\id ROM - Dega
\ide UTF-8
\h ରମିୟ
\toc3 ରମିୟ
\toc2 ରମିୟ
\toc1 ରମିୟଇଂନେ ଡାଗ୍ରା ପାଉଲ୍‌ନେ ଉଲିଆଃ
\mt2 ରୋମୀୟମାନଙ୍କ ନିକଟକୁ ପାଉଲଙ୍କ ପତ୍ର
\mt1 ରମିୟଇଂନେ ଡାଗ୍ରା ପାଉଲ୍‌ନେ ଉଲିଆଃ
\imt ରୋମୀୟ ବ‍ଇ ଉଲିଆଃ ବିସୟ୍‌ରେ ଉଡ଼ିକ୍ଲିଗ୍ ସାମୁଆଁ
\ip ରମିୟ ବଇ ପ୍ରେରିତ୍‍ ପାଉଲ୍‍ ବାନ୍‍ ଡିଙ୍ଗ୍‍ଲେଃଏ ୫୪ ବାନ୍‍ ୫୮ କିଷ୍ଟାଦ୍ଦ ବିତ୍‍ରେ ଜିସୁ କିସ୍‍ଟ ଜନମ୍‍ ଡିଙ୍ଗ୍‍କ୍ନେ ଇଡ଼ିଙ୍ଗ୍‍ ଗୁଆର୍‍ବଗେ । ପାଉଲ୍‍ ରମ୍‍ନ୍ନିଆ ୱେନେ ସେନୁଗ୍‍ ମ୍ୱାୟା ଦଲ୍‍ ଜିଉଦି ବାରି ଅଣଜିଉଦି କିସ୍‍ଟାନ୍‍ ରେମୁଆଁଇଂକେ ଆଦେସ୍‍ ବିନ୍‍ସା ଆକେନ୍‍ ଉଲିଆ ଗୁଆର୍‍ ବଗେ । ଗୁଲେ ଜାତି ଡିଡିରକମ୍‍ ଜିସୁ କିସ୍‌ଟକେ ବିସ୍‌ବାସ୍‌‍ ଡିଙ୍ଗ୍‍ମ୍ୟାଆର୍‍କେ \xt ୧୬:୨୬\xt* ଆତେନ୍‌‍ସା ମେଁ କରିନ୍ଥି ସହର୍‍ନ୍ନିଆ ଲେଃକ୍ନେବେଲା ରମିୟ କ୍ରିସ୍ଟାନ୍‌ଇଂନେ ଆଦେସ୍‍ ବିନ୍‍ସା ଆକେନ୍‍ ଉଲିଆ ଗ୍ନୁଆର୍‍ବଗେ ।
\ip ସାପା ଜାଗାନ୍ନିଆ କାଲାଆଃ କିସ୍‍ଟାନ୍‍ ରେମୁଆଁଇଂ ଆତ୍‍ଲା ରମିୟ ବଇ ମୁଇଂ ମୁଲ୍‌ ବଇ । ମେଁ ଡାଗ୍‍ଲା ନେ ଡିଡିରକମ୍‍ ଜିସୁ କିସ୍‍ଟନେ ବାନ୍ ମୁକ୍‍ତି ନେବାଏ ପାଉଲ୍‍ ପୁରାପୁରି ନିମାଣ୍ଡା ବାବ୍‍ରେ ଆବୁଜେଡିଙ୍ଗ୍‍କେ । ପାଉଲ୍‍ ବାୱିର୍‍ନେ ନିୟମ୍‍କେ ଡିଗ୍‍ ଜିସୁ କିସ୍‍ଟନେ ବ୍ନାଇର୍‍ ଏତେ ଆମିସୁଡିଙ୍ଗ୍‍କେ । \xt ୧:୧୬\xt* ବ୍ନାଲିର୍‍କେ ଡୁଙ୍ଗ୍‍ୱେଚେ ଗୁଲେ ପଣ୍ଡିତ୍‍ଇଂ ମେଇଂମେଇଂ ବାଲିର୍‍ବାତାଚେ ବାସଙ୍ଗ୍‍ ମ୍ୟାଃଆର୍‍କେ ଜେ ଆକେନ୍‍ ମ୍ନାଃ ମଜେନେ ଟିକା ରକମ୍‍ । ଜା ସାପା ଆକ୍‍ଅରିଆ ବାସଙ୍ଗ୍‍ଡିଙ୍ଗ୍‍କେ “ନେଙ୍ଗ୍‍ ମାପ୍‍ରୁ ବ୍ନାଇର୍‍ ସା ଗିଆସ ଡିଙ୍ଗ୍‍ନାଡିଙ୍ଗ୍‍କେ ମେଃଡାଗ୍‌ଲା ଜାଣ୍ଡେଇଂ ବିସ୍‌ବାସ୍‌‍ ଡିଙ୍ଗ୍‍ଆର୍‍ଡିଙ୍ଗ୍‍କେ ସାପାରେ ଆତ୍‍ଲା ଆକେନ୍‍ ଇସ୍‍ପର୍‍ନେ ବପୁ । ପର୍‍ତୁମ୍‍ ଜିଉଦି ଇଡ଼ିଙ୍ଗ୍‍ ଅଣଜିଉଦି ରେମୁଆଁଇଂ ନ୍‌ସା ଡିଗ୍‍ ।”
\ip ପର୍‍ତୁମ୍‍ ବଇ \xt ୧:୧୨\xt* ବାର୍‌ମୁଇଂ ବାଗ୍‍ \xt ୧୩; ୧୫\xt* କିସ୍‍ଟାନ୍‍ ରେମୁଆଁଇଂନେ ଜିବନ୍‍ ଗୁଲେ ବେବଆର୍‍ ଡିଙ୍ଗ୍‍ବକ୍ନେ ଆଦେସ୍‍ ଲେଃକେ ।
\iot ସାସ୍ତର୍‌ ବିତ୍ରେ ଲେଃକ୍ନେ ସାମୁଆଁଇଂ
\io1 ୧. ପାଉଲ୍‍ ସାଦାସିଦା ବାବ୍‍ରେ ନିଜ୍‍କେ ଆଃସ୍ନାମୁଆଁଚେ ଆଜାକେ ଉଲିଆ ଗ୍ନୁଆର୍‍ ଡିଙ୍ଗ୍‍କେ ଆତେନ୍‌‍ ମେଁ ବାଲିର୍‍ଚେ ଉଲିଆ ଆରାମ୍‍ ଡିଙ୍ଗ୍‍ମ୍ୟାକେ । \ior ୧:୧-୧୫\ior*
\io1 ୨. ରେମୁଆଁ ଜାତିନେ ରାଇଜ୍‍ ବାରି ଜିସୁ କିସ୍‍ଟ ବାନ୍‍ ମୁକ୍‍ତି ବାନେ । \ior ୧:୧୬; ୧୧:୩୬\ior*
\io1 ୩. କିସ୍‍ଟାନ୍‍ ରେମୁଆଁ ସୁଗୁଆ ବ୍ରୁଆ ଡିକେଃନ୍‍ସା ପାଉଲ୍‍ନେ ଗୁଲେ ବେବଆର୍‍ ଡିଙ୍ଗ୍‍ବକ୍ନେ ଆଦେସ୍‍ । \ior ୧୨:୧; ୧୫:୧୩\ior*
\io1 ୪. ମେଁ ରମିୟ ମଣ୍ଡଲିନେ ରେମୁଆଁଇଂକେ ସାର୍ଲ ଆଃମ୍ୟାଚେ ଗ୍ନୁଆର୍‍ ଆଃଡାବକେ । \ior ୧୬:୧-୨୭ \ior*
\c 1
\p
\v 1 ଜିସୁ କିସ୍‌ଟନେ ଦାସ ବାରି ଇସ୍‍ପର୍‍ବାନ୍‍ ପାଙ୍ଗ୍‍ଲେଃକ୍ନେ ନିମାଣ୍ଡା କବର୍ ବାସଙ୍ଗ୍‍ ଅଲେଙ୍ଗ୍‍ନେସା ପ୍ରେରିତ୍‌ ସିସ୍‍ ରକମ୍‍ ଡିଙ୍ଗ୍‍ଚେ ପାଙ୍ଗ୍‍ନ୍ଲେଃକ୍ନେ ପାଉଲ୍‍ ଉଲିଆ ।
\p
\v 2 ଦର୍ମସାସ୍ତର୍‌ନ୍ନିଆ ଗୁଆର୍‍ବକ୍ନେ ଇସାବ୍‍ରେ ଆକେନ୍ ନିମାଣ୍ଡା କବର୍‍ ବିସୟ୍‍ରେ ଇସ୍‍ପର୍‍ ଅସେବାନ୍‍ ମେଃନେ ବାବବାଦିଇଂନେ ବାନ୍‍ ବାଲିର୍‍ବଗେ । 
\v 3 ଆକ୍ମେନେ ମୁଲ୍‌ ଡିଙ୍ଗ୍‍ଡିଙ୍ଗ୍‍କେ; ଇସ୍‍ପର୍‍ନେ ଉଙ୍ଗ୍‍ଡେ ନେନେ ମାପ୍‍ରୁ ଜିସୁ କିସ୍‍ଟ । ରେମୁଆଁ ରକମ୍‍ ମେଁ ଦାଉଦ୍‍ନେ ବଁସ୍‍କୁଲ୍‍ । 
\v 4 ମାତର୍‍ ମେଁନେ ଆଡ଼ାତ୍ରା ପବିତ୍ରତା ଲେଃଗେସା ମେଁ ଇସ୍‌ପର୍‌ନେ ଉଂଡେ ଡାଗ୍‍ଚେ ଆସୁଏକେ । ଗୁଏକ୍ନେ ବାନ୍‍ ମେଁ ତଡ଼ିଆକ୍ନେ ଆକେନ୍‍ ବାରି ମ୍ୟାଆର୍‍କେ । 
\v 5 କିସ୍‌ଟନେ ନ୍‌ସାଃ ଇସ୍‌ପର୍‌ ଆନିଂକେ ପ୍ରେରିତ୍‌ ସିସ୍‌ ରକମ୍‌ ସ୍ରିଚେଃ ସାପା ଜାତିନେ ରେମୁଆଁଇଂନେ ଡାଗ୍ରା ବାସଙ୍ଗ୍‌ନେ ନ୍‌ସାଃ ସୁଜଗ୍‌ ବିଃବକେ, ଡିରକମ୍‌ ମେଇଂ କିସ୍‌ଟ ଯୀଶୁନେ ଡାଗ୍ରା ବିସ୍‌ବାସ୍‌ ଡିଂଚେଃ ମେଁନେ ସାମୁଆଁ ମାନେଃଆର୍‌ଏ । 
\v 6 ରମ୍‍ନେ ଆଦିବାସି ! ପେ ଡିଗ୍‍ ଜିସୁ କିସ୍‌ଟନେ ପ୍ଲା ୱେନ୍‍ସା ପାଙ୍ଗ୍‍ପେଲେଃକେ ।
\p
\v 7 ମନେ ଡିଙ୍ଗ୍‍ପା ରୋମ୍‌ନେ ମୁଡ଼ି ରେମୁଆଁଇଂକେ ଇସ୍‍ପର୍‍ ବଲ୍‍ ବାଡିଙ୍ଗ୍‍କେ ବାରି ମେଁନେ ନିଜର୍ ରେମୁଆଁ ଡିଙ୍ଗ୍‍ନେସା ୱାବକେ । ଆତେନ୍‌‍ ସାପାରେକେ ନେଙ୍ଗ୍‍ ଆକେନ୍ ଉଲିଆ ଗୁଆର୍‍ଣ୍ଡିଙ୍ଗ୍‍କେ । ନେନେ ଆବା ଇସ୍‍ପର୍‍ ବାରି ମାପ୍‍ରୁ ଜିସୁ କିସ୍‌ଟ ଆପେକେ ଦୟା ବାରି ସାନ୍‍ତି ବିଲେ ।
\s ଦନ୍ୟବାଦ୍‍ନେ ପାର୍‌ତନା
\p
\v 8 ପେ ଇସ୍‍ପର୍‍କେ ବିସ୍‌ବାସ୍‌‍ ଡିଙ୍ଗ୍‍ପେମ୍ୟାକେ ଡାଗ୍‍ଚେ ଦର୍‌ତନିନ୍ନିଆ ସାପାରେ ମ୍ୟାଃଲେଆର୍‍କେ । ଆତେନ୍‌‍ସା ପେ ସାପାରେ ନ୍‍ସା ମାପ୍‍ରୁ ଜିସୁ କିସ୍‌ଟନେ ମ୍ନିରେ ନେଙ୍ଗ୍‍ ଇସ୍‍ପର୍‍କେ ଦନ୍ୟବାଦ୍‍ ବିଣ୍ଡିଙ୍ଗ୍‍ । 
\v 9 ଆତ୍ମାନ୍ନିଆ ନେଙ୍ଗ୍‍ ମୁଡ଼ି ଇସ୍‍ପର୍‍କେ ସେବା ଡିଙ୍ଗ୍‍ଣ୍ଡିଙ୍ଗ୍‍କେ ବାରି ମୁଡ଼ି ଇସ୍‍ପର୍‍ନେ ଉଙ୍ଗ୍‍ଡେନେ ବିସୟ୍‍ରେ ନିମାଣ୍ଡା ବ୍ନାଲିର୍‍ ବାସଙ୍ଗ୍‍ଣ୍ଡିଙ୍ଗ୍‍କେ ଆତେନ୍‌‍ ଇସ୍‍ପର୍‍ ନେଙ୍ଗ୍‍ନେ ସାକି । ନେଙ୍ଗ୍‍ ମେଃନେ ବାସଙ୍ଗ୍‍ଣ୍ଡିଙ୍ଗ୍‍କେ; ଆତେନ୍‌‍ ସତ୍‍, 
\v 10 ପାର୍‌ତନାନେ ବେଲା ନେଙ୍ଗ୍‍ କାଲାଆଃ ଆପେକେ ମନେ ତ୍ଲାଗ୍‍ଡିଙ୍ଗ୍‍କେ ବାରି ପେ ଡାଗ୍‍ରା ପାଙ୍ଗ୍‍ନେସା ଆନେଙ୍ଗ୍‍ ସୁଜଗ୍‍ ବିନ୍‍ସା ଇସ୍‍ପର୍‍ଡାଗ୍‍ରା ନିବେଦନ ଡିଙ୍ଗ୍‍ଚେ ପାଙ୍ଗ୍‍ନ୍ଲେଃକେ । 
\v 11 ପେ ଡାଗ୍‍ରା ପାଙ୍ଗ୍‍ଚେ ନେଙ୍ଗ୍‍ ବାନ୍ଲେଃକ୍ନେ ଆତ୍ମିକ ଦାନ୍ ବିସୟ୍‍ରେ ଆପେକେ ଆଃମ୍ୟାନେ ବାନ୍‍ ପେନି ବିସ୍‌ବାସ୍‌‍କେ ଡାଟ୍‍ ଣ୍ଡ୍ରାଡିଙ୍ଗ୍‍ଏ ଆକେନ୍‍ ନେଙ୍ଗ୍‍ନେ ମୁଇଂ ଇକ୍‌ଚା । 
\v 12 ଆକେନ୍ ବାନ୍‌ ନେ ବିତ୍‍ରେନେ ବିସ୍‌ବାସ୍‌‍କେ ଡାଟ୍‍ ଆଡିଙ୍ଗ୍‍ ନେୟାଏ ।
\p
\v 13 \x + \xo ୧:୧୩ \xo*\xt ପ୍ରେରିତ୍‌ ୧୯:୨୧.\xt*\x*ବୟାଁ ତନାଇଂ ପେ ଡାଗ୍‍ରା ପାଙ୍ଗ୍‍ନେସା ନେଙ୍ଗ୍‍ ଗୁଲେତର୍‍ ରାଜି ଡିଙ୍ଗ୍‍ମ୍ବଗେ ମାତର୍ କାମ୍ ଲେଃଗେସା ଏଜାକ ପାଙ୍ଗ୍‍ ନ୍ନାୟାକେ ଣ୍ଡୁ । ବିନ୍‍ବିନ୍‍ ରାଜିନେ ଅଣଜିଉଦିଇଂନେ ବିତ୍‍ରେ ବାସଙ୍ଗ୍‍ ଅଲେଙ୍ଗ୍‍ଚେ ଡିଡିରକମ୍‍ କି ନିମାଣ୍ଡା ଚୁ ବାନ୍ଲେଃକେ ପେ ଏରିଆ ବିତ୍‍ରେ ଡିଗ୍‍ ଆତେନ୍‌‍ ଡିଙ୍ଗ୍‍ନେସା ନେଙ୍ଗ୍‍ନେ ରାଜି ଲେଃକେ । 
\v 14 ଡାଗ୍‌ଲା ଗ୍ରୀକ୍ କି ବିଦେସି ସିକିତ୍‍ କି ଅସିକିତ୍‍ ସାପାରେ ଡାଗ୍‍ରା ନେଙ୍ଗ୍‍ ରୁନ୍‍ ଡିଙ୍ଗ୍‍ନ୍ଲେଃକେ । 
\v 15 ତେସା ରୋମ୍‍ ଅରିଆ ବାସା ପେଲେଃକ୍ନେଣ୍ଡ୍ରେ ଜେ ପେ ଡାଗ୍‍ରା ଡିଗ୍‍ ନିମାଣ୍ଡାସାମୁଆଁ ବାସଙ୍ଗ୍‍ ଅଲେଙ୍ଗ୍‍ନେସା ନେଙ୍ଗ୍‍ ରାଜି ନ୍ଲେଃକେ ।
\s ନିମାଣ୍ଡାସାମୁଆଁନେ ବପୁ
\p
\v 16 \x + \xo ୧:୧୬ \xo*\xt ମାର୍‌କ ୮:୩୮.\xt*\x*ଆତେନ୍‌‍ ନିମାଣ୍ଡାସାମୁଆଁ ଆଡ଼ାତ୍ରା ନେଙ୍ଗ୍‍ନେ ପୁରାପୁରି ରାଜି ଲେଃକେ । ଆତେନ୍‌‍ ସିସେ ଜିଉଦି ବାରି ଇଡ଼ିଙ୍ଗ୍‍ ଅଣଜିଉଦି ବିସ୍‍ବାସିଇଂନେ ଉଦାର୍ ବାନେସା ଇସ୍‍ପର୍‍ନେ ମ୍ନା ବପୁ ରକମ୍‍ । 
\v 17 ରେମୁଆଁ ଇସ୍‍ପର୍‍ ଡାଗ୍‍ରା ଡିଡିରକମ୍‍ ଦାର୍‍ମିକ୍‍ ଆସୁଏ ୟାଆର୍‍ଏ ଆକ୍ମେନେ ଉପାୟ୍ ଆତ୍‍ଅରିଆ ଆତ୍ନାବକେ । ମୁଲେବାନ୍‍ ସାରାସାରି ଜାକ ପରିତ୍ରାନ୍‍ ବାନେ ମୁଇଂ ମାତର୍‍ ଉପାୟ୍‍ ଡିଙ୍ଗ୍‍ଡିଂକେ ବିସ୍‌ବାସ୍‌‍, ସାସ୍ତର୍‌ନେ ବ୍ନାଲିର୍‍ ଇସାବ୍‍ରେ, “ଜାଣ୍ଡେ ବିସ୍‌ବାସ୍‌‍ ଡିଙ୍ଗ୍‍ଚେ ଇସ୍‍ପର୍‍ ଡାଗ୍‍ରା ଦାର୍‍ମିକ୍‍ ଆଃସୁଏଃଏ, ମେଁ ବ୍ରୁଆଏ ।”
\s ରେମୁଆଁ ଜାତିନେ ପାପ୍‍
\p
\v 18 ମୁଡ଼ି ପାପି ଦୁରାଚାରି ରେମୁଆଁଇଂ ନିଜେନେ ଦଦ୍ୟା‍ ବେବଆର୍‍ ବାନ୍‍ ସତ୍‍କେ ଆନ୍ତାର୍‍ ବିମ୍ୟାକେ ମେଇଂନେ ବିରଦ୍‍ରେ କିତଂବାନ୍‍ ଇସ୍‍ପର୍‍ନେ ଗିସେ ତ୍ନାଏ । 
\v 19 ଇସ୍‍ପର୍‍ ଆମେଇଂକେ ଡଣ୍ଡ୍‍ ବିଏ ଡାଗ୍‍ଲା ଇସ୍‍ପର୍‍ନେ ବିସୟ୍‍ରେ ଜା ସାପା ମ୍ୟାନେ ସାମୁଆଁ ମେଇଂ ଆତେନ୍‌‍ ମ୍ୟାଃଲେଆର୍‍କେ ଇସ୍‍ପର୍‍ ନିଜେ ଆତେନ୍‌‍ ନିମାଣ୍ଡା ବାବ୍‍ରେ ବାସଙ୍ଗ୍‍ବକେ । 
\v 20 ଇସ୍‍ପର୍‍ ଦର୍‌ତନିକେ ଆରେକ୍ନେ ବେଲାବାନ୍‍ ମେଃନେ ଆତ୍ନାକ୍ନେ ଗୁନ୍‍ଗିଆନ୍‍ଇଂ ବା ମେଃନେ କାବା ରକମ୍‍ନେ କାମ୍ ସାପା ବାରି କାଲାଆଃ ଲେଃନେ ବପୁ ନିମାଣ୍ଡା ବାବ୍‍ରେ ମ୍ୟା ଲେଃଆର୍‍କେ ମେଁ ଆରେକ୍ନେ ସାମୁଆଁଇଂ ଅରିଆ ଆତେନ୍‌‍ ବା ୟାଡିଙ୍ଗ୍‍ଏ । ତେସା ମେଇଂ ମ୍ୟା ଆଲେଃଆର୍‍କେ ଡାଗ୍‍ଚେ ବାସଙ୍ଗ୍‍ ଆୟାଆର୍‍ ଣ୍ଡୁ । 
\v 21 \x + \xo ୧:୨୧ \xo*\xt ପିଲିପିୟ ୪:୧୭-୧୮.\xt*\x*ମେଇଂ ଇସ୍‍ପର୍‍ନେ ପରିଚୟ୍ ବାଚେ ଡିଗ୍‍ ଆମେଇଂକେ ସନ୍‌ମାନ୍‍ ଆବିଃଆର୍‍କେ କି ଆମେଇଂକେ ମେଃଡିଗ୍‍ ବିସୟ୍‍ ସା ଦନ୍ୟବାଦ୍‍ ଆବିକେ ଣ୍ଡୁ । ମାତର୍‍ ମେଇଂନେ ଚିନ୍ତା ସାପା ଜାବର୍‌ ବାରି ମେଇଂନେ ଆଲାଜୁ ମନ୍‍ ତାଙ୍ଗ୍‍କିଗ୍‍ ଅରିଆ ଲେଃକେ । 
\v 22 ମେଇଂ ନିଜ୍‍କେ ଜ୍ଞାନି ଡାଗ୍‍ଚେ ଆସୁଏମ୍ୟାଃକେ ମାତର୍‍ ସତ୍‍ରେ ମେଇଂ ମୁର୍‍କ । 
\v 23 କାଲାଆଃ ଇସ୍‍ପର୍‍କେ ପୁଜା ମାଡିଙ୍ଗ୍‍ଚେ ମେଇଂ ନେଙ୍ଗ୍‍ନେ ରେମୁଆଁ ପସୁ ପ୍ଲିଗ୍ ବାରି ବୁବ ରକମ୍‍ନେ ମୁର୍‍ତି ଆରେଚେ ଆତେନ୍‌‍ଇଂକେ ପୁଜା ଡିଙ୍ଗ୍‍ଆର୍‍ଡିଂକେ ।
\p
\v 24 ତେସା ଇସ୍‍ପର୍‍ ଆମେଇଂକେ ଆନ୍ତାର୍‍ ବିବକେ ବାରି ମେଇଂ ନିଜେ ନିଜେନେ ଗାଗ୍‌ଡ଼େ ନ୍‌ସାଃ କାଲାଆଃ ଡିଡିଙ୍ଗ୍‍ନେ ସ୍ଲେନ୍ନିଆ ଚାକ୍‌ଲାଣ୍ଡା ଲେଃଡିଙ୍ଗ୍‍ଆର୍‍କେ ମେଇଂ ମେଇଂମେଇଂ ଏତେ ଗିଆସ ରକମ୍‍ନେ ସମ୍ପର୍କ ବମ୍ୟାଃଆର୍‍କେ । 
\v 25 ମେଇଂ ଇସ୍‍ପର୍‍ନେ ବିସୟ୍‍ରେ ସତ୍ ବାଦୁଲ୍‍ରେ ମିଚ୍‍ ସାମୁଆଁ ଦ୍ରିଗ୍‍ ଆର୍‍କେ ବାରି କାଲାଆଃ ପ୍ରସଂସା ବାନେ ଆରେବକ୍ନେ ମାପ୍‍ରୁକେ ପାର୍‌ତନା ମାଡିଙ୍ଗ୍‍ଚେ ମେଇଂ ଆରେ ବକ୍ନେ ଜିନିସ୍‌ଇଂକେ ପୁଜା ଡିଙ୍ଗ୍‍ମ୍ୟାଆର୍‍କେ ।
\p
\v 26 ମେଇଙ୍ଗ୍ ଗିଆସ ରକମ୍‍ନେ ପାପ୍ କାମ୍‍ରେ ଲାଗେଡ଼ିଆ ଲେଃଲା ଇସ୍‍ପର୍‍ ଆମେଇଂକେ ଆନ୍ତାର୍‍ ବିବକେ ମେଇଂନେ କୁନୁଏଃଡ଼େଇଂ ଏତେ ଡୁଲେଗ୍‌ ଆନ୍ତାର୍‍ଚେ ବିନ୍ ସେଲାମ୍ବୁଏ ଏତେ ଡୁଲେଗ୍‌ବୁଏ କାମ୍ ସାପା ଡିଙ୍ଗ୍‍ଆର୍‍ଡିଙ୍ଗ୍‍କେ । 
\v 27 ଙ୍ଗିର୍‍ବଏଇଂ ଡିଗ୍‍ ନିଜର୍ କୁନେଃଡ଼େ ଏତେ ମାଡୁଲେଗ୍‌ଚେ ମେଇଂମେଇଂ ବିତ୍‍ରେ ଦଦ୍ୟା‌ କାମ୍‌ଅରିଆ ଲଃ ଡିଂଆର୍‌କେ, ଙ୍ଗିରେଇଂ ମେଇଂମେଇଂ ଏତେ ଦଦ୍ୟା‌ କାମ୍ ଡିଙ୍ଗ୍‍ଆର୍‍ଡିଙ୍ଗ୍‍କେ ବାରି ଇଡ଼ିଙ୍ଗ୍ ଦଦ୍ୟା‍ କାମ୍ ନ୍‌ସା ଡଣ୍ଡ୍‍ ବାଆର୍‍ଡିଙ୍ଗ୍‍କେ ।
\p
\v 28 ଆକେନ୍‍ ରେମୁଆଁଇଂ ଇସ୍‍ପର୍‍ନେ ବିସୟ୍‍ରେ ଟିକ୍‍ ଦାର୍‌ନାରେ ବ୍ରୁଆନ୍‍ସା ଇକ୍‌ଚା ଆଡିଙ୍ଗ୍‍ଲା ଇସ୍‍ପର୍‍ ଆମେଇଂକେ ଆନ୍ତାର୍‍ ବିବକେ ବାରି ମେଇଂ ମ୍ୱାର୍‍ମନ୍‍ ଡିଙ୍ଗ୍‍ଚେ ରେମୁଆଁ ରକମ୍‍ ବେବଆର୍‍ ଆଡିଙ୍ଗ୍‍ଆର୍‍କେ ଣ୍ଡୁ । 
\v 29 ମେଇଂ ଦୁସ୍ଟ, ଦଦ୍ୟା, ଲବ୍‍ରା ବାରି ସରାଃ ଲେଃଆର୍‍କେ । ମେଇଂ ଗିସେ ଡିଂଆର୍‍କେ, ରେମୁଆଁ ବାଗୁଏରେ, ୱିଙ୍ଗ୍‍ଆଃରିଂଆଃକେ ବଲ୍‍ ବାଣ୍ଡ୍ରେ, ମିଚୁଆ ବାରି ଦଦ୍ୟା‍ରେ ଲେଃଆର୍‍କେ । 
\v 30 ମେଇଂ ଇସ୍‍ପର୍‍ ଡାଗ୍‍ରା ଗୁର୍‍ନା; ରିସା ଆଂକାର୍‍ ବାରି ବଡ଼୍‌ପନ୍; ଦଦ୍ୟା‍ କାମ୍ ଡିଙ୍ଗ୍‍ନେ ବିନ୍‍ବିନ୍‍ ରକମ୍‍ନେ ଉପାୟ୍‍ ମେଇଂ ଡିଂମ୍ୟାଃଆର୍‍କେ; ମେଇଂ ଆବା ଇୟାଙ୍ଗ୍‍ନେ ସାମୁଆଁ ଦ୍ରିଗ୍‍ ଆମ୍ୟାଃଆର୍‍କେ ଣ୍ଡୁ । 
\v 31 ବୁଦି ମାଲେଣ୍ଡ୍ରେ ନିଜେନେ ମାନତ୍‍ ଡିଙ୍ଗ୍‍ବକ୍ନେ ରକ୍ୟା ଆଡିଙ୍ଗ୍‍ଆର୍‍ ଣ୍ଡୁ । ବିନ୍‍ରେ ରକମ୍‍ ମେଇଂନେ ଲେଃଲା ଡିଗ୍‍ ଲିବିସଃ ଣ୍ଡୁ । 
\v 32 ମେଇଂ ମ୍ୟା ଲେଃଆର୍‍କେ ଜେ ଇସ୍‍ପର୍‍ନେ ନିୟମ୍‌ ଇସାବ୍‍ରେ ଦେକ୍‍ରକମ୍‍ ରେମୁଆଁଇଂ ଗୁଏନେ ଡଣ୍ଡ୍‍ ବାନ୍‍ସା ଦର୍‍କାର୍‍ ଆକେନ୍‍ ମ୍ୟାଚେ ଡିଗ୍‍ ମେଇଂ ଦେତ୍‍ରକମ୍‍ ଦଦ୍ୟା‍ କାମ୍ ଡିଙ୍ଗ୍‍ମ୍ୟାଆର୍‍କେ ବାରି ଆତେନ୍‌‍ ଡିଙ୍ଗ୍‍ମ୍ୟାକ୍ନେ ରେମୁଆଁଇଂକେ ଆମ୍ଲେଡ଼୍ୟା ମ୍ୟାଆର୍‍କେ ।
\c 2
\s ଇସ୍‍ପର୍‍ନେ ନିଆୟ୍ ବିଚାର୍‍
\p
\v 1 \x + \xo ୨:୧ \xo*\xt ମାତିଉ ୭:୧; ଲୁକ୍‌ ୬:୩୭.\xt*\x*ଅ ବୟାଁ ତନାଇଂ ପେ ମେଃନେ ବିନ୍‍ରେନେ ବିଚାର୍‍ ଡିଙ୍ଗ୍‍ପେଡିଙ୍ଗ୍‍ ? ପେ ମୁଡ଼ି ରେମୁଆଁ ଡିଙ୍ଗ୍‍ଲେଲା ଡିଗ୍‍ ଆକେନ୍‍ ଡିଙ୍ଗ୍‍ନେ ପେ ଇସାବ୍‍ରେ ବଲ୍‍ ଣ୍ଡୁ । ବିନ୍‍ରେନେ ଦସ୍ ସାଚେ ପେ ଜଦି ଆତେନ୍‌‍ ନିଜେ ଡିଙ୍ଗ୍‍ପେଡିଙ୍ଗ୍‍ ଆତ୍‍ବା ପେ ନିଜେକେ ଦସି ଆଡିଙ୍ଗ୍‍ପେଡିଙ୍ଗ୍‍ । 
\v 2 ନେ ମ୍ୟାଃନେଲେଃକେ, ଇସ୍‍ପର୍‍ ଦେକ୍‍ରକମ୍‍ କାମ୍‍ ଡିଂମ୍ୟାକ୍ନେ ରେମୁଆଁଇଂନେ ଟିକ୍‍ ବିଚାର୍‍ ଡିଙ୍ଗ୍‍ଏ । 
\v 3 ଅ ବୟାଁ ତନା ଆଣ୍ଡିନେ ଦଦ୍ୟା‍ କାମ୍ ନ୍‌ସା ପେ ବିନ୍‍ରେକେ ଦସି ଆଡିଙ୍ଗ୍‍ପେଡିଙ୍ଗ୍‍ ଆତେନ୍‌‍ ଜଦି ପେ ନିଜେ ଡିଙ୍ଗ୍‍ପେଡିଙ୍ଗ୍‍ ତେଲା ପେ ଇସ୍‍ପର୍‍ନେ ବିଚାର୍‍ ଅରିଆ ତୁଆଁ ପେୟା ଣ୍ଡୁ ଡାଗ୍‍ଚେ ମେଃନେ ବାବେପେଡିଙ୍ଗ୍‍ ? 
\v 4 ଡିଙ୍ଗ୍‍ଏ ତ ପେ ଇସ୍‍ପର୍‍ନେ ଗୁଲେ ଲିବିସଃ ବର୍‌କସ୍‍ ସାମ୍ବାଲେନେକେ ଅମାନି ଡିଙ୍ଗ୍‍ପେଡିଙ୍ଗ୍‍ । ପେ ସତେଆ ମ୍ୟାଃ ପେଲେଃକେ ଜେ ପେ ମନ୍‍ଅରିଆ ନେଗାନ୍‍ସା ଇସ୍‍ପର୍‍ ଅଃକେନ୍ ଲିବିସଃ ଡିଙ୍ଗ୍‍ବକେ । 
\v 5 ମାତର୍‍ ପେନେ ଜିବନ୍‍ ଡାଆଁ ବାରି ଡାଟ୍‍ ରେମୁଆଁ । ତେସା ଜୁଗ୍‍ ଡାନେ ଦିନା ବିଚାର୍‍ ଡିଙ୍ଗ୍‍ନେ ବେଲା ପେ ଇସ୍‍ପର୍‍ନେ ରିସା ଡିଂନେବାନ୍‍ ଜବର୍‍ କସ୍ଟନେ ଡଣ୍ଡ୍‍ ପେବାଏ । 
\v 6 ଡାଗ୍‍ଲା ଇସ୍‍ପର୍‍ ସାପାରେକେ ମେଃନେ ସ୍ଲେ ଇସାବ୍‍ରେ ପୁରୁସ୍‍କାର୍‍ ବିଏ । 
\v 7 ଉଡ଼ିରୁଆ ମ‍ଇମା ସନ୍‍ମାନ୍‍ ବାରି ଅଃନାଡିଗ୍ ମାଗୁଏନେ ଜିବନ୍‍ ବାନେ ଆସାରେ ବର୍‍କସ୍‍ ଏତେ ସତ୍‍କାମ୍‍ ଡିଙ୍ଗ୍‍ଚେ ୱେଡିଂଆର୍‌କେ ଆମେଇଂକେ ଇସ୍‍ପର୍‍ ଅଃନା ମାଡାନେ ଜିବନ୍‍ ବିଏ । 
\v 8 ବିନ୍‍ରେ ନିଜେ ଆତ୍ଲା ବାବେ ମ୍ୟାଆର୍‍କେ ସତ୍‍ ଗାଲିକେ ଆନ୍ତାର୍‍ଚେ ଦଦ୍ୟା‍ ଗାଲି ୱେମ୍ୟାଆର୍‌କେ । ମେଇଂ ଆଡ଼ାତ୍ରା ଇସ୍‍ପର୍‍ନେ ରିସା ବଏଙ୍କାର୍‍ ଡିଙ୍ଗ୍‍ଏ । 
\v 9 ପର୍‌ତୁମ୍ ଜିଉଦି ଆରି ଗ୍ରୀକ୍ ସାପାରେ ଦଦ୍ୟା‌ କାମ୍ ଡିଂନେ ରେମୁଆଁନେ ପାରାନ୍‌ ଆଡ଼ାତ୍ରା ଦୁକ୍ ଆରି କସ୍ଟ ଗଟେଏ । 
\v 10 ମାତର୍‍ ଜାଣ୍ଡେଇଂ ସତ୍‍କାମ୍‍ ଡିଙ୍ଗ୍‍ଲେଃଆର୍‍ଏ ମେଇଂ ଜିଉଦି ଡିଙ୍ଗ୍‍ଲେ ଅଣଜିଉଦି‍ଇଂ ଡିଙ୍ଗ୍‍ଲେ ଆମେଇଂକେ ଇସ୍‍ପର୍‍ ସନ୍‍ମାନ୍‍ ମ‍ଇମା ବାରି ସାନ୍‍ତି ବିଏ । 
\v 11 ଡାଗ୍‍ଲା ଇସ୍‍ପର୍‍ ମୁଇଂ କିଜିଗୁଣ୍ଡୁନ୍ନିଆ ସମାନ୍ ବାବ୍‍ରେ ସାପାରେନେ ବିଚାର୍‍ ଡିଙ୍ଗ୍‍ଏ ।
\p
\v 12 ଅଣଜିଉଦିଇଂ ମୋଶା ଗୁଆର୍‍ ବକ୍ନେ ନିୟମ୍‌ ବା ଆଲେ ଆର୍‍ଗେ । ନିୟମ୍‌ ମାବାଚେ ପାପ୍‍ ଡିଙ୍ଗ୍‍ଆର୍‍କେ । ମେଇଂ ନିୟମ୍‌ ମାଲେଃକୁଟା ନସ୍ଟ ଡିଙ୍ଗ୍‍ ଆର୍‍ଏ । ବିନ୍‍ ପାକା ଜିଉଦିଇଂ ନିୟମ୍‌ ମ୍ୟାଃଲେଆର୍‍ଗେ ଏଲେଡିଗ୍‍ ମେଇଂ ପାପ୍‍ ଡିଙ୍ଗ୍‍ ଆର୍‍କେ ଆତେନ୍‌‍ ନିୟମ୍‌ ଇସାବ୍‍ରେ ମେଇଂ ଡଣ୍ଡ୍‍ ବାଆର୍‍ଏ । 
\v 13 ମାତର୍‍ କେବଲ୍‍ ନିୟମ୍‌ ଦ୍ରିଗ୍‍ନେ ବାନ୍‍ ରେମୁଆଁ ଇସ୍‍ପର୍‍ନେ ସାମ୍‍ନାରେ ଦାର୍‍ମିକ୍‍ ଆସୁଏ ଆୟାଆର୍‍ ଣ୍ଡୁ ମାତର୍‍ ନିୟମ୍‌ ପାଲେନେ ବାନ୍‍ ଦାର୍‍ମିକ୍‍ ଆସୁଏ ଆର୍‍ଏ । 
\v 14 ଅଣଜିଉଦିଇଂନେ ନିୟମ୍‌ ଣ୍ଡୁ ମାତର୍‍ ଜଦି ମେଇଂନେ ନିଜର୍‍ ଇକ୍‌ଚାରେ ନିୟମ୍‌ନେ ନିତି ନିୟମ୍‍ ପାଲେ ମ୍ୟାଃ ଆର୍‍କେ ଆତେନ୍‌‌ନ୍ନିଆ ମେଇଂନେ ନିୟମ୍‌ ରକମ୍‍ । 
\v 15 ମେଇଂନେ କାମ୍‍ଦାମ୍‍କେ କେଚେ ସତ୍ ଜାନାପଡ଼େଡିଂକେ ଜେ ନିୟମ୍‌ନେ ନିୟମ୍‍ ସାପା ମେଇଂନେ ଉର୍ଦେନ୍ନିଆ ଗୁଆର୍‍ଚେ ବଆର୍‍କେ । ଆକେନ୍ ସାମୁଆନେ ସତ୍ ମେଇଂନେ ବୁଦିବାନ୍‍ ଡିଗ୍‍ ପାରାମାନ୍‍ ଡିଙ୍ଗ୍‍ବ ଆର୍‍କେ ସତ୍‍ ଚିନ୍ତା ଡିଙ୍ଗ୍‍ନେ ବେଲା ବୁଦି ଆମେଇଂକେ ସାଇଜ୍ୟ ଡିଙ୍ଗ୍‍ମ୍ୟାଃକେ ଅସତ୍‍ ଚିନ୍ତା କେଲା ଦସ୍‍ ସା ମ୍ୟାଃକେ । 
\v 16 ମୁଡ଼ି ଦିନା ଇସ୍‍ପର୍‍ ଜିସୁ କିସ୍‌ଟବାନ୍‍ ରେମୁଆଁନେ ବୁଡ଼ିଲେଃକ୍ନେ ବିସୟ୍‍ ଆଣ୍ଡେଙ୍ଗ୍‍ ବିଚାର୍‍ ଡିଙ୍ଗ୍‍ଏ ଆତେନ୍‌‍ ଦିନା ନେଙ୍ଗ୍‍ ବାସଙ୍ଗ୍‍ ଅଲେଙ୍ଗ୍‍ ଣ୍ଡିଙ୍ଗ୍‍କ୍ନେ ବ୍ନାଲିର୍‍ ଇସାବ୍‍ରେ ଆକେନ୍‍ ସାପା ଗଟେଏ ।
\s ଜିଉଦି ଆରି ନିଅମ୍
\p
\v 17 ପେ ନିଜେକେ ଜିଉଦି ଡାଗ୍‍ଚେ ବାସଙ୍ଗ୍‍ ପେଡିଙ୍ଗ୍‍ ନିୟମ୍‌ ଆଡ଼ାତ୍ରା ଆସା ବଚେ ବାରି ଇସ୍‍ପର୍‍ ଏତେ ନିଜେନେ ସମ୍ପର୍କରେ ଡୁଂୱେଚେ ଗର୍‍ବ ଡିଙ୍ଗ୍‍ପେଡିଙ୍ଗ୍‍; 
\v 18 ପେ ଆତ୍‍ଲା ଇସ୍‍ପର୍‍ନେ ମେଃନେ ଇକ୍‌ଚା ଆତେନ୍‌‍ ମ୍ୟାଃପେଲେଃକେ ବାରି ନିୟମ୍‌ବାନ୍‍ ସତ୍‍ ବାରି ସତ୍‍ ଣ୍ଡୁନେ ଗିଆନ୍‍ ବାପେଲେଃକେ: 
\v 19 ସତ୍‍ରେ ପେ ମ୍ୟାଃପେଲେଃକେ, ଜେ ପେ କାନାରେକେ ଗାଲି ଆସୁଏଣ୍ଡ୍ରେ ତାଙ୍ଗ୍‍କିଗ୍‍ନ୍ନିଆ ଲେଃଡିଙ୍ଗ୍‍କ୍ନେ ରେମୁଆଁଇଂ ଆତ୍‍ଲା ତାର୍‍କିଗ୍‍ ରକମ୍‍ । 
\v 20 ମୁର୍‍କ ରେମୁଆଁଇଂକେ ବଲ୍‍ ସାମୁଆଁ ବାସଙ୍ଗ୍‍ମ୍ୟାଃକ୍ନେ ଗିଆନ୍‍ ଣ୍ଡୁନେ ରେମୁଆଁଇଂକେ ଆଃସିକେନେ ଗୁରୁ ଡିଙ୍ଗ୍‍ପେଲେଃକେ । ପେନେ ବିସ୍‍ବାସ୍ ଜେ ନିୟମ୍‌ବାନ୍‍ ପେ ପୁରାପୁରି ସତ୍‍ ବାରି ଗିଆନ୍‍ ବା ପେଲେଃକେ । 
\v 21 ପେ ବିନ୍‍ରେକେ ବୁଦି ବିପେଡିଙ୍ଗ୍‍ ମାତର୍‍ ନିଜେ ମେଁସା ବୁଦି ବା ପେଡିଙ୍ଗ୍‍କେ ? “ଆଡଙ୍ଗାଗେ” ଡାଗ୍‍ଚେ ବୁଦି ବିଚେ ନିଜେ ଡଙ୍ଗା ପେଡିଙ୍ଗ୍‌କେ କି ? 
\v 22 “ଅଡ଼ାରେଗ୍‌‌ ଆଡିଙ୍ଗ୍‍ଗେପା” ଡାଗ୍‍ଚେ ବାସଙ୍ଗ୍‍ଚେ ନିଜେ ଅଡ଼ାରେଗ୍‌‌ ଡିଙ୍ଗ୍‍ପେଡିଙ୍ଗ୍‍କେ କି ? ପେ ମୁର୍‍ତି ପୁଜାକେ ଗୁର୍‍ନା ଡିଙ୍ଗ୍‍ଚେ ମନ୍ଦିର୍‍ ବିତ୍‍ରେ ଲେଃକ୍ନେ ଜିନିସ୍‍କେ ଡଙ୍ଗା ପେଡିଙ୍ଗ୍‍କେ କି ? 
\v 23 ପେ ଇସ୍‍ପର୍‍ନେ ନିୟମ୍‌ ବାପେଲେଃକେ ଡାଗ୍‍ଚେ ଗରବ୍ ଡିଙ୍ଗ୍‌ପେଡିଙ୍ଗ୍‍ ମାତର୍‍ ଆମେକେ ଅମାନ୍ୟ ଡିଙ୍ଗ୍‍ଚେ ଇସ୍‍ପର୍‍କେ ନିନ୍ଦା ଆଡିଙ୍ଗ୍‍ପେଡିଙ୍ଗ୍‍କେ କି ? 
\v 24 ସାସ୍ତର୍‌ନ୍ନିଆ ଗୁଆର୍‍ବକେ “ପେନ୍‍ସା ଅଣଜିଉଦି ରେମୁଆଁଇଂ ବିତ୍‍ରେ ଇସ୍‍ପର୍‍ ନିନ୍ଦା ବାଡିଙ୍ଗ୍‍କେ ।”
\p
\v 25 ଜଦି ନିୟମ୍‌ ପାଲେ ପେଡିଂକେ, ପେନେ ପବିତ୍ର ନିୟମ୍‍ନେ ମୁଲ୍ୟ ଲେଃକେ । ମାତର୍‍ ଜଦି ନିୟମ୍‌ ପେମାନେଃ ଣ୍ଡୁ, ପେ ପବିତ୍ର ଡିଙ୍ଗ୍‍ଆଲେକ୍ନେ ରେମୁଆଁଇଂ ଏତେ ସମାନ୍‌ । 
\v 26 ଜଦି ପବିତ୍ର ଡିଙ୍ଗ୍‍ଆଲେକ୍ନେ ମୁଇଂ ଅଣଜିଉଦି ନିୟମ୍‌ନେ ନିୟମ୍‌ ସାପା ପାଲନ୍‍ ଡିଙ୍ଗ୍‍ଲେଃଏ ଇସ୍‍ପର୍‍ ଆମେକେ ପବିତ୍ର ଡାଗ୍‍ଚେ ଗ୍ର‍ଅନ୍‌ ଆଡିଙ୍ଗ୍‍ କି ? 
\v 27 ତେସା ଗାଗ୍‍ଡ଼େନ୍ନିଆ ପବିତ୍ର ଡିଙ୍ଗ୍‍ ଆଲେକ୍ନେ ମୁଡ଼ି ଅଣଜିଉଦି ରେମୁଆଁଇଂ ନିୟମ୍‌ ପାଲନ୍ ଡିଙ୍ଗ୍‍ମ୍ୟାଃକେ ମେଇଂ ପେନି ବିଚାର୍‍ ଡିଙ୍ଗ୍‍ଆର୍‍ଏ ଡାଗ୍‍ଲା ପେ ଗାଗ୍‍ଡ଼େନ୍ନିଆ ପବିତ୍ର ଡିଙ୍ଗ୍‍ଚେ ନିୟମ୍‌ ବାଲେଃଲା ଡିଗ୍‍ ଆତେନ୍‌‍ ଅମାନ୍ୟ ଡିଙ୍ଗ୍‍ପେଡିଙ୍ଗ୍‍ । 
\v 28 ମାତର୍ ଗାଗ୍‍ଡ଼େ ଆଡ଼ାତ୍ରା ପବିତ୍ର‍ ଡିଙ୍ଗ୍‍ଚେ ଜିଉଦି ଡାଗ୍‍ଚେ ଆଃସ୍ନାମୁଆଃମ୍ୟାକ୍ନେ ରେମୁଆଁ ସତ୍‍ରେ ମେଁ ଜିଉଦି ଣ୍ଡୁ । 
\v 29 ଜା ମନ୍‌ ବିତ୍‍ରେ ଜିଉଦି ମେଁ ଡିଙ୍ଗ୍‍ଡିଙ୍ଗ୍‍କେ ସତ୍‌ରେ ଜିଉଦି । ବାରି ଗୁଆର୍‍ଚେ ଣ୍ଡୁ ମାତର୍‍ ସତ୍ ବାବ୍‍ରେ ଗର୍‍ବେ ବିତ୍‍ରେ ଜାଣ୍ଡେ ପବିତ୍ର ଆତେନ୍‌‍ ସତ୍‍ରେ ପବିତ୍ର । ଦେକ୍‍ରକମ୍‍ ରେମୁଆଁ ରେମୁଆଁଇଂନେ ଡାଗ୍ରାବାନ୍ ପ୍ରସଂସା ଆବା ଆର୍‍ ଣ୍ଡୁ ମାତର୍‍ ଇସ୍‍ପର୍‍ନେବାନ୍‍ ବାଏ ।
\c 3
\p
\v 1 ତେଲା ଅଣଜିଉଦି ରେମୁଆଁଇଂନେ ବାନ୍‍ ଜିଉଦି ରେମୁଆଁଇଂନେ ଅଦିକ୍‍ ସୁବିଦା ମେଃନେ ? ପବିତ୍ର ନିୟମ୍‌ନେ ବା ଉପକାର୍‍ ମେଃନେ ? 
\v 2 ଗୁଲେ ଏତେ ଲେଃକେ । ପର୍‍ତୁମ୍‍ ଇସ୍‍ପର୍‍ ମେଃନେ ବ୍ନାଲିର୍‍ନେ ଦାଇତ୍‍ ଜିଉଦି ରେମୁଆଁଇଂନେ ଆଡ଼ାତ୍ରା ବିବକେ । 
\v 3 ଏଲେଡିଗ୍ ଉଡ଼ିରୁଆ ଅବିସ୍‌ବାସ୍ ଡିଙ୍ଗ୍‍ଆର୍‍କେ । ମାତର୍‍ ଆତେନ୍‌‍ ଡାଗ୍‍ଚେ ମେଃନେ ଇସ୍‍ପର୍‍ନେ ବିସ୍‍ବାସ୍ ସରା ଡିଙ୍ଗ୍‍ଏ ? 
\v 4 ଅଃନାଡିଗ୍ ଣ୍ଡୁ । ରେମୁଆଁଇଂ ସାପାରେ ମିଚ୍‍ ବାସଙ୍ଗ୍‍ଲା ଡିଗ୍‍ ଇସ୍‍ପର୍‍ ସତ୍ । ସାସ୍ତର୍‌ନ୍ନିଆ ଗୁଆର୍‍ବକେ:
\q1 “ନା ବ୍ନାଲିର୍‍ନ୍ନିଆ ଦାର୍‍ମିକ୍‍ ଡାଗ୍‍ଚେ ମ୍ୟାଃଆର୍‍ଏ
\q2 ବାରି ବିଚାର୍‍ ଡିଙ୍ଗ୍‍ନେ ବେଲା ପେଜିତେଏ ।”
\p
\v 5 ଆକ୍‍ଅରିଆ ମୁଇଂ ପ୍ରସ୍‍ନ ଡିଙ୍ଗ୍‍ଏ ଜେ “ଜଦି ନେ ଅଦାର୍‌ମିକ୍ ଇସ୍‍ପର୍‍ ଦାର୍‍ମିକ୍‍ ପାର୍‍ମାନ୍‍ ଡିଙ୍ଗ୍‍ଏ ତେଲା ଇସ୍‍ପର୍‍ ଆନେକେ ଡଣ୍ଡ୍‍ ବିଚେ ଅନ୍ୟାୟ୍ ଡିଙ୍ଗ୍‍ଆର୍‍ଡିଙ୍ଗ୍‍କେ ଡାଗ୍‍ଚେ ବାସଙ୍ଗ୍‍ ଡିଙ୍ଗ୍‍ କି ? 
\v 6 ଅଃନା ଣ୍ଡୁ । ଇସ୍‍ପର୍‍ ଜଦି ନ୍ୟାୟ୍‌ବାନ୍‍ ଣ୍ଡୁ ମେଁ ଡିରକମ୍‍ ମଞ୍ଚ୍‌ପୁର୍‌ନେ ନ୍ୟାୟ୍‍ ବିଚାର୍‍ ଡିଙ୍ଗ୍‍ଏ ?”
\p
\v 7 ମାତର୍‍ ଜଦି ନେଙ୍ଗ୍‍ନେ ମିଚ୍‍ ବାନ୍‍ ଇସ୍‍ପର୍‍ନେ ସତ୍‍ ଜାବର୍‌ ନିମାଣ୍ଡା ବାବ୍‍ରେ ତ୍ନାଏ ଡିଙ୍ଗ୍‍କେ ବାରି ମେଁ ଗୌରବ୍‍ ବା ଡିଙ୍ଗ୍‍କେ ତେଲା ନେଙ୍ଗ୍‍ ପାପି ଡାଗ୍‍ଚେ ମେଁସା ଡଣ୍ଡ୍‍ ମ୍ୱାଏ ? 
\v 8 ନେ ମେଃନ୍‌ସା ନେବାସଙ୍ଗ୍‍ଏ, “ଏଲାପା ଦଦ୍ୟା‍ କାମ୍ ନେଡିଙ୍ଗ୍‍ପା, ଆତ୍‍ବା ନିମାଣ୍ଡା ଚୁଚୁ ମିଲେଏ ?” ନେଙ୍ଗ୍‍ ଟିକ୍‍ ଦେକ୍‍ରକମ୍‍ ସାମୁଆଁ ବାସଙ୍ଗ୍‍ଣ୍ଡିଂକେ ଡାଗ୍‍ଚେ ବାଲିର୍‍ଚେ ଉଡ଼ିରୁଆ ଆନେଙ୍ଗ୍‍ ନିନ୍ଦା ଆଡିଙ୍ଗ୍‍ଆର୍‍ଡିଙ୍ଗ୍‍କେ । ମେଇଂ ଆତେନ୍‌‍ସା ଆଣ୍ଡିନେ ଡଣ୍ଡ୍‍ ବାନେ ଦର୍‍କାର୍‍ ଡିଲାଡିଗ୍ ବାଆର୍‍ଏ ।
\s ଜାଡିଗ୍‍ ଦରମ୍‌ଣ୍ଡ୍ରେ ଣ୍ଡୁ
\p
\v 9 ତେଲା ମେଁନେ ଜିଉଦିଇଂନେ ଅବସ୍ତା ଅଣଜିଉଦି ରେମୁଆଁଇଂନେ ବାନ୍‍ ଜାବର୍‌ ବଲ୍‍ କି ? ବିଲ୍‍କୁଲ୍‍ ଣ୍ଡୁ । ନେଙ୍ଗ୍‍ ସିସେବାନ୍‍ ବାଲିର୍‍ଚେ ପାଙ୍ଗ୍‌ଣ୍ଡିଂକେ ଜେ ମେଇଙ୍ଗ୍ ମ୍ୱାର୍‌ ଦଲ୍‍ଜାକ ଜିଉଦି ବାରି ଅଣଜିଉଦି ପାପ୍‍ରେ ଲେଃଆର୍‍କେ । 
\v 10 ସାସ୍ତର୍‌ନ୍ନିଆ ଗୁଆର୍‍ ବକେ:
\q1 “ଦାର୍‍ମିକ୍‍ ଜାଡିଗ୍‍ ଣ୍ଡୁ ମୁଇଂଜା ଡିଗ୍‍ ଣ୍ଡୁ
\q2
\v 11 ମୁଇଂଜା ଡିଗ୍‍ ଜ୍ଞାନି ରେମୁଆଁଇଂ ଣ୍ଡୁ ବାରି
\q2 ଇସ୍‍ପର୍‍କେ ତୁତୁର୍‍ଣ୍ଡ୍ରେ ମୁଇଂଜା ଡିଗ୍‍ ଣ୍ଡୁ ।
\q1
\v 12 ମେଇଂ ସାପାରେ ଇସ୍‍ପର୍‍ବାନ୍‍ ସ୍ଲ ୱେଲେଃଆର୍‌କେ:
\q2 ସାପାରେ ନସ୍ଟ ଡିଂୱେଲେଆର୍‍କେ ।
\q2 ମୁଇଂଜା ଡିଗ୍‍ ସତ୍‍ କାମ୍ ଡିଂଆଡିଂଆର୍‍କେ ।
\q1
\v 13 ମେଇଂନେ ବ୍ନାଲିର୍‍ନ୍ନିଆ ରଃଲେଃକ୍ନେ ରାଃଚ୍ୟା ସୁଗୁଆ
\q2 ମେଇଂ ନିଜେ ନିଜେନେ ତୁମୁଆଃବାନ୍ ନାଲେ ସାମୁଆଁ ଣ୍ଡିଆ ରକମ୍‍ ତାର୍‍ଡିଂକେ
\q2 ମେଇଂନେ ତୁମୁଆଃ ଆଲ ମାଃଲାଃ ବୁବଃନେ ବିସ୍‍ ରକମ୍‍ ।
\q2
\v 14 ମେଇଂନେ ସାର୍ମୁଆଁଃ କୁଟ୍‌ ବାରି ଅବିସାପ୍‍ ବ୍ନାଲିର୍‍ ତ୍ନଲେଃକେ ।
\q1
\v 15 ମେଇଂ ବଗ୍‍ନେ ବାରି ବାଗୁଏଃ ନ୍‍ସା ତରକ୍ ଡିଙ୍ଗ୍‍ଲେଃମ୍ୟାଆର୍‍କେ ।
\q2
\v 16 ମେଇଂ ଆଣ୍ଡିପାକା ୱେଆର୍‍ଏ ଆତ୍‍ଅରିଆ ବିନାସ୍‍ ବାରି କସ୍‍ଟ ପାଙ୍ଗ୍‍ଏ ।
\q1
\v 17 ସାନ୍ତିନେ ଗାଲି ମେଇଂ ଆମ୍ୟାଆର୍‍କେ ଣ୍ଡୁ
\q2
\v 18 କି ଇସ୍‍ପର୍‍କେ ମେଇଂ ଇକୁଡ଼ା ଡିଗ୍‍ ବୁଟ ଆଡିଙ୍ଗ୍‍ ଆର୍‍କେ ଣ୍ଡୁ ।”
\p
\v 19 ନେ ମ୍ୟା ନେଲେଃକେ ଜାଣ୍ଡେଇଂ ନିୟମ୍‍ ବିତ୍‍ରେ ଲେଃଆର୍‍କେ ମେଁନେ ସାପା ନିୟମ୍‌ ମେଇଂ ପାଲନ୍‍ ଡିଙ୍ଗ୍‍ନେ ବାଦ୍ୟ । ଇସ୍‍ପର୍‍ ଉଡ଼ିବେଲା ସାପା ମଞ୍ଚ୍‌ପୁର୍‌ନେ ବିଚାର୍‍ ଡିଙ୍ଗ୍‍ଏ ନିୟମ୍‍ ମାମାନେଚେ ଲେଃଆର୍‌କ୍ନେ ରେମୁଆଁଇଙ୍ଗ୍ ମେଃଡିଗ୍‍ ବାଆନା ଆସୁଏଚେ ନିଜେକେ ଦସ୍‍ ଣ୍ଡୁ ଡାଗ୍‍ଚେ ବାସଙ୍ଗ୍‍ ଆୟାଆର୍‍ ଣ୍ଡୁ । 
\v 20 ମାତର୍‍ ନିୟମ୍‍ରେ କାମ୍‌ଦାମ୍‍କେ ସେବା ଡିଂଚେ ଜାଡିଗ୍‌ ଇସ୍‍ପର୍‍ନେ ସେଃମଁ ଦରମ୍ ଆସୁଏ ଆୟାଆର୍‍ ଣ୍ଡୁ । ନିୟମ୍‍ ବାନ୍‍ ରେମୁଆଁ ପାପ୍‍ବାନ୍‍ ଡଣ୍ଡ୍‌ ବାଏ ।
\s ଦରମ୍ ଆସୁଏନେ ଉପାୟ୍‍
\p
\v 21 ଇସ୍‌ପର୍ ମେଁ ଏତେ ରେମୁଆଁନେ ସମ୍ପର୍‌କ ଆଃସୁଏ ନ୍‍ସା ନିୟମ୍‍ ଆନ୍ତାର୍‍ଚେ ମେଁ ଡିଙ୍ଗ୍‍ବକେ ଆତେନ୍‌‍ ଏବେ ତ୍ନାଲେଃକେ । ଆକେନ୍‍ ବିସୟ୍‌ରେ ଅଃସେବାନ୍‍ ଆଃ ମସାନେ ନିୟମ୍‍ ବାରି ବାବବାଦିଇଂନେ ଦର୍ମସାସ୍ତର୍‌ ସାକି ବିବଆର୍‍କେ । 
\v 22 ମାତର୍‍ ଜିସୁ କିସ୍‌ଟ ଡାଗ୍‍ରା ବିସ୍‌ବାସ୍‌‍ ଡିଙ୍ଗ୍‍ନେବାନ୍‍ ରେମୁଆଁଇଂ ଇସ୍‍ପର୍‍ନେ ସେଃମଁ ଦାର୍‍ମିକ୍‍ ଡିଙ୍ଗ୍‍ନେଲେଃକେ । ଇସ୍‍ପର୍‍ ଆଜାକେ ଡିଗ୍‍ ଡାଆଁ ମ୍ନା ମାବାବେଚେ କିସ୍‍ଟ ଡାଗ୍‍ରା ବିସ୍‌ବାସ୍‌‍ ଡିଙ୍ଗ୍‍ମ୍ୟାକ୍ନେ ସାପାରେକେ ଆକେନ୍‍ ସୁଜଗ୍‍ ବିବକେ । 
\v 23 ସାପାରେ ପାପ୍‍ ଡିଙ୍ଗ୍‍ବ ଆର୍‍କେ ବାରି ଇସ୍‍ପର୍‍ନେ ମ‍ଇମାବାନ୍‍ ବ୍ରୁଆ ଲେଃଆର୍‍କେ । 
\v 24 ମାତର୍‍ ଇସ୍‍ପର୍‍ କିସ୍‍ଟ ଜିସୁନେବାନ୍‍ ବିନା ମୁଲ୍ୟରେ ଅନୁଗ୍ର‍ଅ ଦାନ୍‍ ବିବକେ ଆତେନ୍‌‍ ଜା ବାଲେଃଆର୍‍କେ ଆମେଇଂକେ ମାପ୍‍ରୁ ଜିସୁ ପରିତ୍ରାନ୍‍ ବିଏ ବାରି ମେଇଂ ଇସ୍‍ପର୍‍ ଡାଗ୍‍ରା ଦାର୍ମିକ୍‍ ଡିଙ୍ଗ୍‍ଆର୍‍ଏ । 
\v 25 ଇସ୍‍ପର୍‍ ଜିସୁକେ ଦାନ୍‍ ବିକେ ଡିରକମ୍‍ ମେଁ ଗୁଗୁଏନେ ମେଁ ଡାଗ୍ରା ବିସ୍‌ବାସ୍ ଡିଙ୍ଗ୍‍ମ୍ୟାକ୍ନେ ରେମୁଆଁଇଂନେ ପାପ୍‍ କେମା ବା ୟାଆର୍‍ଏ । ଇସ୍‍ପର୍‍ ନିଜେ ଡିଙ୍ଗ୍‍ବକ୍ନେ ଦାର୍ମିକ୍‍ ସାମୁଆଁ ଆତ୍ନାନ୍‍ସା ଆକେନ୍‍ ଡିଙ୍ଗ୍‍କେ । ଇସ୍‍ପର୍‍ ଲିବିସ ଡିଙ୍ଗ୍‍ଚେ ରେମୁଆଁଇଂ ସିସେ ଡିଙ୍ଗ୍‍ବକ୍ନେ ପାପ୍‍କେ ଆସାକେ ଣ୍ଡୁ । 
\v 26 ମାତର୍‍ ଏବେ ମେଁ ନିଜେନେ ଦାର୍‍ମିକ୍‍ ସାମୁଆଁ ଆତ୍ନାନେସା ପାପ୍‍ କେମା ବାନେ ନିୟମ୍‍ ଆଡିଙ୍ଗ୍‍ବକେ । ଆତେନ୍‌‍ସା ଇସ୍‍ପର୍‍ ବାସଙ୍ଗ୍‍ବିବକେ ଜେ ମେଁ ନିଜେ ଦାର୍‍ମିକ୍‍ ବାରି ଜାଣ୍ଡେଇଂ ଜିସୁ ଡାଗ୍‍ରା ବିସ୍‌ବାସ୍ ଡିଙ୍ଗ୍‍ଆର୍‍ଏ ମେଁ ସାପାରେକେ ଦାର୍‍ମିକ୍‍ଣ୍ଡ୍ରେ ଡାଗ୍‍ଚେ ଗ୍ର‍ଅନ୍‌ ଡିଙ୍ଗ୍‍ଏ ।
\p
\v 27 ତେଲା ଆଣ୍ଡିନ୍‍ ବିସୟ୍‌ରେ ନେ ଗର୍‍ବ ନେଡିଙ୍ଗ୍‍ଏ ? ଣ୍ଡୁ ଦେତ୍‍ରକମ୍‍ ବିସୟ୍‍ ମେଃଡିଗ୍‍ ଣ୍ଡୁ । ଗର୍‍ବ ଆସୁଏନ୍‍ସା ନେନେ ମେଃ ଡିଗ୍‍ କାରନ୍‌ ଲେଃଏ ? ମେଁନେ ନିୟମ୍‌ ପୁରାପୁରି ବାବ୍‍ରେ ପାଲେ ପେଡିଙ୍ଗ୍‍କେ ଡାଗ୍‌ଚେ ? ଲେଃ, ମୁଇଂ ବିସ୍‌ବାସ୍‍ ଆଃ ନେଃ ଗର୍‍ବ ଡିଙ୍ଗ୍‍ନେ କାରନ୍‌ । 
\v 28 ନେ ସତ୍‍ରେ ବୁଜେ ୟାନେଡିଙ୍ଗ୍‍କେ ଜେ, ମୁଇଜା ମୁଇଂ ମେଁନେ ବିସ୍‌ବାସ୍‌‍ରେ ଇସ୍‍ପର୍‍ ସାମ୍‍ନା ଦାର୍‍ମିକ୍‍ ଡାଗ୍‍ଚେ ଆସୁଏ ୟାଏ, ମାତର୍‍ ନିୟମ୍‍ ପାଲେନେ ବାନ୍‍ ଣ୍ଡୁ । 
\v 29 ଇସ୍‍ପର୍‍ ମେଃନେ ଜିଉଦିଇଂନେ ଆଃ ଇସ୍‍ପର୍‍ ? ମେଁ ମେଃନେ ଅଣଜିଉଦି ରେମୁଆଁଇଂନେ ଡିଗ୍‍ ଇସ୍‍ପର୍‍ ଣ୍ଡୁ କି ? ମେଁ ସର୍‍ତେରେନେ ଇସ୍‍ପର୍‍ । 
\v 30 ଇସ୍‍ପର୍‍ ମୁଇଂ । ଜିଉଦି ବାରି ଅଣଜିଉଦି ରେମୁଆଁଇଂନେ ବିସ୍‌ବାସ୍ ଲେଃଗେସା ମେଁ ଆମେଇଂକେ ଦାର୍‍ମିକ୍‍ ଡାଗ୍‍ଚେ ଗ୍ର‍ଅନ୍‌‍ ଡିଙ୍ଗ୍‍ଏ । 
\v 31 ଆକ୍ମେନେ ଅର୍‍ତ ମେଃଏରେ, ନେ ବିସ୍‌ବାସ୍‌ ଏତେ ନିୟମ୍‍କେ ଦଂସ ଆଡିଙ୍ଗ୍‍ନେସା ୱେନେଡିଙ୍ଗ୍‍କେ ? ଅଃନା ଣ୍ଡୁ । ବିସ୍‌ବାସ୍‍ରେ ନେ ନିୟମ୍‍ନେ ବୁନ୍ଦ୍‍କେ ଡାଟ୍‍ ଆଡିଙ୍ଗ୍‍ନେଡିଙ୍ଗ୍‍କେ ।
\c 4
\s ଅବ୍ରହାମ୍‍ନେ ଗୁନ୍‌ଗିଆନ୍
\p
\v 1 ଦେତ୍‍ରକମ୍‍ ଗାଗ୍‌ଡ଼େ ଇସାବ୍‍ରେ ନେନେ ନ୍ତା ଞ୍ଜାଃ ଅବ୍ରାହାମ୍ ମେଃନେ ବାଲେଃକେ ଡାଗ୍‍ଚେ ନେ ନେବାସଙ୍ଗ୍‍ଏ ? 
\v 2 ଡାଗ୍ଲା ଅବ୍ରାହାମ୍ ଜଦି ମେଁନେ ନିଜେନେ କାମ୍‍ ଡିଙ୍ଗ୍‍କ୍ନେ ବାନ୍‍ ମେଁ ଇସ୍‍ପର୍‍ ସାମ୍‍ନା ଦାର୍‍ମିକ୍‍ ଡାଗ୍‍ଚେ ପାରାସୁଏ ତେଲା ଗର୍‍ବ ଡିଙ୍ଗ୍‍ନେସା ମେଃନେ କାରନ୍‌ ଲେଃଗେ । ମାତର୍‍ ଇସ୍‍ପର୍‍ନେ ସାମ୍‍ନେ ଆତେନ୍‌‍ ଡିଙ୍ଗ୍‍ ଆଲେଗେ । 
\v 3 \x + \xo ୪:୩ \xo*\xt ଗାଲାତିୟ ୩:୬.\xt*\x*ସାସ୍ତର୍‌ ଇସାବ୍‍ରେ “ଅବ୍ରାହାମ୍ ଇସ୍‍ପର୍‍ ଡାଗ୍‍ରା ବିସ୍‌ବାସ୍‌ ଡିଙ୍ଗ୍‍କେ ବାରି ଆକେନ୍‍ ବିସ୍‌ବାସ୍‍ ବାନ୍‍ ଇସ୍‍ପର୍‍ ଆମେକେ ଦାର୍‍ମିକ୍‍ ଡାଗ୍‍ଚେ ଗ୍ର‍ଅନ୍‌‍ ଡିଂକେ ।” 
\v 4 ଜା ସ୍ଲେଏ ମେଁ ଡିଲାଡିଗ୍ ଆଜ୍‍ରି ବାଏ । ମେଁ ଜାବାନ୍‍ ବା ସରା ଦାନ୍‌ ରକମ୍‍ ଆବା ଣ୍ଡୁ । 
\v 5 ମାତର୍ ଜା ନିଜର୍ ଆଡ଼ାତ୍ରା ବିସ୍‌ବାସ୍‌‍ ମାବଚେ ଇସ୍‍ପର୍‍ ଡାଗ୍‍ରା ବିସ୍‌ବାସ୍ ବଏ ମେଁନେ ବିସ୍‌ବାସ୍ ନ୍‌ସା ଅପରାଦିକେ ଦସ୍‍ ଡିଙ୍ଗ୍‍ବକ୍ନେବାନ୍‍ ଆନ୍ତାର୍‍ଡିଙ୍ଗ୍‍କ୍ନେ ଇସ୍‍ପର୍‍ ଆମେକେ ଦାର୍‍ମିକ୍‍ ଡାଗ୍‍ଚେ ଗ୍ର‍ଅନ୍‌‍ ଡିଙ୍ଗ୍‍ଏ । 
\v 6 ମୁଡ଼ି ରେମୁଆଁନେ ସ୍ଲେଗ୍ନାର୍‍ ଆଡ଼ାତ୍ରା ମାକେଚେ ଇସ୍‍ପର୍‍ ଆମେକେ ଦାର୍‍ମିକ୍‍ ଡାଗ୍‍ଚେ ଗ୍ର‍ଅନ୍‌‍ ଡିଙ୍ଗ୍‍ଏ ଆମେକେ ପ୍ରସଂଶା ଡିଙ୍ଗ୍‍ଚେ ଦାଉଦ୍‍ ବାସଙ୍ଗ୍‍ବକେ:
\q1
\v 7 “ଜାନେ ଦସ୍‍ କେମା ଡିଙ୍ଗ୍‍ବକେ, ମେଁ ଉଡ଼ି ବାଗ୍ୟବାନ୍‍ ରେମୁଆଁ;
\q2 ଜା ପାପ୍‍ କେମା ବାଲେଃକେ, ମେଁ ଉଡ଼ି ବାଗ୍ୟବାନ୍‍ ରେମୁଆଁ ।
\q1
\v 8 ମାପ୍‍ରୁ ଜାନେ ପାପ୍‍ ଆଏଜାକେ ମେଁ ଉଡ଼ି ବାଗ୍ୟବାନ୍‍ ରେମୁଆଁ !”
\p
\v 9 ଆକ୍‍ଅରିଆ ଦାଉଦ୍‍ ଜାଣ୍ଡେଇଂକେ ସୁକ୍ ରେମୁଆଁ ଡାଗ୍‍ଚେ ବାସଙ୍ଗ୍‍ବକେ ମେଇଂ ମେଃନେ ପବିତ୍ର‍ ରେମୁଆଁ ଲେଃଆର୍‍ଗେ ? ଣ୍ଡୁ ଅପବିତ୍ର ରେମୁଆଁଇଂ ଡିଗ୍‍ ଦନ୍ୟ ଡିଙ୍ଗ୍‍ୟାଆର୍‍ଏ । ନେ ବାସଙ୍ଗ୍‍ନେଡିଙ୍ଗ୍‍ ଅବ୍ରାହାମ୍ ବିସ୍‌ବାସ୍‌ବାନ୍‍ ଦାର୍ମିକ୍‍ ଡିଙ୍ଗ୍‍କେ 
\v 10 ଆକେନ୍‍ ଉଡ଼ିବେଲା ଗଟେଲେଃଗେ ? ଅବ୍ରହାମ୍ ପବିତ୍ର ଡିଙ୍ଗ୍‍କ୍ନେ ଇଡ଼ିଙ୍ଗ୍‍ ଲେଃ ସିସେବାନ୍‍ ? ପବିତ୍ର ଅବସ୍ତାରେ ଣ୍ଡୁ, ମାତର୍‌ ଅପବିତ୍ର ଅବସ୍ତାରେ । 
\v 11 ପବିତ୍ର ଡିଙ୍ଗ୍‍ନେ ସିସେ ଆଃ ଅବ୍ରହାମ୍ ବିସ୍‌ବାସ୍‍ ଡିଙ୍ଗ୍‍ବ ସା ଇସ୍‍ପର୍‍ ଆମେକେ ଦାର୍‍ମିକ୍‍ ଡାଗ୍‍ଚେ ଗ୍ର‍ଅନ୍‌‍ ଡିଙ୍ଗ୍‍ବଗେ । ଆକେନ୍‍ ଆମ୍ୟାନେସା ମୁଇଂ ଚିନା ରକମ୍‍ ଅବ୍ରହାମ୍ ଆକେନ୍‍ ପବିତ୍ର ନିଅମ୍ ପାଲନ୍‍ ଡିଙ୍ଗ୍‍ବଗେ । ଜାଣ୍ଡେଇଂ ପବିତ୍ର‍ ମାଡିଙ୍ଗ୍‍ଚେ ଡିଗ୍‍ ଇସ୍‍ପର୍‍ବାନ୍‍ ଦାର୍‍ମିକ୍‍ ଡାଗ୍‍ଚେ ଗ୍ର‍ଅନ୍‌‍ ଡିଙ୍ଗ୍‍ବକେ ଆଦ୍ୟାତ୍ମିକ ବାବ୍‍ରେ ଅବ୍ରହାମ୍ ମେଇଂନେ ଆବା । 
\v 12 ଆବା ଅବ୍ରାହାମ୍ ପବିତ୍ର‍ ଡିଙ୍ଗ୍‍ନେ ସିସେ ଆଃ ବିସ୍‌ବାସ୍‌ରେ ଆଃସାମୁଆଃବଗେ ଜଦି ପବିତ୍ର‍ ଡିଙ୍ଗ୍‍ଆଲେକ୍ନେ ରେମୁଆଁଇଂ ନିଜେନେ ଜିବନ୍‍ରେ ଦେତ୍‍ରକମ୍‍ନେ ବିସ୍‌ବାସ୍ ଆଃକେ ୟାଆର୍‍ଏ ଅବ୍ରହାମ୍ ଡିଗ୍‍ ମେଇଂନେ ଆବା ଡିଙ୍ଗ୍‍ଏ ।
\s ବିସ୍‌ବାସ୍‍ରେକେ ଇସ୍‍ପର୍‍ନେ ଆଦେସ୍‍
\p
\v 13 \x + \xo ୪:୧୩ \xo*\xt ଗାଲାତିୟ ୩:୨୯.\xt*\x*ଅବ୍ରାହାମ୍ ନିୟମ୍‍ ପାଲେ ବଗେ ଡାଗ୍‍ଚେ ଣ୍ଡୁ । ମାତର୍‍ ମେଁନେ ବିସ୍‌ବାସ୍ ନ୍‌ସା ଇସ୍‍ପର୍‍ନେବାନ୍‍ ଦାର୍‍ମିକ୍‍ ଡାଗ୍‍ଚେ ଗ୍ର‍ଅନ୍‌‍ ଡିଙ୍ଗ୍‍ଲେଃଗେ ବାରି ଆତେନ୍‌‍ସା ମେଁ ମେଁନେ କୁଲ୍‍ଇଂ ମଞ୍ଚ୍‌ପୁର୍‌ନେ ଅଦିକାର୍‍ ଡିଙ୍ଗ୍‍ଆର୍‍ଏ ଡାଗ୍‍ଚେ ଇସ୍‍ପର୍‍ ପାର୍‌ମାନ୍‌ ଡିଂବଗେ । 
\v 14 \x + \xo ୪:୧୪ \xo*\xt ଗାଲାତିୟ ୩:୧୮.\xt*\x*ଜାଣ୍ଡେଇଂ ନିୟମ୍‍ ପାଲେ ଡିଙ୍ଗ୍‍କେ ମାତର୍‍ ମେଇଂ ଆଃ ଜଦି ଇସ୍‍ପର୍‍ନେ ଦାନ୍‍ ବାଆର୍‍ଏ ତେଲା ରେମୁଆଁନେ ବିସ୍‌ବାସ୍ ସରାଃ ଡିଙ୍ଗ୍‍ୱେଏ ଇସ୍‍ପର୍‍ ପାର୍‌ମାନ୍‌ ଡିଙ୍ଗ୍‌ବକ୍ନେ ମେଃଡିଗ୍‍ ମୁଲ୍ୟ ଣ୍ଡୁ । 
\v 15 ନିୟମ୍‍ ପାଲନ୍‍ ଡିଙ୍ଗ୍‍ନେବାନ୍‍ ରେମୁଆଁ ଇସ୍‍ପର୍‍ ଆଡ଼ାତ୍ରା ରିସା ଡୁଂପାଙ୍ଗ୍‍ମ୍ୟାକେ । ମାତର୍‍ ଆଣ୍ଡିଅରିଆ ନିୟମ୍‍ ଣ୍ଡୁ ଆତ୍‍ଅରିଆ ନିୟମ୍‍ ପାଲନ୍‍ ଡିଙ୍ଗ୍‍ନେ ପ୍ରସ୍‍ନ ଡିଗ୍‍ ଆତଡ଼ିଆ ଣ୍ଡୁ ।
\p
\v 16 \x + \xo ୪:୧୬ \xo*\xt ଗାଲାତିୟ ୩:୭.\xt*\x*ତେସା ଆକେନ୍ ଦାର୍ମିକ୍ ବିସ୍‌ବାସ୍‌‌ ନ୍‌ସା ମିଲେଏ ଡିରକମ୍ ଆତେନ୍‌ ଅନୁଗ୍ର‍ଅ ଅନୁସାରେ ଡିଂଏ ଆରି ତେନ୍‌ବାନ୍ ସର୍‌ତେ ବଂସ ପାକା ମୁଇଂ ନିୟମ୍‌ ମାନେଃନେ ବଂସ ପାକା ଣ୍ଡୁ । ମାତର୍ ଅବ୍ରାହାମ୍ ରକମ୍‌ ବିସ୍‌ବାସ୍‌ ଡିଂଆର୍‌ଡିଂକ୍ନେ ବଂସ ପାକା ଡିଗ୍ ଆତେନ୍‌ ପାର୍‌ମାନ୍ ସାମୁଆଁ କାଲାଆଃ ଲେଃଏ । 
\v 17 ଆକେନ୍‍ ବିସୟ୍‌ରେ ସାସ୍ତର୍‌ନ୍ନିଆ ଗୁଆର୍‍ବକେ “ଆନାକେ ନେ ଗୁଲେ ଜାତିନେ ଆବା ଆଡିଙ୍ଗ୍‍ନେବକେ ।” ଇସ୍‍ପର୍‍ ଡାଗ୍ରା ଆକେନ୍‍ ଆଦେସ୍‍ ଟିକ୍‍ ଲେଃଗେ ମାତର୍ ମୁଡ଼ି ଇସ୍‍ପର୍‍କେ ଅବ୍ରହାମ୍ ବିସ୍‌ବାସ୍ ଡିଙ୍ଗ୍‍ଡିଙ୍ଗେ ଇସ୍‍ପର୍‍ନେ ବ୍ନାଲିର୍‍ ଗୁଏକ୍ନେ ବାନ୍‍ ଆତଡ଼ିଆଏ ବାରି ସୁନ୍ୟବାନ୍‍ ସାପା ଜିନିସ୍‍ ଆଃରେଏ । 
\v 18 ଆସା ଡିଙ୍ଗ୍‍ନେସା ମେଃଡିଗ୍‍ କାରନ୍‍ ମାଲେଚେ ଡିଗ୍‍ ଅବ୍ରହାମ୍ ବିସ୍‌ବାସ୍ ଡିଙ୍ଗ୍‍ଚେ ଆସାଇ ଡିଙ୍ଗ୍‍କେ । ତେସା ମେଁ ଗୁଲେ ଜାତିନେ ଆବା ଡିଙ୍ଗ୍‍କେ ମାତର୍‍ ସାସ୍ତର୍‌ ଇସାବ୍‍ରେ ଆମେକେ ଆଦେସ୍‍ ମିଲେଲେଃଗେ: “ନାନେ କୁଲ୍ଇଂ କିତଙ୍ଗ୍‍ଇନିନେ ଚାଙ୍କୁଆ ରକମ୍‍ ଡିଙ୍ଗ୍‍ଆର୍‍ଏ ।” 
\v 19 ଆମେକେ ଅଃତେନ୍‍ ବେଲା ମୁଇଂ ସହ ମୁଆଁ ଡିଙ୍ଗ୍‍ଲେଃଗେ । ମାତର୍‍ ମେଁ ଡକ୍ରା ଡିଙ୍ଗ୍‍ୱେଗେ ଡାଗ୍‌ଚେ ଆତେନ୍‌‍ ସାମୁଆଁ ବାବେଚେ ସାରା ବାରି ଗଗିସିଆଃ କେଆୟା ଡାଗ୍‍ଚେ ଆକେନ୍‍ ସାମୁଆଁ ମ୍ୟାଚେ ମେଁନେ ବିସ୍‌ବାସ୍‍ ସାତାଲୁ ଡିଙ୍ଗ୍‍ ଆଲେଗେ । 
\v 20 ମେଁ ମେଁନେ ବିସ୍‌ବାସ୍‍ବାନ୍‍ ଆଗୁଚେକେ ଣ୍ଡୁ କି ଇସ୍‍ପର୍‍ନେ ଆଦେସ୍‍କେ ସନ୍ଦେଅ ଡିଙ୍ଗ୍‍ଏ ଲେଃ ଣ୍ଡୁ ଡାଗ୍‍ଚେ ଆବାବେକେ ଣ୍ଡୁ । ବିସ୍‌ବାସ୍‍ ଆମେକେ ବପୁ ଆଡିଙ୍ଗ୍‍କେ ବାରି ମେଁ ଇସ୍‍ପର୍‍ନେ ପ୍ରସଂସା ଅସ୍‍ମାର୍‍ ସାର୍‍କେ । 
\v 21 ଇସ୍‍ପର୍‍ ମୁଡ଼ି ପାର୍‌ମାନ୍ ଡିଙ୍ଗ୍‍ବଗେ, ମେଁ ଆତେନ୍‌‍ ପାଲନ୍‍ ଡିଙ୍ଗ୍‍ଏ ଡାଗ୍‍ଚେ ମେଁନେ ଜବର୍‍ ବିସ୍‌ବାସ୍‍ ଲେଃଗେ । 
\v 22 ଆତେନ୍‌‍ସା ମେଁନେ ବିସ୍‌ବାସ୍‍ ଲେଃଗେସା ଅବ୍ରହାମ୍ ଇସ୍‍ପର୍‍ନେ ବାନ୍‍ ଦାର୍ମିକ୍‍ ଆସୁଏକେ । 
\v 23 “ଦାର୍ମିକ୍‍ ଡାଗ୍‍ଚେ ଆସୁଏନେ” ସାସ୍ତର୍‌ନେ ସାମୁଆଁ ଅବ୍ରହାମ୍‌ ବାନ୍‍ ଜେ ଗୁଆର୍‍ ବକେ ଆତେନ୍‌‍ ଣ୍ଡୁ । 
\v 24 ନେ ଡିଗ୍ ଇସ୍‍ପର୍‍ ଡାଗ୍‍ରା ବିସ୍‌ବାସ୍ ଡିଙ୍ଗ୍‍ନେବାନ୍‍ ଦାର୍ମିକ୍‍ ନେଡିଙ୍ଗ୍‍ଏ । ଇସ୍‍ପର୍‍ ମାପ୍‍ରୁ ଜିସୁକେ ଗୁଏକ୍ନେବାନ୍‍ ଆତଡ଼୍ୟାବକେ । 
\v 25 ତେନ୍‍ ମାପ୍‍ରୁ ଜିସୁ ନେନେ ପାପ୍‍ ନ୍‌ସା ଗୁଏଃଲେଃକେ ବାରି ଇସ୍‍ପର୍‍ ଡାଗ୍‍ରା ଆନେକେ ଦାର୍ମିକ୍‍ ଆଡିଙ୍ଗ୍‍ନେସା ତଃଡ଼୍ୟାକେ ।
\c 5
\s ଇସ୍‌ପର୍ ଏତେ ମିସୁନେ
\p
\v 1 ଏବେ ବିସ୍‌ବାସ୍‍ରେ ନେ ଇସ୍‍ପର୍‍ ଡାଗ୍ରା ଦାର୍ମିକ୍‍ ଡିଙ୍ଗ୍‍ନେଲେଃକେ ବାରି ମାପ୍‍ରୁ ଜିସୁ କିସ୍‌ଟବାନ୍‍ ଇସ୍‍ପର୍‍ ଏତେ ନେ ସାନ୍ତିରେ ମିସୁ ନେଲେଃକେ । 
\v 2 ଆତେନ୍‌‍ ଜିସୁ ନେନେ ବିସ୍‌ବାସ୍‌ ନ୍‌ସା ଏବେ ନେ ଜିବନ୍‍ଅରିଆ ଇସ୍‍ପର୍‍ନେ ଅନୁଗ୍ର‍ଅ ବିବକେ । ତେସା ଇସ୍‍ପର୍‍ନେ ଗୌରବ୍‍ନେ ଆସା ଆନେକେ ଆମ୍ଲେଡ଼୍ୟାଃଚେ ବକେ । 
\v 3 ସାପା ରକମ୍‍ନେ ଦୁକ୍‍ କସ୍ଟକେ ଡିଗ୍‍ ନେ ସାର୍‍ଦା ଡିଙ୍ଗ୍‌ନେଡିଙ୍ଗ୍‍କେ ମାତର୍‍ ତେରେପେତେ ମାଡିଙ୍ଗ୍‍ଚେ କସ୍‍ଟ ବାନେବାନ୍‍ ମନ୍‍ ବିତ୍‍ରେ ବର୍‍କସ୍‍ ପାଙ୍ଗ୍‍ଏ । 
\v 4 ବର୍‍କସ୍‍ବାନ୍‍ ଡାଟ୍‍ ଚରିତ୍ର ପାଙ୍ଗ୍‍ଏ ବାରି ଡାଟ୍‍ ଚରିତ୍ର ବାନ୍‍ ଆସା ପାଙ୍ଗ୍‍ଏ । 
\v 5 ଆସା ଆନେକେ ନିରାସ୍ ଆଡିଙ୍ଗ୍‍ନେସା ଆବି ଣ୍ଡୁ ମାତର୍‍ ଇସ୍‍ପର୍‍ ଆନେକେ ପବିତ୍ର ଆତ୍ମା ବିଚେ ନେଃନେ ରୁଦୟ୍‌ନ୍ନିଆ ମେଁନେ ଆଲାଦ୍ ବିବକେ ।
\p
\v 6 ନେ ଅବସ୍ତାରେ ଲେଃକେଲା ଇସ୍‍ପର୍‍ ସମାନ୍‍ ବେଲା କିସ୍‌ଟ ପାପି ରେମୁଆଁଇଂ ନ୍‌ସା ଗୁଏଃକେ । 
\v 7 ଦାର୍‍ମିକ୍‍ ରେମୁଆଁ ଆତ୍‍ଲା ବିନ୍‍ରେ ନିଜର୍‍ ଜିବନ୍‍ ବିନ୍‍ସା ଉଡ଼ିରୁଆ ଆତ୍ନା ଆର୍‍ ଣ୍ଡୁ । ମାତର୍‍ ଡିଙ୍ଗ୍‍ଏ ତ ନିମାଣ୍ଡା ରେମୁଆଁ ଆତ୍‍ଲା ଜା ଡିଗ୍‍ ଗୁଏନ୍‍ସା ତିଆର୍ ଡିଙ୍ଗ୍‍ୟାଏ । 
\v 8 ମାତର୍‍ ନେ ପାପି ଲେଃକେଲା ଜିସୁ କିସ୍‌ଟ ନେଃ ଆତ୍‍ଲା ନିଜେନେ ଜିବନ୍‍କେ ବିକେ । ଆତେନ୍‌‍ସା ଇସ୍‍ପର୍‍ ଆନେକେ ଉଡ଼ି ଆଲାଦ୍ ଡିଂଡିଂକେ ଆତେନ୍‌‍ ମେଁ ବାସଙ୍ଗ୍‍ବକେ । 
\v 9 କିସ୍‍ଟ ଜିବନ୍‍ ବିଃକ୍ନେ ବାନ୍‍ ଇସ୍‍ପର୍‍ ଆନେକେ ଦାର୍ମିକ୍‍ ଡାଗ୍‍ଚେ ଗ୍ର‍ଅନ୍‌‍ ଡିଙ୍ଗ୍‍ବକେ । ତେଲା ଇସ୍‍ପର୍‍ନେ ଗିସେଃବାନ୍‍ ଆନେକେ ଡିଲାଡିଗ୍ କିସ୍‍ଟ ରକ୍ୟା ଆଃଡିଙ୍ଗ୍‍ଏ । 
\v 10 ନେ ଇସ୍‍ପର୍‍ନେ ସତ୍ରୁ ଲେଃବେଲା ମେଁନେ ଉଙ୍ଗ୍‍ଡେ ନେ ଆତ୍‍ଲା ଜିବନ୍‍ ବିକେ ମେଁବାନ୍‍ ଇସ୍‍ପର୍‍ ଏତେ ନେନେ ବାର୍‌ମୁଇଂତର୍‍ କୁଡ଼େଃଆର୍‌କେ । ଇସ୍‍ପର୍‍ ଏତେ ବାର୍‌ମୁଇଂତର୍‍ କୁଡ଼େକ୍ନେ ଇଡ଼ିଙ୍ଗ୍‍ ଏବେ କିସ୍‍ଟନେ ଜିବନ୍‍ ବାନ୍‍ ପରିତ୍ରାନ୍‍ ବାନ୍‍ସା ନେ ଉଡ଼ି ଅଦିକ୍‍ ସୁଜଗ୍‍ ବା ନେୟା ? 
\v 11 ମାତର୍‍ ଆୟତନ୍ନିଆ ଣ୍ଡୁ ମାପ୍‍ରୁ ଜିସୁ କିସ୍‌ଟବାନ୍‍ ଇସ୍‍ପର୍‍ ଆଣ୍ଡିନେ ସାପା କାମ୍ ଡିଙ୍ଗ୍‍ ବକେ, ଆତେନ୍‌‍ସା ନେନେ ରୁଦୟ୍‍ ଜାବର୍‌ ସାର୍ଦା ଡିଂଲେଃକେ । ଆତେନ୍‌‍ ଜିସୁ ଇସ୍‍ପର୍‍ ଏତେ ଆନେକେ ବାର୍‌ମୁଇଂତର୍‍ ଆମିସୁବକେ ।
\s ଆଦମ୍‍ ଆରି କିସ୍‍ଟ
\p
\v 12 ମୁଇଂଜା ବାନ୍‍ ମଞ୍ଚ୍‌ପୁର୍‌ ପାପ୍‍ ଗାକେ ବାରି ପାପ୍‍ବାନ୍‍ ଗୁଏ ପାଙ୍ଗ୍‍କେ । ସାପାରେ ପାପ୍‍ ଡିଙ୍ଗ୍‍ନେବଗେସା ଗୁଏନେ ସର୍‍ତେ ରେମୁଆଁ ଜାତି ଆଡ଼ାତ୍ରା ପାଙ୍ଗ୍‍କେ । 
\v 13 ନିୟମ୍‍ ପାଙ୍ଗ୍‍ନେ ସେନୁଗ୍‌ଆ ମଞ୍ଚ୍‌ପୁର୍‍ନ୍ନିଆ ପାପ୍‍ ଲେଃଗେ: ମାତର୍‍ ନିୟମ୍‍ ଆଲେ କେଲା ପାପ୍‍ନେ ଇସାବ୍ ଆବଗେ ଣ୍ଡୁ । 
\v 14 ଆଦମନେ ବେଲାବାନ୍‍ ମୋଶାନେ ବେଲା ଜାକ ଜା ଡିଗ୍‍ ଆଦମ ରକମ୍‍ ଆଦେସ୍‍ ଅମାନି ଡିଙ୍ଗ୍‍ଚେ ପାପ୍‍ ଡିଙ୍ଗ୍‍ଆବଲା ଡିଗ୍‍ ସାପାରେ ଗୁଏ ଆର୍‍କେ । ଜା ପାଙ୍ଗ୍‍ନେ ଲେଃଗେ ଆଦମ ମେଁନେ ମୁର୍‍ତି ରକମ୍‍ । 
\v 15 ମାତର୍‍ ଆକେନ୍‍ ମ୍ୱାୟା ବିତ୍‍ରେ ଜାବର୍‌ ବିନ୍‌ ବିନ୍‌ ସାମୁଆଁ ଲେଃକେ । ଆଦାମ୍‍ନେ ପାପ୍‍ ବାରି ଇସ୍‍ପର୍‍ନେ ଅମୁଲ୍ୟ ଦାନ୍‍ନେ ବପୁ ସମାନ୍‍ ଣ୍ଡୁ । ମୁଇଂ ରେମୁଆଁନେ ପାପ୍‍ ସା ଗୁଲେରୁଆ ଗୁଏ ଆର୍‍କେ । ମାତର୍‍ ଇସ୍‍ପର୍‍ ମେଁ ମ୍ନା ଅନୁଗ୍ର‍ଅରେ ବାରି ମୁଇଂ ରେମୁଆଁ ମାପ୍‍ରୁ ଜିସୁ କିସ୍‌ଟବାନ୍‍ ରେମୁଆଁଇଂ ନ୍‌ସା ମୁଡ଼ି ଦାନ୍‍ ବିନେ ନିୟମ୍‍ ଆଡିଙ୍ଗ୍‍କେ ଆତେନ୍‌‍ ଜାବର୍‌ ବପୁ ଡିଙ୍ଗ୍‍କେ । 
\v 16 ମୁଇଂ ରେମୁଆଁନେ ପାପ୍‍ ନ୍‌ସା ରେମୁଆଁ ବିଚାର୍‍ନାନ୍ନିଆ ତୁଆଁଚେ ଦସ୍‍ ବାକେ; ମାତର୍‍ ଗୁଲେରେନେ ଜାବର୍‌ ପାପ୍‍ ଲେଲା ଡିଗ୍‍ ବାରି କେମା ବାନ୍‍ସା ମେଃଡିଗ୍‍ ଦର୍‌କାର୍‌ ମାଲେଚେ ଡିଗ୍ ଇସ୍‍ପର୍‍ନେ ଆତେନ୍‌‍ ଦାନ୍‍ ବିବକ୍ନେ ଏବେ ରେମୁଆଁ ଦସି ଣ୍ଡୁ ଡାଗ୍‍ଚେ ମ୍ୟାଃଆର୍‍ଏ । 
\v 17 ସତ୍‍ରେ ମୁଇଂ ରେମୁଆଁନେ ପାପ୍‍ ନ୍‌ସା ଗୁଏକେ ସାସନ୍‍ ଡିଙ୍ଗ୍‍ଣ୍ଡ୍ରେ ତାର୍‍କେ: ମାତର୍‍ ବିନ୍‍ରେ ବା ଜିସୁ କିସ୍‌ଟ ମେଁ ଡିଙ୍ଗ୍‍ବକେ ଆତେନ୍‌‍ ଉଡ଼ି ମ୍ନା ବିସୟ୍‍ । ସାପାରେ ଇସ୍‍ପର୍‍ନେ ଜବର୍‍ ଅନୁଗ୍ର‍ଅବାନ୍‍ ବିନା ମୁଲ୍ୟରେ ଇସ୍‍ପର୍‍ ଡାଗ୍ରା ଦାର୍ମିକ୍‍ ଡାଗ୍‍ଚେ ଆଃସୁଏଃଆର୍‍ଏ ମେଇଂ କିସ୍‍ଟ ଏତେ ଜିତେନେ ଜିବନ୍‍ ଜାପନ୍‍ ଡିଙ୍ଗ୍‍ଆର୍‍ଏ ।
\p
\v 18 ମୁଇଂଜାନେ ପାପ୍‍ ଡିଡିରକମ୍‍ ସାପା ରେମୁଆଁ ଜାତିକେ ଡଣ୍ଡ୍‍ ଆଡିଙ୍ଗ୍‍କେ ଦେତ୍‍ରକମ୍‍ ମୁଇଂଜାନେ ଦାର୍ମିକ୍‍ ସାମୁଆଁ ସାପା ରେମୁଆଁ ଜାତି ଆତ୍‍ଲା ମୁକ୍‍ତି ବାରି ଜିବନ୍‍ କାଟେନେ ସୁଜଗ୍‍ ଡୁଙ୍ଗ୍‍ପାଙ୍ଗ୍‍ବିବକେ । 
\v 19 ମୁଇଂଜାନେ ଅମାନି ସା ଡିଡିରକମ୍‍ ସାପାରେ ପାପି ଡିଙ୍ଗ୍‍ଆର୍‍କେ ଦେତ୍‍ରକମ୍‍ ମୁଇଂଜାନେ ଆଦେସ୍‍ ପାଲେ ବାନ୍‌ସା ସାପାରେ ଇସ୍‍ପର୍‍ ଡାଗ୍ରା ଦାର୍ମିକ୍‍ ଡିଙ୍ଗ୍‍ଆର୍‍ଏ ।
\p
\v 20 ନିୟମ୍‍ ତାର୍‍କ୍ନେ ବାନ୍‍ ଦଦ୍ୟା‍ କାମ୍‍ ଜାବର୍‌ ଡିଙ୍ଗ୍‍ୱେକେ । ମାତର୍‍ ପାପ୍‍ ମ୍ନାନେ ସାଙ୍ଗେ ସାଙ୍ଗେ ଇସ୍‍ପର୍‍ନେ ଅନୁଗ୍ର‍ଅ ଡିଗ୍‍ ଜାବର୍‌ ଜବର୍‍ ଡିଙ୍ଗ୍‍କେ । 
\v 21 ପାପ୍ ଡିଡିରକମ୍‍ ଗୁଏନେ ବାନ୍‍ ନିଜେନେ ନ୍ତା ଞ୍ଜା ଆରେବକେ ଦେତ୍‍ରକମ୍‍ ଇସ୍‍ପର୍‍ନେ ଅନୁଗ୍ର‍ଅ ମାପ୍‍ରୁ ଜିସୁ କିସ୍‌ଟନେ ଦୟା ଦରମ୍‍ରେ ଆନେକେ ଦରମ୍‌ଣ୍ଡ୍ରେ ଡାଗ୍‍ଚେ ଏଜାଚେ ମାଡାନେ ଜିବନ୍‍ ବିଏ ।
\c 6
\s ପାପ୍‍ ଡାଗ୍ରା ମରନ୍; ମାତର୍ କିସ୍‌ଟ ଏତେ କୁଡ଼େଚେ ଲେଃଲା ଜିବନ୍ ବା ଡିଙ୍ଗ୍‍ଏ
\p
\v 1 ତେଲା ନେ ମେଃ ନେଡିଂଏ ? ଇସ୍‍ପର୍‍ନେ ଦୟା ବାରି ଜବର୍‍ ଡିଙ୍ଗ୍‍ଏ ଡାଗ୍‍ଚେ ନେ ମେଃଏରେ ବାରି ପାପ୍‍ରେ ନେଃବ୍ରୁଆ ନେଡ୍‍କେଃଏ ? 
\v 2 ଅଃନା ଣ୍ଡୁ । ପାପ୍‍ ବାନ୍‍ ନେ ଗୁଏଃ ନେଲେଃକେ, ନେ ଆତ୍‍ଅରିଆ ଡିଡିରକମ୍‍ ଜିବନ୍‌ ନେକାଟେଏ ? 
\v 3 ପେ ମ୍ୟାଃପେଲେଃକେ ଣ୍ଡିଆନ୍ନିଆ ଦିକ୍ୟା ବାନେବାନ୍‍ କିସ୍‌ଟ ଜିସୁ ଏତେ ନେ ମିସୁ ନେଲେଃକେ ବାରି ମେଁ ଗୁଏକ୍ନେ ଅରିଆ ଡିଗ୍‍ ନେ ମିସୁ ନେଲେଃକେ । 
\v 4 ଣ୍ଡିଆନ୍ନିଆ ଦିକ୍ୟା ବାନେ ବାନ୍‍ ନେ ମେଁ ଗୁଏକ୍ନେ ଡାଗ୍‍ରା ମିସୁଚେ ମେଁ ଏତେ ନେ ଗୁଏ ନେଲେଃକେ । ମେଁ ଡିଡିରକମ୍‍ କିସ୍‌ଟ ଆବାନେ ମ୍ନାବପୁରେ ତଡ଼ିଆକେ, ନେ ଡିଗ୍‍ ମେଁ ନ୍‌ସା ତ୍ମି ବାବ୍‍ରେ ନେବ୍ରୁଆ ନେଡ୍‌କେଃଏ ।
\p
\v 5 ଡାଗ୍‍ଲା ନେ ଗୁଏଃନ୍ନିଆ କୁଡ଼େଚେ ମେଁ ଏଃତେ ମୁଇଂ ଡିଙ୍ଗ୍‍ନେଲେଃକେ ମେଁ ତଡ଼ିଆକ୍ନେ କେଲା ଡିଗ୍‍ ମେଁ ଏତେ ସାଃତିଙ୍ଗ୍‍ଚେ ବାର୍‌ମୁଇଂତର୍‍ ଜିବନ୍‍ ନେବାଏ । 
\v 6 ନେ ମ୍ୟାଃନେଲେଃକେ କିସ୍‌ଟ ଏତେ କୁରୁସ୍‍ ଆଡ଼ାତ୍ରା ନେନେ ବାୱିର୍‍ ଚାଲିଚଲନ୍‍ ଗୁଏ ଲେଃକେ । ଆତ୍‍ବା ନେନେ ପାପ୍‍ ଡିଙ୍ଗ୍‍ନେ ପକ୍‍ରୁତି ସାପା ନସ୍ଟ ଡିଙ୍ଗ୍‍ଲେଃକେ ବାରି ନେ ପାପ୍‍ କାମ୍‍ବାନ୍‍ ମୁକ୍‍ତି ବାନେଲେଃକେ । 
\v 7 ଡାଗ୍‍ଲା ରେମୁଆଁ ଗୁଏ ୱେଲା ପାପ୍‍ ଡିଙ୍ଗ୍‍ନେବାନ୍‍ ଉଦାର୍‍ ବାଏ । 
\v 8 ନେ ଜିସୁ କିସ୍‌ଟନେ ଏତେ ଗୁଏ ନେଲେଃଗ୍‍ସା ମେଁ ଏତେ ଡିଗ୍‍ ଜିବନ୍‍ ନେବାଏ ଡାଗ୍‍ଚେ ବିସ୍‌ବାସ୍‌‍ ଡିଙ୍ଗ୍‍ନେଡିଙ୍ଗ୍‍ । 
\v 9 ନେ ମିଆଁ ନେଲେଃକେ କିସ୍‌ଟ ଗୁଏକ୍ନେ ବାନ୍‍ ବାରି ମୁଇଂତର୍‍ ତଃଡ଼୍ୟା ଲେଃଗେସା ମେଁ ବାରି ଅଃନା ଆଗୁଏଃ ଣ୍ଡୁ । ମେଁ ଆଡ଼ାତ୍ରା ଗୁଏଃନେ ବାରି ଅଦିକାର୍ ଡିଙ୍ଗ୍‍ଆୟା ଣ୍ଡୁ । 
\v 10 ମେଁ ଡିଡି ରକମ୍‍ ଗୁଏକେ ଆତ୍‍ବା ପାପ୍‍ନେ ବପୁବାନ୍‍ ମୁଇଂ ମାଣ୍ଡ୍‍କେ ମୁକ୍‍ତି ଆଡିଙ୍ଗ୍‍ବିକେ । ମେଁ ଏବେ ଡିଡିରକମ୍‍ ବ୍ରୁଆଡିକେଃ ଡିଂକେ, ଆତେନ୍‌‍ ଇସ୍‍ପର୍‍ ଏତେ କୁଡ଼େଚେ ଲେଃନେ ଜିବନ୍‍ । 
\v 11 ଦେତ୍‍ରକମ୍‍ ପେ ଡିଗ୍‍ ପାପ୍‍ବାନ୍‍ ଗୁଏ ପେଲେଃକେ ଡାଗ୍‍ଚେ ମନେ ବାବେପା । ପେ ଏବେ କିସ୍‍ଟ ଜିସୁବାନ୍‍ ଜିବନ୍‍ରେ ଇସ୍‍ପର୍‍ ଏତେ କୁଡ଼େ ପେଲେଃକେ ।
\p
\v 12 ପେନେ ନାସେୱେଲେକ୍ନେ ଗାଗ୍‌ଡ଼େ ଆଡ଼ାତ୍ରା ପାପ୍‍ ବାରି ସାସନ୍‍ ଆଡିଙ୍ଗ୍‍ ଲେଃ । ପେ ବାରି ମେଁ ରକମ୍‍ ଡିଗ୍‍ ଗାଗ୍‍ଡ଼େକେ କେଚେ ମେଁ ଡାଗ୍ରା ଚଗ୍‌ଡାଙ୍ଗ୍‌ ଆଲେଗ୍‍ପା । 
\v 13 ପେ ନିଜ୍‍କେ ମେଃଡିଗ୍ ବାବ୍‌ରେ ପାପ୍‍ ଡାଗ୍‍ରା ସର୍‍ପେ ବିଚେ ଦଦ୍ୟା‍ କାମ୍‍ନେ ଜିନିସ୍ ରକମ୍ ବେବ‍ଆର୍‍ ଆଡିଂଗେପା । ଣ୍ଡୁଲା ଗୁଏକ୍ନେବାନ୍‍ ରକ୍ୟା ବାଚେ ଜିବନ୍‍ ବାଲେଗେସା ପେ ସତ୍‍କାମ୍‍ ଡିଙ୍ଗ୍‍ନେସା ନିଜେ ନିଜେକେ ପୁରାପୁରି ବାବ୍‍ରେ ଇସ୍‍ପର୍‍ ଡାଗ୍‍ରା ସର୍‍ପେ ବିଃପା । 
\v 14 ପାପ୍ ପେ ଆଡ଼ାତ୍ରା ସାସନ୍‍ ଆଡିଙ୍ଗ୍‍ଲେ । ପେ ବାରି ନିୟମ୍‍ରେ ପେଲେଃକେ ଣ୍ଡୁ । ମାତର୍‍ ଇସ୍‍ପର୍‍ନେ ଦୟାରେ ମ୍ବ୍ର ପେଲେଃକେ ।
\s ଦରମ୍‍ ଚାକର୍‌
\p
\v 15 ତେଲା ନେ ନିୟମ୍‍ନେ ଆଲ ମାଲେଃଚେ ଇସ୍‍ପର୍‍ନେ ଆସିର୍ବାଦ୍ ବାନେଲେଃକେ ଡାଗ୍‍ଚେ ମେଃନେ ବାରି ପାପ୍‍ ଡିଙ୍ଗ୍‍ ନେଲେଃ ? ଅଃନାଡିଗ୍ ଣ୍ଡୁ । 
\v 16 ପେ ମିଆଁ ପେଲେଃକେ ଜଦି ପେ ଜାନେ ସାମୁଆଁ ମାନେଚେ ମେଃନେ ପୁରାପୁରି ବାବ୍‍ରେ ଆଦେସ୍‍ ମାନେଃଏ ତେଲା ପେ ମେଃନେ ଚାକର୍‌ । ଜଦି ପାପ୍‍ନେ ଚାକର୍‌ ପେଡିଙ୍ଗ୍‍ଏ ଆକ୍ମେନେ ଅବସ୍ତା ଡିଙ୍ଗ୍‍ଏ ଗୁଏନେ: ଜଦି ଦରମ୍‍ରେ ପେଅଲେଙ୍ଗ୍‍ଏ ତେଲା ଜିବନ୍‍ ପେବାଏ । 
\v 17 ମାତର୍‍ ଇସ୍‍ପର୍‍କେ ଦନ୍ୟବାଦ୍‍ ବିଣ୍ଡିଂକେ ଜଦି ଡିଙ୍ଗ୍‍ଏ ମୁଇଂ ଦିନା ପେ ପାପ୍‍ନେ ଚାକର୍‌ ପେଲେଃକେ ପେ ଏବେ ମାପ୍‍ରୁ ସାମୁଆଁବାନ୍ ବୁଦି ବାଲେକ୍ନେ ସତ୍‍ ଆଣ୍ଡେଙ୍ଗ୍‍ କାଲାଆଃ ପାଲନ୍‍ ଡିଙ୍ଗ୍‍ପେଡିଙ୍ଗ୍‍ । 
\v 18 ପେ ପାପ୍‍ବାନ୍‍ ମୁକ୍ତି ବାଚେ ଦରମ୍‍ନେ ଚାକର୍‌ ଡିଙ୍ଗ୍‍ପେଲେଃକେ । 
\v 19 ପେନେ ନିଜର୍‌ ଅଲ୍‍ସୁଆ ନ୍‌ସା ଆକେନ୍‍ ସାପା ସାମୁଆଁ ! ନେଙ୍ଗ୍‍ ଚଲେନେ ସାମୁଆଁରେ ବାଲିର୍‍ ଣ୍ଡିଂ । ମୁଇଂଦିନା ପେ ଅସୁଚିତା ବାରି ଅଦର୍ମ କାମ୍‍ନ୍ନିଆ ନିଜେ ନିଜେକେ ଚଗ୍‌ଡାଙ୍ଗ୍‌ ପେଲେଃଏ । ଦେତ୍‍ରକମ୍‍ ଏବେ ପବିତ୍ର ଡିଙ୍ଗ୍‍ନେସା ଦାର୍‍ମିକ୍‍ ସାମୁଆଁ ଡାଗ୍‍ରା ନିଜ୍‍କେ ପୁରାପୁରି ବାବ୍‍ରେ ଅପେଃବିପା ।
\p
\v 20 ପେଇଂ ପାପ୍‍ନେ ଚାକର୍‌ ଲେଃକେଲା ଦାର୍‍ମିକ୍‍ ସାମୁଆଁବାନ୍ ସ୍ଲ ପେଲେଃଗେ । 
\v 21 ଏବେ ଆପେକେ ଆଣ୍ଡିନେ ସାପା କାମ୍ ଡିଙ୍ଗ୍‍ନେସା ଗିଆସ ଲାଗେଡିଙ୍ଗ୍‍କେ ଆତେନ୍‌‍ବେଲା ତେନ୍‍ ସାପା କାମ୍ ଡିଙ୍ଗ୍‍ପେଡିଂଗେ । ଆତ୍‍ବା ମେଁ ଲାବ୍‍ ପେବାକେ ? ଆତେନ୍‌‍ ସାପା କାମ୍‍ନେ ଡଣ୍ଡ୍‍ ଡିଙ୍ଗ୍‌ଡିଂକେ ଗୁଏନେ । 
\v 22 ମାତର୍‍ ଏବେ ପେ ପାପ୍‍ବାନ୍‍ ମୁକ୍‍ତି ବାଚେ ଇସ୍‍ପର୍‍ନେ ଚାକର୍‌ ଡିଙ୍ଗ୍‍ପେଲେଃକେ । ଆକ୍ମେନେ ଲାବ୍‍ ଡିଙ୍ଗ୍‍ଡିଙ୍ଗ୍‍କେ ଇସ୍‍ପର୍‍ ଡାଗ୍‍ରା ପୁରାପୁରି ବାବ୍‍ରେ ଆତ୍ମାକେ ଅପେଃବିନେ ବାରି ଆତ୍‌ନେ ଚୁଚୁ ଡିଙ୍ଗ୍‌ଡିଂକେ ଅଃନା ମାଡାନେ ଜିବନ୍‍ । 
\v 23 ପାପ୍‍ନେ ଡଣ୍ଡ୍‍ ଡିଙ୍ଗ୍‍ଡିଙ୍ଗ୍‍କେ ଗୁଏନେ ମାତର୍‍ ଇସ୍‍ପର୍‍ ବିବକ୍ନେ ଦାନ୍‍ ଡିଙ୍ଗ୍‍ଡିଙ୍ଗ୍‍କେ ମାପ୍‍ରୁ ଜିସୁ କିସ୍‌ଟ ଏତେ କୁଡ଼େନେ ବାନ୍ ଆଃ ମାଡାନେ ଜିବନ୍‍ ।
\c 7
\s ବିଏ ଡିଙ୍ଗ୍‌ନେ ବ୍ନାଲିର୍‍
\p
\v 1 ଅ ବୟାଁ ତନାଇଂ, ରେମୁଆଁ ଉଡ଼ିପର୍‍ ଜାକ ମ୍ବ୍ରଲେଃଏ ଅତେନ୍‍ପର୍‍ ଜାକ ନିୟମ୍‍ ଜେ ମେଁ ଆଡ଼ାତ୍ରା ସାସନ୍‍ ଡିଙ୍ଗ୍‍ଏ ଆକେନ୍‍ ପେ ପେମ୍ୟାଃକେ ? ନେଙ୍ଗ୍‍ ତ ନିୟମ୍‍ ମ୍ୟାଃଲେଣ୍ଡ୍ରେକେ ବାଲିର୍‍ ଣ୍ଡିଙ୍ଗ୍‍କେ । 
\v 2 ଆଣ୍ଡାଣ୍ତେ ଉଡ଼ିପର୍‍ ଜାକ ମ୍ବ୍ରଲେଃଏ ଅଃତେନ୍‍ ପର୍‍ ଜାକ କୁନୁଏଃଡ଼େ ଆଣ୍ଡାଣ୍ଡେ ଏତେ ନିୟମ୍‍ ବିତ୍‍ରେ ଲେଃଏ ମାତର୍‍ ଆଣ୍ଡାଣ୍ଡେ ଗୁଏ ୱେଲା କୁନୁଏଃଡ଼େ ଆଣ୍ଡାଣ୍ଡେ ନିୟମ୍‍ବାନ୍‍ ତାର୍‍ୱେଏ । 
\v 3 ଜଦି ଆଣ୍ତାଣ୍ଡେ ମ୍ବ୍ରଲେଃ ଜାକ କୁନୁଏଃଡ଼େ ଜଦି ବିନ୍‍ ଙ୍ଗିରେ ଏତେ ଦଦ୍ୟା କାମ୍ ଡିଙ୍ଗ୍ଏ, ତେଲା ଆମେକେ ପାଦ୍ରି ଡାଗ୍‍ଚେ ବାଲିର୍‍ଆର୍‌ଏ: ମାତର୍‍ ଜଦି ଆଣ୍ଡାଣ୍ଡେ ଗୁଏ ୱେଏ ତେଲା କୁନୁଏଃଡ଼େ ନିୟମ୍‍ବାନ୍‍ ତାର୍‍ୱେଏ, ବାରି ଜଦି ମେଁ ବିନ୍‍ ଙ୍ଗିରେ ଏତେ ଦଦ୍ୟା କାମ୍ ଡିଙ୍ଗ୍ଏ, ତେଲା ମେଁ ପାଦ୍ରି ଆଡିଂ ଣ୍ଡୁ । 
\v 4 ତେସା ଏ ନେଙ୍ଗ୍‍ନେ ବୟାଁଇଂ କିସ୍‌ଟନେ ଗାଗ୍‌ଡ଼େ ଏତେ ପେ ଡିଗ୍‍ ନିୟମ୍‍ ଆଡ଼ାତ୍ରାବାନ୍‍ ଗୁଏ ପେଲେଃକେ ଜେନ୍ତିକି ପେ ବିନ୍‍ରେ ଏତେ ପେକୁଡ଼େଏ ବା ନେ ଇସ୍‍ପର୍‍ ଆତ୍‍ଲା ଚୁଚୁ ଚୁନ୍‍ସା ଜା ଗୁଏକ୍ନେବାନ୍‍ ତଡ଼ିଆଲେଃକେ ମେଁ ଏତେ ମିସୁପା । 
\v 5 ଡାଗ୍‍ଲା ଉଡ଼ିବେଲା ନେ ଗାଗ୍‍ଡ଼େକେ ଚଗ୍‌ଡାଙ୍ଗ୍‌ଚେ ନେଲେଃଗେ, ଆତେନ୍‌‍ବେଲା ନିୟମ୍‍ବାନ୍‍ ପାପ୍‍ କାମ୍‍ ଡିଙ୍ଗ୍‍ନେ ନେ ଗାଗ୍‍ଡ଼େନେ ସାପା ଡାଗ୍‍ରା ଗୁଗୁଏ ନ୍‍ସା ଚୁଚୁ ଚୁନ୍‍ସା କାମ୍ ଆଡିଙ୍ଗ୍‍ଡିଙ୍ଗ୍‍ଗେ । 
\v 6 ମାତର୍‍ ଜାବାନ୍‍ କି ନେ ଗାଗ୍‍ଚେ ନେଲେଃକେ ଆତ୍‍ ବା ଗୁଏଚେ ନେ ଏବେ ନିୟମ୍‍ବାନ୍‍ ତାର୍‍ ନେଲେଃକେ; ତେସା ନେ ଗୁଆର୍‌ବକ୍ନେ ବାୱିର୍‍କ୍ନେ ରକମ୍‍ ଚାକର୍‌ ମାସ୍ଲେଚେ ଆତ୍ମାରେ ତ୍ମି ରକମ୍‍ ଚାକର୍‌ ସୁଗୁଆ କାମ୍ ଡିଙ୍ଗ୍‍ନେଡିଙ୍ଗ୍‍କେ ।
\s ନିୟମ୍‍ ବାରି ପାପ୍‍
\p
\v 7 ତେସା ନେ ମେଁ ନେବାସଙ୍ଗ୍‍ଏ ? ନିୟମ୍‍ ମେଃନେ ପାପ୍‍ ? ଆତେନ୍‌‍ ଅଃନାଡିଗ୍‍ ଆଡିଙ୍ଗ୍‍ଲେ । ମାତର୍‍ ପାପ୍‍ ମେଃନେ ଆତେନ୍‌‍ ନିୟମ୍‍ ମାଲେଃଲା ନେଙ୍ଗ୍‍ ନ୍ନାମ୍ୟା ପାଡିଙ୍ଗ୍‍; ମେଁ ଡାଗ୍‍ଲା କଟିଙ୍ଗ୍‍ ଆଡିଙ୍ଗ୍‍ପା ନିୟମ୍‍ ଆକେନ୍‍ ବାସଙ୍ଗ୍‍ ଆବଲା ଲବ୍‌ଡିଙ୍ଗ୍‌ନେ ମେଃନେ ଆତେନ୍‌‍ ନେଙ୍ଗ୍‍ ନ୍ନାମ୍ୟା ପାଡିଙ୍ଗ୍‍ । 
\v 8 ମାତର୍‍ ପାପ୍‍ନେ ସୁଜଗ୍‍ ବାଚେ ଆଦେସ୍‍ବାନ୍‍ ନେଙ୍ଗ୍‍ଅରିଆ ସାପା ରକମ୍‍ନେ ଲବ୍‍ ଡିଙ୍ଗ୍‍ନେ ଆଃସିକେ; ଡାଗ୍‍ଲା ନିୟମ୍‍ ଆଲେଃଲା ପାପ୍‍ ଗୁଏଃଏ । 
\v 9 ବାରି ନେଙ୍ଗ୍‍ ମୁଇଂ ଦିନା ନିୟମ୍‍କେ ଆନ୍ତାର୍‍ଚେ ମ୍ବ୍ରନ୍ଲେଃଗେ ମାତର୍‍ ଆଦେସ୍‍ ପାଙ୍ଗ୍‍ଲା ଆତେନ୍‌‍ ବେଲା ପାପ୍‍ ମ୍ବ୍ରକେ 
\v 10 ବାରି ନେଙ୍ଗ୍‍ ଙ୍ଗୁଏକେ; ଆତ୍‍ଅରିଆ ଜିବନ୍‍ ଲେଃକ୍ନେ ମୁଡ଼ି ଆଦେସ୍‍ ଆତେନ୍‌‍ ନେଙ୍ଗ୍‍ ଆଡ଼ା ଗୁଏନେ ଡାଗ୍‍ଚେ ମ୍ୟାଃକେ । 
\v 11 ମେଁ ଡାଗ୍‍ଲା ପାପ୍‍ ସୁଜଗ୍‍ ବାଚେ ଆଦେସ୍‍ ଏତେ ଆନେଙ୍ଗ୍‍କେ ନାଲେକେ ବାରି ମେଁବାନ୍‍ ଆନେଙ୍ଗ୍‍କେ ବାଗୁଏକେ ।
\p
\v 12 ତେସା ନିୟମ୍‍ ପବିତ୍ର ବାରି ମେଁନେ ଆଦେସ୍‍ ସାପା ପବିତ୍ର ନିୟମ୍‍ ବାବ୍‍ରେ ବାରି ନିମାଣ୍ଡା । 
\v 13 ତେଲା ଆଣ୍ଡିନେ ନିମାଣ୍ଡା ଆତେନ୍‌‍ କି ନେଙ୍ଗ୍‍ ପାକା ଗୁଏନେ ଡିଙ୍ଗ୍‍କେ ? ଆତେନ୍‌‍ ଅଃନାଡିଗ୍‍ ଆଡିଙ୍ଗ୍‍ଲେ । ମାତର୍‍ ପାପ୍‍ ବାନ୍‍ ଗୁଏଡିଙ୍ଗ୍‍ଏ, ଡିଡିରକମ୍‍ କି ଆଣ୍ଡିନେ ନିମାଣ୍ଡା, ଆତେନ୍‌‍ ବିଚେ ନେଙ୍ଗ୍‍ ଡାଗ୍ରା ଗୁଏଃନେ ବାନ୍‍ ପାପ୍‍, ପାପ୍‍ ଡାଗ୍‍ଚେ ତ୍ନାଏ, ବାରି ଡିଡିରକମ୍‍ କି ଆଦେସ୍‍ବାନ୍‍ ପାପ୍‍ ଜାବର୍‌ ପାପ୍‍ ଡିଙ୍ଗ୍‍ଏ ।
\s ରେମୁଆଁନେ ମନ୍‍ ବିତ୍‍ରେ ଡାଉଟ୍‍
\p
\v 14 ତେସା ନିୟମ୍‍ ଜେ ଆତ୍ମିକ୍ ଆକେନ୍‍ ନେ ମ୍ୟାଃନେଲେଃକେ: ମାତର୍‍ ନେଙ୍ଗ୍‍ନେ ଗାଗ୍‍ଡ଼େ ପାପ୍‍ନେ ଚାମ୍‍ଚା । 
\v 15 ଡାଗ୍‍ଲା ନେଙ୍ଗ୍‍ ମେଁ ଣ୍ଡିଂଏ, ଆତେନ୍‌‍ ନେଙ୍ଗ୍‍ ନ୍ନାମ୍ୟାକେ ଣ୍ଡୁ, ତେସା ନେଙ୍ଗ୍‍ ମେଃନେ ଇକ୍‌ଚା ଣ୍ଡିଂଏ, ଆତେନ୍‌‍ ଡିଂନାଡିଙ୍ଗ୍‍କେ, ମାତର୍ ମେଃନେ ନେଙ୍ଗ୍‍ ଗୁର୍‍ନା ଡିଙ୍ଗ୍‍ଣ୍ଡିଂକେ ଆତେନ୍‌‌ଆ ଡିଙ୍ଗ୍‍ଣ୍ଡିଂକେ । 
\v 16 ମାତର୍‍ ମେଁନେ ନେଙ୍ଗ୍‍ ଇକ୍‌ଚା ଡିଙ୍ଗ୍‍ନାଡିଙ୍ଗ୍‍କେ ଆତେନ୍‌‍ ଜଦି ଇକ୍‌ଚା ଣ୍ଡିଙ୍ଗ୍‍ଏ ତେଲା ନିୟମ୍‍ ଜେ ନିମାଣ୍ଡା ଆତେନ୍‌‍ ନେଙ୍ଗ୍‍ ମାନେଃଣ୍ଡିଂକେ । 
\v 17 ତେସା ନେଙ୍ଗ୍‍ ବାରି ଆତେନ୍‌‍ ଡିଙ୍ଗ୍‍ ନାଡିଙ୍ଗ୍‍କେ ଣ୍ଡୁ ମାତର୍‍ ନେଙ୍ଗ୍‍ ଡାଗ୍‍ରା ଲେଃଡିଙ୍ଗ୍‍କ୍ନେ ପାପ୍‍ ଆତେନ୍‌‍ ଡିଡିଙ୍ଗ୍‍ଡିଙ୍ଗ୍‍କେ । 
\v 18 ମେଁ ଡାଗ୍‍ଲା ନେଙ୍ଗ୍‍ଅରିଆ ବା ନେଙ୍ଗ୍‍ ଗାଗ୍‍ଡ଼େ ବିତ୍‍ରେ ମେଃଡିଗ୍‍ ନିମାଣ୍ଡା ବିସୟ୍‍ ଆବାସା ଆକେନ୍‍ ନେଙ୍ଗ୍‍ ମ୍ୟାଃ ନ୍ଲେଃକେ ଡାଗ୍‍ଲା ନେଙ୍ଗ୍‍ ଇକ୍‌ଚା ଡିଙ୍ଗ୍‍ଣ୍ଡିଙ୍ଗ୍‍କେ ମାତର୍‍ ଆଣ୍ଡିନେ ନିମାଣ୍ଡା ଆତେନ୍‌‍ ଡିଙ୍ଗ୍‍ନେସା ନେଙ୍ଗ୍‍ନେ ସାଆସ୍ ଣ୍ଡୁ । 
\v 19 ଡାଗ୍‍ଲା ଆଣ୍ଡିନେ ନିମାଣ୍ଡା କାମ୍ ଡିଙ୍ଗ୍‍ନେସା ନେଙ୍ଗ୍‍ ଇକ୍‌ଚା ଡିଙ୍ଗ୍‍ଣ୍ଡିଂକେ ଆତେନ୍‌‍ ଡିଙ୍ଗ୍‍ନାଡିଙ୍ଗ୍‍କେ ମାତର୍‍ ଆଣ୍ଡିନେ ଦଦ୍ୟା‍ କାମ୍ ଡିଙ୍ଗ୍‍ନେସା ନେଙ୍ଗ୍‍ ରାଜି ଡିଙ୍ଗ୍‍ନାଡିଙ୍ଗ୍‍କେ ଆତେନ୍‌‍ ଡିଙ୍ଗ୍‍ଣ୍ଡିଙ୍ଗ୍‍କେ । 
\v 20 ମାତର୍‍ ଆଣ୍ଡିନେ ନେଙ୍ଗ୍‍ ରାଜି ଡିଙ୍ଗ୍‍ନାଡିଙ୍ଗ୍‍କେ ଆତେନ୍‌‍ ଜଦି ଣ୍ଡିଙ୍ଗ୍‍ଏ ତେଲା ନେଙ୍ଗ୍‍ ନିଜେ ଆରି ଆତେନ୍‌‍ ଡିଙ୍ଗ୍‍ ନାଡିଙ୍ଗ୍‍କେ । ମାତର୍‍ ନେଙ୍ଗ୍‍ ଡାଗ୍‍ରା ବାସା ଲେଃକ୍ନେ ପାପ୍‍ ଆତେନ୍‌‍ ଡିଙ୍ଗ୍‍ଡିଙ୍ଗ୍‍କେ ।
\p
\v 21 ତେଲାଡିଗ୍‍ ନିମାଣ୍ଡା କାମ୍ ଡିଙ୍ଗ୍‍ ନ୍‌ସା ଇକ୍‌ଚା ଲେଲାଡିଗ୍‍ ନେଙ୍ଗ୍‍ ଡାଗ୍‍ରା ଦଦ୍ୟା‍ କାମ୍ ଡିଙ୍ଗ୍‍ନେସା ପାଙ୍ଗ୍‍ଡିଙ୍ଗ୍‍କେ ଆକେନ୍‍ ନିୟମ୍‍ ନେଙ୍ଗ୍‍ କେଣ୍ଡିଙ୍ଗ୍‍କେ । 
\v 22 ଇସ୍‍ପର୍‍ନେ ନିୟମ୍‍ ପାଲନ୍‍ ଡିଙ୍ଗ୍‍ନେସା ନେଙ୍ଗ୍‍ନେ ଇକ୍‌ଚା 
\v 23 ମାତର୍‍ ନେଙ୍ଗ୍‍ ଗାଗ୍‍ଡ଼େଇଂନ୍ନିଆ ମୁଇଂ ବିନ୍‍ ନିୟମ୍‍ କେଡିଙ୍ଗ୍‍କେ ଆତେନ୍‌‍ ନେଙ୍ଗ୍‍ନେ ମନ୍‍ ବିତ୍‍ରେନେ ନିୟମ୍‍ ବିରୁଦ୍‌ରେ ଜୁଦ୍‍ ଡିଙ୍ଗ୍‍ଡିଙ୍ଗ୍‍ ଆରି ନେଙ୍ଗ୍‍ନେ ଗାଗ୍‍ଡ଼େଇଂନ୍ନିଆ ମୁଡ଼ି ପାପ୍‍ନେ ନିୟମ୍‍ ଲେଃକେ ଆନେଙ୍ଗ୍‍ ଆତ୍‍ଅରିଆ ବନ୍ଦି ଆଡିଙ୍ଗ୍‍ ବିଃ ଡିଙ୍ଗ୍‍କେ । 
\v 24 ଉଡ଼ି ଦୁର୍‍ବାଗ୍ୟ ରେମୁଆଁ ଜେ ନେଙ୍ଗ୍‍ ଆନେଙ୍ଗ୍‍ ଆକେନ୍‍ ଗୁଏକ୍ନେ ଗାଗ୍‌ଡ଼େବାନ୍‍ ଜା ଆମ୍ବ୍ରଏ ? 
\v 25 ନେନେ ମାପ୍ରୁ ଜିସୁ କ୍ରିସ୍ଟନେ ବାନ୍‌ ଇସ୍‌ପର୍‌ନେ ଦନ୍ୟବାଦ୍‌ ଡିଂଲେଃ । ଡାଗ୍ଲା, ନିଂ ନିଜେ ମନ୍‌ ବାନ୍‌ ଇସ୍‌ପର୍‌ନେ ନିୟମ୍‌ନେ ଚାକର୍‌, ମାତର୍‌ ଗାଗ୍‌ଡ଼େ ବାନ୍‌ ପାପ୍‌ ନିୟମ୍‌ନେ ଚାକର୍‌ ଡିଂନ୍ଲେଃକେ ।
\c 8
\s ଆତ୍ମା ବିଚେ ଜିବନ୍
\p
\v 1 ଜାଣ୍ଡେଇଂ ମାପ୍‍ରୁ ଜିସୁ କିସ୍‌ଟ ଡାଗ୍‍ରା ଲେଃକେ ମେଇଂନେ ଆଡ଼ାତ୍ରା ଏବେ ମେଃଡିଗ୍‍ ଡଣ୍ଡ୍‍ ଆପାଙ୍ଗ୍‍ ଣ୍ଡୁ । 
\v 2 ମାତର୍‍ ଜିବନ୍‍ ବିଃଣ୍ଡ୍ରେ ଆତ୍ମାନେ ନିୟମ୍‌ କିସ୍‌ଟ ଜିସୁନେ କୁଡ଼େମାଡ଼େ ଡାଗ୍‍ରା ଆପେକେ ପାପ୍‍ ବାରି ଗୁଏନେ ନିୟମ୍‌ବାନ୍‍ ଆମ୍ବ୍ର ବକେ । 
\v 3 ଡାଗ୍ଲା ଗାଗ୍‍ଡ଼େ ଲେଃଗେସାଃ ଦୁର୍‍ବଲ୍‍ ଡିଙ୍ଗ୍‍ଲା ନିୟମ୍‌ ଆଣ୍ଡିନେ ଦାଦନ୍‍ ଡିଙ୍ଗ୍‍ ଆୟାକେ ଣ୍ଡୁ ଆତେନ୍‌‍ ଇସ୍‍ପର୍‍ ନିଜର୍‍ ଉଙ୍ଗ୍‍କେ ପାପ୍‍ ଡିଙ୍ଗ୍‍ବକ୍ନେ ଗାଗ୍‍ଡ଼େରକମ୍‍ ସର୍‍ସ୍ୟା ପାପ୍‍ ନସ୍ଟ ଡିଙ୍ଗ୍‍ନେସା ବେଚେ ଗାଗ୍‍ଡ଼େଅରିଆ ପାପ୍‍କେ ଡଣ୍ଡ୍‌ ଆଦେସ୍ ଆଡିଙ୍ଗ୍‍ନେସା ଡିଙ୍ଗ୍‍କେ । 
\v 4 ଡିଡିରକମ୍‍ ଗାଗ୍‍ଡ଼େନେ ବାବ୍‍ନା ଇସାବ୍‍ରେ ବେବ‍ଆର୍‍ ମାଡିଙ୍ଗ୍‍ଚେ ଆତ୍ମିକ ବାବ୍‍ନା ଇସାବ୍‍ରେ ବେବଆର୍‍ ଡିଙ୍ଗ୍‍ନେବଏ ଜେ ନେନେ ଡାଗ୍‍ରା ନିୟମ୍‌ନେ ସତ୍ ଦାବି ପୁରନ୍ ଡିଙ୍ଗ୍‍ନେବକେ ।
\p
\v 5 ଡାଗ୍‍ଲା ଜାଣ୍ଡେଇଂ ଗାଗ୍‍ଡ଼େନେ ଇସାବ୍‍ରେ ମନ୍‍ ଡିଂଆର୍‍ଡିଂକେ ମେଇଂ ଗାଗ୍‍ଡ଼େନେ ବିସୟ୍‍ରେ ଦ୍ରିଗ୍‍ଆର୍‍ଏ ମାତର୍‍ ଜାଣ୍ଡେଇଂ ଆତ୍ମିକ ବାବ୍‍ରେ ମନା ମେଇଂ ଆତ୍ମିକ୍‍ ଇସାବ୍‍ରେ ଦ୍ରିଗ୍‍ଆର୍‍ଏ । 
\v 6 ଡାଗ୍‍ଲା ଗାଗ୍‍ଡ଼େନେ ବାବ୍‍ନା ଗୁଏଡିଙ୍ଗ୍‍ଏ ମାତର୍‍ ଆତ୍ମିକ୍‍ ଚିନ୍ତା ଜିବନ୍‍ ବାରି ସାନ୍ତିରେ ଲେଃଡିଙ୍ଗ୍‍ଏ: 
\v 7 ଡାଗ୍‍ଲା ଗାଗ୍‍ଡ଼େନେ ବାବ୍‍ନା ଇସ୍‍ପର୍‍ନେ ବିରଦ୍‍ରେ ସତ୍‍ରୁ ଡିଙ୍ଗ୍‍ଏ; ଡାଗ୍‍ଲା ଆତେନ୍‌‍ ଇସ୍‍ପର୍‍ନେ ନିୟମ୍‌ନ୍ନିଆ ଆଲେକେ ଣ୍ଡୁ ବାରି ଲେଃନେ ଅସମ୍ୱବ; 
\v 8 ଜାଣ୍ଡେଇଂ ଗାଗ୍‍ଡେ କାମ୍‍ରେ ଲେଃଆର୍‍କେ ମେଇଂ ଇସ୍‍ପର୍‍ନେ ସାର୍‍ଦାନେ ଉଙ୍ଗ୍‍ଡେ ଡିଙ୍ଗ୍‍ ଆୟାଆର୍‍ ଣ୍ଡୁ ।
\p
\v 9 ମାତର୍‍ ଇସ୍‍ପର୍‍ନେ ଆତ୍ମା ଜଦି ପେ ଡାଗ୍‍ରା ଲେଃକେ ତେଲା ପେ ଗାଗ୍‍ଡ଼େନେ ଲାଲ୍‍ସାରେ ଣ୍ଡୁ ମାତର୍‍ ଆତ୍ମାନେ ଲାଲ୍‍ସାରେ ପେଲେଃକେ । ଜଦି ଜାଡିଗ୍‍ କିସ୍‌ଟନେ ଆତ୍ମା ବା ଆଲେ ତେଲା ମେଁ ମେଁନେ ଣ୍ଡୁ । 
\v 10 ମାତର୍‍ ଜଦି କିସ୍‌ଟ ପେ ଡାଗ୍‍ରା ପାଲେଃ ତେଲା ଗାଗ୍‌ଡ଼େ ପାପ୍‍ ନ୍‌ସା ଗୁଏନେ ମାତର୍‍ ଆତ୍ମା ଦାର୍‍ମିକ୍‍ ସାମୁଆଁ ସା ଜିବନ୍‍ ବାଏ । 
\v 11 \x + \xo ୮:୧୧ \xo*\xt ୧ କରିନ୍‌ତିୟ ୩:୧୬.\xt*\x*ବାରି ଜା ଗୁଏକ୍ନେଣ୍ଡ୍ରେବାନ୍‍ ଜିସୁକେ ଆତଡ଼ିଆକେ ମେଁନେ ଆତ୍ମା ଜଦି ପେ ଡାଗ୍‍ରା ଲେଃଏ ତେଲା ଜେ ଗୁଏକ୍ନେବାନ୍‍ କିସ୍‌ଟ ଜିସୁକେ ଆତଡ଼ିଆକେ ମେଁ ପେ ଡାଗ୍‍ରା ବାସା ଡିଙ୍ଗ୍‍କ୍ନେ ପେ ଆତ୍ମାନେବାନ୍‍ ପେନେ ଗୁଏକ୍ନେ ଗାଗ୍‌ଡ଼େକେ ଡିଗ୍‍ ଜିବନ୍‍ ଆଡିଙ୍ଗ୍‍ଏ ।
\p
\v 12 ତେଲା ଅ ବୟାଁ ତନାଇଂ ନେ ରୁନ୍‌ ଡିଙ୍ଗ୍‍ନେଲେଃକେ ମାତର୍‍ ଗାଗ୍‍ଡ଼େ ବାବ୍‍ନା ଇସାବ୍‍ରେ ବ୍ରୁଆଡିକେ ନ୍‍ସା ଗାଗ୍‍ଡ଼େ ଡାଗ୍‍ରା ଣ୍ଡୁ । 
\v 13 ଡାଗ୍‍ଲା ଜଦି ପେ ଗାଗ୍‌ଡ଼େନେ ଚିନ୍ତା ଇସାବ୍‍ରେ ବ୍ରୁଆଡିକେ ପେଡିଙ୍ଗ୍ଏ ତେଲା ପେଗୁଏଃଏ, ମାତର୍‍ ଜଦି ଆତ୍ମାନେ ବାନ୍‍ ପେ ଗାଗ୍‍ଡ଼େନେ କାମ୍ ସାପାକେ ନସ୍ଟ ପେରାଡିଙ୍ଗ୍‍ଏ ତେଲା ଜିବନ୍‍ ପେବାଏ । 
\v 14 ତେସା ଉଡ଼ିରୁଆ ଇସ୍‍ପର୍‍ନେ ଆତ୍ମା ଏତେ ଅଲେଙ୍ଗ୍‍ ଡିଙ୍ଗ୍‍କେ ମେଇଂ ଇସ୍‍ପର୍‍ନେ ଉଂଡେ ।
\p
\v 15 \x + \xo ୮:୧୫ \xo*\xt ଗାଲାତିୟ ୪:୫-୭.\xt*\x*\x + \xo ୮:୧୫ \xo*\xt ମାର୍‌କ ୧୪:୩୬; ଗାଲାତିୟ ୪:୬.\xt*\x*ଡାଗ୍‍ଲା ପେ ବାର୍‌ମୁଇଂତର୍‍ ବୁଟ ପେଡିଙ୍ଗ୍‍ସା ଗତିରେନେ ଆତ୍ମା ପେବାକେ ମାତର୍‍ ଉଂଡେନେ ଆତ୍ମା ବାପେଲେଃକେ; ଜା ବାନ୍‍ କି ନେ “ଆବା” ଆବା ଡାଗ୍‍ଚେ ୱାନେମ୍ୟାକେ । 
\v 16 ନେ ଇସ୍‍ପର୍‍ନେ ଉଂଡେ ଡାଗ୍‍ଚେ ଆତେନ୍‌‍ ଆତ୍ମା ନିଜେ ନେନେ ଆତ୍ମା ଏତେ ସାକି ବିଡିଙ୍ଗ୍‍କେ । 
\v 17 ବାରି ଜଦି ଗଗିସିଆଃ ତେଲା ମେଁନେ ଉଂଡେ ବା ଜଦି କିସ୍‌ଟ ଏତେ ଗୌରବ୍‍ ବ୍‌ବା ନ୍‍ସା ନେ ମେଁ ଏତେ ଦୁକ୍‍ ବଗେ ନେଡିଙ୍ଗ୍‍କେ ତେଲା ଇସ୍‍ପର୍‍ନେ ଉଂଡେ ବାରି କିସ୍‍ଟନେ ଉଂଡେ ଡିଙ୍ଗ୍‍ଡିଙ୍ଗ୍‍ଏ ।
\s ଗୌରବ୍‍ନେ ଦିନ୍‍
\p
\v 18 ଆଣ୍ଡିନେ ଗୌରବ୍‍ ନେଆଡ଼ତ୍ରା ପାଙ୍ଗ୍‍ଏ ଆତେନ୍‌‍ ତୁଲନାରେ ଏନ୍ ଏବେନେ ଜୁଗ୍‍ନେ ଦୁକ୍‍ ବଗେନେ ମେଃଡିଗ୍‍ ଣ୍ଡୁ । 
\v 19 ତେସା ସୃସ୍‍ଟିନେ ମୁଇଂ ଇକ୍‌ଚା ଇସ୍‍ପର୍‍ନେ ଉଂଡ଼େଇଂକେ ଆତ୍ନା ନ୍‍ସା ଉର୍‍ଡିଙ୍ଗ୍‍କେ । 
\v 20 ମେଁ ଡାଗ୍‍ଲା ସୃସ୍‍ଟି ଜାବର୍‌ ଅସାରତାନେ ଆଲ ଡିଙ୍ଗ୍‍କେ ମେଃନେ ନିଜେନେ ଇକ୍‌ଚାରେ ଣ୍ଡୁ, ମାତର୍‍ ଜା ଆମେକେ ଆଲ ଆଡିଙ୍ଗ୍‍କେ, ମେଁନେ ଇକ୍‌ଚାବାନ୍‌ । 
\v 21 ବାରି ଆତେନ୍‌‍ ଆସାରେ ଡାଆଁ ଡିଙ୍ଗ୍‍କେ, ଜାକି ସୃସ୍‍ଟି ନିଜେ ଡିଗ୍‍ ଇସ୍‍ପର୍‍ନେ ଉଂଡେଇଂନେ ଗୌରବ୍‍ମୟ୍‍ ଅବସ୍ତା ବିସୟ୍‍ରେ ମୁକ୍‌ତି ବାନ୍‍ସା ବଃଚାଃନେ ଅବସ୍ତାବାନ୍‍ ମୁକ୍ତି ଡିଂଏ । 
\v 22 ଡାଗ୍‍ଲା ସାପା ସୃସ୍‍ଟି ଜେ ଏଃଜାକ ମୁଇଂ ମାଡ୍‍ରେ ସାର୍‍ଲ ଡିଙ୍ଗ୍‍ଆର୍‍କେ ବାରି ଣ୍ଡିଆକୁମାନେ କସ୍ଟ ରକମ୍‌ ତାନ୍ଦ୍ରା ଡିଂଡିଂକେ ଆକେନ୍‍ ନେ ମ୍ୟାଃନେଡିଙ୍ଗ୍‍କେ । 
\v 23 \x + \xo ୮:୨୩ \xo*\xt ୨ କରିନ୍‌ତିୟ ୫:୨-୪.\xt*\x*ବାରି ଆତେନ୍‌‍ଆ ଣ୍ଡୁ ମାତର୍‍ ସିସେ ଚୁଚୁ ରକମ୍‍ ଆତ୍ମାକେ ବାନେଲେଃକେ ଜେ ନେ ନିଜେ ନିଜେ ଡିଗ୍‍ ଉଂଡେ ଡିଙ୍ଗ୍‍ନେଲେଃକେ । ବା ନିଜେ ନିଜେ ଗାଗ୍‌ଡ଼େନେ ମୁକ୍‍ତି ବାନ୍‍ସା ଉର୍‍ଚେ ନିଜର୍‌ ଗର୍‍ବେ ବିତ୍‍ରେ ଅଁ ନେଡିଙ୍ଗ୍‍କେ । 
\v 24 ଡାଗ୍‍ଲା ଆସା ବନେବାନ୍‍ ନେ ପରିତ୍ରାନ୍‍ ବାନେଲେଃକେ; ମାତର୍‍ ମ୍ମୁଆଃ ସାମ୍‍ନା ବନେ ଆସା ଆତେନ୍‌‍ ଆସା ଣ୍ଡୁ । ତେସା ମେଃନେ ମୁଇଂଜା କିକେ ଡିଙ୍ଗ୍‍କ୍ନେ ଆତ୍‍ବା ମେଁ ମେଁସା ବାରି ଆସା ଡିଙ୍ଗ୍‍ଏ ? 
\v 25 ମାତର୍‍ ନେ ମେଃନେ କେନେଡିଙ୍ଗ୍‍କେ ଜଦି ମେଁ ଆତ୍‍ଲା ଆସା ନେଡିଙ୍ଗ୍‍ଏ ତେଲା ବର୍‍କସ୍‍ରେ ଆମେକେ ବାନେ ଜାକ ଉର୍‍ଚେ ନେଲେଃ ।
\p
\v 26 ବାରି ଦେତ୍‍ରକମ୍‍ ପବିତ୍ର ଆତ୍ମା ଡିଗ୍‍ ନେନେ ଦୁର୍ବଲ୍‍ରେ ଲେଃକେଲା ସାଇଜ୍ୟ ଡିଙ୍ଗ୍‍ମ୍ୟାକେ ଡାଗ୍‍ଲା ମେଃନେ ପାର୍‍ତନା ଡିଙ୍ଗ୍‍ନେ ଦର୍‍କାର୍‍ ଆତେନ୍‌‍ ନେ ନେମ୍ୟାଃକେ ଣ୍ଡୁ ମାତର୍‍ ଆତ୍ମା ନିଜେ ଚୁପ୍‍ଚାପ୍‍ରେ ମେଁ ପାର୍‍ତନାନ୍ନିଆ ନେ ଆତ୍‍ଲା ସାର୍ଲ ଡିଙ୍ଗ୍‍କେ; 
\v 27 ବାରି ଜା ନେନେ ରୁଦୟ୍‌କେ ତୁର୍‍ ଅଲେଙ୍ଗ୍‍ ଡିଙ୍ଗ୍‍କେ ଆତେନ୍‌‍ ଆତ୍ମାନେ ବାବ୍‍ନା ମେଁନେ ଆତେନ୍‌‍ ସାପା ମେଁ ମ୍ୟାଃଲେଃକେ ଡାଗ୍‍ଲା ମେଁ ଇସ୍‍ପର୍‍ନେ ଇକ୍‌ଚା ଇସାବ୍‍ରେ ସାଦୁଇଂ ଏତେ ସାର୍‍ଲମ୍ୟାଃକେ ।
\p
\v 28 ଜାଣ୍ଡେଇଂ ଇସ୍‍ପର୍‍କେ ଆଲାଦ୍ ଡିଂଆର୍‌ଏ ଜାଣ୍ଡେଇଂ ମେଇଂନେ ଚିନ୍ତା ଇସାବ୍‍ରେ ପାଙ୍ଗ୍‍ଲେଆର୍‍କେ ଇସ୍‍ପର୍‍ ଆତେନ୍‌‍ ସାପା ବିସୟ୍‌ରେ ମେଇଂନେ ମଙ୍ଗଲ୍ ଆତ୍‍ଲା ପୁରନ୍‌ ଡିଙ୍ଗ୍‍ମ୍ୟାକେ ଆକେନ୍‍ ନେ ମ୍ୟାଃନେଲେଃକେ । 
\v 29 ଡାଗ୍‍ଲା ଜାଣ୍ଡେଇଂକେ ମେଁ ସିସେବାନ୍ ମ୍ୟାଃଲେଃଗେ ଆମେଇଂକେ ମେଃନେ ଉଂଡେନେ ମୁର୍‍ତି ରକମ୍‌ ତ୍ନାନ୍‍ସା ମେଁ ସିସେବାନ୍ ଆର୍‍ମେ ଡିଗ୍‍ ବଗେ ଡିଡିରକମ୍‍ କି ମେଁ ଗୁଲେ ବୟାଁ ତନାଇଂନେ ବିତ୍‌ରେ ସେନୁଗ୍ ଜନମ୍ ଡିଙ୍ଗ୍‍ଏ । 
\v 30 ବାରି ଜାଣ୍ଡେଇଂକେ ମେଁ ସିସେବାନ୍ ଆର୍‍ମେ ବଗେ ଆମେଇଂକେ ମେଁ ଡିଗ୍ ୱାକେ ବାରି ଜାଣ୍ଡେଇଂକେ ମେଁ ୱାକେ ଆମେଇଂକେ ମେଁ ଡିଗ୍‍ ଦାର୍‍ମିକ୍‍ ଡାଗ୍‍ଚେ ବାଲିର୍‍କେ ବାରି ଜାଣ୍ଡେଇଂକେ ମେଁ ଦାର୍‍ମିକ୍‍ ଡାଗ୍‍ଚେ ବାଲିର୍‍କେ ଆମେଇଂକେ ମେଁ ଡିଗ୍‍ ଗୌରବ୍‍ ଆଡିଙ୍ଗ୍‍କେ ।
\s ଇସ୍‌ପର୍‌ନେ ଆଲାଦ୍
\p
\v 31 ତେଲା ଆକେନ୍‍ ସାପା ସାର୍‍ମୁଆଃନ୍ନିଆ ନେ ମେଃନେ ନେବାସଙ୍ଗ୍‍ଏ ? ଜଦି ଇସ୍‍ପର୍‍ ନେନେ ପାକା ତେଲା ନେନେ ପାକା ଜା ? 
\v 32 ଜା ନିଜର୍‍ ଉଂକେ ଡିଗ୍‍ ରକ୍ୟା ଆଡିଙ୍ଗ୍‍କେ ଣ୍ଡୁ ମାତର୍‍ ନେଆତ୍‍ଲା ଆମେକେ ସର୍‍ପେ ବିକେ ମେଁ ଡିରକମ୍‍ ମେଁ ଏତେ ଡିଗ୍‍ ସାପା ବିସୟ୍‍ ଆନେକେ ଦୟାରେ ଦାନ୍‍ ଆଡିଙ୍ଗ୍‍ ଣ୍ଡୁ ? 
\v 33 ଇସ୍‍ପର୍‍ ସ୍ରିବକ୍ନେ ରେମୁଆଁଇଂନେ ବିରଦ୍‍ରେ ଜା ବଡ଼୍‌ପନ୍‌ ଆଃସୁଏଃଏ ? ଇସ୍‍ପର୍‍ ତ ଆମେଇଂକେ ଦାର୍‍ମିକ୍‍ ଡାଗ୍‍ଚେ ବାସଙ୍ଗ୍‍ବକେ । 
\v 34 ଜାଣ୍ଡେଃ ଡଣ୍ଡ୍‍ ବିଏ ? କିସ୍‌ଟ ଜିସୁ ତ ଗୁଏକେ ବାରି ମେଁ ତଡ଼ିଆକେ ମେଁ ଇସ୍‍ପର୍‍ନେ ଇଂଚଙ୍ଗ୍‍ନ୍ତି ପାକା ଲେଃକେ । ମେଁ ଡିଗ୍‍ ନେ ଆତ୍‍ଲା ପାର୍‍ତନା ଡିଙ୍ଗ୍‍ଡିଙ୍ଗ୍‍କେ । 
\v 35 କିସ୍‌ଟନେ ଆଲାଦ୍‌ବାନ୍‍ ଜାଣ୍ଡେ ବିନେ ଆଃଡିଙ୍ଗ୍‍ଏ ? କି ଦୁକ୍‍, କି କସ୍‍ଟ, କି ନିନ୍ଦା, କି ମୁର୍‍ଡି, କି ନାଙ୍ଗ୍‍ଲା ଆଡିଙ୍ଗ୍‍ନେ, କି ବିପଦ୍‍, କି କାଣ୍ଡା ? 
\v 36 ସାସ୍ତର୍‌ନିଆ ଗୁଆର୍‍ବକେ
\q1 “ପେ ଆତ୍‍ଲା ନେ ସାପା ଦିନା ଆରେ ନେଡିଙ୍ଗ୍‍କେ;
\q2 ନେ ବାଗୁଏବକ୍ନେ ମେଣ୍ଡା ରକମ୍‍ ନେଲେଃକେ ।”
\m
\v 37 ତେଲାଡିଗ୍‍ ଜା ଆନେକେ ଆଲାଦ୍ ଡିଂଆର୍‌ଡିଂକେ ମେଁବାନ୍‍ ନେ ଆକେନ୍‍ ସାପା ବିସୟ୍‍ରେ ସାପାଅରିଆ ଜିତେ ନେଡିଙ୍ଗ୍ । 
\v 38 ନେଙ୍ଗ୍‍ ଡିଲାଡିଗ୍ ମ୍ୟାଃ ନ୍ଲେଃକେ ଜେ ମେଁ ଆଲାଦ୍‌ ବାନ୍‍ ନେ ଅଃନା ଅଲ୍‍ଗା ନେଡିଙ୍ଗ୍‍ ଣ୍ଡୁ । ଗୁଏଃନେ ଲେଃ ଜିବନ୍‍ ଡିଙ୍ଗ୍‍ନେ କିତଂ ଦୁତ୍ ବାରି କିତଙ୍ଗ୍‍ ରାଜିନେ ମେଃଡିଗ୍‍ ନେତା ଲେଃ ବପୁ ଏବେ ଣ୍ଡୁଲା ଡାନେବେଲା, 
\v 39 ଆଡ଼ାତ୍ରାନେ ବିସୟ୍‍ ଡିଙ୍ଗ୍‍ଲେ କି ବୁନ୍ଦେନେ ବିସୟ୍‍ ଡିଙ୍ଗ୍‍ଲେ କି ବିନ୍‍ ମେଃଡିଗ୍‍ ଆରେକ୍ନେ ଜିନିସ୍‍ ନେନେ ମାପ୍‍ରୁ କିସ୍‌ଟ ଜିସୁନେବାନ୍‍ ତ୍ନାଲେଃକେ ଇସ୍‍ପର୍‍ନେ ଆଲାଦ୍‌ବାନ୍‍ ଜା ଆନେକେ ଅଲ୍‍ଗା ଆଡିଙ୍ଗ୍‍ ଆୟା ଣ୍ଡୁ ।
\c 9
\s ଇସ୍‌ପର୍ ଆରି ମେଁନେ ରେମୁଆଁଇଙ୍ଗ୍
\p
\v 1 ନିଂ ସତ୍‌ ବାସଙ୍ଗ୍‌ଣ୍ଡିଂକେ, କ୍ରିସ୍ଟନେ ଡିଂନ୍ଲେଃକେସାଃ ନେଙ୍ଗ୍‍ନେ ଗର୍‍ବେ ଅରିଆ ଜାବର୍‌ ଦୁକ୍‍ ବାରି କାଲାଆଃ ଦୁକା ଡିଂଡିଙ୍ଗ୍‍କେ, 
\v 2 ଆକେନ୍‍ ନେଙ୍ଗ୍‍ କିସ୍‍ଟନେ ସାମ୍‍ନାଅରିଆ ସତ୍‍ ବାଲିର୍‍ଣ୍ଡିଂକେ ମିଚ୍‍ ବାସଙ୍ଗ୍‍ ନାଡିଙ୍ଗ୍‍କେ ନେଙ୍ଗ୍‍ନେ ବିବେକ୍‍ ପବିତ୍ର ଆତ୍ମାନେ ବପୁରେ ନେଙ୍ଗ୍‍ ଏତେ ସାକି ବିଡିଙ୍ଗ୍‍କେ । 
\v 3 ଡାଗ୍‍ଲା ଜାଣ୍ଡେଇଂ ଗାଗ୍‍ଡ଼େ ଇସାବ୍‍ରେ ନେଙ୍ଗ୍‍ନେ ରେମୁଆଁଗଣ୍ଡ୍‍ ଦେକ୍‍ରକମ୍‍ ନେଙ୍ଗ୍‍ନେ ବୟାଁଇଂ ଆତ୍‍ଲା ନେଙ୍ଗ୍‍ ନିଜେ କିସ୍‌ଟନେ ଡାଗ୍‍ରା ବାନ୍‍ ଅଲ୍‍ଗା ଲେଃଚେ ଅବିସାପ୍‍ ବାନ୍‍ସା ଇକ୍‌ଚା ମ୍ପାଡିଙ୍ଗ୍‍ । 
\v 4 ମେଇଂ ତ ଇସ୍ରାଏଲ୍‍ନେ ଉଂଡେଇଂ ଗୌରବ୍‍ ନିୟମ୍‍ ଆଣ୍ଡେଙ୍ଗ୍‍ ନିୟମ୍‌ ବିନେ ପାର୍‍ତନା ଡିଙ୍ଗ୍‍ନେ ବାରି ଆଦେସ୍‍ ଆଣ୍ଡେଙ୍ଗ୍‍ ମେଇଂନେ । 
\v 5 ନ୍ତାଞ୍ଜାଇଂ ମେଇଂନେ ବାରି ଗାଗ୍‍ଡ଼େନେ ଇସାବ୍‍ରେ ମେଇଂନେବାନ୍‍ କିସ୍‌ଟ ପାଙ୍ଗ୍‍ଲେଃକେ; ଆତେନ୍‌‍ ସାପାନେ ଇସ୍‍ପର୍‍ ଜୁଗ୍‍ ଜୁଗ୍‍ ଦନ୍ୟ ଡିଙ୍ଗ୍‍ଲେ ଆମେନ୍‍ ।
\p
\v 6 ମାତର୍‍ ଇସ୍‍ପର୍‍ନେ ବ୍ନାଇର୍‍ ଜେ ସରାଃ ଡିଙ୍ଗ୍‍ଲେଃକେ ଦେକ୍‍ ରକମ୍‍ ଣ୍ଡୁ ଡାଗ୍‍ଲା ଜାଣ୍ଡେଇଂ ଇଶ୍ରାୟେଲ୍ ବଂସନ୍ନିଆବାନ୍‍ ଜନମ୍‍ ପାଙ୍ଗ୍‍ଲେଃକେ ମେଇଂ ମେଃନେ ସାପାରେ ଇସ୍ରାଏଲ୍‍ନେ 
\v 7 ବା ଅବ୍ରାହାମ୍‌ନେ ବଂସ ଡାଗ୍‍ଚେ ଜା ସାପାରେ ଗଗିସିଆ ଆତେନ୍‌‍ ଣ୍ଡୁ, “ମାତର୍‍ ଇସାକ୍‍ ଡାଗ୍‍ରା ନାନେ ବଂସ ଜନମ୍‍ ପାଙ୍ଗ୍‍ଏ ।” 
\v 8 ଆକ୍ମେନେ ଅର୍‍ତ ଡିଙ୍ଗ୍‍ଡିଙ୍ଗ୍‍କେ ରେମୁଆଁ ଉଙ୍ଗ୍‍ଡେ ଡିଙ୍ଗ୍‍ଲେଲା ଇସ୍‍ପର୍‍ନେ ଉଙ୍ଗ୍‍ଡେ ଡିଙ୍ଗ୍‍ ଆୟା ଣ୍ଡୁ । ଇସ୍‍ପର୍‍ନେ ପାର୍‌ମାନ୍‌ ଇସାବ୍‍ରେ ଜନମ୍‍ ଡିଙ୍ଗ୍‍ଲେଃକ୍ନେ ଉଙ୍ଗ୍‍ଡେଇଂ ଇସ୍‍ପର୍‍ ସାମ୍‍ନାରେ ସତ୍‍ ଉଙ୍ଗ୍‍ଡେ ଡାଗ୍‍ଚେ ମ୍ୟାଃଆର୍‍ଏ । 
\v 9 ଇସ୍‍ପର୍‍ ଆକେନ୍‍ ପାର୍‌ମାନ୍‌ ଡିଙ୍ଗ୍‍ବଗେ “ଟିକ୍ ଆକେନ୍‍ ଆର୍‍କେ ନେ ନେଅଲେଙ୍ଗ୍‍ଏ ଆତେନ୍‌‍ବେଲା ସାରାକେ ଗଡ଼େଅ ଜନମ୍‍ ଡିଙ୍ଗ୍‍ଲେଃଏ ।”
\p
\v 10 ବାରି ଅଃତେନ୍‍ ଆଃ ଣ୍ଡୁ । ରିବିକାନେ ମ୍ୱାକିଲିଗ୍‍ ଉଙ୍ଗ୍‍ଡେ ମୁଇଂ ବାଡ଼େ ଇସ୍‌ହାକ୍‌ବାନ୍‍ ଜନମ୍‍ ଡିଙ୍ଗ୍‍ଲେଃଲା ଡିଗ୍‍ । 
\v 11 ଆକ୍ମେଇଂନେବାନ୍‍ ମୁଇଂ ଇସ୍‍ପର୍‍ନେ ଉଦେସ୍‍ ପୁରନ୍‌ ଆଃଡିଂ ନ୍‌ସା ସ୍ରିକେ । ମେଇଂ ଜନମ୍‍ ଡିଙ୍ଗ୍‍କ୍ନେ ସିସେ ଜାଣ୍ଡେ କିଚି ସତ୍‍ ବା ଅସତ୍‍ କାମ୍ ଡିଙ୍ଗ୍‍ନେ ସେନୁଗ୍‍ ଇସ୍‍ପର୍‍ ଆକେନ୍‍ ବାସଙ୍ଗ୍‍ବଗେ । ମେଇଂନେ କାମ୍‍ ଡିଙ୍ଗ୍‍କ୍ନେ ଚୁଚୁବାନ୍‍ ଣ୍ଡୁ କେବଲ୍‍ ଇସ୍‍ପର୍‍ ୱାକ୍ନେବାନ୍‍ ମେଇଂ ମନନିତ୍‍ ଡିଙ୍ଗ୍‍ଆର୍‍କେ । 
\v 12 ଆତେନ୍‌‍ସା ରିବିକାକେ ଇସ୍‍ପର୍‍ ବାଲିର୍‍କେ “ମ୍ନାବୟାଁ ଡାଆଁ ବୟାଁନେ ସେବା ଡିଙ୍ଗ୍‍ଏ ।” 
\v 13 ସାସ୍ତର୍‌ନେ ବ୍ନାଲିର୍‍ ଇସାବ୍‍ରେ “ଜାକୁବ୍‌କେ ନେ ଆଲାଦ୍ ନେଡିଂକେ ମାତର୍‍ ଏଷୌକେ ଗୁର୍‍ନା ନେଡିଙ୍ଗ୍‍କେ ।”
\p
\v 14 ତେଲା ମେଃନେ ନେବାସଙ୍ଗ୍‍ଏ, “ଇସ୍‍ପର୍‍ ଅନ୍ୟାୟ୍‍ ଡିଙ୍ଗ୍‍ଡିଙ୍ଗ୍‍କେ କି ?” ଅଃନା ଣ୍ଡୁ । 
\v 15 ମେଃଡାଗ୍‌ଲା ମେଁ ମୋଶାକେ ବାସଙ୍ଗ୍‍ବଗେ “ନେ ଆଜାକେ ଇକ୍‌ଚା ଆମେକେ ଅନୁଗ୍ର‍ଅ ନେଡିଙ୍ଗ୍‍ଏ; ଆଜାକେ ଇକ୍‌ଚା ଆମେକେ ଦୟା ନେଡିଙ୍ଗ୍‍ଏ ।” 
\v 16 ତେସା ସାପା ବିସୟ୍‍ ଇସ୍‍ପର୍‍ନେ ଅନୁଗ୍ର‍ଅ ଆଡ଼ାତ୍ରା ଆସା ଡିଂଆର୍‌ଡିଂକ୍ନେ ରେମୁଆଁନେ ରାଜିରେ ବା କାମ୍ ଆଡ଼ାତ୍ରା ଣ୍ଡୁ । 
\v 17 ସାସ୍ତର୍‌ ଇସାବ୍‍ରେ ଇସ୍‍ପର୍‍ ମିସର୍‍ନେ ଇଃସାଙ୍ଗ୍‌କେ ବାଲିର୍‍ବଗେ “ନା ବାନ୍‍ ନେନେ ବପୁ ଆକେନ୍‍ସା ବାରି ସାପା ମଞ୍ଚ୍‌ପୁର୍‍ନ୍ନିଆ ନେନେ ମ୍ନି ମ‍ଇମା ଡିଂଏ, ଆକେନ୍‍ସା ନେ ଆନାକେ ଇଃସାଙ୍ଗ୍‌ ଆଡିଙ୍ଗ୍‍ନେବ ।” 
\v 18 ଆତେନ୍‌‍ସା ଇସ୍‍ପର୍‍ନେ ରାଜି ଇସାବ୍‍ରେ ମେଁ ଜା ଆଡ଼ାତ୍ରା ଦୟା ଆଃସୁଏଃଏ ବାରି ଆଜାକେ ଡାଟ୍‍ ଆସୁଏନ୍‍ସା ଆନ୍ତାର୍‍ ବିଏ ।
\s ଇସ୍‍ପର୍‍ନେ ରିସା ବାରି ଦୟା
\p
\v 19 ପେ ବିତ୍‍ରେବାନ୍‍ ଜାଣ୍ଡେଡିଗ୍‍ ଆନେଙ୍ଗ୍‍କେ ବାସଙ୍ଗ୍‍ ୟାଏ “ଡେତ୍‌ଲା ଇସ୍‍ପର୍‍ ମେଁସା ଆଜାକେ ଦସି ଆଡିଙ୍ଗ୍‍ଏ ? ଜା ମେଃନେ ଇସ୍‍ପର୍‍ ବିରୁଦ୍‍ରେ ମେଃଡିଗ୍‍ ବାସଙ୍ଗ୍‍ ୟାଏ ?” 
\v 20 ମାତର୍‍ ବୟାଁଇଂ ଇସ୍‍ପର୍‍ନେ ସାମୁଆଁରେ କିରମର ଡିଙ୍ଗ୍‍ନେସା ନା ଜାଣ୍ଡେ ? “ଆନେଙ୍ଗ୍‍ ଦେତ୍‍ରକମ୍‍ ମେଁସା ନାରାଃରେକେ” ଡାଗ୍‍ଚେ ମୁତାମୁଇଂ ମୁତା ଆଃରେଣ୍ଡ୍ରେକେ ସାଲିଆକୁଗ୍‍ ଆୟା ଣ୍ଡୁ । 
\v 21 ତୁବକେ କୁମ୍ବାର୍‌ ନିଜର୍‍ ଇକ୍‌ଚା ଇସାବ୍‍ରେ ବେବଆର୍‍ ଡିଙ୍ଗ୍‍ଚେ ମୁତା ଆରେନ୍‍ସା ମୁତା ଆରେନେ ପୁରାପୁରି ଅଦିକାର୍‍ ଲେଃକେ । ମୁଇଂ ରକମ୍‍ ତୁବଃ କିଡ଼ିଲଃବାନ୍‍ ମେଁ ମ୍ୱାର୍‍ ରକମ୍‍ ଙ୍କୁଇ ଆରେ ଇଁୟାଏ ମୁଇଂ ବଲ୍‍ ଦିନା ଆଣ୍ଡେଙ୍ଗ୍‍ସା ବାର୍‌ମୁଇଂ ସରାଃଦିନା କାମ୍ ଆଣ୍ଡେଙ୍ଗ୍‍ ଅରିଆ ବେବଆର୍‍ ଡିଙ୍ଗ୍‍ନେସା ।
\p
\v 22 ଇସ୍‍ପର୍‍ ଡିଗ୍‍ ଟିକ୍‍ ଦେତ୍‍ରକମ୍‍ ଡିଙ୍ଗ୍‍ବକେ । ମେଁ ଚାଏଁଡିଂଗେ, ମେଁନେ ରିସା ଆସୁଏଃ ନ୍‍ସା ବାରି ଜିତେନେ ଆସୁଏଃ ନ୍‍ସା । ମାତର୍‍ ଜାଣ୍ଡେ ମେଁନେ ରିସା ରେମୁଆଁ ଡିଙ୍ଗ୍‍ଚେ ନସ୍ଟ ଡିଙ୍ଗ୍‍ନେ ଡିଲାଡିଗ୍‌ ଲେଃଗେ, ମେଇଂନେ ଆଡ଼ାତ୍ରା ଇସ୍‍ପର୍‍ ଜାବର୍‌ ଦୟାଦରମ୍‍ ଆଃସୁଏକେ । 
\v 23 ବାରି ମେଁ ମେଃନେ ଅଗ୍ଲେଚଗ୍ଲେ ଗୌରବ୍‍ ଆକେନ୍‍ସା ଆନେକେ ବିନ୍‌ ଅନୁଗ୍ର‍ଅନେ ଙ୍କୁଇ ରକମ୍‍ ସିସେ ବାନ୍‍ ସ୍ରିବଗେ । 
\v 24 ଜିହୁଦି ବାରି ବିଜାତି ରେମୁଆଁଇଂନେ ବିତ୍‍ରେ ମେଁ ଆନେକେ ୱାବକେ । 
\v 25 ଆକେନ୍‍ ସମ୍ପର୍କରେ ହୋଶେୟ ବଇନ୍ନିଆ ଇସ୍‍ପର୍‍ ବାସଙ୍ଗ୍‍ବକେ:
\q1 “ଜାଣ୍ଡେଇଂ ନେନେ ରେମୁଆଁ ଆଲେଗେ;
\q2 ଆମେଇଂକେ ନିଜର୍‍ ରେମୁଆଁ ରକମ୍‍ ନେୱାଏ ।
\pi ମୁଡ଼ି ଜାତିକେ ନେ ଆଲାଦ୍ ଡିଂନେଃଡିଙ୍ଗେ ଣ୍ଡୁ
\q2 ଆମେକେ ନେନେ ବୟାଁ ଡାଗ୍‍ଚେ ନେବାସଙ୍ଗ୍‍ଏ ।
\q1
\v 26 ଆଣ୍ଡିନେ ଜାଗା ଅରିଆ ଆମେଇଂକେ ବାଲିର୍‍ନେବଗେ ‘ପେ ନେନେ ରେମୁଆଁ ଣ୍ଡୁ’
\q2 ଆତ୍‍ଅରିଆ ମେଇଂ ଜିବନ୍‍ ଇସ୍‍ପର୍‍ନେ ଉଙ୍ଗ୍‍ଡେ ଡାଗ୍‍ଚେ ବାସଙ୍ଗ୍‍ଆର୍‍ଏ ।”
\m
\v 27 ବାରି ଇସ୍ରାଏଲ ସମ୍ପର୍କରେ ଯିଶାଇୟ ବାଲିର୍‍ବଗେ “ଜଦି ଡିଙ୍ଗ୍‍ଏ ଇଶ୍ରାୟେଲ୍‌ଇଂ ମ୍ନା କେଣ୍ଡିଆନେ ବାଲି ରକମ୍‍ ଏଜା ଆଡିଙ୍ଗ୍ ଣ୍ଡୁ ମେଇଂନେବାନ୍‍ ଗଣ୍ଡା ଉଡ଼ିରୁଆ ମାତର୍‍ ପରିତ୍ରାନ୍‍ ବା ଆର୍‍ଏ । 
\v 28 ମେଃଡାଗ୍‌ଲା ମାପ୍‍ରୁ ଜିଆଜିଆ ମଞ୍ଚ୍‌ପୁର୍‌ନ୍ନିଆ ପୁରାପୁରି ନ୍ୟାୟ୍ ବିଚାର୍‍ ଡିଙ୍ଗ୍‍ଏ ।” 
\v 29 ଡିଡିରକମ୍‍ ଯିଶାଇୟ ଅଃସେ ବାସଙ୍ଗ୍‍ବଗେ, “ସାପାଟୁ ବପୁରେ ମାପ୍‍ରୁ ନେନେ ଉଡ଼ିରୁଆ ବଁସ୍‍କୁଲ୍‍କେ ରକ୍ୟା ଡିଙ୍ଗ୍‍ଆବଗେ ନେନେ ଅବସ୍ତା ସଦୋମ ବାରି ଗମୋରାନେ ରେମୁଆଁଇଂ ରକମ୍‍ ପାଡିଙ୍ଗ୍‍ଆର୍‍ ।”
\s ଇଶ୍ରାୟେଲ୍ ନ୍‌ସା ପାଉଲ୍‍ନେ ପାର୍‍ତନା
\p
\v 30 ତେସା ବିଜାତି ରେମୁଆଁଇଂନେ ବିସୟ୍‍ରେ ଆକେନ୍‍ ବାସଙ୍ଗ୍‍ ୟାଡିଙ୍ଗ୍‍ଏ ମେଇଂ ଦାର୍‍ମିକ୍‍ ଡିଙ୍ଗ୍‍ସା ଚେସ୍‍ଟା ଡିଙ୍ଗ୍‍ ଆଡିଙ୍ଗ୍‍ଆର୍‌ଗେ ମାତର୍‍ ମେଇଂନେ ବିସ୍‌ବାସ୍‌‍ ନ୍‌ସା ଦାର୍‍ମିକ୍‍ ଡିଙ୍ଗ୍‍ ୟାଆର୍‍କେ । 
\v 31 ମାତର୍‍ ଜିଉଦିଇଂ ନିୟମ୍‌ ବାନ୍‍ ଦାର୍‍ମିକ୍‍ ଡିଙ୍ଗ୍‍ନେସା ଚେସ୍‍ଟା ଡିଙ୍ଗ୍‍ଚେ ସରା ଡିଙ୍ଗ୍‍ଲେଃଆର୍‍କେ । 
\v 32 ଆକ୍ମେନେ କାରନ୍‍ ଡିଙ୍ଗ୍‍ଡିଙ୍ଗ୍‍କେ ମେଇଂ ନିଜର୍‍ ଚେସ୍‍ଟା ଆଡ଼ାତ୍ରା ଆସା ଡିଙ୍ଗ୍‍ଆର୍‍ଡିଙ୍ଗେ ବିସ୍‌ବାସ୍‌ ଆଡ଼ାତ୍ରା ଣ୍ଡୁ । ଆତେନ୍‌‍ସା ମେଇଂ କସ୍‍ଟ ବିଡିଙ୍ଗ୍‍କ୍ନେ ବ୍ରି ଅରିଆ ଚିନା ବାନାଚେ ଟେପ୍ଲଃ ଲଃଆର୍‍କେ । 
\v 33 ସାସ୍ତର୍‌ନିଆ ଡିଡିରକମ୍‍ ଗୁଆର୍‍ବକେ:
\q1 “କେଲାପା ନେ ସିୟନ ଆଡ଼ାତ୍ରା ମୁଇଂ ବ୍ରି ବାରି ମୁଇଂ ପ୍‌ଡାର୍‌ବିର୍ ଆରେନେବକେ ।
\q2 ଆତ୍‍ଅରିଆ ଚିନା ବାନାଚେ ରେମୁଆଁଇଙ୍ଗ୍ ଟେପ୍ଲଃ ଲଃଆର୍‍ଏ ।
\q2 ମାତର୍‍ ବିସ୍‌ବାସ୍‌‍ ରେମୁଆଁଇଂ ନିରାସ୍‍ ଆଡିଙ୍ଗ୍‍ଆର୍‍ ଣ୍ଡୁ ।”
\c 10
\p
\v 1 ଅ ବୟାଁ ତନାଇଂ ନେଙ୍ଗ୍‍ ନିଜର୍ ଜାତିନେ ରେମୁଆଁ ଉଦାର୍‍ ବାଆର୍‍ଲେ ଆକେନ୍‍ ନେଙ୍ଗ୍‍ନେ ଗର୍‍ବେନେ ଇକ୍‌ଚା ବାରି ଇସ୍‍ପର୍‍ ଡାଗ୍‍ରା ଆକେନ୍‍ ନେଙ୍ଗ୍‍ନେ ମୁଇଂ ପାର୍‍ତନା । 
\v 2 ଇସ୍‍ପର୍‍ ଆଡ଼ାତ୍ରା ମେଇଂନେ ଜାବର୍‌ ବକ୍‍ତି ଲେଃକେ ମାତର୍‍ ଆତେନ୍‌‍ ବକ୍‍ତି ସତ୍‍ ଗିଆନ୍‍ ଆଡ଼ାତ୍ରା ଆରାରେକେ ଣ୍ଡୁ । 
\v 3 ରେମୁଆଁନେ ଦାର୍‍ମିକ୍‍ ରକମ୍‍ ଗ୍ରଅନ୍ ଡିଙ୍ଗ୍‍ନେସା ଇସ୍‍ପର୍‍ ଆରେବକ୍ନେ ଉପାୟ୍‍ ତଙ୍ଗାର୍ ମାରାଡିଙ୍ଗ୍‍ଚେ ମେଇଂ ଦାର୍‍ମିକ୍‍ ଡିଙ୍ଗ୍‍ନେସା ନିଜେନେ ଗାଲିପାକା ଅଲେଙ୍ଗ୍‍ ଡିଂଆର୍‍କେ । ତେସା ମେଇଂ ଇସ୍‍ପର୍‍ନେ ଆତେନ୍‌ ଗାଲିକେ ଆନ୍ତାର୍‍ ବିବଆର୍‍କେ । 
\v 4 କିସ୍‌ଟ ଆଃ ନିୟମ୍‌ନେ ସାପା କିଚି ମୁଇଂ ମେଁଡାଗ୍ରା ବିସ୍‌ବାସ୍‌‍ ଡିଙ୍ଗ୍‍ନେବାନ୍‍ ରେମୁଆଁ ଇସ୍‍ପର୍‍ନେ ଡାଗ୍ରା ଦାର୍‍ମିକ୍‍ ଡାଗ୍‍ଚେ ଆଃକେପା ।
\s ସାପାରେ ନ୍‍ସା ଉଦାର୍‍
\p
\v 5 ନିୟମ୍‌ ପାଲେନେବାନ୍‍ ଦାର୍‍ମିକ୍‍ ଡିଙ୍ଗ୍‍ନେ ବିସୟ୍‍ରେ ମୋଶା ଗୁଆର୍‍ବକେ: “ଜାଣ୍ଡେଇଂ ଇସ୍‍ପର୍‍ନେ ଆଦେସ୍‌ ପାଲେ ଆର୍‍ଡିଙ୍ଗ୍‍କେ ମେଇଂ ବ୍ରୁଆ ଆର୍‍ଏ ।” 
\v 6 ମାତର୍‍ ବିସ୍‍ବାସ୍‌ ଏତେ ଦାର୍‍ମିକ୍‍ ଆକେନ୍‍ ବିସୟ୍‍ରେ ସାସ୍ତର୍‌ଅରିଆ ଗୁଆର୍‍ବକେ “ଜା କିତଂଇନି ଡେଃଏ ? କିସ୍‌ଟକେ ଆଲ ରାଙ୍ଗ୍‍ଜାର୍‍ ନ୍‌ସା ପେ ଆକେନ୍‍ ପ୍ରସ୍‍ନ ଡିଙ୍ଗ୍‍ନେ ବଲ୍‍ ଣ୍ଡୁ । 
\v 7 ବାରି ଜା ପାତାଲ୍‌ପୁର୍ ୱେଏ ? କିସ୍‌ଟକେ ଆଃତଡ଼୍ୟାଚେ ଡୁଙ୍ଗ୍‍ପାଙ୍ଗ୍‍ ନ୍‌ସା ଆକେନ୍‍ ସାମୁଆଁ ଡିଗ୍‍ ପେ ସାଲିଆକୁନେ କିଚି ଦର୍‍କାର୍‍ ଣ୍ଡୁ ।” 
\v 8 ମେଃଡାଗ୍‌ଲା ସାସ୍ତର୍‌ ଇସାବ୍‍ରେ “ଇସ୍‍ପର୍‍ନେ ବ୍ନାଇର୍‍ ନା ଡାଗ୍‍ରା ନା ତୁମୁଆଃ ବାରି ଉର୍‍ଦେନ୍ନିଆ ଲେଃକେ ।” ବିସ୍‌ବାସ୍‌‍ ବିସୟ୍‍ରେ ଆକେନ୍‍ ବ୍ନାଇର୍‍ ଆଃ ନେ ବାସଙ୍ଗ୍‍ନେଡିଙ୍ଗ୍‍କେ । 
\v 9 ଜଦି ଜିସୁକେ ମାପ୍‍ରୁ ଡାଗ୍‍ଚେ ତୁମୁଆଃନ୍ନିଆ ପେବାସଙ୍ଗ୍‍ଏ ବାରି ଇସ୍‍ପର୍‍ ଆମେକେ ଗୁଏକ୍ନେବାନ୍‍ ଆଃତଡ଼୍ୟା ବକେ ଡାଗ୍‍ଚେ ଉର୍‍ଦେ ଅରିଆ ବିସ୍‌ବାସ୍‌‍ ଡିଙ୍ଗ୍‍ପା ତେଲା ପେ ଉଦାର୍‍ ପେବାଏ । 
\v 10 ବିସ୍‌ବାସ୍‌‍ ଏତେ ନେ ଇସ୍‍ପର୍‍ନେ ସାମ୍‍ନାରେ ଦାର୍‍ମିକ୍‍ ଡାଗ୍‍ଚେ ଆକେଡିଙ୍ଗ୍‍ଏ ବାରି ତୁମୁଆଃନ୍ନିଆ ବାସଙ୍ଗ୍‍ନେବାନ୍‍ ନେ ଉଦାର୍‍ ବାନେୟାଏ । 
\v 11 ସାସ୍ତର୍‌ ଇସାବ୍‍ରେ “ମେଁ ଡାଗ୍‍ରା ବିସ୍‌ବାସ୍‌‍ ଡିଙ୍ଗ୍‍ଚେ ଜା ଡିଗ୍‍ ଗିଆସ ଆଡିଙ୍ଗ୍‍ ଣ୍ଡୁ ।” 
\v 12 ମେଃଡିଗ୍‍ ବେଦ୍‍ବାବ୍‌ ମାଲେଃଚେ ଆକେନ୍‍ ସାମୁଆଁ ଜିହୁଦି ଅଣଜିଉଦି ସାପାରେ ନ୍‍ସା ଦର୍‍କାର୍‍ । କେବଲ୍‍ ଇସ୍‍ପର୍‍ ସାପାରେନେ ମାପ୍‍ରୁ । ଜାଣ୍ଡେଇଂ ମେଇଂନେ ସାଇଜ୍ୟ ପାର୍‍ତନା ଡିଙ୍ଗ୍‍ଆର୍‍ଏ ଆମେଇଂକେ ମେଁ ଜାବର୍‌ ଆସିର୍‍ବାଦ୍‍ ଡିଙ୍ଗ୍ଏ । 
\v 13 “ଜା ଡିଗ୍‍ ମାପ୍‍ରୁ ମ୍ନିରେ ପାର୍‍ତନା ଡିଙ୍ଗ୍‍ଏ ମେଁ ଉଦାର୍‍ ବାଏ ।”
\p
\v 14 ମାତର୍‍ ମେଁ ଡାଗ୍‍ରା ବିସ୍‌ବାସ୍‌ ମାଡିଙ୍ଗ୍‍ଚେ ମେଇଙ୍ଗ୍ ଡିରକମ୍‍ ଆମେକେ ପାର୍‍ତନା ଡିଙ୍ଗ୍‍ଏ ? ବାରି ମେଁ ବିସୟ୍‍ରେ ମାପ୍‍ରୁ ସାମୁଆଁ ମାଦ୍ରିଗ୍‍ଚେ ମେଇଙ୍ଗ୍ ଡିରକମ୍‍ ବିସ୍‌ବାସ୍‌‍ ଡିଙ୍ଗ୍‍ଆର୍‍ଏ ? ବାରି ବାସଙ୍ଗ୍‍ ଆଅଲେଙ୍ଗ୍‍ଲା ଆତେନ୍‌‍ ବ୍ନାଲିର୍‍ ମେଇଂ ଡିରକମ୍‍ ଅଁ ଆର୍‍ଏ ? 
\v 15 ବାରି ବାସଙ୍ଗ୍‍ ଅଲେଙ୍ଗ୍‍ନେସା ମୁଇଙ୍ଗ୍‌ଡା ବାସଙ୍ଗ୍‍ ଅଲେଙ୍ଗ୍‍ଏ ଡିରକମ୍‍ ? ଏନ୍‌‍ ବିସୟ୍‍ରେ ସାସ୍ତର୍‌ନ୍ନିଆ ଗୁଆର୍‍ବକେ: “ମାପ୍‍ରୁ ସାମୁଆଁ ବାସଙ୍ଗ୍‍ ଅଲେଙ୍ଗ୍‍ଣ୍ଡ୍ରେନେ ମାପ୍‍ରୁ ଏତେ ୱେନେ ଉଡ଼ି‍ ମ୍ଲେଡ଼୍ୟାନେ ସାମୁଆଁ !” 
\v 16 ମାତର୍‍ ସାପାରେ ଆତେନ୍‌‍ ମାପ୍‍ରୁନେ ସାମୁଆଁକେ ଆସା ଆର୍‍ । ଆତେନ୍‌‍ସା ଯିଶାଇୟ ଗୁଆର୍‍ବକେ “ମାପ୍‍ରୁ ନେ ବ୍ନାଲିର୍‍ ଦ୍ରିଗ୍‍ଚେ ଜା ବିସ୍‌ବାସ୍‍ ଡିଙ୍ଗ୍‍ଲେଃକେ ?” 
\v 17 ମାପ୍‍ରୁ ସାମୁଆଁ ଦ୍ରିଗ୍‍ନେବାନ୍‍ ବିସ୍‌ବାସ୍‍ ପାଙ୍ଗ୍‍ଏ ବାରି କିସ୍‌ଟନେ ସାମୁଆଁକେ ବାସଙ୍ଗ୍‍ନେ ଆଃ ଆତେନ୍‌‍ ନିମାଣ୍ଡାସାମୁଆଁ ।
\p
\v 18 ନେଙ୍ଗ୍‍ ନ୍‌ସେଲ୍ୟାଃକୁଏ:
\q1 ମେଇଂ ମେଃନେ ଆତେନ୍‌‍ ବ୍ନାଲିର୍‍ ଆଅଁଆର୍‍କେ ? ଡିଲାଡିଗ୍ ଅଁ ଲେଃଆର୍‍କେ ମେଃଡାଗ୍‌ଲା ସାସ୍ତର୍‌ନ୍ନିଆ ଗୁଆର୍‍ବକେ:
\q2 “ମେଇଂନେ ସାମୁଆଁ ମଞ୍ଚ୍‌ପୁର୍‌ ସାରା ଉଡ୍ରା ଡିଙ୍ଗ୍‍ଲେଃକେ ମେଇଂନେ ସାମୁଆଁ ମଞ୍ଚ୍‌ପୁର୍‌ନେ ସାରାସାରି ଜାକ ଅଁ ଲେଃଆର୍‍କେ ।”
\m
\v 19 ବାରି ମୁଇଂତର୍‍ ନେଙ୍ଗ୍‍ ନ୍‌ସାଲିକୁଗ୍‍କେ:
\q1 ଇସ୍ରାଏଲ୍‍ ରେମୁଆଁଇଂ ମେଃନେ ଆତେନ୍‌‍ ଆଦ୍ରିଗ୍‍ ଆର୍‍କେ ?
\q2 ଜାବର୍‌ ଅଃସେବାନ୍‌ ମୋଶା ଆକେନ୍‌ନେ ଉତର୍‍ ବିଚେ ଗୁଆର୍‍ବକେ:
\q1 “ନେ ରେମୁଆଁକେ ଗିସେ ଆଡିଙ୍ଗ୍‍ନେସା ମୁଇଂ ମାମ୍ୟାଃନେ କୁଟୁମ୍‍କେ ବେବଆର୍‍ ନେଡିଙ୍ଗ୍‍ଏ ।
\q2 ଦେତ୍‍ରକମ୍‍ ମୁଇଂ ମୁର୍‍କ କୁଟୁମ୍‍ ଏତେ ଆମେଇଂକେ ରିସା ନେରାଃଡିଂଏ ।”
\m
\v 20 ଯିଶାଇୟ ବାର୍‌ମୁଇଂତର୍‍ ସାହାସ୍‍ ଏତେ ବାଲିର୍‍ବକେ
\q1 “ଆନେକେ ତୁର୍‍ ଆଅଲେଙ୍ଗ୍‍କ୍ନେ ରେମୁଆଁଇଂ ନେନେ କବର୍‍ ବାଲିର୍‌କେ;
\q2 ଜାଣ୍ଡେଇଂ ଆନେକେ ତୁର୍‍ ଆଅଲେଙ୍ଗ୍‍କେ ମେଇଂନେ ଡାଗ୍‍ରା ନେ ନେରାତ୍ନାକେ ।”
\m
\v 21 ମାତର୍‍ ଇସ୍ରାଏଲ୍‍ ରେମୁଆଁଇଂନେ ବିସୟ୍‍ରେ ମେଁ ବାସଙ୍ଗ୍‍ମ୍ୟାକେ: “ମୁଇଂ ଅମାନି ୱିଙ୍ଗ୍‍ଆ ରିଙ୍ଗ୍‍ଆ ଜାତିକେ ନେ କାଲାଆଃ ନ୍ତି ଆଚ୍ଲେଚେ ୱା ନେଡିଙ୍ଗ୍‍କେ ।”
\c 11
\s ଇସ୍ରାଏଲ୍‍ଣ୍ଡ୍ରେଇଂନେ ଆଡ଼ାତ୍ରା ଇସ୍‍ପର୍‍ନେ ଦୟା
\p
\v 1 ନେଙ୍ଗ୍‍ ବାରି ସାଲ୍ୟାକୁଗ୍‍ ଇଁୟାଏ, “ତେଲା ମେଃନେ ଇସ୍‍ପର୍‍ ମେଃନେ ନିଜର୍‍ ରେମୁଆଁଣ୍ଡେଇଂକେ ମନା ଡିଙ୍ଗ୍‍ବକେ ? ଅଃନା ଣ୍ଡୁ ! ନେଙ୍ଗ୍‍ ନିଜେ ମୁଇଂ ଇଶ୍ରାଏଲ୍‌ନେ ରେମୁଆଁ ଅବ୍ରାହାମ୍‍ନେ କୁଲ୍‍ବଁସ୍‍ ବାରି ବେଞ୍ଜାମିନ କୁଲ୍‌ବାନ୍ ଜନମ୍‍ ଡିଙ୍ଗ୍‍ନାଲେଃକେ । 
\v 2 ଇସ୍‍ପର୍‍ ସିସେବାନ୍‍ ସ୍ରିବକ୍ନେ ମେଁନେ ରେମୁଆଁଇଂକେ ଅଃନାଡିଗ୍‍ ମନା ଆଡିଙ୍ଗ୍‍କେ ଣ୍ଡୁ । ପେ ସାସ୍ତର୍‌ ଅରିଆ ଲଃପେଲେଃକେ ଡିଡିରକମ୍‍ ଏଲୀୟ ଇସ୍‍ପର୍‍ ଡାଗ୍‍ରା ଇସ୍ରାଏଲ ରେମୁଆଁଇଂନେ ବିରଦ୍‍ରେ ନିନ୍ଦା ଡିଙ୍ଗ୍‍ଚେ ବାଲିର୍‍ବଗେ ।” 
\v 3 “ମାପ୍‍ରୁ ମେଇଂ ନାନେ ବାବବାଦି ରେମୁଆଁଇଂକେ ବାଗୁଏ ବଆର୍‍କେ ବାରି ନାନେ ପୁଜା କୁଣ୍ଡ୍ଇଂ ପାକ୍‍ଚି ବଆର୍‍କେ । ମାତର୍‍ ନେଙ୍ଗ୍‍ଆ ଡ ନ୍ଲେଃକେ ଆନେଙ୍ଗ୍‍ ଡିଗ୍‍ ବାଗୁଏଃ ବିଃନ୍‍ସା ମେଇଂ ଚେସ୍‍ଟା ଡିଙ୍ଗ୍‍ଆର୍‍ଡିଂକେ ।” 
\v 4 ଇସ୍‍ପର୍‍ ଏଲିୟକେ ଉତର୍‍ ବିଃବଗେ “ବଣ୍ଡ ଦେବ୍‍ତା ବାଲ୍‍ ମୁର୍‍ତିକେ ପୁଜା ଡିଙ୍ଗ୍‍ଆଲେକ୍ନେ ଗୁ ଅଜାର୍‍ ରେମୁଆଁଇଂକେ ନେ ଆତ୍‍ଲା ନେବକେ ।” 
\v 5 ଏବେ ଟିକ୍‍ ଦେତ୍‍ରକମ୍‍ ଗଟେ ଲେଃକେ । ଇସ୍‍ପର୍‍ ଦୟା ଡିଙ୍ଗ୍‍ଚେ ଜାଣ୍ଡେଇଂକେ ସ୍ରିବଗେ ମେଇଂନେ ବାନ୍‍ ଗଣ୍ଡା ଉଡ଼ିରୁଆ ଲୁଆଁ ଲେଃକେ । 
\v 6 ଇସ୍‍ପର୍‍ ଆମେଇଂକେ ସ୍ରିବକେ ନିଜେନେ ଦୟା ନ୍‌ସା । ଜଦି ମେଇଂନେ ସତ୍‍ କାମ୍ ନ୍‌ସା ଇସ୍‍ପର୍‍ ଆମେଇଂକେ ସ୍ରିପାବ ମେଇଂନେ ଦୟା ସତ୍‌ ଦୟା ଆଡିଙ୍ଗ୍‍ ପାଡିଙ୍ଗ୍ ।
\p
\v 7 ତେଲା ମେଁ ଡିଙ୍ଗ୍‍ଗେ ? ଇସ୍ରାଏଲ୍‍ ରେମୁଆଁଇଂ ମେଃନେ ତୁର୍‍ଡିଙ୍ଗ୍‍ଆର୍‍ଗେ ଆତେନ୍‌‍ ଆଅବାଆର୍‍କେ ଣ୍ଡୁ । ମାତର୍‍ ଇସ୍‍ପର୍‍ ସ୍ରିବକ୍ନେ ମୁଇଂ ଆଃ ଡାଆଁ ଦଲ୍‍ ମେଃନେ କବର୍‍ ବାକେ । ବିନ୍‍ରେ ଜା ଇସ୍‍ପର୍‍ ୱାକ୍ନେ ଆଡ଼ାବାନ୍‍ ଆଅଁ ଆର୍‍କେ । 
\v 8 ସାସ୍ତର୍‌ନେ ବ୍ନାଲିର୍‍ ଇସାବ୍‍ରେ “ସତ୍‌ ରକମ୍‍ ଇସ୍‍ପର୍‍ ମେଇଂନେ ମନ୍‍ ବାରି ରୁଦୟ୍‌କେ ଆମିସୁବକେ । ଏ ଜାକ ମେଇଂ ମେଃନେ କିକେ ଡିଂଆର୍‍କ୍ଲେ ଲେଃ ଦ୍ରିଗ୍‌ ୟାଡିଙ୍ଗ୍‍କେ ।” 
\v 9 ମେଇଂନେ ବିସୟ୍‍ରେ ଦାଉଦ୍‍ ଗୁଆର୍‍ବକେ:
\q1 “ମେଇଂ ଚଙ୍ଗ୍‍ଉଗ୍‌ ବେଲା ପାନ୍ଦ୍‍ଅରିଆ ଲଃଆର୍‍ଲେ ।
\q2 ଲଡ଼େଃଚେ ଡଣ୍ଡ୍‍ ବାଆର୍‍ଲେ ।
\q1
\v 10 ମେଇଂ ମ୍ମୁଆଁଃ କାନା ଡିଙ୍ଗ୍‍ଚେ ମେଃଡିଗ୍‌ କିକେ ଆୟାଆର୍‍ଲେ ।
\q2 କାଲାଆଃ ଦୁକ୍‍ କସ୍‍ଟ ବା ବାଚେ ମେଇଂନେ ନ୍‌ସାଃ କୁପ୍‍ଡ଼ ଡିଙ୍ଗ୍‍ଲେ ।”
\p
\v 11 ତେଲା ନେଙ୍ଗ୍‍ ସାଲିଆକୁ ଣ୍ଡିଙ୍ଗ୍‍କେ: ଜିଉଦିଇଂ ଟେପ୍ଲଃ ଲଃଚେ ମେଁନେ ନସ୍ଟ ଡିଙ୍ଗ୍‍ଆର୍‌ଡିଂକେ ? ଅଃନା ଣ୍ଡୁ । ମେଇଂ ପାପ୍‍ ଡିଙ୍ଗ୍‍ବଲା ଆମେଇଂକେ ଇକ୍‌ଚା ଆଡିଙ୍ଗ୍‌ ନ୍‌ସା ବିଜାତି ରେମୁଆଁଇଂକେ ଉଦାର୍ ବାନେ ଅଦିକାରି ବିଆର୍‍କେ । 
\v 12 ଜିଉଦି ରେମୁଆଁଇଂନେ ପାପ୍‍ ମଞ୍ଚ୍‌ପୁର୍‌ନେ ବିନ୍‍ ସାପାରେନେ ନ୍‍ସା ଜାବର୍‌ ଆସିର୍‍ବାଦ୍‍ ଡୁଙ୍ଗ୍‍ପାଙ୍ଗ୍‍ବକେ । ଜିଉଦି ରେମୁଆଁଇଂନେ ଆଦ୍ୟାତ୍ମିକରେ ଗରିବ୍‌ ନ୍‌ସା ବିଜାତି ରେମୁଆଁଇଂ ଆସିର୍ବାଦ୍‍ ବାନେ ଗୁଲେ ବାବ୍‍ରେ ଲାବ୍‍ ଡିଙ୍ଗ୍‍ବଆର୍‍କେ । ଜଦି ସାପା ଜିହୁଦି କୁଟୁମ୍‍ ରକ୍ୟା ବାଆର୍‍ଏ ତେଲା ଆତ୍‍ବା ବାରି ଉଡ଼ି ଗ୍ଲୁଏ ଆସିର୍‍ବାଦ୍‍ ଆମିଲେ ?
\s ଅଣଜିଉଦି ରେମୁଆଁଇଂନେ ଉଦାର୍‍
\p
\v 13 ବିଜାତି ରେମୁଆଁଇଂକେ ନେଙ୍ଗ୍‍ ମ୍ୱାସଙ୍ଗ୍‍ଏ, ପେ ଆତ୍‍ଲା ପ୍ରେରିତ୍‌ ସିସ୍‍ ରକମ୍‍ ଡିଙ୍ଗ୍‍ନେସା ନେଙ୍ଗ୍‍ ଗରବ୍‌ ମନେ ଡିଙ୍ଗ୍‍ଣ୍ଡିଙ୍ଗ୍‍କେ । 
\v 14 ଏନ୍ ବାନ୍‍ ଜଦି ନେଙ୍ଗ୍‍ କୁଟୁମ୍‍ ରେମୁଆଁଇଂକେ ଇକ୍‌ଚା ଆଡିଙ୍ଗ୍‌ଚେ ମେଇଂନେ ବାନ୍‍ ଉଡ଼ିରୁଆକେ ରକ୍ୟା ଡିଙ୍ଗ୍‍ ଇଁୟାଏ । 
\v 15 ଡାଗ୍‍ଲା ମେଇଂ ଆନ୍ତାର୍‍କ୍ନେବାନ୍‍ ଇସ୍‍ପର୍‍ ଏତେ ସାପା ରେମୁଆଁ ଜାତିନେ କୁଟୁମ୍‍ ଡିଙ୍ଗ୍‍ଲେଃକେ । ତେଲା ଇସ୍‍ପର୍‍ ସାପା ଜିହୁଦି କୁଟୁମ୍‍କେ ଗ୍ରଅନ୍‍ ଡିଙ୍ଗ୍‍ଏ, ମେଁନେ ଆଡ଼ାତ୍ରା ମେଃନେ ଡିଙ୍ଗ୍‍ଏ ? ଆତେନ୍‌‍ ଡିଙ୍ଗ୍ଏ ଗୁଏକ୍ନେ ରେମୁଆଁ ମ୍ବ୍ରନେ ରକମ୍‍ ।
\p
\v 16 ଆରି ଜଦି ପର୍‌ତୁମ୍‌ ଇସ୍‌ପର୍‌ ନ୍‌ସା ଅପେଃକ୍ନେ ବାଗ୍‌ ପବିତ୍ର, ଡେତ୍‌ଲା ସାପା ଅଟା ଡିଗ୍‌ ପବିତ୍ର; ବାରି, ଜଦି ଚେର୍‌ ପବିତ୍ର, ତେଲା କେନ୍ଦା ସାପା ଡିଗ୍‌ ପବିତ୍ର । 
\v 17 ମାତର୍‌ ଜଦି ଉଡ଼ିକ୍ଲିଗ୍‌ କେନ୍ଦା ଚିନ୍‌ ଡିଂକେ ଆରି ପେ କଣ୍ଡା ଜନ୍ତୁ ଜିତ ସ୍ଲାଃନେ କେନ୍ଦା ପେଡିଂଲା ଡିଗ୍‌ ଆତେନ୍‌ ସାପା ବିତ୍ରେ ଜତନ୍‌ ନେଡିଂକେ, ବାରି ମେଇଂନେ ଏତେ ଜିତ ସ୍ଲାଃ ବୁନ୍ଦ୍‌ନେ ରସ୍‌ ଡିଂକେ । 
\v 18 ତେସା ପେ ଚିନା ଆଡିଙ୍ଗ୍‍ବକ୍ନେ କେନ୍ଦାଇଂକେ ସରା ଡାଗ୍‍ଚେ ଆବାବେଗ୍‍ପା । ପେ ମେଁସା ଗର୍ବ ପେଡିଙ୍ଗ୍‍ଏ ? ପେ ତ ମୁଇଙ୍ଗ୍ କେନ୍ଦା, ସ୍ଲାନେ ଚେର୍‌କେ ପେ ଜତ୍‌ନ ଡିଙ୍ଗ୍‍ପେଡିଙ୍ଗ୍‍କେ ଣ୍ଡୁ, ଉଲ୍‌ଟା ଚେର୍ ଆପେକେ ଗାଗ୍‌ଡ଼େ ଆଡିଙ୍ଗ୍‍ଡିଙ୍ଗ୍‍କେ ।
\p
\v 19 ପେ ବାସଙ୍ଗ୍‍ ପେୟାଏ, “ଅଃଅଁ, ମାତର୍‍ ଆନେଙ୍ଗ୍‍ ଜାଗା ବିନ୍‍ସା ତ ଆତେନ୍‌‍ କେନ୍ଦାଇଂକେ ଚିନା ଆଡିଙ୍ଗ୍‍ବଗେ !” 
\v 20 ଆତେନ୍‌‍ ସତ୍ । ମେଇଂ ବିସ୍‌ବାସ୍‌‍ ଆଡିଙ୍ଗ୍‍କେସା ଚିନା ଡିଙ୍ଗ୍‍ଆର୍‍କେ ପେ ମାତର୍‍ ବିସ୍‌ବାସ୍‌‍ରେ ଆତେନ୍‌‍ ଜାଗା ଅଦିକାର୍‍ ଡିଙ୍ଗ୍‍ପେବକେ । ମାତର୍‍ ଗର୍ବ ମାଡିଙ୍ଗ୍‍ଚେ ବୁଟପା । 
\v 21 ଜଦି ସ୍ଲାନେ କେନ୍ଦା ରକମ୍‍ ଜିହୁଦି ରେମୁଆଁଇଂକେ ଇସ୍‍ପର୍‍ ଡଣ୍ଡ୍‍ ମାବିଚେ ଆନ୍ତାର୍‍ ଆବିକେ ଣ୍ଡୁ ଆପେକେ ମେଃନେ ମେଁ ଆନ୍ତାର୍‍ବିଏ ? 
\v 22 ଆକ୍‍ଅରିଆ କିକେ କେଲାପା ଇସ୍‍ପର୍‍ ଡିରକମ୍‍ ଲିବିସଃ ବାରି ଡାଟ୍‍ ଡିଗ୍ । ଜାଣ୍ଡେଇଂନେ ମେଁବାନ୍‍ ସୁଲ ୱେଲେ ଆର୍କେ ମେଇଂନେ ଆଡ଼ାତ୍ରା ମେଁ ସମାନ୍‍; ମାତର୍‍ ପେ ଆଡ଼ାତ୍ରା ମେଁ ଦୟା ଉଡ଼ିଦିନା ଜାକ ପେ ମେଃନେ ଦୟାରେ ପେଲେଃ । ମେଃନେ ଦୟା ବାନ୍‍ ସ୍ଲ ପେୱେଗେ ‍ଡାଗ୍‍ଲା ପେ ଡିଗ୍‍ ଜତ୍‍କତ୍‍ ଡିଙ୍ଗ୍‍ପେୱେଏ । 
\v 23 ଜଦି ଜିଉଦିଇଂ ମେଇଂନେ ବିସ୍‌ବାସ୍‍ ସ୍ଲ ଆଡିଙ୍ଗ୍‍ଆର୍‌କେ ତେଲା ମେଇଂ ନିଜର୍‍ ଜାଗାଅରିଆ ଆରେ ଆର୍‍ଏ । ଆକେନ୍‍ ଆଡିଙ୍ଗ୍‍ନେସା ଇସ୍‍ପର୍‍ନେ ରାଜି ଡିଙ୍ଗ୍ଏ । 
\v 24 ବିଜାତି ରେମୁଆଁଇଂ କଣ୍ଡା ସ୍ଲାନେ କେନ୍ଦା ରକମ୍‍ । ଅଃତେନ୍‍ ଚିନ୍‍ଚତର୍‍ ଡିଙ୍ଗ୍‍ଚେ ଅସୁନ୍ଦର୍ ବାବ୍‍ରେ ଡୁଗ୍‌ଡିନେ ଜତ୍‌ନରେ ଲେଃକ୍ନେ ଜିତ ସ୍ଲା ଏତେ ଆଃମିସୁ ବକେ । ଜିଉଦି ଜାତି ବଗିଚାନେ ଜତନ୍‍ରେ ଲେଃକ୍ନେ ଜିତ ସ୍ଲା ରକମ୍‍ । ଆକେନ୍‍ ସ୍ଲାନେ ଚିନ୍‌ କେନ୍ଦାଇଂକେ ବାର୍‌ମୁଇଂତର୍ ସ୍ଲା ଏତେ ଆକୁଡ଼େ ନ୍‍ସା ଇସ୍‍ପର୍‍ ବାନ୍‍ ସଅଜ୍‌ ।
\s ସାପାରେ ଆଡ଼ାତ୍ରା ଇସ୍‍ପର୍‍ନେ ଦୟା
\p
\v 25 ଅ ତନା ବୟାଁଇଂ ଆକେନ୍‍ ବିସୟ୍‍ରେ ମୁଇଂ ବୁଡ଼ିକ୍ନେ ସତ୍‍ ବାସଙ୍ଗ୍‍ଣ୍ଡିଂକେ । ଆତାନ୍‍ ଅଁଲା ପେ ନିଜେକେ ବାରି ଜ୍ଞାନି ଡାଗ୍‍ଚେ ବାବେ ପେୟା ଣ୍ଡୁ । ଇସ୍ରାଏଲ୍‍ ରେମୁଆଁଇଂନେ ଅମାନି କାଲାଆଃ ନ୍‌ସା ଆଲେଃ ଣ୍ଡୁ । ବିଜାତି ରେମୁଆଁଇଂ ସାପାରେ ଇସ୍‍ପର୍‍ ଡାଗ୍‍ରା ପାଙ୍ଗ୍‍ ଜାକ ମେଇଂ ଦେତ୍‍ରକମ୍‍ ଲେଃଆର୍‍ଏ । 
\v 26 ତେନ୍‍ ଇଡ଼ିଙ୍ଗ୍‍ ଇସ୍ରାଏଲ୍‍ ରେମୁଆଁଇଂ ସାପାରେ ଆକେନ୍‍ ସାସ୍ତର୍‌ନେ ଇସାବ୍‍ରେ ରକ୍ୟା ବାଆର୍‍ଏ ।
\q1 “ତ୍ରାଣକର୍ତ୍ତା ସିୟନ ଆଡ଼ା ପାଙ୍ଗ୍‍ଏ;
\q2 ଜାକୁବ୍‌ କୁଲ୍‍ ବଂସ୍‍ଇଂନେବାନ୍‍ ସାପା ଅଦର୍ମ ସୁଲ ଆଡିଙ୍ଗ୍‍ଏ ।
\q1
\v 27 ମେଇଂନେ ଅଦର୍ମ ସ୍ଲ ଆଡିଙ୍ଗ୍‍ନେ ବେଲା
\q2 ମେଇଂ ଏତେ ଆକେନ୍‍ ନିଅମ୍ ନେଡିଙ୍ଗ୍‍ଏ ।”
\m
\v 28 ପେନେ ନିମାଣ୍ଡା ନ୍‌ସା ଜିଉଦିଇଂ ମାପ୍‍ରୁ ସାମୁଆଁକେ ଆନ୍ତାର୍‍ଚେ ଇସ୍‍ପର୍‍ନେ ସତ୍ରୁ ଡିଙ୍ଗ୍‍ଲେଃଆର୍‍କେ । ମାତର୍‍ ଇସ୍‍ପର୍‍ନେ ବାନ୍‍ ନ୍‍ସ୍ରିକ୍ନେବାନ୍‍ ବାରି ମେଇଂନେ ନ୍ତାଞ୍ଜାଇଂସା ମେଇଂ ଇସ୍‍ପର୍‍ନେ ସାଙ୍ଗ ଡିଙ୍ଗ୍‍ଚେ ଲେଃଆର୍‍କେ । 
\v 29 ଇସ୍‍ପର୍‍ ଜାଣ୍ଡେକେ ସ୍ରିଚେ ଆସିର୍‍ବାଦ୍‍ ଡିଙ୍ଗ୍ଏ ମେଇଂ ନ୍‌ସା ମେଃନେ ଦାନ୍‍ ବିନ୍‍ସା ଅଃନା ପଚ୍‌ଗୁଞ୍ଚା ଆଡିଙ୍ଗ୍‍ ଣ୍ଡୁ । 
\v 30 ଅଣଜିଉଦି ରେମୁଆଁଇଂ ସିସେ ଇସ୍‍ପର୍‍ ଆଡ଼ାତ୍ରା ଅମାନି ଲେଃଆର୍‍ଗେ; ମାତର୍‍ ଏକେ ଜିଉଦିଇଂନେ ଅମାନି ଡିଙ୍ଗ୍‍ଲେଃଗେସା ଅଣଜିଉଦି ରେମୁଆଁଇଂ ଇସ୍‍ପର୍‍ନେ ଦୟା ବାଲେଃଆର୍‍କେ । 
\v 31 ମେଃଡାଗ୍‌ଲା ଅଣଜିଉଦି ରେମୁଆଁଇଂ ଡିଗ୍‍ ଦୟା ବାଲେଃଆର୍‍କେ ଜିଉଦିଇଂ ଏକେ ଇସ୍‍ପର୍‍ନେବାନ୍‍ ସ୍ଲ ୱେଲେଃଲା ଡିଗ୍‍ ମେଁସୁଆ ମେଇଂ ଆଣ୍ଡେ ପାଙ୍ଗ୍‍ଚେ ଦୟା ବାଆର୍‍ଏ । 
\v 32 ଇସ୍‍ପର୍‍ ସାପାରେକେ ଅମାନି ଡିଙ୍ଗ୍‍ନେସା ଆନ୍ତାର୍‍ ବିବକେ; ସାରାସାରି ସାପାରେ ଇସ୍‍ପର୍‍ନେ ଦୟାନେ ଉଂଡେ ଡିଙ୍ଗ୍‍ପେୟାଏ ।
\s ଇସ୍‍ପର୍‍ନେ ଦୟା
\p
\v 33 ଇସ୍‍ପର୍‍ନେ ସବା ଉଡ଼ି ଜବର୍‍ । ମେଁନେ ଜ୍ଞାନ୍‍ ବାରି ବୁଦି ଉଡ଼ି ଗୁଲେ । ମେଁନେ ନିସ୍ପତି ଡିଙ୍ଗ୍‍କ୍ନେ ଜିନିସ୍‍ ଜା ଆଦ୍ରିଗ୍‍ଏ ? ଜା ମେଁନେ ଚାଲିଚଲନ୍‍ ମ୍ୟା ୟାଏ ? 
\v 34 ସାସ୍ତର୍‌ ଇସାବ୍‍ରେ:
\q1 “ଜା ମାପ୍‌ରୁନେ ମନ୍‍ ଚିନ୍ତା ମ୍ୟାଃ ୟାଏ ?
\q2 ଜା ଆମେକେ ଆଦେସ୍‌ ବିଃନ୍‌ସାଃ ୟାଏ ?
\q1
\v 35 ଜା ମେଃନେ ଇସ୍‍ପର୍‍କେ ଦେକ୍‍ରକମ୍‍ ମେଃଡିଗ୍ ବିଃବକେ,
\q2 ଜାନେ ଦାନ୍ ବାଦୁଲ୍ ଦାନ୍‍ ଇସ୍‍ପର୍‍କେ ବିଃନେ ଡିଙ୍ଗ୍‌ଏ ?”
\m
\v 36 \x + \xo ୧୧:୩୬ \xo*\xt ୧ କରିନ୍‌ତିୟ ୮:୬.\xt*\x*ସାପା ବିସୟ୍‍ ଇସ୍‍ପର୍‍ନେ ବାନ୍‍ ତିଆର୍‍ ଡିଙ୍ଗ୍‍ଲେଃକେ; ସାପା ବିସୟ୍‍ ଆରେବ୍ନ; ମେଁ ଆତ୍‍ଲା ବାନ୍‍ ବାରି ମେଁଡାଗ୍‍ରା ଲେଃକେ । ଜୁଗ୍‍ ଜୁଗ୍‍ ଇସ୍‍ପର୍‍ନେ ମ‍ଇମା ଡିଙ୍ଗ୍‍ଲେ ।
\c 12
\s ଇସ୍‍ପର୍‍ନେ ସେବାନ୍ନିଆ ଜିବନ୍‍
\p
\v 1 ତେସା ବୟାଁଇଂ, ନେ ଆଡ଼ାତ୍ରା ଇସ୍‍ପର୍‍ନେ ମ୍ନା ଦୟା ନ୍‌ସା ଆପେକେ ନେଙ୍ଗ୍‍ ସାର୍‌ଲ ଣ୍ଡିଂକେ, ଇସ୍‍ପର୍‍ ଡାଗ୍‍ରା ନିଜର୍ ପବିତ୍ର ଜିବନ୍‍କେ ଅପେଃ ବିଃପା । ମେଁନେ ସେବାନ୍ନିଆ ନିଜର୍‌ ଜିବନ୍‍ ବିଚେ ମେଁନେ ଦିଆନ୍‍ରେ ଲାଲାପା । ଆକେନ୍‍ ଇସ୍‍ପର୍‍ନେ ସତ୍‌ ପାର୍‌ତନା । 
\v 2 ଆକେନ୍‍ ମଞ୍ଚ୍‌ପୁର୍‌ନେ ମାପେନେ ଡୁଡୁ ଇସାବ୍‍ରେ ବେବ‍ଆର୍‍ ଆଡିଙ୍ଗ୍‍ଗେପା । ଇସ୍‍ପର୍‍ ପେନେ ମନ୍‍ ବାବ୍‍ନାକେ ପୁରାପୁରି ଆବଦ୍ଲେଏ ବାରି ପେନେ ଗର୍‌ବେନେ ମନ୍ ପୁରାପୁରି ବଦ୍‌ଲେଲେ । ତେଲା ଇସ୍‍ପର୍‍ନେ ଇକ୍‌ଚା ମେଃନେ ମେଁ ସାର୍ମୁଆନ୍ନିଆ ମେଃନେ ସାପା ସାମୁଆଁ ସତ୍‍ ମନ୍‌କେ ବାକେ ରକମ୍‍ ବାରି ନିମାଣ୍ଡା ଆକେନ୍‍ ପେ ମ୍ୟା ପେୟାଏ ।
\p
\v 3 ଇସ୍‍ପର୍‍ ଆନେଙ୍ଗ୍‍ ବିନ୍‌ ବାବ୍‍ରେ ଅନୁଗ୍ର‍ଅ ବିବକେସା ଆପେ ସାପାରେକେ ନେଙ୍ଗ୍‍ ବାସଙ୍ଗ୍‍ଣ୍ଡିଂ ଜା ଡିଗ୍‍ ନିଜେନେ ପାଟ୍‍ ଲଃକ୍ନେବାନ୍‍ ନିଜ୍‍କେ ଜାବର୍‌ ଗର୍ବ ଆଡିଙ୍ଗେପା । ଇସ୍‍ପର୍‍ ଆପେକେ ବିବକ୍ନେ ବିସ୍‌ବାସ୍‍ ଉଡ଼ିଲେଃକେ ନିଜେ ନ୍ତି ଜଡ଼େଚେ ସାଦୁ ଡିଙ୍ଗ୍‍ଚେ ନିଜେନେ ବିସୟ୍‍ରେ ବିଚାର୍‍ ଡିଙ୍ଗ୍‍ପା । 
\v 4 \x + \xo ୧୨:୪ \xo*\xt ୧ କରିନ୍‌ତିୟ ୧୨:୧୨.\xt*\x*ନେ ଗାଗ୍‌ଡ଼େଅରିଆ ଗୁଲେ ଞ୍ଚ ନ୍ତି ଆଣ୍ଡେଙ୍ଗ୍‍ ଲେଃକେ ବାରି ସାପାରେନେ କାମ୍ ବିନ୍‌ ବିନ୍‌ । 
\v 5 ଦେତ୍‍ରକମ୍‍ ନେ ଗୁଲେ ମାତର୍‍ ସାପାରେ କିସ୍‍ଟ ଏତେ ମିସୁ ନେଲେଃଗେସା ନେ ମୁଇଂ ଗାଗ୍‌ଡ଼େ ବାରି ଗାଗ୍‍ଡ଼େନେ ଞ୍ଚ ନ୍ତି ଆଣ୍ଡେଙ୍ଗ୍‍ ରକମ୍‍ ନେ ସାପାରେ ଏତେ କୁଡ଼େ ନେଲେଃକେ । 
\v 6 \x + \xo ୧୨:୬ \xo*\xt ୧ କରିନ୍‌ତିୟ ୧୨:୪-୧୧.\xt*\x*ତେସା ନେ ଆଡ଼ାତ୍ରା ଇସ୍‍ପର୍‍ନେ ଦୟା ଦରମ୍‍ରେ ମେଁବାନ୍‍ ବାନେଲେଃକ୍ନେ ବିନ୍‍ବିନ୍‍ ବପୁଇଂକେ ନେ ସତ୍‍ ବାବ୍‍ରେ ବେବଆର୍‍ ଡିଙ୍ଗ୍‍ନେ ଦର୍‍କାର୍‍ । ନେ ଜଦି ଇସ୍‍ପର୍‍ନେ ବ୍ନାଲିର୍‍ ବାଲିର୍‍ ଅଲେଙ୍ଗ୍‍ନେସା ଇସ୍‍ପର୍‍ବାନ୍‍ ପାଙ୍ଗ୍‍ଲେଃକ୍ନେ ବପୁ ବାନେଲେଃକେ ନେ ବିସ୍‌ବାସ୍‍ନେ ଡାଟ୍‍ ଇସାବ୍‍ରେ ଆତେନ୍‌‍ କାମ୍ ଆଡାନେ ଦର୍‍କାର୍‍ । 
\v 7 ଜଦି ସେବା ଡିଙ୍ଗ୍‍ନେସା ଆତେନ୍‌‍ ବପୁ ବାନେଲେଃକେ ନେ ସେବା ଡିଙ୍ଗ୍‍ନେ ଦର୍‍କାର୍‍; ବୁଦି ବିନେସା ବପୁ ବାଲେଃଲା ବୁଦି ବିନେସା ଦର୍‍କାର୍‍ । 
\v 8 ବିନ୍‍ରେକେ ଆମ୍ଲେଡ଼ିଆ ଆଡିଙ୍ଗ୍‍ନେସା ବପୁ ବାଲେଃଲା ଆତେନ୍‌‍ ଡିଙ୍ଗ୍‍ନେ ଦର୍‍କାର୍‍ । ଦାନ୍‍ ବିନେସା ବପୁ ବାଲେଃଲା ତେନ୍‍ ରେମୁଆଁ ଉଦାର୍‍ ବାବ୍‌ରେ ଦାନ୍‍ ଡିଙ୍ଗ୍‍ଲେ । ବିନ୍‍ରେନେ କାମ୍‍ନେ କିକେ ଲେଃନେ ନ୍‍ସା ଅଦିକାର୍‍ ବାଲେଃଲା ନିଜେ ସଲେଡେମୁଆଁ ଆତାର୍‍ଚେ ସ୍ଲେନେ ପଡ଼େଏ । ଦୟା ଡିଙ୍ଗ୍‍ନେ ରେମୁଆଁ ସାର୍‍ଦା ମନ୍‍ରେ ଦୟା ଡିଙ୍ଗ୍‍ଲେ ।
\p
\v 9 ଆଲାଦ୍ ମନ୍‌ ବିତ୍‍ରେ ଡିଙ୍ଗ୍‍ନେ ଦର୍‌କାର୍ । ଆଣ୍ତିନେ ସାପା ସତ୍‍ ଣ୍ଡୁ; ଆତେନ୍‌‍ ଗୁର୍‍ନା ଡିଙ୍ଗ୍‍ପା ସାପା ସତ୍‍ ବିସୟ୍‍ରେ ଦିଆନ୍‍ ବିଃପା । 
\v 10 କିସ୍‍ଟ ବିସ୍‍ବାସି ବୟାଁ ରେମୁଆଁଇଂକେ ଜିବନ୍‍ ବିଚେ ବଲ୍‍ ବାପା ବାରି ମୁଇଂ ମାଡ୍‍ରେ ସନ୍‍ମାନ୍‍ ଆକେ ନ୍‍ସା ଇକ୍‌ଚା ଡିଙ୍ଗ୍‍ପା । 
\v 11 ମନ୍‍ଦିଆନ୍‍ ବିଚେ ମାପ୍‍ରୁ କାମ୍ ଡିଙ୍ଗ୍‍ପା ଆତ୍ମାରେ ଡୁଆପା । ବକ୍‍ତି ବାବ୍‌ରେ ଉର୍ଦେନ୍ନିଆ ମାପ୍‍ରୁକେ ସେବା ଡିଙ୍ଗ୍‍ପା । 
\v 12 ଡାଟ୍‍ ଆସା ବଚେ ମ୍ଲେଡ଼୍ୟାପା । ଦୁକ୍‍ ସୁକ୍‍ କେଲା ବର୍‍କସ୍‍ ଡିଙ୍ଗ୍‍ପା । କାଲାଆଃ ପାର୍‍ତନାନ୍ନିଆ କୁଡ଼େଃଚେ ଲାଲାପା । 
\v 13 କିସ୍‌ଟକେ ବିସ୍‌ବାସି‍ଇଂନେ ଅବାବ୍‍ ପୁରନ୍‌ ଆଃଡିଙ୍ଗ୍‍ପା । କୁଲାରେକେ ସେବା ଡିଙ୍ଗ୍‍ପା ।
\p
\v 14 \x + \xo ୧୨:୧୪ \xo*\xt ମାତିଉ ୫:୪୪; ଲୁକ୍‌ ୬:୨୮.\xt*\x*ଆପେକେ ଜାଣ୍ଡେଇଂ ନିନ୍ଦା ବିଡିଙ୍ଗ୍‍କେ ମେଇଂ ଆତ୍‍ଲା ଆସିର୍‍ବାଦ୍‍ ବାନ୍‍ସା ଇସ୍‍ପର୍‍ ଡାଗ୍‍ରା ପାର୍‍ତନା ଡିଙ୍ଗ୍‍ପା । ଆମେଇଂକେ ଆସିର୍‍ବାଦ୍‍ ଡିଙ୍ଗ୍‍ପା ଅବିସାପ୍ ଆବିଗ୍‍ପା । 
\v 15 ଦୁକ୍‍ସୁକ୍‍ ରେମୁଆଁଇଂ ଏତେ ମ୍ଲେଡ଼୍ୟାପା ଅଃଡିଂକ୍ନେ ରେମୁଆଁଇଂ ଏତେ ଅଃପା । 
\v 16 ସାପାରେକେ ସମାନ୍‍ ବାବ୍‍ରେ କେଲାପା । ଆଙ୍କାର୍‍ ଚିନ୍ତା ଆନ୍ତାର୍‍ଚେ ଦରମ୍‍ ବାବ୍‍ରେ ଡାଆଁ କାମ୍ ଆଣ୍ଡେଙ୍ଗ୍‍ ଡିଗ୍‍ କାମ୍ ଡିଙ୍ଗ୍‍ପା । ନିଜ୍‍କେ ଜ୍ଞାନି ଡାଗ୍‍ଚେ ମନେ ଆଡିଙ୍ଗେପା ।
\p
\v 17 ଜା ପେ ଆଡ଼ାତ୍ରା ଅନ୍ୟାୟ୍ ଡିଙ୍ଗ୍‍ଲା ପେ ମେଁ ଆଡ଼ାତ୍ରା ଅନ୍ୟାୟ୍ ଆଡିଙ୍ଗେପା । ବିନ୍‍ରେନେ ଡାଗ୍ରା ମେଃନେ ସତ୍‍ କାମ୍ ଆତେନ୍‌‍ ଆଃ ଡିଙ୍ଗ୍‍ପା । 
\v 18 ସାପାରେ ଏତେ ସାନ୍ତିରେ ବ୍ରୁଆ ନ୍‍ସା ଜିଆ ଚେସ୍‍ଟା ଡିଙ୍ଗ୍‍ପା । 
\v 19 ଅ ବୟାଁ ଆରି ତନାଇଂ, ପେ ନିଜେ ଜା ବିରୁଦ୍‍ରେ ଡିଗ୍‍ ପ୍ରତିସଦ୍‌ ଡୁଙ୍ଗ୍‍ଆଡଗେପା । ଇସ୍‍ପର୍‍ନେ ଗିସେକ୍ନେ ଗଡ଼େଅ ଡିଙ୍ଗ୍‍ନେସା ଆମେକେ ଆନ୍ତାର୍‍ବିପା । ଡାଗ୍‍ଲା ସାସ୍ତର୍‌ନ୍ନିଆ ଗୁଆର୍‍ବକେ: “ମାପ୍‌ରୁ ବାସଙ୍ଗ୍‍ମ୍ୟାକେ ନେ ପ୍ରତିସଦ୍‌ ଡୁଙ୍ଗ୍‍ନେଡଏ । ନେ ମେଁ ଡିଙ୍ଗ୍‍ବକ୍ନେ ସ୍ଲେବାନ୍‍ ଡଣ୍ଡ୍‌ ନେବିଏ ।” 
\v 20 ବାରି ସାସ୍ତର୍‌ନେ ଆଦେସ୍‍ ଇସାବ୍‍ରେ “ନାନେ ସତ୍ରୁ କେଡ଼େସ ଲେଃଲା ଆମେକେ ଚଙ୍ଗ୍‍ ନ୍‌ସା ବିଃପା; ଉଗ୍‍ଡିଆ ଡଡିଙ୍ଗ୍‍ଲା ଆଉଗ୍‍ବିପା । ଆତ୍‍ବାନ୍‍ ମେଁ ଗିଆସଏ ।” 
\v 21 ସତ୍‍ ଣ୍ଡୁନେବାନ୍‍ ଆଆରେଗେପା ସାପା ସତ୍‍ ଣ୍ଡୁନେ ବିସୟ୍‍କେ ସତ୍ କାମ୍ ଡିଙ୍ଗ୍‍ଚେ ଜିତେପା ।
\c 13
\s ସାସନ୍‍ ଡିଙ୍ଗ୍‍ନେ ଆଡ଼ାତ୍ରା ଅଦିକାର୍‍
\p
\v 1 ସାସନ୍‍ ଡିଙ୍ଗ୍‍ଣ୍ଡ୍ରେନେ ସାମୁଆଁ ମାନେଃନେ ଅଦିକାର୍‍ ସାପାରେନେ ଲେଃକେ ମେଃଡାଗ୍‌ଲା ଇସ୍‍ପର୍‍ନେ ଆଦେସ୍‍ ଣ୍ଡୁଲା ଜା ଡିଗ୍‍ ସାସନ୍‍ ଡିଙ୍ଗ୍‍ନେ ଅଦିକାର୍‌ ଆବା ଣ୍ଡୁ । ଅଦିକାର୍‌ରେ ଲେଃକ୍ନେ ସାସନ୍‍ ଡିଙ୍ଗ୍‍ଣ୍ଡ୍ରେ ଇସ୍‍ପର୍‍ବାନ୍‍ ପାଙ୍ଗ୍‍ଲେଃକେ । 
\v 2 ତେସା ଜା ଅଦିକାର୍‌ ବାଲାକେଏକ୍ନେ ସାସନ୍‍ ଡିଙ୍ଗ୍‍ଣ୍ଡ୍ରେକେ ବିରଦ୍‍ ଡିଙ୍ଗ୍‍ଏ ମେଁ ଇସ୍‍ପର୍‍ବାନ୍‍ ଡିଙ୍ଗ୍‍ଡିଙ୍ଗ୍‍କ୍ନେ ସବାନ୍ନିଆ ବିରଦ୍‍ ଡିଙ୍ଗ୍‍ଏ । ଜାଣ୍ଡେ ଆକେନ୍‍ ଡିଙ୍ଗ୍‍ଏ ମେଁ ବିଚାର୍‍ନାନ୍ନିଆ ତୁଆଁଏ । 
\v 3 ଜାଣ୍ଡେଇଂ ସତ୍‍କାମ୍‍ ଡିଂଆର୍‍ଡିଂକେ ମେଇଂନେ ସାସନ୍‍ ଡିଙ୍ଗ୍‍ଣ୍ଡ୍ରେକେ ବୁଟ ନ୍‍ସା ମେଃଡିଗ୍‍ କାରନ୍‍ ଣ୍ଡୁ ବୁଟନେ ସାମୁଆଁ ଦଦ୍ୟା‍ କାମ୍‍ ଡିଙ୍ଗ୍‍ଣ୍ଡ୍ରେନେ । ସାସନ୍‍ ଡିଙ୍ଗ୍‍ଣ୍ଡ୍ରେ ଆଡ଼ାତ୍ରା ଆପ୍‍ଟନେ ପେନେ ଇକ୍‌ଚା କି ? ତେଲା ସତ୍‍କାମ୍‍ ଡିଙ୍ଗ୍‍ପା ମେଁ ପେନି ପ୍ରସଂସା ଡିଙ୍ଗ୍‍ଏ । 
\v 4 ଆପେକେ ଆସିର୍ବାଦ୍‌ ବିଃନ୍‍ସା ମେଁ ଇସ୍‍ପର୍‍ନେ ସେବକ୍‌ । ମାତର୍‍ ପେ ଜଦି ଦଦ୍ୟା‍ କାମ୍ ପେଡିଙ୍ଗ୍ଏ, ତେଲା ସାସନ୍‍ ଡିଙ୍ଗ୍‍ଣ୍ଡ୍ରେକେ ବୁଟପା, ଡାଗ୍‍ଲା ଆପେକେ ଡଣ୍ଡ୍‍ ବିନେସା ପକ୍‍ରୁତ୍‍ରେ ମେଁନେ ଅଦିକାର୍‌ ଲେଃକେ । ମେଁ ଇସ୍‍ପର୍‍ବାନ୍‍ ବାଲେଃକ୍ନେ ଚାକ୍‍ରିଆ । ଦଦ୍ୟା‍ କାମ୍‍ ଡିଙ୍ଗ୍‍ଣ୍ଡ୍ରେକେ ସାସ୍ତି ବିନେସା ମେଁ ଇସ୍‍ପର୍‍ନେ ଆଦେସ୍‍ ପାଲେ ଡିଙ୍ଗ୍‍କେ । 
\v 5 ତେସା ପେ ସାସନ୍‍ ଡିଙ୍ଗ୍‍ଣ୍ଡ୍ରେନେ ମାନେଃନେ ଦର୍‌କାର୍, ଡାଗ୍‍ଲା ଇସ୍‍ପର୍‍ନେ ଡଣ୍ଡ୍‍କେ ବୁଟଚେ ଣ୍ଡୁ, ମାତର୍‍ ନିଜର୍‍ ବୁଦିନେ ଦଂସ ଡିଙ୍ଗ୍‍ନେବାନ୍‍ ରକ୍ୟା ଆଡିଙ୍ଗ୍‍ନେସା ।
\p
\v 6 \x + \xo ୧୩:୬ \xo*\xt ମାତିଉ ୨୨:୨୧; ମାର୍‌କ ୧୨:୧୭; ଲୁକ୍‌ ୨୦:୨୫.\xt*\x*ଆତେନ୍‌‍ସା ପେ ସିସ୍ତୁ ଡିଗ୍‍ ବିପେବଏ ଡାଗ୍‍ଲା ସାସନ୍ ଡିଙ୍ଗ୍‍ଣ୍ଡ୍ରେନେ କାମ୍ ପାଲନ୍‍ ଡିଙ୍ଗ୍‍ନେ ବେଲା ଇସ୍‍ପର୍‍ନେ ସେବା ଡିଙ୍ଗ୍‍ଆର୍‌କେ । 
\v 7 ତେସା ମେଇଂନେ ମେଃନେ ବାନେ ଲେଃକେ ଆତେନ୍‌‍ ବିଜଗ୍‍ତ୍ଲାଗ୍‍ପା । ସିସ୍ତୁ ବାରି କଲନ୍ତର୍ ପେନେ ମେଃନେ ବିନେ ଆତେନ୍‌‍ ବିଃପା ବାରି ଆମେଇଂକେ ଜିଆଜିଆ ଆମ୍ଲେଡ଼ିଆଚେ ବାରି ସନ୍‍ମାନ୍‍ ଆଃକେପା ।
\s ନେଃ ନେଃ ବିତ୍ରେ ଆଲାଦ୍
\p
\v 8 ପେପେ ବିତ୍‍ରେ ଆଲାଦ୍ ଡିଂନେ ଆନ୍ତାର୍‍ଚେ ବାରି ମେଃଡିଗ୍‍ ବିସୟ୍‍ରେ ଆଜାକେ ଡିଗ୍‍ ବାକି ଡିଙ୍ଗ୍‍ଚେ ଆଲେଃଗେପା । ଜାଣ୍ଡେ ବିନ୍‍ରେକେ ଆଲାଦ୍ ଡିଂଏ ମେଁ ନିୟମ୍‍ ପାଲେ ବକେ । 
\v 9 “ଅଡ଼ାରେଗ୍‌ ଆଡିଙ୍ଗେପା, ରେମୁଆଁ ଆବାଗୁଏଃଗ୍‍ପା, ଆଡଙ୍ଗାଗ୍‍ପା, ବିନ୍‍ରେନେ ଜିନିସ୍‍କେ ଲବ୍‍ ଆଡିଙ୍ଗ୍‍ଗେପା,” ବିନ୍‌ ମେଃମେଃନେ ସାପା ଆଦେସ୍‍ ମୁଇଂ ଆଦେସ୍‌ନ୍ନିଆ ଲେଃକେ “ପେ ଡାଗ୍ରା ଡୁଆଣ୍ଡ୍ରେକେ ଜିବନ୍ ରକମ୍ ଆଲାଦ୍ ଡିଂପା ।” 
\v 10 ପେ ମୁଇଂଜାକେ ଆଲାଦ୍ ପେଡିଙ୍ଗ୍‍ଲା ମେଁ ଆଡ଼ାତ୍ରା ଅଃନା ଅନ୍ୟାୟ୍ ଆଡିଙ୍ଗ୍‍ଗେପା । ତେସା ଆଲାଦ୍ ଡିଂନେ ବାନ୍‍ ଆଃ ସାପା ନିୟମ୍‍ ପାଲନ୍‍ ଡିଙ୍ଗ୍‍ମ୍ୟାକେ ।
\p
\v 11 ଏବେ ଆକେନ୍ ସାପା ଆପେକେ ଡିଲାଡିଗ୍‍ ଡିଙ୍ଗ୍‍ନେ ପଡ଼େଏ ମେଃଡାଗ୍‌ଲା ଡୁଲେଗ୍‌କ୍ନେବାନ୍‍ ତରକ୍‍ ଡିଙ୍ଗ୍‍ନେ ବେଲା ପିଙ୍ଗ୍‍ଚା ଲେଃକେ । ଉଦାର୍ ବାନେ ବେଲା ସିସେନେ ଇଡ଼ିଙ୍ଗ୍‍ ଏବେ ଜାବର୍‌ ଡାଗ୍‍ରା ପାଙ୍ଗ୍‍ଲେଃକେ । 
\v 12 ମିଡିଗ୍‍ ତେଡାକେ ସ୍ମି ପିଙ୍ଗ୍‍ଚାକେ । ଏଲାପା ତାଙ୍ଗ୍‍କିଗ୍‍ନ୍ନିଆନେ କାମ୍‍ ସାପା ଆନ୍ତାର୍‍ଚେ ବାରି ତାର୍‍କିଗ୍‍ନ୍ନିଆ ଜୁଦ୍ ଡିଙ୍ଗ୍‍ନେସା ସଃନେ ସାଜ ନେସଃପା । 
\v 13 ୱାସାର୍‍ଚେ ୱାଡ଼େଙ୍ଗ୍‍ ନେୱାପା ସାଗ୍‍ରା ଉଗ୍‍ଚେ ଲିଗିର୍‍ ମାଲେଃଚେ ନିୟମ୍‍ ଅମାନ୍ୟ ଡିଙ୍ଗ୍‍ନେ ଦଦ୍ୟା ବେବଆର୍‍ କୁଟ୍‍ କିରମର ସାପାନ୍ନିଆ କୁଡ଼େ ମାଲେଃଚେ ଏଲାପା ତାର୍‍କିଗ୍‍ନ୍ନିଆ ସ୍ଲେ ଡିଙ୍ଗ୍‍ଆର୍‍କ୍ନେ ରେମୁଆଁଇଂନେ ସୁଗୁଆ ଡାଆଁରେ ରକମ୍‍ ବେବଆର୍‍ ନେଡିଙ୍ଗ୍‍ପା । 
\v 14 ମାତର୍‍ ମାପ୍‍ରୁ ଜିସୁ କିସ୍‌ଟନେ ଚରିତ୍ର ଇସାବ୍‍ରେ ବେବଆର୍‍ ଡିଙ୍ଗ୍‍ପା ପାପ୍‍ ବାରି ଗାଗ୍‍ଡ଼େନେ ଦଦ୍ୟା‌ କାମ୍‍ନେ ଇକ୍‌ଚାକେ ପୁରନ୍‍ ଆଡିଙ୍ଗ୍‍ନେସା ମନ୍‍ ଅରିଆ ଆବାବେଗ୍‍ପା ।
\c 14
\s ବୟାଁନେ ଦସ୍‍ ଆସାଗେପା
\p
\v 1 \x + \xo ୧୪:୧ \xo*\xt କଲସିୟ ୨:୧୬.\xt*\x*ଅସକ୍‍ତିଆ ବିସ୍‌ବାସ୍‌‍କେ ଡିଗ୍‍ ସାପା ମାତର୍‍ ମେଃନେ ନିଜର୍‍ ଇକ୍‌ଚା ବିସୟ୍‍ରେ ଅଡ଼୍‍କା ଅଡ଼୍‍କି ଆଡିଙ୍ଗ୍‍ଗେପା । 
\v 2 ମୁଇଂଜା ବିସ୍‌ବାସ୍‌‍ ଡିଙ୍ଗ୍‍ଡିଙ୍ଗ୍‍କେ ମେଁ ମେଃଡିଗ୍‍ କାଦି ଚଙ୍ଗ୍‍ ୟାଏ ବାରି ମୁଇଂଜା ଅସକ୍‍ତ୍ୟା ବିସ୍‌ବାସ୍‌‍ ମାତର୍‌‍ ଡାଲି କାଦି ଚଙ୍ଗ୍‍ଏ । 
\v 3 ମେଃଡିଗ୍‍ କାଦି ଚଙ୍ଗ୍‍ନେ ଜାନେ ଆପତି ଣ୍ଡୁ, ମେଁ ଡାଲି ମ୍‌ମାଃକେ ଆଇଁଙ୍ଗ୍‌ଚେଲେ । ବାରି ଡାଲି ମ୍‌ମାଃ ଚଙ୍ଗ୍‍ଣ୍ଡ୍ରେ ଚିଲି ଚଙ୍ଗ୍‍ଣ୍ଡ୍ରେକେ ଦସି ଆସାଲେ । ଡାଗ୍‍ଲା ଇସ୍‍ପର୍‍ ଆମେକେ ଡିଗ୍‍ ସା ବକେ । 
\v 4 ବିନ୍‍ରେନେ ଗତିରେକେ ବିଚାର୍‍ ଡିଙ୍ଗ୍‍ନେସା ନା ଜାଣ୍ଡେ ? ମେଁ ମେଁନେ କାମ୍‍ନ୍ନିଆ ଉଡ଼ି ସ୍ଲ ପୁରନ୍‌ ବା ଆରେ ଡିଙ୍ଗ୍‍କେ, ଆତେନ୍‌‍ ମେଃନେ ସାଉକାର୍ ବିଚାର୍‍ ଡିଙ୍ଗ୍‍ଏ । ମେଁ ଡିଲାଡିଗ୍ ପୁରନ୍‌ ଡିଙ୍ଗ୍‍ଏ ଡାଗ୍‍ଲା ମାପ୍‍ରୁ ମେଁ ଗତିରେକେ ଡିଙ୍ଗ୍‍ବକ୍ନେ ସାପା କାମ୍ ଆଡିଙ୍ଗ୍‍ନେସା ରାଜି ।
\p
\v 5 ମୁଇଂଜାନେ ମତରେ ବିନ୍‍ ଦିନାଇଂବାନ୍‌ ମୁଇଂ ନିମାଣ୍ଡା ଦିନା ଅଦିକ୍‍ ମୁଲ୍ୟବାନ୍‍ । ବାରି ମୁଇଂଜା ବାବେଏ ସାପା ଦିନା ସମାନ୍ । ମାତର୍‍ ଜା ଜାନେ ମତରେ ଜିଆ ଜିଆ ବିଚାର୍‍ ଡିଙ୍ଗ୍‍ଚେ ନିଷ୍ପତି ଗ୍ରଅନ୍‌ ଡିଙ୍ଗ୍‍ଲେ । 
\v 6 ଜାଣ୍ଡେ ମୁଇଂ ଦିନାକେ ଡାଆଁ ଡାଗ୍‍ଚେ ବାବେଏ କେବଲ୍‍ ମାପ୍‍ରୁନେ ଗୌରବ୍‍ ଡିଙ୍ଗ୍‍ନେସା ମେଁ ଆତେନ୍‌‍ ଡିଙ୍ଗ୍‍ଲେ । ଜାନେ ମେଃଡିଗ୍‍ କାଦି ଚଙ୍ଗ୍‍ନେସା ଆପତି ଣ୍ଡୁ ଇସ୍‍ପର୍‍କେ ଦନ୍ୟବାଦ୍‍ ବିଚେ ମେଁ ଆତେନ୍‌‍ ଚଙ୍ଗ୍‍ଲେ; ଆତ୍‍ବାନ୍‍ ଇସ୍‍ପର୍‍ ଗୌରବ୍‍ ବାଏ । ମୁଡ଼ି ରେମୁଆଁ ମେଃଡିଗ୍‍ କାଦି ଆଚଙ୍ଗ୍‍ ଣ୍ଡୁ ମେଁ ଆକେନ୍‍ ଇସ୍‍ପର୍‍ନେ ଆସିର୍ବାଦ୍‌ ନ୍‌ସା ଡିଙ୍ଗ୍‍ଲେ ବାରି ଆତେନ୍‌‍ସା ଇସ୍‍ପର୍‍କେ ଦନ୍ୟବାଦ୍ ବିଲେ । 
\v 7 ଜା ଡିଗ୍‍ ନିଜର୍‍ ଆତ୍‍ଲା ଆବ୍ରୁଆ ଣ୍ଡୁ ବାରି ନିଜର୍‍ ଆତ୍‍ଲା ଆଗୁଏ ଣ୍ଡୁ । 
\v 8 ମାପ୍‍ରୁନେ ଉଦେସ୍‍ ପୁରନ୍‌ ଡିଙ୍ଗ୍‍ନେସା ନେ ବ୍ରୁଆ ନେଲେଃକେ ବାରି ନେଗୁଏଃଏ । ତେସା ବ୍ରୁଆନେ ବାରି ଗୁଏନେ ନେ ମାପ୍‍ରୁନେ । 
\v 9 ମେଃଡାଗ୍‌ଲା କିସ୍‌ଟ ଗୁଏଚେ ତଡ଼ିଆଲେଃକ୍ନେ ବାନ୍‍ ମ୍ୱାର୍‍ନୁଗ୍‍ ଜାକ ବ୍ରୁଆନେ ବାରି ଗୁଗୁଏନେ ସାପାରେ ନ୍‍ସା ମେଁ ମାପ୍‍ରୁ ଡିଙ୍ଗ୍‍ଚେ ଲେଃକେ । 
\v 10 \x + \xo ୧୪:୧୦ \xo*\xt ୨ କରିନ୍‌ତିୟ ୫:୧୦.\xt*\x*ତେଲା ପେ ମେସା ବିନ୍‍ ବିସ୍‍ବାସି ରେମୁଆଁଇଂନେ ବିଚାର୍‍ ଡିଙ୍ଗ୍‍ପେଡିଙ୍ଗ୍‍ ? ମେସା ନିଜର୍‍ ବୟାଁକେ ଗୁର୍‍ନା ଡିଙ୍ଗ୍‍ପେଡିଙ୍ଗ୍‍ ? ନେ ସାପାରେ ବିଚାର୍‍ ଡିଙ୍ଗ୍‍ନେସା ଇସ୍‍ପର୍‍ ସାମ୍‍ନାରେ ତୁଆଁ ପଡ଼େଏ । 
\v 11 ମେଃଡାଗ୍‌ଲା ଡିଡିରକମ୍‍ ସାସ୍ତର୍‌ନ୍ନିଆ ଗୁଆର୍‍ବକେ:
\q1 “ମାପ୍‍ରୁ ବାସଙ୍ଗ୍‍ଡିଙ୍ଗ୍‍କେ, ଡାଗ୍‍ଲା ନେ ଜିବନ୍ତ ଇସ୍‌ପର୍
\q2 ସାପାରେ ନେଙ୍ଗ୍‍ ସେଃମଁ ବ୍ରିଙ୍ଗ୍‍ଆର୍‍ଏ ।
\q2 ନେ ଇସ୍‍ପର୍‍ ଡାଗ୍‍ଚେ ସାପାରେ ବାସଙ୍ଗ୍ଆର୍‍ଏ ।”
\m
\v 12 ନେ ସାପାରେ ଇସ୍‍ପର୍‍ ଡାଗ୍‍ରା ନିଜର୍‍ ନିଜର୍‍ନେ ଇସାବ୍‍ ବିନ୍‌ ପଡ଼େଏ ।
\s ବୟାଁକେ ନସ୍ଟ ଆଡିଙ୍ଗ୍‍ନେସା ଆଚାଏଁଗେପା
\p
\v 13 ତେସା ପେପେ ବିତ୍‍ରେ ବିଚାର୍‍ ଆଡିଙ୍ଗ୍‍ଗେପା । ଦେକ୍‍ରକମ୍‍ ଡିଗ୍‍ ମେଃଡିଗ୍‍ ଆଡିଙ୍ଗ୍‍ଗେପା ଜାବାନ୍‍ କି ପେ ବୟାଁ ଟେପ୍ଲଃ ଲଃଚେ ପାପ୍‍ ଡିଙ୍ଗ୍‍ଏ । 
\v 14 ମାପ୍‌ରୁ ଜିସୁନେବାନ୍ ଆଦେସ୍‍ ବାଚେ ସତ୍‍ ବାସଙ୍ଗ୍‍ଣ୍ଡିଙ୍ଗ୍‍କେ ଜେ, ମେଃଡିଗ୍‍ କାଦି ଅସୁଚି ଣ୍ଡୁ । ମାତର୍‍ ଜା ଡିଗ୍‍ ଜଦି ମେଃଡିଗ୍‍ କାଦିକେ ଆବୁଲେ ଡାଗ୍‍ଚେ ବିସ୍‌ବାସ୍‌‍ ଡିଙ୍ଗ୍‍ଏ, ମେଁ ଆତ୍‍ଲା ଆତେନ୍‌‍ ଆବୁଲେ ଡିଙ୍ଗ୍‍ଏ । 
\v 15 ପେ ମେଃଡିଗ୍‍ କାଦି ଚଙ୍ଗ୍‍ନେ ବାନ୍‍ ଜଦି ମୁଇଂ ବୟାଁ ମନ୍‍ ବିତ୍‍ରେ କସ୍‍ଟ ପେବିଏ, ତେଲା ମେଁ ଆଡ଼ାତ୍ରା ନାନେ ଆଲାଦ୍ ଡିଂନେ ଆସୁଏ ନାଡିଙ୍ଗ୍‍କେ । ମୁଡ଼ି ବୟାଁ ନ୍‌ସାଃ କିସ୍‌ଟ ଗୁଏକେ ମୁଇଂ କାଦି ନ୍‌ସା ମେଃନେ ନସ୍ଟ ଆଡିଙ୍ଗ୍‍ପା । 
\v 16 ପେ ଆଜାକେ ନିମାଣ୍ଡା ଡାଗ୍‍ଚେ ମନେ ବାବେ ପେଡିଙ୍ଗ୍‍ ଆତ୍‍ବାନ୍‍ ପେନି ବଦ୍‍ଲାମ୍‍ ଆଡିଙ୍ଗ୍‍ଲେ । 
\v 17 ଇସ୍‍ପର୍‍ନେ ରାଇଜ୍‍ନେ ନିମାଣ୍ଡା କାଦି ବା ଉଗ୍‍ନେ ଣ୍ଡୁ । ଆତେନ୍‌‍ ପବିତ୍ର ଆତ୍ମାନେବାନ୍‍ ପାଙ୍ଗ୍‍ଲେଃକେ ଦାର୍‍ମିକ୍‍ ସାମୁଆଁ ସାନ୍‍ତି ବାରି ସାର୍‍ଦା । 
\v 18 ଜା ଜଦି ଦେକ୍‍ରକମ୍‍ ବାବ୍‍ରେ କିସ୍‌ଟନେ ସେବା ଡିଙ୍ଗ୍‍ଏ; ମେଁ ଇସ୍‍ପର୍‍କେ ସାର୍‌ଦା ଆଡିଙ୍ଗ୍ଏ ରେମୁଆଁଇଂନ୍ନିଆ ଡିଗ୍‍ ସନ୍‍ମାନ୍‍ ବାଏ ।
\p
\v 19 ତେସା ପାଙ୍ଗ୍‍ଲାପା ନେନେ ବିତ୍‍ରେ ସାନ୍ତିରେ ଲେଃନ୍‍ସା ବାରି ସାଆସ୍‌ ଆମ୍ନାନ୍‍ସା ଆଣ୍ଡିନେ ସାପା ଦର୍‍କାର୍‍ ଲେଃକେ ଆତ୍‍ଅରିଆ କିକେ ନେଃଲେଃପା । 
\v 20 ସାମାନ୍ୟ କାଦି ସା ଇସ୍‍ପର୍‍ ମେଃନେ କାମ୍ ଡିଙ୍ଗ୍‍ବକେ ଆତେନ୍‌‍ ନସ୍ଟ ଆରାଡିଙ୍ଗ୍‍ପା । ଡିଡିନେ କାଦି ଡିଙ୍ଗ୍‍ଲେ ଚଙ୍ଗ୍‍ ଡିଙ୍ଗ୍‍ଏ । ମାତର୍‍ ମେଃଡିଗ୍‍ କାଦି ଚଙ୍ଗ୍‍ନେ ବାନ୍‍ ପେ ବିନ୍‍ରେକେ କସ୍‍ଟ ଆରାଡିଙ୍ଗ୍‍ପା ତେଲା ଆତେନ୍‌‍ କାଦି ଚଙ୍ଗ୍‍ନେ ବଲ୍‍ ଣ୍ଡୁ । 
\v 21 ପେନେ ଚିଲି ଚଙ୍ଗ୍‍ନେ ସାଗ୍‍ରା ଉଗ୍‍ନେ ବିନ୍‌ ମେଃମେଃନେ ଏତେ ଜଦି ପେବୟାଁକେ ଦୁର୍‍ବଲ୍‍ ଆଡିଙ୍ଗ୍‍ଏ ତେଲା ଆତେନ୍‌‍ ସାପାବାନ୍‍ ସୁଲ ଲେଃନେ ପେନି ନିୟମ୍‍ । 
\v 22 ଆକେନ୍‍ ବିସୟ୍‍ରେ ନାନେ ନିଜର୍‍ ବିସ୍‌ବାସ୍‌‍ ମୁଇଙ୍ଗ୍ ଇସ୍‍ପର୍‍ ମ୍ୟାଃଲେ । ମୁଡ଼ି ରେମୁଆଁ ମ୍‍ଣ୍ଡା ଡାଗ୍‍ଚେ ମନେ ବାବେଚେ ମେଃଡିଗ୍‍ କାମ୍ ଡିଙ୍ଗ୍‍ଏ ବାରି ଆତେନ୍‌‍ସା ଇଡ଼ିଙ୍ଗ୍‍ ଆମେକେ ଦସି ଡିଙ୍ଗ୍‍ନେସା ଆପଡ଼େ ଣ୍ଡୁ ମେଁ ଦନ୍ୟ । 
\v 23 ମାତର୍‍ ମେଃଡିଗ୍‍ କାଦି ଚଙ୍ଗ୍‍ନେ ବଲ୍‍ କି ଣ୍ଡୁ ମନ୍‍ଅରିଆ ଏତ୍‌ ବିଚାର୍‍ ମାଡିଙ୍ଗ୍‍ଚେ ଆତେନ୍‌‍ ଚଙ୍ଗ୍‍ଏ; ଇସ୍‍ପର୍‍ ସାମ୍‍ନାରେ ମେଁ ଦସି ଡିଙ୍ଗ୍‍ଏ ମେଃଡାଗ୍‌ଲା ଆତେନ୍‌‍ ମେଃନେ ବିସ୍‌ବାସ୍‌‍ ରକମ୍‌ କାମ୍ ଣ୍ଡୁ । ବିସ୍‌ବାସ୍‍ ଆଡ଼ାତ୍ରା ମେଃନେ ଆଲେଃକେ ଆତେନ୍‌‍ ପାପ୍‍ ।
\c 15
\s ବିନ୍‍ରେକେ ଆମ୍ଲେଡ଼ିଆପା ନିଜ୍‍କେ ଣ୍ଡୁ
\p
\v 1 ଜାଣ୍ଡେଇଂ ବିସ୍‌ବାସ୍‌‍ରେ ଡାଟ୍‍, ମେଇଂ ଅଲ୍‍ସୁଆ ବିସ୍‌ବାସ୍‌‍ ବୟାଁନେ ଦସ୍ ଦୁର୍‍ବଲ୍‍ ଆଡ଼ାତ୍ରା ଦୟା ଦରମ୍‍ ଡିଙ୍ଗ୍‍ପା । ଜାଣ୍ଡେ ଡିଗ୍‍ ନିଜ୍‍କେ ସାର୍‍ଦା ଆଡିଙ୍ଗ୍‍ନେସା ଇକ୍‌ଚା ଆଡିଙ୍ଗ୍‍ଲେ । 
\v 2 ବାରି ବିନ୍‍ରେନେ ନିମାଣ୍ଡା ନ୍‌ସା ବାରି ମେଇଂନେ ବିସ୍‌ବାସ୍‌‍କେ ଡାଟ୍‍ ଆଡିଙ୍ଗ୍‍ନେସା ଆମେଇଂକେ ସାର୍‍ଦାରେ ବନେ ନେନେ କର୍ତ୍ତବ୍ୟ । 
\v 3 କିସ୍‌ଟ ନିଜେନେ ସୁକ୍ ନ୍‌ସା ମେଁ ଡିଙ୍ଗ୍‍ଆଡିଙ୍ଗେ ଣ୍ଡୁ । ବାରି ସାସ୍ତର୍‌ନେ ବ୍ନାଲିର୍‍ ଇସାବ୍‍ରେ: “ମେଇଂ ଆପେକେ ବିଡିଙ୍ଗ୍‍କ୍ନେ ଅପମାନ୍‍ ନେଙ୍ଗ୍‍ ସାମାଲେ ଣ୍ଡିଙ୍ଗ୍‍ ।” 
\v 4 ସାସ୍ତର୍‌ନେ ସିକ୍ୟା ସାପା ନେନେ ଉପ୍‍କାର୍‍ ନ୍‌ସା ଲେଃକେ । ଆସା ବଚେ ଡାଟ୍ ଲେଃନ୍‍ସା ସାସ୍ତର୍‌ ଆନେକେ ସାହାସ୍‍ ବାରି ନିମାଣ୍ଡା ଲେଃନ୍‍ସା ବାସଙ୍ଗ୍‍ଡିଙ୍ଗ୍‍କେ । 
\v 5 କିସ୍‌ଟ ଜିସୁନେ ଆଦର୍ଶନେ ପ୍ଲା ୱେନେ ସାପାରେନେ ଆତେନ୍‌‍ ରକମ୍‍ ମନ୍‍ ବାବ୍‌ନା ଡିଙ୍ଗ୍‍ନେସା ସାହାସ୍‍ ବାରି କାଲାଆଃ କିଲିଗ୍‍ଡ଼ିଆ ଲେଃନ୍‍ସା ଇସ୍‍ପର୍‍ ଆପେକେ ବୁଦି ବିଲେ । 
\v 6 ସାପାରେ କୁଡ଼େମାଡ଼େଚେ ମୁଇଂ ସର୍‍ରେ ମାପ୍‍ରୁ ଜିସୁ କିସ୍‌ଟ ଆବା ଇସ୍‍ପର୍‌ନେ ପ୍ରସଂସା ଡିଙ୍ଗ୍‍ପା ।
\s ଜିଉଦି ବାରି ଅଣଜିଉଦି ରେମୁଆଁଇଂ ଆତ୍‍ଲା ନିମାଣ୍ଡାସାମୁଆଁ
\p
\v 7 କିସ୍‌ଟ ଡିଡିରକମ୍‍ ଆପେକେ ଗ୍ରଅନ୍‌ ଡିଙ୍ଗ୍‍ବକେ, ଇସ୍‍ପର୍‍ନେ ବପୁ ନ୍‌ସା ପେ ଦେତ୍‍ରକମ୍‍ ନିଜେ ନିଜେକେ ଗ୍ରଅନ୍‌ ଡିଙ୍ଗ୍‍ପା । 
\v 8 ମେଃଡାଗ୍‌ଲା କିସ୍‌ଟକେ ସେବା ଡିଙ୍ଗ୍‍ନେ ଜିବନ୍‍ ଜିଉଦିଇଂନେ ନ୍‌ସା ଦର୍‌କାର୍ ଲେଃଗେ । ଆମେଇଂକେ ମେଁ ଆକେନ୍‍ସା ଚାଏଁଡିଂଗେ ଜାଣ୍ଡେ ଇସ୍‍ପର୍‍କେ ବିସ୍‌ବାସ୍‌‍ ଡିଙ୍ଗ୍‍ବ ଜିହୁଦି ଜାତିନେ ନ୍ତା ଞ୍ଜାଇଂକେ ବିବକ୍ନେ ମେଇଂନେ ପାର୍‌ମାନ୍‌ ସାପା ମେଁ ପାଲେଏ । 
\v 9 ଇସ୍‌ପର୍‌ନେ ଅନୁଗ୍ର‍ଅ ନ୍‌ସା ବିଜାତି ରେମୁଆଁଇଂ ଡିଗ୍‍ ମେଇଂନେ ପ୍ରସଂସା ଡିଙ୍ଗ୍‍ଏ । ଆକେନ୍‍ ବିସୟ୍‍ରେ ସାସ୍ତର୍‌ନ୍ନିଆ ଗୁଆର୍‍ବକେ:
\q1 “ବିଜାତି ରେମୁଆଁଇଂନେ ବିତ୍‍ରେ ପେନେ ପ୍ରସଂସା ଣ୍ଡିଙ୍ଗ୍‍ଏ
\q2 କାଲାଆଃ ପେନି ପୁଜାପାତି ଣ୍ଡିଙ୍ଗ୍‍ଏ ।”
\m
\v 10 ବାରି ଡିଗ୍‍ ଗୁଆର୍‍ ବକେ:
\q1 “ବିଜାତି ରେମୁଆଁଇଂ ଇସ୍‍ପର୍‍ନେ ରେମୁଆଁଇଂ ଏତେ ମ୍ଲେଡ଼୍ୟାଲେ ।”
\m
\v 11 ବାରି ଡିଗ୍‍
\q1 “ସାପା ବିଜାତି ରେମୁଆଁଇଂ ମାପ୍‌ରୁନେ ପ୍ରସଂସା ଡିଙ୍ଗ୍‍ଆର୍‌ଲେ ।”
\m
\v 12 ବାରି ଯିଶାଇୟ ବାଲିର୍‍ବକେ:
\q1 “ଜେଶିନେ ମୁଇଂ କୁଲ୍‍ବଁସ୍‍ ପାଙ୍ଗ୍‍ଏ
\q2 ମେଁ ବିଜାତି ରେମୁଆଁଇଂକେ ସାସନ୍‍ ଡିଙ୍ଗ୍‍ଏ ବାରି
\q2 ମେଇଂ ମେଁ ଡାଗ୍‍ରା ଆସା ବଆର୍‌ଏ ।”
\p
\v 13 ସାପା ଆସାନେ ମୁଲ୍, ଇସ୍‍ପର୍‍ ପେନେ ବିସ୍‌ବାସ୍‍ ନ୍‌ସା ଆପେକେ ସାର୍‍ଦା ବାରି ସାନ୍ତିରେ ପୁରନ୍‍ ଆଡିଙ୍ଗ୍‍ଲେ । ପବିତ୍ର ଆତ୍ମାନେ ବପୁରେ ପେନେ ଆସା ମ୍ନାଲେ ।
\s ଅଣଜିଉଦି‍ଇଂନେ ଡାଗ୍ରା ପାଉଲ୍‍ନେ ନିମାଣ୍ଡାସାମୁଆଁ
\p
\v 14 ବୟାଁ ବାରି ତନାଇଂ ନେଙ୍ଗ୍‍ନେ ବିସ୍‌ବାସ୍‌‍ ପେ ସାପାରେ ସତ୍‍ ଗୁନ୍‍ ବାରି ଜ୍ଞାନ୍‍ରେ ପୁର୍‍ନ ଡିଙ୍ଗ୍‍ପା ବାରି ପେପେ ବିତ୍‍ରେ ସିକ୍ୟା ବିଃନ୍‍ସା ତିଆର୍‍ ଡିଙ୍ଗ୍‍ପା । 
\v 15 ଏଲେଡିଗ୍ ନିଂ ଉଃଡ଼ିକ୍ଲିଗ୍ ସାମୁଆଁ ମନେ ତ୍ଲାଗ୍‌ନ୍‌ସା ଆନାକେ ଜେ ମାଲେ ସାଆସ୍‌ ଡିଂଚେ ଗୁଆର୍‌ମ୍ବକେ । ଆକେନ୍ ଆତେନ୍‌ ଅନୁଗ୍ର‍ଅ ନ୍‌ସା ଡିଂକେ ଆଣ୍ଡିନେ ପରମେସର୍ ଆନିଂକେ ବିଃବକେ । 
\v 16 ମେଃଡାଗ୍‌ଲା କିସ୍‌ଟ ଜିସୁନେ ଚାକର୍‌ ରକମ୍‍ ବିଜାତି ରେମୁଆଁଇଂ ନ୍‌ସା କାମ୍ ଡିଙ୍ଗ୍‍ନେ ଇସ୍‍ପର୍‍ ଆନେଙ୍ଗ୍‍ ସୁଜଗ୍‍ ବିବ । ଇସ୍‍ପର୍‍ନେ ନିମାଣ୍ଡା କବର୍ ବାସଙ୍ଗ୍‍ ଅଲେଙ୍ଗ୍‍ନେସା ନେଙ୍ଗ୍‍ ମୁଇଂ ଦର୍ମ ଗୁରୁ ରକମ୍‍ କାମ୍ ଡିଙ୍ଗ୍‍ଣ୍ଡିଂକେ । ବିଜାତି ରେମୁଆଁଇଂ ପବିତ୍ର ଆତ୍ମାନେ ବାନ୍‍ ଅପେଃକ୍ନେ ପୁରୁସ୍‌କାର୍‌ ରକମ୍‍ ଇସ୍‍ପର୍‍ ଡାଗ୍‍ରା ବୁଜେ ଆର୍‌ଲେଃ ଆକେନ୍‍ ନେଙ୍ଗ୍‍ନେ ଉଦେସ୍‍ । 
\v 17 କିସ୍‌ଟ ଜିସୁ ଏତେ କୁଡ଼େମାଡ଼େଚେ ଇସ୍‍ପର୍‍ ନ୍‌ସା ଆକେନ୍‍ ସେବା କାମ୍ ଡିଙ୍ଗ୍‍ଣ୍ଡିଂକେସା ନେଙ୍ଗ୍‍ ଗର୍ବ ମନେ ଡିଙ୍ଗ୍‍ଣ୍ଡିଙ୍ଗ୍‍କେ । 
\v 18 ଅବିସ୍‌ବାସି ରେମୁଆଁଇଂକେ ଇସ୍‍ପର୍‍ନେ ଆଦେସ୍‍ ମାନେନ୍‍ସା କିସ୍‌ଟ ନେଙ୍ଗ୍‍ ବାନ୍‍ ମେଃନେ ସାଦେବକେ ମୁଇଂ ଆକେନ୍‍ ସାମୁଆଁ ବାସଙ୍ଗ୍‍ନେସା ନେଙ୍ଗ୍‍ ସାହାସ୍‍ ଡିଙ୍ଗ୍‍ନ୍ଲେଃକେ । 
\v 19 ଆକେନ୍‍ ମେଁ ଡିଙ୍ଗ୍‍ବକେ ବ୍ନାଲିର୍‍ ବାରି କାମ୍‍ ଏତେ ବାରି ଇସ୍‍ପର୍‍ନେ ଆତ୍ମାନେ ବପୁରେ । ତେସା ନେଙ୍ଗ୍‍ ଯିରୁଶାଲାମ୍‍ବାନ୍‍ ଇଲିରିକମନ୍ନିଆ ୱେନେ ବେଲା ଗାଲି ମଜେ କିସ୍‌ଟନେ ନିମାଣ୍ଡା କବର୍‍ ମାବ୍‍ଟକୁଟା ବାସଙ୍ଗ୍‍ମ୍ୱକେ । 
\v 20 ମୁଡ଼ି ଜାଗାଇଂନ୍ନିଆ ରେମୁଆଁ କିସ୍‌ଟନେ ବିସୟ୍‍ରେ ଆଅଁ ଆର୍‍କେ ଆତ୍‍ଅରିଆ ମେଃନେ ବ୍ନାଲିର୍‍ ବାସଙ୍ଗ୍‍ ଅଲେଙ୍ଗ୍‍ନେସା ନେଙ୍ଗ୍‍ନେ ଇକ୍‌ଚା ମେଃଡାଗ୍‌ଲା ବିନ୍‍ରେ ତ୍ଲାଗ୍‍ବକ୍ନେ ପାଣ୍ଡୁସନ୍ ଆଡ଼ାତ୍ରା ଡୁଆ ଆରେନେସା ନେଙ୍ଗ୍‍ ଚାଏଁ ନାଡିଙ୍ଗ୍‍କେ ଣ୍ଡୁ । 
\v 21 ସାସ୍ତର୍‌ନିଆ ଡିଡିରକମ୍‍ ଗୁଆର୍‍ବକେ:
\q1 “ଜାଣ୍ଡେଇଂ ମେଃନେ କବର୍‍ ଆବାକେ ମେଇଂ କେଆର୍‍ଏ;
\q2 ଜାଣ୍ଡେଇଂ ଆଅଁ ଆର୍‍କେ ମେଇଂ ଦ୍ରିଗ୍‍ଆର୍‍ଏ ।”
\s ରମ୍‍ ୱେନ୍‍ସା ପାଉଲ୍‍ନେ ଇକ୍‌ଚା
\p
\v 22 \x + \xo ୧୫:୨୨ \xo*\xt ରମିୟ ୧:୧୩.\xt*\x*ଗୁଲେତର୍‍ ପେ ଡାଗ୍‍ରା ପାଙ୍ଗ୍‍ନେସା ନେଙ୍ଗ୍‍ନେ ଇକ୍‌ଚା ଲେଃଗେ । 
\v 23 ମାତର୍‍ ଆକେନ୍‍ ଏରିଆ ନେଙ୍ଗ୍‍ନେ କାମ୍ ଡା ଲେଃକେ ବାରି ନେଙ୍ଗ୍‍ନେ ଆସା ଆପେକେ କେନ୍‍ସା ନେଙ୍ଗ୍‍ନେ ଗୁଲେ ମୁଆଁନେ ଆସା ଏବେ ପୁରନ୍‍ ଡିଙ୍ଗ୍‍ଏ । 
\v 24 ସ୍ପେନ୍‍ ୱେନେ ଗାଲିଅରିଆ ଆପେକେ କେଚେ ମ୍ପାଙ୍ଗ୍‍ଏ ଡାଗ୍‍ଚେ ବାବେନ୍ଲେଃକେ । ପେ ଡାଗ୍‍ରା ଇକୁଡ଼ା ବେଲା ରକମ୍‍ ଅଲେଙ୍ଗ୍‍ଚେ ଇଡ଼ିଙ୍ଗ୍‍ ପେନି ସାଇଜ୍ୟରେ ସ୍ପେନ୍‍ ଆଣ୍ଡେ ୱିଗ୍‍ଏ । 
\v 25 \x + \xo ୧୫:୨୫ \xo*\xt ୧ କରିନ୍‌ତିୟ ୧୬:୧-୪.\xt*\x*ଏକେ ଇସ୍‍ପର୍‍ନେ ରେମୁଆଁଇଂକେ ସେବା ଡିଙ୍ଗ୍‍ନେସା ନେଙ୍ଗ୍‍ ଯିରୁସାଲାମ୍‍ ୱେନ୍‍ସା ତାର୍‍ନ୍ଲେଃକେ । 
\v 26 ଯିରୁସାଲାମ୍‍ ଅରିଆ ଇସ୍‍ପର୍‍ନେ ମୁଡ଼ି ରେମୁଆଁଇଂ ଅବାବ୍‍ରେ ଲେଃଆର୍‍କେ ମେଇଂ ନ୍‌ସା ଉଡ଼ିସୁଗୁଆ ଡାବୁ ସାଇଜ୍ୟ ବେନ୍‍ସା ମାସିଦୋନିଆ ବାରି ଆଖାୟାନେ ମଣ୍ଡଲିଇଂ ଜଜ୍‌ନା ଡିଙ୍ଗ୍‍ବଆର୍‍କେ । 
\v 27 ଆକେନ୍‍ ମେଇଂନେ ନିଜର୍‍ ଇକ୍‌ଚାରେ ନିସ୍ପତି: ସତ୍‌ ଦେକ୍‍ରକମ୍‍ ଡିଙ୍ଗ୍‍ନେ ମେଇଂନେ କାମ୍ । ଜିଉଦିଇଂ ନିଜର୍‍ ଆତ୍ମିକ ଆସିର୍ବାଦ୍‌ରେ ବିଜାତି ରେମୁଆଁଇଂକେ ଆକୁଡ଼େବଗ୍‍ସା ଜିଉଦିଇଂକେ ନିଜର୍‍ ଆର୍ତିକ ଆସିର୍ବାଦ୍‌ରେ ଆକୁଡ଼େଚେ ଆମେଇଂକେ ସାଇଜ୍ୟ ଡିଙ୍ଗ୍‍ନେ ବିଜାତି ରେମୁଆଁଇଂନେ କାମ୍ । 
\v 28 ଯିରୁସାଲାମ୍‍ନ୍ନିଆ ଆତେନ୍‌‍ ଡାବୁ ଅପେଃ ବିଚେ ନେଙ୍ଗ୍‍ନେ କାମ୍ ଣ୍ରାଃଡାକ୍ନେ ଇଡ଼ିଙ୍ଗ୍‍ ନେଙ୍ଗ୍‍ ସ୍ପେନ୍‍ ୱେନ୍‍ସା ନ୍ତାର୍‍ଏ ବାରି ଗାଲିବ ଆପେକେ କେଚେ ମ୍ପାଙ୍ଗ୍‍ଏ । 
\v 29 ନେଙ୍ଗ୍‍ ମ୍ୟାଃନ୍ଲେଃକେ କିସ୍‌ଟ ଡାଗ୍ରାବାନ୍‍ ପୁରାପୁରି ବାବ୍‍ରେ ଆସିର୍ବାଦ୍‍ ଡୁଂୱେଚେ ନେଙ୍ଗ୍‍ ପେ ଡାଗ୍‍ରା ମ୍ପାଙ୍ଗ୍‍ଏ ।
\p
\v 30 ଅ ବୟାଁ ତନାଇଂ ମାପ୍‍ରୁ ଜିସୁ କିସ୍‌ଟନେ ମ୍ନିରେ ବାରି ପବିତ୍ର ଆତ୍ମା ବିବକ୍ନେ ଆଲାଦ୍ ଲେଃଗ୍‍ସା ନେଙ୍ଗ୍‍ ଆପେକେ ସାର୍‌ଲ ଣ୍ଡିଙ୍ଗ୍‍କେ ନେଙ୍ଗ୍‍ସା ଡାଟ୍‍ ବାବ୍‍ରେ ପାର୍‍ତନା ଡିଙ୍ଗ୍‍ପା । 
\v 31 ଅବିସ୍‌ବାସି ରେମୁଆଁଇଂନେ ବାନ୍‍ ନେଙ୍ଗ୍‍ ଡିଡିରକମ୍‍ ନିମାଣ୍ଡା ନ୍ଲେଃଏ ବାରି ଯିରୁସାଲାମ୍‍ନ୍ନିଆ ନେଙ୍ଗ୍‍ନେ କାମ୍ ଡିଡିରକମ୍‍ କି ଆତ୍‍ଅରିଆନେ ଇସ୍‍ପର୍‍ନେ ରେମୁଆଁଇଂ ରାଜି ଡିଙ୍ଗ୍‍ଆର୍‍ଏ ଆତେନ୍‌‍ସା ପାର୍‍ତନା ଡିଙ୍ଗ୍‍ଲାଲାପା । 
\v 32 ଇସ୍‍ପର୍‍ନେ ଇକ୍‌ଚା ଡିଙ୍ଗ୍‍ଲା ନେଙ୍ଗ୍‍ ପେ ଡାଗ୍‍ରା ସାର୍‍ଦାରେ ମ୍ପାଙ୍ଗ୍‍ଏ ବାରି ପେ ଏତେ ଉଡ଼ିସି କଟେଚେ ନେଙ୍ଗ୍‍ ମନ୍‍ଅରିଆ ମ୍ଲେଡ଼୍ୟାଏ । 
\v 33 ସାପାନେ ସାନ୍ତିଦାତା ଇସ୍‍ପର୍‍ ପେ ଏତେ ଲେଃଲେ । ଆମେନ୍‍ ।
\c 16
\s ପାଉଲ୍‌ନେ ସାରାସାରି ସାର୍‌ଲ
\p
\v 1 କେଙ୍କ୍ରେ ଅରିଆ ଲେଃକ୍ନେ ମଣ୍ଡଲିନେ ମୁଇଂ ସେବାଡିଙ୍ଗ୍‍ଣ୍ଡ୍ରେ ତନାଡ଼େ ଫିବେକକେ ଗୁଆରେ ଣ୍ଡିଂକେ । 
\v 2 ମାପ୍‍ରୁ ମ୍ନିରେ ଆମେକେ ଗ୍ରଅନ୍‌ ଡିଙ୍ଗ୍‍ଚେ ଇସ୍‍ପର୍‍ନେ ରେମୁଆଁ ସୁଗୁଆ ଆଚରନ୍‍ ଡିଙ୍ଗ୍‍ପା । ମେଇଂନେ ଦର୍‍କାର୍‍ ଲେଃକ୍ନେ ଇସାବ୍‍ରେ ସାଇଜ ବିଃପା । ନେଙ୍ଗ୍‍ନେ ବାରି ଗୁଲେରେନେ ମେଁ ମୁଇଂ ସାଇଜ ଡିଙ୍ଗ୍‍ଣ୍ଡ୍ରେ ବନ୍ଦୁ ।
\p
\v 3 \x + \xo ୧୬:୩ \xo*\xt ପ୍ରେରିତ୍‌ ୧୮:୨.\xt*\x*କିସ୍‌ଟ ଜିସୁନେ ସେବାନ୍ନିଆ ନେଙ୍ଗ୍‍ ଏତେ କୁଡ଼େଚେ କାମ୍ ଡିଂମ୍ୟାକ୍ନେ ପ୍ରିସ୍କା ବାରି ଆକ୍ୱିଲାକେ ନେଙ୍ଗ୍‍ନେ ନମସ୍କାର୍‌ ପେରାଃମ୍ୟାଃଏ । 
\v 4 ମେଇଂ ନେଙ୍ଗ୍‍ସା ନିଜର୍‍ ଜିବନ୍‍କେ ବିବଆର୍‍କେ । ମାତର୍‌ ନେଙ୍ଗ୍‍ ଆଃ ଣ୍ଡୁ ସାପା ବିଜାତି ମଣ୍ଡଲି ମେଁଡାଗ୍‍ରା ଲେଃଆର୍‍କେ । 
\v 5 ମେଇଂନେ ଡୁଆ ଅରିଆ ମୁଇଂନୁଗ୍‍ ରିସିଙ୍ଗ୍‍ଚେ ପାର୍‌ତନା ମଣ୍ଡଲିକେ ଡିଗ୍‍ ନେଙ୍ଗ୍‍ନେ ନମସ୍କାର୍ ଆମ୍ୟାଣ୍ଡିଙ୍ଗ୍‍କେ । ନେଙ୍ଗ୍‍ନେ ନିଜର୍ କୁଟୁମ୍‍ ଏପାଇନେତକେ ନେଙ୍ଗ୍‍ନେ ସାର୍ଲ ପେରାଃମ୍ୟାଃଏ । ଆସିଆ ପ୍ରଦେସ୍‍ନ୍ନିଆ ମେଁ ଡିଡିଙ୍ଗ୍‍ଡିଙ୍ଗ୍‍କେ ପର୍‍ତୁମ୍‍ କିସ୍‌ଟ ବିସ୍‍ବାସି । 
\v 6 ପେନେ ନିମାଣ୍ଡା ନ୍‌ସା ମାଲେ ସ୍ଲେ ଡିଙ୍ଗ୍‍ବକ୍ନେ ମରିୟମ୍‍କେ ନେଙ୍ଗ୍‍ନେ ସାର୍ଲ ଆଃମ୍ୟାବିପା । 
\v 7 ଆନ୍ଦ୍ରୋନିକସ୍‍ ବାରି ୟୁନିୟାକେ ନେଙ୍ଗ୍‍ନେ ନମସ୍କାର୍ । ଆକେନ୍‍ ମ୍ୱାୟା ଜିହୁଦି ନେଙ୍ଗ୍‍ ଏତେ କଏଦ୍‍ ଡୁଆନ୍ନିଆ ଲେଃଆର୍‍ଗେ । ନେଙ୍ଗ୍‍ ସିସେ ମେଇଂ କିସ୍‍ଟ ଦର୍ମ ଗ୍ରଅନ୍‌ ଡିଙ୍ଗ୍‍ବଗେ ବାରି ପ୍ରେରିତ୍‌ ସିସ୍‍ଇଂନେ ବିତ୍‍ରେ ମେଇଂ ଚିନାଣ୍ଡ୍ରେ ।
\p
\v 8 ନେଙ୍ଗ୍‍ ଏତେ ମାପ୍‍ରୁନେ ସାର୍‍ଦା ବାଡିଙ୍ଗ୍‍କ୍ନେ ନେଙ୍ଗ୍‍ନେ ନିଜର୍ ସାଙ୍ଗ ଆମ୍ପ୍ଲିୟାତକେ ନେଙ୍ଗ୍‍ନେ ନମସ୍କାର୍ । 
\v 9 କିସ୍‍ଟନେ ସେବାରେ ନେଙ୍ଗ୍‍ ଏତେ କୁଡ଼େଚେ କାମ୍ ଡିଂମ୍ୟାକ୍ନେ ଉର୍ବାନ ବାରି ନେଙ୍ଗ୍‍ନେ ନିଜର୍ ସାଙ୍ଗ ସ୍ତାଖୀୟକେ ଡିଗ୍‍ ନେଙ୍ଗ୍‍ନେ ସାର୍ଲ ଆମ୍ୟାଣ୍ଡିଙ୍ଗ୍‍କେ । 
\v 10 କିସ୍‍ଟନେ ବିସ୍‍ବାସ୍ ସେବକ୍ ଆପେଲା ବାରି ଆରିସ୍ତବୁଲନେ ଡୁଆଣ୍ଡ୍ରେନେ ସାପାରେକେ ନେଙ୍ଗ୍‍ନେ ସାମୁଆଁ ପେରାଃମ୍ୟାଃଏ । 
\v 11 ନେଙ୍ଗ୍‍ନେ ନିଜର୍‍ ଜାତିନେ ହେରୋଦିୟନ୍ ବାରି ନାର୍‌ସିସ୍‌ନେ ଡୁଆଣ୍ଡ୍ରେ ବିତ୍ରେ ଜାଣ୍ଡେଃଇଂ ମାପ୍‌ରୁନେ ଆଲ ଲେଃଆର୍‌କେ, ଆତେନ୍‌ କିସ୍‍ଟ ବୟାଁଇଂକେ ଡିଗ୍‍ ନେଙ୍ଗ୍‍ ସାର୍ଲ ଣ୍ଡିଂକେ ।
\p
\v 12 ମାପ୍‍ରୁନେ ସେବାରେ ଜିବନ୍‍ ବିଚେ ଲେଃକ୍ନେ ତ୍ରିଫେନା ବାରି ତ୍ରିଫୋସାକେ ବାରି ମାପ୍‍ରୁ ନ୍‌ସା ମାଲେ ସ୍ଲେବକ୍ନେ ନିଜର୍‌ ପର୍ଶିସ୍‌କେ ନେଙ୍ଗ୍‍ନେ ନମସ୍କାର୍ । 
\v 13 ମାପ୍‍ରୁନେ ମ୍ନା ସିସ୍‌ ରୁଫସ୍ ବାରି ନେୟାଙ୍ଗ୍‍ ରକମ୍‍ ମେଃନେ ଇୟାଙ୍ଗ୍‍ଡେକେ ଡିଗ୍‍ ନେଙ୍ଗ୍‍ନେ ନମସ୍କାର୍ । 
\v 14 ଆସୁଙ୍କ୍ରିତ, ଫ୍ଲେଗୋନ୍, ହର୍ମୀସ୍, ପାତ୍ରବା, ହର୍‍ମାସ୍ ବାରି ମେଇଂ ଏତେ ଲେଃଡିଙ୍ଗ୍‍କ୍ନେ ବୟାଁଇଂକେ 
\v 15 ଫିଲଲୋଗ ବାରି ଯୁଲିୟା ନୀରୂସ୍‍ ବାରି ମେଃନେ ତନା ବାରି ଅଲୁମ୍ପା ବାରି ମେଇଂ ଏତେ ଲେଡିଙ୍ଗ୍‍କ୍ନେ ସାପା ସାଦୁକେ ନେଙ୍ଗ୍‍ନେ ସାମୁଆଁ ପେରାଃମ୍ୟାଃଏ ।
\p
\v 16 ନେନେ ବୟାଁ ରକମ୍‍ ବାବେଚେ ପବିତ୍ର ବାବ୍‌ରେ ବୈନ୍ତାଚେ ଆଲାଦ୍‌ ଡିଂପା । କିସ୍‌ଟନେ ସାପା ମଣ୍ଡଲି ଆପେକେ ସାର୍ଲ ଆଃମ୍ୟାଡିଂକେ ।
\s ସାରସାରି ଆଦେସ୍‍
\p
\v 17 ବୟାଁ ବାରି ତନାଇଂ ସାର୍‌ଲ ଣ୍ଡିଂକେ ପେ ବା ପେଲେଃକ୍ନେ ବୁଦିନେ ବିରଦ୍‍ ଡିଙ୍ଗ୍‍ଚେ ଜାଣ୍ଡେଇଂ ପେ ବିତ୍‍ରେବାନ୍‍ କିରମର ଆଡିଙ୍ଗ୍‍ନେସା ଚେସ୍‍ଟା ଡିଙ୍ଗ୍‍ମ୍ୟାକେ ମେଇଂନେବାନ୍‍ ସୁଲ ଲାଲାପା । 
\v 18 ଜାଣ୍ଡେଇଂ ଦେକ୍‍ରକମ୍‍ କାମ୍‍ନ୍ନିଆ ମିସୁଲେଆର୍‍କେ ମେଇଂ ମାପ୍‍ରୁ ଜିସୁ କିସ୍‌ଟନେ ସେବା ଡିଙ୍ଗ୍‍ ଆଡିଙ୍ଗ୍‍ଆର୍‍କେ ଣ୍ଡୁ । ମେଇଂ ମୁଇଂ ନିଜର୍‍ ଦଦ୍ୟା‌ ବୁଦିକେ ନସ୍ଟ ଆଡିଙ୍ଗ୍‍ନେସା ତିଆର୍‍ ଲେଃଆର୍‍ଏ । ବାସାନେ ନାଲେ ସାମୁଆଁ ବାରି ଦଦ୍ୟା‍ ସାମୁଆଁବାନ୍‍ ମେଇଂ ଗରିବ୍‌ ରେମୁଆଁଇଂକେ ଜଟେ ମ୍ୟାଆର୍‍କେ । 
\v 19 ମାପ୍‍ରୁ ସାମୁଆଁ ଆଡ଼ା ପେନି ବିସ୍‍ବାସ୍‌ ଡିଙ୍ଗ୍‍ନେ ସାପାରେ ଅଁଲେଃଆର୍‍କେ ଆତେନ୍‌‍ସା ନେଙ୍ଗ୍‍ ମ୍ଲେଡ଼୍ୟା ଣ୍ଡିଂକେ । ନେଙ୍ଗ୍‍ ଚାଏଁଣ୍ଡିଂକେ ପେ ସତ୍‍ ବିସୟ୍‍ରେ ଜ୍ଞାନ୍‍ବାନ୍‍ ଡିଙ୍ଗ୍‍ପା ବାରି ସତ୍‍ଣ୍ଡୁନେ ବିସୟ୍‍ରେ ଦିଆନ୍‍ ଆବିଗେପା । 
\v 20 ତେଲା ସାନ୍ତି ବିଣ୍ଡ୍ରେ ଇସ୍‍ପର୍‍ ଦାପ୍ରେ ସୟ୍‍ତାନ୍‍କେ ପେ ଞ୍ଚ ବୁନ୍ଦେ ଆଡିଙ୍ଗ୍‍ଏ । ନେନେ ମାପ୍‍ରୁ ଜିସୁ କିସ୍‌ଟନେ ଅନୁଗ୍ର‍ଅ ପେ ଆଡ଼ାତ୍ରା ଲେଃଲେ ।
\p
\v 21 ନେଙ୍ଗ୍‍ ଏତେ କୁଡ଼େଚେ କାମ୍ ଡିଂମ୍ୟାକ୍ନେ ତିମତି ବାରି ନେନେ ଜିହୁଦି ବୟାଁଇଂ ଲୁକିୟ ଯାସୋନ୍ ବାରି ସୋସିପାତ୍ର ଆପେକେ ସାର୍ଲ ଆଃମ୍ୟାଡିଙ୍ଗ୍‍କେ ।
\p
\v 22 ନେଙ୍ଗ୍‍ ତର୍ତ୍ତୀୟ ପାଉଲ୍‍ ଆତ୍ଲା ଆକେନ୍‍ ଉଲିଆକେ ଗୁଆର୍‍ଣ୍ଡ୍ରେ ମାପ୍‍ରୁ ମ୍ନିରେ ଆପେକେ ସାର୍ଲ ଡିଙ୍ଗ୍‍କେ ।
\p
\v 23 \x + \xo ୧୬:୨୩ \xo*\xt ପ୍ରେରିତ୍‌ ୧୯:୨୯; ୧ କରିନ୍‌ତିୟ ୧:୧୪; \xt*\xt ୨ ତିମତି ୪:୨୦.\xt*\x* ସାପା ମଣ୍ଡଲି ଆରି ଆନେଙ୍ଗ୍‍ ଜାଗା ବିଃକ୍ନେଣ୍ଡ୍ରେ ଗାୟସ୍‍ ଜା ଡୁଆ ଅରିଆ ପୁଜାପାତି ଡିଙ୍ଗ୍‍ଣ୍ଡ୍ରେ ରିସିଙ୍ଗ୍‍ ମ୍ୟାଆର୍‍କେ ବାରି ଆକେନ୍‍ ନଗର୍‍ନେ ଆରାଇ ଏରାଷ୍ଟ ବାରି ବୟାଁ କ୍ୱାର୍ତ୍ତ ଡିଗ୍‍ ଆପେକେ ସାର୍ଲ ଆଃମ୍ୟାଡିଙ୍ଗ୍‍କେ । 
\v 24 ମାପ୍‍ରୁ ଜିସୁ କିସ୍‍ଟନେ ଅନୁଗ୍ର‍ଅ ପେ ସାପାରେ ଅରିଆ ଲେଃଲେ ।
\s ପାର୍‍ତନା ବାରି ପ୍ରସଂସା ଏତେ ଉଲିଆନେ ସାରାସାରି
\p
\v 25 ଏଲାପା ଇସ୍‍ପର୍‍କେ ଗୌରବ୍‍ ନେଡିଙ୍ଗ୍‍ପା । ନେଙ୍ଗ୍‍ ବାସଙ୍ଗ୍‍ ଅଲେଙ୍ଗ୍‍ ମ୍ୟାଃକ୍ନେ ଜିସୁ କିସ୍‌ଟନେ ବିସୟ୍‍ରେ ନିମାଣ୍ଡା କବର୍‍ ବାରି ଜୁଗ୍‍ ଜୁଗ୍‍ ସାଚେ ବୁଡ଼ିଲେଃକ୍ନେ ଟିକିନିକି ସତ୍‍ ଆଣ୍ଡେଙ୍ଗ୍‍ ପେନେ ବିସ୍‌ବାସ୍‌‍କେ ଡାଟ୍‍ରେ ବନ୍‍ସା ଇସ୍‍ପର୍‍ନେ ଇକ୍‌ଚା । 
\v 26 ଆତେନ୍‌‍ ସାପା ସତ୍‍ ସାପା ବାବବାଦି‍ଇଂନେ ସାସ୍ତର୍‌ନ୍ନିଆ ଗୁଆର୍‍ ବକେ ବାରି ଆତେନ୍‌‍ ଏକେ ଅଃସେବାନ୍ ଲେଃକ୍ନେ ମାପ୍‍ରୁ ଇସ୍‍ପର୍‍ନେ ବାନ୍‍ ସାପା ଜାତି ବିତ୍‍ରେ ବାସଙ୍ଗ୍‍ ଅଲେଙ୍ଗ୍‍ ଡିଂଆର୍‍କେ । ଆକେନ୍‍ ବାନ୍‍ ସାପାରେ ବିସ୍‌ବାସ୍ ଡିଙ୍ଗ୍‍ଚେ ଇସ୍‍ପର୍‍ନେ ସାମୁଆଁ ମାନେଚେ ଲେଃଆର୍‍ଏ ।
\p
\v 27 ମାପ୍‍ରୁ ଜିସୁ କିସ୍‌ଟନେ ବାନ୍‍ ସାପା ମ୍ୟାଃନେ ମୁଇଂ ମାତର୍‍ ଇସ୍‍ପର୍‍ ଜୁଗ୍‍ ଜୁଗ୍‍ ମ‍ଇମା ବାଲେଃ । ଆମେନ୍‍ ।