\id ACT - Gamo project 
\h ሃዋሬታ ኦሶ 
\toc1 ሃዋሬታ ኦሶ 
\toc2 ሃዋሬታ ኦሶ 
\toc3 ሃዋ 
\mt1 ሃዋሬታ ኦሶ 
\imt1 ጊዶ ቆፋ 
\ip ሃዋሬታ ኦሶ ማፃፋዚ ሉቃሳ ሚሺራቾ ቃላፔ ካሊዛይሳ። ሃ ማፃፋዛስ ኣይፌ ቆፋይ ኮይሮ ዬሱሳ ካሊዛይቲ ፂሎ ኣያናይ ካሌꬂን ኢዛ ጊሽ ዮቲዛ ሚሺራቾ ቃላ “ዬሩሳላሜን፥ ዩሁዳ ዴሬ ኡባን፥ ሳማሪያኒኔ ቢታ ጋፃ ጋካናስ” 1፡8 ሚሺራቾ ቃላ ኢስቲ ዎስቲ ዉርሲ ጋꬂዳኮኔ ሄሳ ዮታናሳ። ማፃፋዚ ኣማኖይ ኣይሁዳታ ጋርሳን ዶሚዲ ኩሜꬃ ኣላሜ ኣሳይ ኣማናና ጋካናስ ኢዚ ዋኒ ዋኒ ኣኪ ኣኪ ቢዳኮኔ ዮቲዛይሳ። ሃይሳ ማፃፋ ፃፊዳይሲ ኣማኒዛይቲ ኦሮሜ ካዎራ ኤቄታናስ ጋርሳራ ዮዖ ቃቺዛይታ ጊዶንታይሳኔ ኣማኒዛይታ ኣማኖይ ሃንኮ ኣይሁዳታ ኣማኖ ፖሎኮ ጋꬂዛዝ ጊዲዳይሳ ኤሪሳናስ ዳሮ ባፄቲዴስ። 
\ip ሃዋሬታ ኦሶ ማፃፋይ ዬሱሳ ጊሽ ሚሺራቾ ቃላይ ጋኪዛሶይ ዎዴን ዎዴን ኣኪ ኣኪ ቢዛይሳኔ ዎሳ ኬꬄይ ሚኒ ፃጲዳይሳ ቤሲዛ ሄꬑ ጊታ ኪፊሌታን ሻኬታናስ ዳንዳዬስ። 
\ip 1. ኣማኒዛይታ ኣማኖይ ዬሱሲ ዴንዲዲ ፑዴ ሳሎ ቢዳፔ ጉዬ ዬሩሳላሜን ዶሚዴስ። 
\ip 2. ኢስራዔሌ ዴሬ ኩሜꬅ ጋኪዴስ። 
\ip 3. ኦሮሜ ጉጂ ኤኪዲ ሜዲቴራኔ ኣባ ዩሾን ዲዛ ዴራ ጋካናስ ኦይኮይሳ ዮቴስ። 
\ip ሃዋሬታ ኦሶ ማፃፋን ኬሂ ቆንጪ ቤቲዛይ ፂሎ ኣያና ኦሶ ጊዲሺን ጴንፃቆስቴ ባዓሌ ጋላስ ዬሩሳላሜን ኣማኒዛ ኣሳ ቦላ ዎልቃራ ዎꬎይሳ፥ ሄሳꬆካ ሄ ማፃፋዛን ዮቴቲዳ ዮታን ኡባን ቆንጪዳ ማላ ፂሎ ኣያናይ ዎሳ ኬꬃኔ ዎሳ ኬꬃ ካሌꬂዛይታ ካሌꬂዳይሳኔ ሚንꬄꬂዳይሳ ጉጄስ። ቤኒ ዎዴ ዮቴቲዛ ኣማኖ ቃላይ ዱማ ዱማ ኦጌራ ሳባኬቲዴስ። ሃዋሬታ ኦሶ ማፃፋን ፖሌቲዳ ኦሶቲካ ኪታዚ ኣማኒዛይታ ዴዖኔ ኢስታ ኢሲፌቴꬃን ዲዛ ዎልቃይ ኣይ ማላ ሚኖኮኔ ኤሪሴቴስ። 
\is1 ሃ ማፃፋይ ኦይኪዳ ኩሜꬃ ቆፋ 
\io1 ማርካቴꬃስ ጊጌቴꬅ 1፡1-26 
\io1 ዬሩሳላሜን ዮቴቲዳ ማርካቴꬅ 2፡1-8፡3 
\io1 ዩሁዳኒኔ ሳማሪያን ዮቴቲዳ ማርካቴꬅ 8፡4-12፡25 
\io1 ጳዉሎሳ ሃዋሬቴꬃ ኦꬆ 13፡1-28፡31 
\io1 ሚሺራቾ ቃላ ዮታናስ ጳዉሎሳስ ኮይሮ ቡስ 13፡1-14፡28 
\io1 ዬሩሳላሜ ሺቆ 15፡1-35 
\io1 ሚሺራቾ ቃላ ዮታናስ ጳዉሎሳስ ናምዓንꬆ ቡስ 15፡36-18፡22 
\io1 ሚሺራቾ ቃላ ዮታናስ ጳዉሎሳስ ሄꬓንꬆ ቡስ 18፡23-21፡16 
\io1 ጳዉሎሲ ዬሩሳላሜን፥ ቂሳሬኒኔ ኦሮሜን ቃሼቲዴስ 21፡17-28፡31 
\c 1  
\s1 ሃዋሬታ ኦሶ ጌሻ ማፃፋ 
\p  
\v 1 ቶፊሎሳ፥ ዬሱሲ ኦꬃናሲኔ ታማርሳናስ ኦይኪዳይሳ ዉርሳ ታ ኔስ ኮይሮ ማፃፋን ፃፋዲስ። \x * \xo 1:1 \xt ሉቃ 1፡1-4\x* 
\v 2 ሄሲካ ኢዚ ፑዴ ዴንꬃ ጋላስ ጋካናስ ባ ዶሪ ኪቲዳይታስ ፂሎ ኣያና ባጋራ ኢዚ ኢስታስ ኢሚዳ ኣዛዞኮ።  
\v 3 ኢዚ ዳሮ ዋዬ ቤዪዳፔ ጉዬ ኢስታኮ ሺቂዲ ሃይቆፔ ዴንዳናይሳ ኢስታስ ዳሮ ማርካራ ቆንጪሲሼ ኦይዱ ታሙ ጋላስ ጋካናስ ኢስታስ ጋላስ ጋላስ ቤቲሼ ፆሳ ካዎቴꬃ ጊሽ ዮቲዴስ።  
\v 4 ኢስታራ ኢሲፌ ማዳን ኡቲ ዲሼ ኢስታ “ዬሩሳላሜፔ ኬዞፒቴ፤ ጊዶ ኣቲን ታ ኢንቴስ ዮቲሺን ኢንቴ ሲዪዳይሳ ታ ኣዋይ ኢሚዳ ኡፋይሳ ናጊቴ። \x * \xo 1:4 \xt ሉቃ 24፡49\x* 
\v 5 ዮሃኒሲ ሃꬃን ፃማቂዴስ ሺን ኢንቴ ቃስ ጉꬃ ዎዴፔ ጉዬ ፂሎ ኣያናን ፃማቄታና” ጊዲ ኣዛዚዴስ። \x * \xo 1:5 \xt ማቶ 3፡11፤ ማር 1፡8፤ ሉቃ 3፡16፤ ዮሃ 1፡33\x* 
\p  
\v 6 ኢስቲካ ኢሲ ቦላ ሺቄቲ ዲሼ “ጎዶ! ኔ ኢስራዔሌታ ካዎቴꬅ ዛራዳ ሃዒ ኤሳኔ?” ጊ ኦይቺዳ። 
\p  
\v 7 ኢዚካ ኢስታስ “ኣዋይ ባ ሼኔን ዎꬂዳ ዎዴ ኤሮይ ኢንቴስ ኢሜቲቤና።  
\v 8 ጊዶ ኣቲን ፂሎ ኣያናይ ኢንቴ ቦላ ዎꬊዳ ዎዴ ኢንቴ ዎልቃ ኤካና። ዬሩሳላሜንካ፥ ዩሁዳኒካ፥ ሳማሪያንካ ኡባሶን ቢታ ጋፃ ጋካናስ ኢንቴ ታስ ማርካታ ጊዳና” ጊዴስ። \x * \xo 1:8 \xt ማቶ 28፡19፤ ማር 16፡15፤ ሉቃ 24፡47-48\x* 
\p  
\v 9 ሄሳ ጊ ዮቲዳፔ ጉዬ ኢስቲ ፄሊሺን ፑዴ ሳሎ ዴንዲዴስ። ሳሎ ሻራይካ ኢስታ ኣይፌፔ ኢዛ ጌንꬂዴስ። \x * \xo 1:9 \xt ማር 16፡19፤ ሉቃ 24፡50-51\x* 
\p  
\v 10 ኢዚ ቢሺን ኢስቲ ኢዛ ቲሺ ሂስቲ ፑዴ ሳሎ ፄሊሺን ቦꬃ ማይዖ ማይዒዳ ናምዑ ኣሳቲ ቆፖንታ ኢስታ ኣቻን ኤቂዲ፤  
\v 11 “ኢንቴኖ ጋሊላ ኣሳቶ! ኢንቴ ፑዴ ሳሎ ፄሊሼ ሃይሳን ኣዛስ ኤቂዴቲ? ሃይሲ ኢንቴ ማታፔ ፑዴ ሳሎ ዴንዲሺን ኢንቴ ቤዪዛ ዬሱሲ ሳሎ ኬዚሺን ኢንቴ ቤዪዳ ማላ ሄሳꬆካ ኢዚ ሃ ሲሚ ያና” ጊዳ። 
\s1 ዩሁዳ ሶሆን ማቲያሲ ዶሬቲዴስ 
\p  
\v 12 ሄሳፌ ጉዬ ዳብራዛይቴ ጌቴቲዛ ዙማ ቦላፌ ዎꬊዲ ዬሩሳላሜ ሲሚዳ። ሄ ዙማይካ ዬሩሳላሜፔ ኢሲ ኪሎ ሜትሬ ማላ ሃኬስ።  
\v 13 ጌዴ ካታማዮ ጌሊዳ ዎዴ ካሴ ባ ዲዛ ኬꬃ ፖቄ ቦላ ኬዚዳ፤ ሄይቲካ ጴፅሮሳ፥ ዮሃኒሳ፥ ያቆቤ፥ ኢንዲራሳ፥ ፒሊጶሳ፥ ቶማሳ፥ ባርቴሌሞሳ፥ ማቶሳ፥ ኢልፊዮሳ ና ያቆቤ፥ ባ ባጋ ማዲዛዴ ጌቴቲዛ ሲሞናኔ ያቆቤ ና ዩሁዳ። \x * \xo 1:13 \xt ማቶ 10፡2-4፤ ማር 3፡16-19፤ ሉቃ 6፡14-16\x* 
\v 14 ሄይቲ ዉሪካ ማጫሳታፔ ዬሱሳ ኣዮ ማራሚራ ሄሳꬆካ ኢዛ ኢሻታራ ኢሲ ዎዝናን ኢሲ ቦላ ቃንፆንታ ሚኒ ዎሲዳ። 
\p  
\v 15 ሄ ጋላሳታን ጴፅሮሲ ፄታኔ ናምዑ ታሙ ኣማኒዛ ኣሳ ጊዶን ኤቂዲ፥  
\v 16 “ታ ኢሻቶ! ዬሱሳ ኦይኪዳ ኣሳታ ካሌꬂ ኤሂዳ። ዩሁዳ ጊሽ ፂሎ ኣያናይ ካሴቲዲ ዳዉቴ ዱናን ሃሳዪዳ ጌሻ ማፃፋ ቃላይ ፖሌታና ኮሼስ።  
\v 17 ኢዚካ ኑፔ ኢሳዴ ማላ ታይቤቲዲ ሃይሳ ሃ ኦሶዛን ጌላናስ ቃዳ ዴሚዴስ” ጊዴስ። 
\p  
\v 18 ጊዲኮካ ሃይሳዴይ ባ ኢታ ኦሶን ዴሚዳ ሚሻን ጋዴ ሻሚዴስ፤ ሄንካ ባ ሊጴን ጉፋኒ ኩንዲን ኢዛ ኣሳቴꬃይ ጊዶፌ ጳልቄቲ ዎꬊዴስ፤ ኢዛ ማራጬይ ቢታ ቦላ ዛዜቲዴስ። \x * \xo 1:18 \xt ማቶ 27፡3-8\x* 
\v 19 ሄሲካ ዬሩሳላሜን ዲዛ ኣሳስ ኡባስ ሲዬቲዴስ። ቢታይካ ኢስታ ቃላራ “ኣኬልዳማ” ጌቴቲዴስ፤ ሄሳስ ቢርሼꬃይካ ሱꬃ ቢታ ጉሳ። 
\p  
\v 20 ጉጂዲካ ጴፅሮሲ “ማዛሙሬ ማፃፋን 
\q1 ‘ኢዛ ጋዴይ ሜላ ኣቶ፥ ኢዛን ኣይ ኣሲካ ዶፖ፤ 
\q2 ቃሴካ ኢዛ ዳናቴꬅ ሃራ ኣሲ ኤኮ’ 
\q1 ጌቴቲ ፃፌቲዴስ። \x * \xo 1:20 \xt ማዛ 69፡25፤ 109፡8\x* 
\p  
\v 21 “ሄሳ ጊሽ ጎዳ ዬሱሲ ኑናራ ዲዛ ዎዴ ኡባን ኑናራ ኢሲፌ ዲዛይታ ጊዶፌ ኑ ኢሳዴ ዶራናስ ኮሼስ።  
\v 22 ሄሲካ ዮሃኒሳ ፂንቃቴፔ ሃ ሲሚን ዬሱሲ ኑፔ ሻኬቲ ዴንዲ ባና ጋካናስ ኑናራ ዲዛዴ ጊዳናስ ቤሴስ። ጋሶይካ ሃ ኣሳታፔ ኢሳዴይ ኑናራ ዬሱሳ ዴንꬃስ ማርካ ጊዳና ኮሼስ” ጊዴስ። \x * \xo 1:22 \xt ማቶ 3፡16፤ ማር 1፡9፤ 16፡19፤ ሉቃ 3፡21፤ 24፡51\x* 
\p  
\v 23 ሄሳ ጊሽ ባርሳባሳ ዎይኮ ዮስፆሳ ጌቴቲዛ ዮሴፌኔ ማቲያሳ ናምዓታ ሺሺዲ፥  
\v 24 “ጎዶ! ኔ ኣሳ ኡባ ዎዝና ኤራሳ፤ ሃይታ ናምዓታ ጊዶፌ ኔ ኦና ዶሪዳኮ ኢሳዴ ኑና ቤሳ።  
\v 25 ዩሁዳይ ዬጊ ቢዳሶን ሃ ኦሳ ኦꬃናዴኔ ሃዋሬ ጊዳናዴ ኔ ዶራ” ጊ ዎሲዳ።  
\v 26 ሄሳፌ ሳማ ዬጊን ሳማይ ማቲያሳስ ኬዚዴስ። ኢዚካ ታማኔ ኢሲ ሃዋሬታራ ኢሲፌ ታዪቤቲዴስ። 
\c 2  
\s1 ፂሎ ኣያናይ ኣማኒዛ ኣሳ ቦላ ዎꬊዴስ 
\p  
\v 1 ጴንፃቆስቴ ጌቴቲዛ ባዓሌ ጋላሲ ጋኪዳ ዎዴ ኣሳይ ዉሪካ ኢሲ ሶን ሺቂ ዲሺን፤  
\v 2 ቆፋይ ባይንዳ ዳሮ ሚኖ ጎቴ ጫርኮ ማላ ጊሪሲ ዪዴስ፤ ኣሳይ ዲዛ ኬꬃካ ኩሚዴስ።  
\v 3 ታማ ላጮ ኢንፃርሳ ማላይ ኣሳስ ቤቲዲ ሻኬቲ ሻኬቲ ኢሲ ኢሲ ኣሳ ቦላ ኡቲዴስ።  
\v 4 ኣማኒዛይቲ ዉሪ ፂሎ ኣያናን ኩሚዲ ኣያናይ ኢስታስ ሃሳያናስ ኢሚዳይሳ ኬና ሃራ ቃላራ ሃሳያ ኦይኪዳ። 
\p  
\v 5 ሄ ዎዴ ሳሎ ጉፋንꬆን ዲዛ ዴሬፔ ዪዳ ፆሳስ ባቢዛ ኣይሁዳቲ ዬሩሳላሜን ዴቴስ።  
\v 6 ሄ ጊሪሳ ሲይዲ ዴሬይ ሺቂዴስ። ኢሲ ኢሲ ኣሳይ ባ ቃላራ ሃሳዪዛይሳ ሲይዲ ማላሌቲዳ።  
\v 7 ማላሌቲዲኔ ጋናዚ ꬋዪን “ሃይቲ ሃሳዪዛይቲ ዉሪካ ጋሊላ ኣስ ዴቴኔ?  
\v 8 ሂስቲን ኑኒ ኑ ዬሌቲዳ ኑ ዴሬ ቃላራ ኢስቲ ሃሳዪሺን ዎስቲ ሲዪዞኒ?  
\v 9 ኑኒ ጳርቴና ኣሳይ፥ ሜዴ ኣሳይ፥ ኤላሜ ኣሳይ፥ ሜሶፖቶሚያን፥ ዩሁዳን፥ ቆጶዶቂያን፥ ጳንፆሳን፥ ኢሲያን፥  
\v 10 ፊርጊያን፥ ጲንፊሊያን፥ ጊብፄን፥ ቃሬና ኣቻን ዲዛ ሊቢያፔኔ ኦሮሜፔ ዪዳይቲ  
\v 11 ኣይሁዳቲኔ ጌዴ ኣይሁዳቴꬃን ጌሊዳ ቃርፄሴ ኣሳኔ ኣራቤ ኣሳታ ጊዲሺን ፆሳ ዎልቃማ ኦሶዛ ሃይቲ ኑ ቃላራ ሃሳዪሺን ኑ ሲዮስ” ጊዳ። 
\p  
\v 12 ዉሪካ ኬሂ ማላሌቲዲኔ ጋናዚ ꬋዪን ባ ጊዶን “ሃይሲ ኣዜሻ?” ጌቴቲዳ።  
\v 13 ባጋ ኣሳይ “ሃይቲ ዳሮ ዎይኔ ጫጄ ኡዪዳ” ጊዲ ኢስታ ቂꬊዳ። 
\p  
\v 14 ሄ ዎዴ ጴፅሮሲ ታማኔ ኢሲኔታራ ኤቂዲኔ ባ ቃላ ꬎቁ ሂስቲዲ ዴራስ ሂዝጊዴስ “ኢንቴኖ ዩሁዳ ኣሳቶ! ዬሩሳላሜን ዲዛይቶ! ኢንቴ ዉሪካ ሃይሳ ኢሲ ሚሽ ኤሪቴኔ ታ ጊዛይሳ ሲዪቴ።  
\v 15 ሃዒ ጋዴይ ዎንቲን ቡሮ ሄꬑ ሳቴ ጊዲዳ ጊሽ ኢንቴ ቆፒዛ ማላ ሃይቲ ኣሳቲ ማꬆቲቤቴና።  
\v 16 ጊዶ ኣቲን ሃይሲ ካሴ ናቤ ኢዩዔሌን ሂዝጊ ዮቴቲዳ ቃላይ ፖሌታናሳ፥ 
\q1  
\v 17 ‘ፆሲ ዉርሴꬃ ጋላስ 
\q2 ታ ኣያና ኣሾ ማይዒዳ ኡባ ቦላ ታ ጉሳና፤ 
\q1 ኢንቴ ማጫ ናይቲኔ ኢንቴ ኣቱማ ናይቲ ቲንቢቴ ሃሳያና፤ 
\q2 ዬላጋ ናይቲ ኣጁታ ቤያና፤ 
\q2 ጪማቲ ኣጉሞ ኣጉሜታና። \x * \xo 2:17 \xt ኢዩ 2፡28-32\x* 
\q1  
\v 18 ሄ ዎዴ ታ ማጫ ኣሽካራታ ቦላኔ ታ ኣቱማ ኣሽካራታ ቦላ 
\q2 ታ ኣያናፔ ታ ጉሳና። 
\q2 ኢስቲካ ቲንቢቴ ሃሳያና። 
\q1  
\v 19 ቦላ ሳሎን ማላሊሲዛ ሃኖታ ታ ቤሳና፥ 
\q2 ጋርሳ ሳዓን ማላታታ ታ ቤሳና፤ 
\q2 ሱꬂ፥ ታማይኔ ቱላላይ ሃናና። 
\q1  
\v 20 ጊታኔ ቦንቾ ጊዲዳ 
\q2 ጎዳ ጋላሲ ያናፔ ካሴቲዲ 
\q2 ኣዋ ኣርሼይ ꬉማና፤ 
\q2 ኣጊናይካ ሱꬅ ሚሳታና። 
\q1  
\v 21 ጎዳ ሱንꬅ ፄይጊዛይ ዉሪ ኣታና’ ጊዴስ። 
\p  
\v 22 “ኢስራዔሌ ናይቶ! ሃይሳ ቃላ ሲዪቴ፤ ኢንቴ ኢንቴ ባጋራ ኤሪዛይሳ ማላ ኢንቴ ጊዶን ማላታኔ ኣሲ ሲዪ ኤሮንታ ሚሻታ ኢዛ ኩሼን ኦꬂዲ ፆሲ ናዚሬቴ ዬሱሳስ ማርካቲዴስ።  
\v 23 ፆሲ ካሴ ባ ቃቺዳይሳ ኢዛስ ቤኒ ኤራቴꬃ ማላ ሃይሳዴ ኢንቴ ኩሼን ኣꬂ ኢሚዴስ። ኢንቴካ ኢታ ኣሳታ ኩሼን ካቄቲ ሃይቃና ማላ ኦꬂዴታ። \x * \xo 2:23 \xt ማቶ 27፡35፤ ማር 15፡24፤ ሉቃ 23፡33፤ ዮሃ 19፡18\x* 
\v 24 ጊዶ ኣቲን ፆሲ ኢዛ ቦላፌ ሃይቆ ዎልቃ ዲጊዲ ሃይቆፔ ዴንꬂዴስ። ሃይቆይካ ኢዛ ኦይኪ ኣሻናስ ዳንዳይቤና። \x * \xo 2:24 \xt ማቶ 28፡5-6፤ ማር 16፡6፤ ሉቃ 24፡5\x* 
\v 25 ዳዉቴይካ ኢዛ ጊሽ 
\q1 ‘ታኒ ጎዳ ኡባ ዎዴ ታ ሲንꬃን ቤያይስ፤ 
\q2 ኢዚ ታ ኡሻቻን ዴስ፤ ሙሌካ ሂርጊኬ። 
\q1  
\v 26 ሄሳ ጊሽ ታ ዎዝናይ ኡፋዬቴስ፤ 
\q2 ታ ዱናይካ ጋላቴስ፤ 
\q2 ታ ኣሾይ ኡፋይሳን ዳና። 
\q1  
\v 27 ኔ ታ ሼምፖዮ ዱፎን ኣጋካ፤ 
\q2 ኔ ና ጌሻዛ ዎቃና ማላ ኣጋጋካ። 
\q1  
\v 28 ኔ ዴዖ ኦጌ ታ ኤራና ማላ ኦꬃዳሳ። 
\q2 ኔ ታናራ ዲዛ ጊሽ ታ ኡፋይሳይ ኩሜꬃ’ 
\p  
\v 29 “ታ ኢሻቶ! ቤኒ ኣዋታፔ ዳዉቴይ ሃይቂ ሞጌቲዳይሳኔ ኢዛ ዱፎይ ሃች ጋካናስ ኑ ኣቻን ዲዛይሳ ባቦንታ ታ ኢንቴስ ዮታና ዳንዳዓይስ።  
\v 30 ኢዚ ናቤ ጊዲዳ ጊሽ ፆሲ ኢዛ ዜሬꬃፌ ኢሳዴ ኢዛ ካዎቴꬃ ኣልጋ ቦላ ዎꬃናይሳ ካሴ ጫቆ ቃላን ዮቲዳይሳ ኤሪዴስ። \x * \xo 2:30 \xt ማዛ 132፡11፤ 2ሳሜ 7፡12-13\x* 
\v 31 ሄሳ ካሴቲዲ ኤሪዳ ጊሺኔ ኢዛ ኣሾይ ዎቂ ዱፎን ኣቶንታ ዶሬቲዳ ኪርስቶሳ ዴንꬃ ጊሽ ሃሳዪዴስ።  
\v 32 ሄ ዬሱሳ ፆሲ ሃይቆፔ ዴንꬂዴስ። ኑካ ዉሪ ሃይሳስ ማርካታ።  
\v 33 ሄሳ ጊሽ ኢዚ ፆሳ ኡሻቻን ꬎቁ ꬎቁ ጊዳፔ ጉዬ ፂሎ ኣያና ኡፋይሳ ባ ኣዋፔ ኤኪዲ ሃዒ ኢንቴ ቤዪዛይሳኔ ሲዪዛይሳ ዱጌ ጉሲዴስ።  
\v 34-35 ዳዉቴይ ፑዴ ሳሎ ኬዚቤና፤ ኢዚ ባ ዱናን 
\q1 ‘ጎዳይ ታ ጎዳስ “ታ ኔ ሞርኬታ 
\q2 ኔ ቶሆ ጋርሳን ዬꬊሳና ጋካናስ 
\q2 ታ ኡሻቻን ኡታ” ጊዴስ።’ \x * \xo 2:34-35 \xt ማዛ 110፡1\x* 
\p  
\v 36 “ሄሳ ጊሽ ፆሲ ኢንቴ ካቂዳ ዬሱሳ ጎዳኔ ኪርስቶሳ ሂስቲዳይሳ ኢስራዔሌ ኣሳይ ዉሪ ሎዔꬂ ኤሮ” ጊዴስ። 
\p  
\v 37 ዴሬይ ሄሳ ሲዪዳ ማላ ዎዝናይ ቦሼቲዴስ። ጴፅሮሳኔ ሃንኮ ዬሱሲ ኪቲዳይታ “ኑ ኢሻቶ! ሂስቲን ኑ ኣይ ኦꬂኖ?” ጊዳ። 
\p  
\v 38 ጴፅሮሲካ “ማሮቴꬃን ጌሊቴ፤ ኢንቴ ናጋራይ ማሬታና ማላ ኢንቴፌ ኢሲ ኢሲ ኣሲ ዬሱስ ኪርስቶሳ ሱንꬃን ፃማቄቲቴ፤ ኢዚ ኢሚዛ ፂሎ ኣያና ኢንቴ ኤካና።  
\v 39 ኡፋይሳ ቃላይ ኢንቴሲኔ ኢንቴ ናይታሳ፤ ቃሴካ ጎዳ ፆሲ ባኮ ፄይጊዛ ሃሆን ዲዛይታሳራ ኡባሳ” ጊዴስ። 
\p  
\v 40 ሃራ ዳሮ ቃላራ ኢስታስ ማርካቲሼ “ሃይሳ ጌላ ዬሌቴꬃፌ ኢንቴና ኣሺቴ” ጊዲ ኢስታ ቆፊሲዴስ።  
\v 41 ሄ ጋላስ ቃላ ኤኪዳይቲኔ ፃማቄቲዳይቲ ሄꬑ ሺ ማላ ኣሳይ ካሴይታ ቦላ ጉጄቲዴስ።  
\v 42 ኢስቲካ ሃዋሬታ ቲሚርቴን፥ ኢሲፌ ቁማ ሙሳኒኔ ዎሳን ሚኒዳ። 
\p  
\v 43 ሃዋሬታ ኩሼን ዳሮ ማላታቲ ኦሴቲዳ ጊሽ ኣሲ ኡባይ ኢስታስ ባቢዴስ።  
\v 44 ኣማኒዳይቲ ዉሪካ ኢሲፌ ዴዒዳ፤ ባስ ዲዛዚካ ኡባ ኢሲ ቦላ ጎዔቲዳ። \x * \xo 2:44 \xt ሃዋ 4፡32-35\x* 
\v 45 ባስ ዲዛ ሚሼኔ ሜሄ ባይዚ ባይዚ ባ ጊዶን ኮሺዳ ማላ ጊሼቺዳ።  
\v 46 ጋላስ ጋላስ ፆሳ ኬꬃን ኢሲፌ ሺቄቴስ። ባ ኬꬃንካ ቁማ ኢሲፌ ኡፋይሳኒኔ ሱሬ ዎዝናራ ሜቴስ።  
\v 47 ኢስቲ ፆሳ ጋላቲሼ ዴሬ ሲንꬃን ቦንቼቲዳ። ጎዳይካ ኢስታ ቦላ ጋላስ ጋላስ ኦራꬅ ኣማኒዛይታ ጉጂዴስ። 
\c 3  
\s1 ጴፅሮሲ ኢሲ ቶሆይ ሲሊዳዴ ፓꬂዴስ 
\p  
\v 1 ኢሲ ዎዴ ጋላሳፌ ኡዱፉን ሳቴ ቦላ ጴፅሮሲኔ ዮሃኒሲ ዎሳ ሳቴን ፆሳ ኬꬄ ባና ኬዚዳ።  
\v 2 ኢሲ ዬሌቶሳፔ ዶሚዲ ቶሆይ ሲሊዳዴ ፆሳ ኬꬄ ጌሊዛ ኣሳፔ ሚሼ ዎሳና ማላ ኣሳይ ጋላስ ጋላስ ቶኪ ኤፊዲ ዎꬂን ኢሲ “ሎዖ” ጌቴቲዛ ፆሳ ኬꬃ ፔንጌን ዎሲዛዴይ ዴስ። 
\p  
\v 3 ኢዚካ ጴፅሮሲኔ ዮሃኒሲ ፆሳ ኬꬄ ጌሊሺን ቤዪዳ ኢስታፌ ሚሼ ዎሲዴስ።  
\v 4 ጴፅሮሲኔ ዮሃኒሲ ኢዛ ቲሺ ሂስቲ ፄሊዳ። ጴፅሮሲካ ኢዛ “ኣኔ ሃ ኑና ፄላ” ጊዴስ።  
\v 5 ኣዴዚካ ኢስታፌ ኣይኮ ዴማና ጊዲ ኢስታ ቲሺ ሂስቲ ፄሊዴስ።  
\v 6 ጊዶ ኣቲን ጴፅሮሲ ኢዛስ ዛሪዲ “ታስ ቢራይኔ ዎርቃይ ዴና፤ ጊዲኮካ ታስ ዲዛዝ ታ ኔስ ኢማይስ፤ ናዚሬቴ ዬሱስ ኪርስቶሳ ሱንꬃን ዴንዳዳ ኔ ቶሆራ ሃሙታ” ጊዴስ።  
\v 7 ኢዛስ ኡሻቻ ኩሼ ኦይኪዲ ዴንꬂዴስ። ሄራካ ኣዴዛ ቶሆይኔ ቶሆ ቂርጴይ ሚኒዴስ።  
\v 8 ጉፒ ዴንዲ ኤቂዲ ሃሙꬅ ኦይኪዴስ። ያኔ ሃኔ ሃሙቲሼኔ ጉፒሼ ፆሳካ ጋላቲሼ ኢስታራ ኢሲፌ ፆሳ ኬꬃ ጊቤ ጌሊዴስ።  
\v 9 ኢዚ ፆሳ ጋላቲሼ ያኔ ሃኔ ሲሜሬቲሺን ኣሳይ ቤዪዴስ።  
\v 10 ሃይሳዴይ ሃኒፌ ካሴ “ሎዖ” ጌቴቲዛ ፆሳ ኬꬃ ፔንጌን ኡቲዲ ሚሼ ዎሲዛይ ኢዛ ጊዲዳይሳ ኤሪዴስ። ኢዛ ቦላ ሃኒዳይሳፌ ዴንዲዳይሳን ኣሳይ ኬሂ ማላሌቲዴስ። 
\s1 ጴፅሮሳ ሃሳያ 
\p  
\v 11 ሃ ፓፂዳ ዎሳንቻይ ጴፅሮሳኮኔ ዮሃኒሳኮ ሺጵ ጊዲ ኢስታራ ኦይኬቲ ዲሺን ዴሬይ ዉሪ ማላሌቲዲ ኢስታኮ “ሶሎሞኔ ሲሜሬቴꬃሶ” ጌቴቲዛሶ ዎꬃን ዪዴስ።  
\v 12 ጴፅሮሲ ሄ ኣሳ ቤዪዲ “ኢንቴኖ ኢስራዔሌ ዴሬቶ! ሃይሳን ኣዛስ ማላሌቴቲ? ቃሴካ ሃይሳ ኣዴዛ ኑኒ ኑ ዎልቃን ዎይኮ ኑኒ ኑ ፂሎቴꬃን ፓꬂዲ ሃሙቲሲዳ ማላ ቆዲዲ ኑና ኣዛስ ቲሺ ሂስቲ ፄሌቲ?  
\v 13 ኑ ኣዋንታ ኣብራሃሜንታ፥ ዪሳቃንታ፥ ያቆቤንታ ፆሲ ባ ናዛ ዬሱሳ ቦንቺዴስ። ኢንቴ ቃስ ኢዛ ሃይቆስ ኣꬂ ኢሚዴታ፤ ጲላፆሲ ኢዚ ቢርሻና ኮይንካ ኢንቴ ‘ኮዮኮ’ ጊዴታ። \x * \xo 3:13 \xt ኬሳ 3፡15\x* 
\v 14 ጌሻኔ ፂሎዛ ኢንቴ ካዲዲ ሼምፖ ዎꬊዛይሲ ቢርሼታና ማላ ዎሲዴታ። \x * \xo 3:14 \xt ማቶ 27፡15-23፤ ማር 15፡6-14፤ ሉቃ 23፡13-23፤ ዮሃ 19፡12-15\x* 
\v 15 ዴዖ ኢሚዛዴ ኢንቴ ዎꬊዴታ፤ ጊዶ ኣቲን ፆሲ ኢዛ ሃይቆፔ ዴንꬂዴስ፤ ሄሳስ ኑኒ ማርካ።  
\v 16 ሃይሲ ኢንቴ ቤዪዛይሲኔ ኢንቴ ኤሪዛይሲ ሚኒ ኤቂዳይ ዬሱሳ ሱንꬃን ኣማኒዳ ጊሻሳ። ኢንቴ ዉሪካ ቤዪዛ ማላ ኢዚ ኩሜꬃ ፓፃ ዴሚዳይ ዬሱሳ ሱንꬃኒኔ ኢዛ ሱንꬃን ቤቲዛ ኣማኖና። 
\p  
\v 17 “ሃዒካ ታ ኢሻቶ! ኢንቴ ሄሳ ኦꬂዳይ ኢንቴ ሃላቃታ ማላ ኤሮንታ ጊዲዳይሳ ታ ኤራይስ።  
\v 18 ጊዲኮካ ኪርስቶሲ ዋዬ ኤካናይሳ ፆሲ ካሴ ናቤታ ዱናን ሃሳዪዳይሳ ፖሊዴስ።  
\v 19 ሄሳ ጊሽ ኢንቴ ናጋራይ ቁጬቲ ꬋያና ማላ ማሮቴꬃን ጌሊቴ። ኢንቴ ቢዛ ኦጌፔ ሲሚቴ፤ ጎዳ ማታፔ ኢንቴ ኦራፃና ዎዴይ ኢንቴስ ያና።  
\v 20 ቃሴካ ፆሲ ካሴ ኢንቴስ ዶሪ ዎꬂዳ ዬሱስ ኪርስቶሳ ኢዚ ኢንቴስ ዬዳና።  
\v 21 ፆሲ ካሴ ጌሻ ናቤታ ዱናን ሃሳዪዳይሳ ማላ ሃኒዛይሳ ዉርሲ ኦራፂሳና ዎዴይ ጋካናስ ኢዚ ሳሎን ጋምዓናስ ኮሼስ።  
\v 22 ሙሴይካ ‘ኢንቴ ጎዳ ፆሳይ ኢንቴ ጊዶፌ ታ ማላ ናቤ ኢንቴስ ዴንꬃና። ኢዚ ኢንቴስ ዮቲዛይሳ ሲዪቴ። \x * \xo 3:22 \xt ዛሬ 18፡15፥18\x* 
\v 23 ሄ ናቤዛ ሲዮንታ ኢፂዳ ሼምፖይ ዉሪ ዴሬ ጊዶፌ ሻኬቲ ꬋዮ’ 
\p  
\v 24 “ቱማፔ ሳሜላፔ ሃ ሲሚን ዴንዲዳ ናቤቲ ዉሪ ሃይታ ዎዴታ ጊሽ ሃሳዪዳ።  
\v 25 ኢንቴካ ናቤታ ናይታ። ቃሴካ ፆሲ ኣብራሃሜስ ‘ኔ ዜሬꬃን ቢታ ኣሲ ዉሪ ኣንጄታና’ ጊዲ ኢዚ ጫቂዳ ጫቆዛ ኢንቴ ላታና። \x * \xo 3:25 \xt ሜꬌ 22፡18\x* 
\v 26 ፆሲ ናዛ ዴንꬂዳ ዎዴ ኢንቴና ኢሳ ኢሳ ኢንቴ ኢታቴꬃፌ ዛሪዲ ኣንጃና ማላ ካሴቲዲ ኢንቴኮ ኪቲዴስ” ጊዴስ። 
\c 4  
\s1 ጴፅሮሲኔ ዮሃኒሲ ኣይሁዳ ዱላታሶ ሺቂዳ 
\p  
\v 1 ጴፅሮሲኔ ዮሃኒሲ ኣሳስ ሃሳያን ዲሺን ቄሴታ ሃላቃቲኔ ፆሳ ኬꬃ ናጊዛይታ ሃላቃይ ቃሴካ ሳዱቃዌቲ ኣኬኮንታ ኢስታኮ ዪዳ። \f + \fr 4:1 \fq ቄሴታ \ft ኢሲ ኢሲ ጌሻ ማፃፋቲ ቄሴታ ሃላቃ ጌቴስ።\f* 
\v 2 ዪዲኔ ሃዋሬቲ ኣሳ ታማርሲዛይሳሲኔ ዬሱሳ ባጋራ ቤቲዳ ሃይቂዳይታ ዴንꬃ ጊሽ ሳባኪዛይሳስ ኬሂ ሃንቄቲዳ።  
\v 3 ጴፅሮሳኔ ዮሃኒሳ ጋዴይ ቃሚሺን ኦይኪዲ ዎንታና ጋካናስ ቃሾ ኬꬃን ኣይሲዳ።  
\v 4 ጊዶ ኣቲን ቃላ ሲዪዳ ኣሳፔ ዳሪዛ ባጋይ ኣማኒዴስ። ኣማኒዛ ኣቱማ ኣሳታ ቆዳይ ጌዴ ኢቻሹ ሺ ጋካናስ ꬎቁ ጊዴስ። 
\p  
\v 5 ዎንቴꬃ ጋላስ ኢስታ ሃላቃቲኔ ጪማቲ ቃሴካ ሙሴ ዎጋ ታማርሲዛይቲ ዬሩሳላሜን ሺቂዳ።  
\v 6 ኢስታ ቄሴታ ሃላቃ ሃናይኔ ቃያፋይ፥ ዮሃኒሲ፥ ኢስኪንዲሮሲኔ ቄሴታ ሃላቃሶ ኣሳይ ዉሪ ሄ ጋዳን ቤቲዳ።  
\v 7 ኢስቲካ ጴፅሮሳኔ ዮሃኒሳ ባ ጊዶን ኣꬂ ኤሲዲ “ሃይሳ ኢንቴ ኦꬂዛይ ኣዛ ዎልቃኔ? ዎይኮ ኦና ሱንꬃኔ?” ጊዲ ኦይቺዳ። 
\p  
\v 8 ሄ ዎዴ ጴፅሮሲ ፂሎ ኣያናን ኩሚዲ “ኢንቴኖ ዴሬ ሃላቃቶ! ዴሬ ጪማቶ!  
\v 9 ኢንቴ ሃች ሃ ቶሆ ሲላ ኣዴዛስ ኦሴቲዳ ሎዖ ኦሶይ ዋኒ ኢዚ ፓፂዳኮ ኢንቴ ኑና ኦይቺዛ ጊዲኮ፥  
\v 10 ኢንቴ ካቂን ፆሲ ሃይቆፔ ዴንꬂዳ ናዚሬቴ ዬሱስ ኪርስቶሳ ሱንꬃን ኢዚ ፓፂዳይሳኔ ኢንቴ ሲንꬃን ኢዚ ኤቂዳይሳ ኢንቴካ ኢስራዔሌ ዴሬ ኣሳይ ዉሪ ሃይሳ ኤሪቴ።  
\v 11 ኢዚካ ኢንቴ ኬꬃ ሂላቲ ሌቂ ኣጊዳ ሹቻይ ጊንቤ ኬꬃስ ጉላ ቦላ ቦላራ ዎꬂዛ ሹች ጊዲዴስ።\f + \fr 4:11 \fq ጉላ ጊዛይሳ ኢሲ ኢሲ ባጋ ጋሞ ኣሳይ ማጋላ ዎይኮ ሾቻ ሹች ጌስ።\f*\x * \xo 4:11 \xt ማዛ 118፡22\x* 
\v 12 ኣቶቴꬂ ሃራ ኦናንካ ባ፤ ሳሎፔ ጋርሳ ባጋራ ኑ ኣሳ ናይቲ ኣታና ማላ ኑስ ኢሜቲዳይ ሃይሳፌ ሃራ ሱንꬂ ዴና” ጊዴስ። 
\p  
\v 13 ኣይሁዳታ ዱላታ ኣሳይካ ጴፅሮሲኔ ዮሃኒሲ ሄሳꬆ ፃሊ ሃሳዪዛይሳ ቤዪዲ ኢስቲ ታማሮንታ ኣስ ጊዲዳይሳ ኤሪዲ ማላሌቲዳኔ ኢስቲ ካሴ ዬሱሳራ ዲዛይታ ጊዲዳይሳ ኣኬኪዳ።  
\v 14 ሄ ፓፂዳ ኣዴዚ ኢስታራ ኤቂዲሺን ቤዪዳ ጊሽ ኢስታስ ሃራ ኦꬃናስ ጋሶይ ꬋዪዴስ።  
\v 15 ሄሳ ጊሽ ኢስታ ዱላታፔ ኬሳና ማላ ኣዛዚዳ። ሄሳፌ ቃሴካ ሺቄቲዲ ባ ጊዶን ዞሬቲዳ።  
\v 16 ባ ጊዶን “ሃይታ ኣሳታ ዎስቲኖ? ዬሩሳላሜን ዲዛ ኣሳይ ዉሪ ኢስታ ኩሼን ሃኒዳ ጊታ ማላታ ኤሪዴስ። ሄሳ ጊሽ ኑ ሃ ዮዖዛ ኣሳ ባሌꬃናስ ዳንዳዮኮ።  
\v 17 ጊዶ ኣቲን ሃይሲ ዮዖዚ ዴሬ ጊዶን ኬሂ ኣኮንታ ማላኔ ሃይቲ ኣሳቲ ናምዓንꬆ ሃይሳ ሃ ሱንꬃን ሃራ ኦናስካ ዮቶንታ ማላ ኢስታስ ሎዔꬂ ዮታና” ጊዳ። 
\p  
\v 18 ኢስታ ፄይጊዲኔ ሙሌካ ዬሱሳ ሱንꬃን ሃሳዮንታ ማላኔ ታማርሶንታ ማላ ኣዛዚዳ።  
\v 19 ጴፅሮሲኔ ዮሃኒሲ ቃሴ ዛሪዲ “ኑኒ ፆሳፌ ቦላራ ኢንቴስ ኣዛዜታናስ ቤሲዛኮኔ ኣኔ ኢንቴ ፆሳ ሲንꬃን ፒርዲቴ።  
\v 20 ኑኒ ኑ ቤዪዳይሳኔ ኑ ሲዪዳይሳ ሃሳያናፔ ጉዬ ጎኮ” ጊዳ። 
\p  
\v 21 ቃሴካ ኢስታ ቦላ ማንዲዲ ዬዲዳ። ጋሶይካ ሃንኮ ዴሬይ ዉሪ ሃኒዳ ዮዖዛ ጋሶን ዉሪካ ፆሴ ጋላቲዛ ጊሽ ኢስታ ቃፃያናስ ዳንዳይቤቴና።  
\v 22 ሄ ጊታ ማላታን ፓፂዳ ኣዴዛስ ላይꬂ ኦይዱ ታማፌ ቦላ። 
\p  
\v 23 ጴፅሮሲኔ ዮሃኒሲ ቃሾፔ ቢርሼቲዲ ጌዴ ባ ኣሳታኮ ሲሚዲ ቄሴታ ሃላቃቲኔ ዴሬ ጪማቲ ኢስታ ጊዳይሳ ዉርሲካ ዮቲዳ።  
\v 24 ኢስቲካ ሄሳ ሲዪዳ ማላ ባ ቃላ ꬎቁ ሂስቲዲ ኢሲፌ ፆሳኮ “ዎጋ ጎዳዉ! ኔኒ ሳሎኔ ሳዓ፥ ኣባኔ ኣባ ጊዶን ዲዛይታ ዉርሳ ሜꬋዳሳ። \x * \xo 4:24 \xt ኬሳ 20፡11፤ ናሂ 9፡6፤ ማዛ 146፡6\x* 
\v 25 ኔ ኣሽካራ ኑስ ኣዋ ዳዉቴ ዱናራ ፂሎ ኣያናን 
\q1 ‘ዴሬ ኣሳይ ኣዛስ ሃንቄቲ ዴንዲዴ? 
\q2 ዴሬይ ኣዛስ ሜላ ማቄቲዜ? 
\q1  
\v 26 ቢታ ካዎቲ ኢሲፌ ጋጊዲ 
\q2 ቢታ ሃሪዛይቲ ኢሲ ቦላ ሺቄቲዲ 
\q1 ጎዳ ቦላን ኔ ዶሬቲ ቲዬቲዳይሳ ቦላ ዱላቲዳ’ 
\m ጊዲ ዋሲዳ። 
\p  
\v 27 “ቱማፔ ሄርዶሲኔ ጳንፆሳ ጲላፆሲ ኢስራዔላታራኔ ሃራ ዴሬ ኣሳራ ሃኖ ካታማይን ኔ ዶራ ቲዪዳ ጌሻ ናዛ ዬሱሳ ቦላ ዮዖ ቃቻናስ ሺቄቲዳ። \x * \xo 4:27 \xt ሉቃ 23፡1፥7-11፤ ማቶ 27፡1-2፤ ማር 15፡1፤ ዮሃ 18፡28-29\x* 
\v 28 ሃይሳንካ ኔ ዎልቃኒኔ ኔ ሼኔን ካሴ ኔ ቆፒዳይሳ ኢስቲ ፖሊዳ።  
\v 29 ጎዶ! ሃዒካ ኢስታ ማንዴዛ ኔ ቤያ፤ ኑኒ ኔ ኣይሌቲ ኔ ቃላ ባቦንታ ኩሜꬃ ፃላቴꬃራ ዮታና ማላ ዳንዳዪሳ።  
\v 30 ፓꬃናስ ኔ ኩሼ ሚጫ። ኔ ና ጌሻዛ ሱንꬃን ጊታ ማላታ ኦꬃ” ጊዳ። 
\p  
\v 31 ኢስቲ ዎሲዳፔ ጉዬ ኢስቲ ዲዛሶይ ቃፂዴስ። ዉሪካ ፂሎ ኣያናን ኩሚዲ ፆሳ ቃላ ፃላቴꬃን ዮቲዳ። 
\s1 ኣማኒዛይታ ኢሲፌቴꬃ ዱስ 
\p  
\v 32 ኣማኒዛይቲ ዉሪካ ኢሲ ዎዝናኒኔ ኢሲ ቆፋን ጋጊ ዴቴስ። ኢስታስ ዲዛይ ዉሪ ኢሲ ቦላ ዴስ ኣቲን ባስ ዲዛዝ “ሃይሲ ታስ ቡዞ ሚሻ” ጊዛዴይ ዴና። \x * \xo 4:32 \xt ሃዋ 2፡44-45\x* 
\v 33 ሃዋሬቲካ ጎዳ ዬሱሳ ዴንꬃ ጊታ ዎልቃን ማርካቴꬅ ኦይኪዳ። ኡባ ቦላ ጊታ ፆሳ ኪያቴꬂ ዴስ።  
\v 34 ኢስታ ጊዶን ሜቶታንቻይ ኢሳዴይካ ባዋ። ጋሶይካ ጋዴ ጊዲን ኬꬄ ጊዲን ባስ ዲዛ ዉርሲ ባይዚ ባይዚ ሺሺዳ ሚሽ  
\v 35 ሃዋሬታ ኩሼን ዎꬂዲ ኢሲ ኢሳዴስ ኢዛስ ኮሺዛ ማላ ጊሼቴስ። 
\p  
\v 36 ቆጲሮሴ ጌቴቲዛሶን ዲዛ ዮሴፌ ጌቴቲዛዴይ ኢሲ ሌዌ ባጋ ኣሲ ዴስ። ኢዚካ ሃዋሬታን “ባርናባሳ” ጌቴቲ ሱሚዴስ። ሄሳስ ቢርሼꬃይ “ሚንꬄꬆ ና” ጉሳ።  
\v 37 ኢዚካ ባ ጋዴ ባይዚዳ ሚሻ ኤሂዲ ሃዋሬታ ኩሼን ዎꬂዴስ። 
\c 5  
\s1 ሃናኒያኔ ሳጲራ 
\p  
\v 1 ኢሲ ሃናኒያ ጌቴቲዛ ኣሲ ሳጲራ ጌቴቲዛ ባ ማቼይራ ባ ጋዴ ባይዚዴስ።  
\v 2 ማቼያ ሳጲራይ ሎዔꬃ ኤሪሺን ጋዴዛ ባይዚዳ ሚሻፌ ባጋ ሻኪ ኣሺዲ ባጋ ኤሂዲ ሃዋሬታ ኩሼን ኢሚዴስ።  
\v 3-4 ቃሴ ጴፅሮሲ “ሃይሶ ሃናኒያ! ኔኒ ፂሎ ኣያና ቦላ ዎርዶታናሲኔ ጋዴ ሚሻፌ ኣሻና ማላ ፃላዔይ ኣይስ ኔ ዎዝናን ጌሊዴ? ባይዛናፔ ካሴ ጋዴዚ ኔይሳ ጊዴኔ? ኔ ባይዚዳፔ ጉዬ ቃሴ ሚሻይ ኔ ኩሼን ዴኔ? ሂስቲን ኔ ሃይሳ ማላ ዎስታ ኔ ዎዝናን ቆፓዲ? ኔ ፆሳ ቦላ ዎርዶታዳሳ ኣቲን ኣሳ ቦላ ጊዴና” ጊዴስ። 
\p  
\v 5 ሄሳ ሲዪዳ ማላ ሃናኒያይ ኩንዲ ሃይቂዴስ። ሄሳ ሲዪዳ ኣሳይ ዉሪ ዳሮ ባቢዴስ። 
\p  
\v 6 ኣቱማሳይ ዴንዲዲ ኣሃ ፃፂዲኔ ሄራካ ኤፊዲ ሞጊዴስ። 
\p  
\v 7 ሄꬑ ሳቴፔ ጉዬ ማቼያ ኢዚ ዋኒዳኮኔ ኤሮንታ ዳሼ ያዱስ።  
\v 8 ጴፅሮሲካ “ኣኔ ታስ ዮታ፤ ኢንቴ ጋዴዛ ባይዚዳ ዋጋይ ሃኖ ፃላ?” ጊዴስ። ኢዛካ “ኤ ሃኖ ሃ ዋጋይን ባይዚዶስ” ጋዱስ። 
\p  
\v 9 ጴፅሮሲካ “ኢንቴ ፆሳ ኣያና ፓጫናስ ኣይሲ ኢሲ ዱና ጊዲዴቲ? ሄኮ ኔ ኣዚና ሞጊዳ ኣሳቲ ሞጊ ሲሚዲ ካሬን ፔንጌ ቦላ ዴቴስ። ኢስቲ ኔናካ ኬሲ ኤኪ ኤፋና” ጊዴስ።  
\v 10 ኢዛ ሲዪዳ ማላ ሄራካ ኢዛ ቶሆ ቦላ ኩንዳዳ ሃይቃዱስ። ኣቱማሳይካ ሶ ጌሊዳ ማላ ሃይቂዳሮ ቤዪዲ ኬሲ ኤፊዲ ኢዚ ኣዚና ኣቻን ሞጊዳ።  
\v 11 ኩሜꬃ ዎሳ ኬꬃ ኣሳይኔ ሄሳ ሲዪዳ ኣሳይ ዉሪ ዳሮ ባቢዴስ። 
\s1 ሃዋሬታ ኩሼን ዳሮ ኣሲ ፓፂዴስ 
\p  
\v 12 ሃዋሬቲካ ዴሬ ጊዶን ዳሮ ማላታኔ ማላሊሲዛ ሚሽ ኦꬂዳ። ኣማኒዛይቲ ዉሪ “ሶሎሞኔ ሲሜሬቴꬃሶ” ጌቴቲዛ ፔንጌን ሺቄቴስ።  
\v 13 ኢስታስ ባቢዳ ጊሽ ኦኒካ ኢስታራ ዋላኬታናስ ኮዪቤና። ጊዶ ኣቲን ዴሬይ ኢስታ ኬሂ ቦንቼስ።  
\v 14 ዳሮ ማጫሳቲኔ ኣዴቲ ዎዴፔ ዎዴን ጎዳን ኣማኒ ኣማኒ ኢስታ ቦላ ጉጄቲዳ።  
\v 15 ሄሳ ጋሶን ጴፅሮሲ ኣꬊሺን ሃራይ ኣቲን ኢዛ ኤሾይ ሃርጋንቻታፔ ባጋ ሃርጋንቻታ ቦላ ዎꬋና ማላ ሃርጊዛይቲ ኢቺዛ ኣልጋ ቦላኔ ሃላ ቦላ ካሬን ኢሺሴቴስ።  
\v 16 ዬሩሳላሜ ዩሾን ዲዛ ካታማታፔ ሃርጊዛይታኔ ቱና ኣያናይ ዋይሲዛይታ ኤሂን ዉሪ ፓፂዳ። 
\s1 ሃዋሬታ ቦላ ጋኪዳ ጎዴቴꬂኔ ዋዬ 
\p  
\v 17 ሄሳ ዎዴ ቄሴታ ሃላቃይኔ ኢዛራ ዲዛ ሳዱቃዌታ ባጋቲ ዉሪካ ቃናቴ ቃናቲዛይታ ፃላ ጊዲዳ።  
\v 18 ሃዋሬታ ኦይኪዲ ቃሾ ኬꬄ ጌልꬂዳ።  
\v 19 ጊዶ ኣቲን ጎዳ ኪታንቻይ ቃማራ ቃሾ ኬꬃ ካሬ ዶዪዲ ኢስታ ኬሲዲ፥  
\v 20 “ቢዲ ፆሳ ኬꬃ ጊቤ ጊዶን ኤቂዲ ሃይሳ ዴዖ ቃላ ኡባ ዴሬስ ዮቲቴ” ጊዴስ። 
\p  
\v 21 ጋዴይ ዎንቲዳ ማላ ኢስታስ ዮቲዳይሳ ፆሳ ኬꬃ ጊቤ ጌሊዲ ዴሬዛ ታማርሶ ኦይኪዳ፤ ቄሴታ ሃላቃይኔ ኢዛራ ዲዛይቲ ዪዲ ኣይሁዳታ ዱላታኔ ኢስራዔሌ ዴሬ ጪማታ ኩሜꬅ ኢሲ ቦላ ሺሺዳ። ሃዋሬታ ቃሾ ኬꬃፌ ኤኪ ያና ማላ ኣስ ዬዲዳ።  
\v 22 ኪቴቲ ቢዳ ኣሳቲ ቢዲ ኢስታ ቃሾ ኬꬃን ዴሚቤቴና፤ ሲሚዲኔ  
\v 23 “ቃሾ ኬꬃይ ሎዔꬂ ቁልፌቲ ዴስ፤ ናጊዛይቲካ ፔንጌ ቦላ ኤቂ ዲሺን ቤዪዶስ፤ ጊዶ ኣቲን ኑ ዶይ ጌሊሺን ቃስ ኬꬃን ኦኒካ ባ” ጊዳ።  
\v 24 ፆሳ ኬꬂ ናጊዛይታ ሃላቃይኔ ቄሴታ ሃላቃቲካ ሄሳ ሲዪዳ ማላ ሃኖዛን ዳሮ ማላሌቲዳኔ ኢስታስ ሃኖይ ዉሪ ቲኪ ጊዴስ።  
\v 25 ሄራካ ኢሲ ኣሲ ዪዲ “ሄኮ ኢንቴ ቃሾ ኬꬄ ጌልꬂዳ ኣሳቲ ፆሳ ኬꬃ ጊቤ ጊዶን ኤቂዲ ዴሬ ታማርሶን ዴቴስ” ጊዴስ።  
\v 26 ፆሳ ኬꬄ ናጊዛይታ ሃላቃይ ባ ኦሳንቻታራ ቢዲ ኢስታ ኦይኪ ኤኪ ዪዴስ። ኦይኪ ኤሂዳይቲ ኣሳይ ባና ሹቻራ ጫዶንታ ማላ ባቢዲ ዎልቃꬆንታ ሎዳራ ኤሂዳ። 
\p  
\v 27-28 ሃዋሬታ ኤሂዲ ኣይሁዳ ዱላታ ሲንꬃን ኤሲዳ። ቄሴታ ሃላቃይካ ኢስታ “ሃይሳ ሃ ሱንꬃን ኢንቴ ታማርሶንታ ማላ ኢንቴስ ሎዔꬂ ዮቲዶስኮሺን ኢንቴ ኢንቴ ቲሚርቴዛ ዬሩሳላሜ ኡባን ኩንꬄታ። ቃሴ ኑናካ ሃ ኣዴዛ ሱꬃስ ኦይሼቲዛይታ ሂስታናስ ጊፂ ዴንዲዴታ” ጊዴስ። \x * \xo 5:27-28 \xt ማቶ 27፡25\x* 
\p  
\v 29 ጴፅሮሲኔ ሃንኮ ሃዋሬቲካ ዛሪዲ “ኑኒ ኣሳፔ ኣꬂዲ ፆሳስ ኣዛዜታናስ ቤሴስ። 
\p  
\v 30 “ኢንቴ ኢዛ ሚꬃ ቦላ ካቂ ዎꬊዳ ዬሱሳ ኑ ኣዋንታ ፆሳይ ኢዛ ሃይቆፔ ዴንꬂዴስ።  
\v 31 ኢዚካ ኢስራዔሌ ናይታስ ናጋራፔ ሲሚዲ ማሬታና ማላ ፆሲ ኢዛ ኡባፌ ቦላኔ ኣሺዛዴ ሂስቲዲ ባ ኡሻቻን ꬎቁ ꬎቁ ሂስቲዴስ።  
\v 32 ኑኒካ ሃይሳስ ማርካታ። ቃሴካ ፆሲ ባስ ኣዛዜቲዛ ኦናስካ ኢሚዳ ፂሎ ኣያናይካ ማርካ” ጊዳ። 
\p  
\v 33 ኣሳቲ ሄሳ ሲይዲ ኢታ ሃንቆ ሃንቄቲዳ። ዎꬋናካ ኮይዳ።  
\v 34 ጊዶ ኣቲን ዴሬ ኣቻን ኬሂ ቦንቼቲዳ ኢሲ ዎጋ ኣስታማሬ፥ ኢዚካ ጋማልያሌ ጌቴቲዛ ፋርሳዌታ ባጋይ ዴሬ ጪማታ ጊዶን ዴንዲ ኤቂዲ ሃዋሬቲ ጉꬃ ዎዴ ካሬን ጋምዓና ማላ ኣዛዚዴስ።  
\v 35 ዴሬ ጪማታስ ሂዝጊዴስ “ኢስራዔሌ ኣሳቶ! ኢንቴ ሃይታ ኣሳታ ቦላ ኦꬃናይሳ ዳሮ ኣኬካራ ኦꬃናስ ቤሴስ።  
\v 36 ሃይሳፌ ካሴ ኢሲ ቴዎዳሳ ጌቴቲዛዴይ ባና ጊታ ኣስ ሂስቲ ቆዲ ዴንዲን ኦይዱ ፄቱ ዴሬይ ኢዛ ካሊዴስ። ጊዶ ኣቲን ኢዚ ኣሳ ኩሼን ሃይቂዴስ። ኢዛ ካሊዛይቲካ ጮ ላሌቲን ኢዛ ሃኖይ ጮ ሜላ ኣቲዴስ።  
\v 37 ኢዛፔ ጉዬካ ዴሬይ ታይቤቲዛ ዎዴ ጋሊላ ዩሁዳይ ዴንዲዲ ዳሮ ዴሬ ባናራ ካሌꬂዴስ። ባና ካሊዛይታካ ዴሚዴስ ሺን ኢዚካ ꬋዪዴስ። ኢዛ ካሊዛይቲካ ዉሪ ꬋዪዳ። 
\p  
\v 38 “ሄሳ ጊሽ ታ ሃዒ ኢንቴና ጊዛይ ሃይታ ኣሳታ ኣጊቴ፥ ቦቾፍቴ። ኢስታ ቆፋይ ዎይኮ ኢስታ ኦሶይ ኣሳፔ ጊዲኮ ꬋያና።  
\v 39 ፆሳፌ ጊዲኮ ቃስ ኢንቴ ኢስታ ቴቃናስ ዳንዳዬኬታ። ኦኔ ኤሪዛይ ኢንቴ ፆሳራ ኦዬቲሼ ቤታናኮኔ” ጊዴስ። 
\p  
\v 40 ኢስቲካ ኢዛ ዞሬዛ ኤኪዲ ሃዋሬታ ፄይጊዲ ጋራፊሲዳ። ናምዓንꬆ ዬሱሳ ሱንꬃን ሃሳዮንታ ማላ ኣዛዚዲ ዬዲዳ።  
\v 41 ሃዋሬቲካ ኢዛ ሱንꬃ ጊሽ ካዉያናስ ቤሲዛ ጊሽ ዳሮ ኡፋዬቲሼ ዴሬ ጪማታ ኣቻፌ ኬዚ ቢዳ።  
\v 42 ጋላስ ጋላስ ፆሳ ኬꬃኒኔ ኢሳ ኢሳ ኬꬃን ዬሱሲ ኢዚ ፆሲ ዶሪዳዴ ጊዲዳይሳ ታማርሶፌኔ ሳባኮፔ ሙሌካ ጉዬ ጊቤቴና። 
\c 6  
\s1 ላፑን ዳቆኔታ ዶሬቴꬅ 
\p  
\v 1 ኣማኒዛይታ ቆዳይ ዳሪ ዳሪ ቢዛ ዎዴ ጊሪኬ ቢታፌ ዪዳ ኣይሁዳ ኣሳቲ ዩሁዳን ዲዛ ኣይሁዳ ኣሳ ጉዬራ ዚጊሬቲዳ። ጋሶይካ ኡባ ዎዴ ሚዛ ካꬅ ጊሺሼ ኣምዔታ ዉዴቶንታ ኣጊዳ ጊሻሳ።  
\v 2 ሄሳ ጊሽ ኑ ታማኔ ናምዑ ሃዋሬቲ ኣማኒዛ ሃራታ ኢሲ ቦላ ሺሺዲ “ኑኒ ካꬃ ጊሾን ጌሊዲ ፆሳ ቃላ ታማርሶ ኣጋናስ ቤሴና።  
\v 3 ሄሳ ጊሽ ኑ ኢሻቶ! ኢንቴ ጊዶፌ ኤራንቻታ፥ ፂሎ ኣያናን ኩሚዳይታኔ ሎዖ ማርካቴꬅ ዲዛ ላፑን ኣሳታ ዶሪቴ፤ ሃይሳ ኣላፌቴꬅ ኑ ኢስታስ ኢማና።  
\v 4 ኑኒ ጊዲኮ ዎሳኒኔ ቃላ ዮቶን ሚናና” ጊዳ። 
\p  
\v 5 ኢስቲ ጊዳ ዮዖይ ሲዪዳይታ ኡፋይሲዴስ፤ ኣማኖኒኔ ፂሎ ኣያናን ኩሚዳይቲ ኢስቲፋኖሴ፥ ፒሊጶሳ፥ ጲሮስቆሮሳ፥ ኒቃሮና፥ ፂሞና፥ ጳርሜናኔ ዩሁዳቴꬃን ጌሊዳ ኣንፆኪያ ዴሬ ኣስ ኒቆሎሳ ዶሪዳ።  
\v 6 ሄይታ ኤሂዲ ሃዋሬታ ሲንꬅ ሺሺዳ። ኢስቲካ ባ ኩሼ ኢስታ ቦላ ዎꬂዲ ኢስታስ ዎሲዳ። 
\p  
\v 7 ፆሳ ቃላይ ኣኪ ኣኪ ቢዴስ። ኣማኒዛይታ ቆዳይ ዬሩሳላሜን ዳሪ ዳሪ ቢዴስ። ቄሴታፔ ዳሮቲ ኣማኒዳ። 
\s1 ኢስቲፋኖሴ ኦይኬቴꬅ 
\p  
\v 8 ሄ ዎዴ ኢስቲፋኖሲ ፆሳ ኢሞቴꬃኒኔ ዎልቃን ኩሚዲ ዴሬዛ ጊዶን ጊታ ማላሊሲዛ ማላታታ ኦꬂዴስ።  
\v 9 ዎዜቲ ኬዚዳ ጌቴቲ ፄይጌቲዛሶፔ ኣይሁዳታ ዎሳ ኬꬃፌ ዪዳ ኣስ ጊዲዳ ቃሬናፔኔ ኢስኪንዲሪያፔ፤ ቃሴካ ኪልቂያፔኔ ኢሲያ ኣዉራጃታፔ ዪዳ ኣሳቲካ ዉሪ ኢስቲፋኖሴራ ማርሼቲዳ።  
\v 10 ጊዶ ኣቲን ኤራቴꬃን ኢዚ ሃሳዪዛ ሃሳያኔ ኢዛን ዲዛ ኣያና ኤቄታናስ ዳንዳዪቤቴና።  
\v 11 ሄሳ ጊሽ “ኢስቲፋኖሲ ሙሴኔ ፆሴ ጫዪሺን ኑ ሲዪዶስ” ጊዛ ኣሳታ ጉዬራ ጊጊሲዳ። 
\p  
\v 12 ሄ ዎዴ ዴሬዛ፥ ዴሬ ጪማታኔ ዎጋ ታማርሲዛይታ ዴንꬄꬂዲኔ ኢስቲፋኖሴ ኦይꬂዲ ዴሬ ዱላታኮ ሺሺዳ።  
\v 13 ኢዛ ቦላ “ሃይሲ ኣዴዚ ሃይሳ ፆሳ ኬꬃ ቦላኔ ዎጋ ቦላ ጫሻ ቃላ ሃሳያ ሙሌካ ኣጊቤና።  
\v 14 ጋሶይካ ሃይሲ ኣዴዚ ‘ናዚሬቴ ዬሱሲ ሃይሳ ፆሳ ኬꬃ ꬋይሳና’ ጊሺኒኔ ‘ኑ ሙሴፔ ኤኪዳ ዎጋ ላማና’ ጊ ሃሳዪሺን ኑ ሲዪዶስ” ጊ ዎርዶራ ማርካቲዛ ኣሳታ ሺሺዲ ማርካሲዳ። 
\p  
\v 15 ዱላታ ኡቲዳ ኣሳይ ዉሪ ኢስቲፋኖሴ ቲሺ ሂስቲ ፄሊሺን ኢዛ ኣይፌሶይ ኢስታስ ኪታንቻ ኣይፌሶ ሚሳቲ ቤቲዴስ። 
\c 7  
\p  
\v 1 ቄሴታ ሃላቃይ ኢስቲፋኖሴ “ሃይሲ ኔ ቦላ ሺቂዳ ዮዖዚ ቱሜ?” ጊ ኦይቺዴስ። 
\p  
\v 2 ኢስቲፋኖሲካ ሂዝጊዴስ “ታ ኢሻቶ! ታ ኣዋቶ! ታ ጊዛይሳ ሲዪቴ! ኑ ኣዋ ኣብራሃሜይ ካራኔ ጌቴቲዛሶ ያናፔ ካሴ ቡሮ ሜሶፖቶሚያን ዲሺን ቦንቾ ጎዳይ ኢዛስ ቆንጪዲ፥  
\v 3 ‘ኔ ዴሬፔኔ ኔ ዳቦፌ ሻኬታዳ ታ ኔና ቤሲዛሶ ባ’ ጊዴስ።  
\v 4 ኢዚካ ካልዳዌታ ቢታፌ ኬዚዲ ካራኔ ጌቴቲዛ ቢታን ኡቲዴስ። ኢዛ ኣዋይ ሃይቂዳፔ ጉዬ ኢንቴ ሃዒ ዲዛሶ ሃ ዴሬ ኢዛ ኤሂዴስ። \x * \xo 7:4 \xt ሜꬌ 11፡31፤ 12፡4\x* 
\v 5 ሃራይ ኣቶሺን ኢሲ ቶሆይ ኤቂዛ ጋዴይ ኢዛስ ሃይሳፌ ኢሜቲቤና። ጊዶ ኣቲን ሄ ዎዴ ኢዛስ ኢሲ ናይካ ባይንዳ ዲሺን ኢዚኔ ኢዛፔ ጉዬን ኢዛ ዜሬꬂ ቢታዮ ላታና ማላ ፆሲ ኢዛስ ጫቂዴስ። \x * \xo 7:5 \xt ሜꬌ 12፡7፤ 13፡15፤ 15፡18፤ 17፡8\x* 
\v 6 ቃሴካ ፆሲ ኢዛስ ሂዝጊ ዮቲዴስ ‘ኔ ዜሬꬂ ኣላጋ ቢታን ቤቴ ኣስ ጊዳና። ኦይዱ ፄቱ ላይꬅ ኣይሌቴꬃ ቃምባራ ጊዶን ዋዬታና። \x * \xo 7:6 \xt ሜꬌ 15፡13-14\x* 
\v 7 ጊዶ ኣቲን ኢስታ ኣይሌ ማላ ሃሪዛ ዴሬ ታ ቃፃያና። ሄሳፌ ጉዬ ኢስቲ ሄ ቢታፌ ኬዚዲ ሃኖ ሃ ሶይን ታስ ጎይናና’ ጊዴስ። \x * \xo 7:7 \xt ኬሳ 3፡12\x* 
\v 8 ሄሳፌ ጉዬ ቃፃራ ዎጋ ጫቆ ኢዛስ ኢሚዴስ። ኣብራሃሜይካ ዪሳቃ ዬሊዲ ኢዛ ኦስፑንꬃ ጋላስ ቃፃሪዴስ። ዪሳቃይካ ያቆቤ ዬሊዴስ። ያቆቤይካ ታማኔ ናምዑ ቆሞታ ዬሊዴስ። \x * \xo 7:8 \xt ሜꬌ 17፡10-14፤ 21፡2-4፤ 25፡26፤ 29፡31-35፡18\x* 
\p  
\v 9 ሄ ቆሞታ ኣዋቲ ዮሴፌ ቦላ ቃናቲዲ ኢዛ ኣይሌቴꬃስ ዱጌ ጊብፄ ባይዚዳ። ጊዶ ኣቲን ፆሲ ኢዛራ ዴስ፤ \x * \xo 7:9 \xt ሜꬌ 37፡11፤ 37፡28፤ 39፡2፥21\x* 
\v 10 ሜቶ ኡባፌ ኢዛ ኣሺዴስ። ጊብፄ ካዎ ፓሮኔ ሲንꬃን ቦንቾ ኢሚዴስ። ፓሮኔይ ኢዛ ጊብፄ ቢታኒኔ ባ ኬꬃ ኣሳ ኡባ ቦላ ኣላፌቴꬃን ሹሚዴስ። \x * \xo 7:10 \xt ሜꬌ 41፡39-41\x* 
\p  
\v 11 “ሄ ዎዴ ካናኔኒኔ ጊብፄን ዳሮ ሜቶ ኤሂዳ ጊታ ኮሻይ ዴንዲዴስ። ኑ ኣዋታስካ ሚዛ ካꬂ ꬋዪዴስ። \x * \xo 7:11 \xt ሜꬌ 42፡1-2\x* 
\v 12 ያቆቤይ ጊብፄ ዴሬን ካꬂ ዲዛይሳ ሲይዲ ኑ ኣዋታ ኮይሮ ጊብፄ ዬዲዴስ።  
\v 13 ኢስቲ ናምዓንꬆ ቢዛ ዎዴ ዮሴፌይ ኢዚ ኦናኮኔ ባና ባ ኢሻታስ ቆንጪሲዴስ። ፓሮኔይካ ዮሴፌ ኢሻታ ኤሪዴስ። \x * \xo 7:13 \xt ሜꬌ 45፡1፤ 45፡16\x* 
\v 14 ሄሳፌ ጉዬ ዮሴፌይ ኪቲዲ ባ ኣዋ ያቆቤኔ ላፑን ታማኔ ኢቻሹ ጊዲዛ ባ ዳቦታ ኩሜꬅ ኤሂሲዴስ። \x * \xo 7:14 \xt ሜꬌ 45፡9-10፥17-18፤ 46፡27\x* 
\v 15 ያቆቤይ ዱጌ ጊብፄ ዎꬊዴስ። ኢዚካ ኑ ኣዋቲካ ዉሪ ሄን ሃይቂዳ። \x * \xo 7:15 \xt ሜꬌ 46፡1-7፤ 49፡33\x* 
\v 16 ኢስታ ኣሃይካ ሴኬሜ ጌቴቲዛሶ ኤፊን ኣብራሃሜይ ኤሞሬ ናይታፔ ባ ሚሻን ሻሚዳ ዱፎን ሞጌቲዴስ። \x * \xo 7:16 \xt ሜꬌ 23፡3-16፤ 33፡19፤ 50፡7-13፤ ኢያ 24፡32\x* 
\p  
\v 17 “ፆሲ ኣብራሃሜስ ጫቂዳ ቃላይ ፖሌቲዛ ዎዴይ ማቲሺን ጊብፄን ዲዛ ኑ ኣሳ ቆዳይ ዳሪ ዳሪ ቢዴስ።  
\v 18 ሄሳፌ ጉዬ ጊብፄ ቢታን ዮሴፌ ኤሮንታ ሃራ ካዎይ ካዎቲዴስ።  
\v 19 ኢዚካ ኑ ኣሳ ባ ጌኔ ኦሶን ሜቶꬂዴስ። ቡሮ ዬሌቲዳ ጉꬃ ናይቲ ሃይቃና ማላኔ ዬሊዳ ናይታ ካሬ ኬሲ ዎራ ዬጋና ማላ ዎልቃꬂዴስ። \x * \xo 7:19 \xt ኬሳ 1፡10-11፤ 1፡22\x* 
\v 20 ሄ ዎዴ ሙሴይ ዬሌቲዴስ። ኢዚካ ፆሳ ኣቻን ዶሴቲዳ ማላ ሎዖ ና ጊዲዴስ። ባ ኣዋ ኬꬃን ሄꬑ ኣጊና ኣልዒሶን ዲጪዴስ። \x * \xo 7:20 \xt ኬሳ 2፡2\x* 
\v 21 ኢዚ ጌዴ ዎራ ዬጌቲዳ ዎዴ ካዎ ፓሮኔ ማጫ ናያ ዴማዳ ባስ ኤካዱስ። ባ ና ማላ ኦꬃዳ ዲቻዱስ። \x * \xo 7:21 \xt ኬሳ 2፡3-10\x* 
\v 22 ሙሴይካ ጊብፄታ ኣꬎ ኤራቴꬃ ዉርሲ ታማሪዴስ። ዮዖን ኤራ፤ ኦሶንካ ሚኖ ጊዲዴስ። 
\p  
\v 23 “ሙሴ ላይꬂ ኦይዱ ታሙ ጊዲዳ ዎዴ ሙሴይ ባ ኢሻታ ኢስራዔሌ ናይታ ቤያናስ ባ ዎዝናን ቆፒዴስ። \x * \xo 7:23 \xt ኬሳ 2፡11-15\x* 
\v 24 ኢዚካ ኢሲ ጊብፄ ኣሲ ሙሴ ባጋ ኣሳፔ ኢሳዴ ቦላ ቆሆ ጋꬂሺን ቤዪዲ ባ ባጋ ኣዴዛ ማዲዴስ፤ ሄ ጊብፄ ኣዴዛ ዎꬊዲ ሄ ቆሄቲዳይሳ ሃሎ ኬሲዴስ።  
\v 25 ሙሴስ ፆሲ ኢዛ ኩሼን ኢስታ ዎዛናይሳ ኢዛ ኣሳይ ኣኬኪዛ ሚሳቲዴስ። ጊዶ ኣቲን ኢስቲ ሄሳ ዩሺ ቆፒቤቴና።  
\v 26 ዎንቴꬃ ጋላስ ቃሴካ ኢስራዔሌ ናይታፔ ናምዓቲ ባ ጊዶን ኦዬቲሺን ጋኪዲ ኦዬቲዛይታ ጊጊሳናስ ኮይዲ ‘ሃይቶ! ኣሳቶ ኢንቴ ኢንቴ ጊዶን ኢሻንታኮ፤ ኢንቴ ዋኒዲ ኢሶይ ኢሳ ቆሄቲ?’ ጊዴስ። 
\p  
\v 27-28 “ባ ላጌዛ ቦላ ቆሆ ጋꬂዳይሲ ሙሴ ሱጊ ዬጊዲ ‘ኔና ኑ ቦላ ኑና ሃሪዛዴኔ ኑ ቦላ ፒርዲዛዴ ኦꬂ ሹሚዳይ ኦኔ? ዎይኮ ቃማ ጊብፄ ኣዴዛ ዎꬎይሳꬆ ታናካ ዎꬋና ኮያይ?’ ጊዴስ።  
\v 29 ሙሴይ ሄሳ ሲዪዳ ማላ ሚዲያሜ ቢታ ቤቲዲ ሄን ቤቴ ኣስ ጊዲ ዴዒዴስ፤ ያንካ ናምዑ ኣቱማ ና ዬሊዴስ። \x * \xo 7:29 \xt ኬሳ 18፡3-4\x* 
\p  
\v 30 “ሄሳፌ ኦይዱ ታሙ ላይꬃፌ ጉዬ ሲና ዙማ ኣቻን ዲዛ ባዞ ቢታን ቄሪ ዎራ ጊዶን ኤፂዛ ታማ ላጮን ኪታንቻይ ኢዛስ ቤቲዴስ።  
\v 31-32 ሙሴይካ ኢዛ ቤዪዳ ማላ ማላሌቲዴስ። ኣዛኮኔ ሻኪ ኤራናስ ኢዚ ሄን ኢዛኮ ሺቂሺን ጎዳ ቃላይ ‘ታኒ ኔ ኣዋንታ ፆሳ ኣብራሃሜ፥ ዪሳቃኔ ያቆቤ ፆሳ’ ጊሺን ሲይዴስ። ሙሴይካ ዳሮ ዳጋሚዴስ፤ ፄላናስካ ፃሊቤና። 
\p  
\v 33-34 “ጎዳይካ ኢዛስ ‘ሃይሲ ኔ ኤቂዳሶይ ጌሻሶ ጊዲዳ ጊሽ ኔ ቶሆፔ ጫማ ሾዳ። ጊብፄን ዲዛ ታ ዴሬታ ዋዬ ታ ቱማፔ ቤያዲስ፤ ኢስቲ ዋሲዛ ዋዬ ዋሶዛ ታ ሲያዳ ኢስታ ኣሻናስ ዎꬋዲስ። ኔ ሃዒካ ሃያ፤ ታ ኔና ዱጌ ጊብፄ ዛራዳ ኪታና’ ጊዴስ። 
\p  
\v 35 “ሂስቲን ሄይቲ ‘ኑ ቦላ ኔና ሃሪዛዴኔ ፒርዲዛዴ ሂስቲ ኦኒ ሹሚዴ?’ ጊዲ ኣሳይ ካሴ ካꬊዳ ሙሴ ፆሲ ቄሪ ዎራ ጊዶን ኢዛስ ቤቲዳ ኪታንቻ ባጋራ ኢስታ ሃሪዛዴኔ ኣሺዛዴ ሂስቲዲ ኢስታኮ ዛሪ ዬዲዴስ።  
\v 36 ኢዚካ ኢስታ ካሌꬂዲ ጊብፄፔ ኬሲዴስ። ጊብፄን፥ ዞዖ ኣባኒኔ ባዞ ቢታን ኦይዱ ታሙ ላይꬂ ዳሮ ማላሊሲዛ ሚሻታኔ ጊታ ማላታታ ኢስታስ ኦꬂዴስ። \x * \xo 7:36 \xt ኬሳ 7፡3፤ 14፡21፤ ታይ 14፡33\x* 
\v 37 “ኢስራዔሌ ናይታስ ‘ታ ማላ ናቤ ፆሲ ኢንቴ ጊዶፌ ዴንꬃና’ ጊዳይሲ ሃይሳ ሙሴኮ! \x * \xo 7:37 \xt ዛሬ 18፡15፥18\x* 
\v 38 ኢዚካ ሲና ዙማ ቦላ ሃሳዪዳ ኪታንቻራኔ ባዞ ቢታን ኑ ኣዋታራ ዴሬ ዱላታ ጊዶን ዴስ። ዴዖ ቃላካ ሃ ኑስ ኣꬃናስ ኤኪዴስ። \x * \xo 7:38 \xt ኬሳ 19፡1-20፡17፤ ዛሬ 5፡1-33\x* 
\p  
\v 39 “ኑ ኣዋቲ ጊዲኮ ኢዛራ ኤቄቲዳ ኣቲን ኢዛስ ኣዛዜታናስ ኮዮንታ ጊሽ ባ ዎዝናራ ጉዬ ጊብፄ ሲሚዳ።  
\v 40 ኣሮኔስካ ‘ኑ ሲንꬃራ ቢዛ ኤቃ ኑስ ጊጊሳ! ኑና ጊብፄፔ ካሌꬂ ኬሲዳ ሙሴይ ዋኒዳኮ ኑ ኤሮኮ’ ጊዳ። \x * \xo 7:40 \xt ኬሳ 32፡1\x* 
\v 41 ሄ ዎዴ ማራ ሚሲሌ ሜꬊዲ ኤቃስ ያርሾ ሺሺዳ። ባርካ ሜꬊዳ ባ ኩሼ ኦሶን ኡፋዬቲዲ ጉፒዳ። \x * \xo 7:41 \xt ኬሳ 32፡2-6\x* 
\p  
\v 42 “ጊዶ ኣቲን ፆሲ ኢስታስ ዞኮ ዛሪዴስ። ኢስቲ ሳሎ ፆሊንቴታስ ጎይናና ማላ ኣꬂ ኢሚዴስ። ሄሲካ ናቤታ ማፃፋን 
\q1 ‘ኢንቴኖ ኢስራዔሌ ናይቶ! 
\q2 ኢንቴ ባዞ ቢታን ኦይዱ ታሙ ላይꬅ ዲዛ ዎዴ ኢንቴፌ ያርሾኔ ሙፁዋታ ታስ ሺሺ ኤሬቲ? 
\q1  
\v 43 ሃራፔካ ኢንቴ ጎይናናሶ ኦꬂዳ ኤቃ ሞሎኬ ዱንካናኔ 
\q2 ኢንቴ ኤቃ ራፋኔ ፆሊንቴ ሚሲሌዛ ꬎቁ ꬎቁ ሂስቲ ኦይኪዴታ። 
\q1 ሄሳ ጊሽ ታ ኢንቴና ኢንቴ ዲዛሶፔ ዴንꬃዳ ባቢሎኔራ ኣꬃ ዬዳና’ 
\q1 ጌቴቲዲ ፃፌቲዴስ። 
\p  
\v 44 “ፆሲ ሙሴ ቤሲዳ ሌሚሶዛ ማላኔ ኣዛዚዳይሳ ማላ ኦሴቲዳ ፆሲ ኣሳራ ጋጊዛ ዱንካኔያ ኑ ኣዋታራ ባዞ ቢታን ዴዓዱስ። \x * \xo 7:44 \xt ኬሳ 25፡9፥40\x* 
\v 45 ኑ ኣዋቲ ዱንካኔዮ ኤኪዳይሳፌ ጉዬ ፆሲ ኢያሶ ካሌꬂን ካሴ ኢስታ ጎዲዳ ዴሬታ ላቲዳ ዎዴ ዱንካኔዮ ኤኪ ጌሊዳ። ዳዉቴ ዎዴ ጋካናስ ዱንካኔያ ሄ ቢታን ዴዓዱስ። \x * \xo 7:45 \xt ኢያ 3፡14-17\x* 
\v 46 ዳዉቴይካ ፆሳ ሲንꬃን ቦንቾ ዴሚዲ ያቆቤ ጎዳስ ኣቆሶ ጊጊሳናስ ዎሲዴስ። \x * \xo 7:46 \xt 2ሳሜ 7፡1-16፤ 1ታር 17፡1-14\x* 
\v 47 ጊዶ ኣቲን ሶሎሞኔይ ኢዛስ ኣቆሶ ኬፂዴስ። 
\p  
\v 48-50 “ጊዶ ኣቲን ዎጋ ጎዳይ ኣሳ ኩሼይ ኬፂዳ ኬꬃን ዴና። ሄሲካ ናቤይ 
\q2 ካሴ ጌሻ ማፃፋን ፃፌቲዳ ማላ 
\q1 ‘ሳሎይ ታ ኡቲዛ ኣልጋ፤ 
\q2 ቢታይካ ታ ቶሆን ዬꬊዛሶ፤ 
\q1 ሂስቲን ኢንቴ ታስ ኣይ ማላ ኬꬄ ኬፄቲ? 
\q2 ዎይኮ ታ ሼምፓናሶይ ኣዋይሴ? \x * \xo 7:48-50 \xt ኢሳ 66፡1-2\x* 
\q1 ሃይሳ ዉርሲ ታ ኩሼይ ኦꬂቤኔ?’ 
\q2 ጌስ ጎዳይ ፆሳይ።” 
\p  
\v 51 “ኢንቴኖ ዎዝና ሙሜቶ! ሃይꬃ ቱሌቶ! ኢንቴካ ኢንቴ ኣዋታ ማላ ኡባ ዎዴ ፂሎ ኣያናራ ኤቄቴታ። \x * \xo 7:51 \xt ኢሳ 63፡10\x* 
\v 52 ናቤታፔ ኢንቴ ኣዋቲ ጎዶንታ ናቤይ ኦኔ? ፂሎዛ ዮሃኒሳ ካሴቲ ዮቲዳ ናቤታካ ዎꬊዳ፤ ኢንቴካ ሃዒ ኢዛ ኣꬂ ኢሚዴታኔ ዎꬊዴታ።  
\v 53 ኪታንቻ ባጋራ ኢንቴስ ኢሜቲዳ ዎጋ ኤኪዴታ ኣቲን ናጊቤኬታ” ጊዴስ። 
\s1 ኢስቲፋኖሲ ሹቻን ጫዴቲ ሃይቂዴስ 
\p  
\v 54 ዱላታን ዲዛ ኣሳይ ሄሳ ሲዪዳ ማላ ዳሮ ሃንቄቲዲ፥ ኢዛ ቦላ ባ ኣቺ ጋርጪዴስ።  
\v 55-56 ጊዲንካ ኢስቲፋኖሲ ፂሎ ኣያናን ኩሚዲኔ ፑዴ ሳሎ ቲሺ ሂስቲ ፄሊሺን ፆሳ ቦንቾን ዬሱሲ ፆሳ ኡሻቻን ኤቂዳይሳ ቤዪዲ “ሄኮ ታ ሳሎይ ዶዬቲዳይሳኔ ኣሳ ናይ ፆሳ ኡሻቻን ኤቂዳይሳ ቤያይስ” ጊዴስ። 
\p  
\v 57 ሄሳ ዎዴ ኣሳይ ቃላ ꬎቁ ሂስቲ ዋሲሼ ባ ሃይꬄ ቱጪ ኦይኪዲ ኢዛኮ ኢሲፌ ዎፂዴስ።  
\v 58 ኢስቲፋኖሴ ኦይኪዲ ካታማፔ ጌዴ ካሬ ኦሊዳ። ሹቻን ጫች ኦይኪዳ። ሄሲ ዉሪ ሃኒሺን ማርካቲካ ባ ማይዖ ሳዉሌ ጌቴቲዛ ፓንꬃ ኣቻን ዎꬂዳ።  
\v 59 ኢስቲ ሹቻራ ኢዛ ጫዲሺን ኢስቲፋኖሲ “ታ ጎዳ ዬሱሳ ታ ሼምፖዮ ኔኮ ኤካ” ጊዲ ዎሲዴስ።  
\v 60 ቃሴካ ጉልባቲዲ ꬎቃ ቃላን “ጎዶ! ሃይታንታ ናጋራ ቆዶፓ” ጊዲ ዋሲዴስ። ሄሳ ጊዳፔ ጉዬ ሃይቂዴስ። 
\c 8  
\p  
\v 1 ሳዉሌይካ ኢስቲፋኖሴ ሃይቆን ኢስታራ ቆፋን ጋጊዴስ። ሄ ዎዴ ዬሩሳላሜን ዲዛ ኣማኒዛይታ ቦላ ጊታ ጎዴቴꬂ ዴንዲዴስ። ሃዋሬቲ ኣታፌ ኣማኒዛይቲ ዉሪ ዩሁዳ ኣዉራጃኒኔ ሳማሪያ ኣዉራጃን ኡባን ላሌቲዳ።  
\v 2 ኣያና ኦሶን ሚኒ ኤቂዳ ኣሳቲ ኢስቲፋኖሴ ሞጊዲ፥ ኢዛስ ዳሮ ዬኪዳ።  
\v 3 ሳዉሌይ ቃሴ ዎሳ ኬꬃ ꬋይሳናስ ጊፂ ዴንዲዴስ። ኣማኒዛ ኣሳ ኢሳ ኢሳ ኬꬄ ጌሊዲ ማጫታኔ ኣዴታ ጎቺ ጎቺ ኬሲዲ ቃሾ ኬꬃን ጌልꬂዴስ። \x * \xo 8:3 \xt ሃዋ 22፡4-5፤ 26፡9-11\x* 
\s1 ፒሊጶሲ ሳማሪያ ዴሬን ሚሺራቾ ቃላ ማርካቲዴስ 
\p  
\v 4 ላሌቲዳይቲ ዉሪ ባ ቢዳሶን ቢዳሶን ፆሳ ቃላ ዮቲዳ።  
\v 5 ፒሊጶሲካ ሳማሪያ ጌቴቲዛ ካታማ ዎꬊዲ ኣሳስ ኪርስቶሳ ሳባኪዴስ።  
\v 6 ዳሮ ዴሬይ ፒሊጶሲ ኦꬂዛ ማላታ ቤዪዲ ኢዚ ዮቲዛ ቃላ ዎዝናፔ ሎዔꬂ ሲይዴስ።  
\v 7 ቱና ኣያናቲካ ዳሮ ኣሳፔ ዋሲ ዋሲ ኬዚዳ። ዳሮ ቶሆ ሲላቲኔ ዎቤቲካ ፓፂዳ።  
\v 8 ሄሳ ጊሽ ሄ ካታማ ኣሳይ ዳሮ ኡፋዬቲዴስ። 
\p  
\v 9 ጊዶ ኣቲን ሄሳፌ ካሴ ሄ ካታማዪን ማሮ ማሮቲዲ ሳማሪያ ኣሳ ዳሮ ማላሊሲዛዝ ኦꬂዛ ኢሲ ሲሞና ጌቴቲዛ ማሮይ ዴስ። ኢዚካ ባና ጊታ ኣሳ ማላ ቆዲዛዴ።  
\v 10 ኣሳይ ዉሪ ጉꬃታፔ ጊታታ ጋካናስ ዉሪካ “ሃይሲ ኣዴዚ ጊታ ዎልቃማ ጌቴቲዛ ፆሳ ዎልቃ” ጊሼ ኢዚ ጊዛይሳ ዉርሲ ዎዝናፔ ሲዬስ።  
\v 11 ዳሮ ዎዴ ባ ማሮቴꬃ ኦሶን ኣሳ ማላሊሲዳ ጊሽ ኣሳይ ኢዛ ዎዝናፔ ካሊሼ ጋምዒዴስ።  
\v 12 ጊዶ ኣቲን ፒሊጶሲ ፆሳ ካዎቴꬃ ጊሺኔ ዬሱስ ኪርስቶሳ ጊሽ ሳባኪዳይሳ ሲይዲ ኣማኒዳ ማጫሳይኔ ኣቱማሳይ ፃማቄቲዴስ።  
\v 13 ሲሞኒካ ኣማኒዲ ፃማቄቲዴስ። ፒሊጶሳካ ካሊ ቢዲ ሃኒዛ ጊታ ማላታ ቤዪዲ ማላሌቲዴስ። 
\p  
\v 14 ዬሩሳላሜን ዲዛ ሃዋሬቲ ሳማሪያ ኣሳይ ፆሳ ቃላ ኤኪዲ ኣማኒዳይሳ ሲይዲ ጴፅሮሳኔ ዮሃኒሳ ኢስታኮ ኪቲዳ።  
\v 15 ኢስቲካ ሳማሪያ ጋኪዲ ኣማኒዳ ኣሳይ ፂሎ ኣያና ኤካና ማላ ኣሳስ ዎሲዳ።  
\v 16 ጋሶይካ ሄ ዎዴ ኢስቲ ጮ ዬሱሳ ሱንꬃን ፃማቄቲዳ ኣቲን ቡሮ ፂሎ ኣያናይ ኢስታፌ ኢሳዴ ቦላካ ዎꬊቤና።  
\v 17 ሄሳ ጊሽ ጴፅሮሲኔ ዮሃኒሲ ባ ኩሼ ኣሳ ቦላ ዎꬂን ኣሳይ ፂሎ ኣያና ኤኪዴስ። 
\p  
\v 18 ሲሞኒካ ሃዋሬቲ ኩሼ ዎꬂ ዎሲን ፂሎ ኣያናይ ኢሜቲዛይሳ ቤዪዲ ጴፅሮሳሲኔ ዮሃኒሳስ ሚሼ ኤኪ ዪዲ፥  
\v 19 “ታ ኢዛ ቦላ ታ ኩሼ ዎꬂዛዴይ ዉሪ ፂሎ ኣያና ኤካና ማላ ሃይሳ ማላ ጎዳቴꬅ ታስካ ኢሚቴ” ጊን፥ 
\p  
\v 20 ጴፅሮሲ ኢዛስ ዛሪዲ “ፆሳ ኢሞታ ኔ ሚሻን ሻማና ቆፒዳ ጊሽ ኔኒ ኔ ሚሻራ ኢሲፌ ꬋያ።  
\v 21 ኔ ዎዝናይ ፆሳ ሲንꬃን ሱሬ ጊዶንታ ጊሽ ኔስ ሃይሳ ሃ ኦሶዛን ጊሻይ ዎይኮ ቃዳይ ዴና።  
\v 22 ሃይሳ ኔ ኢታቴꬃ ጊሽ ሃዒ ኤሌ ማሮቴꬃን ጌላ፤ ኔ ዎዝና ቆፋ ኔስ ኣቶ ጋናኮኔ ኔስ ጎዳ ዎሳ።  
\v 23 ጋሶይካ ኔኒ ኢታቴꬃን ኩሚዳይሲኔ ማካላን ቃሼታ ኡቲዳይሲ ታስ ቤቴስ” ጊዴስ። 
\p  
\v 24 ሲሞኒካ ዛሪዲ “ኢንቴ ጊዳ ዮዖታፔ ኣይኮይካ ታ ቦላ ጋኮንታ ማላ ታስ ጎዳ ዎሲቴ” ጊዴስ። 
\p  
\v 25 ጴፅሮሲኔ ዮሃኒሲ ጎዳ ቃላ ማርካቲዳይሳፌኔ ቆንጪሲ ዮቲዳይሳፌ ጉዬ ዳሮ ሳማሪያ ጉታታን ሚሺራቾ ቃላ ሳባኪሼ ዬሩሳላሜ ሲሚዳ። 
\s1 ቶጲያ ካዎ ሚሻ ቦላ ሹሜቲዳ ጉንዱላዛ ፒሊጶሲ ፃማቂዴስ 
\p  
\v 26 ጎዳ ኪታንቻይ ፒሊጶሳ “ዴንዳ! ዬሩሳላሜፔ ዱጌ ባጋራ ጌዴ ጋዛ ኤፊዛ ባዞ ኦጋራ ባ” ጊዴስ።  
\v 27 ኢዚካ ዴንዲ ቢዴስ። ሂንዴኮ ጌቴቲዛ ቶጲያፔ ጊዲዳ ካዎያ ባ ኬꬃኒኔ ባ ካዎቴꬃን ዲዛ ኡባ ሚሻ ቦላ ኣላፌቴꬃን ዎꬂዳ ኢሲ ቶጲያ ጉንዱላ ኣሲ ኢዛራ ጋጊዴስ። ሄ ኣዴዚ ፆሳስ ጎይናና ዬሩሳላሜ ቢዴስ።  
\v 28 ኢዚ ሄፔ ሲሚሼ ፓራ-ጋሬን ኡቲዲ ናቤ ኢሳያሳ ማፃፋ ናባቤስ።  
\v 29 ኣያናይ ፒሊጶሳ “ባ! ጌዴ ፓራ-ጋሬዛኮ ሺቃ” ጊዴስ። 
\p  
\v 30 ፒሊጶሲካ ኤሶቲዲ ፓራ-ጋሬዛኮ ቢዲ ኣዴዚ ናቤ ኢሳያሳ ማፃፋ ናባቢሺን ሲይዲ “ሄሲ ኔ ናባቢዛይሲ ኔስ ጌሊዜ?” ጊዴስ። 
\p  
\v 31 ጉንዱላ ኣዴዚካ “ታና ኤሪሲዛ ኣሲ ባይንዳ ታ ዎስታ ኤሮ?” ጊዴስ። ኢዚካ ጌዴ ኢዛ ጋሬዛን ጌልዲ ኢዛ ኣቻን ኡታና ማላ ዎሲዴስ።  
\v 32 ኢዚ ናባቢዛ ማፃፋይ 
\q1 “ኢዚ ዶርሳ ማላ ሹኬታና ላጌቲዴስ፤ 
\q2 ዶርሳ ላቃይ ኢሲኬ ቃንፂዛይሳ ሲንꬃን ጮዑ ጊዛ ማላ 
\q2 ሄሳꬆካ ኢዚ ባ ዱና ፖጊቤና። 
\q1  
\v 33 ባና ካዉሺዲ ፒርዳይ ባይንዳዴ ጊዲዴስ። 
\q2 ኢዛ ሼምፖይ ቢታ ቦላፌ ዲጌቲዴስ። 
\q2 ኢዛ ዬሌቴꬃ ጊሽ ሃሳያና ዳንዳዪዛይ ኦኔ?” ጌስ። 
\p  
\v 34 ጉንዱላ ኣዴዚካ ዛሪዲ ፒሊጶሳ “ናቤዚ ሃይሳ ኦና ጊሽ ጊዜ? ባ ጊሽ ጊዜዬ? ዎይኮ ሃራ ኣሳ ጊሽ ጊዜ? ሃያና፥ ታስ ዮታርኪ!” ጊዴስ።  
\v 35 ፒሊጶሲካ ባ ዱና ዶይዲ ሄ ማፃፋፔ ዶሚዲ ዬሱሳ ሚሺራቾ ቃላ ጊሽ ማርካቲዴስ። 
\p  
\v 36 ኢስቲ ኢሲፌ ቢሼ ሃꬂ ዲዛሶ ጋኪዳ። ኣዴዚካ “ሄኮ ሃꬂ ሃይሳን ዴስ፤ ሂስቲን ታ ፃማቄቶንታ ማላ ዲጊዛይ ኣዜ?” ጊዴስ። 
\p  
\v 37 ፒሊጶሲካ “ኔ ኩሜꬃ ዎዝናፔ ኣማኒኮ ፃማቄታና ዳንዳያሳ” ጊዴስ። ኣዴዚካ “ዬሱስ ኪርስቶሲ ፆሳ ና ጊዲዳይሳ ኣማናይስ” ጊዴስ። \f + \fr 8:37 \ft ኢሲ ኢሲ ጌሻ ማፃፋቲ ፓይዶ 37 ቦላ ዲዛ ቆፋ ጉጄቴስ፤ ኢሲ ኢሶቲ ቃሴካ ቆፋ ኦይኪቤቴና።\f* 
\p  
\v 38 ኣዴዚ ፓራ ጋሬዚ ኤቃና ማላ ኣዛዚን ናምዓይ ኢሲፌ ሃꬃን ዎꬊን ፒሊጶሲ ኣዴዛ ፃማቂዴስ።  
\v 39 ኢስቲ ሃꬃፌ ኬዚሺን ፆሳ ኣያናይ ፒሊጶሳ ዴንꬂ ኤፊዴስ። ኣዴዚ ሄሳፌ ጉዬ ኢዛ ቤይቤና። ጊዶ ኣቲን ኡፋይሳን ባ ኦጌ ቢዴስ።  
\v 40 ሄሳፌ ጉዬ ፒሊጶሲ ኣዛፆኔ ጌቴቲዛሶን ቤቲዴስ። ቂሳሪያ ጌቴቲዛሶ ጋካናስ ኢዚ ቢዛ ኦጌ ቦላ ካታማን ኡባን ሚሺራቾ ቃላ ሳባኪዴስ። 
\c 9  
\s1 ሳዉሌይ ኣማኒዴስ 
\r (ሃዋ 22፡6-16፤ 26፡12-18) 
\p  
\v 1 ሳዉሌይ ጎዳ ኣማኒዛ ኣሳ ዎꬋናስ ጬቄቲሼ ቄሴታ ሃላቃኮ ቢዴስ።  
\v 2 ጎዳ ኦጌ ካሊዛይታ ማጫሳታኔ ኣዴታ ዴሚ ቃቺዲ ዬሩሳላሜ ኤኪ ያናስ ዳማስቆ ጌቴቲዛሶን ዲዛ ኣይሁዳታ ዎሳ ኬꬃስ ባብዳቤ ፃፋና ማላ ቄሴታ ሃላቃ ዎሲዴስ። 
\p  
\v 3 ዳማስቆ ጋካና ማቲሺን ቆፖንታ ሳሎፔ ፖዖይ ኢዛ ዩሾን ፖልዑ ጊዴስ።  
\v 4 ኢዚካ ሄራካ ቢታ ቦላ ኩንዲዲ ሳሎፔ “ሳዉሌ፥ ሳዉሌ፥ ታና ኣዛስ ጎዳይ?” ጊዛ ቃላ ሲይዴስ። 
\p  
\v 5 ሳዉሌይካ “ጎዶ! ኔ ኦኔ?” ጊዴስ። ኢዚካ ኢዛስ “ታኒ ኔ ጎዴꬂዛ ዬሱሳኮ!” \f + \fr 9:5 \ft ኢሲ ኢሲ ጌሻ ማፃፋታ ቢርሼꬃይ “ቃራ ማሻ ቦላ ኔ ኤቂኮ ቆሄታና” ጊሺን ሃራይቲ ቃስ “ጫዲዛ ቢራታራ ኔ ኤቄቲኮ ኔስ ሃ ዳራና” ጌቴስ።\f*\f + \fr 9:5 \ft ሳዉሊ ኮኮርዲኔ ያሻቴꬃን ማላሌቲዲ “ጎዶ! ታ ኔስ ኣይ ኦꬃና ማላ ዶሳይ?” ጊዴስ ጊዛ ቆፋ ጉጄቴስ። ሃይሳካ ሼምፖ 22፡10 ኔ 26፡14 ቦላ ፃፌቲ ቤቴስ።\f* 
\v 6 ኔ ሃዒ ዴንዳዳ ጌዴ ካታማ ጌላ፤ ኔ ኦꬃናስ ቤሲዛዝ ኔስ ታ ዮታና” ጊዴስ። 
\p  
\v 7 ሳዉሌራ ኢሲፌ ቢዛ ኣሳቲ ቃላ ጊሪስ ሲሳፌ ኣቲን ኦናካ ቤዮንታ ጊሽ ባ ዱና ኦይኪ ኤቂዳ።  
\v 8 ሳዉሌይ ባ ኩንዲዳሶፔ ዴንዲዲ ኣይፌ ዶዪ ፄሊዛ ዎዴ ኣይኮካ ዴማናስ ዳንዳይቤና። ሄሳ ጊሽ ኢዛራ ዲዛ ኣሳቲ ኢዛ ኩሼ ኦይኪዲ ካሌꬂ ኤኪዲ ዳማስቆ ኤፊዳ።  
\v 9 ሄꬑ ጋላስ ጋካናስ ቆቂዲኔ ካꬅ ሃꬄ ቤይቤና። 
\p  
\v 10 ዳማስቆን ኢሲ ሃናኒያ ጌቴቲዛ ኣማኒዛዴይ ዴስ። ኢዛስ ጎዳይ ኣጁታን “ሃናኒያ” ጊዲ ፄይጊዴስ፤ ኢዚካ “ዬ ጎዶ!” ጊዴስ። 
\p  
\v 11 ጎዳይካ ኢዛ “ዴንዳ! ሱሬ ጌቴቲዛ ኦጌይራ ዩሁዳ ጌቴቲዛሶ ባ። ሄን ሳዉሌ ጌቴቲዛ ኢሲ ፃርሴሴ ኣሲ ዎሲሼ ዴስ፤ ኔ ኢዛ ኮያ ዴማ።  
\v 12 ጋሶይካ ሃናኒያ ጌቴቲዛይሲ ሳዉሌይ ዲዛሶ ዪዲ ኢዚ ፄላና ማላ ኢዛ ቦላ ባ ኩሼ ዎꬂሺን ኣጁታን ቤዪዴስ።” 
\p  
\v 13 ሃናኒያይካ ዛሪዲ “ጎዶ! ሃይሳዴይ ዬሩሳላሜን ዲዛ ጌሻታ ቦላ ኣይ ማላ ኢታ ሜቶ ጋꬂዳኮኔ ታ ዳሮ ኣሳፔ ሲያዲስ።  
\v 14 ኢዚ ሃ ዪዳይ ኔ ሱንꬃ ፄይጊዛይታ ዉርሲ ቃቻናስ ቄሴታ ሃላቃታፔ ጎዳቴꬅ ኤኪዲኮ” ጊዴስ። 
\p  
\v 15 ጎዳይካ ኢዛስ “ኔ ባ! ሃይሲ ኣዴዚ ኣይዛቤታ ሲንꬃኒኔ ካዎታ ሲንꬃን ሄሳꬆካ ኢስራዔሌ ዴሬ ሲንꬃን ታ ሱንꬅ ቶካና ማላ ኢዚ ታስ ዶሬቲዳይሳ።  
\v 16 ኢዚ ታ ሱንꬃ ጊሽ ኣይ ማላ ዋዬ ቤያናኮ ታ ኢዛ ቤሳና” ጊዴስ። 
\p  
\v 17 ሃናኒያይ ቢዲ ኢዛስ ዮቴቲዳሶ ጌሊዴስ። ሳዉሌ ቦላ ባ ኩሼ ዎꬂዲ “ታ ኢሻ ሳዉሌ ኔ ሃ ዪሺን ኔስ ኦጌ ቦላ ቆንጪዳ ጎዳ ዬሱሲ ኔ ኣይፌይ ፄላና ማላኔ ኔኒ ፂሎ ኣያናን ኩማና ማላ ታና ኔኮ ኪቲዴስ” ጊዴስ።  
\v 18 ሄራካ ሳዉሌ ኣይፌፔ ፖቆ ማላይ ፖቄቲ ዎꬊን ኢዚ ፄላና ዳንዳዪዴሲኔ ዴንዲዲ ፃማቄቲዴስ።  
\v 19 ካꬂካ ሚዲ ሚኒዴስ። ኡንዴና ዎዴ ኣማኒዛይታራ ዳማስቆን ጋምዒዴስ። 
\s1 ሳዉሌይ ዳማስቆኒኔ ዬሩሳላሜን ታማርሲዴስ 
\p  
\v 20 ሄራካ ዬሱሲ ፆሳ ና ጊዲዳይሳ ኣይሁዳታ ዎሳ ኬꬃታን ታማርሶ ኦይኪዴስ። 
\p  
\v 21 ሲዪዳ ኣሳይ ዉሪ “ሃይሲ ዬሩሳላሜን ሃ ሱንꬃ ፄይጊዛይታ ꬋዪሲዛ ኣዴዛ ጊዴኔ? ቃሴ ኢዚ ሃ ዪዳይ ሄ ኣሳታ ቃቺ ኤኪ ቄሴታ ሃላቃታኮ ኤፋናስ ዴኔ?” ጊሼ ማላሌቲዳ። 
\p  
\v 22 ሳዉሌይ ካሴፔ ሚኒ ሚኒ ቢዴስ። ዳማስቆን ዲዛ ኣይሁዳታስ ዬሱሲ ኢዚ ፆሲ ኪቲዳዴ ጊዲዳይሳ ኣማንꬂሼ ኣሳ ዱና ኦይꬂዴስ። 
\p  
\v 23 ዳሮ ጋላሳታፔ ጉዬ ኣይሁዳቲ ሳዉሌ ዎꬋናስ ዱላቲዳ። \x * \xo 9:23 \xt 2ቆሮ 11፡32-33\x* 
\v 24 ኢዚካ ኢስታ ቆፋ ኤሪዴስ። ኢስቲካ ኢዛ ዎꬋናስ ካታማ ጌልꬂዛ ኦጌን ጋላሲኔ ቃማ ናጊዳ።  
\v 25 ኣማኒዛይቲ ጊዲኮ ኢዛ ጊዶꬅ ካታማ ዩሾን ዲዛ ማስኮቴዛራ ኬሼን ዱጌ ዎꬂዳ። 
\p  
\v 26 ሳዉሌይ ዬሩሳላሜ ዪዲ ኣማኒዛይታራ ዋላኬታና ኮዪን ኢዚ ቱሙ ኣማኒዛዴ ጊዲዳይሳ ኢስቲ ኣማኔቶንታ ጊሽ ኢዛስ ባቢዳ።  
\v 27 ጊዶ ኣቲን ባርናባሲ ኢዛ ሃዋሬታኮ ኤፊን ሳዉሌይ ኢዚ ዳማስቆ ኦጌ ቦላ ጎዳ ዎስቲ ቤዪዳኮ፥ ጎዳይካ ኢዛስ ኣይ ዮቲዳኮኔ ቃሴካ ዳማስቆን ዲሼ ኢዚ ኣይ ማላ ፃላቴꬃራ ዬሱሳ ሱንꬃን ሳባኪዳኮ ኢስታስ ዮቲዴስ። 
\p  
\v 28 ሄሳ ጊሽ ሳዉሌይ ኢስታራ ዲዴስ። ዬሩሳላሜን ዩዪ ዩዪ ኣስ ባቦንታ ጎዳ ሱንꬃን ታማርሲዴስ።  
\v 29 ጊሪኬ ዴሬፔ ዪዳ ኣይሁዳታራ ሃሳይሼ ፓላሜቲዴስ፤ ጊዶ ኣቲን ኣሳይካ ኢዛ ዎꬋናስ ኮዪዴስ።  
\v 30 ኣማኒዛይቲ ሄሳ ኤሪዲ ዱጌ ቂሳሪያ ጌቴቲዛሶ ዎꬂዲ ፃርሴሴ ዬዲዳ። 
\p  
\v 31 ሄሳ ዎዴ ዩሁዳኒኔ ጋሊላን፥ ሳማሪያንካ ዲዛ ኣማኒዛይቲ ሳሮን ዲዲ ካሴፔ ሚኒዳ። ቃሴካ ፆሳ ያሻቴꬃን ሲሜሬቲሼ ፂሎ ኣያናን ሚኔቲዳኔ ካሴፔ ቆዳን ዳሪ ዳሪ ቢዳ። 
\s1 ኤኒያኔ ዶርቃ 
\p  
\v 32 ጴፅሮሲ ዴሬፔ ዴሬን ዩዪሼ ሊዳ ካታማን ዲዛ ኣማኒዛይታ ቤያናስ ዱጌ ዎꬊዴስ።  
\v 33 ሄን ኤኒያ ጌቴቲዛይሳ ኦሱፑን ላይꬅ ሂፃን ቃሼቲ ኡቲዳ ኢሲ ጉንዳ ኣስ ዴሚዴስ።  
\v 34 ጴፅሮሲካ “ሃይሶ ኤኒያ! ዬሱስ ኪርስቶሲ ኔና ፓꬃና፤ ዴንዳ ኔ ሂፃ ዴንꬃ!” ጊዴስ። ኤኒያይ ሄራካ ፑሱኩ ጊ ዴንዲዴስ።  
\v 35 ሊዳኒኔ ሳሮናን ዲዛ ኣሳይ ዉሪ ኢዛ ቤዪዲ ጎዳን ኣማኒዴስ። 
\p  
\v 36 ኢዮጴ ጌቴቲዛሶን ፃቢታ ጌቴቲዛ ኢሲ ኣማኒዛራ ዳዉስ። ኢዚ ሱንꬃ ቢርሼꬂ ጊሪኬ ቃላራ “ዶርቃ” ጌቴቴስ። ኢዛ ኡባ ዎዴ ሎዖ ኦሶ ሚና ኦꬃሼኔ ማንቆታ ማዳሼ ዳዉስ። \f + \fr 9:36 \fk ዶርቃ \ft ሄሳ ጉሲ ጊሪኬ ቃላራ “ጌኔሳ ጉሳ”\f* 
\v 37 ሄ ዎዴ ኢዛ ሃርጋዳ ሃይቂን ኣሳይ ኣሃ ሜጪ ፑዴ ፖቄን ኬሲ ዎꬂዴስ።  
\v 38 ሊዳይ ኢዮጴስ ማታ ጊዲዳ ጊሽ ኣማኒዛይቲ ጴፅሮሲ ሊዳን ዲዛይሳ ሲይዲ ናምዑ ኣሳታ ኪቲዲ “ኤሌ ሃ ያርኪ!” ጊ ዎሲዳ። 
\p  
\v 39 ጴፅሮሲካ ዴንዲዲ ኪቴቲዳ ኣሳታራ ጋኪዳ ዎዴ ኢዛ ፑዴ ሄ ፖቄ ቦላ ኬሲዳ። ኣምዔቲካ ዉሪ ኢዛ ዩዪ ኣꬊ ኤቂዲ ዶርቃይ ፓፃ ዳሼ ኢስታራ ኦꬂዳ ቃሚሴታኔ ማይዖታ ቤሲሼ ዬኪዳ። 
\p  
\v 40 ጴፅሮሲካ ኣሳ ዉርሲ ኪፍሌዛፔ ኬሲዲ ጉልባቲ ዎሲዴስ። ኣሃኮ ሲሚዲ “ሃኔ ፃቢታ ዴንዳ!” ጊዴስ። ኢዛካ ባ ኣይፌ ዶያዳ ፄላዱስ። ጴፅሮሳካ ቤያዳ ዴንዳ ኡታዱስ።  
\v 41 ኢዚካ ኢዚ ኩሼ ኦይኪ ዴንꬂዴስ። ኣማኒዛይታኔ ኣምዔታ ፄይጊዲ ኢዞ ኢስታስ ፓꬂዲ ኢሚዴስ።  
\v 42 ሄ ሃኖይ ኩሜꬃ ኢዮጴን ኤሬቲዴሲኔ ዳሮ ኣሳይካ ጎዳ ኣማኒዴስ።  
\v 43 ጴፅሮሲካ ኢሲ ሲሞና ጌቴቲዛ ጋልባ ቃጪዛዴራ ኢዮጴን ዳሮ ዎዴ ዴዒዴስ። 
\c 10  
\s1 ቆርኖሎሲ ጴፅሮሳ ፄይጊሲዴስ 
\p  
\v 1 ቂሳሪያ ጌቴቲዛ ዴሬን “ፃላኔ ዎታዳራታ” ኢሲ ቡቴ ጊዶን ማቶ ሃላቃ ጊዲዳ ኢሲ ቆርኖሎሳ ጌቴቲዛይሲ ዴስ።  
\v 2 ኢዚካ ባ ኬꬃ ኣሳ ኩሜꬃራ ኣያና ሃኖን ሚኖኔ ፆሴ ባቢዛዴ፤ ማንቆታስካ ዳሮ ሙፁዋታ ኢሚዛዴኔ ዳሮ ዎዴ ፆሴ ዎሲዛ ኣሳ።  
\v 3 ኢሲ ጋላስ ጋላሳፌ ኡዱፉን ሳቴ ቦላ ፆሳ ኪታንቻይ ኢዛስ ኣጁታን ቤቲዲ ኢዛኮ ዪዲ “ቆርኖሎሳ” ጊ ፄይጊሺን ቆንጬን ቤዪዴስ። 
\p  
\v 4 ቆርኖሎሲካ ዳጋማራ ቲሺ ሂስቲ ፄሊሼ “ጎዶ ሃይሲ ኣዜ?” ጊዴስ። ኪታንቻይካ ዛሪዲ “ኔ ዎሳይኔ ኔ ሙፁዋታይ ቆፌታናስ ፑዴ ፆሳ ሲንꬅ ጋኪዴስ።  
\v 5 ኔ ሃዒ ኣስ ኢዮጴ ዬዳዳ ጴፅሮሳ ጌቴቲዛ ሲሞና ፄይጊሳ።  
\v 6 ኢዚካ ኣባ ማታን ዲዛ ጋልባ ቃጪዛ ሲሞና ሶን ኢማꬃቴꬅ ዴስ” ጊዴስ። 
\p  
\v 7 ቆርኖሎሳ ሃሳይሲዳ ኪታንቻይ ኢዛፔ ሻኬቲዲ ቢዳፔ ጉዬ ባ ኣሽካራታፔ ናምዓታ ቃሴ ኣያና ዮዖስ ሚኖኔ ኢዛስ ዳሮ ኣማኔቲዛ ዎታዳራታፔ ኢሳ ፄይጊሲዲ፥  
\v 8 ኢዚ ቤዪዳይሳ ዉርሲ ኢስታስ ዮቲዲ ኢዮጴ ኪቲዴስ። 
\s1 ጴፅሮሲ ቤዪዳ ኣጁታ 
\p  
\v 9 ኪቴቲዳ ኣሳቲ ዎንቴꬃ ጋላስ ጌዴ ካታማይኮ ማቲሺን ጴፅሮሲ ኡሱፑን ሳቴ ቦላ ዎሳና ፑዴ ፖቄ ቦላ ኬዚዴስ።  
\v 10-11 ሄሳ ዎዴ ኢዚ ጋፊዳ ጊሽ ቁማይ ቡሮ ካፂሺን ꬊስኮ ማላ ሊጲጲ ሂስቲን ኣጁታራ ሳሎይ ዶዬቲን ኢሲ ጊታ ፃፄቲዳ ማይዖ ማላይ ኦይዱ ባጋራ ኦይኬቲዲ ዱጌ ቢታን ዎꬊሺን ቤዪዴስ።  
\v 12 ሄ ማይዖዛ ቦላ ኦይዱ ቶሆይ ዲዛ ዱማ ዱማ ዶዓቲ ቢታራ ጎሼቲዛ ሜꬌቴꬃቲኔ ሳሎ ቦላ ፒራꬊዛ ካፎቲ ዴቴስ።  
\v 13 ሄሳ ዎዴ “ጴፅሮሳ ዴንዳ ሃይታ ሹካዳ ማ” ጊዛ ቃላይ ኢዛስ ሲዬቲዴስ። 
\p  
\v 14 ጴፅሮሲ ቃሴ “ጎዶ ሃይሲ ሃኔና! ጌሽ ጊዶንታይሳ ዎይኮ ቱና ሚሻ ታ ሙሌራካ ማ ኤሪኬ” ጊዴስ። 
\p  
\v 15 ሄ ካሴ ቃላይ ቃሴካ ናምዓንꬆ ኢዛኮ ዪዲ “ፆሲ ጌሺዳይሳ ኔ ቱና ማላ ቆዶፓ” ጊዴስ።  
\v 16 ሄሲካ ሄꬑቶ ሺሬቲ ሺሬቲ ኢዛኮ ዪዳፔ ጉዬ ማይዖ ሚሳቲዛይሲ ሄራካ ፑዴ ሳሎ ቢዴስ። 
\p  
\v 17 ጴፅሮሲካ ባ ቤዪዳ ኣጁታዛ ቢርሼꬃ ኤራናስ ዳሮ ሜቶቲዲ ኬሂ ቆፎ ቦላ ዲሺን ቆርኖሎሲ ኪቲዳ ኣሳቲ ሲሞና ኬꬄ ኮዪሼ ዴሚዲ ፔንጌን ኤቂዳ።  
\v 18 ቃላ ꬎቁ ሂስቲዲ “ጴፅሮሳ ጌቴቲዛ ሲሞኒ ዲዛሶይ ሃይሳን ኣዋኔ?” ጊ ኦይቺዳ። 
\p  
\v 19-20 ጴፅሮሲ ባ ቤዪዳይሳ ኬሂ ቆፒሺን ፂሎ ኣያናይ ኢዛ “ሄኮ ሄꬑ ኣሳቲ ኔና ኮዬቴስ። ዴንዳ! ዱጌ ዎꬋዳ ኢስታ ዬዲዳይ ታና ጊዲዳ ጊሽ ሲꬌይ ባይንዳ ኢስታራ ባ” ጊዴስ። 
\p  
\v 21 ጴፅሮሲካ ዱጌ ዎꬊዲ “ሄኮ ኢንቴ ኮዪዛዴይ ታናኮ! ኢንቴ ዪዳይ ኣዛሴ?” ጊዴስ።  
\v 22 ኢስቲካ ኢዛስ “ኑኒ ማቶ ሃላቃ ቆርኖሎሳ ማታፔ ዪዶስ። ኢዚካ ፆሳስ ባቢዛ ፂሎ ኣሳኔ ኣይሁዳ ኣሳ ኡባ ማታን ዳሮ ቦንቼቲዳ ኣሳ። ኔካ ኢዛ ኬꬄ ባና ማላኔ ኔ ጊዛይሳ ኢዚ ሲያና ማላ ጌሻ ኪታንቻይ ኢዛስ ዮቲዴስ” ጊዳ። 
\p  
\v 23 ጴፅሮሲካ ኣሳታ ባ ዲዛሶን ሞኪ ኤኪዲ ኣይሲዴስ። 
\s1 ጴፅሮሲ ቆርኖሎሳ ኬꬃን 
\p ጴፅሮሲካ ዎንቴꬃ ጋላስ ዴንዲዲ ኢስታራ ቢዴስ። ኢዮጴፌ ዪዳ ኢሲ ኢሲ ኣማኒዛ ኣሳቲ ኢዛራ ኢሲፌ ቢዳ።  
\v 24 ቆርኖሎሲካ ባ ዳቦታኔ ማታ ላጌታ ባ ሶን ሺሺዲ ናጎ ቦላ ዲሺን ኢዚ ናምዓንꬆ ጋላስ ቂሳሪያ ጋኪዴስ።  
\v 25 ጴፅሮሲካ ጌዴ ቆርኖሎሳ ኬꬄ ጌሊን ቆርኖሎሲ ኢዛ ሞኪ ኤኪዲ ኢዛ ቶሆ ቦላ ሆኪ ጎይኒዴስ።  
\v 26 ጊዶ ኣቲን ጴፅሮሲ “ታካ ኔ ማላ ኣሳኮ! ዴንዳ” ጊዲ ዴንꬂዴስ። 
\p  
\v 27 ጴፅሮሲካ ኢዛ ሃሳይሲሼ ኢዛራ ሶ ጌሊሺን ዳሮ ዴሬይ ሺቂ ኡቲዳይሳ ቤዪዴስ።  
\v 28 ኢዚካ ኢስታስ “ኣይሁዳ ኣሲ ሃራ ዴሬ ኣሳራ ጋጎንታ ማላ ዎይኮ ሃራ ዴሬ ኣስ ጊዲዳይታ ማታ ሺቆንታ ማላ ኑ ዎጋይ ዲጊዛይሳ ኢንቴ ኤሬታ። ጊዶ ኣቲን ታ ኦናካ ቱና ዎይኮ ኢዚ ጌሽ ዴና ጎንታ ማላ ፆሲ ታስ ቆንጪሲዴስ።  
\v 29 ሄሳ ጊሽ ታ ፄይጌቲዳ ዎዴ ሄኮ ሲꬎንታ ያዲስ። ሂስቲን ኢንቴ ታና ኣዛስ ፄይጊዳኮኔ ኤራና ኮያይስ” ጊዴስ። 
\p  
\v 30 ቆርኖሎሲካ “ኦይዱ ጋላሳፌ ካሴ ሊኬ ሃኒ ዎዴ ጋላሳፌ ኡዱፉን ሳቴን ታኒ ታ ሶን ዎሲሺን ቆፖንታ ቦꬃ ማይዖ ማይዒዳ ኣሲ ዪዲ ታ ሲንꬃን ኤቂዲ  
\v 31 ታና ‘ቆርኖሎሳ! ኔ ዎሳይ ሲዬቲዴስ፤ ኔ ማንቆታስ ኢሚዛ ሙፁዋታይ ፆሳ ሲንꬂ ጋኪዴስ።  
\v 32 ሄሳ ጊሽ ኢዮጴ ካታማ ኣስ ኪታዳ ጴፅሮሳ ጌቴቲዛ ሲሞና ኤሂሳ። ኢዚ ኣባ ኣቻን ጋልባ ቃጪዛ ሲሞና ኬꬃን ኢማꬃቴꬅ ዴስ’ ጊዴስ።  
\v 33 ታካ ሄራካ ኔኮ ኣስ ኪታዲስ። ኔ ዩሳይካ ሎዖ። ሂስቲኮ ጎዳይ ኔና ኣዛዚዳይሳ ኔ ኑስ ዮቲኮ ፆሲ ዮቲዳይሳ ኔፔ ሲያናስ ኑ ዉሪካ ሃይሳን ፆሳ ሲንꬃን ዶስ” ጊዴስ። 
\p  
\v 34 ጴፅሮሲካ “ፆሲ ኦናካ ሻኪ ማዶንታይሳ ታ ቱማፔ ኤራዲስ። \x * \xo 10:34 \xt ዛሬ 10፡17\x* 
\v 35 ጊዶ ኣቲን ፆሳስ ባቢዛይታኔ ፂሎ ኦꬂዛይታ ዉርሲ ኦና ባጋፌ ጊዲንካ ኢዚ ኤኬስ።  
\v 36 ፆሲ ኡባስ ጎዳ ጊዲዳ ዬሱስ ኪርስቶሳ ባጋራ ኢስራዔሌ ኣሳስ ኪቲዳ ሳሮቴꬃ ሚሺራቾ ኪታይ ሃይሳ።  
\v 37 ዮሃኒሲ ፂንቃታ ጊሽ ሳባኪዳፔ ጉዬን ጋሊላፔ ዶሚዲ ኩሜꬃ ዩሁዳን ሃኒዳይሳ ኢንቴ ኤሬታ።  
\v 38 ፆሲ ናዚሬቴ ዬሱሳ ፂሎ ኣያናኒኔ ዎልቃን ቲዪዴስ። ኢዚካ ፆሲ ኢዛራ ዲዛ ጊሽ ባ ጋኪዳሶን ኡባን ሎዖ ኦꬂሼ ፃላዔ ጎዳቴꬃ ጊዶን ዲዛይታ ዉርሲ ፓꬂዴስ። 
\p  
\v 39 “ኢዚ ኣይሁዳታ ዴሬኒኔ ዬሩሳላሜ ካታማን ኦꬂዳይሳ ኡባስ ኑ ማርካ። ቃሴካ ኣሳይ ኢዛ ሚꬃ ቦላ ካቂ ዎꬊዴስ።  
\v 40 ጊዶ ኣቲን ፆሲ ኢዛ ሄꬓንꬆ ጋላስ ሄይቆፔ ዴንꬂዴሲኔ ኣሲ ኢዛ ቤያና ማላ ኦꬂዴስ።  
\v 41 ኢዚ ቆንጪዳይ ኣሳ ኡባስ ጊዶንታ ሃይቆፔ ዴንዲን ኢዛራ ሚዳይታሲኔ ኢዛራ ኡዪዳይታስ ፆሲ ኮይሮ ዶሪዳ ኑስ ኢዛ ማርካታሳ።  
\v 42 ኢዚ ኑ ዴሬዛስ ሳባካና ማላኔ ሃይቂዳይታ ቦላኔ ፓፃ ዲዛይታ ቦላ ፒርዳናስ ፆሲ ሹሚዳይ ኢዛ ጊዲዳይሳ ኑ ማርካታና ማላ ኑና ኣዛዚዴስ።  
\v 43 ኢዛ ኣማኒዳዴይ ዉሪ ኢዛ ሱንꬃን ናጋራ ማሬቲዲ ጌያናይሳ ናቤቲ ኢዛስ ማርካቴቴስ” ጊ ዮቶ ዶሚዴስ። 
\p  
\v 44 ጴፅሮሲ ሄሳ ሃሳዪሺን ቃላ ሲዪዛይታ ኡባ ቦላ ፂሎ ኣያናይ ዎꬊዴስ።  
\v 45 ቃፃሬቲዳይታ ባጋፌ ጴፅሮሳራ ዪዳ ኣማኒዛይቲ ፂሎ ኣያና ኢሞቴꬂ ኣይዛቤታ ቦላ ዎꬊሺን ቤዪዲ ማላሌቲዳ።  
\v 46 ሄሲካ ኢስቲ ዱማ ቃላን ሃሳዪሺኒኔ ፆሳ ጋላቲሺን ሲዪዳ ጊሻሳ። ሄ ዎዴ ጴፅሮሲ፥ 
\p  
\v 47 “ሃይቲ ኣሳቲ ኑ ማላ ፂሎ ኣያና ኤኪዳ ጊሽ ኢስቲ ሃꬃን ፃማቄቶንታ ማላ ኢስታ ዲጋናይ ኦኔ?” ጊዴስ።  
\v 48 ሄሳ ጊሽ ዬሱስ ኪርስቶሳ ሱንꬃን ፃማቄታና ማላ ኣዛዚዴስ። ሄሳፌ ጉዬ ጴፅሮሲ ጉꬃ ዎዴ ኢስታራ ዳና ማላ ዎሲዳ። 
\c 11  
\s1 ጴፅሮሲ ኣይዛቤታ ኬꬄ ኣይሲ ጌሊዳኮኔ ዋላሲዳ 
\p  
\v 1 ሃዋሬቲኔ ዩሁዳን ዲዛ ኣማኒዛይቲ ኣይዛቤቲ ፆሳ ቃላ ኤኪዳይሳ ሲዪዳ።  
\v 2 ሄሳ ጊሽ ጴፅሮሲ ፑዴ ዬሩሳላሜ ኬዚን ቃፃሬቲዳ ኣይሁዳፔ ኣማኒዛይቲ ጴፅሮሳ፥  
\v 3 “ኔ ቃፃሬቶንታ ኣሳታ ኬꬅ ጌላዳ ኢስታራ ካꬅ ማዳሳ” ጊዲ ዋላሲዳ። 
\p  
\v 4 ጴፅሮሲ ቃሴ ኢስታስ ጌላና ማላ ማራራ ሂዝጊ ዮቲዴስ።  
\v 5 “ታኒ ኢዮጴ ካታማን ዎሲሺን ꬊሲኮ ማላ ታና ሊጲጲ ሂስቲዲ ኣጁታን ጊታ ማይዖ ሚሳቲዛ ሚሺ ኦይዱ ባጋራ ኦይኬቲዲ ሳሎፔ ታ ዲዛሶ ዎꬊሺን ቤያዲስ።  
\v 6 ታ ቲሺ ሂስታ ፄሊሺን ኦይዱ ቶሆራ ዲዛ ሜሄታ፥ ዎራ ዶዓታ፥ ቢታ ቦላ ጎሼቲዛ ሜꬌቴꬃታኔ ሳሎ ቦላ ፒራꬊዛ ካፎታ ቤያዲስ።  
\v 7 ሄራካ ታና ‘ጴፅሮሳ ዴንዳ! ሃይሳ ሹካዳ ማ’ ጊዛ ቃላ ሲያዲስ። 
\p  
\v 8 “ታካ ‘ጎዶ ሄሲ ሃኔና፤ ታኒ ቱና ዎይኮ ጌሽ ጊዶንታይሳ ሙሌካ ታ ዱናኮ ሺሻ ኤሪኬ’ ጋዲስ። 
\p  
\v 9 “ሄ ካሴ ቃላይ ቃሴካ ‘ፆሲ ጌሺዳይሳ ኔ ቱኒሶፓ’ ጊዲ ሳሎፔ ታስ ዮቲዴስ።  
\v 10 ሄሲካ ሄꬑቶ ሺሬቲ ሺሬቲ ዮቴቲዳፔ ጉዬ ዉሪካ ሲሚዲ ፑዴ ሳሎ ቢዴስ። 
\p  
\v 11 “ቂሳሪያፔ ታኮ ኪቴቲዳ ሄꬑ ኣሳቲ ሄራካ ሄ ሳቴይን ዪ ጋኪዲ ታ ዲዛ ኬꬃ ካሬን ኤቂዳ።  
\v 12 ታ ኣይኔ ሲꬎንታ ኢስታራ ባና ማላ ፂሎ ኣያናይ ታስ ዮቲዴስ። ሄ ኡሱፑን ኢሻቲ ታናራ ኢሲፌ ቢዲ ኣዴዛ ኬꬄ ጌልዶስ።  
\v 13 ኢዚካ ፆሳ ኪታንቻይ ኢዛ ኬꬃን ኤቂዲ ኢዛስ ቤቲዳይሳኔ ‘ኢዮጴ ጌቴቲዛሶ ኣስ ዬዳዳ ጴፅሮሳ ጌቴቲዛ ሲሞና ፄይጊሳ።  
\v 14 ኢዚ ዪዲ ኔናኔ ኔሶ ኣሳ ዉርሲ ኣሻና ቃላ ዮታና’ ጊዳይሳ ኑስ ዮቲዴስ። 
\p  
\v 15 “ታካ ባዳ ቡሮ ዮቶ ኦይኪሺን ኮይሮ ፂሎ ኣያናይ ካሴ ኑ ቦላ ዎꬎይሳꬆ ኢስታ ቦላካ ዎꬊዴስ።  
\v 16 ካሴ ጎዳይ ኑስ ዮቲሼ ‘ዮሃኒሲ ሃꬃን ፃማቂዴስ ሺን ኢንቴ ፂሎ ኣያናን ፃማቄታና’ ጊዳ ቃላይ ሄራካ ታስ ቆፌቲዴስ። \x * \xo 11:16 \xt ሃዋ 1፡5\x* 
\v 17 ሄሳ ጊሽ ኑኒ ጎዳ ዬሱስ ኪርስቶሳ ኣማኒሺን ኑስ ኢሚዳ ፂሎ ኣያና ፆሲ ኢስታስ ኢሚኮ ሂስቲን ፆሳራ ኤቄታናስ ታኒ ኦኔ?” ጊዴስ። 
\p  
\v 18 ኢስቲ ሄሳ ሲዪዳ ዎዴ ኢስታስ ጊዛዚ ꬋዪን ጮዑ ጊ ሲሚዲ “ሃይሳ ማላ ጊዲኮ ኣይዛቤቲካ ሃ ኦራꬃ ዴዖኮ ያና ማላ ፆሲ ኣሳስ ማሮቴꬅ ኢሚዴስ ጉሳ” ጊዲ ፆሳ ጋላቲዳ። 
\s1 ኣንፆኪያን ዲዛ ዎሳ ኬꬃዮ 
\p  
\v 19 ኢስቲፋኖሴ ቦላ ዴንዲዳ ጎዴቴꬃ ጋሶን ላሌቲዳ ኣማኒዛ ኣሳይ ቃላ ኣይሁዳታስ ፃላላ ዮቲሼ ፒንቄ፥ ቆጲሮሴኔ ኣንፆኪያ ጌቴቲዛሶ ጋካናስ ካንꬂ ቢዳ። \x * \xo 11:19 \xt ሃዋ 8፡1-4\x* 
\v 20 ቆጲሮሴፔኔ ቃሬናፔ ዪዳ ኢሲ ኢሲ ኣሳቲ ኣንፆኪያ ቢዲ ጊሪኬታሲካ ጎዳ ዬሱሳ ሚሺራቾ ቃላ ዮቲዳ።  
\v 21 ጎዳ ማዶይካ ኢስታራ ዴስ፤ ቆዳን ኬሂ ዳሮ ኣሳይ ኣማኒዲ ጎዳኮ ሲሚዴስ። 
\p  
\v 22 ሄሳ ዎሬይካ ዬሩሳላሜን ዲዛ ዎሳ ኬꬃ ኣሳ ሃይꬃን ዎꬊን ዎሳ ኬꬃያ ባርናባሳ ኣንፆኪያ ዬዳዱስ።  
\v 23 ኢዚካ ሄ ቢ ጋኪዲ ፆሲ ባ ኣꬎ ኪያቴꬅ ዴራስ ኢሚዳይሳ ቤዪዲ ኡፋዬቲዴሲኔ ኣሳይ ዉሪካ ኩሜꬃ ዎዝናፔ ጎዳ ኣማኖን ሚናና ማላ ዞሪዴስ።  
\v 24 ኢዚካ ፂሎ ኣያናኒኔ ኣማኖን ኩሚዳ ሎዖ ኣሳ። ዳሮ ዴሬይ ጎዳ ኣማኖን ጉጄቲዴስ። 
\p  
\v 25 ሄሳፌ ካሊዲ ባርናባሲ ሳዉሌ ኮያና ፃርሴሴ ቢዴስ።  
\v 26 ኢዛ ዴሚዲ ኣንፆኪያ ኤኪ ዪዴስ። ናምዓይካ ሄን ዲዛ ዎሳ ኬꬃ ኣሳራ ጊዲዲ ላይꬅ ኩሜꬅ ዳሮ ዴሬ ታማርሲዳ። ሄን ኣንፆኪያን ኣማኒዛይቲ ኮይሮ “ኪርሳኔ” ጌቴቲ ፄይጌቲዳ። 
\p  
\v 27 ሄ ዎዴ ኢሲ ኢሲ ናቤቲ ዬሩሳላሜፔ ዱጌ ኣንፆኪያ ዎꬊዳ።  
\v 28 ኢስታ ጊዶፌ ኢሶይ ኣጋቦሳ ጌቴቲዛይሲ ዴንዲ ኤቂዲ ፂሎ ኣያናይ ኢዛ ቤሲን ኣላሜ ኡባን ጊታ ኮሻይ ዴንዳናይሳ ዮቲዴስ። ሄሲካ ኦሮሜ ካዎ ቃላዎዶሳ ቄሳሬ ጌቴቲዛይሳ ካዎቴꬃ ዎዴ ፖሌቲዴስ። \x * \xo 11:28 \xt ሃዋ 21፡10\x* 
\v 29 ኣማኒዛይቲ ዉሪ ኢሶይ ኢሶይ ባ ዎልቃ ኬና ሚሼ ኬሴቲዲ ዩሁዳን ዲዛ ኣማኒዛ ኢሻታ ማዳናስ ቃቺዳ።  
\v 30 ማዶ ሚሻ ኬሴቲዲ ባርናባሳኔ ሳዉሌ ኩሼን ጪማታስ ጋꬃና ማላ ዬዲዳ። 
\c 12  
\s1 ኣማኒዛይታ ቦላ ጋኪዳ ጊታ ሜቶኔ ጎዴቴꬅ 
\p  
\v 1 ሄ ዎዴ ካዎ ሄርዶሲ ኢሲ ኢሲ ኣማኒዛ ኣሳ ጎዲ ጎዲ ሜቶꬂዴስ።  
\v 2 ዮሃኒሳ ኢሻ ያቆቤ ማሻን ዎꬊሲዴስ።  
\v 3 ኢዚካ ሄሳ ኦꬂዳይ ኣይሁዳታ ኡፋይሲዳይሳ ቤዪዲ ጴፅሮሳካ ኦይꬂዴስ። ሄሲካ ሃኒዳይ ኣይሁዳታስ ኡኬꬃ ባዓሌ ጌቴቲዛ ባዓሌ ጋላሳ።  
\v 4 ጴፅሮሳካ ቃሾ ኬꬄ ጌልሲዳፔ ጉዬ ኦይዱ ኦይዱ ዎታዳራቲ ታራን ታራን ናጋና ማላ ጊጌቲዳ ዎታዳራታስ ኢሚዴስ። ኢዚ ሄሳꬆ ኦꬂዳይ ፓዚጋ ባዓሌይ ኣꬊዳ ማላ ኬሲዲ ዴሬይ ፒርዳና ማላ ሺሻናሳ። \x * \xo 12:4 \xt ኬሳ 12፡1-27\x* 
\v 5 ሄሳ ጊሽ ጴፅሮሳ ቃሾ ኬꬄ ጌልሲዲ ናጌቴስ። ጊዶ ኣቲን ዎሳ ኬꬃ ኣሳይ ኢዛስ ኬሂ ሚኖ ዎሳ ዎሲዴስ። 
\p  
\v 6 ሄርዶሲ ጴፅሮሳ ዴሬዛ ሲንꬅ ሺሻና ቆፒ ኡቲ ዲሺን ሄ ቃማ ጊዶꬅ ናምዑ ሳንሳላታን ቃሼቲዲ ናምዑ ዎታዳራታ ጊዶን ኢቺዴስ። ቃሾ ኬꬃ ናጊዛይቲ ኬꬃ ፔንጌ ቦላ ኤቂ ናጊሺን፥  
\v 7 ጎዳ ኪታንቻይ ኤዚጎንታ ኢስታስ ቤቲዴስ። ኢስቲ ዲዛ ኪፊሌን ፖዖይ ፖዒዴስ። ኪታንቻዚካ ጴፅሮሳ ሚሌ ቦቺ ቤጎꬂዲ “ኤሌ ዴንዳ!” ጊዴስ። ሄራካ ሳንሳላታይ ኢዛ ኩሼፔ ጋዴን ዎꬊዴስ። 
\p  
\v 8 ኪታንቻዚ ኢዛ “ኔ ማይዖ ማይዓ! ጫማካ ኣꬃ!” ጊን ጴፅሮሲካ ኣዛዜቲዳ ማላ ኦꬂዴስ፤ ቃሴካ ኪታንቻይ “ኔ ጋቤ ማይዓዳ ታና ካላ” ጊዴስ።  
\v 9 ጴፅሮሲካ ቃሾ ኬꬃፌ ኢዛ ካሊ ኬዚዴስ። ጊዶ ኣቲን ኢዛስ ኣጉሞ ቤዪዛ ሚሳቲዴስ ኣቲን ኪታንቻዚ ኦꬂዛይሲ ቱሙ ጊዲዳይሳ ኤሪቤና።  
\v 10 ኮይሮ ዛቤታፔኔ ናምዓንꬆ ዛቤታፔ ኣꬊዲ ጌዴ ካታማ ኬሲዛ ኦጌ ቦላ ዲዛ ቢራታ ፔንጋኮ ጋኪዳ። ፔንጌይካ ባርካ ዶዬቲ ዎꬊዴስ። ኢስቲ ኬዚ ቢዳ። ኢስቲ ቄሪ ኦጌ ዲዛሮ ኣꬊዳ ማላ ኪታንቻዚ ኢዛፔ ሻኬቲዴስ። 
\p  
\v 11 ጴፅሮሳስ ካሃይ ሲሚሺን “ጎዳይ ባ ኪታንቻ ኪቲዲ ኢዛ ሄርዶሳ ኩሼፔኔ ኣይሁዳቲ ታ ቦላ ቆፒዳ ኡባፌ ታና ኬሲዳይሳ ታ ሃዒ ቱማፔ ኤራዲስ” ጊዴስ። 
\p  
\v 12 ሄሳ ኣኬኪ ኤሪዳፔ ጉዬ ዳሮ ኣሳይ ኢሲ ቦላ ሺቄቲዲ ዎሲዛ ማርቆሳ ጌቴቲዛ ዮሃኒሳ ኣዮ ማራሚሶ ቢዴስ።  
\v 13 ኢዚ ሄ ቢዲ ካሬ ፔንጌ ቆፂን ኢሲ ሮዶ ጌቴቲዛ ጋራዴያ ካሬ ኦኒ ቆፂዛኮኔ ኤራናስ ካሬ ማታ ባዱስ።  
\v 14 ቃላይ ጴፅሮሳይሳ ጊዲዳይሳ ኤራዳ ኬሃ ኡፋዬቲዳ ጊሽ ካሬ ዶዮንታ ዎꬃን ጉዬ ሲማዳ “ጴፅሮሲ ካሬን ፔንጌ ቦላ ኤቂዴስ” ጋዱስ። 
\p  
\v 15 ኣሳይካ ኢዞ “ሃኔ ጎያይ!” ጊዳ። ኢዛ ቃስ ዛራ ዛራ ኢስታስ ዮቲን “ሂስቲኮ ሄሲ ኢዛ ናጊዛ ኪታንቻ ጊዶንታ ኣጌና” ጊዳ። 
\p  
\v 16 ጴፅሮሲ ቃስ ፔንጌ ቆꬅ ጉጂዴስ። ኢስቲካ ፔንጋ ዶይዲ ኢዛ ቤዪዳ ማላ ማላሌቲዳ።  
\v 17 ኢዚካ ኢስቲ ጮዑ ጋና ማላ ባ ኩሼን ማላቲ ቤሲዲ ጎዳይ ኢዛ ቃሾሶፔ ዎስቲ ኬሲዳኮኔ ሎዔꬂ ዮቲዴስ። “ሃይሳ ዉርሲ ያቆቤሲኔ ሃንኮ ኣማኒዛይታስ ዮቲቴ” ጊዴስ። ሄሳፌካ ጌዴ ሃራሶ ቢዴስ። 
\p  
\v 18 ዎንቴꬃ ጋላስ ዎንታራ ዎታዳራቲ “ጴፅሮሲ ዋኒዴ?” ጊሼ ባ ጊዶን ቡልዓኬቲዳ።  
\v 19 ሄርዶሲ ጴፅሮሳ ኣስ ዬዲ ኮይሲዲ ኢዚ ꬋዪዳ ጊሽ ናጊዛይታ ሎዔꬂ ኦይቺዳፔ ጉዬ ኢስታ ዎꬋና ማላ ኣዛዚዴስ። ሄሳፌ ጉዬ ሄርዶሲ ዩሁዳፔ ዱጌ ቂሳሪያ ዎꬊዲ ሄን ኡቲዴስ። 
\s1 ሄርዶሳ ሃይቆ 
\p  
\v 20 ሄርዶሲካ ፂሮሴ ኣሳራኔ ሲዶና ኣሳራ ኦሻ። ሄ ዴሬ ኣሳይ ካꬅ ዴሚዛይ ሄሮዶሳ ዴሬፔ ጊዲዳ ጊሽ ሄ ዴሬ ካዎ ፄሊዛዴ ቢላስፆሳፔ ማዶ ቃላ ዴሚዳ ማላ ኢሲ ቦላ ጊዲዲ ሄርዶሳራ ማቃይንꬃናስ ኦይቺዳ። 
\p  
\v 21 ጊጋና ባሬቲዳ ጋላስ ሄርዶሲ ካዎቴꬃ ማይዖ ማይዒዲ ካዎቴꬃ ኣልጋን ኡቲዲ ዴራስ ሃሳዪዴስ።  
\v 22 ዴሬዚካ “ሃይሲ ፆሳ ቃላፔ ኣቲን ኣሳ ቃላ ዴና!” ጊ ዋሲዴስ።  
\v 23 ሄርዶሲካ ፆሳስ ቦንቾ ኢሞንታ ኣጊዳ ጊሽ ጎዳ ኪታንቻይ ሄራካ ሄርዶሳ ሾጪ ዬጊን ጉፁኒ ሃይቂዴስ። 
\p  
\v 24 ፆሳ ቃላይ ጊዲኮ ዲጪዲ ኣኪ ኣኪ ቢዴስ።  
\v 25 ባርናባሲኔ ሳዉሌይ ባ ኤኪ ቢዳ ኪታ ፖሊዲ ዬሩሳላሜ ሲሚዲ ማርቆሳ ጌቴቲዛ ዮሃኒሳካ ባናራ ኤኪ ሲሚዳ። 
\c 13  
\s1 ባርናባሲኔ ሳዉሌይ ኪቴቲዳ 
\p  
\v 1 ኣንፆኪያን ዲዛ ዎሳ ኬꬃን ናቤቲኔ ኣስታማሬቲ ዴቴስ። ሄይቲካ ባርናባሲኔ ኔጌሬ ጌቴቲዛ ሲሞናራ፥ ቃሬና ዴሬ ኣስ ሉቂዮሳራ፥ ሄርዶሳራ ኢሲፌ ዲጪዳ ሚናሄራኔ ሳዉሌራ ዉሪ ኢሲፌ ዴቴስ። \f + \fr 13:1 \ft ኔጌሬይ ላቲኔ ቃላ ጊዲሺን ቢርሼꬃይ ካሬꬅ ጉሳ።\f* 
\v 2 ሄይቲ ዉሪ ጎዳስ ጎይኒሼኔ ፆሚሼ ዲሺን ፂሎ ኣያናይ “ባርናባሳኔ ሳዉሌ ታ ኢስታ ፄይጊዳ ኦሶስ ታስ ሻኪ ኬሲቴ” ጊዴስ።  
\v 3 ኢስቲካ ፆሚ ዎሲዲ ባ ኩሼ ኢስታ ቦላ ዎꬂዳፔ ጉዬ ሞይዚዳ። 
\s1 ባርናባሲኔ ሳዉሌይ ቆጲሮሴ ጌቴቲዛሶን 
\p  
\v 4 ባርናባሲኔ ሳዉሌይ ፂሎ ኣያና ኪታን ዱጌ ሴላዉቂያ ዎꬊዳ፤ ሄፔካ ማርካቤን ጌሊዲ ቆጲሮሴ ቢዳ።  
\v 5 ሳልሜና ጌቴቲዛሶ ጋኪዲ ኣይሁዳታ ዎሳ ኬꬃታን ፆሳ ቃላ ሳባኪዳ፤ ማርቆሳ ጌቴቲዛ ዮሃኒሲካ ኢስታራ ቢዲ ኢስታ ማዲዴስ። 
\p  
\v 6 ኣባ ጊዶን ዲዛ ቢታ ቆጲሮሴ ጌቴቲዛ ዴሬዮ ሃ ጋፃፔ ሄ ጋፃ ጋካናስ ካንꬂ ኬዚዲ ጳፋ ጌቴቲዛሶ ጋኪሺን ኢሲ ኣይሁዳ ኣሳ ሺን ማሮኔ ዎርዶ ናቤ ባር-ዬሱሳ ጌቴቲዛ ኣስ ዴሚዳ።  
\v 7 ኢዚካ ኢሲ ሳርጎሳ ጳዉሎሳ ጌቴቲዛ ዎዝናማ ዴሬ ኣይሲዛይሳራ ኢሲፌ ዴስ። ሃ ዴሬ ኣይሲዛ ኣዴዚ ፆሳ ቃላ ሲያና ኮይዲ ባርናባሳኔ ሳዉሌ ፄይጊሲዴስ።  
\v 8 ማሮዚ ኤሊማሲ ባ ሱንꬃ ቢርሼꬃ ማላ ዴሬ ኣይሲዛይሲ ኣማኖንታ ማላ ꬉጳናስ ኮይዲ ኢስታራ ኤቄቲዴስ።  
\v 9 ጳዉሎሳ ጌቴቲዳ ሳዉሌይ ፂሎ ኣያናይ ኢዛን ኩሚን ማሮዛ ቲሺ ሂስቲ ፄሊዲ፥  
\v 10 “ኔኖ ፂሎቴꬃ ኡባስ ሞርኬዞ! ጌኔይኔ ኢታቴꬂ ኔናን ኩሚዳይሶ ሃይሶ ዳቡሎሳ ናዉ! ጎዳ ሱሬ ኦጌ ጌላሴꬃፌ ሼምፒኪ?  
\v 11 ሄኮ ሃዒ ጎዳ ኩሼይ ኔ ቦላ ዴስ። ኔ ቆቃና፤ ሃኒፌ ጉዬ ኣዋ ኣርሼ ፖዖ ኢሲኖካ ቤያካ” ጊዴስ። 
\p ሄራካ ሻሩማይኔ ꬉማይ ኢዛ ቦላ ዎꬊዴስ። ኩሼ ኦይኪ ባና ካሌꬃናዴ ኮሺ ያኔ ሃኔ ጊዴስ።  
\v 12 ዴሬ ኣይሲዛይሲ ሃ ሃኒዳ ዮዖዛ ቤዪዲ ጎዳ ጊሽ ሲዪዳ ቲሚርቴን ማላሌቲዲ ኣማኒዴስ። 
\s1 ባርናባሲኔ ሳዉሌይ ጲሲዲያ ጌቴቲዛ ዴሬን 
\p  
\v 13 ጳዉሎሲኔ ኢዛራ ዲዛይቲ ጳፋፔ ዴንዲዲ ጲንፊሊያ ጌቴቲዛሶን ዲዛ ጴርጌኔ ጌቴቲዛሶ ማርካቤን ጌሊ ቢዳ፤ ዮሃኒሲ ኢስታፌ ሻኬቲዲ ጉዬ ዬሩሳላሜ ሲሚዴስ።  
\v 14 ኢስቲ ጊዲኮ ጴርጌኔፔ ዴንዲዲ ጲሲዲያ ጊዶን ዲዛ ጌዴ ኣንፆኪያ ቢዳ፤ ሳምባታ ጋላስ ኣይሁዳታ ዎሳ ኬꬅ ጌሊ ኡቲዳ።  
\v 15 ሙሴ ዎጋ ማፃፋቲኔ ናቤታ ማፃፋቲ ናባቤቲዳፔ ጉዬ ኣይሁዳታ ዎሳ ኬꬃ ሃላቃቲ “ኑ ኢሻቶ! ኢንቴስ ሃይሳ ኣሳ ዞራና ቃላይ ዲኮ ሃሳይቴ” ጊዲ ኢስታኮ ኣሴ ዬዲዳ። 
\p  
\v 16 ጳዉሎሲካ ዴንዲ ኤቂዲ ባ ኩሼራ ማላቲዲ “ኢንቴኖ ኢስራዔሌ ኣሳቶ! ቃሴካ ኢንቴኖ ፆሳስ ያዪዛ ኣይዛቤቶ! ሲዪቴ።  
\v 17 ሃ ኢስራዔሌ ዴሬ ፆሳይ ካሴ ኑ ኣዋታ ዶሪዴስ፤ ኢስቲ ጊብፄ ዴሬን ዲሺን ኢስታ ꬎቁ ꬎቁ ሂስቲዴስ። ባ ዎልቃማ ቄሴራ ሄፔ ኢስታ ኬሲዴስ። \x * \xo 13:17 \xt ኬሳ 1፡7፤ 12፡51\x* 
\v 18 ኦይዱ ታሙ ላይꬅ ኩሜꬅ ኢስታ ባዞ ቢታን ዳንዳዪዴስ። \f + \fr 13:18 \fq ዳንዳዪዴስ \ft ኢሲ ኢሲ ጌሻ ማፃፋቲ ኢስታ ሎዔꬂ ኦይኪዴስ ጌቴስ።\f*\x * \xo 13:18 \xt ታይ 14፡34፤ ዛሬ 1፡31\x* 
\v 19 ካናኔ ቢታን ዲዛይታ ላፑን ካዎታ ꬋይሲዲ ኢስታ ቢታ ባ ዴሬታስ ጋዴ ሂስቲ ላቲሲዴስ። \x * \xo 13:19 \xt ዛሬ 7፡1፤ ኢያ 14፡1\x* 
\v 20 ሄሲ ዉሪ ፖሌቲዳይ ኦይዱ ፄታኔ ኢቻሹ ታሙ ላይꬃታ ጊዶና። ሄሳፌ ጉዬ ናቤ ሳሜላ ዎዴ ጋካናስ ኢስታ ፒርዲዛ ዳናታ ኢሚዴስ። \x * \xo 13:20 \xt ዳኔ 2፡16፤ 1ሳሜ 3፡20\x* 
\p  
\v 21 “ሄሳፌ ጉዬ ዴሬይ ባ ቦላ ካዎ ካዎꬃና ማላ ሳሜላ ዎሲዴስ፤ ፆሳይካ ቢኒያሜ ባጋፌ ቂሴ ና ሳዖሌ ኢስታስ ኢሚዴስ። ኢዚካ ኢስታ ኦይዱ ታሙ ላይꬅ ሃሪዴስ። \x * \xo 13:21 \xt 1ሳሜ 8፡5፤ 10፡21\x* 
\v 22 ሳዖሌ ሻሪዳፔ ጉዬ ዳዉቴ ካዎꬂዴስ፤ ኢዛ ጊሽ ‘ታ ዎዝና ማላ ሃኒዛይሳኔ ታ ኮዪዳይሳ ዉርሲ ኦꬂዛ ኢሴዬ ና ዳዉቴ ታ ዴማዲስ’ ጊዲ ዳዉቴ ጊሽ ፆሲ ማርካቲዴስ። \x * \xo 13:22 \xt 1ሳሜ 13፡14፤ 16፡12፤ ማዛ 89፡20\x* 
\v 23 ፆሲካ ባ ጫቆ ቃላꬆ ሃ ኣዴዛ ዜሬꬃፌ ኣስ ኣሺዛይሳ ዬሱሳ ኢስራዔሌስ ኤሂዴስ።  
\v 24 ዬሱሲ ያናፔ ካሴ ዮሃኒሲ ኢስራዔሌ ዴሬይ ዉሪ ማሮቴꬃን ጌሊዲ ፃማቄታና ማላ ሳባኪዴስ። \x * \xo 13:24 \xt ማር 1፡4፤ ሉቃ 3፡3\x* 
\v 25 ዮሃኒሲ ባ ኪቴቲዳይሳ ፖሎ ቦላ ዲሼ ‘ታ ኢንቴስ ኦና ሚሳታዚና? ታ ኪቴቲዳይሳ ጊዲኬ ሃራይ ኣቶሺን ታ ኢዛስ ቶሆ ጫማ ኪሬ ቢርሻናስ ቤሶንታይሲ ታፔ ጉዬራ ያና’ ጊዴስ። \x * \xo 13:25 \xt ዮሃ 1፡20፤ ማቶ 3፡11፤ ማር 1፡7፤ ሉቃ 3፡16፤ ዮሃ 1፡27\x* 
\p  
\v 26 “ኢንቴኖ ኣብራሃሜ ዜሬꬃፌ ዬሌቲዳ ኑ ኢሻቶ! ቃሴካ ኢንቴ ጊዶንካ ፆሳስ ያዪዛይቲ ዉሪ ሃይሲ ኣቶቴꬃ ኪታይ ኪቴቲዳይ ኑስ ኡባታሳ!  
\v 27 ዬሩሳላሜ ኣሳቲኔ ኢስታ ሃላቃቲ ዬሱሳ ኤሪቤቴና፤ ጊዶ ኣቲን ኢስቲ ኢዛ ቦላ ፒርዲዳ፤ ሄሳንካ ሳምባታን ሳምባታን ናባቤቲዛ ካሴ ናቤታ ቃላይ ኢዛ ቦላ ፖሌቲዴስ።  
\v 28 ኢዛ ሃይቆስ ጋꬂዛ ኢሲ ጋሶካ ኢስቲ ዴሞንታ ኣጊኮካ ጲላፆሲ ኢዛ ቦላ ሃይቆ ፒርዳ ፒርዳና ማላ ዎሲዳ። \x * \xo 13:28 \xt ማቶ 27፡22-23፤ ማር 15፡13-14፤ ሉቃ 23፡21-23፤ ዮሃ 19፡15\x* 
\v 29 ኢዛ ጊሽ ፃፌቲዳይሳ ኢስቲ ዉርሲ ፖሊዳፔ ጉዬ ኢዛ ካቄቲዳ ሚꬃ ቦላፌ ጋዴን ዎꬂዲ ዱፎን ሞጊዳ። \x * \xo 13:29 \xt ማቶ 27፡57-61፤ ማር 15፡42-47፤ ሉቃ 23፡50-56፤ ዮሃ 19፡38-42\x* 
\v 30 ጊዶ ኣቲን ፆሲ ኢዛ ሃይቆፔ ዴንꬂዴስ።  
\v 31 ጋሊላፔ ዬሩሳላሜ ጋካናስ ባናራ ዲዛይታስ ዳሮ ዎዴ ቤቲዴስ፤ ሄይቲካ ሃዒ ኢዛ ጊሽ ዴሬታስ ማርካታ። \x * \xo 13:31 \xt ሃዋ 1፡3\x* 
\p  
\v 32 “ኑካ ካሴ ፆሲ ኑ ኣዋታስ ጫቂዳ ሚሺራቾ ቃላ ኢንቴስ ሳባኮስ።  
\v 33 ዬሱሳ ኪቲዲ ኢስታስ ጫቂዳ ቃላ ኑስ ኢስታ ናይታስ ፖሊዴስ፤ ሄሲካ ማዛሙሬ ማፃፋን ናምዓንꬆ ሼምፖን ‘ኔ ታ ናዛ፤ ታ ኔና ሃች ዬላዲስ’ ጌቴቲ ፃፌቲዴስ። \x * \xo 13:33 \xt ማዛ 2፡7\x* 
\v 34 ቃሴካ ኢዚ ዎቆንታይሳኔ ፆሲ ኢዛ ሃይቆፔ ዴንꬂዳይሳ ሻኪ ኤራና ማላ 
\q1 ‘ኣንጄቲዳይሳኔ ኣማኔቲዳ 
\q2 ዳዉቴ ኣንጆ ታ ኢንቴስ ኢማና’ ጊዴስ። \x * \xo 13:34 \xt ኢሳ 55፡3\x* 
\q1  
\v 35 ሄሳ ጊሽ ሃራሶንካ 
\q2 ‘ኔ ጌሻይ ሃይቂ ዎቃና ማላ ኔ ኮያካ’ ጌስ። \x * \xo 13:35 \xt ማዛ 16፡10\x* 
\p  
\v 36 “ዳዉቴይ ባ ዎዴን ፆሳ ሼኔ ማላ ኦꬂዳፔ ጉዬ ሃይቂዴስ፤ ካሴ ባ ኣዋታራ ሞጌቲን ኢዛ ኣሾይ ዎቂዴስ።  
\v 37 ፆሲ ኢዛ ሃይቆፔ ዴንꬂዳይሲ ኢዚ ጊዲኮ ዎቂቤና።  
\v 38 ሄሳ ጊሽ ታ ኢሻቶ! ናጋራስ ማሮቴꬂ ቤቲዛይ ዬሱሳ ባጋራ ጊዲዳይሲ ኢንቴስ ሳባኬቲዳይሳ ኤሪቴ።  
\v 39 ኢዛ ኣማኒዛዴይ ዉሪ ካሴ ሙሴ ዎጋ ባጋራ ዴሞንታ ፂሎቴꬅ ዴማና።  
\v 40-41 ሄሳ ጊሽ ካሴ ናቤቲ 
\q1 ‘ኢንቴኖ ቂꬊዛይቶ ፄሊቴ፥ ማላሌቲቴኔ፥ ꬋዪቴ፥ 
\q2 ኢንቴስ ኦኒካ ዮቲን ኣማናናስ ኢንቴና ሜቲዛ ሚሽ 
\q2 ታ ኢንቴ ዎዴን ኦꬃና’ ጊዳ ቃላይ ኢንቴ ቦላ ጋኮንታ ማላ ናጌቲቴ” ጊዴስ። 
\p  
\v 42 ጳዉሎሲኔ ባርናባሲ ኣይሁዳታ ዎሳ ኬꬃፌ ኬዚሺን ኣሳይ ኢስታ ሄሳ ኢስቲ ዮቲዳ ቃላ ካሊዛ ሳምባታ ጋላስ ዛሪ ዮታና ማላ ዎሲዴስ።  
\v 43 ሺቆይ ላሌቲዳፔ ጉዬ ዳሮ ኣይሁዳቲኔ ኣይሁዳታ ኣማኖን ጌሊዲ ፆሴ ጎይኒዛ ኣሳቲ ጳዉሎሳኔ ባርናባሳ ካሊዳ። ጳዉሎሳንቲካ ኢስታ ቆፍሲሼ ኢስቲ ፆሳ ኪያቴꬃን ሚኒ ዳና ማላ ዞሪዳ። 
\p  
\v 44 ካሊዛ ሳምባታ ጋላስ ካታማ ኣሳፔ ጉꬃቲ ፃላላ ኣቲን ዳሪዛ ባጋይ ዉሪ ጎዳ ቃላ ሲያና ሺቂዴስ።  
\v 45 ኣይሁዳቲካ ዳሮ ዴሬ ቤዪዲ ቃናቴቴꬃን ኩሚዳ። ጳዉሎሳ ሃሳያ ኤቄቲሼ ኢዛ ጫዪዳ። 
\p  
\v 46-47 ጳዉሎሲኔ ባርናባሲ ባቦንታ ፃላቴꬃን “ፆሳ ቃላይ ኮይሮ ኢንቴስ ዮቴታናስ ቤሴስ። ጊዶ ኣቲን ኢንቴ ቃላ ሌቂዴታ። ኢንቴስ ሜርና ዴዖይ ቤሶንታይሳ ኢንቴርካ ኢንቴ ቦላ ፒርዲዳ ጊሽ ሃዒ ኑኒ ጌዴ ኣይዛቤታኮ ባና ኮዮስ። ቃሴካ ጎዳይ ኑና ‘ኣሳስ ኣቶቴꬃ ቃላ ቢታ ጋፃ ጋꬃና ማላ ታ ኔና ኣይዛቤታስ ፖዖ ሂስታ ኪታዲስ’ ጊ ኣዛዚዴስ” ጊዳ። 
\p  
\v 48 ኣይዛቤቲ ሄሳ ሲይዲ ዳሮ ኡፋዬቲዳ። ጎዳ ቃላሲካ ቦንቾ ኢሚዳ። ሜርና ዴዖስ ጊጌቲዳ ዴሬይ ዉሪ ኣማኒዴስ።  
\v 49 ጎዳ ቃላይ ሄራን ዲዛ ዴሬ ኡባሶ ጋኪዴስ።  
\v 50 ኣይሁዳቲ ቃስ ኣያና ሃኖን ካሴፔ ሚኒዛይታኔ ዱሳን ቦንቼቲዳ ማጫሳታ ሄሳꬆካ ካታማን ዲዛ ጊታ ኣሳታ ዴንꬄꬂዲ ጳዉሎሳ ቦላኔ ባርናባሳ ቦላ ጎዴቴꬂ ዴንꬂዲ ባ ዴሬፔ ኬሲ ጎዲዳ።  
\v 51 ጳዉሎሲኔ ባርናባሲ ኣሳይ ኢስታ ኢፂዳይሳ ቤሳናስ ባ ቶሆ ቦላ ዲዛ ጉዱላ ፒቲዲ ኢቆኒዮኔ ጌቴቲዛሶ ቢዳ። \x * \xo 13:51 \xt ማቶ 10፡14፤ ማር 6፡11፤ ሉቃ 9፡5፤ 10፡11\x* 
\v 52 ኣማኒዛይቲ ኡፋይሳኒኔ ፂሎ ኣያናን ኩሚዳ። 
\c 14  
\s1 ጳዉሎሲኔ ባርናባሲ ኢቆኒዮኔን 
\p  
\v 1 ኢቆኒዮኔን ጳዉሎሲኔ ባርናባሲ ኢሲፌ ኣይሁዳታ ዎሳ ኬꬄ ጌሊዳ። ሄንካ ኢስቲ ኣሳ ሎዔꬅ ታማርሲዳ ጊሽ ጊሪኬ ኣሳፔኔ ኣይሁዳ ኣሳፔ ዳሮይ ኣማኒዴስ።  
\v 2 ሂንኮ ኣማኖንታ ኣይሁዳ ኣሳይ ኣይዛቤታ ኢስታ ቦላ ዴንꬄꬂዲ ኣሳይ ኣማኒዛይታ ኢፃና ማላ ኦꬂዴስ።  
\v 3 ጳዉሎሲኔ ባርናባሲ ጎዳ ጊሽ ፃላቴꬃራ ኣሳስ ዮቲሼ ሄን ዳሮ ዎዴ ጋምዒዳ። ጎዳይካ ኢስቲ ዮቲዛ ኢዛ ቃላ ጊታ ማላታራኔ ዎልቃማ ኦሶን ቆንጪሲ ማርካቲዴስ።  
\v 4 ካታማ ኣሳይ ባ ጊዶን ናምዑ ኬዚ ሻኬቲዲ ባጋይ ኣይሁዳታ ባጋ ባጋይ ጳዉሎሳንታ ባጋ ጊዲዴስ። 
\p  
\v 5 ሄ ዎዴ ኣይሁዳቲኔ ኣይዛቤቲ ባና ካሌꬂዛይታራ ኢሲፌ ጊዲዲ ኢስታ ዋይሳናሲኔ ሹቻን ጫዳናስ ኮይዳ።  
\v 6 ኢስቲካ ሄሳ ኤሪዳ ማላ ሊስቲራኔ ዴርቤኔ ጌቴቲዛሶ ጌዴ ሊቃዖኒያ ካታማታኔ ሄ ሄራን ዲዛ ዴሬ ባቃቲዳ።  
\v 7 ሄንካ ሚሺራቾ ቃላ ሳባኮ ዶሚዳ። 
\s1 ጳዉሎሲኔ ባርናባሲ ሊስቲራኒኔ ዴርቤኔን 
\p  
\v 8 ሊስቲራን ዬሌቶሳፔ ባ ቶሆራ ሃሙቲ ኤሮንታ ኢሲ ቶሆ ሲላ ኣዴይ ዴስ።  
\v 9-10 ሄሳዴይ ጳዉሎሲ ሳባኪሺን ኡቲ ሲዬስ፤ ጳዉሎሲካ ኢዛኮ ቲሺ ሂስቲ ፄሊዲ ኣዴዛ ፓꬃና ኣማኖይ ኢዛ ቦላ ዲዛይሳ ቤዪዲኔ ቃላ ꬎቁ ሂስቲዲ “ሲቲ ጋዳ ኔ ቶሆን ኤቃ!” ጊዴስ። ኣዴዚ ሄራካ ጉፒ ዴንዲዲ ሃሙꬅ ኦይኪዴስ። 
\p  
\v 11 ኣሳይ ጳዉሎሲ ኦꬂዳይሳ ቤዪዲ ሊቃዖኒያ ቃላራ “ኤቃ ፆሳቲ ኣስ ሚሳቲዲ ሃ ኑኮ ዎꬊዳ” ጊዲ ዋሲዴስ።  
\v 12 ባርናባሳ “ዲያ” ጊዳ ጳዉሎሳካ ሃሳዪዛ ዋናይ ኢዛ ጊዲዳ ጊሽ “ሄርሜኔ” ጊዳ።  
\v 13 ካታማፔ ኣሲ ባይንዳሶን ዲዛ ዲያ ጌቴቲዛ ኤቃ ኬꬃ ቄሴይ ኮርማታኔ ፃፄቲ ጊጊዳ ጪሽ ጌዴ ካታማ ጌሊዛ ኦጌ ቦላ ኤፊዲ ዴሬዛራ ኢሲፌ ጊዲዲ ጳዉሎሳሲኔ ባርናባሳስ ያርሻና ኮዪዴስ። 
\p  
\v 14 ሃዋሬቲ ባርናባሲኔ ጳዉሎሲ ሄሳ ሲዪዳ ማላ ባ ማይዖ ዳኪዲ ጌዴ ዴሬዛ ጊዶ ዎፂዳ፤ ባ ቃላ ꬎቁ ሂስቲዲ ሂዝጊዳ፤  
\v 15 “ሃይቶ ኣሳቶ! ሃይሳ ኣዛስ ኦꬄቲ? ኑካ ኢንቴ ማላ ኣሳኮ! ኢንቴካ ቃሴ ሃይሳ ሜላ ሃዳ ዮዖፔ ሃኪዲ ሳሎኔ ሳዓ፥ ኣባካ፥ ኣባታ ጊዶን ዲዛይታ ዉርሲ ሜꬊዳ ዴዖ ፆሳኮ ኢንቴ ሲማና ማላ ኢንቴስ ሚሺራቾ ቃላ ሳባኮስ። \x * \xo 14:15 \xt ኬሳ 20፡11፤ ማዛ 146፡6\x* 
\v 16 ኢዚ ካሴ ኣꬊዳ ዬሌቴꬃይኔ ዴሬይ ዉሪካ ባ ኮይዳ ማላ ሃናናስ ዬዲ ቤሲዴስ።  
\v 17 ጊዶ ኣቲን ፆሲ ሳሎፔ ኢራኔ ሄሳꬆካ ካꬂ ካፂዛ ዎዴታ ኢሚዲ ኢንቴ ዎዝና ካꬃኒኔ ኡፋይሳ ኩንꬂዴስ፤ ኡፋይሳካ ኢንቴና ካልꬂዲ ሎዖ ኦሶን ባና ማርካይ ባይንዳ ኣጊቤና” ጊዳ።  
\v 18 ሄሳ ዉርሲ ሃሳዪዲ ኣሳይ ኢስታስ ያርሾንታ ማላ ዋይዲ ዲጊዳ። 
\p  
\v 19 ኣይሁዳቲ ቃስ ኣንፆኪያፔኔ ኢቆኒዮኔፔ ዪዳ ኣሳይ ኣሳ ዞሪዲ ጳዉሎሳ ሹቻን ጫዳና ማላ ኣማንꬂዳ። ጳዉሎሳካ ሹቻን ጫዲዲኔ ሃይቂዴስ ጊ ጎቺዲ ካታማፔ ጌዴ ካሬ ኬሲዳ።  
\v 20 ጊዶ ኣቲን ኣማኒዛይቲ ኢዛ ዩዪ ኣꬊ ናጊሺን ጳዉሎሲ ዴንዲዲ ጌዴ ካታማ ጌሊዴስ። ዎንቴꬃ ጋላስ ባርናባሳራ ኢሲፌ ዴርቤኔ ጌቴቲዛሶ ቢዳ። 
\s1 ጳዉሎሲኔ ባርናባሲ ሶሪያን ዲዛ ኣንፆኪያ ሲሚዳ 
\p  
\v 21 ጳዉሎሲኔ ባርናባሲ ዳርቤን ሚሺራቾ ቃላ ሳባኪዳ ዳሮ ኣሳ ኣማንꬂዳፔ ጉዬ ጌዴ ሊስቲራ፥ ኢቆኒዮኔኔ ኣንፆኪያ ሲሚዳ።  
\v 22 ኣማንዛይታ ዎዝና ሚንꬄꬂሼ ኢስቲ ኣማኖን ሚኒ ዳና ማላ ዞሪሼ “ኑ ፆሳ ካዎቴꬅ ጌላናስ ዳሮ ሜቶ ጊዶራ ኣꬋናስ ኮሼስ” ጊዳ።  
\v 23 ሄሳፌ ጉዬ ዱማ ዱማ ዎሳ ኬꬃታን ጪማታ ዶሪዳፔ ጉዬ ፆማኒኔ ዎሳን ኣማኔቲዳ ጎዳስ ሃዳራ ኣꬂ ኢሚዳ። 
\p  
\v 24 ጲሲዲያራ ኣꬊዲ ጲንፊሊያ ሲሚዳ።  
\v 25 ጴርጌኔን ቃላ ሳባኪዲ ዱጌ ኣፃሊያ ጌቴቲዛሶ ዎꬊዳ።  
\v 26 ኣፃሊያፔካ ሃዒ ጋካናስ ኢስቲ ኦꬂዳ ኦሶዛ ሃዳራ ኢስታስ ኢሜቲዳ ካታማ ሶሪያን ዲዛ ኣንፆኪያ ማርካቤን ጌሊዲ ሲሚዳ። 
\p  
\v 27 ሄ ጋኪዳ ማላ ዎሳ ኬꬃ ኣሳ ዉርሲ ሺሺዲ ፆሲ ኢስታራ ኦꬂዳይሳ ቃሴካ ኣይዛቤታስ ኣማኖ ፔንጌይ ዋኒ ዶዬቲዳኮኔ ዉርሲ ዮቲዳ።  
\v 28 ሄን ኣማኒዛይታራ ዳሮ ዎዴ ጋምዒዳ። 
\c 15  
\s1 ዬሩሳላሜ ዱላታ 
\p  
\v 1 ኢሲ ኢሲ ኣሳቲ ዩሁዳፔ ዱጌ ኣንፆኪያ ዎꬊዲ “ኢንቴ ሙሴ ዎጋ ማላ ቃፃሬቶንታ ኣጊኮ ኦኒካ ኣታናስ ዳንዳዬኬታ” ጊዲ ኣማኒዛይታ ታማርሶ ዶሚዳ። \x * \xo 15:1 \xt ሌዌ 12፡3\x* 
\v 2 ሄሲካ ጳዉሎሳኔ ባርናባሳ ጊታ ፓላማኒኔ ኦሻ ጊዶ ጌልꬂዴስ፤ ሄሳ ጊሽ ጳዉሎሲኔ ባርናባሲ ሃራ ኢሲ ኢሲ ኣማኒዛ ኣሳታራ ዬሩሳላሜ ኬዚዲ ሃ ዮዖዛ ጊሽ ጪማታኔ ሃዋሬታ ኦይቻና ማላ ጌቴቲዴስ። 
\p  
\v 3 ሄሳ ጊሽ ዎሳ ኬꬃያ ኢስታ ዬሩሳላሜ ባና ማላ ኪቲን ኢስቲ ፒንቄራኔ ሳማሪያራ ኣꬊ ቢሼ ሄን ዲዛ ኣሳ ኣይዛቤቲ ኣማኖን ሲሚዳይሳ ዮቲዳ፤ ሄ ዎዴ ኣማኒዛይቲ ሄሳ ሲይዲ ኬሂ ኡፋዬቲዳ።  
\v 4 ኢስቲ ዬሩሳላሜ ጋኪን ዎሳ ኬꬃ ኣሳይ ሃዋሬቲኔ ጪማቲ ኢስታ ሞኪ ኤኪዳ፤ ኪቴቲ ቢዳይቲካ ፆሲ ኢስታራ ጊዲዲ ኦꬂዳይሳ ዉርሲ ኢስታስ ዮቲዳ።  
\v 5 ፋርሳዌታ ባጋ ኣሳታፔ ኣማኒዳ ኢሲ ኢሲ ኣሳቲ ዴንዲዲ “ኣይዛቤቲ ቃፃሬታናሲኔ ሙሴ ዎጋ ናጋና ማላ ኢስታስ ዮታናስ ቤሴስ” ጊዳ። 
\p  
\v 6 ሃዋሬቲኔ ጪማቲ ሄ ዮዖዛ ጊዶ ሎዔꬅ ፄላናስ ሺቂዳ።  
\v 7 ዳሮ ፓላማፔ ጉዬ ጴፅሮሲ ዴንዲ ኤቂዲ፥ “ታ ኢሻቶ! ጉꬃ ዎዴፔ ካሴ ፆሲ ታና ኢንቴ ጊዶፌ ዶሪዲ ኣይዛቤቲ ታ ዱናፔ ሚሺራቾ ቃላ ሲይዲ ኣማናና ማላ ኦꬂዳይሳ ኢንቴ ኤሬታ።  
\v 8 ኣሳ ዎዝና ኤሪዛ ፆሲ ኑስ ኢሚዳይሳ ማላ ኢስታስካ ፂሎ ኣያና ኢሚዲ ኢስታ ባስ ኤኪዳይሳ ማርካቲዴስ። \x * \xo 15:8 \xt ሃዋ 10፡44\x* 
\v 9 ኢስታ ዎዝናካ ኣማኖን ጌሺዲ ኑ ጊዶኒኔ ኢስታ ጊዶን ኣይኮ ሻኮካ ኦꬂቤና።  
\v 10 ሄሳ ጊሽ ኑ ኣዋቲኔ ኑካ ቶካናስ ዳንዳዮንታ ቃምባራ ኣማኒዛይታ ቶሳናስ ኢንቴ ኣዛስ ፆሴ ፓጬቲ?  
\v 11 ኑ ኣቲዳይ ሊኬ ኢስታꬆካ ጎዳ ዬሱሳ ኣꬎ ኪያቴꬃን ጊዲዳይሳ ኣማኖስ” ጊዴስ። 
\p  
\v 12 ሺቂዳ ኣሳይ ዉሪካ ጮዑ ጊን ባርናባሲኔ ጳዉሎሲ ፆሲ ኢስታ ባጋራ ኣይዛቤታ ጊዶን ኦꬂዳ ጊታ ማላታታ ጊሽ ዮቲሺን ማላሌቲዲ ሎዔꬂ ሲዪዴስ።  
\v 13 ኢስቲ ዮቲ ዉርሲሺን ያቆቤይ ዴንዲ ኤቂዲ ሂዝጊዴስ “ታ ኢሻቶ! ታ ጊዛይሳ ሲዪቴ፤  
\v 14 ፆሲ ኣይዛቤታፔ ባስ ጊዳና ዴሬ ካሴቲዲ ኢዚ ዎስቲ ፄይጊ ዎꬂዳኮ ሲሞኒ ኑስ ሎዔꬂ ዮቲዴስ።  
\v 15 ካሴ ናቤታን ሂዝጊ ፃፌቲዳ ቃላይ ሃይሳራ ጋጌስ። 
\q1  
\v 16 ‘ሃይሳፌ ጉዬ ታ ሲማዳ 
\q2 ላሌቲዳ ዳዉቴ ኬꬄ ኬፃና፤ 
\q2 ላሌቲዳይሳ ዛራ ኤሳና፤ ዛራዳካ ኬፃና። 
\q1  
\v 17 ሄሲካ ኣቲዳ ኣሳይ ጎዳ ኮያና ማላኔ 
\q2 ታ ሱንꬃን ፄይጌቲዳ ኣይዛቤቲ ታና ኮያና 
\q2 ማላ ጌስ ዉርሲ ኦꬂዳ ፆሲ፤  
\v 18 ሃይሳ ኮይሮፔካ ኤርሲዳ ፆሲ ታና’ ጊዴስ። 
\p  
\v 19 “ሄሳ ጊሽ ሃ ፆሳኮ ሲሚዳ ኣይዛቤታ ኑ ሜቶꬆንታ ማላ ሃይሲ ታ ባጋራ ታስ ቃሾ።  
\v 20 ጊዶ ኣቲን ኤቃስ ያርሼቲዲ ቱኒዳ ካꬅ ሞፒቴ፤ ላይማፔ ሃኪቴ፤ ባዉቲ ሃይቂዳ ሜሄ ኣሾ ሞፒቴ፤ ሱꬅ ኡዮፒቴ ጊዲ ኑ ኢስታስ ፃፋና ቤሴስ። \x * \xo 15:20 \xt ኬሳ 34፡15-17፤ ሌዌ 18፡6-23\x* 
\v 21 ሙሴ ዎጋይ ጊዲኮ ቤኒሶፌ ሳምባታ ሳምባታ ጋላስ ኣይሁዳታ ዎሳ ኬꬃን ናቤቤቲሼኔ ካታማይ ዲዛሶን ሳባኬቲሼ ዴስ” ጊዴስ። 
\s1 ሃዋሬታፔ ኣማኒዛ ኣይዛቤታስ ፃፌቲዳ ዳብዳቤ 
\p  
\v 22 ሄ ዎዴ ሃዋሬቲኔ ጪማቲ ኩሜꬃ ዎሳ ኬꬃ ኣሳራ ጊዲዲ ባ ጊዶፌ ኢሲ ኢሲ ኣሳታ ዶሪዲ ጳዉሎሳራኔ ባርናባሳራ ጋꬂ ኣንፆኪያ ዬዳናስ ቃቺዳ። ኣማኒዛ ኣሳ ጊዶፌ ዋናቲዛይታ ባርሳባሳ ጌቴቲዛ ዩሁዳኔ ሲላሴ ዶሪዳ።  
\v 23 ኢስታ ኩሼን ኢሚ ዬዲዳ ዳብዳቤዚ “ኢንቴ ኢሻታፔ፥ ሃዋሬታፔ፥ ጪማታፔ፥ ኣይዛቤታፔ ኣማኒዳ ኣንፆኪያኒኔ ሶሪያን፥ ኪልቂያንካ ዲዛ ኣማኒዛይታስ ኑ ሳሮካይ ኢንቴና ጋኮ። 
\p  
\v 24 “ኢሲ ኢሲ ኣሳቲ ኑፔ ጊዶንታ ባ ባጋራ ኑ ኣቻፌ ቢዲ ባ ሃሳያን ኢንቴ ዎዝና ያኔ ሃኔ ቃꬂዳይሳኔ ኢንቴና ቡልዓኪዳይሳ ኑ ሲዪዶስ።  
\v 25 ሄሳ ጊሽ ጉꬃ ኣሳታ ዶሪዲ ዶሴቲዳ ባርናባሳራኔ ጳዉሎሳራ ኢንቴኮ ዬዳናስ ኑ ዉሪካ ቃላ ጋጊዶስ።  
\v 26 ኢስቲ ጎዳ ዬሱስ ኪርስቶሳ ጊሽ ባ ሼምፖ ኣꬂ ኢሚዳይታ።  
\v 27 ሄሳ ጊሽ ኑ ኢንቴስ ፃፊዳይሳ ኢስቲ ኢንቴስ ባ ዱናራ ሎዔꬂ ዮታና ማላ ዩሁዳኔ ሲላሴ ኢንቴኮ ዬዲዶስ።  
\v 28 ሃይታ ኢንቴስ ኮሺዛ ዮዖታፔ ሃራ ዴፆ ቶሆ ኑ ኢንቴ ቦላ ዎꬆንታ ማላ ኑሲኔ ፂሎ ኣያናስ ሎዖ ሚሳቲ ቤቲዴስ።  
\v 29 ሄሲካ ኢንቴ ኤቃስ ሹኬቲዳ ኣሾፔ፥ ሱꬃፌ፥ ባዉቲ ሃይቂዳ ሜሄ ኣሾፔኔ ላይማፔ ኢንቴ ሃካና ማላ፤ ኢንቴ ሃይታ ሚሳቲዛይታፔ ሃኪኮ ኢንቴስ ሎዖ፤ ሳሮን ዲቴ” ጌስ። 
\p  
\v 30 ኪቴቲዳ ኣሳቲ ሞይዜቲዲ ዱጌ ኣንፆኪያ ዎꬊዳ፤ ሄን ኣማኒዛይታ ዉርሲ ሺሺዲ ኤሂዳ ዳብዳቤዛ ኢስታስ ኢሚዳ።  
\v 31 ዴሬይካ ናባቢዲ ሚንꬄꬂዛ ቃላን ኡፋዬቲዴስ።  
\v 32 ዩሁዳይኔ ሲላሲ ናቤታ ጊዲዳ ጊሽ ዳሮ ዞሪዲ ኣማኒዛይታ ሚንꬄꬂዳ።  
\v 33 ሄን ጉꬃ ዎዴ ጋምዒዲ ኣማኒዛ ኣሳይ ሞይዚን ጉዬ ባና ኪቲዳይታኮ ሲሚዳ።  
\v 34 ሲላሲ ቃስ ሄን ኣታናስ ኮዪዴስ። \f + \fr 15:34 \ft ኢሲ ኢሲ ጌሻ ማፃፋቲ ፓይዶ 34 ቦላ ዲዛ ቆፋ ጉጄቴና።\f* 
\v 35 ጳዉሎሲኔ ባርናባሲ ሃራ ዳሮ ኣሳታራ ጊዲዲ ጎዳ ቃላ ታማርሲሼኔ ሳባኪሼ ኣንፆኪያን ጋምዒዳ። 
\s1 ጳዉሎሳኔ ባርናባሳ ሻኬቴꬅ 
\p  
\v 36 ጳዉሎሲ ጉꬃ ዎዴ ጋምዒዲ ባርናባሳ “ኑ ካሴ ጎዳ ቃላ ዮቲዳ ኡባ ካታማታ ቢዲ ኣማንዛይቲ ኣይ ማላ ዲዛኮኔ ኣኔ ዩዪ ቤዮስ፥ ዴንዳ” ጊዴስ።  
\v 37 ባርናባሲካ ማርቆሳ ጌቴቲዛ ዮሃኒሲ ኢስታራ ባና ማላ ኮዪዴስ።  
\v 38 ጳዉሎሲ ቃስ ኢዛ ኤኪ ባናስ ኮይቤና፤ ጋሶይካ ካሴ ማርቆሲ ኢስታፌ ሻኬቲዲ ጲንፊሊያ ጊዛሶን ጉዬ ኣቲዲ ኢስታራ ኦሶስ ሲንꬅ ኬዞንታ ኣጊዳ ጊሻሳ። \x * \xo 15:38 \xt ሃዋ 13፡13\x* 
\v 39 ሂስቲን ዳሮ ፓላማይ ኢስታ ጊዶን ሜꬌቲዳ ጊሽ ባ ጊዶን ሻኬቲ ዎꬊዳ፤ ሄሳ ጊሽ ባርናባሲ ማርቆሳ ኤኪዲ ማርካቤን ጌሊዲ ቆጲሮሴ ቢዴስ።  
\v 40 ጳዉሎሲ ቃስ ሲላሴ ዶሪዴስ። ኣማንዛይቲካ ጳዉሎሳ ጎዳ ኣꬎ ኪያቴꬃስ ሃዳራ ኢሚዳፔ ጉዬ ኢዚ ኢስታፌ ሻኬቲዲ ቢዴስ።  
\v 41 ኣማኒዛይታ ሚንꬄꬂሼ ሶሪያራኔ ኪልቂያራ ኣꬊ ቢዴስ። 
\c 16  
\s1 ፂምቶሲ ጳዉሎሳራኔ ሲላሴራ ኢሲፌ ጊዲዴስ 
\p  
\v 1 ጳዉሎሲ ዴርቤኔ ጌቴቲዛሶኔ ሊስቲራ ጋኪዲ ኢዛ ኣዋይ ጊሪኬ ኣስ፥ ኣዪያ ቃስ ኣይሁዳ ኣስ ጊዲዳ ፂምቶሳ ጌቴቲዛ ኢሲ ኣማኒዛዴ ሄን ዴሚዴስ።  
\v 2 ኢዚካ ሊስቲራኒኔ ኢቆኒዮን ኣማኒዛ ኣሳ ኣቻን ሎዖ ማርካቴꬅ ዲዛዴ።  
\v 3 ጳዉሎሲካ ፂምቶሳ ባናራ ኤኪ ባናስ ኮዪዴስ። ሄሳ ጊሽ ሄ ሄራን ኣይሁዳታ ጊሽ ጊዲ ፂምቶሳ ቃፃሪዴስ። ጋሶይካ ኣይሁዳቲ ፂምቶሳ ኣዋይ ጊሪኬ ኣስ ጊዲዳይሳ ኤሪዛ ጊሻሳ። 
\p  
\v 4 ኢስቲ ኢሲ ካታማፔ ሃራ ካታማ ኣꬊ ኣꬊ ቢሼ ሃዋሬቲኔ ዬሩሳላሜ ዎሳ ኬꬃ ጪማቲ ዬዲዳ ኪታ ኣሳይ ኤኪዲ ናጋና ማላ ኣማኒዛ ኣሳስ ኢሚ ኢሚ ኣꬊዳ።  
\v 5 ዎሳ ኬꬃ ኣሳይ ኣማኖን ሚኒ ሚኒ ቢዴስ፤ ቃሴ ኣሳይካ ቆዳን ጋላስ ጋላስ ጉጄቲ ጉጄቲ ቢዴስ። 
\s1 ጳዉሎሲ ማቂዶኒያ ጊሽ ቤዪዳ ኣጁታ 
\p  
\v 6 ጳዉሎሲኔ ኢዛራ ዲዛ ዛታቲ ቃላ ኢሲያን ሳባኮንታ ማላ ፂሎ ኣያናይ ዲጊዳ ጊሽ ፒርጊያራኔ ጋላቲያ ዴሬራ ኣꬊ ቢዳ።  
\v 7 ኢስቲ ሚሲያ ጌቴቲዛሶ ጋካና ማቲሼ ቢቲኒያ ጌቴቲዛሶ ጌላና ቆፒን ዬሱሳ ኣያናይ ኢስታ ዲጊዴስ።  
\v 8 ሄሳ ጊሽ ሚሲያራ ኣꬊዲ ፂሮዓዳ ጌቴቲዛሶ ዎꬊዳ።  
\v 9 ኢሲ ማቂዶኒያ ኣሲ ኤቂዲ ጳዉሎሳ ሃ ማቂዶኒያ ፒናዳ ኑና ማዳ ጊሺን ጳዉሎሲ ኦማርስ ኣጁታን ቤዪዴስ።  
\v 10 ኢዚካ ሄ ኣጁታ ቤዪዲ ፆሲ ኑ ኢስታስ ሚሺራቾ ቃላ ዮታና ማላ ፄይጊዴስ ጊ ቃቺዲ ኑ ሄራካ ጌዴ ማቂዶኒያ ባና ኮዪዶስ። 
\s1 ፒሊጶሴን ሊዲያይ ጎዳ ኣማናዱስ 
\p  
\v 11 ማርካቤራ ፂሮዓዳ ጌቴቲዛሶፔ ዴንዲዲ ሲቲ ጊዲ ሳሞቲራቄ ጌቴቲዛሶ ቢዶስ። ዎንቴꬃ ጋላስ ናጱሌ ጊዛሶ ሲንꬅ ሃሙꬅ ጉጂዶስ።  
\v 12 ሄፔካ ኦሮሜ ኣሳይ ቶራን ሃሪዳ ዴሬ ጊዲዳ ማቂዶኒያ ዴሬ ዋና ካታማ ጊዲዳ ፒሊጲሲዮሴ ጌቴቲዛሶ ጌሊዶስ። ሄንካ ኡንዴና ዎዴ ኡቲዶስ። 
\p  
\v 13 ሳምባታ ጋላስ ዎሳ ዎሲዛሶ ኮዪሼ ካታማ ጌሊዛሶ ፔንጌ ኬዚዲ ዱጌ ሻፋ ዎꬎስ፤ ኑ ሄን ኡቲዲ ሺቂ ዲዛ ማጫሳስ ቃላ ዮቲዶስ።  
\v 14 ቃላ ሎዔꬂ ሲዪዛ ማጫሳታፔ ኢሲ ሊዲያ ጌቴቲዛራ ኢዛካ ፆሴ ጎይንዛሮኔ ቲያፂሮኔ ካታማፔ ያዳ ዞዖ ሃሬ ማይዖ ዛልዒዛሮ ጳዉሎሲ ዮቲዛ ቃላ ኢዛ ዎዝናን ዎꬃ ሲያና ማላ ጎዳይ ኢዚ ዎዝና ዶዪዴስ።  
\v 15 ኢዛኔ ኢዚሶ ኣሳይካ ፃማቄቲዳፔ ጉዬ ኢዛ ኢስታ ታ ፆሴ ኣማኒዲ ኢንቴ ቱሙ ኤሪዳ ጊዲኮ ሃ ታሶ ዪዲ ጉꬃ ዎዴ ዲሺቴ ጋዳ ኢስታ ሚንꬃ ዎሳዱስ። 
\s1 ጳዉሎሲኔ ሲላሲ ቃሾ ኬꬃን 
\p  
\v 16 ኢሲ ጋላስ ኑ ዎሳሶ ቢሺን ካዮ ካዮታ ማሮትዛ ኢሲ ጋራዴ ና ዲዛራ ኑና ዴማዱስ። ኢዛካ ባ ማሮቴꬃን ባና ኣይሲዛይታስ ዳሮ ሚሽ ጌልꬃዉስ።  
\v 17 ሃና ጋራዴ ናያ ጳዉሎሳኔ ኑና ካላ ካላ “ሃይቲ ኣሳቲ ኢንቴስ ኢንቴ ኣታና ኦጌ ዮቲዛይቲ ዎጋ ፆሳ ኦሳንቻታ” ጋ ጋ ዋሳዱስ።  
\v 18 ሄሳካ ዳሮ ጋላስ ሺራ ሺራ ጋዱስ። ጊዶ ኣቲን ጳዉሎሲ ሃ ኢዚ ቃላን ዳሮ ሜቶቲዳ ጊሽ ኢዚኮ ሲሚዲ ኢዚ ዱናራ ሃሳዪዛ ቱና ኣያናዛ “ኔ ኢዚፔ ኬዛና ማላ ታ ኔና ጎዳ ዬሱስ ኪርስቶሳ ሱንꬃን ኣዛዛይስ” ጊዴስ። ሄ ኣያናይ ሄራካ ዬጊ ኢዚፔ ኬዚዴስ። 
\p  
\v 19 ኢዞ ኣይሲዛ ኣሳቲ ኢስታስ ሚሼ ዴሚዛ ኦጌይ ዱፂን ኢስታ ኡፋይሲ ቃንፄቲዳይሲ ኢስታስ ጌሊን ጳዉሎሳኔ ሲላሴ ኦይኪዲ ቢታራ ጎቺዲ ዋናቲ ዲዛሶ ጊያ ጊዶ ኤፊዳ።  
\v 20 ዴሬ ኣይሲዛ ዋናታኮ ሺሺዲ “ሃይቲ ኣሳቲ ባስ ኣይሁዳ ኣስ ጊዲ ኡቲዲ ኑ ካታማ ቡላኬቴስ፤  
\v 21 ቃሴ ኑ ኦሮሜ ኣሳቲ ኤካናስ ዎይኮ ኦꬃናስ ኑስ ቤሶንታ ዎጋ ኑ ኣሳ ጊዶን ላሌቴስ” ጊዳ። 
\p  
\v 22 ዴሬይካ ኢሲ ቦላ ጊዲዲ ጳዉሎሳ ቦላኔ ሲላሴ ቦላ ዴንዲዴስ። ዴራ ኣይሲዛይቲ ጳዉሎሳንታ ማይዖ ቃሪ ኤኪዲ ዱርቃራ ቆፃና ማላ ኣዛዚዳ።  
\v 23 ኢታ ቡካ ቡኪዲ ጌዴ ቃሾ ኬꬃን ዬጊዳ። ቃሾ ኬꬃ ናጊዛይሲካ ኢስታ ሎዔꬂ ናጋና ማላ ኣዛዚዳ።  
\v 24 ኢዚካ ሄሳ ማላ ሚኖ ኣዛዞ ኤኪዲ ቃሾ ኬꬃስ ዋና ጊዶ ኪፊሌ ጌልꬂዲ ኢስታ ቶሆ ጊታ ዱሩማራ ሺሺ ቃቺዴስ። 
\p  
\v 25 ጊዲ ጊዶꬅ ጊዲሺን ጳዉሎሲኔ ሲላሲ ዎሳኒኔ ማዛሙሬን ፆሳ ጋላቲሺን ቃሾ ኣሳይ ኢስታ ዬꬃኔ ጋላታ ኤዝጊ ሲዪዴስ።  
\v 26 ሃሳዓይ ባይንዳ ዲንጋቴ ቃሾ ኬꬃ ፃጶፔ ቃꬂዛ ሚኖ ቢታ ቃꬂ ሃኒዴስ፤ ሄራካ ቃሾ ኬꬃ ፔንጌቲ ዶዬቲዳ። ቃሼቲዳ ኡባ ኣሳ ቃሾይ ቢርሼቲዴስ።  
\v 27 ቃሾ ኬꬃ ናጊዛይሲ ꬊስኮፌ ቤጊዲ ቃሾ ኬꬃ ፔንጌቲ ዶያ ዲዛይሳ ቤዪዲ ቃሾ ኣሳይ ዉሪ ኬሲ ኤኪዳ ሚሳቲን ባና ዎꬋና ማሻ ሾዲዴስ።  
\v 28 ጳዉሎሲ ቃስ ባ ቃላ ꬎቁ ሂስቲዲ “ኑ ዉሪ ሃን ዶስ! ኔ ቦላ ኣይኔ ኢታ ኦꬆፋ” ጊ ዋሲዴስ። 
\p  
\v 29 ቃሾ ኬꬃ ናጊዛይሲ ፆምፔ ዎሲ ኤኪዲ ጌዴ ጊዶ ጉፒ ጌሊዴስ፤ ኮኮርሼ ጳዉሎሳ ቶሆ ቦላኔ ሲላሴ ቶሆ ቦላ ኩንዲዴስ።  
\v 30 ኢስታ ኤኪ ካሬ ኬዚዲ “ሃ ኣሳቶ! ታ ኣታና ማላ ኣይ ኦꬆ?” ጊዴስ። 
\p  
\v 31 ኢስቲካ ኢዛስ “ጎዳ ዬሱሳ ኣማና፤ ኔካ ኔሶ ኣሳይካ ኢንቴ ዉሪ ኣታና” ጊዳ።  
\v 32 ሄሳፌ ጉዬ ኢዛሲኔ ኢዛሶን ዲዛ ኣሳስ ኡባስ ጎዳ ቃላ ዮቲዳ።  
\v 33 ቃሾ ኬꬃ ናጊዛይሲ ሄራካ ሄ ጋላስ ቃማራ ኤፊዲ ኢስታ ማዱንꬃ ሜጪዴስ። ሄራካ ኢዚኔ ኢዛሶ ኣሳይ ዉሪ ፃማቄቲዳ።  
\v 34 ቃሾ ኬꬃ ናጊዛይሲካ ኢስታ ባ ኬꬄ ኤፊዲ ኢስታስ ካꬅ ኣꬂዴስ። ባሶ ኣሳ ኡባራ ፆሳ ኣማኒዳ ጊሽ ኣዴዚ ዳሮ ኡፋዪዴስ። 
\p  
\v 35 ጋዴይ ዎንቲሺን ዴሬ ኣይሲዛይቲ “ሄይታ ኣሳታ ቢርሻ ዬዳ” ጊዲ ባ ሹሜታ ቃሾ ኬꬃ ናጊዛይሳኮ ዬዲዳ።  
\v 36 ቃሾ ኬꬃ ናጊዛይሲካ ኢስታስ “ዴሬ ኣይሲዛይቲ ኢንቴ ቢርሼታና ማላ ኣዛዚዳ፤ ሄሳ ጊሽ ሃዒ ሳሮን ኬዚ ቢቴ” ጊዲ ጳዉሎሳስ ዮቲዴስ።  
\v 37 ጳዉሎሲ ቃስ “ኑ ኦሮሜ ዬሌቴꬅ ጊዲሺን ፒርዳይ ባይንዳ ዴሬ ሲንꬃን ዱርቃራ ቡኪዲኔ ቃሾ ኬꬃን ዬጊዳ። ሂስቲን ሃዒ ቃስ ኑና ቆታራ ኣሲ ኤሮንታ ኬሳና ኮዪዞ? ሄሲ ሃኔና፤ ኢስቲ ዪዲ ባርካ ቢርሼቶ!” ጊዴስ። 
\p  
\v 38 ሹሜቲ ሄ ኢዚ ጊዳ ቃላ ዴሬ ኣይሲዛይታስ ዮቲዳ ኢስቲካ ጳዉሎሲኔ ሲላሲ ኦሮሜ ዬሌታ ጊዲዳይሳ ሲይዲ ዳጋሚዳ።  
\v 39 ዪዲ ኢስታፌ ማሬቴꬅ ኦይቺዲ ዎይኔፔ ኬሲዳ። ኢስቲ ሄ ካታማዮ ኣጊዲ ሃራሶ ባና ማላ ኢስታ ዎሲዳ። 
\p  
\v 40 ጳዉሎሲኔ ሲላሲ ቃሾ ኬꬃፌ ኬዚዲ ሊዲያሶ ቢዳ። ሄንካ ዲዛ ኣማኒዛይቲ ኢስታ ዳሮ ሚንꬄꬂዲ ሄፔ ኬዚ ቢዳ። 
\c 17  
\s1 ጳዉሎሲኔ ሲላሲ ታሶሎንቄን 
\p  
\v 1 ጳዉሎሲኔ ሲላሲ ኣንፊጶላኔ ኣጶሎኒያ ጌቴቲዛ ዴሬራ ኣꬊዲ ታሶሎንቄ ጌቴቲዛ ዴሬ ቢዳ። ሄንካ ኣይሁዳታ ዎሳ ኬꬂ ዴስ።  
\v 2 ጳዉሎሲካ ኢዛስ ዶሴ ጊዲዳ ማላ ኣይሁዳታ ዎሳ ኬꬄ ጌሊዴስ። ሄꬑ ሳሚንታ ኩሜꬅ ቃላፔ ኤኪ ኤኪ ኢስታራ ሃሳዬቲዴስ።  
\v 3 ኪርስቶሲ ዋዬ ኤካናሲኔ ሃይቂ ዴንዳናስ ቤሲዛይሳ ቆንጪሲ ኣማንꬆን “ሃይሲ ታ ሳባኪዛ ዬሱሲ ኢዚ ኪቴቲ ያና ጌቴቲዳይሳኮ!” ጊዴስ።  
\v 4 ኣይሁዳታፔ ኢሲ ኢሲ ኣሳይ ባ ሲዪዳይሳ ኣማኒዲ ጳዉሎሳራኔ ሲላሴራ ኢሲፌ ጊዲዴስ። ቃሴካ ዳሮ ዴሬይ ፆሴ ባቢዛ ጊሪኬታፔ ዳሮ ኤሬቲዳ ማጫሳቲ ባ ሲዪዳ ቃላን ኣማኒዲ ኢስታራ ኢሲኖ ጊዲዳ። 
\p  
\v 5 ኣይሁዳቲ ቃሴ ኢስታ ቃናቲዲ ጊያን ዲዛ ዎርዶ ኣሳታ ሺሺዲ ኩሜꬃ ዴሬዛ ኢስታ ቦላ ዴንꬄꬂዲ ካታማን ሺሮ ሜꬊዳ። ጳዉሎሳኔ ሲላሴ ሺሺዲ ዴራ ሲንꬃን ኤሳናስ ኢሲ ኢያሶኔ ጌቴቲዛይሳሶ ኮያናስ ኤሌሊ ቢዳ።  
\v 6 ጊዶ ኣቲን ኢስታ ኢያሶኔ ኬꬃን ዴሞንታ ኣጊዳ ጊሽ ኢያሶኔኔ ሃራ ኣማኒዛ ኣሳታ ካታማ ዳናታ ሲንꬃራ ጎቺሼ “ሃይቲ ኣሳቲ ዴሬ ዉርሲ ቡልዓኪ ካዒሼ ጋምዒዲ ቃሴ ሃዒ ሃ ዪዳ።  
\v 7 ኢያሶኔይካ ኢስታ ባ ኬꬃን ዎꬂዴስ። ሃይቲ ኣሳቲ ዉሪ ‘ዬሱሳ ጌቴቲዛ ሃራ ካዎይ ዴስ’ ጊዲ ቄሳሬ ዎጋ ኤኬቴና” ጊሼ ዋሲዳ።  
\v 8 ዴሬይኔ ሄ ካታማ ዳናቲ ሄሳ ሲይዲ ባ ጊዶን ቡቄቲዳ።  
\v 9 ኢያሶኔኔ ሃራታካ ዋሴ ፄይጊሲዲ ዬዲዳ። 
\s1 ጳዉሎሲኔ ሲላሲ ቤሪያን 
\p  
\v 10 ኣማኒዛይቲ ሄራካ ጳዉሎሳኔ ሲላሴ ቃማራ ቤሪያ ዬዲዳ። ኢስቲካ ሄ ጋኪዳ ማላ ኣይሁዳታ ዎሳ ኬꬄ ጌሊዳ።  
\v 11 ቤሪያ ኣሳይ ታሶሎንቄ ኣሳፔ ኣꬊዲ ኣኬካራ ዲዛ ኣሳ። ጋሶይካ ሃይሲ ዮዖዚ ቱሜሻ? ጊ ጊዲ ጌኤሻ ማፃፋታ ቃላ ዎንቲን ዎንቲን ፒልጊ ፄሊዲ ኡፋይሳን ኤኪዴስ።  
\v 12 ሄሳ ጊሽ ኢስታፌ ዳሮ ኣሳይ ኣማኒዴስ። ቃሴካ ኢስታራ ቆዳን ዳሮቲ ቦንቼቲዳ ጊሪኬ ዴሬ ማጫሳቲኔ ኣዴቲካ ኣማኒዳ። 
\p  
\v 13 ታሶሎንቄን ዲዛ ኣይሁዳ ኣሳቲ ጳዉሎሲ ፆሳ ቃላ ቤሪያንካ ሳባኪዛይሳ ኤሪዳ ማላ ዴሬዛ ዴንꬄꬃናስ ቃሴካ ጌዴ ኢስታኮ ቢዳ።  
\v 14 ሄ ዎዴ ኣማንዛይቲ ጳዉሎሳ ኤሌሲዲ ጌዴ ኣባ ኣቺ ዬዲዳ። ሲላሲኔ ፂምቶሲ ሄን ኣቲዳ።  
\v 15 ጳዉሎሳ ሞዪዚዳ ኣሳቲ ኢዛ ኣቴና ጋꬂዳ። ቃሴካ ሲላሲኔ ፂምቶሲ ኢዛኮ ኤሌሊ ጋካና ማላ ጊዛ ኪታ ጳዉሎሳፔ ኤኪዲ ሲሚዳ። 
\s1 ጳዉሎሲ ኣቴናን 
\p  
\v 16 ጳዉሎሲ ኣቴናን ኢስታ ናጊሺን ኣቴና ካታማን ኤቃቲ ኩሚዳይሳ ቤዪዲ ዳሮ ሼኔቲዴስ።  
\v 17 ሄሳ ጊሽ ኣይሁዳታ ዎሳ ኬꬃን ኣይሁዳታራኔ ፆሳስ ያዪዛ ጊሪኬ ኣሳራ ቃሴካ ጊያይ ዲዛሶን ጋላስ ጋላስ ባናራ ጋጊዛ ኣሳራ ሃሳዬቲዴስ።  
\v 18 ኤፊቆሮሴኔ ኢስቶይኮ ጌቴቲዛ ኤራንቻታ ባጋ ጊዲዳይቲ ጳዉሎሳኮ ሺቂዲ ኢዛራ ሃሳዬቲዳ ኢስታፌ ኢሲ ኢሲ ኣሳቲ “ሃይሲ ሎምዑ ሎምዓይ ኣይ ጋና ኮዪዜ?” ጊዳ። ባጋቲ ቃሴ ዬሱሳ ጊሺኔ ሃይቆፔ ኢዛ ዴንꬃ ሚሺራቾ ኢዚ ሳባኪሺን ሲይዲ “ሄይሲ ሃራ ኦራꬃ ኤቃታ ጊሽ ዮቲዛ ሚሳቴስ” ጊዳ። 
\p  
\v 19 ኢዛ ኦይኪዲ ኣሪኦስፋጎሴ ጌቴቲዛ ዴሬ ዱላታ ሲንꬅ ኤፊዲ “ሃ ኔ ታማርሲዛ ኦራꬃ ቲሚርቴይ ኣዛኮኔ ኑ ኤራና ማላ ኔ ኮያይ?” ጊዳ።  
\v 20 ቃሴ ኔ ኑና ኑ ሃይꬃን ሲሲዛ ዮዖይ ኑ ኤሮንታ ኦራꬅ ጊዲዳ ጊሽ ኢዚ ኣዛኮኔ ኑ ኤራና ኮዮስ።  
\v 21 ኣቴና ኣሳይ ኩሜꬅ ቃሴካ ሃን ዲዛ ሃራ ዴሬ ኣሳይካ ባስ ዎዴ ኣꬃናስ ኦራꬃ ዮዖ ሃሳያኒኔ ሲሳን ኣቲን ሃራ ሚሻን ኣꬄቴና። 
\p  
\v 22 ሄሳ ጊሽ ጳዉሎሲ ኣሪዮስፋጎሴ ጌቴቲዛ ዱላታን ሺቂዳ ዴሬዛ ሲንꬃን ኤቂዲ “ሃይቶ ኣቴና ኣሳቶ! ኢንቴ ቤቶ ሚሽ ዉርሲ ኣማኒዛይታ ጊዲዳይሳ ታ ቤያይስ።  
\v 23 ታ ያኔ ሃ ዩዪሺን ኢንቴ ኢስታስ ጎይኒዛ ሚሻታ ታ ፄሊሺን ‘ኤሬቶንታ ፆሴ’ ጌቴቲ ፃፌቲዳይሳ ኢሲ ያርሾሶ ዴማዲስ፤ ሄሳ ጊሽ ሄሳ ኢንቴ ኤሮንታ ጎዪኒዛይሳ ታ ኢንቴና ኤሪሳና።  
\v 24 ሃይሳ ኣላሜዛኔ ኢዛ ጊዶንካ ዲዛይሳ ዉርሲ ሜꬊዳ ፆሲ ኢዚ ሳሎኔ ሳዓ ጎዳ። ሄሳ ጊሽ ኢዚ ኣሳ ኩሼን ኬፄቲዳ ኬꬃን ዴና።  
\v 25 ኢዚ ኣሳ ኡባስ ዴዖኔ ሼምፖ፤ ቃሴካ ሃራ ዉርሲ ኢሚዛይሳ ጊዲዳ ጊሽ ኢዛስ ፓጪዛዚ ዶንታ ጊሽ ኢዚ ኣሳ ኩሼፔ ማዶ ኤኬና።  
\v 26 ኣሳ ዜሬꬅ ዉርሲ ኢሳዴፌ ሜꬊዲ ኣሲ ቢታ ቦላ ዳና ማላ ኦꬂዴስ፤ ኣሳይ ዳና ዎዴኔ ዉርሴꬃ ꬋስ ዎꬂዴስ።  
\v 27 ሄሲካ ኣሲ ፆሴ ኮይዲኔ ፒልጊዲ ዴማናኮኔ ጊዲ ዎꬂዴስ፤ ሄሲ ሄሳ ጊዲኮካ ኢዚ ኑፔ ኢሲ ኢሳዴፌ ሃኪ ዲዛ ጊሽ ጊዴና።  
\v 28 ኑ ዴዖ ዴሚዳይ፥ ዲዛይኔ ቃፄቲዛይ ኢዛና፤ ኢንቴ ዴሬን ዬꬅ ኬሲዛ ኢሲ ኢሲ ኣሳቲ ‘ኑካ ኢዛ ናይታ’ ጊዳ ማላ። 
\p  
\v 29 “ሂስቲኮ ኑ ፆሳ ናይታ ጊዲኮ ፆሲ ኣሳ ኤራቴꬃን ሜꬊ ኬሲዳ ዎርቃ ዎይኮ ቢራ ዎይኮ ሹች ሚሳቴስ ጊዲ ኑ ቆፓናስ ቤሴና።  
\v 30 ካሴቲዲ ፆሲ ሃይሳ ማላ ሃኖታ ኣሳይ ኤሮንታ ኦꬂዳይሳ ዳንዳያን ኣꬊዴስ፤ ሃዒ ጊዲኮ ኣሲ ዉሪ ባ ዲዛሶን ዲዛሶን ማሮቴꬃን ጌላና ማላ ኣዛዜስ” ጊዴስ።  
\v 31 ኢዚ ባ ዶሲዳዴ ባጋራ ቢታ ቦላ ፂሎቴꬃን ፒርዳና ጋላስ ባሬ ዎꬂዴስ። ኢዛካ ሃይቆፔ ዴንꬂዲ ኣሳ ኡባስ ሃይሳ ቱማቴꬃ ኤሪሲዴስ። 
\p  
\v 32 ኢስቲካ ሃይቂዳይታ ዴንꬃ ጊሽ ሲዪዳ ማላ ኢሲ ኢሲ ኣሳቲ ኢዛ ቂꬊዳ፤ ባጋቲ ቃስ “ሃይሳ ቃሴካ ኔፔ ሃራ ጋላስ ሲያና ኮዮስ” ጊዳ።  
\v 33 ሄራካ ጳዉሎሲ ኢስታ ጊዶፌ ኬዚ ቢዴስ።  
\v 34 ኢሲ ኢሲ ኣሳቲ ቃሴ ጳዉሎሳ ካሊዳኔ ኣማኒዳ፤ ሄይታፔካ ዲዮናሲዮሳ ጌቴቲዛ ኣሪዮስፋጎሴ ዱላታ ኬꬃ ኣባሌ ጊዲዳ ዴማሪሶ ጌቴቲዛ ማጫሳያኔ ሃራቲካ ኢሲፌ ዴቴስ። 
\c 18  
\s1 ጳዉሎሲ ቆሮንቶሴን 
\p  
\v 1 ሄሳፌ ጉዬ ጳዉሎሲ ኣቴናፔ ዴንዲዲ ቆሮንቶሴ ካታማ ቢዴስ።  
\v 2 ሄንካ ጳንፆሳን ዬሌቲዳ ኣቂላ ጌቴቲዛ ኣይሁዳ ኣስ ዴሚዴስ፤ ኢዚካ ኣይሁዳቲ ዉሪ ኦሮሜፔ ኬዛና ማላ ቃላዎዶሳ ጌቴቲዛ ኦሮሜ ካዎይ ኣዛዚዳ ማላ ባ ማቼዮ ጲርሲቂላራ ማታ ዎዴ ኢፃሊያ ዴሬፔ ዪዳይሳ ቤያናስ ጳዉሎሲ ሄ ኢስታኮ ቢዴስ።  
\v 3 ኢዚካ ኢስታꬆ ዱንካኔ ሲኪዛዴ ጊዲዳ ጊሽ ኢስታ ኣቻን ኡቲዲ ዱንካኔ ሲኮን ጌሊዴስ።  
\v 4 ሳምባታ ሳምባታ ጋላስ ኣይሁዳታ ዎሳ ኬꬃን ኣዩሁዴታራኔ ጊሪኬ ኣሳታራ ሃሳዬቲሼ ኢስታ ኣማንꬃናስ ባፄቲዴስ። 
\p  
\v 5 ሲላሲኔ ፂምቶሲ ማቂዶኒያፔ ዱጌ ኢዛኮ ዎꬊን ጳዉሎሲ ሳባኮን ሚኒዲ ዬሱሲ ኢዚ ኪርስቶሳ ጊዲዳይሳ ኣይሁዳታስ ማርካቲዴስ።  
\v 6 ጊዶ ኣቲን ኢስቲ ኢዛራ ኤቄቲዲ ኢዛ ጫዪዳ ጊሽ ጳዉሎሲ ባ ማይዖ ቆቆፊዲ “ታ ኢንቴፌ ፂሎ፤ ኢንቴ ፒርዴታናይ ኢንቴ ሞሮን ጊዲዳ ጊሽ ታ ኢንቴ ሱꬃ ጎሜን ኦይሼቲኬ፤ ሄሳ ጊሽ ታ ጌዴ ኣይዛቤታኮ ባይስ” ጊዴስ። 
\p  
\v 7 ሄፔ ኬዚዲ ቲቶሳ ኢዮስፆሳ ጌቴቲዛ ፆሴ ዎሲዛይሳሶ ቢዴስ፤ ሄ ኣዴዛ ኬꬃይ ኣይሁዳታ ዎሳ ኬꬃ ኣቻን ዴስ።  
\v 8 ኣይሁዳታ ዎሳ ኬꬃ ሃላቃይ ቄሪስጶሲ ባሶ ኣሳ ኡባራ ጎዳ ኣማኒዴስ፤ ጳዉሎሲ ዮቲሺን ሲዪዳ ዳሮ ቆሮንቶሴ ካታማ ኣሳይ ኣማኒዲ ፃማቄቲዴስ። 
\p  
\v 9 ጎዳይ ቃማን ኣጁታን ጳዉሎሳ “ባቦፋ፤ ዮታ፤ ጮዑ ጎፓ፤  
\v 10 ታ ኔናራ ዳይስ፤ ኦኒካ ኔ ቦላ ዴንዲ ኔና ቆሃናስ ዳንዳዬና፤ ሃኖ ሃ ካታማይን ታስ ዳሮ ኣሲ ዴስ” ጊዴስ። 
\p  
\v 11 ሄሳ ጊሽ ጳዉሎሲ ፆሳ ቃላ ኣሳ ታማርሲሼ ኢሲ ላይꬂኔ ባጋ ኢስታራ ኡቲዴስ። 
\p  
\v 12 ጋልዮሳ ጌቴቲዛ ዴሬ ኣይሲዛይሲ ኣካያን ዲዛ ዎዴ ኣይሁዳቲ ኢሲፌ ጊዲዲ ጳዉሎሳ ቦላ ዴንዲዳ፤ ፒርዳ ዎምቦራ ሲንꬅ ሺሺዲ፥  
\v 13 “ሃይሲ ኣዴዚ ዎጋፔ ካሬራ ኣሳይ ፆሳስ ጎይናና ማላ ኣሳ ባሌꬄስ” ጊዳ። 
\p  
\v 14 ጳዉሎሲ ሃሳያና ቡሮ ዱና ዶዪሺን ጋልዮሲ ኣይሁዳታ “ኢንቴኖ ኣይሁዳ ኣሳቶ! ኢንቴ ሺሺዳ ዮዖይ ዴሬ ዴንꬄꬆ ዎይኮ ዴሬ ጊታ ሜቶን ዬጊዛ ዮዖ ጊዲዳኮ ታ ዎዝናፔ ሲያናሺን።  
\v 15 ጊዶ ኣቲን ኢንቴ ፓላማይ ኢሲ ኢሲ ቃላታ ጊሺኔ ኢሲ ኢሲ ሱንꬃታ ጊሽ ቃሴካ ኢንቴ ዎጋ ጊሻስ ጊዲዳ ጊሽ ኢንቴ ሄን ኢንቴ ባጋራ ዉርሲቴ፤ ታ ሄሳ ማላ ዮዖ ፒርዳናስ ኮዪኬ” ጊዴስ።  
\v 16 ሄሳ ጊሽ ፒርዳ ዎምቦራ ሲንꬃፌ ኢስታ ኬሲዴስ።  
\v 17 ሄ ዎዴ ዉሪካ ኣይሁዳ ዎሳ ኬꬃ ሃላቃ ሶስቲኔሴ ጌቴቲዛይሳ ኦይኪዲ ፒርዳ ኬꬃ ሲንꬃን ቡኪዳ፤ ጋልዮሲ ጊዲኮ ሄሳ ዉዳንካ ዬጊቤና። 
\s1 ጲርሲቂላ ኣቂላኔ ኣጲሎሳ 
\p  
\v 18 ሄሳፌ ጉዬ ጳዉሎሲ ቆሮንቶሴ ካታማን ዳሮ ዎዴ ጋምዒዴስ። ሄፔካ ኣማኒዛ ኣሳይ ሞይዚን ጲርሲቂላራኔ ኣቂላራ ኢሲፌ ማርካቤን ጌሊዲ ሶሪያ ጌቴቲዛሶ ቢዴስ፤ ኣዲና ዲዛይሳ ጋꬃናስ ኪንኪራዖሴ ጌቴቲዛሶን ባ ሁዔ ሜዴቲዴስ። \f + \fr 18:18 \fq ኣዲና ጊዛይሳ ኢሲ ኢሲ ባጋ ጋሞꬆ ቃላን “ታሳላ ዎይኮ ጋላታስ ኢሜቲዛ ኢሞታ” ጌቴስ።\f*\x * \xo 18:18 \xt ታይ 6፡18\x* 
\v 19 ኤፌሶኔ ጋኪዳ ማላ ጲርሲቂላኔ ኣቂላ ሄን ኣጋጊዲ ጳዉሎሲ ኣይሁዳታ ዎሳ ኬꬄ ጌሊዲ ኣይሁዳታራ ሃሳዬቲዴስ።  
\v 20 ባናራ ጋምዓና ማላ ኢስቲ ኦይቺን ኢዚ “ኣካይ” ጊዲ ኢፂዴስ።  
\v 21 ጊዶ ኣቲን ኢዚ ኢስታፌ ሻኬቲሼ “ፆሳ ሼኔ ጊዲኮ ታ ሲማዳ ያና” ጊዴስ፤ ኤፌሶኔፔ ዴንዲዲ ማርካቤን ጌሊዲ ቢዴስ። 
\p  
\v 22 ቂሳሪያ ጌቴቲዛሶ ጋኪዳፔ ጉዬ ኬዚዲ ኣማኒዛይታ ሳሮ ጊዲ ሄፔ ኣንፆኪያ ዎꬊዴስ።  
\v 23 ኣንፆኪያን ጉꬃ ዎዴ ታኪዳፔ ጉዬ ሄፔ ዴንዲዲ ጋላቲያ ባጋራኔ ፊርጊያ ጌቴቲዛ ዴሬታራ ዩይ ኣꬊዲ ኣማንዛይታ ሚንꬄꬂዴስ። 
\p  
\v 24 ሄ ዎዴ ኢሲ ኢስኪንዲሪያ ካታማን ዬሌቲዳ ኣጲሎሳ ጌቴቲዛ ኢሲ ኣይሁዳ ኣሲ ኤፌሶኔ ዪዴስ፤ ኢዚካ ታማሪዳዴኔ ጌሻ ማፃፋታ ሎዔꬂ ኤሪዛዴ።  
\v 25 ኢዚ ጎዳ ኦጌ ታማሪዳዴኔ ዬሱሳ ጊሽ ባላይ ባይንዳ ሃሳዪዛዴኔ ፂሎ ኣያናን ፁጌቲሼ ታማርሲዛዴ፤ ጊዶ ኣቲን ኢዚ ሎዔꬂ ኤሪዛይ ዮሃኒሳ ፂንቃቴ ፃላላ።  
\v 26 ኢዚካ ኣይሁዳ ዎሳ ኬꬃን ባቦንታ ዮቶ ኦይኪዴስ፤ ጲርሲቂላይኔ ኣቂላይ ኢዚ ጊዛይሳ ሲይዲኔ ኢዛ ጌዴ ባሶ ኤፊዲ ፆሳ ኦጌ ኢዛ ካሴፔ ሎዔꬂ ኤሪሲዳ። 
\p  
\v 27 ኣጲሎሲ ጌዴ ኣካያ ባናስ ኮዪን ኣማኒዛይቲ ኢዛ ሚንꬄꬂዳ፤ ሄን ዲዛ ኣማኒዛ ኣሳይካ ኢዛ ሞኪ ኤካና ማላ ኢዛስ ዳብዳቤ ፃፊዳ፤ ኢዚ ሄ ጋኪዳ ማላ ኢዛስ ዲዛ ኢሞታፔ ዴንዲዳይሳን ኣማኒዛይታ ዳሮ ማዲዛዴ ጊዲዴስ።  
\v 28 ጌሻ ማፃፋታ ያይሳ ሃይሳራ ጋꬂ ማርካሲ ማርካሲ ዬሱሲ ኢዚ ኪርስቶሳ ጊዲዳይሳ ኣይሁዳታራ ዳሮ ፓላሜቲዲ ዴሬ ሲንꬃን ኢስታ ላꬂዴስ። 
\c 19  
\s1 ጳዉሎሲ ኤፌሶኔን 
\p  
\v 1 ኣጲሎሲ ቆሮንቶሴን ዲዛ ዎዴ ጳዉሎሲ ፑዴሃ ባጋ ዴሬራ ካንꬂዲ ኤፌሶኔ ዪዲ ሄን ዲዛ ኢሲ ኢሲ ኣማኒዛ ኣሳታ ዴሚዲ  
\v 2 “ኢንቴ ኣማኒዳ ዎዴ ፂሎ ኣያና ኤኪዴቲ?” ጊዴስ፤ ኢስቲካ “ኤኪቤይኮ ሃራይ ኣቶሺን ፂሎ ኣያናይ ዲዛኮኔ ኑ ሲቤይኮ” ጊዳ። 
\p  
\v 3 ጳዉሎሲካ ኢስታ “ሂስቲን ኢንቴ ኣዛን ፃማቄቲዴቲ?” ጊዴስ፤ ኢስቲካ ኢዛስ “ዮሃኒሳ ፂንቃታን ፃማቄቲዶስ” ጊዳ። 
\p  
\v 4 ጳዉሎሲካ ኢስታስ “ዮሃኒሳ ፂንቃታይ ጊዲኮ ኣሳይ ማሮቴꬃን ሲሚዳይሳ ቤሲዛ ፂንቃታኮ! ዮሃኒሲ ባ ባጋራ ኣሳይ ኢዛፔ ጉዬራ ዪዛ ዬሱሳ ኣማናና ማላ ዮቲዴስ” ጊዴስ። \x * \xo 19:4 \xt ማቶ 3፡11፤ ማር 1፡4፥7፥8፤ ሉቃ 3፡4፥16፤ ዮሃ 1፡26-27\x* 
\p  
\v 5 ኢስቲካ ሄሳ ሲዪዳፔ ጉዬ ጎዳ ዬሱሳ ሱንꬃን ፃማቄቲዳ።  
\v 6 ጳዉሎሲካ ኢስታ ቦላ ባ ኩሼ ዎꬂዳ ማላ ፂሎ ኣያናይ ኢስታ ቦላ ዎꬊን ኢስቲ ዱማ ዴሬታ ቃላራ ሃሳዪዳ፤ ቲንቢቴካ ዮቲዳ።  
\v 7 ሄ ኣሳቲ ዉሪካ ታማኔ ናምዑ ጊዲዛይታ። 
\p  
\v 8 ጳዉሎሲ ኣይሁዳታ ዎሳ ኬꬄ ጌሊዲ ፆሳ ካዎቴꬃ ጊሽ ሃሳዬቲሼኔ ኢስታ ኣማንꬂሼ ሄꬑ ኣጊና ኩሜꬅ ኦናስካ ባቦንታ ኣሳስ ቆንጪሲ ዮቲዴስ።  
\v 9 ኢሲ ኢሲ ኣሳይ ፓላማ ፂንዒ ጊዲ ኣማናናስ ኮይቤና፤ ጎዳ ኦጌ ቆንጬን ኢፂዳ፤ ሄሳ ጊሽ ጳዉሎሲ ኢስታ ኣጊዲ ሃራሶ ቢዴስ፤ ኣማኒዛይታካ ዱማ ሻኪ ኬሲዲ ፂራኖሴ ቲሚርቴ ኬꬃን ጋላስ ጋላስ ኢስታራ ሃሳዬቲዴስ።  
\v 10 ሄሳ ማላ ኦሶን ናምዑ ላይꬅ ጋምዒዳ ጊሽ ኢሲያ ኣዉራጃን ዲዛ ኣይሁዳቲኔ ጊሪኬ ኣሳይ ዉሪ ጎዳ ቃላ ሲያና ዳንዳዪዴስ። 
\p  
\v 11 ፆሲ ጳዉሎሳ ባጋራ ዳሮ ማላሊሲዛ ማላታ ኦꬂዴስ።  
\v 12 ማራቤ ዎይኮ ኢዛ ኣሳቴꬅ ቦቺዳ ጫርቃ ኤፊዲ ሃርጋንቻታ ቦቺኮ ሃርጌይ ዬዴስ፤ ቱና ኣያናቲካ ባ ኦይኪዳ ኣሳፔ ኬዜቴስ።  
\v 13 ዩዪ ዩዪ ኣሳፔ ዳይዳንꬂ ኬሲዛ ኢሲ ኢሲ ኣይሁዳ ኣሳቲ “ጳዉሎሲ ሳባኪዛ ዬሱሳ ሱንꬃን ኢንቴ ኬዛና ማላ ኣዛዛይስ” ጊዲ ጎዳ ሱንꬃ ቱና ኣያናቲ ኦይኪዳ ኣሳታ ቦላ ፄይጋና ፓጪዳ።  
\v 14 ኢሲ ኣይሁዳታፔ ጊዲዳ ቄሴታ ሃላቃ ኣስቄዌስ ኣቱማ ና ላፑናቲ ሄሳꬆ ኦꬂዳ። 
\p  
\v 15 ቱና ኣያናይካ “ታ ዬሱሳካ ኤራይስ፤ ጳዉሎሳካ ኤራይስ ሺን ኢንቴ ቃስ ኦናንቴ?” ጊዴስ። 
\p  
\v 16 ቃሴካ ቱና ኣያናይ ኢዛ ኦይኪዳዴይ ጉፒዲ ኣሳታ ኦይኪዴስ፤ ኢስታ ቦላ ዎልቃቲዲ ዳሮ ሚኒን ማዱንፂዲ ኬꬃፌ ሜላ ካሎ ባቃቲዳ።  
\v 17 ሄሲካ ኤፌሶኔን ዲዛ ኣይሁዳታ ኣቻኒኔ ጊሪኬ ኣሳ ኡባ ኣቻን ኤሬቲን ዉሪካ ባቢዳ፤ ሄሳንካ ጎዳ ዬሱሳ ሱንꬂ ቦንቼቲዴስ።  
\v 18 ኣማኒዳ ኣሳፔ ዳሮይ ሺቂዲ ባ ኢታ ኦሶ ቆንጬን ፓፂዴስ።  
\v 19 ማሮ ማሮቲዛይታፔ ዳሮቲ ባ ማሮቲዛ ማፃፋ ሺሺዲ ዴሬ ሲንꬃን ታማን ፁጊዳ፤ ማፃፋ ዋጋይ ሺሺ ቆዲን ኢቻሹ ታሙ ሺ ቢራ ማላ ጊዲዴስ።  
\v 20 ሃይሳ ማላን ጎዳ ቃላይ ኬሂ ዲጪሼኔ ፆኒ ፆኒ ቢዴስ። 
\p  
\v 21 ሃይሲ ዉሪ ሃኒዳፔ ጉዬ ጳዉሎሲ ማቂዶኒያራኔ ኣካያ ባጋራ ኣꬊዲ ዬሩሳላሜ ባናስ ቆፋ ቃቺዲ “ታ ሄ ጋኪዳፔ ጉዬ ታ ኦሮሜ ቃሴካ ቤያና ኮሼስ” ጊዴስ።  
\v 22 ባና ማዲዛይታፔ ናምዓታ ፂምቶሳኔ ኤሪስፆሳ ጌዴ ማቂዶኒያ ጌቴቲዛሶ ኪቲዲ ባስ ኢሲያ ኣዉራጃን ጉꬃ ዎዴ ሄን ዴዒዴስ። 
\s1 ኤፌሶኔን ዴንዲዳ ሺሮ 
\p  
\v 23 ሄ ዎዴ ጎዳ ኦጌ ጊሽ ዳሮ ሺሮይ ሜꬌቲዴስ።  
\v 24 ዲሜፂሮሳ ጌቴቲዛ ኢሲ ቢራ ቆፂዛይሲ ኣርፄሚሴ ጌቴቲዛ ኤቃ ሚሲሌ ቢራፔ ሴሪስ ሜꬊ ሜꬊ ሂላንቻታስ ዎꬌ ሚሼ ዴሚሴስ።  
\v 25 ኢዚካ ሄ ሂላንቻታን ሄሳ ማላ ኦሶን ኣቂዛይታ ሃራ ኣሳታ ኢሲ ቦላ ሺሺዲ “ኣሶ! ሃይሲ ኦሶዚ ኑስ ሚሽ ኬሲዛይሳ ኢንቴ ኤሬታ፤  
\v 26 ሃይሲ ጳዉሎሳ ጌቴቲዛይሲ ኤፌሶኔን ፃላ ጊዶንታ ኩሜꬃ ኢሲያ ኣዉራጃን ዲዛ ዳሮ ዴሬዛ ኣማንꬂ ኣማንꬂ ባሌꬂዛይሳ ኢንቴ ዉሪካ ቤዪዛይሳ ማላኔ ሲዪዛይሳ ማላ ‘ኣሳ ኩሼን ኦሴቲዳ ኤቃቲ ሙሌካ ፆሴ ጊዴቴና’ ጊ ዮቴስ።  
\v 27 ሃይሳ ኑ ኦሶዛስ ሎዖ ሱንꬃ ሂራይሲዛይሳፌ ቦላራ ኩሜꬃ ኢሲያይኔ ኩሜꬃ ኣላሜይ ጎይኒዛ ዎጋ ኣርፄሚሴ ኤቃ ኬꬃይካ ጎዓይ ባይንዳይሳ ጊዳና፤ ቃሴካ ኬሂ ꬎቁ ጊዳ ኢዚ ቦንቾይካ ካዉያና” ጊዴስ። 
\p  
\v 28 ኣሳይ ሄሳ ሲይዲ ኢታ ሃንቆ ሃንቄቲዲ “ኤፌሶኔ ኣርፄሚሳ ዎጋ ጊታ!” ጊዲ ዋሶ ዶሚዴስ።  
\v 29 ሄራካ ኩሜꬃ ካታማይ ሺሮቲዴስ፤ ዴሬይካ ዉሪ ኢሲ ቦላ ጊዲዲ ማቂዶኒያ ኣሳ ጊዲዳይታኔ ጳዉሎሳራ ኢሲፌ ዩዪዛ ኢዛ ላጌታ ጋዪዮሳኔ ኣሪስፂሮኮሳ ኦይኪዲ ዴሬይ ካሴ ካዒዛሶ ዎꬃን ጌሊዳ።  
\v 30 ጳዉሎሲካ ካሬ ኬዚዲ ኣሳ ሲንꬅ ሺቃና ኮዪን ኣማኒዛይቲ ዲጊዳ።  
\v 31 ሄ ኣዉራጃ ዳናታፔ ኢሲ ኢሲ ጳዉሎሳ ላጌቲ ጳዉሎሲ ኣሳይ ካሴ ካዒዛሶ ፃሊዲ ጌሎንታ ማላ ኣስ ኪቲዲ ዎሲዳ። 
\p  
\v 32 ሺቂዳ ኣሳይ ኡንዔቲዲ ኢሳዴይ ኢሲ ሚሽ ሃሳዪሺን ሃራይ ቃስ ሃራ ሃሳዬሲኔ ኣሳይ ዉሪ ዋሴቴስ፤ ዳሪዛ ባጋ ኣሳይ ኣዛስ ሄን ሺቂዳኮኔ ኤሬና።  
\v 33 ኣይሁዳ ኣሳይ ኢስኪንዲሮሳ ጌቴቲዛይሳ ዴራ ጊዶፌ ሱጌሬꬅ ጌዴ ሲንꬅ ኬሲዳ ዎዴ ኢሲ ኢሲ ኣሳቲ ባ ጊሽ ኢዚ ሃሳያና ማላ ዋሲዳ፤ ኢዚካ ኢስታ ጊሽ ፓላሜታና ኮይዲ ኣሳይ ጮዑ ጋና ማላ ማላቲ ቤሲዴስ።  
\v 34 ጊዶ ኣቲን ኢዚ ኣይሁዳ ኣስ ጊዲዳይሳ ኤሪዳ ዎዴ ዉሪካ ኢሲ ቦላ “ኤፌሶኔ ኣርፂሚሳ ዎጋ፤ ጊታ!” ጊሼ ናምዑ ሳቴ ማላ ኣሳይ ዋሲዴስ። 
\p  
\v 35 ሄ ካታማስ ዋና ፃፌይ ኣሳ ጮዑ ሂስቲዲ “ኢንቴኖ ኤፌሶኔ ኣሳቶ! ጊታ ኣርፄሚሲ ኤቃ ኬꬃይኔ ሳሎፔ ዎꬊዳ ኢዚ ሚሲሌ ናጊዛይ ኤፌሶኔ ካታማ ኣሳ ጊዲዳይሳ ኤሮንታይ ኦኔ?  
\v 36 ሄሳ ጊሽ ሃይሲ ሃ ቱማይ ካዴታና ዳንዳዬቶንታይሳ ማላ ኢንቴ ጉꬂ ዩሺ ቆፓናሲኔ ሎዱ ጋናስ ቤሴስ።  
\v 37 ሃይታ ኣሳታ ፆሳ ኬꬃ ቦንቆንታ ዎይኮ ኑ ፆሴ ጊዲዳይሳ ቦላ ጫሻ ቃላ ዴንꬆንታ ዲሺን ኢንቴ ኦይኪዲ ሃ ጋꬃናስ ጮ ኤሂዴታ። 
\p  
\v 38 “ሄሳ ጊሽ ዲሞፂሮሲኔ ኢዛራ ዲዛ ቢራ ሴሪሲ ኦꬂዛ ሂላንቻቲ ኦና ቦላካ ሞቲዛ ዮዖይ ዲኮ ፒርዳ ኬꬃይ ኢስታስ ዶያ ዴስ፤ ዳናቲካ ዴቴስ፤ ኮዪዳዴ ሞታናስ ዳንዳዬስ።  
\v 39 ሃይሳፌ ሃራ ጋናስ ኢንቴ ኮይኮ ዎጋይ ዲዛ ሺቆሶን ቤዬቶ።  
\v 40 ሄሲ ኣቲኮ ሃች ሃኒዳ ሺሮይ ኑና ሞቲሶንታ ማላ ሂርጊሴስ፤ ሞቶስ ጋꬂዛ ጋሶይ ባይንዳ ጊሽ ሃ ሃኒዳ ሺሮዛ ጊሽ ኑ ኦይሼቲኮ ጋናዚ ኑስ ዴና” ጊዴስ።  
\v 41 ኢዚ ሄሳ ጊዳፔ ጉዬ ሺቆይ ላሌቲዴስ። 
\c 20  
\s1 ጳዉሎሲ ማቂዶኒያኔ ጊሪኬ ቢዴስ 
\p  
\v 1 ኣሳይ ጮዑ ጊዳፔ ጉዬ ጳዉሎሲ ኣማኒዛይታ ኢሲ ቦላ ፄይጊዲ ኢስታ ሚንꬄꬂዛ ቃላራ ዞሪዳፔ ጉዬ ኢስታ ሳሮኪዲ ማቂዶኒያ ባና ኬዚዴስ።  
\v 2 ኢዚ ኣꬊ ቢዛ ዴሬን ዲዛ ኣማኒዛ ኣሳ ሎዔꬅ ዞሬን ሚንꬄꬂሼ ጊሪኬ ዴሬ ቢዴስ።  
\v 3 ጊሪኬን ሄꬑ ኣጊና ታኪዳፔ ጉዬ ማርካቤራ ሶሪያ ጌቴቲዛ ዴሬ ባናስ ቆፒዴስ ሺን ኣይሁዳ ኣሳቲ ኢዛ ቦላ ኢታ ኦꬃና ዞሬቲዳይሳ ኤሪዲ ማቂዶኒያ ባጋራ ባና ቆፋ ቃቺዴስ። 
\p  
\v 4 ቤሪያፔ ጳሪዮሳ ና ሶጳፂሮሳ፥ ታሶሎንቄፌ ኣሪስፂሮኮሳኔ ሲኮንዶሳ፥ ዴርቤኔፔ ጋዪዮሲኔ ፂምቶሲ ኢሲያፔ ፂሮፊሞሲኔ ቲቂቆሲ ጳዉሎሳራ ኢሲፌ ቢዳ።  
\v 5 ሄይቲ ዉሪ ኑፔ ካሴቲዲ ፂሮዓዳን ኑና ናጊዳ።  
\v 6 ኑ ቃስ ኡኬꬃ ባዓሌፔ ጉዬ ፒሊጲሲዮሴፔ ማርካቤን ኢስቲ ዲዛሶ ፂሮዓዳ ጌቴቲዛሶ ኢቻሻንꬃ ጋላስ ጋኪዲ ሄን ላፑን ጋላስ ጋምዒዶስ። 
\s1 ጳዉሎሲ ዉርሴꬃን ፂሮዓዳ ቤይዴስ 
\p  
\v 7 ሳሚንታፌ ኮይሮ ዎጋ ጋላስ ኢሲፌ ካꬅ ማናስ ኑ ሺቂ ዲሺን ጳዉሎሲ ዎንቶ ባናስ ኮሺዛ ጊሽ ሺቂዳ ኣሳስ ቃላ ዮቲሺን ኢዚ ዮዖዛ ሌላ ጊዶꬅ ጋካናስ ኣዱሲዴስ። \f + \fr 20:7 \ft “ሳሚንታፌ ኮይሮ ጋላሳን” ቄራ ኦማርስ ዎጋይ ዎንታናዉ ጉሳ።\f* 
\v 8 ቦላ ፎቄን ዳሮ ፖዖይ ዲዛሶን ኑ ሺቂዶስ።  
\v 9 ኣዉፄኪሴ ጌቴቲዛ ኢሲ ናቴꬃ ናይ ማስኮቴ ቦላ ኡቲ ዲሺን ጳዉሎሲ ዮዖዛ ኣዱሲዳይሳፌ ዴንዲዳይሳን ኢዛ ꬊስኮይ ኤኪ ቢዴስ፤ ዎልቃማ ꬊስኮን ፆኔቲዲ ቦላ ሄꬓንꬆ ፎቄፔ ዱጌ ኩንዲን ኣሳይ ዴንꬂዛ ዎዴ ሃይቂዲ ቤቲዴስ።  
\v 10 ጊዶ ኣቲን ጳዉሎሲ ዱጌ ዎꬊዲ ናዛ ቦላ ሆኪ ኢዲሚዲኔ “ሃይቂቤና ፓፃ ዴስ፥ ዳጋሞፍቴ!” ጊዴስ።  
\v 11 ጳዉሎሲ ሄሳፌ ፑዴ ፎቄ ኬዚዲ ኡኬꬃ ሜንꬂዲ ኣማኒዛይታራ ሚዴስ፤ ጋዴይ ዎንታና ጋካናስ ኣሳታራ ሃሳዬቲሼ ጋምዒዲ ቢዴስ።  
\v 12 ኣሳይካ ሃይቆፔ ፓፂዳ ናዛ ጌዴ ኢዛሶ ኤፊዲ ዉሪካ ኡፋዬቲዴስ። 
\s1 ጳዉሎሲ ፂሮዓዳፌ ሚሊፂኔ ጌቴቲዛሶ ቢዴስ 
\p  
\v 13 ኑ ጳዉሎሳ ማርካቤን ጌልꬃና ኮይዳ ጊሽ ካሴቲዲ ማርካቤን ኣሶሳ ጌቴቲዛሶ ቢዶስ፤ ኑ ሄሳ ኦꬂዳይ ጳዉሎሲ ኣሶሳ ጋካናስ ቶሆራ ባና ኮይዳ ጊሻሲኔ ኑ ጌዴ ሲንꬅ ባና ማላ ኢዚ ኣዛዚዳ ጊሻሳ።  
\v 14 ኑ ኢዛራ ኣሶሳን ጋጊዲ ኢዚ ማርካቤን ጌሊን ኢዛራ ኢሲፌ ሚፂሊኔ ቢዶስ።  
\v 15 ዎንቴꬃ ጋላስ ሄፔ ዴንዲዲ ሲንꬃራ ዲዛ ኪዖሴ ጌቴቲዛሶ ጋኪዶስ፤ ቃሴ ዎንቴꬃ ጋላስ ሳሞሴ ጌቴቲዛሶ ፒኒዲ ሄፔ ዎንቴꬃ ጋላስ ሚሊፄ ጋኪዶስ።  
\v 16 ጴንፃቆስቴ ጌቴቲዛ ኣይሁዳታ ፓዚጋ ባዓሌ ባስ ዳንዳዬቲዳ ማላ ቦንቻና ዬሩሳላሜን ቤታና ኮይዲ ኢዚ ኢሲያን ዎዴይ ኣꬎንታ ዲሺን ኤፌሶኔ ኣꬊ ባናስ ኮይዴስ። ኢሲያን ኢዛስ ዎዴይ ኣꬎንታ ማላ ኤፌሶኔ ዬጊ ኣꬋና ኮዪዴስ። ኢዚ ሄሳꬆ ኦꬃና ኮዪዳይ ጴንፃቆስቴ ባዓሌስ ዬሩሳላሜን ቤታናስ ኮይዳ ጊሻሳ። 
\s1 ጳዉሎሲ ኤፌሶኔ ዎሳ ኬꬃ ጪማታራ ዉርሴꬃ ሞይዞ ሳሮካ ሳሮኬቲዴስ 
\p  
\v 17 ጳዉሎሲ ሚሊፄፔ ኤፌሶኔ ዎሳ ኬꬃ ጪማታ ኣሴ ኪቲዲ ፄይጊሲዴስ።  
\v 18 ኢስቲካ ዪን ጳዉሎሲ ኢስታ “ታ ኢሲያ ጌሊዳ ጋላሳፌ ሃ ሲሚን ኡባ ዎዴ ታ ኢንቴናራ ዋና ዋና ዴዒዳኮኔ ኢንቴ ኤሬታ።  
\v 19 ኣይሁዳቲ ታ ቦላ ኣሳ ዴንꬂዲ ሂሊዳ ጌዶን ዳሮ ሜቶይ ታ ቦላ ጋኪኮካ ታ ኩሜꬃ ኣሽኬቴꬃራኔ ኣፉንꬃራ ጎዳስ ኦꬃዲስ። ጮ ዴንባንካ ኢንቴ ኢንቴሶን ታ ኢንቴና ታማርሳሼ ጎዒዛይሳ ዉርሳ ኢንቴስ ዮታዲስ ኣቲን ኢንቴና ጎዒዛ ሚሻፌ ኣይኮካ ኣሻቤኬ።  
\v 20-21 ኣይሁዳ ኣሳታ ጊዲንካ ጊሪኬ ኣሳ ጊዲንካ ማሮቴꬃን ጌሊዲ ፆሳኮ ሲማና ማላኔ ጎዳ ዬሱሳን ኣማናና ማላ ሎዔꬃ ዮታዲስ። 
\p  
\v 22 “ሃዒካ ታ ሄ ጋኪሺን ታ ቦላ ኣዚ ጋካናኮኔ ኤሪኬሺን ፂሎ ኣያናይ ታና ኣዛዚዳ ማላ ዬሩሳላሜ ባይስ።  
\v 23 ሄን ዱማ ዱማ ታና ቃሾይኔ ሜቶይ ናጊዛይሳ ፂሎ ኣያናይ ታስ ዮቲዴስ።  
\v 24 ጊዶ ኣቲን ጎዳ ዬሱሲ ታስ ኢሚዳ ዎꬃ ዎፃ ዉርሳና ጋካናሲኔ ኦሶ ታ ፖላና ጋካናስ ታኒ ታ ሼምፖስ ሚሼቲኬ፤ ታስ ኢሜቲዳ ኦሶይካ ፆሳ ሚሺራቾ ቃላ ዮቶኮ። \x * \xo 20:24 \xt 2ፂም 4፡7\x* 
\p  
\v 25 “ሃዒ ጋካናስ ታ ኢንቴ ጊዶን ሲሜሬታሼ ፆሳ ካዎቴꬅ ሳባካዲስ፤ ሲማ ሃይሳፌ ጉዬ ኢንቴፌ ኦኒካ ሙሌ ታ ኣይፌሶ ቤዮንታይሳ ታ ኤራይስ።  
\v 26 ሄሳ ጊሽ ኢንቴፌ ኢሳዴይካ ꬋይኮ ታ ኦይሼቶንታይሳ ሃች ታ ኢንቴና ኤሪሳይስ።  
\v 27 ኣይሲ ጊኮ ታ ፆሳ ቆፋ ዉርሳ ኢንቴስ ዮታዲስ ኣቲን ኣይኮካ ታ ዮቶንታ ኣሺዳይሲ ዴና።  
\v 28 ፂሎ ኣያናይ ኢንቴና ፆሳ ዶርሳታ ሄማናስ ሹሚዴስ፤ ሄሳ ጊሽ ኢንቴ ሁዔሲኔ ፆሳ ዶርሳታስ ናጌቲቴ፤ ጎዳይ ባ ሱꬃን ዎዚዳ ዎሳ ኬꬃዮ ናጊቴ።  
\v 29 ታ ቢዳፔ ጉዬ ፆሳ ዶርሳታስ ሚቼቶንታ ኢታ ኣሳቲ ኢንቴ ጋርስ ጌላናይሳ ታ ኤራይስ።  
\v 30 ሄሳꬆካ ኢሲ ኢሲ ኣሳቲ ኢንቴ ጊዶፌ ዴንዲዲ ጌላ ዮዖ ኢንቴና ታማርሲዲ ኣማኒዛ ኣሳፔ ዳሮታ ጌዴ ባኮ ዛራና።  
\v 31 ሄሳ ጊሽ ኢንቴና ኢሳ ኢሳ ሄꬑ ላይꬅ ቃማኔ ጋላስ ኣፉንፃ ዞሪዳይሳ ዩሺ ቆፒቴኔ ናጌቲቴ። 
\p  
\v 32 “ሃዒካ ኢንቴና ፆሳስ ሚንꬂ ኤሳናሲኔ ኣማኒዛይታ ጊዶን ኢንቴስ ላታሶ ኢማናስ ዳንዳዪዛ ኢዛ ኣꬎ ኪያቴꬃ ቃላስ ታ ሃዳራ ኢማዲስ።  
\v 33 ታ ኦና ቢራካ ዎርቃ ዎይኮ ማይዖ ኣሞታቤኬ።  
\v 34 ታ ታ ኩሼን ኦꬃ ኦꬃዳ ታስ ማዴታዳ ታናራ ዲዛዪታካ ማዲዳይሳ ኢንቴካ ኤሬታ።  
\v 35 ‘ሃ ኤኪዛዴፌ ጌዴ ኢሚዛዴይ ኣንጄቲዳዴ’ ጊዛ ጎዳ ዬሱሳ ቃላ ኑ ዩሺ ቆፒዲ ኑርካ ኑ ኩሼራ ኑ ኦꬂ ዴሚዲ ሃራ ዳቡራንቻታ ጌዴ ማዳናስ ኑስ ቤሲዛይሳ ታ ኢንቴና ዳሮ ዱማ ዱማ ኦጌራ ቤሳዲስ” ጊዴስ። 
\p  
\v 36 ሄሳፌ ጉዬ ጳዉሎሲ ኡባ ኣሳራ ጉልባቲዲ ዎሲዴስ።  
\v 37 ኣሳይ ዉሪ ዬኪዲ ጳዉሎሳ ኢዲሚ ኦይኪዲ ዬሪዴስ።  
\v 38 ሃራፔካ ኢስቲ ዳሮ ሚሼቲዳይ ኢዚ “ሃይሳፌ ጉዬን ኢንቴ ናምዓንꬆ ታና ቤዬኬታ” ጊዳ ጊሻሳ፤ ሄፔካ ኢዛ ማርካቤኮ ጋካናስ ሞይዚዳ። 
\c 21  
\s1 ጳዉሎሲ ዬሩሳላሜ ቢዴስ 
\p  
\v 1 ኑ ኢስታፌ ሻኬቲዲኔ ማርካቤን ጌሊዲ ሲቲ ጊዲ ቆሴ ጌቴቲዛ ኣባ ጊዶን ዲዛ ዴሬ ቢዶስ፤ ዎንቴꬃ ጋላስ ሃራ ኤሮዶሴ ጌቴቲዛ ኣባ ጊዶን ዲዛ ዴሬ ጋኪዶስ። ሄፔካ ኢሲ ጳፂራ ጌቴቲዛ ካታማ ቢዶስ።  
\v 2 ሄን ጌዴ ፒንቄ ጌቴቲዛሶ ቢዛ ማርካቤ ዲዛሮ ዴሚዲኔ ኢዚን ጌሊዲ ቢዶስ።  
\v 3 ኣባ ጊዶን ዲዛ ቆጲሮሴ ጌቴቲዛ ዴሬፔ ሃዲርሳ ባጋን ዬጊዲ ሶሪያ ጌቴቲዛ ዴሬ ቢዲ ፂሮሴ ጌቴቲዛ ኣባ ኣቻን ዲዛ ዴሬ ቢዶስ፤ ሄሳስ ጋሶይ ማርካቤያ ባ ጫኔቲዳ ጫና ሄን ዎꬃናስ ኮሺዛ ጊሻሳ።  
\v 4 ሄን ኣማንዛይታ ኮዪ ዴሚዲ ኢስታራ ላፑን ጋላስ ጋምዒዶስ፤ ኢስቲካ ፂሎ ኣያና ካሌꬆን ጳዉሎሳ “ዬሩሳላሜ ቦፓ” ጊዲ ዮቲዳ።  
\v 5 ኑ ሄን ጋምዓና ዎዴይ ዉሪን ኢስታፌ ሻኬቲዲ ኑ ኦጌ ቢዶስ። ኢስቲ ዉሪ ባ ማቼታራኔ ባ ናይታራ ኢሲፌ ካታማፔ ካሬ ኬዛና ጋካናስ ኑና ሞዪዚዳ፤ ኣባ ኣቻን ኑ ዉሪ ጉልባቲዲ ዎሲዳፔ ጉዬ ዴንዲዲ ኢሶይ ኢሳራ ሳሮኬቲዲ ሻኬቲዶስ።  
\v 6 ሄሳፌ ጉዬ ኑ ማርካቤን ጌሊን ኢስቲ ጌዴ ባሶ ሲሚዳ። 
\p  
\v 7 ኑ ፂሮሴፔ ዴንዲዲ ጌዴ ጲፂላማይሴ ጌቴቲዛሶ ጋኪዶስ። ሄንካ ኣማኒዛ ኣሳራ ጋጊዲ ሳሮኬቲዲ ሄን ኢስታ ኣቻን ኢሲ ጋላስ ጋምዒዶስ።  
\v 8 ዎንቴꬃ ጋላስ ሄፔ ኬዚዲ ቂሳሪያ ጌቴቲዛሶ ቢዶስ፤ ቂሳሪያን ላፑን ዳቆኔታፔ ኢሳ ዎንጌላዌ ጲልጶሳሶ ጌሊዲ ኢዛ ኣቻን ሼምፒዶስ። \x * \xo 21:8 \xt ሃዋ 6፡5፤ 8፡5\x* 
\v 9 ኢዛስ ናቤ ጊዲዳ ኦይዱ ጌሎንታ ጌላዖ ናይቲ ዴቴስ። 
\p  
\v 10 ዳሮ ጋላስ ኑ ሄን ጋምዒን ኢሲ ኣጋቦሳ ጌቴቲዛ ናቤይ ዩሁዳ ዴሬፔ ዪዴስ።  
\v 11 ሄ ናቤይ ኑኮ ሺቂዲኔ ጳዉሎሳ ዳንጮ ኤኪዲ ባ ቶሆኔ ባ ኩሼ ቃቺዲ “ፂሎ ኣያናይ ሃይሳ ዳንጫ ጎዳ ዬሩሳላሜን ዲዛ ኣይሁዳ ኣሳቲ ሃይሳꬆ ቃቺዲ ኣይዛቤታስ ኣꬂ ኢማና ጌስ” ጊዴስ። 
\p  
\v 12 ሄሳ ሲይዲ ኑካ ኑናራ ዲዛ ኣሳይካ ጳዉሎሲ ዬሩሳላሜ ቦንታ ማላ ዎሲዶስ።  
\v 13 ቃስ ጳዉሎሲ “ኢንቴ ኣይሲ ዬኪ ዬኪዲ ታ ዎዝና ኣዛስ ሜንꬄቲ? ታኒ ጎዳ ዬሱሳ ሱንꬃ ጊሽ ዬሩሳላሜን ቃሾ ፃላላ ጊዶንታ ሃይቃናስካ ጊጌታዲስ” ጊዴስ። 
\p  
\v 14 ኢዚ ኑ ዞሬ ኤኮንታ ኢፂን “ሂስቲኮ ጎዳ ሼኔይ ሃኖ” ጊዲ ኣጋጊዶስ። 
\p  
\v 15 ኑ ሄን ጉꬃ ጋላሳታ ጋምዒዳፔ ጉዬ ኑ ሚሼ ዉርሲ ጊጊሲዲ ኤኪ ዬሩሳላሜ ቢዶስ።  
\v 16 ቂሳሪያን ዲዛ ኢሲ ኢሲ ኣማንዛይቲ ኑናራ ኢሲፌ ዪዳ፤ ኢስቲካ ኑኒ ሚናሶኔ ኬꬃን ዳና ማላ ኑና ኢዛሶ ካሌꬂዳ፤ ሚናሶኒ ካሴቲዲ ኣማኒዳ ቆጲሮሴ ዴሬ ኣሳ። 
\s1 ጳዉሎሲ ዬሩሳላሜን ያቆቤ ቤዪዴስ 
\p  
\v 17 ኑ ዬሩሳላሜ ጋኪዳ ማላ ኣማንዛይቲ ኑና ኡፋይሳን ሞኪ ኤኪዳ።  
\v 18 ዎንቴꬃ ጋላስ ጳዉሎሲ ኑናራ ያቆቤኮ ቢዴስ፤ ሄ ዎዴ ዎሳ ኬꬃ ጪማቲ ሄን ዴቴስ።  
\v 19 ጳዉሎሲ ኣሳ ዉርሲ ሳሮꬂዳፔ ጉዬ ፆሲ ኢዛ ባጋራ ኣይዛቤታ ጊዶን ኦꬂዳይሳ ዉርሲ ኢሲኖ ኣሾንታ ዮቲዴስ። 
\p  
\v 20 ሄሳ ሲይዲ ኣሳይ ዉሪ ፆሴ ጋላቲዴስ፤ ጳዉሎሲካ “ኑ ኢሻዞ ዳሮ ሺያን ቆዴቲዛ ኣማኒዛይቲ ኣይሁዳታ ጊዶን ዲዛይሳኔ ዉሪካ ሙሴ ዎጋ ዎዝናፔ ናጊዛይታ ጊዲዳይሳ ኔካ ኤራሳ።  
\v 21 ኔኒ ኣይዛቤታ ጊዶን ዲዛ ኣይሁዳታ ‘ኢንቴ ናይታ ቃፃሮፒቴ ዎይኮ ዎጋታ ኦꬆፍቴ ጋዳ ኔ ታማርሲዳ ኣሳይ ሙሴ ዎጋ ሻራና ማላ ኦꬄስ ጊዛ ዎሬ ኣሳይ ሲይዴስ።  
\v 22 ሂስቲን ሃዒ ኣዜ ሎዖይ? ሃዒ ኔ ዩሳ ኣሳይ ሲዮንታ ኣጌና።  
\v 23 ሄሳ ጊሽ ኑ ኔና ጊዛይሳ ኦꬃ፤ ኑ ኣቻን ታሳላ ጋꬃና ዪዳ ኦይዱ ኣሳቲ ዴቴስ። \x * \xo 21:23 \xt ታይ 6፡13-21\x* 
\v 24 ኔ ኢስታ ኔናራ ኤካዳ ኢስታራ ጊዳዳ ኔና ጌሻ፤ ኣሳቲ ባ ሁዔ ሜዴታና ማላኔ ፆሳ ኬꬃን ኢሜቲዛ ሙፁዋታ ሚሻ ኔ ኢስታስ ቃንፃ፤ ኔ ሄሳꬆ ኦꬂኮ ኔ ቦላ ዎሬቲዳይሲ ዉሪ ሜላ ጊዲዳይሳኔ ኔካ ሙሴ ዎጋ ፖላ ናጊዛዴ ጊዲዳይሳ ኣሳይ ዉሪ ኤራና።  
\v 25 ሂንኮ ኣይዛቤታፔ ኣማኒዳይታ ጊሽ ጊዲኮ ‘ኤቃስ ሹኬቲዲ ቱኒዳይሳ ሞፒቴ፥ ሱꬂካ ኡዮፒቴ፥ ባዉታ ሃይቂዳ ሜሄ ኣሾ ሞፒቴ፥ ላይማፌ ሃኪቴ’ ጊዲ ጪማቲ ቃቺዳ ቃላ ዳብዳቤ ፃፊዲ ኑ ኢስታስ ዬዲዶስ።” \x * \xo 21:25 \xt ሃዋ 15፡29\x* 
\p  
\v 26 ሄሳፌ ጉዬ ጳዉሎሲ ሄ ኦይዱ ኣሳታ ባናራ ኤኪዲ ዎንቴꬃ ጋላስ ኢስታራ ባና ጌሺዴስ፤ ኢስቲ ጌዪዛ ጋላሳቲ ኣፑን ጋላሲኮኔ ኢሳዴ ኢሳዴ ጊሽ ኢሜቲዛ ሚሽ ኢሚዛ ዎዴይ ኣይዴኮኔ ኤሪሳናስ ፆሳ ኬꬄ ጌሊዴስ። 
\s1 ጳዉሎሲ ፆሳ ኬꬃን ዲሼ ኦይኬቲዴስ 
\p  
\v 27 ላፑን ጋላስ ኩማና ማቲሺን ኢሲያ ዴሬፔ ዪዳ ኣይሁዳ ኣሳይ ጳዉሎሳ ፆሳ ኬꬃን ቤዪዲ ዴራ ኢዛ ቦላ ዴንꬄꬂዲ ኢዛ ኦይኪዳ።  
\v 28 “ኢስራዔሌ ኣሳቶ! ኑና ማዲቴ! ኑ ኣሳኔ ኑ ዎጋ ሃይሳ ኑ ዲዛሶዛ ጫዪሼኔ ዴሬይ ዲዛሶን ኡባን ኣሳ ታማርሲዛይሲ ሃይሲ ኢዛኮ! ሄሲካ ጊዴና ጊዲ ኣይዛቤታ ፆሳ ኬꬄ ጌልꬂዲ ሃይሳ ጌሻ ሶዛ ቱኒሲዴስ” ጊሼ ዋሲዳ።  
\v 29 ኢስቲ ሄሳ ጊዳ ጋሶይ ሃይሳፌ ካሴ ኤፌሶኔ ዬሌታ ጊዲዳ ፂሮፊሞሳ ኢዛራ ኢሲፌ ካታማ ጊዶን ቤዪዳ ጊሽ ኢዛ ጳዉሎሲ ፆሳ ኬꬄ ኤኪ ጌሊዳ ሚሳቲዳ ጊሻሳ። \x * \xo 21:29 \xt ሃዋ 20፡4\x* 
\p  
\v 30 ኩሜꬃ ካታማይ ባ ጊዶን ሺሮቲዴስ፤ ዴሬይ ዉሪ ኢሲፌ ዎፂ ኮይዲ ጳዉሎሳ ኦይኪ ኤኪዲ ፆሳ ኬꬃ ጊቤፌ ጎሼቺ ኬሲዴስ፤ ፆሳ ኬꬃ ፔንጌቲ ሄራካ ጎርዴቲዳ።  
\v 31 ኣሳይ ጳዉሎሳ ዎꬋና ኮዪሺን “ዬሩሳላሜ ዲዛ ኩሜꬃ ዴሬይ ባ ጊዶን ሺሮቲዴስ” ጊዛ ኪታይ ኦሮሜ ዎታዳራታ ኣዛዚዛይሳኮ ጋኪዴስ።  
\v 32 ሄሳ ጊሽ ኢዚ ዎታዳራታኔ ማቶ ሃላቃታ ካሌꬂዲ ኤሶን ዎፂሼ ኣሳይ ዲዛሶ ቢዴስ፤ ኣሳይ ኦላንቻታ ኣዛዚዛይሳ ቤዪዲ ጳዉሎሳ ቡካ ኣጊዳ። 
\p  
\v 33 ማቶ ሃላቃዚ ኢዛኮ ሺቂዲ ጳዉሎሳ ኦይኪዲ ናምዑ ሳንሳላታን ቃሼታና ማላ ኣዛዚዲ ኢዚ ኦናኮኔ ኣይ ኦꬂዳኮኔ ኤራናስ ኢዛ ኦይቺዴስ።  
\v 34 ዴሬይካ ባ ጊዶን ባጋይ ሄሳ፥ ባጋይ ሃይሳ ጊዴስ፤ ማቶ ሃላቃዚ ዴሬዛ ዋሶፔ ዴንዲዳይሳን ቱማይ ኣዋይሳኮኔ ኤራናስ ዳንዳዬቶንታ ኢፂን ጳዉሎሳ ጌዴ ዎታዳራቲ ዲዛሶ ኤፋና ማላ ኣዛዚዴስ።  
\v 35 ጳዉሎሲ ፑዴ ꬎቃሶ ጋኪሺን ዴሬይ ዳሮ ሃንቆን ኢዛ ቦላ ሜቶ ጋꬃናስ ኮይዳ ጊሽ ዎታዳራቲ ኢዛ ሃሼን ቶኪ ኤፊዳ።  
\v 36 ዴሬይካ “ኢዚ ሃይቆ! ሃይቆ” ጊ ዋሲሼ ኢዛ ካሊዴስ። 
\s1 ጳዉሎሲ ባና ኣሻና ማዲዛ ዮዖ ዮቲዴስ 
\p  
\v 37 ዎታዳራቲ ጳዉሎሳ ባ ዲዛሶ ጌልꬃና ማቲሺን ጳዉሎሲ ዎታዳራታ ኣዛዚዛይሳ “ታ ኔስ ኢሲ ሚሽ ዮታና ማላ ዶሳይ?” ጊዴስ። ማቶ ሃላቃዚካ “ኔ ጊሪኬ ቃላ ኤራይ?”  
\v 38 ሂስቲን ሃዒ ማታ ዴሬ ጊዶን ሜቶ ዴንꬄꬂዳ ሼምፖ ዎꬊዳ ኦይዱ ሺ ኣሳ ኤካዳ ባዞ ባቃቲዳ ጊብፄ ኣዴዚ ኔና ዲኪ?” ጊዴስ። 
\p  
\v 39 ጳዉሎሲካ “ታኒ ኪልቂያ ጊዶን ዳሮ ኤሬቲዳ ፃርሴሴ ካታማን ዬሌቲዳ ኣይሁዳ ኣሳ፤ ሃይሳ ኣሳስ ታና ዮቻርኪ” ጊዴስ። 
\p  
\v 40 ኢዚ ሃሳያና ማላ ኤሮ ጊን ጳዉሎሲ ꬎቃሶን ኤቂዲ ኣሳይ ጮዑ ጋና ማላ ባ ኩሼራ ማላቲዴስ፤ ኣሳይ ጮዑ ጊን ኢስራዔሌታ ቃላራ፥ 
\c 22  
\p  
\v 1 “ታ ኢሻቶ! ታ ኣዋቶ! ታ ቦላ ዎርዶ ዎꬂዳይሳስ ታ ኢንቴስ ኢሚዛ ዛሮ ሲዪቴ!”  
\v 2 ኢዚ ኣይሁዳታ ቃላራ ሃሳዪሺን ሲይዲ ካሴፔ ኣሳይ ጮዑ ጊዴስ፤ ጳዉሎሲካ ሃሳያ ጉጂዲ ሂዝጊዴስ። 
\p  
\v 3 “ታኒ ኪልቂያ ጊዶን ዲዛ ፃርሴሴ ካታማን ዬሌቲዳ ኣይሁዳ ኣሳ፤ ታኒ ዲጪዳይ ጊዲኮ ሃኒን ዬሩሳላሜና፤ ታ ኑ ኣዋታ ዎጋ ዉርሳ ጋማልያሌፔ ሎዔꬃ ታማራዲሴኔ ኢንቴ ሃች ኦꬂዛይሳꬆ ፆሳስ ሱሬ ዎዝናፔ ኦꬃሼ ዴዓዲስ። \x * \xo 22:3 \xt ሃዋ 5፡34-39\x* 
\v 4 ሃይሳ ሃ ኦጌዛ ካሊዛ ኣሳታ ኡባ ዎꬋና ጋካናስ ጎዳꬂዛ ኣሳኮሺን፤ ማጫታኔ ኣዴታ ቃቻ ቃቻ ቃሾ ኬꬄ ዬዲዛዴኮሺን።  
\v 5 ሃይሲ ዉሪ ቱሙ ጊዲዳይሳ ቄሴታ ሃላቃቲኔ ዴሬ ጪማቲካ ዉሪ ታስ ማርካታና፤ ሃራይ ኣቶሺን ዳማስቆን ዲዛ ኣማኒዛ ኣሳ ቃቻ ዬሩሳላሜ ኤሃዳ ቃፃይሳናስ ዳማስቆን ዲዛይታስ ፃፌቲዳ ዳብዳቤ ቄሴታ ሃላቃታፔኔ ዴሬ ጪማታፔ ኤካዲስ። 
\s1 ጳዉሎሲ ኪርስቶሳ ዎስቲ ኣማኒዳኮ ዮቲዴስ 
\r (ሃዋ 9፡1-19፤ 26፡12-18) 
\p  
\v 6 “ታኒ ዳማስቆ ቢሺኒኔ ካታማ ጌላና ማቲሺን ሴታ ጋላስ ታ ቆፖንታ ዲሺን ሳሎፔ ዎልቃማ ፖዖይ ታና ዩይ ኣꬊ ፖዒዴስ።  
\v 7 ሄ ዎዴ ታኒ ቢታ ቦላ ኩንዳዳ ሳዉሌ! ሳዉሌ! ኔ ታና ኣዛስ ጎዳይ? ጊዛ ቃላ ሲያዲስ።  
\v 8 ታካ ‘ጎዶ ኔ ኦኔ?’ ጋዲስ፤ ኢዚካ ‘ታ ኔኒ ጎዲዛ ናዚሬቴ ዬሱሳ’ ጊዴስ።  
\v 9 ታናራ ኢሲፌ ዲዛ ኣሳቲ ፖዖዛ ቤዪዳ ኣቲን ኢዚ ታናራ ሃሳዪሺን ቃላ ሲይቤቴና።  
\v 10 ታካ ‘ጎዶ ታ ኣይ ኦꬆ?’ ጋዲስ። ጎዳይካ ‘ዴንዳዳ ዳማስቆ ባ፥ ኔ ኦꬃናይሳ ኢስቲ ኔስ ሄን ዮታና’ ጊዴስ።  
\v 11 ፖዖዛ ፆልቄቴꬃ ዳሮፔ ዴንዲዳይሳን ታ ፄላናስ ዳንዳያቤኬ፤ ታናራ ዲዛ ኣሳቲ ታ ኩሼ ኦይኪ ጎቺዲ ታና ዳማስቆ ጋꬂዳ። 
\p  
\v 12 ሃናኒያ ጌቴቲዛ ኢሳዴይ ሄን ዴስ፤ ሃናኒያይ ዳማስቆን ዲዛ ኣይሁዳታ ኣቻን ዳሮ ጋላቴቲዳይሳኔ ዎጋ ቦንቺዛ ኣሳ።  
\v 13 ኢዚ ታ ኣች ሺቂ ኤቂዲ ‘ታ ኢሻ ሳዉሌ ኔ ኣይፌይ ቃሴካ ፄሎ’ ጊዴስ፤ ሄራካ ታ ኣይፌይ ኢዛ ፄሊዴስ።  
\v 14 ኢዚካ ታና ‘ኑ ኣዋንታ ፆሲ ኔ ኢዛ ሼኔ ኤራና ማላ፥ ኢዛ ፂሎዛ ኔ ቤያና ማላኔ ኢዚ ጊዛይሳ ኔ ሲያና ማላ ኔና ካሴቲ ዶሪዴስ።  
\v 15 ኢዚ ሄሳ ኦꬂዳይ ኔ ቤዪዳይሳኔ ሲዪዳይሳ ኣሳ ኡባ ሲንꬃን ኢዛስ ኔ ማርካታናሳ።  
\v 16 ሂስቲን ሃዒ ኣዛስ ጋምዓይ? ዴንዳዳ ኢዛ ሱንꬅ ፄይጋዳ ፃማቄታ፤ ኔ ናጋራፔካ ሜጬታ’ ጊዴስ።  
\v 17 ሄሳፌ ጉዬ ታ ዬሩሳላሜ ሲማዳ ፆሳ ኬꬃን ዎሲሺን ኣጁታይ ታስ ቤቲዴስ።  
\v 18 ጎዳይካ ታስ ቆንጪዲ ‘ኔ ታ ጊሽ ኢማና ማርካቴꬅ ኢስቲ ኤኮንታ ጊሽ ኔ ጋምዖንታ ዳሼ ዬሩሳላሜፔ ኤሌላ ኬዛ!’ ጊዴስ።  
\v 19 ታካ ኢዛስ ‘ጎዶ ታ ኣይሁዳታ ዎሳ ኬꬃቲ ዲዛሶ ባዳ ኔና ኣማኒዛይታ ኡባ ቃቻዳ ኢስታ ቡኪዳይሳ ባ ባጋራ ኢስቲካ ኤሬቴስ።  
\v 20 ኔ ጊሽ ማርካቲዛ ኢስቲፋኖሴ ኣሳይ ዎꬊዛ ዎዴ ታካ ሄ ዎꬊዛ ኣሳታ ኣቻን ኤቃዳ ኢስቲ ዎꬊዛይሳ ታካ ዶሳዲሴኔ ዎꬊዛይታ ማይዖካ ናጋዲስ’ ጊዴስ። \x * \xo 22:20 \xt ሃዋ 7፡58\x* 
\v 21 ጎዳይካ ‘ሃሆን ዲዛ ኣይዛቤታኮ ታ ኔና ኪቲዛ ጊሽ ዴንዳዳ ባ!” ጊዴስ። 
\s1 ጳዉሎሲ ኦሮሜ ዴሬ ኣስ ጊዲዳይሳ ቆንጪሲዴስ 
\p  
\v 22 ኣሳይ ሂኖ ጋካናስ ጳዉሎሳ ሃሳያ ዎዝናፔ ሎዔꬂ ሲዪሼ ኣጊዲ ባ ቃላ ꬎቁ ሂስቲዲ “ሃይሳ ማላ ኣሲ ኑ ቢታፌ ꬋዮ፤ ሃይሳ ማላ ኣሲ ኑ ቢታን ሼምፖራ ዳናስ ቤሴና” ጊሼ ዋሲዴስ።  
\v 23 ኣሳይ ዋሲሼ ባ ማይዖ ቃሪ ቃሪ ዉፂሼኔ ቢታ ፑዴ ሳሎ ꬋርጪዴስ።  
\v 24 ማቶ ሃላቃዚ ሄሳ ቤዪዲ ጳዉሎሳ ዎታዳራቲ ዲዛሶ ጌልꬃና ማላ ኣዛዚዴስ፤ ዴሬይካ ኢዛ ቦላ ኣዛስ ሄሳ ማላ ዋሲዛኮ ኤራና ማላ ኢዛ ጋራፊዲ ፓፂሳና ማላ ኣዛዚዴስ።  
\v 25 ጊዶ ኣቲን ዳፎን ዋፂ ቃቺዲ ኢዛ ጋራፋና ጊጌቲሺን ጳዉሎሲ ባ ኣቻን ኤቂዳ ኢሲ ማቶ ሃላቃስ “ኦሮሜ ኣስ ፒርዳይ ባይንዳ ጋራፋናስ ኢንቴስ ፊቃዴይ ዲዜ?” ጊዴስ።  
\v 26 ማቶ ሃላቃይ ሄሳ ሲዪዳ ማላ ጌዴ ሃላቃታ ኣዛዚዛይሳኮ ቢዲ “ኣይ ኦꬃና ጋይ? ሃይሲ ኣዴዚ ኦሮሜ ኣሳኮ!” ጊዴስ።  
\v 27 ሄሳ ጊሽ ሃላቃታ ኣዛዚዛይሲ ጳዉሎሳኮ ሺቂዲ “ኣኔ ታስ ዮታ፥ ኔ ኦሮሜ ኣሴ?” ጊዴስ፤ ኢዚካ “ኤ ታ ኦሮሜ ኣሳ” ጊዴስ።  
\v 28 ኣዛዚዛይሲካ “ታ ኦሮሜ ኣሳ ጊዳናስ ዳሮ ሚሼ ቃንፃዳ ሻማዲስ” ጊን ጳዉሎሲ “ታኒ ጊዲኮ ኦሮሜን ዬሌታዲስ” ጊዴስ።  
\v 29 ሄሳ ጊሽ ኢዛ ማራማራናስ ጊጌቲዳ ኣሳቲ ሄራካ ኢዛ ኣቻፌ ሃኪዳ፤ ኣዛዚዛይሲካ ኢዚ ኦሮሜ ኣስ ሳንሳላታን ቃቺዳይሳ ዩሽ ቆፒዲ ባቢዴስ። 
\s1 ጳዉሎሲ ኣይሁዳታ ዱላታ ሲንꬅ ሺቂዴስ 
\p  
\v 30 ዎንቴꬃ ጋላስ ኣዛዚዛይሲ ኣይሁዳቲ ጳዉሎሳ ሞቲዛ ኣይፌ ዮዖይ ኣዛኮኔ ኤራናስ ኮዪዴስ፤ ቄሴታ ሃላቃቲኔ ኣይሁዳታ ሻንጎ ዱላታ ኣሳይ ዉሪ ኢሳዴይካ ኣቶንታ ኩሜꬅ ሺቃና ማላ ኣዛዚዴስ፤ ጳዉሎሳካ ቃሾፔ ቢርሺዲ ሺቂዳ ኣሳ ሲንꬅ ሺሺ ኤሲዴስ። 
\c 23  
\p  
\v 1 ጳዉሎሲ ዱላታ ኣሳ ቲሺ ሂስቲ ፄሊዲ “ታ ኢሻቶ! ሃች ጋካናስ ታ ፆሳ ሲንꬃን ሎዖ ቆፋራ ዳይሲ” ጊዴስ።  
\v 2 ቄሴታ ሃላቃ ሃናኒያይ ቃሴ ጳዉሎሳ ዱናን ሾጫና ማላ ኢዛ ኣቻን ኤቂዳይታ ኣዛዚዴስ።  
\v 3 ሄራካ ጳዉሎሲ ሃናኒያ “ሃይሶ ኣኖራ ቲዬቲዳ ኬꬃዞ! ኔናካ ፆሲ ሾጫና፤ ዎጋራ ፒርዳና ኡታዳ ዎጋይ ባይንዳ ታና ሾጫና ማላ ኣዛዛይ?” ጊዴስ። \x * \xo 23:3 \xt ማቶ 23፡27-28\x* 
\p  
\v 4 ሄ ዎዴ ሄን ዲዛ ኣሳይ ጳዉሎሳ “ፆሳ ቄሴታ ሃላቃ ጫያይ?” ጊዴስ።  
\v 5 ጳዉሎሲካ ኢስታስ “ታ ኢሻቶ! ኢዚ ቄሴታ ሃላቃ ጊዲዳይሳ ታ ኤራቤይኬ። ጋሶይካ ‘ኔ ዴሬ ሃላቃ ቦላ ኢታ ቃላ ጎፓ’ ጊዛይሲ ፃፌቲዴስ” ጊዴስ። \x * \xo 23:5 \xt ኬሳ 22፡28\x* 
\p  
\v 6 ጳዉሎሲ ሄን ዲዛ ኣሳፔ ባጋይ ሳዱቃዌታ፥ ባጋይ ፋርሳዌታ ጊዲዳይሳ ኤሪዲኔ “ታ ኢሻቶ! ታ ፋርሳዌፔ ዬሌታዲሲኔ፤ ታካ ፋርሳዌ፤ ሄኮ ሃዒ ታ ፒርዴታና ሺቂዳይ ሃይቂዳይቲ ዴንዳናይሳ ታ ኡፋይስ ኦꬂዛ ጊሻሳ” ጊዲ ባ ቃላ ꬎቁ ሂስቲዲ ዱላታ ኣሳ ሲንꬃን ዮቲዴስ። \x * \xo 23:6 \xt ሃዋ 26፡5፤ ፒሊ 3፡5\x* 
\p  
\v 7 ጳዉሎሲ ሄሳ ዮቲዳ ማላ ፋርሳዌታ ጊዶኒኔ ሳዱቃዌታ ጊዶንካ ኦሺ ዴንዲን ዱላታይ ናምዑ ሻኬቲ ዎꬊዴስ።  
\v 8 ጋሶይካ ሳዱቃዌቲ “ሃይቂዳይታስ ዴንꬂ ዴና፤ ኪታንቻይካ ባዋ፤ ኣያናይካ ዴና ጊዛይታ፤ ፋርሳዌቲ ቃሴ ሄይቲ ዉሪካ ዴቴስ” ጊ ኣማኒዛይታ። \x * \xo 23:8 \xt ማቶ 22፡23፤ ማር 12፡18፤ ሉቃ 20፡27\x* 
\p  
\v 9 ሄሳ ዎዴ ዳሮ ሺሮይ ኣሳ ጊዶን ሃኒዴስ፤ ፋርሳዌታ ባጋታ ጊዲዳ ኢሲ ኢሲ ሙሴ ዎጋ ታማሪዛይቲ ዴንዲዲ “ኑ ሃይሳ ኣዴዛ ቦላ ኣይኮካ ኢታ ሚሽ ዴሚቤኮ፤ ኣያናይ ዎይኮ ኪታንቻይ ኢዛስ ዮቲዳ ጊዳና፤ ኑ ኣይ ኤሪዞኒ?” ጊዲ ፓላሜቲዳ። 
\p  
\v 10 ፓላማይ ሚኒ ሚኒ ቢዳ ጊሽ ኣሳይ ጳዉሎሳ ታርሼሬꬆንታ ማላ ባቢዲ ሃላቃታ ኣዛዚዛይሲ “ዱጌ ዎꬊዲ ጳዉሎሳ ኣሳ ጊዶፌ ሃ ኬሲ ኤኪ ዪዲ ጌዴ ዎታዳራቲ ዲዛሶ ኤፊቴ!” ጊዲ ዎታዳራታ ሃላቃታ ኣዛዚዴስ።  
\v 11 ዎንቴꬃ ጋላስ ሌላ ጊዶꬅ ጎዳይ ጳዉሎሳ ኣቻን ኤቂዲ “ኣይኮይ ባ ኔ ዬሩሳላሜን ታስ ማርካቲዳይሳꬆ ኦሮሜንካ ኔ ታስ ማርካታናስ ቤሴስ” ጊዴስ። 
\s1 ጳዉሎሳ ዎꬋናስ ኣሳይ ማቄቲዴስ 
\p  
\v 12 ጋዴይ ዎንቲን ኣይሁዳ ኣሳቲ ሺቄቲዲ “ኑ ጳዉሎሳ ዎꬎንታ ዲሼ ካꬅ ሞኮ፤ ሃꬂካ ኡዮኮ” ጊ ጫቄቲዳ።  
\v 13 ሄሳ ሄ ማቆዛን ኢሲፌ ጊዲዳ ኣሳ ቆዳይ ኦይዱ ታማፌ ቦላራ ዴስ።  
\v 14 ኢስቲካ ቄሴታ ሃላቃታኮኔ ዴሬ ጪማታኮ ቢዲ ኢስታስ “ኑ ጳዉሎሳ ዎꬎንታ ዲሼ ካꬅ ሞንታ ማላ ሚንꬂ ጫቂዶስ።  
\v 15 ሄሳ ጊዲዳ ጊሽ ኢንቴ ዴሬ ጪማታራ ዞሬቲዲ ኢዛ ኬሂ ማራማሪዛ ሚሳቲዲ ኢስቲ ኢንቴስ ጳዉሎሳ ኤሃና ማላ ኣዛዚዛይሳ ኦይቺቴ፤ ኑካ ኢዚ ሃ ሃኖ ጋካናፔ ካሴቲዲ ኢዛ ዎꬋና ጊጌቲዶስ” ጊዳ። 
\p  
\v 16 ጊዶ ኣቲን ኢሲ ጳዉሎሳስ ሚቺ ናይ ሄሳ ኢስታ ማቆዛ ሲዪዳ ጊሽ ዎታዳራቲ ዲዛሶ ቢ ጌሊዲ ዮዖዛ ጳዉሎሳስ ዮቲዴስ።  
\v 17 ጳዉሎሲካ ማቶ ሃላቃታፔ ኢሳ ባኮ ፄይጊዲ “ሃይሲ ናዚ ዎታዳራታ ኣዛዚዛይሳስ ዮቲዛ ዮዖይ ዲዛ ጊሽ ጌዴ ኢዛኮ ኤፋ” ጊዴስ።  
\v 18 ማቶ ሃላቃይ ናዛ ዋና ኣዛዚዛይሳኮ ኤኪ ጌሊዲ “ቃሼቲዳ ጳዉሎሲ ታና ባኮ ፄይጊዲ ሃይሲ ናዚ ኔስ ዮቲዛ ዮዖይ ዲዛ ጊሽ ታ ኢዛ ኔኮ ሺሻና ማላ ታና ዎሲዴስ” ጊዴስ። 
\p  
\v 19 ኣዛዚዛይሲካ ናዛ ኩሼ ኦይኪ ኤኪዲ ሃራሶ ፖቂዲ “ኔ ታስ ዮታናይሲ ኣዜ?” ጊዲ ኢዛ ዱማ ኦይቺዴስ። 
\p  
\v 20 ናዚካ “ኣይሁዳ ኣሳቲ ጳዉሎሳ ዮዖዛ ሎዔꬂ ማራማሪዛዴ ሚሳቲሲዲ ዎንቶ ኔ ኢዛ ኢስታስ ሺሻና ማላ ኦይቻናስ ቃቺ ዎꬂዳ።  
\v 21 ጊዶ ኣቲን ኔ ኢስታስ ኤሮ ጎፓ፤ ጋሶይካ ‘ኑ ኢዛ ዎꬎንታ ዲሼ ካꬅ ሞኮ ሃꬂካ ኡዮኮ’ ጊዲ ጫቄቲዳይቲ ኦይዱ ታማፌ ቦላ ጊዲዛ ኣሲ ኢዛ ዎꬋናስ ኦጌ ቦላ ዙጌስ፤ ሃዒ ኢስቲ ናጊዛይ ኔ ዛሮ ፃላላ” ጊዴስ። 
\p  
\v 22 ኣዛዚዛይሲካ “ኔ ሃይሳ ታስ ዮቲዳይሳ ሃራ ኦናካ ኤሪሶፋ” ጊዲ ናዛ ሞዪዚዴስ። 
\s1 ጳዉሎሲ ዴሬ ሃሪዛ ፊልኪሴ ሲንꬅ ሺቂዴስ 
\p  
\v 23 ሄሳፌ ጉዬ ዎታዳራታ ኣዛዚዛይሲ ማቶ ሃላቃታፔ ናምዓታ ፄይጊዲ “ቃማፌ ሄꬑ ሳቴ ጊዲሺን ቂሳሪያ ጌቴቲዛሶ ባና ማላ ናምዑ ፄቱ ዎታዳራታ፥ ላፑን ታሙ ቶጋንቻታኔ ናምዑ ፄቱ ቶራ ኣሳ ጊጊሲቴ፤  
\v 24 ጳዉሎሳሲካ ፓራ ጊጊሲዲ ዴሬ ሃሪዛ ፊልኪሴኮ ሎዖን ጋካና ማላ ኦꬂቴ” ጊዴስ። 
\p  
\v 25 ዳብዳቤ ሂዝጊ ፃፊዴስ፤  
\v 26 “ዴሬ ሃሪዛ ቦንቾ ፊልኪሴስ፥ ቃላዎዶሳ ሉሲዮሳፔ፤ ሳሮይ ኔስ ጊዶ።  
\v 27 ሃይሳ ኣዴዛ ኣይሁዳ ኣሳቲ ኦይኪ ዎꬋና ጊሺን ኢዚ ኦሮሜ ኣሲ ጊዲዳይሳ ታ ጋካ ኤሪዳ ጊሽ ዎታዳራታራ ጋካዳ ኣሻዲስ።  
\v 28 ኢስቲ ኢዛ ኣዛስ ሞቲዛኮኔ ታ ኤራና ኮያዳ ዴሬ ዱላታኮ ሺሻዲስ።  
\v 29 ኢስቲ ኢዛ ቦላ ሺሺዳ ሞቶይ ባ ዎጋ ጊሽ ጊዲዳይሳ ኤራዲስ፤ ጊዶ ኣቲን ኢዛ ሃይቆስ ዎይኮ ቃሾስ ጋꬂዛ ሚሺ ዴና።  
\v 30 ሃይሳ ኣዴዛ ዎꬋናስ ኣሳይ ማቄቲዳይሳ ታ ሲያዳ ሄራካ ሲዪዳ ማላ ኔኮ ዬዳዲስ፤ ሞቲዛይቲካ ሄን ኔ ሲንꬃን ባ ሞቶ ሺሻና ማላ ኢስታስ ዮታዲስ” ጊዴስ። 
\p  
\v 31 ሄሳ ጊሽ ዎታዳራቲ ባ ኣዛዜቲዳ ማላ ጳዉሎሳ ቃማራ ኤፊዲ ኣንቲጳፂሮሴ ጌቴቲዛሶ ጋꬂዳ።  
\v 32 ዎንቴꬃ ጋላስ ቶጋንቻቲ ጳዉሎሳራ ባና ማላ ኦꬂዲ ኢስቲ ቃስ ጉዬ ሶ ሲሚዳ።  
\v 33 ቶጋንቻቲ ጌዴ ቂሳሪያ ጋኪዲ ዳብዳቤዛ ዴሬ ሃሪዛይሳስ ኢሚዲ ጳዉሎሳ ኢዛ ሲንꬅ ሺሺዳ።  
\v 34 ዴሬ ሃሪዛይሲ ዳብዳቤዛ ናባቢዲኔ ጳዉሎሳ “ኔ ኣዋ ዴሬፔ ያዲ?” ጊ ኦይቺዴስ። ኢዚ ኪልቂያ ዴሬ ኣስ ጊዲዳይሳ ኤሪዲ፤  
\v 35 “ኔና ሞቲዛይቲ ዪሺን ታ ኔ ዮዖ ሲያና” ጊዴስ፤ ሄርዶሳ ጊቤ ጋꬃን ኢዚ ናጌታና ማላ ኣዛዚዴስ። 
\c 24  
\s1 ኣይሁዳ ኣሳይ ጳዉሎሳ ሞቲዴስ 
\p  
\v 1 ኢቻሹ ጋላሳፌ ጉዬ ቄሴታ ሃላቃ ሃናኒያይ ኢሲ ኢሲ ጪማታራኔ ፃርፁሎሳ ጌቴቲዛ ፃባቃራ ቂሳሪያ ቢዴስ፤ ኢስቲካ ዴሬ ኣይሲዛ ፊልኪሴኮ ሺቂዲ ጳዉሎሳ ሞቲዳ።  
\v 2 ጳዉሎሲ ፄይጌቲ ሺቂን ፃርፁሎሲ ኢዛ ሂዝጊ ሞቲዴስ “ቦንቾ ፊልኪሴ! ኑ ኔ ባጋራ ዳሮ ሳሮቴꬅ ዴሚዶስ፤ ኔ ሎዖ ኣይሶንካ ኑ ዴሬስ ሎዔቴꬂ ቤቲዴስ። 
\p  
\v 3 “ሄሳ ኔ ሎዖ ኦሶዛ ኑ ኣዋን ጊዲን ኣይዴካ ꬎቁ ጊዳ ቦንቾራኔ ጋላታራ ኤኮስ።  
\v 4 ታ ሃዒ ኔና ጋምዒሶንታኔ ዳቡሪሶንታ ቃንꬃራ ኔስ ዮቲዛይሳ ኪያቴꬃን ኔ ኑ ጊዛይሳ ሲያና ማላ ዎሶስ። 
\p  
\v 5 “ሃይሲ ኣዴዚ ኑስ ኢታ ሃርጌ ጊዲዴስ፤ ኣላሜን ዲዛ ኣይሁዳታ ኡባ ቦላ ሜቶ ሜꬌስ፥ ናዚራዌ ጌቴቲዛ ዎርዶ ኣሳታ ዋና ካሌꬂዛዴይ ኢዛኮ።  
\v 6 ኢዚ ፆሳ ኬꬄ ቱኒሳና ጊሺን ኑ ኢዛ ኦይኪዶስ። [ኑ ዎጋ ማላ ኑ ኢዛ ቦላ ፒርዳና ቆፒዶስ።  
\v 7 ጊዶ ኣቲን ዎታዳራታ ሃላቃታ ኣዛዚዛይሲ ሉሲዮሲ ጋኪዲ ኑ ኩሼፔ ኢዛ ዎልቃራ ዎꬂ ኤኪዴስ።  
\v 8 ኢዛ ሞቲዛ ኣሳይካ ኔኮ ያና ማላ ኣዛዚዴስ።] ሃይሲ ኑ ኢዛ ቦላ ሺሺዳ ሞቶዚ ዉሪ ቱሙ ጊዲዳይሳ ኔ ኔ ባጋራ ኢዛ ኦይቻ ጋካናስ ዳንዳያሳ” ጊዴስ። 
\p  
\v 9 ሂንኮ ኣይሁዳ ኣሳቲካ “ኤ ሃይሲ ዮዖዚ ዉሪካ ቱሙኮ” ጊዲ ኣማኔቲዳ። 
\s1 ጳዉሎሲ ባና ኣሻና ኦጌ ሜꬊዴስ 
\p  
\v 10 ዴሬ ኣይሲዛ ፊሊኪሴይ ጳዉሎሲ ሃሳያና ማላ ባ ኩሼራ ማላቲ ቤሲዴስ፤ ጳዉሎሲካ “ኔ ዳሮ ዎዴሶፔ ሃይሳ ዴሬዛ ኣይሲዛዴ ጊዲዳይሳ ታ ኤሪዛ ጊሽ ታ ቦላ ሺቂዳ ሞቶዛስ ታ ኔስ ኡፋይሳ ዛሮ ሺሻይስ።  
\v 11 ታ ፆሳስ ጎይናናስ ዬሩሳላሜ ቢን ሃቺ ታማኔ ናምዑ ጋላሳፌ ዳሮንታይሳ ኔ ኔ ባጋራ ኤራናስ ዳንዳያሳ።  
\v 12 ፆሳ ኬꬃን ጊዲን ኣይሁዳታ ዎሳ ኬꬃን ዎይኮ ካታማ ጊዶን ታ ኦናራካ ፓላሜቲሺን ዎይኮ ዴሬ ጊዶን ሜቶ ሜꬊሺን ታና ዴሚቤቴና።  
\v 13 ሃዒ ታ ቦላ ኢስቲ ሺሺዳ ሞቶዛስ ኣይ ማርካካ ሺሻናስ ዳንዳዬቴና። 
\p  
\v 14 “ጊዶ ኣቲን ታ ኔስ ቆንጪሳና ኮዪዛይ ኢስቲ ዎርዶ ጊዛ ጎዳ ኦጌራ ኑ ኣዋንታ ፆሳስ ጎይናይሲኔ ሙሴ ዎጋኔ ናቤታ ማፃፋን ፃፌቲዳይሳካ ኡባ ኣማናይስ።  
\v 15 ኢስቲካ ኡፋይስ ኦꬂዛ ማላ ታካ ናጋራንቻቲኔ ፂሎቲ ሃይቆፔ ዴንዳናይሳ ፆሳን ኣማኔታይስ።  
\v 16 ሄሳ ጊሽ ፆሳ ሲንꬃኒኔ ኣሳ ሲንꬃን ሲꬌይ ባይንዳ ሃኖይ ታስ ዳና ማላ ኡባ ዎዴ ሚናይስ። 
\p  
\v 17 “ታ ዬሩሳላሜፔ ኬዚን ታስ ዳሮ ላይꬅ ጊዲዳፔ ጉዬ ታ ዴሬ ኣሳስ ማዶ ሚሼኔ ፆሳስ ኢሜቲዛ ሚሼ ኤካ ያዲስ።  
\v 18 ታና ኢስቲ ፆሳ ኬꬃን ዴሚዳይ ታ ሄሳ ጋꬂሺና፤ ሄ ዎዴ ታ ጌይዛ ዎጋ ፖሊሺን ታናራ ዳሮ ኣሲ ዴና፤ ኦሺኔ ሺሮይካ ዴና።  
\v 19 ጊዶ ኣቲን ኢሲያፔ ዪዳ ኢሲ ኢሲ ኣይሁዳ ኣሳቲ ዴቴስ፤ ኢስታሲካ ታና ሞቶስ ጋꬂዛዚ ዲዛ ጊዲኮ ኔ ሲንꬃን ታና ሞቴቶ።  
\v 20 ሄሳፌ ጉዬ ታ ዱላታ ሲንꬅ ሺቂኮ ታ ኦꬂዳ ቆሆይ ዲኮ ሄ ኣሳቲ ዮቴቶ።  
\v 21 ታና ሃይሳስ ጋꬂዳ ጋሶይ ታ ኢስታ ጊዶን ኤቃዳ ‘ሃይቂዳይታስ ዴንꬂ ዴስ ጋ ዮቲዳ ጊሽ ሃች ፒርዳስ ኢንቴ ሲንꬅ ሺቃዲስ’ ታ ጋዳ ቃላ ꬎቁ ሂስታ ዮታዲስ ኣቲን ሃራ ታ ኦꬂዳ ሚሺ ዴና” ጊዴስ። \x * \xo 24:21 \xt ሃዋ 23፡6\x* 
\p  
\v 22 ፊልኪሴይ ጎዳ ኦጌ ሎዔꬂ ኤሪዛ ጊሽ “ዎታዴሬታ ሃላቃታ ኣዛዚዛይሳ ሉሲዮሲ ዪዛ ዎዴ ታ ኢንቴ ዮዖዛ ጊሽ ቃሾ ጊዲዛ ዮዖ ኢማና” ጊዲ ኢስታ ዬዲዴስ።  
\v 23 ጳዉሎሳ ናጊዛ ማቶ ሃላቃይ “ኢዛ ዳሮ ዋይሶንታ ሎዔꬃ ናጋ፤ ኢዛ ላጌቲ ኢዛስ ኮሺዛ ሚሺ ኤኪ ዪኮ ዲጎፋ” ጊዴስ። 
\s1 ጳዉሎሲ ፊሊኪሴኔ ዲሩሲላ ሲንꬅ ሺቂዴስ 
\p  
\v 24 ጉꬃ ዎዴፔ ካሊዲ ፊልኪሴይ ኣይሁዳ ኣስ ጊዲዳ ባ ማቼዮ ዱሪሲላራ ዪዴስ፤ ጳዉሎሳካ ፄይጊዲ ዬሱስ ኪርስቶሳን ኣማኖ ጊሽ ኢዚ ዮቲሺን ሲይዴስ።  
\v 25 ጳዉሎሲ ፂሎቴꬃ ጊሽ፥ ኣሲ ባርካ ባና ሃሮ ጊሺኔ ቡሮፔ ያና ፒርዳ ጊሽ ዮቲን ፊልኪሴይ ባቢዲ “ሃዒ ኔ ባ፤ ሃራ ዎዴ ታስ ጊጊሺን ታ ኔና ፄይጋ ኤካና” ጊዴስ።  
\v 26 ፊልኪሴይ ጳዉሎሳፔ ጉቦ ኤካናስ ኡፋይሲ ኦꬂ ናጊዳ ጊሽ ዳሮ ዎዴ ጋካናስ ፄይጊ ፄይጊ ሃሳይሲዴስ። 
\p  
\v 27 ናምዑ ላይꬃፌ ጉዬ ጶርቂዮሳ ፊስፆሲ ፊልኪሴ ኦላን ሹሜቲዴስ፤ ፊልኪሴይ ኣይሁዳታ ኡፋይሳናስ ኮይዲ ጳዉሎሳ ቃሾሶን ኣጋጊዴስ። 
\c 25  
\s1 ጳዉሎሲ ባ ዮዖዛ ኦሮሜ ካዎይ ቤያና ማላ ኦይቺዴስ 
\p  
\v 1 ፊስፆሲ ባ ኣይሲዛ ዴሬ ቂሳሪያ ጌሊዲ ሄꬑ ጋላስ ኣቄቲዲ ሄፔ ዬሩሳላሜ ቢዴስ።  
\v 2-3 ሄን ዲዛ ቄሴታ ሃላቃቲኔ ኢሲ ኢሲ ኣይሁዳታ ጊዶፌ ጊታ ጊታ ኣሳቲ ጳዉሎሳ ቦላ ባ ሞቶ ሺሺዳ፤ “ጳዉሎሳ ሃ ዬሩሳላሜ ኤሂዲ ኑስ ሎዖ ኦሶ ኦꬃርኪ!” ጊዲ ዎሲዳ፤ ኢስቲ ሄሳ ጊዳይ ጳዉሎሳ ናጊዲ ኦጌ ቦላ ዎꬋናስ ኮይዳ ጊሻሳ።  
\v 4 ጊዶ ኣቲን ፊስፆሲ “ጳዉሎሲ ቂሳሪያን ቃሾ ኬꬃን ናጌቴስ፤ ታካ ሃዒ ኤሌ ሲማዳ ሄ ኢዛኮ ባና።  
\v 5 ኢንቴ ጊዶፌ ዳናቴꬂ ዲዛይቲ ታናራ ቂሳሪያ ቤቶ፤ ጳዉሎሲ ኦꬂዳ ቆሆይ ዲዛ ጊዲኮ ሄን ሞቴቶ” ጊዴስ። 
\p  
\v 6 ፊስፆሲ ኦሱፑን ዎይኮ ታሙ ጋላሳፌ ዳሮንታ ዎዴ ኢስታራ ጋምዒዳፔ ጉዬ ቂሳሪያ ቢዴስ፤ ሄ ጋኪዳ ማላ ዎንቴꬃ ጋላስ ፒርዳ ዎምቦራ ቦላ ኡቲዲ ጳዉሎሳ ኢዛኮ ሺሻና ማላ ኣዛዚዴስ።  
\v 7 ጳዉሎሲ ኢዛ ሲንꬅ ሺቂን ዬሩሳላሜፔ ዪዳ ኣይሁዳቲ ጳዉሎሳ ጊዶꬂዲ ማርካይ ባይንዳ ዳሮ ዴፆ ሞቶ ኢዛ ቦላ ሺሺዳ። 
\p  
\v 8 ጳዉሎሲካ “ታኒ ኣይሁዳ ዎጋ ቦላ ጊዲን ፆሳ ኬꬃ ቦላ ዎይኮ ኦሮሜ ካዎ ቄሳሬ ቦላካ ጋꬂዳ ቆሆይ ዴና” ጊዲ ኢስታ ሞቶዛ ሻሪዛ ዛሮ ኢስታስ ኢሚዴስ። 
\p  
\v 9 ጊዶ ኣቲን ፊስፆሲ ኣይሁዳታ ኡፋይሳናስ ኮይዲ ጳዉሎሳ “ኔ ዬሩሳላሜ ባዳ ሃይሳ ዮዖዛ ሄን ታ ሲንꬃን ፒርዴታና ኮያይ?” ጊዴስ።  
\v 10 ጳዉሎሲ ቃሴ ሂዝጊዲ ኢዛስ ዛሪዴስ “ሄኮ ታ ፒርዴታናስ ታስ ቤሲዛ ቄሳሬ ፒርዳ ዎምቦራ ሲንꬃን ኤቃዲስ፤ ኔካ ሎዔꬃ ኤሪዛ ማላ ታ ኣይሁዳታ ቦላ ኦꬂዳ ኣይኮ ቆሆይካ ዴና።  
\v 11 ታ ቆሂዳ ጊዲኮ ዎይኮ ታና ሃይቆስ ጋꬂዛ ቆሆ ታ ኦꬂዳ ጊዲኮ ታ ሃይቆፔ ኣታና ጊኬ፤ ጊዶ ኣቲን ኢስቲ ሺሺዛ ሞቶይ ሜላ ሃዳ ጊዲኮ ኦኒካ ታና ኢስታስ ኣꬂ ኢማናስ ዳንዳዬና፤ ታካ ታ ዮዖይ ቄሳሬ ሲንꬅ ሺቃና ማላ ‘ዪጊባይኔ’ ጋዲስ።” 
\p  
\v 12 ሄሳ ዎዴ ፊስፆሲ ባና ዞሪዛይታራ ሃሳዬቲዲ “ኔ ቄሳሬኮ ‘ዪጊባይኔ’ ጊዛ ጊዲኮ ቄሳሬኮ ባንዳሳ” ጊዴስ። 
\s1 ጳዉሎሲ ኣጊርጳ ሲንꬂኔ ባርኒቄ ሲንꬅ ሺቂዴስ 
\p  
\v 13 ጉꬃ ጋላሳታፔ ጉዬ ካዎ ኣጊርጳይኔ ባርኒቄይ ፊስፆሳ “ሃሹ ሎዖን ያዳሳ” ጊ ሞካናስ ጌዴ ቂሳሪያ ቢዳ።  
\v 14 ኢስቲ ሄን ዳሮ ጋላስ ኡቲዳ ጊሽ ፊስፆሲ ጳዉሎሳ ዮዖዛ ካዎ ኣጊርጳስ ሂዝጊ ዮቲዴስ “ፊልኪሴይ ቃሾ ኬꬃን ዬጊ ኣጊዳ ኢሳዴይ ሃን ዴስ።  
\v 15 ታ ዬሩሳላሜን ዲዛ ዎዴ ቄሴታ ሃላቃቲኔ ኣይሁዳታ ጪማቲ ሃ ኣዴዛ ዮዖ ታኮ ኤሂዲ ታ ኢዛ ቦላ ፒርዳና ማላ ኦይቺዳ።  
\v 16 ታ ቃሴ ‘ሞቴቲዳዴይ ሞቲዛይታ ሲንꬃን ኤቂዲ ባና ሞቲዛ ዮዖዛስ ቤሲዛ ዛሮ ኢሞንታ ዲሺን ሞቴቲዳዴ ኣꬂ ኢሞይ ኦሮሜ ካዎቴꬃስ ዎጋ ጊዴና’ ጋዳ ዛራዲስ። 
\p  
\v 17 “ሄሳ ጊሽ ኢዛ ሞቲዛይቲ ሺቄቲዲ ዪዳ ማላ ሄራካ ዎንቴꬃ ጋላስ ፒርዳ ዎምቦራን ኡታዳ ጳዉሎሳ ታ ሲንꬅ ሺሻና ማላ ኣዛዛዲስ።  
\v 18 ኢዛ ሞቲዛይቲ ኢዛ ኣቻን ኤቂዳ ዎዴ ኢስቲ ኢዛ ቦላ ሺሺዳ ሞቶይ ታ ባጋራ ኢዚ ኢታ ኦሶንታ ኣጌና ጋዳ ቆፒዳ ማላ ጊዲቤና።  
\v 19 ጊዶ ኣቲን ኢስቲ ኢዛራ ሞቴቲዛይ ባ ኣማኖ ጊሺኔ ጳዉሎሲ ኢሲ ሃይቂዳይሳ ‘ፓፃ ዴስ’ ጊዛ ዬሱሳ ጊሽ ጊዲዴስ።  
\v 20 ታካ ሄሳ ማላ ዮዖ ቆራ ፄላናስ ታና ሜቲዳ ጊሽ ጳዉሎሳ ‘ኔ ዬሩሳላሜ ባዳ ሄሳ ዮዖዛ ሄን ፒርዴታና ኮያይ?’ ጋዲስ።  
\v 21 ሂዝጊን ኢዚ ቃሴ ዮዖዚ ኦሮሜ ካዎ ሲንꬃን ቤዬታና ማላ ኮይዲ ‘ታ ዮዖይ ቄሳሬ ሲንꬅ ሺቃና ማላ ኦይቻይስ’ ጊዳ ጊሽ ኢዛ ዮዖ ቄሳሬኮ ታ ዬዳና ጋካናስ ኢዚ ቃሾ ኬꬃን ጋምዓና ማላ ኣዛዛዲስ” ጊዴስ። 
\p  
\v 22 ኣጊርጳይ ፊስፆሳ “ታካ ኢዚ ጊዛ ሲያና ኮያይስ” ጊዴስ። ፊስፆሲካ “ዎንቶ ሲያንዳሳ” ጊዴስ። 
\p  
\v 23 ሄሳ ጊሽ ዎንቴꬃ ጋላስ ኣጊርጳይኔ ባርኒቄይ ካዎቲ ማይዒዛ ማዮ ማይዒዲኔ ዳሮ ቦንቾራ ዎታዳራታ ሃላቃታራኔ ሄ ካታማን ዲዛ ጊታ ኣሳታን ኣዣቤቲ ዪዲ ፒርዳ ኬꬄ ጌሊዳ። ሄሳፌ ጉዬ ፊስፆሲ ጳዉሎሳ ፄይጊሲዴስ።  
\v 24 ፊስፆሲ ሂዝጊዴስ “ካዎ ኣጊርጳ፥ ቃስ ኑናራ ዲዛ ኣሳቶ! ኣይሁዳ ኣሳቲ ዉሪ ‘ሃይሲ ኣዴዚ ሃይሳፌ ጉዬ ፓፃ ዳና ቤሴና’ ጊዲ ዋሲሼ ዬሩሳላሜንካ ሃንካ ኢዛ ቦላ ፒርዴታና ማላ ኢስቲ ታና ኦይቺዛይ ሃይሳ ኢንቴ ቤዪዛ ኣዴዛ ጊሻሳ።  
\v 25 ታ ታ ባጋራ ኢዛ ሃይቆስ ጋꬂዛ ኢሲ ባላካ ኢዛ ቦላ ዴማቤኬ። ኢዚ ‘ታ ዮዖይ ኦሮሜ ካዎ ሲንꬅ ሺቂ ቤዬቶ’ ጊዳ ጊሽ ታ ኢዛ ሄ ዬዳናስ ቃቻዲስ። 
\p  
\v 26 “ጊዶ ኣቲን ኢዛ ጊሽ ታኒ ታ ጎዳስ ፃፋና ጊዛ ኤሬቲዳ ዮዖይ ዴና፤ ሄሳ ጊሽ ኢዛ ኢሲ ኢሲ ፓጬ ኦይሾታ ኦይቺኮ ታስ ፃፋናይሲ ዳናኮኔ ጋዳ ኢንቴኮ፥ ሃራፔካ ካዎ ኣጊርጳ ኔኮ ሺሻዲስ።  
\v 27 ጋሶይካ ቃሾ ኣሲ ፑዴ ቦላቲዛ ꬎቃ ዳናኮ ቢሺን ኢዚ ሞቴቲዛ ዮዖ ቆንጪሶንታ ኣጎይ ኣሳ ኤያ ኬሲዛይሲ ታስ ቤቲዴስ” ጊዴስ። 
\c 26  
\s1 ጳዉሎሲ ካዎ ኣጊርጳ ሲንꬃን ዮቲዳ ዮዖ 
\p  
\v 1 ኣጊርጲ ጳዉሎሳ “ኔኒ ኔ ጊሽ ሃሳያናስ ዳንዳያሳ” ጊዴስ። ጳዉሎሲካ ባ ኩሼ ዴንꬂዲ ዛሮ ሂዝጊ ኢሚዴስ።  
\v 2 “ካዎ ኣጊርጳ! ታና ኣይሁዳቲ ሞቲዛ ዮዖ ኡባስ ሃች ታ ኔ ሲንꬃን ታና ማዳና ዛሮ ኢሚዛ ጊሽ ታና ዳሮ ኡፋይሴስ።  
\v 3 ጋሶይካ ኔ ኣይሁዳታ ዎጋኔ ኢስታ ፓላማ ኡባ ሎዔꬃ ኤራሳ፤ ሄሳ ጊሽ ኔ ታ ጊዛ ኡባ ዳንዳያዳ ሲያና ማላ ታ ኔና ዎሳይስ። 
\p  
\v 4 “ታኒ ጉꬃ ናቴꬃ ዎዴፔ ዶማዳ ዋና ዴዒዳኮ ኣይሁዳ ኣሳቲ ኤሬቴስ። ኮይሮፔ ሃዒ ጋካናስ ታኒ ታ ዴሬ ኣሳ ጊዶኒኔ ዬሩሳላሜን ታ ዴዒዳ ዱሲ ኣሳይ ኤሬስ።  
\v 5 ቃሴካ ኢስቲ ማርካታና ኮይኮ ኑ ኣማኖ ጊሽ ታ ኬሃ ሚንꬃ ዎጋ ናጊዛ ፋርሳዌ ባጋ ጊዳዳ ጋምዒዳዴ ጊዲዳይሳ ኢስቲ ኮይሮፔ ዴንꬂዲ ኤሬቴስ። \x * \xo 26:5 \xt ሃዋ 23፡6፤ ፒሊ 3፡5\x* 
\v 6 ሃዒ ቃሴ ፒርዳስ ታና ሃይሳን ኤሲዳይ ፆሲ ካሴ ኑ ኣዋታስ ኢሚዳ ጫቆ ቃላ ኡፋይሳ ጊሻሳ።  
\v 7 ሃ ኡፋይሳኮ ጋካናስ ኑ ዛርኬቲ ታማኔ ናምዓቲ ፆሳ ጋላሲኔ ቃማ ጎይኒሼ ናጊዳ። ካዎ ኢንቴስ ሆላ! ኣይሁዳቲ ታና ሞቲዛይ ሃ ዮዖዛ ጊሻሳ።  
\v 8 ፆሲ ሃይቂዳይታ ዴንꬃናይሲ ዋኒዲ ኣይሁዳ ጊዲዳ ኢንቴ ኣቻን ኣማኔቲቤኔ? 
\p  
\v 9 “ታካ ታ ባጋራ ናዚሬቴ ዬሱሳ ሱንꬃስ ኤቄታናስ ቤሴስ ጋዳ ቆፓዲስ ሺን፤ \x * \xo 26:9 \xt ሃዋ 8፡3፤ 22፡4-5\x* 
\v 10 ታኒ ዬሩሳላሜን ኦꬂዳይካ ሄሳኮሺን፤ ቄሴታ ሃላቃታፔ ታ ኤኪዳ ጎዳቴꬃራ ኣማኒዛይታፔ ዳሮታ ቃሾ ኬꬃን ዬጊሳዲስ፤ ኢስታ ዎꬊሺን ዎꬊዛይታራ ኢሲፌ ዳይስ።  
\v 11 ዳሮ ዎዴ ኣይሁዳታ ዎሳ ኬꬃቲ ዲዛሶን ኣዋንካ ኢስቲ ቃፃዬታና ማላኔ ባ ኣማኖ ካዳና ማላ ኦꬃዲስ፤ ኢስታ ቦላ ዳሮ ሃንቄታዳካ ኢስራዔሌፔ ካሬን ዲዛ ሃራ ካታማታካ ባዳ ኣማኒዛይታ ጎዳዲስ። 
\s1 ጳዉሎሲ ኪርስቶሳኮ ዋኒ ሲሚዳኮ ዮቲዴስ 
\p  
\v 12 “ሃይሳ ሃ ዮዖዛስ ቄሴታ ሃላቃታፔ ኩሜꬃ ጎዳቴꬂኔ ኣዛዞ ኤካዳ ዳማስቆ ጌቴቲዛሶ ታ ቢሺን፤  
\v 13 ካዎ ኢንቴስ ሆላ! ቡሮ ታ ኦጌን ዲሺን ጋዴይ ሴታ ጋላስ ጊዲሺን ኣዋ ኣርሼ ፖዖፔ ኣꬊዛ ፖዖ ቤያዲስ፤ ሄ ፖዖይ ታናኔ ታናራ ቢዛ ኣሳታ ዩይ ኣꬊዲ ሳሎፔ ፖዒዴስ።  
\v 14 ኑ ዉሪካ ቢታ ቦላ ኩንዲ ዲሺን ኣይሁዳታ ቃላራ ‘ሳዉሌ! ሳዉሌ! ታና ኣዛስ ጎዳይ? ኔኒ ቃራ ማሻ ቦላ ኤቂኮ ኔርካ ኔና ቆሃሳ’ ጊዛ ቃላ ሲያዲስ። 
\p  
\v 15 “ታካ ‘ጎዶ! ኔ ኦኔ?’ ጋዲስ፤ ጎዳይካ ‘ታኒ ኔ፥ ጎዲዛ ዬሱሳኮ!  
\v 16 ሃዒ ዴንዳዳ ኔ ቶሆን ኤቃ፤ ታ ኔስ ቆንጪዳይ ኔ ታና ሃዒ ቤዪዳይሳኒኔ ሲንꬃፌ ታ ኔና ቤሳናይሳን ኔ ታስ ማርካቲዛዴ ጊዳና ማላ ታ ኔና ሹማና ኮያዲስ።  
\v 17 ኢስራዔሌ ኣሳ ኩሼፔኔ ታ ኔና ኢስታኮ ኪቲዛ ኣይዛቤታ ኩሼፔካ ኣሻና።  
\v 18 ኔ ኢስታ ኣይፌ ዶያና ማላኔ ꬉማፔ ፖዖን ኬሳና ማላ ቃሴካ ፃላዔስ ሃሬቲዛሶፔ ፆሳኮ ኔ ዛራና ማላ ኦꬃና፤ ኢስቲካ ታና ኣማኒዳ ጊሽ ባ ናጋራፔ ማሬታና ቃሴ ዶሬቲዳይታ ጊዶን ኢስቲ ላታ ጋዴ ዴማና’ ጊዴስ። 
\s1 ጳዉሎሲ ባ ኦሶ ጊሽ ዮቲዴስ 
\p  
\v 19 “ሄሳ ጊሽ ካዎ ኣጊርጳ! ሳሎፔ ታስ ኢሜቲዳ ኣጁታስ ታ ኣዛዜታዲስ።  
\v 20 ጊዶ ኣቲን ታ ካሴታዳ ዳማስቆን ዲዛ ኣሳ ካሌꬃዳ ዬሩሳላሜኒኔ ዩሁዳ ዴሬን ኡባን ዲዛይታ ቃሴካ ኣይዛቤቲካ ናጋራ ኦጌፔ ፆሳኮ ሲሚዲ ማሬታና ማላ ኤሪሳዲስ፤ ኢስቲ ናጋራፔ ሲሚዳይሳ ቤሲዛዚ ኦꬃና ማላ ታ ኢስታስ ዮታዲስ። \x * \xo 26:20 \xt ሃዋ 9፡20፥28-29\x* 
\v 21 ሄሳ ጋሶን ኣይሁዳቲ ታ ፆሳ ኬꬃን ዲሺን ታና ኦይኪዲ ዎꬋና ኮይዳ።  
\v 22 ሃቺ ጋካናስካ ታስ ፆሳፌ ማዶይ ፓጪ ኤሬና። ሄሳ ጊሽ ጉꬃስካ ጊታስካ ማርካታሼ ሃይሳን ኤቃዲስ። ናቤቲኔ ሙሴይ ካሴቲዲ ሃይሳ ማላይ ሃናና ጊዳይሳ ዮቶፔ ኣቲን ታ ሃራ ኣይኮካ ዮታቤይኬ።  
\v 23 ኢስቲካ ዮቲዳይሲ ‘ፆሲ ኪቲዳዴይ ሜቶ ቤያና። ሃይቆፔ ዴንዶን ኮይሮ ጊዲዲ ኣሲ ኣታና ፖዖ ኢስራዔሌ ዴሬሲኔ ኣይዛቤታስ ቆንጫና’ ጊዛይሳ” ጊዴስ። \x * \xo 26:23 \xt 1ቆሮ 15፡20፤ ኢሳ 42፡6፤ 49፡6\x* 
\p  
\v 24 ጳዉሎሲ ሄሳ ዮቲሺን ፊስፆሲ “ጳዉሎሳ! ሃዒ ኔ ጎዮንታ ኣጋካ፤ ኔ ዳሮ ታማሪዳይሲ ኔና ጎሺዴስ” ጊ ዋሲዴስ። 
\p  
\v 25 ጳዉሎሲ ጊዲኮ ኢዛስ “ቦንቾ ፊስፆሳ! ታ ኔስ ቱማ ኤራዳ ዮታይስ ኣቲን ጎያቤይኬ።  
\v 26 ታ ኢዛ ሲንꬃን ቆንጬራ ዮቲዳ ካዎይ ሃይሳ ዮዖዛ ኤሬስ፤ ሃይሲካ ቆታራ ኦꬄቶንታይሳ ጊዲዳ ጊሽ ካዎይ ኤራናይሳ ታ ኣማኔታይስ።  
\v 27 ካዎ ኣጊርጳ! ናቤታ ኣማናሳ ጊዲኪ? ኔ ኣማኒዛይሳ ታ ኤራይስ” ጊ ዛሪዴስ። 
\p  
\v 28 ኣጊርጳይካ ጳዉሎሳ “ሄኮ ኔ ታና ሃኖ ጉꬃ ዎዴ ጊዶን ኣማንꬃና ኮያሳ” ጊዴስ።  
\v 29 ጳዉሎሲካ ኢዛስ ዛሪዲ “ጉꬃ ዎዴን ጊዲንካ ዎይኮ ዳሮ ዎዴን ኔ ፃላ ጊዶንታ ዲሺን ሃች ታ ዮቲዳይሳ ሲዪዳይ ዉሪ ሃኖ ታ ቃሼቴꬃያ ኣታ ዉሪካ ታ ማላ ጊዳና ማላ ታ ፆሳ ዎሳይስ” ጊዴስ። 
\p  
\v 30 ሄሳፌ ጉዬ ካዎይ፥ ዴሬ ኣይሲዛይሲ፥ ባርኒቄይኔ ኢስታራ ኡቲዳ ኣሳይካ ዉሪ ዴንዲዴስ።  
\v 31 ኢስቲ ሄፔ ኬዚ ቢሼ ባ ጊዶን “ሃይሲ ኣዴዚ ሃይቆስ ዎይኮ ቃሾስ ጋꬂዛ ሚሼ ኣይኮካ ኦꬂቤና” ጊዳ።  
\v 32 ኣጊርጳይካ ፊስፆሳ “ሃይሲ ኣዴዚ ዮዖዛ ቄሳሬስ ሺቆ ጎንታኮ ኣይኮ ዎሶይ ባይንዳ ሜላ ዬዴታናኮ ሺን” ጊዴስ። 
\c 27  
\s1 ጳዉሎሲ ኦሮሜ ቢዴስ 
\p  
\v 1 ኑኒ ፃላኔ ዴሬ ማርካቤን ባና ማላ ጌቴቲ ቃሼቲዳ ጊሽ ጳዉሎሳኔ ሃራ ቃሾ ኣሳታካ ካዎ ኣዉጊስፆሳ ዎታዳራታፔ ጊዲዳ ዩሊዮሳ ጌቴቲዛ ማቶ ሃላቃስ ኣꬂ ኢሚዳ።  
\v 2 ኢሲያ ኣባ ኣቻን ዲዛ ዴሬታ ቢዛ ማርካቤን ጌሊዲ ቢዶስ። ታሶሎንቄን ዲዛ ኢሲ ማቂዶኒያ ኣስ ኣሪስፂሮኮሳ ጌቴቲዛይሲ ኑናራ ዴስ። 
\p  
\v 3 ዎንቴꬃ ጋላስ ሲዶና ጊዛሶ ጋኪዶስ፤ ዩሊዮሲ ጳዉሎሳስ ሎዖ ጊዲዳ ጊሽ ጳዉሎሲ ባ ላጌታኮ ቢዲ ኣሳይ ኢዛስ ኮሺዛ ማዶ ኦꬃና ማላ ፒቃዴ ኢሚዴስ።  
\v 4 ሄፔ ዴንዲ ኑ ቢሺን ሲንꬃ ባጋራ ጫርኮይ ኑ ቦላ ጫርኪዛ ጊሽ ኣባ ጊዶን ዲዛ ቆጲሮሴ ዴሬን ጌሜቲዲ ጌዴ ሲንꬄ ቢዶስ።  
\v 5 ኪልቂያ ጊዛሶኔ ጲንፊሊያ ጌቴቲዛ ዴሬ ኣቻን ዲዛ ኣባ ፒኒዲ ሎቂያ ዴሬን ዲዛ ሙራ ጌቴቲዛ ካታማ ጋኪዶስ።  
\v 6 ሄን ማቶ ሃላቃይ ኢፃሊያ ዴሬ ቢዛ ኢስኪንዲሪያ ዴሬ ማርካቤ ዴሚዲ ኑና ኢዛን ጌልꬂዴስ። 
\p  
\v 7 ዳሮ ጋላስ ሎዱ ጊ ጊ ቢዲ ዳሮ ዋዬቲዲ ቃንዶሴ ጌቴቲዛ ካታማ ኣቺ ጋኪዶስ፤ ጫርኮይካ ኑ ሲንꬅ ቦንታ ማላ ዲጊን ሳልሞና ኣቻራ ኣꬊዲ ቃርፄሴ ጌቴቲዛ ኣባ ጊዶን ዲዛ ዴሬን ጌሜቲዲ ቢዶስ።  
\v 8 ዳሮ ዋዬቲዲ ላንቄ ላንቄ ኦይኪ ኑ ኣꬊዳፔ ጉዬ ላሲያ ጌቴቲዛ ካታማ ኣቻን ዲዛ “ሎዖ” ጌቴቲዛ ማርካቤይ ኤቂዛሶ ጋኪዶስ። \f + \fr 27:8 \fq ላንቄ \ft ጊዛይሲ ኣባ ጊዶን ዲዛ ቃርፄሴ ጋፃ ጉሳ።\f* 
\p  
\v 9 ኑ ቢዛ ኦጌ ቦላ ዳሮ ዳቡራን ፆማ ዎዴይ ኣꬊዳ ጊሽ ሃዒ ኣባ ቦላ ባናስ ዳሮ ሜቶ ጊዲዳ ጊሽ ጳዉሎሲ ባናራ ዲዛ ኣሳይ ናጌታና ማላ ሂዝጊዴስ፤  
\v 10 “ኣሶ! ሃይሳፌ ኑ ካሊዲ ባና ቡሳይ ዳሮ ሜቶራ ዲዛይሲ ታስ ቤቴስ፤ ማርካቤዛን ዲዛ ጫናዛ ቦላኔ ማርካቤዛ ቦላ ፃላላ ጊዶንታ ኣሳ ሼምፖ ቦላካ ጊታ ቆሆይ ጋካና።”  
\v 11 ማቶ ሃላቃይ ቃስ ጳዉሎሳ ዞሬፔ ቦላራ ማርካቤዛ ላጊዛ ዋናዚኔ ማራካቤዛ ጎዳይ ጊዛይሳ ሲይዴስ።  
\v 12 ሄ ማርካቤይ ኤቂዛሶይ ባልጎይ ኣꬋና ጋካናስ ማርካቤስ ሎዖ ሼምፖሶ ጊዶንታ ጊሽ ዳሪዛ ባጋ ኣሳይ “ሃሙꬃ ሲንꬅ ጉጃናስ ዳንዳዬቲኮ ኣዋ ኣርሼይ ዉሊዛሶፔ ዱጌሃ ባጋራኔ ፑዴሃ ባጋራ ዲዛ ፊንቄ ጌቴቲዛሶ ቃርፄሴ ማርካቤ ሼምፖሶ ኑ ጋኪዲ ባልጎ ሄን ኣꬆስ” ጊዲ ባ ቆፋ ሺሺዳ። 
\s1 ኣባ ቦላ ዳምባላይ ዴንዲዴስ 
\p  
\v 13 ዱጌሃ ባጋራ ጉꬃ ጫርኮይ ጫርኪሺን ቤዪዲ ኢስቲ ቆፒዳ ማላ ሃናና ሚሳቲን ባና ኬዚዳ፤ ማርካቤይ ኤቂዛሶፔ ባና ዴንዲዲ ቃርፄሴ ኣቻራ ላንቄ ላንቄ ኦይኪዲ ኣꬊ ቢዳ።  
\v 14 ጊዶ ኣቲን ጉꬃ ዎዴፔ ጉዬ “ኣዋ ኣርሼይ ሞኪዛሶፔ ፑዴሃፔ ዪዛ ጎቴ ጫርኮ” ጌቴቲዛ ኢታ ዎልቃማ ጫርኮይ ኣባ ጊዶን ዲዛ ዴሬዪፔ ዴንዲዲ ኢስታኮ ኣባ ጊዶ ዪዴስ።  
\v 15 ማርካቤዛ ጫርኮይ ሱጊን ጫርካራ ኤቄታናስ ዳንዳዮንታ ኢፂን ኑ ጮዑ ጊዲ ጫርኮይ ኤፊዛሶ ቢዶስ።  
\v 16 ቄዳ ጌቴቲዛ ኣባ ጊዶንኮ ዲዛ ዴሬ ዲዛሪን ጌሜቲዲ ኑ ቢሺን ዳሮ ዋዬቲዲ ማርካቤዛ ቄሪ ዎጎሎዪን ኦይኪዲ ኤሳናስ ዳንዳዪዶስ።  
\v 17 ማርካቤዛ ላጊዛይቲ ቄሪ ዎጎሎዮ ማርካቤዛኮ ጎቺ ኬሲዲ ማርካቤዛ ዎዶሮራ ፃፂዳ። ማርካቤዚካ ሲርቲሴ ጌቴቲዛ ኣባ ኣጬይ ዳሪ ዲዛሶን ኩንዶንታ ማላ ባቢዲ ኢዛ ቦላ ዲዛ ሻራ ዎꬂዲ ጫርኮን ላጌቲ ቢዳ።  
\v 18 ጎቴ ጫርኮይ ሚኒ ቢዳ ጊሽ ዎንቴꬃ ጋላስ ማርካቤዛን ጫኔቲዳ ሚሻታ ኢሳ ኢሳ ኣባ ጊዶ ዬጌꬅ ኦይኪዳ።  
\v 19 ሄꬓንꬆ ጋላስ ማርካቤዛስ ኮሺዛ ሚሻታካ ባ ኩሼራ ኬሲ ኬሲ ዬጊዳ።  
\v 20 ዳሮ ዎዴ ጋካናስ ኣዋ ኣርሼካ ፆሊንቴካ ቤዮንታ ኣጊዳ ጊሺኔ ጫርኮይካ ካሴፔ ሚኒ ሚኒ ቢዛ ጊሽ ሃይሳፌ ጉዬ ኑ ኣታና ዳንዳዮኮ ጊዛ ቆፋን ኡፋይስ ቃንፂዶስ። 
\p  
\v 21 ኣሳይ ካꬅ ሞንታ ዳሮ ጋላስ ኡቲዴስ። ሄሳ ጊሽ ጳዉሎሲ ኣሳ ጊዶን ኤቂዲ “ሃ ኣሳቶ! ኢንቴ ታ ጊዛይሳ ሲይዲ ቃርፄሴፔ ዴንዶንታኮ ሃ ቆሆይኔ ሃ ꬋዮይ ኢንቴ ቦላ ጋኬናኮሺን።  
\v 22 ሃዒካ ማርካቤዚ ፃላ ቆሄታና ኣቲን ኢንቴፌ ኢሳዴ ሼምፖይካ ꬋዬና። ሄሳ ጊሽ ኣይኮይ ባዋ፤ ባቦፍቴ ጋዳ ኢንቴና ዞራይስ።  
\v 23 ቃማ ኦማርስ ታ ኢዛስ ጊዲዳ ታ ጎይኒዛ ፆሳይ ኪቲዳ ኪታንቻይ ታ ኣቻን ኤቂዲ  
\v 24 ‘ጳዉሎሳ! ባቦፋ! ኔ ቄሳሬ ሲንꬃን ኤቃና ቤሴስ፤ ሄኮ ኔናራ ኢሲፌ ቢዛይታ ዉርሲ ፆሲ ኔ ጊሽ ሃይቆፔ ኣሻና’ ጊዲ ታስ ዮቲዴስ።  
\v 25 ሄሳ ጊሽ ኢንቴኖ ሃ ኣሳቶ ኣይኮይ ባዋ፤ ፆሲ ታስ ሃይሳ ዮቲዳይሳ ፖላናይሳ ታ ኣማናይስ።  
\v 26 ጊዲኮካ ሃይሲ ጎቴ ጫርኮዚ ጌዴ ኢሲ ኣባ ጊዶን ዲዛ ዴሬ ኣቺ ኤፊዲ ኑና ዬጋና” ጊዴስ። 
\p  
\v 27 ታማኔ ኦይዳንꬆ ቃማ ኣንዲሪያ ኣባ ጊዶን ጫርኮይ ኑና ዋይሲሺን ቢሼ ሌላ ጊዶꬅ ማርካቤዛ ላጊዛይታስ ኣባፌ ቢታ ቦላ ጋኪዳ ሚሳቲዴስ። \f + \fr 27:27 \fq ኣንዲርያ ኣባ \ft ሜዲቴራኒያ ኣባፌ ኢሲ ባጋራ ዲዛ ኣባ።\f* 
\v 28 ሄሳ ጊሽ ኣባ ጪማቴꬂ ኤራናስ ኣባን ዬጊ ፄሊዛ ዎዶሮ ኢስቲ ዬጊ ፄሊሺን፤ ኣባ ጪማቴꬂ ኦይዱ ታሙ ሜትሬ ኬና ጊዲ ቤቲዴስ፤ ጋምዒሼ ሃዒካ ዬጊን ሄꬑ ታሙ ሜትሬ ኬና ጪማ ጊዲዳይሳ ዴሚዳ።  
\v 29 ኑ ዲዛ ማርካቤይ ኣባ ጋፃን ዲዛ ዛላ ሹቻራ ኢጬቶንታ ማላ ባቢዲ ማርካቤዛፔ ጉዬ ባጋራ ማርካቤይ ቃፆንታ ማላ ናጊዛ ꬊሺኬ ዱጌ ኣባ ጊዶ ዬጊዳ። ሄሳፌ ጉዬ ኢስታስ ቃማይ ዎንታና ማላ ዎሳ ኦይኪዳ።  
\v 30 ማርካቤዛ ላጊዛይቲ ማርካቤዛፔ ኬዚዲ ባቃታና ኮይዳ ጊሽ ማርካቤዛፔ ሲንꬃ ባጋራ ማርካቤ ናጊዛ ꬊሺኬ ዬጊዛ ሚሳቲዲ ማርካቤዛ ቦላ ዲዛ ቄሪ ዎጎሎዮ ዱጌ ኣባ ጊዶ ዬጊዳ።  
\v 31 ሄሳ ዎዴ ጳዉሎሲ ማቶ ሃላቃኔ ዎታዳራታ “ሃይቲ ማርካቤዛን ዲዛ ኣሳቲ ማርካቤዛ ቦላ ሼምፒዲ ኡቶንታ ኣጊኮ ኢንቴካ ኣታና ዳንዳዬኬታ” ጊዴስ።  
\v 32 ሄሳ ጊሽ ዎታዳራቲ ዎጎሎዮ ኦይኪዳ ዎዶሮዛ ቃንፂ ዬጊን ኢዛ ኣባ ቦላ ቶኬታና ማላ ዬዲ ኣጊዳ። 
\p  
\v 33 ጋዴይ ዎንታና ጊሺን ዉሪካ ካꬅ ማና ማላ ጳዉሎሲ ኢስታ ሂዝጊ ዎሲዴስ “ኢንቴ ኣዚ ሃናኔሻ ጊዲ ሂርጋን ካꬅ ሞንታ ኣጊን ሃቺ ታማኔ ኦይዳንꬆ ጋላሳ።  
\v 34 ሄሳ ጊሽ ኢንቴ ካꬅ ማና ማላ ታ ኢንቴና ዎሳይስ። ኢንቴ ሚኮ ሚናና፤ ሙሌካ ኣይኮ ቆሆይካ ኢንቴ ቦላ ጋኬና” ጊዴስ።  
\v 35 ኢዚ ሄሳ ጊዳፔ ጉዬ ካꬅ ኤኪዲ ፆሴ ጋላቲዲ ኣሳ ኡባ ሲንꬃን ካꬂ ሙስ ኦይኪዴስ።  
\v 36 ሄሳ ዎዴ ዉሪካ ሚኔቲዲ ካꬅ ሚዳ።  
\v 37 ማርካቤዛ ጊዶን ዲዛ ኣሳይ ዉሪ ናምዑ ፄታኔ ላፑን ታማኔ ኡሱፑና።  
\v 38 ዉሪካ ሚ ካሊዳፔ ጉዬ ማርካባን ጫኔቲዳ ጊስቴዛ ዱጌ ኣባ ጊዶ ዬጊዲ ማርካቤዛ ዴፆ ካዉሺዳ። 
\s1 ማርካቤዚ ሜቂዴስ 
\p  
\v 39 ጋዴይ ዎንቲን ባ ዲዛሶ ኤሪቤቴና። ጊዶ ኣቲን ኣጬይ ዲዛሶ ኣባ ኩርቁንꬁ ዴሚዳ። ኢስታስ ዳንዳዬቲዛኮ ማርካቤዛ ሄ ሱጊ ሺሻና ቆፒዳ።  
\v 40 ማርካቤዛ ኦይኪዛ ꬊሺኬ ቃንፂዲ ኣባ ጊዶ ዬጊዳ። ሄ ዎዴ ማርካቤ ላጊዛ ሚሻ ኦይኪዳ ዎዶሮታ ቢርሺዳ። ሃ ባጋራ ዲዛ ሻራ ጫርኮ ባጋ ꬎቁ ሂስቲዲ ኬዛና ኣባ ጋፃ ቢዳ።  
\v 41 ጊዶ ኣቲን ማርካቤዚ ዳሮ ኣጬይ ኮሬቲ ኡቲዳይሳራ ኢጬቲዲ ዱጌ ጉፋኒዴስ፤ ሲንꬃ ቦላ ዱጌ ጉፋኒ ꬊሺኬቲዲ ቃፆንታይሳ ጊዲዴስ። ቃስ ኣባ ዳምባላይ ዳሮፔ ዴንዲዳይሳን ጉዬ ባጋራ ሜቄሬቴꬅ ኦይኪዴስ። 
\p  
\v 42 ቃሾ ኣሳፔ ኢሳዴይካ ኣባን ዎꬊዲ ኬሲ ኤኮንታ ማላ ዎታዳራቲ ዎꬋና ቆፒዳ።  
\v 43 ማቶ ሃላቃይ ቃስ ጳዉሎሳ ኣሻናስ ኮይዳ ጊሽ ኢስታ ቆፋ ኤካና ኮይቤና። ጊዶ ኣቲን ሃꬄ ዎꬊ ኤሪዛይቲ ማርካቤዛፔ ዱጌ ኣባን ጉፒ ጉፒ ዎꬊዲ ጌዴ ቢታ ቦላ ኬዛና ማላ ኣዛዚዴስ። 
\p  
\v 44 ሃንኮ ኣቲዳይቲ ሜቂ ዎꬊዳ ሳንቃ ቦላ ኣባ ፒናና ማላ ኣዛዚዴስ፤ ሄሳꬆ ሃኒዲ ዉሪካ ሳሮን ኣባ ጊዶፌ ቢታ ቦላ ጋኪዳ። 
\c 28  
\s1 ጳዉሎሲ ሜላፂያ ቢታን 
\p  
\v 1 ኑ ቢታይ ዲዛሶ ሳሮቴꬃን ጋኪዳፔ ጉዬ ኑ ጋኪዳ ኣባ ጊዶን ዲዛ ዴሬይ ሜላፂያ ጌቴቲዛ ዴሬ ጊዲዳሮ ኤሪዶስ።  
\v 2 ሄ ዴሬዪን ዲዛ ኣሳይ ዳሮ ማላሊሲዛ ኪያቴꬅ ኑስ ኦꬂዴስ። ሄ ዎዴ ኢራይ ቡኪዳ ጊሺኔ ሜጎ ጊዲዳ ጊሽ ታማ ኤꬂዲ ኑና ሞኪ ኤኪዳ።  
\v 3 ጳዉሎሲ ኣፊራ ጊዛ ሚꬂ ሺሺዲ ታማን ጉጂን ታማ ሴላፔ ዴንዲዳይሳን ሾሺ ኬዚዲ ኢዛ ኩሼ ቦላ ፃፄቲዴስ። \f + \fr 28:3 \fq ኣፊራ ጊዛ ሚꬂ \ft ጊዛይሲ ኢሲ ኢሲ ጋሞ ኣሳቲ ቃይፃሬ፥ ሁንፄ ሚꬂꬅ ጌቴስ።\f* 
\v 4 ማልታ ኣሳይ ሾሺ ጳዉሎሳ ኩሼ ቦላ ፃፄቲዳይሳ ቤዪዲ “ሃይሲ ኣዴዚ ሼምፖ ዎꬊዳዴ፤ ጋሶይካ ኣባ ዳምባላፔካ ኢዚ ኣቲዲ ዪኮካ ፒርዲዛ ፆሳፌ ኬሲ ኤኪዲ ፓፃ ዳና ዳንዳይቤና” ጊዲ ባ ጊዶን ሃሳዬቲዳ  
\v 5 ጳዉሎሲ ቃስ ሾሻ ዱጌ ታማን ቆቆፍ ዬጊዲ ኣይኮካ ሃኒቤና።  
\v 6 ኣሳይካ “ኣይዴፔ ኣይዴ ኢዛ ኣሳቴꬃይ ኪፃኔሻ፤ ዎይኮ ቆፖንታ ኩንዲዲ ሃይቃና” ጊዲ ናጊዴስ፤ ጊዶ ኣቲን ኢስቲ ዳሮ ዎዴ ናጊሺን ኢዛ ቦላ ኣይኮይኔ ሃኖንታይሳ ቤዪዲ ባ ቆፋ ላሚዲ “ሃይሲ ኣዴዚ ፆሳ!” ጊዴስ። 
\p  
\v 7 ሄ ኑ ዲዛሶ ማታን ኣባ ጊዶን ዲዛ ዴሬዮ ኣይሲዛ ፑፑልዮሳ ጌቴቲዛዴስ ጋዴይ ዴስ፤ ሄ ኣዴዚ ኑና ሞኪ ኤኪዲ ባሶን ሄꬑ ጋላስ ጋካናስ ሎዔꬂ ኢማቲዴስ።  
\v 8 ሄን ፑፑልዮሳ ኣዋ ሚሻይኔ ጉሶ ሃርጌይ ሳኪን ኢቺዲ ዴስ፤ ጳዉሎሲ ኢዛኮ ጌሊዲ ኢዛስ ዎሲዴሲኔ ኢዛ ቦላ ባ ኩሼ ዎꬂዲ ፓꬂዴስ።  
\v 9 ሄሲ ሄሳꬆ ሃኒዳፔ ጉዬ ሄ ዴሬይን ዲዛ ሃራ ሃርጋንቻቲ ዪዲ ፓፂዳ።  
\v 10 ኣሳይካ ኑስ ዳሮ ሚሽ ኤሂዲ ኑና ቦንቺዛይሳ ኑና ቤሲዳ፤ ኑ ማርካቤን ባና ዴንዲን ኑስ ኮሺዛይሳ ማርካቤን ዉርሲ ጫኒዳ። 
\s1 ጳዉሎሲ ሚሊፂኔፔ ኦሮሜ ቢዴስ 
\p  
\v 11 ኑ ሚሊፂኔን ሄꬑ ኣጊና ጋምዒዳፔ ጉዬ ባልጎይ ኣꬋና ጋካናስ ኣባ ጊዶን ዲዛ ዴሬዪን ጋምዒዲ ኢስኪንዲሪያፔ ዪዛ ማርካቤን ጌሊዲ ባና ዴንዲዶስ፤ ሄ ማርካቤዛ ቦላ ዲዮሲቆሮሳ ጌቴቲዛ ናምዑ ሜንቴ ኤቃታ ሚሲሌይ ዴስ።  
\v 12 ጌዴ ሲራኩሴ ጌቴቲዛ ካታማ ጋኪዲ ሄን ሄꬑ ጋላስ ጋምዒዶስ።  
\v 13 ሄፔ ኣባ ቦላራ ቢዲ ሬጊዮሜ ጌቴቲዛ ካታማ ጋኪዶስ፤ ሄን ኢሲ ጋላስ ኣቂዲ ዱጌ ባጋራ ዪዛ ጫርኮይ ጫርኪዳ ጊሽ ናምዓንꬆ ጋላስ ፑቲዮሎሴ ጌቴቲዛሶ ቢዶስ።  
\v 14 ሄን ኣማኒዛይታ ዴሚዲ ኢስታራ ኑ ላፑን ጋላስ ጋካናስ ኡታና ማላ ኑና ዎሲዳ። ሄፔ ቃሴ ኦሮሜ ቢዶስ።  
\v 15 ኦሮሜን ዲዛ ኣማኒዛ ኣሳይ ኑ ጊሽ ሲይዲ ኣፒዮሴ ጌቴቲዛ ጊያኔ “ሄꬑ ኣቆሶታ” ጌቴቲዛሶ ጋካናስ ኑና ሞካና ዪዳ፤ ጳዉሎሳይካ ኢስታ ቤዪዲ ፆሴ ጋላቲዴሲኔ ሚኔቲዴስ። 
\s1 ጳዉሎሲ ኦሮሜን 
\p  
\v 16 ኑኒ ኦሮሜ ጌሊዳ ዎዴ ጳዉሎሳ ናጋናስ ኢሲ ዎታዳራይ ኢዛስ ኢሜቲን ጳዉሎሲ ባርካ ዳና ማላ ኢዛስ ፊቃዴይ ኢሜቲዴስ። 
\p  
\v 17 ሄꬑ ጋላሳፌ ጉዬ ጳዉሎሲ ኦሮሜን ዲዛ ኣይሁዳታፔ ጊታ ኣሳታ ባኮ ፄይጊሲዴስ፤ ኢስቲካ ኢዛኮ ሺቂን “ታ ኢሻቶ! ታኒ ኢስራዔሌ ዴሬ ቦላኔ ኑ ኣዋታ ዎጋ ቦላ ኦꬂዳ ኢሲ ቆሆይካ ዴና፤ ጊዶ ኣቲን ዬሩሳላሜን ታና ቃቺዲ ኦሮሜ ኣሳታስ ኣꬂ ኢሚዳ።  
\v 18 ኦሮሜ ኣሳቲ ታና ቆሪ ኦይቺዳፔ ጉዬ ታና ሃይቆስ ጋꬂዛ ሚሽ ዴሞንታ ኣጊዳ ጊሽ ቢርሺ ዬዳና ኮይዳ።  
\v 19 ጊዶ ኣቲን ኣይሁዳ ኣሳይ ታ ቦላ ኢሲ ዎሶይ ባይንዳ ዬዴቶንታ ማላ ኤቄቲን ታ ዮዖይ ቄሳሬ ሲንꬅ ሺቂዲ ቤቶ ጋናስ ታስ ጊዴ ጊዲዴስ። ጊዶ ኣቲን ታኒ ታ ዴሬታ ሞቲዛ ጋሶይ ታስ ዴና።  
\v 20 ታ ቃስ ሃዒ ኢንቴና ፄይጊሲዳይ ኢንቴና ቤያናሲኔ ሃኖ ኢንቴስ ዮታናሳ። ሃይሳ ሳንሳላታን ታኒ ቃሼቲዳይ ኢስራዔሌ ናይታስ ኢሜቲዳ ኡፋይሳ ጋሶና” ጊዴስ። 
\p  
\v 21 ኢስቲካ ኢዛስ “ኔ ጊሽ ዩሁዳ ዴሬፔ ፃፌቲዳ ዴቢዳቤይ ኑና ጋኪቤና። ሃ ዪዳ ኣሳታፔ ኦኒካ ኔ ጊሽ ኢታ ሃሳዪዳይ ባዋ።  
\v 22 ሃይሳ ኔ ካሊዛ ኣማኖዛ ጊሽ ኣዋንካ ኣሳይ ኢታ ሃሳዪዛይሳ ኑ ኤሮስ። ሄሳ ጊሽ ኔ ቆፋይ ኣዛኮኔ ኑ ሲያና ኮዮስ” ጊ ዛሪዳ። 
\p  
\v 23 ባሬ ኢዛስ ኢሚዲ ሃራ ጋላስ ኩሼ ኩሚዲ ኢዚ ዲዛ ኬꬄ ዪዳ። ኢዚካ ማላዶፔ ኦማርስ ጋካናስ ፆሳ ካዎቴꬃ ጊሽ ማርካቴꬃን ባ ቆፋ ኢስታስ ቆንጪሲዴስ። ሙሴ ዎጋፔኔ ናቤታ ማፃፋታፔ ፃቃሲ ፃቃሲ ዬሱሳ ጊሽ ኢስታስ ቆንጪሲ ዮቲዴስ።  
\v 24 ኢስታፌ ኢሲ ኢሲ ኣሳቲ ኢዚ ዮቲዳ ቃላ ኣማኒዳ፤ ባጋይቲ ቃስ ኣማኒቤቴና።  
\v 25 ኢስቲካ ባ ጊዶን ኢሶይ ኢሳራ ቆፋን ጋጎንታ ሻኬቲዳ፤ ጳዉሎሲ ዉርሴꬃን ዮቲሼ “ፂሎ ኣያናይ ናቤ ኢሳያሳ ባጋራ ካሴ ኢንቴ ኣዋታስ ዮቲዳይሲ ቱማኮ!  
\v 26 ኢዚ ዮቲዳ ቃላይ፥ 
\q1 ‘ሃይሳ ዴራኮ ባዳ ኢንቴ ሲሲ ሲያና ሺን ዩሺ ቆፔኬታ፥ 
\q2 ኣይፌራ ቤያና ሺን ዎዝናን ዎꬄኬታ ጋዳ ዮታ። 
\q1  
\v 27 ጋሶይካ ሄ ኣሳታ ዎዝናይ ሙሚዴስ፥ 
\q2 ኢስታ ሃይꬃይካ ቱሊዴስ፤ 
\q2 ኢስታ ኣይፌይ ቆቂዴስ። 
\q1 ሄሳꬆ ሃኖንታኮ 
\q2 ኢስቲ ባ ኣይፌራ ቤዪዲ 
\q2 ባ ሃይꬃራ ሲይዲ ባ ዎዝናን ዩሺ ቆፒዲ 
\q1 ታኮ ሃ ሲማናኔ 
\q2 ታካ ኢስታ ፓꬃናሺን” ጊዴስ። 
\p  
\v 28 “ሂስቲኮ ፆሲ ኣስ ኣሺዛ ኪታይ ኣይዛቤታስካ ኪቴቲዳይሳ ኢንቴ ኤሪቴ፤ ኢስቲካ ኤሮ ጊዲ ኤኬቴስ” ጊዴስ።  
\v 29 ጳዉሎሲ ሄሳ ዮቲዳፔ ጉዬ ኣይሁዳ ኣሳቲ ባ ጊዶን ዳሮ ፓላሜቲሼ ኬዚ ቢዳ። \f + \fr 28:29 \ft ኢሲ ኢሲ ጌሻ ማፃፋታን ፓይዶ 29 ቦላ ዲዛ ቆፋይ ጉጄቲቤና።\f* 
\p  
\v 30 ጳዉሎሲ ኪራቲዳ ኬꬃን ናምዑ ላይꬅ ኩሜꬅ ዴዒዴስ፤ ባኮ ዪዛ ኣስ ዉርሲ ሞኪ ኤኪዴስ።  
\v 31 ፆሳ ካዎቴꬅ ሳባኮን ጎዳ ዬሱስ ኪርስቶሳ ጊሽ ኦኒካ ኢዛ ዲጎንታ ፃላቴꬃራ ኣሳ ታማርሲዴስ።