\id HEB - Dega
\ide UTF-8
\h ଏବ୍‌ରି
\toc3 ଏବ୍‌ରି
\toc2 ଏବ୍‌ରି
\toc1 ଏବ୍‌ରିଇଂକେ ଗୁଆର୍‌କ୍ନେ ଉଲିଆଃ
\mt2 ହିବ୍ରୁମାନଙ୍କୁ ଲିଖିତ ପତ୍ର
\mt1 ଏବ୍‌ରିଇଂକେ ଗୁଆର୍‌କ୍ନେ ଉଲିଆଃ
\imt ଏବ୍‌ରି ବ‍ଇ ବିସୟ୍‌ରେ ଉଃଡ଼ିକ୍ଲିଗ୍ ସାମୁଆଁ
\ip ଏବ୍ରୀ ସାସ୍ତର୍‌ ମୁଇଂ ସାର୍ଦା ବିଃନେ ଉଲିଆଃ । ବାୱିର୍ ନିୟମ୍‌ନେ ବିନ୍‌ବିନ୍ ବାବବାନି ସାପା ପୁରନ୍ ଡିଂଲେଃକ୍ନେ ସାମୁଆଁ ଆକ୍‌ଅରିଆ ନେଃବାଏ । ଆକେନ୍ ମୁଇଂ ଆଦେସ୍ ରକମ୍ ବ‍ଇ । ଆକ୍‌ଅରିଆ ଡିଂଲେଃଏ ୬୦ ବାନ୍ ମାଲେ ବାୱିର୍ ନିୟମ୍‌ନେ ସାମୁଆଁ ଲେଃକେ । ମେଃନେ ଜିସୁ କିସ୍‌ଟ ଡିରକମ୍ ବାବ୍‌ରେ ବାବବାନି ଆରି ଜିହୁଦି ପୁଜାରି‍ଇଂନେ କାମ୍ ଆଃଡା ଆର୍‌କେ ଆକ୍‌ଅରିଆ ନେଃ ବାନେଃଲେଃଏ । ଆକେନ୍‌ ନ୍‌ସା ଆକେନ୍ ଜିହୁଦି କିସ୍‌ଟିୟାନ୍ଇଂକେ ସାହାସ୍ ବିଃନେ ସାସ୍ତର୍‌ । ଏବ୍ରୀ ସାସ୍ତର୍‌ ଜିସୁ ନିୟମ୍‌ ଆଃଡାକ୍ନେ ବାନ୍ ପୁଜାରି‍ଇଂକେ ବାର୍‌ମୁଇଂତର୍ ଅଃନାଡିଗ୍ ବଲି ପୁଜା ଡିଂନେ ଦର୍‌କାର୍ ଣ୍ଡୁ ଆକେନ୍ ସାମୁଆଁକେ ଆଃସୁଏଃଏ । ଜିସୁ କିସ୍‌ଟ ଡିଂଡିଂକେ ସର୍‌ତେ ପାପ୍‌ନେ ବଲି ଆକେନ୍ ମୁଇଂ ତର୍‌କେ କାଲାଆଃ ନ୍‌ସା ଲେଃକେ । ଏନ୍ ଜୁଗ୍‌ନେ କିସ୍‌ଟିୟାନ୍ଇଂନେ ନ୍‌ସା ଏବ୍ରୀ ସାସ୍ତର୍‌ନ୍ନିଆ ସାଆସ୍ ତ୍ନାଏ । ଇସ୍‌ପର୍‌କେ ଆସା ଡିଂନେ ନ୍‌ସା ମୁଇଂ କିସ୍‌ଟ ଆଃ ଆନେଃକେ ସମ୍ବବ୍‌ ଆଃଡିଂୟାଏ । ଆରି ଣ୍ଡିଗ୍ ମେଁଡାଗ୍ରା ଆସା ଡିଂଚେ କେଚେଃ ନେଃଅଲେଙ୍ଗ୍‌ପା \xt ୧୨:୨\xt* ।
\ip ଏବ୍ରୀ ସାସ୍ତର୍‌ ଜାଣ୍ଡେଃ ଗୁଆର୍‌ବକେ ମାମ୍ୟା ଲେଃକେ । ମାତର୍ ପଣ୍ଡିତ୍ଇଂ ବାସଙ୍ଗ୍‌ଆର୍‌ଏ ଜେ ପ୍ରେରିତ୍‌ ପାଉଲ୍ ଲୁକ୍‌ ଣ୍ଡୁଲା ବର୍ଣ୍ଣବ୍‌ବା ଡିଂ ଲେଃଆର୍‌ଏ । ଆକେନ୍ ସାସ୍ତର୍‌ ଗୁଆର୍‌ନେ ବେଲା ଣ୍ଡିଗ୍ ମାମ୍ୟାଃ ଲେଃକେ ମାତର୍ ଗୁଲୁଏ ରୁଆ ବିସ୍‌ବାସ୍ ଡିଆର୍‌ଡିଂକେ । ଆକେନ୍ ଜିସୁ କିସ୍‌ଟନେ ଜନମ୍ ଇଡ଼ିଂ ୭୦ ମସିଆରେ ଗୁଆର୍‌ବକେ । ଯିରୁଶାଲମ୍ ମନ୍ଦିର୍ ୭୦ ମସିଆରେ ଦଂସ ଡିଂକେ । ମାତର୍ ଆକେନ୍ ସାସ୍ତର୍‌ନେ ଗୁଆର୍‌ଣ୍ଡ୍ରେ ଆକେନ୍ ବିନସ୍ଟ ଡିଂ ଆଲେଃକ୍ନେ ସୁଗୁଆ ବାସଙ୍ଗ୍‌ଏ । ଏବ୍ରୀ ସାସ୍ତର୍‌ ଡିଂଲେଃଏ ରୋମୀୟ ସହର୍‌ନ୍ନିଆ ଗୁଆର୍‌ବଗେ \xt ୧୩:୨୪\xt* ଆରି ବିନ୍‌ବିନ୍ ମଣ୍ଡଲିନ୍ନିଆ ବାଟା ବିଃବ‍ଆର୍‌ଗେ ।
\iot ସାସ୍ତର୍‌ ବିତ୍ରେ ଲେଃକ୍ନେ ସାମୁଆଁଇଂ
\io1 ୧. ଜିସୁ କିସ୍‌ଟ ଇସ୍‌ପର୍‌ନେ ବାବବାଦି ଆରି ଦୁତ୍ଇଂନେବାନ୍ ମ୍ନାଃ । \ior ୧:୧–୪:୧୩\ior*
\io1 ୨. ଜିସୁ କିସ୍‌ଟ ମ୍ନାଃ ପୁଜାରି । \ior ୪:୧୪–୭:୨୮\ior*
\io1 ୩. ଜିସୁନେ ସେବା କାମ୍‌ନେ ମ୍ନାଃ । \ior ୮:୧–୧୦:୩୧ \ior*
\io1 ୪. ଜିସୁ ସର୍‌ତେ ଡାଗ୍ରା ମ୍ନାଃ । \ior ୧୦:୩୨–୧୩:୧୭\ior*
\io1 ୫. ଡାଟ୍ ଆଦେସ୍ ଆରି ସାରାସାରି ସାର୍ଲ । \ior ୧୩:୧୮-୨୫\ior*
\c 1
\s ଉଂଡେ ବାନ୍‌ ଇସ୍‌ପର୍ ବିଃକ୍ନେ ସାମୁଆଁ
\p
\v 1 ଅଃସେ ଇସ୍‌ପର୍ ବିନ୍‌ବିନ୍ ବେଲା ଆରି ବିନ୍‌ବିନ୍ ଉପାୟ୍‌ରେ ବାବବାଦି‍ଇଂନେ ବାନ୍‌ ନେନେ ନ୍ତାଞ୍ଜାଇଂକେ ସାମୁଆଁ ବିଃବଗେ । 
\v 2 ମାତର୍‌ ଆକେନ୍ ସାରାସାରି ବେଲା ମେଁ ନିଜର୍ ଉଂଡେ ବାନ୍‌ ନେଁ ଏତେ ସାମୁଆଁ ବାସଙ୍ଗ୍‌ବକେ । ଆତେନ୍‌ ଉଂଡେନେ ବାନ୍‌ ଆଃ ଇସ୍‌ପର୍ କ୍ଲିଗ୍ ଦର୍‌ତନିକେ ଆରେବକେ ବାରି ସାରାସାରିନିଆ ସାପା ବିସ‍ଏନେ ଅଦିକାରି ଡିଂନେସା ମେଁ ଆମେକେ ସ୍ରି ବକେ । 
\v 3 ମେଁଡାଗ୍ରା ଇସ୍‌ପର୍‌ନେ ମ‍ଇମାନେ ତାର୍‌କିଗ୍ ତ୍ନାଡିଂକେ ଆରି କ୍ଲିଗ୍‌ଡା ମେଁନେ ସାର୍ମୁଆଁ ମିସୁଲେଃଗେ । ବାରି ମେଁ ନିଜର୍ ସାମୁଆଁ ବପୁରେ କ୍ଲିଗ୍ ଦର୍‌ତନିକେ ସା ବକେ । ମେଁ ରେମୁଆଁ ଜାତି ନ୍‌ସା ପାପ୍ କେମା ବିଚେ କିତଂନ୍ନିଆ ଇସ୍‌ପର୍‌ନେ ବେସ୍ୟା ପାକା କ ଲେଃକେ ।
\s ଇସ୍‌ପର୍‌ନେ ଉଙ୍ଗ୍‌ଡେ ମ୍ନା
\p
\v 4 ମେଁ କିତଂ ଦୁତ୍ଇଂନେ ବାନ୍ ଡିରକମ୍ ମ୍ନା ମେଁନେ ମ୍ନି ଣ୍ଡିଗ୍ ଡେତ୍‌ରକମ୍ ମେଁଇଂନେ ମ୍ନି ବାନ୍ ମ୍ନା 
\v 5 ଡାଗ୍‌ଲା ଅଃନାଡିଗ୍ ଇସ୍‌ପର୍ ମୁଡ଼ି ଦୁତ୍‌ଇଂକେ ବାସଙ୍ଗ୍‌ ଆବକେ:
\q1 “ନାଁ ନିଂନେ ଉଂ
\q2 ଏକେବାନ୍ ନିଂ ନାନେ ଆବା ଣ୍ଡିଂଗେ,”
\m ଇସ୍‌ପର୍ ଣ୍ଡିଗ୍ ବାସଂକେ
\q1 “ନିଂ ମେଁନେ ଆବା ବାରି
\q2 ମେଁ ନିଂନେ ଉଂ ଡିଂଏ ।”
\m
\v 6 ମାତର୍‌ ଇସ୍‌ପର୍ ମେଁନେ ପର୍‌ତୁମ୍ ଜନମ୍‌ ଡିଂକ୍ନେ ଉଂକେ ଆକେନ୍ ଦର୍‌ତନିନ୍ତୁଗ୍ ବେନେ ବେଲା ଆକେନ୍ ବାସଙ୍ଗ୍‌ବଗେ
\q1 “ଇସ୍‌ପର୍‌ନେ ଦୁତ୍‌ଇଂ ମେଁନେ ପାର୍‌ତନା ଡିଂଆର୍‌ଏ ।”
\p
\v 7 ଆରି କିତଂଦୁତ୍ଇଂନେ ବିସ‍ଏରେ ଇସ୍‌ପର୍ ଆକେନ୍ ସାମୁଆଁ ବାସଙ୍ଗ୍‌ବକେ:
\q1 “ଇସ୍‌ପର୍ ନିଜର୍ ଦୁତ୍ଇଂକେ ୱେଡ଼ିଆଃ ସୁଗୁଆ
\q2 ଆରି ଆପ୍‌ନା ସେବକ୍‌ଇଂକେ ଡୁଆକ୍ନେ ସୁଆ ସୁଗୁଆ ଆଡିଂବକେ ।”
\m
\v 8 ମେଁନେ ଉଙ୍ଗ୍‌ଡେ ବିସ‍ଏରେ ମେଁ ବାସଙ୍ଗ୍‌ବଗେ
\q1 “ଅ ଇସ୍‌ପର୍ ନାଁନେ ରାଜି ମାଡାନେ କାଲ୍ ଜାକ ଲେଃଲେଃ !
\q2 ନାଁନେ ନ୍ୟାୟ୍‌ ଡଣ୍ଡ୍‌ନ୍ନିଆ ନାଁନେ ରେମୁଆଁଇଂକେ ସାସନ୍ ଡିଂନାଡିଂକେ ।
\q1
\v 9 ନାଁ ଦରମ୍‌ଣ୍ଡ୍ରେକେ ବଲ୍ ନାବାଏ ଆରି ଅନ୍ୟାୟ୍‌କେ ଗୃନା ନାଡିଂଏ ।
\q1 ଆତେନ୍‌‌ସା ଅ ଇସ୍‌ପର୍ ନାଁନେ ଇସ୍‌ପର୍ ଆନାକେ ସ୍ରିବକେ
\q2 ନାଁନେ ସାଙ୍ଗ‍ଇଂନେ ବାନ୍ ଆନାକେ
\q2 ମାଲେ ସାର୍ଦାରେ ଞ୍ଚୁ ଏତେ ଆସିର୍ବାଦ୍ ଡିଙ୍ଗ୍‌ବକେ ।”
\m
\v 10 ମେଁ ଆରି ଣ୍ଡିଗ୍ ବାସଙ୍ଗ୍‌ବକେ
\q1 “ଅ ମାପ୍ରୁ ନାଁ ପର୍‌ତୁମ୍ ମଞ୍ଚ୍‌ପୁର୍‌ନେ ପାଣ୍ଡୁସନ୍‍ ତିଆର୍‌ ନାଡିଙ୍ଗ୍‌କେ
\q2 ବାରି କିତଂଇନି ନାଁନେ ନ୍ତି ଏତେ ନାରାରେକେ ।
\q1
\v 11 ତେନ୍ ସର୍‌ତେ ମେସୁଆ ନସ୍ଟ ଡିଂଏ । ମାତର୍‌ ନା କାଲାଆଃ ନାଲେଃଏ ।
\q2 ମେଇଂ ବାୱିର୍ ସକା ରକମ୍ ନସ୍ଟ ଡିଂଆର୍‌ଏ ।
\q1
\v 12 ସକାପାଟାଇ ତାମୁଙ୍ଗ୍‌କେ ସୁଗୁଆ
\q2 ନା ଆତେନ୍‌ ସାପା ସଜେ ନାବ‍ଏ
\q1 ବାରି ସକା ଆଃବଦ୍‌ଲେନେ ସୁଗୁଆ ନାରାଃବଦ୍‌ଲେଏ ।
\q2 ମାତର୍‌ ନିଜେ ନାଁ ନାବଦ୍‌ଲେ ଆରି କାଲାଆଃ ନାଲେଃଏ ।”
\m
\v 13 ଇସ୍‌ପର୍ ମେଁନେ ମୁଡ଼ି ଦୁତ୍‌କେ ଅଃନା ଆବାସଙ୍ଗ୍‌କେ;
\q1 “ନେଙ୍ଗ୍‌ ନାନେ ସତ୍ରୁଇଂକେ
\q2 ନାନେ ଞ୍ଚ‍ ଆଲ ମାରାଡିଂ ଜାକ
\q2 ନାଁ ନେଙ୍ଗ୍‌ନେ ଞ୍ଚଙ୍ଗ୍‌ନ୍ତି ପାକା କଲାଃଲା ।”
\p
\v 14 ତେଲା କିତଂଦୁତ୍‌ଇଂ ଜାଣ୍ଡେ ? ମେଁଇଂ ଡିଂଡିଂକେ ଇସ୍‌ପର୍‌ନେ ପୁଜା ଡିଂଣ୍ଡ୍ରେ ଉଦାର୍ ବାକ୍ନେ ରେମୁଆଁଇଂନେ ସାଇଜ ନ୍‌ସା ଇସ୍‌ପର୍‌ନେ ବାନ୍‌ ବେବକ୍ନେ ଆତ୍ମାଇଂ ।
\c 2
\s ମ୍ନା ଉଦାର୍
\p
\v 1 ନେଃ ଡିରକମ୍ ସତ୍‌ବାନ୍ ବିନେ ନେଡିଂ ଣ୍ଡୁ ଆକେନ୍‌ସା ନେଃ ଅଁନେଲେଃକ୍ନେ ସତ୍‌ ସାମୁଆଁନ୍ନିଆ ଡାଟ୍ ଡିଂଚେ ଲେଃନେ ଦର୍‌କାର୍ । 
\v 2 ଡାଗ୍‌ଲା ଅଃସେ କିତଂ ଦୁତ୍‌ଇଂନେବାନ୍ ମୁଡ଼ି ସାମୁଆଁ ଆମ୍ୟାଆର୍କେ ଆତେନ୍‌ ସତ୍ ଡାଗ୍‌ଚେ ପର୍‌ମାନ୍ ଡିଂଲେଃକେ ଜାଣ୍ଡେଇଂ ଆତେନ୍‌‌କେ ଆମାନେଚେ ପାଲନ୍ ଆଡିଂଆର୍‌କେ ମେଁଇଂ ବାନେ ଡଣ୍ଡ୍‌ ବାଲେଃଆର୍‌କେ । 
\v 3 ଡେତ୍‌ଲା ଆକେନ୍ ମ୍ନାପରିତ୍ରାନ୍‌କେ ଅବ‍ଏଲା ଡିଂଲା ନେଃ ଡିରକମ୍ ଉଦାର୍ ନେଃବାଏ ? ଆକେନ୍ ପରିତ୍ରାନ୍ ନିଜେ ମାପ୍‌ରୁ ନିଜେ ପର୍‌ତୁମ୍‌ ବାସଙ୍ଗ୍‌କେ ବାରି ମେଁନେବାନ୍ ଅଁଲେଃକ୍ନେ ରେମୁଆଁଇଂ ମେଁନେ ମ୍ନାସତ୍ ନେଁଇଂନେ ଡାଗ୍ରା ପର୍‌ମାନ୍ ଡିଂବକେ । 
\v 4 ଆରି ଣ୍ଡିଗ୍ ଇସ୍‌ପର୍ ବିନ୍‌ବିନ୍ ଚିନ୍ ଆରି ଇରିଆତୁକ୍ କାମ୍ ଆରି ବିନ୍‌ବିନ୍ ବପୁନେ ଗଟ୍‌ନା ବାନ୍‌ ଆତେନ୍‌ ସାପା ସାମୁଆଁ ସତ୍ ଡାଗ୍‌ଚେ ଆଦେସ୍ ବିବକେ ବାରି ନିଜର୍ ଇକ୍‌ଚା ଅନୁସାରେ ପବିତ୍ର ଆତ୍ମାନେ ଦାନ୍ ବାନ୍ ସାକି ବିଃବକେ ।
\s ଜିସୁ ରେମୁଆଁ ରୁପ୍ ସାଃକେ
\p
\v 5 ଇସ୍‌ପର୍ ମୁଡ଼ି ତ୍ମି ଦର୍‌ତନି ଆରେଏ ଆରି ମୁଡ଼ି ଦର୍‌ତନିନେ ସାମୁଆଁ ନେଃ ବାସଙ୍ଗ୍‌ନେଡିଂକେ ସାସନ୍‌ ଡିଙ୍ଗ୍‌ ନ୍‌ସା ମେଁ କିତଂଇନିନେ ଦୁତ୍‌ଇଂକେ ଅଦିକାର୍‌ ଆବିକେ ଣ୍ତୁ । 
\v 6 ଡାଗ୍‌ଲା ଦରମ୍‌ ସାସ୍ତର୍‌ନ୍ନିଆ ଗ୍ନୁଆର୍‌ ଲେଃକେ:
\q1 “ଏ ଇସ୍‌ପର୍, ରେମୁଆଁ ଜାଣ୍ଡେ ଜେ ନାଁ ମେଁ ନ୍‌ସା ଚିନ୍ତା ଡିଙ୍ଗ୍‌ନାଡିଙ୍ଗ୍‌କେ
\q2 ବାରି ରେମୁଆଁ ଅଃକେନ୍ ଡାଆଁ ଡିଂଲା ଡିଗ୍ ନା ମେଁନେ ଜତନ୍‌ ଡିଙ୍ଗ୍‌ନାଡିଙ୍ଗ୍‌କେ ?
\q1
\v 7 ନାଁ ଆମେକେ କିତଂଇନିନେ ଦୁତ୍‌ଇଂନେବାନ୍ ଇତୁଡ଼ା ମାତର୍‌ ଡାଆଁ ଆଡିଂଚେ ପେବକେ
\q2 ପେ ଆମେକେ ମ୍ନା ବାରି ସନ୍‌ମାନ୍ ରକମ୍‌ ସାଜନ୍ନିଆ ଆସଃ ନାବକେ ।
\q2
\v 8 ସର୍‌ତେ ବିସ‍ଏ ଆଡ଼ାତ୍ରା ଅଦିକାର୍ ଡିଂନେସା ବିନାବକେ ।”
\m ଆକେନ୍‌ନେ ଅର୍‌ତ ମେଃଡିଗ୍ ସାମୁଆଁ ମାଆନ୍ତାର୍‌ଚେ ସର୍‌ତେ ସାମୁଆଁ ଆଡ଼ାତ୍ରା ଅଦିକାର୍ ବିନାବକେ । ଆକ୍‌ବାନ୍ ନିମାଣ୍ଡା ବାବ୍‌ରେ ତ୍ନାକେ ଜେ ସର୍‌ତେ ସାମୁଆଁ ମେଁନେ ଇଃସାଙ୍ଗ୍‌ କାମ୍ ମଜେଲେଃକ୍ନେ । ସତେଆ ନେ ନେମ୍ୟାକେ ରେମୁଆଁ ଏକେ ସର୍‌ତେ ସାମୁଆଁ ଆଡ଼ାତ୍ରା ଅଦିକାର୍‌ ଡିଂଆଡିଙ୍ଗ୍‌କେ । 
\v 9 ମାତର୍‌ ନେଁ କେନେଡିଂକେ ଡିଡିରକମ୍ ଜିସୁ କିତଂଇନିନେ ଦୁତ୍‌ଇଂନେବାନ୍ ଇତୁଡ଼ା ଡାଆଁ ଆଃଡିଙ୍ଗ୍‌ବ‍ଆର୍‌ଗେ, ଡିରକମ୍ କି ଇସ୍‌ପର୍‌ନେ ଦୟାବାନ୍ ମେଁ ସାପାରେନେ ନ୍‌ସା ଗୁଏଃଏ । ମେଁନେ ଆତେନ୍‌ ଗୁଏଃନେ ନ୍‌ସା ନେଁ ଆମେକେ ଏଃକେ ମ୍ନା ଆରି ଆଲାଦ୍‌ ରକମ୍ ସାଜନ୍ନିଆ ଲେଃକ୍ନେ କିକେନେଡିଂକେ । 
\v 10 କ୍ଲିଗ୍‌ ଦର୍‌ତନି ସାପାରେନେ ଆରେଣ୍ଡ୍ରେ ଆରି ଆମ୍ବ୍ରଣ୍ଡ୍ରେ ଇସ୍‌ପର୍ ମେଁନେ ଏଜାମାୟାନେ ଉଂଇଙ୍କେ ଜିସୁନେ ମ୍ନାନିଆ ଆମିସୁନେ ନ୍‌ସା ଗୁଏନେ ବାନ୍‌ ଜିସୁକେ ନିମାଣ୍ଡା ଆଡିଂଚେ ଟିକ୍ କାମ୍ ଡିଂବକେ । ଡାଗ୍‌ଲା ଜିସୁ ଆଃ ଉଦାର୍ ଗାଲିନ୍ନିଆ ଆମେଇଂକେ ୱା ଡୁଂୱେଏ ।
\p
\v 11 ମେଁ ରେମୁଆଁଇଂକେ ପାପ୍‌ବାନ୍ ପବିତ୍ର ଆଃଡିଂଏ । ବାରି ତେନ୍‌ସା ଜିସୁ ଆରି ଆଜାକେ ପବିତ୍ର ଆଃଡିଂଏ, ମେଁଇଂ ସାପାରେ ଇସ୍‌ପର୍‌ନେ ଗଡ଼େଇଂ । ମେଁନେ ଣ୍ଡୁଲା ମେଁ ବାନ୍‌ ପବିତ୍ର ଡିଂକ୍ନେ ରେମୁଆଁଇଂନେ ଆବା ମୁଇଙ୍ଗ୍ । ତେନ୍‌ସା ଜିସୁ ଆମେଇଂକେ ବୟାଁ ଡାଗ୍‌ଚେ ବାସଙ୍ଗ୍‌ନେସା ଗେୱା ଆଡିଂଆର୍‌ଣ୍ଡୁ । 
\v 12 ମେଁ ଇସ୍‌ପର୍‌କେ ବାସଙ୍ଗ୍‌ବକେ:
\q1 “ନେଙ୍ଗ୍‌ ନାନେ ସର୍‌ତେ କାମ୍ ନିଂନେ ବିସ୍‌ବାସି ବୟାଁ ବାରି ତନାଇଂନେ ଡାଗ୍ରା ମ୍ବାସଙ୍ଗ୍ଏ ।
\q2 ନେଙ୍ଗ୍‌ ମେଁଇଂନେ କୁକପାର୍‌ନ୍ନିଆ ନାନେ ଅସ୍‌ମାର୍ ନ୍‌ସାର୍‌ଏ ।”
\m
\v 13 ମେଁ ଆକେନ୍ ଣ୍ଡିଗ୍ ବାସଙ୍ଗ୍‌ବକେ, “ନିଂ ଇସ୍‌ପର୍‌ନେ ଡାଗ୍ରା ବିସ୍‌ବାସ୍ ଣ୍ଡିଂଏ ଆରି ଇସ୍‌ପର୍ ଆନିଂକେ ମୁଡ଼ି ଗଡ଼େଇଂକେ ବିବକେ ମେଇଂ ନିଂ ଏତେ ଲେଃଆର୍‌କେ ।”
\p
\v 14 ମେଁ ଆଜାକେ ଉଂ ଡାଗ୍‌ଚେ ବାସଙ୍ଗ୍‌ବକେ ମେଁଇଂ ମିଆଁଚିଲି ଗାଗ୍‌ଡ଼େମିସୁକ୍ନେ ରେମୁଆଁ ଡିଂଲେଃକ୍ନେସା ଜିସୁ ଣ୍ଡିଗ୍ ନିଜେ ମେଁଇଂନେ ସୁଗୁଆ ରେମୁଆଁ ରୁପ୍ ଆରି ଗୁନ୍ ସାକେ । ମେଁ ଆକେନ୍ ଡିଂନେ ଉଦେସ୍ ଡିଂଡିଂକେ ମେଁ ଡିରକମ୍ ନିଜର୍‌ନେ ଗୁଏନେ ବାନ୍‌ ସ‍ଏତାନ୍‌କେ ବାଗୁଏଃଏ ଡାଗ୍‌ଲା ଗୁଏନେ ଆଡ଼ାତ୍ରା ସ‍ଏତାନ୍‌ନେ ଅଦିକାର୍ ଲେଃଗେ । 
\v 15 ଆକେନ୍‌ବାନ୍‌ କାଲାଆଃ ଗୁଏନେ ବୁଟରକମ୍ ଗତିରେ କ‍ଏଦ୍‌ ଡୁଆନ୍ନିଆ ଲେଃକ୍ନେ ରେମୁଆଁଇଂକେ ମେଁ ଉଦାର୍ ବିବକେ । 
\v 16 ଆକ୍‌ବାନ୍ ସତ୍ ତ୍ନାଏ ଜେ ମେଁ କିତଂ ଦୁତ୍‌ଇଂକେ ସାଆଜ୍ୟ ଆଡିଂଆର୍‌ ଣ୍ଡୁ ମାତର୍ “ମେଁ ଅବ୍ରାହାମ୍‌ନେ ବଂସଣ୍ଡ୍ରେଇଂକେ ସାଆଜ୍ୟ ଡିଂଏ ।” 
\v 17 ଆକେନ୍‌ନେ ଅର୍‌ତ ଡିଂଡିଂକେ ସାପା ବିସ‍ଏରେ ମେଁନେ ବୟାଁଇଂନେ ସୁଗୁଆ ଡିଂନେ ମେଁନେ ଦର୍‌କାର୍ ଲେଃଗେ ତେନ୍‌ସା ମେଁ ମେଁଇଂନେ ବିସ୍‌ବାସ୍ ଡିଂଣ୍ଡ୍ରେ ଆରି ଦୟାଡିଂଣ୍ଡ୍ରେ ମ୍ନାପୁଜାରି ଡିଂଚେ ଇସ୍‌ପର୍‌ନେ ପୁଜା ଡିଂୟାଆର୍‌ଏ ଆରି ରେମୁଆଁଇଂ ପାପ୍‌ କେମା ବାଆର୍‌ଏ । 
\v 18 ଡାଗ୍ଲା ମେଁ ନିଜେ ପରିକ୍ୟା ଡିଙ୍ଗ୍‌ଚେ ଦୁକ୍‌କସ୍ଟ ଡିଂଲାକ୍ନେସା ପରିକ୍ୟା ଆତିଲେଃକ୍ନେ ରେମୁଆଁଇଂକେ ସାଇଜ ଡିଂୟାଆର୍‌ଏ ।
\c 3
\s ଜିସୁ ମୋଶାନେବାନ୍ ମ୍ନା
\p
\v 1 କିସ୍‌ଟ ବିସ୍‌ବାସି ବୟାଁ ଆରି ତନାଇଂ ପେ ଣ୍ଡିଗ୍ ଇସ୍‌ପର୍‌ନେ ବାନ୍‌ ଡୱାବ୍ନଣ୍ଡ୍ରେ ! ପେ ଜିସୁନେ ବିସ‍ଏ ଚିନ୍ତା ଡିଂପା ମେଁ ନେଁନେ ଦର୍ମ ବିସ୍‌ବାସ୍‌ନେ ମ୍ନାପୁଜାରି ଡିଂନେ ନ୍‌ସା ଇସ୍‌ପର୍‌ନେ ବାନ୍‌ ବେବ୍ନଣ୍ଡ୍ରେ । 
\v 2 ମୋଶା ଡିରକମ୍ ଇସ୍‌ପର୍‌ନେ ଡୁଆନ୍ନିଆ ବିସ୍‌ବାସ୍‌ଣ୍ଡ୍ରେ ବାବ୍‌ରେ କାମ୍ ଡିଂବ‍ଆର୍‌ଗେ ଇସ୍‌ପର୍ ସ୍ରିକ୍ନେ ଜିସୁ ଡେତ୍‌ରକମ୍ ଆକେନ୍ କାମ୍ ନ୍‌ସା ଇସ୍‌ପର୍‌ନେ ଡାଗ୍ରା ବିସ୍‌ବାସ୍‌ଣ୍ଡ୍ରେ ଲେଃଆର୍‌ଗେ । 
\v 3 ଡୁଆ ବାନ୍ ଡୁଆ ଆରେଣ୍ଡ୍ରେକେ ମାଲେ ସନ୍‌ମାନ୍ ବିଆର୍‌ଏ । ଡେତ୍‌ରକମ୍ ମୋଶାନେ ବାନ୍ ଜିସୁ ମାଲେ ସନ୍‌ମାନ୍ ବାନ୍‌ସା ନିମାନ୍‍ ରେମୁଆଁ । 
\v 4 ସର୍‌ତେ ଡୁଆ ଜା ଣ୍ଡୁଲା ଜାଡିଗ୍ ମୁଇଂଜା ରେମୁଆଁ ଆରେବକେ ମାତର୍‌ ଇସ୍‌ପର୍ ସର୍‌ତେ ବିସ‍ଏକେ ଆରେଣ୍ଡ୍ରେ । 
\v 5 ସେବକ ବାବ୍‌ରେ ମୋଶା ଇସ୍‌ପର୍‌ନେ ଡୁଆନ୍ନିଆ ବିସ୍‌ବାସ୍‌ଣ୍ଡ୍ରେ ବାବ୍‌ରେ କାମ୍ ଡିଂବ‍ଆର୍‌ଗେ ବାରି ମେଁନେ କାମ୍ ଇସ୍‌ପର୍ ଇଡ଼ିଂଡେ ଆମ୍ୟାନ୍‌ସା ଲେଃକ୍ନେ ସାମୁଆଁନେ ଉଦା‍ଅରନ୍ ସୁଗୁଆ । 
\v 6 ମାତର୍‌ କିସ୍‌ଟ ଉଂ ବାବ୍‌ରେ ଇସ୍‌ପର୍‌ନେ କ୍ଲିଗ୍‌ଡା ଡୁଆକେ ସାମ୍ୱାଲେନେ ମେଁ ବିସ୍‌ବାସ୍‌ଣ୍ଡ୍ରେ ବାବ୍‌ରେ ଲେଃକେ । ନେଃ ଜଦି ସାହାସ୍ ସାଚେ ଆସାଆଡିଂକ୍ନେ ବିସ‍ଏ ନେବାଏ ଡାଗ୍‌ଚେ ନେନେ ବିସ୍‌ବାସ୍‌ନିଆ ଡାଟ୍ ନେଲେଃଏ ତେଲା ନେ ମେଁନେ ଡୁଆ ରକମ୍ ନେଡିଂଏ ।
\s ଇସ୍‌ପର୍‌ନେ ରେମୁଆଁଇଂନେ ନ୍‌ସା ପୁଣ୍ତେନେ
\p
\v 7 ତେନ୍‌ସା ପବିତ୍ର ଆତ୍ମା ଡେକ୍‌ରକମ୍ ବାସଙ୍ଗ୍‌ଡିଂ
\q1 “ଏକେ ଜଦି ପେଇଂ ଇସ୍‌ପର୍‌ନେ ସାମୁଆଁ ପେଅଁଏ
\q2
\v 8 ତେଲା ପେଇଂନେ ନ୍ତାଞ୍ଜାଇଂନେ ସୁଗୁଆ ମନ୍ ଡାଟ୍ ଆରାଡିଙ୍ଗେପା ।
\q2 କଣ୍ଡାନିଆ ମେଇଂ ତେନ୍ କାଲା ଇସ୍‌ପର୍‌କେ ପରିକ୍ୟା ଡିଂଚେ ମେଁନେ ଆଡ଼ାତ୍ରା ବିରୁଦ୍‌ରେ କାମ୍ ଡିଙ୍ଗ୍‌ବଆର୍ଗେ ।
\q1
\v 9 ଇସ୍‌ପର୍ ବାସଙ୍ଗ୍‌ଡିଂ ଆତ୍‌ଅରିଆ ମେଁଇଂ ନିଂନେ ବପୁ ଆରି ଡାଟ୍ ପରିକ୍ୟା ଡିଙ୍ଗ୍ଆର୍‌କେ
\q2 ବାରି ମ୍ବାର୍‌କୁଡ଼ି ମୁଆଁ ଜାକ ନେଙ୍ଗ୍‌ ମୁଡ଼ିସାପା କାମ୍ ଡିଂମ୍ବଗେ ଆତେନ୍‌ ମେଁଇଂ କେଲେଃଆର୍‌ଗେ ।
\q1
\v 10 ତେନ୍‌ସା ନେଙ୍ଗ୍‌ ଏନ୍ ବଁସ୍‌କୁଲ୍‌ ଆଡ଼ାତ୍ରା ରିସା ଡିଙ୍ଗ୍‌ଚେ ମ୍ବାସଙ୍ଗ୍‌କେ
\q2 ମେଇଂ କାଲାଆଃ ଅବିସ୍‌ବାସ୍‌ ଡିଂଆର୍‌ଏ
\q2 ବାରି ନେଙ୍ଗ୍‌ନେ ଆଦେସ୍ ମାନେନ୍‌ସା ଇକ୍‌ଚା ଆଡିଙ୍ଗ୍‌ଆର୍‌ ଣ୍ଡୁ ।
\q1
\v 11 ନେଙ୍ଗ୍‌ ଗିସେଃଚେ ପର୍‌ମାନ୍ ଣ୍ଡିଂକେ
\q2 ନେଙ୍ଗ୍‌ ମୁଡ଼ି ଦେସ୍‌ନ୍ନିଆ ଆମେଇଂକେ ପୁଣ୍ଡେନେ ମ୍ପାବି ଆତେନ୍‌ ଦେସ୍‌ନ୍ନିଆ ମେଁଇଂ ବିଲ୍‌କୁଲ୍‌ ଗା ଆୟାଆର୍‌ ଣ୍ଡୁ ।”
\p
\v 12 ଅ ବିସ୍‌ବାସି ବୟାଁ ଆରି ତନାଇଂ ତରକ୍ ଡିଂ ଲାଲାପା ପେଇଂନେ ବିତ୍ରେବାନ୍ ଜାଣ୍ଡେନେ ମନ୍‌ ଡିଃଡିକି ପାପ୍ ଆରି ଅବିସ୍‌ବାସ୍‌ରେ ତ୍ନଚେ ଜିବନ୍ ଇସ୍‌ପର୍‌ନେ ଡାଗ୍ରାବାନ୍ ସ୍ଲ ଆଡିଂଗେପା । 
\v 13 ପେନେ ବିତ୍ରେବାନ୍ ଜାଣ୍ଡେ ଡିଡିକି ପାପ୍ ବାନ୍‌ ଆନାଲେଚେ ଡାଟ୍ ମନ୍ ଆଡିଙ୍ଗେପା ଆକେନ୍‌ସା ନିଜେ ନିଜେକେ କାଲାଆଃ ସାଆଜ୍ୟ ଡିଂପା । ବାରି ଦର୍ମ ସାସ୍ତର୍‌ନ୍ନିଆ ଗ୍ନୁଆର୍ ଲେଃକେ, “ଏକେ” ପଦ୍ ଉଡ଼ି ଜାକ ନେନେ ଡାଗ୍ରା ବେବ‍ଆର୍‌ ନିମାଣ୍ଡା ଅଃତେନ୍‍ ଜାକ ଆତେନ୍‌ ଡିଂଲାଲାପା । 
\v 14 ଜଦି ନେ ସାରାସାରି ଜାକ ନେଁଇଂନେ ଅସେନେ ବିସ୍‌ବାସ୍‌ନିଆ ଡାଟ୍ ନେଲେଃଏ ତେଲା ନେଃ ସାପାରେ କିସ୍‌ଟନେ ରେମୁଆଁ ଡିଂ ନେୟାଏ ।
\p
\v 15 ଦର୍ମସାସ୍ତର୍‌ନ୍ନିଆ ଗୁଆର୍‌ବକେ,
\q1 “ଏକେ ଜଦି ପେ ଇସ୍‌ପର୍‌ନେ ସାମୁଆଁ ପେଅଁଏ
\q2 ତେଲା ପେନେ ନ୍ତାଞ୍ଜାଇଂନେ ଗାଗ୍‌ଡ଼େ ଡାଟ୍ ଡିଂଚେ ଇସ୍‌ପର୍‌ନେ ଆଡ଼ାତ୍ରା ଡିରକମ୍‌ ବିରଦ୍‌ କାମ୍ ଡିଙ୍ଗ୍‌ବଆର୍ଗେ
\q2 ଦେତ୍‌ରକମ୍ ଆଡିଂଗେପା ।”
\p
\v 16 ଇସ୍‌ପର୍‌ନେ ସାମୁଆଁ ଅଁଚେ ଣ୍ଡିଗ୍ ଜାଣ୍ଡେଇଂ ମେଁନେ ଆଡ଼ାତ୍ରା ବିରଦ୍‌ ଡିଙ୍ଗ୍‌ଆର୍‌କେ ମେଇଂ ଜାଣ୍ଡେ ? ଜାଣ୍ଡେଇଂକେ ମୋଶା ମିସର୍‌ ଦେସ୍‌ବାନ୍ ୱା ଡୁଂପାଂବଗେ ଆତେନ୍‌‌ଣ୍ଡ୍ରେ ଣ୍ଡୁ କି ? 
\v 17 ମ୍ବାର୍‌କୁଡ଼ି ମୁଆଁ ସାଚେ ମୁଡ଼ି ଇସ୍‌ପର୍‌କେ ରିସା ଡିଙ୍ଗ୍‌ବ‍ଆର୍ଗେ ମେଇଂ ଜାଣ୍ଡେ ? ଜାଜା ପାପ୍ କାମ୍ ଡିଂଚେ ପାଦାନ୍ନିଆ ଗୁଏଃ ଲେଃଆର୍‌ଗେ ଆତେନ୍‌‌ଣ୍ଡ୍ରେ ଣ୍ଡୁ କି ? 
\v 18 ଇସ୍‌ପର୍ ଉଡ଼ିବେଲା ପର୍‌ମାନ୍ ଡିଂଚେ ବାସଙ୍ଗ୍‌ବଗେ ଜେ “ମେଇଂ ନେଃନେ ପୁଣ୍ଡେନ୍ନିଆ ଅଃନାଡିଗ୍ ଗାନେ ଆୟାଆର୍‌ ଣ୍ଡୁ” ଅଃତେନ୍‌ ବେଲା ମେଁ ଜାନେ ବିସ‍ଏରେ ଆତେନ୍‌ ବାସଙ୍ଗ୍‌ବଗେ ? ଜାଣ୍ଡେଇଂ ବିରଦ୍‌ ଡିଂବ‍ଆର୍‌ଗେ ମେଁଇଂନେ ବିସ‍ଏରେ ମେଁ ଆତେନ୍‌ ବାସଙ୍ଗ୍‌ବଗେ । 
\v 19 ଆକେନ୍‌ସା ନେଃ କିକେନେଡିଂକେ ଜେ ମେଁଇଂନେ ଅବିସ୍‌ବାସ୍ ନ୍‌ସା ମେଁଇଂ ଆତେନ୍‌ ପାର୍‌ମାନ୍ ଡିଂବକ୍ନେ କିଣାନ୍ ଦେସ୍‌ନ୍ନିଆ ୱେଚା ଆୟାଆର୍‌କେ ଣ୍ତୁ ।
\c 4
\p
\v 1 ଆନେକେ ମୁଡ଼ି ପାର୍‌ମାନ୍ ଡିଂକ୍ନେ କିଣାନ୍ ଦେସ୍‌ ବିଆର୍‌ଏ ଡାଗ୍‌ଚେ ଇସ୍‌ପର୍ ବାସଙ୍ଗ୍‌ବଗେ ଆତେନ୍‌ ନେନେ ବା ନେୟାଏ ଡାଗ୍‌ଚେ ଇସ୍‌ପର୍ ପର୍‌ମାନ୍ ଡିଂବକେ । ଆତେନ୍‌ ପର୍‌ମାନ୍‌ ଡିଂବଗେ ପୁଣ୍ଡେନେବାନ୍ ଜାଣ୍ଡିଗ୍ ଡିରକମ୍‌ ମ୍ବ୍ର ପେଲେଃ ଆକେନ୍‌ସା ଉର୍ ଲାଲାପା । 
\v 2 ଡାଗ୍‌ଲା ମେଁଇଂନେ ସୁଗୁଆ ନେ ଣ୍ଡିଗ୍ ନିମାଣ୍ଡାସାମୁଆଁ ଅଁନେଲେଃକେ । ମେଇଂ ଆତେନ୍‌ ଅଁଚେ ଣ୍ଡିଗ୍ ବିସ୍‌ବାସ୍‌ନ୍ନିଆ ମାନେଃ ଆଡିଂଆର୍‌କେ ଣ୍ଡୁ । ଆତେନ୍‌ ଏଃକେ ଣ୍ଡିଗ୍ ପାର୍‌ମାନ୍‌ରେ ଲେଃକେ । ତେନ୍‌ସା ମେଁଇଂନେ ନ୍‌ସା ଆତେନ୍‌ ଲାବ୍ ଆଡିଂକେ ଣ୍ଡୁ । 
\v 3 ମାତର୍‌ ନେ ବିତ୍ରେବାନ୍ ଜାଣ୍ଡେଇଂ ବିସ୍‌ବାସ୍ ଡିଂଆର୍‌ଏ
\q1 ମେଇଂ ଆଃ ଇସ୍‌ପର୍‌ନେ ପର୍‌ମାନ୍‌ ଡିଂବ୍ନ ପୁଣ୍ଡେନେ ବା ୟାଆର୍‌ଏ
\q2 ଡାଗ୍‌ଲା ଇସ୍‌ପର୍ ବାସଙ୍ଗ୍‌ଡିଂକେ “ନିଂ ଗିସେ ଡିଂଚେ ପର୍‌ମାନ୍ ଣ୍ଡିଂକେ: ମେଇଂ ନିଂନେ ପୁଣ୍ଡେନ୍ନିଆ ଆଗାଆର୍‌ ଣ୍ଡୁ ।” ଦର୍‌ତନିନେ ସୃଷ୍ଟି ବେଲାବାନ୍ ମେଇଂନେ କାମ୍ କ୍ଲିଗ୍‌ଡା ଡା ଲେଃଲା ଡିଗ୍ ଇସ୍‌ପର୍ ଏନ୍ ସାମୁଆଁ ବାସଙ୍ଗ୍‌ବଗେ । ଜଦି ଆକେନ୍ ଦର୍‌ତନିନେ ଆଃରେନେ ବେଲାବାନ୍ ତିଆର୍ ଡିଂଲେଃକେ । 
\v 4 ଦର୍ମ ସାସ୍ତର୍‌ନେ ମୁଡ଼ି ମୁଇଙ୍ଗ୍ ଟାନ୍‌ନିଆ “ଗୁ ଦିନା” ବିସ‍ଏରେ ଡେକ୍‌ରକମ୍ ବାବ୍‌ରେ ଗ୍ନୁଆର୍ ଲେଃକେ, “ଇସ୍‌ପର୍ ମେଁନେ ସର୍‌ତେ କାମ୍ ଆଃଡାଚେ ଗୁ ଦିନା ପୁଣ୍ଡେକେ ।” 
\v 5 ବାରି ଏନ୍ ବିସ‍ଏରେ ବିନ୍‌ନ୍ତୁଗ୍ ଗ୍ନୁଆର୍ ଲେଃକେ ଇସ୍‌ପର୍ ବାସଂକେ “ମେଇଂ ନିଂନେ ପୁଣ୍ଡେନେ ଡୁଆନ୍ନିଆ ଅଃନାଡିଗ୍ ଗାନେ ଆୟାଆର୍‌ ଣ୍ଡୁ ।” 
\v 6 ଜାଣ୍ଡେଇଂ ମୁଲେ ନିମାଣ୍ଡାସାମୁଆଁ ଅଁଲେଃଆର୍‌ଗେ ନିଜର୍ ଅବିସ୍‌ବାସ୍ ନ୍‌ସା ଆତେନ୍‌ ପୁଣ୍ଡେନେ ବାନେସା ସାତାଲୁ ଡିଂଲେଃଆର୍‌ଗେ । ଏକେ ବିନ୍‌ଣ୍ଡ୍ରେ ଆତେନ୍‌ ପୁଣ୍ଡେନେ ବାନେସା ବେଲା ବାଡିଂଆର୍‌କେ; 
\v 7 ଡାଗ୍‌ଲା ମେଁଇଂନେ ନ୍‌ସା ଇସ୍‌ପର୍ ବିନ୍ ମୁଇଙ୍ଗ୍ ଦିନ୍ ଆରେବକେ ବାରି ଆତେନ୍‌ ଡିଂଡିଂକେ “ଏକେ ।” ଆଡ଼ାତ୍ରା ବେଲାନେ ଗୁଲୁଏ ମୁଆଁ ଇଡ଼ିଙ୍ଗ୍ ଇସ୍‌ପର୍ ଇଃସାଙ୍ଗ୍ ଦାଉଦନେ ବାନ୍‌ ଆକେନ୍ ସାମୁଆଁ ଗୁଆର୍‌କ୍ନେ ସାସ୍ତର୍‌ ସାମୁଆଁନ୍ନିଆ ବାସଙ୍ଗ୍‌ବଗେ:
\q1 “ଏକେ ଜଦି ନା ଇସ୍‌ପର୍‌ନେ ସାମୁଆଁ ନା‍ଅଁଏ
\q2 ତେଲା ମନ୍ ଡାଟ୍ ଆଡିଂଗେ ।”
\p
\v 8 ଜଦି ଯିହୋଶୂୟ ରେମୁଆଁଇଂକେ ଇସ୍‌ପର୍‌ନେ ପାର୍‌ମାନ୍‌ ଡିଂକ୍ନେ ପୁଣ୍ଡେନେ ବିଃ ପାୟା, ତେଲା ଇସ୍‌ପର୍ ଇଡ଼ିଙ୍ଗ୍ ବିନ୍ ମୁଇଙ୍ଗ୍ ପୁଣ୍ଡେନେ ଦିନ୍ ସାମୁଆଁ ଆଗୁଆର୍‌ପାଡିଂ । 
\v 9 ଆକେନ୍‌ସା ଆକେନ୍ ସତ୍ ଜେ ଇସ୍‌ପର୍‌ ରେମୁଆଁଇଂନେ ନ୍‌ସା ମୁଇଂ ପୁଣ୍ଡେନେ ଉର୍ ଡିଂକେ । 
\v 10 ଇସ୍‌ପର୍ ଡିଡିକି ନିଜର୍ କାମ୍‌ବାନ୍ ପୁଣ୍ଡେକେ ଜେ ଜାଣ୍ଡେ ଇସ୍‌ପର୍‌ନେ ପୁଣ୍ଡେନ୍ନିଆ ଗା ଆର୍‌ଏ । ମେଇଂ ମେଁଇଂନେ କାମ୍ ଆନାରବାନ୍ ପୁଣ୍ଡେନେ ବାଲେଃଆର୍‌କେ । 
\v 11 ଆକେନ୍‌ସା ନେ ବିତ୍ରେବାନ୍ ଜାଣ୍ଡେ ଡିଡିକି ନିଜର୍ ଅବିସ୍‌ବାସ୍ ନ୍‌ସା ଆତେନ୍‌ ରେମୁଆଁଇଂନେ ସୁଗୁଆ ଆତେନ୍‌ ପୁଣ୍ଡେନେବାନ୍ ବିନେ ଆଡିଂ ଆକେନ୍‌ସା ଗ୍ୟାଗ୍ୟା ଚେସ୍‌ଟା ନେଃଡିଂପା ।
\p
\v 12 ଇସ୍‌ପର୍‌ନେ ସାମୁଆଁ ଜିବନ୍ ବାରି କାମ୍ ପୁରନ୍ ଡିଂନେ ସୁଗୁଆ । ଆତେନ୍‌ ମ୍ବାର୍ ପାକା ଡିଗ୍‌କ୍ନେ କାଣ୍ଡା ବାନ୍ ମାଲେ ଡିଗ୍‌କ୍ନେ; ଆତ୍ମା ବାରି ଜିବନ୍‌ ଣ୍ଡୁଲା ମାଣ୍ଡି ବାରି ଞ୍ଚ୍ୟା ବିତ୍ରେନେ ତ୍ମସାର୍ ରକମ୍‌ ବାରି ରେମୁଆଁ ମନ୍‌ନେ ଇକ୍‌ଚା ଆରି ଆରେନେ ବିଚାର୍‌ଣ୍ଡ୍ରେ । 
\v 13 ଇସ୍‌ପର୍‌ନେବାନ୍ ମେଃଡିଗ୍ ସାମୁଆଁ ବୁଡ଼ି ଣ୍ଡୁ; ସର୍‌ତେ ବିସୟ୍‌ ଆଃରେକ୍ନେ ଡାଗ୍ରା ସାପା ସାମୁଆଁ ମେଁନେ ସାପା ସାକି ମ୍ମୁଆଃ ଡାଗ୍ରା ନିଅମ୍ ଅମାନି ଆରି ମେଲା ଡିଂଏ । ଆତେନ୍‌ ଇସ୍‌ପର୍‌ନେ ଡାଗ୍ରା ଆନେଃକେ ଇସାବ୍ ବିଃନେ ପଡ଼େଏ ।
\s ଜିସୁ ସାପାଟୁ ମ୍ନାପୁଜାରି
\p
\v 14 ତେନ୍‌ସା ନେ ମୁଡ଼ି ଦର୍ମ ବିସ୍‌ବାସ୍‌କେ ବାସଙ୍ଗ୍ ନେଡିଂକେ ଆତେନ୍‌ ଡାଟ୍ ବାବ୍‌ରେ ସାଚେ ବନ୍‌ସା ଡିଂଏ; ଡାଗ୍‌ଲା ନେନେ ସାପାଟୁ ମ୍ନାପୁଜାରି ଇସ୍‌ପର୍‌ନେ ଗଡ଼େଅ ଜିସୁ ଇସ୍‌ପର୍‌ନେ ଡାଗ୍ରା ୱେଲେଃଆର୍‌କେ । 
\v 15 ଜା ନେନେ ବୁଲ୍‌ ମ୍ୟାଃ ଆୟାଆର୍‌ ଣ୍ଡୁ, ଡେତ୍‌ରକମ୍ ମ୍ନାପୁଜାରି ମେଁ ଣ୍ଡୁ । ଡାଗ୍‌ଲା ନେ ମ୍ନାପୁଜାରି ନେ ସୁଗୁଆ ବିନ୍‌ବିନ୍ ପର୍‌କାରେ ଲାଲ୍‌ସା ଡିଂଲେଃଗେ ମାତର୍‌ ମେଁ ପାପ୍ ମାଡିଙ୍ଗ୍‌ଚେ ଲେଃଗେ; 
\v 16 ତେନ୍‌ସା ନେ ବର୍‌କସ୍‌ ଏତେ ଇସ୍‌ପର୍‌ନେ ଦୟା ସିଂଆସନ ଡାଗ୍ରା ୱେନେୟାଏ । ଆତ୍‌ଅରିଆ ନେନେ ଦର୍‌କାର୍ ବେଲା ନେନେ ନିମାଣ୍ଡା କାମ୍ ନ୍‌ସା ଦୟା ଆରି ଲିବିସ ଲାବ୍ ନେଡିଂଏ ।
\c 5
\p
\v 1 ସର୍‌ତେ ମ୍ନାପୁଜାରି ନିଜର୍‌ ଜାତି ରେମୁଆଁଇଂନେ ବିତ୍ରେବାନ୍ ସ୍ରିଚେ ଆରି କାମ୍ ବାଆର୍‌ଏ । ମେଁ ମେଁଇଂନେ ପାକାବାନ୍ ପାପ୍ କେମା ନ୍‌ସା ପୁଜା ଆରି ଦାନ୍‌ ବିଚେ ଇସ୍‌ପର୍‌ନେ ପୁଜା ଡିଂଆର୍‌ଏ । 
\v 2 ମେଁ ନିଜେ ବିନ୍‌ବିନ୍ ପର୍‌କାର୍‌ନେ ସାତାଲୁ ରକମ୍‌ ଡିଙ୍ଗ୍‌ଲେଃକେ ବାରି ମେଁନେ ବୁଦି ଣ୍ତୁ ବାରି ବୁଜେ ଆୟାକ୍ନେ ରେମୁଆଁଇଂକେ ମେଁ ସମ୍ବାଲେ ୱେଏ । 
\v 3 ବାରି ମୁଇଙ୍ଗ୍ ଜେ ବିନ୍‌ଣ୍ଡ୍ରେଇଂନେ ପାପ୍ ନ୍‌ସା ଆମେକେ ପୁଜା ଅପେଃ ନ୍‌ସା ଡିଂଏ, ଆତେନ୍‌ ଣ୍ଡୁ, ମାତର୍‌ ମେଁ ନିଜର୍ ପାପ୍ ନ୍‌ସା ଣ୍ଡିଗ୍ ଆମେକେ ପୁଜା ଅପେଃ ନ୍‌ସା ଡିଂଲେଏ । 
\v 4 ଜାଣ୍ଡେ ନିଜେ ନିଜେକେ ମ୍ନାପୁଜାରିନେ ପୁଜା ପଦ୍‌ନ୍ନିଆ ଗା ଡିଂଆୟା ଣ୍ଡୁ । ହାରୋଣନେ ସୁଗୁଆ ଜେ ମୁଇଙ୍ଗ୍ ଇସ୍‌ପର୍‌ନେ ବାନ୍‌ ଡୱାବ୍ନ ମେଁ ମ୍ନାପୁଜାରି ପଦ୍ ବାଏ ।
\p
\v 5 ଡେତ୍‌ରକମ୍ ମ୍ନାପୁଜାରି ପଦ୍‌ନ୍ନିଆ ସନ୍‌ମାନ୍ ବାନେସା କିସ୍‌ଟ ନିଜ୍‌କେ ଆଗା ଆବଗେ । ବିନ୍‌ପାକା ଇସ୍‌ପର୍ ଆମେକେ ସ୍ରିଚେ ବାସଙ୍ଗ୍‌ବଗେ
\q1 “ନା ନିଂନେ ଉଂ
\q2 ଏକେ ନିଂ ନାନେ ଆବା ଣ୍ଡିଙ୍ଗେ ।”
\m
\v 6 ବିନ୍‌ନ୍ତୁଗ୍ ମେଁ ଆକେନ୍ ଣ୍ଡିଗ୍ ବାସଙ୍ଗ୍‌ବକେ
\q1 “ନା ପୁଜାରି ପଦ୍‌ନ୍ନିଆ ମଲ୍‌କିସେଦକନେ ଉଂ ସୁଗୁଆ କାଲାଆଃ ନ୍‌ସା
\q2 ପୁଜାରି ଡିଂଚେ ନାଲେଃଏ ।” \fig ମ୍ନା ପୁଜାରିନେ ସକା ବାରି ଦୁପ୍ ସାଃଲେଃକ୍ନେ ଚିତ୍ର|alt="High priest with his priestly clothes and censer" src="hk00267c.tif" size="col" copy="Horace Knowles ©" ref="୫:୫"\fig*
\p
\v 7 \x + \xo ୫:୭ \xo*\xt ମାତିଉ ୨୬:୩୬-୪୬; ମାର୍‌କ ୧୪:୩୨-୪୨; ଲୁକ୍‌ ୨୨:୩୯-୪୬.\xt*\x*ମୁଡ଼ି ଇସ୍‌ପର୍ ଆମେକେ ଗୁଏନେବାନ୍ ଆମ୍ବ୍ରନ୍‌ସା ରାଜି ମେଁନେ ଡାଗ୍ରା ଜିସୁ ଆକେନ୍ ଜିବନ୍‌ନ୍ନିଆ ଆମ୍ୱ୍ର ନ୍‌ସା ଡେମୁଆଁ କିଗ୍‌ଚେ ଗୁଆରି ଡିଙ୍ଗ୍‌ଚେ ପାର୍‌ତନା ଡିଂବଗେ । ମେଁ ନିଜ୍‌କେ ଡାଆଁ ଆରି ଦରମ୍ ଡିଂଲେଃକ୍ନେସା ଇସ୍‌ପର୍ ମେଁନେ ପାର୍‌ତନା ଅଁଲେଃଗେ । 
\v 8 ଜଦି ମେଁ ଇସ୍‌ପର୍‌ନେ ଉଂ ଲେଃଗେ ମେଁ ଦୁକ୍‌କସ୍ଟ ବାନ୍‌ ସାମୁଆଁ ସାଚେ ଅଲେଙ୍ଗ୍‌ନେସା ମ୍ୟାକେ । 
\v 9 ଡେକ୍‌ରକମ୍ ଇସ୍‌ପର୍ ଆମେକେ ମୁଇଂ ନିମାଣ୍ଡା ମ୍ନା ପୁଜାରି ଡାଗ୍‌ଚେ ବାବେକେ, ମେଁ ମେଁନେ ସାମୁଆଁ ମାନେଣ୍ଡ୍ରେଇଂନେ ନ୍‌ସା କାଲାଆଃ ଆଃମ୍ବ୍ରନେ ରେମୁଆଁ ରକମ୍‌ ଡିଂକେ । 
\v 10 ବାରି ମେଁ ମଲ୍‌କିସେଦକନେ ଉଂ ସୁଗୁଆ ମ୍ନାପୁଜାରି ଡିଂଗେ ଡାଗ୍‌ଚେ ଇସ୍‌ପର୍ ବାସଙ୍ଗ୍‌କେ ।
\s ବିସ୍‌ବାସ୍ ଆନ୍ତାର୍‌ନେ ଚୁଚୁ
\p
\v 11 ଏନ୍ ବିସୟ୍‌ରେ ନେନେ ଗୁଲୁଏ ଏଃତେ ସାମୁଆଁ ବାସଙ୍ଗ୍‌ନେ ଲେଃକେ । ମାତର୍ ଆପେକେ ଆଃବୁଜେନେ କସ୍ଟ । ଡାଗ୍‌ଲା ପେ ଆତ୍ମିକ ଆରି ଦ୍ରିଗ୍‌ନ୍ନିଆ ଗଣ୍ଡାଃ । 
\v 12 \x + \xo ୫:୧୨ \xo*\xt ୧ କରିନ୍‌ତିୟ ୩:୨.\xt*\x*ପେଇଂ ବିନ୍‌ଣ୍ଡ୍ରେଇଂକେ ସିକ୍ୟା ବିନେ ବେଲା ଡିଂଗେ, ଏଲେଡିଗ୍ ଏକେ ଣ୍ଡିଗ୍ ଇସ୍‌ପର୍‌ନେ ସାମୁଆଁନେ ସତ୍ ସାମୁଆଁଇଂ ଆପେକେ ସିକ୍ୟା ବିନେସା ଗ୍ର ଦର୍‌କାର୍ ଡିଂଡିଂକେ । ପେଇଂ ମାଆର୍ଗେଃନେ କାଦି ଚଂନେ ଚୁଚଂ ବାଦୁଲ୍ ଏଃଜାକ ତ୍ରାଃଡ଼ିଆ ଉଗ୍ ପେଡିଂକେ । 
\v 13 ଜାଣ୍ଡେ ମୁଇଙ୍ଗ୍ ତ୍ରାଡ଼ିଆ ଉଗ୍‌ଏ ମେଁ ଚିଚିଲେଗ୍‌ଅ ଅବସ୍ତାରେ ଲେଃକେ । ବଲ୍ ମନ୍ଦ୍ ବିସ‍ଏରେ ମେଁନେ ବୁଦି ଆଡିଂକେ ଣ୍ଡୁ । 
\v 14 ବିନ୍ ପାକା ମାଆର୍ଗେଃନେ କାଦି ଚଂନେ ବୟସ୍କ ରେମୁଆଁଇଂନେ ନ୍‌ସା; ମେଇଂ ଜିବନ୍‌ନେ ବିନ୍‌ବିନ୍ ଗିଆନ୍ ବାନ୍‌ ବଲ୍ ଆରି ମନ୍ଦ୍‌ନେ ବିନ୍ ମ୍ୟାଆର୍‌ଏ ।
\c 6
\p
\v 1 ଆକେନ୍‌ସା ନେ ଏକେବାନ୍ କିସ୍‌ଟ ଦର୍ମନେ ମୁଲ୍ ସାମୁଆଁଇଂ ଆନ୍ତାର୍‌ଚେ ସତ୍ ସାମୁଆଁଇଂ ସାପା ଆଃସିକେନ୍ନିଆ ସେନୁଗ୍ ଡିଂନେ ଦର୍‌କାର୍ । ନେ ଦର୍ମ ବିସ୍‌ବାସ୍‌ନେ ସତ୍ ସାମୁଆଁଇଂ ଆତେନ୍‌ ଦଦ୍ୟା କାମ୍‌ବାନ୍ ବିନେ ଡିଂଚେ ଇସ୍‌ପର୍‌ନେ ଡାଗ୍ରା ବିସ୍‌ବାସ୍‌ ନେଡିଂପା 
\v 2 ଣ୍ଡିଆଦିକ୍ୟା ବିସ‍ଏରେ ସିକ୍ୟା, ବାଆଃ ଆଡ଼ାତ୍ରା ନ୍ତି ବନେ, ମ୍ନାବିଚାର୍, ଗୁଏଃରେଇଂନେ ବାର୍‌ମୁଇଂତର୍‌ ତଃଡ଼ିଆନେ ଆରି ମାଡାନେ ଡଣ୍ଡ୍ ଉଡ଼ିକ୍ଲିଗ୍ ସାମୁଆଁଇଂନେ ଦେସ୍ ବାର୍‌ମୁଇଂତର୍ ଆଃରେନେ ଦର୍‌କାର୍ ଣ୍ଡୁ । 
\v 3 ଆନେକେ ଏକେ ସେନୁଗ୍ ୱେନ୍‌ସା ଡିଂଏ । ଇସ୍‌ପର୍‌ନେ ଆଡ଼ାତ୍ରା ଆସା ଡିଂଚେ ଆକେନ୍‌ ଆଃ ନେ ନେଡିଂପା ।
\p
\v 4 ଜାଣ୍ଡେଇଂ ବିସ୍‌ବାସ୍‌ ଆନ୍ତାର୍‌ ବ‍ଆର୍‌କେ ମେଇଂ ମନେ ଡିଂଚେ ବାର୍‌ମୁଇଂତର୍ ଆଣ୍ଡେ ପାଙ୍ଗ୍ ୟାଆର୍‌ଏ କି ? ମେଇଂ ମୁଇଂନ୍ତୁଗ୍ ଇସ୍‌ପର୍‌ନେ ତାର୍‌କିଗ୍‌ନ୍ନିଆ ବାସା ଡିଂଆର୍‌ଗେ କିତଂ ଦାନ୍‌ନେ ଉସାସ୍ ବାଚେ ପବିତ୍ର‍ ଆତ୍ମାକେ ବାଲେଃଆର୍‌ଗେ । 
\v 5 ମେଇଂ ଇସ୍‌ପର୍‌ନେ ସାମୁଆଁନେ ବପୁ ବୁଜେ ଲେଃଆର୍‌ଗେ ବାରି ଇଡ଼ିଂଡେ ଜୁଗ୍‌ନେ ବପୁ ଏତେ ବଆର୍‌ଗେ । 
\v 6 ଏଲେଣ୍ଡିଗ୍ ମେଇଂ ବିସ୍‌ବାସ୍ ଆନ୍ତାର୍‌ ବ‍ଆର୍‌କେ । ତେନ୍‌ସା ବାର୍‌ମୁଇଂତର୍ ମନେ ଡିଂନେ ନ୍‌ସା ଆମେଇଂକେ ବାସଙ୍ଗ୍‌ନେ କସ୍ଟ ଡାଗ୍ଲା ମେଇଂ ଇସ୍‌ପର୍‌ନେ ଉଂଡେକେ ବାର୍‌ମୁଇଂତର୍ କୁରୁସ୍‌ନ୍ନିଆ ଡାଚେ ସାପାରେନିଆ ଲୁଆ ଡିଂଆର୍‌ଡିଂକେ ।
\p
\v 7 ମୁଡ଼ି ତୁବଃ ଗୁର୍‌କ୍ନେ ଣ୍ଡିଆ ଗ୍ର‍ଅନ୍‌ ଡିଂଚେ ଚାଷି ରେମୁଆଁ ନ୍‌ସା ଟିକ୍ କିଆଉଁଆଃ ଆବ୍ଲେଏ ଆତେନ୍‌ ତୁବନ୍ନିଆ ଇସ୍‌ପର୍‌ ଆସିର୍ବାଦ୍ ଡିଂଏ । 
\v 8 ମାତର୍‌ ଆତେନ୍‌ ତୁବଃ ଜଦି ଗ୍ରେଃ ସ୍ଲା ଆରି ଟୁଲି ଆବ୍ଲେଏ ତେଲା ମେଁନେ ମେଃଡିଗ୍ ମୁଲ୍ୟ ଆଲେଃ ଣ୍ଡୁ । ଆତେନ୍‌ ଇସ୍‌ପର୍‌ନେ ଅବିସାପ୍‌ନେ ଗଡ଼େଅ ଡିଂଏ ବାରି ସୁଆନ୍ନିଆ ଦଂସ ବାଏ ।
\p
\v 9 ନିଂନେ ବୟାଁ ଆରି ତନାଇଂ ନେ ଡେକ୍‌ରକମ୍ ସାମୁଆଁ ନେବାସଙ୍ଗ୍‌ଲା ଣ୍ଡିଗ୍ ପେଇଂନେ ଆଡ଼ାତ୍ରା ନେନେ ଆସାରେ ଲେଃକେ; ପେଇଂ ଉଦାର୍ ବାନେ ନ୍‌ସା ଆସିର୍ବାଦ୍‌ନେ ଗଡ଼େଅ ଡିଂଚେ ପେଲେଃକେ । 
\v 10 ଇସ୍‌ପର୍ ଅନ୍ୟାୟ୍ ଆଡିଂ ଣ୍ଡୁ । ପେଇଂନେ କାମ୍ ବିନ୍ ଡିଂଚେ ବିନ୍ ବିସ୍‌ବାସି‍ଇଂକେ ସାଆଜ୍ୟ ଡିଂଚେ ଇସ୍‌ପର୍‌ନେ ଡାଗ୍ରା ପେ ମୁଡ଼ି ଆଲାଦ୍ ଡିଂ ଆସୁଏଚେ ପାଙ୍ଗ୍‌ପେଲେଃକେ ଆତେନ୍‌ ମେଁ ଆଆବ ଣ୍ଡୁ । 
\v 11 ମାତର୍‌ ନେନେ ମୁଇଙ୍ଗ୍ ଇକ୍‌ଚା, ସାରାସାରି ଜାକ ବିନ୍‌ଣ୍ଡ୍ରେଇଂନେ ଡାଗ୍ରା ପେନେ ଆଲାଦ୍ କାଲାଆଃ ଲେଃଲେଃ । ଡେତ୍‌ଲା ପେ ମେଃନେ ଆସା ଡିଂପେଲେଃକେ ଆତେନ୍‌ ସାପା ବିସ‍ଏ ପୁରନ୍ ଡିଂଏ । 
\v 12 ଡେତ୍‌ଲା ପେ ଅଃନାଡିଗ୍ ମାବ୍‌ଟଚେ ଡାଟ୍ ବିସ୍‌ବାସି ଆରି ଡାଟ୍‌ ବପୁ ରେମୁଆଁଇଂକେ କେଚେ ଅଲେଙ୍ଗ୍ ବାରି ଇସ୍‌ପର୍ ପର୍‌ମାନ୍ ଡିଂବକ୍ନେ ସର୍‌ତେ ବିସ‍ଏ ବାପା ।
\s ଇସ୍‌ପର୍‌ନେ ପର୍‌ମାନ୍ ସତ୍‌ ଡିଙ୍ଗ୍‌ଏ
\p
\v 13 ଅବ୍ରାହାମ୍‌କେ ଇସ୍‌ପର୍ ଉଡ଼ିବେଲା ସାମୁଆଁ ବିକେ ଅଃତେନ୍‌ ବେଲା ମେଁ ମେଁନେ ସାମୁଆଁ ଆମ୍ବ୍ର‍ଏ ଡାଗ୍‌ଚେ ପାର୍‌ମାନ୍ ଡିଂବଗେ । ମେଁ ବାନ୍ ମ୍ନା ଜାଣ୍ଡିଗ୍ ଆଲେଃଗେସା ମେଁ ନିଜର୍ ମ୍ନିରେ ପର୍‌ମାନ୍ ଡିଂବଗେ । 
\v 14 ମେଁ ବାସଙ୍ଗ୍‍କେ, “ନେଙ୍ଗ୍‍ ଆନାକେ ଆସିର୍ବାଦ୍ ଣ୍ଡିଂଏ, ନାନେ ବଁସ୍‌କୁଲ୍‌କେ ଜବର୍‌ ବାବ୍‌ରେ ମ୍ନା ଣ୍ଡ୍ରାଡିଂଏ ।” 
\v 15 ଅବ୍ରହାମ୍ ସାଆସ୍ ସାଚେ ଉର୍‌କେ । ତେନ୍‌ସା ମେଁ ଇସ୍‌ପର୍‌ନେ ପର୍‌ମାନ୍‌ ଡିଂବକ୍ନେ ସାମୁଆଁ ସାପା ବାକେ । 
\v 16 ରେମୁଆଁଇଂ ପାର୍‌ମାନ୍ ଡିଂବେଲା ନିଜର୍‌ବାନ୍ ମ୍ନା ରେମୁଆଁନେ ମ୍ନିରେ ପାର୍‌ମାନ୍ ଡିଂଆର୍‌ଏ ଡେକ୍‌ରକମ୍ ପର୍‌ମାନ୍ ଡିଂନେ ବାନ୍‌ ସର୍‌ତେ ବାଲିର୍‌ବାତାନେ ଡା ୱେଏ । 
\v 17 ଇସ୍‌ପର୍ ଆଜାକେ ଆତେନ୍‌ ସାପା ସାମୁଆଁ ବିଏ ଡାଗ୍‌ଚେ ପାର୍‌ମାନ୍ ଡିଂବଗେ ଆତେନ୍‌ ପାର୍‌ମାନ୍‌ନ୍ନିଆ ମେଁ ଡାଟ୍ ଲେଃଏ ଡାଗ୍‌ଚେ ଆମେଇଂକେ ନିମାଣ୍ଡା ବାବ୍‌ରେ ଆମ୍ୟାନ୍‌ସା ମେଁ ମେଁନେ ବାସଙ୍ଗ୍‌ବ୍ନ ସାମୁଆଁ ଏତେ ପାର୍‌ମାନ୍ ଆମିସୁ ବଗେ । 
\v 18 ମେଁନେ ବାସଙ୍ଗ୍‌କ୍ନେ ସାମୁଆଁ ଆରି ପର୍‌ମାନ୍ ଆବଦ୍‌ଲେ ଆତେନ୍‌ ପାକ୍‌ଚିଚେ ଇସ୍‌ପର୍ ନାଲେଣ୍ଡ୍ରେ ଆଡିଂ ଣ୍ଡୁ । ଆକେନ୍‌ସା ମେଁନେ ସାଆଜ୍ୟ ବାଚେ ନେ ଡାଗ୍ରା ଲେଃକ୍ନେ ଆସାକେ ଡାଟ୍ ରକମ୍ ସାଚେ ବନେ ନ୍‌ସା ବିନ୍ ସାର୍ଦା ବା ନେଲେଃକେ । 
\v 19 ଆକେନ୍ ଆସା ନେନେ ଜିବନ୍‌ନେ ଲଙ୍ଗର ସୁଗୁଆ । ଆକେନ୍ ଆସା ଡିଂନେ ଦର୍‌କାର୍ ଆରି ବିପଦ୍ ଣ୍ଡୁ ବାରି କିତଂନେ ମନ୍ଦିର୍‌ନେ ପାଟାଇ ଡାଚେ ମ୍ନାପବିତ୍ର ଟାନ୍‌ନିଆ ୱେଚା ୟାଲେଃକେ । 
\v 20 ନେଁଇଂନେ ବିନ୍‌ଣ୍ଡ୍ରେ ସୁଗୁଆ ଜିସୁ ଅସେବାନ୍ ଆତ୍‌ଅରିଆ ୱେଗେ । ମେଁ ମଲ୍‌କିସେଦକନେ ଉଙ୍ଗ୍‌ଡେ ସୁଗୁଆ କାଲାଆଃ ନ୍‌ସା ମ୍ନାପୁଜାରି ଡିଂଲେଃକେ ।
\c 7
\s ମଲ୍‌କିସେଦକନେ ପୁଜାରି ପଦ୍
\p
\v 1 ଆକେନ୍ ମଲ୍‌କିସେଦକ ଶାଲେମ୍‌ନେ ଇଃସାଙ୍ଗ୍‌ ବାରି ସାପାଟୁ ମ୍ନା ଇସ୍‌ପର୍‌ନେ ପୁଜାରି ଲେଃଗେ । ଅବ୍ରାହାମ୍ ଉଡ଼ିବେଲା ଅଁଣ୍ଡ୍ରୁଆ ଇଃସାଙ୍ଗ୍‌ଇଂକେ ଆଃଆରେଚେ ରିଙ୍ଗ୍‌ଆଃବାନ୍ ଆଣ୍ଡେଡିଙ୍ଗେ ଅଃତେନ୍‌ ବେଲା ମଲ୍‌କିସେଦକ ଆମେକେ ମିସୁଚେ ଆସିର୍ବାଦ୍ ଡିଂବଗେ । 
\v 2 ଆରି ଅବ୍ରାହାମ୍ ଆମେକେ ସାପା ଜିନିସ୍‌ବାନ୍‌ ଗୁଆ ବାଗ୍‌ବାନ୍‌ ମୁଇଙ୍ଗ୍ ବାଗ୍‌ ବିଃବଗେ । ମଲ୍‌କିସେଦକନେ ମ୍ନିନେ ମୁଲ୍ ଅର୍‌ତ ଡିଂଡିଂକେ, “ଦରମ୍ ଇଃସାଙ୍ଗ୍‌” ମେଁ ସାଲେମ୍‌ନେ ଇଃସାଙ୍ଗ୍‌ନେ ବିନ୍ ଅର୍‌ତ ଡିଂଡିଂକେ “ସାନ୍ତି ଇଃସାଙ୍ଗ୍‌ ।” 
\v 3 ମଲ୍‌କିସେଦକନେ ଆବାଇୟାଂ ଣ୍ଡୁଲା ଅସେଣ୍ଡ୍ରେଇଂନେ ଣ୍ଡୁଲା ମେଁନେ ଜନମ୍ ଆରି ଗୁଏନେ ବିସ‍ଏରେ ମେଃଡିଗ୍ ଚିନା ଣ୍ଡୁ । ମେଁ ଇସ୍‌ପର୍‌ନେ ଉଙ୍ଗ୍‌ଡେ ସୁଗୁଆ; ମେଁନେ ପୁଜାରି କାମ୍ କାଲାଆଃ ଲେଃଏ ।
\p
\v 4 ତେନ୍‌ସା ଚିନ୍ତା ଡିଂ ମେଁ ଉଡ଼ି ମ୍ନା । ନେ ନେଃମ୍ୟାକ୍ନେ ଅସେଣ୍ଡ୍ରେ ଅବ୍ରାହାମ୍ ଦନ୍‌ନେ ଗୁଆ ବାଗ୍‌ବାନ୍‌ ମୁଇଙ୍ଗ୍ ବାଗ୍‌ ଆମେକେ ବିଃବଗେ । 
\v 5 ଲେବୀ‍ଇଂନେ ମୁଡ଼ି ବଂସଣ୍ଡ୍ରେଇଂ ପୁଜାରି କାମ୍ ଡିଂଆର୍‌ଏ, ମେଇଂ ନିଅମ୍ ଅନୁସାରେ ଇସ୍ରାଏଲ୍‌ ରେମୁଆଁଇଂବାନ୍ ଗୁଆ ବାଗ୍‌ବାନ୍‌ ମୁଇଂ ବାଗ୍‌ ଦାନ୍ ଗ୍ର‍ଅନ୍ ଡିଂଆର୍‌ଏ । ଇସ୍ରାଏଲ୍‌ଣ୍ଡ୍ରେଇଂ ଅବ୍ରାହାମ୍‌ନେ ବଂସଣ୍ଡ୍ରେ ଆରି ଲେବୀୟ ଇଂନେ ନିଜର୍ ଜାତି ଡିଂଲା ଣ୍ଡିଗ୍ ମେଇଂନେବାନ୍ ଆକେନ୍ ଗୁଆ ବାଗ୍‌ବାନ୍‌ ମୁଇଂ ବାଗ୍‌ ସାଲ୍ୟାଃଡିଂଆର୍‌ଗେ । 
\v 6 ମଲ୍‌କିସେଦକ ଲେବୀ ବଂସଣ୍ଡ୍ରେ ଆଲେଃଲା ଡିଗ୍ ମେଁ ଇସ୍‌ପର୍‌ନେ ସାମୁଆଁ ବାକ୍ନେ ଅବ୍ରାହାମ୍‌ବାନ୍ ମୁଇଙ୍ଗ୍ ଗୁଆ ବାଗ୍‌ବାନ୍‌ ମୁଇଂ ବାଗ୍‌ ଦାନ୍ ଗ୍ର‍ଅନ୍ ଡିଂଚେ ଆମେକେ ଆସିର୍ବାଦ୍ ଡିଂବଗେ । 
\v 7 ଆସିର୍ବାଦ୍ ଡିଂନେ ରେମୁଆଁ ଆସିର୍ବାଦ୍ ବାନେ ରେମୁଆଁବାନ୍ ଜା ମ୍ନା ଆକ୍‌ଅରିଆ ସନ୍ଦେଅ ଣ୍ଡୁ । 
\v 8 ମୁଇଙ୍ଗ୍ ଗୁଆ ବାଗ୍‌ବାନ୍‌ ମୁଇଂ ବାଗ୍‌ ଦାନ୍‌ ସାଃଣ୍ଡ୍ରେ ପୁଜାରି‍ଇଂ ତେଃଗୁଏଃନେ ରେମୁଆଁଇଂ ରକମ୍‌, ମାତର୍‌ ମଲ୍‌କିସେଦକ ମେଇଂନେବାନ୍ ମ୍ନା । ଡାଗ୍‌ଲା ସାସ୍ତର୍‌ ସାମୁଆଁ ଅନୁସାରେ ମେଁ ଏଃକେ ଣ୍ଡିଗ୍ ଆଗୁଏଃକେ ଣ୍ଡୁ । 
\v 9 ଆକେନ୍‌ସା ଅବ୍ରାହାମ୍ ମଲ୍‌କିସେଦକଇଂକେ ଗୁଆ ବାଗ୍‌ବାନ୍‌ ମୁଇଂ ବାଗ୍‌ ଦାନ୍ ବିନେ ବେଲା ମୁଡ଼ି ଲେବୀନେ ବଂସ‍ନେ ପୁଜାରି‍ଇଂ ଏକେ ଗୁଆ ବାଗ୍‌ବାନ୍‌ ମୁଇଂ ବାଗ୍‌ ବିଃକ୍ନେ ସା ଡିଂଆର୍‌କେ ଆତେନ୍‌ ଲେବୀ ଣ୍ଡିଗ୍ ମଲ୍‌କିସେଦକକେ ଆତେନ୍‌ ଦାନ୍ ବିବଗେ ଡାଗ୍‌ଚେ ବାସଙ୍ଗ୍‌ ୟାଆର୍‌ଏ । 
\v 10 ଲେବୀ ଅଃତେନ୍‌ ବେଲା ଜନମ୍ ଡିଂ ଆଲେଃଗେ ସତ୍ ମାତର୍‌ ଅବ୍ରହାମ୍ ମଲ୍‌କିସେଦକକେ ମିସୁନେ ବେଲା ଅସେଣ୍ଡ୍ରେ ଅବ୍ରହାମ୍‌ନେ ବଂସଣ୍ଡ୍ରେ ବାବ୍‌ରେ ଲେବୀ ମେଁନେ ଗାଗ୍‌ଡ଼େନ୍ନିଆ ଲେଃଗେ ଡାଗ୍‌ଚେ ବାସଙ୍ଗ୍‌ଲା ଆନାସେ ଣ୍ଡୁ ।
\p
\v 11 ଆକେନ୍ ଲେବୀୟ‍ଇଂନେ ପୁଜାରି କାମ୍‌କେ ରାସିଂଚେ ଇସ୍ରାଏଲ୍ ଜାତିକେ ମେଁନେ ନିୟମ୍‌ ବିଃବଗେ । ଲେବୀୟ‍ଇଂନେ କାମ୍ ଜଦି ସାରାସାରି ଡିଂପାୱେ ତେଲା ହାରୋଣନେ ଉଙ୍ଗ୍‌ଡେ ଆକେନ୍ ଲେବୀୟ ପୁଜାରି‍ଇଂକେ ଆନ୍ତାର୍‌ବିଚେ ମଲ୍‌କିସେଦକନେ ଉଙ୍ଗ୍‌ଡେ ରକମ୍ ବିନ୍ ମୁଇଙ୍ଗ୍ ପୁଜାରି ଜାତିନେ ଦର୍‌କାର୍ ଆଲେଃଗେ । 
\v 12 ପୁଜାରି ଜାତିନେ ବଦ୍‌ଲେଲା ନିଅମ୍‌ନ୍ନିଆ ଣ୍ଡିଗ୍ ବଦ୍‌ଲେନେ ଦର୍‌କାର୍ । 
\v 13 ଜାନେ ବିସ‍ଏରେ ନେ ଆକେନ୍‌ ସାପା ସାମୁଆଁ ବାସଙ୍ଗ୍‌ନେଡିଂ ନେଁଇଂନେ ଆତେନ୍‌ ମାପ୍‌ରୁ ଜିସୁ ବିନ୍ ମୁଇଙ୍ଗ୍ ବଂସଣ୍ଡ୍ରେ ଲେଃଗେ; ଆତେନ୍‌ କୁଲ୍‌ନେ ଜାଣ୍ଡେ ଅଃନାଡିଗ୍ ପୁଜାରି କାମ୍ ଡିଂ ଆବ‍ଆର୍‌କେ । 
\v 14 ଆକେନ୍ ସତ୍ ଜେ, ନେଃନେ ମାପ୍‌ରୁ ଜିହୁଦା କୁଲ୍‌ନ୍ନିଆ ଜନମ୍ ଡିଂଲେଃଗେ ବାରି ପୁଜାରି ଡିଂନେ ନ୍‌ସା ମୋଶା ଆକେନ୍ କୁଲ୍‌ନେ ମ୍ନି ଅଃନାଡିଗ୍ ଗୁଆର୍ ଆବକେ ଣ୍ଡୁ ।
\s ମଲ୍‌କିସେଦକନେ ସୁଗୁଆ ବାରି ମୁଇଙ୍ଗ୍ ପୁଜାରି
\p
\v 15 ଆକ୍‌ବାନ୍ ସତ୍ ଆବୁଜେଡିଂକେ ଜେ ମଲ୍‌କିସେଦକନେ ସୁଗୁଆ ବିନ୍ ମୁଇଂଜା ପୁଜାରିନେ ଜନମ୍ ଡିଂକେ । 
\v 16 ମେଁ ରେମୁଆଁ ଆରେକ୍ନେ ନିଅମ୍ ଆରି ଟାନ୍ ବାନ୍‌ ପୁଜାରି ଡିଂ ଆଲେଃଗେ; ମାତର୍ ମାଡାନେ ଜିବନ୍‌ନେ ବପୁ ବାନ୍‌ ମେଁ ପୁଜାରି ଡିଂଲେଃଗେ । 
\v 17 ଡାଗ୍‌ଲା ଦର୍ମସାସ୍ତର୍‌ନ୍ନିଆ ଗ୍ନୁଆର୍ ଲେଃକେ, “ନାଁ ମଲ୍‌କିସେଦକନେ ଉଙ୍ଗ୍‌ଡେ ସୁଗୁଆ ମାଡାନେ କାଲ୍ ଜାକ ପୁଜାରି ନାଡିଂଏ ।” 
\v 18 ତେନ୍‌ସା ବାୱିର୍ ନିୟମ୍‌ ସାତାଲୁ ବାରି ଦର୍‌କାର୍‌ଣ୍ଡୁ ଡିଂକେସା ଆମେକେ ବନ୍ଦ୍ ଆଡିଂକେ । 
\v 19 ଡାଗ୍‌ଲା ମୋଶା ବିଃକ୍ନେ ନିଅମ୍ ବାନ୍‌ ମେଃଡିଗ୍ ବିସ‍ଏ କ୍ଲିଗ୍‌ଡା ଲାବ୍ ଡିଂ ଆୟାକେ ଣ୍ଡୁ । ଏକେ ଆନେକେ ମୁଇଙ୍ଗ୍ ମାଲେବପୁକ୍ନେ ଆସା ବିବକେ; ଆତେନ୍‌ ବାନ୍‌ ନେ ଇସ୍‌ପର୍‌ନେ ଡାଗ୍ରା ଡିଂନେ ନ୍‌ସା ପାଙ୍ଗ୍‌ନେ ଲେଃକେ ।
\p
\v 20 ଗୁଲୁଏ ନେନେ ନ୍‌ସା ଇସ୍‌ପର୍‌ନେ ପର୍‌ମାନ୍ ଣ୍ଡିଗ୍ ଲେଃକେ । ହାରୋଣନେ ବଂସଣ୍ଡ୍ରେ ପୁଜାରି ପଦ୍‌ନ୍ନିଆ ବାନେ ବେଲା ଡେକ୍‌ରକମ୍ ମେଃଡିଗ୍ ପର୍‌ମାନ୍ ବିଃ ଆବଗେ । 
\v 21 ମାତର୍‌ କ୍ରିସ୍ଟ ପୁଜାରି ଡିଂନେ ବେଲା
\q1 ଇସ୍‌ପର୍ ପର୍‌ମାନ୍ ଡିଂଚେ ଆମେକେ ବାସଙ୍ଗ୍‌ବଗେ
\q2 “ମାପ୍‌ରୁ ମୁଇଙ୍ଗ୍ ପର୍‌ମାନ୍ ଡିଂବକେ ମେଁ ମେଁନେ ପାର୍‌ମାନ୍ ଆରାବଦ୍‌ଲେ ଣ୍ଡୁ:
\q2 ‘ନା ମାଡାନେ କାଲ୍‌ ଜାକ ପୁଜାରି ନାଡିଂଏ ।’”
\m
\v 22 ଆକେନ୍ ବିନେଡିଂକ୍ନେସା ଜିସୁ ମୁଇଙ୍ଗ୍ ମ୍ନା ନିଅମ୍‌ନେ ଡିଲାଡିଗ୍ ବିଏ ।
\p
\v 23 ବାୱିର୍ ଜଜ୍‌ନା ବିତ୍ରେ ବିନ୍ ପୁଜାରି‍ଇଂ ତେଃଗୁଏଃନେ ସୁଗୁଆ ଡିଂଲେଃଆର୍‌କ୍ନେସା ମେଇଂ ଗୁଗୁଏଃଆର୍‌ଲା ବିନ୍‌ଣ୍ଡ୍ରେ ପୁଜାରି ପଦ୍ ବା‍ଆର୍‌ଏ । ତେନ୍‌ସା ମେଇଂ ସଂକ୍ୟାନ୍ନିଆ ଗୁଲୁଏ । 
\v 24 ମାତର୍‌ ଜିସୁ ଜୁଗ୍ ଜୁଗ୍ ମ୍ବ୍ର ଲେଃକେ । ତେନ୍‌ସା ମେଁନେ ପୁଜାରି ପଦ୍‌ନ୍ନିଆ ବିନ୍ ଜାଣ୍ଡିଗ୍ ବାନେ ପ୍ରସ୍‌ନ ଣ୍ଡୁ । 
\v 25 ତେନ୍‌ସା ଜାଣ୍ଡେଇଂ ମେଁନେ ବାନ୍‌ ଇସ୍‌ପର୍‌ନେ ଡାଗ୍ରା ଡିଂଆର୍‌ଏ ଆମେଇଂକେ ଉଦାର୍ ଡିଂନେ ମେଁ ଏକେ ଡେତ୍‌ରକମ୍ ଜୁଗ୍ ଜୁଗ୍ ଉଦାର୍ ଡିଂ ୟାଏ ଡାଗ୍‌ଲା ମେଁଇଂନେ ନ୍‌ସା ଇସ୍‌ପର୍‌ନେ ଡାଗ୍ରା ଗୁଆରେ ଡିଂନେ ମେଁ ଜୁଗ୍ ଜୁଗ୍ ମ୍ବ୍ର ଲେଃକେ ।
\p
\v 26 ତେଲା ନେଁଇଂନେ ସର୍‌ତେ ଅବାବ୍ ପୁରନ୍ ଡିଂନେସା ଜିସୁ ଆଃ ମୁଇଂ ମାତର୍ ମ୍ନାପୁଜାରି । ମେଁ ପବିତ୍ର ବୁଲ୍‌ ମାଲେଃଣ୍ଡ୍ରେ, ପାପି‍ଇଂନେବାନ୍ ବିନେ ଆଡିଂଣ୍ଡ୍ରେ, ସାପାଟୁ ଆଡ଼ାତ୍ରା କିତଂନ୍ତୁଗ୍ ଆଃଡେଃନେ । 
\v 27 ମେଁ ବିନ୍‌ବିନ୍ ମ୍ନାପୁଜାରି‍ଇଂନେ ସୁଗୁଆ ଣ୍ଡୁ; ମେଁଇଂନେ ସୁଗୁଆ ଆମେଇଂକେ ପର୍‌ତୁମ୍ ନିଜର୍ ପାପ୍ ନ୍‌ସା ବାରି ଇଡ଼ିଂ ବିନ୍‌ଣ୍ଡ୍ରେଇଂନେ ପାପ୍ ନ୍‌ସା କାଲାଆଃ ପୁଜା ଅପେଃନେସା ଆପଡ଼େ ଣ୍ଡୁ । ମେଁ ନିଜ୍‌କେ ଅପେଃଚେ ଏକାତର୍‌କେ ମୁଇଙ୍ଗ୍ ବିନ୍‌ବିନ୍ ବଲିପୁଜା ପୁରନ୍ ଡିଂବକେ । 
\v 28 ମୋଶାନେ ନିଅମ୍‌ ଅନୁସାରେ ବାଲେଃକ୍ନେ ମ୍ନାପୁଜାରି‍ଇଂନେ ଦସ୍ଇଂ ଲେଃଏ; ମାତର୍‌ ନିଅମ୍ ଆରେଣ୍ଡ୍ରେନେ ଇଡ଼ିଂଡେ ବେଲା ଇସ୍‌ପର୍ ନିଜର୍ ବିଃକ୍ନେ ସାମୁଆଁ ଆରି ପାର୍‌ମାନ୍ ଅନୁସାରେ ମେଁନେ ମୁଡ଼ି ଉଙ୍ଗ୍‌ଡେକେ ମ୍ନାପୁଜାରି ବାବ୍‌ରେ ସ୍ରିକେ, ମେଁ ଜୁଗ୍ ଜୁଗ୍ ନ୍‌ସା ଦରମ୍ ଡିଂଲେଃକେ ।
\c 8
\s ଜିସୁ ନେନେ ମ୍ନା ପୁଜାରି
\p
\v 1 ନେଇଂନେ ସାମୁଆଁନେ ଅର୍‌ତ ଆକେନ୍ ନେ ମୁଡ଼ି ମ୍ନାପୁଜାରିକେ ବାନେଲେଃକେ ମେଁ କିତଂନ୍ନିଆ ମ୍ନାମ‍ଇମାନେ ସିଂଆଁସନନେ ବେଃସ୍ୟାଃ ପାକା କଲେଃକେ । 
\v 2 ମେଁ ମୁଡ଼ି ମ୍ନାପବିତ୍ର ଟାନ୍‌ନିଆ ଆରେକ୍ନେ ତମ୍ବୁ ଆଲ ମ୍ନାପୁଜାରି ବାବ୍‌ରେ କାମ୍ ଡିଂଏ ଆତେନ୍‌ ରେମୁଆଁ ବାନ୍‌ ଆରେକ୍ନେ ଣ୍ଡୁ ଆମେକେ ଇସ୍‌ପର୍ ଆରେବକେ ।
\p
\v 3 ସର୍‌ତେ ମ୍ନାପୁଜାରି ଇସ୍‌ପର୍‌ନେ ଉଦେସ୍‌ରେ ପୁଜା ଜିନିସ୍ ଆରି ପସୁବଲି ଅପେଃନେସା ବାଲେଃଆର୍‌ଏ । ତେନ୍‌ସା ନେନେ ମ୍ନାପୁଜାରି ଣ୍ଡିଗ୍ ଡେତ୍‌ରକମ୍ ମେଃଡିଗ୍ ପୁଜା ଜିନିସ୍ ଅପେଃନେ ଦର୍‌କାର୍ । 
\v 4 ମେଁ ଜଦି ଆକେନ୍ ଦର୍‌ତନିନ୍ନିଆ ପାଲେଃ, ତେଲା ମେଁ ମୁଲ୍‌କେ ପୁଜାରି ଡିଂ ଆୟାପାଡିଂ, ଡାଗ୍ଲା ଜିଉଦିଇଂନେ ନିଅମ୍ ଅନୁସାରେ ଦାନ୍‌ ବିଃନ୍‌ସା ପୁଜାରି‍ଇଂ ଲେଃଆର୍‌କେ । 
\v 5 ମେଁଇଂନେ ପୁଜାରି କାମ୍ ଜିନିସ୍ କିତଂ ବିସ‍ଏନେ ଉଃସ୍ରା ଆରି ନ୍ଲୁଡ଼ିଆ ମାତର୍‌ । ମୋଶାନେ ବେଲାବାନ୍ ଡେକ୍‌ରକମ୍ ଡିଂଚେ ପାଙ୍ଗ୍‌ଡିଂକେ । ମୋଶା ଉଡ଼ିବେଲା ପାର୍‌ତନା ନ୍‌ସା ମୁଇଙ୍ଗ୍ ତମ୍ବୁ ଆରେନେ ୱେଡିଂଗେ ଇସ୍‌ପର୍ ଆମେକେ ବାସଙ୍ଗ୍‌ବଗେ “କେଲା କଣ୍ଡା ଆଡ଼ାତ୍ରା ଆନାକେ ମୁଡ଼ି ଚିତ୍ର ଆସୁଏ ବିବକେ ଟିକ୍ ଆତେନ୍‌ ଅନୁସାରେ ସାପା ସାମୁଆଁ ଆରେ ।” 
\v 6 ମାତର୍‌ ଏକେ ଜିସୁକେ ମୁଡ଼ି ପୁଜାରି କାମ୍ ବିବକେ ଆତେନ୍‌ ବିନ୍‌ଣ୍ଡ୍ରେଇଂନେ ପୁଜାରି କାମ୍ ବାନ୍ ମ୍ନା । ଡେତ୍‌ରକମ୍ ଇସ୍‌ପର୍ ଆରି ରେମୁଆଁ ବିତ୍ରେ ମେଁ ମୁଡ଼ି ନିଅମ୍ ଆରେବକେ ଆତେନ୍‌ ମ୍ନା ଡାଗ୍‌ଲା ଆକେନ୍ ନିଅମ୍‌ନ୍ନିଆ ମ୍ନାନେ ବିସ‍ଏଇଂ ବିନେ ନ୍‌ସା ସାମୁଆଁ ଲେଃକେ ।
\p
\v 7 ମୁଲ୍ ନିଅମ୍‌ନ୍ନିଆ ଜଦି ମେଃଡିଗ୍ ବୁଲ୍ ଆଲେଃପାଡିଂ ତେଲା ମ୍ବାର୍ ନିଅମ୍‌ନେ ଦର୍‌କାର୍ ଆଲେଃଗେ । 
\v 8 ମାତର୍‌ ଇସ୍‌ପର୍ ମେଁନେ ରେମୁଆଁଇଂନେ ଦସ୍ ଆସୁଏଚେ ବାସଙ୍ଗ୍‌ବକେ
\q1 ମାପ୍‌ରୁ ବାସଙ୍ଗ୍‌ଡିଂକେ, ବେଲା ପାଙ୍ଗ୍‌ଡିଂ
\q2 ଉଡ଼ିବେଲା ନିଂ ଇସ୍ରାଏଲ୍ ଡେତ୍‌ରକମ୍ ଜିଉଦାନେ ରେମୁଆଁଇଂନେ ଏତେ ମୁଇଙ୍ଗ୍ ତ୍ମି ନିଅମ୍ ଣ୍ଡ୍ରାଃରେଏ ।
\q1
\v 9 ନିଂ ମେଁଇଂନେ ଅଃସେଣ୍ଡ୍ରେଇଂକେ ନ୍ତି ସାଚେ ମିସର୍‌ ଦେସ୍‌ବାନ୍ ଆଃତାର୍‌ଚେ ଡୁଂପାଙ୍ଗ୍‌ନେ ବେଲା ମୁଡ଼ି ନିଅମ୍ ଡିଂମ୍ବଗେ, ଆକେନ୍ ନିଅମ୍ ଡେତ୍‌ରକମ୍ ଣ୍ଡୁ ।
\q2 ନିଂ ମେଁଇଂନେ ଏତେ ମୁଡ଼ି ନିଅମ୍ ଡିଂମ୍ବଗେ,
\q1 ଆତ୍‌ଅରିଆ ମେଇଂ ବିସ୍‌ବାସ୍‌ରେ ଆଲେଃଆର୍‌ଗେ;
\q2 ତେନ୍‌ସା ନିଂ ମେଁଇଂନେ ଆଡ଼ାତ୍ରା ମନ୍ ନ୍ନାବିକେ ଣ୍ଡୁ ।
\q1
\v 10 ମାପ୍‌ରୁ ବାସଙ୍ଗ୍‌ଡିଂକେ,
\q2 “ନିଂ ଇଡ଼ିଂଡେ ଇଶ୍ରାୟେଲନେ ରେମୁଆଁଇଂ ଏତେ ଆକେନ୍ ନିଅମ୍ ଣ୍ଡିଂଏ:
\q1 ନିଂ ନିଂନେ ନିଅମ୍ ମେଁଇଂନେ ମନେ
\q2 ଆରି ଉର୍ଦୟ୍ ପାଟାନ୍ନିଆ ଙ୍ଗୁଆର୍‌ଏ ।
\q1 ନିଂ ମେଁଇଂନେ ଇସ୍‌ପର୍ ଣ୍ଡିଂଏ
\q2 ମେଇଂ ନିଂନେ ରେମୁଆଁ ଡିଂଆର୍‌ଏ ।
\q1
\v 11 ଅଃତେନ୍‌ ବେଲା ମେଇଂ ସାଇପଡ଼ିସାଣ୍ଡ୍ରେଇଂକେ ସିକ୍ୟା ବିନେ ଦର୍‌କାର୍ ଆଡିଂ ଣ୍ଡୁ
\q2 ଣ୍ଡୁଲା ଦେସ୍‌ବାସୀଇଂକେ
\q2 ‘ମାପ୍‌ରୁନେ ପରିଚୟ୍ ଲାବ୍ ଡିଂପା ।’
\q1 ଆକେନ୍ ସାମୁଆଁ ବାସଙ୍ଗ୍‌ନେ ଦର୍‌କାର୍ ଆଡିଂ ଣ୍ଡୁ
\q2 ଡାଗ୍‌ଲା ଡାଆଁବାନ୍ ମ୍ନା ଜାକ ସାପାରେ ନିଂନେ ପରିଚୟ୍ ବାଲେଃଆର୍‌ଏ ।
\q1
\v 12 ନିଂ ମେଁଇଂନେ ସର୍‌ତେ ପାପ୍ କେମା ଣ୍ଡିଂଏ
\q2 ଆରି ମେଁଇଂନେ ମେଃଡିଗ୍ ଅନ୍ୟାୟ୍ ମନେ ନ୍ନାବ ଣ୍ଡୁ ।”
\m
\v 13 ଆକେନ୍‌କେ ତ୍ମି ନିଅମ୍ ଡାଗ୍‌ଚେ ଗୁଆର୍‌ନେ ବାନ୍‌ ଇସ୍‌ପର୍ ପର୍‌ତୁମ୍‌ନେକେ ବାୱିର୍ ଡାଗ୍‌ଚେ ବାସଙ୍ଗ୍‌ବକେ ବାରି ମେଃନେ ବାୱିର୍ ଆରି ଆଚଲେକେ ଆତେନ୍‌ ଗିଆ ବ ୱେଏ ।
\c 9
\s ମଞ୍ଚ୍‌ପୁର୍‌ ଆରି କିତଂଇନିନେ ପାର୍‌ତନା
\p
\v 1 ମୁଲ୍ ନିଅମ୍‌ନ୍ନିଆ ପୁଜା ଡିଂନେ ନିଅମ୍ ଆରି ରେମୁଆଁ ଆରେକ୍ନେ ମୁଇଙ୍ଗ୍ ପୁଜା ଡିଂନେ ଟାନ୍ ବିସ‍ଏରେ ଗ୍ନୁଆର୍ ଲେଃଗେ । 
\v 2 ଆତେନ୍‌ ଅନୁସାରେ ମୁଇଙ୍ଗ୍ ପାର୍‌ତନା ଡିଙ୍ଗ୍‌ନେ ତମ୍ବୁ ତିଆର୍ ଡିଙ୍ଗ୍‌ଲେଃଗେ । ଆତ୍‌ଅରିଆ ଲେଃକ୍ନେ ପର୍‌ତୁମ୍ ବାକ୍‌ରାକେ ପବିତ୍ର ଟାନ୍ ବାସଙ୍ଗ୍‌ଡିଂଆର୍‌ଗେ । ଏନ୍ ବିତ୍ରେ ପିତଲ୍ ଏତେ ଆରେବକ୍ନେ କୁପିସ ବନେ ଅର୍‌କି ମୁଇଙ୍ଗ୍ ବାଲା ଆରି ବାଲା ଆଡ଼ାତ୍ରା ଇସ୍‌ପର୍‌ନେ ମ୍ନିରେ ପୁଜା ଡିଂବଗ୍ନେ ରୁଟି ଲେଃଗେ । 
\v 3 କୁଡ଼ିଆ ପ୍ଲାପାକା ମୁଡ଼ି ମ୍ବାକ୍ଲିଗ୍ ବାକ୍‌ରା ଲେଃଗେ । ଆତେନ୍‌‌କେ ମ୍ନାପବିତ୍ର ଟାନ୍ ବାସଂଡିଂଆର୍‌ଗେ । 
\v 4 ଆତ୍‌ଅରିଆ ମୁଇଙ୍ଗ୍ ସୁନା ଦୁପ୍ ମଣ୍ଡପ୍ ବାରି ସୁନା ସାଜକ୍ନେ ନିଅମ୍ ପିଡ଼ି ଲେଃଗେ । ଆକେନ୍ ପିଡ଼ି ବିତ୍ରେ ମାନ୍ନା ଲେଃକ୍ନେ ମୁଇଙ୍ଗ୍ ସୁନା ଙ୍କୁଇ ହାରୋଣନେ ତ୍ମି ଉଲିଆ ତାର୍‌କ୍ନେ ଡୁଡୁ ବାରି ଇସ୍‌ପର୍‌ନେ ସାମୁଆଁ ଗୁଆର୍‌କ୍ନେ ମ୍ବାକ୍ଲିଗ୍ ବ୍ରି ପାଟା ଲେଃଗେ । 
\v 5 ପିଡ଼ି ଆଡ଼ାତ୍ରା ଇସ୍‌ପର୍ ପାଙ୍ଗ୍‌ଲେଃକ୍ନେ ମାତ୍ନାକ୍ନେ ରକମ୍ ଡେନା ଲେଃକ୍ନେ ମ୍ବାକ୍ଲିଗ୍ ଜିବ୍‌ନେ ମୁର୍ତି ଲେଃଗେ । ଆକ୍‌ମେଇଂ “ପାପ୍‌ କେମା” ଟାନ୍ ଆଡ଼ାତ୍ରା ଡେନା ତାଲୁଏଚେ ଲେଃଆର୍‌ଗେ ମାତର୍‌ ଏବେ ଏନ୍ ସାପାନେ ସତ୍ ସାମୁଆଁ ବାଲିର୍‌ବାତା ଡିଂନେ ଦର୍‌କାର୍ ଣ୍ଡୁ । \fig ପାର୍‌ତନା ଡୁଆନେ ଆଲସାଙ୍ଗ୍‌|alt="Interior of tabernacle" src="bk00278c.tif" size="span" copy="Horace Knowles ©" ref="୯:୨"\fig*
\p
\v 6 ଆତ୍‌ଅରିଆ ଡେକ୍‌ରକମ୍ ନିଅମ୍ ଲେଃକେ: ପୁଜାରି‍ଇଂ କାଲାଆଃ ପାଟାଇ ଏତେ ଆରେକ୍ନେ କୁଡ଼ିଆ ପୁର୍‌ତୁମ୍ ବାକ୍‌ରାନ୍ନିଆ ଗାଚେ ମେଁଇଂନେ କାମ୍ ଆଲୁଗ୍ ଆର୍‌ଏ । 
\v 7 ମାତର୍‌ ମ୍ବାର୍ ବାକ୍‌ରା ବିତ୍ରେ ମୁଇଙ୍ଗ୍ ମ୍ନାପୁଜାରିନେ ଗାନେ ଅଦିକାର୍ ଲେଃକେ ମେଁ ଆତ୍‌ଅରିଆ ମେମୁଆଁକେ ମୁଇଂତର୍ ମାତର୍‌ ୱେଆର୍‌ଏ । ମେଁ ନିଜର୍ ନ୍‌ସା ବାରି ରେମୁଆଁଇଂ ହାବଃଚେ ଡିଂବକ୍ନେ ପାପ୍ ନ୍‌ସା ଇସ୍‌ପର୍‌ନେ ଉଦେସ୍‌ରେ ଅପେଃନେସା ନ୍ତିନ୍ନିଆ ମିଆଁ ଡୁଂୱେଆର୍‌ଏ । 
\v 8 ଆକେନ୍ ସାପା ବିସ‍ଏବାନ୍ ପବିତ୍ର ଆତ୍ମା ଆକେନ୍ ସାମୁଆଁ ନିମାଣ୍ଡା ବାବ୍‌ରେ ସିକ୍ୟା ବିଃବକେ ଜେ, ପୁର୍‌ତୁମ୍ କୁଡ଼ିଆ ଲେଃକ୍ନେ ବାକ୍‌ରା ଜାକ ମ୍ନାପବିତ୍ର ଟାନ୍‌ନ୍ତୁଗ୍ ୱେନେ ଗାଲି ମେଲା ଆଡିଂକେ ଣ୍ଡୁ । 
\v 9 ଏକେ ଜୁଗ୍‌କେ କେଚେ ଆକେନ୍ ମୁଇଙ୍ଗ୍ ଉଃସ୍ରା ରକମ୍ । ଆକେନ୍‌ନେ ଅର୍‌ତ ଡିଂଡିଂକେ ଇସ୍‌ପର୍‌ନେ ଉଦେସ୍‌ରେ ଅପେଃକ୍ନେ ପୁଜା ଜିନିସ୍ ବାରି ପସୁ ବଲି ପୁଜା ଡିଂଣ୍ଡ୍ରେନେ ଗାଗ୍‌ଡ଼େକେ ନିମାଣ୍ଡା ଡିଂଆୟା ଣ୍ଡୁ । 
\v 10 ଡାଗ୍‌ଲା ଆତେନ୍‌ ସାପା ମୁଇଙ୍ଗ୍ ଚଂଉଗ୍ ବାରି ପବିତ୍ର ଆଃଡିଂନେ ନ୍‌ସା ରେମୁଆଁକେ ଆସୁଏଃକେ ରକମ୍ କାମ୍ ମାତର୍‌ । ଇସ୍‌ପର୍‌ନେ ତ୍ମି ନିଅମ୍‌ନେ ଆରେନେ ଜାକ ଏନ୍ ସାପାନେ ଦର୍‌କାର୍ ଲେଃଗେ ।
\p
\v 11 ମାତର୍‌ ଏକେ ମୁଡ଼ି ନିମାଣ୍ଡା ସାମୁଆଁ ସାପା ନେ ବାନେଲେଃକେ ଆତେନ୍‌ ସାପାନେ ମ୍ନାପୁଜାରି ସୁଗୁଆ କ୍ରିସ୍ଟ ପାଙ୍ଗ୍‌ଲେଃକେ । ମେଁ ମୁଡ଼ି ପାର୍‌ତନା କୁଡ଼ିଆନ୍ନିଆ କାମ୍ ଡିଂଡିଂକେ, ଆତେନ୍‌ ମ୍ନା ଆରି କିତଂନ୍ନିଆ ଜବର୍‌ କୁଡ଼ିଆ । ଆତେନ୍‌ ରେମୁଆଁ ଆରେକ୍ନେ ଣ୍ଡୁ । ସତ୍ ବାସଙ୍ଗ୍‌ନେ ୱେଲା ଆତେନ୍‌ ଆକେନ୍ ଇଡ଼ିଂଡେ ଦର୍‌ତନିନେ ବିନ୍‌ବାଗ୍ ଣ୍ଡୁ । 
\v 12 କ୍ରିସ୍ଟ ଆତେନ୍‌ ଡୁଆ ତମ୍ବୁ ବିତ୍ରେ ପାକା ବିଃଚେ ତିଆର୍‌ ଡିଙ୍ଗ୍‌କ୍ନେ ମ୍ନା ପବିତ୍ର ଟାନ୍‌ନିଆ ମୁଇଂତର୍‌କେ ନ୍‌ସା ଗାନେ ବେଲା ଆତ୍‌ଅରିଆ ପୁଜା ଅପେଃନେ ନ୍‌ସା ଗିମିଃ ଣ୍ଡୁଲା ଅରେଃନେ ମିଆଁ ଡୁଂୱେ ଆବ‍ଆର୍‌ଗେ । ବିନ୍‌ପାକା ମେଁ ନିଜେ ମିଆଁ ଡୁଂୱେଚେ ନେଁଇଂନେ ନ୍‌ସା ମାଡାନେ କାଲ୍ ଜାକ ଉଦାର୍ ଡିଂକେ । 
\v 13 ବାୱିର୍ ପାଞ୍ଚେଃନ୍ନିଆ ଜାଣ୍ଡେଃ ଲୁଗ୍‌ନେ କାମ୍ ମାମାନେଃ ବାନ୍‌ ଅପବିତ୍ର ମେଁଇଂନେ ଆଡ଼ାତ୍ରା ଗିମିଃ ଣ୍ଡୁଲା ମେଣ୍ଡାନେ ମିଆଁ ଆରି ଅରେଃ ଉଗ୍‌ସ ଉର୍‌ଚିଗ୍ ଡିଂଆର୍‌କେ, ମେଁଇଂନେ ଗାଗ୍‌ଡ଼େକେ ପବିତ୍ର ଆଃଡିଂଏ । 
\v 14 ଆକେନ୍ ଜଦି ସତ୍ ଡିଂଲେଃଏ ତେଲା କିସ୍‌ଟନେ ମିଆଁ ଆରି ଉଡ଼ି ମାଲେ କାମ୍ ଆଡିଂ ଣ୍ଡୁ ? ମାଡାନେ ଆତ୍ମାନେ ସାଆଜ୍ୟରେ ମେଁ ନିଜ୍‌କେ ଇସ୍‌ପର୍‌ନେ ମ୍ନିରେ ମୁଇଙ୍ଗ୍ ଦସ୍‌ଣ୍ଡୁନେ ପୁଜା ରକମ୍ ଅପେଃ ବ‍କେ । ମେଁନେ ଆତେନ୍‌ ମିଆଁ ବାନ୍‌ ଦଦ୍ୟା କାମ୍‌ବାନ୍ ଉଦାର୍ ବାଚେ ନେନେ ବୁଦି ପବିତ୍ର ଡିଂଏ ବାରି ନେ ଜିବିତ୍ ଇସ୍‌ପର୍‌ନେ ସତ୍ ଜତନ୍‌ ଡିଂନେସା ନିମାଣ୍ଡା ବେଲା ନେବାଏ ।
\p
\v 15 ଆକେନ୍‌ସା କିସ୍‌ଟ ଆଃ ତ୍ମି ନିଅମ୍ ଆରେ ବକେ ଡିଡିରକମ୍ କି ଜାଣ୍ଡେଇଂ ଇସ୍‌ପର୍‌ନେ ବାନ୍‌ ଡୱାବ୍ନ ମେଇଂ ଇସ୍‌ପର୍ ପର୍‌ମାନ୍ ଡିଂବକ୍ନେ ମାଡାନେ ଆସିର୍ବାଦ୍ ବାଆର୍‌ଏ । ପୁର୍‌ତୁମ୍ ନିଅମ୍ ବପୁ ଲେଃନେ ବେଲା ରେମୁଆଁଇଂ ମୁଃଡ଼ି ସାପା ପାପ୍ ଦସ୍ ଡିଂବଗେ ମୁଇଙ୍ଗ୍ କ୍ରିସ୍ଟନେ ଗୁଏକ୍ନେ ବାନ୍‌ ମେଇଂ ଆତ୍‌ବାନ୍ ଉଦାର୍ ବାଆର୍‌ଏ ।
\p
\v 16 ମୁଇଙ୍ଗ୍ ଗୁଆର୍‌ବେଃଚେଃ ଲିଜ ବ୍ରି ବିଃନେ ନିୟମ୍‌ ଅନୁସାରେ ଆତେନ୍‌ କାମ୍‌ ଡିଂନେ ନ୍‌ସା ନିଅମ୍ ଡିଂବକ୍ନେ ରେମୁଆଁନେ ମରନ୍ ପର୍‌ମାନ୍ ଡିଂନେ ଦର୍‌କାର୍ । 
\v 17 ଡାଗ୍‌ଲା ଦାନ୍ ଡିଂବକ୍ନେ ରେମୁଆଁ ମ୍ବ୍ରଲେଃନେ ଜାକ ନିୟମ୍‌ନେ ଇସାବ୍‌ରେ ଅଦିକାର୍ ଣ୍ଡୁ; ମୁଇଙ୍ଗ୍ ମେଁନେ ମରନ୍ ଇଡ଼ିଙ୍ଗ୍ ଆତେନ୍‌ କାମ୍ ଡିଂଏ । 
\v 18 ଆତେନ୍‌‌ସା ପୁର୍‌ତୁମ୍ ନିଅମ୍ ଣ୍ଡିଗ୍ ଚିନାବାନା ବାନ୍‌ କାମ୍ ପୁରନ୍ ଡିଂଲେଃଗେ । 
\v 19 ପୁର୍‌ତୁମ୍ ମୋଶା ସାସ୍ତର୍‌ନ୍ନିଆ ଗ୍ନୁଆର୍ ଲେଃକ୍ନେ ନିୟମ୍‌ ଇଂ ରେମୁଆଁଇଂନେ ଡାଗ୍ରା ବାସଙ୍ଗ୍‌କେ । ତେନ୍ଇଡ଼ିଂ ମେଁ ଅରେଃ ଆରି ଗିମିନେ ମିଆଁ ଣ୍ଡିଆ ଏତେ ଆମିସୁଚେ ଏସୋବ ପାଃଡ଼ୁ ଆରି ଇତୁଡ଼ା ମିଆଁ ବାନାନେ ମେଣ୍ଡା ଉଗ୍‌ବ ବାନ୍‌ ସାସ୍ତର୍‌ ଉଲିଆ ଆରି ରେମୁଆଁଇଂନେ ଆଡ଼ାତ୍ରା ଉର୍‌ଚିଗ୍‌କେ । 
\v 20 ବାରି ମେଁ ବାସଙ୍ଗ୍‌କେ, “ମୁଡ଼ି ନିଅମ୍ ପାଲନ୍ ଡିଂନେସା ଇସ୍‌ପର୍ ଆପେକେ ଆଦେସ୍ ବିଃବକେ, ଆକେନ୍ ମିଆଁ ଆତେନ୍‌ ନିଅମ୍‌କେ ଆଦେସ୍‌ ଡିଂଡିଂକେ ।” 
\v 21 ମୋଶା ଡେତ୍ ରକମ୍ ମିଆଁ ଡୁଂୱେଚେ ତମ୍ବୁ ମନ୍ଦିର୍ ଆରି ପାର୍‌ତନାନ୍ନିଆ ଆଃବାକ୍ନେ ସର୍‌ତେ ଜିନିସ୍ ଆଡ଼ାତ୍ରା ଉର୍‌ଚିଗ୍‌କେ । 
\v 22 ମୋଶାନେ ସାସ୍ତର୍‌ ଇସାବ୍‌ରେ ସର୍‌ତେ ବିସ‍ଏ ମିଆଁବାନ୍ ପବିତ୍ର ଡିଂଏ ବାରି ଚିନାବାନା ବାନ୍‌ ଆଃ ପାପ୍ କେମା ଡିଂଏ ।
\s କ୍ରିସ୍ଟ ଗୁଏନେ ବାନ୍‌ ପାପ୍ ସ୍ଲ ଡିଂଏ
\p
\v 23 ମୁଡ଼ି ବିସ‍ଏଇଂ କିତଂନେ ମୁଲ୍ ବିସ‍ଏନେ ଇସାବ୍‌ରେ ମାତର୍‌ ଆତେନ୍‌ ସାପା ମିଆଁ ବାନ୍‌ ପବିତ୍ର ଡିଂନେ ଦର୍‌କାର୍ ଲେଃଗେ ମାତର୍‌ କିତଂନେ ବିସ‍ଏଇଂ ନ୍‌ସା ମ୍ନାନେ ପୁଜା ଦର୍‌କାର୍ । 
\v 24 ମେଁନେ ରେମୁଆଁ ତିତିନ୍ନିଆ ଆଃରେକ୍ନେ ଣ୍ଡୁ ଡେକ୍‌ରକମ୍ ମୁଇଙ୍ଗ୍ ପବିତ୍ର ଟାନ୍‌ନିଆ କିସ୍‌ଟ ୱେଲେଃକେ । ଆତେନ୍‌ ମେଃଡିଗ୍ ମୁଲ୍ ସାମୁଆଁନେ ଅନୁସାରେ ଣ୍ଡୁ । ମେଁ କିତଂନ୍ନିଆ ଆଃ ୱେଲେଃକେ । ଆତ୍‌ଅରିଆ ମେଁ ନେଁଇଂନେ ସାପଟ୍‌ରେ ଏକେ ଇସ୍‌ପର୍‌ନେ ଡାଗ୍ରା ୱେଚା ଲେଃକେ । 
\v 25 ଜିଉଦି ମ୍ନାପୁଜାରି‍ ଡିରକମ୍ ମେମୁଆଁକେ ମୁଇଂତର୍ ପୁସୁ ମିଆଁ ଡୁଂୱେଚେ ମ୍ନାପବିତ୍ର ଟାନ୍‌ନ୍ତୁଗ୍ ୱେଆର୍‌ଏ । ଡେତ୍‌ରକମ୍ କିସ୍‌ଟ ନିଜ୍‌କେ ବାରିବାରି ଅପେଃନେ ନ୍‌ସା ଆତ୍‌ଅରିଆ ୱେ ଆଲେଃକେ । 
\v 26 ଡେତ୍‌ଲା ଆମେକେ ଦର୍‌ତନିନେ ସାପା ବିସୟ୍‌ ତିଆର୍‌ ଡିଂନେ ବେଲାବାନ୍ ଜବର୍‌ ତର୍ ଦୁକ୍‌କସ୍ଟ ଡିଂନେସା ପାପଡ଼େ । ବିନ୍‌ପାକା ମେଁ ସାରାସାରି ବେଲା ନିଜ୍‌କେ ପୁଜା ରକମ୍ ଅପେଃନେ ବାନ୍‌ କାଲ୍ କାଲ୍‌କେ ପାପ୍‌ନେ ବପୁ ନସ୍ଟ ଆଡିଂନେ ନ୍‌ସା ପାଙ୍ଗ୍‌ଲେଃଗେ । 
\v 27 ସାପାରେ ମୁଇଂତର୍ ଗୁଏଆର୍‌ଏ ବାରି ତେନ୍ ଇଡ଼ିଙ୍ଗ୍ ଇସ୍‌ପର୍‌ନେ ବିଚାର୍‌ନ୍ନିଆ ସେନୁଗ୍ କୁଡ଼େ ଆର୍‌ଏ । 
\v 28 ଡେତ୍‌ରକମ୍ ଗୁଲୁଏରେନେ ପାପ୍ ସ୍ଲ ଆଡିଂନେସା କିସ୍‌ଟ ମୁଇଂତର୍ ନ୍‌ସା ପୁଜା ରକମ୍ ଗୁଏକେ । ମେଁ ବାର୍‌ମୁଇଂତର୍ ପାଙ୍ଗ୍‌ଏ । ଅଃତେନ୍‌ ବେଲା ଆରି ପାପ୍‌ନେ ଜୁଦ୍ ଡିଂନେ ନ୍‌ସା ମେଁ ଆପାଙ୍ଗ୍‌ ଣ୍ଡୁ । ମେଁ ପାଙ୍ଗ୍‌ଏ ମେଁନେ ନ୍‌ସା ଉର୍ ଡିଂକ୍ନେ ରେମୁଆଁଇଂକେ ଉଦାର୍ ଡିଂନେ ନ୍‌ସା ।
\c 10
\p
\v 1 ଇହୁଦି‍ଇଂନେ ସାସ୍ତର୍‌ ସତ୍ ବିସ‍ଏନେ ମୁଇଙ୍ଗ୍ କ୍ଲିଗ୍‌ଡା ଆରି ଟିକ୍ ଚିତ୍ର ଣ୍ଡୁ, ଆକେନ୍ ସେନୁଗ୍‌ ମ୍ନା ବିସ‍ଏନେ ମୁଇଙ୍ଗ୍ ବୁଲ୍ ତ୍ନାକ୍ନେ ଚିନା ମାତର୍‌ । କାଲାଆଃ ମେମୁଆଁକେ ମେମୁଆଁ ଆତେନ୍‌ ମୁଇଙ୍ଗ୍ ରକମ୍ ବଲିଦାନ୍ ଅପେଃ ଡିଂକେ । ଜାଣ୍ଡେଇଂ ଇସ୍‌ପର୍‌ନେ ଡାଗ୍ରା ପାଙ୍ଗ୍‌ଆର୍‌ଏ ସାସ୍ତର୍‌ନେ ଆତେନ୍‌‌ ସାପା ବଲିପୁଜା ବାନ୍‌ ମେଇଂ ମେଃନେ ନିମାଣ୍ଡା ଡିଂ ୟାଡିଂଆର୍‌କେ ? 
\v 2 ଡେକ୍‌ରକମ୍ ବାବ୍‌ରେ ଇସ୍‌ପର୍‌କେ ପାର୍‌ତନା ଡିଂଣ୍ଡ୍ରେ ଜଦି ସତ୍‌ରେ ପାପ୍‌ବାନ୍ ନିମାଣ୍ଡା ଡିଂପାୟାଆର୍ ତେଲା ମେଇଂ ଆରି ନିଜ୍‌କେ ପାପି ଡାଗ୍‌ଚେ ମନେ ଆଡିଂଆର୍‌ ଣ୍ଡୁ ବାରି ସର୍‌ତେ ବଲିପୁଜାନେ ସାରାସାରି ପାଗଟେ । 
\v 3 ମାତର୍‌ ଡେତ୍‌ରକମ୍ ମାଡିଂଚେ ମେମୁଆଁକେ ମେମୁଆଁ ପୁଜାବଲି ଅପେଃନେ ବାନ୍‌ ରେମୁଆଁକେ ମୁଇଙ୍ଗ୍ ମେଁନେ ପାପ୍ ବିସ‍ଏ ମନେଏତେ ଆଡିଂ ବିଡିଙ୍ଗ୍‌କେ । 
\v 4 ଡାଗ୍‌ଲା ଅରେଃ ଆରି ଗିମିଃନେ ମିଆଁ ଅଃନାଡିଗ୍ ପାପ୍ ଗ୍ୱେଡ଼ିଆ ଡିଂଆୟା ଣ୍ଡୁ ।
\p
\v 5 ଆତେନ୍‌‌ସା କ୍ରିସ୍ଟ ଦର୍‌ତନିନ୍ତୁଗ୍ ପାଙ୍ଗ୍‌ନେ ସେନୁଗ୍‌ବାନ୍ ଇସ୍‌ପର୍‌କେ ବାସଙ୍ଗ୍‌ବଗେ:
\q1 “ବଲିପୁଜା ଆରି ପୁଜା ଜିନିସ୍‌ନ୍ନିଆ ନାନେ ଇକ୍‌ଚା ଣ୍ଡୁ
\q2 ମାତର୍‌ ପେ ନିଂନେ ନ୍‌ସା ମୁଇଙ୍ଗ୍ ଗାଗ୍‌ଡ଼େ ଆରେ ପେବକେ ।
\q1
\v 6 ପାପ୍ କେମା ନ୍‌ସା ନା ବେଦି ଆଡ଼ାତ୍ରା ହମ୍‌ ପୁଜାନ୍ନିଆ
\q2 ଣ୍ଡୁଲା ପସୁ ବଲିନ୍ନିଆ ଇକ୍‌ଚା ଣ୍ଡୁ ।
\q1
\v 7 ତେନ୍‌ସା ନିଂ ମ୍ବାସଙ୍ଗ୍‌କେ
\q2 ‘ଅ ଇସ୍‌ପର୍ ନିଂ ବିସ‍ଏରେ ସାସ୍ତର୍‌ ଉଲିଆନ୍ନିଆ ଡିରକମ୍ ଗ୍ନୁଆର୍ ଲେଃକେ
\q2 ନିଂ ଡେତ୍‌ରକମ୍ ନାନେ ଇକ୍‌ଚା ପୁରନ୍ ଡିଂନେସା ରାଜି ନ୍ଲେଃକେ ।’”
\m
\v 8 ପୁର୍‌ତୁମ୍ ମେଁ ବାସଙ୍ଗ୍‌ବଗେ, “ନାଁ ରେମୁଆଁନେ ପାପ୍ କେମା ନ୍‌ସା ବଲିପୁଜା ଣ୍ଡୁଲା ପୁଜା ଜିନିସ୍ ଣ୍ଡୁଲା ବେଦି ଆଡ଼ାତ୍ରା ହମ୍‌ ପୁଜା ଚାଏଁନାଡିଂକେ ଣ୍ଡୁ; ତେନ୍ ସାପା ଆନାକେ ସାନ୍ତି ଡିଂଆୟା ଣ୍ଡୁ ।” ଏନ୍‌ସାପା ବଲିପୁଜା ସାସ୍ତର୍‌ ଅନୁସାରେ ଆଃଡିଙ୍ଗ୍‌ଲା ଡିଗ୍ ମେଁ ଡେକ୍‌ରକମ୍ ବାସଙ୍ଗ୍‌ବଗେ । 
\v 9 ତେନ୍ଇଡ଼ିଂ ମେଁ ବାସଙ୍ଗ୍‌ବଗେ “ଅ ଇସ୍‌ପର୍ ନିଂ ନାନେ ଇକ୍‌ଚା ପୁରନ୍ ଡିଂନେସା ତିଆର୍ ଡିଂନ୍ଲେଃକେ ।” ଆକେନ୍‌ସା ଇସ୍‌ପର୍ ଆକେନ୍ ସାପା ପୁଜା ଆମାନେଚେ ଆତେନ୍‌ ବାଦୁଲ୍ କ୍ରିସ୍ଟନେ ପୁଜା ମାନେଃ ଆର୍‌କେ । 
\v 10 ଜିସୁ କିସ୍‌ଟ ମୁଇଂତର୍ ମାତର୍‌ ଆରି କାଲାଆଃ ନ୍‌ସା ନିଜର୍ ଗାଗ୍‌ଡ଼େକେ ଅପେଃଚେ ଇସ୍‌ପର୍‌ନେ ଇକ୍‌ଚା ପୁରନ୍ ଡିଂବକ୍ନେସା ମେଁନେ ଆତେନ୍‌ ରକମ୍‌ନେ କାମ୍ ନ୍‌ସା ନେ ସାପାରେ ପାପ୍‌ବାନ୍ ପବିତ୍ର ଡିଂନେଲେଃକେ । \fig ବେଦି ଆଡ଼ାତ୍ରା ସୁଆନ୍ନିଆ ବଲି ପୁଜା |alt="Burnt offering on an altar" src="hk00256c.tif" size="col" copy="Horace Knowles ©" ref="୧୦:୧୦"\fig*
\p
\v 11 ଜିହୁଦି ପୁଜାରି‍ଇଂ କାଲାଆଃ ନିଜର୍ କାମ୍ ପୁରନ୍ ଡିଂଚେ ଆତେନ୍‌ ମୁଇଙ୍ଗ୍ ରକମ୍ ପୁଜା ପ୍ରେକ୍‌ପ୍ରେକ୍ ଅପେଃ ଡିଂମ୍ୟାଆର୍‌କେ ମାତର୍‌ ଏନ୍‌ସାପା ପୁଜା ବାନ୍‌ ଅଃନାଡିଗ୍ ପାପ୍ ଗ୍ୱେଡ଼ିଆ ଡିଂଆୟା ଣ୍ଡୁ । 
\v 12 ମାତର୍‌ କ୍ରିସ୍ଟ ପାପ୍‌ନେ ଆତେନ୍‌ ରକମ୍‌ନେ କାମ୍ ସୁଗୁଆ ଜୁଗ୍‌ଜୁଗ୍ ନ୍‌ସା ମୁଇଙ୍ଗ୍ ମାତର୍‌ ବଲିପୁଜା ଅପେଃ ବ‍ଆର୍‌କେ । ତେନ୍ଇଡ଼ିଂ ମେଁ ୱେଚେ ଇସ୍‌ପର୍‌ନେ ବେସ୍ୟା ପାକା କଲେଃକେ । 
\v 13 ଇସ୍‌ପର୍ ମେଁନେ ସତ୍ରୁଇଂକେ ଞ୍ଚ‍ ଆଲ ମାରାଡିଂନେ ଜାକ ମେଁ ଆତ୍‌ଅରିଆ ଉର୍ ଲେଃକେ । 
\v 14 ଜାଣ୍ଡେ ପାପ୍‌ବାନ୍ ସ୍ଲଚେ ପବିତ୍ର ଡିଂଲେଃଆର୍‌କେ ଆତେନ୍‌ ମୁଇଂ ମାତର୍ ପୁଜା ବାନ୍‌ ଆମେଇଂକେ ମେଁ ଜୁଗ୍‌ଜୁଗ୍ ନ୍‌ସା ନିମାଣ୍ଡା ଆଡିଂବକେ ।
\p
\v 15 ପବିତ୍ର ଆତ୍ମା ଣ୍ଡିଗ୍ ମେଁନେ ସାକି ବିଚେ ବାସଙ୍ଗ୍‌ବକେ
\q1
\v 16 ମାପ୍‌ରୁ ବାସଙ୍ଗ୍‌ଡିଂକେ,
\q2 “ଇଡ଼ିଂଡେ ନିଂ ମେଁଇଂନେ ଏତେ ଆକେନ୍ ତ୍ମି ନିଅମ୍ ଣ୍ଡିଂଏ ।
\q1 ନିଂ ନିଂନେ ନିୟମ୍‌ ମେଁଇଂନେ ହୁର୍ଦେନିଆ ଣ୍ଡ୍ରାଃରେଏ
\q2 ଆରି ମେଁଇଂନେ ହୁର୍ଦୟ୍‌ ପାଟାନ୍ନିଆ ଙ୍ଗୁଆର୍‌ଏ ।”
\m
\v 17 ଆରି ଣ୍ଡିଗ୍ ମେଁ ବାସଙ୍ଗ୍‌ଡିଂକେ “ନିଂ ଆରି ମେଁଇଂନେ ପାପ୍ ଆରି ଦଦ୍ୟା‌ କାମ୍ ମନେ ନ୍ନାଡିଂ ଣ୍ଡୁ ।” 
\v 18 ତେନ୍‌ସା ମେଇଂ ଜଦି କେମା ବା ଲେଃଆର୍‌କେ ତେଲା ପାପ୍ ଗ୍ୱେଡ଼ିଆ ନ୍‌ସା ଆରି ବଲିପୁଜାନେ ଦର୍‌କାର୍ ଣ୍ଡୁ ।
\s ଇସ୍‌ପର୍‌ନେ ଡାଗ୍ରା ନେଃୱେପା
\p
\v 19 ତେନ୍‌ସା ଅ ବୟାଁ ଆରି ତନାଇଂ ଜିସୁ ଗୁଏକେସା ନେ ମ୍ନାପବିତ୍ର ଟାନ୍‌ନିଆ ଗାନେନ୍‌ସା ସର୍‌ତେ ଅଦିକାର୍ ବାନେଲେଃକେ । 
\v 20 ମେଁ ମେଁନେ ଗାଗ୍‌ଡ଼େରକମ୍ ପାଟାଇ ବିତ୍ରେ ବିଚେ ନେଁଇଂନେ ନ୍‌ସା ମୁଇଙ୍ଗ୍ ତ୍ମି ଜିବନ୍ ଗାଲି ରଃ ବକେ । 
\v 21 ଇସ୍‌ପର୍‌ନେ ଡୁଆ ଏବେ ନେଁଇଂନେ ମ୍ନା ପୁଜାରି‍ଇଂନେ ନ୍ତିନ୍ନିଆ ଲେଃକେ । 
\v 22 ତେନ୍‌ସା ପାଙ୍ଗ୍‌ଲାପା ନେ ନିମାଣ୍ଡା ମନ୍‌ରେ ଆରି ଡାଟ୍ ବିସ୍‌ବାସ୍ ଏତେ ଇସ୍‌ପର୍‌ନେ ଡାଗ୍ରା ନେୱେପା; ଡାଗ୍‌ଲା ନେ ଏକେ ପାପ୍ ଚିନ୍ତାବାନ୍ କ୍ରିସ୍ଟନେ ମିଆଁବାନ୍ ପବିତ୍ର ଡିଂନେଲେଃକେ ଆରି ନେ ଗାଗ୍‌ଡ଼େ ନିମାଣ୍ଡା ଣ୍ଡିଆନ୍ନିଆ ଗ୍ୱେଃଡ଼ିଆ ଲେଃକେ । 
\v 23 ମୁଡ଼ି ଆସା ନେଁଇଂନେ ଲେଃକେ ଡାଗ୍‌ଚେ ବାସଙ୍ଗ୍‌ ନେଡିଂକେ ଆତ୍‌ଅରିଆ ନେ ଡାଟ୍ ଲେଃନେ ଦର୍‌କାର୍ ଡାଗ୍‌ଲା ନେ ଇସ୍‌ପର୍‌ନେ ସାମୁଆଁ ଆଡ଼ାତ୍ରା ଆସା ବନେଃୟାଏ । 
\v 24 ପାଙ୍ଗ୍‌ଲାପା ନେ ବିନ୍‌ଣ୍ଡ୍ରେ ଡାଗ୍ରା ମନ୍‌ ସାନ୍ତି ଡିଂଚେ ମେଁଇଂନେ ସାଆଜ୍ୟ ନେଡିଂପା; ଡେକ୍‌ରକମ୍ ବାବ୍‌ରେ ଆଲାଦ୍‌ନେ ସାମୁଆଁ ବିଚେ ସତ୍‌କାମ୍ ନେଡିଂପା । 
\v 25 ବାରି ଜାଣ୍ଡେ ଜାଣ୍ଡେ ଡିରକମ୍ ପାର୍‌ତନାନ୍ନିଆ ମିସୁନେ ଅଲ୍‌ସୁଆ ଡିଂଆର୍‌ଏ ନିଂ ଡେତ୍‌ରକମ୍ ନ୍ନାଡିଂ ଣ୍ଡୁ । ବିନ୍‌ପାକା ମାପ୍ରୁନେ ଦିନା ଡାଗ୍ରା ଡିଂ ପାଙ୍ଗ୍‌ଡିଂକେ ମ୍ୟାଚେ ନିଜେ ନିଜେକେ ମାଲେ ମ୍ଲେଡ଼ିଆ ଡିଂନେ ଦର୍‌କାର୍ ।
\p
\v 26 ନେଁଇଂନେ ଡାଗ୍ରା ସତ୍ ତ୍ନାକ୍ନେ ଇଡ଼ିଙ୍ଗ୍ ନେ ଜଦି ମ୍ୟା ଅଁଚେ ପାପ୍‌ନ୍ନିଆ ଲିଗ୍ ନେଲେଃଏ ତେଲା ଆରି ମେଃଡିଗ୍ ବଲିପୁଜା ଆନେକେ ପାପ୍‌ବାନ୍ ଆମ୍ବ୍ରନେ ଆୟା ଣ୍ଡୁ । 
\v 27 ଡେତ୍‌ଲା ନେଁ ଇଡ଼ିଂଡେ ମ୍ନାବିଚାର୍‌ନିଆ ସେନୁଗ୍ କୁଡ଼େଚେ ଇସ୍‌ପର୍ ବିରଦିଇଂନେ ନ୍‌ସା ତୁର୍‌ବକ୍ନେ ବୟଙ୍କାର୍ ସୁଆନ୍ନିଆ ଦଂସ ବାନେ ଅବସ୍ତାକେ ବୁଟଚେ ଉର୍‌ନେ ଆନ୍ତାର୍‌ଲା ନେଁଇଂନେ ବିନ୍ ଅବସ୍ତା ଣ୍ଡୁ । 
\v 28 ଜାଣ୍ଡେ ଜଦି ମୋଶାନେ ନିଅମ୍ ଆମାନେ ଆରି ମ୍ବାର୍ ଣ୍ଡୁଲା ମେଁବାନ୍ ମାଲେ ସାକିଣ୍ଡ୍ରେଇଂନେ ସାକି ବାନ୍‌ ମେଁ ଦସି ସାକି ଡିଂଏ ତେଲା ଆମେକେ ଦୟା ମାରାସୁଏଚେ ଗୁଏନେ ଡଣ୍ଡ୍ ବିଏ । 
\v 29 ଡେତ୍‌ଲା ଜାଣ୍ଡେ ଇସ୍‌ପର୍‌ନେ ଉଂଡେକେ ଗିନ୍‌ ଡିଂଏ, ଇସ୍‌ପର୍‌ନେ ତ୍ମି ନିଅମ୍‌ନେ ମିଆଁ ବାନ୍‌ ପାପ୍ ଗ୍ୱେଡ଼ିଆନେ ସୁଜଗ୍ ବାଲେଃଚେ ଣ୍ଡିଗ୍ ଆମେକେ ଗୁର୍‌ନା ଡିଂଏ ବାରି ଦୟାଡିଂଣ୍ଡ୍ରେ ପବିତ୍ର‍ ଆତ୍ମାକେ ଅପମାନ୍ ଡିଂଏ, ମେଁନେ ଅବସ୍ତା ମେଃନେ ଡିଙ୍ଗ୍‌ଏ ? ବାବେ କେଲାପା, ମେଁ ଉଃଡ଼ି ମାଲେ ଡଣ୍ଡ୍‌ ଡିଂଏ । 
\v 30 “ନିଂ ପ୍ରତିସଦ୍‌ ଡୁଂଣ୍ଡ‍ଏ, ନିଂ ଡଣ୍ଡ୍‌ବିଣ୍ଡ୍ରେ” ଏନ୍ ସାମୁଆଁ ଜା ବାସଙ୍ଗ୍‌ବକେ, ଆମେକେ ନେ ମ୍ୟାନେଲେଃକେ । ମେଁ ଆରି ଣ୍ଡିଗ୍ ବାସଙ୍ଗ୍‌ବକେ, “ମାପ୍‌ରୁ ମେଁନେ ରେମୁଆଁଇଂନେ ବିଚାର୍ ଡିଂଏ ।” 
\v 31 ଜୁଗ୍‌ଜୁଗ୍ ମ୍ବ୍ରଣ୍ଡ୍ରେ ଇସ୍‌ପର୍‌ନେ ବିଚାର୍‌ନ୍ନିଆ କୁଡ଼େନେ ଉଡ଼ି ବୟଙ୍କାର୍ ।
\p
\v 32 ନାନେ ଅସେନେ ସାମୁଆଁ ମନେ ଡିଙ୍ଗ୍‌ପା । ଇସ୍‌ପର୍‌ନେ ତାର୍‌କିଗ୍ ପେଇଂନେ ଆମ୍ୟାକ୍ନେ ଇଡ଼ିଙ୍ଗ୍ ପେଇଂ ବିନ୍‌ବିନ୍‌ ରକମ୍ ଦୁକ୍ କସ୍ଟ ପେବାକେ ମାତର୍‌ ଆରେ ପେଲେଃଗେ । 
\v 33 ଅଃନା ଅଃନା ପେଇଂ ସାପାରେନିଆ ନିନ୍ଦା ଆରି ମାଡ୍‌ ଚଂପେଲେକେ । ଆରି ଅଃନା ଅଃନା ପେଇଂ ବିନ୍‌ଣ୍ଡ୍ରେଇଂନେ ଦୁକ୍ କସ୍ଟନ୍ନିଆ ମେଇଂ ରକମ୍‌ ସମାନ୍ ଅବସ୍ତା ଡିଙ୍ଗ୍‌ଚେ ସାଇଜ ପେଡିଙ୍ଗ୍‌କେ । 
\v 34 ପେଇଂ ବନ୍ଦି‍ଇଂନେ ଦୁକ୍ କସ୍ଟନ୍ନିଆ ସାଆଜ୍ୟ ଡିଂପେଡିଂଗେ ବାରି ଉଡ଼ିବେଲା ପେଇଂନେ ସର୍‌ତେ ଡଙ୍ଗା ଡିଂକେ ଅଃତେନ୍‌ ବେଲା ପେଇଂ ସାର୍ଦାରେ ସାପା ନସ୍ଟ ଡିଙ୍ଗ୍‌କ୍ନେ ସମ୍ବାଲେ ପେଲେଃଗେ ଡାଗ୍‌ଲା ପେଇଂନେ ଜେ ମ୍ନାନେ କାଲାଆଃ ଲେଃନେ ସମ୍ପତ୍ତି ଲେଃକେ ଆତେନ୍‌ ପେଇଂ ମ୍ୟାପେଲେଃଗେ । 
\v 35 ତେନ୍‌ସା ବର୍‌କସ୍‌ ଆଆନ୍ତାର୍‌ଗେପା ଡାଗ୍‌ଲା ସତ୍‌ ବର୍‌କସ୍‌ନେ ମ୍ନା ଇନାମ୍‌ ଲେଃକେ । 
\v 36 ଇସ୍‌ପର୍‌ନେ ଇକ୍‌ଚା ପୁରନ୍ ଡିଂଚେ ମେଃନେ ମେଁ ବିଏ ଡାଗ୍‌ଚେ ପର୍‌ମାନ୍ ଡିଂବକେ ଆତେନ୍‌ ବାନେ ଆସାରେ ବର୍‌କସ୍‌ ସାଚେ ଲାଲାପା । 
\v 37 ଦରମ୍ ସାସ୍ତର୍‌ନ୍ନିଆ ଗ୍ନୁଆର୍ ଲେଃକେ:
\q1 “ଆରି ଇତୁଡ଼ା ବେଲା ଉର୍‌ପା
\q2 ଜାଣ୍ଡେ ପାଙ୍ଗ୍‌ନେ ଲେଃକେ ମେଁ ପାଙ୍ଗ୍‌ଏ
\q2 ନିୱାଲ୍‌ ଆଡିଙ୍ଗ୍‌ ଣ୍ଡୁ
\q1
\v 38 ନିଂନେ ଦରମ୍ ରେମୁଆଁଇଂ ବିସ୍‌ବାସ୍‌ନିଆ ଡାଟ୍ ଲେଃଚେ ମ୍ବ୍ର‍ଆର୍‌ଏ
\q2 ମାତର୍‌ ଜାଣ୍ଡେ ଜଦି ପ୍ଲାଗୁଚେ ବିଏ
\q2 ମେଁ ନ୍ତୁଗ୍ ନିଂ ସାର୍ଦା ଡିଂନ୍ନାୟା ଣ୍ଡୁ ।”
\m
\v 39 ପ୍ଲା ପାକା ଗୁଚେଣ୍ଡ୍ରେ ନେ ଣ୍ତୁ ନସ୍ଟ ଡିଂନେ ରେମୁଆଁ ନେ ଣ୍ଡୁ । ନେଁ ଡାଟ୍ ବିସ୍‌ବାସି ଆରି ମୁକ୍ତି ବାକ୍ନେ ରେମୁଆଁ ।
\c 11
\s ବିସ୍‌ବାସ୍‌ନେ ଉଦା‍ଅରନ୍
\p
\v 1 ନେ ଆସା ନେଡିଙ୍ଗ୍‌କ୍ନେ ବିସ‍ଏକେ ବାନେଲେଃକେ ଡାଗ୍‌ଚେ ମ୍ୟାନେ ଆରି ଆକେକ୍ନେ ବିସ‍ଏକେ ସତ୍‌ ବାବେନେ ଆଃ ବିସ୍‌ବାସ୍ । 
\v 2 ବାୱିର୍ ଜୁଗ୍‌ନେ ରେମୁଆଁଇଂ ମେଁଇଂନେ ବିସ୍‌ବାସ୍ ବାନ୍‌ ଇସ୍‌ପର୍‌କେ ସାନ୍ତି ଆଡିଂକ୍ନେ ରେମୁଆଁ ଡିଙ୍ଗ୍‌ୟା ଲେଃଆର୍କେ ।
\p
\v 3 \x + \xo ୧୧:୩ \xo*\xt ଜହନ୍‌ ୧:୩.\xt*\x*ଇସ୍‌ପର୍‌ନେ ଆଦେସ୍‌ରେ ଏନ୍‌ ମଞ୍ଚ୍‌ପୁର୍‌ ତିଆର୍ ଡିଂକେ ଆରି ଆତ୍ନାକ୍ନେ ବିସ‍ଏବାନ୍ ତ୍ନାକ୍ନେ ବିସ‍ଏ ସାପା ତିଆର୍ ଡିଂକେ ଏନ୍ ସାମୁଆଁ ମୁଇଙ୍ଗ୍ ବିସ୍‌ବାସ୍ ବାନ୍‌ ନେ ମ୍ୟାନେଡିଂକେ ।
\p
\v 4 ବିସ୍‌ବାସ୍ ବାନ୍‌ ହେବଲ ଇସ୍‌ପର୍‌ନେ ଉଦେସ୍‌ରେ କୟିନ ନେ ବାନ୍ ନିମାଣ୍ଡା ଦାନ୍‌ ଡିଙ୍ଗ୍‌ବ‍ଗେ । ନିଜର୍ ବିସ୍‌ବାସ୍ ବପୁରେ ମେଁ ଇସ୍‌ପର୍‌ନେ ବାନ୍‌ ଦରମ୍‌ ରେମୁଆଁ ଡାଗ୍‌ଚେ ସ୍ନାମୁଁଆଃ ଡିଂଲେଃଗେ, ଡାଗ୍‌ଲା ଇସ୍‌ପର୍ ନିଜେ ମେଁନେ ପର୍‌ସାଦ୍‌ ଗ୍ର‍ଅନ୍ ଡିଂବଗେ । ମେଁନେ ବିସ୍‌ବାସ୍ ନ୍‌ସା ହେବଲ ଗୁଏଲା ଡିଗ୍ ଏ ଜାକ ସାମୁଆଁ ବାସଙ୍ଗ୍‌ଡିଂକେ ।
\p
\v 5 ବିସ୍‌ବାସ୍ ବାନ୍‌ ହନୋକ ଗୁଏନେବାନ୍ ରକ୍ୟା ବାଲେଃଗେ । ଇସ୍‌ପର୍ ଆମେକେ ନିଜର୍ ଡାଗ୍ରା ଡୁଂୱେବଗେ ଆରି ଆମେକେ ଜାଣ୍ଡିଗ୍ ଆରି କିକେ ୟା ଆଲେଃଆର୍‌ଗେ । ଦର୍ମ ସାସ୍ତର୍‌ନ୍ନିଆ ଗ୍ନୁଆର୍ ଲେଃକେ ଜେ ହନୋକ ଇସ୍‌ପର୍‌ନେ ଡାଗ୍ରା ୱେନେ ସିସେବାନ୍ ମେଁନେ ନିମାଣ୍ଡା ରେମୁଆଁ ଡିଂଲେଃଗେ । 
\v 6 ବିସ୍‌ବାସ୍ ଣ୍ଡୁଲା ଜାଣ୍ଡିଗ୍ ଇସ୍‌ପର୍‌କେ ସାନ୍ତି ଡିଂଆୟା ଣ୍ଡୁ ଡାଗ୍‌ଲା ଜା ଇସ୍‌ପର୍‌ନେ ଡାଗ୍ରା ପାଙ୍ଗ୍‌ଏ ମେଁ ଇସ୍‌ପର୍‌ନେ ସାସ୍ତର୍‌ନେ ସତ୍ ସାମୁଆଁନିଆ ବିସ୍‌ବାସ୍ ଡିଂନେ ଦର୍‌କାର୍ ଇସ୍‌ପର୍ ଜା ମେଁନେ ତୁର୍‌ଣ୍ଡ୍ରେଇଂନେ ଆସା ପୁରନ୍ ଡିଂଆର୍‌ଏ ଆତେନ୍‌ ଣ୍ଡିଗ୍ ବିସ୍‌ବାସ୍ ଡିଂନେ ଦର୍‌କାର୍ ।
\p
\v 7 ବିସ୍‌ବାସ୍ ନ୍‌ସା ନୋହ ସାସ୍ତର୍‌ବାନ୍ ତାର୍‌ଡିଂକ୍ନେ ଇଡ଼ିଂଡେ ଗଟ୍‌ନା ବିସ‍ଏରେ ଇସ୍‌ପର୍‌ନେ ତରକ୍‌ ସାମୁଆଁ ଅଁ ୟାଡିଂଆର୍‌ଗେ । ମେଁ ଇସ୍‌ପର୍‌ନେ ଆଦେସ୍ ପାଲନ୍ ଡିଂଚେ ମୁଇଙ୍ଗ୍ ଜାଆଜ୍ ଆରେ ବଗେ । ଆତ୍‌ଅରିଆ ମେଁ ଆରି ମେଁନେ ଡୁଆଣ୍ଡ୍ରେ ଉଦାର୍ ବାଲେଃଆର୍‌ଗେ । ତେନ୍‌ସା ଦର୍‌ତନି ବାସାଣ୍ଡ୍ରେ ଗୁଏଆର୍‌କେ ମାତର୍‌ ନୋହ ମେଁନେ ବିସ୍‌ବାସ୍ ନ୍‌ସା ଦରମ୍‌ନେ ପୁରସ୍କାର୍ ବାଆର୍‌କେ ।
\p
\v 8 ଇସ୍‌ପର୍ ଅବ୍ରାହାମ୍‌କେ ମୁଡ଼ି ଦେସ୍ ବିଏ ଡାଗ୍‌ଚେ ସାମୁଆଁ ବିବଗେ ଆତେନ୍‌ ଦେସ୍‌ନ୍ତୁଗ୍ ୱେନେ ନ୍‌ସା ମେଁ ଉଡ଼ିବେଲା ଆମେକେ ୱାକେ ଅଃତେନ୍‌ ବେଲା ଅବ୍ରହାମ୍ ବିସ୍‌ବାସ୍‌ନିଆ ଇସ୍‌ପର୍‌ନେ ସାମୁଆଁ ପାଲନ୍ ଡିଂବଗେ । ମେଁ ଆଣ୍ଡି ୱେଡିଂକେ ଆତେନ୍‌ ମାମ୍ୟାଚେ ଡିଗ୍ ନିଜର୍ ଦେସ୍ ଆନ୍ତାର୍‌ବଗେ । 
\v 9 ମେଁ ବିସ୍‌ବାସ୍‌ରେ ଇସ୍‌ପର୍‌ନେ ପର୍‌ମାନ୍ ଡିଂକ୍ନେ ଦେସ୍‌ନ୍ନିଆ ବିଦେସି ବାବ୍‌ରେ ବାସାକେ । ମେଁ ତମ୍ବୁନ୍ନିଆ ବାସାକେ ବାରି ମେଁ ସୁଗୁଆ ଇସ୍‌ପର୍‌ନେବାନ୍ ପର୍‌ମାନ୍ ବାଚେ ଇସାକ୍ ଆରି ଜାକୁବ୍‌ ଣ୍ଡିଗ୍ ଡେତ୍‌ରକମ୍ ତମ୍ବୁନ୍ନିଆ ବାସା ଲେଃଆର୍‌ଗେ । 
\v 10 ମୁଡ଼ି ପାଣ୍ଡୁସନ୍ ଲେଃକ୍ନେ ଇନି ଇସ୍‌ପର୍‌ନେ ବାନ୍‌ ଗୁଆର୍‌କ୍ନେ ଆରି ଆରେକ୍ନେ ଅବ୍ରାହାମ୍ ଆତେନ୍‌ ଇନିକେ ଉର୍‌ ଲେଃଗେ ।
\p
\v 11 ଅନାଲାଡିଗ୍ ସାରା ଗାଗ୍‌ଡ଼େ ଡିଂ ନ୍‌ସା ସାତାଲୁ ଲେଃଗେ, ବିସ୍‌ବାସ୍ ଲେଃକେସା ଅବ୍ରାହାମ୍ ଡକ୍ରାବେଲା ଣ୍ଡିଗ୍ ଆବା ଡିଂନେସା ବପୁ ଡିଂଲେଃଗେ । ଇସ୍‌ପର୍ ମେଁନେ ସାମୁଆଁ ରକ୍ୟା ଡିଂଏ ଡାଗ୍‌ଚେ ଅବ୍ରହାମ୍‌ନେ ବିସ୍‌ବାସ୍ ଲେଃଗେ । 
\v 12 ଅବ୍ରହାମ୍ ତେଗୁଏନେ ରକମ୍ ଡିଂଲେଃଲା ଡିଗ୍ ମେଁନେବାନ୍ କିତଂନେ ଚାଙ୍କୁଆ ଆରି କେଣ୍ଡିଆନେ ବାଲି ରକମ୍ ଏଜାମାୟାନେ କୁଟୁମ୍ ଜନମ୍ ଡିଂଆର୍‌କେ ।
\p
\v 13 ଆଡ଼ାତ୍ରାନେ ରେମୁଆଁଇଂ ନିଜର୍ ବିସ୍‌ବାସ୍‌ରେ ଡାଟ୍ ଲେଃଚେ ଜିବନ୍ ଆନ୍ତାର୍ ଆର୍‌କେ । ଇସ୍‌ପର୍ ପର୍‌ମାନ୍ ଡିଂବକ୍ନେ ସାମୁଆଁ ସାପା ମେଇଂ ବା ଆୟାଆର୍‌ଲା ଡିଗ୍ ନିମାଣ୍ଡା ସ୍ଲବାନ୍ ଆତେନ୍‌ କେଚେ ସାର୍‌ଲ ବ‍ଆର୍‌ଗେ ବାରି ଏନ୍ ମଞ୍ଚ୍‌ପୁର୍‌ନ୍ନିଆ ମେଇଂ ମୁଇଙ୍ଗ୍ ବିଦେସି ଆରି ଆକ୍‌ଆତ୍‌ତେ ବାସାନେ ରେମୁଆଁଇଂ ଡାଗ୍‌ଚେ ବାସଙ୍ଗ୍‌ ବ‍ଆର୍‌ଗେ । 
\v 14 ଜାଣ୍ଡେଇଂ ଡେକ୍‌ରକମ୍ ସାମୁଆଁ ବାସଙ୍ଗ୍‌ଆର୍‌ଏ ମେଇଂ ଆରି ମୁଇଙ୍ଗ୍ ତୁବଃ ଇୟାଙ୍ଗ୍‌ନେ ତୁର୍ ଡିଂଆର୍‌କେ ଡାଗ୍‌ଚେ ମ୍ୟାଆର୍‌ଏ । 
\v 15 ମେଇଂ ମୁଡ଼ି ଦେସ୍ ଆନ୍ତାର୍‌ଚେ ପାଙ୍ଗ୍‌ଲେଃଆର୍‌ଗେ ଆତେନ୍‌ ଦେସ୍‌କେ ଆରି ଏତେ ଆଡିଂଆର୍‌ଗେ । ଜଦି ପାଏତେଆର୍ ତେଲା ଆତ୍‌ତେ ମେଇଂ ଆଣ୍ଡେ ୱେନେସା ସୁଜଗ୍ ପାବାଆର୍ । 
\v 16 ବିନ୍‌ପାକା ମେଇଂ ମୁଇଙ୍ଗ୍ ନିମାଣ୍ତା ଦେସ୍‌ନ୍ତୁଗ୍ ଣ୍ତୁଲା କିତଂଇନିନେ ଦେସ୍‌ନ୍ତୁଗ୍ ୱେନେ ନ୍‌ସା ଇକ୍‌ଚା ଡିଂଆର୍‌ଡିଙ୍ଗେ । ତେନ୍‌ସା ମେଇଂ ଇସ୍‌ପର୍‌କେ ନିଜର୍ ଇସ୍‌ପର୍ ଡାଗ୍‌ଚେ ବାସଙ୍ଗ୍‌ନେ ବାନ୍‌ ମେଁ ଗେୱା ଡିଂ ଆଲେଃଗେ । ସତ୍ ଇସ୍‌ପର୍ ମେଁଇଂନେ ନ୍‌ସା ମୁଇଙ୍ଗ୍ ଇନି ଆରେଚେ ବଗେ ।
\p
\v 17 ଇସ୍‌ପର୍ ଅବ୍ରହାମ୍‌ନେ ବିସ୍‌ବାସ୍ ପରିକ୍ୟା ଡିଂନେବେଲା ଅବ୍ରହାମ୍ ମେଁନେ ଉଙ୍ଗ୍‌ଡେ ଇସାକ୍‌କେ ପୁଜା ରକମ୍ ଅପେଃନ୍‌ସା ତିଆର୍ ଡିଂକେ । ଇସ୍‌ପର୍ ଅବ୍ରହାମ୍‌କେ ଆଃ ମେଁନେ ପର୍‌ମାନ୍ ସାମୁଆଁ ବିବଗେ, ଏଲେଡିଗ୍ ଅବ୍ରାହାମ୍ ନିଜର୍ ମୁଇଂ ମାତର୍ ଉଙ୍ଗ୍‌ଡେକେ ପୁଜା ରକମ୍ ଅପେଃନ୍‌ସା ତିଆର୍ ଡିଂଲେଃଗେ । 
\v 18 ଇସ୍‌ପର୍ ଆମେକେ ବାସଙ୍ଗ୍‌ବଗେ “ନିଂ ଆନାକେ ମୁଡ଼ି କୁଟୁମ୍ ମ୍ବିଏ ଡାଗ୍‌ଚେ ସାମୁଆଁ ବିମ୍ବକେ ଆତେନ୍‌ ଇସାକ୍‌ନେବାନ୍ ଆଃ ତାର୍‌ଏ ।” 
\v 19 ଇସ୍‌ପର୍ ଜେ ଇସାକ୍‌କେ ଗୁଏନେବାନ୍ ଆମ୍ବ୍ରନ୍‌ସା ୱାଡ଼ିଣ୍ଡ୍ରେ ଲେଃକେ ଆକେନ୍ ବିସ୍‌ବାସ୍ ଅବ୍ରାହାମ୍‌ନେ ଲେଃଗେ । ସତ୍ ଅବ୍ରାହାମ୍ ଇସାକ୍‌କେ ଗୁଏନେବାନ୍ ଆଣ୍ଡେ ବାଲେଃକେ ଡାଗ୍‌ଚେ ବାସଙ୍ଗ୍‌ଲା ବୁଲ୍ ଆଡିଂ ଣ୍ଡୁ ।
\p
\v 20 ଇସାକ୍ ନିଜର୍ ବିସ୍‌ବାସ୍ ବପୁରେ ଜାକୁବ୍‌ ଆରି ଏଷୌନେ ଇଡ଼ିଂଡେ ନିମାଣ୍ଡା ନ୍‌ସା ଆସିର୍ବାଦ୍ ଡିଂବଗେ ।
\p
\v 21 ବିସ୍‌ବାସ୍ ବାନ୍‌ ଆଃ ଜାକୁବ୍‌ ଗୁଗୁଏନେ ସିସେବାନ୍ ଯୋସେଫ୍‌ନେ ମ୍ବାକ୍ଲିଗ୍ ଉଂଇଙ୍କେ ଆସିର୍ବାଦ୍ ଡିଂବଗେ । ମେଁ ନିଜର୍ ଡୁଡୁ ଆଡ଼ାତ୍ରା ବପୁ ବିଚେ ଇସ୍‌ପର୍‌ନେ ପାର୍‌ତନା ଡିଂବଗେ ।
\p
\v 22 ଯୋସେଫ୍‌ ଜିବନ୍ ଆନ୍ତାର୍‌ନେ ବେଲା ମେଁନେ ବିସ୍‌ବାସ୍ ବପୁରେ ଇସ୍ରାଏଲ୍ ରେମୁଆଁଇଂନେ ମିସର୍ ଦେସ୍‌ବାନ୍ ଗାନେ ବିସ‍ଏରେ ଇଡ଼ିଂଡେ ଗଟେନେ ସାମୁଆଁ ବାସଙ୍ଗ୍‌ବଗେ ବାରି ମେଁଇଂନେ ମଡ଼ା ଜଗ୍‌ତ୍ଲାଗ୍‌ନେ ଡିରକମ୍ ଡିଂଆର୍‌ଏ ଆଦେସ୍ ବିବଗେ ।
\p
\v 23 ବିସ୍‌ବାସ୍ ବାନ୍‌ ମୋଶାନେ ଆବାଇୟାଂ ଆମେକେ ଜନମ୍ ବେଲାବାନ୍ ଞ୍ଜି ଆର୍‌କେ ଜାକ ବୁଡ଼ି ବ‍ଆର୍‌ଗେ । ଗଡ଼େଅକେ ସୁନ୍ଦର୍‌ କେଚେ ମେଇଂ ଇଃସାଙ୍ଗ୍‌ନେ ସାମୁଆଁ ଣ୍ଡିଗ୍ ଅମାନି ଡିଂନେସା ବୁଟ ଆଡିଂଆର୍‌ଗେ ।
\p
\v 24 ମୋଶା ଙ୍ଗିରେ ଡିଂକ୍ନେ ଇଡ଼ିଙ୍ଗ୍ ବିସ୍‌ବାସ୍ ୱାଡ଼ିରେ ଇଃସାଙ୍ଗ୍‌ନେ ସେଲାମ୍ବୁଏ ଉଂଡେନେ ଉଙ୍ଗ୍‌ଡେ ଡାଗ୍‌ଚେ ସ୍ନାମୁଆଁ ଡିଂନେସା ମନା ଡିଂବଗେ । 
\v 25 ପାପ୍‌ନ୍ନିଆ ଲିଗ୍ ଲେଃଚେ ଉଡ଼ି କାଲ୍ ବ୍ରୁଆନେ ବାନ୍ ଇସ୍‌ପର୍‌ନେ ରେମୁଆଁଇଂନେ ଏତେ ଦୁକ୍ ବାନେସା ମେଁ ଇକ୍‌ଚା ଡିଂବଗେ । 
\v 26 ମେଁ ମିସର୍ ଦେସ୍‌ନେ ସାପା ମ‍ଇମା ବାନ୍ ମସୀହାନେ ନ୍‌ସା ନିନ୍ଦା ଡିଂନେ ସୁକ୍ ଡାଗ୍‌ଚେଃ ଏତେବଗେ, ଡାଗ୍‌ଲା ବବିସତ୍ ଦାନ ଡାଗ୍ରା ମେଁନେ ମ୍ମୁଁଆଃ ଲେଃଗେ ।
\p
\v 27 ମୋଶା ମେଁନେ ବିସ୍‌ବାସ୍ ୱାଡ଼ିରେ ଇଃସାଙ୍ଗ୍‌ନେ ଗିସେକେ ମାବ୍‌ଟଚେ ମିସର୍ ଦେସ୍ ଆନ୍ତାର୍‌ ବଗେ । ସତେକି ମେଁ ଆତ୍ନାକ୍ନେ ଇସ୍‌ପର୍‌କେ କିକେଡିଙ୍ଗେ; ତେନ୍‌ସା ଆଣ୍ଡେ ୱେନ୍‌ସା ଇକ୍‌ଚା ଆଡିଙ୍ଗ୍‌କେ ଣ୍ତୁ । 
\v 28 ବିସ୍‌ବାସ୍‌ରେ ମେଁ ପାପ୍‌ବାନ୍ ଉଦାର୍ ବାନେ ପାଣ୍ଡେ ଆରେ ବଗେ ବାରି ବାଗୁଏଣ୍ଡ୍ରେ ଦୁତ୍ ଡିଡିକି ଇଶ୍ରାଏଲ୍ ରେମୁଆଁଇଂନେ ମ୍ନାଉଂଇଂକେ ଆବାଗୁଏ ଆକେନ୍‌ସା ଦୁଆର୍‌ବନ୍ଦ୍‌ନ୍ନିଆ ମିଆଁ ଉର୍‌ଚିଗ୍ ବିନେସା ଆଦେସ୍ ବିବଗେ ।
\p
\v 29 ବିସ୍‌ବାସ୍ ୱାଡ଼ିରେ ଇଶ୍ରାଏଲ୍‌ନେ ରେମୁଆଁଇଂ ନ୍‌ସୁଆର୍‌କ୍ନେ ତୁବଃ ଆଡ଼ାତ୍ରା ଅଲେଙ୍ଗ୍‌କେ ସୁଗୁଆ ଲୋହିତ କେଣ୍ଡିଆଃ ପୁଆଃ ଲେଃଆର୍‌ଗେ; ଏଲେଡିଗ୍ ମିସର୍‌ନେ ରେମୁଆଁଇଂ ଆତେନ୍‌ ଡିଂନେନ୍‌ସା ଚେସ୍‌ଟା ଡିଂଚେ ଲଗ୍‌ଡିଆ ଗୁଏଆର୍‌କେ ।
\p
\v 30 ଇଶ୍ରାଏଲ୍‌ନେ ରେମୁଆଁଇଂ ଯିରୀହୋ ଇନି ପାଚେରିନେ ପିତୁର୍‌ପାକା ବିସ୍‌ବାସ୍‌ରେ ଗୁ ଦିନ୍ ପୁଏକୁର୍‌କ୍ନେ ଇଡ଼ିଙ୍ଗ୍, ଆତେନ୍‌ ପାକ୍‌ଚି ଲେଃଗେ । 
\v 31 ବେସ୍ୟା ରାହାବ ମେଁନେ ବିସ୍‌ବାସ୍ ନ୍‌ସା ଇସ୍ରାଏଲ୍‌ଣ୍ଡ୍ରେ ଡଙ୍ଗାରେଇଙ୍କେ ବାସାନେ ଟାନ୍ ବିକେ ଆରି ଇସ୍‌ପର୍‌ନେ ବିରଦ୍‌ରେ କାମ୍ ଡିଂନେ ରେମୁଆଁଇଂନେ ଏତେ ମାଗୁଏଚେ ମ୍ବ୍ର ଲେଃଗେ ।
\p
\v 32 ନିଂ ଆରି ଉଡ଼ି ସାମୁଆଁ ବର୍ଣ୍ଣନା ଣ୍ଡିଂଏ ? ଗିଦିୟନ୍, ବାରାକ୍, ଶାମ୍‌ସନ୍, ଯିପ୍‌ଥାହ, ଦାଉଦ୍, ଶାମୁଏଲ୍ ବାରି ବାବବାଦି‍ଇଂନେ ବିସ‍ଏରେ ବାସଙ୍ଗ୍‌ନେ ୱେଲା ବେଲା ଆ‍ଅଣ୍ଟେ ଣ୍ଡୁ । 
\v 33 ବିସ୍‌ବାସ୍‌ରେ ଆକ୍‌ମେଇଂ ବିନ୍‌ବିନ୍ ଦେସ୍ ବିରଦ୍‌ରେ ଜୁଜ୍ ଡିଂଚେ ଜିତେ ଲେଃଆର୍‌ଗେ । ଆକ୍‌ମେଇଂ ନିମାଣ୍ଡା କାମ୍ ପୁରନ୍ ଡିଂଆର୍‌କେ ଇସ୍‌ପର୍ ପର୍‌ମାନ୍ ଡିଂବକ୍ନେ ବିସ‍ଏଇଂ ବା ଆର୍‌କେ; ସିଂଅ ତୁମୁଆଃ ବନ୍ଦ୍ ଆଡିଂକେ 
\v 34 ସୁଆ ଆଃଲିଗ୍ ଆର୍‌କେ ଆରି ଡିଗ୍‌କ୍ନେ କାଣ୍ଡାବାନ୍ ମ୍ବ୍ରଆର୍‌କେ । ଆକ୍‌ମେଇଂ ସାତାଲୁ ଲେଃଆର୍‌ଗେ ମାତର୍‌ ବପୁଣ୍ଡ୍ରେ ଡିଂଆର୍‌କେ; ଜୁଜ୍‌ନ୍ନିଆ ଡାଟ୍ ଡିଂଚେ ବିଦେସୀ ସତ୍ରୁ ସନ୍ୟ‍ଇଂକେ ଆଃଆରେଆର୍‌କେ । 
\v 35 ବିସ୍‌ବାସ୍ ବପୁରେ ସେଲାମ୍ବୁଏଇଂ ମେଁଇଂନେ ଗୁଏକ୍ନେ ଆତ୍ମାଇଂକେ ମ୍ବ୍ରକ୍ନେ ଅବସ୍ତାରେ ଆଣ୍ଡେ ବାଆର୍‌କେ । ବିନ୍‌ଣ୍ଡ୍ରେ ମୁଇଙ୍ଗ୍ ମ୍ନାନେ ଜିବନ୍ ବାନେ ଆସାରେ ନିଜର୍ ଇକ୍‌ଚାକେ ଆନ୍ତାର୍‌ ବିଚେ କସ୍ଟେରେ ଗୁଏ ଆର୍‌କେ ।
\p
\v 36 ଜାଣ୍ଡେ ଜାଣ୍ଡେ ଗିନ୍‌କେ ସାମ୍ବାଲେଆର୍‌କେ, ଡୁଡୁ ମାଡ୍ ଚଂଆର୍‌କେ ଆରି ସିକ୍‌ଲିନ୍ନିଆ ଆଃଗାଗ୍‌ଚେ କ‍ଏଦ୍‌ ଡୁଆ ବାସାଆର୍‌କେ । 
\v 37 ମେଇଂ ବ୍ରିମାଡ୍ ସମ୍ବାଲେ ଆର୍‌କେ, କରତ୍ ଏତେ ମ୍ବାର୍‌କଣ୍ଡ୍ ଡିଂଆର୍‌କେ, ବାରି କାଣ୍ଡାନ୍ନିଆ ଚିନାବାନା ଡିଂଆର୍‌କେ । ଜାଣ୍ଡେ ଜାଣ୍ଡେ ମେଣ୍ଡା ଆରି ଗିମିଃ ଉକ୍‌ସା ସଚେ ଦରିଦ୍ର ଆସିଆଜା ଆରି କସ୍‌ଟ ଡିଂଚେ ଆଙ୍କ୍‌ଆନ୍ତ୍‌ ଅଲେଙ୍ଗ୍ ଆର୍‌କେ । 
\v 38 ଡେକ୍‌ରକମ୍ ରେମୁଆଁଇଂନେ ନ୍‌ସା ଦର୍‌ତନିନ୍ନିଆ ନିମାଣ୍ଡା ଟାନ୍ ଆଲେଃଗେ । ମେଇଂ ବାସାନେ ରେମୁଆଁ ସୁଗୁଆ ବାଲିଲ ଆରି କଣ୍ଡାନ୍ନିଆ ଅଲେଙ୍ଗ୍ ଆର୍‌କେ ପାର୍ ଆରି କୁରୁନ୍ନିଆ ବାସା ଆର୍‌କେ ।
\p
\v 39 ଏନ୍ ସାପା ନିଜର୍ ନିଜର୍ ବିସ୍‌ବାସ୍ ବାବ୍‌ରେ ଉଡ଼ିକ୍ଲିଗ୍ ଚିନା ବଚେ ୱେଲେଃଆର୍‌କେ । ତେଲାଡିଗ୍ ମେଇଂ ଇସ୍‌ପର୍‌ନେ ପର୍‌ମାନ୍‌ ଡିଂକ୍ନେ ବିସ‍ଏ ବା ଆଲେଃଆର୍‌ଗେ 
\v 40 ଡାଗ୍‌ଲା ଇସ୍‌ପର୍ ନେଁଇଂନେ ନ୍‌ସା ମୁଇଙ୍ଗ୍ ନିମାଣ୍ତା ବିସୟ୍ ଗୁଆର୍ ବ‍ଗେ । ମେଇଂ ନେଁଇଂନେ ଏତେ ଡିରକମ୍ ନିମାଣ୍ଡା ଡିଂଆର୍‌ଏ ଆକେନ୍ ଆଃ ଇସ୍‌ପର୍‌ନେ ଇକ୍‌ଚା ଲେଃଗେ ।
\c 12
\s ଇସ୍‌ପର୍ ନେଃନେ ଆବା
\p
\v 1 ଡେକ୍‌ରକମ୍ ସାକିରେଇଂନେ ମୁଇଙ୍ଗ୍ ମ୍ନା ରେମୁଆଁ ନେନେ ପିତୁର୍‌ ଗେରେ ଲେଃଆର୍‌କେ । ଆକେନ୍‌ସା ପାଙ୍ଗ୍‌ଲାପା ମୁଡ଼ିସାପା ବିସ‍ଏ ନେଁଇଂନେ ପିତୁର୍‌ପାକା ଗେରେ ଲେଃଆର୍‌କେ ବାରି ମୁଡ଼ିସାପା ପାପ୍ ଆନେକେ ଗୁଚେ ସାଡିଂକେ ଆତେନ୍‌ ସାପା ଆନ୍ତାର୍‌ଚେ ଡାଟାମ୍‌ ବାବ୍‌ରେ ଡିଂଚେ ନେଁ ନ୍‌ସା ଆରେକ୍ନେ ଗାଲିନ୍ନିଆ ସେନୁଗ୍ ନେୱେପା । 
\v 2 ଜାଣ୍ତେନେ ଆଡ଼ାତ୍ରା ନେଁ ମୁଲେବାନ୍‌ ବିସ୍‌ବାସ୍ ଆସା ଡିଂନେଡିଂକେ ଆତେନ୍‌ ଜିସୁନେ ଡାଗ୍ରା ନେଃନେ ମ୍ମୁଆଃ ମନ୍‌ଦ୍ୟାନ୍‌ ବିଃଚେ ନେବପା । ମେଁ କୁରୁସ୍ ବୟରେ ନିଜର୍ କାମ୍‌ବାନ୍ ବିନେ ଡିଂଚେ ଆଲେଃଗେ; ବିନ୍‌ପାକା ମେଁ ନ୍‌ସା ରିସିଙ୍ଗ୍‌ ଲେଃଗ୍ନେ ମ୍ଲେଡ଼ିଆ ନ୍‌ସା କୁରୁସ୍‌ କାଟ୍‌ନ୍ନିଆ ଗୁଏନେ ଅପମାନ୍‌କେ ମେଁ ସରା ଡାଗ୍‌ଏ; ଏବେ ମେଁ ଇସ୍‌ପର୍‌ନେ ସିଂଆସନନେ ବେଃସ୍ୟାଃ ପାକା କଲେଃକେ ।
\p
\v 3 ଏତେ କେଲାପା ବୟାଁ ଆରି ତନାଇଂ ମେଁ ଉଡ଼ି ଦୁକ୍ ସମ୍ବାଲେ ଆଲେଃକେ । ମେଁ ପାପି‍ଇଂନେବାନ୍ ଉଡ଼ି ନିନ୍ଦା ସମ୍ବାଲେ ଆଲେଃଆର୍‌କେ । ତେନ୍‌ସା ପେଇଂ ମାମ୍ଲେଡ଼ିଆଚେ ସାତାଲୁ ଆଡିଙ୍ଗେପା । 
\v 4 ଡାଗ୍‌ଲା ଆପେକେ ଏଃ ଜାକ ପାପ୍ ବିରଦ୍‌ରେ ଗୁଏନେ ଜାକ ଜୁଦ୍‌ ଡିଙ୍ଗ୍‌ନ୍‌ସା ଆପଡ଼େକେ । 
\v 5 ଇସ୍‌ପର୍ ମେଁନେ ଉଙ୍ଗ୍‌ଡେ ରକମ୍ ଆପେକେ ମୁଡ଼ି ମ୍ଲେଡ଼ିଆ ସାମୁଆଁ ଆ‍ଅଁଡିଙ୍କେ ଆତେନ୍‌ ମେଁନେ ପେଇଂ ଆବ ୱେପେଲେଃକେ ?
\q1 “ଅ ନିଂନେ ଉଂ ଇସ୍‌ପର୍ ଆନାକେ ସାସନ୍ ଡିଂନେବେଲା ମୁଇଂ ମନ୍ ଡିଂ ।
\q2 ମେଁ ଆନାକେ ୱିଂନେ ବେଲା ମୁର୍‌ମୁରା ଆଡିଙ୍ଗେପା ।
\q1
\v 6 ଡାଗ୍‌ଲା ଇସ୍‌ପର୍ ଆଜାକେ ଆଲାଦ୍ ଡିଂଏ ଆମେକେ ସାସନ୍ ଡିଂଏ
\q2 ଆରି ଆଜାକେ ଉଂରକମ୍ ଗ୍ର‍ଅନ୍‌ ଡିଂଏ ଆମେକେ ସାସ୍ତି ବିଏ ।”
\m
\v 7 ପେଇଂନେ ଦୁକ୍ କସ୍ଟକେ ଆବାନେ ସାସନ୍ ଡାଗ୍‌ଚେ ସମ୍ବାଲେପା ଆକେନ୍‌ବାନ୍‌ ମେଁ ନାଁ ଏତେ ଆବା ରକମ୍ ବେବ‍ଆର୍ ଡିଙ୍ଗ୍‌ଡିଙ୍କେ ଡାଗ୍‌ଚେ ତ୍ନା ଡିଂକେ । ଆବାବାନ୍ ଅଃନାଡିଗ୍ ସାସ୍ତି ଆବାକେ ଡେକ୍‌ରକମ୍ ଉଂ ଲେଃକେ କି ? 
\v 8 ମେଁନେ ବିନ୍ ଉଂଡେଇଂନେ ସୁଗୁଆ ଆନାକେ ଜଦି ପେମ୍ବା ସାସନ୍ ଆଡିଂ ଣ୍ଡୁ ତେଲା ତ ନାଁ ସତ୍ ଗଡ଼େଅ ଣ୍ଡୁ ନାଁ ମୁଇଙ୍ଗ୍ ଉବ୍‌କା ଗଡ଼େଅ । 
\v 9 ନେଁ କିତଂଇନିନେ ଆବାଇଂ ଆନେକେ ସାସ୍ତି ବିଃଲା ଡିଗ୍ ନେଁ ଆମେଇଂକେ ଜତନ୍‌ ନେଡିଂଏ । ଡେତ୍‌ଲା ନେଁ ଆତ୍ମାଇଂନେ ଆବାନେ ସାସନ୍‌ନେ ଆଲ ଡିଂଚେ ଲେଃନେ ଉଡ଼ି ମାଲେ ଇକ୍‌ଚା ! 
\v 10 ନେଁନେ କିତଂଇନିନେ ଆବାଇଂନେ ମ୍ମୁଆଁନିଆ ମେଁନେ ଆରେକ୍ନେ ଆତେନ୍‌ ଅନୁସାରେ ଆନେଁକେ ଇତୁଡ଼ା ଜୁଗ୍ ନ୍‌ସା ସାସନ୍ ଡିଂଆର୍‌ଏ; ମାତର୍‌ ନେଁ ଡିରକମ୍ ମେଁନେ ପବିତ୍ରତାନ୍ନିଆ ମିସୁ ନେୟାଏ, ଆକେନ୍ ଉଦେସ୍‌ରେ ଇସ୍‌ପର୍ ନେଁନେ ନିମାଣ୍ଡା ନ୍‌ସା ଆନେକେ ସାସନ୍ ଡିଂଆର୍‌ଏ । 
\v 11 ସାସ୍ତି ବାନେ ବେଲା ଆନେକେ ଆତେନ୍‌ ଦୁକ୍‌ ରକମ୍ ମନେ ଡିଂଏ ଅଃନାଡିଗ୍ ସୁକ୍ ଣ୍ଡୁ । ମାତର୍‌ ସାସ୍ତି ବାନ୍‌ ଜାଣ୍ଡେଇଂନେ ଜିବନ୍ ଉଦାର୍ ଡିଂଏ ମେଇଂ ଇଡ଼ିଂ ସାନ୍ତିବିଣ୍ଡ୍ରେ ଦରମ୍ ଜିବନ୍ ରକମ୍ ଇନାମ୍ ନେବାଏ ।
\s ଆଦେସ୍‌ ଆରି ତରକ୍ ସାମୁଆଁ
\p
\v 12 ଏନ୍‌ସା ପେଇଂନେ ସାତାଲୁ ନ୍ତି ସିଦା ଆଡିଙ୍ଗ୍‌ପା ଆରି ସାତାଲୁ ମାଣ୍ତିକେ ଡାଟ୍ ଆଡିଂପା । 
\v 13 ସିଦା ଗାଲିଇଂନ୍ନିଆ ଅଲେଙ୍ଗ୍‌ପା; ଡେତ୍‌ଲା ନାଁନେ ଚଟା ଞ୍ଚ ଚଟା ମାଡିଂଚେ ନିମାଣ୍ଡା ଡିଂଏ ।
\p
\v 14 ସର୍‌ତେରେ ଏତେ ସାନ୍ତିରେ ବାସାନେସା ଆରି ପବିତ୍ରରେ ବ୍ରୁଆଡିକେ ଡିଂନେସା ଚେସ୍‌ଟା ଡିଂ; ଡାଗ୍‌ଲା ଆତେନ୍‌ ଆନ୍ତାର୍‌ଚେ ଜାଣ୍ଡିଗ୍ ମାପ୍ରୁନେ ଦର୍ସନ୍ ଲାବ୍ ଆଡିଂ ଣ୍ଡୁ । 
\v 15 ତରକ୍ ଲାଲାପା, ଡିରକମ୍ ଇସ୍‌ପର୍‌ନେ ଦୟାବାନ୍ ଆଡଗେପା । ବିସେଃ ସ୍ଲା ରକମ୍ ଆଡିଙ୍ଗେପା । ବିସେଃ ସ୍ଲା ମ୍ନା ୱେଲା ମେଁନେ ବିସ୍‌ବାନ୍‌ ମାଲେ ନସ୍‌ଟ ଡିଂଏ । 
\v 16 ଏଷୌ ସୁଗୁଆ ଜାଡିଗ୍ ଜାଲାରି ଣ୍ଡୁଲା ଅଦରମ୍‌ଣ୍ଡ୍ରେ ଆଡିଙ୍ଗ୍‌ଲେ; ମେଁ ତ ମୁଇଙ୍ଗ୍ ଅଲିନେ ବଲେ ନ୍‌ସା ମ୍ନା‍ ବୟାଁନେ ଅଦିକାର୍ ସ ବିବଗେ । 
\v 17 ଇଡ଼ିଙ୍ଗ୍ ମେଁ ଆବାନେ ଆସିର୍ବାଦ୍ ବାନେସା ଇକ୍‌ଚା ଡିଂକେ ମାତର୍‌ ଆୟାକେ ଣ୍ତୁ । ଜବର୍ ଡେଃମୁଆଁ ଆଡଙ୍ଗ୍‌ଚେ ଡିଗ୍ ମେଁ ନିଜେ ଡିଂକ୍ନେ କାମ୍‌ନେ ଚୁଚୁ ବଦ୍‌ଲେ ଆୟାକେ ଣ୍ତୁ ।
\p
\v 18 ଇସ୍ରାଏଲ୍‌ଣ୍ଡ୍ରେଇଂନେ ସୁଗୁଆ ପେଇଂ ସିନାଇ କଣ୍ଡାନ୍ନିଆ ଡୁଆକ୍ନେ ସୁଆ ଜବର୍ ତାଙ୍ଗ୍‌କିଗ୍ ୱେଡ଼ିଆଗୁର୍ୟା 
\v 19 ପ୍ନିଃ ନ୍ନାଙ୍ଗ୍‌ ବାରି ଅସ୍‌ମାର୍‍ ସାର୍‌ନେ ବୁଦି ପେବାକେ ଣ୍ଡୁ । ଇସ୍ରାଏଲ୍‌ଣ୍ଡ୍ରେଇଂ ଆତେନ୍‌ ସବ୍‌ଦ ଅଁଚେ ପାର୍‌ତନା ଡିଂବ‍ଆର୍‌ଗେ, ଡିରକମ୍ ମେଇଂ ଆତ୍‌ବାନ୍ ଆରି ମୁଇଂପଦ୍‌ ଡିଗ୍ ଆ‍ଅଁ ଆର୍‌ଣ୍ଡୁ । 
\v 20 ଡାଗ୍‌ଲା “ମୁଇଂ ପସୁ ଡିଗ୍ ଆତେନ୍‌ କଣ୍ଡାକେ ଲିଗ୍‌ଲା ଆମେକେ ବ୍ରି ଏତେ ଟୁବାର୍‌ଚେ ବାଗୁଏଃ” ଏନ୍ କସ୍ଟକ୍ନେ ଆଦେସ୍ ମେଁଇଂନେ ଡାଗ୍ରା ସମ୍ବାଲେନେ କସ୍ଟ ଡିଂଲେଃଗେ । 
\v 21 ଆତେନ୍‌ ଚିନ୍‌ ଅଃକେନ୍ ବୟଙ୍କାର୍ ଲେଃଗେ ଜେ ମୋଶା ବାସଙ୍ଗ୍‌ବଗେ “ନିଂ ବୁଟଚେ ଜୁର୍‌ ଣ୍ତିଂକେ ।”
\p
\v 22 ମାତର୍‌ ପେଇଂ ପାଙ୍ଗ୍‌ପେଲେଃକେ ସିୟୋନ କଣ୍ଡାନ୍ତୁଗ୍ ଜିବିତ୍ ଇସ୍‌ପର୍‌ନେ ଇନି କିତଂନେ ଯିରୂଶାଲମ୍‌ନ୍ତୁଗ୍ ଆଣ୍ଡିଡାଗ୍ରା ଅଜାର୍ ଅଜାର୍ କିତଂ ଦୁତ୍‌ଇଂ ରିସିଙ୍ଗ୍‌ ଆର୍‌ଏ । 
\v 23 ଇସ୍‌ପର୍‌ନେ ମୁଡ଼ି ପର୍‌ତୁମ୍ ଜନମ୍‌ ଡିଂକ୍ନେ ମଣ୍ଡଲି ଗଡ଼େଇଂନେ ମ୍ନି କିତଂନ୍ନିଆ ଗ୍ନୁଆର୍‌ ଡିଂଲେଃକେ ପେଇଂ ମେଁଇଂନେ ମ୍ଲେଡ଼ିଆ ଟାନ୍‌ନ୍ତୁଗ୍ ପାଙ୍ଗ୍‌ପେଲେଃକେ । ସର୍‌ତେ ରେମୁଆଁ ଜାତିନେ ବିଚାର୍‌ ଡିଂଣ୍ଡ୍ରେ ଇସ୍‌ପର୍‌ନେ ନ୍ତୁଗ୍ ବାରି ଇକ୍‌ଚାରେ ବାକ୍ନେ ଦରମ୍‌ଣ୍ଡ୍ରେ ରେମୁଆଁଇଂନେ ଆତ୍ମାଇଂନେ ନ୍ତୁଗ୍ ପେଇଂ ପାଙ୍ଗ୍‌ପେଲେଃକେ । 
\v 24 ବାରି ତ୍ମି ନିଅମ୍‌ନେ ଆରେଣ୍ଡ୍ରେ ଜିସୁନେ ଡାଗ୍ରା ଆରି ଜାଣ୍ଡେନେ ମିଆଁ ହେବଲନେ ମିଆଁ ବାନ୍ ମ୍ନା ବିସ‍ଏଇଂ ବିଏ ଡାଗ୍‌ଚେ ଆସା ତାର୍‌ଡିଂକେ ଆତେନ୍‌ ମିଆଁ ଡାଗ୍ରା ପାଙ୍ଗ୍‌ପେଲେଃକେ ।
\p
\v 25 ଆକେନ୍‌ସା ତରକ୍ ଲାଲାପା, ମେଁନେ ସାମୁଆଁକେ ଅମାନି ଆଡିଙ୍ଗେପା । କିତଂବାନ୍ ସାମୁଆଁ ଡୁଂପାଙ୍ଗ୍‌ଚେ ଦର୍‌ତନିନ୍ନିଆ ଆମେକେ ବାସଙ୍ଗ୍‌ବଗ୍ନେ ରେମୁଆଁନେ ଡାଗ୍ରା ଜାଣ୍ଡେଇଂ ଆ‍ଅଁଆର୍‌କେ ଣ୍ଡୁ, ମେଇଂ ଜାଣ୍ଡିଗ୍ ରକ୍ୟା ଆବାଆର୍‌କେ । ଡେତ୍‌ଲା ଏକେ ଜା କିତଂନ୍ନିଆ ଲେଃଚେ ସାମୁଆଁ ବାସଙ୍ଗ୍‌ବକେ, ଆମେକେ ଉର୍‌ଲା ନେ ମେଃନେ ରକ୍ୟା ବାନେୟାଏ ? 
\v 26 ଅଃତେନ୍‌ ବେଲା ମେଁନେ ସାମୁଆଁ ମଞ୍ଚ୍‌ପୁର୍‌କେ ତରଅର ଆଡିଂବଗେ । ଏକେ ମେଁ ପର୍‌ମାନ୍ ଡିଂବକେ “ନିଂ ବାରି ମୁଇଂତର୍ ମୁଇଙ୍ଗ୍ ମଞ୍ଚ୍‌ପୁର୍‌କେ ଣ୍ଡୁ କିତଂବ୍ରିକେ ଣ୍ଡିଗ୍ ତରଅର ନ୍ନାଃଡିଙ୍ଗ୍‌ଏ ।” 
\v 27 ଆକ୍‌ବାନ୍ ନିମାଣ୍ଡା ନେମ୍ୟାକେ ଜେ, ମେଁ “ବାର୍‌ମୁଇଂତର୍” ମେଃନେ ଡିଂଏ, ତେନ୍‌ବାନ୍‌ ଆଃରେକ୍ନେ ସର୍‌ତେ ସାମୁଆଁ ତର‍ଅର ଡିଂଚେ ନସ୍ଟ ଡିଂଏ । ମୁଇଙ୍ଗ୍ ମୁଡ଼ିସାପା ସାମୁଆଁ ଲୁତୁଗ୍ ୱେ ଆୟା ଣ୍ଡୁ ଆତେନ୍‌ ଡାଟ୍ ଡିଂଚେ ଲେଃଏ ।
\p
\v 28 ତେନ୍‌ସା ପାଙ୍ଗ୍‌ଲାପା ନେ ନେରାରେକ୍ନେ କାମ୍ ନେଡିଂପା ଡାଗ୍‌ଲା ନେ ମୁଇଙ୍ଗ୍ ମାଡାନେ ରାଜି ନେବାଏ । ପାଙ୍ଗ୍‌ଲାପା ନେ ଡିଂନେ କାମ୍ ନେରାମ୍ୟାଏ ବାରି ପୁଜା ଆରି ବୁଟନେ ଏତେ ଇସ୍‌ପର୍‌ନେ ନିମାଣ୍ଡା ଗଡ଼େଅ ଡିଂଚେ ଆମେକେ ଦନ୍ୟବାଦ୍‍ ନେଡିଂପା । 
\v 29 ଡାଗ୍‌ଲା ସତ୍‌ରେ ନେଁଇଂନେ ଇସ୍‌ପର୍ ଡିଂଡିଂକେ ମୁଇଙ୍ଗ୍ ଆଗୁଏନେ ସୁଆ ।
\c 13
\s ଡିରକମ୍‌ ଇସ୍‌ପର୍‌କେ ସାନ୍ତି ନେରାଡିଂଏ
\p
\v 1 କ୍ରିସ୍ଟ ବିସ୍‌ବାସି ବୟାଁ ଆରି ତନାଇଂ ନିଜେ ନିଜେକେ ଆଲାଦ୍ ଡିଂଲାଲାପା । 
\v 2 ପାଙ୍ଗ୍‌ଡିଂକ୍ନେ ରେମୁଆଁଇଂକେ ପେ ଡୁଆନେ କୁଲାରେ ଆଡିଂପା । ଆକେନ୍ ଡିଂନେ ବାନ୍‌ ଜାଣ୍ଡେ ଜାଣ୍ଡେ ମାରିଆଃତୁଗ୍ କିତଂ ଦୁତ୍‌ଇଂନେ କୁଲାରେ ଆଡିଂବ‍ଆର୍‌କେ । 
\v 3 କ‍ଏଦ୍‌ ଡୁଆନ୍ନିଆ ଲେଃକ୍ନେ ରେମୁଆଁଇଂନେ ଏତେ ପେ ନିଜେ କ‍ଏଦ୍‌ ଡୁଆ ଲେଃଚେ ଡଣ୍ଡ୍ ବାକ୍ନେ ସୁଗୁଆ ଏତେଚେ ମେଇଂକେ ଏତେପା । ଦୁକ୍ କସ୍ଟ ବାଡିଂକ୍ନେ ରେମୁଆଁଇଂନେ ଏତେ ସମାନ୍ ଦୁକ୍ ଏତେଚେ ଆମେଇଂକେ ଏତେପା ।
\p
\v 4 ବିହେ ସାପାରେନେ ମୁଆଃନ୍ନିଆ ମ୍ନା ଡିଂଲେ ଆଣ୍ଡାଣ୍ଡେ ଆରି କ୍ନୁଏଡ଼େ ନିଜେ ନିଜେ ଡାଗ୍ରା ଦରମ୍ ଲେଃଆର୍‌ଲେ । ଇସ୍‌ପର୍ ବେବିଚାରି ଆରି ବିନ୍‌ଣ୍ଡ୍ରେନେ ସେଲାମ୍ବୁଏଃ ଏତେ କି ବିନ୍‌ଣ୍ଡ୍ରେ ଙ୍ଗିର୍‌ବୁଏଃ ଏତେ ଦଦ୍ୟା ସମ୍ପର୍କ ଡିଂ ରେମୁଆଁନେ ବିଚାର୍ ଡିଂଏ ।
\p
\v 5 ଦନ୍ ଲାଲ୍‌ସାବାନ୍ ବିନେ ଡିଂପା ବାରି ନାନେ ମେଃନେ ଲେଃକେ ଅଃତେନ୍‌ରେ ମନ୍ ସାର୍ଦାରେ ଲାଲାପା । ଡାଗ୍‌ଲା ଇସ୍‌ପର୍ ବାସଙ୍ଗ୍‌ବକେ, “ନିଂ ଆନାକେ ନ୍ନାଆନ୍ତାର୍ ନିଂ ଆନାକେ ଅଃନାଡିଗ୍ ନ୍ନାଆନ୍ତାର୍ ।” 
\v 6 ଆକେନ୍‌ସା ନେ ସାଆସ୍‌ରେ ବାସଙ୍ଗ୍‌ ନେୟାଏ
\q1 “ମାପ୍‌ରୁ ନିଂନେ ସାଆଜ୍ୟ ଡିଂଣ୍ଡ୍ରେ ।
\q2 ନିଂ ନ୍ନାବୁଟ
\q1 ଜାଣ୍ଡେ ନିଂନେ ନିନ୍ଦା ଡିଂୟାଏ ?”
\p
\v 7 ମୁଡ଼ି ନେତାଇଂ ଅଃସେ ଆପେକେ ଇସ୍‌ପର୍‌ନେ ସାମୁଆଁ ଆ‍ଅଁ ବଗେ ଆମେଇଂକେ ଏତେପା । ମେଁଇଂନେ ଜିବନ୍ ଡେତ୍‌ରକମ୍ ଗୁଏନେ ଡିରକମ୍ ଲେଃଗେ ଆତେନ୍‌ ଏତେଚେ ମେଁଇଂନେ ବିସ୍‌ବାସ୍‌କେ ନିଜର୍ ଜିବନ୍‌ନ୍ନିଆ ବେବ‍ଆର୍ ଡିଂପା । 
\v 8 ଜିସୁ କିସ୍‌ଟ ତୁଗୁଆ ଏକେ ଆରି କାଲାଆଃ ସମାନ୍ ବାବ୍‌ରେ ଲେଃକେ । 
\v 9 ଗୁଲୁଏ ରକମ୍ ବେମ୍‌ରେନେ ଦର୍ମସିକ୍ୟା ଆପେକେ ସତ୍‌ ଗାଲିବାନ୍ ବିନେ ଆରାଡିଂଲେ । ଇସ୍‌ପର୍‌ନେ ଦୟାବାନ୍ ଆତ୍ମା ନ୍‌ସା ବପୁ ରାସିଂନେ ନିମାଣ୍ଡା, ଚଂଉଗ୍ ବିସ‍ଏରେ ନିଅମ୍ ମାନେଃନେ ବାନ୍‌ ଆକେନ୍ ଡିଂଆୟା ଣ୍ଡୁ । ଗୁଆର୍‌କ୍ନେ ବାଏରେ ନିଅମ୍‌ ସାପା ପାଲନ୍ ଡିଂମ୍ୟାକ୍ନେ ରେମୁଆଁଇଂ ଆତ୍‌ବାନ୍ ମେଃଡିଗ୍ ନିମାଣ୍ଡା କାମ୍ ଆବା ଆର୍‌କେ ।
\p
\v 10 ନେନେ ମୁଡ଼ି କିତଂନେ ବେଦି ଲେଃକେ ଆତ୍‌ଅରିଆ ଲେଃକ୍ନେ ପୁଜା ଜିନିସ୍ ଚଂନେ ଜିହୁଦୀ ପୁଜାରି‍ଇଂନେ ଅଦିକାର୍ ଣ୍ଡୁ । 
\v 11 ଜିହୁଦୀ ମ୍ନାପୁଜାରି ପୁଜା ବିବକ୍ନେ ପସୁନେ ଗାଗ୍‌ଡ଼େ ପାପ୍‌ନେ କେମା ସୁଗୁଆ ଅପେଃନେସା ମ୍ନାପବିତ୍ର ଟାନ୍‌ନ୍ତୁଗ୍ ଡୁଂୱେଆର୍‌ଏ; ମାତର୍‌ ଆତେନ୍‌ ଇନିନେ ବାଏରେ ଆଗିଏ । 
\v 12 ଡେତ୍‌ରକମ୍ ଜିସୁ ଣ୍ଡିଗ୍ ନିଜର୍ ମିଆଁ ବାନ୍‌ ରେମୁଆଁଇଂକେ ପାପ୍‌ବାନ୍ ପବିତ୍ର ଆଡିଂନେ ନ୍‌ସା ଇନି ବାଏରେ ଗୁଏକେ । 
\v 13 ତେନ୍‌ସା ଦୁବାପା ନେ ଣ୍ଡିଗ୍ ଇନି ବାଏରେ ମେଁନେ ଡାଗ୍ରା ନେୱେପା ବାରି ମେଁନେ ଏତେ ନିନ୍ଦା ଅପମାନ୍ ନେସମ୍ବାଲେପା । 
\v 14 ଡାଗ୍‌ଲା ନେନେ ନ୍‌ସା ଏନ୍ ଦର୍‌ତନିନ୍ନିଆ ମେଃଡିଗ୍ ଲେଃନେ ଇନି ଣ୍ଡୁ; ମୁଡ଼ି ଇନି ଇଡ଼ିଂଡେ ତିଆର୍ ଡିଂଏ ନେ ଆତେନ୍‌ ଇନିକେ ଉର୍ ନେଡିଂକେ । 
\v 15 ଆକେନ୍‌ସା ପାଙ୍ଗ୍‌ଲାପା ନେ ଜିସୁନେ ମଜିରେ ମେଁନେ ବାନ୍‌ ଇସ୍‌ପର୍‌କେ ନେଃନେ ଗୁନ୍‌ଗାନ୍ ରକମ୍ ପୁଜା ନେଅପେପା । ଆକେନ୍ ପୁଜା, ଡାଗ୍‌ଲା ମେଁନେ ମ୍ନି ଜିସୁକେ ମାପ୍‌ରୁ ଡାଗ୍‌ଚେ ବାସଙ୍ଗ୍‌ଡିଂକ୍ନେ ତୁମୁଆଃ ବାନ୍‌ ଅପେଃବ୍ନ । 
\v 16 ବିନ୍‌ଣ୍ଡ୍ରେଇଂନେ ନିମାଣ୍ଡା କାମ୍ ଡିଂନେସା ଆରି ଆମେଇଂକେ ସାଆଜ୍ୟ ଡିଂନେସା ଆଆବଃଗେପା ଡାଗ୍‌ଲା ଆକେନ୍‌ ସାପା ଆଃ ଇସ୍‌ପର୍‌ନେ ସାର୍ଦାରେନେ ପୁଜା ରକମ୍ ।
\p
\v 17 ପେ ନେତାଇଂନେ ସାମୁଆଁ ସାପା । ମେଁଇଂନେ ଆଦେସ୍ ପାଲନ୍ ଡିଂପା । ମେଇଂ ର୍ନସାଂ ଉର୍‌ଣ୍ଡ୍ରେ ସୁଗୁଆ ପେନେ ଆତ୍ମାନେ ରକ୍ୟା ନ୍‌ସା ମାପୁଣ୍ଡେ ବାବ୍‌ରେ ଉର୍‌ଲେଃଆର୍‌କେ, ଡାଗ୍‌ଲା ଆମେଇଂକେ ଇସ୍‌ପର୍‌ନେ ଡାଗ୍ରା ନିଜର୍ କାମ୍‌ନେ ଇସାବ୍ ବିନେ ଡିଂଏ । ପେ ଜଦି ମେଁଇଂନେ ସାମୁଆଁ ପେସାଃଏ, ତେଲା ମେଇଂ ସାର୍‌ଦା ମନ୍‌ରେ ନିଜର୍ କାମ୍ ଆଃଡା ଆର୍‌ଏ, ମାତର୍‌ ଜଦି ଆତେନ୍‌ ପେଡିଂ ତେଲା ମେଇଂ ଦୁକ୍ ମନ୍‌ରେ ଆତେନ୍‌ ଡିଂଆର୍‌ଏ ବାରି ଆକେନ୍ ପେ ପାକା ନିମାଣ୍ଡା ରକମ୍ ଆଡିଂ ଣ୍ଡୁ ।
\p
\v 18 ନେନେ ନ୍‌ସା ପାର୍‌ତନା ଡିଂଲାଲାପା । ନେନେ ବୁଦି ଜେ ନିମାଣ୍ଡା ଆକ୍‌ଅରିଆ ସନ୍ଦେଅ ଣ୍ଡୁ, ଡାଗ୍‌ଲା କାଲାଆଃ ନ୍ୟାୟ୍‌ ରକମ୍ କାମ୍ ଡିଂନେସା ନେନେ ମୁଇଙ୍ଗ୍ ଇକ୍‌ଚା । 
\v 19 ବାରି ଇସ୍‌ପର୍ ଆନିଂକେ ପେନେ ଡାଗ୍ରା ଗ୍ୟା ବେ ବିଲେ ପେ ନିଂନେ ନ୍‌ସା ଆକେନ୍ ପାର୍‌ତନା ଡିଂ ଲାଲାପା । ଆକେନ୍ ପେନେ ଡାଗ୍ରା ନିଂନେ ହୁର୍ଦୟ୍ ସାର୍ଲ ଣ୍ଡିଂକେ ।
\s ସାରାସାରି ପାର୍‌ତନା
\p
\v 20 ଜାଣ୍ଡେ ନିଜର୍ ଜିବନ୍‌ବଲି ବାନ୍‌ ମେଣ୍ଡାଇଂନେ ମ୍ନା ମେଣ୍ଡାତୁର୍‌ତ୍ୟାରେ ଡିଂଲେଃକେ, ନେଁଇଂନେ ଆତେନ୍‌ ମାପ୍‌ରୁ ଜିସୁକେ ସାନ୍ତିଦାତା ଇସ୍‌ପର୍ ଗୁଏନେବାନ୍ ବାର୍‌ମୁଇଂତର୍ ଆତଡ଼ିଆ ବକେ । ଆତେନ୍‌ ଜିସୁନେ ଜିବନ୍‌ବଲିନେ ମିଆଁନ୍ନିଆ ମୁଇଙ୍ଗ୍ କାଲାଆଃ ଲେଃନେ ନିଅମ୍ ଡାବୁଚିନା ଡିଂଲେଃକେ ।
\p
\v 21 ସାନ୍ତିବିଣ୍ଡ୍ରେ ଇସ୍‌ପର୍ ମେଁନେ ଇକ୍‌ଚା ପାଲନ୍ ଡିଂନେ ନ୍‌ସା ପେନେ ଦର୍‌କାର୍ ଅନୁସାରେ ସର୍‌ତେ ନିମାଣ୍ଡା ସାମୁଆଁ ବିଃଲେଃ ବାରି ଜିସୁ କିସ୍‌ଟନେ ବାନ୍‌ ନେନେ ଜିବନ୍‌ନ୍ନିଆ ମେଁନେ ମ୍ଲେଡ଼ିଆକେ ରକମ୍‌ନେ କାମ୍ ପୁରନ୍ ଡିଂଲେ । ଜୁଗ୍ ଜୁଗ୍ କିସ୍‌ଟନେ ମ‍ଇମା ଡିଂଲେ । ଆମେନ୍ ।
\s ସାରାସାରି ସାମୁଆଁ
\p
\v 22 ଅ ବୟାଁ ଆରି ତନାଇଂ କୁସାମୁତି ଡିଂଣ୍ଡିଂକେ ନିଂନେ ଆକେନ୍ ଡାଆଁ ଗୁଆର୍‌କ୍ନେ ସାମୁଆଁ ଡାଗ୍ରା ଡାଟ୍‌ନେ ଏତେ ଅଁପା । ଆପେକେ ଆମ୍ଲେଡ଼ିଆ ଡିଂନେ ନ୍‌ସା ଆକେନ୍ ନିଂ ଗୁଆର୍‌ମ୍ବକେ । 
\v 23 ନେନେ ବୟାଁ ତିମତି କ‍ଏଦ୍‌ ଡୁଆବାନ୍ ଉଦାର୍ ବାଲେଃକେ ଡାଗ୍‌ଚେ ପେମ୍ୟାଏ । ମେଁ ଜଦି ଗ୍ୟା ପାଙ୍ଗ୍‌ଏ ତେଲା ନିଂ ଆମେକେ ସାଃଚେ ପେନେ ଡାଗ୍ରା ମ୍ପାଂଏ ।
\p
\v 24 ପେଇଂନେ ନେତାଇଂକେ ଡେତ୍‌ରକମ୍ କିସ୍‌ଟ ବିସ୍‌ବାସି‍ଇଂକେ ନେ ନେସାର୍ଲକ୍ନେ ଆମ୍ୟାବିପା । ଇଟାଲି ଦେସ୍‌ବାନ୍ ପାଙ୍ଗ୍‌ଲେଃକ୍ନେ ବୟାଁଇଂ ଆପେକେ ସାର୍ଲ ଡିଂଆର୍‌କେ ।
\p
\v 25 ପେ ସାପାରେନେ ଡାଗ୍ରା ଇସ୍‌ପର୍‌ନେ ଦୟା କାଲାଆଃ ଲେଃଲେ ।