\id 2CO - Gaammo project 
\h 2 ቆሮንቶሴ 
\toc1 ጳዉሎሲ ቆሮንቶሴ ኣሳስ ፃፊዳ ናምዓንꬆ ኪታ 
\toc2 2 ቆሮንቶሴ 
\toc3 2ቆሮ 
\mt2 ጳዉሎሲ 
\mt1 ቆሮንቶሴ ኣሳስ 
\mt2 ፃፊዳ ናምዓንꬆ ኪታ 
\imt1 ጊዶ ቆፋ 
\ip ጳዉሎሲ ቆሮንቶሴ ኣሳስ ናምዓንꬆ ኪታ ፃፊዳ ጋሶይ ቆሮንቶሴን ዲዛ ዎሳ ኬꬃይራ ኢዛስ ዲዛ ጋይቶቴꬃይ ዳሮ ሎዖንታ ዎዴ። ኢሲ ኢሲ ኣማኒዛ ኣሳቲ ዴፂዛ ካꬌ ቃላታ ኢዛ ቦላ ሺሺኮካ ጳዉሎሲ ኢስታራ ጊጋናስ ዳሮ ኮዪዳይሳ ቤሴስ። ኢዚ ኢስታራ ጊጊኮ ኢዛስ ጊታ ኡፋይሲ ሲዬታናይሳ ቆንጪሴስ። 
\ip ባ ፃፊዳ ኮይሮ ኪታ ቦላ ጳዉሎሲ ቆሮንቶሴን ዲዛ ዎሳ ኬꬃይራ ኢዛስ ዲዛ ጋይቶቴꬃ ቆንጪሴꬃን ሄ ዎሳ ኬꬃይን ዴንዲዳ ቦሮ ዮዖዛሲኔ ኢስታ ኤቄቴꬃስ ኣይስ ኢዚ ሚኖ ዛሮ ኢሚዳኮኔ ኤሪሴስ። ኢዚ ሄሳራ ኢሲ ቦላ ጋꬂዲ ሄ ኢዛ ሃንቆዛን ኣሳይ ማሮቴꬃሲኔ ማቃይኖስ ጋꬂዳ ጊሽ ሄሲ ኢዛስ ሲዬቲዳ ኡፋይሳ ቆንጪሴስ። ቃሴካ ዩሁዳን ዲዛ ኣማኒዛ ኣሳ ማዳናስ ኪያቴꬃ ማዶ ኢማና ማላ ኢስታ ቆፊሴስ። ዉርሴꬃ ሼምፖታ ቦላ ጳዉሎሲ ባ ሃዋሬቴꬃ ቦላ ዴንዲዳ ሞቶዛ ጊሽ ቤና ማዲዛ ማካልካያ ዛሮ ኢሜስ። ቆሮንቶሴ ዎሳ ኬꬃን ኢሲ ኢሲ ኣሳቲ ባርካ ባና ቱሙ ሃዋሬቲ ኑና ጉሳን ጳዉሎሲ ኢዚ ዎርዶ ሃዋሬ ጊዲ ሞቴቴስ። 
\is1 ሃ ማፃፋይ ኦይኪዳ ኩሜꬃ ቆፋ 
\io1 ጌሎሶ 1፡1-11 
\io1 ጳዉሎሳኔ ቆሮንቶሴ ዎሳ ኬꬃ 1፡12-7፡16 
\io1 ዩሁዳን ዲዛ ኣማኒዛ ኣሳ ማዳናስ ሚሼ ኬሶ 8፡1-9፡15 
\io1 ጳዉሎሲ ባሲ ሃዋሬቴꬃ ጊሽ ሺሺዳ ማካልካያ ዛሮ 10፡1-13፡10 
\io1 ኩሻ ቆፋ 13፡11-14 
\c 1  
\p  
\v 1 ፆሳ ሼኔ ማላ ዬሱስ ኪርስቶሳስ ኪቴቲዳ ጳዉሎሳፔኔ ኑ ኢሻ ፂምቶሳፔ ቆሮንቶሴን ዲዛ ፆሳ ዎሳ ኬꬄይስ ቃሴካ ኣካያ ቢታን ኣማኒዛ ኩሜꬃ ኣሳስ። \x * \xo 1:1 \xt ሃዋ 18፡1\x* 
\p  
\v 2 ኑ ኣዋ ፆሳፌኔ ጎዳ ዬሱስ ኪርስቶሳፔ ኪያቴꬂኔ ሳሮይ ኢንቴስ ጊዶ። 
\s1 ጳዉሎሲ ፆሳስ ሺሺዳ ጋላታ 
\p  
\v 3 ማሪዛ ኣዋሲኔ ዉርሲካ ሚንꬄꬂዛ ኑ ጎዳ ዬሱስ ኪርስቶሳ ኣዋ ፆሳስ ጋላታይ ጊዶ።  
\v 4 ኑካ ኑ ባጋራ ፆሳፌ ዴሚዳ ሚኖቴꬃን ሜቶቴቲዛይታ ሚንꬄꬃናስ ዳንዳያና ማላ ኑ ሜቶን ኢዚ ኑና ሚንꬄꬄስ።  
\v 5 ኪርስቶሳ ዋዬይ ኑ ቦላ ዳሪዳይሳ ማላ ኑስካ ኪርስቶሳ ባጋራ ሚንꬄꬆይ ዳሬስ።  
\v 6 ኑ ሜቶን ኢንቴ ኣቶቴꬂኔ ሚኖቴꬅ ዴሜታ። ኑኒ ሜቶቲሺን ቃሴ ኢንቴካ ካሴ ኤኪዳ ሜቶዛ ማላ ጌንጪ ኤኪዲ ሚኔታንዴታ።  
\v 7 ኑ ሜቶ ኢንቴ ኑናራ ሻኪ ኤኪዳ ማላ ኑናራካ ኢንቴ ሚኔታናይሳ ኑኒ ኤሪዛ ጊሽ ኑስ ኢንቴ ቦላ ዲዛ ኡፋይሲ ጊታ። 
\p  
\v 8 ታ ኢሻቶ! ኢሲያ ቢታን ኑ ቦላ ጋኪዳ ሜቶ ጊሽ ኢንቴ ኤራና ማላ ኑ ኮዮስ። ሄ ኑ ቦላ ጋኪዳ ሜቶዚ ኑ ቶካናፔ ዴፆ ጊዲዳ ጊሽ ሃይቆንታ ፓፃ ዳና ጊዲ ቆፒቤኮ። \x * \xo 1:8 \xt 1ቆሮ 15፡32\x* 
\v 9 ኣዳፌካ ኑ ቦላ ሃይቆ ፒርዳይ ፒርዴቲዳ ሚሳቲዴስ፤ ሄሲ ዉሪካ ኑ ቦላ ጋኪዳ ጋሶይ ኑኒ ሃይቂዳይታ ዴንꬂዛ ፆሳን ኣማኔታናሳፌ ኣቲን ኑ ዎልቃን ኣማኔቶንታ ማላ ሃኒዴስ።  
\v 10 ኢዚ ኑና ሄሳ ማላ ቆፖንታ ሃይቆፔ ኣሺዴስ። ሃዒካ ዎዴፔካ ኢዚ ኑና ኣሻናይሳ ኑ ኣማኔቶስ።  
\v 11 ኢንቴካ ኢንቴ ዎሳን ኑና ማዲቴ። ዳሮ ኣሳ ዎሳን ኑስ ኢሜቲዳ ኢሞታሲኔ ኑ ጊሽ ዳሮቲ ፆሳ ጋላቴቴስ። 
\s1 ጳዉሎሲ ቤያና ባና ጊዳ ቆፋ ላሚዴስ 
\p  
\v 12 ሂስቲኮ ኑ ጬቄቴꬂ ሃይሳ ማላ። ሃ ኣላሜዛን ሃራፔካ ኢንቴሳራ ኑሳራ ዲዛ ጋይቶቴꬃን ፆሳፌ ጊዲዳ ጌሻቴꬃኒኔ ሱሬቴꬃን ኑ ዴዒዳይሳ ኑ ዎዝናይ ኑስ ማርካቴስ። ሄሲካ ኣሳ ጪንጫቴꬃን ጊዶንታ ፆሳ ኪያቴꬃና።  
\v 13 ኢንቴ ናባቢዲ ኤራናስ ዳንዳዮንታ ሚሽ ኑ ኢንቴስ ፃፎኮ። ኢንቴ ዉርሲካ ናባቢዲ ኤራናይሳ ኑ ኤሮስ።  
\v 14 ኢንቴ ኑናን ጬቄቲዛይሳ ማላ ኑካ ኢንቴናን ጬቄቲዛይሳ ሃዒ ዉርሲ ኤሮንታ ኣጊኮካ ጎዳ ዬሱሲ ሲሚ ዪዛ ጋላስ ዉርሲካ ኤራና። 
\p  
\v 15 ታኒ ሃይሳ ሻካ ኤሪዛ ጊሽ ናምዑቶ ኢንቴ ጎዔታና ማላ ኮይሮ ኢንቴና ቤያና ቆፓዲስ።  
\v 16 ሄሲካ ታ ካሴ ማቂዶኒያ ባሼ ኢንቴና ቤያዳ ማቂዶኒያፔካ ሲማሼ ኢንቴ ኣቻራ ኣꬋዳ ታ ዩሁዳ ቢሺን ኢንቴ ታና ማዳና ማላ ቆፓዲሲኮሺን።  
\v 17 ሃይሲ ታ ቆፋይ ኢንቴስ ታ ሎዔꬃ ቆፖንታ ቆፋ ሚሳቲዜ? ዎይኮ ኣይዛቤታስ ዶሴ ጊዲዳይሳꬆ ታካ ኢሲቶ “ኤሮ ኤሮ ቃሴካ ኣካይ ኣካይ” ጊዛ ሚሳቲዜ?  
\v 18 ፆሲ ኣማኔቲዳ ፆሴ ጊዲዳ ማላ ኑ ኢንቴስ ዮቲዛ ቃላይካ “ኤ” ጊዲ “ኣካይ” ጊዛዝ ጊዴና።  
\v 19 ጋሶይካ ታና ጊዲን ዎይኮ ሲልዋኖሴኔ ፂምቶሳ ጊዲን ኑ ኢንቴስ ሳባኪዳ ፆሳ ና ዬሱስ ኪርስቶሲ “ኤኔ ኣካይ” ጊዴና። ጊዶ ኣቲን ኡባ ዎዴ ኢዛን “ኤ” ፃላላይ ዴስ። 
\p  
\v 20 ፆሳፌ ኢሜቲዳ ሂዶታቲ ዉሪካ “ኤ” ጊዲዳይ ኢዛና። ኑካ ኢዛ ባጋራ ፆሳ ቦንቾስ “ኣሚን” ጊዛይ ሄሳ ጊሻሳ።  
\v 21 ሄሳ ጊሽ ኢንቴካ ኑኒካ ኪርስቶሳን ሚኒ ኤቃና ማላኔ ባ ኦሶስ ዶሪዳይ ፆሳ።  
\v 22 ኑ ኢዛይታ ጊዲዳይሳ ኤሪሳናስ ባ ማታሜ ኑ ቦላ ሾጪዳይኔ ኑ ሲንꬃፌ ዴማና ሚሻስ ኣያና ዋሴቴꬅ ኑ ዎዝናን ዎꬂዳይ ኢዛ። 
\p  
\v 23 ታኒ ቆሮንቶሴ ሲማዳ ኢንቴኮ ቦንታ ኣጊዳይ ኢንቴና ሚሺሲኬ ጋዳኮ፤ ቃሴ ሄሲ ቱሙ ጊዶንታ ዎርዶ ጊዲኮ ፆሲ ታ ቦላ ማርካቶ።  
\v 24 ኢንቴ ኣማኖን ኤቂዳ ጊሽ ኢንቴና ኡፋይሳናስ ኑ ኢንቴናራ ኦꬃና ኣቲን ኢንቴ ኣማኖ ቦላ ጎዳታናስ ጊዴና። 
\c 2  
\p  
\v 1 ታ ኢንቴና ሚሺሳናስ ኮዮንታ ጊሽ ቃሴካ ኢንቴኮ ቢኬ ጋዳ ቆፋ ቃቻዲስ።  
\v 2 ታ ኢንቴና ሚሺሲዳዝ ጊዲኮካ ሚሼቲዳ ኢንቴፌ ኣꬊ ኡፋይሲዛይ ታስ ሃራይ ኦኒ ዲዜ?  
\v 3 ታ ካሴ ኢንቴስ ፃፊዳይ ታ ኢንቴኮ ቢዛ ዎዴ ታና ኡፋይሳናስ ቤሲዛ ኣሳቲ ታና ሚሺሶፔቶ ጋዳ ፃፋዲስ። ጋሶይካ ታ ኡፋዬቲኮ ኢንቴስ ኡባስካ ኡፋይስ ጊዳናይሳ ታ ኣማናይስ።  
\v 4 ታ ኢንቴስ ሄሳꬆ ፃፊሺን ታ ዎዝናን ዳሮ ሚሻይኔ ዳሮ ቆፋይ ኩሚ ዲሺን ዳሮ ኣፉንፃሼ ፃፋዲስ። ሄሳካ ታ ኦꬂዳይ ታ ኢንቴና ዳሮ ሲቂዛይሳ ኢንቴ ኤራና ማላ ጋዳ ኣቲን ኢንቴና ሚሺሳናስ ጊዴና። 
\s1 ቆሂዳዴስ ኣቶ ጉስ 
\p  
\v 5 ኦኒካ ኣሴ ቆሂዳ ጊዲኮ ጉጄቾ ጊዶንታ ማላ ሄ ቆሂዳዴይ ታና ፃላላ ጊዶንታ ጉꬃራ ጊዲኮካ ኢንቴናካ ዉርሲ ቆሂዴስ።  
\v 6 ሄሳ ማላ ኣሳስ ዳሮ ኣሳይ ኢዛ ቦላ ዎꬂዳ ቂፃቴይ ኢዛዴስ ጊዳና።  
\v 7 ሄ ኣዴይ ኬሂ ሙዞቲዲ ሂዶታ ቃንፆንታ ማላ ኢንቴ ሄሳዴስ ኣቶ ኢዛ ጊዲ ሚንꬄꬃናስ ቤሴስ።  
\v 8 ሄሳꬆካ ኢንቴ ኢዛ ሲቂዛይሳ ዛሬꬂዲ ኢዛ ቤሳና ማላ ታ ኢንቴና ዎሳይስ።  
\v 9 ታ ሃይሳ ኢንቴስ ፃፊዳይ ኢንቴ ኢንቴና ጋኪዛ ፓጬ ፆኒዲ ኡባን ኢንቴ ኣዛዜቲዛኮኔ ኤራናሳ።  
\v 10 ኢንቴ ኣቶ ጊዛዴስ ታካ ኣቶ ጋይስ። ቃሴ ታ ቱማፔ ኣቶ ጋናዚ ዲዛ ጊዲኮ ኪርስቶሳ ሲንꬃን ታ ኣቶ ጊዛይ ኢንቴ ጊሽ ጋዳ።  
\v 11 ታ ሄሳꬆ ኦꬂዛይ ፃላዔይ ጌሊዛ ፆዔ ዴሞንታ ማላ ጋዳኮ! ኑ ኢዛ ጌኔ ቆፋ ባሎኮ። 
\p  
\v 12 ታኒ ኪርስቶሳ ሚሺራቾ ቃላ ዮታናስ ፂሮዓዳ ቢዳ ዎዴ ጎዳይ ታስ ኦሶ ኦጌ ዶዪዴስ።  
\v 13 ጊዶ ኣቲን ታኒ ታ ኢሻ ቲቶሳ ሄን ዴሞንታ ኣጊዳ ጊሽ ታ ዎዝናይ ሼምፖንታ ኢፂዳ ጊሽ ኢስቲ ታና ሄፔ ሞይዚን ማቂዶኒያ ዴሬ ባዲስ። 
\p  
\v 14 ጊዶ ኣቲን ኪርስቶሳ ባጋራ ኡባ ዎዴ ኑና ፆኖ ኦጌን ካሌꬂ ዩሺዛኔ ባ ሎዖ ኤራቴꬃ ኑ ባጋራ ኡባ ሶን ቆንጪሲዛ ጎዳስ ጋላታይ ጋኮ።  
\v 15 ጋሶይካ ኑኒ ꬋያናይታሲኔ ኣታናይታስ ጊዶን ኪርስቶሳ ባጋራ ፆሳስ ሺቂዳ ሳዎ ቱኑ ጊዛ ኤፃኔ ማላ።  
\v 16 ꬋያናይታስ ኑኒ ዎꬊዛ ፂንቆ። ኣታናይታስ ቃሴ ሃይቆፔ ጌዴ ዴዖሶ ኤፊዛ ዴዖ ሳዎ። ሂስቲን ሃይሳስ ቤሲዛዴይ ኦኔ?  
\v 17 ኑኒ ዎꬌ ዴማናስ ጊዲ ፆሳ ቃላ ሻቃጫ ማላ ዋላኬሬꬂዲ ባይዚዛ ዳሮ ኣሳታ ማላ ጊዶኮ። ጊዶ ኣቲን ፆሳፌ ኪቴቲዳ ሱሬ ኣሳ ማላ ጊዲዲ ኪርስቶሳን ፆሳ ሲንꬃን ሱሬ ዮቶስ። 
\c 3  
\s1 ኦራꬃ ጫቆ ኦሳንቻታ 
\p  
\v 1 ኑኒ ሃዒ ኑርካ ኑና ዛሪዲ ጋላቲኖ? ዎይኮ ሃራ ኣሳታ ማላ ኢንቴስ ጊዲን ዎይኮ ኢንቴፌ ሃ ኑስ ፃፌቲዳ ጋላታ ዳብዳቤ ኮሺዜሻ?  
\v 2 ኢንቴ ቃሴ ኣሲ ዉሪ ኤሪዛይኔ ናባቤቲዛ ኑ ዎዝና ጋርሳን ፃፌቲዳ ዳብዳቤታ።  
\v 3 ኢንቴ ቃላሜን ፃፌቲዳይታ ጊዶንታ ዴዖ ፆሳ ኣያናን ፃፌቲዳይታ፤ ቃሴካ ሹቻ ቦላ ዎጬቲ ፃፌቲዳይታ ጊዶንታ ኣሳ ዎዝናን ፃፌቲዳይታኔ ኢንቴ ኑናን ጎዔቲዳ ኪርስቶሳስ ቆንጬ ዳብዳቤታ። \x * \xo 3:3 \xt ኬሳ 24፡12፤ ኤር 31፡33፤ ሂዚ 11፡19፤ 36፡26\x* 
\p  
\v 4 ኪርስቶሳ ባጋራ ኑስ ፆሳ ቦላ ዲዛ ኣማኖይ ሄሳ ሚሳቴስ።  
\v 5 ኑና ሄሳስ ጋꬂዳይ ፆሳፌ ኣቲን ኑኒ ኑ ዎልቃን ኦꬂዶስ ጊዛ ሚሺ ኢሲናካ ባዋ።  
\v 6 ሄሲካ ፒዳሌን ፃፌቲዳ ዎጋን ጊዶንታ ኣያናን ፃፊዳ ኦራꬃ ጫቆ ቃላ ኦሳንቻታ ኑ ጊዳና ማላ ኦꬂዴስ። ጋሶይካ ፒዳሌን ፃፌቲዳ ዎጋይ ዎꬌስ፤ ኣያናይ ጊዲኮ ዴዖ ኢሜስ። \x * \xo 3:6 \xt ኤር 31፡31\x* 
\p  
\v 7 ሄሳ ጊሽ ኢስራዔሌ ናይቲ ኢዛ ኣይፌሶን ዲዛ ቦንቾ ጋሶቴꬃን ሙሴ ኣይፌሶ ቲሺ ሂስቲ ፄሎይ ኢስታ ፆናና ጋካናስ ሄሲ ጉዬፔ ꬋያናይሲኔ ሹቻ ቦላ ፒዳሌን ዎጬቲ ፃፌቲዲ ሃይቆ ኦሶስ ጊዲዳይሲ ቦንቾን ቆንጪዛይሳ ጊዲኮ፤ \x * \xo 3:7 \xt ኬሳ 34፡29\x* 
\v 8 ሂስቲን ኣያና ኦሶስ ዋኒዲ ሄሳፌ ኣꬊዛ ቦንቾይ ዴኔ?  
\v 9 ኣሲ ኢዛን ፒርዴቲዛ ኦሶይ ሄሳ ማላ ቦንቼቲዛይሳ ጊዲኮ ኣሲ ኢዛን ፂሊዛ ኦሶይ ሄሳፌ ኬሂ ኣꬊዛ ቦንቾይ ኢዛስ ዋኒ ዴኔ?  
\v 10 ሃይሳፌ ካሴ ቦንቼቲዳይሲ ሃራ ኢዛፔ ኣꬊዛ ቦንቾይ ዲዛይሳራ ጊጊሲሺን ቦንቾይ ባይንዳይሳ ጊዲዴስ።  
\v 11 ꬉሚ ꬉሚ ቢዛይሳስ ሄሳ ማላ ቦንቾይ ዲኮ ሜርናስ ሚኒ ኤቂ ዳናይሳስ ሄሳፌ ኬሂ ኣꬊዛ ቦንቾይ ዋኒ ዴኔ? 
\p  
\v 12 ሄሳ ጊሽ ሄሳ ማላ ሂዶታይ ኑስ ዲዛ ጊሽ ኑኒ ፃላቴꬃን ሃሳዮስ።  
\v 13 ኢስራዔሌ ናይቲ ሙሴ ኣይፌሶይ ፆሊቂዛይሳ ኣጊ ኣጊ ቢሺን ኢስቲ ዉርሴꬃ ቤዮንታ ማላ ኢዚ ባ ኣይፌሶ ጎዚዳ ሙሴ ማላ ጊዶኮ። \x * \xo 3:13 \xt ኬሳ 34፡33\x* 
\v 14 ጊዶ ኣቲን ካሴ ጋልዓ ጫቆ ቃላይ ናባቤቲሺን ሄ ዎዴ ጎሳዚ ሃች ጋካናስ ኪቾንታ ጊሽ ኢስታ ዎዝናይ ዶጪዳ ማላ ዴስ። ሄ ጎሳይ ሃዒካ ኪቺቤና። ኢዚካ ኪቻናይ ኪርስቶሳን ፃላላ። 
\p  
\v 15 ሃች ጋካናሲካ ሙሴ ማፃፋቲ ናባቤቲዛ ዎዴ ሄ ዎዴ ጎሳይ ሃዒካ ኢስታ ዎዝና ጎዚ ኦይኬስ።  
\v 16 ጊዶ ኣቲን ኢሳዴይ ጎዳኮ ሲሚዛ ዎዴ ጎሳዚ ቃሬቲ ኪቼስ። \x * \xo 3:16 \xt ኬሳ 34፡34\x* 
\v 17 ጎዳይ ኣያና። ጎዳ ኣያናይ ዲዛሶን ኣይሌቴꬅ ዴና።  
\v 18 ኑኒካ ጎዳ ቦንቾ ማስቶቴ ማላ ፆልቄቲሼ ኢዛ ሚሳታናስ ሃ ቦንቾፌ ጌዴ ሃራ ቦንቾን ላሜታና። ሄሲካ ኣያና ጊዲዳ ጎዳፔ። 
\c 4  
\s1 ቱሙ ሃዋሬቴꬃ ኦሶ 
\p  
\v 1 ፆሳ ማሮቴꬃ ዳሮፔ ዴንዲዳይሳን ሃይሲ ሃ ኦሶዚ ኑስ ዲዛ ጊሽ ኑኒ ሂዶታ ቃንፆኮ።  
\v 2 ጊዶ ኣቲን ጌማራ ሃኒዛ ዬላሲዛ ዮዖታ ኑ ኣጊዶስ። ኣስ ባሌꬆኮ፤ ፆሳ ቃላ ዎርዶራ ዋላኮኮ። ሄሳ ሂስታናፔ ቱሙ ዮዖታ ቆንጬራ ዮቲሼ ኣሲ ዉሪካ ኑ ጊዛይሳ ኤካና ማላ ኑናቴꬃ ፆሳ ሲንꬅ ሺሾስ።  
\v 3 ኑ ሚሺራቾ ቃላይ ጎርዴቲኮካ ኢዚ ጎርዴቲዳይ ꬋያናይታሳ። 
\p  
\v 4 ፆሳ ሌሚሶ ጊዲዳ ኪርስቶሳ ቦንቾ ሚሺራቾ ቃላ ፖዖዛ ሃ ኣላሜ ኣሳይ ቤዮንታ ማላ ሃይሳ ሃ ኣላሜዛ ፆሲ ኣማኖንታ ኣሳ ዎዝና ሙሚሲዴስ።  
\v 5 ኑኒ ዬሱስ ኪርስቶሲ ጎዳ ጊዲዳይሳ ሳባኮስ ኣቲን ኑና ሳባኮኮ። ኑካ ኑ ባጋራ ዬሱሳ ጊሽ ኢንቴስ ኦꬂዛዴንታ ጊዲዶስ።  
\v 6 ኪርስቶሳ ሲንꬃን ፆሲ ባ ቦንቾ ኤራቴꬃ ፖዖ ኑስ ኢማናስ “ፖዖይ ꬉማን ፖዖ” ጊዳ ፆሲ ባ ፖዖ ኑ ዎዝናን ፖዒሲዴስ። \x * \xo 4:6 \xt ሜꬌ 1፡3\x* 
\p  
\v 7 ጊዶ ኣቲን ሃይሲ ጊታ ዎልቃይ ኑስ ፆሳፌ ኢሜቲዴስ ኣቲን ኑፔ ጊዶንታይሳ ቤሳና ማላ ሃይሲ ቦንቾ ሚሻይ ኑናን ኦቶ ሚሳቲዛይታ ጊዶን ዴስ።  
\v 8 ኣዋ ባጋራካ ኑና ሱጊኮካ ኑኒ ቲንꬅ ጊ ሜቆኮ። ኑስ ዮዖይ ቲፒ ጊኮካ ሂዶታ ቃንፆኮ።  
\v 9 ኑ ጎዴቲኮካ ዎራ ዎꬊ ኣቶኮ። ኢስቲ ኑና ሾጪ ጌንዴርሲኮካ ኑ ꬋዮኮ።  
\v 10 ዬሱሳ ዴዖይ ኑ ኣሳቴꬃን ቆንጫና ማላ ኑኒ ኢዛ ሃይቆ ኡባ ዎዴ ቶኪ ዩዮስ።  
\v 11 ዬሱሳ ዴዖይ ሃይቂዛ ኑ ኣሳቴꬃን ቆንጫና ማላ ፓፃ ዲዛ ኑኒ ኡባ ዎዴካ ዬሱሳ ጊሻስ ሃይቆስ ኣꬊ ኢሜቶስ  
\v 12 ሄሳ ጊሽ ኑ ሃይቆስ ኣꬊ ኢሜቲሺን ኢንቴ ቃስ ዴዖን ጋኬታ። 
\p  
\v 13 ካሴ ጌሻ ማፃፋን ፃፌቲዳ ማላ “ታ ኣማኒዳ ጊሽ ሃሳያዲስ” ጌቴቲዳይሳ ኑካ ሄሳ ሄ ኣማኖ ኣያናን ኣማኒዛ ጊሽ ሃሳዮስ። \x * \xo 4:13 \xt ማዛ 116፡10\x* 
\v 14 ጋሶይካ ጎዳ ዬሱስ ኪርስቶሳ ሃይቆፔ ዴንꬂዳይሲ ኑናካ ኢዛራ ኢሲፌ ዴንꬂዲ ኢንቴናራ ባ ሲንꬅ ሺሻናይሳ ኑ ኤሮስ።  
\v 15 ዳሮ ኣሳ ጋኪሼ ዲዛ ኪያቴꬂ ፆሳ ቦንቾስ ጋላታ ቦላ ጋላታ ጉጃና ማላ ሃይሲ ዉሪካ ኢንቴና ጎዓናስ ሃኒዴስ። 
\p  
\v 16 ሄሳ ጊሽ ኑ ሂዶታ ቃንፆኮ፤ ኑስ ካሬ ባጋ ኣሳቴꬃይ ꬋይ ꬋይ ቢኮካ ኑስ ጋꬃ ባጋ ኣሳቴꬃይ ጋላስ ጋላስ ኦራፂ ኦራፂ ባሲ።  
\v 17 ሄሳስ ሃዒ ጉꬃ ዎዴስ ኑና ጋኪዛ ዋዬይ ኢዛራ ጊጋናስ ዳንዳዮንታ ሜርናስ ጊዲዛ ቦንቾን ኑና ጋꬃና።  
\v 18 ሄሳ ጊሽ ኑ ቲሺ ሂስቲ ፄሊዛይ ሃዒ ኣይፌን ቤቲዛ ሚሻ ቦላ ጊዶንታ ሃዒ ኣይፌን ቤቶንታ ሚሻ ቦላ ዴስ። ሃዒ ቤቲዛይሲ ኢዚ ሃዒስ ፃላላ። ሃዒ ኣይፌን ቤቶንታይስ ጊዲኮ ኢዚ ሜርናሳ። 
\c 5  
\s1 ሜርናስ ዳናሶ 
\p  
\v 1 ኑኒ ኢዛን ቢታ ቦላ ዲዛ ዱንካኔይ ላሌቲኮካ ኣሳ ኩሼን ጊዶንታ ፆሳ ኩሼን ኦሴቲዳ ሜርና ኬꬂ ኑስ ሳሎን ዲዛይሳ ኑ ኤሮስ።  
\v 2 ሄ ዎዴይ ጋካናስ ኑ ኬꬃ ሳሎይሳ ማይዓናስ ኑ ላሞቲ ናጎስ።  
\v 3 ቱማፔ ሄሳ ኑ ማይዒዳፔ ጉዬ ካሎቶኮ።  
\v 4 ኑኒ ሃይሳ ሃ ዱንካኔዛን ዲዛ ዎዴ ኡባን ኢዚ ዴፂዛ ጊሽ ዳቡራ ፒꬊ ጎስ። ሄሳስ ጋሶይካ ሃይቂዛይሲ ዴዖን ላሜታና ማላ ኑኒ ሳሎን ዳና ሶዛ ማይዓና ኣቲን ኑፔ ቃሬታና ማላ ኑ ኮዮኮ።  
\v 5 ሄሳስ ኑና ጊጊሲዳይ ፆሳ። ቡሮ ያናይሳስ ዋሴ ጊዳና ማላ ኑስ ባ ኣያና ኢሚዳይ ኢዛ።  
\v 6 ኑኒ ኣሾን ዲዛ ዎዴ ጎዳፔ ሃኪ ዲዛይሳ ኤሪኮካ ኢዛን ኣማኔቲዲ ዶስ።  
\v 7 ኑኒ ዲዛ ዱሳይ ጎዳን ኣማኒዲ ኣቲን ኣይፌን ቤዖን ጊዴና።  
\v 8 ኑኒ ኣሾፔ ሻኬቲዲ ጎዳራ ዱስ ዶራናይሳ ታ ሲꬎንታ ዮታይስ።  
\v 9 ሄሳ ጊሽ ኑ ኣሾን ዲኮ ዎይኮ ኣሾፔ ሻኬቲኮካ ኑስ ዋና ቆፋይ ጎዳ ኡፋይሶ።  
\v 10 ኑኒ ዉሪካ ኪርስቶሳ ፒርዳ ዎምቦራ ሲንꬂ ሺቃናይሲ ኣቴና፤ ኑፔ ኢሶይ ኢሶይ ቢታ ቦላ ባ ኦꬂዳ ኢታ ጊዲን ዎይኮ ሎዖ ጊዲን ባ ኦሶ ማላ ቤሲዛ ዋጋ ኤካና። 
\s1 ኣሳ ፆሳራ ማቃይኒꬆ ኦሶ 
\p  
\v 11 ሄሳ ጊሽ ጎዳስ ባቦ ጉሲ ኣይ ጉሳኮኔ ኑ ኤሪዛ ጊሽ ኣሳይ ኑ ዮቲዛይሳ ኤሮ ጊ ኤካና ማላ ኦꬃናስ ዳቡሮስ። ኑኒ ኦናንታኮኔ ፆሳ ኣቻን ቆንጬ። ቃሴካ ኢንቴ ዎዝናንካ ቆንጬ ጊዲዳይሳ ታ ኣማናይስ።  
\v 12 ታ ሄሳ ጊዛይ ኑና ኢንቴ ሲንꬃን ጋላታናስ ጊዶንታ ዲሺን ኢንቴ ኑናን ጬቄታና ማላ ኣቲን ዎዝናፔ ጊዶንታ ኣይፌን ቤቲዛ ሚሻን ጬቄቲዛይታስ ኢንቴ ዛሮ ኢማናስ ዳንዳያና ማላ ጋዳ ጋይስ። 
\p  
\v 13 ኑ ጎሽ ጊዲኮ ፆሳ ጊሽ ጊዲ ጎዪዶስ። ኤራታ ጊዲኮካ ኢንቴስ ጊዲኮ!  
\v 14 ኪርስቶሲ ኡባስ ኢሲቶ ሃይቆይሳኔ ሃራይ ዉሪካ ኢዛራ ኢሲፌ ሃይቂዳይሳ ኑ ኤሪዳ ጊሽ ኪርስቶሳ ሲቆይ ኑና ዎልቃራ ኦሲሴስ።  
\v 15 ሼምፖራ ፓፃ ዲዛይቲ ዉሪካ ሄ ሃይቂዳይሳሲኔ ሃይቆፔ ዴንዲዳይሳስ ዳና ማላፔ ኣቲን ሃይሳፌ ጉዬ ኢስቲ ባሲ ዶንታ ማላ ኪርስቶሲ ኡባስ ሃይቂዴስ። 
\p  
\v 16 ሄሳ ጊሽ ሃይሳፌ ጉዬ ኑኒ ኦና ኣሲካ ኣሾ ኣይፌን ፄሎኮ። ኑኒ ሃይሳፌ ካሴ ኪርስቶሳ ኣሾ ኣይፌን ፄሊዳይ ጮ ሜላ ኣሳ ማላ ፄሎ፥ ጊዲኮካ ሃይሳፌ ጉዬ ሲንꬃስ ጊዲኮ ሄሳꬆ ፄሎ።  
\v 17 ሄሳ ጊሽ ኦኒካ ኪርስቶሳ ባጋ ጊዲኮ ኢዚ ኦራꬃ ሜꬌቴꬃ። ካሴ ጬጋ ሜꬌቴꬃይ ኣꬊዴስ። ሄ ኢዛ ኪቾሳን ሃራ ኦራꬃ ሜꬌቴꬂ ጌሊዴስ።  
\v 18 ሄሲ ዉሪ ሃኒዳይ ኢዚ ኑና ባናራ ኪርስቶሳ ባጋራ ማቃይንꬂዲኔ ማቃይንꬆ ኦሶ ኑስ ኢሚዳ ፆሳና።  
\v 19 ሄሲካ ፆሲ ኪርስቶሳ ባጋራ ሃንኮ ኣላሜ ኣሳ ዉርሲካ ባናራ ማቃዪንꬂዴስ ጉሳ። ኢስቲ ቆሆዛካ ቆዲቤና። ኑስካ ኑ ኣሳ ጎዳራ ማቃዪንꬃና ቃላ ኢሚዴስ። 
\p  
\v 20 ፆሲ ኑ ባጋራ ኣስ ፄይጊዛ ጊሽ ኑኒ ቃሴ ኪርስቶሳ ኦጋꬃታ። ሄሳ ጊሽ “ኢንቴ ፆሳራ ማቃይኒቴ!” ጊዲ ኑ ኢንቴና ኪርስቶሳ ሱንꬃን ዎሶስ።  
\v 21 ኑኒ ኪርስቶሳ ባጋራ ፆሳ ፂሎቴꬅ ጊሼቲ ኤኪዛይታ ጊዳና ማላ ፆሲ ኢዛ ቦላ ናጋራይ ባይንዳ ኪርስቶሲ ኢዚ ኑ ናጋራ ቶካና ማላ ኦꬂዴስ። 
\c 6  
\p  
\v 1 ኑኒ ፆሳራ ኦꬂዛይታ ጊዲዳ ማላ ኢንቴ ኤኪዳ ፆሳ ኪያቴꬃ ጮ ሜላ ኣሾፍቴ ጊሼ ኑ ኢንቴና ዎሶስ።  
\v 2 ፆሲ “ታኒ ታስ ጊጊዳ ጋላስ ኔና ሲያዲስ! ኣቲዛ ጋላስ ታ ኔና ማዳዲስ!” ጊዛ ጊሽ ሎዖ ዎዴይ ሄኮ ሃዒ! ኣቴꬃ ጋላሲካ ሃዒኮ! \x * \xo 6:2 \xt ኢሳ 49፡8\x* 
\p  
\v 3 ኑ ኦሶይ ሌቄቶንታ ማላ ኣይ ዎዴካ ኦናስካ ኑኒ ꬉጴ ጊዶኮ።  
\v 4 ሄሳፌ ኣꬂዲ ዋዬኔ ሜቶ ኡንዖካ ዳንዳያን ፆሳስ ኦꬂዛ ኣሳታ ማላ ኣይ ኦጌራካ ኑናቴꬃ ኣꬂ ኢሞስ።  
\v 5 ኑኒ ፆሳስ ኦꬂዛይታ ጊዲዳይሳ ቤሲዛይ ጋራፌቴꬃን፥ ቃሼቴꬃን፥ ሂርጋን፥ ዳቡሪ ኦሶን፥ ꬊሲኮ ꬋዮኒኔ ጋፋና። \x * \xo 6:5 \xt ሃዋ 16፡23\x* 
\v 6 ሄሳꬆካ ጌሻቴꬃን፥ ኤራቴꬃን፥ ዳንዳያን፥ ኪያቴꬃን፥ ፂሎ ኣያና ካሎኒኔ ቆꬌፔ ቆሞን ጊዶንታ ሲቆን፥  
\v 7 ቱማ ቃላኒኔ ፆሳ ዎልቃና። ኑ ኢዛን ጌዴ ኦሊ ፆኒዛ ኦላ ሚሺኔ ካሜቲ ኣቲዛ ጎንዳሌይ ፂሎቴꬃ።  
\v 8 ቦንቾስ ጊዲን ዎይኮ ካዉሻስ፥ ቆꬌታናስ ዎይኮ ጋላታናስ ኑኒ ጊጌቲዳይታ። ኑኒ ቱማንቻታ ሺን ኣሴ ባሌꬂዛይታ ጌቴቲዶስ።  
\v 9 ኑኒ ኤሬቲዳይታ ሺን ኤሬቶንታይታ ጊዲዶስ። ኢስቲ ሃይቂዳይታኮ ጊሺን ኑኒ ፓፃ ዶስ። ኣሳይ ኑና ቡኪ ቡኪንካ ኑ ሃይቂቤኮ።  
\v 10 ሙዞይ ኑና ጋኪኮካ ኡባ ዎዴ ኡፋዬቶስ። ኑ ማንቆኮ ሺን ዳሮ ማንቆታ ዱሬ ኬሶስ። ኑስ ኣይኮይካ ባይንዳይታ ሺን ዉሪካ ኑስ ዴስ። 
\p  
\v 11 ኢንቴኖ ቆሮንቶሴን ዲዛይቶ! ታ ካሴ ኢንቴስ ቆንጬን ዮታዲስ። ኑኒ ኑ ዎዝና ኢንቴና ዉርሲ ቤሲዶስ።  
\v 12 ኢንቴ ቃሴ ኑና ኢንቴ ሲቆ ቤሳናስ ኡዜቲዴታ ኣቲን ኑ ኢንቴና ኑ ሲቆ ቤሳናስ ኡዜቲቤኮ።  
\v 13 ኣዋይ ባ ናስ ዮቲዛ ማላ ታካ ኢንቴስ ኣኔ ዮታይስ። ኑኒ ኑ ዎዝና ኬሂ ዶዪዲ ኑ ቆፋ ኢንቴስ ቆንጪሶይሳꬆ ኢንቴካ ኑስ ሄሳꬆ ቆንጪሲቴ። 
\s1 ኣማኖንታይታራ ዙፔቴꬅ ኣጎ 
\p  
\v 14 ኣማኖንታ ኣሳራ ጊጋይ ባይንዳ ኢሲፌቴꬃን ኦይኬቶፍቴ። ፂሎቴꬂኔ ናጋራይ ዋኒ ኢሲፌታናስ ዳንዳዪዜ? ፖዖይኔ ꬉማይ ኢሲፌ ዋኒ ዳና ዳንዳዪዜ?  
\v 15 ኪርስቶሲኔ ዳቡሎሲ ዋኒ ጋጋናስ ዳንዳዪዞ? ኣማኒዛዴይ ኣማኖንታዴራ ኣዛን ላጌታናስ ዳንዳዪዜ? \f + \fr 6:15 \fq ዳቡሎሲ \ft ጊሪኬ ቃላራ “ቤልያል” ዎይኮ “ቤልያር” ጌቴቴስ፤ ኢብራዌታ ቃላራ “ቤልዖል” ጌቴቴስ። ቢሪሼቻይ ጎዓይ ባንዳይሳ [ኣይፌይ ባንዳይሳ] ዎይኮ ዎጋይ ባንዳይሳ ጉሳ።\f* 
\v 16 ፆሳ ዎሳ ኬꬃስ ኤቃታራ ኣዛ ጋጎይ ዲዜ? ፆሲካ 
\q1 “ታኒ ታ ዱሳሶ ታ ዴሬዛ ጊዶን ኦꬃና፤ 
\q2 ታካ ኢስታራ ዳና፤ 
\q1 ኢስታሲካ ጎዳ ጊዳና። 
\q2 ኢስቲካ ታ ዴሬታ ጊዳና” ጊዲ ካሴ ዮቲዳ ማላ ኑኒ ኢሶይ ኢሶይ ዴዖ ፆሳ ኬꬃታ። \x * \xo 6:16 \xt 1ቆሮ 3፡16፤ 6፡19\x* 
\v 17 ጎዳይ 
\q1 “ኢንቴ ኢስታ ጊዶፌ ሻኬቲዲ ኬዚቴ! 
\q2 ቱና ሚሽ ቦቾፍቴ፤ 
\q2 ታካ ኢንቴና ኤካና። \x * \xo 6:17 \xt ኢሳ 52፡11\x* 
\q1  
\v 18 ታ ኢንቴስ ኣዋ ጊዳና፤ 
\q2 ኢንቴካ ታስ ኣቱማ ናይታኔ ማጫ ናይታ ጊዳንዴታ” 
\q1 ጌስ ዉርሲካ ዳንዳዪዛ ጎዳይ። \x * \xo 6:18 \xt 2ሳሜ 7፡14፤ 1ታር 17፡13፤ ኢሳ 43፡6፤ ኤር 31፡9\x* 
\c 7  
\p  
\v 1 ሄሳ ጊሽ ታ ሲቆቶ! ሃይሲ ሂዶታይ ኑስ ኢሜቲዳ ጊሽ ኣሾኔ ኣያና ቱኒሲዛ ኣይ ሚሻፌካ ኣኔ ኑና ጌሾስ። ፆሳስ ያሻን ኑ ጌሻቴꬃ ኣኔ ኩሜꬅ ሂስቶስ። 
\s1 ጳዉሎሳ ኡፋይስ 
\p  
\v 2 ኢንቴ ኑና ኡፋይሳን ሞኪ ኤኪቴ። ኑኒ ኦናካ ቆሂቤኮ፤ ኦናካ ናቂቤኮ፤ ኦና ጎዓካ ኑስ ባሌꬂ ኤኪቤኮ።  
\v 3 ታኒ ሄሳꬆ ጊዛይ ኢንቴ ቦላ ፒርዳናስ ጊዴና። ሃይሳፌ ካሴ ታ ኢንቴስ ዮቲዳ ማላ ኢንቴ ኑ ዎዝናን ዴታ። ሄሳ ጊሽ ሃይቆንካ ጊዲን ፓፃንካ ኡባ ዎዴ ኑ ኢንቴፌ ሻኬቶኮ።  
\v 4 ታስ ኢንቴ ቦላ ዲዛ ኣማኖይኔ ጬቄቴꬂ ዳሮ ጊታ። ታ ኢንቴናን ሚኔታይስ። ኑና ጋኪዛ ሜቶ ኡባን ታኒ ኬሃ ኡፋዬታይስ። 
\p  
\v 5 ኑኒ ማቂዶኒያ ጋኪዳ ዎዴካ ዱማ ዱማ ባጋራ ሜቶይ ኑና ጋኪዴስ ኣቲን ኑኒ ኣይኮካ ሼምፖ ዴሚቤኮ። ኑስ ሶራ ሂርጋይ፥ ካሬራ ቃስ ኦሺ ዴስ። \x * \xo 7:5 \xt 2ቆሮ 2፡13\x* 
\v 6 ጊዶ ኣቲን ሙዞቲዳይታ ሚንꬄꬂዛ ጎዳይ ቲቶሳ ዩሳን ኑና ሚንꬄꬂዴስ።  
\v 7 ኑኒ ሚኔቲዳይ ኢዛ ዩሳን ፃላላ ጊዶንታ ዲሺን ኢንቴ ኢዛ ሚንꬄꬂዳይሳ ኑ ጉጂ ሲዪዳ ጊሻሳ። ኢንቴ ታና ላሞቲዳይሳ ታስ ቃꬌቲዛይሳ ቆፒዛይሳካ ኢዚ ኑስ ዮቲን ሲያዳ ታኒ ዳሮ ኡፋዬታዲስ። 
\p  
\v 8 ታኒ ሃይሳፌ ካሴ ኢንቴስ ፃፊዳ ኪታይ ኢንቴና ሚሺሲዳ ጊዲኮካ ሄ ኪታ ፃፊዳ ጊሽ ታኒ ሄሳꬆ ኣዛስ ፃፋዲና ጋዳ ሞꬌቲኬ። ሞꬌቲኮካ ታ ሞꬌታናይ ጉꬃ ዎዴስ ኢንቴ ታና ሚሺሲዳ ጊሻሳ።  
\v 9 ሃዒ ጊዲኮ ታ ኡፋዬታይስ። ታኒ ኡፋዬቲዳ ጋሶይ ታኒ ኢንቴና ሚቺሲዳ ጊሽ ጊዶንታ ኢንቴ ሄ ሚሻፔ ዴንዲዳይሳን ማሮቴꬃን ጌሊዲ ላሜቲዳ ጊሻሳ። ሄሳ ጊሽ ኢንቴ ሚሼቲኮካ ፆሳ ሼኔ ማላ ጊዲዳ ጊሽ ኑኒ ኢንቴና ኣይኮካ ቆሂቤኮ ጉሳ።  
\v 10 ፆሳ ሼኔ ማላ ጊዲዳ ሚሼቴꬂ ጌዴ ማሬቲ ኣታናሶ ጋꬄስ። ሄሳስካ ሞꬌቴꬂ ዴና፤ ዎዝናፔ ጊዶንታ ማሬቴꬅ ጊዲኮ ሃይቆን ጋꬄስ። 
\p  
\v 11 ሃይሲ ኢንቴ ሙዞቴꬃይ ፆሳ ሼኔ ማላ ጊዲዳ ጊሽ ሄሲ ኣይ ማላ ሚኖቴꬃን፥ ኣይ ማላ ኦይሻ ዛሮን፥ ኣይ ማላ ኤሌ ሃንቄቴꬃን፥ ኣይ ማላ ያሻቴꬃን፥ ኣይ ማላ ላሞቴꬃን፥ ኣይ ማላ ሎዖ ኣሞን፥ ኣይ ማላ ሙራን ኢንቴና ጋꬂዳኮኔ ኣኔ ኢንቴ ዎዝናን ዩሺ ቆፒቴ። ኢንቴ ቃሴ ሃኒዳ ኡባንካ ሄ ሃኖዛፔ ጌሽ ጊዲዳይሳ ማርካሲዴታ።  
\v 12 ሄሳ ጊሽ ታ ኢንቴስ ፃፊዳይሲ ኢንቴ ኑስ ኣይ ማላ ኣማኔቲዛይታኮኔ ኢንቴ ኢንቴና ፆሳ ሲንꬃን ቤያና ማላፔ ኣቲን ቆሂዳዴ ጊሺኔ ቆሄቲዳዴ ጊሽ ጋዳ ጊዴና።  
\v 13 ኑኒ ሚኔቲዳይሳፌ ቦላራ ቲቶሲ ዴሚዳ ኡፋይሳን ዳሮ ኡፋዬቲዶስ። ኑኒ ኡፋዬቲዳይካ ኢንቴ ዉሪካ ቲቶሳ ሚንꬄꬂዳ ጊሺኔ ኢዛ ዎዝና ሼምፒሲዳ ጊሻሳ።  
\v 14 ታኒ ኢንቴናን ጬቄቲዛይሳ ካሴ ቲቶሳስ ዮታ ዎꬃዲስ። ኢንቴካ ታና ዬላሲቤይኬታ። ኡባ ዎዴ ታ ኢንቴስ ቱማ ፃላላ ዮታሼ ዳይስ። ሄሲካ ኑኒ ኢንቴ ጊሽ ቲቶሳስ ዮቲዳ ዮዖይ ቱሙ ጊዲ ኣማኔቲዴስ።  
\v 15 ኢንቴ ዉሪካ ኣዛዜቲዛይታ ጊዲዳይሳ፥ ያሻቴꬃኒኔ ኮኮሪሼ ኢንቴ ኢዛ ሞኪ ኤኪዳይሳ ቲቶሲ ቆፒ ኤኪዲ ኢዚ ኢንቴና ሲቂዛይሳስ ዛዋይ ባዋ።  
\v 16 ታካ ኡባ ባጋራ ኢንቴናን ኣማኔታናስ ዳንዳዪዳ ጊሽ ታ ዳሮ ኡፋዬታዲስ። 
\c 8  
\s1 ማዶ ኢሞ 
\p  
\v 1 ታ ኢሻቶ! ፆሲ ማቂዶኒያን ዲዛ ኣማኒዛ ኣሳስ ኢሚዳ ኪያቴꬃ ኢንቴ ኤራናይሳ ታ ኮያይስ።  
\v 2 ኢስቲ ዳሮ ሜቶቲ ዲሼ ዳሮ ኡፋዬቲዳ። ኬሂ ማንቆታ ጊዲኮካ ዳሮ ኪያቲዳ።  
\v 3 ኢስቲ ባሲ ዳንዳዬቲዛይሳ ማላኔ ባሲ ዳንዳዬቲዛይሳፌካ ኣꬂ ኢሚዳይሳ ታ ኢስታ ጊሽ ማርካታይስ።  
\v 4 ዩሁዳን ዲዛ ኣማኒዛይታስ ማዶ ኢማናስ ዲጌቶንታ ማላ ኑና ኬሂ ዎሲዳ።  
\v 5 ኢስቲ ኑኒ ቆፒዳይሳፌ ቦላራ ኣꬂ ኦꬂዳ። ኢስቲ ኮይሮ ባና ጎዳስ ኢሚዳ። ዛርዲካ ፆሳ ሼኔ ማላ ባናካ ኑስ ኢሚዳ።  
\v 6 ሃይሳ ኦሶዛ ኮይሮ ቲቶሲ ዶሚዳ ጊሽ ሃዒካ ሃይሳ ማዶ ኢሞዛ ኢዚ ፖላና ማላ ኑ ኢዛ ዎሲዶስ።  
\v 7 ኢንቴ ኣማኖን፥ ሃሳያን፥ ኤራቴꬃን፥ ሚኖ ኦሶን፥ ኢንቴ ኑና ሲቂዛ ሲቆን፥ ኡባ ዮዖን ኣꬌታ። ሄሳꬆካ ኪያቴꬃ ኦሶንካ ኣꬊዛይታ ጊዲቴ። 
\p  
\v 8 ታ ሄሳ ጊዛይ ኢንቴና ጮ ሜላ ኣዛዛናስ ጊዴና። ጊዶ ኣቲን ሃንኮ ሃራ ኣሳይ ሚኒ ኢሚዛይሳ ኢንቴናራ ጋꬃ ቤይሺን ኢንቴ ሲቆይ ቱሙ ጊዲዳይሳ ሻካ ኤሬናሳ።  
\v 9 ኢንቴ ኑ ጎዳ ዬሱስ ኪርስቶሳ ኪያቴꬅ ኤሬታ። 
\p  
\v 10 ሃይሳ ሃ ሃኖዛን ታስ ሎዖ ጊዲ ቤቲዳ ዞሬ ታ ኢንቴስ ኢማይስ። ዚላይꬂ ኢንቴ ኢሞ ፃላላ ጊዶንታ ዲሺን ኢማናስ ኮይሮፔ ቆፒዳይ ኢንቴና።  
\v 11 ሄሳ ጊሽ ኢንቴ ኢማናስ ኮይዳይሲ ፖሌታና ማላ ኢንቴስ ዲዛ ማላ ካሴ ኢንቴ ቆፒዳይሳ ሃዒ ኦꬂቴ።  
\v 12 ኣሲ ኢማናስ ዎዝናፔ ኮይኮ ኢዛዴይ ኪያቴꬃን ኢሚዛይሲ ኤኬቲዛይ ኣሲ ባሲ ዲዛሪ ማላ ኢሚኮ ኣቲን ባሲ ባይንዳይሳፌ ኢሚሺን ጊዴና። 
\p  
\v 13 ታ ሃይሳꬆ ጊዛይ ኢንቴ ዉሪካ ጊና ጊዳና ማላ ኣቲን ኢንቴ ኢሞን ዋዬቲሺን ሃራቲ ሼምፓና ማላ ጋዳ ጊዴና።  
\v 14 ኢንቴ ዋዬቲሺን ኢስታ ሚሻይ ኢንቴ ሜቶ ኣሻና ማላ ሃዒ ቃሴ ኢንቴ ሚሻይ ኢስታ ሜቶ ኣሾ። ሄሳ ማላን ኢንቴ ጊዶን ጊናቴꬂ ዳና።  
\v 15 ሄሲካ “ዳሮ ሺሺዳዴስ ዎꬊቤና፤ ጉꬅ ሺሺዳዴሲካ ፓጪቤና” ጌቴቲ ጌሻ ማፃፋን ፃፌቲዳ ማላ። \x * \xo 8:15 \xt ኬሳ 16፡18\x* 
\s1 ቲቶሳኔ ሃንኮ ኢዛ ላጌታ 
\p  
\v 16 ታኒ ኢንቴስ ቆፒዛይሳ ማላ ቲቶሳይካ ኢንቴስ ዎዝናፔ ቆፓና ማላ ኦꬂዳ ጎዳይ ጋላቴቶ።  
\v 17 ቲቶሲ ኢንቴኮ ቢዛይ ባርካ ባ ቆፋን ኡፋይሳንፔ ኣቲን ኑኒ ኢዛ ዎሲዳ ጊሽ ፃላላ ጊዴና።  
\v 18 ሚሺራቾ ቃላ ኦሶን ዎሳ ኬꬃታን ኡባን ዶሴቲዳ ኢሻዛ ኑ ኢዛራ ጋꬂ ዬዶስ።  
\v 19 ሄሳፌካ ቦላራ ሃይሲ ኑ ኢሻይ ኑኒ ሃይሳ ሎዖ ኦሶዛ ጎዳ ቦንቾስ ኦꬂሺኒኔ ኑኒ ኦꬃናስ ኮዪዛይሳ ኢዛስ ቆንጪሲሺን ኢዚ ኑናራ ቢዲ ኦꬃናስ ዎሳ ኬꬃቲ ዶሪዳዴ። 
\p  
\v 20 ሃይሳ ኪያቴꬅ ኢሜቲዳ ሚሻዛ ኑኒ ኦይኪሺን ኑ ቦላ ኣይኮ ቦሮይካ ጋኮንታ ማላ ኑኒ ናጌቶስ።  
\v 21 ጋሶይካ ኑስ ዋና ቆፋይ ጎዳ ሲንꬃን ፃላላ ጊዶንታ ኣሳ ሲንꬃንካ ሎዖ ኦꬃናሳ። \x * \xo 8:21 \xt ሌም 3፡4\x* 
\p  
\v 22 ዳሮ ዎዴ ዳሮ ሚሻን ፓጬቲዲ ሚኖ ጊዲዳ ኑ ኢሻ ቲቶሳራ ኑ ኢዛ ዬዲዳይ ሄሳሳ። ኢዛስ ኢንቴ ቦላ ዲዛ ኣማኖይ ዳሮ ጊታ ጊዲዳ ጊሽ ኢዚ ሃዒ ኢንቴና ማዳናስ ካሴፔ ኣꬂ ኮዬስ።  
\v 23 ኢንቴ ቲቶሳ ጊሽ ኤራናስ ኮይኮ ኢዚ ኢንቴና ማዳናስ ታናራ ኦꬂዛዴ። ኢዛራ ኢሲፌ ቢዛ ሃንኮ ኢሻቲ ቃሴ ዎሳ ኬꬃቲ ባ ጊሽ ዬዲዳ ኪርስቶሳ ቦንቾስ ኤቂዳይታ።  
\v 24 ሄሳ ጊሽ ኢንቴ ኢስታስ ኢንቴ ሲቆ ቤሲቴ። ኢንቴ ሄሳꬆ ሂስቲኮ ኢንቴ ሲቆይኔ ኑ ኢንቴናን ጬቄቲዛ ጬቄቴꬃይ ጮ ሜላ ጊዶንታይሳ ኢንቴ ዎሳ ኬꬃታስ ቤሳንዴታ። 
\c 9  
\s1 ኣማኒዛይታስ ሚሽ ኬሶ 
\p  
\v 1 ዩሁዳን ዲዛ ኣማኒዛይታስ ኬሲዛ ሚሻ ጊሽ ታ ኢንቴስ ፃፋናስ ኮሼና።  
\v 2 ኢንቴስ ኣካያን ዲዛ ኣሳስ ማዳና ሎዖ ቆፋይ ዲዛይሳ ታ ኤራዳ “ኣካያ ኣሳይ ዚላይꬃፌ ኦይኪዲ ማዶስ ጊጌቲዴስ” ጋዳ ማቂዶኒያ ኣሳስ ዮታዲስ። ሃራፔካ ኢንቴ ማዳናስ ኮይዳ ሱሬ ቆፋይ ዳሮታ ሎዖ ኦሶስ ዴንꬄꬂዴስ።  
\v 3 ሃይሳ ሃ ሃኖዛን ኑ ኢንቴናን ጬቄቲዛይሲ ጮ ሜላ ጊዶንታ ማላ ሃይታ ኑ ኢሻታ ታ ኪታዲስ። ኢንቴካ ታ ካሴ ኢንቴስ ጊዳ ማላ ናጌቲ ኡቲቴ። 
\p  
\v 4 ማቂዶኒያ ኣሳቲ ታናራ ኢንቴኮ ቢሺን ኢንቴ ጊጌቶንታ ዲዛይሳ ቤኮ ኑኒ ኢንቴናን ጬቄቲዛይሳን ዬላታና። ኢንቴ ቃሴ ዳሮ ዬላታና።  
\v 5 ሄሳ ጊሽ ኢንቴ ካሴ ኢማና ጊዳይሳ ካሴቲዲ ጊጊሳና ማላ ኢንቴና ቆፊሳናስ ጋዳ ሃይቲ ኢሻቲ ታፔ ካሴቲዲ ኢንቴኮ ጋካና ማላ ኮሺዛይሲ ታስ ቤቲዴስ። ሄሳꬆካ ታኒ ቢዛ ዎዴ ኢንቴ ኢማናይሲ ጊጊ ኡቲዳዝ ጊዳና። ኢንቴካ ኢማናይሲ ዎልቃራ ጊዶንታ ዶሳን ጊዲዳይሳ ቤሳና። 
\p  
\v 6 “ጉꬅ ዜሪዳ ኣሲ ጉꬅ ሺሻና፤ ዳሮ ዜሪዳዴይ ቃስ ዳሮ ካꬅ ሺሻና” ጊዛ ቃላ ዩሺ ቆፒቴ።  
\v 7 ፆሲ ዶሲዛይ ባ ዶሳን ኢሚዛዴ ጊዲዳ ጊሽ ኢሲ ኢሲ ኣሲ ኢማናስ ባ ዎዝናን ቆፒዳሮ ኡፋይሳን ኢሞ ኣቲን ሞꬌቲሼ ጮ ዎልቃራ ኢሞፎ።  
\v 8 ኡባ ዎዴ ሃኒዛ ኡባን ኢንቴ ኢንቴስ ጊዲ ፓላሂዲ ሃራ ሎዖ ኦሶስ ጊዳና ማላ ፆሲ ኢንቴስ ባ ኣንጆ ጉጂ ኢማናስ ዳንዳዬስ።  
\v 9 ሄሲካ 
\q1 “ማንቆታስ ኪያቴꬃን ኢሚዴስ፤ 
\q2 ኢዛ ፂሎቴꬂ ሜርናስ ዴያና” 
\m ጌቴቲ ጌሻ ማፃፋን ፃፌቲዳ ማላ። \x * \xo 9:9 \xt ማዛ 112፡9\x* 
\p  
\v 10 ዜሪዛዴስ ዜሬꬂ፥ ማናስ ካꬅ ኢሚዛ ጎዳይ ኢንቴ ዜሪዛ ዜሬꬃ ኢዚ ኬሂ ዳርሲ ኢማና። ኢዚ ኢንቴ ኪያቴꬃ ኦሶዛ ኣይፌ ኢንቴስ ዳርሳና። \x * \xo 9:10 \xt ኢሳ 55፡10\x* 
\v 11 ኢንቴ ኪያቴꬃን ኢሞይሲ ኑ ባጋራ ኢስታ ጋኪዛ ኣሳቲ ፆሴ ጋላታና ማላ ኢንቴ ኡባ ዎዴ ኪያቴꬂ ኢማና ማላ ፆሲ ኢንቴና ኡባሶራ ዱሬሳና። 
\p  
\v 12 ሃይሲ ኢንቴ ኢሚዛ ኪያቴꬃ ኦሶይ ኣማኒዛይታ ሜቶ ማዶፔ ቦላራ ኣሳይ ፆሳ ዳርሲ ጋላታና ማላ ኦꬄስ።  
\v 13 ሃይሲ ኢንቴ ኪያቴꬃ ኦሶዚ ኢንቴ ኪርስቶሳ ሚሺራቾ ቃላን ኣማኒዲ ኣማኔቲዳይታ ጊዲዳይሳ፥ ኢስታሲኔ ሃራታስካ ኢንቴ ኪያቴꬅ ኢሚዳይሳ ኤሪሲዛዝ ጊዲዳ ጊሽ ኢስቲ ዉሪካ ፆሴ ጋላታና።  
\v 14 ኢስቲ ቃሴ ፆሲ ኢንቴስ ኢሚዳ ጊታ ኪያቴꬃ ጌዶን ኢንቴና ሲቂዛ ጊሽ ኢንቴስ ዎሳና።  
\v 15 ኣሳ ቃላን ቆንጪሴꬃፌ ቦላ ጊዲዳ ፆሳ ኢሞቴꬃ ጊሽ ፆሲ ጋላቴቶ። 
\c 10  
\s1 ጳዉሎሲ ባ ኦሶ ጊሽ ኢሚዳ ቆፋ 
\p  
\v 1 ታ ጳዉሎሲ ኢንቴናራ ዲሺን ኢዚ ኣሺኬ ጌቴታዲስ ሺን ታ ኢንቴፌ ሃኪሺን ቃስ ኢንቴ ቦላ ፃሊዳዴ ጌቴቲዳ ታ ጳዉሎሲ ኪርስቶሳ ኣሽኬቴꬃኒኔ ኢዛ ሎዔቴꬃን ኢንቴና ዎሳይስ።  
\v 2 ታኒ ኢንቴና ዎሲዛይ ታ ኢንቴኮ ሄ ቢዛ ዎዴ ኢንቴ ታና ፃላቴꬃን ሃሳዪሶንታ ኣጋና ማላ። ኑኒ ኣሾ ቆፋን ሲሜሬቲዛ ማላ ኑና ፄሊዛ ኢሲ ኢሲ ኣሳታ ሲንꬃን ታኒ ፃላቴꬃን ሃሳያናስ ኮያይስ።  
\v 3 ኑኒ ዲዛይ ሃይሳ ኣላሜዛ ቦላ ጊዲኮካ ኑ ኦሌቲዛይ ሃ ኣላሜዛ ኣሳ ኦላ ማላ ጊዴና።  
\v 4 ኑ ኦላ ሚሻይካ ኦላ ሚፃ ላላናስ ዳንዳዪዛ ፆሳ ዎልቃይ ዲዛይሳ ኣቲን ሃይሳ ኣላሜዛ ኦላ ቶራ ጊዴና።  
\v 5 ፆሴ ኤሮንታ ማላ ꬉጴ ጊዲ ዴንዲዛ ፓላማኔ ኦቶሬቴꬅ ኑ ላሎስ። ኣሳ ቆፋ ዉርሲ ዲዒ ኤኪዲ ኪርስቶሳስ ኣዛዜታና ማላ ኦꬆስ።  
\v 6 ኢንቴ ኣዛዜቴꬂ ፖሌቲዛ ዎዴ ኣዛዜቶንታ ኣይ ሚሼካ ቃፃያናስ ኑኒ ጊጌቲ ኡቲዶስ። 
\p  
\v 7 ኢንቴ ፄሊዛይ ካሬ ባጋራ ቤቲዛዚ ፃላላ። ኦኒካ ታኒ ኪርስቶሳስኮ ጊ ኣማኔቲኮ ዛሬꬂ ቆፖ። ኑካ ኢዛ ማላካ ኪርስቶሳይታ ጊዲዳይሳ ኢዛዴይ ዎዝናን ዎꬆ።  
\v 8 ጎዳይ ኑስ ኢሚዳ ማታ ጊሽ ታኒ ኢዛን ጬቂኮካ ዬላቲኬ። ሄሲ ማታይ ታስ ኢሜቲዳይ ኑኒ ኢንቴና ሚኒሳናስ ኣቲን ላላናስ ጊዴና።  
\v 9 ታኒ ሃ ኪታን ኢንቴና ባቢሶስ ኦꬂዛ ሚሳቶፖ።  
\v 10 ኦኔ ኤሪዛይ ኢሲ ኢሲ ኣሳቲ “ጳዉሎሳ ኪታቲ ዴፆኔ ዎልቃማ፤ ጊዶ ኣቲን ኢዚ ኑ ኣቻን ዲዛ ዎዴ ኢዚ ላፋ፤ ኢዛ ሃሳያይካ ሌቄቲዳዛኮ!” ጊዛዚ ጊዳና።  
\v 11 ሄሳꬆ ጊዛ ኣሳቲ ኑኒ ሃሆን ዲሼ ፃፊ ኪቲዳይሳሲኔ ቃስ ኢንቴናራ ዲሼ ኑ ኦꬂዛይሳ ጊዶን ኣይኮ ዱማቴꬂ ባይንዳይሳ ሻኪ ኤሬቶ። 
\p  
\v 12 ጊዲኮካ ባርካ ባና ናሺዛ ኢሲ ኢሲ ኣሳታራ ኑና ኑርካ ጋꬂ ፄላናስ ዎይኮ ኢስታራ ኑና ጊጊሳናስ ፃሎኮ። ኢስቲ ቃሴ ባርካ ባና ባናራ ጋꬂ ፄሊዛ ጊሽ ኢስቲ ዩሺ ቆፒዛይታ ጊዴቴና።  
\v 13 ኑ ቃሴ ኢንቴኮ ጋካና ጋካናስ ፆሲ ኑስ ኢሚዳ ኦሶ ዛዋን ሲሜሬቶስ ኣቲን ዎጋፔ ኣꬂ ጬቄቲዛይታ ጊዶኮ።  
\v 14 ኢንቴ ቃሴ ኑ ኦꬂዛሶን ዲዛ ጊሽ ኪርስቶሳ ሚሺራቾ ቃላ ታማርሳናስ ኑ ኢንቴኮ ቢዳ ዎዴ ኑኒ ሄ ኑ ዛዋፔ ኣꬊቤኮ።  
\v 15 ሄሳ ጊሽ ፆሲ ኑስ ኢሚዳ ዛዋፔ ኣꬊዲ ሃራ ኣሳታ ኦꬆን ጌሊዲ ዎጋፔ ኣꬊ ጬቄቶኮ። ሄሳፌ ቦላራ ኢንቴ ኣማኖይ ዲጫና ማላኔ ኑ ኦሶይካ ፆሲ ኑስ ኢሚዳ ዛዋን ኢንቴ ጊዶን ኣካናይሳ ናጎን ዶስ።  
\v 16 ሄሳ ጊሽ ኑ ሃራ ኣሲ ኦꬂዛ ዛዋ ኣꬊዲ ካሴቲዲ ኦꬄቲዳ ኦሶን ጬቄቶንታ ዲሼ ኢንቴፌ ሄኒን ዲዛ ዴሬታስ ሚሺራቾ ቃላ ዮታናስ ዳንዳዮስ። 
\p  
\v 17 ጊዶ ኣቲን ፆሳ ማፃፋይ “ጬቄቲዛ ኣሲ ጎዳን ጬቄቶ” ጊዴስ። \x * \xo 10:17 \xt ኤር 9፡24\x* 
\v 18 ኣሲ ጋላቴታናስ ዳንዳዪዛይ ጎዳይ ጋላቲኮ ኣቲን ባርካ ባና ጋላቲን ጊዴና። 
\c 11  
\s1 ጳዉሎሳኔ ዎርዶ ሃዋሬታ 
\p  
\v 1 ታ ጉꬃ ኤያቴꬃ ኢንቴ ዳንዳያና ማላ ታ ሂዶታ ኦꬆይሳ ሃያና ዳንዳዪቴ።  
\v 2 ኢሲ ጌሎንታ ጌሻ ጌላዖያ ባ ጌላዖቴꬃን ኢሲ ኣዚናስ ጊጊዛ ማላ ታካ ኢንቴና ኪርስቶሳስ ጊጊሲዳ ጊሽ ታ ኢንቴ ጊሽ ሎዖ ቆፋ ቆፓይስ።  
\v 3 ሾሻይ ባ ጌኔራ ሄዋኖ ባሌꬂዳይሳꬆ ኦኔ ኤሪዛይ ኢንቴ ቆፋይካ ሞሬቲን ኪርስቶሳስ ዲዛ ሱሬኔ ጌሽ ጊዲዳ ኣማኔቴꬃ ኢንቴና ኣጋጋንዴቶ ጋዳ ታ ሂርጋይስ። \x * \xo 11:3 \xt ሜꬌ 3፡1-5፥13\x* 
\v 4 ኢሲ ኣሲ ኢንቴኮ ዪዲ ኑ ካሴ ኢንቴስ ሳባኪዳይሳ ጊዶንታ ሃራ ዬሱሳ ሳባኪኮ ዎይኮ ካሴ ኤኪዳ ኣያና ጊዶንታ ሃራ ኣያና ኤኪኮ ዎይኮ ካሴ ኢንቴ ኤኪዳ ሚሺራቾ ቃላ ጊዶንታ ሃራ ሚሺራቾ ቃላ ኤኪኮ ጮ ሜላ ኢንቴ ፆኔቲዴታ ጉሳ። 
\p  
\v 5 ጊዲኮካ ታኒ ሃይታ ጊታ ሃዋሬታፔ ኣይኮንካ ጉፂዛ ታስ ሚሳቴና።  
\v 6 ሃሳያን ጪንጫ ጊዶንታ ኣጊኮካ ታስ ኤራይ ፓጪቤና። ሄሳ ኑኒ ኢንቴስ ዱማ ዱማ ኦጌራ ቆንጬን ኤርሲዶስ። 
\p  
\v 7 ታኒ ኢንቴስ ፆሳ ሚሺራቾ ቃላ ዳሞዛይ ባይንዳ ሳባኪዳይኔ ኢንቴና ꬎቁ ሂስታናስ ታኒ ታና ካዉሺዳይሲ ኦኔ ኤሪዛይ ታስ ናጋራ ጊዲ ቆዴቲዴሻ?  
\v 8 ኢንቴስ ኦꬃናስ ሃንኮ ዎሳ ኬꬃታፔ ታኒ ማዶ ኤኪዳይሲ ኢስታፌ ሺሻ ኤካዳኮ።  
\v 9 ታኒ ኢንቴናራ ዲሺን ታና ሜቲን ማቂዶኒያፔ ዪዳ ኢሻቲ ታስ ኮሺዛዛን ታና ማዲዳ ጊሽ ኦናስካ ቶሆ ጊዳቤኬ። ሃኖ ጋካናስካ ኣይ ሚሻንካ ኢንቴስ ቶሆ ጊዳቤኬ። ሲንꬃፌካ ታ ኢንቴስ ቶሆ ጊዲኬ። \x * \xo 11:9 \xt ፒሊ 4፡15-18\x* 
\v 10 ኪርስቶሳ ቱማቴꬂ ታናን ዲዛ ጊሽ ታኒ ጬቄቶንታ ማላ ታና ዲጊዛይ ኣካያ ዴሬን ኦኒካ ባዋ።  
\v 11 ሄሳስ ጋሶይ ኣዜ? ታኒ ኢንቴና ሲቆንታ ጊሼ? ታ ኢንቴና ሲቂዛይሳ ፆሲ ኤሬስ። 
\p  
\v 12 ሄይቲ ዎርዶ ሃዋሬቲ “ኑካ ኢስታꬆ ኦꬆስ” ጊሼ ኢስቲ ጬቄቲዛይሳ ዲጋናስ ታ ሃዒ ኦꬂዛይሳꬆ ሲንꬃፌካ ኦꬃና።  
\v 13 ሄይታንታ ማላ ኣሳቲ ኪርስቶሳ ሃዋሬታ ሚሳታናስ ባርካ ባና ላሚዛ ዎርዳንቻ ሃዋሬታኔ ባሌꬂዛ ኦሳንቻታ።  
\v 14 ሄሲካ ዳሮ ማላሊሲዛዚ ጊዴና። ፃላዔይካ ባና ፖዖ ኪታንቻ ሚሳቲሲዲ ላሜቴስ።  
\v 15 ሄሳ ጊሽ ሄይቲ ፃላዔ ኦሳንቻቲ ሃንኮ ፂሎ ኦሳንቻታ ሚሳታናስ ባርካ ባናቴꬃ ላሚኮ ኣይኮካ ማላሊሴና። ዉርሴꬃን ኢስቲ ባ ኦሶ ዋጋ ኤካና። 
\s1 ጳዉሎሲ ሃዋሬቴꬃ ጌዶን ቤዪዳ ዋዬ 
\p  
\v 16 ኦናስካ ታኒ ኤያ ጊዲዳዚ ሚሳቶፖ ጋዳ ቃሴካ ዮታዲስ። ታ ኢስታስ ኤያ ሚሳቲኮካ ጉꬃ ዎዴስ ታ ጬቄታና ማላ ታና ኢንቴ ኤያ ማላ ቆዲቴ።  
\v 17 ታኒ ሄሳꬆ ዱና ኩንꬃ ሃሳዪዛይ ጎዳ ሼኔ ማላ ጊዶንታ ኤያ ኣሳ ማላ ጊዳዳ።  
\v 18 ዳሮቲ ባ ኣሾ ቆፋን ጬቄቲዛይሳꬆ ታካ ጬቄታና።  
\v 19 ኢንቴ ቃስ ዩሺ ቆፒዛይታ ጊዲዳ ማላ ሃንኮ ኤያታ ኡፋይሳናስ ዳንዳዬታ።  
\v 20 ሄሳꬆካ ኦኒካ ኢንቴና ባሲ ኣይሌስኮኔ ኦኒካ ኢንቴና ቦንቂኮ፥ ኦኒካ ኢንቴናን ጎዔቲኮ፥ ኦኒካ ኢንቴና ሌቂኮ፥ ኦኒካ ኢንቴስ ሻጋላን ባቂኮ ኢንቴ ዳንዳዬታ።  
\v 21 ኢዚ ታና ዬላሲዛዚ ጊዲኮካ ሃይታ ሃ ሃኖታ ኦꬃናስ ኑኒ ሚኖ ጊዶንታይሳ ታኒ ኢንቴስ ቆንጪሳይስ። 
\p ጊዶ ኣቲን ኦኒካ ጬቄታናስ ፃሊኮ ታካ ኢዛꬆ ፃላዳ ጬቄታና። ታኒ ሄሳ ጊዛይ ሃዒካ ኤያ ጊዳዳ።  
\v 22 ሄይታንቲ ኢስቲ ኢብራዌ ኣሳቴ? ታካ ኢብራዌኮ! ኢስቲ ኢስራዔሌ ኣሳቴ? ታካ ኢስራዔሌ ኣሳኮ! ኢስቲ ኣብራሃሜ ዜሬꬃቴ? ታካ ኣብራሃሜ ዜሬꬂኮ!  
\v 23 ሄይታንቲ ኪርስቶሳ ኦሳንቻቴ? ታኒ ቃስ ኢስታፌ ቦላራ ኪርስቶሳስ ኦꬂዛዴ። ታ ሄሳꬆ ጊዛይ ጎሻ ማላ ጊዳዳኮ! ታኒ ኢስታፌ ዳሮ ዎዴ ኦሶን ዳቡራዲስ፤ ዳሮ ዎዴ ቃሼታዲስ፤ ዳሮ ዎዴ ጋራፌታዲስ፤ ዳሮ ዎዴ ሃይቆስ ጋካዲስ። \x * \xo 11:23 \xt ሃዋ 16፡23\x* 
\p  
\v 24 ሄꬑ ታማኔ ኡዱፉን ፁርቃፌ ኢቻሹቶ ኣይሁዳታን ጋራፌታዲስ። \x * \xo 11:24 \xt ዛሬ 25፡3\x* 
\v 25 ሄꬑቶ ዱርቃን ቡኬታዲስ፤ ኢሲቶ ሹቻን ጫዴታዲስ፤ ሄꬑቶ ማርካቤ ጊዶን ታ ቦላ ሜቶይ ጋኪዴስ፤ ኢሲ ኦማርሲኔ ኢሲ ጋላስ ኣባ ጊዶን ጋምዓዲስ። \x * \xo 11:25 \xt ሃዋ 14፡19፤ 16፡22\x* 
\v 26 ታ ሃሙꬃ ዳሮ ጋሶን ሃꬃ ኪፃይኔ ዲዖይ፥ ፓንጋታፔ ሜቶይ ታና ጋኪዴስ። ታ ቆሞ ኣይሁዳ ኣሳፔኔ ኣይዛቤታፔ ዋዬይኔ ሜቶይ ታና ጋኪዴስ። ካታማንካ ባዞንካ ኣባ ቦላንካ ታና ሜቶይ ጋኪዴስ፤ ሄሳꬆካ ዎርዶ ኣማኒዛይታፔ ሜቶይ ታና ጋኪዴስ። \x * \xo 11:26 \xt ሃዋ 9፡23፤ 14፡15\x* 
\v 27 ዳሮ ኦꬃ ዳቡራዲስ፤ ዳሮ ዎዴ ꬊስካቤኬ፤ ጋፋኒኔ ሃꬃ ሳሞን ዋዬታዲስ፤ ዳሮ ዎዴ ሚዛ ካꬂ ታስ ꬋዪዴስ፥ ሜጎይኔ ካሎቴꬅ ታና ጋኪዴስ።  
\v 28 ታኒ ሃራ ሚሺ ቆፖንታ፥ ጋላስ ጋላስ ታና ቆፒሲዛይ ዎሳ ኬꬃታ ኡባ ጊሽ ቆፒዛ ቆፋ።  
\v 29 ኢሲ ኣሲ ዳቡሪሺን ታኒ ኢዛራ ዳቡሮንታ ኣይዴ ኣጋዲና? ኢሲ ኣሲ ናጋራን ኩንዲሺን ታ ቃሴ ኢዛ ሃንቄቶንታ ኣይዴ ኣꬋ ኤራዚና? 
\p  
\v 30 ጬቄታናስ ኮሺዛዚ ጊዲኮ ታ ጬቄታናይ ታ ዳቡራንቻ ጊዲዳይሳ ታና ቤሲዛ ሚሻን ጬቄታይስ።  
\v 31 ሜርናስ ጋላቴቲዳ ጎዳ ዬሱስ ኪርስቶሳ ኣዋ ፆሲ ታ ዎርዶቶንታይሳ ኤሬስ።  
\v 32 ታኒ ዴማስቆ ካታማን ዲሺን ካዎ ኣርሲፆሲዮሳፔ ጋርሳራ ዴሬ ኣይሲዛይሲ ታና ኦይካናስ ኮይዲ ሄ ካታማ ፔንጌታ ዛቤታን ናጊሲዴስ።  
\v 33 ጊዲኮካ ኣሳይ ታና ኬሼን ዬጊዲ ሄ ካታማ ጊንቤ ማስኮቴራ ዱጌ ዎꬂ ዬዲን ኬሳ ኤካ ኣታዲስ። 
\c 12  
\s1 ጳዉሎሲ ቤዪዳ ኣጁታ 
\p  
\v 1 ጬቄቴꬃን ኣይኔ ጎዓይ ባይንዳ ኣጊኮካ ጬቄታናስ ኮሺኮ ጎዳይ ታስ ቆንጪሲ ኢሚዳይሳኒኔ ኢዚ ቤሲዳ ኣጁታን ታ ጬቄታና።  
\v 2 ኪርስቶሳስ ጊዲዳ ኢሳዴ ታ ኤራይስ። ሄ ኣዴዚ ታማኔ ኦይዱ ላይꬃፌ ካሴ ሄꬓንꬆ ሳሎ ኤኬቲ ቢዴስ። (ኢዚ ኤኬቲዳይ ባ ኣሾራ ጊዲን ዎይኮ ኣሾራ ጊዶንታ ኣጊን ኤሪኬ ሺን ፆሲ ቃሴ ኤሬስ።) 
\p  
\v 3 ጊዲኮካ ኢዚ ባ ኣሾዛራ ቢን ዎይኮ ሜላ ቢን ታ ኤሪኬ። ፆሲ ቃሴ ኤሬስ።  
\v 4 ኢዛዴይካ ፑዴ ጋናቴ ኤኬቲዲ ኣሳ ቃላን ቆንጪሳናሲኔ ኣሲ ጋናስ ዳንዳዮንታዝ ኢዚ ሲይዴስ።  
\v 5 ታኒ ሄሳ ማላ ኣሳን ጬቄታይስ። ታ ሁዔስ ጊዲኮ ታ ዳቡርሳፌ ሃራ ታ ኢዛን ጬቄታና ሚሺ ታስ ዴና።  
\v 6 ሂስቲን ታኒ ቱማ ሃሳዪዛ ጊሽ ጬቄታናስ ኮዪኮካ ታ ኤያ ጊዲኬ። ጊዶ ኣቲን ኦኒካ ታ ቦላ ባ ቤዪዛዛፔኔ ታፔ ሲዪዛይሳፌ ቦላራ ቆፖንታ ማላ ጋዳ ጬቄታናፔ ናጌታይስ። 
\p  
\v 7 ሃይታ ታስ ቆንጪዳ ጊታ ሃኖታ ጋሶን ታኒ ኦቶሬቶንታ ማላ ታ ኣሳቴꬅ ኣጉንꬃ ማላ ጫዲዛ ሳኮይ ታስ ኢሜቲዴስ። ሄሲካ ፃላዔፔ ኪቴቲዲ ታና ጫቻን ዋይሲዲ ታ ጬቄቶንታ ማላ ዲጌስ።  
\v 8 ሃይሲ ታና ዋይሲዛይሲ ታፔ ኪቻና ማላ ታኒ ጎዳ ሄꬑቶ ዎሳዲስ።  
\v 9 ጊዶ ኣቲን ጎዳይ ቃሴ “ታ ዎልቃይ ኩሜꬅ ጊዲ ቆንጫናይ ኔ ዳቡርሳን ጊዲዳ ጊሽ ታ ኪያቴꬂ ኔስ ጊዳና” ጊዴስ። ሄሳ ጊሽ ኪርስቶሳ ዎልቃይ ታ ቦላ ጊዳና ማላ ኣይ ዎዴፔካ ቦላራ ታኒ ዳቡርሺን ሄ ዎዴ ኡፋይሳን ጬቄታናስ ዶሳይስ።  
\v 10 ታኒ ዎልቃ ዴሚዛይ ዳቡሪዛ ዎዴ ጊዲዳ ጊሽ ታ ኪርስቶሳ ጊሽ ዳቡሪሺን፥ ጫዬቲሺን፥ ሜቶቲሺን፥ ጎዴቲሺን፥ ሙዞቲሺን ታና ኡፋይሴስ። 
\s1 ቆሮንቶሴ ኣሳ ጊሽ ጳዉሎሳ ቆፋ 
\p  
\v 11 ታኒ ኤያ ኣሳ ማላ ሃሳያዲስ! ታኒ ሄሳꬆ ሃሳያና ማላ ኦꬂዳይ ኢንቴናኮ! ኢንቴ ታና ጋላታናስ ቤሴሲኮ ሺን ታ ኦናኮኔ ኤሬቶንታዴ ጊዲኮካ ሃንኮ ጊታ ጌቴቲዳ ሃዋሬታፔ ታኒ ኣዛንካ ጉፂኬ።  
\v 12 ታኒ ቱሙ ሃዋሬ ጊዲዳይሳ ኤሪሲዛ ሃኖቲ ታ ኢንቴናራ ዳሼ ዳንዳያን ፖሊዳ ኦሶታ። ሄይቲካ ማላታታ፥ ጊታ ኦራꬃ ሚሼታኔ ማላሊሲዛ ኦሶታ።  
\v 13 ታኒ ኢንቴስ ቶሆ ጊዶንታ ኣጎሪፔ ኣቲን ሃንኮ ሃራ ዎሳ ኬꬃታፔ ኢንቴና ኣዛን ፓጪሳዲና? ሄሲካ ሞሮ ጊዲኮ ኢንቴ ታና ማሪቴ። 
\p  
\v 14 ታኒ ሄ ኢንቴኮ ባናስ ጊጌቲሺን ሃይሲ ሄꬓንꬆ። ታኒ ኢንቴስ ቶሆ ጊዳናስ ኮዪኬ። ታኒ ኢንቴና ኮያይስ ኣቲን ኢንቴ ሚሻ ኮዪኬ። ኣዋቲ ናይታስ ሚሻ ሺሼቴስ ኣቲን ናይቲ ኣዋታስ ሚሻ ሺሺ ኤሬቴና።  
\v 15 ታኒ ኢንቴ ጊሽ ታናካ ታስ ዲዛዝ ዉርሳ ኢንቴስ ኣꬃ ኢሚዳኮ ታና ዳሮ ኡፋይሴስ። ሂስቲን ታኒ ኢንቴና ሃይሳ ማላ ዳሮ ሲቂሺን ኢንቴ ቃስ ታና ዋኒ ጉꬃራ ሲቄቲ? 
\p  
\v 16 ኣይ ጊዲኮካ ታ ኢንቴስ ቶሆ ጊዳቤኬ ሺን ኢንቴስ ታ ኢንቴና ጮ ጌኔን ባሌꬃ ኦይኪዳዚ ሚሳቴስ።  
\v 17 ታ ኢንቴኮ ኪታ ዬዲዳ ኣሳታፔ ኢሳዴ ባጋራካ ኢንቴፌ ጎዔታዲና?  
\v 18 ቲቶሲ ኢንቴኮ ባና ማላ ታ ኢዛ ዎሳዲስ። ሄሳ ኑ ኢሻዛካ ኢዛራ ጋꬃ ዬዳዲስ። ሂስቲን ቲቶሲ ኢንቴፌ ኣይኮ ጎዔቲዴ? ታኒኔ ኢዚ ኢንቴስ ኦꬂዳይ ኢሲ ዎዝናን ጊዴኔ? ካሴ ኑ ሃኖይ ኢሲ ማላ ጊዴኔ? 
\p  
\v 19 ኢንቴ ዉሪካ ሃዒ ጋካናስ ቆፒዛይ ኑ ኢንቴ ሲንꬃን ኑና ኣሻናስ ሃኒዛ ሚሻ ማላ ፄሌቲ? ኑኒ ኪርስቶሳን ጊዲዲ ኢንቴስ ዮቲዛይሲ ፆሳ ሲንꬃና። ታ ሲቆቶ! ኑ ሃይሳ ዉርሲ ዮቲዛይ ኢንቴና ጎዓናስ ጊዲኮ!  
\v 20 ታኒ ሄ ቢዛ ዎዴ ኦኔ ኤሪዛይ ኢንቴ ታ ኮይዳ ማላ ሃኖንታ ኣጊኮ ታካ ኢንቴ ኮዪዛ ማላ ጊዶንታ ዳሼ ጋጌታኔሻ ጋዳ ሂርጋይስ። ሄሳꬆካ ኢንቴ ጊዶን ኦሺ፥ ቃናቴቴꬂ፥ ሃንቆይ፥ ዙፔቴꬂ፥ ኣሳ ሱንꬅ ኢሶይ፥ ዚጊርሲ፥ ኦቶሬቴꬂኔ ካቺ ዱስ ኣጌና ጋዳ ሂርጋይስ።  
\v 21 ታኒ ቃሴካ ሄ ኢንቴኮ ቢሺን ኦኔ ኤሪዛይ ታ ጎዳይ ታና ኢንቴ ሲንꬃን ካዉሻንዴ ጋዳ ሂርጋይስ። ሃይሳፌ ካሴ ናጋራ ኦꬂዲ ሄ ኦꬂዳ ቱናቴꬃን፥ ላይማኒኔ ጮ ሜላ ዬዳ ዱሳስ ማሮቴꬃን ጌሎንታ ኣሳታ ጋሶን ታ ሙዞቴꬃን ዎꬋንዲና ጋዳ ሂርጋይስ። 
\c 13  
\s1 ዉርሴꬃ ዞሬኔ ሳሮካ 
\p  
\v 1 ሂስቲኮ ታኒ ኢንቴኮ ቢሺን ሃይሲ ታስ ሄꬓንꬆ። ኣይዴካ ጊዲን ዮዖይ ሚኒዛይ ናምዑ ማርካን ዎይኮ ሄꬑ ማርካና።\x * \xo 13:1 \xt ዛሬ 17፡6፤ 19፡15\x* 
\v 2 ኢንቴና ቤያናስ ታ ናምዓንꬆ ቦይሳን ታ ኢንቴናራ ዳሼ ኢንቴ ናጌታና ማላ ታ ኢንቴስ ሚንꬃ ዮታዲስኮሺን፤ ሃዒካ ቃሴ ሃሆን ዳዳ ሃይሳፌ ካሴ ናጋራ ኦꬂዳይታሲኔ ሃንኮይታስ ሚንꬃ ዮታይስ። ሃዒ ታ ኢንቴኮ ሄ ሲማ ቢኮ ኢስታፌ ኦናስካ ሚሼቲኬ።  
\v 3 ሄሲካ ቃሴ ታናን ጊዲዲ ኢንቴስ ዮቲዛይ ኪርስቶሳ ጊዲዳይሳ ኢንቴ ሻኪ ኤራናስ ኮዪዛይሳ ቤሴስ። ኢንቴ ኣቻን ዲዛ ኪርስቶሲ ዎልቃማ ኣቲን ላፋ ጊዴና።  
\v 4 ኢዚ ማስቃሌ ቦላ ካቄቲዲ ዳቡራን ሃይቂኮካ ሃዒ ቃስ ፆሳ ዎልቃን ፓፃ ዴስ። ኑካ ኢዛራ ላፋታ ጊዲኮካ ኢንቴ ጊሽ ጊዲ ፆሳ ዎልቃን ሚኒ ዶስ። 
\p  
\v 5 ኢንቴ ኣማኖን ሚኒ ዲዛኮኔ ኤራናስ ኣኔ ኢንቴርካ ኢንቴና ፓጪ ፄሊቴ። ዬሱስ ኪርስቶሲ ኢንቴናን ዲዛይሳ ሻኪ ኤሪቤይኬቲ? ሄሳꬆ ሃኖንታ ኣጊኮ ኢንቴ ፓጬን ኩንዲዴታ ጉሳ።  
\v 6 ኑኒ ፓጬን ኩንዶንታይሳ ኢንቴ ሻኪ ኤራና ጋዳ ሂዶታ ኦꬃይስ።  
\v 7 ኢንቴ ኢታ ሚሺ ኦꬆንታ ማላ ኑኒ ፆሴ ዎሶስ። ኑኒ ዎሲዛይካ ኑ ኣይኮካ ዳንዳዪዛይታ ጊዶንታ ኣጊኮካ ኢንቴ ኡባ ዎዴ ሎዖ ኦሶ ኦꬃናፔ ኣቲን ኑ ጎባቴꬂ ኢንቴና ቤሳናስ ጊዴና።  
\v 8 ኑኒ ቱማቴꬃስ ኦꬆስ ኣቲን ቱማፔ ካሬራ ኣይኮካ ኦꬃና ዳንዳዮኮ።  
\v 9 ኑኒ ዳቡራንቻታ ጊዲን ኢንቴ ቃስ ሚኖታ ጊዲሺን ኑና ኡፋይሴስ። ኑ ዎሳይ ኢንቴ ቦላ ዎሶይ ባይንዳይታ ጊዳና ማላሳ።  
\v 10 ታኒ ሃይሳ ኢንቴስ ዬዲዛ ኪታዛ ኢንቴፌ ሃካ ዳሼ ፃፊዳይ ሄሳ ጊሻሳ። ሄሳ ማላን ታ ኢንቴኮ ቢዛ ዎዴ ታስ ጎዳይ ኢሚዳ ኣዋቴꬃን ታ ኢንቴና ዋይሲኬ። ጎዳይ ታስ ኣዋቴꬅ ኢሚዳይ ኢንቴና ሚንꬃናስ ኣቲን ላላናስ ጊዴና። 
\p  
\v 11 ኣኔ ሃዒ ታ ኢሻቶ! ሳሮ ዲቴ፤ ኢንቴ ዱሳ ሎዔꬂቴ፤ ታ ኢንቴና ዞሮይሳ ካሊቴ፤ ኣሳይ ኢሶይ ኢሳራ ሲጌቲቴ። ሳሮን ዲቴ፤ ሲቆኔ ሳሮ ጎዳይ ኢንቴናራ ጊዳና።  
\v 12 ሲቆ ዬሬቴꬅ ዬሬቲዲ ኢሶይ ኢሳራ ሳሮኬቲቴ። 
\p  
\v 13 ኣማኒዛ ኣሳይ ዉሪካ ኢንቴና ሳሮ ጌስ።  
\v 14 ጎዳ ዬሱስ ኪርስቶሳ ኪያቴꬂ፥ ፆሳ ሲቆይኔ ፂሎ ኣያና ኢሲፌቴꬅ ኢንቴናራ ኡባታራ ጊዶ።