊዴኬቲ? ቃስ ታ ጊዲኮ ኢንቴና ‘ꬎቁ ጊዲ ካꬃይ ማፃ ጋኪዳይሳ ፄሊቴ’ ጋይስ።  
\v 36 ማፂዛዴይ ባ ዳሞዛ ኤካና። ሜርናስ ጊዲዛ ኣይፌ ሺሻና። ሄሳ ጊሽ ዜሪዛዴይኔ ማፂዛዴይ ኢሲፌ ኡፌዬታና።  
\v 37 ሄሳ ጊሽ ኢሳዴይ ዜራና፤ ሃራ ኣሲ ማፃና ጌቴቲዛ ሌሚሶይ ቱማ።  
\v 38 ታ ኢንቴና ኢንቴ ዳቡሮንታይሳ ማፃና ማላ ዬዳዲስ። ሃራቲ ኦሶን ዳቡሪዳ። ጊዶ ኣቲን ኢንቴ ኢስታ ዳቡርሳን ጎዔቲዴታ” ጊዴስ። 
\p  
\v 39 ማጫሳያ “ታ ኦꬂዳዚ ዉርሲ ታስ ኢዚ ዮቲዴስ” ጋዳ ኣሳስ ማርካቲዳ ማላ ካታማፔ ዳሮ ሳማሪያ ኣሳይ ኢዛን ኣማኒዴስ።  
\v 40 ሄሳ ጊሽ ሳማሪያ ኣሳይ ዬሱሳኮ ዪዲኔ ኢዚ ኢስታኮን ጋምዓና ማላ ዎሲዳ። ኢዚካ ናምዑ ጋላስ ሄን ጋምዒዴስ።  
\v 41 ኢዛ ቃላ ሲይዲ ዳሮ ኣሳይ ኢዛ ኣማኒዴስ።  
\v 42 ማጫሳዮካ “ሃዒ ኑ ኢዛ ኣማኒዛይ ኔ ዮቲዳ ቃላ ጊሽ ፃላ ጊዶንታ ኑካ ኑ ባጋራ ኢዛፔ ሲዪዳ ጊሺኔ ቱማፔ ኢዚ ዴሬ ኣሺዛዴ ጊዲዳይሳ ኤሪዳ ጊሻሳ” ጊዳ። 
\s1 ዬሱሲ ሹሜዛ ናዛ ፓꬂዴስ 
\p  
\v 43 ዬሱሲ ሳማሪያን ናምዑ ጋላስ ጋምዒዳፔ ጉዬ ጋሊላ ቢዴስ።  
\v 44 ኢዚ ባ ባጋራ “ናቤይ ባ ዴሬን ቦንቼቴና” ጊ ዮቲዴስ። \x * \xo 4:44 \xt ማቶ 13፡57፤ ማር 6፡4፤ ሉቃ 4፡24\x* 
\v 45 ጊዶ ኣቲን ኢዚ ጋሊላ ቢን ጋሊላ ኣሳይ ኢዛ ሎዔꬂ ሞኪ ኤኪዴስ። ጋሶይካ ፓዚጋ ባዓሌ ቦንቻና ዬሩሳላሜ ቢዳሶን ሄን ዲሺን ኢዚ ኦꬂዳይሳ ዉርሲ ቤዪዳ ጊሻሳ። \x * \xo 4:45 \xt ዮሃ 2፡23\x* 
\p  
\v 46 ሄሳፌ ጉዬ ዬሱሲ ሃꬄ ዎይኔ ጫጄ ኦꬂዳ ጋሊላ ዴሬ ጊዶን ዲዛ ቃና ጌቴቲዛ ካታማ ናምዓንꬆ ቢዴስ። ሄ ዎዴ ቂፊርናሆሜን ኢዛስ ናይ ሳኬቲዳ ኢሲ ካዎ ሹሜይ ዴስ። \x * \xo 4:46 \xt ዮሃ 2፡1-11\x* 
\v 47 ኢዚካ ዬሱሲ ዩሁዳ ዴሬፔ ጌዴ ጋሊላ ዪዳይሳ ሲይዲ ዬሱሳኮ ቢዴስ። ዬሱሲ ዱጌ ቂፊርናሆሜ ዎꬋና ማላኔ ዳሮ ሳኬቲዲ ሃይቃና ጊዛ ናዛ ፓꬃና ማላ ዬሱሳ ዎሲዴስ።  
\v 48 ዬሱሲካ ኢዛስ “ኢንቴ ጊታ ማላታታኔ ማላሊሲዛዝ ቤዮንታ ኣይኮካ ኣማኔኬታ” ጊዴስ። 
\p  
\v 49 ሹሜዚካ ዛሪዲ “ጎዶ፥ ታ ናዚ ሃይቆንታ ኤሌላ ዎꬋርኪ!” ጊዴስ።  
\v 50 ዬሱሲካ ኢዛ “ኔኒ ኔሶ ባ! ናዚ ፓፂዴስ” ጊዴስ። ኣዴዚካ ዬሱሲ ኢዛስ ዮቲዳ ቃላ ኣማኒዲ ሶ ሲሚ ቢዴስ።  
\v 51 ኢዚ ሶ ቢሺን ኢዛ ኣሽካራቲ ኢዛራ ኦጌን ጋጊዲ “ኔ ናዚ ፓፂዴስ” ጊዲ ኢዛስ ዮቲዳ። 
\p  
\v 52 ሹሜዚካ ናዚ ኣይ ሳቴን ፓፂዳኮኔ ኢስታ ዛሪ ኦይቺዴስ። ኢስቲካ ኢዛስ “ቃማ ጋላሳፌ ላፑን ሳቴን ኢዛ ሚቺዛይሲ ኣጊዴስ” ጊዳ። \f + \fr 4:52 \fq ቃማ \ft ጊዛ ቃላ ኢሲ ኢሲ ባጋ ጋሞ ቃላን ዚኔ ጌቴስ።\f* 
\v 53 ናዛ ኣዋይካ ዬሱሲ “ኔ ናዚ ፓፂዴስ” ጊዳይ ሄ ኢስቲ ኢዛስ ዮቲዛ ዎዴ ጊዲዳይሳ ኤሪዴስ። ሄሳ ጊሽ ሄ ጋላሳፌ ኦይኪዲ ኢዚኔ ኢዛ ሶ ኣሳይ ዉሪ ዬሱሳ ኣማኒዳ። 
\p  
\v 54 ሃይሲ ማላታይ ዬሱሲ ዩሁዳፔ ጋሊላ ዪዲ ኦꬂዳ ናምዓንꬆ ማላታ። 
\c 5  
\s1 ዬሱሲ ኢሲ ቶሆይ ሲሊዳዴ ፓꬂዴስ 
\p  
\v 1 ሄሳፌ ካሊዲ ኣይሁዳታ ባዓሌይ ዲዛ ጊሽ ዬሱሲ ዬሩሳላሜ ቢዴስ።  
\v 2 ዬሩሳላሜን ዶርሲ ጌሊዛ ፔንጌ ኣቻን ኢብራዌታ ቃላራ “ቤቴሳይዳ” ጌቴቲዛ ኢሲ ፑልቶፌ ሺቂዲ ኤሊዳ ሃꬂ ዴስ። ኢዛፔ ቦላራ ካማይ ዲዛ ኢቻሹ ኦጌቲ ዴቴስ። \f + \fr 5:2 \fq ቤቴሳይዳ \ft ኢሲ ኢሲ ጌሻ ማፃፋቲ “ቤቴዛታ” ጊሺን ሃራይቲ ቃሴካ “ቤቴሳይዳ” ጌቴስ። ቢሪሼꬃይካ “ማሮቴꬃ ኬꬃ” ጉሳ።\f* 
\v 3 ዳሮ ሃርጋንቻቲ፥ ኣይፌ ቆቄቲ፥ ቶሆ ዎቤቲኔ ቶሆ ሲላቲ ኦጌ ቦላ ኢቺዲ ሃꬃይ ቃፄታና ጋካናስ ናጌቴስ።  
\v 4 ኢሲ ኢሲ ዎዴ ጎዳ ኪታንቻይ ሃꬃን ዎꬊዲ ሃꬃ ቃꬄስ። ሃꬃ ቃꬃፌ ካሊዲ ኮይሮቲዲ ሃꬃን ጌሊዛ ሃርጋንቻይ ባና ሳኪዛ ኣይ ሃርጌፌካ ፓፄስ። \f + \fr 5:4 \ft ኢሲ ኢሲ ጌሻ ማፃፋቲ ፓይዶ ሄꬓስ ዉርሴꬃ ቦላፔ ቢዲ ኦይዱ ዉርሴꬂ ጋካናዉ ዲዛ ቆፋ ጉጄቴና።\f* 
\v 5 ሄን ጋዳን ሄꬑ ታማኔ ኦሱፑን ላይꬅ ኩሜꬅ ሳኬቲዳ ኢሳዴይ ዴስ።  
\v 6 ዬሱሲ ኣዴዛ ሄን ኢቺዳይሳ ቤዪዲኔ ኢዚ ዳሮ ላይꬅ ሳኬቲዳይሳ ኤሪዲ “ኔ ፓፃና ኮያይ?” ጊዴስ። 
\p  
\v 7 ሃርጋንቻዚካ ዛሪዲ “ጎዶ! ሃꬃይ ቃፄቲዛ ዎዴ ታና ሃꬃን ጌልꬂዛ ኣሲ ዴና፤ ታ ቡሮ ባና ጊሺን ሃራይ ታፔ ካሴቲ ሃꬃን ጌሌስ” ጊዴስ  
\v 8 ዬሱሲካ ኢዛ “ዴንዳ! ኔ ኢቺዳ ኣልጋ ቶካዳ ባ!” ጊዴስ። 
\p  
\v 9 ኣዴዚካ ሄራካ ፓፂዴስ። ባ ኣልጋ ቶኪ ኤኪዲ ቢዴስ። ሄሲ ሃኒዳይ ኣይሁዳታ ሳምባታ ጋላሳ።  
\v 10 ሄሳ ጊሽ ኣይሁዳታ ሃላቃቲ ፓፂዳ ኣዴዛ “ሃች ሳምባታራ ኔ ኣልጋ ቶካና ማላ ሙሴ ዎጋይ ኣዛዜና” ጊዳ። \x * \xo 5:10 \xt ናሂ 13፡19፤ ኤር 17፡21\x* 
\v 11 ኢዚካ ኢስታስ “ ‘ኔ ኢቺዳ ኣልጋ ቶካዳ ባ’ ጊ ዮቲዴስ” ጊዴስ።  
\v 12 ኢስቲካ “ኔና ኣልጋ ቶካዳ ባ ጊዳይ ኦኔ?” ጊ ኦይቺዳ።  
\v 13 ዴሬይ ዳሪዳ ጊሺኔ ዬሱሲ ሄፔ ሃኪ ቢዳ ጊሽ ኢዛ ኦኒ ፓꬂዳኮኔ ኣዴዚ ኤሪቤና። 
\p  
\v 14 ሄሳፌ ጉዬ ዬሱሲ ኣዴዛ ፆሳ ኬꬃን ዴሚዲ “ሄኮ ሃዒ ኔ ፓፃዳሳ፤ ካሴይሳፌ ኣꬊዛ ኢታ ሚሺ ኔ ቦላ ጋኮንታ ማላ ናምዓንꬆ ናጋራ ኦꬆፋ” ጊዴስ 
\p  
\v 15 ኣዴዚካ ቢዲኔ ኢዛ ፓꬂዳይ ዬሱሳ ጊዲዳይሳ ኣይሁዳታ ሃላቃታስ ዮቲዴስ።  
\v 16 ኣዴዛ ሳምባታ ጋላስ ፓꬂዳ ጊሽ ኣይሁዳታ ዳናቲ ዬሱሳ ኦይካና ዬዴꬂዳ።  
\v 17 ዬሱሲካ ኢስታስ “ታ ኣዋይ ኡባ ዎዴ ኦꬄስ፥ ታካ ኦꬃና” ጊዴስ፤  
\v 18 ሄሳ ጋሶን ኣይሁዳታ ዳናቲ ዬሱሳ ዎꬋና ማላ ካሴፔ ኣꬂ ዴንꬄꬂዳ። ቃሴ ኢዚ ሳምባታ ሞሪዳ ጊሽ ፃላ ጊዶንታ “ፆሲ ታ ኣዋ” ጊዳ ጊሺኔ ባና ፆሳራ ጊኒሲዳ ጊሻሳ። 
\s1 ፆሳ ና ጎዳቴꬅ 
\p  
\v 19 ዬሱሲ ኢስታስ “ታ ኢንቴስ ቱሙ ጋይስ፤ ኣዋይ ኦꬂሺን ቤዪዳይሳ ኦሶፔ ኣቲን ናዚ ባ ሼኔን ኣይኔ ኦꬄና። ኣዋይ ኦꬂዛይሳ ኢዛ ናይ ሄሳꬆካ ኦꬄስ።  
\v 20 ጋሶይካ ኣዋይ ናዛ ዶሴስ። ባ ኦꬂዛይሳካ ዉርሲ ኢዛ ቤሴስ፤ ኢንቴ ማላሌታና ማላ ሃይሳፌካ ኣꬊዛ ኦሶ ቡሮ ቤሳና።  
\v 21 ኣዋይ ሃይቂዳይታ ዴንꬂዛይሳꬆኔ ዴዖ ኢሚዛይሳꬆ ናዚካ ሄሳꬆ ባ ኮዪዳዴስ ዴዖ ኢማና።  
\v 22 ኣዋይ ኦና ቦላካ ፒርዴና። ጊዶ ኣቲን ፒርዳ ማታ ዉርሲ ባ ናዛስ ኢሚዴስ።  
\v 23 ኢዚ ሄሳꬆ ኦꬂዳይ ኣሳይ ዉሪ ኣዋ ቦንቻና ማላኔ ቃሴካ ናዛካ ቦንቻና ማላሳ። ናዛ ቦንቾንታይ ናዛ ኪቲዳ ኣዋካ ቦንቼና። 
\p  
\v 24 “ታ ኢንቴስ ቱማ ጋይስ፥ ታ ቃላ ሲዪዛዴሲኔ ታና ኪቲዳዴን ኣማኒዛዴስ ሜርና ዴዖይ ዴስ። ኢዛዴይ ሃይቆፔ ጌዴ ዴዖን ፒኒዴስ ኣቲን ኢዛ ቦላ ፒርዴቴና።  
\v 25 ታ ኢንቴስ ቱማ ጋይስ፥ ካሴ ሃይቂዳ ኣሳቲ ፆሳ ና ቃላ ሲዪዛ ዎዴይ ያና፤ ሄ ዎዴያካ ሃኖ፤ ሲዪዛይቲ ዉሪ ዴዖን ዴኣና።  
\v 26 ጋሶይካ ኣዋይ ባ ባጋራ ዴዖይ ዲዛ ማላ ናዚካ ባ ባጋራ ዴዖይ ዳና ማላ ኦꬂዴስ።  
\v 27 ኢዚ ኣሳ ና ጊዲዳ ጊሽ ፒርዳና ማላ ጎዳቴꬅ ኢዛስ ኢሚዴስ።  
\v 28 ሃይሳን ኣይኮካ ማላሌቶፍቴ። ጋሶይካ ቡሮ ካሴ ሃይቂዲ ዱፎን ዲዛይቲ ዉሪ ኢዛ ቃላ ጊሪስ ሲዪዛ ዎዴይ ያና።  
\v 29 ሎዖ ኦꬂዳይቲ ሃይቆፔ ዴንዲዲ ፓፃና። ጊዶ ኣቲን ኢታ ኦꬂዳይቲ ሃይቆፔ ዴንዲዲ ፒርዴታና። \x * \xo 5:29 \xt ዳኔ 12፡2\x* 
\s1 ዬሱሳስ ማርካቲዳ ኣሳታ 
\p  
\v 30 “ታ ታ ሼኔን ኣይኮካ ኦꬃናስ ዳንዳዪኬ፤ ጊዶ ኣቲን ታ ኣዋፔ ታ ሲዪዳ ማላ ፒርዳይስ። ታና ኪቲዳይሳ ሼኔ ኦꬃይስ ኣቲን ታ ሼኔን ታ ኦꬆንታ ጊሽ ታ ፒርዳን ባላይ ባዋ።  
\v 31 ታኒ ታ ጊሽ ታርካ ማርካቲኮ ታ ማርካይ ቱሙ ጊዴና።  
\v 32 ጊዶ ኣቲን ታ ጊሽ ማርካቲዛዴይ ሃራይ ዴስ። ኢዚካ ታ ጊሽ ማርካቲዛዴ ማርካቴꬃይ ቱሙ ጊዲዳይሳ ታ ኤራይስ።  
\v 33 ኢንቴ ዮሃኒሳኮ ኣሴ ኪቲዴታ ሺን ኢዚካ ቱሙ ማርካቲዴስ። \x * \xo 5:33 \xt ዮሃ 1፡19-27፤ 3፡27-30\x* 
\v 34 ታ ሃይሳ ጊዛይ ኢንቴ ኣታና ማላ ኣቲን ታስ ሃራ ማርካቴꬅ ኮሺዳ ጊሽ ጊዴና።  
\v 35 ዮሃኒሲ ኤፂዲ ፖዒሲዛ ፖዖ ማላ። ኢንቴካ ጉꬃ ዎዴ ኢዛ ፖዖን ኡፋዬታና ኮዪዴታ።  
\v 36 ታስ ጊዲኮ ዮሃኒሳ ማርካቴꬃፌ ኣꬊዛ ማርካይ ዴስ። ታ ማርካይካ ታ ኣዋይ ታስ ኢሚዳ ኦሶ። ሄሲካ ታ ኦꬂዛ ኦሶይ ታ ኣዋይ ታና ኪቲዳይሳ ታስ ማርካቴስ።  
\v 37 ታና ኪቲዳ ታ ኣዋይካ ባ ሁዔራ ታስ ማርካቲዴስ። ኢንቴ ጊዲኮ ኢዛ ቃላ ጊሪስ ሙሌካ ሲይቤይኬታ። ኢዛስ ሜꬋካ ሙሌራ ቤይቤኬታ። \x * \xo 5:37 \xt ማቶ 3፡17፤ ማር 1፡11፤ ሉቃ 3፡22\x* 
\v 38 ኢዚ ኪቲዳዴን ኢንቴ ኣማኖንታ ጊሽ ኢዛ ቃላይ ኢንቴ ኣቻን ዴና።  
\v 39 ኢንቴስ ጌሻ ማፃፋታፔ ሜርና ዴዖ ዴማናስ ሚሳቲን ማፃፋታ ፒሊጌታ፤ ማፃፋቲካ ታ ጊሽ ማርካቴቴስ።  
\v 40 ጊዶ ኣቲን ኢንቴ ዴዖ ዴማናስ ታኮ ሃ ያና ኮዬኬታ። 
\p  
\v 41 “ታ ኣሳፔ ቦንቾ ኮዪኬ።  
\v 42 ታ ኢንቴና ኤራይስ፤ ፆሳ ሲቆይ ኢንቴናን ባይንዳይሳካ ኤራይስ።  
\v 43 ታኒ ታ ኣዋ ሱንꬃን ያዲስ ሺን ኢንቴ ታና ሞኪ ኤኪቤኬታ። ሃራ ኣሲ ቃሴ ባ ሱንꬃን ዪኮ ኢንቴ ኢዛ ሞኪ ኤኬታ።  
\v 44 ኢንቴ ኢንቴ ጊዶን ኢሶይ ኢሳፌ ቦንቾ ኮዪዛይቶ! ኢሲ ፆሳፌ ቤቲዛ ቦንቾ ኮዮንታይቶ ኢንቴ ዋኒዲ ታና ኣማናና ዳንዳዬቲ?  
\v 45 ታ ኣዋ ሲንꬃን ኢንቴና ሞታናይ ኢንቴስ ታና ሚሳቶፖ። ኢንቴና ሞታናይ ኢንቴ ኢዛ ሂዶታ ኦꬂዛ ሙሴ፤  
\v 46 ሙሴይ ታ ጊሽ ፃፊዳይሳ ኣማኒዳኮ ኢንቴ ታና ኣማናና።  
\v 47 ኢዚ ፃፊዳይሳ ኢንቴ ኣማኖንታ ኣጊኮ ቃሴ ታ ቃላ ኢንቴ ዋኒ ኣማናኔ?” ጊዴስ። 
\c 6  
\s1 ዬሱሲ ኢቻሹ ሺ ኣሳ ሚዚዴስ 
\r (ማቶ 14፡13-21፤ ማር 6፡30-44፤ ሉቃ 9፡10-17) 
\p  
\v 1 ሄሳፌ ጉዬ ዬሱሲ ፂቢራዶሴ ጌቴቲዛሶ ጋሊላ ኣባፌ ሄ ፒንꬅ ፒኒዴስ።  
\v 2 ዬሱሲ ሃርጋንቻታ ፓꬂዳ ማላታ ቤዪዳ ጊሽ ዳሮ ኣሳይ ኢዛ ካሊዴስ።  
\v 3 ዬሱሲ ባና ካሊዛይታራ ፑዴ ዙማ ቦላ ኬዚ ኡቲዴስ።  
\v 4 ሄ ዎዴ ኣይሁዳታ ፓዚጋ ባዓሌይ ማቲ ኡቲዴስ።  
\v 5 ሄ ዎዴ ዳሮ ዴሬይ ኢዛኮ ዪዛይሳ ዬሱሲ ꬎቁ ጊ ፄሊዲ ፒሊጶሳ “ሃይሳ ዴራስ ጊዳና ቁማ ኣዋፔ ሻማና ዳንዳዪዞኒ?” ጊዴስ።  
\v 6 ዬሱሲ ፒሊጶሳ ሄሳꬆ ኦይቺዳይ ኢዛ ፓጫናስ ጊዲፔ ኣቲን ኢዚ ባ ኦꬃናይሳ ኤሬስ። 
\p  
\v 7 ፒሊጶሲካ ኢዛስ “ኢሲ ኢሳዴስ ኢሲ ባርስ ጊዲዛ ካꬅ ሻሚዛኮካ ናምዑ ፄቱ ዲናሬን ሻሚዳ ካꬂካ ሃይሳስ ጊዴና” ጊዴስ።  
\v 8 ዬሱሳ ካሊዛይታፔ ኢሶይ ሲሞና ጴፅሮሳ ኢሻ ኢንዲራሲ፥  
\v 9 “ኢቻሹ ባንጋ ኡኬꬂኔ ናምዑ ሞሌ ኦይኪዳ ኢሲ ናይ ሃይሳን ዴስ። ጊዶ ኣቲን ሃና ሃይሳ ሃ ዴሬዛስ ኣይ ጊዳኔ?” ጊዴስ። 
\p  
\v 10 ዬሱሲካ ዛሪዲ “ኣሳ ኡባ ኡቲሲቴ” ጊዴስ። ሄን ጋዳን ዳሮ ማታይ ዲዛ ጊሽ ኣሳይ ኡቲዴስ። ኣሳ ቆዳይካ ኢቻሹ ሺ ጊዲዛዛ።  
\v 11 ሄሳፌ ጉዬ ዬሱሲ ኡኬꬃ ኤኪዲ ጋላታ ዎሳ ዎሲዲ ኡቲዳ ኣሳስ ጊሺዴስ። ሞሌዛካ ሄሳꬆካ ጊሼቺዴስ። ኣሳይ ዉሪካ ባስ ጊዲዛዝ ዴሚዴስ።  
\v 12 ኣሳይ ዉሪካ ካሊ ሚን ዬሱሲ ባና ካሊዛይታ “ማዳን ኣቲዳ ካꬃ ኢሲኖካ ኣሾንታ ሺሺቴ” ጊዴስ።  
\v 13 ኢስቲካ ኣሳይ ሚሺን ኢቻሹ ኡኬꬃፌ ኣቲዳ ታማኔ ናምዑ ሌማቴ ኩሜꬅ ሺሺዳ። 
\p  
\v 14 ኣሳቲካ ዬሱሲ ኦꬂዳ ማላታ ቤዪዲ “ሃይሳዴይ ቱማፔ ሃ ኣላሜ ያና ናቤዛኮ!” ጊዴስ።  
\v 15 ኣሳይ ቃሴ ዎልቃራ ዬሱሳ ካዎꬃና ቆፒዳይሳ ኤሪዲ ዬሱሲ ቃሴካ ኢስታፌ ሃኪ ቢዲ ዙማ ቦላ ኬዚዴስ። 
\s1 ዬሱሲ ኣባ ቦላራ ሃሙቲዴስ 
\r (ማቶ 14፡22-27፤ ማር 6፡45-52) 
\p  
\v 16 ጋዴይ ቃሚሺን ዬሱሳ ካሊዛይቲ ዱጌ ኣባኮ ዎꬊዳ።  
\v 17 ዎጎሎን ጌሊዲ ቂፊርናሆሜ ባና ኬዚዳ። ኢስቲ ኬዚሺን ጋዴይ ꬉሚዴስ። ዬሱሲ ሄሳ ጋካናሲካ ኢስታኮ ዪቤና።  
\v 18 ዎልቃማ ጫርኮይ ጫርኪዛ ጊሽ ኣባይ ኬሂ ቃፂዴስ።  
\v 19 ኢዛ ካሊዛይቲ ባጋ ሳቴ ኦጌ ማላ ዎጎሎዛ ላጊዳፔ ጉዬ ዬሱሲ ኣባ ቦላራ ቶሆራ ሃሙቲ ዎጎሎዛኮ ማቲሺን ዴሚዲ ባቢዳ።  
\v 20 ኢዚካ ኢስታስ “ታናኮ! ባቦፍቴ!” ጊዴስ።  
\v 21 ኢስቲካ ኢዛ ኡፋይሳራ ጌዴ ዎጎሎዛ ጊዶ ኤካና ኮይዳ። ሄራካ ዎጎሎዚካ ኢስቲ ባናሶ ጋኪዴስ። 
\s1 ዬሱሲ ኣሳስ ዴዖ ቁማ 
\p  
\v 22 ኣባፌ ሄ ፒንꬃን ኣቲዳ ኣሳይ ዎንቴꬃ ጋላስ ኣባ ቦላ ኢሲ ዎጎሎይ ፃላ ዲዛሮ ቤዪዴስ። ዬሱሳ ካሊዛይቲ ካሴ ባርካ ቢዳይሳኔ ዬሱሲ ኢስታራ ዎጎሎን ጌሎንታይሳ ኤሪዳ።  
\v 23 ጊዶ ኣቲን ሃንኮ ዎጎሎቲ ፂቢራዶሴፔ ዴንዲዲ ዬሱሲ ጋላታ ዎሳ ዎሲን ኣሳይ ካꬃ ሚዳሶ ዪዳ።  
\v 24 ኣሳቲካ ዬሱሲ ዎይኮ ኢዛ ካሊዛይቲ ሄን ባይንዳይሳ ቤዪዲ ሄ ዎጎሎታን ጌሊዲ ዬሱሳ ኮሽ ቂፊርናሆሜ ቢዴስ።  
\v 25 ኣባፌ ሄ ፒንꬃን ኢዛ ዴሚዲ “ኣስታማሬ! ኔ ኣይዴ ሃይሳ ያዲ?” ጊዳ። 
\p  
\v 26 ዬሱሲካ ኢስታስ “ታ ኢንቴስ ቱማ ጋይስ ኢንቴ ታና ኮዪዛይ ካꬅ ሚ ካሊዳ ጊሽ ኣቲን ማላታ ቤዪዳ ጊሽ ጊዴና።  
\v 27 ꬋያና ካꬃስ ኦꬆፍቴ። ጊዶ ኣቲን ሄሳፌ ኣꬂዲ ፆሳ ኣዋይ ኣማንꬂዛ ማታሜ ኢዛ ቦላ ሾጪዳ ጊሽ ኣሳ ናይ ኢንቴስ ኢሚዛ ሜርና ዴዖስ ጊዲዛ ካꬃስ ኦꬂቴ” ጊዴስ።  
\v 28 ኢስቲካ ኢዛ “ሂስቲን ፆሳ ኦሶ ኦꬃናስ ኑ ኣይ ኦꬂኖ?” ጊዳ።  
\v 29 ዬሱሲካ “ፆሳ ኦሶይ ፆሲ ኪቲዳ ኢዛ ናዛን ኣማኖ” ጊዲ ኢስታስ ዛሪዴስ። 
\p  
\v 30 ኢስቲካ ኢዛስ “ኑ ቤዪዲ ኔና ኣማናና ማላ ኔ ኑና ኣይ ማላታ ቤሳኔ? ቃሴካ ኣይ ኦꬃኔ?  
\v 31 ‘ኢስቲ ማና ማላ ኢስታስ ቁማ ሳሎፔ ኢሚዴስ’ ጌቴቲ ፃፌቲዳ ማላ ካሴ ኑ ኣዋቲ ባዞ ቢታን ማና ጌቴቲዛ ካꬅ ሚዳ” ጊዳ። \x * \xo 6:31 \xt ኬሳ 16፡4፥15፤ ማዛ 78፡24\x* 
\v 32 ዬሱሲ ኢስታስ “ታ ኢንቴስ ቱሙ ጋይስ፤ ሳሎፔ ዎꬊዳ ቁማ ኢንቴስ ኢሚዳይ ሙሴ ጊዴና። ቱሙ ቁማ ሳሎፔ ኢንቴስ ኢሚዛይ ታ ኣዋ።  
\v 33 ጋሶይካ ፆሳ ቁማይ ሳሎፔ ዎꬊዲ ኣላሜስ ዴዖ ኢሚዛይሳ” ጊዴስ።  
\v 34 ሄሳ ጊሽ ኣሳይ “ጎዶ ሄሳ ማላ ቁማ ኑስ ኡባ ዎዴ ኢማርኪ!” ጊዴስ። 
\p  
\v 35 ዬሱሲካ ኢስታስ “ዴዖ ቁማይ ታና፤ ታኮ ዪዛ ኣሲ ሙሌካ ጋፌቴና፤ ታና ኣማኒዛዴይ ኣይዴካ ሳሜቴና።  
\v 36 ካሴ ታ ኢንቴስ ጊዳ ማላ ኢንቴ ታና ቤይዴታ ሺን ኣማኒቤይኬታ።  
\v 37 ታ ኣዋይ ታስ ኢሚዛይ ዉሪካ ታኮ ያና። ታኮ ዪዛዴ ታ ጌዴ ካሬ ጎዲኬ።  
\v 38 ጋሶይካ ታ ሳሎፔ ዎꬊዳይ ታና ኪቲዳይሳ ሼኔ ኦꬃናስ ኣቲን ታ ሼኔ ኦꬃናስ ጊዴና።  
\v 39 ታና ኪቲዳይሳ ሼኔይ ታስ ኢሚዳይታፔ ኢሳዴካ ꬋይሶንታ ዉርሴꬃ ጋላስ ታ ዴንꬃና።  
\v 40 ኤ ታ ሼኔይ ናዛ ቤዪዲ ኢዛ ኣማኒዛዴይ ዉሪ ሜርና ዴዖ ዴማናሳ። ታኒካ ዉርሴꬃ ጋላስ ኢዛ ሃይቆፔ ዴንꬃና” ጊዴስ።  
\v 41 ሄሳ ጊሽ ዬሱሲ “ሳሎፔ ዎꬊዳ ቁማይ ታና” ጊዳ ጊሽ ኣይሁዳቲ ኢዛ ቦላ ዙዙሜቲዳ።  
\v 42 “ሃይሲ ዮሴፌ ና ዬሱሳ ጊዴኔ? ኢዛ ኣዋኔ ኢዛ ኣዮ ኑ ኤሮኮኒ? ሂስቲን ሃዒ ኢዚ ‘ሳሎፔ ዎꬋዲስ’ ዋኒ ጊዜ?” ጊዳ። 
\p  
\v 43 ዬሱሲካ ኢስታስ “ኢንቴ ኢንቴ ጊዶን ዙዙሜታ።  
\v 44 ታና ኪቲዳ ታ ኣዋይ ፄይጊዳዴፌ ኣቲን ታኮ ያና ዳንዳዪዛዴይ ኦኒካ ዴና። ባርካ ታኮ ያና ዳንዳዪዛይ ኦኒካ ዴና። ታኮ ዪዛዴካ ዉርሴꬃ ጋላስ ታ ኢዛ ሃይቆፔ ዴንꬃና።  
\v 45 ናቤታ ማፃፋታን ኣሳይ ዉሪ ፆሳፌ ታማሪዳዴ ጊዳና ጌቴቲ ፃፌቲዴስ። ሄሳ ጊሽ ኣዋፔ ሲይዲ ታማሪዳ ኣሲ ዉሪ ታኮ ያና። \x * \xo 6:45 \xt ኢሳ 54፡13\x* 
\v 46 ሄሳ ጉሲ ኣዋ ቤዪዳ ኣሲ ዴስ ጉሲ ጊዴና። ኣዋ ቤዪዳይ ፆሳ ኣቻፌ ዪዳይሳ ፃላ።  
\v 47 ታ ኢንቴስ ቱማ ጋይስ፤ ታናን ኣማኒዳ ኣሳስ ሜርና ዴዖይ ዴስ።  
\v 48 ታኒ ዴዖ ቁማ።  
\v 49 ካሴ ኢንቴ ኣዋቲ ባዞ ቢታን ማና ሚዳ። ጊዶ ኣቲን ዉሪካ ሃይቂዳ።  
\v 50 ሳሎፔ ዎꬊዳ ቁማይ ሃይሳ። ሃይሳ ሚዛዴይ ሙሌካ ሃይቄና።  
\v 51 ሳሎፔ ዎꬊዳ ዴዖ ቁማይ ታና። ሃይሳ ሃ ቁማፔ ሚዛዴይ ዉሪካ ሜርናስ ዳና። ኣላሜስ ዴዖ ጊዳና ማላ ታ ኢሚዛ ቁማይ ታ ኣሾዛ” ጊዴስ። 
\p  
\v 52 ሄሳ ዎዴ ኣይሁዳቲ “ሃይሲ ኣዴዚ ኑ ኢዛ ኣሾ ማና ማላ ዎስቲ ኢማኔ?” ጊዲ ባ ጊዶን ፓላሜቲዳ።  
\v 53 ሄሳ ጊሽ ዬሱሲ ኢስታ “ታ ኢንቴስ ቱሙ ጋይስ፤ ኣሳ ና ኣሾ ኢንቴ ሞንታ ኣጊኮ፥ ኢዛ ሱꬂካ ኡዮንታ ኣጊኮ ኢንቴስ ዴዖይ ዴና።  
\v 54 ታ ኣሾ ሚዛዴሲኔ ታ ሱꬅ ኡዪዛዴስ ኡባስ ሜርና ዴዖይ ዴስ። ታካ ኢዛዴ ዉርሴꬃ ጋላስ ሃይቆፔ ዴንꬃና።  
\v 55 ጋሶይካ ታ ኣሾይ ቱሙ ቁማ። ታ ሱꬃይካ ቱሙ ኡሻ።  
\v 56 ታ ኣሾ ሚዛይኔ ታ ሱꬅ ኡዪዛይ ዉሪ ታናን ዳና። ታካ ኢዛዴን ዳና።  
\v 57 ዴዖ ኣዋይ ታና ኪቲዳ ማላኔ ታካ ኢዛን ዴዖን ዲዛ ማላ ሄሳꬆካ ታ ኣሾ ሚዛዴይ ዉሪ ታናን ዴዖን ዳና።  
\v 58 ሄሳ ጊሽ ሳሎፔ ዎꬊዳ ቁማይ ሃይሳ። ኢዚካ ካሴ ኢንቴ ኣዋቲ ሚዳይሳ ማላ ጊዴና። ጋሶይካ ሄ ቁማ ሚዳይቲ ሃይቂዳ። ሃ ቁማ ሚዛይቲ ጊዲኮ ሜርናስ ዳና” ጊዴስ።  
\v 59 ዬሱሲ ሃይሳ ቂፊርናሆሜን ኣይሁዳታ ዎሳ ኬꬃን ታማርሲዛ ዎዴ ዮቲዴስ። 
\s1 ሜርና ዴዖ ቃላ 
\p  
\v 60 ኢዛ ካሊዛይታፔ ዳሪዛይቲ ሄሳ ሲይዲ “ሃይሲ ዮዖዚ ዴፆ፤ ሃይሳ ኦኒ ኤካና ዳንዳዪዜ?” ጊዳ።  
\v 61 ዬሱሲካ ኢዛ ካሊዛይቲ ሄሳ ዮዖዛ ጊሽ ዙዙሜቲዳይሳ ባ ዎዝናን ኤሪዲ “ሃይሲ ኢንቴና ዴፂዜ?  
\v 62 ኣሳ ናይ ኪርስቶሲ ባ ዲዛሶ ሲሚ ኬዚሺን ቤይኮ ኢንቴ ኣይ ጋኔ?  
\v 63 ኣሳስ ዴዖ ኢሚዛይ ፆሳ ኣያናኮ! ኣሳ ዎልቃይ ቃሴ ኣይኔ ጎዔና፤ ታ ኢንቴስ ዮቲዳ ቃላይ ዴዖ ኢሚዛ ኣያና።  
\v 64 ጊዶ ኣቲን ኢንቴ ጊዶን ኢሲ ኢሲ ኣማኖንታ ኣሳቲ ዴቴስ” ጊዴስ። ዬሱሲ ኢስታስ ሄሳ ጊዳይ ኮይሮፔ ዶሚዲ ኢስታ ጊዶን ኣማኖንታይቲ ኦናንታኮኔ ቃሴ ኢዛ ኣꬂ ኢማናዴይካ ኦናኮኔ ኤሪዛ ጊሻሳ።  
\v 65 ካሌꬂዲካ ዬሱሲ “ኣዋ ሼኔይ ባይንዳ ታኮ ሃ ያና ዳንዳዪዛዴይ ዴና ጋዳ ታ ኢንቴስ ዮቲዳይ ሄሳሳ” ጊዴስ። 
\p  
\v 66 ሄሳፌ ዴንዲዳይሳን ኢዛ ካሊዛይታፔ ዳሮቲ ጉዬ ሲሚዳ። ሄ ጋላሳፌ ዶሚዲ ዬሱሳ ካሎ ኣጊዳ።  
\v 67 ሄሳ ጊሽ ዬሱሲ ባና ካሊዛ ታማኔ ናምዓታ “ኢንቴካ ባና ኮዬቲ?” ጊዴስ።  
\v 68 ሄሳ ዎዴ ሲሞና ጌቴቲዛ ጴፅሮሲ “ጎዶ ኔስ ሜርና ዴዖይ ቃላይ ዲሺን ኑ ኦናኮ ባኔ?  
\v 69 ኔ ጌሻ ፆሳ ና ጊዲዳይሳ ኤሪዲ ኑኒ ኣማኒዶስ” ጊዴስ።  
\v 70 ዬሱሲካ ኢስታ “ታ ኢንቴና ታማኔ ናምዓታ ዶራቤኪና? ሂስቲን ኢንቴፌ ኢሶይ ፃላዔ” ጊዴስ።  
\v 71 ኢዚ ሄሳ ጊዳይ ሲሞና ና ኣስቆሮንቶ ዩሁዳ ጊሻሳ። ኣይሲ ጊኮ ዩሁዳይ ታማኔ ናምዓታፔ ኢሳ ጊዲዳኮካ ዬሱሳ ኣꬂ ኢማናይ ኢዛ ጊዲዳ ጊሻሳ። 
\c 7  
\s1 ዬሱሲ ዳሴ ባዓሌስ ዬሩሳላሜ ቢዴስ 
\p  
\v 1 ሄሳፌ ጉዬ ዬሱሲ ጋሊላ ጊዶን ዩዬቲዴስ። ጊዶ ኣቲን ዩሁዳን ዩያናስ ኮይቤና። ጋሶይካ ኣይሁዳቲ ኢዛ ዎꬋና ኮዪዛ ጊሻሳ።  
\v 2 ሄ ዎዴ ኣይሁዳታ ዳሴ ባዓሌይ ማቲ ኡቲዴስ።  
\v 3 ሄሳ ጊሽ ዬሱሳ ኢሻቲ ኢዛኮ ሺቂዲ “ኔና ካሊዛይቲ ኔ ኦꬂዛ ኦሶዛ ቤያና ማላ ኔ ሃይሳፌ ዴንዳዳ ዩሁዳ ዴሬ ባ፤  
\v 4 ጋሶይካ ቆንጬን ኤሬታና ኮዪዛዴይ ባ ኦሶ ጌማን ኦꬄና። ኔካ ሃይታንታ ዉርሳ ኦꬃሼ ኔና ኣላሜን ቆንጪሳና ኮሼስ” ጊዳ።  
\v 5 ኢስቲ ሄሳ ጊዳ ጋሶይ ኢዛ ኢሻታካ ጊዲን ኢዛን ኣማኖንታይታ ጊዲዳ ጊሻሳ። 
\p  
\v 6 ዬሱሲካ ኢስታስ “ታ ዎዴይ ቡሮ ጋኪቤና፤ ኢንቴ ዎዴይ ጊዲኮ ኡባ ዎዴ ኢንቴስ ጊጋኮ።  
\v 7 ዴሬይ ኢንቴና ኢፃና ዳንዳዬና። ታና ጊዲኮ ኢፄስ፤ ጋሶይካ ታ ኣላሜ ኦሶይ ኢታ ጊዲዳይሳ ኢዛስ ማርካቲዛ ጊሻሳ።  
\v 8 ሃዒ ኢንቴ ጌዴ ባዓሌዛሶ ቢቴ። ታስ ዎዴይ ጋኮንታ ጊሽ ሃይሳ ሃ ባዓሌዛሶ ታ ቢኬ” ጊዴስ።  
\v 9 ሄሳ ጊዲ ዬሱሲ ጋሊላን ኣቲዴስ። 
\s1 ዬሱሲ ዳሴ ባዓሌሶን ቤቲዴስ 
\p  
\v 10 ጊዶ ኣቲን ኢዛ ኢሻቲ ባዓሌዛሶ ቢዳፔ ጉዬ ዬሱሲ ቆንጬራ ጊዶንታ ቆታራ ባዓሌዛሶ ቢዴስ።  
\v 11 ኣይሁዳቲ “ኢዚ ኣዋን ዲዜ?” ጊሼ ባዓሌዛሶን ኮይዳ።  
\v 12 ዴሬይካ ኢዛ ጊሽ ጊዶራ ሳሱኪ ሃሳዬቲዴስ። ኢሲ ኢሲ ኣሳቲ “ኢዚ ሎዖ ኣሳ” ጊሺን ባጋይ ቃሴ “ሎዖ ጊዴና። ኢዚ ዴሬ ባሌꬄስ” ጊዳ።  
\v 13 ጊዶ ኣቲን ኣይሁዳታ ዳናታስ ባቢዛ ጊሽ ኦኒካ ኢዛ ጊሽ ቆንጬን ሃሳይቤና። 
\p  
\v 14 ባዓሌዚ ዉራና ባጋ ጋኪሺን ዬሱሲ ፆሳ ኬꬄ ቢዲ ታማርሶ ኦይኪዴስ።  
\v 15 ኣይሁዳቲ “ሃይሲ ኣዴዚ ታማሮንታ ዲሼ ሃይሳ ዉርሲ ዎስቲ ኤሪዴ?” ጊዲ ማላሌቲዳ። 
\p  
\v 16 ሄሳ ጊሽ ዬሱሲ “ታ ታማርሲዛ ቲሚርቴይ ታና ኪቲዳ ታ ኣዋፔ ታስ ኢሜቲዴስ ኣቲን ታፔ ጊዴና።  
\v 17 ታና ኪቲዳይሳ ሼኔ ኦꬃና ኮዪዛዴይ ዲኮ ሃይሲ ሃ ቲሚርቴይ ፆሳፌ ቤቲዳይሳ ዎይኮ ታ ታፔ ሃሳይዳይሳ ጊዲኮካ ኤራና።  
\v 18 ባፔ ሃሳዪዛዴይ ባ ቦንቾ ኮዬስ። ኪቲዳዴ ቦንቾ ኮዪዛዴይ ጊዲኮ ኢዚ ቱማንቻ። ዎርዶይ ኢዛ ቦላ ዴና።  
\v 19 ሙሴይ ኢንቴስ ዎጋ ኢሚዴስ ጊዴኔ? ጊዲኮካ ኢንቴ ጊዶን ዎጋ ናጊ ፖሊዳዴይ ኦኒካ ዴና። ኢንቴ ኣዛስ ታና ዎꬋና ኮዬቲ?” ጊዴስ። 
\p  
\v 20 ዴሬይካ ኢዛ “ኔ ቦላ ዳይዳንꬂ ዴስ! ኔና ዎꬋና ኮዪዛይ ኦኔ?” ጊዴስ። \f + \fr 7:20 \fq ዳይዳንꬂ \ft ጉሲ ፃላዔ ኦሳንቻታ ጉሳ።\f* 
\p  
\v 21 ዬሱሲካ ኢስታስ “ታ ኢሲ ኦሶ ኦꬃዲስ፤ ኢንቴ ዉሪካ ሃኖ ሃ ኦሶይን ማላሌቴታ።  
\v 22 ሙሴይ ኢንቴስ ቃፃራ ዎጋ ኢሚዴስ፤ ሄ ዎጋይካ ኢሜቲዳይ ካሴ ኣዋታፔ ቤቲዴስ ኣቲን ሙሴፔ ጊዴና። ሂስቲን ሄኮ ኢንቴካ ሳምባታ ጋላሲካ ኣስ ቃፃሬታ። \x * \xo 7:22 \xt ሌዌ 12፡3፤ ሜꬌ 17፡10\x* 
\v 23 ሂስቲኮ ሙሴ ዎጋይ ሻሬቶንታ ማላ ኣሲ ሳምባታ ጋላስ ቃፃሬቲዛዝ ጊዲኮ ሂስቲን ታ ሳምባታ ጋላስ ኣሳስ ኩሜꬃ ኣሳቴꬅ ፓꬂን ኣዛስ ታ ቦላ ሃንቄቴቲ? \x * \xo 7:23 \xt ዮሃ 5፡9\x* 
\v 24 ሱሬ ፒርዳ ፒርዲቴ ኣቲን ኣሳ ኣይፌሶ ፄሊዲ ማዶ ፒርዳ ፒርዶፍቴ” ጊ ዛሪዴስ። 
\s1 ኪርስቶሳ ጊሽ ዴንዲዳ ፓላማ 
\p  
\v 25 ዬሩሳላሜ ኣሳፔ ኢሲ ኢሲ ኣሳቲ “ኢስቲ ዎꬋና ኮዪዛ ኣዴዚ ሃይሳ ጊዴኔ?  
\v 26 ሄኮ ኢዚ ቆንጬን ሃሳዬስ ሺን ኢስቲ ኢዛ ኣይኮካ ጊቤቴና። ሃይስ ፆሲ ኪቲዳዴ ጊዲዳይሳ ዳናቲ ቱሙ ኤሪዞሻ?  
\v 27 ሂስቲን ሃይሲ ኣዴዚ ኣዋ ኣሳኮኔ ኑ ኤሮስ። ፆሲ ኪቲዳዴይ ዪሺን ቃሴ ኢዚ ኣዋፔኮኔ ኤሪዛዴይ ኦኒካ ዴና” ጊዳ።  
\v 28 ሄሳ ጊሽ ዬሱሲ ፆሳ ኬꬃን ታማርሲሼ ባ ቃላ ꬎቁ ሂስቲዲ “ኢንቴ ታና ቱሙ ኤሬታ። ታ ኣዋፔ ዪዳኮኔ ኢንቴ ኤሬታ። ቃሴ ታኒ ታ ሼኔን ያቤኬ። ታና ኪቲዳይሲ ኢዚ ቱማንቻ። ጊዶ ኣቲን ኢንቴ ቃሴ ኢዛ ኤሬኬታ።  
\v 29 ታ ጊዲኮ ኢዛ ኣቻፌ ዪዳ ጊሺኔ ኢዚ ታና ኪቲዳ ጊሽ ታ ኢዛ ኤራይስ” ጊዴስ።  
\v 30 ሄሳ ዎዴ ኢዛ ኦይካናስ ኮይዳ፤ ጊዶ ኣቲን ቡሮ ዎዴይ ጋኪቤና ጊሽ ኦኒካ ኦይኪቤና።  
\v 31 ጊዲኮካ ዴሬዛፔ ዳሮይ ኢዛን ኣማኒዴስ። ኣሳይ “ፆሲ ኪቲዳዴይ ዪዛ ዎዴ ሃይሲ ኣዴዚ ኦሶ ማላታፔ ቦላራ ሃራ ኦꬃኔ?” ጊዴስ። 
\s1 ዬሱሳ ኦይካና ዎታዳራቲ ኪቴቲዳ 
\p  
\v 32 ኣሳይ ዬሱሳ ጊሽ ጋርሳራ ሳሱኬቲ ሃሳዬቲሺን ፋርሳዌቲ ሲዪዳ። ሄሳ ጊሽ ቄሴታ ሃላቃቲኔ ፋርሳዌቲ ዬሱሳ ኦይካናስ ፆሳ ኬꬃ ፔንጌ ናጊዛይታ ዬዲዳ።  
\v 33 ሄ ዎዴ ዬሱሲ “ታ ኢንቴናራ ጉꬃ ዎዴ ዳሻና፤ ሄሳፌ ጉዬ ታና ኪቲዳይሳኮ ታ ሲማ ባና።  
\v 34 ኢንቴ ታና ኮያና ሺን ዴሜኬታ። ኢንቴ ታ ዲዛሶ ያናስ ዳንዳዬኬታ” ጊዴስ። 
\p  
\v 35 ሄሳ ጊሽ ኣይሁዳታ ዳናቲ ባ ጊዶን ኢሶይ ኢሳራ “ሃይሲ ኣዴዚ ኑ ዴሞንታ ማላ ኣዋ ባኔሻ? ኦኔ ኤሪዛይ ጊሪኬታ ጊዶ ላሌቲ ዲዛ ኣይሁዳታኮ ቢዲ ጊሪኬታ ታማርሳኔሻ?  
\v 36 ኢዚ ‘ኢንቴ ታና ኮያና ሺን ዴሜኬታ፤ ታ ዲዛሶ ኢንቴ ያናስ ዳንዳዬኬታ’ ጊሺን ሄሲ ኣይ ጉሴ?” ጊዳ። 
\s1 ዴዖ ሃꬄ 
\p  
\v 37 ጊታ ባዓሌዛ ዉርሴꬃ ጋላስ ዬሱሲ ዴንዲ ኤቂዲኔ ባ ቃላ ꬎቁ ሂስቲዲ “ሃꬅ ሳሜቲዳዴይ ዲኮ ሃ ታኮ ዪዲ ኡዮ። \x * \xo 7:37 \xt ሌዌ 23፡36\x* 
\v 38 ጌሻ ማፃፋይ ጊዳ ማላ ታና ኣማኒዛዴፌ ዴዖ ሃꬃ ፑልቶይ ፑልታና” ጊዴስ። \x * \xo 7:38 \xt ሂዚ 47፡1፤ ዛካ 14፡8\x* 
\v 39 ኢዚ ሄሳ ጊዳይ ኢዛን ኣማኒዛይቲ ቡሮፔ ኤካና ፂሎ ኣያና ጊሻሳ። ጋሶይካ ዬሱሲ ቦንቼቲዛ ዎዴይ ቡሮ ጋኮንታ ጊሽ ፂሎ ኣያናይ ኢሜቲቤና። 
\s1 ዴሬዛ ጊዶን ሻኬቴꬂ ሜꬌቲዴስ 
\p  
\v 40 ሄሳ ጊሽ ዴሬዛፔ ኢሲ ኢሲ ኣሳቲ ሄ ቃላ ሲይዲ “ያና ጊዛ ናቤይ ቱማፔ ሃይሳ” ጊዳ።  
\v 41 ሃራቲ “ሃይስ ፆሲ ኪቲዳዴ” ጊዳ። ባጋይቲ ቃሴ “ፆሲ ኪቲዳዴይ ጋሊላፔ ዋኒ ያኔ?  
\v 42 ፆሲ ኪቲዳዴይ ዳዉቴ ዜሬꬃፌ ዬሌታናይሳኔ ዳዉቴ ካታማ ቤቴሌሜፔ ያናይሲ ካሴ ጌሻ ማፃፋን ፃፌቲቤኔ?” ጊዳ። \x * \xo 7:42 \xt 2ሳሜ 7፡12፤ ሚክ 5፡2\x* 
\v 43 ሄሳ ጊሽ ኢዛ ጋሶን ዴሬይ ባ ጊዶን ሻኬቲ ዎꬊዴስ።  
\v 44 ኢስታፌ ኢሲ ኢሲ ኣሳቲ ኢዛ ኦይካና ኮይዳ። ጊዶ ኣቲን ኦኒካ ኢዛ ኦይኪቤና። 
\s1 ኣይሁዳታ ዳናቲ ኣማኒቤቴና 
\p  
\v 45 ሄሳፌ ጉዬ ፆሳ ኬꬄ ናጊዛይቲ ቄሴታ ሃላቃታኮኔ ፋርሳዌታኮ ሲሚዲ ቢዳ። ኢስቲካ “ኣዛስ ኢዛ ኤኮንታ ዪዴቲ?” ጊዳ።  
\v 46 ዎታዳራቲካ ዛሪዲ “ሃ ኣዴዚ ሃሳዪዛይሳ ማላ ኣይ ኣሲካ ሃሳዪ ኤሬና” ጊዳ። 
\p  
\v 47 ፋርሳዌቲ ኢስታ “ኢንቴካ ባሌቲዴቲ?  
\v 48 ዳናታፔ ዎይኮ ፋርሳዌታፔ ኢዛ ኣማኒዳይቲ ዲዞሻ?  
\v 49 ሃይሲ ሙሴ ዎጋ ኤሮንታ ዴሬይ ቱማፔ ቃንጌቲዳይሳ” ጊዳ። 
\p  
\v 50 ሃይሳፌ ካሴ ዬሱሳኮ ቢዳ ፋርሳዌታፔ ኢሳ ጊዲዳ ኒቆዲሞሲ ኢስታስ \x * \xo 7:50 \xt ዮሃ 3፡1-2\x* 
\v 51 “ኑ ዎጋን ኢሲ ሞቴቲዛዴይ ባ ሞቶስ ዛሮ ኢሚን ሲዮንታኔ ኢዚ ኣይ ኦꬂዳኮኔ ኤሬቶንታ ዲሺን ፒርዳይ ፒርዴቲ ኤሪዜ?” ጊዴስ። 
\p  
\v 52 ኢስቲካ “ኔካ ጋሊላ ኣሴ? ጋሊላፔ ናቤይ ዴንዶንታይሳ ፒልጋዳ ጋካ ኤራ” ጊዳ።  
\v 53 ሄሳፌ ጉዬ ኢሶይ ኢሶይ ባሶ ቢዴስ። \f + \fr 7:53 \fq ሄሳፌ ጉዬ ኢሶይ ኢሶይ ባሶ ቢዴስ \ft ጊዛ ቃላይ ኢሲ ኢሲ ጌሻ ማፃፋታን ፃፌቲቤና።\f* 
\c 8  
\s1 ላይማን ኦይኬቲዳ ማጫሳዮ 
\p  
\v 1 ሄሳፌ ጉዬ ዬሱሲ ዳብራዛይቴ ቢዴስ።  
\v 2 ዎንቴꬃ ጋላስ ማላዶ ዎንታራ ፆሳ ኬꬄ ሲሚ ዪዴስ። ዴሬይካ ዉሪ ኢዛኮ ዪን ኢዚ ኡቲዲ ኢስታ ታማርሶ ኦይኪዴስ።  
\v 3 ሙሴ ዎጋ ታማርሲዛይቲኔ ፋርሳዌቲ ኢሲ ላይማታሼ ኦይኬቲዳ ማጫስ ዲዛሮ ኤኪ ዪዲ ዴሬ ሲንꬃን ኤሲዳ።  
\v 4 ዬሱሳካ “ኣስታማሬ! ሄኮ ሃና ማጫሳያ ላይማታሼ ኦይኬታዱስ።  
\v 5 ሃኒ ማላ ማጫሲ ሹቻን ጫዴታ ሃይቃና ማላ ሙሴይ ኑ ዎጋን ኑና ኣዛዚዴስ፤ ኔኒች ሃኒ ጊሽ ኣይ ጋይ?” ጊዳ። \x * \xo 8:5 \xt ሌዌ 20፡10፤ ዛሬ 22፡22-24\x* 
\v 6 ኢስቲ ኢዛ ሄሳ ጊዳይ ኢዛ ቦላ ሞቶስ ጊዲዛ ጋሶ ዴማናሲኔ ኢዛ ፓጫና ኮይዳ ጊሻሳ። ጊዶ ኣቲን ዬሱሲ ሆክዲ ቢታ ቦላ ባ ቢራꬌራ ፃፎ ኦይኪዴስ። 
\p  
\v 7 ኢስቲ ኢዛ ዛሪ ዛሪ ኦይቺን ꬎቁ ጊዲ “ኢንቴ ጊዶፌ ናጋራይ ባይንዳ ኣሲ ኮይሮ ሹቺ ኢዚ ቦላ ኦሎ” ጊዴስ።  
\v 8 ሄሳፌ ቃሴካ ሆኪዲ ቢታ ቦላ ፃፊዴስ።  
\v 9-10 ኢስቲካ ሄሳ ሲይዲ ጪማታፔ ኦይኪዲ ዉሪካ ኢሶይ ኢሶይ ቢዴስ። ሄሳ ጊሽ ዬሱሲ ሄን ኤቂዳ ማጫሳይራ ፃላ ኣቲዴስ። “ሞቲዛይቲ ኣዋን ዲዞ? ኔ ቦላ ፒርዲዳይ ኦኒካ ዴኔ?” ጊዴስ። 
\p  
\v 11 ኢዛካ “ጎዶ ኦኒካ ባዋ” ጋዱስ። ዬሱሲካ “ታካ ኔ ቦላ ፒርዲኬ፤ ባ! ናምዓንꬆ ናጋራ ኦꬆፋ” ጊዴስ። \f + \fr 8:11 \ft ዳሮ ማፃፋቲኔ ካሴ ቤኒ ዎዴ ጌሻ ማፃፋታ ቢርሼꬃቲ ሼምፖ 7፡53፥ ሼምፖ 8፡11 ጋካናዉ ዲዛ ቆፋቲ ጉጄቲቤቴና። ኢሶቲ ኢሶቲ ዮሃኒሳ ሚሺራቾ ማፃፋን ሼምፖ 21፡34ፔ ጉዬራ ጌልሴቴስ። ሃራቲ ቃሴ ሉቃሳ ሚሺራቾ ሼምፖ 21፡38ፔ ጉዬራ ጌልሴቴስ። ኢሲ ኢሲ ጌሻ ማፃፋቲ ቃሴካ ዮሃኒሳ 7፡36ፔ ጉዬራ ጌልሴቴስ።\f* 
\s1 ዬሱሲ ኣላሜስ ፖዖ 
\p  
\v 12 ቃሴ ዬሱሲ “ታኒ ኣላሜስ ፖዖ። ታና ካሊዛዴይ ዉሪ ዴዖ ፖዖ ዴማና። ꬉማን ሲሜሬቴና” ጊዲ ኢስታስ ዮቲዴስ። \x * \xo 8:12 \xt ማቶ 5፡14፤ ዮሃ 9፡5\x* 
\v 13 ፋርሳዌቲ “ኔኒ ኔ ጊሽ ማርካታሳ፤ ኔ ማርካይ ቱሙ ጊዴና” ጊዳ። \x * \xo 8:13 \xt ዮሃ 5፡31\x* 
\p  
\v 14 ዬሱሲካ ኢስታስ “ታኒ ታ ጊሽ ኣይ ማርካቲኮካ ታ ኣዋፔ ዪዳኮኔ ቃሴ ታ ኣዋ ባናኮኔ ታ ኤሪዛ ጊሽ ታ ማርካቴꬅ ቱማ። ኢንቴ ጊዲኮ ታ ኣዋፔ ዪዳኮኔ ቃሴ ኣዋ ባናኮኔ ኤሬኬታ።  
\v 15 ኢንቴ ኣሾ ቆፋ ማላ ፒርዴታ። ታ ጊዲኮ ኦና ቦላካ ፒርዲኬ።  
\v 16 ታ ፒርዲኮካ ታ ፒርዳይ ቱሙ ፒርዳ። ጋሶይካ ታ ታርካ ፒርዲኬ፤ ታና ኪቲዳ ታ ኣዋይካ ታናራ ዴስ።  
\v 17 ናምዑ ኣሳታ ማርካይ ቱሙ ጊዲዳይሲ ኢንቴ ዎጋን ፃፌቲዴስ።  
\v 18 ሄሳ ጊሽ ታኒ ታ ጊሽ ማርካታይስ፤ ታና ኪቲዳ ታ ኣዋይካ ታስ ማርካቴስ” ጊ ዛሪዴስ።  
\v 19 ኢስቲካ “ኔ ኣዋይ ኣዋን ዲዜ?” ጊዲ ኢዛ ኦይቺዳ። ዬሱሲካ ኢስታስ “ታና ጊዲን ታ ኣዋካ ጊዲን ኢንቴ ኤሬኬታ፤ ኢንቴ ታና ኤሪዛኮ ታ ኣዋካ ኤራናኮሺን” ጊዲ ኢስታስ ዛሪዴስ። 
\p  
\v 20 ዬሱሲ ሄሳ ኢስታስ ዮቲዳይ ፆሳ ኬꬃ ጊቤን ሚሼ ዎꬂዛ ሳፂኔ ኣቻን ታማርሲሼ ዮቲዴስ ሺን ኢዛስ ኦይኬቲዛ ዎዴይ ጋኮንታ ጊሽ ኦኒካ ኢዛ ኦይኪቤና።  
\v 21 ዬሱሲ ቃሴካ “ታ ባና ሺን ኢንቴ ታና ኮያናኔ ኢንቴ ኢንቴ ናጋራራ ሃይቃና ኣቲን ታ ቢዛሶ ባና ዳንዳዬኬታ” ጊዴስ። 
\p  
\v 22 ኣይሁዳቲካ ባ ጊዶን ኢሶይ ኢሳራ ኢዚ “ ‘ታ ቢዛሶ ኢንቴ ባና ዳንዳዬኬታ’ ጊዛይ ባርካ ባና ዎꬋናሴሻ?” ጌቴቲዳ። 
\p  
\v 23 ኢዚ ቃሴ ኢስታ “ኢንቴ ጋርሳ ኣሳ፤ ታኒ ቦላ ኣሳ፤ ኢንቴ ሃይሳ ኣላሜ ኣሳ፤ ታኒ ሃ ኣላሜፔ ጊዲኬ።  
\v 24 ኢንቴ ታ ኦናኮኔ ኤሪዲ ኣማኖንታ ኣጊኮ ኢንቴ ኢንቴ ናጋራራ ሃይቃና ጊሽ ታ ኢንቴ ኢንቴ ናጋራራ ሃይቃና ጊዳይ ሄሳ ጊሻሳ” ጊዴስ። 
\p  
\v 25 ኢስቲካ ኢዛ “ኔ ኦኔ?” ጊዳ። ዬሱሲካ ኢስታስ “ሃዒ ጋካናስ ታ ኢንቴስ ኢዛ ጊሽ ዮቲዛዴይ ታና።  
\v 26 ታ ኢንቴ ቦላ ሃሳያናይሲኔ ፒርዳዛ ዮዖይ ዳሮይ ዴስ። ጊዶ ኣቲን ታና ኪቲዳዴይ ኣማኔቲዳዴ፤ ታካ ኢዛፔ ሲዪዳይሳ ሃ ኣላሜዛስ ዮታይስ” ጊዴስ። 
\p  
\v 27 ኢዚ ኢስታስ ኣዋ ጊሽ ዮቲዛይሳ ኣኬኪቤቴና።  
\v 28 ሄሳ ጊሽ ዬሱሲ “ኢንቴ ኣሳ ና ꬎቁ ሂስቲዲ ካቂዳ ዎዴ ታኒ ኢዛ ጊዳዴይ ታና ጊዲዳይሳ ኢንቴ ኤራና። ኣዋይ ታና ታማርሲዳይሳ ዮታዲስ ኣቲን ታኒ ታ ሼኔ ማላ ኣይኮካ ኦꬆንታይሳ ኢንቴ ኣኬካና።  
\v 29 ታና ኪቲዳይሲ ኢዚ ታናራ ዴስ። ኣይ ዎዴካ ታ ኡፋይሲዛዝ ኦꬂዛ ጊሽ ኢዚ ታና ፃላላ ዬጊ ኣጊቤና” ጊዴስ።  
\v 30 ኢዚ ሄሳ ዮቲዳ ማላ ዳሮ ኣሳይ ኢዛን ኣማኒዴስ። 
\s1 ፖዖ ናይታ 
\p  
\v 31 ዬሱሲ ባና ኣማኒዳ ኣይሁዳታ “ኢንቴ ቱሙ ታ ቃላን ዲኮ ኢንቴ ቱማፔ ታና ካሊዛይታ ጊዳና።  
\v 32 ቱማይ ኣዛኮኔ ኢንቴ ኤራናኔ ቱማይካ ኢንቴና ዎዛና” ጊዴስ። 
\p  
\v 33 ኢስቲካ ኢዛስ ዛሪዲ “ኑኒ ኣብራሃሜ ናይታኮ! ኑ ኦናስካ ኣይሌቲ ኤሮኮ። ሂስቲን ኔ ኑና ዋናዳ ኢንቴ ዎዜታና ጋይ?” ጊዳ። \x * \xo 8:33 \xt ማቶ 3፡9፤ ሉቃ 3፡8\x* 
\p  
\v 34 ዬሱሲካ ኢስታስ “ታ ኢንቴስ ቱሙ ጋይስ፤ ናጋራ ኦꬂዛዴይ ዉሪ ናጋራስ ኣይሌ፤  
\v 35 ኣይ ዎዴካ ኣይሌይ ሶን ሉፂ ዴዔና። ዬሎይ ጊዲኮ ኣይዴካ ሶን ዴስ።  
\v 36 ሂስቲኮ ናዚ ኢንቴና ዎዚኮ ኢንቴ ዎዜቲዳይታ ጊዳና።  
\v 37 ኢንቴ ኣብራሃሜ ናይታ ጊዲዳይሳ ታ ኤራይስ። ጊዶ ኣቲን ታ ቃላ ኢንቴ ኤሮ ጊ ኤኮንታ ጊሽ ታና ዎꬋናስ ኮዬታ።  
\v 38 ታኒ ታ ኣዋ ኣቻን ቤዪዳይሳ ኢንቴስ ዮታይስ። ኢንቴ ቃሴ ኢንቴ ኣዋፔ ሲዪዳይሳ ኦꬄታ” ጊዴስ። 
\p  
\v 39 ኢስቲካ ኢዛስ “ኑ ኣዋይ ኣብራሃሜ” ጊዲ ዛሪ ዮቲን፥ ዬሱሲ ኢስታስ “ኢንቴ ኣብራሃሜ ና ጊዲዳኮ ኣብራሃሜꬆ ኦꬃና።  
\v 40 ኢንቴ ጊዲኮ ታ ፆሳፌ ሲዪዳ ቱማ ኢንቴስ ዮቲን ታና ዎꬋናስ ጊፂ ዴንዲዴታ። ጊዶ ኣቲን ኣብራሃሜይ ሄሳꬆ ኦꬂቤና።  
\v 41 ኢንቴ ኢንቴ ኣዋꬆ ኦꬄታ” ጊዴስ። ኢስቲካ ዛሪዲ “ኑ ላይማን ዬሌቲዳ ና ጊዶኮ። ኑ ኣዋይ ኢሲ ፆሳ ፃላላ” ጊዲ ኢዛስ ዛሪዳ። 
\s1 ፃላዔ ናይታ 
\p  
\v 42 ዬሱሲ ኢስታስ “ኢንቴ ኣዋይ ፆሳ ጊዲዳኮ ታካ ፆሳፌ ኬዛ ዪዳ ጊሽ ኢንቴ ታና ዶሳናኮሺን፤ ታና ኢዚ ኪቲዴስ ኣቲን ታ ታርካ ታ ሼኔን ያቤኬ።  
\v 43 ታ ዮቲዛይሳ ኣይስ ዩሺ ቆፔኬቲ? ጋሶይካ ኢንቴ ታ ቃላ ሲያና ኮዮንታ ጊሻሳ።  
\v 44 ኢንቴ ኢንቴ ኣዋ ፃላዔ ናይታ፤ ኢንቴ ኣዋ ኣሞ ፖላና ኮዬታ፤ ኢዚ ካሴካ ሼምፖ ዎꬊዳዴ። ኢዛ ኣቻን ቱማይ ዶንታ ጊሽ ኢዚ ቱማን ኤቂቤና። ኢዚ ባ ሁዔስ ዎርዳንቻኔ ዎርዶ ኣዋ ጊዲዳ ጊሽ ኢዚ ዎርዶ ሃሳያ ባፔ ሜꬊ ኤኪዲ ሃሳዬስ።  
\v 45 ታ ቃሴ ቱሙ ሃሳዪዛ ጊሽ ኢንቴ ታና ኣማኔኬታ።  
\v 46 ኢንቴ ጊዶፌ ታና ኔ ሃኖ ናጋራ ኦꬃዳሳ ጊዲ ማርካራ ላꬃናስ ሞታና ዳንዳዪዛዴይ ዲዜ? ታ ቱሙ ሃሳዪዛዴ ጊዲኮ ሂስቲን ኣዛስ ታና ኣማኔኬቲ?  
\v 47 ፆሳፌ ጊዲዳ ኣሲ ፆሲ ጊዛ ሲዬስ። ኢንቴ ጊዲኮ ፆሳፌ ጊዶንታ ጊሽ ፆሳ ቃላ ሲዬኬታ” ጊዴስ። 
\s1 ዬሱሲ ባ ጊሽ ሃሳዪዴስ 
\p  
\v 48 ኣይሁዳቲካ ዛሪዲ “ኑ ኔና ኔ ‘ሳማሪያ ኣሳ፤ ኔ ቦላ ዳይዳንꬂ ዴስ’ ጊዳይስ ቱሙ ዴኔ?” ጊዳ። 
\p  
\v 49 ዬሱሲ ኢስታስ “ታኒ ታ ኣዋ ቦንቻይስ ኣቲን ዳይዳንꬂ ታ ቦላ ባዋ። ኢንቴ ጊዲኮ ታና ካዉሼታ።  
\v 50 ታኒ ታስ ቦንቾ ኮይኬ። ታ ቦንቼታና ማላ ኮዪዛዴይ ቃሴ ዴስ። ኢዚካ ፒርዳ ፒርዳናዴ።  
\v 51 ታ ኢንቴስ ቱሙ ጋይስ፤ ኦኒካ ታ ቃላ ናጊኮ ሃይቆ ሙሌካ ሃይቄና” ጊ ዛሪዴስ። 
\p  
\v 52 ኣይሁዳቲ ኢዛ “ኔ ቦላ ዳይዳንꬂ ዲዛይሳ ሃዒ ኑኒ ኤሪዶስ። ኣብራሃሜይ ሃይቂዴስ፤ ናቤቲካ ኢዛꬆ ሃይቂዳ። ኔ ቃሴ ‘ኦኒካ ሙሌ ሃይቆ ቤዬና’ ጋ ዮታሳ።  
\v 53 ኔ ኑ ኣዋ ኣብራሃሜፔ ኣꬋይ? ኢዚ ሃይቂዴስ፤ ናቤቲካ ሃይቂዳ ሂስቲን ኔ ኔና ኦና ጋና ኮያዲ?” ጊዳ።  
\v 54 ዬሱሲካ ኢስታስ “ታ ታርካ ታና ቦንቺኮ ታ ቦንቾይ ሃዳ። ታና ቦንቺዛዴይ ጊዲኮ ኢንቴ ‘ኢዚ ኑ ፆሳ’ ጊዛይ ታ ኣዋ።  
\v 55 ኢንቴ ኢዛ ኤሮንታ ኣጊኮካ ታ ቃሴ ኤራይስ። ታ ኢዛ ኤሪኬ ጊኮ፥ ታካ ኢንቴ ማላ ዎርዳንቻ ጊዳይስ። ታ ቃሴ ኢዛ ኤራይስ፥ ኢዛ ቃላካ ናጋይስ።  
\v 56 ኢንቴ ኣዋ ኣብራሃሜይ ታ ጋላስ ቤያናስ ኣሞቲዲ ቤይዴሲኔ ኡፋዬቲዴስ” ጊዴስ። 
\p  
\v 57 ኣይሁዳቲ ቃሴ “ኔስ ቡሮ ኢቻሹ ታሙ ላይꬅ ኩሞንታ ኔኒ ኣብራሃሜ ቤያዲ?” ጊዳ።  
\v 58 ዬሱሲካ “ታ ኢንቴስ ቱሙ ጋይስ፤ ኣብራሃሜይ ዬሌታናፔ ካሴካ ታኒ ዳይስ” ጊዴስ። 
\p  
\v 59 ኣይሁዳቲ ሄራካ ኢዛ ጫዳናስ ዉሪ ሹች ዴንꬂዳ። ጊዶ ኣቲን ዬሱሲ ኢስታ ማታፔ ቆቴቲዲ ፆሳ ኬꬃፌ ኬዚ ቢዴስ። 
\c 9  
\s1 ዬሱሲ ቆቄ ጊዲ ዬሌቲዳይሳ ኣይፌ ፓꬂዴስ 
\p  
\v 1 ዬሱሲ ኦጌራ ኣꬊ ቢሼ ባ ኣዬይ ኡሎፔ ዬሌቶሳፌ ኣይፌ ቆቂዳዴ ቤዪዴስ።  
\v 2 ኢዛ ካሊዛይቲ ኢዛ “ኣስታማሬ! ሃይሲ ኣዴዚ ቆቄ ጊዲ ዬሌታና ማላ ናጋራ ኦꬂዳይ ኦኔ? ኢዛ ዬሊዳይቲ ኦꬂዶዬ? ኢዚ ኦꬂዴ?” ጊዲ ዬሱሳ ኦይቺዳ።  
\v 3 ዬሱሲካ ኢስታስ “ኢዛ ጊዲንካ ኢዛ ዬሊዳይቲካ ናጋራ ኦꬂቤቴና። ኢዚ ሄሳꬆ ሃኒዳይ ፆሳ ኦሶይ ኢዛ ቦላ ቆንጫናሳ።  
\v 4 ጋላሳራ ታና ኪቲዳዴ ኦሶ ኦꬃናስ ታስ ቤሴስ። ቡሮ ኦኒካ ኦꬃናስ ዳንዳዮንታ ቃማይ ያና።  
\v 5 ሃ ቢታ ቦላ ዲዛ ዎዴ ሃ ቢታስ ፖዖይ ታና” ጊዴስ። \x * \xo 9:5 \xt ማቶ 5፡14፤ ዮሃ 8፡12\x* 
\p  
\v 6 ሄሳ ጊ ሲሚዲ ቢታ ቦላ ጩች ጩቲዲ ባ ጩቻን ኡርቃ ሹጊሲዲ ኣዴዛ ኣይፌዛ ሄ ኡርቃ ቲዪዲ፥  
\v 7 “ባዳ ሴሊሆሜን ኣሳይ ፃማቄቲዛሶን ሜጬታ” ጊዴስ። ሴሊሆሜ ጉሲ ኪቴቲዳይሳ ጉሳ። ኣዴዚካ ቢዲ ሜጬቲዲኔ ፄሊሼ ሲሚ ዪዴስ።  
\v 8 ኢዛ ዶꬃቲኔ ካሴ ኢዚ ሄን ዎሲሺን ቤዪዳ ኣሳይ “ሃይሳዴይ ካሴ ኡቲዲ ዎሲዛ ኣዴዛ ዴኔ?” ጊዳ። 
\p  
\v 9 ኢስታፌ ኢሲ ኢሲ ኣሳቲ “ኤ ኢዛኮ” ጊዳ። ባጋይቲ “ኢዛ ዴና” ጊዳ። ኢዚ ቃሴ “ታ ኢዛኮ” ጊዴስ።  
\v 10 ኢስቲካ “ሂስቲን ኔ ኣይፌይ ዋኒ ፄሊዴ?” ጊዲ ኦይቺዳ።  
\v 11 ኢዚካ ዛሪዲ “ዬሱሳ ጌቴቲዛ ኣሲ ቢታ ቦላ ኡርቃ ሙኑቂዲ ታ ኣይፌዛ ሄ ኡርቃ ቲዪዲኔ ታና ‘ባዳ ሴሊሆሜን ሜጬታ’ ጊ ዮቲን ታ ባዳ ሜጬታዳ ፄላናስ ዳንዳያዲስ” ጊዴስ።  
\v 12 ኢስቲካ “ሂስቲን ሄሳዴይ ሃዒ ኣዋን ዲዜ?” ጊዳ። ኢዚካ “ታ ኤሪኬ” ጊዴስ። 
\s1 ፋርሳዌቲ ኣዴዚ ዋኒ ፓፂዳኮኔ ቆሮ ኦይኪዳ 
\p  
\v 13 ኢስቲካ ሄ ካሴ ኣይፌ ቆቄ ኣዴዛ ፋርሳዌታኮ ኤፊዳ።  
\v 14 ዬሱሲ ኡርቃ ሙኑቂዲ ኣዴዛ ኣይፌ ፓꬂዳ ጋላሳይ ኣይሁዳታ ሳምባታ ጋላሳ።  
\v 15 ሄሳ ጊሽ ፋርሳዌቲ ኣዴዛ ኢዚ ዎስቲ ፄሊዳኮኔ ኢዛ ኦይቺዳ። ኣዴዚካ ዛሪዲ “ኢዚ ታ ኣይፌን ኡርቃ ቲዪዴስ፤ ታካ ሜጬታዲስ፤ ሄኮ ሃዒ ፄላዲስ” ጊዴስ።  
\v 16 ፋርሳዌታፔ ኢሲ ኢሲ ኣሳቲ “ሃይሲ ኣዴዚ ሳምባታ ቦንቾንታዴ ጊዲዳ ጊሽ ኢዚ ፆሳፌ ጊዴና” ጊዳ። ባጋይ ቃሴ “ናጋራንቻይ ሃይሳ ማላ ማላታ ዋኒ ኦꬃና ዳንዳይዜ? ጊዳ። ሄሳ ጊሽ ኢስታ ጊዶን ፓላማይ ሜꬌቲዴስ።  
\v 17 ሂስቲን ካሴ ኣይፌ ቆቄ ኣዴዛኮ ሲሚዲ “ሃ ኔ ኣይፌ ፓꬂዳ ኣዴዛ ጊሽ ኔ ኣይ ጋይ? ጊዳ። ኣዴዚ ዛሪዲ “ኢዚ ናቤኮ!” ጊዴስ።  
\v 18 ኣይሁዳቲ ኣዴዛ ዬሊዳ ኣዬይራኔ ኣዋራ ፄይጊሲ ኤሂሳና ጋካናስ ኣዴዚ ካሴ ቆቄ ጊዲዳይሳ ኣማኒቤቴና። 
\p  
\v 19 ኢስቲካ ዬሊዳይታ “ኢንቴ ‘ኑስ ቆቄ ናይ ዬሌቲዴስ’ ጊዛ ናዚ ሃይሴ? ሂስቲን ሃዒ ዋኒዲ ፄላና ዳንዳዪዴ?” ጊዳ።  
\v 20 ዬሊዳይቲካ ሂዝጊ ዛሪዳ “ኢዚ ኑ ና ጊዲዳይሳኔ ቆቄ ጊዲዲ ዬሌቲዳይሳ ኤሮስ።  
\v 21 ሃዒ ቃሴ ኢዚ ዋኒ ፄላና ዳንዳዪዳኮኔ ኢዛ ኣይፌ ኦኒ ፖጊዳኮኔ ኑ ኤሮኮ። ኢዚ ባና ዳንዳዪዳዴ ጊዲዳ ጊሽ ኢዚ ባ ጊሽ ዮታናስ ዳንዳዬስ፤ ኢዛ ኦይቺቴ” ጊዳ።  
\v 22 ኢዛ ዬሊዳይቲ ሄሳꬆ ጊዳይ ኦኒካ ዬሱሳ ኢዚ ኪርስቶሳ ጊዲ ማርካቲዳይ ዉሪ ኣይሁዳታ ዎሳ ኬꬃፌ ጎዴታና ማላ ኣይሁዳቲ ካሴ ሴራ ኦꬂዳ ጊሽ ኣይሁዳታስ ባቢዲ ጊዳ።  
\v 23 ሄሳ ጊሽ “ኢዛ ዬሊዳይቲ ኢዚ ባና ዳንዳዪዳዴ ጊዲዳ ጊሽ ኢዛ ኦይቺቴ” ጊዳ። 
\p  
\v 24 ካሴ ቆቄ ኣዴዛ ቃሴካ ፄይጊዲ “ሃይሶ ኔ ቱማዮ ዮታዳ ፆሳ ቦንቻ። ሃይሲ ኣዴዚ ናጋራንቻ ጊዲዳይሳ ኑ ኤሮስ” ጊዳ።  
\v 25 ኢዚካ “ኢዚ ናጋራንቻ ጊዲን ታ ኤሪኬ። ጊዶ ኣቲን ታ ካሴ ቆቄ ጊዲዳሮኔ ቃሴ ሃዒ ታ ፄሊዛሮ ሃኖ ፃላ ኤራይስ” ጊዴስ።  
\v 26 ኢስቲ ቃሴ ኢዛ “ኢዚ ኔስ ኣይ ኦꬂዴ? ኔ ኣይፌዛ ዎስቲ ፖጊዴ?” ጊዲ ኦይቺዳ  
\v 27 ኢዚካ “ታ ኢንቴስ ካሴ ዮቲን ዎዝናን ዎꬂ ሲይቤኬታ ሺን ሃዒ ቃሴ ኣዛስ ዛሬꬂ ሲያና ኮዬቲ? ኢንቴካ ኢዛ ካሊዛይታ ጊዳና ኮዬቲ?” ጊዴስ።  
\v 28 ሄሳፌ ጉዬ ኢዛ “ኑ ሙሴ ካሊዛዴንታ፤ ኔ ኢዛ ካሊዛዴ ጊዳ።  
\v 29 ካሴ ፆሲ ሙሴራ ሃሳዬቲዳይሳ ኑ ኤሮስ። ሃይሲ ኣዴዚ ኣዋፔ ዪዳኮኔ ኑ ኤሮኮ” ጊዳ።  
\v 30 ኣዴዚካ ኢስታስ “ኢዚ ኣዋፔኮኔ ኢንቴ ኤሮንታይሲ ማላሊሴስ። ጊዶ ኣቲን ታ ኣይፌ ፄሊሲዳዴይ ኢዛ።  
\v 31 ፆሲ ባስ ያዪዛዴሲኔ ኢዛ ሼኔ ኦꬂዛዴስ ኣቲን ናጋራንቻ ኣስ ሲዮንታይሳ ኑ ኤሮስ።  
\v 32 ኣይፌ ቆቂዲ ዬሌቲዳዴ ኣይፌይ ፄሊዴስ ጊዛይሳ ኣላሜይ ሜꬌቶሳፔ ኦኒካ ሲዪ ኤሬና።  
\v 33 ሃይሳዴይ ፆሳፌ ጊዶንታኮ ሃይሳ ኦꬃናስ ዳንዳዬና” ጊ ዛሪዴስ።  
\v 34 ኢስቲካ ኢዛ “ኔኒ ኔስ ሙሌ ኣሳቴꬃይ ናጋራን ሙኑቄቲን ዬሌቲዳይሲ ኑና ታማርሳና ዋና ፃላዲ?” ጊዲ ኢዛ ጎዲዳ። 
\s1 ኣያና ዮዖይ ꬉሚዳዴ 
\p  
\v 35 ኣዴዛ ጎዲዳይሳ ዬሱሲ ሲይዴስ። ኢዛ ዴሚዲኔ “ኔ ኣሳ ናን ኣማናይ?” ጊዴስ።  
\v 36 ኣዴዚካ “ጎዶ! ታ ኢዛን ኣማናና ማላ ኢዚ ኦኔ?” ጊዲ ኦይቺዴስ።  
\v 37 ዬሱሲካ “ኔ ኢዛ ቤያዳሳ፤ ሃዒ ኔናራ ሃሳዪዛይ ኢዛኮ!” ጊዴስ።  
\v 38 ኣዴዚካ “ጎዶ! ኢዛ ኣማናዲስ” ጊዲ ኢዛስ ሆኪ ጎይኒዴስ።  
\v 39 ዬሱሲካ “ቆቄቲ ፄላና ማላኔ ፄሊዛይቲ ቆቃና ማላ ፒርዳናስ ታ ሃይሳ ሃ ኣላሜ ያዲስ” ጊዴስ።  
\v 40 ኢዛራ ዲዛ ፋርሳዌታፔ ኢሲ ኢሲ ኣሳቲ ሄሳ ሲይዲ “ሄሲ ኣይ ጉሴ? ሂስቲን ኑካ ቆቄ?” ጊዳ።  
\v 41 ዬሱሲካ ኢስታ “ኢንቴ ቆቄታ ጊዲዳኮ ኢንቴስ ናጋራ ጊዴና ሺን ኢንቴ ሃዒ ‘ኑ ፄሎስ’ ጊዛ ጊሽ ኢንቴ ናጋራንቻ ጊዲዳ ማላ ዳና” ጊዴስ። 
\c 10  
\s1 ሎዖ ሄንꬃንቻ 
\p  
\v 1 ዬሱሲ፥ “ታ ኢንቴስ ቱሙ ጋይስ፤ ዶርሳታ ዪሬ ፔንጌራፔ ኣቲን ሃራ ባጋራ ጉፒ ጌሊዛይ ካይሶኔ ቦንቂዛዴ።  
\v 2 ፔንጌራ ጌሊዛዴይ ኢዚ ዶርሳታ ሄሚዛዴ።  
\v 3 ፔንጌ ናጊዛዴይ ኢዛስ ፔንጌዛ ዶዬስ። ዶርሳቲካ ኢዛ ቃላ ሲዬቴስ። ባ ዶርሳታ ሱንꬃራ ሱንꬃራ ፄይጊ ኬሴስ።  
\v 4 ባይታ ዉርሲ ኬሲዳፔ ጉዬ ኢስታ ሲንꬅ ኣꬊዲ ካሌꬄስ። ዶርሳቲካ ኢዛ ቃላ ኤሪዛ ጊሽ ኢዛ ካሌቴስ።  
\v 5 ኢማꬃ ኣሳ ቃላ ኤሮንታ ጊሽ ኢዛፔ ባቃቴቴስ ኣቲን ሙሌካ ኢዛ ካሌቴና።  
\v 6 ዬሱሲ ሄሳ ሌሚሶዛ ኢስታስ ዮቲዴስ ሺን ኢስቲ ቃሴ ኢዚ ኢስታስ ዮቲዳይሳ ኣይኮካ ኤሪቤቴና።  
\v 7 ሄሳ ጊሽ ዬሱሲ ቃሴካ ኢስታስ “ታ ኢንቴስ ቱሙ ጋይስ፤ ዶርሳታ ፔንጌይ ታና።  
\v 8 ታፔ ካሴ ዪዳይቲ ዉሪ ካይሶኔ ቦንቂዛይታ። ዶርሳቲ ጊዲኮ ኢስቲ ጊዛ ሲይቤቴና  
\v 9 ፔንጌይ ታና። ታ ባጋራ ጌሊዛዴይ ዉሪ ኣታና፤ ጌላናኔ ኬዛና፤ ሄሜቲዛሶካ ዴማና።  
\v 10 ካይሶይ ካይሶታና፥ ዎꬋናሲኔ ꬋይሳናስ ፃላ ዬስ። ታ ጊዲኮ ኢንቴስ ዴዖይ ዳና ማላኔ ኢንቴስ ኬሂ ዳራና ማላ ያዲስ። 
\p  
\v 11 “ታ ሎዖ ሄሚዛዴ፤ ሎዖ ሄሚዛዴይ ባ ሼምፖ ባ ዶርሳታ ጊሽ ኣꬂ ኢሜስ።  
\v 12 ሚሼራ ቃፃሬቲዲ ሄሚዛዴይ ጊዲኮ ዶርሳቲ ኢዛስ ጊዶንታ ጊሽ ካና ሱይቴይ ዪዛ ዎዴ ዶርሳታ ዬጊዲ ባስ ባቃቴስ። ካና ሱይቴይካ ዶርሳታ ዳፊ ዳፊ ሜሲኔ ላሌስ። \f + \fr 10:12 \fq ካና ሱይቴ \ft ጉሲ ኢሲ ኢሲ ጋሞꬆ ቃላራ ሱꬉሜ ጌቴቴስ።\f* 
\v 13 ባቃቲዛዴይ ሚሻን ቃፃሬቲዳዴ ጊዲዳ ጊሺኔ ዶርሳታስ ሚሼቶንታ ጊሻሳ። 
\p  
\v 14 “ሎዖ ሄንꬃንቻይ ታና። ታኒ ታ ዶርሳታ ኤራይስ፤ ኢስቲካ ታና ኤሬቴስ።  
\v 15 ሄሲካ ኣዋይ ታና ኤሪዛይሳ ማላ ታኒ ታ ሼምፖ ዶርሳታ ጊሽ ኣꬃ ኢማና። \x * \xo 10:15 \xt ማቶ 11፡27\x* 
\v 16 ሃይሳ ሃ ዶርሳ ዪሬን ጌሎንታይቲ ታስ ሃራ ዶርሳቲ ዴቴስ፤ ታ ኢስታካ ሃ ኤሃናስ ታስ ቤሴስ። ኢስቲካ ታ ቃላ ሲያናኔ ኢሲ ሜሄ ጊዳና። ሄሚዛይሲካ ኢሳዴ ጊዳና።  
\v 17 ታ ዛራዳ ዴንꬃናስ ታ ሼምፖ ታ ኣꬃ ኢሚዛ ጊሽ ታ ኣዋይ ታና ዶሴስ።  
\v 18 ታኒ ታ ሼምፖ ታ ዶሳራ ኣꬃ ኢማዲስ ኣቲን ኦኒካ ታፔ ዎꬂ ኤኬና፤ ታ ኣꬃ ኢማናስ ጊዲን ዎይኮ ዛራ ዴንꬃናስ ጊዲን ሼኔይ ታሳ፤ ሄሳ ሄ ኣዛዞዛ ታኒ ታ ኣዋፔ ኤካዲስ” ጊዴስ። 
\p  
\v 19 ሄሳ ሄ ቃላፔ ዴንዲዳይሳን ኣይሁዳታ ጊዶን ቃሴካ ሻኬቴꬂ ሜꬌቲዴስ።  
\v 20 ዳሮ ኣሳይ “ኢዛ ቦላ ዳይዳንꬂ ዲዛ ጊሺኔ ጎሽ ጊዲዳ ጊሽ ኢንቴ ኢዚ ጊዛይሳ ኣይስ ሲዬቲ? ጊዳ። 
\p  
\v 21 ባጋይቲ ቃሴ “ዳይዳንꬂ ዲዛዴይ ሃይሳ ማላ ዴና። ዳይዳንꬂ ቆቂዳ ኣይፌ ፓꬂ ኤሪዜ?” ጊዳ። 
\s1 ኣይሁዳቲ ኣማኖንታ ኢፂዳ 
\p  
\v 22 ዬሩሳላሜን ፆሳ ኬꬃ ኦራꬆ ባዓሌ ቦንቾ ዎዴይ ጋኪዴስ፤ ሄ ዎዴይካ ባልጎ።  
\v 23 ዬሱሲ ፆሳ ኬꬃ ጊቤ ጊዶን ሶሎሞኔ ሲሜሬቴꬃሶራ ኣꬊሺን፥  
\v 24 ኣይሁዳቲ ኢዛ ጊዶ ኣꬂዲ “ኔ ኣይዴ ጋካናስ ኑ ዎዝና ሂርጋን ጋምዒሳኔ? ኔ ፆሲ ኪቲዳዴ ጊዲኮ ኑስ ቆንጪሳ ዮታ” ጊዳ። 
\p  
\v 25 ዬሱሲካ ኢስታስ “ታ ኢንቴስ ዮታዲስኮ ሺን ኢንቴ ቃሴ ኣማኒቤይኬታ። ታ ኣዋ ሱንꬃን ታ ኦꬂዛ ማላታቲ ታ ጊሽ ዮቴቴስ።  
\v 26 ኢንቴ ቃሴ ታ ዶርሳታ ጊዶንታ ጊሽ ታና ኣማኔኬታ።  
\v 27 ታ ዶርሳቲ ታ ቃላ ሲዬቴስ። ታካ ኢስታ ኤራይስ፤ ኢስቲካ ታና ካሌቴስ።  
\v 28 ታ ኢስታስ ሜርና ዴዖ ኢማና፤ ሙሌካ ኢስታ ꬋዬቴና፤ ኢስታ ታ ኩሼፔ ዎꬂ ኤካናስ ዳንዳያናዴይ ኦኒካ ዴና።  
\v 29 ታስ ኢስታ ኢሚዳ ታ ኣዋይ ኡባፌ ኣꬌስ። ታ ኣዋ ኩሼፔ ኢስታ ኦኒካ ቦንቃናስ ዳንዳዬና።  
\v 30 ታኒኔ ታ ኣዋይ ኑ ኢሲኖ” ጊዴስ። 
\p  
\v 31 ኣይሁዳቲ ኢዛ ጫዳናስ ቃሴካ ሹች ዴንꬂዳ።  
\v 32 ዬሱሲካ “ኣዋፔ ጊዲዳ ዳሮ ጊታ ማላታታ ታ ኢንቴና ቤሳዲስ። ሂስቲን ሃ ታ ቤሲዳይታፔ ኣዋሪ ጊሽ ታና ሹቻራ ጫዴቲ?” ጊዴስ። 
\p  
\v 33 ኣዩሁዳቲካ “ኑ ኔና ሹቻራ ጫዲዛይ ኔ ጮ ኣስ ጊዳ ኡታዳ ኔና ኔርካ ፆሴ ኬሳዳ ጫሻ ቃላ ኔ ሃሳዪዳ ጊሻሳፌ ኣቲን ኔ ሎዖ ኦꬂዳይሳ ጊሽ ዴና” ጊዲ ኢዛስ ዛሪዳ።  
\v 34 ዬሱሲካ ኢስታስ “ኢንቴ ዎጋ ጊዶን ‘ታ ኢንቴና ፆሳታ ጋዲስ’ ጌቴቲ ፃፌቲቤኔ? \x * \xo 10:34 \xt ማዛ 82፡6\x* 
\v 35 ፆሳ ቃላይ ኢስታስ ዪዳ ኣሳታ ‘ፆሴ ጊኮኔ ማፃፋይ ሻሬታናስ ዳንዳዮንታ ጊዲኮ’  
\v 36 ሂስቲን ‘ታ ፆሳ ና’ ጊዳ ጊሽ ኣዋይ ባ ሻኪ ዱማሲዳይሳኔ ሃ ዱጌ ኣላሜ ኪቲዳይሳ ኢንቴ ‘ኔ ጫያዳሳ’ ጊዲ ታና ዎርዶራ ኣዛስ ሞቴቲ?  
\v 37 ታ ኣዋይ ኦꬂዛይሳ ታ ኦꬆንታ ኣጊኮ ታናን ኣማኖፒቴ።  
\v 38 ታ ኢዛꬆ ኦꬂዛ ጊዲኮ ኢንቴ ታና ኣማኖንታ ኣጊኮካ ታ ኣዋይ ታናን ዲዛይሳ ታካ ኢዛን ዲዛይሳ ኢንቴ ኤራና ማላኔ ዩሺ ቆፓና ማላ ኢዚ ኦꬂዳ ማላታን ኣማኒቴ” ጊዴስ። 
\p  
\v 39 ቃሴካ ኢስቲ ኢዛ ኦይካናስ ኮይዳ ሺን ኢዚ ኢስታ ኩሼፔ ኬሲ ኤኪ ቢዴስ።  
\v 40 ሄሳፌ ጉዬ ዬሱሲ፥ ዮሃኒሲ ካሴ ፃማቂዛሶ ጌዴ ዮርዳኖሴፔ ሄ ፒንꬅ ሲሚዲ ሄን ጋምዒዴስ። \x * \xo 10:40 \xt ዮሃ 1፡28\x* 
\v 41 ዳሮ ኣሳይ ኢዛኮ ዪዴስ፤ ኢስቲ ቃሴ “ዮሃኒሲ ኢሲ ማላታካ ኦꬂቤና፤ ጊዶ ኣቲን ሃይሳ ኣዴዛ ጊሽ ኢዚ ዮቲዳይሲ ዉሪካ ቱሙኮ” ጊዳ።  
\v 42 ሄንካ ዳሮ ኣሳይ ዬሱሳን ኣማኒዴስ። 
\c 11  
\s1 ኣላዛሬ ሃይቆ 
\p  
\v 1 ቢታኒያ ጌቴቲዛሶን ማራማኔ ማርታይ ዲዛ ጉታን ኣላዛሬ ጌቴቲዛዴይ ሳኬቲዴስ።  
\v 2 ኢዚ ኢሻ ኣላዛሬይ ሳኬቲዳ ማራማ ካሴ ዬሱሳ ቶሆ ቦላ ሺቶ ጉሳዳ ዬሱሳ ቶሆ ባ ሁዔ ቢናናን ቁጪዳሮኮ።  
\v 3 ሚቼቲካ “ጎዶ! ኔ ዶሲዛይሲ ሳኬቲዴስ” ጊዲ ኣስ ዬሱሳኮ ኪቲዳ። 
\p  
\v 4 ዬሱሲ ሄሳ ሲይዲ “ሃ ሳኮይ ፆሳ ናይ ኢዛን ቦንቼታና ማላኔ ፆሲ ቦንቼታናሳፌ ኣቲን ኢዛ ሃይቆስ ጋꬂዛዝ ዴና” ጊዴስ።  
\v 5 ዬሱሲ ማርታ ኢዚ ሚቼዮ ማራሞኔ ኣላዛሬ ሲቄስ።  
\v 6 ጊዶ ኣቲን ኣላዛሬይ ሳኬቲዳይሳ ሲዪ ዎꬂዲ ሄን ባ ዲዛሶን ናምዑ ጋላስ ጋምዒዴስ።  
\v 7 ሄሳፌ ጉዬ ባና ካሊዛይታ “ኣኔ ዩሁዳ ቢታ ሲሚ ቦስ” ጊዴስ።  
\v 8 ኢስቲካ “ኣስታማሬ! ጉꬃ ዎዴፔ ካሴ ኣሳይ ኔና ሹቻራ ጫዳና ኮዬቴስኮሺን፤ ኔ ቃሴ ሃዒ ሄ ሲማ ባኔ?” ጊዳ። 
\p  
\v 9 ዬሱሲ ኢስታስ “ኢሲ ጋላሳን ታማኔ ናምዑ ሳቴይ ዴስ ዴኔ? ጋላሳራ ሃሙቲዛ ኣሲ ሃ ኣላሜዛ ፖዖን ሲሜሬቲዛ ጊሽ ꬉጴቴና።  
\v 10 ꬉጴቲዛዴይ ጊዲኮ ኢዚ ቃማራ ሃሙቲዛዴ። ጋሶይካ ፖዖይ ባይንዳ ጊሻሳ” ጊዴስ።  
\v 11 ሄሳ ኢስታስ ዮቲዳፔ ጉዬ “ኑ ላጌ ኣላዛሬይ ꬊስኪዴስ፤ ታካ ኢዛ ꬊስኮፌ ዴንꬃና ባይስ” ጊዴስ።  
\v 12 ኢዛ ካሊዛይቲ ኢዛ “ጎዶ! ኢዚ ꬊስኪዳ ጊዲኮ ዴንዳና” ጊዳ።  
\v 13 ዬሱሲ ኢስታስ ሄሳ ዮቲዳይ ኣላዛሬ ሃይቆ ጊሻሳ ሺን ኢዛ ካሊዛይታስ ቃሴ ꬊስኮ ጊሽ ዮቲዳ ሚሳቲዴስ።  
\v 14 ሄሳ ጊሽ ቆንጬራ ኢስታስ “ኣላዛሬይ ሃይቂዴስ።  
\v 15 ኢንቴ ኣማናና ማላ ታ ሄን ዶንታ ኣጊዳይሲ ኢንቴ ጊሽ ታና ኡፋይሴስ፤ ሃዒ ጊዲኮ ኣኔ ጌዴ ኢዛኮ ቦስ” ጊዴስ። 
\p  
\v 16 ቃሴ ዲዲሞሳ ጌቴቲዛ ቶማሲ ሃንኮ ዬሱሳ ካሊዛይታ “ኣኔ ኑካ ቢዲ ኢዛራ ኢሲፌ ሃይቆስ” ጊዴስ። \f + \fr 11:16 \fq ዲዲሞሳ \ft ጉሲ ሜንቴ ጉሳ።\f* 
\s1 ዬሱሲ ኣላዛሬ ሚቼታ ሚንꬄꬂዴስ 
\p  
\v 17 ዬሱሲ ቢ ጋኪሺን ኣላዛሬይ ሃይቂ ሞጌቲን ኦይዱ ጋላስ ጊዲዴስ።  
\v 18 ቢታኒያይ ዬሩሳላሜፔ ባጋ ሳቴ ኦጌ ሃኬስ።  
\v 19 ኢስታ ኢሻይ ሃይቂዳ ጊሽ ማራሞኔ ማርታ ሚንꬄꬃናስ ዳሮ ኣይሁዳ ኣሳይ ኢስታኮ ሺቂዴስ። 
\p  
\v 20 ዬሱሳ ዩሳ ማርታይ ሲያዳ ኢዛ ሞካ ኤካና ባዱስ፤ ማራማ ጊዲኮ ሶን ኡታዱስ።  
\v 21 ማርታይ ዬሱሳ “ጎዶ! ኔ ሃን ዲዛኮ ታ ኢሻይ ሃይቄናኮሺን።  
\v 22 ሃዒካ ጊዲኮ ኔ ዎሲዳ ዉርሲ ፆሲ ኔስ ኢማናይሳ ታ ኤራይስ” ጋዱስ። 
\p  
\v 23 ዬሱሲካ ኢዚስ “ኔ ኢሻይ ዴንዳና” ጊዴስ።  
\v 24 ማርታይ ቃሴ “ዉርሴꬃን ዴንꬃ ዎዴ ኢዚ ዴንዳናይሳ ታካ ኤራይስ” ጋዱስ።  
\v 25 ዬሱሲካ ኢዚስ “ዴንዶይኔ ዴዖይ ታና፤ ታና ኣማኒዛዴይ ሃይቂኮካ ፓፃ ዳና።  
\v 26 ታናን ዲዛዴይኔ ታና ኣማኒዛዴይ ሙሌካ ሃይቄና፤ ሄሳ ኔ ኣማናይ?” ጊዴስ። 
\p  
\v 27 ኢዛካ ዛራዳ “ኤ ጎዶ! ኔኒ ዱጌ ሃ ኣላሜዛ ኪቴቲዳ ፆሳ ና ጊዲዳይሳ ታ ኣማናይስ” ጋዱስ።  
\v 28 ሄሳ ጋዳኔ ሲማዳ ባ ሚቼዮ ማራሞ ዱማ ፄይጋ ኬሳዳ “ኣስታማሬይ ኔና ኮዬስ” ጋዱስ።  
\v 29 ማራማካ ሄሳ ሲዪዳ ማላ ኤሌላ ዴንዳዳ ኢዛኮ ባዱስ።  
\v 30 ሄሳ ጋካናስ ዬሱሲ ማርታራ ጋጊዳሶን ዴስ ኣቲን ጌዴ ጉታ ጊዶ ጌልቤና  
\v 31 ማራሞ ሚንꬄꬂሼ ኢዚራ ሶን ዲዛ ኣይሁዳቲካ ማራማ ፑሱኩ ጋ ዴንዳ ኤቃዳ ኬዚዳይሳ ቤዪዲ ኢዛ ኣላዛሬ ዱፎ ኣቻን ዬካና ቢዛ ሚሳቲን ኢዞ ካሊዳ። 
\p  
\v 32 ማራማ ዬሱሲ ዲዛሶ ጋካ ኢዛ ዴሚዳ ማላ ኢዛ ቶሆ ቦላ ጉፋናዳ “ጎዶ! ኔ ሃን ዲዛኮ ታ ኢሻይ ሃይቄናኮሺን” ጋዱስ። 
\p  
\v 33 ኢዛኔ ኢዞ ካሊ ዪዳ ኣይሁዳቲ ዬኪዛይሳ ዬሱሲ ቤዪዲ ዳሮ ሚሼቲዲ  
\v 34 “ኢዛ ኣዋን ሞጊዴቲ?” ጊዲ ኦይቺዴስ፤ ኢስቲካ “ጎዶ! ሃ ያዳ ቤያ” ጊዳ።  
\v 35 ዬሱሲካ ኣፉንፂዴስ።  
\v 36 ኣይሁዳቲካ “ኢዚ ኢዛ ኣይ ማላ ሲቂዛኮ ቤይቴ” ጊዳ።  
\v 37 ኢስታ ጊዶፌ ኢሲ ኢሲ ኣሳቲ “ሃይሲ ቆቄ ኣዴዛ ኣይፌ ፖግዳይሲ ሃይሳዴይ ሃይቆንታ ማላ ኦꬃናስ ዳንዳዬኔ?” ጊዳ። 
\s1 ዬሱሲ ኣላዛሬ ሃይቆፔ ዴንꬂዴስ 
\p  
\v 38 ዬሱሲ ኢዛ ዎዝናይ ሚሼቲን ጌዴ ዱፎኮ ቢዴስ፤ ዱፎዚካ ሹቻራ ጎርዴቲዳ ጎንጎሎ።  
\v 39 ኢዚካ ኢስታ “ሹቻ ዴንꬂቴ!” ጊዴስ። ሃይቂዳይሳ ሚቼያ ማርታይ “ጎዶ! ኢዚ ሃይቂን ሃቺ ኦይዱ ጋላስ ጊዲዳ ጊሽ ፂንቃናኮ!” ጋዱስ።  
\v 40 ዬሱሲካ “ኔ ኣማኒዛ ጊዲኮ ፆሳ ቦንቾ ቤያንዳሳ ጋዳ ኔስ ታ ዮታቤይኪና?” ጊዴስ።  
\v 41 ሄሳ ጊሽ ሹቻ ዴንꬂዳ፤ ዬሱሲካ ፑዴ ሳሎ ፄሊዲ “ታ ኣዋዉ! ኔ ታ ጊዛዝ ሲዪዳ ጊሽ ታ ኔና ጋላታይስ።  
\v 42 ኔ ኡባ ጋላስ ታ ጊዛዝ ሲዪዛይሳ ታ ኤራይስ፤ ጊዶ ኣቲን ታ ሄሳ ጊዳይ ሃይሳን ኤቂዳ ኣሳቲ ኔ ታና ኪቲዳይሳ ኣማናና ማላሳ።  
\v 43 ዬሱሲ ሄሳ ጊዳፔ ካሌꬂዲ ቃላ ꬎቁ ሂስቲዲ “ኣላዛሬ! ሃ ኬዛ!” ጊዲ ፄይጊዴስ።  
\v 44 ሃይቂዳ ኣላዛሬይካ ኩሜꬃ ኣሳቴꬃይ ሞጎ ማይዖን ፃፄቲዳ ማላ ዱፎፔ ኬዚዴስ። ዬሱሲካ “ቢርሺ ዬዲቴ ቦ!” ጊዴስ። 
\s1 ኣሳይ ዬሱሳ ዎꬋናስ ጌማን ዞሬቲዴስ 
\r (ማቶ 26፡1-5፤ ማር 14፡1-2፤ ሉቃ 22፡1-2) 
\p  
\v 45 ሄሳ ጊሽ ማራሞ ሚንꬄꬃና ዪዳ ኣይሁዳታፔ ዳሮ ኣሳይ ዬሱሲ ኦꬂዳይሳ ቤዪዲ ኢዛን ኣማኒዴስ።  
\v 46 ኢስታፌ ባጋቲ ቢዲ ዬሱሲ ኦꬂዳይሳ ፋርሳዌታስ ዮቲዳ።  
\v 47 ሄሳ ቄሴታ ሃላቃቲኔ ፋርሳዌቲ ኣይሁዳታ ዱላታ ሺቃና ማላ ፄይጊዲ “ሃ ኣዴዚ ዳሮ ዱማ ዱማ ማላታታ ኦꬂዳዴ ጊዲዳ ጊሽ ኑ ኣይ ኦꬂኮ ሎዖ?  
\v 48 ኑ ጮዑ ጊኮ ኣሲ ዉሪ ኢዛን ኣማናናኔ ኦሮሜ ኣሲካ ዪዲ ሃይሳ ኑ ቢታኔ ኑ ኣሳ ኑፔ ኤካና” ጊዳ። 
\p  
\v 49 ኢስታ ጊዶፌ ኢሳዴይ ሄ ላይꬅ ቄሴታስ ዋና ሃላቃ ቃያፋይ “ኢንቴ ኣይኮካ ኤሬኬታ።  
\v 50 ዴሬይ ዉሪ ꬋያናፔ ዴሬ ጊሽ ኢሲ ኣሲ ሃይቂኮ ሎዖ ጊዳናይሳ ጊሽ ዩሺ ቆፔኬቲ?” ጊዴስ።  
\v 51 ኢዚ ሄሳ ባፔ ጊዶንታ ሄ ላይꬅ ኢዚ ቄሴታስ ሃላቃ ጊዲዳ ጊሽ ዬሱሲ ኣይሁዳ ዴሬ ጊሽ ሲንꬃፌ ሃይቃናይሳ ዮቲዴስ።  
\v 52 ኢዚ ሃይቃናይ ሄ ዴሬ ኣሳስ ፃላላ ጊዶንታ ካሴ ላሌቲዳ ፆሳ ናይታካ ኢሲ ቦላ ሺሻናሳ። 
\p  
\v 53 ሄ ጋላሳፌ ሃ ሲሚን ኢዛ ዎꬋናስ ማቄቲዳ።  
\v 54 ሄሳ ጊሽ ዬሱሲ ሄ ጋላሳፌ ሃ ሲሚን ኣይሁዳታ ጊዶን ቆንጬራ ሲሜሬቲቤና። ጊዶ ኣቲን ዱጌ ባዞ ቢታ ማታን ዲዛ ኤፊሬሜ ጌቴቲዛ ካታማይ ዲዛሶ ቢዲ ባና ካሊዛይታራ ሄን ታኪዴስ። 
\p  
\v 55 ኣይሁዳቲ ፓዚጋ ባዓሌይ ማቲዳ ማላ ባዓሌይ ጋካናፔ ካሴ ጌሾ ዎጋ ኦꬃናስ ዳሮ ኣሳይ ዱማ ዱማ ዴሬፔ ዬሩሳላሜ ዪዴስ።  
\v 56 ኣሳይ ዬሱሳ ኮዪሼ ፆሳ ኬꬃን ኤቂዲ ባ ጊዶን ኢሶይ ኢሳራ “ኢንቴስ ኣይ ሚሳቲዜ? ባዓሌዛስ ዬኔሻ?” ጊዴስ።  
\v 57 ቄሴታ ሃላቃቲኔ ፋርሳዌቲ ቃሴ ዬሱሳ ኦይካናስ ኢዚ ኣዋን ዲዛኮኔ ኤሪዛዴይ ኢስታስ ማላታና ማላ ካሴ ኣዛዚ ዎꬂዳ። 
\c 12  
\s1 ዬሱሳ ሺቶ ቲዪዳ ማጫሳዮ 
\r (ማቶ 26፡6-13፤ ማር 14፡3-9) 
\p  
\v 1 ፓዚጋ ባዓሌስ ቡሮ ኡሱፑን ጋላሲ ኣቲሺን ዬሱሲ ሃይቆፔ ዴንꬂዳ ኣላዛሬይ ዲዛሶ ቢታኒያ ቢዴስ።  
\v 2 ሄን ዬሱሳስ ካዎ ካꬂዲ ማርታይ ኢዛ ካዎ ሚዚሺን ኢዛራ ኢሲፌ ማዳን ኡቲዳይታፔ ኢሶይ ኣላዛሬ።  
\v 3 ማራማ ዳሮ ኣልዖ ዋጋራ ሻሜቲዳ ባጋ ሊትሮ ጊዲዛ ጌሻ ናርዶሴ ሺቶ ኤካ ያዳ ዬሱሳ ቶሆ ቦላ ጉሳዳ ቶሆዛ ባ ሁዔ ቢናናራ ቁጫዱስ። ኬꬃካ ሺቶ ሳዎይ ኩሚዴስ። \x * \xo 12:3 \xt ሉቃ 7፡37-38\x* 
\v 4 ዬሱሳ ካሊዛይታፔ ኢሶይ ዬሱሳ ኣꬂ ኢማና ኣስቆሮንቶ ዩሁዳይ፥  
\v 5 “ሃይሲ ሺቶዚ ሄꬑ ፄቱ ዲናሬስ ባይዜቲዲ ሚሻይ ኣዛስ ማንቆታስ ኢሜቲቤኔ?” ጊዴስ።  
\v 6 ኢዚ ሄሳ ጊዳይ ሚሻ ሺሺዛ ካራፂቴ ኦይኪዛዴይ ኢዛ ጊዲዳ ጊሽ ሺቂዛ ሚሻፌ ባስ ሺሺዲ ጎዔቲዛዴ ጊዲዳ ጊሻሳ ኣቲን ማንቆታስ ሚሼቲዲ ጊዴና። 
\p  
\v 7 ዬሱሲ ቃሴ “ሃይሲ ሺቶዚ ታስ ሞጎ ጋላሳስ ቆፌቲዳዝ ጊዲዳ ጊሽ ሄ ዎዴ ጋካናስ ኢዛ ባ ኣቻን ናጉ፥ ቦቾፍቴ።  
\v 8 ማንቆቲ ኣይ ዎዴካ ኢንቴናራ ዴቴስ። ጊዶ ኣቲን ኢንቴ ታና ኡባ ዎዴ ዴሜኬታ” ጊዴስ። \x * \xo 12:8 \xt ዛሬ 15፡11\x* 
\p  
\v 9 ሄ ዎዴ ዳሮ ኣይሁዳ ኣሳቲ ዬሱሲ ሄን ዲዛይሳ ኤሪዲ ኢዛኮ ዪዳ፤ ዪዳይቲካ ዬሱሳ ፃላላ ኮሽ ጊዶንታ ዬሱሲ ሃይቆፔ ዴንꬂዳ ኣላዛሬካ ቤያናሳ።  
\v 10 ሄሳ ጊሽ ቄሴታ ሃላቃቲ ዬሱሳራ ኣላዛሬካ ጋꬂ ዎꬋናስ ባ ጊዶን ዞሬቲዳ።  
\v 11 ሄሲካ ኣላዛሬ ጌዶን ዳሮ ኣይሁዳ ኣሳይ ዬሱሳኮ ቢ ቢዲ ኢዛ ኣማኒዛ ጊሻሳ። 
\s1 ዬሱሲ ቦንቾን ዬሩሳላሜ ጌሊዴስ 
\r (ማቶ 21፡1-11፤ ማር 11፡1-11፤ ሉቃ 19፡28-40) 
\p  
\v 12 ዎንቴꬃ ጋላስ ባዓሌዛ ቦንቻና ዪዳ ዴሬይ ዬሱሲ ዬሩሳላሜ ዪዛይሳ ሲይዴስ።  
\v 13 ዛምባ ሃይꬅ ኤኪዲ ዬሱሳ ሞካና ኬዚዴስ፤ ዴሬይ ቃላ ꬎቁ ሂስቲዲ “ሆሳና! ጎዳ ሱንꬃን ዪዛ ኢስራዔሌ ካዎይ ኣንጄቲዳይሳ!” ጊዴስ። \x * \xo 12:13 \xt ማዛ 118፡25-26\x* 
\q1  
\v 14-15 ቤኒ “ሃኔ! ፂዮኔ ናዬ፥ ባቦፋ! 
\q2 ሄኮ ኔ ካዎይ ሃሬ ጉቴ ቶጊዲ ዬስ” 
\q1 ጌቴቲ ፃፌቲዳ ማላ ዬሱሲ ሃሬ ጉቴ ዴሚዲ ቶጊዴስ። \x * \xo 12:14-15 \xt ዛካ 9፡9\x* 
\p  
\v 16 ኢዛ ካሊዛይቲ ሄሳ ዉርሲ ኮይሮ ዎዝናን ዎꬂቤቴና። ኢዛ ጊሽ ፃፌቲዳይሳኔ ኢዛስ ኦሴቲዳ ሃኖካ ዉርሲ ዬሱሲ ሃይቆፔ ዴንዲዳፔ ጉዬ ኤሪዳ። 
\p  
\v 17 ኣላዛሬ ዱፎፔ ፄይጊዲ ሃይቆፔ ዴንꬂዳ ዎዴ ኢዛራ ኢሲፌ ዲዛ ኣሳይ ኢዛ ዴንꬃ ጊሽ ማርካቲዳ።  
\v 18 ዳሮ ኣሲካ ኢዚ ሄሳ ማላ ጊታ ማላታ ኦꬂዳይሳ ሲይዲ ኢዛ ሞካና ኬዚዴስ።  
\v 19 ሄሳ ጊሽ ፋርሳዌቲ ባ ጊዶን ኢሶይ ኢሳ “ሂስቲን ኑኒ ኣይ ኦꬃና ዳንዳዪዞኒ? ቤይቴ! ኩሜꬃ ዴሬይ ኣቶንታ ኢዛ ካሌስ” ጊዳ። 
\s1 ዬሱሲ ባ ሃይቃናይሳ ካሴቲ ዮቲዴስ 
\p  
\v 20 ጎይናናስ ባዓሌዛስ ሺቂዳ ኣሳ ጊዶን ጊሪኬ ዴሬ ኣሳቲካ ዴቴስ።  
\v 21 ኢስቲካ ጋሊላ ጊዶን ዲዛ ቤቴሳይዳ ጌቴቲዛ ዴሬ ኣስ ፒሊጶሳ ጌቴቲዛዴኮ ቢዲ “ጎዶ! ኑ ዬሱሳ ቤያና ኮዮስ” ጊዳ። 
\p  
\v 22 ፒሊጶሲካ ኢንዲራሳስ ዮቲዴስ። ኢንዲራሲኔ ፒሊጶሲ ቢዲ ዬሱሳስ ዮቲዳ።  
\v 23 ዬሱሲካ ኢስታስ “ሄኮ ኣሳ ናይ ቦንቼቲዛ ሳቴይ ጋኪዴስ።  
\v 24 ታ ኢንቴስ ቱሙ ጋይስ፤ ጊስቴ ኣይፌይ ቢታን ዎꬋዳ ሃይቆንታ ጮዑ ጋ ኡቲኮ ባርካ ኣታዉስ። ኢዛ ሃይቂዛ ጊዲኮ ሃራ ዳሮ ኣይፋዉስ።  
\v 25 ባ ሼምፖ ዶሲዛዴይ ꬋይሴስ። ሃይሳ ቢታ ቦላ ባ ሼምፖ ኢፂዛዴይ ጊዲኮ ሜርና ዴዖ ዴሜስ።  
\v 26 ታስ ኦꬃና ኮዪዛዴይ ታና ካሎ፤ ታስ ኦꬂዛዴይ ታ ዲዛሶን ዳና፤ ታስ ኦꬂዛዴ ታ ኣዋይ ኢዛ ቦንቻና” ጊዴስ። 
\s1 ዬሱሲ ኢዛ ቡሮፔ ጋካና ሜቶ ጊሺኔ ሃይቆ ጊሽ ዮቲዴስ 
\p  
\v 27 ቃሴካ ዬሱሲ “ሄኮ ታ ሼምፖያ ሜቶታዱስ ‘ታ ኣዋዉ! ሃ ሳቴይፔ ታና ኣሻ ጎሻ?’ ታ ሂዝጎንታ ማላ ታ ዪዳይ ሃኖ ሃ ሜቶ ሳቴይሳ። 
\p  
\v 28 “ታ ኣዋዉ! ኔ ኔ ሱንꬃ ቦንቻ” ጊዴስ። ሄሳፌ ካሊዲ “ታኒ ታ ሱንꬃ ቦንቻዲስ፤ ቃሴካ ጉጃ ቦንቻና” ጊዛ ቃላይ ሳሎፔ ዪዴስ። 
\p  
\v 29 ሄን ጋዳን ኤቂዳ ኣሳይ ሄሳ ሲይዲ “ዳዳይ ዳዳቴስ” ጊዳ። ባጋይቲ ቃሴ “ኪታንቻኮ ሃሳዪዛይ” ጊዳ። 
\p  
\v 30 ዬሱሲ “ሃይሲ ጊሪሳይ ዪዳይ ኢንቴ ጊሻሳ ኣቲን ታ ጊሽ ጊዴና።  
\v 31 ሃይሲ ኣላሜይ ፒርዴታና ዎዴይ ሃይሳ፤ ሃይሳ ዴሬዛ ሃሪዛ ፃላዔይ ሃዒ ጌዴ ካሬ ዬጌታና።  
\v 32 ታኒ ꬎቁ ጋዳ ካቄቲዛ ዎዴ ኣሳ ዉርሳ ታኮ ዛራና” ጊዴስ።  
\v 33 ዬሱሲ ሄሳ ዮቲዳይ ኢዚ ኣይ ማላ ሃይቆ ሃይቃናኮ ኤሪሳናሳ። 
\p  
\v 34 ኣሳይ ቃሴ “ኑ ዎጋን ፃፌቲዳይ ‘ፆሲ ኪቲዳዴይ ሜርናስ ዳና’ ጌስ፤ ሂስቲን ኔ ቃሴ ዋናዳ ‘ኣሳ ናይ ꬎቁ ጊ ካቄታና ቤሴስ’ ጋይ? ኔ ጊዛ ኣሳ ናይ ኣዋይሴ?” ጊዲ ኦይቺዳ። \x * \xo 12:34 \xt ማዛ 110፡4፤ ኢሳ 9፡7፤ ሂዚ 37፡25፤ ዳኔ 7፡14\x* 
\p  
\v 35 ዬሱሲ ኢስታስ “ሃዒ ጉꬃ ዎዴስ ኢንቴናራ ፖዖይ ዴስ፤ ጋዴይ ꬉሞንታ ፖዖራ ሃሙቲቴ፤ ቃማራ ሃሙቲዛዴይ ኢዚ ኣዋ ቢዛኮኔ ኤሬና።  
\v 36 ኢንቴ ፖዖ ናይታ ጊዳና ማላ ፖዖይ ዲሺን ፖዖን ኣማኒቴ” ጊዴስ። ዬሱሲ ሄሳ ጊዳፔ ጉዬ ቢዲ ኢስታ ኣይፌፔ ጌሚዴስ። 
\s1 ኣይሁዳቲ ኣማኒቤቴና 
\p  
\v 37 ዬሱሲ ኢስታስ ሄሳ ማላ ማላታ ኢስታ ሲንꬃን ኦꬂንካ ኣይሁዳቲ ኢዛን ኣማኒቤቴና።  
\v 38 ሄሲ ሃኒዳይ ናቤ ኢሳያሲ 
\q1 “ጎዶ! ኑ ማርካቴꬃ ኣማኒዳይ ኦኔ? 
\q2 ፆሳ ቃላይ ኦናስ ቆንጪዴ?” ጊዳ ማላ። \x * \xo 12:38 \xt ኢሳ 53፡1\x* 
\q1  
\v 39 ሄሳ ጊሽ ኣማናናስ ዳንዳይቤቴና፤ 
\q2 ጋሶይካ ናቤ ኢሳያሲ ካሴ፥ 
\q1  
\v 40 “ኢስቲ ባ ኣይፌን ቤዪዲ፥ 
\q2 ባ ዎዝናን ዩሺ ቆፒዲ፥ 
\q1 ሲሞንታ ማላኔ ኢዚ ኢስታ ፓꬆንታ ማላ 
\q2 ፆሲ ኢስታ ኣይፌ ቆቂሲዴስ፤ 
\q1 ኢስታ ዎዝናካ ሙሚሲዴስ” 
\m ጊ ፃፊዳ ጊሻሳ። \x * \xo 12:40 \xt ኢሳ 6፡10\x* 
\p  
\v 41 ኢሳያሲ ሄሳ ጊዳይ ፆሲ ኪቲዳዴ ቦንቾ ቤዪዳ ጊሻሳ፤ ሄሳ ጊሽ ዬሱሲ ዮቲዴስ። 
\p  
\v 42 ጊዲኮካ ኣይሁዳታ ሃላቃታፔ ዳሮ ኣሳይ ዬሱሳ ኣማኒዴስ። ጊዶ ኣቲን ኢስታ ኣይሁዳታ ዎሳ ኬꬃፌ ጎዶንታ ማላ ፋርሳዌታስ ባቢዲ ባ ኣማኖ ቆንጬን ማርካቲቤቴና።  
\v 43 ኢስቲ ሄሳꬆ ሃኒዳይ ኢስታስ ፆሳፌ ኢሜቲዛ ቦንቾፌ ኣꬂዲ ኣሳፔ ኢሜቲዛ ቦንቾ ዶሲዳ ጊሻሳ። 
\p  
\v 44 ዬሱሲ ባ ቃላ ꬎቁ ሂስቲዲ “ታና ኣማኒዛዴይ ታናን ፃላላ ጊዶንታ ታና ኪቲዳይሳንካ ኣማኔስ።  
\v 45 ታና ቤዪዳዴይ ታና ኪቲዳይሳካ ቤያና።  
\v 46 ታና ኣማኒዛይ ዉሪ ꬉማን ዶንታ ማላ ታ ፖዖ ጊዳዳ ሃይሳ ሃ ኣላሜዛ ያዲስ።  
\v 47 ታ ቃላ ሲይዲ ኦꬆንታዴ ቦላ ፒርዳናይ ታና ጊዲኬ። ጋሶይካ ታ ዪዳይ ኣላሜ ኣሻናስ ኣቲን ኣላሜ ቦላ ፒርዳናስ ጊዴና።  
\v 48 ታና ኮዮንታዴኔ ታ ቃላ ኤኮንታዴ ቦላ ፒርዳናዴይ ዴስ፤ ታ ኢዛስ ዮቲዳ ቃላይ ዉርሴꬃ ጋላስ ኢዛ ቦላ ፒርዳና።  
\v 49 ጋሶይካ ታኒ ጮ ታ ሼኔን ዮታቤይኬ፤ ታ ጊዛይሳኔ ታ ዮቲዛ ኣዛዞ ታስ ኢሚዳይ ታና ኪቲዳ ታ ኣዋ  
\v 50 ኢዛ ኣዛዞይ ሜርና ዴዖ ጊዲዳይሳ ታ ኤራይስ፤ ሄሳ ጊሽ ታ ዮቲዛይ ዉሪ ኣዋይ ታስ ዮቲዳይሳ” ጊዴስ። 
\c 13  
\s1 ዬሱሲ ባና ካሊዛይታ ቶሆ ሜጪዴስ 
\p  
\v 1 ሄ ዎዴይካ ኣይሁዳታ ፓዚጋ ባዓሌፔ ካሴ ዬሱሲ ሃይሳ ኣላሜዛ ዬዲዲ ኣዋኮ ባና ሳቴይ ጋኪዳይሳ ኤሪዴስ፤ ሃይሳ ኣላሜዛን ዲዛ ባ ባጋታ ዉርሲ ሲቂዴስ። ዉርሴꬂ ጋካናሲካ ዶሲዴስ። 
\p  
\v 2 ዬሱሲኔ ኢዛ ካሊዛይቲ ኢሲፌ ካዎ ሚሺን ሲሞና ናይ ኣስቆሮንቶ ዩሁዳይ ዬሱሳ ኣꬂ ኢማና ማላ ፃላዔይ ኢዛ ዎዝናን ኢታ ቆፋ ጌልꬂዴስ።  
\v 3 ዬሱሲ ኣዋይ ኢዛስ ጎዳቴꬅ ዉርሲ ኢሚዳይሳኔ ኢዚ ፆሳ ኣቻፌ ኬዚዲ ዪዳይሳ፥ ቃሴ ሲሚዲ ፆሳኮ ባናይሳ ኤሬስ።  
\v 4 ሄሳ ጊሽ ማዳ ቦላፌ ዴንዲዲኔ ማይዖ ቃሪ ዎꬂዲ ፖፃ ኤኪዲ ፄሳን ጊፂዴስ። \f + \fr 13:4 \fq ፄሳ \ft ጊዛ ቃላይ ኢሲ ኢሲ ጋሞ ኣሳታ ቃላን ዳባ ጌቴቴስ።\f* 
\v 5 ቶሆ ሜጪዛ ጎንጌን ሃꬄ ጉጂዲ ባና ካሊዛይታ ቶሆ ሜቼ ኦይኪዴስ፤ ባ ጊፂዳ ፖፃንካ ሜጪዳ ቶሆዛ ቁጪዴስ። 
\p  
\v 6 ዬሱሲ ሲሞና ጌቴቲዛ ጴፅሮሳኮ ሺቂን ሲሞና ጌቴቲዛ ጴፅሮሲ ኢዛ “ጎዶ! ኔ ታ ቶሆ ሜጫኔ?” ጊዴስ።  
\v 7 ዬሱሲካ “ታኒ ኦꬂዛይሳ ኔ ሃዒ ኤራካ ጉዬፔ ቃሴ ኔ ኤራንዳሳ” ጊዴስ። 
\p  
\v 8 ጴፅሮሲካ “ኔ ታ ቶሆ ሙሌካ ሜጫካ” ጊዴስ። ዬሱሲ ቃሴ “ታ ኔ ቶሆ ሜጮንታ ኣጊኮ ኔሲኔ ታስ ኢሲፌቴꬂ ዴና” ጊዴስ።  
\v 9 ሲሞና ጌቴቲዛ ጴፅሮሲካ ዛሪዲ “ጎዶ ሄሳ ጊዲኮ ታስ ቶሆ ፃላላ ጊዶንታ ኩሼራ ሁዔራ ዉርሳ ሜጫ” ጊዴስ።  
\v 10 ዬሱሲ ቃሴ “ባ ኣሳቴꬂ ሜጬቲዳዴስ ኩሜꬃ ቦላይ ጌሽ ጊዲዳ ጊሽ ኢዛስ ቶሆ ሜቻፌ ኣቲን ሃራ ኮሼና። ኢንቴ ጌሻ ሺን ኡባታ ዴኬታ” ጊዴስ።  
\v 11 ዬሱሲ “ኢንቴ ኡባቲካ ጌሽ ዴኬታ” ጊዳይ ኢዛ ኣꬂ ኢማናዴይ ኦናኮኔ ኤሪዛ ጊሻሳ። 
\p  
\v 12 ኢስታ ቶሆ ሜጪዳፔ ጉዬ ባ ማይዖ ኤኪ ማይዒዲ ካሴ ባ ኡቲዳሶን ሲሚ ኡቲዴስ። ቃሴ ኢስታስ “ታ ኢንቴስ ኣይ ኦꬂዳኮኔ ዎዝናን ዎꬂዴቲ? \x * \xo 13:12 \xt ሉቃ 22፡27\x* 
\v 13 ኢንቴ ታና ኣስታማሬኔ ጎዳ ጌታ፤ ታ ቃስ ኣስታማሬኔ ጎዳ ጊዲዳ ጊሽ ኢንቴ ጉሳይ ቱሙኮ።  
\v 14 ሂስቲኮ ታ ኢንቴስ ጎዳኔ ኣስታማሬ ጊዳሼ ኢንቴ ቶሆ ሜጪዛ ጊዲኮ ኢንቴካ ኢንቴ ጊዶን ኢሶይ ኢሳ ቶሆ ሜጫና ቤሴስ።  
\v 15 ታ ኢንቴስ ኦꬂዳይሳ ማላ ኢንቴካ ኦꬃና ማላ ታ ኢንቴስ ሌሚሶ ቤሳዲስ።  
\v 16 ታ ኢንቴስ ቱሙ ጋይስ፤ ኣሽካራይ ጎዳፔ ኣꬌና፤ ኪቴቲዳዴይ ኪቲዳዴፌ ኣꬌና። \x * \xo 13:16 \xt ማቶ 10፡24፤ ሉቃ 6፡40፤ ዮሃ 15፡20\x* 
\v 17 ኢንቴ ሃይሳ ኤሪዲ ኦሶን ፔይሺኮ ኢንቴ ኣንጄቲዳይታ። 
\p  
\v 18 “ታ ሃይሳ ጊዛይ ኢንቴ ኡባታ ጊሽ ዴና። ታኒ ታ ዶሪዳይታ ዉርሳ ኤራይስ፤ ጊዶ ኣቲን ‘ታ ካꬅ ሚዳዴይ ታ ሞርኬ ጊዲዲ ታ ቦላ ዴንዲዴስ’ ጊዛ ማፃፋ ቃላይ ፖሌታናስ ኮሼስ። \x * \xo 13:18 \xt ማዛ 41፡9\x* 
\v 19 ታ ሃይሳ ሃዒራ ኢንቴስ ዮቲዛይ ኢዚ ፖሌቲዛ ዎዴ ታ ኦናኮኔ ኢንቴ ኣማናና ማላ።  
\v 20 ታ ኢንቴስ ቱሙ ጋይስ፤ ታ ኪቲዳዴ ኤኪዛዴይ ታና ኤኬስ፤ ታና ኤኪዛዴይ ታና ኪቲዳዴ ኤኬስ” ጊዴስ። \x * \xo 13:20 \xt ማቶ 10፡40፤ ማር 9፡37፤ ሉቃ 9፡48፤ 10፡16\x* 
\s1 ዬሱሲ ባና ኣꬂ ኢማናዴይ ኦናኮኔ ካሴቲ ዮቲዴስ 
\r (ማቶ 26፡20-25፤ ማር 14፡17-21፤ ሉቃ 22፡21-23) 
\p  
\v 21 ዬሱሲ ሄሳ ጊ ሲሚዲ ኬሂ ቆፋን ጌሊዲኔ “ታ ኢንቴስ ቱሙ ጋይስ፤ ኢንቴ ጊዶፌ ኢሳዴይ ታና ኣꬂ ኢማና” ጊዲ ቆንጬን ዮቲዴስ። 
\p  
\v 22 ኢዛ ካሊዛይቲ ሄሳ ኢዚ ኦና ጊሽ ጊዳኮኔ ኤሮንታ ጊሽ ባ ጊዶን ኢሶይ ኢሳራ ፄሌቲዳ።  
\v 23 ኢዛ ካሊዛይታ ጊዶፌ ዬሱሲ ሲቂዛ ኢሶይ ዬሱሳ ኣቻን ኡቲዴስ።  
\v 24 ሲሞና ጌቴቲዛ ጴፅሮሲ ዮሃኒሳ ሶምዒ ቤሲዲ “ኢዚ ኦና ጊሽ ጊዛኮኔ ኣኔ ኢዛ ኦይቻ” ጊዴስ። 
\p  
\v 25 ሄሳ ጊሽ ኢዚ ባ ቆꬌ ጌዴ ዬሱሳ ሃይꬃኮ ሺሺዲ “ጎዶ! ኢዚ ኦኔ?” ጊዲ ኦይቺዴስ። 
\p  
\v 26 ዬሱሲካ ዛሪዲ “ኢዛዴይ ታ ሃዒ ቡዴና ዎፄን ꬊምዓዳ ባርሲዛዴ” ጊዴስ። ሄሳ ጊ ሲሚዲ ቡዴና ዎፄን ꬊምዒ ኤኪዲ ኣስቆሮንቶፌ ዪዳ ሲሞና ና ዩሁዳ ባርሲዴስ።  
\v 27 ዩሁዳይ ኢዛ ባꬊዳ ማላ ሄራካ ፃላዔይ ኢዛን ጌሊዴስ። ዬሱሲካ ዩሁዳ “ኔ ኦꬃናስ ቆፒዳይሳ ኤሌላ ኦꬃ” ጊዴስ።  
\v 28 ዬሱሲ ሄሳ ኣዛስ ጊዳኮኔ ማዳን ኡቲዳ ኣሳፔ ዮዖይ ጌሊዳዴይ ኦኒካ ዴና።  
\v 29 ዩሁዳይ ሚሽ ኦይኪዛዴ ጊዲዳ ጊሽ ዬሱሳ ካሊዛይታፔ ባጋቲ ዬሱሲ ዩሁዳ “ባዓሌዛስ ኮሺዛይሳ ሻማ ዎይኮ ማንቆታስ ሙፁዋታ ኢማ” ጊዳ ሚሳቲዴስ። 
\p  
\v 30 ዩሁዳይካ ቡዴና ባꬊዳ ማላ ሄራካ ኬዚዲ ቢዴስ። ኢዚ ቢሺን ጋዴይ ቃማኮ። 
\s1 ኦራꬃ ኣዛዞ 
\p  
\v 31 ዩሁዳይ ኬዚ ቢዳፔ ጉዬ ዬሱሲ “ኣሳ ናይ ሃዒ ቦንቼቲዴስ፤ ኢዛ ጋሶን ፆሲካ ቦንቼቲዴስ።  
\v 32 ፆሲ ኢዛ ጋሶን ቦንቼቲዛ ጊዲኮ ፆሲካ ኢዛ ቦንቻና፤ ሄራካ ጋምዖንታ ቦንቻና።  
\v 33 ታ ናይቶ፥ ታ ኢንቴናራ ዳሮ ዎዴ ጋምዒኬ፤ ኢንቴ ታና ኮያና፥ ታ ካሴ ኣይሁዳታ ሃላቃታስካ ‘ታ ቢዛሶ ኢንቴ ያና ዳንዳዬኬታ’ ጋዳ ዮቲዳ ማላ ሃዒካ ኢንቴስካ ሄሳꬆ ዮታይስ። \x * \xo 13:33 \xt ዮሃ 7፡34\x* 
\v 34 ኢንቴ ኢንቴ ጊዶን ኢሶይ ኢሳራ ሲቄታና ማላ ታ ኢንቴስ ኦራꬃ ኣዛዞ ኢማይስ። ታ ኢንቴና ሲቂዳ ማላ ኢንቴ ኢንቴ ጊዶን ኢሶይ ኢሳራ ሲቄቲቴ። \x * \xo 13:34 \xt ዮሃ 15፡12፥17፤ 1ዮሃ 3፡23፤ 2ዮሃ 5\x* 
\v 35 ኢንቴ ኢንቴ ጊዶን ሲቄቲኮ ኢንቴ ታና ካሊዛይታ ጊዲዳይሳ ኣሲ ዉሪ ኤራና” ጊዴስ። 
\s1 ጴፅሮሲ ኢዛ ካዳናይሳ ዬሱሲ ካሴቲዲ ዮቲዴስ 
\r (ማቶ 26፡31-35፤ ማር 14፡27-31፤ ሉቃ 22፡31-34) 
\p  
\v 36 ሄሳፌ ጉዬ ሲሞና ጌቴቲዛ ጴፅሮሲ ዬሱሳ “ጎዶ! ኔ ኣዋ ባኔ?” ጊዲ ኦይቺዴስ። ዬሱሲ ቃሴ “ታ ቢዛሶ ኔ ሃዒ ታና ካላና ዳንዳያካ ሺን ጉዬፔ ኔ ታና ካላና” ጊዴስ። 
\p  
\v 37 ጴፅሮሲ “ጎዶ! ታ ኔና ሃዒ ካላናስ ኣይስ ዳንዳዪኪና? ሃራይ ኣቶሺን ታኒ ታ ሼምፖካ ኔ ጊሽ ኣꬃ ኢማና” ጊዴስ። 
\p  
\v 38 ዬሱሲካ ዛሪዲ “ኔኒ ኔ ሼምፖ ታ ጊሽ ኣꬃ ኢማኔ? ታ ኔስ ቱሙ ጋይስ፤ ሃች ኩቶይ ዋሳናፔ ካሴታዳ ኔ ታና ሄꬑቶ ካዳና” ጊዴስ። 
\c 14  
\s1 ዬሱሲ ኣዋኮ ጋꬂዛ ኦጌ 
\p  
\v 1 ካሌꬂድካ ዬሱሲ “ኢንቴ ዎዝናይ ሜቶቶፖ፤ ፆሴ ኣማኒቴ፤ ታናካ ኣማኒቴ።  
\v 2 ታ ኣዋ ኣቻን ዳሮ ዱሳሶይ ዴስ፤ ሄሳ ጊዶንታኮ ‘ኢንቴስ ዳናሶ ጊጊሳናስ ታ ባና’ ጋናሺን።  
\v 3 ባዳ ታ ኢንቴስ ሶ ጊጊሲዳፔ ጉዬ ኢንቴ ታ ዲዛሶን ዳና ማላ ታ ሲማ ያዳ ኢንቴና ኤካና።  
\v 4 ታ ቢዛ ኦጌ ኢንቴ ኤሬታ” ጊዴስ። 
\p  
\v 5 ቶማሲ “ጎዶ! ኔ ኣዋ ቢዛኮኔ ኑ ኤሮኮሺን፥ ኦጌዛ ኑ ዎስቲ ኤራናስ ዳንዳዪዞኒ?” ጊዴስ።  
\v 6 ዬሱሲካ ኢዛስ “ኦጌይኔ፥ ቱማይ፥ ዴዖይካ ታና፤ ታ ባጋራ ጊዲኮፌ ኣቲን ኦኒካ ኣዋኮ ባና ኣሲ ዴና።  
\v 7 ኢንቴ ታና ኤሪዛኮ ታ ኣዋካ ኤራናኮሺን፤ ሃዒ ሃይሳፌ ጉዬ ኢንቴ ኢዛ ኤራና፤ ኢዛ ቤዖካ ቤይዴታ” ጊ ዛሪዴስ።  
\v 8 ፒሊጶሲ “ጎዶ! ኔ ኑና ኣዋ ቤሲኮ ኑስ ጊዳና” ጊዴስ። 
\p  
\v 9 ዬሱሲካ ኢዛስ “ፒሊጶሳ! ሃይሳ ጋካናስ ታ ኢንቴናራ ዴዒንካ ኔ ታና ኤሪኪ? ታና ቤዪዳዴይ ኣዋካ ቤይዴስ፤ ሂስቲን ኔኒ ዋናዳ ‘ኑና ኣዋ ቤሳ ጋይ?  
\v 10 ታኒ ታ ኣዋን፥ ታ ኣዋይካ ታናን ዲዛይሳ ኣማኒኪ? ታ ኢንቴስ ዮቲዛ ቃላ ዮቲዛይ ታ ሼኔ ማላ ዴና፤ ጊዶ ኣቲን ኦሶዛ ዉርሲ ኦꬂዛይ ታናን ዲዛ ታ ኣዋ።  
\v 11 ታኒ ኣዋን ዲዛ ማላ፥ ኣዋይካ ታናን ዲዛይሳ ኢንቴ ኣማኒቴ፤ ኣካይ ጊኮ ታ ኦꬂዛ ኦሶታ ጊሺካ ታና ኣማኒቴ።  
\v 12 ታ ኢንቴስ ቱሙ ጋይስ፤ ታና ኣማኒዛዴይ ታ ኦꬂዛ ኦሶ ኦꬃና፤ ሄሳፌካ ኣꬂ ኦꬃና፤ ጋሶይካ ታኒ ኣዋኮ ባና።  
\v 13 ኣዋይ ናዛ ጋሶን ቦንቼታና ማላ ኢንቴ ታ ሱንꬃን ዎሲዳይሳ ታ ኢንቴስ ዉርሳ ኦꬃና።  
\v 14 ኢንቴ ኣይ ሚሺካ ታ ሱንꬃን ዎሲዳይሳ ታ ዉርሳ ኦꬃና። 
\s1 ዬሱሲ ፂሎ ኣያና ጊሽ ኢሚዳ ሂዶታ 
\p  
\v 15 “ኢንቴ ታና ዶሲዛ ጊዲኮ ታ ኣዛዞዮ ናጊቴ።  
\v 16 ታኒ ኣዋ ዎሳና፤ ኢዚካ ኢንቴናራ ሜርናስ ዳና ማላ ሃራ ኢንቴና ሚንꬄꬃናዴ ኢንቴስ ኢማና።  
\v 17 ሃይሲ ሚንꬄꬂዛ ኣያናይ ዴሬ ኣሳይ ኢዛ ቤዪ ኤሮንታ ጊሽ ኣላሜይ ኤካናስ ዳንዳዮንታ ቱሙ ኣያና፤ ጊዶ ኣቲን ኢንቴ ኢዛ ኤሬታ፤ ጋሶይካ ኢዚ ኢንቴናራ ዲዛ ጊሺኔ ኢዚ ኢንቴ ጋꬃን ዲዛ ጊሻሳ። 
\p  
\v 18 “ኣዋይኔ ኣያ ባይንዳ ናይታ ማላ ታ ኢንቴና ፃላላ ኣጊኬ፤ ታ ሲማዳ ሃ ኢንቴኮ ያና።  
\v 19 ጉꬃ ዎዴፔ ጉዬ ዴሬ ኣሳይ ታና ቤዬና ሺን ኢንቴ ጊዲኮ ቤያንዴታ፤ ታኒ ዴዖን ዲዛ ጊሽ ኢንቴካ ዴዖን ዳንዴታ።  
\v 20 ታኒ ታ ኣዋን ዲዛ ማላ ኢንቴካ ታናን ዲዛይሳኔ ታካ ኢንቴናን ዲዛይሳ ኢንቴ ሄ ዎዴ ኤራንዴታ። 
\p  
\v 21 “ታ ኣዛዞ ኤኪዲ ኦꬂዛዴይ ታና ዶሴስ፤ ታና ዶሲዛዴካ ታ ኣዋይ ዶሴስ፤ ታካ ኢዛ ዶሳና፤ ታናካ ኢዛዴስ ቆንጪሳና” ጊዴስ። 
\p  
\v 22 ኣስቆሮንቶ ዩሁዳ ጊዶንታ ሃንኮ ዩሁዳይ “ጎዶ! ኔኒ ኣላሜ ኣሳስ ጊዶንታ ኑስ ዎስታ ቆንጪሳኔ?” ጊዴስ። 
\p  
\v 23 ዬሱሲካ ኢዛስ “ታና ሲቂዛዴይ ታ ቃላ ናጋና፤ ታ ኣዋይካ ኢዛ ዶሳና፤ ኑኒ ኢዛኮ ያና፤ ዪዲካ ኢዛዴራ ኢሲፌ ዳና።  
\v 24 ታና ዶሶንታዴይ ታ ቃላ ናጌና፤ ሃይሲ ኢንቴ ሲዪዛ ቃላይ ታና ኪቲዳ ታ ኣዋ ቃላፔ ኣቲን ታ ቃላ ጊዴና። 
\p  
\v 25 “ታኒ ሃዒ ኢንቴናራ ዳሼ ሃይሳ ኢንቴስ ዮታዲስ።  
\v 26 ኣዋይ ታ ሱንꬃን ዬዳና ሚንꬄꬂዛ ፂሎ ኣያናይ ቃስ ሃኒዛ ዉርሲ ኢንቴና ታማርሳና፤ ታ ኢንቴስ ዮቶይሳካ ዉርሲ ኢንቴ ዎዝናን ዎꬃና ማላ ማዳና። 
\p  
\v 27 “ታ ኢንቴስ ሳሮቴꬅ ጊዶ ኣጋዳ ባይስ፤ ታ ሳሮቴꬂካ ታ ኢንቴስ ኢማና፤ ታ ኢንቴስ ኢሚዛ ሳሮቴꬂ ኣላሜይ ኢሚዛ ሳሮቴꬃ ማላ ዴና። ኢንቴ ዎዝናይ ሂርጎፎኔ ባቦፎ። 
\p  
\v 28 “ ‘ታ ባና፤ ባዳካ ኢንቴኮ ሲማ ያና’ ጋዳ ታ ኢንቴስ ካሴ ዮቲዳይሳ ሲዪዴታ፤ ኢንቴ ታና ዶሲዛኮ ታኒ ታ ኣዋኮ ቢዛይሲ ኢንቴና ኡፋይሳናኮሺን። ጋሶይካ ኣዋይ ታፔ ኣꬌስ።  
\v 29 ሃይሲ ሃኒዛ ዎዴ ኢንቴ ኣማናና ማላ ሃይሳ ኢንቴስ ካሴታ ዮታዲስ።  
\v 30 ሃይሳ ኣላሜዛ ሃሪዛ ፃላዔይ ዪዛ ዎዴይ ጋኪዳ ጊሽ ሃዒ ታ ኢንቴናራ ዳሮ ሃሳይኬ፤ ኢዚ ታ ቦላ ኣይኮካ ኦꬃናስ ኢዛስ ዎልቃይ ዴና።  
\v 31 ጊዶ ኣቲን ታኒ ኣዋ ዶሲዛይሳ ኣላሜይ ኤራና ማላ ኣዋይ ታና ኣዛዚዳይሳ ታ ዉርሳ ፖላና። ኣኔ ሃይሳፌ ቦስ፤ ዴንዲቴ” ጊዴስ። 
\c 15  
\s1 ዬሱሲ ቱሙ ዎይኔ ሚꬃስ ኣኖ 
\p  
\v 1 ቃሴካ ዬሱሲ “ቱሙ ዎይኔ ሚꬃ ኣኖይ ታና፤ ኣታኪልቴዛ ኦሳንቻይ ታ ኣዋ።  
\v 2 ታ ቦላ ዲሼ ኣይፌ ኢሞንታ ሃጋ ዉርሲ ታ ኣዋይ ቃንፂ ዲጋና፤ ኣይፊዛ ሃጋ ጉጂ ኣይፋና ማላ ቂርፂ ጌሻና።  
\v 3 ታ ኢንቴስ ዮቲዳ ቃላ ጋሶን ኢንቴ ሃዒ ጌሻታ።  
\v 4 ታናን ዲቴ፤ ታካ ኢንቴናን ዳና፤ ሃጋይ ዎይኔ ኣኖ ቦላ ዶንታ ኣጊኮ ባርካ ኣይፌ ኣይፋና ዳንዳዮንታይሳ ማላ ኢንቴካ ታናን ዶንታ ኣጊኮ ኣይፌ ኣይፋናስ ዳንዳዬኬታ። 
\p  
\v 5 “ታኒ ዎይኔ ሚꬃስ ኣኖ፤ ኢንቴ ቃስ ሃጋታ፤ ዳሮ ኣይፌ ኣይፊዛዴይ ታናን ዲዛዴኔ ታካ ኢዛን ዲዛዴ፤ ጋሶይካ ታ ባይንዳ ኢንቴ ኣይኮካ ኦꬃናስ ዳንዳዬኬታ።  
\v 6 ታናን ባይንዳዴይ ቃንፄቲዲ ዎራ ዬጌቲዳ ሃጋ ማላ ካሬ ዬጌቲዲ ሄን ሜላና፤ ሄይታ ማላ ሃጋቲ ኢሲ ቦላ ሺቂዲ ታማን ዬጌታናኔ ኤፃና።  
\v 7 ኢንቴ ታናን ዲኮ ታ ቃላይካ ኢንቴናን ዲኮ ኢንቴ ኮዪዳይሳ ኦይቺኮ ዴማና።  
\v 8 ዳሮ ኣይፌ ኢንቴ ኣይፊሺን ታ ኣዋይ ቦንቼቴስ፤ ኢንቴ ታና ካሊዛይታ ጊዲዳይሲ ሄሳን ኤሬታና። 
\p  
\v 9 “ኣዋይ ታና ዶሲዳይሳꬆ ታካ ኢንቴና ዶሳዲስ፤ ሄሳ ጊሽ ኢንቴ ታ ሲቆን ዲቴ።  
\v 10 ታኒ ታ ኣዋ ኣዛዞ ፖላዳ ኢዛ ሲቆን ዲዳ ማላ ኢንቴካ ታ ኣዛዞ ፖሊኮ ታ ሲቆን ዳና።  
\v 11 ሃይሳ ታ ኢንቴስ ዮቲዛይ ታ ኡፋይሲ ኢንቴናን ጊዳና ማላኔ ኢንቴ ኡፋይሲካ ኩሜꬅ ጊዳናሳ።  
\v 12 ታ ኢንቴስ ኢሚዛ ኣዛዞይ ታ ኢንቴና ሲቂዳ ማላ ኢንቴካ ኢንቴ ጊዶን ኢሶይ ኢሳራ ሲቄታናሳ። \x * \xo 15:12 \xt ዮሃ 13፡34፤ 15፡17፤ 1ዮሃ 3፡23፤ 2ዮሃ 5\x* 
\v 13 ኣሲ ባ ላጌስ ባ ሼምፖ ኣꬂ ኢሞፔ ኣꬊዛ ሲቆይ ዴና።  
\v 14 ታ ኢንቴና ኣዛዚዛይሳ ኡባ ኢንቴ ፖሊኮ ኢንቴ ታ ላጌታ።  
\v 15 ኣሽካራይ ጎዳይ ኦꬂዛይሳ ኤሮንታ ጊሽ ሃይሳፌ ጉዬ ታ ኢንቴና ኣሽካራታ ጊኬ። ጊዶ ኣቲን ታኒ ታ ኣዋፔ ሲዪዳይሳ ዉርሳ ኢንቴስ ቆንጪሲዳ ጊሽ ታ ኢንቴና ታ ላጌታ ጋዲስ።  
\v 16 ታ ኢንቴና ዶራዲስ ኣቲን ኢንቴ ታና ዶሪቤኬታ፤ ኢንቴ ቢዲ ዳሮ ኣይፌ ኣይፋና ማላ ኢንቴ ኣይፌይ ኤቂ ዳና ማላ ታ ኢንቴና ዎꬃዲስ፤ ሄሳ ጊሽ ኢንቴ ታ ሱንꬃን ዎሲዳይሳ ዉርሲ ኣዋይ ኢንቴስ ኢማና።  
\v 17 ሄሳ ጊሽ ኢንቴ ኢንቴ ጊዶን ኢሶይ ኢሳራ ሲቄታና ማላ ታ ኢንቴና ኣዛዛይስ። 
\s1 ዬሱሲ ባና ካሊዛይታ ኣላሜይ ኢፃናይሳ ዮቲዴስ 
\p  
\v 18 “ካሌꬂዲካ ዬሱሲ ኢንቴና ኣላሜይ ኢፂኮ ኢንቴፌ ካሴ ታና ኢፂዳይሳ ኤሪቴ።  
\v 19 ኢንቴ ኣማኖንታ ኣላሜ ኣሳ ጊዲኮ ኣላሜ ኣሳይ ባ ባጋ ጊዲዳዴ ዶሴስ። ጊዶ ኣቲን ኢንቴ ኣላሜ ባጋ ጊዶንታ ጊሽ ታ ኢንቴና ኣላሜፔ ሻካዳ ዶሪዳ ጊሽ ዴሬይ ኢንቴና ኢፄስ።  
\v 20 ‘ኣሽካራይ ጎዳፔ ኣꬌና’ ጋዳ ታ ካሴ ኢንቴስ ዮቶይሳ ዩሺ ቆፒቴ፤ ኢስቲ ታና ጎዲዛይቲ ኢንቴናካ ጎዳና፤ ኢስቲ ታ ቃላ ናጊዛኮ ኢንቴ ቃላ ናጋና።  
\v 21 ኢስቲ ታና ኪቲዳዴ ኤሮንታ ጊሽ ታ ጋሶን ኢንቴ ቦላ ሄሳ ዉርሲ ኦꬃና።  
\v 22 ታ ያዳ ኢስታስ ዮቶንታኮ ኢስታስ ናጋራ ጊዴና። ሃዒ ቃስ ኢስታ ናጋራስ ሃኖ ጊዛ ጋሶይ ባዋ።  
\v 23 ታና ኢፂዛዴይ ታ ኣዋካ ኢፄስ።  
\v 24 ሃራ ኣሲ ኦꬆንታ ኦሶ ታ ኢስታ ጊዶን ኦꬆንታኮ ኢስታስ ናጋራ ጊዴናሺን፤ ሃዒ ኢስቲ ሄሳ ዉርሲ ቤዪዳፔ ጉዬ ታናካ ታ ኣዋካ ኢፂዳ።  
\v 25 ሄሲካ ሃኒዳይ ካሴ ‘ታና ጋሶይ ባይንዳ ዲሺን ኢፂዳ’ ጌቴቲዲ ኢስታ ዎጋን ፃፌቲዳ ቃላይ ፖሌታናሳ። 
\p  
\v 26 “ጊዶ ኣቲን ኣዋፔ ኬዚዲ ያናይስ ታካ ታ ኣዋ ኣቻፌ ኢንቴስ ዬዳናይስ ቱማ ኣያናይ ሚንꬄꬂዛይስ ዪዲ ኢዚ ታ ጊሽ ማርካታና።  
\v 27 ኢንቴ ኮይሮፔካ ታናራ ዲዛ ጊሽ ታስ ኢንቴካ ማርካታንዴታ” ጊዴስ። 
\c 16  
\p  
\v 1 ቃሴካ ዬሱሲ “ሄኮ ሃይሳ ዉርሳ ታ ኢንቴስ ኢንቴ ኣማኖይ ያርክ ያርኮፎ ጋዳ ዮታዲስ።  
\v 2 ኢስቲ ኢንቴና ባ ኬꬃፌ ጎዳና፤ ሃራይ ኣቶሺን ኢንቴና ዎꬊዛዴይ ዉሪ ፆሳስ ኦꬂዛዴ ሚሳቲዛ ዎዴይ ያና።  
\v 3 ኢስቲ ሄሳꬆ ኦꬂዛይ ታናካ ታ ኣዋካ ኤሮንታ ጊሻሳ።  
\v 4 ታ ሃይሳ ኢንቴስ ሃራ ዮቲዛ ዎዴ ኢንቴ ታ ኢንቴስ ጊዳይሳ ቆፓናሳ” ጊዴስ። ካሌꬂዲካ ዬሱሳ “ሃይሳ ዉርሳ ታ ኢንቴስ ዮቶንታ ኣጊዳይ ታ ኢንቴናራ ኢሲፌ ዲዛ ጊሻሳ። 
\s1 ፂሎ ኣያና ኦሶ 
\p  
\v 5 “ሃዒ ቃሴ ታና ኪቲዳይሳኮ ባና ጋይስ፤ ጊዶ ኣቲን ኢንቴፌ ኦኒካ ‘ኔ ኣዋ ባኔ?’ ጊዲ ኦይቻናይ ባዋ።  
\v 6 ጊዶ ኣቲን ሃይሳ ዉርሳ ታ ኢንቴስ ዮቲዳ ጊሽ ኢንቴ ዎዝናይ ሙዞቴስ።  
\v 7 ታ ቃሴ ኢንቴስ ቱሙ ጋይስ፤ ታ ቡሲ ኢንቴስ ጎዓ ጊዳና፤ ጋሶይካ ታ ቦንታ ኣጊኮ ሚንꬄꬂዛ ኣያናይ ኢንቴኮ ዬና። ታ ቢዳፔ ጉዬ ኢዛ ኢንቴኮ ዬዳና።  
\v 8 ኢዚ ዪዲ ኣሳ ናጋራ ጊሺኔ ፂሎቴꬃ ጊሽ ቃሴካ ፒርዳ ጊሽ ኤሪሳና።  
\v 9 ኣሳ ናጋራ ጊሽ ኢዚ ኤሪሳናይ ኣሳይ ታና ኣማኖንታ ጊሻሳ።  
\v 10 ፂሎቴꬃ ጊሽ ኢዚ ኣሳ ኤሪሳናይ ታኒ ታ ኣዋኮ ቢዛ ጊሺኔ ቃሴ ናምዓንꬆ ኢንቴ ታና ቤዮንታ ጊሻሳ።  
\v 11 ፒርዳ ጊሽ ኢዚ ኤሪሳናይ ሃይሳ ኣላሜዛ ሃሪዛይሳ ቦላ ፒርዴቲዳ ጊሻሳ። 
\p  
\v 12 “ታ ኢንቴስ ቡሮ ዮታና ዳሮ ዮዖይ ዴስ፤ ጊዶ ኣቲን ሃዒ ኢንቴና ዴፃና።  
\v 13 ቱማ ኣያናይ ዪዲ ኢንቴና ቱማይ ዲዛሶ ካሌꬃና፤ ጋሶይካ ኢዚ ሲዪዳይሳ ዮታና ኣቲን ባፔ ጊዶንታ ጊሽ ኢዚ ሲንꬃፌ ሃናና ዮዖታ ኢንቴስ ዮታና።  
\v 14 ታስ ዲዛይሳፌ ኤኪዲ ኢዚ ኢንቴስ ዮቲዛ ጊሽ ታና ቦንቻና።  
\v 15 ኣዋስ ጊዲዳይ ዉሪካ ታይሳ፥ ‘ታስ ጊዲዳይሳፌ ኤኪዲ ኢዚ ኢንቴስ ዮታና’ ታ ጊዳይ ሄሳሳ” ጊዴስ። 
\s1 ኢንቴ ሙዞቴꬅ ኡፋይሳን ላሜታና 
\p  
\v 16 ዬሱሲ ጉጂዲ “ጉꬃ ዎዴፔ ጉዬ ኢንቴ ታና ቤዬኬታ፤ ቃሴካ ጉꬃ ዎዴፔ ጉዬ ኢንቴ ታና ቤያና” ጊዴስ። 
\p  
\v 17 ኢዛ ካሊዛይታፔ ባጋቲ ባ ጊዶን “ ‘ሃይሲ ኑስ ጉꬃ ዎዴፔ ጉዬ ኢንቴ ታና ቤዬኬታ፤ ቃሴካ ጉꬃ ዎዴፔ ጉዬ ኢንቴ ታና ቤያና፤ ቃሴ ታ ኣዋኮ ባና’ ጉሲ ኣይ ጉሴ?” ጊዳ።  
\v 18 “ሂስቲን ሃይሲ ‘ጉꬃ ዎዴፔ ጉዬ’ ጊዛይሲ ኢዚ ኣዜ? ኢዚ ዮቲዛይሲ ኑስ ኤሬቴና” ጊዲ ባ ጊዶን ዛሪ ዛሪ ኦይሼቲዳ። 
\p  
\v 19 ኢስቲ ኢዛ ኦይቻናይሳ ዬሱሲ ኤሪዲ ኢስታስ ሂዝጊዴስ “ኢንቴ ኢንቴ ጊዶን ኢሶይ ኢሳራ ኦይሼቲዛይ ታ ኢንቴስ ‘ጉꬃ ዎዴፔ ጉዬ ኢንቴ ታና ቤዬኬታ፤ ቃሴካ ጉꬃ ዎዴፔ ጉዬ ኢንቴ ታና ቤያና’ ጊዳ ጊሻሴ?  
\v 20 ታ ኢንቴስ ቱማ ጋይስ፥ ኢንቴ ዋሳናኔ ዬካናሺን ኣላሜይ ጊዲኮ ኡፋዬታና። ኢንቴ ሙዞቲሺን ኢንቴ ሙዞይ ኡፋይሳን ላሜታና።  
\v 21 ማጫሲ ዬሎ ዎዴይ ጋኪሺን ሚፃስ ሂርጋዉስ ሺን ና ዬላ ዬጊዳፔ ጉዬ ቢታ ቦላ ናይ ዬሌቲዳ ጊሽ ኡፋይሳፌ ዴንዲዳይሳን ካሴ ባ ዋይዳይሳ ዛራ ቆፑኩ።  
\v 22 ሄሳꬆ ኢንቴካ ሃዒ ሙዞቴታ፤ ቃሴ ታ ኢንቴና ቤያና ኢንቴ ዎዝናይካ ኡፋዬታና፤ ኢንቴ ኡፋይሳ ዛሪ ኤካናዴይ ዴና። 
\p  
\v 23 “ኢንቴ ሄ ዎዴ ታፔ ኣይኮካ ዎሴኬታ፤ ታ ኢንቴስ ቱሙ ጋይስ፤ ታ ሱንꬃን ታ ኣዋ ዎሲኮ ኢዚ ኢንቴስ ዉርሲካ ኢማና።  
\v 24 ሃኖ ጋካናስ ኢንቴ ታ ሱንꬃን ኣይኮካ ዎሲ ኤሬኬታ፤ ዎሲቴ ኢንቴ ኤካና፤ ኢንቴ ኡፋይሳይካ ኩሜꬅ ጊዳና። 
\p  
\v 25 “ሃዒ ጋካናስ ታ ኢንቴስ ሌሚሶራ ዮታዲስ ሺን ሃይሳፌ ጉዬ ታ ሌሚሶራ ዮቶንታ ዎዴይ ያና። ጊዶ ኣቲን ኣዋ ጊሽ ኢንቴስ ዉርሳ ቆንጪሳ ዮታና።  
\v 26 ሄ ዎዴ ኢንቴ ታ ሱንꬃን ዎሳና፤ ታካ ‘ኣዋ ኢንቴ ጊሽ ዎሳና’ ጊኬ።  
\v 27 ጋሶይካ ኣዋይ ባ ባጋራ ኢንቴና ዶሲዛ ጊሻሳ። ኣዋይ ኢንቴና ዶሲዛይ ኢንቴ ታና ዶሲዛ ጊሻሲኔ ታ ፆሳ ኣቻፌ ዪዳ ኢንቴ ኣማኒዳ ጊሻሳ።  
\v 28 ታኒ ኣዋ ኣቻፌ ኬዛዳ ሃይሳ ሃ ኣላሜ ያዲሲኔ ቃሴካ ሃ ኣላሜዛ ኣጋዳ ኣዋኮ ታ ሲማ ባና” ጊዴስ 
\p  
\v 29 ኢዛ ካሊዛይቲ “ሄኮ ኔ ሃዒ ሌሚሶ ጊዶንታ ኑስ ቆንጬራ ዮታዳሳ።  
\v 30 ኔ ዉርሳ ኤሪዛ ማላኔ ኦኒካ ኔና ኦይቻናስ ኮሾንታይሳ ሃዒ ኑ ኤሪዶስ። ሄሳ ጊሽ ኔ ፆሳ ኣቻፌ ኬዚዳይሳ ኑ ኣማኖስ” ጊዳ። 
\p  
\v 31 ዬሱሲ ኢስታስ “ኢንቴ ሃዒ ኣማኒዴታ፤  
\v 32 ጊዶ ኣቲን ኢንቴ ኢንቴ ባጋራ ባጋራ ላሌቲዲ ታና ፃላ ኣጋና ዎዴይ ጋኪዴስ፤ ሄ ሳቴያካ ሃዒ ጋካዱስ። ጊዶ ኣቲን ኣዋይ ታናራ ጊዲዳ ጊሽ ታ ታርካ ዲኬ።  
\v 33 ታ ሃይሳ ኢንቴስ ዮቲዛይ ኢንቴ ታናን ዴዒን ኢንቴስ ሳሮቴꬂ ዳና ማላ ጋዳ ዮታይስ። ኢንቴ ሃ ኣላሜን ዲሺን ኢንቴስ ዋዬይ ዴስ፤ ጊዶ ኣቲን ኣይኮይ ባ ታ ኣላሜ ፆናዲስ” ጊዴስ። 
\c 17  
\s1 ዬሱሳ ዎሳ 
\p  
\v 1 ዬሱሲ ሄሳ ጊዳፔ ጉዬ ፑዴ ሳሎ ꬎቁ ጊ ፄሊዲ “ታ ኣዋዉ! ሄኮ ሃዒ ሳቴይ ጋኪዴስ፤ ኔ ናይ ኔና ቦንቻና ማላ ኔኒ ኔ ናዛ ቦንቻ።  
\v 2 ኔ ቦንቻናይካ ኔ ኢዛስ ኢሚዳይታስ ኢዚ ሜርና ዴዖ ኢማና ማላ ኔ ኢዛስ ኣሳ ኡባ ቦላ ጎዳቴꬅ ኢሚዳ ጊሻሳ።  
\v 3 ሜርና ዴዖይካ ኔ ፃላላ ቱሙ ፆሳኔ ኔ ኪቲዳ ዬሱስ ኪርስቶሳ ኤሮ ጉሳ።  
\v 4 ኔ ታስ ኢሚዳ ኦሶ ታኒ ዉርሳዳ ሃ ቢታ ቦላ ኔና ቦንቻዲስ።  
\v 5 ታ ኣዋዉ! ኣላሜይ ሜꬌታናፔ ካሴ ታስ ኔናራ ዲዛ ቦንቾን ሃዒካ ታና ኔ ኣቻን ቦንቻርኪ። 
\p  
\v 6 “ሃይሳ ኣላሜ ኣሳፔ ኔ ታስ ዶራዳ ኢሚዳ ኣሳታስ ኔ ኦናኮኔ ታ ኢስታስ ኔና ቆንጪሳዲስ፤ ኢስቲ ካሴካ ኔይታ ሺን ኔ ታስ ኢማዳሳ፤ ኢስቲካ ኔ ቃላ ናጊዳ።  
\v 7 ኔ ታስ ኢሚዳይሲ ዉሪካ ኔፔ ጊዲዳይሳ ኢስቲ ሃዒ ኤሪዳ።  
\v 8 ኔ ታስ ኢሚዳ ቃላታካ ኢስታስ ኢማዲስ፤ ኢስቲካ ኤኪዳ፤ ታ ኔ ኣቻፌ ዪዳይሳ ኢስቲ ቱማፔ ኤሪዳ፤ ኔ ታና ኪቲዳይሳካ ኢስቲ ኣማኒዳ። 
\p  
\v 9 “ታ ኢስታስ ዎሳይስ፤ ሄይቲ ኔ ታስ ኢሚዳይቲ ኢስቲ ኔይታ ጊዲዳ ጊሽ ታ ኢስታስ ዎሳይስ፤ ጊዶ ኣቲን ሃንኮ ኣላሜ ኣሳስ ዎሲኬ።  
\v 10 ታስ ጊዲዳይ ዉሪካ ኔይሳ፤ ኔይሲ ዉሪካ ታይሳ፤ ታካ ኢስታን ቦንቼታና።  
\v 11 ሃይሳፌ ጉዬ ታኒ ሃይሳ ኣላሜ ቦላ ዲኬ፤ ኢስቲ ጊዲኮ ሃ ኣላሜ ቦላ ዴቴስ። ሃዒ ታ ኔኮ ባይስ፤ ጌሻ ታ ኣዋዉ! ሃይታ ኔ ታስ ኢሚዳይታ ኢስቲ ኑ ማላ ባ ጊዶን ኢሲኖ ጊዳና ማላ ኔ ታስ ኢሚዳ ኔ ሱንꬃን ኢስታ ናጋ። \f + \fr 17:11 \fq ኔ ታስ ኢሚዳ ሱንꬃን ኢስታ ናጋ \ft ኢሲ ኢሲ ጌሻ ማፃፋታ ቢርሼꬃይ “ኔ ታስ ኢሚዳ ኡባ ኔ ሱንꬃን ናጋ” ጌቴስ።\f* 
\v 12 ታ ኢስታራ ኢሲፌ ዳሼ ኔ ታስ ኢሚዳ ኔ ሱንꬃን ታ ኢስታ ናጋዲስ፤ ሄሳ ጊሽ ካሴ ፃፌቲዳ ጌኤሻ ማፃፋ ቃላይ ፖሌታና ማላ ኢዚ ካሴካ ꬋዮስ ዲዛ ናዛፔ ኣቲን ኢስታፌ ኦኒካ ꬋይቤና። \f + \fr 17:12 \fq ኔ ታስ ኢሚዳ ኔ ሱንꬃን ኢስታ ናጋዲስ \ft ኢሲ ኢሲ ጌሻ ማፃፋቲ “ኔ ታስ ኢሚዳ ኡባ ኔ ሱንꬃን ታ ኢስታ ናጋዲስ” ጌስ።\f* 
\v 13 ታ ቃሴ ሃዒ ኔኮ ባይስ፤ ታ ሃ ኣላሜዛ ቦላ ዳሼ ሃይሳ ዮቲዛይ ታ ኡፋይሲ ኢስታን ፖሌታና ማላ ጋዳ ዮታይስ።  
\v 14 ታኒ ኔ ቃላ ኢስታስ ኢማዲስ፤ ታኒ ሃ ኣላሜ ኣስ ጊዶንታይሳ ማላ ኢስቲካ ሃ ኣላሜ ኣስ ጊዴቴና። ሄሳ ጊሽ ሃ ኣላሜ ኣሳይ ኢስታ ኢፂዴስ።  
\v 15 ኔ ኢስታ ኢታፔ ናጋና ማላ ታ ኔና ዎሳይስ ኣቲን ኔ ኢስታ ሃ ኣላሜፔ ዴንꬃ ኤፋና ማላ ታ ኔና ዎሲኬ።  
\v 16 ታኒ ኣላሜ ኣስ ጊዶንታይሳ ማላ ኢስቲካ ሃ ኣላሜ ኣስ ጊዴቴና።  
\v 17 ኔ ኢስታ ኔ ቱማን ኔስ ሻካ፤ ኔ ቃላይካ ቱሙ ቃላ።  
\v 18 ኔ ታና ሃ ኣላሜ ኪቶይሳꬆ ታካ ኢስታ ኣላሜዛ ቦላ ኪታዲስ።  
\v 19 ኢስቲ ቱማፔ ኔስ ዱማ ኣስ ጊዲዳ ማላ ታኒካ ታና ኢስታ ጊሽ ዱማሳይስ። 
\p  
\v 20 “ኢስታ ቃላ ማርካቴꬃን ታና ኣማናናይታ ጊሻራ ታ ኔና ዎሳይስ ኣቲን ታ ኔና ኢስታ ጊሽ ፃላላ ዎሲኬ።  
\v 21 ታ ዎሲዛይ ኢስቲ ዉሪካ ኢሲኖ ጊዳና ማላሳ። ታ ኣዋዉ! ቃሴካ ኔ ታናን ዲዛ ማላ ኢስቲካ ኑናን ጊዳና ማላኔ ኔ ታና ኪቲዳይሳ ሃ ኣላሜይ ኣማናና ማላ ታ ኔና ዎሳይስ።  
\v 22 ኑኒ ኑ ጊዶን ኢሲኖ ጊዲዳ ማላ ኢስቲካ ባ ጊዶን ኢሲኖ ጊዳና ማላ ኔ ታስ ኢሚዳ ቦንቾዛ ታካ ኢስታስ ኢማዲስ።  
\v 23 ታ ኔና ዎሲዛይ ታ ኢስታን፤ ኔካ ታናን ጊዲዳ ማላ ኢስቲካ ኩሜꬅ ኢሲኖ ጊዳና ማላሳ። ቃሴካ ኔኒ ታና ኪቲዳ ማላኔ ታና ኔ ሲቂዳ ማላ ኢስታካ ኔ ሲቂዳይሳ ኣላሜ ኣሳይ ኤራናሳ። 
\p  
\v 24 “ታ ኣዋዉ! ኔ ታና ሃይሲ ኣላሜይ ሜꬌታናፔ ካሴ ዶሲዳ ጊሽ ኔ ታስ ኢሚዳ ታ ቦንቾዛ ኢስቲ ቤያና ማላ ሃይታ ኔ ታስ ኢሚዳይቲካ ታ ዲዛሶን ታናራ ዳና ማላ ዶሳይስ።  
\v 25 ፂሎ ጊዲዳ ታ ኣዋዉ! ኔና ኣላሜይ ኤሪቤና፤ ታ ጊዲኮ ኔና ኤራይስ፤ ሃይቲካ ኔ ታና ኪቲዳይሳ ኤሪዳ።  
\v 26 ኔ ታና ሲቂዳ ሲቆይ ኢስታን ጊዳና ማላኔ ታካ ኢስታን ጊዳና ማላ ኢስቲካ ኔና ኤራና ማላ ኦꬃዲስ። ቃሴካ ኢስቲ ኤራና ማላ ኦꬃና” ጊዴስ። 
\c 18  
\s1 ዬሱሲ ባ ሞርኬታ ኩሼን ኣꬊ ኢሜቲዲ ኦይኬቲዴስ 
\r (ማቶ 26፡47-56፤ ማር 14፡43-50፤ ሉቃ 22፡47-53) 
\p  
\v 1 ሄሳ ዉርሲ ዮቲዳፔ ጉዬ ዬሱሲ ባና ካሊዛይታራ ቄዲሮኔ ጌቴቲዛ ሾባ ፒኒዲ ኣታኪልቴ ጊዶ ጌሊዴስ። \f + \fr 18:1 \fq ሾባ \ft ጊዛይሳ ዙሌ ጌቴስ።\f* 
\v 2 ዬሱሲኔ ኢዛ ካሊዛይቲ ካሴካ ሄ ጋዴዪን ዳሮ ዎዴ ኢሲፌ ሺቂዛ ጊሽ ዬሱሳ ኣꬂ ኢሚዳ ዩሁዳይ ሄ ጋዴዮ ካሴካ ኤሬስ።  
\v 3 ሄሳ ጊሽ ዩሁዳይ ዎታዳራታ፥ ቄሴታ ሃላቃታኔ ፋርሳዌታፔ ኪቴቲ ዪዳ ኣሽካራታ ዉርሲ ካሌꬂ ኤኪዲ ሄ ኢስቲ ሺቂዛሶ ዪዴስ። ኢዛራ ዪዳ ኣሳይ ፓኖሴ፥ ፆምፔ፥ ማሻኔ ቶራ ኦይኪዲ ዪዴስ።  
\v 4 ዬሱሲ ባ ቦላ ጋካናይሳ ዉርሲ ኤሪዲ ዪዳ ኣሳኮ ቢዲ “ኦና ኮዬቲ?” ጊዴስ። 
\p  
\v 5 ኢስቲ ቃሴ “ናዚሬቴ ዬሱሳ ኮዮስ” ጊዳ። ኢዚካ ኢስታስ “ታኒ ኢዛ” ጊዴስ። ኢስታስ ኣꬂ ኢሚዳ ዩሁዳይ ኢስታራ ኢሲፌ ኤቂዴስ።  
\v 6 ዬሱሲ “ታ ኢዛ” ጊዳ ማላ ኣሳቲ ጉዬ ጋንዲጋሪዲ ቢታ ቦላ ኩንዲዳ።  
\v 7 ዬሱሲ ሃዒካ “ኦና ኮዬቲ?” ጊዲ ኦይቺን ኢስቲ ዛሪዲ “ናዚሬቴ ዬሱሳ ኮዮስ” ጊዳ።  
\v 8 ኢዚካ ዛሪዲ “ታኒ ኢዛኮ! ሂስቲን ኢንቴ ኮዪዛይ ታና ጊዲኮ ሃይቲ ቤቶ ቦቾፍቴ” ጊዴስ።  
\v 9 ሄሲ ሃኒዳይ “ታ ኣዋዉ! ኔ ታስ ኢሚዳይታፔ ኢሳዴካ ታ ꬋይሳቤይኬ” ጊዳ ቃላይ ፖሌታና ማላሳ። 
\p  
\v 10 ሲሞና ጌቴቲዛ ጴፅሮሲ ጊꬃ ማሻ ኦይኪዳ ጊሽ ማሻ ኮሆፔ ሾዲዲ ኢሲ ቄሴታ ሃላቃ ኣሽካራ ዲዛይሳ ሃይꬄ ማሻራ ቃንፂ ዬጊዴስ። ሄ ኣሽካራዛ ሱንꬂ “ማልኮሳ” ጌቴቴስ።\f + \fr 18:10 \fq ኮሆፔ \ft ጊዛይሳ ኢሲ ኢሲ ጋሞ ኣሳይ ሾሆፔ ጌስ።\f* 
\v 11 ዬሱሲ ቃሴ ጴፅሮሳ “ኔ ማሻ ጌዴ ኮሆን ዛራ ጌልꬃ። ኣዋይ ታስ ኢሚዳ ዋዬ ኡሻ ታ ኡዮንታ ኣጋና ሚሳቲዜ?” ጊዴስ። \x * \xo 18:11 \xt ማቶ 26፡39፤ ማር 14፡36፤ ሉቃ 22፡42\x* 
\s1 ዬሱሲ ቄሴታ ሃላቃ ሃና ሲንꬅ ሺቂዴስ 
\p  
\v 12 ሄሳፌ ጉዬ ዎታዳራቲ፥ ኢስታ ኣዛዚዛይሲኔ ኣይሁዳታ ኣሽካራቲ ዬሱሳ ኦይኪዲ ቃቺዳ።  
\v 13 ኮይሮ ሄ ላይꬃን ቄሴታስ ሃላቃ ቃያፋ ቦሎ ሃናኮ ኤፊዳ።  
\v 14 ቃያፋይ “ዴሬ ጊሽ ኢሳዴይ ሃይቂኮ ሎዖ” ጊዲ ኣይሁዳታ ዳናታ ካሴ ዞሪዳዴ። \x * \xo 18:14 \xt ዮሃ 11፡49-50\x* 
\s1 ጴፅሮሲ ዬሱሳ ካዲዴስ 
\r (ማቶ 26፡69-70፤ ማር 14፡66-68፤ ሉቃ 22፡55-57) 
\p  
\v 15 ሲሞና ጌቴቲዛ ጴፅሮሲኔ ዬሱሳ ካሊዛይታፔ ኢሳዴይ ዬሱሳ ካሊዳ። ሄሳዴይ ቄሴታ ሃላቃ ኣቻን ኬሂ ኤሬቲዳዴ። ሄሳ ጊሽ ዬሱሳራ ኢሲፌ ቄሴታ ሃላቃዛ ጊቤ ጌሊዴስ።  
\v 16 ጴፅሮሲ ጊዲኮ ፔንጌፌ ካሬ ባጋራ ኤቂዴስ። ቄሴታ ሃላቃ ኣቻን ኬሂ ኤሬቲዲ ዬሱሳ ካሊዛይሲ ዪዲኔ ፔንጌን ዲዛ ጋራዴያ ጴፅሮሳ ጊቤ ጊዶ ጌልꬃና ማላ ዮቲዲ ጴፅሮሳ ኤኪ ጌሊዴስ።  
\v 17 ፔንጌ ናጊዛ ጋራዴያ ጴፅሮሳ “ኔካ ሄሳ ኣዴዛ ካሊዛ ኣሳታፔ ኢሳ ዲኪ?” ጋዱስ። ኢዚ ቃሴ “ታኒ ኢዛ ካሊዛዴ ጊዲኬ” ጊዴስ። 
\p  
\v 18 ዎዴይ ሜጊዛ ዎዴ ጊዲዳ ጊሽ ኦሳንቻቲኔ ኣሽካራቲ ታማ ኤꬂዲ ኤቆን ሆዔቴስ። ጴፅሮሲካ ኢስታራ ኤቂዲ ሆዔስ። 
\s1 ቄሴታ ሃላቃፔ ዬሱሳስ ሺቂዳ ኦይሾ 
\r (ማቶ 26፡59-66፤ ማር 14፡55-64፤ ሉቃ 22፡66-71) 
\p  
\v 19 ሄ ዎዴ ቄሴታ ሃላቃይ ዬሱሳ ኢዛ ካሊዛይታ ጊሺኔ ኢዚ ታማርሲዳ ቲሚርቴ ጊሽ ኦይቺዴስ።  
\v 20 ዬሱሲካ ኢዛስ “ታ ኣሳ ኡባስ ቆንጬን ዮታዲስ፤ ኣይሁዳቲ ሺቂዛ ኢስታ ዎሳ ኬꬃን ጊዲንካ ፆሳ ኬꬃን ታማርሳዲስ፤ ታ ቆታን ሃሳዪዳዚ ኣይኮይካ ዴና።  
\v 21 ሂስቲን ኔ ታና ኦይቺዛይ ኣዜ? ታ ዮቲሺን ሲዪዳይታ ኦይቻ፤ ታ ዮቲዳይሳ ኢስቲ ኤሬቴስ” ጊዴስ። 
\p  
\v 22 ዬሱሲ ሄሳ ጊዳ ማላ ሄን ኤቂዳ ኣሽካራታፔ ኢሶይ “ቄሴታ ሃላቃስ ሃይሳꬆ ዎስታ ዛራይ” ጊሼ ዬሱሳ ሻጋላን ባቃ ሻዪዴስ። 
\p  
\v 23 ዬሱሲካ ዛሪዲ “ታ ኢታ ሃሳዪዳ ጊዲኮ ኣኔ ታ ጎይሳ ኔ ማርካታ፤ ታ ዮቲዳይ ሊኬ ጊዲኮ ታና ኣዛስ ባቃይ?” ጊዴስ።  
\v 24 ሄሳፌ ጉዬ ሃናይ ዬሱሳ ቃቺዳ ማላ ቄሴታ ሃላቃ ቃያፋኮ ዬዲዴስ። 
\s1 ጴፅሮሲ ዬሱሳ ዛሪዲ ካዲዴስ 
\r (ማቶ 26፡71-75፤ ማር 14፡69-72፤ ሉቃ 22፡58-62) 
\p  
\v 25 ሄ ዎዴ ሲሞና ጌቴቲዛ ጴፅሮሲ ኤቂዲ ታማ ሆዒሺን ሃንኮ ኣሳይ ኢዛ ሃይሶ! ኔ ዬሱሳ ካሊዛይታፔ ኢሳ ዲኪ?” ጊዳ። ኢዚካ ዛሪዲ “ታ ኢዛ ካሊዛዴ ዲኬ” ጊዲ ካዲዴስ። 
\p  
\v 26 ካሴ ጴፅሮሲ ኢዛ ሃይꬅ ቃንፂዳይሳ ዳቦይ ቄሴታ ሃላቃ ኣሽካራታፔ ኢሶይ “ዎና ታ ኔና ኣታኪልቴሶን ኢስታራ ዲሺን ቤያቤኪና?” ጊዴስ። 
\p  
\v 27 ጴፅሮሲ ቃሴካ ካዲዴስ፤ ሄራካ ኩቶይ ዋሲዴስ። 
\s1 ዬሱሲ ጲላፆሳ ሲንꬅ ሺቂዴስ 
\r (ማቶ 27፡1-2፥11-14፤ ማር 15፡1-5፤ ሉቃ 23፡1-5) 
\p  
\v 28 ሄሳፌ ጉዬ ዬሱሳ ቃያፋ ኬꬃፌ ዴሬ ኣይሲዛ ካዎዛ ጊቤ ማላዶ ዎንታራ ኤኪ ቢዳ። ኣይሁዳ ኣሳስ ፓዚጋ ባዓሌ ዶርሳ ኣሾ ሚዛ ዎዴ ጊዲዳ ጊሽ ባና ቱኒሶንታ ማላ ጊዲ ማላዶራ ዴሬ ኣይሲዛይሳ ጊቤ ጊዶ ጌሊቤቴና።\f + \fr 18:28 \fq ፓዚጋ \ft ጊዛይሲ ፆሳ ኪታንቻይ ኢስራዔሌ ኣሳታ ዎꬎንታ ኣሺን ጊብፄ ኣሳ ኪታንቻይ ዎꬊዳ ጋሶን ኢስራዔሌ ኣሳይ ፆሳ ቦንቾ ጊሽ ቦንቺዛ ባዓሌ።\f* 
\v 29 ሄሳ ጊሽ ጲላፆሲ ጌዴ ኢስታኮ ኬዚዲ “ሃይሳ ኣዴዛ ኢንቴ ኣዛስ ሞቴቲ?” ጊዲ ኦይቺዴስ። 
\p  
\v 30 ኢስቲ ቃሴ “ሃይሲ ኣዴዚ ኢታ ኦꬆንታዴ ጊዲዳኮ ኑ ኢዛ ኔስ ኣꬂ ኢሞኮሺን” ጊዳ 
\p  
\v 31 ጲላፆሲካ “ኢንቴ ኢዛ ኤኪ ቢዲ ኢንቴ ዎጋ ማላ ፒርዲቴ” ጊዴስ። ኣይሁዳታ ኣይሲዛይቲ ቃሴ ዛሪዲ “ኑ ኣሲ ዎꬋና ማላ ኑስ ፒቃዴይ ኢሜቲቤና” ጊዴስ። 
\p  
\v 32 ሄሲካ ሃኒዳይ ዬሱሲ ካሴ ኢስታስ ኢዚ ዋኒ ሃይቃናኮኔ ዮቲዳ ቃላይ ፖሌታና ጊሻሳ። \x * \xo 18:32 \xt ዮሃ 3፡14፤ 12፡32\x* 
\p  
\v 33 ጲላፆሲ ቃሴካ ጉዬ ጊቤ ጊዶ ጌሊዲ ዬሱሳ ፄይጊሲዲ “ኔ ኣይሁዳታ ካዎ?” ጊዲ ኦይቺዴስ። 
\p  
\v 34 ዬሱሲካ ዛሪዲ “ኔ ሄሳ ጊዛይ ኔፔዬ? ዎይኮ ሃራ ኣሳቲ ታ ጊሽ ኔስ ዮቲዶ?” ጊዴስ።  
\v 35 ጲላፆሲካ “ታ ኣይሁዳ ኣሴ? ኔና ታስ ኣꬂ ኢሚዳይቲ ኔ ባጋታኔ ቄሴታ ሃላቃታኮ፤ ኔ ኣይ ኦꬃዲ?” ጊዴስ። 
\p  
\v 36 ዬሱሲካ “ታ ካዎቴꬂ ሃይሳ ሃ ኣላሜ ቦላ ጊዴና። ታ ካዎቴꬂ ሃይሳ ሃ ኣላሜ ቦላ ጊዲዳኮ ኣይሁዳታ ዳናታ ኩሼን ታ ኩንዶንታ ማላ ታ ኣሽካራቲ ታ ጊሽ ኦሌታናኮሺን ታ ካዎቴꬂ ጊዲኮ ሃ ኣላሜ ቦላ ጊዴና” ጊዴስ።  
\v 37 ጲላፆሲካ “ሂስቲን ኔ ካዎ?” ጊዴስ፤ ዬሱሲ ቃሴ “ታኒ ኔ ጊዳይሳ ማላ ኤ ካዎ፤ ታ ዬሌቲዳይኔ ሃ ቢታ ዪዳይ ቱማ ጊሽ ማርካታናሳ። ቱማፔ ጊዲዳይ ዉሪ ታ ቃላ ሲዬስ” ጊዴስ። 
\p  
\v 38 ጲላፆሲካ “ቱማይ ኣዜ?” ጊዴስ። ሄሳፌ ጉዬ ጲላፆሲ ናምዓንꬆ ኣይሁዳታኮ ኬዚዲ “ታ ኢዛ ቦላ ኣይኮ ባላ ቤያቤኬ።  
\v 39 ጊዶ ኣቲን ካሴካ ታ ኢንቴስ ፓዚጋ ባዓሌ ጋላስ ኢሲ ቃሾ ኣሲ ቢርሺዛ ማላ ሃይሳ ኣይሁዳታ ካዎ ኢንቴስ ቢርሻና ማላ ኮዬቲ?” ጊዴስ። 
\p  
\v 40 ኢስቲ ጊዲኮ “ኑስ ባርባኔ ቢርሻ ኣቲን ሃይሳ ዴና!” ጊዲ ዋሲዳ። ባርባኔይ ባ ሁዔስ ፓንጋ። 
\c 19  
\s1 ዎታዳራቲ ዬሱሳ ቦላ ቂꬊ ካዒዳ 
\r (ማቶ 27፡27-32፤ ማር 15፡15-21) 
\p  
\v 1 ሄሳፌ ጉዬ ጲላፆሲ ዬሱሳ ኤፊዲ ጋራፊሲዴስ።  
\v 2 ዎታዳራቲካ ኣጉንꬃ ዛዉዴ ፃፂዲ ዬሱሳ ሁዔን ዎꬂዳ፤ ዞዖ ካባካ ማይዚዳ።  
\v 3 ኢዛኮ ሺቂ ሺቂዲ “ኣይሁዳ ካዎ ሳሮ! ሳሮ!” ጊ ጊዲ ኢዛ ሻጋላን ባቂዳ። 
\p  
\v 4 ጲላፆሲ ቃሴካ ካሬ ኬሲዲ “ሄኮ ታ ኢዛ ቦላ ኣይኮ ሞሮካ ዴሞንታይሳ ኢንቴ ኤራና ማላ ታ ኢዛ ኢንቴስ ሃ ካሬ ኬሳና” ጊዴስ።  
\v 5 ሄሳ ጊሽ ዬሱሲ ኣጉንꬃ ዛዉዴ ሁዔን ዎꬂ ኤኪዲኔ ዞዖ ካባ ማይዒዲ ካሬ ኬዚዴስ። ጲላፆሲካ ኢስታስ “ሄኮ ኣዴዚ ሃይሲች!” ጊዴስ። 
\p  
\v 6 ቄሴታ ሃላቃቲኔ ኢስታ ኣሽካራቲ ዬሱሳ ቤዪዲ “ኔ ኢዛ ካቃ! ካቃ!” ጊሼ ዋሲዳ። 
\p ጲላፆሲ ቃሴ “ታ ታ ባጋራ ኢዛ ቦላ ኢሲ ሞሮካ ዴማቤኬ፤ ኮይኮ ኢንቴ ኤፊዲ ካቂቴ” ጊዴስ። 
\p  
\v 7 ኣይሁዳ ኣሳቲ ቃሴ “ኑስ ዎጋይ ዴስ፤ ሃይሲ ኣዴዚ ባና ፆሳ ና ጊዛ ጊሽ ኑ ዎጋ ማላ ኢዛስ ሃይቆይ ቤሴስ” ጊዳ።  
\v 8 ጲላፆሲ ሄሳ ኢስቲ ጊዛይሳ ሲይዲ ዳሮ ባቢዴስ።  
\v 9 ጌዴ ጊቤ ጌሊዲ ዬሱሳ “ኔ ኣዋፔ ያዲ?” ጊዲ ኦይቺዴስ። ዬሱሲ ቃሴ ኢዛስ ኣይ ዛሮካ ኢሚቤና። 
\p  
\v 10 ሄሳ ጊሽ ጲላፆሲ “ኔ ታስ ዮቲኪ? ታ ኔና ካቃናስ ዎይኮ ቢርሻ ዬዳናስ ጎዳቴꬂ ታስ ዲዛይሳ ኤሪኪ?” ጊዴስ። 
\p  
\v 11 ዬሱሲካ ኢዛስ ዛሪዲ “ሼኔይ ኔስ ፆሳፌ ኢሜቶንታኮ ኔስ ታ ቦላ ኣይ ጎዳቴꬂካ ዴናሺን፤ ጊዶ ኣቲን ታና ኔስ ኣꬂ ኢሚዳዴ ቦላ ጊታ ናጋራይ ዴስ” ጊዴስ። 
\s1 ዬሱሳ ቦላ ሃይቆ ፒርዳይ ፒርዴቲዴስ 
\r (ማቶ 27፡15-31፤ ማር 15፡6-20፤ ሉቃ 23፡13-25) 
\p  
\v 12 ጲላፆሲ ሄሳ ዬሱሳ ሃሳያ ሲዪዳፔ ጉዬ ኢዛ ቢርሺ ዬዳና ኮዪዴስ ሺን ኣይሁዳታስ ባቢዳ ጊሽ ኢስቲ “ኔ ሃይሳ ኣዴዛ ቢርሺኮ ኦሮሜ ካዎ ቄሳሬ ባጋ ጊዳካ፤ ጋሶይካ ባና ባርካ ካዎꬂዛዴይ ዉሪ ቄሳሬስ ሞርኬ” ጊሼ ዉሪካ ዋሲዳ። 
\p  
\v 13 ጲላፆሲ ሄሳ ሲዪዳ ማላ ዬሱሳ ጌዴ ካሬ ኬሲዲ “ሎቻ ሹች” ጌቴቲዛ ሶን ፒርዳ ዎምቦራን ኡቲዴስ። ሄ ፒርዳሶይ ኣይሁዳታ ቃላራ “ጋባታ” ጌቴቴስ።  
\v 14 ሄ ዎዴ ጋዴይ ኣሲ ፓዚጋ ባዓሌስ ጊጌቲዛ ጋላሳ። ዎዴይካ ጋላሳፌ ኡሱፑን ሳቴ ማላ ጊዲዴስ። ሄ ዎዴ ጲላፆሲ ኣይሁዳታ “ሄኮ ኢንቴ ካዎይ ሃይሲች!” ጊዴስ። 
\p  
\v 15 ጊዶ ኣቲን ኢስቲ ቃስ “ጌዴ ዲጋ! ጌዴ ዲጋ! ካቃ!” ጊሼ ዋሲዳ። ጲላፆሲካ “ታ ኢንቴ ካዎ ካቆ?” ጊዴስ። ቄሴታ ሃላቃቲ ዛሪዲ “ኑስ ቄሳሬፔ ሃራ ካዎይ ዴና” ጊዳ። 
\p  
\v 16 ሄሳፌ ሲሚዲ ጲላፆሲ ዬሱሳ ካቃና ማላ ኢስታስ ኣꬂ ኢሚዴስ። ኢስቲካ ዬሱሳ ኦይኪ ኤኪ ኤፊዳ። 
\s1 ዬሱሲ ካቄቲዴስ 
\p  
\v 17 ሄሳፌ ጉዬ ዬሱሲ ባ ካቄታና ማስቃሌዛ ቶኪዲ “ኣሳ ሁዔ ጉጌ” ጌቴቲዛሶ ኬዚዴስ። ሄሶይ ኣይሁዳታ ቃላራ “ጎልጎታ” ጌቴቴስ።  
\v 18 ኢዛ ሄን ካቂዳ። ዬሱሳ ጊዶ ጌልꬂዲ ሃራ ናምዑ ኣሳታ ኢዛꬆ ሃዲሪሳራኔ ኡሻቻራ ካቂዳ። 
\p  
\v 19 ጲላፆሲ “ናዚሬቴ ዬሱሲ ኣይሁዳታ ካዎ” ጊዛ ቃላ ፃፊዲ ኢዛ ማስቃሌ ቦላ ኢዛስ ሁዔሶራ ቃጲዴስ።  
\v 20 ዬሱሲ ካቄቲዳሶይ ካታማስ ማታ ጊዲዳ ጊሽ ዳሮ ኣይሁዳ ኣሳይ ጲላፆሲ ፃፊዳይሳ ናቤቢዴስ። ፃፌቲዳይሲካ ኣይሁዳታ ቃላራ፥ ላቲኔ ጌቴቲዛ ቃላራኔ ጊሪኬ ቃላራ።  
\v 21 ኣይሁዳታ ቄሴታ ሃላቃቲ ጲላፆሳ “ኔ ኢዛ ኣይሁዳታ ካዎ” ጋዳ ፃፎፓ። ጊዶ ኣቲን “ ‘ሃይሲ ኣዴዚ ባና ታ ኣይሁዳታ ካዎ ጊዴስ’ ጋዳ ፃፋ” ጊዳ። 
\p  
\v 22 ጲላፆሲ ቃስ “ታ ፃፊዳይሳ ፃፋዲስ” ጊዴስ።  
\v 23 ዎታዳራቲ ዬሱሳ ካቂዳፔ ጉዬ ኢዛ ማይዖዛ ኤኪዲ ዎታዳራታ ኢሳ ኢሳ ጋካና ማላ ኦይዱ ኬሲ ሻኬሬꬂዳ። ጋርሳራ ማይዒዛ ማይዖዛካ ሄሳꬆ ሻኬሬꬂዳ። ጊዶ ኣቲን ጊዶራ ማይዒዛ ማይዖዚ ሲኬቶንታ ፑዴፔ ዱጌ ጋካናስ ጮ ዬዳ ዴስ።  
\v 24 ሄሳ ጊሽ ዎታዳራቲ ባ ጊዶን “ጊሻን ኦና ጋካናኮኔ ኤራና ማላ ኢዛ ቦላ ሳማ ዬጋና ኣቲን ዳኮኮ” ጊዳ። ሄሲካ ሃኒዳይ ካሴ 
\q1 “ታ ማይዖ ኢስቲ ጊሼቲ ኤኪዳ፥ 
\q2 ታ ቦላራ ማይዒዛ ማይዖዛ ቦላ ሳማ ዬጊዳ” 
\m ጌቴቲዳ ጌሻ ማፃፋ ቃላይ ፖሌታና ማላሳ። ዎታዳራቲካ ሄሳ ኦꬂዳ። 
\p  
\v 25 ዬሱሳ ማስቃሌ ኣቻን ኢዛ ኣዬያኔ ኣዬዪ ሚቼያ ቃሊዮጳ ማቻ ማራማኔ ሜግ ዳሌ ጌቴቲዛሶፔ ዪዳ ማራማ ሄን ኤቂዳ።  
\v 26 ዬሱሲ ባ ኣዬዮኔ ኢዚ ሲቂዛ ኢዛ ካሊዛይሲ ባ ኣቻን ኤቂዳይታ ቤዪዲ፥ ባ ኣዬዮ “ኣዬ! ኔ ናዛ ሄሳ ቤያ” ጊዴስ። 
\p  
\v 27 ሄሳፌ ካሌꬂዲ ባና ካሊዛይሳ “ኔ ኣዮ ሂኖ ቤያ” ጊዴስ። ሂኖ ሄ ሳቴይፔ ሲሚን ሄ ኢዛ ካሊዛይሲ ኣዬዮ ባሶ ኤፊዴስ። 
\s1 ዬሱሲ ሃይቂዴስ 
\r (ማቶ 27፡45-56፤ ማር 15፡33-41፤ ሉቃ 23፡44-49) 
\p  
\v 28 ሄሳፌ ጉዬ ዬሱሲ ሃዒ ዉሪካ ፖሌቲዳይሳ ኤሪዲ ጌሻ ማፃፋን ፃፌቲዳይሲ ፖሌታና ማላ “ታና ሳሜስ” ጊዴስ። \x * \xo 19:28 \xt ማዛ 69፡21፤ 22፡15\x* 
\p  
\v 29 ሄን ጋዳን ጫላ ጳንቂዳ ኡሺ ኩሚ ኡቲዳ ኢሲ ፃሮ ማላይ ዴስ። ሄሳ ጊሽ ሄን ጋዳን ዲዛይቲ ሄ ጫላ ኡሻ ዛንꬓ ሚሳቲዛ ሳፍናጌ ጌቴቲዛይሳራ ሂሶጴ ጌቴቲዛ ሚꬃ ፄራን ቃጲዲ ኢዛ ዱናኮ ሺሺዳ።  
\v 30 ዬሱሲ ሄ ጫላ ኡሻ ፁንፂ ፄሊዲ “ፖሌቲዴስ!” ጊዴስ። ባ ሁዔ ዱጌ ዚቂሲዲ ሼምፖ ኬዚዴስ። 
\p  
\v 31 ሄሳፌ ጉዬ ኣይሁዳታ ዳናቲ ካቄቲዳ ኣሳታ ሜቄꬅ ዎዲራፔ ሜንꬂዲ ኢስቲ ኢዛ ማስቃሌ ቦላፌ ዎꬃና ማላ ጲላፆሳ ዎሲዳ። ኢስቲ ሄሳ ኦꬂዳይ ኣይሁዳቲ ሳምባታስ ጊጌቲዛ ጋላስ ጊዲዳ ጊሺኔ ሄ ሳምባታይካ ዳሮ ጊታ ባዓሌ ጊዲዳ ጊሽ ሳምባታ ጋላስ ኣሃይ ማስቃሌ ቦላ ጋምዖንታ ማላ ኮይዳ ጊሻሳ።  
\v 32 ሄሳ ጊሽ ዎታዳራቲ ቢዲ ዬሱሳራ ካቄቲዳ ኣሳታ ሜቄꬅ ዎዲራፔ ዎዲራፔ ሜንꬂዳ።  
\v 33 ኢስቲ ዬሱሳኮ ቢን ኢዚ ካሴቲዲኔ ሃይቂዳይሳ ቤዪዲ ኢዛ ዎዲራ ሜቄꬅ ሜንꬂቤቴና።  
\v 34 ጊዶ ኣቲን ዎታዳራታ ጊዶፌ ኢሳዴይ ቶራራ ኢዛ ሚሌን ጫዲን ሄራካ ሱꬂኔ ሃꬂ ጉኪዴስ።  
\v 35 ሄሳ ቤዪዳዴይ ኢንቴ ኢዛን ኣማናና ማላ ማርካቲዴስ። ኢዛ ማርካይካ ቱማ። ኢዚ ዮቲዛይካ ቱሙ ጊዲዳይሳ ኢዚ ኤሬስ።  
\v 36 ሄሲካ ሃኒዳይ “ኢዛ ሜቄꬃፌ ኢሲናካ ሜቁኩ” ጌቴቲዳ ጌሻ ማፃፋ ቃላይ ፖሌታናሳ። \x * \xo 19:36 \xt ኬሳ 12፡46፤ ታይ 9፡12፤ ማዛ 34፡20\x* 
\v 37 ቃሴካ ጌሻ ማፃፋን ሃራሶን “ኢስቲ ባ ጫዲዳዴ ቤያና” ጌስ። 
\s1 ዬሱሲ ሞጌቲዴስ 
\r (ማቶ 27፡57-61፤ ማር 15፡42-47፤ ሉቃ 23፡50-56) 
\p  
\v 38 ኣይሁዳታ ዳናታ ባቢዲ ቆታን ዬሱሳ ካሊዛ ኣርማቲያሳ ጌቴቲዛሶፔ ዪዳ ዮሴፌይ ዬሱሳ ኣሃ ኤካናስ ጲላፆሳ ዎሲን ጲላፆሲካ ኢዛስ ኤሮ ጊዴስ። ሄሳ ጊሽ ዮሴፌይ ቢዲ ዬሱሳ ኣሃ ኤኪዴስ።  
\v 39 ካሴ ዬሱሳኮ ቃማራ ዪዳ ኒቆዲሞሲካ ባጋ ኪሎ ጊዲዛ ካርቤኔ ጎዳሬ ኡꬃራ ዋላኬቲዳ ሺቶ ኤኪ ዪዴስ።  
\v 40 ሄ ናምዑ ኣሳቲ ዬሱሳ ኣሃ ኤኪዲ ኣይሁዳቲ ኣሃ ፃፂዛ ማላ ሺቶ ፑኪዲ ሌዔ ማይዖራ ፃፂዳ።  
\v 41 ዬሱሲ ካቄቲዳሶን ኢሲ ኣታኪልቴሶይ ዴስ። ሄ ኣታኪልቴዛሶን ኦኒካ ሞጌቶንታ ኦራꬃ ዱፎይ ዴስ።  
\v 42 ኣይሁዳታ ሳምባታስ ጊጌቲዛ ጋላስ ጊዲዳ ጊሺኔ ዱፎይካ ማታን ዲዛ ጊሽ ዬሱሳ ኣሃ ሄን ሞጊዳ። 
\c 20  
\s1 ዬሱሲ ሃይቆፔ ዴንዲዴስ 
\r (ማቶ 28፡1-10፤ ማር 16፡1-8፤ ሉቃ 24፡1-12) 
\p  
\v 1 ዎጋ ጋላስ ዎንታ ማላዶ ቡሮ ባዞይ ዞዒሺን ማግዳሌ ማራማ ዬሱሳ ዱፎኮ ባዱስ። ኢዛ ሄ ጋኪሺን ካሴ ዬሱሳ ዱፎ ኢዛራ ጎርዲዳ ሹቻይ ዱፎዛ ዱናፔ ዴንዲዲ ጌንዴሪዳይሳ ቤያዱስ።  
\v 2 ሄሳ ጊሽ ኢዛ ዬሱሳ ካሊዛይታፔ ሲሞና ጌቴቲዛ ጴፅሮሳኮ ዬሱሲ ዶሲዛ ሃንኮ ኢዛ ካሊዛይሳኮ ዎፃ ባዳ “ጎዳ ዱፎፔ ኬሲ ኤኪዲ ኣዋን ዎꬂዳኮኔ ኑ ኤሮኮ” ጋዱስ። 
\p  
\v 3 ሄራካ ጴፅሮሲኔ ዬሱሳ ካሊዛ ሂንኮ ኢሶይ ኬዚዲ ጌዴ ዱፎይ ዲዛሶ ቢዳ።  
\v 4 ናምዓይካ ኢሲፌ ዎፂዳ። ጊዶ ኣቲን ዬሱሳ ካሊዛ ሂንኮይሲ ጴፅሮሳፔ ፒላቲ ዎፂዲ ካሴቲ ዱፎይ ዲዛሶ ጋኪዴስ።  
\v 5 ዱፎዛ ሆኪ ፄሊዲ ኣሃይ ኢዛን ፃፄቲዳ ማይዖይ ፃላ ዲዛይሳ ቤዪዴስ፤ ጊዶ ኣቲን ጌዴ ዱፎዛ ጊዶ ጌሊቤና።  
\v 6 ሲሞና ጌቴቲዛ ጴፅሮሲካ ኢዛ ካሊ ጋኪዲ ዱፎዛ ጊዶ ጌሊዴስ፤ ኣሃይ ኢዛን ፃፄቲዳ ጫርቃይ ሄን ዲዛይሳ ቤዪዴስ።  
\v 7 ዬሱሳ ሁዔይ ፃፄቲዳ ጫርቃይ ሃንኮ ፃꬃ ጫርቃታራ ጊዶንታ ዱማ ሃራሶን ፃፄቲ ዲዛይሳ ቤዪዴስ።  
\v 8 ኮይሮቲ ጋኪዳ ዬሱሳ ካሊዛይሲካ ዱፎዛ ጊዶ ጌሊ ቤዪዲ ኣማኒዴስ።  
\v 9 ጋሶይካ “ኢዚ ሃይቆፔ ዴንዳና ቤሴስ” ጊዛ ማፃፋ ቃላ ኢስቲ ቡሮ ሃሳዪቤቴና።  
\v 10 ሄሳፌ ጉዬ ናምዓቲካ ሲሚዲ ባሶ ባሶ ቢዳ። 
\s1 ማግዳሌ ማራማ ዬሱሳ ቤያዱስ 
\r (ማር 16፡9-11) 
\p  
\v 11 ማግዳሌ ማራማ ዬካሼ ዬሱሳ ዱፎፔ ካሬራ ኤቃዳ ሆካ ዱፎዛ ጊዶ ፄላዱስ።  
\v 12 ዬሱሳ ኣሃይ ዲዛሶን ቦꬃ ማይዖ ማይዒዳ ናምዑ ኪታንቻታፔ ኢሶይ ሁዔሶን ኢሶይ ቶሆሶን ኡቲዳይታ ቤያዱስ።  
\v 13 ኢስቲካ ማራሞ “ሃኔ ማጫሳዬ! ኣዛስ ዬካይ?” ጊዳ። ኢዛካ “ኢስቲ ታ ጎዳ ኤፊዲ ኣዋን ዎꬂዳኮኔ ታ ኤሪኬ” ጋዱስ። 
\p  
\v 14 ኢዛ ሂኖ ጋዳ ጉዬ ዩዪሺን ዬሱሲ ኤቂዳይሳ ዴማዱስ ሺን ኢዚ ዬሱሳ ጊዲዳይሳ ኤራቤይኩ።  
\v 15 ዬሱሲ ኢዞ “ሃኔ ማጫሳዬ! ኣዛስ ዬካይ? ቃሴ ኦና ኮያይ?” ጊዴስ፤ ኢዚካ ኢዚስ ኣታኪልቴ ናጊዛዴ ሚሳቲን “ጎዶ! ኔ ኤኪዳ ጊዲኮ ኔ ዎꬂዳሶ ታስ ዮታርኪ፤ ታ ኢዛ ታስ ኤካና” ጋዱስ። 
\p  
\v 16 ዬሱሲ ኢዞ “ማራሜ!” ጊዴስ፤ ኢዛካ ጌዴ ኢዛኮ ሲማዳ ኣይሁዳታ ቃላራ “ሬቡኔ!” ጋዱስ፤ ሄሳ ቢርሼꬂ “ኣስታማሬ!” ጉሳ። 
\p  
\v 17 ዬሱሲ ቃስ “ታ ቡሮ ፑዴ ታ ኣዋኮ ኬዛቤኬ፤ ታና ቦቾፋ፤ ጊዶ ኣቲን ኔ ሃዒ ታ ኢሻታኮ ባዳ ‘ታኒ ታ ኣዋኮኔ ኢንቴ ኣዋኮ፥ ታ ፆሳኮኔ ኢንቴ ፆሳኮ ኬዛና ጊዴስ’ ጋዳ ኢስታስ ዮታ” ጊዴስ።  
\v 18 ሄሳ ጊሽ ማግዳሌ ማራማ ዬሱሳ ካሊዛይታኮ ባዳ ኢዛ ዬሱሳ ቤዪዳይሳኔ ኢዚ ኢዚስ ዮቲዳይሳ ኢስታስ ዮታዱስ። 
\s1 ዬሱሲ ባና ካሊዛይታስ ቤቲዴስ 
\r (ማቶ 28፡16-20፤ ማር 16፡14-18፤ ሉቃ 24፡36-49) 
\p  
\v 19 ሄ ጋላስ ዎጋ ኦማርስ ዬሱሳ ካሊዛይቲ ኣይሁዳታ ዳናታስ ባቢዲ ካሬ ባ ቦላ ጎርዲዲ ኬꬃ ጊዶን ሺቆን ዲሺን ካሬይ ዶዬቶንታ ዬሱሲ ኢዛ ካሊዛይቲ ሺቂ ዲዛ ኬꬃ ጌሊዴስ፤ ኢስታ ጊዶን ኤቂዲ “ሳሮይ ኢንቴስ ጊዶ!” ጊዴስ።  
\v 20 ሄሳ ጊ ሲሚዲ ባ ኩሼታኔ ባ ሚሌ ኢስታ ቤሲዴስ፤ ኢዛ ካሊዛይቲካ ጎዳ ቤዪዲ ኬሂ ኡፋዬቲዳ። 
\p  
\v 21 ሄሳፌ ጉዬ ቃሴካ ዬሱሲ ኢስታ “ኢንቴስ ሳሮይ ጊዶ! ታ ኣዋይ ታና ኪቲዳ ማላ ታካ ኢንቴና ኪታይስ” ጊዴስ።  
\v 22 ሄሳ ጊ ሲሚዲ ኢስታ ቦላ ኡፉ ጊዲ “ኢንቴ ፂሎ ኣያና ኤኪቴ።  
\v 23 ኢንቴ ኣሳ ናጋራ ኣቶ ጊኮ ኢስታስ ኣቶ ጌቴታና፤ ኢንቴ ኣሳ ናጋራ ኣቶ ጎንታ ኢፂኮ ቃስ ኢንቴስ ኣቶ ጌቴቴና” ጊዴስ። \x * \xo 20:23 \xt ማቶ 16፡19፤ 18፡18\x* 
\s1 ዬሱሳኔ ቶማሳ 
\p  
\v 24 ዬሱሲ ባና ካሊዛይታኮ ዪዳ ዎዴ ታማኔ ናምዓታፔ ኢሶይ ዲዲሞሳ ጌቴቲዛ ቶማሲ ኢስታራ ዴና።  
\v 25 ሄሳ ጊሽ ሃንኮ ዬሱሳ ካሊዛይቲ ቶማሳ “ኑ ጎዳ ቤይዶስ” ጊዳ። ቶማሲ ቃስ “ሚሲማሬን ጫዴቲዳ ኢዛ ኩሼታ ታኒ ታ ኣይፌራ ቤዮንታ ዳሼ፥ ቃሴካ ታ ቢራꬌ ሚሲማሬይ ጌሊዳሶን ጌልꬃ ፄሎንታ ዳሼኔ ታ ኩሼ ኢዛ ሚሌ ማዱንꬃን ጌልꬃ ፄሎንታ ዳሼ ኣማኒኬ” ጊዴስ። 
\p  
\v 26 ሄሳፌ ካሊን ኦሱፑን ጋላሳፌ ጉዬ ኢዛ ካሊዛይቲ ቃሴካ ኬꬃ ጊዶን ዲሺን፤ ቶማስካ ኢስታራ ኢሲፌ ዲሺን፤ ካሬይካ ጎርዳን ዲሺን ዬሱሲ ዪዲ ኢስታ ጊዶን ኤቂዲ “ሳሮይ ኢንቴስ ጊዶ!” ጊዴስ።  
\v 27 ሄሳፌ ጉዬ ቶማሳ “ኔ ቢራꬌ ሃ ኤሃዳ ታ ኩሼታ ቤያ። ኔ ኩሼ ሃ ኤሃዳ ታ ሚሌን ጌልꬃ ኣማና ኣቲን ኣማኖንታዴ ጊዶፓ” ጊዴስ። 
\p  
\v 28 ቶማሲ “ታ ጎዶ! ታ ፆሶ!” ጊዴስ። 
\p  
\v 29 ዬሱሲካ ቶማሳ “ኔኒ ታና ቤዪዳ ጊሽ ኣማናዳሳ፤ ታና ቤዮንታ ኣማኒዛይቲ ጊዲኮ ኢስቲ ኣንጄቲዳይታ” ጊዴስ። 
\p  
\v 30 ሃይሳ ማፃፋን ፃፌቶንታ ዳሮ ማላታታ ባና ካሊዛይታ ሲንꬃን ዬሱሲ ኦꬂዴስ።  
\v 31 ጊዶ ኣቲን ዬሱሲ ኢዚ ማሲሄ፥ ፆሳ ና ጊዲዳይሳ ኢንቴ ኤራና ማላኔ ኢንቴ ኢዛ ሱንꬃን ኣማኒዲ ዴዖ ዴማና ማላ ሃይሲ ፃፌቲዴስ። 
\c 21  
\s1 ዬሱሲ ባና ካሊዛይታፔ ላፑናታስ ቤቲዴስ 
\p  
\v 1 ሄሳፌ ጉዬ ዬሱሲ ፂቢራዶሴ ኣባ ኣቻን ባና ካሊዛይታስ ቃሴካ ቤቲዴስ።  
\v 2 ሲሞና ጌቴቲዛ ጴፅሮሲ፥ ዲዲሞሳ ጌቴቲዛ ቶማሲ፥ ጋሊላ ቃና ኣስ ጊዲዳ ናቲናዔሌይ፥ ዛቢዶሳ ናይቲካ ዬሱሳ ካሊዛይታፔ ሃራ ናምዓቲካ ዉሪ ኢሲፌ ዲሺን  
\v 3 ሲሞና ጌቴቲዛ ጴፅሮሲ ኢስታስ “ታ ሞሌ ኦይካና ባይስ” ጊዴስ፤ ኢስቲካ ኢዛስ “ኑካ ኔናራ ባና” ጊዳ። ኢዛራ ኬዚ ቢዲ ዎጎሎን ጌሊዳ ሺን ሄ ጋላስ ኦማርስ ኢሲ ሞሌካ ኦይኪቤቴና። \x * \xo 21:3 \xt ሉቃ 5፡5\x* 
\p  
\v 4 ጋዴይ ዎንቲሺን ዬሱሲ ኣባ ኣቻን ኤቂዴስ፤ ኢዛ ካሊዛይቲ ቃስ ኢዚ ዬሱሳ ጊዲዳይሳ ኤሪቤቴና።  
\v 5 ዬሱሲ ኢስታ “ናይቶ ሞሌይ ዲዜ?” ጊዴስ፤ ኢስቲካ “ኣይኮይካ ባዋ” ጊዳ። 
\p  
\v 6 ኢዚካ “ጊቴዛ ዎጎሎዛፔ ኡሻቻ ባጋራ ኣባን ዬጊቴ፤ ኢንቴ ዴማና” ጊዳ ጊሽ ጊቴዛ ኣባ ጊዶ ዬጊዳኔ ዳሮ ሞሌይ ኦይኬቲዳ ጊሽ ጊቴዛ ሞሌዛራ ጎቻና ዳንዳይቤቴና። \x * \xo 21:6 \xt ሉቃ 5፡6\x* 
\p  
\v 7 ሄሳ ዎዴ ዬሱሳ ካሊዛይታፔ ኢዚ ሲቂዛ ኢሶይ ጴፅሮሳስ “ሄሲ ጎዳኮ!” ጊዴስ። ሲሞና ጌቴቲዛ ጴፅሮሲ “ሄሲ ጎዳኮ!” ጊዛ ቃላ ሲዪዳ ማላ ካሴ ኦሶ ዲጎፎ ጊዲ ማይዖ ቃሪ ዎꬂዲ ካሎ ዲዛ ጊሽ ሄራካ ማይዖ ኤኪ ማይዒዲ ኣባ ጊዶ ጉፒ ጌሊዴስ።  
\v 8 ዬሱሳ ካሊዛ ሃንኮይቲ ቃስ ቢታፌ ፄቱ ሜትሬ ማላ ሃኪ ዲዛ ጊሽ ሞሌይ ኩሚ ዲዛ ጊቴዛ ጎቺ ኤኪዲ ዎጎሎራ ጋኪዳ።  
\v 9 ኢስቲ ዎጎሎዛፔ ዎꬊሺን ሞሌይ ኢዛ ቦላ ዲዛ ቦንቆ ታማኔ ኡኬꬂ ቤዪዳ። 
\p  
\v 10 ዬሱሲ ኢስታ “ሃዒ ኢንቴ ኦይኪዳ ሞሌዛፔ ኣኔ ሃ ኤኪ ዪቴ” ጊዴስ። 
\p  
\v 11 ሄሳ ጊሽ ሲሞና ጌቴቲዛ ጴፅሮሲ ዎጎሎዛ ጊዶ ጌሊዲ ፄታኔ ኢቻሹ ታማኔ ሄꬑ ዎጋ ጊታ ሞሌቲ ኩሚዳ ጊቴዛ ኣባፌ ጌዴ ጋዴ ቦላ ጎቺዴስ። ሄሳ ማላ ዳሮ ሞሌራ ዲንካ ጊቴዚ ዳኬቲቤና።  
\v 12 ሄሳፌ ጉዬ ዬሱሲ ኢስታ “ሃ ዪዲ ሚቴ” ጊዴስ። ኢዚ ጎዳ ዬሱሳ ጊዲዳይሳ ዉሪ ኤሪዳ ጊሽ ኢዛ ካሊዛይታፔ ኢሳዴይካ “ኔ ኦኔ?” ጊ ኦይቻናስ ፃሊዳዴይ ባዋ።  
\v 13 ዬሱሲ ዪዲ ኡኬꬃኔ ሞሌዛ ኤኪዲ ኢስታስ ኢሚዴስ። 
\p  
\v 14 ዬሱሲ ሃይቆፔ ዴንዲን ኢዛ ካሊዛይቲ ኢዛ ቤዪሺን ሃይሲ ሄꬓንꬆ። 
\s1 ዬሱሲ ጴፅሮሳ ኦይቺዳ ኦይሾ 
\p  
\v 15 ኢስቲ ሚ ጊጊሺን ዬሱሲ ሲሞና ጴፅሮሳ “ዮና ና ሲሞና! ሃይታንታፌ ኔ ታና ኣꬃ ታና ዶሳይ?” ጊዴስ። ኢዚካ “ኤ ታ ጎዶ! ታ ኔና ዶሲዛይሳ ኔካ ኤራሳ” ጊዴስ።  
\v 16 ዬሱሲ ኢዛ “ታ ꬋሚዛይታ ሄማ” ጊዴስ፤ ናምዓንꬆካ “ዮና ና ሲሞና! ኔ ታና ዶሳይ?” ጊዴስ፤ ኢዚካ ዛሪዲ “ኤ ጎዶ! ታ ኔና ዶሲዛይሳ ኔካ ኤራሳ” ጊዴስ፤ ዬሱሲ ቃሴካ “ላቃታ ናጋ” ጊዴስ። 
\p  
\v 17 ሄꬓንꬆ “ዮና ና ሲሞና! ኔ ታና ዶሳይ?” ጊዴስ። ኢዚ ሄꬓንꬆ “ኔ ታና ዶሳይ?” ጊዳ ጊሽ ጴፅሮሲ ሚቼቲዲኔ “ጎዶ! ኔ ዉርሳ ኤራሳ ታ ኔና ዶሲዛይሳካ ኔ ኤራሳ” ጊዴስ፤ ዬሱሲካ ቃሴካ “ታ ዶርሳታ ሄማ።  
\v 18 ታ ኔስ ቱሙ ጋይስ፤ ኔ ናቴꬃን ዳሼ ኔ ጊꬄ ኔርካ ጊፃዳ ኔ ኮዪዳሶ ባሳሺን፤ ኔ ጪሚዛ ዎዴ ጊዲኮ ኔኒ ኔ ኩሼታ ፒዲሲን ሃራ ኣሲ ኔና ጊፂሳናኔ ኔ ዶሶንታሶ ኔና ኤፋና” ጊዴስ።  
\v 19 ዬሱሲ ኢዛ ሄሳꬆ ጊዳይ ጴፅሮሲ ኣይ ማላ ሃይቆን ፆሴ ቦንቻናኮኔ ኢዛስ ኤሪሳናሳ፤ ሄሳፌ ጉዬ ጴፅሮሳ “ኔ ታና ካላ” ጊዴስ። 
\p  
\v 20 ጴፅሮሲ ዩሺ ፄሊዲ ዬሱሲ ዶሲዛይሲ ኢዛ ካሊሺን ቤዪዴስ፤ ሄሳዴይ ካሴ ኢስቲ ካዎ ሚሺን ዬሱሳ ሃይꬃኮ ሺቂዲ “ጎዶ! ኔና ኣꬂ ኢማናዴይ ኢዚ ኦኔ?” ጊ ኦይቺዴስ።  
\v 21 ጴፅሮሲ ኢዛ ቤዪዲ “ጎዶ! ሃይሳዴይ ዋናንዴ?” ጊዲ ዬሱሳ ኦይቺዴስ። 
\p  
\v 22 ዬሱሲካ ኢዛስ “ታ ሃ ሲማ ያና ጋካናዉ ታ ኢዛ ፓፃ ዎꬂኮ ኔና ኣዚ ጋꬂዴ? ኔ ታና ካላ” ጊዴስ። 
\p  
\v 23 ሄሳ ጋሶን ኢሻታ ጊዶን “ኢዚ ሃይቆ ሃይቄና” ጊዛ ዎሬይ ላሌቲዴስ። ጊዶ ኣቲን ዬሱሲ “ታ ያና ጋካናስ ፓፃ ዳና ማላ ታ ኮይኮ ኔና ኣዜ ጋꬂዳይ?” ጊዴስ ኣቲን “ሃይቃካ” ጊቤና።  
\v 24 ሄ ዮዖታ ጊሽ ማርካቲዳይኔ ፃፊዳይ ሃ ዬሱሳ ካሊዛይሳ፤ ኢዛ ማርካቴꬂካ ቱሙ ጊዲዳይሳ ኑኒ ኤሮስ። 
\p  
\v 25 ዬሱሲ ኦꬂዳ ሃራ ዳሮቲ ዴቴስ። ታስ ሚሳቲዛ ማላ ኢዚ ኦꬂዳ ሚሻታ ዉርሲ ኢሲ ቦላ ፃፊዛኮ ፃፌቲዛ ማፃፋታ ሃይሲ ኣላሜይ ቶካና ዳንዳዬና።