\id HEB - Gamo project 
\h ኢብራዌ 
\toc1 ኢብራዌታስ ፃፌቲዳ ኪታ 
\toc2 ኢብራዌ 
\toc3 ኢብ 
\mt1 ኢብራዌታስ 
\mt2 ፃፌቲዳ ኪታ 
\imt1 ጊዶ ቆፋ 
\ip ሃይሲ ሃ ኪታዚ ፃፌቲዳይ ኢስታ ቦላ ጋኪዳ ጊታ ሜቶዛ ጌዶን ባ ኣማኖ ኣጋናስ ማቲዳ ኣማኒዛ ኣሳ ጊሻሳ። ሃይሳ ፃፊዳዴይ ኢብራዌፔ ኣማኒዳይታስ ዬሱስ ኪርስቶሲ ቱማኔ ዉርሴꬃን ፆሲ ኣሳ ናስ ቆንጪሲዳይ ፆሳ ናይ ኢዛ ጊዲዳይሳ ቤሳናሳ። ሃ ኣማኒዛይቲ ባ ኣማኖን ሚኒ ኤቃና ማላ ኢዚ ኢስታ ሚንꬄꬄስ። ሄሲካ ቱሙ ጊዲዳይሳ ሄꬑ ቱማ ዮዖታ ቆንጪሲ ቤሴስ። 
\ip 1. ባ ኤኪዳ ሜቶዛ ባጋራ ባ ኣዋስ ቱማፔ ኣዛዜቲዛዴ ጊዲዳ ጊሽ ካሴ ጋልዓ ጫቆ ማፃፋን ዲዛ ናቤታፔ፥ ሙሴፔኔ ኪታንቻታፔካ ኬሂ ኣꬌስ። 
\ip 2. ዬሱሲ ካሴ ጋልዓ ጫቆ ዎዴ ቄሴታፔካ ኬሂ ኣꬊዛ ሜርና ቄሴይ ኢዛ ጊዲዳይሳ ፆሲ ባ ዱናን ዮቲዴስ። 
\ip 3. ኣማኒዛዴይ ናጋራፔ፥ ባቦፔኔ ሃይቆፔ ዬሱሳ ባጋራ ኣታና። ዬሱሲ ቄሴታ ሃላቃ ጊዲዳ ማላ ኢብራዌታ ኣማኖ ዎጋቲኔ ሜሄታ ያርሾይ ጮ ሜላ ኤሾ ማላ ጊዲዳ ኣቶቴꬃይ ኢዚ ቱማ ጊዳና ማላ ኦꬂዴስ። 
\ip ሃ ማፃፋ ፃፊዳዴይ ኢስራዔሌ ናይታ ታሪኬን ኤሬቲዳ ኣሳታ ኣማኖ ሌሚሶ ጎዔቲዲ (ሼምፖ 11) ናባቢዛ ኣሳይ ኣማኖን ሚናና ማላ ቆፊሴስ። ሄሳꬆካ (ሼምፖ 12) ቦላ ናባቢዛ ኣሳይ ባ ኣይፌ ዬሱሳ ቦላ ሎዔꬂ ዎꬂዲ ኣማኖን ሚናና ማላኔ ኣይ ሜቶይኔ ዋዬይካ ኢስታ ቦላ ጋኪኮካ ዳንዳያና ማላ ዞሬስ። ዉርሴꬃንካ ኢዚ ኢስታስ ዱማ ዱማ ዞሬኔ ሴራ ቃላ ኢሚዲ ኩዬስ። 
\is1 ሃ ማፃፋይ ኦይኪዳ ኩሜꬃ ቆፋ 
\io1 ጌሎሶ፥ ፆሲ ባና ኪርስቶሳ ባጋራ ቆንጪሲዴስ 1፡1-3 
\io1 ኪርስቶሲ ኪታንቻታፔ ቦላ ጊዴꬅ 1፡4-2፡18 
\io1 ኪርስቶሲ ሙሴፔኔ ኢያሱፔ ቦላ 3፡1-4፡13 
\io1 ኪርስቶሳ ቄሴቴꬅ 4፡14-7፡28 
\io1 ኪርስቶሳ ጫቆ ቃላ ቦላቴꬅ 8፡1-9፡22 
\io1 ኪርስቶሳ ያርሼቴꬃ ቦላቴꬅ 9፡23-10፡39 
\io1 ኣማኖ ባይራቴꬅ 11፡1-12፡29 
\io1 ፆሳ ኡፋይሶ 13፡1-19 
\io1 ዉርሴꬃ ዎሳ 13፡20-21 
\io1 ኩሻ ቆፋ 13፡22-25 
\c 1  
\s1 ፆሳይ ባ ናዛ ባጋራ ዮቲዴስ 
\p  
\v 1 ቤኒ ዎዴፔ ኦይኪዲ ፆሲ ዱማ ዱማ ኦጌራ ናቤታ ባጋራ ካሴ ኑ ኣዋታስ ዳሮ ዎዴ ዮቲዴስ።  
\v 2 ቃሴ ሃይሳ ዉርሴꬃ ዎዴ ቦላ ዉርሲ ላቲሲዳዴኔ ሃ ኣላሜዛ ሜꬊዳ ባ ናዛ ባጋራ ኑስ ዮቲዴስ።  
\v 3 ኢዚካ ፆሳ ቦንቾ ቤሲዛዴኔ ፆሳ ፆሳቴꬃስ ሎዖ ሌሚሶ ጊዲዲ ባ ዎልቃማ ቃላን ዉርሲካ ሺሺ ኦይኪዴስ። ኢዚ ኣሳ ናጋራፔ ጌሺዳፔ ጉዬ ሳሎን ቦንቾ ፆሳ ኡሻቻን ኡቲዴስ። 
\s1 ፆሳ ናይ ኪታንቻታፔ ኣꬌስ 
\p  
\v 4 ሄሳ ጊሽ ኢዛስ ኢሜቲዳ ሱንꬃይ ኪታንቻታ ሱንꬃፌ ኣꬊዛይሳ ማላ ኢዚካ ኪታንቻታፔ ኬሂ ኣꬌስ።  
\v 5 ፆሲ ኪታንቻፔ 
\q1 “ኔኒ ታ ና፤ 
\q2 ታ ኔና ሃቺ ዬላዲስ። 
\m ዎይኮ 
\q1 ታ ኢዛስ ኣዋ ጊዳና፤ 
\q2 ኢዚካ ታ ና ጊዳና” 
\m ኦናስ ጊዴ?  
\v 6 ቃሴካ ፆሲ ባ ባይራ ናዛ ዱጌ ሃ ቢታ ቦላ ዬዲሼ “ፆሳ ኪታንቻቲ ዉሪካ ኢዛስ ጎይኔቶ” ጊዴስ። \x * \xo 1:6 \xt ዛሬ 32፡43\x* 
\v 7 ኪታንቻታ ጊሽ ሃሳዪሼ ቃሴ “ኪታንቻታ ኣያናታ፤ ባ ኦሳንቻታካ ታማ ላጮ ኬሴስ” ጊዴስ። \x * \xo 1:7 \xt ማዛ 104፡4\x* 
\v 8 ናዛ ጊሽ ቃሴ “ጎዶ! ኔ ዙፋኔይ ሜርናፔ ሜርና ጋካናስ ሚኒ ዳና። ኔኒ ኔ ካዎቴꬃ ሊኬ ካሌꬃሳ።  
\v 9 ኔኒ ፂሎቴꬅ ዶሳዳሳ፤ ማካላካ ኢፃሳ፤ ሄሳ ጊሽ ፆሲ ኔ ጎዳይ ኔና ኔ ላጌታፔ ቦላ ኬሲዴስ። ኔና ኡፋይሳ ዛይቴ ቲዪዴስ” ጌስ።  
\v 10 ቃሴ “ጎዶ ኔኒ ኮይሮ ቢታ ሜꬋዳሳ። ሳሎቲካ ኔ ኩሼን ኦሴቲዳ።  
\v 11 ኢስቲ ꬋያና፥ ኔኒ ጊዲኮ ሚና ዳና። ኢስቲ ዉሪካ ማይዖ ማላ ጋልዓና።  
\v 12 ኔኒ ኢስታ ማይዖ ማላ ቃላምዓና። ኢስቲካ ማይዖ ማላ ላሜታና። ኔ ጊዲኮ ኣይዴካ ኔኒ ኔና። ኔ ዱሳስ ዉርሴꬂ ዴና” ጌስ።  
\v 13 ፆሲ ኪታንቻታፔ “ታኒ ኔ ሞርኬታ ኔ ቶሆ ጋርሳን ዬꬊሳና ጋካናስ ኔ ታ ኡሻቻን ኡታ” ኦና ጊዴ? \x * \xo 1:13 \xt ማዛ 110፡1\x* 
\p  
\v 14 ኪታንቻቲ ዉሪካ ኣቶቴꬃ ላታና ኣሳታ ኦꬃናስ ፆሳፌ ኪቴቲዛ ኦሳንቻ ኣያና ጊዴቴኔ? 
\c 2  
\s1 ጊታ ማሮቴꬅ 
\p  
\v 1 ሄሳ ጊሽ ኑኒ ሲዪዳ ቃላፔ ባሌቲዲ ኩንዶንታ ማላ ኑ ሲዪዳ ቃላ ሎዔꬂ ናጋናስ ቤሴስ።  
\v 2 ኣዛስ ጊኮ ካሴ ኪታንቻታ ባጋራ ዮቴቲዳ ቃላይ ቱሙ ጊዲዳ ሄ ቃላ ዬꬊ ኣꬊዳይ ባስ ቤሲዛ ቂፃቴ ኤኬስ።  
\v 3 ኑ ቃሴ ሄሳ ማላ ጊታ ማሮቴꬅ ጮ ሌፕ ሂስቲኮ ዋኒ ኣታኔ? ሃይሲ ማሮቴꬃይ ኮይሮ ጎዳ ባጋራ ኑስ ዮቴቲዴስ። ኢዛፔ ሲዪዳይቲካ ኑስ ጌሺ ዮቲዳ።  
\v 4 ፆሲ ቃሴካ ማላታታ፥ ማላሊሲዛ ሚሻታ፥ ዱማ ዱማ ማላታታ ኦሶኒኔ ባ ሼኔ ማላ ኢሚዳ ፂሎ ኣያና ኢሞታታ ባጋራ ኢስታ ማርካቴꬃ ሚንꬂዴስ። 
\s1 ኣሳ ዜሬꬅ ኣሺዳይ ዬሱሳ 
\p  
\v 5 ፆሲ ሃይሳ ኑ ኢዛ ጊሽ ሃሳዪዛ ቡሮ ያና ኣላሜዛ ኪታንቻስ ሃርሲቤና።  
\v 6 ጊዶ ኣቲን ጌሻ ማፃፋይ ሃራሶን 
\q1 “ኔ ኢዛስ ዩሻ ቆፓናስ ኣሲ ኣዜ? 
\q2 ኢዛስ ኔ ቆፓናስ ኣሳናይ ኢዚ ኣዜ? 
\q1  
\v 7 ኔ ኢዛ ኪታንቻታፔ ጉꬃራ ጉꬃዳሳ። 
\q2 ቦንቾ ዛዉዴኔ ጋላታ ኢዛ ሁዔን ዎꬃዳሳ። 
\q2 ኔኒ ኢዛ ኔ ኩሼ ኦሶታ ቦላ ሹማዳስ። 
\q1  
\v 8 ኔ ዉርሳካ ኢዛ ቶሆ ጋርሳን ሃሪሳዳሳ፤ 
\q2 ፆሲ ኡባካ ኢዛፔ ጋርሳራ ኢዛስ ሃሪሲሺን ኣቲዳይ ኣይ ሚሺካ ዴና። 
\q1 ጊዶ ኣቲን ሃዒ ቃሴ ዉሪካ ኢዛስ ሃሬቲሺን ኑ ቤይቤኮ” 
\m ጊዴስ።  
\v 9 ጊዶ ኣቲን ፆሳ ኪያቴꬃን ኣሳ ኡባ ጊሽ ሃይቃናስ ኪታንቻታፔ ጉꬃ ዎዴ ጉፂዳ ዬሱሲ ዋዬ ሃይቆ ሃይቂዲ ሃዒ ቦንቾኔ ጋላታ ዛዉዴ ባ ሁዔን ዎꬂዳይሳ ኑ ቤዮስ።  
\v 10 ሃኒዛይ ዉሪካ ኢዛፔ ኢዛስ ሜꬌቲዳ ፆሲ ዳሮ ናይታ ቦንቾስ ኤፋናስ ኢስታ ማሮቴꬃስ ሁዔ ጊዲዳ ዬሱሲ ዋዬን ፖላናስ ኮሺዛዝ ጊዲዴስ። 
\p  
\v 11 ኣስ ጌሺዛይኔ ኢዛን ጌዪዛ ኣሳይ ሄይቲ ኢሲ ኬꬃ ኣሳታ። ሄሳ ጊሽ ዬሱሲ ኢስታ “ታ ኢሻቶ” ጊ ፄይጋናስ ዬላቴና።  
\v 12 “ታኒ ኔ ሱንꬃን ታ ኢሻታስ ዮታና ሺቂዳ ዴሬዛ ሲንꬃን ኔና ጋላቲዛ ዬꬅ ታ ዬፃና።” \x * \xo 2:12 \xt ማዛ 22፡22\x* 
\v 13 ሄሳꬆካ “ታ ኢዛን ኣማኔታና” ቃሴካ “ታኒኔ ታስ ፆሲ ኢሚዳ ናይቲ ኑ ሃን ዶስ” ጌስ ጌሻ ማፃፋይ። \x * \xo 2:13 \xt ኢሳ 8፡17-18\x* 
\p  
\v 14 ናይታስ ኣሾይኔ ሱꬂ ዲዛ ማላ ኢዚካ ኢስታ ማላ ኣሳ። ሄሲካ ሃይቆ ቦላ ኢዛስ ዎልቃይ ዲዛ ዳቡሎሳ ኢዚ ባ ሃይቆ ዎልቃን ዛራናሳ።  
\v 15 ሄሳꬆካ ባ ዲዛ ዎዴ ኡባን ሃይቆስ ባቦን ሃሬቲ ቃሼቲዳይታ ሃይቆፔ ዎዛናሳ።  
\v 16 ኢዚ ሃ ዪዳይ ኪታንቻታ ማዳናስ ጊዶንታ ኣብራሃሜ ዜሬꬃታ ማዳናስ ዪዴስ።  
\v 17 ሄሳ ጊሽ ኡባ ባጋራ ኢዚ ባ ኢሻታ ሚሳታናስ ቤሲዛዴ ጊዲዴስ፤ ኢዚ ሄሳ ኦꬂዳይ ማሪዛዴኔ ኣማኔቲዳ ዋና ቄሴ ሃላቃ ጊዲዲ ፆሳስ ኦꬃናሲኔ ዴሬዛ ናጋራፔ ማራናሳ።  
\v 18 ኢዚ ባ ሁዔን ፓጬቲዲ ሜቶ ኤኪዳ ጊሽ ፓጬቲዛይታ ማዳናስ ዳንዳዬስ። 
\c 3  
\s1 ዬሱሲ ሙሴፔ ኣꬌስ 
\p  
\v 1 ሄሳ ጊሽ ሳሎፔ ፄይሲ ኢንቴና ጋኪን ኣማኒዛ ኑ ኢሻቶ! ኑ ኣማኖስ ሃዋሬኔ ቄሴታ ሃላቃ ጊዲዳ ዬሱሳ ቆፒቴ።  
\v 2 ሙሴይ ፆሳ ኬꬃ ኡባ ቦላ ኣማኔቲዳዴ ጊዲዳ ማላ ዬሱሲካ ባና ሹሚዳዴስ ኣማኔቲዳዴ።  
\v 3 ኬꬄ ኬፂዳዴስ ኬꬃፌ ቦላራ ቦንቾይ ዲዛ ማላ ዬሱሳሲካ ሙሴፔ ኣꬊዛ ቦንቾይ ቤሲዛዴ ጊዳናስ ቤሴስ።  
\v 4 ኬꬄ ኡባስካ ኬፂዳዴይ ዴስ፤ ጊዶ ኣቲን ዉርሲካ ኦꬂዳዴይ ፆሳ።  
\v 5 ሙሴይ ቲንቢቴ ማርካቲሼ ፆሳ ኬꬃ ኡባ ቦላ ኢሲ ኣማኔቲዳ ኦሳንቻ ማላ ጊዲ ዴዒዴስ።  
\v 6 ኪርስቶሲ ጊዲኮ ፆሳ ኬꬃ ቦላ ኣማኔቲዳ ና ማላ። ኑኒካ ኢዛ ቦላ ኣማኔቲዛ ኡፋይሳይኔ ጬቄቲዛ ሂዶታ ሎዔꬂ ኦይኪኮ ኑ ኢዛስ ዱሳ ኬꬃ። 
\s1 ፆሳ ኣሳስ ኢሜቲዳ ቆፊሶ ቃላ 
\p  
\v 7 ሄሳ ጊሽ ፂሎ ኣያናይ ጊዛ ማላ 
\q2 “ኢንቴ ሃች ኢዛ ቃላ ሲዪኮ \x * \xo 3:7 \xt ማዛ 95፡7-11\x* 
\q1  
\v 8 ባዞ ቢታን ኢንቴ ታና ፓጪዳ ዎዴ ማካሊዳይሳꬆ 
\q2 ኢንቴ ዎዝና ሙሚሶፒቴ። 
\q1  
\v 9 ኢንቴ ኣዋቲ ካሴ ሄን ታና ፓጪዳኔ ታናራ ኤቄቲዳ። 
\q2 ታ ኦꬂዳይሳ ዉርሲ ኦይዱ ታሙ ላይꬅ ጋካናስ ቤዪዳ። 
\q1  
\v 10 ሄ ዎዴ ዬሌቴꬃታ ቦላ ታ ሃንቄታዳ፤ 
\q2 ኢስታ ዎዝናይ ኡባ ዎዴ ባሌቴስ፤ 
\q2 ኢስቲ ታ ኦጌ ኤሪቤይቴና።  
\v 11 ቃሴ 
\q1 ‘ታ ኢስታስ ኢሚዛ ሼምፖሶ ኢስቲ ሙሌካ ጌሌቴና!’ ጋዳ 
\q2 ታኒ ታ ሃንቆን ጫቃዲስ” ጌስ። 
\p  
\v 12 ታ ኢሻቶ! ኢንቴፌ ኦኒካ ዴዖ ፆሳፌ ሃራሶ ኢንቴና ሃሲዛ ኢታኔ ኣማኖንታ ዎዝናይ ዶንታ ማላ ናጌቲቴ።  
\v 13 ሃራፔካ ኢንቴ ጋርሳፌ ኦኒካ ናጋራን ባሌቲዲ ባ ዎዝና ሙሚሶንታ ማላ “ሃች” ጌቴቲሺን ሃች ሃች ኢንቴ ኢንቴ ጋርሳን ሚኔቲቴ።  
\v 14 ኑስ ካሴ ኮይሮፔ ዲዛ ኣማኖ ኑኒ ዉርሴꬅ ጋካናስ ሎዔꬂ ሚንꬂ ኦይኪኮ ኑኒ ኪርስቶሳራ ኢሲፌ ላታና። 
\p  
\v 15 ሄሲካ “ኢንቴ ሃች ኢዛ ቃላ ሲዪኮ ካሴ ማካሊዳይታይሳ ማላ ሃዒካ ኢንቴ ዎዝና ኢንቴ ሚንꬆንታ ማላ” ጌቴቲ ጌሻ ማፃፋን ፃፌቲዳይሳꬆ ሃኒዴስ። 
\p  
\v 16 ሲይዲ ማካልዳይቲ ኢስቲ ኦናንቴ? ሙሴይ ጊብፄፔ ካሌꬅ ኬሲዳይታ ኡባታ ጊዴቴኔ?  
\v 17 ፆሲ ኢስታ ቦላ ኦይዱ ታሙ ላይꬃ ሃንቄቲዳይቲ ኢስቲ ኦናንቴ? ናጋራ ኦꬂን ኢስታ ኣሃይ ባዞ ቢታን ኩንዲ ኣቲዳይታ ጊዴቴኔ?  
\v 18 ኢዛስ ኣዛዜቶንታ ኢፂዳይታፔ ኣቲን ኢዛ ሼምፖሶ ጌሎንታ ማላ ኢዚ ጫቂ ዲጊዳይ ሃራይ ኦናንቴ?  
\v 19 ሄሳ ጊሽ ኢስቲ ጌሎንታ ኣቲዳይ ኣማኖይ ባይንዳ ጊሽ ጊዲዳይሳ ኑ ኤሮስ። 
\c 4  
\s1 ፆሳ ዴሬስ ኢሜቲዳ ሳምባታ ሼምፖ 
\p  
\v 1 ጌዴ ሼምፖሶ ጌላናስ ኢሜቲዳ ሂዶታይ ሃዒካ ናጌቲ ዲዛ ጊሽ ኢንቴ ጊዶፌ ኦኒካ ሄሳስ ቤሶንታዴ ጊዶንታ ማላ ኣኔ ናጌቶስ።  
\v 2 ሄይታንታስ ሳባኬቲዳ ማላ ኑስካ ሚሺራቾ ቃላይ ሳባኬቲዴስ። ጊዲኮካ ሲዪዳ ኣሳታራ ሲዪዳ ቃላይ ኢስታራ ኣማኖን ዋላኬቶንታ ኣጊዳ ጊሽ ኢስታ ማዲቤና።  
\v 3 ኑ ቃስ ኣማኒዛይቲ ሄ ሼምፖሶዛ ጌላና። ፆሲ “ሄሳ ጊሽ ታኒ ታ ሃንቆን ‘ኢስቲ ታ ሼምፖሶ ሙሌካ ጌሌቴና’ ጋዳ ታ ጫቃዲስ” ጊዴስ። ጊዶ ኣቲን ሃይሲ ኣላሜይ ሜꬌቶሳፔ ሃ ሲሚን ኢዛ ኦሶይ ፖሌቲዴስ። \x * \xo 4:3 \xt ማዛ 95፡11\x* 
\v 4 ኢሲ ሶን ላፑንꬆ ጋላሳ ጊሽ “ላፑንꬆ ጋላሲ ፆሲ ኦሶ ኡባፌ ሼምፒዴስ” ጌቴቲ ጌሻ ማፃፋን ፃፌቲዴስ። \x * \xo 4:4 \xt ሜꬌ 2፡2\x* 
\v 5 ቃሴካ ሄ ሶዛን “ቱማፔ ኢስቲ ታ ሼምፖሶ ሙሌካ ጌሌቴና” ጌስ። \x * \xo 4:5 \xt ማዛ 95፡11\x* 
\v 6 ኢዛ ሼምፖሶ ቡሮ ጌላና ኢሲ ኢሲ ኣሳቲ ዴቴስ። ካሴ ኢስታስ ሚሺራቾ ቃላይ ሳባኬቲዳይቲ ኣዛዜቶንታ ኢፂዳ ጊሽ ኢዛ ሼምፖሶ ኢስቲ ጌሊቤቴና።  
\v 7 ሄሳ ጊሽ ፆሲ “ሃች” ጊዲ ቃሴካ ሃራ ጋላስ ዎꬂዴስ፤ ሄሲካ ዳሮ ላይꬃታፔ ጉዬ ዳዉቴ ባጋራ 
\q1 “ሃች ኢንቴ ኢዛ ቃላ ሲዪኮ 
\q2 ኢንቴ ዎዝና ሙሚሶፒቴ” 
\m ጌቴቲ ካሴ ዮቴቲዳ ማላ ሃኒዴስ። \x * \xo 4:7 \xt ማዛ 95፡7-8\x* 
\v 8 ኢያሶይ ኢስታስ ሼምፖ ኢሚዳኮ ፆሲ ሃራ ጋላስ ጊዲ ዮቴናኮሺን። \x * \xo 4:8 \xt ዛሬ 31፡7፤ ኢያ 22፡4\x* 
\p  
\v 9 ሄሳ ጊሽ ሳምባታ ጋላስ ሼምፖይ ፆሳ ዴሬስ ሃዒካ ዴስ።  
\v 10 ጋሶይካ ፆሳ ሼምፖሶ ጌሊዛይ ዉሪ ፆሲ ኦꬂ ሼምፒዳ ማላ ኢዚካ ባ ኦሶፔ ሼምፓና። \x * \xo 4:10 \xt ሜꬌ 2፡2\x* 
\v 11 ሄሳ ጊሽ ኦኒካ ሄይታንታ ማላ ኣዛዜቶንታ ኢፂዳይሳ ሌሚሶ ካሊዲ ኩንዶንታ ማላ ሄ ሼምፖሶዮ ጌላናስ ኣኔ ሚኖስ። 
\p  
\v 12 ፆሳ ቃላይ ፓፃ ዲዛይሳኔ ኦꬂዛ ቃላ። ናምዑ ባጋ ቃራ ማሻፌካ ኣꬊ ቃራ፤ ሼምፖኔ ኣያና፥ ሻያኔ ኮልꬔካ ሻካና ጋካናስ ጫዴስ፤ ዎዚና ቆፋኔ ኣሞቴꬃካ ፓጪ ፄሌስ።  
\v 13 ፆሳ ኣይፌፔ ጌሜቲዳ ሜꬌታይ ሙሌካ ዴና። ኑ ኢዛስ ኑ ጊሽ ዛሮ ኢማናስ ቤሲዛ ኢዛ ሲንꬃን ሃኖይ ዉሪካ ካሎ ቆንጬን ቤታና። 
\s1 ቄሴታ ሃላቃ ዬሱሳ። 
\p  
\v 14 ሄሳ ጊሽ ፑዴ ሳሎ ቢዳ ቄሴታ ሃላቃ ፆሳ ና ዬሱሲ ኑስ ዲዛ ጊሽ ኣኔ ኑኒ ኑ ኣማኖ ሚንꬂ ኦይኮስ።  
\v 15 ኑ ዳቡሪሺን ኑስ ቃꬌታና ዳንዳዪዛ ቄሴታ ሃላቃይ ኑስ ዴስ። ኢዚ ኑ ማላ ኡባ ሚሻን ፓጬቲዴስ፤ ጊዲኮካ ኢዚ ኣይኮ ናጋራካ ኦꬂቤና።  
\v 16 ሄሳ ጊሽ ኑኒ ማሮቴꬅ ኤካናሲኔ ኑና ኮሺዛ ዎዴ ኑና ማዲዛ ኢዛ ኪያቴꬅ ኑ ዴማና ማላ ጌዴ ኢዛ ማሮቴꬃ ኣልጋኮ ኣኔ ኣማኖን ሺቆስ። 
\c 5  
\p  
\v 1 ቄሴታ ሃላቃ ጊዲ ሹሜቲዛዴይ ዳሮ ኣሳ ጊዶፌ ዶሬቴሲኔ ኣሳ ጊሽ ጊዲዲ ኢሞታኔ ናጋራ ጊሽ ያርሾ ሺሻናስ ዶሬቴስ።  
\v 2 ኢዚካ ባ ባጋራ ዳቡራንቻ ጊዲዳ ጊሽ ኤሮንታ ኣሳታሲኔ ኦጌ ባሊዳይታስ ቃꬌታና ዳንዳዬስ።  
\v 3 ኢዚ ባ ናጋራ ጊሺኔ ሃራ ኣሳታ ናጋራ ጊሽ ያርሾ ሺሻናስ ኢዛስ ቤሲዛይ ሄሳ ጊሻሳ። \x * \xo 5:3 \xt ሌዌ 9፡7\x* 
\v 4 ኣሮኔይ ፄይጌቲዳይሳꬆ ኢዚ ፆሲ ፄይጊዳዴ ጊዳናስ ቤሴስ ኣቲን ሄሳ ሄ ቦንቾዛ ባርካ ባስ ኤኪዛዴይ ዴና። \x * \xo 5:4 \xt ኬሳ 28፡1\x* 
\p  
\v 5 ሄሳꬆካ ኪርስቶሲ ቄሴታ ሃላቃ ጊዳና ቦንቾ ባርካ ባስ ኤኪቤና። ጊዶ ኣቲን 
\q1 “ኔ ታ ናኮ፤ 
\q2 ታ ኔስ ሃች ኣዋ ጊዳዲስ” 
\m ጊዳ ፆሳፌ ኤኪዴስ። \x * \xo 5:5 \xt ማዛ 2፡7\x* 
\v 6 ሄሳꬆካ ሃራሶን 
\q1 “ማልኬፄዴቄ ሹሜታ ማላ 
\q2 ኔኒ ሜርናስ ቄሴታ ሃላቃ” ጌስ። \x * \xo 5:6 \xt ማዛ 110፡4\x* 
\p  
\v 7 ዬሱሲ ሃይሳ ቢታ ቦላ ዲዛ ዎዴ ኢዛ ሃይቆፔ ኣሻና ዳንዳዪዛይሳኮ ኣፉንፂሼ ጊታ ቃላራ ዎሳ ዎሲዴስ። ኣዳፌ ኣሽኬቴꬃራ ኢዚ ኣዛዜቲዳ ጊሽ ኢዛ ዎሳ ፆሲ ሲዪዴስ። \x * \xo 5:7 \xt ማቶ 26፡36-46፤ ማር 14፡32-42፤ ሉቃ 22፡39-46\x* 
\v 8 ኢዚ ፆሳ ና ጊዲኮካ ባ ኤኪዳ ዋዬዛፔ ኣዛዜቴꬅ ታማሪዴስ።  
\v 9 ሄሳ ባጋራ ፓጬይ ባይንዳዴ ጊዲ ቤቲዳይሳፌ ጉዬ ባና ኣዛዜቲዛይታስ ኡባስ ሜርና ኣቶቴꬃስ ጋሶ ጊዲዴስ።  
\v 10 ማልኬፄዴቄ ሹሜቴꬃ ማላ ቄሴታ ሃላቃ ጌቴቲ ፆሳን ሹሜቲዴስ። 
\s1 ኣማኖን ሚናና ማላ ኢሜቲዳ ቆፍሶ 
\p  
\v 11 ሄሳ ጊሽ ኑ ሃሳያና ሚሺ ቡሮ ዳሮይ ዴስ። ጊዶ ኣቲን ኢንቴ ዶታዓታ ጊዲዳ ጊሽ ኢንቴና ኤሪሶይ ሜቶ።  
\v 12 ኢንቴ ሃኒ ዎዴ ኣስታማሬ ጊዳናስ ቤሲሺን ፆሳ ቃላ ቡሮ ኮይሮፔ ዴንꬂዲ ኢንቴና ታማርሲዛ ኣስ ኢንቴስ ኮሼስ። ኢንቴስ ኮሺዛይ ሚኖ ካꬅ ጊዶንታ ማꬃ።  
\v 13 ማꬅ ፓሄቲዛይ ቂ ጉꬃ ና ጊዲዛ ጊሽ ሎዖኔ ኢታ ሻኪዛ ቲሚርቴ ሻኪ ኤሬና።  
\v 14 ሚኖ ካꬅ ጊዲኮ ሎዖኔ ኢታ ሻካናስ ባናቴꬃ ዶሲሲዳ ዎዝና ኩንꬂዳ ኣሳታሳ። 
\c 6  
\p  
\v 1 ሄሳ ጊሽ ኮይሮፔ ኪርስቶሳ ጊሽ ኢሜቲዳ ቲሚርቴዛ ኣጊዲ ኣኔ ጌዴ ሚኖ ቲሚርቴኮ ቦስ። ሃይቂዳ ኦሶፔ ማሮቴꬃን ጌሎ ጊሺኔ ፆሳን ኣማኖ ጊሽ ቡሮ ኣኔ ኢዛን ዎꬊ ማꬎኮ።  
\v 2 ሄሳꬆካ ፂንቃቴ ጊሺኔ ኩሼ ኣሳ ቦላ ዎꬆ ጊሽ ቃሴካ ሃይቂዳያታ ዴንꬃ ጊሺኔ ሜርና ፒርዳ ጊሽ ቡሮ ዎꬂ ዶሞኮ።  
\v 3 ፆሳ ሼኔ ጊዲኮ ኑ ሄሳꬆ ኦꬃና። 
\p  
\v 4 ባ ኣማኖ ካዲዳ ኣሳታ ኢስታ ማሮቴꬃን ዎስቲ ዞራኔ? ፖዖይ ኢስታስ ኢሲቶ ፖዒዳይታ ሳሎ ኢሞቴꬃ ኤኪ ቤዪዳይታ፥ ፂሎ ኣያና ኤኪ ቤዪዳይታ፥  
\v 5 ሎዖ ፆሳ ቃላኔ ቡሮ ያና ኣላሜዛ ዎልቃ ኤኪ ቤዪዳይታ፤  
\v 6 ዛሪዲ ካዲዳይታ ኢስታ ናምዓንꬆ ዛሪዲ ማሮቴꬃን ኤኮይ ዳንዳዬቴና። ጋሶይ ኢስቲ ባ ሞሮስ ፆሳ ና ዛሪ ካቄቴሲኔ ካዉሼቴስ። 
\p  
\v 7 ኡባ ዎዴ ባ ቦላ ኢራ ኡዪዛ ቢታይ ቃሴካ ኢዛ ጎይዛዴስ ኣይፌ ኢሚዛ ቢቲያ ፆሳ ኣቻን ኣንጄታዱስ።  
\v 8 ጊዶ ኣቲን ኣጉንꬂኔ ኦዶሮይ ሞኪዛ ቢታያ ጎዓይ ቤዪዳሮ ጊዳና። ሄ ቢታይስ ቃንጌቴꬂ ማታን ዴስ። ኢዚ ዉርሴꬂ ታማን ፁጌቴꬅ ጊዳና። \x * \xo 6:8 \xt ሜꬌ 3፡17-18\x* 
\p  
\v 9 ታ ኢሻቶ! ኑኒ ሄሳꬆ ሃሳይኮካ ኢንቴስ ኢንቴ ኣቶቴꬃራ ኦይኬቲዳ ሎዖ ሚሽ ዲዛይሳ ኑ ሲꬎኮ።  
\v 10 ካሴ ጊዲን ዎይኮ ሃዒ ጊዲንካ ኢንቴ ኣማኒዛይታ ማዲዳይሳኔ ኢዛ ሱንꬃ ጊሽ ኢንቴ ቤሲዳ ሲቆቴꬃ ባላናስ ፆሲ ማካላንቻ ጊዴና።  
\v 11 ኢንቴስ ኢሜቲዳ ሂዶታይ ፖሌታና ጋካናስ ኢንቴፌ ኢሲ ኢሲ ኣሲ ሄሳ ማላ ኦሶ ዉርሴꬅ ጋካናስ ጌንጪዲ ኦꬃና ማላ ኑ ኣሞቶስ።  
\v 12 ኣማኖኒኔ ዳንዳያን ኢንቴ ኢዛ ሂዶታ ቃላ ላቲዛይታ ሚሳታናፔ ኣቲን ዶታዓታ ጊዳናይሳ ኑ ኮዮኮ። 
\s1 ፆሲ ኢሚዳ ሂዶታ ቃላ ቱማቴꬅ 
\p  
\v 13-14 ፆሲ ኣብራሃሜስ ሂዶታ ኢሚዳ ዎዴ ጫቂሼ ሃራ ኢዛፔ ኣꬊዛዴይ ባይንዳ ጊሽ ባርካ ባናን፥ “ታ ኔና ቱማፔ ኣንጃና፤ ታኒ ኔ ዜሬꬅ ዳርሳና” ጊ ጫቂዴስ። \x * \xo 6:13-14 \xt ሜꬌ 22፡16-17\x* 
\v 15 ኣብራሃሜይካ ጌንጪ ናጊዳፔ ካሊዲ ኢዛስ ኢሜቲዳ ሂዶታ ዴሚዴስ። 
\p  
\v 16 ኣሳይ ጫቆ ጫቂሼ ባፔ ꬎቃን ጫቄስ። ጫቆዚካ ጌቴቲዳይሲ ፖሌታና ማላ ሚንꬂዛ ጊሽ ጫቂዳይታ ጊዶን ፓላማይ ዴንዲኮ ካሴ ጫቆ ቃላይ ዲጌስ።  
\v 17 ፆሲ ላሜቶንታ ባ ቆፋ ሂዶታ ቃላ ላታናይታስ ቆንጪሳና ማላ ኮይዳ ጊሽ ጫቆ ቃላን ሚንꬂዴስ።  
\v 18 ፆሲ ኣይ ዎዴካ ዎርዶታናስ ዳንዳዬና፤ ኢዚ ላሜቶንታ ናምዑ ሚሻታን ኑ ሲንꬃን ዲዛ ሂዶታ ኦይካናስ ኢዛኮ ሺቂዳ ኑኒ ጊታ ሚኖቴꬅ ዴማና ማላ ኦꬂዴስ።  
\v 19 ኑካ ሼምፖ ቴቄ ጊዲዳ ሚኖኔ ኣማንꬂዛ ሂዶታ ዴሚዶስ፤ ሄ ሂዶታይካ ማጋላሻዛፔ ጉዬ ባጋራ ዲዛ ጌዴ ፆሳ ኬꬃ ጊዶ ጌሌስ።\f + \fr 6:19 \ft ማጋላሻ ጊዛይሳ ኢሲ ኢሲ ባጋ ጋሞꬆን ቃላን ማጋራጃ ጌቴስ።\f*\x * \xo 6:19 \xt ሌዌ 16፡2\x* 
\v 20 ሄ ሶዚካ ኑ ጊሽ ዬሱሲ ካሴቲ ጌሊዳ ሶ፤ ኢዚካ ማልኬፄዴቄ ሹሜቴꬃ ማላ ሜርናስ ቄሴታ ሃላቃ ጊዲዴስ። 
\c 7  
\s1 ቄሴታ ሃላቃ ማልኬፄዴቄ 
\p  
\v 1 ሄሲ ማልኬፄዴቄይ ሳሌሜ ካዎኔ ፆሳ ቄሴ፤ ኢዚካ ኣብራሃሜይ ካዎታ ኦሊ ፆኒዲ ሲሚሺን ዴሚዲ ኣብራሃሜ ኣንጂዴስ።  
\v 2 ኣብራሃሜይካ ባስ ዲዛ ኡባፌ ታሙ ኩሼፔ ኢሲ ኩሼ ኢዛስ ኢሚዴስ። ኮይሮ ኢዛ ሱንꬃስ ቢርሼꬂ “ፂሎ ካዎ” ጉሳ። ካሊዲ ቃሴ “ሳሌሜ ካዎ” ጉሲ “ሳሮቴꬃ ካዎ” ጉሳ።  
\v 3 ኢዛስ ኣያካ፥ ኣዋይካ ዎይኮ ኢዛ ዬሌቴꬃስ ዛርኬይካ ባዋ። ኢዚ ኣይዴ ዬሌቲዲ ኣይዴ ሃይቂዳኮኔ ኤሬቲቤና፤ ኢዛስ ዶሜꬂኔ ዉርሴꬂ ባዋ፤ ጊዶ ኣቲን ፆሳ ና ማላ ሜርናስ ኢዚ ቄሴ ጊዲዲ ዴስ። 
\p  
\v 4 ኣኔ ኢንቴ ኢዚ ኣይ ማላ ጊታኮኔ ቆፒቴ። ሃራይ ኣቶሺን ኣዋታስ ኡባስ ኮይሮይ ኣብራሃሜይ ባ ዲዒ ኤኪዳይሳ ኡባፌ ታማፌ ኢሳ ኬሲ ኢሚዴስ።  
\v 5 ኢስታስ ቄሴቴꬂ ኢሜቲዳ ሌዌ ናይቲ ኢስታ ኢሻቲ ኣብራሃሜ ዜሬꬃታ ጊዲኮካ ዴራፔ ሄሲካ ባ ኢሻታፔ ታማፌ ኢሳ ኤካና ማላ ኢስታስ ዎጋን ኣዛዜቲዴስ። \x * \xo 7:5 \xt ታይ 18፡21\x* 
\v 6 ሃይሳ ሃ ኣዴዛ ዜሬꬂ ሌዌ ዜሬꬅ ጊዴና። ጊዶ ኣቲን ኢዚ ኣብራሃሜፔ ታማፌ ኢሳ ኤኪዴስ። ካሴ ኢዛስ ሂዶታ ቃላይ ኢሜቲዳ ኣብራሜ ኣንጂዴስ።  
\v 7 ባይራይ ካሎ ኣንጂዛይሲ ዎጋ።  
\v 8 ኢሲ ባጋራ ታማፌ ኢሳ ኤኪዛይቲ ሃይቂዛይታ። ሃራ ባጋራ ቃሴ ታማፌ ኢሳ ኤኪዛዴይ ሃይቆንታ ፓፃ ዲዛ ማላ ኢዛስ ማርካቲዳዴይ ማልኬፄዴቄ።  
\v 9 ሃራይ ኣቶሺን ሌዌይካ ኣብራሃሜ ባጋራ ታማፌ ኢሳ ኬሲዴስ ጋናስ ዳንዳዬቴስ።  
\v 10 ጋሶይካ ማልኬፄዴቄይ ኣብራሃሜ ጋጊዛ ዎዴ ሌዌይ ቡሮ ባ ኣዋ ኣብራሃሜፔ ዬሌቲቤና። 
\s1 ዬሱሲ ማልኬፄዴቄ ማላ 
\p  
\v 11 ፓጬይ ባይንዳ ፖሎይ ቤቲዳይኔ ዎጋይ ዴሬዛስ ኢሜቲዳይ ሌዌ ቄሴቴꬃ ማላ ጊዲዳኮ ኣሮኔ ማላ ጊዶንታ ማልኬፄዴቄ ሹሜቴꬃ ማላይ ሃራ ቄሴይ ያናስ ኣዛስ ኮሺዴ?  
\v 12 ቄሴቴꬃ ዛርኬይ ላሜቲዛ ዎዴ ዎጋይካ ላሜታናይሲ ኣቶንታ ሚሻ።  
\v 13 ሄሲ ዉሪካ ኢዛስ ዮቴቲዳ ቄሴይ ኢዚ ሃራ ዜሬꬃ። ኢዛ ዜሬꬃፌ ኦኒካ ያርሾሶን ኦꬂ ኤሪዛዴይ ባዋ።  
\v 14 ኑ ጎዳይ ዩሁዳ ባጋፌ ዪዳይሲ ቱማ። ሙሴይ ቄሴታ ጊሽ ዮቲሼ ሃ ዜሬꬃ ጊሽ ዮቲዳይሲ ኢሲ ሚሺካ ባዋ። 
\p  
\v 15 ማልኬፄዴቄ ማላይ ሃራ ቄሴይ ዴንዲኮ ኑ ካሴ ዮቲዳ ዮዖይ ዳሮ ቆንጬ ጊዴና።  
\v 16 ኢዚ ቄሴ ጊዲዳይ ꬋዮንታ ዴዖ ዎልቃን ኣቲን ዜሬꬃፌ ዪዳ ዎጋፔ ጊዴና።  
\v 17 ኢዛስ “ኔ ማልኬፄዴቄ ሹሜቴꬃ ማላ ሜርናስ ቄሴ” ጊ ማርካቲዴስ። \x * \xo 7:17 \xt ማዛ 110፡4\x* 
\v 18 ካሴ ኣዛዞይ ላፋኔ ጎዖንታይሳ ጊዲዳ ጊሽ ኣቲዴስ።  
\v 19 ዎጋይ ኦናካ ጌሻናስ ዳንዳዮንታ ጊሽ ኑ ፆሳ ኣቺ ሺቃናስ ኢዛፔ ኣꬊዛ ሃራ ሂዶታይ ኑስ ኢሜቲዴስ። 
\p  
\v 20 ሄሲካ ጫቆይ ባይንዳ ሃንቤና፤ ሃንኮ ቄሴ ጊዲዳይቲ ጫቆይ ባይንዳይታ።  
\v 21 ኢዚ ጊዲኮ ቄሴቴꬃ ጫቆን ኤኪዴስ። 
\q1 ጋሶይካ ፆሲ ኢዛ ጊሽ “ጎዳይ ጫቂዴስ፤ 
\q2 ባ ቆፋ ኢዚ ላሜና፥ ‘ኔ ሜርናስ ቄሴ’ ” ጊዴስ። \x * \xo 7:21 \xt ማዛ 110፡4\x* 
\q1  
\v 22 ሄሳ ማላ ጫቆፔ ዴንዲዳይሳን ዬሱሲ ሄሳፌ ኣꬊዛ ጫቆ ቃላስ ዋሴ ጊዲዴስ። 
\p  
\v 23 ካሴ ቄሴቲ ባ ኦሶን ሲንꬄ ጉጆንታ ማላ ሃይቆይ ኢስታ ዲጊዳ ጊሽ ቆዳይ ኢስታስ ዳሮ።  
\v 24 ዬሱሲ ጊዲኮ ሜርናስ ዲዛዴ ጊዲዳ ጊሽ ኢዛ ቄሴቴꬂ ሻሬቶንታ ቄሴቴꬃ።  
\v 25 ሄሳ ጊሽ ኢዚ ኢስታ ጊጊሳና ጋናቲሼ ኡባ ዎዴ ሃይቆንታ ፓፃ ኤቂ ዲዛ ጊሽ ኢዛ ባጋራ ፆሳኮ ዪዛይታ ዉርሲ ኣሻናስ ዳንዳዬስ።  
\v 26 ሄሳ ጊሽ ኑስ ኮሺዛ ቄሴታ ሃላቃይ ሄሳ ማላ ጌሺኔ ዎሶይ ኢዛ ቦላ ባይንዳ ፂሎኔ ናጋራንቻታፔ ሻኬቲዲ ሳሎታፔ ቦላራ ቦንቼቲዳ ቄሴታ ሃላቃ።  
\v 27 ኢዚ ሃንኮ ቄሴታ ሃላቃታ ማላ ኮይሮ ባ ናጋራ ጊሽ ቃሴካ ካሌꬂዲ ሃንኮ ዴሬዛ ናጋራ ጊሽ ጋላስ ጋላስ ያርሾ ሺሻናስ ኢዛ ኮሼና። ኢዚ ባና ኣꬂ ኢሚዳ ዎዴ ኣሳ ናጋራ ጊሽ ኢሲቶ ሲንꬃ ባጋሳራ ያርሾ ዉርሲ ፖሊዴስ።\x * \xo 7:27 \xt ሌዌ 9፡7\x* 
\v 28 ዎጋይ ዳቡራንቻ ኣሳታ ቄሴታስ ዋና ሃላቃ ሂስቲ ሹሜስ። ዎጋፔ ካሊዲ ዪዳ ጫቆ ቃላይ ጊዲኮ ሜርናስ ኢዛ ቦላ ዎሶይ ባይንዳ ናዛ ሹሚዴስ። 
\c 8  
\s1 ዬሱሲ ኦራꬃ ጫቆ ቄሴታ ሃላቃ 
\p  
\v 1 ሄሳ ጊሽ ኑ ሃዒ ኦꬃና ዋና ዮዖይ ሃይሳ። ሃይሳ ማላ ሳሎ ቦላ ፆሳ ቦንቾ ኣልጋ ኡሻቻን ኡቲዳ ቄሴታ ሃላቃይ ኑስ ዴስ። \x * \xo 8:1 \xt ማዛ 110፡1\x* 
\v 2 ኢዚ ኣሲ ቶኪዳ ዱንካኔ ጊዶን ኦꬂዛዴ ጊዶንታ ጎዳ ፆሲ ቶኪዳ ቱሙ ዱንካኔን ጌሻሶን ኦꬂዛዴ። 
\p  
\v 3 ቄሴታ ሃላቃይ ሹሜቲዛይ ኣሳይ ፆሳስ ኢሚዛይሳ ፆሳስ ሺሻናሲኔ ያርሾ ያርሻናሳ። ሄሳ ጊሽ ሃይሲ ሃ ቄሴታ ሃላቃይካ ፆሳስ ሺሻናስ ኢሲ ሺሺዛ ሚሺ ኢዛስ ኮሼስ።  
\v 4 ኢዚ ቢታ ቦላ ዲዛኮ ቄሴ ጊዴና። ኣዛስ ጊኮ ዎጋይ ጊዛ ማላ ያርሾ ሺሺዛ ሃራ ቄሴቲ ዴቴስ።  
\v 5 ኢስቲ ካሴ ሳሎን ዲዛ ፆሳ ኬꬃይስ ሌሚሶኔ ኤሾ። ሙሴይ ዱንካኔዛ ኦꬃና ጊሺን “ኔስ ዙማ ቦላ ቆንጪዳይሳꬆ ዉርሳ ኦꬃናስ ናጌታ” ጊዛ ኣዛዞይ ሄሳ ጊሽ ኢዛስ ኢሜቲዴስ።  
\v 6 ጊዶ ኣቲን ዬሱሲ ጊዶ ጌሊ ጋናቲዛይ ጫቆ ቃላይ ካሴይሳፌ ኣꬊዛይሳ ማላ ኢዚ ኤኪዳ ኦሶይካ ካሴይታ ኦሶፔ ኣꬌስ። ሄሲካ ካሴይሳፌ ሎዒዛ ሂዶታ ቃላና። 
\p  
\v 7 ካሴ ጫቆ ቃላን ፓጬይ ባይንዳኮ ናምዓንꬆ ሃራ ጫቃናስ ኮሼና።  
\v 8 ጊዶ ኣቲን ፆሲ ዴሬዛ ቦላ ፓጬይ ዲዛይሳ ዴሚዳ ጊሽ “ኢስራዔሌ ኣሳራኔ ዩሁዳ ኣሳራ ታኒ ኦራꬃ ጫቆ ጫቄታና ዎዴይ ያና። \x * \xo 8:8 \xt ኤር 31፡31-34\x* 
\v 9 ሄሲካ ታ ኢስታ ጊብፄፔ ኬሳናስ ኢስታ ኩሼ ኦይካዳ ካሴ ኢስታ ኣዋታራ ጫቄቲዳ ቃላ ማላ ጊዴና። ጋሶይካ ኢስቲ ካሴ ታ ጫቆ ቃላን ኤቂቤቴና። ታካ ኢስታ ዬዳ ቤሳዲስ። 
\q1  
\v 10 ሄሳፌ ጉዬ 
\q2 ኢስራዔሌ ኣሳራ ታ ጫቄታና ቃላይ ሃይሳ ማላ ጌስ ጎዳይ። 
\q1 ታኒ ታ ዎጋ ኢስታ ዎዝናን ዎꬃና። 
\q2 ኢስታ ዎዝና ቦላካ ፃፋና። 
\q1 ታ ኢስታ ፆሴ ጊዳና። 
\q2 ኢስቲካ ታ ዴሬ ጊዳና። 
\q1  
\v 11 ሃይሳፌ ጉዬ ኣሲ ባ ጉታ ኣሳ ዎይኮ 
\q2 ባ ኢሻ ‘ኔ ጎዳ ኤራ’ ጊ ታማርሴና። 
\q1 ጋሶይካ ኣሲ ጉꬃፌ ጊታታ ጋካናስ 
\q2 ዉሪካ ታና ኤራና። 
\q1  
\v 12 ኢስታ ቆሆዛ ታ ማራና። 
\q2 ሃይሳፌ ሲንꬃን ታ ኣሳ ናጋራ ናምዓንꬆ ዛራ ቆፒኬ” ጌስ። 
\p  
\v 13 ሃይሳ ሃ ጫቆዛ ኢዚ “ኦራꬃ ጫቆ” ጊዲ ካሴ ጫቆዛ ጋልዓ ኬሲዴስ። ሄሳ ጊሽ ጋልዒዲ ዉሪዳይሲ ꬋያና ዎዴይ ማቲዴስ። 
\c 9  
\s1 ቢታ ቦላኔ ሳሎን ዲዛ ጎይኖ ዎጋ 
\p  
\v 1 ኮይሮ ጫቆ ቃላዛን ፆሳስ ጎይኒዛ ዎጋይኔ ቢታ ቦላ ዲዛ ፆሳ ኬꬂ ዴስ።  
\v 2 ካሴ ናምዑ ኪፊሌራ ዲዛ ዱንካኔይ ጊጌቲ ዴስ። ኮይሮ ኪፊሌዛን ፆምፔ ዎꬂዛሶይኔ ፃራጴዛይ ቃሴ ኡኬꬂ ዴስ። ሄሳ ሄ ኪፊሌዚ ዱማ ኪፊሌ ጌቴቴስ። \x * \xo 9:2 \xt ኬሳ 25፡31-40፤ 26፡1-30\x* 
\v 3 ናምዓንꬆ ኪፊሌዚ ናምዓንꬆ ማጋላሻፔ ጉዬ ባጋራ ዲዛ ኪፊሌይ ኡባፌ ዱማ ጌቴቴስ። \x * \xo 9:3 \xt ኬሳ 26፡31-33\x* 
\v 4 ሄሳ ጊዶን ዎርቃፌ ኦሴቲዳ ኤፃኔ ጩዋሲዛ ቄሪ ሼልዔ ማላይኔ ዎርቃን ሜሼቲዳ ጫቆ ታቦታይ ዴስ። ሄ ታቦታይካ ኢዛ ጊዶን ማናይ ዲዛ ዎርቃ ሌማቴይ፥ ጪሊሊዳ ኣሮኔ ጉፌይኔ ጫቆ ቃላቲ ኢዛ ቦላ ፃፌቲዳ ሹቻ ማሴꬂ ዴስ። \x * \xo 9:4 \xt ኬሳ 16፡33፤ 25፡10-16፤ 30፡1-6፤ ታይ 17፡8-10፤ ዛሬ 10፡3-5\x* 
\v 5 ሄ ታቦታዛ ቦላ ዲዛ ናጋራፔ ማሮቴꬃ ካማዛ ቦላ ባ ቄፌራ ካሚዛ ቦንቾ ኩሩቤቲ ዴቴስ። ሃዒ ቃሴ ኑ ሄይታንታ ኢሳ ኢሳ ጊሽ ሻኪ ሻኪ ሃሳያናስ ዳንዳዮኮ። \x * \xo 9:5 \xt ኬሳ 25፡18-22\x* 
\p  
\v 6 ዉሪካ ሄሳꬆ ጊጌቲዳፔ ጉዬ ቄሴቲ ባ ኦሶ ፖላናስ ዱንካናስ ኮይሮ ኪፊሌ ጌሌቴስ። \x * \xo 9:6 \xt ታይ 18፡2-6\x* 
\v 7 ጊዲኮካ ኡባፌ ጊዶቲዛ ኪፊሌ ቄሴታ ሃላቃይ ፃላላ ጌሌስ። ሄሲካ ላይꬃን ኢሲቶ ፃላላ ጊዲሺን ኢዚ ባ ናጋራ ጊሺኔ ዴሬይ ኤሮንታ ኦꬂዳ ናጋራ ጊሽ ሺሺዛ ያርሾ ሱꬅ ኦይኮንታ ሙሌካ ጌሌና። \x * \xo 9:7 \xt ሌዌ 16፡2-34\x* 
\v 8 ኮይሮ ዱንካኔዚ ካሴ ዲዛ ዎዴ ጌዴ ኡባፌ ዱማ ጌቴቲዛሶ ኤፊዛ ኦጌይ ሄ ዎዴ ቆንጬ ጊዶንታይሳ ፂሎ ኣያናይ ቤሴስ።  
\v 9 ሄሲካ ሃይሳ ሃ ዎዴዛስ ሌሚሶ ጊዲሺን ካሴ ሺቂዛ ያርሾቲኔ ጮ ኢሜቲዛ ኢሞታቲ ኢሚዛይታ ዎዝና ሼምፒሳናሲኔ ሙሌ ጌሻናስ ዳንዳይቤቴና።  
\v 10 ሄይታንቲ ዉሪካ ኦራꬃ ዎጋይ ያና ጋካናስ ጮ ሜላ ዱና ሃሳያ ማላ። ቃሴካ ኢስቲ ሙሳ ጊሺኔ ኡሻ ጊሽ ቃሴካ ዱማ ዱማ ጌሾ ዎጋታ ፃላላ። 
\s1 ኪርስቶሳ ሱꬅ 
\p  
\v 11 ጊዲኮካ ኪርስቶሲ ቡሮፔ ያናስ ዲዛ ሎዖ ሚሻታስ ቄሴታ ሃላቃ ጊዲዲ ቆንጪዴስ፤ ኢዚ ኢዛን ጌሊዳ ዱንካኔዚ ጊታኔ ጌሻ። ሄ ዱንካኔዚ ኣሳ ኩሼን ኦሴቶንታይሳኔ ሃይሳ ሃ ሜꬌቴꬃፌ ጊዴና።  
\v 12 ኢዚ ሄ ዱንካኔዛን ጌሊሼ ዴይሻታ ሱꬁኔ ዎፓኖ ቦራታ ሱꬅ ኤኪ ጌሊቤና። ጊዶ ኣቲን ኣስ ኣሻናስ ሜርናስ ባ ሱꬅ ኤኪዲ ኡባፌ ዱማ ጌቴቲዛ ኪፊሌ ሃራ ዎዴ ናምዓንꬆ ጌሎንታ ማላ ዉርሴꬃ ጌሎ ጌሊዴስ።  
\v 13 ኢስታስ ካሬ ባጋ ኣሳቴꬃይ ቱኒዳ ኣሳታ ቦላ ኣራጪዛ ዴይሻ ሱꬂኔ ዎፓኖ ቦራታ ሱꬂ ሄሳꬆካ ያርሾስ ፁጌቲዳ ኡሳ ቢዲንꬂ ኢስታ ጌሺዛይሳ ጊዲኮ፥ \x * \xo 9:13 \xt ሌዌ 16፡15-16፤ ታይ 19፡9፥17-19\x* 
\v 14 ሜርና ኣያናን ባና ዎሶይ ባይንዳ ያርሾ ኦꬂ ፆሳስ ሺሺዳ ኪርስቶሳ ሱꬂ ኑኒ ዴዖ ፆሳስ ጎይናናስ ሃይቄꬃ ኦሶፔ ኑና ኣይ ማላ ኣꬂ ጌሻንዴ? 
\p  
\v 15 ሄሳ ጊሽ ፄይጌቲዳይቲ ኢስታስ ኢማና ጌቴቲዳ ሜርና ላታ ኤካና ማላ ኪርስቶሲ ኦራꬃ ጫቆስ ጋናቲዛዴ ጊዲዴስ። ኮይሮ ጫቆዛ ጋርሳን ዲዛ ዎዴ ኢስቲ ኦꬂዳ ናጋራፔ ጌያና ማላ ኢስታ ጊሽ ኢዚ ሃይቂዴስ። 
\p  
\v 16 ባዛይ ባዜቲዛይሳ ጊዲኮ ባዚዳዴ ሃይቆ ሻኪ ኤራናስ ቤሴስ።  
\v 17 ጋሶይካ ባዛይ ሚኒዛይ ባዚዳዴይ ሃይቂና። ባዚዳዴይ ፓፃ ዲሺን ባዛይ ኣይኮካ ኦꬄና። 
\p  
\v 18 ሄሳ ጊሽ ኮይሮ ጫቆ ቃላይ ሱꬂ ባይንዳ ሚኒቤና።  
\v 19 ሙሴይ ባ ኣዛዞ ዎጋ ዴራስ ዮቲ ሲሚዲ ዴይሻታ ሱꬂኔ ዎፓኖ ቦራታ ሱꬅ ሃꬃራ ኤኪዲ ዞዖ ዶርሳ ኢሲኬን ኤጬሬ ዉርጬ ማላ ሄሶጴ ጌቴቲዛ ሚꬃራ ኤኪዲ ባ ፃፊዳ ዎጋ ማፃፋ ቦላኒኔ ዴሬዛ ቦላ ዉፂዴስ።  
\v 20 “ኢንቴ ናጋና ማላ ኢንቴና ፆሲ ኣዛዚዳ ጫቆ ቃላ ሱꬃይ ሃይሳ” ጊዴስ።  
\v 21 ሄሳꬆካ ዱንካኔዛኔ ኢዛ ጊዶን ዲዛ ኦሶ ሚሻ ቦላ ኡባ ሱꬅ ዉፂዴስ። \x * \xo 9:21 \xt ሌዌ 8፡15\x* 
\v 22 ኣዳፌካ ጉꬃ ሚሻቲ ኣቲሺን ሃንኮ ዳሮ ሚሻይ ሱꬃን ጌያናስ ቤሲዛይሳ ዎጋይ ኣዛዜስ። ሱꬂ ጉኮንታ ዲሺን ማሮይ ባዋ። \x * \xo 9:22 \xt ሌዌ 17፡11\x* 
\p  
\v 23 ሄሳ ጊሽ ሳሎ ሚሻታስ ሌሚሶ ጊዲዳይቲ ሃይታንታን ጌያናይስ ኣቴና ሺን። ሳሎን ዲዛ ሚሻቲ ጊዲኮ ሃይሳፌካ ኣꬊዛ ያርሾን ጌያናስ ቤሴስ።  
\v 24 ኪርስቶሲ ቱሙ ዱንካኔይስ ሌሚሶኔ ኣሳ ኩሼን ኦሴቲዳ ፆሳ ኬꬄ ጌሊቤና፤ ጊዶ ኣቲን ሃዒ ኑ ጊሽ ፆሳ ሲንꬃን ቤታናስ ፑዴ ሳሎ ጌሊዴስ።  
\v 25 ቄሴታ ሃላቃይ ባ ሱꬅ ጊዶንታ ሱꬅ ኤኪዲ ላይꬃን ላይꬃን ኡባፌ ዱማ ኪፊሌ ጌሊዛይሳꬆ ኪርስቶሲ ባና ያርሻናስ ፑዴ ሳሎ ሺሬቲ ሺሬቲ ጌሊቤና።  
\v 26 ሄሳ ማላ ጊዲዛኮ ኪርስቶሲ ኣላሜይ ሜꬌቶሳፔ ሃ ሲሚን ዳሮ ዎዴ ሜቶ ኤካናስ ቤሴስ፤ ሃዒ ቃሴ ዎዴ ዉርሴꬃን ባና ያርሺዲ ናጋራ ዲጋናስ ዉርሴꬃስ ኢሲቶ ቆንጪዴስ። 
\p  
\v 27 ሄሳꬆካ ኣሲ ኢሲቶ ሃይቄስ፤ ሄሳፌ ካሊዲ ፒርዳ ሲንꬃን ኤቃናስ ጊጊ ኡቲዴስ።  
\v 28 ኪርስቶሲ ዳሮ ኣሳ ናጋራ ዲጋናስ ኢሲቶ ያርሼቲዴስ። ናምዓንꬆካ ኢዚ ቆንጫና፤ ሄሲ ኢዛ ናጊዛይታስ ኣቶቴꬂ ኤኪ ያናስ ኣቲን ናምዓንꬆ ዛሪ ናጋራ ቶካናስ ጊዴና። \x * \xo 9:28 \xt ኢሳ 53፡12\x* 
\c 10  
\s1 ኪርስቶሲ ኢሲቶ ሜርናስ ሺሺዳ ያርሾ 
\p  
\v 1 ሙሴ ዎጋይ ቡሮ ሲንꬃራ ያና ሎዖ ሃኖታስ ኤሾፔ ኣቲን ቱሙ ኣዳ ሜꬋይ ኢዛስ ዴና። ሄሳ ጊሽ ላይꬃን ላይꬃን ፓጬይ ባይንዳ ሺሪ ሺሪ ሺሺዛ ያርሾይ ፆሴ ጎይናናስ ሺቂዛ ኣሳ ጌሻናስ ሙሌካ ዳንዳይቤና።  
\v 2 ኣሳ ሙሌራ ጌሻና ዳንዳዪዛይሳ ጊዲዳኮ ኢስቲ ያርሾ ያርሻናይሳ ኣጋጌቴኔ? ቃሴካ ፆሴ ጎይናና ሺቂዛ ኣሳይ ኢሲቶ ጌዪዛኮ ባ ዎዝናራ ናጋራንቻ ጊዲዳይሳ ሲꬋና።  
\v 3 ጊዶ ኣቲን ሄይቲ ያርሾቲ ላይꬃን ላይꬃን ናጋራ ዛሪ ዛሪ ቆፊሴቴስ።  
\v 4 ጋሶይካ ዎፓኖታኔ ዴይሻታ ሱꬂ ኣሳፔ ናጋራ ዲጋናስ ዳንዳዬና። 
\p  
\v 5 ሄሳ ጊሽ ኪርስቶሲ ሃይሳ ሃ ኣላሜዛ ዪዲ 
\q1 “ኔኒ ኢሞታኔ ያርሾ ኮያቤይካ ሺን 
\q2 ኔ ታስ ኣሾ ጊጊሳዳሳ። \x * \xo 10:5 \xt ማዛ 40፡6-8\x* 
\q1  
\v 6 ታማን ፁጌቲዛ ያርሾኔ 
\q2 ናጋራ ጊሽ ሺቂዛ ያርሾን 
\q1 ኡፋዬታቤይካ” ጊዴስ። 
\q1  
\v 7 ሄ ዎዴ ታኒ 
\q1 “ታ ጊሽ ጌሻ ማፃፋን ፃፌቲዳ ማላ 
\q2 ‘ፆሶ ሄኮ ታኒ ኔ ሼኔ ኦꬃናስ ያዲስ’ ጋዲስ” 
\m ጊዴስ።  
\v 8 ሙሴ ዎጋይ ሄሲ ሄሳꬆ ሃናና ማላ ኣዛዚኮካ ኢዚ ቃሴ ኮይሮ “ያርሾ፥ ኢሞታ፥ ፁጌቲዛ ያርሾኔ ናጋራ ጊሽ ሺቂዛ ያርሾ ኔ ኮያቤይካኔ ኢዛን ኡፋዬታቤይካ” ጌስ።  
\v 9 ካሌꬂዲካ “ሄኮ ታ ኔ ሼኔ ኦꬃና ያዲስ” ጊዴስ። ናምዓንꬆዛ ኤሳናስ ኮይሮይሳ ዲጊዴስ።  
\v 10 ሃይሳ ሃ “ኢዛ ሼኔ” ጊዛ ቃላ ማላ ሃራ ያርሾ ዛሬꬂ ሺሻናስ ኮሾንታ ማላ ዬሱስ ኪርስቶሳ ባጋራ ኢሲቶ ሺቂዳ ያርሾን ጌዪዶስ። 
\p  
\v 11 ቄሴይ ሃች ሃች ኤቂዲ ባ ኦሶ ፖሌስ። ኣስ ናጋራፔ ጌሻናስ ዳንዳዮንታያታ ዎንቲን ዎንቲን ሺሼስ። \x * \xo 10:11 \xt ኬሳ 29፡38\x* 
\v 12 ኪርስቶሲ ጊዲኮ ያርሾ ኢሲቶ ሜርናስ ጊዳናይሳ ሺሺዲ ኣዋ ኡሻቻን ኡቲዴስ።  
\v 13 ሄ ጋላሳፌ ሲሚን ኢዛ ሞርኬቲ ኢዛ ቶሆ ጋርሳን ዬꬌታና ጋካናስ ናጎን ዴስ።  
\v 14 ጋሶይካ ኢሲቶ ሺሺዳ ያርሾን ጌያና ኣሳታ ሜርናስ ጌሺዴስ። 
\p  
\v 15 ሄሳ ሄ ሃኖዛ ጊሽ ፂሎ ኣያናይካ ኑስ ማርካቴስ። ኮይሮ፥ 
\q1  
\v 16 “ሄሳፌ ጉዬ 
\q2 ታ ኢስታራ ጌላና ጫቆ ቃላይ ሃይሳ። 
\q1 ታ ዎጋ ታ ኢስታ ዎዝናን ዎꬃና። 
\q2 ኢስታ ዎዝናን ታ ፃፋና” 
\m ጌስ ጎዳይ። \x * \xo 10:16 \xt ኤር 31፡33\x* 
\v 17 ቃሴካ “ታ ኢስታ ናጋራኔ ማካላ ናምዓንꬆ ቆፒኬ” ጌስ ጎዳይ። \x * \xo 10:17 \xt ኤር 31፡34\x* 
\p  
\v 18 ሄይታንቲ ዉሪካ ኣቶ ጌቴቲዳፔ ጉዬ ናምዓንꬆ ናጋራስ ሺቃና ሃራ ያርሾይ ዴና። 
\s1 ዉርሴꬅ ጋካናስ ሚኒ ዳና ማላ ሺቂዳ ፄይስ 
\p  
\v 19 ሄሳ ጊሽ ታ ኢሻቶ፤ ኑኒ ዬሱስ ኪርስቶሳ ሱꬃ ባጋራ ጌዴ ኡባፌ ዱማ ጌሽ ጌቴቲዛሶዮ ጌላናስ ፃላቴꬅ ዴሚዶስ።  
\v 20 ሄሲካ ማጋላሻ ባጋራ፤ ሄሲካ ኢዚ ባ ኣሾ ባጋራ ኑስ ዶዪዳ ኦራꬂኔ ዴዖ ጊዲዳ ኦጌና።  
\v 21 ፆሳ ኬꬃ ቦላ ሹሜቲዳ ቄሴታ ሃላቃይ ኑስ ዲዛ ጊሽ፥  
\v 22 ኑኒ ኑ ኢታ ቆፋፔ ጌያናስ ኑ ዎዝና ኣራጬቲዲ ኑ ኣሳቴꬃካ ፂሎ ሃꬃን ሜጬቲዲ ቱሙ ዎዝናፔኔ ኩሜꬃ ኣማኖን ፆሳኮ ኣኔ ሺቆስ። \x * \xo 10:22 \xt ሌዌ 8፡30፤ ሂዚ 36፡25\x* 
\v 23 ኑስ ሂዶታ ቃላ ኢሚዳዴይ ኣማኔቲዛዴ ጊዲዳ ጊሽ ኑኒ ኣማኒዲ ኢዛ ጊሽ ማርካቲዛ ሂዶታፔ ሄ ሃ ጎንታ ኣኔ ሎዔꬂ ኦይኮስ።  
\v 24 ሲቆኒኔ ሎዖ ኦሶን ኑ ሚኒ ዳና ማላ ኣኔ ኢሶይ ኢሳ ቆፊሶስ።  
\v 25 ኣኔ ኑ ኡባ ጋላስ ኢሶይ ኢሳራ ጋኪ ጋኪ ኢሶይ ኢሳ ሚንꬄꬆስ ኣቲን ኢሲ ኢሲ ኣሳቲ ሺቆ ኣጊዳ ማላ ኣኔ ኑኒ ሺቆዛ ኣጎኮ፤ ሃራፔካ ጎዳ ዬሱሲ ማታቲዳይሳ ቆፒሼ ካሴፔ ሚኒ ሺቂቴ። 
\p  
\v 26 ኑኒ ቱማ ሻኪ ኤሪዲ ኤኪዳይሳፌ ጉዬ ኤሪሼ ናጋራ ኦꬂኮ ሃይሳፌ ጉዬ ናጋራስ ሺቃናስ ሃራ ያርሾይ ዴና።  
\v 27 ሃራ ቡሮ ሃናናይ ዳሮ ባቢሲዛ ፒርዳይ ፆሳ ሞርኬታ ፁጋና ናጊዛ ሚኖ ታማይ ፃላላ ዴስ። \x * \xo 10:27 \xt ኢሳ 26፡11\x* 
\v 28 ሙሴ ዎጋ ካꬊዳ ኣሲ ናምዑ ዎይኮ ሄꬑ ማርካቲ ማርካቲኮ ማሮይ ባይንዳ ሃይቆን ቃፃዬቴስ። \x * \xo 10:28 \xt ዛሬ 17፡5-7፤ 19፡15\x* 
\v 29 ሂስቲን ፆሳ ና ካꬊዳ ኣሲ ኢዛን ጌዪዳ ጫቆ ሱꬃ ሂራይሶ ሚሻ ማላ ቆዲዳዴሲኔ ኢዛ ኪያቴꬃ ኣያና ኢሴꬂዳዴስ ኣይ ማላ ሄሳፌ ኣꬊዛ ፒርዳይ ኢዛስ ቤሲዛ ኢንቴስ ሚሳቲዜ? \x * \xo 10:29 \xt ኬሳ 24፡8\x* 
\v 30 ታኒ ኢዛስ ሃሎ ኬሳና፤ ኢዛዴ ኦሶ ማላ ኢዛዴስ ታ ዛራና” ጊዳይሳ ኑ ኤሮስ። ቃሴካ “ጎዳይ ባ ዴሬዛ ቦላ ፒርዳና” ጌስ ጎዳይ። \x * \xo 10:30 \xt ዛሬ 32፡35-36\x* 
\v 31 ዴዖ ፆሳ ኩሼን ኩንዴꬂ ዳሮ ባቢሴስ። 
\p  
\v 32 ኢንቴስ ኢሲቶ ፖዖይ ፖዒዳፔ ጉዬ ሜቶ ዎዴ ዳሮ ባፄን ኢንቴ ካሴ ሚኒ ኤቂዳ ቤኒ ዎዴዛ ዩሺ ቆፒቴ።  
\v 33 ኢሲ ኢሲ ዎዴ ኢንቴ ዱላታ ዴሬ ሲንꬃን ጫሻሲኔ ጎዴቴꬃስ ኣꬊ ኢሜቲዴታ። ቃሴ ሃራ ዎዴካ ሄሳ ማላ ዋዬይ ኢስታ ቦላ ጋኪዳ ኣሳታራ ኢንቴካ ኢሲፌ ዋዬ ቤይዴታ።  
\v 34 ኢንቴ ኢንቴስ ሃራፔ ኣꬊዛ ሜርናስ ዳና ሃሮይ ዲዛይሳ ኤሪዛ ጊሽ ቃሼቲዳይታስ ሚሼቲዴታኔ ኢንቴ ሃሮይ ቦንቄቲሺን ኡፋይሳን ዳንዳይዴታ። 
\p  
\v 35 ሄሳ ጊሽ ጊታ ዋጋይ ዲዛ ካሴ ኢንቴ ኣማኔቴꬃ ኣጎፍቴ።  
\v 36 ኢንቴ ፆሳ ሼኔ ፖሊዲ ኢዚ ኢንቴስ ኢሚዳ ኡፋይሳ ቃላ ኤካናስ ሚኒ ኤቃናስ ኢንቴና ኮሼስ።  
\v 37 ጋሶይካ ጉꬃ ዎዴፔ ካሊዲ “ያናይሲ ኢዚ ያና፤ ጋምዔና”  
\v 38 ፂሎ ኣሲ ጊዲኮ ኣማኖን ዴዖ ዴማና፤ ጉዬ ኡንዱዲዛዴይ ዲኮ ታ ሼምፖያ ኢዛዴ ቦላ ኡፋዬቱኩ። 
\p  
\v 39 “ኑኒ ጊዲኮ ኣማኒዲ ኣቲዳይታ ባጋ ኣቲን ጌዴ ጉዬ ኡንዱዲ ꬋዪዛይታ ባጋ ጊዶኮ” ጊዴስ። 
\c 11  
\s1 ኣማኖ 
\p  
\v 1 ኣማኖ ጌꬂ ኢሲ ሚሼ ሃናና ጊዲ ኑ ሲꬎንታ ዲሼ ቤዮንታ ሚሼካ ቤዪዳ ማላ ኤሮ ጊ ኤኮ።  
\v 2 ካሴ ኣዋቲ ጋላቴቲዳይ ሄሳ ማላ ኣማኖና። 
\p  
\v 3 ሃይሲ ሃ ኣላሜይ ፆሳ ቃላን ሜꬌቲዳይሳ ኑ ኣማኖን ኤሮስ። ሄሳꬆካ ኣይፌን ቤቲዛይሲ ሜꬌቲዳይ ቤቲዛ ሚሻፌ ጊዶንታይሳ ኑኒ ኤሮስ። \x * \xo 11:3 \xt ሜꬌ 1፡1፤ ማዛ 33፡6-9፤ ዮሃ 1፡3\x* 
\p  
\v 4 ኣቤሌይ ፆሳስ ቃዬሌ ያርሾፌ ኣꬊዛ ያርሾ ኣማኖን ሺሺዴስ። ፆሲ ኢዛ ያርሾዛ ጊሽ ሃሳዪሼ ኢዚ ኣማኖን ጌሽ ጊዲዳይሳ ማርካቲዴስ። ኢዚ ሃይቂንካ ኢዛ ኣማኖይ ሃዒ ጋካናስ ሃሳዬቴስ። \x * \xo 11:4 \xt ሜꬌ 4፡3-10\x* 
\p  
\v 5 ሄኖኬይ ሃይቆ ቤዮንታ ማላ ሃይሳ ኣላሜዛፔ ኣማኖን ኤኬቲዴስ። ፆሲ ኢዛ ኤኪዳ ጊሽ ኢዚ ቤቲቤና፤ ኤኬታናፔ ካሴቲዲ ኢዚ ፆሳ ኡፋይሲዳይሲ ዮቴቲዳ ጊሽ ኢዚ ኤኬቲዴስ። \x * \xo 11:5 \xt ሜꬌ 5፡21-24\x* 
\v 6 ቃሴካ ኣማኖይ ባይንዳ ዲሺን ፆሳ ኡፋይሳናስ ሙሌካ ዳንዳዬቴና። ጋሶይካ ፆሳኮ ሺቂዛዴይ ዉሪካ ፆሲ ጊዛይሳኔ ዎዝናፔ ኢዛ ኮዪዛይታስ ኢዚ ዋጋ ኢማናይሳ ኣማናናስ ቤሴስ። 
\p  
\v 7 ኖሄስ ፆሲ ቡሮ ኖሄይ ባ ኣይፌን ቤዮንታ ሚሻ ጊሽ ናጌታና ማላ ዮቲን ኖሄይ ፆሳ ባቢዲ ባሶ ኣሳ ኣሻናስ ኣማኖን ማርካቤ ኬፂዲ ኣላሜ ኣሳ ፒርዲሲዴስ፤ ኣማኖን ቤቲዛ ፂሎቴꬅ ላቲዛዴ ጊዲዴስ። \x * \xo 11:7 \xt ሜꬌ 6፡13-22\x* 
\p  
\v 8 ኣብራሃሜይ ባስ ላታ ቢታ ኤካናስ ፄይጌቲዳ ዎዴ ኣማኖን ኣዛዜቲዴስ። ኣዋ ቢዛኮኔ ኤሮንታ ኣጊኮካ ኤሮ ጊዲ ቢዴስ። \x * \xo 11:8 \xt ሜꬌ 12፡1-5\x* 
\v 9 ኣላጋ ቢታን ቤቴ ኣሳ ማላ ቡሮ ኔስ ኢሜታና ጌቴቲዳ ቢታን ኣማኖን ኡቲዴስ። ኢዛስ ኢሜቲዳ ሂዶታ ቃላ ኢዛራ ኢሲፌ ላታና ዪሳቃ ማላኔ ያቆቤ ማላ ዱንካኔን ዴዒዴስ። \x * \xo 11:9 \xt ሜꬌ 35፡27\x* 
\v 10 ጋሶይካ ሚና ዲዛሮ ፆሲ ኢዞ ቆፒ ሜꬊዳ ካታማዮ ኤካና ናጊዴስ። 
\p  
\v 11 ኣብራሃሜስ ዎዴይ ጌዴ ቢዳዴ ጊዲኮካ ሳራይካ ዬሎንታ ማካራ ጊዲኮካ ሂዶታ ኢስታስ ኢሚዳዴይ ኣማኔቲዳዴ ሂስቲ ፄሊዲ ኣማኖን ና ኣዋ ጊዳናስ ጋኪዴስ። \x * \xo 11:11 \xt ሜꬌ 18፡11-14፤ 21፡2\x* 
\v 12 ሄሳ ጊሽ ሃይሳ ሃይቂዳ ኣሳ ማላ ቆዴቲዳ ኢሲ ኣብራሃሜፔ ሳሎ ፆሊንቴ ማላኔ ኣባ ኣጬ ማላ ቆዳይ ባይንዳ ዳሮ ዜሬꬃይ ቤቲዴስ። \x * \xo 11:12 \xt ሜꬌ 15፡5፤ 22፡17፤ 32፡12\x* 
\p  
\v 13 ሄይቲ ዉሪካ ኢስታስ ኢሜቲዳ ሂዶታ ቃላ ዴሞንታ ባ ኣማኖን ናጊዳ ማላ ሃይቂዳ። ጊዲኮካ ኢስቲ ሃይሳ ቢታ ቦላ ኢማꬄኔ ቤቴ ኣስ ጊዲዳይሳ ኤሪዳ ጊሽ ሃሆን ዲሼ ቤዪዲ ኩሼን ኣꬂዳ ማላ ኡፋይሳን ኤኪዳ። \x * \xo 11:13 \xt ሜꬌ 23፡4፤ 1ታር 29፡15፤ ማዛ 39፡12\x* 
\v 14 ሄሳ ማላ ጊዛ ኣሳቲ ኢስታ ዴሬይ ኣዋኮኔ ባ ዴሬ ናጊዛይሳ ቆንጬን ቤሴቴስ።  
\v 15 ኢስቲ ባ ዬጊ ኬዚዳ ዴሬ ዛሪ ቆፒዛኮ ጉዬ ሲሚ ባና ዳንዳዬቴስ።  
\v 16 ሃዒ ሄሳፌ ኣꬊዛ ፑዴ ሳሎን ዲዛ ዴሬ ላሞቴቴስ። ሄሳ ጊሽ ፆሲ ኢስታስ ሳሎን ካታማ ጊጊሲዳ ጊሽ “ኢስታ ፃላ ፆሳ” ጌቴቲ ፄይጌታናስ ዬላቲቤና። 
\p  
\v 17 ፆሲ ኣብራሃሜይ ባ ናዛ ዪሳቃ ሹካና ማላ ፓጪን ኣብራሃሜይ ዪሳቃ ያርሻናስ ኣማኖን ሺሺዴስ። ፆሲ ኢዛስ ኢማና ጊዳይሳ ኢዚካ ባ ና ኢሲኔዛ ሹካናስ ጊጌቲዴስ። \x * \xo 11:17 \xt ሜꬌ 22፡1-14\x* 
\v 18 ሄሲካ ፆሲ ኢዛስ “ኔ ዜሬꬂ ዪሳቃ ባጋራ ፄይጌታና” ጊዳይሳ ማላ። \x * \xo 11:18 \xt ሜꬌ 21፡12\x* 
\p  
\v 19 ፆሲ ሃይቂዳዴ ዴንꬃናስ ዳንዳዪዛይሳ ኣብራሃሜይ ኣማኒዳ ጊሽ ዪሳቃካ ሃይቆፔ ዴንዲዳ ኣሳ ማላ ናምዓንꬆ ዴሚዴስ።  
\v 20 ዪሳቃይ ቡሮፔ ሃናናይሳ ቆፒ ኤኪዲ ያቆቤኔ ኤሳዌ ኣማኖን ኣንጂዴስ። 
\p  
\v 21 ያቆቤይ ሃይቃና ጊሽ ዮሴፌ ናይታ ኢሳ ኢሳ ኣማኖን ኣንጂዳይኔ ባ ጉፌ ቦላ ዳርቲ ኤቂዲ ጎይኒዳይ ኣማኖና። \x * \xo 11:21 \xt ሜꬌ 47፡31፤ 48፡1-20\x* 
\p  
\v 22 ዮሴፊ ሃይቃና ጊሽ ኢስራዔሌ ኣሳይ ጊብፄፔ ኬዛናይሳ ኢዚ ዮቲዳይኔ ባ ሜቄꬃ ጊሽ ኢስቲ ኣይ ኦꬃናኮኔ ኢስታ ኣዛዚዳይ ኣማኖና። \x * \xo 11:22 \xt ሜꬌ 50፡24፥25፤ ኬሳ 13፡19\x* 
\p  
\v 23 ሙሴይ ዬሌቲን ኢዛስ ማላይ ሎዖ ጊዲዳይሳ ቤዪዲ ኢዛ ዬሊዳይቲ ኢዛ ሄꬑ ኣጊና ጋካናስ ካዎዛ ኣዛዞ ባቦንታ ቆቲዳይ ኣማኖና። \x * \xo 11:23 \xt ኬሳ 2፡2፤ 1፡22\x* 
\v 24 ሙሴይ ዲጪ ጋኪዲ “ፓሮኔስ ናይ ና” ጌቴታናይሳ ኣማኖን ኢፂዴስ። \x * \xo 11:24 \xt ኬሳ 2፡10-12\x* 
\v 25 ጉꬃ ዎዴስ ናጋራን ቤቲዛ ኡፋይሳፌ ኣꬂዲ ፆሳ ኣሳራ ሜቶ ቤያናስ ዶሪዴስ።  
\v 26 ጊብፄ ዴሬን ዲዛ ሃሮፔ ቦላራ ኪርስቶሳ ጊሽ ዋዬ ኤኮይ ዳሮ ኣꬊዛ ሃሮ ጊዲዳይሳ ዩሺ ቆፒዴስ። ጋሶይካ ኢዚ ሲንꬃፌ ኤካናይሳ ቡሮ ሃሆን ቤዪዳ ጊሻሳ። 
\p  
\v 27 ካዎ ሃንቆስ ባቦንታ ኣማኖን ጊብፄ ዬጊ ኬዚዴስ። ቡሮ ቤቶንታይሳ ቤዪዛ ማላ ቆፒዲ ሄ ቆፋን ሚኒ ኤቂዴስ።  
\v 28 ባይራታ ዉርሲ ዎꬊዛይሲ ኢስራዔሌታ ባይራ ናይታ ዎꬎንታ ማላ ኣማኖን ፓዚጋኔ ሱꬃ ዉፄꬃ ዎጋ ዎꬂዴስ። \x * \xo 11:28 \xt ኬሳ 12፡21-30\x* 
\p  
\v 29 ኢስራዔሌ ኣሳይ ሜላ ቢታ ቦላ ሃሙቲዛ ማላ ዞዖ ኣባ ጊዶራ ኣማኖን ፒኒዴስ። ጊብፄ ኣሳይ ቃሴ ኢስታꬆ ሃናና ጊሽ ኣባን ሚቴቲዴስ። \x * \xo 11:29 \xt ኬሳ 14፡21-31\x* 
\p  
\v 30 ኢስራዔሌ ኣሳይ ኢያርኮ ጊምቤዛ ላፑን ቃማ ዩዪ ዩዪ ኣꬊዳፔ ጉዬ ጊምቤዛ ኣማኖን ላሊዴስ። \x * \xo 11:30 \xt ኢያ 6፡12-21\x* 
\v 31 ላይማን ኣቂዛ ኤራዓባ ዴሬ ፆሞሳና ዪዳይታ ሳሮን ሞካ ኤኪዳ ጊሽ ሃንኮ ኣዛዜቶንታ ኣሳራ ꬋዮንታ ኣማኖን ኣታዱስ። \x * \xo 11:31 \xt ኢያ 2፡1-21፤ 6፡21-25\x* 
\p  
\v 32 ሃይሳፌ ኣꬌꬅ ሃራ ኣይ ጋኔ? ጌዶኔ ጊሽ፥ ባራቄ ጊሽ፥ ሳምሶኔ ጊሽ፥ ዮፊታሄ ጊሽ፥ ዳዉቴ ጊሽ፥ ሳሜላ ጊሽ ቃሴ ናቤታ ጊሽ ታ ዮቶንታ ማላ ታስ ዎዴይ ዴና። \x * \xo 11:32 \xt ዳና 6፡11-8፡32፤ 4፡6-5፡31፤ 13፡2-16፡31፤ 11፡1-12፡7፤ 1ሳሜ 16፡1፤ 1ካዎ 2፡11\x* 
\v 33 ሄይታንቲ ኣማኖን ካዎታ ፆኒዳ፤ ሱሬ ፒርዳ ፒርዲዳ፤ ባስ ኢሜቲዳ ሂዶታ ቃላ ኤኪዳ፤ ጋሞታ ዱና ጎርዲዳ፤ \x * \xo 11:33 \xt ዳኔ 6፡1-27\x* 
\v 34 ታማ ዎልቃ ቶይሲዳ፤ ቃራ ማሻፌ ኬሲ ኤኪ ኣቲዳ፤ ዳቡራፔ ሚኒዳ፤ ኦላሶን ጎባታ ጊዲዳ፤ ኣላጋ ኣሳ ኦላ ጎዲዳ፤ \x * \xo 11:34 \xt ዳኔ 3፡21-30\x* 
\v 35 ማጫሳታስ ሃይቂዳይቲ ፓፂዳ፤ ባጋይቲ ቃሴ ሄሳፌ ኣꬊዛ ሃይቆፔ ዴንꬂ ዴማናስ ጊዲ ሃይቆፔ ኣቴꬂ ሌቂዲ ሃይቆስ ባና ኣꬂ ኢሚዳ፤ ዋዬፔ ኣታናስ ኮይቤቴና። \x * \xo 11:35 \xt 1ካዎ 17፡17-24፤ 2ካዎ 4፡25-37\x* 
\v 36 ኢሲ ኢሲ ኣሳቲ ኣሳን ካዔቲዳ፤ ጋራፌቲዳ፤ ባጋይቲ ቃሴ ቃሾ ኬꬂ ጌሊዳ። \x * \xo 11:36 \xt 1ካዎ 22፡26-27፤ 2ታር 18፡25-26፤ ኤር 20፡2፤ 37፡15-16፤ 38፡6\x* 
\v 37 ሹቻን ጫዴቲዳ፤ ማጋዜንካ ናምዑ ኬዚ ጳሊቄቲዳ፤ ማሻን ሹኬቲ ሃይቂዳ፤ ዋዬቲሼ፥ ጎዴቲሼኔ ዳቡርሼ ዶርሳ ኢቴኔ ዴይሻ ኢቴ ማይዒዲ ዋዬቲዳ። \x * \xo 11:37 \xt 2ታር 24፡21\x* 
\v 38 ሃ ኣላሜይ ኢስታስ ቤሶንታይሳ ጊዲዳ ጊሽ ባዞኒኔ ጌዜን ጎንጎሎኒኔ ኦላ ጊዶን ዋዬቲዳ። 
\p  
\v 39 ሄይታንታ ኡባታ ኣማኖ ጊሽ ማርካቲኮካ ኢስታፌ ኦኒካ ኢሜታና ጌቴቲዳ ሂዶታ ቃላ ጋኪዲ ኤኪዳዴይ ዴና።  
\v 40 ፆሲ ኑስ ሄሳፌ ኣꬊዛዝ ጊጊሲዳ ጊሽ ኑ ባይንዳ ኢስቲ ፃላላ ኩሜꬅ ጊዳና ዳንዳይቤቴና። 
\c 12  
\s1 ፆሲ ባ ናይታ ሴሬስ 
\p  
\v 1 ሄሳ ጊሽ ሻራ ማላ ኑና ዩይ ኣꬊዳ ዳሮ ማርካቲ ኑስ ዲሺን ኑና ዴፂዛ ቶሆኔ ቃሴ ኑና ቃቺ ኦይኪዛ ናጋራ ዉርሲ ኑፔ ዎራ ዬጊዲ ኑ ሲንꬃን ዲዛ ዎꬃ ጌንጫኒኔ ዳንዳያን ኣኔ ዎፆስ።  
\v 2 ኑ ኣማኒዛ ኣማኖዛስ ኮይሮኔ ፖሎ ጊዲዳ ዬሱሳ ኣኔ ፄሎስ። ኢዚ ባ ሲንꬃን ዲዛ ኡፋይሳ ጊሽ ማስቃሌ ቦላ ሃይቆ ዳንዳዪዲ ማስቃሌ ቦላ ባና ጋካና ካዉሻቴꬃ ሌቂዲ ፆሳ ኣልጋስ ኡሻቻን ኡቲዴስ። 
\p  
\v 3 ሂስቲኮ ኢንቴ ዳቡሪዲ ሂዶታ ቃንፆንታ ማላ ሄሳꬆካ ናጋራንቻታፔ ካሴ ኢዛ ቦላ ጋኪዳ ሄሳ ማላ ኤቄቴꬅ ዳንዳዪዳ ዬሱሳ ቆፒቴ።  
\v 4 ሱꬂ ጉካና ጋካናስ ናጋራራ ኢንቴ ቡሮ ኤቄቲቤይኬታ።  
\v 5 ኢንቴ ፆሳ ናይታ ጊዲ ኡቲዲ ቃላይ ጊዛይሳ ባሊዴታ። “ታ ናዞ ፆሳ ሴራ ካዉሻን ፄሎፋ፤ ኔና ኢዚ ሴሪዛ ዎዴ ሂዶታ ቃንፆፋ።  
\v 6 ጋሶይካ ጎዳይ ባ ዶሲዛዴ ሃንቄስ፤ ኢዚ ባ ዶሲዛዴ ሴሬስ። ኢዚ ባ ና ማላ ፄሊዛዴ ቃፃዬስ” ጊዴስ። 
\p  
\v 7 ፆሲ ኢንቴና ባ ና ማላ ቆዲዛ ጊሽ ሃንቆ ዳንዳዪቴ። ኣዋይ ሃንቆንታ ናይ ኦኔ?  
\v 8 ናይ ዉሪ ሴራን ዲጪዛꬆ ኢንቴ ዲጮንታ ኣጊኮ ኢንቴ ካሬን ዬሌቲዳ ና ኣቲን ሶ ና ጊዴኬታ።  
\v 9 ሄሳ ኡባፌ ቦላራ ሃይሳ ቢታ ቦላ ኑና ሃንቂ ዲቺዳ ኣሾ ኣዋቲ ዴቴስ። ኑካ ኢስታ ቦንቾስ። ሂስቲን ዴዖን ዴያናስ ኑስ ኣያና ኣዋ ጊዲዳይሳስ ኣዛስ ሄሳፌ ኣꬂ ኣዛዜቶኮኒ?  
\v 10 ኑ ኣዋቲ ኑና ባስ ሎዖ ሚሳቲ ቤቲዳ ማላ ጉꬃ ዎዴስ ቃፃዬቴስ። ፆሲ ጊዲኮ ኑኒ ኢዛ ጌሻቴꬃ ኢዛፔ ዴማና ማላ ኑና ጎዓናስ ቃፃዬስ።  
\v 11 ቂፃቴይ ዉሪካ ሃዒስ ኡፋይሶንታ ኢታ ሚሳቴስ ሺን ጉዬፔ ቃሴ ዶሲ ኤኪዳ ኣሳታስ ሳሮቴꬂ ኢዛን ኩሚዳ ፂሎቴꬃ ኣይፌን ጋꬄስ። 
\p  
\v 12 ሄሳ ጊሽ ዳቡሪዳ ኢንቴ ቄሴኔ ኢንቴ ጉልባቴ ሚኒሲቴ። \x * \xo 12:12 \xt ኢሳ 3፡3\x* 
\v 13 ዎቤይ ፓፃና ማላ ኣቲን ካሴፔ ኣꬂ ዎቦንታ ማላ ኢንቴ ቶሆስ ሎዖ ኦጌ ጊጊሲቴ። \x * \xo 12:13 \xt ሌም 4፡26\x* 
\s1 ፆሳስ ኣዛዜቶንታዴስ ኢሜቲዳ ኣዛዞ 
\p  
\v 14 ኣሲ ኡባራ ሳሮ ዳና ማላ ኢንቴስ ዳንዳዬቲዛይሳ ዉርሲ ኦꬂቴ። ጌያና ማላ ኮዪቴ። ጌሻቴꬂ ባይንዳ ጎዳ ቤያናስ ዳንዳዬቴና።  
\v 15 ኢንቴፌ ኢሳዴስካ ፆሳ ኪያቴꬂ ፓጮንታ ማላ ቃሴካ ጫሞ ኣይፌ ኣይፊዛ ሚꬂ ሞኪዲ ሜቶ ሜꬎንታ ማላኔ ዳሮታ ሞሮንታ ማላ ናጌቲቴ። \x * \xo 12:15 \xt ዛሬ 29፡18\x* 
\v 16 ኢሲቶ ማና ካꬃስ ባ ባይራቴꬅ ባይዚዳ ኤሳዌ ማላ ኢንቴፌ ኦኒካ ላይማቲዛዴ ዎይኮ ፆሴ ቦንቾንታዴ ጊዲ ቤቶንታ ማላ ናጌቲቴ። \x *- \xo 12:16 \xt ሜꬌ 25፡29-34\x* 
\v 17 ኤሳዌይ ጉዬፔ ካሴ ባ ኣንጆዛ ላታናስ ዛሪ ኮዪን ኢዛስ ኢሜቶንታ ዲጌቲዳይሳ ኢንቴ ኤሬታ። ኢዚ ባና ጋኪዛ ኣንጆዛስካ ዳሮ ዬኪሼ ኮዪዲካ ዛሪ ዴማናስ ዳንዳይቤና። \f + \fr 12:17 \fq ዴማናስ ዳንዳይቤና \ft ማሬታናስ ኣይኮ ኢዲሌ [ቃዳ] ዴሚቤና ጉሳ።\f*\x * \xo 12:17 \xt ሜꬌ 27፡30-40\x* 
\p  
\v 18 ኩሼን ቦቺኮ ቦሼቲዛ ታማይ ኢዛ ቦላ ኤፂዛ ሲና ዙማኮ ሄ ꬉማኮ፥ ሄ ቱላሌዛኮኔ ሄ ጎቴ ጫርኮዛኮ ኢንቴ ጋኪቤይኬታ።  
\v 19 ኢንቴ ዛዬ ጊሪሳኮ ዎይኮ ሃይꬃን ሲዬቲዛ ቃላ ጊሪሳኮ ጋኪቤይኬታ። ሄሳ ሲዪዳ ኣሳቲካ ሃራ ቃላ ጉጆንታ ማላ ዎሲዳ።  
\v 20 ሄሳስ ጋሶይካ “ሃራይ ኣቶሺን ሜሄይካ ዙማ ቦቺዛ ጊዲኮ ሹቻን ጫዴቲ ሃይቆ” ጊዛ ኣዛዞዛ ኣሳይ ናጋናስ ዳንዳይቤና። \x * \xo 12:20 \xt ኬሳ 19፡12-13\x* 
\v 21 ሄ ዎዴ ሄን ሃኒዛይሲ ዉሪካ ዳሮ ባቢሲዛይሳ ጊዲዳ ጊሽ ሙሴይካ “ታ ባባዳ ኮኮራዲስ” ጊዴስ። 
\p  
\v 22 ኢንቴ ቃሴ ሃ ፂዮኔ ዙማ ቦላ፥ ፑዴ ሳሎ ዬሩሳላሜ፥ ዴዖ ፆሳ ካታማ ኡፋይሳን ሺቂዳ ቆዳይ ባይንዳ ኪታንቻታኮ ዪዴታ።  
\v 23 ኢስታ ሱንꬂ ሳሎን ፃፌቲዳ ባይራታ ማባራንኮ፤ ኡባስ ዳና ጊዲዳ ፆሳኮ ኢስታ ቦላ ዎሶይ ባይንዳ ፂሎ ኣሳታ ሼምፖይ ዲዛሶ ማቲዴታ።  
\v 24 ኦራꬃ ጫቆን ማቃዪንꬂዛ ዬሱሳኮ ሄሳꬆካ ኣቤሌይ ሺሺዳ ሱꬃፌ ኣꬊዛ ጫቆ ቃላ ዮቲዛ ኣራጬቲዳ ሱꬃኮ ጋኪዴታ። \x * \xo 12:24 \xt ሜꬌ 4፡10\x* 
\p  
\v 25 ኢንቴስ ዮቲዛይሳ ኢንቴ ኣካይ ጎንታ ማላ ናጌቲቴ፤ ሄይታንቲ ፆሲ ቢታ ቦላ ዲዛ ኣሳ ባጋራ ኢስታስ ዮቲዛይሳ ኤኮንታ ኢፂዲ ኢዛፔ ኣታናስ ዳንዳዮንታ ኣጊኮ ኑኒ ሳሎፔ ዪዳይሲ ኑስ ዮቲሺን ኑ ኤኮንታ ኢፂኮ ኢዛፔ ዋኒዲ ኣታኔ? \x * \xo 12:25 \xt ኬሳ 20፡22\x* 
\v 26 ሄ ዎዴ ቃላ ጊሪሳን ቢታ ቃꬂዴስ። ሃዒ ቃሴ ቢታ ፃላላ ጊዶንታ ታ ሳሎካ ቃሴካ ዛራዳ ኢሲቶ ቃꬃና” ጊዛ ቃላ ዮቲ ዎꬂዴስ። \x * \xo 12:26 \xt ሃጌ 2፡6\x* 
\v 27 ሃይሲ “ቃሴካ ታ ዛራዳ ኢሲቶ” ጊዛ ቃላይ ኑና ቤሲዛይ ቃፆንታይቲ ሚኒ ዳና ማላኔ ቃፂዛይቲ ሄይቲካ ሜꬌቲዳይቲ ኪቻናይሳ ቤሴስ። 
\p  
\v 28 ሄሳ ጊሽ ኑኒ ሙሌካ ቃፆንታ ካዎቴꬅ ላታና ጊሽ ኣኔ ፆሴ ጋላቶስ። ቃሴካ ኢዛ ኡፋይሲዛ ኦጌራ ቦንቾሲኔ ያሻቴꬃን ኣኔ ኢዛስ ጎይኖስ።  
\v 29 ኑ ፆሳይ ፁጊዛ ታማ ማላ። \x * \xo 12:29 \xt ዛሬ 4፡24\x* 
\c 13  
\s1 ዉርሴꬃ ዞሬ 
\p  
\v 1 ኢንቴ ኢንቴ ጊዶን ኢሻታ ማላ ዶሴቲቴ።  
\v 2 ኢማꬃ ሞኮ ባሎፒቴ፤ ኢሲ ኢሲ ኣሳቲ ሄሳꬆ ኦꬂሼ ኤሮንታ ኪታንቻታ ኢማꬃቴꬅ ሞኪ ኤኪዳ። \x * \xo 13:2 \xt ሜꬌ 18፡1-8፤ 19፡1-3\x* 
\v 3 ቃሾ ኬꬃን ዲዛይታራ ኢንቴካ ቃሼቲዳ ማላ ኢስታስ ቆፒቴ። ሄሳꬆካ ኣሳ ኩሼን ዋዬቲዛይታራ ኢንቴካ ዋዬቲዛ ማላ ኢስታስ ቆፒቴ። 
\p  
\v 4 ኤኮይ ጌሎይ ኡባ ኣሳ ኣቻን ቦንቼቶ። ኢንቴ ሂꬄይ ጌሽ ጊዶ። ጋሶይካ ላይማ ኣሞይ ዲዛይታኔ ላይማቲዛይታ ቦላ ፆሲ ፒርዳና። 
\p  
\v 5 ሚሻ ሲቆፔ ናጌቲቴ። ኢንቴስ ዲዛይሲ ጊዳና፤ ሄሳስ ጋሶይ ፆሲ “ታ ኢንቴና ሙሌካ ኣጊኬኔ ዬጊኬ” ጊዴስ። \x * \xo 13:5 \xt ዛሬ 31፡6፥8፤ ኢያ 1፡5\x* 
\v 6 ሄሳ ጊሽ ኩሜꬃ ዎዝናፔ ኑኒ “ጎዳይ ታስ ማዶ፤ ታ ባቢኬ። ታና ኣሲ ኣይ ኦꬃና ዳንዳዪዜ?” ጎስ። \x * \xo 13:6 \xt ማዛ 118፡6\x* 
\p  
\v 7 ኢንቴስ ፆሳ ቃላ ኮይሮፔ ዮቲ ካሌꬂዛይታ ባሎፒቴ። ኢስታ ዱሳን ቤቲዛ ሎዖ ኣይፌይ ዲዛይሳ ዩሺ ቆፒቴ። ኢንቴካ ኣማኖን ኢስታ ሚሳቲቴ።  
\v 8 ዬሱስ ኪርስቶሲ ሃቺካ ዎንቶካ ሜርናስካ ኢዚ ኢዛኮ!  
\v 9 ዱማ ዱማ ኢማꬃ ቲሚርቴ ኤኮፍቴ፤ ኑ ዎዝናይ ሚኒ ኤቂዛይ ፆሳ ኪያቴꬃን ኣቲን ካꬃ ዎጋ ናጎን ጊዴና። ሄሳ ሄ ዎጋ ናጊዛይቲካ ኢዛን ጎዔቲቤቴና። 
\p  
\v 10 ኑስ ያርሾሶይ ዴስ። ጊዲኮካ ዱንካኔዛ ጊዶን ኦꬂዛ ቄሴቲ ሄ ያርሾሶዛ ቦላ ዲዛ ካꬃፌ ኤኪ ሞንታ ማላ ዲጌቲዳ።  
\v 11 ቄሴታ ሃላቃይ ናጋራ ቴቂዛ ሜሄ ሱꬅ ኤኪዲ ኡባፌ ዱማ ጌቴቲዛ ኪፊሌ ጌሌስ። ሜሄታ ኣሾይ ጊዲኮ ካታማፔ ካሬን ፁጌቴስ። \x * \xo 13:11 \xt ሌዌ 16፡27\x* 
\v 12 ሄሳꬆካ ዬሱሲ ባ ሱꬃ ባጋራ ኣሳ ጌሻናስ ካታማ ፔንጌፌ ካሬን ሜቶ ቤዪዴስ። 
\p  
\v 13 ሄሳ ጊሽ ኑካ ኢዚ ቶኪዲ ካዉሻቴꬃ ቶኪዳ ኑ ዲዛሶፔ ጌዴ ኢዛኮ ካሬ ኣኔ ኬዞስ።  
\v 14 ጋሶይካ ሃይሳን ኤቂ ዳና ካታማይ ኑስ ዴና። ጊዶ ኣቲን ቡሮ ሲንꬃፌ ያና ካታማዮ ናጎስ።  
\v 15 ሄሳ ጊሽ ኡባ ዎዴ ጋላታ ያርሾ ሄሲካ ኢዛ ሱንꬃስ ማርካቲዛ ኑ ዱናፔ ቤቲዛ ኣይፌ ጊዲዳዝ ዬሱሳ ባጋራ ፆሳስ ኣኔ ሺሾስ።  
\v 16 ቃሴካ ሎዖ ኦሶኔ ኢንቴስ ዲዛይሳፌ ሃራታስ ኢሞ ባሎፒቴ። ፆሲ ሄይታንታ ማላ ያርሾን ኡፋዬቴስ። 
\p  
\v 17 ኢንቴና ካሌꬂዛይታስ ኣዛዜቲቴኔ ሃሬቲቴ። ሄሳስ ጋሶይካ ኢንቴ ጊሽ ኢስታ ኣላፌቴꬃን ዳሮ ኦይቺዛ ጉዳይ ዲዛ ጊሽ ኢንቴ ሼምፖ ጊሽ ዳሮ ባፄቴቴስ። ሄሳ ጊሽ ኢስቲ ባ ኦꬂዛ ኦሶዛ ላንጬቲሼ ጊዶንታ ኡፋይሳን ኦꬃና ማላ ኢንቴ ኢስታስ ኣዛዜቲቴ። ኢንቴ ሄሳꬆ ሂስቶንታ ኣጊኮ ኢንቴስ ሎዔና።  
\v 18 ኑስካ ዎሲቴ። ኡባሶራካ ሎዖ ዱስ ዳናስ ላሞቲዛ ሎዖ ቆፋይ ኑስ ዲዛይሳ ኑ ሲꬎኮ።  
\v 19 ሃራፔካ ታ ኢንቴኮ ኤሌን ሲማ ባና ማላ ታስ ኢንቴ ዎሳና ማላ ሃዳራ ጋይስ። 
\p  
\v 20 ዶርሳታ ሄንꬃንቻይ ዎጋ ጎዳ ዬሱስ ኪርስቶሳ ባ ሜርና ጫቆ ቃላ ሱꬃን ኢዛ ሃይቆፔ ዴንꬂዳ ሳሮቴꬃ ፆሲ፥  
\v 21 ኢንቴ ኢዛ ሼኔ ፖላና ማላ ሎዔቴꬃን ኢንቴና ጊፂሶ። ፆሳ ኡፋይሲዛይሳ ዬሱስ ኪርስቶሳ ባጋራ ኑናን ኦꬆ። ኢዛስ ሜርናፔ ሜርናስ ቦንቾይ ጊዶ። ኣሚን።  
\v 22 ታ ኢሻቶ! ኢንቴስ ፃፊዳ ዞሬ ቃላይ ጉꬅ ጊዲዳ ጊሽ ኢንቴ ሃንቄቶንታ ማላ ታ ኢንቴና ሃዳራ ጋይስ።  
\v 23 ኑ ኢሻ ፂምቶሲ ቢርሼቲዳይሳ ኢንቴ ኤራና ማላ ታ ኮያይስ። ኢዚ ኤሶን ታኮ ዪኮ ታ ኢዛራ ሄ ባዳ ኢንቴና ሄን ቤያና። 
\p  
\v 24 ኢንቴና ካሌꬂዛይታ ኡባታሲኔ ኣማኒዛ ኣሳ ኡባስ ታ ሳሮካ ዮቲቴ። ኢፃሊያን ዲዛ ኣማኒዛ ኣሳይካ ኢንቴና ሳሮ ጌስ።  
\v 25 ፆሳ ኪያቴꬂ ኢንቴናራ ጊዶ። ኣሚን።