\id COL - Gaammo project 
\h ቆላሲያሴ 
\toc1 ጳዉሎሲ ቆላሲያሴ ኣሳስ ፃፊዳ ኪታ 
\toc2 ቆላሲያሴ 
\toc3 ቆላ 
\mt2 ጳዉሎሲ 
\mt1 ቆላሲያሴ ኣሳስ 
\mt2 ፃፊዳ ኪታ 
\imt1 ጊዶ ቆፋ 
\ip ሃይሲ ኪታዚ ፃፌቲዳይ ቄሪ ኢሲያን ዲዛ ኤፌሶኔ ካታማፔ ኣርሼይ ሞኪዛ ባጋራ ዲዛ ቆላሲያሴ ካታማን ዲዛ ዎሳ ኬꬃሳ። ሂኖ ሄ ዎሳ ኬꬃዮ ኤሲዳይ ጳዉሎሳ ጊዶንታ ኣጊኮካ ኢዛ ኦሮሜ ካዎቴꬃ ጋርሳን ዲዛ ኢሲያን ዋና ካታማ ጊዲዳ ኤፌሶኔፔ ሚሺራቾ ቃላ ዮቲዛይታ ሄ ዬዲዳ ጊሽ ቆላሲያሴስካ ኣላፌቴꬅ ዴስ። ቆላሲያሴ ዎሳ ኬꬃን “ፆሳ ኤራናሲኔ ሙሌራ ኣቶቴꬅ ዴማናስ ኢሲ ኢሲ ኣሲ ሁዔን ሁዔን ዎልቃማ ኣያናታሲኔ ጎዳታስ ጎይናናስ ኮሼስ” ጊዛ ዎርዶ ኣስታማሬቲ ዲዛይሳ ጳዉሎሲ ሲይዴስ። ሄ ኣስታማሬቲ ታማርሲዛ ሃራ ዮቲ “ኣሲ ዉሪካ ቃፃራ ዎጋስ ሃሬታናስ ቤሴስ፤ ካꬃ ሙሳ ዎጋኔ ሃራ ዎጋታካ ናጋናስ ቤሴስ” ጊዲ ታማርሴቴስ። 
\ip ጳዉሎሲ ሃ ኪታዛ ፃፊዳይ ቱሙ ጊዲዳ ኣማኖ ቲሚርቴ ታማሪዲ ሄ ዎርዶ ኣስታማሬታ ቲሚርቴዛ ዲጋናሳ። ኢዛ ማልꬄታፔ ዋናቲዛይ “ዬሱስ ኪርስቶሲ ኩሜꬃ ኣቶቴꬅ ኢሜስ፤ ሃንኮይቲ ኣማኒዛ ኣማኖይ ጊዲኮ ዬሱሳፔ ሃሴቴስ” ጊዛይሳ። ፆሲ ሃይሳ ኣላሜዛ ኪርስቶሳን ሜꬊዴስ። ቃሴካ ፆሲ ሃ ኣላሜዛ ኪርስቶሳ ባጋራ ባኮ ዛሪ ኤሃና። ሃይሲ ኣላሜዚ ኣታናይ ኪርስቶሳ ዎዝናፔ ኣማኖን ፃላላ። ሄሳን ኤቂዲ ጳዉሎሲ ሃይሲ ዎልቃማ ቲሚርቴይ ኣማኒዛይታ ዴዖን ዋኒ ዳናስ ኮሺዛኮኔ ቤሴስ። 
\ip ሃይሳ ሃ ኪታዛ ጳዉሎሳፔ ኤኪዲ ቆላሲያሴ ኣሳስ ጋꬃናስ ኪቴቲዳ ቲቂቆሳራ ኢሲፌ ዲዛይ ኣናስሞሳ ጊዲዳይሳ ኤሮይ ማዲዛዛ። ጳዉሎሲ ሄ ኣናስሞሳ ጌቴቲዛ ኣይሌዛ ጊሽ ፒልሞናስ ሃራ ኪታ ፃፊዴስ። ቆላሲያሴ ኪታ ጊዶን ዲዛ ቆፋይ ኤፊሶኔ ኪታራ ኣዳፌ ጋይቴስ። ናምዓይካ ኢሲ ዎዴን ፃፌቲዳ። ኢስታ ጊዶን ዲዛ ጊታ ዱማቴꬂ ኤፌሶኔ ኪታን ጳዉሎሲ ኪርስቶሳ ዎሳ ኬꬃ ሁዔ ኦꬂዲ ሺሼስ። ቃሴ ቆላሲያሴ ኪታን ኪርስቶሳ ሜꬌቴꬃ ኡባስ ሁዔ ኦꬂዲ ሺሼስ። ሃይሳ ኢዚ ኦꬂዲኣይ ፆሲ ሜꬊዳ ኪታንቻታስ ጎይኖይ ኤያቴꬅ ጊዲዳይሳ ቤሳናሳ። 
\is1 ሃ ማፃፋይ ኦይኪዳ ኩሜꬃ ቆፋ 
\io1 ጌሎሶ 1፡1-8 
\io1 ኪርስቶሳ ሃኖኔ ኢዛ ኦሶ 1፡9-2፡19 
\io1 ኪርስቶሳን ዲዛ ኦራꬃ ዴዖ 2፡20-4፡6 
\io1 ኩሻ ቆፋ 4፡7-18 
\c 1  
\p  
\v 1 ፆሳ ሼኔን ዬሱስ ኪርስቶሳን ኪቴቲዳ ጳዉሎሳፔኔ ኑ ኢሻ ፂምቶሳፔ፥  
\v 2 ቆላሲያሴን ዲዛ ኪርስቶሳን ዱማቲዳይታሲኔ ኣማኔቲዳ ኢሻታስ ኑ ኣዋ ፆሳፌ ሳሮቴꬂኔ ኪያቴꬅ ኢንቴስ ጊዶ። 
\s1 ጋላታ ዎሳ 
\p  
\v 3 ኑ ኢንቴ ጊሽ ዎሲዛ ኡባ ጋላስ ኑ ጎዳ ዬሱስ ኪርስቶሳ ኣዋ ፆሳ ጋላቶስ።  
\v 4 ጋሶይካ ኢንቴስ ዬሱስ ኪርስቶሳን ዲዛ ኣማኖኒኔ ኣማኒዛ ኣሳ ኢንቴ ዉርሲ ሲቂዛይሳ ኑ ሲዪዳ ጊሻሳ።  
\v 5 ሄሲ ዉሪካ ሃኒዳይ ሳሎን ኢንቴስ ጊጌቲዳ ሂዶታፔ ዴንዲዳይሳና። ሄሳ ሄ ሂዶታ ጊሽ ሚሺራቾ ቃላ ኢንቴ ካሴቲዲ ሲዪዴታ።  
\v 6 ሄሲካ ሄ ኢንቴኮ ጋኪዴስ። ሄሳ ሚሺራቾ ቃላ ኢንቴ ሲዮሳፔኔ ፆሳ ኪያቴꬃ ቱማቴꬃ ኢንቴ ኤሮ ጋላሳፌ ሃ ሲሚን ኣላሜ ዩሾን ኢዚ ኦꬂሼ ዲዛይሳ ማላ ኢንቴ ኣቻን ኣይፌ ኣይፊሼኔ ዲጪሼ ዴስ።  
\v 7 ሄሳካ ሃዒ ኑ ጊሽ ጊዲዲ ኪርስቶሳስ ኣማኔቲዳ ኦሳንቻ ጊዲዳይሲኔ ኑናራ ኢሲፌ ኦꬂዛኔ ሲቂዛ ኤጳፒራይ ኢንቴና ታማርሲዴስ። \f + \fr 1:7 \fq ኑ ጊሽ \ft ኢሲ ኢሲ ጌሻ ማፃፋታን ኢንቴ ጊሽ ጌቴቲዴስ።\f*\x * \xo 1:7 \xt ቆላ 4፡12፤ ፒል 23\x* 
\v 8 ቃሴካ ኢዚ ኢንቴናን ዲዛ ኣያና ሲቆቴꬃ ኑስ ዮቲዴስ። 
\p  
\v 9 ኑ ቃሴ ሄሳ ሲዮሳፔ ሃ ሲሚን ኢንቴ ፆሳ ሼኔ ኤራቴꬃኒኔ ኣኬካን ኢንቴና ኩንꬃና ማላ ኢንቴ ጊሽ ዎሳ ቃንፂቤኮ።  
\v 10 ሄሳꬆካ ጎዳስ ቤሲዛ ዱስ ዳና ማላ ኢንቴ ኢዛ ፖሊ ኡፋይሳና ማላ ሎዖ ኦሶ ኡባን ኣይፌ ኢማና ማላኔ ፆሴ ኤሮን ዲጪ ዲጪ ባና ማላ ኑ ኢንቴስ ዎሶስ።  
\v 11 ጎዳይ ባ ጊታ ዎልቃን ባ ሚኖቴꬅ ኡባ ኢንቴስ ኢሞ፤ ዉርሲካ ኢንቴ ዳንዳያና ማላኔ ኡፋይሳን ጊጌቲዳይታ ጊዳና ማላ ኢንቴና ኢዚ ማዶ።  
\v 12 ኣማኒዛይቲ ላቲዛሶ ፖዖ ካዎቴꬅ ላቲዛይታ ኑ ጊዳና ማላ ኑና ጋꬂዳ ኑ ኣዋ ኢንቴ ጋላታናሳ።  
\v 13 ኢዚ ኑና ꬉማን ሃሬቴꬃፌ ኣሺዲ ጌዴ ባ ዶሲዛ ናዛ ካዎቴꬃን ኑና ፒንꬂዴስ።  
\v 14 ኑ ኢዛን ዎዜቲዲ ናጋራፔ ማሬቲዶስ። \x * \xo 1:14 \xt ኤፌ 1፡7\x* 
\s1 ኪርስቶሲ ኡባፌ ቦላ 
\p  
\v 15 ኪርስቶሲ ኣይፌን ቤቶንታ ፆሳስ ቱሙ ሌሚሶ፤ ሜꬌቴꬃ ኡባፌ ጊታኔ ባይራ።  
\v 16 ሜꬌቴꬅ ዉሪ ኢዛን ሜꬌቲዴስ። ሳሎኒኔ ሳዓን ዲዛይቲ፥ ኣይፌን ቤቲዛይቲኔ ቤቶንታይታ ጊዲንካ፥ ዎልቃማታ ጊዲንካ፥ ሃሪዛይታ ጊዲንካ ዎይኮ ጎዳቴꬅ ዲዛይቲ ሃኒዳይ ዉሪካ ኢዛን ኢዛስ ሜꬌቲዴስ።  
\v 17 ኢዚ ኡባፌ ካሴ ዴስ። ዉሪካ ኢሲ ቦላ ኦይኬቲ ሚኒዳይ ኢዛና።  
\v 18 ኢዚ ባ ኣሳቴꬅ ጊዲዳ ዎሳ ኬꬃይስ ሁዔ። ኡባስ ቦላ ጊዳና ማላ ኢዚ ሃይቂዳ ኣሳ ኡባፌ ኮይሮ ዴንዲዴስ። \x * \xo 1:18 \xt ኤፌ 1፡22-23\x* 
\v 19 ሄሲካ ሃኒዳይ ኩሜꬃ ፆሳቴꬃይ ኢዛ ናዛን ዴዓና ማላ ፆሳ ኣዋ ሼኔ ጊዲዳ ጊሻሳ።  
\v 20 ማስቃሌ ቦላ ኢዛፔ ጉኪዳ ሱꬃን ሳሮቴꬅ ሜꬊዲ ቢታ ቦላ ጊዲን ሳሎ ቦላ ዲዛይሳ ዉርሲ ኢዛ ባጋራ ባናራ ማቃዪንꬂዴስ። \x * \xo 1:20 \xt ኤፌ 2፡16\x* 
\p  
\v 21 ኢንቴ ኢታ ኣማሌ ጋሶን ካሴ ኢንቴ ፆሳፌ ሻኬቲዲ ኢንቴ ኢንቴ ቆፋራ ኢዛስ ሞርኬታኮሺን።  
\v 22 ሃዒ ቃሴ ኢንቴ ቦላ ባላይኔ ዎሶይ ባይንዳ ጌሻታ ኦꬂዲ ኢንቴና ባ ሲንꬅ ሺሻናስ ኪርስቶሳ ኣሾ ሃይቆ ባጋራ ፆሲ ኢንቴና ባናራ ማቃዪንꬂዴስ።  
\v 23 ሄሲካ ሃናናይ ኢንቴ ኣማኖን ፃጲዲኔ ጊጌቲዲ ኢንቴ ኢንቴ ኣማኖን ኤኪዳ ሚሺራቾ ቃላፔ ቃፆንታ ሚኒ ኤቂኮና። ኢንቴሲኔ ሳሎ ጉፋንꬆን ዲዛ ሜꬌቴꬃስ ሳባኬቲዳ ሚሺራቾ ቃላይ ሄሳ። ታ ጳዉሎሲካ ሃይሳ ሃ ሚሺራቾ ቃላስ ኦሳንቻ ጊዳዲስ። 
\s1 ጳዉሎሲ ዎሳ ኬꬃ ጊሽ ኤኪዳ ዋዬ 
\p  
\v 24 ታ ኢንቴ ጊሽ ዋዬ ቤይዳይሲ ሃዒካ ታና ኡፋይሴስ። ኪርስቶሲ ባ ኣሳቴꬅ፤ ሄሲካ ዎሳ ኬꬃ ጊሽ ኢዚ ኤኪዳ ዋዬዛፔ ኤኪሺን ፓጪዳይ ዲኮ ታኒ ታ ኣሾን ኩንꬃና። \f + \fr 1:24 \ft ጳዉሎሲ ሃይሳን “ኢዚ ኤኪዳ ዋዬዛፔ ኤኪሺን ፓጪዳይ ዲኮ ታኒ ታ ኣሾን ኩንꬃና” ጉሲ ናጋራ ማራና ዳንዳዪዛ ኪርስቶሲ ኦꬂዳ ኦሶፔ ኣቲዳይሲ ዴስ ጉሲ ጊዴና፤ ሃይሳን ጳዉሎሲ ጊዛይሲ ኪርስቶሲ ኣሳ ናጋራ ጊሽ ማስቃሌ ቦላ ካቄቲዳይሳꬆ ꬋዪዳ ሃ ኣላሜይስ ሚሺራቾ ቃላ ዮቲሼ ኢዛ ዋዬዛ ስካኬቲዛይሳ ቤሴስ።\f* 
\v 25 ፆሳ ቃላ ታ ኢንቴስ ፓጬይ ባይንዳ ጋꬃና ማላ ታስ ፆሳፌ ኢሜቲዳ ሃዳራ ማላ ታ ዎሳ ኬꬃ ኦሳንቻ ጊዳዲስ።  
\v 26 ሃ ቃላይ ቤኒ ዎዴፔኔ ካሴ ዬሌቴꬃፌ ጌሚዲ ፁራ ጊዲ ጋምዒዴስ። ሃዒ ጊዲኮ ኣማኒዛይታስ ኡባስ ቆንጪዴስ።  
\v 27 ፆሲ ባ ኣሳስ ቆንጪሳናስ ኮይዳ ፁራይ ኢዛ ቦንቾ ዱሬቴꬃይ ኣይዛቤ ጊዲዳ ኢንቴ ጊዶን ኣይ ማላ ጊታኮኔ ቤሳናሳ። ኢዚካ ኢዛ ቦንቾ ሂዶታ ጊዲዳ ኢንቴ ጊዶን ዲዛ ኪርስቶሳ። 
\p  
\v 28 ኑካ ኢሲ ኢሲ ኣስ ኪርስቶሳስ ኩሜꬃ ኣስ ሂስቲ ሺሻናስ ዳንዳያና ማላ ኣስ ዉርሲ ሂላራ ዞሪሼኔ ታማርሲሼ ኪርስቶሳ ጊሽ ሳባኮስ።  
\v 29 ታካ ታ ጋርሳን ሚንꬃ ኦꬂዛ ኢዛ ዎልቃን ዉርሳ ባፄታሼ ሄ ቆፋ ፖላናስ ዳፌታይስ። 
\c 2  
\p  
\v 1 ኢንቴ ጊሺኔ ሎዶቂያን ዲዛይታኔ ሄሳꬆካ ታና ባ ኣይፌራ ቤዪ ኤሮንታ ኣሳ ኡባስ ታ ኣይ ማላ ባፄቲኮኔ ኢንቴ ኤራና ማላ ታ ኮያይስ።  
\v 2 ቃሴካ ኢስታ ዎዝናይ ሚናና ማላኔ ኢስቲ ሲቆቴꬃን ኢሶይ ኢሳራ ኦይኬታና ማላ ኩሜꬅ ጊዲዳይሳ ዩሺ ቆፒ ኤሮ ዱሬቴꬅ ዴሚዲ ፆሳ ፁራ ጊዲዳ ኪርስቶሳ ኢስቲ ኤራና ማላ ታ ዳፌታይስ።  
\v 3 ቆታን ዲዛ ጪንጫቴꬂኔ ኤራቴꬃ ሃሮይ ዉሪካ ቤቲዛይ ኪርስቶሳ ኣቻና።  
\v 4 ኦኒካ ኢንቴና ዱና ማልዔꬆን ባሌꬆንታ ማላ ታ ኢንቴስ ዮታይስ።  
\v 5 ታ ኢንቴፌ ኣሾ ኣይፌን ሃካ ዲኮካ ኣያናን ኢንቴናራ ኢሲፌ ዳይስ። ኢንቴ ዎጋራ ዲዛይሳኔ ኢንቴ ኪርስቶሳ ሎዔꬅ ኣማኒዛይሳ ቤያዳ ታ ዳሮ ኡፋዬታይስ። 
\s1 ኪርስቶሳን ቤቲዛ ኩሜꬃ ዴዖ 
\p  
\v 6 ሄሳ ጊሽ ኢንቴ ጎዳ ዬሱስ ኪርስቶሳ ኣማኒዳ ማላ ኢዛን ዴዒቴ።  
\v 7 ኢንቴ ኢዛን ቶኬቲዲኔ ኬፄቲዲ ኢንቴ ታማሪዳ ማላ ኣማኖን ሚኒ ዳሮ ቲርፓ ጋላታ ኢዛስ ሺሺሼ ዲቴ። 
\p  
\v 8 ኪርስቶሳን ፃጲዳዝ ጊዶንታ ኣሳ ዎጋኒኔ ጎዓይ ባይንዳ ሃ ኣላሜዛ ላፋ ዎጋን ኤቂዳ ኣሳ ኤራቴꬃኒኔ ጮ ሜላ ባሌꬆ ሃሳያን ኢንቴና ኦኒካ ዲዖንታ ማላ ናጌቲቴ።  
\v 9 ጋሶይካ ኩሜꬃ ፆሳቴꬅ ኢዛ ኣሳቴꬃን ዴስ።  
\v 10 ኢንቴካ ሃሪዛይታሲኔ ጎዳታ ኡባስ ሁዔ ጊዲዳ ኪርስቶሳን ኩሜꬅ ጊዲቴ። 
\p  
\v 11 ኢንቴ ኢዛን ቃፃሬቲዴታ። ሄሲ ሄ ቃፃራዚካ ናጋራ ጊዲዳ ኣሾ ቆፋ ዲጋናስ ኪርስቶሳን ሃኒዳይሳ ኣቲን ኣሳ ኩሼን ሃኒቤና።  
\v 12 ፂንቃታን ኢዛራ ኢሲፌ ሞጌቲዴታ። ኢዛ ሃይቆፔ ዴንꬂዳ ፆሳ ዎልቃን ኣማኒዲ ቃሴካ ኢዛራ ኢሲፌ ዴንዲዴታ። \x * \xo 2:12 \xt ኦሮ 6፡4\x* 
\v 13 ኢንቴ ካሴ ኢንቴ ሞሮኒኔ ኢንቴ ኣሾ ናጋራ ሃኖቴꬃ ኢንቴፌ ዲጎንታ ኣጊዳ ጊሽ ሃይቂዳይታኮ ሺን ፆሲ ኢንቴና ኪርስቶሳ ባጋራ ፓꬂዴስ፤ ኢንቴ ናጋራካ ኡባ ኣቶ ጊዴስ። \x * \xo 2:13 \xt ኤፌ 2፡1-5\x* 
\v 14 ካሴ ኑና ሞቲሼኔ ኑናራ ኤቄቲሼ ዲዛ ሙሴ ዎጋን ኣጮ ሞቶስ ፃፌቲዳይሳ ቁጪ ዲጊዴስ። ማስቃሌ ቦላ ቶርጊዲ ኑ ቦላፌ ዲጊዴስ።  
\v 15 ሃላቃታኔ ጎዳቲዛይታ ጎዳቴꬅ ኢስታፌ ዎꬂ ኤኪዲኔ ማስቃሌ ቦላ ሃይቂዲ ፆኒ ዴንዲዲ ዲዔቲዳይታ ቆንጬን ዩሺ ቤሲዴስ። 
\p  
\v 16 ሄሳ ጊሽ ሙሳን ዎይኮ ኡሻን፥ ኢሲፌ ቦንቾን ዎይኮ ኣጊና ፄሮኒኔ ሳምባታ ጋላስ ቦንቾ ጊሽ ኢንቴ ቦላ ኦኒካ ፒርዶፎ። \x * \xo 2:16 \xt ኦሮ 14፡1-6\x* 
\v 17 ሄይቲ ዉሪካ ቡሮ ያና ሃኖታስ ኤሾታ ጊዲሺን ዋና ኣሳቴꬃይ ጊዲኮ ኪርስቶሳ።  
\v 18 ቤሶንታ ኣሽኬቴꬂኔ ኪታንቻታስ ጎይኖ ዶሲዛ ኣሲ ኦኒካ ኢንቴና ꬉጲዲ ሜላ ኣሾንታ ማላ ናጌቲቴ። ሄሳ ማላ ኣሲ ባ ቤዪዳ ኣጉሞስ ዎጋይ ባይንዳ ባና ናሺሼ ሃዳ ኣሾ ቆፋን ኩሚዲ ኦቶሬቴስ።  
\v 19 ሄሳ ማላ ኣሳስ ሁዔ ጊዲዳ ኪርስቶሳራ ኣይኮ ጋይቶቴꬂካ ዴና። ኩሜꬃ ኣሳቴꬅ ሻያኒኔ ኮልꬔ ጋꬂ ኦይꬄꬂ ዲቺዛ ሁዔይ ኪርስቶሳ። ፆሲ ኪርስቶሳ ኣሳቴꬅ ኩሜꬅ ዲቺዛይ ሄሳ ማላና። \x * \xo 2:19 \xt ኤፌ 4፡16\x* 
\s1 ዎርዶ ቲሚርቴፌ ናጌቲቴ 
\p  
\v 20 ሃይሳ ሃ ኣላሜዛ ዎጋስ ኢንቴ ኪርስቶሳራ ሃይቂዳይታ ጊዲኮ ሂስቲን ሃዒ ኣዛስ ሄ ዎጋስ ሃሬቴቲ?  
\v 21 ኦይኮፋ፥ ላጫ ቤዮፓ፤ ቦቾፋ ጊዛይታ ማላ።  
\v 22 ሃይቲ ዉሪ ኣሳ ኣዛዞኒኔ ኣሳ ቲሚርቴን ዎꬊዳ ዎጋታ ጊዲዳ ጊሽ ኦꬄቲዳፔ ጉዬ ጮ ꬋያናስ ዴቴስ።  
\v 23 ሃ ኣዛዞቲ ባርካ ባፔ ሜꬊ ኤኪዳ ጎይኖ ቆፋይ ጮ ቤሶንታ ኣሽኬቴꬂኔ ባ ኣሳቴꬅ ናቂ ኦይꬃን ኢስታስ ቱሙ ኣꬎ ኤራቴꬅ ዲዛይታ ሚሳቴቴስ። ጊዶ ኣቲን ኣሾ ኣሞቴꬅ ሺሺ ኦይኪዛ ዎልቃይ ኢስታስ ባዋ። 
\c 3  
\s1 ጌሻቴꬃ ዱሳስ ማዲዛ ዎጋ 
\p  
\v 1 ሂስቲኮ ኢንቴ ኪርስቶሳራ ኢሲፌ ዴንዲዳይታ ጊዲኮ ኪርስቶሲ ፆሳ ኣቻን ኡቲዳሶን ፑዴን ዲዛ ሃኖቴꬃ ኮዪቴ። \x * \xo 3:1 \xt ማዛ 110፡1\x* 
\v 2 ኢንቴ ቆፋይ ፑዴ ቦላን ዲዛ ሚሻ ቦላ ጊዶ ኣቲን ሃ ቢታ ዮዖ ቦላ ጊዶፖ።  
\v 3 ጋሶይካ ኢንቴ ሃይቂዴታኔ ኢንቴ ዴዖይካ ኪርስቶሳራ ፆሳ ኣቻን ቆቴቲዴስ።  
\v 4 ኢንቴስ ዴዖ ጊዲዳ ኪርስቶሲ ቆንጪዛ ጋላስ ኢንቴካ ሄ ዎዴ ኢዛራ ኢሲፌ ቦንቾራ ቆንጫና። 
\p  
\v 5 ሄሳ ጊሽ ኢንቴስ ቢታ ቦላ ዲዛ ኣሞቴꬅ ዲጊቴ። ሄይቲካ ላይማ፥ ቱናቴꬅ፥ ኣሾ ኣሞ፥ ኢታ ኣሞቴꬂኔ ኤቃስ ጎይኖ ማላ ጊዲዳ ጋጲጋጶ።  
\v 6 ሄይታንታ ጋሶን ፆሳ ሃንቆይ ፆሳስ ኣዛዜቶንታይታ ቦላ ያና።  
\v 7 ኢንቴካ ካሴ ዲዛ ዱሳን ሄ ሚሻታ ኦꬂዴታ። 
\p  
\v 8 ሃዒ ጊዲኮ ሃንቆ፥ ዪሎ፥ ጫሼ፥ ዚጊርሲኔ ዬላሲዛ ሃሳያ ሄይታንታ ሚሳቲዛይታ ዉርሲ ዲጊቴ።  
\v 9 ካሴ ጬጋ ኣሳቴꬅ ኢዛ ኦሶራ ጋꬂ ኢንቴፌ ቃሪ ዬጊዳ ጊሽ ኢንቴ ኢንቴ ጋርሳን ኢሶይ ኢሳራ ዎርዶ ሃሳዮፒቴ። \x * \xo 3:9 \xt ኤፌ 4፡22\x* 
\v 10 ባና ሜꬊዳይሳ ሚሳታና ማላ ኤራን ኦራፂዳ ኦራꬃ ኣሳቴꬅ ማይዒዴታ። \x * \xo 3:10 \xt ኤፌ 4፡24፤ ሜꬌ 1፡26\x* 
\v 11 ሄን ጊሪኬ ኣስ ጊዲን ዎይኮ ዩሁዳ ኣስ ዎይኮ ቃፃሬቲዳይታ ዎይኮ ቃፃሬቶንታይታ ዎይኮ ታማሪዳይታኔ ታማሮንታይታ ዎይኮ ማሬቶንታይታ ዎይኮ ኣይሌ ዎይኮ ጎቃ ጌቴቲዛ ዱማቴꬂ ዴና። ኪርስቶሲ ሄይታንታ ኡባሳ። ቃሴ ኡባንካ ዴስ። \f + \fr 3:11 \ft ታማሪዳይታኔ ታማሮንታይታ ጊዛይሲ ካሴ ኮይሮ ጊሪኬ ቃላን ባርባሪያኔ ኣሲኩቴ ጉሲ ጊዲሺን ኢዚካ ዎራ ጊዶፌ ዪዳ ኣሳታኔ ጊሪኬ ቃላ ኤሮንታይታ ቤሴስ\f* 
\v 12 ሄሳ ጊሽ ዱማ ጊዲዲ ዶሴቲዳይቶ፥ ኢንቴ ፆሳስ ዶሬቲዳይታ ጊዲዳ ማላ ሚሼቴꬂኔ ኪያቴꬅ፥ ኣሽኬቴꬅ፥ ቦንቾኔ ዳንዳያ ማይዒቴ። \x * \xo 3:12 \xt ኤፌ 4፡2\x* 
\v 13 ኢንቴ ኢሶይ ኢሳ ዳንዳዪቴ፥ ኢንቴፌ ኢሳዴይ ኢሳዴ ቦላ ሚሼቲኮ ዮዖይካ ኢዛ ቦላ ዲኮ ኢሶይ ኢሳስ ኣቶ ኣቶ ጌቴቲቴ። ጎዳይካ ኢንቴስ ኣቶ ጊዳ ማላ ኢንቴካ ሃራ ኣሳስ ኣቶ ጊቴ። \x * \xo 3:13 \xt ኤፌ 4፡32\x* 
\v 14 ሄሳ ኡባ ቦላ ኡባ ኩሜꬃ ኢሲፌቴꬃን ሺሺ ቃቺዛ ሲቆ ማይዒቴ።  
\v 15 ኢንቴ ዉሪካ ኢሲ ኣሾ ጊዲዲ ሳሮቴꬃስ ፄይጌቲዳ ኪርስቶሳ ሳሮቴꬂ ኢንቴ ዎዝናን ካዎቶ። ኢንቴ ጋላቲዛይታ ጊዲቴ። 
\p  
\v 16 ኪርስቶሳ ቃላይ ኢንቴናን ኩሜꬅ ጊዶ። ኢንቴ ኢንቴ ጋርሳን ኣꬎ ኤራቴꬃን ታማሪቴኔ ዞሬቲቴ፤ ማዛሙሬኒኔ ሳባን ኣያና ዬꬃን ጋላታራ ጋꬂ ኢንቴ ዎዝናራ ፆሳስ ዬፂቴ።  
\v 17 ኢዛ ባጋራ ፆሳ ኣዋስ ጋላታ ሺሺሼ ቃላን ጊዲን ዎይኮ ኦሶን ኢንቴ ኦꬂዛይሳ ዉርሲ ጎዳ ዬሱሳ ሱንꬃን ኦꬂቴ። 
\s1 ኣማኒዛ ኣሳይ ባሶ ኣሳ ካሌꬂዛ ዎጋ 
\p  
\v 18 ማቼቶ! ጎዳ ኣቻን ኢንቴስ ቤሲዛ ሚሽ ጊዲዳ ጊሽ ኢንቴ ኣዚናታስ ኣዛዜቲቴ። \x * \xo 3:18 \xt ኤፌ 5፡22፤ 1ጴፅ 3፡1\x* 
\v 19 ኣዚናቶ! ኢንቴ ኢንቴ ማቼታ ሲቂቴኔ ኢስታስ ሜንፄ ኢቶፒቴ። \x * \xo 3:19 \xt ኤፌ 5፡25፤ 1ጴፅ 3፡7\x* 
\p  
\v 20 ናይቶ! ኢንቴ ጎዳ ኡፋይሳና ማላ ኢንቴ ኢንቴና ዬሊዳይታስ ኡባ ሚሻን ኣዛዜቲቴ። \x * \xo 3:20 \xt ኤፌ 6፡1\x* 
\v 21 ኣዋቶ! ናይቲ ሂዶታ ቃንፆንታ ማላ ኢንቴ ናይታ ሃንቄꬆፍቴ። \x * \xo 3:21 \xt ኤፌ 6፡4\x* 
\p  
\v 22 ኣይሌቶ! ኣስ ኡፋይሳሲኔ ጮ ኣይፌሶን ቤታናስ ጊዶንታ ሱሬ ዎዝናፔ ኢንቴ ጎዳስ ባቢቴ። ሃይሳ ቢታን ሃሪዛ ጎዳታስካ ሃኖ ኡባን ኣዛዜቲቴ። \x * \xo 3:22 \xt ኤፌ 6፡5-8\x* 
\v 23 ኢንቴ ኦꬂዛ ሚሽ ዉርሲ ኣሳስ ጊዶንታ ጎዳስ ኦꬂዛ ማላ ታይቢዲ ኩሜꬃ ዎዝናፔ ኦꬂቴ።  
\v 24 ኢንቴ ጎዳ ኣቻፌ ኢንቴ ኦሶ ማላ ኤካናስ ላታይ ዲዛይሳ ኢንቴ ኤሬታ። ኢንቴ ኦꬂዛይ ጎዳ ዬሱስ ኪርስቶሳሳ።  
\v 25 ቆሆ ኦꬂዳዴይ ባ ኦꬂዳሪ ኩሼ ኤካና። ኢዛ ኣቻን ዱማ ማዶይ ዴና። \x * \xo 3:25 \xt ዛሬ 10፡17፤ ኤፌ 6፡9\x* 
\c 4  
\p  
\v 1 ጎዳቶ! ኢንቴስ ሳሎን ጎዳይ ዲዛይሳ ኢንቴ ኤሪዛ ጊሽ ኢንቴስ ኦꬂዛይታስ ቱማኒኔ ሱሬቴꬃን ኦꬂቴ። \x * \xo 4:1 \xt ኤፌ 6፡9\x* 
\s1 ጉጆ ዞሬ 
\p  
\v 2 ቤጊዲ ጋላታራ ጋꬂ ፓጬይ ባይንዳ ፆሳ ዎሲቴ።  
\v 3 ታ ኢዛ ጊሽ ቃሼቲዳ ኪርስቶሳ ፁራ ኣዋጃናስ ዳንዳያና ማላ ፆሲ ኑስ ቃላ ዮታናስ ኦጌ ዶያና ማላ ኑ ጊሺካ ዎሲቴ።  
\v 4 ቃሴካ ሃሳያናስ ቤሲዛ ቃላ ቆንጬን ታ ሃሳያና ማላ ታስ ዎሲቴ። 
\p  
\v 5 ኣማኖንታ ኣሳታራ ኢንቴስ ዲዛ ሃኖቴꬃን ኣꬎ ኤራቴꬃን ሲሜሬቲቴ። ኢንቴስ ቤቲዳ ሎዖ ቃዳን ጎዔቲቴ። \x * \xo 4:5 \xt ኤፌ 5፡16\x* 
\v 6 ኢሶስ ኢሳስ ኢንቴ ዛሮ ዎስቲ ኢማናኮኔ ኢንቴ ኤራና ማላ ኢንቴ ሃሳያይ ማፂኔራ ካፂዳ ካꬃ ማላ ማልዖ ጊዶ። 
\s1 ዉርሴꬃ ሳሮካ 
\p  
\v 7 ቲቂቆሲ ታ ዱሳ ጊሽ ዉርሲ ኢንቴስ ዮታና። ኢዚ ዳሮ ዶሴቲዳ ኢሻኔ ጎዳስ ታናራ ኢሲፌ ኦꬂዛ ኣማኔቲዳ ኦሳንቻ። \x * \xo 4:7 \xt ሃዋ 20፡4፤ 2ፂም 4፡12\x* 
\v 8 ኑ ዱሳ ጊሽ ኢንቴ ኤራና ማላኔ ኢንቴ ዎዝና ሚንꬃና ማላ ታኒ ኢዛ ኢንቴኮ ኪታዲስ።  
\v 9 ኢዚ ኢንቴ ባጋ ጊዲዲ ኣማኔቲዳዴኔ ዶሴቲዳዴ ጊዲዳ ኑ ኢሻ ኣናስሞሳራ ኢንቴኮ ኤራይስ። ኢስቲካ ሃን ዲዛ ሃኖዛ ዉርሲ ኢንቴስ ዮታና። \x * \xo 4:9 \xt ፒል 10-12\x* 
\v 10 ባርናባሳ ኣዋ ሚቼይ ና ማርቆሲኔ ታናራ ኢሲፌ ቃሼቲዳ ኣርፂሮኮሲ ኢንቴና ሳሮ ጌቴስ። ማርቆሳ ጊሽ ኢንቴ ኣይ ኦꬃናኮኔ ካሴ ኢንቴና ታ ቆፊሳ ዎꬂዳ ማላ ኢዚ ኢንቴኮ ጋኪሺን ሞኪ ኤኪቴ። \x * \xo 4:10 \xt ሃዋ 12፡12፥25፤ 13፡13፤ 15፡37-39፤ 19፡29፤ 27፡2፤ ፒል 24\x* 
\p  
\v 11 ኢዮስፆሳ ጌቴቲዛ ኢያሶይካ ኢንቴና ሳሮ ጌስ። ኣይሁዳ ኣሳ ጊዶፌ ፆሳ ካዎቴꬃስ ታናራ ኦꬂዛይቲ ሃይታንታ ፃላ። ኢስቲ ታና ሚንꬄꬂዳ። 
\p  
\v 12 ኢንቴ ባጋፌ ጊዲዳ ዬሱስ ኪርስቶሳ ኦሳንቻ ኤጳፒራይ ኢንቴና ሳሮ ጌስ። ኢዚካ ኢንቴና ኣያና ዱሳን ሎዔꬂ ሚኒዲኔ ሙሌራ ዎፑ ጊዲ ፆሳ ሼኔን ሚኒ ኤቃና ማላ ኡባ ዎዴ ኢንቴ ጊሽ ዎሳን ባፄቴስ። \x * \xo 4:12 \xt ቆላ 1፡7፤ ፒል 23\x* 
\v 13 ቃሴካ ኢንቴ ጊሽ ሄሳꬆካ ሎዶቂያኒኔ ኢያርፖሊሴ ካታማን ዲዛይታስ ኢዚ ፓጬይ ባይንዳ ኦꬂዛይሳ ታ ኢዛስ ማርካታይስ። 
\p  
\v 14 ዳሮ ዶሴቲዳ ኣኪሜ ሉቃሲኔ ዴማሲ ኢንቴና ሳሮ ጌቴስ። \x * \xo 4:14 \xt 2ፂም 4፡10-11፤ ፒል 24\x* 
\v 15 ሎዶቂያን ዲዛ ኑ ኢሻታስ፥ ኒምፑሲኔ ኢዚ ኬꬃን ሺቂዛ ኣማኒዛ ኣሳታስ ታ ሳሮካ ዮቲቴ። \f + \fr 4:15 \ft ኒምፑሲሲኔ ኢዚ ኬꬃን ዲዛሪስ። ኢሲ ኢሲ ቢርሼꬃ ማፃፋቲ ኒምፑሴሲኔ ኢዛ ኬꬃን ሺቂዛ ኣማኒዛ ኣሳታ ጌቴስ\f* 
\v 16 ሃና ታ ኪታያ ኢንቴስ ናባቤቲዳ ማላ ቃሴካ ሎዶቂያን ዲዛ ዎሳ ኬꬃይን ናባቤታና ማላ ኦꬂቴ። ኢንቴካ ቃሴ ሎዶቂያፔ ኢንቴስ ኪቴቲዳ ኪታ ናባቢቴ።  
\v 17 ኣኪሪጳስ “ኔኒ ጎዳፔ ኤኪዳ ኦሶዛ ዉርሴꬅ ጋꬃናስ ሚና” ጊቴ። \x * \xo 4:17 \xt ፒል 2\x* 
\p  
\v 18 ሃይሳ ሳሮካ ታኒ ጳዉሎሲ ታ ኩሼራ ፃፋዲስ። ታ ቃሼታ ዲዛይሳ ዶጎፒቴ። ፆሳ ኪያቴꬂ ኢንቴናራ ጊዶ።