\id MAT - Hinsaal 
\h MATIU 
\toc3 Mt 
\toc1 No Tahut na Hinhinawas MATIU ga Pakat Ia 
\toc2 Matiu 
\mt2 No Tahut na Hinhinawas  
\mt1 MATIU  
\mt2 ga Pakat Ia  
\ip Ira ihat na Tahut na Hinhinawas dal bakut dal hahua ira pir utano nilon, no minaat, ma no tamtaman tut hut talur ra minaat ta Iesu. Ira aitul a Tahut na Hinhinawas tane Matiu, Mak ma ne Luk, dal manga haruat ta ira haleng na pir uta Iesu. Ing bia u na nas tiga pir narako ta Matiu, haleng na pakaan mah i tale bia u na nas bilang ia narako ta Mak ma Luk. Senbia no Tahut na Hinhinawas tane Ioanes i manga mesa, ma i hahua aring pir ta Iesu ing pa da nas narako ta Matiu, Mak ma ne Luk. Senbia Matiu, Mak ma Luk, dal mesa harbasiai dahin mah. Matiu ga pakat ira pir ta Iesu uta diet ira Iudeia, ma ga nem bia na haminis tutuna bia Iesu ia no ‘Mesaia’ (nong di ga kilam mah ia bia no ‘Karisito’), no tunatuna nong Kalou ga kukubus manaluai bia na hanuat ma na halon ira nuna mataniabar ma na kurei diet tano patpataam ta ira pakana bung. Matiu ga kilam ra haleng na nianga ta ira pakpakat ta Kalou di ga pakat naluai ing ira Iudeia diet naga nas kilam bia Iesu ga gil haruatanei kaikek ra nianga, bia ia no Mesaia, no tamat na tena gil warkurai nong ira Iudeia diet ga kiskis kahai ia bia na halangalanga sasei diet. Ma ga pakat kahai mah haleng na hausur ta Iesu. I nanaas bia a liman ira tamat na sibana hausur narako ta Matiu (nas Matiu pakana 5-7; 10; 13; 18; 24-25) ma ira pir tano nilon ta Iesu i kis nalamin ta kaikek ra tamat na sibana hausur.  
\c 1  
\s1 Ira hintubu Iesu  
\r (Luk 3.23-38)  
\p
\v 1 Ken no harmur ta ira hinsa diet ira hintubu Iesu Karisito no bulumur tane Dewit ma ne Dewit i buluhuat ta Abraham.   
\q1
\v 2 Abraham no tata ta Aisak,  
\q1 Aisak no tata ta Iakop,  
\q1 ma Iakop no tata ta Iuda ma ira tasina.   
\q1
\v 3 Ma Iuda no tata tane Peres ma Sira, no puasi dir ne Tamar,  
\q1 Peres no tata tane Hesron,  
\q1 ma Hesron no tata tane Ram.   
\q1
\v 4 Ma Ram no tata tane Aminadap,  
\q1 Aminadap no tata tane Nason,  
\q1 ma Nason no tata tane Salmon.   
\q1
\v 5 Ma Salmon no tata tane Buas, ma Rahap no pawasina.  
\q1 Ma Buas no tata tane Obet, ma Rut no pawasina.  
\q1 Ma Obet no tata tane Jesi.   
\q1
\v 6 Ma Jesi no tata tane Dewit no king.  
\q1 Ma Dewit no tata tane Solomon, no nuna nana ne Batseba, no hahina baa tane Uraia.   
\q1
\v 7 Ma Solomon no tata ta Rehobuam,  
\q1 Rehobuam no tata tane Abia,  
\q1 ma Abia no tata tane Asa.   
\q1
\v 8 Ma Asa no tata ta Josapat,  
\q1 Josapat no tata tane Joram,  
\q1 ma Joram no tata tane Usaia.   
\q1
\v 9 Ma Usaia no tata tane Jotam,  
\q1 Jotam no tata tane Ahas,  
\q1 ma Ahas no tata tane Hesekia.   
\q1
\v 10 Ma Hesekia no tata tane Manase,  
\q1 Manase no tata tane Amon,  
\q1 ma Amon no tata tane Josaia.   
\q1
\v 11 Ma Josaia no tata tane Jekonaia ma ira tasina.  
\p Ma ta iakano pakana bung di ga lam lah ira Israel u Babilon, bia diet na lon hoing ira hasira kaia.  
\v 12 Namur ta ing diet ga lon hoing ra hasira na Babilon,  
\q1 io, Jekonaia ga tata tane Silatiel,  
\q1 ma Silatiel no tata tane Serubabel.   
\q1
\v 13 Ma Serubabel no tata tane Abiut,  
\q1 Abiut no tata tane Eliakim,  
\q1 ma Eliakim no tata tane Asor.   
\q1
\v 14 Ma Asor no tata tane Sadok,  
\q1 Sadok no tata tane Akim,  
\q1 ma Akim no tata tane Eliut.   
\q1
\v 15 Ma Eliut no tata tane Eliaser,  
\q1 Eliaser no tata tane Matan,  
\q1 ma Matan no tata tane Iakop.   
\q1
\v 16 Ma Iakop no tata tane Iosep, no tunaan ta Maria nong ga kaha Iesu nong di kilam ia bia Karisito.   
\p
\v 17 Io, sangahul ma aihat na harmur ta ira tunatuna tur laah ta Abraham tuk taar ta Dewit. Ma sangahul ma aihat na harmur tur laah ta Dewit tuk taar tano pakana bung di ga lam lah Israel u Babilon bia diet na lon hoing ira hasira kaia. Ma sangahul ma ihat mah makaia ta ing diet ga lon hoing ra hasira na Babilon tuk taar di ga kaha no Mesaia\f + \fr 1.17 \ft No kukuraina i haruat ma ‘Karisito’.\f*.   
\s1 Maria ga kahai Iesu  
\r (Luk 2.1-7)  
\p
\v 18 No pir ta Iesu ing ga hanuat hua, i hoken. Bia Iosep ga tar bat taar mon baa Maria, no puasi Iesu, ma bia pa dir ga kis tikai baa, di ga nas lah bia Maria a balana tano dadas tano Halhaliana Tanua nong ga burung ia.  
\v 19 Ma Iosep a takodasiana tunatuna ia. Kaikek pa gaam nem bia na gil hahirhir Maria. Ga nem mon bia dir na harpalas kumaan.  
\v 20 Ing Iosep ga lilik haan ta iakan ra linga, tiga angelo tano Watong ga puasa tana tiga barbarien, ma ga tangai bia, “Iosep, no bulumur ta Dewit, waak u burburut bia u na lam lah Maria wara num hahina. Kanong bia, no bulu nong i kap bala taar ma ia, i hanuat tano Halhaliana Tanua.  
\v 21 Ma na kahai tiga bulu tunaan ma u na kilam no hinsana bia Iesu. Ma no kukuraina no hinsang Iesu bia a tena harhalon. Kanong na halon ira nuna mataniabar talur ira nudiet magingin sakena.”   
\p
\v 22 Kaiken ra linga ga hanuat bia na pet haruatanei ira nianga tano Watong ing no poropet ga tangai hoken:  
\v 23 \qt “Tiga lala na hahina, pai kis tikai baa ma tiga tunana, na kap bala ma na kahai tiga bulu tunaan, ma da kilam ia bia ‘Emanuel,’” \qt* no kukuraina bia, ‘Kalou i kis tikai ma dahat.’   
\p
\v 24 Io, bia ing Iosep ga pada ga gil haruatanei at asa ing no angelo tano Watong ga tangai tana. Io, ga lam lah Maria wara nuna hahina.  
\v 25 Ma pa ga kis tikai ma ia tuk tano pakana bung bia ga kaha no bulu tunaan. Ma Iosep ga kilam no hinsana bia Iesu.   
\c 2  
\s1 Ira tena mintota diet ga lotu tupas Iesu  
\p
\v 1 Di ga kahai Iesu tano taman Betilem tano hanua Iudeia tano pakana bung Herot ga king taar. Io, ari tena mintota, marau no kasakesa i la hanhanuat makaia, dal ga haan huat na Ierusalem.  
\v 2 Ma dal ga tiri, “Iaha no bulu di kahai ia bia na king gar na Iudeia? Mital ga nas no nuna tagul marau ra kasakesa i la hanhanhuat makaia. Ma mital hanuat bia mital na lotu tana.”   
\p
\v 3 Bia Herot no king ga hadadei lah ga ramramin, ma diet bakut aram Ierusalem diet ga hadadei, diet ga ramramin.  
\v 4 Io, Herot ga tau hulungai bakut ira tamat na pris ma ira tena hausur ta ira warkurai ta Moses, gaam tiri diet bia, “Da kaha no Mesaia\f + \fr 2.4 \ft No kukuraina i haruat ma ‘Karisito’.\f* ha?”   
\p
\v 5 Diet ga balu ia bia, “Na Betilem, tano hanua Iudeia. Hoing no poropet gata pakat tar hoken,   
\q1
\v 6 ‘Betilem, tano pisa Iudeia,  
\q1 pau manga hansik ta ira bilai na taman ta Iudeia,  
\q1 kanong makatika taam tiga lualua na hanuat  
\q1 nong na luai ira nugu mataniabar Israel.’”   
\p
\v 7 Io, Herot ga tau suhai lah ira tena mintota, gaam nunurei lah no pakana bung tutuna ta dal ing no tagul ga puasa.  
\v 8 Ma ga tulei dal u Betilem ma ga tangai ta dal bia, “Mutal na nanaas timaan tano nat na bulu. Ma ing bia mutal ta nas lah ia, mutal na hasasei iau, waing iau mah iau na haan ma iau naga lotu tupas ia.”   
\p
\v 9-10 Io, bia dal ga hadadei tar ing no king ga tangai, dal ga haan laah. Ma dal ga nas lah habal no tagul nong dal ga nas ia arau no kasakesa i la hanhanuat makaia. Ing bia dal ga nas no tagul dal ga manga guama sakit. Ma ga luai dal, tuk gaam kis naliu tano sibaan ing no nat na bulu kana ga sua taar kaia.  
\v 11 Ma bia dal ga haan laka tano hala, dal ga nas no nat na bulu, dir ma no pawasina, ne Maria. Ma dal ga singabukun ma dal ga lotu tupas ia. Io, namur dal ga papos ira nudal bunbulaan ma dal gaam tar ira nudal hartabar tana—a gol, a mangana kaabus ing ira mis tanai i la sangsangina timaan, ma ra waiwai.  
\v 12 Ma Kalou ga hatumarang dal ma tiga barbarien bia waak dal taptapukus taar ta Herot. Io, dal ga tapukus balin taar tano nudal taman tiga mes na ngaas.   
\s1 Iosep dal tamaan ga hilau u Isip  
\p
\v 13 Io, manamur bia ira tena mintota dal gata haan, tiga angelo tano Watong ga hanuat gaam habarbarian Iosep, gaam tangai bia, “U na taman tut ma u na kap lah no bulu ma no pawasina, ma mutal na hilau u Isip kanong Herot na nanaas tano nat na bulu wara bingbing ia. Ma mutal na kis Isip tuk taar bia iau na hasasei uga wara minaren.”   
\p
\v 14 Io, Iosep ga taman tut, gaam kap lah no nat na bulu ma no pawasina ra bung at, dal gaam haan laah u Isip.  
\v 15 Ma dal ga kis Isip tuk Herot ga maat. Iakano hinahaan ga pet haruatanei tiga nianga no Watong ga tangai tano poropet hoken: \qt “Iau ga tau lah no natigu ma Isip.”\qt*   
\p
\v 16 Bia Herot ga hadadei lah bia ira tena mintota diet ga bis ia, ga manga ngalngaluan. Io, gaam hartulai bia da bu bing ira bulu tunana bakut, ing i ta airua tinahon ra nudiet ma ing mah di ga sigara kaha diet Betilem ma ira taman mah kaia huteta. Ga gil hua kanong gata hadadei lah ta diet ira tena mintota no pakana bung bia no tagul ga puasa.  
\v 17 Io, iakan ra nianga ga hanuat tutun at hoing no poropet Jeremaia ga tangai,   
\q1
\v 18 “Dahat ta hadadei a ingana tikai aram Rama huteta Betilem.  
\q1 A sunuah ma a tamat na tapunuk.  
\q1 Ira haratnaan na Israel diet susuah panei ira nati diet,  
\q1 ma i mola bia da haiau ia,  
\q1 kanong diet ta maat bakut.”   
\s1 Dal tamaan ga haan uram Nasaret  
\p
\v 19 Io, manamur ing Herot gata maat, tiga angelo gar tano Watong ga hanuat gaam habarbarian Iosep na Isip  
\v 20 ma ga tangai bia, “U na tut ma u na kap lah no nat na bulu ma no pawasina, ma mutal na tapukus uram Israel kanong ing diet ga walwalar bia diet na bu bing no nat na bulu, diet ta maat.”   
\p
\v 21 Io, Iosep ga taman tut, gaam kap lah no nat na bulu ma no pawasina, dal gaam haan tapukus balin taar tano hanua Israel.  
\v 22 Ma bia Iosep ga hadadei bia Akeleas gata kap lah no mahua tano nuna tata Herot, bia na king nudiet ira Israel, ga burut bia na haan ukaia. Kanong bia, Kalou ga hatumarang habalin ia ma tiga barbarien, kaikek gaam haan tano hanua Galili.  
\v 23 Ma ga kis tano taman nong di kilam ia bia Nasaret. Ga ngen hua wara pakpakilei haruatanei asa ing Kalou ga tangai ta ira poropet hoken, \qt “Da kilam ia bia a nat na Nasaret ia.”\qt*   
\c 3  
\s1 Ioanes ga tagurei no ngaas  
\r (Mak 1.1-8; Luk 3.1-18; Ioanes 1.19-28)  
\p
\v 1 Io, namur, tiga pakana bung, Ioanes no tena bapitaiso ga hanuat aram ra hanua bia, Iudeia.  
\v 2 Ma ga harpir kaia, “Muat na lilik pukus ta ira numuat magingin sakena kanong no pakana bung tano matanitu maram ra mawai i ta huteta.”  
\v 3 Ma Ioanes no tunatuna nong no poropet Aisaia ga iangianga utana hoken,  
\q1 “Maram ra hanua bia a ingana tikai i taatau,  
\q1 ‘Tagurei no ngaas tano Watong,  
\q1 Gil hatakodasnei ia wara nuna hinanuat.’”   
\p
\v 4 Ira sigasigam ta Ioanes di ga gil ma ra hina kamel, ma git taltalin ma tiga pala bulumakau, ma git ienien kubawa ma i sala mama palona imara.  
\v 5 Ma diet maram tano tamat na pisa na hala Ierusalem, diet makaia tano kidilona hanua Iudeia, ma ira tamtaman bakut huteta tano taah Ioridaan, diet git hanhan tupas ia.  
\v 6 Ma diet git hapuasnei ira nudiet magingin sakena, ma namur Ioanes git bapitaiso diet tano taah Ioridaan.   
\p
\v 7 Ma bia Ioanes ga nas haleng na Parasi ma ra Sadiusi diet ga hanhanuat ukaia tana bia diet na kap bapitaiso, ga tangai ta diet bia, “A sakana tena bisbis muat! Siga ga hatumarang muat bia muat na hilau talur no harpidinau nong Kalou i huteta bia na tar ia?  
\v 8 Gaar tahut bia muat na gil ira linga ing na haminis bia muat ta lilik pukus!  
\v 9 Io, muat tangtangai bia a bulumur tane Abraham muat, kaikek muat lik bia i tale muat bia muat na hilau talur no harpidinau ta Kalou, senbia waak muat liklik hua. Ing muat lik pai tutun. Pai tamat na linga bia muat a bulumur tane Abraham muat. Iau tangai ta muat bia Kalou i tale bia na hatahuat lah ta bulumur ta Abraham ma kaiken a mon ra haat.  
\v 10 No matau ia kek ra bola dahai, ma i tagura taar wara katkato hasur ira dahai. Ma ira dahai bakut ing pa diet la hatahuat ta tahut na hunue diet, na kato hasur ma na sei tar tano ula iaah.   
\p
\v 11 “Iau la bapitaiso muat ma no taah wara hapuasnei bia muat ta lilik pukus. Senbia tikai nong na hanuat manamur tagu, i tamat tagu. Pa iau tale bia iau na kap ira nuna sendal.\f + \fr 3.11 \ft Ioanes ga hirhir bia na gil iakan ra magingin ing tiga maris gaar gil tar tiga watong kanong Iesu i manga tamat sakit.\f* Ia at na bapitaiso muat ma no Halhaliana Tanua, ma ra iaah.  
\v 12 Ma i palim tar no nuna saol wara seisei haut ira wit taar tano dadaip nong na puh sei ira suruna ma ira parahona. Senbia ira tahut na pat na wit ing diet tirih ma diet puka suur, na reng hulungai ukaia tano nuna hala na bul wit. Ma na sei tar ira suruna ma ira parahona tano iaah kis.”   
\s1 Ioanes ga bapitaiso ne Iesu  
\r (Mak 1.9-11; Luk 3.21-22)  
\p
\v 13 Io, iakano pakana bung Iesu ga hanuat ma Galili, gaam haan u Ioridaan bia Ioanes naga bapitaiso ia.  
\v 14 Senbia Ioanes ga walar bia na tigal ia, gaam tangai bia, “Gaar bilai bia u na bapitaiso iau. Wara biha u hanuat bia iau na bapitaiso uga?”   
\p
\v 15 Ma Iesu ga balu ia bia, “U na haut lah mon baa iakan kaiken. I tahut bia datar na gil haruatanei ira linga ing Kalou i ta bul bia i takodas.” Io, Ioanes ga haut.  
\v 16 Ma ing Ioanes ga bapitaiso tar Iesu, Iesu ga haan sot maram ra tingana taah. Kaikek at no mawai ga tapapos ma Iesu ga nas no Tanua ta Kalou ga hanhansur taar tana hoing tiga bun.  
\v 17 Ma di ga hadadei a ingana tikai ga ianga suur maram ra mawai gaam tangai bia, “Iakanin no Natigu, nong iau manga sip ia ma iau guama sakit tana.”   
\c 4  
\s1 Satan ga walar Iesu  
\r (Mak 1.12-13; Luk 4.1-13)  
\p
\v 1 Io, no Tanua ga lam lah Iesu uram ra hanua bia, bia Satan na walar ia.  
\v 2 Ma bia namur Iesu gata hahal aihat sangahul na kidilona bung bakut, ga taburungan um.  
\v 3 Ma Satan, no tena harwalar, ga hanuat gaam tangai ta Iesu bia, “Kaia, ing bia a Nati Kalou uga, u na tangai ta kek ra haat bia diet naga hanuat nian.”   
\p
\v 4 Ma Iesu ga balu ia bia, “Tiga warkurai ta Kalou di ga pakat ia uta mehet ra mataniabar i tangai hoken, \qt ‘Ira tunatuna pa diet na lon tano nian sena mon. Diet na lon ta ira nianga i hanhan suur tano ha Kalou.’”\qt*   
\p
\v 5 Io, Satan ga lam lah Iesu uram Ierusalem, no tamat na pisa na hala ta Kalou, gaam hatur Iesu aram naliu sakit tano ula hala tano tamat na hala na lotu.  
\v 6 Satan ga tangai tana bia, “Ing bia a Nati Kalou uga, u na karuas suur, kanong ira nianga ta Kalou ing di ga pakat i tangai hoken,  
\q1 ‘Kalou na tulei ira nuna angelo wara utaam,  
\q1 diet na palim hatur uga ma ira lima diet,  
\q1 waing pau naga tubak ira kakim tiga haat.’”   
\p
\v 7 Iesu ga balu ia bia, “Tiga warkurai gar Kalou di ga pakat ia uta mehet ira mataniabar i tangai bia, \qt ‘Waak muat walar no Watong, no numuat God.’”\qt*   
\p
\v 8 Io, Satan ga lam lah habal Iesu uram naliu tiga tamat na uladih sakit. Gaam haminis ira kingdom tano ula hanua bakut tana ma ira nudiet minamar.  
\v 9 Ma Satan ga tangai ta Iesu, “Kek bakut iau na tar sei taam ing bia u na sa tudu ma u na lotu tupas iau.”   
\p
\v 10 Iesu ga tangai tana, “Satan, haan laah! Tiga warkurai gar Kalou di ga pakat ia uta mehet ira mataniabar i tangai mah hoken, \qt ‘Muat na lotu tupas no Watong no numuat God, ma ia sena mon muat na hanapu muat tana.’”\qt*   
\p
\v 11 Io, Satan ga haan talur Iesu ma ira angelo diet ga me harahut ia.   
\s1 No hinanuat tane Iesu ga haruat ma tiga lulunga  
\r (Mak 1.14-15; Luk 4.14-15)  
\p
\v 12 Ma namur di ga halaka Ioanes no tena bapitaiso ra hala na harpidinau. Ma bia Iesu ga ser lah hua ga tapukus u Galili.  
\v 13 Pa ga kis Nasaret, senbia ga hanhut uram tano pisa na hala Kapeneam i huteta tano tamat na taah kis Galili, narako tano hanua Sebulon ma Naptali.  
\v 14 Ga ngan hua wara hatutun ira nianga ta Kalou ing no poropet Aisaia ga tangai hoken,   
\q1
\v 15 “Muat tano hanua Sebulon ma Naptali,  
\q1 muat tano ngaas suur uras tano tamat na taah kis, ma muat kaia ra gagena taah Ioridaan,  
\q1 ma muat mah tano hanua Galili uta diet ing pai Iudeia diet,   
\q1
\v 16 muat ira mataniabar ing muat la kiskis ra kankado,  
\q1 muat ta nas a tamat na lulunga;  
\q1 ma muat ira mataniabar ing muat la kis taar tano hanua tano molmol na minaat,  
\q1 tiga lulunga i ta hamadaraas muat.”   
\p
\v 17 Tur lah ta kek ra pakana bung Iesu ga harharpir hoken: “Muat na lilik pukus ta ira numuat magingin sakena kanong no matanitu gar Kalou i ken tuai.”   
\s1 Iesu ga tau lah ira kaba tena kap kiripa  
\r (Mak 1.16-20; Luk 5.1-11)  
\p
\v 18 Ing Iesu ga hanahaan ra gagena no tamat na taah kis Galili ga nas lah airua tena kap kiripa, airua haratasin, ne Saimon nong di la kilam ia bia Pita, ma no tasina Endru, dir ga seisei hani tiga uben.  
\v 19 Ma Iesu ga tangai ta dir bia, “Mamur na mur iau ma iau na hausur mamur wara kap tunatuna.”  
\v 20 Dir ga haan talur hagasiaan ira nudir uben ma dir ga mur laah ia.   
\p
\v 21 Ga haan kakari laah makaia, gaam nas airua mes na haratasin, Jemes no nati Sebedi, ma no tasina Ioanes. Dal tamaan ga kis taar tano mon ma dir ga tangtagurei ira nudir uben.  
\v 22 Iesu ga tau dir ma kaikek at dir ga haan talur no mon ma no adir sus, dir gaam mur ia.   
\s1 Iesu ga halangalanga ira ina minaset  
\r (Luk 6.17-19)  
\p
\v 23 Io, Iesu ga haan tano hanua bakut Galili, gaam hausur narako ta ira nudiet hala na lotu. Ma ga harharpir tano tahut na hinhinawas utano matanitu gar Kalou. Ma ga halangalanga diet ta ira mangana minaset ing ga kap diet.  
\v 24 Kaikek um no hasahesa wara utana gaam haan hurlabit tano hanua bakut Siria. Ma ira mataniabar diet ga kap hahuat ira mangana minaset taar ta Iesu. Ari ga ubal diet ra tamat na ngunungut, ari a sakana tanua ga sasahai ta diet, ari a ngokngok, ma ari a pengpeng. Ma Iesu ga halangalanga diet.  
\v 25 Ma a tamat na mataniabar ma Galili, Dekapolis, Ierusalem, Iudeia, ma no hanua tano mes na palpal tano taah Ioridaan, diet ga murmur ia.   
\c 5  
\s1 Ira mangana tunatuna ing Kalou na haidanei  
\r (Luk 6.20-23)  
\p
\v 1 Ing Iesu ga nas ira tamat na mataniabar, ga hanhut uram tiga gagena uladih, gaam a kis napu. Ma ira nuna bulu na hausur diet ga hanuat uram tana,  
\v 2 ma ga tur lah bia na hausur diet hoken.   
\q1
\v 3 “Diet daan ing diet nunurei bia diet manga supi ira linga maram ta Kalou,  
\q1 kanong diet na sola tano matanitu maram ra mawai.   
\q1
\v 4 Diet daan ing diet tapunuk,  
\q1 kanong Kalou na hamaraam diet.   
\q1
\v 5 Diet daan ing diet matien na tunatuna,  
\q1 kanong Kalou na tabar diet ma ira tahut na linga ing gata tagurei tar wara nudiet.   
\q1
\v 6 Diet daan ing diet nem ira magingin takodas,  
\q1 kanong Kalou na banot ira nudiet nemnem.   
\q1
\v 7 Diet daan ing diet marsei ira mesa,  
\q1 kanong Kalou mah na marsei diet.   
\q1
\v 8 Diet daan ing diet tutun tano matmataan ta Kalou,  
\q1 kanong diet na nas Kalou.   
\q1
\v 9 Diet daan ing diet la tartar no malum,  
\q1 kanong da kilam diet bia a nati Kalou diet.   
\q1
\v 10 Diet daan ing di gil haliarei diet panpanei ira magingin takodas,  
\q1 kanong no matanitu maram ra mawai a nudiet ia.   
\p
\v 11 “Muat daan ing di tangai hagawai muat, ma di haliarei muat, ma di takun muat ma ra bisbis na nianga wara gaiagu.  
\v 12 Ma muat na manga guama kanong a tamat sakit ira numuat kunkulaan kinam naliu ra mawai. Hokaiken di ga haliarei hua ta ira poropet naluai.   
\s1 Ira sol ma ira lulunga  
\r (Mak 9.50; Luk 14.34-35)  
\p
\v 13 “Muat hoing ira sol uta ira tunatuna. Iasen ing bia no namnamien tano sol i ta pataam, da hatahuat no namnamien tano sol hoeh? Pai tale. I ta linga bia um. I tale bia da sei um ma ira tunatuna diet na paas gisianei um.   
\p
\v 14 “Muat ira lulunga tano ula hanua. Io, tiga pisa na hala aram ra uladih pai tale bia na mun.  
\v 15 Ma taia tikai na halulunga tiga laam ma na bong bat ia. Senbia na bul haut ia ma naga murarang ta diet bakut narako tano hala.  
\v 16 Hua a mon, i tahut bia ira numuat lulunga na murarang ta ira matmataan ta ira tunatuna, ing diet naga nas ira numuat tahut na magingin ma diet naga pirlat no amuat Sus aram ra mawai.   
\s1 Iesu i hatutun ira warkurai  
\p
\v 17 “Waak muat lik bia iau ta hanuat wara kapkap sei ira warkurai ta Moses ma ira hausur ta ira poropet. Pa iau hanuat bia ena kap sei, senbia iau ta hanuat bia iau na hatutuna diet.  
\v 18 Io, muat nas baa! Ing bia no mawai ma no ula hanua dir kis taar, pa na panim laah tiga nat na sibaan i manga hansik sakit ta ira warkurai ta Moses, tuk taar bia da gil haruatanei bakut diet.  
\v 19 Io, siga ta tikai na lakai tiga natina tutun ta kaiken ra warkurai, ma na hausur mah ira mesa bia pa diet na mur, ia na manga hansiksik ing bia na sola tano matanitu maram ra mawai. Senbia, siga tikai na mur kaiken ra warkurai, ma na hausur mah ira mesa hua, da hatamat ia ing bia na sola tano matanitu maram ra mawai.  
\v 20 Iau tangai tutuna ta muat, ing bia ira numuat takodasiana magingin pa na tahut ta ira magingin nudiet ira Parasi ma ira tena hausur ta ira warkurai ta Moses, pai tale tutun at bia muat na sola tano matanitu maram ra mawai.   
\s1 No magingin na harubu bingbing  
\p
\v 21 “Muat gata hadadei ing no warkurai ta Moses ga tangai ta ira hintubu muat. Ga tangai bia, \qt ‘Waak muat bu bing bia tiga tunatuna.’\qt* Ma di ga tangai mah bia, ‘Nong na bu bing bia tiga tunatuna, da bul ia ra warkurai.’  
\v 22 Sen iau at, iau tangai ta muat bia siga tikai i ngalngaluan taar ta tiga hinsakana, i tale bia da kap tar ia ra warkurai tano komiti. Ma bia siga tikai na tangai taar tano hinsakana bia, ‘Ba uga!’, io, i tale bia da kap tar ia tano warkurai tano kaunsal. Ma siga tikai na kilam no hinsakana bia, ‘A kamana ba uga!’ na tale mah bia na haan taar tano iaah ma Hel.   
\p
\v 23-24 “Io hua, ing bia u wara tartar no num hartabar tupas Kalou aram tano suuh na hartabar, ma u lik lah habal bia no tasim i bala ngungut taar taam, u na waak tar baa no num hartabar, ma u na haan tapukus baal baa, ma mamur naga hatusa mamur ma no tasim. Namur baal um, u na haan tapukus ma u naga tar no num hartabar uram ta Kalou.   
\p
\v 25 “Bia no hinsakaam i wara kapkap tar uga ra warkurai, mamur na hatusa hagasiaan tar baa ma ia ing bia kana mon baa mamur hanahaan tano ngaas. No hinsakaam kaba gi tar uga tano tena warkurai, ma no tena warkurai na tar uga ta nong i la balaurei tar diet ing di ga his kahai diet narako tano hala na harpidinau, ma ia na bul halaka uga tano hala na harpidinau.  
\v 26 Io, hadadei baa! Pa da hasur sei uga tano hala na harpidinau tuk taar bia u na tar bakut ira num kunkulaan.   
\s1 No magingin na hagaha tinolen  
\p
\v 27 “Muat gata hadadei no warkurai ta Moses i tangai bia, \qt ‘Waak u sua tikai ma tikai pai a num ia.’\qt*  
\v 28 Sen iau at, iau tangai ta muat, bia siga tikai i nas tiga hahina ma i sakena no balana, io, i ta gil ronga kanong i ta sua tikai ma no hahina narako tano nuna kidilona nilon.   
\p
\v 29 “Kap sei ira lilik ing na harango no num nilon. Tiga malalar hoken. Bia tiga mataam i harango uga, u na luar sei ia. Na tahut dahina bia tiga sibaan tano tamaim na panim laah. Senbia pai manga tahut bia da sei no kidilona palatamaim bakut tano ula iaah.  
\v 30 Ma tiga malalar mah hoken. Bia no sot na limaam i harango uga, u na kato kutus sei ia. I tahut dahina bia tiga sibaan tano tamaim na panim laah. Senbia pai manga tahut bia no palatamaim bakut na haan tano ula iaah.   
\s1 No burena bia no suana na hagahai no tinolen  
\r (Matiu 19.9; Mak 10.11-12; Luk 16.18)  
\p
\v 31 “Muat gata hadadei mah ing no warkurai ta Moses i tangai, \qt ‘Bia siga tikai na waak sei no nuna hahina, na pakat ta nianga palai utano nudir palas tinolen ma na tar ia tano nuna hahina.’\qt*  
\v 32 Senbia iau at iau tangai ta muat, bia siga tikai i sei no nuna hahina nong pai sua tikai ma tiga mesa, io, ia no burena bia no nuna hahina na sua tikai ma tiga mesa. Ma siga nong na tolai lah iakano hahina, ia mah i gil sakena kanong bia i ta sua tikai ma iakano hahina pai nuna ia.   
\s1 Waak u sasalima  
\p
\v 33 “Muat gata hadadei mah ing no warkurai tane Moses ga tangai ta ira hintubu muat naluai. Ga tangai bia, \qt ‘Waak u sasalima bisbis. Senbia u na hatutun ira num sasalima uram ta Kalou.’\qt*  
\v 34 Senbia iau at, iau tangai ta muat bia waak u sasalima oro hadadas ira num nianga. Waak u sasalima uram naliu kanong Kalou i la kis taar aram ra mawai.  
\v 35 Ma waak u sasalima ukai napu tano ula hanua kanong bia Kalou i la papaas korai taar naliu tano ula hanua. Ma waak u sasalima ma u na kilam tiga sibaan i gamgamatien, hoing Ierusalem, no pisa na hala tano King nong i Tamat sakit.  
\v 36 Waak mah u sasalima ma no walim kanong pai tale bia u na gil tiga pakana him bia na palpalana bia na bungbung.  
\v 37 Senbia, i tale bia u na haut mon bia u na harhus. Bia muat na tangai tiga mes na mangana linga wara hadadas ira numuat nianga, io, muat nunurei bia i ta hanuat lah tano tena sakena.   
\s1 Waak u turtur bat uga bia tikai i wara hagahai uga  
\r (Luk 6.29-30)  
\p
\v 38 “Muat gata hadadei ing no warkurai ta Moses ga tangai bia, \qt ‘Ing bia tikai na luar sei tiga kalora mataam, uga mah u na luar sei tiga kalora matana. Ma ing bia tiga tunatuna ga tut dik sei tiga ngisem, uga mah u na tut dik sei tiga ngisena.’\qt*  
\v 39 Senbia iau at, iau tangai ta muat bia, waak u tur bat uga tano sakana tunatuna i wara halhaliarei uga. Ing bia tikai i pasar uga tano bobola haam tano palpal na sot, io, u na tar mah no palpal na kesa.  
\v 40 Ma ing bia tikai i kap tar uga ra warkurai wara kapkap lah no num maal, io, u na tar mah no num sigasigam tana.  
\v 41 Ing bia tikai i hait uga bia u na kap ira nuna kinakap bia mamur na haan ta dahin, ma a talona hinahaan baa, io, u na kap hakari ira nuna kinakap ta dahin baal.  
\v 42 Ma bia tikai i saring uga ta tiga linga, u na tar ia tana. Ma bia tikai i nem bia na saring lah baa tiga linga taam, u na tar baa ia tana.   
\s1 Marsei ira num ebar  
\r (Luk 6.27-28, 32-36)  
\p
\v 43 “Muat gata hadadei mah no warkurai ta Moses ga tangai bia, \qt ‘U na marsei no tasim.’\qt* Ma di ga tangai mah bia, ‘U na malentakuanei no num ebar.’  
\v 44 Senbia iau at, iau tangai ta muat bia muat na nem ira numuat ebar ma muat na sasaring uta diet ing diet la haliarei muat.  
\v 45 Muat na gil hua waing muat naga hanuat natina no numuat Tata inam ra mawai. I tulei no nuna kasakesa, bia na murarang naliu ta ira tena sakena ma ira tahut bilang. Ma i tulei no bata taar ta diet ira tena takodas ma ta diet bilang ing pa diet takodas.  
\v 46 Ma ing bia muat nem sena mon diet ing diet la nemnem muat, Kalou pa na balu pukus muat ma ta bilai na harharahut. Io, ira tena kap takis, ing muat la nasnas diet bia a tena sakena diet, diet la gilgil mah hua!  
\v 47 Bia pa muat haianga lah ing muat bala ngungut taar ta diet, io, pa muat gil ra tahut ta kaikek ra mesa. Io, ing pa diet la nurnur ta Kalou, diet mah, diet la gilgil hua!  
\v 48 Io, i tahut bia muat na takodas harsakit haruat no numuat Tata inam ra mawai i takodas harsakit.   
\c 6  
\s1 Gil suhai ira num tahut na tintalen  
\p
\v 1 “Muat na harbalaurai bia waak muat gilgil ira numuat tahut na tintalen tupas Kalou ra matmataan ta ira mataniabar bia diet naga nas muat. Ing bia muat na gil hua, na taia numuat ta kunukul tano amuat Sus aram ra mawai.   
\p
\v 2 “Io, ing bia u na tabar tiga maris, waak u gil linga na latlaat bia ira tunatuna diet na nunurei iat bia u hartabar, hoing ira tena bisbis diet la gilgil narako ta ira hala na lotu, ma katika ta ira ngaas mah. Diet la gilgil hua bia ira tunatuna diet naga lat diet. Muat hadadei baa! Ing bia diet gil hua, diet ta kap bakut lah a mon ira nudiet kunukul.  
\v 3 Ma bia u na tabar ira maris, waak no sot na limaam i nunurei asa ing no kata na limaam i gilgil.  
\v 4 Bia u gil hua, io, u ta gil suhai mon ia. Ma no raam Sus, nong i la nasnas ing di la gilgil suhai, na tar ira num kunukul ta ira num bilai na pinapalim.   
\s1 No magingin na sinsaring  
\r (Luk 11.2-4)  
\p
\v 5 “Bia muat sasaring, waak muat tatalen haruat ma ira tena harbabo. Diet la sip bia diet na tur narako ta ira hala na lotu ma ta ira sibaan ing ira mataniabar diet hanhanuat hulungai kaia ma diet naga sasaring bia ira tunatuna diet naga nas diet. Muat hadadei baa! Ing bia diet gil hua, diet ta kap bakut lah a mon ira nudiet kunkulaan.  
\v 6 Iasen, ing bia u na sasaring, u na laka uram narako tano ngasiam ma u na banus ira matanangas ma u na sasaring tupas no num Tata, nong pai haruat bia da nas ia. Ma no raam Sus, nong i la nasnas sa ing di gilgil suhai, na tar ira num kunukul.  
\v 7 Ma ing bia muat sasaring, waak muat halawaas bia mon ira numuat sinsaring haruat diet ing pa diet nurnur ta Mama. Io, diet lik bia ira mataniabar na hadadei diet ta ira nudiet haleng na nianga.  
\v 8 Senbia, waak muat haruat ma diet, kanong no amuat Sus i ta luena nunurei tar bia asa ing muat supi bia pa muat saring baa ia.  
\v 9 Io, muat na sasaring hoken:  
\q1 ‘Numehet Tata aram ra mawai,  
\q1 mehet nem bia da nas kilam no hinsaam bia i gamgamatien,   
\q1
\v 10 ma bia no num matanitu na hanuat,  
\q1 ma bia mehet na gil haruatanei ra num lilik kai tano ula hanua,  
\q1 hoing di la gilgil aram ra mawai.   
\q1
\v 11 Mehet nem bia u na tabar mehet katin ma ira amehet nian ing i haruat ma tiga bung,   
\q1
\v 12 ma u na lik luban sei ira numehet sakana magingin,  
\q1 hoing mehet la liklik luban sei ira sakana magingin di gil ta mehet.   
\q1
\v 13 Ma mehet nem mah bia u na balaurei bat mehet ta ira harwalaam,  
\q1 ma u na kap pukus mehet tano Tena Gil Sakena.  
\q1 [A num no matanitu, no dadas, ma no minamar hathatikai. Amen.]’   
\m
\v 14 Io, bia muat lik luban sei ira magingin sakena di gil ta muat, no numuat Tata mah aram ra mawai na lik luban sei ira numuat magingin sakena.  
\v 15 Iasen, ing bia pa muat na lik luban sei ira magingin sakena ta ira mesa, no numuat Tata mah pa na lik luban ira numuat magingin sakena.   
\s1 No magingin na hahal  
\p
\v 16 “Io, ing bia muat hahal uram ta Kalou, waak muat mata mahiawa hoing ira tena harbabo diet la gilgil, diet la mata malur wara hamhaminis ta ira tunatuna bia diet hahal. Muat hadadei baa! Diet ta kap bakut lah a mon ira nudiet kunukul  
\v 17-18 Iasen, ing bia u na hahal uram ta Kalou, u na salsalaap ma ra wel ma u na kapal no matmataan taam waing ira tunatuna pa diet naga nas kilam uga bia u hahal. No raam Sus sen mon nong pai haruat bia tikai na nas ia, na nas kilam bia u hahal. Ma no raam Sus, nong i la nasnas ira sa di la gilgil suhai, na tar ira num kunukul.   
\s1 U na manga nem sen mon ira linga kinam ra mawai  
\r (Luk 12.33-36; 16.13)  
\p
\v 19 “Waak muat bulbul a numuat ta tabarikik kai napu ing a ipas na hagawai ma na marota, ma ira tena kikinau diet na papatei ira hala, ma diet naga kinau.  
\v 20 Senbia muat na bul hulungai ira numuat tabarikik aram ra mawai ing a ipas pai tale bia na hagawai ma pa na marota, ma ira tena kikinau pa diet tale bia diet na haan ukaia ma diet naga kinau.  
\v 21 Io, bia ira num tabarikik i kis taar ha, no num kidilona nilon bakut i kis taar mah kaia.   
\p
\v 22 “Ira mata dahat i haruat hoing ra lulunga wara hapalainei dahat. Ing bia ira irua mataam dir manga bilai, no num kidilona nilon bakut mah na manga palai.  
\v 23 Iasen, ing bia ira irua mataam dir sakena, no num kidilona nilon bakut na kankado. Iasen, ing bia iakano palai i kis taar taam i ta kankado, iakano kankado i manga tamat sakit!   
\p
\v 24 “Pai tale bia tikai na taram ta ira airua watong. Na manga mola ta nong tikai ma na manga sip no mes, bia na taram nong tikai ma na malentakuanei no mes. Io, pai tale bia muat na taram ta Kalou ma ra kinewa mah.   
\s1 Waak u ngarau  
\r (Luk 12.22-31)  
\p
\v 25 “Io hua, iau tangai ta muat, waak muat ngarau uta ira numuat nilon bia asa ing muat na ien ma asa ing muat na mamai. Ma waak muat ngarau mah uta ira palatamai muat bia muat na sigam sa. Io, ira numuat nilon i tamat ta ira nian ma ira tamai muat i tamat ta ira maal.  
\v 26 Muat na nas ira maan tano mahua. Pa diet la saaso. Pa diet la kilkil hulunga nian. Pa diet la tangtagura nian mah. Senbia no numuat Tata inam ra mawai i la tamtabar diet. Nas baa! Muat palai bia, tano sinisip ta Kalou, muat manga tamat ta diet.  
\v 27 Muat ngarngarau wara biha? Waak muat gilgil hua! Bia muat na ngarau, pa na halawaas ira numuat nilon ta dahina.   
\p
\v 28 “Ma muat ngarau bia numuat ta sigasigam warah? Muat na nas ira lamarina ira hura. Pa diet la paapalim. Ma pa diet la singsingit maal mah.  
\v 29 Senbia iau tangai ta muat bia Solomon no king ma ira nuna tamat na minamar pa ga nanaas haruat ma ira lamarina ira hura.  
\v 30 Kalou i gil hamaririsuan ira pitoka nong i lon mon katin ma marakan da halo iaah ma ia. Bia i tutuna ing Kalou i gil hua tano pitoka, i tutuna sakit bia na hasigam mah muat ma ira numuat sigasigam. Maris! Pai patuan ira numuat nurnur!   
\p
\v 31 “Io, waak um bia muat ngarau ma muat na tangtangai bia, ‘Dahat na ien sa? Ma dahat na mama sa? Bia asa ing dahat na sigam?’  
\v 32 Ken ra linga, diet ing pa diet nurnur ta Kalou, diet la nanaas panei. Senbia no amuat Sus kinam ra mawai i nunurei tar bia muat supi ken ra linga bakut.  
\v 33 Senbia naluai ta ira linga bakut, muat na lilik baa utano takodasiana magingin ta Kalou ma no nuna matanitu. Ma na tabar muat ma kaikek ra linga bakut mah.  
\v 34 Io, waak muat ngarngarau katin ta ira linga u marakan. Ira tinirih u marakan, muat na waak diet u marakan. A mon tinirih at uta ira bung tikatikai.   
\c 7  
\s1 Waak u kurei ira mesa  
\r (Luk 6.37-38, 41-42)  
\p
\v 1 “Waak muat kurei ira hinsaka muat bia diet ta gil ra sakena, kaba Kalou mah gi kurei muat hua.  
\v 2 Kalou na kurei muat hoing a mon muat kurei ira hinsaka muat. Ma ira mangana warkurai muat gil ta ira hinsaka muat, Kalou mah na gil tar ta muat.   
\p
\v 3 “Wara biha bia u nas no nat na pet na bilinga tano matana no tasim ma pau lik lah baa no pakona dahai i kek tano mataam at?  
\v 4 Waak bia u tangai tano tasim bia, ‘Iau na kap sei no nat na pet na bilinga i kek tano mataam.’ Waak u gil hua kanong uga mah baa, a mon pokona dahai i kis taar tano mataam.  
\v 5 A tena harababo uga! U na luena kap sei baa no pokona dahai tano mataam at. Kakek, u naga nanaas timaan wara kapkap sei no nat na pet na bilinga nong i kis taar tano matana no hinsakaam.   
\p
\v 6 “Ma waak muat sei tar ira tahut na linga sakit ing gar ta Kalou, taar ta ira paap ma ta ira borei. Kaba diet gi paas gisianei mon. Ma diet gi tahurus ma diet gi karat muat.   
\s1 Saring Kalou  
\r (Luk 11.9-13)  
\p
\v 7 “Io, bia muat na sasaring muat na hatur kahai iakan ra linga. Ma bia muat na nanaas, muat na nas tupas. Ma nong na pipidil, Kalou na papos lah ia.  
\v 8 Io hua, nong i sasaring na hatur kahai ira linga i saring. Ma nong i silsilhei na silhei tupas ira linga ing i silsilhei. Ma nong i pipidil, Kalou na papos lah ia.   
\p
\v 9 “Siga ta muat i tale bia na tar tiga haat, ing bia no natina i saring nian?  
\v 10 Ma ing bia i saring kiripa, na tabar balik ia ma tiga sui?  
\v 11 Ing bia muat ira tena sakena, muat la nunurei tar wara tamtabar ira nati muat ma ra bilai na linga, io, iakanong i haminis bia no amuat Sus kanam ra mawai i manga nunurei tar wara tamtabar diet ing diet saring ia ma ra bilai na linga.   
\p
\v 12 “Muat na gil ta ira mesa asa ing muat nem bia diet na gil tar ta muat. Iakan ra nianga, ia no suruna ta ira warkurai ta Moses ma ira hausur ta ira poropet.   
\s1 Ira irua ngaas  
\r (Luk 13.24)  
\p
\v 13 “I tahut bia muat na laka tano nat na matanangas, kanong no tamat na matanangas tupas no hinirua i taperak ma haleng diet la murmur ia.  
\v 14 Ma no ngaas tupas no nilon i natina, ma no matanangas mah tana i manga gona. Ma a bar nong mon diet ing diet silhei tupas lah ia.   
\s1 Harbalaurai ta ira poropet bisbis  
\r (Luk 6.43-44)  
\p
\v 15 “Muat na harbalaurai ta ira bisbis na poropet. Tiga nianga harharuat hoken. Muat hoing ira sipsip. Ma diet ira poropet bisbis, diet na hanuat ma diet na bis muat bia a bilai na sipsip mah diet, senbia a tamat na paap roka mon diet ing diet la hagawai ira sipsip.  
\v 16 Muat na nas kilam diet ta ira nudiet pinapalim hoing muat la nasnas kilam ira dahai ta ira hunue diet. Pa muat la dikdik ira tahus ta tiga dahai i mon tukuluna. Pa muat la kapkap mah ira fig ta ira hinau i mon tukuluna.  
\v 17 Hua a mon, ira bilai na dahai diet la huai ira bilai na hunue diet. Ma ira sakana dahai diet la huai ira sakana hunue diet.  
\v 18 Ma pai tale bia tiga bilai na dahai na hatahuat ta sakana hunuena. Ma pai tale mah bia tiga sakana dahai na hatahuat ta bilai na hunuena.  
\v 19 Ira dahai diet huai ma pai bilai ira hunue diet, da kato hasur ma da sei tar diet tano iaah.  
\v 20 Io, i tale bia muat na nas kilam mah diet ira poropet ta ira nudiet mangana pinapalim.   
\s1 Iesu pa na nunurei diet ing pa diet mur tutuna ia  
\r (Luk 13.25-27)  
\p
\v 21 “Taia bia diet bakut ing diet la kilkilam iau bia, ‘Watong! Numehet Watong!’ diet na sola tano matanitu maram ra mawai. Senbia diet sen mon ing diet la gilgil haruatanei ing no nugu Tata inam ra mawai i nem, diet na sola.  
\v 22 Ma bia no bung na warkurai na hanuat, a haleng diet na tangai tagu bia, ‘Watong! Numehet Watong! Hoeh um ta mehet? Mehet ga iangianga na poropet ma no num dadas. Ma mehet ga hasur sei ira sakana tanua ma no num dadas. Ma no num dadas mah, mehet ga gilgil haleng na dadas na pinapalim na kinarup ma ia. U biha?’  
\v 23 Iasen iau ni hasasei hapalai diet bia, ‘Pa iau nunurei tutun at bia siga muat. Muat haan talur iau! A sakana tunatuna muat!’   
\s1 No tena mintota ma no ba  
\r (Luk 6.47-49)  
\p
\v 24 “Io, siga tikai i hadadei ken ra nugu nianga ma i mur haruatanei, i haruat ma tiga mintatona tunatuna nong ga so hasur no nuna hala uras napu naliu tano ula haat.  
\v 25 No bata ga puka suur, ira taah ga taahit, ma no dadaip ga pupuh taar ta iakano hala, senbia pa ga tarupuk kanong ga manga so hasur ira kasong uras napu ra ula haat.  
\v 26 Iasen bia siga tikai i hadadei ken ra nugu nianga ma pai mur haruatanei, i haruat ma tiga ba na tunatuna nong ga gil no nuna hala naliu tano haiahoia.  
\v 27 Ga bata, ira taah ga taahit, no dadaip ga puh iakano hala, gaam tamarupuk, ma ga tamadurei sakasaka.”   
\s1 No mangana hausur ta Iesu  
\p
\v 28-29 Ma ing bia Iesu gata hapataam nianga uta ken ra linga, ira tamat na mataniabar diet ga karup ma diet ga urur ta ira nuna hausur kanong ga hausur diet hoing tikai i ta kap ra dadas, kaikek gaam tale bia na hausur diet hua, ma pataia hoing diet ira tena hausur ta ira warkurai tane Moses.   
\c 8  
\s1 No ina lepra  
\r (Mak 1.40-45; Luk 5.12-16)  
\p
\v 1 Bia Iesu ga hansur maram ra uladih, a tamat na mataniabar diet ga mur ia.  
\v 2 Ma tiga tunatuna nong ga sam sakana minaset tano tamaina ga hanuat gaam satudu manaluai ta Iesu ma ga tangai bia, “Watong, iau palai bia u tale bia u na halangalanga iau waing pa na tale bia da hatabu habal iau. Ma ing bia u nem, u na halangalanga iau,”   
\p
\v 3 Io, Iesu ga sasangaha gaam sigirei no tunatuna, ma ga tangai, “Iau nem tar. U na langalanga!” Kaikek a mon no minaset ga pataam tano tunatuna.  
\v 4 Ma Iesu ga tangai tana, “Harbalaurai timaan! Waak u hasasei tikai. Senbia u na haan ma u na haminis uga tano pris. Ma u na tar no hartabar haruat ma no warkurai ta Moses. Ma iakano hartabar na hinawas palai wara hatutun bia u ta langalanga.”   
\s1 No tamat na nurnur tano umri  
\r (Luk 7.1-10)  
\p
\v 5 Io, bia Iesu gata haan laka taar tano pisa na hala Kapeneam, tiga tamat na umri i la kurei tiga maar na tena hinarubu ga haan tupas ia, ma ga sasaring marmaris tana hoken.  
\v 6 “Watong, no nugu tultulai kinam ra nugu hala i sua taar. I kilinganei ra tamat na ngunungut. Ma pai hamagila um ira tamaina.”   
\p
\v 7 Io, Iesu ga tangai tana bia, “Iau na haan, iau naga halangalanga ia.”   
\p
\v 8 Ma no tamat na umri i la kurei tiga maar na tena hinarubu ga tangai balik tana bia, “Watong, maris, pa iau manga haut bia u na haan laka tano nugu hala kanong u tamat tagu. Senbia u na tangai mon num ta nianga ma no nugu tultulai na langalanga.  
\v 9 Iau tangai hua kanong iau mah, iau kis taar manapu ra warkurai. Ma na tulei ta tikai bia na gil haruatanei ira nuna nemnem. Hoing mah iau. Aring mes diet la kurei tar iau, ma iau la kurei tar tiga kaba tena hinarubu. Iau tangai ta tikai bia, ‘Haan,’ io, na haan. Iau tangai ta tiga mes bia, ‘Mai,’ io, na hanuat. Ma iau tangai tano nugu tultulai, ‘Gil kan,’ ma na gil ia.”   
\p
\v 10 Ma bia Iesu ga hadadei hua, ga karup, ma ga tangai hoken ta diet ing diet ga murmur hani ia. “Muat nas baa! Pa iau ga nas tikai nalamin kai Israel ing i dadas no nuna nurnur hoing nakan.  
\v 11 Iau tangai hamadaraas ta muat bia a haleng diet na hanuat makatika ta ira kaba sibaan bakut ma diet na kis tano gil nian tikai ma ne Abraham, Aisak, ma Iakop tano matanitu maram ra mawai.  
\v 12 Senbia diet ing a nudiet tutun iakano matanitu, Kalou na sei hasur diet taar tano kankado. Io, kaia, diet na susuah ma diet na hagirit na ngise diet.”   
\p
\v 13 Io, Iesu ga tangai tano tamat na umri bia, “U na haan! Na ngan hoing u nurnur taar hua.” Ma no nuna tultulai ga langalanga ta iakanong ra pakana bung at.   
\s1 Iesu ga halangalanga a halengin  
\r (Mak 1.29-34; Luk 4.38-41)  
\p
\v 14 Ma namur Iesu ga haan laka tano ngasia ne Pita. Ga nas no numu ne Pita ga sua taar ra ula suuh ma ra malahau.  
\v 15 Io, Iesu ga palim no limana no hahina ma no malahau ga pataam talur ia. Io, no hahina ga taman tut talur no suuh, gaam tur lah bia na tagura nian uta ne Iesu.   
\p
\v 16 Bia gata matmatarahien um, ira mataniabar diet ga kap hahuat haleng na tunatuna taar ta Iesu ing a sakana tanua ga sasahai ta diet. Ma Iesu ga tulei hasur sei ira sakana tanua ta diet ma ra nianga, ma ga halangalanga ira ina minaset.  
\v 17 Ga gil hua wara hatutun no nianga tano poropet Aisaia i tangai hoken,  
\q1 “Ia iat ga kap lah ira nudahat minaset,  
\q1 ma ga pusak lah ira nudahat ngunungut.”   
\s1 Bia tikai i nem bia na mur Iesu, na waak sasei ira linga bakut  
\r (Luk 9.57-62)  
\p
\v 18 Bia Iesu ga nas ira tamat na mataniabar ga tangai ta diet bia, “Dahat na balas no taah kis uras tiga palpal.”  
\v 19 Senbia tiga tena hausur ta ira warkurai ta Moses ga hanuat taar ta Iesu ma ga tangai tana bia, “Tena hausur, iau na mur uga ta ira kaba sibaan bakut ing u na hanahaan kaia.”   
\p
\v 20 Ma Iesu ga balu ia bia, “Ira paap roka, a nudiet mon munmun, ma ira maan aram ra mahua, a nudiet mon pewas. Senbia Nong a Tunatuna Ia, taia ta ngasiana tus bia na sangeh kaia.”   
\p
\v 21 Tikai mah ta ira nuna bulu na hausur ga tangai tana, “Watong, u na haut sei baa iau bia iau na haan, iau naga bus no nugu tata.”  
\v 22 Senbia Iesu ga tangai tana bia, “U na mur iau. Ma u na waak tar ira minaat bia diet na gil ira linga ing a mon minaat tanai.”   
\s1 Iesu ga tigal no tamat na dadaip  
\r (Mak 4.35-41; Luk 8.22-25)  
\p
\v 23 Io, Iesu ga kawaas tano mon, diet ma ira nuna bulu na hausur.  
\v 24 Ma tiga tamat na dadaip ga hanuat taar ta diet tano tamat na taah kis, gaam guaguar mah. Ma ira kamana pakananah ga takap laka taar tano mon. Iasen Iesu ga sua sakit.  
\v 25 Io, ira bulu na hausur diet ga haan, diet ga hangun ia, ma diet ga tangai tana bia, “Watong, halon dahat! Dahat wara mormorung!”   
\p
\v 26 Ma Iesu ga balu diet, gaam tangai bia, “Waak muat ra bunurut! Pai patpatuan ira numuat nurnur!” Io, Iesu ga taman tut, ga tigal hadadas no dadaip ma ira kamana pakananah, io, gaam manga malila baal um.   
\p
\v 27 Ma ira tunatuna diet ga karup ma diet ga hartiritiri ta diet hoken: “A mangana tunatuna sa iakan? No dadaip ma ira pakananah mah, dir taram ia!”   
\s1 Iesu ga tulei hasur sei ira sakana tanua taar ta ira borei  
\r (Mak 5.1-20; Luk 8.26-39)  
\p
\v 28 Ma Iesu gata hanuat kaia tiga palpal tano tamat na taah kis, tano hanua nudiet ira Gadarian. Io, airua tunatuna a sakana tanua ga sasahai ta dir, dir ga hansur makaia tiga matana haat na bul minaat, ma dir ga harusa ma Iesu. Dir ga manga dadas sakit, taia ta tikai i haruat bia na haan sakit ta iakano ngaas.  
\v 29 Ma dir ga tatau bia, “Nati Kalou, waak u kas na gil mamir! Pai no pakana bung baa bia u na gil hangungut mamir!”   
\p
\v 30 Io, ma huteta dahina ta diet, a haleng na borei diet ga ianiaan kaia.  
\v 31 Ma ira sakana tanua, diet ga ianga marmaris tane Iesu hoken: “Ing bia u na tulei hasur sei mehet ta dir, u na tulei halaka mehet taar ta ira borei.”   
\p
\v 32 Iesu ga tangai ta diet, “Muat haan!” Io, diet ga suur laah ta dir, diet gaam sasahai balik ta ira borei. Ma ira borei bakut diet ga hilau suur tano kalkaltiring, diet gaam konga tano tamat na taah kis.  
\v 33 Ma ira tena balaura borei diet ga hilau laah, diet gaam hasahesa kaia tano taman. Diet ga hasahesa ta ira linga bakut ing ga hanuat ta diet, tikai ma ira airua tunatuna ing ira sakana tanua ga sasahai ta dir.  
\v 34 Io, diet bakut ta iakanong ra taman, diet ga hansur wara harusa ma Iesu. Ma bia diet ga nas ia, diet ga ianga marmaris tana bia na haan talur no nudiet sibaan.   
\c 9  
\s1 Iesu ga halangalanga tiga pengpeng  
\r (Mak 2.1-12; Luk 5.17-26)  
\p
\v 1 Iesu ga kawaas tano mon, gaam balas no tamat na taah kis gaam hanuat taar tano nuna pisa na hala.  
\v 2 Ma aring tunatuna diet ga kap hahuat tiga pengpeng tano kubena taar ta Iesu. Ma bia Iesu ga nas ira nudal nurnur, ga tangai tano pengpeng bia, “Tasin, ira num magingin sakena i ta pataam.”   
\p
\v 3 Ma bia diet ga hadadei hoken, aring ta diet ira tena hausur ta ira warkurai tane Moses, diet ga lilik kumaan ta ira bala diet bia, “Iakan ra tunatuna i tangai hagawai Kalou!”   
\p
\v 4 Ma Iesu ga nunurei kilam ira nudiet lilik, gaam tangai bia, “Waak muat lik kaikek ra sakena!  
\v 5 Garum ta dir i malus? I malus bia ena tangai bia ‘Ira num magingin sakena i ta pataam,’ bia i malus bia ena tangai, ‘Taman tut ma u na haan’?\f + \fr 9.5 \ft I nanaas bia no kukuraina ta iakan ra buturkus hoken: na malus bia tikai na tangai bia, ‘Ira num magingin sakena i ta pataam.’ Na malus kanong i tale bia na tangai bia mon. Ma pa na hirhir kanong taia ta linga wara hamhaminis bia i ta kap sei tutuna ira magingin sakena bia taia. Senbia i manga dadas bia u na tangai bia, ‘Taman tut ma u na haan!’ I dadas kanong ing bia pa na tut, u na hirhir. Io, na haminis bia taia num ta dadas ma u bisbis mon.\f*  
\v 6 Senbia iau na hapalainei muat bia Nong a Tunatuna Ia i hatur kahai no dadas wara kapkap sei ira magingin sakena kai ra ula hanua.” Io, ga tangai tano pengpeng, “Taman tut, kap lah no kubem ma u na haan tapukus taar tano ngasiaam.”   
\p
\v 7 Io, no tunatuna ga taman tut ma gaam haan tapukus taar tano ngasiana.  
\v 8 Ma bia ira tamat na mataniabar diet ga nas iakan, diet ga manga urur ta Kalou. Ma diet ga pirlat Kalou kanong ga tar ra mangana dadas hoken ta ira tunatuna.   
\s1 Siga na lilik pukus?  
\r (Mak 2.13-17; Luk 5.27-32)  
\p
\v 9 Ma bia Iesu ga hanahaan makaia, ga nas tiga tunaan, no hinsana Matiu, ga kis taar tano hala na kap takis. Iesu ga tangai tana, “Mur iau!” Ma Matiu ga taman tut ma ga mur ia.   
\p
\v 10 Namur, bia Iesu ma ira nuna bulu na hausur diet ga ianiaan narako tano hala ta Matiu, aring tena kap takis ma ira tena sakena diet ga kis tikai ma ia.  
\v 11 Ma ing ira Parasi diet ga nas hua, diet ga tangai ta ira nuna bulu na hausur bia, “Pai bilai bia Iesu i ianiaan tikai ma kaikek ra tena kap takis ma ira mes na sakana tunatuna mah.”   
\p
\v 12 Ma ing Iesu ga hadadei ing diet ga tangtangai hua, ga tangai bia, “Ing diet langalanga timaan, pa diet supi ira tena harhalon, senbia diet sena mon ing diet maset.  
\v 13 Muat na haan ma muat na silhei tupas no kukuraina iakan ra nianga ta Kalou nong di ga pakat ia hoken: \qt ‘Iau nem bia muat na marsei ira tunatuna. Ma ing bia pa muat gil hua, pa iau manga nem bia muat na hartabar tupas iau.’” \qt* Ma Iesu ga tangai balin bia, “Pa iau ga hanuat bia iau na tatau muat ing muat lik bia a tena takodas muat, senbia diet sen mon ing diet palai bia a tena sakena diet.”   
\s1 Ira sigara linga tano hinanuat ta Iesu pai kis tikai ma ira tuarena  
\r (Mak 2.18-22; Luk 5.33-39)  
\p
\v 14 Namur um, ira bulu na hausur ta Ioanes no tena bapitaiso diet ga hanuat ma diet ga tiri Iesu hoken: “Wara biha bia mehet ma ira Parasi, mehet la hahal tupas Kalou, senbia ira num bulu na hausur, pataia?”   
\p
\v 15 Iesu ga balu diet hoken ma ra nianga harharuat. “Hoeh bia ira hasira tano nian na pokomau diet na suah bia no marawana nong i sigara tolai i kis tikai taar baa ma diet? Pa diet na gil hua kanong diet na guama bia i kis tikai taar baa ma diet. Senbia ta tiga bung namur, no marawana i sigara tolai, da kap lah ia talur diet. Io, ta iakano bung diet na hahal kanong diet tapunuk.   
\p
\v 16 “Taia ta tikai i tale bia na singit pakur tiga sigara sibana maal taar tiga tuarena maal. Bia na gil hua, no sigara sibana maal na diris ia ing bia da gis ia. Ma bia na diris ia, na tamarumut laah talur no tuarena ma no mahua na manga tamat balik um.  
\v 17 Taia ta tikai i tale bia na pintarei ira sigara wain pai lalat baa ta ira tuarena pala taah ing di ga gil ma ra pala me ma i ta tapagas. Ing bia na gil hua, no wain na pet diris ira pala taah ma na bureng. Ma no wain na sakena ma ira palina mah. Taia. Na pintarei ira sigara wain pai lalat baa taar ta ira sigara pala taah at. Io, dir bakut, dir na kis halis.”   
\s1 No hahina nong ga sam gaap ma no hinasik nong gata maat  
\r (Mak 5.21-43; Luk 8.40-56)  
\p
\v 18 Ma bia Iesu kana ga tangtangai baa ken ra linga ta diet, tiga lualua nudiet ira Iudeia ga hanuat taar ta Iesu, gaam satudu, ma ga tangai bia, “No natigu hinasik i ta maat. Senbia, u na mai, u na bul no limaam tana, ma naga lon.”  
\v 19 Ma Iesu ga taman tut tikai ma ira nuna bulu na hausur, diet gaam mur ia.   
\p
\v 20 Io, ga mon tiga hahina kaia nong ira gapina pa ga sangeh wara saal ta ira sangahul ma irua na tinahon. Ga hanuat manamur ta Iesu, gaam sigirei no ngus na sigasigam ta Iesu.  
\v 21 Ga gil hua kanong ga lik hoken: “Bia ena sigirei mon no sigasigam ta Iesu ena langalanga.”   
\p
\v 22 Io, Iesu ga tahurus gaam nas ia ma ga tangai tana bia, “Natigu, no num nurnur i ta halon uga.” Ma kaikek at no minaset ga haan talur ia.   
\p
\v 23 Ma bia Iesu ga haan laka tano ngasiana no lualua, ga nas ira tamat na mataniabar diet ga hakarepat ma no sinsinuah. Ma ari diet ga puhpuh ira tulaal hoing diet la gilgil ta ira minaat.  
\v 24 Io, ga tangai ta diet, “Muat hansur! No hinasik pai maat. I sua mon.” Ma diet ga kurus balik ia.  
\v 25 Ma namur ta ing di gata hasur sei ira mataniabar, Iesu ga palim no limana no hinasik ma no hinasik ga taman tut.  
\v 26 Ma no hasahesa uta iakan ga haan ta ira tamtaman bakut ta iakanong ra hanua.   
\s1 Airua pula ma no ngula  
\p
\v 27 Ma bia Iesu ga haan laah makaia, airua pula dir ga mur ia. Ma dir ga tatau naliu bia, “Tubu Dewit, u na marsei mamir!”  
\v 28 Ma bia Iesu ga haan laka tiga hala, ira airua pula dir ga haan tupas ia ma Iesu ga tiri dir hoken: “Mamur nurnur tagu bia iau tale bia ena halangalanga mamur?”  
\p Ma dir ga balu ia bia, “Watong, u tale.”   
\p
\v 29 Io, Iesu ga bul no limana ta ira mata dir, gaam tangai bia, “Hoing at mamur nurnur taar hua, na hanuat ta mamur.”  
\v 30 Ma ira mata dir ga tapapos. Iesu ga hatumarang hadadas dir bia, “Waak mamur hasasei tikai ta ken ra linga!”   
\p
\v 31 Iasen dir ga hansur ma dir ga hasahesa hurlabit uta Iesu ta ira taman bakut ta iakanong ra kidilona hanua bakut.   
\p
\v 32 Ma bia dir ga hanhansur lah di ga lam hahuat tiga tunatuna taar ta Iesu, a ngula ia, kanong a sakana tanua ga sasahai tana.  
\v 33 Ing Iesu gata kap sei no sakana tanua tana, no tunatuna ga ianga um. Ma no tamat na mataniabar diet ga karup, diet gaam tangai, “Pa dahat la nasnas baa ta linga hoken kai Israel.”   
\p
\v 34 Senbia ira Parasi diet ga tangai bia, “I tulei hasur sei ira sakana tanua ma no dadas tano tamat nudiet ira sakana tanua.”   
\s1 A bar hanawaan mon ira tena kinkilaan  
\p
\v 35 Iesu ga haan ta ira tamtaman ma ira hala na lotu bakut nudiet ira Iudeia, gaam hausur ma ga harhapir utano tahut na hinhinawas tano matanitu. Ma ga halangalanga mah ira tunatuna ta ira nudiet mangana minaset.  
\v 36 Ma bia ga nas ira tamat na mataniabar ga manga marmaris ta diet kanong aring di ga hagawai diet ma taia ta harharahut ta diet. Ga nas bia diet ga ngan hoing ra sipsip ing taia ta tena harbalaurai uta diet.  
\v 37 Io, ga tangai ta ira nuna bulu na hausur, “A haleng na nian i ta matukal, senbia a bar hanawaan mon ira tena kinkilaan.  
\v 38 Io, muat na saring nong a nuna ira matukal na nian, naga tulei taring tena kinkilaan taar tano nuna uma.”   
\c 10  
\s1 Iesu ga tar ra dadas ta ira nuna apostolo  
\r (Mak 3.13-19; Luk 6.12-16)  
\p
\v 1 Io, Iesu ga tatau lah ira nuna sangahul ma irua na bulu na hausur ukai tana, gaam tar no dadas ta diet waing diet naga warkurai ta ira sakana tanua wara tultulei hasur sei diet ma ing diet naga halangalanga ira tunatuna ta ira mangana minaset.  
\v 2 Ira hinsa diet ira sangahul ma irua na apostolo. No luena, ne Saimon (nong di kilam ia bia Pita) ma no tasina ne Endru; ne Jemes no nati Sebedi, ma no tasina ne Ioanes;  
\v 3 Pilip ma Batalomiu; Tomas ma Matiu no tena kap takis; Jemes no nati ne Alpias, ma Tadius;  
\v 4 ma tikai ta diet, ne Saimon, nong di ga kilam ia bia no Silat, \f + \fr 10.4 \ft I nanaas bia di ga kilam ia hua kanong ia tikai ta diet ing diet la nemnem bia Israel na tur sen talur Rom waing Rom pa na kurei diet.\f* ma Iudas Isikariot nong na tar sei Iesu.   
\s1 Iesu ga hapalai ira apostolo tano nudiet hinahaan  
\r (Mak 6.7-13; Luk 9.1-6)  
\p
\v 5 Iesu ga tulei harbasianei kaiken ira sangahul ma airua, ma ga pir timaan taar diet hoken: “Waak muat haan nalamin ta diet ing pai Iudeia diet. Ma waak muat laka tiga taman nudiet ira Samaria.  
\v 6 Senbia muat na haan ta ira Israel ing diet rara haruat ma ra sipsip.  
\v 7 Ma ing bia muat na haan, muat na harpir hoken: ‘No matanitu maram ra mawai i ta huteta.’  
\v 8 Muat na halangalanga ira ina minaset. Muat na halon ira minaat. Muat na halangalanga mah diet ing a lepra i kis ta ira palatamai diet. Ma muat na kap sei ira sakana tanua ta ira tunatuna. Muat kap bia lah mon ken ra dadas makai tagu. Pa muat kul. Io, muat na tar bia mah, ma pa da kul ta muat.  
\v 9 Waak muat kapkap ta kinewa tikai ma muat.  
\v 10 Ma waak muat kapkap tiga raat tano numuat hinahaan. Pa muat na kap numuat ta sigasigam, bia ta sendal wara harkios. Ma waak muat kapkap tiga mes na buka mah. Pa muat na gil hua kanong, nong i papalim, i tahut bia da tar ira linga tana ing i supi.   
\p
\v 11 “Bia muat na hanuat taar ta tiga taman bia tiga pisa na hala sa, muat na laka ma muat na nanaas ta tiga tahut na tunatuna kaia. Ma muat na kis tikai ma ia tuk taar tano bung ing muat na haan laah balin.  
\v 12 Ing bia muat na haan laka tano hala ta iakano tunatuna, na tahut bia muat na sip bia a malum na kis tana.  
\v 13 Ma bia diet ta iakano hala, diet balaurei timaan muat, muat na tar bilai na nianga na bala malum na kis ta diet. Ma ing bia taia, muat na kap pukus habal no numuat nianga na haridaan ta diet.  
\v 14 Ing bia pa di balak lah muat tiga taman, ma pa di taram mah ing muat tangtangai, ing muat na hanan laah talur iakano taman bia iakano hala, muat na hatidir sasei ira kamkabus ta ira kaki muat. Muat na gil hua wara haminis ta diet bia diet ta gil ra sakena ta muat.  
\v 15 Muat hadadei timaan! Muat palai taar bia Kalou na gil tiga tamat na harpidinau ta Sodom ma Gomora tano pakana bung na warkurai nong na hanuat namur. Senbia no hapidinau ta iakanong ra taman nong pa na balak lah muat, na manga tamat ta ira harpidinau ta Sodom ma Gomora.   
\s1 Pa dahat na ngarau bia dahat na kap ira ngunungut uta Iesu  
\r (Mak 13.9-13; Luk 21.12-17)  
\p
\v 16 “Muat hadadei timaan! Iau tulei muat hoing ra sipsip taar ta ira kaba paap roka. Io hua, i tahut bia muat na mintota haruat hoing ra sui ma muat na tahut hoing ra bun.  
\v 17 Muat na balaurei muat ta ira tunatuna. Da lam tar muat ta ira sibaan wara warkurai ma da hamidaak muat narako ta ira nudiet hala na lotu.  
\v 18 Ma da lam tar muat bia muat na tur ra warkurai naluai ta ira tena warkurai ma ira king panpanei iau. Ing bia diet gil hua, muat na ianga palai ta diet. Ma muat na ianga palai mah ta diet ing pai Iudeia diet.  
\v 19-20 Ma bia da palim kahai muat, waak muat ngarngarau bia asa ing muat na tangai. Muat na tangai ira sa ing na hanuat ta muat ta iakano pakana bung, kanong pai numuat kaikek ra nianga. No Tanua maram tano amuat Sus, iakanong i iangianga.   
\p
\v 21 “Ira tunana diet na tar sei ira tasi diet bia da bu bing diet. Ma ira tata ta ira bulu diet na gil mah hua ta ira nati diet. Ma ira bulu diet na manga ul pat ta ira nudiet tata ma ira puasi diet waing da bu bing ira adiet sus ma ira puasi diet.  
\v 22 Ira tunatuna bakut diet na malentakuanei muat panei iau, senbia nong i tur dadas tuk taar tano haphapataam, Kalou na halon ia.  
\v 23 Ing bia diet na hagawai muat tiga taman, muat na hilau taar tiga mes na taman. Muat hadadei baa! Pa muat na haan bakut baa ta ira tamtaman ta Israel, naluai ing bia Nong a Tunatuna Ia na hanuat.   
\p
\v 24 “Tiga bulu na hausur pai tamat ta dir ma no nuna tena hausur. Ma no tultulai pai tamat tano nuna watong.  
\v 25 I haruat bia no bulu na hausur na ngen hoing no nuna tena hausur, ma no tultulai hoing no nuna watong. Bia di ta kilam no watong tano huntunaan bia ia Belsebul, no sakana tanua, io, ira nuna subula da manga kilam hagawai at um diet.   
\s1 Dahat na burtei siga?  
\r (Luk 12.2-7)  
\p
\v 26 “Io, waak muat burtei diet ira tunatuna, kanong asa ing i pupulus taar na tapalas, ma asa ing i mun taar na puasa.  
\v 27 Ma ing bia iau hasasei muat tiga linga ra kankado, muat na tangai ia ra kasakes. Ma asa ing iau ta hamurunga tar muat manei, muat na tangai hapalainei ra matmataan na haruat.  
\v 28 Waak muat burtei diet ing diet la bubu bing ira palatamai nari mon, ma pa diet tale wara bubu bing ira tanua muat. Senbia i tahut bia muat na burtei na kanam naliu nong i tale bia na haliarei no palatamaina no tunatuna tikai ma no tanuana narako tano iaah.  
\v 29 A hansik na kinewa mon i tale bia u na kul airua nat na maan. Senbia pai tale bia tikai na puka napu ing bia no amuat Sus pai haut.  
\v 30 Hokek mah muat. No amuat Sus i manga nunurei muat. Ma iakan i palai taar ta muat kanong i nunurei mah ira winawas ta ira pakana hi muat ta ira wali muat.  
\v 31 Io, waak muat burburut, kanong no numuat lon i manga tamat ta ira maan.   
\s1 Waak dahat hirhir wara tangtangai hapuasnei Iesu  
\r (Luk 12.8-9)  
\p
\v 32 “Siga tikai i hasahesa palai ra matmataan ta ira tunatuna bia nuna iau, io, iau mah, iau na hasahesa palai utana ra matmataan ta Mama aram ra mawai.  
\v 33 Senbia siga tikai i harhus sei iau ra matmataan ta ira tunatuna, io, iau mah, iau na harhus sasei ia ra matmataan ta Mama aram ra mawai.   
\s1 Iesu pai hanuat bia na bul malum  
\r (Luk 12.51-53; 14.26-27)  
\p
\v 34 “Waak muat lik bia iau ta hanuat bia ena bul malum tano ula hanua. Taia. Iau pai hanuat hokek. No nugu hinanuat no burena wara hinarubu.  
\v 35 Iau ta hanuat bia  
\q1 ‘no bulu na tur talur no ana sus,  
\q1 no hinasik mah, no pawasina,  
\q1 ma no tinolen na hahina na tur talur no enana.   
\q1
\v 36 Ma no ebar ta tiga tunatuna na hanuat mon makaia ta ira hinsakana at.’   
\p
\v 37 “Bia tikai, no nuna sinisip ta tiga mesa i tamat ta ing i sip iau, io, pai haruat bia na mur iau. Pai tahut bia no nuna sinisip tagu i natina ta ing i sip no ana sus, ma no pawasina, no nuna bulu na tunana, ma no natina hinasik. Pai haruat bia na mur iau.  
\v 38 Bia siga tikai pai pusak no nuna kabai ma pai mur iau, pai haruat bia na hanuat nugu tiga harhis.  
\v 39 Siga tikai i palim kahai no nuna nilon, pa na hatur kahai no nilon tutuna. Ma siga tikai i waak sei no nuna nilon panei iau, na hatur kahai no nuna nilon tutuna.   
\s1 No hunena no num mangason  
\r (Mak 9.41)  
\p
\v 40 “Siga i balak lah muat, i balak lah iau. Ma siga i balak lah iau, i balak lah nong ga tulei iau ukai.  
\v 41 Siga i balak lah tiga poropet kanong ia tiga poropet, na hatur kahai ira hunena ira nuna mangason hoing ra poropet. Ma siga i balak lah tiga tena takodas kanong ia tiga tena takodas, na hatur kahai ira hunena no nuna mangason hoing ra tena takodas.  
\v 42 Io, muat hadadei baa! Bia siga tikai i hamamo tiga maris ma tiga gapgopai na taah i madohon kanong ia a nugu tiga bulu na hausur, io, no hunena no nuna mangason pa na panim laah.”   
\c 11  
\s1 Iesu ma Ioanes  
\r (Luk 7.18-35)  
\p
\v 1 Ing Iesu gata hapataam no nuna hausur ta ira nuna sangahul ma irua na bulu na hausur, ga haan laah makaia wara hausur ma harpir ta ira nudiet tamtaman.   
\p
\v 2-3 Ma ne Ioanes no tena bapitaiso ga kis ra hala na harpidinau. Ma bia ga hadadei uta ira pinapalim ta Karisito, Ioanes ga tulei airua ta ira nuna bulu na hausur bia dir na tiri Iesu hoken: “Uga mon nong mehet la kiskis kahai ia bia na hanuat, bia mehet na kis kahai baa tiga mesa?”   
\p
\v 4-5 Io, Iesu ga balu dir, “Mamur na tapukus ma mamur na hasasei ne Ioanes asa ing mamur hadadei ma asa ing mamur nas, bia \qt ira pula diet nanaas, \qt* ira pengpeng diet haan, diet ing diet sam lepra, diet langalanga, ira talingaro diet hadoda, ira minaat diet lon balin, \qt ma no nianga na harpir utano tahut na hinhinawas i haan tupas ira maris.\qt*  
\v 6 Diet daan ing pai airua ira nudiet lilik utagu.”   
\p
\v 7 Bia ira irua bulu na hausur ta Ioanes dir ga hanhan laah, Iesu ga hasasei no tamat na mataniabar uta ne Ioanes hoken: “Ing muat ga haan uram ta Ioanes ram ra hanua bia, muat ga lik bia muat na nas sa? Muat ga nunurei bia a mangana tunatuna sa ia. Ia pai la kikios lilik hoing ra tingari ing i la iohioh hurlabit tano dadaip.  
\v 8 Ma bia muat ga haan wara nasnas ia, muat ga nunurei tar bia pai la singsigam ta bilai na sigasigam. Taia. Diet ing diet la singsigam ira bilai na sigasigam, diet la kiskis ta ira hala na king.  
\v 9-10 Sen ing bia muat ga haan wara nasnas ia, muat ga palai bia muat na nas tiga poropet. I tutuna. Senbia i tamat mah ta ira poropet, kanong ia mon, ing di ga pakat ira nianga ta Kalou utana, i tangai hoken,  
\q1 ‘Iau na tulei no nugu tena kap nianga manaluai tano num hinanuat,  
\q1 nong na tagurei no num ngaas.’   
\p
\v 11 “Muat hadadei baa! Ioanes no tena bapitaiso i tamat ta ira tunatuna bakut ing diet ga lon ta iakan ra ula hanua. Iasen siga tikai ta muat i manga hansiksik narako tano matanitu maram ra mawai, i tamat ta Ioanes.  
\v 12 Tano bung Ioanes no tena bapitaiso ga hatahun no nuna harpir tuk taar katin, no matanitu maram ra mawai i ta hanhanuat ma ra tamat na dadas. Ma ira tena baso diet ras lah ia.  
\v 13 Io, ira warkurai ta Moses ma ira nianga ta ira poropet, diet ga hasahesa uta iakanong ra matanitu tuk taar tano pakana bung ta Ioanes.  
\v 14 Ma ing bia muat nurnur ta kaikek ra hinhinawas, io, na palai ta muat bia Ioanes ia mon ne Elaija nong dahat ga kis kahai no nuna hinanuat.  
\v 15 Ing bia u hadadei kilam kaiken ra nianga, u na taram.   
\p
\v 16 “Bia iau na ianga harharuat uta ira tunatuna katin, iau na tangai hoeh? Io, iau na hasasei muat. Diet hoing ira nat na bulu ing diet nem bia ira mes na mur diet. Diet kis hulungai tiga sibaan ma diet tatau harbasiai ta diet hoken,   
\q1
\v 17 ‘Mehet ting no kudu senbia pa muat mangata;  
\q1 Mehet rudu marmaris senbia pa muat suah.’   
\m
\v 18 Hua a mon pa diet ga guama mah uta Ioanes. Bia Ioanes ga hanuat, ga hahal ma pa ga mamai ta wain. Hua diet gaam tangai hagawai ia bia, ‘A sakana tanua i sasahai tana.’  
\v 19 Ma bia Nong a Tunatuna Ia ga hanuat, ga ianiaan ma ga mama wain. Ma diet ga tangai utana bia, ‘A kas nian ma a tena minminom ia. Ma a hinsaka diet ira tena kap takis ma ira mes na sakana tunatuna.’” Io, Iesu ga tangai balin bia, “Diet tangai hua senbia iau tangai bia ira magingin ta ira tena mintota diet na haminis bia no mintota ta Kalou i takodas.”   
\s1 Diet ing pa diet ga lilik pukus  
\r (Luk 10.13-15)  
\p
\v 20 Ma Iesu ga bor ira tamtaman ing gata gil haleng na pinapalim na kinarup kaia ta diet, kanong pa diet ga lilik pukus.  
\v 21 Ga tangai hoken: “Maris ta muat ira Korasin, na ubal muat! Maris mah ta muat ira Betsaida, na ubal muat! Bia di gaar gil ira dadas na pinapalim na kinarup kaia Tair ma Saidon, hoing iau ta gil ta mamur ira airua taman, io, diet gaar ta lilik pukus. Dir gaar ta bul hagasiaan ira bilingana put na maal ma dir gaar ta mosmos ma ra tahuna iaah wara hamhaminis bia dir ta lilik pukus. Senbia pa dir ga gil hua!  
\v 22 Muat hadadei baa! Kalou na gil tiga tamat na warkurai ta Tair ma Saidon tano pakana bung na warkurai nong na hanuat namur. Senbia na gil tiga tamat na warkurai sakit ta mamur Korasin ma Betsaida.  
\v 23 Ma muat ma Kapeneam, waak muat raun ira hinsa muat uram ra mawai! Muat na hansur uras napu tano taman ta ira minaat! Bia daga gil ira dadas na pinapalim na kinarup kaia Sodom hoing iau ta gil ta muat, io, gaar kis taar at tuk taar katin.  
\v 24 Muat hadadei baa! Kalou na gil tiga tamat na warkurai ta Sodom tano pakana bung na warkurai nong na hanuat namur. Sen na gil tiga tamat na warkurai sakit ta muat ma Kapeneam.”   
\s1 Diet ing diet hamaan ra tinirih  
\r (Luk 10.21-22)  
\p
\v 25 Ta iakanong ra pakana bung Iesu ga tangai bia, “Iau pirlat uga Mama, a Watong aram ra mawai ma kai mah napu, kanong u ga suhai ken ra linga ta diet ira tena mintota ma u ga hapuasnei ta diet ing pa diet mintota.  
\v 26 Masa, Mama! U ga gil hua kanong u guama bia na ngen hua.   
\p
\v 27 “Mama gata tar sei bakut ira linga tagu. Taia ta tikai pai nunurei no Natina. No ana Sus sen mon. Ma taia ta tikai pai nunurei no ana Sus. No Natina sen mon, ma diet mah, ing no Natina i wara hapuasnei ia ta diet.  
\v 28 Muat bakut ing i ubal muat ira tirihiana kinakap, muat mai ukai tagu, ma ena hasangeh muat.  
\v 29 Muat na kap lah ira nugu hausur ma muat naga hausur tanai, kanong iau tiga matien na tunatuna ma iau la hanapu mah iau. Ma muat na hatur kahai ra sinangeh ta ira numuat kidilona nilon.  
\v 30 I tahut bia muat na gil hua kanong ira nugu hausur i malus ma pai dadas wara murmur iau.”   
\c 12  
\s1 Iesu i kurei no Bung na Sinangeh  
\r (Mak 2.23—3.6; Luk 6.1-11)  
\p
\v 1 Tiga Bung na Sinangeh Iesu ma ira nuna bulu na hausur diet ga hanan haan nalamin tano uma na wit. Ma ira nuna bulu na hausur diet gata taburungan, diet gaam rarus lah aring pat na wit, ma diet gaam ienien.  
\v 2 Bia ira Parasi diet ga nas hua, diet ga tangai ta Iesu bia, “Nas baa! Ira num bulu na hausur diet lakai no warkurai utano Bung na Sinangeh.”   
\p
\v 3 Ma Iesu ga tangai ta diet, “Muat gata was tar ing Dewit ga gil, ing ga taburungan, diet ma ira turana.  
\v 4 Io, Dewit ga laka tano hala ta Kalou, ia ma ira turana, ma diet ga ien no beret di gata tabar Kalou ma ia. No warkurai i tangai bia ira pris sen mon, diet na ien iakanong ra beret, ma ira mesa taia.  
\v 5 Senbia muat gata was tar ira warkurai tane Moses. Ma kaikek ra warkurai i haminis uta ira pinapalim ta ira pris narako tano tamat na hala na lotu. Ing bia diet gil ira nudiet pinapalim tano Bung na Sinangeh, i haruat bia diet la laklakai no warkurai tano Bung na Sinangeh. Senbia taia tikai na lik bia diet ronga.  
\v 6 Iau tangai ta muat, tiga tunatuna kai i tamat tano tamat na hala na lotu.  
\v 7 No nianga ta Kalou i tangai bia, \qt ‘Iau nem bia muat na marsei ira tunatuna. Ma ing bia pa muat gil hua, pa iau nem bia muat na hartabar tupas iau.’\qt* Bia muat ira Parasi muat naga palai tano kukuraina ta iakan ra nianga, pa muat gaar takun diet ing pa diet ronga.  
\v 8 Io, Nong a Tunatuna Ia i kurei no Bung na Sinangeh.”   
\p
\v 9 Io, Iesu ga haan talur iakano sibaan, gaam haan laka taar tano nudiet hala na lotu ira Iudeia.  
\v 10 Ma tiga tunatuna no limana ga maat, ga kis taar kaia. Aring diet ga kis taar mah kaia ing diet ga sip bia diet na takun Iesu. Io hua, diet gaam tiri ia hoken: “I tahut bia da halangalanga ira ina minaset tano Bung na Sinangeh bia taia?”   
\p
\v 11 Ma Iesu ga tangai ta diet, “Bia tikai a nuna tiga me i puka suur tiga tung ra Bung na Sinangeh, a tutun bia na haan at ma naga kap haut lah ia.  
\v 12 Muat palai bia tano sinisip ta Kalou, muat manga tamat ta ira me. Io hua, i takodas bia da pakilei ira tahut na pinapalim tano Bung na Sinangeh.”   
\p
\v 13 Ma Iesu ga tangai tano lima maat hoken, “Kadasei no limaam!” Io, ga kadasei ia, gaam tahut baal um no limana hoing nong tiga mes na limana.  
\v 14 Senbia ira Parasi diet ga suur laah tano hala na lotu nudiet ira Iudeia, diet gaam worwor tikai bia diet na bu bing Iesu hoeh.   
\s1 Iesu ia no tultulai ta Kalou  
\p
\v 15 Bia Iesu ga nunurei ira lilik ta diet ira Parasi, ga haan talur iakanong ra taman. Ma a haleng diet ga mur ia, gaam halangalanga ira nudiet minaset.  
\v 16 Ma ga hatumarang diet bia pa diet na hasasei ta tikai bia ia siga.  
\v 17 Kaiken ra linga ga hanuat wara hatutun no nianga nong Kalou ga tangai tano poropet Aisaia hoken:   
\q1
\v 18 “No nugu tultulai iakan, nong iau ga pilak ia.  
\q1 Iau manga nem ia ma iau kanakana tana.  
\q1 Iau ni bul no Tanuagu tana,  
\q1 ma na harharpir tano nugu taktakodas na lilik ta ira hunhuntunaan tano ula hanua.   
\q1
\v 19 Pa na harngangaar ma tikai. Pa na kakonga haan.  
\q1 Pa na iangianga naliu ta ira mataniabar ta ira ngaas.   
\q1
\v 20 Na marsei ira maris,  
\q1 ma pa na hagawai ira malahahin,  
\q1 tuk taar bia no nugu takodas na lilik na tur naluai.   
\q1
\v 21 Ma ira huntunaan tano ula hanua, diet na so ira nudiet lilik tana bia na tabar diet ma ira bilai na haridaan.”   
\s1 Iesu ma Belsebul  
\r (Mak 3.20-30; Luk 11.14-23)  
\p
\v 22 Ma di ga lam hahuat tiga tunatuna taar ta Iesu. A pula ia ma a ngula mah ia kanong a sakana tanua gata sasahai tana. Ma Iesu ga halangalanga ia, gaam ianga ma gaam nanaas mah.  
\v 23 Ma ira tunatuna diet ga karup ma diet ga tangai bia, “Pai no tubu Dewit dak iakan?”   
\p
\v 24 Senbia ing ira Parasi diet ga hadadei hua, diet ga tangai bia, “Iesu i tale mon wara tultulei hasur sei ira sakana tanua kanong Belsebul no tamat nudiet ira sakana tanua, i ta tar ra dadas tana kaikek gi gilgil hua.”   
\p
\v 25 Io, Iesu ga nunurei ira nudiet lilik, gaam tangai ta diet ira Parasi hoken: “Bia tiga huntunaan pai tur tikai, ma diet na harubu ta diet, iakano huntunaan na pataam. Ma bia tiga pisa na hala ma bia tiga haratamaan pa diet tur tikai, pa diet na tur dadas.  
\v 26 Bia Satan na tulei hasur sei habal Satan, no nuna kingdom pai tur tikai. Io, na puka.  
\v 27 Ma bia i tutuna bia iau tulei hasur sei ira sakana tanua ma no dadas ta Belsebul, io, ira numuat tunatuna diet kap dadas mah makaia ta Belsebul wara tultulei hasur sei ira sakana tanua. Ma ira numuat tunatuna at, diet haminis bia muat ronga kanong diet mah diet gil hua.  
\v 28 Ma bia muat ronga, ma iau tulei hasur sei ira sakana tanua ma ra dadas tano Tanuana ra Kalou, io, i haminis bia no matanitu ta Kalou i ta haan tupas muat.   
\p
\v 29 “Pai tale bia tikai na laka tano ngasiana no dadas na tunatuna ma na kinau lah ta linga, ing bia pai luena kubus kahai baa ia. Ma namur um, na kikinau narako tano nuna hala.   
\p
\v 30 “Bia tikai pai nugu harhis ia, na malentakuanei iau. Ma bia tikai pai harahut iau, i hagawai iau.  
\v 31 Ma ta kaikek ra numuat nianga, iau tangai bia, Kalou na lik luban sei ira magingin sakena ta ira mataniabar, ma bia diet na ianga hagawai tikai, na lik luban sei mah iakanong. Senbia nong na ianga hagawai no Halhaliana Tanua, Kalou pa na lik luban sasei iakanong ra magingin.  
\v 32 Siga tikai na ianga hagawai Nong a Tunatuna Ia, iakanong ra sakena Kalou na lik luban sei ia. Senbia siga tikai na ianga hagawai no Halhaliana Tanua, Kalou pa na lik luban sasei iakanong ra magingin, ta ken ra lon ma namur bilang.   
\p
\v 33 “Ira tintalen ta ira tunatuna i ngen mon hoing ra dahai. Airua mangana dahai mon. Nong i bilai i hatahuat ra bilai na hunuena, ma nong i sakena i hatahuat ira sakana hunuena. Io hua, da nas kilam lah no dahai ta ira hunue diet.  
\v 34 Muat hoing ra sakana sui. Pai tale bia muat na tangai ta bilai na nianga kanong a sakana tunatuna muat. Ma no tunatuna i la hapuasnei iat ira linga ing no balana i la hung taar manei.  
\v 35 No tahut na tunatuna i la tangai ra bilai na linga ing i hung taar tano nuna nilon. Ma no sakana tunatuna i la tangai ra sakana linga ing i la hung taar tano nuna nilon mah.  
\v 36 Senbia, iau tangai ta muat bia ira kaba nianga bia bakut ing ira tunatuna diet tangai, Kalou na kurei diet utanei tano bung na warkurai.  
\v 37 Io, Kalou na kurei uga ta ira num kaba nianga, ma na tangai taam bia u na langalanga bia u na kap no num ngunungut tano warkurai.”   
\s1 No hakilang ta Iona  
\r (Mak 8.11-12; Luk 11.24-26, 29-32)  
\p
\v 38 Ma namur, aring Parasi ma aring tena hausur ta ira warkurai ta Moses, diet ga tangai ta Iesu bia, “Tena hausur, mehet nem bia u na gil tiga hakilang wara hamhaminis ta mehet bia Kalou i tulei uga bia taia.”   
\p
\v 39 Ma Iesu ga tangai ta diet, “Ta kaiken ra pakana bung, ira mataniabar diet nem bia ena gil tiga hakilang kanong diet la turtur talur Kalou ma diet manga sakena. Senbia pa diet na nas ta hakilang. Diet na nas sena mon no hakilang ta Iona no poropet.  
\v 40 Io, Iona ga kis tano balana no tamat na kiripa aitul a bung. Hua a mon, Nong a Tunatuna Ia na kis tano balana no pisa aitul a bung mah.  
\v 41 Tano bung na warkurai, ira tunatuna ma Niniwe diet na takun hadadas muat kanong diet ga lilik pukus ing diet ga hadadei no harpir ta Iona. Ma iau tangai ta muat, tiga tunatuna i tamat ta dir ma ne Iona ia kanik.  
\v 42 Ma ta iakanong ra bung na warkurai, no kwin ma Siba mah na takun hadadas muat kanong ga hanuat ma helik sakit bia na hadadei no mintota gar Solomon. Ma iau tangai ta muat, tiga tunatuna i tamat ta dir ma ne Solomon ia kanik.   
\p
\v 43 “Bia tiga sakana tanua i suur laah tiga tunatuna, na haan hurlabit ta ira mamasi na sibaan ta ira hanua bia, wara sinangeh, iasen i maas nanaas.  
\v 44 Io, i lik hoken: ‘Iau na tapukus taar baal tano ngasiagu.’ Ma bia i hanuat ukaia, i nas bia taia tari kaia ma i tagura taar bia na laka balin.  
\v 45 Io, i haan, i a lam lah habal a len ma irua na mes na sakana tanua, ing diet manga sakena tana. Ma diet na laka kaia ma diet na kis um kaia. Ma no nilon um ta iakanong ra tunatuna na manga sakena ta ing naluai. Na ngan mah hua ta ira sakana mataniabar ta kaiken ra pakana bung.”   
\s1 Iesu ga hapuasnei ira hinsakana  
\r (Mak 3.31-35; Luk 8.19-21)  
\p
\v 46 Ma bia Iesu ga iangianga baa tano tamat na mataniabar, io, no pawasina ma ira tasina diet ga tur taar nataman. Diet ga nem bia diet na ianga ma ia.  
\v 47 Ma tikai ga hasasei ia bia, “No pawasim ma ira tasim ken diet tur taar nataman. Ma diet nem bia diet na wor ma uga.”   
\p
\v 48 Ma Iesu ga balu ia bia, “Iau na hasasei muat bia siga no pawasigu ma ira tasigu.”  
\v 49 Ga tulus ira nuna bulu na hausur, ma gaam tangai bia, “Diet kaiken ira pawasigu ma ira tasigu.  
\v 50 Bia siga tikai i la murmur no sinisip tano nugu Tata aram ra mawai, iakanong a tasigu ia, a hininigu ia, ma a pawasigu ia.”   
\c 13  
\s1 No tena sinso  
\r (Mak 4.1-9; Luk 8.4-8)  
\p
\v 1 Ta iakanong at ra bung Iesu ga haan talur no hala, io, ga kis taar na gagena no tamat na taah kis.  
\v 2 Io, a tamat na mataniabar diet ga hanuat hulungai kaia tana, io, Iesu gaam kis naliu tiga mon kaia na taah. Ma ira mataniabar diet ga kis tano gagena taah.  
\v 3 Io, ga hasasei diet a haleng na linga ma ra nianga harharuat ma ga tangai bia, “Tiga tena sinso ga haan bia na so ira nuna pat na dahai.  
\v 4 Ma bia ga seisei harbasianei ira pat na dahai, aring ga puka taar tano ngaas ma ira maan diet ga ien bakut sei.  
\v 5 Ari patina mah ga puka taar ra ula hathat ing pai haleng ira pisa kaia. Diet ga kubur gasien kanong pai haleng ra pisa.  
\v 6 Bia no kasakesa ga taman tut huat ga sei bing diet kanong ira boli diet pa ga manga hansur.  
\v 7 Aring patina mah ga puka taar nalamin ta ira kuikui, ira kuikui gaam lul burung diet.  
\v 8 Aring patina mah ga puka taar ta ira bilai na pisa. Diet ga tamat ma diet ga huai. Aring ga huai aitul a sangahul na patina, aring a len ma tikai na sangahul na patina, ma aring a maar na patina.  
\v 9 Ing bia u hadadei kilam kaiken ra nianga, u na taram.”   
\s1 A burena bia Iesu ga tangtangai ira nianga harharuat  
\r (Mak 4.10-12; Luk 8.9-10)  
\p
\v 10 Ma ira nuna bulu na hausur diet ga haan tupas Iesu, diet gaam tiri ia bia, “Wara biha u la iangianga ta diet ira mataniabar ma ra nianga harharuat?”   
\p
\v 11 Io, ga balu diet bia, “Iau ta hapuasnei no matanitu maram ra mawai ta muat. Ga susuhai naluai, senbia iau ta hapuasnei um ia ta muat. Senbia pa iau hapuasnei ia ta diet ra mesa.  
\v 12 Siga nong i palai ta ira nugu nianga, Kalou na manga hapalainei tar tana, ma na manga palai sakit. Ma bia siga nong tada palai kana tana, Kalou na kap sasei bakut at tana.  
\v 13 Iau ianga ma diet ma ra nianga harharuat kanong diet nasnas, senbia pa diet nas kilam. Ma diet hanhadadei, senbia pa diet hadadei kilam.  
\v 14 Io, hua diet hatutun no nianga tano poropet Aisaia i tangai hoken,  
\q1 ‘Muat na hanhadadei, senbia pa muat na hadadei kilam;  
\q1 Muat na nasnas, senbia pa muat na nas kilam.   
\q1
\v 15 Na ngan hua kanong ira bala diet kaiken ra mataniabar i dadas.  
\q1 Diet mola bia diet na hadadei,  
\q1 ma diet mola mah bia diet na nas.  
\q1 Kaba diet gi nas kilam ma ira mata diet,  
\q1 ma kaba diet gi hadadei kilam ma ira talinga diet,  
\q1 ma kaba diet gi nunurei kilam ta ira bala diet,  
\q1 ma diet naga tapukus ma iau naga halon diet.’   
\m
\v 16 Senbia muat daan kanong muat nas kilam ma ira mata muat, ma muat hadadei kilam ma ira talinga muat.  
\v 17 Io, muat hadadei baa! A haleng na poropet ma haleng na tena takodas mah, diet ga manga nem bia diet na nas ken muat ta nas. Senbia pa diet ga nas. Ma diet ga manga nem mah bia diet na hadadei ken muat ta hadadei. Senbia pa diet ga hadadei.   
\s1 No nianga palai tano tena sinso  
\r (Mak 4.13-20; Luk 8.11-15)  
\p
\v 18 “Io, muat na hadadei no kukuraina tano nianga harharuat utano tena sinso hoken.  
\v 19 Siga tikai i hadadei no hinhinawas tano matanitu maram ra mawai, ma pai palai tana, no Tena Sakena na hanuat ma na kap sei ira nianga tano nuna lilik. Na ngen hoing iakan ra tunatuna i haruat ma kaikek ra pat na dahai ga puka taar tano ngaas.  
\v 20 Ma nong i hadadei no nianga ma i kap hagasiaan ia ma ra gungunuama na ngan hoing iakan ra tunatuna i haruat ma kaikek ga puka taar ra ula hathat.  
\v 21 Iasen no nianga pai hansur ma pai tur lawas. Ing bia ira tinirih i ubal ia ma i kap ngunungut kanong gata kap no nianga, i puka gasien laah.  
\v 22 Ma tiga mes na tunatuna na ngan hoing kaikek ga puka taar nalamin ta ira kuikui. Ia nong i hadadei ira nianga, senbia i ngarngarau ta ken ra nilon ma i manga nem no kinkinis na watong. Kaiken ra linga na burung no nianga ma pa na tahuat timaan.  
\v 23 Senbia na ngan hoing nong i hadadei kilam no nianga ma kaikek ga puka taar tano bilai na pisa. Io, na tahuat timaan hoing ra pat na dahai ing diet huai aitul a sangahul na patina, len ma tikai na sangahul na patina, ma aring a maar na patina.”   
\s1 Ira hura ma no bilai na nian  
\p
\v 24 Io, Iesu ga hasasei habal diet tiga mes na nianga harharuat. “No matanitu maram ra mawai i haruat ma tiga tunatuna nong i so ira bilai na pat na dahai tano nuna uma. Ma iakanong ra mangana nian i nanaas haruat ma ira hura.  
\v 25 Io, ing bia diet bakut diet gata sua, tiga ebar ga hanuat, gaam so ira hunena hura nalamin ta ira bilai na nian, ma gaam haan laah.  
\v 26 Ma ira tahut na nian ma ira hura diet ga kubur tikai. Ma pa di ga tale bia da nas kilam no nian ma no hura. Iasen bia diet ga hatahun bia diet na kubur, kaikek di gaam tur lah um wara nasnas kilam ira hura.   
\p
\v 27 “Io, ira tultulai tano tena balaura uma, diet ga haan tupas ia, diet gaam tangai tana bia, ‘Numehet tamat, dahat ga so ira bilai na pat na dahai kaia tano num uma. I ngan hoeh bia sakana hura diet kubur balik mah kaia?’   
\p
\v 28 “Ga balu diet bia, ‘Tikai nong i wara haliarei iau ga gil kaikek.’  
\p “Ma ira tultulai diet ga tiri ia bia, ‘U nem bia mehet na ragat sei ira hura?’   
\p
\v 29 “Ga balu diet bia, ‘Taia, kanong kaba muat gi ragat tikanei ma ira tahut na nian.  
\v 30 Waak tar dir bakut tuk bia ira bilai na nian na matukal. Ta iakanong ra pakana bung, iau na tangai ta ira tena kinkilaan bia diet na luena ragat sei ira hura. Diet na bul tikanai ira hura wara seisei tar tano iaah, ma ira tahut na nian diet na kil hulungai taar tano nugu suuh na nian.’   
\s1 No pat na dahai ma no is  
\r (Mak 4.30-34; Luk 13.18-21)  
\p
\v 31 “Ma no matanitu maram ra mawai i haruat ma tiga pat na dahai nong tiga tunatuna i so ia tano nuna uma.  
\v 32 A tutuna bia i natina ta ira pat na dahai bakut, senbia namur ing bia na kubur na tamat ta ira mangana dahai na nian dahat la saso. Hua ira maan diet hanuat, diet gil ira nudiet pewas ta ira katangana.”   
\p
\v 33 Ma Iesu ga hasasei habal diet tiga nianga harharuat baal, gaam tangai bia, “No matanitu maram ra mawai i haruat ma tiga hahina ga kap lah ira is, gaam bul narako tano tamat na hunghungaan na palawa tuk gaam lalat bakut.”   
\p
\v 34 Ta kaiken bakut ra linga Iesu ga hasasei no tamat na mataniabar ma ra nianga harharuat. Ira pakana bung bakut, ing bia ga hasasei diet tiga linga, ga iangianga ta diet ma ra nianga harharuat.  
\v 35 Iakan ga hatutuna no nianga no poropet ga tangai hoken,  
\q1 “Iau na ianga ta diet ma ra nianga harharuat  
\q1 ma iau na hasasei diet ta ira linga ga mun taar marau laah tano hakhakisi tano ula hanua.”   
\s1 No nianga palai tano hura  
\p
\v 36 Iesu ga haan talur um no tamat na mataniabar, gaam haan laka tano hala. Ma ira nuna bulu na hausur diet ga haan tupas ia, diet gaam tangai tana bia, “U na palas tar no kukuraina no hura narako tano uma taar ta mehet.”   
\p
\v 37 Ma Iesu ga balu diet bia, “Nong ga so ira bilai na pat na dahai, ia Nong a Tunatuna Ia.  
\v 38 No uma, iakan ra ula hanua. Ira bilai na pat na dahai, diet ira tunatuna ing diet na sola tano matanitu gar Kalou. Ira hura, diet ira tunatuna gar tano Tena Sakena.  
\v 39 No nudiet ebar nong ga so kaikek ra hura, ne Satan. No pakana bung na matmatukal, ia no hapataam tano ula hanua. Ma ira tena kinkilaan, diet ira angelo.   
\p
\v 40 “No hapataam tano ula hanua na ngan hoing di ragat sei ira hura, di gi sei tar tano iaah.  
\v 41 Nong a Tunatuna Ia na tulei ira nuna angelo ma diet na ragat sei ira linga i hatahuat ira sakana magingin, ma ira tena sakena mah.  
\v 42 Ma ira angelo diet na sei tar diet tano mamahien tano ula iaah. Ta iakanong ra sibaan, diet na susuah ma diet na hagiritnei ira ngise diet.  
\v 43 Ma ta iakanong ra pakana bung ira tena takodas ing diet na kis tano matanitu tano adiet Sus, diet na murarang haruat ma no kasakesa. Ing bia u hadadei kilam kaiken ra nianga, u na taram.   
\s1 Ira ngatngat na tabarikik  
\p
\v 44 “Io, no matanitu maram ra mawai i haruat ma tiga tunatuna ga nas lah tiga bilai na linga di ga suhai tar ia tiga sibana pisa. Ma no matana i manga tamat sakit. Ga suhai tar habal ia, ma ga haan laah ma ra gungunuama. Io, ga suhuranei bakut sei ira nuna linga, ga tapukus ukaia, ma gaam kul lah iakanong ra sibana pisa.   
\p
\v 45 “Ma no matanitu maram ra mawai i haruat ma tiga tena kunukul i silsilhei ira bilai na linga i manga ngatngat.  
\v 46 Ma bia i silhei lah tiga bilai sakit, i suhuranei bakut sei ira nuna linga, ma i kul lah iakanong ra linga i manga ngatngat.   
\p
\v 47 “Ma no matanitu maram ra mawai i haruat mah ma tiga uben di ga sei ia tano tes. Diet gaam sor ira mangmangana kiripa tana.  
\v 48 Ma bia ga hung, diet ga sal hahuat tar ia nawana. Diet gaam kis wara gilgilimis lah ira bilai na kiripa uram ta ira raat. Ma ira sakana kiripa diet ga sei.  
\v 49 No hapataam tano ula hanua na haruat hua. Ira angelo diet na hanuat ma diet na pilak lah ira tena sakena nalamin ta ira tena takodas.  
\v 50 Ma diet na sei ira tena sakena uram narako tano iaah i manga mamahien. Ma kaia, diet na susuah ma diet na hagiritnei ira ngise diet.”   
\p
\v 51 Ma Iesu ga tiri bia, “Muat palai ta ken ra linga?”  
\p Ma diet ga balu ia bia, “Masa, mehet palai!”   
\p
\v 52 Ma Iesu ga tangai ta diet bia, “Io kaiken, ira kaba tena hausur ta ira warkurai ta Moses ing diet ta kap timaan mah ira hausur tano matanitu maram ra mawai, diet haruat ma tiga watong nong i kurei no nuna huntunaan. Ma iakanong ra watong na palai bia na hausur no nuna huntunaan ma ira tuarena magingin ing diet bilai, ma i ira sigarina mah ing diet bilai.”   
\s1 No poropet Iesu, pa di ga ruu ia tano nuna taman  
\r (Mak 6.1-6; Luk 4.16-30)  
\p
\v 53 Io, bia Iesu ga hapataam ira nuna nianga harharuat, ga haan laah makaia.  
\v 54 Ma ga hanuat tano nuna taman at. Io, ga tur lah bia na hausur diet ira mataniabar narako tano nudiet hala na lotu. Ma diet ga manga karup tana, diet gaam tiri bia, “Iakan ra tunatuna i kap kaiken ra mintota ma kaiken ra dadas na pinapalim na kinarup mamaha? Pa dahat nunurei tutun at ta dahina!  
\v 55 Ia mon no natina no tena gil hala. Ma no pawasina, ne Maria. Ma ira tasina, ne Jemes, Iosep, Saimon, ma Iudas.  
\v 56 Ma ira hininina bakut diet ken ma dahat. Io, i kap lah tutuna at kaiken ra linga mamaha?”  
\v 57 Ma diet ga mola sei ia.  
\p Ma Iesu ga tangai ta diet hoken, “I tutuna sakit bia da ruu ira poropet ta ira mes na taman. Senbia pa muat na ruu ia bia ia makai, ma bia muat mon tiga huna.”   
\p
\v 58 Ma ga gil mon a bar nong ta ira dadas na pinapalim na kinarup kaia kanong pa diet ga nurnur tana.   
\c 14  
\s1 Herot ga kut dako Ioanes  
\r (Mak 6.14-29; Luk 9.7-9)  
\p
\v 1 Ta iakanong ra pakana bung Herot, no lualua nong ga kurei tar no hanua Galili, ga hadadei ra hasahesa uta Iesu.  
\v 2 Ma ga tangai ta ira nuna tultulai bia, “Ioanes no tena bapitaiso iakanong. I ta taman tut sukun no minaat ma i lon balin. Ken no burena gi gilgil ira dadas na pinapalim na kinarup.”   
\p
\v 3 Io, Herot no king ga tangai hua kanong naluai gata tulei ari tunatuna wara palpalim kahai Ioanes. Diet ga kubus kahai ia, diet gaam bul ia tano hala na harpidinau wara gaia ne Herodias no hahina ta Herot. Io, naluai Herodias ga tolai tar baa Pilip, no tasi ne Herot.  
\v 4 Ma Herot ga bul Ioanes tano hala na harpidinau kanong Ioanes git tangtangai tana bia, “Pai bilai bia u ta tolai Herodias!”  
\v 5 Ma Herot ga nem bia da bu bing Ioanes senbia ga burburtei ira mataniabar kanong diet git kilkilam ia bia poropet.   
\p
\v 6-7 Io, ma namur, Herot ga gil tiga nian wara hakilang no bung di ga kaha ia tana. Ma no nati ne Herodias no hinasik ga hamangatai Herot ma ira nuna hasira.\f + \fr 14.6-7 \ft Herodias no hahina ta Herot. Ma i nanaas bia iakano nati Herodias a gurar ia, hua Herot gaam nem ia.\f* Ma ga manga haguama Herot hua Herot gaam gil tiga kukubus, gaam sasalima bia na tabar ia ma ta sa ing i sip.  
\v 8 Ma no pawasina ga nem bia da bu bing Ioanes, gaam pir tar no natina hinasik bia na saring no wali Ioanes.\f + \fr 14.8 \ft Bia da gil hua, na haminis bia Ioanes i ta maat. \f* Io, no gurar ga tangai ta Herot bia, “Iau nem bia u na tar no wali ne Ioanes no tena bapitaiso tagu!”  
\v 9 Bia Herot ga hadadei ga tapunuk senbia ga lik hadadas no nuna sasalima ra matmataan ta ira hasira.  
\v 10 Ma ga hartulai bia da gil hua. Ma di ga kut dako lah no wali Ioanes makaia tano hala na harpidinau.  
\v 11 Ma di ga kap hahuat no walina, di gaam tar ia tano gurar, ma no gurar ga tar ia tano pawasina, ne Herodias.  
\v 12 Ma ira bulu na hausur ta Ioanes, diet ga kap lah no palatamai ne Ioanes ma diet gaam bus ia. Namur um diet ga haan, diet gaam hasasei Iesu.   
\s1 Iesu ga tabar ira liman na arip  
\r (Mak 6.30-44; Luk 9.10-17; Ioanes 6.1-14)  
\p
\v 13 Ing Iesu ga hadadei bia Ioanes gata maat, ga haan laah makaia tikai ma ira nuna bulu na hausur. Ma diet ga haan sena laah tiga mon uram tiga sibaan i mumuau. Iasen bia ira mataniabar diet ga hadadei hua, diet ga haan laah makaia ta ira nudiet taman. Ma diet ga mur ngaas laah wara murmur Iesu.  
\v 14 Bia Iesu ga haan sot ga nas a haleng na mataniabar sakit, gaam manga marmaris uta diet, ma gaam halangalanga ira ina minaset.   
\p
\v 15 Bia gata matmatarahien, ira nuna bulu na hausur diet ga hanuat taar tana ma diet ga tangai bia, “I ta manga matmatarahien tuai um ma dahat kis taar um ta kan ra hanua bia. Tulei sei um ra mataniabar ing diet naga haan taar ta ira taman i huteta, ma diet naga kul adiet ta nian.”   
\p
\v 16 Io, Iesu ga balu diet bia, “Diet na haan laah wara biha? Muat at, muat na tabar diet.”   
\p
\v 17 Ma diet ga balu ia bia, “A liman na sibana beret ma irua kiripa mon kanik.”   
\p
\v 18 Iesu ga tangai ta diet, “Muat kap hahuat ukai tagu.”  
\v 19 Ma Iesu ga tangai ta ira haleng mataniabar bia diet na kis napu. Ga kap lah ira liman na sibana beret ma ira airua kirip, ga tadeng uram ra mawai, ma gaam sasaring uta ira nian. Ga bingit ira beret, gaam tar ta ira bulu na hausur, ma diet gaam palau ira mataniabar.  
\v 20 Diet bakut diet ga iaan, diet gaam honga. Ma ira bulu na hausur diet ga sang hahung ra sangahul ma irua na kalot ma ira sibana nian ing diet ga ien sibaan.  
\v 21 Io, di ga was sen lah mon ira tunaan nalamin ta ira mataniabar bakut ing diet ga iaan. Ma ira tunaan diet ga haruat ma ra liman na arip bakut. Ma pa di ga was um ira hahina ma ira nat na bulu.   
\s1 Iesu ga haan naliu tano ula taah  
\r (Mak 6.45-52; Ioanes 6.15-21)  
\p
\v 22 Ta iakano pakana bung at, Iesu ga tangai ta ira nuna bulu na hausur bia diet na kawaas tano mon ma diet na luai tana urau tiga palpal tano tamat na taah kis, ma bia ia na tulei sei baa ira mataniabar.  
\v 23 Ing gata tulei sei ira mataniabar, ia sena um ga hanhut uram ra uladih bia na sasaring. Bia ga kankado tuai um, ia sena um ga kis taar.  
\v 24 Ma no mon gata haan helik um tano wana. Ma ira pakananah ga seisei hurbitianei ia kanong dal ga haan harusa ma no dadaip.   
\p
\v 25 Ma kaia dak ra aihat na kareka ra malaan Iesu ga hanuat taar ta diet, ga haan mon naliu tano ula taah.  
\v 26 Bia ira nuna bulu na hausur diet ga nas ia ga haan tano ula taah diet ga manga burut, diet gaam tangai bia, “A tanua ia!” Ma diet ga kup na bunurut.   
\p
\v 27 Senbia habir a mon ma Iesu ga habalamasa diet ma ga tangai, “Iau mon! Waak muat burburut!”   
\p
\v 28 Ma Pita ga balu ia bia, “Nugu Watong, ing bia tutun at bia uga, u na tangai tagu bia iau na haan ukatika taam tano ula taah.”   
\p
\v 29 Ma Iesu ga tangai bia, “Kaia! Mai!” Io, Pita ga hansur lah tano mon, gaam haan tano ula taah ma ga haan tultul Iesu.  
\v 30 Iasen bia ga nas no dadaip, ga burut, gaam wara morung. Io, ga tatau Iesu bia, “Nugu Watong, halon iau!”   
\p
\v 31 Kaikek at Iesu ga sasangaha, gaam palim lah no limana. Ma ga tangai ta Pita bia, “Pai patuan no num nurnur. Waak u lilik irirua.”   
\p
\v 32 Ma bia dir ga kawaas laka taar tano mon, io, no dadaip ga pataam hatikai.  
\v 33 Ma diet bakut kaia tano mon, diet ga lotu tupas ia, diet gaam tangai bia, “Uga tutun a mon no Nati Kalou!”   
\p
\v 34 Bia diet ga balas tar no tamat na taah kis, diet ga hanuat taar tano hanua Genasaret.  
\v 35 Ma ira tunatuna makaia, diet ga nas kilam Iesu, diet ga hilau harbasiai taar ta ira taman huteta. Ma diet ga kap hahuat ira ina minaset taar ta Iesu.  
\v 36 Ma diet ga ianga marmaris ta Iesu bia ira ina minaset diet na sigirei mon no ngusuna no nuna sigasigam. Ma diet bakut ing diet ga sigirei ia, ira nudiet minaset ga pataam.   
\c 15  
\s1 Ira linga ing na hagawai tikai  
\r (Mak 7.1-23)  
\p
\v 1-2 Io, aring Parasi ma aring tena hausur ta ira warkurai tane Moses diet ga hanuat maram Ierusalem, diet gaam haan tupas Iesu, ma diet gaam tangai bia, “Pai tahut bia ira num bulu na hausur diet hagawai ira magingin ira hintubu dahat diet ga tar ta dahat. Nas baa! Pa diet la luena hilhilim ma diet naga iaan!”   
\p
\v 3 Ma Iesu ga tangai ta diet bia, “Pai tahut bia muat lakai ira warkurai ta Kalou ma muat murmur at ira magingin ta ira hintubu muat.  
\v 4 Iau ta tangai hua ta muat kanong Kalou ga tangai bia, \qt ‘U na ruu naam sus ma no pawasim,’ \qt* ma, \qt ‘Siga nong na ianga hagawai nana sus bia no pawasina, muat na bu bing ia.’ \qt*  
\v 5 Senbia muat la tangtangai bia tiga tunatuna a nuna mon linga i tale bia na harahut no nuna tata ma no pawasina manei, i tale mah bia na tangai hoken: ‘Iau ta tar iakan ta Kalou. Pai tale bia iau na tar ia taam wara harharahut uga.’  
\v 6 Ma ing bia muat lik hua, i nanaas bia muat tingtigal iakanong ra tunatuna bia pa na ruu at um no nuna tata. Bia muat tangai hua, muat kap sei ira dadas ta ira nianga ta Kalou wara gaigaian ira magingin ta ira hintubu muat.  
\v 7 A tena bisbis muat! No poropet Aisaia ga tangai ra tutuna uta muat hoken bia ga pakat ken ra nianga ta Kalou. Ma Kalou ga tangai bia,   
\q1
\v 8 ‘Kaiken ra mataniabar diet ruu iau ma ra ha diet mon,  
\q1 senbia pa diet tar ira nudiet nilon tagu.   
\q1
\v 9 Diet la latlotu bia haan mon tagu,  
\q1 kanong ira warkurai ta Moses ira tunatuna mon i bul, diet hausur balik tanai hoing bia ta Kalou.’”   
\p
\v 10 Ma Iesu ga tau hulungai no tamat na mataniabar, gaam tangai ta diet bia, “Muat hadadei baa! Iau nem bia muat na palai!  
\v 11 Ira mangana linga tiga tunatuna i ien pai tale bia na hagawai no tunatuna naga sakena. Senbia ira linga ing i hansur maram narako tana, kaikek ing na gil ia naga sakena.”   
\p
\v 12 Io, ira nuna bulu na hausur diet ga haan tupas ia, diet gaam tiri ia bia, “U palai taar bia ira Parasi diet bala ngungut ing diet hadadei asa ing u tangai?”   
\p
\v 13 Ma Iesu ga balu diet hoken: “Diet haruat ma ira linga i kubur narako tano uma ing no nugu Tata kanam ra mawai pa ga so. Da ragat bakut sei diet.  
\v 14 Waak sei um diet! Diet haruat ma ira lualua diet pula. Ma bia tiga pula i sal tiga pula, dir bakut, dir na puka taar tiga tung.”   
\p
\v 15 Ma Pita ga tangai tana bia, “U na palas no kukuraina no nianga harharuat ta mehet.”   
\p
\v 16 Io, Iesu ga tangai ta diet bia, “Ira mataniabar pa diet palai, ma i ngan hoeh bia muat mah, pa muat palai?  
\v 17 Pa muat palai a baa bia ira nian ing muat la ienien, i la haan taar ta ira bala muat ma na hansur baal?  
\v 18 Senbia ira linga tikai na tangai, i suur laah tano balana. Ma kaikek ing i la hagawai tiga tunatuna.  
\v 19 I tutuna, kanong maram tano nuna lilik ira saksakena i hanuat. Ma kaikek ira saksakena hoken. Na mon sakana lilik ma na harubu bingbing bia mah. Ma na sua tikai ma tiga hahina gar na mesa. Ma diet ira lala diet na gil mah hua. Na kikinau, na tangai ra bisbis, ma na ianga hagawai tikai.  
\v 20 Kaiken ra sakana magingin, diet hagawai no tunatuna gi sakena. Ma ing bia tikai pa na hilhilim naluai ma naga iaan, taia ta linga. Pa na hagawai no nuna nilon.”   
\s1 No nurnur ta tiga hahina  
\r (Mak 7.24-30)  
\p
\v 21 Io, Iesu ga haan laah makaia ma ga haan tano hanua ta ira airua pisa na hala, Tair ma Saidon.  
\v 22 Ma tiga hahina makaia ta iakano hanua, tano huna ma Kenan, ma pai Iudeia ia, ga hanuat taar ta Iesu. Io, ga hanuat, gaam tatau hoken: “Watong, no tubu Dewit, u na marsei iau! A sakana tanua i ta sasahai tano nugu hinasik ma i manga haliarei ia.”   
\p
\v 23 Ma Iesu pa ga balu ia ma tiga nianga. Io, ira nuna bulu na hausur diet ga hanuat ukaia hoing ia, diet gaam tangai bia, “U na tulei sei no hahina kanong i kupkup mur hani dahat.”   
\p
\v 24 Ma Iesu ga tangai ta diet bia, “No nugu Tata ga tulei sena mon iau ta muat ira Iudeia, ing muat ngen hoing ra sipsip diet ga rara. Pa ga tulei iau ta diet ira mes na tunatuna ing pai Iudeia diet.”   
\p
\v 25 Ma no hahina ga hanuat, gaam singabukun manaluai tana, ma gaam tangai bia, “Watong, iau nem bia u na harahut iau!”   
\p
\v 26 Io, Iesu ga tangai tana bia, “Pai tahut bia da sei tabar ira paap ma ira nian adiet ira bulu.”   
\p
\v 27 Ma no hahina ga tangai bia, “Tutun sakit, Watong! Senbia ira paap a mah, diet la ienien ira petpetina ing i la pukpuka suur maram tano suuh na nian ta ira nudiet tamat.”   
\p
\v 28 Io, Iesu ga balu ia bia, “Uga tiga hahina nong no num nurnur i manga dadas. U na hatur kahai hoing u ta saring.” Io, ta iakanong ra pakana bung a mon no nuna hinasik ga langalanga um.   
\s1 Iesu ga halangalanga a halengin  
\p
\v 29 Iesu ga haan laah makaia, gaam hanan haan tano gagena no tamat na taah kis Galili. Io, ga hanhut uram ra uladih, gaam a kis kaia.  
\v 30 Ma no tamat na mataniabar sakit diet ga hanuat uram tana, diet gaam kap hahuat ira pengpeng, ira pula, ma ari mah ing ga maat ira tamtabe diet. Diet ga lam hahuat mah ira ngula ma a haleng na mes na ina minaset. Diet ga bul ira ina minaset kaia ra matmataan ta Iesu ma Iesu ga halangalanga diet.  
\v 31 Ma ira mataniabar diet ga karup ing diet ga nas ira ngula diet ga ianga, ira pengpeng diet ga haan, ira pula diet ga nanaas, ma diet ing diet la kaikaiau diet ga langalanga mah. Ma ira mataniabar diet ga pirlat no God gar na Israel.   
\s1 Iesu ga tabar ira ihat na arip  
\r (Mak 8.1-10)  
\p
\v 32 Io, Iesu ga tau lah ira nuna bulu na hausur, gaam tangai ta diet bia, “Iau manga marmaris uta ken ra mataniabar. Diet ta kis tikai ma iau aitul a bung ma taia um adiet ta nian. Pa iau nem bia iau na tulei sei diet ma diet taburungan taar. Kaba diet gi maat kalokalo wara diet tari tano ngaas.”   
\p
\v 33 Ma ira nuna bulu na hausur diet ga tangai balik tana bia, “Pa dahat tale bia dahat na silhei lah ta nian na haruat ma iakan ra tamat na mataniabar sakit. A hanua bia iakan.”   
\p
\v 34 Ma Iesu ga tiri diet bia, “Aisa sibana beret kek ta muat?”  
\p Diet ga balu ia bia, “A len ma irua na sibana beret ma a bar nat na kiripa.”   
\p
\v 35 Io, Iesu ga tangai ta ira mataniabar bia diet na kis napu.  
\v 36 Ing gata kap lah ira len ma irua na sibana beret ma ira kiripa mah, ma gata tanga tahut taar ta Kalou tanai, ga bingit. Io, ga tar ta ira nuna bulu na hausur ma diet ga palau ira mataniabar.  
\v 37 Ira mataniabar bakut diet ga iaan, diet gaam honga. Namur ira bulu na hausur diet ga hahung a len ma irua na kalot ma ira sibana diet.  
\v 38 Di ga was sena lah mon ira tunana nalamin ta ira mataniabar bakut ing diet ga iaan. Ma ira tunana diet ga haruat ma ra ihat na arip. Pa di ga was um ira hahina ma ira nat na bulu.  
\v 39 Io, Iesu ga tulei sei no tamat na mataniabar, gaam kawaas tano mon, ma gaam balas no tamat na taah kis gaam haan taar tano hanua Magadan.   
\c 16  
\s1 Di ga sasaring ta tiga hakilang  
\r (Mak 8.11-13; Luk 12.54-56)  
\p
\v 1 Io, ari Parasi ma ra Sadiusi diet ga hanuat taar ta Iesu bia diet na hakuni ia ta ira nuna gingilaan. Io, diet gaam saring ia bia na gil tiga hakilang wara hamhaminis bia Kalou ga tulei ia bia taia.   
\p
\v 2 Ma Iesu ga tangai balik ta diet hoken: “Bia i ta matmatarahien, ma a bilai na melsur, muat tangai hoken bia, ‘Na bilai na bung marakan.’  
\v 3 Ma bia muat la nas bia i boh no hanua ra malaan, muat la tangtangai bia, ‘Na bata.’ Muat tale bia muat na nas kilam ira kikios tano hanua. Senbia pa muat tale bia muat na nas kilam ira hakilang i hanuat ta kaiken ra pakana bung.  
\v 4 Ma ta kaiken ra bung, ira mataniabar diet nem bia ena gil tiga hakilang kanong diet la turtur talur Kalou ma diet manga sakena. Senbia pa diet na nas ta hakilang. Diet na nas sena mon no hakilang ta Iona no poropet.” Io, Iesu um ga haan talur diet.   
\s1 Ira hausur gar na Parasi ma ira Sadiusi  
\r (Mak 8.14-21)  
\p
\v 5 Io, bia diet ga balas no tamat na taah kis, ira bulu na hausur diet ga luban bia diet na kap ta beret.  
\v 6 Ma Iesu ga hatumarang diet ma tiga nianga harharuat utano is nong i la halalaat hagasiaan ira beret. Io, ga tangai bia, “Muat na balaurei muat ta ira is nudiet ira Parasi ma ira Sadiusi.”   
\p
\v 7 Ma ira nuna bulu na hausur diet ga iangianga balin at ta diet ma diet gaam tangai, “I tangai hokek kanong pa dahat kap ta beret.”   
\p
\v 8 Io, Iesu ga nunurei kilam ira linga diet ga tangtangai, kaikek, gaam tangai ta diet bia, “Pai patpatuan ira numuat nurnur. Iau tapunuk bia muat tangai harbasianei ta muat bia taia ta beret.  
\v 9 Pa muat palai a baa? Hoeh bia muat ta luban ira liman na sibana beret ing ga haruat ma liman na arip na mataniabar? Aisa ira kalot na sibana nian muat ga hahung?  
\v 10 Ma muat ta luban mah ira liman ma irua na sibana beret ing ga haruat ma ihat na arip na mataniabar? Aisa ira kalot na sibana nian muat ga hahung?  
\v 11 Hoeh tutun at bia pa muat palai bia pa iau iangianga ta ira beret tutuna? Senbia iau hatumarang muat uta ira is ta ra Parasi ma ira Sadiusi, bia muat na balaurei muat tanai.”  
\v 12 Kaikek at diet ga palai bia pai ianga ta diet tano is tutuna nong di gil beret ma ia. Senbia ga hasasei diet bia diet na balaurei diet ta ira hausur ta ira Parasi ma ira Sadiusi.   
\s1 Pita ga tangai hapuasnei bia Iesu, ia no Mesaia  
\r (Mak 8.27-30; Luk 9.18-21)  
\p
\v 13 Iesu ga hanuat taar tano hanua tano pisa na hala Kaisaria Pilipai. Ma ga tiri ira nuna bulu na hausur bia, “Ira mataniabar diet la tangtangai bia Nong a Tunatuna Ia, siga ia?”   
\p
\v 14 Diet ga balu ia bia, “Ari diet tangai bia Ioanes no tena bapitaiso, ari diet tangai bia tikai ta ira poropet—Elaija, bia Jeremaia, bia ta tikai ta ira mes na poropet.”   
\p
\v 15 Ma Iesu ga tiri diet, “Ma muat, muat tangai bia iau siga?”   
\p
\v 16 Pita ga balu ia ma ga tangai bia, “Uga no Mesaia\f + \fr 16.16 \ft No kukuraina i haruat ma ‘Karisito’.\f*, no Natina no lilona Kalou.”   
\p
\v 17 Ma Iesu ga tangai tana bia, “U daan, Saimon no nati Iona, kanong taia tiga tunatuna i haminis kakek taam, senbia no nugu Tata aram at ra mawai.  
\v 18 Ma iau tangai taam, Pita, (ma no kukuraina bia haat,) bia iau na hatur no nugu lotu naliu ta iakan ra haat. Ma no dadas tano minaat pa na pari ia.  
\v 19 Iau na tar ira dadas tano matanitu maram ra mawai taam. Asa ing u tigal kai napu, Kalou mah aram ra mawai na hadadas tar taam. Ma asa ing u haut tanai kai napu, Kalou mah na hadadas tar ia taam.”  
\v 20 Io, Iesu ga hatumarang ira nuna bulu na hausur bia waak diet hasasei tikai bia ia mon no Mesaia.   
\s1 Iesu ga hasahesa bia na maat  
\r (Mak 8.31—9.1; Luk 9.22-27)  
\p
\v 21 Ta iakanong ra pakana bung Iesu ga tur lah bia na hamadaraas ira nuna bulu na hausur hoken: “Iau na hanhut at uram Ierusalem. Ma ira tamat, ira tamat na pris, ma ira tena hausur ta ira warkurai ta Moses, diet na hangungut iau ma ra haleng na tirtirih. Ma diet na bu bing iau, senbia tano aitul a bung namur, iau na taman tut balin.”   
\p
\v 22 Io, ne Pita ga lam hasisingen lah ia, gaam bor ia, gaam tangai bia, “Taia tutun at nugu Watong! Pa da gil hokek taam!”   
\p
\v 23 Iesu ga talingan, gaam tangai ta Pita bia, “Haan laah um, Satan. Waak u turtur bat iau. Pau lik ira nemnem ta Kalou. U liklik ira nemnem gar na tunatuna mon.”   
\p
\v 24 Io, Iesu ga tangai ta ira nuna bulu na hausur bia, “Ing bia u wara murmur iau, na maat ira num nemnem ta iakan ra ula hanua. U na pusak no num kabai ma u na mur iau.  
\v 25 Iau tangai hua kanong siga tikai i manga lilik utano nuna nilon, pa na hatur kahai no nuna nilon tutuna. Senbia siga nong i waak sei no nuna nilon panei iau, na hatur kahai no nuna nilon tutuna.  
\v 26 Ma na hatahutnei tikai hoeh, bia na tinanei iakan ra ula hanua bakut, senbia na waak sei no nuna tutun na nilon? Ma tikai na kul pukus no nuna tutun na nilon ma ra sa? Taia iat!  
\v 27 Io, i tutun bia Nong a Tunatuna Ia na hanuat ma no minamar tano ana Sus, diet tikai ma ira nuna angelo. Ma na balu pukus tar ta ira tunatuna tikatikai, haruat ma ira nudiet tintalen.  
\v 28 Muat hadoda baa! Aring ta muat kaiken muat tur taar pa na maat tuk taar bia muat na nas Nong a Tunatuna Ia, na hanhanuat ma no nuna matanitu.”   
\c 17  
\s1 Iesu ga kikios  
\r (Mak 9.2-13; Luk 9.28-36)  
\p
\v 1 Namur ra liman ma tikai na bung gata sakit, Iesu ga lam lah Pita ma Jemes dir taas ma Ioanes, uram tiga tamat na uladih ing pataia tari kaia.  
\v 2 Ma Iesu ga kikios ra matmataan ta dal. No matmataan tana ga pilpilakas hoing no kasakesa, ma ira nuna maal bilang ga manga murarang.  
\v 3 Ma Moses ma ne Elaija dir ga puasa taar ta diet, dal gaam worwor ma ne Iesu.   
\p
\v 4 Ma Pita ga tangai ta Iesu bia, “Nugu Watong, i bilai ing dahat kis kai. Ing bia u nem, iau na gil ta itul a palpalih, tikai a num, tikai tane Moses, ma tikai mah tane Elaija.”   
\p
\v 5 Ma bia ga iangianga baa, io, tiga baakut ga manga murarang ga pulus diet, ma ra ingana tikai ga ianga huat narako tano baakut, gaam tangai bia, “No Natigu iakan nong iau manga sip ia, ma iau manga guama sakit tana. Mutal na hadadei ia!”  
\v 6 Ma bia no kaba bulu na hausur dal ga hadadei hua, dal ga puka burung ira matmataan ta dal uras napu tano pisa ma ra bunurut.  
\v 7 Senbia Iesu ga hanuat, gaam sigirei dal, ma gaam tangai bia, “Mutal tut. Waak mutal burburut.”  
\v 8 Ma bia dal ga tadeng, pa dal ga nas tari—Iesu sena um.   
\p
\v 9 Io, bia dal ga hanansur maram ra uladih, Iesu ga tangai hadadas ta dal bia, “Waak mutal hasasei ta tikai ta iakan ra linga mutal ta nas tar ia. Mutal na hasahesa um namur bia Nong a Tunatuna Ia na tut talur ra minaat.”   
\p
\v 10 Ma bia no kaba bulu na hausur dal ga hadadei bia ga tangai hua, dal ga tiri ia bia, “Wara biha ira tena hausur ta ira warkurai ta Moses diet la tangtangai bia no poropet Elaija na tula hanuat?”   
\p
\v 11 Iesu ga balu dal ma ga tangai bia, “A tutuna, diet ira tena hausur diet la tangtangai bia Elaija na hanuat ma na gil hatakodasnei habal ira linga bakut.  
\v 12 Sen iau hasasei mutal, tikai hoing Elaija gata hanuat taar! Ma pa di ga nunurei kilam ia, senbia di ga gil haruatanei ira nudiet sakana sinisip tana. Ma diet na tar ra ngunngutaan mah hua ta Nong a Tunatuna Ia.”  
\v 13 Io, no kaba bulu na hausur dal ga palai um bia ga hashasasei dal uta ne Ioanes no tena bapitaiso.   
\s1 Iesu ga hasur sei tiga sakana tanua tano nat na bulu  
\r (Mak 9.14-29; Luk 9.37-43)  
\p
\v 14-15 Ing dal ga hanuat taar tano tamat na mataniabar, tiga tunatuna ga hanuat taar tana. Ga singabukun manaluai tana, gaam tangai bia, “Watong, iau nem bia u na marsei no nugu bulu. I la ngokngok ma i la manga ubal hagawai ia, kaikek gi la pukpuka taar tano iaah ma tano taah.  
\v 16 Iau kap tar ia ta ira num bulu na hausur senbia pa diet tale bia diet na halangalanga ia.”   
\p
\v 17 Ma Iesu ga tangai tana bia, “Maris! Muat ira sakana mataniabar katin, pa muat nurnur wara biha? Pa iau na kis lawas tikai ma muat kai napu wara harharahut muat waing muat naga nurnur. Io, muat lam no bulu ukai tagu!”  
\v 18 Iesu ga bor no sakana tanua, io, no sakana tanua ga suur talur ia. Ma kaikek at no bulu ga langalanga.   
\p
\v 19 Ma namur, ira nuna bulu na hausur diet ga haan tupas Iesu, diet gaam tiri kinawanei ia hoken: “Wara biha bia pa mehet tale wara tultulei hasur sei no sakana tanua?”   
\p
\v 20 Io, Iesu ga balu diet, gaam tangai bia, “Pa muat tale kanong i manga natina ira numuat nurnur. Muat hadadei baa! Bia ira numuat nurnur i natina haruat ma tiga pat na dahai i manga gona, io, i tale bia muat na tangai ta iakan ra uladih bia, ‘Kakari makai uras!’ ma na kakari. Taia tiga linga ing pa muat haruat bia muat na gil.  
\v 21 [A sinsaring sena mon ma ra hinahal i tale bia na hasur sei ira mangana sakana tanua hokek.]”   
\s1 Iesu ga hapuasnei habal no nuna minaat  
\r (Mak 9.30-32; Luk 9.43-45)  
\p
\v 22 Ma bia diet ga hanuat hulungai na Galili, Iesu ga tangai ta diet bia, “Da tar sei Nong a Tunatuna Ia ta ira lima diet ira tunatuna.  
\v 23 Ma diet na bu bing ia. Ma ta aitul a bung na pataam na tut hut balin.” Ma ira bulu na hausur diet ga manga tapunuk.   
\s1 Bia Kalou no num tena warkurai, u na langalanga tutuna  
\p
\v 24 Ma Iesu ma ira nuna bulu na hausur diet ga hanuat taar Kapeneam. Ma ari tunatuna diet ga hanahaan wara kap hartabar tano tamat na hala na lotu. Ma diet ga hanuat taar mah tane Pita. Ma diet ga tangai tana bia, “A tutuna bia no numuat tena hausur mah i la kulkul takis tano tamat na hala na lotu?”  
\v 25 Ma Pita ga balu diet bia, “Masa!”  
\p Ma bia Pita ga haan laka tano ngasiana, Iesu ga tula tangai tana bia, “U lik hoeh, Saimon? Ira tamat na lualua na gil warkurai ta iakan ra ula hanua diet la kapkap ira takis ta ira nudiet huntunaan bia ta ira mesa?”   
\p
\v 26 Pita ga balu ia ma ga tangai bia, “Makatika ta ira mesa.”  
\p Ma Iesu ga tangai tana hoken, “Hua, iakanong ra huntunaan at i la langalanga wara kul takis.  
\v 27 Senbia i tahut bia pa datar na hangungut ira bala diet. Io, u na hansur uras tano taah kis ma u na sei hasur no num ngisena il. Ma no luena kiripa nong u na il ia, u na papos no hana, ma u na nas lah tiga kinewa nong i haruat wara kulkul ira nudatar takis. U na kap lah ia ma u na tar ia ta diet tano nudatar takis.”   
\c 18  
\s1 Siga i tamat sakit?  
\r (Mak 9.33-37; Luk 9.46-48)  
\p
\v 1 Ma ta iakanong ra pakana bung ira bulu na hausur diet ga haan tupas Iesu, diet gaam tiri ia bia, “Siga i tamat sakit tano matanitu maram ra mawai?”   
\p
\v 2 Io, Iesu ga tatau tiga nat na bulu, gaam hatur ia nalamin ta diet.  
\v 3 Ma ga tangai ta diet bia, “Muat hadadei baa! Ing bia pa muat na kikios hoing ra nat na bulu, pai tale tutun at bia muat na sola tano matanitu maram ra mawai.  
\v 4 Io hua, ing bia siga i hansiksik habal ia hoing iakan ra nat na bulu, a tamat sakit ia tano matanitu maram ra mawai.  
\v 5 Ing bia siga ta tikai i balak lah tiga nat na bulu hoing iakan, kanong i nunurei bia iau nem hua, io, i balak lah mah iau.   
\s1 U na waak sei ira linga ing na harango uga  
\r (Mak 9.42-48; Luk 17.1-2)  
\p
\v 6 “Nas diet ken ra nat na bulu. Diet nurnur tagu. Ma bia tikai na halawen tikai ta diet bia na gil tiga sakena, io, gaar tahut tana bia da tigal bat ia. Na tahut bia da luena kubus tiga tamat na haat sakit tano kangkangona ma da hakango ia aram nalamana sakit, kaba gi harango tikai ma na kap ra tamat na ngunungut namur.  
\v 7 Maris, a dadas na warkurai na kap ira mataniabar ta iakan ra ula hanua ta ira linga na harwalaam ing na harango ira mataniabar! I tutuna bia ira linga na harwalaam hokek na hanuat at, senbia maris tano tunatuna nong na gil kaikek ra harwalaam.  
\v 8 Kap sei ira sakana lilik ing na harango no num nilon. Bia tiga limaam, bia kakim i harango uga, u na kato sei ia. I tahut bia u na sola tano nilon tutun ma ra kum uga. Senbia pai manga tahut bia da sei uga ma ira airua limaam bia kakim bakut taar tano iaah nong pai la matmat.  
\v 9 Bia tiga mataam i lam harango uga, u na luar sei ia. Na tahut bia u na sola tano nilon hatikai ma tiga mataam mon. Senbia pai manga tahut bia da sei uga ma ra irua mataam bakut taar tano iaah aram Hel.   
\s1 No adahat Sus pai nem bia dahat na rara talur ia  
\r (Luk 15.3-7)  
\p
\v 10 “Nas baa! Waak muat nas hasur tikai ta diet ken ra nat na bulu kanong i tutuna sakit ira nudiet kaba angelo aram ra mawai diet la turtur hait tano matmataan tano nugu Tata aram ra mawai.  
\v 11 [Io, Nong a Tunatuna Ia ga hanuat bia na halon diet ing diet rara.]   
\p
\v 12 “Muat hadadei baa! Ing bia tiga tunatuna i mon tiga maar na sipsip, ma tikai ta diet na rara, na waak tar ira liman ma ihat na sangahul ma liman ma ihat aram ra uladih, ma na haan ma na silhei no sipsip nong ga rara.  
\v 13 Muat hadadei timaan! Ing na nas lah ia, na manga guama sakit ta iakanong ga rara laah ta diet ira len ma ihat na sangahul ma len ma ihat ing pa diet ga rara.  
\v 14 Hua a mon, namuat Sus kanam ra mawai pai sip bia tikai ta diet kaiken ra nat na bulu diet na rara.   
\s1 Lam pukus nong i puka tano sakena  
\p
\v 15 “Bia no tasim i gil magingin sakena taam, u na haan tupas ia ma u na tangai haminis no nuna magingin sakena i gil tar ia taam. Ma mamur sena mon, mamur na wor. Ma ing bia i hadadei uga, u ta lam pukus no tasim.\f + \fr 18.15 \ft No kukuraina bia no tasim narako ta Karisito. \f*  
\v 16 Ma ing bia pa na hadadei uga, u na lam lah baal tikai bia ta irua mes na tunatuna wara nasnas ia. Kanong bia, no nianga ta Kalou i tangai, \qt bia ta irua bia ta aitul a tunatuna dal na hasahesa palai tiga linga, ira nudal nianga i tutuna. \qt*  
\v 17 Ma bia pa na hadadei mah mutal, u na hasahesa ta iakan ra linga tano lotu bakut. Ma bia pa na hadadei mah muat tano lotu, io, pa muat na harbalaan tikai ma ia hoing pa muat harbalaan tikai ma ira tena kikinau ma ira tena sakena ing pa diet nurnur ta Kalou.   
\p
\v 18 “Muat hadadei baa! Asa ing muat tigal kai napu, Kalou mah aram ra mawai na hadadas tar ia ta muat. Ma asa ing muat haut tanai kai napu, Kalou mah na hadadas tar ia ta muat.   
\p
\v 19 “Iau tangai habal ta muat, ing bia airua ta muat kai napu dir tiga lilik tikai panei tiga mangana linga ma dir saring ia, no agu Sus kanam ra mawai na tar ta dir,  
\v 20 Io hua, ing bia airua bia aitul dal kis tikai tano hinsagu, iau mah kana nalamin ta dal.”   
\s1 No tultulai nong pa ga luban no ngasa  
\p
\v 21 Io, Pita ga haan tupas Iesu, gaam tiri ia bia, “Nugu Watong, aisa pakaan tutun at ing iau na lik luban sei ira sakena ing no tasigu i gil tagu? A len ma irua na pakaan i haruat?”   
\p
\v 22 Ma Iesu ga balu ia bia, “Iau tangai taam bia, pa na len ma irua na pakaan, senbia na len ma irua na sangahul na pakaan ma pataia ta hapataam.   
\p
\v 23 “Io hua, no matanitu maram ra mawai i haruat ma tiga king nong ga nem bia na hatakodasnei ira ngasa taar ta ira nuna tultulai.  
\v 24 Ma bia ga hatahun wara hatakodasnei ira ngasa, di ga lam hahuat tiga tunatuna. Ma iakanong ra tunatuna ga kap lah a tamat na kinewa sakit ing pa ga tale um bia na balu pukus.  
\v 25 Ma bia pa ga tale bia na balu pukus ira nuna ngasa, no watong ga tangai bia da suhuranei ia ta ira mes na watong, ia, ma no nuna hahina, ma ira natina mah hoing ira maris na tultulai. Ma ga hartulai mah bia da suhuranei ira nuna linga bakut. Ma ira mata dal tamaan ma ira matana ira nuna linga da balu pukus um no nuna ngasa manei.   
\p
\v 26 “Ma iakanong ra tultulai ga singabukun manaluai tana, gaam ianga marmaris tana bia, ‘Iau nem bia u na matien mon baa tagu. Iau na balu pukus ira kinewa bakut.’  
\v 27 Io, no nuna watong ga marsei ia, gaam lik luban sei no nuna ngasa, ma gaam waak sei ia.   
\p
\v 28 “Senbia ing iakanong ra tultulai ga haan laah, gaam nas tupas lah nuna tiga harhis nong ga kap lah a bar kinewa tana. Io, ga palim kahai ia, gaam puspus bing ia. Ma ga tangai tana bia, ‘Balu pukus ing u gata kap lah tagu!’   
\p
\v 29 “Ma no nuna harhis ga satudu manaluai tana, ma ga ianga marmaris tana bia, ‘Iau nem bia u na matien tar mon baa tagu. Iau na balu pukus ira kinewa bakut.’   
\p
\v 30 “Senbia pa ga nem hua. Ga haan balik ma ia, gaam halaka ia tano hala na harpidinau tuk taar bia na balu pukus bakut ira nuna ngasa.  
\v 31 Ma bia ira mes na tultulai diet ga nas hua, diet ga manga bala ngungut taar tana. Io, diet ga hasasei no nudiet watong ta iakanong ra linga.   
\p
\v 32 “Hua, no watong ga tatau lah ia, gaam tangai tana hoken, ‘Uga tiga sakana tultulai! Iau ta lik luban sei ira num ngasa bakut kanong u ga ianga marmaris taar tagu.  
\v 33 Pai tale mah bia u na marsei no num harhis hoing iau ga marsei uga?’  
\v 34 Ma no watong ga ngalngaluan sakit taar tana, gaam tar sei ia ta diet ing diet la hangungut kaia ra hala na harpidinau, tuk bia naga balu bakut ira nuna ngasa.   
\p
\v 35 “Hokek mah a mon, no nugu Tata aram ra mawai na gil ta muat tikatikai, ing bia pa muat na lik luban sei ira sakena ing ira tasi muat diet gil ta muat.”   
\c 19  
\s1 No magingin na hagaha tinolen  
\r (Mak 10.1-12)  
\p
\v 1 Ma bia Iesu ga hapataam nianga ta kaiken ra linga, ga haan laah makaia Galili, gaam haan taar tano hanua Iudeia ma ga bolas urau tiga palpal tano taah Ioridaan.  
\v 2 Ma ira tamat na mataniabar sakit diet ga mur ia, gaam halangalanga ira nudiet minaset kaia.   
\p
\v 3 Ari Parasi diet ga hanuat taar ta Iesu wara walwalar ia bia pa naga balu timaan no nudiet tinir. Ma diet ga tiri ia hoken: “I takodas ta ira nudahat warkurai bia tiga tunatuna na waak sei no nuna hahina, ma taia mon ta burena?”   
\p
\v 4 Ma Iesu ga balu diet, gaam tangai bia, “Muat gata was tar utano hatahun tano ula hanua. Ma ta iakanong ra pakana bung Nong ga Hakisi ira tunatuna, ga gil hoken. \qt Ga gil dir bia tikai na tunana ma tikai na hahina. \qt*  
\v 5 Ma ga tangai mah hoken: \qt ‘Ta iakan no burena no tunana naga haan talur no ana sus ma no pawasina, ma dir na kis tikai ma no nuna hahina. Ma dir na tikai mon.’ \qt*  
\v 6 Io, pa dir na airua balin um. Dir na tikai. Waak tiga tunatuna mon na palas harbasianei iakan ra linga, kanong Kalou gata kubus pakur tar dir.”   
\p
\v 7 Diet ga tiri habal ia bia, “Ing bia hua, wara biha bia Moses ga tangai, ing bia tikai na sei no nuna hahina, na pakat tar ta nianga palai tano nudir palas tinolen ma na tar ia tano nuna hahina?”   
\p
\v 8 Iesu ga balu diet, gaam tangai hoken: “Moses ga waak muat bia muat na sa hahina kanong a dadasina ira bala muat. Senbia pa ga ngan hua marau ra hatahun tano hakhakisi.  
\v 9 Iau tangai ta muat, bia tikai i sei no nuna hahina nong pai sua tikai ma tiga mesa, ma i tolai tiga mes na hahina, i ta gil sakena kanong i ta sua tikai ma tiga mesa, pai nuna ia.”   
\p
\v 10 Ma ira nuna bulu na hausur diet ga tangai tana bia, “Maris! Ing bia ira nudiet kinkinis na tinolen i ngan hua, io, i tahut bia pa da tolai.”   
\p
\v 11 Iesu ga tangai ta diet bia, “Taia bia ira tunatuna bakut diet tale bia diet na mur iakan ra hausur. Diet sena mon ing Kalou i tar ia ta diet.  
\v 12 Aring burena bia ari tunatuna pa diet la taltolai. Aring pa diet tolai kanong di ga kahai at diet hua. Aring, kanong bia di ga kut diet, pa diet naga hatahuat bulu. Ma aring pa diet tolai kanong diet manga lik no matanitu maram ra mawai. Siga tikai i tale bia na hatur kahai ken ra hausur, i tahut bia na gil hua.”   
\s1 Ira nat na bulu  
\r (Mak 10.13-16; Luk 18.15-17)  
\p
\v 13 Io, aring nat na bulu di ga lam tar diet taar ta Iesu bia na bul ira irua limana naliu ta diet ma na sasaring ta diet. Senbia ira nuna bulu na hausur diet ga bor diet ing diet ga lam hahuat ira nat na bulu.   
\p
\v 14 Ma Iesu ga tangai bia, “Muat waak sasei ira bulu taar tagu. Pa muat na tur bat diet kanong no matanitu maram ra mawai, a nudiet ia ira mangana nat na bulu hoken.”  
\v 15 Ma bia ga bul ira airua limana ta diet, ga haan laah makaia.   
\s1 Tiga watong  
\r (Mak 10.17-31; Luk 18.18-30)  
\p
\v 16 Io, tiga tunatuna ga haan tupas Iesu ma ga tangai bia, “Tena hausur, a bilai na pinapalim sa ing iau na gil bia iau naga kap no nilon hatikai?”   
\p
\v 17 Ma Iesu ga tangai tana bia, “Wara biha bia u tiri iau utano linga nong i bilai? Tikai sena mon nong i bilai—ne Kalou. Ing bia u nem bia u na sola tano tutuna nilon, u na mur ira kaba warkurai ta Kalou.”   
\p
\v 18 No tunatuna ga tiri bia, “Gahim?”  
\p Ma Iesu ga balu ia hoken: \qt “‘Waak u harubu bingbing bia. Waak u sua tikai ma tikai pai a num ia. Waak u kikinau. Waak u gil bisbis na nianga wara taktakun tikai. \qt*  
\v 19  \qt U na ruu naam sus ma no pawasim. Ma u na marsei tikai hoing u marsei habal at uga.’” \qt*   
\p
\v 20 Ma no marawana ga tangai bia, “Iau la murmur bakut kaikek. Asa baal um ing iau supi?”   
\p
\v 21 Iesu ga balu ia, ma ga tangai tana hoken, “Ing bia u nem bia u na takodas harsakit, io, u na haan, ma u na suhuranei bakut ira num tabarikik, ma u na tar ira kinewa ta ira maris waing u naga hatur kahai ira tamat na hartabar aram naliu. Namur, u na mai ma u na mur iau.”   
\p
\v 22 Bia no marawana ga hadadei tar hua, ga haan laah ma ra tamat na tapunuk, kanong bia a tamat na watong ia.   
\p
\v 23 Ma Iesu ga tangai um ta ira nuna bulu na hausur bia, “Muat hadadei baa! I manga dadas bia tiga watong na sola tano matanitu maram ra mawai.  
\v 24 Iau wara hadadas tar habal muat. Ing bia tiga watong i sip bia na sola tana, na manga dadas tana. I malus bia tiga kamel na laka tano matana nil na sisingit bia tiga watong na sola tano matanitu ta Kalou.”   
\p
\v 25 Ma bia ira nuna bulu na hausur diet ga hadadei tar hua, diet ga manga karup, diet gaam tangai tana hoken, “Bia hua, i nanaas bia taia tikai pai tale wara kapkap no nilon tutuna. Naka?”   
\p
\v 26 Ma Iesu ga nas diet ma gaam tangai, “Ira tunatuna mon, pa diet haruat. Senbia Kalou i tale kanong ira linga bakut Kalou i tale wara gilgil.”   
\p
\v 27 Io, Pita ga tangai tana bia, “Nas, ira numehet linga bakut, mehet ta haan talur tar wara murmur uga. Asa um kana ing mehet na kap?”   
\p
\v 28 Ma Iesu ga tangai ta diet bia, “Muat hadadei baa! No sigara kinkinis na hanuat, ma Nong a Tunatuna Ia na kis tano nuna tamat na kinkinis na minamar. Ma muat mah, muat na kis ta ira sangahul ma irua na kinkinis na warkurai ma muat na kurei ira sangahul ma irua na huntunaan ma Israel.  
\v 29 Ma siga tikai na haan talur no nuna taman, ira tasina, ira hininina, no nuna tata, no pawasina, ira natina, bia ira nuna uma wara utagu, io, na hatur kahai a marmar na hartabar balin ta ing naluai. Ma na kap mah no nilon nong pa na pataam.  
\v 30 Ma haleng ing diet watong katin, diet na maris namur. Ma ing diet maris katin, diet na watong namur.   
\c 20  
\s1 Ira tultulai tano uma na wain  
\p
\v 1 “No matanitu maram ra mawai i haruat ma tiga tunatuna, a nuna tiga uma. Ma ga haan ra malaan at bia na kul lah tari tunatuna bia diet na papalim tano nuna uma.  
\v 2 Ma ga kukubus tikai ma ira tena pinapalim bia na kul mon diet tiga kinewa tano kidilona bung. Io, ga tulei sei um diet taar tano uma na wain.   
\p
\v 3 “Ma bia ga huteta ra liman ma ihat na pakana bung, ga haan baal, gaam nas lah ari tunatuna diet ga tur bia taar tano sibaan diet la hanhanuat hulungai kaia.  
\v 4 Ma ga tangai ta diet bia, ‘Muat mah, muat na haan uram tano nugu uma na wain ma muat na papalim. Ma iau na kul hatakodasnei muat.’  
\v 5 Io, diet ga haan.  
\p “Ma ra sangahul ma irua na pakana bung ra kasakesa, ma ra aitul a pakana bung ra matarahien, ga gil mah hua.  
\v 6 Ma bia gata huteta ra liman na pakana bung ra matarahien, ga haan laah, gaam nas lah ari mes na tunatuna kana, diet ga turtur haan. Ga tiri diet bia, ‘Wara biha tutun at bia muat turtur bia haan ta kan ra kidilona bung? Pai tahut bia muat gil hua.’   
\p
\v 7 “Diet ga balu ia bia, ‘Taia tikai pai tangai bia na kul mehet.’  
\p “Io, ga tangai ta diet bia, ‘Muat mah, muat na haan uram tano nugu uma na wain.’   
\p
\v 8 “Bia gata matmatarahien hanahaan, no tata tano uma na wain ga tangai tano nuna tena harbalaurai hoken: ‘Tatau ira tena pinapalim ma u na kul diet. U na hatahun ta diet ing diet hanuat namur. Ma u na pataam ta diet ing diet luena hanuat.’   
\p
\v 9 “Io, ira tena pinapalim ing diet ga hatahun no nudiet pinapalim ra liman na pakana bung ra matarahien, diet ga hanuat, diet gaam kap lah tiga kinewa tikatikai.  
\v 10 Ma bia ira tena pinapalim ing diet ga luena papalim, diet ga hanuat, diet ga lik bia diet na kap ta tamat. Senbia diet mah, diet ga kap tiga kinewa tikatikai.  
\v 11 Ma bia diet ga kap lah ira nudiet kinewa, diet ga rungurung taar tano tata tano uma na wain.  
\v 12 Diet ga tangai bia, ‘Kek ira tunatuna ing diet ga hanuat namur tutun, diet papalim mon makatika ra liman tuk taar ukai ra liman ma tikai, ma u kul haruatanei a mon mehet bakut. Senbia mehet ing mehet luai, mehet manga gil tamat na pinapalim tur lah tano malaan, ma no kasakesa mah i sei mehet.’   
\p
\v 13 “Ma ga balu tikai ta diet, gaam tangai, ‘Tasigu, pa iau bis uga. U nunurei bia datar haut tikai bia u na kap tiga kinewa mon.  
\v 14 Kap lah no num harkul, ma u na haan. Iau nem bia ena kul diet ing diet hanuat namur haruat a mon hoing uga.  
\v 15 I tutun sakit bia iau at, iau kurei bia ena gil hoeh ma ra nugu kinewa. U lilik sakasaka taar ta diet ing diet hanuat namur kanong bia iau tiga balamasa na tunatuna?’”   
\p
\v 16 Ma Iesu ga tangai bia, “Io, diet ing diet mur, diet na luai. Ma diet ing diet luai, diet na mur.”   
\s1 Iesu ga tangai bia na maat  
\r (Mak 10.32-34; Luk 18.31-34)  
\p
\v 17-18 Bia Iesu ga hananhut uram Ierusalem, ga lam hasisingen lah ira sangahul ma irua na bulu na hausur, gaam tangai ta diet hoken: “Muat hadadei timaan. Dahat hananhut um uram Ierusalem ma da tar sei um Nong a Tunatuna Ia ta ira tamat na pris ma ta ira tena hausur ta ira warkurai ta Moses. Ma diet na kurei bia da bu bing ia.  
\v 19 Ma diet na tar sei ia ta ira lima diet ing pai Iudeia diet. Ma diet na hasakit sakasaka tana, diet na dangat ia, ma diet na tut ia tano kabai. Ma aitul a bung na sakit, na tut huat balin.”   
\s1 Tikai i nem bia na tamat, na tultulai  
\r (Mak 10.35-45)  
\p
\v 20 Namur, no puasi dir ira airua nati Sebedi ga hanuat taar ta Iesu ma ira airua natina. Ga satudu manaluai tana wara sarsaring Iesu tiga linga.   
\p
\v 21 Ma Iesu ga tiri ia, “U nem sa?”  
\p Ga balu Iesu bia, “Iau nem bia u na tangai bia ken ra airua natigu, dir na kis tikai ma uga tano num matanitu. Tikai na kis tano kesa na limaam, ma tikai tano sot na limaam.”   
\p
\v 22 Ma Iesu ga tangai ta dal bia, “Pa mutal palai tano linga mutal tirtiri iau tana. Mamur tale bia mamur na kap no ngunungut nong iau na kap ia?”  
\p Dir ga balu ia bia, “Mamir tale.”   
\p
\v 23 Ma Iesu ga tangai ta dir bia, “I tutuna bia mamur na kap no ngunungut nong iau na kap ia. Senbia no kinkinis tano kesa na limagu ma no sot na limagu, pai nugu linga wara tartar. Iakanong a linga tano agu Sus. Ma na tar ia ta diet ing i ta tagurei haruatanei ira nudiet kinkinis.”   
\p
\v 24 Ing ira sangahul na bulu na hausur diet ga hadadei hua, diet ga ngalngaluan taar ta dir tasin.  
\v 25 Ma Iesu ga tau hulungai diet ma gaam tangai bia, “Muat palai ta diet ing pai Iudeia diet. Ira nudiet lualua, diet la hatamat habalin diet ma diet la hanapu ira mesa. Ma ira nudiet watong diet la manga kurkurei diet.  
\v 26 Senbia pai haruat hua ta muat. Bia tikai i nem bia na tamat nalamin ta muat, i supi bia na tultulai ta muat.  
\v 27 Ma bia tikai i nem bia na lualua nalamin ta muat, na manga tultulai ta muat.  
\v 28 Muat na gil hua kanong bia Nong a Tunatuna Ia ga hanuat bia na gil mah hua. Pa ga hanuat bia diet naga tultulai tana. Ga hanuat bia na tultulai ta diet, ma na tar no nuna nilon wara kulkul pukus haleng na mataniabar.”   
\s1 Airua pula  
\r (Mak 10.46-52; Luk 18.35-43)  
\p
\v 29 Ma bia Iesu ma ira nuna bulu na hausur diet ga haan talur no pisa na hala Jeriko, a tamat na mataniabar sakit ga mur ia.  
\v 30 Ma airua pula dir ga kis taar tano gagena ngaas. Ma ing dir ga hadadei bia Iesu i hanahaan sakit, dir ga tatau naliu bia, “Watong, uga no tubu Dewit, u na marsei mamir!”   
\p
\v 31 Io, no tamat na mataniabar diet ga bor dir bia dir na kis matien. Sen iakanong ra pakaan, dir ga manga tatau naliu balik, dir gaam tangai bia, “No Watong, no Tubu Dewit, u na marsei mamir!”   
\p
\v 32 Ma Iesu ga tur, gaam tatau dir, ma gaam tiri dir bia, “Mamur sip bia iau na gil hoeh ta mamur?”   
\p
\v 33 Dir ga tangai tana, “Watong, mamir sip bia mamir na nanaas.”   
\p
\v 34 Ma Iesu ga manga marsei dir, gaam palim ira mata dir. Kaikek at dir ga nanaas, io, dir gaam mur ia.   
\c 21  
\s1 Iesu ga haan laka Ierusalem  
\r (Mak 11.1-11; Luk 19.28-40; Ioanes 12.12-19)  
\p
\v 1-2 Io, diet ga hanuat taar kaia Betpasi huteta Ierusalem tano uladih Olip. Io, Iesu ga tulei airua ta ira nuna bulu na hausur ma ga tangai ta dir bia, “Mamur na haan taar tano taman manaluai ta mamur. Io, kaikek at mamur na nas lah tiga donki di ta kubus kahai tar ia, ma tiga natina mah kana tikai ma ia. Mamur na palas dir, io, mamur na sal hahuat dir ukai tagu.  
\v 3 Ma bia siga tikai na tangai ta linga ta mamur, mamur na tangai bia, ‘No Watong i nem dir,’ ma kaiken baal a mon na tar pukus dir.”   
\p
\v 4 Iakan ga ngan hua wara hatutun no nianga tano poropet ga tangai hoken:   
\q1
\v 5 “Tangai ta diet aram Ierusalem tano uladih Saion hoken:  
\q1 ‘Nas baa! No numuat King kek i hananhuat ukatika ta muat.  
\q1 A matmatien ia, ma i kiskisi hani tiga donki,  
\q1 a nat na donki ia.’”   
\p
\v 6 Ma ira airua bulu na hausur dir ga haan laah, dir gaam gil hoing Iesu ga tangai ta dir.  
\v 7 Dir ga sal hahuat no donki ma no natina, dir gaam bakar ira tuhu dir ira airua donki ma ari ta ira nudir maal. Io, Iesu ga kawaas hut, gaam kis korai ta dir.  
\v 8 Ma a haleng tano tamat na mataniabar diet ga kap sei aring ta ira nudiet sigasigam diet gaam palsei mur no ngaas manei. Aring diet ga palsei ira katangana dahai ing diet gata kato.  
\v 9 Ma ira tamat na mataniabar ing diet ga luluai haan ma diet ing diet ga murmur haan, diet bakut, diet ga tatau bia,  
\q1 “Da pirlat no Tubu Dewit!  
\q1 I daan nong i hanuat wara gilgil haruatanei ira sinisip gar tano Watong!  
\q1 Pirlat Kalou nong i kis aram naliu sakit!”   
\p
\v 10 Ma bia Iesu ga haan laka aram Ierusalem, io, a tabi nianga ga hanuat, ma ira mataniabar bakut kaia, diet ga karup, ma diet gaam dedar. Diet gaam tiri bia, “Siga iakan?”   
\p
\v 11 Ma ira tamat na mataniabar diet ga balu diet bia, “Iesu iakan, no poropet maram Nasaret kinam Galili.”   
\s1 No hala na lotu tane Kalou  
\r (Mak 11.15-19; Luk 19.45-48; Ioanes 2.13-22)  
\p
\v 12 Ma Iesu ga haan laka tano tamat na hala na lotu, gaam bat hasur diet ing diet ga susuhura ma diet ing diet ga kukul kaia. Ga pulek ira suuh ta ira tunatuna ing diet ga kikios ira kinewa, ma ga pulek mah ira kinkinis nudiet ira tunatuna ing diet ga suhsuhuranei ira maan.  
\v 13 Ma ga tangai ta diet bia, “No nianga ta Kalou di ga pakat ia i tangai hoken: \qt ‘No nugu hala na lotu, da kilam ia bia a hala na sinsaring.’\qt* Senbia muat gil balik ia hoing tiga munmun nudiet ira tena kikinau.”   
\p
\v 14 Ma ira pula ma ira pengpeng diet ga hanuat taar tana narako tano tamat na hala na lotu. Ma ga halangalanga diet kaia.  
\v 15 Ma ira tamat na pris ma ira tena hausur ta ira warkurai ta Moses diet ga nas ira bilai na linga ing ga gil. Ma diet ga hadadei mah ira nat na bulu narako tano tamat na hala na lotu ing diet ga tatau hana bia, \qt “Pirlat no Tubu Dewit!” \qt* Io, diet ira lualua na lotu diet ga ngalngaluan taar ta Iesu.  
\v 16 Diet ga tangai tana bia, “U hadadei tar a mon ing kaiken ra nat na bulu diet tangtangai! I biha bia pau tigal diet?”  
\p Ma Iesu ga tangai ta diet bia, “Masa! Iau hadadei diet. Hoing a mon muat gata was tar ta ira nianga ta Kalou, i tangai hoken: \qt ‘U ta tagurei tar ira nat na bulu ma diet mah ing diet la susus baa, bia diet na pirlat uga.’” \qt*   
\p
\v 17 Ma Iesu ga haan talur diet makaia ra pisa na hala u Betani, gaam a sua bung laah kaia.   
\s1 No ina fig  
\r (Mak 11.12-14, 20-24)  
\p
\v 18 Bia Iesu ga taptapukus ra malaan uram tano pisa na hala, ga taburungan.  
\v 19 Ma bia ga nas tiga ina fig tano gagena ngaas, ga haan taar tana. Senbia ga nas ia bia a pakana sena. Io, ga tangai tano ina fig bia, “Pau na huai balin! Taie tutun at!” Ma kaikek at no dahai ga maranga.   
\p
\v 20 Ira bulu na hausur diet ga nas hua, diet ga karup. Ma diet ga tiri bia, “I ngen tutun at hoeh bia iakan ra ina fig i maranga gasien?”   
\p
\v 21 Ma Iesu ga balu diet hoken: “Muat hadadei baa! Bia muat nurnur ma pai airua ira numuat lilik, io, muat tale mah bia muat na gil hoken iau ta gil tano ina fig. Ma taia bia ken sen a mon. I tale mah bia muat na tangai ta iakano uladih bia, ‘Taman tut, ma u na tamaragat suur uram nalamana sakit.’ Ma na hanuat at hua.  
\v 22 Bia muat nurnur, ma muat sasaring, io, asa ing muat sasaring utanei muat na kap lah at.”   
\s1 Iesu ga kap no nuna dadas mamaha  
\r (Mak 11.27-33; Luk 20.1-8)  
\p
\v 23 Iesu ga laka tano tamat na hala na lotu. Ma bia ga hausur ira mataniabar kaia, ari ta ira tamat na pris ma ari tena hausur ta ira warkurai ta Moses diet ga hanuat taar tana. Ma diet ga tiri ia bia, “U ta kap ra tamat na dadas na warkurai maha kaikek gu gil kaiken ra linga, ma siga i bul hatamat uga?”   
\p
\v 24 Ma Iesu ga balu diet, gaam tangai hoken: “Iau mah, iau na tiri muat tiga tinir ma bia muat na balu iau, io, iau na hasasei muat bia siga i tar ra dadas tagu kaiken iau gi gil ken ra pinapalim.  
\v 25 Muat lik bia Ioanes ga kap no nuna pinapalim na bapitaiso maram ra mawai bia makai ta ira tunatuna mon?”  
\p Diet ga worwor nalamin ta diet at hoken: “Bia dahat na tangai bia Ioanes ga kap no nuna pinapalim maram ra mawai, Iesu na tangai ta dahat bia, ‘Muat gaar ta nurnur mon ta ira nianga ta Ioanes.’  
\v 26 Ma pa dahat na tangai mah bia Ioanes ga kap no nuna dadas ta ira tunatuna mon kanong dahat burtei no tamat na mataniabar, kanong diet bakut diet nurnur bia Ioanes ia tiga poropet.”   
\p
\v 27 Io, diet ga balu Iesu bia, “Pa mehet nunurei.”  
\p Io, ma Iesu ga tangai um ta diet bia, “Pa iau na hasasei mah muat bia iau kap no nugu tamat na dadas na warkurai maha, kaikek iau gi gil hoken.”   
\s1 Siga tutun at i taram Kalou?  
\p
\v 28 Ma Iesu ga tangai bia, “Muat lik hoeh? Tiga tunatuna airua natina. Ga haan tupas no luena ma ga tangai tana bia, ‘Natigu, u na haan baas. U na papalim aram ra uma na wain katin.’   
\p
\v 29 “Ga balu ia, gaam tangai bia, ‘Taia. Iau mola.’ Senbia namur ga pukusanei no nuna lilik, ma ga haan wara pinapalim.   
\p
\v 30 “Namur, no nudir tata ga haan tupas nong tiga natina, gaam tangai mah hua tana. Ma no bulu, ga tangai bia, ‘Io, tata, iau na haan.’ Senbia pa ga haan um.”   
\p
\v 31 Ma Iesu ga tiri diet ira lualua na lotu bia, “Siga ta dir ga mur ira sinisip tano nudir tata?”  
\p Diet ga balu Iesu bia, “No luena.”  
\p Io, Iesu ga tangai ta diet bia, “Muat hadadei baa! Ira tena kikinau ma ira hahina hilawai diet lalaka tano matanitu ta Kalou naluai ta muat.  
\v 32 Io, Ioanes no tena bapitaiso ga hanuat bia na haminis muat tano takodas na ngaas. Ma pa muat ga nurnur tana. Senbia ira tena kikinau ma ira hahina hilawai diet balik, diet ga nurnur tana. Ma a tutuna bia muat ga nas mah kaiken, senbia pa muat ga lilik pukus bia muat naga nurnur tana.”   
\s1 Ira tena balaura uma  
\r (Mak 12.1-12; Luk 20.9-19)  
\p
\v 33 Ma Iesu ga tangai ta diet hoken: “Muat hadadei mah tiga mes na nianga harharuat. Tiga tunatuna nuna tiga sibana pisa. Ga so tiga uma na hunena wain. Ga lar bat ia ma ga kil tiga tung i haruat wara paspaas bisang ira hunena wain. Ga bul mah tiga hunghungana haat uram naliu wara nasnas mur no uma na hunena wain. Bia ga gil tar kaikek ga waak tar no uma ta diet ing diet ga sahur ia bia diet na balaurei ia, ma gaam haan laah baa tano nuna hinahaan.  
\v 34 Bia ga masosa ira hunena wain, ga tulei ira nuna tultulai uras ta ira tena balaura uma bia diet na kap lah a nuna taring ta kaikek ra hunena.   
\p
\v 35 “Ira tena balaura uma diet ga palim kahai ira nuna tultulai. Diet ga hamidaak tikai, diet ga bu bing tiga mesa, ma diet gaam tut bing mah nong tikai ma ra haat.  
\v 36 Namur baal ga tulei aring tultulai, diet ga haleng ta diet ing diet ga luai. Ma diet ga gil mah hua ta diet.  
\v 37 Ma manamur ta diet bakut, ga tulei no natina taar ta diet kanong ga tangai bia, ‘Diet na ruu no natigu.’   
\p
\v 38 “Iasen bia ira tena balaura uma diet ga nas no natina, diet ga tangai harbasianei ta diet, ‘Iakano tunatuna i ta hanuat nong na rumahal. Kaia, dahat gi a bu bing ia waing dahat naga kap lah balik no nuna uma wara nudahat.’  
\v 39 Io, diet ga palim kahai ia, diet gaam sei hasur ia maram narako tano uma na hunena wain, ma diet gaam bu bing ia.”   
\p
\v 40 Ma Iesu ga tiri diet bia, “Io hua, bia no tunatuna a nuna no uma na hanuat, na gil bihanei ira tena balaura uma?”   
\p
\v 41 Diet ga balu ia bia, “Na bu bing haliarei kaikek ra sakena tunatuna. Ma na nanaas laah tari mes na tena balaura uma ing diet na haut bia diet na tartar tari hunena tana tano pakana bung bia ira hunena wain i masosa.”   
\p
\v 42 Ma Iesu ga tangai ta diet bia, “I tahut bia muat na lik lah no nianga ta Kalou di ga pakat ia i tangai hoken,  
\q1 ‘No haat nong ira tena gil hala diet ga mola sei ia, kanong diet ga lik bia a linga bia ia,  
\q1 ia no dadas na burena no hala bakut.  
\q1 No Watong at ga gil hoken  
\q1 ma i manga bilai sakit bia dahat na nas ia.’   
\p
\v 43 “Io kaikek, iau hasasei muat bia no matanitu ta Kalou, da kap sei ia ta muat ma da tar ia ta diet ra mesa ing diet na papalim haruat tano nemnem ta Kalou.  
\v 44 [Ma siga i puka taar ta iakanong ra haat na tarigis hansiksik. Ma bia no haat na puka taar ta tikai, na bisang hansiksik ia.]”   
\p
\v 45 Ma bia ira tamat na pris ma ira Parasi diet ga hadadei ira nianga harharuat ta Iesu, diet ga nunurei bia ga tangtangai mon uta diet.  
\v 46 Ma diet ga walar bia diet na palim kahai ia, senbia diet ga burtei no tamat na mataniabar kanong ira mataniabar diet ga nurnur bia a poropet ia.   
\c 22  
\s1 No nian na pokomau  
\r (Luk 14.15-24)  
\p
\v 1 Ma Iesu ga haianga diet ma ira nianga harharuat balin, gaam tangai hoken.  
\v 2 “No matanitu maram ra mawai i hoken. Tiga king ga tagurei tiga nian na pokomau tano natina bulu tunana.  
\v 3 Ga tulei ira nuna tultulai wara lamlam diet ing gata saring tar diet bia diet na kis tano nian na pokomau. Senbia diet ga mola wara hinanuat.   
\p
\v 4 “Io, ga tulei habal aring mes na tultulai, ma gaam tangai ta diet bia, ‘Muat na hasasei diet ing iau ga siga diet tano nian na pokomau hoken: “Iau ta tagurei tar no nian. Iau ta sapak ira nugu tamat na bulumakau ing iau ga tamtabar hatamat diet. Muat mai um ukai tano nian. I ta tagura bakut taar ira linga.”’   
\p
\v 5 “Senbia pa diet ga taram, diet ga haan harbasiai. Tikai ga haan taar tano nuna uma, ma tikai ga gil at ira nuna pinapalim.  
\v 6 Ma ira mes ing di ga siga diet tano nian na pokomau, diet ga palim kahai ira nuna tultulai, diet gaam haliarei diet, ma diet gaam bu bing diet.  
\v 7 No king ga manga ngalngaluan, gaam tulei ira nuna umri ma diet ga bu bing bakut sei kaikek ra tena harubu bingbing, ma diet ga hakarat no nudiet pisa na hala.   
\p
\v 8 “Io, ga tangai ta ira nuna tultulai bia, ‘No nian na pokomau i tagura. Senbia ing iau ga tau diet, pa diet ga bilai na tunatuna wara hinanuat tano nian na pokomau.  
\v 9 Io hua, muat na haan taar ta ira sibaan diet la hanhanuat hulungai kaia, ma muat na lam hahuat siga a mon ing muat na nas.’  
\v 10 Io, ira tultulai diet ga haan harbasiai ta ira sibaan, diet gaam lam hahuat ira tunatuna bakut a mon ing diet ga nas lah. Ari bilai ma aring a sakena tunatuna nalamin ta diet. Ma no hala ga hung ma diet.   
\p
\v 11 “Ma ing no king ga haan laka bia na nas ira hasira, ga nas tupas lah tiga tunatuna pa ga sigam ta bilai na sigasigam wara hinahaan tano pokomau.  
\v 12 Ma no king ga tangai tana bia, ‘Tasigu, u laka hoeh ukai? Pau sigam ta bilai na sigasigam. U ta gil ronga.’ No tunatuna pa ga tale bia na ianga.   
\p
\v 13 “Io, no king ga tangai ta diet ing diet nas mur no gil nian bia, ‘Muat na his tikanei ira irua limana ma ira irua kakina, ma muat na sei hasur ia uras nataman tano kankado, naga susuah ma na hagirit na ngisa kaia.’”   
\p
\v 14 Io, Iesu ga hapataam no nuna nianga, gaam tangai bia, “Kalou i tau haleng, ma senbia i pilak lah mon a bar hanahuana.”   
\s1 No magingin na kul takis  
\r (Mak 12.13-17; Luk 20.20-26)  
\p
\v 15 Io, ira Parasi diet ga haan laah, diet gaam wor tikai bia diet na hakuni Iesu ta ira nuna nianga.  
\v 16 Ma diet ga tulei ira nudiet bulu na hausur taar ta Iesu tikai ma diet ing diet la murmur Herot, no king. Ma diet ga tangai bia, “Tena hausur, mehet nunurei bia a tutun na tunatuna uga. Ma u la hausur tutuna iat tano lilik ta Kalou ing i nem bia da mur. Pau la turtur sena ma tikai kanong pau la liklik lah bia a mangana tunatuna sa tikai.  
\v 17 Io, u na hasasei mehet tano num lilik. I takodas bia dahat na kul tar no takis ta diet ing diet kurei dahat bia taia?”   
\p
\v 18 Senbia Iesu ga palai ta ira nudiet sakana lilik, gaam tangai ta diet bia, “Muat ira tena bisbis! Muat nem bia muat na hakuni iau wara biha?  
\v 19 Muat haminis tiga kinewa tagu nong di la kulkul takis ma ia.” Diet ga kap hahuat tiga siliwa ukai tana.  
\v 20 Io, ga tiri diet bia, “A malalari siga iakan ma a hinsa siga iakan?”   
\p
\v 21 Diet ga balu ia bia, “Tano lualua ta ira nudahat tena warkurai.” Io, ga tangai ta diet, “Masa. Muat na tar ta ira tena warkurai ira linga at ta ira tena warkurai, ma muat na tar ta Kalou ira linga at ta Kalou.”   
\p
\v 22 Ma bia diet ga hadadei hua, diet ga karup ta ira nianga ga tangai. Diet ga haan talur ia, ma diet gaam haan laah um.   
\s1 Ira minaat diet na lon balin  
\r (Mak 12.18-27; Luk 20.27-40)  
\p
\v 23-24 Ma ta iakanong at ra bung aring Sadiusi ing diet la liklik bia nong i maat pa na tut hut baal um, diet ga haan tupas Iesu, diet gaam tiri ia bia, “Tena hausur, Moses ga tangai hoken. Bia tiga tunatuna i maat ma taia ta natina, io, no tasina balik na tolai no nuna makosa. Ma dir naga hatahuat ta nati dir ma dir na kilam tar ta diet no hinsana no tasina nong i ta maat.  
\v 25 Io, a liman ma irua na haratasin ken ta mehet. No luena ga tolai, gaam maat talur no nuna hahina, ma pa ga mon nati dir baa. Io, no makosa ga haan taar tano tasina.  
\v 26 Ga ngan mah hua tano airua, ma no aitul, tuk taar ta nong ga liman ma irua ma ia.  
\v 27 Ma bia diet gata maat bakut, no hahina mah um ga maat.  
\v 28 Io, bia ira minaat diet na lon huat balin tano bung na tuntunut hut, ta siga tutun at um no hahina ta ira liman ma irua na haratasin? Kanong diet bakut, diet ga tolai tar ia.”   
\p
\v 29 Ma Iesu ga balu diet hoken: “Muat ronga kanong pa muat palai ta ira nianga ta Kalou ing di ga pakat, ma pa muat nunurei mah no dadas ta Kalou.  
\v 30 Tano pakana bung na tuntunut hut balin ta ira minaat, pa diet na tolai. Diet na haruat ma ira angelo aram ra mawai.  
\v 31 Senbia, kaiken iau na hasasei muat bia diet ing diet ta maat, diet na tut huat balin bia taia. I tahut bia muat na lik lah ira nianga ta Kalou ing di ga pakat tar ta muat uta ira hintubu dahat.  
\v 32 Kalou ga tangai bia, \qt ‘Iau no God tane Abraham, no God tane Aisak, ma no God tane Iakop.’ \qt* Pataia bia a God nudiet ira minaat, senbia a God nudiet ira lilona.”   
\p
\v 33 Ma bia ira tamat na mataniabar diet ga hadadei hua, diet ga karup ta ira nuna hausur.   
\s1 No tamat na warkurai  
\r (Mak 12.28-34; Luk 10.25-28)  
\p
\v 34 Ma bia ira Parasi diet ga hadadei bia Iesu ga balu timaan ira Sadiusi diet gaam tur matien, io, ira Parasi diet ga hanuat hulungai.  
\v 35 Ma tikai nalamin ta diet, a mintatona ia ta ira warkurai ta Moses, ga walar Iesu, gaam tiri hoken:  
\v 36 “Tena hausur, gahim warkurai ta ira warkurai bakut ta Kalou i manga tamat?”   
\p
\v 37 Iesu ga balu ia, gaam tangai bia, \qt “‘U na sip no Watong no num God ma no katim bakut, no num nilon bakut, ma no num lilik bakut.’ \qt*  
\v 38 Iakan ra warkurai i tamat sakit ma i luai ta ira mesa.  
\v 39 Ma nong airua ma ia, ia mah hua. I tangai hoken: \qt ‘U na marsei tikai hoing u marsei habal at uga’ \qt*  
\v 40 Ira warkurai bakut ma ira hausur ta ira poropet, diet burena laah ta kaiken ra irua warkurai.”   
\s1 No Mesaia i bulumur ta Dewit  
\r (Mak 12.35-37; Luk 20.41-44)  
\p
\v 41 Bia ira Parasi diet ga kis hulungai taar, Iesu ga tiri diet hoken:  
\v 42 “Muat lik hoeh ta nong di kilam ia bia no Mesaia\f + \fr 22.42 \ft No kukuraina i haruat ma ‘Karisito’.\f*? Na bulumur ta siga?”  
\p Diet ga balu ia bia, “Na bulumur ta Dewit.”   
\p
\v 43 Ga tangai ta diet bia, “Senbia, muat nas baa! No Halhaliana Tanua ga tar ira lilik ta Dewit hua Dewit gaam tangai bia,   
\q1
\v 44 ‘No Watong ga tangai tano nugu Watong:  
\q1 “U na kap no tamat na kinkinis kai tano sot na limagu,  
\q1 tuk iau na bul hasur ira num hirua manapu ta ira lapara kakim!”’   
\m
\v 45 Io, i nanaas bia naluai sakit Dewit ga kilam no Mesaia bia, ‘Nugu Watong.’ Io hua, i palai bia iakano Mesaia a bulumur ia ta Dewit ma ia mah no Watong.”  
\v 46 Taia tikai ga tale bia na balu ia. Io, tur lah um ta iakanong ra bung, pa diet ga balamasa bia diet na tiri habalin ia ta tiga linga.   
\c 23  
\s1 Iesu ga hamaris ira lualua na lotu  
\r (Mak 12.38-40; Luk 11.39-44, 46, 52; Luk 20.45-47)  
\p
\v 1 Io, Iesu ga tangai ta ira tamat na mataniabar ma ta ira nuna bulu na hausur hoken:  
\v 2 “Ira tena hausur ta ira warkurai ta Moses ma ira Parasi, diet kaikek, ing diet tale bia diet na hasahesa palai ta ira warkurai ta Moses.  
\v 3 Io, hua i tahut bia muat na taram diet ma muat na murmur ira linga ing diet tangai ta muat. Senbia pai tahut bia muat na mur lah ira nudiet tintalen kanong diet tangai ira linga ma pa diet gil haruatanei.  
\v 4 Ma diet kap lah ira nudiet dadas na hausur, io, diet hapusak tar ira mataniabar manei, ing pa diet tale bia diet na mur. Senbia diet at, pa diet na gil ta dahina wara hamamakan ira mataniabar ta kaikek ra warkurai.   
\p
\v 5 “Ira linga bakut diet ira lualua diet gil, diet gil mon bia dahat ira mataniabar na nas bia dahat na lat diet. Muat palai tano nudahat magingin ta ira nat na punulus. Ma dahat la bul aram narako aring a hartulai ta Kalou. Ma dahat la kubus tar ira punulus ta ira wali dahat ma ira lima dahat mah. Senbia ira nudiet i manga tamat. Ma dahat la bulbul mah ira kurehreh ta ira nudahat sigasigam wara halilik dahat bia dahat na mur ira warkurai ta Kalou. Senbia ira nudiet at i manga taltalona.  
\v 6 Ma diet la nemnem bia diet na kis ta ira kinkinis gar na tamat narako ta ira nudiet hala na lotu ma ta ira bura na rau ta ira gil nian.  
\v 7 Diet la nemnem bia da karo lah diet ta ira sibaan ing di la hanhanuat hulungai kaia ma da lat diet, kaikek daga kilam diet bia, ‘Tena hausur.’   
\p
\v 8 “Senbia pai tahut bia da kilam muat bia, ‘Tena hausur,’ kanong tikai sena mon no numuat tena hausur. Ma muat bakut mon muat haratasin.  
\v 9 Ma waak muat tanga ‘Tata’ ta tikai makai napu kanong tikai sena mon no numuat Tata. Ma ia kinam ra mawai.  
\v 10 Ma pa muat na kilam muat bia a ‘lualua,’ kanong tikai mon no numuat lualua, ma ia no Mesaia.\f + \fr 23.10 \ft No kukuraina i haruat ma ‘Karisito’.\f*  
\v 11 Nong i manga tamat ta muat, na numuat tultulai mon ia.  
\v 12 Ma siga nong i hatamat habal ia, Kalou na bul hasur ia. Ma siga nong i bul hasur ia, Kalou na hatamat ia.   
\p
\v 13 “Maris ta muat ira tena hausur ta ira warkurai ta Moses ma muat ira Parasi, na ubal muat! Muat ira tena harbabo! Muat la banbanus sei diet ira tunatuna ing diet wara ninlaka tano matanitu maram ra mawai. Muat at, pa muat laka tana, ma pa muat haut lah mah diet ing diet wara ninlaka bia diet na laka kaia.   
\p
\v 14 [“Maris ta muat ira tena hausur ta ira warkurai ta Moses ma muat ira Parasi, na ubal muat! Muat la karkarit lah ira linga bakut ta ira makosa, ma muat la bisbis ma ira numuat taltalona sinsaring. Kalou na manga hapidinau muat.]   
\p
\v 15 “Maris ta muat ira tena hausur ta ira warkurai ta Moses ma muat ira Parasi, na ubal muat! A tena harbabo muat! Muat la hanhan hurlabit ta ira sibaan bakut wara hauhau lah tikai mon bia na mur ira numuat hausur. Ma bia na numuat bulu na hausur um ia, ia ma muat, muat bakut muat na kap ra harpidinau. A tutuna bia muat na laka tano iaah, senbia i tutuna sakit bia ia mah na laka tana kanong i ta mur muat.   
\p
\v 16 “Maris ta muat ira pula na lualua, na ubal muat! Muat tangai hoken: ‘Bia tikai i hasasalim uram tano tamat na hala na lotu, iakanong a linga bia mon. Iasen, ing bia na sasalima uram ta ira bilai na linga narako tano tamat na hala na lotu, iakanong na sulei tar at ia naga hatutun no nuna sasalima.’  
\v 17 A gotgotuana pula muat! Muat manga ronga. No tamat na linga, no hala na lotu. Ia nong i gil kaikek ra linga ing naga gar ta Kalou.  
\v 18 Ma muat tangai mah hoken: ‘Bia tikai i sasalima tano suuh na hartabar aram tano tamat na hala na lotu, iakanong a linga bia mon. Iasen bia na hasasalima ta ira linga di hartabar manei, iakanong na sulei tar at ia naga hatutun no nuna sinsalim.’  
\v 19 A pula muat! Ma muat manga ronga baal. No tamat na linga no suuh na hartabar. Ia nong i gil kaikek ra hartabar waing diet naga gar ta Kalou.  
\v 20 Io hua, siga nong i sasalima tano suuh na hartabar, no nuna sasalima i burung tikanei no suuh na hartabar ma ira hartabar mah kinam tana.  
\v 21 Ma siga nong i hasasalima tano tamat na hala na lotu, no nuna sasalima i burung tikanei no tamat na hala na lotu ma Kalou mah nong i la kis taar narako tana.  
\v 22 Ma siga nong i sasalima uram naliu, no nuna sasalima i burung tikanei no kinkinis na watong ta Kalou ma Kalou mah nong i la kis taar kaia.   
\p
\v 23 “Maris ta muat ira tena hausur ta ira warkurai ta Moses ma muat ira Parasi, na ubal muat! A tena harbabo muat! Muat la saso aring linga wara hanamnamian ira amuat nian, hoing ra lobo, a kamahar, ma ra kari. Ma hoing ira warkurai ta Moses i tangai, muat la tartar ta Kalou nong i sangahul ma ia ta kek ra linga muat la saso. Senbia muat lilik tatohun balik ta ira tamat ta ira warkurai ta Moses. Pa muat takodas, pa muat harmarsai, ma pa muat tutuna ta ira numuat nilon. Io, gaar takodas bia muat ta tar kaiken ra linga tupas Kalou ma pa muat gaar mola mah wara murmur kaiken ira bilai na magingin.  
\v 24 A pula na lualua muat! Muat manga lik hadadas um ira nat na warkurai senbia muat malentakuanei ira tamat. Muat haruat ma tiga tunatuna i kulupa bia na mom. I lik lah um no nolnol ma i kap sei ia tano taah. Senbia i kanam balik um tiga bulumakau.   
\p
\v 25 “Maris ta muat ira tena hausur ta ira warkurai ta Moses ma muat ira Parasi, na ubal muat! A tena harbabo muat! Muat haruat ma tiga gapgopai bia tiga dis ing di gis sen lah mon no tuhuna ma nataman. Senbia no tingena i hung ma ra bilinga na linga muat kinau ma ira linga mah muat manga masmasingai panei.  
\v 26 A pula na Parasi uga! I tahut bia u na gis hanaluai ira tingena no gapgopai bia no dis, io, ira tuhuna mah um naga madaraas.   
\p
\v 27 “Maris ta muat ira tena hausur ta ira warkurai ta Moses ma muat ira Parasi, na ubal muat! A tena harbabo muat! Muat haruat ma ra midi di hamar ma ra palpalana haat ing diet nanaas timaan ma nataman. Senbia kinas napu, diet hung ma ra sur na minaat ma ira linga ing na hagawai tikai waing na sakena.  
\v 28 Hokek muat. Muat haminis bia muat takodas ta ira matmataan ta ira tunatuna. Senbia narako ta muat, i hung ma ra harbabo ma ra tabuna mur warkurai.   
\p
\v 29 “Maris ta muat ira tena hausur ta ira warkurai ta Moses ma muat ira Parasi, na ubal muat! A tena harbabo muat! Muat la gilgil ira bilai na haat na midi ta ira poropet wara liklik lah diet. Ma muat la hamar ira midi ta ira tena takodas.  
\v 30 Ma muat tangai bia, ‘Ing bia dahat gaar lon ta ken ra nudiet pakana bung ma ira hintubu dahat, io, pa dahat gaar harahut wara bubu bing ira poropet.’  
\v 31 Io, muat at muat hasahesa palai ta muat, bia a hintubu muat at ing diet ga bu bing ira poropet.  
\v 32 Io, i nanaas tutuna um bia muat na gil bakut ira sakena ing ira hintubu muat diet ga hasibaan tar.   
\p
\v 33 “Muat hoing ira sui. Muat ira tena sakena. Ma ira hintubu muat, diet mah hua. Ma pa muat tale tutun at bia muat na pas no tamat na harpidinau narako tano iaah.  
\v 34 Ma wara haminis bia muat na gil hua, io, iau na tulei aring poropet, aring tena mintota, ma aring tena hausur ukai ta muat. Ma muat na bu bing aring ma aring muat na pitang diet ra ula kabai, ma aring muat na dangat diet narako ta ira numuat hala na lotu. Ma muat na murmur haan wara hangungut diet ta ira taman, tikatikai.  
\v 35 Io hua, ing muat na bu bing diet ira tena takodas ta iakan ra ula hanua bakut, no harpidinau na ubal muat. No numuat hinarubu bingbing ga hatahun lah tane Abel, tiga tena takodas, gaam hanahaan tuk taar tane Sekaria no nati ne Berekia. Ma Sekaria nong muat ga bu bing ia nalamin tano tamat na hala na lotu ma no suuh di la tuntun ira hartabar kaia.  
\v 36 Iau tangai ta muat! Ira harpidinau haruat hoing ken ira numuat magingin sakena na ubal muat ing muat lon ta ken ra pakana bung.”   
\s1 Iesu ga marmaris ta diet ma Ierusalem  
\r (Luk 13.34-35)  
\p
\v 37 Ma Iesu ga tangai bia, “Maris muat ira mataniabar makai Ierusalem! Muat la bubu bing ira poropet ma muat la tutut bing diet ing Kalou i la tultulei diet ukaia ta muat. Haleng pakaan iau ga sipsip bia ena gawanei lah muat hoing no huna kareka i la pabang ira natina. Senbia pa muat sip hua.  
\v 38 Nas baa! Da hamau no numuat taman ma muat na biha?  
\v 39 Io, iau hasasei muat bia pa muat na nas habal iau tuk tano pakana bung ing muat na tangai bia, ‘I daan nong i hanuat wara gilgil haruatanei ira sinisip gar tano Watong!’”   
\c 24  
\s1 Ira hakilang ing na haminis no hauhawatnei iakan ra lon  
\r (Mak 13.1-31; Luk 21.5-36)  
\p
\v 1 Bia Iesu ga haan talur no tamat na hala na lotu, gaam haan laah makaia, ira nuna bulu na hausur diet ga haan tupas ia wara tangtangai haminis no nudiet tamat na hala na lotu.  
\v 2 Ma Iesu ga tangai ta diet bia, “Muat nas baa! Kakek ira balo muat nasnas, taia tiga haat bia na kis maram naliu ta nong tiga haat. Ira numuat ebar, diet na durei hasur bakut.”   
\p
\v 3 Ma bia Iesu ga kis taar tano uladih Olip, ira nuna bulu na hausur sena mon diet ga hanuat taar tana, diet gaam tiri ia bia, “U na hasasei mehet bia, hunangesa kaiken ra linga ing u hasasei mehet tanai na hanuat. Ma a mangana hakilang sa mehet na nas ing na haminis no num hinanuat ma no hauhawatnei ta iakanin ra lon?”   
\p
\v 4 Io, Iesu ga balu diet hoken: “Muat na harbalaurai kaba ta tikai i bis lah muat.  
\v 5 Io hua, haleng diet na bisbis huat ma diet na tangai bia, ‘Iau a mon no Mesaia,\f + \fr 24.5 \ft No kukuraina i haruat ma ‘Karisito’.\f*’ ma diet na lam habisbis lah ta haleng.  
\v 6 Muat na hadadei uta ira tamat na hinarubu bia aring hasahesa ta ira tamat na hinarubu helik. Waak muat raurawan. Kaikek ra mangana linga na hanuat, senbia no haphapataam pa na hanuat baa.  
\v 7 Io, a haleng na huntunaan tano ula hanua diet na tut na hinarubu baal at ta diet. Ma aring taman diet na mon tamat na taburungan ma no pisa na kunakunar mah.  
\v 8 Bia kaiken ra linga na hanuat na hatahun mon no ngunungut hoing no bulu i paspaas hatahun no hahina ing i wara kinakaha.   
\p
\v 9 “Ta kaikek ra pakana bung da palim kahai muat, daga tar sei muat bia diet naga hangungut muat ma daga bu bing muat. Ma ira huntunaan bakut diet na malentakuanei muat wara gaiagu.  
\v 10 Ma ta kaikek ra pakana bung mah, a haleng diet na tur tahurus talur no nudiet nurnur. Diet na tar tuhu diet harbasiai baal mon ta diet. Ma diet na malentak harbasiai baal mah ta diet.  
\v 11 Ma haleng na bisbis na poropet na hanuat ma diet na lam habisbis lah ra haleng.  
\v 12 Ing bia no magingin sakena na tahuat hanahaan, ira harmarsai gar na haleng na puka.  
\v 13 Senbia nong i tur dadas tuk taar tano haphapataam, Kalou na halon ia.  
\v 14 Ma da warawai tano tahut na hinhinawas tano matanitu maram ra mawai tano ula hanua bakut. Da gil hua wara hapalainei ira huntunaan bakut. Ma bia kaikek ra linga na pataam, io, no haphapataam ta ken ra lon na hanuat.   
\p
\v 15 “Muat ing muat waswas ken ra pakpakat i tahut bia muat na palai tano kukuraina iakan ra linga nong no poropet Daniel ga iangianga utana. Ga hasahesa bia muat na nas tikai \qt ‘nong i manga sakena sakit ma nong i la hamhamau taman.’ \qt* Ma iakanong na tur taar narako tano tamat na hala na lotu kai Ierusalem.  
\v 16 Io, bia iakanong ra sakana tunatuna na tur hua kaia, diet ing diet kis taar kaia Iudeia, i tahut bia diet na hilau uram ta ira uladih.  
\v 17 Nong i kis taar naliu tano nuna ula hala, i tahut bia na hansur gasien. Waak i kapkap hasur lah ta linga maram narako tano nuna hala.  
\v 18 Ma nong mah i kis taar aram na uma, waak i hanahaan tapukus wara kapkap ira nuna sigasigam.  
\v 19 Maris ta diet ing diet kap bala taar ma diet ing diet harasus ta iakano pakana bung. Na manga ubal tutun at diet.  
\v 20 Muat na sasaring bia iakan ra purpuruan pa na hanuat tano pakana bung tano labur bia tano Bung na Sinangeh, kanong na dadas ta muat bia muat na hilau ta kaikek ira irua mangana pakana bung.  
\v 21 Muat na sasaring hua kanong iakanong ra bung da kilinganei ra tamat na ngunungut. Ma pa na haruat ma ira bung, hatahun lah tano hathatahun tano ula hanua, tuk taar katin. Ma namur na taia ta linga na hanuat baal hua.  
\v 22 Bia no Watong pa naga pua hakumkum iakano pakana bung, taia tikai pa gaar lon. Senbia na pua hakumkum iakano pakana bung uta diet ing gata pilak lah diet.  
\v 23 Ma ta iakano pakana bung mah bia tikai na tangai ta muat bia, ‘Nas baa! No Mesaia ia ken,’ bia ‘No Mesaia ia kek,’ waak muat nurnur tana.  
\v 24 Io, aring bisbis na mesaia ma aring bisbis na poropet diet na hanuat. Diet na haminis ta hakilang ma diet na gil ta dadas na pinapalim na kinarup waing diet na walar bia diet na tale, wara lamlam habisbis lah ira tunatuna mah ing Kalou gata pilak lah.  
\v 25 Muat na harbalaurai timaan, kanong iau ta hasasei hanaluai tar muat.   
\p
\v 26 “Io, bia tikai na tangai ta muat bia, ‘No Mesaia inam ra hanua bia,’ waak muat hanahaan ukaia. Ma bia tikai na tangai ta muat bia, ‘No Mesaia i ken, i kis mun taar,’ waak muat nurnur tana.  
\v 27 Iau tangai hua kanong, ing i la hila no lulunga i la haan bakut tano mawai, Nong a Tunatuna Ia na hanuat mah hua.  
\v 28 No nuna hinanuat na manga palai. Na palai ta muat hoing i palai bia no minaat i sua taar ha kanong muat na nas ira kotkot diet na hanuat hulungai kaia.   
\p
\v 29 “Ma manamur a mon ta iakanong ra pakana bung tano tamat na ngunungut,  
\q1 ‘No kasakesa na kankado,  
\q1 ma no teka pa na lulunga,  
\q1 \qt ira tagul diet na rus \qt* maram ra mawai,  
\q1 \qt ma ira dadas na linga aram ra mawai, \qt* diet na gunagunai.’   
\m
\v 30 Ma ta iakanong ra pakana bung tiga hakilang na puasa aram ra mawai wara haminis no hinanuat ta Nong a Tunatuna Ia. Ma ira hunhuntunaan bakut tano ula hanua diet na suah. Ma diet na nas \qt Nong a Tunatuna Ia na hanaan huat ta ira baakut maram ra mawai, tikai ma no nuna dadas ma ra tamat na minamar. \qt*  
\v 31 Da puh no tahur, ma na tulei um ira nuna angelo wara \qt lamlam hulungan \qt* ira nuna, ing gata pilak lah. Ma diet ira angelo diet na lam hulungan ira nuna mataniabar \qt makaia ta ira ihat na matana dadaip ta ira haphapataam tano mawai. \qt*   
\p
\v 32 “Muat na kap hausur ta ira ina fig. Tano pakana bung bia no ina fig i ta kikiles ma i ta kuburuan balin ira pakana, muat na nunurei bia i ta huteta tano pakana bung na kasakes.  
\v 33 Hoing a mon, bia muat na nas kaiken ra linga i ta hanhan huat, muat na nunurei bia no pakana bung i ta huteta, kek tuai a mon ra matanangas huat.  
\v 34 Muat na hadadei baa! Iakan ra huntunaan, taring ta diet pa na maat baa ma ken ra linga na hanuat.  
\v 35 No mawai ma no ula hanua na panim laah ma senbia ira nugu nianga pa na panim.”   
\s1 Taia tikai pai nunurei bia hunangesa Iesu na tapukus  
\r (Mak 13.32-37; Luk 17.26-30, 34-36)  
\p
\v 36 Ma Iesu ga tangai habalin bia, “Taia tikai pai nunurei at iakano pakana bung bia kaiken ra linga na hanuat. Ira angelo kinam ra ula mawai ma no Natina mah pa diet nunurei. No ana Sus sena mon i nunurei.  
\v 37 No hinanuat ta Nong a Tunatuna Ia na ngen hoing no tinahon ta Noa.  
\v 38 Io, ma ira bung manaluai tano tamat na taahit ira mataniabar diet git ianiaan, diet git mamom, ma diet git taltolai, tuk taar tano bung at bia Noa ga laka tano tamat na mon.  
\v 39 Ma pa diet ga nunurei at ta dahina bia asa na hanuat taar ta diet tuk taar bia no tamat na taahit ga hanuat, gaam salirei sei diet bakut. Na ngen mah hua ing Nong a Tunatuna Ia na hanuat.  
\v 40 Bi airua tunatuna kana narako ra uma, da kap lah tikai ma da waak um tikai.  
\v 41 Ma bia airua hahina kana dir tastas tapiok, da kap lah tikai ma da waak pakis tikai.   
\p
\v 42 “Io, i tahut bia muat na tagura kahai ia, kanong pa muat nunurei no bung ing no numuat Watong na hanuat tana.  
\v 43 I tahut bia muat na palai tano tunatuna nong a nuna no hala. Bia gaar nunurei tar no pakana bung sa ra bung ing tiga tena kikinau naga hanuat, io, gaar hangala taar ma gaar habatbat no tena kikinau ing pa gaar papat no nuna hala.  
\v 44 Ma i tahut bia muat mah, muat na tagura hua, kanong Nong a Tunatuna Ia na hanuat tano pakana bung nong muat lik bia pa na hanuat tana.”   
\s1 Dahat na lon takodas tuk bia na tapukus  
\r (Luk 12.41-48)  
\p
\v 45 Ma Iesu ga tangai habalin hoken: “Iau na haminis ta muat bia siga no mintatona ma no tutun na tultulai. Ia nong no nuna watong i bul tar ra warkurai tana uta ira mes na tultulai bia na tamtabar timaan diet.  
\v 46 Na daan iakanong ra tultulai bia no nuna watong i tapukus, gi nas tupas ia ma kana i gilgil hua.  
\v 47 Tutun sakit, na tar ira nuna linga bakut tano harbalaurai ta iakanong ra tultulai.  
\v 48 Sen ing bia a sakana tultulai ia, na lik bia no nuna watong pa na tapukus gasien.  
\v 49 Ma na tur lah wara bubu ira mes na tultulai ma na ianiaan ma na mamom tikai ma ira tena minminom.  
\v 50 Io, no watong ta iakanong ra tultulai na hanuat tano pakana bung bia no tultulai pa ga lik tar, ma pa ga nunurei tar bia na hanuat hua.  
\v 51 Ma no watong na kurei hadadas tutun at ia, ma na sei ia ukaia tano ngunungut nudiet ira tena bisbis. Ma na susuah ma na hagirit na ngisa kaia.”   
\c 25  
\s1 Ira sangahul na gurar  
\p
\v 1 Io, Iesu gaam tangai habal hoken: “Ma ta iakanong ra pakana bung no matanitu maram ra mawai na haruat hoken. A sangahul na gurar diet ga kap lah ira nudiet laam, diet gaam haan wara harusa ma no tunatuna nong ga wara tinolen.  
\v 2 A liman ta diet a mintatona ma ra liman taia.  
\v 3 Ira liman ing pa diet ga mintota diet ga kap lah ira nudiet laam senbia pa diet ga kap ta wel.  
\v 4 Ira liman na mintatona diet ga kap at ari wel tikai ma ira nudiet laam.  
\v 5 Ma nong ga wara tinolen pa ga hanuat gasien, diet bakut diet gata sumsumela, diet gaam sua.   
\p
\v 6 “Ra tingena bung um, tikai ga kup bia, ‘Ia ken tuai um nong i wara tinolen. Muat hanuat wara harusa ma ia!’   
\p
\v 7 “Io, diet bakut ira gurar diet ga pada, diet gaam halulunga ira nudiet laam.  
\v 8 Ma ira liman ing pa diet ga mintota diet ga tangai ta ira liman na mintatona bia, ‘Muat tabar mehet ta wel kanong ira numehet laam i ta matmat tuai.’   
\p
\v 9 “Senbia no kaba mintatona diet ga balu diet bia, ‘Taia. Pai haruat ma mehet ma muat mah. I tahut bia muat na haan taar ta diet ing diet la suhurana wel ma muat na kul lah numuat tari.’   
\p
\v 10 “Ma bia diet ga hanahaan laah wara kul wel, no tunana nong ga wara tinolen ga hanuat. Ma no kaba gurar ing diet ga tagura taar diet ga haan laka tikai ma ia ukaia tano pokomau. Ma no matanangas gaam tabanus.   
\p
\v 11 “Namur no kaba mes mah um diet ga hanuat. Ma diet ga tatau bia, ‘Watong! Watong! Papos lah mehet!’   
\p
\v 12 “Iasen no tunatuna ga tangai ta diet bia, ‘Taia tutun at! Pa iau nunurei bia siga muat.’”  
\v 13 Io, Iesu gaam tangai bia, “Kaiken iau ta hasasei muat bia muat na tangtagura kahai ia kanong pa muat nunurei iakanong ra pakana bung.”   
\s1 Ira itul a tultulai  
\r (Luk 19.11-27)  
\p
\v 14 Ma Iesu gaam tangai habal hoken: “Ma ta iakanong ra pakana bung no matanitu maram ra mawai na haruat mah ma iakan. Tiga tunatuna i wara hinahaan taar tiga mes na taman. Ma ga tatau lah ira nuna tultulai, gaam palau harbasianei ira nuna linga ta dal.  
\v 15 Ga tar a liman na arip na kinewa tano luena, ma airua arip na kinewa ta nong i mur lah ia, ma tiga arip na kinewa ta nong ga itul ma ia. Ga palau harbasianei ta dal haruat ma ira nudal dadas, ma ga haan laah um tano nuna hinahaan.  
\v 16 Nong ga hatur kahai a liman na arip na kinewa, kaikek at ga papalim manei, io, gaam hatahuat habal mah a liman na arip na kinewa.  
\v 17 Ma nong ga hatur kahai airua arip na kinewa ga gil mah hua, ma ga kap mah airua arip baal.  
\v 18 Sen nong ga hatur kahai tiga arip na kinewa ga haan laah balik, gaam bus ira kinewa tano nuna watong.   
\p
\v 19 “Namur bia ga manga halis um, no watong ta kaikek ra aitul a tultulai ga tapukus balin, gaam me hatakodasnei ma dal ta ira nuna kinewa.  
\v 20 No tunatuna nong ga hatur kahai ra liman na arip na kinewa ga kap hahuat kaikek tikai ma ira liman na arip gata gil hahuat lah. Ma ga tangai bia, ‘Nugu watong, u ga tar ra liman na arip na kinewa tagu. Nas baa! A liman na arip baal mah ken iau ta gil hahuat lah.’   
\p
\v 21 “Ma no nuna watong ga tangai tana bia, ‘Tahut na pinapalim! A bilai ma a tutun na tultulai uga. U ta tutuna ta kaikek ra bar linga, io, iau na bul uga bia u na balaurei mah ra haleng. Mai! U na guama tikai ma no num watong!’   
\p
\v 22 “Ma nong mah ga hatur kahai ra irua arip na kinewa ga hanuat, gaam tangai bia, ‘Nugu watong, u ga tar ra irua arip na kinewa tagu. Nas baa! Airua arip baal iau ta hatahuat lah.’   
\p
\v 23 “Ma no nuna watong ga tangai tana bia, ‘Tahut na pinapalim. A bilai ma tutun na tultulai uga. U ta tutuna ta kaikek ra bar linga, io, iau na bul uga bia u na balaurei mah ra haleng. Mai! U na guama tikai ma no num watong!’   
\p
\v 24 “Io, nong ga kap tiga arip na kinewa ga hanuat um, gaam tangai bia, ‘Nugu watong, iau ga nunurei tar bia a tena nginaluan uga. U la kilkil ing pau ga so. Ma u la dikdik ing pau ga sapsei.  
\v 25 Io, iau ga burut, iau gaam bus ira num kinewa tano pisa. A ken at ira num.’   
\p
\v 26-27 “Ma no nuna watong ga tangai balik tana bia, ‘A sakena ma a maluriana tultulai uga! Bia u ga nunurei tar bia iau la kilkil ing pa iau ga so, ma iau la dikdik ing pa iau ga sapsei, io, wara biha pau ga tar ira nugu kinewa tano benk bia naga gil lah ta kinewa baal manaliu tanai? Ma bia iau gaar tapukus iau gaar me kap habalin ira nugu kinewa ma tari baal mah manaliu tanai.’   
\p
\v 28 “Io, ga tangai ta diet bia, ‘Muat kap lah iakanong ra arip na kinewa tana, ma muat na tar ia ta iakano tultulai nong i hatur kahai ra sangahul na arip.  
\v 29 Io, iau ta tangai ta muat hua kanong na tutuna bia siga nong na mur ira nugu nemnem, iau na haidanei ia. Ma no nuna haridaan na tamat sakit. Ma siga nong pai mur no nugu nemnem, no nuna dahin na haridaan da kap sasei tana.  
\v 30 Ma muat sei iakanong ra maluriana tultulai ukatika nataman tano kankado. Ma na susuah ma na hagirit na ngisa kaia.’”   
\s1 No mutuaina warkurai  
\p
\v 31 Ma Iesu ga tangai habal mah hoken: “Ma bia Nong a Tunatuna Ia na hanuat ma ira nuna minamar, diet ma ira angelo bakut, na kis tano nuna kinkinis na tamat na lualua na minamar.  
\v 32 Ma da kap hulungai ira huntunaan bakut taar ra matmataan tana. Ma na bul harbasianei ira mataniabar hoing tiga tena balaura sipsip i la bul harbasianei ira sipsip ma ira me.  
\v 33 Na bul ira sipsip tano palpal na sot na limana, ma ira me tano palpal na kesa na limana.   
\p
\v 34 “Ma no King na tangai um ta diet kaia ra palpal na sot na limana hoken: ‘Muat mai, ing no agu Sus gata haidanei muat! Muat na kap lah ira mahal ing ga tagurei wara numuat, marau laah ing ga hakisi no ula hanua.  
\v 35 Io, ing bia iau ga taburungan muat ga tabar iau. Iau ga maruk ma muat ga hamamo iau. Ing iau ga hasira huat, muat ga balak lah iau.  
\v 36 Ga taia nugu ta sigasigam, ma muat ga tar ari tagu. Bia iau ga maset, muat ga balaurei timaan iau. Ma iau ga kis ra hala na harpidinau, muat ga kol iau.’   
\p
\v 37 “Ma ira tena takodas diet na tangai balik tana hoken: ‘Numehet Watong, hinangesa mehet ga nas bia u ga taburungan, mehet gaam tabar uga, ma bia u ga maruk, mehet gaam hamamo uga?  
\v 38 Ma hinangesa mehet ga nas bia u ga hanuat hoira hasira, mehet gaam balak lah uga, ma bia pataia num ta sigasigam, ma mehet gaam tar ari taam?  
\v 39 Ma hinangesa mah mehet ga nas bia u ga maset bia u ga kis ra hala na harpidinau, ma mehet gaam hanuat wara kolkol uga?’   
\p
\v 40 “Io, no King na balu diet bia, ‘Muat hadadei baa! Asa ing muat gata gil ta kaikek ra hana maris ing diet haratasin ma iau, muat ga gil tagu.’   
\p
\v 41 “Ma namur na tangai um ta diet tano nuna palpal na kesa hoken: ‘Muat ing Kalou gata tibe bing tar muat, muat haan laah! Muat haan uras tano iaah nong pa na maat, nong i tagura taar uta ne Satan ma ira nuna angelo.  
\v 42 Io, ing bia iau ga taburungan pa muat ga tabar iau. Iau ga maruk ma pa muat ga hamamo iau.  
\v 43 Bia iau ga hanuat hoing ira hasira pa muat ga balak lah iau. Ga taia nugu ta sigasigam pa muat ga hasigam iau. Bia iau ga maset ma iau ga kis mah ra hala na harpidinau, pa muat ga harahut iau.’   
\p
\v 44 “Ma diet mah, diet na balu ia bia, ‘Numehet Watong, hinangesa mehet ga nas uga bia u ga taburungan, u ga maruk, u ga hanuat hoing ira hasira, u ga supi num ta sigasigam, u ga maset, bia u ga kis ra hala na harpidinau, ma pa mehet ga harahut uga?’   
\p
\v 45 “Na balu diet bia, ‘Muat hadadei baa! Asa ing pa muat ga gil ta kaikek ra hana maris ing diet haratasin ma iau, pa muat ga gil mah hua tagu.’   
\p
\v 46 “Ma diet kaikek, diet na sola tano ngunngutaan hathatikai. Senbia ira tena takodas diet na sola tano nilon hathatikai.”   
\c 26  
\s1 No harpingit wara bubu bing Iesu  
\r (Mak 14.1-2; Luk 22.1-2; Ioanes 11.45-53)  
\p
\v 1 Ma bia Iesu gata tangai bakut kaikek ira nianga, ga tangai ta ira nuna bulu na hausur hoken.  
\v 2 “Muat nunurei tar bia no Nian na Hinahaan Sakit airua bung taar um utana. Ma daga tar sei Nong a Tunatuna Ia bia diet na tut tar ia tano ula kabai.”  
\v 3 Io, ira tamat na pris ma ira tamat ta ira huntunaan, diet ga hanuat hulungai narako tano tamat na hala ta Kepas, no tamat ta ira pris.  
\v 4 Ma diet ga wor tikai bia diet na silhei tiga bilai na ngaas susuhai wara palpalim kahai Iesu bia diet naga bu bing ia.  
\v 5 Ma diet ga tangai bia, “Pa dahat na gil hua kaia tano nian, ira tunatuna kaba diet tut na purpuruan ma dahat.”   
\s1 Tiga hahina ga hurangai bus Iesu ma ra waiwai  
\r (Mak 14.3-9; Ioanes 12.1-8)  
\p
\v 6 Iesu ga kis taar Betani, narako tano hala tane Saimon, nong baa ga sam lepra.  
\v 7 Ma bia Iesu ga ianiaan tano suuh na nian, tiga hahina ga hanuat taar tana, gaam kap hahuat tiga mangana bilai na gapgopai. Ma di ga gil ia ma ra haat di kilam ma alabasta. Ma narako tana, aring waiwai wara salsalaap ma a tamat na kinewa tana. Ma ga hurarai no waiwai tano wali Iesu.   
\p
\v 8 Ma bia ira nuna bulu na hausur diet ga nas hua, diet ga rungurung, diet gaam tangai bia, “Wara biha tutun at bia i hapataam bia iakan ra waiwai?  
\v 9 Di gaar suhuranei no waiwai daga kap ta tamat na kinewa wara harharahut ira maris.”   
\p
\v 10 Senbia Iesu ga palai ta iakan, gaam tangai ta diet bia, “Waak muat kas na gil iakan ra hahina kanong i ta gil tiga bilai na linga sakit taar tagu.  
\v 11 Ira maris diet na kis tikai ma muat hatikai, senbia iau, pa iau na kis hatikai taar ma muat.  
\v 12 Bia i ta hurarai tar ia tano tamaigu, i gil hua wara tangtagurei iau tano bung bia da bus iau tana.  
\v 13 Muat na hadadei baa! Da hasahesa ta iakan ra tahut na hinhinawas ta ira taman bakut tano ula hanua. Bia da gil hua, io, no linga no hahina i ta gil tar ia da hinawas mah utana wara halilik tar ira tunatuna utana.”   
\s1 Iudas ga haut wara tartar sei Iesu  
\r (Mak 14.10-11; Luk 22.3-6)  
\p
\v 14 Io, tikai ta diet ta ira sangahul ma irua na bulu na hausur, no hinsana ne Iudas Isikariot, ga haan taar ta ira tamat na pris.  
\v 15 Gaam tiri bia, “Ing bia iau na tar sei Iesu ta muat, asa tutun at ing muat na tar tagu?” Io, diet ga was tar aitul a sangahul na siliwa tana.  
\v 16 Tur lah ta iakano pakana bung ga silsilhei tiga bilai na ngaas wara tartar sei Iesu ta diet.   
\s1 Iesu ga ien no Nian tikai ma ira nuna bulu na hausur  
\r (Mak 14.12-21; Luk 22.7-14, 21-23; Ioanes 13.21-30)  
\p
\v 17 Io, tano luena bung tano Nian na Beret Pai Lalat, ira bulu na hausur diet ga haan tupas Iesu, diet gaam tiri ia, “U nem bia mehet na tagurei no Nian na Hinahaan Sakit aha?”  
\v 18 Ga balu diet bia, “Mamur kaikek, mamur na haan laka tano pisa na hala, mamur na nas no tunatuna mamur palai taar tana. Mamur na tangai tana bia, ‘No tena hausur i tangai bia no nuna pakana bung i ta hanuat. Ia ma mehet ira nuna bulu na hausur, mehet na ien no Nian na Hinahaan Sakit kaia ra num hala.’”  
\v 19 Ma ira airua bulu na hausur dir ga gil hoing Iesu ga tangai ta dir, dir gaam tagurei no Nian na Hinahaan Sakit.   
\p
\v 20 Ma bia gata manga matmatarahien Iesu ma ira nuna sangahul ma irua na bulu na hausur, diet ga kis tikai taar tano suuh na nian.  
\v 21 Ma bia diet ga ianiaan, Iesu ga tangai ta diet bia, “Muat hadadei baa! Tikai ta muat na tur talur iau ma na tar sei iau.”   
\p
\v 22 Ing diet ga hadadei iakan ra nianga, diet ga manga tapunuk, io, tikatikai at ta diet ga tangai tane Iesu bia, “Nugu Watong, iau lik tutuna bia pai iau, naka?”   
\p
\v 23 Ma Iesu ga balu diet bia, “Nong i ta hasuguh no ana beret tikai ma iau narako tano dis, ia a mon nong na tur talur iau ma na tar sei iau.  
\v 24 Nong a Tunatuna Ia na haan taar tano nuna minaat hoing at ira poropet diet gata pakat tar utana. Senbia maris ta iakano tunatuna nong na tur talur Nong a Tunatuna Ia ma na tar sei ia! Gaar tahut tana bia pa di gaar kaha ia, kanong na kap tiga tamat na harpidinau.”   
\p
\v 25 Io, Iudas, nong na tur talur ia ma na tar sei ia, ga tangai tana bia, “Tena hausur, iau lik tutuna bia pai iau, naka?”  
\p Iesu ga balu ia bia, “Uga a mon.”   
\s1 No minaat ta Iesu i hatutun no sigara kunubus  
\r (Mak 14.22-26; Luk 22.14-20; 1 Korin 11.23-25)  
\p
\v 26 Bia diet ga ianiaan Iesu ga kap lah tiga sibana beret, ga tanga tahut ta Kalou tana, ma gaam bingit ia. Io, ga palau ira nuna bulu na hausur ma ia ma ga tangai ta diet bia, “Muat kap lah, ma muat naga ien ia. Iakan no tamaigu.”   
\p
\v 27 Namur ga kap lah no gapgopai na wain, gaam tanga tahut ta Kalou tana. Ga tar ia ta diet, gaam tangai bia, “Muat bakut, muat mom.  
\v 28 Iakan no gapigu nong na hatutun no kunubus maram ta Kalou. Ma iau na tar bia sei ia wara punpun sai ira sakena gar na haleng.  
\v 29 Muat hadadei timaan! Pa iau na mamai habal ta wain tuk tano pakana bung tano matanitu tano nugu Tata ing iau na mom tikai balin ma muat.”   
\p
\v 30 Ma bia diet gata ru tar tiga nirudu diet ga hansur makaia uram ra uladih Olip.   
\s1 Iesu ga tangai bia Pita na harhus sei ia  
\r (Mak 14.27-31; Luk 22.31-34; Ioanes 13.36-38)  
\p
\v 31 Ma Iesu ga tangai ta diet bia, “Katin ra bung bia muat na nas bia di gilgil hoeh tagu, ma muat bakut, muat na hilau talur iau hoing no poropet gata pakat tar ta ira nianga ta Kalou. Ma Kalou ga tangai bia,  
\q1 ‘Iau na bu bing no tena balaura sipsip,  
\q1 ma no nuna kaba sipsip diet na hilau harbasiai.’”   
\m
\v 32 Ma Iesu ga tangai habal bia, “Kaikek i tutuna, senbia iau na lon huat balin, ma iau na luai ta muat uras Galili.”   
\p
\v 33 Senbia Pita ga tangai tana bia, “A tutuna bia diet bakut dak, diet na hilau talur uga ing bia diet na nas asa ing da gil taam, senbia tutuna sakit bia iau, pa iau na hilau talur uga.”   
\p
\v 34 Ma Iesu ga balu ia bia, “Hadadei baa! Katin at ra bung, bia no kareka pa na kakel baa, u na harhus sasei iau aitul a pakaan.”   
\p
\v 35 Senbia Pita ga tangai tana, “A linga bia ing bia ena maat tikai ma uga. Pa iau na harhus sei at uga.” Ma ira mesa ta diet, diet ga tangai mah hua.   
\s1 Iesu aram Getsemani  
\r (Mak 14.32-42; Luk 22.39-46)  
\p
\v 36 Io, Iesu ma ira nuna bulu na hausur, diet ga haan taar tiga sibaan di kilam ia bia Getsemani. Ma Iesu ga tangai ta ira nuna bulu na hausur bia, “Muat na kis taar kai, ma iau baa, iau na haan uram ma iau na sasaring.”  
\v 37 Io, ga lam lah Pita ma ira airua nati Sebedi, dal gaam sakatei ia. Iakano pakana bung ga kilinganei ra tamat na tapunuk ma ga manga kalar mah.  
\v 38 Io, ga tangai ta dal bia, “No nugu kidilona nilon i manga tirih sakit kaiken iau gi kilinganei bia iau wara minminaat. Mutal kis kai ma mutal na nanaas tikai ma iau.”   
\p
\v 39 Io, ga haan kakari dahina, gaam singabukun uras napu tano pisa, ma gaam sasaring hoken: “Mama, ing bia i haruat tano num sinisip, iau nem bia u na kap sei iakan ra tinirih makai tagu nong i wara hinaan tupas iau. Ma senbia waak u gil ing iau sip. U na gil at ing u sip.”   
\p
\v 40 Io, ga haan tapukus balin taar ta ira nuna aitul a bulu na hausur ma ga nas dal bia dal ga sua sakit. Ma Iesu ga tangai tane Pita bia, “Maris! Pai tale bia u gaar nanaas taar mon baa ta dahina?  
\v 41 I tahut bia mutal na nanaas ma mutal na sasaring waing pa mutal naga puka ing bia ta harwalaam na haan tupas mutal. Ira bala mutal i nem taar um wara turtur bat ira harwalaam, senbia a tunatuna tutuna mon mutal kaikek naga dadas ta mutal.”   
\p
\v 42 Io, ga haan laah baal tano airua pakaan, gaam sasaring bia, “Mama, bia iakan ra tinirih pa na haan laah tuk taar bia iau na sola tana, io, iau na mur haruatanei no num sinisip.”   
\p
\v 43 Bia ga haan tapukus balin ga nas habal dal bia dal ga sua sakit, kanong dal ga manga sumsumela.  
\v 44 Io, ga haan talur habal dal, gaam a sasaring balin tano aitul a pakaan, ma ga sasaring baal hoing naluai.   
\p
\v 45 Ga tapukus taar baal ta ira aitul a bulu na hausur, gaam tangai ta dal bia, “Iau marmaris bia kana a baa mutal susua ma mutal tatohun. Nas baa! No pakana bung i ta hanuat bia da tar sei Nong a Tunatuna Ia ta ira lima diet ira tena sakena.  
\v 46 Mutal tut ma datal na haan. Nas um! No tunatuna nong na tar sei iau ia kek tuai i hananhuat!”   
\s1 Iudas ga tar sei Iesu  
\r (Mak 14.43-50; Luk 22.47-53; Ioanes 18.3-12)  
\p
\v 47 Ma bia Iesu ga iangianga baa, Iudas, tikai ta ira nuna sangahul ma irua na bulu na hausur, ga salo huat. A tamat na mataniabar diet ga hanuat tikai ma ia ma diet ga kapkap hani ra hisa ma ra dahai. Ira tamat na pris ma ira tamat ta ira huntunaan diet ga tulei sei diet.  
\v 48 Io, no tunatuna nong ga tur talur Iesu, nong i wara tartar sei ia, gata tangai tar ta diet hoken: “No tunatuna nong iau na haianga lah ia ma iau na lusung ia, ia a mon. Muat na palim kahai ia.”  
\v 49 Kaikek at Iudas ga hanuat taar ta Iesu. Ga haianga lah ia hoken: “Tahut na bung taam, tena hausur!” ma gaam lusung ia.   
\p
\v 50 Ma Iesu ga tangai bia, “Tasigu, u na gil ing u hanuat wara gilgil.”  
\p Io, ira tunatuna diet ga hanuat taar tana, diet gaam palim kahai ia.  
\v 51 Io, tikai ta diet ing ga tur tikai taar ma Iesu ga sal lah no nuna hisa na hinarubu, gaam kato kutus sei tiga talingana no tultulai tano tamat ta ira pris.  
\v 52 Ma Iesu ga tangai tana bia, “Singbalai pukus no num hisa! Io, diet bakut ing diet palim hisa na hinarubu diet na maat at tano hisa.  
\v 53 Pau nunurei bia i tale bia iau na saring no nugu Tata wara harharahut iau, ma kaiken a mon gaar tulei hasur a arip na arip na angelo?  
\v 54 Bia iau gaar gil hua, ira nianga ta Kalou di ga pakat pa gaar hanuat tutuna kanong ira pakpakat i tangai bia na tutuna bia iakan na hanuat at.”   
\p
\v 55 Ma ta iakanong ra pakana bung, Iesu ga tangai tano tamat na mataniabar bia, “Muat kap hahuat ira numuat hisa ma ra dahai na hinarubu wara palpalim kahai iau hoing balik bia iau tiga tena hatut purpuruan? Taia bia a tena hatut purpuruan iau! Ira kaba bungbung bakut iau git kiskis ma iau git hauhausur tano tamat na hala na lotu ma pa muat ga palim kahai iau.  
\v 56 Senbia kaiken bakut ra linga i ta hanuat wara hatutun ing ira poropet diet ga pakat.”  
\p Io, ira nuna bulu na hausur diet ga hilau talur um ia.   
\s1 No kaunsal diet ga kurei Iesu  
\r (Mak 14.53-65; Luk 22.54-55, 63-71; Ioanes 18.13-14, 19-24)  
\p
\v 57 Bia diet gata palim kahai Iesu, diet ga lam tar ia ta Kepas, no tamat ta ira pris. Ma ira tena hausur ta ira warkurai ta Moses ma ira tamat ta ira huntunaan, diet gata kis hulungai taar kaia.  
\v 58 Ma Pita ga murmur hani at Iesu, ma ga helhelik haan at, tuk taar tano tingana hera tano ngasiana no tamat ta ira pris. Gaam tur huat kaia wara nasnas bia diet na gil hoeh ta Iesu, io, gaam a kis tikai taar ma ira tena harbalaurai ta iakano sibaan.   
\p
\v 59 Ma ira tamat na pris ma ira kaba kaunsal, diet ga silsilhei ta mangana nianga wara tangtangai hagawai Iesu waing diet naga bu bing ia.  
\v 60 A tutuna bia a haleng diet ga hanuat, senbia pa diet ga nas lah tari mangana hartakun hua. Ma diet ing diet ga hanuat, diet ga tangai aring bisbis na nianga utana. Senbia, namur dahina, airua dir ga haan tupas ia.  
\v 61 Ma dir ga tangai bia, “Iakan ra tunatuna ga tangai hoken: ‘Iau tale bia iau na durei no tamat na hala na lotu ta Kalou, ma iau na hatur habal mon ia ta aitul a bung.’”   
\p
\v 62 Io, no tamat ta ira pris ga taman tut, gaam tangai ta Iesu bia, “Iau karup bia pau balu diet! U na tangai hoeh ta ken ra mangana nianga diet takun uga manei?”  
\v 63 Senbia Iesu ga tur matien taar a mon.  
\p Io, no tamat ta ira pris ga tangai tana bia, “Iau hasasalima uga taar tano lilona Kalou bia u na hasasei mehet bia uga no Mesaia,\f + \fr 26.63 \ft No kukuraina i haruat ma ‘Karisito’.\f* no Nati Kalou, bia taia!”   
\p
\v 64 Ma Iesu ga tangai tana bia, “Hokek a mon u ta tangai. Senbia iau tangai ta muat bia muat na nas \qt Nong a Tunatuna Ia ma na kis taar tano tamat na kinkinis tano sot na lima Kalou no Dadasina, ma na hanhan suur ta ira baakut maram ra mawai.” \qt*   
\p
\v 65 Io, no tamat ta ira pris ga diris ira nuna sigasigam ma gaam tangai bia, “I ta tangai hagawai Kalou! Pa dahat supi habalin um ta tunatuna wara hasahesa utana. Muat ta hadadei tar ing i ta tangai hagawai Kalou bia dir haruat mon.  
\v 66 Muat lik hoeh?”  
\p Ma diet ga balu ia bia, “I tale at bia na maat!”   
\p
\v 67-68 Io, diet ga iabis no matmataan tana. Diet gaam kubus bat ira matana, diet gaam tut ia ma ira lima diet, aring diet ga pasar ia, ma diet gaam tangai bia, “Ing bia uga no Mesaia, io, u na kilam sot bia siga iakanong i ta tut uga!”   
\s1 Pita ga harhus sei Iesu  
\r (Mak 14.66-72; Luk 22.56-62; Ioanes 18.15-18, 25-27)  
\p
\v 69 Io, Pita ga kis taar kaia tano tingana hera ma tiga tultulai na hahina ga hanuat taar tana, gaam tangai bia, “Uga mah, u git tiktikai ma iakanong ma Galili, ne Iesu.”   
\p
\v 70 Pita balik ga harhus gaam tangai ra matmataan ta diet bakut bia, “Pa iau nunurei kaikek ra linga u tangtangai!”   
\p
\v 71 Ma bia ga haan laah ukaia ra matanangas huat, tiga mes na tultulai na hahina ga nas ia, gaam tangai ta ira mataniabar ing diet ga turtur haan kaia bia, “Iakan ra tunatuna git tiktikai ma Iesu ma Nasaret.”   
\p
\v 72 Ma Pita ga harhus baal, gaam sasalima, ma gaam tangai, “Pa iau nunurei iakanong ra tunatuna!”   
\p
\v 73 Io, namur dahina diet ing diet ga turtur huteta haan, diet ga hanuat taar tana, ma diet gaam tangai bia, “I palai bia uga tikai ta diet kanong ira num mangana sa nianga i haminis hua.”   
\p
\v 74 Pita ga tangai ta diet bia, “Iau sasalima ma ra tutuna bia pa iau nunurei iakanong ra tunatuna! Bia iau bisbis, io, iau nem bia Kalou na hapidinau iau!”  
\p Io, kaikek at no kareka ga kakel.  
\v 75 Ma Pita ga lik lah kan ra nianga ing Iesu ga tangai taar tana hoken: “Bia no kareka pa na kakel baa, ma u ta harhus sei iau aitul a pakaan.” Ma Pita ga haan talur iakano sibaan, ma gaam manga suah.   
\c 27  
\s1 Di ga lam Iesu ukaia ta Pailat  
\r (Mak 15.1; Luk 23.1-2; Ioanes 18.28-32)  
\p
\v 1 Bia gata malaan um ira tamat na pris ma ira tamat ta ira huntunaan, diet ga worwor tikai, ma diet ga haut wara bubu bing Iesu.  
\v 2 Ma diet ga kubus ira limana, diet gaam lam tar ia ta Pailat, no tamat ma Rom.   
\s1 Iudas ga tapunuk gaam kukut  
\r (Apostolo 1.18-19)  
\p
\v 3 Ma bia Iudas, nong ga tur talur Iesu, ga nas bia di ga tulei bingbing Iesu, ga manga marmaris. Io, ga tar pukus ira aitul a sangahul na siliwa taar ta ira tamat na pris ma ira tamat ta ira huntunaan.  
\v 4 Ma ga tangai ta diet bia, “Iau ta gil tiga sakena kanong iau ta tar sei tikai nong pai gil ta sakena bia na hirua.”  
\p Ma diet ga tangai tana bia, “Mehet na biha balik? Uga iat!”   
\p
\v 5 Io, Iudas ga sei tar ira kinewa narako tano tamat na hala na lotu, gaam haan laah, gaam a kukut.   
\p
\v 6 Ira pris diet ga kap lah ira siliwa, diet gaam tangai bia, “Pai takodas ma ira warkurai ta Moses bia dahat na bul kaiken ra kinewa tano bunbulaan kai ra tamat na hala na lotu, kanong a matana hinirua kaiken.”  
\v 7 Senbia tiga sibana pisa, a nuna no tena gil kura ma ra pisa kana. Ma bia diet ga wor tikai laah, diet ga kap lah ira kinewa ma diet ga kul ia wara busbus ira minaat ma helik.  
\v 8 Io hua, tuk katin, di kilam iakanong ra sibaan bia, ‘Pisa na hinirua.’  
\v 9 Io, iakan ga hatutun no nianga no poropet Jeremaia ga tangai bia, \qt “Diet ga kap lah ira aitul a sangahul na siliwa, no matana ing Israel gata pua tar tana. \qt*  
\v 10 \qt Ma bia diet ga palai tano sibana pisa, a nuna no tena gil kura ma ra pisa, diet ga kap lah no kinewa, diet gaam kul ia hoing no Watong gata tangai haminis bia iau na gil.” \qt*   
\s1 Pailat ga tiri Iesu  
\r (Mak 15.2-5; Luk 23.3-5; Ioanes 18.33-38)  
\p
\v 11 Io, Iesu ga tur tano matmataan tano tamat ma Rom, ma no tamat ma Rom ga tiri ia bia, “Uga no king nudiet ira Iudeia?”  
\p Iesu ga balu ia bia, “A num nianga at!”   
\p
\v 12 Ma ing ira tamat na pris ma ira tamat ta ira huntunaan, diet ga takun ia, pa ga babalu.  
\v 13 Ma Pailat ga tangai tana bia, “Haleng na linga kaikek diet tangtangai tar taam. I ngen hoeh bia u hadadei bia tar a mon?”  
\v 14 Ma Iesu pa ga babalu iat ta dahina uta ira linga diet ga takun ia utanei. Hua Pailat ga karup gaam lilik haleng.   
\b  
\s1 Pailat ga tangai bia da tut Iesu tano kabai  
\r (Mak 15.6-15; Luk 23.13-25; Ioanes 18.39—19.16)  
\p
\v 15 A nudiet magingin ira Iudeia bia ta ira kaba Nian na Hinahaan Sakit bakut, no tamat ma Rom git hashasur tiga tunatuna makaia tano hala na harpidinau. Ia mon nong ira mataniabar diet ga nem ia.  
\v 16 Ma ta iakanong ra pakana bung, tiga tunatuna, no hinsana ne Barabas nong di ga his kahai ia narako tano hala na harpidinau. Ma ira mataniabar diet ga nunurei timaan tar ia ta ira nuna sakana tintalen.  
\v 17 Io, bia ira mataniabar diet ga hanuat hulungai, Pailat ga tiri diet bia, “Muat nem bia iau na waak sei siga ukaia ta muat—Barabas, bia Iesu nong di kilam bia Karisito?”  
\v 18 Ga tiri hua kanong ga nunurei tar bia diet ga lilik sakasaka taar ta Iesu, hua diet gaam tar sei ia tana.   
\p
\v 19 Ma bia Pailat ga kis taar tano nuna kinkinis na warkurai, no nuna hahina ga tula nianga ukaia hoing ia. Ma ga tangai bia, “Iakan ra tunatuna pai gil tiga sakena. Waak u gil tiga linga tana kanong ra bung i ubal iau tiga tamat na barbarien utana.”   
\p
\v 20 Senbia ira tamat na pris ma ira tamat ta ira huntunaan, diet ga duan ira mataniabar bia diet na saring lah Barabas bia na langalanga ma bia Iesu na hirua.   
\p
\v 21 Ma no tamat ma Rom ga tiri diet bia, “Siga ta dir kaiken, muat nem bia iau na hasur tar ia ta muat?”  
\p Diet ga balu ia bia, “Barabas!”   
\p
\v 22 Io, Pailat ga tiri diet bia, “Ma iau na bihanei um Iesu nong di kilam ia bia Karisito?”  
\p Ma diet bakut, diet ga balu ia bia, “Da tut tar ia tano ula kabai!”   
\p
\v 23 Ma Pailat ga tiri diet bia, “Wara biha muat tangai hua? A mangana ronga sa i ta gil tar?”  
\p Sen diet ga manga kakonga balik, diet gaam tangai bia, “Da tut tar ia ra ula kabai!”   
\p
\v 24 Ma ing Pailat ga nas bia ira linga pa ga hilau timaan tuai um ma a purpuruan ga wara tamtaman tut, ga kap lah ra taah, gaam hilhilim ra matmataan ta ira mataniabar. Ma ga tangai ta diet bia, “Iau langalanga tano minaat ta iakan ra tunatuna. A numuat linga um!”   
\p
\v 25 Ma ira tunatuna bakut, diet ga balu ia, diet gaam tangai bia, “Waak um ira tinirih tano nuna minaat na kisi mehet ma ira numehet bulumur mah!”   
\p
\v 26 Io, Pailat ga hasur sei Barabas taar ta diet. Ma ga tulei tar Iesu ta ira nuna umri, diet gaam dangat ia ma diet gaam waak tar ia ta diet ing diet na tut tar ia tano ula kabai.   
\s1 Ira umri diet ga hasakit ta Iesu  
\r (Mak 15.16-20; Ioanes 19.2-3)  
\p
\v 27 Io, ira umri tano tamat ma Rom, diet ga lam lah Iesu taar tiga sibaan tano tamat na ngasia ne Pailat, diet gaam tau hulungen ira mes na umri.  
\v 28 Diet ga kap sei ira nuna sigasigam ma diet ga hasigam ia ma tiga dardarana maal\f + \fr 27.28 \ft Diet hasakit ta Iesu bia a king ia kanong ira dardarana maal i haruat hoing ira gar na king.\f*.  
\v 29 Io, diet ga hihisanei tikanei ira talak hoing tiga vuvu, diet gaam hakukuhai no walina ma ia. Diet ga hapapalim tar no sot na limana ma tiga buka, diet gaam satudu manaluai tana, ma diet gaam hasakit tana hoken: “Mehet urur taam, king gar na Iudeia!”  
\v 30 Ma diet ga iabis ia, diet gaam kap lah no buka, ma diet gaam laulawat no walina.  
\v 31 Namur bia ira umri diet gata hasakit taar tana, diet ga kap sei no dardarana maal tana, diet gaam hasigam habalin ia ma ira nuna sigasigam at. Io, diet ga lam hasur um ia wara tutut tar ia tano ula kabai.   
\s1 Diet ga tut tar Iesu tano kabai  
\r (Mak 15.21-32; Luk 23.26-43; Ioanes 19.17-27)  
\p
\v 32 Io, bia diet ga hanhansur, diet ga harusa tiga tunatuna ma Sairin, a hinsana Saimon. Ma diet ga duan ia bia na kap lah balik no kabai.  
\v 33 Ma diet ga hanhut uram tano sibaan di kilam ia bia Golgota (no kukuraina bia, no taman hoira ula turangan.)  
\v 34 Di ga tulsei ra wain ta Iesu bia na mamai. Kakek ra wain di gata bul tikanei tar ma ra melaiana linga wara bingbing ngunungut. Sen ing bia Iesu ga namianei walar tar, ga mola bia na mamai.  
\v 35 Ma ing diet gata tut tar ia tano ula kabai, diet ga mamagu ma ra satu wara nunurei lah bia siga na kap lah gahim ta ira maal ta Iesu.  
\v 36 Ma diet ga kis taar ta iakanong ra sibaan, ma diet gaam balaurei tar ia.  
\v 37 Ma ira nianga mah di ga takun ia manei, di ga pakat ma di ga bul tano kabai maram naliu tano walina. Ma ga tangai hoken: “Iesu iakan, no king gar na Iudeia.”  
\v 38 Ma diet ga tut tar mah airua tena kikinau taar ra irua mes na kabai, tikai tano sot na limana ma tikai tano nuna kesa.  
\v 39-40 Ma diet ing diet ga haan sakit kaia diet ga lawanei ira wali diet taar ta Iesu ma diet ga tangtangai hagawai ia hoken: “Uga ing u ga tangai bia u na durei no tamat na hala na lotu ma u na gil habal ia ta aitul a bung. Io, u na halon habalin uga! Ma ing bia a Nati Kalou uga, u na hansur makaia tano ula kabai!”   
\p
\v 41 Ma diet ira tamat na pris, ma ira tena hausur ta ira warkurai ta Moses, ma ira tamat ta ira huntunaan, diet ga hasakit mah tana hua.  
\v 42 Ma diet ga tangai hoken: “Ga halon ira mesa, ma pai tale bia na halon habal at ia. Ing bia ia no king gar na Israel, i tahut bia na hansur at kaiken maram tano ula kabai waing dahat naga nurnur tana.  
\v 43 Ga tangai bia i la so tar no nuna nurnur ta Kalou! Io, bia a tutuna ma bia Kalou i sip ia, i bilai bia Kalou na halon ia kaiken, kanong ga tangai bia a Nati Kalou ia.”  
\v 44 Ma ira irua tena kikinau ing di ga tut tar ta ira irua kabai huteta tana, dir mah, dir ga tangai hagawai ia.   
\s1 Iesu ga maat  
\r (Mak 15.21-32; Luk 23.26-43; Ioanes 19.17-27)  
\p
\v 45 No hanua ga kankado hatahun lah ra sangahul ma irua na pakana bung ra kasakesa tuk taar ra aitul a pakana bung ra matarahien.  
\v 46 Ma ra aitul a pakana bung ra matarahien Iesu ga kukula ma ga tangai, “Eloi, Eloi, lama sabaktani?” Ma no kukuraina bia, “Nugu God, nugu God, wara biha bia u ta haan talur iau?”   
\p
\v 47 Ma bia aring ing diet ga tur taar huteta kaia diet ga hadadei ia, diet gaam tangai, “I ta tatau ne Elaija.”  
\v 48 Kaikek at tikai ta diet ga hilau, gaam hahung tiga gurgurun tes ma ra wain, gaam sako tar ia tiga sila dahai, io, ga tulsei haut ia bia Iesu naga dup ia.  
\v 49 Senbia ira mesa diet ga tangai bia, “Tur baa, dahat na nas baa bia Elaija na hanuat wara halhalon ia bia taia.”   
\p
\v 50 Ma bia Iesu ga manga kup balin, io, ga waak sei no nuna nilon, gaam maat um.   
\p
\v 51 Io, no tamat na maal, nong di la balo bat tar no tamat na hala na lotu ma ia, ga tasirik horua, hatahun lah maram naliu uras abuka napu. Ma ga gunagunei no pisa ma ira haat gaam banga.  
\v 52 Ira midi na bul minaat ga tamapapos ma haleng tena takodas ing diet gata maat, diet ga tut huat balin tikai ma ira palatamai diet.  
\v 53 Diet ga haan talur ira midi, io, namur bia Iesu ga tut hut balin, diet ga haan laka uram Ierusalem, no pisa na hala ta Kalou, ma ira haleng na tunatuna diet ga nas diet.   
\p
\v 54 Ma tiga tamat na umri ma aring ing diet ga balaurei tar Iesu diet ga nas no kunakunar ma ira linga bakut ing ga hanuat, diet ga manga burut, diet gaam tangai bia, “Tutuna sakit, no Nati Kalou at ia!”   
\p
\v 55 Ma a haleng na hahina diet ga tur taar helik dahina ma diet ga ngokngok ta ira linga ing ga hananhuat. Ma diet kaikek, ing diet ga mur Iesu maram Galili, diet gaam balaurei ia ta ira nuna sunupi.  
\v 56 Nalamin ta diet ne Maria nong ma Magadalen, ma Maria no puasi ne Jemes ma ne Iosep, ma no puasi dir mah ira irua nati Sebedi.   
\s1 Di ga bul halaka Iesu tano midi  
\r (Mak 15.42-47; Luk 23.50-56; Ioanes 19.38-42)  
\p
\v 57 Bia gata matmatarahien hanahaan, tiga watong mana Arimatia, no hinsana Iosep, ga hanuat. A bulu na hausur mah ia ta Iesu.  
\v 58 Ma ga haan tupas Pailat, gaam saring lah no palatamai Iesu. Io, Pailat ga hartulai bia da tar sei ia tana.  
\v 59 Iosep ga kap lah no palatamai Iesu, gaam hihisanei bakut ia ma tiga sigara palpalana maal.  
\v 60 Io, ga bul halaka ia tano nuna sigara midi. Iakano midi ga gil hangasiaan tar ia tano parpara haat. Namur ga pukulanei bat no matana ma tiga tamat na haat, ma gaam haan laah um.  
\v 61 Ma Maria nong ma Magadalen, dir ma no maurana, dir ga kis taar kaia tiga palpal tano midi.   
\s1 Diet ga balaurei timaan no midi  
\p
\v 62 Ma tano bung manamur, a Bung Tagura ia, no Bung na Sinangeh, ira tamat na pris ma ira Parasi diet ga haan tupas Pailat.  
\v 63 Ma diet ga tangai tana, “Numehet tamat, mehet lik kahai tar iakanong ra tena bisbis ing baa ga lon taar, ga tangai bia aitul a bung na pataam ma na tut hut baal.  
\v 64 Io, mehet nem bia u na hartulai bia da balaurei timaan no matanangas tano midi tuk taar bia aitul a bung na pataam. Kaba ira nuna bulu na hausur diet gi kinau lah no palatamaina, ma diet gi tangai ta ira mataniabar bia i ta lon huat balin. Bia diet na bisbis hua, na manga sakena balik um ta ing Iesu ga tangai bia na tut huat baal.”   
\p
\v 65 Ma Pailat ga balu diet bia, “Kaia. Muat lam lah taring ta ira umri diet naga balaurei timaan no matanangas tano midi hoing at muat lik tar hua.”  
\v 66 Io, diet ga haan laah, diet gaam a balaurei timaan no midi. Diet ga bul bat no matanangas na haat tano midi ma no binora ma diet ga waak tar ira umri bia diet na harbalaurai taar um kaia.   
\c 28  
\s1 Iesu ga tut hut talur ra minaat  
\r (Mak 16.1-10; Luk 24.1-12; Ioanes 20.1-10)  
\p
\v 1 Ma no Bung Tagura, no Bung na Sinangeh ga pataam. Ma ra malabungbung tano Sade, Maria nong ma Magadalen, dir mauran ga haan wara nasnas no midi.   
\p
\v 2 Io, ma tiga kamana kunakunar ga hanuat kanong tiga angelo gar tano Watong ga hansur maram ra mawai, gaam hanuat tano midi, gaam pulek sei no haat ma gaam kis korai taar um tana.  
\v 3 Ga pilpilakas hoira hila ma ira nuna maal ga manga palpalana sakit.  
\v 4 Ma ira umri ing diet ga balaurei tar no midi, diet ga dedar ma no bunurut, diet gaam puka taar napu hoira minaat.   
\p
\v 5 Ma no angelo ga tangai ta ira airua hahina bia, “Waak mamur burburut. Iau nunurei bia mamur nanaas ta Iesu nong di ga tut tar ia tano ula kabai.  
\v 6 Ia panim kai. I ta tut huat balin hoing gata tangai tar. Mamur mai! Mamur na nas no sibaan nong di ga hakuban ia kaia.  
\v 7 Kaiken a mon, mamur na haan gasien, mamur naga hasasei ira nuna bulu na hausur bia i ta tut huat balin talur ra minaat. Io, na luai ta muat uras Galili. Ma muat na ra nas um ia kaia. Ma mamur na lik kahai kaikek iau ta tangai tar.”   
\p
\v 8 Io, ira irua hahina, dir ga haan talur hagasiaan no midi ma ra bunurut, senbia dir ga hung ma ra gungunuama mah. Ma dir ga hilau wara hashasasei ira nuna bulu na hausur.  
\v 9 Io, ma dir ga karup bia Iesu ga harusa ma dir ma gaam haianga lah dir. Ma dir ga hanuat huteta tana, dir gaam rapa ira airua kakina, ma dir gaam lotu tupas ia.  
\v 10 Io, Iesu ga tangai ta dir bia, “Waak mamur ra bunurut. Mamur na haan, mamur naga hasasei ira tasigu, diet ira nugu bulu na hausur, bia diet na haan uram Galili. Ma diet na ra nas iau kaia.”   
\s1 No burena bia ira Iudeia pa diet nurnur bia Iesu ga tut hut balin  
\p
\v 11 Io, bia ira airua hahina kana dir ga hanahaan baa na ngaas, ari ta ira umri ing diet ga balaurei no midi, diet ga haan laka tano pisa na hala. Ma diet gaam a hasasei ira tamat na pris ta ira linga ing gata hanuat taar ta diet.  
\v 12 Ma ira tamat na pris tikai ma ira tamat ta ira huntunaan diet ga hanuat hulungai, io, diet gaam hanuat ma tiga lilik. Io, diet ga tar ra tamat na kinewa ta ira umri,  
\v 13 ma diet ga tangai tar um ta ira umri hoken: “Muat na tangai hoken: ‘Ra bung ing kana mehet sua sakit taar, ira nuna bulu na hausur diet me kinau lah ia.’  
\v 14 Ma bia iakan ra nianga na haan tupas no tamat ma Rom, mehet na hatusa nianga ma ia, ing pa muat naga mon tinirih.”  
\v 15 Io, ira umri diet ga kap lah ira kinewa, ma diet gaam gil haruatanei hoing di gata tangai taar ta diet. Ma iakan ra hasahesa gata haan harbasiai ta ira Iudeia tuk taar a baa katin.   
\s1 Iesu ga ianga dadas ta ira nuna hartulai  
\r (Mak 16.14-18; Luk 24.36-49; Ioanes 20.19-23)  
\p
\v 16 Io, ira sangahul ma tikai na bulu na hausur diet ga haan uram Galili uram tano uladih nong Iesu gata tangai tar ia ta diet.  
\v 17 Ma bia diet ga nas ia, diet ga lotu tupas ia. Senbia ari ta diet, diet ga lilik airirua.  
\v 18 Ma bia Iesu ga hanuat hutaten diet, ga tangai hoken: “Ira kaba dadas bakut aram ra mawai ma kai mah napu, no ragu Sus i ta tar sei tagu.  
\v 19 Io hua, muat na haan ta ira huntunaan bakut ma muat na hausur diet bia diet na murmur iau. Ma muat na bapitaiso diet tano hinsa Mama, ma no Natina, ma no Halhaliana Tanua.  
\v 20 Ma muat na hausur diet bia diet na taram ta ira kaba linga bakut ing iau gata tangai ta muat. A tutuna sakit iau na kis tikai ma muat ta ira pakana bung bakut, tuk taar tano haphapataam ta iakan ra nilon.”