\id EPH - Dega
\ide UTF-8
\h ଏପିସିୟ
\toc3 ଏପିସିୟ
\toc2 ଏପିସିୟ
\toc1 ଏପିସିୟଇଂନେ ଡାଗ୍ରା ପାଉଲ୍‌ନେ ଉଲିଆଃ
\mt2 ଏଫିସୀୟମାନଙ୍କ ନିକଟକୁ ପାଉଲଙ୍କ ପତ୍ର
\mt1 ଏପିସିୟଇଂନେ ଡାଗ୍ରା ପାଉଲ୍‌ନେ ଉଲିଆଃ
\imt ଏପିସିୟ‍ ବ‍ଇ ବିସୟ୍‌ରେ ଉଃଡ଼ିକ୍ଲିଗ୍ ସାମୁଆଁ
\ip ଏଫିସି ମଣ୍ଡଲି ଡାଗ୍ରା ପାଉଲ୍‌ନେ ଉଲିଆଃ ପାଉଲ୍‌ନେ ବାନ୍ ପାକାପାକି ୬୦ କିସ୍‌ଟାବ୍‌ଦ ବିତ୍ରେ କଲସିୟ ମଣ୍ଡଲି ଡାଗ୍ରା ଗୁଆର୍‌ନେ ବେଲା ଗୁଆର୍‌ବଗେ । ଗୁଆର୍‌ଣ୍ଡ୍ରେ ମେଁ ନିଜେ ପ୍ରେରିତ୍‌ ପାଉଲ୍ ଡାଗ୍‌ଚେ ପରିଚୟ୍ ବିଃବକେ \xt ୧:୧\xt* । ଜଦି କଲସିୟ ସାସ୍ତର୍‌ନ୍ନିଆ ନିଜର୍ ସାର୍ଲନେ ଆଲେଃଲା ଡିଗ୍ ଗୁଲେ ପଣ୍ଡିତ୍ ଏଫିସି ସାସ୍ତର୍‌କେ ପାଉଲ୍ ଗୁଆର୍‌ବକେ ଡାଗ୍‌ଚେ ବାସଙ୍ଗ୍‌ଡିଂଆର୍‌କେ । ଆକେନ୍ ନ୍‌ସା ଡିଂଲେଃଏ ସର୍‌ତେ ମଣ୍ଡଲିକେ ଉଲିଆଃ ବିଃନେ ଉଦେସ୍‌ ବଚେ ଗୁଆର୍‌ବ‍ଏ । ପାଉଲ୍ ଆକେନ୍ ଣ୍ଡିଗ୍ ଆଃଦର୍ସେ ବିଃଡିଂକେ ଜେ ମେଁ ଆକେନ୍ ଉଲିଆଃ ଗୁଆର୍‌ନେ ବେଲା ମେଁ ବନ୍ଦି ଲେଃଗେ । \xt ୩:୧; ୪:୧; ୬:୨୦\xt* । ପାଉଲ୍ ତୁଖିକକେ ଏଫିସି ମଣ୍ଡଲିନ୍ନିଆ ବେଚେ ମେଁନେ ନ୍ତିନ୍ନିଆ ଆକେନ୍ ଉଲିଆଃ ବେବଗେ \xt ୬:୧-୭\xt* ।
\ip ଏଫିସି ଏସିଆ ଦେସ୍‌ନେ ମୁଇଂ ମ୍ନା ସହର୍ ବାରି ରାଜ୍‌ଦାନି ଲେଃଗେ । ଏଫିସି ଗ୍ରୀକ୍ ଦେବ୍‌ତା ଆର୍ତ୍ତେମୀନେ ପୁଜା ବାରି ଆକ୍‌ମେନେ ମନ୍ଦିର୍ ନ୍‌ସା ଉଡ୍ରା ଡିଂଲେଃକେ \xt ପ୍ରେରିତ୍‌ ୯:୨୩-୩୧\xt* । ଏଫିସି ମଣ୍ଡଲି ପର୍‌ତୁମ୍ ଡାଟ୍ ଲେଃଗେ ମାତର୍ ଇଡ଼ିଂ ଦୁକ୍‌ କସ୍ଟ ପାଙ୍ଗ୍‌କେ \xt ପ୍ରକାସିତ୍‌ ୨:୧-୭\xt* । ପାଉଲ୍ ମେଁନେ ଗୁଆର୍‌ନେ ଅଦା ବାଗ୍‌ନ୍ନିଆ ଇସ୍‌ପର୍ ଡିରକମ୍ ମେଁନେ ରେମୁଆଁଇଂକେ ସ୍ରିକେ ଆରି ଡିରକମ୍ ଜିସୁକେ ବିଚେ ପାପ୍‌ବାନ୍ ଆଃମ୍ବ୍ରକେ ଆତେନ୍‌ ଆଃବୁଜେ ବିଃଡିଂକେ ।
\ip ପାଉଲ୍ ମଣ୍ଡଲିକେ ଗାଗ୍‌ଡ଼େ ଏତେ ସମାନ୍‌ ଆଃଡିଂଚେ କିସ୍‌ଟ ଆକ୍‌ମେନେ ବାଆଃ ବାରି କନ୍‌ଆଃଡ଼ାନେ ମ୍ନା ବ୍ରି ଜା ଏତେ ମିସୁଚେ ମୁଇଂନ୍ନିଆ ମ୍ନା ଡିଂଡିଂକେ । ପାଉଲ୍‌ନେ ଉଲିଆଃନେ ମେତାଃ ବାଗ୍‌ନ୍ନିଆ କିସ୍‌ଟିୟ ଜିବନ୍ ବିସୟ୍‌ରେ ଆଦେସ୍‍ ବିଃଡିଂକେ ।
\iot ସାସ୍ତର୍‌ ବିତ୍ରେ ଲେଃକ୍ନେ ସାମୁଆଁଇଂ
\io1 ୧. ପାଉଲ୍‌ନେ ସାର୍ଲ ବାରି ସ୍ନାମୁଁଆଃ ବିଃନେ । \ior ୧:୧-୨ \ior*
\io1 ୨. କିସ୍‌ଟନେ ଏତେ ମଣ୍ଡଲିନେ କୁଡ଼େଃମାଡ଼େଃ । \ior ୧:୩–୩:୨୧\ior*
\io1 ୩. କିସ୍‌ଟିୟ ଜିବନ୍ ବ୍ରୁଆ ଡିକେଃନେ ଉପାୟ୍‌ । \ior ୪:୧–୬:୨୦\ior*
\io1 ୪. ପାଉଲ୍‌ନେ ସାରାସାରି ସାର୍ଲ । \ior ୬:୨୧-୨୪ \ior*
\c 1
\s ଏପିସିୟ ରେମୁଆଁଇଂ ଡାଗ୍‍ରା ପାଉଲ୍‌ନେ ଉଲିଆଃ
\p
\v 1 ଇସ୍‍ପର୍‍ନେ ଇକ୍‌ଚା ଇସାବ୍‍ରେ କିସ୍‌ଟ ଜିସୁନେ ମୁଇଂ ବେବକ୍ନେ ସିସ୍ ରକମ୍‍ ବା ଲେଃକ୍ନେ ପାଉଲ୍ ଜିସୁ କିସ୍‍ଟ ଏତେ କୁଡ଼େଚେ ବିସ୍‌ବାସ୍‌‍ରେ ବ୍ରୁଆ ଡିକେଃନେ ଏଫିସିୟନେ ଇସ୍‍ପର୍‍ନେ ବକ୍ତଇଂ ଡାଗ୍‍ରା ଆକେନ୍‍ ଉଲିଆ ଗୁଆର୍‍ ମ୍ୱକେ ।
\p
\v 2 ନେ ଆବା ଇସ୍‍ପର୍‍ ବାରି ମାପ୍‍ରୁ ଜିସୁ କିସ୍‌ଟ ଆପେକେ ଆସିର୍ବାଦ୍‌ ବାରି ସାନ୍‍ତି ବିଲେ ।
\s ଆତ୍ମିକ ଆସିର୍‍ବାଦ୍‍
\p
\v 3 ଦନ୍ୟ ନେନେ ମାପ୍‍ରୁ ଜିସୁ କିସ୍‌ଟନେ ଆବା ଇସ୍‍ପର୍‍ । ମେଃଡାଗ୍‌ଲା ମେଁ ଆନେକେ କିସ୍‍ଟ ଏତେ ଆମିସୁଚେ କିତଂ ରେମୁଆଁନେ ସାପା ଆତ୍ମିକ ଆସିର୍‍ବାଦ୍‍ ବିଃବକେ । 
\v 4 ଦର୍‌ତନି ଆଃରେନେ ସିସେବାନ୍ ଇସ୍‌ପର୍ ଆନେକେ ସ୍ରି ବକେ । ବାରି ମେଁ ଡାଗ୍ରା ନେ ପବିତ୍ର ଆରି ନିର୍ଦସ୍ ଡିଂନେ ନ୍‌ସା ଏକେ କିସ୍‌ଟନେ ଏତେ ମିସୁଃ ନେଲେକେ । ଡାଗ୍ଲା ମେଁନେ ଆଲାଦ୍ ନ୍‌ସା । 
\v 5 ଜିସୁ କିସ୍‌ଟବାନ୍‍ ମେଁ ଆନେକେ ମେଃନେ ଉଙ୍ଗ୍‍ଡେ ରକମ୍‍ ଗ୍ର‍ଅନ୍‌‍ ଡିଙ୍ଗ୍‍ସା ତିଆର୍‍ ଡିଙ୍ଗ୍‍ବଗେ; ଆକେନ୍‍ଆ ଲେଃଗେ ମେଃନେ ସାର୍‍ଦା ବାରି ଇକ୍‌ଚା । 
\v 6 ଇସ୍‍ପର୍‍ନେ ଅଃକେନ୍ ଅନୁଗ୍ର‍ଅ ଲେଃଗ୍‍ସା ବାରି ମେଁନେ ନିଜର୍ ଉଙ୍ଗ୍‍ଡେକେ ସରା ଡାବୁରେ ବିବଗ୍‍ସା ନେ ଇସ୍‍ପର୍‍ନେ ଦନ୍ୟବାଦ୍‍ ଡିଙ୍ଗ୍‍ନେଡିଙ୍ଗ୍‍ । 
\v 7 \x + \xo ୧:୭ \xo*\xt କଲସିୟ ୧:୧୪.\xt*\x*କିସ୍‍ଟ ଗୁଏକ୍ନେ ବାନ୍‍ ନେ ମୁକ୍‍ତି ବାନେଲେଃକେ ବା ନେନେ ସାପା ପାପ୍ କେମା ଡିଙ୍ଗ୍‍ଲେଃକେ । ଇସ୍‍ପର୍‍ନେ ଅନୁଗ୍ର‍ଅ ଉଡ଼ି ମ୍ନା ! 
\v 8 ଆତେନ୍‌‍ ମେଁ ଆନେକେ ଜବର୍‍ ବାବ୍‍ରେ ବିବକେ । 
\v 9 ଇସ୍‍ପର୍‍ ମେଃନେ ଗୁଲେ ବୁଦି ବାରି ଗର୍‍ବେ ବିତ୍‍ରେବାନ୍‌ କିକେନେ ବାନ୍ ଜା ମନେ ଡିଙ୍ଗ୍‍ବଗେ ଆତେନ୍‌‍ ପୁରନ୍‌ ଡିଙ୍ଗ୍‍ବକେ ବାରି ଆମେକେ କିସ୍‍ଟନେ ସାଇଜରେ ପୁରା ଆଡିଙ୍ଗ୍‍ନେସା ମେଁ ଆଣ୍ଡିନେ ବୁଡ଼ିଲେଃକ୍ନେ ଜଜ୍‌ନା ଡିଙ୍ଗ୍‍ବଗେ ଆତେନ୍‌‍ ନେ ଡାଗ୍‍ରା ଆତ୍ନା ବକେ । 
\v 10 ଆତେନ୍‌‍ ଜଜ୍‌ନା ଇସାବ୍‍ରେ କିତଂ ବାରି ମଞ୍ଚ୍‌ପୁର୍‌ନେ ସାପା ଆରେକ୍ନେ ଜିନିସ୍‍ ମୁଇଂ ଡିଙ୍ଗ୍‍ଏ ବାରି କିସ୍‌ଟ ଆତେନ୍‌‍ ସାପାରେନେ ବାଆଃ ରକମ୍‍ ଡିଙ୍ଗ୍‍ଚେ ଲେଃଏ । ଆକେନ୍‍ ଜଜ୍‌ନା ଇସ୍‍ପର୍‍ ଟିକ୍‍ ବେଲା ଆଃଡାଏ ।
\p
\v 11 ସାପା ବିସୟ୍ ଇସ୍‍ପର୍‍ନେ ଜଜ୍‌ନା ବାରି ନିସ୍‍ପତି ଇସାବ୍‍ରେ ଡିଙ୍ଗ୍‍ଏ; ମୁଲେବାନ୍‍ ଡିଙ୍ଗ୍‍ବକ୍ନେ ନିଜେନେ ଉଦେସ୍‍ ପୁରା ଆଡିଙ୍ଗ୍‍ସା କିସ୍‍ଟ ବାନ୍‍ ମେଁନେ ନିଜର୍ ରେମୁଆଁ ଡିଙ୍ଗ୍‍ନେସା ଇସ୍‍ପର୍‍ ଆନେକେ ସ୍ରିବକେ । 
\v 12 ଏଲାପା ଜାଣ୍ଡେଇଂ ପର୍‍ତୁମ୍‍ କିସ୍‌ଟ ଡାଗ୍‍ରା ଆସା ନେବଗେ ସାପାରେ ଇସ୍‍ପର୍‍ନେ ମ‍ଇମା ଅସ୍‍ମାର୍‍ ନେଃସାର୍‌ପା ।
\p
\v 13 ପେ ଡିଗ୍‍ ଉଡ଼ିବେଲା ଉଦାର୍ ବିନେ ଆକେନ୍‍ ମାପ୍‍ରୁ ସାମୁଆଁ ସତ୍‍ ବ୍ନାଲିର୍‍ ପେଅଁକେ ଆତେନ୍‌‍ କାଲାବାନ୍‍ ଇସ୍‍ପର୍‍ନେ ଡିଙ୍ଗ୍‍ନେଲେଃକେ । ପେ କିସ୍‌ଟକେ ବିସ୍‌ବାସ୍‌‍ ଡିଙ୍ଗ୍‍ପେଲେଃଗ୍‍ସା ଇସ୍‍ପର୍‍ ମେଃନେ ପାର୍‌ମାନ୍‌ ଇସାବ୍‍ରେ ପବିତ୍ର ଆତ୍ମାକେ ବିଚେ ପେ ଆଡ଼ାତ୍ରା ମେଃନେ ଜିଦ୍‍ନେ ସିଲ୍‍ ବଗ୍‍ବକେ । 
\v 14 ଇସ୍‍ପର୍‍ ମେଁନେ ରେମୁଆଁଇଂକେ ଆଣ୍ଡିନେ ସାପା ଜିନିସ୍‍ ବିନ୍‍ସା ପାର୍‌ମାନ୍‌ ଡିଙ୍ଗ୍‍ବକେ, ଆତେନ୍‌‍ ସାପା ନେ ନେବାଏ, ପବିତ୍ର ଆତ୍ମା ମେଁନେ ସାକି ରକମ୍‍ । ଇସ୍‍ପର୍‍ ମେଁନେ ରେମୁଆଁଇଂକେ ମନ୍‍ ଇକ୍‌ଚାରେ ଲେଃନ୍‍ସା ଜିବନ୍‍ ବିଏ, ଆକେନ୍‍ ଗୁଏନ୍‍ସା ଏଲାପା, ଇସ୍‍ପର୍‍ନେ ମ‍ଇମା ଅସ୍‍ମାର୍‍ ନେଃସାର୍‌ପା ।
\s ପାଉଲ୍‍ନେ ପାର୍‍ତନା
\p
\v 15 ଆକେନ୍‍ ଆଡ଼ାବାନ୍‍ ମାପ୍‍ରୁ ଜିସୁ ଡାଗ୍‍ରା ପେନି ବିସ୍‌ବାସ୍‌‍ ବାରି ସାପା ସାଦୁ ଆଡ଼ାତ୍ରା ଆଣ୍ଡିନେ ଆଲାଦ୍ 
\v 16 ଆତ୍‍ବା କବର୍‍ ବାଚେ ନେଙ୍ଗ୍‍ ଡିଗ୍‍ ନେଙ୍ଗ୍‍ ପାର୍‍ତନାରେ ପେନେ ମ୍ନି ଗୁଆର୍‍ଚେ ପେ ଆତ୍‍ଲା ଦନ୍ୟବାଦ୍‍ ବିନ୍‍ସା ମନ୍‍ ଉନା ଡିଙ୍ଗ୍‍ନାଡିଙ୍ଗ୍‍କେ । 
\v 17 ବାରି ମ‍ଇମାମୟ ଆବା ନେନେ ମାପ୍‍ରୁ ଜିସୁ କିସ୍‌ଟନେ ଇସ୍‍ପର୍‍କେ ପାର୍‍ତନା ଡିଙ୍ଗ୍‍ଡିଙ୍ଗ୍‍ ଡିରକମ୍‍କି ମେଁ ଆପେକେ ପବିତ୍ର ଆତ୍ମା ବିଏ । ଆତେନ୍‌‍ ଆତ୍ମା ଆପେକେ ବୁଦି ବିଏ ବାରି ଇସ୍‍ପର୍‍କେ ପେ ଡାଗ୍‍ରା ଆସୁଏ ଏ । ତେଲା ପେ ଆମେକେ ପେମ୍ୟାଃଏ । 
\v 18 ନେଙ୍ଗ୍‍ ଗୁଆରେ ଣ୍ଡିଂକେ, ଡିରକମ୍‍କି ମେଁନେ ତାର୍‍କିଗ୍‍ କିକେନ୍‍ସା ପେ ବିତ୍‍ରେ ଲେଃକ୍ନେ ମ୍ମୁଆଃ କେଏ । ତେଲା ଆଣ୍ଡିନେ ଆସା ଆତ୍‍ଲା ପେ ମେଁବାନ୍‍ ପାଙ୍ଗ୍‍ପେଲେଃକେ, ସାଦୁଇଂନେ ବିତ୍ରେ ମେଁନେ ଅଦିକାର୍‌ନେ ଗୌରବ୍‌ ରକମ୍‌ ଦନ୍‌ ମେଃନେ, ଆତେନ୍‌‍ ପେମ୍ୟାଃଏ । 
\v 19 ମେଃନେ ରେମୁଆଁଇଂନେ ବାନ୍‍ ମେଁ ପାର୍‌ମାନ୍‌ ଡିଙ୍ଗ୍‍ବକ୍ନେ ମ୍ନା ଆସିର୍‍ବାଦ୍‍ ଆଣ୍ଡେଙ୍ଗ୍‍ ଜେ ଉଡ଼ି ଜବର୍‍ ବାରି ନେ ରକମ୍‍ ବିସ୍‍ବାସି ରେମୁଆଁଇଂ ଡାଗ୍‍ରା ମେଁନେ ବପୁ ଜେ ଉଡ଼ି ମ୍ନା ଆତେନ୍‌‍ ପେ ମ୍ୟାଃପେୟାଏ । 
\v 20 ଏବେ ନେ ବିତ୍‍ରେ ବୁଡ଼ି ଲେଃକ୍ନେ ଆତେନ୍‌‍ ବପୁ ବାନ୍‍ ଆଃ ଇସ୍‍ପର୍‍ କିସ୍‌ଟକେ ଗୁଏକ୍ନେବାନ୍‍ ଆତଡ଼ିଆଚେ ଆମେକେ କିତଂନେ ରେମୁଆଁ ଆଡିଙ୍ଗ୍‍ଚେ ନିଜର୍‍ ଇଂଚଙ୍ଗ୍‍ନ୍ତି ପାକା ଆତୁଆଁବକେ । 
\v 21 କିସ୍‍ଟ ସାପା କିତଂନେ ସାସନ୍‍ ଡିଙ୍ଗ୍‍ଣ୍ଡ୍ରେ କେମତା ବିଃନ୍‍ସା ଅଦିକାର୍‍ ବା ଲେଃକେ ବପୁଲେଃକେ ବାରି ସାସନ୍‍ ଡିଙ୍ଗ୍‍ଣ୍ଡ୍ରେନେ ଆଡ଼ାତ୍ର ସାସନ୍‍ ଡିଙ୍ଗ୍‍ମ୍ୟାକେ ଏବେ ଡିଙ୍ଗ୍‍ଲେ ଣ୍ଡୁଲା ଇଡ଼ିଙ୍ଗ୍‍ ଡିଙ୍ଗ୍‍ଲେକ୍ନେ କେମତା ଗୁଆର୍‍ବକ୍ନେ ସାପା କୁର୍‍ଚିନେ ବାନ୍‍ ମେଃନେ କୁର୍‍ଚି ସାପାବାନ୍‍ ମ୍ନା । 
\v 22 \x + \xo ୧:୨୨ \xo*\xt କଲସିୟ ୧:୧୮.\xt*\x*ଇସ୍‍ପର୍‍ ସାପା ବିସୟ୍‍ କିସ୍‍ଟନେ ଞ୍ଚ ବୁନ୍ଦେ ବକେ ବାରି ସାପା ବିସୟ୍‍ ଆଡ଼ାତ୍ରା ଆମେକେ ସାପାବାନ୍‍ ମ୍ନା ମାପ୍‍ରୁ ଆଡିଙ୍ଗ୍‍ଚେ ମଣ୍ଡଲିକେ ବିବକେ । 
\v 23 ମଣ୍ଡଲି କିସ୍‍ଟନେ ଗାଗ୍‌ଡ଼େ; ମଣ୍ଡଲିବାନ୍‍ କିସ୍‍ଟ କାମ୍‍ ଡିଙ୍ଗ୍‍କ୍ନେ ପୁରାପୁରି ପୁରନ୍‌ ଡିଙ୍ଗ୍‍ଏ; ବାରି କିସ୍‍ଟ ସାପା ବିସୟ୍‍ ପୁରନ୍‍ ଆଡିଙ୍ଗ୍‍ଏ ।
\c 2
\s ଗୁଏନେ ବାନ୍‍ ଜିବନ୍‍ ବାନେ
\p
\v 1 \x + \xo ୨:୧ \xo*\xt କଲସିୟ ୨:୧୩.\xt*\x*ପେନି ଅମାନି ଡିଂନେ ବାରି ପାପ୍‍ ଡିଙ୍ଗ୍‍ପେଡିଂଗେସା ସିସେ ଆତ୍ମାରେ ଗୁଏ ପେଲେଃଗେ । 
\v 2 ଆତେନ୍‌‍ କେଲା ପେ ଜାଗତିକନେ ସତ୍‍ ଣ୍ଡୁନେ ଗାଲିପାକା ୱେପେଡିଂଗେ, କିତଙ୍ଗ୍‍ଇନିନେ ଗାଗ୍‍ଡ଼େ ଣ୍ଡୁନେ ସାସନ୍‍ ଡିଙ୍ଗ୍‍ଣ୍ଡ୍ରେ ଡାଗ୍‍ରା ଲେଃପେଡିଙ୍ଗ୍‍କେ । ଆତେନ୍‌‍ ଇଃସାଙ୍ଗ୍‌ ଏବେ ଇସ୍‍ପର୍‍ନେ ଆଦେସ୍‍ ଅମାନି ଡିଙ୍ଗ୍‍ଲେଃକ୍ନେ ରେମୁଆଁଇଂ ଆଡ଼ାତ୍ରା ସାସନ୍‍ ଡିଙ୍ଗ୍‍ଡିଙ୍ଗ୍‍କେ । 
\v 3 ସତ୍‍ରେ ନେ ସାପାରେ ମେଇଂ ରକମ୍‍ ନେଲେଃଗେ ବାରି ଗାଗ୍‍ଡ଼େ ବାରି ମନ୍‍ନେ ଇକ୍‌ଚାକେ ବେବ‍ଆର୍‌ ଡିଙ୍ଗ୍‍ଚେ ବ୍ରୁଆଡିକେ ଡିଙ୍ଗ୍‍ନେଡିଂଗେ । ସ‍ଅଜ୍‌ରେ ବିନ୍‍ରେ ରକମ୍‍ ନେ ଡିଗ୍‍ ଇସ୍‍ପର୍‍ନେ ରିସା ଡିଙ୍ଗ୍‍ନେ ଅବସ୍ତା ବାନ୍‌ସା ୱେନେଲେଃଗେ ।
\p
\v 4 ମାତର୍‍ ଇସ୍‍ପର୍‍ନେ ଲିବିସଃ ଏନ୍ତି ଜାବର୍ ବାରି ନେ ଆତ୍‍ଲା ମେଃନେ ଆଲାଦ୍ ଏନ୍ତି ମ୍ନା ଜେ ନେନେ ଅମାନି ନେଡିଙ୍ଗ୍‍ସା ନେ ଆତ୍ମିକ ବାବ୍‍ରେ ନେଲେଃକ୍ନେ ବେଲା ମେଁ କିସ୍‌ଟ ଏତେ ଆନେକେ ଆମ୍ବ୍ରକେ । ଇସ୍‍ପର୍‍ନେ ଦୟା ବାନ୍‍ ଆଃ ପେ ଉଦାର୍‌ ବାପେୟାକେ । 
\v 5 ଆତେନ୍‌‍ସା ଆନେକେ କିସ୍‌ଟ ଏତେ ଜିବନ୍‍ ଆଡିଙ୍ଗ୍‍ବକେ ବାରି ଆସିର୍ବାଦ୍‌ରେ ପେ ଉଦାର୍‌ ବାପେଲେଃକେ 
\v 6 ବାରି ମେଁ ଏତେ ଆନେକେ ଆତଡ଼ିଆଚେ କିସ୍‌ଟ ଜିସୁ ଡାଗ୍‍ରା ଆନେକେ ମେଁ ଏତେ ସର୍‍ଗେ ଆଃକବକେ । 
\v 7 ଜିସୁ କିସ୍‌ଟ ଡାଗ୍‍ରା ମେଁନେ ଆଡ଼ାତ୍ରା ଲିବିସଃ ଡିଙ୍ଗ୍‍ଚେ ଇଡ଼ିଂଡେ ନିଜର୍‌ ଦୟାନେ ଜାବର୍‍ ଦନ୍‍ ଆକେଏ । ଇସ୍‍ପର୍‍ ଆକେନ୍ ଡିଙ୍ଗ୍‍କେ । 
\v 8 ମେଁ ଡାଗ୍‍ଲା ଦୟାରେ ବିସ୍‌ବାସ୍‌‍ ଡିଙ୍ଗ୍‍କ୍ନେବାନ୍‍ ପେ ଉଦାର୍‌ ବାପେଲେଃକେ; ଆତେନ୍‌‍ ପେନି ନିଜେବାନ୍‍ ଡିଙ୍ଗ୍‍ଆଲେକେ ଆତେନ୍‌‍ ଇସ୍‍ପର୍‍ ଦାନ୍‍ । 
\v 9 ତେସା ଆକେନ୍‍ ବିସୟ୍‍ରେ ଜା ଡିଗ୍‍ ଗର୍ବ ଡିଙ୍ଗ୍‍ଆୟା ଣ୍ଡୁ । 
\v 10 ନେ ମେଃ ଡିଙ୍ଗ୍‍ୟାନେଲେଃକେ ମୁଇଂ ଇସ୍‍ପର୍‍ ଆଃ ଆତେନ୍‌‍ ଡିଙ୍ଗ୍‍ବକେ; ଆଣ୍ଡିନେ ସାପା ସତ୍ କାମ୍ ନେ ନେଡିଙ୍ଗ୍‍ ଡାଗ୍‍ଚେ ଇସ୍‍ପର୍‍ ସିସେ ବାନ୍‍ ଜଜ୍‌ନା ଡିଙ୍ଗ୍‍ବକେ ନେ ଜିସୁ କିସ୍‌ଟ ଏତେ ମିସୁ ନେଲେଃକେ ।
\s କିସ୍‍ଟ ଡାଗ୍‍ରା ନେଃ ସାପାରେ ମୁଇଂ
\p
\v 11 ନିଜେ ସିସେନେ ଅବସ୍ତା ମନେ ତ୍ଲାଗ୍‌ପା; ପେ ଅଣଜିଉଦି ପେଲେଃଗେ ନିଜେକେ “ପବିତ୍ର” ଡିଙ୍ଗ୍‍ନ୍ଲେଃକେ ଡାଗ୍‍ଚେ ବାସଙ୍ଗ୍‍ ମ୍ୟାଃକ୍ନେ ଜିଉଦିଇଂ ଆପେକେ “ଅପବିତ୍ର” ଡାଗ୍‌ଚେ ବାସଙ୍ଗ୍‌ଡିଂଆର୍‍ଗେ । ଆକେନ୍‍ ମୁଇଂ ମୁଇଂ ଗାଗ୍‍ଡ଼େନେ ଅବସ୍ତାକେ ଆଦ୍ରିଗ୍‍ ଡିଙ୍ଗ୍‍କେ । 
\v 12 ସିସେ ପେ କ୍ରିସ୍ଟନେବାନ୍‍ ସୁଲ ପେଲେଃଗେ ପେ ବିଦେସି ପେଲେଃଗେ ବାରି ଇସ୍‍ପର୍‍ ସ୍ରିବକ୍ନେ ରେମୁଆଁଇଂ ଏତେ ମିସୁ ପେଲେଃଗେ । ଇସ୍‍ପର୍‍ ମେଃନେ ରେମୁଆଁଇଂନେ ଆଡ଼ାତ୍ରା ଡିଙ୍ଗ୍‍ବକ୍ନେ ପାର୍‌ମାନ୍‌ ଆଡ଼ାତ୍ରା ଆରେବକ୍ନେ ନିୟମ୍ ଅରିଆ ପେନି ମେଃଡିଗ୍‍ ବାଗ୍‍ ଆଲେଗେ । ଆସା ଣ୍ଡୁ ରକମ୍‍ ବାରି ଇସ୍‍ପର୍‍ ଣ୍ଡୁ ଡାଗ୍‍ଚେ ପେ ମଞ୍ଚ୍‌ପୁର୍‌ନ୍ନିଆ ବାସା ପେଲେଃଗେ । 
\v 13 ଡାଗ୍‍ଲା ପେଇଂ ସିସେ ସୁଲ ପେଲେଃଗେ; ମାତର୍‍ ଏବେ ଜିସୁ ଏତେ ମୁଇଂ ଡିଙ୍ଗ୍‍ଚେ କିସ୍‌ଟ ଗୁଏକ୍ନେ ବାନ୍‍ ଡାଗ୍‍ରା ଡିଙ୍ଗ୍‍ପେଲେଃକେ । 
\v 14 ମେଃଡାଗ୍‌ଲା ଜିଉଦି ବାରି ଅଣଜିଉଦିଇଂକେ ମୁଇଂ ଆଡିଙ୍ଗ୍‍ଚେ କିସ୍‌ଟ ନିଜେ ନେ ଡାଗ୍‍ରା ସାନ୍‍ତି ଆଡିଙ୍ଗ୍‍ବକେ । ଆମେଇଂକେ ଅଲ୍‍ଗା ଆଡିଙ୍ଗ୍‍ଚେ ନିଜର୍‌ ନିଜର୍‌ ବିତ୍‍ରେ ସତ୍ରୁ ରକମ୍‍ ବକ୍ନେ ତୁରାଃକେ ମେଁ ମେଃନେ ନିଜର୍‍ ଗାଗ୍‍ଡ଼େ ଏତେ ପାକ୍‍ଚିବକେ । 
\v 15 \x + \xo ୨:୧୫ \xo*\xt କଲସିୟ ୨:୧୪.\xt*\x*ମେଁ ଜିଉଦିଇଂନେ ସାପା ନିୟମ୍‌ କାନୁନ୍‌ ଆଣ୍ଡେଙ୍ଗ୍‍ ଆନ୍ତାର୍‍ଚେ ଜିଉଦି ବାରି ଅଣଜିଉଦି ରେମୁଆଁଇଂନେ ବିତ୍‍ରେ ମେଇଂନେ ସାଇଜ ଡିଙ୍ଗ୍‍ଣ୍ଡ୍ରେ ମୁଇଂ ତ୍ମି ରେମୁଆଁ ଜାତି ତିଆର୍‍ ଡିଙ୍ଗ୍‍ବକେ । ଆକ୍‍ଅରିଆ ଦର୍‌ତନିନ୍ନିଆ ସାନ୍‍ତି ଡିଙ୍ଗ୍‍ଏ । 
\v 16 କୁରୁସ୍‍ ଅରିଆ ମେଁ ଗୁଏକ୍ନେ ବାନ୍‍ କିସ୍‍ଟ ଆତେନ୍‌‍ ଜିଉଦି ବାରି ଅଣଜିଉଦିଇଂନେ ବିତ୍‍ରେ ଲେଃକ୍ନେ ସତ୍‍ରୁକେ ନୁଆଁ ବକେ; କୁରୁସ୍‍ ଏତେ ଆତେନ୍‌‍ ମ୍ୱାୟା ଜିଉଦି ବାରି ଅଣଜିଉଦିଇଂ ମୁଇଂନୁଗ୍‍ ରାଃସିଙ୍ଗ୍‌ଚେ ମୁଇଂ ଗାଗ୍‌ଡ଼େ ରକମ୍‍ ଆଡିଙ୍ଗ୍‍ବକେ ବାରି ଇସ୍‍ପର୍‍ ଡାଗ୍‍ରା ଆମେଇଂକେ ଡୁଙ୍ଗ୍‍ପାଙ୍ଗ୍‍ ବକେ । 
\v 17 ଆତେନ୍‌‍ସା କିସ୍‍ଟ ପାଙ୍ଗ୍‍ଲେଃଗେ ବାରି ଇସ୍‍ପର୍‍ ବାନ୍‍ ସୁଲ ୱେଲେକ୍ନେଣ୍ଡ୍ରେ ଅଣଜିଉଦି ବାରି ମେଁନେ ଡାଗ୍‍ରା ଲେଃକ୍ନେ ଜିଉଦିଇଂନେ ବିତ୍‍ରେ ସାନ୍ତିରେ ମାପ୍‍ରୁ ସାମୁଆଁ ବାଲିର୍‍ ବଗେ । 
\v 18 କିସ୍‍ଟନେ ବାନ୍‍ ଆଃ ଜିଉଦି ବାରି ଅଣଜିଉଦି ସାପାରେ ମୁଇଂ ଆତ୍ମାରେ ଆବା ଡାଗ୍‍ରା ପାଙ୍ଗ୍‍ନେୟାକେ ।
\p
\v 19 ତେସା ଅ ଅଣଜିଉଦି ରେମୁଆଁଇଂ ପେ ବାରି ବିଦେସି ବାରି ବିନ୍‍ରେ ଣ୍ଡୁ ଏବେ ଇସ୍‍ପର୍‍ନେ ରେମୁଆଁଇଂ ଏତେ ପେ ଡିଗ୍ ମେଁନେ ରାଇଜନେ ରେମୁଆଁ ବାରି ମେଁ ଡୁଆଣ୍ଡ୍ରେ ଡିଙ୍ଗ୍‍ପେଲେଃ । 
\v 20 ପେ ଡିଗ୍‍ ପ୍ରେରିତ୍‍ ସିସ୍‍ ବାରି ବାବବାଦିଇଂନେ ବାନ୍‍ ଆରେବକ୍ନେ ମୁଲ୍‍ ପାଣ୍ଡୁସନ୍ ଆଡ଼ାତ୍ରା ଆରେବକ୍ନେ ଡୁଆ ରକମ୍‍ । ଆତେନ୍‌‍ ଡୁଆନେ କନ୍‍ ବ୍ରି ନିଜେ କିସ୍‌ଟ ଜିସୁ । 
\v 21 ମେଁ ମୁଇଂ ଆକେନ୍‍ ଡୁଆକେ ଆମିସୁଚେ ବଏ ବାରି ମାପ୍‍ରୁ ଆତ୍‍ଲା ମୁଇଂ ପୁଜାପାତି ଡିଙ୍ଗ୍‍ନେ ପବିତ୍ର ମନ୍ଦିର୍‍ ରକମ୍‍ ଆମ୍ନାଏ । 
\v 22 ମେଃନେ ସାଇଜରେ ପେ ଡିଗ୍‍ ବିନ୍‍ ସାପାରେ ଏତେ ଆତ୍ମାରେ ଇସ୍‍ପର୍‍ ବାସାନ୍‍ସା ମୁଇଂ ବାସାନେ ଡୁଆ ରକମ୍‍ ତିଆର୍‍ ଡିଙ୍ଗ୍‍ପେଲେଃକେ ।
\c 3
\s ଅଣଜିଉଦିଇଂନେ ଆତ୍‍ଲା ପାଉଲ୍‍ନେ କାମ୍
\p
\v 1 ଆକେନ୍ କାରନ୍‌ ନ୍‍ସା ପେ ସୁଗୁଆ ଅଣଜିଉଦି ରେମୁଆଁଇଂ ନ୍‌ସା କିସ୍‌ଟ ଜିସୁ ଆତ୍‍ଲା ବନ୍ଦି ଡିଙ୍ଗ୍‍ନ୍ଲେଃକ୍ନେ ନେଙ୍ଗ୍‍ ପାଉଲ୍‍ ଇସ୍‍ପର୍‍ ଡାଗ୍‍ରା ପାର୍‍ତନା ଡିଙ୍ଗ୍‍ଣ୍ଡିଙ୍ଗ୍‍କେ । 
\v 2 ପେନି ନିମାଣ୍ଡା ନ୍‌ସା ଇସ୍‍ପର୍‍ ମେଃନେ ଦୟାରେ ଆନେଙ୍ଗ୍‍ ଜେ ଆକେନ୍‍ କାମ୍ ଡିଙ୍ଗ୍‍ନେସା ବିଃବକେ, ଆକେନ୍‍ ପେ ଅଁ ପେଲେଃକେ । 
\v 3 ଇସ୍‍ପର୍‍ ମେଃନେ ବୁଡ଼ିକ୍ନେ ଉପାୟ୍‍ ଆତ୍ନାଚେ ଆନେଙ୍ଗ୍‍ ଆଃମ୍ୟାଃବକେ । ଆକେନ୍‍ ବିସୟ୍‍ରେ ନେଙ୍ଗ୍‍ ନିମାଣ୍ଡା ବାବ୍‍ରେ ଗୁଆର୍‍ଣ୍ଡିଙ୍ଗ୍‍ । 
\v 4 \x + \xo ୩:୪ \xo*\xt କଲସିୟ ୧:୨୬,୨୭.\xt*\x*ଆତେନ୍‌‍ ପଡ଼େଲା କିସ୍‌ଟନେ ସତ୍‌ ସାମୁଆଁ ବିସୟ୍‍ରେ ନେଙ୍ଗ୍‍ ମେଃନେ ବୁଜେନ୍ଲେଃକେ, ଆତେନ୍‌‍ ପେ ମ୍ୟାଃପେୟାଏ । 
\v 5 ସିସେ ରେମୁଆଁ ଜାତିକେ ଆକେନ୍‍ ସତ୍‌ ସାମୁଆଁ ବିସୟ୍‍ରେ ବାସଙ୍ଗ୍‍ ଆବଗେ । ମାତର୍‍ ଇସ୍‍ପର୍‍ ଏବେ ମେଃନେ ପବିତ୍ର ପ୍ରେରିତ୍‍ ସିସ୍‍ ବାରି ବାବବାଦିଇଂକେ ଆତ୍ମାବାନ୍‍ ଆକେନ୍‍ ଆତ୍ନାବକେ । 
\v 6 ଆତେନ୍‌‍ ଟିକିନିକି ବିସୟ୍‍ ଡିଙ୍ଗ୍‍ଡିଙ୍ଗ୍‍କେ, ମାପ୍‍ରୁ ସାମୁଆଁ ଆତ୍‍ଲା ଜିଉଦିଇଂ ଏତେ ଅଣଜିଉଦିଇଂ ଡିଗ୍‍ ଇସ୍‍ପର୍‍ନେ ଆସିର୍ବାଦ୍‌ନେ ବାନେସା ମିସୁଲେ ଆର୍‍କେ । ମେଇଂ ଆତେନ୍‌‍ ମୁଇଂ ଗାଗ୍‍ଡ଼େନେ ଚିଲି ଞ୍ଚିଆ ବାରି ଜିସୁ କିସ୍‌ଟନେ ସାଇଜରେ ଇସ୍‍ପର୍‍ ବିବକ୍ନେ ଆଦେସ୍‍ଅରିଆ ମିସୁଲେଆର୍‍କେ ।
\p
\v 7 ଇସ୍‍ପର୍‍ ମେଃନେ ବପୁ ବିଚେ ଆନେଙ୍ଗ୍‍ ଆଣ୍ଡିନେ ମ୍ନା ଦାନ୍‍ ବିବକେ ଆତେନ୍‌‍ସା ନେଙ୍ଗ୍‍ ମାପ୍‍ରୁ ସାମୁଆଁ ବାସଙ୍ଗ୍‍ଣ୍ଡ୍ରେ ଡିଙ୍ଗ୍‍ନ୍ଲେଃକେ । 
\v 8 ନେଙ୍ଗ୍‍ ଇସ୍‍ପର୍‍ନେ ରେମୁଆଁଇଂନେ ବିତ୍‍ରେ ସାପାରେବାନ୍‍ ଡାଆଁ ତେଲାଡିଗ୍ ଅଣଜିଉଦିଇଂନେ ଡାଗ୍‍ରା କିସ୍‌ଟନେ ମାଡାନେ ଦନ୍‍ସମ୍ପତିନେ ବ୍ନାଲିର୍‍ ସାଚେ ୱେନ୍‍ସା ଆନେଙ୍ଗ୍‍ ଇସ୍‍ପର୍‍ ସୁଜଗ୍‍ ବିବକେ । 
\v 9 ଇସ୍‍ପର୍‍ନେ ଆତେନ୍‌‍ ବୁଡ଼ିକ୍ନେ ଉପାୟ୍ ଡିଡିରକମ୍‍ କାମ୍ ଡିଙ୍ଗ୍‍ୟାଏ ଆତେନ୍‌‍ ସାପାରେକେ ଆଃମ୍ୟାନେ ଅଦିକାର୍‌ ନେଙ୍ଗ୍‍ ବାନ୍ଲେଃକେ । ସାପା ବିସୟ୍‍ରେ ତିଆର୍‍ ଡିଙ୍ଗ୍‍ବକ୍ନେ ଇସ୍‍ପର୍‍ ସିସେ ସାପା ଜୁଗ୍‌ନ୍ନିଆ ମେଃନେ ଟିକିନିକି ବିସୟ୍‍କେ ବୁଡ଼ି ବଗେ 
\v 10 ଜେନ୍ତିକି ଏନ୍‍କାଲା କିସ୍‌ଟିୟ ମଣ୍ଡଲିନେ କାମ୍‍ବାନ୍‍ କିତଂନେ ସାସନ୍‌ ଡିଂଣ୍ଡ୍ରେ ବାରି ମ୍ନାଃ ବପୁରେ ଇସ୍‍ପର୍‍ନେ ଜବର୍‍ ନିୟମ୍‌ କାନୁନ୍‌ ଗିଆନ୍‍ ବିସୟ୍‍ରେ ତାଣ୍ଡେ ଦ୍ରିଗ୍‍ ୟାଆର୍‍ଏ । 
\v 11 ଇସ୍‍ପର୍‍ ମେଃନେ ମାଡାନେ ଜିବନ୍‍ ଉଦେସ୍‍ ଇସାବ୍‍ରେ ନେନେ ମାପ୍‍ରୁ ଜିସୁ କିସ୍‌ଟବାନ୍‍ ଆକେନ୍‍ ପୁରନ୍‌ ଡିଙ୍ଗ୍‍ବକେ । 
\v 12 କିସ୍‌ଟ ଏତେ ମିସୁ ନେଲେଃଗେସା ବାରି ମେଁଡାଗ୍ରା ବିସ୍‌ବାସ୍‌‍ ଡିଙ୍ଗ୍‍ନେଲେଃଗେସା ଆସାରେ ଇସ୍‍ପର୍‍ନେ ଡାଗ୍‍ରା ୱେନ୍‍ସା ନେନେ ଏବେ ସାହାସ୍‍ ଲେଃକେ । 
\v 13 ଆତେନ୍‌‍ସା ନେଙ୍ଗ୍‍ ସାର୍ଲଣ୍ଡିଂକେ, ପେ ଆତ୍‍ଲା ନେଙ୍ଗ୍‍ନେ ଦୁକ୍‍ କସ୍‍ଟ ବାନେ କେଚେ ନିରାସ୍‍ ଆଡିଙ୍ଗ୍‍ପା ମେଃଡାଗ୍‌ଲା ଆକେନ୍‍ ସାପା ପେନି ନିମାଣ୍ଡା ନ୍‍ସା ଡିଙ୍ଗ୍‍ମ୍ୱକେ ।
\s କିସ୍‍ଟନେ ଆଲାଦ୍‌
\p
\v 14 ମେଁ ଡାଗ୍‍ରା ନେଙ୍ଗ୍‍ ନ୍ତି ଜଡ଼େଚେ ପାର୍‍ତନା ଡିଙ୍ଗ୍‍ଣ୍ଡିଂକେ । 
\v 15 ଆତେନ୍‌‍ସା ମୁଡ଼ି ଆବାବାନ୍‍ କିତଂ ବାରି ମଞ୍ଚ୍‌ପୁର୍‌ନେ ତାଣ୍ଡେ ନ୍ତା ଞ୍ଜାନେ ମ୍ନି ସା ଆର୍‍ଏ । 
\v 16 ନେଙ୍ଗ୍‍ ପାର୍‍ତନା ଡିଙ୍ଗ୍‍ଣ୍ଡିଂକେ ଜେନ୍ତିକି ମେଁ ମେଃନେ ଆତ୍ମାନେ ସାସନ୍‍ ମେଃନେ ଗୌରବ୍‍ମୟ ଗୁଦାମ୍‍ବାନ୍‍ ପେନି ବିତ୍‍ରେନେ ଆତ୍ମାକେ ବପୁ ଆଡିଙ୍ଗ୍‍ନେସା ବପୁ ବିଏ । 
\v 17 ନେଙ୍ଗ୍‍ ପାର୍‍ତନା ଡିଙ୍ଗ୍‍ଣ୍ଡିଂକେ ଜେନ୍ତିକି ପେନି ବିସ୍‌ବାସ୍‌‍ନେ ବପୁରେ କିସ୍‌ଟ ପେନି ଗର୍‍ବେ ବିତ୍‍ରେ ବାସାଏ । ନେଙ୍ଗ୍‍ ପାର୍‍ତନା ଡିଙ୍ଗ୍‍ଣ୍ଡିଂକେ ଜେନ୍ତିକି ପେନି ମୁଲ୍‍ ପାଣ୍ଡୁସନ୍‍ ଆଲାଦ୍‌ରେ ତିଆର୍‍ ଡିଙ୍ଗ୍‍ଚେ ଡାଟ୍‍ ଡିଙ୍ଗ୍‍ଏ । 
\v 18 ତେଲା କିସ୍‍ଟନେ ଆଲାଦ୍‌ ଜେ ଉଡ଼ି ଚ୍ଲେ ବାରି ଅସାର୍‍ ଲେଃଏ ଉଡ଼ି ତିଆର୍‍ ବାରି ଉଡ଼ି ସ୍ରି ପେ ଇସ୍‍ପର୍‍ନେ ବିନ୍ ବିନ୍‍ ରେମୁଆଁଇଂ ଏତେ ଆକେନ୍‍ ମିସୁନ୍‍ସା ବପୁ ବାପେୟାଏ । 
\v 19 ପେ କିସ୍‌ଟନେ ଆଲାଦ୍‌ ସାମୁଆଁ ମିଆଁ ପେୟାଏ ତେଲାଡିଗ୍‍ ଆକେନ୍‍ ଅଃନା ପୁରାପୁରି ବାବ୍‍ରେ ମିଆଁ ଆଡିଙ୍ଗ୍‍ । ଦେକ୍‍ ରକମ୍‍ ପେ ଇସ୍‍ପର୍‍ନେ ନିଜର୍‍ ଚିନ୍ତା ପୁରାପୁରି ମିଆଁ ପେୟାଏ ।
\p
\v 20 ଇସ୍‍ପର୍‍ ନେ ବିତ୍‍ରେ ମେଃନେ ବିବକ୍ନେ ବପୁ ଏତେ ନେ ସାଲିଆନେବକ୍ନେ ବାନ୍‍ ଅଦିକ୍‍ ଦେକ୍‍ରକମ୍‍ ନେନେ ବାବେକ୍ନେ ବିସୟ୍‍ ବିନ୍‍ସା ରାଜି ଲେଃକେ 
\v 21 ମଣ୍ଡଲି ଏତେ ବାରି କିସ୍‌ଟ ଜିସୁ ଏତେ ଜୁଗ୍‍ ଜୁଗ୍‍ ମାଡାନେ ଜିବନ୍‍ ଜାକ ଆତେନ୍‌‍ ଇସ୍‍ପର୍‍ନେ ଗୌରବ୍‍ ଡିଙ୍ଗ୍‍ଲେ । ଆମେନ୍‍ ।
\c 4
\s କିସ୍‌ଟନେ ଗାଗ୍‍ଡ଼େନ୍ନିଆ ମୁଇଂ
\p
\v 1 ମାପ୍‍ରୁନେ ସେବା ଡିଙ୍ଗ୍‍ଡିଙ୍ଗ୍‍ଗେସା ବନ୍ଦି ଡୁଆ ଗାନ୍ଲେକ୍ନେ ନେଙ୍ଗ୍‍ ପାଉଲ୍ ଆପେକେ ଗୁଆରି ଡିଙ୍ଗ୍‍ଣ୍ଡିଂକେ ଡିରକମ୍‍କି ବ୍ରୁଆଡିକେଃ ନ୍‍ସା ଇସ୍‍ପର୍‍ ଆପେକେ ୱା ବକେ ମେଁ ରକମ୍‍ ଆଃ ବେବଆର୍‍ ଡିଙ୍ଗ୍‍ପା । 
\v 2 \x + \xo ୪:୨ \xo*\xt କଲସିୟ ୩:୧୨,୧୩.\xt*\x*କାଲାଆଃ ଦରମ୍‍ ସାଦାସିଦା ବାରି ସାହାସ୍‍ ଡିଙ୍ଗ୍‍ପା । ପେପେ ବିତ୍‍ରେ କୁଡ଼େମାଡ଼େଚେ ଆଲାଦ୍ ଆସୁଏପା । 
\v 3 ପବିତ୍ର ଆତ୍ମାନେ ସାଇଜରେ ସାନ୍ତିରେ ବାସାନେ ବାନ୍‍ ପେ ବିତ୍‍ରେବାନ୍‍ ଆଣ୍ଡିନେ ଏକତା ଲେଃକେ ଆମେକେ ଜିବନ୍‍ ବିଚେ ନିମାଣ୍ଡା ବପା । 
\v 4 ନେନେ ଗାଗ୍‌ଡ଼େ ମୁଇଂ, ଆତ୍ମା ଡିଗ୍‍ ମୁଇଂ । ବାରି ମୁଇଂ ଆସା ବିଚେ ଇସ୍‍ପର୍‍ ଆନେକେ ୱାବକେ । 
\v 5 ମୁଇଂ ମାପ୍‍ରୁ ମୁଇଂ ବିସ୍‌ବାସ୍‌‍ ମୁଇଂ ଦିକ୍ୟା । 
\v 6 ସାପା ରେମୁଆଁ ଜାତିନେ ଇସ୍‍ପର୍‍ ବାରି ଆବା ମୁଇଂ ଆଃ; ମେଁ ସାପାରେନେ ମାପ୍‍ରୁ ସାପାରେ ଡାଗ୍‍ରା ବାରି ସାପାରେନେ ଗର୍‍ବେ ବିତ୍‍ରେ ଲେଃକେ ।
\p
\v 7 କିସ୍‌ଟ ବିବକ୍ନେ ଇସାବ୍‌ ରକମ୍‌ ନେ ସାପାରେ ମୁଇଂ ମୁଇଂ ନିମାଣ୍ଡା ଦାନ୍‍ ବାନେଲେଃକେ । 
\v 8 ଦରମ୍‍ ସାସ୍ତର୍‌ନ୍ନିଆ ଆକେନ୍‍ ବିସୟ୍‍ରେ ଗୁଆର୍‍ ବକେ,
\q1 “ଉଃଡ଼ିବେଲା ମେଁ ଆରାତ୍ରା ଡେଃକେ,
\q2 ମେଁ ଏତେ ଗୁଲେ ବନ୍ଦିଇଂକେ;
\q2 ମେଁ ଡୁଂୱେକେ ବାରି ରେମୁଆଁ ଜାତିକେ ଗୁଲେ ବର୍‍ ବିକେ ।”
\m
\v 9 “ମେଁ ଆରାତ୍ରା ଡେଃକେ” ଆକ୍ମେନେ ଅର୍‍ତ ମେଃନେ ? ଆକ୍ମେନେ ଅର୍‍ତ ସିସେ ମେଁ ମଞ୍ଚ୍‌ପୁର୍‌ନେ ଡାଆଁ ଡାଆଁ ଜାଗା ଅରିଆ ଜାର୍‍ଲେଃଗେ । 
\v 10 ତେସା ଜା ଜାର୍‍ଲେଃଗେ ସାପା ଦର୍‌ତନିକେ ମେଃନେ ଲେଃକାଲା ଆଃ ଆତ୍ନନ୍‍ସା ମେଁ ବାରି କିତଂ ବାନ୍‍ ବାରି ଜବର୍‍ ଆଡ଼ାତ୍ରା ଡେଃକେ । 
\v 11 ମେଁ ଆଃ ରେମୁଆଁ ଜାତିକେ ଜବର୍‍ ବର୍‍ ବିଚେ ୱେଲେଃକେ । ଉଡ଼ିରୁଆକେ ପ୍ରେରିତ୍‍ ସିସ୍‍ ବାରି ଉଡ଼ିରୁଆକେ ବାବବାଦି ବାରି ଉଡ଼ିରୁଆକେ ମାପ୍‍ରୁ ସାମୁଆଁ ବାସଙ୍ଗ୍‍ଣ୍ଡ୍ରେ ପାଲକ୍ ବାରି ଗୁରୁ ରକମ୍‍ ବାଚେ ବକେ । 
\v 12 କିସ୍‌ଟନେ ଆତେନ୍‌‍ ଗାଗ୍‌ଡ଼େ ରାସିଙ୍ଗ୍‍ନେ ଉଦେସ୍‍ରେ କିସ୍‌ଟନେ ସେବା କାମ୍ ନ୍‌ସା ଇସ୍‍ପର୍‍ନେ ରେମୁଆଁଇଂକେ ଆର୍ମେନ୍‍ସା ମେଁ ଆକେନ୍‍ ଡିଙ୍ଗ୍‍ବକେ । 
\v 13 ଆତେନ୍‌‍ସା ନେ ସାପାରେ ନେନେ ବିସ୍‌ବାସ୍‌‍ରେ ବାରି ଇସ୍‍ପର୍‍ନେ ଉଙ୍ଗ୍‍ଡେ ଇସାବ୍‍ରେ ଗିଆନ୍‍ରେ ମୁଇଂନୁଗ୍‍ ରିସିଙ୍ଗ୍‍ ଡିଙ୍ଗ୍‍ଏ, କିସ୍‌ଟନେ ଦୟା ବାଚେ ନେ ଜନମ୍‌ବାନ୍‌ ଦର୍ମ ବୁଦି ନେଡିଙ୍ଗ୍‍ଏ । 
\v 14 ୱେଡ଼ିଆନେ ବଗ୍‍ନେ ବାରି ଆଲ୍‌କା ବଗ୍‌ନେ ମାଡ୍‌ରେ ଆଙ୍କ୍‌ଆନ୍ତ୍‌ ଡିଙ୍ଗ୍‍ଡିଙ୍ଗ୍‍କ୍ନେ ଚିର୍‍ଲା ଅ ରକମ୍‍ ନେ ବାରି ଚୁପ୍‍ ନେଡିଙ୍ଗ୍‍ ଣ୍ଡୁ । ବିନ୍‍ରେକେ ଦଦିଆ ଗାଲିପାକା ଡୁଂୱେନେ ଚାଲାକି ରେମୁଆଁଇଂନେ ମ୍ଲେଡ଼ିଆଃ ରକମ୍‍ନେ ବୁଦିରେ ନେ ଆଙ୍କ୍‍ ଆନ୍ତ୍‍ ନେଡିଙ୍ଗ୍‍ପା । 
\v 15 ମାତର୍ ଆଲାଦ୍‌ରେ ସତ୍‍ ବାସଙ୍ଗ୍‍ଚେ ତାଣ୍ଡେ ବିସୟ୍‍ରେ ବାଆଃ ରକମ୍‍ କିସ୍‌ଟ ରକମ୍‍ ନେଡିଙ୍ଗ୍‍ପା । 
\v 16 \x + \xo ୪:୧୬ \xo*\xt କଲସିୟ ୨:୧୯.\xt*\x*ମେଃନେ ଅଲେଙ୍ଗ୍‌ଡାଲିଆନ୍ନିଆ ଗାଗ୍‌ଡ଼େନେ ଗୁଲେ ଚିଲି ଞ୍ଚିଆ ଆଣ୍ଡେଙ୍ଗ୍‍ ମୁଇଂନୁଗ୍‍ ମିସୁଃମ୍ୟାଃକେ ବାରି ଆତ୍‍ଅରିଆ ଲେଃନେ ସାସ୍ତର୍‌ଇଂନେ ସାଇଜରେ ତାଣ୍ଡେ ଗାଗ୍‍ଡ଼େ ମିସୁଃଡିଙ୍ଗ୍‍କେ । ତେସା ଗାଗ୍‍ଡ଼େନେ ସାପା ବିନ୍‍ବିନ୍‍ ଞ୍ଚ ନ୍ତି ତାଣ୍ଡେ ନିଜେନେ କାମ୍ ଜିଆ ଜିଆ ବାବ୍‍ରେ କାମ୍ ଡିଙ୍ଗ୍‍ନେବାନ୍‍ ସାପା ଗାଗ୍‍ଡ଼େକେ ଆମ୍ନାଚେ ଆଲାଦ୍‌ରେ ମୁଇଂତୁଗ୍‍ ଆଡିଙ୍ଗ୍‍ଏ ।
\s କିସ୍‌ଟନେ ବାନ୍‍ ତ୍ମି ଜିବନ୍‍
\p
\v 17 ତେସା ମାପ୍‍ରୁନେ ମ୍ନିରେ ନେଙ୍ଗ୍‍ ଆପେକେ ତରକ୍‍ ଆଡିଙ୍ଗ୍‍ବିଣ୍ଡିଂକେ । ବିଜାତି ରେମୁଆଁଇଂ ରକମ୍‍ ବାରି ବ୍ରୁଆ ଡିକେଃ ଆଡିଙ୍ଗ୍‍ପା । ମେଇଂନେ ଚିନ୍ତା ଗୁଲେ । 
\v 18 ବାରି ମେଇଂନେ ମନ୍‍ ତାଂକିଗ୍‌ନ୍ନିଆ ଲେଃକେ । ଇସ୍‍ପର୍‍ ବିବକ୍ନେ ଜିବନ୍‍ରେ ମେଇଂନେ ମେଃଡିଗ୍‍ ବାଗ୍‍ ଣ୍ଡୁ । ମେଃଡାଗ୍‌ଲା ମେଇଂ ପୁରାପୁରି ବାବ୍‍ରେ ମୁର୍‍କ ବାରି ଅମାନି । 
\v 19 ମେଇଂ ଆଲାଜୁ ଦଦ୍ୟା‌ କାମ୍ ଡିଂଣ୍ଡ୍ରେ ବାରି ପୁରାପୁରି ବାବ୍‍ରେ ସାପା ରକମ୍‍ନେ ଆସବାକ୍ନେ କାମ୍ ଡିଂଲେଃମ୍ୟାଆର୍‍କେ ।
\p
\v 20 ଆକେନ୍‍ ସାପା ପେ କିସ୍‌ଟନେ ବିସୟ୍‍ରେ ବୁଦି ବିଃକ୍ନେ ବିସୟ୍‍ ଣ୍ଡୁ ।
\s ସାରାସାରି ସାର୍ଲ
\p
\v 21 ପେ ସତ୍ ବାବ୍‍ରେ ମେଁ ବିସୟ୍‍ ଅଁପେଲେଃକେ ବାରି ମେଃନେ ପ୍ଲା ୱେନେ ବାନ୍‍ ଜିସୁନେ ବିସୟ୍‍ରେ ସତ୍‍ ବୁଦି ବାପେଲେଃକେ । 
\v 22 \x + \xo ୪:୨୨ \xo*\xt କଲସିୟ ୩:୯.\xt*\x*ତେସା ଆଣ୍ଡିନେ ବାୱିର୍‍କ୍ନେ ଗୁନ୍‌ ଡୁଂୱେଚେ ପେ ବ୍ରୁଆ ଡିକେଃ ଡିଙ୍ଗ୍‍ପେଡିଂଗେ ଆତେନ୍‌‍ ଆନ୍ତାର୍‍ପା ମେଃଡାଗ୍‌ଲା ମେଃନେ ନାଲେନେ କାମ୍ ଏତେ ପେନି ଆତ୍ମା ନସ୍ଟ ଡିଙ୍ଗ୍‍ଡିଙ୍ଗ୍‍ଗେ । 
\v 23 ପେନି ଗର୍‍ବେ ବାରି ମନ୍‍ନେ ପୁରାପୁରି ତ୍ମି ଜିବନ୍‍ ଆଡିଙ୍ଗ୍‍ନେ ଦର୍‍କାର୍‍ । 
\v 24 \x + \xo ୪:୨୪ \xo*\xt କଲସିୟ ୩:୧୦.\xt*\x*ଇସ୍‍ପର୍‍ନେ ରକମ୍‍ ତ୍ମି ଆତ୍ମା ସାପା । ଆତେନ୍‌‍ ପେନି ପବିତ୍ର ବାରି ନ୍ୟାୟ୍ ଜିବନ୍‍ ଜାପନ୍‍ରେ ତ୍ନାଲେ ।
\p
\v 25 ବାରି ମିଚ୍‍ ଆବାସଙ୍ଗ୍‍ପା । କିସ୍‌ଟକେ ବିସ୍‍ବାସ୍‌ ଡିଙ୍ଗ୍‍ଣ୍ଡ୍ରେ ନିଜର୍‌ ନିଜର୍ ବିତ୍‍ରେ ସତ୍‍ ବାସଙ୍ଗ୍‍ନେ ଦର୍‍କାର୍‍ । ମେଃଡାଗ୍‌ଲା ନେ କିସ୍‌ଟନେ ଗାଗ୍‍ଡ଼େନେ ଚିଲି ଞ୍ଚିଆ । 
\v 26 ପେ ଗିସେଃଚେ ପାପ୍‍ ଆଡିଙ୍ଗ୍‍ପା ସ୍ନି ଲଗ୍‍ନେ ସେନୁଗ୍‍ ପେନେ ଗିସେଃ ସାନ୍‍ତି ଡିଙ୍ଗ୍‍ଲେ । 
\v 27 ସୟତାନ୍‍କେ ଜାଗା ଆବିଗେପା । 
\v 28 ଡଙ୍ଗାରେ ବାରି ଆଡଙ୍ଗାଲେ । ନିମାଣ୍ଡା ବାବ୍‍ରେ ନିଜେନେ ବ୍ରୁଆଡିକେଃ ଆଃକମେ ନ୍‍ସା ବାରି ଅର୍‍କିତ୍‍ ରେମୁଆଁଇଂକେ ସାଇଜ ଡିଙ୍ଗ୍‍ନେସା ମେଁ କାମ୍ ଡିଙ୍ଗ୍‍ଲେ । 
\v 29 ପେ ତୁମୁଆଃବାନ୍ ଦଦ୍ୟା‍ ସାମୁଆଁ ଆତାର୍‍ଲେ । ପେନେ ସାମୁଆଁ କାମ୍ ବିକେ ରକମ୍‍ ଆମ୍ନାନ୍‍ସା ବାରି କାମ୍‍ନ୍ନିଆ ଲାଗେଏ ରକମ୍‍ ଡିଙ୍ଗ୍‍ଲେ । ତେଲା ଜାଣ୍ଡେଇଂ ପେନେ ସାମୁଆଁ ଦ୍ରିଗ୍‍ଏ ମେଇଂନେ ଆଡ଼ାତ୍ରା ଆତେନ୍‌‍ ମଙ୍ଗଲ୍ ଡିଙ୍ଗ୍‍ଏ । 
\v 30 ଇସ୍‍ପର୍‍ନେ ପବିତ୍ର ଆତ୍ମାକେ ଦୁକ୍‍ ଆବିଗ୍‍ପା । ମେଃଡାଗ୍‌ଲା ପବିତ୍ର ଆତ୍ମା ପେ ଆଡ଼ାତ୍ରା ଇସ୍‍ପର୍‍ନେ ନିଜେନେ ଅଦିକାର୍‍ନେ ସିଲ୍‍ ରକମ୍‍ ବାରି ଇସ୍‍ପର୍‍ ମୁଇଂ ଦିନା ଆପେକେ ମୁକ୍‍ତି ବିଏ, ଆକେନ୍‍ ସତ୍‌ । 
\v 31 ସାପାରେନେ ଇଂସା, କୁଟ୍‌ ବାରି ରିସାନେ ଆନ୍ତାର୍‍ପା । ୱିଙ୍ଗ୍‌ଆଃରିଂଆଃ କି ବିନ୍‍ରେକେ ନିନ୍ଦା ଆଡିଙ୍ଗ୍‍ଗେପା ଜା ଆଡ଼ାତ୍ରା ଗୁର୍‍ନା ମନ୍ ଆବଗ୍‍ପା । 
\v 32 \x + \xo ୪:୩୨ \xo*\xt କଲସିୟ ୩:୧୩.\xt*\x*ମାତର୍‍ ପେପେ ବିତ୍‍ରେ ଦୟା ବାରି ଲିବିସଃ ଡିଙ୍ଗ୍‍ପା ବାରି କିସ୍‍ଟ ଆତ୍‍ଲା ଇସ୍‍ପର୍‍ ଡିଡିରକମ୍‍ ଆପେକେ କେମା ଡିଙ୍ଗ୍‍ବ ପେ ଡିଗ୍‍ ଦେତ୍‍ରକମ୍‍ ପେପେ ବିତ୍‍ରେ କେମା ଡିଙ୍ଗ୍‍ପା ।
\c 5
\s ତାର୍‍କିଗ୍‍ ଜିବନ୍‍
\p
\v 1 ପେ ଇସ୍‍ପର୍‍ନେ ନିଜର୍‌ ଉଙ୍ଗ୍‍ଡେ ତେନ୍‍ସା ମେଁ ରକମ୍‍ ଡିଙ୍ଗ୍‍ନେସା ଚେସ୍‍ଟା ଡିଙ୍ଗ୍‍ପା । 
\v 2 କିସ୍‌ଟ ଡିରକମ୍‍ ଆନେକେ ଆଲାଦ୍ ଡିଂକେ ବାରି ଇସ୍‍ପର୍‍ନେ ସାନ୍ତି ନ୍‌ସା ନିଜର୍‍ ଜିବନ୍‍କେ ନେ ଆତ୍‍ଲା ବାସ୍‌ନାକ୍ନେ ପର୍‌ସାଦ୍‌ ରକମ୍‍ ବାରି ବଲି ରକମ୍‍ ବିକେ ପେନି ଜିବନ୍‍ ଡିଗ୍‍ ଦେତ୍‍ରକମ୍‍ ଆଲାଦ୍‌ବାନ୍‍ ଦେତ୍‍ରକମ୍‍ ମନ୍ ଡିଙ୍ଗ୍‍ଲେ ।
\p
\v 3 ମାତର୍‍ ଦାରି ସାପା ରକମ୍‍ନେ ଅସୁଚି ଣ୍ଡୁଲା କଟିଙ୍ଗ୍‍ଡ଼େଗ୍‍ ଡିଙ୍ଗ୍‍ନେ ଆକେନ୍‍ ସାପା ପେ ବିତ୍‍ରେ ଜାଗା ଆବିଗ୍‍ପା; ଆତେନ୍‌‍ ସାଦୁଇଂନେ ପାକା ଡିଙ୍ଗ୍‍ନେ ନିମାଣ୍ଡା ଣ୍ଡୁ । 
\v 4 ପେ ବାନ୍‍ ଆବୁଲେଃ ବ୍ନାଲିର୍‍ ଦଦିଆ ଉଃସ୍ରା ବାରି ଦଦ୍ୟା‌ ସାମୁଆଁ ବାସଙ୍ଗ୍‍ନେ ଡିଗ୍‍ ବଲ୍‍ ଣ୍ଡୁ । ମାତର୍‍ ପେ ବ୍ନାଲିର୍‍ବାନ୍‍ ଇସ୍‍ପର୍‍କେ ଦନ୍ୟବାଦ୍ ବିଃଲାଲାପା । 
\v 5 ଆକେନ୍‍ ସତେଆ ଡାଗ୍‍ଚେ ମ୍ୟାଃଲାଲାପା, ମୁଡ଼ି ରେମୁଆଁ କାଲାଆଃ ଦଦ୍ୟା‌ କାମ୍ ବାରି ଜାବର୍‌ କଟିଙ୍ଗ୍‍ଡ଼େଗ୍‍ ବା ଜାବର୍‌ ଲବ୍‍ ଡିଙ୍ଗ୍‍ଚେ ମୁର୍‍ତିପୁଜା ରକମ୍‍ ମେଁ ଅଃନାଡିଗ୍‍ କିସ୍‌ଟନେ ବାରି ଇସ୍‍ପର୍‍ନେ ରାଇଜ୍‍ ଅରିଆ ୱେଆୟା ଣ୍ଡୁ ।
\p
\v 6 କାମ୍ ଆବିନେ ସାମୁଆଁ ବାସଙ୍ଗ୍‍ଚେ ଜା ଆପେକେ ଆଜଟେଲେ । ଆକେନ୍‍ ସାପା ଦଦ୍ୟା‍ କାମ୍ ଏତେ ଜାଣ୍ଡେଇଂ ଇସ୍‍ପର୍‍ନେ ଆଦେସ୍‍କେ ଆମାନେ ମେଇଂନେ ଆଡ଼ାତ୍ରା ଇସ୍‍ପର୍‍ନେ ରିସା ଜାବର୍‌ ଡିଙ୍ଗ୍‍ଏ । 
\v 7 ଦେକ୍‍ରକମ୍‍ ରେମୁଆଁଇଂ ଏତେ ମେଃଡିଗ୍‍ ସମ୍ପର୍କ ଆବଗ୍‍ପା । 
\v 8 ପେ ନିଜେ ମେଃସୁଆ ତାଙ୍ଗ୍‍କିଗ୍‍ନିଆ ପେଲେଃଗେ । ମାତର୍‍ ଏବେ ମାପ୍‍ରୁନେ ରେମୁଆଁ ଡିଙ୍ଗ୍‍ପେଲେଃଗେସା ପେ ତାର୍‍କିଗ୍‍ନ୍ନିଆ ପେଲେଃକେ । ତେସା ପେଇଂ ତାର୍କିଗ୍‌ସନେ ଉଙ୍ଗ୍‍ଡେଇଂନେ ରକମ୍‍ ବ୍ରୁଆଡିକେଃପା । 
\v 9 ମେଃଡାଗ୍‌ଲା ତାର୍‌କିଗ୍ ଆଃ ସାପା ରକମ୍‍ନେ ସତ୍‍ ଗୁନ୍‍ ଦାର୍‍ମିକ୍‍ ସାମୁଆଁ ବାରି ସତ୍‍ରକମ୍‍ନେ ଚୁ ଚୁଏ । 
\v 10 ମାପ୍‍ରୁନେ ଡାଗ୍‍ରା ନିମାଣ୍ଡାଃ ବେବଆର୍‍ ଡିଙ୍ଗ୍‍ନେସା ବୁଦି ସିକେପା । 
\v 11 ରେମୁଆଁଇଂ ତାଙ୍ଗ୍‍କିଗ୍‍ନିଆ ଆଣ୍ଡିନେସାପା ଦଦ୍ୟା‌ କାମ୍ ଡିଙ୍ଗ୍‍ଆର୍‍ଡିଙ୍ଗ୍‍କେ । ଆତେନ୍‌‍ କାମ୍‍ଆଣ୍ଡେଙ୍ଗ୍‍ ବାନ୍‍ ସୁଲ ଲାଃଲାପା । ବାରି ମେଇଂନେ କାମ୍‍ଆଣ୍ଡେଙ୍ଗ୍‍ ତ୍ନାକେ ରକମ୍‍ ଆକେବିପା । 
\v 12 ସତ୍‌ ବାବ୍‌ରେ ମେଇଂ ବୁଡ଼ିଚେ ଜା ସାପା ଡିଙ୍ଗ୍‍ଡିଙ୍ଗ୍‍କେ ଆତେନ୍‌‍ ସାପା ବିସୟ୍ ବାସଙ୍ଗ୍‍ନେ ଗିଆସ ଡଏ । 
\v 13 ଉଡ଼ିବେଲା ସାପା ବିସୟ୍‍ ତାର୍‍କିଗ୍‍ନିଆ ଡୁଂପାଙ୍ଗ୍‍ଆର୍‍ଏ ଆତେନ୍‌‍ବେଲା ଆତେନ୍‌‍ ସାପା ଆଣ୍ଡେଙ୍ଗ୍‍ନେ ସତ୍‍ ରକମ୍‌ ତ୍ନାଏ । 
\v 14 ମେଁ ଡାଗ୍‍ଲା ତାର୍‍କିଗ୍‍ ସାପା ବିସୟ୍‍ନେ ଆତ୍ନାଏ । ଆତେନ୍‌‍ସା ଦେକ୍‍ରକମ୍‍ ଗୁଆର୍‍ବକେ:
\q1 “ଅ ଲେମୁଁଆଃରେ, ତିଆର୍‍ ଡିଙ୍ଗ୍‍ ଲାଲାପା !
\q2 ବାରି ଗୁଏକ୍ନେ ରେମୁଆଁଇଂନେ ବାନ୍‍ ତଡ଼ିଆପା !
\q2 କିସ୍‌ଟନେ ତାର୍‍କିଗ୍‍ନ୍ନିଆ ତ୍ନାପା ।”
\p
\v 15 ତେସା ପେ ଡିରକମ୍‍ ବ୍ରୁଆଡିକେଃ ପେଡିଙ୍ଗ୍‍ଏ ଆତେନ୍‌‍ ବିସୟ୍‍ରେ ତରକ୍‍ ଡିଙ୍ଗ୍‍ପା । ବୁଦି ଣ୍ଡୁନେ ସୁଗୁଆ ମାଡିଙ୍ଗ୍‍ଚେ ବୁଦିରେ ରକମ୍‍ ବେବ‍ଆର୍‌ ଡିଙ୍ଗ୍‍ପା । 
\v 16 \x + \xo ୫:୧୬ \xo*\xt କଲସିୟ ୪:୫.\xt*\x*ସାପା ସୁଜଗ୍‍ନେ ସତ୍‍ ବେବଆର୍‍ ଡିଙ୍ଗ୍‍ପା ମେଃଡାଗ୍‌ଲା ଦଦ୍ୟା‍ ଦିନ୍‍ ପିଙ୍ଗ୍‍ଚା ଡିଙ୍ଗ୍‍କେ । 
\v 17 ଆଲାଜୁ ରେମୁଆଁଇଂ ସୁଗୁଆ ଆଡିଙ୍ଗ୍‍ଗେପା ମାତର୍‍ ମାପ୍‍ରୁନେ ଇକ୍‌ଚା ମେଃନେ ଆତେନ୍‌‍ ଦ୍ରିଗ୍‍ସା ଚେସ୍‍ଟା ଡିଙ୍ଗ୍‍ପା ।
\p
\v 18 ସାଗ୍‍ରା ଉଗ୍‍ନେ ଡାଗ୍‍ରା ଚାଗ୍‍ ଲାଣ୍ଡା ଆଲେଗ୍‍ପା ମେଁ ଡାଗ୍‍ଲା ଆତେନ୍‌‍ ସରାଃ ପେନେ ନସ୍ଟ ଆଡିଙ୍ଗ୍‍ଏ, ମାତର୍‍ ପବିତ୍ର ଆତ୍ମାରେ ଲାଲାପା । 
\v 19 ବଜନ୍‌ ଅସମାର୍‍, ପ୍ରସଂସା ଅସ୍‍ମାର୍‍ ବାରି ବକ୍‍ତି ଅସ୍‍ମାର୍‍ ଏତେ ନିଜର୍‌ ନିଜର୍ ବିତ୍‍ରେ ସାର୍‍ଦା ଡିଙ୍ଗ୍‍ପା । ମନ୍‌ ବିତ୍‍ରେ ଦୟାରେ ମାପ୍‍ରୁ ଉଦେସ୍‍ରେ ଅସ୍‍ମାର୍‍ ବାରି ବଜନ୍‍ ଅସ୍‍ମାର୍‍ ସାର୍‍ପା । 
\v 20 କାଲାଆଃ ତାଣ୍ଡେ ବିସୟ୍‍ ଆତ୍‍ଲା ମାପ୍‍ରୁ ଜିସୁ କିସ୍‌ଟନେ ମ୍ନିରେ ଆବା ଇସ୍‍ପର୍‍କେ ଦନ୍ୟବାଦ୍‍ ବିଃପା ।
\s କୁନୁଏଃ ଆଣ୍ଡା
\p
\v 21 କିସ୍‌ଟ ଡାଗ୍‍ରା ପେନି ବକ୍‍ତି ଲେଃଗେସା ପେପେ ବିତ୍‍ରେ ଅଦିକାରି ଡିଙ୍ଗ୍‍ପା ।
\p
\v 22 \x + \xo ୫:୨୨ \xo*\xt କଲସିୟ ୩:୧୮; ୧ ପିତର୍‌ ୩:୧.\xt*\x*ଅ ସେଲାମ୍ବୁଏଇଂ ! ପେ ଡିଃଡିକି ମାପ୍‍ରୁନେ ନ୍ତିଅରିଆ ପେଲେଃକେ ଦେତ୍‍ରକମ୍‍ ନିଜେ ନିଜେନେ ଆଣ୍ଡାଇଂ ଏତେ ଲାଲାପା । 
\v 23 ମଣ୍ଡଲି ଆଡ଼ାତ୍ରା କିସ୍‌ଟନେ ଅଦିକାର୍‍ ରକମ୍‍ ସେଲାମ୍ବୁଏଃ ଆଡ଼ାତ୍ରା ଆଣ୍ଡାଣ୍ଡେନେ ଅଦିକାର୍‍ ଲେଃକେ; ବାରି କିସ୍‌ଟ ଆଃ ମେଇଂନେ ଗାଗ୍‌ଡ଼େ ରକମ୍‍ ମଣ୍ଡଲିକେ ଆମ୍ବ୍ରଣ୍ଡ୍ରେ । 
\v 24 ମଣ୍ଡଲି ଡିଡିରକମ୍‍ କିସ୍‌ଟ ଡାଗ୍‍ରା ଲେଃଆର୍‍କେ ସେଲାମ୍ବୁଏଃଇଂ ଟିକ୍‍ ଦେତ୍‍ରକମ୍‍ ନିଜେ ନିଜେନେ ଆଣ୍ଡାଣ୍ଡେ ଡାଗ୍‍ରା ପୁରାପୁରି ବାବ୍‍ରେ ସାମୁଆଁ ମାନେଃପା ।
\p
\v 25 \x + \xo ୫:୨୫ \xo*\xt କଲସିୟ ୩:୧୯; ୧ ପିତର୍‌ ୩:୭.\xt*\x*ଆଣ୍ଡାଇଂ କିସ୍‌ଟ ଡିରକମ୍‍ ମଣ୍ଡଲିକେ ଆଲାଦ୍ ଡିଂଚେ ମେଁ ଆତ୍‍ଲା ନିଜେନେ ଜିବନ୍‍ ବିକେ ପେ ଡିଗ୍‍ ଟିକ୍‍ ଦେତୁଆ ଆଃ ନିଜର୍‍ ନିଜର୍‍ କୁନୁଏଃକେ ଆଲାଦ୍ ଡିଂପା । 
\v 26 କିସ୍‌ଟ ମଣ୍ଡଲିକେ ଣ୍ଡିଆଅରିଆ ପର୍‌ଚଲ୍ ଡିଂଚେ ଇସ୍‍ପର୍‍ନେ ଉଦେସ୍‍ରେ ବିକେ 
\v 27 ଡିରକମ୍‌ ମଣ୍ଡଲି ପବିତ୍ର, ନିର୍ଦସ୍, ସିଲିମ୍‌ ଆସାଃକ୍ନେ ବାରି ସାପା ଗାଗ୍‍ଡ଼େ ସବା ଆଡିଙ୍ଗ୍‍ଚେ ନିଜେ ଗ୍ରଅନ୍ ଡିଙ୍ଗ୍‍କେ । 
\v 28 ଆଣ୍ଡାଇଂ ନିଜେନେ ଗାଗ୍‌ଡ଼େ ରକମ୍‍ ବାବେଚେ ନିଜେନେ ସେଲାମ୍ବୁଏଃକେ ଆଲାଦ୍ ଡିଂନେ ଦର୍‌କାର୍ । ଜାଣ୍ଡେ ନିଜେନେ ସେଲାମ୍ବୁଏଃକେ ଆଲାଦ୍ ଡିଂଏ ମେଁ ନିଜେକେ ଆଲାଦ୍ ଡିଂଏ । 
\v 29 ଜାଣ୍ଡେ ଡିଗ୍ ନିଜେନେ ଗାଗ୍‍ଡ଼େକେ ଅଃନା ଗିନ୍‌ ଆଡିଙ୍ଗ୍‍ ଣ୍ଡୁ, ମାତର୍‍ ମେଁ ଗାଗ୍‍ଡ଼େ ଚଂଉଗ୍‌ ବାରି ଜତନ୍‌ ଡିଙ୍ଗ୍‍ଏ, କିସ୍‌ଟ ଡିଗ୍‍ ମଣ୍ଡଲି ଆଡ଼ାତ୍ରା ଦେତ୍‍ରକମ୍‍ ଡିଙ୍ଗ୍‍ମ୍ୟାକେ । 
\v 30 ମେଁ ଡାଗ୍‍ଲା ନେ ମେଁ ଗାଗ୍‌ଡ଼େନେ ଚିଲି ଞ୍ଚିୟା । 
\v 31 ଦରମ୍‍ ସାସ୍ତର୍‌ନ୍ନିଆ ବାସଙ୍ଗ୍‍ବକ୍ନେ ଇସାବ୍‍ରେ: “ଆକେନ୍ କାରନ୍‌ ନ୍‌ସା ଙ୍ଗିରେଇଂ ଇୟାଙ୍ଗ୍‍ ଆବାକେ ଆନ୍ତାର୍‍ଚେ ନିଜର୍‍ ସେଲାମ୍ବୁଏଃ ଏତେ କୁଡ଼େ ଆର୍‍ଏ ବାରି ମେଇଙ୍ଗ୍ ମ୍ୱାୟା ମୁଇଂ ଡିଙ୍ଗ୍‍ ଆର୍‍ଏ ।” 
\v 32 ସାସ୍ତର୍‌ନେ ଆକେନ୍‍ ବାଗ୍‌ଅରିଆ ମୁଇଂ ବୁଃଡ଼ି ଲେଃକ୍ନେ ସାମୁଆଁ ସତ୍ ତ୍ନା ଲେଃକେ: ଆକେନ୍‍ କିସ୍‌ଟ ବାରି ମଣ୍ଡଲି ଆଡ଼ାତ୍ରା ଦର୍‍କାର୍‍ ଡାଗ୍‍ଚେ ନେଙ୍ଗ୍‍ ଦ୍ରିଗ୍‍ନ୍ଲେଃକେ । 
\v 33 ମାତର୍‍ ଆକେନ୍‍ ଆପେକେ ଡିଗ୍‍ ଦର୍‍କାର୍‍ । ସାପା ଙ୍ଗିରେଇଂ ସେଲାମ୍ବୁଏଃକେ ଜିବନ୍‍ ବିଚେ ଆଲାଦ୍ ଡିଂଲେ ବାରି ସାପା ସେଲାମ୍ବୁଏଃ ନିଜେନେ ଆଣ୍ଡାକେ ସନ୍‍ମାନ୍‍ ବିଲେ ।
\c 6
\s ଆବା ଇୟାଙ୍ଗ୍‍ ବାରି ଉଙ୍ଗ୍‍ଡେ
\p
\v 1 \x + \xo ୬:୧ \xo*\xt କଲସିୟ ୩:୨୦.\xt*\x*ଅ ଗଡ଼େଇଂ, ମାପ୍‌ରୁ ନ୍‌ସାଃ ନିଜେ ନିଜେନେ ଆବା ଇୟାଙ୍ଗ୍‍ନେ ସାମୁଆଁ ମାନେଃନେପା । ମେଁ ଡାଗ୍‍ଲା ଆକେନ୍ ଆଃ ନିମାଣ୍ଡା ବେବ‍ଆର୍‌ । 
\v 2 “ପେନେ ଇୟାଙ୍ଗ୍‍ ଆବାକେ ସନ୍‌ମାନ୍ ବିଃପା ।” ମାତର୍‌ ଆକେନ୍‌ ପାର୍‌ମାନ୍‌ନ୍ନିଆ ମୁଇଂ ପାର୍‌ମାନ୍‌ ଆଃମିସୁଚେ ବାସଙ୍ଗ୍‌ବକେ । 
\v 3 “ଡିରକମ୍ ନାନେ ମଙ୍ଗଲ୍‌ ଡିଂଏ, ଆରି ମଞ୍ଚ୍‌ପୁରେ ମାଲେ ଦିନ୍ ନାମ୍ବ୍ର‍ଏ ।”
\p
\v 4 \x + \xo ୬:୪ \xo*\xt କଲସିୟ ୩:୨୧.\xt*\x*ଇୟାଙ୍ଗ୍‍ ଆବାଇଂ ଗଡ଼େଇଂକେ ରିସା ଆଡିଙ୍ଗ୍‍ନେ ସୁଗୁଆ ମେଃଡିଗ୍‍ ବେବଆର୍‍ ଆଡିଙ୍ଗ୍‍ପା ମାତର୍‍ ମାପ୍‍ରୁନେ ବୁଦିରେ ଆମେଇଂକେ ପାଲେପା ।
\s ଗୁତିରେ ବାରି ସାଉକାର୍‍
\p
\v 5 \x + \xo ୬:୫ \xo*\xt କଲସିୟ ୩:୨୨-୨୫.\xt*\x*ଗତିରେ, ପେ କିସ୍‌ଟନେ ସେବା ଡିଙ୍ଗ୍‍ପେଡିଙ୍ଗ୍‍କେ ଡାଗ୍‍ଚେ ବାବେଚେ ମନ୍‍ ବିତ୍‍ରେ ବୁଟଚେ ଜାଗତିକ ସାଉକାର୍‍ଇଂନେ ଆଦେସ୍‍ ମାନେଃପା । 
\v 6 ଉଡ଼ିବେଲା ସାଉକାର୍‍ ଆପେକେ କିକେନେ ବେଲା ମେଁନେ ମନ୍‍କେ ୱେକେ ସୁଗୁଆ ଆକେନ୍‍ ମାଡିଙ୍ଗ୍‍ଚେ କିସ୍‌ଟନେ ଗତିରେ ରକମ୍‍ ପେନି ସାପା ମନ୍‌ ବିଚେ ଇସ୍‍ପର୍‍ନେ ଇକ୍‌ଚା ପୁରନ୍‍ ଡିଙ୍ଗ୍‍ପା । 
\v 7 ମୁଇଂ ରେମୁଆଁଇଂନେ ସେବା ଡିଙ୍ଗ୍‍ପେଡିଙ୍ଗ୍‍କେ ଡାଗ୍‍ଚେ ମାବାବେଚେ ମାପ୍‍ରୁନେ ସେବା ଡିଙ୍ଗ୍‍ ରକମ୍‍ ସାର୍‍ଦାରେ ଆତେନ୍‌‍ ଡିଙ୍ଗ୍‍ପା । 
\v 8 ମନେ ବପା ମେଁ ଗତିରେ ଡିଙ୍ଗ୍‍ଲେ କି ନିଜର୍‌ ବିତ୍‌ରେ ଲେଃକ୍ନେ ରେମୁଆଁ ଡିଙ୍ଗ୍‍ଲେ ମାପ୍‍ରୁ ସାପାରେକେ ମେଃନେ ସତ୍‍କାମ୍‍ କେଚେ ପୁରୁସ୍କାର୍‍ ବିଏ ।
\p
\v 9 \x + \xo ୬:୯ \xo*\xt କଲସିୟ ୪:୧; \xt*\xt କଲସିୟ ୩:୨୫.\xt*\x*ସାଉକାର୍‍ଇଂ ପେନେ ଗତିରେଇଂନେ ଆଡ଼ାତ୍ରା ଦୟା ବେବଆର୍‍ ଡିଙ୍ଗ୍‍ପା ବାରି ଆମେଇଂକେ ଆରାବୁଟଗ୍‍ପା । ମନେ ବପା ପେ ବାରି ପେନି ଗତିରେଇଂ ସାପାରେ କିତଂନେ ମାପ୍‍ରୁନେ ଆଲ ମେଁ ସାପାରେକେ ସମାନ୍‍ ବାବ୍‍ରେ ବିଚାର୍‍ ଡିଙ୍ଗ୍‍ଏ ।
\s ଆଦ୍ୟାତ୍ମିକ ଜୁଦ୍‍ ଡିଙ୍ଗ୍‍ନେ ଜିନିସ୍‍
\p
\v 10 ସାରାସାରି ମାପ୍‍ରୁ ଏତେ ମିସୁଚେ ମେଃନେ ମ୍ନା ବପୁରେ ବପୁ ଡିଙ୍ଗ୍‍ପା । 
\v 11 ଇସ୍‍ପର୍‍ ବିବକ୍ନେ ସାପା ଜୁଦ୍‌ ଡିଂନେ ଜିନିସ୍‍ ସଃଚେ ତିଆର୍‍ ଡିଙ୍ଗ୍‍ପା ଜେନ୍ତିକି ସୟ୍‍ତାନ୍‍ନେ ଜାଲ୍‍ଅରିଆ ଲାଃନ୍‍ସା ସାମ୍‍ନା ଡିଙ୍ଗ୍‍ ପେୟାଏ । 
\v 12 ମେଃଡାଗ୍‌ଲା ନେ ମଞ୍ଚ୍‌ପୁର୍‌ଣ୍ଡ୍ରେ ରେମୁଆଁ ବିରୁଦ୍‍ରେ ଜୁଦ୍‍ ଡିଙ୍ଗ୍‍ନେଡିଙ୍ଗ୍‍କେ; ମାତର୍‌ ନେ କିତଂନେ ଅଶୁଚି ବପୁ, ଆକେନ୍‍ ତାଙ୍ଗ୍‍କିଗ୍‍ନେ ଜୁଗ୍‍କେ ସାସନ୍‍ ଡିଙ୍ଗ୍‍ଣ୍ଡ୍ରେ, ଦର୍‌ତନିନେ ମ୍ନାଃରେଇଂ ବିରୁଦ୍‌ରେ, ସାପା ମଞ୍ଚ୍‌ପୁର୍‌ନେ ବପୁ ବିରୁଦ୍‌ରେ ଜୁଦ୍‍ ଡିଙ୍ଗ୍‍ନେଡିଙ୍ଗ୍‍ । 
\v 13 ବାରି ଏବେ ଇସ୍‍ପର୍‍ ବିବକ୍ନେ ଜୁଦ୍‌ ଡିଂନେ ଜିନିସ୍‍ ସଃପା; ତେଲା ୱିଙ୍ଗ୍‍ଆଃରିଂଆଃ କେଲା ପେ ସତ୍‍ରୁକେ ନୁଆଁ ପେୟାଏ ବାରି ସାରାସାରି ଜାକ ଜୁଦ୍‍ ଡିଙ୍ଗ୍‍ଚେ ଡିଗ୍‍ ମାବ୍‍ଟଚେ ପେଲେଃ । \fig ରୋମୀୟ ସନ୍ୟ|alt="Roman soldier" src="lb00196c.tif" size="col" copy="Horace Knowles ©" ref="୬:୧୦"\fig*
\p
\v 14 ତେସା ସତ୍‍ରକମ୍‍ନେ ସକାସେକ୍‍ପୁଆ ଦାର୍‍ମିକ୍‍ ରକମ୍‍ନେ ଗ୍ରିନେ ସାଜ ଆରି, 
\v 15 ପାଦ୍‍ଚ ସାନ୍ତିନେ ମାପ୍‍ରୁ ସାମୁଆଁ ରକମ୍‍ ଜୁତା ସଃଚେ ତିଆର୍‍ ଡିଙ୍ଗ୍‍ଚେ ତୁଆଁପା । 
\v 16 କାଲାଆଃ ବିସ୍‌ବାସ୍‌‍ନେ କାଣ୍ଡା ସାପା ଆକେନ୍‍ ସାଇଜରେ ସୟ୍‍ତାନ୍‍ବାନ୍‍ ୱେଚେ ଲଃଲେଃକ୍ନେ ସାପାରେକେ ସୁଆ ଆଡୁଆନ୍‍ସା ପେନି ରାଜି ଡିଙ୍ଗ୍‍ଏ 
\v 17 ଉଦାର୍ ରକମ୍‍ ବାଆଃ ମୁକୁଟ୍‌ ବାରି ପବିତ୍ର ଆତ୍ମା ବିବକ୍ନେ ଇସ୍‍ପର୍‍ନେ ବ୍ନାଲିର୍‍ ରକମ୍‍ କାଣ୍ଡା ସାପା । 
\v 18 ଇସ୍‍ପର୍‍ନେ ସାଇଜ ସାଲିଆଚେ ପାର୍‍ତନାନେ ଏତେ ଆକେନ୍‍ ସାପା ଡିଙ୍ଗ୍‍ପା । ସାପା ଅବସ୍ତାରେ ପବିତ୍ର ଆତ୍ମାନେ ଆଦେସ୍‍ରେ ପାର୍‍ତନା ଡିଙ୍ଗ୍‍ପା । ତିଆର୍‍ ଡିଙ୍ଗ୍‍ ଲାଲାପା ଅଃନାଡିଗ୍‍ ନିସତ୍‌ ଆଡିଙ୍ଗ୍‍ପା । ଇସ୍‍ପର୍‍ ରେମୁଆଁ ଆତ୍‍ଲା ଦିନ୍‍କେ ପାର୍‍ତନା ଡିଙ୍ଗ୍‍ ଲାଲାପା । 
\v 19 ନେଙ୍ଗ୍‍ ଆତ୍‍ଲା ଡିଗ୍‍ ପାର୍‍ତନା ଡିଙ୍ଗ୍‍ପା ଜେନ୍ତିକି ମାପ୍‍ରୁ ସାମୁଆନେ ଟିକିନିକି ବିସୟ୍‍ ଆଃମ୍ୟାଃନ୍‍ସା ବାରି ମାବ୍‍ଟଚେ ଆତେନ୍‌‍ ବାଲିର୍‍ନସା ଇସ୍‍ପର୍‍ ନେଙ୍ଗ୍‍ ତୁମୁଆଃନ୍ନିଆ ନିମାଣ୍ଡା ନିମାଣ୍ଡା ବ୍ନାଲିର୍‍ ବିଏ । 
\v 20 ଏବେ ଡିଗ୍‍ ବନ୍ଦି ଅବସ୍ତାରେ ଲେଃଲା ଡିଗ୍‍ ନେଙ୍ଗ୍‍ ମାପ୍‍ରୁ ସାମୁଆଁ ସା ମୁଇଂ ଇଃସାଙ୍ଗ୍‌ନେ ଦୁତ୍ । ପାର୍‍ତନା ଡିଙ୍ଗ୍‍ପା ଜେନ୍ତିକି ନେଙ୍ଗ୍‍ ସାହାସ୍‍ରେ ଟିକ୍‍ବେଲା ମାପ୍‍ରୁ ସାମୁଆଁ ବାସଙ୍ଗ୍‍ ୟାଏ ।
\s ସାରାସାରି ଆସିର୍‍ବାଦ୍‍
\p
\v 21 \x + \xo ୬:୨୧ \xo*\xt ପ୍ରେରିତ୍‌ ୨୦:୪; ୨ ତିମତି ୪:୧୨.\xt*\x*\x + \xo ୬:୨୧ \xo*\xt କଲସିୟ ୪:୭,୮.\xt*\x*ନେଙ୍ଗ୍‍ନେ ଅବସ୍ତା ବିସୟ୍‍ରେ ପେ ଡିରକମ୍‍ ମ୍ୟାଃପେୟାଏ ଆତେନ୍‌‍ସା ନେନେ ନିଜର୍‌ ବୟାଁ ବାରି ମାପ୍‍ରୁନେ କାମ୍ ଡିଙ୍ଗ୍‍ଡିଙ୍ଗ୍‍କ୍ନେ ବିସ୍‌ବାସ୍‌‍ ସେବକ୍‍ ତୁଖିୟ ନେଙ୍ଗ୍‍ ବିସୟ୍‍ରେ ଆପେକେ ସାପା ସାମୁଆଁ ବାସଙ୍ଗ୍‍ଏ । 
\v 22 ନେ ସାପାରେ ଡିରକମ୍‍ ନେଲେଃକେ ଆତେନ୍‌‍ ବିସୟ୍‍ ଆଃମ୍ୟାଃଚେ ଆପେକେ ସାର୍‍ଦା ଆଡିଙ୍ଗ୍‍ନେସା ନେଙ୍ଗ୍‍ ଆମେକେ ପେ ଡାଗ୍‍ରା ବେଣ୍ଡିଂ ।
\p
\v 23 ଆବା ଇସ୍‍ପର୍‍ ବାରି ମାପ୍‍ରୁ ଜିସୁ କିସ୍‌ଟକେ ବିସ୍‍ବାସ୍‌ ଡିଙ୍ଗ୍‍ନେ ତନା ବୟାଁଙ୍କେ ସାନ୍‍ତି ଆଲାଦ୍ ବାରି ବିସ୍‌ବାସ୍‌‍ ବିଲେ । 
\v 24 ନେନେ ମାପ୍‍ରୁ ଜିସୁ କିସ୍‌ଟ ଡାଗ୍ରା ଜାଣ୍ଡେଇଂନେ ଆଲାଦ୍ ଅଃନା ଆଡାଣ୍ଡୁ ମେଁ ଆମେଇଂକେ ଅନୁଗ୍ର‍ଅ ଡିଙ୍ଗ୍‍ଲେ ।