\id 2TI - Gaammo project 
\h 2 ፂምቶሳ 
\toc1 ጳዉሎሲ ፂምቶሳስ ፃፊዳ ናምዓንꬆ ኪታ 
\toc2 2 ፂምቶሳ 
\toc3 2ፂም 
\mt2 ጳዉሎሲ 
\mt1 ፂምቶሳስ 
\mt2 ፃፊዳ ናምዓንꬆ ኪታ 
\imt1 ጊዶ ቆፋ 
\ip ጳዉሎሲ ፂምቶሳስ ፃፊዳ ሃ ናምዓንꬆ ኪታይ ጳዉሎሲ ኤራይስ ዳሮ ማዶ ጊዲ ባና ማዲዛ ኦሶ ላጌ ጊዲዳ ናቴꬃ ና ፂምቶሳስ ዬዲዳ ዞሬ ቃላ ኦይኪዴስ። ጳዉሎሲ ፂምቶሳ ኢዚ ዳሮ ዳንዳያን ሚናና ማላ ዞሪዴስ። ፂምቶሲ ጳዉሎሳፔ ኤኪዳ ሚኖ ዞሬ ቃላይ ኢሲ ዬሱስ ኪርስቶሳ ጊሽ ኣማኔቲዲ ማርካታና ማላ ሚሺራቾ ቃላኔ ካሴ ጋልዓ ጫቆ ጋርሳን ዲዛ ቲሚርቴዛካ ሚንꬂ ኦይካና ማላኔ ኢዛስ ኣይኮ ዋዬይ ዳሪኮካ ታማርሶኒኔ ሚሺራቾ ቃላ ሳባኮ ኣጎንታ ሚናና ማላሳ። 
\ip ፂምቶሳስ ኢሜቲዳ ሚኖ ዮዖይ ጮ ሜላ ኤያቴꬃን ኣሳይ ፓላሜቲዛ ዮዖፔ ኢዚ ሃካና ማላሳ። ሄሳ ማላ ዮዖይ ሲዪዛይታ ሞሬስ ኣቲን ኢዚ ኢሚዛ ሃራ ጎዓይ ዴና። 
\ip ሃይሳ ኡባን ፂምቶሲ ዩሺ ቆፓናስ ቤሲዛይ ጳዉሎሲ ኣማኖን ዋኒ ዴዒዳኮኔ፥ ኢዚ ኣይ ማላ ጌንጪዳኮኔ ኢዛ ሲቆዛ፥ ኢዛ ሚኖቴꬃኔ ኢዛ ቦላ ጋኪዳ ዋዬዛ ሌሚሶ ኢዚ ካላና ማላ። ጳዉሎሲ ሃይሳ ሃ ኪታ ፃፊዳይ ባ ላይꬃ ዉርሴꬃን ሃይቆ ፒርዳይ ኢዛ ቦላ ፒርዴቲ ኡቲን ኢዚ ሃይቆ ናጊዛ ዎዴ። (2ፂም 4፡6-8) 
\is1 ሃ ማፃፋይ ኦይኪዳ ኩሜꬃ ቆፋ 
\io1 ጌሎሶ 1፡1-2 
\io1 ፂምቶሳስ ኢሜቲዳ ዞሬ 1፡3-2፡13 
\io1 ኣሳይ ካዲዛ ዎዴ ሚኒ ኤቆ 2፡14-4፡5 
\io1 ሄ ዎዴ ዲዛ ሃኖታኔ ሄይታ ጊሽ ኢሜቲዳ ዞሬታ 4፡6-18 
\io1 ኩሻ ቆፋ 4፡19-22 
\c 1  
\p  
\v 1 ዬሱስ ኪርስቶሳራ ኢሲፌቴꬃን ዲዛ ዴዖ ሂዶታ ቃላ ጊሽ ዮታና ማላ ፆሳ ሼኔን ዬሱስ ኪርስቶሳ ሃዋሬ ጊዲዳ ጳዉሎሳፔ፥  
\v 2 ዶሴቲዳ ታ ና ፂምቶሳስ ኪያቴꬂ፥ ማሮቴꬂኔ ሳሮቴꬂ ፆሳ ኣዋፔ ጎዳ ዬሱስ ኪርስቶሳፔ ኔስ ጊዶ። \x * \xo 1:2 \xt ሃዋ 16፡1\x* 
\s1 ፂምቶሳስ ኢሜቲዳ ዞሬ 
\p  
\v 3 ፓጬይ ባይንዳ ጋላሲኔ ቃማ ኔ ጊሽ ዎሳን ቆፊሳሼ ካሴ ኣዋቲ ኦꬂዳ ማላ ጌሻ ዎዝናራ ታ ጎይኒዛ ፆሳ ታ ጋላታይስ።  
\v 4 ካሴ ኔ ኣፉንꬃ ቆፓ ኤካዳ ታ ኔና ቤያዳ ኡፋዬታና ላሞታይስ።  
\v 5 ቆꬌፔ ቆሞን ጊዶንታ ኔ ኣማኖዛ ታ ቆፓይስ። ሄ ኣማኖይካ ኮይሮ ኔ ኣዬይ ኣይን ሎይዲኒኔ ቃሴካ ኔ ኣዬይን ኤዎንቄን ዴስ። ሃዒ ቃስ ኔ ቦላ ዲዛይሳካ ታ ኤራዲስ። \x * \xo 1:5 \xt ሃዋ 16፡1\x* 
\v 6 ሄሳ ጊሽ ታኒ ታ ኩሼ ኔ ቦላ ዎꬂን ኔ ኤኪዳይሳ ኔ ቦላ ዲዛ ፆሳ ኢሞታ ኔ ዴንꬄꬃና ማላ ታ ኔና ቆፊሳይስ።  
\v 7 ፆሲ ኑስ ኑኒ ኑ ሁዔ ሃራናስ ፆሳ ዎልቃ ኤራናሲኔ ሲቄታና ኣያና ኢሚዴስ ኣቲን ባቦ ኣያና ኢሚቤና። 
\p  
\v 8 ሄሳ ጊሽ ጎዳ ጊሽ ማርካታናስ ዎይኮ ጎዳ ጊሽ ቃሼቲዳ ታናን ዬላቶፓ። ጊዶ ኣቲን ፆሳ ዎልቃራ ሚሺራቾ ቃላ ጊሽ ታናራ ሜቶ ኤካ።  
\v 9 ኑ ኣይኮካ ኦꬂዳ ጊሽ ጊዶንታ ዲሺን ባ ቆፋ ማላኔ ባ ኪያቴꬃ ማላ ኑና ኣሺዳይኔ ኑና ኤራይስ ዱማሲዲ ኢዚ ፄይጊዴስ። ሄ ኢዛ ኪያቴꬃይ ሜርና ዎዴፔ ካሴ ዬሱስ ኪርስቶሳ ባጋራ ኑስ ኢሜቲዴስ።  
\v 10 ሃዒ ቃስ ኢዚ ሃይቆ ዉርሲ ꬋይሲዲ ሚሺራቾ ቃላ ባጋራ ኑና ፖዖን ኬሲዳ ኑ ꬋሌ ዬሱስ ኪርስቶሳ ዩሳን ቆንጪዴስ። 
\p  
\v 11 ታካ ሃይሳ ሃ ሚሺራቾ ቃላ ዮቲዛዴ፥ ኪቴቲዳዴኔ ኣስታማሬ ጊዳዳ ሹሜታዲስ። \x * \xo 1:11 \xt 1ፂም 2፡7\x* 
\v 12 ታኒ ሜቶ ቤዪዛይካ ሄሳ ጊሻሳ። ጊዲኮካ ታ ኦና ኣማኒዛኮኔ ታኒ ታ ኣማኒዛዴ ሻካ ኤሪዛ ጊሽ ኢዛን ዬላቲኬ። ታ ኢዛስ ኢሚዳ ሃዳራ ሄ ጋላሲያ ጋካናስ ኢዚ ናጋናስ ዳንዳዪዛይሳ ታ ሻካ ኤራዲስ። 
\p  
\v 13 ኔ ታፔ ሲዪዳ ቲሚርቴዛ ዬሱስ ኪርስቶሳራ ኢሲፌቴꬃን ዲዛ ኣማኖኒኔ ሲቆን ሌሚሶ ሂስታዳ ኦይካ።  
\v 14 ኔስ ኢሜቲዳ ሎዖ ሃዳራ ኑናን ዲዛ ፂሎ ኣያናን ናጋ።  
\v 15 ኢሲያ ኣዉራጃ ጊዶን ዲዛይቲ ዉሪካ ታና ኣጊዳይሳ ኔ ኤራሳ። ፊልጎሲኔ ሄርሞጌኔሲ ታና ኣጊዳ ኣሳ ጊዶን ዴቴስ።  
\v 16 ሄኔሲፎሬ ሶ ኣሳ ጎዳይ ማሮ፤ ኣይሲ ጊኮ ኢዚ ታና ዳሮ ዎዴ ሚንꬄꬂዴሲኔ፤ ታ ሳንሳላታን ቃሼታ ዲሺን ታና ቤይዲ ዬላቲቤና።  
\v 17 ሃራፔካ ኢዚ ኦሮሜ ዪዳ ዎዴ ታና ኮይ ኮይዲ ዴሚዴስ።  
\v 18 ዉርሴꬃ ፒርዳ ጋላስ ጎዳይ ኢዛ ፒርዳፌ ኣሾ። ኢዚ ታና ኤፌሶኔን ኣይ ማላ ማዲዳኮኔ ኔ ሎዔꬃ ኤራሳ። 
\c 2  
\p  
\v 1 ሄሳ ጊሽ፥ ታ ናዞ ኔኒ ጎዳ ዬሱስ ኪርስቶሳ ኪያቴꬃን ሚና።  
\v 2 ዳሮ ማርካታ ሲንꬃን ኔ ታፔ ሲዪዳይሳ ሃራታ ታማርሳናስ ዳንዳዪዛይታሲኔ ኣማኔቲዳ ኣሳታስ ሃዳራ ኢማ። 
\p  
\v 3 ዬሱስ ኪርስቶሳስ ኣማኔቲዳ ሎዖ ዎታዴራ ማላ ታናራ ሜቶ ኤካ።  
\v 4 ዎታዳራቴꬃን ኦꬂዛዴይ ባ ሃላቃ ኡፋይሳናስ ዳፌቴስ ኣቲን ሃራ ባና ቃፄꬂዛ ኦሶን ጌሊ ኤሬና።  
\v 5 ሄሳꬆካ ጋዴ ዎፂዛዴይ ዎꬃ ዎጋ ናጎንታ ዎፂኮ ፆኖ ኣክሊሌ ኤኬና።  
\v 6 ጎባ ጎሻንቻይ ባ ጎዪ ኬሲዳ ካꬃ ፄራ ሚዛዴ ጊዳናስ ቤሴስ።  
\v 7 ታ ኔስ ጊዛይሳ ኔ ዎዝናን ዎꬃ ሲዪኮ ጎዳይ ኔስ ዮዖ ኡባን ኣኬካ ኢማና። 
\p  
\v 8 ሃይቆፔ ዴንዲዳ ዳዉቴ ዜሬꬅ ጊዲዳ ዬሱስ ኪርስቶሳ ቆፓ፤ ታ ዮቲዛ ሚሺራቾ ቃላይካ ሄሳ።  
\v 9 ሄሳ ጌዶን ኢታ ኦꬂዳ ኣሳ ማላ ቃሼታና ጋካናስ ዋዬ ቤያይስ። ጊዶ ኣቲን ፆሳ ቃላይ ቃሼቴና።  
\v 10 ሄሳ ጊሽ ኪርስቶሳ ባጋራ ዲዛ ኣቶቴꬂኔ ሜርና ቦንቾ ዴማና ዶሬቲዳይታ ጊሽ ጋዳ ዉርሳካ ዳንዳያዲስ። 
\p  
\v 11 “ኑ ኢዛራ ኢሲፌ ሃይቂኮ ቃሴ 
\q2 ኑ ኢዛራ ዴዖን ዳና። 
\q1  
\v 12 ዳንዳያን ሚኒኮ 
\q2 ኑ ኢዛራ ካዎታና። 
\q1 ኑ ኢዛ ካዲኮ ኢዚካ 
\q2 ኑና ካዳና። \x * \xo 2:12 \xt ማቶ 10፡33፤ ሉቃ 12፡9\x* 
\q1  
\v 13 ኑ ኢዛስ ኣማኔቶንታይታ ጊዲኮ 
\q2 ኢዚ ሜርናስ ኣማኔቲዳ ማላ ዳና። 
\q1 ኢዚ ባርካ ባና ካዳና ዳንዳዬና” 
\m ጌቴቲዳ ቃላይ ኣማኔቲዳይሳ። 
\s1 ሚኖ ኦሳንቻ 
\p  
\v 14 ሃይታ ሃ ዮዖታ ጊሽ ኣሳ ቆፊሶ ኣጎፋ። ኣሳይ ባ ጊዶን ኢሶይ ኢሳራ ቃላ ጌዶን ፓላሜቶንታ ማላ ፆሳ ሱንꬃን ዞራ። ሄሳ ማላ ዮዖይ ሲዪዛይታ ሞሬስ።  
\v 15 ቱሙ ፆሳ ቃላ ዮቲዛዴ፥ ዬላቾንታ ኦሳንቻኔ ኣሲ ኔ ጊሽ ሎዖ ማርካቲዛዴ ጊዳዳ ኔናቴꬅ ዉርሳ ፆሳ ሲንꬅ ሺሻናስ ሚና።  
\v 16 ጮ ሜላ ዱና ላላቤቴꬃፌ ሃካ። ሄሳ ማላ ዮዖን ዋፄቲዳ ኣሳቲ ፆሳፌ ሃኪ ሃኪ ቤቴስ።  
\v 17 ኢስታ ቲሚርቴይ ሳኪዲ ፓፆንታ ጌዴ ጉጂ ጉጂ ዳኬቲ ቢዛ ማዱንꬃ ማላ። ሄሜኔዎሲኔ ፊልፆሳ ጌቴቲዛይቲ ሄሳ ማላ ቲሚርቴ ታማሪዛይታ ጊዶን ዴቴስ።  
\v 18 ሄይቲ ቱማቴꬃፌ ሃኪዲ ጮ ሜላ ዋዬቴስ። ኢስቲካ ሃይቆፔ ዴንꬂ ሃይሳፌ ካሴ ሃኒ ኣꬊዴስ ጊዲ ኢሲ ኢሲ ኣሳ ኣማኖ ጉዬ ሺሪ ዬጌቴስ። 
\p  
\v 19 ጊዶ ኣቲን “ጎዳይ ኤራይስ ጊዲዛይታ ኤሬስ” ቃሴካ “ጎዳ ሱንꬅ ፄይጊዛይ ዉሪ ኢታፔ ሃኮ” ጊዛ ማታሜይ ኢዛ ቦላ ዲዛ ላሜቶንታ ፆሳ ኮይሮ ቆፋይ ላሜቲቤና። 
\p  
\v 20 ኢሲ ጊታ ኬꬃን ዎርቃፌኔ ቢራፔ ፃላ ጊዶንታ ሚꬃፌኔ ኡርቃፌ ኦሴቲዳይቲ ዲዛይሳꬆ ሄይታንታፌካ ባጋይቲ ቦንቾ ኦሶስ፥ ባጋይቲ ቃስ ሂራይሶ ኦሶስ ኤኬቴቴስ።  
\v 21 ሄሳ ጊሽ ኦኒካ ሃይታ ታ ጊዳ ኢታ ዮዖታፔ ባና ጌሺኮ ሄሳዴይ ቦንቾ ኦሶስ ጊዲዛዴኔ ኣንጄቲዳዴ፤ ጎዳ ጎዒዛዴኔ ሎዖ ኦሶስ ጊጌቲዳዴ ጊዳና። 
\p  
\v 22 ፓንꬃቴꬃ ኢታ ኣሞቴꬃፌ ባቃታ። ጌሻ ዎዝናራ ጎዳ ፄይጊዛ ኣሳታራ ፂሎቴꬅ፥ ኣማኖ፥ ሲቆኔ ሳሮቴꬅ ካላ። 
\p  
\v 23 ጎዓይኔ ሂዶታይ ባይንዳ ኤያታ ፓላማፔ ሃካ። ኣይሲ ጊኮ ሄሳንታ ማላይ ኦሽ ካሌꬂዛይሳ ኔ ኤራሳ።  
\v 24 ጎዳ ኦሳንቻይ ኣሳራ ኦዬታናስ ቤሴና። ሄሳፌ ኣሳ ኡባ ኣቻን ኪያ፥ ኣስ ታማርሳናስ ዳንዳዪዛዴኔ ሚኖ ኣስ ጊዳናስ ቤሴስ።  
\v 25 ኢዚ ባናራ ኤቄቲዛ ኣሳታ ኣሽኬቴꬃራ ኦይኪዛዴ ጊዳናስ ቤሴስ። ኦኔ ኤሪዛይ ኢስቲ ቱማ ኤራና ማላ ፆሲ ኢስታስ ማሬታናስ ዎዴ ኢማና ዳንዳዬስ።  
\v 26 ሄሲካ ኢስቲ ዩሺ ቆፒ ሲሚዲ ኢዛ ሼኔ ኩንꬃና ማላ ኢስታ ዲዒ ኤፊዳ ፃላዔ ናርፃፌ ኢስቲ ኬሲ ኤካና። 
\c 3  
\s1 ዉርሴꬃ ዎዴን ያና ሜቶታ 
\p  
\v 1 ጊዶ ኣቲን ዎዴ ዉርሴꬃን ኣስ ሜቲዛ ዎዴይ ያናይሳ ኔ ኤራ።  
\v 2 ኣሳይ ባና ዶሲዛዴ ጊዳና፥ ሚሼ ሲቂዛይታ፥ ባናን ጬቄቲዛይታ፥ ኦቶራንቻታ፥ ጫሻንቻታ፥ ባና ዬሊዳይታስ ኣዛዜቶንታይታ፥ ጋላቶንታይታኔ ጌሻቴꬂ ባይንዳይታ፥  
\v 3 ሲቆይ ባይንዳይታ፥ ኣቶ ጊ ማሮንታይታ፥ ኣሳ ሱንꬅ ሞሪዛይታ፥ ባርካ ባና ሃሮንታይታ፥ ሜንፄ ኢታ፥ ሎዖ ሚሽ ዶሶንታይታ፥  
\v 4 ካዲዛይታ፥ ናጌቶንታይታ፥ ጮ ሜላ ኦቶሬቴꬃን ኩሚዳይታ፥ ፆሳፌ ኣꬂዲ ሎዖ ዴꬅ ዶሲዛይታ ጊዳና።  
\v 5 ኣማኒዛ ኣስ ሚሳታና ሺን ኣማኖስ ዲዛ ዎልቃ ካዳና። ሄይታ ማላታፔ ኔ ሃካ። 
\p  
\v 6 ሄይታንቲ ኢሲ ኢሲ ኬꬄ ካልፂ ጌሊዲ ዳሮ ዴፆ ናጋራኒኔ ዱማ ዱማ ኢታ ኣሞቴꬃ ጋርስ ጌሊዲ ሄኔ ሃ ቃፂዛ ኣማኖን ላፋ ማጫሳታ ቃፂ ኦይኬቴስ።  
\v 7 ሄይታ ማላ ማጫሳቲ ኡባ ዎዴ ታማሬቴስ ሺን ቱማ ኤሪ ኤሬቴና።  
\v 8 ኢያኔሲኔ ኢያንባራሲ ሙሴ ቦላ ዴንዲዳ ማላ ሃይቲካ ኢስታ ቆፋይ ሞሬቲን ኤራይስ ኣማኖፔ ኩንዲዳ ጊሽ ቱማቴꬅ ኢፄቴስ። \x * \xo 3:8 \xt ኬሳ 7፡11\x* 
\v 9 ጊዶ ኣቲን ኢስታ ቆፋይ ኩሜና። ጋሶይካ ኢያኔሳኔ ኢያንባራሳ ኤያቴꬅ ኣሳስ ቆንጪዳ ማላካ ሃይታ ሃኖይካ ኡባስ ቆንጫና። 
\s1 ጳዉሎሲ ፂምቶሳስ ኢሚዳ ሃዳራ 
\p  
\v 10 ኔ ጊዲኮ ታ ቲሚርቴዛ፥ ታ ዱሳ፥ ታ ዋና ቆፋ፥ ታ ኣማኖዛ፥ ታ ዳንዳያ፥ ታ ሲቆዛኔ ታ ሚኖቴꬃ ዉርሳ ኤራሳ።  
\v 11 ታ ጎዴቴꬃኔ ታ ዋዬዛ ኣንፆኪያን፥ ኢቆኒዮኒኔ ሊስቲራንካ ታ ቦላ ጋኪዳይሳ ዉርሳ ታ ዳንዳያን ኤኪዳይሳ ኔ ኤራሳ። ጊዲኮካ ጎዳይ ሄሳ ኡባፌ ታና ኣሺዴስ። \x * \xo 3:11 \xt ሃዋ 13፡14-52፤ 14፡1-20\x* 
\v 12 ቱማፔ ዬሱስ ኪርስቶሳ ጌሻ ዎዝናፔ ኣማኒ ዳና ጊዛይቲ ዉሪካ ጎዴቲዛይታ ጊዳና።  
\v 13 ኢታ ባሌꬂዛ ኣሳቲ ኤራይስ ባሌቲዲ ኣሳ ባሌꬂሼ ኢታቴꬃ ቦላ ኢታቴꬅ ጉጂ ጉጂ ባና። 
\p  
\v 14 ኔ ጊዲኮ ካሴ ኔ ታማራዳ ኤሪዳ ኦጌን ሚና። ሄሳ ኦናፔ ታማሪዳኮኔ ኔ ኤራሳ።  
\v 15 ኔ ጉꬃ ናቴꬃፌ ሃዒ ጋካናስ ዬሱስ ኪርስቶሳ ኣማኖን ኣቶቴꬂ ቤቲዛ ቲሚርቴ ኢሚዛ ጌኤሻ ማፃፋታ ሎዔꬃ ኤራዳሳ።  
\v 16 ጌሻ ማፃፋቲ ዉሪካ ፆሳ ኣያናይ ካሌꬂን ፃፌቲዳይታ፤ ኢስቲካ ኣስ ታማርሳናስ፥ ሃንቃናስ፥ ሱሪሳናስ ቃሴካ ፂሎቴꬃ ኦጌን ካሌꬃናስ ጎዔቴስ።  
\v 17 ሄሲካ ፆሳ ኣሲ ሎዖ ኦሶ ኡባስ ቤሲዛዴ ጊዳና ማላሳ። 
\c 4  
\p  
\v 1 ፆሳ ሲንꬃኒኔ ሄሳꬆካ ፓፃ ዲዛይታ ቦላኔ ሃይቂዳይታ ቦላ ፒርዳናስ ዲዛ ዬሱስ ኪርስቶሳ ሲንꬃን ኢዛ ቆንጬꬃኔ ኢዛ ካዎቴꬃ ቆፋራ ሃይሳ ኔስ ሃዳራ ጋይስ።  
\v 2 ቃላ ሳባካ፤ ኔስ ጊጊን ዎይኮ ጊጎንታ ኣጊን ኔኒ ኔ ባጋራ ጊጋ ኡታ። ዳሮ ዳንዳያራ ታማርሶን ኣሳ ሱሪሳ፤ ሃንቃኔ ዞራ።  
\v 3 ጋሶይካ ኣሳይ ዉሪ ሱሬ ጊዲዳ ቲሚርቴ ኤኮንታ ኢፃና ዎዴይ ያና። ሄሳፌ ቦላራ ኣሳይ ባ ኣሞራ ጋጊዛይሳ ኢስታ ሃይꬄይ ሲያና ኮዪዛይሳ ፃላ ኢስታስ ዮታና ማላ ባና ታማርሳና ዳሮ ኣስታማሬታ ባ ኣቺ ሺሻና።  
\v 4 ቱማ ሲያናፔ ባ ሃይꬅ ሃራሶ ዛሪዲ ሃይሲዔ ባጋ ሲማና።  
\v 5 ኔ ጊዲኮ ሃኒዛ ዮዖን ኡባን ሎዱ ጋ፤ ሜቶ ዳንዳያ፤ ሚሺራቾ ቃላ ዮቶ ኔስ ኦሶ ሂስታ፤ ኔ ኦꬆዛካ ፖላ። 
\p  
\v 6 ታ ቃስ ያርሼታናስ ማታ ኡታዲስ፤ ሃይሳ ሃ ኣላሜዛፔ ሻኬታ ቡሳ ዎዴይ ታስ ጋኪዴስ።  
\v 7 ሎዖ ባፄ ታ ባፄታዲስ፤ ታ ዎፃና ዎꬄ ዉርሲሳዲስ። ኣማኖካ ናጋዲስ።  
\v 8 ሲንꬃፌ ታስ ኣክሊሌይ ጊጊ ኡቲዴስ፤ ሄሲካ ፂሎቴꬃ። ሄሳካ ቱሙ ፒርዲዛ ጎዳይ ሄ ጋላስ ታስ ኢማና። ሄሲካ ታስ ፃላ ጊዶንታ ኢዛ ዩሳ ላሞቲዛይታስ ኡባስካ ኢማና። 
\s1 ጳዉሎሲ ኣዛዚዳ ዉርሴꬃ ኣዛዞ 
\p  
\v 9 ታኮ ኤሌላ ያናስ ኔስ ዳንዳዬቲዳ ማላ ኦꬃ።  
\v 10 ዴማሲ ሃይሳ ኣላሜዛ ሲቂዲ ታና ዬጊ ኣጊዲ ታሶሎንቄ ቢዴስ። ቃርቂሲ ጋላቲያ ቢዴስ። ቲቶሲ ጌዴ ዳልማፂያ ቢዴስ። \x * \xo 4:10 \xt ቆላ 4፡14፤ ፒል 24፤ 2ቆሮ 8፡23፤ ጋላ 2፡3፤ ቲቶ 1፡4\x* 
\v 11 ሉቃሲ ፃላ ታናራ ዴስ። ማርቆሲ ታና ኦሶን ማዲዛ ጊሽ ኢዛ ኔናራ ኤካ ያ። \x * \xo 4:11 \xt ቆላ 4፡14፤ ፒል 24፤ ሃዋ 12፡12፥25፤ 13፡13፤ 15፡37-39፤ ቆላ 4፡10፤ ፒል 24\x* 
\v 12 ቲቂቆሳ ኤፌሶኔ ዬዳዲስ። \x * \xo 4:12 \xt ሃዋ 20፡4፤ ኤፌ 6፡21-22፤ ቆላ 4፡7-8\x* 
\v 13 ኔ ሃ ያሼ ታ ፂሮዓዳን ኣኪርጳ ኣቻን ዎꬂዳ ታ ማቃኔ ማፃፋታ ሃራፔካ ጋልባን ፃፌቲዳ ማፃፋታ ታስ ኤካ ያ። \x * \xo 4:13 \xt ሃዋ 20፡6\x* 
\p  
\v 14 ፃርቂማላ ቆፂዛ ኢስኪንዲሮሲ ታ ቦላ ዳሮ ቆሆ ጋꬂዴስ ሺን ጎዳይ ኢዛስ ኢዛ ኦሶ ማላ ኢማና። \x * \xo 4:14 \xt 1ፂም 1፡20፤ ማዛ 62፡12፤ ኦሮ 2፡6\x* 
\v 15 ኢዚ ኑ ዮቲዛ ቃላ ኬሂ ኢፂዴስ። ኔካ ኢዛፔ ናጌታ። 
\p  
\v 16 ታና ሞቲዛ ዮዖዛስ ኮይሮ ታና ኣሻና ማርካ ታ ሺሺን ኦኒካ ታና ማዳና ዪቤና። ጊዶ ኣቲን ዉሪካ ታና ዬጊዲ ቢዳ። ሄሳካ ኢስታ ቦላ ፆሲ ቆሆ ኦꬂ ቆዶፖ።  
\v 17 ጊዶ ኣቲን ቃላ ኪታይ ታ ባጋራ ኩሜꬅ ዮቴታና ማላኔ ዴሬ ኣሳይ ዉሪ ሲያና ማላ ጎዳይ ታ ኣቻን ኤቂዲ ታና ሚኒሲዴስ፤ ጋሞ ዱናፔካ ታና ኣሺዴስ።  
\v 18 ጎዳይ ኢታ ዮዖ ኡባፌ ታና ኣሻና። ጌዴ ባ ሳሎ ካዎቴꬃስ ታና ሳሮራ ጋꬃና። ኢዛስ ሜርናፔ ሜርና ጋካናስ ቦንቾይ ጊዶ። ኣሚን። 
\s1 ዉርሴꬃ ሳሮካ 
\p  
\v 19 ጲርሲቂላስ፥ ኣቂላስ፥ ሄኔሲፎሬ ሶ ኣሳስካ ታ ሳሮካ ጋꬃ። \x * \xo 4:19 \xt ሃዋ 18፡2፤ 2ፂም 1፡16-17\x* 
\v 20 ኤሪስፆሲ ቆሮንቶሴን ኣቲዴስ። ፂሮፎሞሲ ሳኬቲዳ ጊሽ ኢዛ ታ ሚሊፄን ኣጋዲስ። \x * \xo 4:20 \xt ሃዋ 19፡22፤ ኦሮ 16፡23፤ ሃዋ 20፡4፤ 21፡29\x* 
\v 21 ባልጎይ ጋካናፔ ሲንꬄታዳ ታኮ ሃ ጋካናስ ኔስ ዳንዳዬቲዳ ማላ ኦꬃ። ኤዉጉሎሲ፥ ጱዴሲ፥ ቃሴካ ሊኖሲ፥ ቂላዉዲያይኔ ኣማኒዛይቲ ዉሪካ ኔና ሳሮ ሳሮ ጊዳ።  
\v 22 ጎዳይ ኔናራ ጊዶ። ጎዳ ኪያቴꬂ ኢንቴናራ ጊዶ።