\id 1CO - Dega
\ide UTF-8
\h ୧ କରିନ୍‌ତିୟ
\toc3 ୧ କରିନ୍‌ତିୟ
\toc2 ୧ କରିନ୍‌ତିୟ
\toc1 କରିନ୍‌ତିୟଇଂନେ ଡାଗ୍ରା ପାଉଲ୍‌ନେ ପର୍‌ତୁମ୍ ଉଲିଆଃ
\mt2 କରିନ୍ଥୀୟମାନଙ୍କ ନିକଟକୁ ପାଉଲଙ୍କ ପ୍ରଥମ ପତ୍ର
\mt1 କରିନ୍‌ତିୟଇଂନେ ଡାଗ୍ରା ପାଉଲ୍‌ନେ ପର୍‍ତୁମ୍‍ ଉଲିଆଃ
\imt କରିନ୍‌ତିୟ ବ‍ଇ ବିସୟ୍‌ରେ ଉଃଡ଼ିକ୍ଲିଗ୍ ସାମୁଆଁ
\ip ମୁଲ୍ କରନ୍ଥି ଉଲିଆ ପ୍ରେରିତ୍‌‌ ପାଉଲ୍‌ନେ ବାନ୍‌ ଜିସୁ କ୍ରିସ୍ଟନେ ଜନମ୍‌ନେ ୫୫ ମୁଆଁ ଇଡ଼ିଙ୍ଗ୍ ଗୁଆର୍‌ବଗେ \xt ୧:୧\xt* । ପାଉଲ୍‌ନେ ବାନ୍‌ ଗୁଆର୍‌ ବକ୍ନେ ମ୍ୱାକ୍ଲିଗ୍‌ ଉଲିଆ ବାନ୍ ଆକେନ୍ ଡିଙ୍ଗ୍‌କେ ମୁଲ୍ ଉଲିଆ । ମେଁ ଡିଙ୍ଗ୍‌ଲେଃଏ ଆକେନ୍ ଉଲିଆ ଏଫିସିନ୍ନିଆ ଲେଃନେ ବେଲା ଗୁଆର୍‌ବଗେ । ମାସିଦନିଆବାନ୍‌ କରିନ୍ଥିନ୍ନିଆ ବାସା ଡିଂନେ ସେନୁଗ୍‌ ଗୁଆର୍‌ବକେ \xt ୧୬:୫-୯\xt* ।
\ip ପାଉଲ୍ ଆକେନ୍ ଉଲିଆନ୍ନିଆ ମଣ୍ତଲି ବିତ୍ରେ ଦଲ୍‌ ଗଡ଼େନେ ଆରି ଦଦ୍ୟା କାମ୍ ଏଃତେ ବିନ୍‌ବିନ୍‌ନେ ଦଦ୍ୟା କାମ୍ ଚାଲେଲେଃକ୍ନେ ବିସଏ ରେମୁଆଁଇଂନେବାନ୍‌ ଦ୍ରିଗ୍‌ଚେ ଉତର୍ ବିଃନେ ମନ୍ ବିଃଆରେ । କରନ୍ଥି ଇନି ଦଦ୍ୟା‌ କାମ୍ ବିସ‍ଏରେ ମ୍ୟାଃ ଦ୍ରିଗ୍‌ଲେଃଗେ । ଏନ୍‌ସା ମଣ୍ତଲି ଆକେନ୍ ଅସ୍‌ବିଦାଇଂନେ ସାର୍ମୁଆଁ ଡିଙ୍ଗ୍‌ଡିଂଗେ ଆକ୍‌ଅରିଆ ଇରିୟାତୁଗ୍‌ନେ ମେଃଡିଗ୍‌ ଣ୍ଡୁ । ୧ କରନ୍ଥି ଆଲାଦ୍ ଆଡ଼ାତ୍ରା ମୁଇଙ୍ଗ୍ ସାପାରେ ମ୍ୟାକ୍ନେ ଅଦ୍ୟାୟ୍ ଆଃରେକେ \xt ୧୩\xt*
\iot ସାସ୍ତର୍‌ ବିତ୍ରେ ଲେଃକ୍ନେ ସାମୁଆଁଇଂ
\io1 ୧. ପାଉଲ୍ କରିନ୍ଥିୟଇଂକେ ସାର୍ଲ ଡିଂକେ ଆରି ମେଁଇଂନେ ଆତ୍‌ଲା ଇସ୍‌ପର୍‌କେ ଦନ୍ୟବାଦ୍‌ ବିଃଡିଂକେ । \ior ୧:୧-୯\ior*
\io1 ୨. ପାଉଲ୍ କରିନ୍ଥିନେ ମଣ୍ତଲିବାନ୍‌ ବାଲେଃକ୍ନେ ମଣ୍ତଲି ବାଗ୍‌ବାଗ୍ ବିସ‍ଏରେ ସିକ୍ୟା ବିଃଡିଂକେ । \ior ୧:୧୦; ୪:୨୧\ior*
\io1 ୩. ବିନ୍‌ନେ ମେଁ ଦଦ୍ୟା କାମ୍ ବାରି ମୁଇଂଜା ବିନ୍‌ଣ୍ଡ୍ରେକେ ବିଚାର୍‌ନ୍ନିଆ ଡୁଂୱେନେ ବିସୟ୍‌ରେ ଗୁଆର୍‌ବକେ । \ior ୫–୬\ior*
\io1 ୪. ଇଡ଼ିଙ୍ଗ୍ ବିଏନେ ବିସୟ୍ ମୁର୍ତିକେ ପୁଜା ବିଃନେ ବେଲା ଉପାସ୍ ପବିତ୍ର ଆତ୍ମାନେ ଦାନ୍ ବାରି ଜିବନ୍‌ଡିଙ୍ଗ୍‌ନେ ଗୁଆର୍‌ବକେ । \ior ୭–୧୫ \ior*
\io1 ୫. ସାରାସାରି ମେଁ ଉଡ଼ିରୁଆ ମାବାଣ୍ଡ୍ରେ ଆରି ନିଜର୍ ବିସୟ୍‌ରେ ଗୁଆର୍‌ଚେ ଆଃଡାଡିଂକେ । \ior ୧୬\ior*
\c 1
\p
\v 1 ଇସ୍‌ପର୍‌ନେ ଇକ୍‌ଚାରେ କିସ୍‌ଟ ଜିସୁବାନ୍‍ ବେବକ୍ନେ ସିସ୍‌ ରକମ୍ ପାଙ୍ଗ୍‍ନେଲେଃକେ ନେଙ୍ଗ୍ ପାଉଲ୍ ବାରି ନେନେ ବୟାଁ ସସ୍ଥିନା ।
\p
\v 2 \x + \xo ୧:୨ \xo*\xt ପ୍ରେରିତ୍‌ ୧୮:୧.\xt*\x*କରିନ୍ଥ ନଗର ଇସ୍‌ପର୍‌ନେ ବିସ୍‌ବାସ୍ କୁଦାକେ ଏନ୍‌ ଉଲିଆ ଗୁଆର୍‌ବକେ ଜାଣ୍ଡେଇଂ ଇସ୍‌ପର୍‌ନେ ପବିତ୍ର ରେମୁଆଁ ଡିଙ୍ଗ୍‌ନେସା ରାଜି ବାରି ଜିସୁ କିସ୍‌ଟ ଏତେ କୁଡ଼େନେସା ଇସ୍‌ପର୍‌ନେ ରେମୁଆଁ ଡିଂଲେଃଆର୍‌କେ ବାରି ସାପା ନେନେ ମାପ୍ରୁ ଜିସୁ କ୍ରିସ୍ଟନେ ପାର୍‌ତନା ଡିଡିଙ୍ଗ୍‌ଆର୍‌ଡିଂକେ ।
\p
\v 3 ମେଁ ସାପାରେକେ ନେନେ ଆବା ଇସ୍‌ପର୍ ବାରି ମାପ୍ରୁ ଜିସୁ କିସ୍‌ଟ ଲିବିସ ଡିଙ୍ଗ୍‌ଲେ ବାରି ସାନ୍‍ତି ବିଲେ ।
\s କିସ୍‌ଟନେ ବାନ୍‍ ଆସିର୍ବାଦ୍
\p
\v 4 ଜିସୁ କ୍ରିସ୍ଟନେବାନ୍‍ ଇସ୍‌ପର୍ ଆପେକେ ଆଣ୍ତିନେ ଲିବିସ ବିବକେ ଆତେନ୍‌‌ସା ନେଙ୍ଗ୍ ଇସ୍‌ପର୍‌କେ କାଲାଆଃ ଦନ୍ୟବାଦ୍‌ ବିଃଣ୍ଡିଂ 
\v 5 ଡାଗ୍ଲା କ୍ରିସ୍ଟନେ ଏତେ କୁଡ଼େ ପେଲେଃଗେସା ପେ ସାପା ବିସୟ୍‌ରେ ଦେକ୍‌ରକମ୍ କି ବ୍ନାଲିର୍‍ ବପୁ ବାରି ଗିଆନ୍‌ରେ ଡିଗ୍ ଦନବାନ୍‌ ଡିଙ୍ଗ୍‌ପେଲେଃକେ । 
\v 6 କିସ୍‌ଟନେ ବ୍ନାଲିର୍ ପେଡାଗ୍ରା ଡାଟ୍‌ ବାବ୍‌ରେ ପାଙ୍ଗ୍‍ଲେଃକେ । 
\v 7 ତେନ୍‌ସା ପେଇଂ ନେନେ ମାପ୍ରୁ ଜିସୁ କିସ୍‌ଟ ତାର୍‌ନେ ବେଲା ଉର୍‍ଚେ ଲେଃକେଲା ପେ ମେଃନେ ମେଃଡିଗ୍ ଆତ୍ମିକ୍‍ ଆସିର୍ବାଦ୍ ଉନା ଆଡିଙ୍ଗ୍‌କେ ଣ୍ଡୁ । 
\v 8 ନେନେ ମାପ୍ରୁ ଜିସୁ କିସ୍‌ଟ ପାଙ୍ଗ୍‌ନେ ଦିନା ଡିରକମ୍ ପେଇଂ ନିନ୍ଦା ପେବା ଣ୍ତୁ ଆତେନ୍‌‌ସା ମେଁ ଆପେକେ ଜୁଗ୍‌ ଡାନେ ଜାକ ଡିଗ୍ ନିମାଣ୍ଡା ବାବ୍‌ରେ ବଏ । 
\v 9 ଆଣ୍ଡିନେ ଇସ୍‌ପର୍ ମେଁନେ ଉଙ୍ଗ୍‌ଡେ ଜିସୁ କିସ୍‌ଟନେ ସାଇଜ ବାନ୍‌ସା ଆପେକେ ୱା ବକେ ମେଁ କାଲାଆଃ ବିସ୍‌ବାସ୍‌ ।
\s ବିସ୍‌ବାସ୍‌‍ କୁଦାଇଂ ବାଗ୍ ବାଗ୍ ଡିଂଆର୍‌କେ
\p
\v 10 ବୟାଁ ବାରି ତନାଇଂ ମାପ୍ରୁ ଜିସୁ କିସ୍‌ଟନେ ମ୍ନିରେ ନେଙ୍ଗ୍ ଆପେକେ ଗୁଆରେ ଣ୍ତିଂକେ ବାଲିର୍‍ବାତାନେ ବେଲା ମୁଇଙ୍ଗ୍ ମନ୍ ଡିଙ୍ଗ୍‌ପା । ତେଲା ପେ ବିତ୍ରେ ମେଃଡିଗ୍ ଗଡ଼୍‍ବଡ଼୍‍ ଆଲେଃ ଣ୍ତୁ । 
\v 11 ମୁଇଙ୍ଗ୍ ଚିନ୍ତା ବାରି ମୁଇଙ୍ଗ୍ ମନ୍‌ରେ ମୁଇଂନ୍ନିଆ ରିସିଙ୍ଗ୍‍ପା । ବୟାଁଇଂ ପେ ବିତ୍ରେ ବାନ୍ ଗଡ଼୍‍ବଡ଼୍‍ ଲେଃକେ ଡାଗ୍‌ଚେ ଖ୍ଲୟୀନେ ଡୁଆଣ୍ଡ୍ରେ ଉଡ଼ିରୁଆ ଆନେଙ୍ଗ୍‌କେ ଆଃମ୍ୟାଆର୍‌କେ । 
\v 12 \x + \xo ୧:୧୨ \xo*\xt ପ୍ରେରିତ୍‌ ୧୮:୨୪.\xt*\x*ନେଙ୍ଗ୍ ସାମୁଆଁନେ ବାବ୍‌ନା ଏନ୍‌ ପେ ସାପାରେ ବିନ୍‌ବିନ୍ ରକମ୍‍ନେ ବାବ୍‍ନା ବାବେ ପେଡିଙ୍ଗ୍‌କେ । ଜା ବାସଙ୍ଗ୍‌ଡିଙ୍ଗ୍‌କେ, ନେଙ୍ଗ୍ ପାଉଲ୍‍କେ ତୁତୁର୍‍ଣ୍ଡିଂକେ, ନିଂ କେଫାନେ, ଜା ବାସଙ୍ଗ୍‌ଡିଙ୍ଗ୍‌କେ ନେଙ୍ଗ୍ ଆପଲ୍ଲକେ ତୁତୁର୍‍ଣ୍ଡିଂକେ, ନିଂ କେଫାନେ, ବାରି ଜା ବାସଙ୍ଗ୍‌ଡିଙ୍ଗ୍‌କେ, ନେଙ୍ଗ୍ କିସ୍‌ଟନେ ପ୍ଲା ୱେନ୍ଲେଃକେ । 
\v 13 କିସ୍‌ଟ ମେଁନେ ବାଗ୍‌ବାଗ୍‌ ଡିଙ୍ଗ୍‌ଲେକେ ? ପାଉଲ୍ ମେଃମେଃନେ ପେଇଂନେ ସା କୁରୁସ୍‌ନ୍ନିଆ ଗୁଏ ଲେଃକେ ? ପେଇଂ ମେଃମେଃନେ ପାଉଲ୍‌ନେ ମ୍ନିରେ ଣ୍ଡିଆଦିକ୍ୟା ଡୁଂଡ ପେବକେ ?
\p
\v 14 \x + \xo ୧:୧୪ \xo*\xt ପ୍ରେରିତ୍‌ ୧୮:୮; \xt*\xt ପ୍ରେରିତ୍‌ ୧୯:୨୯; ରମିୟ ୧୬:୨୩.\xt*\x*ଇସ୍‌ପର୍‌କେ ଦନ୍ୟବାଦ୍‍ ବିଣ୍ଡିଂକେ ଜେ କ୍ରିସ୍‌ପସ୍ ବାରି ଗାୟସ୍‌କେ ଆନ୍ତାର୍‍ଚେ ପେ ବିତ୍ରେ ବାନ୍ ନେଙ୍ଗ୍ ଆଜାକେ ଣ୍ଡିଆ ଦିକ୍ୟା ନ୍ନାବିଃକେ ଣ୍ଡୁ ।
\p
\v 15 ତେସା ନେଙ୍ଗ୍‌ନେ ମ୍ନିରେ ଣ୍ଡିଆଦିକ୍ୟା ଡୁଙ୍ଗ୍‍ଡ ଲେଃକେ ଡାଗ୍‌ଚେ ପେ ବିତ୍ରେବାନ୍ ଜା ବାସଙ୍ଗ୍‌ ଆୟା ଣ୍ଡୁ । 
\v 16 \x + \xo ୧:୧୬ \xo*\xt ୧ କରିନ୍‌ତିୟ ୧୬:୧୫.\xt*\x*ଅଃଅଁ ନେଙ୍ଗ୍ ସ୍ତିଫାନ୍ ବାରି ମେଁ ଡୁଆଣ୍ଡ୍ରେକେ ଣ୍ଡିଆ ଦିକ୍ୟା ବିମ୍ୱଗେ । ବିନ୍ ଆଜାକେ ଣ୍ଡିଆଦିକ୍ୟା ବିମ୍ୱକେ ଡାଗ୍‌ଚେ ଆନେଙ୍ଗ୍ ମନେ ପଡ଼େ ଆଡିଙ୍ଗ୍‌କେ ଣ୍ଡୁ । 
\v 17 ଣ୍ଡିଆଦିକ୍ୟା ବିନ୍‌ସା କିସ୍‌ଟ ଆନେଙ୍ଗ୍ ବେଆବକେ ଣ୍ତୁ । ମେଁ ଆନେଙ୍ଗ୍ ମାପ୍‍ରୁ ସାମୁଆଁ ବାସଙ୍ଗ୍‍ ଅଲେଙ୍ଗ୍‍ସା ବେ ବକେ ଆତେନ୍‌ ଡିଗ୍ ରେମୁଆଁ ଗିଆନ୍‍ରେ ଣ୍ତୁ ମାରିଆଃ କ୍ରିସ୍ଟନେ କ୍ରୁସନେ ବପୁ ବାରି କସ୍‌ଟ ସରା ଡିଙ୍ଗ୍‌ଏ ।
\s କ୍ରିସ୍ଟ ଇସ୍‌ପର୍‌ନେ ବପୁ ବାରି ଗିଆନ୍‍ ଲେଃକେ
\p
\v 18 ନସ୍ଟ ଡିଙ୍ଗ୍‌ନେସା ୱେଡିଙ୍ଗ୍‌କ୍ନେ ରେମୁଆଁଇଂ ନ୍‌ସା କ୍ରୁସନେ ସାମୁଆଁ ଦଦ୍ୟା । ମାତର୍‌‌ ନେନେ ସୁଗୁଆ ପରିତ୍ରାନ୍‍ ବାମ୍ୟାଃକ୍ନେ ରେମୁଆଁଇଂ ନ୍‌ସା ଆକେନ୍ ଡିଙ୍ଗ୍‌ଡିଙ୍ଗ୍‌କେ ଇସ୍‌ପର୍‌ନେ ବପୁ । 
\v 19 ସାସ୍ତର୍‌ନ୍ନିଆ ଗୁଆର୍ ବକେ:
\q1 “ନେଙ୍ଗ୍ ଜ୍ଞାନି ରେମୁଆଁଇଂନେ ବୁଦିକେ ନସ୍ଟ ଣ୍ଡ୍ରାଃଡିଙ୍ଗ୍‍ଏ ।
\q2 ବୁଦି ଲେଃକ୍ନେ ରେମୁଆଁଇଂନେ ଚାଲାକିକେ ନସ୍ଟ ଆଡିଙ୍ଗ୍‍ମ୍ୱିଏ ।”
\m
\v 20 ତେସା ଏନ୍‌ ଜୁଗ୍‌ନେ ଜ୍ଞାନି, ପଣ୍ତିତ୍‌ ଣ୍ତୁଲା ସାମୁଆଁ କାଟେଚେ ବାଲିର୍‍ନେ ରେମୁଆଁଇଂନେ ଜାଗା ଆଣ୍ଡିଅରିଆ ? ଏନ୍‌ ଦର୍‌ତନିନେ ବୁଦିକେ ମୁର୍‍କ ଡାଗ୍‌ଚେ ଇସ୍‌ପର୍ ବାସଙ୍ଗ୍‌ ଆବକେ କି ?
\p
\v 21 ଇସ୍‌ପର୍ ମେଁନେ ମ୍ନାଗିଆନ୍‍ରେ ଆର୍ମେ ବକେ ଜେ ଦର୍ତନି ନିଜେନେ ଗିଆନ୍‍ ଏତେ ଇସ୍‌ପର୍‌କେ ମ୍ୟା ଆୟା ଣ୍ଡୁ । ବିନ୍ ପାକା କେଲା ନେ ବାସଙ୍ଗ୍‍ ନେମ୍ୟାଃକ୍ନେ ବ୍ନାଲିର୍ ଆଣ୍ଡେଙ୍ଗ୍ ଦଦ୍ୟା ସାମୁଆଁରେ ବିସ୍‌ବାସ୍ ଡିଙ୍ଗ୍‍ମ୍ୟାକ୍ନେ ରେମୁଆଁଇଂକେ ଉଦାର୍ ଆଡିଙ୍ଗ୍‍ନେସା ଇସ୍‌ପର୍ ଇକ୍‌ଚା ଡିଙ୍ଗ୍‍ବଗେ । 
\v 22 ଜିହୁଦିଇଂ ଚିନା ତୁର୍‌ଆର୍‌ଏ ଗ୍ରୀକ୍ଇଂ ବୁଦି ତୁର୍‍ଆର୍‍ଡିଂକେ । 
\v 23 ମାତର୍‌‌ ନେନେ କୁରୁସ୍‌ନ୍ନିଆ ଗୁଏଲେଃକ୍ନେ କିସ୍‌ଟକେ ବାସଙ୍ଗ୍‌ ଅଲେଙ୍ଗ୍‍ନେଡିଙ୍ଗ୍‌ ଏନ୍‌ ଜିହୁଦିଇଂନେ ସା ଅସ୍‌ବିଦା ଡିଙ୍ଗ୍‌ୱେଗେ ବାରି ବିଜାତି ରେମୁଆଁଇଂନେ ସାର୍‍ମୁଆଃନ୍ନିଆ ନିର୍ବୁଦି ଡିଙ୍ଗ୍‍ୟାଏ । 
\v 24 ମାତର୍‌‌ ଜିହୁଦି ଡିଙ୍ଗ୍‌ଲେ କି ବିଜାତି ରେମୁଆଁ ଡିଙ୍ଗ୍‌ଲେ ସାରାସାରିକେଲା ପାଙ୍ଗ୍‍ଲେଃ ଆର୍‌କେ ସାପାରେ ନ୍‍ସା କିସ୍‌ଟ ଡିଙ୍ଗ୍‌ଡିଙ୍ଗ୍‌କେ ଇସ୍‌ପର୍‌ନେ ବପୁ ବାରି ଗିଆନ୍‍ରେ ବିନେ ଣ୍ଡୁ । 
\v 25 ଡାଗ୍ଲା ମେଃମେଃନେ ଇସ୍‌ପର୍‌ନେ ମୁର୍‍କ ଡାଗ୍‌ଚେ ମନେ ଡିଙ୍ଗ୍‌ଏ ଆତେନ୍‌ ରେମୁଆଁନେ ବୁଦିବାନ୍‌ ଜାବର୍ ବୁଦି । ବାରି ଆଣ୍ଡିନେ ଇସ୍‌ପର୍‌ନେ ଦୁର୍ବଲ୍‌ ଡାଗ୍‌ଚେ ମନେ ଡିଙ୍ଗ୍‌ଏ ଆତେନ୍‌ ରେମୁଆଁନେ ବପୁବାନ୍‌ ଜାବର୍ ବପୁ ।
\p
\v 26 ବୟାଁଇଂ ବାରି ତନାଇଂ ଇସ୍‌ପର୍ ୱାନେ ବେଲା ପେ ଡିରକମ୍ ପେଲେଃଗେ ଆତେନ୍‌ ବାବେ କେଲାପା । ଜାଗତିକ ଇସାବ୍‌ରେ ପେ ବିତ୍ରେବାନ୍ ଉଡ଼ିରୁଆ ବୁଦି ରେମୁଆଁ ସାଆସ୍ ରେମୁଆଁ ବାରି ମ୍ନା କୁଲ୍‍ ଡିଙ୍ଗ୍‌ଚେ ପେଲେଃଗେ । 
\v 27 ଇସ୍‌ପର୍ ଜ୍ଞାନିଇଂକେ ଆଃଗିଆସ ନ୍‍ସା ମଞ୍ଚ୍‌ପୁର୍‌ ବାନ୍ ବାଚେବକେ ମୁର୍‍କ ରେମୁଆଁଇଂକେ ସ୍ରି ବକେ ବାରି ବପୁଲେଃକ୍ନେ ରେମୁଆଁଇଂକେ ଆଃଗିଆସ ନ୍‌ସା ମଞ୍ଚ୍‌ପୁର୍‌ ବାନ୍ ବାଚେବକେ ଅସକ୍‌ତିଆ ରେମୁଆଁଇଂକେ ସ୍ରି ବକେ । 
\v 28 ମଞ୍ଚ୍‌ପୁର୍‌ନେ ମୁଆଁଃନ୍ନିଆ ଜା ସାପା ଦର୍‌କାର୍ ଆତେନ୍‌‌ ସାପାକେ ବିନାସ୍‌ ଆଡିଙ୍ଗ୍‌ନ୍‌ସା; ଦର୍‌ତନିନେ ଇକ୍‌ଚା ବୁଟଣ୍ଡ୍ରେ ବାରି ଡାଆଁରେକେ ଇସ୍‌ପର୍‌ ମନ୍ ଡିଙ୍ଗ୍‍ବକେ । 
\v 29 ଆକ୍‌ବାନ୍ ପୁରାପୁରି ବାବ୍‍ରେ ନିମାଣ୍ଡା ଜେ ଜା ଇସ୍‌ପର୍‌ନେ ସାମ୍‌ନାନ୍ନିଆ ବଡ଼୍‌ପନ୍‌ ଡିଙ୍ଗ୍ ଆୟା ଣ୍ତୁ । 
\v 30 ମାତର୍‌‌ ଇସ୍‌ପର୍ ଆପେକେ କିସ୍‌ଟ ଜିସୁ ଏତେ ଆମିସୁ ବକେ ବାରି ଆତେନ୍‌ କିସ୍‌ଟକେ ଆଃ ନେନେ ବୁଦି ରକମ୍‌ ଆଡିଙ୍ଗ୍‌ବକେ । ମେଁ ବାନ୍ ଇସ୍‌ପର୍ ଏତେ ନେନେ ପୁରାପୁରି ବିସ୍‌ବାସ୍‌‌ ବାର୍‌ମୁଇଂତର୍‌ ଡିଙ୍ଗ୍‌ଲେକେ ନେନେ ଦାର୍‍ମିକ୍‍ ବାରି ପବିତ୍ର ରେମୁଆଁ ଡିଙ୍ଗ୍‌ଚେ ମୁକ୍ତି ବାନେଲେଃକେ । 
\v 31 ଆତେନ୍‌‍ସା ଦରମ୍ ସାସ୍ତର୍‌ନ୍ନିଆ ଡିରକମ୍ ଗୁଆର୍ ବକେ: “ଜା ବଡ଼୍‌ପନ୍‌ ଡିଙ୍ଗ୍‌ନେସା ଚାଏଁଏ ମାପ୍ରୁ ମେଁନେ ଡିଙ୍ଗ୍‌ବକେ ଆତେନ୍‌‌ସା ମେଁ ବଡ଼୍‌ପନ୍‌ ଡିଙ୍ଗ୍‌ଲେଃ ।”
\c 2
\s କୁରୁସ୍‌ନ୍ନିଆ ଗୁଏଃକ୍ନେ କ୍ରିସ୍ଟନେ ବିସୟ୍‌ରେ ସାମୁଆଁ
\p
\v 1 ବୟାଁ ବାରି ତନାଇଂ ନେଙ୍ଗ୍ ପେ ଡାଗ୍ରା ଇସ୍‌ପର୍‌ନେ ତାଡ଼୍‍ତେ ସାମୁଆଁ ବାସଙ୍ଗ୍‍ ଅଲେଙ୍ଗ୍‍ନେସା ୱେନେବେଲା ରେମୁଆଁ ଗିଆନ୍‍ରେ କି ଆନେଙ୍ଗ୍‍ ଆଃ ବୁଦି ଲେଃକେ ଡାଗ୍‌ଚେ ଆକେ ନେବଗେ । 
\v 2 ପେ ଏତେ ଲେଃ କେଲା ମାତର୍‌ ଜିସୁ କିସ୍‌ଟ ମ୍ନା ବିସୟ୍ ମେଁନେ ଗୁଏକ୍ନେ ଆନ୍ତାର୍‍ଚେ ବିନ୍ ମେଃଡିଗ୍ ସାମୁଆଁ ମ୍ୟାଃନ୍‍ସା ରାଜି ଡିଙ୍ଗ୍ ଆଲେଃଗେ । 
\v 3 \x + \xo ୨:୩ \xo*\xt ପ୍ରେରିତ୍‌ ୧୮:୯.\xt*\x*ଆତେନ୍‌ ବେଲା ନେଙ୍ଗ୍ ଅସକ୍‍ତିଆ ନ୍ଲେଃଗେ କାଲାଆଃ ବୁଟଚେ ଜୁର୍‌ ଣ୍ତିଂଗେ । 
\v 4 ନେଙ୍ଗ୍‌ନେ ବୁଦି ବିଃନେ ବାରି ସାମୁଆଁ ରେମୁଆଁ ବୁଦିନେ ସାମୁଆଁ ବାନ୍ ପାଙ୍ଗ୍ ଆଲେଃକେ ଣ୍ତୁ । ଆତେନ୍‌ ଇସ୍‌ପର୍‌ନେ ଆତ୍ମାନେ ବପୁରେ ସତ୍ ପାର୍‌ମାନ୍ ବାନ୍ ବାସଙ୍ଗ୍‌ ଡିଙ୍ଗ୍‌ଲେଃକେ । 
\v 5 ତେସା ପେନେ ବିସ୍‌ବାସ୍‌ ରେମୁଆଁନେ ବୁଦି ଆଡ଼ାତ୍ରା ଆଲେଃକେ ଣ୍ତୁ ଆତେନ୍‌ ଇସ୍‌ପର୍ ବପୁରେ ତିଆର୍‌ ଡିଲେଃ ।
\s ଇସ୍‌ପର୍‌ନେ ବୁଦି
\p
\v 6 ଏଲେଡିଗ୍‌ ଗର୍‍ବେ ବିତ୍‍ରେନେ ଗିଆନ୍‍ ବାବ୍‌ରେ ମ୍ନାଆର୍‌ଏ, ଦେତ୍‌ରକମ୍ ରେମୁଆଁଇଂନେ ଡାଗ୍‍ରା ବୁଦି ସାମୁଆଁ ମ୍ବାସଙ୍ଗ୍‌ଏ, ମାତର୍‌‌ ଆକେନ୍ ଗିଆନ୍‍ ଏନ୍ ଜୁଗ୍‍ନେ ଗିଆନ୍‍ ଣ୍ଡୁ ବା ଏନ୍ ଜୁଗ୍‌ନ୍ନିଆ ସାସନ୍‍ ଡିଙ୍ଗ୍‍ମ୍ୟାକ୍ନେ ନସ୍ଟ ଆଃଡିଂମ୍ୟାକ୍ନେ ସାସନ୍ ଡିଂଣ୍ଡ୍ରେନେ ଗିଆନ୍‍ ଣ୍ଡୁ । 
\v 7 ନେଙ୍ଗ୍ ଇସ୍‌ପର୍‌ନେ ତାଡ଼୍‍ତେ ବୁଦିନେ ସାମୁଆଁ ବାସଙ୍ଗ୍‍ଣ୍ଡିଙ୍ଗ୍‍କେ, ଆତେନ୍‌ ବୁଦି ରେମୁଆଁବାନ୍‌ ବୁଡ଼ିଚେ ବକେ, ଏଲେଡିଗ୍ ନେନେ ନିମାଣ୍ଡା ନ୍‌ସା ମଞ୍ଚ୍‌ପୁର୍‌କେ ଆଃରେନେ ସିସେ ଆଃ ଇସ୍‌ପର୍ ଆକ୍‌ମେକେ ଆଃରେ ବଗେ । 
\v 8 ମଞ୍ଚ୍‌ପୁର୍‌ନେ ମେଃଡିଗ୍ ସାସନ୍‍ ଡିଙ୍ଗ୍‌ଣ୍ଡ୍ରେ ଏନ୍‌ ବୁଦିନେ ପରିଚୟ୍‌ ବାଆଲେଃଗେ ଣ୍ଡୁ । ଜଦି ଆତେନ୍‌ ବାପାଲେ ତେଲା ମେଇଂ ମ୍ନାମ‍ଇମା ମାପ୍ରୁକେ କୁରୁସ୍‍ ଅରିଆ ଆରାଃଗୁଏଃଆର୍‍ ପାଡିଙ୍ଗ୍‍ । 
\v 9 ଡିରକମ୍ ଦର୍ମ ସାସ୍ତର୍‌ନ୍ନିଆ ଗୁଆର୍‌ବକେ:
\q1 “ଜା ଅଃନା ମେଃଡିଗ୍ ଆକେକେ ବା ଆଅଁକେ ଣ୍ତୁ
\q2 ମେଁନେ ଗଟେନେ ଜା ଆବାବେକେ ଣ୍ତୁ
\q2 ଆମେକେ ଆଲାଦ୍‌ ଡିଂମ୍ୟାଃକ୍ନେ ରେମୁଆଁଇଂନେ ଆତ୍‍ଲା ଇସ୍‌ପର୍ ଆତେନ୍‌ ସାପା ଆର୍ମେ ବକେ ।”
\m
\v 10 ଇସ୍‌ପର୍ ମେଁନେ ଆତ୍ମାବାନ୍‌ ଆତେନ୍‌ ବୁଡ଼ିଲେଃକ୍ନେ ବିସୟ୍ ଆନେକେ ଆଃମ୍ୟାବକେ । ଆତେନ୍‌ ପରମାତ୍ମା ଆଃ ଇସ୍‌ପର୍‌ନେ ବିତ୍ରେନେ ବାବ୍‍ନା ସାପାରେନେ ତୁର୍ ଅଲେଙ୍ଗ୍‌ଏ । 
\v 11 ରେମୁଆଁନେ ସାପା କିଚି ମୁଇଂ ମେଁନେ ବିତ୍‍ରେନେ ଆତ୍ମା ମ୍ୟାଃଏ । ଦେତ୍‌ରକମ୍ ମୁଇଂ ଇସ୍‍ପର୍‍ନେ ଆତ୍ମା ଇସ୍‌ପର୍‌ନେ ବିସୟ୍‌ରେ ସାପା କିଚି ମ୍ୟାଃଏ । 
\v 12 ନେନେ ସାଂସାରିକ ଆତ୍ମା ନେବାକେ ଣ୍ଡୁ । ମାତର୍‌ ଇସ୍‌ପର୍ ଆରେ ବକ୍ନେ ସାପା ବିସୟ୍ ମ୍ୟାଃନ୍‍ସା ଇସ୍‌ପର୍ ବେବକ୍ନେ ଆତ୍ମାକେ ସାଃନେଲେଃକେ ।
\p
\v 13 ଆତେନ୍‌‍ସା ବିତ୍ରେ ଚିନ୍ତା ରେମୁଆଁଇଂନେ ଡାଗ୍‍ରା ବିତ୍‍ରେନେ ବାବ୍‌ନା ସତ୍ ବାସଙ୍ଗ୍‍ନେ ବେଲା ନେନେ ସାଂସାରିକ ଗିଆନ୍‍ରେ ସାମୁଆଁ ବାସଙ୍ଗ୍‌ ନେବ ଣ୍ଡୁ; ପବିତ୍ର ଆତ୍ମାନେ ବୁଦି ଇସାବ୍‍ରେ ଆତେନ୍‌ ସତ୍ ସାପା ବୁଦି ବିନେଡିଙ୍ଗ୍‍ । 
\v 14 ମାତର୍‌‌ ଜାଗତିକ୍‍ ଆତ୍ମାନେ ଚିନ୍ତା ଣ୍ଡୁ । ମେଁ ମ୍ନାଃ ଆତ୍ମାନେ ଦାନ୍ ଆଣ୍ଡେଙ୍ଗ୍ ସାଃନ୍‌ସା ତିଆର୍ ଡିଙ୍ଗ୍‍ଲେଃକେ । ମେଁ ପକ୍‍ରୁତ୍‍ରେ ଆକେନ୍ ଦାନ୍‍ଆଣ୍ଡେଙ୍ଗ୍‍ ଦ୍ରିଗ୍‍ଆୟା ଣ୍ଡୁ । ଆତେନ୍‌ ସାପା ମେଁ ଆତ୍‍ଲା ମୁର୍କ ରକମ୍‍; ମେଃଡାଗ୍‌ଲା ବିତ୍‍ରେନେ ବାବ୍‌ରେ ଆତେନ୍‌‍ ଆଣ୍ଡେଙ୍ଗ୍‍ନେ ମେଃଡିଗ୍ ବିଚାର୍‌ ଡିଙ୍ଗ୍‍ୟାଏ । 
\v 15 ଇସ୍‌ପର୍‌ନେ ଆତ୍ମା ଲେଃକ୍ନେ ରେମୁଆଁ ସାପା ବିସୟ୍‌ରେ ସତ୍‌ ସାମୁଆଁ ଦ୍ରିଗ୍‍ୟାଏ ମାତର୍‌ ମେଁ ନିଜେ ଜାବାନ୍ ଡିଗ୍ ବିଚାର୍‌ ଆଡିଙ୍ଗ୍ ଣ୍ଡୁ । 
\v 16 ଦର୍ମ ସାସ୍ତର୍‌ନ୍ନିଆ ଡିରକମ୍ ଗୁଆର୍‌ ବକେ;
\q1 “ଜାଣ୍ଡେ ଇସ୍‌ପର୍‌ନେ ମନ୍‌ନେ ବାବ୍‌ନା ଦ୍ରିଗ୍‍ୟାଏ ?
\q2 ଜାଣ୍ଡେ ଆମେକେ ଆଦେସ୍‌ ବିୟାଏ ?”
\m ମେଁ ଡିଃଡି ଡିଙ୍ଗ୍‌ଲେଃ ନେ କିସ୍‌ଟନେ ମନ୍‍ନେ ବାବ୍‌ନା ସାଃ ନେଲେଃକେ ।
\c 3
\s ଇସ୍‌ପର୍‌କେ ଗତିରେ
\p
\v 1 ଅ ବୟାଁ ବାରି ତନାଇଂ ଇସ୍‌ପର୍‌ନେ ଆତ୍ମା ଲେଃକ୍ନେ ରେମୁଆଁଇଂନେ ଏତେ ବାଲିର୍‌ବାତା ଡିଙ୍ଗ୍‌କ୍ନେ ରକମ୍‌ ନେଙ୍ଗ୍ ପେ ଏତେ ବାଲିର୍‌ବାତା ଡିଙ୍ଗ୍ ନେଡିଙ୍ଗ୍‌କେ ଣ୍ତୁ । ମାତର୍‌ ନେଙ୍ଗ୍ ଆପେକେ ଏନ୍‌ ମଞ୍ଚ୍‌ପୁର୍‌ନେ ରେମୁଆଁ ବାରି କ୍ରିସ୍ଟିୟ ବିସ୍‌ବାସ୍‌ରେ ଚିର୍‍ଲାଅ ମନେ ଏତେଚେ ସାମୁଆଁ ବାସଙ୍ଗ୍‌ମ୍ୱକେ । 
\v 2 \x + \xo ୩:୨ \xo*\xt ଏବ୍‌ରି ୫:୧୨,୧୩.\xt*\x*ନେଙ୍ଗ୍ ଆପେକେ ତ୍ରାଃଡ଼ିଆ ଆଉଗ୍‌ଚେ ବିନ୍ ବଲେ ନାବିକେ ଣ୍ତୁ ଡାଗ୍ଲା ପେଇଂ ଆତେନ୍‌‌ ନ୍‌ସା ଇକ୍‌ଚା ପେଡିଂକେ ଣ୍ତୁ ବାରି ଏବେ ଡିଗ୍ ଇକ୍‌ଚା ପେଡିଙ୍ଗ୍‌କେ ଣ୍ତୁ 
\v 3 ଏବେ ଡିଗ୍ ପେ ସାଂସାରିକ ରେମୁଆଁଇଂନେ ସୁଗୁଆ ବ୍ରୁଆ ଡିଂକେ ପେଡିଙ୍ଗ୍‌କେ । ପେ ବିତ୍ରେ ରିସା ବାରି ନେଃନେ ବିତ୍ରେ ୱିଙ୍ଗ୍‍ଆଃରିଂଆଃ ଲାଗେ ଲେଃକେ । ଆକ୍‌ବାନ୍ ମେଁନେ ପେ ଗାଗ୍‍ଡ଼େନେ ବାରି ସାଂସାରିକ ଡାଗ୍‌ଚେ ପର୍‌ମାନ୍‌ ଡିଙ୍ଗ୍‌ପେଡିଙ୍ଗ୍ ? 
\v 4 ପେ ବିତ୍ରେବାନ୍‍ ଜାଡିଗ୍ ଉଡ଼ିବେଲା ବାସଙ୍ଗ୍ଏ ନେଙ୍ଗ୍ ପାଉଲ୍‌ନେ ବାରି ଜାଣ୍ଡେ ବାସଙ୍ଗ୍ଆର୍‌ଏ, ନେଙ୍ଗ୍ ପାଉଲ୍‍ଇଂନେ ବାରି ଜାଣ୍ଡେ ବାସଙ୍ଗ୍ଆର୍‌ଏ ନେଙ୍ଗ୍ ଆପଲ୍ଲଇଂନେ ଆତେନ୍‌ ବେଲା ମେଁନେ ପେଇଂ ସାଂସାରିକ ରେମୁଆଁଇଂନେ ସୁଗୁଆ ବେବ‍ଆର୍ ଡିଙ୍ଗ୍ ପେଡିଙ୍ଗ୍‌କେ ?
\p
\v 5 ଆପଲ୍ଲ ଜାଣ୍ଡେ ? ବା ପାଉଲ୍ ଜାଣ୍ଡେ ? ନେ ଇସ୍‌ପର୍‌ନେ ସେବାରେ ମାତର୍‌ ଆପେକେ ବିସ୍‌ବାସ୍ ଆଡିଙ୍ଗ୍‌ନେସା ନେ ସାଇଜ ଡିଙ୍ଗ୍‌ନେଡିଙ୍ଗ୍‌କେ । ଇସ୍‌ପର୍ ନେନେ ବିତ୍ରେବାନ୍ ସାପାରେକେ ଆଣ୍ଡିନେ ସ୍ଲେନିଆ ସ୍ରି ବକେ, ନେ ଆତେନ୍‌ କାମ୍ ଡିଙ୍ଗ୍‌ନେବକେ । 
\v 6 \x + \xo ୩:୬ \xo*\xt ପ୍ରେରିତ୍‌ ୧୮:୪-୧୧; \xt*\xt ପ୍ରେରିତ୍‌ ୧୮:୨୪-୨୮.\xt*\x*ନେଙ୍ଗ୍ ଉଂମ୍ୱକେ ବାରି ଆପଲ୍ଲ ଆତ୍‌ଅରିଆ ଣ୍ଡିଆ କିଗ୍‍ ବକେ ମାତର୍‌ ଇସ୍‌ପର୍ ଆମ୍ନା ବକେ । 
\v 7 ତେସା ସ୍ଲା ଉଂଣ୍ଡ୍ରେ ବାରି ଣ୍ଡିଆ ବିଣ୍ଡ୍ରେ, ମେଃଡିଗ୍ ଣ୍ତୁ, ମାତର୍‌‌ ସ୍ଲାକେ ଆମ୍ନାଣ୍ଡ୍ରେ ପୁରନ୍‌ କର୍‍ତା ଇସ୍‌ପର୍, ସାପାବାନ୍‍ ସାପା । 
\v 8 ଜା ଉଂଣ୍ଡ୍ରେ ବାରି ଣ୍ଡିଆ ବିଣ୍ଡ୍ରେ ବିତ୍ରେ ମେଃଡିଗ୍ ବିନେ ଣ୍ଡୁ । ନିଜର୍ ନିଜର୍‌ନେ କସ୍‌ଟ ଇସାବ୍‌ରେ ଇସ୍‌ପର୍ ଆମେଇଂକେ ପୁରୁସ୍‍କାର୍‍ ବିଏ । 
\v 9 ଡାଗ୍ଲା ନେ ଇସ୍‌ପର୍‌ ଏତେ କୁଡ଼େଚେ ସ୍ଲେରେ; ପେ ଇସ୍‌ପର୍‌ନେ ଲିଜ ବାରି ଇସ୍‌ପର୍‌ନେ ଡୁଆ । 
\v 10 ଇସ୍‌ପର୍ ବିଃକ୍ନେ ଲିବିସ ସୁଗୁଆ ମୁଇଙ୍ଗ୍ ଡାଟ୍ ଆରେଣ୍ଡ୍ରେ ବାବ୍‌ରେ ନେଙ୍ଗ୍ ମୁଲ୍‍ ପାଣ୍ଡୁସନ୍ ତ୍ଲାଗ୍‍ମ୍ବକେ । ବିନ୍ ମୁଇଂଜା ଏନ୍‌ ପାଣ୍ତୁସନ୍‌ ଆଡ଼ାତ୍ରା ଆଃରେ ମ୍ୱକେ । ମାତର୍‌ ଆଃରେକ୍ନେ ବେଲା ନେ ସାପାରେ ତରକ୍ ଡିଙ୍ଗ୍‌ନେ ଦର୍‌କାର୍ 
\v 11 ମେଃଡାଗ୍ଲା ଇସ୍‌ପର୍ ଜିସୁ କିସ୍‌ଟକେ ମୁଇଙ୍ଗ୍ ମାତର୍‌ ମୁଲ୍‍ ପାଣ୍ଡୁସନ୍ ଆଡିଙ୍ଗ୍‌ଚେ ଆଃରେ ବକେ; ଆମେକେ ଆନ୍ତାର୍‍ଚେ ମେଁ ଡିଗ୍ ମୁଲ୍‍ ପାଣ୍ଡୁସନ୍ ତିଆର୍ ଡିଙ୍ଗ୍ ଆୟା ଆର୍‌ଏ ଣ୍ତୁ । 
\v 12 ଏନ୍‌ ପାଣ୍ଡୁସନ୍ ଆଡ଼ାତ୍ରା ଜାଣ୍ଡେ ଜାଣ୍ଡେ ସୁନା ରୁପା ଦାମ୍ ଦାମ୍‌ନେ ବ୍ରି ଆଡ଼ାତ୍ରା ଆରେମ୍ୟାକେ ବାରି ଜାଣ୍ଡେ ଜାଣ୍ଡେ ସୁଆ ଚେଃମୁଆଁ ବାରି ବୁରିୟାଃ ତ୍ଲାଗ୍‌ଚେ ତିଆର୍ ଡିଙ୍ଗ୍ ମ୍ୟାକେ । 
\v 13 ମାତର୍‌ “କିସ୍‍ଟ ତଡ଼ିଆନେଦିନା” ସାପାରେନେ କାମ୍ ତ୍ନାଏ । ଆତେନ୍‌ ଦିନା ସୁଆ ଏତେ ସାପାରେନେ କାମ୍ ପରିକ୍ୟା ଡିଙ୍ଗ୍‌ଚେ ଡିରକମ୍ ଡଣ୍ଡ୍‍ ବାନେ ମେଁ ଆର୍ମେଏ । 
\v 14 ଜଦି ମୁଲ୍‍ ପାଣ୍ଡୁସନ୍‍ ଆଡ଼ାତ୍ରା ଜା ଆଃରେକ୍ନେ କାମ୍ ସୁଆନେ ପରିକ୍ୟାନ୍ନିଆ ଆଃରିସା ଣ୍ଡୁ ମେଁ ପୁରୁସ୍‌କାର୍‌ ବାଏ । 
\v 15 ଜାନେ କାମ୍ ନସ୍ଟ ଡିଙ୍ଗ୍‌ଏ ମେଁ ଆତ୍‌ବାନ୍ ମ୍ୱ୍ରେଏ ମାତର୍‌‌ ମେଁ ସୁଆବାନ୍‍ ଉଦାର୍‌ ବାଲେଃକ୍ନେ ରେମୁଆଁ ସୁଗୁଆ ମେଁ ରକ୍ୟା ବାଏ ।
\p
\v 16 ପେ ବଲ୍‌ ବାବ୍‌ରେ ମ୍ୟାପେଲେଃକେ ଜେ ପେଇଂ ଇସ୍‌ପର୍‌ନେ ମନ୍ଦିର୍‌ ଇସ୍‌ପର୍‌ନେ ଆତ୍ମା ପେଇଂନେ ଉର୍‍ଦେନ୍ନିଆ ବାସା ଡିଙ୍ଗ୍‌କେ । 
\v 17 ଜା ଜଦି ଇସ୍‌ପର୍‌ନେ ମନ୍ଦିର୍‌କେ ନସ୍ଟ ଆଡିଙ୍ଗ୍‌ଏ ଇସ୍‌ପର୍ ଆମେକେ ନସ୍ଟ ଆଡିଙ୍ଗ୍‌ଏ । ମେଁ ଡାଗ୍‍ଲା ଇସ୍‌ପର୍‌ନେ ମନ୍ଦିର୍‍ ପବିତ୍ର ବାରି ପେ ଆତେନ୍‌ ମନ୍ଦିର୍‍ ।
\p
\v 18 ଜା ଡିଗ୍ ନିଜେକେ ଆନାଲେଲେ । ପେ ବିତ୍ରେବାନ୍ ଜା ଜଦି ନିଜେକେ ସଂସାର୍‍ନେ ବିସୟ୍‌ରେ ଜ୍ଞାନି ଡାଗ୍‌ଚେ ବାବେଏ ସତ୍ ଜ୍ଞାନ୍‍ ବାନେସା ଆମେକେ ଆମ୍ୟାଃକେ ସୁଗୁଆ ଡିଙ୍ଗ୍‌ନେ ପଡ଼େଏ 
\v 19 ମେଃଡାଗ୍ଲା ଏନ୍‌ ମଞ୍ଚ୍‌ପୁର୍‌ ଇସାବ୍‌ରେ ମେଁନେ ଗିଆନ୍‍ ଆତେନ୍‌ ଇସ୍‌ପର୍‌ନେ ସାମ୍‍ନାରେ । ବାରି ମୁଇଂତର୍‍ ଦର୍ମ ସାସ୍ତର୍‌ନ୍ନିଆ ଗୁଆର୍‍ ବକେ: “ଇସ୍‌ପର୍ ଜ୍ଞାନି ରେମୁଆଁଇଂକେ ମେଁଇଙ୍ଗ୍‌ନେ ନୁଆଁ ନୁଆଁଚେ ସାଃମ୍ୟାକେ ।” 
\v 20 ବାରି “ମାପ୍ରୁ ମ୍ୟାଆଲେଃକେ ଜେ ଜ୍ଞାନି ରେମୁଆଁଇଂନେ ଚିନ୍ତା ବାବ୍‍ନା ମାଲେ ।” 
\v 21 ମନେ ଡିଙ୍ଗ୍‌ପା ରେମୁଆଁ ଡିଙ୍ଗ୍‌ନେ ସାପା ସ୍ଲେ ବିସୟ୍‌ରେ ଜା ଡିଗ୍ ବଡ଼୍‌ପନ୍‌ ଆଡିଙ୍ଗ୍‌ଲେ; ସତ୍‌ରେ ପେ ସାପା ବିସୟ୍‌ରେ ଅଦିକାରି । 
\v 22 ପାଉଲ୍, ଆପଲ୍ଲ, ପିତର୍, କେଫା ଆକେନ୍ ମଞ୍ଚ୍‌ପୁର୍‌ ପାରାନ୍ ବାରି ଗୁଗୁଏନେ ଏକେ ବାରି ଇଡ଼ିଙ୍ଗ୍‍ଡେ ସାପା ପେନେ । 
\v 23 ମାତର୍‌‌ ପେ କିସ୍‌ଟନେ ବାରି କିସ୍‌ଟ ଇସ୍‌ପର୍‌ନେ ।
\c 4
\s କ୍ରିସ୍ଟ ବେବକ୍ନେ ସିସ୍‌
\p
\v 1 ପେ ଆନେକେ କିସ୍‌ଟନେ ଜତନ୍‌ ଡିଙ୍ଗ୍‌ଣ୍ଡ୍ରେ ଡାଗ୍‌ଚେ ବାବେନେ ଦର୍‌କାର୍ । ଇସ୍‌ପର୍ ଆନେକେ ଆଡ଼ାତ୍ରାନେ ତାଡ଼୍‍ତେ ସାମୁଆଁକେ ସାମାଲେନ୍‍ସା ମୁଇଙ୍ଗ୍ ଗୁମୁସ୍ତାକେ ବକେ । 
\v 2 ଦେକ୍ ରକମ୍‌ ଦାଇତ୍‌ ବାଲେଃକ୍ନେ ରେମୁଆଁ ନିଜର୍ ମାପ୍ରୁନେ ଆଡ଼ାତ୍ରା ବିସ୍‌ବାସ୍‌ ବନେ ଜାବର୍‌ ଦର୍‌କାର୍‌ । 
\v 3 ଏନ୍‌ ବିସୟ୍‌ରେ ପେ ବାନ୍ ଣ୍ତୁଲା ଜା ଡିଙ୍ଗ୍‌ଲେ ରେମୁଆଁ ବିଚାର୍‍ନାନ୍ନିଆ ବିଚାର୍‌ ଡିଙ୍ଗ୍‍ ନ୍‌ସା ଆନେଙ୍ଗ୍ ଚିନ୍ତା ଣ୍ଡୁ ଦେକ୍‌ରକମ୍ କି ନେଙ୍ଗ୍ ନିଜେ ଡିଗ୍ ନିଜେନେ ବିଚାର୍ ଡିଙ୍ଗ୍‍ନାଡିଙ୍ଗ୍‌କେ ଣ୍ଡୁ । 
\v 4 ନେଙ୍ଗ୍ ବିରଦ୍‌ରେ ମେଃଡିଗ୍‌ ବିସୟ୍ ଲେଃନେ ସାମୁଆଁ ନେଙ୍ଗ୍ ନ୍ନାମ୍ୟାକେ ଣ୍ତୁ । ଏଲେଡିଗ୍ ଆକ୍‌ମେନେ ଅର୍‌ତ ଣ୍ତୁ ଜେ ନେଙ୍ଗ୍ କ୍ଲିଗ୍‌ଡା ବାବ୍‌ରେ ଦସି ଣ୍ଡୁ । ମାତର୍‌‌ ମାପ୍ରୁ ନିଜେ ନେଙ୍ଗ୍‌ନେ ବିଚାର୍‌ ଡିଙ୍ଗ୍‌ଣ୍ଡ୍ରେ । 
\v 5 ତେସା ଆର୍ମେ ବକ୍ନେ ବେଲା ସିସେବାନ୍ ପେ ଜାନେ ଡିଗ୍‍ ବିଚାର୍ ଆଡିଙ୍ଗ୍‌ପା । ସାରସାରି ବିଚାର୍ ମାପ୍ରୁ ପାଙ୍ଗ୍‍ନେ ବେଲା ଡିଙ୍ଗ୍‌ଏ । ମେଁ ତାଙ୍ଗ୍‍କିଗ୍‍ନେ ବୁଡ଼େଲେଃକ୍ନେ ସାମୁଆଁ ସାପା ତାର୍‍କିଗ୍‍ନ୍ନିଆ ଡୁଙ୍ଗ୍‍ପାଙ୍ଗ୍‍ଏ । ରେମୁଆଁଇଂନେ ମନ୍‍ଅରିଆ ବୁଡ଼ିଲେଃକ୍ନେ ବାବ୍‍ନା ସାପା ବାସଙ୍ଗ୍ଏ । ଆତେନ୍‌‍ବେଲା ସାପାରେ ଇସ୍‌ପର୍ ଡାଗ୍ରାବାନ୍ ନିଜେ ନିଜେନେ ଡିଲାଡିଗ୍‌ ପ୍ରସଂସା ବାଆର୍‌ଏ ।
\p
\v 6 ବୟାଁ ବାରି ତନାଇଂ ମାତର୍‌ ପେନେ ମଙ୍ଗଲ୍‌ ନ୍‌ସା ନେଙ୍ଗ୍ ଆପଲ୍ଲ ବାରି ନେଙ୍ଗ୍ ବିସୟ୍‌ରେ ଏନ୍‌ ସାପା ସାମୁଆଁ ବାସଙ୍ଗ୍‌ମ୍ୱକେ । ଆନେ ମ୍ୱାୟାକେ ଉଦାଅରନ୍‌ ରକମ୍‌ ମନେ ଡିଂଚେ ପେ ସିକେନେ ଦର୍‌କାର୍ ଜେ “ସାସ୍ତର୍‌ନ୍ନିଆ ମେଁନେ ଗୁଆର୍ ବକେ ଆମେକେ ଆନ୍ତାର୍‍ଚେ ବାରି ଜାବର୍‌ ବାଏରେ ୱେନେ ବଲ୍ ଣ୍ଡୁ ।” ପେ ବିତ୍ରେବାନ୍ ଆଜାକେ ଡୁଂୱେଚେ ବଡ଼୍‌ପନ୍‌ ଆରାସୁଏଲେ ବା ଆଜାକେ ଆଉର୍‌ଲେ । 
\v 7 ବିନ୍ ବାନ୍ ଆପେକେ ଜାଣ୍ଡେ ମ୍ନା ଆଡିଙ୍ଗ୍ ବକେ ? ପେନେ ସାପା ମେଁନେ ଇସ୍‌ପର୍‌ନେ ଦାନ୍ ଣ୍ତୁ ? ତେଲା ପେନେ ମେଃ ଲେଃକେ, ଆତେନ୍‌ ଦାନ୍ ରକମ୍‌ ବାମାଲେଃକେ ରକମ୍‌ ବଡ଼୍‌ପନ୍‌ ଡିଙ୍ଗ୍‌ପେଡିଙ୍ଗ୍‌କେ ମେଃସାଃ ?
\p
\v 8 ପେନେ ଦର୍‌କାର୍‌ ଲେଃକ୍ନେ ସାପା ବିସୟ୍ ବା ପେଲେକେ କି ? ପେ ମେଃମେଃନେ ସାକାର୍‌ ଡିଙ୍ଗ୍‌ପେଲେଃକେ ? ପେ ମେଁନେ ମୁଇଂ ମୁଇଂ ଇଃସାଙ୍ଗ୍‌ ଡିଙ୍ଗ୍ ପେଲେକେ ଜଦି ନେ ଡିଙ୍ଗ୍ ନେୟାକେ ? ସତେଆ ପେଇଂ ଇଃସାଙ୍ଗ୍‌ ଡିଙ୍ଗ୍ ପେଲେଃକେ ? ତେଲା ନେ ପେନେ ଆତେନ୍‌ ଇଃସାଙ୍ଗ୍‌ ପଦ୍‌ ବାନ୍ ନେପାକୁଡ଼େ । 
\v 9 ସତ୍ ସାମୁଆଁ ବାସଙ୍ଗ୍‌ନେ ୱେଲା ଆନେଙ୍ଗ୍ ମନେ ଲେଃକେ ଜେ ନେନେ ରକମ୍ ପ୍ରେରିତ୍‌ ସିସ୍ଇଂକେ ଇସ୍‌ପର୍ ସାପାରେକେ ପ୍ଲା ବକେ । ରେମୁଆଁ ସାମ୍‌ନା ଗୁଏନେ ଡଣ୍ଡ୍‍ ବାଚେ ସାପା ଦର୍ତନିନେ ରେମୁଆଁ ବାରି ଦେବ୍ ଦୁତ୍‍ଇଂ ଡାଗ୍ରା ଉପହାସ୍‌ନେ ପାତ୍ର ରେମୁଆଁଇଂନେ ରକମ୍ ଆନେକେ ମେଁ ବକେ । 
\v 10 ନେ କିସ୍‌ଟନେ ନ୍‌ସା ବୁଦି ଣ୍ଡୁ ଡାଗ୍‌ଚେ ସ୍ନାମୁଆଁ ନେଲେଃକେ ମାତର୍‌‌ କିସ୍‍ଟ ଏତେ ମିସୁପେଲାଗେସା ପେ ଜ୍ଞାନି । ନେ ଅସକ୍‍ତ୍ୟା, ମାତର୍‌ ପେ ଡାଟ୍ । ନେ ଅମାନି ରେମୁଆଁ, ମାତର୍‌ ପେ ସନ୍‍ମାନ୍‍ଣ୍ଡ୍ରେ । 
\v 11 ଏବେ ଡିଗ୍ କେଡ଼େସଃ ନେଲେଃକେ ଉଗ୍‍ଡ୍ୟାଃ ଡଡିଂକେ ତେକ୍‍ପ୍ୟାଃକ୍ନେ ପାଟାଇ ସଃନ୍ଲେଃକେ ମାଡ୍‍ ଚଙ୍ଗ୍‍ନ୍ଲେଃକେ ବାରି ଆନେଙ୍ଗ୍ ଡୁଆ ଣ୍ଡୁ । 
\v 12 ଜାବର୍ କାମ୍ ଡିଙ୍ଗ୍‌ଚେ ନେ ଦିନ୍‌କେ ଦିନ୍ ଲାକାଃ ୱେ ନେଲେକେ । ଜାଣ୍ଡେ ଆନେକେ ଅବିସାପ୍ ବିଲା ନେ ଆମେକେ ଆସିର୍ବାଦ୍ ନେଡିଙ୍ଗ୍‌ଏ । କସ୍ଟ ପାଙ୍ଗ୍‌ଲା ସାମ୍ୱାଲେ ନେୱେଏ । 
\v 13 ଅପମାନ୍‌ ଡିଙ୍ଗ୍‌ଚେ ମିସୁନେ ସାମୁଆଁ ବାସଙ୍ଗ୍‌ନେଡିଙ୍ଗ୍‌; ଏଃଜାକ ଡିଗ୍ ନେ ମଞ୍ଚ୍‌ପୁର୍‌ନେ କାଚ୍‌ରା, ସାପାରେନେ ଚିନ୍‌ ରକମ୍‌ ଡିଙ୍ଗ୍‌ନେଲେଃକେ ।
\p
\v 14 ନେଙ୍ଗ୍ ଆପେକେ ଗିଆସ ଆଡିଙ୍ଗ୍ ନ୍‌ସା ଏନ୍‌ ସାପା ବିସୟ୍ ଗୁଆର୍‌ନ୍ନାଡିଂକେ ଣ୍ତୁ ମାତର୍‌‌ ନେଙ୍ଗ୍‌ନେ ନିଜର୍‌ ଉଙ୍ଗ୍‌ଡେ ଡାଗ୍‌ଚେ ମନେ ଡିଙ୍ଗ୍‌ଚେ ଆପେକେ ତରକ୍ ଆଡିଙ୍ଗ୍ ନ୍‌ସା ଏନ୍‌ ସାପା ଗୁଆର୍‌ ଣ୍ଡିଙ୍ଗ୍ । 
\v 15 କ୍ରିସ୍ଟାନ୍‌ ପାରାନ୍‌ନ୍ନିଆ ପେନେ ଗୁଲୁଏ ଦରମ୍‌ ଗୁରୁ ଲେଃଆର୍‌ଏ । ମାତର୍‌‌ ପେନେ ଆବା ମୁଇଙ୍ଗ୍ । ପେନେ ଡାଗ୍ରା ମାପ୍‍ରୁ ସାମୁଆଁ ମ୍ୱାସଙ୍ଗ୍‍କେ ବାରି ଜିସୁ କିସ୍‌ଟକେ ପେ ପେସାକେ ଆତ୍‌ବା ନେଙ୍ଗ୍ ପେନେ ଆବା ରକମ୍‌ ଡିଙ୍ଗ୍ ନ୍‌ଲେଃକେ । 
\v 16 \x + \xo ୪:୧୬ \xo*\xt ୧ କରିନ୍‌ତିୟ ୧୧:୧; ପିଲିପିୟ ୩:୧୭.\xt*\x*ଏନ୍‌ସାଃ ନିଏକେ ସାର୍ଲ ଣ୍ଡିଂକେ, ପେଇଂ ନିଂ ପ୍ଲାଃ ପାଙ୍ଗ୍‌ଲାପା । 
\v 17 କିସ୍‌ଟିୟାନ୍‌ ପାରାନ୍‌ନ୍ନିଆ ନେଙ୍ଗ୍‌ନେ ନିଜର୍ ବାରି ବିସ୍‌ବାସ୍‌‍ରେ ଲେଃକ୍ନେ ନେଉଂ ତିମତିକେ ପେ ଡାଗ୍‍ରା ବେଣ୍ଡିଂକେ । ନେଙ୍ଗ୍ ମାପ୍‌ରୁ କିସ୍‍ଟନେ ଡାଗ୍‍ରା ଲେଃଚେ ଆଣ୍ଡିନେ ତ୍ମି ପାରାନ୍ ବ୍ରୁଆ ଡିଙ୍ଗ୍‌ଣ୍ଡିଂକେ ବାରି ସାପା ସାପାନେ ମଣ୍ତଲି ଡାଗ୍ରା ଆଣ୍ତିନେ ସାପା ବୁଦି ବିଃଣ୍ଡିଂକେ, ଆତେନ୍‌ ମେଁ ଆପେକେ ଚେତ୍‌ନା ଆଡିଙ୍ଗ୍ ବିଏ ।
\p
\v 18 ନେଙ୍ଗ୍ ପେଇଂନେ ଡାଗ୍ରା ନ୍ନାୱେ ଡାଗ୍‌ଚେ ବାବେଚେ ଜାଣ୍ଡେ ଜାଣ୍ଡେ ଗର୍ବ ଡିଙ୍ଗ୍‍ଆର୍‍ଡିଂକେ । 
\v 19 ଇସ୍‌ପର୍ ଇକ୍‌ଚା ଡିଙ୍ଗ୍‌ଲା ନେଙ୍ଗ୍ ଜିଆ ପେ ଡାଗ୍ରା ଙ୍ଗୁଏଃଏ ଆତେନ୍‌‌ ବେଲା ଏନ୍‌ ତିଆର୍‌ ଡିଙ୍ଗ୍‍ଲେଃକ୍ନେ ରେମୁଆଁଇଂନେ ସାମୁଆଁ ମାତର୍‌ ନାଅଁ ଣ୍ତୁ ସତେଆ ମେଁଇଂନେ ଉଡ଼ି ବପୁ ଲେଃକେ ଆତେନ୍‌ ନେଙ୍ଗ୍ ଙ୍କେଏ । 
\v 20 ଡାଗ୍ଲା ଇସ୍‌ପର୍‌ନେ ରାଇଜ୍ ମାତର୍‌ ବ୍ନାଲିର୍‌ନେ ବିସୟ୍‌ରେ ଣ୍ତୁ ମାତର୍‌‌ ବପୁନେ ବିସୟ୍‌ରେ ତ୍ନାଏ । 
\v 21 ପେ ମେଃମେଃନେ ଚାଏଁପେଡିଂକେ ? ନେଙ୍ଗ୍ ମେଃମେଃନେ ଆପେକେ ସାସନ୍‌ ଡିଙ୍ଗ୍‌ନ୍‌ସା ଚାବୁକ୍‌ ଡୁଙ୍ଗ୍‌ ମ୍ପାଙ୍ଗ୍‌ଏ ? ଣ୍ତୁ ଆଲାଦ୍ ବାରି ସାର୍ଦା ମନ୍ ଡିଙ୍ଗ୍‌ଚେ ଙ୍ଗୁଏଃଏ ?
\c 5
\s ମଣ୍ତଲିନ୍ନିଆ ଦଦିଆ ବାଃଲିର୍‌ବାଃତା
\p
\v 1 ସତେଆ ଅଁ ନେଡିଙ୍ଗ୍‌କେ ଜେ, ପେ ମୁଡ଼ି ବୟଙ୍କାର୍ ଦଦ୍ୟା କାମ୍ ଡିଙ୍ଗ୍‍ପେଡିଙ୍ଗ୍‍, ଆତେନ୍‌ ବିଜାତି‍ଇଂନେ ଅରିଆ ଡିଗ୍ ଆତ୍ନାକେ ଣ୍ଡୁ । ନେଙ୍ଗ୍ ଦ୍ରିଗ୍‍ଣ୍ଡିଙ୍ଗ୍‍ ପେ ବିତ୍ରେବାନ୍ ମୁଇଂଡା ମେଁନେ ଆବାଡ଼େନେ କୁନେଡ଼େ ଏତେ କୁଡ଼େଃମାଡ଼େଃ ଡିଙ୍ଗ୍‌ଡିଙ୍ଗ୍‌କେ । 
\v 2 ଏଲେଡିଗ୍ ପେଇଂ ଡିରକମ୍ ନିଜର୍ ବିସୟ୍‌ରେ ଗରବ୍‌ ଡିଙ୍ଗ୍ ପେୟାକେ ? ସତ୍‌ପାକା ପେ ଗିଆସଚେ ଦେତ୍‌ ରକମ୍‌ ରେମୁଆଁକେ ପେ ବିତ୍ରେବାନ୍‌ ଆଃତାର୍‍ବିନେ ଦର୍‌କାର୍ । 
\v 3 ନେଙ୍ଗ୍ ଆତ୍‌ଅରିଆ ଗାଗ୍‌ଡ଼େ ଇସାବ୍‌ରେ ୱେଚା ନାଲେଃଲା ଡିଗ୍‍ ଆତ୍ମିକ୍‍ ବାବ୍‌ରେ ୱେଚାନ୍ଲେଃକେ ଡାଗ୍‌ଚେ ମନେ ବାବେଚେ ଦେତ୍‌ରକମ୍ ଦଦ୍ୟା କାମ୍ ଡିଙ୍ଗ୍‍ବକ୍ନେ ରେମୁଆଁ ବିରୁଦ୍‍ରେ ମାପ୍ରୁ ଡଣ୍ଡ୍‍ ବିଃ ଆଃଡାବକେ । 
\v 4 ମାପ୍ରୁ ଜିସୁନେ ମ୍ନିରେ ପେଇଂ ମୁଇଂଅରିଆ ରିସିଙ୍ଗ୍‍ନେ ବେଲା ନେଙ୍ଗ୍ ଡିଗ୍ ଆତ୍‌ଅରିଆ ଆତ୍ମିକ ବାବ୍‌ରେ ୱେଚାନ୍ଲେଃକେ ଡାଗ୍‌ଚେ ମ୍ୟାପା ବାରି ମାପ୍ରୁ ଜିସୁନେ ବପୁ ନେନେ ଅରିଆ ପାଙ୍ଗ୍‍ଲେଃଗେ । 
\v 5 ଦେକ୍‌ରକମ୍ ରେମୁଆଁ ଗାଗ୍‍ଡ଼େନେ ନସ୍ଟ ଆଡିଙ୍ଗ୍‍ନେସା ସୟତାନ୍‍ନେ ନ୍ତିନିଆ ବିଃନେ ଦର୍‌କାର୍ ଜେନ୍ତିକି ମାପ୍ରୁ ଜିସୁ ପାଙ୍ଗ୍‍ନେ ଦିନା ମେଁନେ ଆତ୍ମା ରକ୍ୟା ବାୟାଏ ।
\p
\v 6 \x + \xo ୫:୬ \xo*\xt ଗାଲାତିୟ ୫:୯.\xt*\x*ପେ ବିତ୍ରେ ଦେକ୍‌ରକମ୍ ଗର୍ବ ଡିଙ୍ଗ୍‌ନେ ବଲ୍ ଣ୍ତୁ । ପେ ମେଁନେ ପେମ୍ୟାକେ ଇକୁଡ଼ା ଖମିର ତାଡ଼୍‍ତେ ମଇଦାକେ ଖମିର୍‍ ଆଡିଙ୍ଗ୍‌ବିଏ ? 
\v 7 ପେ ବିତ୍ରେ ପାପ୍ ରକମ୍‌ନେ ବାୱିର୍‌କ୍ନେ କମିରକେ ସ୍ଲ ଆଡିଙ୍ଗ୍‌ଚେ କ୍ଲିଗ୍‌ଡା ପବିତ୍ର ଡିଙ୍ଗ୍‌ପା । ତେଲା ପେ ଖମିର ଶୂନ୍ୟ ତ୍ମିକ୍ନେ ପର୍‌ଚଲ୍‌ ମଇଦା ରକମ୍‌ ପେଡିଙ୍ଗ୍‌ଏ ଏଲେଡିଗ୍ ନେଙ୍ଗ୍ ମ୍ୟାଃନ୍ଲେକେ ପେ ଏବେ ଦେତ୍‍ରକମ୍‌ ପେଲେକେ । ନିସ୍ତାର୍ ପାଣ୍ତୁଏ ଆର୍ମେନେ ଡାଲେଃକେ । ବାରି କିସ୍‌ଟ ନେନେ ନିସ୍ତାର୍ ପାଣ୍ତୁଏଃନେ ମେଣ୍ଡା ରକମ୍‌ ନିଜେ କିସ୍‌ଟ ଗୁଏ ଲେଃକେ । 
\v 8 ଆତେନ୍‌‍ସା ପାଙ୍ଗ୍‌ଲାପା ନେନେ ପାପ୍ ବାରି ଦୁସ୍ଟ ରେମୁଆଁ ରକମ୍ ବାୱିର୍‌କ୍ନେ କମିର୍‍ ଆନ୍ତାର୍‍ ନେଃବିପା ବାରି କମିର୍‌ ଆମିସୁଃକ୍ନେ ରୁଟି ଏତେ ବା ସତ୍‍ରେ ବାରି ସାଦାସିଦା ରକମ୍‍ ରୁଟି ବାନ୍ ଆକେନ୍ ପାଣ୍ଡୁଏ ନେଃଚଙ୍ଗ୍‍ପା ।
\p
\v 9 ଅଡ଼ାରେଗ୍‌ଇଂନେ ଏତେ ଆମିସୁନ୍‍ସା ନେଙ୍ଗ୍ ଆପେକେ ନେଙ୍ଗ୍‌ନେ ଉଲିଆନ୍ନିଆ ଗୁଆର୍‌ମ୍ୱକେ; 
\v 10 ମେଁନେ ଅର୍‌ତ ଣ୍ତୁ ଜେ ଏନ୍‌ ମଞ୍ଚ୍‌ପୁର୍‌ନେ ଅଡ଼ାରେଗ୍, କଟିଙ୍ଗ୍‍ଡ଼େଗ୍‍, ଡଙ୍ଗାରେ ବାରି ମୁର୍ତି ପୁଜା ଡିଙ୍ଗ୍‍ଣ୍ଡ୍ରେ ଏତେ ମେଃଡିଗ୍ ସମ୍ପର୍କ ପେବ ଣ୍ଡୁ । ଦେତ୍‌ରକମ୍ ଡିଙ୍ଗ୍‌ଲା ଆପେକେ ମଞ୍ଚ୍‌ପୁର୍‌ବାନ୍‍ ମୁଇଂ ମାଡ୍‍ରେ ତାର୍ ୱେ ଡିଙ୍ଗ୍‌ଏ । 
\v 11 ନେଙ୍ଗ୍ ବାସଙ୍ଗ୍‌ନେ ଉଦେସ୍‍ ଡିଙ୍ଗ୍‍ଡିଙ୍ଗ୍‍କେ ସାମୁଆଁ ଡିଙ୍ଗ୍‌ଡିଙ୍କେ ଜେ ପେନେ ସାଙ୍ଗ ଡାଗ୍‌ଚେ ସ୍ନାମୁଁଆଃ ଲେଲା ଡିଗ୍‍ ମୁଡ଼ି ରେମୁଆଁ ଜଦି ଅଡ଼ାରେଗ୍, କଟିଙ୍ଗ୍‍ଡ଼େଗ୍‍, ମୁର୍‍ତି ପୁଜାରି, ମାନିନ୍ଦାଣ୍ଡ୍ରେ, ମଦୁଆ ଣ୍ତୁଲା ଡଙ୍ଗାରେ ଡିଙ୍ଗ୍‌ଲେଃଏ, ତେଲା ମେଁ ଏତେ ସାପା ସମ୍ପର୍କ ଡିଙ୍ଗ୍‌ନେ ଆଃସ୍ନାମୁଆଃ ବିଏ । ଦେକ୍‌ରକମ୍ କି ଦେକ୍‍ରକମ୍‍ନେ ରେମୁଆଁ ଏତେ ଆଚଙ୍ଗ୍‌ପା ।
\p
\v 12 ବାଏରେ ରେମୁଆଁଇଂନେ ବିଚାର୍ ଡିଙ୍ଗ୍‌ନ୍‌ସା ନେଙ୍ଗ୍ ଜାଣ୍ଡେ ? ମାତର୍‌ ନେନେ ବିସ୍‌ବାସ୍‌‍ ଦଲ୍‍ନ୍ନିଆ କୁଡ଼େଲେକ୍ନେ ରେମୁଆଁଇଂନେ ବିଚାର୍ ଡିଙ୍ଗ୍‌ନେ ଦାଇତ୍‍ ମେଃନେ ନେଃନେ ଣ୍ଡୁ ?
\p
\v 13 ଇସ୍‌ପର୍ ମେଁଇଂନେ ବିଚାର୍ ଡିଙ୍ଗ୍‌ଏ । ଦର୍ମ ସାସ୍ତର୍‌ନ୍ନିଆ ଗୁଆର୍‍ବକେ “ପେ ବିତ୍ରେବାନ୍ ଦୁସ୍ଟ ରେମୁଆଁଇଂକେ ନୁଆଁପା ।”
\c 6
\s କ୍ରିସ୍ଟିଆନ୍‌ ବୟାଁଇଂନେ ବିରଦ୍‌ରେ ଦାବି
\p
\v 1 ପେଇଂନେ ବିତ୍ରେ ମୁଇଂଜାନେ ବିରଦ୍‌ରେ ଜଦି ଜାଣ୍ତେନେ ମେଃଡିଗ୍‌ ସାମୁଆଁ ଲେଃଏ ତେଲା ମେଁ ବିସ୍‍ବାସି ଦଲ୍‍ ଡାଗ୍ରା ମାୱେଚେ ଅବିସ୍‍ବାସିଇଂ ବିଚାର୍‌ ଡିଙ୍ଗ୍‌ନେ ଡାଗ୍ରା ୱେନେସା ଡିରକମ୍ ସାଆସ୍ ଡିଙ୍ଗ୍‌କେ ? 
\v 2 ଇସ୍‌ପର୍‌ନେ ରେମୁଆଁଇଂ ମଞ୍ଚ୍‌ପୁର୍‌ନେ ବିଚାର୍ ଡିଙ୍ଗ୍‌ଏ ଡାଗ୍‌ଚେ ମେଃମେଃନେ ପେମ୍ୟାକେ ? ପେ ଜଦି ମଞ୍ଚ୍‌ପୁର୍‌ନେ ବିଚାର୍ ଡିଙ୍ଗ୍‌ପେୟାଏ ତେଲା ଏନ୍‌ ଡାଆଁ ବିସୟ୍ ଇଂନେ ମେଃମେଃନେ ସମାଦାନ୍‌ ଡିଙ୍ଗ୍ ପେୟାଣ୍ତୁ ? 
\v 3 ନେ କିତଂଇନି ଦୁତ୍‌ଇଂନେ ଡିଗ୍ ବିଚାର୍ ନେଡିଙ୍ଗ୍‌ଏ ଏନ୍‌ ମେଃମେଃନେ ପେମ୍ୟାକେ କି ? ତେଲା ଜାଗତିକ ସାମୁଆଁ ଇଂନେ ସମାଦାନ୍‌ ଆଡିଙ୍ଗ୍‌ନେ ନେନେ ଡାଗ୍ରା ଜାବର୍ ସଅଜ୍‌ ଆଡିଙ୍ଗ୍ ଣ୍ତୁ କି ? 
\v 4 ଏନ୍‌ ସାପା ସାଦାରନ୍ ବିସୟ୍‌ନେ ସମାଦାନ୍‌ ଆଡିଙ୍ଗ୍‍ନେସା ମେଁନ୍‌ସା କ୍ରିସ୍ଟିୟ ବିସ୍‌ବାସି ଦଲ୍‍ ସାମ୍‍ନାରେ ଜାଣ୍ଡେଇଂ ସନ୍‌ମାନ୍‌ ଣ୍ତୁ ଦେତ୍‌ରକମ୍ ମଣ୍ଡଲିନ୍ନିଆ ସନ୍‍ମାନ୍‍ ଆଲେଃକ୍ନେ ରେମୁଆଁଇଂନେ ଡାଗ୍ରା ୱେପେଡିଙ୍ଗ୍‌ ? 
\v 5 ଆତେନ୍‌‍ସା ପେଇଂ ଗିଆସ ଡିଙ୍ଗ୍‌ନେ ଦର୍‌କାର୍ । କ୍ରିସ୍ଟ ବିସ୍‌ବାସି ବୟାଁ ବିତ୍ରେ ତାର୍‌ଲେଃକ୍ନେ ୱିଙ୍ଗ୍‌ଆ ରିଙ୍ଗ୍‍ଆନେ ସମାଦାନ୍‌ ଆଡିଙ୍ଗ୍ ନ୍‌ସା ଡିଲାଡିଗ୍‌ ପେ ବିସ୍‍ବାସି ଦଲ୍‍ନ୍ନିଆ ଜା ଣ୍ଡୁଲା ଜା ମୁଇଙ୍ଗ୍ ଗିଆନ୍‍ ରେମୁଆଁ ଲେଃକେ । 
\v 6 ମେଁ ଡାଗ୍‍ରା ମାୱେଚେ ମୁଇଙ୍ଗ୍ ବୟାଁ ବିନ୍ ବୟାଁ ବିରଦ୍‌ରେ ବିଚାର୍‍ନା ଡୁଆନ୍ନିଆ ଦାବି ଡିଙ୍ଗ୍‌ଏ, ଅବିସ୍‌ବାସ୍‌ଣ୍ଡ୍ରେ ଆକେନ୍ ବିଚାର୍ ଡିଙ୍ଗ୍‌ଏ ।
\p
\v 7 ପେ ବିତ୍ରେ ଡିଙ୍ଗ୍‍ଡିଙ୍ଗ୍‍କ୍ନେ ମାଲିମକଦମା ପର୍‍ମାନ୍‍ ଡିଙ୍ଗ୍‌ଡିଙ୍ଗ୍‌କେ ଜେ ପେ କ୍ଲିଗ୍‌ଡା ଆରେ ପେଲେଃକେ । ଦାବି ଡିଙ୍ଗ୍‌ନେ ଆନ୍ତାର୍‍ଚେ ଣ୍ଡୁଲା ଅନ୍ୟାୟ୍ ସାମ୍ବାଲେଚେ କସ୍‌ଟ ବାନେ ପେ ପାକା ଦଦ୍ୟା ଣ୍ଡୁ କି ? 
\v 8 ଏନ୍‌ ଡିଙ୍ଗ୍‌ନେ ବାଟା ନିଜର୍‌ ନିଜର୍‌ ଆଡ଼ାତ୍ରା ଦେକ୍‌ରକମ୍ କି ନିଜର୍ ବୟାଁଇଂନେ ଆଡ଼ାତ୍ରା ଡିଗ୍ ଅନ୍ୟାୟ୍ ଡିଙ୍ଗ୍‌ଚେ ଆମେଇଂକେ ନାଲେ ପେଡିଙ୍ଗ୍‌କେ । 
\v 9 ପେଇଂ ନିମାଣ୍ଡା ବାବ୍‌ରେ ମ୍ୟାପେଲେଃକେ ଜେ ଦଦ୍ୟା‌ ରେମୁଆଁଇଂ ଇସ୍‌ପର୍‌ନେ ରାଜିନ୍ନିଆ ଅଦିକାର୍ ଆଡିଙ୍ଗ୍‌ଆର୍‍ ଣ୍ତୁ । ଏନ୍‌ ବିସୟ୍‌ରେ ପେନେ ମେଃଡିଗ୍‌ ଆଙ୍କ୍ ଆନ୍ତ୍‌ ମନ୍ ଆଲେଲେ । ଡଙ୍ଗାନେ କି ମୁର୍ତି ପୁଜାରି କି ଅଡ଼ାରେଗ୍‌ ବିଃ ଦଦ୍ୟା ସମ୍ପର୍କ ବନେ ଆସାଇ ରେମୁଆଁଇଂ 
\v 10 ଡଙ୍ଗାରେ ଦନ୍‌ଲବ୍‌ ବୁସାଃରେ ଆନିନ୍ଦାଣ୍ଡ୍ରେ ବାରି ଡଙ୍ଗାରେଇଂ ଇସ୍‌ପର୍‌ନେ ରାଜିନ୍ନିଆ ବାଟା ଆବାଆର୍‌ ଣ୍ତୁ । 
\v 11 ବାରି ପେଇଂନେ ବିତ୍ରେ ଜାଣ୍ଡେ ଜାଣ୍ଡେ ଦେକ୍‌ରକମ୍ ପେଲେକେ; ଏବେ ପେ ପାପ୍‍ବାନ୍‍ ପର୍‌ଚଲ୍‌ ଡିଙ୍ଗ୍‍ଚେ ମାପ୍ରୁ ଜିସୁ କିସ୍‌ଟନେ ମ୍ନିରେ ବାରି ପବିତ୍ର ଆତ୍ମା ଏଃତେ ପେ ଦାର୍‍ମିକ୍‍ ଡାଗ୍‌ଚେ ସ୍ନାମୁଁଆଃ ଡିଙ୍ଗ୍‍ପେଲେଃକେ ।
\s ନିଜର୍ ଗାଗ୍‌ଡ଼େ ଏଃତେ ଇସ୍‌ପର୍‌ନେ ଗୌରବ୍‍ ନ୍‌ସାଃ ବାଃଲିର୍‌ବାଃତାପା
\p
\v 12 \x + \xo ୬:୧୨ \xo*\xt ୧ କରିନ୍‌ତିୟ ୧୦:୨୩.\xt*\x*ଜାଣ୍ଡେ ବାସଙ୍ଗ୍‌ ୟାଆର୍‌ଏ “ଆନେଙ୍ଗ୍ ସାପା ମେଃଡିଗ୍‌ ଡିଙ୍ଗ୍ ନ୍‌ସା ଆଦେସ୍‌ ବିଃବକେ ।” ସତ୍ ସାମୁଆଁ ମାତର୍‌‌ ସାପା ମେଃଡିଗ୍‌ ପେ ନ୍‌ସା ବଲ୍ ଣ୍ତୁ । ମେଁ ଡିଗ୍ ବିସୟ୍ ଡିଙ୍ଗ୍‌ନ୍‌ସା ଅଦିକାର୍ ନେଙ୍ଗ୍‌ନେ ଲେଃକେ ଡାଗ୍‌ଚେ ଆନେଙ୍ଗ୍ ଡାଆଁ ଡିଙ୍ଗ୍ ନ୍‌ସା ନେଙ୍ଗ୍ ଜାଣ୍ତେକେ ଡିଗ୍‌ ଅଃନା ଅଦିକାର୍ ନ୍ନାବି ଣ୍ତୁ । 
\v 13 ବିନ୍‍ରେ ଜା ବାସଙ୍ଗ୍‍ ୟାଏ “କାଦି ସୁଲୁଏଃ ନ୍‍ସା ବାରି ସୁଲୁଏଃ କାଦି ନ୍‌ସା ଦର୍‌କାର୍ ।” ସତ୍ ସାମୁଆଁ ମାତର୍‌ ଇସ୍‌ପର୍ ମ୍ୱାୟାକେ ନସ୍ଟ ଆଡିଙ୍ଗ୍‌ଏ । ଗାଗ୍‌ଡ଼େ ଦଦ୍ୟା କାମ୍‍ରେ ବେବ‍ଆର୍ ମାଡିଙ୍ଗ୍‌ଚେ ମାପ୍ରୁ ସେବାରେ ବେବ‍ଆର୍ ଡିଙ୍ଗ୍‌ଲେ ମେଃଡାଗ୍‍ଲା ମାପ୍ରୁ ଗାଗ୍‍ଡ଼େନେ ଦର୍‍କାର୍‍ ଲେଃକ୍ନେ ସାପା ବିଏ । 
\v 14 ଇସ୍‌ପର୍ ମାପ୍ରୁ ଜିସୁକେ ଗୁଏନେବାନ୍‌ ଆଃତଡ଼୍ୟାବକେ ବାରି ନିଜର୍ ବପୁରେ ମେଁ ଆନେକେ ଡିଗ୍ ଆଃତଡ଼୍ୟାଏ ।
\p
\v 15 ପେନେ ଗାଗ୍‌ଡ଼େ କିସ୍‌ଟନେ ଗାଗ୍‌ଡ଼େନେ ଅଙ୍ଗ ରକମ୍‌ ଡାଗ୍‌ଚେ ମେଁନେ ପେମ୍ୟାକେ ? ତେଲା ନେଙ୍ଗ୍ ମେଁନେ କ୍ରିସ୍ଟନେ ଗାଗ୍‌ଡ଼େନେ ମୁଇଙ୍ଗ୍ ଗାଗ୍‌ଡ଼େକେ ଅଡ଼ାରେଗ୍‌‌ନେ ଗାଗ୍‌ଡ଼େ ରକମ୍‌ ନ୍ନାଡିଙ୍ଗ୍‌ଏ ? ଆନା ଣ୍ତୁ । 
\v 16 ପେ ଡିଙ୍ଗ୍‍ଏ ତ ମ୍ୟା ପେଲେଃକେ ଜା ଅଡ଼ାରେଗ୍‍ ଏତେ ମିସୁଏ ମେଁ ମେଁ ଏତେ ଗାଗ୍‌ଡ଼େ ଇସାବ୍‌ରେ ମୁଇଙ୍ଗ୍ ଡିଙ୍ଗ୍‌ୱେଏ ? ସାସ୍ତର୍‌ନ୍ନିଆ ନିମାଣ୍ଡା ବାବ୍‌ରେ ଗୁଆର୍‍ ବକେ, “ମେଁ ମ୍ୱାୟା ମୁଇଂ ଡିଙ୍ଗ୍‌ଏ ।” 
\v 17 ମାତର୍‌‌ ଜାଣ୍ଡେ ମାପ୍ରୁ ଏତେ କୁଡ଼େଃଏ ମେଁ ମେଁ ଏତେ ଆତ୍ମିକ୍‍ ବାବ୍‌ରେ ମୁଇଙ୍ଗ୍ ଡିଙ୍ଗ୍‌ଏ ।
\p
\v 18 ଦଦ୍ୟା କାମ୍‍ବାନ୍‍ ସ୍ଲ ଲାଲାପା । ବିନ୍ ମେଃଡିଗ୍ ପାପି ରେମୁଆଁନେ ଗାଗ୍‌ଡ଼େକେ ମ୍‍ମାର୍‍ ଆରାଡିଙ୍ଗ୍‍ ଣ୍ଡୁ । ମାତର୍‌‌ ଅଡ଼ାରେଗ୍ ନିଜର୍ ଗାଗ୍‌ଡ଼େ ବିରଦ୍‌ରେ ପାପ୍ ଡିଙ୍ଗ୍‌ମ୍ୟାକେ । 
\v 19 \x + \xo ୬:୧୯ \xo*\xt ୧ କରିନ୍‌ତିୟ ୩:୧୬; ୧ କରିନ୍‌ତିୟ ୬:୧୬.\xt*\x*ପେ ମେଁନେ ପେମ୍ୟାଃକେ ଜେ ପେଇଂନେ ଗାଗ୍‌ଡ଼େ ପବିତ୍ର ଆତ୍ମାନେ ମନ୍ଦିର୍‍ । ମୁଡ଼ି ଆତ୍ମା ପେ ଇସ୍‍ପର୍‍ନେବାନ୍‍ ବାପେଲେଃକେ । 
\v 20 ମେଁ ଆପେକେ ଜାବର୍‌ ଡାବୁ ବିଚେ ବିଆର୍ ବକେ । ତେସା ପେନେ ଗାଗ୍‌ଡ଼େ ଏତେ ଇସ୍‌ପର୍‌କେ ଗୌରବ୍‍ ଡିଙ୍ଗ୍‌ପା ।
\c 7
\s ବିହେ ସାମୁଆଁନେ ନିଅମ୍
\p
\v 1 ପେନେ ଉଲିଆନ୍ନିଆ ଆଣ୍ତିନେ ସାପା ପ୍ରସ୍‌ନ ସାଲ୍ୟାଃକୁପେବକେ, ଏବେ ନେଙ୍ଗ୍ ଆତେନ୍‌ ସାପାନେ ଉତର୍ ମ୍ୱିଏ । ଙ୍ଗିରେ ଇସାବ୍‌ରେ ବିଏ ଆଡିଙ୍ଗ୍‌ନେ ନିମାଣ୍ତା । 
\v 2 ମାତର୍‌‌ ସାପା ଅଡ଼ାରେଗ୍‌‌ ତ୍ନ ଲେଃଗେସା ସାପା ଙ୍ଗିର୍‍ବଏନେ ସେଲାମ୍ବୁଏ ବାରି ସାପା ସେଲାମ୍ବୁଏଃ ଙ୍ଗିର୍‌ବ‍ଏ ଲେଃନେ ଦର୍‌କାର୍ । 
\v 3 ନିଜର୍ ଗାଗ୍‌ଡ଼େ ଆଡ଼ାତ୍ରା ସେଲାମ୍ବୁଏଃନେ ଅଦିକାର୍ ଣ୍ଡୁ ମାତର୍‌ ଙ୍ଗିରେନେ ଲେଃକେ । ଟିକ୍ ଦେତ୍‌ରକମ୍ ନିଜର୍ ଗାଗ୍‌ଡ଼େ ଆଡ଼ାତ୍ରା ଙ୍ଗିରେନେ ଅଦିକାର୍ ଣ୍ଡୁ ମାତର୍‌ ସେଲାମ୍ବୁଏଃ ଲେଃକେ । 
\v 4 ସେଲାମ୍ବୁଏଃ ନିଜର୍ ଗାଗ୍‌ଡ଼େ ଆଡ଼ାତ୍ରା ଅଦିକାର୍ ଣ୍ତୁ ମାତର୍‌‌ ଆଣ୍ତାନେ ଲେଃକେ; ଦେତ୍‌ରକମ୍ ଡିଗ୍ ଆଣ୍ତାନେ ନିଜର୍ ଗାଗ୍‌ଡ଼େ ଆଡ଼ାତ୍ରା ଅଦିକାର୍ ଣ୍ତୁ ମାତର୍‌‌ ସେଲାମ୍ବୁଏଃ ଲେଃକେ । 
\v 5 ନିଜର୍‌ ନିଜର୍‌ ବାନ୍ ମେଇଂ ବିନେ ଆଲେଃ ଆର୍‌ଲେ । ମାତର୍‌‌ ମ୍ୱାୟାନୁଗ୍‍ ମୁଇଂ ମନ୍‌ ଡିଙ୍ଗ୍‌ଚେ ପାର୍‌ତନାନ୍ନିଆ ୱେନ୍‌ସା ଉଡ଼ିପର୍‍ ଜାକ ବିନେ ଲେଃଆର୍‌ଏ । ଆତ୍ମାନ୍ନିଆ ଜିତେନେ ଅବାବ୍‍ ନ୍‌ସା ସ‍ଏତାନ୍ ଡିରକମ୍ ଆମେଇଂକେ ଅଲ୍‍ଗା ମନ୍‍ ଆବି ଣ୍ଡୁ ଆତେନ୍‌‌ସା ମେଇଂ ବାର୍‌ମୁଇଂତର୍‌ ମୁଇଂଅରିଆ ଡିଙ୍ଗ୍‌ଲେଃ ।
\p
\v 6 ଏନ୍‌ ବିସୟ୍‌ରେ ନେଙ୍ଗ୍ ମେଃମେଃନେ ସାପା ବାସଙ୍ଗ୍‌ଣ୍ତିଂ ଆତେନ୍‌ ନେଙ୍ଗ୍‌ନେ ଆଦେସ୍‌ ଣ୍ତୁ; ମାତର୍‌‌ ପେନେ ସୁବିଦା ନ୍‌ସା ଏନ୍‌ ନେଙ୍ଗ୍‌ନେ ଆଦେସ୍‌ । 
\v 7 ପେ ସାପାରେ ନେଙ୍ଗ୍ ରକମ୍‌ ଡିଙ୍ଗ୍‌ପା ଡାଗ୍‌ଚେ ନେଙ୍ଗ୍ ଚାଏଁଣ୍ତିଂକେ । ମାତର୍‌ ସାପାରେ ଇସ୍‌ପର୍‌ନେବାନ୍ ମ୍ନା ମ୍ନା ଦାନ୍ ବାଲେଆର୍‍କେ । ଆଜାକେ ମୁଇଙ୍ଗ୍ ରକମ୍‌ ବାରି ବିନ୍‍ରେ ବିନ୍ ମୁଇଙ୍ଗ୍ ରକମ୍‌ ଦାନ୍ ପାଙ୍ଗ୍‍ଲେଃକେ ।
\p
\v 8 ବିହେ ଆଡିଙ୍ଗ୍‌ଣ୍ଡ୍ରେ ବାରି ଗୁଏସାଙ୍ଗ୍‌କୁଏଃଇଂନେ ବିସୟ୍‌ରେ ନେଙ୍ଗ୍‌ନେ ଚିନ୍ତା ଦେକ୍‌ରକମ୍ ମେଇଂ ନେଙ୍ଗ୍ ରକମ୍ ମୁଇଜା ଲେଲା ନିମାଣ୍ଡା ପାଡିଙ୍ଗ୍‍ । 
\v 9 ମାତର୍‌ କୁଡ଼େଃମାଡ଼େଃ ଡିଙ୍ଗ୍‍ଆୟାଲା ମେଇଙ୍ଗ୍‌ନେ ଇସାବ୍‌ରେ ବିଏ ଡିଙ୍ଗ୍‌ନେ ଦର୍‌କାର୍ । ମେଃଡାଗ୍‌ଲା କୁଡ଼େଃମାଡ଼େଃନେ ଜାବର୍‌ ଇକ୍‌ଚା ଡିଙ୍ଗ୍‌ଲା ମେଁନେ ବାଦୁଲ୍ ବିଏ ଡିଙ୍ଗ୍‌ନେ ବଲ୍ ।
\p
\v 10 \x + \xo ୭:୧୦ \xo*\xt ମାତିଉ ୫:୩୨; ୧୯:୯; ମାର୍‌କ ୧୦:୧୧,୧୨; ଲୁକ୍‌ ୧୬:୧୮.\xt*\x*ବିହେ ଡିଙ୍ଗ୍‌ଆର୍‍କ୍ନେ ରେମୁଆଁଇଂ ଆଡ଼ାତ୍ରା ଏନ୍‌ ନେଙ୍ଗ୍‌ନେ ଆଦେସ୍‍ ଣ୍ତୁ ଇସ୍‌ପର୍‌ନେ ଆଦେସ୍‍ ସେଲାମ୍ବୁଏଃ ଆଣ୍ତାଣ୍ଡେକେ ଅଃନାଡିଗ୍ ଆଆଁନ୍ତାର୍‍ଲେ ଆନ୍ତାର୍ ଆବିଃଲେ 
\v 11 ଜଦି ଡିଙ୍ଗ୍‌ଏ ତେଲା ମେଁ ମୁଇଂଜା ଲେଃଲେ ଣ୍ଡୁଲା ଆଣ୍ଡାଣ୍ଡେ ଏତେ ବାର୍‌ମୁଇଂତର୍‍ କୁଡ଼େଲେ । ବାରି ଆଣ୍ଡାଣ୍ଡେ ମେଁ କୁନୁଏଃଡ଼େକେ ଅଃନାଡିଗ୍ ଆନ୍ତାର୍‍ ଆବିଲେ ।
\p
\v 12 ବିନ୍‍ରେ ଆଡ଼ାତ୍ରା ଆକେନ୍ ନେଙ୍ଗ୍‌ନେ ଆଦେସ୍‍ ଇସ୍‌ପର୍‌ନେ ଣ୍ଡୁ ! ଜଦି ନେନେ ବିତ୍ରେବାନ୍ ଜାନେ ସେଲାମ୍ବୁଏଃ କିସ୍‍ଟ ବିସ୍‌ବାସ୍ ମାଡିଙ୍ଗ୍‌ଚେ ଡିଗ୍ ଆଣ୍ଡାଣ୍ଡେ ଏତେ ଲେନ୍‍ସା ଇକ୍‌ଚା ଡିଙ୍ଗ୍‌ଏ ତେଲା ଆତେନ୍‌ ବୟାଁ ଆମେକେ ଆନ୍ତାର୍‍ ବିଃନେ ବଲ୍ ଣ୍ଡୁ । 
\v 13 ଦେତ୍‌ରକମ୍ ଆଣ୍ତିନେ ଆଣ୍ତା ଅବିସ୍‌ବାସି ଡିଙ୍ଗ୍‌ଚେ ଡିଗ୍ କ୍ରିସ୍ଟ ବିସ୍‌ବାସି ସେଲାମ୍ବୁଏଃ ଏତେ ବ୍ରୁଆନ୍‌ସା ଚାଏଁଏ ତେଲା ଆତେନ୍‌ ସେଲାମ୍ବୁଏଃ ଆମେକେ ଆନ୍ତାର୍ ବିଃନେ ଦର୍‌କାର୍ ଣ୍ତୁ । 
\v 14 ମେଃଡାଗ୍‌ଲା ଆତେନ୍‌ ଅବିସ୍‌ବାସି ଙ୍ଗିରେ ମେଁ କୁନେଡ଼େନେ ନିଜର୍ ଇକ୍‌ଚାରେ ବାରି ଆତେନ୍‌ ଅବିସ୍‌ବାସି ସେଲାମ୍ବୁଏଃ ନିଜେନେ ଆଣ୍ଡାଣ୍ଡେନେ ନିଜର୍ ଇକ୍‌ଚାରେ ମାପ୍ରୁ ଜିସୁ କିସ୍‌ଟକେ ସାଃ ୟାଏ । ଆତେନ୍‌ ଆଡିଙ୍ଗ୍‌ଲା ମେଁଇଙ୍ଗ୍‌ନେ ଗଗିସିଆଃଇଂ ଅପବିତ୍ର ଡିଙ୍ଗ୍‌ଆର୍‌ଏ । ମାତର୍‌ ସତ୍ ପାକା ମେଇଂ ଇସ୍‍ପର୍‍ନେବାନ୍‍ ପବିତ୍ର । 
\v 15 ଆତେନ୍‌ ମେଁ ଡିଗ୍ ଡିଙ୍ଗ୍‌ଲେଃ ଜଦି ମୁଇଂଜା ଅବିସ୍‌ବାସି ମେଁନେ କିସ୍‌ଟ ବିସ୍‌ବାସି ଆଣ୍ତାଣ୍ଡେ ବା ସେଲାମ୍ବୁଏଃବାନ୍‌ ବିନେ ଲେଃନ୍‌ସା ଚାଏଁଏ, ତେଲା ମେଁ ଆତେନ୍‌ ଡିଙ୍ଗ୍‌ଲେ । ଏନ୍‌ ଆଡ଼ାତ୍ରା କିସ୍‌ଟ ବିସ୍‌ବାସି ଆଣ୍ତାଣ୍ଡେ ଣ୍ତୁଲା ସେଲାମ୍ବୁଏଃ ମେଃଡିଗ୍‌ ନିୟମ୍‌ନ୍ନିଆ ଦଦ୍ୟା ଣ୍ତୁ । ଡାଗ୍ଲା ସାନ୍ତିରେ ବ୍ରୁଆ ଡିକେଃନ୍‍ସା ଇସ୍‌ପର୍ ଆନେକେ ୱା ବକେ । 
\v 16 କ୍ରିସ୍ଟ ବିସ୍‌ବାସି ସେଲାମ୍ବୁଏ ନାନେ ନିଜର୍ ଆଣ୍ତାକେ ବିସ୍‌ବାସ୍‌ ଆଡିଙ୍ଗ୍ ନାୟାଏ ଡାଗ୍‌ଚେ ମେଁନେ ବଲ୍‌ ବାବ୍‌ରେ ମ୍ୟାନାଲେଃକେ ? ବିସ୍‌ବାସି ଆଣ୍ତା ନାନେ ନିଜର୍ ସେଲାମ୍ବୁଏଃକେ କ୍ରିସ୍ଟ ବିସ୍‌ବାସି ଆଡିଙ୍ଗ୍ ନାୟାଏ ଡାଗ୍‌ଚେ ମେଁନେ ବଲ୍‌ ବାବ୍‌ରେ ବାସଙ୍ଗ୍‌ ନାୟାଏ ?
\s ଇସ୍‌ପର୍‌ନେ ୱାକ୍ନେ ରକମ୍‌ ବ୍ରୁଆ ଡିକେଃପା
\p
\v 17 ଇସ୍‌ପର୍ ଜାଣ୍ତେକେ ଡିରକମ୍ ଦୟା ଡିଙ୍ଗ୍‌ବକେ ବାରି ଜାଣ୍ତେକେ ଡିରକମ୍ ଅବସ୍ତାରେ ୱା ବକେ ମେଁ ଦେତ୍‌ରକମ୍ ବାବ୍‌ରେ ବ୍ରୁଆ ଡିକେଃନେ ଦର୍‌କାର୍ । ଏନ୍‌ ଆଦେସ୍‌ ନେଙ୍ଗ୍ ସାପା ବିସ୍‍ବାସ୍‍ ଦଲ୍‍କେ ବିଃମ୍ୱକେ । 
\v 18 ପବିତ୍ର ଡିଙ୍ଗ୍‌କ୍ନେ ଇଡ଼ିଙ୍ଗ୍ ଜାଣ୍ଡେ ଜଦି ଇସ୍‌ପର୍ ବାନ୍ ଆଦେସ୍‌ ବାଏ । ମେଁ ପବିତ୍ରନେ ଚିନା ନସ୍ଟ ଆଡିଙ୍ଗ୍‍ନେସା ଚେସ୍‍ଟା ଆଡିଙ୍ଗ୍‌ଲେ । 
\v 19 ମେଃଡାଗ୍ଲା ପବିତ୍ର ଡିଙ୍ଗ୍‌ନେ ବାରି ପବିତ୍ର ଆଃଡିଙ୍ଗ୍‌ନେ ମେଃଡିଗ୍‌ ମୁଲ୍ୟ ଣ୍ତୁ । ମ୍ନା ବିସୟ୍ ଡିଙ୍ଗ୍‌ଡିଙ୍ଗ୍‌କେ ଇସ୍‌ପର୍‌ନେ ଆଦେସ୍‌ ପାଲନ୍ ଡିଙ୍ଗ୍‌ନେ । 
\v 20 ଇସ୍‌ପର୍ ୱାକ୍ନେ ମାନେଃ କେଲା ଜାଣ୍ଡେ ଡିରକମ୍ ଅବସ୍ତାରେ ଲେଃଗେ ମେଁ ଦେତ୍‌ ଅବସ୍ତାରେ ଲେଃଲେ । 
\v 21 ଇସ୍‌ପର୍ ୱାନେ ବେଲା ପେ ମେଃମେଃନେ ଗତିରେ ପେଲେଃଗେ ? ତେନ୍‌ସା ମନ୍ କସ୍ଟ ଆଡିଙ୍ଗ୍‌ପା ଜଦି ମେଃଡିଗ୍‌ ଉପାୟ୍‍ରେ ତାର୍‍ ପେୟାଏ ତେଲା ଆତେନ୍‌ ସୁଜଗ୍‌କେ ସତ୍‌ ବେବଆର୍‌ ଡିଙ୍ଗ୍‌ପା । 
\v 22 ମେଃଡାଗ୍ଲା ମାପ୍ରୁବାନ୍‍ ପାଙ୍ଗ୍‍ଲେଃକ୍ନେ ଗତିରେ ମେଁବାନ୍ ତାର୍‍ଲେଃକ୍ନେ ରେମୁଆଁ । ବିନ୍ ପାକା କିସ୍‌ଟ ୱାବକ୍ନେ ରେମୁଆଁ, ମେଁ ମେଁନେ ଗତିରେ । 
\v 23 ଇସ୍‌ପର୍ ଆପେକେ ଜାବର୍ ଡାବୁ ବିଚେ ବିଆର୍ ବକେ । ତେସା ରେମୁଆଁନେ ଗତିରେ ଆଡିଙ୍ଗ୍‌ପା । 
\v 24 ଅ ବୟାଁ ବାରି ତନାଇଂ ଇସ୍‌ପର୍ ଆପେକେ ଡିଡି ଅବସ୍ତାରେ ୱାକ୍ନେ ବେଲା ଡିଡି ଅବସ୍ତାରେ ପେଲେଃଗେ । ଦେତ୍ ଅବସ୍ତାରେ ପେ ଲାଲାପା ।
\s ବିହେ ଆଡିଙ୍ଗ୍‌ଣ୍ଡ୍ରେ ବାରି ଗଏସାଙ୍ଗ୍‌କୁଏନେ ବିସୟ୍‌ରେ ପ୍ରସ୍‌ନ
\p
\v 25 ପେଇଂ ବିହେ ଆଃଡିଙ୍ଗ୍‌ଣ୍ଡ୍ରେନେ ବିସୟ୍‌ରେ ମ୍ୟାନ୍‌ସା ଚାଏଁପେଡିଂକେ । ଏନ୍‌ ବିସୟ୍‌ରେ ନେଙ୍ଗ୍ ମାପ୍ରୁନେବାନ୍‌ ମେଃଡିଗ୍ ଆଦେସ୍‌ ନେବାକେ ଣ୍ତୁ । ମାତର୍‌‌ ମାପ୍ରୁନେ ଦୟାବାନ୍‍ ମୁଇଙ୍ଗ୍ ବିସ୍‌ବାସ୍‌ ଡିଙ୍ଗ୍‌କ୍ନେ ରେମୁଆଁ ବାବ୍‌ରେ ନେଙ୍ଗ୍ ନିଜେନେ ସାମୁଆଁ ବାଲିର୍‍ ଣ୍ଡିଙ୍ଗ୍‍କେ ।
\p
\v 26 ଆକେନ୍ ଦୁକ୍ ବେଲା ଡାଗ୍‌ଚେ ନେଙ୍ଗ୍ ମନେ ବାବେଣ୍ଡିଂକେ; ମୁଇଙ୍ଗ୍ ରେମୁଆଁ ଡିରକମ୍ ଲେଃକେ ଦେତ୍‌ରକମ୍ ଲେଃନେ ଦର୍‌କାର୍ । 
\v 27 ପେ ମେଃମେଃନେ ବିହେ ଡିଙ୍ଗ୍‌ପେଲେକେ ? ତେଲା ସେଲାମ୍ବୁଏଃବାନ୍‌ ତାର୍‍ୱେନ୍‍ସା ଚେସ୍‌ଟା ଆଡିଙ୍ଗ୍‌ପା । ପେ ମେଃନେ ବିହେ ପେଡିଙ୍ଗ୍‌କେ ? ଜଦି ବିହେ ଡିଙ୍ଗ୍‌ନ୍‌ସା ଇକ୍‌ଚା ପେଡିଙ୍ଗ୍ । 
\v 28 ଜଦି ବିହେ ପେଡିଙ୍ଗ୍‌ଏ ପେ ପାପ୍ ପେଡିଙ୍ଗ୍ ଣ୍ତୁ । ବିହେ ଆଡିଙ୍ଗ୍‌କ୍ନେ ସେଲାମ୍ବୁଏ ବିହେ ଡିଙ୍ଗ୍‌ଲା ମେଃଡିଗ୍‌ ପାପ୍ ଆଡିଙ୍ଗ୍ ଣ୍ତୁ । ମାତର୍‌‌ ବିହେ ଡିଙ୍ଗ୍‌କ୍ନେ ରେମୁଆଁକେ ସଂସାର୍‌ନ୍ନିଆ ଜାବର୍ ଦୁକ୍ କସ୍ଟ ସାମ୍ୱାଲେ ପଡ଼େଏ । ଏନ୍‌ ଦୁକ୍‍ବେଲା ଆତ୍‌ବାନ୍ ପେଇଂ ଉଦାର୍ ପେବାଏ ଏନ୍‌ ନେଙ୍ଗ୍‌ନେ ଇକ୍‌ଚା ।
\p
\v 29 ବୟାଁଇଂ ନେଙ୍ଗ୍ ଏନ୍‌ ସାମୁଆଁ ବାସଙ୍ଗ୍‌ ନ୍‌ସା ଇକ୍‌ଚା ଡିଙ୍ଗ୍‌ଣ୍ଡିଂକେ ଜେ ଜୁଗ୍‌ ଡାଗ୍ରା ପିଙ୍ଗ୍‌ଚାକେ । ଏଃବାନ୍ ବିହେ ଡିଙ୍ଗ୍‌କ୍ନେ ରେମୁଆଁଇଂ ବିହେ ଆଡିଙ୍ଗ୍‌କେ ରକମ୍‌ ବ୍ରୁଆ ଡିଂକେ ଆର୍‍ଲେ । 
\v 30 ବାରି ଜାଣ୍ଡେଇଂ ଅଃଆର୍‌ଡିଙ୍ଗ୍‌କେ ମେଇଂ ଅଃନେ ମେଃଡିଗ୍ କାରନ୍‌ ଣ୍ଡୁ ଡାଗ୍‌ଚେ ମନେ ଡିଙ୍ଗ୍‌ପା । ବାରି ଜାଣ୍ଡେଇଂ ମ୍ଲେଃଡ଼ିଆଃ ଡିଙ୍ଗ୍‌ଆର୍‌ଡିଂକେ ମେଇଂ ସାର୍ଦା ଡିଙ୍ଗ୍‌ନେ ମେଁ ଡିଗ୍ କାରନ୍‌ ଣ୍ଡୁ ଡାଗ୍‌ଚେ ମନେ ଡିଙ୍ଗ୍‌ପା । ଜାଣ୍ଡେଇଂ ମେଁନେ ବିଆର୍‍ ଡିଂଆର୍‌କେ ଆତେନ୍‌ ନିଜେନେ ଣ୍ଡୁ ଡାଗ୍‌ଚେ ମନେ ଡିଙ୍ଗ୍‌ପା । 
\v 31 ବାରି ଜାଣ୍ଡେଇଂ ମଞ୍ଚ୍‌ପୁର୍‌ନେ ବିସୟ୍‌ରେ କାମ୍ ଡିଙ୍ଗ୍ଆର୍‌ଡିଙ୍କେ ମେଇଂ ଆକ୍‌ଅରିଆ କାମ୍ ଆଡିଙ୍ଗେ ରକମ୍ ଲେଃଆର୍‍ଲେ ମେଁ ଡାଗ୍‍ଲା ଆକେନ୍ ଏନ୍‌ ମଞ୍ଚ୍‌ପୁର୍‌ନେ ନିଜେନେ ଅବସ୍ତା ବାରି ଜାବର୍‌ ଦିନା ଆଲେଃ ଣ୍ଡୁ ।
\p
\v 32 ପେଇଂ ନିୟମ୍‌ବାନ୍‍ ଉଦାର୍ ବାପା ଡାଗ୍‌ଚେ ନେଙ୍ଗ୍ ଚାଏଁଣ୍ଡିଂକେ । ବିହେ ଆଡିଙ୍ଗ୍‌କ୍ନେ ରେମୁଆଁ ମାପ୍ରୁନେ ସ୍ଲେନ୍ନିଆ ମନ୍ ବିଃପା; ଡାଗ୍ଲା ମାପ୍ରୁକେ ସାର୍ଦା ଆଡିଙ୍ଗ୍‌ନେ ମେଁନେ ମୁଇଂ ଆଃ ଇକ୍‌ଚା । 
\v 33 ମାତର୍‌‌ ଆଣ୍ଡିନେ ରେମୁଆଁ ବିହେ ଡିଙ୍ଗ୍‌ଲେକେ ମେଁ ସଂସାର୍‌ନେ ବିସୟ୍‌ରେ ଚିନ୍ତାରେ ଲେଃଚେ ମେଁନେ ସେଲାମ୍ବୁଏକେ ସାନ୍ତି ଆଡିଙ୍ଗ୍ ନ୍‌ସା ଚାଏଁଏ । 
\v 34 ତେସା ମେଁ ମ୍ବାକ୍ଲିଗ୍ ସାମୁଆଁନ୍ନିଆ ମନ୍ ବିଃ ଡିଂକେ । ବିହେ ଆଡିଙ୍ଗ୍‌କ୍ନେ ସେଲାମ୍ବୁଏ ବାରି ସେଲା ପବିତ୍ର ଡିଂନେସା ମାପ୍ରୁନେ କାମ୍‍ରେ ମନ୍ ବିଃପା ମେଃଡାଗ୍‌ଲା ଗାଗ୍‌ଡ଼େ ବାରି ଆତ୍ମିକ୍‍ ବାବ୍‍ରେ ମେଁ ନିଜେକେ ଇସ୍‌ପର୍ ଡାଗ୍‍ରା ବିଃନ୍‍ସା ଚାଏଁ ଡିଙ୍ଗ୍‌କେ । ମାତର୍‌ ବିହେ ଡିଙ୍ଗ୍‍ଲେଃକ୍ନେ ସେଲାମ୍ବୁଏଃ ସାଂସାରିକ୍‍ ବିସୟ୍‌ରେ ଡୁଙ୍ଗ୍‍ୱେଚେ ତାନ୍ଦ୍ରାରେ ଲେଃକେ । ମେଃଡାଗ୍‌ଲା ଆଣ୍ଡାଣ୍ଡେକେ ଆମ୍ଲେଡ଼ିଆଃ ନ୍‌ସା ମେଁନେ ଇକ୍‌ଚା ।
\p
\v 35 ଏନ୍‌ ସାମୁଆଁ ନେଙ୍ଗ୍ ପେଇଂନେ ବଲ୍ ନ୍‌ସା ବାସଙ୍ଗ୍‌ଣ୍ଡିଂ ଆପେକେ ବନ୍ଦନ୍‌ନ୍ନିଆ ଗାଗ୍‌ଚେ ବନ୍‌ସା ବାସଙ୍ଗ୍‌ ନାଡିଙ୍ଗ୍‌କେ ଣ୍ତୁ ନେଙ୍ଗ୍ ଇକ୍‌ଚା ଣ୍ତିଙ୍ଗ୍‌ଏ ଜେ ପେଇଂ ନିଜେକେ ମେଃଡିଗ୍ ବିନ୍ ସ୍ଲେନିଆ ଆଡିଙ୍ଗ୍‌ଚେ ସମାନ୍ ବାବ୍‌ରେ ମାପ୍ରୁନେ କାମ୍‌ନ୍ନିଆ ଲାଲାପା ଏନ୍‌ ନେଙ୍ଗ୍‌ନେ ଇକ୍‌ଚା ।
\p
\v 36 ବିହେ ମାଗ୍‌ନି ଡିଙ୍ଗ୍ ୱେକ୍ନେ ଇଡ଼ିଙ୍ଗ୍ ଙ୍ଗିର୍‌ବଏ ଜଦି ମନେ ଡିଙ୍ଗ୍‌ଏ ଜେ ମେଁନେ ସାଲ୍ୟାଃବକ୍ନେ ସେଲାମ୍ବୁଏଃ ଆଡ଼ାତ୍ରା ମେଁ ଅଡ଼ାରେଗ୍‌‌ ଡିଙ୍ଗ୍ ଆୟାକେ ଣ୍ତୁ ଜଦି ମେଁନେ ଅଡ଼ାରେଗ୍‌‌ ଇକ୍‌ଚା ଡିଙ୍ଗ୍‌ଏ ବାରି ଆତେନ୍‌ ଆଡ଼ାତ୍ରା ବିହେ ଡିଙ୍ଗ୍‌ନେ ଡିଲାଡିଗ୍‌ ଦର୍‌କାର୍ ପଡ଼େଏ ତେଲା ମେଁନେ ଇକ୍‌ଚା ସୁଗୁଆ ମେଇଂ ବିହେ ଡିଙ୍ଗ୍‌ଲେଃ । ଏନ୍‌ଅରିଆ ମେଃଡିଗ୍‌ ପାପ୍ ଣ୍ତୁ । 
\v 37 ମାତର୍‌‌ ଜାଣ୍ଡେ ଗାଗ୍‌ଡ଼େନ୍ନିଆ ସାନ୍ତି ଲେଃଏ ବାରି ଦର୍‌କାର୍‌ ଲେଃକ୍ନେ ଆତୁର୍‌ ଣ୍ତୁ ବାରି ନିଜର୍ ଇକ୍‌ଚା ଅନୁସାରେ ଡିଙ୍ଗ୍ ନ୍‌ସା ଅଦିକାର୍ ଲେଃଏ ବାରି ଜାଣ୍ଡେ ନିଜର୍ ସେଲାମ୍ବୁଏକେ ସେଲା ବନ୍‌ସା ଗାଗ୍‌ଡ଼େନ୍ନିଆ ବାବେ ଲେଃଏ, ତେଲା ମେଁ ନିମାଣ୍ତା ଡିଙ୍ଗ୍‌ଏ । 
\v 38 ଏନ୍‌ସା ଜାଣ୍ଡେ ନିଜର୍ ସେଲା ସେଲାମ୍ବୁଏଃକେ ବିହେ ଡିଙ୍ଗ୍‌ଏ ମେଁ ନିମାଣ୍ତା ଡିଙ୍ଗ୍‌ଏ ବାରି ଜାଣ୍ଡେ ବିହେ ଆବି ଣ୍ତୁ, ମେଁ ଆରି ନିମାଣ୍ତା ଡିଙ୍ଗ୍‌ଏ ।
\p
\v 39 ମୁଇଙ୍ଗ୍ ଆଣ୍ତା ଜିବନ୍ ଲେଃଜାକ ସେଲାମ୍ବୁଏଃ ମେଁନେ ଏତେ ଲେଃନ୍‌ସା ବାଦ୍ୟ । ଆଣ୍ତା ଗୁଏକ୍ନେ ଇଡ଼ିଙ୍ଗ୍ ମେଁ ଜେ ଜାଣ୍ତେଡିଗ୍‌ ବିନ୍ ରେମୁଆଁ ଏତେ ବିହେ ଡିଙ୍ଗ୍ ନ୍‌ସା ଇକ୍‌ଚା ଲେଃକେ । ମାତର୍‌‌ ଜାଣ୍ତେକେ ବିହେ ଡିଙ୍ଗ୍‌ଏ, ମେଁ ମାପ୍‌ରୁ କ୍ରିସ୍ଟ ଡାଗ୍ରା ବିସ୍‌ବାସି ଡିଙ୍ଗ୍‌ଲେଃନେ ଦର୍‌କାର୍ । 
\v 40 ନେଙ୍ଗ୍‌ନେ ମନ୍‌ରେ ମେଁ ଡିରକମ୍ ଅବସ୍ତାରେ ଲେଃକେ, ଦେତ୍‌ ଅବସ୍ତାରେ ଲେଃଲା ଜାବର୍ ସୁକ୍‌ ଡିଙ୍ଗ୍‌ଏ ବାରି ନେଙ୍ଗ୍ ଡିଗ୍ ଇସ୍‌ପର୍‌ନେ ଆତ୍ମା ବାନ୍ଲେଃକେ ଡାଗ୍‌ଚେ ନିଂ ଏତେଣ୍ଡିଂକେ ।
\c 8
\s ଦେବ୍‌ତା ପର୍‌ସାଦ୍‌ନେ ପ୍ରସ୍‌ନ
\p
\v 1 ମୁର୍ତିପୁଜା ପର୍‌ସାଦ୍‌ ବିସୟ୍‌ରେ ନେଙ୍ଗ୍‌ନେ ଉତର୍ ଆକେନ୍‌, ନେ ସାପାରେନେ ବୁଦି ଲେଃକେ ଡାଗ୍‌ଚେ ମ୍ୟାନେଲେକେ । ବୁଦି ରେମୁଆଁକେ ଆଂକାର୍‌ ଡିଙ୍ଗ୍‌ଏ ମାତର୍‌‌ ଆଲାଦ୍ ରେମୁଆଁକେ ଡାଟ୍‌ ଆଃଡିଙ୍ଗ୍ଏ । 
\v 2 ଜଦି ଜାଣ୍ଡେ ବାସଙ୍ଗ୍ଏ ଜେ ମେଁ ମେଃମେଃନେ ମ୍ୟାଲେଃନେ ଦର୍‌କାର୍‌, ଆତେନ୍‌ ମେଁ ଆମ୍ୟାଃକେ ଣ୍ତୁ । 
\v 3 ଜାଣ୍ଡେ କି ଇସ୍‌ପର୍‌କେ ଆଲାଦ୍ ଡିଙ୍ଗ୍‌ଏ ମେଁ ଆଃ ମୁଇଂ ମେଁନେ ସ୍ନାମୁଁଆଃ ରେମୁଆଁ ଡିଂଏ ।
\p
\v 4 ମୁର୍ତିପୁଜାନେ ପ୍ରସାଦ୍‌ ଚଙ୍ଗ୍‌ନେ ବିସୟ୍‌ରେ ନେ ମ୍ୟାନେଲେଃକେ ଜେ ଏନ୍‌ ମଞ୍ଚ୍‌ପୁର୍‌ନ୍ନିଆ ମୁର୍ତିନେ ମେଃଡିଗ୍‌ ସତେଆ ସାନ୍ତି ଣ୍ତୁ । ନେନେ ଇସ୍‌ପର୍ ଆଃ ମୁଇଂ ଇସ୍‌ପର୍ । 
\v 5 ଡାଗ୍ଲା କିତଂଇନି ଡିଙ୍ଗ୍‌ଲେଃ ବା ମଞ୍ଚ୍‌ପୁର୍‌ନ୍ନିଆ ଡିଙ୍ଗ୍‌ଲେଃ ଜାଣ୍ତେଇଂକେ ଦେବ୍‌ତା ଡାଗ୍‌ଚେ ବାସଙ୍ଗ୍ଏ, ଆଣ୍ତିଡିଗ୍‌ ମେଇଂ ଲେଃଆର୍‌ଏ, ଦେକ୍‌ରକମ୍ ଡିଗ୍ ଗୁଲୁଏ ଦେବ୍‌ତା ବାରି ଗୁଲୁଏ ମାପ୍ରୁ ଲେଃଆର୍‌କେ । 
\v 6 ମାତର୍‌ ନେନେ ମୁଇଂ ଆଃ ଇସ୍‌ପର୍ ଆଣ୍ଡିନେ ଆବାନେବାନ୍‌ ସାପା ବିସୟ୍ ଡିଙ୍ଗ୍‌ଲେକେ ବାରି ନେ ମେଃନ୍‌ସା ଡିଙ୍ଗ୍‌ନେଲେଃକେ ବାରି ମୁଇଂ ଆଃ ମାପ୍ରୁ ଡାଗ୍‌ଲା ଜିସୁ କିସ୍‌ଟ ମେଁନେ ବାନ୍ ସାପା ବିସୟ୍ ଡିଙ୍ଗ୍ ଲେଃକେ ବାରି ମେଁନେ ବାନ୍ ନେ ଡିଙ୍ଗ୍‌ନେଲେଃକେ ।
\p
\v 7 ଏଲେଡିଗ୍ ସାପାରେନେ ଏନ୍‌ ସତ୍ ଆମ୍ୟାଃଆର୍‌ ଣ୍ଡୁ; ମାତର୍‌‌ ଉଡ଼ି ରେମୁଆଁ ଏଃଜାକ ଦେବ୍‌ତା ଲେଃକେ ଡାଗ୍‌ଚେ ବାବେଚେ ମୁର୍ତିପୁଜା ଡିଙ୍ଗ୍‌କ୍ନେ ପ୍ରସାଦ୍‌ ଚଙ୍ଗ୍‌ଆର୍‌କେ ବାରି ମେଁଇଂନେ ବୁଦି ଆଲେଃଲା ଅପବିତ୍ର ଡିଙ୍ଗ୍‌ଏ । 
\v 8 ଚଙ୍ଗ୍‍ନେ ଜିନିସ୍‌ ବାନ୍ ଇସ୍‌ପର୍‌ନେ ଏତେ ନେନେ ସମ୍ପର୍କନ୍ନିଆ ମେଃଡିଗ୍‌ ଆବଦ୍‌ଲେ ଣ୍ତୁ । ମେଃଡିଗ୍‌ ଚଙ୍ଗ୍‌ନେ ଜିନିସ୍‌ ଆଃମାନେଃନେ ବାନ୍ ନେନେ ମେଃଡିଗ୍‌ କେତି ଆଡିଙ୍ଗ୍ ଣ୍ତୁ ଣ୍ତୁଲା ମେଃଡିଗ୍‌ କାଦି ଜିନିସ୍‌ ଗ୍ର‍ଅନ୍‌ ଡିଙ୍ଗ୍‌ନେ ବାନ୍ ନେନେ ମେଃଡିଗ୍‌ ଲାବ୍‌ ଆଡିଙ୍ଗ୍ ଣ୍ତୁ ।
\p
\v 9 ମାତର୍‌‌ ତରକ୍ ପେଇଂନେ ଏନ୍‌ ମୁକ୍‌ତି ଡିରକମ୍ ଅସକ୍‌ତିଆ ବିସ୍‌ବାସିଇଂନେ ଗଟ୍‌ନା ରକମ୍‌ ଆଡିଙ୍ଗ୍‌ଲେ । 
\v 10 ମନେ ଡିଙ୍ଗ୍‌ପା ମୁଇଂଜା ଅସକ୍‌ତିଆ ବିସ୍‌ବାସି ନାନେ ରକମ୍‌ ମୁଇଙ୍ଗ୍ ବୁଦି ଲେଃକ୍ନେ ରେମୁଆଁକେ ମନ୍ଦିର୍‌ ବିତ୍ରେ ପ୍ରସାଦ୍‌ ଚଙ୍ଗ୍‌ନେ କେଚେ ମେଁ ମେଃମେଃନେ ପର୍‌ସାଦ୍‌ ଚଙ୍ଗ୍ ନ୍‌ସା ଇକ୍‌ଚା ଆଡିଙ୍ଗ୍ ଣ୍ତୁ ? 
\v 11 ତେଲା ଆଣ୍ଡିନେ ଅସକ୍‌ତିଆ ବିସ୍‌ବାସି ବୟାଁ ନ୍‌ସା କିସ୍‌ଟ ଗୁଏ ଲେଃକେ ପେନେ ଏନ୍‌ “ବୁଦି” ମେଃନେ ନସ୍ଟ ଡିଙ୍ଗ୍‌ନେ କାରନ୍‌ ଆଡିଙ୍ଗ୍ ଣ୍ତୁ କି ? 
\v 12 ଦେକ୍‌ରକମ୍ ବାବ୍‌ରେ ପେନେ ସାଙ୍ଗ ବିସ୍‌ବାସିଇଂନେ ବିରଦ୍‌ରେ ପାପ୍ ଡିଂଚେ ପେ କିସ୍‌ଟନେ ବିରଦ୍‌ରେ ପାପ୍ ପେଡିଙ୍ଗ୍‌ଏ ବାରି ଆତେନ୍‌ ବୟାଁଇଂନେ ଅସକ୍‌ତିଆ ବୁଦିକେ କସ୍ଟ ବିଏ । 
\v 13 ଏଲେଡିଗ୍‌ ମେଃଡିଗ୍‌ ଚଙ୍ଗ୍‍ନେ ଜଦି ନେଙ୍ଗ୍ ବୟାଁନେ କସ୍ଟ ରକମ୍‌ ଡିଙ୍ଗ୍‌ଚେ ଆମେକେ ପାପ୍ ଗାଲିପାକା ୱାଡୁଙ୍ଗ୍‌ୱେଏ ଆତେନ୍‌ ଚିଲି ନେଙ୍ଗ୍ ଅଃନାଡିଗ୍ ନେଚଙ୍ଗ୍ ଣ୍ଡୁ ।
\c 9
\s ବେବକ୍ନେ ସିସ୍‌ନେ ବାଃଲିର୍‌ବାଃତାନେ ନିଅମ୍
\p
\v 1 ନେଙ୍ଗ୍ ମୁଇଙ୍ଗ୍ ନିଜର୍‌ ବିତ୍‌ରେ ଲେଃକ୍ନେ ରେମୁଆଁ । ନେଙ୍ଗ୍ ମୁଇଂଜା ବେବକ୍ନେ ସିସ୍‌ । ନେଙ୍ଗ୍ ନେଁଇଂନେ ମାପ୍ରୁ ଜିସୁକେ କେନ୍ଲେକେ । ପେଇଂ ନେଙ୍ଗ୍ ମାପ୍ରୁନେ ସା ଡିଙ୍ଗ୍‌ବକ୍ନେ କାମ୍‌ନେ ଚୁଚୁ ରକମ୍‌ ଣ୍ତୁ କି । 
\v 2 ବିନ୍‌ଣ୍ଡ୍ରେଇଂ ଆନେଙ୍ଗ୍ ବେବକ୍ନେ ସିସ୍‌ ଡାଗ୍‌ଚେ ଗ୍ର‍ଅନ୍‌ ଆଡିଙ୍ଗ୍‌ଲା ଡିଗ୍ ପେଇଂ ଗ୍ର‍ଅନ୍‌ ପେଡିଙ୍ଗ୍ ଡାଗ୍ଲା ମାପ୍ରୁନେ ଏତେ ପେନେ ପାରାନ୍‌ନ୍ନିଆ ମିସେଲେଃକ୍ନେ ସା ଆନେଙ୍ଗ୍ ବେବକ୍ନେ ସିସ୍‌ ଡିଙ୍ଗ୍‌ନେ ପର୍‌ମାନ୍‌ ପେ ବାପେଲେକେ ।
\p
\v 3 ବିଚାର୍‌ ରେମୁଆଁକେ ନେଙ୍ଗ୍ ଦେକ୍ ରକମ୍‌ ଉତର୍ ବିଃମ୍ୱକେ । 
\v 4 ବଲେ ଚଙ୍ଗ୍ ଉଗ୍‌ନେ ମେଁନେ ନେଁଇଂନେ ଅଦିକାର୍ ଣ୍ତୁ ? 
\v 5 ବିନ୍‌ବିନ୍‌ନେ ବେବକ୍ନେ ସିସ୍‌ ପିତର୍ ବାରି ମାପ୍ରୁନେ ବୟାଁ କେଫା ରକମ୍‌ ବିସ୍‌ବାସି ପରିବାର୍‌ନେ ମୁଇଂଜା ସେଲାମ୍ବୁଏକେ ବିହେ ଡିଙ୍ଗ୍‌ଚେ ମେଁନେ ଏତେ ୱେନେ ନେଙ୍ଗ୍‌ନେ ମେଃମେଃନେ ଅଦିକାର୍ ଣ୍ତୁ ? 
\v 6 ଚଙ୍ଗ୍‍ନେ ରାଃସିଙ୍ଗ୍‍ନେସା ମାତର୍‌ ଆନେଙ୍ଗ୍ ବାରି ବର୍ଣ୍ଣବା କିକେ କସ୍ଟ ଡିଙ୍ଗ୍‌ନେ ପଡ଼େଏ । 
\v 7 ମୁଇଂଜା ସନ୍ୟ ନିଜର୍ କର୍ଚ ନିଜେ କର୍ଚ ଡିଙ୍ଗ୍‌ବଏ କି ? ଲିଜ ସ୍ଲେରେ ମେଃମେଃନେ ନିଜର୍ ଅଙ୍ଗୁର୍ ଡୁଗ୍‌ଡିନେ ଚୁଚୁ ଆଚଙ୍ଗ୍‌ ଣ୍ତୁ ଣ୍ତୁଲା ମେଣ୍ଡା ବିଚଙ୍ଗ୍‌ଣ୍ଡ୍ରେ ନିଜର୍ ମେଣ୍ଡାନେ ତ୍ରାଡ଼୍ୟା ଆଉଗ୍‌ ଣ୍ତୁ ?
\p
\v 8 ରେମୁଆଁ ବାବ୍‌ରେ ମେଁନେ ନେଙ୍ଗ୍ ଏନ୍‌ ବାସଙ୍ଗ୍‌ଣ୍ଡିଂ ? ନିୟମ୍‌ନ୍ନିଆ ଏନ୍‌ ବାସଙ୍ଗ୍‌ ଆବକେ ଣ୍ତୁ କି ? 
\v 9 ମସାନେ ନିୟମ୍‌ନ୍ନିଆ ଗୁଆର୍ ବକେ “କିଆଲେକ୍ଲା ଅଲେଙ୍ଗ୍‌ନେ ଅରେଃକେ ତୁମୁଆଃନ୍ନିଆ ଆଗାଗ୍‌ପା ।” ଇସ୍‌ପର୍ ମେଁନେ ଅରେଃନେ ସାମୁଆଁ ଚିନ୍ତା ଡିଙ୍ଗ୍‌କେ ? 
\v 10 ଏନ୍‌ ନେଁଇଂନେ ବିସୟ୍‌ରେ ଗୁଆର୍‌କ୍ନେ ଣ୍ତୁ କି ? ଡିଲାଡିଗ୍‌ ଆତେନ୍‌ ନେ ନ୍‌ସା ଗୁଆର୍‌ବକେ । ଲିଜ ସ୍ଲେରେ ବାରି କିଆ ୱେଃଣ୍ଡ୍ରେ କିଆବାନ୍‌ ବାଟା ବାନ୍‌ସା ଆସା ଡିଙ୍ଗ୍‌ଚେ କାମ୍ ଡିଙ୍ଗ୍‌ବଆର୍‌ଏ । 
\v 11 \x + \xo ୯:୧୧ \xo*\xt ରମିୟ ୧୫:୨୭.\xt*\x*ନେ ପେନେ ବିତ୍ରେ ଆତ୍ମାନେ ମୁଞ୍ଜି ବିଗ୍‌ନେବକେ । ତେସା ପେଇଂନେ ବାନ୍ ଉଡ଼ି ଆବ୍ଲେକ୍ନେ କିଆ ବାନ୍‌ସା ଇକ୍‌ଚା ଡିଙ୍ଗ୍‌ନେ ମେଃନେ ନେନେ ଅଦିକାର୍ ଣ୍ତୁ । 
\v 12 ପେଇଂନେବାନ୍‌ ଦେକ୍‌ରକମ୍ ଆସା ଡିଗ୍ ନ୍‌ସା ବିନ୍‌ଣ୍ଡ୍ରେନେ ଅଦିକାର୍ ଲେଃକେ । ତେଲା ନେନେ ଅଦିକାର୍ ମେଃନେ ମେଇଂନେ ବାନ୍ ଜାବର୍ ଣ୍ତୁ ? ନେ ଏନ୍‌ ଅଦିକାର୍‌କେ ବେବ‍ଆର୍ ନେଡିଙ୍ଗ୍‌କେ ଣ୍ତୁ । ମାତର୍‌‌ କିସ୍‌ଟନେ ନିମାଣ୍ତା ସାମୁଆଁ ବାସଙ୍ଗ୍‌ନ୍ନିଆ ମେଃଡିଗ୍‌ କସ୍ଟ ତିଆର୍ ଆଡିଙ୍ଗ୍ ନ୍‌ସା ନେନେ ସାପା ସାମ୍ୱାଲେ ୱେ ନେଡିଙ୍ଗ୍‌କେ । 
\v 13 ପେଇଂ ମେଁନେ ପେମ୍ୟାକେ ଣ୍ତୁ ଜାଣ୍ଡେଇଂ ମନ୍ଦିର୍‌ନ୍ନିଆ କାମ୍ ଡିଙ୍ଗ୍‌ଆର୍‌ଏ ମେଇଂ ମନ୍ଦିର୍‌ବାନ୍‌ ଚଙ୍ଗ୍‌ନେ ବାଆର୍‌ଏ ? ପୁଜା ଡିଙ୍ଗ୍‌ନେ ରେମୁଆଁ ପୁଜାନେ ବାଟା ଆବା ଣ୍ତୁ କି ? 
\v 14 \x + \xo ୯:୧୪ \xo*\xt ମାତିଉ ୧୦:୧୦; ଲୁକ୍‌ ୧୦:୭.\xt*\x*ଦେତ୍‌ ରକମ୍‌ ବାବ୍‌ରେ ନିମାଣ୍ତା ସାମୁଆଁ ବାସଙ୍ଗ୍‌ ଡିଂଆର୍‌ଡିଂକେ ମେଇଂ ଜେ ନିମାଣ୍ତା ସାମୁଆଁ ବାନ୍ ପାରାନ୍ ଆମ୍ୱ୍ର ଆର୍‌ଏ ଏନ୍‌ ମାପ୍ରୁ ଆଦେସ୍‌ ବିଃବକେ ।
\p
\v 15 ମାତର୍‌‌ ନେଙ୍ଗ୍ ଆତେନ୍‌ ଅଦିକାର୍‌ଇଂବାନ୍‌ ମୁଇଙ୍ଗ୍ ଡିଗ୍ ଅଃନା ବେବ‍ଆର୍ ନାଡିଙ୍ଗ୍‌କେ ଣ୍ତୁ । ନେଙ୍ଗ୍ ଡିଗ୍ ମେଃମେଃନେ ବାନ୍‌ସା ଚେସ୍‌ଟା ନାଡିଙ୍ଗ୍‌କେ ଣ୍ତୁ । ଏନ୍‌ ବିସୟ୍‌ରେ ନେଙ୍ଗ୍ ଏନ୍‌ ନ୍ନାଗୁଆର୍‌କେ । ଜାଣ୍ଡେ ନେଙ୍ଗ୍‌ନେ ଏନ୍‌ ଗରବ୍‌ନେ ଅଦିକାର୍ ନେଙ୍ଗ୍‌ବାନ୍‌ ଡୁଂଡଲା ବାରି ନେଙ୍ଗ୍‌ନେ ଗୁଏଃନେ ନିଂ ନ୍‌ସା ନିମାଣ୍ତା । 
\v 16 ନିମାଣ୍ତା ସାମୁଆଁ ବାସଙ୍ଗ୍‌ ଡିଙ୍ଗ୍‌ଣ୍ଡିଂକେ ଡାଗ୍‌ଚେ ନେଙ୍ଗ୍ ଗରବ୍‌ ଡିଙ୍ଗ୍‌ନେ ମେଃଡିଗ୍‌ କାରନ୍‌ ଣ୍ତୁ । ଏନ୍‌ ଦାଇତ୍‌ ପାଲେ ନ୍‌ସା ନେଙ୍ଗ୍ ଆଦେସ୍‌ ବାନ୍ଲେଃକେ । ତେସା ନିମାଣ୍ତା ସାମୁଆଁ ନାବାସଙ୍ଗ୍‌ଲା ଆନେଙ୍ଗ୍ ଡଣ୍ଡ୍‍ ମିଲେଏ । 
\v 17 ଡାଗ୍ଲା ନେଙ୍ଗ୍ ଇକ୍‌ଚାରେ ଏନ୍‌ ଣ୍ଡିଂଏ ତେଲା ନେଙ୍ଗ୍‌ନେ ପୁରୁସ୍‌କାର୍ ଲେଃକେ; ମାତର୍‌‌ ଇସ୍‌ପର୍ ନେଙ୍ଗ୍ ଆଡ଼ାତ୍ରା ଏନ୍‌ ଦାଇତ୍‌ ବିବଲା ଏନ୍‌ ଡିଙ୍ଗ୍‌ନେ ନେଙ୍ଗ୍‌ନେ ଦର୍‌କାର୍ । 
\v 18 ତେଲା ନେଙ୍ଗ୍ ମେଃମେଃନେ ପୁରୁସ୍‌କାର୍‌ ବାନ୍ଲେଃକେ ? ସାପାରେନେ ଡାଗ୍ରା ସରା ଡାବୁରେ ନିମାଣ୍ତା ସାମୁଆଁ ବାସଙ୍ଗ୍‌ ଣ୍ଡିଂକେ, ଏନ୍‌ ନେଙ୍ଗ୍‌ନେ ପୁରୁସ୍‌କାର୍‌ । ଏନ୍‌ସା ନିମାଣ୍ତା ସାମୁଆଁ ବାସଙ୍ଗ୍‌ ନ୍‌ସା ନେଙ୍ଗ୍ ମେଃଡିଗ୍‌ ସୁଜଗ୍‌ ସୁବିଦା ନ୍ନାବା ଣ୍ତୁ ।
\p
\v 19 ନେଙ୍ଗ୍ ମୁଇଙ୍ଗ୍ ନିଜର୍‌ ବିତ୍‌ରେ ଲେଃକ୍ନେ ରେମୁଆଁ ଜାନେ ଗତିରେ ଣ୍ତୁ ଏଲେଡିଗ୍ ଗ୍ଲୁଏରେକେ ଲାବ୍‌ ଡିଙ୍ଗ୍ ନ୍‌ସା ନେଙ୍ଗ୍ ସାପାରେନେ ଗତିରେ ଡିଙ୍ଗ୍‌ନ୍ଲେକେ । 
\v 20 ଜିହୁଦିଇଂକେ ଲାବ୍‌ ଆଡିଙ୍ଗ୍ ନ୍‌ସା ନେଙ୍ଗ୍ ମେଁଇଂନେ ଏତେ ଜିହୁଦିନେ ରକମ୍‌ ବେବ‍ଆର୍ ଡିଙ୍ଗ୍‌ଣ୍ଡିଂକେ । ମସାନେ ନିଅମ୍ ପାଲନ୍ ଡିଙ୍ଗ୍‌ଣ୍ଡ୍ରେକେ ଲାବ୍‌ ଡିଙ୍ଗ୍ ନ୍‌ସା ନେଙ୍ଗ୍ ମେଃଡିଗ୍‌ ନିୟମ୍‌ନେ ବିତ୍ରେ ନେଡିଙ୍ଗ୍‌ଲା ଡିଗ୍ ନିଅମ୍ ବିତ୍ରେ ଲେଃନେ ରକମ୍‌ ବେବ‍ଆର୍ ଡିଙ୍ଗ୍‌ଣ୍ଡିଂକେ । 
\v 21 ଦେତ୍‌ରକମ୍ ଅଣଜିହୁଦୀଇଂକେ ଲାବ୍‌ ଡିଙ୍ଗ୍ ନ୍‌ସା ନେଙ୍ଗ୍ ମେଁଇଂନେ ବିତ୍ରେ କାମ୍ ଡିଙ୍ଗ୍‌କେଲା ଅନଜିହୁଦିଇଂନେ ରକମ୍‌ ନିଅମ୍ ମାନେଚେ ବେବ‍ଆର୍ ଡିଙ୍ଗ୍‌ଣ୍ଡିଂକେ । ଏନ୍‌ ଅର୍‌ତ ଣ୍ତୁ ଜେ ନେଙ୍ଗ୍ ଇସ୍‌ପର୍‌ନେ ନିଅମ୍ କାନୁନ୍‌ ନ୍ନାପାଲେ ଣ୍ତୁ । ସତ୍‌ରେ ନେଙ୍ଗ୍ କିସ୍‌ଟନେ ନିୟମ୍‌ନ୍ନିଆ ନ୍‌ଲେଃକେ । 
\v 22 ଜାଣ୍ଡେଇଂ ବିସ୍‌ବାସ୍‌ରେ ଅସକ୍‌ତ୍ୟା ଆମେଇଂକେ ଲାବ୍‌ ଡିଙ୍ଗ୍ ନ୍‌ସା ନେଙ୍ଗ୍ ମେଁଇଂନେ ରକମ୍‌ ଡିଙ୍ଗ୍‌ନ୍ଲେକେ । ଡିରକମ୍ ଉପାୟ୍‍ରେ ସାପାରେକେ ରକ୍ୟା ଡିଙ୍ଗ୍ ନ୍‌ସା ନେଙ୍ଗ୍ ବିନ୍‌ବିନ୍ ବାବ୍‌ରେ ବେବ‍ଆର୍ ଡିଙ୍ଗ୍‌ମ୍ୱକେ ।
\p
\v 23 ନେଙ୍ଗ୍ ନିମାଣ୍ତା ସାମୁଆଁ ବାସଙ୍ଗ୍‌ଚେ, ଏନ୍‌ବାନ୍‌ ଆର୍ସିବାଦ୍‌ ବାନ୍‌ସା ଆକେନ୍ ସାପା ଡିଙ୍ଗ୍‌ମ୍ୱକେ । 
\v 24 ପେଇଂ ମେଃମେଃନେ ପେମ୍ୟାକେ ଜେ ୱିର୍‌ନେ ଡାଗ୍ରା ଗୁଲୁଏ ବାଗ୍ ଡୁଙ୍ଗ୍‌ଡ ଆର୍‌ଏ ମାତର୍‌‌ ମୁଇଂଜା ପୁରୁସ୍‌କାର୍‌ ବାଏ ? ପେଇଂ ଦେକ୍‌ରକମ୍ ବାବ୍‌ରେ ୱିର୍‌ପା ଡିରକମ୍ ପୁରସ୍‌କାର୍ ଲାବ୍‍ ଡିଙ୍ଗ୍‍ପେୟାଏ । 
\v 25 ଜାଣ୍ଡେକି ବ୍ଲୁଃନ୍ନିଆ ବାଗ୍ ଡୁଙ୍ଗ୍‌ଡଏ । ମେଁ ସାପା ବିସୟ୍‌ରେ ସମାନ୍ ବାଗ୍ ଡିଙ୍ଗ୍‌ଏ; ମେଇଂ ଦର୍‌କାର୍‌ନେ ନସ୍ଟ ଡିଙ୍ଗ୍‍ମ୍ୟାଃକ୍ନେ ସାଜ ବାନ୍‌ସା ଆତେନ୍‌ ଡିଙ୍ଗ୍‌ଆର୍‌ଏ, ମାତର୍‌ ମେଇଂ ନସ୍ଟ ଆଃଡିଙ୍ଗ୍‌ନେ ପୁରୁସ୍‍କାର୍‍ ବାନ୍‌ସା ଡିଙ୍ଗ୍‍ନେଡିଙ୍ଗ୍‍କେ । 
\v 26 ତେନ୍‌ସା ନେଙ୍ଗ୍ ମୁଇଙ୍ଗ୍ ଜିଦ୍‌ରେ ଆତେନ୍‌‌ ଜାଗାନ୍ନିଆ ୱିର୍‌ଣ୍ଡିଂ । ନେଙ୍ଗ୍ ନ୍ତିନ୍ନିଆ ଜୁଦ୍‌ ଡିଙ୍ଗ୍‌କେ ରକମ୍‌ ଜୁଦ୍‌ ଡିଙ୍ଗ୍‌ଣ୍ଡିଂ ୱେଡ଼୍ୟା ଏତେ ଜୁଦ୍‌ ନ୍ନାଡିଙ୍ଗ୍‌ ଣ୍ତୁ । 
\v 27 ମେଁ ଡାଗ୍ଲା ବିନ୍‌ଣ୍ଡ୍ରେଇଂନେ ଡାଗ୍ରା ନିମାଣ୍ତା ସାମୁଆଁ ବାସଙ୍ଗ୍‌ ଡିଙ୍ଗ୍‌ବଲା ଡିଗ୍ ନେଙ୍ଗ୍ ନିଜେ ଡିରକମ୍ ଦଦ୍ୟା ନାଡିଙ୍ଗ୍‌ ଣ୍ତୁ ଏନ୍‌ସା କସ୍ଟ ସାମ୍ୱାଲେଚେ ଗାଗ୍‌ଡ଼େକେ ଡାଟ୍‌ ଆଡିଙ୍ଗ୍‌ମ୍ୱକେ ବାରି ନିଜର୍ ଗତିରେ ରକମ୍ ଆଡିଙ୍ଗ୍‌ଚେ ମ୍ୱକେ ।
\c 10
\s ମୁର୍ତି ବିରଦ୍‌ରେ ସ୍ଲ ଲେଃନେ
\p
\v 1 ଡାଗ୍ଲା ଅ ବୟାଁଇଂ ମସାନେ ପ୍ଲା ୱେଚେ ନେନେ ନ୍ତାଞ୍ଜାଇଂନେ ଆଡ଼ାତ୍ରା ମେଃନେ ଗଟେଲେଃକେ ପେ ମନେ ବପା ଆକେନ୍ ନେଙ୍ଗ୍‌ନେ ଇକ୍‌ଚା । ମେଇଂ ସାପାରେ ତ୍ରିଗ୍‌ଡିଆଃ ଏତେ ନିମାଣ୍ଡା ବାବ୍‌ରେ ଲେଃଆର୍‌ଗେ ଲହିତ କେଣ୍ଡିଆକେ ଜାବର୍‌ କସ୍‍ଟେ ପୁଆ ଆର୍‌କେ । 
\v 2 ମସାନେ ପ୍ଲା ୱେଣ୍ଡ୍ରେ ମେଇଂ ସାପାରେ ତ୍ରିଗ୍‌ଡ୍ୟାଃ ବାରି ମ୍ନାକେଣ୍ଡିଆ ଅରିଆ ଡୁବନ୍ ବାଲେଃଆର୍‌ଗେ । 
\v 3 ମେଇଂ ସାପାରେ ମୁଇଙ୍ଗ୍ ଆତ୍ମିକ ଚଙ୍ଗ୍‍ନେ ବାରି ଣ୍ଡିଆ ଉଗ୍‍ଲେ ଆର୍‌ଗେ । 
\v 4 ମେଃଡାଗ୍ଲା ମେଁ ଏତେ ୱେନେ ଆତ୍ମିକ ବ୍ରିବାନ୍‍ ଣ୍ଡିଆ ଉଗ୍‍ଆର୍‍ଡିଂଗେ ବାରି ଆତେନ୍‌ ବ୍ରି ନିଜେ କିସ୍‌ଟ । 
\v 5 ଏଲେଡିଗ୍ ଇସ୍‌ପର୍ ମେଁଇଂନେ ବିତ୍ରେ ଗୁଲେରେ ବିତ୍ରେ ସାର୍ଦାରେ ଆଲେଃ ଆର୍‌ଗେ ଣ୍ତୁ । ତେସା ମେଁଇଂନେ ଗୁଏଃକ୍ନେ ଗାଗ୍‌ଡ଼େ ବାଲିଲଃନେ ପିତୁର୍‌ପାକା ଚିନ୍‌ଚତର୍‌ ଡିଙ୍ଗ୍ ଲଃଲେଗେ ।
\p
\v 6 ମେଇଂ ଡିରକମ୍ ଦଦ୍ୟା ବିସୟ୍‌ନ୍ନିଆ ସତ୍‌ଣ୍ତୁନେ ଚିନ୍ତା ଡିଙ୍ଗ୍‌ବଆର୍‌କେ ନେ ଦେତ୍‌ରକମ୍ ଦଦ୍ୟା ଚିନ୍ତା ନେଡିଙ୍ଗ୍‌ ଣ୍ତୁ ଏନ୍‌ସା ଏନ୍‌ ସାପା ବିସୟ୍ ନେନେ ବିତ୍ରେ ଉସ୍ରା ରକମ୍‌ ଡିଙ୍ଗ୍‌ଲେକେ । 
\v 7 ଡିରକମ୍‌ ମେଇଂ ବିତ୍ରେବାନ୍‌ ଉଃଡ଼ିରୁଆ ମୁର୍‌ତି ପୁଜା ଡିଂଣ୍ଡ୍ରେ ଡିଂଆର୍‌କେ, ଡେତ୍‌ରକମ୍‌ ପେ ମୁର୍‌ତି ପୁଜା ଡିଂଣ୍ଡ୍ରେ ଆଡିଂଗେପା; ସାସ୍ତର୍‌ନ୍ନିଆ ଗୁଆର୍‍ବକେ, “ରେମୁଆଁଇଂ ଚଙ୍ଗ୍‍ନେସା କକେ ବାରି ୱାଡ଼େଙ୍ଗ୍‌ ୱାନ୍‌ସା ତଡ଼୍ୟାଆର୍କେ ।” 
\v 8 ମେଁଇଂନେ ବିତ୍ରେ ଉଡ଼ି ଅଡ଼ାରେଗ୍ ଡିଙ୍ଗ୍‌ଚେ ମୁଇଙ୍ଗ୍ ଦିନ୍‌ରେ ୬୩ ଅଜାର୍ ରେମୁଆଁ ଗୁଏଆର୍‌କେ । ଦେତ୍‌ରକମ୍ ପାପ୍ ନେଃ ନେଃଡିଂଗେପା । 
\v 9 ମେଁଇଂନେ ରକମ୍‌ ନେନେ କିସ୍‌ଟକେ ପରିକ୍ୟା ଡିଙ୍ଗ୍‌ନେ ବଲ୍ ଣ୍ତୁ । ମାପ୍ରୁକେ ପରିକ୍ୟା ଡିଙ୍ଗ୍‌ନେବଗ୍‍ସା ମେଇଂ ବୁବଃ ଆଗଗ୍‍ଟାଚେ ଗୁଏଆର୍‌କେ । 
\v 10 ମେଁଇଂନେ ବିତ୍ରେ ଜାଣ୍ଡେ ଜାଣ୍ଡେ ଇସ୍‌ପର୍‌ନେ ବିରଦ୍‌ରେ ଆପତି ଦାବି ଡିଙ୍ଗ୍‌ଚେ କିତଂଇନିନେ ଦୁତ୍ ବାନ୍ ଦଂସ ଡିଙ୍ଗ୍‌ଲେକେ । ପେଇଂ ଦେତ୍‌ରକମ୍ ଆପତି ଅବିଜଗ୍‌ ଆଡିଙ୍ଗ୍‌ପା ନାମଃ ।
\p
\v 11 ମେଇଂ ନ୍‌ସା ଆକେନ୍ ସାପା ଗଟ୍‌ନା ବିନ୍‍ରେନେ ଉସ୍ରା ରକମ୍‌ ଗଟେ ଲେଃକେ ବାରି ଆନେକେ ତରକ୍ ଆଡିଙ୍ଗ୍‍ନେସା ଆତେନ୍‌ଇଂ ଗୁଆର୍‍ବକେ । ମେଁ ଡାଗ୍‍ଲା ଜୁଗ୍‌ ଡାନେ ବେଲା ନେ ବାସା ନେଡିଙ୍ଗ୍‌କେ ।
\p
\v 12 ଜାଣ୍ଡେ ଡାଟାମ୍ ବାବ୍‌ରେ ନ୍‌ଲେଃକେ ଡାଗ୍‌ଚେ ବାବେଏ ମେଁ ତରକ୍ ଲାଃଲେ । ମେଁନେ ଡିରକମ୍ ନସ୍ଟ ଆଡିଙ୍ଗ୍ ଣ୍ତୁ । 
\v 13 ପେ ଆଣ୍ଡିନେ ସାପା ପରିକ୍ୟାନ୍ନିଆ ସାମ୍‌ନା ଡିଙ୍ଗ୍‌ପେଲେଃକେ ରେମୁଆଁ ସାଦାରନ୍‌ରେ ଦେତ୍‌ ରକମ୍‌ ପରିକ୍ୟାନ୍ନିଆ ସାମ୍‌ନା ଡିଙ୍ଗ୍‌ଆର୍‌ଏ ମାତର୍‌‌ ଇସ୍‌ପର୍ ମେଁଇଂନେ ପାର୍‌ମାନ୍ ରକ୍ୟାନ୍ନିଆ ବିସ୍‌ବାସ୍‌ । ମେଁ ଆପେକେ ପେ ବପୁନେ ବାଏରେ ପରିକ୍ୟା ଡିଙ୍ଗ୍‌ନ୍‌ସା ଆବି ଣ୍ତୁ । ପେ ପରିକ୍ୟା ଡିଙ୍ଗ୍‌ନେ ବେଲା ସାଇଜ ଡିଙ୍ଗ୍ ନ୍‌ସା ଇସ୍‌ପର୍ ଆପେକେ ବପୁ ବିଏ ବାରି ଉଦାର୍ ବାନେ ଗାଲି ଆଃସୁଏ ବିଃଏ ।
\p
\v 14 ଅ ନେଙ୍ଗ୍‌ନେ ନିଜର୍‌ ବନ୍ଦୁଇଂ ସାରାସାରି ନେଙ୍ଗ୍ ବାସଙ୍ଗ୍‌ଣ୍ଡିଂ ଜେ ମୁର୍ତିପୁଜାବାନ୍‌ ସ୍ଲ ଲାଲାପା । 
\v 15 ନେଙ୍ଗ୍ ବୁଦିଲେକ୍ନେ ରେମୁଆଁକେ ବାସଙ୍ଗ୍‌କେ ରକମ୍‌ ବାସଙ୍ଗ୍‌ ଣ୍ଡିଂକେ; ନେଙ୍ଗ୍ ମେଃମେଃନେ ବାସଙ୍ଗ୍‌ ଣ୍ଡିଂକେ ଆତେନ୍‌ ପେଇଂ ନିଜେ ବିଚାର୍ ଡିଙ୍ଗ୍‌ପା । 
\v 16 ମାପ୍ରୁ ବଜିନ୍ନିଆ ନେ ଆଣ୍ଡିନେ ଙ୍କୁଇଡ଼ିଆଃ ବେବ‍ଆର୍ ଡିଙ୍ଗ୍‍ନେଡିଙ୍ଗ୍‌, ଆତେନ୍‌ ନ୍‌ସା ନେ ଇସ୍‌ପର୍‌କେ ଦନ୍ୟବାଦ୍‌ ବିନେଡିଙ୍ଗ୍‌ । ଏନ୍‌ ଣ୍ତିଆଃ ଙ୍କୁଇବାନ୍‌ ଉଗ୍‌ନେ ବେଲା ନେ କ୍ରିସ୍ଟନେ ମିଆଁନ୍ନିଆ ବାଗ୍‌ ଡୁଙ୍ଗ୍‌ନେଡଏ । ବାରି ରୁଟି ପାକ୍‌ଚିଚେ ଚଙ୍ଗ୍‌ନେ ବାନ୍ ନେନେ କିସ୍‌ଟନେ ଗାଗ୍‌ଡ଼େନ୍ନିଆ ଅଂସ ଗ୍ର‍ଅନ୍‌ ନେଡିଙ୍ଗ୍‌ଏ । 
\v 17 ନେ ଗୁଲୁଏ ଡିଙ୍ଗ୍‌ଲା ଡିଗ୍ ରୁଟି ମୁଇଙ୍ଗ୍ ଡିଙ୍ଗ୍‌ଲା ନେ ମୁଇଙ୍ଗ୍ ଗାଗ୍‌ଡ଼େ ନେଡିଙ୍ଗ୍‌ଏ ଡାଗ୍ଲା ନେ ସାପାରେ ଆତେନ୍‌ ମୁଇଙ୍ଗ୍ ରୁଟିନ୍ନିଆ ଅଂସ ଗ୍ର‍ଅନ୍‌ ଡିଙ୍ଗ୍‌ନେଲେଃଏ ।
\p
\v 18 ଇସ୍ରାଏଲ ରେମୁଆଁଇଂନେ ବିସୟ୍‌ରେ ବାବେ କେଲାପା । ମେଁଇଂନେ ବିତ୍ରେବାନ୍‍ ଜାଣ୍ଡେଇଂ ପୁଜାଚି ଚଙ୍ଗ୍‌ଆର୍‌ଏ ମେଇଂ ମେଃମେଃନେ ବେଦିନ୍ନିଆ ଉପାସ୍‌ନ୍ନିଆ ବାଗ୍‌ ଡୁଙ୍ଗ୍‌ଆଡଆର୍ ଣ୍ତୁ ? 
\v 19 ତେଲା ନେଙ୍ଗ୍ ମେଃମେଃନେ ବାସଙ୍ଗ୍‌ଣ୍ଡିଂ ଜେ ମୁର୍ତି ବାରି ମେଁନେ ଉଦେସ୍‌ରେ ପୁଜା ଡିଙ୍ଗ୍‌କ୍ନେ ମେଃଡିଗ୍‌ ମୁଲ୍ୟ ଲେଃକେ ? 
\v 20 ଣ୍ତୁ ଅଃନାଡିଗ୍ ଣ୍ତୁ । ନେଙ୍ଗ୍‌ନେ ବାସଙ୍ଗ୍‌ନେ ଅର୍‌ତ ଡିଙ୍ଗ୍‌କେ ଜେ ମୁର୍ତିପୁଜାରିଇଂ ପୁଜା ଡିଙ୍ଗ୍‌କ୍ନେ ମ୍ୟା ଇସ୍‌ପର୍‌ନେ ଉଦେସ୍‌ରେ ଣ୍ତୁ ଆତେନ୍‌ ସେଆଁରେ ଉଦେସ୍‌ରେ ଡିଙ୍ଗ୍ ମ୍ୟାକେ । ସେଆଁରେ ଏତେ ପେଇଂନେ ମେଃଡିଗ୍‌ ସମ୍ପର୍କ ଆଲେଃଲେ ଡାଗ୍‌ଚେ ନେଙ୍ଗ୍ ଚାଏଁ ନାଡିଙ୍ଗ୍‌କେ । 
\v 21 ମାପ୍ରୁ ବାରି ସେଆଁରେ ମ୍ୱାୟାନେ ଙ୍କୁଇ ଣ୍ତିଆବାନ୍‌ ପେଇଂ ଉଗ୍ ପେୟା ଣ୍ତୁ । ମାପ୍ରୁ ବାରି ସେଆଁରେ ମ୍ୱାୟାଅରିଆ ପେ କୁଡ଼େ ପେୟାଣ୍ଡୁ । 
\v 22 ନେ ମେଃମେଃନେ ମାପ୍ରୁନେ ମନ୍‌ନ୍ନିଆ ରିସା ନେଃରାଡିଙ୍ଗ୍‌ପା ? ନେ ମେଃମେଃନେ ଇସ୍‌ପର୍‌ନେ ବାନ୍ ଜାବର୍ ବପୁ ?
\p
\v 23 \x + \xo ୧୦:୨୩ \xo*\xt ୧ କରିନ୍‌ତିୟ ୬:୧୨.\xt*\x*ମେଇଂ ବାସଙ୍ଗ୍‌ଆର୍‌ଡିଂକେ “ସାପା ଡିଙ୍ଗ୍ ନ୍‌ସା ନେନେ ଅଦିକାର୍ ଲେଃକେ ।” ସତ୍ ସାମୁଆଁ ମାତର୍‌‌ ସାପା ବିସୟ୍ ନିମାଣ୍ତା ଣ୍ତୁ । ନେ ସାପା ଡିଙ୍ଗ୍‌ନେୟାଏ ମାତର୍‌‌ ସାପା ବିସୟ୍ ଅଦିକାର୍ ଣ୍ତୁ । 
\v 24 ଆଣ୍ତିନେ ରେମୁଆଁ ମାତର୍‌ ନିଜର୍ ବବିସତ୍‌ ନ୍‌ସା ଚିନ୍ତା ଡିଙ୍ଗ୍‌ନେ ଦର୍‌କାର୍ ଣ୍ତୁ ଆତେନ୍‌‌ସା ମେଁ ବିନ୍‌ଣ୍ଡ୍ରେନେ ମଙ୍ଗଲ୍‌ ଚିନ୍ତା ଡିଙ୍ଗ୍‌ନେ ଦର୍‌କାର୍ ।
\p
\v 25 ବୁଦିକେ ପର୍‌ଚଲ୍‌ ବନ୍‌ସା ମେଃଡିଗ୍‌ ପ୍ରସ୍‌ନ ମାସାଲ୍ୟାକୁଚେ ସାନ୍ତାନ୍ନିଆ ସମ୍ୟାକ୍ନେ ଚିଲି ପେ ସାର୍ଦାରେ ଚଙ୍ଗ୍ ପେୟାଏ 
\v 26 ମେଃଡାଗ୍‌ଲା ବ୍ନାଲିର୍‍ନ୍ନିଆ ଗୁଆର୍‍ବକେ, “ମଞ୍ଚ୍‌ପୁର୍‌ ବାରି ଆତ୍‌ଅରିଆ ଲେଃକ୍ନେ ସାପା ବିସୟ୍ ମାପ୍ରୁନେ ।”
\p
\v 27 ଅବିସ୍‍ବାସି ରେମୁଆଁଇଂନେ ବିତ୍ରେ ଜାଣ୍ଡେ ଜଦି ଆପେକେ ୱା ଆର୍‌ଏ ବାରି ପେଇଂ ୱେନ୍‌ସା ଇକ୍‌ଚା ପେଡିଙ୍ଗ୍‌ଏ, ତେଲା ମେଃନେ ଡିଗ୍ ଆପେକେ ବିଃଆର୍‌ଏ, ବୁଦି ଲେଃକେ ରକମ୍‌ ମେଃଡିଗ୍‌ ମାବାସଙ୍ଗ୍‌ଚେ ଆତେନ୍‌ ଚଙ୍ଗ୍‌ପା । 
\v 28 ମାତର୍‌‌ ଆତେନ୍‌ ଦେବ୍‍ତା ବଗ୍ ଡାଗ୍‌ଚେ ଜଦି ଜାଣ୍ଡେ ବାସଙ୍ଗ୍ଏ ମେଁନେ ମଙ୍ଗଲ୍‌ ନ୍‌ସା ବାରି ବୁଦି ନ୍‌ସା ଆତେନ୍‌ ଆଚଙ୍ଗ୍‌ପା । 
\v 29 ଆକ୍‌ଅରିଆ ପେନେ ବୁଦିନେ ସାମୁଆଁ ନେଙ୍ଗ୍ ବାସଙ୍ଗ୍‌ ନାଡିଙ୍ଗ୍‌କେ ଣ୍ତୁ ମେଁନେ ବୁଦି ନ୍‌ସା ଏନ୍‌ ସାମୁଆଁ ବାସଙ୍ଗ୍‌ ଣ୍ଡିଂକେ । ପେଇଂ ଡିଙ୍ଗ୍‍ଏ ତ ସାଲ୍ୟାଃକୁ ଡିଙ୍ଗ୍‌ପେୟାଏ, “ନେ ମୁକ୍‌ତି ମେଃନ୍‌ସା ବିନ୍‌ଣ୍ଡ୍ରେନେ ବୁଦି ଏତେ ବିଚାର୍ ଡିଙ୍ଗ୍‌ଏ ? 
\v 30 ଜଦି ନେଙ୍ଗ୍ ଇସ୍‌ପର୍‌କେ ଦନ୍ୟବାଦ୍‍ ବିଚେ ଞ୍ଚଂଏ, ତେଲା ଜାଣ୍ଡେ ଆତ୍‍ଲା ଦନ୍ୟବାଦ୍‌ ମ୍ୱିଏ, ମେଁ ଆତ୍‍ଲା ନେଙ୍ଗ୍ ମେଁନ୍‌ସା ନିନ୍ଦା ଡିଙ୍ଗ୍‌ଏ ?”
\p
\v 31 ଆତେନ୍‌‍ସା ପେ ଚଙ୍ଗ୍‌ପା ଣ୍ତୁଲା ଉଗ୍‍ପା ଜା କିଚି ଡିଙ୍ଗ୍ ପେଡିଙ୍ଗ୍ ଆତେନ୍‌ ଇସ୍‌ପର୍‌ନେ ଗୌରବ୍‍ ଆତ୍‍ଲା ଡିଙ୍ଗ୍‌ପା । 
\v 32 ପେଇଂ ବିନ୍‌ ଦେସ୍‌ନେ ଜିଉଦି ଣ୍ତୁଲା ଇସ୍‌ପର୍‌ନେ ବିସ୍‌ବାସି ଦଲ୍‍ ଜା ଆତ୍‍ଲା ଡିଗ୍‍ ଟେପ୍‌ଲଃନେ ସୁଗୁଆ ଆଡିଙ୍ଗେପା । 
\v 33 ପେ ନେଙ୍ଗ୍ ରକମ୍‌ ଅଲେଙ୍ଗ୍‌ଅଲଃ ଡିଙ୍ଗ୍‌ପା । ନେଙ୍ଗ୍ ସାପା ବିସୟ୍‌ରେ ସାପାରେକେ ସାନ୍ତି ଆଡିଙ୍ଗ୍ ନ୍‌ସା ଚେସ୍‌ଟା ଡିଙ୍ଗ୍‌ଣ୍ଡିଂକେ । ନିଜେନେ ଚିନ୍ତା ଆଡିଙ୍ଗ୍‌ଚେ ବିନ୍‌ଣ୍ଡ୍ରେନେ ଉଦାର୍ ବାନ୍‌ସା ସାପାରେ ନ୍‌ସା ମଙ୍ଗଲ୍‌ ଡିଂଣ୍ଡିଂକେ ।
\c 11
\p
\v 1 \x + \xo ୧୧:୧ \xo*\xt ୧ କରିନ୍‌ତିୟ ୪:୧୬; ପିଲିପିୟ ୩:୧୭.\xt*\x*ନେଙ୍ଗ୍ ଡିରକମ୍ କିସ୍‌ଟନେ ପ୍ଲା ୱେଣ୍ଡିଂକେ ପେ ଡିଗ୍ ଦେତ୍‌ରକମ୍ ପ୍ଲା ୱେଲାପା ।
\s ବାଆଃ ଗୁଲୁବଃନେ
\p
\v 2 ପେଇଂ ସାପା ବିସୟ୍‌ରେ ଆନେଙ୍ଗ୍ ମନେ ଏତେ ପେମ୍ୟାଃ ବାରି ନେଙ୍ଗ୍ ଆପେକେ ସାପା ନିଅମ୍ ବିମ୍ୱକେ ଆତେନ୍‌ ସାପା ପାଲନ୍ ଡିଙ୍ଗ୍‌ପେଡିଂକେ, ଏନ୍‌ସା ନେଙ୍ଗ୍ ପେଇଂନେ ପ୍ରସଂସା ଡିଙ୍ଗ୍‌ଣ୍ଡିଂକେ । 
\v 3 ମାତର୍‌‌ କିସ୍‌ଟ ସାପାରେ ଙ୍ଗିର୍‍ବଏନେ ବାଆ ରକମ୍‌ ବାରି ଙ୍ଗିର୍‌ବ‍ଏ ସେଲାମ୍ବୁଏଃ ବାଆଃ ରକମ୍‌ ବାରି ଇସ୍‌ପର୍ କିସ୍‌ଟନେ ବାଆଃ ରକମ୍‌ ଏନ୍‌ ପେଇଂ ମ୍ୟାପା ଡାଗ୍‌ଚେ ନେଙ୍ଗ୍‌ନେ ଇକ୍‌ଚା । 
\v 4 ତେସା ମୁଡ଼ି ଙ୍ଗିର୍‌ବଏ ବାଆ ଗୁଲୁବଚେ ପାର୍‍ତନା ଡିଙ୍ଗ୍‌ଏ ବାରି ଇସ୍‌ପର୍‌ନେ ବ୍ନାଲିର୍‍ ବାଲିର୍‍ଏ ମେଁ କିସ୍‌ଟକେ ଅପମାନ୍ ଆଡିଙ୍ଗ୍‌ଏ । 
\v 5 ମାତର୍‌‌ ମୁଡ଼ି ସେଲାମ୍ବୁଏ ବାଆ ମାଗୁଲୁବଃଚେ ପାର୍‍ତନା ଡିଙ୍ଗ୍‌ଏ ବାରି ମାପ୍ରୁ ସାମୁଆଁ ବାସଙ୍ଗ୍ଏ, ମେଁ ନିଜେନେ ଆଣ୍ଡାଣ୍ଡେନେ ନିନ୍ଦା ଆଡିଙ୍ଗ୍‌ଏ ଦେତ୍‌ରକମ୍ ସେଲାମ୍ବୁଏଃ ମୁଣ୍ଡ୍ରିଲେଃକ୍ନେ ସେଲାମ୍ବୁଏଃ ରକମ୍ । 
\v 6 ମୁଡ଼ି ସେଲାମ୍ବୁଏ ଜଦି ମେଁନେ ବାଆଃ ମାଗୁଲୁବଃନ୍‍ସା ଇକ୍‌ଚା ଡିଙ୍ଗ୍‌ଏ ତେଲା ମେଁନେ ବାଆଃନେ ଉଗ୍‌ବ ଗୁଆଃବିଲେ । ମାତର୍‌‌ ଉଗ୍‌ବ ଗୁଆଃନେ ଣ୍ତୁଲା ମୁଣ୍ଡ୍ରି ଡିଙ୍ଗ୍‌ନେ ସେଲାମ୍ବୁଏଃ ନ୍‌ସା ଗିଆସ ରକମ୍ ଡିଙ୍ଗ୍‌ବେଲା ମେଁ ବାଆଃ ଗୁଲୁବନେ ଦର୍‌କାର୍ । 
\v 7 ଙ୍ଗିର୍‍ବଏ ଇସ୍‌ପର୍‌ନେ ରକମ୍‌ ମୁର୍ତି ଆରି ମ‍ଇମା ରକମ୍‌ ଡିଂକେସାଃ ସତେଆଃ ମେଁନେ ବାଆଃ ଗୁଲୁବନେ ଦର୍‌କାର୍ ଣ୍ତୁ ମେଃଡାଗ୍ଲା ଇସ୍‌ପର୍‌ନେ ମୁଆଃନ୍ନିଆ ବାରି ମଇମା ମେଁନେ ଡାଗ୍ରା ଲେଃକେ । ମାତର୍‌‌ ସେଲାମ୍ବୁଏ ଡାଗ୍ରା ଙ୍ଗିର୍‍ବଏଃନେ ମଇମା ଲେଃକେ । 
\v 8 ସେଲାମ୍ବୁଏଃ ଙ୍ଗିର୍‌ବ‍ଏଃ ବାନ୍ ତିଆର୍; ମାତର୍‌‌ ଙ୍ଗିର୍‌ବ‍ଏଃ ସେଲାମ୍ବୁଏଃ ବାନ୍ ତିଆର୍ ଆଡିଙ୍ଗ୍‌କେ ଣ୍ତୁ । 
\v 9 ବାରି ଙ୍ଗିର୍‍ବଏନେ ତିଆର୍ ସେଲାମ୍ବୁଏଃ ନ୍‌ସା ଣ୍ତୁ; ମାତର୍‌‌ ସେଲାମ୍ବୁଏଃ ତିଆର୍ ଙ୍ଗିର୍‍ବଏନେ ନ୍‌ସା । 
\v 10 ଆତେନ୍‌ ସା କିତଂ ଦୁତ୍‍ଇଂନେ ନ୍‌ସା ସେଲାମ୍ବୁଏଃ ଆଣ୍ଡାଣ୍ଡେନେ ଅଦିକାର୍‌ରେ ଲେଃଗେସାଃ ସନ୍‍ମାନ୍‍ ବାନେ ରକମ୍ ବାଆଃ ଗୁଲୁବଃନେ ଦର୍‌କାର୍ । 
\v 11 ମାତର୍‌‌ ମାପ୍ରୁନେ ଡାଗ୍ରା ଙ୍ଗିର୍‌ବ‍ଏ ସେଲାମ୍ବୁଏଃ ବାନ୍ ବିନେ ଣ୍ତୁ ବା ସେଲାମ୍ବୁଏଃ ଙ୍ଗିର୍‌ବ‍ଏଃ ବାନ୍ ବିନେ ଣ୍ତୁ 
\v 12 ଡାଗ୍ଲା ସେଲାମ୍ବୁଏଃ ଙ୍ଗିର୍‌ବ‍ଏଃ ବାନ୍ ତିଆର୍ ଡିଙ୍ଗ୍‍ଲେଃକେ ବାରି ଙ୍ଗିର୍‌ବ‍ଏଃ ସେଲାମ୍ବୁଏଃବାନ୍‍ ତିଆର୍ ଡିଙ୍ଗ୍‍ଲେଃକେ ମାତର୍‌ ଇସ୍‌ପର୍ ସାପାରେକେ ଆରେ ବକେ ।
\p
\v 13 ମୁଇଙ୍ଗ୍ ସେଲାମ୍ବୁଏଃ ବାଆ ଗୁଲୁବଚେ ପର୍‌ମେସର୍‌କେ ପାର୍‌ତନା ଡିଙ୍ଗ୍‌ନେ ମେଃମେଃନେ ଦର୍‌କାର୍ କି ? ଏନ୍‌ ପେଇଂ ନିଜେ ନିଜେ ବିଚାର୍ ଡିଙ୍ଗ୍‌ପା । 
\v 14 ଦର୍‌ତନି ମେଁନେ ଆପେକେ ସିକ୍ୟା ଆବିକେ ଜେ ଚ୍ଲେ ଉଗ୍‌ବ ଙ୍ଗିର୍‍ବଏନେ ଗିଆସମାଲା 
\v 15 ମାତର୍‌‌ ଆକେନ୍ ସେଲାମ୍ବୁଏଃନେ ଗୌରବ୍‌ନେ ବିସୟ୍ ? ଆକେନ୍ ଚ୍ଲେ ଉଗ୍‌ବ ମେଁନେ ବାଆଃ ଡିଡାନ୍‍ସା ବିବକେ । 
\v 16 ଜଦି ଏନ୍‌ ବିସୟ୍‌ରେ ଜାଣ୍ଡେ ଅଡ଼୍‌କା ଅଡ଼୍‌କି ଡିଙ୍ଗ୍‌ନ୍‌ସା ଇକ୍‌ଚା ଡିଙ୍ଗ୍‌ଏ ତେଲା ଆମେକେ ନେଙ୍ଗ୍‌ ଆକେନ୍‌ ବାସଙ୍ଗ୍‌ନେ ସାମୁଆଁ ନେ ବିତ୍ରେ ଣ୍ତୁଲା ଇସ୍‌ପର୍‌ନେ ପାର୍‌ତନା ମଣ୍ତଲିନ୍ନିଆ ପାର୍‌ତନା ବିସୟ୍‌ରେ ବିନ୍ ମେଃଡିଗ୍‌ ଗାଲି ଣ୍ତୁ ।
\s ମାପ୍ରୁ ବଜି
\p
\v 17 ଆପେକେ ବାରି ଉଡ଼ିକ୍ଲିଗ୍ ଆଦେସ୍‌ ବିକେଲା ନେଙ୍ଗ୍ ପେନେ ପ୍ରସଂସା ଡିଙ୍ଗ୍‌ଚେ ମେଃଡିଗ୍ ବାସଙ୍ଗ୍‌ ନାୟା ଣ୍ତୁ । ପେ ପାର୍‌ତନା ଡିଙ୍ଗ୍‍ନେସା ମୁଇଂ ଡାଗ୍‍ରା ରିସିଙ୍ଗ୍‍ନେ ବେଲା ଆକେନ୍ ପେ ଇସାବ୍‌ରେ ନିମାଣ୍ଡା ମାଡିଙ୍ଗ୍‌ଚେ ଦଦ୍ୟା ଡିଙ୍ଗ୍‌ଡିଙ୍ଗ୍‌କେ । 
\v 18 ପର୍‍ତୁମ୍‍ ନେଙ୍ଗ୍ କବର୍ ବାନ୍ଲେଃକେ ଜେ, ମଣ୍ଡଲି ରକମ୍‌ ପାର୍‌ତନା କେଲା ମୁଇଂନ୍ନିଆ ରିସିଙ୍ଗ୍‍ନେ ବେଲା ପେଇଂନେ ବିତ୍ରେ ଦଲ୍‍ ବିନେ ଡିଙ୍ଗ୍‌ଆର୍‌ଡିଂକେ । ଏନ୍‌ ଉଡ଼ି ଇସାବ୍‌ ବାବ୍‌ରେ ସତ୍‌ ଡାଗ୍‌ଚେ ନେଙ୍ଗ୍‌ନେ ବିସ୍‌ବାସ୍‌ । 
\v 19 ଏଲେଡିଗ୍ ପେଇଂନେ ବିତ୍ରେ କୁଦା କୁଦା ଡିଙ୍ଗ୍‌ଆର୍‌ଏ ବାରି ଏନ୍‌ କୁଡ଼େଃମାଡ଼େଃନ୍ନିଆ ଜାଣ୍ତେଇଂନେ ଇକ୍‌ଚା ଉଡ଼ି ଜାନାପଡ଼େଏ । 
\v 20 ପେଇଂ ମୁଇଙ୍ଗ୍ ମାନ୍ଦା ରକମ୍‌ ମୁଇଂଅରିଆ ଡିଙ୍ଗ୍‌ଚେ ଆଣ୍ଡିନେ ଚଙ୍ଗ୍‌ନେନିଆ କୁଡ଼େଃ ପେଲେଃକେ “ଆତେନ୍‌ ମାପ୍ରୁ ବଜି ଡାଗ୍‌ଚେ ବାବେ ପେଡିଙ୍ଗ୍‌କେ ଆତେନ୍‌ ମାପ୍ରୁ ବଜି ଣ୍ତୁ” 
\v 21 ମେଃଡାଗ୍ଲା ଆତେନ୍‌‌ ବେଲା ପେ ସାପାରେ ନିଜର୍ ନିଜର୍ ବଲେ ଚଙ୍ଗ୍‌ନେ ଦାନ୍ଦା ଡିଙ୍ଗ୍‌ପେଲେଃଏ । ତେନ୍‌‍ବେଲା ମୁଇଂଜା କେଡ଼େସ ଲେଃକେଲା ବିନ୍‌ ମୁଇଂଜା ବୁସାଃଏ । 
\v 22 ଚଙ୍ଗ୍ ଉଗ୍‌ନ୍‌ସା ପେନେ ମେଃନେ ନିଜର୍ ଡୁଆ ଣ୍ତୁ ? ଣ୍ତୁଲା ଇସ୍‌ପର୍‌ନେ ମଣ୍ତଲିକେ ଦଦ୍ୟା‌ ଗ୍ୟାନ୍ ବିଃନେ ବାରି ଅର୍‍କିତ୍‍ ରେମୁଆଁଇଂକେ ଅପ୍‌ମାନ୍‌ ବିଃନେ ମେଃନେ ପେନେ ଉଦେସ୍‌ । ନେଙ୍ଗ୍ ଆପେକେ ଏନ୍‌ ବିସୟ୍‌ରେ ମେଃନେ ମ୍ବାସଙ୍ଗ୍‌ଏ ? ମେଃନେ ଆପେକେ ପ୍ରସଂସା ଣ୍ତିଙ୍ଗ୍‌ଏ ? ଣ୍ତୁ ଆକ୍‌ଅରିଆ ନେଙ୍ଗ୍ ଆପେକେ ପ୍ରସଂସା ଡିଙ୍ଗ୍ ନାୟା ଣ୍ତୁ । 
\v 23 ଏନ୍‌ ବିସୟ୍‌ରେ ମାପ୍ରୁନେବାନ୍‌ ନେଙ୍ଗ୍ ଆଣ୍ଡିନେ ସିକ୍ୟା ବାନ୍ଲେଃକେ ଆପେକେ ଆଅଁ ଣ୍ଡିଙ୍ଗ୍ । ମାପ୍ରୁ ଜିସୁ ସତ୍ରୁଇଂନେ ନ୍ତିନ୍ନିଆ ଆସାକ୍ନେ ମିଡିଗ୍ ରୁଟି ଡୁଗ୍‌ୱେଚେ 
\v 24 ଇସ୍‌ପର୍‌କେ ଦନ୍ୟବାଦ୍‌ ବିଚେ ଆତେନ୍‌ ପାକ୍‌ଚିଚେ ବାସଙ୍ଗ୍‌କେ “ଏନ୍‌ ଡିଙ୍ଗ୍‌ଣ୍ଡିଂକେ ନେଙ୍ଗ୍‌ନେ ଗାଗ୍‌ଡ଼େ । ଆନେଙ୍ଗ୍ ମନେ ତ୍ଲାଗ୍‍ନେସା ଏନ୍‌ ଡିଙ୍ଗ୍‌ପା ।” 
\v 25 ଚଙ୍ଗ୍‌କ୍ନେ ଇଡ଼ିଙ୍ଗ୍ ଦେତ୍‌ରକମ୍ ଚଙ୍ଗ୍‌କ୍ନେ ତାଲି ଆତଡ଼୍ୟାଚେ ମେଁ ବାସଙ୍ଗ୍‌କେ “ଏନ୍‌ ଚଙ୍ଗ୍‌କ୍ନେ ତାଲି ନେଙ୍ଗ୍‌ନେ ମିଆଁରେ ତିଆର୍‌ ଡିଙ୍ଗ୍‌ଲେଃକ୍ନେ ଇସ୍‌ପର୍‌ନେ ତ୍ମି ନିଅମ୍ । ପେଇଂ ଉଡ଼ିତର୍ ଏନ୍‌ ଚଙ୍ଗ୍‌କ୍ନେ ତାଲିନ୍ନିଆ ପେଚଙ୍ଗ୍‌ଏ ଅଃତେନ୍‍ତର୍‍ ଆନେଙ୍ଗ୍ ମନେ ତ୍ଲାଗ୍‍ନେସା ଆକେନ୍ ପେଡିଙ୍ଗ୍‌ଏ ।” \fig ଜିସୁ ସିସ୍ଇଂ ଏତେ ସାରାସାରି ନିସ୍ତାର୍ ଉଗ୍‌ଚଂ|alt="Jesus eating the Passover meal with his disciples" src="lb00320c.tif" size="span" copy="Horace Knowles ©" ref="୧୧:୨୩"\fig*
\p
\v 26 ଆକ୍‌ବାନ୍ ଆକେନ୍ ମ୍ୟାନେଡିଙ୍ଗ୍‍କେ ଜେ ପେ ଉଡ଼ି ତର୍ ଏନ୍‌ ରୁଟି ପେଚଙ୍ଗ୍‌ଏ ବାରି ଏନ୍‌ ଉଗ୍‍କ୍ନେ ଙ୍କୁଇବାନ୍‍ ପେଉଗ୍‍ଏ ଅଃତେନ୍‍ ତର୍ ମାପ୍ରୁ ପାଙ୍ଗ୍‌ନେ ଜାକ ମେଁନେ ଗୁଏଃନେ ସାମୁଆଁ ବାସଙ୍ଗ୍‌ ଲାଲାପା । 
\v 27 ଏଲେଡିଗ୍ ଜାଣ୍ଡେ ଦର୍‌କାର୍‌ ଣ୍ତୁ ଡାଗ୍‌ଚେ ମାପ୍ରୁନେ ଏନ୍‌ ମନେ ତ୍ଲାଗ୍‌ନେ ରୁଟି ଚଙ୍ଗ୍‌ଏ ଣ୍ତୁଲା ଏନ୍‌ ଉଗ୍‍ନେ ଙ୍କୁଇବାନ୍‍ ଉଗ୍‍ଏ ମେଁ ମାପ୍ରୁନେ ଗାଗ୍‌ଡ଼େ ବାରି ମ୍ୟା ବିରୁଦ୍‍ରେ ପାପ୍ ପେଡିଙ୍ଗ୍‌ଏ । 
\v 28 ତେସା ଆକେନ୍‍ ରୁଟି ଚଙ୍ଗ୍‍ନେ ସେନୁଗ୍‍ ବାରି ଉଗ୍‍ନେ ଙ୍କୁଇବାନ୍‍ ଉଗ୍‍ନେ ସେନୁଗ୍‍ ସାପାରେ ନିଜ୍‍କେ ପରିକ୍ୟା ଡିଙ୍ଗ୍‌ପା । 
\v 29 ମେଁ ଡାଗ୍ଲା ମୁଡ଼ି ରେମୁଆଁ ମାପ୍ରୁନେ ଗାଗ୍‌ଡ଼େନେ ସତ୍ ଅର୍‌ତ ମାବୁଜେଚେ ଚଙ୍ଗ୍‍ଏ ବାରି ଉଗ୍‍ଏ ମେଁ ଡିଲାଡିଗ୍‍ ଡଣ୍ଡ୍‍ ବାଏ । 
\v 30 ଆତେନ୍‌‌ସା ପେଇଂନେ ବିତ୍ରେ ଏଃକେ ଗୁଲେରୁଆ ଅସକ୍‌ତିଆରେ ଲେଃକେ ରଗ୍‌ରେ ଲେଃଆର୍‌କେ ବାରି ଗୁଏନେ ଆଡ଼ାତ୍ରା ଲେଃଆର୍‌କେ । 
\v 31 ମାତର୍‌ ସିସେନୁଗ୍‌ ଜଦି ଜିବନ୍‌ ବିଃଚେ କାମ୍ ଡିଙ୍ଗ୍‌ଲା ନେ ଇସ୍‌ପର୍‌ନେ ଡଣ୍ଡ୍‍ ନେବା ଣ୍ତୁ 
\v 32 ମାତର୍‌‌ ମଞ୍ଚ୍‌ପୁର୍‌ନେ ସାରାସାରି ଡଣ୍ଡ୍‍ବାନ୍‍ ଆନେକେ ରକ୍ୟା ଡିଙ୍ଗ୍‌ନ୍‌ସା ଇସ୍‌ପର୍ ଆନେକେ ବିଚାର୍‍ ଡିଙ୍ଗ୍‍ଚେ ବୁଜାମନା ଆଃଡିଙ୍ଗ୍‌ଡିଙ୍ଗ୍‌କେ ।
\p
\v 33 ଏଲେଡିଗ୍ ନେଙ୍ଗ୍‌ନେ ବୟାଁଇଂ ପେଇଂ ମାପ୍‍ରୁ ବଜି ଚଙ୍ଗ୍ ନ୍‌ସା ମୁଇଂଅରିଆ ରିସିଙ୍ଗ୍‌ନେ ବେଲା ନିଜର୍ ନିଜର୍ ନ୍‌ସା ଉର୍‌ପା । 
\v 34 ପେନେ ଦଲ୍‍ ଡିରକମ୍ ଇସ୍‌ପର୍‌ନେ ଡଣ୍ଡ୍‍ ବେପା ଣ୍ଡୁ ଆତେନ୍‌‌ସା ଜଦି ଜାଣ୍ଡେ କେଡ଼େସଃ ଲେଃଏ ତେଲା ମେଁ ଡୁଆ ଚଙ୍ଗ୍‌ଚେ ପାଙ୍ଗ୍‌ଲେଃ । ବିନ୍‌ବିନ୍‌ନେ ବିସୟ୍ ସାପା ନେଙ୍ଗ୍ ମ୍ପାଙ୍ଗ୍‍କ୍ନେ ଇଡ଼ିଙ୍ଗ୍ ଆଦ୍ରିଗ୍ ମ୍ୱିଏ ।
\c 12
\s ପବିତ୍ର ଆତ୍ମାନେ ବାନ୍ ଦାନ୍
\p
\v 1 ବୟାଁ ବାରି ତନାଇଂ ପବିତ୍ର ଆତ୍ମାନେ ଦାନ୍ ବିସୟ୍‌ରେ ନେଙ୍ଗ୍ ଆପେକେ ସତ୍‌ ଆମ୍ୟାଃନ୍‍ସା ଚାଏଁଣ୍ତିଂକେ । 
\v 2 ପେଇଂ ମ୍ୟାପେଲେଃକେ ଜେ ଅବିସ୍‌ବାସି ଲେଃକେଲା ଜିବନ୍‌ଣ୍ତୁନେ ମୁର୍ତିଇଂକେ ପୁଜା ଡିଙ୍ଗ୍‌ଚେ ପେଇଂ ଗାଲି ଆବଃପେଲେଗେ । 
\v 3 ଆତେନ୍‌‌ସା ପେଇଂନେ ମ୍ୟାନେ ଦର୍‌କାର୍ ଜେ ଇସ୍‌ପର୍‌ନେ ଆତ୍ମା ବାନ୍ ଆଃଅଲେଙ୍ଗ୍‌କ୍ନେ ରେମୁଆଁ ଜା ବାସଙ୍ଗ୍‍ଆୟା ଣ୍ଡୁ ଜେ “ଜିସୁ ଅବିସାପ୍ ବାଲେଃକେ” ବାରି ପବିତ୍ର ଆତ୍ମାନେ ବାନ୍ ଆଚାଲେଲା ଜାଣ୍ଡେ ଜିସୁକେ ମାପ୍ରୁ ଡାଗ୍‌ଚେ ଗ୍ର‍ଅନ୍‌ ଡିଙ୍ଗ୍ ଆୟା ଣ୍ତୁ ।
\p
\v 4 \x + \xo ୧୨:୪ \xo*\xt ରମିୟ ୧୨:୬-୮.\xt*\x*ପବିତ୍ର ଆତ୍ମାନେ ଦାନ୍ ବିନ୍‌ବିନ୍ ରକମ୍‌ ମାତର୍‌‌ ଆତେନ୍‌ ମୁଇଙ୍ଗ୍ ପବିତ୍ର ଆତ୍ମା ଆତେନ୍‌ ସାପା ଦାନ୍ ଡିଙ୍ଗ୍‌ଆର୍‌ଏ । 
\v 5 ବିନ୍‌ବିନ୍ ରକମ୍‌ ଜତନ୍‌ ଆଡିଙ୍ଗ୍‌ଆର୍‌ଡିଙ୍ଗ୍‌ଲା ଡିଗ୍ ମୁଇଙ୍ଗ୍ ମାପ୍ରୁନେ ଜତନ୍‌ ଡିଙ୍ଗ୍‌ଏ । 
\v 6 କାମ୍ ଡିଙ୍ଗ୍‌ନେ ବପୁ ବିନ୍‌ବିନ୍ ରକମ୍‌ ମାତର୍‌‌ ମୁଇଙ୍ଗ୍ ଇସ୍‌ପର୍ ଆତେନ୍‌ ସାପା ବପୁ ଜଗେ ବଏ । 
\v 7 ସାପାରେନେ ମଙ୍ଗ୍‍ଲ୍‍ ସା ସାପା ରେମୁଆଁବାନ୍ ପବିତ୍ର ଆତ୍ମାନେ ବପୁ ବିନ୍‌ବିନ୍ ବାବ୍‌ରେ ତ୍ନାଏ । 
\v 8 ପବିତ୍ର ଆତ୍ମାନେ ଦୟାବାନ୍‌ ଜାଣ୍ଡେ ବୁଦିନେ ସାମୁଆଁ ବାସଙ୍ଗ୍ ନ୍‌ସା ଅଦିକାର୍ ବିବକେ । ବାରି ମୁଇଂଜାକେ ଗ୍ୟାନ୍ ସାମୁଆଁ ବାସଙ୍ଗ୍‌ ନ୍‌ସା ଅଦିକାର୍ ବିବକେ । 
\v 9 ଆତେନ୍‌ ମୁଇଙ୍ଗ୍ ପବିତ୍ର ଆତ୍ମା ଜାଣ୍ତେକେ ବିଏ ବିସ୍‌ବାସ୍‌ ବାରି ଜାଣ୍ତେକେ ବିଏ ନିମାଣ୍ଡା ଆଡିଙ୍ଗ୍‌ନେ ବପୁ; 
\v 10 ଆଜାକେ ବିଏ ଇରିୟାତୁଗ୍‌ ରକମ୍‍ନେ କାମ୍ ଡିଙ୍ଗ୍‌ନେ ଅଦିକାର୍ ଆଜାକେ ବିଏ ଇସ୍‌ପର୍‌ନେ ବବିସତ୍‌ ସାମୁଆଁ ବାସଙ୍ଗ୍‌ନେ ବପୁ ବାରି ଆଜାକେ ବିନ୍‌ବିନ୍‌ନେ ଆତ୍ମା ସାମୁଁଆଃନେ ଅଦିକାର୍; ବାରି ମେଁ ଆଜାକେ ବିଏ ବିନ୍‌ବିନ୍ ବ୍ନାଲିର୍‍ ସାମୁଆଁ ବାସଙ୍ଗ୍‌ନେ ବପୁ ବାରି ଆଜାକେ ବିଏ ଆତେନ୍‌ ବାସାନେ ଅର୍‌ତ ବାସଙ୍ଗ୍‌ନେ ଅଦିକାର୍ । 
\v 11 ମାତର୍‌‌ ଆକେନ୍ ସାପା ଆତେନ୍‌ ମୁଇଙ୍ଗ୍ ଆତ୍ମା ଆଃ ଡିଙ୍ଗ୍‌ବଏ । ମେଁ ନିଜର୍ ଇକ୍‌ଚା ସୁଗୁଆ ସାପା ରେମୁଆଁକେ ବିନ୍‌ବିନ୍ ବିସୟ୍ ବିଃମ୍ୟାକେ ।
\s ମୁଇଙ୍ଗ୍ ଗାଗ୍‌ଡ଼େ ମାତର୍‌‌ ଗୁଲୁଏ ଅଙ୍ଗ
\p
\v 12 \x + \xo ୧୨:୧୨ \xo*\xt ରମିୟ ୧୨:୪,୫.\xt*\x*ଡାଗ୍ଲା ଡିରକମ୍ ଗାଗ୍‌ଡ଼େ ମୁଇଙ୍ଗ୍ ବାରି ଆତ୍‌ଅରିଆ ଗାଗ୍‌ଡ଼େଗୁଗ୍‌ଲା ଗୁଲୁଏ ମାତର୍‌‌ ଗାଗ୍‌ଡ଼େନେ ସାପା ଗାଗ୍‌ଡ଼େଗୁଗ୍‌ଲା ଗୁଲୁଏ ଡିଙ୍ଗ୍‌ଲା ଡିଗ୍‌ ମୁଇଙ୍ଗ୍ ଗାଗ୍‌ଡ଼େ ଆଃ ଦେତ୍‌ରକମ୍ ଡିଗ୍ କିସ୍‌ଟ । 
\v 13 ଦେତ୍‌ରକମ୍ ଜିହୁଦି ଅବିସ୍‌ବାସି ଗତିରେ ବାରି ମୁକ୍‌ତି ରେମୁଆଁ ସାରାସାରିକେଲା ନେ ସାପାରେ ମୁଇଙ୍ଗ୍ ଆତ୍ମାନେ ସାସନ୍‍ ଡିଙ୍ଗ୍‍ନେ ଣ୍ଡିଆଦିକ୍ୟା ବାଚେ ଆତେନ୍‌ ମୁଇଙ୍ଗ୍ ଗାଗ୍‌ଡ଼େନ୍ନିଆ ମିସୁ ନେଲେଃକେ ମୁଇଙ୍ଗ୍ ଆତ୍ମାକେ ଉଗ୍ ନେଲେଃକେ ।
\p
\v 14 ଗାଗ୍‌ଡ଼େ ମୁଇଙ୍ଗ୍ ଗାଗ୍‌ଡ଼େକେ ଡୁଙ୍ଗ୍‍ୱେଚେ ଆରେଆବକେ ମାତର୍‌ ଗୁଲୁଏ ଗାଗ୍‌ଡ଼େ ଏତେ ଆରେବକେ । 
\v 15 ଞ୍ଚ ଜଦି ବାସଙ୍ଗ୍ଏ “ନେଙ୍ଗ୍ ନ୍ତି ଣ୍ତୁ ତେଲା ଗାଗ୍‍ଡ଼େନେ ଅଙ୍ଗ ଣ୍ତୁ” ତେଲା ଏନ୍‌ ନ୍‌ସା ଆତେନ୍‌ ଗାଗ୍‌ଡ଼େ ଅଙ୍ଗ ଡିଙ୍ଗ୍‌ଚେ ଲେଃ ଆୟା ଣ୍ତୁ କି । 
\v 16 ନ୍ଲୁଗ୍‌ ଜଦି ବାସଙ୍ଗ୍ଏ “ନେଙ୍ଗ୍ ମ୍ମୁଆଃ ଣ୍ତୁ, ତେଲା ଗାଗ୍‌ଡ଼େନେ ଅଙ୍ଗ ଣ୍ତୁ” ତେଲା ଏନ୍‌ ନ୍‌ସା ମେଁ ଡିଗ୍ ଗାଗ୍‌ଡ଼େବାନ୍‌ ବିନେ ଡିଙ୍ଗ୍‌ଚେ ଲେଃଆୟା ଣ୍ତୁ । 
\v 17 ସାପା ଗାଗ୍‌ଡ଼େ ଜଦି ମ୍ମୁଆଁଃ ଡିଙ୍ଗ୍‌ଏ, ତେଲା ଅଁ ଡିଙ୍ଗ୍‌ଏ ଡିରକମ୍ ? ବାରି ଆତେନ୍‌ ଜଦି ମାତର୍‌‌ ନ୍ଲୁଗ୍ ଡିଙ୍ଗ୍‌ଏ ତେଲା ଚୁଇନ୍‌ସା ଡିଙ୍ଗ୍‌ଏ ଡିରକମ୍ ? 
\v 18 ମାତର୍‌‌ ଇସ୍‌ପର୍ ଗାଗ୍‌ଡ଼େଗୁଗ୍‌ଡ଼ାକେ ମୁଇଂ ମୁଇଂ ଡିଙ୍ଗ୍‌ଚେ ଗାଗ୍‌ଡ଼େନ୍ନିଆ ନିଜର୍ ଇକ୍‌ଚା ରକମ୍‌ ଜଡ଼େବକେ । 
\v 19 ବାରି ଜଦି ଆତାନ୍‌ସାପା ମୁଇଙ୍ଗ୍ ଅଙ୍ଗ ଡିଙ୍ଗ୍‌ପାଲେଃ ତେଲା ଗାଗ୍‌ଡ଼େ ଆଣ୍ତିଅରିଆ ? 
\v 20 ମାତର୍‌‌ ସତେଆ ଗାଗ୍‌ଡ଼େଗୁଗ୍‌ଡ଼ା ଗୁଲୁଏ ମାତର୍‌ ଗାଗ୍‌ଡ଼େ ମୁଇଙ୍ଗ୍ ।
\p
\v 21 “ନାଡାଗ୍ରା ନେଙ୍ଗ୍‌ନେ ଦର୍‌କାର୍ ଣ୍ତୁ” ଡାଗ୍‌ଚେ ମ୍ମୁଆଁଃ ନ୍ତିକେ ବାସଙ୍ଗ୍‌ ଆୟାକେ ଣ୍ତୁ । “ଣ୍ଡୁଲା ନାଡାଗ୍ରା ନେଙ୍ଗ୍‌ନେ ଦର୍‌କାର୍ ଣ୍ତୁ ଡାଗ୍‌ଚେ ବାଆ ଞ୍ଚକେ ବାସଙ୍ଗ୍‌ ଆୟା ଣ୍ତୁ ।”
\p
\v 22 ବିନ୍‌ ପାକା ଗାଗ୍‌ଡ଼େନେ ଆଣ୍ତିନେ ଅଙ୍ଗ ଆଣ୍ଡେଙ୍ଗ୍ ଅସକ୍‌ତିଆ ଡାଗ୍‌ଚେ ମନେ ଡିଙ୍ଗ୍‌ଏ ଆତେନ୍‌ ଆଣ୍ଡେଙ୍ଗ୍ ଦର୍‌କାର୍ । 
\v 23 ଗାଗ୍‌ଡ଼େ ଆଣ୍ତିନେ ଅଙ୍ଗ ଆଣ୍ଡେଙ୍ଗ୍ ନେନେ ଜାବର୍‌ ଦର୍‌କାର୍ ଡାଗ୍‌ଚେ ମନେ ଡିଙ୍ଗ୍‍ନେଡିଂକେ ଣ୍ତୁ ଆତେନ୍‌ ଆଣ୍ଡେଙ୍ଗ୍ ନେନେ ଜାବର୍‌ ଜତନ୍ ନେଡିଙ୍ଗ୍‌ଏ । ବାରି ଗାଗ୍‌ଡ଼େନେ ବୁଡ଼ିଲେଃକ୍ନେ ଅଙ୍ଗ ଇଂନେ ଆଡ଼ାତ୍ରା ନେନେ ଜାବର୍ ମନ୍‌ ନେବିଏ 
\v 24 ମାତର୍‌‌ ନେନେ ବୁଡ଼ିଲେଃକ୍ନେ ଗାଗ୍‌ଡ଼େ ଆଣ୍ଡେଙ୍ଗ୍ ସବା ତ୍ନାନେ ଦର୍‌କାର୍ ଣ୍ତୁ । 
\v 25 ତେସା ଗାଗ୍‌ଡ଼େ ବିତ୍ରେ ମେଃଡିଗ୍‌ ଅସ୍‌ବିଦା ଆଡିଙ୍ଗ୍ ଣ୍ତୁ ବାରି ବିନ୍‌ବିନ୍ ଗାଗ୍‌ଡ଼େଗୁଗ୍‌ଡ଼ା ଆଣ୍ଡେଙ୍ଗ୍ ମେଁ ମେଇଂ ବିତ୍‍ରେ ଦର୍‍କାର୍‌ ଲେଃକ୍ନେ ଜିନିସ୍‍ ବୁଜେମ୍ୟାଃକେ । 
\v 26 ଜଦି ଗାଗ୍‌ଡ଼େନେ ମୁଇଙ୍ଗ୍ ଅଙ୍ଗ କସ୍ଟ ବାଏ, ମେଁ ଏତେ ଗାଗ୍‌ଡ଼େନେ ବିନ୍‌ ଅଙ୍ଗ ଆଣ୍ଡେଙ୍ଗ୍ ଡିଗ୍ କସ୍ଟ ବାଏ । ଜଦି ଗାଗ୍‌ଡ଼େନେ ମେଃଡିଗ୍‌ ଅଙ୍ଗ ସନ୍‌ମାନ୍‌ ବାଏ, ବିନ୍‌ ସାପା ଅଙ୍ଗ ଆଣ୍ଡେଙ୍ଗ୍ ମେଁ ଏତେ ମୁଇଂଅରିଆ ଡିଙ୍ଗ୍‌ଚେ ସାର୍ଦା ଡିଙ୍ଗ୍‌ଆର୍‌ଏ ।
\p
\v 27 ପେ କିସ୍‌ଟନେ ଗାଗ୍‌ଡ଼େ । ପେ ସାପାରେ ଆତେନ୍‌ ଗାଗ୍‌ଡ଼େନେ ମୁଇଂ ମୁଇଂ ଅଙ୍ଗ । 
\v 28 \x + \xo ୧୨:୨୮ \xo*\xt ପିଲିପିୟ ୪:୧୧.\xt*\x*ମଣ୍ତଲିନ୍ନିଆ ଇସ୍‌ପର୍ ସିସେ ପ୍ରେରିତ୍‌ ସିସ୍ଇଂକେ, ତେନ୍‌ ଇଡ଼ିଂ ବାବବାଦିଇଂକେ, ତେନ୍‌ ଇଡ଼ିଂ ଆଲନେ ଗୁରୁଇଂକେ । ତେନ୍‌ ଇଡ଼ିଂ ଇରିଆତୁଗ୍ କାମ୍‍ ଡିଙ୍ଗ୍‍ନେ, ରେମୁଆଁଇଂକେ ରଗ୍‍ ନିମାଣ୍ଡା ଆଃଡିଙ୍ଗ୍‌ଣ୍ଡ୍ରେ, ସାଇଜ ଡିଙ୍ଗ୍‍ଣ୍ଡ୍ରେ, ନେତା କାମ୍‍ରେ ଅଦିକାର୍‌ ବାରି ବିନ୍‌ବିନ୍ ବ୍ନାସାରେ ସାମୁଆଁ ବାସଙ୍ଗ୍‌ନେ ରେମୁଆଁଇଂକେ ସ୍ରି ବକେ । 
\v 29 ମେଇଂ ସାପାରେ ପ୍ରେରିତ୍‌ ସିସ୍‌ ବାବବାଦି କି ଗୁରୁ ଣ୍ତୁ । ସାପାରେ ମେଃ ବପୁନେ କାମ୍‌ ପୁରନ୍‌ ଆଃଡିଣ୍ଡ୍ରେ । 
\v 30 ସାପାରେ ରଗ୍ ନିମାଣ୍ତା ଆଡିଙ୍ଗ୍‌ନ୍‌ସା ବିନ୍‌ବିନ୍ ବ୍ନାସାରେ ସାମୁଆଁ ବାସଙ୍ଗ୍‌ ନ୍‌ସା ବାରି ମେଁ ସାପାନେ ଅର୍‌ତ ବୁଜେନ୍‌ସା ଆୟାଆର୍‌ ଣ୍ତୁ । 
\v 31 ପେ ନିମାଣ୍ଡା ଦାନ୍‍ଆଣ୍ଡେଙ୍ଗ୍‌ ବାନ୍‌ସା ତିଆର୍ ଡିଙ୍ଗ୍‌ପା । ନେଙ୍ଗ୍ ଆପେକେ ଆକ୍‌ମେଁବାନ୍ ନିମାଣ୍ଡାନେ ମୁଇଙ୍ଗ୍ ଗାଲି ନ୍ନାଃକେଏ ।
\c 13
\s ଆଲାଦ୍‌
\p
\v 1 ଜଦି ନେଙ୍ଗ୍ ରେମୁଆଁଇଂନେ ବାରି କିତଂ ଦୁତ୍ଇଂନେ ବ୍ନାସାରେ ସାମୁଆଁ ମ୍ବାସଙ୍ଗ୍‌ଏ ନେଙ୍ଗ୍ ରୁଦୟ୍‍ନ୍ନିଆ ଆଲାଦ୍ ଆଲେଃଲା ତେଲା ନେଙ୍ଗ୍ ନ୍ନାଙ୍ଗ୍‌ନେ ଗଣ୍ଟା ଣ୍ତୁଲା ଜିଲିଙ୍ଗ୍‌ ଜିଲିଙ୍ଗ୍‌ ଡିଂମ୍ୟାଃକ୍ନେ ମୁଇଂ ନ୍ତି ବାଃତିନେ ରକମ୍ ଡିଙ୍ଗ୍‌ନ୍ଲେକେ । 
\v 2 \x + \xo ୧୩:୨ \xo*\xt ମାତିଉ ୧୭:୨୦; ୨୧:୨୧; ମାର୍‌କ ୧୧:୨୩.\xt*\x*ବାରି ଜଦି ନେଙ୍ଗ୍‌ନେ ଇଡ଼ିଂଡେ ସାମୁଆଁ ବାସଙ୍ଗ୍‌ନେ ବପୁ ଲେଃଏ । ସାପା ବିସୟ୍‌ରେ ଗ୍ୟାନ୍ ଲେଃଏ ତାଡ଼୍‍ତେ ବିସୟ୍ ବୁଜେନ୍‌ସା ବପୁ ଲେଃଏ ବିସ୍‌ବାସ୍‌ନେ ବପୁରେ କଣ୍ଡା ଗୁଚେନ୍‌ସା ବିସ୍‌ବାସ୍‌ ଲେଃଏ; ମାତର୍‌‌ ନେଙ୍ଗ୍‌ନେ ଆଲାଦ୍ ଆଲେଃଲା ନେଙ୍ଗ୍ ମେଃଡିଗ୍‌ ଣ୍ତୁ । 
\v 3 ବାରି ଜଦି ନେଙ୍ଗ୍ ଅର୍‍କିତ୍‍ ରେମୁଆଁକେ ଆଃଚଙ୍ଗ୍‍ ନ୍‌ସା ନେଙ୍ଗ୍‌ନେ ସାପା ଦାନ୍ ଣ୍ତିଙ୍ଗ୍‌ଏ ବାରି ଜଦି ନେଙ୍ଗ୍ ନେଙ୍ଗ୍‌ନେ ଗାଗ୍‌ଡ଼େକେ ବାବିଃନ୍‌ସା ଦାନ୍ ଣ୍ତିଙ୍ଗ୍‌ଏ ମାତର୍‌‌ ନେଙ୍ଗ୍‌ନେ ଆଲାଦ୍ ଆଲେଃଲା ତେଲା ନେଙ୍ଗ୍‌ନେ ମେଃଡିଗ୍‌ ଲାବ୍‌ ଣ୍ତୁ ।
\p
\v 4 ଆଲାଦ୍ ମାଲେ ସାଆସ୍ ବାରି ଲିବିସଃ, ଆଲାଦ୍‌, ରିସା ଣ୍ଡୁ ଆନ୍ତାର୍‍ବିନେ ଣ୍ଡୁ ବା ଆଂକାର୍ ଡିଙ୍ଗ୍‌ନେ ଣ୍ଡୁ । 
\v 5 ଆଲାଦ୍‌ ଦଦ୍ୟା ବାଃଲିର୍‌ବାଃତା ଆଡିଙ୍ଗ୍ ଣ୍ତୁ, ନିଜର୍‌ ବଲ୍‌ ଚେସ୍‌ଟା ଆଡିଙ୍ଗ୍ ଣ୍ତୁ ସଅଜ୍‍ରେ ଆଗ୍‌ସେ ଣ୍ତୁ ଆଲାଦ୍‌ ଅଃନାଡିଗ୍ ମେଁ ଆଡ଼ାତ୍ରା ବଲ୍ ଆଡିଙ୍ଗ୍‌ବକ୍ନେ କାମ୍ ମନେ ଆବ ଣ୍ତୁ । 
\v 6 ଆଲାଦ୍‌ ଅଦର୍ମନ୍ନିଆ ସାର୍ଦା ଆଡିଙ୍ଗ୍ ଣ୍ତୁ ସତ୍‌ନ୍ନିଆ ମେଁନେ ସାର୍ଦା । 
\v 7 ଆଲାଦ୍‌ ସାପା ସମ୍ୱାଲେଏ ସାପା ବିସ୍‌ବାସ୍ ଡିଙ୍ଗ୍‌ଏ ସାପା ବିସୟ୍‌ରେ ସାଆସ୍‌ ସାଃଚେ ଲେଃଏ ।
\p
\v 8 ଆଲାଦ୍ ଅଃନା ଆଡା ଣ୍ତୁ; ମାତର୍‌‌ ଜଦି ଇସ୍‌ପର୍ ଡାଗ୍ରାବାନ୍ ସାମୁଆଁ ବାସଙ୍ଗ୍‌ନେ ବପୁ ବଃ ୱେଏ; ବିନ୍ ବ୍ନାସାରେ ବାସଙ୍ଗ୍‌ନେ ବପୁ ବଃ ୱେଏ, ରେମୁଆଁନେ ଗିଆନ୍‍ ବଃ ୱେଏ । 
\v 9 ମେଃଡାଗ୍ଲା ନେନେ ଗିଆନ୍‍ ବିଃନେ ଦାନ୍ ବାରି ନେ ଇସ୍‌ପର୍‌ନେ ସାମୁଆଁ ବାସଙ୍ଗ୍‌ନେ ଦାନ୍ ଆଡା ଣ୍ଡୁ । 
\v 10 ମାତର୍‌‌ ସାପା ବିସୟ୍‌ନେ ସମାନ୍‍ ବାବ୍‌ରେ ପାଙ୍ଗ୍‌ଲା ଏନ୍‌ ସାପା ବିସୟ୍ ଡା ୱେଏ ।
\p
\v 11 ନେଙ୍ଗ୍ ଚିର୍ଲାଃଅ ଲେଃକେଲା ନେଙ୍ଗ୍‌ନେ ବାଲିର୍‌ବାତା ମ୍ନାନେ ବାରି ଚିନ୍ତାଡିଂନେ ଚିର୍ଲାଃଅ ରକମ୍ ଲେଃଗେ । ମାତର୍‌ ମ୍ନାଲା ନେଙ୍ଗ୍ ବାରି ଚିର୍ଲାଃଅ ରକମ୍ ବାଃଲିର୍‌ବାଃତା ଡିଙ୍ଗ୍‍ନାଡିଙ୍ଗ୍‍କେ । 
\v 12 ଦେତ୍‌ ରକମ୍‌ ନେ ମୁଇଙ୍ଗ୍ ଦାର୍‌ପନ୍‌ ଏତେ କେନେଡିଙ୍ଗ୍‌କେ, ମାତର୍‌‌ ଆତେନ୍‌‌ ବେଲା ନେ ନିମାଣ୍ଡା ବାବ୍‌ରେ ନେକେଏ । ନେଙ୍ଗ୍ ଏବେ ମାତର୍‌‌ ମେଃନେ ମ୍ୟାନ୍ଲେଃକେ ମାତର୍‌‌ ଆତେନ୍‌ ବେଲା ପର୍‌ମେସର୍‌ ଆନେଙ୍ଗ୍ ଡିରକମ୍ ମ୍ୟାଲେଃକେ ଦେତ୍‍ରକମ୍‌ ନେଙ୍ଗ୍ ନିମାଣ୍ଡା ବାବ୍‌ରେ ମ୍‌ମ୍ୟାଃଏ ।
\p
\v 13 ବିସ୍‌ବାସ୍‌ ଆସା ବାରି ଆଲାଦ୍ ଏନ୍‌ ଞ୍ଜିକ୍ଲିଗ୍‌ ଲେଃକ୍ନେ ବିସୟ୍ ବିତ୍ରେ ଆଲାଦ୍ ଆଃ ମ୍ନା ।
\c 14
\s ଆତ୍ମାନେ ଦାନ୍ ବିସୟ୍‌ରେ ମାଲେ ସାମୁଆଁ
\p
\v 1 ଆଲାଦ୍‌ନେ ପ୍ଲା ୱେଲାପା । ଆତ୍ମିକ ଦାନ୍‌ସାପା ବାନ୍‌ସା ଚେସ୍‌ଟା ଡିଙ୍ଗ୍‌ପା ସାପାବାନ୍‍ ବବିସତ୍‌ ସାମୁଆଁ ବାସଙ୍ଗ୍‌ ନ୍‌ସା ଇକ୍‌ଚା ଡିଙ୍ଗ୍‌ପା । 
\v 2 ଡାଗ୍ଲା ଜାଣ୍ଡେ ବିନ୍‌ ବ୍ନାସାରେ ସାମୁଆଁ ବାସଙ୍ଗ୍ଏ ମେଁ ରେମୁଆଁକେ ସାମୁଆଁ ଆବାସଙ୍ଗ୍‌ ଣ୍ତୁ ମାତର୍‌‌ ଇସ୍‌ପର୍‌କେ ବାସଙ୍ଗ୍ଏ ତେସା ଜାଣ୍ଡେ ଆତେନ୍‌ ଆବୁଜେ ଣ୍ତୁ ମାତର୍‌ ମେଁ ଆତ୍ମାବାନ୍‌ ତାଣ୍ଡେ ସାମୁଆଁ ବାସଙ୍ଗ୍ଏ । 
\v 3 ମାତର୍‌‌ ଜାଣ୍ଡେ ଇସ୍‌ପର୍‌ନେ ବ୍ନାଲିର୍ ବାସଙ୍ଗ୍ଏ, ମେଁ ଆତେନ୍‌ ରେମୁଆଁଇଂକେ ବାସଙ୍ଗ୍ଏ, ଆତେନ୍‌‌ବାନ୍ ଆମେଇଂକେ ସାଇଜ ସାର୍ଦା ବାରି ସାନ୍ତି ବିଏ । 
\v 4 ଜାଣ୍ଡେ ବିନ୍ ବ୍ନାସାରେ ସାମୁଆଁ ବାସଙ୍ଗ୍ଏ ମେଁ ମାତର୍‌‌ ନିଜର୍ ନ୍‌ସା ଆତେନ୍‌ ଡିଙ୍ଗ୍‌ଏ ମାତର୍‌‌ ଜାଣ୍ଡେ ବବିସତ୍‌ ସାମୁଆଁ ବାସଙ୍ଗ୍ଏ ମେଁ ସାପା ମଣ୍ତଲିକେ ସାଇଜ ଡିଙ୍ଗ୍‌ଏ ।
\p
\v 5 ପେଇଂ ସାପାରେ ଜେ ବିନ୍ ବ୍ନାସାରେ ସାମୁଆଁ ପେବାସଙ୍ଗ୍ଏ, ଏନ୍‌ ନେଙ୍ଗ୍‌ନେ ଇକ୍‌ଚା, ମାତର୍‌‌ ପେଇଂ ଜେ ବବିସତ୍‌ ସାମୁଆଁ ପେବାସଙ୍ଗ୍‌ଏ, ଏନ୍‌ ନେଙ୍ଗ୍‌ନେ ଜାବର୍ ଇକ୍‌ଚା; ମୁଡ଼ି ରେମୁଆଁ ବବିସତ୍‌ ସାମୁଆଁ ବାସଙ୍ଗ୍ଏ, ମେଁ ବିନ୍‌ବିନ୍ ବାସା ବାସଙ୍ଗ୍‌ୟାନେ ରେମୁଆଁବାନ୍‌ ମ୍ନା । ମାତର୍‌‌ ମେଁ ଜଦି ଆତେନ୍‌ ବାସା ଇଂନେ ଅରତ୍‌ ଡିଙ୍ଗ୍‌ୟାଏ, ତେଲା ମେଁ ଇସ୍‌ପର୍‌ନେ କବର୍ ବାସଙ୍ଗ୍‌ମ୍ୟାକ୍ନେ ରେମୁଆଁ ଏତେ ସମାନ୍ । ଏନ୍‌ବାନ୍‌ ମଣ୍ତଲିକେ ସାଇଜ ଡିଙ୍ଗ୍‌ଏ । 
\v 6 ବୟାଁଇଂ ନେଙ୍ଗ୍ ଜଦି ପେଇଂନେ ଡାଗ୍ରା ୱେଚେ ତ୍ନାକ୍ନେ ବ୍ନାଲିର୍ ବା ଗ୍ୟାନ୍ ବା ବବିସତ୍‌ ସାମୁଆଁ ବା ସିକେକ୍ନେ ସାମୁଆଁ ମାବାସଙ୍ଗ୍‌ଚେ ମାତର୍‌‌ ବିନ୍ ବ୍ନାସାରେ ସାମୁଆଁ ମ୍ବାସଙ୍ଗ୍‌ଏ, ତେଲା ଆତ୍‌ଅରିଆ ନେଙ୍ଗ୍ ପେଇଂନେ ମେଃ ସାଆଜ୍ୟ ମ୍ୱାଏ ?
\p
\v 7 ବାଉଁସି ବା ଗୁମ୍‍ରା ରକମ୍‌ ଜିବନ୍‌ଣ୍ତୁନେ ବଗ୍‌ଡେଙ୍ଗ୍‌ନେ କାଣ୍ତେଙ୍ଗ୍‌ ଜଦି ଟିକ୍ ସର୍‌ ଆର ଣ୍ତୁ ତେଲା ଆତ୍‌ଅରିଆ ମେଁ ମେଁନେ ନ୍ନାଙ୍ଗ୍‌ଇଂକେ ଜାଣ୍ଡେ ମେଁ ମେଃନେ ମ୍ୟାଃ ୟାଏ ? 
\v 8 ଜୁଦ୍‌ନ୍ନିଆ ଜଦି ପ୍ନିଃ ନିମାଣ୍ତା ବାବ୍‌ରେ ଆଅଁଣ୍ତୁ ତେଲା ସନ୍ୟଇଂ ଜୁଦ୍‌ ନ୍‌ସା ତିଆର୍ ଡିଙ୍ଗ୍‌ନେ ବେଲା ମ୍ୟା ଆୟା ଆର୍‌ଏ ଣ୍ତୁ ? 
\v 9 ଦେତ୍‌ରକମ୍ ଜଦି ଆମ୍ୟାକ୍ନେ ବ୍ନାସାରେ ସାମୁଆଁ ପେନିଏଁଏ, ତେଲା ଆମେ ଜାଣ୍ଡେ ବୁଜେଏ ? ଏନ୍‌ ୱେଡ଼ିଆକେ ବାସଙ୍ଗ୍‌କେ ରକମ୍‌ ଡିଙ୍ଗ୍‌ଏ । 
\v 10 ମଞ୍ଚ୍‌ପୁର୍‌ନ୍ନିଆ ଗୁଲୁଏ ବାସା ଲେଃକେ ମାତର୍‌‌ ଆତେନ୍‌ ସାପାନେ ଅର୍‌ତ ଲେଃକେ । 
\v 11 ଜଦି ନେଙ୍ଗ୍ ଏତେ ବାଲିର୍‌ବାତା ଡିଙ୍ଗ୍‌ମ୍ୟାକ୍ନେ ରେମୁଆଁନେ ବାସା ନେଙ୍ଗ୍ ବୁଜେ ନାୟା ଣ୍ତୁ ତେଲା ଆତେନ୍‌ ରେମୁଆଁ ନେଙ୍ଗ୍ ଡାଗ୍ରା ଆସାମୁଆଃକ୍ନେ ରେମୁଆଁ ରକମ୍‌ ଡିଙ୍ଗ୍‌ଏ ନେଙ୍ଗ୍ ଡିଗ୍ ମେଁ ଡାଗ୍ରା ଆସାମୁଆଁକେ ରେମୁଆଁ ରକମ୍‌ ଣ୍ଡିଙ୍ଗ୍‌ଏ । 
\v 12 ଦେତ୍‌ ରକମ୍‌ ପେଇଂ ଡିଗ୍ ପବିତ୍ର ଆତ୍ମାନେ ଦାନ୍ ସାପା ବାନ୍‌ସା ଚେସ୍‌ଟା ଡିଙ୍ଗ୍‌ପେଲେଗ୍‍ସା ମଣ୍ତଲି ମ୍ନାନ୍‍ସା ଆତେନ୍‌ ସାପା ଜାବର୍ ବାବ୍‌ରେ ବାନ୍‌ସା ଚେସ୍‌ଟା ଡିଙ୍ଗ୍‌ପା । \fig କାଣ୍ଡେଙ୍ଗ୍‌ ପ୍ନିଃଇଂ|alt="musical instruments" src="hk00188c.tif" size="col" copy="Horace Knowles ©" ref="୧୪:୭"\fig*
\p
\v 13 ତେସା ଜାଣ୍ଡେ ବିନ୍ ବ୍ନାସାରେ ସାମୁଆଁ ବାସଙ୍ଗ୍ଏ, ମେଁ ଏନ୍‌ ଅର୍‌ତ ବୁଜେୟା ନ୍‌ସା ପବିତ୍ର ଆତ୍ମାନେ ଦାନ୍‍ ବାନ୍‌ସା ପାର୍‌ତନା ଡିଙ୍ଗ୍‌ଲେ । 
\v 14 ମେଃଡାଗ୍ଲା ନେଙ୍ଗ୍ ଜଦି ବିନ୍ ବ୍ନାସାରେ ପାର୍‌ତନା ଣ୍ତିଙ୍ଗ୍‌ଏ ତେଲା ନେଙ୍ଗ୍‌ନେ ଗର୍‍ବେନେ ଆତ୍ମା ଆତେନ୍‌ ଡିଙ୍ଗ୍‌ଏ ମାତର୍‌‌ ନେଙ୍ଗ୍‌ନେ ବୁଜେ ୟାଏ, ନେନେ ବପୁ ଆତ୍‌ଅରିଆ ଆଲେଃ ଣ୍ଡୁ । 
\v 15 ତେଲା ନେଙ୍ଗ୍ ମେଃମେଃନେ ଣ୍ଡିଂଏ ? ନେଙ୍ଗ୍ ନେଙ୍ଗ୍‌ନେ ଆତ୍ମାନେ ବୁଦିରେ ପାର୍‍ତନା ଣ୍ଡିଙ୍ଗ୍‍ଏ; ମାତର୍‌ ଜିଆଃ ଜିଆଃ ବୁଦି ଆଃକଟେଚେ ଡିଗ୍ ପାର୍‍ତନା ଣ୍ଡିଙ୍ଗ୍‍ଏ । ନେଙ୍ଗ୍ ନେଙ୍ଗ୍‌ନେ ଚାଲନାରେ ଅସ୍‌ମାର୍ ନ୍‍ସାର୍‍ଏ ମାତର୍‌ ମେଁ ଏତେ ମନ୍ ଦିଆନ୍‍ ବିଚେ ଅସ୍‌ମାର୍ ନ୍‍ସାର୍‍ଏ । 
\v 16 ପେଇଂ ଜଦି ଆତ୍ମା ବାନ୍ ପର୍‌ମେସର୍‌କେ ଦନ୍ୟବାଦ୍‌ ପେଡିଙ୍ଗ୍‌ଏ, ତେଲା ସାଦାସିଦା ରେମୁଆଁ ପେନେ ସାମୁଆଁ ଆବୁଜେଆର୍‌ଲା ଡିରକମ୍ ପେନେ ଦନ୍ୟବାଦ୍‌ ବିଃନ୍ନିଆ “ଆମେନ୍‌” ବାସଙ୍ଗ୍ଏ ? 
\v 17 ପେଇଂ ପର୍‌ମେସର୍‌କେ ନିମାଣ୍ତା ବାବ୍‌ରେ ଦନ୍ୟବାଦ୍‌ ଆମ୍ୟାପେଡିଙ୍ଗ୍‌ ମାତର୍‌‌ ମେଁବାନ୍‌ ବିନ୍ ରେମୁଆଁ ଆତ୍ମିକ ଲାବ୍‌ ଆବାକେ ଣ୍ତୁ ।
\p
\v 18 ନେଙ୍ଗ୍ ଇସ୍‌ପର୍‌କେ ଦନ୍ୟବାଦ୍ ବିଃଣ୍ଡିଂ ଡାଗ୍ଲା ନେଙ୍ଗ୍ ପେନେ ସାପାରେ ଡାଗ୍ରା ଜାବର୍ ବାବ୍‌ରେ ବିନ୍ ବାସା ବାସଙ୍ଗ୍‌ ଇଁୟାଏ । 
\v 19 ମାତର୍‌‌ ମଣ୍ତଲିନେ ଉପାସ୍‌ନ୍ନିଆ ବିନ୍ ବାସାନ୍ନିଆ ଏଜାମାୟାନେ ବ୍ନାଲିର୍‍ ଆଃମିସୁଚେ ବାରି ସାପାରେ ବୁଜେ ୟାକେ ରକମ୍‌ ମାଲିକ୍ଲିଗ୍‌ ସାମୁଆଁ ବାସଙ୍ଗ୍‌ନେ ବଲ୍ ଡାଗ୍‌ଚେ ନେଙ୍ଗ୍ ମନେ ଣ୍ଡିଂଏ ।
\p
\v 20 ଅ ତନା ବାରି ବୟାଁଇଂ ବୁଦି କଟେକେଲା ଗଡ଼େଇଂ ରକମ୍‌ ଆଡିଙ୍ଗ୍‌ପା ବାରି ଦଦ୍ୟା ବିସୟ୍‌ରେ ଗଡ଼େଇଂ ରକମ୍‌ ଡିଙ୍ଗ୍‌ପା ବାରି ବୁଦିରେ ଡକ୍ରା ରେମୁଆଁ ସୁଗୁଆ ଡିଙ୍ଗ୍‌ପା । 
\v 21 ଦରମ୍ ସାସ୍ତର୍‌ନ୍ନିଆ ଗୁଆର୍‌ବକେ
\q1 “ମାପ୍ରୁ ବାସଙ୍ଗ୍‌ଣ୍ଡିଙ୍ଗ୍‍ ମାମ୍ୟାକ୍ନେ ବାସା ବାସଙ୍ଗ୍‌ମ୍ୟାକ୍ନେ
\q2 ବିଦେସି ରେମୁଆଁଇଂନେ ତୁମୁଆଃନ୍ନିଆ
\q1 ନେଙ୍ଗ୍ ଏନ୍‌ ଜାତି ଏତେ ସାମୁଆଁ ମ୍ବାସଙ୍ଗ୍‌ଏ ।
\q2 ଏଲେ ଡିଗ୍ ମେଇଂ ନେଙ୍ଗ୍‌ନେ ସାମୁଆଁ ଆଃ ଅଁ ଆର୍‌ଏ ଣ୍ତୁ ।”
\m
\v 22 ତେସା ବିନ୍ ବ୍ନାସାରେ ସାମୁଆଁ ବାସଙ୍ଗ୍‌ନେ ବିସ୍‌ବାସିଇଂ ନ୍‌ସା ଚିନା ରକମ୍‌ ମାତର୍‌ ଅବିସ୍‌ବାସିଇଂ ନ୍‌ସା ଚିନା ରକମ୍‌; ବିନ୍ ପାକା ବବିସତ୍‌ ସାମୁଆଁ ବାସଙ୍ଗ୍‌ନେ ଅବିସ୍‌ବାସିଇଂ ନ୍‌ସା ଚିନା ରକମ୍‌ ଣ୍ତୁ ମାତର୍‌ ବିସ୍‌ବାସିଇଂ ନ୍‌ସା ଚିନା ରକମ୍‌ ।
\p
\v 23 ମଣ୍ତଲିନେ ସାପାରେ ମୁଇଂଅରିଆ ରିସିଙ୍ଗ୍‍ ଲେଃକେଲା ଜଦି ସାପାରେ ମାମ୍ୟାକ୍ନେ ବ୍ନାସାରେ ସାମୁଆଁ ବାସଙ୍ଗ୍ଏ ବାରି ଆତ୍‌ଅରିଆ ସାଦାସିଦା ରେମୁଆଁ ବାରି ବିନ୍ ଅବିସ୍‌ବାସି ରେମୁଆଁଇଂ ପାଙ୍ଗ୍‌ଏ ମେଇଂ ମେଁନେ ମଣ୍ତଲିନେ ସାପାରେକେ ବାୟା ଡାଗ୍‌ଚେ ମନେ ଆଡିଙ୍ଗ୍ ଆର୍‌ଏ ? 
\v 24 ମାତର୍‌‌ ମେଇଂ ଜଦି ଇସ୍‌ପର୍‌ନେ ବ୍ନାଲିର୍ ବାସଙ୍ଗ୍‌ ପାଲେ ବାରି ମୁଇଂଜା ବିନ୍ ଅବିସ୍‌ବାସି ଣ୍ତୁଲା ସାଦାସିଦା ରେମୁଆଁ ଆତ୍‌ଅରିଆ ପାଙ୍ଗ୍‍ଲେଃକେ, ମେଁ ମେଃମେଃନେ ଅଁଏ, 
\v 25 ଆତ୍‌ବାନ୍ ମେଁନେ ପାପ୍ ଆଡ଼ାତ୍ରା ମେଁ ଚେତ୍‌ନା ଡିଙ୍ଗ୍ ୟାଏ; ମେଁନେ ଗାଗ୍‌ଡ଼େନେ ବୁଡ଼ିଲେଃକ୍ନେ ବିସୟ୍ ତାଣ୍ଡେ ତ୍ନାଏ; ମେଁ ଇସ୍‌ପର୍‌ନେ ଡାଗ୍ରା ଗୁଆରେଚେ ମେଁନେ ଆରାଦନା ଡିଙ୍ଗ୍‌ଏ ବାରି ବାସଙ୍ଗ୍‌ ଅଲେଙ୍ଗ୍‌ଏ । “ସତ୍‌ରେ ଇସ୍‌ପର୍ ପେ ବିତ୍ରେ ପାଙ୍ଗ୍‍ଲେଃକେ !”
\s ମଣ୍ତଲିନ୍ନିଆ ସାନ୍ତି
\p
\v 26 ବୟାଁ ବାରି ତନାଇଂ ଆପେକେ ନେଙ୍ଗ୍ ବାସଙ୍ଗ୍‌ନେ ଉଦେସ୍‌; ପାର୍‌ତନା ଡିଙ୍ଗ୍‌ନ୍‌ସା ମୁଇଂଅରିଆ ରିସିଙ୍ଗ୍‍ନେ ବେଲା ଜାଣ୍ଡେ ମୁଇଂଜା ଅସ୍‌ମାର୍‌ ସାର୍‌ଲେଃ ବାରି ମୁଇଂଜା ବୁଦି ବିଲେ, ଜାଣ୍ଡେ ମୁଇଂଜା ଇସ୍‌ପର୍‌ନେ ଗୁଲୁଏ ଦେସ୍‍ପାକା କେକ୍ନେ ସାମୁଆଁ ବାସଙ୍ଗ୍‌ଲେ ବାରି ମୁଇଂଜା ବିନ୍ ବାସା ସାମୁଆଁ ବାସଙ୍ଗ୍‌ଲେ ବାରି ମୁଇଂଜା ଏନ୍‌ ଆମ୍ୟାକ୍ନେ ବାସାନେ ଅର୍‌ତ ବୁଜେ ବିଲେ । ଏନ୍‌ ସାପା ମଣ୍ତଲି ବିତ୍ରେ ମ୍ନା ନ୍‍ସା ଦର୍‌କାର୍ । 
\v 27 ଜଦି ଉଡ଼ିରୁଆ ବିନ୍ ବ୍ନାସାରେ ସାମୁଆଁ ବାସଙ୍ଗ୍‌ ନ୍‍ସା ଇକ୍‌ଚା ଡିଙ୍ଗ୍‌ଏ ତେଲା ମୁଇଂଜା ଇଡ଼ିଂ ମୁଇଂଜା ଦେକ୍‌ରକମ୍ ମ୍ୱାକ୍ଲିଗ୍‍ବାନ୍‍ ଜାବର୍‌ ଡିଙ୍ଗ୍‌ଲା ଞ୍ଜିରୁଆ ବାସଙ୍ଗ୍‍ଲେ ବାରି ଜାଣ୍ଡେଡିଗ୍‍ ମୁଇଂଜା ଡିଲାଡିଗ୍ ମେଁନେ ଅର୍‌ତ ବୁଜେ ବିଲେ । 
\v 28 ଅର୍‌ତ ଆଃବୁଜେ ନ୍‌ସା ଜାଣ୍ଡେ ଆଲେଃଗେ ବିନ୍ ବ୍ନାସାରେ ସାମୁଆଁ ବାସଙ୍ଗ୍‌ ନ୍‌ସା ଚାଏଁଡିଂକ୍ନେ ରେମୁଆଁ ମଣ୍ଡଲିନ୍ନିଆ ବୁଙ୍ଗ୍‌ ଲେଃଲେ । ମେଁ ମାତର୍‌ ମନେ ମନେ ଇସ୍‌ପର୍ ଏତେ ଦେତ୍‌ରକମ୍ ସାମୁଆଁ ବାସଙ୍ଗ୍‌ଲେଃ । 
\v 29 ବାରି ମ୍ୱାୟା ଣ୍ତୁଲା ଞ୍ଜିରୁଆ ବାବବାଦି ବାସଙ୍ଗ୍‌ଆର୍‌ଲେଃ ବାରି ବିନ୍‌ ରେମୁଆଁ ବିଚାର୍ ଡିଂଆର୍‌ଲେଃ । 
\v 30 ଜଦି ଆତ୍‌ଅରିଆ କଲେଃକ୍ନେ ମୁଇଙ୍ଗ୍ ରେମୁଆଁ ପର୍‌ମେସର୍‌ନେ ବାନ୍ ମୁଇଙ୍ଗ୍ ସାମୁଆଁ ବାଏ, ତେଲା ପର୍‍ତୁମ୍‍ ବକ୍ତା ବୁଙ୍ଗ୍‌ ଲେଃନେ ଦର୍‌କାର୍ । 
\v 31 ସାପାରେନେ ବୁଦି ବାରି ଚେତ୍‍ନାନ୍‍ସା ସାପାରେ ମୁଇଂଜା ଇଡ଼ିଂ ମୁଇଂଜା ଇସ୍‌ପର୍‌ନେ ବ୍ନାଲିର୍‍ ବାସଙ୍ଗ୍‌ ପେୟାଏ । 
\v 32 ମାତର୍‌ ଇସ୍‌ପର୍‌ନେ ବ୍ନାଲିର୍‍ ବାସଙ୍ଗ୍‌ନେ ବପୁ ବାବବାଦିଇଂନେ ଡାଗ୍‍ରା ଲେଃନେ ଦର୍‌କାର୍ । 
\v 33 ମେଁ ଡାଗ୍‍ଲା ଇସ୍‌ପର୍ କିରମର ଡିଙ୍ଗ୍‌ନେ ମାପ୍ରୁ ଣ୍ଡୁ, ମେଁ ସାନ୍ତିନେ ଇସ୍‌ପର୍ । ଡିଡିରକମ୍‌ ପବିତ୍ର ରେମୁଆଁଇଂନେ ମଡ଼ା କଲସିୟନ୍ନିଆ ଲେଃକେ । 
\v 34 ପେ ମଣ୍ତଲିନେ କୁକପାର୍‍ନ୍ନିଆ ଡିଗ୍ ଦେତ୍‌ରକମ୍ ସେଲାମ୍ବୁଏଃଇଂ ବୁଙ୍ଗ୍‍ ଲେଃଆର୍‍ଲେ । ଆତ୍‌ଅରିଆ ସାମୁଆଁ ବାସଙ୍ଗ୍‍ନେସା ଆମେଇଂକେ ଆଦେସ୍‍ ଆମିଲେକେ । ଜିହୁଦି ନିୟମ୍‌ ଇସାବ୍‌ରେ ମେଇଂ ଆତ୍‌ଅରିଆ କଲେ ଆର୍‍ଲେ । 
\v 35 ମେଇଂ ମେଃଡିଗ୍ ବିସୟ୍ ବିଜେନ୍‌ସା ଇକ୍‌ଚା ଡିଙ୍ଗ୍‌ଆର୍‌ଏ ଡୁଆ ୱିଗ୍‍ଚେ ନିଜର୍ ଆଣ୍ଡାକେ ସାଲିଆଃକୁପା । ଡାଗ୍ଲା ମଣ୍ତଲି ବିତ୍ରେ ସାମୁଆଁ ବାସଙ୍ଗ୍‌ନେ ସେଲାମ୍ବୁଏଃନେ ଆଡ଼ାତ୍ରା ଗିଆସମାଲା ।
\p
\v 36 ଇସ୍‌ପର୍‌ନେ ବ୍ନାଲିର୍ ମେଃମେଃନେ ପେ ବିତ୍‍ରେବାନ୍‌ ତାର୍ ଆଲେଃଗେ ଣ୍ଡୁଲା ଆକେନ୍ ମେଁନେ ସରାଃ ପେ ଡାଗ୍‍ରା ପାଙ୍ଗ୍‍ଲେଃଗେ ? 
\v 37 ପେ ବିତ୍ରେ ବାନ୍ ଜାଣ୍ଡେ ଜଦି ନିଜେକେ ମୁଇଙ୍ଗ୍ ବାବବାଦି ଣ୍ତୁଲା ଆତ୍ମାନେ ଦାନ୍ ବାଲେଃକ୍ନେ ରେମୁଆଁ ଡାଗ୍‌ଚେ ବାବେଏ ମେଁ ମ୍ୟାଲେଃକେ ଜେ ଆକ୍‌ଅରିଆ ନେଙ୍ଗ୍ ଜା ସାପା ଗୁଆର୍‌ବକେ ଆତେନ୍‌ ମାପ୍ରୁନେ ଆଦେସ୍‌ । 
\v 38 ମାତର୍‌ ଜଦି ମେଁ ଆକେନ୍ ସାପା ବ୍ନାଲିର୍‍କେ ଉର୍‍ଲେଃଏ । ପେ ଆମେକେ ଉର୍‍ପା ।
\p
\v 39 ତେସା ଅ ନେଙ୍ଗ୍‌ନେ ବୟାଁଇଂ ଇସ୍‌ପର୍‌ନେ ବ୍ନାଲିର୍‍ ବାସଙ୍ଗ୍‍ ଅଲେଙ୍ଗ୍‌ନେ ଇକ୍‌ଚା ପେଡିଙ୍ଗ୍‌ଏ । ମାତର୍‌ ବିନ୍ ବ୍ନାସାରେ ସାମୁଆଁ ବାସଙ୍ଗ୍‍ନେସା ଆଜାକେ ମନା ଆଡିଙ୍ଗ୍‌ପା । 
\v 40 ସାପା କାମ୍ ନିମାଣ୍ଡା ବାବ୍‌ରେ ସାନ୍ତିରେ ଡିଙ୍ଗ୍‌ନେ ଦର୍‌କାର୍ ।
\c 15
\s କିସ୍‌ଟ ତଃଡ଼୍ୟାନେ
\p
\v 1 ତନା ବାରି ବୟାଁଇଂ ନେଙ୍ଗ୍ ମୁଡ଼ି ନିମାଣ୍ଡା ବ୍ନାଲିର୍ ପେଇଂନେ ଡାଗ୍ରା ବାସଙ୍ଗ୍‌ ଡିଙ୍ଗ୍‌ମ୍ୱକେ ଆଣ୍ତିନେ ପେଇଂ ସାଃପେବକେ ବାରି ଜାଣ୍ତେନେ ଆଡ଼ାତ୍ରା ପେଇଂନେ ବିସ୍‌ବାସ୍‌ ଲେଃକେ ଆତେନ୍‌ ବିସୟ୍ ଆପେକେ ଆଃ ଅଁ ବିନ୍‌ସା ନେଙ୍ଗ୍ ଚାଏଁଣ୍ଡିଂକେ । 
\v 2 ନେଙ୍ଗ୍ ପେଇଂନେ ଡାଗ୍ରା ବାସଙ୍ଗ୍‌ ଡିଙ୍ଗ୍‌ବକ୍ନେ ଆତେନ୍‌ ବଲ୍ ବ୍ନାଲିର୍ ଆଃ ନିମାଣ୍ତା ସାମୁଆଁ । ପେଇଂ ଆତେନ୍‌ ନିମାଣ୍ତା ସାମୁଆଁନ୍ନିଆ ଡାଟ୍‌ ବିସ୍‌ବାସ୍‌ ଡିଙ୍ଗ୍‌ଚେ ପେଲେଃଲା ଉଦାର୍ ପେବାଏ । ଣ୍ତୁଲା ପେଇଂନେ ବିସ୍‌ବାସ୍‌ ସରା ଡିଙ୍ଗ୍‌ଏ ।
\p
\v 3 ନେଙ୍ଗ୍ ବାଲେଃକ୍ନେ ମୁଇଙ୍ଗ୍ ଗ୍ୟାନ୍ ଆପେକେ ଆମ୍ୟାଣ୍ଡିଙ୍ଗ୍‍କେ । ଆତେନ୍‌ ସାପା ବାନ୍ ଦର୍‌କାର୍ । ଆତେନ୍‌ ଡିଙ୍ଗ୍‌ଡିଙ୍କେ ଦର୍ମ ସାସ୍ତର୍‌ନ୍ନିଆ ଗୁଆର୍‌ବକେ ଇସାବ୍‌ରେ କିସ୍‌ଟ ନେନେ ପାପ୍ ନ୍‌ସା ଗୁଏଃକେ । 
\v 4 \x + \xo ୧୫:୪ \xo*\xt ମାତିଉ ୧୨:୪୦; ପ୍ରେରିତ୍‌ ୨:୨୪-୩୨.\xt*\x*ମେଁ ଗୁଏକେ ବାରି ସାସ୍ତର୍‌ ଅନୁସାରେ ଜିର୍‍ସି ବିତ୍ରେ ତଡ଼୍ୟାକେ । 
\v 5 ମେଁ ପିତର୍ ବାରି ଇଡ଼ିଙ୍ଗ୍ ମେଁନେ ଗୁଆକ୍ଲିଗ୍‌ ସିସ୍‌କେ ମୁସୁଡ଼ିଙ୍ଗ୍‍ ବିକେ । 
\v 6 ତେନ୍ଇଡ଼ିଂ ମେଁ ମୁଇଂ ମାଡ୍‍ରେ ମେଁନେ ମାଲ୍‌ସ ବାନ୍ ଜାବର୍ ମେଁ ପ୍ଲା ୱେଣ୍ଡ୍ରେଇଂକେ ମୁସୁଃଡ଼ିଙ୍ଗ୍‍ ବିବଗେ । ମେଁଇଂନେ ବିତ୍ରେ ଉଡ଼ିରୁଆ ଏବେ ମଞ୍ଚ୍‌ପୁର୍‌ନ୍ନିଆ ଣ୍ତୁ ମାତର୍‌‌ ବାଃଗା ଉଡ଼ିରୁଆ ଜିବନ୍ ଲେଃଆର୍‌କେ । 
\v 7 ଏନ୍‌ ଇଡ଼ିଙ୍ଗ୍ ମେଁ ଜାକୁବ୍‌ ବାରି ସାପା ସିସ୍ଇଂକେ ମୁସୁଡ଼ିଙ୍ଗ୍‍ ବିକେ ।
\p
\v 8 \x + \xo ୧୫:୮ \xo*\xt ପ୍ରେରିତ୍‌ ୯:୩-୬.\xt*\x*ସାପାନେ ଇଡ଼ିଙ୍ଗ୍‌ ମେଁ ନେଙ୍ଗ୍ ରକମ୍‌ ମୁଇଙ୍ଗ୍ ଅକାଲ୍‌ ଜନମ୍‍କେ ଡିଙ୍ଗ୍ ଦର୍ସନ୍‌ ବିଃବକେ । 
\v 9 \x + \xo ୧୫:୯ \xo*\xt ପ୍ରେରିତ୍‌ ୮:୩.\xt*\x*ନେଙ୍ଗ୍ ସାପା ସିସ୍‍ଇଂନେ ବାନ୍ ଡାଆଁ । ଦେକ୍‌ରକମ୍‌କି ନେଙ୍ଗ୍‌ନେ ବେବକ୍ନେ ଡାଗ୍‌ଚେ ୱାନେ ଡିଗ୍ ବପୁ ଣ୍ତୁ ଡାଗ୍ଲା ନେଙ୍ଗ୍ ଅଃସେବାନ୍ ପର୍‌ମେସର୍‌ନେ ମଣ୍ତଲିନ୍ନିଆ କସ୍ଟ ଡିଙ୍ଗ୍‌ମ୍ୱକେ । 
\v 10 ମାତର୍‌‌ ଏବେ ନେଙ୍ଗ୍ ମେଁନେ ଡିଙ୍ଗ୍‌ନ୍ଲେକେ ଆତେନ୍‌ ଇସ୍‌ପର୍‌ନେ ଆସିର୍ବାଦ୍‌ବାନ୍ ଡିଙ୍ଗ୍‍ଲେଃକେ ବାରି ନେଙ୍ଗ୍ ଆଡ଼ାତ୍ରା ମେଁନେ ଲିବିସ ଦଦ୍ୟା ଆଡିଙ୍ଗ୍‌କେ ଣ୍ତୁ । ବାରି ବିନ୍‌ବିନ୍ ସାପା ବେବକ୍ନେ ସିସ୍ଇଂନେ ବାନ୍ ନେଙ୍ଗ୍ ଜାବର୍ କସ୍ଟ ଡିଙ୍ଗ୍‌ମ୍ୱକେ । ସତେଆ ଏନ୍‌ ସାପା ନେଙ୍ଗ୍ ନାଡିଙ୍ଗ୍‌କେ ଣ୍ତୁ । ମାତର୍‌‌ ନେଙ୍ଗ୍ ଆଡ଼ାତ୍ରା ଇସ୍‌ପର୍‌ନେ ଲିବିସଃ ଲେଃକେସା ଏନ୍‌ ପୁରନ୍‌ ଡିଙ୍ଗ୍‌ଲେକେ । 
\v 11 ତେସା ନେଙ୍ଗ୍ ଡିଙ୍ଗ୍‌ଲେ ବା ମେଇଂ ଡିଙ୍ଗ୍‌ଲେଃ ନେ ସାପାରେ ଆତେନ୍‌ ମୁଇଙ୍ଗ୍ ସାମୁଆଁ ବାସଙ୍ଗ୍‌ ଡିଙ୍ଗ୍‌ନେଡିଙ୍ଗ୍‌ ବାରି ପେଇଂ ଆତ୍‌ଅରିଆ ବିସ୍‌ବାସ୍‌ ଡିଙ୍ଗ୍‌ପେଡିଙ୍ଗ୍‌କେ ।
\s ନେ ତଃଡ଼୍ୟାନେ
\p
\v 12 କିସ୍‌ଟ ଗୁଏଃକ୍ନେ ବାନ୍ ତଡ଼୍ୟାଲେଃକେ । ଆକେନ୍‍ ଆଃ ନେ ବାସଙ୍ଗ୍‌ନେ ମ୍ନା ସାମୁଆଁ । ତେଲାଡିଗ୍‍ ଏବେ ପେ ବିତ୍ରେବାନ୍ ଜାଣ୍ଡେ ଜାଣ୍ଡେ ଗୁଏଃକ୍ନେ ରେମୁଆଁଇଂ ଆତଃଡ଼୍ୟାଆର୍‍ ଣ୍ଡୁ ଡାଗ୍‌ଚେ ଡିରକମ୍ ବାସଙ୍ଗ୍‌ପେଡିଂକେ ? 
\v 13 ଜଦି ଗୁଏକ୍ନେଣ୍ଡ୍ରେନେ ଆତଃଡ଼୍ୟାଲା କିସ୍‌ଟ ଗୁଏକ୍ନେବାନ୍‍ ଆଃତଡ଼୍ୟାକେ ଣ୍ଡୁ । 
\v 14 ଜଦି କିସ୍‌ଟ ଗୁଏକ୍ନେବାନ୍‌ ଆଃତଡ଼୍ୟାକେ ତେଲା ନେନେ ବାସଙ୍ଗ୍‍ ଅଲେଙ୍ଗ୍‍ନେ ସାମୁଆଁ ସରାଃ ବାରି ପେନେ ବିସ୍‌ବାସ୍ ଡିଗ୍ ସରାଃ । 
\v 15 ଜାବର୍‌ ନେନେ ଇସ୍‌ପର୍‌ନେ ବିସୟ୍‌ରେ ନାଲେ ବାସଙ୍ଗ୍‌କ୍ନେ ରକମ୍ ଡିଙ୍ଗ୍‌ଏ ମେଃଡାଗ୍‌ଲା ନେ ବାସଙ୍ଗ୍‍ନେଡିଙ୍ଗ୍‍କେ ଜେ ମେଁ କିସ୍‌ଟକେ ଗୁଏକ୍ନେବାନ୍‍ ଆତଡ଼ିଆବକେ । ମାତର୍‌ ଜଦି ସତ୍‍ରେ ଗୁଏକ୍ନେଣ୍ଡ୍ରେଇଂ ଆଃତଡ଼୍ୟାଆର୍‌ଏ ତେଲା ଇସ୍‌ପର୍ କିସ୍‌ଟକେ ଗୁଏକ୍ନେବାନ୍‍ ଆଃତଡ଼୍ୟା ଆବକେ ଣ୍ଡୁ । 
\v 16 ଗୁଏକ୍ନେଣ୍ଡ୍ରେ ବାର୍‌ମୁଇଂତର୍‌ ତଡ଼ିଆ ଆୟାଲା କିସ୍‌ଟ ଡିରକମ୍ ତଃଡ଼୍ୟାଏ ? 
\v 17 ଜଦି କିସ୍‌ଟ ଗୁଏକ୍ନେବାନ୍‌ ତଡ଼ିଆ ଆଲେଃକେ ତେଲା ପେଇଂନେ ବିସ୍‌ବାସ୍‌ ମିଚ୍ ବାରି ପେଇଂ ଏବେ ଡିଗ୍ ପାପ୍‌ନ୍ନିଆ ଲଃପେଲେଃକେ । 
\v 18 ବାରି ଏନ୍‌ ଅର୍‌ତ ଡିଙ୍ଗ୍‌ଏ ଜେ ଗୁଏ ଲେଃକ୍ନେ କିସ୍‌ଟ ବିସ୍‌ବାସିଇଂ ଡିଗ୍ ନସ୍ଟ ଡିଂୱେଆର୍‌ଏ । 
\v 19 ଜଦି କିସ୍‌ଟ ଡାଗ୍ରା ନେନେ ଆସା ଲେଃଏ ଆକେନ୍ ଜିବନ୍‍ ନ୍‍ସା ଦର୍‌କାର୍, ତେଲା ବିନ୍ ସାପାରେବାନ୍‍ ନେନେ ଅବସ୍ତା ଅଦିକ୍‍ ଡଣ୍ଡ୍‍ ବାଡିଙ୍ଗ୍‌ଏ ।
\p
\v 20 ମାତର୍‌‌ ସତ୍‌ ବାବ୍‌ରେ କିସ୍‌ଟ ଗୁଏଃକେ ରକମ୍‍ ଡୁଲେଗ୍‍ ଲେଃକ୍ନେ ରେମୁଆଁଇଂନେ ତଃଡ଼୍ୟାନେ ଡିଲାଡିଗ୍ ଆଃସୁଏନ୍‌ସା ମେଁଇଙ୍ଗ୍‌ନେ ବିତ୍ରେବାନ୍ ନିଜେ ସାପାବାନ୍‍ ପର୍‍ତୁମ୍‍ ଗୁଏକ୍ନେବାନ୍‍ ତଡ଼ିଆ ଲେଃକେ । 
\v 21 ମୁଇଂଜା ଆତ୍‍ଲା ଗୁଏନେ ମଞ୍ଚ୍‌ପୁର୍‍ନ୍ନିଆ ଗାକେ । ଦେତ୍‌ରକମ୍ ମୁଇଙ୍ଗ୍‌ଡା ନ୍‌ସା ଗୁଏଣ୍ଡ୍ରେଇଂନେ ତଃଡ଼୍ୟାନେ ସ‍ଅଜ୍‌ ଡିଙ୍ଗ୍‍ଲେଃକେ । 
\v 22 ଆଦମ ଏତେ କୁଡ଼େ ଲେଃଗ୍‍ସା ସାପା ରେମୁଆଁ ଗୁଏକେ । ଦେତ୍‌ରକମ୍ କିସ୍‌ଟ ଏତେ କୁଡ଼େଲେଃଗ୍‍ସା ସାପା ରେମୁଆଁ ତଡ଼ିଆ ଆର୍‌ଏ । 
\v 23 ମାତର୍‌‌ ସାପା ଆର୍ମେକ୍ନେ ବେଲା ତଡ଼ିଆ ଆର୍‌ଏ । ସାପାବାନ୍‍ ସିସେ କିସ୍‌ଟ ଗୁଏକ୍ନେ ବାନ୍ ତଡ଼ିଆ ଲେଃକେ । 
\v 24 ଏନ୍‌ ଇଡ଼ିଙ୍ଗ୍‌ ଜୁଗ୍‌ ପିଙ୍ଗ୍‌ଚାଏ କିସ୍‌ଟ ସାପା ଦଦ୍ୟା ଆତ୍ମାକେ ବାରି ଜା ଆଡ଼ାତ୍ରା ସାସନ୍‍ ଡିଙ୍ଗ୍‍ଏ ଅଦିକାର୍ ବାରି ମ୍ନା ବପୁରେ ଆଡାଚେ ଆବା ଇସ୍‌ପର୍‌କେ ଆକେନ୍ ରାଜ୍ୟ ସର୍‍ପେ ବିଏ । 
\v 25 ଇସ୍‌ପର୍ ମେଁନେ ସାପା ସତ୍ରୁକେ ଆଃଆରେଚେ କିସ୍‍ଟନେ ଞ୍ଚ ଆଲ ଆଡିଙ୍ଗ୍ ଜାକ କିସ୍‌ଟ ସାସନ୍‍ ଡିଙ୍ଗ୍‌ଏ । 
\v 26 ସାପାବାନ୍‍ ସାରାସାରି ସତ୍ରୁ ମେଁ ଗୁଏଃନେ ଡିଗ୍ ଆରେ ୱେଏ । 
\v 27 ଡାଗ୍ଲା ଦରମ୍‌ ସାସ୍ତର୍‌ନ୍ନିଆ ଗୁଆର୍ ବକେ “ଇସ୍‌ପର୍ ସାପା ବିସୟ୍ କିସ୍‌ଟନେ ଞ୍ଚ ବୁନ୍ଦେ ଆଡିଙ୍ଗ୍‌ଏ ।” ଏଲେଡିଗ୍‌ ଇସ୍‌ପର୍ ଏନ୍‌ ସାପା ବିସୟ୍‌ନେ ଆକୁଡ଼େକେ ଣ୍ଡୁ ମେଃଡାଗ୍‌ଲା ମେଁ ସାପା ବିସ‍ଏକେ କିସ୍‌ଟନେ ଞ୍ଚ ବୁନ୍ଦେ ଆଡିଙ୍ଗ୍‌ଏ । 
\v 28 ସାପା ବିସୟ୍ କିସ୍‌ଟ ସାସନ୍‍ ଡିଙ୍ଗ୍‍କ୍ନେ ଇଡ଼ିଙ୍ଗ୍ କିସ୍‌ଟ ଜେ ଆବା ଇସ୍‍ପର୍‍ନେ ଆଲ ଡିଙ୍ଗ୍‌ଏ ବାରି ସାପା ଦର୍‌ତନି ଆଡ଼ାତ୍ରା ଇସ୍‌ପର୍‌ନେ ସାସନ୍‍ ଡାଏ ।
\p
\v 29 ଗୁଏଃ ଲେଃଆର୍‍ଡିଂଗେସା ଜାଣ୍ଡେଇଂ ଣ୍ତିଆଦିକ୍ୟା ବା ଆର୍‌ଏ ମେଁଇଂନେ ବିସୟ୍‌ରେ ମେଁନେ ନେବାସଙ୍ଗ୍‍ ? ଉଡ଼ିରୁଆନେ ଇକ୍‌ଚା ଇସାବ୍‌ରେ ଜଦି ଗୁଏଃକ୍ନେ ରେମୁଆଁ ବାର୍‌ମୁଇଂତର୍‌ ଆରାଃତଡ଼୍ୟା ଣ୍ତୁ । ମେଇଂନେ ଆତ୍‌ଲା ବିନ୍‌ଣ୍ଡ୍ରେକେ ମେନ୍‌ସା ଣ୍ତିଆଦିକ୍ୟା ବିଏ ? 
\v 30 ବାରି ନେ ମେଃନ୍‌ସା କାଲାଆଃ ବିପଦ୍‍ ଆପଦ୍‍ନ୍ନିଆ ଜୁଜ୍‌ ଡିଙ୍ଗ୍‍ନେଡିଙ୍ଗ୍‍କେ ? 
\v 31 ବୟାଁଇଂ ନେନେ ଜିବନ୍ ମାପ୍ରୁ ଜିସୁ କିସ୍‌ଟ ଏତେ ମିସୁ ଲେଃଗେସା, ପେ ଆତ୍‍ଲା ନେଙ୍ଗ୍‌ନେ ମୁଡ଼ି ଗର୍ବ ଆତ୍‌ଅରିଆ ପାର୍‌ମାନ୍ ଡିଙ୍ଗ୍‌ଚେ ବାସଙ୍ଗ୍‌ଣ୍ଡିଂ ନେଙ୍ଗ୍ କାଲାଆଃ ଗୁଏଣ୍ଡିଙ୍ଗ୍‍କେ । 
\v 32 ଜଦି ନେଙ୍ଗ୍ ନର୍‍ନେ ଇକ୍‌ଚା ଡୁଙ୍ଗ୍‍ୱେଚେ ଏଫିସିୟନ୍ନିଆ କଣ୍ଡା ଜନ୍ତୁଇଂ ସୁଗୁଆ ରେମୁଆଁଇଂନେ ଏତେ ରିଙ୍ଗ୍‍ନ୍ଲେଗେ ତେଲା ନେଙ୍ଗ୍‌ନେ ମେଁ ଲାବ୍‍ ଡିଙ୍ଗ୍‌କେ ? ଜଦି ଗୁଏକ୍ନେ ରେମୁଆଁଇଂ ଆଃତଡ଼୍ୟାଆର୍‌ଏ ତେଲା ବ୍ନାଲିର୍‍ ଇସାବ୍‌ରେ “ଏଲାପା ଚଙ୍ଗ୍‍ଉଗ୍‍ଚେ ବେଲା ନେକାଟେପା ମେଃଡାଗ୍‌ଲା ଞ୍ଜଡ଼େ ତ ଆନେକେ ଗୁଏନେ ପଡ଼େଏ ।”
\p
\v 33 ପେ ମୁର୍କ ରକମ୍‌ ବେବ‍ଆର୍ ଆଡିଙ୍ଗ୍‌ପା । “ଦଦ୍ୟା ସାଙ୍ଗଇଂ ନିମାଣ୍ଡା ଅବ୍ୟାସ୍‍ଇଂକେ ନସ୍ଟ ଆଡିଙ୍ଗ୍‌ବିଏ ।” 
\v 34 ତେସା ତରକ୍ ଡିଙ୍ଗ୍‌ପା ପାପ୍ ଆଡିଙ୍ଗ୍‌ପା । ପେଇଂନେ ବିତ୍ରେ ମୁଇଙ୍ଗ୍ ଗିଆସମାଲାନେ ବିସୟ୍ ଆକ୍‌ଅରିଆ ବାସଙ୍ଗ୍‌ ବ ଣ୍ଡିଂକେ ପେଇଂନେ ବିତ୍ରେବାନ୍‍ ଉଡ଼ିରୁଆ ଇସ୍‌ପର୍‌କେ ଆମ୍ୟାଆର୍‌କେ ଣ୍ତୁ !
\s ବ୍ନାର୍‌ଜିବନ୍‌ ଗାଗ୍‌ଡ଼େ
\p
\v 35 ଜାଣ୍ଡେ ଡିଙ୍ଗ୍‌ଏତ ସାଲ୍ୟାକୁଆର୍‌ଏ, “ଗୁଏକ୍ନେ ରେମୁଆଁ ଡିରକମ୍ ବାର୍‌ମୁଇଂତର୍‌ ଜିବନ୍‌ ଡିଙ୍ଗ୍‌ଏ ?” ମେଇଂ ଡିରକମ୍ ଗାଗ୍‌ଡ଼େ ସାଃଲେଆର୍‌ଏ ? 
\v 36 ପେଇଂ ଉଡ଼ି ମୁର୍କ । ଅଃକେନ୍ ମେଃନେ ପେମ୍ୟାକେ ଣ୍ତୁ, ଆଣ୍ତିନେ ମୁଞ୍ଜି ବିଗ୍‌ଆର୍‌ଏ ଆତେନ୍‌ ଆଃଗୁଏଲା ଆପଡ଼୍ୟା ଣ୍ତୁ ? 
\v 37 ଆରି, ଆଣ୍ତିନେ ସ୍ଲା ପଡ଼୍ୟାଏ ପେ ଆମେକେ ବିଗ୍‌ ପେବଣ୍ତୁ । ପେ ବିଗ୍‌ପେବ ଣ୍ଡୁ, ଗହମ୍‌ ଣ୍ତୁଲା ବିନ୍ ମେଃଡିଗ୍ କିଆନେ ମୁଇଙ୍ଗ୍ ମୁଞ୍ଜି ମାତର୍‌ । 
\v 38 ମାତର୍‌‌ ଇସ୍‌ପର୍ ନିଜର୍ ଇକ୍‌ଚା ରକମ୍‌ ମେଁନେ ଗାଗ୍‌ଡ଼େ ଆବଦ୍‌ଲେ ବିଏ ବାରି ସାପା ମୁଞ୍ଜିକେ ମେଁ ମେଁନେ ନିଜେନେ ରୁପ୍‍ ବିଏ ।
\p
\v 39 ସାପା ଗାଗ୍‌ଡ଼େ ମୁଇଂ ରକମ୍‌ ଗାଗ୍‌ଡ଼େ ଣ୍ତୁ ରେମୁଆଁ ଗାଗ୍‌ଡ଼େ ମୁଇଙ୍ଗ୍ ରକମ୍‌ ପୁସୁନେ ଗାଗ୍‌ଡ଼େ ବିନ୍ ରକମ୍‌ । ପ୍ଲିଗ୍‌ ବାରି ଆଡ଼ନେ ଗାଗ୍‌ଡ଼େ ବିନ୍ ରକମ୍‌ ।
\p
\v 40 କିତଂ ବିସୟ୍‍ନେ ଗାଗ୍‌ଡ଼େ ଲେଃକେ ମଞ୍ଚ୍‌ପୁର୍‌ ବିସୟ୍‍ନେ ଗାଗ୍‌ଡ଼େ ଡିଗ୍ ଲେଃକେ ମାତର୍‌‌ କିତଂନେ ଗାଗ୍‌ଡ଼େ ମୁଇଙ୍ଗ୍ ରକମ୍‌ ସବା ବାରି ମଞ୍ଚ୍‌ପୁର୍‌ନେ ଗାଗ୍‌ଡ଼େ ବିନ୍‌ରକମ୍‌ ସବା । 
\v 41 ସ୍ନିନେ ମୁଇଙ୍ଗ୍ ରକମ୍‌ ତାର୍କିଗ୍ ଆର୍କେନେ ବିନ୍‌ରକମ୍‌ ତାର୍କିଗ୍ ବାରି ଚାଙ୍କୁଆନେ ବିନ୍‌ରକମ୍‌ ତାର୍କିଗ୍; ଡାଗ୍ଲା ତାର୍କିଗ୍‌ନ୍ନିଆ ମୁଇଙ୍ଗ୍ ଚାଙ୍କୁଆ ବିନ୍ ଚାଙ୍କୁଆ ବାନ୍ ବିନେ ।
\p
\v 42 ଗୁଏକ୍ନେଣ୍ଡ୍ରେ ତଡ଼୍ୟାନେ ବିସୟ୍‌ରେ ଡିଗ୍ ଏନ୍‌ ସାମୁଆଁ ଦର୍‌କାର୍ । ଆତିବିକ୍ନେ ଗାଗ୍‌ଡ଼େ ନସ୍ଟ ଡିଙ୍ଗ୍‌ଏ । ମାତର୍‌‌ ତଡ଼୍ୟାନେ ଗାଗ୍‌ଡ଼େ ନସ୍ଟ ଆଡିଙ୍ଗ୍‌ ଣ୍ତୁ । 
\v 43 ଆତିବିକ୍ନେ ଗାଗ୍‌ଡ଼େ ସବାଣ୍ତୁ ବାରି ଅସକ୍‌ତିଆ । ମାତର୍‌‌ ବାର୍‌ମୁଇଂତର୍‌ ତଡ଼୍ୟାକ୍ନେ ଗାଗ୍‌ଡ଼େ ସୁନ୍ଦର୍‌ ବାରି ବପୁ ଲେଃଏ । 
\v 44 ଆତି ବକେଲା ଗାଗ୍‌ଡ଼େ ମ୍ବ୍ର ଲେଃଏ; ମାତର୍‌‌ ବାର୍‌ମୁଇଂତର୍‌ ଜିବନ୍‌ ଡିଙ୍ଗ୍‌ବେଲା ଆତେନ୍‌ ଆତ୍ମିକ ଗାଗ୍‌ଡ଼େ । ଜିବନ୍‌ ଗାଗ୍‌ଡ଼େ ନ୍‌ଚ୍ୟା ଲେଃଲା ଆତ୍ମା ଗାଗ୍‌ଡ଼େ ଡିଂଡିଙ୍ଗ୍‌କେ । 
\v 45 ଦର୍ମ ସାସ୍ତର୍‌ନ୍ନିଆ ଗୁଆର୍‌ବକେ; “ପର୍‍ତୁମ୍‍ ରେମୁଆଁ ଆଦମ ମୁଇଙ୍ଗ୍ ଜିବନ୍ ଜିବ୍‌ ରକମ୍‌ ତିଆର୍ ଡିଙ୍ଗ୍‌ଲେକେ ।” ସାରାସାରି ଆଦମ ଲେଃକେ ଜିବନ୍ ବିଃନେ ଆତ୍ମା । 
\v 46 ସେନୁଗ୍‌ବାନ୍‌ ଆତ୍ମିକ ବିସୟ୍ ଆଲେଃଗେ ଣ୍ତୁ । ସିସେ ମେଃମେଃନେ ଲେଃକେ ସତ୍‌ ଏନ୍‌ ଇଡ଼ିଙ୍ଗ୍ ପାଙ୍ଗ୍‌କେ ଆତ୍ମିକ ବିସୟ୍ । 
\v 47 ସେନୁଗ୍‌ ରେମୁଆଁ ଆଦମ ଲେଃକେ ମଞ୍ଚ୍‌ପୁର୍‌ନେ ତୁବଃ ବାନ୍ ତିଆର୍; ମାତର୍‌‌ ମ୍ୱାକ୍ଲିଗ୍‌ ଆଦମ କିତଂବାନ୍‌ ପାଙ୍ଗ୍‌ଲେଃକେ । 
\v 48 ମଞ୍ଚ୍‌ପୁର୍‌ନେ ରେମୁଆଁଇଂ ସାପାରେ ଆତେନ୍‌ ତୁବବାନ୍‌ ଆଃରେକ୍ନେ ରେମୁଆଁ ରକମ୍‌ । ମାତର୍‌‌ କିତଂନେ ଗୁନ୍‌ ରକମ୍‌ ରେମୁଆଁଇଂ ଆତେନ୍‌ କିତଂନେ ନର୍‍ ରକମ୍‌ । 
\v 49 ନେ ମଞ୍ଚ୍‌ପୁର୍‌ନେ ରେମୁଆଁ ରକମ୍‌ ଆଃରେ ନେଡିଂକେ । ମାତର୍‌‌ ନେନେ ଡିଗ୍ କିତଂନେ ରେମୁଆଁ ରକମ୍‌ ମୁର୍ତି ନେଃଡିଂପା ।
\p
\v 50 ତନା ବାରି ବୟାଁଇଂ ନେଙ୍ଗ୍ ଆପେକେ ବାସଙ୍ଗ୍‌ନେ ଚାଏ ଣ୍ଡିଙ୍ଗ୍ ଜେ ମ୍ୟା ଚିଲି ଗାଗ୍‌ଡ଼େ ସାଚେ ନେ ଇସ୍‌ପର୍‌ନେ ରାଜିନ୍ନିଆ ଅଦିକାର୍ ଡିଙ୍ଗ୍ ନେୟା ଣ୍ତୁ ଡାଗ୍ଲା ବକ୍ନେ ଜିନିସ୍‌ ଆତ୍ନା ଣ୍ତୁ ।
\p
\v 51 \x + \xo ୧୫:୫୧ \xo*\xt ୧ ତେସଲନିକିୟ ୪:୧୫-୧୭.\xt*\x*ମାତର୍‌‌ ଅଁପା ନେଙ୍ଗ୍ ଆପେକେ ମୁଇଙ୍ଗ୍ ସତ୍‌ ସାମୁଆଁ ବାସଙ୍ଗ୍‌ଣ୍ଡିଂ ନେ ବିତ୍ରେ ସାପାରେ ନେଗୁଏଃଏ ଣ୍ତୁ ମାତର୍‌ ନେଃ ସାପାରେ ବଦ୍ଲେ ନେୱେପା । 
\v 52 ଏନ୍‌ ମାତର୍‌ ସାମ୍‍ନାରେ ମ୍ମୁଆଃ ମିଟ୍‌କେ ବିଃଲା ସାରାସାରି ପ୍ନିଃ ନ୍ନାଙ୍ଗ୍‍ନେ ବେଲା ଗଟେଏ । ଉଡ଼ିବେଲା ପ୍ନିଃ ନ୍ନାଂଏ ବାରି ଉଡ଼ିସାପା ବିସ୍‌ବାସି ଗୁଏଃ ଲେଃଆର୍‌କେ ମେଇଂ ଗୁଏକ୍ନେବାନ୍‌ ମାଡାନେ କାଲ୍ ନ୍‌ସା ତଡ଼୍ୟାଆର୍‌ଏ ବାରି ମେଇଂ ବଦ୍ଲେ ଆର୍‌ଏ । 
\v 53 ମାତର୍‌‌ ଏନ୍‌ ନସ୍ଟ ଗାଗ୍‌ଡ଼େ ମାଡାନେ ରୁପ୍‌ ପାଟାଇ ୱାଡ଼େଗ୍‍ନେ ଡିଙ୍ଗ୍‌ଏ ବାରି ଏନ୍‌ ଗୁଏଃକ୍ନେ ଗାଗ୍‌ଡ଼େ ମାଗୁଏନେ ପାଟାଇ ୱାଡ଼େଗ୍ ଡିଙ୍ଗ୍‌ଏ । 
\v 54 ମାତର୍‌ ଏନ୍‌ ନସ୍ଟ ଗାଗ୍‌ଡ଼େ ମାଗୁଏଃନେ ପାଟାଇ ବାରି ଏନ୍‌ ଗୁଏକ୍ନେ ଗାଗ୍‌ଡ଼େ ମାଗୁଏଃନେ ପାଟାଇ ୱାଡ଼େଗ୍‍କ୍ନେ ଇଡ଼ିଙ୍ଗ୍ ଏନ୍‌ ଗୁଆର୍‌କ୍ନେ ବ୍ନାଲିର୍ ସମାନ୍ ଡିଙ୍ଗ୍‌ଏ, “ଗୁଏନେ ବିନାସ୍‌ ଡିଂଲେଃକେ, ଜିତେ ଲେଃକେ ନିମାଣ୍ଡା ।
\q1
\v 55 ରେ ଗୁଏଃରେ, ଆଣ୍ତିକା ନାନେ ଜୟ୍‌ ?
\q1 ରେ ଗୁଏଃରେ ଆଣ୍ତିକା ନାନେ ଚିନା ବପୁ ?”
\m
\v 56 ଚିନା ଆଡିଙ୍ଗ୍‌ନେ ବପୁ ଗୁଏନେ ପାପ୍‍ବାନ୍‍ ବାଲେଃଏ ବାରି ନିୟମ୍‍ବାନ୍‍ ପାପ୍ ବପୁ ବାଏ । 
\v 57 ମାତର୍‌‌ ଆଣ୍ତିନେ ଇସ୍‌ପର୍ ଆନେକେ ମାପ୍ରୁ ଜିସୁ କିସ୍‌ଟବାନ୍ ଆନେକେ ଆଃଜିତେବକେ ମେଁନେ ଦନ୍ୟବାଦ୍‍ ଡିଙ୍ଗ୍‌ଲେଃ ।
\p
\v 58 ଏଲେଡିଗ୍ ଅ ନେଙ୍ଗ୍‌ନେ ନିଜର୍ ବୟାଁ ଆରି ତନାଇଂ ମାପ୍ରୁନେ ସେବାନ୍ନିଆ ପେଇଂନେ କସ୍ଟ ବେକାର୍‌ ଆଡିଙ୍ଗ୍‍ଣ୍ତୁ ଏନ୍‌ ମ୍ୟାଚେ ମାପ୍ରୁନେ ସ୍ଲେନ୍ନିଆ ସାନ୍ତିରେ ଲାଗେଡ଼ିଆ ଲାଲାପା । ବାରି କାଲାଆଃ ଅଦିକ୍‍ ଅଦିକ୍‍ଆ ମ୍ନାପା ।
\c 16
\s ଇସ୍‌ପର୍ ରେମୁଆଁଇଂ ନ୍‍ସା ଡାବୁ ସାଇଜ ଡିଙ୍ଗ୍‍ନେସା ଗୁଆରେନେ
\p
\v 1 \x + \xo ୧୬:୧ \xo*\xt ରମିୟ ୧୫:୨୫,୨୬.\xt*\x*ଜିଉଦାନ୍ନିଆ ଲେଃକ୍ନେ ମଣ୍ତଲିନ୍ନିଆ ଲେଃଆର୍‌କ୍ନେ ବିସ୍‌ବାସିଇଂ ନ୍‌ସା ଡାବୁ ସାଇଜ ବିଃନେ ବିସୟ୍‌ରେ ନେଙ୍ଗ୍‌ନେ ସାମୁଆଁ ନେଙ୍ଗ୍ ଗାଲାତିୟ ଡାଗ୍ରା ଡାଗ୍ରାନେ ମଣ୍ତଲିକେ ମେଁ ଡିଙ୍ଗ୍ ନ୍‌ସା ଆଦେସ୍‌ ବିମ୍ବକେ ଆତେନ୍‌ ଡାଟ୍‌ ବାବ୍‌ରେ ପାଲନ୍ ଡିଙ୍ଗ୍‌ପା । 
\v 2 ନେଙ୍ଗ୍ ୱେଲା ଡିରକମ୍ ଦାନ୍ ସାଲିଆନେ ଆପଡ଼େ ଣ୍ତୁ ଏନ୍‌ସା ସାନ୍ତାକେ ସେନୁଗ୍‌ ଦିନ୍‌ରେ ପେଇଂ ସାପା ରେମୁଆଁ ନିଜର୍ ନିଜର୍ ଆର୍‍ଜେନେ ଇସାବ୍‌ରେ ନିଜେ ନିଜେ ଡାଗ୍ରା ଉଡ଼ି ଉଡ଼ି ଆର୍ଜେଚେ ବପା । 
\v 3 ଆତ୍‌ଅରିଆ ୱେଚାକ୍ନେ ଇଡ଼ିଙ୍ଗ୍ ପେଇଂ ଆଣ୍ତିନେ ରେମୁଆଁଇଂକେ ସ୍ରିପେବକେ ନେଙ୍ଗ୍ ମେଁଇଂନେ ସ୍ନାମୁଆଁ ଉଲିଆ ଏତେ ପେଇଂନେ ଦାନ୍ ଯିରୂଶାଲମ୍‌ନ୍ନିଆ ବେମ୍ୱିଏ । 
\v 4 ମାତର୍‌‌ ନେଙ୍ଗ୍ ୱେନେ ଦର୍‌କାର୍ ଡିଙ୍ଗ୍‌ଲା ମେଇଂ ନେଙ୍ଗ୍ ଏତେ ୱେ ଆର୍‌ଏ ।
\s ପାଉଲ୍‌ନେ ଉପାୟ୍‍
\p
\v 5 \x + \xo ୧୬:୫ \xo*\xt ପ୍ରେରିତ୍‌ ୧୯:୨୧.\xt*\x*ନେଙ୍ଗ୍ ମାସିଦୋନିଆ ୱେଣ୍ଡିଂକେ । ଅଲେଙ୍ଗ୍ ଆଃଡାଚେ ନେଙ୍ଗ୍ ପେ ଡାଗ୍ରା ଆଣ୍ତେ ମ୍ପାଙ୍ଗ୍‌ଏ । 
\v 6 ବାରି ଡିଙ୍ଗ୍‌ପାରେ ନେଙ୍ଗ୍ ପେଇଂନେ ଏତେ ଉଡ଼ିସି ନ୍ଲେଃଏ ଡିଙ୍ଗ୍‌ପାରେ ରାସକିଗ୍‌ ଦିନ୍‌ ଙ୍କାଟେଏ । ଏନ୍‌ ଇଡ଼ିଙ୍ଗ୍‌ ଆଣ୍ତିଅରିଆ ୱେନ୍‌ସା ଞ୍ଚାଏଁଏ ପେଇଂ ଆନେଙ୍ଗ୍ ଆତ୍‌ଅରିଆ ୱେନ୍‌ସା ସାଇଜ ଡିଙ୍ଗ୍ ପେୟାଏ । 
\v 7 ଡାଗ୍ଲା ୱେନେ ଗାଲିନ୍ନିଆ ପେଇଂନେ ଏତେ ମାତର୍‌ ଗଣ୍ତା ବେଲା କୁଡ଼େଃନେ ନେଙ୍ଗ୍‌ନେ ଇକ୍‌ଚା ଣ୍ତୁ । ନେଙ୍ଗ୍ ଆସା ଡିଙ୍ଗ୍‌ଣ୍ତିଂକେ ମାପ୍ରୁନେ ଇକ୍‌ଚା ଡିଙ୍ଗ୍‌ଲା ନେଙ୍ଗ୍ ପେଇଂନେ ଏତେ ଗୁଲେସି ନ୍ଲେଃଏ ।
\p
\v 8 \x + \xo ୧୬:୮ \xo*\xt ପ୍ରେରିତ୍‌ ୧୯:୮-୧୦.\xt*\x*ମାତର୍‌‌ ପେଣ୍ଟିକଷ୍ଟ ଦିନା ପାଙ୍ଗ୍‌ ଜାକ ନେଙ୍ଗ୍ ଏଫିସିୟନ୍ନିଆ ନ୍ଲେଃଏ । 
\v 9 ଆକ୍‌ଅରିଆ ନେଙ୍ଗ୍ ପାକା ଗୁଲୁଏ ରେମୁଆଁ ଲେଃଲା ଡିଗ୍ ମ୍ନାଃ ବାରି ନିମାଣ୍ତା କାମ୍ ଡିଙ୍ଗ୍‌ନ୍‌ସା ନେଙ୍ଗ୍ ନ୍‌ସା ଦଦ୍ୟା‌ ଗାଲି ରଃବକେ ।
\p
\v 10 \x + \xo ୧୬:୧୦ \xo*\xt ୧ କରିନ୍‌ତିୟ ୪:୧୭.\xt*\x*ତିମତି ପେଇଂନେ ଡାଗ୍ରା ପାଙ୍ଗ୍‌ଲା ଆମେକେ ଗ୍ର‍ଅନ୍‌ ଡିଙ୍ଗ୍‌ପା । ଡାଗ୍ଲା ମେଃଡିଗ୍‌ ନେଙ୍ଗ୍ ରକମ୍‌ ମାପ୍ରୁନେ କାମ୍ ଡିଙ୍ଗ୍‌ଡିଙ୍କେ । 
\v 11 ଜାଣ୍ଡେ ଆମେକେ ଦଦ୍ୟା‌ ଗ୍ୟାନ୍ ଆଡିଙ୍ଗ୍‌ପା । ସାନ୍ତିନ୍ନିଆ ଅଲେଙ୍ଗ୍ ନ୍‌ସା ପେଇଂ ଆମେକେ ସାଇଜ ଡିଙ୍ଗ୍‌ପା । ତେଲା ମେଁ ବୟାଁଇଂ ଏତେ ନେଙ୍ଗ୍ ଡାଗ୍ରା ଆଣ୍ତେ ପାଙ୍ଗ୍‌ଏ । ଆମେଇଂକେ ନେଙ୍ଗ୍ ଉର୍ ନ୍ଲେଃକେ ।
\p
\v 12 ମାତର୍‌‌ ବୟାଁ ଆପଲ୍ଲ ବିସୟ୍‌ରେ ବାସଙ୍ଗ୍‌ଣ୍ଡିଂ ବୟାଁଇଂନେ ଏତେ ପେଇଂନେ ଡାଗ୍ରା ୱେନେ ସା ନେଙ୍ଗ୍ ଆମେକେ ଜାବର୍ କୁସାମୁତି ଣ୍ତିଙ୍ଗ୍‌କେ ମାତର୍‌‌ ଏବେ ୱେନେସା ମେଁନେ ବିଲ୍‌କୁଲ୍‌ ଇକ୍‌ଚା ଣ୍ତୁ ମାତର୍‌ ସୁଜଗ୍‌ ବାଲା ମେଁ ୱେଏ ।
\s ଡାକ୍ନେ ସାମୁଆଁ
\p
\v 13 ପେଇଂ ଉର୍‌ ଲାଃଲାପା ବିସ୍‌ବାସ୍‌ନ୍ନିଆ ଡାଟ୍‌ ଡିଙ୍ଗ୍‌ପା, ସାଆସ୍ ବାରି ବପୁ ଡିଙ୍ଗ୍‌ପା । 
\v 14 ପେନେ ସାପା କାମ୍ ଆଲାଦ୍‌ନ୍ନିଆ ପୁରନ୍ ଡିଙ୍ଗ୍‌ଲେ ।
\p
\v 15 \x + \xo ୧୬:୧୫ \xo*\xt ୧ କରିନ୍‌ତିୟ ୧:୧୬.\xt*\x*ପେଇଂ ସ୍ତିଫାନ୍ ବାରି ମେଁନେ ଡୁଆଣ୍ଡ୍ରେ ବିସୟ୍‌ରେ ମ୍ୟାପେଲେକେ । ମେଇଂ ଆଖାୟାନେ ପର୍‌ତୁମ୍‌ନେ କ୍ରିସ୍ଟିୟାନ୍‌ ବିସ୍‌ବାସି । ମେଇଂ ଇସ୍‌ପର୍‌ନେ ରେମୁଆଁଇଂନେ ସେବାନ୍ନିଆ ନିଜ୍‌କେ ଅପେଃ ବିବଆର୍‌କେ । ବୟାଁଇଂ; ନେଙ୍ଗ୍ ଆପେକେ କୁସାମୁତି ଡିଙ୍ଗ୍‌ଣ୍ତିଂକେ 
\v 16 ପେଇଂ କ୍ମେଇଂନେ ବାରି ଆକ୍‌ମେଇଂ ଏତେ କାମ୍ ବାରି ଜତନ୍‌ ଡିଙ୍ଗ୍‌ମ୍ୟାକ୍ନେ ରେମୁଆଁଇଂନେ ଏତେ ଡିଲାଡିଗ୍‌ ଡିଙ୍ଗ୍‌ପା ।
\p
\v 17 ସ୍ତିଫାନ୍, ଫର୍ତୁନାତ ବାରି ଆଖାୟିକ ଆକ୍‌ଅରିଆ ପାଙ୍ଗ୍‌କେସା ନେଙ୍ଗ୍ ମାଲେ ମ୍ଲେଡ଼ିଆ ଣ୍ତିଙ୍ଗ୍‌କେ । ଡାଗ୍ଲା ପେଇଂ ମାଲେଃନେ କେଲା ମେଇଂ ପେଇଙ୍ଗ୍‌ନେ ଟାନ୍ ପୁରନ୍ ଡିଂବକେ । 
\v 18 ମେଇଂ ଆପେକେ ବାରି ଆନିଂକେ ଆମ୍ଲେଡ଼୍ୟା ଡିଂବ‍ଆର୍‌କେ । ଡେକ୍‌ରକମ୍ ରେମୁଆଁଇଂ ସନ୍‌ମାନ୍‌ନେ ରେମୁଆଁ ।
\p
\v 19 \x + \xo ୧୬:୧୯ \xo*\xt ପ୍ରେରିତ୍‌ ୧୮:୨.\xt*\x*ଆସିଆ ଦେସ୍‌ନେ ମଣ୍ତଲିଇଂ ଆପେକେ ସାର୍‌ଲ ଣ୍ଡିଙ୍ଗ୍‌କେ । ଆକ୍ୱିଲା ପ୍ରିସ୍କା ବାରି ମେଁଇଂନେ ଡୁଆ ପାର୍‌ତନା ଡିଙ୍ଗ୍‌ମ୍ୟାକ୍ନେ ମଣ୍ତଲି ମାପ୍ରୁନେ ମ୍ନିରେ ଆପେକେ ଜାବର୍ ଜାବର୍ ସାର୍‌ଲ ଣ୍ଡିଙ୍ଗ୍‌କେ । 
\v 20 ଆକ୍‌ନେ ବୟାଁଇଂ ସାପାରେକେ ସାର୍‌ଲ ଡିଂଆର୍‌କେ । ପେଇଙ୍ଗ୍ କିସ୍‍ଟ ଆଲାଦ୍‌ରେ ପବିତ୍ର ବାବ୍‌ରେ ବୈନ୍ତାଚେ ନିଜର୍‌ ନିଜର୍‌ ବିତ୍ରେ ସାର୍ଲପା ।
\p
\v 21 ନେଙ୍ଗ୍ ପାଉଲ୍ ନିଜେନେ ନ୍ତିନ୍ନିଆ ଏନ୍‌ସାପା ଗୁଆର୍ ଣ୍ଡିଙ୍ଗ୍‌କେ । ପେଇଙ୍ଗ୍ ନିଂନେ ସାର୍ଲନେ ସାଃପା ।
\p
\v 22 ଜଦି ଜାଣ୍ଡେ ମାପ୍ରୁକେ ବଲ୍ ଆବା ଣ୍ଡୁ ତେଲା ମେଁ ଅବିସାପ୍‌ ବାଲେଃ ।
\p
\v 23 ମାପ୍ରୁ ଜିସୁନେ ଦୟା ପେ ଡାଗ୍‍ରା ଲେଃଲେ ।
\p
\v 24 କିସ୍‌ଟ ଜିସୁ ଏତେ ମିସୁ ଲେଃକ୍ନେ ପେଇଂ ସାପାରେ ନିଂ ଉର୍‌ଦୟ୍‌ନେ ଆଲାଦ୍ ଗ୍ର‍ଅନ୍ ଡିଙ୍ଗ୍‌ପା ।