\id 2CO - Dega
\ide UTF-8
\h ୨ କରିନ୍‌ତିୟ
\toc3 ୨ କରିନ୍‌ତିୟ
\toc2 ୨ କରିନ୍‌ତିୟ
\toc1 କରିନ୍‌ତିୟଇଂନେ ଡାଗ୍ରା ପାଉଲ୍‌ନେ ଦୁତିୟ ଉଲିଆଃ
\mt2 କରିନ୍ଥୀୟମାନଙ୍କ ନିକଟକୁ ପାଉଲଙ୍କ ଦ୍ୱିତୀୟ ପତ୍ର
\mt1 କରିନ୍‌ତିୟଇଂନେ ଡାଗ୍ରା ପାଉଲ୍‌ନେ ଦୁତିୟ ଉଲିଆଃ
\imt କରିନ୍‌ତିୟ ବ‍ଇ ବିସୟ୍‌ରେ ଉଃଡ଼ିକ୍ଲିଗ୍ ସାମୁଆଁ
\ip ମ୍ବାର୍ କରନ୍ଥି ପ୍ରେରିତ୍‌ ପାଉଲ୍‌ନେ ବାନ୍‌ ଡିଂଲେଃଏ ଜିସୁ କ୍ରିସ୍ଟନେ ଜନମ୍‌ନେ ପ୍ରାୟ୍ ୫୫-୫୬ ମୁଆଁ ଇଡ଼ିଙ୍ଗ୍ ଗୁଆର୍‌ବଗେ । ନେନେ ଡାଗ୍ରା ଲେଃକ୍ନେ କରନ୍ଥିୟ ମଣ୍ତଲିକେ ଗୁଆର୍‌ବକ୍ନେ ଉଲିଆ ବାନ୍ ଆକେନ୍ ଡିଙ୍ଗ୍‌କେ ପାଉଲ୍‌ନେ ଦୁତିୟ ଉଲିଆ । ପଣ୍ଡିତ୍ଇଂ ବିସ୍‌ବାସ୍‌ ଡିଙ୍ଗ୍‌ଆର୍‌ଏ ଜେ ଆକେନ୍ ସେନୁଗ୍‌ ପାଉଲ୍ କରନ୍ଥିୟ ମଣ୍ତଲି ଡାଗ୍ରା ମୁଇଙ୍ଗ୍ କସ୍ଟ ଉଲିଆ ଗୁଆର୍‌ବଗେ \xt ୨:୩-୪\xt* ପଦ୍‌ନ୍ନିଆ ମେଁ ମେଃନେ ସାମୁଆଁ ବିଃଏ, ଆତ୍‌ନେ ମେଃଡିଗ୍‌ ପର୍‌ମାନ୍‌ ନେନେ ଡାଗ୍ରା ଣ୍ଡୁ । ଡିଙ୍ଗ୍‌ଲେଃଏ ପାଉଲ୍ ମାକିଦନିଆନ୍ନିଆ ଲେଃନେ ବେଲା ୨ କରନ୍ଥି ଗୁଆର୍‌ବଗେ \xt ୨:୧୩ \xt* ।
\ip ୨ କରନ୍ଥି ଡିଙ୍ଗ୍‌କେ ମ୍ବାର୍ ଣ୍ଡୁ ଆତେନ୍‌ ଜାବର୍ ନିଜର୍‌ନେ ବାରି ତେରେପେତେ ସାପା ସାମୁଆଁନ୍ନିଆ ଡିଙ୍ଗ୍‌ଡିଙ୍କେ । କରିନ୍ଥିନ୍ନିଆ ଲେଃକ୍ନେ ମଣ୍ତଲି ବିସୟ୍‌ରେ ତିତସ୍‌ନେ ବାନ୍ ନିମାଣ୍ତା କବର୍ ବାଚେ ପାଉଲ୍ ସାର୍ଦା ଡିଙ୍ଗ୍‌ଡିଙ୍କେ । ଆକେନ୍ ଉଲିଆନ୍ନିଆ ତ୍ମି ନିୟମ୍‌ନେ କିକେନେବାନ୍‌ ଦାନ୍ ବିସୟ୍‌ରେ ସିକ୍ୟା ବାନେଃଲେଏ । ଆକେନ୍ ସାମୁଆଁନ୍ନିଆ ଆଣ୍ତିଡାଗ୍ରା ପାଉଲ୍ ଜିରୁସାଲମ୍‌ନେ ବିସ୍‌ବାସିଇଂକେ ସାଇଜ ଡିଙ୍ଗ୍‌ନେସା ଡାବୁ ସାଲିଆନ୍‌ସା ଆଦେସ୍‌ ବିଃଡିଂକେ \xt ୮–୯\xt* ଆକେନ୍ ଆମ୍ୟାଡିଂକେ ଜେ ମଣ୍ତଲି ବାଏରେ ବାନ୍ ଉଡ଼ିରୁଆ ନାଲେ ପ୍ରେରିତ୍‌‌ଇଂ ମେଇଂ ନିଜେକେ ପଦ୍ ଆମ୍ନାନ୍‍ସା ପାଉଲ୍‌ନେ ବିରଦ୍‌ରେ ମଣ୍ଡଲିନେ ଉଡ଼ିରୁଆ ଟିକ୍‌ ରେମୁଆଁଇଂକେ ଦଦ୍ୟା‌ ବେବ‍ଆର୍ ଡିଙ୍ଗ୍‌ଡିଂକେ । ମେଇଂ ପାଉଲ୍‌ନେ ଅଦିକାର୍‌କେ ସନ୍ଦେଅ ଡିଙ୍ଗ୍‌ଡିଙ୍କେ । ତେସା ୨ କରନ୍ଥି ସାରାସାରି ବାଗ୍‌ନ୍ନିଆ ମେଁ ମୁଇଂଜା ଜିସୁ କ୍ରିସ୍ଟନେ ଅଦିକାର୍‌ନ୍ନିଆ ମୁଇଂଜା ପ୍ରେରିତ୍‌‌ ଲେଃଗେ ଡାଗ୍‌ଚେ ଡାଟ୍‌ରେ ଏତେ ପର୍‌ମାନ୍‌ ଡିଙ୍ଗ୍‌ଡିଙ୍କେ ।
\iot ସାସ୍ତର୍‌ ବିତ୍ରେ ଲେଃକ୍ନେ ସାମୁଆଁଇଂ
\io1 ୧. ପାଉଲ୍ ଉଲିଆନେ ଆରାମ୍‌ରେ ସାର୍ଲ ଡିଙ୍ଗ୍‌କେ । \ior ୧:୧-୭ \ior*
\io1 ୨. ପାଉଲ୍ ମେଁନେ ୱେନେ ତିଆର୍‌ ଡିଂନ୍ନିଆ ଆବଦ୍‌ଲେ ଆରି ମେଁଇଂନେ ବିସୟ୍‌ରେ ବାଲେଃକ୍ନେ ସାମୁଆଁ ଆରି ମେଁନେ ଉଲିଆ ବିସୟ୍‌ରେ ମେଁଇଂନେ ଜବାବ୍‌ । \ior ୧:୮–୭:୧୬\ior*
\io1 ୩. ପାଉଲ୍ ଜିରୁସାଲମ୍‌ନେ ବିସ୍‌ବାସି‍ଇଂନେ ନ୍‌ସା ଦାନ୍ ସାଲିଆନେ ବିସୟ୍‌ରେ ଆଦେସ୍‌ ବିଃଡିଂକେ । \ior ୮:୧–୯:୧୫\ior*
\io1 ୪. ସାରାସାରି ପାଉଲ୍ ମେଁନେ ପ୍ରେରିତ୍‌‌ ପଦ୍‌ ରକ୍ୟା ଡିଙ୍ଗ୍‌ଏ ବାରି ବାର୍‌ମୁଇଂତର୍‌ ୱେନେ ନ୍‌ସା ତରକ୍ ଆଃଡିଙ୍ଗ୍ଏ । \ior ୧୦:୧–୧୩:୧୦ \ior*
\c 1
\p
\v 1 \x + \xo ୧:୧ \xo*\xt ପ୍ରେରିତ୍‌ ୧୮:୧.\xt*\x*ଇସ୍‌ପର୍‌ନେ ଇକ୍‌ଚା ଅନୁସାରେ ସ୍ରିବକ୍ନେ ଜିସୁ କିସ୍‌ଟ ପେରିତ୍‌ ସିସ୍‌ ପାଉଲ୍ ବାରି ନେନେ ବୟାଁ ତିମତି କରିନ୍ଥ ସହର୍‌ନେ ଇସ୍‌ପର୍‌ନେ ମଣ୍ତଲି ବାରି ଆଖାୟା ଦେସ୍‌ନେ ସାପାରେ ବିସ୍‌ବାସି ଡାଗ୍ରା ଏନ୍‌ ଉଲିଆ ଗୁଆର୍‌ବକେ ।
\p
\v 2 ନେନେ ଆବା ଇସ୍‌ପର୍ ବାରି ମାପ୍ରୁ ଜିସୁ କିସ୍‌ଟ ଆପେକେ ଲିବିସ ବାରି ସାନ୍ତି ମିଲେଲେ ।
\s ପାଉଲ୍‌ ଇସ୍‌ପର୍‌କେ ଦନ୍ୟବାଦ୍‌ ବିଃଡିଂକେ
\p
\v 3 ନେଁଇଂନେ ମାପ୍ରୁ ଜିସୁ କିସ୍‌ଟନେ ଇସ୍‌ପର୍ ବାରି ଆବା ଦନ୍ୟ ମେଁ ଲିବିସଃନେ ଆବା ବାରି ସାପା ସାନ୍ତି ବିଃନେ ଇସ୍‌ପର୍; 
\v 4 ନେନେ ଅସ୍‌ବିଦା ବେଲା ମେଁ ଆନେକେ ଆଣ୍ଡିନେ ସାନ୍ତି ବିବକେ ଆତେନ୍‌ ସାନ୍ତି ବାନ୍ ନେନେ ଅସ୍‌ବିଦା ଡିଙ୍ଗ୍‌ମ୍ୟାକ୍ନେ ବିନ୍‌ଣ୍ଡ୍ରେକେ ସାନ୍ତି ବିଃ ନେୟାଏ । 
\v 5 ଡାଗ୍ଲା କିସ୍‌ଟନେସା ନେନେ ଦୁକ୍ ଜାବର୍ ଦେତ୍‌ରକମ୍ କ୍ରିସ୍ଟନେ ବାନ୍ ନେନେ ସାନ୍ତି ଡିଗ୍ ଜାବର୍ । 
\v 6 ନେନେ ଜଦି ଅସ୍‌ବିଦା ନେବାଏ ଆତେନ୍‌ ପେଇଂନେ ସାନ୍ତି ବାରି ପାପ୍‌ବାନ୍‌ ରକ୍ୟା ନ୍‌ସା । ନେନେ ସାନ୍ତି ନେବାଲା ପେଇଂ ଡିଗ୍ ଦେତ୍‌ରକମ୍ ସାଆସ୍ ବାବ୍‌ରେ ଅସୁବିଦା ବାନ୍‌ସା ସାନ୍ତି ବାରି ବପୁ ପେବାଏ । 
\v 7 ପେଇଂନେ ଡାଗ୍ରା ନେନେ ଆସା ଲେଃକେ । ନେନେ ମ୍ୟାନେଲେକେ ପେଇଂ ନେନେ ଦୁକ୍ କସ୍ଟନ୍ନିଆ ଡିରକମ୍ ବାଗ୍ ଡିଙ୍ଗ୍‌ପେଲେକେ ଦେତ୍‌ରକମ୍ ଆନେକେ ସାନ୍ତି ଡିଗ୍ ବାଗ୍ ପେଡିଙ୍ଗ୍‌ଏ ।
\p
\v 8 \x + \xo ୧:୮ \xo*\xt ୧ କରିନ୍‌ତିୟ ୧୫:୩୨.\xt*\x*ବୟାଁ ବାରି ତନାଇଂ ନେନେ ଆସିଆ ପ୍ରଦେସ୍‍ଅରିଆ ନେବାକ୍ନେ କସ୍ଟ ବିସୟ୍ ଆପେକେ ଆମ୍ୟାନ୍‌ସା ଚାଏଁନେଡିଂକେ । ଆତେନ୍‌ କସ୍ଟ ସାମ୍ୱାଲେ ନେୟାଲା ନେନେ ପାରାନ୍‌ନେ ଆସା ଆନ୍ତାର୍ ବିନେବକେ । 
\v 9 ଆନେକେ ଗୁଏନେ ଡଣ୍ଡ୍‍ ବିବଆର୍କେ ଡାଗ୍‌ଚେ ବାବେନେଲେଃକେ । ମାତର୍‌‌ ନିଜର୍ ଆଡ଼ାତ୍ରା ଆସା ମାଡିଙ୍ଗ୍‌ଚେ ଗୁଏଃକ୍ନେ ପାରାନ୍ ବିମ୍ୟାକ୍ନେ ଇସ୍‌ପର୍ ଆଡ଼ାତ୍ରା ଆସା ନେବକ୍ନେସା ଏନ୍‌ସାପା ଗଟେଲେଃଗେ । 
\v 10 ଦେକ୍‌ରକମ୍ ବୟଙ୍କାର୍ ଗୁଏନେ ବିପଦ୍‌ବାନ୍‌ ମେଁ ଆନେକେ ଉଦାର୍ ଆଡିଙ୍ଗ୍‌ବକେ ବାରି ଡିଙ୍ଗ୍‌ଏ । ମେଁ ଆର୍‌ମୁଇଂତର୍‌ ଆନେକେ ରକ୍ୟା ଡିଙ୍ଗ୍‌ଏ । ଏନ୍‌ ଆସା ନେନେ ମେଁନେଡାଗ୍ରା ଲେଃକେ । 
\v 11 ପେଇଂ ନିଜର୍ ପାର୍‌ତନା ବାନ୍ ଆନେକେ ସାଇଜ ଡିଙ୍ଗ୍‌ପା । ଗୁଲୁଏରେ ପର୍‌ମେସର୍‌କେ ଦନ୍ୟବାଦ୍‌ ବିଏ ଆତେନ୍‌‌ସା ମେଁଇଂନେ ପାର୍‌ତନା ବାନ୍ ପର୍‌ମେସର୍‌ ଆନେକେ ଆର୍ସିବାଦ୍‌ ବିଏ । ନେଇଙ୍ଗ୍‌ ନ୍‌ସା ମାଲେରୁଆ ଇସ୍‌ପର୍‌ନେ ଡାଗ୍‌ରା ଦନ୍ୟବାଦ୍‌ ଡିଙ୍ଗ୍‌ଆର୍‌ଏ ।
\s ପାଉଲ୍‌ ବାବେକ୍ନେ ବଦ୍‌ଲେଏ
\p
\v 12 ମଞ୍ଚ୍‌ପୁର୍‌ନ୍ନିଆ ପାରାନ୍ ବାରି ଏବେ ପେଇଂନେ ଏତେ ନେନେ ବିସ୍‌ବାସ୍‌‌ ଇସ୍‌ପର୍ ତିଆର୍‌ ଡିଙ୍ଗ୍‌କ୍ନେ ପବିତ୍ରତା ବାରି ବିସ୍‌ବାସ୍‌ତତାବାନ୍ ଚାଲେଲେଃକେ ଡାଗ୍‌ଚେ ନେନେ ବୁଦି ଜେ ସାକି ବିଃଡିଂକେ । ଏନ୍‌ସା ନେନେ ମନ୍‌ନ୍ନିଆ ଗରବ୍‌ ଡିଙ୍ଗ୍‌ଏ । ରେମୁଆଁନେ ଗ୍ୟାନ୍‌ନ୍ନିଆ ଣ୍ତୁ, ମାତର୍‌‌ ଇସ୍‌ପର୍‌ନେ ଆସିର୍ବାଦ୍‌ରେ ଡିଙ୍ଗ୍‌ନ୍‌ସା ନେନେ ଇକ୍‌ଚା ଡିଙ୍ଗ୍‌ନେଲେଃକେ । 
\v 13 ମେଃମେଃନେ ପଡ଼େଚେ ପେ ବୁଜେ ପେୟାଏ, ପେଇଂନେ ଡାଗ୍ରା ନେନେ ମାତର୍‌‌ ଅଃତେନ୍‍ ଗୁଆର୍‌ନେବକେ । 
\v 14 ନେଙ୍ଗ୍ ଆସା ଣ୍ଡିଂଏ ଏବେ ମେଃମେଃନେ ନିମାଣ୍ଡାଃ ବାବ୍‌ରେ ବୁଜେପେଡିଙ୍ଗ୍‌ ଆତେନ୍‌ ସାପା ବେଲା ମାପ୍ରୁ ଜିସୁନେ ଆର୍‌ମୁଇଂତର୍‌ ପାଙ୍ଗ୍‌ନେ ଦିନା ବଲ୍‌ ବାବ୍‌ରେ ବୁଜେ ପେୟାଏ । ତେଲା ପେ ନେନେ ନ୍‌ସା ଗର୍ବ ଡାଗ୍‌ଚେ ପେବାବେଏ ବାରି ନେନେ ଡିଗ୍ ପେ ନ୍‌ସା ଗରବ୍‌ ନେଡିଙ୍ଗ୍‌ଏ ।
\p
\v 15 ଆରି ପେଇଂ ଡିଡିକି ମ୍ବାର୍‌ ତର୍ ଅନୁଗ୍ର‍ଅ ବା ପେୟାଏ 
\v 16 \x + \xo ୧:୧୬ \xo*\xt ପ୍ରେରିତ୍‌ ୧୯:୨୧.\xt*\x*ମାସିଦୋନିଆ ୱେନେବେଲା ବାରି ଆତ୍‌ବାନ୍ ପାଙ୍ଗ୍‌ନେ ବେଲା ପେଇଂନେ ଡାଗ୍ରା ଉଡ଼ି ଦିନ୍ ଲେଃନ୍‌ସା ନେଙ୍ଗ୍‌ନେ କାମ୍ ଲେଃକେ ଡାଗ୍ଲା ଜିଉଦା ଦେସ୍‌ନ୍ନିଆ ୱେ ନ୍‌ସା ନେଙ୍ଗ୍ ପେଇଂନେ ସାଇଜ ଦର୍‌କାର୍ ଲେଃକେ । 
\v 17 ନେଙ୍ଗ୍ ମେଃମେଃନେ ନେଙ୍ଗ୍‌ନେ ଇକ୍‌ଚା ବାବ୍‌ରେ ଏନ୍‌ କାମ୍ ଆଃରେ ମ୍ୱକେ ? ଜାଣ୍ଡେଇଂ ମୁଇଂ ମାଡ୍‌ରେ “ଆଁ, ଆଁ” ବାରି “ଣ୍ତୁ, ଣ୍ତୁ” ଡିଙ୍ଗ୍‌ଆର୍‌ଏ ମେଇଂ ରକମ୍‌ ମେଃମେଃନେ ନେଙ୍ଗ୍ ନିଜର୍ ନିମାଣ୍ଡା ନ୍‌ସା ନେଙ୍ଗ୍‌ନେ କାମ୍ ଡିଙ୍ଗ୍‌ମ୍ୱକେ ? 
\v 18 ମାତର୍‌‌ ଜଦି ପେଇଂ ପର୍‌ମେସର୍‌କେ ବିସ୍‌ବାସ୍‌ ଡିଙ୍ଗ୍‌ପେଡିଙ୍ଗ୍‌କେ ତେଲା ପେଇଂ ବିସ୍‌ବାସ୍‌ ଡିଙ୍ଗ୍‌ପେୟାଏ ଜେ ନେନେ ମେଃମେଃନେ ନେବାସଙ୍ଗ୍‌ଏ ଆତାନ୍‌ନେ ଉତର୍ “ଅଁ” ବାରି “ଣ୍ତୁ” ମ୍ୱାକ୍ଲିଗ୍‌ ଡିଙ୍ଗ୍ ଆୟା ଣ୍ତୁ । 
\v 19 ଡାଗ୍ଲା ଇସ୍‌ପର୍ ଉଙ୍ଗ୍‌ଡେ ଜିସୁ କିସ୍‌ଟ ଜେ ନେଁଇଂନେ ବାନ୍ ଡାଗ୍‌ଲା ନେଙ୍ଗ୍ ବାନ୍ ବାରି ସିଲ୍ୱାନ ବାରି ତିମତିନେ ବାନ୍ ପେଇଂନେ ଡାଗ୍ରା ବାସଙ୍ଗ୍‌ ଡିଙ୍ଗ୍‌କେ ମେଁ ଅଁ ବାରି ଣ୍ତୁ ଆଡାକେ ଣ୍ତୁ ବାରି ମେଁନେ ଡାଗ୍ରା ଅଁ ଡାଗ୍‌ବକେ । 
\v 20 ଡାଗ୍ଲା ପର୍‌ମେସର୍‌ ଆଣ୍ଡିନେ ସାପା ପର୍‌ମାନ୍‌ ଡିଙ୍ଗ୍‌ବକେ ମେଁ କିସ୍‌ଟନେ ଡାଗ୍ରା ଆତେନ୍‌ ସାପା ଆଣ୍ଡେଙ୍ଗ୍ ଅଁ ଡିଙ୍ଗ୍‌ଲେକେ । ଆତେନ୍‌‌ସା ନେନେ ପର୍‌ମେସର୍‌ନେ ମ‍ଇମା ନ୍‌ସା କ୍ରିସ୍ଟନେ ମ୍ନିରେ “ଆମେନ୍‌” ଡାଗ୍‌ଚେ ବାସଙ୍ଗ୍‌ନେଡିଙ୍ଗ୍‌ । 
\v 21 ନିଜେ ଇସ୍‌ପର୍ ଜିସୁ କିସ୍‌ଟନେ ଡାଗ୍ରା ପେଇଂନେ ବାରି ନେନେ ପାରାନ୍‌କେ ମୁଇଂଅରିଆ ଆଡିଙ୍ଗ୍‌ଚେ ରକ୍ୟା ଡିଙ୍ଗ୍‌ବକେ । 
\v 22 ମେଁ ଆନେକେ ବିନେ ଆଡିଙ୍ଗ୍‌ବକେ ବାରି ନେନେ ଗାଗ୍‌ଡ଼େନ୍ନିଆ ମେଁନେ ପବିତ୍ର ଆତ୍ମାକେ ଆନ୍ତାର୍ ବକେ । ପବିତ୍ର ଆତ୍ମା ଡିଙ୍ଗ୍‌ଡିଙ୍କେ ନେନେ ଆଡ଼ାତ୍ରା ଇସ୍‌ପର୍‌ନେ ଅଦିକାର୍‌ନେ ଚିନା ବାରି ଇଡ଼ିଂଡେ ନେ ମେଃମେଃନେ ନେବାଏ ମେଁନେ ଦାନ୍ ରକମ୍‌ ।
\p
\v 23 ଇସ୍‌ପର୍ ନେଙ୍ଗ୍‌ନେ ସାକି । ମେଁ ନେଙ୍ଗ୍ ଗାଗ୍‌ଡ଼େ ପାର୍‌ମାନ୍‌ ଡିଂଡିଂକେ ଜେ, ଆପେକେ ନେଙ୍ଗ୍ ଡିରକମ୍ ବାରି ବାଦା ନ୍ନାବିଃ ଣ୍ତୁ, ଆତେନ୍‌‌ସା ନେଙ୍ଗ୍‌ନେ କରିନ୍ଥ ବାର୍‌ମୁଇଂତର୍‌ ନାୱେକେ ଣ୍ତୁ । 
\v 24 ପେଇଂ ଆଣ୍ଡିନେ ସାମୁଆଁ ବିସ୍‌ବାସ୍‌ ପେଡିଙ୍ଗ୍‌ଏ ଏନ୍‌ ବିସୟ୍‌ରେ ପେନେ ଆଡ଼ାତ୍ରା ସାସନ୍‌ ଡିଙ୍ଗ୍‌ନ୍‌ସା ନେନେ ଚେସ୍‌ଟା ନେଡିଙ୍ଗ୍‌କେ ଣ୍ତୁ ଡାଗ୍ଲା ପେଇଂ ବିସ୍‌ବାସ୍‌ନିଆ ଇକ୍‌ଚା ଲେଃକେ । ବାରି ଆପେକେ ମାତର୍‌ ସୁକ୍‌ ଆଡିଙ୍ଗ୍ ନ୍‌ସା ପେଇଂନେ ଏତେ କୁଡ଼େଚେ ନେ କାମ୍ ଡିଂନେଡିଂକେ ।
\c 2
\p
\v 1 ମାତର୍‌ ପେଇଂନେ ଡାଗ୍ରା ନେଙ୍ଗ୍‌ନେ ୱେନେ ଡିରକମ୍ ବାର୍‌ମୁଇଂତର୍‌ ଦୁକ୍ ଆଡିଙ୍ଗ୍ ଣ୍ତୁ ଏନ୍‌ ନେଙ୍ଗ୍ ମନ୍‌ନ୍ନିଆ ବାବେ ନ୍‌ଲେଃକେ । 
\v 2 ଆପେକେ ଦୁକ୍ ବିଲା ଆନେଙ୍ଗ୍ ଜାଣ୍ଡେ ସାର୍ଦା ବିଏ ? ଆପେକେ ଆଃତାର୍‌ଚେ ବାରି ଦେତ୍‌ରକମ୍ ଜାଣ୍ଡେ ଣ୍ତୁ । 
\v 3 ବାରି ଜାଣ୍ତେଇଂନେ ବାନ୍ ନେଙ୍ଗ୍‌ନେ ସାର୍ଦା ଡିଙ୍ଗ୍‌ନେ ଦର୍‌କାର୍ ମେଁଇଂନେ ବାନ୍ ନେଙ୍ଗ୍ ପାଙ୍ଗ୍‌ଚେ ଡିରକମ୍ ଦୁକ୍ ଆବା ଣ୍ତୁ ଏନ୍‌ସା ନେଙ୍ଗ୍ ଏନ୍‌ ସାମୁଆଁ ଗୁଆର୍‌ମ୍ୱକେ ତେସା ନେଙ୍ଗ୍‌ନେ ସାର୍ଦାରେ ଜେ ପେଇଂନେ ସାର୍ଦା ଏନ୍‌ ପେ ସାପାରେନେ ବିସୟ୍‌ରେ ନେଙ୍ଗ୍‌ନେ ବିସ୍‌ବାସ୍‌ । 
\v 4 ମାଲେ ଦୁକ୍ ବାରି କସ୍ଟ ଗାଗ୍‌ଡ଼େନ୍ନିଆ ଅଃ ଅଃଚେ ନେଙ୍ଗ୍ ଆଣ୍ଡିନେ ଚିଟି ଗୁଆର୍‌ମ୍ୱକେ ଆପେକେ ଦୁକ୍ ଆଡିଙ୍ଗ୍‌ନ୍‌ସା ଣ୍ତୁ ମାତର୍‌ ଆପେକେ ନେଙ୍ଗ୍ ଉଡ଼ି ଆଲାଦ୍ ଡିଂଣ୍ଡିଂକେ ଏନ୍‌ ଆମ୍ୟାନେ ଲେଃଗେ ଆତେନ୍‌ ଚିଟିନେ ବିସୟ୍ ।
\s ଦସିକେ ଲିବିସ
\p
\v 5 ଜଦି ଜାଣ୍ଡେ ଜାଣ୍ତେକେ ଦୁକ୍ ବିବଏ ମେଁ ମାତର୍‌ ନେଙ୍ଗ୍ ମନ୍‌ନ୍ନିଆ ଦୁକ୍ ଆବିକେ ଣ୍ତୁ ଗଣ୍ତା ଜାବର୍ ଆପେକେ ଡିଗ୍ ଦୁକ୍ ବିବକେ । ଏନ୍‌ ବିସୟ୍‌ରେ ନେଙ୍ଗ୍ ଜାବର୍ ଡାଟ୍‌ ଡିଙ୍ଗ୍‌ନ୍‌ସା ଇକ୍‌ଚା ନାଡିଙ୍ଗ୍‌କେ ଣ୍ତୁ । 
\v 6 ପେଇଂନେ ବିତ୍ରେ ଉଃଡ଼ିରୁଆନେ ଇକ୍‌ଚା ଅନୁସାରେ ଆତେନ୍‌ ରେମୁଆଁକେ ଆଣ୍ଡିନେ ଡଣ୍ଡ୍‍ ବିବକେ ଆତେନ୍‌ ମେନ୍‌ସା ଜାବର୍ । 
\v 7 ମେଁ ଡିରକମ୍ ଜାବର୍ ଦୁକ୍‌ରେ ବାଙ୍ଗେ ଆପଡ଼େ ଣ୍ତୁ । ଆତେନ୍‌‌ସା ଏକ୍ରେ ଆମେକେ ଲିବିସ ବାରି ସାନ୍ତି ବିଃନେ ପେଇଂନେ ଦର୍‌କାର୍ । 
\v 8 ଆପେକେ ନେଙ୍ଗ୍‌ନେ ଗୁଆରେ ପେଇଂ ଆମେକେ ଆଲାଦ୍ ଡିଙ୍ଗ୍‌ଣ୍ଡିଂକେ ଡାଗ୍‌ଚେ ଆମ୍ୟାବିପା । 
\v 9 ପେଇଂ ନେଙ୍ଗ୍‌ନେ ସାପା ସାମୁଆଁନେ ପାଲନ୍ ଡିଙ୍ଗ୍ ନ୍‌ସା ଇକ୍‌ଚା ଲେଃ ଣ୍ତୁ ଏନ୍‌ ପରିକ୍ୟା ଡିଙ୍ଗ୍‌ନ୍‌ସା ନେଙ୍ଗ୍ ଆପେକେ ଗୁଆର୍‌ମ୍ୱକେ । 
\v 10 ଜଦି ପେଇଂ ଜାଣ୍ତେକେ ଲିବିସ ପେଡିଙ୍ଗ୍‌ଏ ନେଙ୍ଗ୍ ଡିଗ୍ ଆମେକେ ଲିବିସ ଣ୍ତିଙ୍ଗ୍‌ଏ । ନେଙ୍ଗ୍ ଜଦି ମେଃଡିଗ୍‌ ବିସୟ୍‌ରେ ଜାଣ୍ତେକେ ଲିବିସ ଡିଙ୍ଗ୍‌ମ୍ୱଏ ଆତେନ୍‌ କିସ୍‌ଟନେ ସାମ୍‌ନାନ୍ନିଆ ପେଇଂନେ ଆତ୍‌ଲା ଡିଙ୍ଗ୍‌ବଏ । 
\v 11 ତେସା ସେଃଆଁରେନେ ବିରଦ୍‌ରେ ମେଃଡିଗ୍‌ କାମ୍ ଡିଙ୍ଗ୍‌ନ୍‌ସା ସୁଜଗ୍‌ ଆବା ଣ୍ତୁ; ନେନେ ସେଃଆଁରେନେ ପାଞ୍ଚେଃନେଇଂ ବିସୟ୍‌ରେ ଜାବର୍ ବଲ୍ ବାବ୍‌ରେ ମ୍ୟାଃନେଲେକେ ।
\s ତ୍ରୋୟାନ୍ନିଆ ପାଉଲ୍‌ନେ ସାର୍ଦା
\p
\v 12 \x + \xo ୨:୧୨ \xo*\xt ପ୍ରେରିତ୍‌ ୨୦:୧.\xt*\x*କିସ୍‌ଟନେ ନିମାଣ୍ତା ସାମୁଆଁ ବାସଙ୍ଗ୍‌ ଅଲେଙ୍ଗ୍ ନ୍‌ସା ତ୍ରୋୟା ଦିପ୍‌ନ୍ନିଆ ୱେଚାଚେ ନେଙ୍ଗ୍ ଙ୍କେକେ ଏନ୍‌ କାମ୍ ନ୍‌ସା ମାପ୍ରୁ ଗାଲି ରଃ ବିଃବକେ । 
\v 13 ମାତର୍‌‌ ବୟାଁ ତିତସ୍‌କେ ଆତ୍‌ଅରିଆ ଆଃକେଚେ ନେଙ୍ଗ୍ ତେରେପେତେ ଣ୍ତିଙ୍ଗ୍‌କେ । ତେସା ଆତ୍‌ଅରିଆ ରେମୁଆଁଇଂବାନ୍‌ ଆନ୍ତାର୍ ବିଚେ ନେଙ୍ଗ୍ ମାସିଦୋନିଆନିଆ ଉଁୱେକେ ।
\s କ୍ରିସ୍ଟନେ ବାନ୍ ଜିତେନେ
\p
\v 14 ଇସ୍‌ପର୍‌ନେ ଦନ୍ୟବାଦ୍‍ ଡିଙ୍ଗ୍‌ଲେ । ଡାଗ୍ଲା ମେଁ ଜିସୁ କିସ୍‌ଟନେ ବାନ୍ କାଲାଆଃ ଆନେକେ ଜିତେନେ ଗାଲି ୱା ଡୁଙ୍ଗ୍‌ୱେଏ । ବାରି ବାସ୍ନା ପିତୁର୍ ପାକା ବିଚେ ବିଃକ୍ନେ ରକମ୍‌ କିସ୍‌ଟନେ ଗ୍ୟାନ୍ ବିନ୍‌ଣ୍ଡ୍ରେକେ ବିନ୍‌ସା ଇସ୍‌ପର୍ ଆନେକେ ବାଃଲିର୍‌ବାଃତା ଡିଙ୍ଗ୍‌ମ୍ୟାକେ । 
\v 15 ଡାଗ୍ଲା ଉଦାର୍ ବାଲେଃକ୍ନେ ବାରି ନସ୍ଟ ଡିଙ୍ଗ୍‌କ୍ନେ ରେମୁଆଁଇଂନେ ବିତ୍ରେ ନେ ଇସ୍‌ପର୍‌ନେ ମୁଆଃନ୍ନିଆ କିସ୍‌ଟନେ ବାସ୍ନା ରକମ୍‌ । 
\v 16 ଜାଣ୍ଡେଇଂ ଗୁଏ ଲେଃଆର୍‌କେ ମେଇଂନେସା ନେ ଗୁଏନେ ବାସ୍ନା ରକମ୍‌ ନେଲେକେ । ମାତର୍‌‌ ଜାଣ୍ଡେଇଂ ରକ୍ୟା ବା ଲେଃଆର୍‌କେ, ନେନେ ମେଇଂନେସା ପାରାନ୍‌ନେ ବାସ୍ନା ନେଲେକେ । ଏଲେଡିଗ୍ ପ୍ରସ୍‌ନ ଏନ୍‌ ଜେ ଏନ୍‌ କାମ୍ ଡିଙ୍ଗ୍‌ନ୍‌ସା ଜାଣ୍ଡେ ଇକ୍‌ଚା ? 
\v 17 ଗୁଲୁଏ ରେମୁଆଁ ନିଜର୍ ନିମାଣ୍ଡା ନ୍‌ସା ଇସ୍‌ପର୍‌ନେ ବ୍ନାଲିର୍ ବାଃଲିର୍‌ବାଃତା ଡିଙ୍ଗ୍‌ଆର୍‌ଏ । ନେନେ ମାତର୍‌‌ ଦେତ୍‌ରକମ୍ ଣ୍ତୁ । ଆନେକେ ଇସ୍‌ପର୍ ବେବଲା ନେନେ ବିସ୍‌ବାସ୍‌ ରକମ୍‌ ମେଁନେ ଆଦେସ୍‌ ପାଲନ୍ ନେଡିଙ୍ଗ୍‌ଏ ବାରି ଇସ୍‌ପର୍‌ନେ ସାମ୍‌ନାନ୍ନିଆ କିସ୍‌ଟନେ ଗୁତିରେ ରକମ୍‌ ବାସଙ୍ଗ୍‌ ନେଡିଙ୍ଗ୍‌କେ ।
\c 3
\s ତ୍ମି ନିୟମ୍‌ନେ ଗୁତିରେ
\p
\v 1 ନେ ମେଃନେ ବାରି ଆତ୍ମା ବଡ଼୍‌ପନ୍‌ ଡିଙ୍ଗ୍‌ନେ ରକମ୍‌ ମନେ ଡିଙ୍ଗ୍‌ନେଡିଂକେ ? ଣ୍ତୁଲା ବିନ୍‌ରେନେ ରକମ୍‌ ନେ ମେଃନେ ପେନେ ଡାଗ୍ରା ଣ୍ତୁଲା ପେନେ ଡାଗ୍ରାବାନ୍‌ ସ୍ନାମୁଆଃ ଉଲିଆ ଦର୍‍କାର୍‌ ଡିଙ୍ଗ୍‌ନେଡିଙ୍ଗ୍‌ ? 
\v 2 ପେଇଂ ଆଃ ନେନେ ସ୍ନାମୁଆଁ ଉଲିଆ ନେନେ ଗାଗ୍‌ଡ଼େନ୍ନିଆ ଗୁଆର୍ ବକ୍ନେ ଲେକା ଜାଣ୍ତେକେ ସାପାରେ ମ୍ୟାଆର୍‌ଏ ବାରି ପଡ଼େ ୟାଆର୍‌ଏ । 
\v 3 ଏନ୍‌ ସ୍ନାମୁଆଁ ଉଲିଆ କିସ୍‌ଟନେ ବାନ୍ ସେବାନ୍ନିଆ ଗୁଆର୍‌ବକେ ବାରି ନେ ବାନ୍ ମେଁନେ ଆତ୍ନା ବକେ । ଏନ୍‌ ଏଲେଃସବାନ୍ ବ୍ରି ଆଡ଼ାତ୍ରା ଗୁଆର୍‌ ଆବକେ ଣ୍ତୁ, ମାତର୍‌‌ ଜିବନ୍ ଇସ୍‌ପର୍‌ନେ ଆତ୍ମାବାନ୍ ରେମୁଆଁ ଗାଗ୍‌ଡ଼େନ୍ନିଆ ଗୁଆର୍‌ବକେ ।
\p
\v 4 ବାରି କିସ୍‌ଟନେ ବାନ୍ ଇସ୍‌ପର୍‌ନେ ଆଡ଼ାତ୍ରା ଆସା ବଚେ ନେଁଇଂନେ ଦେକ୍‌ରକମ୍ ବିସ୍‌ବାସ୍‌ ଲେଃକେ । 
\v 5 ନେ ଜେ ନିଜର୍ ବାନ୍ ମେଃଡିଗ୍‌ ଆନ୍ତାର୍ ନ୍‌ସା ବପୁ ଣ୍ତୁ ମାତର୍‌ ନେ ବପୁ ଇସ୍‌ପର୍‌ବାନ୍‌; 
\v 6 ତ୍ମି ନିୟମ୍‌କେ ପାଲନ୍ ଡିଙ୍ଗ୍‌ନେସା ଇସ୍‌ପର୍ ଆନେକେ ସ୍ରି ବକେ । ଏନ୍‌ ନିଅମ୍ ଗୁଆର୍‌କ୍ନେ ଣ୍ତୁ ମାତର୍‌ ଆତ୍ମାନେ ବାନ୍ ଗୁଆର୍‌ବକେ; ଡାଗ୍ଲା ଗୁଆର୍‌କ୍ନେ ନିଅମ୍ ଗୁଏ ଡିଙ୍ଗ୍‌ଏ ମାତର୍‌‌ ଆତ୍ମାନେ ନିଅମ୍ ଜିବନ୍ ବିଃଏ ।
\p
\v 7 ବ୍ରି ଆଡ଼ାତ୍ରା ଗୁଆର୍‌କ୍ନେ ମସାନେ ନିୟମ୍‌ନେ ତିଆର୍ ବେଲା ଇସ୍‌ପର୍‌ନେ ମ‍ଇମା ତ୍ନା ଲେଃକେ । ଆତେନ୍‌‌ ମ‍ଇମା ତାର୍‌କିଗ୍ ଲିଗ୍ ୱେଲେଲା ଡିଗ୍ ମସାନେ ତାର୍‌କିଗ୍ ସାର୍ମୁଆଁ ପାକା ଇସ୍ରାଏଲ୍‌ ରେମୁଆଁଇଂ କେୟା ଆୟା ଆର୍‌କେ ଣ୍ତୁ । ଆଃଗୁଏନେ ନିଅମ୍ ଜଦି ଦେକ୍‌ରକମ୍ ସନ୍‌ମାନ୍‌ ଏତେ ତ୍ନା ଲେଃକେ 
\v 8 ତେଲା ପବିତ୍ର ଆତ୍ମାନେ ସେବାକାମ୍‌ ଉଡ଼ି ଜାବର୍ ମ‍ଇମା ଆଡିଙ୍ଗ୍ ଣ୍ତୁ ? 
\v 9 ଡାଗ୍ଲା ଡଣ୍ଡ୍‍ ବାନେ ସେବାକମ୍‌ ମ‍ଇମାମୟ ଲେଃକେ ତେଲା ଦରମ୍‌ନେ ସେବାକାମ୍ ବାରି ଆରି ଜାବର୍ ମ‍ଇମାମୟ ଲେଃକେ । 
\v 10 ବାୱିର୍‌ ସେବାନ୍ନିଆ ମ‍ଇମା ଲେଃକେ ମାତର୍‌‌ ଜାବର୍ ମ‍ଇମାମୟ ତ୍ମି ସେବା ଏତେ ସମାନ୍ ଆଡିଙ୍ଗ୍‌ଲା ଆତେନ୍‌ ସେନୁଗ୍‌ ମ‍ଇମା ମେଃଡିଗ୍‌ ଣ୍ତୁ । 
\v 11 ଆଣ୍ଡିନେ ଜତନ୍‌ ଉଡ଼ି ଦିନ୍‌ ସାଃଲେଃଗେ ଆତେନ୍‌ ଜଦି ମ‍ଇମା ଏତେ ପାଙ୍ଗ୍‌ଲେଃକେ ତେଲା ଏନ୍‌ ମାଡାନେ ଜୁଗ୍‌ ଲେଃକ୍ନେ ଜତନ୍‌ ଜାବର୍ ବୁଦିରେ ଡିଙ୍ଗ୍‌ନେ ଜନମ୍‌ବାନ୍‌ ବୁଦି ଡିଂକେ ।
\p
\v 12 ଆତେନ୍‌ ଆସା ଲେଃଲା ନେନେ ଜାବର୍ ସାହାସ୍ । 
\v 13 ନେନେ ମସାନେ ରକମ୍‌ ଣ୍ତୁ । ମେଁ ନିଜର୍ ସାର୍ମୁଆଁ ଡାଚେ ଡିରକମ୍ ଡା ଡୁଂୱେକ୍ନେ ମେଁ ତାର୍‌କିଗ୍‌ନେ ଅବସ୍ତା ଇଶ୍ରାୟେଲ ରେମୁଆଁଇଂ କିକେ ଆୟାଆର୍‌ ଣ୍ତୁ । 
\v 14 ସତେଆ ମେଁଇଂନେ ମନ୍‌ଆଣ୍ଡେଂ ନସ୍ଟ ଡିଙ୍ଗ୍‍ଲେଃକେ । ଏବେ ଡିଗ୍ ବାୱିର୍‌ ନିଅମ୍ ପଡ଼େନେ ବେଲା ମେଁଇଂନେ ସାର୍ମୁଆଃନ୍ନିଆ ଡିଡା ଲେଃକେ । ଜିସୁ କ୍ରିସ୍ଟନେ ଏତେ ମିସେଚେ ଲେଃନେ ବାନ୍ ମାତର୍‌ ଆତେନ୍‌ ଡିଡି ସ୍ଲ ଆଡିଙ୍ଗ୍‌ବକେ । 
\v 15 ମାତର୍‌‌ ଦେକ୍‌ରକମ୍ କି ଏକେ ଉଡ଼ିବେଲା ଏନ୍‌ ରେମୁଆଁଇଂ ମସାନେ ନିୟମ୍‌କେ ପଡ଼େଆର୍‌ଏ ଆତେନ୍‌ ଡିଡି ନ୍‌ସା ମେଇଂ ଆକ୍‌ନେ ଅରତ୍‌ ବୁଜେ ଆୟାଆର୍‌ ଣ୍ତୁ । 
\v 16 ମାତର୍‌‌ ମୁଇଂଜା ରେମୁଆଁ ଉଡ଼ିବେଲା ବଦ୍ଲେ ୱେଏ ବାରି ମେଁ ମାପ୍ରୁନେ ପ୍ଲା ଡିଙ୍ଗ୍‌ଏ ଆତେନ୍‌ ଡିଡାକ୍ନେ ରଃ ବିକେ । 
\v 17 ମାପ୍ରୁ ଆତ୍ମା ଡିଙ୍ଗ୍‌ଡିଙ୍କେ “ଆଣ୍ତିଅରିଆ ମାପ୍ରୁନେ ଆତ୍ମା ଲେଃକେ ଆତ୍‌ଅରିଆ ମୁକ୍‌ତି ଲେଃକେ ।” 
\v 18 ନେନେ ଗାଗ୍‌ଡ଼େଇଂ ସୁନ୍ଦର୍‌ ଣ୍ତୁ । ନେନେ ସାପାରେ ମ‍ଇମା ବଦ୍‌ଲେ ଡିଙ୍ଗ୍‌କେ । ନେନେ ମେଁନେ ରକମ୍‌ ଡିଙ୍ଗ୍‌ନେ ନିଜେକେ ବଦ୍ଲେ ନେଡିଙ୍ଗ୍‌କେ । ଏନ୍‌ ବଦ୍‌ଲେଃନେ ନେନେ ବିତ୍ରେ ଜାବର୍‌ବାନ୍‌ ଜାବର୍ ମଇମା ଡୁଙ୍ଗ୍‌ବିଏ । ଆତେନ୍‌ ମଇମା ମାପ୍ରୁନେ ବାନ୍ ବାଲେଃ ।
\c 4
\s ତୁବଃ ଙ୍କୁଇନ୍ନିଆ ଇସ୍‌ପର୍‌ନେ ଦନ୍
\p
\v 1 ଇସ୍‌ପର୍‌ନେ ଲିବିସଃରେ ଆନେକେ ଏନ୍‌ ଜତନ୍‌ କାମ୍ ବିବଲା ନେନେ ଆକ୍‌ମେକେ ଆନ୍ତାର୍ ନେନେ ବିଗ୍‌ପା । 
\v 2 ଗିଆସନେ ବାରି ଦଦ୍ୟା‌ କାମ୍ଆଣ୍ଡେଙ୍ଗ୍ ସାପା ଆନ୍ତାର୍‌ବି ନେବକେ । ନେନେ କୁଟ୍ ନେଡିଙ୍ଗ୍‌କେ ଣ୍ତୁ, ପର୍‌ମେସର୍‌ନେ ବ୍ନାଲିର୍ ବଦ୍ଲେ ଆଡିଂକେ ଣ୍ତୁ ବାରି ନେନେ ସତ୍‌କେ ଦରମ୍‌ ବାବ୍‌ରେ ଆତ୍ନା ନେଡିଙ୍ଗ୍‌କେ । ଏନ୍‌ବାନ୍‌ ରେମୁଆଁଇଂନେ ଡାଗ୍ରା ନେନେ ନିଜର୍ ରେମୁଆଁନେ ବୁଦି ଆସୁଏ ନେଡିଙ୍ଗ୍‌କେ, ଆଣ୍ଡିନେ ବାନ୍ ସାପାରେ ନିଜର୍ ଗାଗ୍‌ଡ଼େନ୍ନିଆ ମ୍ୟା ୟାଆର୍‌ଏ ଜେ, ପର୍‌ମେସର୍‌ନେ ସାମ୍‌ନାନ୍ନିଆ ନେ ସତ୍ ବ୍ନାଲିର୍ ବାସଙ୍ଗ୍‌ ନେଡିଙ୍ଗ୍‌କେ । 
\v 3 ଡାଗ୍ଲା ନେନେ ବାନ୍ ବାସଙ୍ଗ୍‌କ୍ନେ ନିମାଣ୍ତା ସାମୁଆଁ ଜଦି ଗୁନ୍‌ ବେକାର୍‌ ତେଲା ମାତର୍‌ ନସ୍ଟ ଗାଲି ପାକା ୱେଣ୍ଡ୍ରେଇଂ ନ୍‌ସା ଆତେନ୍‌ ଗୁନ୍‌ ସରାଃ । 
\v 4 ମେଇଂ ବିସ୍‌ବାସ୍‌ ଆଡିଙ୍ଗ୍‌ଆର୍ ଣ୍ତୁ ଡାଗ୍ଲା ମେଁଇଂନେ ମନ୍‌ନ୍ନିଆ ଏନ୍‌ ମଞ୍ଚ୍‌ପୁର୍‌ନେ ଦେବ୍‌ତା କାନା ଆଡିଙ୍ଗ୍ ବକେ । ଇଡ଼ିଙ୍ଗ୍ ଇସ୍‌ପର୍‌ନେ କ୍ଲିଗ୍‌ ଗାଗ୍‌ଡ଼େ କିସ୍‌ଟନେ ମଇମାମୟ ନିମାଣ୍ତାସାମୁଆଁନେ ତାର୍‌କିଗ୍ କିକେ ଆୟାଆର୍‌ ଣ୍ତୁ । 
\v 5 ନେଁ ନିଜେକେ ନେବାସଙ୍ଗ୍‌ ଣ୍ତୁ, ମାତର୍‌‌ କିସ୍‌ଟନେ ମାପ୍ରୁ ଡାଗ୍‌ଚେ ବାରି ଜିସୁନେ ସା ନିଜେ ନିଜେକେ ପେନେ ସେବକ ଡାଗ୍‌ଚେ ବାସଙ୍ଗ୍‌ ନେଡିଙ୍ଗ୍‌କେ । 
\v 6 ଡାଗ୍ଲା ଆଣ୍ଡିନେ ଇସ୍‌ପର୍ ବାସଙ୍ଗ୍‌ବକେ “ତାଙ୍ଗ୍‌କିଗ୍ ବିତ୍ରେ ତାର୍‍କିଗ୍‌ ଡିଙ୍ଗ୍‌ଲେଃ” ମେଁ କିସ୍‌ଟନେ ସାର୍ମୁଆଃନ୍ନିଆ ତ୍ନାକ୍ନେ ଇସ୍‌ପର୍‌ନେ ମଇମାମୟ ଗ୍ୟାନ୍‌ନେ ତାର୍‌କିଗ୍ ଆସୁଏ ନ୍‌ସା ନେଁନେ ଗାଗ୍‌ଡ଼େନ୍ନିଆ ତାର୍‌କିଗ୍ ଆଃଡିଂବକେ ।
\p
\v 7 ମାତର୍‌‌ ନେନେ ଦରମ୍‌ ତୁବଃ ଙ୍କୁଇନ୍ନିଆ ଏନ୍‌ ମାପ୍‌ରୁନେ ସମ୍ପତି ବାନେଲେଃକେ । ଏନ୍‌ବାନ୍‌ ପାର୍‌ମାନ୍ ଡିଙ୍ଗ୍ ଲେଃକେ ଜେ ଦେକ୍‌ରକମ୍ ମ୍ନାବପୁ ନେନେ ଣ୍ତୁ ମାତର୍‌ ଇସ୍‌ପର୍‌ନେ । 
\v 8 ନେନେ ସାପା ରକମ୍‌ କସ୍ଟ ବା ନେଡିଙ୍ଗ୍‌କେ ମାତର୍‌‌ ଆରେନେୱେକେ ଣ୍ତୁ । ବେଲା ବେଲା ତେରେପେତେ ଡିଙ୍ଗ୍‌ୱେନେଡିଙ୍ଗ୍‌କେ ମାତର୍‌‌ ମ୍ୟାନେୟାକେ ଣ୍ତୁ । 
\v 9 ନେନେ କସ୍ଟ ବାନେଲେକେ ମାତର୍‌‌ ଇସ୍‌ପର୍ ଆନେକେ ଅଃନା ଆନ୍ତାର୍ ଆବିକେ ଣ୍ତୁ । ନେନେ ଉଡ଼ିତର୍ କସ୍ଟ ବାନେଲେଃକେ ମାତର୍‌‌ ନସ୍ଟ ଡିଙ୍ଗ୍ ନେୱେକେ ଣ୍ତୁ । 
\v 10 ଜିସୁନେ ଜିବନ୍ ଡିରକମ୍ ନେଡାଗ୍ରା ତ୍ନାଏ ଆତେନ୍‌‌ସା ନେନେ କାଲାଆଃ ନେନେ ଗାଗ୍‌ଡ଼େ ଇଂକେ ଜିସୁନେ ଗୁଏଃକ୍ନେ ଡୁଙ୍ଗ୍‌ ନେଲେକେ । 
\v 11 ମେଁନେ ଜିବନ୍‌କେ ଏନ୍‌ ନେଙ୍ଗ୍‌ନେ ଗାଗ୍‌ଡ଼େନ୍ନିଆ ଆତ୍ନା ନ୍‌ସା ଜିସୁ ନ୍‌ସା ସାରା ଜିବନ୍ ନେନେ ଗୁଏନେନ୍ନିଆ ଆତି ନେଲେକେ । 
\v 12 ଦେକ୍‌ରକମ୍ ବାବ୍‌ରେ ନେନେ ବିତ୍ରେ ଗୁଏନେ ବାରି ପେନେ ବିତ୍ରେ ଜିବନ୍ କାମ୍ ଡିଙ୍ଗ୍‌କେ ।
\p
\v 13 ଦର୍ମ ସାସ୍ତର୍‌ନ୍ନିଆ ଗୁଆର୍‌ ବକେ “ନେଙ୍ଗ୍ ବିସ୍‌ବାସ୍‌ ଡିଙ୍ଗ୍‌ଲା ସାମୁଆଁ ମ୍ୱାସଙ୍ଗ୍‌କେ ।” ନେନେ ଆତେନ୍‌ ବିସ୍‌ବାସ୍‌ନେ ଆତ୍ମା ବାନେଲେଃକେ । ନେନେ ବିସ୍‌ବାସ୍‌ ନେଡିଙ୍ଗ୍‌କେ ଆତେନ୍‌‌ସା ନେନେ ନେବାସଙ୍ଗ୍‌ଏ । 
\v 14 ନେନେ ମ୍ୟାନେଲେକେ ଇସ୍‌ପର୍ ମାପ୍ରୁ ଜିସୁକେ ଗୁଏକ୍ନେବାନ୍‌ ଜିବନ୍ ଆଡିଙ୍ଗ୍ ବକେ । ଆତେନ୍‌ ଇସ୍‌ପର୍ ଜିସୁନେ ଏତେ ଆନେକେ ଡିଗ୍ ଜିବନ୍ ଆଃଡିଙ୍ଗ୍ଏ ବାରି ପେଇଂନେ ଏତେ ଆନେକେ ମେଁନେ ସାମ୍‌ନାନ୍ନିଆ ଡୁଂୱେଏ । 
\v 15 ପେଇଂନେ ମଙ୍ଗଲ୍‌ ନ୍‌ସା ଏନ୍‌ ସାପା ଗଟେଡିଂକେ । ଇସ୍‌ପର୍ ଲିବିସ ବାରି ଜାବର୍‌ବାନ୍‌ ଜାବର୍ ମ୍ନାଚେ ରେମୁଆଁଇଂକେ ନିମାଣ୍ତା ଆଡିଙ୍ଗ୍‌କେ ବାରି ଗୁଲୁଏ ଦନ୍ୟବାଦ୍‌ ଏତେ ଇସ୍‌ପର୍‌ନେ ମଇମା ଡିଙ୍ଗ୍‌ଆର୍‌ଏ ।
\s ବିସ୍‌ବାସ୍‌ନେ ଜିବନ୍
\p
\v 16 ଆତେନ୍‌‌ସା ନେନେ ଅଃନା ଡିଗ୍ ନିରାସ୍‌ ନେଡିଙ୍ଗ୍‌ ଣ୍ତୁ ଏଲେଡିଗ୍ ନେନେ ଚାଲେଲେଃକ୍ନେ ଗାଗ୍‌ଡ଼େ ନସ୍ଟ ଡିଙ୍ଗ୍‌ ୱେଡିଂକେ ମାତର୍‌‌ ନେନେ ବିତ୍ରେନେ ଆତ୍ମା ଦିନ୍‌କେ ଦିନ୍ ତ୍ମିବାନ୍‌ ଜାବର୍ ତ୍ମି ଡିଙ୍ଗ୍‌ୱେଡିଂକେ । 
\v 17 ଏନ୍‌ ଡାଆଁନେ ବାରି ପ୍ରେଗ୍‌ ନ୍‌ସା ଦୁକ୍‌କସ୍ଟନେ ନ୍‌ସା ଡୁଙ୍ଗ୍‌ପାଙ୍ଗ୍‌ ବକେ, ମାପେ ମାୟାନେ କାଲାଆଃ ଲେଃନେ ଗୌରବ୍ ସମ୍ପତି । 
\v 18 ତେସା ନେ ତ୍ନାକ୍ନେ ବିସୟ୍ ଆଡ଼ାତ୍ରା ଇକ୍‌ଚା ଆଡିଙ୍ଗ୍‌ଚେ ଆତ୍ନାକ୍ନେ ବିସୟ୍ ଆଡ଼ାତ୍ରା ଇକ୍‌ଚା ଡିଙ୍ଗ୍‌ନେଡିଙ୍ଗ୍‌କେ; ଡାଗ୍ଲା ତ୍ନାକ୍ନେ ବିସୟ୍ ପ୍ରେକ୍‌ ଆଃ ଲେଃଏ ମାତର୍‌‌ ଆତ୍ନାକ୍ନେ ବିସୟ୍ ମାଡାନେ ଜୁଗ୍‌ ଜାକ ଲେଃଏ ।
\c 5
\p
\v 1 ନେ ମ୍ୟାନେଲେକେ ଆଣ୍ଡିନେ ମଞ୍ଚ୍‌ପୁର୍‌ ଗାଗ୍‌ଡ଼େନେ ରୁପ୍‌ ତମ୍ୱୁନ୍ନିଆ ନେନେ ବାସା ନେଲେକେ ଆତେନ୍‌ ଦଂସ ଡିଙ୍ଗ୍‌ୱେଲା ଆନେକେ ଇସ୍‌ପର୍ କିତଂନ୍ନିଆ ମୁଇଙ୍ଗ୍ କାଲାଆଃ ନ୍‌ସା ଡୁଆ ଆର୍ମେ ବିଏ । ଆତେନ୍‌‌ ରେମୁଆଁ ଆରେକ୍ନେ ଣ୍ତୁ ନିଜେ ଇସ୍‌ପର୍ ଆତେନ୍‌ ଆରେ ବକେ । 
\v 2 ଏନ୍‌ ମଞ୍ଚ୍‌ପୁର୍‌ନ୍ନିଆ ବାସା ଲେଃଚେ ନେନେ ଆତେନ୍‌ ମାପ୍‌ରୁନେ ଡୁଆ ରକମ୍‌ ପାଟାଇ ୱାଡ଼େଗ୍‌ ନ୍‌ସା ଅଃନେଡିଙ୍ଗ୍‌ । 
\v 3 ମାତର୍‌‌ ଆତେନ୍‌ କିତଂନେ ଡୁଆନ୍ନିଆ ୱେଚାଲା ନେନେ ଗାଗ୍‌ଡ଼େ ଡିଗ୍‌ଚା ନେତ୍ନା ଣ୍ତୁ । 
\v 4 ଡାଗ୍ଲା ନେ ଏନ୍‌ ତମ୍ୱୁନ୍ନିଆ ବାସା ଲେଃଚେ ଲିଗିଙ୍ଗ୍ ଡୁଙ୍ଗ୍‌ଚେ ଅଃନେଡିଙ୍ଗ୍‌; ତେସା ନେ ଜେ ମଞ୍ଚ୍‌ପୁର୍‌ ଆନ୍ତାର୍ ନ୍‌ସା ଇକ୍‌ଚା ନେଡିଙ୍ଗ୍‌ଏ ଆତେନ୍‌ ଣ୍ତୁ ମାତର୍‌ ଜିବନ୍ ଡିରକମ୍ ଦର୍‌ତନିକେ ଦଂସ ଡିଙ୍ଗ୍‌ଏ ଏନ୍‌ସା ଏନ୍‌ ମଞ୍ଚ୍‌ପୁର୍‌ ଆଡ଼ାତ୍ରା ବିନ୍ ପାଟାଇ ୱାଡ଼େଗ୍‌ ନ୍‌ସା ନେ ଇକ୍‌ଚା ନେଡିଙ୍ଗ୍‌ଏ । 
\v 5 ଇସ୍‌ପର୍ ଆନେକେ ଏନ୍‌ ବଦ୍‌ଲେଃନେ ସା ଆର୍ମେ ଡିଙ୍ଗ୍‌ବକେ । ବାରି ଏନ୍‌ ପାର୍‌ମାନ୍ ଡିଙ୍ଗ୍‌ବକେ ମେଁନେ ପବିତ୍ର ଆତ୍ମାକେ ମେଁ ଆନେକେ ଦାନ୍ ଡିଙ୍ଗ୍‌ବକେ ।
\p
\v 6 ଆତେନ୍‌‌ସା ନେନେ ସାପାବେଲା ସାହାସ୍ ସାଃନେଲେକେ । ନେନେ ମ୍ୟାନେଲେକେ ଉଡ଼ି ଦିନ୍ ନେନେ ଆକେନ୍ ଗାଗ୍‌ଡ଼େନ୍ନିଆ ବାସା ନେଲେକେ ଅଃତେନ୍‍ ଦିନ୍ ମାପ୍ରୁନେ ଡୁଆବାନ୍‌ ସ୍ଲ ଲେଃଚେ ବ୍ରୁଆ ନେଡିଙ୍ଗ୍‌କେ 
\v 7 ଡାଗ୍ଲା ନେନେ ଜିବନ୍ ତ୍ନାନେ ବିସୟ୍ ଆଡ଼ାତ୍ରା ଣ୍ତୁ, ମାତର୍‌ ବିସ୍‌ବାସ୍‌ ଆଡ଼ାତ୍ରା ଆଃରେକ୍ନେ । 
\v 8 ନେ ଏନ୍‌ ଗାଗ୍‌ଡ଼େବାନ୍ ସ୍ଲ ୱେନେସା ବାରି ମାପ୍ରୁନେ ଡାଗ୍ରା ଡିଙ୍ଗ୍‌ନ୍‌ସା ଜାବର୍ ଇକ୍‌ଚା ନେଡିଙ୍ଗ୍‌ଏ । 
\v 9 ଆତେନ୍‌‌ସା ଆକ୍‌ଅରିଆ ନିଜର୍‌ ଡୁଆ ଲାଃଲେ ଣ୍ତୁଲା ବିନେ ଲାଃଲେ ଇସ୍‌ପର୍‌କେ ସାର୍ଦା ଆଡିଙ୍ଗ୍‌ନେ ନେନେ ମୁଇଂ ଇକ୍‌ଚା । 
\v 10 \x + \xo ୫:୧୦ \xo*\xt ରମିୟ ୧୪:୧୦.\xt*\x*ଡାଗ୍ଲା ନେନେ ସାପାରେକେ ମେଁନେ ବାନ୍ ବିଚାର୍ ଡିଙ୍ଗ୍ ନ୍‌ସା ଡିଲାଡିଗ୍ କିସ୍‌ଟନେ ସାମ୍‌ନାନ୍ନିଆ ୱେନେ ପଡ଼େଏ । ଆତେନ୍‌ ବେଲା ନିଜର୍ ଗାଗ୍‌ଡ଼େନ୍ନିଆ ନେନେ ଡିଙ୍ଗ୍‌ବକ୍ନେ ନିମାଣ୍ଡା ଣ୍ଡୁଲା ଦଦ୍ୟା, ସାପା କାମ୍ ସୁଗୁଆ ନେ ପଲ୍‌ ନେବାଏ ।
\s ବିନ୍‌ଣ୍ଡ୍ରେକେ ସେବାଡିଙ୍ଗ୍‌କ୍ନେ ରେମୁଆଁ ପର୍‌ମେସର୍‌ନେ କୁଟୁମ୍‍ ଡିଙ୍ଗ୍‌ଏ
\p
\v 11 ମାପ୍ରୁକେ ବୁଟନେ ଅର୍‌ତ ମେଃମେଃନେ ନେନେ ମ୍ୟାନେଲେକେ ବାରି ଏନ୍‌ ଡିଙ୍ଗ୍ ନ୍‌ସା ନେନେ ସାପାରେକେ ବୁଜେ ନେଡିଙ୍ଗ୍‌କେ । ଇସ୍‌ପର୍ ନେନେ ସାପାରେକେ ନିମାଣ୍ତା ବାବ୍‌ରେ ମ୍ୟାଲେଃକେ । ନେଙ୍ଗ୍ ଆସା ଡିଙ୍ଗ୍‌ଣ୍ତିଂକେ ପେଇଂ ଆନେଙ୍ଗ୍ ନିମାଣ୍ତା ବାବ୍‌ରେ ମ୍ୟାପା । 
\v 12 ନେ ବାରି ମୁଇଂତର୍‌ ପେନେ ଡାଗ୍ରା ଆତ୍ମାବଡ଼୍‌ପନ୍‌ ଡିଙ୍ଗ୍‌ନ୍‌ସା ଚାଏଁନେଡିଙ୍ଗ୍‌କେ ଣ୍ତୁ । ବାରି ନେନେ ସମ୍ପର୍କନ୍ନିଆ ଜାବର୍‌ ବାବ୍‌ରେ ଗରବ୍‌ ଡିଙ୍ଗ୍‌ନ୍‌ସା ଆପେକେ ସୁଜଗ୍‌ ବିଃନେ ନେନେ ଅଦିକାର୍ । ତେଲା ମାଡାନେ ଗୁନ୍‌ ମାକେଚେ ମାତର୍‌ ଚାଲେଲେଃକ୍ନେ ଗରବ୍‌ରେ ଇକ୍‌ଚା ଡିଙ୍ଗ୍‌ଚେ ଜାଣ୍ଡେଇଂ ଗରବ୍‌ ଡିଙ୍ଗ୍‌ଆର୍‌ଏ ଆମେଇଂକେ ପେଇଂ ସମାନ୍‌ ବାବ୍‌ରେ ଉତର୍ ବିପେୟାଏ । 
\v 13 ନେନେ ଜଦି ବାୟା ଆତେନ୍‌ ପର୍‌ମେସର୍‌ନେ ନ୍‌ସା । ଜଦି ନେନେ ଟିକ୍ ମନ୍‌ନ୍ନିଆ ନେଲେକେ ଆତେନ୍‌ ପେଇଂ ନ୍‌ସା । 
\v 14 କିସ୍‌ଟନେ ଆଲାଦ୍‌ବାନ୍‍ ନେନେ ଚାଲେନେଡିଂକେ । ନେନେ ବୁଜେ ନେଡିଙ୍ଗ୍‌ ଜେ ମୁଇଂଜା ସାପାରେନେ ସା ଗୁଏ ଲେଃଲା ସାପାରେ ଆତେନ୍‌ ଗୁଏନେ ବାଗ୍ ଡିଙ୍ଗ୍‌ଲେଆର୍‌କେ । 
\v 15 ମେଁ ସାପାରେନେ ସା ଗୁଏ ଲେଃଲା ଜାଣ୍ଡେଇଂ ଜିବନ୍‌ ଲେଃଆର୍‌କେ ମେଇଂ ବାରି ନିଜର୍ ନ୍‌ସା ଜିବନ୍ ଆସାଚେ ମେଁନେ ସା ବ୍ରୁଆଆର୍‌ଏ ଡାଗ୍ଲା ମେଁଇଂନେ ସା ମେଁ ଗୁଏଚେ ବାର୍‌ମୁଇଂତର୍‌ ଜିବନ୍‌ ଡିଙ୍ଗ୍ ଲେଃକେ ।
\p
\v 16 ତେସା ନେନେ ବାରି ଜାଣ୍ତେକେ ରେମୁଆଁ ମୁଆଃନ୍ନିଆ ବିଚାର୍ ନେଡିଙ୍ଗ୍‌ ଣ୍ତୁ । ବେଲା ଲେଃଗେ ଉଡ଼ିବେଲା ନେନେ କିସ୍‌ଟକେ ଡିଗ୍ ରେମୁଆଁ ମୁଆଃନ୍ନିଆ ବିଚାର୍ ଡିଙ୍ଗ୍‌ନେଡିଂକେ । ମାତର୍‌‌ ଏବେ ନେନେ ବାରି ଦେତ୍‌ରକମ୍ ନେଡିଙ୍ଗ୍‌କେ ଣ୍ତୁ । 
\v 17 ତେସା ଜଦି ଜାଣ୍ଡେ କିସ୍‌ଟନେ ଡାଗ୍ରା ଲେଃକେ ତେଲା ମେଁ ତ୍ମି ତିଆର୍ ଡିଙ୍ଗ୍‌ଲେକେ; ବାୱିର୍‌ ବିସୟ୍ ସାପା ନସ୍ଟ ଡିଙ୍ଗ୍ ୱେଲେଃକେ କେଲାପା ତ୍ମି ବିସୟ୍ ସାପା ଡିଙ୍ଗ୍‌ଲେକେ । 
\v 18 ଏନ୍‌ ସାପା ଇସ୍‌ପର୍‌ନେ କାମ୍ । ମେଁ କିସ୍‌ଟନେ ବାନ୍ ଆନେକେ ମେଁନେ ଏତେ ସାନ୍ତି ଆଃରେବକେ ବାରି ମେଁନେ ଏତେ ବିନ୍‌ଣ୍ଡ୍ରେନେ ସାନ୍ତି ଆଃରେନେ ନ୍‌ସା ମେଁ ଆନେକେ ଦାଇତ୍‌ ବିବକେ । 
\v 19 ତେସା ନେନେ ବ୍ନାଲିର୍ ଡିଙ୍ଗ୍‌ଡିଙ୍କେ ଇସ୍‌ପର୍ କିସ୍‌ଟନେ ବାନ୍ ସାପା ରେମୁଆଁ ଜାତିକେ ମେଁନେ ଏତେ ସାନ୍ତି ତିଆର୍‌ ଡିଙ୍ଗ୍‌ନ୍‌ସା ନିଅମ୍ ଡିଙ୍ଗ୍‌ବକେ । ମେଁନେ ବିରଦ୍‌ରେ ମେଁଇଂନେ ବୁଲ୍‌ ସାପାକେ ମେଁ ବାରି ମେଁନେ ଇସାବ୍‌ରେ ଆବକେ ଣ୍ତୁ । ବାରି ଏନ୍‌ ସାନ୍ତି ତିଆର୍‌ ବ୍ନାଲିର୍ ବାସଙ୍ଗ୍‌ନେ ଦାଇତ୍‌ ନେନେ ଆଡ଼ାତ୍ରା ଅଦିକାର୍ ଲେଃକେ ।
\p
\v 20 ତେସା ନେନେ କିସ୍‌ଟନେ ଏତେ ଏନ୍‌ ସାମୁଆଁ ବାସଙ୍ଗ୍‌ନେଡିଙ୍ଗ୍‌କେ । ନିଜେ ଇସ୍‌ପର୍ ନେନେ ବାନ୍ ଏନ୍‌ ୱାବକେ । କିସ୍‌ଟନେ ପାକା ନେନେ କୁସାମୁତି ନେଡିଙ୍ଗ୍‌ଏ ଇସ୍‌ପର୍ ସତ୍ରୁତାବାନ୍‌ ସାଙ୍ଗ ଡିଙ୍ଗ୍‌ନେ ବଦ୍‌ଲେପା । 
\v 21 ନେନେ କିସ୍‌ଟନେ ସା ନେବାସଙ୍ଗ୍‌ଏ । କିସ୍‌ଟନେ ମେଃଡିଗ୍‌ ପାପ୍ ଆଲେଃକେ ଣ୍ତୁ । ଇସ୍‌ପର୍ ଆମେକେ ନେନେ ନ୍‌ସା ପାପ୍ ରକମ୍‌ ଡିଙ୍ଗ୍‌କେ ନେନେ ଡିରକମ୍ ମେଁନେ ଏତେ ମିସୁଚେ ଇସ୍‌ପର୍‌ନେ ଦରମ୍‌ନେ ବାଗ୍ ଡିଙ୍ଗ୍ ନେୟାଏ ।
\c 6
\p
\v 1 ଇସ୍‌ପର୍ ନ୍‌ସା ମୁଇଂଅରିଆ କାମ୍ ଡିଙ୍ଗ୍‌ବଲା ନେନେ ଆପେକେ କୁସାମୁତି ଡିଙ୍ଗ୍‌ନେଡିଙ୍ଗ୍‌କେ ପେନେ ଜିବନ୍‌ନ୍ନିଆ ଇସ୍‌ପର୍‌ନେ ଲିବିସ ସରାଃ ଆଡିଙ୍ଗ୍‌ପା । 
\v 2 ଡାଗ୍ଲା ପର୍‌ମେସର୍‌ ବାସଙ୍ଗ୍‌ଡିଂକେ:
\q1 “ପେଇଂନେ ଆଡ଼ାତ୍ରା ଲିବିସ ଡିଙ୍ଗ୍‌ନେ
\q2 ବେଲା ପାଙ୍ଗ୍‌ଲା
\q1 ନେଙ୍ଗ୍ ପେଇଂନେ କୁସାମୁତି ଙକେ
\q2 ଉଦାର୍‌ ବାନେ ଦିନ୍‌ନ୍ନିଆ ପେନେ ସାଇଜ ଣ୍ତିଙ୍ଗ୍‌କେ ।”
\m ଦ୍ରିଗ୍‌ପା ଏନ୍‌ ଡିଙ୍ଗ୍‌କେ ଇସ୍‌ପର୍‌ନେ ଲିବିସ ବ୍‌ବାନେ ବେଲା । ଏକେ ଡିଙ୍ଗ୍‌କେ ଉଦାର୍‌ ବାନେ ଦିନ୍ ।
\p
\v 3 ଡିରକମ୍ ନେଁଇଂନେ ସେବାପଦ୍‌ ନିନ୍ଦା ଆଡିଙ୍ଗ୍ ଣ୍ତୁ ଆତେନ୍‌‌ସା ନେ ମେଃଡିଗ୍‌ ବିସୟ୍‌ନ୍ନିଆ ବାଦା ଆଡିଙ୍ଗ୍ ଣ୍ତୁ 
\v 4 ବାରି ନେନେ ସାପା ଅବସ୍ତାନ୍ନିଆ ନିଜେକେ ଇସ୍‌ପର୍‌ନେ ସେବାରେ ରକମ୍‌ ସ୍ନାମୁଆଁ ଆଃଡିଙ୍ଗ୍‌ନେଡିଙ୍ଗ୍‌କେ । ଗୁଲୁଏ ଡାଟ୍‌ ସାଇଜନ୍ନିଆ ନେନେ ସାପା ରକମ୍‌ କସ୍ଟ ମ୍ନା ଜାମ୍‌ଲା ବାରି ଦଦ୍ୟା ସାମୁଆଁ ସାମ୍ୱାଲେ ନେୱେକେ; 
\v 5 \x + \xo ୬:୫ \xo*\xt ପ୍ରେରିତ୍‌ ୧୬:୨୩.\xt*\x*ଆନେକେ ବଗ୍‌ବଆର୍‌କେ ଜେଲ୍‌ ଡୁଆନ୍ନିଆ ବଆର୍‌କେ । ରେମୁଆଁ ନେନେ ବିରଦ୍‌ରେ ବାସଙ୍ଗ୍‌ବକେ । ନେ ଜାବର୍ କସ୍ଟ ଡିଙ୍ଗ୍‌ନେବକେ, ନେ ଲେମୁଆଃ ଲେଃନେମ୍ୟାକେ ବାରି କେଡ଼େସଃ ଲେଃନେମ୍ୟାକେ । 
\v 6 ନେନେ ପବିତ୍ରତା ଗ୍ୟାନ୍ ଡାଟ୍‌ ଲିବିସଃ କୁଟ୍‌ଣ୍ତୁନେ ଆଲାଦ୍ ବାରି ସତ୍‌ନେ କବର୍ ନ୍‌ସା ପବିତ୍ର ଇସ୍‌ପର୍‌ନେ ବପୁ ବାନ୍ ନେନେ ଇସ୍‌ପର୍‌ନେ ସେବାରେ ଡାଗ୍‌ଚେ ସ୍ନାମୁଆଁ ବିନେଡିଙ୍ଗ୍‌ । 
\v 7 ସତ୍ରୁଇଂନେ ବିରଦ୍‌ରେ ରିଙ୍ଗ୍‌ ନ୍‌ସା ଦରମ୍ ନେନେ ମ୍ନା ଅସ୍ତ୍ର । 
\v 8 ନେନେ ସନ୍‍ମାନ୍‌ ବାରି ଅପ୍‌ମାନ୍‌ ଡିଙ୍ଗ୍‌ନେଲେଃକେ ନାଲେରେ ବାରି ଲାଞ୍ଚୁଆ ଡିଙ୍ଗ୍‌ନେଲେଃକେ । ଆନେକେ ମିଚ୍ ଡାଗ୍‌ଚେ ଅପମାନ୍‌ ବିଃବଆର୍‌କେ ଏଲେଡିଗ୍ ନେନେ ସତ୍ ବାସଙ୍ଗ୍‌ ନେବକେ । 
\v 9 । ନେନେ ସ୍ନାମୁଆଁ ଡିଙ୍ଗ୍‌ବେଲା ଡିଗ୍ ସ୍ନାମୁଆଁ ଣ୍ତୁ ଆନେକେ ଗୁଏଗେ ଡାଗ୍‌ଚେ ବାସଙ୍ଗ୍‌ ଆର୍‍ଡିଂକେ ମାତର୍‌‌ ନେନେ ଜିବନ୍ ନେଲେକେ । ଆନେକେ ଡଣ୍ଡ୍‍ ବିବ ଆର୍‌କେ ମାତର୍‌‌ ବାଗୁଏଃଏ ଆବିଆର୍‌କେ ଣ୍ତୁ । 
\v 10 ନେ ଜାବର୍ ଦୁକ୍ ଲେଃକେ ମାତର୍‌‌ ନେ କାଲାଆଃ ସାର୍ଦାରେ ନେଲେଃଏ । ନେ ଗରିବ୍ ମାତର୍‌‌ ଗୁଲେରେକେ ସାକାର୍ ନେରାଡିଙ୍ଗ୍‌ଏ । ନେ ମେଃଡିଗ୍‌ ଣ୍ତୁ ମାତର୍‌‌ ନେନେ ସାପା କିଚି ଲେଃକେ ।
\p
\v 11 ଅ କରିନ୍ଥନେ ପ୍ରିଅ ତନା ବୟାଁଇଂ ନେନେ କୁଲାକୁଲି ମନ୍‌ରେ ଆପେକେ ସାପା ବାସଙ୍ଗ୍‌ନେବକେ । ନେନେ ଆପେକେ ମାଲେ ବଲ୍ ବା ନେଡିଙ୍ଗ୍‌କେ । 
\v 12 ନେନେ ପେନେ ଆଡ଼ାତ୍ରା ନେନେ ଆଲାଦ୍‌ ବନ୍ଦ୍ ଆଡିଙ୍ଗ୍ ନେବକେ ଣ୍ତୁ । ମାତର୍‌‌ ପେଇଂ ନେନେ ଆଡ଼ାତ୍ରା ଆଲାଦ୍‌ ବନ୍ଦ୍ ଆଡିଙ୍ଗ୍ ପେବକେ । 
\v 13 ଆପେକେ ନେଙ୍ଗ୍‌ନେ ଗଡ଼େଅ ମନେ ଡିଙ୍ଗ୍‌ଚେ ଏନ୍‌ ସାପା ବାସଙ୍ଗ୍‌ଣ୍ଡିଂ । ଦର୍‌କାର୍ ଦାନ୍‌ ବାଦୁଲ୍‌ ଦାନ୍‌ ରକମ୍‌ ପେଇଂ ଡିଗ୍ ନିଜର୍ ଗାଗ୍‌ଡ଼େ ନେନେ ସା ସମାନ୍ ବାବ୍‌ରେ ରଃବନେ ଦର୍‌କାର୍ ।
\s ବିଜାତିଇଂନେ ବିସୟ୍‌ରେ ତରକ୍ ସାମୁଆଁ
\p
\v 14 ଜାଣ୍ଡେଇଂ କ୍ରିସ୍ଟନେ ଡାଗ୍ରା ବିସ୍‌ବାସ୍‌ ଆଡିଙ୍ଗ୍‌ଆର୍ ଣ୍ତୁ ମେଇଂ ଏତେ ସମାନ୍ ବାବ୍‌ରେ କାମ୍ ଡିଙ୍ଗ୍ ନ୍‌ସା ଚେସ୍‌ଟା ଆଡିଙ୍ଗ୍‌ପା । ଏନ୍‌ ଅଃନାଡିଗ୍ ଆଡିଙ୍ଗ୍ ଣ୍ତୁ । ଦରମ୍ ବାରି ଅଦରମ୍ ମୁଇଂଅରିଆ ଆଲେଃ ଣ୍ତୁ ? ତାର୍‌କିଗ୍ ବାରି ତାଙ୍ଗ୍‌କିଗ୍ ଡିରକମ୍ ମୁଇଂଅରିଆ ଲେଃଏ ? 
\v 15 କିସ୍‌ଟ ବାରି ସ‍ଏତାନ୍ ଡିରକମ୍ ମୁଇଂଅରିଆ ଡିଙ୍ଗ୍‌ଏ ? ବିସ୍‌ବାସି ଏତେ ଅବିସ୍‌ବାସି ଆଣ୍ତିନେ ବିସୟ୍‌ରେ ମୁଇଂଅରିଆ ଡିଙ୍ଗ୍‌ଆର୍‌ଏ ? 
\v 16 \x + \xo ୬:୧୬ \xo*\xt ୧ କରିନ୍‌ତିୟ ୩:୧୬; ୬:୧୯.\xt*\x*ଇସ୍‌ପର୍‌ନେ ମନ୍ଦିର୍‌ନ୍ନିଆ ଡିରକମ୍ ମୁର୍ତି ତିଆର୍ ଡିଙ୍ଗ୍‌ଏ ? ନେ ଜିବନ୍ ଇସ୍‌ପର୍‌ନେ ମନ୍ଦିର୍‌ ଡାଗ୍ଲା ଇସ୍‌ପର୍ ନିଜେ ବାସଙ୍ଗ୍‌ବକେ
\q1 “ନେଙ୍ଗ୍‌ନେ ରେମୁଆଁଇଂ ଏତେ ନେଙ୍ଗ୍ ବାସା ନ୍ଲେଃଏ
\q2 ବାରି ମେଁଇଂନେ ବିତ୍ରେ ନ୍ଲେଃଏ;
\q1 ନେଙ୍ଗ୍ ମେଁଇଂନେ ଇସ୍‌ପର୍ ଣ୍ତିଙ୍ଗ୍‌ଏ
\q2 ବାରି ମେଇଂ ନେଙ୍ଗ୍‌ନେ ନିଜର୍ ରେମୁଆଁ ଡିଙ୍ଗ୍‌ଏ ।”
\m
\v 17 ତେସା ମାପ୍ରୁ ବାସଙ୍ଗ୍‌ଡିଂକେ
\q1 “ମେଁଇଂନେ ବିତ୍ରେବାନ୍‌ ପେ ତାର୍‌ଚେ ପାଙ୍ଗ୍‌ଲାପା
\q2 ମେଇଂନେବାନ୍‌ ନିଜେକେ ବିନେ ଆଡିଙ୍ଗ୍‌ପା ।
\q1 ଦର୍‌କାର୍‌ ଣ୍ତୁନେ ବିସୟ୍ ଏତେ ସମ୍ପର୍କ ଆବଗେପା
\q2 ତେଲା ନେଙ୍ଗ୍ ଆପେକେ ଗ୍ର‍ଅନ୍‌ ଣ୍ତିଙ୍ଗ୍‌ଏ
\q1
\v 18 ନେଙ୍ଗ୍ ପେଇଂନେ ଆବା ଣ୍ତିଙ୍ଗ୍‌ଏ
\q2 ବାରି ପେଇଂ ପେଡିଙ୍ଗ୍‌ଏ ନେଙ୍ଗ୍‌ନେ ଗଡ଼େଇଂ
\q2 ସାପାଟୁ ବପୁନେ ମାପ୍‌ରୁ ଏନ୍‌ ସାମୁଆଁ ବାସଙ୍ଗ୍ଏ ।”
\c 7
\p
\v 1 ଅ ବୟାଁ ଆରି ତନାଇଂ, ଏନ୍‌ ସାପା ପାର୍‌ମାନ୍‌ ନେ ଇସ୍‌ପର୍‌ନେ ବାନ୍ ବାନେଲେଃକେ । ତେସା ପାଙ୍ଗ୍‌ଲାପା ଗାଗ୍‌ଡ଼େ ବାରି ଆତ୍ମାକେ ଦଦ୍ୟା ଡିଙ୍ଗ୍‌ମ୍ୟାକ୍ନେ ସାପା ବିସୟ୍‌ବାନ୍‌ ନିଜେ ନିଜେକେ ପର୍‌ଚଲ୍‌ ନେଡିଙ୍ଗ୍‌ପା । ବାରି ଇସ୍‌ପର୍‌କେ ବୁଟଚେ ସମାନ୍ ପବିତ୍ର ରକମ୍‌ ବାସା ନେଃଲେପା ।
\s ପାଉଲ୍‌ନେ ମ୍ଲେଡ଼ିଆ
\p
\v 2 ପେଇଂନେ ଗାଗ୍‌ଡ଼େନ୍ନିଆ ଆନେକେ ଜାଗା ବିଃପା । ନେନେ ଜାଣ୍ତେନେ ଆଡ଼ାତ୍ରା ଅନ୍ୟାୟ୍ ନେଡିଙ୍ଗ୍‌କେ ଣ୍ତୁ, ଜାଣ୍ତେନେ ମେଃଡିଗ୍‌ ନସ୍ଟ ନେଡିଙ୍ଗ୍‌କେ ଣ୍ତୁ ଣ୍ତୁଲା ଜାଣ୍ତେନେବାନ୍‌ ମେଃଡିଗ୍‌ ପାଇଦା ଉଟେନ୍‌ସା ଚେସ୍‌ଟା ନେଡିଙ୍ଗ୍‌କେ ଣ୍ତୁ । 
\v 3 ଆପେକେ ଦସ୍ ବିନ୍‌ସା ନେଙ୍ଗ୍ ଏନ୍‌ ସାମୁଆଁ ବାସଙ୍ଗ୍‌ ନାଡିଙ୍ଗ୍‌କେ ଣ୍ତୁ । ନେଙ୍ଗ୍ ସେନୁଗ୍‌ ବାସଙ୍ଗ୍‌ମ୍ୱକେ, ପେଇଂ ନେନେ ଅଃକେନ୍ ଇକ୍‌ଚା ଜେ ନେଃ ନେଃମ୍ୱ୍ରଲା ମୁଇଂଅରିଆ ନେଃମ୍ୱ୍ରପା ବାରି ଗୁଏଃଲା ମୁଇଂଅରିଆ ନେଃଗୁଏଃପା । 
\v 4 ପେଇଂନେ ଆଡ଼ାତ୍ରା ନେଙ୍ଗ୍‌ନେ ମାଲେ ବିସ୍‌ବାସ୍‌ ଲେଃକେ । ପେଇଂନେ ସା ନେଙ୍ଗ୍‌ନେ ଗରବ୍‌ ଡିଗ୍ ଜାବର୍ । ଦୁକ୍ କସ୍ଟ ବେଲା ନେଙ୍ଗ୍ ଗୁଲୁଏ ସାହାସ୍ ଆଃସୁଏମ୍ୱକେ । ସାର୍ଦାରେ ଲାଡ଼୍ୟା ୱେଣ୍ତିଙ୍ଗ୍‌ ।
\p
\v 5 \x + \xo ୭:୫ \xo*\xt ୨ କରିନ୍‌ତିୟ ୨:୧୩.\xt*\x*ଦେକ୍‌ରକମ୍ କି ମାସିଦୋନିଆନିଆ ୱେଚାଚେ ଡିଗ୍ ନେପୁଣ୍ତେକେ ଣ୍ତୁ । ସାପା ଡାଗ୍ରା ସାନ୍ତି ଣ୍ତୁ ବାରି ବିତ୍‌ରେ ବୁଟମେଗ୍‌, ଡେକ୍‌ରକମ୍‌ ସାପା ରକମ୍‌ କଲ୍‌କଲା ଲାଗେ ଲେଃଗେ, ତେସା ନେନେ ଗାଗ୍‌ଡ଼େନ୍ନିଆ ସାନ୍ତି ଆଲେଃଗେ ଣ୍ତୁ । 
\v 6 ମାତର୍‌‌ ଗାଡ଼୍‌ସୁ ରେମୁଆଁକେ ସାନ୍ତି ବିମ୍ୟାକ୍ନେ ଇସ୍‌ପର୍ ତିତସ୍‌କେ ବେଚେ ଆନେକେ ସାନ୍ତି ବିବକେ । 
\v 7 ମାତର୍‌ ମେଁନେ ପାଙ୍ଗ୍‌ନେ ବାନ୍ ଣ୍ତୁ ମାତର୍‌ ମେଁ ପେଇଂନେ ଡାଗ୍ରା ୱେଚେ ଆଣ୍ଡିନେ ସାନ୍ତି ବାଲେଃକେ ଆତ୍‌ବାନ୍ ନେନେ ସାର୍ଦା ଡିଙ୍ଗ୍‌ନେଲେଃକେ । ଆନେଙ୍ଗ୍ କେନ୍‌ସା ପେଇଂନେ ଉଡ଼ି ଇକ୍‌ଚା ନେଙ୍ଗ୍ ନ୍‌ସା ପେନେ ଉଡ଼ି ଦୁକ୍ ଆନେଙ୍ଗ୍ ସାପଟ୍‌ ଡିଙ୍ଗ୍‌ନ୍‌ସା ପେ ଉଡ଼ି ତେରେପେତେ ଏନ୍‌ ସାପା ବିସୟ୍ ମେଁ ଆନେଙ୍ଗ୍ ଆମ୍ୟାବକେ । ଇଡ଼ିଙ୍ଗ୍ ନେଙ୍ଗ୍ ଜାବର୍ ସାର୍ଦା ଣ୍ତିଙ୍ଗ୍‌କେ ।
\p
\v 8 ନେଙ୍ଗ୍‌ନେ ଚିଟି ପଡ଼େଚେ ପେଇଂ ଦୁକ୍ ଡିଙ୍ଗ୍‌ପେଲେଃଲା ଡିଗ୍ ଆତେନ୍‌ ଉଲିଆଃ ଗୁଆର୍‌ ବଲା ନେଙ୍ଗ୍ ମନ୍‌ନ୍ନିଆ ମେଃଡିଗ୍‌ ଦୁକ୍ ଣ୍ତୁ । ଉଲିଆଃ ଆପେକେ ପ୍ରେଗ୍‌ ନ୍‌ସା ଦୁକ୍ ଡିଗ୍ ବଲା ନେଙ୍ଗ୍ ଦୁକ୍ ମ୍ପାଡିଙ୍ଗ୍‌ । 
\v 9 ମାତର୍‌‌ ପେନେ ମନ୍‌ନ୍ନିଆ ଦୁକ୍ ବିବଲା ଣ୍ତୁ ମାତର୍‌ ଏନ୍‌ ଦୁକ୍ ପେଇଂନେ ଜିବନ୍‌ନେ ମନ୍ ବଦ୍ଲେ ବିବଲା ଏବେ ନେଙ୍ଗ୍ ସାର୍ଦା ଡିଙ୍ଗ୍‌ଣ୍ତିଂକେ । ଇସ୍‌ପର୍‌ନେ ଇକ୍‌ଚା ରକମ୍‌ ପେଇଂ ଏନ୍‌ ଦୁକ୍ ବାପେଲେକେ । ତେସା ନେନେ ବାନ୍ ପେଇଂ ମେଃଡିଗ୍‌ ରକମ୍‌ ନସ୍ଟ ପେଡିଙ୍ଗ୍‌କେ ଣ୍ତୁ । 
\v 10 ଡାଗ୍ଲା ଇସ୍‌ପର୍‌ନେ ଇକ୍‌ଚା ଅନୁସାରେ ଆଣ୍ଡିନେ ଦୁକ୍ ବାନ୍ ଉଦାର୍ ପେବାକେ ବାରି ମନ୍ ବଦ୍ଲେ ପେଡିଙ୍ଗ୍‌କେ ଆତେନ୍‌‌ସା ଦୁକ୍ ଡିଙ୍ଗ୍‌ନେ ଦର୍‍କାର୍‌ ଣ୍ତୁ । ମାତର୍‌ ସଂସାର୍‌ନେ ଦୁକ୍ ଗୁଏନେ ଡୁଙ୍ଗ୍‌ପାଙ୍ଗ୍‌ଏ । 
\v 11 କେଲାପା, ଇସ୍‌ପର୍‌ନେ ଇକ୍‌ଚା ଅନୁସାରେ ପେଇଂ ଆଣ୍ଡିନେ ଦୁକ୍ ପେବାକେ ଆତେନ୍‌ ପେଇଂନେ ମନ୍‌ନ୍ନିଆ ଉଡ଼ି ଇକ୍‌ଚା ଉଡ଼ି ବୁଟ ଉଡ଼ି ସାର୍ଦା ନେନେ ଏତେ ମିସେନ୍‌ସା ପେଇଂନେ ବିତ୍ରେ ଇକ୍‌ଚା ଜାଗ୍ରତ୍ ଡିଙ୍ଗ୍ ବକେ । ଏନ୍‌ ଆପେକେ ଜାବର୍ ଅପେଃ ଡିଂକେ । ଏନ୍‌ ଆପେକେ ନ୍ୟାୟ୍ ବିବକେ । ପେଇଂ ସାପା ସାମୁଆଁକେ ପର୍‌ମାନ୍‌ ଡିଙ୍ଗ୍ ବିପେବକେ ଜେ ପେଇଂ ଆତେନ୍‌ ଜାମ୍‌ଲାନେ ମେଃଡିଗ୍‌ ଇଃକୁଡ଼ା ନ୍‌ସା ଡିଗ୍ ଦସ୍ ଣ୍ଡୁ ଡାଗ୍‌ଚେ ପାର୍‌ମାନ୍ ବିଃପେବକେ ।
\p
\v 12 ପେଇଂନେ ବିତ୍ରେ ଜା ଅନ୍ୟାୟ୍ ଡିଙ୍ଗ୍‌ବକେ ବା ଜା ଅନ୍ୟାୟ୍ ସାମ୍ୱାଲେକେ ମେଁନେ ଉଦେସ୍‌ରେ ନେଙ୍ଗ୍ ଆତେନ୍‌ ଚିଟି ଗୁଆର୍‌ ନାବକେ ଣ୍ତୁ । ବାରି ଇସ୍‌ପର୍‌ନେ ମୁଆଃନ୍ନିଆ ନେନେ ଆଡ଼ାତ୍ରା ପେନେ ବକ୍‌ତି ଉଡ଼ି ସ୍ରି ବାରି । 
\v 13 ଆତେନ୍‌‌ସା ନେନେ ଉଡ଼ି ସାର୍ଦା ଆତେନ୍‌ ଆମ୍ୟାବିନ୍‌ସା ନେଙ୍ଗ୍ ଆତେନ୍‌ ଚିଟି ଗୁଆର୍‌ମ୍ୱକ୍ନେ ମାତର୍‌ ସାର୍ଦା ନେଡିଙ୍ଗ୍‌କେ ଣ୍ତୁ । ପେଇଂ ତିତସ୍‌କେ ସାପା ରକମ୍‌ ସାଇଜ ଡିଙ୍ଗ୍‌ଚେ ଡିରକମ୍ ବାବ୍‌ରେ ସାର୍ଦା ଡିଙ୍ଗ୍‌ପେବକେ ଆତେନ୍‌ ଆନେକେ ଜାବର୍ ସାର୍ଦା ବିବକେ । 
\v 14 ମେଁନେ ଡାଗ୍ରା ପେଇଂନେ ସା ନେଙ୍ଗ୍ ବଡ଼୍‌ପନ୍‌ ଡିଙ୍ଗ୍‌ମ୍ୱକେ । ବାରି ଆତେନ୍‌‌ସା ନେଙ୍ଗ୍ ବାଆଃ ଆଲ ଡିଙ୍ଗ୍ ଆୱେକେ ଣ୍ତୁ । ଡିରକମ୍ ପେଇଂନେ ଡାଗ୍ରା ନେନେ କାଲାଆଃ ସତ୍ ବାସଙ୍ଗ୍‌ ପାଙ୍ଗ୍‌ନେଡିଙ୍ଗ୍‌କେ ଦେତ୍‌ରକମ୍ ତିତସ୍‌ନେ ଡାଗ୍ରା ନେନେ ଡିଙ୍ଗ୍ ନେବକ୍ନେ ବଡ଼୍‌ପନ୍‌ ମିଚ୍ ଡାଗ୍‌ଚେ ପର୍‌ମାନ୍‌ ଆଡିଙ୍ଗ୍‌କେ ଣ୍ତୁ । 
\v 15 ପେଇଂ ସାପାରେ ଡିରକମ୍ ବାବ୍‌ରେ ମେଁନେ ବାଦ୍ୟ ଡିଙ୍ଗ୍‌ପେଲେକେ ବାରି ବୁଟ ବାରି ଜୁର୍‌ଚେ ଗାଗ୍‌ଡ଼େନ୍ନିଆ ଆମେକେ ଗ୍ର‍ଅନ୍‌ ଡିଙ୍ଗ୍‌ପେବକେ ଏନ୍‌ ସାମୁଆଁ ଏତେଚେ ପେଇଂନେ ଆଡ଼ାତ୍ରା ମେଁନେ ଆଲାଦ୍‌ ବାରି ମ୍ନା ୱେଗେ । 
\v 16 ପେଇଂନେ ଆଡ଼ାତ୍ରା ଆସା ବନେ ୟାଲା ନେଙ୍ଗ୍ ଉଡ଼ି ସାର୍ଦା ।
\c 8
\s କ୍ରିସ୍ଟାନ୍‌ଇଂନେ ଦାନ୍
\p
\v 1 \x + \xo ୮:୧ \xo*\xt ରମିୟ ୧୫:୨୬.\xt*\x*ବୟାଁ ବାରି ତନାଇଂ ମାସିଦୋନିଆନେ ମଣ୍ତଲିଇଂ ଡିରକମ୍ ଇସ୍‌ପର୍‌ନେ ଲିବିସ ଲାବ୍‌ ଡିଙ୍ଗ୍‌ବକେ ଆତେନ୍‌ ଆପେକେ ଆମ୍ୟାନ୍‌ସା ଇକ୍‌ଚା ଡିଙ୍ଗ୍‌ଣ୍ତିଂକେ । 
\v 2 ମେଇଂ ମ୍ନା କସ୍ଟ ରକମ୍‌ ପରିକ୍ୟା ଡିଙ୍ଗ୍‌ଆର୍କେ ବାରି ମେଇଂ ଜାବର୍ ଗରିବ୍‌ ଡିଙ୍ଗ୍‌ଲା ଡିଗ୍ ଜାବର୍ ସାର୍ଦା ବାବ୍‌ରେ ଗୁଲୁଏ ଦାନ୍ ଡିଙ୍ଗ୍‌ବଆର୍‌କେ । 
\v 3 ନେଙ୍ଗ୍ ସତ୍ ବାବ୍‌ରେ ବାସଙ୍ଗ୍‌ଣ୍ଡିଂ ଜେ ମେଁଇଂନେ ବପୁ ରକମ୍‌ ମେଇଂ ଇକ୍‌ଚାରେ ନିଜର୍‌ ବପୁନେ ଅନୁସାରେ ଦେକ୍‌ରକମ୍‌ କି ଜାବର୍‌ ବାବ୍‌ରେ ମେଇଂ ଦାନ୍ ଡିଙ୍ଗ୍‌ଆର୍କେ । 
\v 4 ଜିଉଦାନ୍ନିଆ ଲେଃକ୍ନେ ଇସ୍‌ପର୍‌ନେ ରେମୁଆଁଇଂକେ ସାଇଜ ଡିଙ୍ଗ୍‌ନେସା ଆମେଇଂକେ ସୁଜଗ୍‌ ବିଃପା ଡାଗ୍‌ଚେ ମେଇଂ ଆନେକେ କୁସାମୁତି ଡିଙ୍ଗ୍‌ବଆର୍‌କେ । 
\v 5 ମେଇଂନେବାନ୍‌ ନେନେ ଅଃକେନ୍ ଆସା ଡିଙ୍ଗ୍‌ନେ ବକେ । ସେନୁଗ୍‌ ମେଇଂ ନିଜେ ନିଜେକେ ମାପ୍ରୁନେ ଡାଗ୍ରା ଦାନ୍ ଡିଙ୍ଗ୍‌ବଆର୍‌କେ ବାରି ଇଡ଼ିଙ୍ଗ୍ ଇସ୍‌ପର୍‌ନେ ଇକ୍‌ଚା ଅନୁସାରେ ନିଜେ ନିଜେକେ ନେଁଇଂନେ ବିସୟ୍‌ରେ ଦାନ୍ ଡିଙ୍ଗ୍‌ଆର୍କେ । 
\v 6 ତିତସ୍‌ନେ ସାଇଜନ୍ନିଆ ଏନ୍‌ କାମ୍ ଆରାମ୍ ଡିଙ୍ଗ୍‌ଲେକେ । ଏନ୍‌କେ ଚାଲେ ଲେଃନ୍‌ସା ବାରି ଏନ୍‌ ଆଲାଦ୍‌ନେ ଜତନ୍‌ ସ୍ଲେନିଆ ଆପେକେ ସାଇଜ ଡିଙ୍ଗ୍ ନ୍‌ସା ତିତସ୍‌କେ କୁସାମୁତି ଡିଙ୍ଗ୍‌ନେବକେ । 
\v 7 ପେଇଂ ସାପା ବିସୟ୍‌ନ୍ନିଆ ସାକାର୍‌ ଡିଙ୍ଗ୍‌ପେଲେକେ ବିସ୍‌ବାସ୍‌ ସାମୁଆଁ ବାସଙ୍ଗ୍‌ନେ ରେମୁଆଁ ବାରି ପେଇଂନେ ଆଡ଼ାତ୍ରା ନେଁଇଂନେ ଆଲାଦ୍ ଅଦିକାର୍ ଦେକ୍‌ରକମ୍ ସାପା ବିସୟ୍ ଡିରକମ୍ ପେଇଂନେ ଡାଗ୍ରା ଜାବର୍ ବାବ୍‌ରେ ତ୍ନାଡିଂକେ ଦେତ୍‌ରକମ୍ ଏନ୍‌ ଲିବିସ କାମ୍ ଡିଗ୍ ପେଇଂନେ ଡାଗ୍ରା ଜାବର୍ ବାବ୍‌ରେ ତ୍ନାଲେ ।
\p
\v 8 ନେଙ୍ଗ୍ ଆଦେସ୍‌ ବିଃକେ ରକମ୍‌ ବାସଙ୍ଗ୍‌ ନାଡିଙ୍ଗ୍‌କେ ଣ୍ତୁ । ମାତର୍‌ ସେବା ସ୍ଲେନିଆ ବିନ୍‌ଣ୍ଡ୍ରେଇଂନେ ଇକ୍‌ଚାନେ ଉପଦେସ୍‌ ବିଚେ ପେନେ ଆଲାଦ୍‌ନେ ସତ୍ ମ୍ୟାନ୍‌ସା ନେଙ୍ଗ୍ ଚେସ୍‌ଟା ଡିଙ୍ଗ୍‌ଣ୍ଡିଂକେ । 
\v 9 ପେଇଂ ମାପ୍ରୁ ଜିସୁ କିସ୍‌ଟନେ ଲିବିସ ବିସୟ୍‌ରେ ମ୍ୟାପେଲେକେ । ମେଁ ସାଉକାର୍‌ ଡିଙ୍ଗ୍‌ଚେ ଡିଗ୍ ପେଇଂନେ ସା ଗରିବ୍‌ ଡିଙ୍ଗ୍‌କେ । ମେଁନେ ଗରିବ୍‌ ବାନ୍ ପେଇଂ ସାଉକାର୍‌ ଡିଙ୍ଗ୍‌ପା ।
\p
\v 10 ଏନ୍‌ ବିସୟ୍‌ରେ ଆପେକେ ନେଙ୍ଗ୍‌ନେ ଏନ୍‌ ଆଦେସ୍‌ ୱେକ୍ନେ ମୁଆଁ ପେଇଂ ମେଃମେଃନେ ଆରାମ୍‌ ଡିଙ୍ଗ୍‌ପେବକେ ଆତେନ୍‌ ଏକ୍ରେ ଆଡାନେ ପେଇଂନେ ଦର୍‌କାର୍ । ମାତର୍‌ କାମ୍ ଡିଙ୍ଗ୍‌ନେ ଣ୍ତୁ, ମାତର୍‌ କାମ୍ ଡିଙ୍ଗ୍‌ନେ ଇକ୍‌ଚା ଡିଙ୍ଗ୍‌ଚେ ଡିଙ୍ଗ୍‌ନେ ପେଇଂ ଡିଙ୍ଗ୍‌ପେଡିଙ୍ଗ୍‌କେ ସେନୁଗ୍‌ । 
\v 11 ଆଣ୍ଡିନେ କାମ୍‌କେ ପେଇଂ ଆରାମ୍ ଡିଙ୍ଗ୍ ପେବକେ ଆମେକେ ଆଃଡାପା । ତେଲା ପେଇଂନେ କାମ୍ ଡିଙ୍ଗ୍‌ନେ ବାରି ପେଇଂନେ ଇକ୍‌ଚା ଡିଙ୍ଗ୍‌ନେ ଏତେ ସମାନ୍ ଡିଙ୍ଗ୍‌ଏ । ପେଇଂ ଡାଗ୍ରା ମେଃମେଃନେ ଲେଃକେ ଆତ୍‌ବାନ୍ ଦାନ୍ ଡିଙ୍ଗ୍‌ପା । 
\v 12 ଜଦି ପେଇଂନେ ଦାନ୍ ବିଃନେ ଇକ୍‌ଚା ଲେଃକେ ତେଲା ପେଇଂନେ ଦାନ୍ ଗ୍ର‍ଅନ୍‌ ଡିଙ୍ଗ୍‌ଏ । ପେଇଂନେ ଡାଗ୍ରା ମେଁନେ ଲେଃକେ ଆତେନ୍‌ ଅନୁସାରେ ପେଇଂନେ ଦାନ୍ ଗ୍ର‍ଅନ୍‌ ଡିଙ୍ଗ୍‌ଆର୍‌ଏ; ପେଇଂନେ ଡାଗ୍ରା ମେଃମେଃନେ ଣ୍ତୁ, ଆତେନ୍‌ ରକମ୍‌ ଣ୍ତୁ ।
\p
\v 13 ପେଇଂନେ ଆଡ଼ାତ୍ରା ଏନ୍‌ ଲିଗିଙ୍ଗ୍‌କେ ଆନିଗ୍‌ବିଚେ ବିନ୍‌ଣ୍ଡ୍ରେକେ ଆମ୍ଲେଡ଼ିଆ ନ୍‌ସା ନେଙ୍ଗ୍ ଚାଏଁନାଡିଙ୍ଗ୍‌କେ ଣ୍ତୁ ।
\p
\v 14 ମାତର୍‌‌ ଏବେ ପେଇଂନେ ଜାବର୍ ଲେଃଲା ଅବାବ୍‌ନ୍ନିଆ ଲେଃକ୍ନେ ରେମୁଆଁଇଂକେ ସାଇଜ ଡିଙ୍ଗ୍‌ନେ ପେଇଂନେ କାମ୍ । ବେଲା ପାଙ୍ଗ୍‌ଏ ପେଇଂ ଅବାବ୍‌ନ୍ନିଆ ଲେଃକାଲା ମେଁଇଂନେ ଜାବର୍‌ ଡିଙ୍ଗ୍‍ଲା ପେଇଂନେ ଅବାବ୍‌ ବର୍ତି ଆଡିଙ୍ଗ୍ ନ୍‌ସା ସାଇଜ ଡିଙ୍ଗ୍‌ଏ । ଦେକ୍‌ରକମ୍ ବାବ୍‌ରେ ପେଇଂନେ ବିତ୍ରେ ସମାନ୍ ରକ୍ୟା ଡିଙ୍ଗ୍ ପେୟାଏ । 
\v 15 ଦର୍ମ ସାସ୍ତର୍‌ନ୍ନିଆ ଗୁଆର୍‌ ବକେ; “ଜାଣ୍ଡେ ଜାବର୍ ରାଃସିଙ୍ଗ୍‌କେ ମେଁନେ ମେଃଡିଗ୍‌ ଆଲୁଆଁକେ ଣ୍ତୁ । ଜାଣ୍ଡେ ଇକୁଡ଼ା ରାଃସିଙ୍ଗ୍‌କେ ମେଁନେ ଅବାବ୍‌ ଆଡିଙ୍ଗ୍ ଣ୍ତୁ ।”
\s ତିତସ୍‌ ବାରି ମେଁନେ ରେମୁଆଁଣ୍ଡେଇଂ
\p
\v 16 ଇସ୍‌ପର୍‌ନେ ଦନ୍ୟବାଦ୍‍ ଡିଙ୍ଗ୍‌ଲେଃ । ଡାଗ୍ଲା ନେଁଇଂନେ ରକମ୍‌ ତିତସ୍‌ ଡିଗ୍ ଆପେକେ ସାଇଜ ଡିଙ୍ଗ୍ ନ୍‌ସା ଇକ୍‌ଚା ଲେଃକେ । 
\v 17 ମେଁ ମାତର୍‌ ନେନେ ଗୁଆରିକେ ଗ୍ର‍ଅନ୍‌ ଡିଙ୍ଗ୍‌କେ, ଆତେନ୍‌ ଣ୍ତୁ, ମାତର୍‌‌ ଆପେକେ ସାଇଜ ଡିଙ୍ଗ୍ ନ୍‌ସା ଅଃକେନ୍ ଇକ୍‌ଚା ଡିଙ୍ଗ୍ ଲେଃକେ ଜେ ନିଜର୍ ଇକ୍‌ଚାନ୍ନିଆ ପେଇଂନେ ଡାଗ୍ରା ୱେ ନ୍‌ସା ମେଁ ମନ୍ ଡିଙ୍ଗ୍‌ବକେ । 
\v 18 ମେଁନେ ଏତେ ବାରି ମୁଇଂଜା ବୟାଁକେ ନେନେ ବେନେବକେ । ନିମାଣ୍ଡା ବ୍ନାଲିର୍ ବାସଙ୍ଗ୍‌ ଅଲେଙ୍ଗ୍‌ନେ ସାପା ମଣ୍ତଲିନ୍ନିଆ ବେପ୍ରେ ୱେଲେଃକେ । 
\v 19 ମାତର୍‌ ଅଃତେନ୍‍ ଣ୍ତୁ, ମାପ୍ରୁନେ ମ‍ଇମା ବାରି ନେଁଇଂନେ ସେବାବାନ୍‌ ସାର୍‌ଲନେ ଇକ୍‌ଚା ଡିଙ୍ଗ୍‌ ନ୍‌ସା ମୁଡ଼ିନେ ରାଃସିଙ୍ଗ୍‌କ୍ନେ ଦାନ୍ ଡୁଙ୍ଗ୍‌ୱେନେ କାମ୍ ନେନେ ଗ୍ର‍ଅନ୍‌ ଡିଙ୍ଗ୍‌ନେଡିଂକେ, ଆତ୍‌ଅରିଆ ନେନେ ଏତେ ମିସୁୱେନେ ନ୍‌ସା ବିନ୍‌ବିନ୍ ମଣ୍ତଲି ଆମେକେ ସ୍ରି ବକେ ।
\p
\v 20 ଉଦାର୍‌ ବାବ୍‌ରେ ବିଃବକ୍ନେ ଏନ୍‌ ସେବା ରକମ୍‌ ଜାବର୍ ଦାନ୍‌କେ ତରକ୍‌ ଏଃତେ ନେ ବାଃଲିର୍‌ବାଃତା ଡିଙ୍ଗ୍‌ନେଡିଂକେ, ଡିରକମ୍ ନେନେ ଆଡ଼ାତ୍ରା ଜାଣ୍ଡେ ଦସ୍ ଡିଙ୍ଗ୍ ଆୟା ଣ୍ତୁ । 
\v 21 ଡାଗ୍ଲା ମାତର୍‌ ମାପ୍ରୁନେ ସାମ୍‌ନାନ୍ନିଆ ଣ୍ତୁ । ମାତର୍‌ ରେମୁଆଁ ସାମ୍‌ନାନ୍ନିଆ ଡିଗ୍ ସତ୍ ଲେଃନେ ନେନେ ଇକ୍‌ଚା ।
\p
\v 22 ତେସା ମେଁଇଂନେ ଏତେ ଏନ୍‌ ବୟାଁକେ ନେନେ ବେନେବକେ । ଆମେକେ ଜାବର୍‌ ତର୍‌ ପରିକ୍ୟା ଡିଙ୍ଗ୍‌ଚେ ମେଁନେ ବିସ୍‌ବାସ୍‌ନେ ପରିଚୟ୍ ବାନେଲେଃକେ । ପେଇଂନେ ଆଡ଼ାତ୍ରା ମେଁନେ ଡାଟ୍‌ ବିସ୍‌ବାସ୍‌ ଲେଃଲା ମେଁ ଆପେକେ ସାଇଜ ଡିଙ୍ଗ୍ ନ୍‌ସା ଜାବର୍ ଇକ୍‌ଚା ଡିଙ୍ଗ୍‌ଲେକେ । 
\v 23 ତିତସ୍‌ନେ ବିସୟ୍‌ରେ ଏନ୍‌ ମ୍ବାସଙ୍ଗ୍‌ଏ ଜେ, ମେଁ ନେଙ୍ଗ୍‌ ଏତେ କୁଡ଼େଚେ ସ୍ଲେରେ । ବାରି ମେଁ ନେଙ୍ଗ୍ ଏତେ କାମ୍ ଡିଙ୍ଗ୍‌ଚେ ଆପେକେ ସାଇଜ ଡିଙ୍ଗ୍‌କେ । ବିନ୍ ବୟାଁଇଂନେ ବିସୟ୍‌ରେ ଏନ୍‌ ବାସଙ୍ଗ୍ଏ ଜେ ମେଇଂ ବିନ୍‌ବିନ୍ ମଣ୍ତଲିଇଂବାନ୍‌ ବେବଆର୍‌କେ ବାରି କିସ୍‌ଟନେ ନ୍‌ସା ମଇମା ରକମ୍‌ । 
\v 24 ଏଲେଡିଗ୍‌ ଆମେଇଂକେ ପେଇଂନେ ଆଲାଦ୍ ଆଃସୁଏପା । ତେଲା ସାପା ମଣ୍ତଲି ଏନ୍‌ ବିସୟ୍‌ରେ ସତ୍ ମାନେଆର୍‌ଏ ବାରି ପେଇଂ ନ୍‌ସା ନେନେ ଡିଙ୍ଗ୍‌ମ୍ୟାକ୍ନେ ଗରବ୍‌ ଜାବର୍ ଡାଗ୍‌ଚେ ପାର୍‌ମାନ୍‌ ଡିଙ୍ଗ୍ ୟାଆର୍‌ଏ ।
\c 9
\s ବିନ୍ ମଣ୍ତଲିନେ କ୍ରିସ୍ଟିଆନ୍‌ଇଂ ନ୍‌ସା ସାଇଜ
\p
\v 1 ଜିଉଦାନ୍ନିଆ ଲେଃକ୍ନେ ଇସ୍‌ପର୍‌ନେ ରେମୁଆଁଇଂନେ ଡାଗ୍ରା ସାଇଜ ବେନ୍‌ସା ଆପେକେ ଗୁଆର୍‌ନେ ମେଃଡିଗ୍‌ ଦର୍‌କାର୍ ଣ୍ତୁ । 
\v 2 ନେଙ୍ଗ୍ ମ୍ୟାନ୍ଲେକେ ପେଇଂ ସାପାବେଲା ସାଇଜ ଡିଙ୍ଗ୍‌ନ୍‌ସା ତିଆର୍ ପେଲେକେ । ବାରି ମାସିଦୋନିଆନେ ରେମୁଆଁଇଂନେ ଡାଗ୍ରା ପେଇଂନେ କୁଡ଼େଃମାଡ଼େଃନ୍ନିଆ ନେଙ୍ଗ୍ ଗରବ୍‌ ଡିଙ୍ଗ୍‌ଣ୍ତିଂକେ । ନେଙ୍ଗ୍ ବାସଙ୍ଗ୍‌ମ୍ୱକେ “ଆଖାୟାନେ ବୟାଁଇଂ ସାଇଜ ଡିଙ୍ଗ୍ ନ୍‌ସା ୱେକ୍ନେ ମୁଆଃବାନ୍ ତିଆର୍ ଡିଙ୍ଗ୍ ଲେଃଆର୍‌କେ ।” ପେଇଂନେ ତିଆର୍ ମେଁଇଂନେ ବିତ୍ରେ ଉଃଡ଼ିରୁଆକେ ତରକ୍ ଆଡିଙ୍ଗ୍‌ବକେ । 
\v 3 ଏବେ ନେଙ୍ଗ୍ ଏନ୍‌ ବୟାଁଇଂକେ ପେଇଂନେ ଡାଗ୍ରା ବେଣ୍ଡିଂ । କେଲାପା ଏନ୍‌ ବେଲା ଡିରକମ୍ ପେଇଂନେ ସମ୍ପର୍କନ୍ନିଆ ନେନେ ବଡ଼୍‌ପନ୍‌ ବେକାର୍‌ ଆଡିଙ୍ଗ୍ ଣ୍ତୁ । ନେଙ୍ଗ୍ ବାସଙ୍ଗ୍‌ନେ ରକମ୍‌ ପେଇଂ ଦାନ୍ ଏତେ ତିଆର୍ ଡିଙ୍ଗ୍ ଲାଲାପା । 
\v 4 ମାସିଦୋନିଆନେ ରେମୁଆଁଇଂ ନେଙ୍ଗ୍ ସଙ୍ଗେ ୱେଚେ ଜଦି ଆପେକେ ତିଆର୍ ଆଡିଙ୍ଗ୍‌ନେ କେଆର୍‌ଏ; ତେଲା ପେଇଂନେ ଆଡ଼ାତ୍ରା ଡାଟ୍‌ ବିସ୍‌ବାସ୍‌ ଲେଃକେ ସା ନେନେ ଗିଆସ ନେଡିଙ୍ଗ୍‌ଏ ସତ୍‌ରେ ବାସଙ୍ଗ୍‌ ୱେଲା ଆତେନ୍‌ ପେଇଂନେ ଆଡ଼ାତ୍ରା ଡିଗ୍ ଗିଆସମାଲା ଡିଙ୍ଗ୍‌ଏ । 
\v 5 ପେ ଅଃସେ ପାର୍‌ମାନ୍ ଡିଙ୍ଗ୍‌କ୍ନେ ଦାନ୍ ରାସିଙ୍ଗ୍‌ ଡିଙ୍ଗ୍‌ନେ ସା ଏନ୍‌ ବୟାଁଇଂକେ ନେଙ୍ଗ୍ ୱେନେ ସେନୁଗ୍‌ ପେଇଂନେ ଡାଗ୍ରା ୱେ ନ୍‌ସା ମ୍ବାସଙ୍ଗ୍‌ଏ । ତେଲା ନେଙ୍ଗ୍ ପେଇଂନେ ଡାଗ୍ରା ୱେଚାନେ ବେଲା ଏନ୍‌ ଦାନ୍ ରାସିଙ୍ଗ୍‌ଚେ ବଆର୍‌ଏ । ଏନ୍‌ ବାନ୍ ପେଇଂ ଜବଡ଼୍‌ଜସ୍ତି ବାବ୍‌ରେ ମାବିଚେ ନିଜର୍‌ ଇକ୍‌ଚା ଡିଙ୍ଗ୍‌ଚେ ବିପେଡିଙ୍ଗ୍‌କେ ଡାଗ୍‌ଚେ ତ୍ନାଲେ ।
\p
\v 6 ମନେ ବପା ମୁଡ଼ି ରେମୁଆଁ ଇକୁଡ଼ା ଚ୍ମୁ ବିଗ୍‌ଏ ମେଁ ଇକୁଡ଼ା ୱେଏ; ଜାଣ୍ଡେ ରେମୁଆଁ ଜାବର୍ ଚ୍ମୁ ବିଗ୍‌ଏ ମେଁ ମାଲେ ୱେଏ । 
\v 7 ସାପା ରେମୁଆଁ ନିଜର୍ ମନ୍‌ନ୍ନିଆ ମେଃମେଃନେ ବାବେ ବଆର୍‌କେ, ଆତେନ୍‌ ରକମ୍‌ ଦାନ୍ ଡିଙ୍ଗ୍ ଆର୍‌ଲେ ମନ୍‌ନ୍ନିଆ ମେଃଡିଗ୍‌ ଦୁକ୍ ବଚେ ଜବଡ଼୍‌ଜସ୍ତି ବାବ୍‌ରେ ଦାନ୍ ଆଡିଙ୍ଗ୍‌ଲେଃ ସାର୍ଦା ମନ୍‌ନ୍ନିଆ ଦାନ୍ ଡିଙ୍ଗ୍‌ବକ୍ନେ ରେମୁଆଁକେ ପର୍‌ମେସର୍‌ ବଲ୍ ବାଏ । 
\v 8 ସାପା ରକମ୍‌ ଦାନ୍‌ନ୍ନିଆ ଆପେକେ ମ୍ନା ଡିଙ୍ଗ୍ ନ୍‌ସା ଇସ୍‌ପର୍ ଇକ୍‌ଚା; ଇଡ଼ିଙ୍ଗ୍ ପେଇଂ କାଲାଆଃ ଜାବର୍‌ନେ ବିତ୍ରେ ବାସା ପେୟାଏ ବାରି ସାପା ରକମ୍‌ ସତ୍‌କାମ୍‌ ନ୍‌ସା ଜାବର୍ ଦାନ୍ ବିପେୟାଏ । 
\v 9 ଦର୍ମ ସାସ୍ତର୍‌ନ୍ନିଆ ଗୁଆର୍‌ ବକେ,
\q1 “ଆଲେଃକ୍ନେ ରେମୁଆଁଇଂକେ ମୁକ୍ତି ବାବ୍‌ରେ
\q2 ଦାନ୍ ଡିଙ୍ଗ୍‌ଏ; ମେଁନେ ଲିବିସଃ କାଲାଆଃ ଲେଃଏ ।”
\m
\v 10 ପର୍‌ମେସର୍‌ ବିଗ୍‌ଜା ରେମୁଆଁ ନ୍‌ସା ଚ୍ମୁ ବାରି ଚଙ୍ଗ୍‌ନେ ସା ବଲେ ଆର୍ମେବିଏ ପର୍‌ମେସର୍‌ ବିଗ୍‌ ନ୍‌ସା ଆପେକେ ଚ୍ମୁଜା ଆର୍ମେବିଏ ବାରି ଆତେନ୍‌ ଆମ୍ନାଏ ବାରି ପେଇଂନେ ନିମାଣ୍ତା ବିସୟ୍‌ରେ ଆମ୍ନା ବିଏ; 
\v 11 ଦେକ୍ ରକମ୍‌ ପେଇଂ ସାପା ବିସୟ୍‌ରେ ସାଉକାର୍‌ ଡିଙ୍ଗ୍‌ଚେ ସାପା ରକମ୍‌ ଦାନ୍ ଡିଙ୍ଗ୍‌ପେୟାଏ ବାରି ଆତେନ୍‌ ନେଁଇଂନେ ବାନ୍ ଇସ୍‌ପର୍‌ନେ ବାନେ କାରନ୍‌ ଡିଙ୍ଗ୍‌ଏ । 
\v 12 ପେଇଂନେ ଦାନ୍ ରକମ୍‌ ସେବା ଜେ ମାତର୍‌ ଇସ୍‌ପର୍‌ନେ ରେମୁଆଁଇଂନେ ଅସ୍‌ବିଦା ଆଡିଙ୍ଗ୍ ଣ୍ତୁ । ଆତେନ୍‌ ଣ୍ତୁ, ମାତର୍‌‌ ଏନ୍‌ ବାନ୍ ଇସ୍‌ପର୍‌ନେ ଆଡ଼ାତ୍ରା ଗୁଲୁଏ ଗାଗ୍‌ଡ଼େନେ ଜାବର୍ ଦନ୍ୟବାଦ୍‌ ଲାଡ଼୍ୟା ୱେଏ । 
\v 13 ଏନ୍‌ ଜତନ୍‌ କାମ୍ ବାନ୍ କିସ୍‌ଟନେ ନିମାଣ୍ତା ସାମୁଆଁ ଆଡ଼ାତ୍ରା ପେଇଂନେ ବିସ୍‌ବାସ୍‌ ନ୍‌ସା ବାରି ସାପାରେନେ ଏତେ କୁଡ଼େଚେ ପେଇଂ ମୁଡ଼ିନେ ଦାନ୍ ଆତ୍ନା ପେବକେ ଆତେନ୍‌‌ସା ମେଇଂ ଇସ୍‌ପର୍‌ନେ ମ‍ଇମା ଆତ୍ନା ଆର୍‌ଏ । 
\v 14 ପେଇଂନେ ଆଡ଼ାତ୍ରା ଇସ୍‌ପର୍‌ନେ ମାଲେ ଲିବିସ ନ୍‌ସା ମେଇଂ ଗୁଲୁଏ ସାର୍ଦା ଏତେ ପାର୍‌ତନାନ୍ନିଆ ଆପେକେ ମନେ ଡିଙ୍ଗ୍‌ଆର୍‌ଏ । 
\v 15 ପାଙ୍ଗ୍‌ଲାପା ଇସ୍‌ପର୍‌ନେ ଇରିଆତୁଗ୍ ବାରି ବାସଙ୍ଗ୍‌ ମାୟାନେ ଦାନ୍ ନ୍‌ସା ମେଁନେ ଆଡ଼ାତ୍ରା ଦନ୍ୟବାଦ୍‍ ନେବାସଙ୍ଗ୍‌ପା ।
\c 10
\s ଦଦ୍ୟା ବାସଙ୍ଗ୍‌ନେ ବିରଦ୍‌ରେ ପାଉଲ୍‌ନେ ଉତର୍
\p
\v 1 ନେଙ୍ଗ୍ ପାଉଲ୍ ଆପେକେ ନେଙ୍ଗ୍‌ନେ ଏନ୍‌ ନିଜର୍‌ନେ ନମସ୍କାର୍‌ । ଜାଣ୍ଡେ ଜାଣ୍ଡେ ବାସଙ୍ଗ୍ଏ, “ନେଙ୍ଗ୍ ପେଇଂନେ ଡାଗ୍ରା ଲେଃବେଲା ମାଲେ ଦରମ୍ ବାରି ସାନ୍ତି ଲେଃଏ ମାତର୍‌‌ ସ୍ଲ ୱେଲା ମାଲେ ସାହାସ୍ ଲେଃଏ ।” କିସ୍‌ଟନେ ଦରମ୍ ବାରି ମ୍ବ୍ରେ ବାରି ଦରମ୍‌ ବାବ୍‌ରେ ମନେ ଆଃଏତେଚେ ଆପେକେ କୁସାମୁତି ଣ୍ତିଙ୍ଗ୍‌ଏ; 
\v 2 ପେଇଂନେ ଏତେ କୁଡ଼େଃ ବେଲା ଆନେଙ୍ଗ୍ ଡିରକମ୍ ସାହାସ୍ ରକମ୍‌ ବାଃଲିର୍‌ବାଃତା ଡିଙ୍ଗ୍‌ନେସା ଆପଡ଼େ ଣ୍ତୁ । ଡାଗ୍ଲା ଜାଣ୍ଡେଇଂ ମନେ ଡିଙ୍ଗ୍‌ଏ ଜେ ନେନେ ଗାଗ୍‌ଡ଼େନେ ନିତିନିୟମ୍‌ ରକମ୍‌ ଚାଲେନେଡିଂକେ ମେଁଇଂନେ ବିରଦ୍‌ରେ ଡାଟ୍‌ ବାଦୁଲ୍‌ ଡୁଙ୍ଗ୍‌ୱେନେ ଜାବର୍ ସାହାସ୍ ନେଙ୍ଗ୍‌ନେ ଲେଃକେ । 
\v 3 ଡାଗ୍ଲା ନେ ମଞ୍ଚ୍‌ପୁର୍‌ନ୍ନିଆ ବାସା ନେଲେଏ ସତ୍, ମାତର୍‌‌ ନେ ସଂସାର୍‌ନ୍ନିଆ ଏତେ ବାସା ନେଡିଙ୍ଗ୍‌ ଣ୍ତୁ, 
\v 4 ତେସା ନେ ସଂସାର୍‌ନେ ସାଜବାଜ ଗାଗ୍‌ଡ଼େ ଣ୍ତୁ, ସତ୍ରୁଇଂନେ ଡାଟ୍‌ ଗାଲିସାପା ଦଂସ ଡିଙ୍ଗ୍‌ନେ ସା ଇସ୍‌ପର୍‌ନେ ଆତେନ୍‌ ବପୁ ବାନ୍ ଦଂସ ଆଡିଙ୍ଗ୍ ନେବିଏ । 
\v 5 ଇସ୍‌ପର୍‌ନେ ଗ୍ୟାନ୍‌କେ ବିରଦ୍ ଡିଙ୍ଗ୍‌ମ୍ୟାକ୍ନେ ସାପା ଚ୍ଲେ ସାମୁଆଁ ଦଂସ ଡିଙ୍ଗ୍‌ଲେ । ବାରି ରେମୁଆଁନେ ସାପା ଚିନ୍ତାକେ କିସ୍‌ଟନେ ଆଦେସ୍‌ ମାନେଃଲେ । 
\v 6 ଆଣ୍ଡିନେ ରେମୁଆଁ ସମାନ୍‌ ବାବ୍‌ରେ କ୍ରିସ୍ଟକେ ଅମାନି ଡିଙ୍ଗ୍‌ଏ ନେନେ ଆମେକେ ଡଣ୍ଡ୍‍ ବିନ୍‌ସା ତିଆର୍ ନେଲେକେ । ମାତର୍‌‌ ସେନୁଗ୍‌ ନେନେ ଇକ୍‌ଚା ନେଡିଙ୍ଗ୍‌ଏ ଜେ ପେଇଂ ମେଁନେ ଆଦେସ୍‌ ମାନେପା ।
\p
\v 7 ପେନେ ପିତୁର୍‌ପାକା ମେଃମେଃନେ ସାପା ଗଟେଡିଂକେ କେଲାପା । ପେଇଂନେ ବିତ୍ରେ ଜାଣ୍ଡେ କିସ୍‌ଟନେ ବିସ୍‌ବାସି ଲେଃଆର୍‌କେ ଲେଃ ? ଜଦି ଲେଃଆର୍‌କେ ତେଲା ମେଁ ଆର୍‌ମୁଇଂତର୍‌ ଏନ୍‌ ଚିନ୍ତା ଡିଙ୍ଗ୍ କେଲାପା । ଡାଗ୍ଲା ମେଁନେ ରକମ୍‌ ନେନେ ଡିଗ୍ କିସ୍‌ଟନେ ବିସ୍‌ବାସି । 
\v 8 ଆପେକେ ଦଂସ ଆଡିଙ୍ଗ୍ ନ୍‌ସା ଣ୍ତୁ, ମାତର୍‌ ଆରେ ନ୍‌ସା ଇସ୍‌ପର୍ ଆନେକେ ମୁଡ଼ିନେ ଅଦିକାର୍ ବିବକେ, ଆତେନ୍‌ ସା ଜଦି ନେଙ୍ଗ୍ ମାଲେ ଗରବ୍‌ ଣ୍ତିଙ୍ଗ୍‌ଏ, ତେଲା ଗିଆସ ନାଡିଙ୍ଗ୍‌ ଣ୍ତୁ । 
\v 9 ନେଙ୍ଗ୍ ନେଙ୍ଗ୍‌ନେ ଚିଟି ବାନ୍ ଆପେକେ ବାଃଟନ୍‌ସା ଚେସ୍‌ଟା ଡିଙ୍ଗ୍‌ଣ୍ତିଂକେ ଡାଗ୍‌ଚେ ପେଇଂ ଆଏତେଗେପା । 
\v 10 ଜାଣ୍ଡେ ଜାଣ୍ଡେ ବାସଙ୍ଗ୍‌ଆର୍‌ଏ “ପାଉଲ୍‌ନେ ଚିଟିଇଂ ବାଦେକେ ରକମ୍ ବାରି ଗୁଆକେ ରକମ୍ ମାତର୍‌‌ ନେ ଏତେ ଲେଃକେଲା ମେଁନେ ଗାଗ୍‌ଡ଼େ ରୁଗଚ୍ୟା ତ୍ନାମ୍ୟାକେ ବାରି ମେଁନେ ସାମୁଆଁ ଦଦ୍ୟା‌ ରକମ୍‌ ଲାଗେଏ ।” 
\v 11 ଆତେନ୍‌ ରେମୁଆଁଇଂନେ ବୁଜେନେ ଦର୍‌କାର୍ ଜେ ନେନେ ସ୍ଲ ବାନ୍ ଚିଟିନ୍ନିଆ ମେଃମେଃନେ ନେଗୁଆର୍‌ଏ ସାମ୍‌ନାନ୍ନିଆ ଆମେକେ ସ୍ଲେନିଆ ବେବ‍ଆର୍‌ ନେଡିଙ୍ଗ୍‌ଏ ।
\p
\v 12 ଡାଗ୍ଲା ଜାଣ୍ଡେଇଂ ଆତ୍ମା ପ୍ରସଂସା ଡିଙ୍ଗ୍ଆର୍‌ଏ ମେଁଇଂନେ ବାନ୍ ଜାଣ୍ଡେ ଜାଣ୍ଡେ ଏତେ ନିଜେ ନିଜେକେ ତୁଲ୍‌ନା ଡିଙ୍ଗ୍‌ନେସା ନେ ସାହାସ୍ ନେଡିଙ୍ଗ୍‌କେ ଣ୍ତୁ; ମାତର୍‌‌ ମେଇଂ ନିଜେ ନିଜେ ନିଜର୍ ନିଜର୍‌ବାନ୍ ନିଜର୍ ନିଜର୍‌ନେ ଇସାବ୍‌ ବାରି ନିଜର୍ ନିଜର୍ ଏତେ ନିଜର୍ ନିଜର୍‌ନେ ରକମ୍‌ ଡିଙ୍ଗ୍‌ଚେ ମୁର୍କ ଆତ୍ନା ବକେ । 
\v 13 ଆନେକେ ମୁଡ଼ିନେ କାମ୍ ବିବ ଆର୍‌କେ ଆତ୍‌ବାନ୍ ସିମା ଗାଲେଗ୍‌ଚେ ଅଃନାଡିଗ୍ ଗରବ୍‌ନେ ସାମୁଆଁ ନେବାସଙ୍ଗ୍‌ ଣ୍ତୁ । ପର୍‌ମେସର୍‌ନେ ବିଃକ୍ନେ କାମ୍ ନ୍‌ସା ନେନେ ନିଜେ ଗରବ୍‌ ନେଡିଙ୍ଗ୍ଏ । ଏନ୍‌ କାମ୍ ପେଇଂନେ ଏତେ ନେନେ କାମ୍‍କେ ଡିଗ୍ ପାକାପାକି ଡିଙ୍ଗ୍‌ଏ । 
\v 14 ଆତେନ୍‌‌ସା ନେନେ ସେନୁଗ୍‌ କିସ୍‌ଟନେ ନିମାଣ୍ତା ସାମୁଆଁ ପେଇଂନେ ଡାଗ୍ରା ଡୁଙ୍ଗ୍‌ ୱେନେ ବେଲା ମେଃଡିଗ୍‌ ସିମା ବାଏରେନେ କାମ୍ ନେଡିଙ୍ଗ୍‌କେ ଣ୍ତୁ । 
\v 15 ନେନେ ବିନ୍‌ଣ୍ଡ୍ରେ ବାନ୍ ଆଡିଙ୍ଗ୍‌ବକ୍ନେ କାମ୍ ନ୍‌ସା ଣ୍ତୁ ମାତର୍‌‌ ନିଜେ ଡିଙ୍ଗ୍‌ବକ୍ନେ କାମ୍ ନ୍‌ସା ଗରବ୍‌ ଡିଂନେଡିଙ୍ଗ୍‌ଏ । ନେନେ ଆସା ନେଡିଙ୍ଗ୍‌ଏ ଜେ ପେଇଂନେ ବିସ୍‌ବାସ୍‌ ମ୍ନାନେ ଏତେ ନେନେ କାମ୍ ଜାବର୍ ବାବ୍‌ରେ ମ୍ନାନେ ପେଇଂ ସାଇଜ ପେଡିଙ୍ଗ୍‌ଏ । 
\v 16 ତେଲା ବିନ୍‌ଣ୍ଡ୍ରେ ଡିଙ୍ଗ୍‌ବକ୍ନେ କାମ୍ ଆଡ଼ାତ୍ରା ଗରବ୍‌ ମାଡିଙ୍ଗ୍‌ଚେ ପେଇଂନେ ଗିରା ବାଏରେ ବିନ୍ ଦେସ୍‌ନ୍ନିଆ ଡିଗ୍ ନେନେ ନିମାଣ୍ତା ସାମୁଆଁ ବାସଙ୍ଗ୍‌ ନେୟାଏ ।
\p
\v 17 ଦର୍ମ ସାସ୍ତର୍‌ନ୍ନିଆ ଗ୍ନୁଆର୍‌ଲେଃକେ “ଜାଣ୍ଡେ ଗରବ୍‌ ଡିଙ୍ଗ୍‌ନେ ଚାଏଁଏ ମେଁ ମାପ୍ରୁନେ କାମ୍ ନ୍‌ସା ଗରବ୍‌ ଡିଙ୍ଗ୍‌ଲେ ।” 
\v 18 ଡାଗ୍ଲା ଜାଣ୍ଡେ ନିଜର୍ ପ୍ରସଂସା ଡିଙ୍ଗ୍‌ଏ, ମେଁ ପରିକ୍ୟା ନିମାଣ୍ଡା ଣ୍ତୁ, ମାତର୍‌ ମାପ୍ରୁ ଜାଣ୍ତେନେ ପ୍ରସଂସା ଡିଙ୍ଗ୍‌ଏ, ମେଁନେ ପରିକ୍ୟା ନିମାଣ୍ଡା ।
\c 11
\s ପାଉଲ୍ ବାରି ମିଚୁଆ ସିସ୍‌
\p
\v 1 ନେଙ୍ଗ୍ ଚାଏଁଣ୍ତିଂକେ ମେଃଡିଗ୍‌ ବିସୟ୍‌ନ୍ନିଆ ଇତୁଡ଼ା ମୁର୍କ ଡିଙ୍ଗ୍‌ଲା ଡିଗ୍ ପେଇଂ ଆନେଙ୍ଗ୍ ସମ୍ବାଲେ ପେଡିଙ୍ଗ୍‌ଏ । 
\v 2 ପେଇଂନେ ବିସୟ୍‌ନ୍ନିଆ ମୁଇଙ୍ଗ୍ ଦରମ୍ ଇଂସା ମନ୍‌ ନେଙ୍ଗ୍ ମନ୍‌ନ୍ନିଆ ଲେଃକେ । ଡାଗ୍ଲା ପେଇଂ ପବିତ୍ର ସେଲା ରକମ୍‌ । ମୁଇଂ ଆଃ ଙ୍ଗିରେ କିସ୍‌ଟନେ ଏତେ ଆପେକେ ଆମିସୁ ବିଃନ୍‌ସା ନେଙ୍ଗ୍ ପାର୍‌ମାନ୍ ଡିଙ୍ଗ୍‌ମ୍ୱକେ । 
\v 3 ମାତର୍‌‌ ବୁବଃ ନିଜର୍ ଚାଲାକିନ୍ନିଆ ହବାକେ ଡିରକମ୍ ଆଃବାୟାକେ ଦେତ୍‌ରକମ୍ ଅଃନା ପେଇଂନେ ମନ୍ କିସ୍‌ଟନେ ଆଡ଼ାତ୍ରା ଦରମ୍‌ ବାରି ପବିତ୍ରତାବାନ୍‌ ନସ୍ଟ ଡିଙ୍ଗ୍‌ଏ ନେଙ୍ଗ୍‌ନେ ଏନ୍‌ ବୁଟମେଗ୍‌ ଡିଙ୍ଗ୍‌କେ । 
\v 4 ଡାଗ୍ଲା ଜାଣ୍ଡେ ଜଦି ପାଙ୍ଗ୍‌ଚେ ନେନେ ବାସଙ୍ଗ୍‌ ମ୍ୟାକ୍ନେ ଜିସୁକେ ଆଃତାର୍‌ଚେ ବିନ୍ ଆଣ୍ଡିନେ ଜିସୁନେ ସାମୁଆଁ ବାସଙ୍ଗ୍‌ ଆର୍‌ଏ ଣ୍ତୁଲା ପେଇଂ ବାକ୍ନେ ପବିତ୍ର ଆତ୍ମାକେ ଆଃତାର୍‌ଚେ ବିନ୍ ଆଣ୍ଡିନେ ପବିତ୍ର ଆତ୍ମାନେ ସାମୁଆଁ ବାସଙ୍ଗ୍ଏ ଣ୍ତୁଲା ପେଇଂ ଗ୍ର‍ଅନ୍‌ ଡିଙ୍ଗ୍‌କ୍ନେ ନିମାଣ୍ତା ସାମୁଆଁ ଆଃତାର୍‌ଚେ ବିନ୍ ଆଣ୍ଡିନେ ନିମାଣ୍ତା ସାମୁଆଁ ବାସଙ୍ଗ୍‌ଏ ପେଇଂ ସାହାସ୍ ସାଚେ ମେଁଇଂନେ ବାନ୍ ଅଁପେଡିଂକେ ।
\p
\v 5 ପେଇଂନେ ଆତେନ୍‌ “ମ୍ନା ପ୍ରେରିତ୍‌” ସିସ୍ଇଂନେ ବାନ୍ ନେଙ୍ଗ୍ ମେଃଡିଗ୍ ଗୁନ୍‌ନ୍ନିଆ ଡାଆଁ ଡିଙ୍ଗ୍‌ଚେ ବାବେ ନାଡିଙ୍ଗ୍‌କେ ଣ୍ତୁ । 
\v 6 ନେଙ୍ଗ୍ ମେଁଇଂନେ ରକମ୍‌ ଅସିକିତ୍‌ ବକ୍ତା ଣ୍ତୁ ମାତର୍‌‌ ନେଙ୍ଗ୍‌ନେ ଗ୍ୟାନ୍ ଲେଃକେ । ଆପେକେ ଏନ୍ ସାମୁଆଁ ନେନେ ସାପାବେଲା ବାସଙ୍ଗ୍‌ ନେପାଙ୍ଗ୍‌କେ ।
\p
\v 7 ନେଙ୍ଗ୍ ଆପେକେ ବିନା ମୁଲ୍ୟନ୍ନିଆ ପରମେସର୍‌ନେ ନିମାଣ୍ତା ସାମୁଆଁ ବାସଙ୍ଗ୍‌ ଣ୍ତିଙ୍ଗ୍‌କେ । ଆପେକେ ମ୍ନା ଆଡିଙ୍ଗ୍ ନ୍‌ସା ନେଙ୍ଗ୍ ନିଜେକେ ଡାଆଁ ଆଡିଙ୍ଗ୍‌ମ୍ୱକେ । ଏନ୍‌ ମେଃମେଃନେ ନେଙ୍ଗ୍‌ନେ ବୁଲ୍‌ ? 
\v 8 ପେଇଂନେ ବିତ୍ରେ କାମ୍ ଡିଙ୍ଗ୍‌କେଲା ନେଙ୍ଗ୍ ବିନ୍ ମଣ୍ତଲିଇଂନେବାନ୍‌ ନେଙ୍ଗ୍ ସାପା ସାଇଜ ବାନ୍ଲେକେ । ବାସଙ୍ଗ୍‌ନେ ୱେଲା ପେଇଂନେ ବଲ୍ ନ୍‌ସା ନେଙ୍ଗ୍ ଆମେଇଂକେ ଡଙ୍ଗା ମ୍ୱକେ । 
\v 9 \x + \xo ୧୧:୯ \xo*\xt ପିଲିପିୟ ୪:୧୫-୧୮.\xt*\x*ମାତର୍‌‌ ନେଙ୍ଗ୍ ପେଇଂ ବିତ୍ରେ ଲେଃକେଲା ଉଡ଼ିବେଲା ଅସ୍‌ବିଦା ଡିଙ୍ଗ୍‌ନ୍ଲେକେ ଆତେନ୍‌‌ ବେଲା ନେଙ୍ଗ୍ ଜାଣ୍ଡେ ରେମୁଆଁନେ ଲିଗିଙ୍ଗ୍ ରକମ୍‌ ଡିଙ୍ଗ୍ ନାନେ ଲେଃକେ ଡାଗ୍ଲା ମାସିଦୋନିଆବାନ୍ ବୟାଁଇଂ ପାଙ୍ଗ୍‌ଚେ ନେଙ୍ଗ୍‌ନେ ଅବାବ୍‌ ବର୍ତି ଆଡିଙ୍ଗ୍‌ବକେ ବାରି ମେଃଡିଗ୍ ବିସୟ୍‌ରେ ପେଇଂନେ ଲିଗିଙ୍ଗ୍ ରକମ୍‌ ଆଡିଙ୍ଗ୍ ନ୍‌ସା ନିଜର୍ ବିସୟ୍‌ନ୍ନିଆ ତରକ୍ ଡିଙ୍ଗ୍‌ନ୍ଲେକେ ବାରି ତରକ୍ ଡିଙ୍ଗ୍‌ନ୍ଲେଏ । 
\v 10 ନେଙ୍ଗ୍‌ ଡାଗ୍ରା ଲେଃକ୍ନେ କିସ୍‌ଟନେ ସତ୍‌କେ ସାକି ବଚେ ନେଙ୍ଗ୍ ବାସଙ୍ଗ୍‌ଣ୍ଡିଂ ଜେ ଆଖାୟା ଦେସ୍‌ନେ ମେଃଡିଗ୍ ଅଞ୍ଚଲ୍‌ନ୍ନିଆ ନେଙ୍ଗ୍‌ନେ ଏନ୍‌ ଗରବ୍‌କେ ଜାଣ୍ଡେ ବାଙ୍ଗେ ଆୟା ଣ୍ତୁ । 
\v 11 ନେଙ୍ଗ୍ ମେନ୍‌ସା ଦେକ୍‌ରକମ୍ ବାସଙ୍ଗ୍‌ଣ୍ଡିଂ ? ନେଙ୍ଗ୍ ମେଃନେ ଆପେକେ ଆଲାଦ୍ ଡିଂନାଡିଙ୍ଗ୍‌କେ ଣ୍ତୁ ? ଇସ୍‌ପର୍ ମ୍ୟାଲେଃକେ ଆପେକେ ନେଙ୍ଗ୍ ଉଡ଼ି ଆଲାଦ୍ ଡିଂଣ୍ଡିଂକେ ।
\p
\v 12 ନେଙ୍ଗ୍ ମେଃମେଃନେ ମ୍ବାସଙ୍ଗ୍‌ଏ ଆତେନ୍‌ ଡିଙ୍ଗ୍ ନ୍ଲେଃଏ ତେଲା ନେନେ ରକମ୍‌ କାମ୍ ଡିଙ୍ଗ୍‌ଆର୍‌ଡିଂକେ ଡାଗ୍‌ଚେ “ବିନ୍ ମ୍ନା ପ୍ରେରିତ୍‌” ଗରବ୍‌ ଡିଙ୍ଗ୍‌ଆର୍‌ଏ, ମେଇଂ ବାରି ଆତେନ୍‌ ଡିଙ୍ଗ୍ ଆୟାଆର୍‌ ଣ୍ତୁ । 
\v 13 ମେଇଂ ବେକ୍ନେ ସିସ୍ ଣ୍ଡୁ ମେଇଂ ସାପାରେ ବଣ୍ତ । ମେଇଂ ନିଜର୍ କାମ୍ ବିସୟ୍‌ରେ ମିଚ୍ ବାସଙ୍ଗ୍‌ଆର୍‌ଏ ବାରି କିସ୍‌ଟନେ ବେବକ୍ନେ ସିସ୍‌ ରକମ୍‌ ଆତ୍ନାନେ ସା ବିନ୍‌ ମୁର୍ତି ସାଃଆର୍‌ଏ । 
\v 14 ଏନ୍‌ସା ଇରିଆତୁଗ୍ ଡିଙ୍ଗ୍‌ନେ ମେଃଡିଗ୍ ଣ୍ତୁ ଡାଗ୍ଲା ସେଃଆଁରେ ଡିଗ୍ ତାର୍କିଗ୍‌ରେ କିତଂନେ ଦୁତ୍ ରକମ୍‌ ଆସୁଏ ନ୍‌ସା ବିନ୍‌ ରୁପ୍‌ ସାଃଲେଃଏ । 
\v 15 ତେସା ମେଁନେ ଗତିରେଇଂ ଦରମ୍‌ନେ ଗୁତିରେନେ ବିନ୍‌ ମୁର୍ତି ସାଃ ଲେଃଲା ଇରିଆତୁଗ୍ ଡିଙ୍ଗ୍‌ନେ ମେଃଡିଗ୍ ଣ୍ତୁ ମାତର୍‌‌ ଇଡ଼ିଙ୍ଗ୍ ମେଁଇଂନେ କାମ୍ ଡିଙ୍ଗ୍‌କ୍ନେ ଡଣ୍ଡ୍‍ ମେଇଂ ବଗେଆର୍‌ଏ ।
\s ବେବକ୍ନେ ସିସ୍‌ ରକମ୍‌ ପାଉଲ୍‌ ଡଣ୍ତ୍‌ବାନେ
\p
\v 16 ନେଙ୍ଗ୍ ଆର୍‌ମୁଇଂତର୍‌ ବାସଙ୍ଗ୍‌ଣ୍ଡିଂ ଜାଣ୍ଡେ ଡିରକମ୍ ଆନେଙ୍ଗ୍ ମୁର୍କ ଡାଗ୍‌ଚେ ମନେ ଆଡିଙ୍ଗ୍‌ଲେଃ । ଜଦି ଦେତ୍‌ରକମ୍ ମନେ ଡିଙ୍ଗ୍‌ଏ ତେଲା ଆନେଙ୍ଗ୍ ମୁର୍କ ବାବ୍‌ରେ ଗ୍ର‍ଅନ୍‌ ଡିଙ୍ଗ୍‌ପା ତେଲା ନେଙ୍ଗ୍ ଡିଗ୍ ଇକୁଡ଼ା ଗରବ୍‌ ଡିଙ୍ଗ୍‌ୟାଏ । 
\v 17 ଏବେ ନେଙ୍ଗ୍ ମେଃମେଃନେ ବାସଙ୍ଗ୍‌ଣ୍ଡିଂ, ଆତେନ୍‌ସା ମାପ୍ରୁ ଆନେଙ୍ଗ୍ ଆଦେସ୍‌ ବିଆବକେ ଣ୍ତୁ । ଡାଗ୍ଲା ସାଆସ୍‌ରେ ଗରବ୍‌ ଡିଙ୍ଗ୍‌ନେ ବିସୟ୍‌ରେ ନେଙ୍ଗ୍ ସତେଆ ମୁର୍କ ରକମ୍‌ ସାମୁଆଁ ବାସଙ୍ଗ୍‌ଣ୍ଡିଂ । 
\v 18 ମାତର୍‌‌ ସଂସାର୍‌ନେ ବିସୟ୍‌ନ୍ନିଆ ଗୁଲୁଏ ରେମୁଆଁ ଡିରକମ୍ ଗରବ୍ ଡିଙ୍ଗ୍‌ଆର୍‌ଏ ନେଙ୍ଗ୍ ଡିଗ୍ ଦେତ୍‌ରକମ୍ ଗରବ୍‌ ଡିଙ୍ଗ୍ ପାରେ 
\v 19 ପେଇଂ ଗ୍ୟାନି ଡିଙ୍ଗ୍‌ଚେ ଡିଗ୍ ସାର୍ଦାରେ ମୁର୍‌କଇଂକେ ସାମ୍ୱାଲେ ପେଡିଙ୍ଗ୍‌କେ । 
\v 20 ଜାଣ୍ଡେ ଆପେକେ ଚାକର୍ ଆଡିଙ୍ଗ୍‌ଚେ ବଏ ପେଇଂନେ ସମ୍ପତି ସାପା ଡୁଙ୍ଗ୍‌ୱେଏ ଆପେକେ ପାନ୍ଦ୍‌ନ୍ନିଆ ତ୍ଲାଗ୍‌ଏ ଆପେକେ ଇଙ୍ଗ୍‌ଚେ ଆର୍‌କେ ଦେକ୍‌ରକମ୍ କି ପେନେ ଗିଙ୍ଗିଙ୍ଗ୍‌ନ୍ନିଆ ମୁଇଂ ଚାପଡ଼୍‌ ବଗ୍‌ଲା ଡିଗ୍ ପେଇଂ ଆମେକେ ସମ୍ୱାଲେ ଲାଲାପା । 
\v 21 ନେଙ୍ଗ୍ ଗିଆସଚେ ଗ୍ର‍ଅନ୍‌ ଣ୍ତିଙ୍ଗ୍‌କେ ଜେ ଏନ୍‌ ସାପା ବିସୟ୍‌ରେ ନେଙ୍ଗ୍ ଜାବର୍ ଅସକ୍‌ତିଆ ।
\p ମାତର୍‌‌ ବିନ୍ ମେଃଡିଗ୍ ବିସୟ୍‌ରେ ଜାଣ୍ଡେ ଜଦି ଗରବ୍‌ ଡିଙ୍ଗ୍‌ନେ ସା ସାହାସ୍ ଡିଙ୍ଗ୍‌ଏ ତେଲା ମୁର୍କ ରକମ୍‌ ନେଙ୍ଗ୍ ବାସଙ୍ଗ୍‌ଣ୍ଡିଂ ନେଙ୍ଗ୍‌ନେ ଦେତ୍‌ରକମ୍ ସାଆସ୍ ଲେଃକେ । 
\v 22 ମେଇଂ ମେଃମେଃନେ ଏବ୍ରୀ ବାସାଣ୍ଡ୍ରେ ? ନେଙ୍ଗ୍ ଡିଗ୍ ଏବ୍ରୀ ବାସାଣ୍ଡ୍ରେ । ମେଇଂ ମେଃନେ ଇଶ୍ରାଏଲ୍‌ନେ ରେମୁଆଁ ? ନେଙ୍ଗ୍ ଡିଗ୍ ଇଶ୍ରାଏଲ୍‌ନେ ରେମୁଆଁ । ମେଇଂ ମେଃମେଃନେ ଅବ୍ରାହାମ୍‌ନେ କୁଲ୍‌ବଂସ ? ନେଙ୍ଗ୍ ଡିଗ୍ ଅବ୍ରାହାମ୍‌ନେ କୁଲ୍‌ବଂସ । 
\v 23 \x + \xo ୧୧:୨୩ \xo*\xt ପ୍ରେରିତ୍‌ ୧୬:୨୩.\xt*\x*ମେଇଂ ମେଃମେଃନେ କିସ୍‌ଟନେ ସେବାରେ ? ନେଙ୍ଗ୍ ବାୟା ରକମ୍‌ ବାସଙ୍ଗ୍‌ଣ୍ଡିଂ ନେଙ୍ଗ୍ ମେଁଇଂନେ ବାନ୍ ମ୍ନା ସେବାରେ । ନେଙ୍ଗ୍ ମେଁଇଂନେ ବାନ୍ ମାଲେ କସ୍ଟ ଡିଙ୍ଗ୍‌ମ୍ୱକେ ଜାବର୍ ଜେଲ୍‌ ୱେନେଲେଃକେ ବାରି ଡୁଡୁ ଏତେ ବଗ୍‌କ୍ନେ ସାମ୍ୱାଲେ ନ୍‌ଲେଃକେ ବାରି ପ୍ରେଗ୍‌ପ୍ରେଗ୍‌ ଗୁଏନ୍ନିଆ ସାମ୍‌ନା ଡିଙ୍ଗ୍‌ନ୍ଲେକେ । 
\v 24 ମାଲ୍‌ତର୍‌ ନେଙ୍ଗ୍ ଜିଉଦିଇଂନେବାନ୍‌ ଅନ୍‌ଚାଲିସ୍‌ ଡୁଡୁମାଡ଼୍‌ ଚଙ୍ଗ୍‌ନ୍ଲେକେ । 
\v 25 ରୋମୀୟଇଂନେବାନ୍‌ ଞ୍ଜିତର୍ ଚାବୁକ୍‌ ମାଡ୍‌ ଚଙ୍ଗ୍‌ନ୍ଲେକେ । ମୁଇଂତର୍‌ ବ୍ରି ମାଡ୍‌ ଚଙ୍ଗ୍‌ନ୍ଲେକେ । ଞ୍ଜିତର୍ ଜାଆଜ୍‌ ଗଟ୍‌ନାନେ ସାମ୍‌ନା ଡିଙ୍ଗ୍‌ନ୍ଲେକେ ବାରି ମୁଇଂତର୍‌ କେଣ୍ତିଆ ଣ୍ତିଆନ୍ନିଆ ୪୪ ଗଣ୍ଟା ନ୍‌ଲେଃକେ । 
\v 26 \x + \xo ୧୧:୨୬ \xo*\xt ପ୍ରେରିତ୍‌ ୯:୨୩; \xt*\xt ପ୍ରେରିତ୍‌ ୧୪:୫.\xt*\x*ଗୁଲୁଏ ତର୍ ୱେନେ ବେଲା ଲଣ୍ତିଆନେ ବୁରାଣ୍ତ୍ୟାନ୍ନିଆ ଡଙ୍ଗାରେଇଂନେ ବିପଦ୍‌ନ୍ନିଆ ନିଜର୍ ଜିହୁଦି ବାନ୍ ବିପଦ୍‌ନ୍ନିଆ ଜିହୁଦି ଅଣଜିଉଦି ବାନ୍ ବିପଦ୍‌ନ୍ନିଆ ସହର୍‌ନେ ବିପଦ୍‌ନ୍ନିଆ କଣ୍ଡା ବିପଦ୍‌ନ୍ନିଆ କେଣ୍ତିଆନେ ବିପଦ୍‌ନ୍ନିଆ ସାମ୍‌ନା ଡିଙ୍ଗ୍‌ନ୍ଲେକେ । 
\v 27 ଜାବର୍ କସ୍ଟ ଡିଙ୍ଗ୍‌ନ୍ଲେକେ ବାରି ଦୁକ୍‌କସ୍ଟ ବଗେ ନ୍‌ଲେଃକେ ଲେମୁଆଃ ବାରି କେଡ଼େସ ଉଗ୍‌ଡ୍ୟା ଗୁଲୁଏ ଦିନ୍ କାଟେମ୍ୱକେ ଦର୍‌କାର୍‌ନେ ବଲେ ପାଟାଇ ବାରି ଲେଃନେ ଜାଗା ଅବାବ୍‌ରେ ଗୁଲୁଏ କସ୍ଟ ସାମ୍ୱାଲେମ୍ୱକେ । 
\v 28 ବାକି ସାପା ବିସୟ୍ ଆଃତାର୍‌ଚେ କାଲାଆଃ ନେଙ୍ଗ୍ ଆଡ଼ାତ୍ରା ମଣ୍ତଲି ଚିନ୍ତା ପାଙ୍ଗ୍‌କେ । 
\v 29 ଜାଣ୍ଡେ ଜଦି ଅସକ୍‌ତିଆ ଡିଙ୍ଗ୍‌ୱେଏ, ନେଙ୍ଗ୍ ଡିଗ୍ ମେଁ ଏତେ ଅସକ୍‌ତିଆ ମନେ ଡିଂଣ୍ଡିଂକେ । ଜାଣ୍ଡେ ପାପ୍ ଡିଙ୍ଗ୍‌ଲା, ନେଙ୍ଗ୍ ମନେ କସ୍ଟ ବ୍‌ବା ଣ୍ତିଂକେ ।
\p
\v 30 ଜଦି ଗରବ୍‌ ଡିଙ୍ଗ୍‌ନେ ଡିଙ୍ଗ୍‌ଏ ତେଲା ନେଙ୍ଗ୍‌ନେ ଏନ୍‌ ସାପା ଅସକ୍‌ତିଆ ନ୍‌ସା ଆନେଙ୍ଗ୍ ଗରବ୍‌ ଡିଙ୍ଗ୍‌ନେ ପଡ଼େଏ । 
\v 31 ନେଙ୍ଗ୍ ମିଚ୍ ନାବାସଙ୍ଗ୍‌କେ ଣ୍ତୁ । ମେଁ ମ୍ୟାଲେଃକେ ଜେ ମାପ୍ରୁ ଜିସୁ କିସ୍‌ଟନେ ଆବା ଇସ୍‌ପର୍‌ନେ ଜୁଗ୍‌ ଜୁଗ୍‌ ଦନ୍ୟ ଡିଙ୍ଗ୍‌ଲେଃ । 
\v 32 \x + \xo ୧୧:୩୨ \xo*\xt ପ୍ରେରିତ୍‌ ୯:୨୩-୨୫.\xt*\x*ନେଙ୍ଗ୍ ଦାମାସ୍କସ୍‌ନ୍ନିଆ ଲେଃନେବେଲା ଇଃସାଙ୍ଗ୍‌ ଆରେଟସ୍‌ନେ ଡାଗ୍ରା ସାସନ୍‌ ଡିଂଣ୍ଡ୍ର ଆନେଙ୍ଗ୍ ବନ୍ଦି ଆଡିଙ୍ଗ୍ ନ୍‌ସା ସହର୍‌ନେ ପିତୁର୍‌ପାକା ଉର୍‌ଣ୍ଡ୍ରେକେ ଆଉର୍ ବକେ । 
\v 33 ମାତର୍‌‌ ଆନେଙ୍ଗ୍ ଚାଟ୍‌ନା ଏତେ ନଗର୍ ବାଏରେ ଜର୍‌କା ପାକା ଆଃଜାର୍‌ ବିଃ ଆର୍‌କେ । ଦେକ୍ ରକମ୍‌ ବାବ୍‌ରେ ନେଙ୍ଗ୍ ଆତେନ୍‌ ସାସନ୍‌ ଡିଂଣ୍ଡ୍ରେନେ ବାନ୍ ରକ୍ୟା ବାନ୍ଲେଃ । \fig ସହର୍‌ନେ ଗାଲି ଆରି କାନ୍ଥ୍|alt="Entrance to the city gate and wall" src="hk00238c.tif" size="col" copy="Horace Knowles ©" ref="୧୧:୩୨"\fig*
\c 12
\s ପାଉଲ୍ ମୁଆଃ କିକେନେ
\p
\v 1 ମେଃଡିଗ୍ ଲାବ୍‌ ଆଡିଙ୍ଗ୍‌ଲା ଡିଗ୍ ଆନେଙ୍ଗ୍ ଏଲେଡିଗ୍ ଗରବ୍‌ ଡିଙ୍ଗ୍‌ନେ ପଡ଼େଏ । ମାତର୍‌‌ ମାପ୍ରୁ ଆନେଙ୍ଗ୍ ଆଣ୍ଡିନେ ସାପା ମୁଆଃ କିକେନେ ବାରି ସାପା ବିସୟ୍ ଆନେଙ୍ଗ୍ ବିବକେ ଆତେନ୍‌ ନେଙ୍ଗ୍ ମ୍ବାସଙ୍ଗ୍‌ଏ । 
\v 2 କ୍ରିସ୍ଟିୟାନ୍‌ ରେମୁଆଁ ମୁଇଙ୍ଗ୍ ଗଅଁ ମୁଆଁ ଇଡ଼ିଙ୍ଗ୍ ଞ୍ଜି କିତଂନ୍ନିଆ ୱେଲେଃକେ ମେଁ ଗାଗ୍‌ଡ଼େନ୍ନିଆ ଲେଃକେ ଣ୍ତୁଲା ଗାଗ୍‌ଡ଼େ ବାଏରେ ଲେଃକେ ନେଙ୍ଗ୍ ନାମ୍ୟାକେ ଣ୍ତୁ ଆତେନ୍‌ ମାତର୍‌ ଇସ୍‌ପର୍ ମ୍ୟାଲେଃକେ । 
\v 3 ଅଁ, ଦେକ୍‌ରକମ୍ ରେମୁଆଁକେ ନେଙ୍ଗ୍ ମ୍ୟାନ୍ଲେକେ ମେଁ କିତଂଇନିନ୍ନିଆ ଡୁଂୱିଗ୍‌ବକେ । ମେଁ ଗାଗ୍‌ଡ଼େନ୍ନିଆ ଲେଃକେ ଣ୍ତୁଲା ଗାଗ୍‌ଡ଼େ ବାଏରେ ଲେଃକେ ଆତେନ୍‌ ନେଙ୍ଗ୍ ନାମ୍ୟାକେ ଣ୍ତୁ । ମାତର୍‌ ଇସ୍‌ପର୍ ମ୍ୟାଲେକେ । 
\v 4 ଆଣ୍ଡିନେ ରେମୁଆଁ ବାନ୍ ବାସଙ୍ଗ୍‌ନେ ଡିଂଆୟା ଣ୍ତୁ । ଦେକ୍‌ରକମ୍ ସାମୁଆଁନିଆ ବାସଙ୍ଗ୍‌ ଆୟାକେ ରକମ୍‌ ବାରି ଆଃତର୍ସା ଆୟାକେ ରକମ୍‌ ସାମୁଆଁ ଅଁକେ । 
\v 5 ଏନ୍‌ ରେମୁଆଁ ନ୍‌ସା ନେଙ୍ଗ୍ ଗରବ୍‌ ଣ୍ତିଙ୍ଗ୍‌ଏ । ମାତର୍‌‌ ନିଜର୍ ଅସକ୍‌ତିଆ ଆଃତାର୍‌ଚେ ବିନ୍ ମେଃଡିଗ୍‌ ବିସୟ୍‌ନ୍ନିଆ ନେଙ୍ଗ୍ ଗରବ୍‌ ନାଡିଙ୍ଗ୍‌ ଣ୍ତୁ । 
\v 6 ଗରବ୍‌ ଡିଙ୍ଗ୍‌ନେ ଡାଗ୍ରା ମୁର୍କ ଆଡିଙ୍ଗ୍ ଣ୍ତୁ, ଡାଗ୍ଲା ନେଙ୍ଗ୍ ସତ୍ ସାମୁଆଁ ମ୍ୱାସଙ୍ଗ୍ଏ । ମାତର୍‌‌ ନେଙ୍ଗ୍ ଗରବ୍‌ ନାଡିଙ୍ଗ୍‌କେ ଣ୍ତୁ, ଡାଗ୍ଲା ନେଙ୍ଗ୍ ଚାଏଁଣ୍ତିଂକେ, ରେମୁଆଁ ଆନେଙ୍ଗ୍ ଡିରକମ୍ କାମ୍ ଡିଙ୍ଗ୍‌ନେ କେଆର୍‌ଏ ଣ୍ଡୁଲା ନେଙ୍ଗ୍‌ବାନ୍‌ ଡିରକମ୍ ସାମୁଆଁ ଅଁଆର୍‌ଏ, ମେଁବାନ୍‌ ଆନେଙ୍ଗ୍ ମ୍ନା ଡାଗ୍‌ଚେ ମନେ ଆଡିଙ୍ଗ୍‌ପା ।
\p
\v 7 ଏନ୍‌ସା ନେଙ୍ଗ୍ ଡିରକମ୍ ଜାବର୍ ଗରବ୍‌ ନାଡିଙ୍ଗ୍‌ ଣ୍ତୁ ଏନ୍‌ସା ଆନେଙ୍ଗ୍ ବଗ୍ ନ୍‌ସା ନେଙ୍ଗ୍‌ନେ ଗାଗ୍‌ଡ଼େନ୍ନିଆ ଗଲିଆନେ ଦୁତ୍‌ ରକମ୍‌ ମୁଇଙ୍ଗ୍ କାମ୍ ବିଆର୍‌କେ ଡିରକମ୍ ନେଙ୍ଗ୍ ଜାବର୍ ଗରବ୍‌ ନାଡିଙ୍ଗ୍‌ ଣ୍ତୁ ଏନ୍‌ସା ଆତେନ୍‌ ବିଆର୍‌କେ । 
\v 8 ଡିରକମ୍ ଆତେନ୍‌ ନେଙ୍ଗ୍‌ବାନ୍‌ ସ୍ଲ ଡିଙ୍ଗ୍‌ଏ ଏନ୍‌ସା ନେଙ୍ଗ୍ ମାପ୍ରୁକେ ଆତେନ୍‌ ବିସୟ୍‌ରେ ଞ୍ଜିତର୍ ପାର୍‌ତନା ଣ୍ତିଙ୍ଗ୍‌କେ । 
\v 9 ମାତର୍‌‌ ମେଁ ଆନେଙ୍ଗ୍ ବାସଙ୍ଗ୍‌କେ “ନେଙ୍ଗ୍‌ନେ ଲିବିସ ନାନେ ନ୍‌ସା ଜାବର୍ ନାନେ ଅସକ୍‌ତିଆ ଡିଙ୍ଗ୍‌ନେ ବେଲା ନେଙ୍ଗ୍‌ନେ ବପୁ ସମାନ୍ ବାବ୍‌ରେ ତ୍ନାଏ ।” ତେସା କିସ୍‌ଟନେ ବପୁ ନେଙ୍ଗ୍ ଆଡ଼ାତ୍ରା ଅଦିକାର୍ ଡିଙ୍ଗ୍‌ନେ ସା ନେଙ୍ଗ୍ ନେଙ୍ଗ୍‌ନେ ଅସକ୍‌ତିଆ ନ୍‌ସା ଜାବର୍ ଗରବ୍‌ ଣ୍ତୁଙ୍ଗ୍‌ଏ ବାରି ସାର୍ଦା ଣ୍ତିଙ୍ଗ୍‌ଏ । 
\v 10 ତେସା କିସ୍‌ଟନେ ନ୍‌ସା ସାପା ରକମ୍‌ ଅସକ୍‌ତିଆ ଅପମାନ୍‌ ଦୁକ୍ କସ୍ଟ ବାରି ଆପଦ୍‌ ବିପଦ୍‌ନ୍ନିଆ ନେଙ୍ଗ୍ ସାର୍ଦାରେ ଗ୍ର‍ଅନ୍‌ ଣ୍ତିଙ୍ଗ୍‌ଏ ଡାଗ୍ଲା ଉଡ଼ିବେଲା ନେଙ୍ଗ୍ ଅସକ୍‌ତିଆ ଆତେନ୍‌‌ ବେଲା ନେଙ୍ଗ୍ ବପୁମାନ୍‌ ।
\s କରିନ୍ଥିନେ ରେମୁଆଁଇଂନେ ନ୍‌ସା ପାଉଲ୍‌ନେ ବାବ୍‌ନା
\p
\v 11 ନେଙ୍ଗ୍ ମୁର୍କ ଡିଙ୍ଗ୍‌ନ୍ଲେକେ । ଏନ୍‌ ବାସଙ୍ଗ୍ ନ୍‌ସା ପେଇଂ ଆନେଙ୍ଗ୍ ଜବଡ଼୍‌ଜସ୍ତି ପେଡିଙ୍ଗ୍‌କେ ଡାଗ୍ଲା ନେଙ୍ଗ୍‌ନେ ପ୍ରସଂସା ଡିଙ୍ଗ୍‌ନେ ପେଇଂନେ ଦର୍‌କାର୍ ଲେଃକେ । ନେଙ୍ଗ୍ ମେଃଡିଗ୍ ଣ୍ତୁଲା ଡିଗ୍ ପେଇଂନେ ଆତେନ୍‌ “ମ୍ନାନେ ବେବକ୍ନେ ସିସ୍‌ଇଂନେବାନ୍‌” ମେଃଡିଗ୍ ଗୁନ୍‌ନ୍ନିଆ ଡାଆଁ ଣ୍ତୁ । 
\v 12 ନେଙ୍ଗ୍ ପେଇଂନେ ଏତେ ଲେଃନେ ବେଲା ମୁଇଙ୍ଗ୍ ବେବକ୍ନେ ଡାଗ୍‌ଚେ ପର୍‌ମାନ୍‌ ଡିଙ୍ଗ୍‌ବକ୍ନେ କାମ୍ ନେଙ୍ଗ୍ ଡିଙ୍ଗ୍‌ମ୍ୱକେ । ଗୁଲୁଏ ଚିନା କାବା ବାରି ଇରିଆତୁଗ୍‌ନେ କାମ୍ ଆଃସୁଏମ୍ୱକେ । ଏନ୍‌ ସାପା ନେଙ୍ଗ୍ ଗୁଲୁଏ ସାଆସ୍‌ ଏତେ ଡିଙ୍ଗ୍‌ମ୍ୱକେ । 
\v 13 ମାତର୍‌ ମୁଇଙ୍ଗ୍ ବିସୟ୍‌ରେ ବିନ୍‌ବିନ୍‌ନେ ମଣ୍ତଲିବାନ୍‌ ପେଇଂନେ ଏତେ ନେଙ୍ଗ୍‌ନେ ବାଃଲିର୍‌ବାଃତା ବିନେ ଡିଙ୍ଗ୍‌ଲେଃ । ଜଦି ନେଙ୍ଗ୍ ନିଜେ ଲିଗିଙ୍ଗ୍ ରକମ୍‌ ନାଡିଙ୍ଗ୍‌କେ ଣ୍ତୁ ତେଲା ଏନ୍‌ସା ଆନେଙ୍ଗ୍ ଲିବିସଚେ କେମା ଡିଙ୍ଗ୍‌ପା ।
\p
\v 14 ଞ୍ଜିତର୍‌ ନ୍‌ସା ପେଇଂନେ ଡାଗ୍ରା ୱେ ନ୍‌ସା ନେଙ୍ଗ୍ ତିଆର୍ ଡିଙ୍ଗ୍‌ନ୍ଲେକେ । ନେଙ୍ଗ୍ ପେନେବାନ୍‌ ମେଃଡିଗ୍ ବିସୟ୍ ନ୍ନାସାଲ୍ୟା ଣ୍ତୁ । ନେଙ୍ଗ୍ ଆପେକେ ଚାଏଁଣ୍ତିଂକେ । ପେଇଂନେ ଦନ୍ ସମ୍ପତି ଣ୍ତୁ । ଡାଗ୍ଲା ଆବା ଇୟାଙ୍ଗ୍‌ନେ ସା ଗଡ଼େଇଂ ଆଆର୍ଜେ ଆର୍‌ଣ୍ତୁ ଆବା ଇୟାଙ୍ଗ୍ ଗଡ଼େଇଂ ନ୍‌ସା ଆର୍ଜେ ବ ଆର୍‌ଏ 
\v 15 ଏନ୍‌ସା ନେଙ୍ଗ୍ ଡାଗ୍ରା ମେଃମେଃନେ ଲେଃକେ ନେଙ୍ଗ୍ ସାର୍ଦାନେ ଏତେ ଆପେକେ ମ୍ୱିଏ । ପେଇଂନେ ସା ନେଙ୍ଗ୍ ନିଜେକେ ଡିଙ୍ଗ୍ ମ୍ୱିଏ । ଜଦି ନେଙ୍ଗ୍ ଆପେକେ ଜାବର୍ ବଲ୍ ମ୍ୱାଏ ତେଲା ପେଇଂ ମେଃନ୍‌ସା ଆନେଙ୍ଗ୍ ଆଲାଦ୍‌ନ୍ନିଆ ଗଣ୍ତା ଆଲାଦ୍‌ ପେଡିଙ୍ଗ୍‌ଏ ?
\p
\v 16 ନେଙ୍ଗ୍ ପେଇଂନେ ଆଡ଼ାତ୍ରା ଲିଗିଙ୍ଗ୍ ରକମ୍‌ ନାଡିଙ୍ଗ୍‌କେ ଣ୍ତୁ । ଏନ୍‌ ସାମୁଆଁ ପେଇଂ ସତେଆ ଗ୍ର‍ଅନ୍‌ ପେଡିଙ୍ଗ୍‌ଏ । ମାତର୍‌‌ ପେଇଂନେ ଡାଗ୍ରାବାନ୍‌ ଜାଣ୍ଡେ ବାସଙ୍ଗ୍‌ ୟାଆର୍‌ଏ ନେଙ୍ଗ୍ ଚାଲାକି ବାବ୍‌ରେ ମିଚ୍ ବାସଙ୍ଗ୍‌ଚେ ଆପେକେ ଉନୁବଃନ୍ନିଆ ତ୍ଲାଗ୍‌ମ୍ୱକେ । 
\v 17 ପେଇଂନେ ଡାଗ୍ରା ଆଣ୍ତିନେଣ୍ଡ୍ରେକେ ବେମ୍ୱକେ ମେଁଇଂନେ ବିତ୍ରେ ଜାଣ୍ତେନେ ବାନ୍ ନେଙ୍ଗ୍ ମେଃଡିଗ୍ ପେଇଂନେବାନ୍‌ ମେଃଡିଗ୍ ସୁବିଦା ଅଦିକାର୍‌ ଡିଙ୍ଗ୍‌ମ୍ୱକେ ? 
\v 18 ପେଇଂନେ ଡାଗ୍ରା ୱେନେ ସା ନେଙ୍ଗ୍ ତିତସ୍‌କେ କୁସାମୁତି ଣ୍ତିଙ୍ଗ୍‌କେ ବାରି ମେଁନେ ଏତେ ବୟାଁଇଂକେ ମ୍ୱେକେ । ତିତସ୍‌ ପେଇଂନେବାନ୍‌ ମେଃଡିଗ୍ ସୁବିଦା ଅଦିକାର୍‌ ଡିଙ୍ଗ୍‌ବକେ ଡାଗ୍‌ଚେ ଜାଣ୍ଡେ ବାସଙ୍ଗ୍‌ ପେୟାଏ ? ନେ ମେଁନେ ମୁଇଙ୍ଗ୍ ମନ୍‌ନ୍ନିଆ ବାଃଲିର୍‌ବାଃତା ନେଡିଙ୍ଗ୍‌କେ ଣ୍ତୁ ? ନେ ମେଁନେ ମୁଇଙ୍ଗ୍ ଞ୍ଚ ଚିନ୍‌ନ୍ନିଆ ନେୱେକେ ଣ୍ତୁ ?
\p
\v 19 ଏଃଜାକ ପେଇଂ ବାବେ ପେଡିଙ୍ଗ୍‌କେ ଜେ, ନେ ପେଇଂନେ ଡାଗ୍ରା ଦସ୍ ଆଃଡିଙ୍ଗ୍‌ନେବକେ । ଇସ୍‌ପର୍‌ନେ ସେଃମଁ କ୍ରିସ୍ଟ ଆନେକେ ବାସଙ୍ଗ୍‌କେ ଡାଗ୍‌ଚେ ନେ ଆପେକେ ନେବାସଙ୍ଗ୍‌କେ । ନିଜର୍‌ ବନ୍ଦୁଇଂ, ନେ ମେଃ ମେଃନେ ନେଡିଙ୍ଗ୍‌ଏ, ଆତେନ୍‌ ମାତର୍‌ ପେଇଂନେ ବଲ୍ ନ୍‌ସା ନେଡିଙ୍ଗ୍‌କେ । 
\v 20 ଡାଗ୍ଲା ନେଙ୍ଗ୍‌ନେ ବୁଟମେଗ୍‌ ଡଡିଂକେ ନେଙ୍ଗ୍ ପେଇଂନେ ଡାଗ୍ରା ୱେଚେ ଆପେକେ ଡିରକମ୍ କେନ୍‌ସା ଇକ୍‌ଚା ଡିଙ୍ଗ୍‌ଣ୍ତିଂକେ ଦେତ୍‌ରକମ୍ କେନ୍‌ସା ନାବା ଣ୍ତୁ ବାରି ପେଇଂ ନେଙ୍ଗ୍‍ନେ ଆଣ୍ଡିନେ ରୁପ୍‌ କେନ୍‌ସା ଇକ୍‌ଚା ପେଡିଙ୍ଗ୍‌କେ ଣ୍ତୁ ଡିଙ୍ଗ୍‌ପାରେ ଆତେନ୍‌ କେନ୍‌ସା ପେବାଏ । ଡିଙ୍ଗ୍‌ପାରେ ଆତ୍‌ଅରିଆ ୱେଚେ ନେଙ୍ଗ୍ ବିନ୍‌ବିନ୍ ରକମ୍‌ କଲ୍‌କଲା, ଇଂସା, ଗିସେଃ, ନିଜେ ନ୍‌ସା କିକେଣ୍ଡ୍ରେ, ବିନ୍‌ଣ୍ଡ୍ରେନେ ସେବା, ଗରବ୍‌ ବାରି ନ୍‌ଲୁଗ୍‌ନ୍ନିଆ ବାସଙ୍ଗ୍‌ନେ କେନ୍‌ସା ପେବାଏ । 
\v 21 ଏକ୍ରେ ପେଇଂନେ ଡାଗ୍ରା ୱେନେବେଲା ଡିଙ୍ଗ୍‍ପାରେ ଇସ୍‌ପର୍ ପେଇଂନେ ସେଃମଁ ଆନେଙ୍ଗ୍ ଗିଆସଃ ଆଃଡିଙ୍ଗ୍ଏ ଜାଣ୍ଡେଇଂ ସେନୁଗ୍‌ ପାପ୍ ଡିଙ୍ଗ୍‌ବଆର୍‌କେ ମାତର୍‌‌ ମେଁଇଂନେ ପର୍‌ଚଲ୍‌ଣ୍ତୁ ସ୍ଲେଆଣ୍ଡେଙ୍ଗ୍ ଅଡ଼ାରେଗ୍‌‌ ବାରି ଗିଆସଃମାଲା ନ୍‌ସା ଆବାବେଆର୍‌ ଣ୍ତୁ ଦେକ୍‌ରକମ୍ ଗୁଲୁଏ ନ୍‌ସା ଆନେଙ୍ଗ୍ ଦୁକ୍ ବାନେ ପଡ଼େଏ ।
\c 13
\s ସାରାସାରି ଗୁଆରି ବାରି ସାର୍ଲ
\p
\v 1 ନେଙ୍ଗ୍ ପେଇଂନେ ଡାଗ୍ରା ଞ୍ଜିତର୍‌ ପାଙ୍ଗ୍‌ଣ୍ତିଙ୍ଗ୍‌ । “ସାପା ଦାବି ନ୍‌ସା ମ୍ବାୟା ଣ୍ଡୁଲା ଞ୍ଜିରୁଆ ସାକିନେ ସାମ୍‌ନା ପେନେ ସାପା ଦାବି ଡିଙ୍ଗ୍‍ଲା ସତ୍ ଡାଗ୍‌ଚେ ପାର୍‌ମାନ୍ ଡିଙ୍ଗ୍‌ଏ ।” 
\v 2 ଅଃସେ ପାପ୍ ଡିଙ୍ଗ୍‌କ୍ନେ ରେମୁଆଁଇଂକେ ବାରି ବିନ୍ ସାପାରେକେ ନେଙ୍ଗ୍ ମ୍ୱାର୍‌ତର୍‌ ଆତ୍‌ଅରିଆ ୱେଚେ ବାସଙ୍ଗ୍‌ମ୍ୱକେ ବାରି ଏବେ ସ୍ଲ ଲେଃଚେ ଡିଗ୍ ବାସଙ୍ଗ୍‌ମ୍ୱକେ ଜେ ନେଙ୍ଗ୍ ଏଃକେ ୱେଲା ତେଲା ଆମେଇଂକେ ନ୍ନାଆନ୍ତାର୍‌ ଣ୍ତୁ । 
\v 3 କିସ୍‌ଟ ଜେ ନେଙ୍ଗ୍‌ ଡାଗ୍ରା ସାମୁଆଁ ବାସଙ୍ଗ୍‌ ଡିଙ୍ଗ୍‌କେ ଏନ୍‌ ବିସୟ୍‌ରେ ପେଇଂ ଚାଏଁଡିଂକ୍ନେ ସାପା ପର୍‌ମାନ୍‌ ବାପେଲେକେ । ପେଇଂନେ ଆଡ଼ାତ୍ରା ଅସକ୍‌ତିଆ ଣ୍ତୁ ମାତର୍‌ ପେଇଂନେ ଡାଗ୍ରା ମେଁ ମେଁନେ ବପୁ ସ୍ନାମୁଁଆଃ ବିଃବକେ । 
\v 4 ମେଁ ପେଇଂନେ ଆଡ଼ାତ୍ରା ଅସକ୍‌ତିଆ ଣ୍ତୁ ମାତର୍‌‌ ପେଇଂନେ ଡାଗ୍ରା ବପୁ ଲେଃକେ । ଡାଗ୍ଲା ମେଁ ଅସକ୍‌ତିଆ ନ୍‌ସା କୁରୁସ୍‌ନ୍ନିଆ ଗୁଏକେ ଏଲେଡିଗ୍ ଇସ୍‌ପର୍‌ନେ ବପୁ ନ୍‌ସା ମେଁ ଜିବନ୍ ଲେଃକେ । ନେ ଡିଗ୍ ମେଁନେ ଡାଗ୍ରା ଅସକ୍‌ତିଆ ମାତର୍‌ ଇସ୍‌ପର୍‌ନେ ବପୁ ନ୍‌ସା ନେ ପେଇଂନେ ଆଡ଼ାତ୍ରା ମେଁନେ ଏତେ ଜିବନ୍ ନେଡିଙ୍ଗ୍‌ଏ ।
\p
\v 5 ପେଇଂ ବିସ୍‌ବାସ୍‌ନିଆ ପେଲେକେ ଲେଃ ଣ୍ତୁ ଆତେନ୍‌ ବିସୟ୍‌ରେ ନିଜେ ନିଜେକେ ପରିକ୍ୟା ଡିଙ୍ଗ୍‌ପା ନିଜର୍ ନିଜର୍‌ନେ ବିଚାର୍ ଡିଙ୍ଗ୍‌ପା ଣ୍ତୁଲା ଜିସୁ କିସ୍‌ଟ ଜେ ପେଇଂନେ ଡାଗ୍ରା ଲେଃକେ ଏନ୍‌ ଲେଃ ପେଇଂ ନିଜର୍ ନିଜର୍ ବିସୟ୍‌ରେ ପେମ୍ୟାକେ ଣ୍ତୁ ? ଜଦି ଏନ୍‌ ଆଡିଙ୍ଗ୍ ଣ୍ତୁ ତେଲା ପେଇଂ ପରିକ୍ୟା ସମାନ୍ ଣ୍ତୁ । 
\v 6 ନେଙ୍ଗ୍ ଆସା ଣ୍ତିଙ୍ଗ୍‌ଏ ନେ ଜେ ପରିକ୍ୟା ସମାନ୍ ଏନ୍‌ ପେଇଂ ପେମ୍ୟାଏ । 
\v 7 ପେଇଂ ମେଃଡିଗ୍‌ ଅନ୍ୟାୟ୍ କାମ୍ ଆଡିଙ୍ଗ୍‌ଗ୍‌ପା, ଏନ୍‌ସା ନେନେ ଇସ୍‌ପର୍‌ନେ ଡାଗ୍ରା ପାର୍‍ତନା ଡିଙ୍ଗ୍‌ନେଡିଙ୍ଗ୍‌କେ । ନେ ଜେ ଆକ୍‌ଅରିଆ ଜିତେ ନେଲେକେ, ଏନ୍‌ ନେ ଆସୁଏ ନ୍‌ସା ୱେ ନେଡିଙ୍ଗ୍‌କେ, ମାତର୍‌‌ ନେନେ ସରାଃ ଡିଙ୍ଗ୍‌ବେଲା ଡିଗ୍ ପେଇଂ ଡିରକମ୍ ସତ୍ କାମ୍ ପେଡିଙ୍ଗ୍‌ଏ, ଏନ୍‌ସା ପାର୍‌ତନା ଡିଙ୍ଗ୍‌ନେଡିଙ୍ଗ୍‌କେ । 
\v 8 ମାତର୍‌‌ ନେ ସତ୍ ବିସୟ୍‌ରେ ମେଃଡିଗ୍ ଡିଙ୍ଗ୍ ନେୟା ଣ୍ତୁ ଡାଗ୍ଲା ସତ୍ ପାକା କାମ୍ ଡିଙ୍ଗ୍ ନେୟାଏ । 
\v 9 ନେନେ ଅସକ୍‌ତିଆ ଲେଃକେଲା ପେଇଂ ବପୁ ପେଲେଃଲା ନେନେ ସାର୍ଦା । ତେସା ପେଇଂ ନିମାଣ୍ତା ଡିଙ୍ଗ୍‌ପା ଡାଗ୍‌ଚେ ନେନେ ପାର୍‌ତନା ଡିଙ୍ଗ୍‌ନେଡିଙ୍ଗ୍‌କେ । 
\v 10 ଆତେନ୍‌‌ସା ସ୍ଲ ଲେଃଚେ ନେଙ୍ଗ୍ ପେଇଂନେ ଡାଗ୍ରା ଏନ୍ ଉଲିଆଃ ଗୁଆର୍‌ମ୍ୱକେ ଡିଙ୍ଗ୍‌ପାରେ ପେଇଂନେ ଡାଗ୍ରା ୱେଚାନେ ବେଲା ଡିରକମ୍ ଡାଟ୍‌ ବାବ୍‌ରେ ଆନେଙ୍ଗ୍ ଅଦିକାର୍ ଡିଙ୍ଗ୍‌ନେ ଆପଡ଼େ ଣ୍ତୁ । ଡାଗ୍ଲା ଆପେକେ ବିଗ୍‌ଡ଼େନେ ଣ୍ତୁ, ମାତର୍‌ ଗଡ଼େନ୍‌ସା ମାପ୍ରୁ ଆନେଙ୍ଗ୍ ଅଦିକାର୍ ବିବକେ ।
\p
\v 11 ଅ ବୟାଁ ବାରି ତନାଇଂ ସାର୍ଦା ଡିଙ୍ଗ୍‌ପା ପବିତ୍ର ଡିଙ୍ଗ୍‌ପା ଚେତ୍‌ନା ଡିଙ୍ଗ୍‌ପା ମୁଇଙ୍ଗ୍ ମନ୍ ଡିଙ୍ଗ୍‌ପା ସାନ୍ତିନ୍ନିଆ ବାସା ଲାଃଲାପା ବାରି ଆଲାଦ୍ ବାରି ସାନ୍ତିନେ ଇସ୍‌ପର୍ ପେଇଂନେ ଏତେ ଲେଃଏ ।
\p
\v 12 ପବିତ୍ର ବୈନ୍ତା ବିଚେ ନିଜର୍‌ ନିଜର୍‌ ବିତ୍ରେ ସାର୍‌ଲପା । ସାପା ସାଦୁ ଆପେକେ ସାର୍‌ଲ ଆର୍‌ଡିଂକେ । ପର୍‌ମେସର୍‌ନେ ସାପା ରେମୁଆଁ ଆପେକେ ସାର୍‌ଲ ଆର୍‌ଡିଂକେ ।
\p
\v 13 ମାପ୍‌ରୁ ଯୀଶୁ କିସ୍‌ଟନେ ଅନୁଗ୍ର‍ଅ, ଇସ୍‌ପର୍‌ନେ ଆଲାଦ୍‌ ଆରି ପବିତ୍ର ଆତ୍ମାନେ ସାଆଜ୍ୟ ପେ ସାପାରେନେ ଏଃତେ ଲେଃଲେ । 
\v 14 ନେଁଇଂନେ ମାପ୍ରୁ ଜିସୁ କିସ୍‌ଟନେ ଲିବିସ ପରମେସର୍‌ନେ ଆଲାଦ୍ ବାରି ପବିତ୍ର ଆତ୍ମାନେ ଲିବିସ ପେନେ ସାପାରେନେ ସାହା ଡିଙ୍ଗ୍‌ଲେଃ ।