\id 1JN - Gamo project 
\h 1 ዮሃኒሳ 
\toc1 ዮሃኒሲ ፃፊዳ ኮይሮ ኪታ 
\toc2 1 ዮሃኒሳ 
\toc3 1ዮሃ 
\mt1 ዮሃኒሲ 
\mt2 ፃፊዳ ኮይሮ ኪታ 
\imt1 ጊዶ ቆፋ 
\ip ዮሃኒሲ ኮይሮ ዬዲዳ ኪታዛን ናምዑ ኣይፌ ዮቲ ዴቴስ። ሄይቲካ ሄ ኪታዛ ናባቢዛይታስ ፆሳራኔ ፆሳ ና ዬሱስ ኪርስቶሳራ ኢሲፌቴꬅ ዴዓና ማላ ኢስታ ሚንꬄꬃናሲኔ ሄሳ ሄ ኢሲፌቴꬃ ꬋይሲዛ ዎርዶ ቲሚርቴፌ ኢስቲ ናጌታና ማላ። ሃይሲ ኪታይ ፃፌቲዛ ዎዴ ሄ ኣላሜዛ ቦላ ዳሮ ዎልቃማ ዎርዶ ቲሚርቴይ ዴስ። ሄ ቲሚርቴዚካ ኢሲ ኢሲ ኣማኒዛ ኣሳታ ኣማኖፔ ካሬ ኬሲዴስ። ሄ ዎርዶ ኣስታማሬቲ ታማርሲዛ ኢታ ቲሚርቴይ 1. “ፆሲ ኣያና ኣላሜ ፃላላ ሜꬊዴስ። 2. ሃይሳ ሃ ኣላሜዛን ዲዛ ኣይፌን ቤቲዛ ሚሺ ኡባኔ ኑ ኣሳቴꬂ ፆሲ ሜꬊቤና። ሄሳ ጊሽ ሄ ሜꬌቴꬃቲ ዉሪካ ኢታ ፃላ። 3. ሃይሲ ኣይፌን ቤቲዛ ኣላሜዚኔ ኑ ኣሳቴꬃይ ኑ ኣያና ቆሃናሲኔ ቱኒሳናስ ዳንዳዬና።” ሃይሳ ጉሲ “ኮይሮ ፆሳፌ ዪዳ ዬሱሳስ ኣሳ ኣሳቴꬅ ዴና። ቃሴካ ናምዓንꬆራ ኢሳዴይ ሃራ ኣሳ ቦላ ናጋራ ኦꬂኮኔ ኢዚ ሃራ ኣስ ኢፂኮ ሄሳዴ ኦꬆዚ ኢዛ ኣያና ቆሃናሲኔ ቱኒሳናስ ዳንዳዬና” ጉሳ። ሄይቲ ሄ ኣስታማሬቲ “ኣቶቴꬃ ጉሲ ሃይሳ ኣላሜዛ ዱሳስ ቆፖንታ ኣጎ ኮሼስ” ጊ ታማርሴቴስ። ሄሳራካ ጋꬂዲ “ሎዖ ኦሶን ጊዲን ዎይኮ ኣሴ ሲቆይ ሙሌካ ኮሼና” ጊ ታማርሴቴስ። 
\ip ሄሳ ጊሽ ዮሃኒሲ ባ ኪታን ሄሳꬆ ዎርዶ ቲሚርቴይ ቱሙ ኣማኖ ቲሚርቴፌ ካሬ ጊዲዳይሳ ታማርሴስ። ሄሳ ሄ ቲሚርቴዛ ኢፆን ዬሱስ ኪርስቶሲ ኩሜꬃራ ኣሴኮ፤ ዬሱሳን ኣማኒዛይቲኔ ፆሴ ሲቂዛይቲ ዉሪካ ባ ጋርሳን ኢሶይ ኢሳራ ሲቄታናስ ቤሴስ ጊዲ ኤሪሲዴስ። ቃሴካ ዬሱሲ ቱሙ ኣሳ ኣሾ ማይዒዳይሳኔ ዬሌቲዳይሳ ካዲዛዴይ ፆሳፌ ዬሌቲቤና። (4፡2-3) ጎዳ ፆሳፌ ዬሌቶንታዴይ ቃሴ ፆሳፔ ጊዲዳዴ ሲቃናዉ ዳንዳዬና። ፆሳፌ ዬሌቲዳዴይ ኡባ ዎዴ ናጋራን ዴዓናስ ዳንዳዬና። (3፡10) 
\is1 ሃ ማፃፋይ ኦይኪዳ ኩሜꬃ ቆፋ 
\io1 ጌሎሶ 1፡1-4 
\io1 ፖዖኔ ꬉማ 1፡5-2፡29 
\io1 ፆሳ ናይታኔ ፃላዔ ናይታ 3፡1-24 
\io1 ቱማኔ ዎርዶ 4፡1-6 
\io1 ቱማ ሲቆ 4፡7-21 
\io1 ፆኒዛ ኣማኖ 5፡1-21 
\c 1  
\s1 ዴዖ ቃላ 
\p  
\v 1 ዴዖ ቃላ ጊሽ ኮይሮፔ ዲዛይሳ ኑኒ ኑ ሃይꬃን ሲዪዳይሳኔ ኑ ኣይፌራ ቤዪዳይሳ ሎዔꬂ ፄሊዳይሳ፥ ኑ ኩሼራ ኦይኪ ቤዪዳይሳ ጊሽ ሃሳዮስ። \x * \xo 1:1 \xt ዮሃ 1፡1\x* 
\v 2 ዴዖይካ ቆንጪዴስ፤ ኑካ ኑ ኣይፌራ ቤዪዲ ማርካቶስ። ኢዛስ ኢዛ ኣዋ ኣቻን ዲዛይሳኔ ኑስካ ቆንጪዳ ሜርና ዴዖ ጊሽ ኑ ኢንቴስ ዮቶስ። \x * \xo 1:2 \xt ዮሃ 1፡14\x* 
\v 3 ኢንቴስካ ኑናራ ኢሲፌቴꬂ ዳና ማላ ኑኒ ቤዪዳይሳኔ ሲዪዳይሳ ኢንቴስ ዮቶስ። ኑ ኢሲፌቴꬃይካ ኣዋራኔ ኢዛ ና ዬሱስ ኪርስቶሳራ።  
\v 4 ኑ ኡፋይሳይ ኩሜꬅ ጊዳና ማላ ኑ ሃይሳ ኢንቴስ ፃፎስ። \f + \fr 1:4 \fq ኑ ኡፋይሳይ \ft ኢሲ ኢሲ ቢርሼቻታን ኢንቴ ኡፋይሳይ ጌቴቲዴስ።\f* 
\s1 ፖዖን ሲሜሬቴꬅ 
\p  
\v 5 ኑ ኢዛፔ ሲይዲ ኢንቴስ ዮቲዛ ኪታይ “ፆሲ ፖዖ፤ ኢዛ ኣቻን ሙሌካ ꬉማይ ዴና” ጊዛይሳ።  
\v 6 “ኑ ꬉማን ሲሜሬቲሼ ኢዛራ ኑስ ኢሲፌቴꬂ ዴስ” ጊኮ ዎርዶቶስ ኣቲን ቱማን ዶኮ።  
\v 7 ጊዶ ኣቲን ኢዚ ፖዖን ዲዛ ማላ ኑካ ፖዖን ሲሜሬቲኮ ኑ ጋርሳን ኑስ ኢሲፌቴꬂ ዴስ፤ ኢዛ ና ዬሱስ ኪርስቶሳ ሱꬂ ኑና ናጋራ ኡባፌ ጌሼስ። 
\p  
\v 8 ኑ ኑናን ናጋራይ ባዋ ጊኮ ኑርካ ኑና ባሌꬆስ፤ ቱማይካ ኑናን ዴና።  
\v 9 ኑኒ ኑ ናጋራ ፓፂኮ ኢዚ ኑ ናጋራ ኣቶ ጋናሲኔ ኑ ቆሆፔ ኑና ዉርሲ ጌሻናስ ኢዚ ኣማኔቲዳዴኔ ፂሎ።  
\v 10 ኑ ናጋራ ኦꬂቤኮ ጊኮ ኢዛ ኑ ዎርዳንቻ ኬሶሲኔ ኢዛ ቃላይካ ኑናን ዴና። 
\c 2  
\p  
\v 1 ታ ናይቶ! ታ ኢንቴስ ሃይሳ ፃፊዛይ ኢንቴ ናጋራ ኦꬆንታ ማላሳ። ጊዶ ኣቲን ኦኒካ ናጋራ ኦꬂኮ ኣዋ ኣቻን ኑስ ፃባቃይ ዴስ። ኢዚካ ፂሎዛ ዬሱስ ኪርስቶሳ። 
\p  
\v 2 ኢዚ ኑ ናጋራይ ኣቶ ጌቴታና ማላ ኦጌ ጊጊሲዛዴ፤ ሄሲካ ኑና ፃላላ ጊዶንታ ኩሜꬃ ኣላሜ ኣሳሳራ ኣቲን ኑስ ፃላ ጊዴና።  
\v 3 ኑ ኢዛ ኣዛዞታ ፖሊኮ ኑ ኢዛ ኤሪዳይሳ ሄሳን ኣማኔቶስ።  
\v 4 “ታ ኢዛ ኤራይስ” ጊሼ ኢዛ ኣዛዞ ፖሎንታዴ ጊዲኮ ሄሳዴይ ዎርዶ ኣሳ ኣቲን ቱማይ ኢዛዴን ዴና።  
\v 5 ቃሴ ኦኒካ ኢዛ ቃላ ናጊኮ ቱሙ ፆሳ ሲቆይ ኢዛዴን ፖሌቲዴስ። ኑኒ ኢዛን ዲዛይሳ ኤሪዛይ ሄሳና።  
\v 6 ታ ኢዛን ዳይስ ጊዛ ኣሲ ኦኒካ ዬሱሲ ሲሜሬቲዳ ማላ ሲሜሬታናስ ቤሴስ። 
\s1 ኦራꬃ ኣዛዞ 
\p  
\v 7 ታ ሲቆቶ! ታ ኢንቴስ ፃፊዛይሲ ካሴ ኢንቴስ ዲዛሮ ኢንቴኮን ጋምዒዳ ኣዛዞዮ ኣቲን ሃራ ኦራꬃ ኣዛዞ ጊዴና፤ ጋምዒዳ ኣዛዞያ ካሴ ኢንቴ ሲዪዳ ቃላ።  
\v 8 ሃራ ባጋራ ታ ኢንቴስ ፃፊዛይ ኪርስቶሳ ኣቻኒኔ ኢንቴ ኣቻን ቱሙ ጊዲዳ ኦራꬃ ኣዛዞ፤ ጋሶይካ ꬉማይ ኣꬊን ቱሙ ፖዖይ ፖዖ ቦላ ዴስ። 
\p  
\v 9 ፖዖን ዳይሲ ጊሼ ባ ኢሻ ኢፂዛዴይ ሃዒካ ꬉማን ዴስ።  
\v 10 ባ ኢሻ ሲቂዛዴይ ፖዖን ዴስ፤ ሄሳዴስ ꬉጴ ጊዲዛ ሚሺ ዴና።  
\v 11 ጊዶ ኣቲን ባ ኢሻ ኢፂዛዴይ ጊዲኮ ꬉማ ጊዶን ዴስ፤ ꬉማን ሲሜሬቴስ፤ ꬉማይ ኢዛ ቆቂሲዳ ጊሽ ኢዚ ኣዋ ቢዛኮኔ ባ ቢዛሶ ኤሬና። 
\p  
\v 12 ታ ናይቶ! ኢንቴ ናጋራይ ዬሱስ ኪርስቶሳፔ ዴንዲዳይሳን ኣቶ ጌቴቲዳ ጊሽ ታ ኢንቴስ ፃፋይስ።  
\v 13 ኣዋቶ! ካሴ ኮይሮፔ ዲዛይሳ ኢዛ ኢንቴ ኤሪዛ ጊሽ ታ ኢንቴስ ፃፋይስ፤ ናቴꬃቶ! ኢንቴ ኢታ ጊዲዳ ፃላዔ ፆኒዳ ጊሽ ታ ኢንቴስ ፃፋይስ። 
\p  
\v 14 ናቴꬃ ናይቶ! ኢንቴ ኣዋ ኤሪዳ ጊሽ ታ ኢንቴስ ፃፋይስ። ኣዋቶ! ኮይሮፔ ዲዛይሳ ኢዛ ኢንቴ ኤሪዳ ጊሽ ታ ኢንቴስ ፃፋይስ። ናቴꬃቶ! ኢንቴ ሚኖታ ጊዲዳ ጊሺኔ ፆሳ ቃላይ ኢንቴናን ዲዛ ጊሽ ኢንቴ ኢታ ጊዲዳ ፃላዔ ፆኒዳ ጊሽ ታ ኢንቴስ ፃፋይስ። 
\s1 ኣላሜ ዶሶፒቴ 
\p  
\v 15 ሃይሳ ኣላሜዛ ዎይኮ ሃ ኣላሜዛን ዲዛ ኣይ ሚሼካ ዶሶፒቴ። ኦኒካ ሃ ኣላሜዛ ዶሲኮ ኣዋ ሲቆይ ኢዛዴ ኣቻን ዴና።  
\v 16 ጋሶይካ ሃ ኣላሜዛን ዲዛይ ዉሪ ኣሾ ኣሞቴꬅ፥ ኣይፌስ ሎዖኔ ዱሳን ጬቄቴꬅ፤ ሃይቲ ኣላሜፔ ኣቲን ፆሳ ኣዋፔ ዪዛይታ ጊዴቴና።  
\v 17 ኣላሜይኔ ኣላሜን ዲዛ ኣሞቴꬂ ኣꬋና ሺን ፆሳ ሼኔ ፖሊዛይቲ ጊዲኮ ሜርናስ ዳና። 
\s1 ኪርስቶሳራ ኤቄቲዛይታፔ ናጌቴꬅ 
\p  
\v 18 ናይቶ! ሃይሲ ዉርሴꬃ ሳቴ። ኢንቴ ሲዪዳ ማላ ኪርስቶሳራ ኤቄቲዛዴይ ያና። ሃዒካ ኪርስቶሳራ ኤቄቲዛ ዳሮቲ ዪዳ። ሃይሲ ዉርሴꬃ ሳቴ ጊዲዳይሳ ኑ ሃይሳን ኤሮስ።  
\v 19 ኢስቲ ኑ ጊዶፌ ኬዚዳ። ጊዶ ኣቲን ኢስቲ ካሴካ ኑ ባጋ ጊዴቴና። ኢስቲ ኑ ባጋ ጊዲዳኮ ኑናራ ሚኒ ኤቃናኮሺን፤ ጊዶ ኣቲን ኢስቲ ዉሪ ኑ ባጋ ጊዶንታይሲ ኤሬታና ማላ ኑፔ ሻኬቲዳ 
\p  
\v 20 ኢንቴና ቃሴ ኪርስቶሲ ፂሎ ኣያናን ቲዪዴስ፤ ሄሳ ጊሽ ኢንቴ ዉሪካ ቱማ ኤሬታ።  
\v 21 ታ ኢንቴስ ፃፊዛይ ኢንቴ ቱማ ኤሮንታ ጊሽ ጊዴና፤ ጊዶ ኣቲን ኢንቴ ቱማ ኤሪዛ ጊሺኔ ቱማ ጋርሳፌ ኣይኮ ዎርዶይካ ቤቶንታይሳ ኢንቴ ኤሪዛ ጊሻሳ። 
\p  
\v 22 ዬሱሳ ኢዚ ኪርስቶሳ ጊዴና ጊ ካዲዛዴፌ ሃራ ዎርዳንቻይ ኦኔ? ሄሳዴይ ኣዋኔ ናዛ ካዲዛ ኪርስቶሳራ ኤቄቲዛዴ።  
\v 23 ናዛ ካዲዛዴስ ኦናሲካ ኣዋይ ዴና፤ ናዛ ኤኪዛዴስ ኡባስ ኢዛስ ኣዋይካ ዴስ። 
\p  
\v 24 ኢንቴ ኮይሮ ሲዪዳ ቃላያ ኢንቴናን ዱ፤ ኢንቴ ኮይሮ ሲዪዳራ ኢንቴናን ዲኮ ኢንቴካ ናዛኔ ኣዋን ዳና።  
\v 25 ሜርና ዴዖይ ኢዚ ኑስ ኢማና ጊዳ ሂዶታ ቃላ። 
\p  
\v 26 ኢንቴና ባሌꬂዛ ኣሳታ ጊሽ ሃይሳ ኢንቴስ ፃፋዲስ።  
\v 27 ኢንቴ ቃሴ ኢዛፔ ኤኪዳ ፂሎ ኣያናይ ኢንቴናን ዲዛ ጊሽ ሃራይ ኦኒካ ኢንቴና ታማርሳናስ ቤሴና። ኢዚ ኢንቴና ታማርሳናይሲ ቱሙ ኣቲን ዎርዶ ጊዴና፤ ሄሳ ጊሽ ፂሎ ኣያናይ ኢንቴና ታማርሲዳ ማላ ኪርስቶሳን ዴዒቴ።  
\v 28 ሄሳ ጊሽ ናይቶ! ኢዚ ቆንጪዛ ዎዴ ኑስ ፃላቴꬂ ዳና ማላ ኢዚ ዪዛ ዎዴካ ኑ ኢዛ ሲንꬃን ዬሌቶንታ ማላ ኢንቴ ኢዛን ዴዒቴ።  
\v 29 ኢዚ ፂሎ ጊዲዳይሳ ኢንቴ ኤሪዛ ጊዲኮ ፂሎ ኦꬂዛይ ዉሪ ኢዛፔ ዬሌቲዳይሳ ኢንቴ ኤሬታ። 
\c 3  
\s1 ፆሳ ናይታ 
\p  
\v 1 ኑኒ ፆሳ ናይታ ጌቴታና ማላ ኣዋይ ዳርሲ ሲቂዳ ኢዛ ሲቆይ ኑስ ኣይ ማላ ጊታኮኔ ኣኔ ቤዪቴ! ቱሙካ ኑ ኢዛ ናይታ። ኣላሜይ ኑና ኤሮንታ ኣጊዳይ ኢዛ ኤሮንታ ኣጊዳ ጊሻሳ።  
\v 2 ታ ኢሻቶ! ኑኒ ሃዒ ፆሳ ናይታ፤ ቡሮ ኑ ኣይ ሃናናኮኔ ሃዒ ቆንጪቤና፤ ኪርስቶሲ ቆንጪዛ ዎዴ ኑ ኢዛ ቤያናኔ ኑካ ኢዛ ሚሳታናይሳ ኑ ኤሮስ።  
\v 3 ሃይሳ ኢዛን ሂዶታ ኦꬂዛይ ዉሪ ኢዚ ጌሽ ጊዲዳ ማላ ባና ጌሼስ። 
\p  
\v 4 ናጋራ ኦꬂዛይ ዉሪካ ማካላ ኦꬄስ፤ ናጋራይካ ማካላ።  
\v 5 ኢዚ ናጋራ ꬋይሳናስ ቆንጪዳይሳ ኢንቴ ኤሬታ። ኢዛን ናጋራይ ባዋ። \x * \xo 3:5 \xt ዮሃ 1፡29\x* 
\v 6 ኢዛን ዲዛ ኣሲ ኦኒካ ናጋራ ኦꬄና። ናጋራ ኦꬂዛዴይ ኦኒካ ጊዲኮ ኢዛ ቤይቤና ዎይኮ ኤሪቤና። 
\p  
\v 7 ታ ናይቶ! ኢንቴና ኦኒካ ባሌꬆንታ ማላ ናጌቲቴ። ኢዚ ፂሎ ጊዲዳ ማላ ፂሎ ኦꬂዛዴይካ ፂሎ።  
\v 8 ናጋራ ኦꬂዛይ ፃላዔፔ፤ ጋሶይካ ፃላዔይ ኮይሮፔካ ናጋራ ኦꬂዛዴ። ፆሳ ናይ ቆንጪዳይካ ፃላዔ ኦሶ ላላናሳ። 
\p  
\v 9 ፆሳፌ ዬሌቲዳይ ዉሪ ናጋራ ኦꬄና። ፆሳ ዜሬꬂ ኢዛን ዲዛ ጊሺኔ ኢዚ ፆሳፌ ዬሌቲዳ ጊሽ ናጋራ ኦꬃና ዳንዳዬና።  
\v 10 ፆሳ ናይቲኔ ፃላዔ ናይቲ ሻኬቲ ኤሬቴዛይ ሄሳና። ፂሎ ኦꬆንታይኔ ባ ኢሻ ሲቆንታይ ዉሪ ፆሳፌ ጊዴና። 
\s1 ኢንቴ ኢሶይ ኢሳራ ሲቄቲቴ 
\p  
\v 11 ኢንቴ ኮይሮ ሲዪዳራ “ኑ ኑ ጋርሳን ሲቄታና ቤሴስ” ጌቴቲዳ ኪታያ ሃኖ። \x * \xo 3:11 \xt ዮሃ 13፡34\x* 
\v 12 ኢታ ባጋ ጊዲዲ ባ ኢሻ ዎꬊዳ ቃዬሌ ማላ ጊዶፒቴ። ኢዚ ኣዛስ ዎꬊዴ? ጋሶይካ ኢዛ ኦሶይ ኢታ፤ ኢሻ ኦሶይ ሎዖ ጊዲዳ ጊሻሳ። \x * \xo 3:12 \xt ሜꬌ 4፡8\x* 
\p  
\v 13 ታ ኢሻቶ! ኢንቴና ኣላሜ ኣሳይ ኢፂኮ ማላሌቶፍቴ።  
\v 14 ኑኒ ኑ ኢሻታ ዶሲዛ ጊሽ ሃይቆፔ ጌዴ ዴዖን ፒኒዳይሳ ኑ ኤሮስ። ሲቆይ ባይንዳዴይ ዉሪ ሃይቆ ጊዶን ዴስ። \x * \xo 3:14 \xt ዮሃ 5፡24\x* 
\v 15 ባ ኢሻ ኢፂዛዴይ ሼምፖ ዎꬊዳ ኣሳ። ሼምፖ ዎꬊዳዴስ ሜርና ዴዖይ ባይንዳይሳ ኢንቴ ኤሬታ።  
\v 16 ዬሱስ ኪርስቶሲ ባ ሼምፖ ኑ ጊሽ ኣꬂ ኢሚዳ ጊሽ ሲቆይ ኣዛኮኔ ኑ ሄሳን ኤሮስ። ኑካ ኑ ሼምፖ ኑ ኢሻታ ጊሽ ኣꬂ ኢማናስ ኑስ ቤሴስ።  
\v 17 ሚሺ ዲዛዴይ ኦኒካ ባ ኢሻይ ዋዬቲሺን ቤዪዲ ኢዛስ ሚሼቶንታ ኣጊኮ ፆሳ ሲቆይ ኢዛን ዋኒ ዳኔ?  
\v 18 ታ ናይቶ! ቱሙ ኦሶንፔ ኣቲን ጮ ዱናኒኔ ቃላን ፃላላ ሲቄቴꬅ ኣኔ ኣጎስ። 
\p  
\v 19 ኑኒ ቱሙ ባጋ ጊዲዳይሳ ሃይሳን ኤሮሲኔ ኑ ዎዝናካ ኢዛ ሲንꬃን ሼምፒሶስ።  
\v 20 ሄሲካ ኑ ዎዝናይ ኑ ቦላ ፒርዲዛ ሚሻን ኡባን ፆሲ ኑ ዎዝና ቆፋፔ ቦላራ ጊዲዳ ጊሽ ኢዚ ዉርሲ ኤሬስ።  
\v 21 ታ ኢሻቶ! ኑ ዎዝናይ ኑ ቦላ ፒርዶንታ ኣጊኮ ኑስ ፆሳ ሲንꬃን ባቢዛ ሚሺ ዴና።  
\v 22 ኑ ኣዛዞታ ናጊዛ ጊሺኔ ኢዛ ኡፋይሲዛዝ ኦꬂዛ ጊሽ ኑ ኢዛ ዎሲዛዝ ዉርሲ ኑ ኢዛፔ ኤካና።  
\v 23 ኢዛ ኣዛዞይካ ኑ ኢዛ ናዛ ዬሱስ ኪርስቶሳ ኣማናናሲኔ ኢዚ ኑና ኣዛዚዳ ማላ ኑኒ ኑ ጊዶን ዶሴታና ማላሳ። \x * \xo 3:23 \xt ዮሃ 13፡34፤ 15፡12፥17\x* 
\v 24 ኢዛ ኣዛዞታ ናጊዛይቲ ዉሪ ኢዛን ዴቴስ፤ ኢዚካ ኢስታን ዴስ። ኢዚ ኑናን ዲዛይሳ ኑ ኢዚ ኑስ ኢሚዳ ኣያናን ኤሮስ። 
\c 4  
\s1 ኣያና ፓጪ ፄሊቴ 
\p  
\v 1 ታ ኢሻቶ! ኣያና ዉርሲ ኣማኖፒቴ፤ ጊዶ ኣቲን ኣያናቲ ፆሳፌኮኔ ፓጪ ቤይቴ። ጋሶይካ ዳሮ ዎርዶ ናቤቲ ቢታ ቦላ ላሌቲዳ።  
\v 2 ኢንቴ ፆሳ ኣያና ኤራና ኦጌይ “ዬሱስ ኪርስቶሲ ኣሳ ኣሾ ማይዒዲ ዪዴስ” ጊዛ ኣያናይ ዉሪ ፆሳፌኮ!  
\v 3 “ዬሱስ ኪርስቶሲ ኣሳ ኣሾ ማይዒዲ ዪዴስ” ጎንታ ኣያናይ ፆሳፌ ጊዴና፤ ካሴ ኢዚ ያና ጊሺን ኢንቴ ሲዪዳ ኪርስቶሳራ ኤቄቲዛ ኣያናይ ሄሳ፤ ሃዒካ ኢዚ ኣላሜ ቦላ ዴስ። 
\p  
\v 4 ታ ናይቶ! ኢንቴ ፆሳይታ። ኢንቴ ኢስታ ፆኒዴታ፤ ጋሶይካ ኢንቴናን ዲዛይ ኣላሜን ዲዛይሳፌ ኣꬌስ።  
\v 5 ኢስቲ ኣላሜ ባጋኮ፤ ሄሳ ጊሽ ኢስቲ ሃሳዪዛይ ዉሪ ኣላሜፔ ኬዚዛይሳ፤ ኣላሜ ኣሳይ ኢስቲ ጊዛይሳ ሲዬስ።  
\v 6 ኑ ቃሴ ፆሳ ባጋ፤ ፆሴ ኤሪዛይ ኑ ጊዛዝ ሲያና ሺን ፆሳ ባጋ ጊዶንታዴይ ጊዲኮ ኑ ጊዛዝ ሲዬና። ቱማ ኣያናኔ ዎርዶ ኣያና ኑ ሻኪ ኤሪዛይ ሃይሳና። 
\s1 ፆሳ ሲቆ 
\p  
\v 7 ታ ኢሻቶ! ሲቆይ ፆሳፌ ጊዲዳ ጊሽ ኑኒ ኣኔ ሲቄቶስ። ኣሳ ሲቂዛ ኣሲ ዉሪ ፆሳፌ ዬሌቲዳዴኔ ፆሴ ኤሪዛዴ።  
\v 8 ኣስ ሲቆንታ ኣሲ ፆሴ ኤሬና። ኣዛስ ጊኮ ፆሲ ሲቆ።  
\v 9 ፆሳይ ኑ ጊዶን ባ ሲቆ ቆንጪሲዳይ ኑ ኢዛ ባጋራ ዴዖ ዴማና ማላ ባ ና ኢሲኔዛ ሃ ዱጌ ሃ ኣላሜዛን ዬዲዳይሳና።  
\v 10 ኑኒ ፆሴ ሲቂቤይኮ ሺን ኢዚ ኑና ሲቂዴስ። ኑ ናጋራ ꬋይሳና ማላ ባ ናዛ ዬዲዴስ። ሲቆ ጉሲካ ሄሳ። 
\p  
\v 11 ታ ኢሻቶ! ፆሲ ኑና ሃይሳꬆ ሲቂኮ ኑካ ኑ ጊዶን ሲቄታናስ ቤሴስ።  
\v 12 ፆሴ ቤዪዳ ኣሲ ኦኒካ ባዋ። ኑኒ ኑ ጊዶን ሲቄቲዛ ጊዲኮ ፆሲ ኑናን ዳና። ኢዛ ሲቆይካ ኑናን ፖሌታና። \x * \xo 4:12 \xt ዮሃ 1፡18\x* 
\p  
\v 13 ኢዚ ኑስ ባ ኣያና ኢሚዳ ጊሽ ኑ ኢዛን ዲዛይሳኔ ኢዚካ ኑናን ዲዛይሳ ኑ ሄሳን ኤሮስ።  
\v 14 ኣዋይ ባ ናዛ ሃይሳ ሃ ኣላሜ ኣሳ ኣሻናስ ዬዲዳይሳ ኑ ቤይዶሲኔ ኢዛ ጊሽ ማርካቶስ።  
\v 15 ዬሱሲ ፆሳ ና ጊዲዳይሳ ኣማኒዲ ማርካቲዛ ኡባን ፆሲ ዴሲኔ፥ ኢዛዴይካ ፆሳን ዴስ።  
\v 16 ሄሳ ጊሽ ፆሲ ኑና ሲቂዛ ሲቆ ኑ ኤሮስ። ኑ ኢዛ ሲቆን ኣማኔቶስ። ፆሲ ሲቆ። ሲቆን ዲዛዴይ ፆሳን ዴስ። ፆሲካ ሄሳዴን ዴስ።  
\v 17 ኑኒ ሃይሳ ቢታ ቦላ ዴዒዛይ ኪርስቶሲ ዴዒዳ ማላ ጊዲዳ ጊሽ ኑስ ፒርዳ ጋላስ ባቦይ ዴና። ሄሳንካ ሲቆይ ኑናን ኩሜꬅ ጊዴስ።  
\v 18 ሲቆ ጊዶን ባቦይ ባዋ፤ ቱሙ ሲቆይ ጊዲኮ ባቦ ኬሲ ዎራ ዬጌስ። ባቦይ ቂፃቴራ ኢሲፌ ኦይኬቲ ዴስ። ባቢዛዴ ሲቆይ ኩሜꬅ ጊዴና። 
\p  
\v 19 ኢዚ ካሴቲዲ ኑና ሲቂዳ ጊሽ ኑካ ኢዛ ሲቆስ።  
\v 20 ኦኒካ ፆሴ ሲቃይስ ጊሼ ባ ኢሻ ኢፂኮ ሄሳዴይ ዎርዶ። ባ ኣይፌራ ቤዪዛ ባ ኢሻ ሲቆንታ ኣሲ ባ ኣይፌን ቤዮንታ ፆሳ ሲቃናስ ዳንዳዬና።  
\v 21 “ፆሴ ሲቂዛ ኣሲ ዉሪካ ባ ኢሻ ሲቃናስ ቤሴስ” ጊዛ ሃ ኣዛዞዛ ኢዚ ኑስ ኢሚዴስ። 
\c 5  
\s1 ፆሳ ናን ኣማኖ 
\p  
\v 1 ዬሱሲ ኢዚ ኪርስቶሳ ጊዲዳይሳ ኣማኒዛይ ዉሪ ፆሳፌ ዬሌቲዴስ። ኣዋ ዶሲዛይ ዉሪ ናዛካ ኢዛꬆ ዶሴስ።  
\v 2 ኑኒ ፆሴ ዶሲኮኔ ኢዛ ኣዛዞ ናጊኮ ኑ ፆሳ ናይታ ሲቂዛይሳ ሄሳን ኤሮስ።  
\v 3 ፆሳ ዶሶ ጉሲ ኢዛ ኣዛዞ ናጎ፤ ኢዛ ኣዛዞቲ ዴፆ ጊዴቴና።  
\v 4 ጋሶይካ ፆሳፌ ዬሌቲዳይ ዉሪ ኣላሜ ፆኔስ። ኣላሜ ፆኒዛይካ ኑ ኣማኖ።  
\v 5 ዬሱሲ ፆሳ ና ጊዲዳይሳ ኣማኒዛዴፌ ኣቲን ኣላሜ ፆኒዛይ ሃራይ ኦኔ? 
\p  
\v 6 ሃꬃኒኔ ሱꬃን ዪዳይ ሃይሳ ዬሱስ ኪርስቶሳ። ኢዚ ሃꬃኒኔ ሱꬃን ዪዴስ ኣቲን ሃꬃን ፃላ ዪቤና። ሄሳካ ኢዛ ጊሽ ማርካቲዛይ ኣያና። ሄ ኣያናይ ቱሙ ኣያና።  
\v 7 ሄሳ ጊሽ ኢዛስ ሄꬑ ማርካቲ ዴቴስ።  
\v 8 ሄይቲካ ኣያና፥ ሃꬄኔ ሱꬃ፤ ሄꬓታ ቃላይካ ኢሲኖ።  
\v 9 ኑ ኣሳ ማርካቴꬅ ኣማኒኮ ፆሳ ማርካቴꬂ ሄሳፌ ኣꬌስ። ሄሲካ ኢዚ ባ ናዛ ጊሽ ኢሚዳ ፆሳ ማርካቴꬃ።  
\v 10 ፆሳ ናን ኣማኒዛዴ ኡባ ዎዝናን ኢዛ ጊሽ ማርካይ ዴስ። ፆሴ ኣማኖንታይ ዉሪካ ፆሲ ባ ናዛ ጊሽ ኢሚዳ ማርካቴꬃ ኣማኖንታ ጊሽ ኢዛ ዎርዶሴስ። 
\p  
\v 11 ኢዛ ማርካቴꬃይካ ፆሲ ሜርና ዴዖ ኑስ ኢሚዴስ፤ ሄ ዴዖይካ ኢዛ ናዛን ዴስ ጊዛይሳ። \x * \xo 5:11 \xt ዮሃ 3፡36\x* 
\v 12 ናዚ ዲዛዴስ ዴዖይ ዴስ፤ ፆሳ ናይ ባይንዳዴስ ዴዖይ ባዋ። 
\s1 ኩሻ ቆፋ 
\p  
\v 13 ኢንቴስ ፆሳ ናን ኣማኒዛይታስ ሜርና ዴዖይ ዲዛይሳ ኢንቴ ኤራና ማላ ታ ሃይሳ ኢንቴስ ፃፋይስ።  
\v 14 ኑ ፆሳ ሲንꬅ ሺቃናስ ኑስ ዲዛ ፃላቴꬂ ሃይሳ። ኑ ኣይ ሚሺካ ኢዛ ሼኔ ማላ ዎሲኮ ኢዚ ኑ ዎሳ ሲያና።  
\v 15 ኑ ኢዛ ዎሲዛ ሚሽ ኢዚ ዉርሲ ሲዪዛይሳ ኑ ኤሪዛ ጊዲኮ ኑ ዎሲዳ ሚሻ ዉርሲ ኤካናይሳ ኑ ኤሮስ። 
\p  
\v 16 ኦኒካ ባ ኢሻይ ባና ሃይቆስ ጋꬆንታ ናጋራ ኦꬂሺን ቤዪኮ ኢዛስ ዎሶ። ፆሲካ ሃይቆስ ጋꬆንታ ናጋራ ኦꬂዳይታስ ዴዖ ኢማና። ሃይቆስ ጋꬂዛ ናጋራይካ ዴስ። ሃይቆስ ጋꬂዛ ናጋራ ጊሽ ዎሶ ጊኬ።  
\v 17 ማካላይ ዉሪካ ናጋራ፤ ሃይቆስ ጋꬆንታ ናጋራይካ ዴስ። 
\p  
\v 18 ፆሳፌ ዬሌቲዳይ ዉሪ ናጋራ ኦꬄና፤ ጋሶይካ ፆሳ ናይ ኢዛ ናጊዛይሳኔ ኢታይ ኢዛ ቦቾንታይሳ ኑ ኤሮስ። 
\p  
\v 19 ኑኒ ፆሳፌ ጊዲዳይሳኔ ኣላሜይ ኩሜꬅ ኢታ ኣሳ ኩሼን ዲዛይሳ ኑ ኤሮስ። 
\p  
\v 20 ፆሳ ናይ ዪዳይሳ ቱሙ ጊዲዳ ኢዛ ኑ ኤራና ማላ ኣኬካ ኢዚ ኑስ ኢሚዳይሳ ኑ ኤሮስ። ኑካ ቱሙ ጊዲዳ ኢዛ ናዛ ዬሱስ ኪርስቶሳን ዶስ፤ ኢዚካ ቱሙ ፆሳን ሜርና ዴዖ። 
\p  
\v 21 ናይቶ! ኢንቴናቴꬃ ኤቃታፔ ናጊቴ።