\id REV - Dega
\ide UTF-8
\h ପ୍ରକାସିତ୍‌ ସାମୁଆଁ
\toc3 ପ୍ରକାସିତ୍‌
\toc2 ପ୍ରକାସିତ୍‌
\toc1 ଜହନ୍‌ନେ ଡାଗ୍ରା ଆଃସୁଏବକ୍ନେ ସାମୁଆଁ
\mt2 ଯୋହନଙ୍କ ପ୍ରତି ପ୍ରକାଶିତ ସାମୁଆଁ
\mt1 ଜହନ୍‌ନେ ଡାଗ୍ରା ଆଃସୁଏକ୍ନେ ସାମୁଆଁ
\imt ପ୍ରକାସିତ୍‌ ବ‍ଇ ବିସୟ୍‌ରେ ଉଃଡ଼ିକ୍ଲିଗ୍ ସାମୁଆଁ
\ip ପ୍ରକାସିତ୍‌ ସାମୁଆଁ ତ୍ମି ନିୟମ୍ ବଇନେ ସାରାସାରି ସାସ୍ତର୍‌ । ଆକେନ୍ ଣ୍ଡିଗ୍ ଜହନ୍‌ନେ ବାନ୍ ଜିସୁକିସ୍‌ଟନେ ଜନମ୍‌ନେ ପାକାପାକି ୯୫ ମସିଆରେ ଗୁଆର୍‌ବଗେ \xt ୧:୧\xt* । ମେଁ ଜହନ୍‌ ନିମାଣ୍ଡାସାମୁଆଁ ଏତେ ଞ୍ଜିକ୍ଲିଗ୍ ବ‍ଇ‍ ସର୍‌ତେ ଡିଗ୍ ଗୁଆର୍‌ବଗେ ଡିରକମ୍‌, ୧ ଜହନ୍‌ ୨ ଜହନ୍‌ ୩ ଜହନ୍‌ । ଜହନ୍‌ ଆଜାକେ ଜିସୁ ମାଲେ ବଲ୍ ବାଡିଂଗେ ଡାଗ୍‌ଚେ ଡିଗ୍ ମ୍ୟାଃଡିଂଏ \xt ଜହନ୍‌ ୧୩:୨୩\xt* । ଜହନ୍‌ ଆଇସ୍‌ଲାଣ୍ଡ୍‌ନେ ପାତ୍ମସ୍‌ନ୍ନିଆ ଲେଃକ୍ନେ ବେଲା ଆକେନ୍ ପ୍ରକାସିତ୍‌ ସାମୁଆଁ ଗୁଆର୍‌ବଗେ । ଡାଗ୍‌ଲା ଜିସୁକିସ୍‌ଟନେ ନିମାଣ୍ଡାସାମୁଆଁ ବାସଙ୍ଗ୍‌ ନ୍‌ସା ଆମେକେ ଆତ୍‌ଅରିଆ ବେବ‍ଆର୍‌ଗେ \xt ୧:୯ \xt* ।
\ip ଜିସୁ ବାର୍‌ମୁଇଂତର୍ ପାଙ୍ଗ୍‌ନେ ବେଲା ଡାଗ୍ରା ପାଙ୍ଗ୍‌ଡିଂକ୍ନେସା ଜିସୁକିସ୍‌ଟନେ ଡାଗ୍ରା ବିସ୍‌ବାସ୍ ଡିଂଚେ ଲେଃନେ ନ୍‌ସା ସାସ୍ତର୍‌ ଲଃଣ୍ଡ୍ରେକେ ସାହାସ୍ ଆରି ଆସା ବିଃନେ ନ୍‌ସା ଜହନ୍‌ ଆକେନ୍ ପ୍ରକାସିତ୍‌ ସାମୁଆଁ ଗୁଆର୍‌କେ \xt ୧:୩; ୨୨:୭\xt* । ଆତେନ୍‌ ସର୍‌ତେ ବିସ୍‌ବାସି ବାରି ନିଜର୍ ଇକ୍‌ଚାରେ ଗୁକ୍ଲିଗ୍ ମଣ୍ଡଲିକେ ଆକେନ୍ ଗୁଆର୍‌ଡିଂକେ \xt ୨–୩\xt* । ଜହନ୍‌ ମେଁନେ ଗୁଗୁଆର୍‌ନ୍ନିଆ ବାବବାନି \xt ୧:୩\xt* ଆରି ମେଁ କେଲେଃକ୍ନେ ଗୁଲୁଏ ରୁପ୍ ବିସ‍ଏରେ ଗୁଆର୍‌ଡିଂକେ । ଆକେନ୍ ସାସ୍ତର୍‌ନ୍ନିଆ ଉଡ଼ିକ୍ଲିଗ୍ ବାଗ୍‌ନ୍ନିଆ ବାୱିର୍ ସାସ୍ତର୍‌ନେ ବାଗ୍ ଏତେ ସମାନ୍ ଲେଃକେ ବିନ୍‌ପାକା ଯିଖରିୟ \xt ୬:୧-୮\xt* ନ୍ନିଆ ନେଃକେଏ । ଡିରକମ୍ ଗୁକ୍ଲିଗ୍ ପ୍ନିଃ ଆରି ଗୁକ୍ଲିଗ୍ ଙ୍କୁଇ ଆଣ୍ଡିନେକି ଇସ୍‌ପର୍ ମିସରିୟ‍ଇଂକେ ଡଣ୍ଡ୍ ବିଃନେ ନ୍‌ସା ମୁର୍ଡି ବେଡିଂକେ ଯାତ୍ରା \xt ୭–୯\xt* । ପ୍ରକାସିତ୍‌ ସାମୁଆଁ ସାରାସାରି ବେଲା ଆଃମ୍ୟାଏ । ଜିସୁ ଇଡ଼ିଂ ଜିତେଏ ଆରି ଜାଣ୍ଡେଇଂ ମେଁଡାଗ୍ରା ଆସା ଡିଂଆର୍‌ଡିଂକେ ମେଁଇଂ କାଲାଆଃ ମେଁ ଏତେ ଲେଃଆର୍‌ଏ । ଆକେନ୍ ବ‍ଇ ଆପେକେ ତରକ୍ ଆଃଡିଂବିଃଏ ଆରି ଆସା ବିଃଏ ଜେ ଜିସୁ ଡିରକମ୍ ଗିଆଃ ଆଣ୍ଡେ ପାଙ୍ଗ୍‌ଡିଂକେ ।
\iot ସାସ୍ତର୍‌ ବିତ୍ରେ ଲେଃକ୍ନେ ସାମୁଆଁଇଂ
\io1 ୧. ଜହନ୍‌ନେ ସ୍ନାମୁଁଆଃ ଆରି ମେଁନେ ଇଡ଼ିଂଡେନେ ଦର୍ସନ୍ । \ior ୧:୧-୨୦ \ior*
\io1 ୨. ଜିସୁ କ୍ରିସ୍ଟନେବାନ୍ ଗୁକ୍ଲିଗ୍ ମଣ୍ଡଲି ନ୍‌ସା ଜହନ୍‌ନେ ସାମୁଆଁ । \ior ୧:୧–୩:୨୨\ior*
\io1 ୩. ଗୁକ୍ଲିଗ୍ ଡାବୁ ଗୁକ୍ଲିଗ୍ ପ୍ନିଃ ବିସୟ୍‌ରେ ଗୁଆର୍‌ବକେ । \ior ୪:୧–୧୧:୧୯\ior*
\io1 ୪. ଗଡ଼େଇଂ ଆରି ଗୁକ୍ଲିଗ୍ ବାଆଃ ଲେଃକ୍ନେ ବାୱିର୍ ବୁବଃ ଏତେ ଜୁଦ୍ । \ior ୧୨:୧–୧୪:୨୦\ior*
\io1 ୫. ଗୁକ୍ଲିଗ୍ ରିସାନେ ମୁତା ବିସୟ୍‌ରେ ଗୁଆର୍‌ବକେ । \ior ୧୫:୧–୧୬:୧୮\ior*
\io1 ୬. ଇସ୍‌ପର୍ କିତଂନ୍ନିଆ ମେଁନେ ସତ୍ରୁକେ ଜୁଦ୍‌ବାନ୍ ଜିତେଏ । \ior ୧୭:୧–୨୦:୧୫\ior*
\io1 ୭. ତ୍ମି କିତଂ ଆରି ତ୍ମି ଦର୍‌ତନି । \ior ୨୧:୧–୨୨:୨୧\ior*
\c 1
\p
\v 1 ମେଃନି ସାପା ଗିଆ ଗଟେନେ ୱେଡିଂକେ ଇସ୍‌ପର୍ ଜିସୁ କିସ୍‌ଟନେ ଡାଗ୍ରା ଆସୁଏବକ୍ନେ ମେଁନେ ମୁଇଂ ସାମୁଆଁ ଆକେନ୍ ଉଲିଆନ୍ନିଆ ଗ୍ନୁଆର୍ ଡିଂଲେଃକେ । ଆତେନ୍‌ ସାପା ସାମୁଆଁ ମେଁନେ ଗତିରେଇଂକେ ଆମ୍ୟା ନ୍‌ସା କିସ୍‌ଟ ମୁଇଂଡା କିତଂଦୁତ୍‌କେ ବେଚେ ମେଁନେ ଗତି ଜହନ୍‌କେ ଆତେନ୍‌ ଆମ୍ୟାକେ । 
\v 2 ବାରି ଜହନ୍‌ ନିଜେ ମେଃନେ ସାପା କେଲେଃକେ ଆତେନ୍‌ ଆକ୍‌ଅରିଆ ଆଃତ୍ନାବକେ । ଆକେନ୍ ବ‍ଇନ୍ନିଆ ଇସ୍‌ପର୍‌ନେ ବ୍ନାଲିର୍ ଆରି ଜିସୁ କିସ୍‌ଟନେ ବାନ୍‌ ଆଃତ୍ନାକ୍ନେ ସତ୍ ସାମୁଆଁ ଗ୍ନୁଆର୍ ଡିଂଲେଃକେ । 
\v 3 ମୁଡ଼ି ରେମୁଆଁ ଆକେନ୍ ଉଲିଆଃ ଲଃଏ ବାରି ଜାଣ୍ଡେଇଂ ଆକ୍‌‍ଅରିଆ ଗୁଆର୍‌କ୍ନେ ଇଡ଼ିଂଡାମୁଏଃନେ ସାମୁଆଁ ଅଁଚେ ମେଁନେ ଆଦେସ୍ଇଂ ମାନେଃଆର୍‌ଏ, ମେଁଇଂ ସତେଆଃ ନିମାଣ୍ଡା, ଡାଗ୍‌ଲା ଆତେନ୍‌‌ ସାପା ଗଟେନେ ବେଲା ଡାଗ୍ରା ଡିଂଗେ !
\s ଗୁକ୍ଲିଗ୍ ମଣ୍ଡଲିକେ ସାର୍ଲନେ
\p
\v 4 \x + \xo ୧:୪ \xo*\xt ପ୍ରକାସିତ୍‌ ୪:୫.\xt*\x*ନିଂ ଜହନ୍‌ ଆସିଆ ମ୍ନା ଦେସ୍‌ନ୍ନିଆ ଲେଃକ୍ନେ ଗୁକ୍ଲିଗ୍ ମଣ୍ଡଲିକେ ନିଂ ସାର୍ଲଣ୍ଡିଂକେ । ଇଡ଼ିଂଡେ ଅଃସେ ଆରି ଏଃକେନ୍‌ନେ ଜିବନ୍ତ ଇସ୍‌ପର୍ ମେଁନେ ସିଂଆଁସନ ଡାଗ୍ରାନେ ଗୁକ୍ଲିଗ୍ ଆତ୍ମା, 
\v 5 ବାରି ଗୁଏନେବାନ୍ ମ୍ବ୍ରକ୍ନେ ସାପାଟୁ ପର୍‌ତୁମ୍ ବିସ୍‌ବାସ୍‌ନେ ସାକି ବିଣ୍ଡ୍ରେ ଆରି ଦର୍‌ତନିନେ ଇଃସାଙ୍ଗ୍‌ନେ ଇଃସାଙ୍ଗ୍ ଜିସୁ କିସ୍‌ଟନେ ଆଲାଦ୍ ଆରି ସାନ୍ତି ପେ ଆଡ଼ାତ୍ରା ଡିଂଲେ । ମେଁ ଆନେକେ ବଲ୍ ବାଡିଂକେ ଆରି ମେଁନେ ଗୁଏକ୍ନେ ନ୍‌ସା ଆନେକେ ପାପ୍‌ବାନ୍ ଉଦାର୍ ଡିଂବକେ । 
\v 6 \x + \xo ୧:୬ \xo*\xt ପ୍ରକାସିତ୍‌ ୫:୧୦.\xt*\x*ବାରି ମେଁନେ ଆବା ଇସ୍‌ପର୍‌ନେ ପୁଜା ଡିଂନେ ନ୍‌ସା ଆନେକେ ମୁଇଂ ପୁଜାରି କୁଲ୍ ଆଡିଂବକେ । ସାପା ଆସିର୍ବାଦ୍‌ ଆରି ବପୁ କାଲାଆଃ ଜିସୁ କିସ୍‌ଟନେ ଡିଂଲେ । ଆମେନ୍‌ ।
\p
\v 7 \x + \xo ୧:୭ \xo*\xt ମାତିଉ ୨୪:୩୦; ମାର୍‌କ ୧୩:୨୬; ଲୁକ୍‌ ୨୧:୨୭; ୧ ତେସଲନିକିୟ ୪:୧୭; \xt*\xt ଜହନ୍‌ ୧୯:୩୪,୩୭; \xt*\xt ମାତିଉ ୨୪:୩୦.\xt*\x*କେଲା ମେଁ ତ୍ରିଗ୍‌ଡିଆନିଆ ପାଂଡିଂକେ ଦର୍ତନିନ୍ନିଆ ବାସା ଡିଂକ୍ନେ ରେମୁଆଁଇଂ ସାପାରେ ଆମେକେ କେଆର୍‌ଏ; ଡେକ୍‌ସୁଗୁଆ କି ଜାଣ୍ଡେଇଂ ଆମେକେ କୁରୁସ୍‌ନ୍ନିଆ ଡାଃ ବ‍ଆର୍‌ଗେ ମେଁଇଂ ଣ୍ଡିଗ୍ ଆମେକେ କେଚେ ବୁଟଚେ ଅଃ ଆର୍‌ଏ । ଏନ୍ ସାପା ସତ୍ ଗଟେଏ - ଆମେନ୍ ।
\p
\v 8 \x + \xo ୧:୮ \xo*\xt ପ୍ରକାସିତ୍‌ ୨୨:୧୩.\xt*\x*ସାପାଟୁ ବପୁନେ ମାପ୍‌ରୁ ଇସ୍‌ପର୍ ବାସଙ୍ଗ୍‌ଡିଂକେ “ନିଂ କ ଆରି କ୍ଷ” ମେଁ ଅଃସେ ଲେଃଗେ, ଏଃକେ ଲେଃକେ ବାରି ଇଡ଼ିଂଡେ ପାଙ୍ଗ୍‌ଏ ।
\s କ୍ରିସ୍ଟ ଦର୍ସନ୍ ବିକେ
\p
\v 9 ନିଂ ଜହନ୍‌ ପେନେ ମୁଇଂ ବୟାଁ ଜିସୁନେ ସିସ୍ ସୁଗୁଆ ମେଁ ରାଜ୍ୟନେ ରେମୁଆଁଇଂନେ ଆଡ଼ାତ୍ରା ଡିଂଡିଂକ୍ନେ କସ୍ଟ ଡାଟ୍‌ନେ ଏତେ ସମ୍ବାଲେନେ ନ୍‌ସା ନିଂ ପେନେ ମୁଇଂ ରେମୁଆଁ । ଜିସୁ ଆସୁଏ ବକ୍ନେ ସତ୍ ଆରି ଇସ୍‌ପର୍‌ନେ ସାମୁଆଁ ବାସଙ୍ଗ୍‌ନେ ନ୍‌ସା ନିଂ ପାତ୍‌ମସ୍ ଇନିନ୍ନିଆ ବନ୍ଦି ଡିଂଚେ ଡୁଙ୍ଗ୍‌ୱେ ବ‍ଆର୍‌ଗେ । 
\v 10 ମାପ୍‌ରୁନେ ବେଲା ପବିତ୍ର ଆତ୍ମା ଆନିଂ ଗେରେକେ ବାରି ନିଂନେ ପ୍ଲାପାକା ପ୍ନି ସବ୍‌ଦ ରକମ୍ ମୁଇଂ ମ୍ନା ସବ୍‌ଦ ଙକେ । 
\v 11 ଜାଣ୍ଡେ ମୁଇଂଡା ଆନିଂକେ ବାସଂକେ “ନାଁ ମେଃନି କେନାଡିଂକେ ଆତେନ୍‌ ମୁଇଂ ଉଲିଆଃନ୍ନିଆ ଗୁଆର୍ ବ ବାରି ଏଫିସିୟ ସ୍ମର୍ଣ୍ଣା ପର୍ଗାମମ୍ ଥିଆଟିରା ସାର୍ଦ୍ଦିସ୍ ଫିଲାଦେଲ୍‌ଫିଆ ଆରି ଲାଓଦିକିଆନିଆ ଲେଃକ୍ନେ ମଣ୍ଡଲି‍ଇଂନେ ଡାଗ୍ରା ମୁଇଂ ଉଲିଆଃ ବେ ବିଃ ।” \fig ଏସିଆନେ ଗୁକ୍ଲିଗ୍ ମଣ୍ଡଲି|alt="Map of seven churches in Asia" src="hk00378c.tif" size="span" copy="Horace Knowles ©" ref="୧:୧୧"\fig*
\p
\v 12 ଜାଣ୍ଡେ ନିଂ ଏତେ ସାମୁଆଁ ବାସଂଡିଂକେ କିକେ ନ୍‌ସା ନିଂ ପ୍ଲାପାକା ପ୍ଲେଗ୍‌ଚେ ଙ୍କେକେ ଗୁକ୍ଲିଗ୍ ସୁନା କୁପିସ 
\v 13 ବାରି ଆତ୍‌ଅରିଆ ରେମୁଆଁ ଗଡ଼େଅ ରକମ୍ ମୁଇଂଡା ତୁଆଁ ଲେଃଗେ । ମେଁନେ ସ୍ନପୁଆ ଞ୍ଚ ଜାକ ଚ୍ଲେ ୱେଲେଃଗେ ବାରି ମେଁନେ ଗ୍ରିନିଆ ମୁଇଂ ସୁନା ବନ୍ଦ୍‌ନି ଗାଗ୍ ବଗେ । 
\v 14 ମେଁନେ ବାଆଃନେ ଉଗ୍‌ବ ଆରେଣ୍ଡିଆ ସୁଗୁଆ ତୁଲୁଏ ଲେଃଗେ ଆରି ମେଁନେ ମୁଆଃ ଡୁଆକ୍ନେ ସୁଆ ସୁଗୁଆ ଡୁଆଡିଂଗେ । 
\v 15 ମେଁନେ ଞ୍ଚ ମ୍ବାକ୍ଲିଗ୍ ସୁଆନ୍ନିଆ ନିମାଣ୍ଡା ପିତଲ୍ ସୁଗୁଆ ତ୍ନାଡିଂଗେ ବାରି ମେଁନେ ତୁମୁଆଃ ସବ୍ଦ ଜର୍‌ନାଣ୍ଡିଆଃ ସୁଗୁଆ ନ୍ନାଂଡିଂଗେ । 
\v 16 ମେଁ ମେଁନେ ଞ୍ଚଂତିପାକା ଗୁକ୍ଲିଗ୍ ଚାଙ୍କୁଆ ସାଃଲେଃଗେ ବାରି ମୁଇଂ ଡିଗ୍‌କ୍ନେ ବ୍ନାର୍‌ଡିଗ୍ କାଣ୍ଡା ସାସନ୍ ଆରି ନ୍ୟାୟ୍ ଡିଂନେ ସାମୁଆଁ ମେଁନେ ତୁମୁଁଆବାନ୍ ପୁଏତାର୍‌କେ । ମେଁନେ ସାର୍ମୁଆଁ ସ୍ମିନେ ସ୍ନି ସୁଗୁଆ ତାର୍‌କିଗ୍ ଲେଃଗେ । 
\v 17 \x + \xo ୧:୧୭ \xo*\xt ପ୍ରକାସିତ୍‌ ୨:୮; ୨୨:୧୩.\xt*\x*ଆମେକେ ଙ୍କେକ୍ନେ ଦାପ୍‌ଡ଼େ ନିଂ ଗୁଏଃକେରକମ୍ ମେଁନେ ଞ୍ଚ ଆଲ ଲଃଙ୍ୱେକେ । ମେଁ ମେଁନେ ଞ୍ଚଂତି ନିଂ ଆଡ଼ାତ୍ରା ବଚେ ବାସଂକେ “ଆବ୍‌ଟଗେ ନିଂ ସିସେ ଆରି ସାରାସାରି । 
\v 18 ନିଂ ନିଜେ ମ୍ବ୍ର ନ୍ଲେଃକେ; ନିଂ ଗୁଏ ନ୍ଲେଃଗେ ମାତର୍‌ ନିଂ ଏଃକେ ମ୍ବ୍ର ନ୍ଲେଃକେ, ମାଡାନେ ଜୁଗ୍ ଜାକ ମ୍ବ୍ର ନ୍ଲେଃଏ । ଗୁଗୁଏନେ ଆରି ନର୍କନେ କୁଚିକାଡ଼ି ନିଂ ନ୍ତିନ୍ନିଆ ଲେଃକେ । 
\v 19 ତେନ୍‌ସା ନାଁ ମୁଡ଼ି ସାପା ବିସ‍ଏ କିକେନାଡିଂକେ, ମୁଡ଼ି ସର୍‌ତେ ବିସ‍ଏ ଏଃକେ ଗଟେଡିଂକେ ଆରି ମେଃନି ସାପା ଇଡ଼ିଂଡେ ଗଟେଏ, ଆତେନ୍‌ ଗୁଆର୍‌ଚେ ବ । 
\v 20 ନିଂନେ ଞ୍ଚଂତିନ୍ନିଆ ଲେଃକ୍ନେ ଗୁକ୍ଲିଗ୍ ଚାଙ୍କୁଆ ଆରି ଆକେନ୍ ଗୁକ୍ଲିଗ୍ ସୁନା କୁପିସନେ ସତ୍ ସାମୁଆଁ ଡିଂଡିଂକେ, ଚାଙ୍କୁଆଇଂ ଗୁକ୍ଲିଗ୍ ମଣ୍ଡଲିନେ ଦେବ୍‌ଦୁତ୍ ବାରି କୁପିସ‍ଇଂ ଗୁକ୍ଲିଗ୍ ମଣ୍ଡଲି ।”
\c 2
\s ଏଫିସ ମଣ୍ଡଲିକେ ଜିସୁନେ ସାମୁଆଁ
\p
\v 1 ଏଫିସିୟ ମଣ୍ଡଲିନେ ଦୁତ୍‌ନେ ଡାଗ୍ରା ଗୁଆର୍: “ଜାଣ୍ଡେନେ ଞ୍ଚଂତିନ୍ନିଆ ଗୁକ୍ଲିଗ୍ ଚାଙ୍କୁଆ ଆରି ଜା ଗୁକ୍ଲିଗ୍ ସୁନା କୁପିସ ବିତ୍ରେ ଅଲେଙ୍ଗ୍‌ଡାଲିଆ ଡିଂଆର୍‌ଏ, ମେଁନେ ଆକେନ୍ ସାମୁଆଁ । 
\v 2 ପେନେ ସ୍ଲେଗ୍ନାର୍ ମାଲେ କସ୍ଟ ଆରି ସାଆସ୍ ବିସ‍ଏ ନିଂ ମ୍‌ମ୍ୟାଃକେ । ନିଂ ଣ୍ଡିଗ୍ ମ୍‌ମ୍ୟାଃକେ ଜେ ନାଁ ଦଦ୍ୟା‌ କାମ୍ ଡିଂଣ୍ଡ୍ରେଇଂକେ ସମ୍ବାଲେ ଡିଂନାୟା ଣ୍ଡୁ । ଜାଣ୍ଡେଇଂ ବେକ୍ନେ ସିସ୍ ଡାଗ୍‌ଚେ ନିଜର୍ ପରିଚୟ୍ ବିଃଡିଂଆର୍‌କେ ମାତର୍‌ ସତ୍‌ରେ ସିସ୍ ଆଡିଂଆର୍ ପରିକ୍ୟା ଡିଂଚେ ଆମେଇଂକେ ନାଲେଣ୍ଡ୍ରେ ଡାଗ୍‌ଚେ ନାଁ ପାର୍‌ମାନ୍ ଡିଂନାବକେ । 
\v 3 ନାଁ ସାଆସ୍‌ ବିର୍ । ନିଂନେ ମ୍ନି ନ୍‌ସା ଦୁକ୍‌ ବାଚେ ଣ୍ଡିଗ୍ ଆନାରୋ ନାଡିଂକେ ଣ୍ଡୁ । 
\v 4 ମାତର୍‌ ନାଁ ବିରଦ୍‌ରେ ନିଂନେ ଆକେନ୍ ସାମୁଆଁ ଲେଃକେ: ନାଁ ଅଃସେ ଡିରକମ୍ ଆନିଂ ଆଲାଦ୍ ଡିଂନାଡିଂଗେ ଏଃକେ ଡେତ୍‌ରକମ୍ ଆରି ଡିଂନାଡିଙ୍ଗ୍‌କେ ଣ୍ଡୁ । 
\v 5 ନାଁ ଉଡ଼ି ଆଲ ଲଃ ନାଲେଃକେ ଚିନ୍ତା ଡିଂ । ପାପ୍‌ବାନ୍ ଆଣ୍ଡେ ଅଃସେ ରକମ୍ ସତ୍‌କାମ୍ ଡିଙ୍ଗ୍ । ଜଦି ପାପ୍‌ବାନ୍ ଆଣ୍ଡେ ନାପାଙ୍ଗ୍‌ ତେଲା ନିଂ ନାଁନେ କୁପିସକେ ମୁଇଙ୍ଗ୍ ଟାନ୍‌ବାନ୍ ଆର୍‌ମୁଇଂ ଟାନ୍‌ନ୍ତୁଗ୍ ଣ୍ଡ୍ରାଃଗୁଞ୍ଚେଏ । 
\v 6 ମାତର୍‌ ନାଁ ପାକା ମୁଇଙ୍ଗ୍ ସାମୁଆଁ ଲେଃକେ । ଆତେନ୍‌ ଡିଂଡିଂକେ ନିଂ ରକମ୍ ପେଇଙ୍ଗ୍ ଡିଗ୍ ନିକଲାଇତୀୟଇଙ୍ଗ୍‌ନେ ସ୍ଲେଗ୍ନାର୍‌କେ ଗିନ୍‌ ଡିଂନାଡିଂକେ ।”
\p
\v 7 \x + \xo ୨:୭ \xo*\xt ପ୍ରକାସିତ୍‌ ୨୨:୨.\xt*\x*“ଅଁନେ ନ୍‌ଲୁଗ୍ ଲେଃଲା ମଣ୍ଡଲି‍ଇଂକେ ପବିତ୍ର ଆତ୍ମା ମେଃନେ ବାସଙ୍ଗ୍‌ଡିଂକେ, ଅଁ !” ଜାଣ୍ଡେଇଂ ଜିତେନେ ଲାବ୍‌ ଡିଂଆର୍‌ଏ, ନିଂ ଆମେଇଂକେ ଇସ୍‌ପର୍‌ନେ ଡୁଗ୍‌ଡିନ୍ନିଆ ଚୁଚୁଡିଂକ୍ନେ ଜିବନ୍ ସ୍ଲାନେ ଚୁଚୁ ଚଂନେ ନ୍‌ସା ଅଦିକାର୍ ମ୍ବିଃଏ ।
\s ସ୍ମର୍ଣ୍ଣା ମଣ୍ଡଲିକେ ଜିସୁନେ ସାମୁଆଁ
\p
\v 8 \x + \xo ୨:୮ \xo*\xt ପ୍ରକାସିତ୍‌ ୧:୧୭; ୨୨:୧୩.\xt*\x*ସ୍ମର୍ଣ୍ଣାନ୍ନିଆ ଲେଃକ୍ନେ ମଣ୍ଡଲିନେ ଦୁତ୍‌ନେ ଡାଗ୍ରା ଗୁଆର୍, ଜାଣ୍ଡେ ମୁଲ୍ ଆରି ସାରାସାରି ବାରି ଜାଣ୍ଡେ ଗୁଏଃଚେ ବାରି ମ୍ବ୍ରକେ ମେଁନେ ଡାଗ୍ରାବାନ୍ ଆକେନ୍ ସାମୁଆଁ: 
\v 9 ନାଁନେ କସ୍ଟ ସାପା ଆନିଂ ଜାନା; ନିଂ ଣ୍ଡିଗ୍ ମ୍‌ମ୍ୟାଃକେ ଜେ ନାଁ ଦରିଦ୍ର; ମାତର୍‌ ସତ୍‌ରେ ନାଁ ସାଉକାର୍‌ । ଜାଣ୍ଡେଇଂ ନିଜ୍‌କେ ଜିଉଦି ଡାଗ୍‌ଚେ ବାସଂଡିଂଆର୍‌କେ ମାତର୍‌ ସତ୍‌ରେ ଜିଉଦି ଣ୍ଡୁ ଆରି ଜାଣ୍ଡେଇଂ ସ‍ଏତାନ୍‌ନେ ପ୍ଲାୱେଣ୍ଡ୍ରେ; ମେଇଂ ଡିରକମ୍ ନାଁନେ ନିନ୍ଦା ଡିଙ୍ଗ୍‌ଚେ ସାମୁଆଁ ବାସଙ୍ଗ୍‌ବଆର୍‌କେ ଆତେନ୍‌ ନିଂ ମ୍‌ମ୍ୟାଃକେ । 
\v 10 ନାଁ ମେଃ ଡିଗ୍ ଦୁକ୍‌କସ୍ଟ ଡିଂନେ ୱେନାଡିଂକେ ଆତେନ୍‌‌ସା ଆବ୍‌ଟଗେ । ଅଁ ! ପେ ବିତ୍ରେବାନ୍ ଉଃଡ଼ିରୁଆକେ କ‍ଏଦ୍‌ ଡୁଆନ୍ନିଆ ତ୍ଲାଗ୍‌ଚେ ସ‍ଏତାନ୍ ପରିକ୍ୟା ଡିଙ୍ଗ୍‌ଏ । ମାତର୍‌ ନାଁନେ ଆକେନ୍ କସ୍ଟ ମାତର୍ କମ୍ ଦିନ୍ ବେପ୍ରେଏ । ଆକ୍‌ଅରିଆ ଗୁଗୁଏନେ ବୁଟ ଲେଃଲା ଡିଗ୍ ନିଂ ଆଡ଼ାତ୍ରା ବିସ୍‌ବାସ୍ ଲେଃଲା ନିଂ ଆନାକେ ଜିବନ୍‌ ରକମ୍‌ନେ ମୁକୁଟ୍ ମ୍ବିଏ ।
\p
\v 11 \x + \xo ୨:୧୧ \xo*\xt ପ୍ରକାସିତ୍‌ ୨୦:୧୪; ୨୧:୮.\xt*\x*“ଅଁନ୍‌ସା ନ୍‌ଲୁଗ୍ ଲେଃଲା ମଣ୍ଡଲି‍ଇଂକେ ଇସ୍‌ପର୍‌ନେ ଆତ୍ମା ମେଃନି ବାସଂଡିଂକେ ଅଁ ! ଜାଣ୍ଡେଇଂ ଜିତେନେ ଲାବ୍‌ ଡିଙ୍ଗ୍‌ଆର୍‌ଏ, ବ୍ନାର୍‌ଗୁଏ ଆମେଇଂକେ ଲିଗ୍‌ନେ ଆୟା ଣ୍ଡୁ ।”
\s ପର୍ଗାମମ୍ ମଣ୍ଡଲିକେ ଜିସୁନେ ସାମୁଆଁ
\p
\v 12 ପର୍ଗାମମ୍ ମଣ୍ଡଲିନେ ଦୁତ୍‌ନେ ନ୍ତୁଗ୍ ଗୁଆର୍, “ଜାଣ୍ଡେନେ ଡାଗ୍ରା ଡିଗ୍‌କ୍ନେ କାଣ୍ଡା ଲେଃକେ ମେଁନେ ଆକେନ୍ ସାମୁଆଁ । 
\v 13 ନିଂ ମ୍‌ମ୍ୟାଃକେ ନାଁ ସ‍ଏତାନ୍‌ନେ ସିଂଆଁସନ ଡାଗ୍ରା ବାସା ଡିଙ୍ଗ୍‌ନାଡିଂକେ । ମାତର୍‌ ନାଁନେ ନିଂ ଆଡ଼ାତ୍ରା ବିସ୍‌ବାସ୍‌ ଲେଃକେ ଦେକ୍‌ରକମ୍ କି ସ‍ଏତାନ୍‌ ଲେଃନେ ଟାନ୍‌ନ୍ନିଆ ଉଡ଼ିବେଲା ନିଂନେ ମୁଇଂ ବିସ୍‌ବାସ୍‌ ଗତିରେ ଆଣ୍ଟିପାସ୍‌କେ ଆଃବାଗୁଏ ଆର୍‌କେ ଅଃତେନ୍‌ ବେଲା ଡିଗ୍ ନାଁନେ ବିସ୍‌ବାସ୍‌ ଆନ୍ତାର୍‌ ନାବଗେ ଣ୍ଡୁ । 
\v 14 ମାତର୍‌ ନାଁ ବିରଦ୍‌ରେ ନିଂନେ ଉଡ଼ିକ୍ଲିଗ୍ ବିସ‍ଏ ବାସଙ୍ଗ୍‌ନେ ଲେଃକେ । ଆତ୍‌ଅରିଆ ନାଁ ଏତେ ଲେଃକ୍ନେ ଉଡ଼ିରୁଆ ବାଲାମନେ ସିକ୍ୟାରେ ଅଲେଙ୍ଗ୍‌ଡାଲିଆ ଡିଂଆର୍‌ଡିଂକେ । ବାଲାମନେ ଦେବ୍‌ତା ପର୍‌ସାଦ୍‌ ଚଂନେ ଆରି ବେସ୍ୟାକାମ୍ ଡିଙ୍ଗ୍‌ନେ ନ୍‌ସା ଇସ୍ରାଏଲିୟଇଂକେ ଆମ୍ୟାଃ ନ୍‌ସା ବାଲାକକେ ସିକ୍ୟା ବିଃବଗେ । 
\v 15 ଟିକ୍ ଡେତ୍‌ରକମ୍ ନିକଲାଇତୀୟଇଂନେ ସାମୁଆଁକେ ସାଃଚେ ଡିଂମ୍ୟାକ୍ନେ ରେମୁଆଁଇଂ ପେ ବିତ୍ରେ ଲେଃଆର୍‌କେ । 
\v 16 ନାଁନେ ପାପ୍ ଆନ୍ତାର୍‌ବି; ଣ୍ଡୁଲା ନିଂ ଜିଆ ନାଁ ଡାଗ୍ରା ପାଙ୍ଗ୍‌ଚେ ନିଂନେ ତୁମୁଆଃବାନ୍ ତାର୍‌କ୍ନେ କାଣ୍ଡା ଏତେ ଆତେନ୍‌ ଦଦ୍ୟା‌ ଗାଲି ୱେଣ୍ଡ୍ରେନେ ବିରଦ୍‌ରେ ଜୁଜ୍ ଣ୍ଡିଂଏ ।”
\p
\v 17 \x + \xo ୨:୧୭ \xo*\xt ଜହନ୍‌ ୬:୪୮-୫୦.\xt*\x*“ଜାନେ ଅଁନେ ନ୍‌ଲୁଗ୍ ଲେଃକେ ମଣ୍ଡଲି‍ଇଂକେ ଇସ୍‌ପର୍‌ନେ ଆତ୍ମା ମେଃନେ ବାସଂଡିଂକେ ଆତେନ୍‌ ଅଁ । ଜାଣ୍ଡେଇଂ ଜିତେନେ ଲାବ୍ ଡିଂଆର୍‌ଏ ନିଂ ଆମେଇଂକେ ରାସିଂଚେ ବଗ୍ନେ ମାନ୍ନାବାନ୍ ମେଃଡିଗ୍ ମ୍ବିଏ । ମେଁଇଂନେ ବିତ୍ରେବାନ୍ ସାପାରେକେ ତ୍ମି ମ୍ନି ଗ୍ନୁଆର୍ ଲେଃକ୍ନେ ମୁଇଂ ତୁଲୁଏ ବ୍ରି ମ୍ବିଏ । ଆତେନ୍‌ ତ୍ମି ମ୍ନି ମେଃନେ ବ୍ରି ସାଃକେଣ୍ଡ୍ରେକେ ଆନ୍ତାର୍‌ଚେ ବିନ୍ ଜାଡିଗ୍ ଆତେନ୍‌ ମ୍ୟା ଆୟାଆର୍‌ ଣ୍ଡୁ ।”
\s ଥିଆଟିରା ମଣ୍ଡଲିକେ ଜିସୁନେ ସାମୁଆଁ
\p
\v 18 ଥିଆଟିରାନ୍ନିଆ ଲେଃକ୍ନେ ମଣ୍ଡଲିନେ ଦୁତ୍‌ନେ ଡାଗ୍ରା ଗୁଆର୍‌, “ଆକେନ୍ ସାମୁଆଁ ଇସ୍‌ପର୍‌ନେ ଉଙ୍ଗ୍‌ଡେ ଡାଗ୍ରାବାନ୍ ପାଙ୍ଗ୍‌ଲେଃକେ । ମେଁନେ ମ୍‌ମୁଆଁ ଡୁଆକ୍ନେ ସୁଆ ରକମ୍ ଆରି ମେଁନେ ମ୍ବାର୍‌ଞ୍ଚ ଚିକ୍‌ନା ପିତ୍ତଲ୍ ରକମ୍ ତାର୍‌କିଗ୍ । 
\v 19 ନାଁନେ ଲିଗ୍‌ସ୍ଲେ ନାଁନେ ଆଲାଦ୍ ବିସ୍‌ବାସ୍ ନାଁନେ ସେବାକାମ୍ ଆରି ସାଆସ୍ ନିଂ ମ୍‌ମିଆଁକେ ! ନିଂ ଣ୍ଡିଗ୍ ମ୍ୟାଣ୍ଡିଂ ଜେ ନାଁ ଅଃସେ ମେଃନେ ଡିଂନାଡିଙ୍ଗେ ଏକେ ଆତେନ୍‌‌ବାନ୍ ମାଲେ ଡିଂନାଡିଂକେ । 
\v 20 ମାତର୍‌ ନାଁ ବିରଦ୍‌ରେ ନିଂନେ ମୁଇଂ ଅଃକେନ୍ ବାସଙ୍ଗ୍‌ନେ ଲେଃକେ ଇସ୍‌ପର୍‌ନେ ସାମୁଆଁ ସାଃନେ ରକମ୍ ନିଜର୍ ପରିଚୟ୍ ବିଃଡିଂକ୍ନେ ଜେଜେବଲ୍‌ ତେମ୍ନିକ୍ନେ ସେଲାମ୍ବୁଏଃକେ ନାଁ ବୁଃଡ଼ି ନାବକେ । ମେଁ ନିଂନେ ଗତିରେଇଂକେ ବେସ୍ୟାକାମ୍ ଡିଂନେସା ଆରି ଦେବା ଦେବି‍ଇଂନେ ଡାଗ୍ରା ବିବଗ୍ନେ କାଦି‍ଇଂ ଚଂନେସା ସିକ୍ୟା ବିଚେ ଆମେଇଂକେ ବିନ୍‌ଗାଲି ଆଃୱେଡିଂକେ । 
\v 21 ପାପ୍‌ବାନ୍ ଆଣ୍ଡେ ପାଂନେ ନ୍‌ସା ନିଂ ଆମେକେ ବେଲା ବିଃମ୍ବକେ ମାତର୍‌ ମେଁ ନିଜର୍ ଦଦ୍ୟା‌ କାମ୍ ଆନ୍ତାର୍‌ନେ ଚାଏଁ ଆଡିଂକେ । 
\v 22 ତେନ୍‌ସା ନିଂ ଆମେକେ ବାରି ମେଁ ଏତେ ଅଡ଼ାରେଗ୍‌ କାମ୍‌ନ୍ନିଆ ଲେଃନେ ସାପାରେକେ ଆଃସିଆଃଜାନ୍ନିଆ ଣ୍ଡ୍ରାଲଃଏ ବାରି ମେଁଇଂ ବୟଙ୍କାର୍ କସ୍ଟ ବାଆର୍‌ଏ । ଜଦି ମେଇଂ ମେଁ ଏଃତେ ଡିଂବକ୍ନେ ଦଦ୍ୟା‌ କାମ୍ ନ୍‌ସା ଆଏତେଆର୍ ଣ୍ଡୁ, ତେଲା ନିଂ ଆକେନ୍ ଡିଲାଡିଗ୍‌ ଣ୍ଡିଂଏ । 
\v 23 ମେଁନେ ପ୍ଲାଃୱେଣ୍ଡ୍ରେକେ ଣ୍ଡିଗ୍ ମ୍ବାଗୁଏଃଏ । ଡେତ୍‌ଲା ମଣ୍ଡଲି‍ଇଂ ସାପାରେ ମ୍ୟାଃ ୟାଆର୍‌ଏ ଜେ; ନିଂ ଅନ୍ତର୍ଜ୍ୟାମି ରେମୁଆଁନେ ସର୍‌ତେ ଚିନ୍ତା ଆରି ବାବ୍‌ନା ନିଂ ମ୍ୟାଃୟାଏ । ପେ ସାପାରେ ମେଃନେ ଡିଙ୍ଗ୍‌ପେବକେ ଆତେନ୍‌ ଅନୁସାରେ ନିଂ ଆପେକେ କାମ୍ ମ୍ବିଏ ।
\p
\v 24 ମାତର୍‌ ଥିଆଟିରାନ୍ନିଆ ପେନେ ବିତ୍ରେବାନ୍ ଜାଣ୍ଡେଜାଣ୍ଡେ ଆକେନ୍ ଦଦ୍ୟା‌ ସିକ୍ୟା ସାଃ ପେଡିଂକେ ଆରି ‘ସ‍ଏତାନ୍‌ନେ ସତ୍ କାମ୍‌ଇଙ୍ଗ୍ ସିକ୍ୟା ପେଡିଂକେ ଣ୍ଡୁ ନିଂ ମେଁଇଂନେ ଆଡ଼ାତ୍ରା ଆରି ମେଃଡିଗ୍ ଲିଗିଙ୍ଗ୍ ଲାଦେ ନ୍ନାବି ଣ୍ଡୁ ।’ 
\v 25 ମାତର୍‌ ନିଂ ମାପାଂନେ ଜାକ ପେନେ ମେଃନେ ଲେଃକେ ଆତେନ୍‌ ଡାଟ୍‌ ବାବ୍‌ରେ ସାଃ ଲାଲାପା । 
\v 26 ଜାଣ୍ଡେଜାଣ୍ଡେ ଜିତେ ଆର୍‌ଏ ଆରି ତେଃଡା ଜାକ ନିଂନେ ଇକ୍‌ଚାରେ କାମ୍ ଡିଂଆର୍‌ଏ ନିଂ ଆବାନେ ଡାଗ୍ରାବାନ୍ ମୁଡ଼ି ଅଦିକାର୍‌ ବାନ୍ଲେଃକେ, ଆମେକେ ଣ୍ଡିଗ୍‌ ଡେତ୍‌ରକମ୍‌ ସାପା ଜାତି ଆଡ଼ାତ୍ରା ଅଦିକାର୍‌ ମ୍ବିଏ । 
\v 27 ଦର୍‌ତନିନେ ବିନ୍‌ବିନ୍ ଜାତିକେ ଲୁଆ ଡୁଡୁନିଆ ସାସନ୍ ଡିଂନେ ବାରି ତୁବଃ ଙ୍କୁଇ ରକମ୍ କଣ୍ଡ୍ କଣ୍ଡ୍ ଡିଂନେସା ନିଂ ଆମେଇଂକେ ଅଦିକାର୍ ମ୍ବିଏ । 
\v 28 ନିଂ ଆମେଇଂକେ ଞ୍ଜିର୍‌ନେ ଚାଙ୍କୁଆ ଣ୍ଡିଗ୍ ଦାନ୍ ମ୍ବିଏ ।”
\p
\v 29 “ଅଁନେ ବପୁ ଲେଃଲା ମଣ୍ଡଲି‍ଇଂକେ ଇସ୍‌ପର୍‌ନେ ଆତ୍ମା ମେଃନେ ବାସଂଡିଂକେ ଅଁ !”
\c 3
\s ସାର୍ଦ୍ଦିସ୍ ମଣ୍ଡଲିକେ ଜିସୁନେ ସାମୁଆଁ
\p
\v 1 ସାର୍ଦ୍ଦିସ୍‌ନ୍ନିଆ ଲେଃକ୍ନେ ମଣ୍ଡଲିନେ ଦୁତ୍‌ନେ ଡାଗ୍ରା ଗୁଆର୍ । “ଇସ୍‌ପର୍‌ନେ ଗୁକ୍ଲିଗ୍ ଆତ୍ମା ଆରି ଗୁକ୍ଲିଗ୍ ଚାଙ୍କୁଆ ସାଃ ଲେଃକ୍ନେ ରେମୁଆଁବାନ୍ ଆକେନ୍ ସାମୁଆଁ । ନିଂ ନାଁନେ ସ୍ଲେଗ୍ନାର୍ ମ୍‌ମ୍ୟାଃକେ; ପେଇଙ୍ଗ୍‌ ଗୁଏଃ ପେଲେଃଲା ଡିଗ୍ ମ୍ବ୍ର ପେଲେଃକେ ଡାଗ୍‌ଚେ ମ୍ନି ବାପେଲେଃକେ । 
\v 2 ତେସାଃ ତରକ୍ ଡିଂପା ବାରି ପେ ଡାଗ୍ରା ମେଃନେ ଡିଗ୍ ଲେଃକେ ଆତେନ୍‌ କ୍ଲିଗ୍‌ଡା ବଃ ୱେନେ ସେନୁଗ୍ ଆମେକେ ଡାଟ୍ ଆଃଡିଂ ଡାଗ୍‌ଲା ନିଂ ମ୍‌ମ୍ୟାଃକେ ନାଁନେ କାମ୍‌ ସାପା ଇସ୍‌ପର୍‌ନେ ମୁଆଁଃନ୍ନିଆ ଏଃ ଜାକ ପୁରନ୍ ଆଡିଂକେ ଣ୍ଡୁ । 
\v 3 \x + \xo ୩:୩ \xo*\xt ମାତିଉ ୨୪:୪୩,୪୪; ଲୁକ୍‌ ୧୨:୩୯,୪୦; ପ୍ରକାସିତ୍‌ ୧୬:୧୫.\xt*\x*ଆନାଁକେ ମୁଡ଼ିନେ ସିକ୍ୟା ବିଃବଗେ ବାରି ନାଁ ମେଃନେ ଅଁନାଲେଃଗେ ଆତେନ୍‌ ମନେ ଡିଂଚେ ପାଲନ୍ ଡିଂ ଆରି ନାଁନେ ପାପ୍‌ବାନ୍ ଆଣ୍ଡେ । ତରକ୍ ନାଡିଂଲା ନିଂ ଡଙ୍ଗାରେ ରକମ୍ ମାରିଆଃତୁଗ୍ ବାବ୍‌ରେ ନାଁନେ ଡାଗ୍ରା ମ୍ପାଂଏ । ଉଡ଼ି ବେଲା ମ୍ପାଂଏ ଆତେନ୍‌ ନାଁ ମ୍ୟାଃ ନାୟା ଣ୍ଡୁ । 
\v 4 ମାତର୍‌ ସାର୍ଦ୍ଦିସ୍‌ନ୍ନିଆ ପେନେ ବିତ୍ରେବାନ୍ ଗଣ୍ଡାଃ ରୁଆ ମେଁଇଂନେ ସ୍ନପୁଆଃ ନିମାଣ୍ଡା ବ‍ଆର୍‌କେ । ମେଁଇଂ ତୁଲୁଏ ସକା ସଃଚେ ନିଂ ଏତେ ଅଲେଙ୍ଗ୍‌ଡାଲିଆ ଡିଂଆର୍‌ଏ, ଡାଗ୍‌ଲା ଆକେନ୍‌ସା ମେଁଇଂନେ ଅଦିକାର୍ ଲେଃକେ । 
\v 5 \x + \xo ୩:୫ \xo*\xt ପ୍ରକାସିତ୍‌ ୨୦:୧୨; \xt*\xt ମାତିଉ ୧୦:୩୨; ଲୁକ୍‌ ୧୨:୮.\xt*\x*ଜାଣ୍ଡେଜାଣ୍ଡେ ଜିତେ ଆର୍‌ଏ ମେଁଇଂ ଡେକ୍‌ରକମ୍‌ ତୁଲୁଏ ସକା ସଃ ଆର୍‌ଏ ଜିବନ୍ ସାସ୍ତର୍‌ବାନ୍ ମେଁଇଂନେ ମ୍ନି ଅଃନାଡିଗ୍ ଦଂସ ଆରାଃଡିଂ ଣ୍ଡୁ ବାରି ନିଂନେ ଆବା ଆରି ମେଁଇଂନେ ଦୁତ୍‌ଇଂ ଡାଗ୍ରା ଆମେଇଂକେ ନିଂନେ ପ୍ଲାପାଂଣ୍ଡ୍ରେ ଡାଗ୍‌ଚେ ନିଂ ସତ୍ ମ୍ବାସଙ୍ଗ୍ଏ ।”
\p
\v 6 “ଅଁନ୍‌ସା ନ୍‌ଲୁଗ୍ ଲେଃଲା ମଣ୍ଡଲି‍ଇଂକେ ପବିତ୍ର ଆତ୍ମା ମେଃନେ ବାସଙ୍ଗ୍‌ଡିଂକେ ମନ୍ ବିଚେ ଅଁପା ।”
\s ଫିଲାଦେଲ୍‌ଫିଆ ମଣ୍ଡଲିକେ ଜିସୁନେ ସାମୁଆଁ
\p
\v 7 ଫିଲାଦେଲ୍‌ଫିଆନ୍ନିଆ ଲେଃକ୍ନେ ମଣ୍ଡଲି‍ଇଂନେ ଦୁତ୍‌ନେ ଡାଗ୍ରା ଗୁଆର୍: “ଜା କ୍ଲିଗ୍‌ଡା ବାବେ ପବିତ୍ର ଆରି ସତ୍ ରକମ୍ ଲେଃଆର୍‌ଏ ମେଁନେବାନ୍ ଆକେନ୍ ସାମୁଆଁ ଅଁପା । ମେଁନେ ଡାଗ୍ରା ଦାଉଦ୍‌ନେ କୁଚିକାଡ଼ି ଲେଃକେ ମେଁ ମୁଃଡ଼ି ଗାଲି ରଃଏ ବିନ୍ ଜାଣ୍ଡେ ଆତେନ୍‌ ଆନ୍ତଃନେ ଆୟା ଣ୍ଡୁ ବାରି ମେଁ ମେଃନେ ଆନ୍ତଃଏ ବିନ୍ ଜାଣ୍ଡେ ଆତେନ୍‌ ରଃ ଆୟା ଣ୍ଡୁ । 
\v 8 ନାଁନେ ସ୍ଲେଗ୍ନାର୍ ନିଂ ମ୍‌ମ୍ୟାଃକେ; ଏଃ ଜାକ ନାଁନେ ଗଣ୍ଡାଃ ବପୁ ଲେଃକେ ଆକେନ୍ ଣ୍ଡିଗ୍‌ ମ୍‌ମ୍ୟାଃକେ; ନାଁ ନିଂନେ ସିକ୍ୟା ପାଲନ୍ ଡିଂ ପାଙ୍ଗ୍‌ନାଡିଂକେ ବାରି ନିଂ ଆଡ଼ାତ୍ରା ନାଁନେ ବିସ୍‌ବାସ୍ ଲେଃକେ । ତେସାଃ ନିଂ ନାଁ ଡାଗ୍ରା ମୁଇଂ ଗାଲି ରଃମ୍ବକେ । ଆତେନ୍‌ ଜାଣ୍ଡେ ଆନ୍ତଃନେ ଆୟା ଣ୍ଡୁ । 
\v 9 ଦ୍ରିଗ୍ ! ମୁଃଡ଼ି ଉଡ଼ିରୁଆ ନାଲେଣ୍ଡ୍ରେ ନିଜେ ନିଜେକେ ଜିଉଦି ଡାଗ୍‌ଚେ ଦାବି ଡିଂଆର୍‌ଏ ମାତର୍‌ ସତ୍‌ରେ ଜିଉଦି ଆଡିଂଆର୍ ସ‍ଏତାନ୍‌ନେ ଆତେନ୍‌ ରେମୁଆଁଇଂକେ ନିଂ ନାଁନେ ଞ୍ଚ‍ଆଲ ଣ୍ଡ୍ରାଡିଂଏ । ନିଂ ଆନାକେ ଆଲାଦ୍ ଡିଂଣ୍ଡିଂକେ ଡାଗ୍‌ଚେ ମେଁଇଂ ସାପାରେ ମ୍ୟାଃଆର୍‌ଏ । 
\v 10 ନିଂନେ ଆଦେସ୍‌ ଅନୁସାରେ ପେ ଡାଟ୍ ଡିଂଚେ ପେଲେଃକେ, ତେସାଃ ଦର୍‌ତନିଣ୍ଡ୍ରେ ରେମୁଆଁଇଂନେ ଡାଗ୍ରା ପରିକ୍ୟା ଡିଂନେ ନ୍‌ସାଃ କ୍ଲିଗ୍‌ ଦର୍ତନିନ୍ନିଆ ମୁଃଡ଼ି କସ୍ଟ ପେଂଚାନେ ୱେଡିଂକେ ଆତ୍‌ବାନ୍ ନିଂ ଆପେକେ ବିପଦ୍‌ବାନ୍ ସ୍ଲ ମ୍ବ‍ଏ । 
\v 11 ନିଂ ଗିଆଃ ପାଙ୍ଗ୍‌ଣ୍ଡିଂକେ ନାଁନେ ମେଃନେ ଲେଃକେ ଆତେନ୍‌ ନିମାଣ୍ଡା ବ ଡିରକମ୍ ଜାଣ୍ଡେ ନାଁନେ ଡାଗ୍ରାବାନ୍ ନାଁ ନାଜିତେକ୍ନେ ଇନାମ୍ ଆଡଙ୍ଗା ଣ୍ଡୁ । 
\v 12 \x + \xo ୩:୧୨ \xo*\xt ପ୍ରକାସିତ୍‌ ୨୧:୨.\xt*\x*ଜିତେକ୍ନେ ରେମୁଆଁକେ ନିଂ ନିଂନେ ଇସ୍‌ପର୍‌ନେ ମନ୍ଦିର୍‌ନ୍ନିଆ ଦରମ୍‌ ଡେଲି ରକମ୍ ତିଆର୍ ଣ୍ଡିଂଏ ବାରି ମେଁ ଅଃନାଡିଗ୍ ଆତ୍‌ବାନ୍ ଆଙ୍କେଆନ୍ତେ ଆଡିଂ ଣ୍ଡୁ । ନିଂ ଆତେନ୍‌ ଆଡ଼ାତ୍ରା ନିଂ ଇସ୍‌ପର୍‌ନେ ମ୍ନି ଙ୍ଗୁଆର୍‌ଏ । ନିଂ ଇସ୍‌ପର୍‌ନେ ଡାଗ୍ରାବାନ୍ କିତଂବାନ୍ ପାଙ୍ଗ୍‌ଡିଂକ୍ନେ ଇସ୍‌ପର୍‌ନେ ଇନି ତ୍ମି ଯିରୂଶାଲମ୍‌ନେ ମ୍ନି ଆରି ନିଂନେ ତ୍ମି ମ୍ନି ଣ୍ଡିଗ୍ ଆତ୍ ଆଡ଼ାତ୍ରା ଙ୍ଗୁଆର୍‌ଏ ।”
\p
\v 13 “ଜାନେ ଦ୍ରିଗ୍‌ନେ ନ୍‌ଲୁଗ୍ ଲେଃକେ ମେଁ ମଣ୍ଡଲି‍ଇଂକେ ଇସ୍‌ପର୍‌ନେ ଆତ୍ମା ମେଃନେ ବାସଙ୍ଗ୍‌ଡିଂକେ ମନ୍ ବିଚେ ଦ୍ରିଗ୍‌ପା ।”
\s ଲା‍ଅଦିକିଆ ମଣ୍ଡଲିକେ ଜିସୁନେ ସାମୁଆଁ
\p
\v 14 ଲାଓଦିକିଆନ୍ନିଆ ଲେଃକ୍ନେ ମଣ୍ଡଲିନେ ଦୁତ୍‌ନେ ଡାଗ୍ରା ଗୁଆର୍, “ଜାଣ୍ଡେ ସତ୍‌, ଜାଣ୍ଡେ ବିସ୍‌ବାସ୍‌ ଆରି ସତ୍‌ ସାକି, ଜାଣ୍ଡେ ଇସ୍‌ପର୍‌ନେ ଆଃରେକ୍ନେ ମୁଲ୍‌ ରେମୁଆଁ, ମେଁ ଆକେନ୍‌ ବାସଙ୍ଗ୍‌ଡିଂକେ, 
\v 15 ନିଂ ନାଁନେ ସ୍ଲେଗ୍ନାର୍ ମ୍‌ମ୍ୟାକେ; ପେ ଚ୍ୱିଃ ଣ୍ଡୁ କି ଗରମ୍ ଣ୍ଡୁ ଆକେନ୍ ନିଂ ମ୍‌ମ୍ୟାକେ । ପେ ଚ୍ୱିଃ କି ଗିଃ ଡିଂପେଲେଃଲା ନିମାଣ୍ଡା ପାଡିଂ । 
\v 16 ମାତର୍‌ ପେ ଚ୍ୱିଃ କି ମାଗିଃଚେ ଉସୁମ୍ ଡିଂପେଲେଃକେସା ନିଂ ଆନାଁକେ ନିଂ ତୁମୁଁଆବାନ୍ ଲୁଆର୍ ମ୍ବିଏ ! 
\v 17 ନାଁ ବାସଂନାଡିଂକେ; ନିଂ ସାଉକାର୍ ଆରି ମ୍ନାଃରେ ନିଂନେ ମେଃନେ ଲଡ଼ା ସାପା ଲେଃକେ; ଣ୍ଡୁଲା ସତେଆ ପେ ଉଡ଼ି ଦୁର୍ବାଗ୍ୟ ଆରି ଡଣ୍ଡ୍‌ ବାନେ ରେମୁଆଁ ଆକେନ୍ ପେମ୍ୟାଃକେ ଣ୍ଡୁ । ପେ ଦରିଦ୍ର, ନାଂଲା ଆରି କାନା ରେମୁଆଁ ! 
\v 18 ତେସାଃ ନିଂ ଆନାଁକେ ଆଦେସ୍ ବିଃଣ୍ଡିଂକେ ସାଉକାର୍ ଡିଂନେ ନ୍‌ସା ନିଂବାନ୍ ଦଦ୍ୟା ସୁନା ବିଆର୍‌ନେ, ପେନେ ଗିଆସଃନେ ଲାଂଲାକେ ଡିଡାନେ ନ୍‌ସା ନିଂ ଡାଗ୍ରାବାନ୍ ତୁଲୁଏ ସକା ବେହାର୍ । ବାରି କିକେନେ ବପୁ ନିମାଣ୍ଡା ଡିଂନେ ନ୍‌ସା ଇତୁଡିଗ୍ ମୁଆଃକାଲା ବେହାର୍‌ଚେ ମୁଆଃନ୍ନିଆ ଲିଗ୍ । 
\v 19 \x + \xo ୩:୧୯ \xo*\xt ଏବ୍‌ରି ୧୨:୬.\xt*\x*ନିଂ ଆଜାକେ ଆଲାଦ୍ ଣ୍ଡିଂଏ ଆମେଇଂକେ ନିନ୍ଦା ଣ୍ଡିଂଏ ଆରି ସାସ୍ତି ମ୍ବିଏ । ତେସାଃ ମନ୍ ଏତେ ପାପ୍ ଗାଲିବାନ୍ ଆଣ୍ଡେ ପାଙ୍ଗ୍‌ଲାପା । 
\v 20 କେଲା ! ନିଂ ବାଏରେ ତୁଆଁଚେ କାପାଟ୍‌ନ୍ନିଆ ବଗ୍ ଣ୍ଡିଂକେ; ଜଦି ଜାଣ୍ଡେ ନିଂନେ ସାମୁଆଁ ଦ୍ରିଗ୍‌ଚେ ଗାଲି ରଃ ବିଏ ନିଂ ମେଁ ଡୁଆ ବିତ୍ରେ ଗାଚେ ମେଁ ଏତେ ଞ୍ଚଂଏ ବାରି ମେଁ ନିଂ ଏତେ ଚଂଏ । 
\v 21 ନିଂ ଡିରକମ୍ ଜିତେଚେ ନିଂନେ ଆବାନେ ଏତେ ମେଁନେ ସିଂଆଁସନନ୍ନିଆ କନେଲେଃକେ ଜାଣ୍ଡେଜାଣ୍ଡେ ଜିତେଆର୍‌ଏ ଆତେନ୍‌ ସାପାରେକେ ନିଂ ଟିକ୍ ଦେତ୍‌ରକମ୍ ନିଂନେ ସିଂଆସନନ୍ନିଆ ନିଂ ଡାଗ୍ରା କନେ ଅଦିକାର୍ ମ୍ବିଏ ।”
\p
\v 22 “ଦ୍ରିଗ୍‌ନେ ନ୍‌ଲୁଗ୍ ଲେଃଲା ଇସ୍‌ପର୍‌ନେ ଆତ୍ମା ମଣ୍ଡଲି‍ଇଂକେ ମେଃନେ ବାସଙ୍ଗ୍‌ଡିଂକେ ଦ୍ରିଗ୍‌ପା !”
\c 4
\s କିତଂନ୍ନିଆ ପାର୍‌ତନା
\p
\v 1 ଆକେନ୍ ବେଲା ନିଂ ଆରି ମୁଇଂ ଚିନ୍‌ ଙ୍କେକେ । କିତଂନ୍ନିଆ ମୁଇଂ ଗାଲି ରଃଡ଼ା ୱେଲେଃଗେ ବାରି ପ୍ନିଃ ସବ୍ଦ ରକମ୍ ମୁଇଂ ଲୁଗଃ ସବ୍ଦବାନ୍ ଆନିଂ ଆଦେସ୍ ମିଲେକେ; “ଆକ୍‌ଡାଗ୍ରା ତଃଡ଼ିଆ ପାଙ୍ଗ୍‌ଲା । ଆକେନ୍ ଇଡ଼ିଂ ମେଃନେ ସାପା ଗଟେନେ ୱେଡିଂକେ ଆତେନ୍‌ ନିଂ ଆନାଁକେ ଣ୍ଡ୍ରାସୁଏଃଏ ।” 
\v 2 ସାଙ୍ଗେ ସାଙ୍ଗେ ପବିତ୍ର ଆତ୍ମାନେ ବାନ୍‌ ବାଚେ ନିଂ ଙ୍କେକେ କିତଂନ୍ନିଆ ମୁଇଂ ସିଂଆଁସନନ୍ନିଆ ମୁଇଂଡା ଜାଣ୍ଡେ କଲେଃକେ । 
\v 3 ମେଁନେ ସାର୍ମୁଆଁଃ ଇରା ଆରି ମାଣିକ୍ୟ ସୁଗୁଆ ତ୍ନା ଡିଙ୍ଗେ ଆରି ସିଂଆଁସନକେ ମର୍କତ ମଣି ସୁଗୁଆ ମୁଇଂ ଇନ୍ଦ୍ରଦନୁ ସାଃଚେ ଲେଃଗେ । 
\v 4 ବାରି ସିଂଆଁସନନେ ପିତୁର୍‌ ୱେକେ ରକମ୍ ଲଃଲେଃକ୍ନେ ବିନ୍ ୨୪ କ୍ଲିଗ୍‌ ସିଂଆଁସନନ୍ନିଆ ୨୪ ରୁଆ ବୟସ୍କ ମଣ୍ଡଲି ନେତା କଲେଃଆର୍‌ଗେ । ମେଁଇଂ ତୁଲୁଏ ସକା ସଃଲେଃକ୍ନେ ଆରି ମେଁଇଂନେ ବାଆଃ ଆଡ଼ାତ୍ରା ସୁନା ମୁକୁଟ୍ । 
\v 5 \x + \xo ୪:୫ \xo*\xt ପ୍ରକାସିତ୍‌ ୮:୫; ୧୧:୧୯; ୧୬:୧୮; \xt*\xt ପ୍ରକାସିତ୍‌ ୧:୪.\xt*\x*ସିଂଆସନବାନ୍ ଲ୍‌ଲାଂତାର୍‌ନେ ତାର୍‌କିଗ୍ ବିନ୍‌ବିନ୍ ସବ୍‌ଦ ଆରି ଲ୍ଲାଙ୍ଗ୍‌ତାର୍‌ନେ ସବ୍‌ଦ ତାର୍‌ଡିଂଗେ । ସିଂଆସନ ଡାଗ୍ରା ଇସ୍‌ପର୍‌ନେ ଗୁକ୍ଲିଗ୍ ଆତ୍ମାନେ ଚିନା ଗୁକ୍ଲିଗ୍ କୁପିସ ଡୁଆଡିଂଗେ । 
\v 6 ବାରି ସିଂଆଁସନ ଡାଗ୍ରା କାଞ୍ଚ୍ ସୁଗୁଆ ମୁଇଂ ନିମାଣ୍ଡା କେଣ୍ଡିଆଃ ତ୍ନାଡିଂଗେ । ସିଂଆସନକେ ମ୍ବାର୍‌ପାକା ଗେରେ ଲେଃଆର୍‌ଗେ ଅଁଣ୍ଡ୍ରୁଆ ଜିବ୍‌; ମେଁଇଂନେ ଗାଗ୍‌ଡ଼େନେ ସେଃମଁପାକା ଆରି ଆଲପାକା ମୁଆଁଃନ୍ନିଆ ତ୍ନଲେଃଗେ । 
\v 7 ମୁଲ୍ ଜିବ୍‌ ସିଂଅଙ୍କୁ ସୁଗୁଆ ତ୍ନାଡିଂଗେ; ଦୁତିୟନେ ଗ୍ଲେଃ ସୁଗୁଆ ତ୍ନାଡିଂଗେ । ତୁର୍ତିୟନେ ସାର୍ମୁଆଁଃ ରେମୁଆଁନେ ସାର୍ମୁଆଁଃ ସୁଗୁଆ ଲେଃଗେ ବାରି ଚତୁର୍ତନେ ୱାଲେନେ ରାବନ୍ ପିଗ୍ ସୁଗୁଆ ତ୍ନାଡିଂଗେ । 
\v 8 ସର୍‌ତେ ଜିବ୍‌ନେ ତୁର୍‌କ୍ଲିଗ୍ ଡେନା ଲେଃଗେ ବାରି ତେନ୍‌ଇଂନେ ବାଏରେ ଆରି ବିତ୍‌ରେ ଣ୍ଡିଗ୍ ମୁଆଁଃନ୍ନିଆ ତ୍ନଲେଃଗେ । ମେଁଇଂ ସ୍ମିମିଡିଗ୍ ମାପୁଣ୍ଡେ ବାବ୍‌ରେ ସାର୍ ଡିଂଆର୍ଗେ,
\q1 “ପବିତ୍ର, ପବିତ୍ର, ପବିତ୍ର ସାପାଟୁ ବପୁନେ ମାପ୍‌ରୁ ଇସ୍‌ପର୍ !
\q2 ଅଃସେବାନ୍ ଏଃକେ ଜାକ ଜା କାଲାଆଃ ଲେଃଣ୍ଡ୍ରେ ଆରି ବାର୍‌ମୁଇଂତର୍ ଜା ପାଙ୍ଗ୍‌ଏ ।”
\p
\v 9 ଜିବ୍‌‍ଇଂ ସିଂଆଁସନନ୍ନିଆ କଣ୍ଡ୍ରେ ଆତେନ୍‌ କାଲାଆଃ ମ୍ବ୍ରନେ ରେମୁଆଁକେ ଗୌରବ୍, ସନ୍‌ମାନ୍‌ ଆରି ଦନ୍ୟବାଦ୍ ବିଚେ ମେଁନେ ଅସ୍‌ମାର୍ ସାର୍‌ନେ ବେଲା, 
\v 10 ଅଃସେନେ ୨୪ ରୁଆ ବୟସ୍କ ନେତା କାଲାଆଃ ମ୍ବ୍ରନେ ରେମୁଆଁନେ ସିଂଆସନ ଡାଗ୍ରା ମୁକ୍‌ଚିଚେ ମେଁନେ ଅସ୍‌ମାର୍ ସାର୍‌ନେ ମୁଲେ ଆର୍‌କେ । ବାରି ସିଂଆସନ ଆଲ ନିଜର୍ ନିଜର୍ ମୁକୁଟ୍ ବଚେ ବାସଙ୍ଗ୍‌ଆର୍‌କେ
\q1
\v 11 “ଏ ନେଁନେ ମାପ୍‌ରୁ ଇସ୍‌ପର୍ !
\q2 ନାଁ ଆଃ ଗୌରବ୍, ସନ୍‌ମାନ୍‌ ଆରି ବପୁନେ ବାନେ ରେମୁଆଁ,
\q1 ଡାଗ୍‌ଲା ନାଁ ସାପା ବିସ‍ଏ ଆଃରେ ନାବକେ ।
\q2 ନିଜର୍ ଇକ୍‌ଚାରେ ଆତେନ୍‌ ସାପାକେ ଜିବନ୍ ବିନାବକେ ଜିବ୍‌‍ଇଂକେ ଆମ୍ବ୍ର ନାବକେ ।”
\c 5
\s ସାସ୍ତର୍‌ ଆରି ମେଣ୍ଡାତୁର୍ତ୍ୟାରେ
\p
\v 1 ସିଂଆସନନ୍ନିଆ କଲେଃକ୍ନେ ରେମୁଆଁନେ ଞ୍ଚଂତିନ୍ନିଆ ନିଂ ମୁଇଂ ବାୱିର୍ ସାସ୍ତର୍‌ ଙ୍କେକେ; ମେଁନେ ମ୍ବାର୍‌ପାକା ଗ୍ନୁଆର୍‌ ଲେଃଗେ ଆରି ଗୁକ୍ଲିଗ୍ ସିଲ୍‌ନ୍ନିଆ ଆତେନ୍‌ ଚିନ୍‌ ଡିଂଲେଃଗେ । 
\v 2 ବାରି ନିଂ ଙ୍କେକେ ମୁଇଂ ମ୍ନାଃ କିତଂଦୁତ୍‌ ଜବର୍ ୱାସାର୍‌ଚେ ବାସଙ୍ଗ୍‌ଡିଂକେ: “ସିଲ୍‌‍ଇଂ ପାକ୍‌ଚିଚେ ଆକେନ୍ ସାସ୍ତର୍‌କେ ରଃଡ଼ା ନ୍‌ସାଃ ଜାଣ୍ଡେ ସତ୍‌ ରେମୁଆଁ ଲେଃଲା ତାର୍‌ଚେ ପାଙ୍ଗ୍‌ଲାପା ।” 
\v 3 ମାତର୍‌ ଆତେନ୍‌ ସାସ୍ତର୍‌ ତଃଚେ ଆତ୍‌ଅରିଆ ମେଃନେ ଗ୍ନୁଆର୍‌ଲେଃକେ ଲଃନ୍‌ସା କିତଂନ୍ନିଆ, ଦର୍ତନିନ୍ନିଆ କି ପାତାଲ୍‌ନ୍ନିଆ ଜାଡିଗ୍ ଆତାର୍‌ଆର୍‌କେ ଣ୍ଡୁ । 
\v 4 ସାସ୍ତର୍‌ ରଃଡ଼ାଚେ ଆତ୍‌ଅରିଆ ମେଃନେ ଗ୍ନୁଆର୍‌ଲେଃକେ, ଲଃନ୍‌ସାଃ ଜାଣ୍ଡେଃ ମୁଇଂଡା ଡିଗ୍ ନିମାଣ୍ଡା ରେମୁଆଁ ଆମିଲେକେସା ନିଂ ଦୁକ୍ ଡିଂଚେ ଅଃନେ ଆରାମ୍ ଣ୍ଡିଂକେ । 
\v 5 ତେନ୍ଇଡ଼ିଂ ବୟସ୍କ ନେତାଇଂ ବିତ୍ରେବାନ୍ ମୁଇଂଡା ଆନିଂ ସାନ୍ତି ଆଡିଂଚେ ବାସଙ୍ଗ୍‌କେ “ଆ‍ଅଃଗେ କେଲା ! ଦାଉଦନେ ମ୍ନା ବଂସଇଂ ଜିହୁଦା ରେମୁଆଁନେ ସିଂଅ ଜିତେଚେ ପାଙ୍ଗ୍‌ଲେଃଆର୍କେ; ମେଁ ଆକେନ୍ ଗୁକ୍ଲିଗ୍ ଜାକ ସିଲ୍‌ ପାକ୍‌ଚିଚେ ସାସ୍ତର୍‌ ରଃଡ଼ାନ୍‌ସା ବପୁ ଲେଃକେ ।”
\p
\v 6 ତେନ୍ଇଡ଼ିଂ ସିଂଆଁସନନେ ମଜେ ସିସେନେ ଅଁକ୍ଲିଗ୍ ଜିବ୍‌ ଆରି ବୟସ୍କ ନେତାଇଂନେ ଡାଗ୍ରା ମୁଇଂ ଉଂମେଣ୍ଡାକେ ତୁଆଁ ଲେଃକ୍ନେ ଙ୍କେକେ । ମେଣ୍ଡାତୁର୍ତ୍ୟାରେ ଗୁଏ ଲେଃକ୍ନେ ସୁଗୁଆ ମନେ ଡିଂଆର୍‌କେ । ମେଁନେ ଗୁକ୍ଲିଗ୍ ଡିରଂ ଆରି ଗୁକ୍ଲିଗ୍ ମ୍‌ମୁଁଆଃ ଲେଃଗେ । ଆତେନ୍‌ ମ୍ମୁଆଃଇଂ କ୍ଲିଗ୍‌ ଦର୍ତନିନ୍ନିଆ ବେବକ୍ନେ ଇସ୍‌ପର୍‌ନେ ଗୁକ୍ଲିଗ୍ ଆତ୍ମା । 
\v 7 ମେଣ୍ଡାତୁର୍ତ୍ୟାରେ ସିଂଆଁସନନ୍ନିଆ କଲେଃକ୍ନେ ରେମୁଆଁନେ ଡାଗ୍ରା ୱେଚେ ମେଁନେ ଞ୍ଚଂତିବାନ୍ ସାସ୍ତର୍‌ ସାଃକେ । 
\v 8 ମେଁ ବ‍ଇ ସାଃକ୍ନେ ଦାପ୍‌ଡ଼େ ଅଁକ୍ଲିଗ୍ ଜିବ୍‌ ଆରି ୨୪ ରୁଆ ବୟସ୍କ ନେତା ଉଂମେଣ୍ଡାଇଂନେ ଡାଗ୍ରା ମୁକ୍‌ଚିଆର୍‌କେ । ସାପାରେନେ ନ୍ତିନ୍ନିଆ ମୁଇଂ ମୁଇଂ ବିଣା ଆରି ଇସ୍‌ପର୍‌ ବକ୍ତ‍ଇଂନେ ପାର୍‌ତନା ସୁଗୁଆ ମୁଇଂ ସୁନା ଙ୍କୁଇନ୍ନିଆ ଦୁପ୍‌ ତ୍ନକ୍ନେ ଲେଃଗେ । 
\v 9 ମେଁଇଂ ମୁଇଂ ତ୍ମି ଅସ୍‌ମାର୍ ସାର୍‌ଡିଂଆର୍ଗେ:
\q1 “ସାସ୍ତର୍‌ ସାଃଚେ ମେଁନେ ସିଲ୍‌ ପାକ୍‌ଚିନ୍‌ସା ନା ଆଃ ନିମାଣ୍ଡା ରେମୁଆଁ ।
\q2 ଡାଗ୍‌ଲା ନାଁ ଚିନାବାନା ଡିଂନାଲେଃଗେ
\q1 ବାରି ନାଁନେ ଗୁଏନେ ବାନ୍‌ ସାପା ରେମୁଆଁ ବ୍ନାସାଣ୍ଡ୍ରେ ରାଜି
\q2 ଆରି ଜାତି ବିତ୍ରେବାନ୍ ଇସ୍‌ପର୍‌ନେ ନ୍‌ସା ରେମୁଆଁଇଂକେ ବିଆର୍ ନାବକେ ।
\q1
\v 10 \x + \xo ୫:୧୦ \xo*\xt ପ୍ରକାସିତ୍‌ ୧:୬.\xt*\x*ବାରି ଇସ୍‌ପର୍‌ନେ ଜତନ୍‌ ଡିଂନେ ନ୍‌ସାଃ ଆମେଇଂକେ ମୁଇଂ ପୁଜାରି ଜାତି ରକମ୍ ଆଃଡିଂ ନାବକେ
\q2 ବାରି ମେଁଇଂ ଦର୍‌ତନି ଆଡ଼ାତ୍ରା ସାସନ୍ ଡିଂଆର୍‌ଏ ।”
\p
\v 11 ନିଂ ବାରି କିକେ ଙ୍କେକେ ଅଜାର୍ ଅଜାର୍ ଆରି ଲାକ୍‌ ଲାକ୍‌ କିତଂଦୁତ୍‌ ସିଂଆଁସନକେ ଅଁକ୍ଲିଗ୍ ଜିବ୍‌ ଆରି ବୟସ୍କ ନେତାଇଂକେ ପୁଏକୁର୍‌ଚେଃ ତୁଆଁ ଲେଃଆର୍‌କେ । 
\v 12 ମେଁଇଂ ଜବର୍ ୱାସାର୍‌ଚେ ଅସ୍‌ମାର୍ ସାର୍‌ଡିଂଆର୍ଗେ:
\q1 “ଚିନାବାନା ଡିଂଲେଃକ୍ନେ ଆତେନ୍‌ ଉଂମେଣ୍ଡା
\q2 ଅଦିକାର୍, ସୁନ୍ଦର୍, ଜ୍ଞାନ୍ ଆରି ବପୁ,
\q2 ସନ୍‌ମାନ୍‌, ଗୌରବ୍ ଆରି ପ୍ରସଂସା ବାନେ ରେମୁଆଁ !”
\m
\v 13 ଅଃତେନ୍‌ ବେଲା କିତଂ, ଦର୍‌ତନି, ପାତାଲ୍ ଆରି କେଣ୍ଡିଆଃନେ ସର୍‌ତେ ଜିବ୍‌ ବାରି ଦର୍‌ତନିନେ ସାପା ଜିବ୍‌କେ ଅସ୍‌ମାର୍ ସାର୍‌ଡିଂକ୍ନେ ନିଂ ଙକେ । ମେଇଂ ସାର୍‌ଡିଂଆର୍ଗେ:
\q1 “ସିଂଆଁସନନ୍ନିଆ କଲେଃକ୍ନେ ରେମୁଆଁଇଂନେ ଆରି ମେଁନେ ଉଂମେଣ୍ଡାଇଂନେ ପ୍ରସଂସା ଡିଂ ।
\q2 ମେଁନେ ସନ୍‌ମାନ୍‌, ଗୌରବ୍ ଆରି ମ୍ନାବପୁ
\q2 ମାଡାନେ ଜୁଗ୍ ଜାକ ଲେଃଏ !”
\m
\v 14 ଅଁଣ୍ଡ୍ରୁଆ ରେମୁଆଁ ପାଲି ସାଃଚେ ବାସଂଆର୍‌ଡିଙ୍ଗେ “ଆମେନ୍” ବାରି ନେତାଇଂ ମୁକ୍‌ଚିଚେ ମେଁନେ ପାର୍‌ତନା ଡିଂଆର୍କେ ।
\c 6
\s ଡାବୁ ଚିନାନେ ଗୁନ୍‌
\p
\v 1 ତେନ୍ଇଡ଼ିଂ ନିଂ ଙ୍କେକେ ଉଂମେଣ୍ଡା ଗୁକ୍ଲିଗ୍ ସିଲ୍‌ ବିତ୍ରେବାନ୍ ମୁଲ୍‌ନେ ପାକ୍‌ଚିକେ ବାରି ଅଁ ଜିବ୍‌‍ଇଂନେ ବିତ୍ରେବାନ୍ ମୁଇଂଡା ଆନିଂ ଗଡ଼୍‌ଗଡ଼ି ସବ୍ଦନ୍ନିଆ ବାସଙ୍ଗ୍‌କେ “ପାଙ୍ଗ୍‌ଲା !” 
\v 2 ନିଂ ଇଲାଂ ଙ୍କେକେ ମୁଇଂ ତୁଲୁଏ ବାନା ଗୋଡ଼ା ଆଡ଼ାତ୍ରା କକ୍ନେ ରେମୁଆଁ ନ୍ତିନ୍ନିଆ ଆୟାଁ ସାଃଲେଃଗେ । ଆମେକେ ମୁଇଂ ମୁକୁଟ୍ ବିକେ ଆରି ମେଁ ଜିତେନେ ନ୍‌ସାଃ ତାର୍ ୱେକେ ।
\p
\v 3 ତେନ୍ଇଡ଼ିଂ ମେଣ୍ଡାତୁର୍ତ୍ୟାରେ ଦୁତିୟ ସିଲ୍‌ ପାକ୍‌ଚିକେ ବାରି ଦୁତିୟ ଜିବ୍‌ ଆନିଂ ବାସଙ୍ଗ୍‌କେ, “ପାଙ୍ଗ୍‌ଲା ।” 
\v 4 ନିଂ ଙ୍କେକେ ମିଆଁ ବାନାନେ ଆରି ମୁଇଂ ଗୋଡ଼ା । ଦର୍ତନିନ୍ନିଆ ଅସାନ୍ତି ଆତାର୍‌ନେ ନ୍‌ସାଃ ମେଁନେ ଗୋଡ଼ା ଆଡ଼ାତ୍ରା କକ୍ନେ ରେମୁଆଁକେ ଅଦିକାର୍‌ ବିଃକେ, ରେମୁଆଁଇଂ ଡିରକମ୍ ରିଂଚେ ନିଜେ ନିଜେକେ ଅବାଗୁଏ ଆର୍‌ଏ । ମେଁ ନ୍ତିନ୍ନିଆ ମୁଇଂ ମ୍ନାଃ କାଣ୍ଡା ବିକେ ।
\p
\v 5 ତେନ୍ଇଡ଼ିଂ ମେଣ୍ଡାତୁର୍ତ୍ୟାରେ ତୁର୍ତିୟ ସିଲ୍‌ ପାକ୍‌ଚିକେ ଆରି ତୁର୍ତିୟ ଜିବ୍‌ ଆନିଂକେ ବାସଙ୍ଗ୍‌କେ, “ପାଙ୍ଗ୍ କେଲା ।” ତେସାଃ ନିଂ ୱେ ଙ୍କେକେ ମୁଇଂ ଏଡ଼େଃ ବାନା ଗୋଡ଼ା; ମେଁ ଆଡ଼ାତ୍ରା କକ୍ନେ ରେମୁଆଁନେ ନ୍ତିନ୍ନିଆ କିଜି ଲେଃଗେ; 
\v 6 ବାରି ନିଂନେ ମନେ ଡିଂକେ ଅଁକ୍ଲିଗ୍ ଜାକ ଜିବ୍‌ ମୁଇଂ ସର୍‌ରେ ବାସଂଆର୍‌ଡିଂକେ: “ମେଃସୁଆନେ ଆଜ୍‌ରିନ୍ନିଆ ମୁଇଂ କିଜି ଗହମ୍ ଣ୍ଡୁଲା ଞ୍ଜି କିଜି କୁଆଜନା ମିଲେଏ । ମାତର୍‌ ଞ୍ଚୁ ଆରି ଅଙ୍ଗୁର୍ ଡୁଗ୍‌ଡିକେ ନସ୍ଟ ଆଡିଂଗେ ।”
\p
\v 7 ତେନ୍ଇଡ଼ିଂ ମେଣ୍ଡାତୁର୍ତ୍ୟାରେ ଚତୁର୍ତ ସିଲ୍‌ ପାକ୍‌ଚିକେ ବାରି ଚତୁର୍ତ ଜିବ୍‌ ଆନିଂକେ ବାସଙ୍ଗ୍‌କେ, “ପାଙ୍ଗ୍‌ଲା !” 
\v 8 ନିଂ ୱେ ଙ୍କେକେ ମୁଇଂ ଉଗ୍‌ସ ବାନା ଗୋଡ଼ା । ମେଁ ଆଡ଼ାତ୍ରା କକ୍ନେ ରେମୁଆଁନେ ମ୍ନି ମରନ୍; ପାତାଲ୍‌ ମେଁନେ ପ୍ଲାଃ ୱେଡିଂଗେ । ଜୁଜ୍ ମୁର୍ଡି ରଗ୍ ବ୍ୟାଦି ଆରି କଣ୍ଡାଜନ୍ତୁଇଂନେ ବେବ‍ଆର୍‌ବାନ୍‌ ଦର୍‌ତନିନେ ଅଁବାଗ୍‌ ମୁଇଂବାଗ୍ ବାସାଣ୍ଡ୍ରେଇଂକେ ବିନାସ୍ ଡିଂନେ ନ୍‌ସାଃ ଆମେଇଂକେ ଅଦିକାର୍‌ ବିକେ ।
\p
\v 9 ତେନ୍ଇଡ଼ିଂ ମେଣ୍ଡାତୁର୍ତ୍ୟାରେ ମାଲ୍ ସିଲ୍‌ ପାକ୍‌ଚିକେ ବାରି ନିଂ ଙ୍କେକେ ମୁଇଂ ବେଦି । ଇସ୍‌ପର୍‌ନେ ସାମୁଆଁ ବାସଙ୍ଗ୍‌ଚେ ସାକି ବିଃନ୍ନିଆ ବିସ୍‌ବାସ୍ ଲେଃକ୍ନେ ସାଃ ଗୁଏ ଲେଃଆର୍‌କ୍ନେ ରେମୁଆଁଇଂନେ ଆତ୍ମାଇଂ ଆତେନ୍‌ ବେଦି ଆଲ ମ୍ବ୍ର ଲେଃଆର୍‌ଗେ । 
\v 10 ମେଁଇଂ ଜବର୍ ସର୍‌ରେ ୱାସାର୍‌ଚେ ବାସଂଡିଂଆର୍ଗେ, “କ୍ଲିଗ୍‌ଡା ବାବେ ପବିତ୍ର ଆରି ସତ୍ ମାପ୍ରୁ ଇସ୍‌ପର୍ ! ଦର୍ତନିନ୍ନିଆ ଜାଣ୍ଡେଇଂ ଆନେକେ ବାଗୁଏ ବ‍ଆର୍‌ଗେ, ଆମେଇଂକେ ବିଚାର୍ ଡିଂଚେ କସ୍‌ଟ ବିନେସାଃ ଆରି ଉଃଡ଼ି କାଲ୍ ନାରାଃତଙ୍ଗାର୍‌ଏ ?” 
\v 11 ମେଁଇଂନେ ବିତ୍ରେବାନ୍ ସାପାରେକେ ମୁଇଂ ଲାଃକା ତୁଲୁଏ ସକା ବିକେ । ବାରି ମେଁଇଂନେ ସାଙ୍ଗାଡ଼ି ବୟାଁ ଆରି ସେବାଣ୍ଡ୍ରେ ଟିକ୍‌ ସଂକ୍ୟାରେ ଚିନାବାନା ମାଡିଂ ଜାକ ଆମେଇଂକେ ଆରି ଉଃଡ଼ି ବେଲା ଉର୍‌ନେ ନ୍‌ସାଃ ବାସଙ୍ଗ୍‌କେ ।
\p
\v 12 \x + \xo ୬:୧୨ \xo*\xt ପ୍ରକାସିତ୍‌ ୧୧:୧୩; ୧୬:୧୮; \xt*\xt ମାତିଉ ୨୪:୨୯; ମାର୍‌କ ୧୩:୨୪,୨୫; ଲୁକ୍‌ ୨୧:୨୫.\xt*\x*ତେନ୍ଇଡ଼ିଂ ନିଂ ଙ୍କେକେ ମେଣ୍ଡାତୁର୍ତ୍ୟାରେ ତୁର୍‌ ଲମ୍ବର୍ ସିଲ୍‌ ପାକ୍‌ଚିକେ; ଅଃତେନ୍‌ ବେଲା ଜବର୍ ତୁବଃ ଜୁର୍ ଡିଂକେ । ସ୍ନି ଏଡ଼େଃ ବାନାନେ ତଗ୍‌ରିଆଃ ରକମ୍ ତାଂକିଗ୍ ଡିଂକେ ଆରି ଆର୍କେ କ୍ଲିଗ୍‌ଡା ମିଆଁ ବାନା ଡିଂୱେଗେ । 
\v 13 ଜବର୍ ୱେଡ଼ିଆଃନେ ମାଡ୍‌ରେ ଲିୱା ସ୍ଲାବାନ୍ ବ୍ରୁଆ ଚୁଚୁ ସର୍‌ତେ ଜଡ଼େ ଲଃନେ ସୁଗୁଆ ଚାଙ୍କୁଆଇଂ କିତଂବାନ୍ ଦର୍‌ତନି ଆଡ଼ାତ୍ରା ପ‍ଏଚଗ୍ ଲଃଆର୍‌କେ । 
\v 14 ମୁଇଂ କାଗଜ୍ ୱେକେ ସୁଗୁଆ କିତଂଇନି ୱେଚେ ବୁଃଡ଼ି ୱେଗେ । କଣ୍ଡା ଆରି କେଣ୍ଡିଆଃଇନିଇଂ ଆଙ୍କେଆନ୍ତେ ଡିଂଆର୍‌କେ । 
\v 15 ଆତେନ୍‌ ବେଲା ଦର୍‌ତନିନେ ସାପାରେ ଇଃସାଙ୍ଗ୍ ସାସନ୍‌ଣ୍ଡ୍ରେ ଣ୍ଡୁଲା ସେନାନେତାଇଂ ସାଉକାର୍ ଆରି ବପୁକ୍ନେ ଗତି ରେମୁଆଁ ଣ୍ଡୁଲା ସାଦାରନ୍ ରେମୁଆଁ ସାପାରେ ଗୁମ୍ପାଇଂନ୍ନିଆ ଆରି କଣ୍ଡାନେ ବ୍ରି ଆଲ ୱେଚେ ବୁଃଡ଼ିଆର୍‌କେ । 
\v 16 ମେଇଂ କଣ୍ଡା ଆରି ବ୍ରି କଣ୍ଡ୍ଇଂକେ ୱାଚେ ବାସଂଡିଂଆର୍ଗେ “ନେ ଆଡ଼ାତ୍ରା ଲଃପା, ସିଂଆଁସନନ୍ନିଆ କକ୍ନେ ରେମୁଆଁ ଆତେନ୍‌ ରେମୁଆଁନେ ମ୍ମୁଆଃବାନ୍ ଆରି ଉଂମେଣ୍ଡାନେ ଗିସେବାନ୍ ଆନେକେ ବୁଃଡ଼ି ବ । 
\v 17 ମେଁଇଂନେ ଗିସେନେ ବୟଙ୍କାର୍ ଦିନା ପେଙ୍ଗ୍‌ଚା ଲେଃକେ । ଜାଣ୍ଡେ ଆତେନ୍‌ ତାଃୱାଁ ୟାଏ ?”
\c 7
\s ୧୪୪,୦୦୦ ଇସ୍ରାଏଲ୍‌ଣ୍ଡ୍ରେ
\p
\v 1 ଆକେନ୍ ଇଡ଼ିଂ ନିଂ ଙ୍କେକେ ଦର୍‌ତନିନେ ଅଁ କନ୍‌ନ୍ନିଆ ଅଁ ଣ୍ଡ୍ରୁଆ କିତଂଦୁତ୍‌ ତୁଆଁ ଲେଃଆର୍‌କେ ବାରି ଦର୍‌ତନିନେ ଅଁ ଦିଗ୍‌ବାନ୍ ୱେଡ଼ିଆଃ ୱେଃନେକେ ତାଃୱାଁ ବକେ । ତେନ୍‌ସାଃ ଦର୍‌ତନି କେଣ୍ଡିଆଃ ଣ୍ଡୁଲା ମେଃଡିଗ୍‌ ସ୍ଲାଃ ପାଃଡ଼ୁ ଆଡ଼ାତ୍ରା ଇତୁଡ଼ା ଡିଗ୍ ୱେଡ଼ିଆଃ ୱେଃ ଆଡିଂଗେ ଣ୍ଡୁ । 
\v 2 ବାରି ନିଂ ଙ୍କେକେ ଆରି ମୁଇଂ କିତଂଦୁତ୍ କାଲାଆଃ ମ୍ବ୍ରଣ୍ଡ୍ରେ ଇସ୍‌ପର୍‌ନେ ସିଲ୍‌ ଡୁଂୱେଚେ ତାର୍‌ସ୍ନି ପାକାବାନ୍ ପାଙ୍ଗ୍‌ଡିଂକେ । ଆକେନ୍ ଦୁତ୍ ଦର୍‌ତନି ଆରି କେଣ୍ଡିଆଃକେ ବିନାସ୍‌ ଡିଂନେ ନ୍‌ସାଃ ଇସ୍‌ପର୍ ମୁଃଡ଼ି ଅଁ ଦୁତ୍‌କେ ଅଦିକାର୍‌ ବିଃବଗେ ଆମେଇଂକେ ଜବର୍ ୱାସାର୍‌ଚେ ବାସଙ୍ଗ୍‌କେ 
\v 3 “ନେଁ ଉଡ଼ିବେଲା ଜାକ ଇସ୍‌ପର୍‌ନେ ସେବକ‍ଇଂନେ କାପାଲେ ସିଲ୍‌ ନେବଗ୍‌ ଣ୍ଡୁ, ଅଃତେନ୍‌ ବେଲା ଜାକ ଦର୍‌ତନି କେଣ୍ଡିଆଃ ଣ୍ଡୁଲା ସ୍ଲାଃଇଂନେ ମେଃଡିଗ୍ କେତି ଆଡିଂଗେ ।” 
\v 4 ଜାଣ୍ଡେନେ କାପାଲେ ଇସ୍‌ପର୍‌ନେ ସିଲ୍‌ ବଗ୍‌ଆର୍‌କେ, ମେଁଇଂନେ ସଂକ୍ୟା ୧୪୪,୦୦୦ ଡାଗ୍‌ଚେ ନିଂ ଙକେ । ମେଁଇଂ ଆଲ ଗ୍ନୁଆର୍ ଇସ୍ରାଏଲ୍‌ଣ୍ଡ୍ରେ ଗମ୍ବାର୍ ବଂସନେ ରେମୁଆଁ । 
\v 5 ଜିଉଦା କୁଲ୍‌ବାନ୍ ଗମ୍ବାର୍ ଅଜାର୍ ରୁବେନ୍ କୁଲ୍‌ବାନ୍ ଗମ୍ବାର୍ ଅଜାର୍ ଗାଦ୍ କୁଲ୍‌ବାନ୍ ଗମ୍ବାର୍ ଅଜାର୍ 
\v 6 ଆଶେର୍ କୁଲ୍‌ବାନ୍ ଗମ୍ବାର୍ ଅଜାର୍ ନପ୍ତାଲୀ କୁଲ୍‌ବାନ୍ ଗମ୍ବାର୍ ଅଜାର୍ ମନଃଶି କୁଲ୍‌ବାନ୍ ଗମ୍ବାର୍ ଅଜାର୍ 
\v 7 ଶିମିୟୋନ୍ କୁଲ୍‌ବାନ୍ ଗମ୍ବାର୍ ଅଜାର୍ ଲେବୀ କୁଲ୍‌ବାନ୍ ଗମ୍ବାର୍ ଅଜାର୍ ଇଷାଖାନେ କୁଲ୍‌ବାନ୍ ଗମ୍ବାର୍ ଅଜାର୍ 
\v 8 ଜବୂଲୂନ କୁଲ୍‌ବାନ୍ ଗମ୍ବାର୍ ଅଜାର୍, ଯୋସେଫ୍‌ କୁଲ୍‌ବାନ୍ ଗମ୍ବାର୍ ଅଜାର୍, ବେଞ୍ଜାମିନ କୁଲ୍‌ବାନ୍ ଗମ୍ବାର୍ ଅଜାର୍ । ସର୍‌ତେ କୁଲ୍‌ବାନ୍ ଗମ୍ବାର୍ ଅଜାର୍ ଇସାବ୍‌ରେ ସାପା ୧୪୪,୦୦୦ ଣ୍ଡ୍ରେ: ଜିଉଦା, ରୁବେନ୍, ଗାଦ୍, ଆଶେର୍, ନପ୍ତାଲୀ, ମନଃଶି, ଶିମିୟୋନ୍, ଲେବୀ, ଇଷାଖାର, ସବୂଲୂନ, ଯୋସେଫ୍‌, ବିନ୍ୟାମୀନ୍ ।
\s ଜବର୍ ରେମୁଆଁ
\p
\v 9 ଆକେନ୍ ଇଡ଼ିଂ ନିଂ ଇଲାଂ ଙ୍କେକେ ମୁଇଂ ମାଲେ ରେମୁଆଁ ତୁଆଁ ଲେଃଆର୍‌କେ; ମେଁନେ ସଂକ୍ୟା ଅସଂକ୍ୟ । ମେଇଂ ସର୍‌ତେ ଜାତି, ବଂସ, ରାସ୍ଟ୍ର ଆରି ବାସାବାସି‍ଇଂନେ ବିତ୍ରେବାନ୍ ପାଙ୍ଗ୍‌ଲେଃଆର୍‌ଗେ । ମେଇଂ ତୁଲୁଏ ସକା ସଃଚେ ଆରି ନ୍ତିନ୍ନିଆ କଜ୍‍ରି କେନ୍ଦା ସାଃଚେ ସିଂଆସନ ଆରି ଉଂମେଣ୍ଡାନେ ଡାଗ୍ରା ତୁଆଁ ଲେଃଆର୍‌ଗେ । 
\v 10 ମେଁଇଂ ଜବର୍ ୱାସାର୍‌ଚେ ବାସଂଡିଂଆର୍‌ଗେ “ମୁଇଂ ସିଂଆସନନ୍ନିଆ କକ୍ନେ ଇସ୍‌ପର୍ ଆରି ଉଂମେଣ୍ଡା ନେଃନେ ଆମ୍ବ୍ରଣ୍ଡ୍ରେ ।” 
\v 11 ସିଂଆସନକେ ବୟସ୍କ ନେତାଇଂକେ ଆରି ଅଁ ଜିବ୍‌‍ଇଂକେ ଗେରେଚେ କିତଂଦୁତ୍‌ଇଂ ତୁଆଁ ଲେଃଆର୍‌ଗେ । ମେଁଇଂ ସିଂଆଁସନ ଡାଗ୍ରା ବ୍ରିଂ ଆର୍‌କେ ଆରି ଇସ୍‌ପର୍‌ନେ ଆରାଦନା ଡିଂଚେ 
\v 12 ବାସଙ୍ଗ୍‌ଆର୍‌କେ, “ଆମେନ୍ ! ପ୍ରସଂସା, ଗଉରବ୍‌, ଗ୍ୟାନ୍, ଦନ୍ୟବାଦ୍, ସନ୍‌ମାନ୍‌, ଅଦିକାର୍‌ ଆରି ବପୁ ଜୁଗ୍ ଜୁଗ୍ ଇସ୍‌ପର୍‌ନେ ଡିଂଲେ, ଆମେନ୍ !”
\p
\v 13 ବୟସ୍କଇଂନେ ବିତ୍ରେବାନ୍ ମୁଇଂଡା ଆନିଂକେ ସେଲ୍ୟାଃକୁକେ “ତୁଲୁଏ ସକା ସଃକ୍ନେ ଆତେନ୍‌ ରେମୁଆଁଇଂ ଜାଣ୍ଡେ ? ମେଁଇଂ ଆଣ୍ଡିବାନ୍ ପାଙ୍ଗ୍‌ଲେଃଆର୍‌କେ ?”
\p
\v 14 ନିଂ ଉତର୍ ମ୍ବିକେ “ମାପ୍‌ରୁ ! ନିଂ ନ୍ନାମ୍ୟାକେ ଣ୍ଡୁ । ନାଁ ମ୍ୟାନାଲେଃକେ ।” ମେଁ ଆନିଂ ବାସଙ୍ଗ୍‌କେ “ଆକେନ୍ ରେମୁଆଁଇଂ ବୟଙ୍କାର୍ କଷ୍ଟ ସମ୍ବାଲେଚେ ପାଙ୍ଗ୍‌ଲେଃଆର୍‌କେ । ମେଁଇଂ ଉଂମେଣ୍ଡାନେ ମ୍‌ମିଆଁନ୍ନିଆ ନିଜର୍ ନିଜର୍ ସ୍ନପୁଆଃ ଗ୍ୱେଃଡ଼ିଆଚେ ତୁଲୁଏ ଆଡିଂବ‍ଆର୍‌କେ । 
\v 15 ତେନ୍‌ସାଃ ମେଁଇଂ ଇସ୍‌ପର୍‌ନେ ମନ୍ଦିର୍‌ନ୍ନିଆ ମେଁନେ ସିଂଆସନ ଡାଗ୍ରା ତୁଆଁଚେ ଞ୍ଜିର୍‌ ଲମ୍‌ଡିଗ୍ ମେଁନେ ଅସ୍‌ମାର୍‌ ସାର୍‌ ଡିଙ୍ଗ୍‌ଆର୍‌ଡିଂକେ । ସିଂଆଁସନନ୍ନିଆ କକ୍ନେ ରେମୁଆଁ ଆମେଇଂକେ ଲେଃନେ ଟାନ୍‌ ବିଆର୍‌ଏ । 
\v 16 ମେଁଇଂ ବାରି ଅଃନାଡିଗ୍ କିଡ଼େସଃ କି ଉଗ୍‌ଡ୍ୟାଃ ଆଡିଂଆର୍‌ ଣ୍ଡୁ; ନ୍ନାଃସେଙ୍ଗ୍‌ କି ବିନ୍ ମେଃଡିଗ୍ ଗରମ୍ ଆମେଇଂକେ ଆଗିଃ ଆୟା ଣ୍ଡୁ । 
\v 17 ଡାଗ୍‌ଲା ସିଂଆଁସନ କଲେଃକ୍ନେ ଉଂମେଣ୍ଡା ମେଁଇଂନେ ଉଂମେଣ୍ଡା ଡିଂଏ । ମେଁ ଜିବନ୍‌ ରକମ୍‌ନେ ଜର୍‌ନାଡ଼ିଆଃ ଡାଗ୍ରା ଆମେଇଂକେ ଗାଲି ଆଃସୁଏ ଡୁଂୱେଏ ବାରି ଇସ୍‌ପର୍ ମେଁଇଂନେ ମୁଆଃବାନ୍ ସର୍‌ତେ ଡେଃମୁଆଁଃ ଚୁଃବିଏ ।”
\c 8
\s ଗୁକ୍ଲିଗ୍ ସିଲ୍‌
\p
\v 1 ମେଣ୍ଡାତୁର୍ତ୍ୟାରେ ଗୁକ୍ଲିଗ୍ ସିଲ୍‌ ପାକ୍‌ଚିକ୍ନେ ବେଲା କିତଂନ୍ନିଆ ଡିଂଲେଃଏ ତେପ୍ୟାଗଣ୍ଟା ଜାକ ସର୍‌ତେ ବୁଂ ବିଃକେ । 
\v 2 ତେନ୍ଇଡ଼ିଂ ଇସ୍‌ପର୍‌ନେ ଡାଗ୍ରା ତୁଆଁ ଲେଃକ୍ନେ ଗୁକ୍ଲିଗ୍ ଦୁତ୍‌କେ ନିଂ ଙ୍କେକେ; ଆମେଇଂକେ ଗୁକ୍ଲିଗ୍ ପ୍ନିଃ ବିକେ ।
\p
\v 3 ଆରି ମୁଇଂ କିତଂଦୁତ୍‌ ମୁଇଂ ସୁନା ଦୁପ୍‌ ଡୁଂୱେଚେ ବେଦି ଡାଗ୍ରା ତୁଆଁକେ । ସିଂଆସନ ଡାଗ୍ରା ଲେଃକ୍ନେ ସୁନା ବେଦି ଆଡ଼ାତ୍ରା ଇସ୍‌ପର୍‌ ବକ୍ତ‍ଇଂନେ ପାର୍‌ତନା ରକମ୍ ଦୁପ୍ ଏତେ ଆମିସୁଚେ ପୁଜା ଡିଂନେ ନ୍‌ସାଃ ଆମେକେ ମାଲେ ବାବ୍‌ରେ ଦୁପ୍ ବିକେ । 
\v 4 ଆତେନ୍‌ କିତଂଦୁତ୍‌ନେ ନ୍ତିନ୍ନିଆ ଡୁଆଡିଂକ୍ନେ ଦୁପ୍‌ନେ ମାଃସ ଏତେ ଇସ୍‌ପର୍‌ ବକ୍ତ‍ଇଂନେ ପାର୍‌ତନା ମିସୁୱେଚେ ଆଡ଼ାତ୍ରା ଡେଃକେ । 
\v 5 \x + \xo ୮:୫ \xo*\xt ପ୍ରକାସିତ୍‌ ୧୧:୧୯; ୧୬:୧୮.\xt*\x*ତେନ୍ଇଡ଼ିଂ ଦୁତ୍ ଦୁପ୍‌ନିଆ ବେଦିନେ ସୁଆ ତାଃନଚେ ଆତେନ୍‌ ଦର୍‌ତନି ଆଡ଼ାତ୍ରା ଜଗ୍‌ତ୍ଲାଗ୍‌ ବିକେ । ଆକେନ୍ ନ୍‌ସାଃ ଗଡ଼୍‌ଗଡ଼ି ନ୍ନାଂକେ, ବିଜ୍‌ଲି ଇରିଆଃତୁଗ୍‌କେ ଆରି ତୁବଃ ଲୁତୁଗ୍ ୱେକେ ।
\s ପ୍ନିଃ ପିଃନେ
\p
\v 6 ତେନ୍ଇଡ଼ିଂ ଆଡ଼ାତ୍ରାନେ ଗୁକ୍ଲିଗ୍ କିତଂଦୁତ୍‌ ପ୍ନିଃ ପିଃନେ ଆର୍ମେ ଆର୍‌କେ ।
\p
\v 7 ମୁଲ୍‌ନେ ଦୁତ୍ ପ୍ନିଃ ପିଃକ୍ନେ ବେଲା ଆରେଣ୍ଡିଆଃ ସୁଆ ଆରି ମ୍‌ମ୍ୟାଁ ଦର୍‌ତନି ଆଡ଼ାତ୍ରା ଲଃକେ । ତେସାଃ ସାପା ସ୍ଲାଃପାଡ଼ୁ ବ୍ରୁଆଣ୍ଡେନେ ଚେଃମୁଆଁ ଏତେ ଦର୍‌ତନିନେ ଞ୍ଜିବାଗ୍‌ବାନ୍ ମୁଇଂବାଗ୍ ଗିଃ ୱେଗେ ।
\p
\v 8 ତେନ୍ଇଡ଼ିଂ ମ୍ବାର୍ ଦୁତ୍ ମେଁନେ ପ୍ନିଃ ପିଃନେ ବେଲା କଣ୍ଡା ରକମ୍ ମୁଇଂ ଡୁଆକ୍ନେ ସୁଆ କେଣ୍ଡିଆଃନ୍ନିଆ ଲଃ ୱେକେ ଆରି କେଣ୍ଡିଆଃନେ ଞ୍ଜିବାଗ୍‌ବାନ୍ ମୁଇଂବାଗ୍ ମ୍‌ମ୍ୟାଁନ୍ନିଆ ମିସୁୱେକେ 
\v 9 କେଣ୍ଡିଆଃ ଜିବ୍ଇଂନେ ବାନ୍ ଞ୍ଜିବାଗ୍‌ବାନ୍ ମୁଇଂବାଗ୍ ଗୁଏଆର୍‌ଗେ ବାରି କେଣ୍ଡିଆଃନ୍ନିଆ ଲେଃକ୍ନେ ଜା‍ଆଜ୍‌ଇଂନେ ଞ୍ଜିବାଗ୍‌ବାନ୍ ମୁଇଂବାଗ୍ ନସ୍ଟ ଡିଂୱେଗେ ।
\p
\v 10 ତେନ୍ଇଡ଼ିଂ ଞ୍ଜି ଦୁତ୍ ମେଁନେ ପ୍ନିଃ ପିଃକେ । ସାଙ୍ଗେ ସାଙ୍ଗେ କିତଂବାନ୍ ସୁଆ ସୁଗୁଆ ମୁଇଂ ମ୍ନାଃ ଡୁଆକ୍ନେ ଚାଙ୍କୁଆ ସାପା ଲଣ୍ଡିଆଃ ଆରି ଜର୍‌ନାଡ଼ିଆଇଂନେ ଞ୍ଜିବାଗ୍‌ବାନ୍ ମୁଇଂବାଗ୍ ଆଡ଼ାତ୍ରା ପ୍ୱେଚଗ୍ ଲଃକେ । 
\v 11 ତେନ୍ ଚାଙ୍କୁଆନେ ମ୍ନି “ତିକ୍ତତା ।” ତେସାଃ ଉଗ୍‌ଡ୍ୟାଃ ଣ୍ଡିଆଃନେ ମୁଇଂ ଞ୍ଜିବାଗ୍ ବିସେଃ ୱେଗେ ବାରି ଆତେନ୍‌ ଣ୍ଡିଆଃ ଉଗ୍‌ଚେ ମାଲେ ରେମୁଆଁ ଗୁଏଃଆର୍‌କେ ।
\p
\v 12 ତେନ୍ଇଡ଼ିଂ ଅଁ ଦୁତ୍ ମେଁନେ ପ୍ନିଃ ପିଃକ୍ନେ ବେଲା ସ୍ନିନେ ଞ୍ଜିବାଗ୍‌ବାନ୍ ମୁଇଂବାଗ୍ ଆର୍କେନେ ଞ୍ଜିବାଗ୍‌ବାନ୍ ମୁଇଂବାଗ୍ ଆରି ଚାଙ୍କୁଆଇଂନେ ଞ୍ଜିବାଗ୍‌ବାନ୍ ମୁଇଂବାଗ୍ ବିନସ୍ଟ ଡିଂକେ । ତେସାଃ ତାର୍କିଗ୍‌ନେ ଞ୍ଜିବାଗ୍‌ବାନ୍ ମୁଇଂବାଗ୍ ତାର୍‌କିଗ୍ ଗଣ୍ଡାୱେକେ । ତେସାଃ ସ୍ମିନେ ଞ୍ଜିବାଗ୍‌ବାନ୍ ମୁଇଂବାଗ୍ ବାରି ମିଡିଗ୍‌ନେ ଞ୍ଜିବାଗ୍‌ବାନ୍ ମୁଇଂବାଗ୍ ତାର୍କିଗ୍‌ ଗଣ୍ଡାୱେକେ ।
\p
\v 13 ତେନ୍ଇଡ଼ିଂ ନିଂ ଇଲାଂ ଙ୍କେକେ, କିତଂନେ ଜବର୍ ଆଡ଼ାତ୍ରା ମୁଇଙ୍ଗ୍ ରାବନ୍ ପିଗ୍ ୱାଲେ ୱାଲେ ଜବର୍ ୱାସାର୍‌ଚେ ବାସଙ୍ଗ୍‌ଡିଂକେ, “ଆୟ ! କି ବୟଙ୍କାର୍ ! ବିନ୍ ଞ୍ଜି ଦୁତ୍ ପ୍ନିଃ ପିଃନେ ବେଲା ଦର୍‌ତନିଣ୍ଡ୍ରେନେ ଅବସ୍ତା ଉଡ଼ି ବୟାଙ୍କାର୍‌ ଆଡିଂଣ୍ଡୁ !”
\c 9
\p
\v 1 ତେନ୍ଇଡ଼ିଂ ମାଲ୍ ଦୁତ୍ ପ୍ନିଃ ପିଃକେ ବାରି ନିଂ ଙ୍କେକେ ସାଙ୍ଗେ ସାଙ୍ଗେ କିତଂବାନ୍ ମୁଇଂ ଚାଙ୍କୁଆ ପ୍ୱେଚକ୍‌ଚେ ଦର୍‌ତନି ଆଡ଼ାତ୍ରା ଲଃକେ । ଆମେକେ ପାତାଲ୍‌ପୁର୍‌ନେ କୁଚିକାଡ଼ି ବିଃବଗେ । 
\v 2 ମେଁ ପାଙ୍ଗ୍‌ଚେ ପାତାଲ୍‌ପୁର୍‌ନେ ଗାଲି ରଃବିକ୍ନେ ବେଲା ମୁଇଂ ବାଟିବାନ୍ ତାର୍‌ଡିଂକ୍ନେ ମାଃସ ରକମ୍ ପାତାଲ୍ କୁଣ୍ଡ୍‌ବାନ୍ କୁବାଂ ମାଃସ ତାର୍‌କେ ଆରି ଆତେନ୍‌ ମାଃସ ନ୍‌ସାଃ ସ୍ନି ଆରି ଆର୍କେ ତାଂକିଗ୍‌ ୱେକେ । 
\v 3 ବାରି ଆତେନ୍‌ ମାଃସବାନ୍ ପଙ୍ଗପାଳ‍ଇଂ ତାର୍‌ଚେ ଦର୍ତନିନ୍ନିଆ ବ୍ୟାପେୱେଗେ । ମେଁଇଂ ଙ୍ଗୁଆରେଗ୍ ରକମ୍ ବୟାଙ୍କାର୍‌ ଲେଃଆର୍‌ଗେ । 
\v 4 ଦର୍‌ତନିନେ ଚେଃମୁଆଁ ସ୍ଲାଃ ଣ୍ଡୁଲା ମେଃଡିଗ୍ ଲାଟାବୁଟାନେ କେତି ମାଡିଂଚେ ଜାଣ୍ଡେନେ କାପାଲେ ଇସ୍‌ପର୍‌ନେ ଡାବୁ ଚିନା ଆଲେଃଗେ, ମୁଇଂ ଆମେଇଂକେ କସ୍ଟ ବିଃ ନ୍‌ସାଃ ଆତେନ୍‌ ଗ୍ତାଙ୍ଗ୍‌ଡ଼ିଆଃଇଂ ଆଦେସ୍ ବାଲେଃଆର୍‌ଗେ । 
\v 5 ବାରି ଆମେଇଂକେ ମାବାଗୁଏଚେ ମାଲ୍ ଆର୍କେ ଜାକ ମୁଇଂ ଆଃସିଆଃଜା ଡିଂନେସା ପଙ୍ଗପାଳ‍ଇଂ ଅଦିକାର୍‌ ବାଲେଃଆର୍ଗେ । ଆତେନ୍‌ ଆଃସିଆଃଜା ଙ୍ଗୁଆରେଗ୍‌ନେ ଆଃକ୍ନେ ରକମ୍ କସ୍ଟ ଲେଃଗେ । 
\v 6 ଆତେନ୍‌ ବେଲା ବିତ୍ରେ ଆଃସିଆଃଜାକ୍ନେ ରେମୁଆଁଇଂ ମରନ୍‌କେ ତୁର୍ ଆର୍‌କେ ମାତର୍‌ ଆବାଆର୍‌କେ ଣ୍ଡୁ । ମେଁଇଂ ଗୁଏନେ ଇକ୍‌ଚା ଡିଂଆର୍‌କେ, ମାତର୍‌ ମରନ୍ ମେଁଇଂନେ ଡାଗ୍ରାବାନ୍ ଲାଗ୍‌ଡ‍ଆର୍‌କେ ।
\p
\v 7 ପଙ୍ଗପାଳ‍ଇଂ ଜୁଜ୍‌ ନ୍‌ସାଃ ନିମାଣ୍ଡା ଆରେକ୍ନେ ଗୋଡ଼ା ସୁଗୁଆ ତ୍ନା ଡିଂଗେ । ମେଁଇଂନେ ବା‍ଆଃନ୍ନିଆ ସୁନା ମୁକୁଟ୍ ରକମ୍ ଡିଡା ଲେଃଗେ । ମେଁଇଂନେ ସାର୍ମୁଆଁ ରେମୁଆଁନେ ସାର୍ମୁଆଁ ସୁଗୁଆ ତ୍ନା ଡିଂଗେ 
\v 8 ଉଗ୍‌ବଃ ସେଲାମ୍ବୁଏ ରେମୁଆଁଇଂନେ ଉଗ୍‌ବଃ ସୁଗୁଆ ଆରି ମେଁଇଂନେ ଗ୍ନି‍ଇଂ ସିଂଅ ଗ୍ନି ସୁଗୁଆ ଲେଃଗେ । 
\v 9 ମେଁଇଂନେ ଗ୍ରିନିଆ ଲୁଆ ସାଜ ସୁଗୁଆ ମେଃଡିଗ୍ ସାମାନ୍ ଡିଡା ବ‍ଆର୍‌ଗେ ବାରି ଗୁଲୁଏ ଗୋଡ଼ା ବାନ୍‌ ଗୁଃଡିଂକ୍ନେ ରତ୍‌ନେ ସବ୍‌ଦ ସୁଗୁଆ ମେଁଇଂନେ ଡେନାଇଂନେବାନ୍ ସବ୍‌ଦ ତାର୍‌ଡିଂଗେ । 
\v 10 ଙ୍ଗୁଆରେଗ୍ ସୁଗୁଆ ମେଁଇଂନେ ପ୍ଲାଃ ଲେଃଗେ । ଆତେନ୍‌ ପ୍ଲାଃନ୍ନିଆ ମାଲ୍ ଆର୍କେ ଜାକ ରେମୁଆଁଇଂକେ ଚିନା ଆଡିଂନେ ନ୍‌ସାଃ ମେଁଇଂ ବପୁ ବାଲେଃଆର୍‌ଗେ । 
\v 11 ମେଁଇଂନେ ଆଡ଼ାତ୍ରା ମୁଇଂ ଇଃସାଙ୍ଗ୍‌ ସାସନ୍ ଡିଙ୍ଗ୍‌ଡିଂକେ । ମେଁ ପାତାଲ୍‌ପୁର୍‌ନେ ଦାଇତ୍‌ରେ ଲେଃକ୍ନେ ମୁଇଂ ଦେବ୍‌ଦୁତ୍ । ଏବ୍ରୀ ବ୍ନାସାରେ ମେଁନେ ମ୍ନି ଆବାଦନ୍; ଗ୍ରିକ୍‌ ବ୍ନାସାରେ ଆତେନ୍‌ ମ୍ନି ଡିଂଡିଙ୍କେ ଆପଲ୍ଲିୟୋନ୍ ଅର୍ତାତ୍ ବାଗୁଏଣ୍ଡ୍ରେ ।
\p
\v 12 କେଲାପା ପର୍‌ତୁମ୍ କଷ୍ଟ ଡା ୱେଲେଃକେ । ଆକେନ୍ ଇଡ଼ିଂ ଆରି ମ୍ବାକ୍ଲିଗ୍ ମ୍ନା ବିପଦ୍ ଲିଗ୍ ଡୁଙ୍ଗ୍‌ପାଙ୍ଗ୍ଏ ।
\p
\v 13 ତେନ୍ଇଡ଼ିଂ ତୁର୍ ଦୁତ୍ ମେଁନେ ପ୍ନିଃ ପିଃକ୍ନେ ଦାପ୍‌ଡ଼େ ଇସ୍‌ପର୍‌ନେ ଡାଗ୍ରା ଆରେକ୍ନେ ସୁନା ବେଦିନେ ଅଁକ୍ଲିଗ୍ ଡିରଂବାନ୍ ନିଂ ମୁଇଂ ଅସ୍‌ମାର୍ ଙକେ । 
\v 14 ଆତେନ୍‌ ସର୍ ତୁର୍ ଦୁତ୍‌କେ ଆଦେସ୍ ବିକେ “ୟୁଫ୍ରେଟିସ୍ ମ୍ନାଲଣ୍ଡିଆ ଡାଗ୍ରା ବନ୍ଦି ଡିଂଲେଃକ୍ନେ ଅଁଣ୍ଡ୍ରୁଆ ଦୁତ୍‌କେ ଆନ୍ତାର୍‌ ବିଃ ।” 
\v 15 ତେସାଃ ଆକେନ୍ ଆଣ୍ଡିଣ୍ଡିଗ୍‌ ମୁଆଁ ଆର୍କେ ସ୍ମି ଆରି ଡଣ୍ଡ୍‌ନ୍ନିଆ ସାପା ରେମୁଆଁ ଜାତିନେ ଞ୍ଜିବାଗ୍‌ବାନ୍ ମୁଇଂବାଗ୍ ରେମୁଆଁଇଂକେ ବାଗୁଏ ନ୍‌ସାଃ ତିଆର୍ ଡିଂଚେ ଲେଃକ୍ନେ ଆତେନ୍‌ ଅଁଣ୍ଡ୍ରୁଆ ଦୁତ୍‌ଇଂକେ ଆନ୍ତାର୍‌ ବିଃଆର୍‌କେ । 
\v 16 ବାରି ନିଂ ଙ୍କେକେ ମୁଇଂ ମ୍ନା ଗୋଡ଼ା ଆଡ଼ାତ୍ରା ଡେଃକ୍ନେ ସନ୍ୟ‍ଇଂ । ମେଁଇଂନେ ସଂକ୍ୟା ୨୦ କଟି ଡାଗ୍‌ଚେ ଆନିଂକେ ଆମ୍ୟାଃ ବିକେ । 
\v 17 ନିଂ ଙ୍କେକେ ମେଁଇଂନେ ସାଜ ସୁଆ ସୁଗୁଆ ମ୍‌ମ୍ୟାଁ ବାନା ନିଳକାନ୍ତ ବା‍ଆଃ ରକମ୍ ନିଲି ଆରି ଗନ୍ଦ୍‌ଗୁଲା ରକମ୍ ପିତ୍‌ବାନା ଲେଃଗେ । ଗୋଡ଼ାଇଂନେ ସିଂଅ ରକମ୍ ବାଆଃ ଲେଃଗେ; 
\v 18 ବାରି ମେଁଇଂନେ ତୁମୁଁଆବାନ୍ ସୁଆ ମାଃସ ଆରି ଗନ୍ଦ୍‌ଗୁଲା ସୁଗୁଆ ଞ୍ଜିକ୍ଲିଗ୍ ମୁର୍ଡି ତାର୍‌କେ । ଆକେନ୍ ମୁର୍ଡିଇଂନେ କସ୍‌ଟରେ ରେମୁଆଁ ଜାତିନେ ଞ୍ଜିବାଗ୍‌ବାନ୍ ମୁଇଂବାଗ୍ ଗୁଏଃଆର୍‌କେ । 
\v 19 ଗୋଡ଼ାଇଂନେ ବପୁ ମେଁଇଂନେ ସାର୍ମୁଆଁଃ ଆରି ପ୍ଲାଃନ୍ନିଆ ଲେଃଗେ । ମେଁଇଂନେ ପ୍ଲାଃ ବାଆଃ ମିସୁକ୍ନେ ବୁବଃ ସୁଗୁଆ ବାରି ଆତ୍‌ଅରିଆ ମେଁଇଂ ରେମୁଆଁଇଂକେ ଚିନାବାନା ଆଃଡିଂଆର୍‌ଡିଂଗେ ।
\p
\v 20 ମୁର୍ଡିଇଂନ୍ନିଆ ବିନସ୍ଟ ଡିଂ ଆଲେଃକ୍ନେ ବାକି ରେମୁଆଁ ଜାତିନେ ତେଲାଡିଗ୍ ମେଃଡିଗ୍ ବଦ୍‌ଲେ ଆଡିଂକେ ଣ୍ଡୁ । ମେଁଇଂ ସିସେ ଆଃ ପୁଜାବାନ୍ ବିନେ ଆଡିଂଆର୍‌କେ । କିକେନେ ଅଁନେ ଆରି ଅଲେଙ୍ଗ୍ ଆଡିଂକ୍ନେ ବପୁ ସୁନା ରୁପା ପିତଲ୍ ଣ୍ଡୁଲା ସୁଆ ବ୍ରିନ୍ନିଆ ଆଃରେକ୍ନେ ମୁର୍ତି ପୁଜା ଆଆନ୍ତାର୍ ଆର୍‌କେ । 
\v 21 ମେଁଇଂ ମନ୍ ମାରାବଦ୍‌ଲେଚେ ରେମୁଆଁ ବାଗୁଏ, ପାଙ୍ଗ୍‌ନ୍ୟାଡ଼େଗ୍‌, ଅଡ଼ାରେଗ୍‌ ଆରି ଡଙ୍ଗା କାମ୍‌ନ୍ନିଆ ଲିଗ୍ ଲେଃଆର୍‌ଗେ ।
\c 10
\s କିତଂ ଦୁତ୍ ଆରି ଡା‍ଆଁ ସାସ୍ତର୍‌
\p
\v 1 ତେନ୍ଇଡ଼ିଂ ନିଂ ଙ୍କେକେ ଆରି ମୁଇଂ ମ୍ନାବପୁକ୍ନେ ଦୁତ୍ କିତଂବାନ୍ ଜାର୍‌ଚେ ପାଙ୍ଗ୍‌ଡିଂକେ । ମେଁ ତ୍ରିଗ୍‌ଡ୍ୟାଃନ୍ନିଆ ମିସୁ ଲେଃଗେ ବାରି ଇନ୍ଦ୍ରଦନୁ ମେଁନେ ବା‍ଆଃକେ ଗେରେ ଲେଃଗେ । ମେଁନେ ସାର୍ମୁଆଁ ସ୍ନି ସୁଗୁଆ ବାରି ଞ୍ଚ ମ୍ବାକ୍ଲିଗ୍ ସୁଆ ଦରମ୍‌ ଡେଲି ସୁଗୁଆ ତ୍ନା ଡିଂଗେ । 
\v 2 ମେଁନେ ନ୍ତିଅରିଆ ମୁଇଂ ଡାଆଁ ସାସ୍ତର୍‌ ଲେଃଗେ । ମେଁ ମେଁନେ ଞ୍ଚଂତିଚ କେଣ୍ଡିଆଃ ଆଡ଼ାତ୍ରା ଆରି ବେସ୍ୟାଚ ଦର୍‌ତନି ଆଡ଼ାତ୍ରା ବଗେ । 
\v 3 ସିଂଅଁ ଅଃକେ ସୁଗୁଆ ହୁଙ୍କାର୍ ଡିଂଚେ ମେଁ ୱାକେ ଟିକ୍ ଡେତ୍‌ରକମ୍ ହୁଙ୍କାର୍ ଡିଂଚେ ଗୁକ୍ଲିଗ୍ ତ୍ରିଗ୍‌ଡିଆଃ ଆକେନ୍ ୱାକ୍ନେ ଉତର୍ ବିକେ । 
\v 4 ମେଁଇଂ ମେଃନେ ବାଲିର୍‌ବାତା ଆର୍‌କେ ଆତେନ୍‌ ନିଂ ଗୁଆର୍‌ନେ ୱେଣ୍ଡିଂଗେ ମାତର୍‌ କିତଂବାନ୍ ମୁଇଂ ସାମୁଆଁ ଙକେ । ଆତେନ୍‌ ସାମୁଆଁ ଆନିଂକେ ବାସଙ୍ଗ୍‌କେ: “ତ୍ରିଗ୍‌ଡିଆଃ ଗଡ଼୍‌ଗଡ଼ିନ୍ନିଆ ମେଃନେ ଅଁନାଡିଂକେ ଆତେନ୍‌ ବୁଃଡ଼ିବ; ଆଗୁଆର୍‌ଗେ ।”
\p
\v 5 ତେନ୍ଇଡ଼ିଂ ମୁଃଡ଼ି ଦୁତ୍‌କେ କେଣ୍ଡିଆଃ ଆରି ଦର୍‌ତନି ଆଡ଼ାତ୍ରା ତୁଆଁ ଲେଃକ୍ନେ ନିଂ ଙ୍କେକେ ମେଁ ମେଁନେ ବେସ୍ୟାତି କିତଂ ପାକା ଲିଙ୍ଗ୍‌କେ । 
\v 6 ବାରି କେଣ୍ଡିଆଃ ଦର୍‌ତନି କିତଂ ଆରି ଆକ୍ମେଇଂନେ ସାପା ବିସ‍ଏନେ ଆଃରେଣ୍ଡ୍ରେ କାଲାଆଃ ମ୍ବ୍ରଣ୍ଡ୍ରେ ଇସ୍‌ପର୍‌ନେ ମ୍ନିରେ ପର୍‌ମାନ୍ ଡିଂଚେ ବାସଙ୍ଗ୍‌କେ “ଆରି କାଲ୍ ଆତଙ୍ଗାର୍ ଣ୍ଡୁ । 
\v 7 ଉଡ଼ିବେଲା ଗୁ ଦୁତ୍ ପ୍ନିଃ ପିଃଆର୍‌ଏ ଇସ୍‌ପର୍ ମେଁନେ ସେବା ଡିଂଣ୍ଡ୍ରେ ବାବବାଦିନେ ଡାଗ୍ରା ମୁଃଡ଼ି ବୁଃଡ଼ିକ୍ନେ ସାମୁଆଁ ବାସଙ୍ଗ୍‌ ବ‍ଆର୍‌ଗେ ଆତେନ୍‌ ଆଃଡା ଆର୍‌ଏ ।”
\p
\v 8 ତେନ୍ଇଡ଼ିଂ କିତଂନେ ଆତେନ୍‌ ସର୍ ଆନିଂ ବାରି ବାସଙ୍ଗ୍‌କେ “ୱେଲା କେଣ୍ଡିଆଃ ଆରି ଦର୍‌ତନି ଆଡ଼ାତ୍ରା ତୁଆଁ ଲେଃକ୍ନେ ଦୁତ୍‌ନେ ନ୍ତିବାନ୍ ରଃଡ଼ାକ୍ନେ ସାସ୍ତର୍‌ ସାଲିଆ ।”
\p
\v 9 ନିଂ ଦୁତ୍‌ନେ ଡାଗ୍ରା ୱେଚେ ଆତେନ୍‌ ସାସ୍ତର୍‌କେ ନ୍‌ସାଲ୍ୟାଃକେ । ମେଁ ଆନିଂ ବାସଙ୍ଗ୍‌କେ “ଡୁଂୱେ ଚଂପା । ନାଁନେ ସୁଲୁଏ ନ୍‌ସାଃ ଆକେନ୍ ବିସେଃ ମାତର୍‌ ନାଁନେ ତୁମୁଆଃନ୍ନିଆ ଆକେନ୍ ଞ୍ଜୁଙ୍ଗ୍ ରକମ୍ ମ୍ବ୍ରେ ଲାଗେଏ ।”
\p
\v 10 ନିଂ ଆତେନ୍‌ ଡାଆଁ ସାସ୍ତର୍‌ ଦୁତ୍‌ନେ ନ୍ତିବାନ୍ ଡୁଂୱେଚେ ଞ୍ଚଂକେ । ଆତେନ୍‌ ନିଂ ତୁମୁଆଃବାନ୍ ଞ୍ଜୁଙ୍ଗ୍‌ ରକମ୍ ମ୍ବ୍ରେ ଲାଗେକେ ମାତର୍‌ କ୍ଲୁଗ୍ ବିଃକ୍ନେ ବେଲା ସୁଲୁଏ ବିତ୍ରେ ବିସେଃ ଡିଂୱେଗେ । 
\v 11 ତେନ୍ଇଡ଼ିଂ ଜାଣ୍ଡେଃ ଆନିଂ ବାସଂକେ “ଗୁଲୁଏ ଦେସ୍ ଜାତି ବାସାଣ୍ଡ୍ରେ ଆରି ଇଃସାଙ୍ଗ୍‌ଇଂନେ ବିସ‍ଏରେ ଇସ୍‌ପର୍‌ନେ ସାମୁଆଁ ନାଁ ୱେଚେ ବାର୍‌ମୁଇଂତର୍ ବାସଙ୍ଗ୍‌ବି ।”
\c 11
\s ମ୍ବାୟା ସାକି
\p
\v 1 ତେନ୍ଇଡ଼ିଂ ଜାଣ୍ଡେ ମୁଇଂଡା ମାପେନେ ଡୁଡୁ ସୁଗୁଆ ଡାଆଁ ଡୁଡୁ ଆନିଂକେ ବିଚେ ବାସଙ୍ଗ୍‌କେ, “ୱେଲା ଇସ୍‌ପର୍‌ନେ ମନ୍ଦିର୍ ଆରି ବେଦି ମାପେ ବାରି ମନ୍ଦିର୍‌ନ୍ନିଆ ପାର୍‌ତନା ଡିଂଣ୍ଡ୍ରେନେ ସଂକ୍ୟା ଏଜା । 
\v 2 \x + \xo ୧୧:୨ \xo*\xt ଲୁକ୍‌ ୨୧:୨୪.\xt*\x*ମାତର୍‌ ମନ୍ଦିର୍‌ନେ ବାଏରେ ଲେଃକ୍ନେ ଲ୍ନଃଡ଼ିଆଃକେ ଆମାପେଗେ । ଡାଗ୍‌ଲା ଆତେନ୍‌ ବିନ୍ ଜାତି‍ଇଂକେ ଦାନ୍ ଡିଂବଆର୍‌କେ । ମେଁଇଂ ୪୨ ଆର୍କେ ଜାକ ଆକେନ୍ ପବିତ୍ର ଇନିକେ ଞ୍ଚ‍ଆଲ ଆଡିଂଚେ ବ‍ଏ । 
\v 3 ବାସ୍ତା ସକା ସଃଲେଃକ୍ନେ ନିଂନେ ମ୍ବାୟା ସାକି‍ଇଂକେ ନିଂ ମ୍ବେଏ । ମେଁଇଂ ଆତେନ୍‌ ୧,୨୬୦ ଦିନ୍ ଜାକ ଇସ୍‌ପର୍‌ନେ ସାମୁଆଁ ବାସଙ୍ଗ୍‌ ଆର୍‌ଏ ।”
\p
\v 4 ଦର୍‌ତନିନେ ଆତେନ୍‌ ମ୍ବାର୍ ସାକି ମାପ୍‌ରୁନେ ଡାଗ୍ରା ତୁଆଁ ଲେଃଆର୍‌କ୍ନେ ମ୍ବାକ୍ଲିଗ୍ ଜିତ ସ୍ଲା ଆରି ମ୍ବାକ୍ଲିଗ୍ କୁପିସ ସୁଗୁଆ । 
\v 5 ଜଦି ଜାଣ୍ଡେ ମେଁଇଂନେ କେତି ଡିଂନେସା ଚେସ୍‌ଟା ଡିଂଏ ତେଲା ମେଁଇଂନେ ତୁମୁଁଆବାନ୍ ସୁଆ ତାର୍‌ଚେ ସତ୍ରୁକେ ଦଂସ ଡିଂଏ । ଡେକ୍‌ରକମ୍ ଜା ଡିଗ୍ ମେଁଇଂନେ କେତି ଡିଂନେସା ତାର୍‌ଏ, ମେଁ ବିନାସ୍‌ ଡିଂଏ । 
\v 6 ଇସ୍‌ପର୍‌ନେ ସାମୁଆଁ ବାସଙ୍ଗ୍‌ନେ ବେଲା କିତଂକେ ବନ୍ଦ୍ ଆଡିଂଚେ କିକେନେ ବନ୍ଦ୍ ଡିଂନେ ଅଦିକାର୍‌ ଆମେଇଂକେ ବିବକେ । ଣ୍ଡିଆ ଜାର୍‌ନେଇଂକେ ମ୍‌ମ୍ୟାଁରେ ଆଡିଂନେସା ଆରି ନିଜର୍ ଇକ୍‌ଚାରେ ଦର୍ତନିନ୍ନିଆ ବାରିବାରି ମୁର୍ଡି ଆଡିଂନେସା ମେଁଇଂନେ ଅଦିକାର୍ ଲେଃକେ ।
\p
\v 7 \x + \xo ୧୧:୭ \xo*\xt ପ୍ରକାସିତ୍‌ ୧୩:୫-୭; ୧୭:୮.\xt*\x*ମେଁଇଂ ସାମୁଆଁ ବାସଙ୍ଗ୍‌ ଆଡାକ୍ନେ ଇଡ଼ିଙ୍ଗ୍ ପାତାଲ୍‌ପୁର୍‌ବାନ୍ ମୁଇଂ ପସୁ ତଡ଼ିଆ ପାଙ୍ଗ୍‌ଚେ ମେଁଇଂନେ ବିରଦ୍‌ରେ ଜୁଜ୍ ଡିଂଏ । 
\v 8 ମେଁ ଆମେଇଂକେ ଆଃଆରେଚେ ବାଗୁଏଃଏ ବାରି ମୁଃଡ଼ି ମ୍ନାଇନିନ୍ନିଆ ଇଃସାଙ୍ଗ୍‌ ଗାଲିନ୍ନିଆ ମାପ୍‌ରୁ କୁରୁସ୍‌ ଅରିଆ ଗୁଏଃଲେଃଗେ ଆତ୍‌ଅରିଆ ମେଁଇଂନେ ମଡ଼ା ଲଃ ଲେଃଏ । ଆତେନ୍‌ ସହରକେ ସଦୋମ ଣ୍ଡୁଲା ମିସର୍ ଡାଗ୍‌ଚେ ବାସଙ୍ଗ୍‌ ୟାଆର୍‌ଏ । 
\v 9 ସାପା ଦେସ୍ ରେମୁଆଁ ବାସାଣ୍ଡ୍ରେ ଆରି ଜାତିନେ ରେମୁଆଁଇଂ ଜିର୍‌ସି ତେଃପିଆ ଜାକ ଆତେନ୍‌ ମଡ଼ାଇଂକେ କେଆର୍‌ଏ ବାରି ଆତେନ୍‌ଇଂକେ ଆତି ବିନେ ନ୍‌ସା ଆଆନ୍ତାର୍‌ଆର୍ ଣ୍ଡୁ । 
\v 10 ଆକେନ୍ ମ୍ବାୟାନେ ଗୁଏକ୍ନେସା ଦର୍‌ତନିନେ ରେମୁଆଁଇଂ ମ୍ଲେଡ଼ିଆ ଡିଂଆର୍‌ଏ, ସାର୍ଦା ଡିଂଚେ ମେଇଂମେଇଂ ଡାଗ୍ରା ପୁରୁସ୍‌କାର୍‌ ବେଆର୍‌ଏ; ଡାଗ୍‌ଲା ଆତେନ୍‌ ବାବବାଦି‍ଇଂନେ ନ୍‌ସା ଦର୍‌ତନି ବାସାଣ୍ଡ୍ରେ ମାଲେ ଅଇରାନ୍ ଡିଂଆର୍‌ଡିଂଗେ । 
\v 11 ମାତର୍‌ ଜିର୍‌ସି ତେଃପିଆ ଇଡ଼ିଂ ଇସ୍‌ପର୍‌ବାନ୍ ଜିବନ୍‌ ୱେଡ଼ିଆଃ ପାଙ୍ଗ୍‌ଚେ ମେଁଇଂନେ ଗାଗ୍‌ଡ଼େନ୍ନିଆ ଗାକେ ବାରି ମେଁଇଂ ତଡ଼ିଆଃ ତୁଆଁ ଆର୍‌କେ । ଜାଣ୍ଡେଇଂ ଆକେନ୍ ଗଟ୍‌ନା କେଆର୍‌କେ ମେଁଇଂ ବୁଟ ଆର୍‌କେ । 
\v 12 ବାରି ଆତେନ୍‌ ମ୍ବାୟା ବାବବାଦି ଆମେଇଂକେ କିତଂବାନ୍ ଜବର୍ ୱାସାର୍‌ଚେ ଆକେନ୍ ସାମୁଆଁ ବାସଙ୍ଗ୍‌ଡିଂଗ୍ନେ ମୁଇଂ ସାମୁଆଁ ଅଁଆର୍କେ: “ଆକ୍‌ଅରିଆ ପାଙ୍ଗ୍‌ଲା !” ମେଁଇଂନେ ସତ୍ରୁଇଂ ତେଃକେନେବେଲା ମେଁଇଂ ତ୍ରିଗ୍‌ଡିଆଃ ଆଃଡିଚେ କିତଂପାକା ଡେଃୱେଆର୍‌କେ । 
\v 13 \x + \xo ୧୧:୧୩ \xo*\xt ପ୍ରକାସିତ୍‌ ୬:୧୨; ୧୬:୧୮.\xt*\x*ଟିକ୍ ଆତେନ୍‌ ବେଲା ଜବର୍ ତୁବଃ ଲୁତୁଗ୍‌କେ ଇନିନେ ଗୁଆବାଗ୍‌ବାନ୍ ମୁଇଂବାଗ୍ ଦଂସ ବାକେ ବାରି ବୁମିକମ୍ପ୍ ୭,୦୦୦ ରେମୁଆଁ ଗୁଏଆର୍‌କେ । ମ୍ବ୍ର ୱେଲେଃଆର୍‌କ୍ନେ ରେମୁଆଁଇଂ ବୁଟଚେ କିତଂ ଇସ୍‌ପର୍‌ନେ ସାପାପାକା ବ୍ୟାପେକ୍ନେ ବିସ‍ଏନେ ମ‍ଇମା ଡିଂଆର୍‌କେ ।
\p
\v 14 ଦୁତିୟ କସ୍‌ଟ ଡାୱେଗେ; ମାତର୍‌ ତୁର୍ତିୟ କସ୍‌ଟ ଗିଆଃ ପାଙ୍ଗ୍‌ଡିଂକେ ।
\s ଗୁକ୍ଲିଗ୍‌ ପ୍ନିଃ
\p
\v 15 ତେନ୍ଇଡ଼ିଂ ଗୁ ଦୁତ୍ ପ୍ନିଃ ପିଃକେ ବାରି କିତଂନ୍ନିଆ ମାଲେ ସବ୍‌ଦ ଏତେ ଆକେନ୍ ସାମୁଆଁ ନ୍ନାଂକେ ! “ନେ ମାପ୍‌ରୁ ଆରି ମେଁନେ ମସୀହ ଦର୍‌ତନି ଆଡ଼ାତ୍ରା ସାସନ୍ ଡିଂନେ ଅଦିକାର୍ ଏକେ ନିଜର୍ ନ୍ତିନ୍ନିଆ ଡୁଂୱେ ବ‍ଆର୍‌କେ । ମେଁ ଏଃବାନ୍ ଜୁଗ୍‌ ଜୁଗ୍ ସାସନ୍ ଡିଂଏ ।” 
\v 16 ଆକେନ୍ ଇଡ଼ିଂ ଇସ୍‌ପର୍‌ନେ ଡାଗ୍ରା ନିଜର୍ ନିଜର୍ ସିଂଆସନନ୍ନିଆ କଲେଃକ୍ନେ ୨୪ ରୁଆ ବୟସ୍କ ନେତା ସାର୍ଲଚେ ଇସ୍‌ପର୍‌ନେ ପାର୍‌ତନା ଡିଂଚେ, 
\v 17 ବାସଂଆର୍‌କେ,
\q1 “ଏ ସାପାଟୁ ବପୁନେ ମାପ୍‌ରୁ ଇସ୍‌ପର୍ ପେ ଅଃସେ ଆରି ଏଃକେ !
\q1 ନେଁ ଆନାଁକେ ଦନ୍ୟବାଦ୍ ବିନେଡିଂକେ;
\q2 ଡାଗ୍‌ଲା ନାଁନେ ମ୍ନାବପୁରେ ରାଜିନେ ଲିଗିଙ୍ଗ୍ ସାଃ ନାଲେଃକେ ।
\q1
\v 18 ବିଜାତି‍ଇଂ ରିସା ଡିଂ ଲେଃଆର୍‌କେ;
\q2 ଡାଗ୍‌ଲା ନାଁନେ ରିସାଡିଙ୍ଗ୍‌ନେ ବେଲା ପେଂଚା ଲେଃକେ,
\q2 ଗୁଏକେଣ୍ଡ୍ରେ ଏଃକେ ବିଚାରିତ ଡିଂଆର୍‌ଏ ।
\q2 ନାଁନେ ସେବକ ବାବବାଦି‍ଇଂ ଆରି ଜାଣ୍ଡେଇଂ ଆନାକେ ବୁଟମେଗ୍‌ ଡିଂଆର୍‌କେ,
\q2 ମ୍ନା ଣ୍ଡୁଲା ଡାଆଁ ସାପାରେ ଇନାମ୍ ବାଆର୍‌ଏ
\q1 ବାରି ଜାଣ୍ଡେଇଂ ଦର୍‌ତନିକେ ଦଂସ ଡିଂଆର୍‌ଏ ମେଁଇଂ ଣ୍ଡିଗ୍ ଦଂସ ବା‍ଆର୍‌ଏ ।”
\p
\v 19 \x + \xo ୧୧:୧୯ \xo*\xt ପ୍ରକାସିତ୍‌ ୮:୫; ୧୬:୧୮; \xt*\xt ପ୍ରକାସିତ୍‌ ୧୬:୨୧.\xt*\x*କିତଂନ୍ନିଆ ଲେଃକ୍ନେ ଇସ୍‌ପର୍‌ନେ ମନ୍ଦିର୍ ଗାଲି ରଃକେ ଆରି ମନ୍ଦିର୍‌ନ୍ନିଆ ନିଅମ୍ ସିନ୍ଦୁକ ଲେଃକ୍ନେ ତ୍ନାକେ । ତେନ୍ଇଡ଼ିଂ ବିଜ୍‌ଲି ବଗ୍‌କେ ଗଡ଼୍‌ଗଡ଼ି ବୁମିକମ୍ପ୍ ଆରି ମାଲେ ଆରେଣ୍ଡିଆଃ ଗୁର୍‌କେ ।
\c 12
\s ସେଲାମ୍ବୁଏଃ ଆରି ବୁବଃ
\p
\v 1 ଇଡ଼ିଂ କିତଂନ୍ନିଆ ମୁଇଂ ଡିରକମ୍ ଚିନ୍‌ ତ୍ନାକେ । ମୁଇଂ ସେଲାମ୍ବୁଏଃ ଆର୍କେ ଆଡ଼ାତ୍ରା ତୁଆଁ ଲେଃଗେ ଆରି ସ୍ନିନେ ତାର୍କିଗ୍ ସାଃଲେଃଗେ । ମେଁନେ ବା‍ଆଃନ୍ନିଆ ଗମ୍ବାର୍ ଚାଙ୍କୁଆ ତଗ୍‌ବକ୍ନେ ମୁଇଂ ମୁକୁଟ୍ ଲେଃଗେ । 
\v 2 ମେଁ ଗାଗ୍‌ଡ଼େ ଲେଃଗେ ଆରି ଣ୍ଡିଆକୁମାନେ କଷ୍ଟରେ ଅଃ ଡିଂଗେ ।
\p
\v 3 କିତଂନ୍ନିଆ ଆରି ମୁଇଂ ଡିରକମ୍ ଚିନ୍‌ ତ୍ନାକେ । ମ୍‌ମିଆଁ ବାନାନେ ବୁବଃ ସୁଗୁଆ ମୁଇଂ ମ୍ନା ଜିବ୍‌ ମେଁନେ ଗୁକ୍ଲିଗ୍ ବା‍ଆଃ ଗୁଆକ୍ଲିଗ୍ ଡିରଂ ଆରି ସାପା ବା‍ଆଃନ୍ନିଆ ମୁଇଂ ମୁକୁଟ୍ ଲେଃଗେ । 
\v 4 ମେଁ ମେଁନେ ପ୍ଲାନ୍ନିଆ କିତଂବାନ୍ ଞ୍ଜିବାଗ୍‌ବାନ୍ ମୁଇଂବାଗ୍ ଚାଙ୍କୁଆ ଗୁଃଡୁଂପାଙ୍ଗ୍‌ଚେ ଦର୍‌ତନି ବିତ୍‌ରେ ଆଃଗାକେ । ଗଡ଼େଅ ଜନମ୍ ଡିଂକ୍ନେ ଦାପ୍‌ଡ଼େ ଆମେକେ ଚଂ ବିନେ ଆସାରେ ବୁବଃ ଆତେନ୍‌ ସେଲାମ୍ବୁଏ ଡାଗ୍ରା ପାଙ୍ଗ୍‌ଚେ ତୁଆଁକେ । 
\v 5 ତେନ୍ ବେଲା ସେଲାମ୍ବୁଏ ମୁଇଂ ଗଡ଼େଅକେ ଜନମ୍ ବିକେ । ମାତର୍‌ ଲୁଆ ଡୁଡୁ ଏତେ ସର୍‌ତେ ଜାତି ଆଡ଼ାତ୍ରା ସାସନ୍ ଡିଂନେ ନ୍‌ସା ଆରେକ୍ନେ ଆତେନ୍‌ ଗଡ଼େଅକେ ରାଃଚେ ଇସ୍‌ପର୍‌ନେ ସିଂଆସନ ଡାଗ୍ରା ଡୁଂୱେକେ । 
\v 6 ବାରି ଆତେନ୍‌ ସେଲାମ୍ବୁଏ ରେମୁଆଁ ଆବାସାକ୍ନେ ଟାନ୍‌ପାକା ଲାଗ୍‌ଡକେ । ଆତ୍‌ଅରିଆ ୧,୨୬୦ ଦିନ୍ ଜାକ ମେଁ ଲେଃନେ ନ୍‌ସା ଇସ୍‌ପର୍ ଆର୍ମେଚେ ବିଃବଗେ ।
\p
\v 7 \x + \xo ୧୨:୭ \xo*\xt ଜିଉଦା ୧:୯.\xt*\x*ତେନ୍ଇଡ଼ିଂ କିତଂନ୍ନିଆ ଜୁଜ୍ ଆରାମ୍ ଡିଂୱେଗେ । ମିଖାଏଲ ଆରି ମେଁନେ ଦୁତ୍ଇଂ ଆତେନ୍‌ ମ୍ନା ବୁବଃ ଆରି ମେଁନେ ପ୍ଲାୱେଣ୍ଡ୍ରେଇଂନେ ଏତେ ଜୁଜ୍ ଡିଂଆର୍‌କେ । 
\v 8 ଜୁଦ୍‌ନ୍ନିଆ ବୁବଃ ଆରି ମେଁନେ ପ୍ଲାୱେଣ୍ଡ୍ରେଇଂ ଆରେ ଆର୍‌କେ ଆରି ମେଁଇଂ ଆରି କିତଂନ୍ନିଆ ଟାନ୍ ଆବାଆର୍‌କେ ଣ୍ଡୁ । 
\v 9 \x + \xo ୧୨:୯ \xo*\xt ଲୁକ୍‌ ୧୦:୧୮.\xt*\x*ଆତେନ୍‌ ବୁବଃ ଡିଂଡିଂକେ କ୍ଲିଗ୍ ଦର୍‌ତନିକେ କସ୍ଟ ଡିଂବକ୍ନେ ଜବର୍‌ବପୁକ୍ନେ ବାୱିର୍ ବୁବଃ ସ‍ଏତାନ୍; ମେଁନେ ଦୁତ୍ଇଂ ଏତେ କିତଂବାନ୍ ତାର୍‌ଚେ ଦର୍‌ତନି ତୁବଃନ୍ନିଆ ପାଙ୍ଗ୍‌ଚେ ଲଃକେ ।
\p
\v 10 ତେନ୍ଇଡ଼ିଂ ନିଂ କିତଂନ୍ନିଆ ଜବର୍ ସବ୍ଦରେ ବାସଙ୍ଗ୍‌କ୍ନେ ମୁଇଂ ସାମୁଆଁ ଙକେ: “ଏଃକେ ଇସ୍‌ପର୍‌ନେ ପରିତ୍ରାନ୍ ପିଙ୍ଗ୍‌ଚା ଲେଃକେ । ମେଁନେ ଇଃସାଙ୍ଗ୍‌ ବପୁ କାଲାଆଃ ଆରି ମେଁନେ ମସୀହାକେ ଅଦିକାର୍‌ ବିବକେ ମୁଡ଼ି ନାଲେଣ୍ଡ୍ରେ ସ୍ମି ମିଡିଗ୍ ଇସ୍‌ପର୍‌ନେ ଡାଗ୍ରା ତୁଆଁଚେ ନେଃ ବୟାଁ ଆରି ତନାଇଂନେ ବିରଦ୍‌ରେ ନାଲେ ସାମୁଆଁ ବାସଙ୍ଗ୍‌ ଡିଂଗେ ଆମେକେ ଏଃକେ କିତଂବାନ୍ ନୁଆଁ ବକେ । 
\v 11 ଉଂମେଣ୍ଡାନେ ମ୍‌ମ୍ୟାଁନେ ବପୁରେ ଆରି ମେଁଇଂ ବାସଙ୍ଗ୍‌ ଡିଂକ୍ନେ ସତ୍ ନ୍‌ସା ଆତ୍ମାପୁଜା ଡିଂନେ ତିଆର୍ ଡିଂଲେଃକ୍ନେସା ନେନେ ବୟାଁ ଆରି ତନାଇଂ ଜିତେ ଲେଃଆର୍‌କେ । 
\v 12 ତେନ୍‌ସା କିତଂ ଆରି କିତଂନ୍ନିଆ ବାସା ଲେଃକେଣ୍ଡ୍ରେ ସାପାରେ ସାର୍ଦା ଡିଂପା । ମାତର୍‌ ହାୟ ! ଦର୍‌ତନିନେ ଣ୍ଡିଆଃପାଃଡ଼ିଆ ସର୍‌ତେ ! ପେନେ କସ୍ଟ କି ବୟଙ୍କାର୍ ! ଏଃକେ ସ‍ଏତାନ୍ ପେ ଡାଗ୍ରା ଆରି ମେଁ ମାଲେ ରିସା ଡିଂଲେଃକେ ଡାଗ୍‌ଲା ମେଁ ମ୍ୟାଲେଃକେ ମେଁନେ କାଲ୍ ଡା ଡିଂକେ ।”
\p
\v 13 ଦର୍ତନିନ୍ନିଆ ଗା ଲେଃକ୍ନେ କେଚେ ବୁବଃ ଆତେନ୍‌ ଗଡ଼େଅନେ ଇୟାଂଡେକେ ପ୍ଲାଃ ପ୍ଲାଃ ନୁଆଁକେ । 
\v 14 ବୁବଃବାନ୍ ରକ୍ୟା ବା ନ୍‌ସା ସେଲାମ୍ବୁଏ ରେମୁଆଁକେ ମ୍ବାକ୍ଲିଗ୍ ରାବନ୍ ପିଗ୍‌ନେ ଡେନା ବିଃବଗେ । ତେନ୍ ଏତେ ମେଁ ଜାଡିଗ୍ ଆବାସାକ୍ନେ ଟାନ୍‌ନ୍ନିଆ ୱାଲେ ୱେଚେ ଆତ୍‌ଅରିଆ ଞ୍ଜିମୁଆଁ ତେଃପିଆଃ ଜାକ ନିରାପଦ୍‌ରେ ଲେଃନେ ୟାକେ । 
\v 15 ତେନ୍ଇଡ଼ିଂ ସେଲାମ୍ବୁଏକେ ଣ୍ଡିଆନ୍ନିଆ ଆଡୁଙ୍ଗ୍‌ଡ୍ୟା ଡୁଂୱେ ନ୍‌ସା ବୁବଃ ନିଜର୍ ତୁମୁଁଆବାନ୍ ମେଁ ପ୍ଲାଃ ପ୍ଲାଃ ମୁଇଂ ବୁରାଣ୍ଡିଆ ସୁଗୁଆ ଲୁଆର୍ ବିଃକେ । 
\v 16 ମାତର୍‌ ଆମେକେ ଆମ୍ବ୍ରନେ ନ୍‌ସା ଦର୍‌ତନି ନିଜର୍ ତୁମୁଆଃ ଗାଃଟାଚେ ବୁବଃ ତୁମୁଁଆବାନ୍ ତାର୍‌ଡିଂକ୍ନେ ସାପା ଣ୍ଡିଆକେ ଉଗ୍‌କେ । 
\v 17 ତେନ୍‌ବେଲା ବୁବଃ ମାଲେ ଗିସେଚେ ମେଁନେ ବଂସଣ୍ଡ୍ରେ ଆରି ଜାଣ୍ଡେଇଂ ଇସ୍‌ପର୍‌ନେ ସାମୁଆଁ ମାନେଃ ଡିଂଆର୍‌କେ ଆରି ଜିସୁନେ ବିସୟ୍‌ରେ ସାକି ବିଃଡିଂଆର୍‌କେ ମେଁଇଂନେ ଏତେ ଜୁଜ୍‌ ଡିଂନେ ତାର୍‌କେ । 
\v 18 ସେଲାମ୍ବୁଏନେ ଆତେନ୍‌ ବଂସଣ୍ଡ୍ରେଇଂକେ ବିରଦ୍ ଡିଂନେ ନ୍‌ସା ମେଁ ୱେଚେ କେଣ୍ଡିଆଃନେ ବାଲି ଆଡ଼ାତ୍ରା ତୁଆଁକେ ।
\c 13
\s ମ୍ବାକ୍ଲିଗ୍ ପସୁ
\p
\v 1 \x + \xo ୧୩:୧ \xo*\xt ପ୍ରକାସିତ୍‌ ୧୭:୩,୭-୧୨.\xt*\x*ତେନ୍ଇଡ଼ିଂ ନିଂ ଙ୍କେକେ ମୁଇଂ ପସୁ କେଣ୍ଡିଆଃ ବିତ୍ରେବାନ୍ ତଃଡ଼ିଆ ପାଙ୍ଗ୍‌ଡିଂକେ । ମେଁନେ ଗୁଆକ୍ଲିଗ୍ ଡିରଂ ଆରି ଗୁକ୍ଲିଗ୍ ବାଆଃ । ସର୍‌ତେ ଡିରଂନ୍ନିଆ ମୁଇଂ ମୁଇଂ ମୁକୁଟ୍ ଲେଃଗେ ଆରି ସର୍‌ତେ ବାଆଃନ୍ନିଆ ମୁଇଂ ମୁଇଂ ଇସ୍‌ପର୍ ନିନ୍ଦା ଡିଂକ୍ନେ ମ୍ନି ଗ୍ନୁଆର୍ ଲେଃଗେ । 
\v 2 ପସୁ ମୁଇଂ ଚିତାଙ୍କୁ ସୁଗୁଆ ତ୍ନାଡିଂଗେ । ମେଁନେ ଞ୍ଚ ଗିବେ ଞ୍ଚ ସୁଗୁଆ ବାରି ତୁମୁଆଃ ସିଂଅ ତୁମୁଆଃ ସୁଗୁଆ । ସେନୁଗ୍‌ନେ ଆଃରେକ୍ନେ ମ୍‌ମ୍ୟାଁ ବାନାନେ ମ୍ନାଃ ବୁବଃ ଆକେନ୍ ପସୁକେ ନିଜର୍ ବପୁ ସିଂଆସନ ଆରି ମାଡାନେ ଅଦିକାର୍‌ ଅପେଃ ବିଃକେ । 
\v 3 ପସୁନେ ମୁଇଂ ବାଆଃ ମାଲେ ଚିନା ବାଲେଃକ୍ନେ ସୁଗୁଆ ମନେ ଡିଙ୍ଗ୍‌ଡିଂଗେ । ମାତର୍‌ ଚିନାକ୍ନେ ଟାନ୍ ନିମାଣ୍ଡା ଡିଂୱେଲେଃଗେ ବାରି ଦର୍‌ତନିଣ୍ଡ୍ରେ ସାପାରେ ଇରିଆଃତୁଗ୍ ଡିଂଚେ ପସୁନେ ପ୍ଲାଃ ୱେଆର୍‌କେ । 
\v 4 ବାରି ସାପାରେ ପସୁକେ ଅଦିକାର୍‌ ଡିଂବକ୍ନେ ବୁବଃନେ ପୁଜା ଡିଂଆର୍‌କେ । ମେଁଇଂ ପସୁକେ ଣ୍ଡିଗ୍ ପୁଜା ଡିଂଚେ ବାସଂଆର୍‌କେ “ଜାଣ୍ଡେ ଆକେନ୍ ପସୁନେ ସୁଗୁଆ ଡିଂଏ ? ଜାଣ୍ଡେ ମେଁ ଏତେ ଜୁଦ୍ ଡିଂୟାଏ ?”
\p
\v 5 ପସୁ ଆମ୍ନାଚେ ସାମୁଆଁ ବାସଙ୍ଗ୍‌ଡିଂଗେ ଆରି ଇସ୍‌ପର୍ ନିନ୍ଦା ଡିଂଡିଂଗେ ତେଲାଡିଗ୍ ୪୨ ଆର୍କେ ଜାକ ସାସନ୍‌ ଡିଂନେ ନ୍‌ସା ଆମେକେ ଆଦେସ୍‌ ମିଲେକେ । 
\v 6 ଇସ୍‌ପର୍‌କେ ମେଁନେ ମ୍ନି ଆରି ମେଁନେ ବାସାନେ ଟାନ୍ ବାରି କିତଂଣ୍ଡ୍ରେ ସାପାରେକେ ମେଁ ଅବିସାପ୍ ବିଃନ୍‌ସା ଆରାମ୍‌ଡିଂକେ । 
\v 7 ଇସ୍‌ପର୍‌ନେ ରେମୁଆଁଇଂନେ ବିରଦ୍‌ରେ ଜୁଦ୍ ଡିଂଚେ ଆମେଇଂକେ ଆଃଆରେ ନ୍‌ସା ମେଁ ଆଦେସ୍‌ ବାକେ ଆରି ସାପା ରେମୁଆଁ ରାଜି ଆରି ବାସାଣ୍ଡ୍ରେ ଆରି ଜାତି ଆଡ଼ାତ୍ରା ଆମେକେ ଅଦିକାର୍‌ ବିକେ । 
\v 8 ଦର୍‌ତନିନେ ତିଆର୍‌ ଡିଂକ୍ନେ ସିସେବାନ୍ ଜାଣ୍ଡେଇଂନେ ମ୍ନି ବଃଲେଃକ୍ନେ ଉଂମେଣ୍ଡାନେ ଜିବନ୍ ସାସ୍ତର୍‌ନ୍ନିଆ ଗ୍ନୁଆର୍‌ଲେଃଗେ ଆମେଇଂକେ ଆନ୍ତାର୍‌ଚେ ଦର୍‌ତନିନେ ବିନ୍ ସାପାରେ ଆତେନ୍‌ ପସୁନେ ପୁଜା ଡିଂଆର୍‌ଏ ।
\p
\v 9 “ଅଁନ୍‌ସା ନ୍‌ଲୁଗ୍ ଲେଃଲା, ଅଁ । 
\v 10 ଇସ୍‌ପର୍‌ନେ ବାସଙ୍ଗ୍‌ନେ ଅନୁସାରେ ଜା ବନ୍ଦି ଡିଂନେ ଲେଃକେ ମେଁ ସତେଆ ବନ୍ଦି ଡିଂଏ । ଜା ବିନ୍‌ଣ୍ଡ୍ରେକେ କାଣ୍ଡା ଏତେ ବାଗୁଏଃଏ ମେଁ ନିଜେ କାଣ୍ଡା ଏତେ ଆଃ ଗୁଏଃଏ । ଇସ୍‌ପର୍‌ନେ ରେମୁଆଁଇଂନେ ନ୍‌ସା ଡାଟ୍ ଆରି ବିସ୍‌ବାସ୍ ଡିଲାଡିଗ୍ ଦର୍‌କାର୍ ।”
\p
\v 11 ତେନ୍ଇଡ଼ିଂ ନିଂ ଙ୍କେକେ ଆରି ମୁଇଂ ପସୁ ତୁବଃବାନ୍ ତଃଡ଼ିଆ ପାଙ୍ଗ୍‌ଡିଂକେ । ଉଂମେଣ୍ଡାଇଂନେ ଡିରଂ ସୁଗୁଆ ମେଁନେ ମ୍ବାକ୍ଲିଗ୍ ଡିରଂ ଲେଃଗେ ବାରି ମେଁ ସିସେନେ ବୁବଃ ସୁଗୁଆ ସାମୁଆଁ ବାସଙ୍ଗ୍‌ଡିଂଗେ । 
\v 12 ଆକେନ୍ ଦୁତିୟ ପସୁ ପର୍‌ତୁମ୍ ପସୁନେ ଲେଃନେ ବେଲା ମେଁନେ ଅଦିକାର୍‌ ବେବ‍ଆର୍ ଡିଂଚେ ପର୍‌ତୁମ୍ ପସୁ ଜାନେ ଚିନା ନିମାଣ୍ଡା ଡିଂଲେଃଗେ ମେଁନେ ପୁଜା ଡିଂନେ ନ୍‌ସା ଦର୍ତନିନ୍ନିଆ ବାସାଣ୍ଡ୍ରେ ସାପାରେକେ ବାଦ୍ୟ ଡିଂକେ । 
\v 13 ଦୁତିୟ ପସୁ ମ୍ନା ଇରିଆତୁଗ୍ କାମ୍ ସାପା ଆଃଡାକେ । ସାପାରେନେ ଡାଗ୍ରା କିତଂବାନ୍ ଦର୍‌ତନି ଆଡ଼ାତ୍ରା ସୁଆ ଣ୍ଡିଆଃ ଆଃଗୁର୍‌କେ । 
\v 14 ବାରି ପର୍‌ତୁମ୍ ପସୁନେ ଲେଃନେ ବେଲା ଡେକ୍‌ସୁଗୁଆ ଗୁଲୁଏ ଇରିଆତୁଗ୍‌ନେ କାମ୍‌ଇଙ୍ଗ୍ ଡିଂଚେ ଦର୍ତନିନ୍ନିଆ ବାସାଣ୍ଡ୍ରେ ସାପାରେକେ ଆଃକାବାକେ । କାଣ୍ଡା ଏତେ ଚିନା ଡିଂଚେ ନିମାଣ୍ଡା ଡିଂଲେଃକ୍ନେ ମୁଲ୍ ପସୁନେ ସନ୍‌ମାନ୍ ନ୍‌ସା ମେଁନେ ମୁଇଂ ମୁର୍ତ୍ତି ଆଃରେନେ ନ୍‌ସା ଦୁତିୟ ପସୁ ରେମୁଆଁଇଂକେ ଆଦେସ୍ ବିକେ । 
\v 15 ପର୍‌ତୁମ୍ ପସୁନେ ମୁର୍ତିନ୍ନିଆ ଜିବନ୍‌ୱେଡ଼ିଆ ବିଚେ ଆମେକେ ଆମ୍ବ୍ରନେ ଅଦିକାର୍‌ ଦୁତିୟ ପସୁ ମ୍ୟାଃଲେଃଗେ । ତେନ୍ଇଡ଼ିଂ ମୁର୍ତ୍ତି ସାମୁଆଁ ବାସଙ୍ଗ୍‌କେ ଆରି ଜାଣ୍ଡେଇଂ ମେଁନେ ପୁଜା ଆଡିଂଆର୍‌କେ ଆମେଇଂକେ ବାଗୁଏଃ ନ୍‌ସା ଇକ୍‌ଚା ଡିଂକେ । 
\v 16 ମ୍ନାଃଡାଆଁ ଗତିରେ ଣ୍ଡୁଲା ନିଜର୍‌ ବିତ୍‌ରେ ଲେଃକ୍ନେ ସାଉକାର୍ ଅର୍‌କିତ୍ ସାରାସାରି ବେଲା ସାପାରେନେ ବେଃସ୍ୟା ନ୍ତିନ୍ନିଆ ଣ୍ଡୁଲା କାପାଲେ ମୁଇଂ ଚିନା ଆଡିଂନ୍‌ସା ମେଁ ରେମୁଆଁଇଂକେ ବାଦ୍ୟ ଡିଂକେ । 
\v 17 ପସୁନେ ମ୍ନି ଣ୍ଡୁଲା ଆତେନ୍‌ ମ୍ନିନେ ଚିନା ମୁଇଂ ସଂକ୍ୟା ଆଃଡିଂ ଆବକ୍ନେ ଜାଣ୍ଡେ ବିଆର୍ ସହାଃ ଡିଂ ଆୟାଆର୍ ଣ୍ଡୁ ଡାଗ୍‌ଚେ ପସୁ ଆଦେସ୍ ବିକେ ।
\p
\v 18 ଆକେନ୍ ସଂକ୍ୟାନେ ବିସ‍ଏରେ ବୁଜେ ନ୍‌ସା ଗ୍ୟାନ୍‌ଣ୍ଡ୍ରେ ଦର୍‌କାର୍ । ବୁଦିମାନ୍ ରେମୁଆଁଇଂ ଆତେନ୍‌ ବୁଜେ ୟାଆର୍‌ଏ । ଆତେନ୍‌ ମୁଇଂ ରେମୁଆଁନେ ମ୍ନିକେ ବାସଙ୍ଗ୍ଆର୍‌ଏ । ଆତେନ୍‌ ସଂକ୍ୟା ଡିଂଡିଂକେ ୬୬୬ ।
\c 14
\s ମେଣ୍ଡାତୁର୍ତ୍ୟାରେ ବାରି ମେଁନେ ପ୍ଲାୱେଣ୍ଡ୍ରେ
\p
\v 1 \x + \xo ୧୪:୧ \xo*\xt ପ୍ରକାସିତ୍‌ ୭:୩.\xt*\x*ତେନ୍ଇଡ଼ିଂ ନିଂ ଙ୍କେକେ ଉଂମେଣ୍ଡା ସିୟୋନ କଣ୍ଡା ଆଡ଼ାତ୍ରା ତୁଆଁ ଲେଃକେ । ମେଁ ଏତେ ୧୪୪,୦୦୦ ରୁଆ ରେମୁଆଁ ଲେଃଆର୍‌ଗେ । ମେଁଇଂନେ କାପାଲେ ଉଂମେଣ୍ଡା ଆରି ମେଁନେ ଆବାଡ଼େନେ ମ୍ନି ଗ୍ନୁଆର୍ ଲେଃଗେ । 
\v 2 ତେନ୍ଇଡ଼ିଂ ନିଂ ଙକେ ବୁରାଣ୍ଡିଆଃ ଆରି ଗଡ଼୍‌ଗଡ଼ି ସୁଗୁଆ କିତଂବାନ୍ ମୁଇଂ ସବ୍ଦ ପାଙ୍ଗ୍‌କେ । ବଗ୍‌ଡେଙ୍ଗ୍‌ରେଇଂ ବଗ୍‌ଡିଂକ୍ନେ ବିନା ସବ୍‌ଦ ସୁଗୁଆ ଣ୍ଡିଗ୍ ଆତେନ୍‌ ନ୍ନାଂଡିଂଗେ । 
\v 3 ବାରି ଦର୍‌ତନିବାନ୍‌ ଚାକର୍‌ ଆତେନ୍‌ ୧୪୪,୦୦୦ କିତଂ ସିଂଆସନ ଅଁକ୍ଲିଗ୍ ଜିବ୍‌ ଆରି ମଣ୍ଡଲିନେ ବୟସ୍କ ନେତାଇଂନେ ଡାଗ୍ରା ତୁଆଁକେ । ମେଁଇଂ ତ୍ମି ଅସ୍‌ମାର୍ ସାର୍‌ ଡିଂଆର୍‌ଗେ । ଆମେଇଂକେ ଆନ୍ତାର୍‌ଚେ ବିନ୍ ଜାଣ୍ଡେ ଆତେନ୍‌ ଅସ୍‌ମାର୍ ସାର୍‌ନେ ୟା ଆଡିଂଆର୍‌ଗେ । କ୍ଲିଗ୍‌ଡାନେ ରେମୁଆଁ ଜାତି ବିତ୍ରେବାନ୍ ମୁଇଂ ଆତେନ୍‌‌ଣ୍ଡ୍ରେ ଉଦାର୍ ବାଲେଃଆର୍‌ଗେ । 
\v 4 ମେଁଇଂ ସେଲାମ୍ବୁଏଇଂ ଏତେ ନିଜେ ନିଜ୍‌କେ ଅଡ଼ାରେଗ୍‌ ଡିଂ ଆବଆର୍‌ଗେ ଣ୍ଡୁ, ଡାଗ୍‌ଲା ମେଁଇଂ ପବିତ୍ର । ମେଁଇଂ କାଲାଆଃ ଉଂମେଣ୍ଡାନେ ପ୍ଲା ୱେଡିଂଆର୍‌ଗେ । ମେଁଇଂ ରେମୁଆଁଇଂନେ ବିତ୍ରେବାନ୍ ପର୍‌ତୁମ୍ ଉଦାର୍ ବାଚେ ଇସ୍‌ପର୍ ଆରି ଉଂମେଣ୍ଡାନେ ଡାଗ୍ରା ଡୁସ ଲେଃଆର୍‌କେ । 
\v 5 ମେଁଇଂ ଅଃନାଡିଗ୍ ନାଲେ ବାସଙ୍ଗ୍‌ନେ ତ୍ନା ଆଲେଆର୍‌ଗେ ମେଁଇଂନେ ଦସ୍ ଣ୍ଡୁ ।
\s ଞ୍ଜିରୁଆ କିତଂ ଦୁତ୍
\p
\v 6 ତେନ୍ଇଡ଼ିଂ ନିଂ ବାରି ଙ୍କେକେ ଆରି ମୁଇଂ କିତଂଦୁତ୍‌ କିତଂନ୍ନିଆ ଜବର୍ ତିଆର୍ ୱାଲେଃ ୱାଲେଃ ଦର୍‌ତନିନେ ସର୍‌ତେ ଜାତି ରେମୁଆଁ ବାସାଣ୍ଡ୍ରେ ଆରି ଦେସ୍‌ନେ ରେମୁଆଁଇଂ ଡାଗ୍ରା ଇସ୍‌ପର୍‌ନେ ଆତେନ୍‌ ମାଡାନେ ନିମାଣ୍ଡାସାମୁଆଁ ବାସଙ୍ଗ୍‌ଡିଂକେ । 
\v 7 ମେଁ ମାଲେ ୱାସାର୍‌ଚେ ବାସଙ୍ଗ୍‌ଡିଂଗେ, “ଇସ୍‌ପର୍‌କେ ବୁଟପା ମେଁନେ ଗୌରବ୍‌ନେ ପ୍ରସଂସା ଡିଂପା, ଡାଗ୍‌ଲା ରେମୁଆଁନେ ବିଚାର୍ ବେଲା ପେଙ୍ଗ୍‌ଚାଡିଂକେ । କିତଂ ଦର୍ତନି କେଣ୍ଡିଆଃ ଆରି ସର୍‌ତେ ଣ୍ଡିଆଃଇଂନେ ଆରେଣ୍ଡ୍ରେକେ ପୁଜା ଡିଂପା ।”
\p
\v 8 \x + \xo ୧୪:୮ \xo*\xt ପ୍ରକାସିତ୍‌ ୧୮:୨.\xt*\x*ଆତେନ୍‌ ପର୍‌ତୁମ୍ ଦୁତ୍‌ନେ ପ୍ଲାଃ ପ୍ଲାଃ ଆରି ମୁଇଂ ଦୁତ୍ ପାଙ୍ଗ୍‌ଚେ ବାସଙ୍ଗ୍‌କେ “ଆତେନ୍‌ ବିନସ୍ଟ ଡିଂଲେଃକେ । ମ୍ନାଃ ବାବିଲୋନ୍‍ନେ ସାପା ଜାତି ଗୁଣ୍ଡ୍‌ଗୁଣ୍ଡା ଡିଂଲେଃକେ । ମେଁ ମେଁନେ ଦଦ୍ୟା କାମ୍ ରକମ୍‌ନେ ସୁରା ଆଉଗ୍‌ଚେ ସାପାରେକେ ଆଃବୁସା ବଗେ ।”
\p
\v 9 ଆକେନ୍ ଦୁତ୍‌ନେ ଇଡ଼ିଂ ଆରି ମୁଇଂ ଦୁତ୍ ପାଙ୍ଗ୍‌ଚେ ଜବର୍ ୱାସାର୍‌ଚେ ବାସଙ୍ଗ୍‌ନେ ମୁଲେକେ “ଜା ଜଦି ପସୁ ଆରି ମେଁନେ ମୁର୍ତ୍ତିକେ ପୁଜା ଡିଂଏ ଆରି ନିଜର୍ କାପାଲ୍ ଣ୍ଡୁଲା ନ୍ତିନ୍ନିଆ ମେଁନେ ଚିନା ଗୁଆର୍ ବ‍ଏ 
\v 10 ମେଁ ଇସ୍‌ପର୍‌ନେ ଗିସେ ରକମ୍‌ନେ ଙ୍କୁଇନ୍ନିଆ କିଗ୍‌ ଲେଃକ୍ନେ ମେଁନେ ମାଲେ ଗିସେକ୍ନେ ସୁରା ଉଗ୍‌ଆର୍‌ଏ । ଜାଣ୍ଡେଇଂ ଆକେନ୍ କାମ୍ ଡିଂଆର୍‌ଏ ମେଁଇଂ ସାପାରେ ଉଂମେଣ୍ଡା ଆରି ପବିତ୍ର କିତଂ ଦୁତ୍‌ଇଂନେ ଡାଗ୍ରା ସୁଆ ଆରି ଗନ୍ଦ୍‌ଗୁଲାନ୍ନିଆ ଡଣ୍ଡ୍ ବାଆର୍‌ଏ । 
\v 11 ଆତେନ୍‌ କସ୍ଟନେ ମାଃସ ଜୁଗ୍ ଜୁଗ୍ ମାଃସ ଲେଃଏ । ଜାଣ୍ଡେଇଂ ପସୁ ଆରି ମେଁ ମୁର୍ତ୍ତିନେ ପୁଜା ଡିଂଆର୍‌ଏ ଣ୍ଡୁଲା ମେଁନେ ମ୍ନିନେ ଚିନା ଗୁଆର୍ ବଆର୍‌ଏ, ମେଁଇଂ ସ୍ମି ମିଡିଗ୍ କାଲାଆଃ ଅସାନ୍ତି ବା ଲେଃଆର୍‌ଏ ।”
\p
\v 12 ଜାଣ୍ଡେଇଂ ଇସ୍‌ପର୍‌ନେ‍ ସାମୁଆଁ ମାନେଃ ଆର୍‌ଏ ଆରି ଜିସୁନେ ଆଡ଼ାତ୍ରା ବିସ୍‌ବାସ୍ ଡିଂଆର୍‌ଏ ଇସ୍‌ପର୍‌ନେ ଆତେନ୍‌ ରେମୁଆଁଇଂନେ ପାକା ସମ୍ବାଲେ ଲେଃନେ ଡିଲାଡିଗ୍ ଦର୍‌କାର୍ ।
\p
\v 13 ତେନ୍ଇଡ଼ିଂ ନିଂ ଙକେ କିତଂବାନ୍ ମୁଇଂ ସାମୁଆଁ ନ୍ନାଂକେ; “ଆକେନ୍ ସାମୁଆଁ ଗୁଆର୍: ଜାଣ୍ଡେଇଂ ଏକେବାନ୍ ମାପ୍‌ରୁନେ ଜତନ୍‌ ଡିଂଚେ ଗୁଏଃଆର୍‌ଏ ମେଁଇଂ ଦନ୍ୟ ।” ବାରି ନିଂ ଙକେ ପରମାତ୍ମା ବାସଙ୍ଗ୍‌ଡିଂକେ “ଆକେନ୍ ସତେଆଃ ଗଟେଏ । ଜବର୍ କସ୍ଟକାମ୍ ଏତେ ସେବାନେ ଚୁଚୁ ରକମ୍ ମେଇଂ ସୁସ୍ତା ବାଆର୍‌ଏ ।”
\s କିଆଉଁଆଃ ୱେଃ
\p
\v 14 ତେନ୍ଇଡ଼ିଂ ନିଂ ଙ୍କେକେ ଇତୁଡ଼ା ତୁଲୁଏ ତ୍ରିଗ୍‌ଡିଆ ଆରି ମେଁ ଆଡ଼ାତ୍ରା କଲେଃକେ ମାପ୍‌ରୁ ଉଂଡେ ରକମ୍ ମୁଇଂଡା; ମେଁନେ ବାଆଃନ୍ନିଆ ସୁନା ମୁକୁଟ୍ ଆରି ନ୍ତିନ୍ନିଆ ମୁଇଂ ଗଜ୍ୟା ନ୍‌ସଗ୍ ଲେଃଗେ । 
\v 15 ମୁଇଂଡା ଦୁତ୍ ମନ୍ଦିର୍‌ବାନ୍ ତାର୍‌ଚେ ତ୍ରିଗ୍‌ଡିଆଃ ଡାକ୍ନେ ରେମୁଆଁକେ ଜବର୍ ୱାସାର୍‌ଚେ ବାସଙ୍ଗ୍‌କେ, “ନାଁନେ ନ୍‌ସଗ୍ ସାଃଚେ କିଆଉଁଆଃ ୱେଃ । ଦର୍‌ତନିନେ କିଆଉଁଆଃ ୱେଃ ନ୍‌ସା ଟିକ୍ ବେଲା ପେଙ୍ଗ୍‌ଚାଲେଃକେ ।” 
\v 16 ଆକେନ୍ ଅଁଚେ ତ୍ରିଗ୍‌ଡିଆଃ ଡାକ୍ନେ ରେମୁଆଁ ମେଁନେ ନ୍‌ସଗ୍ ଆଚାଲେକେ ଆରି ଦର୍‌ତନିନେ କିଆଉଁଆଃ ସାପା ଗୁଆଃଚେ ରାଃସିଙ୍ଗ୍‌କେ ।
\p
\v 17 ତେନ୍ଇଡ଼ିଂ ନିଂ ଙ୍କେକେ, ଆରି ମୁଇଂ ଦୁତ୍ କିତଂନେ ମନ୍ଦିର୍‌ବାନ୍ ପାଙ୍ଗ୍‌ଡିଂକେ; ମେଁନେ ନ୍ତିନ୍ନିଆ ଣ୍ଡିଗ୍ ମୁଇଂ ଡିଗ୍‌କ୍ନେ ନ୍‌ସଗ୍ ଲେଃଗେ ।
\p
\v 18 ତେନ୍ଇଡ଼ିଂ ବେଦିନେ ସୁଆ ଦାଇତ୍‌ରେ ଲେଃକ୍ନେ ମୁଇଂ ଦୁତ୍ ନ୍‌ସଗ୍ ସାଲେଃକ୍ନେ ଦୁତିୟ ଦୁତ୍‌କେ ୱାସାର୍‌ଚେ ବାସଙ୍ଗ୍‌କେ “ନ୍‌ସଗ୍ ସାଚେ ଦର୍‌ତନିନେ ଅଙ୍ଗୁର୍ ଡୁଗ୍‌ଡିବାନ୍ ଅଙ୍ଗୁର୍‌ ସାପା ଗୁଆ ବିଃପା; ତେନ୍‌ଇଂ ବ୍ଲେ ୱେଲେଃକେ ।” 
\v 19 ତେନ୍‌ସା ଦୁତ୍ ଦର୍‌ତନି ଆଡ଼ାତ୍ରା ମେଁନେ ନ୍‌ସଗ୍ ସାଚେ ଅଙ୍ଗୁର୍‌ ସ୍ଲାଇଂବାନ୍ ଅଙ୍ଗୁର୍ ଗୁଆଃ ଜଗ୍‌ତ୍ଲାଗ୍‌ଆର୍‌କେ ବାରି ଆତେନ୍‌ଇଂ ଇସ୍‌ପର୍‌ନେ ମ୍ନାଃ ଗିସେନେ ଅଙ୍ଗୁର୍‌ପେସେନେ କୁଣ୍ଡ୍‌ନ୍ନିଆ ତ୍ଲାଗ୍ ବିକେ । 
\v 20 \x + \xo ୧୪:୨୦ \xo*\xt ପ୍ରକାସିତ୍‌ ୧୯:୧୫.\xt*\x*ଇନି ବା‍ଏରେ ଲେଃକ୍ନେ ଆତେନ୍‌ କୁଣ୍ଡ୍‌ନ୍ନିଆ ଅଙ୍ଗୁର୍‌ଇଂ ପେସେଆର୍‌କେ ଆରି ଆତ୍‌ବାନ୍ ମିଆଁ ତାର୍‌ଚେ ଗୋଡ଼ାଇଂନେ ଲାଗାମ୍ ଜାକ ଡେଃଚେ ୩୦୦ କିଲମିଟର୍ ମ୍ନାଃ ଆରି ଡିଂଲେଃଏ ୨ ମିଟର୍ ତିଆର୍‌ ଜାକ ମ୍‌ମ୍ୟାଁନେ ବୁରାଣ୍ଡିଆ ଜରିଆକେ ।
\c 15
\s ସାରାସାରି ମୁର୍ଡି
\p
\v 1 ତେନ୍ଇଡ଼ିଂ ନିଂ କିତଂନ୍ନିଆ ଆରି ମୁଇଂ ମ୍ନାଃ ଇରିଆତୁଗ୍‌ ରକମ୍‌ନେ ଚିନ୍‌ ଙ୍କେକେ । ଗୁ ରୁଆ କିତଂଦୁତ୍‌ ସାପାରେ ମୁଇଂ ମୁଇଂ ମୁର୍ଡି ସାଃଚେ ତାର୍‌କେ । ଆକେନ୍ ମୁର୍ଡିଇଂ ଲେଃଗେ ଇସ୍‌ପର୍‌ନେ ରିସାନେ ସତ୍ ତ୍ନାଏ ।
\p
\v 2 ତେନ୍ଇଡ଼ିଂ ନିଂ ଙ୍କେକେ ସୁଆମିସୁକ୍ନେ କାଞ୍ଚ୍‌ନେ କେଣ୍ଡିଆ ସୁଗୁଆ ମୁଇଂ ଚିନ୍‌ । ଆତେନ୍‌ କେଣ୍ଡିଆ ଆଃଡ଼ା ତୁଆଁ ଲେଃଆର୍‌ଗେ ଜିତେକେଣ୍ଡ୍ରେ, ଆକ୍‌ମେଇଂ ପସୁ, ପସୁନେ ମୁର୍ତ୍ତି ଆରି ସିସେନେ ସଂକ୍ୟା ଏତେ ଚିନାକ୍ନେ ଆତେନ୍‌ ଦଦ୍ୟା‌ ଆତ୍ମା ଆଡ଼ାତ୍ରା ଜିତେ ବ‍ଆର୍‌ଗେ । ମେଇଂ ଇସ୍‌ପର୍‌ନେ ବିନା ସାଃଚେ ଆତେନ୍‌ କାଞ୍ଚ୍‌ ରକମ୍‌ କେଣ୍ଡିଆଃ ଆଃଡ଼ାଃ ତୁଆଁ ଲେଃଆର୍‌କେ । 
\v 3 ମେଁଇଂ ଇସ୍‌ପର୍‌ ବିବକ୍ନେ ବିନା ବଗ୍‌ଚେ ଇସ୍‌ପର୍‌ନେ ସେବକ ମୋଶାନେ ଅସ୍‌ମାର୍ ଆରି ଉଂମେଣ୍ଡାଇଂନେ ଅସ୍‌ମାର୍ ସାର୍ ଡିଂଆର୍‌ଗେ,
\q1 “ଏ ସାପାଟୁ ବପୁନେ ମାପ୍‌ରୁ ଇସ୍‌ପର୍ !
\q2 ନାଁନେ କାମ୍ ସାପା ଉଡ଼ି ମ୍ନାଃ ଆରି ବ‍ଏଙ୍କାର୍ ସର୍‌ତେ ଜାତିନେ
\q1 ଇଃସାଙ୍ଗ୍‌ଇଂନେ ଇଃସାଙ୍ଗ୍‌ !
\q2 ନାଁନେ କାମ୍ଇଂ ଉଡ଼ି ନ୍ୟାୟ୍‌ ଆରି ସତ୍ !
\q1
\v 4 ମାପ୍‌ରୁ ! ଜାଣ୍ଡେ ଜେ ଆନାକେ ଆବ୍‌ଟଣ୍ଡୁ ?
\q2 ନାଁନେ ନିମାଣ୍ଡା ସାମୁଆଁ ବାସଙ୍ଗ୍‌ନେସା ଜାଣ୍ଡେ ଜେ ନାଲେ ସାମୁଆଁ ବାସଙ୍ଗ୍‌ଏ ?
\q2 ମୁଇଂ ନାଁ ଆଃ ପବିତ୍ର ସର୍‌ତେ ଜାତି ପାଙ୍ଗ୍‌ଚେ ନାଁନେ ପୁଜା ଡିଂଆର୍‌ଏ ।
\q2 ଡାଗ୍‌ଲା ନାଁନେ ନ୍ୟାୟ୍‌ ବିଃନେ କାମ୍ ସାପା କେଲେଃଆର୍‌କେ ।”
\p
\v 5 ଆକେନ୍ ଇଡ଼ିଂ କିତଂଗାଲି ରଃଡିଂକ୍ନେ ନିଂ ଙ୍କେକେ । ଆତ୍‌ଅରିଆ ଇସ୍‌ପର୍‌ ଲେଃନେ ସୁଗୁଆ କୁଡ଼ିଆ ଲେଃଗେ । 
\v 6 ଗୁକ୍ଲିଗ୍ ମୁର୍ଡି ସାଲେଃକ୍ନେ ଗୁକ୍ଲିଗ୍ ଦୁତ୍ କିତଂ ମନ୍ଦିର୍ ବିତ୍ରେବାନ୍ ତାର୍‌ଚେ ପାଙ୍ଗ୍‌ଆର୍‌କେ; ମେଁଇଂ ନିମାଣ୍ଡା ତୁଲୁଏ ସକା ସଃ ଲେଃଆର୍‌ଗେ ଆରି ଗ୍ରି ଟାନ୍‌ନ୍ନିଆ ସୁନା ପୁଟ୍‌କା ଗାଗ୍ ବ‍ଆର୍‌ଗେ । 
\v 7 ସିସେନେ ଅଁକ୍ଲିଗ୍ ଜିବ୍‌ ବିତ୍ରେବାନ୍ ମୁଇଂ କାଲାଆଃ ମ୍ବ୍ରକ୍ନେ ଇସ୍‌ପର୍‌ନେ ରିସାନ୍ନିଆ ତ୍ନକ୍ନେ ଗୁକ୍ଲିଗ୍ ସୁନା ଙ୍କୁଇ ଆତେନ୍‌ ଗୁକ୍ଲିଗ୍ ଦୁତ୍‌କେ ବିକେ । ଜାଣ୍ଡେ ଜୁଗ୍‌ ଜୁଗ୍ ନ୍‌ସା ମ୍ବ୍ର ଲେଃକେ । 
\v 8 ଇସ୍‌ପର୍‌ନେ ଗୌରବ୍ ଆରି ବପୁବାନ୍ ତଡ଼ିଆଡିଂକ୍ନେ ମାଃସରେ ମନ୍ଦିର୍ ତ୍ନ ୱେଗେ ଗୁକ୍ଲିଗ୍ ଦୁତ୍ ସାଃଚେ ପାଙ୍ଗ୍‌କ୍ନେ ଗୁକ୍ଲିଗ୍ ମୁର୍ଡିନେ ସାରାସାରି ମାଗଟେ ଜାକ ଆକେନ୍ ମନ୍ଦିର୍ ବିତ୍ରେ ଆରି ଜାଣ୍ଡେ ଗାନେ ଆୟାଆର୍‌କେ ଣ୍ଡୁ ।
\c 16
\s ଇସ୍‌ପର୍‌ନେ ଗିସେଃବାନ୍‌ ତ୍ନକ୍ନେ ଗୁକ୍ଲିଗ୍ ଙ୍କୁଇ
\p
\v 1 ଆକେନ୍ ଇଡ଼ିଂ ନିଂ ଙକେ ମନ୍ଦିର୍‌ବାନ୍ ଜାଣ୍ଡେ ମୁଇଂଡା ୱାସାର୍‌ଚେ ଆତେନ୍‌ ଗୁକ୍ଲିଗ୍ ଦୁତ୍ଇଂକେ ବାସଙ୍ଗ୍‌ଡିଂକେ “ୱେଲାପା ଗୁକ୍ଲିଗ୍ ଙ୍କୁଇନ୍ନିଆ ଲେଃକ୍ନେ ଇସ୍‌ପର୍‌ନେ ରିସା ଦର୍‌ତନି ଆଡ଼ାତ୍ରା କିଗ୍ ବିଃପା ।”
\p
\v 2 ଆକେନ୍ ଅଁଚେ ପର୍‌ତୁମ୍ ଦୁତ୍ ୱେଚେ ମେଁନେ ଙ୍କୁଇନ୍ନିଆ ମେଃନେ ଲେଃଗେ ଦର୍‌ତନି ଆଡ଼ାତ୍ରା କିଗ୍ ବିକେ । ସାଙ୍ଗେ ସାଙ୍ଗେ ଜାଜା ପସୁନେ ଚିନା ଡିଂ ବ‍ଆର୍‌କେ ଆରି ମେଁନେ ମୁର୍ତ୍ତିକେ ପୁଜା ଡିଂବ‍ଆର୍‌ଗେ ମେଁଇଂନେ ଗାଗ୍‌ଡ଼େନ୍ନିଆ ଜବର୍ କସ୍ଟ ରକମ୍‌ନେ କୁସୁଇଂ ତାର୍‌ୱେକେ ।
\p
\v 3 ତେନ୍ଇଡ଼ିଂ ଦୁତିୟ ଦୁତ୍ ମେଁନେ ଙ୍କୁଇକେ କେଣ୍ଡିଆଃ ଆଡ଼ାତ୍ରା ଜଗ୍‌ତ୍ଲାଗ୍‌ ବିକେ । କେଣ୍ଡିଆଃ ଣ୍ଡିଆଃ ଗୁଏଃକ୍ନେ ରେମୁଆଁନେ ମ୍‌ମ୍ୟାଁ ସୁଗୁଆ ଡିଂୱେଗେ ଆରି କେଣ୍ଡିଆଃନେ ସର୍‌ତେ ଜିବ୍‌ଇଂ ଗୁଏଃ ୱେଆର୍‌ଗେ ।
\p
\v 4 ତେନ୍ଇଡ଼ିଂ ତୁର୍ତିୟ ଦୁତ୍‌ନେ ନୁକିନ୍ନିଆ ମେଃନେ ଲେଃଗେ ଆତେନ୍‌ ମେଁ ଲଣ୍ଡିଆଃ ଆରି ଜର୍‌ନାଡ଼ିଆଇଂ ଆଡ଼ାତ୍ରା କିଗ୍‌ବିକେ ବାରି ଆତେନ୍‌ ସାପାନେ ଣ୍ଡିଆଃ ମ୍‌ମ୍ୟାଁ ଡିଂୱେଗେ । 
\v 5 ଅଃତେନ୍‌ ବେଲା ନିଂ ଙକେ ଣ୍ଡିଆଃନେ ଦାଇତ୍‌ରେ ଲେଃକ୍ନେ ଦୁତ୍ ବାସଙ୍ଗ୍‌ଡିଂକେ: “ନାଁ ପବିତ୍ର ନାଁ ଏଃକେ ଆରି ଅଃସେ; ନାଁ ନିମାଣ୍ଡା ବିଚାର୍ ଡିଂନାବକେ । 
\v 6 ମେଁଇଂ ସାଦୁଇଂନେ ଆରି ବାବବାଦି‍ଇଂକେ ବାଗୁଏଃ ବଆର୍‌ଗେ, ଆତେନ୍‌ ପେ ଆମେଇଂକେ ଆଃଉଗ୍ ପେବକେ । ମେଁଇଂନେ ଡିଂବକ୍ନେ ପାପ୍‌ନେ ଚୁଚୁ ମେଁଇଂ ବା ଲେଃଆର୍‌କେ ।” 
\v 7 ତେନ୍ଇଡ଼ିଂ ନିଂ ବେଦିବାନ୍ ମୁଇଂ ସାମୁଆଁ ଙକେ “ସାପାଟୁ ବପୁନେ ମାପ୍‌ରୁ ଇସ୍‌ପର୍ ! ନାଁନେ ବିଚାର୍ ସତ୍ ଆରି ନିମାଣ୍ଡା ।”
\p
\v 8 ତେନ୍ଇଡ଼ିଂ ଅଁ ଦୁତ୍ ମେଁନେ ନୁକିନ୍ନିଆ ଲେଃକ୍ନେ ଜିନିସ୍‌କେ ସ୍ନି ଆଡ଼ାତ୍ରା କିଗ୍‌ବିକେ । ତେନ୍‌ସା ନ୍ନାଃସେଙ୍ଗ୍‌ ଜବର୍ ଡିଂଚେ ରେମୁଆଁଇଂକେ ଆଃଗି ବିକେ । 
\v 9 ଆକ୍‌ଅରିଆ ମେଁଇଂ ରିସା ଡିଂଚେ କସ୍‌ଟ ଆଡ଼ାତ୍ରା ଅଦିକାର୍ ଲେଃକ୍ନେ ଇସ୍‌ପର୍‌କେ ଅବିସାପ୍ ବିଃଆର୍‌କେ; ମାତର୍‌ ମନ୍ ଆଃବଦ୍ଲେଚେ ମେଁନେ ମ‍ଇମା ଅସ୍‌ମାର୍ ଆସାର୍‌ ଆର୍‌କେ ଣ୍ଡୁ ।
\p
\v 10 ତେନ୍ଇଡ଼ିଂ ମାଲ୍ ଦୁତ୍ ମେଁନେ ନୁକିକେ ପସୁନେ ସିଂଆସନ ଆଡ଼ାତ୍ରା କିଗ୍ ବିକେ । ପସୁନେ ରାଜ୍ୟ ଆଡ଼ାତ୍ରା ତାଂକିଗ୍ ଡିଂୱେକେ ବାରି ରେମୁଆଁଇଂ କସ୍ଟରେ ମେଁଇଂନେ ନ୍ଲିଆ ଆଃ ଆର୍‌କେ । 
\v 11 ମେଁଇଂନେ ଗାଗ୍‌ଡ଼େନେ ଚିନାବାନାଇଂ ନ୍‌ସା ଆରି ଦୁକ୍ କସ୍ଟ ନ୍‌ସା କିତଂଇନି ଲେଃକ୍ନେ ଇସ୍‌ପର୍‌କେ ଅବିସାପ୍ ବିଃଆର୍‌କେ । ମାତର୍‌ ନିଜର୍ ଦଦ୍ୟା‌ ଗାଲିବାନ୍ ଆଣ୍ଡେ ଆପାଙ୍ଗ୍‌ଆର୍‌କେ ଣ୍ଡୁ ।
\p
\v 12 ତେନ୍ଇଡ଼ିଂ ତୁର୍ ଦୁତ୍ ମ୍ନା ୟୁଫ୍ରେଟିସ୍ ଆଡ଼ାତ୍ରା ମେଁନେ ନୁକିନେ କ୍ଲିଗ୍‌ଡା କିଗ୍‌ବିକେ । ସାଙ୍ଗେ ସାଙ୍ଗେ ଲଣ୍ଡିଆଃ ନ୍‌ସୁଆର୍ ୱେକେ ଆରି ତାର୍‌ସ୍ନି ଗାଲିବାନ୍ ସତ୍ରୁ ଇଃସାଙ୍ଗ୍‌ଇଂନେ ପାଙ୍ଗ୍‌ନେ ନ୍‌ସା ଗାଲି ରଃୱେଗେ । 
\v 13 ତେନ୍ଇଡ଼ିଂ ନିଂ ଗିଡ଼ିଃ ରକମ୍‌ନେ ଞ୍ଜିକ୍ଲିଗ୍ ପ୍ରେତଆତ୍ମା ଙ୍କେକେ । ଆତେନ୍‌ଇଂ ସିସେନେ ବୁବଃ ପସୁ ଆରି ବଣ୍ଡ ବାବବାଦିଇଂନେ ତୁମୁଁଆବାନ୍ ତାର୍ ଡିଂଆର୍‌ଗେ । 
\v 14 ଆତେନ୍‌ ପାପ୍‌ ଆତ୍ମାଇଂ ଇରିଆତୁଗ୍‌ନେ କାମ୍ ପୁରନ୍ ଡିଂ ୟାଆର୍‌ଏ । ମେଁଇଂ ସାପାଟୁ ବପୁନେ ମାପ୍‌ରୁ ଇସ୍‌ପର୍‌ନେ ବେଲା ଜୁଜ୍ ଡିଂନେ ନ୍‌ସା ଦର୍‌ତନିନେ ଇଃସାଙ୍ଗ୍‌ଇଂକେ ମୁଇଂନ୍ତୁଗ୍ ଆଡିଂନେସା ତାର୍ ୱେଆର୍‌କେ ।
\p
\v 15 \x + \xo ୧୬:୧୫ \xo*\xt ମାତିଉ ୨୪:୪୩,୪୪; ଲୁକ୍‌ ୧୨:୩୯,୪୦; ପ୍ରକାସିତ୍‌ ୩:୩.\xt*\x*“ଅଁପା ! ନିଂ ଡଙ୍ଗାରେ ରକମ୍ ମ୍ପାଂଏ । ମୁଡ଼ି ରେମୁଆଁ ଉର୍‌ ଲେଃଚେ ଡଙ୍ଗାରେବାନ୍ ନିଜର୍ ପାଟାଇପୁଟାଇ ବୁଃଡ଼ି ବ‍ଏ ଆତେନ୍‌ ରେମୁଆଁ ନିମାଣ୍ଡା । ନାଂଲା ଡିଂଚେ ଅଲେଙ୍ଗ୍‌ଡାଲିଆନେ ନ୍‌ସା ଆମେକେ ଗିଆସଃ ବାନେସା ଆପଡ଼େ ଣ୍ଡୁ ।”
\p
\v 16 ଅପବିତ୍ର ଆତ୍ମାଇଂ ଆତେନ୍‌ ବେଲା ଦର୍‌ତନିନେ ଇଃସାଙ୍ଗ୍‌ଇଂକେ ମୁଡ଼ି ଜୁଜ୍ ଟାନ୍‌ନ୍ନିଆ ମୁଇଂନ୍ତୁଗ୍ ଆଡିଂବଗେ ଏବ୍ରୀ ସାମୁଆଁରେ ମେଁନେ ମ୍ନି ହର୍ମିଗିଦ୍ଦୋନ୍ ।
\p
\v 17 ତେନ୍ଇଡ଼ିଂ ଗୁ ଦୁତ୍ ମେଁନେ ନୁକିନେ ଜିନିସ୍‌କେ ୱେଡ଼ିଆଃନ୍ନିଆ କିଗ୍‌ ବିକେ । ତେନ୍‌ସା ମନ୍ଦିର୍‌ନ୍ନିଆ ଲେଃକ୍ନେ ସିଂଆଁସନବାନ୍ ଜବର୍ ୱାସାର୍‌ଚେ ମୁଇଂ ସାମୁଆଁ ନ୍ନାଂକେ, “କାମ୍ ଡା ଲେଃକେ ।” 
\v 18 \x + \xo ୧୬:୧୮ \xo*\xt ପ୍ରକାସିତ୍‌ ୮:୫; ୧୧:୧୩,୧୯.\xt*\x*ମାରିଆଃତୁଗ୍ ବିଜ୍‌ଲି ବଗ୍‌କେ ଗଡ଼୍‌ଗଡ଼ି ଆରି ମୁଇଂ ମ୍ନାବୁମିକମ୍ପ ଡିଂକେ । ଦର୍‌ତନିନ୍ନିଆ ରେମୁଆଁ ତିଆର୍‌ ଡିଂକ୍ନେ ଆରାମ୍‌ବାନ୍ ଡେକ୍‌ରକମ୍ ବୁମିକମ୍ପ୍ ଅଃନା ଡିଂ ଆଲେଃଗେ; ଆକେନ୍ ଲେଃଗେ ସାପାଟୁ ବ‍ଏଙ୍କାର୍ ବୁମିକମ୍ପ୍ । 
\v 19 ମ୍ନାଇନି ଞ୍ଜି ବାଗ୍‌ରେ ବାଗ୍‌ ଡିଂକେ ଦର୍‌ତନିନେ ସର୍‌ତେ ଇନି ଦଂସ ଡିଂୱେଗେ । ଇସ୍‌ପର୍ ମ୍ନାଇନି ବାବିଲୋନ୍‍କେ ଆବଃ ଆଲେଃଗେ । ମେଁ ମେଁନେ ଉଗ୍‌ନେ ମୁତାବାନ୍ ମେଁନେ ଜବର୍ ରିସା ରକମ୍ ସୁରା ଆମେକେ ଆଃଉଗ୍‌ ଆର୍‌କେ । 
\v 20 \x + \xo ୧୬:୨୦ \xo*\xt ପ୍ରକାସିତ୍‌ ୬:୧୪.\xt*\x*କେଣ୍ଡିଆଃ ବିତ୍ରେନେ ଇନି ସାପା ବୁଃଡ଼ି ୱେଆର୍‌ଗେ କଣ୍ଡାଇଂ ସାପା ବୁଃଡ଼ି ୱେଆର୍‌ଗେ । 
\v 21 \x + \xo ୧୬:୨୧ \xo*\xt ପ୍ରକାସିତ୍‌ ୧୧:୧୯.\xt*\x*୫୦ କିଜି ଅଜନ୍‌ନେ ମ୍ନାଃ ଆରେଣ୍ଡିଆଇଂ କିତଂବାନ୍ ରେମୁଆଁଇଂନେ ଆଡ଼ାତ୍ରା ଲଃକେ ରେମୁଆଁଇଂ ଆକେନ୍ ଜବର୍ କସ୍ଟ ନ୍‌ସା ଇସ୍‌ପର୍‌କେ ଅବିସାପ୍ ବିଃଆର୍‌କେ ।
\c 17
\s ଉଡ୍ରାଡିଂକ୍ନେ ବେସ୍ୟା
\p
\v 1 ତେନ୍ଇଡ଼ିଂ ଗୁକ୍ଲିଗ୍ ଙ୍କୁଇ ସାଃକ୍ନେ ଗୁକ୍ଲିଗ୍ ଦୁତ୍ ବିତ୍ରେବାନ୍ ମୁଇଂଡା ନିଂ ଡାଗ୍ରା ପାଙ୍ଗ୍‌ଚେ ବାସଙ୍ଗ୍‌କେ, “ପାଙ୍ଗ୍‌ଲା ! ମୁଇଂଟୁ ମାଲେ ଲଣ୍ଡିଆଃ ଡାଗ୍ରା ଆଃରେକ୍ନେ ବେସ୍ୟା ରକମ୍‌ନେ ଆତେନ୍‌ ମ୍ନାଇନି ଡିରକମ୍ ସାସ୍‌ତି ବାଏ ଆତେନ୍‌ ଣ୍ଡ୍ରାଃସୁଏଃଏ । 
\v 2 ଦର୍‌ତନିନେ ଇଃସାଙ୍ଗ୍‌ଇଂ ଆତେନ୍‌ ବେସ୍ୟା ଏତେ ଦଦ୍ୟା‌ କାମ୍ ଡିଂବକେ ବାରି ଦର୍‌ତନିନେ ରେମୁଆଁଇଂ ମେଁନେ ଦଦ୍ୟା‌ କାମ୍ ରକମ୍ ସୁରା ଉଗ୍‌ଚେ ବୁସାଃ ଲେଃଆର୍‌କେ ।”
\p
\v 3 \x + \xo ୧୭:୩ \xo*\xt ପ୍ରକାସିତ୍‌ ୧୩:୧.\xt*\x*ଅଃତେନ୍‌ ବେଲା ପବିତ୍ର‍ ଆତ୍ମା ନିଂଅରିଆ ଗାକେ ଆରି ଆତେନ୍‌ ଦୁତ୍ ଆନିଂ ମୁଇଂ କଣ୍ଡାପାକା ୱା ଡୁଂୱେକେ । ଆତ୍‌ଅରିଆ ନିଂ ଙ୍କେକେ ମୁଇଂ ସେଲାମ୍ବୁଏ ରେମୁଆଁ ମୁଇଂ ଚିକ୍ନେ ବାନାନେ ପସୁ ଆଡ଼ାତ୍ରା କଲେଃକେ । ପସୁନେ ସର୍‌ତେ ଗାଗ୍‌ଡ଼େନ୍ନିଆ ଇସ୍‌ପର୍‌ ନିନ୍ଦା ରକମ୍‌ନେ ମ୍ନି‍ଇଂ ଗ୍ନୁଆର୍‌ ଲେଃକେ ଆରି ମେଁନେ ଗୁକ୍ଲିଗ୍ ବାଆଃ ଆରି ଗୁଆକ୍ଲିଗ୍ ଡିରଂ ଲେଃକେ । 
\v 4 ସେଲାମ୍ବୁଏଃ ରେମୁଆଁ କଃଡ଼େଆଁବାନା ଆରି ଚିକ୍ନେ ବାନାନେ ସକା ସଃଲେଃଗେ ଆରି ସୁନା ରୁପା ମାଲେ ଡାବୁନେ ମଣିମାଣିକ୍ୟ ଆରି ମୁକ୍ତାନ୍ନିଆ ତ୍ନ ଲେଃଗେ । ମେଁନେ ଦଦ୍ୟା‌ କାମ୍‌ନେ ଚୁଚୁ ସୁଗୁଆ ଦଦ୍ୟା ଆରି ଅପବିତ୍ର ବିସ‍ଏ ତ୍ନକ୍ନେ ମୁଇଂ ସୁନା ଙ୍କୁଇ ମେଁ ସାଲେଃଗେ । 
\v 5 ମେଁନେ କାପାଲେ ମୁଇଂ ଇରିଆତୁଗ୍‌ ରକମ୍‌ନେ ମ୍ନି ଗୁଆର୍ ଲେଃଗେ: “ମ୍ନା ବାବିଲୋନ୍‍ ଦର୍‌ତନିନେ ସର୍‌ତେ ବେସ୍ୟା ଆରି ଦଦ୍ୟା‌ କାମ୍ ଡିଂନେ ରେମୁଆଁଇଂନେ ଇୟାଂ ।” 
\v 6 ନିଂ ଆରି ଙ୍କେକେ ଆତେନ୍‌ ସେଲାମ୍ବୁଏ ରେମୁଆଁ ସାଦୁଇଂନେ ଆରି ଜିସୁନେ ଡାଗ୍ରା ବିସ୍‌ବାସ୍ ଲେଃଚେ ଗୁଏଃ ଲେଃକ୍ନେ ରେମୁଆଁଇଂନେ ମ୍‌ମ୍ୟାଁ ଉଗ୍‌ଚେ ବୁସାଃ ଲେଃଗେ । ଆମେକେ କେଚେ ନିଂ ଇରିଆତୁଗ୍‌ଚେ କାନାବାନା ଡିଂଉଁୱେଗେ । 
\v 7 ଦୁତ୍ ବାସଙ୍ଗ୍‌କେ, “ମେଃନ୍‌ସା ଇରିଆତୁଗ୍ ନାଡିଂକେ ?” ଆତେନ୍‌ ସେଲାମ୍ବୁଏଃ ରେମୁଆଁ ବାରି ଗୁକ୍ଲିଗ୍ ବାଆଃ ଆରି ଗୁଆ ଡିରଂ ଲେଃକ୍ନେ ଆମେକେ ଡୁଙ୍ଗ୍‌ନେ ପସୁନେ ବୁଡ଼ିକ୍ନେ ସାମୁଆଁ ନିଂ ଆନାକେ ବାସଙ୍ଗ୍‌ଣ୍ଡିଂକେ, ଅଁ ! 
\v 8 \x + \xo ୧୭:୮ \xo*\xt ପ୍ରକାସିତ୍‌ ୧୧:୭.\xt*\x*ପସୁ ମେଃସୁଆ ମ୍ବ୍ରଲେଃଗେ; ଏକେ ଆରି ମ୍ବ୍ର ଆଲେଃକେ ମାତର୍‌ ଗିଆଃ ପାତାଲ୍‌ପୁର୍‌ବାନ୍ ତଃଡ଼ିଆ ପାଙ୍ଗ୍‌ଏ ବାରି ଆର୍‌ମୁଇଂତର୍ ବିନସ୍ଟ ଡିଂଏ । ଦର୍ତନି ଆଃରେନେ ସିସେବାନ୍ ଜାଣ୍ଡେଇଂନେ ମ୍ନି ଜିବନ୍ ଉଲିଆନ୍ନିଆ ଗୁଆର୍‌ ଆଲେଃକେ ଦର୍ତନିନ୍ନିଆ ବାସାନେ ରେମୁଆଁ ସାପାରେ ପସୁକେ କେଚେ ଇରିଆତୁଗ୍ ଆର୍‌ଏ । ମେଁ ମେଃସୁଆ ମ୍ବ୍ର ଲେଃଗେ ଏକେ ଆରି ଣ୍ଡୁ ମାତର୍‌ ବାରି ମୁଇଂତର୍ ମେଁ ତ୍ନାଏ ।
\p
\v 9 “ଆକେନ୍ ସାପା ବିସ‍ଏ ବୁଜେ ନ୍‌ସା ଗିଆନ୍ ଦର୍‌କାର୍ । ପସୁନେ ଗୁକ୍ଲିଗ୍ ବାଆଃ ସତ୍ ଗୁକ୍ଲିଗ୍ କଣ୍ଡା ଜାନେ ଆଡ଼ାତ୍ରା ସେଲାମ୍ବୁଏ ରେମୁଆଁ କଲେଃକେ । ଆତେନ୍‌ଇଂ ଡିଗ୍ ଗୁକ୍ଲିଗ୍ ଇଃସାଙ୍ଗ୍‌ଇଂ ସୁଗୁଆ । 
\v 10 ମେଁଇଂନେ ବିତ୍ରେବାନ୍ ମାଲ୍ ରୁଆ ଗୁଏଃ ଲେଃଆର୍‌କେ । ମୁଇଂଡା ଏକେ ସାସନ୍‌ ଡିଂଡିଂକେ ବିନ୍‌ଣ୍ଡ୍ରେ ଏକେ ଜାକ ଆପାଙ୍ଗ୍‌କେ ଣ୍ଡୁ । ମେଁ ପାଙ୍ଗ୍‌ଚେ ମୁଇଂ ଇତୁଡ଼ା ବେଲା ଜାକ ସାସନ୍ ଡିଂଏ 
\v 11 ବାରି ମୁଡ଼ି ପସୁ ମେଃସୁଆ ମ୍ବ୍ର ଲେଃଗେ ମାତର୍‌ ଏକେ ଆରି ଣ୍ଡୁ ମେଁ ଡିଂଡିଂକେ ତ୍ମା ଇଃସାଙ୍ଗ୍‌; ଆତେନ୍‌ ଗୁ ଇଃସାଙ୍ଗ୍‌ନେ ବିତ୍ରେବାନ୍ ମୁଇଂଡା ଆରି ମେଁ ଣ୍ଡିଗ୍ ଗିଆଃ ବିନାସ୍ ଡିଂଏ ।”
\p
\v 12 “ନାଁ କେନାଲେଃକ୍ନେ ଗୁଆକ୍ଲିଗ୍ ଡିରଂ ଗୁଆକ୍ଲିଗ୍ ଇଃସାଙ୍ଗ୍‌ନେ ରକମ୍ ମେଁଇଂ ଏଃ ଜାକ ସାସନ୍ ଆଡିଂଆର୍‌କେ । ମାତର୍‌ ପସୁ ଏତେ ସାସନ୍ ଡିଂନେ ନ୍‌ସା ମୁଇଂ ଗଣ୍ଟା ନ୍‌ସା ଆମେଇଂକେ ଅଦିକାର୍ ବିଏ । 
\v 13 ଆକେନ୍ ଗୁଆ ଇଃସାଙ୍ଗ୍‌ଇଂନେ ଉଦେସ୍ ମୁଇଂ । ମେଁଇଂ ନିଜର୍ ସାପା ବପୁ ଆରି ଅଦିକାର୍ ପସୁକେ ଅପେଃ ବିଆର୍‌ଏ । 
\v 14 ମେଁଇଂ ଉଂମେଣ୍ଡାନେ ବିରଦ୍‌ରେ ଜୁଦ୍ ଡିଂଆର୍‌ଏ; ମାତର୍‌ ଉଂମେଣ୍ଡା ମେଁଇଂନେ ୱାକ୍ନେ ସ୍ରିକ୍ନେ ୱେକ୍ନେ ଆରି ବିସ୍‌ବାସ୍ ରେମୁଆଁଇଂନେ ସାଇଜ୍ୟରେ ଆମେଇଂକେ ବାଗୁଏଃଏ । ଡାଗ୍‌ଲା ମେଁ ମାପ୍ରୁଇଂନେ ମାପ୍ରୁ ଆରି ଇଃସାଙ୍ଗ୍‌ଇଂନେ ଇଃସାଙ୍ଗ୍‌ ।”
\p
\v 15 ଦୁତ୍ ଆନିଂକେ ଆରି ବାସଂକେ “ନାଁ ମୁଡ଼ି ଣ୍ଡିଆଃଇଂ ନାକେକେ ଜାନେ ଆଡ଼ାତ୍ରା ଆତେନ୍‌ ବେସ୍ୟା କଲେଃକେ ଆତେନ୍‌ ଡିଂଡିଂକେ; ବିନ୍‌ବିନ୍ ରାଜି, ଜାତି, ରେମୁଆଁ ଆରି ବ୍ନାସାଣ୍ଡ୍ରେଇଂ ମୁଇଂଅରିଆ ଡିଂଆର୍‌ଏ । 
\v 16 ନାଁ କେନାଲେଃକ୍ନେ ଗୁକ୍ଲିଗ୍ ଡିରଂ ଆରି ଆତେନ୍‌ ପସୁ, ବେସ୍ୟାକେ ଗୁର୍‌ନା ଡିଂଆର୍‌ଏ; ମେଁଇଂ ମେଁବାନ୍ ମେଁନେ ସାପା ରାଃ ଡୁଂଡଚେ ଆମେକେ ଆନାଂଲାଚେ ଆନ୍ତାର୍‌ ବିଆର୍‌ଏ । ମେଁଇଂ ମେଁନେ ଚିଲି ଚଂଚେ ଆମେକେ ସୁଆନ୍ନିଆ ତ୍ଲାଗ୍‌ଚେ ବାଗୁଏଃ ବିଃଏ । 
\v 17 ଡାଗ୍‌ଲା ଇସ୍‌ପର୍ ନିଜର୍ ଇକ୍‌ଚା ପୁରନ୍ ଡିଂନେ ନ୍‌ସା ଆମେଇଂକେ ଆକେନ୍ ଆଦେସ୍ ବିବକେ । ମେଁଇଂ ମୁଇଂମତ ଡିଂଚେ ସ୍ଲେ ଆର୍‌ଏ ବାରି ଇସ୍‌ପର୍‌ନେ ସାମୁଆଁ ସତ୍ ମାମିସୁନେ ଜାକ ରାଜ୍ୟନେ ସାସନ୍ ଲିଗିଙ୍ଗ୍ ଆତେନ୍‌ ପସୁ ନ୍ତିନ୍ନିଆ ଆନ୍ତାର୍ ବିଆର୍‌ଏ ।”
\p
\v 18 “ନାଁ ମୁଡ଼ି ସେଲାମ୍ବୁଏ ରେମୁଆଁକେ ନାକେକେ ମେଁ ଡିଂଡିଂକେ ଦର୍‌ତନିନେ ଇଃସାଙ୍ଗ୍‌ଇଂନେ ଆଡ଼ାତ୍ରା ସାସନ୍ ଡିଂମ୍ୟାକ୍ନେ ଆତେନ୍‌ ମ୍ନା ଇନି ।”
\c 18
\s ବାବିଲନ୍‌ନେ ଦଂସ
\p
\v 1 ତେନ୍ଇଡ଼ିଂ ନିଂ ଆରି ମୁଇଂ ଦୁତ୍‌କେ କିତଂବାନ୍‌ ଜାର୍‌ଚେ ପାଙ୍ଗ୍‌ନେ ଙ୍କେକେ । ମେଁନେ ଜବର୍ ଅଦିକାର୍ ଲେଃଗେ ଆରି ମେଁନେ ମ‍ଇମାରେ କ୍ଲିଗ୍ ଦର୍‌ତନିକେ ତାର୍କିଗ୍‌ ଆଡିଙ୍ଗ୍‌ଡିଂଗେ । 
\v 2 \x + \xo ୧୮:୨ \xo*\xt ପ୍ରକାସିତ୍‌ ୧୪:୮.\xt*\x*ମେଁ ଜବର୍ ୱାସାର୍‌ଚେ ବାସଙ୍ଗ୍‌କେ, “ମେଁନେ ବିନାସ୍ ଡିଂଲେଃକେ । ମ୍ନା ବାବିଲୋନ୍‍ ଗୁଣ୍ଡ୍‌ଗୁଣ୍ଡା ଡିଂଲେଃକେ ! ଆତେନ୍‌ ଏଃକେ ବୁତ୍ ଆରି ଅପବିତ୍ର ଆତ୍ମାଇଂନେ ଲେଃନେ ଟାନ୍ ଡିଂଲେଃକେ । ସାପା ରକମ୍‌ ଅପବିତ୍ର ଆରି ଗିନ୍ ପ୍ଲିଗ୍ ଆତ୍‌ଅରିଆ ଉଂଚ୍ୟା ଗାଗ୍‌ଚେ ଲେଃଆର୍‌କେ । 
\v 3 ଡାଗ୍‌ଲା ମେଁ କ୍ଲିଗ୍‌ ରେମୁଆଁ ଜାତିକେ ମେଁନେ ଜବର୍ ଅଡ଼ାରେଗ୍‌ ରକମ୍ ସୁରା ଆଉଗ୍‌ବକେ, ଦର୍‌ତନିନେ ଇଃସାଙ୍ଗ୍‌ଇଂକେ ମେଁ ଏତେ ଅଡ଼ାରେଗ୍‌ ପାପ୍‌ନ୍ନିଆ ଆଲିଗ୍‌ ବକେ, ଦର୍‌ତନିନେ ବେପାରି‍ଇଂ ମେଁନେ ସାର୍‌ଦା ନ୍‌ସା ସାଉକାର୍ ଡିଂଲେଃଆର୍‌କେ ।”
\p
\v 4 ଆକେନ୍ ଇଡ଼ିଂ ନିଂ କିତଂବାନ୍ ବିନ୍ ମୁଇଂ ସାମୁଆଁ ଙକେ,
\q1 “ନିଂନେ ରେମୁଆଁଇଂ ସାପାରେ ତାର୍‌ଚେ ପାଙ୍ଗ୍‌ଲାପା ! ଆତ୍ ଡାଗ୍ରାବାନ୍ ତାର୍‌ଚେ ପାଙ୍ଗ୍‌ଲାପା !
\q2 ପେଇଂ ମେଁନେ ପାପ୍‌ନ୍ନିଆ ଆରି ଲିଗ୍‌ଚେ ଆଲେଃଗେପା; ମେଁ ମୁଡ଼ି କସ୍‌ଟ ବାଏ
\q2 ଆତ୍‌ଅରିଆନେ ମିସୁଣ୍ଡ୍ରେ ଆଡିଂଗେପା !
\q1
\v 5 ମେଁନେ ପାପ୍‌ଇଂ ରିସିଙ୍ଗ୍‌ଚେ କିତଂପାକା ଡେଃଲେଃକେ ।
\q2 ମେଁନେ ପାପ୍‌ କାମ୍ଇଂ ସାପା ଇସ୍‌ପର୍ ମନେ ବକେ ।
\q1
\v 6 ମେଁ ଡିରକମ୍ ପେନେ ଆଡ଼ାତ୍ରା ବେବ‍ଆର୍ ଡିଂବକେ, ପେଇଂ ମେଁନେ ଆଡ଼ାତ୍ରା ଟିକ୍ ଡେତ୍‌ରକମ୍ ବେବ‍ଆର୍ ଡିଂପା ।
\q2 ମେଁ ମେଃନେ ଡିଂବକେ, ଆମେକେ ମେଁନେ ମ୍ବାର୍‌ଗୁନ୍ କାମ୍ ବିଃପା ।
\q1 ଆପେକେ ଆଉଗ୍‌ନେ ନ୍‌ସା ମେଁ ମୁଡ଼ି ଉଗ୍‌ନେ ଆଃରେ ବଗେ,
\q2 ମେଁନେ ମ୍ବାର୍‌ଗୁନ୍ କଟୁ ଣ୍ଡିଆଃ ମେଁନେ ଉଗ୍‌ନେ ଙ୍କୁଇନ୍ନିଆ ଆଃତ୍ନବିପା ।
\q1
\v 7 ମେଁ ନିଜ୍‌କେ ଉଡ଼ି ପ୍ରସଂସା ଡିଙ୍ଗ୍‌ଡିଙ୍ଗେ ଆରି ସାର୍‌ଦାନ୍ନିଆ ଲଗ୍‌ ଲେଃଗେ,
\q2 ଆତେନ୍‌ ଇସାବ୍‌ରେ ଆମେକେ ଦୁକ୍‌କସ୍ଟ ବିଃପା ।
\q1 ଡାଗ୍‌ଲା ମେଁ ନିଜର୍‌ନେ ଆମ୍ନାଚେ ବାସଙ୍ଗ୍‌ଡିଂକେ,
\q1 ‘ନିଂ ଆକ୍‌ଅରିଆ ରାନି ସୁଗୁଆ କନ୍ଲେଃକେ !
\q2 ନିଂ ଗୁଏସାଂକୁଏ ଣ୍ଡୁ,
\q2 ନିଂନେ ଅଃନାଡିଗ୍ ଦୁକ୍ ଆଡିଂ ଣ୍ଡୁ !’
\q1
\v 8 ମେଁନେ ଆକେନ୍ ସାପା ପାପ୍ ନ୍‌ସା
\q2 ରଗ୍, ଅଃନେ, ମୁର୍ଡି ମେଃସୁଆ ଆମେକେ ମୁଇଂ ତର୍‌କେ ଆଚିନାଏ ।
\q1 ବାରି ମେଁ ସୁଆନ୍ନିଆ କ୍ଲିଗ୍‌ଡା ଗିଃ ୱେଏ ।
\q2 ଡାଗ୍‌ଲା ମେଁନେ ଜା ବିଚାର୍ ଡିଙ୍ଗ୍‌ଡିଂକେ ଆତେନ୍‌ ମାପ୍ରୁ ଇସ୍‌ପର୍ ମ୍ନା ବପୁଣ୍ଡ୍ରେ ।”
\p
\v 9 ଦର୍‌ତନିନେ ମୁଡ଼ି ଇଃସାଙ୍ଗ୍‌ ମ୍ନାଇଃସାଙ୍ଗ୍‌ଇଂ ମେଁ ଏତେ ଅଡ଼ାରେଗ୍‌ ଆରି ପାପ୍‌ କାମ୍‌ଇଂ ଡିଂବଆର୍‌ଗେ ମେଁଇଂ ମେଁନେ ଗିଃ ଡିଂକ୍ନେ ଗାଗ୍‌ଡ଼େବାନ୍ ତଃଡ଼ିଆଡିଂକ୍ନେ ମାଃସ କେଚେ ଅଃ ଆର୍‌ଏ । 
\v 10 ମେଁନେ ଦୁକ୍‌କସ୍ଟନ୍ନିଆ ମିସୁ ନ୍‌ସା ବୁଟଚେ ମେଁଇଂ ମେଁବାନ୍ ଜାବର୍‌ ସ୍ଲ ତୁଆଁଚେ ଲେଃଆର୍‌ଏ ବାରି ଆୟ ଆୟ ଡିଂଚେ ବାସଙ୍ଗ୍‌ଆର୍‌ଏ, “କି ବୟଙ୍କାର୍ ! କି ବୟଙ୍କାର୍ ! ନାଁ ମେଃନେ ଆତେନ୍‌ ସକ୍ତିସାଲି ମ୍ନାଇନି ବାବିଲୋନ୍‍ ! ମାତର୍‌ ମୁଇଂ ଗଣ୍ଟା ବିତ୍ରେ ଡେକ୍‌ରକମ୍ ସାସ୍ତି ବା ନାୱେଗେ !”
\p
\v 11 ବାରି ଦର୍‌ତନିନେ ବେପାରି‍ଇଂ ମେଁ ନ୍‌ସା ଅଃ ଆର୍‌ଏ ଡାଗ୍‌ଲା ଆରି ଜାଣ୍ଡେ ମେଁଇଂ ସ ଡିଂଆର୍‌କ୍ନେ ଜିନିସ୍ ଆବେହାର୍ ଣ୍ଡୁ । 
\v 12 ମେଁଇଂନେ ସୁନା, ରୁପା, ମଣି, ମୁକ୍ତା ମେଁଇଂନେ ତୁଲୁଏ କାର୍ପାସ୍ ସକା, କାଲା, ଚିରାଃ ବାନା, ପଟ୍ଟସକା ଆରି ସିନ୍ଦୁର୍ ବାନା ସକା; ସାପା ରକମ୍‌ ଦଦ୍ୟା‌ ସୁଆ; ଆତି ଗ୍ନି ଆରି ମୁଲ୍ୟବାନ୍ ସୁଆ ଏତେ ଆରେକ୍ନେ ଜିନିସ୍; ପିତଲ୍ ଲୁଆ ଆରି ମର୍ମର ବ୍ରି ଏତେ ଆରେକ୍ନେ ଜିନିସ୍ 
\v 13 ଦାରୁଚିନି ଆରି ବିନ୍‌ବିନ୍ ମସ୍‌ଲା ଜିନିସ୍; ଦୁପ୍‌ ନିମାଣ୍ଡା ମଃକ୍ନେ ଲିଗ୍‌ନେ ଜିନିସ୍ କୁନ୍ଦୁରୁ ସାଗ୍ରା ଞ୍ଚୁ ମ‍ଇଦା ଗହମ୍ ଅରେଃ ମେଣ୍ଡା ଗୋଡ଼ା ରତ୍ ଡେକ୍‌ରକମ୍ କି ଗତିରେ ଣ୍ଡୁଲା ଆତ୍ମାମିସୁକ୍ନେ ରେମୁଆଁଇଂକେ ଣ୍ଡିଗ୍ ବେହାର୍ ନ୍‌ସା ଜାଣ୍ଡିଗ୍ ବେହାର୍‌ଣ୍ଡ୍ରେ ଆତାର୍‌ଆର୍‌ ଣ୍ଡୁ । 
\v 14 ବେପାରି‍ଇଂ ଆମେକେ ବାସଙ୍ଗ୍‌ଆର୍‌ଏ: “ନାଁନେ ଇକ୍‌ଚା ସାପା ନିମାଣ୍ଡା ଜିନିସ୍ ବୁଃଡ଼ି ୱେଲେଃକେ ବାରି ନାଁନେ ଦନ୍ ସମ୍ପତିନେ ଜିଗ୍‌ଜାଗ୍‌ ଆରି ଣ୍ଡୁ । ନାଁ ଆତେନ୍‌ଇଂକେ ଆରି ଅଃନାଡିଗ୍ ଆଣ୍ଡେ ନାବା ଣ୍ଡୁ !” 
\v 15 ମୁଡ଼ି ବେପାରି‍ଇଂ ଆତେନ୍‌ ଇନିନ୍ନିଆ ବେପାର୍ ଡିଂଚେ ସାଉକାର୍ ଡିଂଲେଃଆର୍‌ଗେ ମେଁଇଂ ମେଁନେ ଦୁକ୍‌ବାନ୍ନିଆ ମିସୁନେ ବୁଟଚେ ଜାବର୍‌ ସ୍ଲ ତୁଆଁଚେ ଲେଃଆର୍‌ଏ । ମେଁଇଂ ଅଃଚେ 
\v 16 ବାସଙ୍ଗ୍‌ଆର୍‌ଏ, “ହାଏ ! ମ୍ନାଇନିନେ ଅବସ୍ତା ଏକେ ଉଡ଼ି ବୟଙ୍କାର୍ ଉଡ଼ି କସ୍ଟ ! ମେଁ ତୁଲୁଏ ସକା, କାଲା, ଚିରାଃ ଆରି ସିନ୍ଦୁର୍ ବାନା ସକା ସଲେଃଗେଣ୍ଡ୍ରେ ସୁଗୁଆ ଲେଃଗେ ବାରି ସୁନା ମଣି ଆରି ମୁକ୍ତାନ୍ନିଆ ତଗଃ ଲେଃଗେ । 
\v 17 ମାତର୍‌ ମୁଇଂ ଗଣ୍ଟା ବିତ୍ରେ ମେଁ ଆକେନ୍ ସାପା ସମ୍ପତି ଆନ୍ତାର୍‌କେ !” ଜା‍ଆଜ୍‌ଇଂନେ ସାଉକାର୍ ୱେଣ୍ଡ୍ରେ ଆଚାଲେଣ୍ଡ୍ରେ ଆରି କେଣ୍ଡିଆନ୍ନିଆନେ ବେପାରି‍ଇଂ ଜାବର୍‌ ସ୍ଲ ତୁଆଁଆର୍‌କେ 
\v 18 ଆରି ଗିଃ ଡିଂକ୍ନେ କେଚେ ଜବର୍ ୱାସାର୍‌ଚେ ବାସଙ୍ଗ୍‌କେ “ଆକେନ୍ ମ୍ନାଇନି ସୁଗୁଆ ଆରି ମୁଡ଼ିଡିଗ୍ ଇନି ଆଲେଃଗେ ।” 
\v 19 ମେଁଇଂ ବାଆଃ ଆଡ଼ାତ୍ରା ବାଲି ତ୍ଲାଗ୍‌ଚେ ଅଃଚେ ବାସଙ୍ଗ୍‌ଆର୍‌କେ “ଉଡ଼ି ବୟଙ୍କାର୍ ! ଇନିନେ ଆକେନ୍ ଉଡ଼ି ବୟଙ୍କାର୍ କସ୍ଟ ! କେଣ୍ଡିଆନ୍ନିଆ ୱେଆର୍‌ଡିଂକ୍ନେ ଜା‍ଆଜ୍‌ଇଂ ମେଁନେ ଦନ୍‌ନ୍ନିଆ ମ୍ନା ଲେଃଆର୍‌ଗେ ! ମାତର୍‌ ମୁଇଂଗଣ୍ଟା ବିତ୍ରେ ମେଁ ଦଂସ ଡିଂଲେଃକେ !”
\p
\v 20 ଏ କିତଂ ରେମୁଆଁ ! ମେଁ ଦଂସ ବା ଲେଃକେସା ମ୍ଲେଡ଼୍ୟାପା । ଏ ସାଦୁରେଇଂ; ବେକ୍ନେ ସିସ୍ ଆରି ବାବବାଦି‍ଇଂ ! ସାର୍ଦା ଡିଂପା ଡାଗ୍‌ଲା ପେନେ ଆଡ଼ାତ୍ରା ମେଁ ମେଃନେ ଡିଂବଗେ ଆତେନ୍‌‌ସା ଇସ୍‌ପର୍ ଆମେକେ ସାସ୍ତି ବିବକେ ।
\p
\v 21 ତେନ୍ଇଡ଼ିଂ ମୁଇଂ ଜବର୍ ବପୁକ୍ନେ ଦୁତ୍ ପ୍ନେଡିର୍ ରକମ୍‌ନେ ମୁଇଂ ମ୍ନା ବ୍ରି ଡୁଂୱେଚେ କେଣ୍ଡିଆନ୍ନିଆ ଜଗ୍‌ତ୍ଲାଗ୍‌କେ ଆରି ବାସଙ୍ଗ୍‌କେ “ମ୍ନାଇନି ବାବିଲୋନ୍‍ ଡେକ୍‌ରକମ୍‌ ବାବ୍‌ରେ ଜଗ୍‌ତ୍ଲାଗ୍‌ଏ ବାରି ଆମେକେ ଆରି ଜାଣ୍ଡେ ଅଃନାଡିଗ୍ କିକେ ଆୟାଆର୍‌ ଣ୍ଡୁ । 
\v 22 ମେଃ ବିନା ମେଃ ଅସ୍‌ମାର୍ ବାଉଁସି ଣ୍ଡୁଲା ପ୍ନି ସବ୍‌ଦ ଅଃନାଡିଗ୍ ଆରି ନାଁନେ ବିତ୍ରେ ଆନ୍ନାଂ ଣ୍ଡୁ । ମୁଃଡ଼ି ସ୍ଲେରେ ଣ୍ଡୁଲା ଆଃରେଣ୍ଡ୍ରେ ନାଁନେ ବିତ୍ରେ ଆରି ଆତ୍ନାଆର୍‌ ଣ୍ଡୁ; କି ପ୍ନେଡିର୍ ଉଃନେ ସବ୍‌ଦ ଆନ୍ନାଂ ଣ୍ଡୁ । 
\v 23 ନାଁ ବିତ୍ରେ ଆରି ଅଃନାଡିଗ୍ କୁପିସ ଆତାର୍କିଗ୍ ଣ୍ଡୁ; ଣ୍ଡୁଲା ଙ୍ଗିରେ ସେଲାଇଂନେ ବାଲିର୍‌ବାତା ଆନ୍ନାଂ ଣ୍ଡୁ । ଡାଗ୍‌ଲା ନାଁନେ ବେପାରି‍ଇଂ ଦର୍ତନିନ୍ନିଆ ଜବର୍‌ ବପୁ ଡିଂଚେ ଲେଃଆର୍‌ଗେ ନାଁନେ ଜାଦୁବିଦ୍ୟାବାନ୍‌ ନାଁ ଦର୍‌ତନିନେ ସାପା ଜାତିକେ ନାଲେଚେ ନାବଗେ ।”
\p
\v 24 ବାରି ଆକେନ୍ ଇନିନ୍ନିଆ ଦର୍‌ତନିନେ ଗୁଲେରୁଆ ବାବବାଦି ଆରି ସାଦୁଇଂନେ ମରନ୍‌ ଡିଂଲେଃଗେ । ଆକେନ୍‌ ସାପା ପାପ୍ ନ୍‌ସା ମେଁ ସମାନ୍ ଡଣ୍ଡ୍‌ ବାଲେଃକେ ।
\c 19
\s କିତଂନ୍ନିଆ ସାର୍‌ଦା
\p
\v 1 ଆକେନ୍ ଇଡ଼ିଂ ନିଂ ମେଃନେ ଙକେ ଆତେନ୍‌ କିତଂନେ ମୁଇଂ ଜବର୍ ରେମୁଆଁଇଂନେ କିରମର ରକମ୍ ମନେ ଡିଙ୍ଗ୍‌ଡିଂଗେ । ମେଁଇଂ ବାସଙ୍ଗ୍‌ଡିଂଆର୍‌ଗେ “ଇସ୍‌ପର୍‌ନେ ଅସ୍‌ମାର୍ ସାର୍‌ପା । ନେଃନେ ଇସ୍‌ପର୍ ପରିତ୍ରାନ୍, ଗୌରବ୍ ଆରି ବପୁନେ ଅଦିକାରି । 
\v 2 ମେଁନେ ବିଚାର୍ ସତ୍ ଆରି ନ୍ୟାୟ୍‌ । ଦଦ୍ୟା‌ କାମ୍ ବାନ୍‌ ଦର୍‌ତନିକେ ନସ୍ଟ ଡିଂମ୍ୟାକ୍ନେ ବେସ୍ୟା ଆଡ଼ାତ୍ରା ମେଁ ସମାନ୍ ଡଣ୍ଡ୍ ବିବକେ । ଇସ୍‌ପର୍‌ନେ ସେବକ‍ଇଂକେ ବାଗୁଏ ବକ୍ନେସା ଆମେକେ ମେଁ ସାସ୍ତି ବିବକେ ।” 
\v 3 ନିଂ ଙକେ ମେଁଇଂ ଆରି ଜବର୍ ୱାସାର୍‌ଚେ ବାସଙ୍ଗ୍‌ଡିଂଆର୍‌କେ “ଇସ୍‌ପର୍‌ନେ ଅସ୍‌ମାର୍ ସାର୍‌ପା । ଆତେନ୍‌ ମ୍ନାଇନିକେ ଦଂସ ଡିଂଚେ ବିଃମ୍ୟାକ୍ନେ ସୁଆନେ ମାଃସ କାଲାଆଃ ଆଡ଼ାତ୍ରା ତଃଡ଼ିଆଲେଃଏ ।” 
\v 4 ସିଂଆଁସନନ୍ନିଆ କକ୍ନେ ଇସ୍‌ପର୍‌ନେ ଡାଗ୍ରା ୨୪ ରୁଆ ବୟସ୍କ ନେତା ଆରି ଆତେନ୍‌ ଅଁରୁଆ ଜିବ୍‌ ମୁକ୍‌ଚିଚେ ଇସ୍‌ପର୍‌କେ ପୁଜା ଡିଂଆର୍‌କେ । ମେଁଇଂ ବାସଙ୍ଗ୍‌ଆର୍‌କେ “ଆମେନ୍ ! ଇସ୍‌ପର୍‌ନେ ଅସ୍‌ମାର୍ ସାର୍‌ପା ।”
\s ତୁର୍ତ୍ୟାମିଃରେଇଂନେ ବିହେ ବଜି
\p
\v 5 ତେନ୍ଇଡ଼ିଂ ସିଂଆସନବାନ୍ ମୁଇଂ ସାମୁଆଁ ନ୍ନାଂକେ । “ଇସ୍‌ପର୍‌ନେ ଅସ୍‌ମାର୍ ସାର୍‌ପା । କି ମ୍ନା କି ଡାଆଁ ଇସ୍‌ପର୍‌ନେ ସେବାଣ୍ଡ୍ରେ ଆରି ପାର୍‌ତନା ଡିଂଣ୍ଡ୍ରେ ସାପାରେ ମେଁନେ ଅସ୍‌ମାର୍ ସାର୍‌ପା ।” 
\v 6 ଆତେନ୍‌ ବେଲା ନିଂ ଙକେ କେଣ୍ଡିଆଃ ସବ୍‌ଦ ଆରି ଗଡ଼୍‌ଗଡ଼ି ଏତେ ରେମୁଆଁଇଂନେ କିରମର ସବ୍‌ଦ ଡୁଙ୍ଗ୍‌ଡ୍ୟା ପାଙ୍ଗ୍‌ଡିଂକେ । ରେମୁଆଁଇଂ ଆରି ଅସ୍‌ମାର୍ ସାର୍‌ଚେ ବାସଙ୍ଗ୍‌ଡିଂଆର୍‌କେ, “ଇସ୍‌ପର୍‌ନେ ଅସ୍‌ମାର୍ ସାର୍‌ପା ଡାଗ୍‌ଲା ନେନେ ସାପାଟୁ ବପୁନେ ମାପ୍‌ରୁ ଇସ୍‌ପର୍ ମେଁ ଆଃ ମୁଇଂ ନେଃନେ ଇଃସାଙ୍ଗ୍‌ । 
\v 7 ଏଲାପା ସାର୍ଦା ଆରି ମ୍ଲେଡ଼ିଆ ନେଡିଂପା, ମେଁନେ ଗୌରବ୍‌ନେ ଅସ୍‌ମାର୍ ନେଃସାର୍‌ପା । ଉଂମେଣ୍ଡାନେ ବିହେ ବେଲା ପେଂଚା ଲେଃକେ ମେଁଇଂନେ ସେଲା ଆତେନ୍‌‌ସା ନିଜ୍‌କେ ଆଃର୍ମେ ବକେ । 
\v 8 ମେଁ ବିଃକ୍ନେ ନ୍‌ସା ମେଁ ତୁଲୁଏ ଆରି ତାଣ୍ଡିଆଃକ୍ନେ ତୁଲୁଏ ସକା ବାଲେଃଆର୍‌କେ ।” ସାଦୁଇଂନେ ନିମାଣ୍ଡା କାମ୍ ଡିଂଡିଂକେ ଆତେନ୍‌ ତୁଲୁଏ ସକା ।
\p
\v 9 \x + \xo ୧୯:୯ \xo*\xt ମାତିଉ ୨୨:୨,୩.\xt*\x*ତେନ୍‌ଇଡ଼ିଂ କିତଂଦୁତ୍ ଆନିଂକେ ବାସଂକେ “ଗୁଆର୍ ବ ଜାଣ୍ଡେଇଂ ଉଂମେଣ୍ଡାନେ ବିହେ ବଜିନ୍ତୁଗ୍ ଡୱାବ୍ନ ମେଁଇଂ ନିମାଣ୍ଡା ରେମୁଆଁ ।” ମେଁ ଆରି ଣ୍ଡିଗ୍ ବାସଂକେ “ଆକେନ୍ ଇସ୍‌ପର୍‌ନେ ସାମୁଆଁ - ଡିଲାଡିଗ୍ ସତ୍ ।”
\p
\v 10 ଆତେନ୍‌ ଦୁତ୍‌କେ ପୁଜା ଡିଂନେ ନ୍‌ସା ନିଂ ମେଁନେ ଞ୍ଚ ଆଲ ଲଃଉଁୱେକେ । ମାତର୍‌ ମେଁ ଆନିଂକେ ବାସଙ୍ଗ୍‌କେ “ଡେତ୍‌ରକମ୍ ଆଡିଙ୍ଗେ । ନାଁନେ ସୁଗୁଆ ଆରି ନାଁନେ ବୟାଁଇଂ ସୁଗୁଆ ନିଂ ଜିସୁନେ ମୁଇଂ ଦାସ ମାତର୍‌ । ପେଇଂନେ ସୁଗୁଆ ନିଂ ଣ୍ଡିଗ୍ ଜିସୁ ଆଃସୁଏ ବକ୍ନେ ସତ୍‌କେ ଗ୍ର‍ଅନ୍‌ ଡିଂମ୍ବକେ । ମୁଇଂ ଇସ୍‌ପର୍‌ନେ ପୁଜା ଡିଂ । ମୁଇଂ ଜିସୁ ଆଃସୁଏ ବକ୍ନେ ସତ୍ ବାବବାଦି‍ଇଂକେ ଆଦେସ୍ ବିଏ ।”
\s ତୁଲୁଏ ଗୋଡ଼ା ଆଡ଼ାତ୍ରା ଡେଃକ୍ନେ ରେମୁଆଁ
\p
\v 11 ତେନ୍ଇଡ଼ିଂ ନିଂ ଙ୍କେକେ, କିତଂ ଗାଲି ରଃଡ଼ା ଆରି ଆତ୍‌ଅରିଆ ମୁଇଙ୍ଗ୍ ତୁଲୁଏ ବାନା ଗୋଡ଼ା । ଆତ୍‌ତେ କକେଣ୍ଡ୍ରେ ବିସ୍‌ବାସ୍‌ ଆରି ସତ୍ ମ୍ନିରେ ସ୍ନାମୁଆଁ । ମେଁନେ ବିଚାର୍ ନ୍ୟାୟ୍ ଆରି ମେଁ ଦରମ୍‌ ଜୁଦ୍‌ନ୍ନିଆ ୱେଲେଃକେ । 
\v 12 ମେଁନେ ମୁଆଃ ସୁଆ କଣ୍ଡ୍‌ସୁଗୁଆ ଆରି ମେଁନେ ବାଆଃନ୍ନିଆ ଗୁଲୁଏ ମୁକୁଟ୍ ଲେଃଗେ । ମେଁନେ ଆଡ଼ାତ୍ରା ମୁଇଙ୍ଗ୍ ମ୍ନି ଗ୍ନୁଆର୍‌ ୱେଲେଃଗେ ମାତର୍‌ ଆତେନ୍‌ ମେଃନେ ଆମେ ଆନ୍ତାର୍‌ଚେ ଆରି ଜାଡିଗ୍ ଆମ୍ୟାଆର୍ ଣ୍ଡୁ । 
\v 13 ମେଁ ସଃଲେଃକ୍ନେ ସ୍ନପୁଆଃ ମିଆଁ ଲୁବଂ ଲେଃଗେ । ମେଁନେ ମ୍ନି “ଇସ୍‌ପର୍‌ନେ ସାମୁଆଁ” ଡାଗ୍‌ଚେ ସ୍ନାମୁଁଆଃ । 
\v 14 କିତଂନେ ସନ୍ୟ‍ଇଂ ନିମାଣ୍ଡାନେ ତୁଲୁଏ ସ୍ନପୁଆଃ ସଃଚେ ତୁଲୁଏ ଗଡ଼ାଇଂ ଆଡ଼ାତ୍ରା ଡେଃଚେ ଆମେକେ କିକେଆର୍‌ ଡିଙ୍ଗେ । 
\v 15 \x + \xo ୧୯:୧୫ \xo*\xt ପ୍ରକାସିତ୍‌ ୧୪:୨୦.\xt*\x*ମେଁନେ ତୁମୁଁଆବାନ୍ ମୁଇଙ୍ଗ୍ ଡିଗ୍‌କ୍ନେ କାଣ୍ଡା ତାର୍ ଲେଃଗେ । ଆତେନ୍‌ ଏତେ ମେଁ ଦର୍‌ତନିନେ ସର୍ତେ ଜାତିକେ ଆଃଆରେଏ । ବାରି ଆମେଇଂକେ ଲୁଆ ଡୁଡୁନ୍ନିଆ ସାସନ୍ ଡିଂଆର୍‌ଏ ବାରି ସାପାଟୁ ବପୁନେ ମାପ୍‌ରୁ ଇସ୍‌ପର୍‌ନେ ମାଲେ ରିସାକ୍ନେ ସୁଗୁଆ ଅଙ୍ଗୁର୍‌କେ ମେଁ ଉଃନେ କୁଣ୍ଡ୍‌ନ୍ନିଆ ନିଜେ ଉଃଚେ ଅଙ୍ଗୁର୍ ରସ୍ ଆତାର୍‌ଏ । 
\v 16 ମେଁନେ ମ୍ନି ସକା ଆଡ଼ାତ୍ରା ଆରି ବୁଲୁନ୍ନିଆ ଗ୍ନୁଆର୍ ଡିଂଲେଃଗେ “ଇଃସାଙ୍ଗ୍‌ଇଂନେ ଇଃସାଙ୍ଗ୍‌ ଆରି ମାପ୍ରୁଇଂନେ ମାପ୍ରୁ ।”
\p
\v 17 ତେନ୍ଇଡ଼ିଂ ନିଂ ଙ୍କେକେ ଆରି ମୁଇଙ୍ଗ୍ କିତଂଦୁତ୍‌ ସ୍ନି ଆଡ଼ାତ୍ରା ତୁଆଁ ଲେଃକେ । କିତଂନ୍ନିଆ ୱାଲେଡିଂକ୍ନେ ସର୍ତେ ପ୍ଲିଗ୍ଇଂକେ ମେଁ ୱାସାର୍‌ଚେ ବାସଂକେ “ଏଃଲାପା ଇସ୍‌ପର୍‌ନେ ମ୍ନା ବଜିନ୍ନିଆ କୁଡ଼େଃ ନ୍‌ସା ରିସିଂପା । 
\v 18 ଇଃସାଙ୍ଗ୍‌, ପ୍ରଜା, ସନ୍ୟ, ସେନାପତି, ଗୋଡ଼ା, ଗୋଡ଼ା ଡେଃଣ୍ଡ୍ରେ, ଗତିରେ, ନିଜର୍‌ ବିତ୍‌ରେ ଲେଃକ୍ନେ ରେମୁଆଁଇଂ, ମ୍ନା ଣ୍ଡୁଲା ଡାଆଁ ସାପାରେନେ ଚିଲି ପାଙ୍ଗ୍‌ଚେ ଚଂପା ।”
\p
\v 19 ତେନ୍ଇଡ଼ିଂ ନିଂ ଙ୍କେକେ ଆତେନ୍‌ ଗୋଡ଼ା ଡେଃଣ୍ଡ୍ରେ ଆରି ମେଁନେ ସନ୍ୟ‍ଇଂ ବିରଦ୍‌ରେ ଜୁଜ୍ ଡିଂନେ ନ୍‌ସା ଆତେନ୍‌ ପସୁ ଆରି ଦର୍‌ତନିନେ ସର୍‌ତେ ଇଃସାଙ୍ଗ୍‌ ଆରି ମେଁଇଂନେ ସନ୍ୟ‍ଇଂ ମୁଇଂ ଡାଗ୍ରା ରିସିଂ ଆର୍‌କେ । 
\v 20 \x + \xo ୧୯:୨୦ \xo*\xt ପ୍ରକାସିତ୍‌ ୧୩:୧-୧୮.\xt*\x*ଆତେନ୍‌ ଜୁଦ୍‌ନ୍ନିଆ ପସୁ ଆରି ମେଁ ଡାଗ୍ରା ଇରିଆତୁଗ୍‌ନେ କାମ୍ ଡିଂମ୍ୟାକ୍ନେ ଆତେନ୍‌ ଡିସାରି ଦାରା ପଡ଼େଚେ ବନ୍ଦି ଡିଂକେ । ଜାଣ୍ଡେନେ ଅରିଆ ପସୁ ଚିନା ଲେଃଗେ ଆରି ଜାଣ୍ଡେଇଂ ମେଁନେ ମୁର୍ତ୍ତିକେ ପୁଜା ଡିଂଆର୍‌ଡିଙ୍ଗେ ପସୁ ମେଁନେ ଇରିଆତୁଗ୍ କାମ୍ ବାନ୍‌ ଆମେଇଂକେ ବାଃଟ ଡିଂଗେ । ପସୁ ଆରି ଆତେନ୍‌ ବଣ୍ଡ ବାବବାଦି ଗନ୍ଦ୍‌ଗୁଲା ଡୁଆଡିଂକ୍ନେ ସୁଆ କୁଣ୍ଡ୍‌ନ୍ନିଆ ଜିବନ୍‌ଜିବନ୍ ଗାୱେକେ । 
\v 21 ବାରି ମେଁଇଂନେ ସନ୍ୟ‍ଇଂ ଗୋଡ଼ା ଡେଃଣ୍ଡ୍ରେନେ ତୁମୁଁଆବାନ୍ ତାର୍‌କ୍ନେ କାଣ୍ଡା ବାନ୍‌ ଗୁଏଆର୍‌କେ; କିତଂନେ ପ୍ଲିଗ୍‌ଇଂ ମନ୍ଇକ୍‌ଚା ମେଁଇଂନେ ଚିଲି ଚଂୱେଆର୍‌କେ ।
\c 20
\s ୧୦୦୦ ମୁଆଁନେ ସାସନ୍
\p
\v 1 ତେନ୍‌ଇଡ଼ିଂ ନିଂ ଆରି ମୁଇଙ୍ଗ୍ ଦୁତ୍‌କେ କିତଂବାନ୍ ଜାର୍‌ଚେ ପାଙ୍ଗ୍‌ଡିଂକ୍ନେ ଙ୍କେକେ । ମେଁନେ ନ୍ତିନ୍ନିଆ ପାତାଲ୍‌ପୁର୍‌ନେ କୁଚିକାଡ଼ି ଆରି ମୁଇଙ୍ଗ୍ ଅଜନ୍‌ନେ ସିକ୍‌ଲି ଲେଃଗେ । 
\v 2 ମେଁ ଆତେନ୍‌ ବାୱିର୍ ବୁବଃ ଆତେନ୍‌ ରାକ୍ୟାସ୍‌ ସ‍ଏତାନ୍‌କେ ସାଚେ ୧,୦୦୦ ମୁଆଁ ଜାକ ସିକ୍‌ଲିନିଆ ଗାଗ୍‌ ବିଃଆର୍‌କେ । 
\v 3 ଆରି ପାତାଲ୍‌ପୁର୍‌ନ୍ନିଆ ଜଗ୍‌ତ୍ଲାଗ୍‌ଚେ ମେଁନେ ଗାଲି ଆନ୍ତଃକେ ବାରି ଗାଲି ପାକା କୁଚି ତ୍ଲାଗ୍‌କେ । ଅଜାର୍ ମୁଆଁ ମାବିତେନେ ଜାକ ମେଁ ଆରି ମୁଡ଼ି ଦେସ୍‌ନେ ରେମୁଆଁଇଂକେ ବାଃଟ ଡିଂଆୟା ଣ୍ଡୁ । ଆତେନ୍‌ କାଲ୍ ଡାୱେଲା ଆମେକେ ଉଡ଼ି ବେଲା ନ୍‌ସା ବାରି ମୁଇଂତର୍ ଆନ୍ତାର୍ ବିଏ ।
\p
\v 4 ତେନ୍ଇଡ଼ିଂ ନିଂ ଙ୍କେକେ ଉଡ଼ିକ୍ଲିଗ୍ ସିଂଆଁସନ ଆରି ଆତେନ୍‌‌ଡାନ୍ କକ୍ନେ ରେମୁଆଁଇଂକେ ବିଚାର୍ ଡିଂନେ ଅଦିକାର୍ ବିଃବକେ । ଆରି ଣ୍ଡିଗ୍ ନିଂ ଙ୍କେକେ ଉଡ଼ିକ୍ଲିଗ୍ ଗୁଏକ୍ନେ ରେମୁଆଁନେ ଆତ୍ମା । ଜିସୁ ଆଃସୁଏ ବକ୍ନେ ସତ୍ ଆରି ଇସ୍‌ପର୍‌ନେ ସାମୁଆଁ ବାସଙ୍ଗ୍‌ ବକ୍ନେସା ଆତେନ୍‌ ରେମୁଆଁଇଂ ଗୁଏଃନେ ଡଣ୍ଡ୍ ବାଲେଃଆର୍‌ଗେ । ମେଁଇଂ ପସୁ ଣ୍ଡୁଲା ମେଁନେ ମୁର୍ତ୍ତିକେ ପୁଜା ଡିଂ ଆବଆର୍‌ଲା ଣ୍ଡୁଲା କାପାଲ୍ ଆରି ନ୍ତିନ୍ନିଆ ପସୁନେ ଚିନା ଆଡିଂ ଆବ ଆର୍‌ଗେ ଣ୍ଡୁ । କିସ୍‌ଟନେ ଏତେ ୧,୦୦୦ ମୁଆଁ ସାସନ୍ ଡିଂନେ ନ୍‌ସା ମେଁଇଂ ବାର୍‌ମୁଇଂତର୍ ମ୍ବ୍ର ଲେଃଆର୍‌ଗେ । 
\v 5 ଆତେନ୍‌ ୧,୦୦୦ ମୁଆଁ ମାଡାନେ ଜାକ ବିନ୍ ମୁଡ଼ି ଗୁଏକ୍ନେ ରେମୁଆଁନେ ବାର୍‌ମୁଇଂତର୍‌ ତଃଡ଼ିଆ ୟା ଆଲେଆର୍‌ଗେ । ଆକେନ୍ ପର୍‌ତୁମ୍ ତଃଡ଼ିଆନେ । 
\v 6 ଗୁଏକ୍ନେ ରେମୁଆଁଇଂନେ ଆକେନ୍ ପର୍‌ତୁମ୍ ବାର୍‌ମୁଇଂତର୍‌ ତଃଡ଼ିଆନ୍ନିଆ ଜାଣ୍ଡେଇଂ ମିସୁଲେଃଆର୍‌କେ ମେଁଇଂ ଉଡ଼ି ନିମାଣ୍ଡା ରେମୁଆଁ । ମେଁଇଂ ଉଡ଼ି ସୁକ୍‌ ରେମୁଆଁ ! ଆମେଇଂକେ ଆରି ମ୍ବାର୍ ତର୍ ଗୁଏଃନେ ଆଡିଂ ଣ୍ଡୁ । ମେଁଇଂ ଇସ୍‌ପର୍‌ନେ ଆରି କିସ୍‌ଟନେ ପୁଜାରି ଡିଂଚେ କିସ୍‌ଟନେ ଏତେ ୧,୦୦୦ ମୁଆଁ ଜାକ ସାସନ୍‌ ଡିଂଆର୍‌ଏ ।
\s ସ‍ଏତାନ୍‌ନେ ସାରାସାରି ଆରାଜିତା
\p
\v 7 ୧,୦୦୦ ମୁଆଁ ତ୍ନକ୍ନେ ଇଡ଼ିଙ୍ଗ୍ ସ‍ଏତାନ୍‌କେ କ‍ଏଦ୍‌ ଡୁଆବାନ୍ ଆନ୍ତାର୍ ବିଏ 
\v 8 ବାରି ଗୋଗ୍ ଆରି ମାଗୋଗ୍ ସୁଗୁଆ ଦର୍‌ତନିନେ କ୍ଲିଗ୍‌ଡା କେଣ୍ଡିଆନେ ବାଲି‍ଇଂ ସୁଗୁଆ ବିଚେଚେ ଲେଃକ୍ନେ ଜାତି‍ଇଂନେ ଏଜା ମାୟାନେ ରେମୁଆଁକେ ସ‍ଏତାନ୍ ବାଃଟଚେ ଜୁଦ୍‌ ନ୍‌ସା ମୁଇଂନ୍ତୁଗ୍ ଆଡିଂକେ । 
\v 9 ମେଇଂ ଦର୍‌ତନିନେ ସର୍‌ତେ ପାକା ଲିଗ୍ ଡୁଂୱେଚେ ମାପ୍‌ରୁ ବକ୍ତ ସାଦୁଇଂନେ ବାସା ଲେଃକ୍ନେ ଜାଗା ସାପାକେ ଆରି ଇସ୍‌ପର୍‌ନେ ନିଜର୍ ଇନିକେ ଗେରେ ବିଆର୍‌ଏ । ମାତର୍‌ କିତଂବାନ୍ ସୁଆ ଲଃଚେ ଆମେଇଂକେ ଦଂସ ଡିଂବିଏ 
\v 10 ବାରି ମୁଡ଼ି ଗନ୍ଦକନେ ସୁଆ ଡୁଆଡିଂକ୍ନେ କୁଣ୍ଡ୍‌ନ୍ନିଆ ପସୁ ଆରି ବଣ୍ଡ ବାବବାଦି ଗା ଲେଃଆର୍‌ଗେ ଆବୁଟଣ୍ଡ୍ରେ ସ‍ଏତାନ୍‌କେ ଣ୍ଡିଗ୍ ଆତ୍‌ଅରିଆ ଜଗ୍‌ତ୍ଲାଗ୍‌ଏ । ଆତ୍‌ଅରିଆ ମେଇଂ ସ୍ମିମିଡିଗ୍ ଜୁଗ୍ ଜୁଗ୍ ନ୍‌ସା କସ୍ଟ ବାଆର୍‌ଏ ।
\s ସାରାସାରି ବିଚାର୍
\p
\v 11 ତେନ୍ଇଡ଼ିଂ ନିଂ ଙ୍କେକେ, ତୁଲୁଏ ବାନାନେ ମୁଇଙ୍ଗ୍ ମ୍ନା ସିଂଆଁସନ୍ ଆରି ଆତ୍ ଆଡ଼ାତ୍ରା ମୁଇଂଡା କଲେଃକେ । ମେଁ ଡାଗ୍ରାବାନ୍ ଦର୍‌ତନି ଆରି କିତଂ ଡ ଆର୍‌କେ ବାରି ମେଁଇଂ ଆରି ଆତ୍ନାଆର୍‌କେ ଣ୍ଡୁ । 
\v 12 ତେନ୍ଇଡ଼ିଂ ନିଂ ଙ୍କେକେ କି ମ୍ନା ଡାଆଁ ଗୁଏକେଣ୍ଡ୍ରେଇଂ ସାପାରେ ସିଂଆସନ ଡାଗ୍ରା ତୁଆଁ ଲେଃଆର୍‌ଗେ । ଉଲିଆଇଂ ସାପା ତଃକେ; ଆତେନ୍‌ଇଂ ବିତ୍ରେ ଜିବନ୍ ଉଲିଆ ତେମ୍ନିକ୍ନେ ମୁଇଙ୍ଗ୍ ଉଲିଆ ଲେଃଗେ । ଆତେନ୍‌ ଜିବନ୍ ଉଲିଆନ୍ନିଆ ରେମୁଆଁଇଂନେ ସ୍ଲେଗ୍ନାର୍ ବିସ‍ଏରେ ମେଃନେ ସାପା ଗ୍ନୁଆର୍‌ଲେଃଗେ ଆତେନ୍‌ ଅନୁସାରେ ମେଁଇଂନେ ବିଚାର୍ ଡିଂକେ । 
\v 13 ଆତେନ୍‌ ବେଲା କେଣ୍ଡିଆଃ ବିତ୍‌ରେ ଗୁଏଲେଃକ୍ନେ ରେମୁଆଁଇଂ ତଃଡ଼ିଆ ପାଙ୍ଗ୍‌ଆର୍‌କେ । ନର୍କ କୁଣ୍ଡ୍‌ନ୍ନିଆ ଲେଃକ୍ନେ ଗୁଏ ରେମୁଆଁଇଂ ଣ୍ଡିଗ୍ ତାର୍‌ଚେ ପାଙ୍ଗ୍‌ଆର୍‌କେ । ମେଁଇଂ ସାପାରେ ନିଜର୍ ନିଜର୍ ସ୍ଲେ ଅନୁସାରେ ବିଚାରିତ ଡିଂଆର୍‌କେ । 
\v 14 ତେନ୍ଇଡ଼ିଂ ଗୁଏଃନେ ଆରି ନର୍କନେ ଆତେନ୍‌ ସୁଆକୁଣ୍ଡ୍‌ନ୍ନିଆ ଜଗ୍‌ତ୍ଲାଗ୍ ବିକେ । ଆକେନ୍ ସୁଆ କୁଣ୍ଡ୍ ଡିଂଡିଂକେ ଦୁତିୟ ମରନ୍ । 
\v 15 ଜାନେ ମ୍ନି ଜିବନ୍ ସାସ୍ତର୍‌ନ୍ନିଆ ଗୁଆର୍‌ ଆଲେଃଗେ ମେଁଇଂ ଣ୍ଡିଗ୍ ସାପାରେ ସୁଆ କୁଣ୍ଡ୍‌ନ୍ନିଆ ଗା ଆର୍‌କେ ।
\c 21
\s ତ୍ମି କିତଂ ଆରି ତ୍ମି ଦର୍‌ତନି
\p
\v 1 \x + \xo ୨୧:୧ \xo*\xt ୨ ପିତର ୩:୧୩.\xt*\x*ସାରାସାରିବେଲା ନିଂ ମୁଇଙ୍ଗ୍ ତ୍ମି କିତଂରାଜି ଆରି ତ୍ମି ଦର୍‌ତନି ଙ୍କେକେ । ବାୱିର୍ କିତଂ ବାୱିର୍ ଦର୍‌ତନି ଆରି କେଣ୍ଡିଆଃ ବୁଃଡ଼ି ୱେଗେ । 
\v 2 ବାରି ମୁଇଙ୍ଗ୍ ପବିତ୍ର ଇନି ତ୍ମି ଯିରୂଶାଲାମ୍ ସେଲା ବେସ୍‌ରେ ଆର୍ମେଚେ କିତଂବାନ୍ ଇସ୍‌ପର୍‌ନେ ଡାଗ୍ରାବାନ୍ ଦର୍‌ତନି ଆଡ଼ାତ୍ରା ଜାର୍‌ନେ ଙ୍କେକେ । 
\v 3 ବାରି କିତଂ ସିଂଆସନବାନ୍ ମୁଇଙ୍ଗ୍ ସାମୁଆଁ ନ୍ନାଂକେ: “ଏକେ ଇସ୍‌ପର୍‌ନେ ବାସାନେ ରେମୁଆଁଇଂନେ ବିତ୍ରେ; ମେଁ ମେଁଇଂନେ ଏତେ ବାସାଏ ବାରି ମେଇଂ ମେଁନେ ନିଜର୍ ରେମୁଆଁ ଡିଂଆର୍‌ଏ । ଇସ୍‌ପର୍ ମେଁଇଂନେ ଏତେ ବାସାଏ ଆରି ମେଁଇଂନେ ଇସ୍‌ପର୍ ଡିଂଆର୍‌ଏ । 
\v 4 ମେଁ ମେଁଇଂନେ ମ୍‌ମୁଆଁନେ ଡେଃମୁଆଁ ସାପା ଚୁଃବିଏ । ଗୁଏଃନେ ଦୁକ୍ ଅଃନେ ଣ୍ଡୁଲା ଦୁକା ଆରି ମେଃଡିଗ୍ ଆଲେଃ ଣ୍ଡୁ । ସର୍‌ତେ ବାୱିର୍ ବିସ‍ଏ ବଃ ୱେଲେଃକେ ।”
\p
\v 5 ସିଂଆସନନ୍ନିଆ କକ୍ନେ ରେମୁଆଁ ବାସଂକେ “ଅଃଅଁ ନିଂ ସର୍‌ତେ ସାମୁଆଁ ତ୍ମି ଆଡିଂମ୍ବକେ ।” ବାରି ମେଁ ଆନିଂକେ ଆଦେସ୍ ବିକେ “ଆକେନ୍ ସାପା ସାମୁଆଁ ଗୁଆର୍ ବ ଡାଗ୍‌ଲା ଆକେନ୍ ସତ୍ ଆରି ବିସ୍‌ବାସ୍ ।” 
\v 6 ଆରି ଣ୍ଡିଗ୍ ମେଁ ବାସଙ୍ଗ୍‌କେ “କାମ୍ ଡା ଲେଃକେ । ନିଂ ମୁଲ୍ ଆରି ସାରାସାରି ସିସେ ଆରି ଇଡ଼ିଙ୍ଗ୍ । ଆଜାକେ ଉଗ୍‌ଡିଆ ଡ‍ଏ ଜିବନ୍ ରକମ୍‌ନେ ଣ୍ଡିଆଃ ଜର୍‌ନାଡିଆବାନ୍ ନିଂ ଆମେକେ ବିନା ଡାବୁରେ ଉଗ୍‌ନେ ମ୍ବିଃଏ । 
\v 7 ଜାଣ୍ଡେଇଂ ଜିତେଚେ ଲେଃଏ ନିଂ ଆମେକେ ଆକେନ୍ ପୁରୁସ୍‌କାର୍ ମ୍ବିଏ, ନିଂ ମେଁନେ ଇସ୍‌ପର୍ ଣ୍ଡିଂଏ ଆରି ମେଁ ନିଂନେ ଗଡ଼େଅ ଡିଂଏ । 
\v 8 ମାତର୍‌ ବୁଟଣ୍ଡ୍ରେ, ନାଲେଣ୍ଡ୍ରେ, ଦଦ୍ୟା‌ କାମ୍‌ ଡିଂଣ୍ଡ୍ରେ, ରେମୁଆଁ ବାଗୁଏଣ୍ଡ୍ରେ, ଡଙ୍ଗାରେ, ମନ୍ତର୍‌ ସାଦେଣ୍ଡ୍ରେ, ମୁର୍ତ୍ତିପୁଜା ଡିଂଣ୍ଡ୍ରେ, ଆରି ନାଲେଣ୍ଡ୍ରେ କ୍ଲିଗ୍ ସାପାରେ ଦଦ୍ୟା‌ କାମ୍ ଡିଂଣ୍ଡ୍ରେଇଂନେ ଆରେକ୍ନେ ଟାନ୍ ଡିଂଡିଂକେ ଗନ୍ଦ୍‌ଗୁଲା ସୁଆ ଡୁଆଡିଂକ୍ନେ କୁଣ୍ଡ୍ ଆତ୍‌ଅରିଆ ମେଁଇଂ ବ୍ନାର୍‌ଗୁଏ ବାଆର୍‌ଏ ।”
\s ତ୍ମି ଜିରୁସାଲମ୍
\p
\v 9 ଗୁକ୍ଲିଗ୍ ସାରାସାରି କସ୍ଟତ୍ନକ୍ନେ ଗୁ ଙ୍କୁଇ ସାଲେଃକ୍ନେ ଗୁକ୍ଲିଗ୍ ଦୁତ୍‌ନେ ବିତ୍ରେବାନ୍ ମୁଇଂଡା ନିଂନେ ଡାଗ୍ରା ପାଙ୍ଗ୍‌ଚେ ବାସଙ୍ଗ୍‌କେ “ପାଙ୍ଗ୍‌ଲାପା ଉଂମେଣ୍ଡାନେ ସେଲାମ୍ବୁଏ ତ୍ମି ସେଲାକେ ପେକେଏ ।” 
\v 10 ପବିତ୍ର ଆତ୍ମା ନିଂ ଆଡ଼ାତ୍ରା ପାଙ୍ଗ୍‌କେ ବାରି ଦୁତ୍ ଆନିଂ ମୁଇଙ୍ଗ୍ ମ୍ନା କଣ୍ଡା ଟିପେ ଡୁଂୱେକେ । ଆତ୍‌ବାନ୍ ନିଂ ଙ୍କେକେ ଇସ୍‌ପର୍‌ନେ ଡାଗ୍ରାବାନ୍ କିତଂବାନ୍ ଜାର୍‌ଲେଃକ୍ନେ ନିଜର୍‌ ଗୌରବ୍ ତାର୍‌କିଗ୍ ପବିତ୍ର ଇନି ଯିରୂଶାଲାମ୍ । 
\v 11 ଆରି ଆତେନ୍‌ ଇସ୍‌ପର୍‌ନେ ଆସିର୍ବାଦ୍‌ରେ ତାର୍କିଗ୍ ଡିଂଗେ, ମେଁନେ ତାର୍କିଗ୍ ଜବର୍ ମୁଲ୍ୟବାନ୍ ମଣି ଆରି ସ୍ନିନେ ତାର୍କିଗ୍ ନିମାଣ୍ଡାନେ ଦାର୍‌ପନ୍ ରକମ୍ ତ୍ନା ଡିଂଗେ । 
\v 12 ଆକ୍‌ମେନେ ମୁଇଙ୍ଗ୍ ମ୍ନା ତିଆର୍ କାନ୍ତ୍ ଲେଃଗେ । ଆକେନ୍ କାନ୍ତ୍‌ନ୍ନିଆ ଗମ୍ବାର୍ କିତଂଦୁତ୍‌ନେ ବାନ୍‌ ନିମାଣ୍ଡା ଗମ୍ବାର୍ ଗାଲି ଲେଃଗେ ଆରି ଆତେନ୍‌ ଗାଲି‍ଇଂନେ ଆଡ଼ାତ୍ରା ଇସ୍ରାଏଲ୍ ଜାତିନେ ଗମ୍ବାର୍ ରେମୁଆଁଇଂନେ ମ୍ନି ଗୁଆର୍‌ଲେଃଗେ । 
\v 13 କାନ୍ତ୍‌ନେ ସାପା ପାକା ଞ୍ଜିକ୍ଲିଗ୍ ଗାଲି ଲେଃଗେ, ତାର୍‌ସ୍ନି ପାଟ୍ ଞ୍ଜିକ୍ଲିଗ୍, ଦକିନ୍ ପାଟ୍ ଞ୍ଜିକ୍ଲିଗ୍, ଉତର୍ ପାଟ୍ ଞ୍ଜିକ୍ଲିଗ୍‌ ଆରି ଲଗ୍‌ସ୍ନି ପାଟ୍ ଞ୍ଜିକ୍ଲିଗ୍ । 
\v 14 ଇନିନେ ଆକେନ୍ କାନ୍ତ୍‌ ଗମ୍ବାର୍ ପାଣ୍ଡୁସନ୍ ବ୍ରି ଆଡ଼ାତ୍ରା ତିଆର୍ ଡିଂଲେଃଗେ ବାରି ଆତେନ୍‌ ଗମ୍ବାର୍ ପାଣ୍ଡୁସନ୍ ଆଡ଼ାତ୍ରା ଉଂମେଣ୍ଡାନେ ଗମ୍ବାର୍ ବେକ୍ନେ ସିସ୍ଇଂନେ ମ୍ନି ଗୁଆର୍ ଲେଃଗେ । 
\v 15 ନିଂ ଏତେ ସାମୁଆଁ ବାସଙ୍ଗ୍‌ଡିଂକ୍ନେ ଦୁତ୍‌ନେ ନ୍ତିନ୍ନିଆ ଇନି କାନ୍ତ୍‌ ଆରି ଗାଲି‍ଇଂ ମାପେ ନ୍‌ସା ମୁଇଙ୍ଗ୍ ସୁନା ମାପ୍ କାଟି ଲେଃଗେ । 
\v 16 ଇନି ଅଁ କନ୍‌ ସୁଗୁଆ ଲେଃଗେ; ମେଁନେ ଚ୍ଲେ ଆରି ଅସାର୍‌ ସମାନ୍ ଲେଃଗେ । ଦୁତ୍ ମେଁନେ ଚିଚେଙ୍ଗ୍‌ନେ କାଡ଼ି ଏତେ ଇନି ମାପେକେ । ମେଁନେ ଚ୍ଲେ ଲେଃଗେ ୨,୪୦୦ କିଲମିଟର୍ ବାରି ଅସାର୍‌ ଆରି ତିଆର୍ ଚ୍ଲେ ଏତେ ସମାନ୍ ଲେଃଗେ । 
\v 17 ଦୁତ୍ କାନ୍ତ୍‌ନେ ତିଆର୍ ଣ୍ଡିଗ୍ ମାପେକେ । ଆତେନ୍‌ ୬୦ ମିଟର୍ ଲେଃଗେ । 
\v 18 କାନ୍ତ୍‌ ସୂର୍ଯ୍ୟକାନ୍ତ ମଣି ଏଃତେ ତିଆର୍ ଡିଂଲେଃଗେ ଆରି ଇନି ତିଆର୍ ଡିଂଲେଃଗେ କାଞ୍ଚ୍ ସୁଗୁଆ ନିମାଣ୍ଡା ସୁନା ଏଃତେ । 
\v 19 ଇନିନେ ପିତୁର୍‌ ପାକା ଲେଃକ୍ନେ କାନ୍ତ୍‌ନେ ପାଣ୍ଡୁସନ୍‌ନ୍ନିଆ ମଣିମାଣିକ୍ୟ ଲାଟା ଲେଃଗେ, ମୁଲ୍ ପାଣ୍ଡୁସନ୍‌ନ୍ନିଆ ଲେଃଗେ ହିରା ମ୍ବାର୍ ଟାନ୍‌ନ୍ନିଆ ଲେଃଗେ ନୀଳକାନ୍ତ ମଣି, ଞ୍ଜି ଟାନ୍‌ନ୍ନିଆ ବୈଦୁର୍ଯ୍ୟ ମଣି, ଅଁ ଟାନ୍‌ନ୍ନିଆ ମରକତ ମଣି, 
\v 20 ମାଲ୍‌ନ୍ନିଆ ପୁଲକ ମଣି, ତୁର୍‌ନ୍ନିଆ ମାଣିକ୍ୟ, ଗୁ ଟାନ୍‌ନ୍ନିଆ ପୁଷ୍ପରାଗ ମଣି, ତ୍ମାନ୍ନିଆ ଫିରୋଜ ମଣି, ସନ୍ତିଂନ୍ନିଆ ଗୋମେଦକ ମଣି, ଗୁଆନ୍ନିଆ ଲଶୁନୀୟ ମଣି, ଗୋମୁଇଂନ୍ନିଆ ଇନ୍ଦ୍ରନୀଳ ମଣି, ଆରି ଗୋମ୍ବାର୍‌ନ୍ନିଆ ନିମାଣ୍ଡା ବାସ୍‌ନା ମଣି ଲେଃଗେ । 
\v 21 ଗୋମ୍ବାର୍ ଗାଲି ଲେଃଗେ, ଗୋମ୍ବାର୍ ମୁକ୍ତା ସର୍‌ତେ ଗାଲି ମୁଇଂ ମୁଇଂ ମୁକ୍ତାରେ ତିଆର୍ ଡିଂଲେଃଗେ । ଇନିନେ ଇଃସାଙ୍ଗ୍‌ଗାଲି କାଞ୍ଚ୍ ସୁଗୁଆ ନିମାଣ୍ଡା ସୁନାରେ ତିଆର୍ ଡିଂଲେଃଗେ ।
\p
\v 22 ନିଂ ଇନିନ୍ନିଆ ମେଣ୍ଡିଗ୍ ମନ୍ଦିର୍ କିକେନ୍‌ସା ନ୍ନାବାକେ ଣ୍ଡୁ ଡାଗ୍‌ଲା ନିଜେ ସାପାଟୁ ବପୁନେ ମାପ୍‌ରୁ ଇସ୍‌ପର୍ ଆରି ଉଂମେଣ୍ଡା ମେଁନେ ମନ୍ଦିର୍ ସୁଗୁଆ ଲେଃଆର୍‌ଗେ । 
\v 23 ଇନିକେ ତାର୍‌କିଗ୍ ଆଡିଂନେ ନ୍‌ସା ସ୍ନି ଣ୍ଡୁଲା ଆର୍କେନେ ଦର୍‌କାର୍ ଣ୍ଡୁ, ଡାଗ୍‌ଲା ଇସ୍‌ପର୍‌ନେ ଆସିର୍ବାଦ୍‌ରେ ଆତେନ୍‌ ତାର୍କିଗ୍‌ଇଂ ବାରି ଉଂମେଣ୍ଡା ମେଁନେ କୁପିସ । 
\v 24 ଦର୍‌ତନିନେ ସର୍‌ତେ ରେମୁଆଁ ଜାତି ମେଁନେ ତାର୍କିଗ୍‌ରେ ଅଲେଙ୍ଗ୍‌ଡାଲିଆ ଡିଂଆର୍‌ଏ । ଦର୍‌ତନିନେ ଇଃସାଙ୍ଗ୍‌ଇଂ ଆକ୍‌ଅରିଆ ମେଁଇଂନେ ଦନ୍ ସମ୍ପତି ଡୁଂପାଙ୍ଗ୍‌ଚେ ପୁଜା ଡିଂଆର୍‌ଏ । 
\v 25 ଇନିନେ ଗାଲି ସାପା କାଲାଆଃ ରଃଡ଼ା ଲେଃଏ । ଆତେନ୍‌ଇଂ ଅଃନାଡିଗ୍ ଆନ୍ତଃ ଆଡିଂ ଣ୍ଡୁ; ଡାଗ୍‌ଲା ଆତ୍‌ଅରିଆ ଅଃନାଡିଗ୍ ମିଡିଗ୍ ଆଡିଂ ଣ୍ଡୁ । 
\v 26 ସାପା ଦେସ୍‌ନେ ଇରିଆତୁଗ୍ ଆରି ମ‍ଇମା ଆକେନ୍ ଇନିନ୍ନିଆ ପାଙ୍ଗ୍‌ଚେ ରିସିଂଏ । 
\v 27 ମୁଡ଼ି ଆବୁଲେ ଜିନିସ୍ ଆକ୍‌ଅରିଆ ଡୁଂଆପାଙ୍ଗ୍ ଣ୍ଡୁ । ଗିନ୍ ସ୍ଲେନିଆ ଲିଗ୍ ଲେଃକ୍ନେ ଦଦ୍ୟା‌ କାମ୍‌ଣ୍ଡ୍ରେ ଆରି ନାଲେଣ୍ଡ୍ରେ ଆକେନ୍ ଇନିନ୍ନିଆ ଗାନେ ଆୟାଆର୍ ଣ୍ଡୁ । ଜାଣ୍ଡେଇଂନେ ମ୍ନି ଉଂମେଣ୍ଡାନେ ଜିବନ୍ ଉଲିଆନ୍ନିଆ ଗୁଆର୍ ଡିଂଲେଃଏ ମୁଇଙ୍ଗ୍ ମେଇଂ ଆକେନ୍ ଇନିନ୍ନିଆ ଗାନେ ୟାଆର୍‌ଏ ।
\c 22
\p
\v 1 ତ୍ମି ଦର୍‌ତନିନ୍ନିଆ କାଞ୍ଚ୍ ସୁଗୁଆ ନିମାଣ୍ଡା ଜିବନ୍ ଣ୍ଡିଆନେ ମୁଇଙ୍ଗ୍ ଲଣ୍ଡିଆ ଦୁତ୍ ଆନିଂକେ ଆସୁଏକେ । ଆକେନ୍ ଲଣ୍ଡିଆ ଇସ୍‌ପର୍ ଆରି ଉଂମେଣ୍ଡାନେ ସିଂଆଁସନ୍‌ବାନ୍ ତାର୍‌ଲେଃକେ । 
\v 2 ଇନିନେ ଇଃସାଙ୍ଗ୍‌ଗାଲି ବିତ୍ରେବାନ୍‌ ତରିଆଃ ଲେଃଗେ । ଲଣ୍ଡିଆନେ ମ୍ବାର୍ ପାକା ଜିବନ୍ ସ୍ଲା ଲେଃଗେ । ଆତେନ୍‌ ମେମୁଆଁନେ ସାପା ଆର୍‌କେ ଣ୍ଡୁଲା ମେମୁଆଁକେ ଗୋମ୍ବାର୍ ତର୍ ଚୁଚୁ ସାଏ ବାରି ଆକ୍‌ମେନେ ଉଲିଆ ରଗ୍ ନିମାଣ୍ଡା ଆଃଡିଙ୍ଗ୍ଏ । 
\v 3 ଇସ୍‌ପର୍‌ନେ ଅବିସାପ୍‌ନେ ଙ୍କୁଇ ମେଃଡିଗ୍ ବିସ‍ଏ ଆତେନ୍‌ ଇନିନ୍ନିଆ କିକେନ୍‌ସା ଆମିଲେ ଣ୍ଡୁ । ଇସ୍‌ପର୍ ଆରି ଉଂମେଣ୍ଡାନେ ସିଂଆସନ ଆତେନ୍‌ ଇନି ବିତ୍ରେ ଲେଃଏ ବାରି ଆତ୍‌ଅରିଆ ମେଁନେ ସେବକ‍ଇଂ ମେଁନେ ଆରାଦନା ଡିଂଆର୍‌ଏ ! 
\v 4 ମେଁଇଂ ମେଁନେ ସାର୍ମୁଆଁ କେଆର୍‌ଏ ବାରି ମେଁଇଂନେ କାପାଲେ ମେଁନେ ମ୍ନି ଗୁଆର୍‌ଏ । 
\v 5 ଆତ୍‌ତେ ଆରି ମିଡିଗ୍ ଆଡିଂ ଣ୍ଡୁ ବାରି କୁପିସ ଣ୍ଡୁଲା ସ୍ନିତାର୍କିଗ୍ ମେଁଇଂନେ ଆରି ଦର୍‌କାର୍ ଆଡିଂ ଣ୍ଡୁ ଡାଗ୍‌ଲା ମାପ୍‌ରୁ ଇସ୍‌ପର୍ ମେଁଇଂନେ ତାର୍‌କିଗ୍ ଆର୍‌ଏ ବାରି ମେଁଇଂ ଇଃସାଙ୍ଗ୍‌ ରକମ୍ ମାଡାନେ କାଲ୍ ଜାକ ସାସନ୍ ଡିଂଆର୍‌ଏ ।
\s ଜିସୁନେ ବାର୍‌ମୁଇଂତର୍‌ ପାଙ୍ଗ୍‌ନେ
\p
\v 6 ଦୁତ୍ ଆନିଂକେ ବାସଙ୍ଗ୍‌କେ, “ଆକେନ୍ ସାପା ସାମୁଆଁ ସତ୍ ଆରି ଆସା ଡିଂନେ ଦର୍‌କାର୍‌ । ମେଃନେ ମେଃନେ ଗିଆ ଗଟେଏ ଆତେନ୍‌ ମେଁନେ ସେବକ‍ଇଂକେ ଆମ୍ୟା ନ୍‌ସା ବାବବାଦି‍ଇଂକେ ଆତ୍ମିକ ଗ୍ୟାନ୍ ବିମ୍ୟାକ୍ନେ ଇସ୍‌ପର୍ ମେଁନେ ଦୁତ୍ଇଂକେ ବେବକେ ।”
\p
\v 7 ଜିସୁ ବାସଙ୍ଗ୍‌ଡିଂକେ “ଅଁପା ! ନିଂ ଗିଆଃ ପାଙ୍ଗ୍‌ଣ୍ଡିଂକେ ! ଜାଣ୍ଡେଇଂ ଆକେନ୍ ଉଲିଆନ୍ନିଆ ବାସଙ୍ଗ୍‌ବକ୍ନେ ବାବବାନି ଆଡ଼ାତ୍ରା ମନ୍ ବିଚେ ସାମୁଆଁ ମାନେଆର୍‌ଏ, ମେଇଂ ନିମାଣ୍ଡା !”
\p
\v 8 ନିଂ ଜହନ୍‌ ଆକେନ୍ ସର୍ତେ ବିସ‍ଏ ନିଜେ ଅଁନ୍ଲେଃକେ ଆରି କେନ୍ଲେଃକେ । ସାପା ଅଁଚେ ବାରି କିକେ ଆଡାକ୍ନେ ଇଡ଼ିଂ ମୁଡ଼ି ଦୁତ୍ ନିଂ ଡାଗ୍ରା ଆତେନ୍‌ ଆତ୍ନାକେ ନିଂ ମେଁନେ ଞ୍ଚ ଆଲ ଲଃଚେ ଆମେକେ ପାର୍‌ତନା ଡିଂନ୍‌ସା ୱେଣ୍ଡିଂଗେ । 
\v 9 ମାତର୍‌ ମେଁ ବାସଙ୍ଗ୍‌କେ “ଡେତ୍‌ରକମ୍ ଆଡିଙ୍ଗେ ଡାଗ୍ଲା ନିଂ ଣ୍ଡିଗ୍ ପେ ସୁଗୁଆ ମୁଇଂଡା । ପେନେ ମୁଡ଼ି ବାବବାଦି ବୟାଁଇଂ ଆରି ମୁଡ଼ି ସାପାରେ ଆକେନ୍ ଉଲିଆନେ ସାମୁଆଁ ଅନୁସାରେ ସାମୁଆଁ ମାନେଃଚେ ଲେଃଆର୍‌ଏ, ମେଇଂନେ ସୁଗୁଆ ନିଂ ମୁଇଙ୍ଗ୍ ସେବକ ମାତର୍‌ । ଇସ୍‌ପର୍‌ନେ ଆରାଦନା ଡିଙ୍ଗ୍‌ପା ।” 
\v 10 ମେଁ ଆନିଂ ବାରି ବାସଙ୍ଗ୍‌କେ “ଆକେନ୍ ଉଲିଆନେ ବବିସତ୍ ସାମୁଆଁଇଂକେ ବୁଃଡ଼ି ଆବଗେପା ଡାଗ୍ଲା ଏନ୍ ସାପା ବିସ‍ଏ ଗଟେନେ ବେଲା ଡାଗ୍ରା ଡିଙ୍ଗ୍ ପାଙ୍ଗ୍‌ଡିଂକେ । 
\v 11 ତେନ୍‌ସା ଏନ୍ ସାମୁଆଁ ମ୍ୟାଚେ ଜା ମେଃନେ ଇକ୍‌ଚା ଆତେନ୍‌ ଡିଂଲେ । ଅଦରମ୍‌ଣ୍ଡ୍ରେ ଜଦି ଇକ୍‌ଚା ଡିଂଏ ଆରି ଅଦରମ୍ କାମ୍ ଡିଂଲେ; ଆବୁଲେ ରେମୁଆଁ ଆବୁଲେ ଡିଂଚେ ଲେଃଲେ; ମାତର୍‌ ଜା ନିମାଣ୍ଡା କାମ୍‌ଣ୍ଡ୍ରେ ମେଁ ସତ୍‌ କାମ୍‌ନ୍ନିଆ ଲିଗ୍ ଲେଃଲେ; ଜା ପବିତ୍ର ମେଁ ପବିତ୍ର ଡିଂଚେ ଲେଃଲେ ।”
\p
\v 12 ଜିସୁ ବାସଙ୍ଗ୍‌ଡିଂକେ “ଅଁପା ! ନିଂ ଦାପ୍ରେ ପାଙ୍ଗ୍‌ଣ୍ଡିଂକେ ! ସର୍‌ତେରେକେ ନିଜର୍ ନିଜର୍ କାମ୍ ଅନୁସାରେ ଚୁଚୁ ବିଃନ୍‌ସା ନିଂ ପୁରୁସ୍‌କାର୍ ସାଃଚେ ମ୍ପାଂଏ । 
\v 13 \x + \xo ୨୨:୧୩ \xo*\xt ପ୍ରକାସିତ୍‌ ୧:୮; \xt*\xt ପ୍ରକାସିତ୍‌ ୧:୧୭; ୨:୮.\xt*\x*ନିଂ ମୁଲ୍ ଆରି ସାରାସାରି ସିସେ ଆରି ଇଡ଼ିଙ୍ଗ୍ ।”
\p
\v 14 ଜାଣ୍ଡେଇଂ ନିଜର୍ ନିଜର୍ ସକାପାଟାଇ ତାଣ୍ଡିଆଚେ ଆଃତ୍ଲୁଏ ଡିଂବ‍ଆର୍‌କେ, ମେଁଇଂ ନିମାଣ୍ଡା ରେମୁଆଁ ଜିବନ୍ ସ୍ଲାନେ ଚୁଚୁ ଚଂନ୍‌ସା ଆରି ଗାଲି ବିଚେ ଇନି ବିତ୍ରେ ଗାନେସା ମେଁଇଂନେ ଅଦିକାର୍ ଲେଃକେ । 
\v 15 ମାତର୍‌ ଗୁସୁଃଇଂ, ଦଦ୍ୟା‌ ଗୁନ୍, ଜନ୍ତର୍‌ମନ୍ତର୍ ସାଦେଣ୍ଡ୍ରେ, ରେମୁଆଁ ବାଗୁଏଣ୍ଡ୍ରେ, ପୁଜା ଡିଂଣ୍ଡ୍ରେ, ନାଲେଣ୍ଡ୍ରେ, ବାଃଟଣ୍ଡ୍ରେ, ଗୁଲୁଏ ଦଦ୍ୟା‌ କାମ୍‌ଣ୍ଡ୍ରେ, ସାପାରେ ଇନି ବାଏରେ ଲେଃଆର୍‌ଏ ।
\p
\v 16 “ନିଂ ଜିସୁ । ମଣ୍ଡଲି‍ଇଂନ୍ନିଆ ପେଇଂନେ ନିମାଣ୍ଡାନ୍‌ସା ଏନ୍‌ସାପା ବିସ‍ଏ ବାସଙ୍ଗ୍‌ନେ ନ୍‌ସା ନିଂନେ ଦୁତ୍‌କେ ବେ ମ୍ବକେ । ନିଂ ଦାଉଦନେ ବଂସଣ୍ଡ୍ରେ । ନିଂ ଆତେନ୍‌ ତାର୍‌କିଗ୍ ଞ୍ଜିର୍‌ନେ ଚାଙ୍କୁଆ ।”
\p
\v 17 ପବିତ୍ର ଆତ୍ମା ଆରି ଆତେନ୍‌ ତ୍ମି ସେଲା ବାସଙ୍ଗ୍‌ଡିଂକେ, “ପାଙ୍ଗ୍‌ଲାପା !”
\p ଅଁଣ୍ଡ୍ରେ ସର୍‌ତେରେ ଣ୍ଡିଗ୍ ବାସଂଆର୍‌ଏ, “ପାଙ୍ଗ୍‌ଲାପା !”
\p ଜା ଣ୍ଡିଗ୍ ଉଗ୍‌ଡିଆଃ ଡଲା ମେଁ ପାଙ୍ଗ୍‌ଲେ । ଜିବନ୍‌ ବିଃକ୍ନେ ଣ୍ଡିଆଃ ଉଗ୍‌ନେସା ଜାନେ ଇକ୍‌ଚା ମେଁ ପାଙ୍ଗ୍‌ଚେ ବିନା ଡାବୁରେ ଆତେନ୍‌ ଗ୍ର‍ଅନ୍‌ ଡିଂଲେ ।
\s ସାରାସାରି ସାମୁଆଁ
\p
\v 18 ନିଂ ଜହନ୍‌ । ଜାଣ୍ଡେଇଂ ଆକେନ୍ ଉଲିଆନେ ବବିସତ୍‌ ସାମୁଆଁ ସାପା ଅଁଆର୍‌ଏ ଆମେଇଂକେ ନିଂ ତରକ୍ ଆଡିଂବିଣ୍ଡିଂକେ: ଜଦି ଆକ୍‌ଅରିଆ ଜାଡିଗ୍ ଇତୁଡ଼ା ଆମିସୁଏ ତେଲା ଆକେନ୍ ଉଲିଆ ଆରେକ୍ନେ ମ୍ନାମରନ୍ ବାନ୍‌ ଇସ୍‌ପର୍ ଆମେକେ ସାସ୍ତି ବିଏ 
\v 19 ବାରି ଆକେନ୍ ଉଲିଆନେ ବବିସତ୍‌ ସାମୁଆଁବାନ୍ ଜାଣ୍ଡେ ଜଦି ମେଃଡିଗ୍ ଆତାର୍‌ବିଏ ତେଲା ଇସ୍‌ପର୍ ଆମେକେ ଆକେନ୍ ଉଲିଆ ଆରେକ୍ନେ ଜିବନ୍ ସ୍ଲାନେ ଚୁଚୁବାନ୍ ଆରି ପବିତ୍ର‍ ଇନିବାନ୍ ମ୍ବ୍ର ଆର୍‌ଏ ।
\p
\v 20 ଜା ଏନ୍ ସାପା ବିସ‍ଏରେ ସାକି ବିଡିଙ୍କେ ମେଁ ବାସଙ୍ଗ୍‌ଡିଂ “ଆକେନ୍ ସତ୍‌ । ନିଂ ଗିଆ ପାଙ୍ଗ୍‌ଣ୍ଡିଂକେ ।”
\p ଆତେନ୍‌ ଆଃ ଡିଂଲେ । ମାପ୍‌ରୁ ଜିସୁ ପାଙ୍ଗ୍‌ଲେ !
\p
\v 21 ମାପ୍‌ରୁ ଜିସୁନେ ଲିବିସ ସର୍ତେରେ ଏତେ ଲେଃଲେ । ଆମେନ୍ ।