\id ACT - Dega
\ide UTF-8
\h ପ୍ରେରିତ୍‌
\toc3 ପ୍ରେରିତ୍‌
\toc2 ପ୍ରେରିତ୍‌
\toc1 ପ୍ରେରିତ୍‌ ସିସ୍‍ଇଂ ପର୍‌ଚାର୍‌ ଡିଂକ୍ନେ ସାମୁଆଁଇଂ
\mt2 ପ୍ରେରିତ ଶିଷ୍ୟମାନଙ୍କ କାର୍ଯ୍ୟର ବିବରଣୀ
\mt1 ପ୍ରେରିତ୍‌ ସିସ୍‍ଇଂନେ ପର୍‌ଚାର୍‌ ଡିଂକ୍ନେ ସାମୁଆଁଇଂ
\imt ପ୍ରେରିତ୍‌ ବ‍ଇ ବିସୟ୍‌ରେ ଉଡ଼ିକ୍ଲିଗ୍ ସାମୁଆଁ
\ip ପ୍ରେରିତ୍‍ ସାସ୍ତର୍‌ ଡିଂଡିଙ୍ଗ୍‍କେ ମଣ୍ଡଲିନେ ଆରାମ୍‍ ବାରି ଡିରକମ୍‍ ଆକେନ୍‍ ଯିରୁସାଲାମ୍‍ ବାନ୍‍ ଜିଉଦା ସମରିଆ ବାରି ବାଏରେ ଡିରକମ୍‍ ଉଡ୍ରାଡିଙ୍ଗ୍‍କେ । ଆକେନ୍‍ ଜିସୁନେ ସର୍‍ଗେ ୱେନେ ସେନୁଗ୍‍ ମେଁ ସିସ୍‍ଇଂକେ ବାସଙ୍ଗ୍‍ବଗେ । \xt ୧:୮\xt* ପ୍ରେରିତ୍‍ ସାସ୍ତର୍‌ ଲୁକ୍‌ବାନ୍ ଗ୍ନୁଆର୍‍ଲେଃକେ ଜାଣ୍ଡେ କି ଲୁକ୍‌ନେ ଗ୍ନୁଆର୍‍ ମାପ୍‍ରୁ ସାମୁଆଁ ଡିଗ୍‍ ଗୁଆର୍‍ବଗେ । ମେଁ ମୁଇଂ ଗଦାର୍‌ ଲେଃଗେ ବାରି ନିର୍ବୁଲ୍‌ ବାବ୍‍ରେ ଗୁଆର୍‍ନେ ପର୍‌ତୁମ୍‌ ଲେଃଗେ । ମେଁ ମ୍ବାକିଲିଗ୍‍ ମାପ୍‍ରୁନେ ସାମୁଆଁ ଆରି ପ୍ରେରିତ୍‍ ସାସ୍ତର୍‌ନ୍ନିଆ ଥିଅପିଲକେ ଗ୍ନୁଆର୍‍ବାନ୍‍ ଆତର୍‍ସାବଗେ ମେଁ ମୁଇଂ ଗ୍ରୀକ୍‍ ଲେଃଗେ । ସାସ୍ତର୍‌ ଆଣ୍ଡେଙ୍ଗ୍‍ ମ୍ୱାୟା ଗ୍ରୀକ୍‍ ଆରି ଜିଉଦା ବଂସ ନ୍‌ସା ଲେଃଗେ \xt ୧:୧\xt* ।
\ip ଡିଙ୍ଗ୍‍ୟାଏ ତ ପ୍ରେରିତ୍‍ ସାସ୍ତର୍‌ ଜିସୁ କିସ୍‍ଟନେ ଜନମ୍ ଡିଙ୍ଗ୍‍କ୍ନେ ଇଡ଼ିଙ୍ଗ୍‍ ୬୦ ରୁ ୬୪ କିସ୍‍ଟାବ୍‌ଦ ବିତ୍‍ରେ ଗ୍ନୁଆର୍‍ ବଗେ । ମେଁ ଡାଗ୍‍ଲା ପାଉଲ୍‍ ବନ୍ଦିବାନ୍‍ ତାର୍‍ନେ ସିସେବାନ୍‍ ଏନ୍ ଉଲିଆ ଗୁଆର୍‍ ଡା ଲେଃଗେ । ଲୁକ୍‌ ଡିଗ୍ ପ୍ରେରିତ୍‍ ପାଉଲ୍‍ ଏତେ ଅଲେଙ୍ଗ୍‍ ଡିଙ୍ଗ୍‍ଗେ ବାରି ଆକେନ୍‍ ସାସ୍ତର୍‌କେ ଆନ୍ତଖିଆବାନ୍‍ ଗୁଆର୍‍ ଆଣ୍ଡେଙ୍ଗ୍‌ ବ ଡାଗ୍‍ଚେ ବାସଙ୍ଗ୍‍ଆର୍‍ଏ । ପ୍ରେରିତ୍‍ ସାସ୍ତର୍‌ ଲୁକ୍‌ ମାପ୍‍ରୁ ସାମୁଆନେ ନେଃଗାନେ ଡିଙ୍ଗ୍‍ଏ ଆକେନ୍ ଜିସୁନେ ସର୍‍ଗେ ୱେନେ ବାନ୍‍ ଆରାମ୍‍ ଡିଙ୍ଗ୍‍ଡିଙ୍ଗ୍‍କେ । ଲୁକ୍‌ ଗୁଆର୍‍କ୍ନେ ମାପ୍‍ରୁ ସାମୁଆଁ ବାରି ପ୍ରେରିତ୍‍ ସାସ୍ତର୍‌ ଗ୍ନୁଆର୍‍ନେ ଉଦେସ୍‍ ସମାନ୍‍ ଲେଃକେ । ମେଁ ଥିଅପିଲ୍‍କେ ଆରି ବୁଦି ବାଲେଃକ୍ନେ କିସ୍‍ଟାନ୍‌ଇଂକେ ଡିଡିଲାଡିଗ୍ ବାନେ ଚାଏଁଡିଙ୍ଗ୍‌କେ । ଆମେଇଂକେ ସିକ୍ୟା ବିବିଃନେ ବିସୟ୍‍ ଜିସୁ କିସ୍‍ଟନେ ଜିବନ୍‍ ସାମୁଆଁରେ ବାରି ଉଡ୍ରା ଆଡିଙ୍ଗ୍‍ମ୍ୟାଃକ୍ନେ କିସ୍‍ଟାନ୍‍ଇଂନେ ବିସୟ୍‍ରେ ବୁଲ୍‍ଣ୍ଡୁନେ ଇସାବ୍‍ ବଆର୍‍ଏ । ପ୍ରେରିତ୍‍ ସାସ୍ତର୍‌ନ୍ନିଆ ଅଃସେ ମାପ୍‍ରୁନେ କୁଦାଇଂ କିସ୍‍ଟଡାଗ୍‍ରା ବିସ୍‌ବାସ୍‌ ବୁବନେ ନେଁ ନ୍‍ସା ଉଦାଅରନ୍‌ ସୁଗୁଆ ଆଦ୍ରିଗ୍‍ ଡିଙ୍ଗ୍‍କେ । ପ୍ରେରିତ୍‍ଇଂନେ ଉଦାଅରନ୍‌ବାନ୍‍ ଆନେ ଆଃମ୍ୟାଃଏ ଜେ ଡିଡିରକମ୍‍ ପବିତ୍ର ଆତ୍ମାକେ ମାବ୍‌ଟଚେ ବିନ୍‍ରେଇଂ ଆଡ଼ାତ୍ରା ମାପ୍‍ରୁନେ ବ୍ନାଲିର୍‍ ବାସଙ୍ଗ୍‍ଡିଂଆର୍‍କେ ।
\iot ସାସ୍ତର୍‌ ବିତ୍ରେ ଲେଃକ୍ନେ ସାମୁଆଁଇଂ
\io1 ୧. ପବିତ୍ର ଆତ୍ମା ଜିଜାର୍‍ନେ ବାରି ବିସ୍‌ବାସିଇଂନେ ମ୍ନାଃନେ । \ior ୧:୧; ୮:୧\ior*
\io1 ୨. ବିସ୍‌ବାସି‍ଇଂ ନିନ୍ଦା ବାନେ ବାରି ମାପ୍‍ରୁନେ ସାମୁଆଁ ଉଡ୍ରାଡିଂକେ । \ior ୮:୨; ୧୨:୨୩\ior*
\io1 ୩. ପାଉଲ୍‍ନେ ପର୍‍ତୁମ୍‍ ମିସ୍‍ନାରୀ କାମ୍ ଡିଂକେ । \ior ୧୨:୨୪; ୧୪:୨୮\ior*
\io1 ୪. ତ୍ମିନେ ବିସ୍‌ବାସିଇଂନେ ଦର୍‍କାର୍‍ ଲେଃକ୍ନେ ଆରି ଯିରୁସାଲାମ୍‍ନ୍ନିଆ ସବା । \ior ୧୫:୧-୩୫ \ior*
\io1 ୫. ପାଉଲ୍‍ ମ୍ୱାର୍‍ତର୍‍ ମିସ୍‍ନାରି କାମ୍ ଡିଂକେ । \ior ୧୫:୩୬; ୧୮:୨୨\ior*
\io1 ୬. ପାଉଲ୍‍ ଞ୍ଜିତର୍‍ ମିସ୍‍ନାରୀ କାମ୍ ଡିଂକେ । \ior ୧୮:୨୩; ୨୦:୩୮\ior*
\io1 ୭. ପାଉଲ୍‍ ଯିରୁସାଲାମ୍‍ନ୍ନିଆ ବନ୍ଦି ଡିଂକେ । \ior ୨୧; ୨୬\ior*
\io1 ୮. ପାଉଲ୍‍ ରୋମ୍ ୱେକେ । \ior ୨୭; ୨୮\ior*
\c 1
\p
\v 1 \x + \xo ୧:୧ \xo*\xt ଲୁକ୍‌ ୧:୧-୪.\xt*\x*ଅ ଥିୟୋଫିଲସ୍‌ ନେଙ୍ଗ୍‍ନେ ପରତୁମ୍‍ ବଇନ୍ନିଆ ଜିସୁ ମେଁନେ କାମ୍ ମୁଲେକ୍ନେ ଦିନ୍‌ବାନ୍‍ 
\v 2 ସର୍‍ଗେ ୱେକ୍ନେ ବାନ୍‍ ଆଣ୍ଡିନ୍‍ ସାପା କାମ୍ ଡିଙ୍ଗ୍‍ବଗେ ଆରି ବୁଦି ବିବଗେ ଆତେନ୍‌‍ ସାପା ବିସୟ୍‌ରେ ଗୁଆର୍‍ ମ୍ୱକେ । ସର୍‍ଗେ ୱେନେ ସେନୁଗ୍‍ ଜାଣ୍ଡେକେ ମେଁ ନିଜର୍‌ନେ ସିସ୍‌ ରକମ୍‍ ସ୍ରିବଗେ ଆମେଇଂକେ ମେଁ ପବିତ୍ର ଆତ୍ମାନେ ବପୁରେ ବୁଦି ବିବଗେ । 
\v 3 ଆତେନ୍‌‍ ବେଲା ମେଁ ମ୍ୱ୍ରଲେଃଗେ, ଏନ୍ ପାର୍‍ମାନ୍‍ ଆଡିଙ୍ଗ୍‍ନ୍‍ସା ଆରି ସିସ୍‍ଇଂନେ ଡାଉଟ୍‍ ସ୍ଲ ଆଡିଙ୍ଗ୍‍ନ୍‍ସା ମେଁ ମେଁନେ ଗୁଏକ୍ନେ ଇଡ଼ିଙ୍ଗ୍‍ ଚାଲିସ୍‍ ଦିନା ଜାକ ଗୁଲେତର୍‍ ଆମେଇଂକେ ଦର୍‍ସନ୍‍ ବିଃବଗେ । ମେଇଂ ଜିସୁକେ କେଲେଃଆର୍ଗେ ଆରି ଜିସୁ ଆମେଇଂକେ ଇସ୍‍ପର୍‍ନେ ରାଜି ବିସୟ୍‌ରେ ଆଦ୍ରିଗ୍‍ ବଗେ । 
\v 4 \x + \xo ୧:୪ \xo*\xt ଲୁକ୍‌ ୨୪:୪୯.\xt*\x*ମେଇଂ ମୁଇଂନୁଗ୍‍ ରିସିଙ୍ଗ୍‍ଲେ କେଲା ଜିସୁ ଆମେଇଂକେ ଆକେନ୍‍ ଆଦେସ୍‌ ବିକେ: “ଯିରୁସାଲାମ୍‌କେ ଆଆଁନ୍ତାର୍‍ଗେପା । ଆବା ଆପେକେ ମେଃନେ ମ୍ୱିଃଏ ଡାଗ୍‌ଚେ ସପତ୍‍ ଡିଙ୍ଗ୍‍ବକେ ଆରି ଆଣ୍ଡିନେ ଦାନ୍‍ ବିସୟ୍‌ରେ ନେଙ୍ଗ୍‍ ଆପେକେ ବାସଙ୍ଗ୍‍ମ୍ୱଗେ ଆତାନ୍‍ ବା ଜାକ ଉର୍‍ପା । 
\v 5 \x + \xo ୧:୫ \xo*\xt ମାତିଉ ୩:୧୧; ମାର୍‌କ ୧:୮; ଲୁକ୍‌ ୩:୧୬; ଜହନ୍‌ ୧:୩୩.\xt*\x*ଜହନ୍‌ ଣ୍ଡିଆନ୍ନିଆ ଡୁବନ୍‌ ବିକେ ମାତର୍‍ ପେଇଂ ଉଡ଼ିଦିନା ବିତ୍‍ରେ ପବିତ୍ର ଆତ୍ମାରେ ଡୁବନ୍‌ ପେବାଏ ।”
\s ଜିସୁ ସର୍ଗେ ୱେକେ
\p
\v 6 ମେଁସୁଆ ପ୍ରେରିତ୍‌ ସିସ୍‍ଇଂ ମୁଇଂନୁଗ୍‍ ଲେଃକେଲା ଜିସୁକେ ସାଲିଆକୁକେ “ମାପ୍‌ରୁ ନା ମେଁନେ ଏବେଆ ଇଶ୍ରାୟେଲୀୟନେ ରେମୁଆଁଇଂକେ ମେଇଂନେ ରାଜି ଆଆଁଣ୍ଡେ ନାବିଏ ?”
\p
\v 7 ଜିସୁ ବାସଙ୍ଗ୍‍କେ, “ବେଲା ଆରି ସେଃମଁ ନେଙ୍ଗ୍‍ ଆବା ମେଁ ସାସନ୍‍ରେ ବକେ । ଆକେନ୍‍ ସାପା ଅଃନା ଗଟେଏ, ପେ ମ୍ୟାଃନେ ଦରକାର୍‌ ଣ୍ଡୁ । 
\v 8 \x + \xo ୧:୮ \xo*\xt ମାତିଉ ୨୮:୧୯; ମାର୍‌କ ୧୬:୧୫; ଲୁକ୍‌ ୨୪:୪୭,୪୮.\xt*\x*ମାତର୍‍ ପେ ଆଡ଼ାତ୍ରା ପବିତ୍ର ଆତ୍ମା ଜାର୍‍ଲା ପେ ବପୁ ପେଡିଙ୍ଗ୍‍ଏ ଆରି ଯିରୁସାଲାମ୍‌ ସାପା ଜିଉଦା ପ୍ରଦେସ୍ ଆରି ଶମିରୋଣୀୟ ଆରି ମଞ୍ଚ୍‌ପୁର୍‌ନେ ଲିଙ୍ଗ୍‍ଡିଆଃକିଗ୍‍ ଜାକ ନେଙ୍ଗ୍‍ ନ୍‌ସା ପେ ସାକି ପେଡିଙ୍ଗ୍‍ଏ ।” 
\v 9 ଆକେନ୍‍ ସାପା ସାମୁଆଁ ବାସଙ୍ଗ୍‍କ୍ନେ ଇଡ଼ିଙ୍ଗ୍‍ ଜିସୁକେ ସର୍‍ଗେ ୱେକ୍ନେ ମେଇଂ କେକେ ଆରି ନ୍ତୁଡ଼ା ତ୍ରିଗ୍‍ଡ୍ୟାଃ ଡାଚେ ମେଁ ଆମେଇଂକେ ମୁଆଃବାନ୍ ମାୟା ଡିଙ୍ଗ୍‍ୱେଗେ ।
\p
\v 10 ମେଁ ଆଡ଼ାତ୍ରା ୱେକ୍ନେ ଇଡ଼ିଙ୍ଗ୍‍ ଡିଗ୍‍ ମେଇଂ ମୁଇଂ ଲୟରେ କିତଂଇନିକେ କେଲେଃଆର୍ଗେ । ତୁଲୁଏ ପାଟାଇ ସଃଲେକ୍ନେ ମ୍ୱାୟା ଙ୍ଗିରେ ଟାପ୍‍ନା ମେଇଙ୍ଗ୍ ଡାଗ୍ରା ପାଙ୍ଗ୍‍ଚେ ତୁଆଁଚେ ବାସଙ୍ଗ୍‍କେ 
\v 11 “ଅ ଗାଲିଲୀୟଇଂ ମେଃନ୍‌ସା ଆକ୍‍ଅରିଆ ତୁଆଁଚେ କିତଂଇନିକେ କିକେ ପେଡିଙ୍ଗ୍‍କେ ? ଜିସୁ ପେବାନ୍‍ ୱେଚେ ସର୍‍ଗେନ୍ନିଆ କଲେଃକେ । ମାତର୍‍ ମେଁ ଡିରକମ୍‍ ସର୍‍ଗେ ୱେନେ ପେଇଂ ପେକେକେ ଟିକ୍‍ ଦେତ୍‍ରକମ୍‍ ଆଃ ମେଁ ବାରି ଆଁଣ୍ଡେ ପାଙ୍ଗ୍‍ଏ ।”
\s ଜିଉଦାନେ ଜାଗାନ୍ନିଆ ମାତିଉକେ ସ୍ରିକେ
\p
\v 12 ମେଁ ଇଡ଼ିଙ୍ଗ୍‍ ପ୍ରେରିତ୍‌ ସିସ୍‍ଇଂ ଜିତ କଣ୍ଡାବାନ୍‍ ଯିରୁସାଲାମ୍‌ ଆଣ୍ଡେ ଆର୍ଗେ । ଜିତ କଣ୍ଡା ସହର୍‍ବାନ୍ ମୁଇଂ କିଲମିଟର୍‍ ସ୍ଲ ଲେଃଗେ । 
\v 13 \x + \xo ୧:୧୩ \xo*\xt ମାତିଉ ୧୦:୨-୪; ମାର୍‌କ ୩:୧୬-୧୯; ଲୁକ୍‌ ୬:୧୪-୧୬.\xt*\x*ଯିରୁସାଲାମ୍ ୱେଚେ ମେଇଂ ଲେଃଡିଂକ୍ନେ ଆଡ଼ାତ୍ରା ମହଲାନେ ବାକ୍ରାନ୍ନିଆ ଗାଆର୍କେ । ଆତେନ୍‌‍ ପ୍ରେରିତ୍‌ ସିସ୍‍ଇଂ ଡିଙ୍ଗ୍‍ଡିଙ୍ଗ୍‍କେ ପିତର୍‍ ଜହନ୍‌ ଜାକୁବ୍‌, ଆଦ୍ରିୟ, ଫିଲିପ୍‌ପ, ଥୋମା, ବାର୍ଥଲମି, ମାତିଉ, ଆଲଫିନେ ଉଂଡେ ଜାକୁବ୍‌, ଦେସ୍‍ପ୍ରେମି ଶିମୋନ ଆରି ଜାକୁବ୍‌ନେ ଉଂଡେ ଜିଉଦା । 
\v 14 ମେଇଂ ଉଃଡ଼ିଉଃଡ଼ି ବେଲା ମୁଇଂ ଦଲ୍‍ ଡିଙ୍ଗ୍‍ଚେ ପାର୍‌ତନା ଡିଙ୍ଗ୍‍ନ୍‍ସା ମୁଇଂନୁଗ୍‍ ରିସିଂ ଡିଂ ଆର୍ଗେ ଆରି ମେଇଂନେ ଏତେ ଜିସୁନେ ଇୟାଙ୍ଗ୍‍ ମରିୟମ୍‍ ଆରି ବିନ୍‍ବିନ୍‍ ସେଲାମ୍ବୁଏଃ ରେମୁଆଁଇଂ ଆରି ଜିସୁନେ ବୟାଁଇଂ ଡିଗ୍‍ ୱେଲେଃଆର୍‌ଗେ ।
\p
\v 15 ଆତେନ୍‌ ଦିନା ଇଡ଼ିଙ୍ଗ୍‍ ପ୍ରାୟ୍‍ ମୁଇଂ ସହ ମୁଇଂକୁଡ଼ି ରୁଆ ବିସ୍‌ବାସି ବୟାଁଇଂନେ ମୁଇଂ କୁକପାର୍‌ନ୍ନିଆ ପିତର୍ ତୁଆଁଚେ ବାସଙ୍ଗ୍‍କେ: 
\v 16 “ବୟାଁ ଆରି ତନାଇଂ ମୁଡ଼ି ଜିଉଦା ଜିସୁକେ ସାନ୍‍ସା ବିରଦ୍‍ ରେମୁଆଁଇଂକେ ଗାଲି ଆସୁଏବି ବଗେ ମେଁ ବିସୟ୍‌ରେ ଦାଉଦ୍‌ ପବିତ୍ର ଆତ୍ମାନେ ବାନ୍‍ ବବିସତ୍‍ ଇଲ୍‍ଏଁ ଆଃଅଁ ବଆର୍ଗେ । ଦରମ୍‌ ସାସ୍ତର୍‌ ଗୁଆର୍‍କ୍ନେ ଆତେନ୍‌‍ ସାମୁଆଁ ପୁରନ୍‍ ଡିଙ୍ଗ୍‍ନେ ଦର୍‌କାର୍‌ ଲେଃଗେ । 
\v 17 ଡାଗ୍ଲା ମେଁ ନେଇଂନେ ବିତ୍ରେ ମୁଇଂଡା ଡାଗ୍‌ଚେ ଏଜାବଗେ ଆରି ଆକେନ୍ ସେବା ପଦ୍‌ନ୍ନିଆ ଟାନ୍ ବାଲେଃଆର୍‌ଗେ ।”
\p
\v 18 ମେଁନେ ଅଦର୍ମନେ କାମ୍ ବାନ୍‍ ଜିଉଦା ବାଲେକ୍ନେ ଡାବୁ ଏତେ ମୁଇଂ ଲିଜ ବିଆର୍‍ ବଆର୍ଗେ ବାରି ଆତେନ୍‌‍ ଲିଜନ୍ନିଆ ଲଃଚେ ମେଁ ଗୁଏକେ । ବାରି ମେଁନେ ସୁଲୁଏଃ ତେକ୍‍ପ୍ୟାଃଚେ ସୁଲେଃରେ ତାର୍‍ୱେକେ । 
\v 19 ଯିରୂଶାଲମ୍‌ନେ ରେମୁଆଁଇଂ ଆକେନ୍‍ ସାପା ମ୍ୟାଃଚେ ଆତେନ୍‌‍ ଲିଜକେ ମେଇଂନେ ବ୍ନାସାରେ “ଆକେଲ୍‌ ଦାମା” ବା “ମିଆଁ ଲିଜ” ଡାଗ୍‌ଚେ ମ୍ନି ବଆର୍‌କେ ।
\p
\v 20 ପିତର ବାସଙ୍ଗ୍‌ଡିଂକେ, “ଆକେନ୍‍ ବିସୟ୍‌ରେ ଗୀତସଂହିତା ବଇନ୍ନିଆ ଗୁଆର୍‍ ବକେ”
\q1 “ମେଁନେ ଡୁଆ ରେମୁଆଁ ଗଣ୍ଡ୍‌ ଆଲେଲେ
\q2 ଆତ୍‍ଅରିଆ ଜାଡିଗ୍‍ ଆବାସାଲେ”
\m ବାରି ଡିଗ୍‍ ଗୁଆର୍‍ ବକେ;
\q1 “ବିନ୍‍ ରେମୁଆଁ ମେଁନେ କାମ୍‍ନ୍ନିଆ ଗାଲେଃ ।”
\p
\v 21 “ତେସା ମାପ୍‌ରୁ ଜିସୁନେ ଗୁଏଚେ ତଡ଼୍ୟାକ୍ନେ ସାକି ଡିଙ୍ଗ୍‌ନ୍‌ସା ବାରି ମୁଇଂଜା ନେ ଏତେ ଲେଃନେ ଦର୍‌କାର୍‌ । 
\v 22 ଜିସୁ ଜହନ୍‌ ବାନ୍‌ ଣ୍ଡିଆଦିକ୍ୟା ବାକ୍ନେ ବେଲାବାନ୍‍ ଆରାମ୍‍ ଡିଙ୍ଗ୍‍ଚେ ନେ ଡାଗ୍ରାବାନ୍‍ ଗୁଏଚେ ତଡ଼ିଆନେ ଦିନା ଜାକ ଉଡ଼ି ବେଲା ମାପ୍‌ରୁ ଜିସୁ ନେ ଏତେ ଅଲେଙ୍ଗ୍‍ ଡିଙ୍ଗ୍‍ନେ ବେଲା ଆଡିନେ ରେମୁଆଁଇଂ ନେ ଦଲ୍‌ନ୍ନିଆ ଲେଃଆର୍‌କେ ମେଇଂନେ ବିତ୍ରେ ମୁଇଂଜାକେ ସାକି ଆଃଡିଙ୍ଗ୍‌ ପଡ଼େଏ ।”
\p
\v 23 ଆତ୍‍ବା ମେଇଂ ମ୍ବାୟାକେ ବା ଯୋସେଫ୍‌କେ ଆଜାକେ ବର୍ଶବା ଡାଗ୍‌ଚେ ବାସଙ୍ଗ୍‍ମ୍ୟାଃକେ ଆରି ଜାନେ ୱାନେ ମ୍ନି ଯୁସ୍ତ, ଆମେକେ ବାରି ମଥିୟସ୍‌କେ ମ୍ବାର୍‍ ବାଗ୍‍ ଆଡିଙ୍ଗ୍‍ଚେ ଦେକ୍‍ ରକମ୍‍ ପାର୍‍ତନା ଡିଙ୍ଗ୍‍ଆର୍କେ 
\v 24 ବାରି ପାର୍‌ତନା ଡିଙ୍ଗ୍‌କେ, ଏ “ମାପ୍‌ରୁ ନା ସାପାରେନେ ଚିନ୍ତା ମ୍ୟାନାଡିଂକେ । ଜିଉଦା ମେଁ ନିଜେ ସ୍ରିବକ୍ନେ ଜାଗାନ୍ନିଆ ୱେନ୍‍ସା ଆକେନ୍‍ ସେବା ଆରି ପ୍ରେରିତ୍‍ ପଦବି ବାନ୍‍ ଆନ୍ତାର୍‌ ଲେଃକେ 
\v 25 ଜିଉଦା ପଦବିକେ ଗ୍ର‍ଅନ୍‌‍ ଡିଙ୍ଗ୍‍ନେସା ଆକେନ୍‍ ମ୍ୱାୟା ବିତ୍‍ରେ ବାନ୍‍ ନା ଆଜାକେ ସ୍ରି ନାବକେ, ଆତାନ୍‍ ଆସୁଏ ବିଲା ।” 
\v 26 ତେନ୍‌ ଇଡ଼ିଂ ମ୍ୱାୟା ସିସ୍‌ ବିତ୍‍ରେ ବାନ୍ ମୁଇଂଜାକେ ସ୍ରିନ୍‍ସା ଲେଟ୍‍ରିକ୍‍ ତ୍ଲାଗ୍‌ଆର୍କେ । ଲେଟ୍‍ରିକ୍‍ ତ୍ଲାଗ୍‍ନ୍ନିଆ ମଥିୟସ୍‌ନେ ମ୍ନିରେ ପୁଟେକେ, ଆତ୍‍ଅରିଆ ମେଁ ଗୋମୁଇଂ ପ୍ରେରିତ୍‌ଇଂ ଏତେ ମିସୁକେ ।
\c 2
\s ପବିତ୍ର ଆତ୍ମା ପାଙ୍ଗ୍‍ନେ
\p
\v 1 ପେଷ୍ଟିକସ୍‍ ଦିନା କିସ୍‍ଟ ବିସ୍‌ବାସି ସାପାରେ ମୁଇଂନୁଗ୍‍ ରିସିଙ୍ଗ୍‍ ଲେଃଆର୍ଗେ । 
\v 2 ଉଲୁସ୍ତେ ସାରସାଗାଚେ ୱେଡ଼ିଆ ପାଙ୍ଗ୍‍ନେ ଇଲ୍‍ଏଁ ରକମ୍‍ କିତଂଇନି ଆଡ଼ାତ୍ରା ବାନ୍‍ ମୁଇଂ ଇଲ୍‍ଏଁ ଡିଙ୍ଗ୍‍କେ ଆରି ଆଣ୍ଡିନେ ଡୁଆନ୍ନିଆ ମେଇଂ କଲେଃଆର୍ଗେ, ଆତେନ୍‌‍ ଇଲ୍‍ଏଁ ଡୁଆ ବିତ୍‍ରେ ପାଙ୍ଗ୍‍କେ । 
\v 3 ତେନ୍‌ ଇଡ଼ିଂ ମେଇଂ କେକେ ଉଡ଼ି ସୁଗୁଆ ସୁଆ ଡୁଆକ୍ନେ ନ୍ଲିୟା ସାପାପାକା ବେପ୍ରେଚେ ଆତ୍‍ଅରିଆ ଲେକ୍ନେ ସାପାରେ ବିତ୍‍ରେ ଗାକେ । 
\v 4 ମେଇଂ ସାପାରେ ପବିତ୍ର ଆତ୍ମାରେ ବପୁ ବାଆର୍‌କେ ଆରି ଆତ୍ମାନେ ଚାଲ୍‍ନାରେ ମେଇଂ ବିନ୍‍ ବିନ୍ ବ୍ନାସାରେ ସାମୁଆଁ ବାସଙ୍ଗ୍‍ନେ ମୁଲେ ଆର୍କେ ।
\p
\v 5 ଆକେନ୍ ବେଲା ପେଣ୍ଟିକଷ୍ଟ ପାଣ୍ଡୁଏଃ ପାଲନ୍ ଡିଙ୍ଗ୍‌ନେ ଉଦେସ୍‌ରେ କିତଂଇନି ଆଲ ଲେଆର୍‌କ୍ନେ ମଞ୍ଚ୍‌ପୁର୍‌ନେ ବିନ୍‍ବିନ୍‍ ଦେସ୍‍ବାନ୍‍ ପାଙ୍ଗ୍‍ଲେକ୍ନେ ଜିଉଦି ବକ୍ତଇଂ ଆତେନ୍‌‍ବେଲା ଯିରୁସାଲାମ୍‌ନ୍ନିଆ ୱେଚା ଲେଃଆର୍‌ଗେ । 
\v 6 ଆକେନ୍‍ ଇଲ୍‍ଏଁ ଅଁକ୍ନେ ଦାପ୍ରେ ମେଇଂନେ ବିତ୍‍ରେବାନ୍‍ ଗୁଲେରୁଆ ପାଙ୍ଗ୍‍ଚେ ରିସିଙ୍ଗ୍‍ ଆର୍କେ । ରେମୁଆଁଇଂ ବକୁଆ ଡିଙ୍ଗ୍‍ୱେଆର୍ଗେ ଡାଗ୍ଲା ମେଇଂ ନିଜେ ଆଣ୍ଡିନେ ବ୍ନାସାରେ ବ୍ନାଇର୍‍ ବାସଙ୍ଗ୍‍ଡିଂଆର୍‍ଗେ ସିସ୍‍ଇଂ ଡିଗ୍‍ ଆତେନ୍‌‍ ବ୍ନାସାରେ ବାଲିର୍‌ ବାତା ଡିଙ୍ଗ୍‍ନେ ଅଁଆର୍‌କେ । 
\v 7 ଆକ୍‍ବା ଜିଉଦିଇଂ ବକୁଆ ଡିଙ୍ଗ୍‍ଚେ ମେଇଂ ବିତ୍‍ରେ ବାଲିର୍‍ବାତା ଆର୍କେ “କେଲାପା ଦେକ୍‍ରକମ୍‍ ବ୍ନାଇର୍‍ ବାସଙ୍ଗ୍‍ନେ ଆକେନ୍‍ ସାପା ରେମୁଆଁ ଗାଲିଲୀୟନେ ଣ୍ଡୁ କି ? 
\v 8 ତେଲା ନେ ସାପାରେ ଡିରକମ୍‍ ଆମେଇଂକେ ନେ ନିଜେ ନିଜେନେ ଜନମ୍ ତୁବନେ ବ୍ନାସାରେ ବ୍ନାଲିର୍‍ ବାସଙ୍ଗ୍‍ନେ ଅଁ ନେଲେକେ ? 
\v 9 ନେ ପାର୍‍ତିୟ ମାଦିୟ ଆରି ଏଲାମିୟ ବାରି ମେସପଟାମିୟା ଜିଉଦା ପ୍ରଦେସ୍ ଆରି କାପ୍ପାଦକିଆ ପନ୍ତ ଆରି ଆସିଆ 
\v 10 ଫ୍ରୁଗିଆ ଆରି ପଂପୁଲିୟା ମିସର୍‌ ଆରି କୁରୁଣୀ ଏରିଆ ଡାଗ୍ରାନେ ଲିବିଆ ଦେସ୍‍ନ୍ନିଆ ବାସା ଲେକ୍ନେ ରେମୁଆଁଇଂ ନେ ବାନ୍‍ ଉଡ଼ିରୁଆ ରୋମ୍‍ ନଗର୍‍ ବାନ୍‍ ପାଙ୍ଗ୍‍ଲେକ୍ନେ ଜିଉଦି ଆରି ଜିଉଦି ଦର୍ମ ଗ୍ର‍ଅନ୍‌‍ ଡିଙ୍ଗ୍‍ଚେ ବାସା ଲେଃଆର୍‌କ୍ନେ ରେମୁଆଁଇଂ; 
\v 11 ଆରି ଜିଉଦି ବାରି ଅଣଜିଉଦି ମନ୍‌ ପରିବର୍ତନ୍‌ ଡିଙ୍ଗ୍‌ଲେଃ ଆର୍କେ ଆରି କ୍ରିତ ଆରି ଆରବିୟ ଦେସ୍‍ନେ ରେମୁଆଁ ଜେ ନେ, ନେ ନିଜେ ନିଜେନେ ବ୍ନାସାରେ ଆକ୍ମେଇଂକେ ଇସ୍‍ପର୍‍ନେ ମ୍ନା ମ୍ନା କାମ୍ ଡିଙ୍ଗ୍‍କ୍ନେ ବ୍ନାଇର୍‍ ବାସଙ୍ଗ୍‍ନେ ଅଁନେଲେକେ ।” 
\v 12 ମେଇଂ ସାପାରେ ବକୁଆ ଆରି ଆକ୍‍ଆନ୍ତ୍‍ ଡିଙ୍ଗ୍‍ଚେ ମେଇଂମେଇଂ ବିତ୍‍ରେ ସାଲିଆକୁନେ ଲାଗେକେ “ଆକ୍ମେନେ ଅର୍‍ତ ମେଁନେ ?”
\p
\v 13 ମାତର୍‍ ବିନ୍‍ ରେମୁଆଁଇଂ ଏଲ୍ୟାଚେ ବାସଙ୍ଗ୍‌ ଆର୍କେ “କ୍ମେଇଂ ମ୍ୱ୍ରେ ଅଙ୍ଗୁର୍‌ ରସ୍‌ ଉଗ୍‌ଚେ ବୁସା ଲେଃଆର୍‌କେ ।”
\s ପିତର୍‍ନେ ପର୍‍ଚାର୍‍
\p
\v 14 ତେନ୍‌ ଇଡ଼ିଂ ବିନ୍‍ ଗୋମ୍ୱାର୍ କ୍ଲିଗ୍ ପ୍ରେରିତ୍‌ ସିସ୍‍ଇଂ ଏତେ ପିତର୍‍ ତୁଆଁଚେ କିରଚେ ବାସଙ୍ଗ୍‍କେ, “ଏ ଜିଉଦି ରେମୁଆଁଇଂ ଆରି ଯିରୁସାଲାମ୍‌ନ୍ନିଆ ବାସା ଡିଙ୍ଗ୍‍ଆର୍‍କ୍ନେ ବଦ୍ର ମଣ୍ଡଲି ନେଙ୍ଗ୍ ବ୍ନାଲିର୍‍ ଅଁପା, ନେଙ୍ଗ୍‍ ଆକେନ୍‍ ସାମୁଆଁ ଆଦ୍ରିଗ୍‍ଚେ ବାସଙ୍ଗ୍‍ମ୍ୱିଏ । 
\v 15 ପେ ଜା ଅନ୍‍ମାନ୍‍ ଡିଙ୍ଗ୍‍ପେଡିଙ୍ଗ୍‍କେ, କିମେଇଂ ଉଗ୍‍ସାରେ । ଣ୍ଡୁ କିମେଇଂ ଉଗ୍‍ସାରେ ଣ୍ଡୁ ମାତର୍‍ ଏବେ ବେଲା ଞ୍ଜିର୍‍ ନଟା ଡିଙ୍ଗ୍‍ଲେକେ । 
\v 16 ମାତର୍‍ ବାବବାଦି ଯୋୟେଲ୍‍ ଆଣ୍ଡିନେ ଗଟ୍‍ନାନେ ବିସୟ୍‌ରେ ବବିସତ୍‍ ସାମୁଆଁ ବାସଙ୍ଗ୍‍ବଗେ ଆକେନ୍‍ ଦେତ୍‍ରକମ୍‍ ମୁଇଂ ଗଟ୍‍ନା ।” ଯୋୟେଲ୍‍ ବାସଙ୍ଗ୍‍ବଗେ;
\q1
\v 17 ଇସ୍‍ପର୍‍ ବାସଙ୍ଗ୍‍ମ୍ୟାଃକେ: “ଡାନେ ଦିନାକେଲା ଆକେନ୍‍ ସାପା ଗଟେଏ:
\q2 ନେଙ୍ଗ୍‍ ସାପାରେନେ ଆଡ଼ାତ୍ରା ନେଙ୍ଗ୍‍ନେ ଆତ୍ମାକେ କିଗ୍ ମ୍ବିଏ ।
\q1 ପେନେ ଗୋ ଗିସିଆଇଂ ବାବବାନି ବାସଙ୍ଗ୍‍ଆର୍‍ଏ ।
\q2 ପେନେ ଙ୍ଗିରେଇଂ ଦିବ୍ୟ ଦର୍‍ସନ୍‍ ବାଆର୍‍ଏ
\q2 ବାରି ପେନେ ମ୍ନାରେଇଂ ମୁସୁଡ଼ିଙ୍ଗ୍‍ କେଆର୍‍ଏ ।
\q1
\v 18 ଅଁ ନେଙ୍ଗ୍‍ନେ ଦାସ ଦାସୀଇଂ ଆଡ଼ାତ୍ରା
\q2 ଆତେନ୍‌‍ବେଲା ନେଙ୍ଗ୍‍ ନେଙ୍ଗ୍‍ନେ ଆତ୍ମା କିଗ୍‍ ମ୍ୱିଏ;
\q2 ମେଇଂ ନେଙ୍ଗ୍‍ନେ ବାବବାନି ବାସଙ୍ଗ୍‍ ଅଲେଙ୍ଗ୍‍ ଆର୍‍ଏ ।
\q1
\v 19 ନେଙ୍ଗ୍‍ କିତଂଇନି ଆଡ଼ାତ୍ରା ବୟ୍‍ଙ୍କାର୍‍ କାମ୍ ଣ୍ଡ୍ରାସୁଏଃଏ
\q2 ଆରି ମଞ୍ଚ୍‌ପୁର୍‌ ବୁନ୍ଦେ ବୟ୍‍ଙ୍କାର୍‍ ଚିନ୍ ଣ୍ଡ୍ରାସୁଏଃଏ ।
\q1 ମିଆଁ, ସୁଆ ଆରି କିତଙ୍ଗ୍‍ଇନି ମାଃସରେ ମଞ୍ଚ୍‌ପୁର୍‍ ବର୍‌ତି ଡିଙ୍ଗ୍‍ଏ;
\q2
\v 20 ମାପ୍‌ରୁନେ ମ୍ନାଃ ଗୌରବ୍‍ମୟ୍‍ ଦିନ୍‌ ପାଙ୍ଗ୍‍ନେ ସେନୁଗ୍‍
\q2 ସ୍ନି ତାଙ୍ଗ୍‍କିଗ୍‍ଏ,
\q2 ଆରି ଆର୍କେ ମିଆଁ ସୁଗୁଆ ଚି ତ୍ନାଏ ।
\q1
\v 21 ଆତେନ୍‌‍ ବେଲା ଜା ମାପ୍‌ରୁ ମ୍ନିରେ ରକ୍ୟା ବାନ୍‌ସା ୱାଆର୍‌ଏ, ମେଁ ଉଦାର୍‍ ବାଏ ।”
\p
\v 22 “ଏ ଇଶ୍ରାଏଲ୍‌ନେ ରେମୁଆଁଇଂ ଆକେନ୍‍ ସାପା ସାମୁଆଁ ଅଁପା ! ନାଜରିତିୟ ଜିସୁ ଗୁଲେ ଇରିୟାତୁଗ୍‌ନେ କାମ୍ ବୟ୍‍ଙ୍କାର୍‍ କାମ୍ ଆରି ଚିନ୍ ବାନ୍‍ ପେଡାଗ୍ର ଇସ୍‍ପର୍‍ନେ ପ୍ରେରିତ୍‌ ବାଏରେ ଡାଗ୍‍ଚେ ମ୍ୟାପେଲେଃକେ ମେଁ ବାନ୍‍ ଇସ୍‌ପର୍‌ ଜେ ପେ ବିତ୍‍ରେ ବାନ୍‍ ଆକେନ୍‍ ସାପା କାମ୍ ଡିଙ୍ଗ୍‍ବକେ ଆକେନ୍‍ ପେ ନିଜେ ନିଜେ ମ୍ୟାଃପେଲେକେ; 
\v 23 \x + \xo ୨:୨୩ \xo*\xt ମାତିଉ ୨୭:୩୫; ମାର୍‌କ ୧୫:୨୪; ଲୁକ୍‌ ୨୩:୩୩; ଜହନ୍‌ ୧୯:୧୮.\xt*\x*ଆତେନ୍‌‍ ରେମୁଆଁ ଇସ୍‍ପର୍‍ନେ ତିଆର୍‌ ଆଡିଙ୍ଗ୍‍ବକ୍ନେ ବେଲା ବାରି ସିସେନେ ଗିଆନ୍‍ ଇସାବ୍‍ରେ ଆଃସାକେ, ପେ ଆମେକେ ଅଦାର୍‍ମିକ୍‍ଇଂନେ ନ୍ତି ବାନ୍‍ କୁରୁସ୍‍ ଆଡ଼ାତ୍ରା ଆଡେଚେ ବାଗୁଏ ପେବଗେ । 
\v 24 \x + \xo ୨:୨୪ \xo*\xt ମାତିଉ ୨୮:୫,୬; ମାର୍‌କ ୧୬:୬; ଲୁକ୍‌ ୨୪:୫.\xt*\x*ମାତର୍‍ ଇସ୍‍ପର୍‍ ଆକେନ୍‍ ସାପା ଗଟେଏ ଡାଗ୍‍ଚେ ସେନୁଗ୍‍ ମ୍ୟାଃଲେଗେ । ଆତେନ୍‌‍ସା ମେଁ ଜିସୁକେ ଆଗୁଏକ୍ନେ ବନ୍ଦନ୍‌ବାନ୍‍ ଆଟିକ୍‍ଚିଚେ ଆମେକେ ବାରି ଆଃତଡ଼୍ୟା ବକେ, ଗୁଏନେ ଆମେକେ ଗାଗ୍‍ଚେ ବ ଆୟାକେ ଣ୍ଡୁ । 
\v 25 ଦାଉଦ ମେଁ ବିସୟ୍‌ରେ ବାସଙ୍ଗ୍‍ବଗେ ।”
\q1 ନେଙ୍ଗ୍‍ କାଲାଆଃ ମାପ୍‌ରୁକେ ନେଙ୍ଗ୍‍ ସାର୍ମୁଆଁନ୍ନିଆ କେନ୍ଲେଃକେ ।
\q2 ମେଁ ଆନେଙ୍ଗ୍‍କେ ନିରାପଦ୍‍ରେ ବନ୍‍ସା ନେଙ୍ଗ୍‍ନେ ଇଞ୍ଚଙ୍ଗ୍‌ନ୍ତି ପାକା ଲେଃକେ ।
\q1
\v 26 ତେସା ନେଙ୍ଗ୍‍ ଜିବନ୍‌ ସାର୍‍ଦାରେ ଲେଃକେ
\q2 ଆରି ନେଙ୍ଗ୍‍ନେ ନ୍ଲିୟା ସାର୍‍ଦାରେ କଲ୍‍ବଲେ ଡିଙ୍ଗ୍‍କେ
\q1 ଜଦି ଡିଗ୍‍ ନେଙ୍ଗ୍‍ ଗୁଏରେ ରକମ୍‍ ନ୍ଲେଃଏ
\q2 ଆରି ନେଙ୍ଗ୍‍ନେ ଗାଗ୍‌ଡ଼େ ଡିଗ୍ ମେଁନେ ଆସାରେ ବ୍ରୁଆଏ
\q1
\v 27 ଡାଗ୍ଲା ନା ନିଂନେ ଜିବନ୍‌କେ ନର୍କ କୁଣ୍ଡ୍‌ନ୍ନିଆ ନ୍ନାଆନ୍ତାର୍‍ ଣ୍ଡୁ;
\q2 ନା ନାନେ ବିସ୍‍ବାସ୍‌ ସେବକକେ ଆତିବକ୍ନେ ଡାଗ୍ରା ମେଃଡିଗ୍‍ କ୍ୟତି ଆଡିଙ୍ଗ୍‍ନେସା ଆନ୍ତାର୍‍ ଆବି ଣ୍ଡୁ ।
\q1
\v 28 ନା ଆନେଙ୍ଗ୍‍କେ ଜିବନ୍‍ନେ ଗାଲି ଆକେ ନାବକେ ।
\q2 ନା ପାଙ୍ଗ୍‍ନାଲେଲା ଆନେଙ୍ଗ୍‍ ଜାବର୍‌ ସାର୍‍ଦା ମିଲେଏ ।
\p
\v 29 ଏ ଇସ୍ରାଏଲନେ ବୟାଁ ତନାଇଂ ପୁର୍ବ ପୁରୁସ୍‌ ଦାଉଦନେ ବିସୟ୍‌ରେ ନେଙ୍ଗ୍‍ ଆପେକେ କୁଲାକୁଲି ବାବ୍‍ରେ ବାସଙ୍ଗ୍‌ ୟାଏ ଜେ ମେଁ ଗୁଏକେ ଆରି ଆମେକେ ଆତି ଆର୍କେ ଆରି ମେଁନେ ଗୁଡ଼ୁମ୍‌ ଏଃଜାକ ନେଡାଗ୍ରା ଲେଃକେ । 
\v 30 ମେଁ ମୁଇଂ ବାବବାଦି ଲେଃଗେ । ତେସା ମେଁ ଆଡ଼ାତ୍ରା ଇସ୍‌ପର୍‌ନେ ପାର୍‌ମାନ୍ ଡିଂକ୍ନେ ସାମୁଆଁ ମ୍ୟାଃଲେଗେ । ଦାଉଦ୍‍ନେ ବଂସଦର୍‍ବାନ୍‍ ମୁଇଂଜାକେ ଇଃସାଙ୍ଗ୍‌ ଆଡିଙ୍ଗ୍‌ ଡାଗ୍‍ଚେ ଇସ୍‍ପର୍‍ ପାର୍‌ମାନ୍ ଡିଙ୍ଗ୍‍ବଗେ । 
\v 31 ଇସ୍‍ପର୍‍ ବବିସତ୍‍ରେ ମେଁନେ ଡିଙ୍ଗ୍‍ନେ ୱେଡିଂକେ ଦାଉଦ୍‍ ମ୍ୟାଃଚେ କିସ୍‌ଟ ମସିହନେ ଗୁଏଚେ ତଡ଼ିଆନେ ବିସୟ୍‌ରେ ବାସଙ୍ଗ୍‍ବକେ;
\q1 ମେଁ ଗୁଏଡିଙ୍ଗ୍‍ନେ ରେମୁଆଁଇଂନେ ନର୍କ କୁଣ୍ଡ୍‌ନ୍ନିଆ ଆଆଁନ୍ତାର୍‍କେ ଣ୍ଡୁ ।
\q2 ମେଁନେ ଗାଗ୍‌ଡ଼େ ଆତିବକ୍ନେ ଡାଗ୍ରା ଡିଗ୍‍ ଆର୍‍ବୁଗ୍‌କେ ଣ୍ଡୁ ।
\m
\v 32 ଇସ୍‍ପର୍‍ ଆକେନ୍‍ ଜିସୁକେ ଗୁଏକ୍ନେ ବାନ୍‍ ଆତଡ଼ିଆ ବକେ । ନେ ସାପାରେ ଆକ୍ମେନେ ସାକି ନେଲେକେ । 
\v 33 ଜିସୁ ମେଁନେ ଆବା ଇସ୍‍ପର୍‍ନେ ଇଞ୍ଚଙ୍ଗ୍‍ତି ପାକା ତଃଡ଼୍ୟା ଲେଃକେ ଆରି ଆବାନେ ପାର୍‌ମାନ୍‌ ଡିଂକ୍ନେ ଇସାବ୍‍ରେ ମେଁ ବାନ୍‍ ପବିତ୍ର ଆତ୍ମା ବା ଲେଃକେ । ଏବେ ପେ ମେଁନେ କିକେ ପେଡିଙ୍ଗ୍‍କେ ଆରି ଅଁ ପେଡିଙ୍ଗ୍‍କେ ଆତେନ୍‌‍ ମେଁନେ ଦାନ୍‍ । ଆତେନ୍‌‍ ମେଁ ନେ ଆଡ଼ାତ୍ରା କିଗ୍‍ ବକେ । 
\v 34 ଡାଗ୍ଲା ଦାଉଦ ନିଜେ କିତଂଇନି ୱେଆଲେଗେ;
\q1 ମାତର୍‍ ମେଁ ନିଜେ ବାସଙ୍ଗ୍‍ବଗେ,
\q2 ଇସ୍‍ପର୍‍ ନେଙ୍ଗ୍‍ନେ ମାପ୍‌ରୁକେ ବାସଙ୍ଗ୍‍କେ,
\q1
\v 35 ନେଙ୍ଗ୍‍ ପେନେ ସତ୍ରୁଇଂକେ ପେନେ ଞ୍ଚବୁନ୍ଦେ ଡୁଙ୍ଗ୍‍ମାପାଙ୍ଗ୍‍ ଜାକ ପେ ନେଙ୍ଗ୍‍ନେ ଇଞ୍ଚଙ୍ଗ୍‍ନ୍ତି ପାକା କ ଲାଲାପା ।
\p
\v 36 “ଆତେନ୍‌‍ସା ଇଶ୍ରାୟେଲୀୟଇଂ ସାପାରେ ସତ୍‍ ବାବ୍‍ରେ ମ୍ୟାଃଆର୍‍ଲେ ଜେ ମୁଡ଼ି ଜିସୁକେ ପେଇଂ କୁରୁସ୍‌ନ୍ନିଆ ଆଡେଚେ ପେବାଗୁଏକେ ଇସ୍‍ପର୍‍ ଆମେକେ ଆଃ ମାପ୍‌ରୁ ଆରି କିସ୍‌ଟ ମସିହ ଆଡିଙ୍ଗ୍‍ବକେ ।”
\p
\v 37 ରେମୁଆଁଇଂ ଆକେନ୍‍ ସାପା ସାମୁଆଁ ଅଁଚେ ଜିବନ୍‌ ଦାଡ଼୍‍କେ ୱେକେ ଆରି ପିତର୍‍ ବାରି ବିନ୍‍ ପ୍ରେରିତ୍‌ଇଂ ସିସ୍‌ଇଂକେ ସାଲିଆକୁକେ “ବୟାଁଇଂ ନେ ସାପାରେ ମେଁ ନେଡିଙ୍ଗ୍‍ପା ?”
\p
\v 38 ପିତର୍‍ ଆମେଇଂକେ ଉତର୍‍ ବିକେ “ପେ ସାପାରେ ପାପ୍‍ କାମ୍ ବାନ୍‍ ମନ୍‍କେ ପରିବର୍ତନ୍‌ ଆଡିଙ୍ଗ୍‍ପା ପାପ୍‍ ବାନ୍‍ କେମା ବାନ୍‍ସା ଜିସୁ କିସ୍‌ଟନେ ମ୍ନିରେ ଡୁବନ୍‌ ଡୁଂଡଲାପା; ତେଲା ପେ ଇସ୍‍ପର୍‍ନେ ଦାନ୍‍ ପବିତ୍ର ଆତ୍ମାକେ ପେବାଏ । 
\v 39 ଡାଗ୍ଲା ଇସ୍‌ପର୍‌ନେ ପାର୍‌ମାନ୍‌ ଡିଂକ୍ନେ ପେ ଆଡ଼ାତ୍ରା ଆରି ପେନେ ଗୋ ଗିସିଆଇଂ ଆଡ଼ାତ୍ରା ଆରି ଇସ୍‍ପର୍‍ ବାନ୍‍ ପାଙ୍ଗ୍‍ଲେକ୍ନେ ରେମୁଆଁଇଂ ନ୍‌ସା ଆରି ସୁଲ ଲେଡିଙ୍ଗ୍‍କ୍ନେ ସାପା ରେମୁଆଁଇଂ ନ୍‌ସା ମାପ୍‌ରୁ ଦର୍‌କାର୍ ।”
\p
\v 40 ପିତର୍‍ ଆମେଇଂକେ ଗୁଲେ ସାମୁଆଁରେ ସାକି ବିଚେ ବାସଙ୍ଗ୍‌କେ “ଆକେନ୍‍ ଦଦ୍ୟା‍ ରେମୁଆଁଇଂନେବାନ୍ ନିଜେକେ ରକ୍ୟା ଡିଙ୍ଗ୍‍ପା ।” 
\v 41 ମେଇଂନେ ବାନ୍‍ ଗୁଲେରୁଆ ମେଁନେ ବ୍ନାଲିର୍‍କେ ବିସ୍‍ବାସ୍‍ ଡିଙ୍ଗ୍‍ଚେ ଣ୍ଡିଆଃନ୍ନିଆ ଦିକ୍ୟା ଡୁଂଡନେ ମନ୍‌ ଡିଂଆର୍କେ । ଆରି ଆତେନ୍‌‍ ଦିନା ପ୍ରାୟ୍ ଞ୍ଜି ଅଜାର୍‍ ରେମୁଆଁ ମଣ୍ଡଲି ଏତେ କୁଡ଼େ ଆର୍କେ । 
\v 42 ଆତେନ୍‌‍ ଦିନା ବାନ୍‍ ସିସ୍‌ଇଂ ଆମେଇଂକେ ଗ୍ୟାନ୍‌ ବିଆର୍‌କେ । ଆରି ମେଇଂ ନ୍ତୁଗ୍‌ ଚଙ୍ଗ୍‌ଉଗ୍‌ ବାରି ପାର୍‌ତନା ପାର୍‌ତନା ଡିଙ୍ଗ୍‌ନେ ବାନ୍‌ ସାପାରେ ମିସୁଚେ ଲେଃଆର୍‌କେ ।
\s ବିସ୍‍ବାସିଇଂନେ କାଲାଆଃ ବ୍ରୁଆନେ ଜିବନ୍‍
\p
\v 43 ପ୍ରେରିତ୍‌ ସିସ୍‌ଇଂ ଗୁଲେ ବପୁନେ ଆରି ଇରିଆତୁଗ୍‍ ରକମ୍‍ନେ କାମ୍ ଡିଙ୍ଗ୍‍ଆର୍କେ ବାରି ସାପାରେ ଆକେନ୍‍ ଚିନ୍ କେଚେ କାବା ଡିଂଆର୍‌କେ । 
\v 44 \x + \xo ୨:୪୪ \xo*\xt ପ୍ରେରିତ୍‌ ୪:୩୨-୩୫.\xt*\x*ବିସ୍‍ବାସିଇଂ ମେଇଂମେଇଂ ଏତେ କୁଡ଼େମାଡ଼େ ଆର୍କେ ବାରି କୁଡ଼େଚେ ମେଇଂନେ ସାପା ଲିଜବ୍ରି ଆବା ଆର୍କେ । 
\v 45 ମେଇଂ ନିଜେ ନିଜେନେ ଲେକ୍ନେଡିଗ୍‍ ଆରି ଣ୍ଡୁ ଣ୍ଡିଙ୍ଗ୍‍ ଲିଜବ୍ରିକେ ସଃଚେ ଲେକ୍ନେ ଲିଜବ୍ରି ସାପାରେନେ ମାବାନେ ଇସାବ୍‍ରେ ମେଇଂମେଇଂ ବିତ୍‍ରେ ବିଃଆର୍କେ । 
\v 46 ମେଇଂ କାଲାଆଃ ମନ୍ଦିର୍‌ନ୍ନିଆ ମୁଇଂ କୁଦା ସୁଗୁଆ ମୁଇଂନ୍ନିଆ ରିସିଂ ଡିଂ ଆର୍କେ ବାରି ସାର୍‍ଦା ମନ୍‌ରେ ବାରି ସାଦୁରେ 
\v 47 ଇସ୍‍ପର୍‍କେ ପ୍ରସଂସା ଡିଙ୍ଗ୍‍ଚେ ମୁଇଂଜା ବିନ୍‍ ରେମୁଆଁନେ ଡୁଆ ଅରିଆ ଉଗ୍‍ଚଙ୍ଗ୍‍ ଆର୍‍ ଡିଙ୍ଗ୍‍ଗେ । ବାରି ସାପା ରେମୁଆଁଇଂନେ ନିଜର୍‌ ଉଂଡେ ଡିଡିଙ୍ଗ୍‌ଡିଙ୍ଗ୍‌ ଆର୍‍ଗେ ବାରି, ମାପ୍‌ରୁ, ପରିତ୍ରାନ୍‍ ବ୍‍ବାଡିଙ୍ଗ୍‌କ୍ନେ ରେମୁଆଁଇଂକେ କାଲାଆଃ ମଣ୍ଡଲି ଏତେ ଆକୁଡ଼େ ଡିଡିଙ୍ଗ୍‌ଡିଙ୍ଗ୍‌ଗେ ।
\c 3
\s ମୁଇଂ ଚଟା ନିମାଣ୍ଡା ଡିଙ୍ଗ୍‍କେ
\p
\v 1 ମେସୁଆ ପିତର୍‍ ଆରି ଜହନ୍‌ ପାର୍‌ତନା ଡିଙ୍ଗ୍‍ନେ ବେଲା ଲମ୍‍ଡିଗ୍‍ ତିନ୍‍ଟା ବେଲା ପାର୍‍ତନା ଡିଙ୍ଗ୍‍ନେ ମନ୍ଦିର୍‌ନ୍ନିଆ ୱେଡିଂଗେ । 
\v 2 ଆତ୍‍ଅରିଆ ମୁଇଂ “ସୁନ୍ଦର୍‍” ମ୍ନିକ୍ନେ ର୍ଣ୍ଣସାଙ୍ଗ୍‌ ଡାଗ୍ରା ମୁଇଂ ରେମୁଆଁ ଲେଃଗେ । ମେଁ ଇୟାଙ୍ଗ୍‍ଡେନେ ସୁଲୁଏଃବାନ୍‍ ଆଃ ଚଟା ଡିଙ୍ଗ୍‍ଚେ ଜନମ୍‍ ପାଙ୍ଗ୍‍ଲେଗେ । ମନ୍ଦିର୍‌ନ୍ନିଆ ୱେଡିଂକ୍ନେ ରେମୁଆଁଇଂନେବାନ୍‍ ବିକ୍‍ ସାଲିଆନ୍‍ସା କାଲାଆଃ ମେଁ ର୍ଣ୍ଣସାଙ୍ଗ୍‍ ଡାଗ୍ରା ଆମେକେ ଡୁଙ୍ଗ୍‍ଚେ ଆତ୍‍ଅରିଆ ଏବ ଡିଙ୍ଗ୍‍ଆର୍ଗେ । 
\v 3 ପିତର୍‍ ଆରି ଜହନ୍‌କେ ମନ୍ଦିର୍‍ ବିତ୍‍ରେ ୱେନେ କେଚେ ମେଁ ଆତେନ୍‌‍ ମ୍ୱାୟାକେ ବିକ୍‍ ସାଲିଆକେ । 
\v 4 ପିତର ବାରି ଜହନ୍‌ ମେଇଂ ଆଡ଼ାତ୍ରା ନିମାଣ୍ତା ବାବ୍‌ରେ କେକେ ପିତର୍‍ ବାସଙ୍ଗ୍‍କେ “ନେ ପାକା କେଲା !” 
\v 5 ତେସା ମେଁ ମେଇଂନେ ବାନ୍‍ ମେଃଡିଗ୍‍ ବାନେ ଆସାରେ ମେଇଂନେ ପାକା କିକେ ଲେଃଗେ । 
\v 6 ମାତର୍‍ ପିତର୍‍ ଆମେକେ ବାସଙ୍ଗ୍‍କେ “ନେଙ୍ଗ୍‍ ଡାଗ୍ରା ସୁନା କି ରୁପା ଣ୍ଡୁ ମାତର୍‍ ମେଁନେ ଲେଃକେ ନେଙ୍ଗ୍‍ ଆନାକେ ବିଣ୍ଡିଂକେ: ନାଜରିତିୟ ଜିସୁ କିସ୍‌ଟନେ ମ୍ନିରେ ନେଙ୍ଗ୍‍ ଆଦେସ୍‍ ବିଣ୍ଡିଂକେ ତଃଡ଼ିଆଚେ ଅଲେଙ୍ଗ୍‍ !” 
\v 7 ଆକେନ୍‍ ବାସଙ୍ଗ୍‍ଚେ ମେଁ ଇଞ୍ଚଙ୍ଗ୍‍ନ୍ତି ସାଚେ ଆତଡ଼ିଆକେ । ଆତେନ୍‌‍ ଦାପ୍ରେ ଆତେନ୍‌‍ ରେମୁଆଁନେ ପାଦ୍‍ ଞ୍ଚ ଆରି ଞ୍ଚନେ ମାଣ୍ଡି ଗଟିଇଂ ଡାଟାମ୍‍ ଡିଙ୍ଗ୍‍କେ 
\v 8 ମେଁ ପୁଏଚେ ତୁଆଁକେ ଆରି ଅଲେଙ୍ଗ୍‍ନେ ମୁଲେକେ । ତେନ୍‌ଇଡ଼ିଂ ମେଁ ଅଲେଙ୍ଗ୍‍ ଅଲେଙ୍ଗ୍‌ ଆରି ପୁଏ ପୁଏଚେ ଇସ୍‍ପର୍‍ନେ ପ୍ରସଂସା ଡିଙ୍ଗ୍‍ ଡିଙ୍ଗ୍‍ ମେଇଂ ଏତେ ମନ୍ଦିର୍‌ନ୍ନିଆ ୱେକେ । 
\v 9 ଆତ୍‍ଅରିଆ ଲେକ୍ନେ ରେମୁଆଁ ସାପାରେ ଆମେକେ ଅଲେଙ୍ଗ୍‍ନେ ଆରି ଇସ୍‍ପର୍‍କେ ପ୍ରସଂସା ଡିଙ୍ଗ୍‍ନେ କେକେ; 
\v 10 ଆମେକେ ମନ୍ଦିର୍‌ନେ ସୁନ୍ଦର୍‍ ର୍ଣ୍ଣସାଙ୍ଗ୍‍ ଡାଗ୍ରା କଲେଃକ୍ନେ ବିକାରି ଡାଗ୍‍ଚେ ସାମୁଆଁ ଆର୍କେ ଆରି ମେଁ ଆଡ଼ାତ୍ରା ମେଁନେ ଗଟେ ଲେଃଗେ ସାପା ମ୍ୟାଃଚେ ମେଇଂ ଇରିୟାଃତୁଗ୍‌ଚେ କାବା ଡିଙ୍ଗ୍‌ୱେଆର୍ଗେ ।
\s ପାର୍‍ତନା ମନ୍ଦିର୍‌ନ୍ନିଆ ପିତର୍‍ନେ ବାସଙ୍ଗ୍‌‍
\p
\v 11 ଆତେନ୍‌‍ ରେମୁଆଁ ପିତର ଆରି ଜହନ୍‌ ଏତେ ଲେଃନେ କେଚେ ରେମୁଆଁଇଂ ବକୁଆ ଡିଙ୍ଗ୍‍ଚେ ଶଲୋମନ୍‌ନେ ପ୍ଲେଡ଼ିଆ ଡାଗ୍ରା ୱିର୍‍ ଡୁଂୱେଆର୍ଗେ । 
\v 12 ପିତର୍‌ ଆମେଇଂକେ କେଚେ ବାସଙ୍ଗ୍‍କେ “ଏ ଇଶ୍ରାଏଲ୍‌ନେ ବୟାଁଇଂ ପେ ମେସା ଆକ୍‍ଅରିଆ ବକୁଆ ଡିଙ୍ଗ୍‍ଚେ ନେପାକା ଦେକ୍‍ ରକମ୍‍ କେପେଲେକେ ? ପେ ମେଁନେ ବାବେ ପେଡିଙ୍ଗ୍‍କେ ଜେ ନେ ନିଜେ ବପୁରେ ଆରି ଇସ୍‍ପର୍‍ନେ ବକ୍ତିରେ ନେ ଆକେନ୍‍ ରେମୁଆଁକେ ଅଲେଙ୍ଗ୍‍ନେ ବପୁ ବିଃନେବକେ ? 
\v 13 ଅବ୍ରାହାମ୍‍ ଇସ୍‌ହାକ୍‍ ଆରି ଜାକୁବ୍‌ନେ ଇସ୍‌ପର୍‌ ନେନେ ନ୍ତା ଞ୍ଜାଇଂ ଇସ୍‍ପର୍‍ ମେଇଂନେ ସେବକ୍‌ ଜିସୁକେ ଗୌରବ୍‌ନିତ୍‌ ଆଡିଙ୍ଗ୍‍ବକେ; ଆତେନ୍‌‍ ଜିସୁକେ ପେଇଂ ଆଃସା ପେବିକେ ଆରି ଅନାବେଲା ପୀଲାତ ଆମେକେ ଆନ୍ତାର୍‌ ନ୍‌ସା ରାଜି ଡିଙ୍ଗ୍‍ଲେଗେ । ଆତେନ୍‌‍ବେଲା ଆମେକେ ପେ ପୀଲାତନେ ସାମ୍‍ନେ ଅବିସ୍‌ବାସ୍‌ ପେଡିଙ୍ଗ୍‍କେ । 
\v 14 \x + \xo ୩:୧୪ \xo*\xt ମାତିଉ ୨୭:୧୫-୨୩; ମାର୍‌କ ୧୫:୬-୧୪; ଲୁକ୍‌ ୨୩:୧୩-୨୩; ଜହନ୍‌ ୧୯:୧୨-୧୫.\xt*\x*ମେଁ ମୁଇଂ ଦାର୍‌ମିକ୍‌ ଆରି ପବିତ୍ର ରେମୁଆଁ; ମାତର୍‍ ପେ ଆମେକେ ଅବିସ୍‌ବାସ୍‌ ପେଡିଙ୍ଗ୍‍କେ ଆରି ମେଁ ବାଦୁଲ୍‍ ମୁଇଂ ରେମୁଆଁ ବାଗୁଏରେକେ ଆନ୍ତାର୍‍ନ୍‍ସା ପିଲାତକେ ପାର୍‍ତନା ପେଡିଙ୍ଗ୍‌କେ । 
\v 15 ଜା ଜିବନ୍‍ନେ ଗାଲି ଆସୁଏ ଡିଙ୍ଗ୍‍କ୍ନେ ରେମୁଆଁକେ ପେ ପେବାଗୁଏକେ ମାତର୍‍ ଇସ୍‍ପର୍‍ ଆମେକେ ଗୁଏକ୍ନେ ବାନ୍‍ ଆଃତଡ଼୍ୟା ବକେ । ନେ କ୍ମେନେ ସାକି ନେଲେକେ । 
\v 16 ଆକେନ୍‍ ମୁଡ଼ି ରେମୁଆଁକେ ପେ କିକେ ପେଡିଙ୍ଗ୍‍କେ ଆରି ସାମୁଆଁ ପେଲେକେ ମେଁ ଜିସୁ ମ୍ନିରେ ବପୁ ବାଚେ ଅଲେଙ୍ଗ୍‍ ଇଁୟାକେ । ଜିସୁନେ ମ୍ନିରେ ନେନେ ବିସ୍‌ବାସ୍‌ ଲେଃକେ । ଆରି ଜିସୁ ଆଡ଼ାତ୍ରା ଲେକ୍ନେ ବିସ୍‍ବାସ୍‍ ଆଃ ପୁରାପୁରି ବାବ୍‍ରେ ନିମାଣ୍ଡା ଆଡିଙ୍ଗ୍‍ ବିକେ ଆରି ଆତେନ୍‌‍ ପେ କେପେଲେକେ ।”
\p
\v 17 “ଅ ଇସ୍ରାଏଲନେ ବୟାଁଇଂ ଆରି ତନାଇଂ ପେ ଆରି ପେନେ ନେତାଇଂ ଜିସୁ ଆଡ଼ାତ୍ରା ମେଁନେ ପେଡିଙ୍ଗ୍‍କେ ଆତେନ୍‌‍ ମାମ୍ୟାଚେ ଡିଙ୍ଗ୍‍ପେବକେ ଆକେନ୍‍ ନେଙ୍ଗ୍‍ ମ୍ୟାଃନ୍ଲେକେ । 
\v 18 ଇସ୍‌ପର୍‌ କିସ୍‌ଟ ଦୁକ୍‍ ବଗେନେ ବିସୟ୍‌ରେ ଅଃସେ ବାନ୍‍ ଆଃ ସାପା ସାମୁଆଁ ବାବବାଦିଇଂନେ ତୁମୁଆଃବାନ୍ ବାସଙ୍ଗ୍‍ ଆଡା ବଗେ । ଏବେ ପର୍‍ମେସର୍‍ ଆକେନ୍‍ ସାପା ଗଟ୍‌ନା ଆଃଗଟେ ଡିଙ୍ଗ୍‍କେ । 
\v 19 ଆତେନ୍‌‍ସା ପେ ମନେ ଏତେଚେ ଇସ୍‌ପର୍‌ ପାକା ଆଣ୍ଡେ ପାଙ୍ଗ୍‍ଲା । ତେଲା ମେଁ ପେନେ ପାପ୍‍ କେମା ଡିଙ୍ଗ୍‍ଏ 
\v 20 ଦେକ୍‍ ରକମ୍‍ ପେଡିଙ୍ଗ୍‍ଲା ମାପ୍‌ରୁ ଆପେକେ ଆତ୍ମାନେ ସାନ୍ତି ବିଏ, ମେଁନେ ମନନିତ୍‌ କିସ୍‌ଟ ଜିସୁକେ ଡିଗ୍‍ ମେଁ ପେ ଡାଗ୍ରା ବେ ବିଃଏ । 
\v 21 ବାର୍‌ମୁଇଂତର୍‍ ସାପା କାମ୍ ଡିଙ୍ଗ୍‍ ଜାକ ଜିସୁ କିତଂଇନି ଲେଃ ପଡ଼େଏ । ଆକେନ୍‍ ସାମୁଆଁ ବିସୟ୍‌ରେ ଇସ୍‍ପର୍‍ ପୁର୍ବେକାଲ୍‍ନେ ପବିତ୍ର ବାବବାଦିଇଂ ବାନ୍‍ ବାସଙ୍ଗ୍‍ବଗେ । 
\v 22 ମୋଶା ବାସଙ୍ଗ୍‍ବଗେ, ‘ମାପ୍‌ରୁ ଇସ୍‍ପର୍‍ ପେନେ ବୟାଁଇଂନେ ବିତ୍ରେବାନ୍ ପେ ନ୍‌ସା ନେଙ୍ଗ୍‌ ରକମ୍ ମୁଇଂ ବାବବାଦିକେ ବେଏ । ଆତେନ୍‌‍ ବାବବାଦି ପେ ବିତ୍‍ରେ ବାନ୍‍ ପାଙ୍ଗ୍‍ଏ । ମେଁ ନେଙ୍ଗ୍‍ ସୁଗୁଆ ଡିଙ୍ଗ୍‍ଏ । ମେଁ ମେଁନେ ବାସଙ୍ଗ୍‍ଏ ଆତେନ୍‌‍ ପେ ମାନେଃ ପଡ଼େଏ । 
\v 23 ମାତର୍ ଡେକ୍‌ରକମ୍ ଗଟେଏ ଜେ ମୁଡ଼ି ରେମୁଆଁ ଆତେନ୍‌ ବାବବାଦିନେ ସାମୁଆଁ ଆମାନେ ଆମେକେ ଇସ୍‌ପର୍‌ନେ ରେମୁଆଁଇଂନେବାନ୍ ବିନେ ଆଡିଂଚେ ବିନସ୍ଟ ଆଡିଂଏ ।’ 
\v 24 ଏବେ ଜା ଗଟେ ଡିଙ୍ଗ୍‍କେ ଶାମୁୟେଲ୍‌ ଆରି ମେଁ ଇଡ଼ିଙ୍ଗ୍‍ ପାଙ୍ଗ୍‍ଲେକ୍ନେ ସାପା ବାବବାଦିଇଂ ଆତେନ୍‌‍ ବିସୟ୍‌ରେ ବାଲିର୍‍ ବଗେ । 
\v 25 ବାବବାଦିଇଂନେ ସାର୍‌ମୁଆଁ ଇସ୍‌ପର୍‌ ଆଡିନେ ସାପା ପାର୍‌ମାନ୍‌ ଡିଙ୍ଗ୍‌ବକେ ଆତାନ୍‌ ପେଇଂ ନ୍‌ସା ଦର୍‌କାର୍‌ ବାରି ଇସ୍‍ପର୍‍ ପେଇଂନେ ଅଃସେ ନ୍ତା ଞ୍ଜା ଇଂନେ ଏତେ ଆଡିନେ ନିୟମ୍‌ ତିଆର୍‌ ଡିଙ୍ଗ୍‌ବକେ ପେଇଂ ଆତ୍‌ଅରିଆ ବାଗିଦାରି । ଇସ୍‍ପର୍‍ ଅବ୍ରାହାମ୍‍କେ ବାସଙ୍ଗ୍‌ବକେ ପେଇଂନେ ବଁସ୍‌କୁଲ୍‌ ଇଂ ବାନ୍‌ ନେଙ୍ଗ୍‌ ମଞ୍ଚ୍‌ପୁର୍‌ନେ ସାପା ଜାତିକେ ଆସିର୍‌ବାଦ୍‌ ଣ୍ତିଙ୍ଗ୍‌ଏ । 
\v 26 ପର୍‍ମେସର୍‍ ଆପେକେ ଆସିର୍‌ବାଦ୍‌ ଡିଙ୍ଗ୍‍ନ୍‍ସା ସେନୁଗ୍‍ ନିଜେନେ ସେବକ୍‌ ଜିସୁକେ ବେବକେ । ପେ ଜେନ୍ତିକି ଦଦ୍ୟା‍ କାମ୍ ପେଡିଂ ଆତେନ୍‌‍ସା ମେଁ ଦେକ୍‍ରକମ୍‍ ବାସଙ୍ଗ୍‍ବକେ ।”
\c 4
\s ଜିଉଦି ମ୍ନାଃ କୁକପାର୍‌ନ୍ନିଆ ପିତର୍‍ ଆରି ଯହନ୍‍
\p
\v 1 ପିତର୍‍ ଆରି ଯହନ୍‍ ରେମୁଆଁଇଂକେ ଦେକ୍‍ରକମ୍‍ ବୁଦି ବିଡିଙ୍ଗ୍‍ନେ ବେଲା ମନ୍ଦିର୍‍ନେ ଉଡ଼ିରୁଆ ପୁଜାରି ମନ୍ଦିର୍‍ ଉର୍‍ଣ୍ଡ୍ରେଇଂନେ ସେନାପତି ଆରି ଉଡ଼ିରୁଆ ସାଦୁକୀଇଂ ପିଙ୍ଗ୍‍ଚାଆର୍କେ । 
\v 2 ମେଇଂ ରିସାଡିଙ୍ଗ୍‍ ୱେଲେଆର୍‌ଗେ ଡାଗ୍ଲା ପିତର୍‍ ଆରି ଯହନ୍‍ ରେମୁଆଁଇଂକେ ସିକ୍ୟା ବିଡିଙ୍ଗ୍‍ଗେ ଆରି ଜିସୁନେ ସାମୁଆଁ ସାଃଚେ ଗୁଏକ୍ନେ ରେମୁଆଁଇଂବାନ୍‍ ଗୁଏଚେ ତଃଡ଼୍ୟାନେ ବିସୟ୍‍ରେ ବାସଙ୍ଗ୍‍ଡିଂଗେ । 
\v 3 ତେସା ମେଇଂ ଜେଲ୍‍କାନାନ୍ନିଆ ପିତର୍‍ ଆରି ଯହନ୍‍କେ ବନ୍ଦି ଆଡିଙ୍ଗ୍‍ବି ଆର୍କେ । ଆତେନ୍‌‍ ଦିନା ଜାବର୍‌ ଜିଲମ୍‍ ଡିଙ୍ଗ୍‍ ୱେଲେଲା ଆମେଇଂକେ ମାର୍‍ତଡ଼େ ଜାକ ଜେଲ୍‍କାନା ବିତ୍‍ରେ ବଆର୍‌କେ । 
\v 4 ମାତର୍‍ ଗୁଲେ ରୁଆ ମେଇଂନେ ବୁଦି ଦ୍ରିଗ୍‍ଚେ ବିସ୍‍ବାସ୍‍ ଡିଙ୍ଗ୍‍ଆର୍କେ ଆରି ଙ୍ଗିରେଇଂନେ ସଂକ୍ୟା ମ୍ନାଚେ ପ୍ରାୟ୍ ମାଲ୍ ଅଜାର୍‍ ଡିଙ୍ଗ୍‍କେ ।
\p
\v 5 ମାର୍‍ତଡ଼େ ଜିଉଦି ନେତାଇଂ ମନ୍ଦିର୍‌ ବିନ୍‌ବିନ୍‌ ରେମୁଆଁଇଂ ବାରି ଦରମ୍‌ ଗୁରୁଇଂ ଯିରୁସାଲାମ୍‌ ମୁଇଂ ଅରିଆ ଡିଙ୍ଗ୍‌ଆର୍କେ । 
\v 6 ମେଇଂ ହାନାନ କୟାଫା ଜହନ୍‌ ଆଲେକ୍‍ଜାଣ୍ତାର୍‍ ବାରି ମ୍ନା ପୁଜାରି ଡୁଆଣ୍ଡ୍ରେନେ ବିନ୍‍ରେକେ କୁଡ଼େ ଆର୍କେ । 
\v 7 ମେଇଂ ପ୍ରେରିତ୍‌ ସିସ୍‍ଇଂକେ ସାମ୍‍ନେ ଆତୁଆଁଚେ ସାଲିଆକୁଆର୍କେ, “ଜାନେ ବପୁରେ ବା ଜା ମ୍ନିରେ ଆକେନ୍‍ ଡିଙ୍ଗ୍‍ପେଡିଙ୍ଗ୍‍ ?”
\p
\v 8 ପିତର୍ ପବିତ୍ର ଆତ୍ମାନେ ବପୁ ବାଚେ ଆମେଇଂକେ ଉତର୍‍ ବିକେ “ଜିଉଦି ଜାତିନେ ଇଃସାଙ୍ଗ୍‌ ଆରି ଦର୍ମ ନେତାଇଂ ! 
\v 9 ଜଦି ଏକେ ନେ ଆକେନ୍‍ ଚଟା ନ୍‍ସା ଡିଙ୍ଗ୍‍ ନେବକ୍ନେ ବଲ୍‍ କାମ୍ ବିସୟ୍‌ରେ ପେଇଂ ପ୍ରସ୍‌ନ ଡିଙ୍ଗ୍‍ପେଡିଙ୍ଗ୍‍ ଆରି ମେଁ ଡିରକମ୍‍ ନିମାଣ୍ଡା ଡିଙ୍ଗ୍‍କେ ଡାଗ୍‌ଚେ ମ୍ୟାଃନ୍‍ସା ଚାଏଁପେଡିଙ୍ଗ୍‍କେ । 
\v 10 ତେଲା ପେ ଆରି ଇଶ୍ରାୟେଲୀୟନେ ସାପା ମ୍ୟାନ୍‍ସା ଦର୍‍କାର୍‍ ଜେ ପେ ସାମ୍‍ନେଆ ତୁଆଁ ଲେକ୍ନେ ଆକେନ୍‍ ରେମୁଆଁ କେବଲ୍‍ ନାଜରିତିୟ ଜିସୁ କିସ୍‌ଟନେ ମ୍ନିନେ ବପୁରେ ପୁରାପୁରି ନିମାଣ୍ଡା ଡିଙ୍ଗ୍‍ଲେକେ । ଆତେନ୍‌‍ ଜିସୁକେ ପେ କୁରୁସ୍‌ନ୍ନିଆ ଆଡେଚେ ପେବାଗୁଏକେ । ମାତର୍‍ ଇସ୍‍ପର୍‍ ଆମେକେ ଗୁଏକ୍ନେ ବାନ୍ ଆତଡ଼ିଆବକେ । 
\v 11 ଜିସୁନେ ବିସୟ୍‍ରେ ଆଃ ଦର୍ମସାସ୍ତର୍‌ନ୍ନିଆ ଗୁଆର୍‍ବକେ,
\q1 ଆଣ୍ଡିନେ ବ୍ରିକେ ଡୁଆ ଆରେଡ୍ରେ ଆମେକେ ଦର୍‍କାର୍‍ ଣ୍ଡୁ ଡାଗ୍‍ଚେ ଜଗ୍‌ତ୍ଲାଗ୍‍ବଗେ ।
\q2 ମାତର୍‍ ଆତେନ୍‌‍ ବ୍ରି ଏକେ କନ୍‍ନେ ମୁଲ୍‌ ବ୍ରି ଡିଙ୍ଗ୍‍ଲେକେ ।
\m
\v 12 ଆମେ ଆନ୍ତାର୍‌ଲା ଆରି ଜାଡାଗ୍ରା ଉଦାର୍ ଣ୍ଡୁ; ଡାଗ୍ଲା ଜାନେ ବାନ୍ ଆନେକେ ଉଦାର୍‍ ବାନେ ଡିଂଏ କିତଂଇନି ଆଲ ରେମୁଆଁଇଂନେ ବିତ୍ରେବାନ୍ ଆରି ମେଃଡିଗ୍ ମ୍ନି ବିଆବକେ ଣ୍ଡୁ ।”
\p
\v 13 ପିତର ଆରି ଜହନ୍‌ ଅସିକିତ୍‍ ଆରି ସାଦାସିଦା ରେମୁଆଁ ଲେଃଗେ ଡାଗ୍‌ଚେ ମ୍ନାଃ କୁକପାର୍‌ନେ ସଦସ୍ୟଇଂ ମ୍ୟାଃଲେଆର୍ଗେ । ତେସା ମ୍ୱାୟା ସିସ୍‍ନେ ସାହାସ୍‍ କେଚେ ମେଇଂ ବକୁଆ ଡିଙ୍ଗ୍‍ୱେଆର୍ଗେ । ବାରି ମେଇଂ ମ୍ୟାଃଲେଆର୍ଗେ, ଆତେନ୍‌‍ ମ୍ୱାୟା ଜିସୁ ଏତେ ଲେଆର୍ଗେ । 
\v 14 ମାତର୍ ମେଇଂ ବିରଦ୍‍ ଡିଙ୍ଗ୍‍ଚେ ମେଃଡିଗ୍‍ ବାସଙ୍ଗ୍‍ ଆୟାଆର୍କେ ଣ୍ଡୁ; ଡାଗ୍ଲା ମେଁ ନିମାଣ୍ଡା ଡିଙ୍ଗ୍‍ଲେକ୍ନେ ରେମୁଆଁକେ ପିତର୍‍ ଆରି ଯହନ୍‍ ଏତେ ତୁଆଁଲେକ୍ନେ କେକେ । 
\v 15 ମେଇଂ ସବାବାନ୍‍ ତାର୍‍ୱେ ନ୍‍ସା ଆଦେସ୍‍ ବିଃଆର୍‌କେ । ତେନ୍‌ ଇଡ଼ିଂ ନେତାଇଂ ମେଃ ଡିଙ୍ଗ୍‍ଆର୍‍ଏ, ଆତେନ୍‌‍ ବିସୟ୍‌ରେ ମେଇଂ ବିତ୍‍ରେ ବାଲିର୍‌ ବାତା ଡିଙ୍ଗ୍‍ ଆର୍କେ । 
\v 16 ମେଇଂ ବାସଙ୍ଗ୍‍ଆର୍କେ “ନେ ଆକ୍ମେଇଂ ଆଡ଼ାତ୍ରା ମେଃ ନେଃଡିଂପା ? କିମେଇଂ ଡିଙ୍ଗ୍‍ବକ୍ନେ କାବା କାମ୍ ବିସୟ୍‍ରେ ଯିରୂଶାଲମ୍‌ନେ ସାପାରେ ମ୍ୟାଃଲେଆର୍ଗେ । ଆକେନ୍‍ ସତ୍‍କେ ନେ ଆରି ଅବିସ୍‌ବାସ୍‌ ଡିଙ୍ଗ୍‍ ନେୟା ଣ୍ଡୁ । 
\v 17 ମାତର୍‍ ଆକେନ୍‍ ବ୍ନାଇର୍‍ ଜେନ୍ତିକି ରେମୁଆଁଇଂ ଡାଗ୍ରା ଜାବର୍‌ ଉଡ୍ରା ଆଡିଙ୍ଗ୍‍ ଆରି ଜିସୁନେ ମ୍ନିରେ ଜା ଡାଗ୍ରା ଡିଗ୍‍ ମେଃଡିଗ୍‍ ମାବାସଙ୍ଗ୍‍ ନ୍‌ସା ଆକ୍ମେଇଂକେ ନେ ସାବ୍‍ଦାନ୍‍ ଆଡିଙ୍ଗ୍‍ ନେବିପା ।”
\p
\v 18 ତେସା ମେଇଂ ପିତର୍‍ ଆରି ଯହନ୍‍କେ ବାର୍‌ମୁଇଂତର୍‍ ବିତ୍‍ରେ ୱାଆର୍କେ ଆରି ଅନାଡିଗ୍‍ ଜିସୁନେ ମ୍ନିରେ ମେଃଡିଗ୍‍ ସାମୁଆଁ ମାବାସଙ୍ଗ୍‍ ନ୍‍ସା ଆରି ସିକ୍ୟା ମାବିନ୍‍ସା ତରକ୍‍ ଆଡିଙ୍ଗ୍‍ବି ଆର୍କେ । 
\v 19 ମାତର୍‍ ପିତର ଆରି ଜହନ୍‌ ଆମେଇଂକେ ଉତର୍‍ ବିଃକେ, “ପର୍‍ମେସର୍‍ନେ ଆଦେସ୍‌ ଆନ୍ତାର୍‍ଚେ ପେନେ ଆଦେସ୍‌ ପାଲନ୍‍ ଡିଙ୍ଗ୍‍ନେ ନେନେ ଟିକ୍‌ କି ଣ୍ଡୁ, ଆତେନ୍‌‍ ପେ ବିଚାର୍‌ ଡିଙ୍ଗ୍‍ପା । 
\v 20 ନେ ମେଃନେ କେନେଲେକେ ଆରି ଅଁନେଲେକେ ଆତେନ୍‌‍ ରେମୁଆଁଇଂକେ ମାବାସଙ୍ଗ୍‍ଚେ ଲେଃନେୟା ଣ୍ଡୁ ।” 
\v 21 ଆତ୍‍ବା ମେଇଂ ରେମୁଆଁଇଂକେ କେଚେ ଆମେଇଂକେ ଡଣ୍ଡ୍‍ ବିନେ ମେଃଡିଗ୍‍ ଉପାୟ୍‍ ମାବାଚେ ଆମେଇଂକେ ଅଦିକ୍‍ ଆପ୍‍ଟଚେ ଆନ୍‍ତାର୍‍ବି ଆର୍କେ ତେସା ମେଃନେ ଗଟେ ଲେଃଗେ ଆତେନ୍‌‍ସା ରେମୁଆଁ ସାପାରେ ଇସ୍‍ପର୍‍ନେ ମ‍ଇମା ଡିଙ୍ଗ୍‌ଆର୍‌କେ । 
\v 22 ମୁଡ଼ି ରେମୁଆଁ କାବା କାମ୍‍ରେ ନିମାଣ୍ଡା ଡିଙ୍ଗ୍‍ଲେଗେ ମେଁନେ ବୟସ୍‍ ଚାଲିସ୍‍ ମୁଆଃବାନ୍ ଅଦିକା ଲେଃଗେ ।
\s ସାହାସ୍‍ ବାନ୍‍ସା ପାର୍‍ତନା
\p
\v 23 ପିତର୍‍ ଆରି ଯହନ୍‍କେ ଆନ୍ତାର୍‍ବିନେ ସଙ୍ଗେ ସଙ୍ଗେ ମେଇଂନେ ଦଲ୍‍ନ୍ନିଆ ଆଣ୍ଡେ ୱିଗ୍‍ଗେ ଆରି ମ୍ନା ପୁଜାରି ଆରି ଦର୍ମ ନେତାଇଂ ମେଃନେ ବାସଙ୍ଗ୍‍ବଗେ ଆତେନ୍‌‍ ଆମେଇଂକେ ଆମ୍ୟାଃକେ । 
\v 24 ବିସ୍‍ବାସିଇଂ ସାପା ସାମୁଆଁ ଅଁକ୍ନେ ଇଡ଼ିଙ୍ଗ୍‍ ସାପାରେ ମୁଇଂନୁଗ୍‍ ରିସିଙ୍ଗ୍‍ଚେ ଇସ୍‍ପର୍‍ଡାଗ୍ରା ଆକେନ୍‍ ପାର୍‍ତନା ଡିଙ୍ଗ୍‍ଆର୍କେ “ଏ ମାପ୍‌ରୁ ! କିତଂଇନି ମଞ୍ଚ୍‌ପୁର୍‌ କେଣ୍ଡିଆ ଆରି ଆତ୍‍ ଅରିଆ ଲେଡିଙ୍ଗ୍‍କ୍ନେ ସାପା କିଚି ତିଆର୍‍ ଡିଙ୍ଗ୍‍ ନାବକେ ! 
\v 25 ନେନେ ଅଃସେଣ୍ଡ୍ରେ ଦାଉଦ ନାନେ ସେବକ୍‌ ଲେଃଗେ । ମେଁ ପବିତ୍ର ଆତ୍ମାନେ ବାନ୍‍ ଆକେନ୍‍ ବ୍ନାଇର୍‍ ଗୁଆର୍‍ ବକେ
\q1 ‘ଆକେନ୍‍ ଅଣଜିଉଦିଇଂ ମେଃନ୍‌ସା ୱିଙ୍ଗ୍‌ଆଃ ରିଙ୍ଗ୍‍ଆ ଡିଙ୍ଗ୍‍ ଆର୍‍ ଡିଙ୍ଗ୍‍କେ ?
\q2 ଆକେନ୍‍ ମଞ୍ଚ୍‌ପୁର୍‌ନେ ରେମୁଆଁଇଂ ମେଃନ୍‌ସା ପର୍‍ମେସର୍‍ ବିରଦ୍‍ରେ ଦଦ୍ୟା‍ ଚିନ୍ତା ବାବେ ଡିଙ୍ଗ୍‍ ଆର୍‍ଙ୍କେ ? ଆକେନ୍‍ ସାପା ଦର୍‌କାର୍‌ ଣ୍ଡୁ ।
\q1
\v 26 ମାପ୍‌ରୁନେ ବିରଦ୍‍ରେ
\q2 ଆରି ମେଁନେ ମସିହନେ ବିରଦ୍‍ରେ ମଞ୍ଚ୍‌ପୁର୍‍ନେ ଇଃସାଙ୍ଗ୍‌ଇଂ ତୁଆଁ ଆର୍‍କେ
\q2 ଆରି ସାସନ୍‍ ଡିଂଣ୍ଡ୍ରେ ମୁଇଂନ୍ନିଆ ରିସିଙ୍ଗ୍‍ ଆର୍କେ ।’
\m
\v 27 \x + \xo ୪:୨୭ \xo*\xt ଲୁକ୍‌ ୨୩:୭-୧୧; \xt*\xt ମାତିଉ ୨୭:୧,୨; ମାର୍‌କ ୧୫:୧; ଲୁକ୍‌ ୨୩:୧; ଜହନ୍‌ ୧୮:୨୮,୨୯.\xt*\x*ଡାଗ୍ଲା ନାନେ ମୁଃଡ଼ି ପବିତ୍ର ଦାସ୍ ଜିସୁକେ ନାଁ ନାସ୍ରିକେ ପକ୍‌ରୁତ୍‌ରେ ଆକେନ୍‍ ନଗରିନ୍ନିଆ ହେରୋଦ ଆରି ପନ୍ତିୟ ପୀଲାତ ଅଣଜିଉଦି ଆରି ଇଶ୍ରାୟେଲୀୟନେ ରେମୁଆଁଇଂ ଏତେ କୁଡ଼େଚେ ପେବାନ୍‍ ବାଚେ ପେବକ୍ନେ ଜିସୁକେ ପେନେ ପବିତ୍ର ଦାସ୍‌ନେ ବିରଦ୍‍ରେ ଜଜ୍‌ନା ପେଡିଙ୍ଗ୍‍କେ । 
\v 28 ପେନେ ବପୁ ଆରି ପେନେ ଇକ୍‌ଚାରେ ଜା ସାପା ଆଃଗଟେ ନ୍‍ସା ପେ ତିଆର୍‍ ଆଡିଙ୍ଗ୍‍ ପେବଗେ ମେଇଂ ରିସିଙ୍ଗ୍‍ଚେ ଆତେନ୍‌‍ ସାପା ଡିଙ୍ଗ୍‍ନ୍‍ସା ଲାଗେ ପଡ଼େଆର୍କେ । 
\v 29 ଅ ମାପ୍‌ରୁ, ଏବେ ମେଇଂ ଆନେକେ ଡିରକମ୍‌ ଦମକ୍‍ ବିବକେ, ନା ଆତେନ୍‌‍ ବିସୟ୍‌ରେ ଦ୍ରିଗ୍‍ ଆରି ଦାସ ଦାସୀଇଂକେ ବର୍‌କସ୍‌ ବାବ୍‌ରେ ନାନେ ବ୍ନାଇର୍‍ ବାସଙ୍ଗ୍‍ ଅଲେଙ୍ଗ୍‍ ନ୍‍ସା ବପୁ ବିଲା । 
\v 30 ନାନେ ବପୁ ଆନେକେ ଆସୁଏ ଜାଣ୍ଡେଃବାନ୍‌ କି ନେ ସାଆସ୍‍ରେ ନାନେ ପବିତ୍ର ଦାସ୍‌ ଜିସୁନେ ମ୍ନିରେ ରଗିଇଂକେ ନିମାଣ୍ଡା ଆଃଡିଙ୍ଗ୍‍ ନ୍‍ସା ଗୁଲେ ଚିନ୍ ଆସୁଏ ନ୍‍ସା ଆରି କାବା ରକମ୍‍ କାମ୍ ଡିଙ୍ଗ୍‍ ନେୟାଏ ।”
\p
\v 31 ପାର୍‌ତନା ଡାକ୍ନେ ଇଡ଼ିଙ୍ଗ୍‍ ଆଣ୍ଡିନ୍‍ ଡୁଆନ୍ନିଆ ପାର୍‍ତନା ଡିଙ୍ଗ୍‍ଆର୍‍ଡିଙ୍ଗ୍‍ଗେ ଆତ୍‍ଅରିଆ ସାପାରେ ରିସିଙ୍ଗ୍‍ଲେ ଆର୍ଗେ । ଆତେନ୍‌‍ ଡୁଆ ଲିଗିର୍ ୱେକେ । ମେଇଂ ସାପାରେ ପବିତ୍ର ଆତ୍ମା ବାଚେ ପର୍‍ମେସର୍‍ନେ ସାମୁଆଁ ସାହାସ୍‍ରେ ବାସଙ୍ଗ୍‍ ଅଲେଙ୍ଗ୍‍ନ୍‍ସା ମୁଲେକେ ।
\s ବିସ୍‌ବାସିଇଂ ମେଇଂମେଇଂ ବିତ୍‍ରେ ଲିଜବ୍ରିକେ କୁଡ଼େଚେ ସ୍ଲେଆର୍‍କେ
\p
\v 32 \x + \xo ୪:୩୨ \xo*\xt ପ୍ରେରିତ୍‌ ୨:୪୪,୪୫.\xt*\x*ବିସ୍‍ବାସ୍‍ ଡିଙ୍ଗ୍‍ଲେ ଆର୍‍କ୍ନେ ରେମୁଆଁଇଂନେ ମୁଇଂ ମନ୍‌ ମୁଇଂ ଆତ୍ମାରେ ଲେଃଆର୍‌ଗେ । ମେଇଂନେ ବିତ୍‍ରେ ଜାଡିଗ୍‍ ମେଁ ଜିନିସ୍‌କେ ଡିଗ୍‍ ନିଜେନେ ଡାଗ୍‌ଚେ ବାସଙ୍ଗ୍‍ ଆଡିଙ୍ଗ୍‍ ଆର୍‍ ଣ୍ଡୁ । ମେଇଂ ଡାଗ୍ରା ମେଁନେ ଲେଃଗେ ଆତ୍‍ଅରିଆ ସାପାରେନେ ବାଟା ଲେଃଗେ । 
\v 33 ମାପ୍‌ରୁ ଜିସୁ ଜା ସତ୍‍ରେ ଗୁଏଚେ ତଃଡ଼୍ୟା ଲେଃକେ ଆକେନ୍‍ ପ୍ରେରିତ୍‌ ସିସ୍‌ଇଂ ମ୍ନା ବପୁରେ ସାକି ବିଆର୍‌କେ । ପର୍‍ମେସର୍‍ ସାପା ବିସ୍‍ବାସିଇଂକେ ଗୁଲେ ଅନୁଗ୍ର‍ଅ ବିକେ । 
\v 34 ମେଇଂନେ ବିତ୍‍ରେ ଆଜାକେ ଡିଗ୍‍ ଅବାବ୍‍ ଆଲେଗେ ଣ୍ଡୁ । ଜାନେ ଡୁଆ ବା ଲିଜ ଲେଃଗେ ମେଁ ଆତେନ୍‌‍ ସାପା ସଚେ ଡାବୁ ଡୁଂପାଙ୍ଗ୍‍ଚେ, 
\v 35 ମେଇଂ ଆତେନ୍‌‍ ସମ୍ପତିକେ ପ୍ରେରିତ୍‌ ସିସ୍‌ଇଂନେ ଞ୍ଚଆଲ ବଡିଙ୍ଗ୍‍ଆର୍ଗେ । ସାପାରେକେ ନିଜେନେ ଉଡ଼ି ଦର୍‍କାର୍‍ ଅଃକେନ୍‌ ଇସାବ୍‍ରେ ଡାବୁ ବାଟା ବିଡିଙ୍ଗ୍‍ଗେ ।
\p
\v 36 ଯସେପ୍‍ ମ୍ନିରେ ମୁଇଂ ବିସ୍‍ବାସ୍‍ ରେମୁଆଁ ଲେଃଗେ । ପ୍ରେରିତ୍‌ ସିସ୍‌ଇଂ ଆମେକେ “ବର୍ଣ୍ଣବା” ମ୍ନିରେ ୱାଡିଙ୍ଗ୍‍ ଆର୍ଗେ । ଆକେନ୍‍ ମ୍ନିନେ ଅର୍‌ତ “ସାଇଜ ଡିଙ୍ଗ୍‍ଣ୍ଡ୍ରେ” ମେଁ ସାଇପ୍ରସ୍‌ ମ୍ନିକ୍ନେ ଜାଗାନ୍ନିଆ ମୁଇଂ ଲେବୀୟ ବଂସନ୍ନିଆ ଜନମ୍ ଡିଙ୍ଗ୍‌ଲେଃଗେ । 
\v 37 ଯସେପ୍‍ନେ ଇକୁଡ଼ା ଲିଜ ଲେଃଗେ । ମେଁ ଆମେକେ ସ ଜଗ୍‍ତ୍ଲାଗ୍‍ଚେ ସକ୍ନେ ସାପା ଡାବୁ ଡୁଂପାଙ୍ଗ୍‍ଚେ ପ୍ରେରିତ୍‌ ସିସ୍‌ଇଂକେ ବିଃକେ ।
\c 5
\s ହନନିୟ ଆରି ଶଫୀରା
\p
\v 1 ହନନୀୟ ମ୍ନିକ୍ନେ ମୁଇଂ ରେମୁଆଁ ଆରି ମେଁନେ କୁନେଡ଼େ ଶଫୀରା ମେଇଂନେ ଲିଜ ବ୍ରି ସବିଆର୍କେ । 
\v 2 ମାତର୍‍ କୁନେଣ୍ଡେନେ ଦନ୍‍ ସମ୍ପତି ଡୁଂୱେଚେ ହନନିୟା ସକ୍ନେ ଉଡ଼ି ଦନ୍‍ ନିଜେ ଆତ୍‍ଲା ବଚେ ବାକି ସାପା ପ୍ରେରିତ୍‌ ସିସ୍‌ଇଂକେ ବିକେ । 
\v 3 ପିତର୍ ଆମେକେ ବାସଙ୍ଗ୍‍କେ “ହନନୀୟ ନା ମେନ୍‌ସା ସ‍ଇତାନ୍‌ ନା ଜିବନ୍‌ ଅରିଆ ପୁରାପୁରି ବାବ୍‌ରେ ଅଦିକାର୍‌ ଡିଙ୍ଗ୍‌ବକେ ? ନେ ସାମୁଆଁ ସାଚେ ଲିଜ ବ୍ରି ସଃଚେ ଆତ୍‍ବା ବାନାଲେକ୍ନେ ଡାବୁବାନ୍‍ ଉଡ଼ି ସୁଗୁଆ ନା ଆତ୍‍ଲା ବଚେ ପବିତ୍ର ଆତ୍ମା ଡାଗ୍ରା ମିଚ୍‍ ନାବାସଙ୍ଗ୍‍କେ ? 
\v 4 ଦନ୍‍ ସମ୍ପତି ସନେ ସେନୁଗ୍‍ ଆତେନ୍‌‍ ନାନେ ଲେଃଗେ; ସନେ ଇଡ଼ିଙ୍ଗ୍‍ ଡିଗ୍‍ ଆତେନ୍‌‍ ମେଁନେ ନାନେ ଆଲେଗେ ? ତେଲା ନା ମେଃନ୍‌ସା ଦେକ୍‍ରକମ୍‍ କାମ୍ ଡିଙ୍ଗ୍‍ନ୍‍ସା ମନ୍‌ ନାବାବେକେ ? ନା ରେମୁଆଁଇଂକେ ନାଜଟେକେ ଣ୍ଡୁ ମାତର୍‍ ଇସ୍‍ପର୍‍ ଡାଗ୍ରା ମିଚ୍‍ ବାସଙ୍ଗ୍‍ ନାବକେ ।” 
\v 5 ହନନୀୟ ଆକେନ୍‍ ସାମୁଆଁ ଅଁକ୍ନେ ଦାପ୍ରେ ତୁବଃନ୍ନିଆ ଲଃଚେ ଗୁଏଃୱେଗେ । ଆକେନ୍‍ ସାମୁଆଁ ଅଁଚେ ରେମୁଆଁଇଂ ଜାବର୍‌ ବୁଟମେଗ୍‌ ୱେଆର୍‌କେ । 
\v 6 ତେନ୍‌ ଇଡ଼ିଂ ଙ୍ଗିରେଇଂ ହନନିୟାନେ ଗୁଏକ୍ନେ ଗାଗ୍‍ଡ଼େକେ ପାଟାଇ ଏତେ ଡାଚେ ପାଦାପାକା ଡୁଂୱେଚେ ଆତି ବିଃଆର୍କେ ।
\p
\v 7 ଞ୍ଜି ଗଣ୍ଟା ଇଡ଼ିଙ୍ଗ୍‍ ହନନିୟାନେ କୁନେଣ୍ଡେ ପିଙ୍ଗ୍‍ଚାକେ । ମେଁ ଆକେନ୍‍ ଗଟ୍‍ନା ବିସୟ୍‍ରେ ମ୍ୟାଃଆଲେଃଗେ । 
\v 8 ପିତର୍‍ ଆମେକେ ସାଲିଆକୁକେ “ନା ଆରି ନା ଆଣ୍ଡା ଆଣ୍ଡିନେ ଲିଜ ବ୍ରି ପେସକେ ଆତେନ୍‌‍ ମେଁନେ ଅଃକେନ୍‍ ଦାମ୍‍ରେ ପେସକେ କି ?” ମେଁ ଉତର୍‍ ବିକେ “ଅଁଃ ଅଁ ଅଃତେନ୍‌‍ ଦାମ୍‍ରେ ସ ନେବକେ ।”
\p
\v 9 ପିତର୍‍ ଆମେକେ ବାସଙ୍ଗ୍‍କେ, “ମାପ୍‌ରୁନେ ଆତ୍ମାକେ ପରିକ୍ୟା ଡିଙ୍ଗ୍‍ନେସା ନା ଆରି ନା ଆଣ୍ଡା ମେଃନ୍‌ସା ରାଜି ପେଡିଙ୍ଗ୍‍କେ ? ଜାଣ୍ଡେଇଂ ନା ଆଣ୍ଡାକେ ଆତି ଆର୍କେ ମେଇଂ ଏବେ ର୍ଣ୍ଣସାଙ୍ଗ୍‌ ଡାଗ୍ରା ୱେଚାଆର୍ଗେ । ଆନାକେ ଡିଗ୍‍ ମେଇଂ ପାଦାପାକା ଗୁଃ ଡୁଂୱେଆର୍‍ଏ ।” 
\v 10 ଆତେନ୍‌‍ ସେଲାମ୍ବୁଏଃ ଡିଗ୍‍ ମେଁନେ ଞ୍ଚବୁନ୍ଦେ ଲଃଚେ ଗୁଏଃୱେଗେ । ତେନ୍‌ ଇଡ଼ିଂ ଙ୍ଗିରେଇଂ ବିତ୍‍ରେ ପାଙ୍ଗ୍‍ଚେ ଆମେକେ ଗୁଏ ଲେକ୍ନେ କେଚେ ଆମେକେ ଡୁଙ୍ଗ୍‍ ରାଙ୍ଗ୍‌ୱେଆର୍‍ଗେ ଆରି ମେଁନେ ଆଣ୍ଡାଣ୍ଡେକେ ଆତିବକ୍ନେ ଡାଗ୍ରା ଆମେକେ ଆତି ଆର୍କେ । 
\v 11 ମଣ୍ଡଲିନେ ସାପା ବିସ୍‌ବାସି ଆରି ବିନ୍‍ ସାପା ରେମୁଆଁ ଜାଣ୍ଡେଇଂ ଆକେନ୍‍ ସାମୁଆଁ ଅଁ ଆର୍‍କେ ମେଇଂ ଜାବର୍‌ ବୁଟମେଗ୍‌ ଆର୍କେ ।
\s ବୟ୍‍ଙ୍କାର କାମ୍ ଆରି ଇରିଆତୁଗ୍‌ନେ କାମ୍
\p
\v 12 ପ୍ରେରିତ୍‌ ସିସ୍‌ଇଂନେ ନ୍ତି ବାନ୍‍ ରେମୁଆଁଇଂ ବିତ୍‍ରେ ଜାବର୍‌ ଚିନ୍ ଆରି କାବା କାମ୍‍ଇଂ ଡିଙ୍ଗ୍‍ଆର୍କେ । ଆରି ସାପା ମଣ୍ଡଲି ମୁଇଂ ଉଦେସ୍‍ରେ ଶଲୋମନ୍‌ନେ ମଣ୍ଡପ୍‌ନ୍ନିଆ ରିସିଙ୍ଗ୍‍ ଆର୍କେ । 
\v 13 ମେଇଂ ଏତେ କୁଡ଼େଚେ ତୁଆଁ ନ୍‍ସା ଜାଡିଗ୍‍ ସାହାସ୍‍ ଆଡିଙ୍ଗ୍‍ଆର୍‌ଗେ ଣ୍ଡୁ । ସାପାରେ ପ୍ରେରିତ୍‌ଇଂକେ ମାଲେ ପ୍ରସଂସା ଡିଙ୍ଗ୍‍ଆର୍କେ । 
\v 14 ଇସ୍‍ପର୍‍ଡାଗ୍ରା ବିସ୍‍ବାସ୍‍ ଡିଙ୍ଗ୍‍ଣ୍ଡ୍ରେଇଂ ଗୁଲେ ଙ୍ଗିରେ ଆରି ସେଲାମ୍ବୁଏଃ ମାପ୍‌ରୁନେ ଏତେ ଦଲ୍‍ନ୍ନିଆ କୁଡ଼େ ଆର୍କେ । 
\v 15 ଆରି ବିସ୍‍ବାସ୍‍ ଡିଙ୍ଗ୍‍ଣ୍ଡ୍ରେଇଂ ଦିନ୍‍କେ ଦିନ୍‍ ମ୍ନାନେ ଲାଗେକେ । ତେସା ରେମୁଆଁଇଂ ରଗ୍‍ ସା ଲେଃକେଣ୍ଡ୍ରେଇଂକେ ଗାଲିଡାଗ୍ରା କଟ୍‌ନ୍ନିଆ ଡୁଙ୍ଗ୍‍ପାଙ୍ଗ୍‍ ଆର୍କେ ଜେନ୍ତିକି ପିତର୍‍ନେ ଲୁଡ଼ିଆ ୱେ ୱିଗ୍ କେଲା ରଗ୍‍ ସାଃଲେକ୍ନେ ରେମୁଆଁଇଂନେ ଆଡ଼ାତ୍ରା ଆତେନ୍‌‍ ଲୁଡ଼ିଆ ବାଏ ଆରି ଆତେନ୍‌‍ ଲୁଡ଼ିଆବାନ୍‍ ରଗିଇଂ ନିମାଣ୍ଡା ଡିଙ୍ଗ୍‍ଆର୍‍ଏ । 
\v 16 ଯିରୂଶାଲମ୍‌ନେ ଡାଗ୍ରା ସହର୍‍ଇଂବାନ୍‍ ରେମୁଆଁଇଂ ମେଇଂନେ ରଗ୍‍ ସାଃଲେକ୍ନେ ରେମୁଆଁଇଂକେ ଆରି ଜାଣ୍ଡେଇଂକେ ବୁତ୍‌ ସାଲେଗେ ଆମେଇଂକେ ସାଚେ ଡୁଙ୍ଗ୍‍ପାଙ୍ଗ୍‍ ଆର୍‍ ଡିଙ୍ଗ୍‍ଗେ ଆରି ମେଇଂ ସାପାରେ ନିମାଣ୍ଡା ଡିଙ୍ଗ୍‍ଚେ ୱେଡିଂଗେ ।
\s ପ୍ରେରିତ୍‌ ସିସ୍‍ଇଂ ଆଡ଼ାତ୍ରା ନିନ୍ଦା
\p
\v 17 ତେନ୍‌ ଇଡ଼ିଂ ମ୍ନା ପୁଜାରି ଆରି ମେଇଂନେ ସାପା ରେମୁଆଁଗଣ୍ଡ୍‍ଇଂ ଆରି ସାଦୁକୀ ଦଲ୍‍ନେ ରେମୁଆଁଇଂ ପ୍ରେରିତ୍‌ ସିସ୍‍ଇଂନେ ଆଡ଼ାତ୍ରା ଜାବର୍‌ ରିସାଡିଙ୍ଗ୍‍ଚେ ମେଇଂନେ ବିରଦ୍‍ରେ ତଡ଼ିଆ ଆର୍କେ । 
\v 18 ମେଇଂ ପ୍ରେରିତ୍‌ ସିସ୍‌ଇଂକେ ଗାଗ୍‍ଚେ ଡାଆଁ କ‍ଇଦ୍ ଡୁଆ ବିତ୍‍ରେ ବଆର୍‌କେ । 
\v 19 ମାତର୍‍ ମାପ୍‌ରୁନେ ମୁଇଂ ଦୁତ୍‍ ମିଡିଗ୍‍ବ ଆତେନ୍‌‍ ଜେଲ୍‍କାନାନେ ର୍ଣ୍ଣସାଙ୍ଗ୍‌ ସାପା ରଃଚେ ଆମେଇଂକେ ଆତାର୍‍ ବିଚେ ବାସଙ୍ଗ୍‍କେ, 
\v 20 “ପେ ମନ୍ଦିର୍‌ନ୍ନିଆ ୱେଚେ ତୁଆଁପା ଆରି ରେମୁଆଁଇଂକେ ମାପ୍‌ରୁ ଜିସୁ ବିବକ୍ନେ ଆକେନ୍‍ ନୁଆଁ ଜିବନ୍‍ ସାମୁଆଁ ବାସଙ୍ଗ୍‍ପା ।” 
\v 21 ଆକେନ୍‍ ଅଁଚେ ପ୍ରେରିତ୍‌ଇଂ ଞ୍ଜିର୍‍ନୁଗ୍‍ ମନ୍ଦିର୍‍ ୱେଚେ ରେମୁଆଁଇଂକେ ବ୍ନାଇର୍‍ ଆଃ ଅଁକେ । ଆକେନ୍‍ ବେଲା ମ୍ନା ପୁଜାରି ଆରି ମେଇଂନେ ରେମୁଆଁଗଣ୍ଡ୍‍ଇଂ ଆତେନ୍‌‍ ମନ୍ଦିର୍‍ନେ ବିନ୍‍ ଡାଗ୍ରା ୱେଚାଚେ ଇଶ୍ରାୟେଲୀୟନେ ମ୍ନା ମ୍ନା ରେମୁଆଁଇଂକେ ମୁଇଂ କୁକପାର୍‍ ଆଃକ ନ୍‍ସା ୱାକେ । ମେଇଂ ପ୍ରେରିତ୍‌ଇଂ ଜେଲ୍‌କାନାବାନ୍‍ ୱାଡୁଂପାଙ୍ଗ୍‍ ନ୍‍ସା ଉଡ଼ିରୁଆକେ ବେକେ ।
\p
\v 22 ମାତର୍‍ ଆତେନ୍‌‍ ଚାକ୍‍ରିଆରେଇଂ ଜେଲ୍‍କାନା ବିତ୍‍ରେ ପ୍ରେରିତ୍‌ଇଂକେ ମାଅବାଚେ ୱିଗ୍‌ଆର୍ଗେ ଆରି ମ୍ନା କୁକପାର୍‌ନ୍ନିଆ ଆମ୍ୟାଃଆର୍‍କେ । 
\v 23 “ନେ ଜେଲ୍‌କାନା ବିତ୍‍ରେ ନିମାଣ୍ଡା ବାବ୍‍ରେ କୁଚି ତ୍ଲାଗ୍‍ବକ୍ନେ ନେକେକେ ଆରି ଉର୍‍ଣ୍ଡ୍ରେଇଂକେ ର୍ଣ୍ଣସାଙ୍ଗ୍‌ ଡାଗ୍ରା ତୁଆଁ ଲେକ୍ନେ ଡିଗ୍‍ ନେକେକେ । ମାତର୍‍ ନେ ଅନାବେଲା ଜେଲ୍‌କାନା ରଃଚେ ନେକେକେ ଆତେନ୍‌‍ବେଲା ଆତ୍‍ ଅରିଆ ଜା ଡିଗ୍‍ ଆଲେଗେ ।” 
\v 24 ଆକେନ୍‍ ସାମୁଆଁ ଅଁଚେ ମନ୍ଦିର୍‍ନେ ମ୍ନାରେ ଆରି ମ୍ନା ପୁଜାରି ବକୁଆ ଡିଙ୍ଗ୍‍ୱେଆର୍ଗେ ଆରି “ଆକେନ୍‍ ଗଟ୍‍ନା ମେଃନେ ଡିଙ୍ଗ୍‍ଏ ଆକେନ୍‍ ବାବେଚେ ସାପାରେ ବୁଦିବାନା ଡିଙ୍ଗ୍‍ୱେଗେ ।” 
\v 25 ଟିକ୍‍ ଆତେନ୍‌‍ବେଲା ଆଃ ମୁଇଂଜା ପାଙ୍ଗ୍‍ଚେ ଆମେଇଂକେ ବାସଙ୍ଗ୍‍କେ “କେଲାପା ! ପେ ଆଜାକେ ଜେଲ୍‍କାନା ବିତ୍‍ରେ ଗାଗ୍‍ଚେ ପେବକେ ମେଇଂ ମନ୍ଦିର୍‍ ଡାଗ୍ରା ତୁଆଁଚେ ରେମୁଆଁଇଂକେ ମାପ୍‌ରୁ ସାମୁଆଁ‍ ବାସଙ୍ଗ୍‍ଡିଙ୍ଗ୍‍କେ ।” 
\v 26 ତେସା ସେନାପତି ଆତେନ୍‌‍ ଚାକ୍‍ରିଆରେଇଂକେ ୱା ଡୁଂୱେଚେ ପ୍ରେରିତ୍‌ଇଂକେ ୱା ଡୁଂପାଙ୍ଗ୍‍ଆର୍କେ । ମେଇଂ ପ୍ରେରିତ୍‌ଇଂକେ ଜର୍‍ ଜବର୍‍ ଦସ୍ତି ଆଡିଙ୍ଗ୍‍ଚେ ଡୁଙ୍ଗ୍‍ଆପାଙ୍ଗ୍‍ ଆର୍କେ ଣ୍ଡୁ ଡାଗ୍ଲା ମେଇଂ ବୁଟମେଗ୍ ଆର୍କେ । ଜଦି ମେଇଂ ଦେକ୍‍ରକମ୍‍ ଡିଙ୍ଗ୍‍ଆର୍‍ଏ ତେଲା ରେମୁଆଁଇଂ ଡିଙ୍ଗ୍‍ଏତ ଆମେଇଂକେ ବ୍ରି ଟୁଆର୍‍ଏ ।
\p
\v 27 ମେଇଂ ପ୍ରେରିତ୍‌ଇଂକେ ଡୁଙ୍ଗ୍‌ପାଙ୍ଗ୍‌ଚେ ମ୍ନା କପାର୍‍ନେ ସେନୁଗ୍‍ ଆତୁଆଁଆର୍‍କେ । ମ୍ନା ପୁଜାରି ଆମେଇଂକେ ପ୍ରସ୍ନ ସାଲିଆକୁକେ 
\v 28 \x + \xo ୫:୨୮ \xo*\xt ମାତିଉ ୨୭:୨୫.\xt*\x*“ନେ ଆପେକେ ଜିସୁନେ ମ୍ନିରେ ବୁଦି ମାବିନ୍‍ସା କଡ଼ା ଆଦେସ୍‍ ବିନେବଗେ ମାତର୍‍ କେଲାପା ପେ ମେଃନେ ଡିଙ୍ଗ୍‍ପେବକେ ! ଯିରୂଶାଲମ୍‌ନେ ପିତୁର୍‍ପାକା ପେ ଆକେନ୍‍ ବୁଦି ଉଡ୍ରା ଆଡିଙ୍ଗ୍‍ ପେବକେ ବାରି ମେଁ ଗୁଏକ୍ନେନ୍‍ସା ପେ ଆନେକେ ଆନିନ୍ଦାନ୍‍ସା ଚେସ୍‌ଟା ଡିଙ୍ଗ୍‍ ପେଡିଙ୍ଗ୍‍କେ ।”
\p
\v 29 ପିତର୍‍ ଆରି ବିନ୍‍ ସିସ୍‌ଇଂ ଉତର୍‍ ବିକେ “ନେ ଇସ୍‍ପର୍‍କେ ନେମାନେଏ ମାତର୍‍ ରେମୁଆଁଇଂକେ ଣ୍ଡୁ । 
\v 30 ପେ ଆଣ୍ଡିନ୍‍ ଜିସୁକେ କୁରୁସ୍‍ନ୍ନିଆ ଆଡେଚେ ବାଗୁଏ ପେବକେ ଆମେକେ ନେନେ ଅଃସେରେଇଂନେ ପର୍‍ମେସର୍‍ ଗୁଏକ୍ନେ ବାନ୍‍ ଆଃତଡ଼୍ୟା ବକେ । 
\v 31 ଇଶ୍ରାୟେଲୀୟନେ ରେମୁଆଁଇଂକେ ମନେ ଏତେଚେ ପାପ୍‍ କେମା ବାନେ ସୁଜଗ୍‍ ବିନ୍‍ସା ଇସ୍‍ପର୍‍ ଆମେଇଂକେ ନେତା ଆରି ଆମ୍ବ୍ରଣ୍ଡ୍ରେ ଆଡିଙ୍ଗ୍‍ଚେ ଆତଡ଼ିଆବକେ ବାରି ମେଁନେ ନିଜେନେ ଇଞ୍ଚଙ୍ଗ୍‍ତି ପାକା ବକେ । 
\v 32 ନେ ଆକେନ୍‍ ସାପା ସାମୁଆଁନ୍ନିଆ ସାକି ନେଲେକେ । ଆରି ଆଣ୍ଡିନେ ପବିତ୍ର ଆତ୍ମାକେ ଇସ୍‍ପର୍‍ ମେଁନେ ଆଦେସ୍‍ ମାନେଃମ୍ୟାଃକ୍ନେ ରେମୁଆଁଇଂକେ ଦାନ୍‍ ଡିଙ୍ଗ୍‍ବକେ ମେଁ ଡିଗ୍‍ ଆକେନ୍‍ ବିସୟ୍‍ରେ ସାକି ।”
\p
\v 33 ମ୍ନାଃ କୁକପାର୍‌ନେ ସଦସ୍ୟଇଂ ଆକେନ୍ ସାମୁଆଁ ଅଁଚେ ଏନ୍ତି ରିସାଡିଙ୍ଗ୍‍ଆର୍ଗେ ଜେ ମେଇଂ ସିସ୍‍ଇଂକେ ବାଗୁଏ ବିନ୍‍ସା ଚାଏ ଆର୍କେ । 
\v 34 ମାତର୍‍ ମେଇଂନେ ବାନ୍‍ ଗମଲିଏଲ୍‍ ମ୍ନିକ୍ନେ ମୁଇଂ ସନ୍‌ମାନ୍‌ ବାଡିଂକ୍ନେ ରେମୁଆଁ ଫାରୁଶୀ ଦର୍ମ ଗୁରୁ ମ୍ନା କୁକପାର୍‍ନ୍ନିଆ ତୁଆଁଚେ ପ୍ରେରିତ୍‌ ସିସ୍‍ଇଂକେ ବାଏରେ ଆତାର୍‍ନେସା ଆଦେସ୍‍ ବିକେ । 
\v 35 ତେନ୍‌ ଇଡ଼ିଂ ମେଁ ଆମେଇଂକେ ବାସଙ୍ଗ୍‍କେ “ଏ ଇଶ୍ରାଏଲ୍‌ନେ ରେମୁଆଁଇଂ ପେ ଆକେନ୍‍ ରେମୁଆଁଇଂ ନ୍‍ସା ମେଁ ଡିଙ୍ଗ୍‍ନ୍‍ସା ଚାଏ ପେଡିଙ୍ଗ୍‍କେ ଆତେନ୍‌‍ସା ସାବ୍‍ଦାନ୍‍ ଲାଲାପା । 
\v 36 ଆକେନ୍‍ ସେନୁଗ୍‍ ଥିଉଦା ମ୍ନିକ୍ନେ ମୁଇଂ ରେମୁଆଁ ନିଜ୍‍କେ ନେଙ୍ଗ୍‍ଆ ମ୍ନା ଡାଗ୍‌ଚେ ବାବେଡିଙ୍ଗ୍‌ଗେ । ପ୍ରାୟ୍ ଅଁ ଅଜାର୍‍ ରେମୁଆଁ ମେଁ ପ୍ଲା ୱେଡିଂଗେ । ମାତର୍‍ ଆମେକେ ବାଗୁଏଃ ବିଃଲା ମେଁନେ ସାପା ସିସ୍‍ଇଂ ଚିନ୍‍ଚତର୍‍ ଡିଙ୍ଗ୍‍ଚେ ଲାଗ୍‍ଡଆର୍ଗେ । ଆରି ମେଁନେ ଦଲ୍‍ ଲପ୍‍ ଡିଙ୍ଗ୍‍କେ । 
\v 37 ମେଁ ଇଡ଼ିଙ୍ଗ୍‍ ରେମୁଆଁ ଏଜେକ୍ନେ ବେଲା ଗାଲିଲୀୟ ଦେସ୍‍ନେ ଜିଉଦା ମ୍ନିକ୍ନେ ମୁଇଂ ରେମୁଆଁ ତାର୍‍କେ । ମେଁ ଡିଗ୍‍ ଉଡ଼ିରୁଆକେ ନିଜେନେ ସିସ୍‍ ଆଡିଙ୍ଗ୍‍କେ । ଆରି ଆମେକେ ଡିଗ୍‍ ବାଗୁଏଃ ବିଃଲା ମେଁ ପ୍ଲା ୱେଡିଂକ୍ନେ ସାପା ରେମୁଆଁଇଂ ଚିନ୍‍ଚତର୍‍ ଡିଙ୍ଗ୍‍ଚେ ଲାଗ୍‍ଡଆର୍କେ । 
\v 38 ଏବେ ନେଙ୍ଗ୍‍ ଆପେକେ ବାସଙ୍ଗ୍‍ଣ୍ଡିଙ୍ଗ୍‍କେ ପେ ଆକେନ୍‍ ରେମୁଆଁଇଂ ଆଡ଼ାତ୍ରା ମେଁ ଆଡିଙ୍ଗ୍‍ଚେ ଆମେଇଂକେ ଆନ୍ତାର୍‌ ବିଃପା । ଜଦି ମେଇଂନେ ଜଜ୍‌ନା ଆରି କାମ୍ ରେମୁଆଁଇଂନେ ବାନ୍‍ ଡିଙ୍ଗ୍‍ଲେଏ ତେଲା ଆତେନ୍‌‍ ଡିଗ୍‍ ସରାଃ ଡିଙ୍ଗ୍‍ଏ । 
\v 39 ମାତର୍‍ ଆକେନ୍‍ ଜଦି ପର୍‍ମେସର୍‍ ବାନ୍‍ ଡିଙ୍ଗ୍‍ଲେଏ ତେଲା ପେ ମେଇଂନେ କାମ୍ ବନ୍ଦ୍‍ ଆଡିଙ୍ଗ୍‍ ପେୟା ଣ୍ଡୁ । ପେ ନିଜେ ପର୍‍ମେସର୍‍ନେ ବିରଦ୍‍ରେ ରିଙ୍ଗ୍‍ନେ ପେକେଏ ।” ମ୍ନା କୁକପାର୍‌ନେ ରେମୁଆଁଇଂ ଗମଲିଏଲ୍‌ନେ ଆଦେସ୍‍ ମାନେଃଆର୍‍କେ ।
\p
\v 40 ଆରି ମେଇଂ ପ୍ରେରିତ୍‌ ସିସ୍‌ଇଂକେ ବିତ୍‍ରେ ୱାଚେ ଆମେଇଂକେ ଚାବୁକ୍‍ ଏତେ ବଗ୍‍ଆର୍କେ ଆରି ଜିସୁନେ ମ୍ନିରେ ମେଃଡିଗ୍‍ ସାମୁଆଁ ମାବାସଙ୍ଗ୍‍ ନ୍‍ସା ଆଦେସ୍‍ ବିଚେ ଆନ୍ତ୍‍ତାର୍‍ବି ଆର୍ଗେ । 
\v 41 ଆତ୍‍ବା ମେଇଂ ଆତେନ୍‌‍ ମ୍ନିନ୍‍ସା ଅପମାନ୍‍ ବଗେନ୍‍ସା ଜଗ୍ୟ ଡାଗ୍‌ଚେ ଗଣିତ ଡିଙ୍ଗ୍‍ଲେଗେ ଆତେନ୍‌‍ସା ମେଇଂ ସାର୍‍ଦା ଡିଙ୍ଗ୍‍ଚେ ମ୍ନାଃ କୁକପାର୍‌ବାନ୍‍ ତାର୍‍ଆର୍କେ । 
\v 42 ଆରି ମେଇଂ କାଲାଆଃ ମନ୍ଦିର୍‌ନ୍ନିଆ ଆରି ଡୁଆ ଡୁଆ ଆକେନ୍‍ ନିମାଣ୍ଡାସାମୁଆଁ ବିଆର୍‌କେ ଜେ ଜିସୁ ଡିଙ୍ଗ୍‍ଡିଙ୍ଗ୍‍କେ କିସ୍‌ଟ । ମେଇଂ ବାସଙ୍ଗ୍‌‍ କାମ୍ ବିଲ୍‍କୁଲ୍‍ ବନ୍ଦ୍‍ ଆରାଡିଙ୍ଗ୍‍ ଆର୍କେ ।
\c 6
\s ଗୁ ରୁଆ ସାଇଜ୍ୟ ଡିଙ୍ଗ୍‍ଣ୍ଡ୍ରେ
\p
\v 1 ଆକେନ୍‍ ବେଲା ପ୍ରେରିତ୍‌ ସିସ୍‌ଇଂନେ ସଂକ୍ୟା ମ୍ନା ୱେଗେ । ଆତେନ୍‌‍ବେଲା ଗ୍ରୀକ୍‌ ବାସଙ୍ଗ୍‌ଣ୍ଡ୍ରେ ଜିଉଦିଇଂ ଏବ୍ରୀ ବାସାଣ୍ଡ୍ରେ ବାସଙ୍ଗ୍‍ନେ ଜିଉଦିଇଂନେ ବିରଦ୍‍ରେ ଦାବି ଡିଙ୍ଗ୍‍ଆର୍କେ । ମେଇଂନେ ଗୁଏସାଙ୍ଗ୍‍କୁଏଇଂକେ ଉଡ଼ି ଦର୍‍କାର୍‍ ଅଃତେନ୍‍ ଇସାବ୍‍ରେ ବଲେ ବାଟା ଆବିଲା ଦେକ୍‍ରକମ୍‍ ନିନ୍ଦା ଆଡିଙ୍ଗ୍‍ ଆର୍କେ । 
\v 2 ଆତ୍‌ବିତ୍ରେ ଗୋମ୍ୱାର୍‍ ରୁଆ ସିସ୍‍ଇଂକେ ଡାଗ୍ରା ୱାଚେ ବାସଙ୍ଗ୍‌କେ, “ପର୍‍ମେସର୍‍ନେ ସାମୁଆଁ ବାସଙ୍ଗ୍‌‍ ଇସ୍‌ପର୍‌ନେ ବ୍ନାଲିର୍‌ ବାରି ସେବା ଡିଙ୍ଗ୍‌ନେ ଆବଚେ ବିନ୍‌ କାମ୍ ଡିଙ୍ଗ୍‌ନେ ଟିକ୍‌ ଣ୍ତୁ । ବଲେ ବାଟାନେ ଦିଆନ୍‍ ମାବିଚେ ବାସଙ୍ଗ୍‌‍ କାମ୍ ଚାଲେ ବନେ ନେଁ ମତରେ ବଲ୍‍ ଡିଙ୍ଗ୍‍ଏ । 
\v 3 ଆତେନ୍‌‍ସା ଏ ବୟାଁ ଆରି ତନାଇଂ ପେ ବିତ୍ରେବାନ୍‍ ଗୁ ରୁଆ ଙ୍ଗିରେକେ ବାଚେପା । ମେଇଂ ଜେନ୍ତିକି ରେମୁଆଁଇଂନେ ମୁଆଃବାନ୍ ନିମାଣ୍ଡା ଲେଃଏ ପବିତ୍ର ଆତ୍ମା ଆରି ବୁଦିରେ ତ୍ନ ଲେଃଏ । ନେ ଆମେଇଂକେ ଆକେନ୍‍ ସାପା ବିସୟ୍‍ରେ ଦାଇତ୍‍ ନେବିଏ । 
\v 4 ତେଲା ନେ ପାର୍‌ତନାରେ ଆରି ବାସଙ୍ଗ୍‌‌ କାମ୍‍ରେ ପୁରାପୁରି ବାବ୍‍ରେ ସମୟ୍‍ ବିନେୟାଏ ।”
\p
\v 5 ଆତନ୍‍ ଦଲ୍‍ନେ ସାପାରେ ପ୍ରେରିତ୍‌ ସିସ୍‍ଇଂନେ ସାମୁଆଁରେ ରାଜି ଡିଙ୍ଗ୍‍ଆର୍କେ ଆରି ଆକେନ୍‍ କାମ୍‍ନ୍‍ସା ବିସ୍‌ବାସ୍‌ ଆରି ପବିତ୍ର ଆତ୍ମା ବାଲେଃକ୍ନେ ସ୍ତିଫାନ ମ୍ନିକ୍ନେ ମୁଇଂ ରେମୁଆଁକେ ଆରି ଫିଲିପ୍‌ପ, ପ୍ରକର, ନିକାନର, ତିମନ୍, ପାର୍ମନା ଆରି ଅଃସେ ଜିଉଦି ଦର୍ମ ଦିକ୍ୟା ଡିଙ୍ଗ୍‍ଲେକ୍ନେ ଆଣ୍ଟିୟକନେ ଆରି ଅଣଯିଉଦି ନୀକଲାୟକେ ବାଚେ ଆର୍କେ । 
\v 6 ପ୍ରେରିତ୍‌ ସିସ୍‌ଇଂ ଆକେନ୍‍ ଗୁ ରୁଆ ଆତ୍‍ଲା ନ୍ତି ବଚେ ପାର୍‌ତନା ଡିଙ୍ଗ୍‌କେ ।
\p
\v 7 ଦେକ୍‍ରକମ୍‍ ପର୍‍ମେସର୍‍ନେ ସାମୁଆଁ ପିତୁର୍‍ପାକା ଉଡ୍ରାଡିଙ୍ଗ୍‍ୱେକେ । ଯିରୁସାଲାମ୍‌ନିଆ ସିସ୍‍ଇଂନେ ସଂକ୍ୟା ଜାବର୍‌ ଡିଙ୍ଗ୍‍ୱେଗେ । ଦେକ୍‍ରକମ୍‍କି ଜିଉଦି ପୁଜାରି ଇଂନେବାନ୍‍ ଗୁଲେରୁଆ ବିସ୍‌ବାସ୍‌ ଡିଙ୍ଗ୍‍ଆର୍କେ ଆରି ପାଲେ ଆର୍କେ ।
\s ସ୍ତିପାନ୍‍କେ ଗାଗ୍ ଆର୍କେ
\p
\v 8 ସ୍ତିଫାନ ପର୍‍ମେସର୍‍ ବାନ୍‍ ଅନୁଗ୍ର‍ଅ ଆରି ବପୁ ବାଚେ ରେମୁଆଁଇଂ ଡାଗ୍ରା ବିନ୍‍ବିନ୍‍ ରକମ୍‍ କାବା କାମ୍ ଆରି ଚିନ୍ ଡିଙ୍ଗ୍‍ଡିଂଗେ ଆରି ଇସ୍‍ପର୍‍ନେ ବପୁରେ ପାରାମାନ୍‍ ବିଡିଙ୍ଗ୍‍ଗେ । 
\v 9 ମାତର୍ କୁରୁଣୀ ଆରି ଆଲେକ୍‍ଜାଣ୍ଡ୍ରିଆନେ ଚାକର୍‌ବାନ୍‌ ମୁକ୍‌ତି ବାଲେଃକ୍ନେ ଜିଉଦିଇଂକେ ଡୁଙ୍ଗ୍‌ୱେଚେ ରାସିଙ୍ଗ୍‌ବକ୍ନେ ପାର୍‌ତନା ଡୁଆନ୍ନିଆ ଲେକ୍ନେ ଉଡ଼ିରୁଆ ରେମୁଆଁ । ବାରି କିଲିକିଆ ଆରି ଆସିଆ ଦେସ୍‍ନ୍ନିଆ ବାସାଲେଃକ୍ନେ ଉଡ଼ିରୁଆ ରେମୁଆଁନେ ତଡ଼ିଆଚେ ସ୍ତିଫାନ୍ ଏତେ ଜୁକ୍ତାଜୁକ୍ତି ଡିଙ୍ଗ୍‌ଆର୍କେ । 
\v 10 ମାତର୍‍ ପବିତ୍ର ଆତ୍ମା ସ୍ତିପାନ୍‍କେ ଏନ୍ତି ଜ୍ଞାନ୍‍ ବିକେ ଜେ ଜା ଡିଗ୍‍ ମେଁନେ ବାସଙ୍ଗ୍‌ନେ ସାମୁଆଁକେ ଉଲ୍‌ଟା ସାମୁଆଁ ବାସଙ୍ଗ୍ ଆୟାକେ ଣ୍ଡୁ । 
\v 11 ତେନ୍‌ ଇଡ଼ିଂ ମେଇଂ ଉଡ଼ିରୁଆକେ ଲାଞ୍ଚ୍‍ ବିଚେ ଆକେନ୍‍ ବାଲିର୍‌ନ୍‍ସା ବାସଙ୍ଗ୍‍ ଆର୍କେ “ନେ ଆମେକେ ମୋଶାନେ ଆରି ଇସ୍‍ପର୍‍ନେ ବିରଦ୍‍ରେ ଦଦ୍ୟା‍ ସାମୁଆଁ ବାସଙ୍ଗ୍‍ନେ ନେଅଁକେ ।” 
\v 12 ଦେକ୍‍ରକମ୍‍ ମେଇଂ ରେମୁଆଁଇଂକେ ଦର୍ମ ନେତାକେ ଆରି ଦରମ୍‌ ଗୁରୁଇଂକେ ଆଡେ ବିଃ ଆର୍ଗେ ଆରି ସ୍ତିପାନ୍‍କେ ସାଚେ ମ୍ନାଃ ବିଚାର୍‌ନ୍ନିଆ ଡୁଂୱେଆର୍‌କେ । 
\v 13 ତେନ୍‌ ଇଡ଼ିଂ ମେଇଂ ମେଁ ବିରଦ୍‍ରେ ମିଚ୍‍ ସାକି ବାସଙ୍ଗ୍‍ ନ୍‍ସା ଉଡ଼ିରୁଆକେ ବିତ୍‍ରେ ଡୁଂପାଙ୍ଗ୍‍ ଆର୍କେ । ମେଇଂ ବାସଙ୍ଗ୍‍କେ “ଆକେନ୍‍ ରେମୁଆଁ କାଲାଆଃ ନେନେ ପବିତ୍ର ମନ୍ଦିର୍‍ ଆରି ମସାନେ ନିୟମ୍ ବିରଦ୍‍ରେ ସାମୁଆଁ ବାସଙ୍ଗ୍‍ଡିଂକେ । 
\v 14 ନାଜରିତିୟ ଜିସୁ ମନ୍ଦିର୍‍କେ ପାକ୍‍ଚି ବିଏ ଆରି ମୋଶାବାନ୍‍ ବାଲେଃକ୍ନେ ସାପା ନିୟମ୍‌ ବଦ୍ଲେ ବିଏ ଡାଗ୍‌ଚେ ଆକେନ୍‍ ରେମୁଆଁ ବାସଙ୍ଗ୍‍ନେ ନେ ଅଁନେଲେକେ !” 
\v 15 ଆତେନ୍‌‍ବେଲା ଆତ୍‍ଅରିଆ କଲେଃକ୍ନେ ସାପାରେ ମୁଇଂ ମୁଆଃରେ ସ୍ତିପାନ୍‍ପାକା କେଆର୍କେ ଜେ ମେଁନେ ସାର୍ମୁଆଃ କିତଂ ଦୁତ୍‍ନେ ସାର୍ମୁଆଃ ରକମ୍‍ ତ୍ନାଡିଂଗେ ।
\c 7
\s ସ୍ତିପାନ୍‍ନେ ବ୍ନାଲିର୍‍
\p
\v 1 ମ୍ନା ପୁଜାରି ସ୍ତିପାନ୍‍କେ ସାଲିଆକୁକେ, “ଆକେନ୍‍ ମେଃନେ ସତ୍‍ ?”
\p
\v 2 ସ୍ତିପାନ୍‍ ଉତର୍‍ ବିଃକେ, “ଏ ନେଙ୍ଗ୍‍ନେ ବୟାଁ ଆରି ଆବାଇଂ, ଦୟା ଡିଙ୍ଗ୍‍ଚେ ଅଁପା, ନେନେ ଅଃସେଣ୍ଡ୍ରେ ଅବ୍ରାହାମ୍‍ ହାରଣନ୍ନିଆ ବାସା ନ୍‌ସା ୱେନେ ସେନୁଗ୍‍ ଗୌରବ୍‌ମୟ ଇସ୍‍ପର୍‍ ମେସପଟାମିୟାନ୍ନିଆ ଦର୍ସନ୍ ବିଚେ ଆମେକେ ବାସଙ୍ଗ୍‍କେ, 
\v 3 ‘ନାନେ ରେମୁଆଗଣ୍ଡ୍‌ ଆରି ଦେସ୍‌କେ ଆନ୍ତାର୍‌ଚେ ନେଙ୍ଗ୍‍ ଆଣ୍ଡିନେ ଦେସ୍‌ ଣ୍ଡ୍ରାଃସୁଏଃଏ, ଆତେନ୍‍ ଦେସ୍‌ ୱେଲା ।’ 
\v 4 ତେସା ମେଁ କଲଦୀୟଇଂନେ ଦେସ୍‌ ଆନ୍ତ୍‍ତାର୍‍ଚେ ହାରଣନ୍ନିଆ ବାସା ନ୍‍ସା ୱେକେ । ଅବ୍ରାହାମ୍‍ନେ ଆବାଡ଼େ ଗୁଏକ୍ନେ ଇଡ଼ିଙ୍ଗ୍‍ ପେ ଏବେ ଆଣ୍ଡିନ୍‍ ଦେସ୍‌ନ୍ନିଆ ବାସା ପେଡିଙ୍ଗ୍‍କେ, ଇସ୍‍ପର୍‍ ଆମେକେ ଆତେନ୍‌‍ ଦେସ୍‌ନ୍ନିଆ ଡୁଙ୍ଗ୍‍ପାଙ୍ଗ୍‍କେ । 
\v 5 ପର୍‍ମେସର୍‍ ଆମେକେ ମେଃଡିଗ୍‍ ଆବିକେ ଣ୍ଡୁ । ଦେକ୍‍ରକମ୍‍କି ମୁଇଂ ପୁଟ୍‍ ଜାଗା ଡିଗ୍‍ ଣ୍ଡୁ । ଆତେନ୍‌‍ବେଲା ମେଁନେ ମେଃଡିଗ୍‍ ଗୋ ଗିସିଆଃ ଆଲେଗେ ଣ୍ଡୁ । ପର୍‍ମେସର୍‍ ଆମେକେ ଆରି ମେଁନେ ବବିସତ୍‍ ଉଙ୍ଗ୍‌ଡେକେ ଆକେନ୍‍ ତୁବକେ ଅଦିକାର୍‍ ଡିଙ୍ଗ୍‍ନ୍‍ସା ମ୍ୱିଏ, ଡାଗ୍‍ଚେ ପାର୍‌ମାନ୍ ଡିଙ୍ଗ୍‍ବଗେ । 
\v 6 ପର୍‍ମେସର୍‍ ଆମେକେ ଆକେନ୍‍ ସାମୁଆଁ ବାସଙ୍ଗ୍‍ବଗେ, ‘ନାନେ ଗୋ ଗିସିଆଇଂ ବିଦେସ୍‌ନ୍ନିଆ ୱେଚେ ଗତି କାମ୍ ଡିଙ୍ଗ୍‍ଆର୍‍ଏ । ଆରି ଆତ୍‍ଅରିଆ ଲେଃଡିଂକ୍ନେ ରେମୁଆଁଇଂ ଆମେଇଂକେ ୪୦୦ ମୁଆଁ ଜାକ ଦଦ୍ୟା‍ ବେବଆର୍‍ ଡିଙ୍ଗ୍‍ଆର୍‍ଏ । 
\v 7 ପର୍‍ମେସର୍‍ ବାସଙ୍ଗ୍‍କେ, ଜାଣ୍ଡେଇଂ ଆମେଇଂକେ ଚାକର୍‌ ଆଃଡିଂଚେ ବଆର୍‍କେ, ନେଙ୍ଗ୍‍ ଆତେନ୍‌‍ ରେମୁଆଁଇଂନେ ବିଚାର୍‌ ଣ୍ଡିଂଏ, ତେନ୍‌ଇଡ଼ିଂ ନାନେ ବଂସ ରେମୁଆଁଇଂ ଆତେନ୍‌‍ ଦେସ୍‍ବାନ୍‍ ପାଙ୍ଗ୍‍ଆର୍‍ଏ ଆରି ଆକେନ୍‍ ଜାଗାନ୍ନିଆ ନେଙ୍ଗ୍‍ନେ ପୁଜା ଡିଙ୍ଗ୍‍ଆର୍‍ଏ ।’ 
\v 8 ତେନ୍‌ ଇଡ଼ିଂ ଇସ୍‍ପର୍‍ ଅବ୍ରାହାମ୍‍ ଏତେ ନିୟମ୍‌ ଚିନ୍‌ ରକମ୍‍ ପବିତ୍ର‌ ନିୟମ୍‍ ଆଃରେଆର୍କେ । ତେସା ମେଁନେ ଉଂଡେ ଇସ୍‌ହାକ୍‍ ଜନମ୍‍ନେ ମୁଇଂ ସାନ୍ତା ଇଡ଼ିଂ ଅବ୍ରାହାମ୍‍ ଆମେକେ ପବିତ୍ର ଆଡିଙ୍ଗ୍‍କେ; ଇସ୍‌ହାକ୍‍ ମେଁନେ ଉଂଡେ ଜାକୁବ୍‌କେ ବାରି ଜାକୁବ୍‌ ମେଁନେ ଗମ୍ୱାର୍‌ ଉଂଡେ ବାରି ନେ ଜାତିନେ ବିକ୍ୟାତ ଅସେନେ ନ୍ତା ଞ୍ଜାଃଇଂକେ ପବିତ୍ର ଡିଙ୍ଗ୍‌ଆର୍କେ ।”
\p
\v 9 “ଜାକୁବ୍‌ନେ ଉଂଡେଇଂ ମେଇଂନେ ବୟାଁ ଯୋସେଫ୍‌କେ ରିସା ଡିଙ୍ଗ୍‍ଚେ ଆମେକେ ମିସର୍‌ ଦେସ୍‍ନେ ମୁଇଂ ଗତିରେ ରକମ୍‍ ସ ବିଃଆର୍କେ । ମାତର୍‍ ପର୍‍ମେସର୍‍ ଯୋସେଫ୍‌ ଏତେ ଲେଃଗେ । 
\v 10 ମେଁ ଆମେକେ ସାପା ଦୁକ୍‍ କସ୍ଟବାନ୍‍ ରକ୍ୟା ଡିଙ୍ଗ୍‍କେ । ଉଡ଼ିବେଲା ଯସେପ୍‍ ମିସର୍‌ନେ ଇଃସାଙ୍ଗ୍‌ ଫାରୋଡାଗ୍ରା ପିଙ୍ଗ୍‍ଚାକେ ଇସ୍‍ପର୍‍ ଆମେକେ ଅନୁଗ୍ର‍ଅ ଆରି ଜ୍ଞାନ୍‍ ବିକେ ଆରି ଇଃସାଙ୍ଗ୍‌ ଯୋସେଫ୍‌କେ ମିସର୍‍ ଦେସ୍‍ନେ ସାସନ୍‌ ଡିଂଣ୍ଡ୍ରେ ଆରି ନିଜର୍‌ ସାପା ଡୁଆନେ ସାସନ୍‌ ଡିଂଣ୍ଡ୍ରେ ରକମ୍‍ ସ୍ରିକେ । 
\v 11 ଆତେନ୍‌‍ବେଲା ସାପା ମିସର୍‍ଦେସ୍‍ ଆରି କିଣାନ ଦେସ୍‍ନ୍ନିଆ ମୁର୍‍ଡି ଡିଙ୍ଗ୍‍ଲା ରେମୁଆଁଇଂ ଜାବର୍‌ କସ୍ଟ ବାଆର୍‌କେ । ନେନେ ପୁର୍ବ ପୁରୁସ୍‍ଇଂକେ ଚଙ୍ଗ୍‍ନେ ମେଃଡିଗ୍‍ ଆମିଲେକେ ଣ୍ଡୁ । 
\v 12 ମିସର୍‍ନ୍ନିଆ ରୁକଃ ଲେକ୍ନେ କବର୍‍ ଅଁଚେ ଜାକୁବ୍‌ ପର୍‍ତୁମ୍‍ ମେଁ ଉଂଡେଇଂ ଆରି ଅଃସେରେଇଂକେ ଆତ୍‍ଅରିଆ ବେକେ । 
\v 13 ମେଇଂ ବାର୍‌ମୁଇଂତର୍‍ ୱେକ୍ନେ ବେଲା ଯୋସେଫ୍‌ ମେଁନେ ନିଜେନେ ବୟାଁଇଂ ଡାଗ୍ରା ଆସ୍ନାମୁଆଃକେ ଆରି ମିସର୍‌ନେ ଇଃସାଙ୍ଗ୍‌ ଫାରୋ ଯସେପ୍‍ନେ ଡୁଆ ବିସୟ୍‍ରେ ମ୍ୟାଃକେ । 
\v 14 ତେନ୍‌ ଇଡ଼ିଂ ଯୋସେଫ୍‌ ମେଁ ଆବାଡ଼େ ଜାକୁବ୍‌କେ ଆରି ମେଁ ଡୁଆନେ ପଞ୍ଚସ୍ତୁରି ରୁଆ ଜାତି କୁଟୁମ୍‍ ସାପାରେକେ ମିସର୍‍ ପାଙ୍ଗ୍‍ନ୍‍ସା କବର୍‌ ବେକେ । 
\v 15 ତେନ୍‌ଇଡ଼ିଂ ଜାକୁବ୍‌ ମିସର୍‍ଦେସ୍‍ ୱେକେ । ଆତ୍‍ଅରିଆ ମେଁ ଆରି ମେଁ ଉଂଡେଇଂ ଗୁଏ ଆର୍କେ । 
\v 16 ତେନ୍‌ ଇଡ଼ିଂ ମେଇଂନେ ଗୁଏକ୍ନେ ଗାଗ୍‍ଡ଼େକେ ସିକିମ୍‍ନ୍ନିଆ ଡୁଙ୍ଗ୍‍ୱେଚେ ରାଃଚ୍ୟାନ୍ନିଆ ଆତି ବିଃଆର୍କେ । ସିକିମ୍‍ନେ ଆକେନ୍‍ ରାଃଚ୍ୟାମ୍ୱ ଜାଗାକେ ଅବ୍ରାହାମ୍‍ ହାମୋରନେ ଉଂଡେଇଂବାନ୍‍ ଉଡ଼ି ରୁପା ଡାବୁ ବିଃଚେ ବିଆର୍‍ ବଗେ ।”
\p
\v 17 “ଆତ୍‍ବା ମିସର୍‍ଦେସ୍‍ନେ ଇସ୍ରାଏଲ୍‍ ରେମୁଆଁଇଂନେ ସଂକ୍ୟା ମ୍ନାନେ ଲାଗେକେ । ପର୍‍ମେସର୍‍ ଅବ୍ରାହାମ୍‍କେ ଆଣ୍ଡିନ୍‍ସାପା ପାର୍‌ମାନ୍‌ ଡିଙ୍ଗ୍‍ବଗେ ଆତେନ୍‌‍ ସତ୍‍ ଡିଙ୍ଗ୍‍କେ । 
\v 18 ଆତେନ୍‌‍ବେଲା ବାରି ମୁଇଂ ଇଃସାଙ୍ଗ୍‌ ମିସର୍‍ ଦେସ୍‍କେ ସାସନ୍‍ ଡିଙ୍ଗ୍‍ନେ ଆରାମ୍‍ ଡିଙ୍ଗ୍‍କେ । ମେଁ ଯୋଷେଫ୍‌କେ ମ୍ୟାଃଆଲେଃଗେ ଣ୍ଡୁ । 
\v 19 ମେଁ ନେନେ ଅଃସେରେଇଂନେ ଆଡ଼ାତ୍ରା ନିସ୍ଟୁର୍‍ ଆରି ଦଦ୍ୟା‌ ବେବଆର୍‍ ଡିଙ୍ଗ୍‍କେ ମେଇଂନେ ଚିର୍‍ଲାଅଇଂକେ ବାଗୁଏଃ ନ୍‍ସା ଆରି ପାଦା ଜଗ୍‌ତ୍ଲାଗ୍‍ ନ୍‍ସା ଆମେଇଂକେ ବାଦ୍ୟ ଡିଙ୍ଗ୍‍ଆର୍କେ । 
\v 20 ଆକେନ୍‍ ବେଲା ମୋଶା ଜନମ୍‍ ଡିଙ୍ଗ୍‍କେ । ମେଁ ଇସ୍‍ପର୍‍ନେ ମ୍ମୁଆଃନ୍ନିଆ ଜାବର୍‌ ସୁନ୍ଦର୍ ଲେଃଗେ । ଆମେକେ ମେଁ ଆବାଡ଼େ ଡୁଆ ଞ୍ଜି ଆର୍କେ ଜାକ ଆବାଡ଼େନେ ଡୁଆ ଲାଲନ୍‍ ପାଲନ୍‍ ଡିଙ୍ଗ୍‍ଆର୍କେ । 
\v 21 ଆରି ଉଡ଼ିବେଲା ଆମେକେ ପାଦା ବେବିଆର୍ଗେ ଫାରୋ ଇଃସାଙ୍ଗ୍‌ନେ ଉଂଡେ ଆମେକେ ଡୁଙ୍ଗ୍‍ୱେଚେ ନିଜେନେ ଉଂଡେ ରକମ୍‍ ବିଃଚଙ୍ଗ୍‍କେ । 
\v 22 ମୋଶା ମିସର୍‌ନେ ସାପା ଜ୍ଞାନ୍‍ରେ ବୁଦି ବାକେ ମେଁନେ ବ୍ନାଇର୍‍ ଆରି କାମ୍‍ରେ ମୁଇଂ ମ୍ନା ରେମୁଆଁ ରକମ୍‍ ଆସ୍ନାମୁଆକେ ।”
\p
\v 23 “ଆମେକେ ଚାଲିସ୍‍ ମୁଆଁ ବୟସ୍‍ ଡିଙ୍ଗ୍‍ଲା ମେଁ ନିଜେ ବୟାଁଇଂକେ ଆରି ଇଶ୍ରାୟେଲୀୟନେ ରେମୁଆଁଇଂନେ ଆଡ଼ାତ୍ରା ଡିରକମ୍‍ ବେବଆର୍‍ ଡିଙ୍ଗ୍‍ବଆର୍ଗେ ଆତେନ୍‌‍ ମ୍ୟାଃ ନ୍‌ସା ଇକ୍‌ଚା ଡିଙ୍ଗ୍‍କେ । 
\v 24 ମୋଶା ଆତ୍‍ଅରିଆ ମୁଇଂଜା ମିସର୍‌ନେ ମୁଇଂ ଜିଉଦି ଏତେ ଅନ୍ୟାୟ୍ ଡିଙ୍ଗ୍‍ଡିଙ୍ଗ୍‍ନେ କେକେ । ତେସା ମେଁ ମୁଇଂ ଜିଉଦିରେକେ ରକ୍ୟା ଡିଙ୍ଗ୍‍ନେ ୱେଚେ ମିସର୍‍ ରେମୁଆଁକେ ଡଣ୍ଡ୍‍ ବିକେ । ମେଁ ଆମେକେ ଦେକ୍‍ରକମ୍‍ ବଗ୍‌କେ ଜେ ମିସର୍‌ନେ ମୁଇଂଜା ଆତ୍‍ଅରିଆ ଗୁଏଃୱେକେ । 
\v 25 ମୋଶା ଏତେକେ ଜେ ପର୍‍ମେସର୍‍ ମେଇଂନେ ଉଦାର୍ ନ୍‍ସା ଆମେଇଂକେ ଆକେନ୍‍ କାମ୍‍ନ୍ନିଆ ଆକୁଡ଼େ ବକେ ଆତେନ୍‌‍ ମେଇଂନେ ଯିଉଦିୟ ବୟାଁଇଂ ଦ୍ରିଗ୍‍ଆର୍‍ଏ ମାତର୍‍ ମେଇଂ ଆତେନ୍‌‍ ଆବୁଜେକେ ଣ୍ଡୁ 
\v 26 ଆମାର୍‍ତଡ଼େ ଆତେନ୍‌‍ ମ୍ୱାୟା ଯିଉଦି ରିଙ୍ଗ୍‍ୟା ଡିଙ୍ଗ୍‍ନେ କେକେ ଆରି ଆମେଇଂକେ ମେଁ ସାନ୍ତି ଆଃଡିଙ୍ଗ୍‍ନେସା ଚେସ୍‌ଟା ଡିଙ୍ଗ୍‍କେ । ମେଁ ବାସଙ୍ଗ୍‍କେ ‘ଅଁପା ପେ ମ୍ୱାୟା ତ ବୟାଁ ବୟାଁ । ପେ ମେସା ପେପେ ବିତ୍‍ରେ ଅନ୍ୟାୟ୍ ଡିଂପେଡିଙ୍ଗ୍‍କେ ?’ 
\v 27 ଆକେନ୍‍ ଅଁଚେ ଡୁଆଣ୍ଡ୍ରେ ଆଡ଼ାତ୍ରା ଅନ୍ୟାୟ୍ ଡିଙ୍ଗ୍‍ଡିଙ୍ଗ୍‍କ୍ନେ ରେମୁଆଁ ମୋଶାକେ ଟମେଗ୍‍ଚେ ବାସଙ୍ଗ୍‍କେ ‘ଆନା ଜା ଆନେକେ ସାସନ୍‍ ଡିଂଣ୍ଡ୍ରେ ଆରି ବିଚାର୍ ଡିଙ୍ଗ୍‍ନ୍‍ସା ବେବକେ ?’ ମେଁ ସାଲିଆକୁକେ । 
\v 28 ତୁଗୁଆ ଣ୍ଡିଗ୍‍ ଡିରକମ୍‍ ମିସରିୟ ରେମୁଆଁକେ ନାବାଗୁଏକେ ଆନେଙ୍ଗ୍‍ ମେଁନେ ଦେତ୍‍ରକମ୍‍ ବାଗୁଏଃ ନ୍‍ସା ଚାଏଁ ନାଡିଙ୍ଗ୍‍କେ ? 
\v 29 ମୋଶା ଆକେନ୍‍ ଅଁଚେ ମିସର୍‍ବାନ୍‍ ଲାଗ୍‍ଡକେ ଆରି ମିଦିୟନ୍‍ ଦେସ୍‌ନ୍ନିଆ ବାସାକେ । ଆତ୍‍ଅରିଆ ମେଁନେ ମ୍ୱାକ୍ଲିକ୍‍ ଉଂଡେ ଜନମ୍‍ ଡିଙ୍ଗ୍‍କେ ।”
\p
\v 30 ପାକାପାକି ଚାଲିସ୍‍ ମୁଆଁ ଡିଙ୍ଗ୍‍ନେ ଇଡ଼ିଙ୍ଗ୍‍ ମୁଇଂ କିତଂ ଦୁତ୍‍ ସୀନୟ କଣ୍ଡା ଡାଗ୍ରା ଲେକ୍ନେ ବାଲିଲନ୍ନିଆ ମୁଇଂ ଲାଟାନ୍ନିଆ ସୁଆ ଆଡୁଆଚେ ମଶାକେ ଦର୍ସନ୍ ବିକେ । 
\v 31 ମୋଶା ଆକେନ୍‍ କେଚେ ବକୁଆ ଡିଙ୍ଗ୍‍ୱେଗେ । ବାରି ଇଃକୁଡ଼ା ଆମେକେ ନିମାଣ୍ଡା ବାବ୍‍ରେ କେନ୍‍ସା ଲାଟା ଡାଗ୍ରା ୱେକେ । ମାତର୍ ମେଁ ମାପ୍‌ରୁନେ ସାମୁଆଁ ଅଁକେ: 
\v 32 “ନେଙ୍ଗ୍‍ ପେ ଅଃସେରେଇଂନେ ପର୍‍ମେସର୍‍ । ଅବ୍ରାହାମ୍‍ ଇସ୍‌ହାକ୍‍ ଆରି ଜାକୁବ୍‌ନେ ପର୍‍ମେସର୍‍ ।” ଆକେନ୍‍ ଅଁଚେ ମୋଶା ବୁଟଚେ ଜୁର୍‍କେ ଆରି ବାର୍‌ମୁଇଂତର୍‍ କେନ୍‍ସା ସାହାସ୍‍ ଡିଙ୍ଗ୍‍ଆୟାକେ ଣ୍ଡୁ । 
\v 33 ତେନ୍‌ ଇଡ଼ିଂ ମାପ୍‌ରୁ ଆମେକେ ବାସଙ୍ଗ୍‍କେ, “ନା ଞ୍ଚବାନ୍‍ ଜୁତା ତବି ଡାଗ୍ଲା ଆଣ୍ଡିନ୍‍ ଜାଗାନ୍ନିଆ ନା ତୁଆଁ ନାଲେଃକେ ଆତେନ୍‌‍ ପବିତ୍ର ତୁବଃ । 
\v 34 ନେଙ୍ଗ୍‍ ମିସର୍‍ଦେସ୍‍ନ୍ନିଆ ନେଙ୍ଗ୍‍ ରେମୁଆଁଇଂକେ ଆଡିଙ୍ଗ୍‍ଡିଙ୍ଗ୍‍କ୍ନେ ସାପା ଦଦ୍ୟା‍ ବେବଆର୍‍ କିକେ ନ୍ଲେକେ । ନେଙ୍ଗ୍‍ ମେଇଂ ଅଃକ୍ନେ ଙକେ । ନେଙ୍ଗ୍‍ ଆମେଇଂକେ ରକ୍ୟା ଆଡିଙ୍ଗ୍‍ନେସା ଜାର୍‍ ନ୍ଲେକେ । ଆତେନ୍‌‍ସା ନା ପାଙ୍ଗ୍‍ଲା ନେଙ୍ଗ୍‍ ଆନାକେ ମିସର୍‍ ଦେସ୍‍ ମ୍ୱେଏ ।”
\p
\v 35 “ମୁଃଡ଼ି ମୋଶାକେ ମେଇଂ ଅମାନି ଡିଙ୍ଗ୍‍ଚେ ବାସଙ୍ଗ୍‍ବଗେ । ‘ଜା ଆନାକେ ସାସନ୍‍ କର୍ତା ଆରି ବିଚାର୍ ଡିଙ୍ଗ୍‍ଣ୍ଡ୍ରେ ଡାଗ୍‌ଚେ ବାଚେବକେ ?’ ଆତେନ୍‌‍ ମୋଶାକେ ଆଃ ଏବେ ପର୍‍ମେସର୍‍ ମେଇଂନେ ସାସନ୍‍ କର୍ତା ଆରି ମୁକ୍ତି ଦାତା ଆଡିଙ୍ଗ୍‍ଚେ ବେକେ । ମୁଡ଼ି କିତଂ ଦୁତ୍‍ ମୋଶାକେ ଲାଟା ବିତ୍‍ରେବାନ୍‍ ଦର୍‍ସନ୍‍ ବିବଗେ ଆତେନ୍‌‍ କିତଂ ଦୁତ୍‍ନେ ସାଇଜ୍ୟରେ ପର୍‍ମେସର୍‍ ମୋଶାକେ ବେକେ । 
\v 36 ତେସା ମୋଶା ମିସର୍‍ ଦେସ୍‌ନ୍ନିଆ ଆରି ଲୋହିତ‍ କେଣ୍ଡିଆଃନ୍ନିଆ ଗୁଲେ ରକମ୍‍ କାବାଡିଙ୍ଗ୍‍ନେ କାମ୍ ଆରି ଚିନ୍ ଆସୁଏଚେ ରେମୁଆଁଇଂକେ ମିସର୍‍ବାନ୍‍ ଆତାର୍‍ ଡୁଂପାଙ୍ଗ୍‍ଚେ ଚାଲିସ୍‍ ମୁଆଁ ଜାକ ବାଲିଲ ଅରିଆ ଆଅଲେଙ୍ଗ୍‍ ଡୁଂୱେକେ । 
\v 37 ଆତେନ୍‌‍ ମୋଶା ଇଶ୍ରାୟେଲୀୟନେ ବୟାଁଇଂକେ ବାସଙ୍ଗ୍‍କେ ‘ପର୍‍ମେସର୍‍ ପେ ବିତ୍‍ରେବାନ୍‍ ନେଙ୍ଗ୍‍ ରକମ୍‍ ମୁଇଂ ବାବବାଦିକେ ତିଆର୍‍ ଆଡିଙ୍ଗ୍‍ଏ ।’ 
\v 38 ଆତେନ୍‌‍ ମୋଶା ବାଲିଲ ଜାଗାନ୍ନିଆ ମୁଇଂଡାଗ୍ରା ରିସିଙ୍ଗ୍‍ ଲେକ୍ନେ ଇସ୍ରାଏଲ୍‍ଇଂ ଏତେ ଲେଃଗେ । ମେଁ ସୀନୟ କଣ୍ଡାଡାଗ୍ରା ନେଁ ଅଃସେଣ୍ଡ୍ରେଇଂ ଏଃତେ ଆରି ମେଁ ଏତେ ଅବାଲିର୍‌କ୍ନେ କିତଂ ଦୁତ୍‍ ଏତେ ଲେଃଗେ ଆରି ନେଡାଗ୍ରା ବାସଙ୍ଗ୍‍ ନ୍‍ସା ମେଁ ଇସ୍‍ପର୍‍ବାନ୍‍ ବ୍ରୁଆକ୍ନେ ବ୍ନାଇର୍‍ ବାକେ ।”
\p
\v 39 “ମାତର୍‍ ନେନେ ଅଃସେଣ୍ଡ୍ରେଇଂ ଆମେକେ ମାନେନ୍‍ସା ରାଜି ଆଡିଙ୍ଗ୍‍ଆର୍କେ ଣ୍ଡୁ ।” ମେଇଂ ଆମେକେ ଗ୍ର‍ଅନ୍‌‍ ଡିଙ୍ଗ୍‍ନ୍‍ସା ମନା ଡିଙ୍ଗ୍‍କେ ଆରି ନିଜର୍‌ ନିଜର୍‌ ଜିବନ୍‌ନ୍ନିଆ ମିସର୍‍ନ୍ନିଆ ଆଣ୍ଡେ ୱେନ୍‍ସା ରାଜି ଡିଙ୍ଗ୍‍କେ । 
\v 40 ମେଇଂ ହାରୋଣକେ ୱେଚେ ବାସଙ୍ଗ୍‍କେ, “ନେନେ ଗାଲି ଆସୁଏନ୍‍ସା ଉଡ଼ି ଦେବତାଇଂକେ ଆରେ ବିଲା । ଆନେକେ ମିସର୍‍ ଦେସ୍‌ବାନ୍‍ ଆଃତାର୍‍ଚେ ଡୁଙ୍ଗ୍‍ପାଙ୍ଗ୍‍ବକ୍ନେ ଆତେନ୍‌‍ ମୋଶା ଆଣ୍ଡି ୱେଗେ ଆତେନ୍‌‍ ନେ ନେମ୍ୟାଃକେ ଣ୍ଡୁ ।” 
\v 41 ଆତେନ୍‌‍ ବେଲା ମେଇଂ ମୁଇଂ ଉଂତିଆ ମୁର୍ତି ଆରେଚେ ଆତେନ୍‌‍ ମୁର୍ତି ସେନୁଗ୍‍ ଗ୍ୱାଗଃ ବିଆର୍‌କେ । ମେଇଂ ନିଜେ ନ୍ତିବାନ୍‍ ଆରେ ବକ୍ନେ ଜିନିସ୍‌କେ କେଚେ ଜାବର୍‌ ସାର୍‍ଦା ଡିଙ୍ଗ୍‍ଆର୍କେ । 
\v 42 ମାତର୍‍ ପର୍‍ମେସର୍‍ ମେଇଂବାନ୍‍ ଲାଗ୍‌ଡକେ । ମେଁ ଆମେଇଂକେ କିତଂଇନିନେ ଚାଙ୍କୁଆ ଦେବତାଇଂକେ ପୁଜା ଡିଙ୍ଗ୍‍ନ୍‍ସା ଆନ୍ତାର୍‌ବିକେ । ଆକେନ୍‍ ବିସୟ୍‍ରେ ବାବବାଦିଇଂନେ ବଇନ୍ନିଆ ଗୁଆର୍‍ବକେ,
\q1 “ଏ ଇଶ୍ରାୟେଲୀୟନେ ରେମୁଆଁଇଂ
\q2 ପେ ୪୦ ମୁଆଁ ଜାକ ବାଲିଲ ଟିକ୍‍ରାନ୍ନିଆ
\q2 ନେଙ୍ଗ୍‍ ଉଦେସ୍‍ରେ ପସୁ ଗ୍ୱାଃଗ ପେବଗେ ବାରି ଦୁପ୍‍ ଆଃମଁଃ ପେବଗେ ।
\q1
\v 43 ମାତର୍‍ ପେ ପୁଜା ଡିଙ୍ଗ୍‍ନ୍‍ସା ଆଣ୍ଡିନ୍‍ ମୁର୍ତିଇଂ ଆରେ ପେବଗେ
\q2 ଆତେନ୍‌‍ ମାଲେଖନେ କୁଡ଼ିଆ
\q2 ଆରି ଚାଙ୍କୁଆ ଦେବତା ରମ୍ପାନେ ପ୍ରତି ମୁର୍ତିକେ ଡୁଙ୍ଗ୍‍ରାଙ୍ଗ୍‍ୱେ ପେବଗେ ।
\q1 ଆତେନ୍‌‍ସା ନେଙ୍ଗ୍‍ ଆପେକେ ବାବିଲୋନ୍‍ ଦେସ୍‍ନେ ଇନୁମେତା ବେମ୍ୱିଏ ।”
\p
\v 44 “ନେନେ ଅଃସେରେଇଂନେ ପବିତ୍ର କୁଡ଼ିଆ ଡିଗ୍‍ ବାଲିଲ ଟିକ୍‍ରାନ୍ନିଆ ଲେଃଗେ । ପର୍‍ମେସର୍‍ ମୋଶାକେ ମୁଇଂ ନକ୍‍ସା ଆସୁଏକେ ବାରି ମେଁ କେଲେକ୍ନେ ନକ୍‍ସା ଇସାବ୍‍ରେ ଇସ୍‌ପର୍‌ନେ ଲେଃନେ ମୁଇଂ ସାକି କୁଡ଼ିଆ ଆରେନ୍‍ସା ଆମେକେ ବାସଙ୍ଗ୍‍ବଗେ । 
\v 45 ଇଡ଼ିଙ୍ଗ୍‌ ନେନେ ଅସେଣ୍ଡ୍ରେଇଂ ମେଇଂନେ ଆବାଡ଼େଇଂବାନ୍ ବା ଲେଃଆର୍‌କ୍ନେ ଆତେନ୍‌ ତମ୍ବୁକେ ଯିହୋଶୂୟନେ ଏତେ ଡୁଙ୍ଗ୍‌ଡଚେ ବ‍ଆର୍‌ଗେ ଆରି ଇସ୍‍ପର୍‍ନେ ବାନ୍ ଡଲେଆର୍‌କ୍ନେ ବିନ୍ ଜାତି‍ଇଂନେ ଦେସ୍ ଦାଉଦନେ ବେଲା ଜାକ ଅଦିକାର୍ ଡିଂଆର୍‌କେ । 
\v 46 ଦାଉଦ ଇସ୍‍ପର୍‍ନେ ମ୍ମୁଆଃନ୍ନିଆ ଅନୁଗ୍ର‍ଅ ବାଚେ । ଜାକୁବ୍‌ନେ ଆରି ଇସ୍‍ପର୍‍ନେସା ତମ୍ୱୁନେ ଡୁଆ ତିଆର୍ ଡିଙ୍ଗ୍‌ ନ୍‌ସା ପାର୍‌ତନା ଡିଙ୍ଗ୍‍କେ । 
\v 47 ମାତର୍‍ ଶଲୋମନ୍‌ ମେଁନ୍‌ସା ମୁଇଂ ମନ୍ଦିର୍‍ ଡୁଆ ଆରେକେ ।”
\p
\v 48 “ମାତର୍‍ ସାପାଟୁ ମ୍ନା ପର୍‍ମେସର୍‍ ରେମୁଆଁଇଂନେ ବାନ୍‍ ଆରେ ବକ୍ନେ ମନ୍ଦିର୍‍ ଡୁଆନ୍ନିଆ ଆବାସା ଣ୍ଡୁ । ବାବବାଦି ଦେକ୍‍ରକମ୍‍ ଗୁଆର୍‍ ବକେ
\q1
\v 49 ମାପ୍‌ରୁ ବାସଙ୍ଗ୍‍ଡିଙ୍ଗ୍‍କେ
\q2 ‘କିତଂଇନି ନେଙ୍ଗ୍‍ନେ ସିଂଆଁସନ ଆରି ମଞ୍ଚ୍‌ପୁର୍‌ ନେଙ୍ଗ୍‍ନେ ଞ୍ଚ ବନେ ଜାଗା
\q1 ପେ ନେଙ୍ଗ୍‍ସା ଡିରକମ୍‍ ମନ୍ଦିର୍‍ ପେରାରେଏ ?
\q2 ନେଙ୍ଗ୍‍ ବିସ୍ରାମ୍‍ ଡୁଂଡନ୍‍ସା ଜାଗା ଆଣ୍ଡିଅରିଆ ?
\q1
\v 50 ମନେ ବପା ଜେ ନେଙ୍ଗ୍‍ ଆକେନ୍‍ ସାପା ତିଆର୍‍ ଡିଙ୍ଗ୍‍ମ୍ୱକେ ?’”
\p
\v 51 ସ୍ତିପାନ୍‍ ବାସଙ୍ଗ୍‍କେ, “ପେ ଉଡ଼ି ଅମାନି, ପେନେ ଜିବନ୍‌ ଉଡ଼ି ଦଦିଆ । ପେ ମେଁନେ ସାମୁଆଁ ଅଁନ୍‍ସା ମନା ଡିଙ୍ଗ୍‍ପେଡିଙ୍ଗ୍‍କେ । ପେ କାଲାଆଃ ପବିତ୍ର ଆତ୍ମାକେ ବିରଦ୍‍ ଡିଙ୍ଗ୍‍ପେଡିଙ୍ଗ୍‍ । ପେ ସାପାରେ ପେନେ ନ୍ତା ଞ୍ଜାଇଂ ସୁଗୁଆ ଡିଙ୍ଗ୍‍ପେଡିଙ୍ଗ୍‍ । 
\v 52 ବାବବାଦିଇଂବାନ୍‍ ଆଜାକେ ଡିଗ୍‍ ପେନେ ନ୍ତା ଞ୍ଜାଇଂ ତାଡ଼ନା ଡିଙ୍ଗ୍‍ ଆଲେଃଗ୍ନେ ଲେଃଆର୍‌କେ ଲେଃ ? ଜାଣ୍ଡେଇଂ ଆତେନ୍‌‍ ଦାର୍‌ମିକ୍‌ ରେମୁଆଁ ପାଙ୍ଗ୍‍ନେ ବିସୟ୍‍ରେ ଅଃସେ ଆଃ ବାସଙ୍ଗ୍‍ବଗେ ଆମେଇଂକେ ମେଁଇଂ ବାଗୁଏ ଆର୍କେ; ଏବେ ପେ ଆମେକେ ବିରଦ୍‍ ରେମୁଆଁଇଂନେ ନ୍ତିନ୍ନିଆ ସର୍‍ପେଚେ ପେରାବାଗୁଏକେ । 
\v 53 ପେ ପର୍‍ମେସର୍‍ନେ ଦୁତ୍‍ବାନ୍‍ ମୋଶାକେ ବିବକ୍ନେ ନିୟମ୍‌ କାନୁନ୍‌ ବା ପେଲେକେ ତେଲାଡିଗ୍‍ ପେ ଆତେନ୍‌‍ ପେ ପାଲନ୍‍ ପେଡିଙ୍ଗ୍‍କେ ଣ୍ଡୁ ।”
\s ବ୍ରି ଏତେ ସ୍ତିପାନ୍‍କେ ବାଗୁଏଆର୍କେ
\p
\v 54 ମ୍ନା କୁକପାର୍‌ନେ ରେମୁଆଁଇଂ ଆକେନ୍‍ ଅଁଚେ ସ୍ତିପାନ୍‍ ଆଡ଼ାତ୍ରା ଜାବର୍‌ ରିସା ଡିଙ୍ଗ୍‌ଚେ ଗ୍ନି ଗେରିଃଚି ଆର୍କେ । 
\v 55 ମାତର୍‍ ସ୍ତିପାନ୍‍ ପବିତ୍ର ଆତ୍ମା ବାଚେ କିତଂଇନି ତାଣ୍ଡେଚେ କେକେ । ଆତ୍‍ଅରିଆ ମେଁ ପର୍‍ମେସର୍‍ନେ ମ‍ଇମା କେକେ । ମେଁ ଜିସୁକେ ଗୌରବ୍‌ମୟ ପର୍‍ମେସର୍‍ନେ ଇଞ୍ଚନ୍ତିପାକା ତୁଆଁ ଲେକ୍ନେ କେକେ । 
\v 56 ସ୍ତିପାନ୍‍ ବାସଙ୍ଗ୍‍କେ, “କେଲାପା ନେଙ୍ଗ୍‍ କିତଂଇନି ରଃନେ ଆରି ପର୍‍ମେସର୍‍ନେ ଇଞ୍ଚନ୍ତିପାକା ରେମୁଆଁ ଉଂଡେ ତୁଆଁ ଲେକ୍ନେ କେଣ୍ଡିଙ୍ଗ୍‍କେ ।”
\p
\v 57 କିରଚେ ମ୍ନା କୁକପାର୍‌ନେ ସଦସ୍ୟଇଂ ଆକେନ୍‍ ସାମୁଆଁ ମାଅଁନ୍‍ସା ନ୍ଲୁଗ୍‍ନ୍ନିଆ ନ୍ତି ତାଙ୍ଗ୍‍ଡା ଆର୍କେ । ତେନ୍‌ ଇଡ଼ିଂ ମେଁଇଂ ଏକ୍‍ଜୁଟ୍‍ ଡିଙ୍ଗ୍‍ଚେ ସ୍ତିପାନ୍‍ ପାକା ୱିର୍‍ ଡୁଂପାଙ୍ଗ୍‍ ଆର୍କେ । 
\v 58 ସଅର୍‍ ବାଏରେ ଆମେକେ ଗୁଃ ଡୁଂୱେଚେ ମେଁ ଆଡ଼ାତ୍ରା ବ୍ରି ଟୁଚେ ବାଗୁଏଆର୍କେ । ସାକିରେ ଶାଉଲ ମ୍ନିକ୍ନେ ମୁଇଂ ଙ୍ଗିରେ ଡାଗ୍ରା ମେଇଂନେ ସକା ପାଟାଇ ବଆର୍‌କେ । 
\v 59 ଉଡ଼ିବେଲା ମେଁଇଂ ସ୍ତିଫାନକେ ବ୍ରି ଏତେ ଡଆର୍‌ଡିଂଗେ, ଆତେନ୍‌‍ବେଲା ମେଁ ମାପ୍‌ରୁକେ ପାର୍‍ତନା ଡିଙ୍ଗ୍‍ଚେ ବାସଙ୍ଗ୍‌କେ, “ଏ ମାପ୍‌ରୁ ଜିସୁ ନେଙ୍ଗ୍‍ନେ ଆତ୍ମାନେ ଗ୍ରଅନ୍‍ ଡିଙ୍ଗ୍‍ !” 
\v 60 ମେଁ ଡେଙ୍ଗାଚେ କିରଚେ ବାସଙ୍ଗ୍‍କେ, “ଏ ମାପ୍‌ରୁ ଆକେନ୍‍ ପାପ୍‍ ନ୍‍ସା ଆକ୍ମେଇଂକେ ବୁଲ୍‌ ଆସାଃଗେ ।” ଆକେନ୍‍ ବାସଙ୍ଗ୍‍ଚେ ମେଁ ଗୁଏଃୱେଗେ । ସ୍ତିପାନ୍ ଗୁଏନେ ଡଣ୍ଡ୍‍‌କେ ଶାଉଲ୍ ମୁଇଂ ଇକ୍‌ଚା ଡିଂବକେ ।
\c 8
\s ବିସ୍‍ବାସି ମଣ୍ଡଲି ଆଡ଼ାତ୍ରା ଶାଉଲ୍‍ନେ ବଗ୍‌ଟୁ
\p
\v 1 ଶାଉଲ ସ୍ତିଫାନ୍‌ନେ ଗୁଏନେ ଡାଗ୍ରା ରାଜି ଲେଃକେ । ଆତେନ୍‌‍ ଦିନାବାନ୍‍ ଯିରୂଶାଲମ୍‌ନେ ମଣ୍ଡଲି ଆଡ଼ାତ୍ରା ଜବର୍‌ କସ୍‌ଟ ଆରାମ୍‍ ଡିଙ୍ଗ୍‍କେ । ପ୍ରେରିତ୍‌ ସିସ୍‌ଇଂକେ ଆନ୍ତ୍‍ତାର୍‍ଚେ ବିନ୍‍ ସାପା ବିସ୍‍ବାସି ଜିଉଦା ପ୍ରଦେସ୍ ଆରି ସମରିଆ ଏରିଆ ଚିନ୍‍ଚତର୍‍ ଡିଙ୍ଗ୍‍ୱେଆର୍ଗେ । 
\v 2 ଉଡ଼ିରୁଆ ଇସ୍‍ପର୍‍ନେ ବକ୍ତଇଂ ସାରସାଗାଚେ ଅଁଚେ ସ୍ତିଫାନନେ ଗୁଏକ୍ନେ ଗାଗ୍‍ଡ଼େକେ ଆତିବି ଆର୍କେ ।
\p
\v 3 ମାତର୍‍ ଶାଉଲ ମଣ୍ଡଲିକେ ଦଂସ ଆଡିଙ୍ଗ୍‍ ନ୍‍ସା ଚେସ୍‌ଟା ଡିଙ୍ଗ୍‍କେ ଡୁଆ ଡୁଆ ୱେଚେ କିସ୍‌ଟ ବିସ୍‍ବାସ୍‍ ଙ୍ଗିରେ ସେଲାମ୍ବୁଏଃ ସାପାରେକେ ଗୁ ଡୁଂପାଙ୍ଗ୍‍ଚେ ଜେଲ୍‍କାନା ବିତ୍‍ରେ ଆଗାଆର୍କେ ।
\s ସମରିଆନ୍ନିଆ ନିମାଣ୍ଡା ସାମୁଆଁ‍ ବାଲିର୍‌ନେ
\p
\v 4 ଚିନ୍‍ଚତର୍‍ ଡିଙ୍ଗ୍‍ଲେକ୍ନେ ବିସ୍‍ବାସିଇଂ ପିତୁର୍‌ ପାକା ୱେଚେ ନିମାଣ୍ଡାସାମୁଆଁ ବାସଙ୍ଗ୍‌‍ ଡିଙ୍ଗ୍‍ଆର୍କେ । 
\v 5 ସମରିଆନେ ମ୍ନା ନଗର୍ ୱେଚେ ଫିଲିପ୍‌ପ ଆତ୍‍ଅରିଆନେ ରେମୁଆଁଇଂ ଡାଗ୍ରା କିସ୍‌ଟନେ ସାମୁଆଁ ବାସଙ୍ଗ୍‌‍ ଡିଙ୍ଗ୍‍ଆର୍କେ । 
\v 6 ଫିଲିପ୍‌ନେ ସାମୁଆଁ ଅଁଚେ ଆରି ମେଁନେ ଇରିୟାଃତୁଗ୍‌ କାମ୍ ଆରି ଚିନ୍ ସାପା କେଚେ ରେମୁଆଁଇଂ ମେଁ ଆଡ଼ାତ୍ରା ଜାବର୍‌ ଦ୍ୟାନ୍‍ ବିଆର୍‌କେ । 
\v 7 ଗୁଲେ ରେମୁଆଁଇଂନେବାନ୍‍ ବୁତ୍‌ଇଂ ସାରସାଗାଚେ ତାର୍‍ୱେଆର୍କେ ଗୁଲେ ଇରିଃ ସାଃଲେକ୍ନେ ରଗି ଆରି ଚଟାଇଂ ନିମାଣ୍ଡା ଡିଙ୍ଗ୍‍ଆର୍କେ । 
\v 8 ଆକେନ୍‍ସା ଆତେନ୍‌‍ ନଗର୍‍ନ୍ନିଆ ଜାବର୍‌ ସାର୍‍ଦା ଡିଙ୍ଗ୍‍କେ ।
\p
\v 9 ଶିମୋନ ମ୍ନିକ୍ନେ ମୁଇଂ ରେମୁଆଁ ଏନ୍ ଅଃସେ ଆତାନ୍‌ ନଗର୍‌ନ୍ନିଆ ଜାଦୁ କାମ୍ ଡିଙ୍ଗ୍‌ଚେ ନିଜେକେ ମୁଇଂ ମ୍ନାଃରେମୁଆଁ ଡାଗ୍‌ ବାସଙ୍ଗ୍‌ଚେ ଶମିରୋଣୀୟ ଜାତିକେ କାବା ଆଡିଙ୍ଗ୍‌ ଡିଂକେ । 
\v 10 ଇସ୍‍ପର୍‍ନେ ଆଣ୍ଡିନ୍‍ ବପୁକେ ମ୍ନା ଡାଗ୍‌ଚେ ବାସଙ୍ଗ୍‍ମ୍ୟାଃକେ ଡାଆଁ ବାନ୍‍ ମ୍ନା ଜାକ ସାପାରେ କିମେ ଆତେନ୍‌‍ ରେମୁଆଁ ଡାଗ୍‌ଚେ ବାସଙ୍ଗ୍‍ଚେ ଆମେକେ ମାନେଃ ଡିଙ୍ଗ୍‍ଆର୍‍ଗେ । 
\v 11 ଆତେନ୍‌‍ ଜାଦୁ ବିଦ୍ୟା ବପୁରେ ଗୁଲେଦିନା ସାଚେ ମେଁ ସମିରନିୟଇଂକେ ମେଁନେ ଞ୍ଚ ଆଲ ଆଡିଙ୍ଗ୍‍ବଗେ । 
\v 12 ମାତର୍‍ ଫିଲିପ୍‌ନେ ବାନ୍‍ ଇସ୍‍ପର୍‍ନେ ରାଜି ଆରି ଜିସୁ କିସ୍‌ଟନେ ବିସୟ୍‌ରେ ନିମାଣ୍ଡା ସାମୁଆଁ ବାସଙ୍ଗ୍‌କ୍ନେ ଅଁପା ଆତ୍‍ଅରିଆନେ ରେମୁଆଁଇଂନେ ବିସ୍‍ବାସ୍‍ ଡିଙ୍ଗ୍‌ ପାଙ୍ଗ୍‍ଆର୍କେ ଆରି ଆତେନ୍‌‍ ଏରିଆନେ ସେଲାମ୍ବୁଏଃ ଆରି ଙ୍ଗିର୍‌ବଏଃ ସାପାରେ ଣ୍ଡିଆନ୍ନିଆ ଡୁବନ୍‌ ଡୁଂଡଆର୍କେ । 
\v 13 ଆରି ଶିମୋନ୍‌ ନିଜେ ଆତେନ୍‌‍ ବ୍ନାଇର୍‍ ଅଁଚେ ବିସ୍‍ବାସ୍‍ ଡିଙ୍ଗ୍‍କେ । ଫିଲିପ୍‌ପବାନ୍‍ ଡିଙ୍ଗ୍‍ଲେଃକ୍ନେ କାବା କାମ୍ ଆରି ଇରିୟାତୁଗ୍‌ନେ କାମ୍ କେଚେ ମେଁ ଣ୍ଡିଆନ୍ନିଆ ଡୁବନ୍‌ ଡୁଂଡଚେ ଫିଲିପ୍‌ନେ ଏତେ ଲେଃଗେ ।
\p
\v 14 ସମରିଆନେ ରେମୁଆଁଇଂ ଇସ୍‍ପର୍‍ନେ ବ୍ନାଇର୍‍ ସାଆର୍କେ ଡାଗ୍‌ଚେ ଯିରୁସାଲାମ୍‌ନ୍ନିଆ ଲେଡିଙ୍ଗ୍‍କ୍ନେ ପ୍ରେରିତ୍‌ ସିସ୍‌ଇଂ ଅଁଚେ ପିତର ଆରି ଜହନ୍‌କେ ମେଇଂ ଡାଗ୍ରା ବେକେ । 
\v 15 ମେଇଂ ଆତ୍‍ଅରିଆ ୱେଚାକ୍ନେ ଇଡ଼ିଙ୍ଗ୍‍ ସମିରନିୟ ବିସ୍‍ବାସିଇଂ ଜେନ୍ତିକି ପବିତ୍ର ଆତ୍ମା ବାଆର୍‍ଏ ଆତେନ୍‌‍ସା ପାର୍‌ତନା ଡିଙ୍ଗ୍‍ଆର୍କେ । 
\v 16 ଡାଗ୍ଲା ଆତେନ୍‌‍ ଜାକ ମେଇଂନେ ବାନ୍‍ ଜା ଆଡ଼ାତ୍ରା ଡିଗ୍‍ ପବିତ୍ର ଆତ୍ମା ଜାର୍‍ ଆଲେଗେ ଣ୍ଡୁ । ମେଇଂ ମାତର୍‍ ମାପ୍‌ରୁ ଜିସୁ କ୍ରିସ୍ଟନେ ମ୍ନିରେ ଣ୍ଡିଆନ୍ନିଆ ଡୁବନ୍‌ ଡୁଂଡ ବଆର୍‌କେ । 
\v 17 ପିତର୍‍ ଆରି ଜହନ୍‍ ମେଇଂ ଆଡ଼ାତ୍ରା ନ୍ତିବକ୍ନେ ଦାପ୍ରେ ମେଇଂ ପବିତ୍ର ଆତ୍ମା ବାଆର୍‌କେ ।
\p
\v 18 ଶିମୋନ କେକେ ଜେ ପ୍ରେରିତ୍‌ ସିସ୍‌ଇଂ ବିସ୍‍ବାସିଇଂନେ ଆଡ଼ାତ୍ର ନ୍ତି ବଲା ମେଇଂ ପବିତ୍ର ଆତ୍ମା ବାଆର୍‌କେ । ଆତେନ୍‌‍ କେଚେ ମେଁ ପିତର୍‍କେ ଆରି ଯହନ୍‍କେ ଡାବୁ ଜାଚେଚେ ବାସଙ୍ଗ୍‍କେ । 
\v 19 “ନେଙ୍ଗ୍‍ ଅଲ୍‍ଗାରେ ଆଡ଼ାତ୍ରା ନ୍ତି ବଲା ମେଇଂ ଜେନ୍ତିକି ପବିତ୍ର ଆତ୍ମା ବାଆର୍‍ଏ ଆନେଙ୍ଗ୍‍ ଆତେନ୍‌‍ ବପୁ ବିଲା ।”
\p
\v 20 ମାତର୍‌ ପିତର୍‍ ଆମେକେ ବାସଙ୍ଗ୍‍କେ, “ନା ଏତେ ନାନେ ଡାବୁ କାଲାଆଃ ନ୍‍ସା ନସ୍ଟ ଡିଙ୍ଗ୍‍ଲେ ଡାଗ୍ଲା ନା ନାବାବେକେ ଜେ ଇସ୍‍ପର୍‍ନେ ଦାନ୍ ଡାବୁ ଏତେ ବିଆର୍‍ ଡିଙ୍ଗ୍‍ଏ । 
\v 21 ନେ କାମ୍‍ନ୍ନିଆ ନାନେ ମେଃଡିଗ୍‍ ବାଗ୍‍ ଣ୍ଡୁ । ଡାଗ୍ଲା ଇସ୍‍ପର୍‍ନେ ଆଡ଼ାତ୍ରା ନାନେ ଜିବନ୍‌ ସିଦା ଣ୍ଡୁ । 
\v 22 ତେସା ନାନେ ଜିବନ୍‌କେ ପରିବର୍ତନ୍‌ ଆଡିଙ୍ଗ୍‍ ଆରି ନାନେ ଆକେନ୍‍ ଦଦ୍ୟା‌ ଚିନ୍ତାବାନ୍‍ ଆଣ୍ଡେଚେ ମାପ୍‌ରୁକେ ପାର୍‌ତନା ଡିଙ୍ଗ୍‍ । ଡିଙ୍ଗ୍‍ଏ ତ ପର୍‍ମେସର୍‍ ନାନେ ଜିବନ୍‍ନ୍ନିଆ ଲେକ୍ନେ ପାପ୍‍ ଚିନ୍ତାକେ କେମା ଡିଙ୍ଗ୍‍ୟାଏ । 
\v 23 ନେଙ୍ଗ୍‍ କିକେ ଣ୍ଡିଙ୍ଗ୍‍କେ ଜେ ନା ମନ୍‍ ବିତ୍‍ରେ ଇର୍‍ସା ତ୍ନ ଲେଃକେ ଆରି ପାପ୍‍ ନା ଆଡ଼ାତ୍ରା ସାସନ୍‍ ଡିଙ୍ଗ୍‍ଡିଙ୍ଗ୍‍କେ ।”
\p
\v 24 ଶିମୋନ ପିତର ଆରି ଜହନକେ ବାସଙ୍ଗ୍‍କେ, “ପେ ଜା ସାପା ପେବାସଙ୍ଗ୍‍କେ ଆତେନ୍‌‍ ଜେନ୍ତିକି ନେଙ୍ଗ୍‍ ଆଡ଼ାତ୍ରା ଆଗଟେ, ଆତେନ୍‌‍ସା ଦୟା ଡିଙ୍ଗ୍‍ଚେ ମାପ୍‌ରୁ ଡାଗ୍ରା ପାର୍‌ତନା ଡିଙ୍ଗ୍‍ପା ।”
\p
\v 25 ଦେକ୍‍ରକମ୍‍ ପିତର୍‍ ଆରି ଯହନ୍‍ ସାକି ବିଚେ ଆରି ମାପ୍‌ରୁନେ ବ୍ନାଲିର୍‍ ବାସଙ୍ଗ୍‌ଚେ ସମରିଆ ରେମୁଆଁ ଗୁଲେ ଇନି ନିମାଣ୍ଡାସାମୁଆଁ ବାସଙ୍ଗ୍‌‍ ଡିଙ୍ଗ୍‍ଚେ ଯିରୁସାଲାମ୍‌ ଆଣ୍ଡେ ୱେଆର୍ଗେ ।
\s ପିଲିପ୍‍ପ ଆରି ଇତିଅପିଆନେ ଆଣ୍ଡାରି
\p
\v 26 ମାପ୍‌ରୁନେ ମୁଇଂ ଦୁତ୍‍ ଫିଲିପ୍‌ପକେ ବାସଙ୍ଗ୍‍କେ “ତିଆର୍‍ ଡିଙ୍ଗ୍‍ ଦକିନ୍‍ ଦିଗ୍‍ପାକା ଆଣ୍ଡିନ୍‍ ଗାଲି ଯିରୂଶାଲାମ୍‌ବାନ୍‌ ଗଜ୍ଜା ପାକା ୱେଲେଃକେ ଆତାନ୍‌ ଗାଲି ପାକା ୱେଲା । ଆତାନ୍‌ ଆଃ ବାଲିଲ ।” 
\v 27 ପିଲିପ୍‍ପ ତିଆର୍‍ ଡିଙ୍ଗ୍‍ଚେ ତାର୍‍କେ । ଆତେନ୍‌‍ ଗାଲିପାକା ମୁଇଂ ଆଣ୍ଡାରିକେ ଅବାକେ । ଆତେନ୍‌‍ ଆଣ୍ଡାରି ଇତିଅପିଆବାନ୍‍ ପାଙ୍ଗ୍‍ଡିଙ୍ଗ୍‍ଗେ । ମେଁ କୁସ୍‍ ଦେସ୍‍ ରେମୁଆଁଇଂନେ କାଣ୍ଡାକି ମ୍ନିକ୍ନେ ରାନିନେ ମୁଇଂ ମ୍ନା ପଦବିନ୍ନିଆ କାମ୍ ଡିଙ୍ଗ୍‍ଡିଙ୍ଗ୍‍ଗେ । ମେଁ ମେଁନେ ସାପା ଦନ୍‍ ସମ୍ପତି ଆଡ଼ାତ୍ରା ଦାଇତ୍‍ରେ ଲେଃଗେ । ଆତେନ୍‌‍ ଆଣ୍ଡାରି ପାର୍‌ତନା ଡିଙ୍ଗ୍‍ନ୍‍ସା ଯିରୁସାଲାମ୍‌ ୱେଡିଂଗେ । 
\v 28 ମେଁ ରତ୍‍ନ୍ନିଆ କଚେ ଆଣ୍ଡେ ୱିଗ୍‍ନେ ବେଲା ବାବବାଦି ଯିଶାଇୟନେ ଉଲିଆ ୱାସାର୍‌ଚେ ଲଃଡିଙ୍ଗ୍‍ଗେ । 
\v 29 ଆତେନ୍‌‍ବେଲା ପବିତ୍ର ଆତ୍ମା ଫିଲିପ୍‌ପକେ ବାସଙ୍ଗ୍‍କେ “ନା ଆତେନ୍‌‍ ରତ୍‍ଡାଗ୍ରା ୱେଚେ ଆତ୍‍ଅରିଆ ଲାଃଲା ।” 
\v 30 ଫିଲିପ୍‌ପ ରତ୍‍ଡାଗ୍ରା ୱିର୍‍ ଡୁଂୱେଚେ ମେଁ ଯିଶାଇୟ ବାବବାଦିନେ ସାସ୍ତର୍‌ ପଡ଼େନେ ଅଁକେ । ମେଁ ଆମେକେ ସାଲିଆକୁକେ, “ନା ମେଃନେ ପଡ଼େନାଡିଂକେ, ଆତେନ୍‌‍ ମେଃନେ ବୁଜେନାଡିଙ୍ଗ୍‍କେ ?”
\p
\v 31 ଆତନ୍‍ ଆଣ୍ଡାରି ବାସଙ୍ଗ୍‍କେ, “ଜା ଡିଗ୍‍ ଆନେଙ୍ଗ୍‍କେ ଆଦ୍ରିଗ୍‍ ଆବିଲା ନେଙ୍ଗ୍‍ ଡିରକମ୍‍ ଦ୍ରିଗ୍‍ ୟାଏ ?” ମେଁ ଏତେ ରତ୍‍ଡାଗ୍ରା କୁକନ୍‍ସା ମେଁ ଫିଲିପ୍‌ପକେ ଗୁଆରି ଡିଙ୍ଗ୍‌କେ । 
\v 32 ମେଁ ଦରମ୍‍ ସାସ୍ତର୍‌ନ୍ନିଆ ଆକେନ୍‍ ପାଟ୍‍ ଲଃଡିଂଗେ:
\q1 “ଆମେକେ ମୁଇଂ ମେଣ୍ଡା ରକମ୍‍ ବାଗୁଏଃ ନ୍‍ସା ବାଗୁଏନେ ଜାଗାନ୍ନିଆ ଡୁଙ୍ଗ୍‍ ୱେଆର୍କେ ।
\q2 ମୁଇଂ ଉଂମେଣ୍ଡା ଡିରକମ୍‍ ଉଗ୍‌ବ ଚେଦକ ସାମ୍‍ନାନ୍ନିଆ ବୁଙ୍ଗ୍‍ ଡିଙ୍ଗ୍‍ଚେ ତୁଆଁ ମ୍ୟାକେ
\q2 ଦେତ୍‍ରକମ୍‍ ମେଁ ବୁଙ୍ଗ୍‍ ଡିଙ୍ଗ୍‍ଚେ ତୁଆଁକେ ।
\q1
\v 33 ମେଁ ଅପମାନ୍‍ ବାକେ ଆରି ନ୍ୟାୟ୍‍ବାନ୍‍ ବ୍ରୁଆକେ ।
\q2 ମେଁ ବଂସଇଂନେ ବିସୟ୍‍ରେ ଜା ମେଃଡିଗ୍‍ ବାସଙ୍ଗ୍‍ ଆୟାଆର୍‍ ଣ୍ଡୁ
\q2 ଡାଗ୍ଲା ମଞ୍ଚ୍‌ପୁର୍‍ନ୍ନିଆ ମେଁନେ ଜିବନ୍‍ କାଲ୍‍ ଡା ଲେଃକେ ।”
\p
\v 34 ଆତେନ୍‌‍ ଆଣ୍ଡାରି ଫିଲିପ୍‌ପକେ ବାସଙ୍ଗ୍‍କେ, “ନେଙ୍ଗ୍‌ ଆନାକେ ପାର୍‌ତନା ଡିଙ୍ଗ୍‌ଣ୍ତିଙ୍ଗ୍‌କେ । ବାବବାଦି ଜା ବିସୟ୍‌ରେ ଏନ୍ ସାମୁଆଁ ବାସଙ୍ଗ୍‌ ଡିଙ୍ଗ୍‌କେ ? ନାଁ ବିସୟ୍‌ରେ ବାସଙ୍ଗ୍‌ ଡିଙ୍ଗ୍‌କେ ବାରି ଜା ବିସୟ୍‌ରେ ବାସଙ୍ଗ୍‍ଡିଙ୍ଗ୍‍କେ ?” 
\v 35 ଇଡ଼ିଙ୍ଗ୍‍ ଫିଲିପ୍‌ପ ଦରମ୍‌ ସାସ୍ତର୍‌ନେ ଆତେନ୍‌‍ ସାମୁଆଁବାନ୍‍ ମୁଲେଚେ ଜିସୁନେ ନିମାଣ୍ଡାସାମୁଆଁ ଜାକ ଆମେକେ ବାଲିର୍‍କେ । 
\v 36 ମେଁଇଂ ଗାଲି ଗାଲି ୱେଡିଂକ୍ନେ ବେଲା ମୁଇଂ ଣ୍ଡିଆ ଲେକ୍ନେ ଜାଗାନ୍ତୁଗ୍‍ ୱେଚାଆର୍କେ । ଆତେନ୍‌‍ ଆଣ୍ଡାରି ବାସଙ୍ଗ୍‍କେ “କେଲା ଆକ୍‍ଅରିଆ ତ ଣ୍ଡିଆ ଲେଃକେ । ଏବେ ନେଙ୍ଗ୍‍ ଆକ୍‍ଅରିଆ ଡୁବନ୍‌ ଡୁଙ୍ଗ୍‍ଡଲା ମେଁନେ ଅସୁବିଦା ଡିଙ୍ଗ୍‍ଏ କି ?” 
\v 37 ଫିଲିପ୍‌ପ ବାସଙ୍ଗ୍‍କେ “ନା ଜଦି ସାପା ମନ୍‍ ଏତେ ବିସ୍‍ବାସ୍‍ ନାଡିଙ୍ଗ୍‍ଏ ତେଲା ଡିଙ୍ଗ୍‍ ନାୟାଏ । ଆତ୍‍ବା ମେଁ ଉତର୍‍ ବିକେ ଜିସୁ କିସ୍‌ଟ ଜେ ଇସ୍‍ପର୍‍ନେ ଉଂଡେ ଆକେନ୍‍ ନେଙ୍ଗ୍‍ ବିସ୍‍ବାସ୍‍ ଡିଙ୍ଗ୍‍ଣ୍ଡିଙ୍ଗ୍‍କେ ।”
\p
\v 38 ତେନ୍‌ ଇଡ଼ିଂ ମେଁ ରତ୍‍କେ ଆତୁଆଁନ୍‍ସା ବାସଙ୍ଗ୍‍କେ । ଫିଲିପ୍‌ପ ଆରି ଆଣ୍ଡାରି ମ୍ୱାୟା ଣ୍ଡିଆନ୍ନିଆ ଗା ଆର୍କେ ବାରି ପିଲିପ୍‍ପ ଆମେକେ ଡୁବନ୍‌ ବିକେ । 
\v 39 ମେଁଇଂ ଣ୍ଡିଆ ବିତ୍‍ରେବାନ୍‍ ତିତାର୍‍ ପାଙ୍ଗ୍‍କ୍ନେ ଇଡ଼ିଙ୍ଗ୍‍ ମାପ୍‌ରୁନେ ଆତ୍ମା ଫିଲିପ୍‌ପକେ ଡୁଙ୍ଗ୍‍ଡଗେ । ଆତେନ୍‌‍ ଆଣ୍ଡାରି ଆରି ଆମେକେ କିକେ ଆୟାକେ ଣ୍ଡୁ । ମେଁ ସାର୍‍ଦାରେ ମେଁ ଗାଲିପାକା ଅଲେଙ୍ଗ୍‍ ୱେକେ । 
\v 40 ଉଡ଼ି ଦିନା ଇଡ଼ିଙ୍ଗ୍‍ ଫିଲିପ୍‌ପ କେକେ ଜେ ମେଁ ଅସଦୋଦନ୍ନିଆ ପିଙ୍ଗ୍‍ଚାଲେକେ । ଆତ୍‍ବା ମେଁ କାଇସରିୟା ୱେକେ ଆରି ଗାଲି ଆଣ୍ଡେଙ୍ଗ୍‍ ଲେକ୍ନେ ସହର୍‍ନ୍ନିଆ ନିମାଣ୍ଡାସାମୁଆଁ ବାସଙ୍ଗ୍‌‍ ଡିଙ୍ଗ୍‍କେ ।
\c 9
\s ଶାଉଲନେ ମନ୍‍ ବଦ୍‌ଲେନେ
\r (ପ୍ରେରିତ୍‌ ୨୨:୬-୧୬; ୨୬:୧୨-୧୮)
\p
\v 1 ଆକେନ୍‍ ବେଲା ଶାଉଲ ମାପ୍‌ରୁନେ ସିସ୍‍ଇଂକେ ବାଗୁଏଆର୍‍ଏ ଡାଗ୍‍ଚେ ଦମକ୍‍ ବିଚେ ମ୍ନା ପୁଜାରି ଡାଗ୍ରା ୱେକେ 
\v 2 ଦାମାସ୍କସ୍‌ନେ ପାର୍‌ତନା ଡୁଆଇଂ ଡାଗ୍ରା ମାପ୍‍ରୁନେ ଗାଲି ୱେଡିଂକ୍ନେ ସେଲାମ୍ବୁଏ ଆରି ଙ୍ଗିରେଇଂକେ ପେଅବାଲା ଗାଗ୍‍ଚେ ଯିରୁସାଲାମ୍‌ନ୍ନିଆ ସାଚେ ଡୁଙ୍ଗ୍‍ପାଙ୍ଗ୍‍ନ୍‍ସା ମ୍ନା ପୁଜାରିବାନ୍‍ ଆଦେସ୍‌ ଉଲିଆ ସାଲିଆ ଆର୍କେ ।
\p
\v 3 ସାଉଲ୍‍ ଦାମାସ୍କସ୍‌ ସହର୍‍ ଡାଗ୍ରା ତେପିଙ୍ଗ୍‍ଚାକ୍ନେ ବେଲା ଉଲୁସ୍ତେ କିତଂଇନିବାନ୍‍ ମୁଇଂ ତାରାସ୍‍ ମେଁ ପିତୁର୍‍ପାକା ତାର୍କିଗ୍ ୱେକେ । 
\v 4 ମେଁ ତୁବନ୍ନିଆ ଲଃଚେ ମୁଇଂ ସାମୁଆଁ ଅଁକେ “ଶାଉଲ ଶାଉଲ ନା ଆନେଙ୍ଗ୍‍କେ ମେଁସା ତାଡ଼ନା ଡିଙ୍ଗ୍‍ନାଡିଙ୍ଗ୍‍କେ ?”
\p
\v 5 ସାଉଲ୍‍ ବାସଙ୍ଗ୍‍କେ, “ମାପ୍‌ରୁ ନା ଜାଣ୍ଡେ ?” ମେଁ ବାସଙ୍ଗ୍‍କେ “ଆଜାକେ ନା ତାଡ଼ନା ଡିଙ୍ଗ୍‍ନାଡିଙ୍ଗ୍‍ ନେଙ୍ଗ୍‍ ଆତେନ୍‌‍ ଜିସୁ । 
\v 6 ଏବେ ତଡ଼ିଆ ଆରି ସହର୍‍ନ୍ନିଆ ୱେଲା । ଆତ୍‍ଅରିଆ ଆନାକେ ମେଁ ଡିଙ୍ଗ୍‍ନେ ଆତେନ୍‌‍ ଆନାକେ ମୁଇଂଜା ବାସଙ୍ଗ୍‍ଏ ।”
\p
\v 7 ସାଉଲ୍‍ ଏତେ ୱେଡିଂକ୍ନେ ରେମୁଆଁଇଂ କାବା ଡିଙ୍ଗ୍‍ଚେ ତୁଆଁ ଆର୍କେ । ମେଇଂ ଆକେନ୍‍ ସାମୁଆଁ ଅଁଆର୍କେ ମାତର୍‍ ଆଜାକେ ଡିଗ୍‍ ଆତ୍‍ଅରିଆ ଆକେଆର୍କେ ଣ୍ଡୁ । 
\v 8 ବାରି ଶାଉଲ ତୁବବାନ୍‌ ତଡ଼୍ୟାଚେ ମ୍ମୁଆଃ କେକେ, ମାତର୍‍ ଆମେକେ ମେଃଡିଗ୍‍ ଆତ୍ନାକେ ଣ୍ଡୁ । ତେସା ରେମୁଆଁଇଂ ମେଁ ନ୍ତିକେ ସାଚେ ଦାମାସ୍କସ୍‌ ଜାକ ଡୁଂୱେଆର୍କେ । 
\v 9 ମେଁ ଜିର୍‍ସି ଜାକ ମେଃଡିଗ୍‍ କିକେ ଆୟାକେ ଣ୍ଡୁ ଆରି ଆତ୍‌ବାନ୍ ମେଃଡିଗ୍‍ ଆଚଙ୍ଗ୍‍ ଆଉଗ୍‍କେ ।
\p
\v 10 ଦାମାସ୍କସ୍‌ନ୍ନିଆ ହନନୀୟ ମ୍ନିକ୍ନେ ମୁଇଂ ସିସ୍ ରେମୁଆଁ ଲେଃଗେ । ମାପ୍‌ରୁ ଆମେକେ ଦର୍ସନ୍ ବିଚେ ବାସଙ୍ଗ୍‍କେ “ହନନୀୟ” ମେଁ ଉତର୍‍ ବିକେ “ଏ ମାପ୍‌ରୁ ବାସଙ୍ଗ୍‍ ।”
\p
\v 11 ମାପ୍‌ରୁ ଆମେକେ ବାସଙ୍ଗ୍‍କେ “ତଡ଼ିଆ ବାରି ସିଦା ମ୍ନିକ୍ନେ ଗାଲି ସାଚେ ଜିଉଦାନେ ଡୁଆ ୱେଲା । ଆତ୍‍ଅରିଆ ତାର୍ଷିସ୍‌ବାନ୍ ପାଙ୍ଗ୍‍ଲେଃକ୍ନେ ଶାଉଲ ମ୍ନିକ୍ନେ ମୁଇଂ ରେମୁଆଁକେ ତୁର୍‍ । ଏବେ ମେଁ ପାର୍‌ତନା ଡିଙ୍ଗ୍‍ଡିଙ୍ଗ୍‍କେ । 
\v 12 ହନନୀୟ ମ୍ନିକ୍ନେ ମୁଇଂ ରେମୁଆଁ ପାଙ୍ଗ୍‍ଚେ ନେଙ୍ଗ୍‍ ଆଡ଼ାତ୍ରା ନ୍ତି ବଲା ନେଙ୍ଗ୍‍ ମୁଆଁ କିକେ ୟାଏ ଡାଗ୍‍ଚେ ଦର୍ସନ୍ କିକେ ଲେଃଗେ ।”
\p
\v 13 ହନନୀୟ ଉତର୍‍ ବିକେ, “ମାପ୍‌ରୁ ଆକେନ୍‍ ରେମୁଆଁ ଯିରୂଶାଲମ୍‌ନ୍ନିଆ ନାନେ ପବିତ୍ର ରେମୁଆଁଇଂନେ ଆଡ଼ାତ୍ରା ଜାବର୍‌ ଅତ୍ୟାଚାର୍‍ ଡିଙ୍ଗ୍‍ବକେ । ଆକେନ୍‍ ବିସୟ୍‍ରେ ଗୁଲେରେ ଆନେଙ୍ଗ୍‍କେ ବାସଙ୍ଗ୍‍ ବଆର୍‌କେ । 
\v 14 ଦମେସକନ୍ନିଆ ଉଡ଼ିରୁଆ ନା ମ୍ନିରେ ପାର୍‍ତନା ଡିଙ୍ଗ୍‍ଆର୍‍ଡିଙ୍ଗ୍‍କେ ଆମେଇଂକେ ଗାଗ୍‍ନ୍‍ସା ମେଁ ମ୍ନା ପୁଜାରିଇଂନେ ବାନ୍‍ ଅଦିକାର୍‌ ବାଲେଃକେ ।”
\p
\v 15 ମାପ୍‌ରୁ ଆମେକେ ବାସଙ୍ଗ୍‍କେ, “ୱେଲା ଯିଉଦି ଅଣଜିଉଦି ଇଃସାଙ୍ଗ୍‌ ଆରି ସର୍‌ତେ ଇଶ୍ରାୟେଲୀୟ ରେମୁଆଁଇଂନେ ସେନୁଗ୍‍ ନେଙ୍ଗ୍‍ ମ୍ନି ବାସଙ୍ଗ୍‍ ଅଲେଙ୍ଗ୍‍ ନ୍‍ସା ଆରି ନେଙ୍ଗ୍‍ନେ ସେବା କାମ୍ ଡିଙ୍ଗ୍‍ନ୍‍ସା ନେଙ୍ଗ୍‍ ଆମେକେ ସ୍ରି ମ୍ୱକେ । 
\v 16 ନେଙ୍ଗ୍‍ ମ୍ନିନ୍‌ସା ଆମେକେ ଉଡ଼ି କସ୍‍ଟ ବିଚେ ୱେନେ ପଡ଼େଏ ନେଙ୍ଗ୍‍ ଆମେକେ ନ୍ନାଃମ୍ୟାଃଏ ।”
\p
\v 17 ହନନୀୟ ଯିଉଦାନେ ଡୁଆ ୱେଚେ ଶାଉଲ ଆଡ଼ାତ୍ରା ନ୍ତି ବକେ ଆରି ବାସଙ୍ଗ୍‍କେ “ବୟାଁ ଶାଉଲ ! ମାପ୍‌ରୁ ଜିସୁ ନା ପାଙ୍ଗ୍‍ନେ ଗାଲି ଆନାକେ ଦର୍ସନ୍ ବିବଗେ ନା ଡିରକମ୍‍କି ବାରି ମୁଇଂତର୍‍ କିକେ ନାୟାଏ ଆରି ପବିତ୍ର ଆତ୍ମା ବା ନାୟାଏ ।” ଆତେନ୍‌‍ସା ମେଁ ଆନେଙ୍ଗ୍‍କେ ବେବକେ । 
\v 18 ତେନ୍‍ ଦାପ୍ରେ ସାଉଲ୍‍ନେ ମ୍ମୁଆଃବାନ୍ ଆଃଡ଼ନେ ଚାଲି ରକମ୍‍ ମେଁ ଆଃଡ଼ା ବୁନ୍ଦେ ପୁଏଃଚଗ୍ ଲଃକେ । ଆରି ମେଁ କିକେ ୟାକେ । ବାରି, ମେଁ ତଡ଼ିଆଚେ ଡୁବନ୍‌ ବିକେ । 
\v 19 ବଲେ ଚଙ୍ଗ୍‍କ୍ନେ ଇଡ଼ିଙ୍ଗ୍‌ ଆମେକେ ବପୁ ପାଙ୍ଗ୍‍କେ । ମେଁ ଦାମାସ୍କସ୍‌ ଇନିନ୍ନିଆ ସିସ୍‍ଇଂ ଏତେ ଉଡ଼ି ଗଣ୍ଟା ଦିନ୍‌ ଲେଃଗେ ।
\s ଦମେସକନ୍ନିଆ ସାଉଲ୍‍ନେ ମାପ୍‌ରୁ ସାମୁଆଁ ବାସଙ୍ଗ୍‌ନେ
\p
\v 20 ତେନ୍‌ ଇଡ଼ିଂ ସାଉଲ୍‍ ସଏଡ଼ାଃ ଯିଉଦି ପାର୍‌ତନା ଡୁଆଇଂନ୍ନିଆ ୱେଚାଚେ ଆତ୍‍ଅରିଆ ଜିସୁନେ ସାମୁଆଁ ବାସଙ୍ଗ୍‌ ଡିଙ୍ଗ୍‍କେ । ମେଁ ରେମୁଆଁଇଂକେ ବାସଙ୍ଗ୍‍କେ “ଜିସୁ ପର୍‍ମେସର୍‍ନେ ଉଙ୍ଗ୍‌ଡେ ।”
\p
\v 21 ଆରି ଜାଣ୍ଡେଇଂ ମେଁ ସାମୁଆଁ ଅଁଆର୍କେ ମେଇଂ ସାପାରେ କାବା ଡିଙ୍ଗ୍‍ଚେ ବାସଙ୍ଗ୍‍ଆର୍କେ ଆକେନ୍‍ ମ୍ନି ସାଚେ ପାର୍‌ତନା ଡିଙ୍ଗ୍‍ମ୍ୟାଃକ୍ନେ ରେମୁଆଁଇଂକେ ଜା ଯିରୂଶାଲମ୍‌ନ୍ନିଆ ତାଡ଼ନା ଡିଙ୍ଗ୍‍ଡିଂଗେ “ଆକେନ୍‍ ରେମୁଆଁ ମେଃନେ ମେଁ ଣ୍ଡୁ ଆରି ଆମେଇଂକେ ଗାଗ୍‍ଚେ ମ୍ନା ପୁଜାରିନେ ଡାଗ୍ରା ଡୁଂୱେ ନ୍‍ସା ଆକ୍‍ଅରିଆ ପାଙ୍ଗ୍‍ ଆଲେଃଗେ ।”
\p
\v 22 ମାତର୍‍ ଶାଉଲନେ ବାସଙ୍ଗ୍‌‍ ଜାବର୍‌ ବପୁ ଲେଃଗେ ଜିସୁ ଜେ କିସ୍‌ଟ ବା ମସିହ ଆକେନ୍‍ ବିସୟ୍‍ରେ ମେଁନେ ପର୍‍ମାନ୍‍ ଅଃକେନ୍ ଜିଦ୍‍ ଲେଃଗେ ଜେ ଦାମାସ୍କସ୍‌ନ୍ନିଆ ବାସା ଡିଙ୍ଗ୍‍ଆର୍‍ଡିଙ୍ଗ୍‍କ୍ନେ ଜିଉଦିଇଂ ମେଁନେ ମେଃଡିଗ୍‍ ବ୍ନାଲିର୍‍ରେ ଉତର୍‍ ବିଃ ଆଡିଙ୍ଗ୍‍ ଆର୍ଗେ ଣ୍ଡୁ ।
\p
\v 23 ଉଡ଼ିଦିନା ୱେକ୍ନେ ଇଡ଼ିଙ୍ଗ୍‍ ଜିଉଦିଇଂ ମୁଇଂତୁଗ୍‍ ରିସିଙ୍ଗ୍‍ଚେ ଶାଉଲ୍‍କେ ବାଗୁଏ ନ୍‍ସା ଉପାୟ୍‍ ତୁର୍‍ଆର୍କେ 
\v 24 ଜିଉଦିଇଂ ଆମେକେ ବାଗୁଏ ନ୍‍ସା ସ୍ମି ମିଡିଗ୍‍ ନଗର୍‍ନେ ସାପା ର୍ଣ୍ଣସାଙ୍ଗ୍‍ ଡାଗ୍ରା ଉର୍‍ ଆର୍‍ଡିଙ୍ଗଗେ । ମାତର୍‍ ଶାଉଲ ଆକେନ୍‍ ମ୍ୟାଃକେ । 
\v 25 ମାତର୍‍ ମେସୁଆ ମିଡିଗ୍‍ ବେଲା ସାଉଲ୍‍ନେ ସିସ୍‍ଇଂ ଆମେକେ ମୁଇଂ ମ୍ନା ଆଣ୍ଡ୍ରାନ୍ନିଆ ଆକଚେ କାନ୍ଥନେ ମୁଇଂ ରଃବକ୍ନେ ଗାଲିପାକା ବିଚେ ଆଲ ଆଃଜାର୍‍ ବିଆର୍‌କେ ।
\s ଯିରୁସାଲାମ୍‌ନ୍ନିଆ ସାଉଲ୍‍
\p
\v 26 ସାଉଲ୍‍ ଯିରୁସାଲାମ୍‌ନ୍ନିଆ ୱେଚାଚେ ସିସ୍‍ଇଂ ଏତେ କୁଡ଼େନ୍‍ସା ଚେସ୍‍ଟା ଡିଙ୍ଗ୍‍କେ ମାତର୍‍ ମେଁ ମୁଇଂ ସିସ୍‍ ଡାଗ୍‍ଚେ ମେଁଇଂ ବିଲ୍‍କୁଲ୍‍ ବିସ୍‍ବାସ୍‍ ଆଡିଙ୍ଗ୍‍ ଆର୍କେ ଣ୍ଡୁ । ସାପାରେ ଆମେକେ ବୁଟମେଗ୍ ଡିଙ୍ଗ୍‍ ଆର୍‍ଗେ । 
\v 27 ମାତର୍‍ ଇଡ଼ିଙ୍ଗ୍ ବର୍ଣ୍ଣବା ଆମେକେ ପ୍ରେରିତ୍‌ ସିସ୍‌ଇଂଡାଗ୍ରା ଡୁଂୱେଚେ ଦାମାସ୍କସ୍‌ ଗାଲିନ୍ନିଆ ସାଉଲ୍‍ ଡିରକମ୍‍ ମାପ୍‌ରୁନେ ଦର୍ସନ୍ ବାଲେଃଗେ ଆରି ମାପ୍‌ରୁ ଡିରକମ୍‍ ଆମେକେ ସାମୁଆଁ ବାସଙ୍ଗ୍‍ବଗେ ଆକେନ୍‍ ସାପା ବିସୟ୍‍ ଆମେଇଂକେ ଆଦ୍ରିଗ୍‍ଚେ ବାସଙ୍ଗ୍‍କେ । ଦାମାସ୍କସ୍‌ନ୍ନିଆ ଜିସୁନେ ମ୍ନିରେ ସାଉଲ୍‍ ଡିରକମ୍‍ ବାବ୍‍ରେ ବାସଙ୍ଗ୍‌‍ ଡିଙ୍ଗ୍‍ବଗେ ଆମେଇଂକେ ବଲ୍‍ ବାବ୍‍ରେ ଆଦ୍ରିଗ୍‍ ବିକେ । 
\v 28 ତେନ୍‌ ଇଡ଼ିଂ ସାଉଲ୍‍ ପ୍ରେରିତ୍‌ ସିସ୍‍ଇଂ ଏତେ ଲେଃଚେ ଯିରୂଶାଲମ୍‌ନେ ସାପା ଏରିଆ ୱେଚେ ସାଆସ୍‌ରେ ମାପ୍‌ରୁନେ ମ୍ନିରେ ବାସଙ୍ଗ୍‌‍ ଡିଙ୍ଗ୍‍କେ । 
\v 29 ଆକେନ୍‍ ସାପା ବିସୟ୍‌ରେ ମେଁ ଗ୍ରୀକ୍‌ ବାସଙ୍ଗ୍‌ଣ୍ଡ୍ରେ ଜିଉଦିଇଂ ଏତେ ବାଲିର୍‌ ବାତାକେ । ମାତର୍ ମେଇଂ ଆମେକେ ବାଗୁଏଃ ନ୍‍ସା ଚେସ୍‍ଟା ଡିଙ୍ଗ୍‍ଆର୍କେ । 
\v 30 ବୟାଁଇଂ ଆକେନ୍‍ ମ୍ୟାଃଚେ ଆମେକେ କାଇସରିୟା ନଗର୍‍ନ୍ନିଆ ଡୁଙ୍ଗ୍‍ୱେଚେ ତାର୍ଷିସ୍‌ ନଗର୍‍ନ୍ନିଆ ବେବିଃଆର୍‌କେ ।
\p
\v 31 ଜିଉଦା ପ୍ରଦେସ୍ ଗାଲିଲୀ ଆରି ସମରିଆନ୍ନିଆ ଲେଡିଙ୍ଗ୍‍କ୍ନେ କିସ୍‌ଟିୟାନ୍‌ ମଣ୍ଡଲିଇଂ ନ୍‍ସା ଆତେନ୍‌‍ବେଲାନେ ଅବସ୍ତା ସାନ୍ତି ଲେଃଗେ ଆରି ପବିତ୍ର ଆତ୍ମାନେ ସାଇଜ୍ୟରେ ମେଇଂନେ ରେମୁଆଁ ସକ୍ୟା ଜାବର୍‌ ଡିଙ୍ଗ୍‍କେ ଆରି ମେଁଇଂ ସାହାସ୍‍ ଡିଙ୍ଗ୍‍ଆର୍କେ । କିସ୍‍ଟାନ୍‍ ବିସ୍‍ବାସିଇଂ ମାପ୍‌ରୁକେ ବୁଟମେଗ୍‌ଚେ ବକ୍‌ତିରେ ବ୍ରୁଆ ଆର୍କେ ।
\s ଲୁଦା ଆରି ଜାପ୍‌ପନ୍ନିଆ ପିତର୍‍
\p
\v 32 ପିତର୍‍ ଗୁଲେ ଏରିଆ ଅଲେଙ୍ଗ୍‍ ଅଲେଙ୍ଗ୍‌ ସାରାସାରି ଲୁଦ ନଗର୍‍ନ୍ନିଆ ଲେଡିଙ୍ଗ୍‍କ୍ନେ ସାଦୁଇଂନେ ଡାଗ୍ରା ପିଙ୍ଗ୍‍ଚାଆର୍‌କେ । 
\v 33 ଆତ୍‍ଅରିଆ ମେଁ ଏନିୟ ମ୍ନିକ୍ନେ ମୁଇଂ ପକ୍ଷାଗାତ୍‍ ରଗିକେ କେକେ । ମେଁ ତ୍ମାମୁଆଁ ଜାକ ସିଙ୍ଗ୍‌ଲାନ୍ନିଆ ଡୁଲେଗ୍‍ଲେଗେ । 
\v 34 ପିତର୍‍ ଆମେକେ ବାସଙ୍ଗ୍‍କେ, “ଏନିୟ, ଜିସୁ କିସ୍‌ଟ ଆନାକେ ନିମାଣ୍ଡା ଆଡିଙ୍ଗ୍‍ବକେ । ତଃଡ଼୍ୟାଃ ନାନେଁ ସିଙ୍ଗ୍‍ଲା ସଜେ ।” ଆକେନ୍‍ ବାସଙ୍ଗ୍‍କ୍ନେ ଦାପ୍ରେ ମେଁ ତଃଡ଼୍ୟାଃକେ । 
\v 35 ଆକେନ୍‍ କେଚେ ଲୁଦ ଆରି ଶାରୋଣନ୍ନିଆ ବାସା ଡିଙ୍ଗ୍‍ଆର୍‍ଡିଙ୍ଗ୍‍କ୍ନେ ରେମୁଆଁଇଂ ମାପ୍‌ରୁନେ ପାକା ଆଣ୍ଡେଆର୍‌କେ ।
\p
\v 36 ଯାପ୍‌ପନ୍ନିଆ ଟାବୀଥା ତେମ୍ନିକ୍ନେ ମୁଇଂ ବିସ୍‌ବାସି ସେଲାମ୍ବୁଏଃ ବାସାଲେଃକେ । ମେଁନେ ଗ୍ରିକ୍‍ ମ୍ନି ଦର୍କାସ୍‌ ବା “ହରିଣି” ଲେଃଗେ । ମେଁ କାଲାଆଃ ଅର୍‍କିତ୍‍ ରେମୁଆଁଇଂକେ ଦାନ୍‍ ବିଡିଙ୍ଗ୍‍ଗେ ଆରି ସତ୍‍ କାମ୍ ଡିଙ୍ଗ୍‍ଡିଙ୍ଗ୍‍ଗେ । 
\v 37 ପିତର୍‍ ଉଡ଼ିବେଲା ଲୁଦ ଇନି ଲେଃଗେ ଆତେନ୍‌‍ବେଲା ଟାବୀଥା ଆଃସାଃବାଚେ ଗୁଏକେ । ରେମୁଆଁଇଂ ମେଁନେ ଗାଗ୍‍ଡ଼େକେ ଗଡ଼ିଆଚେ ଡୁଆନେ ଆଡ଼ାତ୍ରା ମହଲାନେ ବାକ୍ରାନ୍ନିଆ ଆଲୁଏଗ୍‍ ବିକେ । 
\v 38 ଯାପ୍‌ପନେ ବିସ୍‌ବାସିଇଂ ଅଁଆର୍କେ ଜେ ପିତର୍‍ ଲୁଦଇନି ଲେଃକେ । ଲୁଦ ଆରି ଯାପ୍‌ପ ଡାଗ୍ରା ଲେଃଗେ । ତେସା ମେଁଇଂ ମ୍ୱାୟାକେ ପିତର୍‍ ଡାଗ୍ରା ବାସଙ୍ଗ୍‍ ବେଃକେ, “ଦୟା ଡିଙ୍ଗ୍‍ଚେ ଜିଆଃ ନେ ଡାଗ୍ରା ପାଙ୍ଗ୍‍ଲା ।” 
\v 39 ପିତର ତିଆର୍‍ ଡିଙ୍ଗ୍‍ଚେ ଆରି ମେଇଂ ଏତେ ୱେକେ । ଆତ୍‍ଅରିଆ ମେଁ ୱେଚାକ୍ନେ ଦାପ୍ରେ ରେମୁଆଁଇଂ ଆମେକେ ଆଡ଼ାତ୍ରା ମହଲାନେ ବାକ୍ରାନ୍ନିଆ ଡୁଂୱେ ଆର୍କେ । ଆତ୍‍ଅରିଆ ଗୁଏସାଙ୍ଗ୍‍କୁଏଇଂ ଆମେକେ ପିତୁର୍‍ପାକା ୱାଚେ ଅଁ ଅଁଚେ ଦର୍କାସ୍‌ ବ୍ରୁଆ ଲେଃକେଲା ତଗ୍‍ବକ୍ନେ ସକା ସେକ୍‍ପୁଆ ଆରି ସକା ପାଟାଇ ପିତ୍‌ରକେ ଆକେ ଆର୍କେ । 
\v 40 ପିତର୍‍ ସାପାରେକେ ବାକ୍ରା ବିତ୍‍ରେବାନ୍‍ ପାଦା ବେଚେ ଆଣ୍ଟୁମାଡ଼େଚେ ପାର୍‌ତନା ଡିଙ୍ଗ୍‍କେ । ତେନ୍‌ ଇଡ଼ିଂ ମେଁ ତର୍‍କାସ୍‍ନେ ଗୁଏକ୍ନେ ଗାଗ୍‌ଡ଼େପାକା ତାମୁଁଚେ ବାସଙ୍ଗ୍‍କେ “ଟାବୀଥା ତଃଡ଼୍ୟା !” ଆତ୍‍ବା ମେଁ ମ୍ମୁଆଃ କେକେ ଆରି ପିତର୍‍କେ କେଚେ ତଃଡ଼୍ୟା କକେ । 
\v 41 ପିତର୍‍ ମେଁନେ ନ୍ତି ସାଚେ ଆତଡ଼ିଆକେ ଆରି ବିସ୍‍ବାସିଇଂକେ ଆରି ଗୁଏସାଙ୍ଗ୍‍କୁଏଇଂକେ ବାକ୍ରାନ୍ନିଆ ୱାକେ ଆରି ଟାବୀଥା ମ୍ୱ୍ରଲେକ୍ନେ ଆସୁଏକେ । 
\v 42 ଆକେନ୍‍ କବର୍‍ ଯାପ୍‌ପନେ ସାପାପାକା ଉଡ୍ରା ଡିଙ୍ଗ୍‍ୱେଗେ । ଆରି ଗୁଲେରୁଆ ମାପ୍‌ରୁକେ ବିସ୍‍ବାସ୍‍ ଡିଙ୍ଗ୍‍ଆର୍କେ । 
\v 43 ପିତର୍‍ ଗୁଲେ ଦିନା ଜାକ ଯାପ୍‌ପନ୍ନିଆ ଶିମୋନ ମ୍ନିକ୍ନେ ମୁଇଂ ଚାମାର୍‌ନେ ଡୁଆନ୍ନିଆ ଲେଃଗେ ।
\c 10
\s ପିତର୍‍ ଆରି କର୍ଣ୍ଣେଲିୟ
\p
\v 1 କାଇସରିୟା ନଗର୍‍ନ୍ନିଆ କର୍ଣ୍ଣୀଲିୟ ମ୍ନିକ୍ନେ ମୁଇଂ ରେମୁଆଁ ଲେଃଗେ ମେଁ ଇଟାଲୀୟ ମ୍ନିକ୍ନେ ରୋମୀୟ ସନ୍ୟଦଲ୍‍ନେ ମୁଇଂ ସେନାପତି ଲେଃଗେ । 
\v 2 ମେଁ ମୁଇଂ ଦାର୍‍ମିକ୍‍ ରେମୁଆଁ ଆରି ମେଁ ଡୁଆନେ ସାପା ରେମୁଆଁ ଇସ୍‍ପର୍‍କେ ବୁଟ ଡିଙ୍ଗ୍‍ଆର୍ଗେ । ମେଁ ଅର୍‍କିତ୍‍ ରେମୁଆଁଇଂକେ ଜାବର୍‌ ଦାନ୍‍ ବିଡିଙ୍ଗ୍‍ଗେ ଆରି କାଲାଆଃ ଇସ୍‍ପର୍‍ ଡାଗ୍ରା ପାର୍‌ତନା ଡିଙ୍ଗ୍‍ଆର୍‍ଡିଙ୍ଗ୍‍ଗେ । 
\v 3 ମୁଇଂଦିନା ସ୍ମି ପ୍ରାୟ୍ ଞ୍ଜି ଗଣ୍ଟା ବେଲା ମେଁ ମୁଇଂ ମୁସୁଡ଼ିଙ୍ଗ୍‌ ମାଣ୍ଡା ବାବ୍‍ରେ କେକେ ଜେ ଇସ୍‍ପର୍‍ନେ ଦୁତ୍‍ ପାଙ୍ଗ୍‍ଚେ ଆମେକେ ୱାଡିଙ୍ଗ୍‍କେ “କର୍ଣ୍ଣୀଲିୟ ।”
\p
\v 4 ମେଁ ବୁଟ୍‍ଚେ କିତଂ ଦୁତ୍‍ ପାକା ତାମୁଁଚେ ବାସଙ୍ଗ୍‍କେ, “ମାପ୍‌ରୁ ମେଁନେ ବାସଙ୍ଗ୍‍ନାଡିଙ୍ଗ୍‍କେ ?” କିତଂ ଦୁତ୍‍ ଉତର୍‍ ବିକେ “ଇସ୍‍ପର୍‍ ନାନେ ପାର୍‌ତନା ଆରି ଅର୍‍କିତ୍‍ ରେମୁଆଁଇଂକେ ଦାନ୍‍ ବିଃନାଡିଂକେ ଆତାନ୍‍ ଡିଗ୍‍ ମେଁ କେଲେକେ । ତେସା ମେଁ ଆନାକେ ମନେ ତ୍ଲାଗ୍‍ଡିଙ୍ଗ୍‍କେ ।” 
\v 5 “ଏବେ ଯାପ୍‌ପ ନଗର୍‍ନ୍ନିଆ ନାଁ ନାଁନେ ରେମୁଆଁଇଂକେ ବେଚେ ଶିମୋନ ମ୍ନିକ୍ନେ ମୁଇଂ ରେମୁଆଁକେ ଆତ୍‍ବା ୱାଡୁଂ ପାଙ୍ଗ୍‍ଲାପା । ଆତେନ୍‌‍ ସିମନ୍‍ ପିତର୍‍ ମ୍ନିରେ ଡିଗ୍‍ ସ୍ନାମୁଆଁ । 
\v 6 ମେଁ ମ୍ନା କେଣ୍ଡିଆ ଆଡ଼ାଡାଗ୍ରା ବାସା ଡିଙ୍ଗ୍‍ମ୍ୟାଃକ୍ନେ ଶିମୋନ ମ୍ନିକ୍ନେ ମୁଇଂ ଚାମାର୍‌ନେ ଡୁଆନ୍ନିଆ ଲେଃଡିଂକେ ।” 
\v 7 ଆକେନ୍‍ ବାସଙ୍ଗ୍‍ଚେ କିତଂ ଦୁତ୍‍ ଲାଗ୍‍ଡଗେ । ଆକେନ୍‍ ଇଡ଼ିଙ୍ଗ୍‍ କର୍ଣ୍ଣେଲିଅ ମେଁ ଡୁଆନେ ମ୍ୱାୟା ଗତିରେକେ ଆରି ଆମେକେ ସେବା ଡିଙ୍ଗ୍‍ଡିଙ୍ଗ୍‍କ୍ନେ ସନ୍ୟଇଂବାନ୍‍ ମୁଇଂ ଦାର୍‍ମିକ୍‍ ସନ୍ୟକେ ୱାକେ । 
\v 8 ମେଁ ଆମେଇଂକେ ସାପା ସାମୁଆଁ ଆମ୍ୟାଃଚେ ଯାପ୍‌ପନ୍ନିଆ ବେକେ ।
\p
\v 9 ମାର୍‍ତଡ଼େ ମେଁଇଂ ଯାପ୍‌ପ ନଗର୍‍ଡାଗ୍ରା ୱେଚାଆର୍କେ ଆତେନ୍‌‍ବେଲା ପିତର୍‍ ସ୍ମି ବାର୍‍ଟା ବେଲା ବ୍ଲେସାଂ ଆଡ଼ାତ୍ରା ପାର୍‌ତନା ଡିଙ୍ଗ୍‍ନ୍‍ସା ୱେଲେଗେ । 
\v 10 ଆମେକେ ଜାବର୍‌ କେଡ଼େସଃ ଡିଙ୍ଗ୍‍ଲା ମେଁ ଚଙ୍ଗ୍‍ନ୍‍ସା ଇକ୍‌ଚା ଡିଙ୍ଗ୍‍ଡିଙ୍ଗ୍‍ଗେ । ମେଁଇଂ ପିତର୍‍ ନ୍‍ସା ବଲେ ଡୁଏନେ ବେଲା ମେଁ ମୁଇଂ ମୁସୁଡ଼ିଙ୍ଗ୍‌ କେକେ । 
\v 11 ମେଁ କେକେ ଜେ କିତଂଇନି ରଃୱେ ଲେଃକେ ଆରି ମୁଇଂ ମ୍ନା ତଗ୍‌ରିଆ ଅଁ କନ୍‍ ପାକାବାନ୍‍ ଆୱେଜଙ୍ଗ୍‍ଚେ ମଞ୍ଚ୍‌ପୁର୍‌ ଆଡ଼ାତ୍ରାପାକା ରେଃସ ଡୁଂପାଙ୍ଗ୍‍ଡିଙ୍ଗ୍‍କେ । 
\v 12 ଆତେନ୍‌‍ ବିତ୍‍ରେ ମଞ୍ଚ୍‌ପୁର୍‌ନେ ନାନା ରକମ୍‍ନେ ପସୁ, ବଃଗିଡ଼ିଆ ଆରି କିତଂଇନିନେ ପ୍ଲିଗ୍‍ଇଂ ଲେଃଆର୍‌କେ । 
\v 13 ଆରି ମେଁ ମୁଇଂ ଇଲ୍‍ଏଁ ଅଁକେ, “ପିତର୍‍ ତଃଡ଼୍ୟା ଆକେନ୍‍ ପସୁ ବିତ୍‍ରେବାନ୍‍ ଆଣ୍ଡିନେ ଡିଗ୍‍ ବାଗୁଏଃଚେ ଚଙ୍ଗ୍‍ ।”
\p
\v 14 ମାତର୍‍ ପିତର୍‍ ବାସଙ୍ଗ୍‍କେ, “ଣ୍ଡୁ ମାପ୍‌ରୁ ନେଙ୍ଗ୍‍ ନାୟା ଣ୍ଡୁ ! ନେଙ୍ଗ୍‍ ଅଃନା ମେଃଡିଗ୍‍ ଅସୁଚି ଆରି ଅପବିତ୍ର ଜିନିସ୍‍ ନ୍ନାଚଙ୍ଗ୍‍କେ ଣ୍ଡୁ ।”
\p
\v 15 ବାର୍‌ମୁଇଂତର୍‍ ମେଁ ଆକେନ୍‍ ଇଲ୍‍ଏଁ ଅଁକେ, “ପର୍‍ମେସର୍‍ ଆଜାକେ ପବିତ୍ର ଆଡିଙ୍ଗ୍‍ବକେ, ନା ଆମେକେ ଅଶୁଚି ଡାଗ୍‍ଚେ ଆବାସଙ୍ଗ୍‍ଗେ ।” 
\v 16 ଞ୍ଜିତର୍‍ ଦେତ୍‍ରକମ୍‍ ଡିଙ୍ଗ୍‍କ୍ନେ ଇଡ଼ିଙ୍ଗ୍‍ ଆତେନ୍‌‍ ତଗ୍‍ରିଆକେ କିତଂଇନି ଆଡ଼ାତ୍ରା ଆରି ଗୁରାଙ୍ଗ୍‍ଡକେ ।
\p
\v 17 ପିତର୍‍ ମେଁନେ ମୁସୁଡ଼ିଙ୍ଗ୍‍ନେ ଅର୍‍ତ ବ୍ନାଇର୍‍ ଏତେଚେ କାବା ଡିଙ୍ଗ୍‍ୱେଗେ । ଆକେନ୍‍ ବେଲା କର୍ଣ୍ଣୀଲିୟ ଆଜାକେ ବେବଗେ ମେଁଇଂ ଶିମୋନନେ ଡୁଆ ତୁର୍‍ ଅଲେଙ୍ଗ୍‍ଡିଙ୍ଗ୍‍ ଆର୍ଗେ ମେଁଇଂ ପାଙ୍ଗ୍‍ଚେ ର୍ଣ୍ଣସାଙ୍ଗ୍‌ ଡାଗ୍ରା ତୁଆଁ ଆର୍କେ । 
\v 18 ମେଁଇଂ ସାଲିଆକୁକେ, ଶିମୋନ ଜାଣ୍ଡେ କି ପିତର୍‍ ଡାଗ୍‌ଚେ ଡିଗ୍‍ ସ୍ନାମୁଆଁ ମେଁ ଆକ୍‍ଅରିଆ କୁଲା ପାଙ୍ଗ୍‍ଲେକେ କି ?
\p
\v 19 ପିତର୍‍ ଆତେନ୍‌‍ ଜାକ ମୁସୁଡ଼ିଙ୍ଗ୍‍ନେ ଅର୍‍ତ ଦ୍ରିଗ୍‍ନ୍‍ସା ଚେସ୍‌ଟା ଡିଙ୍ଗ୍‍ଡିଙ୍ଗ୍‍ଗେ ଅଃକେନ୍‍ ବେଲା ପବିତ୍ର ଆତ୍ମା ବାସଙ୍ଗ୍‍କେ “କେଲା ଆକ୍‍ଅରିଆ ଞ୍ଜିରୁଆ ରେମୁଆଁ ଆନାକେ ତୁର୍‍ଆର୍‍ଡିଙ୍ଗ୍‍କେ । 
\v 20 ତଃଡ଼ିଆ ଆରି ଆଲ ଜାର୍‍ଲା । ଆତେନ୍‌‍ ରେମୁଆଁଇଂ ଏତେ ୱେନ୍‍ସା ମ୍ୱାର୍‌ମନ୍‌ ଆଡିଙ୍ଗ୍‍ଗେ ଡାଗ୍ଲା ନେଙ୍ଗ୍‍ ଆମେଇଂକେ ବେମ୍ୱକେ ।” 
\v 21 ପିତର୍‍ ଆଲ ଜାର୍‍ଚେ ଆତେନ୍‌‍ ରେମୁଆଁଇଂକେ ବାସଙ୍ଗ୍‍କେ “ପେ ଆଜାକେ ତୁର୍‍ପେଡିଙ୍ଗ୍‍କେ ନେଙ୍ଗ୍‍ ଆତେନ୍‌‍ ରେମୁଆଁ । ପେ ମେଁସା ପାଙ୍ଗ୍‍ପେଲେକେ ?”
\p
\v 22 ମେଁଇଂ ଉତର୍‍ ବିକେ, “ସେନାପତି କର୍ଣ୍ଣୀଲିୟ ଆନେକେ ବେବକେ । ମେଁ ମୁଇଂ ଦାର୍‌ମିକ୍‌ ରେମୁଆଁ । ମେଁ ଇସ୍‍ପର୍‍କେ ବୁଟ ମ୍ୟାଃକେ ଆରି ଜିଉଦିଇଂ ସାପାରେ ଆମେକେ ସନ୍‍ମାନ୍‍ ବିଃମ୍ୟାକେ । ଆନାକେ ମେଁ ଡୁଆ ୱାଚେ ନାନେ ବ୍ନାଇର୍‍ ଅଁନ୍‍ସା ଇସ୍‍ପର୍‍ନେ ମୁଇଂ ଦୁତ୍‍ ଆମେକେ ଆଦେସ୍‌ ବିବକେ ।” 
\v 23 ତେସା ପିତର୍‍ ଆମେଇଂକେ ବିତ୍‍ରେ ୱାକେ ଆରି ଆତେନ୍‌‍ ମିଡିଗ୍‍ ଆତ୍‍ଅରିଆ ଡୁଲେଗ୍‍ନ୍‍ସା ବାସଙ୍ଗ୍‍କେ । ଆମାର୍‍ତଡ଼େ ମେଁ ତିଆର୍‍ ଡିଙ୍ଗ୍‍ଚେ ମେଇଂ ଏତେ ୱେକେ । ଆରି ଯାପ୍‌ପନ୍ନିଆ ବାସା ଡିଙ୍ଗ୍‍ଆର୍କ୍ନେ ବୟାଁଇଂ ବିତ୍‍ରେ ବାନ୍‍ ଉଡ଼ିରୁଆ ମେଇଂ ଏତେ ୱେଆର୍କେ । 
\v 24 ମାର୍‍ତଡ଼େ ମେଁଇଂ କାଇସରିୟାଡାଗ୍ରା ୱେଚାଆର୍କେ । ଆତ୍‍ଅରିଆ କର୍ଣ୍ଣୀଲିୟ ନିଜର୍‍ ସାଙ୍ଗଇଂ ଏତେ ଆରି ଡୁଆ ଡାଗ୍ରାନେ ବନ୍ଦୁ କୁଟୁମ୍‍ଇଂ ଏତେ ପିତର୍‍କେ ଉର୍‍ଲେ ଆର୍ଗେ । 
\v 25 ପିତର୍‍ ବିତ୍‍ରେ ଗାନେ ବେଲା କର୍ଣ୍ଣୀଲିୟ ଆମେକେ ଅବାଚେ ମେଁ ଞ୍ଚ ବୁନ୍ଦେ ଲଃଚେ ସାର୍‌ଲକେ । 
\v 26 ମାତର୍‍ ପିତର୍‍ ଆମେକେ ଆଃତଡ଼ିଆଚେ ବାସଙ୍ଗ୍‍କେ, “ତଃଡ଼ିଆ ନେଙ୍ଗ୍‍ ଡିଗ୍‍ ନା ରକମ୍‍ ମୁଇଂ ରେମୁଆଁ ।” 
\v 27 ପିତର କର୍ଣ୍ଣେଲିଅ ଏତେ ବାଲିର୍‌ ବାତା ଡିଙ୍ଗ୍‍ ବେଲା ଡୁଆ ବିତ୍‍ରେ ଗାଆର୍କେ ଆରି ଆତ୍‍ଅରିଆ ଗୁଲେ ରେମୁଆଁ ରିସିଙ୍ଗ୍‍ ଲେଃନେ କେଆର୍କେ । 
\v 28 ମେଁ ଆମେଇଂକେ ବାସଙ୍ଗ୍‍କେ “ପେ ମ୍ୟାଃପେଲେକେ ଜେ ମୁଡ଼ି ଜିଉଦି ଡିଗ୍‍ ବିନ୍‍ରେ ଏତେ କୁଡ଼େନେ ଆରି ବିନ୍‍ ଜାତିନେ ରେମୁଆଁଇଂନେ ଡୁଆ ୱେନେ ଜିଉଦି ରେମୁଆଁଇଂନେ ନିୟମ୍‌ନ୍ନିଆ ବିରଦ୍‍ । ମାତର୍‍ ମୁଡ଼ି ରେମୁଆଁ ଡିଗ୍‍ ଅପବିତ୍ର ଆରି ଅସୁଚି ମାବାସଙ୍ଗ୍‍ ନ୍‍ସା ଇସ୍‍ପର୍‍ ଆନେଙ୍ଗ୍‍କେ ଆସୁଏଃ ବିଃବକେ । 
\v 29 ତେସା ପେ ଅନାବେଲା ଆନେଙ୍ଗ୍‍କେ ପେୱାକେ ନେଙ୍ଗ୍‍ ମେଃଡିଗ୍‍ ଆପତି ମାଡିଙ୍ଗ୍‍ଚେ ମ୍ପାଙ୍ଗ୍‍କେ । ଆନେଙ୍ଗ୍‍ ଏବେ ବାସଙ୍ଗ୍‍ପା ପେ ମେଁସା ଆନେଙ୍ଗ୍‍କେ ୱାପେବଗେ ?”
\p
\v 30 କର୍ଣ୍ଣୀଲିୟ ବାସଙ୍ଗ୍‍କେ “ନେଙ୍ଗ୍‍ ଟିକ୍‍ ଅଁସି ଦିନା ସେନୁଗ୍‍ ନେଙ୍ଗ୍‍ ଡୁଆ ସ୍ମି ତିନ୍‍ଟା ବେଲା ପାର୍‌ତନା ଡିଙ୍ଗ୍‍ଣ୍ଡିଙ୍ଗ୍‍ଗେ । ଆତେନ୍‌‍ ବେଲା ଉଲୁସ୍ତେ ମୁଇଂ କିତଂ ଦୁତ୍‍ ତାର୍‍କିଗ୍‌କ୍ନେ ସକା ସଃଲେକ୍ନେ ମୁଇଂ ରେମୁଆଁ ନେଙ୍ଗ୍‍ ସେନୁଗ୍‍ ତୁଆଁଚେ ବାସଙ୍ଗ୍‍କେ; 
\v 31 ‘କର୍ଣ୍ଣୀଲିୟ ! ଇସ୍‍ପର୍‍ ନାନେ ପାର୍‌ତନା ଅଁଲେକେ ଆରି ନା ଅର୍‍କିତ୍‍ ରେମୁଆଁଇଂକେ ବିଃନାବକ୍ନେ ଦାନ୍‍ଡିଗ୍‍ ମନେ ବକେ । 
\v 32 ତେସା ଯାପ୍‌ପନ୍ନିଆ ରେମୁଆଁ ବେଚେ ପିତର ମ୍ନିରେ ସ୍ନାମୁଁଆଃ ଶିମୋନକେ ଆକ୍‍ଅରିଆ ୱାପା । ମେଁ ମ୍ନା କେଣ୍ଡିଆ ଆଃଡ଼ାଃ ଚାମାର୍‌ ଶିମୋନନେ ଡୁଆନ୍ନିଆ ଲେଃଡିଂକେ ।’ 
\v 33 ତେସା ନେଙ୍ଗ୍‍ ଆନାକେ ଜିଆ ଜିଆ ୱାନ୍‍ସା ମ୍ୱେକେ । ବଲ୍‍ ଡିଙ୍ଗ୍‍ଗେ ନା ଆକ୍‍ଅରିଆ ନାପାଙ୍ଗ୍‍କେ । ମାପ୍‌ରୁ ଆନାକେ ମେଃନେ ବାସଙ୍ଗ୍‍ ନ୍‌ସା ଆଦେସ୍‍ ବିବକେ ଆତେନ୍‌‍ ଦ୍ରିଗ୍‍ନ୍‍ସା ନେ ସାପାରେ ଆକ୍‍ଅରିଆ ଇସ୍‍ପର୍‍ନେ ସେନୁଗ୍‍ ଉର୍‍ଚେ ନେଲେକେ ।”
\s ପିତରନେ ସିକ୍ୟା
\p
\v 34 ପିତର ବାସଙ୍ଗ୍‍ନେ ଆରାମ୍‍ ଡିଙ୍ଗ୍‍କେ “ନେଙ୍ଗ୍‍ ଏବେ ବୁଜେୟା ଣ୍ଡିଙ୍ଗ୍‍କେ ଜେ ପକ୍‌ରୁତ୍‌ରେ ଇସ୍‍ପର୍‍ନେ ମୁଆଃନ୍ନିଆ ସାପା ରେମୁଆଁ ସମାନ୍‍ । ମେଁ ଡାଗ୍ରା ମେଃଡିଗ୍‍ ବେଦବାବ୍‍ ଣ୍ଡୁ । 
\v 35 ମୁଡ଼ି ରେମୁଆଁ ଡିଙ୍ଗ୍‍ଲେ ମାତର୍‍ ମାପ୍‍ରୁକେ ବୁଟଚେ ପାର୍‌ତନା ଡିଙ୍ଗ୍‍ଲା ଆରି ମେଁ ମୁଆଃନ୍ନିଆ ସତ୍‌କାମ୍‌ ଡିଙ୍ଗ୍‍ଲା ମାପ୍‌ରୁ ଆମେକେ ଗ୍ରଅନ୍‍ ଡିଙ୍ଗ୍‍ଏ । 
\v 36 ପେ ମ୍ୟାପେଲେଃକେ ଜେ ଇସ୍‍ପର୍‍ ଇଶ୍ରାୟେଲୀୟ ରେମୁଆଁଇଂନେ ଡାଗ୍ରା ଆଣ୍ଡିନେ ବ୍ନାଲିର୍‌ ବେବଗେ ଆତେନ୍‌‍ଆ ଜିସୁବାନ୍‍ ବାଲିର୍‌ବକ୍ନେ ସାନ୍ତିନେ ବ୍ନାଇର୍‍ । ଆତେନ୍‌‍ ଜିସୁ କିସ୍‌ଟ ଆଃ ସାପାରେନେ ମାପ୍‌ରୁ । 
\v 37 ଏନ୍ ଜିସୁ ସାପାରେନେ ମାପ୍‌ରୁ । ଜହନ୍‌ ମନ୍‌ବଦ୍‌ଲେଃ ନ୍‌ସା ବାରି ଣ୍ଡିଆଦିକ୍ୟାନେ ସାମୁଆଁ ବାସଙ୍ଗ୍‌କ୍ନେ ଇଡ଼ିଙ୍ଗ୍‌ ଗାଲିଲୀବାନ୍‌ ଆରାମ୍‌ ଡିଙ୍ଗ୍‌ଚେ ସାପା ଜିଉଦା ପ୍ରଦେସ୍‌ନ୍ନିଆ ମେଃନେ ସାପା ଗଟ୍‍ନା ଗଟେକେ ଆତେନ୍‌ ସାପା ପେ ମ୍ୟାପେଲେକେ । 
\v 38 ପେ ନାଜରିତ ଜିସୁନେ ବିସୟ୍‌ରେ ମ୍ୟାଃପେଲେକେ । ଇସ୍‍ପର ଆମେକେ ପବିତ୍ର ଆତ୍ମା ଆରି ବପୁ ବିଚେ କିସ୍ଟରେ ଅବିସିକ୍ତ ଆଡିଙ୍ଗ୍‍ବଗେ । ଜିସୁ ସାପାପାକା ୱେଚେ ରେମୁଆଁଇଂକେ ଉପକାର୍‍ ଆଡିଙ୍ଗ୍‍ଡିଙ୍ଗ୍‍ଗେ । ଆରି ସୟତାନ୍‌ ଗାଗ୍‍ଚେ ଲେକ୍ନେ ରେମୁଆଁଇଂକେ ନିମାଣ୍ଡା ଆଡିଙ୍ଗ୍‍କେ ମାତର୍‍ ଇସ୍‍ପର୍‍ ମେଁ ଏତେ ଲେଃଗେ । 
\v 39 ଜିଉଦିଇଂନେ ଦେସ୍‍ନ୍ନିଆ ଆରି ଯିରୁସାଲାମ୍‌ନ୍ନିଆ ମେଁ ଜା ସାପା କାମ୍ ଡିଙ୍ଗ୍‍କେ ନେ ଆତେନ୍‌‍ ସାପାନେ ସାକି ନେଲେଃକେ । ତେନ୍‌ ଇଡ଼ିଂ ମେଁଇଂ ଆମେକେ କୁରୁସ୍‍ନ୍ନିଆ ଆଡେଚେ ବାଗୁଏଃ ବିଃଆର୍କେ । 
\v 40 ମାତର୍‍ ଇସ୍‍ପର୍‍ ଜିର୍‌ସି ବିତ୍‍ରେ ଆମେକେ ଗୁଏକ୍ନେବାନ୍ ଆଃତଡ଼ିଆଚେ ରେମୁଆଁଇଂନେ ଡାଗ୍ରା ଆସୁଏକେ । 
\v 41 ମାତର୍‍ ଜିସୁ ସାପାରେକେ ଆରାସୁଏକେ ଣ୍ଡୁ । ଇସ୍‍ପର୍‍ ଜାଣ୍ଡେକେ ମେଁନେ ସାକି ରକମ୍‍ ପୁର୍‍ବେବାନ୍‍ ସ୍ରି ବଗେ ମେଇଂଆ ମାତର୍‌‍ ଆମେକେ କେଆର୍କେ ଆତେନ୍‌‍ ନେ ସାକି ନେଲେକେ । ଜିସୁ ଗୁଏଚେ ତଃଡ଼ିଆକ୍ନେ ବାନ୍‍ ନେ ମେଁ ଏତେ ଚଙ୍ଗ୍‍ଉଗ୍‍ ନେଲେଗେ । 
\v 42 ରେମୁଆଁଇଂ ଡାଗ୍ରା ନିମାଣ୍ଡା ସାମୁଆଁ ବାଲିର୍‌ ନ୍‌ସା ଆରି ଇସ୍‍ପର୍‍ ଜେ ଆମେକେ ମ୍ୱ୍ରରେକେ ଆରି ଗୁଏରେକେ ବିଚାର୍ ଡିଙ୍ଗ୍‍ନ୍‍ସା ବାଚେ ବକେ ଆକେନ୍‍ ସାମୁଆଁରେ ସାକି ବିନ୍‍ସା ମେଁ ଆନେକେ ଆଦେସ୍‍ ବିବକେ । 
\v 43 ଜା ଡିଗ୍‍ ଆମେକେ ବିସ୍‍ବାସ୍‍ ଡିଙ୍ଗ୍‍ଏ ମେଁନେ ମ୍ନିନେ ବପୁରେ ମେଁନେ ପାପ୍‍ କେମା ବାଏ । ଆକେନ୍‍ ସାପା ବାବବାଦି ମେଁ ବିସୟ୍‍ରେ ସାକି ବିମ୍ୟାକେ ।”
\s ଅଣଜିଉଦିଇଂନେ ଆଡ଼ାତ୍ରା ପବିତ୍ର ଆତ୍ମା ପାଙ୍ଗ୍‍କେ
\p
\v 44 ପିତର ଆକେନ୍‍ ସାମୁଆଁ ବାସଙ୍ଗ୍‍ନେ ବେଲା ଜାଣ୍ଡେଇଂ ମେଁନେ ସାମୁଆଁ ଅଁଆର୍‍ଡିଂଗେ, ଆତେନ୍‌‍ ସାପାରେ ଆଡ଼ାତ୍ରା ପବିତ୍ର ଆତ୍ମା ପାଙ୍ଗ୍‍କେ । 
\v 45 ଅଣଜିଉଦିଇଂନେ ଆଡ଼ାତ୍ରା ଡିଗ୍ ଇସ୍‍ପର୍‍ ମେଁନେ ପବିତ୍ର ଆତ୍ମା ଦାନ୍‍ ବିବକ୍ନେ କେଚେ ପିତର୍‍ ଏତେ ପାଙ୍ଗ୍‍ଲେଆର୍‌କ୍ନେ ଯାପ୍‌ପନେ ଜିଉଦି ବିସ୍‌ବାସିଇଂ ଡିଗ୍‍ ବକୁଆ ଡିଙ୍ଗ୍‍ୱେଆର୍ଗେ । 
\v 46 ମେଃଡାଗ୍‍ଲା ଯିଉଦି ବିସ୍‍ବାସିଇଂ ଇସ୍‍ପର୍‍କେ ପ୍ରସଂସା ଡିଙ୍ଗ୍‍ଡିଙ୍ଗ୍‍କ୍ନେ ଆରି ବିନ୍‍ ବ୍ନାସାରେ ବ୍ନାଇର୍‍ ବାସଙ୍ଗ୍‍ଡିଂଆର୍‌କ୍ନେ ଅଁଆର୍କେ । 
\v 47 ପିତର ବାସଙ୍ଗ୍‌କେ, “ନେ ରକମ୍‍ ଆକେନ୍‍ ରେମୁଆଁଇଂ ଡିଗ୍‍ ପବିତ୍ର ଆତ୍ମା ବାଲେଆର୍କେ । ଡୁବନ୍‌ ଡୁଂଡନ୍‍ସା ଜା ମେଁନେ ଆମେଇଂକେ କସ୍‍ଟ ବିୟାଏ ?” 
\v 48 ତେସା ମେଁ ଆମେଇଂକେ ଜିସୁ କିସ୍‌ଟନେ ମ୍ନିରେ ଡୁବନ୍‌ ଡୁଙ୍ଗ୍‍ଡନ୍‍ସା ଆଦେସ୍‌ ବିକେ । ତେନ୍‌ ଇଡ଼ିଂ ରେମୁଆଁଇଂ ପିତର୍‍କେ ମେଇଂ ଏତେ ଉଡ଼ିଦିନା ସୁଗୁଆ ଲେଃନ୍‍ସା ବାସଙ୍ଗ୍‌ଆର୍କେ ।
\c 11
\s ଯିରୁସାଲାମ୍‍ନେ ମାପ୍‌ରୁଣ୍ଡ୍ରେନ୍ନିଆ ପିତରନେ ମାପ୍‌ରୁ ସାମୁଆଁ
\p
\v 1 ଅଣଜିଉଦିଇଂ ଡିଗ୍‍ ଇସ୍‍ପର୍‍ନେ ସାମୁଆଁ ଗ୍ରଅନ୍‍ ଡିଙ୍ଗ୍‍ଆର୍‍ଲେକେ ଡାଗ୍‍ଚେ ସିସ୍‌ଇଂ ଆରି ଜିଉଦା ପ୍ରଦେସ୍‌ନ୍ନିଆ ଲେଃଡିଂକ୍ନେ ବିନ୍‍ ବୟାଁଇଂ ଅଁଆର୍କେ । 
\v 2 ତେସା ପିତର୍‍ ଯିରୁସାଲାମ୍‌ନ୍ନିଆ ୱେଚାକ୍ନେ ଇଡ଼ିଙ୍ଗ୍‍ ପବିତ୍ର‌ ଡିଙ୍ଗ୍‍ଲେ ଆର୍‌କ୍ନେ ରେମୁଆଁଇଂ ଆମେକେ ବାଲିର୍‌ ବାତାଚେ ବାସଙ୍ଗ୍‍କେ 
\v 3 “ପେ ପବିତ୍ର ମାଡିଙ୍ଗ୍‍ଲେକ୍ନେ ରେମୁଆଁଇଂନେ ଡୁଆ ୱେପେଡିଙ୍ଗ୍‍କେ ଆରି ମେଇଂ ଏତେ ଚଙ୍ଗ୍‍ଉଗ୍‍ ପେଡିଙ୍ଗ୍‍କେ ।” 
\v 4 ମାତର୍‍ ମୁଲେବାନ୍‍ ମେଁ ମେଃନେ ଗଟେଲେଗେ, ପିତର୍‍ ଆମେଇଂକେ ସାପା ଗଟ୍‌ନାଇଂ ଆଦ୍ରିଗ୍‍ଚେ ବାଲିର୍‍କେ ।
\p
\v 5 “ନେଙ୍ଗ୍‍ ଯାପ୍‌ପ ନଗର୍‍ନ୍ନିଆ ପାର୍‌ତନା ଡିଙ୍ଗ୍‍କେଲା ମୁଇଂ ମୁସୁଡ଼ିଙ୍ଗ୍‍ ଙ୍କେକେ । ମୁଇଂ ତଗ୍‌ରିଆ ଅଁକନ୍‍ ପାକା ସାଃଚେ କିତଂଇନିବାନ୍‍ ନେଙ୍ଗ୍‍ ପାକା ରେଃସଚେ ଜାର୍‍ନେ ନେଙ୍ଗ୍‍ ଙ୍କେକେ ଆତେନ୍‌‍ ନେଙ୍ଗ୍‍ ଡାଗ୍ରା ଅଟ୍‍କେ ୱେକେ । 
\v 6 ନେଙ୍ଗ୍‍ ବଲ୍‍ ବାବ୍‍ରେ ଆତେନ୍‌‍ ବିତ୍‍ରେ ନିମାଣ୍ଡାଃ ଙ୍କେଲା ଆତେନ୍‌‍ ମଞ୍ଚ୍‌ପୁର୍‌ ବିତ୍‍ରେ ଅଁକ୍ଲିଗ୍ ଞ୍ଚଲେକ୍ନେ ପସୁ କଣ୍ଡାନେ ଜିବ୍‍ ଜନ୍ତୁ, ବଃଗିଡ଼ିଆ ଆରି କିତଂଇନିନେ ପ୍ଲିଗ୍‍ଇଂ ଲେଃଆର୍କେ । 
\v 7 ତେନ୍‌ ଇଡ଼ିଂ ନେଙ୍ଗ୍‍ ମୁଇଂ ଇଲ୍‍ଏଁ ଙକେ ପିତର ! ତଃଡ଼୍ୟାଃ ଆରି ବାଗୁଏଃଚେ ଚଙ୍ଗ୍‍ । 
\v 8 ମାତର୍‍ ନେଙ୍ଗ୍ ଉତର୍‍ ମ୍ୱିକେ, ଣ୍ଡୁ ମାପ୍‌ରୁ ! ନେଙ୍ଗ୍‍ ନ୍ନାୟା ଣ୍ଡୁ । ଏ ଜାକ ମେଃଡିଗ୍‍ ଅସୁଚି ବା ଅପବିତ୍ର ବଲେ ନେଙ୍ଗ୍‍ ଅଃନା ନ୍ନାଚଙ୍ଗ୍‍ ଣ୍ଡୁ । 
\v 9 କିତଂଇନି ବାନ୍‍ ବାର୍‌ମୁଇଂତର୍‍ ଆକେନ୍‍ ଇଲ୍‍ଏଁ ଡିଙ୍ଗ୍‍କେ ଇସ୍‍ପର୍‍ ଆଜାକେ ପବିତ୍ର ଆଡିଙ୍ଗ୍‍ବକେ ନା ଆମେକେ ଅଶୁଚି ଆବାବେଗେ ।” 
\v 10 ଞ୍ଜିତର୍‍ ଦେକ୍‍ରକମ୍ ଡିଙ୍ଗ୍‍କେ ସାରାସାରି କେଲା ଆତେନ୍‌‍ ସାପା ଜିବ୍‌ଇଂକେ ବାରି କିତଂଇନି ଆଡ଼ାତ୍ରା ଗୁ ଡୁଂଡ ଆର୍ଗେ । 
\v 11 ଟିକ୍‍ ଆତେନ୍‌‍ବେଲା କାଇସରିୟାବାନ୍‍ ନେଙ୍ଗ୍‍ଡାଗ୍ରା ଞ୍ଜିରୁଆ ରେମୁଆଁଇଂ ନେଙ୍ଗ୍‍ ଆଣ୍ଡିନ୍‍ ଡୁଆ ଲେଣ୍ଡିଂଗେ ଆତ୍‍ଅରିଆ ୱେଚାଆର୍କେ । 
\v 12 ଆରି ମେଃଡିଗ୍‍ ମ୍ୱାର୍‌ମନ୍‌ ମାଡିଙ୍ଗ୍‍ଚେ ମେଇଂ ଏତେ ୱେନ୍‍ସା ପବିତ୍ର ଆତ୍ମା ଆନେଙ୍ଗ୍‍କେ ବାସଙ୍ଗ୍‍କେ । ବାରି ଯାପ୍‌ପନେ ତୁର୍‍ରୁଆ ବିସ୍‌ବାସି ବୟାଁ ଡିଗ୍‍ ନେଙ୍ଗ୍‍ ଏତେ କାଇସରିଆ ୱେଆର୍କେ ବାରି ନେ ସାପାରେ କର୍ଣ୍ଣେଲିଅଇଂନେ ଡୁଆ ନେୱେଚାକେ । 
\v 13 କର୍ଣ୍ଣେଲିଅ ଡିରକମ୍‍ ମେଇଂ ଡୁଆ ମୁଇଂ କିତଂ ଦୁତ୍‍କେ କେକେ ଆତେନ୍‌‍ ସାପା ଆନେକେ ବାଲିର୍‍କେ । ଆକେନ୍‍ ଦୁତ୍‍ ଆମେଇଂକେ ବାସଙ୍ଗ୍‍କେ, “ଯାପ୍‌ପ ନଗର୍‍ ରେମୁଆଁ ବେଚେ ପିତର୍‍ ମ୍ନିରେ ସ୍ନାମୁଁଆଃ ଶିମୋନକେ ଡୁଙ୍ଗ୍‍ପାଙ୍ଗ୍‍ଲାପା । 
\v 14 ମେଁ ଆନାକେ ବାରି ପେ ଡୁଆ ଲେଡିଙ୍ଗ୍‍କ୍ନେ ରେମୁଆଁଇଂକେ ସାମୁଆଁ ବାସଙ୍ଗ୍‍ଏ ଜାଣ୍ଡେଃବାନ୍‍ କି ପେ ସାପାରେ ଉଦାର୍‍ ପେବାଏ ।” 
\v 15 ବାରି ନେଙ୍ଗ୍‍ ଉଡ଼ିବେଲା ସାମୁଆଁ ବାସଙ୍ଗ୍‍ନେ ଆରାମ୍‍ ଣ୍ଡିଙ୍ଗ୍‍କେ ପର୍‍ତୁମ୍‍ ପବିତ୍ର ଆତ୍ମା ଡିରକମ୍‍ ନେ ଆଡ଼ାତ୍ରା ଜାର୍‍ଲେଗେ ଦେତ୍‍ରକମ୍‍ ମେଇଂନେ ଆଡ଼ାତ୍ରା ଜାର୍‍କେ । 
\v 16 \x + \xo ୧୧:୧୬ \xo*\xt ପ୍ରେରିତ୍‌ ୧:୫.\xt*\x*ତେନ୍‌ଇଡ଼ିଂ ନେଙ୍ଗ୍‍ ମାପ୍‌ରୁନେ ଆକେନ୍‍ ସାମୁଆଁକେ ଇଏଁତେକେ: “ଜହନ୍‌ ଣ୍ତିଆନ୍ନିଆ ଡୁବନ୍‌ ବିକେ, ସତ୍‌ ମାତର୍‍ ପେ ପବିତ୍ର ଆତ୍ମାବାନ୍‍ ଡୁବନ୍‌ ପେବାଏ । 
\v 17 ମାପ୍‌ରୁ ଜିସୁ କିସ୍‌ଟନ୍ନିଆ ବିସ୍‍ବାସ୍‍ ଡିଙ୍ଗ୍‍ପେଲେଗ୍‍ସା ପର୍‍ମେସର୍‍ ଆନେକେ ଡିରକମ୍‍ ପବିତ୍ର ଆତ୍ମା ଦାନ୍‍ ବିବକେ ଅଣଜିଉଦିଇଂକେ ଡିଗ୍‍ ଆତେନ୍‌‍ ଦାନ୍ ବିବକେ; ନେଙ୍ଗ୍‍ ଜାଣ୍ଡେଃ ଚେଃ ଇସ୍‍ପର୍‍ନେ ଆକେନ୍‍ କାମ୍‍କେ ପ୍ରତିରଦ୍‍ ଣ୍ଡିଙ୍ଗ୍‍ଏ !”
\p
\v 18 ମେଁଇଂ ଆକେନ୍‍ ଅଁକ୍ନେ ଇଡ଼ିଂ ଆରି ଜୁକ୍‌ତି ତର୍କ ମାଡିଙ୍ଗ୍‍ଚେ ଇସ୍‍ପର୍‍କେ ପ୍ରସଂସା ଡିଙ୍ଗ୍‍ଚେ ବାସଙ୍ଗ୍‍କେ “ତେଲା ଇସ୍‍ପର୍‍ ଅଣଜିଉଦିଇଂକେ ଡିଗ୍‍ ମନେ ଏତେ ନ୍‍ସା ବାରି ବ୍ରୁଆନ୍‍ସା ସୁଜଗ୍‍ ବିବକେ ।”
\s ଆଣ୍ଟିୟକନେ ବିସ୍‌ବାସି
\p
\v 19 \x + \xo ୧୧:୧୯ \xo*\xt ପ୍ରେରିତ୍‌ ୮:୧-୪.\xt*\x*ସ୍ତିଫାନ ଗୁଏକ୍ନେ ଇଡ଼ିଙ୍ଗ୍‍ ଆଣ୍ଡିନେ ତାଡ଼ନା ଗଟେକେ ଆତେନ୍‌‍ସା ବିସ୍‍ବାସିଇଂ ସାପାପାକା ଚିନ୍‍ଚତର୍‍ ଡିଙ୍ଗ୍‍ୱେଆର୍‌କ୍ନେ ବେଲା ମେଇଂନେ ବାନ୍‍ ଉଡ଼ିରୁଆ ଜିଉଦିଇଂନେ ଡାଗ୍ରା ବାସଙ୍ଗ୍‌‌ଚେ ପୈନିକିଆ ସାଇପ୍ରସ୍ ବାରି ଆଣ୍ଟିୟକ ଜାକ ୱେଆର୍କେ । 
\v 20 ଆକେନ୍‍ ବିସ୍‍ବାସିଇଂବାନ୍‍ ଉଡ଼ିରୁଆ ସାଇପ୍ରସ୍‌ ଆରି କୁରୁଣୀନେ ରେମୁଆଁ ଲେଃଗେ ମେଁଇଂ ଆଣ୍ଟିୟକନ୍ନିଆ ପାଙ୍ଗ୍‍ଚେ ଗ୍ରୀକ୍‌ ବାସଙ୍ଗ୍‌ଣ୍ଡ୍ରେ ଜିଉଦିଇଂ ଡିଗ୍‍ ମାପ୍‌ରୁ ଜିସୁ କିସ୍‌ଟନେ ନିମାଣ୍ଡାସାମୁଆଁ ବାସଙ୍ଗ୍‌‍ ଡିଙ୍ଗ୍‍ଆର୍କେ । 
\v 21 ଇସ୍‍ପର୍‍ନେ ବପୁ ମେଇଂ ଏତେ ଲେଃଗେ ତେସା ଗୁଲେ ରେମୁଆଁ ବିସ୍‍ବାସ୍‍ ଡିଙ୍ଗ୍‍ଚେ ମାପ୍‌ରୁନେ ପାକା ମନ୍‍ ଆଆଁଣ୍ଡେ ଆର୍କେ ।
\p
\v 22 ଉଡ଼ିବେଲା ଆକେନ୍‍ କବର୍‍ ଯିରୁସାଲାମ୍‌ ମଣ୍ଡଲିନ୍ନିଆ ୱେଚାକେ ମେଁଇଂ ବର୍ଣ୍ଣବାକେ ଆଣ୍ଟିୟକ ବେକେ । 
\v 23 ମେଁ ଆତ୍‍ଅରିଆ ୱେଚାଚେ ଇସ୍‍ପର୍‍ ଆତେନ୍‌‍ ରେମୁଆଁଇଂକେ ଡିଡି ରକମ୍‍ ଆସିର୍‍ବାଦ୍‍ ବିଃବକେ ଆତେନ୍‌‍ ଅନୁଗ୍ର‍ଅ କେଚେ ସାର୍‍ଦା ଡିଙ୍ଗ୍‍ଆର୍କେ ଆରି ଜେନ୍ତିକି ମେଇଙ୍ଗ୍‌ ଜିବନ୍‌ନ୍ନିଆ ମୁଇଙ୍ଗ୍‌ ମନ୍‌ରେ ମାପ୍‌ରୁ ଆଡ଼ାତ୍ରା ଡସେ ଲେଃଆର୍‍ଏ, ଆତେନ୍‌‍ସା ସାପାରେ ଆମ୍ଲେଡ଼ିଆକେ । 
\v 24 ବର୍ଣ୍ଣବା ମୁଇଂ ଦାର୍‍ମିକ୍‍ ରେମୁଆଁ ଲେଃଗେ । ମେଁ ପବିତ୍ର ଆତ୍ମା ବାରି ବିସ୍‌ବାସ୍‌ରେ ତ୍ନ ଲେଃଗେ । ତେସା ଗୁଲେରୁଆ ବାସଙ୍ଗ୍‌‍କ୍ନେବାନ୍‍ ମାପ୍‌ରୁନ୍ନିଆ ବିସ୍‍ବାସ୍‍ ଡିଙ୍ଗ୍‍ଆର୍କେ ।
\p
\v 25 ତେନ୍‌ ଇଡ଼ିଂ ବର୍ଣ୍ଣବା ଶାଉଲକେ ତୁର୍‍ନ୍‍ସା ତାର୍ଷିସ୍‌ ନଗର୍‍ ୱେକେ । 
\v 26 ଆତ୍‍ଅରିଆ ଆମେକେ ଅବାଚେ ଆଣ୍ଟିୟକନ୍ନିଆ ଡୁଙ୍ଗ୍‍ପାଙ୍ଗ୍‍ଆର୍କେ । ଶାଉଲ ବାରି ବର୍ଣ୍ଣବା ଆତ୍‍ଅରିଆ ମୁଇଂ ମୁଆଁ ଜାକ ମଣ୍ଡଲିନେ ଏତେ ଲେଃଗେ ବାରି ଉଡ଼ିତର୍‍ ବିସ୍‌ବାସିଇଂନେ ଦଲ୍‍ ମେଇଂ ଡାଗ୍ରା ୱେଆର୍କେ ମେଁଇଂ ଆମେଇଂକେ ଅବାକେ ବାରି ଗୁଲେ ରେମୁଆଁକେ ବୁଦି ବିକେ । ଆକେନ୍‍ ଆଣ୍ଟିୟକନେ ବିସ୍‍ବାସିଇଂକେ ରେମୁଆଁଇଂ ପର୍‍ତୁମ୍‍ କିସ୍‌ଟିୟାନ୍‌ ଡାଗ୍‌ଚେ ମ୍ନି ବିଆର୍‌କେ ।
\p
\v 27 ଆତେନ୍‌‍ବେଲା ଉଡ଼ିରୁଆ ବାବବାଦି ଯିରୂଶାଲାମ୍‌ବାନ୍‌ ଆଣ୍ଟିୟକନ୍ନିଆ ପାଙ୍ଗ୍‍ଆର୍କେ । 
\v 28 \x + \xo ୧୧:୨୮ \xo*\xt ପ୍ରେରିତ୍‌ ୨୧:୧୦.\xt*\x*ମେଇଂ ବିତ୍‍ରେ ବାନ୍‍ ଆଗାବ ମ୍ନିରେ ମୁଇଂ ରେମୁଆଁ ପବିତ୍ର ଆତ୍ମାନେ ବପୁରେ ତ୍ନଚେ ମଞ୍ଚ୍‌ପୁର୍‌ନ୍ନିଆ ମୁଇଂ ବୟ୍‍ଙ୍କାର୍‍ ମୁର୍‍ଡି ଡିଙ୍ଗ୍‍ ଡାଗ୍‍ଚେ ବବିସତ୍‍ ସାମୁଆଁ ଆଃଅଁକେ । ଆକେନ୍‍ ମୁର୍‍ଡି ଇଃସାଙ୍ଗ୍‌ କ୍ଲଡିୟସ୍‍ନେ ବେଲା ଗଟେଲେଗେ । 
\v 29 ଆତ୍‍ବା ସିସ୍‍ଇଂ ସାପାରେ ନିଜେନେ କେମତା ଇସାବ୍‍ରେ ଜିଉଦା ପ୍ରଦେସ୍‌ନ୍ନିଆ ବାସା ଡିଙ୍ଗ୍‍ଆର୍‍କ୍ନେ ବୟାଁଇଂନ୍‍ସା ସାଇଜ୍ୟ ବେନ୍‍ସା ଚିନ୍ତା ଡିଙ୍ଗ୍‍ଆର୍କେ । 
\v 30 ମେଁଇଂ ସାପା ଡାବୁ ରାସିଙ୍ଗ୍‌ଚେ ଶାଉଲ ଆରି ବର୍ଣ୍ଣବାକେ ବିଆର୍‌କେ । ଶାଉଲ ଆରି ବର୍ଣ୍ଣବା ଆତେନ୍‌‍ ଡାବୁକେ ଡୁଙ୍ଗ୍‍ପାଙ୍ଗ୍‍ଚେ ମଣ୍ଡଲିନେ ସେବକଇଂନେ ଡାଗ୍ରା ଆତେନ୍‌‍ ବେବିକେ ।
\c 12
\s ଜବର୍‌ ଡଣ୍ଡ୍‌
\p
\v 1 ଆକେନ୍‍ ବେଲା ଇଃସାଙ୍ଗ୍‌ ହେରୋଦ ମଣ୍ଡଲିନେ ଉଡ଼ିରୁଆ ରେମୁଆଁନେ ଆଡ଼ାତ୍ରା ଅତ୍ୟାଚାର୍‍ ଡିଙ୍ଗ୍‍ନେ ଆରାମ୍‍ ଡିଙ୍ଗ୍‍କେ । 
\v 2 ମେଁ ଜହନ୍‌ନେ ବୟାଁ ଜାକୁବ୍‌କେ କାଣ୍ଡା ଏତେ ଆବାଗୁଏ ଆର୍‍କେ । 
\v 3 ଜିଉଦିଇଂକେ ଆତ୍‍ବା ସନ୍ତସ୍‍ କେଚେ ମେଁ ପିତର୍‍କେ ଡିଗ୍‍ ଗାଗ୍‍ନ୍‍ସା ୱେଆର୍କେ । ଆତେନ୍‌‍ ବେଲା ଖମିର ସୁନ୍ୟ ରୁଟିନେ ପାଣ୍ଡୁଏ ଲେଃଗେ । 
\v 4 ପିତର୍‍ ଆଗାଗ୍‍ଚେ କଇଦ୍‍ ଡୁଆନ୍ନିଆ ଲେଃଗେ ବାରି ଅଁଣ୍ଡ୍ରୁଆ ଅଁଣ୍ଡ୍ରୁଆ ମନ୍ତ୍ରିକେ ଡୁଂୱେଚେ ଅଁ ରାସି ମନ୍ତ୍ରି‍ଇଂ ଆମେକେ ଉର୍‍ ଲେଃଆର୍ଗେ । ଉଦାର୍‍ ପାଣ୍ଡୁଏ ଇଡ଼ିଙ୍ଗ୍‍ ରେମୁଆଁଇଂନେ ଡାଗ୍ରା ମେଁ ବିଚାର୍‍ ଡିଙ୍ଗ୍‍ନେ ହେରୋଦନେ ଉଦେସ୍‍ ଲେଃଗେ । 
\v 5 ପିତର୍‍ କ‍ଏଦ୍‍ ଡୁଆ ଲେଃକେଲା ମଣ୍ଡଲିନେ ରେମୁଆଁଇଂ ମୁଇଂ ମନ୍‍ରେ ମେଁ ଆତ୍‍ଲା ଇସ୍‍ପର୍‍ ଡାଗ୍ରା ପାର୍‌ତନା ଡିଙ୍ଗ୍‍ଆର୍‍ଡିଂଗେ ।
\s କଇଦ୍‍ ଡୁଆବାନ୍‍ ପିତର୍‍ ତାର୍‍କେ
\p
\v 6 ଆଣ୍ଡିନ୍‍ଦିନା ହେରୋଦ ପିତର୍‍କେ ରେମୁଆଁଇଂନେ ସାମ୍‍ନେ ଡୁଂପାଙ୍ଗ୍‍ନ୍‍ସା ଜଜନା ଡିଙ୍ଗ୍‍ବଗେ ମେଁନେ ୱେକ୍ନେ ମିଡିଗ୍‍ ପିତର୍‍ ମ୍ୱାକିଲିଗ୍‍ ସିକ୍ଲି ଏତେ ଆଗାଗ୍‍ଚେ ମ୍ୱାୟା ସନ୍ୟଇଂନେ ମଜେ ଆଡୁଲେଗ୍‍କେ । କଇଦ୍‍ ଡୁଆନେ ର୍ଣ୍ଣସାଙ୍ଗ୍‌ ଡାଗ୍ରା ଜାଗୁଆଲ୍‍ଇଂ ଉର୍‍ ଲେଃଆର୍ଗେ । 
\v 7 ଟାପ୍‍ନା ମାପ୍‌ରୁନେ ମୁଇଂ ଦୁତ୍‍ ପାଙ୍ଗ୍‍ଚେ ତୁଆଁକେ ବାରି ଆତେନ୍‌‍ ବାକ୍ରା ଡୁଆ ତାରାସ୍‍ ବାଚେ ତାର୍‍କିଗ୍‍ ଡିଙ୍ଗ୍‍ୱେକେ । କିତଂ ଦୁତ୍ ପିତର୍‍ନେ ଜେବା ଡାଗ୍ରା ଜାର୍‍ଚେ ଆମେକେ ଡୁଲେଗ୍‍ଲେକ୍ନେ ବାନ୍‍ ରୁତୁଗ୍‍ଚେ ବାସଙ୍ଗ୍‍କେ “ଜିଆ ତଃଡ଼ିଆ !” ଜିଆ ଜିଆ ପିତର୍‍ନେ ନ୍ତିନ୍ନିଆ ଗାଗ୍‍ବକ୍ନେ ସିକ୍ଲିଇଂ ପୁଏଃଚଗ୍‌ ଲଃକେ । 
\v 8 ତେନ୍‍ ଇଡ଼ିଙ୍ଗ୍‍ କିତଂ ଦୁତ୍ ବାସଙ୍ଗ୍‍କେ “ନ୍‍ସା ଗାଗ୍‍ ଜୁତା ତାଙ୍ଗ୍‍ ।” ପିତର୍‍ ଆତେନ୍‌‍ ଡିଙ୍ଗ୍‍କ୍ନେ ଇଡ଼ିଙ୍ଗ୍‍ କିତଂ ଦୁତ୍‍ ବାସଙ୍ଗ୍‍କେ “ଗାଗ୍‍ଡ଼େନ୍ନିଆ ରାଗୁ କୁଇଚେ ନେଙ୍ଗ୍‍ନେ ପ୍ଲା ପାଙ୍ଗ୍‍ଲା ।” 
\v 9 କିତଂ ଦୁତ୍‍ ମେଁ ଡିଡିଙ୍ଗ୍‍ଡିଙ୍ଗ୍‍ଗେ ଆତେନ୍‌‍ ମୁଇଂ ସତ୍‍ ଗଟ୍‌ନା ଲେଃ ଣ୍ଡୁ ପିତର୍‍ ମ୍ୟାଃଆୟାକେ ଣ୍ଡୁ । ମେଁ ମୁସୁଡ଼ିଙ୍ଗ୍‍ କିକେ ଡିଙ୍ଗ୍‍କେ ଡାଗ୍‍ଚେ ବାବେକେ । ଏଲେଡିଗ୍‍ ପିତର୍‍ କଇଦ୍‍ ଡୁଆବାନ୍‍ ତାର୍‍ଚେ କିତଂ ଦୁତ୍‍ନେ ପ୍ଲା ୱେ ଆର୍କେ । 
\v 10 ଉଡ଼ିବେଲା ମେଇଂ ପର୍‍ତୁମ୍‍ ବାରି ବାର୍‌ମୁଇଂ ଜାଗୁଆଲ୍‍ ଦଲ୍‍ଇଂକେ ବିଚେ ଆଣ୍ଡିନେ ଗାଲି ବିଚେ ନଗର୍‍ ୱେ ଡିଙ୍ଗ୍‍ଏ, ଆତେନ୍‌‍ ଡାଗ୍ରା ପାଙ୍ଗ୍‍ଆର୍କେ ଆତେନ୍‌‍ବେଲା ଆତେନ୍‌‍ ର୍ଣ୍ଣସାଙ୍ଗ୍‍ ମେଁ ମନ୍‍କେଆ ର୍ଣ୍ଣସାଙ୍ଗ୍‍ ରଃୱେଗେ ବାରି ମେଇଂ ତାର୍‍ୱେଚେ ମୁଇଂ ରାଜିନେ ମୁଣ୍ଡେସାଇ ଜାକ ୱେକ୍ନେ ଇଡ଼ିଙ୍ଗ୍ ଉଲୁସ୍ତେ ଆତେନ୍‌‍ କିତଂ ଦୁତ୍‍ ମେଇଂନେ ବାନ୍‍ ମାୟା ଡିଙ୍ଗ୍‍ୱେଗେ । \fig ଜେଲ୍ ଡୁଆନେ କୁଗ୍‌ଡାସାଃନ୍ନିଆ ସିକ୍‌ଲି |alt="Chains embedded in prison wall" src="hk00204c.tif" size="col" copy="Horace Knowles ©" ref="୧୨:୭"\fig*
\p
\v 11 ଆତେନ୍‌‍ ବେଲା ପିତର୍‍ ଚେତା ବାଚେ ବାସଙ୍ଗ୍‍କେ, ମାପ୍‌ରୁ ଜେ ମେଁନେ ଦୁତ୍‍କେ ବେଚେ ହେରୋଦନେ ନ୍ତିବାନ୍‍ ବାରି ଜିଉଦି ରେମୁଆଁଇଂନେ ସାପା ଦଦ୍ୟା‍ ଚିନ୍ତାବାନ୍‍ ଆନେଙ୍ଗ୍‍କେ ରକ୍ୟା ଡିଙ୍ଗ୍‍ବକେ ଆକେନ୍‍ ସତେଆ ସତ୍‌ ଡାଗ୍‌ଚେ ନେଙ୍ଗ୍‍ ଏବେ ମ୍ୟାକେ ।
\p
\v 12 ନିଜର୍‌ ପରିସ୍ଥିତି ବିସୟ୍‌ରେ ସଚେତନ୍‍ ଡିଙ୍ଗ୍‍ଚେ ମେଁ ଜହନ୍‌ ବାରି ମାର୍‌କନେ ଇୟାଙ୍ଗ୍‍ଡେ ମରିୟମ୍‍ନେ ଡୁଆ ୱେଆର୍କେ । ଆତ୍‍ଅରିଆ ଗୁଲେରୁଆ ମୁଇଂନୁଗ୍‍ ରିସିଙ୍ଗ୍‍ଚେ ପାର୍‌ତନା ଡିଙ୍ଗ୍‍ଡିଙ୍ଗ୍‍ଆର୍ଗେ । 
\v 13 ପିତର୍‍ ର୍ଣ୍ଣସାଙ୍ଗ୍‌ନେ କାପାଟ୍‌କେ ଟକ୍‍ ଟକ୍ ବଗ୍‌କେ ରୋଦା ମ୍ନିକ୍ନେ ମୁଇଂ ଚାକର୍‌ବୁଏଃ କାପାଟ୍‍ ରଃନ୍‍ସା ପାଙ୍ଗ୍‍କେ । 
\v 14 ମେଁ ପିତର୍‍ନେ ବ୍ନାଇର୍‍ ମ୍ୟାଃଚେ ଏନ୍ତି ସାର୍‍ଦାରେ ଡିଙ୍ଗ୍‍କେ ଜେ ମେଁ କାପାଟ୍‍ ମାରଃଚେ ବିତ୍‍ରେ ୱିର୍‍ ଡୁଂୱେଚେ ର୍ଣ୍ଣସାଙ୍ଗ୍‌ ଡାଗ୍ରା ପିତର୍‍ ତୁଆଁଲେକେ ଡାଗ୍‍ଚେ ବାସଙ୍ଗ୍‍କେ । 
\v 15 ମେଇଂ ଆମେକେ ବାସଙ୍ଗ୍‍କେ, “ନା ବାଉଡ଼ି ଡିଙ୍ଗ୍‍ନାଲେକେ ।” ମାତର୍‍ “ଆକେନ୍‍ ସତ୍‍” ଡାଗ୍‍ଚେ ମେଁ ଡାଟାମ୍‍ରେ ବାସଙ୍ଗ୍‍ ନ୍‌ସା ଲାଗେକେ । ମେଇଂ ବାସଙ୍ଗ୍‍କେ “ମେଁ ସତ୍‍ରେ ପିତର୍‍ନେ ଦୁତ୍‍ ।”
\p
\v 16 ପିତର୍‍ ପ୍ରେକ୍‍ପ୍ରେକ୍‍ କାପାଟ୍‍ନ୍ନିଆ ଟକ୍‍ ଟକ୍ ବଗ୍‍ଡିଙ୍ଗେ । ସାରାସାରି ମେଇଂ କାପାଟ୍‍ ରଃଚେ ଆମେକେ କେଚେ ବକୁଆ ଡିଙ୍ଗ୍‍ୱେଆର୍ଗେ । 
\v 17 ମେଁ ନ୍ତିନ୍ନିଆ ଚିନା ବିଚେ ବୁଙ୍ଗ୍‍ ଲେନ୍‍ସା ବାସଙ୍ଗ୍‍କେ ବାରି ମାପ୍‌ରୁ ଆମେକେ ଡିରକମ୍‍ କଇଦ୍‍ ଡୁଆବାନ୍‍ ଆତାର୍‍ ଡୁଙ୍ଗ୍‍ପାଙ୍ଗ୍‍କେ ଆତେନ୍‌‍ ବିସୟ୍ ମେଇଂନେ ଡାଗ୍ରା ବାସଙ୍ଗ୍‍ବିକେ । ତେନ୍‌ ଇଡ଼ିଂ ଆକେନ୍‍ ସାପା ସାମୁଆଁ ଜାକୁବ୍‌ ବାରି ବିନ୍‍ ସାପା ବୟାଁଇଂକେ ଆଃମ୍ୟାଃନ୍‍ସା ଆଦେସ୍‍ ବିଚେ ମେଁ ଆତ୍‍ବା ବିନ୍‍ପାକା ୱେକେ ।
\p
\v 18 ତୁଗୁଆ ମାର୍‍ତଡ଼େ ଞ୍ଜିର୍‍ ଡିଙ୍ଗ୍‍ଲା ପିତର୍‍ ଆଣ୍ଡି ୱେଗେ ଡାଗ୍‍ଚେ ଜାଗୁଆଲ୍‍ଇଂନେ ବିତ୍‍ରେ କିରମର ଲାଗେକେ । 
\v 19 ହେରୋଦ ଆମେକେ ତୁର୍‍ନ୍‍ସା ଆଦେସ୍‍ ବିକେ । ମାତର୍‍ ମେଇଂ ଆମେକେ ଆଅବାକେ ଣ୍ଡୁ । ସାରାସାରି ଜାଗୁଆଲ୍‍ଇଂକେ ପ୍ରସ୍‌ନ ଡିଙ୍ଗ୍‌କ୍ନେ ଇଡ଼ିଙ୍ଗ୍‌ ଆମେଇଂକେ ଗୁଏନେ ଡଣ୍ଡ୍‌ ବିନ୍‍ସା ଆଦେସ୍‍ ବିକେ । ଆକେନ୍‍ ଇଡ଼ିଙ୍ଗ୍‍ ହେରୋଦ ଜିଉଦା ପ୍ରଦେସ୍‌ବାନ୍‍ ୱେଚେ କାଇସରିୟା ଲେଃଆର୍କେ ।
\s ହେରୋଦ ଗୁଏଗେ
\p
\v 20 ଆତେନ୍‌‍ ବେଲା ହେରୋଦ ସୋର ବାରି ସିଦନନେ ରେମୁଆଁଇଂନେ ଆଡ଼ାତ୍ରା ଜାବର୍‌ ରିସା ଡିଙ୍ଗ୍‍ଲେଗେ । ମେଇଂ ଦଲ୍‍ ଦଲ୍‍ ଡିଙ୍ଗ୍‍ଚେ ଆମେକେ କେନ୍‍ସା ପାଙ୍ଗ୍ଆର୍କେ । ମେଇଂ ଇଃସାଙ୍ଗ୍‌ ଡୁଲେଗ୍‌ନେ ଡୁଆନେ ମୁଇଂ ଚାକ୍‌ରିଆ ବ୍ଲାଷ୍ଟସ୍‍ନେ ସାଇଜ୍ୟ ବାଆର୍‌କେ । ତେନ୍‌ ଇଡ଼ିଂ ମେଇଂ ହେରୋଦ ଏତେ ସାନ୍ତିରେ ଲେନ୍‍ସା ବିକ୍‌ ସାଲ୍ୟାଃଆର୍କେ ଡାଗ୍ଲା ହେରଦନେ ରାଜ୍ୟବାନ୍ ମେଇଂନେ ଦେସ୍‍ନ୍ନିଆ ଚୁଚଙ୍ଗ୍‍ନେ ଜିନିସ୍‍ଇଂ ଡୁଂପାଙ୍ଗ୍‍ ଆର୍ ଡିଙ୍ଗ୍‍ଗେ ।
\p
\v 21 ହେରୋଦ ମୁଇଂ କାମ୍ ଣ୍ଡୁନେ ଦିନା ଆମେଇଂକେ କେନ୍‍ସା ମନ୍‍ ପାଞ୍ଜେକେ । ଆତେନ୍‌‍ ଦିନା ମେଁ ଇଃସାଙ୍ଗ୍‌ ରକମ୍‍ନେ ସକା ସଃଚେ ବିଚାର୍‌ ଡୁଆନ୍ନିଆ କଚେ ରେମୁଆଁଇଂକେ ବାଲିର୍‌ଡିଂକେ । 
\v 22 ରେମୁଆଁଇଂ କିରଚେ ବାସଙ୍ଗ୍‍କେ, “ଆକେନ୍‍ ଇସ୍‌ପର୍‌ନେ ବ୍ନାଲିର୍‍ ରେମୁଆଁନେ ଣ୍ଡୁ ।” 
\v 23 ହେରୋଦ ନିଜେନେ ଆକେନ୍‍ ପ୍ରସଂସା ଅଁକେ ମାତର୍‍ ମେଁ ପର୍‍ମେସର୍‍କେ ମେଁନେ ସନ୍‍ମାନ୍‍ ଆରାଃମ୍ୟାକେ ଣ୍ଡୁ । ତେସା ମାପ୍‌ରୁନେ ମୁଇଂ ଦୁତ୍ ମାରିଆଃତୁଗ୍‍ ଆମେକେ ବଗ୍‌କେ ବାରି ମେଁନେ ଗାଗ୍‍ଡ଼େକେ ବିଂବିଂଇଂ ଚଙ୍ଗ୍‍ଆର୍କେ । ସାରାସାରି କେଲା ମେଁ ଗୁଏୱେଗେ ।
\p
\v 24 ଆକେନ୍‍ ବେଲା ବିତ୍‍ରେ ଇସ୍‍ପର୍‍ନେ ସାମୁଆଁ ମ୍ନାଃଚେ ପିତୁର୍‍ ପାକା ବେପ୍ରେ ୱେଗେ ।
\p
\v 25 ବର୍ଣ୍ଣବା ବାରି ଶାଉଲ ମେଇଂନେ ସେବା କାମ୍ ଆଡାଚେ ମାର୍‌କ ମ୍ନିରେ ସ୍ନାମୁଁଆଃ ଜହନ୍‌କେ ସାଚେ ଯିରୂଶାଲାମ୍‌ବାନ୍‌ ଆଣ୍ଡେ ୱିଗ୍‌ଆର୍ଗେ ।
\c 13
\s ବର୍ଣ୍ଣବା ବାରି ସାଉଲ୍‍ ମନନିତ୍‍ ଡିଙ୍ଗ୍‍ଚେ ବେକେ
\p
\v 1 ଆଣ୍ଟିୟକ ମଣ୍ଡଲିନ୍ନିଆ ଉଡ଼ିରୁଆ ବାବବାଦି ବାରି ସିକ୍ୟାଗୁରୁ ଲେଃଆର୍ଗେ । ଆକ୍ମେଇଂନେ ବାନ୍‍ ଲେଃଆର୍‌ଗେ, ବର୍ଣ୍ଣବା, ଶିମୋନ ଜାଣ୍ତେକେ ନିଗର ଡାଗ୍‌ଚେ ବାସଙ୍ଗ୍‌ଆର୍‌ଏ, କୁରୁଣୀ ଇନିନେ ରେମୁଆଁ ଲୁସିଅସ୍‍, ମନହେମ, ମେଁ ରାଜ୍ୟପାଲ୍ ହେରୋଦନେ ପରିବାର୍‍ନ୍ନିଆ ମ୍ନାଲେଗେ । ବାରି ଶାଉଲ । 
\v 2 ମେଇଂ ମାପ୍‌ରୁନେ ସେବା ବାରି ଉପାସ୍‌ ଡିଙ୍ଗ୍‍ଡିଙ୍ଗ୍‍ନେ ବେଲା ପବିତ୍ର ଆତ୍ମା ଆମେଇଂକେ ବାଲିର୍‍କେ “ନେଙ୍ଗ୍‍ ଆଣ୍ଡିନେ ସ୍ଲେନ୍‍ସା ବର୍ଣ୍ଣବା ବାରି ଶାଉଲ୍‌କେ ୱାମ୍ୱକେ, ଆତେନ୍‌‍ସା ଆମେଇଂକେ ନେଙ୍ଗ୍‍ସା ଅଲ୍‍ଗା ଆଡିଙ୍ଗ୍‍ ।”
\p
\v 3 ବାବବାଦିଇଂ ଉପାସ୍‌ ବାରି ପାର୍‌ତନା ଡିଙ୍ଗ୍‍ଚେ ଆତେନ୍‌‍ ମ୍ୱାୟାନେ ଆଡ଼ାତ୍ରା ନ୍ତି ବଚେ ଆମେଇଂକେ ବାସଙ୍ଗ୍‌ କାମ୍‍ରେ ବେକେ ।
\s ସାଇପ୍ରସ୍‍ନ୍ନିଆ ସେବା କାମ୍
\p
\v 4 ବର୍ଣ୍ଣବା ବାରି ସାଉଲ୍‍ ପବିତ୍ର ଆତ୍ମା ବାଚେ ସେଲୁକିଆ ଇନିନ୍ନିଆ ୱେଆର୍କେ । ଆତ୍‍ବା ମେଇଂ ଜାଆଜ୍‍ନ୍ନିଆ ଡେଃଚେ ସାଇପ୍ରସ୍ ଉପଦ୍ୱିପ୍‍ ପାକା ୱେଆର୍କେ । 
\v 5 ଚାକ୍‍ରିଆରେଇଂ ସାଲାମି ସଅର୍‍ନ୍ନିଆ ୱେଚାଚେ ଜିଉଦି ପାର୍‌ତନା ଡୁଆଇଂନ୍ନିଆ ଇସ୍‍ପର୍‍ନେ ସାମୁଆଁ ବାସଙ୍ଗ୍‌‍ ଡିଙ୍ଗ୍‍ଆର୍କେ । ଜହନ୍‌ ବାରି ମାର୍‌କ ମେଇଂ ଏତେ ଲେଃଚେ ସେବାକାମ୍‍ରେ ସଙ୍ଗ୍‍ତୁଡ଼୍‍ ଡିଙ୍ଗ୍‍ଆର୍‌ଡିଂଗେ । \fig କୁକପାର୍ ଡୁଆ |alt="Front view of a synagogue" src="lb00246c.tif" size="col" copy="Horace Knowles ©" ref="୧୩:୫"\fig*
\p
\v 6 ମେଇଂ ସାଇପ୍ରସ୍‍ ଦ୍ୱିପ୍‍ ସାପାପାକା ଅଲେଙ୍ଗ୍‍ ଅଲେଙ୍ଗ୍‍ଚେ ପାଫନ୍ନିଆ ୱେଚାଚେ ମୁଇଂ ଗୁନିଆକେ କେକେ ମେଁ ମୁଇଂ ଜିଉଦି ରେମୁଆଁ ବାରି ମେଁନେ ମ୍ନି ବର୍‍ ଜିସୁ । 
\v 7 ମେଁ ଆତେନ୍‌‍ ସାସନ୍‍ କର୍‍ତା ସର୍ଗିୟସ ପାଉଲ୍‌ନେ ମୁଇଂ ବନ୍ଦୁ ଲେଃଗେ । ସର୍ଗିୟସ ମୁଇଂ ବୁଦିମାନ୍‍ ରେମୁଆଁ ଲେଃଗେ । ମେଁ ଇସ୍‍ପର୍‍ନେ ସାମୁଆଁ ଦ୍ରିଗ୍‍ନ୍‍ସା ରାଜି ଡିଙ୍ଗ୍‍ଚେ ବର୍ଣ୍ଣବା ବାରି ଶାଉଲକେ ୱାକେ । 
\v 8 ମାତର୍‍ ଆତେନ୍‌‍ ମାୟାବି ଗ୍ରିକ୍‍ ବ୍ନାସାରେ ଆକ୍ମେନେ ମ୍ନି ଅଲିମା ବର୍ଣ୍ଣବାକେ ବାରି ଶାଉଲ୍‍କେ ଜାବର୍‌ କସ୍ଟ ବିକେ । ଡାଗ୍ଲା ଆତେନ୍‌‍ ସାସନ୍‍ କର୍ତାକେ କିସ୍ଟକେ ବିସ୍‌ବାସ୍‌ ଡିଙ୍ଗ୍‍ନେବାନ୍‍ ଅଲ୍‍ଗା ଆଡିଙ୍ଗ୍‍ନ୍‍ସା ଚେସ୍‌ଟା ଡିଙ୍ଗ୍‍କେ । 
\v 9 ମାତର୍‍ ଶାଉଲ ଜାନେ ଅଲ୍‍ଗା ମ୍ନି ପାଉଲ୍‍, ପବିତ୍ର ଆତ୍ମା ବାଚେ ମାୟାବି ଅଲିମା ପାକା ମ୍ନା ମ୍ନା ଆଃମୁଆଁଚେ ବାସଙ୍ଗ୍‍କେ 
\v 10 “ଏ ସୟତାନ୍‌ନେ ଉଂଡେ ! ନା ସାପା ନିମାଣ୍ଡା ବିସୟ୍‍ରେ ସତ୍ରୁ ଡିଙ୍ଗ୍‍ଚେ ତଃଡ଼ିଆ ନାଡିଙ୍ଗ୍‍କେ ! ନା ସାପା ରକମ୍‍ନେ କାମ୍‍ନ୍ନିଆ ଡାଟ୍‌ ନାଲେଃକେ ବାରି କାଲାଆଃ ମାପ୍‌ରୁନେ ସତ୍‌ ଗାଲିକେ ସିଦା ଆଃଡିଙ୍ଗ୍‌ନେସା ନା କି ଚେସ୍‌ଟା ଡିଙ୍ଗ୍‌ନାଡିଙ୍ଗ୍‌ । 
\v 11 ଏବେ ନା ମାପ୍‌ରୁନେ ନ୍ତିବାନ୍‍ ଡଣ୍ଡ୍‍ ନାବାଏ । ନା କାନା ଡିଙ୍ଗ୍‍ଚେ ଉଡ଼ି ଗଣ୍ଟା ଜାକ ସ୍ମିକେଲା ତାର୍‍କିଗ୍‍ କେନାୟା ଣ୍ଡୁ ।” ଆତେନ୍‌‍ ଦାପ୍ରେ ଅଲିମାନେ ମ୍ମୁଆଃ ଜାବର୍‍ ତାଉଲଃନ୍ନିଆ ଗାଲେଃକେ ରକମ୍‍ ମେଁ ବାବେକେ ବାରି ମେଁନେ ନ୍ତି ସାଚେ ଆଃଅଲେଙ୍ଗ୍‍ ଡୁଂୱେନ୍‍ସା ମୁଇଂଜାକେ ତୁର୍‍ନ୍‍ସା ଲାଗେକେ । 
\v 12 ଆକେନ୍‍ କେଚେ ସାସନ୍‍ କର୍ତାନେ ବିସ୍‍ବାସ୍‍ ଲାଗେକେ ଡାଗ୍ଲା ମେଁ ମାପ୍‌ରୁନେ ସିକ୍ୟା ଅଁଚେ ଇରିଆତୁଗ୍‍ ଡିଙ୍ଗ୍‍ୱେକେ ।
\s ଫିସିଦିଆନେ ଆନ୍ତିୟକିୟାନ୍ନିଆ ସେବା କାମ୍
\p
\v 13 ପାଉଲ୍‍ ବାରି ମେଁନେ ସାଙ୍ଗ୍‍ଡ଼େଇଂ ପାଫୋ ନଗର୍‍କେ ଆନ୍ତାର୍‍ଚେ ମ୍ନା କେଣ୍ଡିଆ ଗାଲିଆଡ଼ା ପଂପୁଲିୟାନେ ପର୍ଗାନ୍ନିଆ ପାଙ୍ଗ୍‍ଆର୍କେ । ମାତର୍‍ ଜହନ୍‌ ମାର୍‌କ ଆମେଇଂକେ ଆନ୍ତାର୍‍ଚେ ଯିରୁସାଲାମ୍‌ ପାଙ୍ଗ୍‍ଆର୍କେ । 
\v 14 ମେଇଂ ପର୍ଗାବନ୍ ୱେଚେ ପିସିଦିଆନେ ଆଣ୍ଟିୟକନ୍ନିଆ ୱେଚାଆର୍କେ ବାରି ସାନ୍ତା କାଲା ପାର୍‌ତନା ଡୁଆଇଂନ୍ନିଆ ୱେଚେ କଆର୍କେ । 
\v 15 ମସାନେ ନିୟମ୍‌ନ୍ନିଆ ବାରି ବାବବାଦିଇଂ ଗୁଆର୍‍କ୍ନେ ପଡ଼େକ୍ନେ ଇଡ଼ିଙ୍ଗ୍‍ ପାର୍‌ତନା ଡୁଆନେ ମ୍ନାନେତା ମେଇଂ ଡାଗ୍ରା ଆକେନ୍‍ ସାମୁଆଁ ବାଲିର୍‍ଚେ ବେଆର୍କେ “ବୟାଁଇଂ ଜଦି ରେମୁଆଁଇଂକେ ସାର୍‍ଦା ଆଡିଙ୍ଗ୍‍ନେ ରକମ୍‍ ପେନେ ଜଦି ମେଁନେ ଆମ୍ଲେଡ଼ିଆନେ ଆଦେସ୍‍ ବିନେ ଲେଃକେ, ତେଲା ବାସଙ୍ଗ୍‍ପା ।” 
\v 16 ପାଉଲ୍‍ ତଃଡ଼ିଆଚେ ରେମୁଆଁଇଂକେ ବୁଙ୍ଗ୍‍ ଲେନ୍‍ସା ନ୍ତି ଆରାତ୍ରା ଆଃତଡ଼ିଆଚେ ବାସଙ୍ଗ୍‍କେ: ଏ ଇଶ୍ରାଏଲ୍‌ନେ ରେମୁଆଁଇଂ ବାରି ଇସ୍‍ପର୍‍କେ ବୁଟଆର୍‍ ମ୍ୟାଃକ୍ନେ ରେମୁଆଁଇଂ ଦ୍ରିଗ୍‍ପା । 
\v 17 ଇଶ୍ରାୟେଲୀୟ ଜାତିନେ ଇସ୍‍ପର୍‍ ନେନେ ଅଃସେରେଇଂକେ ବାଚେ ବକେ ବାରି ମିସର୍‍ ଦେସ୍‌ନ୍ନିଆ ମେଇଂ ବାସାଡିଙ୍ଗ୍‌ କେଲା ମୁଇଂ ମ୍ନା ଜାତି ଆଡିଙ୍ଗ୍‍କେ । ଇସ୍‍ପର୍‍ ମେଁନେ ମ୍ନା ବପୁରେ ଆମେଇଂକେ ମିସର୍‍ବାନ୍‍ ଆତାର୍‍ ଡୁଙ୍ଗ୍‍ପାଙ୍ଗ୍‍କେ 
\v 18 ବାରି ଚାଲିସ୍‍ ମୁଆଁ ଜାକ ବାଲିଲଃନ୍ନିଆ ମେଇଂନେ ବେବଆର୍‌କେ ସାମ୍ବାଲେକେ । 
\v 19 ପର୍‍ମେସର୍‍ କିଣାନନ୍ନିଆ ଗୁ କ୍ଲିଗ୍‍ ବଂସକେ ନସ୍ଟ ଆଡିଙ୍ଗ୍‍ଚେ ମେଁ ସ୍ରିକ୍ନେ ରେମୁଆଁଇଂକେ ଆତେନ୍‌ ଦେସ୍‌ ବିକେ । 
\v 20 ପାକାପାକି ଅଁଶହ ପଚାସ୍ ମୁଆଁ ବିତ୍‍ରେ ଆକେନ୍‍ ସାପା ଗଟ୍‍ନା ଗଟେୱେକେ । “ଏନ୍‍ ଇଡ଼ିଙ୍ଗ୍‍ ଶାମୁୟେଲ୍‌ ବାବବାଦି‍ଇଂନେ ବେଲା ଜାକ ଇସ୍‍ପର୍‍ ମେଇଂନେ ଆଡ଼ତ୍ରା ବିଚାର୍‌ କର୍ତାଇଂକେ ବାଚେକେ । 
\v 21 ଉଡ଼ିବେଲା ମେଇଂ ମୁଇଂ ଇଃସାଙ୍ଗ୍‌କେ ଚାଏଁଆର୍‌କେ । ପର୍‍ମେସର୍‍ ଆମେଇଂକେ ଚାଲିସ୍‍ ମୁଆଁ ଜାକ ସାସନ୍‍ ଡିଙ୍ଗ୍‍ନ୍‍ସା ବେଞ୍ଜାମିନ ବଂସନେ କୀଶ୍‌ନେ ଉଂଡେ ଶାଉଲକେ ଇଃସାଙ୍ଗ୍‌ ଆଡିଙ୍ଗ୍‍ଚେ ବିକେ ।” 
\v 22 ତେନ୍‌ ଇଡ଼ିଂ ଇସ୍‍ପର୍‍ ଆମେକେ ଇଃସାଙ୍ଗ୍‌ ଗାଦିବାନ୍‍ ଆଜର୍‍ଚେ ଦାଉଦ୍‍କେ ମେଇଂନେ ଇଃସାଙ୍ଗ୍‌ ଆଡିଙ୍ଗ୍‍କେ । ଇସ୍‍ପର୍‍ ମେଁ ବିସୟ୍‍ରେ ସାକି ବିଃବଗେ “ନେଙ୍ଗ୍‍ ଡିରକମ୍‍ନେ ରେମୁଆଁଇଂକେ ବଲ୍‍ ବା ଣ୍ଡିଙ୍ଗ୍‍କେ ଜେଶୀନେ ଉଂଡେ ଦାଉଦକେ ବାନେଲେକେ, ମେଁ ନେନେ ମନ୍‌ ବିତ୍‌ରେନେ ବୁଜେନେ ରେମୁଆଁ; ମେଁ ସାପା ବିସୟ୍‌ରେ ନେନେ ଇକ୍‌ଚାରେ ସାପା କାମ୍ ଡିଙ୍ଗ୍‍ଏ । 
\v 23 ଆକେନ୍‍ ଦାଉଦ୍‍ନେ ବଂସଦର୍‍ ଜିସୁକେ ଇସ୍‍ପର୍‍ ମେଁନେ ଆଦେସ୍‌ ଇସାବ୍‌ରେ ଇଶ୍ରାୟେଲୀୟ ଜାତିନେ ଆମ୍ବ୍ରଣ୍ଡ୍ରେ ଆଃଡିଙ୍ଗ୍‍ବକେ । 
\v 24 \x + \xo ୧୩:୨୪ \xo*\xt ମାର୍‌କ ୧:୪; ଲୁକ୍‌ ୩:୩.\xt*\x*ଜିସୁ ମେଁନେ କାମ୍ ଆରାମ୍‍ ଡିଙ୍ଗ୍‍କ୍ନେ ସେନୁଗ୍‍ ଜହନ୍‌ ଇଶ୍ରାୟେଲୀୟନେ ସାପା ରେମୁଆଁଇଂନେ ଡାଗ୍ରା ବାସଙ୍ଗ୍‌‍ ଡାଗ୍‍ଚେ ବାସଙ୍ଗ୍‍କେ, ଆମେଇଂକେ ପାପ୍‍ବାନ୍‍ ମନ୍‌ ବଦ୍‌ଲେଚେ ଣ୍ଡିଆଦିକ୍ୟା ଡୁଂଡ ପଡ଼େଏ । 
\v 25 \x + \xo ୧୩:୨୫ \xo*\xt ଜହନ୍‌ ୧:୨୦; \xt*\xt ମାତିଉ ୩:୧୧; ମାର୍‌କ ୧:୭; ଲୁକ୍‌ ୩:୧୬; ଜହନ୍‌ ୧:୨୭.\xt*\x*ବାରି ଜହନ୍‌ ମେଁନେ ସେବା କାମ୍ ଆଃଡାନେ ସେନୁଗ୍‍ ରେମୁଆଁଇଂକେ ସାଲ୍ୟାକୁକେ ‘ନେଙ୍ଗ୍‍ ବିସୟ୍‍ରେ ପେନେ ବାବ୍‌ନା ମେଃନେ ? ପେ ଆଜାକେ ଉର୍‍ ପେଲେକେ ନେଙ୍ଗ୍‍ ମେଁ ଣ୍ଡୁ । ମାତର୍‍ ଦ୍ରିଗ୍‍ପା ! ନେଙ୍ଗ୍‍ ଇଡ଼ିଙ୍ଗ୍‍ ଜା ପାଙ୍ଗ୍‍ଡିଙ୍ଗ୍‍କେ ନେଙ୍ଗ୍‍ ମେଁନେ ଞ୍ଚବାନ୍‍ ଜୁତା ତୁତଃନ୍‍ସା ଡିଗ୍‍ ସକତ୍‌ ଣ୍ଡୁ ।’
\p
\v 26 ଅ ବୟାଁଇଂ ଅବ୍ରାହାମ୍ ବଂସନେ ଗୋଗିସିଆଃଇଂ ବାରି ପେ ବିତ୍‍ରେବାନ୍‍ ପର୍‍ମେସର୍‍କେ ବୁଟଚେ ଲେଃମ୍ୟାକ୍ନେ ରେମୁଆଁଇଂ ନେ ଡାଗ୍ରା ଏନ୍‌‍ ଉଦାର୍‍ ଡିଙ୍ଗ୍‍ନେ ସାମୁଆଁ ବେବକେ । 
\v 27 ମାତର୍‍ ମେଁ ଜେ ଉଦାର୍‍ କର୍ତା ଯିରୁସାଲାମ୍‌ନ୍ନିଆ ବାସା ଡିଙ୍ଗ୍‍ଆର୍‍ଡିଂକ୍ନେ ବାରି ମେଇଂନେ ନେତାଇଂ ଆତେନ୍‌‍ ମ୍ୟାଃ ଆଲେଃଆର୍‍ଗେ ଣ୍ଡୁ, ମେଇଂ କାଲାଆଃ ସାନ୍ତା କାଲା ବ୍ନାଲିର୍‍ ଆଦ୍ରିଗ୍‍ମ୍ୟାଃକ୍ନେ ବାବବାଦି‍ଇଂନେ ସାମୁଆଁନେ ଅର୍‍ତ ଦ୍ରିଗ୍‍ ଆଡିଂଆର୍‍ଗେ । ତେଲାଡିଗ୍‍ ଜିସୁକେ ଦସ୍‌ ବିଚେ ମେଇଂ ବାବବାଦି‍ଇଂନେ ସାମୁଆଁକେ ପୁରା ଆଡିଙ୍ଗ୍‍କେ । 
\v 28 \x + \xo ୧୩:୨୮ \xo*\xt ମାତିଉ ୨୭:୨୨,୨୩; ମାର୍‌କ ୧୫:୧୩,୧୪; ଲୁକ୍‌ ୨୩:୨୧-୨୩; ଜହନ୍‌ ୧୯:୧୫.\xt*\x*ମେଇଂ ମେଁନେ ଗୁଏନେ ଡଣ୍ଡ୍‍ ବିନେ ମେଃଡିଗ୍‍ ଦସ୍‍ ମାବାଚେ ଆମେକେ ବାଗୁଏଃ ବିଃନ୍‍ସା ପିଲାତକେ ବାସଙ୍ଗ୍‍କେ । 
\v 29 \x + \xo ୧୩:୨୯ \xo*\xt ମାତିଉ ୨୭:୫୭-୬୧; ମାର୍‌କ ୧୫:୪୨-୪୭; ଲୁକ୍‌ ୨୩:୫୦-୫୬; ଜହନ୍‌ ୧୯:୩୮-୪୨.\xt*\x*ମେଁ ବିସୟ୍‍ରେ ସାପା ଗୁଆର୍‍ ବକ୍ନେ ଗଟ୍‌ନାଇଂ ଡାକ୍ନେ ଇଡ଼ିଙ୍ଗ୍‍ ମେଇଂ ଆମେକେ କୁରୁସ୍‍ବାନ୍‍ ବୁନ୍ଦେ ଆଜୁଆର୍‍ଚେ ଗୁଡ଼ୁମ୍‍ ଆରେଚେ ଆତିବିଆର୍କେ । 
\v 30 ମାତର୍‍ ପର୍‍ମେସର୍‍ ଆମେକେ ଗୁଏକ୍ନେ ବାନ୍‍ ବାରି ମୁଇଂତର୍‍ ଆତଡ଼ିଆକେ । 
\v 31 \x + \xo ୧୩:୩୧ \xo*\xt ପ୍ରେରିତ୍‌ ୧:୩.\xt*\x*ଗୁଲେସି ଜାକ ମେଁ ଏତେ ଗାଲିଲୀବାନ୍ ଯିରୁସାଲାମ୍‌ ୱେ ୱିଗ୍‍ ଡିଙ୍ଗ୍‍ଲେମ୍ୟାଃକ୍ନେ ରେମୁଆଁଇଂକେ ମେଁ ଆଃସୁଏଃକେ । ଏବେ ମେଇଂ ଇସ୍ରାଏଲ୍‍ ରେମୁଆଁଇଂନେ ଡାଗ୍ରା ମେଁନେ ସାକି ଲେଃଆର୍କେ । 
\v 32 ନେନେ ନ୍ତା ଞ୍ଜାଇଂନେ ଡାଗ୍ରା ପାର୍‌ମାନ୍‌ ଡିଂକ୍ନେ ବିସୟ୍‌ରେ ନେ ଆପେକେ ଏନ୍ ନିମାଣ୍ଡାସାମୁଆଁ ଆଦ୍ରିଗ୍‍ ନେଡିଙ୍ଗ୍‍କେ ଜେ 
\v 33 ଇସ୍‌ପର୍‌ ଜିସୁକେ ଗୁଏକ୍ନେ ବାନ୍‌ ଆତଡ଼ିଆଚେ ମେଇଂନେ ଉଂଡେ ନେ ସାପାରେ ନେଇଂନେ ଆଡ଼ାତ୍ରା ଆତାନ୍‌ ପାର୍‌ମାନ୍‌ ସମାନ୍‌ ଆଡିଙ୍ଗ୍‌ ବକେ । ଦେକ୍‍ରକମ୍‍ ଦିତିୟ ଗୀତସଂହିତାନ୍ନିଆ ଗୁଆର୍‍ବକେ: ପେ ନେନେ ଉଂଡେ ଏକେ ନେ ଆପେକେ ଜନମ୍‌ ନେବକେ ।
\q1 ‘ନା ନେଙ୍ଗ୍‍ନେ ଉଂ
\q2 ଏକେ ନେଙ୍ଗ୍‍ ନାନେ ଆବା ଣ୍ଡିଙ୍ଗ୍‍ଗେ ।’
\m
\v 34 ପର୍‍ମେସର୍‍ ଜିସୁକେ ଗୁଏକ୍ନେ ବାନ୍‍ ଆଃତଡ଼୍ୟାବକେ,
\q1 ଜେନ୍ତିକି ମେଁନେ ଗାଗ୍‍ଡ଼େ ବାର୍‌ମୁଇଂତର୍‍ ମାଆତିଚେ ଚିନା ଆଡିଙ୍ଗ୍‍ । ଆକେନ୍‍ ବିସୟ୍‍ରେ ମେଁ ବାସଙ୍ଗ୍‍କେ
\q2 ‘ନେଙ୍ଗ୍‍ ଦାଉଦ ଡାଗ୍ରା ପାର୍‌ମାନ୍ ଡିଂକ୍ନେ ଡିଙ୍ଗ୍‍ମ୍ବକ୍ନେ ପବିତ୍ର ବାରି ଅଃନାଡିଗ୍ ମାଗୁଞ୍ଚେନେ ଆସିର୍‍ବାଦ୍‍ ଆପେକେ ମ୍ବିଏ ।’
\m
\v 35 ସାସ୍ତର୍‌ନେ ବାର୍‌ମୁଇଂ ଜାଗାନ୍ନିଆ ଗୁଆର୍‍ବକେ,
\q1 ‘ନା ନାନେ ବିସ୍‍ବାସ୍‌ ସେବକକେ ରାଃଚ୍ୟାନ୍ନିଆ ଚିନାବାନା ଡିଙ୍ଗ୍‍ନ୍‍ସା ଆନ୍ତାର୍‍ ନାବି ଣ୍ଡୁ ।’
\m
\v 36 ଦାଉଦ ମେଁନେ ସାସନ୍‍ କେଲା ଇସ୍‍ପର୍‍ନେ ଉଦେସ୍‍କେ ପୁରନ୍ ଡିଂଚେ ଇଡ଼ିଙ୍ଗ୍‍ ମେଁ ଗୁଏକେ ବାରି ନ୍ତା ଞ୍ଜାଇଂ ଏତେ ରାଃଚ୍ୟାମ୍ବନ୍ନିଆ ଆତି ଆର୍କେ । ମାତର୍‍ ମେଇଂନେ ଗାଗ୍‍ଡ଼େ ରାଚିଆମ୍ୱନ୍ନିଆ ଚିନାବାନା ଡିଙ୍ଗ୍‍କେ । 
\v 37 ମାତର୍‍ ଇସ୍‍ପର୍‍ ଆଜାକେ ଗୁଏକ୍ନେ ବାନ୍ ଆତଡ଼ିଆକେ ମେଁ ମେଃଡିଗ୍‍ ରକମ୍‍ ଚିନା ବାନା ଆଡିଙ୍ଗ୍‍କେ ଣ୍ଡୁ । 
\v 38 ଏ ବୟାଁଇଂ ପେ ସାପାରେ ସତ୍ ବାବ୍‌ରେ ମ୍ୟାନେ ଦର୍‌କାର୍ ଜେ ମୁଇଂ ମାପ୍‌ରୁ ଜିସୁନେବାନ୍ ନା ଡାଗ୍ରା ପାପ୍‍ କେମାନେ ସାମୁଆଁ ବାସଙ୍ଗ୍‌ବ‍ଆର୍‌କେ । ମୋଶାନେ ନିୟମ୍‌ବାନ୍ ଉଦାର୍ ବା ଆୟାକ୍ନେ ସାପାରେ ଆତେନ୍‌ ଜିସୁନେ ଡାଗ୍ରା ବିସ୍‌ବାସ୍‌ ଡିଂନେ ବାନ୍ ଆଃ ଉଦାର୍ ବାଆର୍‌ଏ; ଆକେନ୍ ପେ ବୁଜେନେ ଦର୍‌କାର୍ । 
\v 39 ବାରି ମୋଶାନେ ନିୟମ୍‌ ବାନ୍‍ ଜା ସାପା ବିସୟ୍‍ରେ ପେ ମୁକ୍ତି ବାଚେ ଦାର୍‍ମିକ୍‍ ଗନିତ ଡିଙ୍ଗ୍‍ ପେୟାକେ ଣ୍ଡୁ ବିସ୍‍ବାସ୍‍ ଡିଙ୍ଗ୍‍ମ୍ୟାଃକ୍ନେ ରେମୁଆଁ ସାପାରେ ମେବାନ୍‍ ଆତେନ୍‌‍ ସାପା ବିସୟ୍‍ରେ ମୁକ୍ତି ବାଚେ ଦାର୍‍ମିକ୍‍ ଗନିତ୍‍ ଡିଙ୍ଗ୍‍ଆର୍‍ଲେ । 
\v 40 ସାବ୍‍ଦାନ୍‍ ବାବବାଦିଇଂ ମେଁ ବାସଙ୍ଗ୍‍ବଗେ ଆତେନ୍‌‍ ଜେନ୍ତିକି ପେ ବିତ୍‍ରେ ମାଗଟେ ।
\q1
\v 41 ‘ଏ ଅମାନି ରେମୁଆଁଇଂ ପେ ବକୁଆ ଡିଗ୍‍ ପେଡିଙ୍ଗ୍‍ଏ ବାରି ଇଡ଼ିଙ୍ଗ୍‍ ଗୁଏନ୍‍ସା ପେୱେଏ;
\q1 ମାତର୍‍ ନେଙ୍ଗ୍‍ ପେ କେଲା ଦେକ୍‍ରକମ୍‍ ମୁଇଂ କାମ୍ ଣ୍ଡିଙ୍ଗ୍‍ଏ’
\q2 ଜାଡିଗ୍‍ ଆପେକେ ଆଦ୍ରିଗ୍‍ଚେ ବାସଙ୍ଗ୍‍ଲା ଡିଗ୍‍
\q2 ପେ ବିସ୍‍ବାସ୍‍ ପେଡିଙ୍ଗ୍‍ ଣ୍ଡୁ ।”
\p
\v 42 ପାଉଲ୍‍ ବାରି ବର୍ଣ୍ଣବା ପାର୍‍ତନା ଡୁଆ ଆନ୍ତାର୍‍ଚେ ୱେନେ ବେଲା ପାଙ୍ଗ୍‍ନେ ସାନ୍ତା କାଲା ଆଣ୍ଡେ ପାଙ୍ଗ୍‍ଚେ ଆକେନ୍‍ ସାପା ସାମୁଆଁ ବାରି ଅଦିକ୍‍ ଆଦ୍ରିଗ୍‍ ନ୍‍ସା ଆମେଇଂକେ ରେମୁଆଁଇଂ ଗୁଆରି ଡିଙ୍ଗ୍‌ଆର୍‌କେ । 
\v 43 ରେମୁଆଁଇଂ ପାର୍‌ତନା ଡୁଆନ୍ନିଆ କୁକପାର୍‍ ଡାକ୍ନେ ଇଡ଼ିଙ୍ଗ୍‍ ଜିଉଦି ରେମୁଆଁ ବାରି ଜିଉଦି ଦର୍ମ ଗ୍ରଅନ୍‍ ଡିଙ୍ଗ୍‍ଲେଆର୍‍କ୍ନେ ବିନ୍‍ ଜାତି ରେମୁଆଁଇଂ ପାଉଲ୍‍ ବାରି ବର୍ଣ୍ଣବାନେ ପ୍ଲା ୱେଆର୍କେ ସିସ୍‍ଇଂ ମେଇଂ ଏତେ ବାଲିର୍‍ବାତାଚେ ଇସ୍‍ପର୍‍ନେ ଅନୁଗ୍ର‍ଅରେ ଜିବନ୍‍ କାଟେ ନ୍‍ସା ଆମେଇଂକେ ବାସଙ୍ଗ୍‌କେ ।
\p
\v 44 ପାଙ୍ଗ୍‍ନେ ସାନ୍ତା କାଲା ସଅର୍‍ନେ ସାପାରେ ମାପ୍‌ରୁନେ ବ୍ନାଇର୍‍ ଦ୍ରିଗ୍‍ ନ୍‍ସା ରିସିଙ୍ଗ୍ ଆର୍କେ । 
\v 45 ରେମୁଆଁ ଗଅଲି କେଚେ ଜିଉଦିଇଂ ରିସାଡିଙ୍ଗ୍‌ଆର୍କେ ବାରି ପାଉଲ୍‍ନେ ସାମୁଆଁରେ ବିରଦ୍‍ ଡିଙ୍ଗ୍‍ଚେ ଅପମାନ୍‍ ରକମ୍‍ନେ ସାମୁଆଁ ବାସଙ୍ଗ୍‍ଆର୍କେ । 
\v 46 ମାତର୍‍ ପାଉଲ୍‍ ବାରି ବର୍ଣ୍ଣବା ସାଆସ୍‍ରେ ବାସଙ୍ଗ୍‍ଆର୍କେ “ଇସ୍‍ପର୍‍ନେ ନିମାଣ୍ଡା ସାମୁଆଁ ପେ ଡାଗ୍ରା ପର୍‍ତୁମ୍‍ ବାସଙ୍ଗ୍‍ନେ ଦର୍‍କାର୍‍ ଲେଃଗେ । ମାତର୍‍ ପେ ମାଡାନେ ଜିବନ୍‍ ବାନ୍‍ସା ନିଜେକେ ଅଜଗ୍ୟ ବାବେଚେ ଆକ୍ମେକେ ମନା ଡିଂପେଡିଂକେସା ନେ ଆପେକେ ଆନ୍ତାର୍‍ଚେ ବିନ୍‍ ଅଣଜିଉଦି ରେମୁଆଁ ଡାଗ୍ରା ନେୱେଏ । 
\v 47 ମାପ୍‌ରୁ ଆନେକେ ଆକେନ୍ ଆଦେସ୍‌ ବିବକେ:
\q1 ‘ନେଙ୍ଗ୍‍ ଆନାକେ ଅଣଜିଉଦି ରେମୁଆଁଇଂ ନ୍‌ସା ତାର୍‍କିଗ୍‍ସ ରକମ୍‍ ଆଡିଙ୍ଗ୍‍ମ୍ବକେ ।
\q2 ଡିଡିକି ସର୍‌ତେ ମଞ୍ଚ୍‌ପୁର୍‌ ଉଦାର୍ ବାଆର୍‌ଏ ।’”
\p
\v 48 ଅଣଜିଉଦି ରେମୁଆଁଇଂ ଆକେନ୍‍ ସାମୁଆଁ ଦ୍ରିଗ୍‍ଚେ ସାର୍‍ଦା ଡିଙ୍ଗ୍‍ଆର୍କେ ବାରି ମାପ୍‍ରୁନେ ସାମୁଆଁ ନ୍‍ସା ପ୍ରସଂସା ଡିଙ୍ଗ୍‌ଆର୍‌କେ । ଜାଣ୍ଡେଇଂ ମାଡାକ୍ନେ ଜିବନ୍‍ସା ପାଙ୍ଗ୍‍ଲେଆର୍ଗେ ଆତେନ୍‌‍ ରେମୁଆଁଇଂ ମାପ୍‌ରୁନ୍ନିଆ ବିସ୍‍ବାସ୍‍ ଡିଙ୍ଗ୍‍ଆର୍କେ ।
\p
\v 49 ଆତେନ୍‌‍ ଏରିଆନେ ସାପା ଜାଗାନ୍ନିଆ ମାପ୍‌ରୁନେ ସାମୁଆଁ ବେପ୍ରେ ୱେକେ । 
\v 50 ଜିଉଦିଇଂ ଜିଉଦି ଦର୍ମନେ ମ୍ନା ବଂସନେ ସେଲାମ୍ବୁଏଃ ରେମୁଆଁଇଂକେ ବାରି ଇନିନେ ମ୍ନାଃ ରେମୁଆଁଇଂକେ ରିସା ଡିଂଚେ ପୁଜା ଡିଙ୍ଗ୍ଆର୍କେ । ମେଇଂ ପାଉଲ୍‍ ବାରି ବର୍ଣ୍ଣବା ବିରଦ୍‍ରେ ବିନ୍‍ରେ ବାସଙ୍ଗ୍‍ବିଆର୍କେ । ମେଇଂ ଆମେଇଂକେ ତାଡ଼୍‍ନା ଡିଙ୍ଗ୍‍ନେ ଆରାମ୍‍ ଡିଙ୍ଗ୍‍ଆର୍କେ ବାରି ଆମେଇଂକେ ଆତେନ୍‌‍ ଏରିଆବାନ୍‍ ନୁଆଁ ବିଆର୍‌କେ । 
\v 51 \x + \xo ୧୩:୫୧ \xo*\xt ମାତିଉ ୧୦:୧୪; ମାର୍‌କ ୬:୧୧; ଲୁକ୍‌ ୯:୫; ୧୦:୧୧.\xt*\x*ପାଉଲ୍‍ ବାରି ବର୍ଣ୍ଣବା ଆତେନ୍‌ ରେମୁଆଁଇଙ୍ଗ୍‌ନେ ବିରଦ୍‍ରେ ନିଜେ ନିଜେନେ ଞ୍ଚନେ ଦୁଲି ପାଃଚେ ଇକନିୟ ଇନିନ୍ନିଆ ୱେଆର୍କେ । 
\v 52 ଆଣ୍ଟିୟକନେ ବିସ୍‌ବାସିଇଂ ପବିତ୍ର ଆତ୍ମା ବାଚେ ବାରି ସାର୍‍ଦାରେ ଲେଃଆର୍ଗେ ।
\c 14
\s ଇକନିୟନ୍ନିଆ ସେବା କାମ୍
\p
\v 1 ଇକନିୟ ଡିଗ୍‍ ଦେତୁଆ ଗଟ୍‌ନା ଗଟେକେ ପାଉଲ୍‍ ବାରି ବର୍ଣ୍ଣବା ପାର୍‌ତନା ଡୁଆଇଂ ଅରିଆ ୱେଚେ ଡେକ୍‌ରକମ୍ ବାବ୍‌ରେ ବାସଙ୍ଗ୍‌‌ ଡିଙ୍ଗ୍‍ଆର୍‍କେ ଜେ ଜାବର୍‌ ସଂକ୍ୟାରେ ଜିଉଦି ବାରି ଗ୍ରୀକ୍‌ ରେମୁଆଁଇଂ ଜିସୁ କିସ୍‌ଟ ଡାଗ୍ରା ବିସ୍‍ବାସ୍‍ ଡିଙ୍ଗ୍‍ଆର୍କେ । 
\v 2 ମାତର୍‍ ଅବିସ୍‍ବାସି ଜିଉଦିଇଂ ଅଣଜିଉଦି ରେମୁଆଁଇଂନେ ମନ୍‌କେ ଆତେନ୍‌‍ ବୟାଁଇଂନେ ବିରଦ୍‍ରେ ଦଦ୍ୟା‍ ବାବ୍‍ନା ଆଃମ୍ୟାଃଆର୍କେ । 
\v 3 ତେଲାଡିଗ୍‍ ପାଉଲ୍‍ ବାରି ବର୍ଣ୍ଣବା ଆତ୍‍ଅରିଆ ଗୁଲେସି ଲେଃଆର୍କେ ବାରି ମାପ୍‌ରୁନେ ବ୍ନାଲିର୍‍ ସାଆସ୍‍ ସାଚେ ପର୍‌ଚାର୍‍ ଡିଙ୍ଗ୍‍ଆର୍କେ । ଆମେଇଂକେ ବିଚେ ମାପ୍‌ରୁ ଚିନ୍ ଆରି କାବା ଡିଙ୍ଗ୍‍ନେ କାମ୍ ସାପା ଡିଙ୍ଗ୍‍କେ ବାରି ଅନୁଗ୍ର‍ଅନେ ବ୍ନାଲିର୍‍ ବିସୟ୍‌ରେ ସାକି ବିକେ । 
\v 4 ଇନିନେ ରେମୁଆଁଇଂ ମ୍ୱାର୍‍ ବାଗ୍‍ ଡିଙ୍ଗ୍‍ ୱେଆର୍କେ । ଉଡ଼ିରୁଆ ଜିଉଦି ପାକା ବାରି ଉଡ଼ିରୁଆ ସିସ୍‌ଇଂପାକା ।
\p
\v 5 ଅଣଜିଉଦି ବାରି ଜିଉଦି ରେମୁଆଁଇଂ ମେଇଂ ଏତେ ଦଦ୍ୟା‍ ବେବଆର୍‍ ଡିଙ୍ଗ୍‍ନେସା ବାରି ମେଇଂ ଆଡ଼ାତ୍ରା ବ୍ରି ଟୁନ୍‍ସା ନେତାଇଂ ଏତେ କୁଡ଼େଆର୍କେ । 
\v 6 ପାଉଲ୍‍ ବାରି ବର୍ଣ୍ଣବା ଆକେନ୍‍ ମ୍ୟାଃଚେ ଲୁକାଅନିଆନେ ଲୁସ୍ତ୍ରା ବାରି ଦର୍ବୀ ଇନିନ୍ନିଆ ବାରି ଆତେନ୍‌‍ ପିତୁର୍‍ପାକା ଲେଃକ୍ନେ ଏରିଆପାକା ଲାଗ୍‍ଡଆର୍କେ । 
\v 7 ବାରି ମେଇଂ ଆତ୍‍ଅରିଆ ମାପ୍‍ରୁନେ ନିମାଣ୍ଡାସାମୁଆଁ ପର୍‌ଚାର୍‍ ଆରାମ୍ ଡିଙ୍ଗ୍‍ଆର୍କେ ।
\s ଲୁସ୍ତ୍ରା ବାରି ଦର୍ବୀ ଇନିନ୍ନିଆ ସେବା କାମ୍
\p
\v 8 ଲୁସ୍ତ୍ରା ଇନିନ୍ନିଆ ମୁଇଂ ଜନମ୍‍ବାନ୍‍ ଚଟା ମୁଇଂଜା ଲେଃଗେ ମେଁ ଅଃନାଡିଗ୍ ଅଲେଙ୍ଗ୍‍ ୟା ଆଡିଂଗେ ଣ୍ଡୁ । 
\v 9 ଆତ୍‍ଅରିଆ କଚେ ପାଉଲ୍‍ନେ ପର୍‌ଚାର୍ ଡିଙ୍ଗ୍‌ଡିଂକ୍ନେ ବ୍ନାଇର୍‍ ଅଁ ଡିଙ୍ଗ୍‍ଗେ । ପାଉଲ୍‍ ଆମେକେ ସାର୍‍ମୁଆଃ ସିଦା ଆଡିଙ୍ଗ୍‍ଚେ କେକେ ଜେ ମେଁ ନିମାଣ୍ଡା ଡିଙ୍ଗ୍‍ଇଁୟାଏ ଡାଗ୍‍ଚେ ମେଁନେ ବିସ୍‌ବାସ୍‌ ଲେଃଗେ । 
\v 10 ମେଁ ୱାସାର୍‍ଚେ ବାସଙ୍ଗ୍‍କେ “ପାଦ୍‍ଚ ନ୍ନିଆ ଲିଗ୍‌ଚେ ସିଦା ତୁଆଁ !” ଆତ୍‌ବାନ୍ ଆତେନ୍‌‍ ରେମୁଆଁ ପୁଏଟେଆଁଚେ ପିତୁର୍‍ ପାକା ଅଲେଙ୍ଗ୍‍ନେ ମୁଲେକେ । 
\v 11 ଆତ୍‍ଅରିଆ ପାଙ୍ଗ୍‍ଲେ ଆର୍‍କ୍ନେ ରେମୁଆଁଇଂ ପାଉଲ୍‍ନେ ଆକେନ୍‍ କାମ୍ କେଚେ ମେଇଂନେ ଲୁକାୟନ୍ନିଆ ବ୍ନାସାରେ କିରଚେ ବାସଙ୍ଗ୍‍ଆର୍କେ “ଦେବ୍‍ତାଇଂ ରେମୁଆଁ ରୁପ୍‍ ସାଚେ ନେ ଡାଗ୍ରା ପାଙ୍ଗ୍‍ଲେଃଆର୍କେ ।” 
\v 12 ରେମୁଆଁଇଂ ବର୍ଣ୍ଣବାକେ ଜିଅସ୍‌ ମାପ୍‌ରୁ ଡାଗ୍‍ଚେ ବାସଙ୍ଗ୍‍ଆର୍କେ ବାରି ପାଉଲ୍‍ ମ୍ନା ବକ୍ତା ଡିଙ୍ଗ୍‍ଲେଃଲା ଆମେଇଂକେ ହେରମିସ୍‌ ବା ବୃହସ୍ପତ୍ତି ଦେବ୍‍ତା ଡାଗ୍‍ଚେ ବାସଙ୍ଗ୍‍ଆର୍‍କେ । 
\v 13 ଆତେନ୍‌‍ ସଅର୍‍ ସାମ୍‍ନେ ଆଃରେବକ୍ନେ ଜିଅସ୍‌ ମନ୍ଦିର୍‍ନେ ପୁଜାରି ସହର୍‌ନେ କାପାଟ୍ ଡାଗ୍ରା ଉଡ଼ିକ୍ଲିଗ୍‍ ଅରେଃକେ ସାରି ଆଚକ୍‌ଚେ ଡୁଙ୍ଗ୍‍ପାଙ୍ଗ୍‍ଆର୍କେ । ପୁଜାରି ବାରି ରେମୁଆଁଇଂ ପାଉଲ୍‍ ବାରି ବର୍ଣ୍ଣବାକେ ଆକେନ୍‍ ମାପ୍‍ରୁନେ ମ୍ନିରେ ଗୁଆଗନ୍‌ସା ଇକ୍‌ଚା ଡିଙ୍ଗ୍‍ଆର୍‍ଡିଙ୍ଗେ ।
\p
\v 14 ମାତର୍‍ ପ୍ରେରିତ୍‌ ସିସ୍‌ଇଂ ପାଉଲ୍‍ ବାରି ବର୍ଣ୍ଣବା ଆକେନ୍‍ ସାମୁଆଁ ଦ୍ରିଗ୍‍ଚେ ନିଜେନେ ସକା ପାଟାଇ ସେଗାର୍‍ ବିଆର୍‌କେ । ମେଁଇଂ ରେମୁଆଁଇଂନେ ପାକା ୱିର୍‍ ୱେଚେ କିରଚେ ବାସଙ୍ଗ୍‍ନେ ମୁଲେଆର୍କେ 
\v 15 “ଏ ରେମୁଆଁଇଂ ପେ ଦେକ୍‍ରକମ୍‍ ମେଁସା ଡିଙ୍ଗ୍‍ପେଡିଙ୍ଗ୍‍କେ ? ନେ ଡିଗ୍‍ ପେ ରକମ୍‍ ମୁଇଂ ରେମୁଆଁ । ନେ ଆପେକେ ମାପ୍‌ରୁ ସାମୁଆଁ ବାସଙ୍ଗ୍‍ ନ୍‍ସା ପାଙ୍ଗ୍‍ନେଲେଃକେ । ଆପେକେ ଆକେନ୍ କାମ୍ ଣ୍ଡୁନେ ସାମୁଆଁବାନ୍ ସ୍ଲ ଲେଃଚେ ଜିବନ୍‌ ପର୍‌ମେସର୍‍ନ୍ନିଆ ମନ୍‌ ଆଆଁଣ୍ଡେ ନ୍‍ସା ନେ ପାଙ୍ଗ୍‌ନେ ଲେଃକେ । ଆତେନ୍‌ ପର୍‍ମେସର୍ କିତଂଇନି ଦର୍‌ତନି ଆରି ମ୍ନା କେଣ୍ଡିଆ ବାରି ଆତ୍ ଅରିଆ ଲେଃଡିଂକ୍ନେ ସାପା ବିସଏ ଆରେ ବକେ । 
\v 16 ମେଁ ନିଜର୍‍ ଇକ୍‌ଚାରେ ନିଜେନେ ଗାଲି ୱେନ୍‍ସା ଇସ୍‍ପର୍‍ ରେମୁଆଁଇଂକେ ଆନ୍ତାର୍‍ ବିବଗେ । 
\v 17 ମାତର୍‍ ମେଁନେ ସାପା ନିମାଣ୍ଡା କାମ୍‌ବାନ୍ ମେଁ କାଲାଆଃ ମେଁନେ ନ୍ତିବାନ୍‍ ସୁଚନା ବିବକେ; ମେଁ କିତଂଇନିବାନ୍‍ ଣ୍ଡିଆ ଆଗୁର୍‍ଏ ଆରି ଟିକ୍‍ ବେଲା କିଆ ବିଃମ୍ୟାକେ ଚଙ୍ଗ୍‍ନେ ବିଃମ୍ୟାକେ ଆରି ସାର୍‍ଦାରେ ପେ ମନ୍‌ ଆତ୍ନ ମ୍ୟାଃକେ ।” 
\v 18 ଆକେନ୍‍ ସାପା ସାମୁଆଁ ବାଲିର୍‍ଚେ ବେକ୍ନେ ସିସ୍‍ଇଂ ମେଃଡିଗ୍‍ ଆନେଙ୍ଗ୍‍କେ ଗୁଆଗନ୍‌ସା ଆମେଇଂକେ ମନା ଡିଂ ୟାକେ ।
\p
\v 19 ପିସିଦିଆନେ ଆଣ୍ଟିୟୋଖ ଆରି ଇକନିୟବାନ୍‍ ଉଡ଼ିରୁଆ ଜିଉଦି ପାଙ୍ଗ୍‌ଲେଃଆର୍କେ ମେଁ ରେମୁଆଁଇଂକେ ୱେବାସଙ୍ଗ୍‌ଚେ ପାଉଲ୍‍କେ ବ୍ରି ଏତେ ଟୁଆର୍କେ । ମେଁ ଗୁଏୱେଗେ ଡାଗ୍‍ଚେ ବାବେଚେ ମେଇଂ ଆମେକେ ସହର୍‍ ବାଏରେ ଉର୍‍ଗୁଚେ ଡୁଂୱେଆର୍କେ । 
\v 20 ମାତର୍‍ ସିସ୍‍ଇଂ ପାଉଲ୍‍ନେ ପିତୁର୍‍ପାକା ଗେରେ ବିଲା ମେଁ ତଡ଼ିଆଚେ ସହର୍‍ ପାକା ଅଲେଙ୍ଗ୍‍ ୱେକେ । ତେନ୍‍ ମାର୍‍ତଡ଼େ ମେଁ ଆରି ବର୍ଣ୍ଣବା ଏତେ ଦର୍ବୀ ସହର୍‍ ୱେଆର୍କେ ।
\s ପାଉଲ୍ ଆରି ବର୍ଣ୍ଣବ୍‌ବା ସିରିଆନେ ଆନ୍ତିକିୟାନ୍ନିଆ ଆଣ୍ଡେ ପାଙ୍ଗ୍‌ଆର୍କେ
\p
\v 21 ପାଉଲ୍‍ ଆରି ବର୍ଣ୍ଣବା ଦର୍ବୀ ସଅର୍‍ନ୍ନିଆ ମାପ୍‌ରୁ ସାମୁଆଁ ପର୍‌ଚାର୍‍ ଡିଂଆର୍କେ । ଗୁଲେରୁଆ ଜିସୁନେ ସିସ୍ ଡିଙ୍ଗ୍‍ଆର୍କେ । ଇଡ଼ିଙ୍ଗ୍‍ ବର୍ଣ୍ଣବା ଆରି ପାଉଲ୍‍ ଲୁସ୍ତ୍ରା ଇକନିୟ ଆରି ଆଣ୍ଟିୟୋଖ ଡାଗ୍ରା ଆଣ୍ଡେ ୱେଆର୍କେ । 
\v 22 ମେଇଂ ସିସ୍‌ଇଂନେ ମନ୍‌କେ ସାନ୍‌ତି ଆଡିଙ୍ଗ୍‌କେ ବାରି ବିସ୍‌ବାସ୍‌ରେ ଡାଟ୍‌ ଲେଃନ୍‍ସା ଆମ୍ଲେଡ଼ିଆ ଆର୍କେ । ମେଇଂ ବୁଦି ବିଚେ ବାଲିର୍‍କେ “ଇସ୍‍ପର୍‍ନେ ରାଜିନ୍ନିଆ ଗାନ୍‍ସା ଆନେକେ ଜାବର୍‌ ଦୁକ୍‍ କସ୍ଟ ବାଚେ ଅଲେଙ୍ଗ୍‍ନେ ଡିଙ୍ଗ୍‌ଏ ।” 
\v 23 ସାପା ମଣ୍ଡଲିନ୍ନିଆ ମ୍ନାନେତାଇଂକେ ସ୍ରି ଆର୍କେ । ମେଇଂ ଆକେନ୍‍ ଦର୍ମ ନେତା ନେତାଇଂନେ ଆତ୍‌ଲା ଉପାସ୍‌ ପାର୍‌ତନା ଡିଂଆର୍କେ । ଆକେନ୍‍ ଦର୍ମ ନେତା ନେତାଇଂ ମାପ୍‌ରୁ ଜିସୁ ଡାଗ୍ରା ବିସ୍‍ବାସ୍‍ ଡିଂ ବଆର୍‌କେ । ତେନ୍‍ସା ପାଉଲ୍‍ ଆରି ବର୍ଣ୍ଣବା ଆମେଇଂକେ ମାପ୍‌ରୁ ଡାଗ୍ରା ଅପେଃ ବିଆର୍‌କେ ।
\p
\v 24 ପିସିଦିଆ ବିଚେ ମେଇଂ ପଂପୁଲିୟାନ୍ନିଆ ପାଙ୍ଗ୍‌ଆର୍କେ । 
\v 25 ଆତ୍‍ଅରିଆ ପର୍ଗାନ୍ନିଆ ପର୍‌ଚାର୍‍ ଡିଂଚେ ଆତ୍ତାଲିଆନୁଗ୍‍ ୱେଆର୍କେ । 
\v 26 ଆତ୍‍ବା ମେଇଂ ଣ୍ଡିଆ ଗାଲି ବିଚେ ଆଣ୍ଟିୟକନ୍ନିଆ ପାଙ୍ଗ୍‌ଆର୍କେ । ଆକେନ୍‍ ଆଣ୍ଟିୟକନ୍ନିଆ ବିସ୍‌ବାସିଇଂ ଆମେଇଂକେ ଆକେନ୍‍ କାମ୍ ଡିଂନେସା ଇସ୍‍ପର୍‍ ଡାଗ୍ରା ଅନୁଗ୍ର‍ଅରେ ସମର୍‍ପିତ୍‍ ଡିଙ୍ଗ୍‌ଚେ ଆତେନ୍‌‍ ଜାଗାବାନ୍‍ ତାର୍‍ ଲେଃଆର୍ଗେ ।
\p
\v 27 ମେଇଂ ଆଣ୍ଟିୟକନ୍ନିଆ ୱେଚାଚେ ମଣ୍ଡଲିନେ ରେମୁଆଁଇଂକେ ରାସିଂକେ । ଇସ୍‍ପର୍‍ ମେଇଂ ଆଡ଼ାତ୍ରା ମେଁନେ ସାପା ଡିଂ ବଆର୍ଗେ ଆରି ବିନ୍‍ ଅଣଜିଉଦିଇଂନେ ବିସ୍‌ବାସ୍‌ ନ୍‍ସା ଡିରକମ୍‍ ଗାଲି ରଃବିଃ ବଗେ ଆତେନ୍‌‍ ସାପା ଆମେଇଂକେ ଆମ୍ୟାଃକେ । 
\v 28 ଆତ୍‍ଅରିଅ ବିସ୍‌ବାସିଇଂ ଏତେ ମେଁ ଗୁଲେସି ଲେଃଗେ ।
\c 15
\s ଯିରୁସାଲାମ୍‍ନ୍ନିଆ ବିସ୍‌ବାସି‍ଇଂନେ କୁକପାର୍‍
\p
\v 1 ଜିଉଦା ପ୍ରଦେସ୍‌ବାନ୍‍ ଉଡ଼ିରୁଆ ରେମୁଆଁ ଆଣ୍ଟିଅକିଆନ୍ନିଆ ପାଙ୍ଗ୍‌ଚେ ମୋଶାନେ ନିୟମ୍‌ ଅନୁସାରେ ମେଇଂ ପବିତ୍ର‌ ଆଡିଙ୍ଗ୍‌ଲା ପରିତ୍ରାନ୍‍ ବା ଆୟାଆର୍‍ ଣ୍ଡୁ ଡାଗ୍‍ଚେ ବୟାଁଇଂକେ ସିକ୍ୟା ବିଆର୍‌କେ । 
\v 2 ଏନ୍‍ ବିସୟ୍‌ରେ ମେଇଂ ଏତେ ପାଉଲ୍‍ ଆରି ବର୍ଣ୍ଣବାକେ ଜବର୍‍ ଜୁକ୍ତାଜୁକ୍ତି ଡିଂଲା ଏନ୍‍ ଉପାୟ୍‍ ଡିଂଆର୍‍କେ ଜେ ପାଉଲ୍‍ ବର୍ଣ୍ଣବା ଆରି ଆଣ୍ଟିୟକିଆନେ ବାରି ଉଡ଼ିରୁଆ ଯିରୁସାଲାମ୍‌ନ୍ନିଆ ୱେଚେ ବେବ୍ନ ସିସ୍‌ଇଂ ଆରି ମଣ୍ଡଲିନେ ମ୍ନାରେଇଂ ଏତେ ଆକେନ୍‍ ବିସୟ୍‍ରେ ବୁଜା ସୁଜା ପେଡିଂଏ ।
\p
\v 3 ମଣ୍ଡଲିଇଂ ଆମେଇଂକେ ଗାଲି ସାମୁଆଁରେ ବାଲିର୍‍ଚେ ବେବିକ୍ନେ ଇଡ଼ିଙ୍ଗ୍‌ ମେଇଂ ଫୈନିକୀୟା ଆରି ସମରିଆ ଗାଲି ୱେବେଲା ଅଣଜିଉଦିଇଂକେ ମନ୍‍ ବଦ୍‍ଲେଚେ ଇସ୍‍ପର୍‍ ଡାଗ୍ରା ପାଂଲେଆର୍କେ ଆତେନ୍‌‍ ବିସୟ୍‌ରେ ଆମ୍ୟାଃଆର୍କେ । ଆକେନ୍‍ କବର୍‍ ଅଁଚେ ବୟାଁଇଂ ଜାବର୍‌ ସାର୍‍ଦା ଡିଂଆର୍କେ । 
\v 4 ଇଡ଼ିଙ୍ଗ୍‍ ମେଇଂ ଯିରୁସାଲାମ୍‌ନ୍ନିଆ ପିଙ୍ଗ୍‍ଚାଚେ ମଣ୍ଡଲି ବାରି ପ୍ରେରିତ୍‌ ସିସ୍‌ ଆରି ସେବକଇଂ ଆମେଇଂକେ ସାର୍ଲ ଆର୍କେ । ଇସ୍‍ପର୍‍ ମେଇଂନେବାନ୍‍ ଡିଂବକ୍ନେ କାମ୍ ବିସୟ୍‍ରେ ପାଉଲ୍‍ ଆରି ବର୍ଣ୍ଣବା ଆମେଇଂକେ ଆମ୍ୟାଃକେ । 
\v 5 ମାତର୍‍ ଫାରୁଶୀ ଦଲ୍‍ନେ ଉଡ଼ିରୁଆ ବିସ୍‍ବାସି ତଡ଼ିଆଚେ ବାସଙ୍ଗ୍‍ଆର୍କେ “ଅଣଜିଉଦିଇଂକେ ପବିତ୍ର‌ ଡିଂନେ ଆରି ମୋଶାନେ ନିୟମ୍‌ ମାନେନ୍‌ସା ଆମେଇଂକେ ଆଦେସ୍‍ ବିନେ ଦର୍‍କାର୍‍ ।”
\p
\v 6 ଏନ୍‍ ବିସୟ୍‌ରେ ବାଲିର୍ ବାତାନ୍‍ସା ପ୍ରେରିତ୍‌ ସିସ୍‌ଇଂ ଆରି ସେବକଇଂ ମୁଇଂତୁଗ୍‍ ରିସିଂ ଆର୍କେ । 
\v 7 \x + \xo ୧୫:୭ \xo*\xt ପ୍ରେରିତ୍‌ ୧୦:୧-୪୩.\xt*\x*ଜାବର୍‌ ପର୍‍ ବାଲିର୍‍ ବାତାକ୍ନେ ଇଡ଼ିଙ୍ଗ୍‌ ପିତର୍‍ ତୁଆଁଚେ ବାଲିର୍‍କେ “ବୟାଁ ଆରି ତନାଇଂ ପେ ମ୍ୟାଃ ପେଲେଃକେ ଜେ ଗୁଲେସି ଅଃସେ ଇସ୍‍ପର୍‍ ଅଣଜିଉଦିଇଂନେ ଡାଗ୍ରା ନିମାଣ୍ଡା ସାମୁଆଁ ପର୍‌ଚାର୍‍ ଡିଂଚେ ଆତ୍‍ବା ମେଇଂନେ ବିସ୍‍ବାସ୍‍ ଆଡିଂନେ ନ୍‍ସା ପେ ବିତ୍ରେବାନ୍‍ ଆନେଙ୍ଗ୍‍କେ ସ୍ରିବକେ । 
\v 8 ବାରି ସାପାରେନେ ମନ୍‍ ବିତ୍ରେନେ ଚିନ୍ତା ମ୍ୟାଡିଂକ୍ନେ ଅନ୍ତର୍ଯ୍ୟାମି ଇସ୍‍ପର୍‍ ଆନେକେ ଡିରକମ୍‍ ପବିତ୍ର ଆତ୍ମା ବିବକେ ଅଣଜିଉଦିଇଂକେ ଡିଗ୍‍ ଦେତ୍‍ରକମ୍‍ ଦାନ୍‌ବିଚେ ମେଇଂକେ ପାକା ସାକି ବିଃବକେ । 
\v 9 ବାରି ମେଁ ନେଁଡାଗ୍ରା ବାରି ମେଇଂନେ ବିତ୍‌ରେ ମେଃଡିଗ୍‌ ଏତ୍‌ ବିଚାର୍‌ ମାବଚେ ବିସ୍‌ବାସ୍‌ ଏତେ ମେଇଂନେ ଜିବନ୍‌କେ ପବିତ୍ର ଆଃଡିଙ୍ଗ୍‌ବକେ । 
\v 10 ତେଲା ଆଣ୍ଡିନେ ରିଗ୍‌ନ ଡୁଂନେସା ନେନେ ଅସେନେ ନ୍ତା ଞ୍ଜାଇଂ ଆରି ନେ ଡିଗ୍ ମାନେଃ ନେୟାକେ ପେ ତ ଏବେ ବିସ୍‌ବାସିଇଂନେ ପ୍ଲା ଗାଗ୍‍ଡ଼େନ୍ନିଆ ଆତେନ୍‌‍ ଲାଦେ ବିଚେ ମେଁସା ଇସ୍‍ପର୍‍କେ ପରିକ୍ୟା ଡିଂନେନ୍‍ସା ଚାଏଁପେଡିଂକେ ? 
\v 11 ଣ୍ଡୁ ଏନ୍‍ ଟିକ୍‍ ଣ୍ଡୁ । ମେଇଂ ଆଣ୍ଡିନେ ବିସ୍‍ବାସ୍‍ ଡିଂଚେ ଉଦାର୍‍ ବାଲେଃଆର୍କେ, ନେ ଡିଗ୍‍ ଟିକ୍‍ ଦେତ୍‍ରକମ୍‍ ବିସ୍‍ବାସ୍‍ ଡିଂଚେ ମାପ୍‌ରୁ ଜିସୁନେ ଅନୁଗ୍ର‍ଅବାନ୍‍ ଉଦାର୍ ବାନେଲେଃକେ ।”
\p
\v 12 ପାଉଲ୍‍ ଆରି ବର୍ଣ୍ଣବାନେବାନ୍‍ ଅଣଜିଉଦିଇଂନେ ବିତ୍‍ରେ ଇସ୍‍ପର୍‍ ଆଣ୍ଡିନେ ସାପା ଚିନ୍ ଆରି ଇରିଆତୁଗ୍‍ନେ ବିସୟ୍‍ ପୁରନ୍ ଡିଂବଗେ ମେଇଂନେବାନ୍‍ ମେଁନେ ସାମୁଆଁ ଅଁଚେ ଦଲ୍‍ନେ ସାପାରେ ବୁଙ୍ଗ୍‍ ଲେଃଆର୍ଗେ । 
\v 13 ମେଇଂ ବାଲିର୍‍ ଆଡାକ୍ନେ ଇଡ଼ିଙ୍ଗ୍‌ ଜାକୁବ୍‌ ବାଲିର୍‍କେ “ଅ ବୟାଁ ତନାଇଂ ନିଙ୍ଗ୍‍ ସାମୁଆଁ ଦ୍ରିଗ୍‍ପା ! 
\v 14 ଇସ୍‍ପର୍‍ ଡିରକମ୍‍ ଅନୁଗ୍ର‍ଅ ଆଡିଂଚେ ନିଜର୍ ମ୍ନିନ୍‌ସା ଅଣଜିଉଦିଇଂନେ ବିତ୍‍ରେ ଉଡ଼ିରୁଆକେ ମେଇଂନେସା ସ୍ରି ବକେ ଶିମୋନ ଆତେନ୍‌‍ ସାମୁଆଁ ଆବୁଜେ ବକେ । 
\v 15 ବାବବାଦିଇଂନେ ସାମୁଆଁ ଆକେନ୍‍ ପୁରାପୁରି ବାବ୍‍ରେ ମିସୁ ଡିଂକେ । ଡିରକମ୍‍ କି ସାସ୍ତର୍‌ନିଆ ଗ୍ନୁଆର୍‍ ଲେଃକେ;
\q1
\v 16 ‘ମାପ୍‌ରୁ ବାଲିର୍‍ ଡିଂକେ
\q2 ଏନ୍‍ ଇଡ଼ିଙ୍ଗ୍‌ ନେଙ୍ଗ୍‍ ଆଣ୍ଡେ ମ୍ପାଙ୍ଗ୍‍ଏ
\q1 ଆରି ଦାଉଦ୍‍ନେ ତିପଗ୍‌ ଲେଃକ୍ନେ କୁଡ଼ିଆ ବାରି ମୁଇଂତର୍‍ ଣ୍ଡ୍ରାରେଏ’
\q2 ଆରି ମେଁନେ ଦଂସ ଡିଂକ୍ନେ ଜାଗା ବାରି ମୁଇଂତର୍‍ ଆରେଚେ ଣ୍ଡ୍ରା ତୁଆଁଏ ।
\q1
\v 17 ସାପା ରେମୁଆଁ ନେଙ୍ଗ୍‍ ଡାଗ୍ରା ପାଙ୍ଗ୍‍ଆର୍‍ଏ ଆଣ୍ଡିନେ ଅଣଜିଉଦିଇଂକେ ନେଙ୍ଗ୍‍ ଡାଗ୍ରା ଆମିସୁନ୍‍ସା ୱା ମ୍ୱକେ
\q2 ମେଇଂ ସାପାରେ ମାପ୍‌ରୁନେ ଡାଗ୍‌ଚେ ବାସଙ୍ଗ୍‌ ଆର୍‍ଏ ।
\q1
\v 18 ମାପ୍‌ରୁ ଏନ୍‍ ସାମୁଆଁ ବାଲିର୍‍ବକେ ଜାଣ୍ଡେ କି ଅସେବାନ୍‍ ଆଃ ଆକେନ୍‍ ସାମୁଆଁ ମେଁ ବାଲିର୍‍ଚେ ଆଦ୍ରିଗ୍‍ବକେ ।”
\p
\v 19 ଜାକୁବ୍‌ ବାରି ଡିଗ୍‍ ବାଲିର୍‍କେ “ନେଙ୍ଗ୍‍ ବିଚାର୍‌ରେ ଆକେନ୍‌ନେ ଅଣଜିଉଦି‍ଇଂ ଇସ୍‍ପର୍‍ ଡାଗ୍ରା ଆଣ୍ଡେ ପାଙ୍ଗ୍‍ ଲେଃଆର୍କେ ନେ ଆମେଇଂକେ ଆରି ଅଇରାନ୍ ନେରାଡିଂ ଣ୍ଡୁ । 
\v 20 ମେଇଂ ଜେନ୍ତିକି ମୁର୍ତିକେ ମାନସିକ୍‍ ଡିଂବମ୍ୟାଃକ୍ନେ ମେଃଡିଗ୍‍ ଅପବିତ୍ର ଜିନିସ୍‌ ଆଚଙ୍ଗ୍‍ଆର୍ ଅଡ଼ାରେଗ୍‌‌ ପାପ୍‍ବାନ୍‍ ସ୍ଲ ଲେଃଆର୍‌ଏ ଲୁଗ ଆଲିଚେ ବାଗୁଏ ବଆର୍‍କ୍ନେ ପସୁନେ ଚିଲି ଆଚଙ୍ଗ୍‌ଆର୍, ଏନ୍‍ ସାପା ବିସୟ୍‌ରେ ବାଲିର୍‍ଚେ ମେଇଂନେ ଡାଗ୍ରା ମୁଇଂ ଚିଟି ଉଲିଆ ନେଗୁଆର୍‍ପା । 
\v 21 ଡାଗ୍ଲା ଅସେବାନ୍ ସାଚେ କାଲାଆଃ ସାନ୍ତା କାଲା ପାର୍‌ତନା ଡୁଆଇଂନ୍ନିଆ ମୋଶାନେ ନିୟମ୍‌ ଲଃଡିଂଆର୍କେ ଆରି ସାପା ସହର୍‍ନ୍ନିଆ ମେଁନେ ସାମୁଆଁ ପର୍‌ଚାର୍‍ ଡିଂଡିଂକେ ।”
\s ଅଣଜିଉଦି ବିସ୍‍ବାସିଇଂନେ ଡାଗ୍ରା ଉଲିଆ
\p
\v 22 ଇଡ଼ିଙ୍ଗ୍‌ ପ୍ରେରିତ୍‌ ସିସ୍‌ଇଂ ଆରି ମ୍ନାରେଇଂ ବାରି ମଣ୍ଡଲିନେ ସାପାରେ ଦଲ୍‍ନେ ଉଡ଼ିରୁଆକେ ସ୍ରିଚେ ପାଉଲ୍‍ ଆରି ବର୍ଣ୍ଣବା ଏତେ ଆମେଇଂକେ ଆଣ୍ଟିୟକନ୍ନିଆ ବେନ୍‌ସା ରାଜି ଡିଂଆର୍କେ । ବର୍ଶବା ମ୍ନିରେ ସ୍ନାମୁଆଃ ଜିଉଦା ଆରି ଶୀଲା ବିସ୍‍ବାସିଇଂନେ ବିତ୍‍ରେ ଜାବର୍‌ ସନ୍‍ମାନ୍‍ ବା ଡିଂଆର୍ଗେ । 
\v 23 ବିସ୍‍ବାସିଇଂ ଆତେନ୍‌‍ ଚିଟି ଉଲିଆ ଆତେନ୍‌‍ ମ୍ୱାୟାନେ ନ୍ତିନ୍ନିଆ ବେଆର୍କେ । “ଆଣ୍ଟିୟକ ସିରିଆ ଆରି ସିଲିଷୀଆନେ ଅଣଜିଉଦିଇଂନେ ବିତ୍ରେବାନ୍‍ ପାଙ୍ଗ୍‍ଲେଃଆର୍‍କ୍ନେ ବୟାଁଇଂକେ ପ୍ରେରିତ୍‌ ସିସ୍‌ଇଂ ଆରି ସେବକଇଂ ସାର୍ଲ ଡିଂ ଆର୍କେ । 
\v 24 ନେ ଅଁ ନେଲେଃକେ ଜେ ନେନେ ଦଲ୍‍ବାନ୍‍ ଉଡ଼ିରୁଆ ପେ ଡାଗ୍ରା ୱେଚେ ମେଃନେ ବାସଙ୍ଗ୍‍ବଆର୍କେ ଆତ୍‍ବା ମେଇଂ ଆପେକେ କସ୍ଟ ଆରି ମନ୍‌କେ ତେରେପେତେ ଆଡିଂବଆର୍କେ । ମାତର୍‍ ଏନ୍‍ ବିସୟ୍‍ରେ ନେ ଆମେଇଂକେ ମେଃଡିଗ୍‍ ଆଦେସ୍‍ ନେବିକେ ଣ୍ଡୁ । 
\v 25 ତେସା ନେ ସାପାରେ ମୁଇଂ ମନ୍‍ ଡିଂଚେ ଉଡ଼ିରୁଆ କବର୍‍ ବିଣ୍ଡ୍ରେକେ ସ୍ରିଚେ ପେ ଡାଗ୍ରା ବେନ୍‌ସା ରାଜି ଡିଂନେଲେଃକେ । ମେଇଂ ନେନେ ନିଜର୍ କୁଟୁମ୍‍ ବର୍ଣ୍ଣବା ଆରି ପାଉଲ୍ ଏତେ ୱେଆର୍‍ଏ । 
\v 26 ଏନ୍‍ କୁଟୁମ୍‍ଇଂ ମାପ୍‌ରୁ ଜିସୁ କିସ୍‌ଟନେ ସେବାରେ ନିଜେନେ ଜିବନ୍‍କେ ବିଃ ଜଗ୍‌ତ୍ଲାଗ୍‍ ବ‍ଆର୍କେ । 
\v 27 ନେ ଜିଉଦା ବାରି ଶୀଲାକେ ପେ ଡାଗ୍ରା ବେଡିଂକେ । ନେ ମେଃନେ ଗୁଆର୍‍ ନେବକେ ମେଇଂ ନିଜେ ନିଜେ ଆତେନ୍‌‍ ଆପେକେ ବାଲିର୍‍ଆର୍‍ଏ । 
\v 28 ଉଡ଼ିକ୍ଲିଗ୍‍ ଦର୍‍କାର୍‍ ପଡ଼େନେ ନିୟମ୍‍ ଆନ୍ତାର୍‍ଚେ ପେ ଆଡ଼ାତ୍ରା ବାରି ମେଃଡିଗ୍‍ ଲିଗିଙ୍ଗ୍‍ ମାଲାଦେ ନ୍‍ସା ନେ ପବିତ୍ର ଆତ୍ମାନେବାନ୍ ଆଦେସ୍‍ ବାନେଲେଃକେ । 
\v 29 ଆତେନ୍‌‍ ଉଡ଼ିକ୍ଲିଗ୍‍ ନିୟମ୍‍ ଡିଂଗେ; ମୁର୍ତ୍ତିଇଂନେ ଉଦେସ୍‍ରେ ବିବକ୍ନେ ମେଃଡିଗ୍‍ ଜିନିସ୍ ପେଚଙ୍ଗ୍‍ ଣ୍ଡୁ, ମିଆଁ ପେଉଗ୍‍ ଣ୍ଡୁ, ଲୁଗକେ ଆଲିଃଚେ ବାଗୁଏଃବକ୍ନେ ମେଃଡିଗ୍‍ ଜିବ୍‍ନେ ଚିଲି ପେଚଙ୍ଗ୍‍ ଣ୍ଡୁ ଆରି ଦଦ୍ୟା‌ ପାପ୍‌ବାନ୍‍ ସ୍ଲ ଲାଲାପା । ଏନ୍‍ ସାପା କାମ୍ ମାଡିଂଲା ପେନେ ମଙ୍ଗଲ୍‍ ଡିଂଏ । ନେନେ ସାର୍‌ଲ ସାପା ଗ୍ର‍ଅନ୍‌ ଡିଂପା ।”
\p
\v 30 ଆଣ୍ଡିନେ କବର୍‍ ବେଣ୍ଡ୍ରେଇଂ ବେବଆର୍‍କେ ମେଇଂ ଆଣ୍ଟିୟକନ୍ନିଆ ୱେଚେ ବିସ୍‍ବାସିଇଂନେ ସାପା ଦଲ୍‍କେ ମୁଇଂନୁଗ୍‍ ରାସିଂଚେ ଏନ୍‍ ଉଲିଆ ବିଆର୍‌କେ । 
\v 31 ଆତ୍‍ ଅରିଆନେ ବିସ୍‍ବାସିଇଂ ଉଲିଆ ଡାଗ୍ରା ଗୁଆର୍‍ବକ୍ନେ ମ୍ଲେଡ଼ିଆ ସାମୁଆଁ ପଡ଼େଚେ ଆମ୍ଲେଡ଼ିଆ ଡିଂଆର୍‍କେ । 
\v 32 ଜିଉଦା ବାରି ଶୀଲା ମେଇଂ ନିଜେ ବାବବାଦି ଲେଆର୍ଗେ ଆରି ମେଇଂ ଆଣ୍ଟିୟକନେ ବିସ୍‌ବାସି‍ଇଂକେ ଗୁଲେ ପର୍‍ ଜାକ ସାମୁଆଁ ବିଚେ ବୟାଁଇଂକେ ଆମ୍ଲେଡ଼ିଆଚେ ଡାଟ୍‍ ଆଡିଂଆର୍କେ । 
\v 33 ଆତ୍‍ଅରିଆ ଉଡ଼ି ପର୍‍ ଜାକ ଲେଃକ୍ନେ ଇଡ଼ିଙ୍ଗ୍‍ ଜାଣ୍ଡେ ଆମେଇଂକେ ବେବଆର୍ଗେ ମେଇଂ ଡାଗ୍ରା ଆଣ୍ଡେ ୱିଗ୍‍ନେସା ବୟାଁଇଂନେବାନ୍‍ ସାନ୍ତିରେ ୱିଗ୍‌କେ । 
\v 34 ମାତର୍‍ ଶିଲା ଆତ୍‍ଅରିଆ ଲେଃନ୍‍ସା ମନ୍‍ ଡିଂକେ ।
\p
\v 35 ପାଉଲ୍‍ ଆରି ବର୍ଣ୍ଣବା ଆଣ୍ଟିୟକନ୍ନିଆ ଉଡ଼ି ମୁଆଁ ଲେଃଚେ ଗୁଲେରୁଆ ଏତେ କୁଡ଼େଃମାଡ଼େଃଚେ ମାପ୍‌ରୁ ସାମୁଆଁ ବାସଙ୍ଗ୍‌‌ ଡିଂଆର୍କେ ଆରି ସିକ୍ୟା ବିଆର୍‌କେ ।
\s ପାଉଲ୍‍ ଆରି ବର୍ଣ୍ଣବା ବିନେ ଡିଂୱେଆର୍କେ
\p
\v 36 ଉଡ଼ିସି ଇଡ଼ିଙ୍ଗ୍‍ ପାଉଲ୍‍ ବର୍ଣ୍ଣବାକେ ବାଲିର୍‍କେ “ଦୁବା ନେ ଆଣ୍ଡେ ନେୱିଗ୍‍ ସାପା ସଅର୍‍ନ୍ନିଆ ମୁଡ଼ି ବୟାଁଇଂକେ ମାପ୍‌ରୁନେ ସାମୁଆଁ ଆଦ୍ରିଗ୍‍ ନେଡିଂଗେ ଆମେଇଂକେ ନେଅବା ଆରି ମେଇଂ ଡିରକମ୍‍ ଲେଃଆର୍କେ ନେବୁଜେ ।” 
\v 37 ବର୍ଣ୍ଣବା ମେଇଂ ଏତେ ଜହନ୍‌ ମାର୍‌କ ମ୍ନିକ୍ନେ ସ୍ନାମୁଆଁ ରେମୁଆଁକେ ଡୁଙ୍ଗ୍‍ ୱେନ୍‍ସା ରାଜି ଡିଂଲେଃଆର୍ଗେ 
\v 38 \x + \xo ୧୫:୩୮ \xo*\xt ପ୍ରେରିତ୍‌ ୧୩:୧୩.\xt*\x*ମାତର୍‍ ପାଉଲ୍‍ ଆମେକେ ଡୁଂୱେନ୍‍ସା ରାଜି ଆଡିଂକେ ଣ୍ଡୁ; ମାତର୍‍ ମେଁ ସିସେବାନ୍‍ ପଂପୁଲିୟାନ୍ନିଆ ମେଇଂ ଏତେ ଏନ୍‍ କାମ୍‍ନ୍ନିଆ ମିସୁ ମାଲେଃଚେ ମେଇଂକେ ଆନ୍ତାର୍‍ଚେ ପାଙ୍ଗ୍‍ ଲେଃଆର୍ଗେ । 
\v 39 ତେନ୍‍ସା ଏନ୍‍ ବିସୟ୍‌ରେ ଜାବର୍‌ ଅଡ଼୍‌କା ଅଡ଼୍‌କି ଡିଂଚେ ମେଇଂ ମ୍ୱାୟା ଅଲ୍‍ଗା ଡିଂ ୱେଆର୍ଗେ । ବର୍ଣ୍ଣବା ମାର୍‌କକେ ସାଚେ ସାଇପ୍ରସ୍ ପାକା ଣ୍ଡିଆ ଗାଲି ବିଚେ ୱେଆର୍କେ । 
\v 40 ମାତର୍‍ ପାଉଲ୍‍ ଶୀଲାକେ ସ୍ରିଚେ ଆରି ବୟାଁଇଂନେବାନ୍‍ ମାପ୍‌ରୁନେ ଅନୁଗ୍ର‍ଅରେ ସମର୍ପିତ ଡିଂଚେ ୱିଗ୍‍ଆର୍କେ । 
\v 41 ମେଁ ମଣ୍ଡଲିଇଂକେ ଡାଟ୍‍ ଆଡିଂଚେ ସିରିଆ ଆରି କିଲିକିଆ ବିଚେ ୱିଗ୍‌ଆର୍କେ ।
\c 16
\s ପାଉଲ୍ ବାରି ଶୀଲା ଏତେ ତିମତି ୱେକେ
\p
\v 1 ପାଉଲ୍‍ ଦର୍ବୀ ଆରି ଲୁସ୍ତ୍ରା ଇନି ପାକା ୱେଆର୍କେ । ଆତ୍‍ତେ ତିମତି ମ୍ନିକ୍ନେ ମୁଇଂ କିସ୍ଟାନ୍‍ ଲେଃଚେ ବ୍ରୁଆ ଡିଂଗେ । ମେଁ ମୁଇଂ କ୍ରିସ୍ଟ ବିସ୍‌ବାସି ଜିଉଦି ରେମୁଆଁ ସେଲାମ୍ବୁଏନେ ଉଂଡେ । ମାତର୍‍ ମେଁ ଆବାଡ଼େ ମୁଇଂ ଗ୍ରୀକ୍‌ ରେମୁଆଁ ଲେଃଗେ । 
\v 2 ଲୁସ୍ତ୍ରା ଆରି ଇକନିୟନ୍ନିଆ ଲେଃକ୍ନେ ବୟାଁଇଂ ବିତ୍‍ରେ ତିମତିନେ ମାଣ୍ଡା ମ୍ନି ଲେଃଗେ । 
\v 3 ପାଉଲ୍‍ ମେଁ ଏତେ ତିମତିକେ ଡୁଙ୍ଗ୍‍ୱେନ୍‍ସା ଚାଏଁକେ ତେନ୍‍ସା ଆମେକେ ପବିତ୍ର ଆଡିଙ୍ଗ୍‍ଆର୍କେ । ଆକେନ୍‍ ଆଡିଙ୍ଗ୍‍ନେ ଡାଗ୍‌ଲା ତିମତିନେ ଆବାଡ଼େ ଗ୍ରୀକ୍‌ ରେମୁଆଁ ଲେଃଗେ ଡାଗ୍‍ଚେ ଆତେନ୍‌‍ ଏରିଆଇଂକେ ଲେଃଚେ ବ୍ରୁଆ ମ୍ୟାଃକ୍ନେ ଜିଉଦିଇଂ ମ୍ୟାଃଆର୍କେ । 
\v 4 ବିନ୍‍ବିନ୍‍ ଇନିଇଂ ବିଚେ ୱେବେଲା ମେଁଇଂ ବିସ୍‍ବାସିଇଂକେ ଯିରୁସାଲାମ୍‌ ଡାଗ୍ରା ପ୍ରେରିତ୍‌ ସିସ୍‌ ଆରି ମ୍ନାରେଇଂ ଆଃରେକ୍ନେ ନିତି ନିୟମ୍‍ ସାପା ଆବୁଜେଚେ ତେନ୍‍ ସାପା ମାନେନେ ନ୍‍ସା ବାଲିର୍‍ଆର୍କେ । 
\v 5 ତେନ୍‍ସା ମଣ୍ଡଲିଇଂ ବିସ୍‌ବାସ୍‌ରେ ଆରି ବପୁ ଡିଂଆର୍‍କେ ବାରି ଦିନ୍‍କେ ଦିନ୍‍ ସଂକ୍ୟାରେ ଜବର୍‍ ଡିଂନେ ଲାଗେଆର୍କେ ।
\s ମାସିଦନିଆ ୱେନ୍‍ସା ତ୍ରୟାନ୍ନିଆ ପାଉଲ୍‍ନେ ଦର୍ସନ୍
\p
\v 6 ପବିତ୍ର ଆତ୍ମା ଆମେଇଂକେ ଆସିଆ ପ୍ରଦେସ୍‍ ପାକା ପର୍‌ଚାର୍‍ ଡିଂନେ ଆଦେସ୍‌ ଆବି ଆର୍କେ ତେସା ମେଁଇଂ ଫ୍ରୁଗିଆ ଆରି ଗାଲାତିୟ ଏରିଆ ପାକା ୱେଆର୍କେ । 
\v 7 ମିସିଆନେ ଏରିଆ ୱେଚାଚେ ବେଥିନିଆ ପ୍ରଦେସ୍‍ ପାକା ୱେନ୍‍ସା ତେଃତାର୍‍ ବେଲା ଜିସୁନେ ଆତ୍ମା ଆମେଇଂକେ ଆଦେସ୍‌ ଆବିକେ ଣ୍ଡୁ । 
\v 8 ତେନ୍‍ସା ମେଁଇଂ ମିସିଆ ବିତ୍‍ରେ ବିଚେ ଅଲେଙ୍ଗ୍‍ ୱେଚେ ତ୍ରୋୟାନ୍ନିଆ ୱେଚାଆର୍କେ । 
\v 9 ତେନ୍ ମିଡିଗ୍‍ ପାଉଲ୍‍ ମୁଇଂ ମୁସୁଡ଼ିଙ୍ଗ୍ ବାକେ ଜେ ମାସିଦୋନିଆନେ ମୁଇଂ ରେମୁଆଁ ତୁଆଁଚେ ସାର୍ଲଚେ ବାଲିର୍‍ ଡିଙ୍ଗ୍‌କେ “ମାସିଦୋନିଆ ପାଙ୍ଗ୍‍ଚେ ଆନେକେ ସାଇଜ୍ୟ ଡିଂ !” 
\v 10 ପାଉଲ୍‍ ଆକେନ୍‍ ଦର୍ସନ୍ ବାକ୍ନେ ଦାପ୍ରେ ମାସିଦୋନିଆ ୱେନ୍‍ସା ନେ ତିଆର୍‍ ନେଡିଙ୍ଗ୍‍କେ ଡାଗ୍‍ଲା ନେ ସତ୍‍ ନେମ୍ୟାଃକେ ଇସ୍‍ପର୍‍ ଆତେନ୍‌‍ ରେମୁଆଁଇଂ ବିତ୍‍ରେ ନିମାଣ୍ଡା ସାମୁଆଁ ବାଲିର୍‍ନେ ନ୍‍ସା ଆନେକେ ୱାବକେ ।
\s ଫିଲିପ୍‌ପୀନ୍ନିଆ ଲୁଦିଆନେ ମନ୍ ବଦ୍‌ଲେକେ
\p
\v 11 ନେ ଜାଆଜ୍‍ ଏତେ ତ୍ରୋୟା ଆନ୍ତାର୍‍ଚେ ସାମଥ୍ରାକିପାକା ନେୱେକେ ଆରି ତେନ୍ ଞ୍ଜସ୍ମି ନିଆପଲ୍ଲିନ୍ନିଆ ନେୱେଚାକେ । 
\v 12 ଆତ୍‍ବାନ୍‍ ନେ ମାସିଦୋନିଆ ଜିଲାନେ ମ୍ନା ଇନି ଫିଲିପ୍‌ପୀପାକା ନେୱେକେ । ଆକେନ୍‍ ଇନି ମୁଇଂ ରମିୟଇଂନେ ଲେଃଗେ । ନେ ଆତ୍‍ତେ ମାଲେ ସି ନେଲେଃଗେ । 
\v 13 ସାନ୍ତା କାଲା ସ୍ମି ଇନି ବାଏରେ ଲେଃକ୍ନେ ଲଣ୍ଡିଆ ଡାଗ୍ରା ନେୱେକେ । ନେ ନେଏତେକେ ଆତେନ୍‌‍ ଜିଉଦିଇଂ ମିସେଚେ ପାର୍‌ତନା ଡିଂନେସା ମୁଇଂ ଟାନ୍ ଲେଃଏ । ନେ ଆଲ ନେକକେ ଆରି ଆତ୍‍ତେ ରିସିଙ୍ଗ୍ ଲେଃକ୍ନେ ସେଲାମ୍ବୁଏଃ ରେମୁଆଁ ଏତେ ନେବାଲିର୍‍କେ । 
\v 14 ମେଇଂ ବିତ୍‍ରେ ଥିୟଟିରା ସଅରନେ କଡ଼େଆଁ ପାଟାଇ ସୁସଡିଂକ୍ନେ ଲୁଦିଆ ତେମ୍ନିକ୍ନେ ମୁଇଂ ସେଲାମ୍ବୁଏଃ ଲେଃଗେ । ମେଁ ଇସ୍‍ପର୍‍କେ ପାର୍‌ତନା ଡିଂଡିଂଗେ ଆରି ପାଉଲ୍‍ ମେଃନେ ବାଲିର୍‍ ଡିଂଗେ ଆତେନ୍‌‍ ମାଣ୍ଡା ଦ୍ରିଗ୍‍ସାଚେ ମାନେଃ ନ୍‌ସା ମାପ୍‌ରୁ ମେଁନେ ଜିବନ୍‌ ରଃବିଃକେ । 
\v 15 ମେଁ ଆରି ମେଁନେ ଡୁଆଣ୍ଡ୍ରେ ସାପାରେ ଣ୍ଡିଆନ୍ନିଆ ଡୁବନ୍‌ ଡୁଂଡକ୍ନେ ଇଡ଼ିଙ୍ଗ୍‌ ଆମେକେ ସାର୍ଲଚେ ବାଲିର୍‍କେ “ମାପ୍‌ରୁନେ ଡାଗ୍ରା ସତ୍‌ରେ ନେଙ୍ଗ୍‌ନେ ବିସ୍‌ବାସ୍‌ ଲେଃକେ ଡାଗ୍‍ଚେ ଜଦି ପେ ବିଚାର୍‌ ଡିଙ୍ଗ୍‌ପେଡିଙ୍ଗ୍‌କେ ତେଲା ପାଙ୍ଗ୍‍ଚେ ନେଙ୍ଗ୍ ଡୁଆ ଲାଲାପା ।” ମେଁ ଦେକ୍‍ରକମ୍‍ ବାବ୍‍ରେ ମେଁ ଡୁଆ ୱେନ୍‍ସା ଆନେକେ ବାଲିର୍‍କେ ।
\s ଫିଲିପ୍‌ପୀନେ କ‍ଏଦ୍‌ ଡୁଆନ୍ନିଆ ପାଉଲ୍‍ ଆରି ଶୀଲା
\p
\v 16 ମେସୁଆ ନେ ପାର୍‌ତନା ଜାଗା ୱେବେଲା ମୁଇଂ ଚାକର୍‌ବୁଏଃକେ ନେକୁଡ଼େକେ । ମେଁ ବିତ୍‍ରେ ଲେଃକ୍ନେ ବୁତ୍‌ ଆତ୍ମାନେ ବପୁ ଏତେ ମେଁ ଅସେନେ ସାମୁଆଁ ବାଲିର୍‍ ୟାଡିଙ୍ଗେ । ମେଁ ରେମୁଆଁଇଂନେ ବାଗ୍ୟ ଏଜାଚେ ମାଲିକ୍‍ଇଂନେସା ଜବର୍‍ ଡାବୁ ରାସିଙ୍ଗ୍‌ ଡିଙ୍ଗେ । 
\v 17 ମେଁ ପାଉଲ୍‌ ଆରି ନେଇଂନେ ପ୍ଲା ପାଙ୍ଗ୍‍ଚେ ୱାସାର୍‍ଚେ ବାଲିର୍‍କେ, “ଆକେନ୍‍ ରେମୁଆଁଇଂ ସର୍‍ତେ ମ୍ୟାକ୍ନେ ଇସ୍‍ପର୍‍ନେ ସେବକ । ପେ ଡିଡି ଉଦାର୍‍ ପେବାଏ ଏନ୍ ସାମୁଆଁ ମେଇଂ ବାଲିର୍‍ଡିଙ୍ଗ୍‌କେ ।” 
\v 18 ସେଲାମ୍ବୁଏଃ ମାଲେ ସି ସାଚେ ଡେକୁଆ ଡିଙ୍ଗ୍‌କେ ସାରାସାରି ବେଲା ପାଉଲ୍‍ ଗିସେଚେ ପ୍ଲା ପାକା ପୁଏଚେ ବୁତ୍‌ ଆତ୍ମାକେ ଦମକ୍‍ ବିଚେ ବାଲିର୍‍କେ, “ଜିସୁ କିସ୍‌ଟନେ ମ୍ନିରେ ଆଦେସ୍‍ ବିଣ୍ଡିଂକେ ମେଁବାନ୍‍ ତାର୍‍ ଲାଗ୍‍ଡଲା” ଆତେନ୍‌‍ ବେଲା ପ୍ରେତଆତ୍ମା ମେଁବାନ୍‍ ତାର୍‍ ଲାଗ୍‍ଡକେ । 
\v 19 ଉଡ଼ିବେଲା ମେଁନେ ମାଲିକ୍‍ଇଂ ଆକେନ୍‍ ସାପା କେଆର୍‍କେ । ମେଁଇଂ ମ୍ୟାଃଆର୍‍କେ ଜେ ମେଁଇଂ ଆରି ଆକେନ୍‍ ସେଲାବାନ୍‍ ଡାବୁ ରାସିଙ୍ଗ୍‌ନେ ଆସା ଣ୍ଡୁ । ତେସା ମେଇଙ୍ଗ୍ ପାଉଲ୍‍ ଆରି ଶୀଲାକେ ସାଚେ ଇନିନେ ମଜେ ଲେଃକ୍ନେ ରୋମୀୟ ମ୍ନାନେତା ଡାଗ୍ରା ୱା ଡୁଙ୍ଗ୍‌ପାଙ୍ଗ୍‍ଆର୍କେ 
\v 20 ରୋମିୟ ବିଚାର୍ ଡିଂଣ୍ଡ୍ରେ ଡାଗ୍ରା ବାସଙ୍ଗ୍‌ଆର୍କେ, “ଆକେନ୍‍ ରେମୁଆଁଇଂ ଜିଉଦି ମେଇଂ ନେଁ ଇନି ୱିଙ୍ଗ୍‌ଆ ଡିଙ୍ଗ୍ଆର୍‍କେ । 
\v 21 ମେଁଇଙ୍ଗ୍‌ନେ ନିୟମ୍‌ ବିରୁଦ୍‍ରେ ନିୟମ୍‌ ଆମ୍ୟାଃ ବିଃଡିଂଆର୍‍କେ । ନେ ରୋମୀୟ ରେମୁଆଁ ତେନ୍‍ସା ଆକେନ୍‍ ସାପା ନିୟମ୍‌ ଗ୍ର‍ଅନ୍‌‍ ଡିଂ ନେୟା ଣ୍ଡୁ ଆତେନ୍‌‍ଇଂ ନେ ମାନେଃ ନେୟା ଣ୍ଡୁ ।”
\p
\v 22 ମାଲିକ୍‍ଇଂନେ ସାମୁଆଁ ସାଚେ ଆତ୍‍ତେ ଲେଃକ୍ନେ ରେମୁଆଁଇଂ ପାଉଲ୍‍ ଆରି ସିଲାନେ ବିରୁଦ୍‌ରେ ତଃଡ଼ିଆଆର୍କେ । ପାଉଲ୍‍ ଆରି ସିଲାଇଂନେ ସକା ପାଟାଇ ତଚେ ଆମେଇଂକେ ଡୁଡୁ ଏତେ ବଗ୍‍ନେ ନ୍‍ସା ମ୍ନାନେତା ଆଦେସ୍‍ ବିକେ । 
\v 23 ମେଇଂ ଜବର୍‍ ମାଡ୍‍ ଚଂକ୍ନେ ଇଡ଼ିଙ୍ଗ୍‌ ମେଇଂ କଏଦ୍‍ ଡୁଆନ୍ତୁଗ୍‍ ଆଗାଆର୍କେ ଆରି ଆମେଇଂକେ କୁଚି ତ୍ଲାଗ୍‍ଚେ ଉର୍‍ଲେଃ ନ୍‍ସା କଏଦ୍‍ ଜାଗ୍‍ୱାଲିଇଂକେ ଆଦେସ୍‍ ବିଆର୍‌କେ । 
\v 24 ଆକେନ୍‍ ଆଦେସ୍‍ ବାଆର୍‍ଚେ କଏଦ୍‍ ଜାଗୁଆଲ୍‍ଇଂ ଆମେଇଂକେ ମୁଇଂ ବିତ୍‍ରେ ଡୁଆ ଆଗାଚେ ମେଁ ମେଇଂନେ ଞ୍ଚକେ ମ୍ନା କଟ୍‍ଲାନ୍ନିଆ ଗାଗ୍ଆର୍କେ ।
\p
\v 25 ସିଂତାର୍‍ବ ବେଲା ପାଉଲ୍‍ ଆରି ଶୀଲା ପାର୍‌ତନା ଡିଂଆର୍‍ଡିଂଗେ ଇସ୍‍ପର୍‍ନେ ମ୍ନିରେ ଅସ୍‍ମାର୍‍ ସାର୍‍ ଡିଂଆର୍‌ଗେ ଆରି କଏଦ୍‍ଇଂ ଆକେନ୍ ଅଁଡିଂଆର୍‍ଗେ । 
\v 26 ମାରିଆଃତୁଗ୍‍ ମ୍ନା ବୁମିକମ୍ପ୍ ଡିଂକେ ଆରି ଜେଲ୍‌କାନାନେ ପାଣ୍ଡୁସନ୍ ବ୍ରି ଲାଜୁର୍‍ ବିକେ । ସାଙ୍ଗେ ସାଙ୍ଗେ ସର୍‍ତେ କାପାଟ୍‍ ରଃୱେଗେ ଆରି ସର୍‍ତେ ଜେଲ୍‌ଇଂନେ ସିକ୍ଲି ପଏଚଗ୍‍ ଲୱେଗେ । 
\v 27 କଇଦ୍‍ ଜାଗୁଆଲ୍‍ଇଂ ମ୍ବ୍ରିଆଚେ ତଡ଼ିଆଆର୍କେ ଆରି କଏଦ୍‍ ଡୁଆନେ କାପାଟ୍‍ ସର୍‍ତେ ରଃକ୍ନେ କେଚେ ବାବେଆର୍କେ ଜେ କଏଦ୍ଇଂ ଡଆର୍‍ଗେ; ତେନ୍‍ସା ମେଁ ମେଇଂନେ କାଣ୍ଡା ଆତାର୍‍ଚେ ଗୁଏଃ ନ୍‌ସା ଆରାମ୍‍ ଡିଂଆର୍‍ଡିଂଗେ । 
\v 28 ମାତର୍‍ ପାଉଲ୍‍ ଜବର୍‍ ୱାସାର୍‍ଚେ ବାଲିର୍‍କେ “ପେ ମେଃଡିଗ୍‍ କେତି ଆଡିଂଗେପା । ନେ ସର୍‍ତେରେ ଆକ୍‍କେ ନେଲେଃକେ !”
\p
\v 29 କଏଦ୍‍ ଜାଗୁଆଲ୍‍ଇଂ କୁପିସ ଡୁଙ୍ଗ୍‍ପାଙ୍ଗ୍‍ଆର୍କେ ଆରି ବିତ୍‍ରେ ୱିର୍‍ଗାଚେ ବୁଟ ବୁଟଚେ ପାଉଲ୍‍ ଆରି ଶୀଲା ଞ୍ଚ ଆଲ ଲଃୱେଆର୍କେ । 
\v 30 ତେନ୍‍ ଇଡ଼ିଙ୍ଗ୍‌ ଆମେଇଂକେ ବାଏରେ ୱା ଡୁଂତାର୍‍ଚେ ସାଲିଆକୁଆର୍କେ, “ମାପ୍‌ରୁଇଂ ! ଉଦାର୍‍ ବାନ୍‍ସା ଆନେକେ ମେଃ ଡିଂ ପଡ଼େଏ ?”
\p
\v 31 ମେଇଂ ବାଲିର୍‍କେ “ମାପ୍‌ରୁ ଜିସୁକେ ବିସ୍‍ବାସ୍‍ ପେଡିଂଲା ପେନେ ଡୁଆଣ୍ଡ୍ରେ ସର୍‍ତେରେ ଉଦାର୍‍ ପେବାଏ” 
\v 32 ତେନ୍‍ ଇଡ଼ିଙ୍ଗ୍‌ ମେଇଂ ଆମେଇଂକେ ଆରି ମେଇଂ ଡୁଆନେ ବିନ୍‍ ସର୍‍ତେରେକେ ମାପ୍‌ରୁନେ ସାମୁଆଁ ବାଲିର୍‌ଆର୍କେ । 
\v 33 ମିଡିଗ୍‍ନେ ଆତେନ୍‌‍ ବେଲା କଏଦ୍‍ ଜାଗୁଆଲ୍‍ ଆମେଇଂକେ ଡୁଙ୍ଗ୍‍ୱେଚେ ମେଇଂନେ ଚିନାବାନା ସର୍‍ତେ ଚୁ ବିଆର୍‌କେ ବାରି ଡୁଆଣ୍ଡ୍ରେ ସର୍‍ତେରେ ଆତେନ୍‌‍ ବେଲା ଡୁବନ୍‌ ଡୁଂଡଆର୍କେ । 
\v 34 ଆତେନ୍‌‍ ଇଡ଼ିଙ୍ଗ୍‌ ମେଁ ପାଉଲ୍‍ ଆରି ଶୀଲାକେ ମେଇଂ ଡୁଆ ୱା ଡୁଙ୍ଗ୍‍ୱିଗ୍‍ଚେ ଚଂନେ ବିଆର୍‌କେ । ଇସ୍‍ପର୍‍କେ ବିସ୍‍ବାସ୍‍ ଡିଂଲେଃକ୍ନେ ନ୍‍ସା ମେଁ ଆରି ମେଇଂ ଡୁଆନେ ସର୍‍ତେରେ ଜିବନ୍‍ ବିତ୍‍ରେ ସାର୍‍ଦା ଡିଂଆର୍କେ ।
\p
\v 35 ମାର୍‍ତଡ଼େ ଞ୍ଜିର୍‍ ରୋମୀୟ ନେତା ଚେଲାଇଂକେ ଆକେନ୍‍ ଆଦେସ୍‍ ବିଚେ ବେଆର୍କେ “ଆତେନ୍‌‍ ରେମୁଆଁଇଂକେ ଆନ୍ତାର୍‍ବିପା ।”
\p
\v 36 ତେନ୍‍ସା କଏଦ୍‍ ଜାଗୁଆଲ୍‍ ପାଉଲ୍‍କେ ବାଲିର୍‍କେ “ମ୍ନା ନେତା ଆନାକେ ଆରି ଶୀଲାକେ ଆନ୍ତାର୍‍ ବିନ୍‍ସା ବାଲିର୍‍ ବେବକେ । ଏନ୍‍ବେଲା ପେ ସାନ୍ତିରେ ଆକ୍‍ବାନ୍‍ ୱିଗ୍‍ ପେୟାଏ ।”
\p
\v 37 ତେଲା ପାଉଲ୍‍ ସନ୍ୟଇଂକେ ବାଲିର୍‍କେ “ମେଃଡିଗ୍‍ ବୁଲ୍ ଡିଂନେବଲା ଡିଗ୍‍ ମେଇଂ ରେମୁଆଁଇଂ ନ୍ତୁଗ୍‍ ଆନେକେ ବଗ୍‍କେ । ନେ ରୋମୀୟ ରେମୁଆଁ ଏଲେଣ୍ଡିଗ୍‍ ମେଇଂ ଆନେକେ ଗାଗ୍‍ ଆର୍କେ । ଅଃକେନ୍‍ ବେଲା ମେଇଂ ଆନେକେ ବୁଡ଼ିଚେ ଆନ୍ତାର୍‍ ବିନ୍‍ସା ଚାଏଁ ଡିଂଆର୍କେ । ନେ ଆକେନ୍‍ ଆଡିଂନେ ନେବିକେ ଣ୍ଡୁ । ରୋମୀୟ ନେତା ନିଜେ ଆକ୍‍କେ ପାଙ୍ଗ୍‍ଚେ ଆନେକେ ଆନ୍ତାର୍‍ ବିଲେ ।”
\p
\v 38 ସନ୍ୟଇଂ ରୋମୀୟ ନେତାଇଂକେ ଆକେନ୍‍ ସାମୁଆଁ ବାଲିର୍‍ଆର୍କେ । ପାଉଲ୍‍ ଆରି ଶୀଲା ରୋମୀୟ ରେମୁଆଁ ଡାଗ୍‍ଚେ ଅଁଚେ ମେଁଇଂ ବୁଟମେଗ୍ ଆର୍କେ । 
\v 39 ତେନ୍‍ ଇଡ଼ିଙ୍ଗ୍‍ ୱେଚେ ମେଇଂ ଡାଗ୍ରା ଗୁଆରି ଡିଙ୍ଗ୍‌ ଆର୍କେ ଆରି ମେଇଂକେ କଏଦ୍‍ ଡୁଆବାନ୍‍ ଆନ୍ତାର୍‍ଚେ ସହର ଆନ୍ତାର୍‍ ଡଲାପା ଡାଗ୍‍ଚେ ବାଲିର୍‌କେ । 
\v 40 ପାଉଲ୍‍ ଆରି ଶୀଲା କଏଦ୍‍ ଡୁଆ ଆନ୍ତାର୍‍ଚେ ଲୁଦିଆନେ ଡୁଆ ୱେଆର୍କେ । ଆତ୍‍ତେ ମେଇଂ ବୟାଁଇଂ ଏତେ କୁଡ଼େଆର୍କେ ଆରି ମେଇଂକେ ସାର୍‌ଦା ଆଡିଂଚେ ଆତେନ୍‌‍ ଟାନ୍ ଆନ୍ତାର୍‍ଚେ ଲାଗ୍‌ଡଆର୍କେ ।
\c 17
\s ତେସଲନିକିନ୍ନିଆ ସେବା କାମ୍
\p
\v 1 ପାଉଲ୍‍ ଆରି ଶୀଲା ଆମ୍ପିପଲି ଆରି ଆପଲ୍ଲୋନ୍ନିଆ ଗାଲି ବିଚେ ଥେସଲନିକୀକେ ପିଙ୍ଗ୍‍ଚା ଆର୍କେ । ଆତ୍‍ଅରିଆ ଜିଉଦିଇଂନେ ମୁଇଂ ପାର୍‌ତନା ଡୁଆଇଂ ଲେଃଗେ । 
\v 2 ପାଉଲ୍‍ ମେଇଂ ନିୟମ୍‍ ଅନୁସାରେ ମେଇଂନେ ଡାଗ୍ରା ୱେକେ ବାରି ଞ୍ଜିକ୍ଲିଗ୍‌ ସାନ୍ତା କାଲା ଜାକ ଦରମ୍‌ ସାସ୍ତର୍‌ନେ ବ୍ନାଲିର୍‌ ସାଚେ ଆମେଇଂକେ ଆଦେସ୍‌ ବିକେ । 
\v 3 ଦରମ୍‍ ସାସ୍ତର୍‌ ଗୁଆର୍‍ଚେ ଆରି ଆଃବୁଜେଚେ ପର୍‌ମାନ୍‍ ଡିଂକେ ଜେ କିସ୍‌ଟନେ ଦୁକ୍‌ବାନେ ଆରି ଗୁଏଚେ ତଡ଼ିଆନେ ଦର୍‌କାର୍ ଲେଃଗେ । ପାଉଲ୍‍ ବାଲିର୍‍କେ “ମୁଡ଼ି ଜିସୁନେ ସାମୁଆଁ ନେଙ୍ଗ୍‍ ବାଲିର୍‍ ଣ୍ଡିଂକେ ମେଁ ଆତେନ୍‌‍ ମସିହ ।” 
\v 4 ମେଇଂ ବିତ୍‍ରେ ଉଡ଼ିରୁଆ ଆକେନ୍‍ ଆବୁଜେଚେ ରାସିଙ୍ଗ୍‌ଚେ ପାଉଲ୍‍ ଆରି ଶୀଲାଇଂ ଏତେ କୁଡ଼େଆର୍କେ; ଡେତୁଆ ସତ୍‍ ପରମେସର୍‍କେ ପାର୍‌ତନା ଡିଂଆର୍‍ଡିଂକ୍ନେ ଗୁଲେ ଗ୍ରୀକ୍‌ ରେମୁଆଁ ବାରି ଗୁଲେ ନିମାଣ୍ଡା ସେଲାମ୍ବୁଏଃଇଂ ଡିଗ୍‍ ମେଇଂ ଏତେ ମିସୁଆର୍କେ ।
\p
\v 5 ଏଲେଡିଗ୍‍ ଜିଉଦିଇଂ ଇଂସା ଡିଂଆର୍କେ ଆରି ଉଡ଼ିରୁଆ ଦଦ୍ୟା‍ ରକମ୍‍ନେ ରେମୁଆଁଇଂକେ ରାସିଂଚେ ସର୍‍ତେ ଇନିପାକା ଆଅଁ ବିଆର୍‌କେ । ମେଇଂ ପାଉଲ୍ ଆରି ଶୀଲାକେ ତୁର୍‍ଚେ ରେମୁଆଁଇଂ ଡାଗ୍ରା ଡୁଙ୍ଗ୍‍ପାଙ୍ଗ୍‍ ନ୍‍ସା ଜେସନ୍‍ ତେମ୍ନିକ୍ନେ ମୁଇଂ ରେମୁଆଁ ଡୁଆକେ ଗେରେଆର୍କେ । 
\v 6 ଏଲେଣ୍ଡିଗ୍‍ ଆତ୍‍ଅରିଆ ପାଉଲ୍ ଆରି ଶୀଲାକେ ମାଅବାଚେ ମେଇଂ ଜେସନ୍‍ ଆରି ବିନ୍‍ ଉଡ଼ିରୁଆ ବୟାଁଇଂକେ ଇନିବାନ୍‍ ଇନିନେ ନେତାଇଂ ଡାଗ୍ରା ଗୁ ଡୁଙ୍ଗ୍‍ୱେଚେ ୱାସାର୍‍ଚେ ବାଲିର୍‍ଆର୍କେ “ଏନ୍‍ ରେମୁଆଁଇଂ କ୍ଲିଗ୍‍ ମଞ୍ଚ୍‌ପୁର୍‌କେ ଉଲ୍‍ଟା ପାଲ୍‍ଟା ଆଃଡିଂଆର୍‍ଡିଂକେ ! ଏବେ ଆକ୍‍ମେଇଂ ନେଁ ଇନି ପାଙ୍ଗ୍‍ଲେଃ ଆର୍କେ । 
\v 7 ଜେସନ୍‍ ଆମେଇଂକେ ମେଁ ଡୁଆ ବକେ । ଜିସୁନେ ମ୍ନିରେ ଆର୍‍ମୁଇଂଜା ଇଃସାଙ୍ଗ୍‌ ଲେଃକେ ଡାଗ୍‍ଚେ ବାଲିର୍‍ଚେ ମେଇଂ କାଇସରନେ ସର୍‍ତେ ନିଅମ୍‍ ମାନେଃ ଆଡିଂଆର୍‍କେ ।” 
\v 8 ଆକେନ୍‍ ସାମୁଆଁ ବାଲିର୍‍ଚେ ମେଇଂ ରେମୁଆଁକେ ଆରି ଇନି ନେତାଇଂ ବିତ୍‍ରେ ଜବର୍‍ ୱିଙ୍ଗ୍‍ଆଁରିଙ୍ଗ୍‌ଆ ତାର୍‌କେ । 
\v 9 ଇନି ନେତାଇଂ ଜେସନ୍‍ ଆରି ବିସ୍‍ବାସିଇଂବାନ୍‍ ଡାବୁ ଡୁଙ୍ଗ୍‍ୱିଗ୍‍ଚେ ଆମେଇଂକେ ଜାମିନ୍‌ରେ ଆନ୍ତାର୍‍ ବିଆର୍‌କେ ।
\s ବେରିଆନ୍ନିଆ ସେବା କାମ୍
\p
\v 10 ମିଡିଗ୍‌କ୍ନେ ଦାପ୍ରେ ବୟାଁଇଂ ପାଉଲ୍ ଆରି ଶୀଲାକେ ବେରିଆ ପାକା ବେବିଆର୍କେ । ମେଇଂ ଆତ୍‍ଅରିଆ ୱେଚାଚେ ଜିଉଦିଇଂନେ ପାର୍‌ତନା ଡୁଆ ଡାଗ୍ରା ୱେଆର୍କେ । 
\v 11 ଥେସଲନିକୀନେ ରେମୁଆଁଇଂକେ ବାଦୁଲ୍‍ରେ ଆତ୍‍ନେ ରେମୁଆଁଇଂ ଜବର୍‍ ଦୟାବାନ୍‍ଣ୍ଡ୍ରେ ଲେଃଆର୍‍ଗେ । ମେଇଂ ଜବର୍‍ ସାର୍‍ଦାରେ ସିସ୍‍ଇଂନେ ପ୍ରସ୍‌ନ ଅଁଆର୍କେ ଆରି ପାଉଲ୍‍ନେ ସତ୍‍ ବ୍ନାଲିର୍‍ ମେଃନେ ଆତେନ୍‌‍ ମ୍ୟାନ୍‍ସା ଦିନ୍‍କେ ଦରମ୍‌ ସାସ୍ତର୍‌ ଲଆର୍କେ । 
\v 12 ମେଇଂ ବିତ୍‍ରେ ଜବର୍‍ ବିସ୍‍ବାସ୍‍ ଡିଂଆର୍କେ । ଗୁଲେରେ ସମ୍ରାନ୍ତ ଗ୍ରୀକ୍‌ ସେଲାମ୍ୱୁଏଇଂ ଆରି ଙ୍ଗିର୍‌ବଏଃ ରେମୁଆଁଇଂ ଡିଗ୍‍ ବିସ୍‍ବାସ୍‍ ଡିଂଆର୍କେ । 
\v 13 ଏଲେଣ୍ଡିଗ୍ ଉଡ଼ିବେଲା ଥେସଲନିକୀ ଜିଉଦିଇଂ ମ୍ୟାଃଆର୍କେ ଜେ ବେରିଆ ନ୍ତୁଗ୍‍ ଣ୍ଡିଗ୍‍ ପାଉଲ୍‍ ଇସ୍‍ପର୍‍ନେ ସାମୁଆଁ ବାଲିର୍‍ ଡିଂଆର୍‍କେ ମେଇଂ ଆତ୍‍ତେ ପାଙ୍ଗ୍‍ଚେ ୱିଙ୍ଗ୍‍ଆନେ ନ୍‍ସା ରେମୁଆଁଇଂକେ ବାସଙ୍ଗ୍‌ଆର୍କେ । 
\v 14 ଅଃତେନ୍‌ ବେଲା ବୟାଁଇଂ ପାଉଲ୍‍ଇଂକେ କେଣ୍ଡିଆ ଡାଗ୍ରା ବେବିଆର୍କେ; ମାତର୍ ଶୀଲା ଆରି ତିମତି ମ୍ୱାୟା ବେରିଆନ୍ତୁଗ୍‍ ଲେଃୱେଆର୍‍ଗେ । 
\v 15 ପାଉଲ୍‍ଇଂକେ ଡୁଙ୍ଗ୍‍ୱେକ୍ନେ ରେମୁଆଁଇଂ ମେଁ ଏତେ ଆଥେନ୍‌ସ୍ ଜାକ ୱେଆର୍କେ । ଆତ୍‍ବାନ୍‍ ମେଇଂ ବେରିଆ ପାକା ଆଣ୍ଡେଚେ ଶୀଲା ଆରି ତିମତିଇଂକେ ବାଲିର୍‍ଆର୍କେ ମେଇଂ ଗିଆ ପାଉଲ୍‍ଇଂ ଏତେ ମିସୁ ବିଃପା ଡାଗ୍‍ଚେ ପାଉଲ୍‍ ଆଦେସ୍‌ ବିକେ ।
\s ଆଥେନ୍‌‍ସ୍‍ନ୍ନିଆ ପାଉଲ୍‍ନେ ସେବା କାମ୍
\p
\v 16 ଆଥେନ୍‌ସ୍‌ନ୍ନିଆ ଶୀଲା ଆରି ତିମତିଇଂକେ ଉର୍‍ ଲେଃକ୍ନେ ବେଲା ଇନିନ୍ନିଆ ସଇତାନ୍‍ ମୁର୍‍ତିରେ ବର୍‍ତି ଡିଂଲେଃକ୍ନେ ପାଉଲ୍‍ କେଚେ ଜାବର୍‌ ଆତ୍ମାନ୍ନିଆ ଗାବ୍‌ରା ଡିଂୱେକେ । 
\v 17 ତେନ୍‍ସା ମେଁ ପାର୍‌ତନା ଡୁଆ ନ୍ତୁଗ୍‍ ଜିଉଦିଇଂ ଏତେ ଇସ୍‍ପର୍‍ନେ ପାର୍‌ତନା ଡିଂଣ୍ଡ୍ରେ ଅଣଜିଉଦି‍ଇଂ ଏତେ ଆକେନ୍‍ ସାମୁଆଁ ଦିନ୍‍କେ ଅବାଲିର୍‍ ଆର୍କେ । ସହର୍‌ନେ ଚକ୍‍ଇଂ ଡାଗ୍ରା ୱେୱିଗ୍‍ ଡିଂଆର୍‌ଡିଂକ୍ନେ ରେମୁଆଁଇଂ ଏତେ ଆତେନ୍‌‍ ସାମୁଆଁ ଅବାଲିର୍‍ ଆର୍କେ । 
\v 18 ଉଡ଼ିରୁଆ “ଏପିକ୍ୟୁରିଆନ୍ ଆରି ସ୍ତୋୟିକ୍” ପାଟ୍‍ ଗୁରୁଇଂ ଏତେ ମେଇଂନେ ଜୁକ୍ତାଜୁକ୍ତି ଡିଂଆର୍କେ । ମେଇଂ ବିତ୍‍ରେ ଉଡ଼ିରୁଆ ବାଲିର୍‍ଆର୍କେ “ଆକେନ୍‍ ନିର୍ବୁଦି ରେମୁଆଁ ମେଁନେ ବାଲିର୍‍ନେ ନ୍‌ସା ଚେସ୍‌ଟା ଡିଂଡିଂକେ ?” ବିନ୍‍ଣ୍ଡ୍ରେ ବାଲିର୍‍ଆର୍କେ “ବିଦେସ୍‍ନେ ଦେବ୍‍ତାଇଂନେ ବିସୟ୍‍ରେ ମେଁ ବାସଙ୍ଗ୍‌‌ ଡିଂନେ ସୁଗୁଆ ଜାନା ପଡ଼େଡିଂକେ ।” ଜିସୁ ଆରି ମେଁନେ ଗୁଏଃଚେ ତଃଡ଼୍ୟାଃକ୍ନେ ବିସୟ୍‍ରେ ପାଉଲ୍‍ ପର୍‌ଚାର୍ ଡିଂଡିଂକ୍ନେ ଅଁଚେ ମେଇଂ ଦେକ୍‍ ବାସଙ୍ଗ୍‍ଆର୍କେ । 
\v 19 ତେନ୍‍ସା ମେଇଂ ପାଉଲ୍‍ଇଂକେ ସା ଡୁଙ୍ଗ୍‍ୱେଆର୍କେ ଆରି ଆମେଇଂକେ ଏରିୟପାଗସ୍‍ ମ୍ନିକ୍ନେ ଇନି କୁକପାର୍‌ନ୍ତୁଗ୍‍ ଡୁଙ୍ଗ୍‍ପାଙ୍ଗ୍‍ଚେ ବାଲିର୍‍ଆର୍କେ “ପେ ଆଣ୍ଡିନେ ତ୍ମି ଗ୍ୟାନ୍‌ ନ୍‍ସା ବାଲିର୍‍ ପେଡିଙ୍ଗ୍‍କେ ତେନ୍‍ ସାମୁଆଁ ନେ ଣ୍ଡିଙ୍ଗ୍‍ ନେମ୍ୟାଏ । 
\v 20 ନା ବାଲିର୍‍ ନାଡିଂକ୍ନେ ଉଡ଼ି ସାମୁଆଁ ଆନେକେ କାବା ଲାଗେଡିଂକେ । ନେ ଆତେନ୍‌‍ ଅର୍ତ ମ୍ୟାନେ ଚାଏଁନେଡିଂକେ ।” 
\v 21 ଆଥେନ୍‌ସ୍‌ନେ ରେମୁଆଁଇଂ ଆରି ଆତ୍‍ତେ ଲେଃଡିଂକ୍ନେ ବିଦେସୀଇଂ ତ୍ମି ସାମୁଆଁ ଅଁନ୍‍ସା ଆରି ବାଲିର୍‍ନ୍‌ସା ମାଣ୍ଡା ବଲ୍‍ବା ଡିଂଆର୍‌ଗେ । ଆକ୍‍କେ ମେଇଂ ଗୁଲୁଏ ପର୍ ଲେଃଆର୍‍ଗେ ।
\p
\v 22 ପାଉଲ୍‍ ଆରିୟପାଗସ୍‍ ସବା ସାମ୍‍ନେ ତୁଆଁଚେ ବାଲିର୍‍କେ “ଆଥେନ୍‌ସ୍‌ନେ ରେମୁଆଁଇଂ ପେ ସର୍‍ତେରେ ସାପା ଦରମ୍‍ କରମ୍‌ନ୍ନିଆ ଦରମ୍ ପେଲେଃକେ ଡାଗ୍‌ଚେ ନେ ଏତେ ନେଡିଂକେ । 
\v 23 ନେଙ୍ଗ୍‍ ପେନେ ଇନି ଅଲେଙ୍ଗ୍‍ ୱେବେଲା ପେନେ ପୁଜା ଜିନିସ୍ ଙ୍କେକେ ।” ମୁଇଂ ଜଗ୍ୟ ବେଦି ଆଡ଼ାତ୍ରା ଗୁଆର୍‍ବକ୍ନେ ମୁଇଂ ଇସ୍‍ପର୍‍ ଆଜାକେ ନେ ନେମ୍ୟାକେ ଣ୍ଡୁ ତେସା ପେ ମାମ୍ୟାଚେ ଆଜାକେ ପୁଜା ଡିଂ ପେଡିଂକେ ନେଙ୍ଗ୍‍ ମେଁନେ ସାମୁଆଁ ପେ ଡାଗ୍ରା ବାଲିର୍‍ଣ୍ଡିଂକେ । 
\v 24 \x + \xo ୧୭:୨୪ \xo*\xt ପ୍ରେରିତ୍‌ ୭:୪୮.\xt*\x*ଇସ୍‍ପର୍‍ ମଞ୍ଚ୍‌ପୁର୍‌ ଆରି ଆତ୍‍ଅରିଆ ଲେଃକ୍ନେ ସର୍‍ତେ ସାମୁଆଁ ଆଃରେକେ । ମେଁ କିତଂଇନି ଆରି ମଞ୍ଚ୍‌ପୁର୍‌ନେ ମାପ୍‌ରୁ । ରେମୁଆଁ ନ୍ତିରେ ଆଃରେକ୍ନେ ମନ୍ଦିର୍‍ଇଂ ଡାଗ୍ରା ମେଁ ଆଲେଃ ଣ୍ଡୁ । 
\v 25 ନେ ମେଇଂ ନ୍‍ସା ସ୍ଲେଚେ ଆମେଇଂକେ ବିଃ ୟାକେ ସୁଗୁଆ ମେଃଣ୍ଡିଗ୍‍ ସାମୁଆଁ ଆଚାଏଁ ଣ୍ଡୁ; ମାତର୍‍ ମେଁ ସର୍‍ତେରେ ଜିବନ୍‍, ଜିବନ୍‍ୱେଡ଼ିଆ ଆରି ସର୍‍ତେ ଦର୍‍କାର୍‍ନେ ବିସୟ୍ ବିବକେ । 
\v 26 ମୁଇଂ ରେମୁଆଁବାନ୍‍ ମେଁ ସର୍‍ତେ ରେମୁଆଁ ବଂସକେ ଆଃରେବକେ ଆରି ମେଁନେ ସାମୁଆଁରେ ମେଇଂ ମଞ୍ଚ୍‌ପୁର୍‌ନେ ସର୍‍ତେ ଟାନ୍‍ନ୍ତୁଗ୍‍ ଲେଃଡିଂକେ । ଉଡ଼ିବେଲା ଜାଣ୍ଡେ ଆଣ୍ଡିଡାଗ୍ରା ଲେଃଏ ମୁଲେବାନ୍‍ ଇସ୍‍ପର୍‍ ଆତେନ୍‌‍ ତିଆର୍ ଡିଂବକେ । 
\v 27 ମେଁନେ ଉଦେସ୍ ଲେଃଗେ ସାପାରେ ଡିଡିକି ଆମେକେ ତୁର୍‍ଚେ ଅବାଆର୍‍ଏ । ଏଲେଡିଗ୍‍ ବାସଙ୍ଗ୍‍ନେ ୱେଲା ଇସ୍‍ପର୍‍ ଜା ଡାଗ୍ରାବାନ୍‍ ଡିଗ୍‍ ସ୍ଲ ଆୱେ ଣ୍ଡୁ । 
\v 28 ଡାଗ୍ଲା ନେ ମେଁ ଏତେ ଲେଃନେଡିଂକେ ମେଁ ଏତେ ଅଲେଙ୍ଗ୍‍ ନେଡିଂକେ
\q1 ବାରି ମେଁ ଡାଗ୍ରା ନେଁନେ ଞ୍ଚିୟା ଲେଃକେ ।
\m ପେ ବିତ୍‍ରେବାନ୍‍ ଉଡ଼ିରୁଆ ଗୁଆର୍‍ରେ ଡିଗ୍‍ ଆକେନ୍‍ ବାଲିର୍‍ବକେ ଜେ
\q1 “ନେ ଣ୍ଡିଗ୍‍ ମେଇଂନେ ଉଙ୍ଗ୍‍ଡେ ।”
\m
\v 29 “ନେ ଇସ୍‍ପର୍‍ନେ ଉଂ ଡିଂନେଲେଃକେ ସା ରେମୁଆଁଇଂନେ କୁଲିବୁତିନ୍‍ସା ଆଃରେକ୍ନେ ମୁର୍‍ତି ଡାଗ୍‍ଚେ ବାବେ ଣ୍ଡୁ ବାରି ସୁନା ଡାବୁ କି ରୁପା ଡାବୁ କି ମୁଲ୍ୟବାନ୍ ବ୍ରି ସୁଗୁଆ ବୁଜେନେ ନେନେ ଟିକ୍ ଣ୍ଡୁ । 
\v 30 ରେମୁଆଁଇଂ ଇସ୍‍ପର୍‍କେ ଆମ୍ୟାକ୍ନେ ବେଲା ମେଁ ଦସ୍‍ ସା ଆବଗେ ଣ୍ଡୁ ଏଲେଣ୍ଡିଗ୍‍ ଏବେ ମେଁ ସର୍‍ତେ ପାକା ସର୍‍ତେରେକେ ମେଇଂନେ ପାପ୍‍ ଗାଲିବାନ୍‍ ଆଣ୍ଡେ ପାଙ୍ଗ୍‌ନ୍‍ସା ବାଲିର୍‍ ଡିଂଆର୍କେ । 
\v 31 ମେଁ ମେସୁଆ ଆଃରେବକେ । ତେନ୍‍ କାଲା ମେଇଂନେ ସ୍ରିବ୍ନ ରେମୁଆଁଇଂ ଏତେ ସର୍‍ତେ ଦର୍‌ତନି ନ୍ୟାୟ୍‍ ବିଚାର୍‌ ଡିଂଏ । ତେନ୍‍ ରେମୁଆଁଇଂ ଗୁଏକ୍ନେବାନ୍ ଆଃତଡ଼ିଆକ୍ନେ ନ୍‍ସା ମେଁ ଆକେନ୍‍ ସାମୁଆଁନେ ସତ୍‌ ସାପାରେକେ ସାକି ବିଃବ‍ଆର୍‌କେ ।”
\p
\v 32 ପାଉଲ୍‍ବାନ୍‍ ଗୁଏଚେ ତଃଡ଼ିଆକ୍ନେବାନ୍‍ ତଡ଼୍ୟାକ୍ନେ ସାମୁଆଁ ଅଁଚେ ମେଇଂ ବିତ୍‍ରେ ଉଡ଼ିରୁଆ ଆମେଇଂକେ ଲୁଆଃଆର୍କେ, ଏଲେଡିଗ୍ ବିନ୍‍ ରେମୁଆଁ ବାଲିର୍‍କେ “ନାବାନ୍‍ ଆକେନ୍‍ ସାମୁଆଁକେ ନେ ବାରି ମୁଇଂତର୍‍ ଅଁନେ ଚାଏଁନେଡିଂକେ ।” 
\v 33 ଦେତ୍‌ରକମ୍ ପାଉଲ୍ କୁକପାର୍‍ବାନ୍ ତାର୍ ଲାଗ୍‍ଡଗେ । 
\v 34 ଡାୟୋନିସିଅସ୍‍ ମ୍ନିକ୍ନେ ଇନି କପାର୍‍ନେ ମୁଇଂ ରେମୁଆଁ ଦାମାରୀ ନାମ୍ନି ମୁଇଂ ସେଲାମ୍ବୁଏଃ ଆରି ଉଡ଼ିରୁଆ ବିସ୍‍ବାସ୍‍ ଡିଂଆର୍କେ ଆରି ମେଇଂ ଏତେ ମିସୁ ବିଆର୍‌କେ ।
\c 18
\s କରିନ୍ଥିନ୍ନିଆ ପାଉଲ୍‍ନେ ସେବା କାମ୍
\p
\v 1 ଆକେନ୍‍ ଇଡ଼ିଂ ପାଉଲ୍‍ ଆଥେନ୍‌ସ୍ ଆନ୍ତାର୍‍ଚେ କରିନ୍ଥ ପାକା ଲାଗ୍‍ଡଗେ । 
\v 2 ଆତ୍‍ତେ ମେଁ ପନ୍ତସ୍‌ନ୍ନିଆ ଣ୍ଡିଆ କୁମାକ୍ନେ ବେଲା ଆକ୍ୱିଲା ତେମ୍ନିକ୍ନେ ମୁଇଂ ଜିଉଦିକେ କୁଡ଼େକେ ଇଃସାଙ୍ଗ୍‌ କ୍ଲଡିୟସ୍‍ ସର୍‍ତେ ଜିଉଦିଇଂକେ ରୋମ୍‍ ଆନ୍ତାର୍‍ନ୍‍ସା ବାଲିର୍‍ ବକ୍ନେନ୍‍ସା ମେଁ ଉଃଡ଼ି ଦିନ୍‍ ଆଲ ମେଁନେ କୁନେଃଡ଼େ ପ୍ରିସ୍କା ଏତେ ଇଟାଲୀବାନ୍‍ ପାଙ୍ଗ୍‍ଲେଃଆର୍‍ଗେ । 
\v 3 ପାଉଲ୍‍ ଆମେଇଂକେ ଆସୁଏନ୍‍ସା ୱେଚେ ମେଇଂ ଏତେ ଲେଃୱେଆର୍‍କେ, ତେନ୍‍ସା ମେଃଣ୍ଡିଗ୍‍ ମେଇଂ ସୁଗା କୁଡ଼ିଆ ଆଃରେଚେ ବ୍ରୁଆ ଲେଃଡିଂଆର୍‍କେ । ଡାଗ୍ଲା ମେଇଂ ତମ୍ବୁ ଆରେଣ୍ଡ୍ରେ । 
\v 4 ଜିଉଦି ବାରି ଗ୍ରୀକ୍‌ ରେମୁଆଁଇଂନେ ମନ୍‍କେ ମାପ୍‌ରୁ ଡାଗ୍ରା ବିସ୍‍ବାସ୍‍ ଆଡିଙ୍ଗ୍‍ଆର୍‍କ୍ନେ ନ୍‍ସା ସର୍‍ତେ ସାନ୍ତା କାଲା ମେଁ ପାର୍‌ତନା ଡୁଆନ୍ତୁଗ୍‍ ବାଲିର୍‌ ବାତା ଡିଂଆର୍‍ ଡିଂଗେ ।
\p
\v 5 ଶୀଲା ଆରି ତିମତି ମାସିଦୋନିଆବାନ୍‍ ୱିଗ୍‍କ୍ନେ ଇଡ଼ିଂ ପାଉଲ୍‍ ଜିଉଦିଇଂ ଡାଗ୍ରା ଜିସୁନେ ମାଣ୍ଡା ସାମୁଆଁ ବାଲିର୍‌ ନ୍‌ସା ଜବର୍‍ ଦିନ୍‍ ଲେଃଗେ । ବାରି ମେଁ ଜିସୁକେ କିସ୍‌ଟ ଡାଗ୍‍ଚେ ସାକି ବିଃକେ । 
\v 6 ଏଲେଣ୍ଡିଗ୍‍ ମେଇଂ ଉଡ଼ିବେଲା ଆମେଇଂକେ କସ୍‍ଟ ବିଃଆର୍‍କେ ଆରି ନାନା ରକମ୍‍ନେ ସାମୁଆଁ ବାଲିର୍‍ ଆର୍‍କେ ଗିତେନ୍‍ ବିରୁଦ୍‍ରେ ପାଉଲ୍‍ ନିଜେନେ ସକା ତାଣ୍ଡିଚେ ମେଁ ବାଲିର୍‍କେ “ଜଦି ପେ ନାସେ ପେୱେଏ ତେଲା ଆକେନ୍‍ ନେଂନେ ଦସ୍ ଣ୍ଡୁ । ନେଙ୍ଗ୍‍ ସାପା ଚେସ୍‍ଟା ଡିଂ ଆଡାମ୍ୱକେ । ନେଙ୍ଗ୍‍ ଏବାନ୍‍ ଅଣଜିଉଦିଇଂନେ ଡାଗ୍ରା ୱେଣ୍ଡିଂକେ ।” 
\v 7 ତେନ୍‍ସା ମେଁ ଆମେଇଂକେ ଆନ୍ତାର୍‍ଚେ ଇସ୍‍ପର୍‍ନେ ପାର୍‌ତନା ଡିଂମ୍ୟାଃକ୍ନେ ତିତସ୍‍ ଯୁସ୍ତ ତେମ୍ନିକ୍ନେ ମୁଇଂ ଅଣଜିଉଦିଇଂନେ ଡୁଆ ଲେଃୱେଆର୍‍ଗେ । ଯୁସ୍ତଇଂ ଡୁଆ ଇନି ପାର୍‌ତନା ଡୁଆ ଡାଗ୍ରା ଲେଃଗେ । 
\v 8 ପାର୍‌ତନା ଡୁଆନେ ମ୍ନାନେତା କ୍ରିସ୍‌ପସ୍ ଆରି ମେଇଂନେ ଡୁଆଣ୍ଡ୍ରେ ସର୍‍ତେରେ ମାପ୍‌ରୁ ଡାଗ୍ରା ବିସ୍‍ବାସ୍‍ ଡିଂ ଆର୍କେ ଆରି କରିନ୍ଥନେ ଆରି ଉଡ଼ିରୁଆ ପାଉଲ୍‍ନେ ଗ୍ୟାନ୍‌ ଅଁଚେ ବିସ୍‍ବାସ୍‍ ଡିଂଆର୍କେ ଆରି ଡୁବନ୍‌ ଡୁଂଡ ଆର୍କେ ।
\p
\v 9 ମେଁସୁଆ ମିଡିଗ୍‍ ପାଉଲ୍‍ ମୁଇଂ ମୁଃସୁଡ଼ିଂ କେକେ ଜେ, ମୁସୁଡ଼ିଂନ୍ନିଆ ମାପ୍‌ରୁ ଆମେକେ ବାଲିର୍‍କେ, “ଆବ୍‍ଟଗେ, ବାଲିର୍‍ ବାସଙ୍ଗ୍‌ଲାଃଲା, ଆତ୍‍ବାନ୍‍ ବୁଂ ଆଲେଃଗେ 
\v 10 ଡାଗ୍‍ଲା ନେଙ୍ଗ୍‍ ପେ ଏତେ ନ୍‍ଲେଃକେ । ଜାଣ୍ଡେଡିଗ୍‍ ପେନେ କ୍ୟତି ଡିଂଆୟାଆର୍‍ ଣ୍ଡୁ, ଡାଗ୍‍ଲା ଆକେନ୍‍ ଇନିନ୍ନିଆ ନେଙ୍ଗ୍‍ନେ ଜବର୍‍ ରେମୁଆଁ ଲେଃକେ ।” 
\v 11 ତେନ୍‍ସା ପାଉଲ୍‍ ଆତ୍‍ତେ ଇସ୍‍ପର୍‍ନେ ସାମୁଆଁ ବିସୟ୍‍ରେ ବୁଦି ବିଚେ ମେମୁଆଁ ଗୁ ଆର୍କେ ଲେଃଆର୍‍ଗେ ।
\p
\v 12 ଗାଲିୟୋ ଆଖାୟାନେ ରୋମୀୟ ସାସନ୍‌ ଡିଙ୍ଗ୍‌ଣ୍ଡ୍ରେ ଲେଃକ୍ନେ ବେଲା ଜିଉଦିଇଂ ମୁଇଂତୁଗ୍‍ ରିସିଙ୍ଗ୍‍ଚେ ପାଉଲ୍‍କେ ସାଃଆର୍‍ଚେ ବିଚାର୍‌ ଡୁଆ ଡୁଙ୍ଗ୍‍ୱେଆର୍କେ । 
\v 13 ମେଇଂ ବାଲିର୍‍କେ “ଆକେନ୍‍ ରେମୁଆଁନେ ନିୟମ୍‍ ବିରୁଦ୍‍ରେ ଇସ୍‍ପର୍‍ନେ ପାର୍‌ତନା ଡିଂନେନ୍‍ସା ରେମୁଆଁଇଂକେ ଆଃମ୍ୟାଃଡିଂଆର୍‍କେ ।”
\p
\v 14 ପାଉଲ୍‍ ମ୍ୱାଇର୍‍ଏ ଡାଗ୍‍କ୍ନେ ବେଲା ଗାଲିୟୋ ଜିଉଦିଇଂକେ ବାଲିର୍‍କେ, “ଜଦି ଆକ୍‍କେ ମେଃଡିଗ୍‍ ଦସ୍ ବା ଅପରାଦ୍‌ନେ ସାମୁଆଁ ଲେଃଏ, ତେଲା ନା ଆଡ଼ାତ୍ରା ବୁଂ ଲେଃଚେ ନା ସାମୁଆଁ ଅଁଚେ ବାଲିର୍‍ ବାତା ପାଡିଂ । 
\v 15 ମାତର୍‍ ପେ ବିଦିନ୍ନିଆ ଗୁଆର୍‍ବକ୍ନେ ବ୍ନାଲିର୍‍ ଆରି ମ୍ନି ବିରୁଦ୍‌ରେ ଆକେନ୍‍ କିରମର ଡିଂଲେଃଗେସା ପେ ନିଜେ ନିଜେ ଆକ୍ମେନେ ସମାଦାନ୍‍ ଡିଂପା । ଏନ୍‍ ସାପା ବିସୟ୍‍ରେ ନେଙ୍ଗ୍‍ ମେଃଡିଗ୍‍ ବିଚାର୍‍ ନାଡିଂ ଣ୍ଡୁ ।” 
\v 16 ଅଃକେନ୍‍ ବାଲିର୍‍ଚେ ମେଁ ଆମେଇଂକେ ବିଚାର୍‌ ଡୁଆ ବେବିଃଆର୍‍ଗେ । 
\v 17 ମେଇଂ ସର୍‌ତେରେ ପାର୍‌ତନା ଡୁଆନେ ମ୍ନାନେତା ସସ୍ଥିନାକେ ସାଚେ ବିଚାର୍‌ ଡୁଆ ଡାଗ୍ରା ବଗ୍‍ଆର୍‍କେ । ମାତର୍‍ ଗାଲିୟୋ ଅଃତେନ୍‍ ସାପା ସାମୁଆଁ ବିତ୍‍ରେ ମନ୍‌ ଆବିଃକେ ଣ୍ଡୁ ।
\s ପାଉଲ୍ ଆନ୍ତିୟକନ୍ନିଆ ଆଣ୍ଡେକେ
\p
\v 18 ପାଉଲ୍‍ କରନ୍ଥିଅନେ ବୟାଁଇଂ ଏତେ ଗୁଲେଦିନା ବାସାକେ । ତେନ୍‌ ଇଡ଼ିଂ ଆମେଇଂକେ ଆନ୍ତାର୍‍ଚେ ପ୍ରିସ୍କା ବାରି ଆକ୍ୱିଲାଇଂ ଏତେ ସିରିଆ ପାକା ଣ୍ଡିଆ ଜା‍ଆଜ୍‌ନ୍ନିଆ ୱେଆର୍‍କେ । ସେଂକ୍ରିୟାବାନ୍‍ ଣ୍ଡିଆ ଗାଲି ବିଃଚେ ୱେନେ ବେଲା ମେଁନେ ନିୟମ୍‌ ଇସାବ୍‍ରେ ମେଁ ମେଁନେ ବାଆଃ ଆଃକୁଆର୍‍କେ । 
\v 19 ମେଇଂ ଏଫିସିୟ ୱେଚାକ୍ନେ ଇଡ଼ିଙ୍ଗ୍‌ ପାଉଲ୍‍ ପ୍ରିସ୍କିଲା ବାରି ଆକ୍ୱିଲାକେ ବେବିଃଆର୍‍କେ । ମେଁ ଆତ୍‍ଅରିଆନେ ପାର୍‌ତନା ଡୁଆ ଅରିଆ ୱେଚେ ଜିଉଦିଇଂ ଏତେ ଦର୍ମ ବିସୟ୍‍ରେ ବାଲିର୍‌ ବାତା ଆର୍‍କେ । 
\v 20 ରେମୁଆଁଇଂ ଆମେକେ ଆରି ଜାବର୍‌ ଦିନ୍‍ ଲେନ୍‍ସା ବାଲିର୍‌ ଆର୍‍କେ ମାତର୍‍ ମେଁ ରାଜି ଆଡିଂକେ ଣ୍ଡୁ । 
\v 21 ମେଁ ୱେକେଲା ବାଲିର୍‍କେ “ଜଦି ଇସ୍‍ପର୍‍ନେ ଇକ୍‌ଚା ଡିଂଏ, ତେଲା ନେଙ୍ଗ୍‍ ବାର୍‌ମୁଇଂତର୍‍ ପେ ଡାଗ୍ରା ମ୍ପାଙ୍ଗ୍‍ଏ ।” ତେନ୍‌ ଇଡ଼ିଂ ମେଁ ଣ୍ଡିଆ ଗାଲି ବିଚେ ଏଫିସିୟବାନ୍‍ ତାର୍‍ୱେକେ ।
\p
\v 22 କାଇସରିୟାନ୍ତୁଗ୍‍ ୱେଚାଚେ ଆତ୍‍ବାନ୍‍ ମେଁ ଯିରୁସାଲାମ୍‍ପାକା ୱେକେ ଆରି ମଣ୍ଡଲିଇଂକେ ସାର୍‍ଲଚେ ଆଣ୍ଟିୟକ ପାକା ୱେଆର୍‍କେ । 
\v 23 ଆତ୍‍ତେ ଉଡ଼ିସି ଲେଃକ୍ନେ ଇଡ଼ିଂ ମେଁ ଆରି ଅଲେଙ୍ଗ୍‍ ଅଲେଙ୍ଗ୍‍ଚେ ଗାଲାତିୟ ଆରି ଫ୍ରୁଗିଆ ଏରିଆ ବିଚେ ୱେଆର୍କେ ଆରି ଗାଲିନ୍ନିଆ ବିସ୍‍ବାସିଇଂକେ ମେଇଂନେ ବିସ୍‌ବାସ୍‌ରେ ଡାଟ୍‍ ଡିଂନେସା ସାର୍‍ଦା ଆଡିଂଆର୍‍କେ ।
\s ଏଫିସସ୍ ଆରି କରନ୍ଥିନ୍ନିଆ ଆପଲ୍ଲୋ
\p
\v 24 ଆପଲ୍ଲୋ ମ୍ନିକ୍ନେ ମୁଇଂ ଜିଉଦି ଆତ୍‍ଅରିଆ ଲେଃଗେ । ମେଁନେ ଜନମ୍‍ ଡିଂକ୍ନେ ଜାଗା ଆଲେକ୍‍ଜାଣ୍ଡ୍ରିଆ; ମେଁ ଏଫିସିୟ ସହର୍‍ନ୍ନିଆ ପାଂକେ । ମେଁ ମୁଇଂ ଜାବର୍‌ ନିମାଣ୍ଡାଃ ବକ୍ତା ଲେଃଗେ । ଦରମ୍‌ ସାସ୍ତର୍‌ନ୍ନିଆ ମେଁନେ ଜାବର୍‌ ଗିଆନ୍‍ ଲେଃଗେ । 
\v 25 ଆକେନ୍‍ ଜିସୁ ମାପ୍‌ରୁନେ ଗାଲି ବିସୟ୍‍ରେ ବୁଦି ବାଲେଃଗେ, ବାରି ଆତ୍ମାରେ ତଃଡ଼ିଆଚେ ଜିସୁନେ ବିସୟ୍‌ ପୁରାପୁରି ବାବ୍‌ରେ ବାସଙ୍ଗ୍‌ଚେ ବୁଦି ବିଃଡିଂଗେ ମାତର୍‍ ଏନ୍ ବିସୟ୍‌ରେ ମେଁ କେବଲ୍‍ ଜହନ୍‌ନେ ଣ୍ଡିଆଦିକ୍ୟା ବିସୟ୍‌ରେ ମ୍ୟାଃଲେଃଗେ । 
\v 26 ମେଁ ପାର୍‌ତନା ଡୁଆନ୍ନିଆ ସାହାସ୍‍ ଏତେ ସାମୁଆଁ ବାଲିର୍‍କେ । ମାତର୍‍ ପ୍ରିସ୍କା ଆରି ଆକ୍ୱିଲା ମେଇଂନେ ସାମୁଆଁ ଅଁଚେ ଆମେଇଂକେ ନିଜର୍‍ ଡୁଆ ଡୁଂୱିଗ୍‍କେ ଆରି ଆତ୍‍ଅରିଆ ଆମେକେ ଇସ୍‍ପର୍‍ନେ ଗାଲି ସାମୁଆଁ ଆମେଇଂକେ ଆରି ନିମାଣ୍ଡା ବାବ୍‌ରେ ଆବୁଜେକେ । 
\v 27 ମେଁ ଆଖାୟା ଦେସ୍‍ପାକା ୱେନ୍‍ସା ଇକ୍‌ଚା ଡିଂକ୍ନେନ୍‍ସା ବୟାଁଇଂ ଆମେଇଂକେ ସାର୍‍ଦା ବିଚେ ଆମେଇଂକେ ଗ୍ର‍ଅନ୍‌ ଡିଂନେନ୍‍ସା ସିସ୍‍ଇଂକେ ଗୁଆର୍‍କେ । ମେଁ ଏତେ ୱେଚାଚେ ଜାଣ୍ଡେ ବିସ୍‍ବାସ୍‍ ଡିଂଆର୍‍କେ ଇସ୍‍ପର୍‍ନେ ଅନୁଗ୍ର‍ଅ ଏତେ ମେଇଂନେ ଜବର୍‍ ସାଇଜ୍ୟ ଡିଂଆର୍‍କେ । 
\v 28 ମେଁନେ ଡାଗ୍‍ଲା ଜିସୁ ଜେ କିସ୍‌ଟ ଆକେନ୍‍ ଦର୍ମସାସ୍ତର୍‌ ଏତେ ପର୍‌ମାନ୍‍ ଡିଂଚେ ମେଁ ବାଲିର୍‍ନେ ବପୁ ଏତେ ଜିଉଦିଇଂନେ ଜୁକ୍ତି ସର୍‍ଚେ ବନ୍ଦ୍‍ ଆଡିଂବି ଆର୍‍କେ ।
\c 19
\s ଏଫିସିୟନ୍ନିଆ ପାଉଲ୍‍
\p
\v 1 ଆପଲ୍ଲୋ କରିନ୍ଥିନ୍ନିଆ ଲେଃକ୍ନେ ବେଲା ପାଉଲ୍‍ ମଜିରେନେ ଏରିଆ ବିଚେ ଅଲେଙ୍ଗ୍‍ ୱେଚେ ଏଫିସିୟ ଇନିପାକା ପାଙ୍ଗ୍‍ଚେ ଉଡ଼ିକ୍ଲିଗ୍‍ ସିସ୍‍ଇଂକେ କେକେ 
\v 2 ମେଇଂ ଆମେଇଂକେ ସାଲିଆକୁକେ ବିସ୍‍ବାସ୍‍ ଡିଂବେଲା ପେ ପବିତ୍ର ଆତ୍ମା ବାପେଲେଃକେ ? ମେଇଂ ଆମେକେ ବାଲିର୍‍ଆର୍କେ ଣ୍ଡୁ ପବିତ୍ର ଆତ୍ମା ଜେ ଲେଃକେ ଆତେନ୍‌‍ ଅଃନାଡିଗ୍ ଅଁ ନେଲେଃକେ ଣ୍ଡୁ ।
\p
\v 3 ତେନ୍‍ସା ମେଁ ସାଲିଆକୁକେ ତେଲା ପେ ଆଣ୍ତିଅରିଆ ଡୁବନ୍‌ ଗ୍ର‍ଅନ୍ ପେଡିଂକେ ? ମେଇଂ ବାଲିର୍‍ଆର୍କେ “ଜହନ୍‌ନେ ଡୁବନ୍‌ ।”
\p
\v 4 \x + \xo ୧୯:୪ \xo*\xt ମାତିଉ ୩:୧୧; ମାର୍‌କ ୧:୪,୭,୮; ଲୁକ୍‌ ୩:୪,୧୬; ଜହନ୍‌ ୧:୨୬,୨୭.\xt*\x*ତେଲା ପାଉଲ୍‍ ବାଲିର୍‍କେ ଜହନ୍‌ ମନ୍‌ ବଦ୍‌ଲେଃନେ ଡୁବନ୍‌ନ୍ନିଆ ଡୁବନ୍‌ ବିଃକେ କ୍ମେ ଇଡ଼ିଂ ଜାଣ୍ଡେ ପାଙ୍ଗ୍‍ଆର୍‌ଏ, ମେଇଂ ଡାଗ୍ରା ବା ଜିସୁ ଡାଗ୍ରା ବିସ୍‍ବାସ୍‍ ଡିଂନେ ପଡ଼େଏ ଡାଗ୍‍ଚେ ରେମୁଆଁଇଂକେ ବାଲିର୍‍ଡିଂଗେ ।
\p
\v 5 ମେଇଂ ଆକେନ୍‍ ଅଁଚେ ମାପ୍‌ରୁ ଜିସୁ ମ୍ନିରେ ଡୁବନ୍‌ ଡିଂଆର୍କେ 
\v 6 ଆରି ପାଉଲ୍‍ ମେଇଂ ଆଡ଼ାତ୍ରା ନ୍ତିବଚେ ଆନ୍ତାର୍‍ ବିକେ ପବିତ୍ର ଆତ୍ମା ମେଇଂ ଆଡ଼ାତ୍ରା ଗାୱେଆର୍କେ ଆରି ମେଇଂ ବିନ୍‍ବିନ୍‍ ସାମୁଆଁରେ ବ୍ନାଲିର୍ ବାସଙ୍ଗ୍‌ନେ ବାରି ବାବବାନି ଡିଗ୍‍ ବାସଙ୍ଗ୍‌ସା ଲାଗେକେ । 
\v 7 ମେଇଂ ସର୍‍ତେରେ ପାକାପାକି ଗମ୍ୱାର୍‍ରୁଆ ଙ୍ଗିରେ ଲେଃଆର୍‍ଗେ ।
\p
\v 8 ଇଡ଼ିଙ୍ଗ୍‌ ମେଁ ପାର୍‌ତନା ଡୁଆନ୍ନିଆ ଗାଚେ ଞ୍ଜି ଆର୍କେ ଜାକ ସାହାସ୍‍ ଏତେ ଇସ୍‍ପର୍‍ନେ ରାଜି ବିସୟ୍‌ରେ ବାଲିର୍‍ଚେ ବିସ୍‍ବାସ୍‍ ଆଡିଙ୍ଗ୍‌ନ୍‌ସା ଚେସ୍‌ଟା ଡିଂଆର୍କେ । 
\v 9 ମାତର୍ ମେଇଂନେବାନ୍‍ ଉଡ଼ିରୁଆ କଟିନ୍ ମନ୍ ରେମୁଆଁ ଲେଃଆର୍‍ଗେ । ମେଇଂ ବିସ୍‌ବାସି ଆଡିଂଆର୍କେ ଣ୍ଡୁ । ମେଇଂ ଦଲ୍‍ନେ ସାପାରେ ସାମ୍‍ନାରେ ମାପ୍‍ରୁନେ ଗାଲି ସାମୁଆଁରେ ଜାବର୍‌ ଦଦିଆ ବ୍ନାଲିର୍‍ ବାଲିର୍‍ଆର୍କେ । ତେସା ପାଉଲ୍‍ ଆମେଇଂକେ ଆନ୍ତାର୍‍ଚେ ବିସ୍‍ବାସିଇଂକେ ସାଚେ କାଲାଆଃ ଟିରାନସ୍‍ ଡୁଆନ୍ନିଆ ବାଲିର୍‍ନେ ମୁଲେଆର୍କେ । 
\v 10 ଡେକୁଆ ମ୍ୱାର୍‍ ମୁଆଁ ଜାକ ୱେକେ; ଆତ୍‍ତେ ଆସିଆଣ୍ଡ୍ରେ ଜିଉଦି ଆରି ଗ୍ରୀକ୍‌ ରେମୁଆଁ ସର୍‍ତେ ମାପ୍‍ରୁନେ ସାମୁଆଁ ଅଁଆର୍କେ ।
\s ସ୍କେବାନେ ଗଡେଇଂ
\p
\v 11 ଆରି ଇସ୍‍ପର୍‍ ପାଉଲ୍‍ନେ ନ୍ତି ଏତେ ଆଡିଂକ୍ନେ ଇରିୟାତୁଗ୍‌ନେ କାମ୍ ଆଡିଂବି ଡିଂଗେ । 
\v 12 ଡେକ୍‍ରକମ୍‍ ମେଁ ଗାଗ୍‍ଡ଼େବାନ୍‍ ଉର୍‌ମାଲ୍ ଆରି ସକା ରଗିଇଂ ଡାଗ୍ରା ଡୁଙ୍ଗ୍‍ପାଙ୍ଗ୍‍ଲା ମେଇଂ ଡାଗ୍ରା ରଗ୍‍ ଆନ୍ତାର୍‍ ୱେଡିଂଗେ ଆରି ଦୁଷ୍ଟ ଆତ୍ମାଇଂ ତାର୍‍ ଲାଗ୍‍ଡଡିଂଗେ । 
\v 13 ମାତର୍‍ ଅଲେଙ୍ଗ୍‍ ରେମୁଆଁ ଜିଉଦିଇଂ ବୁତୁଡ଼ିଆଇଂବାନ୍‍ ଉଡ଼ିକ୍ଲିଗ୍‍ ରେମୁଆଁଇଂ ଡିଗ୍‍ ଦୁଷ୍ଟ ଆତ୍ମା ସାକ୍ନେ ରେମୁଆଁଇଂ ଆଡ଼ାତ୍ରା ମାପ୍‌ରୁ ଜିସୁନେ ମ୍ନି ସାଚେ ସେଆଁରେ ଆଆନ୍ତାର୍‍ ନ୍‍ସା ଚେସ୍‍ଟା ଡିଂଆର୍କେ ମେଇଂ ବାଲିର୍‍ଆର୍କେ, “ମୁଡ଼ି ଜିସୁନେ ମ୍ନିରେ ପାଉଲ୍‍ ବାସଙ୍ଗ୍‌‌ଡିଂକେ, ନେଙ୍ଗ୍‍ ଆନାକେ ମେଁ ମ୍ନିରେ ଆଦେସ୍‍ ବିଣ୍ଡିଂକେ ।” 
\v 14 ଆରି ସ୍କେବା ମ୍ନିକ୍ନେ ମୁଇଂ ଜିଉଦି ରେମୁଆଁନେ ମ୍ନା ପୁଜାରିଇଂନେ ଗୁକ୍ଲିଗ୍‍ ଉଂଇଂ ଡେକୁଆ ଡିଂନେ ଚେସ୍‌ଟା ଡିଂଆର୍‍ଡିଂଗେ ।
\p
\v 15 ଆତ୍‍ତେ ଦୁସ୍ଟ ଆତ୍ମାଇଂ ଉତର୍‍ ବିକେ, ନିଂ ଜିସୁକେ ମ୍ୟାନ୍ଲେଃକେ ଆରି ପାଉଲ୍‍କେ ଣ୍ଡିଗ୍ ମ୍ୟାନ୍ଲେଃକେ; ମାତର୍‍ ପେ ସାପାରେ ଜାଣ୍ଡେ ?
\p
\v 16 ଆତେନ୍‌‍ ବେଲା ଦୁସ୍ଟ ଆତ୍ମା ସାଲେଃକ୍ନେ ରେମୁଆଁ ମେଇଂ ଆଡ଼ାତ୍ରା ପୁଏଚେ ମେଁ ମ୍ୱାୟାକେ ଆଃଲଃଚେ ଆମେଇଂକେ ଏନ୍‍ତି ବଗ୍‍କେ ଜେ ମେଇଂ ନାଙ୍ଗ୍‍ଲାଚେ ଆରି ଚିନାବାନାଚେ ତେନ୍‍ ଡୁଆବାନ୍‍ ତାର୍‍ଚେ ଲାଗ୍‍ଡଆର୍କେ । 
\v 17 ଆକେନ୍‍ ସାମୁଆଁ ଏଫିସିୟନ୍ନିଆ ବାସା ଡିଂଆର୍‌କ୍ନେ ରେମୁଆଁଇଂ ଜିଉଦି ଆରି ଗ୍ରୀକ୍‌ ରେମୁଆଁ ସର୍‍ତେରେ ମ୍ୟାଚେ ବୁଟମେଗ୍‌ ଆର୍କେ । ଆରି ମାପ୍‌ରୁ ଜିସୁନେ ମ୍ନି ମ୍ନା ଡିଙ୍ଗ୍‍କେ । 
\v 18 ଆରି ବିସ୍‍ବାସିଇଂନେ ବିତ୍‍ରେବାନ୍ ଜବର୍‍ରେ ପାଙ୍ଗ୍‍ଚେ ନିଜର୍‍ ନିଜର୍‍ କାମ୍ ଆସୁଏଆର୍କେ ଆରି ବାଲିର୍‍ନେ ଆରାମ୍‍ ଡିଂଆର୍କେ । 
\v 19 ଆରି ଜାଦୁ କାମ୍ ଡିଂନେ ଉଡ଼ିରୁଆ ନିଜର୍‍ ନିଜର୍‍ ବଇ ଡୁଂପାଙ୍ଗ୍‍ଚେ ମୁଇଂତୁଗ୍‍ ବଚେ ସର୍‍ତେରେ ସାମ୍‍ନେ ଆଃଗି ବିଃଆର୍କେ; ମେଇଂ ଆତେନ୍‌‍ ସର୍‍ତେନେ ଡାବୁ ହିସାବ୍‍ ଡିଂଚେ ଆତେନ୍‌‍ ପଚାସ୍‍ ଅଜାର୍‍ ଡାବୁ ଡାଗ୍‍ଚେ ଗୁଆର୍‌ଆର୍କେ । 
\v 20 ଡେକ୍‍ରକମ୍‍ ମାପ୍‍ରୁନେ ସାମୁଆଁ ମ୍ନା ବପୁରେ ଉଡ୍ରାଡିଂନେ ଲାଗେକେ । ଆରି ଜିତେନେ ଲାଗେକେ ।
\s ଏଫିସିୟନ୍ନିଆ କିରମର
\p
\v 21 ଆକେନ୍‍ ସର୍‍ତେ ସାମୁଆଁ ଡାକ୍ନେ ଇଡ଼ିଙ୍ଗ୍‌ ପାଉଲ୍‍ ମାସିଦୋନିଆ ଆରି ଆଖାୟା ବିଚେ ଯିରୁସାଲାମ୍‌ ପାକା ୱେନ୍‍ସା ମନେ ବାବେଆର୍କେ ଆତ୍‍ତେ ୱେକ୍ନେ ଇଡ଼ିଙ୍ଗ୍‌ ମେଁ ବାସଙ୍ଗ୍‌କେ “ଆନେଙ୍ଗ୍‍ ରୋମ୍‍ ପାକା ୱେନେ ପଡ଼େଏ ।” 
\v 22 ବାରି ଜାଣ୍ଡେଇଂ ମେଁନେ ସେବା ଡିଙ୍ଗ୍‌ନେ ଲେଃଆର୍‌କେ ମେଇଂ ବିତ୍‍ରେ ତିମତି ଆରି ଏରାଷ୍ଟ ଆକେନ୍‍ ମ୍ୱାୟାକେ ମାସିଦୋନିଆ ପାକା ବେବିଚେ ମେଁ ନିଜେ ଉଡ଼ି ମୁଆଁ ଜାକ ଆସିଆନ୍ତୁଗ୍‍ ଲେଃଆର୍‍ଗେ ।
\p
\v 23 ଅଃତେନ୍‍ ବିତ୍‌ରେ ଆକେନ୍‍ ମାପ୍‌ରୁ ଆସୁଏବକ୍ନେ ଗାଲି ସାମୁଆଁ ଡୁଙ୍ଗ୍‌ୱେଚେ ଏଫିସିନ୍ନିଆ ବୟଙ୍କାର୍ ମ୍ନା ୱିଙ୍ଗ୍‌ଆ ତଡ଼ିଆକେ । 
\v 24 ଡାଗ୍‍ଲା ଦିମିତ୍ରିୟ ମ୍ନିକ୍ନେ ମୁଇଂ ରୁପାଆରେଣ୍ଡ୍ରେ ଆର୍ତ୍ତେମୀ ଦେବୀନେ ମନ୍ଦିର୍‌ନେ ରୁପା ମୁର୍‍ତି ଆରେଡିଂଆର୍‌ଗେ ଆକେନ୍‍ ବେପାର୍‌ବାନ୍ ଆଃରେଣ୍ଡ୍ରେ ଜବର୍‍ ଲାବ୍‍ ବାଡିଂଆର୍‍ଗେ । 
\v 25 ମେଁ ଆମେଇଂକେ ଆରି ତେନ୍‍ ବେପାର୍‌ନେ ରେମୁଆଁଇଂକେ ୱାଚେ ବାଲିର୍‍କେ, “ଆଦେସ୍‌ଇଂ ଆକେନ୍‍ ବେପାର୍‌ବାନ୍ ନେ ଦନ୍‍ ନେବାଏ ଡାଗ୍‍ଚେ ପେ ମ୍ୟାପେଲେଃକେ । 
\v 26 ଆରି ନ୍ତିଏତେ ଆରେକ୍ନେ ଦେବ୍‍ତାଇଂ ଇସ୍‍ପର୍‍ ଣ୍ଡୁ ଡାଗ୍‍ ବାଲିର୍‍ଚେ ‘ଆକେନ୍‍ ପାଉଲ୍‍ ମାତର୍‌‌ ଏଫିସିୟନ୍ନିଆ ଣ୍ଡୁ ମାତର୍‍ ସର୍‍ତେ ଆସିଆନ୍ନିଆ ଜବର୍‍ ରେମୁଆଁଇଂକେ ବାସଙ୍ଗ୍‌ ଡିଙ୍ଗ୍‌ଗେ ଆକେନ୍‍ ପେଇଂ କିକେ ପେଡିଙ୍ଗ୍‍କେ ଆରି ଅଁ ପେଡିଂକେ ।’ 
\v 27 ଆକ୍‍କେ ଜେ ମୁଇଂ ନେନେ ଆକେନ୍‍ ବେପାର୍‍ନେ ଦଦ୍ୟା‌ ମ୍ନି ଡିଂନେ ଲେଃକେ, ଆତେନ୍‌‍ ଣ୍ଡୁ ଏଲେଡିଗ୍‍ ଆଣ୍ଡିନେ ମହାଦେବୀ ଆର୍ତ୍ତେମୀଇଂକେ ସର୍‍ତେ ଆସିଆ ଆରି କ୍ଲିଗ୍‍ ଦର୍‌ତି ଜାକ ପୁଜା ଡିଂଆର୍‍ଡିଂକେ ମେଇଂନେ ମନ୍ଦିର୍‍ ଡିଗ୍ ଡାଆଁ ଡିଂଲେଃକ୍ନେ ଆରି ଆର୍ତ୍ତେମୀ ଦେବୀନେ ଇଜତ୍‌ ନସ୍ଟ ଡିଂଏ ।”
\p
\v 28 ଆକେନ୍‍ ସାମୁଆଁ ଅଁଚେ ମେଇଂ ଜବର୍‍ ଗିସେଚେ ୱାସାର୍‍ଚେ ବାଲିର୍‍କେ “ଏଫିସିୟଇଂନେ ଆର୍ତ୍ତେମୀ ମ୍ନା ଦେବୀ ମ୍ନା ଲେଃକେ ।” 
\v 29 ଅଃକେନ୍‍ରେ ଇନି ୱିଙ୍ଗ୍‍ଆଃରେ ବର୍‌ତି ଡିଂୱେଗେ ଆରି ମେଇଂ ରିସିଂଚେ ପାଉଲ୍‍ନେ ଏତେ ୱେଣ୍ଡ୍ରେ ମାସିଦୋନିଆନେ ଗାୟ ଆରି ଆରିଷ୍ଟାର୍ଖସ୍‌କେ ସାଚେ ଜବର୍ ୱିର୍‍ଚେ ଜୁଦ୍‌ ଟାନ୍‌ନ୍ନିଆ ୱିର୍‌ ୱେକେ । 
\v 30 ଆକେନ୍‍ ପାଉଲ୍‍ ରେମୁଆଁଇଂନେ ବିତ୍‍ରେ ଗ୍‍ଗାନେ ଇକ୍‌ଚା ଡିଂକେ ଏଲେ ସିସ୍‍ଇଂ ଆମେକେ ଗ୍‍ଗାନେ ଆବିକେ ଣ୍ଡୁ । 
\v 31 ଆରି ଆସିଆନେ ମ୍ନା ଚାକ୍‍ରିଆଇଂ ବିତ୍‍ରେ ଡିଗ୍‍ ଉଡ଼ିରୁଆ ମେଇଂନେ ସାଙ୍ଗ ଲେଃଲା ରେମୁଆଁ ବେଚେ ଜୁଦ୍‌ ଟାନ୍‌ନେ କଣ୍ଡା ବିତ୍‍ରେ ମାବ୍‌ଟଚେ ଗ୍‍ଗାନ୍‍ସା ଆମେକେ ଗୁଆରି ଡିଙ୍ଗ୍‌ ଆର୍‌କେ । 
\v 32 ଅଃତେନ୍‍ ବେଲା ଜାଣ୍ଡେ ଜାଣ୍ଡେ ଆକେନ୍‍ ସାମୁଆଁ ଜାଣ୍ଡେ ଜାଣ୍ଡେ ବା ଆତେନ୍‌‍ ସାମୁଆଁ ବାଲିର୍‍ଚେ ୱାସାର୍‍ ଡିଂ ଆର୍‍ଡିଂଗେ ମାତର୍‍ କୁକପାର୍‍ ୱିଙ୍ଗ୍‍ଆଃରେ ବର୍‌ତି ଡିଂୱେଗେ ଆରି ମେଇଂ ଜେ ମେଃନ୍‍ସା ମିସୁ ଲେଃଆର୍କେ ଆତେନ୍‌‍ ସାଃଗାରେ ମ୍ୟାଃ ଆଲେଃଆର୍‍ଗେ । 
\v 33 ରେମୁଆଁଇଂ ବିତ୍‍ରେବାନ୍‍ ଉଡ଼ିରୁଆ ବାଲିର୍‍ଆର୍‍କେ ଜେ ଆଲେକ୍‍ଜାଣ୍ତାର୍‍କେ ଆଃକେନ୍‍ସା ଦାଇ, ଡାଗ୍ଲା ଜିଉଦିଇଂ ଆମେକେ ସେନୁଗ୍‍ ଆତୁଆଁ ବଆର୍‍ଗେ । ଆଲେକ୍‍ଜାଣ୍ଡାର୍‍ ନ୍ତି ଟେକେଚେ ଆମେଇଂକେ ବୁଂଲେନ୍‍ସା ଚିନା ବିକେ ଆରି ବିସ୍‍ବାସିଇଂକେ ଆକୁଡ଼େଚେ ବ୍ନାଲିର୍‍ ବିଚେ ଆଦ୍ରିଗ୍‍ନେସା ଚେସ୍‍ଟା ଡିଂକେ । 
\v 34 ମାତର୍‍ ମେଁ ମୁଇଂ ଜିଉଦି ଡାଗ୍‍ଚେ ଉଡ଼ିବେଲା ମେଇଂ ମ୍ୟାଃଆର୍‍କେ, ଅଃତେନ୍‍ ବେଲା ସର୍‍ତେରେ ମୁଇଂତର୍‍କେ ମ୍ୱାର୍‍ ଗଣ୍ଟା ଜାକ ୱାସାର୍‍ ଆର୍‍କେ, ଏଫିସିୟଇଂନେ ଆର୍ତ୍ତେମୀ ମ୍ନାଃଦେବୀ ଲେଃକେ ।
\p
\v 35 ଇଡ଼ିଙ୍ଗ୍‌ ସହର୍‌ ଗୁମୁସ୍ତା ରେମୁଆଁ ସାପାରେକେ ଆବୁଜେଚେ ବାଲିର୍‍କେ ଅ ଏଫିସିୟ ରେମୁଆଁଇଂ ଏଫିସ ସହର୍‌ ଜେ ମ୍ନା ଦେବୀ ଆର୍ତ୍ତେମୀ ଆରି କିତଂଇନି ବାନ୍‍ ଲଲେକ୍ନେ ପ୍ରତିମାନେ ମନ୍ଦିର୍‍ନେ ପୁଜାରି ଆକେନ୍‍ ଜାଣ୍ଡେଃ ଆମ୍ୟାକେ ? 
\v 36 ଜାଣ୍ଡେଃ ଆକେନ୍‍ ମିଚ୍‍ ବାଲିର୍‍ ଆୟା ଣ୍ଡୁ । ତେନ୍‍ସା ପେ ସର୍‍ତେରେ ବୁଂବିପା ମେଃଡିଗ୍ ମାମ୍ୟାଃ କୁଟା ଆସ୍ଲେଗେପା । 
\v 37 ଏନ୍‍ ରେମୁଆଁଇଂ ମନ୍ଦିର୍‍ବାନ୍‍ ମେଃଡିଗ୍‍ ଆଡଙ୍ଗ୍‍ଗା ଆର୍‍କେ ଣ୍ଡୁ କି ଦେବିନେ ବିରୁଦ୍‌ରେ ମେଃଡିଗ୍‍ ନିନ୍ଦା ସାମୁଆଁ ଆବାଲିର୍‍ ଆର୍‍କେ ଣ୍ଡୁ ଏଲେଡିଗ୍‍ ନା ଆକ୍ମେଇଂକେ ସାଚେ ଡୁଂପାଂନାବ । 
\v 38 ତେନ୍‍ସା ଜଦି ଜାଣ୍ଡେନେ ବିରଦ୍‌ରେ ଦିମିତ୍ରିୟନେ ଆରି ମେଇଂନେ ସାଙ୍ଗ ସ୍ଲେରେନେ ମେଃଡିଗ୍‍ ସାମୁଆଁ ଲେଃଏ, ତେଲା ବିଚାର୍‍ ଡୁଆ ରଃବକେ ଆରି ସାସନ୍‍ ରେମୁଆଁଇଂ ଲେଃକେ; ମେଇଂ ନିଜର୍‍ ନିଜର୍‍ ବିରଦ୍‍ରେ ଅବାଲିର୍‍ ଆର୍‍କେ । 
\v 39 ଆରି ଜଦି ପେନେ ବିନ୍‍ ମେଣ୍ଡିଗ୍ ବାଲିର୍‍ନେ ଲେଃଏ, ତେଲା ନିୟମ୍‌ ଇସାବ୍‌ରେ ଡାଆଁ କୁକପାର୍‍ନ୍ନିଆ ମେଁନେ ନିଷ୍ପତି ଡିଂଏ । 
\v 40 ଏଲେ ଏକ୍ନେ ସତ୍‍ ୱିଙ୍ଗ୍‌ଆ ଡୁଙ୍ଗ୍‍ପାଙ୍ଗ୍‍ଚେ ନେ ବିରଦ୍‍ରେ ଅବାଲିର୍‍ନେ ଜାବର୍‌ କସ୍ଟ ଲେଃକେ; ନେ ଆକେନ୍‍ ୱିଙ୍ଗ୍‍ଆନେ ମେଃଣ୍ଡିଗ୍‍ କାରନ୍‍ ଆସୁଏ ନେୟା ଣ୍ଡୁ । 
\v 41 ଏନ୍‍ ସାପା ବ୍ନାଲିର୍‍ ବାଲିର୍‍ଚେ ମେଁ ରେମୁଆଁଇଂକେ ଆବୁଂଚେ କୁକପାର୍‍ ଆଡାକେ ।
\c 20
\s ମାକିଦନିଆ ଆରି ଆକାୟାପାକା ଯାତ୍ରା
\p
\v 1 ତେନ୍‍ ୱିଙ୍ଗ୍‌ଆ ବୁଂକ୍ନେ ଇଡ଼ିଙ୍ଗ୍‌ ପାଉଲ୍‍ ସିସ୍‍ଇଂକେ ଡୁଆ ୱାଚେ ମେଇଂକେ ସାର୍‌ଦା ବିକେ ଆରି ମେଇଂବାନ୍‍ ୱିଗ୍‍ନେ ବାଲିର୍‍ଚେ ମାସିଦୋନିଆ ପାକା ୱେନ୍‍ସା ୱିଗ୍‍ ଆର୍‍କେ । 
\v 2 ତେନ୍‍ ସର୍‍ତେ ଏରିଆ ବିଚେ ଅଲେଙ୍ଗ୍‍ ୱିଗ୍‍ରେ ମେଁ ସିସ୍‍ଇଂକେ ଜବର୍‍ ସାର୍‌ଦା ଆଡିଙ୍ଗ୍‍କ୍ନେ ଇଡ଼ିଙ୍ଗ୍‍ ଗ୍ରୀସ୍ ପାକା ୱେ ଆର୍‍କେ । 
\v 3 ମେଁ ଆତ୍‍ତେ ଞ୍ଜିଆର୍କେ ଲେଃଚେ ଉଡ଼ିବେଲା ଜା‍ଆଜ୍‌ନ୍ନିଆ ଡେଃଚେ ସିରିଆ ପାକା ୱେନ୍‍ସା ଆରାମ୍‍ ଡିଙ୍ଗ୍‍ ଆର୍‍କେ ଅଃତେନ୍‍ ବେଲା ଜିଉଦିଇଂ ମେଇଂ ବିସୟ୍‍ରେ ବାଗୁଏଃ ନ୍‍ସା ମେଁ ମାସିଦୋନିଆ ବିଚେ ୱିଗ୍‍ନେସା ମନ୍‍ ଡିଂକେ । 
\v 4 ବେରିୟାନ୍ନିଆ ବାସା ଲେଃକ୍ନେ ପୁରନେ ଉଙ୍ଗ୍‌ଡେ ସୋପାତ୍ର, ତେସଲନିକିୟନେ ଆରିଷ୍ଟାର୍ଖସ୍‌ ଆରି ସେକୁନ୍ଦ ଦର୍ବୀନେ ଗାୟ, ଆସିଆ ଦେସ୍‌ନେ ତୁଖିକ ଆରି ତ୍ରଫିମ ବାରି ତିମତି ମେଁ ଏତେ ୱେଆର୍କେ । 
\v 5 ଆକ୍‍ମେଇଂ ସର୍‍ତେ ପର୍‍ତୁମ୍‍ ୱେଚେ ତ୍ରୋୟାନ୍ତୁଗ୍‍ ଆନେକେ ଉର୍‍ଡିଂଆର୍‍ଗେ । 
\v 6 ଆରି କମିରସୁନ୍ୟ ରୁଟି ପାଣ୍ଡୁଏଃ ଇଡ଼ିଙ୍ଗ୍‌ ନେଁ ଜା‍ଆଜ୍‌ନ୍ତୁଗ୍‍ ଡେଃଚେ ଫିଲିପ୍‌ପୀବାନ୍‍ ନେୱିଗ୍‍କେ ଆରି ମାଲ୍‍ ଦିନ୍‍ ବିତ୍‍ରେ ତ୍ରୋୟାନ୍ତୁଗ୍‍ ମେଇଂ ଡାଗ୍ରା ନେପିଙ୍ଗ୍‌ଚାକେ; ଆତ୍‍ ଡାଗ୍ରା ନେ ଗୁ ଦିନ୍‍ ନେଲେଃଗେ ।
\s ତ୍ରୋୟାରେ ପାଉଲ୍‍ନେ ସାରାସାରି ଯାତ୍ରା
\p
\v 7 ସାନ୍ତାନେ ମୁଲ୍‍ଦିନ୍‍ ଉଡ଼ିବେଲା ନେ ରୁଟି ପାକ୍‌ଚିନେ କୁଡ଼େ ନେଲେଃକେ ଅଃତେନ୍‍ ବେଲା ପାଉଲ୍‍ ମାର୍‍ତଡ଼େ ୱିଗ୍‍ଏ ଡାଗ୍‍କ୍ନେ ବେଲା ମେଇଂକେ ବାଲିର୍‍କେ ଆରି ସିଂତାର୍‍ବ ଜାକ ମ୍ନା ବାସଣ ବିକେ । 
\v 8 ଆଣ୍ଡିନେ ଆଡ଼ାତ୍ରା ମହଲାନେ ବାକ୍ରାନ୍ନିଆ ନେ ମିସୁ ନେଲେଃଗେ ଆତ୍‍ ଅରିଆ ଜବର୍‍ କୁପିସ ଲେଃଗେ 
\v 9 ଆରି ଇଉଟିକସ୍‌ ମ୍ନିକ୍ନେ ମୁଇଂ ଙ୍ଗିରେ ଜର୍‌କା ଆଡ଼ାତ୍ରା କଲେଃଗେ, ଆମେକେ ଜବର୍‍ ଲେମୁଆଃ ପାଂଡିଂଗେ; ଆରି ପାଉଲ୍‍ ଉପଦେସ୍‍ ଜବର୍‍ ଚ୍ଲେ ଆଡିଂବିଲା ମେଁ ଡୁଲେଗ୍‍ ବିଲା ଞ୍ଜି ମହଲାବାନ୍‍ ଆଲ ଲଃୱେଗେ ଆରି ଆମେକେ ଆଃତଡ଼ିଆ ବେଲା ମେଁ ଗୁଏଃୱେଗେ ଡାଗ୍‍ଚେ ମ୍ୟାଃଆର୍‍କେ । 
\v 10 ଅଃତେନ୍‍ ବେଲା ପାଉଲ୍‍ ଆଲ ଜାର୍‍ଚେ ମେଁ ଆଡ଼ାତ୍ରା ଲଃଚେ ଆମେକେ କଣ୍ଡଚେ ବାଲିର୍‍କେ, “ଆଅଃଗେପା, ଡାଗ୍‍ଲା କିମେନ୍ତୁଗ୍‍ ଜିବନ୍‍ ଲେଃକେ ।” 
\v 11 ଇଡ଼ିଙ୍ଗ୍‌ ମେଁ ଆଡ଼ାତ୍ରା ୱେଚେ ରୁଟି ପାକ୍‍ଚିଚେ ଚଂଆର୍କେ ଆରି ତାରାନେ ଜାକ ମେଇଂ ଏତେ ଜବର୍‍ ବାଲିର୍‍ବାତାଚେ ତାର୍ ୱେକେ । 
\v 12 ଆରି ମେଇଂ ଆତେନ୍‌‍ ଗଡ଼େଅକେ ଜିବନ୍‌ ଲେଃକ୍ନେ କେଚେ ମେଁ ଡୁଆ ଡୁଂୱେଆର୍‌କେ ଆରି ଜାବର୍‌ ସାନ୍ତି ବାଆର୍‌କେ ।
\s ତ୍ରୋୟାବାନ୍‍ ମିଲୀଟସ୍ ୱେକେ
\p
\v 13 ମାତର୍‍ ନେ ସିସେ ଣ୍ଡିଆଃ ଜା‍ଆଜ୍‌ ନ୍ତୁଗ୍‍ ଡେଃଚେ ଆସସ୍‍ନ୍ତୁଗ୍ ନେୱେକେ ଆତ୍‍ବାନ୍‍ ନେ ପାଉଲ୍‍କେ ଡୁଙ୍ଗ୍‍ ୱେନ୍‍ସା ନେଏତେକେ ଡାଗ୍‍ଲା ମେଁ ନିଜେ ତୁବଃ ଅଲେଙ୍ଗ୍‍ଚେ ୱେନ୍‍ସା ଇକ୍‌ଚା ଡିଂକେ ଡେତୁଆ ଡିଂବ ଆର୍‍ଗେ । 
\v 14 ଉଡ଼ିବେଲା ମେଁ ଆନେକେ ଆସସ୍‍ନ୍ନିଆ କୁଡ଼େକେ ନେ ଆମେକେ ଜା‍ଆଜ୍‌ନ୍ନିଆ ଆଃଡେଃଚେ ମିତିଲିନୀନ୍ତୁଗ୍ ନେପାଂକେ । 
\v 15 ଆରି ଆତ୍‍ବାନ୍‍ ଜା‍ଆଜ୍‌ ରଚେ ନେ ମାର୍‍ତଡ଼େ ଖିଅସ ଡାଗ୍ରା ନେୱେଚାକେ ମ୍ୱାର୍‍ ଦିନ୍‍କେ ସାମ୍‌ନ୍ନିଆ ଜା‍ଆଜ୍‌ ନେରାଚାକେ ଆରି ଦେକ୍‍କେ ଞ୍ଜଡ଼େ ମିଲୀଟସ୍ ନେୱେଚାକେ । 
\v 16 ମେଁନେ ଡାଗ୍‍ଲା ଆସିଆନ୍ନିଆ ଡିଡିରକମ୍‌ ପାଉଲ୍‍କେ ବେଲା କାଟେନେ ଆପଡ଼େ ଣ୍ଡୁ, ଆକେନ୍‍ସା ମେଁ ଏଫିସିୟ ଆନ୍ତାର୍‍ ୱିଗ୍‍ନେ ବାବେ ଡିଂକେ । ଜଦି ଡିଙ୍ଗ୍‌ପାରେ ତ ପେଣ୍ଟିକଷ୍ଟ କେଲା ଯିରୁସାଲାମ୍‌ ପାଙ୍ଗ୍‍ନ୍‍ସା ମେଁ ତେରେପେତେ ଡିଂଡିଂଗେ ।
\s ଏପିସିୟ ମଣ୍ଡଲିନେ ନେତାଇଂକେ ପାଉଲ୍‍ନେ ୱିଗ୍‌ନେ ବ୍ନାଲିର୍‌
\p
\v 17 ମିଲୀଟସ୍‌ବାନ୍‍ ମେଁ ଏଫିସିୟପାକା ରେମୁଆଁ ବେଚେ ମଣ୍ଡଲିନେ ମ୍ନାରେଇଂକେ ନିଜର୍‌ ନ୍ତୁଗ୍‍ ଡୁଆ ୱାଆର୍‍କେ । 
\v 18 ମେଇଂ ପିଂଚାଲା ପାଉଲ୍‍ ବାଲିର୍‍କେ, “ଆସିଆ ପ୍ରଦେସ୍‍ନ୍ତୁଗ୍‍ ୱେଚାନେ ପର୍‍ତୁମ୍ ଦିନାବାନ୍‍ ନେଙ୍ଗ୍‍ ଡିରକମ୍‍ ପେଇଂ ବିତ୍‍ରେ ଜାବର୍‌ ବେଲା ପେ ଏତେ ଆକଟେ ମ୍ୱକେ । ଆତେନ୍‌‍ ପେ ମ୍ୟାଃପେଲେକେ । 
\v 19 ମାପ୍‌ରୁ ଜିଉଦିଇଂନେ ଜଜ୍‌ନା ଆନେଙ୍ଗ୍‍ ଆଣ୍ଡିନେ ସାପା ଦୁକ୍‍ କସ୍‍ଟ ବଗେନେ ପଡ଼େଏ ଆତେନ୍‌‍ ବିତ୍‍ରେ ନେଙ୍ଗ୍‍ ଇସ୍‍ପର୍‍ନେ ସେବକ୍‍ ରକମ୍‍ ଅଁଚେ ଦରମ୍‍ ଏତେ ନେଙ୍ଗ୍‍ନେ କାମ୍ ଡିଂମ୍ୱକେ । 
\v 20 ପେ ମ୍ୟାଃ ପେଲେକେ ଜେ ନେଙ୍ଗ୍‍ ରେମୁଆଁଇଂନେ ଡାଗ୍ରା ବାସଙ୍ଗ୍‌ ଡିଂକେଲା ବାରି ପେ ଡୁଆଇଂଡାଗ୍ରା ବ୍ନାଲିର୍‍ ବାଲିର୍‍ ବେଲା ପେନେ ଉପ୍‍କାର୍‍ ଡିଂନେ ରକମ୍‍ ମେଃଡିଗ୍‍ ସାମୁଆଁ ବାଲିର୍‍ନେସା ମନା ଡିଂ ଆଡିଂଗେ ଣ୍ଡୁ । 
\v 21 ଜିଉଦି ଆରି ଗ୍ରୀକ୍‌ ରେମୁଆଁ ସାପାରେକେ ନେଙ୍ଗ୍‍ ଚେତ୍‍ନା ସାମୁଆଁ ଆଦ୍ରିଗ୍‌ ଣ୍ଡିଂଗେ ଜେ ମେଇଂ ପାପ୍‍ ଗାଲିବାନ୍ ଆଣ୍ଡେ ପାଙ୍ଗ୍‌ଚେ ଇସ୍‍ପର୍‍ ଆଡ଼ାତ୍ରା ମନ୍‌ ବଦ୍‌ଲେଚେ ବାରି ମାପ୍‌ରୁ ଜିସୁ ଡାଗ୍ରା ବିସ୍‌ବାସ୍‌ ଡିଂଆର୍‍ଏ । 
\v 22 ଏବେ କେଲା ନେଙ୍ଗ୍‍ ଆତ୍ମାନ୍ନିଆ ବାଦ୍ୟ ଡିଂଚେ ଯିରୁସାଲାମ୍‌ ପାକା ୱେ ଣ୍ଡିଂକେ ମେଁ ଆତ୍‌ତେ ନେଙ୍ଗ୍‍ସା ମେଃମେଃ ଡିଂଏ, ଆତେନ୍‌‍ ନେଙ୍ଗ୍‍ ନ୍ନାମ୍ୟାଃକେ ଣ୍ଡୁ । 
\v 23 ନେଙ୍ଗ୍‍ସା ଜା ସିକ୍ଲି ଏତେ ଆଗାଗ୍‍ଚେ ଆରି ଦୁକ୍‍ ବାଏ ଆକେନ୍‍ ପବିତ୍ର ଆତ୍ମା ଇନି ଇନି ଆନେଙ୍ଗ୍‍ ବାଲିର୍‌ ଅଲେଙ୍ଗ୍‍ଡିଂକେ । 
\v 24 \x + \xo ୨୦:୨୪ \xo*\xt ୨ ତିମତି ୪:୭.\xt*\x*ମାତର୍‍ ନେଙ୍ଗ୍‍ସା ନେଙ୍ଗ୍‍ ଜିବନ୍‍କେ ନେଙ୍ଗ୍‍ ଡାଆଁ ବାବେ ଣ୍ଡିଂକେ । ଇସ୍‍ପର୍‍ନେ ଅନୁଗ୍ର‍ଅ ବିସ‍ୟ୍‌ରେ ମାପ୍‌ରୁ ଜିସୁ ଆଣ୍ଡିନେ ବ୍ନାଲିର୍‌ ବାଲିର୍‍ନେସା ଆନେଙ୍ଗ୍‍ ଦାଇତ୍‍ ବିବକେ, ଆତେନ୍‌‍ ପୁରନ୍‍ ଆଡିଂଚେ ନେଙ୍ଗ୍‍ନେ ବାସଙ୍ଗ୍‌‌ କାମ୍ ଣ୍ଡ୍ରାଡାଏ, ଅଃକେନ୍‍ ଆଃ ନେଙ୍ଗ୍‍ନେ ଇକ୍‌ଚା ।”
\p
\v 25 ଆରି ଏବେ କେଲା ଜା ବିତ୍‍ରେ ନେଙ୍ଗ୍‍ ଇସ୍‍ପର୍‍ନେ ରାଜି ବିସୟ୍‌ରେ ବାଲିର୍‌ ବାଲିର୍‍ ଅଲେଙ୍ଗ୍‍ ଣ୍ଡିଂ ଡେକ୍‍ ରକମ୍‍ ଜେ ପେ ସର୍‍ତେ ଆରି ନେଙ୍ଗ୍‍ନେ ସାର୍‍ମୁଆଃ ପେକେ ଡାଗ୍‍ଚେ ମ୍ୟା ନ୍ଲେ । 
\v 26 ଆକେନ୍‍ସା ନେଙ୍ଗ୍‍ ଜେ ସର୍‍ତେରେନେ ମିଆଁନେ ଦାଇତ୍‌ବାନ୍‍ ମ୍ବ୍ରକେ, ଆକେନ୍‍ ନେଙ୍ଗ୍‍ ଏକେ ଆପେକେ ସାକି ବିଣ୍ଡିଂ । 
\v 27 ନେଙ୍ଗ୍‍ ଇସ୍‍ପର୍‍ନେ ସର୍‍ତେ ସାମୁଆଁ ଆପେକେ ଆମ୍ୟାନ୍‍ସା ଇଡ଼ିଙ୍ଗ୍‌ ନ୍ନାଲେଗେଣ୍ଡୁ । 
\v 28 ପେନେ ନିଜର୍‍ ନିଜର୍‍ ସାମୁଆଁ ଆରି ଆଣ୍ଡିନେ ମଣ୍ଡଲିକେ ଇସ୍‍ପର୍‍ ନିଜର୍‍ ମିଆଁ ଏତେ ବିଆର୍‌ବକେ, ମେଇଂନେ ଆତେନ୍‌‍ ମଣ୍ଡଲିକେ ଲାଲନ୍‍ ପାଲନ୍‍ ଡିଂନେସା ପବିତ୍ର ଆତ୍ମା ଆତେନ୍‌‍ ସାପା ଗିମିଃ ମାନ୍ଦା ବିତ୍‍ରେ ଆପେକେ ନେତା ସୁଗୁଆ ଆତୁଆଁ ବକେ ମେଇଂ ବିସୟ୍‍ରେ କେଚେ ଲାଃଲାପା । 
\v 29 ନେଙ୍ଗ୍‍ ଉଁୱିଗ୍‌କ୍ନେ ଇଡ଼ିଙ୍ଗ୍‍ ଙ୍କୁଇଂ ଜେ ପେ ବିତ୍‍ରେ ଗାଚେ ଗିମିଃ ମାନ୍ଦାଇଂକେ ଆଚିନାଆବାନା ଆର୍‌ଏ । 
\v 30 ଆରି ପେ ବିତ୍‍ରେ ଡିଗ୍‍ ରେମୁଆଁ ତଃଡ଼ିଆଚେ ସିସ୍‍ଇଂକେ ନିଜର୍‍ ନ୍‍ସା ପ୍ଲା ପାକା ଗୁଃ ଡୁଙ୍ଗ୍‌ୱେନେ ନ୍‍ସା ଉଲ୍‍ଟା ସାମୁଁଆଁଇଂ ବାଲିର୍‍କେ ଆକେନ୍‍ ନେଙ୍ଗ୍‍ ମ୍ୟାଃକେ । 
\v 31 ଏବେ ପେ ଉର୍‍ ଲାଃଲାପା ଆରି ନେଙ୍ଗ୍‍ ଞ୍ଜି ମୁଆଁ ଜାକ ଞ୍ଜିର୍‍ ଲମ୍‍ଡିଗ୍‍ ଡେଃମୁଁଆଃ ଆଲକ୍ନେ ଏତେ ସର୍‍ତେ ରେମୁଆଁ ଚେତା ବିନ୍‍ନେସା ଜେ ଇଡ଼ିଙ୍ଗ୍‌ ନ୍ନାଃଡିଂକେ, ଆକେନ୍‍ ମ୍ୟାଃଲାଃଲାପା ।
\p
\v 32 ଏବେ ନେଙ୍ଗ୍‍ ଆପେକେ ଇସ୍‍ପର୍‍ନେ ଡାଗ୍ରା ଆରି ମେଁନେ ଅନୁଗ୍ର‍ଅନେ ସାମୁଆଁ ଡାଗ୍ରା ସର୍‍ପେ ବିଃ ଣ୍ଡିଙ୍ଗ୍‍କେ ମେଁ ଆପେକେ ବପୁ ଆଡିଂନେସା “ଆରି ପବିତ୍ର ଆଃଡିଙ୍ଗ୍‌ନେ ସାପାରେନେ ବିତ୍ରେ ଅଦିକାର୍‌ ବିନ୍‌ସା ଇକ୍‌ଚା ନ୍ଲେକେ । 
\v 33 ନେଙ୍ଗ୍‍ ଜାନେ ରୁପା କି ସୁନା କି ସକାପାଟାଇ‍ ଲବ୍‍ ଡିଂନାଲେଗେ । 
\v 34 ଆକେନ୍‍ ମ୍ୱାର୍‍ ନ୍ତି ଜେ ନେଙ୍ଗ୍‍ନେ ଆରି ନେଙ୍ଗ୍‍ ସାଙ୍ଗାଡ଼ିଇଂନେ ଅବାବ୍‍ ପୁରନ୍‍ ଆଡିଂନ୍‌ସା ସେବା ମ୍ପାଡିଂ, ଆକେନ୍‍ ପେ ନିଜେ ମ୍ୟାଃପା । 
\v 35 ଡେକ୍‍ରକମ୍‍ ସ୍ଲେଚେ ବପୁ ଣ୍ଡୁ ଣ୍ଡ୍ରେକେ ସାଇଜ୍ୟ ନେଡିଂପା ଆରି ‘ବାନେ ବାନ୍ ବିବିଃନେ ଅରିଆ ଜବର୍‍ ସାର୍‌ଦା ଲେଃଏ’, ମାପ୍‌ରୁ ଜିସୁ ନିଜେ ଆକେନ୍‍ ମେଁ ସାମୁଆଁ ବାସଙ୍ଗ୍‍ବକେ, ଆତେନ୍‌‍ ମନେ ଡିଂନେ ପେନ୍‍ସା ଜା ଦର୍‍କାର୍‍, ଆକେନ୍‍ ସର୍‍ତେ ବିସୟ୍‍ରେ ନେଙ୍ଗ୍‍ ଆପେକେ ଗାଲି ଆସୁଏଃମ୍ୱକେ ।”
\p
\v 36 ଆକେନ୍‍ ସର୍‍ତେ ସାମୁଆଁ ବାଲିର୍‌ଚେ ମେଁ ଞ୍ଚ ପାଙ୍ଗ୍‌ଚେ ସର୍‍ତେରେ ଏତେ ପାର୍‌ତନା ଡିଂକେ । 
\v 37 ଆରି ମେଇଂ ସର୍‍ତେରେ ଜବର୍‍ ଅଁଆର୍‍ଚେ ପାଉଲ୍‍କେ ଲୁଗ ସାଚେ ଆମେକେ ବୈନ୍ତା ଆର୍‍କେ । 
\v 38 ବାରି ମେଇଂ ମେଁନେ ସାର୍‍ମୁଆଃ ଆରି ଆକେ ଆର୍‍ ଣ୍ଡୁ ଡାଗ୍‍ଚେ ମେଁ ଆଣ୍ଡିନେ ସାମୁଆଁ ବାଲିର୍‍କେ ଜବର୍‍ ତେନ୍‍ସା ଦୁକ୍‍ ଡିଂ ଆର୍‍କେ ଇଡ଼ିଙ୍ଗ୍‌ ମେଇଂ ଆମେକେ ଣ୍ଡିଆଃ ଜା‍ଆଜ୍‌ ଜାକ ୱେଆର୍‍କେ ।
\c 21
\s ପାଉଲ୍‍ ଯିରୁସାଲାମ୍‍ ୱେକେ
\p
\v 1 ମେଇଂନେ ବିଦାୟ୍‌ ଡୁଙ୍ଗ୍‍ଡଚେ ଇଡ଼ିଙ୍ଗ୍‌ ନେ ଜା‍ଆଜ୍‌ନ୍ନିଆ ଡେଃଚେ ସିଦା କୋସ୍‌ନ୍ନିଆ ନେପାଙ୍ଗ୍‍କେ ଆତେନ୍‌‍ ମାର୍‍ତଡ଼େ ରୋଡସ୍‌ନ୍ନିଆ ନେପିଙ୍ଗ୍‌ଚାକେ ବାରି ଆତ୍‍ବାନ୍‍ ପାତାରାନ୍ନିଆ ନେପାଙ୍ଗ୍‍କେ । 
\v 2 ଆତ୍‌ଅରିଆ ଫୈନିକୀୟା ପାକା ୱେଡିଂକ୍ନେ ମୁଇଂ ଣ୍ଡିଆ ଜା‍ଆଜ୍‌ନ୍ନିଆ ଡେଃଚେ ନେୱେକେ । 
\v 3 ତେନ୍‍ ଇଡ଼ିଙ୍ଗ୍‌ ସାଇପ୍ରସ୍ ଇନି ତ୍ନାଡିଂକ୍ନେ ମୁଇଂ ଜାଗାନ୍ନିଆ ନେୱେଚାକେ । ଆତ୍‍ବାନ୍‍ ମେଃନେ ଦକିନ୍‌ ଦିଗ୍‍ ବିଚେ ନେ ସିରିଆପାକା ନେୱେକେ । ନେ ଟାୟର୍‌ ସହର୍‍ନ୍ନିଆ ଣ୍ଡିଆଃ ଜା‍ଆଜ୍‌ବାନ୍‌ ନେଜାର୍‌କେ ଡାଗ୍‌ଲା ଆକେନ୍ ଜା‍ଆଜ୍‌ବାନ୍ ଜିନିସ୍ ଆଜାର୍‌ନେ ଲେଃଗେ । 
\v 4 ଆତ୍‍ଅରିଆ ନେ ଉଡ଼ିରୁଆ ବିସ୍‌ବାସିଇଂକେ କେଚେ ମେଇଙ୍ଗ୍‌ ଏତେ ମୁଇଂ ସାନ୍ତା ନେଲେଃଗେ । ପବିତ୍ର ଆତ୍ମାନେ ଆଦେସ୍‍ ବାଚେ ମେଇଂ ପାଉଲ୍‍କେ ଯିରୁସାଲାମ୍‌ ୱେନ୍‍ସା ମନା ଡିଂଆର୍‍କେ । 
\v 5 ମାତର୍‍ ମେଇଂ ଏତେ ମୁଇଂ ସାନ୍ତା ୱେକ୍ନେ ଇଡ଼ିଙ୍ଗ୍‍ ନେ ଆମେଇଂକେ ଆନ୍ତାର୍‍ଚେ ନେନେ ଗାଲିପାକା ନେୱେକେ । ଆନେକେ ବିଦାୟ୍‌ ବିନ୍‍ସା ମେଇଂ ସାପାରେ ନିଜେନେ ସେଲାମ୍ବୁଏଃ ଆରି ଗଡ଼େଇଂ ଏତେ ସହର୍‍ ବାଏରେ ଲେକ୍ନେ ମ୍ନା କେଣ୍ଡିଆ ଆଡ଼ା ଜାକ ପାଙ୍ଗ୍‍ଆର୍କେ । ଆତ୍‍ଅରିଆ ନେ ସାପାରେ ଡେଙ୍ଗଚେ ପାର୍‌ତନା ନେଡିଂକେ । 
\v 6 ତେନ୍‌ ଇଡ଼ିଂ ନେ ଆମେଇଂକେ ବିଦାୟ୍‌ ବିଚେ ଣ୍ଡିଆଃ ଜା‍ଆଜ୍‌ନ୍ନିଆ ନେଗାକେ ଆରି ମେଇଂ ନିଜର୍ ଡୁଆ ୱିଗ୍‍ଆର୍‍କେ ।
\p
\v 7 ନେ ଟାୟର୍‌ବାନ୍‍ ଜା‍ଆଜ୍‌ନ୍ନିଆ ଯାତ୍ରା ଡିଂଚେ ତାଲମେଇନ୍ନିଆ ନେପିଙ୍ଗ୍‍ଚାକେ ବାରି ବୟାଁଇଂକେ ସାର୍‍ଲଚେ ମୁଇଂ ଦିନା ମେଇଙ୍ଗ୍‌ ଏତେ ନେଲେଃଗେ । 
\v 8 \x + \xo ୨୧:୮ \xo*\xt ପ୍ରେରିତ୍‌ ୬:୫; ୮:୫.\xt*\x*ମାର୍‍ତଡ଼େ ନେ ଆତେନ୍‌‍ ଜାଗା ଆନ୍ତାର୍‍ଚେ କାଇସରିୟା ନେୱେଚାକେ । ଆତ୍‍ଅରିଆ ନେ ବାସଙ୍ଗ୍‌‌ ଡିଙ୍ଗ୍‌ଣ୍ଡ୍ରେ ଫିଲିପ୍‌ନେ ଡୁଆ ନେଲେଃଗେ ଯିରୁସାଲାମ୍‍ନ୍ନିଆ ସେବକ ରକମ୍‍ ମନନିତ୍‍ ଡିଙ୍ଗ୍‍ଲେକ୍ନେ ଗୁ ରୁଆବାନ୍‍ ମେଁ ମୁଇଂଜା ଲେଃଗେ । 
\v 9 ମେଁନେ ଅଁଣ୍ଡ୍ରୁଆ ବିହେ ମାଡିକ୍ନେ ସେଲା ଇସ୍‍ପର୍‍ନେ ବାବବାନି ବାସଙ୍ଗ୍‍ଡିଂ ଆର୍‍ଗେ । 
\v 10 \x + \xo ୨୧:୧୦ \xo*\xt ପ୍ରେରିତ୍‌ ୧୧:୨୮.\xt*\x*ନେ ଆତ୍‍ଅରିଆ ଗୁଲେ ଦିନା ଲେକ୍ନେ ଇଡ଼ିଙ୍ଗ୍‍ ଜିଉଦା ପ୍ରଦେସ୍‌ବାନ୍‍ ଆଗାବ ମ୍ନିକ୍ନେ ମୁଇଂ ବାବବାଦି ଆତ୍‍ଅରିଆ ପାଂକେ । 
\v 11 ମେଁ ନେଡାଗ୍ରା ପାଙ୍ଗ୍‌ଚେ ପାଉଲ୍‍ନେ ନ୍‌ସାନ୍ନିଆ ଗାଗ୍‍ନେ ତୁଆଲ୍‍ ଡୁଂଡଆର୍‍କେ, ଆତ୍‍ବା ମେଁ ନିଜେନେ ନ୍ତି ବାରି ଞ୍ଚ ଗାଗ୍‍ଚେ ବାଲିର୍‍କେ “ପବିତ୍ର ଆତ୍ମା ଆନେଙ୍ଗ୍‍କେ ଆମ୍ୟାଃଡିଂକେ ଜେ ଆକେନ୍‍ ତୁଆଲ୍‍ ଗାଗ୍‍ମ୍ୟାଃକ୍ନେ ଅଦିକାରିକେ ଯିରୁସାଲାମ୍‌ନ୍ନିଆ ଜିଉଦିଇଂ ଦେକ୍‍ରକମ୍‍ ଗାଗ୍‍ଚେ ଆମେକେ ଅଣଜିଉଦିଇଂନେ ନ୍ତି ଡାଗ୍ରା ସର୍‍ପେ ବିଃଆର୍‍ଏ ।”
\p
\v 12 ଏନ୍‍ ଅଁଚେ ନେ ଆରି ଆତ୍‍ଅରିଆ ଲେଃମ୍ୟାକ୍ନେ ବିନ୍‍ରେ ପାଉଲ୍‍କେ ଯିରୁସାଲାମ୍‌ନ୍ନିଆ ମାୱେନ୍‍ସା ଗୁଆରି ଡିଙ୍ଗ୍‌ ଆର୍‍କେ । 
\v 13 ମାତର୍‍ ପାଉଲ୍ ଉତର୍‍ ବିକେ, “ପେ ଏନ୍‍ ମେଁ ଡିଂ ପେଡିଂକେ ମେଁସା ଦେକ୍‍ରକମ୍‍ ଅଁଚେ ନେଙ୍ଗ୍‍ ଜିବନ୍‌କେ ଦୁକ୍‍ ଆଃଡିଂପେଡିଂକେ ? ଜିସୁନେ ମ୍ନି ନ୍‌ସା ଯିରୁସାଲାମ୍‌ନ୍ନିଆ ମାତର୍ ଗାଗ୍‌ ନ୍‌ସା ଣ୍ଡୁ ମାତର୍‍ ମାପ୍‌ରୁ ଜିସୁ ଆତ୍‍ଲା ଗୁଏଃନ୍‍ସା ଡିଗ୍‍ ନେଙ୍ଗ୍‍ ତିଆର୍‌ ଡିଂନ୍ଲେକେ ।”
\p
\v 14 ନେ ଆମେକେ ଆଦ୍ରିଗ୍‍ ମାୟାଚେ ଆତ୍‍ବା ବୁଙ୍ଗ୍‍ ଲେଃଚେ ନେବାଲିର୍‌କେ, “ମାପ୍‍ରୁନେ ଇକ୍‌ଚା ପୁରନ୍‍ ଡିଂଲେ ।”
\p
\v 15 ଆତ୍‍ଅରିଆ ଉଡ଼ିସି ୱେକ୍ନେ ଇଡ଼ିଙ୍ଗ୍‍ ନେ ନେନେ ଜିନିସ୍‍ ସାମାନ୍‍ଇଂ ସଜେଚେ ଯିରୁସାଲାମ୍‌ ପାକା ନେୱେକେ । 
\v 16 କାଇସରିୟାନେ ଉଡ଼ିରୁଆ ସିସ୍‍ ଆରି ସାଇପ୍ରସ୍‌ନେ ମନାସୋନ ମ୍ନିକ୍ନେ ମୁଇଂ ବିସ୍‍ବାସି ଡିଗ୍‍ ନେ ଏତେ ୱେକେ । ମନାସୋନନେ ଡୁଆ ନେ ଲେଃନେ ନିୟମ୍‌ ଆର୍‍ମେ ବଆର୍‍ଗେ ।
\s ଜାକୁବ୍‌ ଏତେ ପାଉଲ୍‍ ମିସୁକେ
\p
\v 17 ନେ ଯିରୁସାଲାମ୍‌ନ୍ନିଆ ନେୱେଚାକେ ଆନେକେ ବୟାଁଇଂ ସାର୍‍ଦାରେ ସାର୍ଲ ଆମ୍ୟାଃଆର୍‍କେ । 
\v 18 ତେନ୍‍ ମାର୍‍ତଡ଼େ ପାଉଲ୍‍ ନେ ଏତେ ଜାକୁବ୍‌କେ କେନ୍‍ସା ୱେଆର୍‍କେ; ସେବକ‍ଇଂ ଆତ୍‍ଅରିଆ ପିଙ୍ଗ୍‍ଚାଲେ ଆର୍‍ଗେ । 
\v 19 ପାଉଲ୍‍ ଆମେଇଂକେ ଜୁଆର୍‌ ବେଟ୍‌ ଡିଙ୍ଗ୍‌ଚେ ମେଁନେ କାମ୍ ବାନ୍‍ ଇସ୍‍ପର୍‍ ଅଣଜିଉଦିଇଂନେ ବିତ୍‍ରେ ମେଁ ଡିଂବଗେ; ମେଁନେ ମୁଇଂ ପୁରାପୁରି ବାବ୍‍ରେ ଆମ୍ୟାଃବିଃଆର୍‍କେ । 
\v 20 ମେଁନେ ସାମୁଆଁ ଦ୍ରିଗ୍‍କ୍ନେ ଇଡ଼ିଙ୍ଗ୍‍ ମେଇଂ ସାପାରେ ଇସ୍‍ପର୍‍କେ ପ୍ରସଂସା ଡିଂ ଆର୍‍କେ । ତେନ୍‌ ଇଡ଼ିଂ ମେଇଂ ବାଲିର୍‍ ଆର୍କେ “ବୟାଁ ପାଉଲ୍‍ ନାଁ ତ କେନାଡିଂକେ, ଡିରକମ୍‍ ଏବେ ଅଜାର୍‍ ଅଜାର୍‍ ସଂକ୍ୟାରେ ଜିଉଦିଇଂ ମାପ୍‌ରୁ ଜିସୁ ଡାଗ୍ରା ବିସ୍‍ବାସ୍‍ ଡିଂଆର୍‍ଡିଂକେ ଆରି ମେଇଂ ନିୟମ୍‌ ଆଡ଼ାତ୍ରା ଡିଗ୍‍ ଜାବର୍‌ ସାର୍‌ଦାରେ ଲେଃଆର୍‍କେ । 
\v 21 ମେଇଂ କବର୍‍ ବାଲେଃଆର୍‍କେ ଜେ ନା ଅଣଜିଉଦିଇଂନେ ଦେସ୍‍ନ୍ନିଆ ବାସା ଡିଂଆର୍‍କ୍ନେ ଜିଉଦିଇଂକେ ମୋଶାନେ ନିୟମ୍‌ ଆନ୍ତାର୍‍ନ୍‍ସା ଆସିକେ ପେଡିଂ । ପେ ଆମେଇଂକେ ମେଇଂନେ ଗଡ଼େଅଇଂନେ ପବିତ୍ର‍ ମାରାଃଡିଂନେ ନ୍‌ସା ଆରି ଜିଉଦିଇଂନେ ନିୟମ୍‌ଇଂ ମାମାନେଃ ନ୍‌ସା ଆଃସିକେ ପେଡିଂକେ । 
\v 22 ନା ଆକ୍‍ଅରିଆ ପିଙ୍ଗ୍‍ଚା ନେଲେଃକେ ଡାଗ୍‍ଚେ ମେଇଂ ଡିଲାଡିଗ୍‌ ଅଁ ଆର୍‍ଏ । ତେଲା ମେଃ ନେଡିଂଏ ? 
\v 23 ନେ ଚାଏଁ ନେଡିଂକେ ନା ମୁଇଂ କାମ୍‍ ଡିଂ । ଆକ୍‍ଅରିଆ ଲେକ୍ନେ ଅଁଣ୍ଡ୍ରୁଆ ରେମୁଆଁ ଇସ୍‍ପର୍‍ ଡାଗ୍ରା ନ୍ତି ଟେକେ ବଆର୍‍କେ । 
\v 24 ମେଇଙ୍ଗ୍‌ ଏତେ ୱେଲା । ଶୁଚିକରଣ ନିୟମ୍‌ ପାଲନ୍‍ନିଆ ମେଇଙ୍ଗ୍‌ ଏତେ କୁଡ଼େଚେ ମେଇଂନେ ବାଆଃ କୁଆର୍‍ ନ୍‌ସା କର୍ଚ ବିଃପା । ଏନ୍‍ବାନ୍‍ ସାପାରେ ବାବେ ଆର୍‍ଏ ଜେ ମେଇଂ ପେ ବିସୟ୍‍ରେ ଜା ସାପା ଅଁଲେଃଆର୍କେ ଆତେନ୍‌‍ ମିଚ୍‍ । ମେଇଂ କେଆର୍‍ଏ ଜେ ପେ ନିଜର୍‍ ନିଜର୍‍ ଜିବନ୍‍ରେ ମସାନେ ନିୟମ୍‌ ମାନେଃଚେ ଚଲେ ପେଡିଂକେ । 
\v 25 \x + \xo ୨୧:୨୫ \xo*\xt ପ୍ରେରିତ୍‌ ୧୫:୨୯.\xt*\x*ନେ ଅଣଜିଉଦି ବିସ୍‍ବାସି ରେମୁଆଁଇଂକେ ଚିଟି ଉଲିଆ ଗୁଆର୍‍ନେଡିଂକେ ଜେ ନେନେ ନିସ୍ପତି ଇସାବ୍‍ରେ ମେଇଂ ମୁର୍ତ୍ତି ପୁଜାଅରିଆ ନ୍ତି ଟେକେବକ୍ନେ ଜିନିସ୍ ଆଚଂଆର୍‍ ଣ୍ଡୁ ମିଆଁ ଆଉଗ୍‍ଆର୍‍ ଣ୍ଡୁ, ଲୁଗଃ ଲିଃଗଚେ ଆଗୁଏବକ୍ନେ ପସୁନେ ଚିଲି ଆଚଂଆର୍‍ଲେ ଆରି ଦଦ୍ୟା‌ ପାପ୍‌ବାନ୍‌ ସ୍ଲ ଲେଃଆର୍‍ଲେ ।”
\p
\v 26 ତେନ୍‍ ଆମାର୍‍ତଡ଼େ ପାଉଲ୍‍ ଆତେନ୍‌‍ ଅଁ ଣ୍ଡ୍ରୁଆ ଏତେ ଶୁଚିକରଣ ନିୟମ୍‌ ପାଲେ ଆର୍‍କେ । ତେନ୍‌ ଇଡ଼ିଂ ମେଁ ମନ୍ଦିର୍‍ନ୍ନିଆ ୱେଚେ ପବିତ୍ର ଡିଂନେ କାମ୍ ଅଃନା ଡାଏ ଆରି ଉଡ଼ି ବେଲା ଗିମିଃ ମିଆଁ ବିଃଆର୍‍ଏ, ଆତେନ୍‌‍ ଆମ୍ୟାଃଆର୍‍କେ ।
\s ପାଉଲ୍‌ ମନ୍ଦିର୍‍ ବିତ୍‍ରେ ଗେରେଆର୍‌କେ
\p
\v 27 ପବିତ୍ର ଡିଂନେ କାମ୍‍ନେ ଗୁ ଦିନା ଡାକ୍ନେ ଇଡ଼ିଙ୍ଗ୍‌ ଆସିଆ ପ୍ରଦେସ୍‍ନେ ଉଡ଼ିରୁଆ ଜିଉଦି ମନ୍ଦିର୍‍ନ୍ନିଆ ପାଉଲ୍‍କେ କେଆର୍‍କେ । ମେଇଂ ଆତ୍‍ଅରିଆ ମୁଇଂନୁଗ୍‍ ରିସିଂଲେକ୍ନେ ରେମୁଆଁଇଂକେ ଅବାଃଲିର୍‍ଚେ ପାଉଲ୍‍କେ ସାଃଆର୍‍କେ । 
\v 28 ମେଇଂ କିରଚେ ବାଲିର୍‍ ଆର୍‍କେ “ଏ ଇଶ୍ରାଏଲ୍‌ନେ ବୟାଁଇଂ ଆନେକେ ସାଇଜ୍ୟ ଡିଂପା ! ଆକେନ୍‍ ରେମୁଆଁ ପିତୁର୍‍ପାକା ୱେଚେ ଇସ୍ରାଏଲ୍‍ନେ ରେମୁଆଁଇଂନେ ବିରଦ୍‌ରେ ମୋଶାନେ ନିୟମ୍‌ ଆରି ଏନ୍‍ ମନ୍ଦିର୍‍ ବିରଦ୍‌ରେ ଗ୍ୟାନ୍‌ ବିଣ୍ଡିଂ । ବାରି ଏବେ ମେଁ ଉଡ଼ିରୁଆ ଗ୍ରୀକ୍‌ ରେମୁଆଁଇଂକେ ମନ୍ଦିର୍‍ ଡାଗ୍ରା ଡୁଙ୍ଗ୍‍ପାଂଚେ ଏନ୍ ପବିତ୍ର ଜାଗାକେ ଅସୁଚି ଆଡିଂବ ଆର୍‍କେ ।” 
\v 29 \x + \xo ୨୧:୨୯ \xo*\xt ପ୍ରେରିତ୍‌ ୨୦:୪.\xt*\x*ମେଇଂ ସହର୍‍ନ୍ନିଆ ଏଫିସିୟନେ ତ୍ରଫିମକେ ପାଉଲ୍‍ ଏତେ କେଲେଃଗ୍‌ସା ବାବେଆର୍‍କେ ଜେ ପାଉଲ୍‍ ଆମେକେ ମନ୍ଦିର୍‍ନ୍ନିଆ ଡୁଂୱେବକେ ।
\p
\v 30 ଗୁଲେ ସହର୍‍ପାକା ଉଡ୍ରା ଡିଂୱେଗେ ରେମୁଆଁଇଂ ମୁଇଂ ମାଡ୍‌ରେ ୱିର୍‍ ଡୁଂୱେଆର୍‍କେ ଆରି ମେଇଂ ପାଉଲ୍‍କେ ସାଚେ ମନ୍ଦିର୍‍ ବାଏରେ ଉର୍‍ଗୁ ଡୁଂପାଙ୍ଗ୍‍ ଆର୍‍କେ ଆରି ଆତେନ୍‌‍ ଦାପ୍ରେ କାପାଟ୍‍ ସାପା ବନ୍ଦ୍ ଡିଂୱେଗେ । 
\v 31 ଆରି ମେଇଂ ଆମେକେ ବାଗୁଏଃ ବିଃନ୍‍ସା ଚେସ୍‌ଟା ଡିଂଆର୍‍କେ ଗୁଲେ ଯିରୁସାଲାମ୍‌ କିରମର ଡିଂଡିଂଗେ ଡାଗ୍‍ଚେ ସନ୍ୟଦଲ୍‍ନେ ମୁଇଂ ସ ସେନାପତିଇଂନେ ଡାଗ୍ରା କବର୍‍ ବିଆର୍‌କେ 
\v 32 ଆତ୍‍ବା ମେଁ ଆତେନ୍‌‍ ଦାପ୍ରେ ସନ୍ୟ ଆରି ମୁଇଂ ଶହନେ ନେତା ମୁଇଂସ ସନ୍ୟ‍ଇଂନେ ନେତା‍ଇଂକେ ସାଚେ ମେଇଂ ଡାଗ୍ରା ୱିର୍‍ ଡୁଂୱେଆର୍‍କେ । ମେଇଂ ମୁଇଂ ଶହ ସେନାପତି ଆରି ସନ୍ୟଇଂ କେଚେ ପାଉଲ୍‍କେ ବାରି ମାବଗ୍‍ଚେ ଆନ୍ତାର୍‍ ବିଆର୍‍କେ । 
\v 33 ଆତେନ୍‌‍ବେଲା ମୁଇଂ ଶହ ସେନାପତି ଡାଗ୍ରା ପାଙ୍ଗ୍‌ଚେ ଆମେକେ ମ୍ୱାର୍‍ତି ସିକ୍ଲିଏତେ ଗାଗ୍‌ନ୍‌ସା ଆଦେସ୍‍ ବିଃଆର୍କେ ବାରି “ମେଁ ଜାଣ୍ଡେ ଆରି ମେଁ ମେଁ ଡିଙ୍ଗ୍‌ବକେ ?” ଡାଗ୍‍ଚେ ସାଲିଆକୁଆର୍‍କେ । 
\v 34 ରେମୁଆଁ ଗହଲିବାନ୍‍ ଜା ଉଡ଼ି ରକମ୍‍ନେ ସାମୁଆଁ ବାଲିର୍‍ଚେ ୱାସାର୍‍ ଆର୍‍କେ ଦେକ୍‍ରକମ୍‍ କିରମର ଡିଂକେ ଜେ ସେନା ନେତା ସତ୍‍ ଗଟ୍‌ନା ମେଁନେ ମେଃଡିଗ୍‍ ବୁଜେ ଆୟାକେ ଣ୍ଡୁ । ତେସା ମେଁ ପାଉଲ୍‍କେ ସନ୍ୟ ଡୁଆ ବିତ୍‍ରେ ଡୁଂୱେନ୍‍ସା ସୈନିକ୍‌ଇଂକେ ଆଦେସ୍‍ ବିଆର୍‍କେ । 
\v 35 ମେଇଂ ଆମେକେ ଡୁଂୱେଚେ ସନ୍ୟ ଡୁଆନେ ପାଆଚ୍‌ ଡାଗ୍ରା ୱେଚାନେ ବେଲା ଆମେକେ ଗେରେ ଲେକ୍ନେ ରେମୁଆଁଗଣ୍ଡ୍‌ଇଂ ଏନ୍ତି କିରମର ଡିଂଆର୍‍କେ ଜେ ସନ୍ୟଇଂ ପାଉଲ୍‍କେ ଡୁଙ୍ଗ୍‍ଚେ ଡୁଂଡଆର୍‍କେ । 
\v 36 ରେମୁଆଁଇଂ ସାପାରେ ମେଁ ପ୍ଲା ପାଙ୍ଗ୍‌ଚେ ୱାସାର୍‍ଚେ ବାସଙ୍ଗ୍‍ଡିଂଆର୍‍ଗେ “ଆମେକେ ବାଗୁଏ ବିଃପା ।”
\s ପାଉଲ୍ ଜିବନ୍ ଅପେଃକେ
\p
\v 37 ସନ୍ୟଇଂ ପାଉଲ୍‍କେ ପ୍ରାସାଦ୍‌ ବିତ୍‍ରେ ଡୁଂୱେନେ ବେଲା ମେଁ ସେନାଇଂନେ ନେତାକେ ବାଲିର୍‍କେ, “ଆନା ନେଙ୍ଗ୍‍ ମେଁ ଡିଗ୍‍ ବାସଙ୍ଗ୍‌ ୟାଲେଃ ?” ସେନାଇଂନେ ନେତା ସାଲିଆକୁକେ, “ନା ତ ଗ୍ରୀକ୍‍ ବାସା ବାଲିର୍‍ ନାଡିଂକେ । 
\v 38 ତେଲା ନା ମେଁନେ ଆତେନ୍‌‍ ମିସର୍‌ନେ ରେମୁଆଁ ଣ୍ଡୁ, ଜା ଉଡ଼ିମୁଆଁ ଅଃସେ ସର୍‍କାର୍‍ନେ ବିରୁଦ୍‌ରେ ଜୁଦ୍‌ ଡିଂବଗେ ଆରି ଅଁ ଅଜାର୍‍ ଡାକୁ ସାଚେ ବାଲିଲଃନ୍ନିଆ ୱେଲେଃଆର୍‍ଗେ ।”
\p
\v 39 ପାଉଲ୍‍ ଉତର୍‍ ବିକେ “ସିଲିଷୀଆନେ ତାର୍ଷିସ୍‍ନ୍ନିଆ ଜନମ୍‍ ଡିଂଲେକ୍ନେ ନେଙ୍ଗ୍‍ ମୁଇଂ ଜିଉଦି ରେମୁଆଁ ମୁଇଂ ମ୍ନା ସହର୍‍ନେ ନାଗରିକ । ଏନ୍‍ ରେମୁଆଁଇଂକେ ଆଦ୍ରିଗ୍‍ଚେ ବାଲିର୍‍ ନ୍‌ସା ଦୟା ଡିଂଚେ ଆନେଙ୍ଗ୍‍ ଆଦେସ୍‌ ବିଲା ।”
\p
\v 40 ସେନାପତି ଆମେକେ ଆଦେସ୍‌ ବିଲା ପାଉଲ୍‍ ପାଆଚ୍‌ ଆଡ଼ାତ୍ରା ତୁଆଁଚେ ରେମୁଆଁଇଂକେ ବୁଙ୍ଗ୍‍ଲେଃ ନ୍‍ସା ନ୍ତି ଆତଡ଼ିଆଚେ ବାଲିର୍‍କେ । ମେଇଂ ବୁଙ୍ଗ୍‍କ୍ନେ ଇଡ଼ିଙ୍ଗ୍‌ ପାଉଲ୍‍ ଏବ୍ରୀ ବ୍ନାସାରେ ବାଲିର୍‍କେ ।
\c 22
\p
\v 1 “ବୟାଁ ବାରି ଡକ୍ରାରେଇଂ ପେ ସାର୍‍ମୁଆଃ ଡାଗ୍ରା ନିଜେ ପାକାବାନ୍‍ ନେଙ୍ଗ୍‍ ମେଃନେ ବାସଙ୍ଗ୍‍ଣ୍ଡିଂ ଅଃତେନ୍‍ ଦ୍ରିଗ୍‍ପା !” 
\v 2 ମେଇଙ୍ଗ୍‌ ଏତେ ମେଁ ଏବ୍ରୀ ବ୍ନାସାରେ ସାମୁଆଁ ବାସଙ୍ଗ୍‍ନେ ଅଁଚେ ମେଇଂ ବାରି ବୁଙ୍ଗ୍‍ ଆର୍‍ଗେ ଆରି ପାଉଲ୍‍ ବାଲିର୍‍ନେ ମୁଲେଃକେ ।
\p
\v 3 \x + \xo ୨୨:୩ \xo*\xt ପ୍ରେରିତ୍‌ ୫:୩୪-୩୯.\xt*\x*“ନେଙ୍ଗ୍‍ ମୁଇଂ ଜିଉଦି ରେମୁଆଁ ସିଲିଷୀଆନେ ତାର୍ଷିସ୍‌ଡାଗ୍ରା ନେଙ୍ଗ୍‍ନେ ଜନମ୍‍ ମାତର୍‍ ନେଙ୍ଗ୍‍ ଯିରୁସାଲାମ୍‍ନ୍ନିଆ ଲାଲନ୍‍ ପାଲନ୍‍ ଡିଙ୍ଗ୍‍ନ୍ଲେଗେ ବାରି ଗମଲିଏଲ୍‍ନେ ମୁଇଂ ଗଡ଼େଅ ଲେଃଗେ । ନେନେ ନ୍ତା ଞ୍ଜାଇଂନେ ନିୟମ୍‌ ନେଙ୍ଗ୍‍ ସତ୍‍ ବାବ୍‍ରେ ସିକ୍ୟା ବାନ୍ଲେକେ ବାରି ପେ ରକମ୍‍ ଇସ୍‍ପର୍‍ଡାଗ୍‍ରା ଜାବର୍‌ ସାର୍‌ଦାରେ ନ୍ଲେଗେ । 
\v 4 \x + \xo ୨୨:୪ \xo*\xt ପ୍ରେରିତ୍‌ ୮:୩; ୨୬:୯-୧୧.\xt*\x*ନେଙ୍ଗ୍‍ ଆକେନ୍‍ ଗାଲି ତୁର୍‍ ଅଲେଙ୍ଗ୍‍ ମ୍ୟାଃକ୍ନେ ରେମୁଆଁଇଂନେ ଆଡ଼ାତ୍ରା ଅତ୍ୟାଚାର୍‍ ଡିଂଚେ ଆମେଇଂକେ ଜିବନ୍‍ରେ ବାଗୁଏ ବିମ୍ୱଗେ । ସେଲାମ୍ବୁଏଃ ଆରି ଙ୍ଗିରେ ସାପାରେକେ ବନ୍ଦି ଆଡିଂଚେ କ‍ଏଦ୍‍ ଡୁଆନ୍ନିଆ ଆଗା ନେବଗେ । 
\v 5 ନେଙ୍ଗ୍‍ନେ ଆକେନ୍‍ ସାମୁଆଁ ଜେ ସତ୍‍ ମ୍ନା ପୁଜାରି ବାରି ମ୍ନା କୁକପାର୍‍ନେ ସାପାରେ ଆକେନ୍‍ ସାକି ଲେଃଆର୍କେ । ଏନ୍‌‍ ରେମୁଆଁଇଂକେ ବନ୍ଦି ଆଡିଂଚେ ବାରି ସିକିଲି ଏତେ ଗାଗ୍‍ଚେ ଡଣ୍ଡ୍‍ ବିନ୍‍ସା ଯିରୁସାଲାମ୍‌ନ୍ନିଆ ସାଚେ ଡୁଙ୍ଗ୍‍ପାଂନେସା ନେଙ୍ଗ୍‍ ମ୍ନା ପୁଜାରିବାନ୍‍ ପରିଚୟ୍‌ ଉଲିଆ ଡୁଂୱେଚେ ଦାମାସ୍କସ୍‌ଡାଗ୍ରା ଲେକ୍ନେ ଜିଉଦି ବୟାଁଇଂଡାଗ୍ରା ଉଁୱେକେ ।”
\s ପାଉଲ୍‍ ମେଁନେ ମନ୍‍ ପରିବର୍ତନ ସାମୁଆଁରେ ବାଲିର୍‍କେ
\r (ପ୍ରେରିତ୍‌ ୯:୧-୧୯; ୨୬:୧୨-୧୮)
\p
\v 6 “ନେଙ୍ଗ୍‍ ଯାତ୍ରା ଡିଂଚେ ଉଡ଼ିବେଲା ଦାମାସ୍କସ୍‌ଡାଗ୍ରା ଡିଂଣ୍ଡିଙ୍ଗ୍‍ଗେ ପ୍ରାୟ୍ ସ୍ମି ବେଲା କିତଂଇନିବାନ୍‍ ମୁଇଂ ତାର୍‍କିଗ୍‍ସ ଉଲୁସ୍ତେ ନେଙ୍ଗ୍‍ ପିତୁର୍‍ପାକା ତାର୍‍କିଗ୍‍ ଡିଂକେ । 
\v 7 ନେଙ୍ଗ୍‍ ତୁବଡାଗ୍ରା ମୁଗ୍‍ଚିଚେ ଲଃ ଙ୍ଗୁଏଃଏ ଆରି ନେଙ୍ଗ୍‍ ନ୍‌ସା ଏନ୍‍ ଇଲ୍‍ଏଁ ଙକେ, ‘ଶାଉଲ୍‍ ଶାଉଲ୍‍ ! ନା ମେଁସା ଆନେଙ୍ଗ୍‍ ଗୁର୍‌ନା ଡିଂନାଡିଂକେ ?’ 
\v 8 ନେଙ୍ଗ୍‍ ସାଲିଆଙ୍କୁକ୍‍କେ ‘ମାପ୍‌ରୁ ନାଁ ଜାଣ୍ଡେଃ ?’ ମେଁ ଆନେଙ୍ଗ୍‍କେ ବାଲିର୍‍କେ ନାଁ ଆଜାକେ ଗୁର୍‌ନା ଡିଂନାଡିଂକେ, ନେଙ୍ଗ୍‍ ଆତେନ୍‌‍ ନାଜରିତନେ ଜିସୁ । 
\v 9 ନେଙ୍ଗ୍‍ ଏତେ ଲେଃଡିଂକ୍ନେ ରେମୁଆଁଇଂ ଆତେନ୍‌‍ ତାର୍‍କିଗ୍‍ସ କେଆର୍‍କେ, ମାତର୍‍ ନେଙ୍ଗ୍‍ ଏତେ ବ୍ନାଇର୍‍ ବାଲିର୍‍ ଡିଂକ୍ନେ ରେମୁଆଁନେ ଇଲ୍‍ଏଁ ଦ୍ରିଗ୍‍ ଆୟାଆର୍‌କେ ଣ୍ଡୁ । 
\v 10 ନେଙ୍ଗ୍‍ ମ୍ପଚାରେକେ ‘ମାପ୍‌ରୁ ନେଙ୍ଗ୍‍ ମେଁ ଣ୍ଡିଙ୍ଗ୍‍ଏ ?’ ମାପ୍‌ରୁ ଆନେଙ୍ଗ୍‍ ବାଲିର୍‍ଲେ ‘ତଃଡ଼ିଆ ଦାମାସ୍କସ୍‌ ୱେଲା ଇସ୍‍ପର୍‍ ନା ଆତ୍‍ଲା ଆଣ୍ଡିନେ କାମ୍ ବିଃ ବକେ ଆତ୍‍ଅରିଆ ଆନାକେ ଆତେନ୍‌‍ ଆଃଅଁ ବିଏ ।’ 
\v 11 ଗୌରବ୍‌ମୟ ତାର୍‍କିଗ୍‍ନେ ତାତିରେ ନେଙ୍ଗ୍‍ କାନା ଡିଂ ୱେନ୍ଲେଗେ । ଆତେନ୍‌‍ସା ନେଙ୍ଗ୍‍ନେ ସଙ୍ଗ୍‌ସାତିଇଂ ନେଙ୍ଗ୍‍ ନ୍ତି ସାଚେ ଆନେଙ୍ଗ୍‍କେ ଦାମାସ୍କସ୍‌ଡାଗ୍ରା ଡୁଂୱେଆର୍କେ ।”
\p
\v 12 “ଆତେନ୍‌‍ ସହର୍‍ନ୍ନିଆ ହନନୀୟ ମ୍ନିକ୍ନେ ମୁଇଂ ଦାର୍ମିକ୍ ରେମୁଆଁ ଲେଃଗେ । ମେଁ ନେନେ ନିୟମ୍‌ ପାଲନ୍‍ ଡିଂଡିଂଗେ ଆରି ଆତ୍‍ଅରିଆ ବାସା ଡିଂଆର୍‍କ୍ନେ ଜିଉଦିଇଂ ସାପାରେ ଆମେକେ ଜାବର୍‌ ସନ୍‌ମାନ୍‌ ବିଡିଂଆର୍‍ଗେ । 
\v 13 ମେଁ ନେଙ୍ଗ୍‍ ଡାଗ୍ରା ପାଙ୍ଗ୍‍ଚେ ନେଙ୍ଗ୍‍ ଡାଗ୍ରା ତୁଆଁଚେ ବାଲିର୍‍କେ ‘ବୟାଁ ଶାଉଲ୍‍ ନାନେ କେନେ ବପୁ ଆଣ୍ଡେ ପାଙ୍ଗ୍‍ଲେ । ଟିକ୍‍ ଆତେନ୍‌‍ ଦାପ୍ରେ ନେଙ୍ଗ୍‍ ବାର୍‌ମୁଇଂତର୍‍ କେୟାନେ ବପୁ ବାଚେ ଆମେକେ ଙ୍କେକେ ।’” 
\v 14 ମେଁ ବାଲିର୍‍କେ “ନେନେ ନ୍ତା ଞ୍ଜାଇଂନେ ମାପ୍‌ରୁ ଆନାକେ ମେଇଂ ଇକ୍‌ଚା ମ୍ୟାଃନ୍‍ସା ମେଇଂ ଦାର୍‌ମିକ୍‌ ସେବକଇଂକେ କେନ୍‍ସା ବାରି ମେଇଂ ସାମୁଆଁ ଅଁନ୍‍ସା ମନନିତ୍‍ ଡିଂବଆର୍‌କେ । 
\v 15 ଡାଗ୍ଲା ପେ ମେଃନେ କେପେଲେକେ ଆରି ଅଁପେଲେକେ ଆତେନ୍‌‍ ସାପାରେ ଡାଗ୍ରା ବାଲିର୍‍ ନ୍‌ସା ପେ ମେଃନେ ସାକି ପେଡିଂଏ । 
\v 16 ବାରି ମେସା ନିଅଲ୍‌ ଆଡିଂପେଡିଂ ? ପାଙ୍ଗ୍‌ଲାପା ଣ୍ତିଆନ୍ନିଆ ଡୁବନ୍‌ ଡୁଂଡଲାପା ବାରି ମେଁନେ ମ୍ନିରେ ପାର୍‌ତନା ଡିଙ୍ଗ୍‌ଲା ପାପ୍‍ ସାପା ଗଃଡ଼ିଆ ଜଗ୍‍ତ୍ଲାଗ୍‍ ।”
\s ଅଣଜିଉଦିଇଂନେ ଡାଗ୍ରା ବାସଙ୍ଗ୍‌ ଡିଂନେସା ପାଉଲ୍‍ନେ ବ୍ନାଲିର୍‍
\p
\v 17 “ନେଙ୍ଗ୍‍ ଯିରୁସାଲାମ୍‌ ଆଣ୍ଡେ ୱିଗ୍‍ଚେ ଆତ୍‍ଅରିଆନେ ମନ୍ଦିର୍‍ନେ ପାର୍‌ତନା ଡିଂଣ୍ଡିଂନେ ବେଲା 
\v 18 ମାପ୍‍ରୁନେ ଦର୍‍ସନ୍‍ ଙ୍କେକେ । ମେଁ ଆନେଙ୍ଗ୍‍ ବାଲିର୍‍କେ ‘ଜିଆ ଯିରୁସାଲାମ୍‌ ଆନ୍ତାର୍‍ଚେ ଲାଗ୍‍ଡଲା ଡାଗ୍ଲା ଆକ୍‍ଅରିଆନେ ରେମୁଆଁଇଂ ନେଙ୍ଗ୍‍ ବିସୟ୍‍ରେ ନାନେ ସାକି ଗ୍ର‍ଅନ୍‌‍ ଆଡିଂଆର୍‍ ଣ୍ଡୁ ।’ 
\v 19 ନେଙ୍ଗ୍‍ ଉତର୍‍ ମ୍ୱିକେ ‘ମାପ୍‌ରୁ’ ନେଙ୍ଗ୍‍ ପାର୍‌ତନା ଡୁଆଇଂନ୍ନିଆ ୱେଚେ ନାଡାଗ୍ରା ବିସ୍‍ବାସ୍‍ ଡିଂଆର୍‍ଡିଂକ୍ନେ ରେମୁଆଁଇଂକେ ଡିରକମ୍‍ ବନ୍ଦି ଆଡିଂବଆର୍‍ଗେ ଆରି ବାଗୁଏବ ଆର୍‍ଗେ ଆକେନ୍‍ ମେଇଂ ନିମାଣ୍ଡା ବାବ୍‍ରେ ମ୍ୟାଃଲେଆର୍‍କେ । 
\v 20 ବାରି ଉଡ଼ିବେଲା ନାନେ ସାକି ସ୍ତିଫାନକେ ବାଗୁଏ ଆର୍‍କେ ନେଙ୍ଗ୍‍ ନିଜେ ଆତ୍‍ଅରିଆ ନ୍ଲେଗେ; ଆମେକେ ଜିବନ୍‍ରେ ବାଗୁଏ ବିନ୍‍ସା ନେଙ୍ଗ୍‍ ଏତେ ଲେଃଡିଂକ୍ନେ ରେମୁଆଁଇଂ ଆଃମ୍ୟାଃ ବିଃମ୍ୱଗେ ଆରି ମେଇଂ ବାଗୁଏରେଇଂକେ ନିଜେ ନିଜେନେ ସକାଇଂକେ ଉର୍‍ ନ୍ଲେଗେ । 
\v 21 ମାପ୍‌ରୁ ଆନେଙ୍ଗ୍‍ ବାଲିର୍‍କେ ‘ୱେଲା’ ନେଙ୍ଗ୍‍ ଆନାକେ ଗୁଲେ ସ୍ଲ ଅଣଜିଉଦିଇଂନେ ଡାଗ୍ରା ମ୍ୱେଏ ।”
\p
\v 22 ପାଉଲ୍‍ ଆକେନ୍‍ ସାମୁଆଁ ବାଲିର୍‍ନେ ଜାକ ରେମୁଆଁଇଂ ମନ୍‍ ଦିଆନ୍‍ ଦ୍ରିଗ୍‍ଆର୍‍ଡିଂଗେ ମାତର୍‍ ତେନ୍‌ ଇଡ଼ିଂ ମେଇଂ ୱାସାର୍‍ଚେ ବାଲିର୍‍ ଆର୍‍କେ “ଆମେକେ ମଞ୍ଚ୍‌ପୁର୍‌ବାନ୍ ଆତାର୍‍ ବିଃପା ! ଆମେକେ ବାଗୁଏଃ ବିଃପା ! ମେଁ ବ୍ରୁଆନେ ଆରି ଦର୍‍କାର୍‍ ଣ୍ଡୁ !” 
\v 23 ମେଇଂ ୱାସାର୍‍ ଡିଂଆର୍‍କେ ସକା ପାଟାଇ ଆଉଡ଼େ ଡିଂଆର୍‍ଗେ ବାରି ଆରାତ୍ରା ଦୁଲି ଜଗ୍‌ତ୍ଲାଗ୍‍ ଡିଂଆର୍‍ଗେ । 
\v 24 ପାଉଲ୍‍କେ ସନ୍ୟ ଡୁଆ ବିତ୍‍ରେ ଡୁଂୱେନ୍‍ସା ରୋମୀୟ ସେନାପତି ସନ୍ୟଇଂକେ ଆଦେସ୍‍ ବିକେ ଆରି ଜିଉଦିଇଂ ମେଁସା ମେଁ ବିରଦ୍‍ରେ ଦେକ୍‍ରକମ୍‍ ୱାସାର୍‍ ଡିଂଆର୍‍ଗେ ଆତେନ୍‌‍ ମ୍ୟାଃନ୍‍ସା ଆମେକେ ଚାମ୍ୱୁକ୍‍ ଏତେ ବଗ୍‍ନ୍‍ସା ଆଦେସ୍‍ ବିଆର୍‍କେ । 
\v 25 ମାତର୍‍ ମେଇଂ ଆମେକେ ଗାଗ୍‍ନେ ବେଲା ପାଉଲ୍‍ ଆତ୍‍ଅରିଆ ଲେଃଣ୍ଡ୍ରେକେ ମୁଇଂ ଚାକିରିଆକେ ବାଲିର୍‍କେ “ମେଃଡିଗ୍‍ ଅପରାଦ୍‌ରେ ଏ ଜାକ ବିଚାର୍‍ ମାଡିଂଚେ ମୁଇଂ ରୋମୀୟ ଙ୍ଗିରେକେ ଚାମ୍ୱୁକ୍‌ ଏତେ ବଗ୍‍ନେ ମେଁନେ ଆଇନ୍‌ନେ ନିୟମ୍‍ ?”
\p
\v 26 ଆକେନ୍‍ ଅଁଚେ ସ୍ଲେରେ ୱେଚେ ସନ୍ୟନେତା ବାଲିର୍‍କେ, “ନା ମେଃନେ ଡିଂ ନାଡିଂକେ ? ଏନ୍‍ ରେମୁଆଁ ଜେ ମୁଇଂ ରୋମୀୟ ଙ୍ଗିରେ !”
\p
\v 27 ସନ୍ୟନେତା ପାଉଲ୍ ଡାଗ୍ରା ୱେଚେ ସାଲିଆକୁକେ “ନା ମେଃନେ ମୁଇଂ ରୋମୀୟ ଙ୍ଗିରେ ?” ପାଉଲ୍‍ ଉତର୍‍ ବିକେ, “ଅଃଅଁ ।”
\p
\v 28 ସେନାପତି ବାଲିର୍‍କେ “ନେଙ୍ଗ୍‍ ମୁଇଂ ରୋମୀୟ ଙ୍ଗିରେ ଡିଂନେସା ଗୁଲେ ଡାବୁ ବିମ୍ୱଗେ ।” ପାଉଲ୍‍ ବାଲିର୍‍କେ “ମାତର୍‍ ନେଙ୍ଗ୍‍ ଜନମ୍‍ବାନ୍‍ ରୋମୀୟ ।”
\p
\v 29 ପାଉଲ୍‍ ମୁଇଂ ରୋମୀୟ ଙ୍ଗିରେ ଡାଗ୍‍ଚେ ମ୍ୟାଃକ୍ନେ ଇଡ଼ିଙ୍ଗ୍‌ ଆମେକେ ପ୍ରଶ୍ନ ସାଲ୍ୟାଃକୁ ନ୍‍ସା ୱେଡିଂକ୍ନେ ରେମୁଆଁଇଂ ଜିଆ ଜିଆ ଆମେକେ ଆନ୍ତାର୍‍ଚେ ଲାଗ୍‍ଡଆର୍‍କେ । ସନ୍ୟନେତା ଡିଗ୍‍ ଆମେକେ ଗାଗ୍‍ଚେ ବଗ୍‍ନେସା ଆଦେସ୍‍ ବିବଲା ମେଁ ଡିଗ୍‍ ବୁଟମେଗ୍ ୱେଗେ ।
\s ମ୍ନା କୁକପାର୍‌ନ୍ନିଆ ପାଉଲ୍
\p
\v 30 ଜିଉଦିଇଂ ପାଉଲ୍‌ନେ ବିରଦ୍‌ରେ ମେଃନେ ଦସ୍‌ ସାଆର୍‍ଡିଂଗେ । ଆତେନ୍‌‍ ସତ୍‌ବାବ୍‌ରେ ମ୍ୟା ନ୍‌ସା ସନ୍ୟ‍ଇଂନେ ନେତା ସାପାରେ ତେନ୍ ମାର୍‌ତଡ଼େ ପାଉଲ୍‍କେ ବନ୍ଦିବାନ୍‌ ରଃବିଚେ ମ୍ନା ପୁଜାରି ବାରି ସାପା ମ୍ନା କୁକପାର୍‌ନ୍ନିଆ ମିସୁଚେ ପାଙ୍ଗ୍‌ ନ୍‌ସା ଆଦେସ୍‍ ବିକେ । ତେନ୍‍ ଇଡ଼ିଙ୍ଗ୍‌ ପାଉଲ୍‍କେ ଡୁଂୱେଚେ ମେଇଂନେ ସାମ୍‍ନେ ଆତୁଆଁ ଆର୍କେ ।
\c 23
\p
\v 1 ପାଉଲ୍‍ ମ୍ନା କୁକପାର୍‌ ପାକା ମୁଇଂ ଲୟ୍‍ରେ କେଚେ ବାଲିର୍‍କେ, “ଏ ଇସ୍ରାଏଲ୍‍ନେ ବୟାଁଇଂ ! ଏ ଜାକ ଇସ୍‍ପର୍‍ ଡାଗ୍ରା ଡିରକମ୍‍ ବାବ୍‍ରେ ବ୍ରୁଆ ଡିକେଃ ମ୍ବକେ ଆତେନ୍‌‍ ବିସୟ୍‌ରେ ନେଙ୍ଗ୍‍ନେ ବୁଦି ପୁରାପୁରି ନିର୍ମଲ୍‍ ।” 
\v 2 ଆକେନ୍‍ ସାମୁଆଁ ଦ୍ରିଗ୍‍ଚେ ‍ମ୍ନାପୁଜାରି ହନନୀୟ ପାଉଲ୍‍ନେ ସାର୍ମୁଆଃଅରିଆ ଚାପଡ଼୍ ବଗ୍‍ନେସା ପାଉଲ୍‍ ଡାଗ୍ରା ତୁଆଁଲେକ୍ନେ ରେମୁଆଁଇଂକେ ଆଦେସ୍‍ ବିକେ । 
\v 3 \x + \xo ୨୩:୩ \xo*\xt ମାତିଉ ୨୩:୨୭,୨୮.\xt*\x*ପାଉଲ୍‍ ହନନୀୟାକେ ବାଲିର୍‍କେ, “ଅ କପଟି‍ଇଂ ଇସ୍‍ପର୍‍ ଆନାକେ ଡିଲାଡିଗ୍ ବଗ୍‍ଏ । ପେ ମୁଇଂ ମ୍ୱାର୍‍ କାନ୍ଥ୍‌ ରକମ୍‍ ଜା ଆଡ଼ାତ୍ରା ତୁଲୁଏ ବାନା ବଗ୍‍ବଆର୍‍କେ । ନାଁ ନିୟମ୍‌ ଇସାବ୍‍ରେ ନେଙ୍ଗ୍‍ନେ ବିଚାର୍‌ ଡିଙ୍ଗ୍‍ନେସା କନାଲେଃକେ ମାତର୍‍ ନିୟମ୍‌ ବିରୁଦ୍‌ରେ ଆନେଙ୍ଗ୍‍କେ ବଗ୍‍ନେସା ଆଦେସ୍‍ ବିନାବକେ । ଆକେନ୍‍ ମଶାନେ ନିୟମ୍‌ ବିରୁଦ୍‌ରେ କାମ୍ ଡିଙ୍ଗ୍‍ ନାଡିଂକେ ।”
\p
\v 4 ପାଉଲ୍ ଡାଗ୍ରା ଲେଃକ୍ନେ ରେମୁଆଁଇଂ ଆମେକେ ବାଲିର୍‍ଆର୍କେ “ନା ଇସ୍‍ପର୍‍ନେ ମ୍ନା ପୁଜାରିକେ ଅପମାନ୍‍ ଡିଂନାଡିଂକେ !”
\p
\v 5 ପାଉଲ୍‍ ଉତର୍‍ ବିକେ, “ଏ ଇସ୍ରାଏଲ୍‍ନେ ବୟାଁଇଂ ମେଁ ମ୍ନା ପୁଜାରି ଡାଗ୍‍ଚେ ନେଙ୍ଗ୍‍ ମ୍ୟାଃନାଲେଃଗେ । ଦର୍ମସାସ୍ତର୍‌ନ୍ନିଆ ଗୁଆର୍‍ ବକେ ‘ନାନେ ନିଜର୍ ରେମୁଆଁଇଂକେ ନେତା ବିସୟ୍‌ରେ ଦଦିଆ ସାମୁଆଁ ବାସଙ୍ଗ୍‍ନେ ନିମାଣ୍ଡା ଣ୍ଡୁ ।’”
\p
\v 6 \x + \xo ୨୩:୬ \xo*\xt ପ୍ରେରିତ୍‌ ୨୬:୫; ପିଲିପିୟ ୩:୫.\xt*\x*ଜିଉଦିଇଂନେ ଦଲ୍‍ନ୍ନିଆ ଉଡ଼ିରୁଆ ଫାରୁଶୀ ଆରି ଉଡ଼ିରୁଆ ସାଦୁକୀ ଲେଃଗ୍ନେ କେଚେ ପାଉଲ୍‍ ମ୍ନା କୁକପାର୍‌ନ୍ନିଆ ୱାଚେ ବାସଙ୍ଗ୍‍କେ, “ଏ ଇସ୍ରାଏଲ୍‍ନେ ବୟାଁଇଂ ନେଙ୍ଗ୍‍ ମୁଇଂ ଫାରୁଶୀ ଆରି ନେଙ୍ଗ୍‍ନେ ଆବା ଡିଗ୍‍ ଫାରୁଶୀ ଲେଃଗେ । ନେଙ୍ଗ୍‍ ରେମୁଆଁଇଂ ଗୁଏଚେ ତଡ଼ିଆନେ ଆସା ଡିଂମ୍ୟାଃଆର୍‌କେ । ଏନ୍‍ ବିସ୍‍ବାସ୍‍ ନ୍‍ସା ନେଙ୍ଗ୍‍ ଏକେ ଆକ୍‍ଅରିଆ ଏନ୍‍ ବିଚାର୍‌ନ୍ନିଆ ପାଙ୍ଗ୍‍ନ୍ଲେଃକେ ।”
\p
\v 7 ପାଉଲ୍‍ ଦେକ୍‍ରକମ୍‍ ବାଲିର୍‍ନେ ଦାପ୍ରେ ଫାରୁଶୀ ଆରି ସାଦୁକୀଇଂନେ ବିତ୍‍ରେ ଜାବର୍‌ ବାଲିର୍‍ ବାତା ଡିଂଆର୍‍କେ । ଆତେନ୍‌‍ କୁକପାର୍‌ ମ୍ୱାର୍‍ ବାଗ୍‍ରେ ବାଗ୍‍ ଡିଂୱେଗେ । 
\v 8 \x + \xo ୨୩:୮ \xo*\xt ମାତିଉ ୨୨:୨୩; ମାର୍‌କ ୧୨:୧୮; ଲୁକ୍‌ ୨୦:୨୭.\xt*\x*ସାଦୁକୀଇଂ ବିସ୍‍ବାସ୍‍ ଡିଂମ୍ୟାଃଆର୍‍କେ ଜେ ଗୁଏଚେ ତଃଡ଼ିଆ ଆୟାଆର୍‍ ଣ୍ଡୁ କି ମେଃଡିଗ୍‍ କିତଂ ଦୁତ୍‍ ବାରି ଆତ୍ମାଇଂନେ ଞ୍ଚିୟା ଡିଗ୍‍ ଣ୍ଡୁ; ମାତର୍‍ ଏଲେଡିଗ୍ ଫାରୁଶୀଇଂ ଆକେନ୍‍ ଞ୍ଜିକ୍ଲିଗ୍‍ ବିସୟ୍‌ରେ ବିସ୍‍ବାସ୍‍ ଡିଂମ୍ୟାଃଆର୍‍କେ । 
\v 9 ଆତେନ୍‌‍ସା ଜିଉଦିଇଂ ଜାବର୍‌ କିରମର ଡିଂଆର୍‍କେ । ଫାରୁଶୀ ଦଲ୍‍ନ୍ନିଆ ଉଡ଼ିରୁଆ ଦରମ୍‌ ଗୁରୁ ତୁଆଁଚେ ପାଉଲ୍‍ନେ ନ୍‌ସା ଜୁକ୍‌ତି ଡିଂଆର୍‍କେ । ମେଇଂ ବାଲିର୍‍ ଆର୍‍କେ “ନେ ଆକେନ୍‍ ରେମୁଆଁନେ ମେଃଡିଗ୍‍ ବୁଲ୍‌ କେନେଡିଂକେ ଣ୍ଡୁ । ଡିଙ୍ଗ୍‍ଏ ତ ମେଃଡିଗ୍‍ ଆତ୍ମା ଲେଃ କିତଂ ଦୁତ୍‍ ଏନ୍‍ ରେମୁଆଁ ଏତେ ବାଲିର୍‍ ବାତା ଡିଂବଗେ ।”
\p
\v 10 ଲେଃଗା ଲେଃଗା କିରମର ମ୍ନା ଡିଂୱେଗେ । ସେନାନେତା ବାବେକେ ଜେ ଡିଙ୍ଗ୍‍ଲେଃଏ ତ ରେମୁଆଁଇଂ ପାଉଲ୍‍କେ ମେତଗ୍‌ ମେତଗ୍‌ ଆଃଡିଙ୍ଗ୍‍ ବିଃଆର୍‍ଏ ଡାଗ୍‌ଚେ ବୁଟମେଗ୍‌ଚେ ପାଉଲ୍‍କେ ମେଇଂନେ ଡାଗ୍ରାବାନ୍‍ ଡୁଙ୍ଗ୍‍ପାଂଚେ ସନ୍ୟଇଂ ଲେଃଡିଙ୍ଗ୍‌ଆର୍‌କ୍ନେ ଡୁଆ ବିତ୍‍ରେ ଡୁଙ୍ଗ୍‍ୱେନ୍‍ସା ସନ୍ୟଇଂକେ ଆଦେସ୍‍ ବିକେ ।
\p
\v 11 ଆତେନ୍‌‍ ମିଡିଗ୍‍ ମାପ୍‌ରୁ ପାଉଲ୍‍ନେ ଡାଗ୍ରା ତୁଆଁଚେ ବାଲିର୍‌କେ “ଆପ୍‌ଟଗେ ନାମ ! ନା ଆକ୍‍ଅରିଆ ଯିରୁସାଲାମ୍‌ନ୍ନିଆ ନେଙ୍ଗ୍‍ସା ସାକି ବିନାବକେ । ରୋମ୍‍ଅରିଆ ଡିଗ୍‍ ନା ସତେଆ ଦେତ୍‍ରକମ୍‍ ସାକି ନାବିଃଏ ।”
\s ପାଉଲ୍‍କେ ବାଗୁଏଃ ନ୍‍ସା ଜଜ୍‌ନା
\p
\v 12 ବାରି ମାର୍‍ତଡ଼େ ଞ୍ଜିର୍‍ନୁଗ୍‍ ଉଡ଼ିରୁଆ ଜିଉଦି ମୁଇଂତୁଗ୍‍ ରାସିଂଚେ ମୁଇଂ ଜଜ୍‌ନା ତୁର୍‍ ଆର୍କେ । ପାଉଲ୍‍କେ ମାବାଗୁଏଃ ଜାକ ମେଇଂ ଉଗ୍‍ ଞ୍ଚଙ୍ଗ୍‍ ଆଡିଂଆର୍‍ ଣ୍ଡୁ ଡାଗ୍‍ଚେ ପାର୍‌ମାନ୍‌ ଡିଂଆର୍‍କେ । 
\v 13 ମୁଇଂକୁଡ଼ି ରୁଆବାନ୍‍ ଜାବର୍‌ ରେମୁଆଁ ଆକେନ୍‍ ଜଜ୍‌ନା ଡିଂବଆର୍‍ଗେ । 
\v 14 ମେଇଂ ୱେଚେ ମ୍ନା ପୁଜାରି ବାରି ଜିଉଦି ନେତାଇଂକେ ବାଲିର୍‍କେ “ପାଉଲ୍‍କେ ମାବାଗୁଏଃ ଜାକ ମେଃଡିଗ୍‍ ମାଚଙ୍ଗ୍‍ନ୍‍ସା ନେ ମୁଇଂ ପାର୍‌ମାନ୍‌ ଡୁଙ୍ଗ୍‍ଡ ନେବକେ । 
\v 15 ତେନ୍‍ସା ମେଁ ବିସୟ୍‍ରେ ଜାବର୍‌ ସତ୍‍ ସାମୁଆଁ ମ୍ୟାଃନେ ଆଲ୍‍ଚାଲ୍‍ ଆଃମ୍ୟାଃଚେ ମ୍ନା କୁକପାର୍ ସେଃମଁନ୍ନିଆ ବାରି ପେ ଡାଗ୍ରା ପାଉଲ୍‍କେ ବାରି ମୁଇଂତର୍‍ ଡୁଙ୍ଗ୍‍ପାଂନେସା ରୋମୀୟ ସେନାନେତା ନିବେଦନ ଡିଂପା । ମାତର୍‍ ମେଁ ଆକ୍‍ଅରିଆ ପାଂନେ ସେନୁଗ୍‍ ଗାଲିବ ଅରିଆ ନେ ଆମେକେ ବାଗୁଏଃ ନ୍‍ସା ତିଆର୍‌ ନେଲେଃ ।”
\p
\v 16 ମାତର୍‍ ପାଉଲ୍‍ନେ ବାଞ୍ଜା ଆକେନ୍‍ ଜଜ୍‌ନା ସାମୁଆଁ ଦ୍ରିଗ୍‍ଚେ ସନ୍ୟ ଡୁଆ ବିତ୍‍ରେ ୱେଚେ ପାଉଲ୍‍କେ ଆକେନ୍‍ ଆଃମ୍ୟାଃକେ । 
\v 17 ପାଉଲ୍‍ ମୁଇଂ ରୋମୀୟ ଅଦିକାରିକେ ୱାଚେ ବାଲିର୍‍କେ “ଏନ୍‍ ଙ୍ଗିରେକେ ସନ୍ୟନେତା ଡାଗ୍ରା ଡୁଙ୍ଗ୍‍ୱେଲାପା ମେଁ ଆମେଇଂକେ ମେଃଡିଗ୍‍ ବାସଙ୍ଗ୍‍ନେ ଲେଃକେ ।” 
\v 18 ତେଲା ସେନା ଅଦିକାରି ଆମେକେ ସେନାନେତା ଡାଗ୍ରା ଡୁଂୱେଗେ ବାରି ବାଲିର୍‌କେ “ବନ୍ଦି ପାଉଲ୍‍ ଆକେନ୍‍ ଙ୍ଗିରେକେ ନା ଡାଗ୍ରା ବେବକେ । ମେଁ ଆନାକେ ମେଃଡିଗ୍‍ ବାସଙ୍ଗ୍‍ନେ ଚାଏଁ ଡିଂକେ ।”
\p
\v 19 ସେନାଇଂନେ ନେତା ଙ୍ଗିରେନେ ନ୍ତି ସାଚେ ସୁନ୍‍ସାନ୍‍ ଜାଗାନ୍ନିଆ ଡୁଂୱେଚେ ସାଲିଆକୁକେ, “ନା ଆନେଙ୍ଗ୍‍କେ ମେଃନେ ବାସଙ୍ଗ୍‍ନେ ଚାଏଁନାଡିଂ ?”
\p
\v 20 ଙ୍ଗିରେ ବାଲିର୍‌କେ “ଜିଉଦି କର୍ତ୍ତୁପକ୍ଷଇଂ ରାଜି ଡିଂଆର୍‍ ଲେଃକେ ଜେ ମ୍ନା କୁକପାର୍‌ ପାଉଲ୍‍ନେ ବିସୟ୍‍ରେ ଜାବର୍‌ ସତ୍‍ ସାମୁଆଁ ମ୍ୟାଃନ୍‍ସା ରାଜି ଡିଂଆର୍‍ ଡିଂକେ ଡାଗ୍‍ଚେ ନାଲେଚେ ଆମେକେ ମ୍ନା କୁକପାର୍‌ନ୍ନିଆ ଡୁଙ୍ଗ୍‍ୱେନ୍‍ସା ଆନାକେ ଗୁଆରି ଡିଂଆର୍‍ଏ । 
\v 21 ମାତର୍‍ ମେଇଂନେ ସାମୁଆଁ ଆଦ୍ରିଗ୍‍ପା ନାମ; ଡାଗ୍ଲା ମୁଇଂକୁଡ଼ିବାନ୍‍ ଜାବର୍‌ ରେମୁଆଁ ଆମେକେ ମାବାଗୁଏ ଜାକ ଆଚଙ୍ଗ୍‍ ଆଉଗ୍‍ ଆର୍‍ ଣ୍ଡୁ ଡାଗ୍‍ଚେ ପାର୍‌ମାନ୍‌ ଡୁଂଡଚେ ଉର୍‍ଚେ ଲେଃଆର୍‍କେ । ଏବେ ମେଇଂ ପେନେ ନିସ୍ପତିକେ ଉର୍‍ ଲେଃଆର୍‍କେ ।”
\p
\v 22 “ପେ ଆନେଙ୍ଗ୍‍କେ ଏନ୍‍ ଆମ୍ୟାଃପେବକେ ଡାଗ୍‍ଚେ ଆଜାକେ ଡିଗ୍‍ ପେବାସଙ୍ଗ୍‍ ଣ୍ଡୁ ।” ସେନାଇଂନେ ନେତା ଏନ୍‍ ବାସଙ୍ଗ୍‍ଚେ ଙ୍ଗିରେକେ ବେବିଃକେ ।
\s ପାଉଲ୍‍କେ ଦେସ୍ ସାସନ୍‌ଣ୍ଡ୍ରେ ଫେଲିକ୍‌ସ୍‌ନେ ଡାଗ୍ରା ବେବିକେ
\p
\v 23 ସେନାନେତା ମ୍ୱାୟା ସେନାପତିକେ ୱାଚେ ବାଲିର୍‍କେ “ଏ ମିଡିଗ୍‍ ନଟା ବେଲା କାଇସରିୟାପାକା ୱେନ୍‍ସା ମ୍ୱାର୍‍ସ ଅଲେଙ୍ଗ୍‍ନେ ସନ୍ୟ ସତୁରି ରୁଆ ଗଡ଼ାରେ ମ୍ୱାର୍‍ସ ଚାବୁକ୍‍ ସାଲେକ୍ନେଣ୍ଡ୍ରେକେ ତିଆର୍‌ ଆଡିଂପା । 
\v 24 ପାଉଲ୍‍ ୱେନେ ଗାଲି ଆତ୍‍ଲା ଉଡ଼ି ଗଡ଼ା ବିଃପା ବାରି ନିରାପଦ୍‍ରେ ଆମେକେ ରାଜ୍ୟପାଲ୍‍ ଫେଲିକ୍‌ସ୍ ଡାଗ୍ରା ଡୁଂୱେଲାପା ।” 
\v 25 ସେନାନେତା ଦେକ୍‍ରକମ୍‍ ମୁଇଂ ଚିଟି ଉଲିଆ ଗୁଆର୍‍କେ:
\pi
\v 26 “ମାନ୍ୟବର୍‍ ରାଜ୍ୟପାଲ୍‍ ଫେଲିକ୍‌ସ୍‌କେ କ୍ଲଡିୟସ୍‍ ଲିସିଅସ୍‍ନେ ନମସ୍କାର୍‌ । 
\v 27 ଜିଉଦିଇଂ ଏନ୍‍ ରେମୁଆଁକେ ସାଃଚେ ଆମେକେ ବାଗୁଏଃ ନ୍‍ସା ତିଆର୍‌ ଡିଂଲେ ଆର୍‍ଗେ । ମେଁ ମୁଇଂ ରୋମୀୟ ଙ୍ଗିରେ ଡାଗ୍‍ଚେ ମ୍ୟାଃଲା, ନେଙ୍ଗ୍‍ ନେଙ୍ଗ୍‍ନେ ସନ୍ୟଇଂନେ ବାନ୍‍ ଆମେକେ ରକ୍ୟା ଣ୍ଡ୍ରାଡିଙ୍ଗ୍‌କେ । 
\v 28 ମେଇଂନେ ବିରଦ୍‍ରେ ମେଁ ମେଃ ଦସ୍ ଡିଂବଗେ ଆତେନ୍‌‍ ମ୍ୟାଃନ୍‍ସା ନେଙ୍ଗ୍‍ ଆମେକେ ମେଇଂନେ ମ୍ନା କୁକପାର୍‌ନ୍ନିଆ ଡୁଂୱେକେ । 
\v 29 ମାତର୍‍ ମେଁ ସିକ୍ଲି ଏତେ ଆଗାଗ୍‌ଚେ ଗୁଏନେ ଡଣ୍ଡ୍‍ କି ଜେଲ୍‍ ଡଣ୍ଡ୍‍‌ ବାନେସା ଦେତ୍‍ ରକମ୍‍ ମେଃଡିଗ୍‍ କାମ୍ ଆଡିଂକେ ଡାଗ୍‍ଚେ ନେଙ୍ଗ୍‍ ମ୍ୟାଏ । ମେଁ ବିରୁଦ୍‌ରେ ଡିଂବକ୍ନେ ବୁଲ୍‌ ସାପା ମୋଶାନେ ନିୟମ୍‌ ଇସାବ୍‍ରେ । 
\v 30 ମାରିୟାଃତୁଗ୍ ନେଙ୍ଗ୍‍ ଆମେକେ ବାଗୁଏଃ ନ୍‍ସା ଜଜ୍‌ନା ଡିଂବଆର୍‍କ୍ନେ କବର୍‍ ମ୍ୱାକେ । ତେସା ନେଙ୍ଗ୍‍ ଆମେକେ ଜିଆ ଜିଆ ନା ଡାଗ୍ରା ବେମ୍ୱିକେ । ନେଙ୍ଗ୍‍ ମେଁନେ ମାବିଃଣ୍ଡ୍ରେକେ ମ୍ୱାଲିର୍‍କେ ଜେ ମେଇଂ ନା ଡାଗ୍ରା ଦାବି ଡିଂଆର୍‍ଲେ ।”
\p
\v 31 ସନ୍ୟଇଂ ଆତେନ୍‌‍ ଆଦେସ୍‍ ଇସାବ୍‍ରେ ପାଉଲ୍‍କେ ଆତେନ୍‌‍ ମିଡିଗ୍‍ବଆ ଆନ୍ତିପଟ୍ରିସ୍‌ନ୍ନିଆ ଆୱେଚା ବିଆର୍‍କେ । 
\v 32 ତେନ୍‍ ମାର୍‍ତଡ଼େ ଅଲେଙ୍ଗ୍‌ ପାଙ୍ଗ୍‌ନେ ସନ୍ୟଇଂ ପର୍‌ସାଦ୍‌ନ୍ନିଆ ଆଣ୍ଡେ ୱେଆର୍‍କେ ଆରି ଗଡ଼ାନ୍ନିଆ ୱେଲେଃଆର୍‍କ୍ନେ ସନ୍ୟଇଂ । 
\v 33 ପାଉଲ୍‍କେ ଡୁଙ୍ଗ୍‍ୱେଚେ କାଇସରିୟାନ୍ନିଆ ୱେଚା ଆର୍‍କେ । ଆତ୍‍ଅରିଆ ସେନାନେତାଇଂନେ ଚିଟି ଉଲିଆ ଏତେ ପାଉଲ୍‍କେ ରାଜ୍ୟପାଲ୍‍କେ ଦାଇତ୍‌ ବିଃଆର୍‌କେ । 
\v 34 ରାଜ୍ୟପାଲ୍‍ ଚିଟି ଉଲିଆ ପଡ଼େଚେ ପାଉଲ୍‍କେ ଆଣ୍ଡିନେ ଦେସ୍‌ବାନ୍‍ ପାଙ୍ଗ୍‌ନାଲେଃକେ ଡାଗ୍‍ଚେ ସାଲିଆକୁଆର୍‍କେ । ପାଉଲ୍‍ ସିଲିଷୀଆନେ ଡାଗ୍‍ଚେ ମ୍ୟାଃଚେ 
\v 35 ମେଁ ବାଲିର୍‍କେ, “ନାନେ ଦାବି ଡିଂନେ ରେମୁଆଁଇଂ ୱେଚାକ୍ନେ ଇଡ଼ିଙ୍ଗ୍‍ ନେଙ୍ଗ୍‍ ନା ସାମୁଆଁ ନ୍ଦ୍ରିଗ୍‍ଏ ।” ତେନ୍‌ ଇଡ଼ିଂ ପାଉଲ୍‍କେ ହେରୋଦନେ ଇଃସାଙ୍ଗ୍‌ନେ ଡୁଆନ୍ନିଆ ବନ୍ଦି ଆଃଡିଂଚେ ବନ୍‍ସା ଆଦେସ୍‍ ବିଃକେ ।
\c 24
\s ପାଉଲ୍‍ ଆଡ଼ାତ୍ରା ଜିଉଦିଇଂନେ ନିନ୍ଦା
\p
\v 1 ମାଲ୍‍ସି ଇଡ଼ିଙ୍ଗ୍‍ ମ୍ନା ପୁଜାରି ହନନୀୟ ଉଡ଼ିରୁଆ ଜିଉଦି ନେତା ବାରି ତର୍ତ୍ତୁଲସ୍‍ ମ୍ନିକ୍ନେ ମୁଇଂ ଅକିଲ୍ ଏତେ ସିସେରିଆ ୱେଆର୍‍କେ । ମେଇଂ ପେଲିକ୍‍ସ୍‍ନେ ଡାଗ୍ରା ପିଂଚାଚେ ପାଉଲ୍‍ନେ ବିରଦ୍‍ରେ ମେଇଂନେ ଦାବି ଆଃମ୍ୟାଆର୍‍କେ । 
\v 2 ତେନ୍‍ ଇଡ଼ିଙ୍ଗ୍‍ ପାଉଲ୍‍କେ ଆତ୍‍ଅରିଆ ଆୱାଆର୍‍କେ ବାରି ତର୍ତ୍ତୁଲସ୍‍ ପୁରାପୁରି ବାବ୍‍ରେ ମେଇଂନେ ଦାବି ଉଲିଆଃଇଂ ଦର୍ସେବିଃକେ: ମ୍ନା ମ‍ଇମା ଫେଲିକ୍‍ସ୍‍ ନାଁ ଏଃତେ ନେ ଜେ ଉଡ଼ି ସାନ୍ତିରେ ବାସା ଡିଂନେଡିଂ ବାରି ନେ ଦେସ୍‌ନେ ମଙ୍ଗଲ୍‍ ଆତ୍‍ଲା ଗୁଲେ ସଂସାର୍‍ ରକମ୍‌ କାମ୍ ଡିଂନେବ । 
\v 3 ସାପା ଜାଗାନୁଗ୍‍ ଆରି କାଲାଆଃ ନେ ଆକ୍ମେକେ ସାର୍ଲ ଡିଂନେଡିଂ ନେ ନା ଡାଗ୍ରା ବିସ୍‍ବାସ୍‍ ବାବ୍‍ରେ ବଲ୍‍ ବାନେଡିଂକେ । 
\v 4 ଆତେନ୍‌‍ ମେଃଡିଗ୍‍ ଡିଂଲେ ନେଙ୍ଗ୍ ନାନେ ଜାବର୍‌ ସମୟ୍‍ ଡୁଂଡନେ ଚାଏଁନାଡିଂକେ ଣ୍ଡୁ, ଆତେନ୍‌‍ସା ନା ଦୟା ଡିଂଚେ ନେନେ ଆତେନ୍‌‍ ପୁରା ବିବରଣି ଦ୍ରିଗ୍‍ନେସା ନେଙ୍ଗ୍‍ ଗୁଆରେ ଣ୍ଡିଂ । 
\v 5 ଏନ୍‍ ରେମୁଆଁ ମୁଇଂ ୱିଙ୍ଗ୍‌ଆଃରିଙ୍ଗ୍‍ଆଃ ରକମ୍‍ନେ ରେମୁଆଁ । ମେଁ ଦର୍‌ତନିନେ ସାପାପାକା ଅଲେଙ୍ଗ୍‍ଚେ ଜିଉଦିଇଂକେ ଅସାନ୍ତି ଆଡିଂନେସା ବାଲିର୍‍ ଡିଂକେ । ମେଁ ନାଜରିତିୟ ମାନ୍ଦାନେ ମୁଇଂ ନେତା । 
\v 6 ମେଁ ନେଁନେ ମନ୍ଦିର୍‍କେ ଅପବିତ୍ର ଆଡିଂନେ ଚେସ୍‌ଟା ଡିଂନେବେଲା ନେ ଆମେକେ ଗେରେ ନେବିକେ । ବାରି ମୋଶାନେ ନିୟମ୍‌ ଇସାବ୍‍ରେ ଆକ୍ମେକେ ବିଚାର୍‍ ଡିଂନେ ଇକ୍‌ଚା ନେଡିଂକେ । 
\v 7 ମାତର୍‍ ମୁଇଂସ ସନ୍ୟ‍ଇଂନେ ନେତା ଲୁସିୟା ପାଙ୍ଗ୍‍ଚେ ବୟଙ୍କାର୍‍ ବାଗୁଏଃନେ ବେଲା ଆକ୍ମେକେ ନେ ନ୍ତିବାନ୍ ଗୁରାଙ୍ଗ୍‍ଡକେ । 
\v 8 ଆରି ଆକେନ୍ ପ୍ରସ୍‌ନ ଡିଂଣ୍ଡ୍ରେଇଂକେ ନିଜର୍‌ ସାମ୍‌ନେ ତୁଆଁନ୍‍ସା ଆଦେସ୍‍ ବିଆର୍‍କେ । ଏନ୍‍ ଜା ସାପା ବିସୟ୍‍ରେ ନେ ଆକ୍ମେ ବିରୁଦ୍‌ରେ ଦାବି ଡିଂନେବକେ ନା ନିଜେ ଆକ୍ମେକେ ସାଲିଆକୁଲା ଆତେନ୍‌‍ ସାପା ମ୍ୟାଃ ନାୟାଏ । 
\v 9 ଜିଉଦିଇଂ ଡିଗ୍‍ ଦାବି ଉଲିଆଃ ଡାଗ୍ରା କୁଡ଼େଚେ ଆକେନ୍‍ ସାପା ସାମୁଆଁ ସତ୍‍ ଡାଗ୍‍ଚେ ବାଲିର୍‍ଆର୍‍କେ ।
\s ପେଲିକ୍‍ସ୍‍ ଡାଗ୍ରା ପାଉଲ୍‍ ଜିବନ୍ ଅପେଃକେ
\p
\v 10 ତେନ୍ ଇଡ଼ିଙ୍ଗ୍‌ ସାସନ୍‍ ନେତା ପାଉଲ୍‍କେ ସାମୁଆଁ ବାଲିର୍‍ନେସା ମ୍ମୁଆଃ ବଗ୍‍ଲା ପାଉଲ୍‍ ବାଲିର୍‍କେ: ନେଙ୍ଗ୍‍ ମ୍ୟାଃନ୍ଲେକେ ଜେ ଜାବର୍‌ ମୁଆଁ ସାଚେ ନା ଏନ୍‍ ଜାତିନେ ବିଚାର୍‍ପତି ଡିଙ୍ଗ୍ ନାଲେଃକେ ତେସା ନା ଡାଗ୍ରା ଆତ୍ମା ଅପେଃନେ ନେଙ୍ଗ୍‍ ନ୍‌ସା ଉଡ଼ି ମ୍ଲେଡ଼ିଆ । 
\v 11 ନା ନିଜେ ଅନ୍‍ମାନ୍‍ ଡିଂଲା ମ୍ୟାଃ ନାୟାଏ ଜେ ଡିଂଲେଃଏ ଗମ୍ୱାର୍‍ସି ଆଲ ବିତ୍‍ରେ ନେଙ୍ଗ୍‍ ଯିରୁସାଲାମ୍‌ନ୍ନିଆ ପାର୍‌ତନା ଡିଂ ନ୍‌ସା ୱେନ୍ଲେଗେ । 
\v 12 ମେଇଂ ଆନେଙ୍ଗ୍‍କେ ମନ୍ଦିର୍‍ନ୍ନିଆ ବା ମେଃଡିଗ୍‍ ପାର୍‌ତନା ଡୁଆଇଂନ୍ନିଆ ବା ସହର୍‍ନ୍ନିଆ ଜା ଏତେ ଡିଗ୍‍ ଅଡ଼୍‌କା ଅଡ଼୍‌କି ଡିଂନେ ବା ରେମୁଆଁ ରାସିଂନେ ଆକେକେ ଣ୍ଡୁ । 
\v 13 ଏନ୍‍ ରେମୁଆଁଇଂ ନେଙ୍ଗ୍‍ ବିରଦ୍‍ରେ ଆଣ୍ଡିନେ ଦାବି ଡିଂଆର୍‍ ଡିଂକେ ମେଁନେ ପାରାମାନ୍‍ ମେଇଂ ବିଃ ଆୟାଆର୍‍ ଣ୍ଡୁ । 
\v 14 ମାତର୍‍ ନେଙ୍ଗ୍‍ ମୁଇଂ ସାମୁଆଁ ଆପେକେ ବାଲିର୍‍ ଣ୍ଡିଂକେ ଆଣ୍ଡିନେ ଗାଲିକେ ମେଇଂ ମିଚ୍‍ ଡାଗ୍‍ଚେ ବାସଙ୍ଗ୍‍ଡିଂଆର୍‍ଗେ ଆତେନ୍‌‍ ଗାଲିକେ ନେଙ୍ଗ୍‍ ତୁର୍‍ଚେ ନେଙ୍ଗ୍‍ ନେନେ ନ୍ତାଞ୍ଜାଇଂନେ ଇସ୍‍ପର୍‍କେ ପାର୍‍ତନା ଡିଂଣ୍ଡିଂକେ ମାତର୍‍ ନେଙ୍ଗ୍‍ ଡିଗ୍‍ ମସାନେ ନିୟମ୍‍ ଆରି ବାବବାଦିଇଂନେ ଉଲିଆନ୍ନିଆ ଗୁଆର୍‍ବକ୍ନେ ସାପା ସାମୁଆଁ ବିସ୍‍ବାସ୍‍ ଡିଂଣ୍ଡିଂକେ । 
\v 15 ଏନ୍‍ ରେମୁଆଁଇଂ ସୁଗା ନେଙ୍ଗ୍‍ ଡିଗ୍‍ ମାପ୍‌ରୁ ଡାଗ୍ରା ଏନ୍‍ ଆସା ଲେଃକେ ଜେ ଦାର୍‌ମିକ୍‌ ରେମୁଆଁ ଆରି ଅଦାର୍‌ମିକ୍ ରେମୁଆଁ ସାପାରେ ଗୁଏଚେ ତଡ଼ିଆ ଆର୍‍ଏ । 
\v 16 ତେସା ଇସ୍‍ପର୍‍ ଆରି ରେମୁଆଁଇଂନେ ଡାଗ୍ରା ନିମାଣ୍ଡା ବୁଦି ବାବ୍‌ରେ ବେବ‍ଆର୍ ଡିଂନେସା ନେଙ୍ଗ୍‍ କାଲାଆଃ ଜିବନ୍‍ ବିଚେ ଚେସ୍‌ଟା ଡିଂଣ୍ଡିଂ ।
\p
\v 17 \x + \xo ୨୪:୧୭ \xo*\xt ପ୍ରେରିତ୍‌ ୨୧:୧୭-୨୮.\xt*\x*“ଗୁଲେ ମୁଆଁ ସାଚେ ଯିରୁସାଲାମ୍‍ ବାନ୍‍ ସ୍ଲଲେଃକ୍ନେ ଇଡ଼ିଙ୍ଗ୍‍ ନେଙ୍ଗ୍‍ନେ ନିଜେ ରେମୁଆଁଇଂ ନ୍‌ସା ଉଡ଼ି ଡାବୁ ଡୁଂୱେନ୍‍ସା ଆରି ଗିମିଃ ମିଆଁ ବିଃ ନ୍‌ସା ନେଙ୍ଗ୍‍ ଆତ୍‍ଅରିଆ ୱେନ୍ଲେଃଗେ । 
\v 18 ନେଙ୍ଗ୍‍ ମନ୍ଦିର୍‍ନ୍ନିଆ ନେଙ୍ଗ୍‍ ନିଜେକେ ପବିତ୍ର ଆଡିଂନେସା ୱେନ୍ଲେଗେ । ଶୁଚିକରଣ ପାଣ୍ଡୁଏ ଡାକ୍ନେ ଇଡ଼ିଙ୍ଗ୍‌ ଉଡ଼ିରୁଆ ଜିଉଦିଇଂ ଆତ୍‍ଅରିଆ ଆନେଙ୍ଗ୍‍କେ କେଆର୍‍କେ ନେଙ୍ଗ୍‍ ଆତ୍‍ଅରିଆ ମେଃଡିଗ୍‍ ୱିଙ୍ଗ୍‌ଆଃ ରିଙ୍ଗ୍‍ଆ ନାରାଃତାର୍‍କେ ଣ୍ଡୁ କି ନେଙ୍ଗ୍‍ ଏତେ ମେଃଡିଗ୍‍ ରେମୁଆଁ ଆଲେଃଗେ ଣ୍ଡୁ । 
\v 19 ଆତେନ୍‌‍ ବେଲା ଆସିଆନେ ଉଡ଼ିରୁଆ ଜିଉଦି ଆତ୍‍ଅରିଆ ଲେଆର୍‍ଗେ । ଜଦି ମେଇଂ ନେଙ୍ଗ୍‍ ବିରଦ୍‍ରେ ମେଃଡିଗ୍‍ ଆପତି ଲେଃଏ ତେଲା ମେଇଂ ନା ଡାଗ୍ରା ପାଙ୍ଗ୍‌ଚେ ଦାବି ପାଡିଂଆର୍‍ । 
\v 20 ଣ୍ଡୁଲା ନେଙ୍ଗ୍‍ ଅନାବେଲା ମ୍ନା କୁକପାର୍‌ ସାମ୍‍ନାନ୍ନିଆ ତୁଆଁ ନ୍ଲେଗେ ନେଙ୍ଗ୍‍ ଆଣ୍ଡିନେ ଅପରାଦ୍‌ରେ ଦସ୍‌ ଡିଂନ୍ଲେକେ, ଆତେନ୍‌‍ ଆକ୍‍ଅରିଆ ଲେକ୍ନେ ଏନ୍‍ ରେମୁଆଁଇଂ ବାସଙ୍ଗ୍‍ଲେ । 
\v 21 \x + \xo ୨୪:୨୧ \xo*\xt ପ୍ରେରିତ୍‌ ୨୩:୬.\xt*\x*ବାରି ନେଙ୍ଗ୍‍ ମୁଇଂ ସାମୁଆଁ ବାଲିର୍‍ ମ୍ୱଗେ: ମେଇଂନେ ସାମ୍‍ନାନ୍ନିଆ ତୁଆଁଲେ ଆର୍‍କ୍ନେ ବେଲା ନେଙ୍ଗ୍‍ ଡାଟ୍‍ ବାବ୍‍ରେ ବାଲିର୍‍ ମ୍ୱଗେ ‘ଗୁଏଚେ ତଡ଼ିଆ ଆର୍‍ଏ ଡାଗ୍‍ଚେ ନେଙ୍ଗ୍‍ ବିସ୍‍ବାସ୍‍ ଡିଂନ୍ଲେଲା’ ଏକେ ପେବାନ୍‍ ବିଚାର୍‌ ଡିଂଣ୍ଡିଂକେ ।”
\p
\v 22 ଫେଲିକ୍‌ସ୍ ଜିସୁ କିସ୍‌ଟନେ ଗାଲି ବିସୟ୍‍ରେ ନିମାଣ୍ଡା ବାବ୍‍ରେ ମ୍ୟାଲେଲା ଆଃଅଁନେ ବନ୍ଦ୍‍ ଆଡିଂବିଚେ ବାଲିର୍‍କେ “ସେନାନେତା ଲିସିଅସ୍ ପିଙ୍ଗ୍‍ଚାଲା ନେଙ୍ଗ୍‍ ପେନେ ବିଚାର୍‍ ଣ୍ଡିଂଏ ।” 
\v 23 ପେଲିକ୍‍ସ୍‍ ମୁଇଂସ ସନ୍ୟ‍ଇଂନେ ନେତା ସାମୁଆଁରେ ପାଉଲ୍‍କେ ଗାଗ୍‍ଚେ ବନେସା ଆଦେସ୍‍ ବିକେ । ମେଁ ଆମେକେ ନିଜର୍‍ ବନ୍ଦିନ୍ନିଆ ବଚେ ମୁକ୍‌ତି ବିନ୍‍ସା ଡିଗ୍‍ ଆଦେସ୍‍ ବିକେ । ପାଉଲ୍‍ନେ କୁଟୁମ୍‍ଇଂ ଜଦି ମେଇଂ ଡାଗ୍ରା ମେଃଡିଗ୍‍ ଦର୍‍କାର୍‍ ଲେଃକ୍ନେ ଜିନିସ୍‌ ଡୁଙ୍ଗ୍‍ପାଂଆର୍‍ଏ, ତେଲା ମେଇଂକେ କସ୍ଟ ମାବିନ୍‍ସା ଡିଗ୍‍ ମେଁ ଆତେନ୍‌‍ ମୁଇଂସ ସନ୍ୟ‍ଇଂନେ ନେତାକେ ଆଦେସ୍‍ ବିଃକେ ।
\s ଫେଲିକ୍‍ସ୍‍ ଆରି ଦ୍ରୁସିଲାନେ ଡାଗ୍ରା ପାଉଲ୍
\p
\v 24 ଉଡ଼ିଦିନା ଇଡ଼ିଙ୍ଗ୍‌ ଫେଲିକ୍‌ସ୍ ମେଁନେ କୁନେଡ଼େ ଦ୍ରୁସିଲାକେ ଡୁଙ୍ଗ୍‍ପାଂକେ । ମେଁ ଜିଉଦି ଲେଃଗେ । ଫେଲିକ୍‌ସ୍ ପାଉଲ୍‍କେ ୱାଚେ ମେଁ ବାନ୍‍ କିସ୍‌ଟ ଜିସୁ ଡାଗ୍ରା ବିସ୍‌ବାସ୍‌ ବିସୟ୍‌ରେ ଦ୍ରିଗ୍‍କେ । 
\v 25 ମାତର୍‍ ପାଉଲ୍‍ ଉଡ଼ିବେଲା ଦାର୍‌ମିକ୍‌ ସାମୁଆଁ ଆତ୍ମାସଂଯମ ବାରି ପାଂଡିଂକ୍ନେ ବିଚାର୍‌ ବିସୟ୍‍ରେ ବାଲିର୍‍କେ, ଆତେନ୍‌‍ବେଲା ପେଲିକ୍‍ସ୍‍ ବୁଟ ୱେଗେ । ପେଲିକ୍‍ସ୍‍ ବାଲିର୍‍କେ “ଏବେ ନା ୱେଲା । ନେଙ୍ଗ୍‍ନେ ବେଲା ପିଙ୍ଗ୍‍ଚାଲା ନେଙ୍ଗ୍‍ ଆନାକେ ଉୱାଁଏ ।” 
\v 26 ମାତର୍‍ ପେଲିକ୍‍ସ୍‍ ପାଉଲ୍‍ ଏତେ ସାମୁଆଁ ବାଲିର୍‍ନେ ବାରି ମୁଇଂ ସାମୁଆଁ ଲେଃଗେ । ମେଁ ଆସା ଡିଂବଗେ ଜେ ପାଉଲ୍‍ ଆମେକେ ଡାବୁ ବିଏ । ତେସା ମେଁ ପାଉଲ୍‍କେ ଗୁଲେତର୍‍ ଡଃୱାଚେ ବାଲିର୍‍ଡିଂଗେ ।
\p
\v 27 ମାତର୍‍ ଦେକ୍‍ରକମ୍‍ ମ୍ୱାର୍‍ମୁଆଁ ଡିଂୱେଗ୍ନେ ଇଡ଼ିଙ୍ଗ୍‍ ପର୍କିୟ ଫେଷ୍ଟସ୍‌ ସାସନ୍‍ କର୍ତ୍ତା ଡିଂକେ । ଫେଲିକ୍‌ସ୍ ଆରି ସାସନ୍‍ କର୍ତ୍ତା ପଦ୍‌ନ୍ନିଆ ଆଲାଗେ ଣ୍ଡୁ । ତେସା ଫେଲିକ୍‌ସ୍ ଜିଉଦିଇଂକେ ସାନ୍ତି ଆଡିଂନେସା ପାଉଲ୍‍କେ ବନ୍ଦି ଅବସ୍ତାରେ ଆଃ କଇଦ୍‍ ଡୁଆନ୍ନିଆ ବଚେ ଲାଗଡକେ ।
\c 25
\s ମ୍ନାଇଃସାଙ୍ଗ୍‌ କାଇସରନେ ଡାଗ୍ରା ପାଉଲ୍‍ନେ ଗୁଆରି
\p
\v 1 ଇଡ଼ିଙ୍ଗ୍‍ ଫେଷ୍ଟସ୍‌ ସାସନ୍‍ ନେତା ଡିଂକେ । ମେଁ ଆତେନ୍‌‍ ଦେସ୍‌ନ୍ନିଆ ଜିର୍‍ସି ଲେଃଗେ ବାରି ଇଡ଼ିଙ୍ଗ୍‍ କାଇସରିୟାବାନ୍‍ ଯିରୁସାଲାମ୍‌ ୱେକେ । 
\v 2 ଆତ୍‍ଅରିଆ ମ୍ନା ପୁଜାରି ଆରି ଜିଉଦି ନେତାଇଂ ବାରି ମୁଇଂତର୍ ପାଉଲ୍‍ ବିରୁଦ୍‌ରେ ଆବେଦନ୍‌ ଡିଂ ଆର୍‍କେ । 
\v 3 ମେଇଂ ପାଉଲ୍‍କେ ଯିରୁସାଲାମ୍‌ ବେବିନ୍‍ସା ପେଷ୍ଟସ୍‌କେ ଅନୁଗ୍ର‍ଅ ପାର୍‍ତନା ଡିଙ୍ଗ୍‌ ଆର୍‍କେ । ଡାଗ୍ଲା ମେଇଂ ଆମେଇଂକେ ଗାଲିବ ବାଗୁଏନେ ଜଜ୍‌ନା ଡିଂବଆର୍‍ଗେ । 
\v 4 ଫେଷ୍ଟସ୍‌ ବାଲିର୍‍କେ “ପାଉଲ୍‍କେ ମୁଇଂ ବନ୍ଦି ରକମ୍‍ ଆଡିଙ୍ଗ୍‍ଚେ କାଇସରିୟାନ୍ନିଆ ବଆର୍‌କେ ବାରି ଦାପ୍ରେ ନେଙ୍ଗ୍‍ ଆତ୍‍ଅରିଆ ଆଣ୍ଡେ ଉୱିଗ୍ଏ । 
\v 5 ଜଦି ମେଁ ମେଃଡିଗ୍‍ ଦସ୍‌ ଡିଂବଏ ତେଲା ନାନେ ନେତାଇଂ ନେଙ୍ଗ୍‍ ଏତେ ସିସେରିଆନ୍ନିଆ ୱେଲେଃକେ ବାରି ନେଙ୍ଗ୍‌ ବିରୁଦ୍‌ରେ ମେଇଂନେ ଦାବି ଡୁଙ୍ଗ୍‍ପାଙ୍ଗ୍‍ଆର୍‍ଲେ ।”
\p
\v 6 ତେନ୍‌ ଇଡ଼ିଂ ଫେଷ୍ଟସ୍‌ ମେଇଂ ଏତେ ତ୍ମା ଗୁଆ ଦିନ୍‍ ଲେଃଚେ କାଇସରିୟା ୱେକେ । ମାର୍‍ତଡ଼େ ମେଁ ବିଚାର୍‌ ଆସନ୍‍ନ୍ନିଆ କକେ ବାରି ପାଉଲ୍‍କେ ପାଙ୍ଗ୍‌ ନ୍‌ସା ୱାଉଙ୍ଗ୍‌ ବେକେ । 
\v 7 ପାଉଲ୍‍ ପାଙ୍ଗ୍‍କ୍ନେ ଇଡ଼ିଙ୍ଗ୍‍ ଯିରୁସାଲାମ୍‌ବାନ୍ ମୁଡ଼ିନେ ଜିଉଦିଇଂ ପାଙ୍ଗ୍‍ଲେଃଆର୍‍କେ, ମେଇଂ ମେଇଂନେ ପିତୁର୍‍ପାକା ଗେରେ ବିଆର୍‍କେ । ମେଇଂ ମେଇଂନେ ବିରୁଦ୍‌ରେ ଗୁଲେ ଦାବି ଡିଂଆର୍‍କେ । ମାତର୍‍ ମେଇଂ ଏନ୍‍ ସାପା ପର୍‌ମାନ୍ ଡିଙ୍ଗ୍‍ନେ ରାଜି ଆଡିଙ୍ଗ୍‍ଆର୍‍କେ ଣ୍ଡୁ । 
\v 8 ପାଉଲ୍‍ ଜିବନ୍ ଆମ୍ୱ୍ରନେ କେଚେ ଉତର୍‍ ବିକେ, “ନେଙ୍ଗ୍‍ ଜିଉଦିଇଂନେ ନିୟମ୍‌ କି ମନ୍ଦିର୍‍ କି କାଇସର୍‍ନେ ବିରୁଦ୍‌ରେ ମେଃଡିଗ୍‍ ଦସ୍ ନ୍ନାଡିଂକେ ଣ୍ଡୁ ।”
\p
\v 9 ମାତର୍‍ ଫେଷ୍ଟସ୍‌ ଜିଉଦିଇଂନେ ନିଜର୍‌ ଉଂଡେ ଡିଙ୍ଗ୍‍ନେ ରାଜି ଡିଙ୍ଗ୍‌ଚେ ପାଉଲ୍‍କେ ସାଲିଆକୁକେ “ନା ନେଙ୍ଗ୍‍ ବାନ୍‍ ଏନ୍‍ ଦାବି ବିସୟ୍‌ରେ ବିଚାର୍‌ ଡିଂ ନ୍‌ସା ଯିରୁସାଲାମ୍‌ ୱେନ୍‍ସା ଚାଏଁପେଡିଂକେ କି ?”
\p
\v 10 ପାଉଲ୍‍ ବାଲିର୍‍କେ, “ନେଙ୍ଗ୍‍ ଏବେ କାଇସର୍‍ନେ ବିଚାର୍‍ ଆସନ୍‍ ଡାଗ୍ରା ତୁଆଁ ନ୍ଲେଃକେ । ଆକ୍‍ଅରିଆ ଆଃ ନେଙ୍ଗ୍‍ନେ ବିଚାର୍‌ ଡିଂଏ । ନେଙ୍ଗ୍‍ ଜିଉଦିଇଂନେ ଆଡ଼ାତ୍ରା ମେଃଡିଗ୍‍ ଅନ୍ୟାୟ୍ ନ୍ନାଡିଂକେ ଣ୍ଡୁ ଆକେନ୍‍ ନାଁ ମ୍ୟାଃନାଲେଃକେ । 
\v 11 ନେଙ୍ଗ୍‍ ଜଦି ମେଃଡିଗ୍‍ ଦସ୍ ଡିଂମ୍ୱଏ ଆରି ଗୁଏନେ ଡଣ୍ଡ୍‍ ବାନ୍‍ସା ମେଃଡିଗ୍‍ କାମ୍ ଡିଂମ୍ୱଏ ତେଲା ନେଙ୍ଗ୍‍ ଗୁଏନେସା ରାଜି ନ୍ଲେଃକେ । ମାତର୍‍ ଏନ୍‍ ଦାବି ଡିଂଣ୍ଡ୍ରେଇଂନେ ସାମୁଆଁରେ ସତ୍‍ ଆଲେଃ ତେଲା ଆନେଙ୍ଗ୍‍ ଜା ଡିଗ୍‍ ମେଇଂନେ ନ୍ତିଅରିଆ ଆଃସା ବିଃ ଆୟା ଣ୍ଡୁ । ତେସା ନେଙ୍ଗ୍‍ କାଇସର୍‍ ଡାଗ୍ରା ବିଚାର୍‍ ଡିଂନେସା ପାର୍‌ତନା ପେଡିଙ୍ଗ୍‌କେ ।”
\p
\v 12 ଫେଷ୍ଟସ୍‌ ମେଇଂନେ ଆଦେସ୍ ବିଣ୍ଡ୍ରେଇଂ ଏତେ ଏନ୍‍ ବିସୟ୍‌ରେ ବାଲିର୍‍ ଆର୍‍କେ । ମେଁ ବାଲିର୍‍କେ “ନା କାଇସର୍‍ ଡାଗ୍ରା ପାର୍‌ତନା ଡିଙ୍ଗ୍‌ନାବକେ । ତେସା ନା ମେଇଂ ଡାଗ୍ରା ନାୱେଏ ।”
\s ଆଗ୍ରିପା ଆରି ବର୍ଣ୍ଣୀସ୍‍ ଡାଗ୍ରା ପାଉଲ୍
\p
\v 13 ଉଡ଼ିସି ଇଡ଼ିଙ୍ଗ୍‍ ଆଗ୍ରୀପା ଇଃସାଙ୍ଗ୍‌ ଆରି ରାନି ବର୍ଣ୍ଣିସ୍‍ ଫେଷ୍ଟସ୍‌ ଏତେ କୁଡ଼େନ୍‍ସା କାଇସରିୟା ସହର୍‍ ୱେକେ । 
\v 14 ମେଇଂ ଆତ୍‍ଅରିଆ ଜାବର୍‌ ଦିନା ଲେଃଆର୍‍କେ । ଫେଷ୍ଟସ୍‌ ଇଃସାଙ୍ଗ୍‌ନେ ସେନୁଗ୍‍ ପାଉଲ୍‍ନେ ଦାବି ବିସୟ୍‌ରେ ବାଲିର୍‍କେ, ମେଁ ଆମେକେ ବାଲିର୍‍କେ “ଆକ୍‍ଅରିଆ ମୁଇଂଜା ରେମୁଆଁ ଲେଃକେ । ଫେଲିକ୍‌ସ୍ ଆମେକେ ବନ୍ଦି ଆଡିଂଚେ ବକେ । 
\v 15 ନେଙ୍ଗ୍ ଯିରୁସାଲାମ୍‌ନ୍ନିଆ ଲେଃନେ ବେଲା ମ୍ନା ପୁଜାରି‍ଇଂ ଆରି ଜିଉଦିଇଂନେ ମ୍ନାରେ ନେଙ୍ଗ୍‍ଡାଗ୍ରା ମେଁ ବିରୁଦ୍‌ରେ ଦାବି ଡିଂବଆର୍‍ଗେ । ମେଇଂ ମେଁନେ ଗୁଏନେ ଡଣ୍ଡ୍‍ ଚାଏଁଡିଂଆର୍‍ଗେ । 
\v 16 ନେଙ୍ଗ୍‍ ଆମେଇଂକେ ଉତର୍‍ ମ୍ୱିକେ ‘ଉଡ଼ିବେଲା ମେଃଡିଗ୍‍ ରେମୁଆଁ ମେଃଡିଗ୍‍ ବୁଲ୍‌ ନ୍‌ସା ଦାବି ଡିଂଏ ମେଁ ନିଜେ ଦାବି ଡିଂଣ୍ଡ୍ରେଇଂନେ ସାମ୍‍ନା ସାମ୍‍ନି ମାଡିଙ୍ଗ୍‍ ଜାକ’ ବାରି ନିଜର୍ ବିରୁଦ୍‌ରେ ପାଙ୍ଗ୍‍ଲେଃକ୍ନେ ଦାବି ଉଲିଆନେ ଉତର୍‍ ମାବିଃ ଜାକ ରୋମୀୟଇଂ ଆତେନ୍‌‍ ରେମୁଆଁକେ ବିନ୍‍ ଆଜାକେ ବିଚାର୍‍ ଡିଂନେସା ଆବିଆର୍‍ ଣ୍ଡୁ । 
\v 17 ମେଇଂ ଆକ୍‍ଅରିଆ ପାଙ୍ଗ୍‍ନେ ଇଡ଼ିଙ୍ଗ୍‌ ନେଙ୍ଗ୍‍ ବେଲା ତଙ୍ଗାର୍‌ ଆରାଡିଂଚେ ତେନ୍‍ ମାର୍‍ତଡ଼େ ବିଚାର୍‌ ଡୁଆନ୍ନିଆ ଙ୍କକେ ଆରି ରେମୁଆଁକେ ବିତ୍‍ରେ ଡୁଙ୍ଗ୍‍ପାଙ୍ଗ୍‍ନେସା ଆଦେସ୍‍ ମ୍ୱିକେ । 
\v 18 ମେଁ ପାକା କୁଡ଼େଲେଃକ୍ନେ ରେମୁଆଁଇଂ ମେଁ ବିରଦ୍‍ରେ ବାଲିର୍‍ ନ୍‌ସା ତୁଆଁ ଆର୍‍କେ ମାତର୍‍ ମେଇଂ ଡିରକମ୍‍ ଦାବି ଉଲିଆଃ ଡୁଙ୍ଗ୍‍ପାଙ୍ଗ୍‍ ଆର୍‍ଏ ଡାଗ୍‍ଚେ ନେଙ୍ଗ୍‍ ମନେ ଡିଂନ୍ଲେଗେ ଆତେନ୍‌‍ ମେଁଇଂ ଡିଂଆୟା ଆର୍‍ ଣ୍ଡୁ । 
\v 19 ମେଇଂ କେବଲ୍‍ ନିଜେନେ ଦର୍ମ ବିସୟ୍‌ରେ ବାରି ଜିସୁ ମ୍ନିକ୍ନେ ମୁଃଡ଼ି ଗୁଏଃରେକେ ପାଉଲ୍‍ ଜିବନ୍‌ ଡିଂଲେଃକେ ଡାଗ୍‍ଚେ ଦାବି ଡିଂଆର୍‍ଡିଂକେ, ମେଁ ବିସୟ୍‍ ଡୁଙ୍ଗ୍‍ଡଚେ ଜୁକ୍ତା ଜୁକ୍ତି ଡିଂଆର୍‍କେ । 
\v 20 ଏନ୍‍ ସାପା ବିସୟ୍‍ ବାରି ପୁରାପୁରି ବାବ୍‍ରେ ମ୍ୟାଃନ୍‍ସା ମେଁନେ ଡିଂଲା ଡିଂଏ ମେଃଡିଗ୍‍ ଉପାୟ୍ ମାତୁର୍‍ଚେ ଏନ୍‍ ଦାବିନ୍ନିଆ ବିଚାର୍‌ ଡିଂ ନ୍‌ସା ପାଉଲ୍‍ ଯିରୁସାଲାମ୍‌ ୱେଲେ ଡାଗ୍‍ଚେ ନେଙ୍ଗ୍‍ ଆମେକେ ନ୍‌ସାଲ୍ୟାଃକୁକେ । 
\v 21 ମାତର୍‍ ପାଉଲ୍‍ ନିଜେ ଇଃସାଙ୍ଗ୍‌ନେ ବିଚାର୍‌ ବାନ୍‌ ରକ୍ୟା ବାନ୍‍ସା ପାର୍‌ତନା ଡିଙ୍ଗ୍‌କେ । ତେସା କାଇସର ଡାଗ୍ରା ବେ ଜାକ ଆମେକେ ବନ୍ଦି ଆଡିଂଚେ ବନ୍‍ସା ନେଙ୍ଗ୍‍ ଆଦେସ୍‌ ବିମ୍ୱକେ ।”
\p
\v 22 ଆଗ୍ରୀପା ଫେଷ୍ଟସ୍‌କେ ବାଲିର୍‍କେ “ନେଙ୍ଗ୍‍ ନିଜେ ଏନ୍‍ ରେମୁଆଁନେ ସାମୁଆଁ ଦ୍ରିଗ୍‍ନେ ଚାଏଁଣ୍ଡିଂକେ ।” ପେଷ୍ଟସ୍‍ ଉତର୍‍ ବିଃକେ, “ଞ୍ଜଃଡ଼େ ନାଁ ମେଁନେ ସାମୁଆଁ ଦ୍ରିଗ୍‍ ।”
\p
\v 23 ଆମାର୍‍ତଡ଼େ ଆଗ୍ରୀପା ବାରି ବର୍ଣ୍ଣିସ୍‍ ସନ୍ୟ‍ଇଂନେ ମ୍ନାନେତା ବାରି ସହର୍‌ନେ ମ୍ନା ମ୍ନା ରେମୁଆଁଇଂ ଏତେ ନିମାଣ୍ଡା ବାବ୍‍ରେ ପାଙ୍ଗ୍‍ଚେ ବିଚାର୍‌ନାନ୍ନିଆ ଗାଆର୍‍କେ । ଫେଷ୍ଟସ୍‌ନେ ବାସଙ୍ଗ୍‌ନେ ସାମୁଆଁରେ ପାଉଲ୍‍କେ ବିତ୍‍ରେ ଡୁଙ୍ଗ୍‌ପାଙ୍ଗ୍‌ଆର୍‍କେ । 
\v 24 ଫେଷ୍ଟସ୍‌ ବାଲିର୍‍କେ “ଇଃସାଙ୍ଗ୍‌ ଆଗ୍ରୀପା ବାରି ପାଙ୍ଗ୍‍ଲେଃଆର୍‍କ୍ନେ ମ୍ନାରେନେ କୁଦା ପେଇଂ ଏନ୍ ମୁଡ଼ି ରେମୁଆଁକେ କିକେପେଡିଂକେ ମେଁ ବିରୁଦ୍‌ରେ ଆକ୍‍ଅରିଆ ଲେଃଆର୍‍ଡିଂକ୍ନେ ବାରି ଯିରୁସାଲାମ୍‌ନ୍ନିଆ ଲେଃଡିଂକ୍ନେ ଜିଉଦିଇଂ ନେଙ୍ଗ୍‍ଡାଗ୍ରା ଦାବି ଡିଂବଆର୍‍କେ । ମେଁନେ ବାରି ବ୍ରୁଆନେ ଟିକ୍‌ ଣ୍ଡୁ ଡାଗ୍‍ଚେ କିର ଡିଂଆର୍‍କେ । 
\v 25 ମାତର୍‍ ମେଁ ଗୁଏନେ ଡଣ୍ଡ୍‍ ବାନେ ସୁଗୁଆ ଡିଂବକ୍ନେ ମେଃଡିଗ୍‍ ବୁଲ୍ କାମ୍ ନେଙ୍ଗ୍‍ ନ୍ନାକେକେ ଣ୍ଡୁ । ମେଁ ନିଜେ ମ୍ନା ଇଃସାଙ୍ଗ୍‌ ଡାଗ୍‌ରା ବିଚାର୍‌ ଡିଙ୍ଗ୍‌ନ୍‌ସା ପାର୍‌ତନା ନେଡିଙ୍ଗ୍‌ଲା ନେଙ୍ଗ୍‌ ଆମେକେ ବେନ୍‌ସା ରାଜି ଣ୍ଡିଙ୍ଗ୍‌କେ । 
\v 26 ମାତର୍‍ ମେଁ ବିସୟ୍‌ରେ ପୁରାପୁରି ବାବ୍‍ରେ ମ୍ନା ଇଃସାଙ୍ଗ୍‌କେ ଗୁଆର୍‍ନେସା ନେଙ୍ଗ୍‍ ଅରିଆ ମେଃଡିଗ୍‍ ଣ୍ଡୁ । ତେସା ନେଙ୍ଗ୍‍ ଆମେକେ ପେ ଡାଗ୍ରା ଆରି ଅ ମାପ୍‌ରୁ ଆଗ୍ରୀପା ଦୟା ଡିଂଚେ ନା ଡାଗ୍ରା ଡୁଙ୍ଗ୍‍ପାଙ୍ଗ୍‌ ବକେ । ଡିଡିକି ମେଁନେ ସାମୁଆଁ ନିମାଣ୍ଡା ବାବ୍‍ରେ ତୁର୍‍କ୍ନେ ଇଡ଼ିଙ୍ଗ୍‌ ନେଙ୍ଗ୍‍ ମେଃଡିଗ୍‍ ଗୁଆର୍‍ ଇଁୟାଏ । 
\v 27 ଡାଗ୍ଲା ମୁଇଂ ବନ୍ଦି ବିରୁଦ୍‌ରେ ଲେଃକ୍ନେ ଦାବି ଉଲିଆଇଂ ନିମାଣ୍ଡା ବାବ୍‍ରେ ଆରାଃଦର୍ସେଲା ମ୍ନା ଇଃସାଙ୍ଗ୍‌ ଡାଗ୍ରା ବେ ୟା ଆଡିଂ ଣ୍ଡୁ ଡାଗ୍‍ଚେ ନେଙ୍ଗ୍‍ ମନେ ଡିଂଣ୍ଡିଂକେ ।”
\c 26
\s ଆଗ୍ରିପାନେ ଡାଗ୍ରା ପାଉଲ୍‌ନେ ଜିବନ୍ ଅପେଃନେ
\p
\v 1 ଆଗ୍ରୀପା ପାଉଲ୍‍କେ ବାଲିର୍‍କେ “ଆନାକେ ନା ପାକାବାନ୍‍ ମେଁନେ ବାଲିର୍‍ନେସା ଆଦେସ୍‌ ନେବିକେ ।” ପାଉଲ୍‍ ନ୍ତି ଲିଙ୍ଗ୍‌ଚେ ନିଜେକେ ଅପେଃଚେ ବାଲିର୍‍କେ ।
\p
\v 2 “ଇଃସାଙ୍ଗ୍‌ ଆଗ୍ରୀପା ! ଜିଉଦିଇଂ ଆନେଙ୍ଗ୍‍ ଜା ସାପା ବିସୟ୍‌ରେ ଦାବି ଡିଂବଆର୍‍କେ ମେଁ ବିରୁଦ୍‌ରେ ନା ଡାଗ୍ରା ନେଙ୍ଗ୍‍ ନିଜ୍‍କେ ଅପେନେସା ବେଲା ବାନ୍ଲେଃଲା ଏକେ ନେଙ୍ଗ୍‍ ନିଜ୍‍କେ ବାଗ୍ୟବାନ୍‌ ମନେ ଡିଂଣ୍ଡିଂକେ 
\v 3 ଡାଗ୍ଲା ଜିଉଦିଇଂନେ ନିତି ନିୟମ୍‍ ଆରି ବାସଙ୍ଗ୍‌ନେ ସାମୁଆଁ ବିସୟ୍‌ରେ ନାଁ ନିମାଣ୍ଡା ବାବ୍‍ରେ ମ୍ୟାଃନାଲେଃକେ । ସାର୍ଲ ଣ୍ଡିଂକେ ନା ସାହାସ୍ ସାଚେ ନେଙ୍ଗ୍‍ ସାମୁଆଁ ଦ୍ରିଗ୍‍ ।”
\p
\v 4 “ଗଡ଼େଅବାନ୍‍ ନେଙ୍ଗ୍‍ ଡିରକମ୍‍ ବ୍ରୁଆ ଡିକେଃ ନ୍ଲେକେ ଆତେନ୍‌‍ ଜିଉଦିଇଂ ମ୍ୟାଲେଃଆର୍କେ । ସେନୁଗ୍‍ ନିଜେନେ ଦେସ୍‌ନ୍ନିଆ ତେନ୍ଇଡ଼ିଂ ଯିରୁସାଲାମ୍‌ନ୍ନିଆ ନେଙ୍ଗ୍‍ ଡିରକମ୍‍ ମ୍ବ୍ରୁଆ ନ୍ଲେକେ ମେଇଂ ଆତେନ୍‌‍ ମ୍ୟାଲେଃଆର୍କେ । 
\v 5 \x + \xo ୨୬:୫ \xo*\xt ପ୍ରେରିତ୍‌ ୨୩:୬; ପିଲିପିୟ ୩:୫.\xt*\x*ନେଙ୍ଗ୍ ଜେ ସେନୁଗ୍‍ବାନ୍‍ଆ ଫାରୁଶୀ ଡିଙ୍ଗ୍‌ଚେ ଜିବନ୍‌ ଙ୍କାଟେକେ ନେଙ୍ଗ୍‌ ଦର୍ମନେ ସାପାବାନ୍‍ ନୈଷ୍ଟିକ ଦଲ୍‍ନେ ସଦସ୍ୟ ନ୍ଲେଗେ । ମେଇଂ ଆକେନ୍‍ ମ୍ୟାଃଲେଆର୍‍କେ ଣ୍ଡୁଲା ଇକ୍‌ଚା ଡିଂଲା ମେଇଂ ଏନ୍‍ ବିସୟ୍‌ରେ ସାକି ଡିଗ୍‍ ବିଃଆର୍‍ଏ । 
\v 6 ଇସ୍‍ପର୍‍ ନେନେ ନ୍ତା ଞ୍ଜାଇଂକେ ଆଣ୍ଡିନେ ପାର୍‌ମାନ୍‌ ବିବ ଆର୍‍ଗେ ଆତ୍‍ବା ନେଙ୍ଗ୍‍ନେ ଆସା ଲେଃଗେସା ଏକେ ନେଙ୍ଗ୍‍ ଆକ୍‍ଅରିଆ ବିଚାର୍‌ ଡିଂନେସା ତୁଆଁ ନ୍ଲେକେ । 
\v 7 ନେ ଜାତିନେ ଗମ୍ୱାର୍ ଜାତି କାଲାଆଃ ମାପ୍‍ରୁକେ ପୁଜା ଡିଂଚେ ଆତେନ୍‌‍ ମୁଇଂ ବିସୟ୍ ବାନ୍‌ସା ଆସା ଡିଂଆର୍‍ଡିଂକେ । ଅ ଇଃସାଙ୍ଗ୍‌ ନେଙ୍ଗ୍‍ନେ ଆତେନ୍‌‍ ଆସା ନ୍‌ସା ନିଂ ଜିଉଦିଇଂ ଆନେଙ୍ଗ୍‍କେ ଦସି ଆଡିଂଆର୍‍ଡିଂକେ । 
\v 8 ମାପ୍‌ରୁ ମୁଡ଼ି ଗୁଏଃରେକେ ଆଃତଡ଼ିଆ ଡିଂଆର୍‍ଡିଂକେ ଏନ୍‍ ବିଚାର୍‌ନ୍ନିଆ ବିସ୍‍ବାସ୍‍ ଡିଂନେ ବଲ୍ ଣ୍ଡୁ ଡାଗ୍‍ଚେ ପେ ମେସା ଏତେ ପେଡିଂକେ ?”
\p
\v 9 \x + \xo ୨୬:୯ \xo*\xt ପ୍ରେରିତ୍‌ ୮:୩; ୨୨:୪,୫.\xt*\x*“ନାଜରିତିୟ ଜିସୁନେ ମ୍ନି ବିରୁଦ୍‌ରେ ନିଂନେ ଗୁଲେ କାମ୍ ଡିଂନେ ଜେ ଦର୍‌କାର୍ ଆକେନ୍ ନିଂ ନିଜେ ଇକ୍‌ଚା ଡିଂନ୍ଲେଃଗେ । 
\v 10 ଯିରୁସାଲାମ୍‌ ଅରିଆ ନେଙ୍ଗ୍‍ ଦେତ୍‍ରକମ୍‍ ଣ୍ଡିଂକେ । ମ୍ନା ପୁଜାରିଇଂନେବାନ୍‍ ଅଦିକାର୍‌ ଉଲିଆ ଡୁଂୱେଚେ ଇସ୍‍ପର୍‍ନେ ଦାର୍‌ମିକ୍‌ ରେମୁଆଁଇଂନେବାନ୍‍ ଗୁଲେରେକେ କଇଦ୍‍ ଡୁଆନ୍ନିଆ ଣ୍ଡ୍ରାଃଗାକେ ଆରି ଆମେଇଂକେ ଗୁଏନେ ଡଣ୍ଡ୍‍ ବିନେ ବେଲା ନେଙ୍ଗ୍‍ ମେଁନେ ପାକା ନ୍ଲେଃଗେ । 
\v 11 ଗୁଲେତର୍‍ ପାର୍‌ତନା ଡୁଆଇଂ ଡାଗ୍ରା ନେଙ୍ଗ୍‍ ଆମେଇଂକେ ଡଣ୍ଡ୍‍ ବିମ୍ୱକେ ଆରି ମେଇଂନେ ବିସ୍‍ବାସ୍‍ ବାନ୍‍ ଅଲ୍‍ଗା ଆଡିଂନେସା ଚେସ୍‌ଟା ଚାଲେବକେ । ନେଙ୍ଗ୍‍ ମେଇଂନେ ଆଡ଼ାତ୍ରା ଅଃକେନ୍ ରିସା ଡିଂନ୍ଲେଗେ ଜେ ମେଇଂନେ ଆଡ଼ାତ୍ରା ବାଗୁଏଃ ନ୍‍ସା ବିଦେସ୍‍ ଆରି ସହର୍‍ପାକା ଡିଗ୍‍ ୱେନ୍ଲେଗେ ।”
\s ନିଜେ ବଦ୍‌ଲେନେ ବିସୟ୍‌ରେ ପାଉଲ୍ ବାସଙ୍ଗ୍‌କେ
\r (ପ୍ରେରିତ୍‌ ୯:୧-୧୯; ୨୨:୬-୧୬)
\p
\v 12 “ଏନ୍‍ ଉଦେସ୍‍ରେ ମ୍ନା ପୁଜାରିଇଂବାନ୍‍ ଅଦିକାର୍‌ ଉଲିଆ ଆରି ଆଦେସ୍‍ ସାଲିଆଚେ ନେଙ୍ଗ୍‍ ଦାମାସ୍କସ୍‌ ୱେନ୍ଲେଗେ । 
\v 13 ଅ ଇଃସାଙ୍ଗ୍‌ ମାରିୟାତୁଗ୍ ମେସୁଆ ସ୍ମିବେଲା ଇଃସାଙ୍ଗ୍‌ ଗାଲି ଆଡ଼ାତ୍ରା ନେଙ୍ଗ୍‍ ସ୍ନି ତାରାସ୍‍ବାନ୍‍ ମୁଇଂ ଜାବର୍‌ ସୁଆ ଡୁଆଡିଂକ୍ନେ ରକମ୍‍ ତାରାସ୍‍ ଙ୍କେକେ କିତଂଇନିବାନ୍‍ ଆତେନ୍‌‍ ତାରାସ୍‍ ପାଙ୍ଗ୍‍ଚେ ନେଙ୍ଗ୍‍ନେ ଆରି ନେଙ୍ଗ୍ ଏତେ ପାଙ୍ଗ୍‌ଡିଂଆର୍‍କ୍ନେ ରେମୁଆଁଇଂନେ ପିତୁର୍‍ପାକା ତାରାସ୍‍ ବିକେ । 
\v 14 ନେ ସାପାରେ ତୁବନ୍ନିଆ ନେଲକେ । ଆତେନ୍‌‍ବେଲା ନେଙ୍ଗ୍‍ ଏବ୍ରୀ ବ୍ନାସାରେ ମୁଇଂ ସାମୁଆଁ ଆନେଙ୍ଗ୍‍ ବାଲିର୍‍ନେ ନ୍ଦ୍ରିଗ୍‍କେ, ‘ଶାଉଲ୍‍ ଶାଉଲ୍ ନା ଆନେଙ୍ଗ୍‍କେ ମେନ୍‌ସା ତାଡ଼ନା ବିନାଡିଙ୍ଗ୍‌କେ ? ଗ୍ରେଃନେ ସୁଲ୍‌ ଗଜିଆପାକା ଲାତ୍‍ ବଗ୍‍ନେ ନାଁ ଆତ୍‍ଲା ଅସମ୍ୱବ ପାଉଲ୍ ବୁଲ୍ କାମ୍ ଡିଂନେ ୱେବେଲା ମାପ୍‌ରୁ ଆମେକେ ତାୱାଁକେ ।’” 
\v 15 ନେଙ୍ଗ୍‍ ନ୍‌ସାଲିଆକୁକେ “ମାପ୍‌ରୁ ନାଁ ଜାଣ୍ଡେଃ ?” ମେଁ ବାଲିର୍‍କେ “ନେଙ୍ଗ୍‍ ଆତେନ୍‌‍ ଜିସୁ ଆଜାକେ ନାଁ ତାଡ଼ନା ଡିଂନାଡିଂକେ । 
\v 16 ନାଁ ଏବେ ତୁଆଁ । ନେଙ୍ଗ୍‍ ଆନାକେ ମୁଇଂ ସେବାଣ୍ଡ୍ରେ ରକମ୍‍ ସ୍ରିନେସା ନାଁ ସାର୍ମୁଆଁ ଣ୍ଡ୍ରାସୁଏକେ । ନାଁ ନେଙ୍ଗ୍‍ ବିସୟ୍‌ରେ ମେଃନେ କେନାଲାଏକେ ଆରି ଆଣ୍ଡିନେ ନେଙ୍ଗ୍‍ ଆନାକେ ଣ୍ଡ୍ରାଃସୁଏଃଏ, ନାଁ ଆତ୍‌ନେ ସାକି ନାଡିଂଏ । 
\v 17 ମୁଡ଼ି ଜିଉଦି ଆରି ଅଣଜିଉଦି ରେମୁଆଁଇଂନେ ଡାଗ୍ରା ନିଂ ଆନାକେ ମ୍ବେଏ ମେଇଂନେବାନ୍ ନିଂ ଆନାକେ ରକ୍ୟା ଣ୍ଡିଂଏ । 
\v 18 ନା ଆତେନ୍‌‍ ରେମୁଆଁଇଂକେ ସତ୍‍ ଗାଲି ନାରାଃସୁଏଃଏ ଆରି ଆମେଇଂକେ ତାଂକିଗ୍‍ବାନ୍‍ ତାର୍‍କିଗ୍‍ନ୍ନିଆ ଡୁଙ୍ଗ୍‍ ପେପାଙ୍ଗ୍‌ଏ । ନା ଆମେଇଂକେ ସ‍ଇତାନ୍‌ନେ ବପୁବାନ୍‍ ସ୍ଲ ଡୁଙ୍ଗ୍‍ୱେଚେ ପର୍‍ମେସର୍‍ ଡାଗ୍ରା ଡୁଂପେପାଂଏ । ତେଲା ଆଃ ମେଇଂନେ ପାପ୍‍ବାନ୍‍ କେମା ଡିଂଏ । ଜାଣ୍ଡେଇଂ ଆନେଙ୍ଗ୍‍ ବିସ୍‌ବାସ୍‌ ଡିଂଚେ ପବିତ୍ର ଡିଂଲେଆର୍‍କେ ମେଇଂନେ ବିତ୍‍ରେ ମେଇଂ ଜାଗା ବାଆର୍‍ଏ ।”
\s ନିଜର୍ କାମ୍ ବିସୟ୍‌ରେ ପାଉଲ୍ ବାସଙ୍ଗ୍‌କେ
\p
\v 19 ପାଉଲ୍‍ ବାଲିର୍‍କେ, “ଅ ମ୍ନା ଇଃସାଙ୍ଗ୍‌ ଆଗ୍ରୀପା ନେଙ୍ଗ୍‍ କିତଂବାନ୍ ଦର୍‍ସନ୍‍ ବାନ୍ଲେକେ । ଆତେନ୍‌‍ ଅମାନି ନାଡିଂକେ ଣ୍ଡୁ । 
\v 20 \x + \xo ୨୬:୨୦ \xo*\xt ପ୍ରେରିତ୍‌ ୯:୨୦,୨୮,୨୯.\xt*\x*ନେଙ୍ଗ୍‍ ସେନୁଗ୍‍ ଦାମାସ୍କସ୍‌ ସହର୍‍ଅରିଆ ଇଡ଼ିଙ୍ଗ୍‌ ଯିରୁସାଲାମ୍‌ ଅରିଆ ସାପା ଜିଉଦା ପ୍ରଦେସ୍ ଆରି ଅଣଜିଉଦି ଦେସ୍‌ଇଂଡାଗ୍ରା ଡିଗ୍‍ ବାସଙ୍ଗ୍‌‍ ଣ୍ଡିଂକେ । ନେଙ୍ଗ୍‍ ଆମେଇଂକେ ମନେ ଏତେଚେ ଇସ୍‍ପର୍‍ ଡାଗ୍ରା ପାଂନେସା ମ୍ୱାସଙ୍ଗ୍‍କେ । ମେଇଂନେ ଜିବନ୍‍ ବଦ୍‌ଲେ ନ୍‌ସାଃ ସତ୍‍ କାମ୍ ଡିଂନେସା ଡିଗ୍‍ ମ୍ୱାସଙ୍ଗ୍‍କେ । 
\v 21 ଆତେନ୍‌‍ସା ମନ୍ଦିର୍‍ଅରିଆ ଲେଃକେଲା ଜିଉଦିଇଂ ଆନେଙ୍ଗ୍‍କେ ବନ୍ଦି ଆଡିଂଆର୍‍କେ ବାରି ବାଗୁଏଃ ନ୍‍ସା ଚେସ୍‌ଟା ଡିଂଆର୍‍କେ । 
\v 22 ମାତର୍‍ ଆନେଙ୍ଗ୍‍ ପର୍‍ମେସର୍‍ ସାଇଜ୍ୟ ଡିଂକେ । ମେଁ ଏଃଜାକ ଆନେଙ୍ଗ୍‍କେ ସାଇଜ୍ୟ ଡିଂରାଙ୍ଗ୍‍ପାଂଡିଂକେ । ଆତେନ୍‌‍ସା ନେଙ୍ଗ୍‍ ଏକେ ଡାଆଁ ମ୍ନା ସାପାରେ ଡାଗ୍ରା ସମାନ୍‍ ବାବ୍‍ରେ ନେଙ୍ଗ୍‍ନେ ସାକି ବିଃନ୍‍ସା ତୁଆଁ ନ୍ଲେକେ । ବାବବାଦିଇଂ ଆରି ମୋଶା ମେଁନେ ଗଟେଏ ଡାଗ୍‍ଚେ ବାଲିର୍‍ ବଆର୍‍ଗେ, ନେଙ୍ଗ୍‍ ଟିକ୍‍ ଆତେନ୍‌‍ ସାମୁଆଁ ବାଲିର୍‍ ଣ୍ଡିଂକେ । 
\v 23 \x + \xo ୨୬:୨୩ \xo*\xt ୧ କରିନ୍‌ତିୟ ୧୫:୨୦.\xt*\x*ମେଇଂ ବାଲିର୍‍ବକେ କିସ୍‌ଟ ଗୁଏଃଏ ବାରି, ଗୁଏଃଚେ ତଃଡ଼ିଆଲେକ୍ନେ ପର୍‍ତୁମ୍‍ ରେମୁଆଁ ଡିଂଏ ମୋଶା ଆରି ବାବବାଦିଇଂ ବାଲିର୍‍ବକେ ମାତର୍‍ କିସ୍ଟ ଯିଉଦି ଆରି ଅଣଜିଉଦିଇଂକେ ଉଦାର୍‌ନେ ତାର୍‍କିଗ୍‍ ଆଃସୁଏଃଏ ।”
\p
\v 24 ପାଉଲ୍‍ ଆତ୍ମା ରକ୍ୟା ନ୍‌ସା ଏନ୍‍ ସାପା ସାମୁଆଁ ବାଲିର୍‍ନେ ବେଲା ଫେଷ୍ଟସ୍‌ ୱାସାର୍‍ଚେ ବାଲିର୍‍କେ, “ପାଉଲ୍‍ ନାଁ ବାୟା । ଜାବର୍‌ ପାଟ୍‍ ଲଃନାଲେଃଗେସା ନାଁ ବାୟା ଡିଂୱେନାଲେଃକେ ।”
\p
\v 25 ପାଉଲ୍‍ ଆକେନ୍‍ ଅଁଚେ ଉତର୍‍ ବିକେ ଅ ମାପ୍‌ରୁ ଫେଷ୍ଟସ୍‌ “ନେଙ୍ଗ୍‍ ବାୟା ଣ୍ଡୁ ମଣିମା ! ନେଙ୍ଗ୍‍ ମେଃନେ ବାସଙ୍ଗ୍‍ଣ୍ଡିଂକେ ଆତେନ୍‌‍ ସତ୍ ଆରି ପାର୍‌ମାନ୍ ଡିଂଚେ ସାମୁଆଁ ବାସଙ୍ଗ୍‌ଣ୍ଡିଂକେ । 
\v 26 ଇଃସାଙ୍ଗ୍‌ ଅଗ୍ରିପା ନା ଆକେନ୍‍ ସାପା ବିସୟ୍ ମ୍ୟା ନାଲେଗେସା ନେଙ୍ଗ୍ ନା ସାମ୍‍ନେ ଆକେନ୍‍ ବ୍ନାଲିର୍ ବାସଙ୍ଗ୍‌ନେ ସାହାସ୍‍ ଡିଂଣ୍ଡିଂକେ ! ନେଙ୍ଗ୍‍ ସତ୍‍ ବାବ୍‍ରେ ମ୍ୟାଃନ୍ଲେକେ ଜେ ଆକେନ୍‍ ସାପା ବିସୟ୍ ନା ଅଁ ନାଲେଃକେ ଡାଗ୍ଲା ମାମ୍ୟାଃକ୍ନେ ଜାଗା ଅରିଆ ବୁଡ଼ିଚେ ଆକେନ୍‍ ବିସୟ୍ ସାପା ଆଗଟେକେ ଣ୍ଡୁ । 
\v 27 ଇଃସାଙ୍ଗ୍‌ ଆଗ୍ରୀପା ନା ବାବବାଦିଇଂକେ ବିସ୍‍ବାସ୍‍ ଡିଂନାଡିଂକେ ତ ? ନେଙ୍ଗ୍‍ ମ୍ୟାଃନ୍ଲେକେ ନା ବିସ୍‍ବାସ୍‍ ଡିଂନାମ୍ୟାଃକେ !”
\p
\v 28 ଆଗ୍ରୀପା ପାଉଲ୍‍କେ ଉତର୍‍ ବିକେ, “ଏନ୍‍ ଇକୁଡ଼ା ବେଲା ବିତ୍‍ରେ ନା ମେଃନେ ଆନେଙ୍ଗ୍‍କେ କିସ୍‌ଟିୟାନ୍‌ ଆଡିଂନାବିଏ ଡାଗ୍‍ଚେ ବାବେ ନାଡିଂକେ ?”
\p
\v 29 ପାଉଲ୍‍ ଉତର୍‍ ବିଃକେ, “ଇକୁଡ଼ା ବେଲା ଡିଂଲେ ଣ୍ଡୁଲା ଜାବର୍‌ ବେଲା ଡିଂଲେ ଇସ୍‍ପର୍‍ଅରିଆ ନେଙ୍ଗ୍‍ନେ ଅଃକେନ୍‍ ଆଃ ପାର୍‍ତନା ନା ଆରି ଏକେ ନେଙ୍ଗ୍‍ନେ ସାମୁଆଁ ଦ୍ରିଗ୍‍ଲେ ଆର୍‍କ୍ନେ ସାପାରେ ନେଙ୍ଗ୍‍ ରକମ୍‍ ଡିଂଆର୍‍ଲେ ସତ୍‍ରେ ଦେକ୍‍ରକମ୍‍ ସିକ୍ଲି ଏତେ ଆଗାଗ୍‍ଆର୍‍ଲେ ଡାଗ୍‍ଚେ ନେଙ୍ଗ୍‍ ବାଲିର୍‍ ନାଡିଂକେ ଣ୍ଡୁ ।”
\p
\v 30 ତେନ୍‌ ଇଡ଼ିଂ ଇଃସାଙ୍ଗ୍‌ ସାସନ୍‌ ନେତା ଆରି ବର୍ଣ୍ଣିସ୍‍ ବାରି ବିନ୍‍ ସାପାରେ ୱେନ୍‍ସା ତଃଡ଼ିଆଆର୍‍କେ । 
\v 31 ମେଇଂ ୱେନେ ବେଲା ମେଇଂମେଇଂ ବିତ୍‍ରେ ବାଲିର୍‍ ଆର୍କେ “ଏନ୍‍ ରେମୁଆଁ ଦେକ୍‍ରକମ୍‍ ମେଃଡିଗ୍‍ କାମ୍ ଆଡିଂକେ ଣ୍ଡୁ ଜା ଆତ୍‍ଲା ମେଁ ଗୁଏନେ ଡଣ୍ଡ୍‍ ବାଏ ବାରି ସିକ୍ଲି ଏତେ ଆଗାଚେ ବନ୍ଦି ଡିଂଏ ।” 
\v 32 ଆଗ୍ରୀପା ଫେଷ୍ଟସ୍‌କେ ବାଲିର୍‍କେ, “ଜଦି ଏନ୍‍ ରେମୁଆଁ କାଇସରନେ ଡାଗ୍ରା ଗୁଆରି ଡିଂଆବ ପାଡିଂ, ତେଲା ଆମେକେ ନେ ମୁକ୍ତି ନେପାବି ।”
\c 27
\s ରୋମ୍‌ନ୍ନିଆ ପାଉଲ୍‌କେ ଡୁଙ୍ଗ୍‌ୱେକେ
\p
\v 1 ନେ ଇଟାଲୀପାକା ଣ୍ଡିଆଗାଲି ବିଚେ ନେୱେଏ ଡାଗ୍‍ଚେ ନେବାବେଲା ପାଉଲ୍‍ ଆରି ବିନ୍‍ ଉଡ଼ିରୁଆ ବନ୍ଦିଇଂ “ଇଃସାଙ୍ଗ୍‌ ସେନାଦଲ୍‍” ମ୍ନିକ୍ନେ ମୁଇଂ ରୋମୀୟ ସନ୍ୟ ବାହିନିନେ ସେନାପତି ଯୁଲିୟସ୍‍ନେ ନ୍ତିଅରିଆ ଦାରା ପଡ଼େଆର୍କେ । 
\v 2 ନେ ଆସିଆ ଦେସ୍‍ନେ କେଣ୍ଡିଆ ଆଡ଼ାପାକାନେ ଡାଆଁ ଡାଆଁ ବନ୍ଦର୍‍ଇଂ ଡାଗ୍ରା ୱେନ୍‍ସା ଜଜ୍‌ନା ଡିଂବଗ୍ନେ ଆଦ୍ରାମୁତିୟମ୍‌ନେ ମୁଇଂ ଣ୍ଡିଆଃ ଜା‍ଆଜ୍‌ଅରିଆ ଯାତ୍ରା ନେଡିଂକେ । ଆରିଷ୍ଟାର୍ଖସ୍‌ ମ୍ନିକ୍ନେ ତେସଲନିକିୟ ସହର୍‍ନେ ମୁଇଂ ମାସିଦୋନିଆ ରେମୁଆଁ ନେ ଏତେ ଲେଃଗେ । 
\v 3 ତେନ୍‍ ମାର୍‍ତଡ଼େ ନେ ସିଦନ ଅରିଆ ନେୱେଚାକେ । ଯୁଲିୟସ୍‍ ପାଉଲ୍‍ନେ ଆଡ଼ାତ୍ରା ଦୟା ଆସୁଏ ଡିଂଗେ । ପାଉଲ୍‍ନେ ସାଙ୍ଗଇଂବାନ୍‍ ମେଇଂନେ ଦର୍‍କାର୍‍ ଲେଃକ୍ନେ ଜିନିସ୍‌ପତର୍‍ଇଂ ସାପା ରାଃସିଂନେ ଉଦେସ୍‍ରେ ଆମେଇଂକେ ଅବାନ୍‍ସା ମେଁ ପାଉଲ୍‍କେ ଆଦେସ୍‌ ବିକେ । 
\v 4 ତେନ୍‌ ଇଡ଼ିଂ ନେ ସିଦନ୍‍ ସହର୍‍ ନେଆନ୍ତାର୍‍କେ । ଆତେନ୍‌‍ ବେଲା ଆଃଡ଼ାଃ କେଣ୍ଡିଆଃ ୱେଡ଼ିଆ ପାଙ୍ଗ୍‍ଡିଂଗେ । ତେସା ନେ ସାଇପ୍ରସ୍ ଉପଦ୍ୱିପ୍‍ ଡାଗ୍ରା ବିଚେ ନେୱେକେ । 
\v 5 ତେନ୍‌ ଇଡ଼ିଂ ନେ କିଲିକିଆ ଆରି ପଂପୁଲିୟା କେଣ୍ଡିଆ ଆଡ଼ା ଆଡ଼ା ୱେଚେ ଲୁକିଆ ଦେସ୍‍ନେ ମାଏରା ସହର୍‍ଅରିଆ ନେୱେଚାକେ । 
\v 6 ଆତ୍‍ଅରିଆ ଯୁଲିଅ ଆଲେକ୍‍ଜାଣ୍ଡ୍ରିଆନେ ଣ୍ଡିଆଃ ଜା‍ଆଜ୍‌ ମୁଇଂ ଇଟାଲୀପାକା ୱେଡିଂନେ ଅବାକେ । ମେଁ ଆନେକେ ଆତ୍‍ଅରିଆ ଆଃଡେବିଃକେ ।
\p
\v 7 ନେ ଗୁଲେସି ଜାକ ଲେଃଗା ଲେଃଗା ଯାତ୍ରା ଡିଂଚେ ଜାବର୍‌ କସ୍ଟରେ କ୍ନୀଦ ସହର୍‍ ଡାଗ୍ରା ନେୱେଚାକେ ଆଃଡ଼ାଃ କେଣ୍ଡିଆଃ ୱେଡ଼ିଆ ସା ନେ ଆତେନ୍‌‍ ଦିଗ୍‍ପାକା ବାରି ତାନୁଗ୍‍ ୱେନେୟାକେ ଣ୍ଡୁ ତେସା କ୍ରିଟ ଦ୍ୱୀପ୍‍ନେ ଦକିନ୍‌ ପାକାନେ ଆଡ଼ୁଆଲ ଏରିଆ ବିଚେ ସାଲମୋନୀ ଡାଗ୍ରା ବିଃଚେ କ୍ରୀତନେ ପୁଣ୍ଡେନେ ଡୁଆ ଡାଗ୍ରା ନେୱେଚାଃକେ । 
\v 8 ନେ କେଣ୍ଡିଆ ଆଡ଼ା ଆଡ଼ା ଜାବର୍‌ କସ୍ଟରେ ଲାସିଆ ସହର୍‍ନେ ସୁନ୍ଦର ବନ୍ଦର୍‌ ମ୍ନିକ୍ନେ ଜାଗାନ୍ନିଆ ନେୱେଚାକେ ।
\p
\v 9 ନେ ଆତ୍‍ଅରିଆ ଗୁଲେସି ନେଲେଃଗେ । ଜିଉଦିଇଂନେ ଉପାସ୍‌ ପାଣ୍ଡୁଏ ଡାଲେଲା ଆତେନ୍‌‍ ବେଲା କେଣ୍ଡିଆ ଗାଲିବିଚେ ୱେନେ ପାଗ୍‍ ବିପଦ୍‍ ଗଟେନେ ପାଙ୍ଗ୍‍ଡିଂଗେ । ତେସା ପାଉଲ୍‍ ମେଇଂକେ ସାବଦାନ୍‍ ଆଡିଂଚେ ବାଲିର୍‍କେ । 
\v 10 “ଅ ବୟାଁଇଂ ! ନେଙ୍ଗ୍‍ ବାବେଣ୍ଡିଂକେ ଜଦି ନେ ଆକ୍‍ବାନ୍‍ ବାରି ଣ୍ଡିଆଡାଗ୍ରା ଯାତ୍ରା ଆରାମ୍‍ ନେଡିଙ୍ଗ୍‍ଏ ତେଲା ବିପଦ୍‍ ଗଟେଏ । ଆତ୍‍ବା ଣ୍ଡିଆଃ ଜା‍ଆଜ୍‌ ବାରି ଜିନିସ୍‌ପତର୍‍ଇଂ ନସ୍ଟ ଡିଂଏ । ୱେଡିଙ୍ଗ୍‌କ୍ନେ ରେମୁଆଁନେ ଡିଗ୍‌ ଜିବନ୍‌କେ ବିପଦ୍‍ ଗଟେଏ ।” 
\v 11 ମାତର୍‍ ସେନାପତି ପାଉଲ୍‍ନେ ସାମୁଆଁ ସତ୍‍ ଆମାନେଚେ ଜା‍ଆଜ୍‌ନେ ଚାଲେଣ୍ଡ୍ରେ ଆରି ଜା‍ଆଜ୍‌ନେ ମାଲିକ୍‍ନେ ସାମୁଆଁ ସାଃକେ । 
\v 12 ରାସଃଦିନ୍‍ କଟେନ୍‍ସା ବନ୍ଦର୍‍ ସୁବିଦା ସୁଜଗ୍‍ ଆଲେଃଗେ ଣ୍ଡୁ, ମେଃଡିଗ୍‍ ରକମ୍‍ ଫୈନିକ୍‌ସ୍‌ନ୍ନିଆ ୱେଚାଚେ ଆତ୍‍ଅରିଆ ରାସଃକିଗ୍‌ କଟେନ୍‍ସା ଆତ୍‍ବା ଜା‍ଆଜ୍‌ ଆନ୍ତାର୍‍ବିଲା ଉଃଡ଼ିଉଃଡ଼ି ରେମୁଆଁ ଆମେକେ ବାଲିର୍‍କେ ଆତେନ୍‌‍ ଫୈନିକ୍‌ସ୍‌ କ୍ରିତୀନେ ମୁଇଂ ବନ୍ଦର୍‌ ଆତେନ୍‌‍ ଉତ୍ତର ପୁର୍ବ ଆରି ଦକିନ୍‌ ପୁର୍ବ ପାକା ଲେଃଗେ ।
\s କେଣ୍ଡିଆ ୱେଡ଼ିଆ
\p
\v 13 ଉଡ଼ିବେଲା ଦକିନ୍‌ବାନ୍‍ ଦିରେ ୱେଡ଼ିଆ ପାଂକେ ଯାତ୍ରିଇଂ ଆକେନ୍‍ କେଚେ ଏନ୍‍ ମୁଇଂ‍ ନିମାଣ୍ଡା ଚିନା ଡାଗ୍‍ଚେ ଏତେଆର୍‍କେ ଆରି ଲଙ୍ଗର୍‍ ତଚେ ଉଡ଼ିସ୍ଲ ଜାକ ୱେନେ ଡିଂଏ କ୍ରିଟନେ କେଣ୍ଡିଆ ଆଡ଼ା ଆଡ଼ା ଅଲେଙ୍ଗ୍‍ ଆମୁଲେଆର୍କେ । 
\v 14 ମାତର୍‍ ଇକୁଡ଼ା ବେଲା ଇଡ଼ିଙ୍ଗ୍‌ ମାରିୟାତୁଗ୍ ପାଗ୍‍ ବଦ୍ଲେ ୱେକେ । “ଉତ୍ତର ପୂର୍ବିୟ” ମ୍ନିକ୍ନେ ୱେଡ଼ିଆ ଦ୍ୱୀପ ପାକା ବୟଙ୍କାର୍‍ ସାରସାଗାଚେ ପାଙ୍ଗ୍‍ଚେ ଜା‍ଆଜ୍‌କେ କେଣ୍ଡିଆ ମଜେ ଟମେଗ୍‍ ଡୁଂଡକେ । 
\v 15 ଜା‍ଆଜ୍‌ ୱେଡ଼ିଆ ଡିଙ୍ଗ୍‍ଲା ମୁଇଂତୁଗ୍‍ ଆତୁଆଁଲା ନେ ଆମେକେ ଡୁଙ୍ଗ୍‌ଡ୍ୟାଃ ୱେନ୍‍ସା ଆନ୍ତାର୍‍ ନେବିକେ । 
\v 16 ତେନ୍‌ ଇଡ଼ିଂ ନେ କ୍ଲାଉଦ୍‍ ମ୍ନିକ୍ନେ ଉପଦ୍ୱିପ୍‍ ଆଡ଼ାପାକା ତରା ଚାଲେ ନେକେକେ । ଆତ୍‍ଅରିଆ ମୁଇଂ ଜିବନ୍‍ ଆମ୍ବ୍ରନେ ତରାବାନ୍‍ ଜାବର୍‌ କସ୍ଟରେ ନେ ତରା ଆଡ଼ାତ୍ରା ଆଃତଡ଼ିଆ ନ୍‍ସା ଚେସ୍‌ଟା ନେଡିଙ୍ଗ୍‍କେ । 
\v 17 ତରା ଆଃଚାଲେରେଇଂ ଆମେକେ ଜା‍ଆଜ୍‌ ଆଡ଼ାତ୍ରା ଆଃତଡ଼ିଆକେ ବାରି ଗେଏଃ ଏତେ ଡାଟାମ୍‍ ବାବ୍‍ରେ ଜା‍ଆଜ୍‌ ଏତେ ଗାଗ୍‍ବିଆର୍‍କେ । ଆତେନ୍‌‍ ଜା‍ଆଜ୍‌ ଲିବିଆ କେଣ୍ଡିଆ ଆଡ଼ାନେ ସ୍ରି ବିତ୍‍ରେ ଗାୱେଏ ଡାଗ୍‍ଚେ ବୁଟମେଗ୍‌ଚେ ତରା ଆଚାଲେରେଇଂ ପାଲ ତଃବିଃଚେ ଜା‍ଆଜ୍‌କେ ୱେଡ଼ିଆ ଏତେ ୱେଲେ ଡାଗ୍‍ଚେ ଆନ୍ତାର୍‍ ବିଆର୍‍କେ । 
\v 18 ତେନ୍‍ ମାର୍‍ତଡ଼େ ମେଇଂ ବୟ୍‍ଙ୍କାର୍‍ ୱେଡ଼ିଆ ଗୁରିଆ ପାଂଡିଂଲା ମେଇଂ ଜା‍ଆଜ୍‌ ବାନ୍‍ ଜିନିସ୍‌ ପତର୍‍ଇଂ ଣ୍ଡିଆଃ ଅରିଆ ଜଗ୍‍ତ୍ଲିଗ୍‍ ବିଆର୍‍କେ 
\v 19 ତେନ୍‍ ମାର୍‍ତଡ଼େ ଜା‍ଆଜ୍‌ନେ ଉଡ଼ି ଆବାକ୍ନେ ଜିନିସ୍ଇଂ କେଣ୍ଡିଆ ବିତ୍‍ରେ ଜଗ୍‍ତ୍ଲାଗ୍‍ ବିଆର୍‍କେ । 
\v 20 ଗୁଲେସି ସାଚେ ନେ ସ୍ନି କି ଚାଂକୁଆ କିକେ ନେୟାକେ ଣ୍ଡୁ ବାରି ମାଲେ ୱେଡ଼ିଆ ପାଙ୍ଗ୍‍ଲା ସାରାସାରି ନେ ଉଦାର୍‍ ବାନେ ସାପା ଆସା ସ୍ଲଅ ୱେକେ । \fig ୱେଗୁର୍ ବାନ୍ ପାକ୍‌ଚିଃକ୍ନେ ଜା‍ଆଜ୍‌ |alt="Ship being wrecked in a storm" src="lb00219c.tif" size="col" copy="Horace Knowles ©" ref="୨୭:୧୮"\fig*
\p
\v 21 ସାପାରେ ଜାବର୍‌ ଦିନା ମାଚଂଚେ ଲେଃକ୍ନେ ଇଡ଼ିଙ୍ଗ୍‌ ପାଉଲ୍‍ ଯାତ୍ରୀଇଂନେ ବିତ୍‍ରେବାନ୍‍ ତୁଆଁଚେ ବାଲିର୍‍କେ “ବୟାଁଇଂ ପେ ନେଙ୍ଗ୍‍ ସାମୁଆଁ ଇସାବ୍‍ରେ କ୍ରିଟବାନ୍‍ ଜା‍ଆଜ୍‌ ପେଆନ୍ତାର୍‍ ନେନେ ଏନ୍‍ ଦୁକ୍‍ ପାଗଟେ ପାଡିଙ୍ଗ୍‍ । 
\v 22 ମାତର୍‍ ଏବେ ନେଙ୍ଗ୍‍ ଆପେକେ ଗୁଆରି ଡିଂଣ୍ଡିଂକେ ପେଇଂ ସାଆସ୍‌ ସାପା । ପେ ବିତ୍‍ରେବାନ୍‍ ମୁଇଂଜାନେ ଡିଗ୍‍ ଜିବନ୍‍ ଆୱେ ଣ୍ଡୁ ମାତର୍‍ ଜା‍ଆଜ୍‌ ନସ୍‌ଟ ଡିଂୱେଏ । 
\v 23 ନେଙ୍ଗ୍‍ ମୁଡ଼ି ଇସ୍‍ପର୍‍କେ ପୁଜା ଡିଂଣ୍ଡିଂକେ ତୁଗୁଆ ମିଡିଗ୍‍ ମେଁନେ ମୁଇଂ କିତଂ ଦୁତ୍‍ ନେଙ୍ଗ୍‍ ଡାଗ୍ରା ପାଙ୍ଗ୍‍ଚେ ବାଲିର୍‍କେ 
\v 24 ପାଉଲ୍ ନା ଆବ୍‍ଟଗେ ନାମ । ନା ଡିଲାଡିଗ୍ କାଇସରନେ ଡାଗ୍ରା ନାତୁଆଁଏ । ନା ଆଡ଼ାତ୍ରା ମାପ୍‌ରୁ ଦୟା ଲେଃଗେସା ନା ଏତେ ୱେଆର୍‍ଡିଂକ୍ନେ ସାପାରେନେ ଜିବନ୍‍ ମେଁ ରକ୍ୟା ଆଃଡିଂବକେ । 
\v 25 ତେନ୍‍ସା ବୟାଁଇଂ ସାଆସ୍‌ ସାପା ! ଡାଗ୍ଲା ନେଙ୍ଗ୍‍ ଇସ୍‍ପର୍‍ ଡାଗ୍ରା ବିସ୍‍ବାସ୍‍ ଡିଂଣ୍ଡିଂକେ ଆନେଙ୍ଗ୍‍ ମେଃନେ ବାଲିର୍‍ବକେ ଟିକ୍‍ ଦେତ୍‍ରକମ୍‍ ଗଟେଏ । 
\v 26 ମାତର୍‍ ନେ ତାନୁଗ୍‍ ୱେଚେ ମୁଇଂ ଦ୍ୱୀପ୍‍ଅରିଆ ନେୱେଚାଏ ।”
\p
\v 27 ୱେଡ଼ିଆଃ ଗୁରିଆ ପାଙ୍ଗ୍‍ନେ ଗୋଅଁ ଦିନ୍‍ ତେନ୍‌‍ବେଲା ମଜେମିଡିଗ୍‍ କେଲା ନେନେ ଜା‍ଆଜ୍‌ ଆଦ୍ରିୟା କେଣ୍ଡିଆଃ ଡାଗ୍ରା ୱେଡିଂଗେ । ନେନେ ତରା ଡାଇବର୍‍ଇଂ ଡିଲାଡିଗ୍‍ କେଣ୍ଡିଆ ଆଡ଼ା ତେପିଂଚାକେ ଡାଗ୍‍ଚେ ମନେ ବାବେ ଆର୍‍କେ । 
\v 28 ମେଇଂ ମାପେଚେ ମ୍ୟାଃଆର୍‍କେ ଆତ୍‍ଅରିଆ ଣ୍ଡିଆନେ ସ୍ରି ୪୦ ମିଟର୍‍ । ବାରି ଇକୁଡ଼ା ଇଡ଼ିଙ୍ଗ୍‌ କେଆର୍‍କେ ଜେ ଣ୍ଡିଆନେ ସ୍ରି ୩୦ ମିଟର୍‍ କମେ ୱେଲେଃକେ । 
\v 29 ମେଇଂ ବୁଟମେଗ୍ ଆର୍‍କେ ଜେ କାଲେ ଜା‍ଆଜ୍‌ ଡୁଙ୍ଗ୍‍ଡ୍ୟାଃ ଡୁଙ୍ଗ୍‍ଡ୍ୟାଃଚେ ବ୍ରିଅରିଆ ୱେରାଃଟିଆ ବିଃଏ । ତେସା ମେଇଂ ଜା‍ଆଜ୍‌ନେ ପ୍ଲାପାକା ଅଁ କ୍ଲିଗ୍‍ ଲଙ୍ଗର ତ୍ଲାଗ୍‍ଚେ ଉଡ଼ିବେଲା ତାରାଏ ଆତେନ୍‌‍ ଉର୍‍ଲେ ଆର୍‍ଗେ । 
\v 30 ତେନ୍‌ ଇଡ଼ିଂ ତରା ଡାଇବର୍‍ଇଂ ଜା‍ଆଜ୍‌ବାନ୍‍ ଜାର୍‍ଚେ ୱେନ୍‍ସା ଚେସ୍‌ଟା ଡିଂଆର୍‍କେ । ଜା‍ଆଜ୍‌ନେ ସେପାକା ଆରି ଉଡ଼ିକ୍ଲିଗ୍‍ ଲଙ୍ଗର୍‍ ନେତ୍ଲାଗ୍‍ଏ ଡାଗ୍‍ଚେ ଜଟେଚେ ମେଇଂ ଜା‍ଆଜ୍‌ ଆଡ଼ାତ୍ରା ଲେଃକ୍ନେ ତରାକେ ବୁନ୍ଦେ ଟମେଗ୍‍ ବିଆର୍‍କେ । 
\v 31 ମାତର୍‍ ପାଉଲ୍‍ ସେନାପତି ବାରି ସନ୍ୟଇଂକେ ବାଲିର୍‍କେ “ଡାଇବର୍‍ଇଂ ଜା‍ଆଜ୍‌ଅରିଆ ଆଲେଲା ପେନେ ଆରି ଉଦାର୍‍ ବାନେ ଆସା ଣ୍ଡୁ ।” 
\v 32 ତେସା ସନ୍ୟଇଂ ତରାନେ ଗେଏଃକେ ସିତଗ୍‍ ବିଚେ ଣ୍ଡିଆଃ ଏତେ ଡୁଙ୍ଗ୍‌ଡ୍ୟାଃ ୱେଲେ ଡାଗ୍‍ଚେ ଆନ୍ତର୍‍ ବିଃଆର୍‍କେ ।
\p
\v 33 ତେପାର୍‍ନେ ଟିକ୍‍ ସେନୁଗ୍‍ ପାଉଲ୍‍ ସାପାରେକେ ଚଙ୍ଗ୍‍ନେସା ଗୁଆରି ଡିଂକେ । ମେଁ ବାଲିର୍‍କେ “ଇଏଁ ଗୋଅଁ ଦିନ୍‍ ଡିଂଡିଂକେ ପେଇଂ ମେଃଡିଗ୍‍ ପେଚଙ୍ଗ୍‍କେ ଣ୍ଡୁ । 
\v 34 ସାର୍ଲ ଣ୍ଡିଂକେ, ଏବେ ଇତୁଡ଼ା ଚଙ୍ଗ୍‍ପା ବ୍ରୁଆ ଲେଃନେ ନ୍‍ସା ଏନ୍‍ ଆଃ ଜିବ୍‍କା । ଆପ୍‍ଟଗ୍‍ପା ନାମ । ପେନେ ବାଆବାନ୍‍ ମୁଇଂଡିଗ୍‍ ଉଗ୍‍ବ ବାରି ନସ୍‌ଟ ଆଡିଙ୍ଗ୍ ଣ୍ଡୁ ।” 
\v 35 ଏନ୍‍ ବାଲିର୍‍ଚେ ପାଉଲ୍‍ ଇସ୍‍ପର୍‍କେ ଦନ୍ୟବାଦ୍ ବିଚେ ରୁଟି ଟିକ୍‍ଚିଚେ ଚଙ୍ଗ୍‍କେ । 
\v 36 ଆତ୍‍ବା ସାପାରେ ସାର୍‍ଦା ଡିଂଚେ ରୁଟି ଚଂଆର୍‍କେ । 
\v 37 ଆତେନ୍‌‍ବେଲା ଜା‍ଆଜ୍‌ ଅରିଆ ମ୍ୱାର୍‍ସ ଛସ୍ତୁରି ରେମୁଆଁ ଲେଆର୍‍ଗେ । 
\v 38 ସାପାରେ ଚଂ ଡାକ୍ନେ ଇଡ଼ିଙ୍ଗ୍‌ ଜା‍ଆଜ୍‌କେ ଉସାସ୍‍ ଆଡିଂନେସା ଆତ୍‍ଅରିଆ ଲେଃକ୍ନେ ସାପା ଗହମ୍‌ କେଣ୍ଡିଆ ବିତ୍‍ରେ ଜଗ୍‍ତ୍ଲାଗ୍‍ ବିଆର୍‍କେ ।
\s ଜା‍ଆଜ୍‌ ପାକ୍‌ଚିୱେକେ
\p
\v 39 ମାର୍‍ତଡ଼େ ଞ୍ଜିର୍‍ କେଣ୍ଡିଆ ଆଡ଼ାନେ ଆଣ୍ଡିନେ ଜାଗା ଅରିଆ ମେଇଂ ପିଙ୍ଗ୍‍ଚା ଆର୍‍କେ ଆତେନ୍‌‍ ତରା ଆଃଚାଲେଣ୍ଡ୍ରେଇଂ ମ୍ୟାଃ ଆୟାଆର୍‍କେ ଣ୍ଡୁ, ମାତର୍‍ ମେଇଂ କେଆର୍‍କେ ଜେ ଆତେନ୍‌‍ ମୁଇଂ ଉପସାଗର୍‍ନେ ବାଲିଲଃ ଲେଃକ୍ନେ ମୁଇଂ କୁରୁ କେଚେ ଆତ୍‍ଅରିଆ ଜା‍ଆଜ୍‌ ଆଲାଗେନ୍‍ସା ସାଲ୍ୟାଃକୁକେ । 
\v 40 ତେସା ଲଙ୍ଗର୍‍ ଗେଏଃ ସାପା ସିତଗ୍‍ ବିଚେ ଆତେନ୍‌‍ ସାପା କେଣ୍ଡିଆ ଆଲ ତିପଗ୍‍ଲେ ଡାଗ୍‍ଚେ ଆନ୍ତାର୍‍ ବିଆର୍‍କେ । ବାରି ମଙ୍ଗରନେ ଗେଏଃ ତଃଚେ ସାମ୍‍ନା ଅରିଆ ଗାଗ୍‍ବକ୍ନେ ପିଆଲ୍‍କେ ଜଗ୍‍ ବିଃଆର୍‍କେ । ତେଲା ୱେଡ଼ିଆ ଏତେ ଟମେଗ୍‍ଚେ ଜା‍ଆଜ୍‌ କେଣ୍ଡିଆ ଆଡ଼ା ପାକା ୱେକେ । 
\v 41 ମାତର୍‍ ଜା‍ଆଜ୍‌ ମ୍ୱାକ୍ଲିଗ୍‍ କେଣ୍ଡିଆନେ ମଜେ ଅରିଆ ମୁଇଂ ବାଲିଚଡ଼ା ଅରିଆ ଆଟିଆକେ । ଆତେନ୍‌‍ ଜା‍ଆଜ୍‌ନେ ସିସେନେ ଜିନିସ୍‌ ପାକ୍‍ଚି ୱେକେ ବାରି ପ୍ଲା ପାକାନେ ଜିନିସ୍‍ ଲଉଡ଼ି ମାଡ୍‍ରେ ମେତଗ୍‌ ମେତଗ୍‌ ଡିଂୱେକେ ।
\p
\v 42 ବନ୍ଦିଇଂ ମାରିଆଃତୁଗ୍‍ କେଣ୍ଡିଆ ଆଡ଼ ୱାଁଣ୍ଡିଆ ୱାଁଣ୍ଡିଆ ଲାଗ୍‍ଡଆର୍‍ଏ ଡାଗ୍‍ଚେ ଆତେନ୍‌‍ ବାବେଚେ ଆମେଇଂକେ ବାଗୁଏଃ ବିଃନ୍‍ସା ସନ୍ୟଇଂ ବିଚାର୍‍ ଡିଂଆର୍‍କେ । 
\v 43 ମାତର୍‍ ମୁଇଂସ ସନ୍ୟ‍ଇଂନେ ନେତା ପାଉଲ୍‍କେ ରକ୍ୟା ଡିଙ୍ଗ୍‌ନେ ଚାଏଁଡିଂକେ । ତେସା ସନ୍ୟଇଂକେ ଆଦେସ୍‍ ବିକେ । ପଙ୍ଗ୍‌ରେ ମ୍ୟାଲେକ୍ନେ ସାପାରେକେ ଣ୍ଡିଆଃଅରିଆ ପୁଏଃଚେ ୱାଣ୍ଡିଆଃ ୱାଣ୍ଡିଆଃଚେ କେଣ୍ଡିଆ ଇନୁମେତାନେ ତୁବନ୍ନିଆ ୱେଲାପା 
\v 44 ବାରି ସୁଆନେ ପାଟା ଆରି ଜା‍ଆଜ୍‌ନେ ମେଃଡିଗ୍‍ ପାକ୍‍ଚିକ୍ନେ ମେତାଃ ସାଃଚେ ଡୁଙ୍ଗ୍‍ଡ୍ୟାଃନ୍‍ସା ବିନ୍‍ରେକେ ବାଲିର୍‍କେ । ଦେକ୍‍ରକମ୍‍ ବାବ୍‍ରେ ନେ ସାପାରେ ନିରାପଦ୍‍ରେ ୱେଚେ କେଣ୍ଡିଆ ଆଃଡ଼ା ତୁବନ୍ନିଆ ୱେଚାକେ ।
\c 28
\s ମାଲ୍‌ଟା ଦିପ୍‌ନ୍ନିଆ ପାଉଲ୍
\p
\v 1 ନିରାପଦ୍‍ରେ କେଣ୍ଡିଆ ଆଡ଼ା ୱେଚେ ନେକେକେ ଜେ ନେଁ ମାଲ୍‌ଟା ଦିପ୍‌ନ୍ନିଆ ନେୱେଚାକେ । 
\v 2 ଆତ୍‍ଅରିଆନେ ଗ୍ରୀକ୍ ସାମୁଆଁ ଆବାସଙ୍ଗ୍‌କ୍ନେ ରେମୁଆଁଇଂ ନେ ଆଡ଼ାତ୍ରା ବଲ୍‍ ବାନେ ବିଆର୍‍କେ । ଆତେନ୍‌‍ବେଲା ଣ୍ଡିଆ ଗୁର୍‍ଚେ ଜାବର୍‌ ରାସଃ ଡିଂଗେ । ତେସା ମେଇଂ ସୁଆ ଆଡୁଆଚେ ଆନେକେ ସାର୍ଲଆର୍‍କେ । 
\v 3 ପାଉଲ୍‍ ମୁଇଂ ଗ୍ନାଗ୍‌ ସୁଆ ସୁଆନ୍ନିଆ ତ୍ଲାଗ୍‍ନେ ବେଲା ଆତ୍‍ବା ମୁଇଂ ବୁବ ତାର୍‍କେ ଆରି ସୁଆ ଗରମ୍‍ବାନ୍‍ ରକ୍ୟା ବାନ୍‍ସା ମେଁ ନ୍ତି ଆଡ଼ାତ୍ରା ଡେଃଚେ ଆତ୍‍ଅରିଆ ୱେ ଲେଃଗେ । 
\v 4 ଆତ୍‍ଅରିଆ ଲେଡିଂଆର୍‍କ୍ନେ ଆଦିବାସିଇଂ ପାଉଲ୍‍ନେ ନ୍ତି ଅରିଆ ୱେଡିଂକ୍ନେ ବୁବଃକେ କେଚେ ମେଇଂମେଇଂ ବିତ୍‍ରେ ବାଲିର୍‍ ବାତା ଆର୍‍କେ “ଏନ୍‍ ରେମୁଆଁ ମୁଇଂ ସତେଆ ରେମୁଆଁ ବାଗୁଏଣ୍ଡ୍ରେ କେଣ୍ଡିଆବାନ୍‍ ରକ୍ୟା ବାଲାଡିଗ୍‍ ଦର୍ମ ଆକ୍ମେକେ ବ୍ରୁଆନ୍‍ସା ଆବି ଣ୍ଡୁ ।” 
\v 5 ମାତର୍‍ ପାଉଲ୍‍ ନ୍ତିକେ ଆଜୁର୍‍ଚେ ବୁବଃକେ ସୁଆ ଅରିଆ ଜଗ୍‍ତ୍ଲାଗ୍‍ ବିକେ । ଆତ୍‍ବା ଆମେକେ ମେଃଡିଗ୍‍ ନସ୍‌ଟ ଆଡିଂକେ ଣ୍ଡୁ । 
\v 6 ପାଉଲ୍‍ନେ ଗାଗ୍‍ଡ଼େ ପଂୱେଏ ଣ୍ଡୁଲା ମେଁ ଗୁଏଚେ ଆଲ ଲଃୱେଏ ଡାଗ୍‍ଚେ ମେଇଂ ଉଡ଼ିପର୍‍ ଜାକ ଉର୍‍ଆର୍‍କେ । ମାତର୍‍ ଗୁଲେପର୍‍ ଜାକ ଉର୍‍ଚେ ଉଡ଼ିବେଲା କେଆର୍‍କେ ଜେ ପାଉଲ୍‍କେ ମେଃଡିଗ୍‍ ନସ୍‌ଟ ଆରାଃଡିଂକେ ଣ୍ଡୁ ମେଇଂ ନିଜେ ନିଜେ ମନ୍‍ ବଦ୍‍ଲେଚେ ବାଲିର୍‍ ଆର୍‍କେ “ଏନ୍‍ ରେମୁଆଁ ମୁଇଂ ମାପ୍‌ରୁ ।”
\p
\v 7 ଆତେନ୍‌‍ ଜାଗାନେ ଡାଗ୍ରା ପୁବ୍ଲିୟସ୍ ମ୍ନିକ୍ନେ ଆତେନ୍‌‍ ଦ୍ୱୀପ୍‍ନେ ମ୍ନାଃ ରେମୁଆଁନେ ଡୁଆ ଆରି ଜାଗା ଲେଃଗେ । ମେଁ ଆନେକେ ସାର୍ଲକେ ଆରି ନେ ଜିର୍‍ସି ଦିନ୍‌ ଜାକ ମେଁନେ କୁଲାରେ ନେଡିଂକେ । 
\v 8 ଆତେନ୍‌‍ ବେଲା ପୁବ୍ଲିୟସ୍‌ନେ ଆବାଡ଼େ ଆଃସି ଲେଃଗେ ଆରି ଜାଡ଼ା ରଗ୍‍ ଆସାଚେ ଡୁଲେଗ୍‍ ଲେଃଗେ ବାରି ପାଉଲ୍‍ ବିତ୍‍ରେ ମେଁ ଡାଗ୍ରା ୱେଚେ ପାର୍‌ତନା ଡିଂକେ ବାରି ମେଁ ଆଡ଼ାତ୍ରା ନ୍ତି ବଚେ ଆମେକେ ନିମାଣ୍ଡା ଆଡିଂକେ । 
\v 9 ଏନ୍‍ ଗଟ୍‌ନା ଇଡ଼ିଙ୍ଗ୍‌ ଦ୍ୱୀପ୍‍ନେ ରଗିଇଂ ସାପାରେ ପାଉଲ୍‍ ଡାଗ୍ରା ପାଙ୍ଗ୍‌ଚେ ନିମାଣ୍ଡା ଡିଂଆର୍‍କେ । 
\v 10 ମେଇଂ ଆନେକେ ଗୁଲେ ଜିନିସ୍‌ ବିଆର୍‍କେ ଆରି ନେ ଆତ୍‍ବା ଜା‍ଆଜ୍‌ଅରିଆ କଚେ ୱେନେବେଲା ନେନେ ୱେନେ ଗାଲିଆତ୍‍ଲା ଦର୍‍କାର୍‍ ଲେଃକ୍ନେ ଜିନିସ୍‌ଇଂ ସାପା ମେଇଂ ଡୁଙ୍ଗ୍‍ ପାଙ୍ଗ୍‍ଚେ ଜା‍ଆଜ୍‌ଡାଗ୍ରା ବଚେ ୱେଆର୍‍କେ ।
\s ମାଲ୍‌ଟାବାନ୍ ରୋମ୍
\p
\v 11 ଆଲେକ୍‍ଜାଣ୍ଡ୍ରିଆ ବାନ୍‌ ପାଙ୍ଗ୍‌ଲେଃକ୍ନେ “ଯୁଗ୍ମ ଦେବତା” ମ୍ନିକ୍ନେ ମୁଇଂ ଣ୍ତିଆ ଜା‍ଆଜ୍‌ ମାଲ୍‌ଟା ଦିପ୍‌ନ୍ନିଆ ରାସଃକିଗ୍‌ କାଟେ ନେବକେ । ଦିପ୍‌ନ୍ନିଆ ଞ୍ଜି ଆର୍କେ ଲେଃକ୍ନେ ଇଡ଼ିଙ୍ଗ୍‌ ନେ ଆତାନ୍‌ ଣ୍ତିଆ ଜା‍ଆଜ୍‌ନ୍ନିଆ କଚେ ବାରି ନେୱେକେ । 
\v 12 ନେ ଆତ୍‍ଅରିଆ ସେନୁଗ୍‍ ସିରାକ୍ୟୁସ୍ ସହର୍‍ନ୍ନିଆ ୱେଚାଚେ ଆତ୍‍ଅରିଆ ଜିର୍‍ସି ନେଲେଃକେ । 
\v 13 ଆତ୍‍ବାନ୍‍ ତାର୍‍ଚେ ନେ ରିଜିୟମ୍‍ ସହର୍‍ନ୍ନିଆ ନେୱେଚାକେ । ତେନ୍‍ ମାର୍‍ତଡ଼େ ଦକିନ୍‌ ୱେଡ଼ିଆ ପାଙ୍ଗ୍‍କେ ଆରି ବାର୍‌ସି ଇଡ଼ିଙ୍ଗ୍‌ ପୁତିଅଲି ସହର୍‍ନ୍ନିଆ ନେୱେଚାକେ । 
\v 14 ଆତ୍‍ଅରିଆ ନେ ବୟାଁଙ୍କେ ନେଅବାକେ । ମେଇଙ୍ଗ୍‌ ଏତେ ମୁଇଂସାନ୍ତା ଲେନ୍‍ସା ଗୁଆରି ଡିଂଆର୍‍କେ । ତେନ୍‌ ଇଡ଼ିଂ ନେ ରୋମ୍‍ ଅରିଆ ନେପିଂଚାକେ । 
\v 15 ବୟାଁଇଂ ନେନେ କବର୍‍ ବାଚେ ଆତାନ୍‌ ଜାଗା ବାନ୍‌ ଆପୀୟନେ ସାନ୍ତା ବାରି “ଞ୍ଜିକ୍ଲିଗ୍ ବାଡ଼ା ଡୁଆ” ଜାକ ଆନେକେ ଅବାନ୍‍ସା ପାଂଲେଆର୍‍ଗେ । ବାରି ପାଉଲ୍ ଆମେଇଂକେ କେଚେ ଇସ୍‍ପର୍‍କେ ଦନ୍ୟବାଦ୍‌ ଡିଙ୍ଗ୍‌ଚେ ସାଆସ୍‌ ବାକେ ।
\s ରୋମ୍ ଇନିନ୍ନିଆ ପାଉଲ୍
\p
\v 16 ତେନ୍‌ ଇଡ଼ିଂ ନେ ରୋମ୍‍ ନେୱେକେ ପାଉଲ୍‍କେ ରୋମ୍‍ଅରିଆ ମୁଇଂଜା ଲେନ୍‍ସା ଆଦେସ୍‌ ମିଲେକେ । ମାତର୍‍ ମେଁ ଡାଗ୍ରା ମୁଇଂ ସନ୍ୟ କାଲାଆଃ ଉର୍‍ଚେ ଲେଃଗେ । \fig ରୋମୀୟ ସହର୍‌ନେ ସାପା ସାଇ|alt="Street scene of The Roman city" src="hk00242c.tif" size="span" copy="Horace Knowles ©" ref="୨୮:୧୬"\fig*
\p
\v 17 ପାଉଲ୍‍ ଜିର୍‍ସି ଇଡ଼ିଙ୍ଗ୍‌ ଜିଉଦି ନେତାଇଂ ୱାଆର୍‍କେ ମେଇଂ ମୁଇଂନୁଗ୍‍ ରିସିଂକ୍ନେ ଇଡ଼ିଙ୍ଗ୍‌ ମେଁ ଆମେଇଂକେ ବାଲିର୍‍କେ “ଇସ୍ରାଏଲ୍‌ନେ ବୟାଁଇଂ ନେଙ୍ଗ୍‍ ଜଦି ନେ ରେମୁଆଁଇଂନେ ବିରୁଦ୍‌ରେ ବାନେ ନ୍ତାଞ୍ଜାଇଂନେ ନିୟମ୍‌ ବିରୁଦ୍‌ରେ ମେଃଡିଗ୍‍ ଡିଂନାବଗେ ଣ୍ଡୁ ତେଲାଡିଗ୍‍ ଆନେଙ୍ଗ୍‍ ଯିରୁସାଲାମ୍‌ନ୍ନିଆ ବନ୍ଦି ଆଡିଂଚେ ରୋମୀୟଇଂନେ ଅରିଆ ଆସା ପେବିକେ । 
\v 18 ରୋମୀୟଇଂ ଆନେଙ୍ଗ୍‍କେ ଗୁଲେ ପ୍ରସ୍‌ନ ସାଲିଆକୁଆର୍‍କେ । ମାତର୍‍ ମେଇଂ ନେଙ୍ଗ୍‍ ଅରିଆବାନ୍‍ ଗୁଏନେ ଡଣ୍ଡ୍‍ ବାନେ ମେଃଡିଗ୍‍ ଦସ୍ ଆବା ଆର୍‍କେ ଣ୍ଡୁ । ତେସା ମେଇଂ ଆନେଙ୍ଗ୍‍କେ ଆନ୍ତାର୍‍ ବିନ୍‍ସା ଚାଏଁଆର୍‍କେ । 
\v 19 \x + \xo ୨୮:୧୯ \xo*\xt ପ୍ରେରିତ୍‌ ୨୫:୧୧.\xt*\x*ମାତର୍‍ ଜିଉଦିଇଂ ଏନ୍‍ ନିଷ୍ପତିରେ ଆପତି ଡିଂଆର୍‍କେ । ତେସା ନେଙ୍ଗ୍‍ କାଇସର୍‍ ଡାଗ୍ରା ନିବେଦନ୍‌ ଡିଂନେସା ବାଦ୍ୟ ଣ୍ଡିଂକେ । ନେଙ୍ଗ୍‍ନେ ମାତର୍‍ ନିଜର୍‍ ରେମୁଆଁଇଂନେ ବିରଦ୍‍ରେ ମେଃଡିଗ୍‍ ଆପତି ଡିଙ୍ଗ୍‍ନେ ଦାବି ଣ୍ଡୁ । 
\v 20 ଆତେନ୍‌‍ସା ନେଙ୍ଗ୍‍ ପେଇଂ ଏତେ ବାଲିର୍‍ବାତା ଡିଂନେସା ସାର୍ଲ ଣ୍ଡିଙ୍ଗ୍‌କେ । ସତ୍‌ ବାବ୍‌ରେ ଜା ଆଡ଼ାତ୍ରା ଇଶ୍ରାୟେଲୀୟନେ ରେମୁଆଁଇଂ ଆସା ବଚେ ପାଂଡିଂଆର୍‍କେ ମେଇଂ ନ୍‌ସା ଏକେ ନେଙ୍ଗ୍‍ ସିକ୍ଲି ଏତେ ଆଗାଗ୍‍ ମ୍ୱକେ ।”
\p
\v 21 ମେଇଂ ବାଲିର୍‍ ଆର୍‍କେ “ନେ ଜିଉଦା ପ୍ରଦେସ୍‌ବାନ୍‍ ନା ବିସୟ୍‌ରେ ମେଃଡିଗ୍‍ ଚିଟି ଉଲିଆ ନେବାକେ ଣ୍ଡୁ କି ନାନେ କବର୍‍ ଡୁଙ୍ଗ୍‍ୱେଚେ ନା ବିସୟ୍‌ରେ ମେଃଡିଗ୍‍ ଦାବି ଡିଂଚେ ବାଲିର୍‍ନେସା ନେ ବୟାଁଇଂ ବିତ୍‍ରେବାନ୍‍ ଜା ଆକ୍‍ଅରିଆ ଆପାଂକେ ଣ୍ଡୁ । 
\v 22 ଆତେନ୍‌‍ ଆନ୍ତାର୍‍ପା ନେ ନାନେ ମତାମତ୍‍ ଦ୍ରିଗ୍‍ନେସା ଚାଏଁ ନେଡିଂକେ ଡାଗ୍ଲା ସାପାରେ ନା ଦଲ୍‍ ବିରୁଦ୍‌ରେ ସାମୁଆଁ ବାଲିର୍‍ ଆର୍‍ ଡିଂକେ ।”
\p
\v 23 ତେସା ମେଇଂ ମେଡାଗ୍ରା ପାଂନେସା ମୁଇଂ ତାରିକ୍‍ ବାଚେ ଆର୍‍କେ । ଜାବର୍‌ ସଂକ୍ୟାରେ ରେମୁଆଁଇଂ ମେଁ କାଲାଆଃ ଲେଃନେ ଟାନ୍ ଅରିଆ ପାଂଆର୍‍କେ । ପାଉଲ୍‍ ଆମେଇଂକେ ଇସ୍‍ପର୍‍ନେ ରାଜି ବିସୟ୍‌ରେ ପର୍‌ମାନ୍‌ ବିଚେ ସାପା ସାମୁଆଁ ଆଦ୍ରିଗ୍‌ ବିକେ । ମେଁ ଞ୍ଜିର୍‍ ବାନ୍‍ ଲମ୍‍ଡିଗ୍‍ ଜାକ ମୋଶାନେ ନିୟମ୍‌ ଆରି ବାବବାଦିଇଂନେ ସାସ୍ତର୍‌ବାନ୍‍ ଜିସୁନେ ବିସୟ୍‌ରେ ଆଦ୍ରିଗ୍‍ଚେ ଆମେଇଂକେ ବିସ୍‍ବାସ୍‍ ଆଡିଂନେସା ଚେସ୍‌ଟା ଡିଂକେ । 
\v 24 ମେଇଂନେ ବାନ୍‍ ଉଡ଼ିରୁଆ ଜିଉଦା ପାଉଲ୍‍ ସାମୁଆଁରେ ବିସ୍‍ବାସ୍‍ ଡିଂଆର୍‍କେ ମାତର୍‍ ଉଡ଼ିରୁଆ ଜିଉଦା ଅବିସ୍‌ବାସ୍ ଡିଂଆର୍‌କେ । 
\v 25 ମେଇଂ ଇଡ଼ିଂ ମେଇଂମେଇଂ ବିତ୍‍ରେ ବାଲିର୍‍ବାତାଚେ ଲାଗ୍‍ଡଆର୍‍କେ । ଆତେନ୍‌‍ବେଲା ପାଉଲ୍‍ ଆମେଇଂକେ ବାଲିର୍‍କେ “ପବିତ୍ର ଆତ୍ମା ବାବବାଦି ଯିଶାଇୟ ବାନ୍‍ ପେଇଂନେ ନ୍ତାଞ୍ଜାଇଂକେ ସତ୍‍ ସାମୁଆଁ ବାଲିର୍‍ ବଆର୍‍ଗେ । 
\v 26 ମେଁ ବାଲିର୍‍କେ
\q1 ‘ଏନ୍‍ ରେମୁଆଁଇଂ ଡାଗ୍ରା ୱେଲା ବାରି ଆମେଇଂକେ ବାଲିର୍‍ପା
\q1 ଜେ ପେ ପେଦ୍ରିଗ୍‍ଏ ମାତର୍‍ ପେବୁଜେ ଣ୍ଡୁ ।
\q2 ବାରି, ପେଇଂ କେ କେଚେଃ ପେକେଏ, ମାତର୍‍ ମେଃଡିଗ୍ ପେବୁଜେ ଣ୍ଡୁ ।
\q1
\v 27 ଡାଗ୍ଲା ଏନ୍‍ ରେମୁଆଁଇଂନେ ଜିବନ୍‌ ବୁଟକେ, ମେଇଂ ନ୍ଲୁଗ୍‍ ଏତେ କସ୍ଟରେ ଅଁ ଆର୍‌କେ,
\q2 ମେଇଂ ନିଜେ ନିଜେନେ ମୁଆଃ ନ୍ଲୁଗ୍‍ ତାଙ୍ଗ୍‍ଡା ବିଃବଆର୍‍କେ,
\q2 ଆତେନ୍‌‍ ଡିଂଆଲେଃଲା
\q1 ମେଇଂ ମୁଆଃ ପାକେଆର୍‍
\q2 ବାରି ନ୍ଲୁଗ୍‍ ବିଚେ ପାଅଁ ଆର୍‍ ।
\q2 ମେଇଂନେ ବୁଦିନ୍ନିଆ ବୁଜେନେ ବପୁ ପାଲେଃ;
\q1 ମେଇଂ ଇସ୍‍ପର୍‍ନେ ଗାଲି ପାକା ପାୱେଆର୍‍
\q2 ବାରି ନେଙ୍ଗ୍‍ ଆମେଇଂକେ ନିମାଣ୍ଡା ମ୍ପାରାଡିଂ ।’”
\p
\v 28 ପେଇଂ ମ୍ୟାଃପା ଜେ ଇସ୍‍ପର୍‍ନେ ଏନ୍‍ ଉଦାର୍ ଅଣଜିଉଦିଇଂନେ ଡାଗ୍ରା ବେବକେ ପେଇଂ ଆକେନ୍‍ ମ୍ୟାଃପା ମେଇଂ ଆତେନ୍‌‍ ଦ୍ରିଗ୍‍ଆର୍‍ଏ ବାରି ଗ୍ରଅନ୍‌ ଡିଂଆର୍‍ଏ ।
\p
\v 29 ବାରି ମେଁ ଏନ୍‍ସାପା ସାମୁଆଁ ବାଲିର୍‍ଲା ଜିଉଦିଇଂ ମେଇଂମେଇଂ ବିତ୍‍ରେ ବାଲିର୍‍ବାତାଚେ ଲାଗ୍‍ଡଆର୍‍କେ ।
\p
\v 30 ପାଉଲ୍‍ ବାର୍‍ମୁଆଁ ଜାକ ନିଜେନେ ବାଡ଼ା ଡୁଆ ଲେଃଗେ । 
\v 31 ଉଡ଼ିରୁଆ ପାଉଲ୍‍କେ କେନ୍‍ସା ପାଂଡିଂଆର୍‍ଗେ ମେଁ ସାପାରେକେ ସାର୍ଲଡିଂକେ ଆରି ପାଉଲ୍‍ କୁଲାକୁଲି ବାବ୍‍ରେ ସାଆସ୍‍ ଏତେ ମାବ୍‍ଟଚେ ମେଁ ଇସ୍‍ପର୍‍ନେ ରାଜି ବିସୟ୍‌ରେ ବାସଙ୍ଗ୍‌‌ଚେ ମାପ୍‌ରୁ ଜିସୁ କିସ୍‌ଟନେ ବିସୟ୍‌ରେ ସିକ୍ୟା ବିଃକେ ।