\id PHP  
\h Filipiyankooɓe 
\toc1 Ɓataaki Pool faade e Filipiyankooɓe 
\toc2 Filipiyankooɓe 
\toc3 Flp. 
\mt2 Ɓataaki Pool faade e 
\mt1 Filipiyankooɓe 
\c 1  
\p  
\v 1 Miin Pool e Timote, maccuɓe Iisaa \w Almasiihu\w*, mbinndi oo ɓataaki faade e deental goonɗinɓe Iisaa gonngal ngeenndi Filipa. Min njowtii on, onon hooreeɓe e gollanooɓe deental ngal, min njowtii on fuu, onon seniiɓe haɓɓiiɓe e Iisaa Almasiihu ɓee.  
\v 2 Yo on keɓu moƴƴere e jam iwde e \w Baabiraaɗo\w* men Laamɗo e Joomiraaɗo men Iisaa Almasiihu. 
\s1 No Pool yettirta Laamɗo kammari Filipiyankooɓe 
\p  
\v 3 Miɗo yetta Laamɗo nde miccitii-mi on fuu.  
\v 4 Wakkati fuu nde ɲaagantoo-mi on Laamɗo on fuu, e seyo ɲaagirantoo-mi on,  
\v 5 sabi gila ɲannde ngoonɗin-ɗon \w Kabaaru Lobbo\w* haala Iisaa faa jooni oɗon ndarodii e am.  
\v 6 Miɗo taƴori Laamɗo puɗɗuɗo golle lobbo e mon oo, o jokkan ɗum faa ɗum hiɓɓa e ley gartol Iisaa \w Almasiihu\w*.  
\v 7 Ana haani mi miilana on ɗiin miilooji on fuu, sabi hakkille am ana e mon. On fuu on ndeentii e am moƴƴere nde Laamɗo hokki kam nde ngeƴƴaa-mi e nde ndaranii-mi tabintinde Kabaaru Lobbo oo ndee.  
\v 8 Miɗo horsiniri on fuu korsa Iisaa Almasiihu, Laamɗo ana seedii.  
\v 9 Ko ɲaagantoo-mi on Laamɗo annii: yo jilli mon ɓeydo yaarude yeeso, ɓeydoroo anndal, ɓeydoroo seenndude pene e goonga,  
\v 10 yalla oɗon mbaawa suɓaade ko moƴƴi. Nden on laatoto laaɓuɓe ɓe ngalaa ɲiŋe ɲannde gartol Iisaa Almasiihu.  
\v 11 On laatoto duu hebbinaaɓe golleeji pooccitiiɗi iwɗi e Iisaa Almasiihu, yalla Laamɗo ana teddinee, yettee. 
\s1 No uddeede Pool naɓiri Kabaaru Lobbo oo yeeso 
\p  
\v 12 Sakiraaɓe, ko njiɗu-mi anndon dee, torra keɓuɗo kam oo waddanii \w Kabaaru Lobbo\w* oo yaarude yeeso  
\v 13 faa haybooɓe galle kaananke oo e heddiiɓe ɓee fuu taƴori ko ngeƴƴiraa-mi koo yo saabe Iisaa \w Almasiihu\w*.  
\v 14 Ko ɓuri heewde e sakiraaɓe ɓee duu, geƴƴelle am ɗee ɓeydanii ɗum'en hoolaade Joomiraaɗo. Ɗum saabii so eɓe mbaajoroo konngol Laamɗo ngol rafi kulol. 
\p  
\v 15 Goonga, yogaaɓe ana mbaajoroo kabaaru Iisaa Almasiihu oo haasidaaku e pooɗondiral, kaa woɓɓe ana e anniyaaji lobbi.  
\v 16 Ɓeen ngolliranta Almasiihu jilli, sabi eɓe anndi Laamɗo hokki kam daranaade Kabaaru Lobbo oo.  
\v 17 Kaa ɓee too ko mbaajortoo kabaaru Almasiihu faa nafa ɗum'en kaɲum'en tan, anniyaaji maɓɓe moƴƴaa, kasen duu ko ɓe miilotoo dee, ɓeydude torra am ley geƴƴeede am oo.  
\v 18 Ɗum kaa bonnataa fay huunde! Ko waawi laataade fuu, so Iisaa Almasiihu inndaama hen tan ana heƴa, so laatii anniyaaji bonɗi naa anniyaaji lobbi fuu miɗo seyii. 
\p Goonga, mi seyoto caggal mum duu  
\v 19 sabi miɗo anndi saabe \w duwaawuuji\w* mon e ballal \w Ruuhu\w* Iisaa Almasiihu, ɗum fuu ɗum sakitanto kam kisindam.  
\v 20 Miɗo joonndorii e hakkille am fuu, mi hersataa e dow fay huunde. Miɗo hoolii Almasiihu teddinte saabe ko hewtii kam koo gila jooni faa abada, nguur-mi maay-mi fuu.  
\v 21 Sabi banngal am, Almasiihu yo yonki am, maayde duu yo tino am.  
\v 22 Kaa so mi wuurii, ana moƴƴa nguurndam am waddana kam gollude golle nafoowo. Ndennoo mi anndaa ko cuɓotoo-mi.  
\v 23 Hakkille am feccike pecce ɗiɗi: ko ɓur-mi yiɗude, yaade mi jooɗodoyoo e Almasiihu, ɗum jaati ɓuri moƴƴude.  
\v 24 Kaa mi heddoo wuurde ɓuri nafude on, onon.  
\v 25 Miɗo taƴori ɗum, miɗo anndi mi heddoto e aduna mi wonda e mon on fuu, yalla oɗon njaara yeeso, ceyo-ɗon ley goonɗinal  
\v 26 faa gartol am hakkunde mon ɓeydana on mantoraade haɓɓagol mon e Iisaa Almasiihu kammari am. 
\s1 Haala daranaade Kabaaru Lobbo oo 
\p  
\v 27 Onon, nguuree nguurndam kawroojam e \w Kabaaru Lobbo\w* haala Iisaa \w Almasiihu\w*, yalla so mi warii tuumtaade on naa so mi waraali, mi nana kabaaru mon, mi annda oɗon tabiti e anniya gooto, oɗon ndarodii gootal e haɓanaade goonɗinal Kabaaru Lobbo oo,  
\v 28 tawa on accataa konnee'en ɓee kulɓina on e dow fay huunde. Banngal maɓɓe, ɗum yo maande halkagol, kaa onon, ɗum maande kisindam mon. Ɗum to Laamɗo iwrata.  
\v 29 Sabi onon ndokkaa moƴƴere Laamɗo saabe Almasiihu. Wanaa faa ngoonɗinon mo tan ndokkire-ɗon, on ndokkaama ɗum kasen faa torrire-ɗon kammari makko,  
\v 30 kaɲum e daranaade haɓo ngo njii-ɗon miɗo haɓee, ngo nan-ɗon miɗo haɓee faa jooni ngoo. 
\c 2  
\s1 Haala leyɗinkinaare Almasiihu e teddeengal mum 
\p  
\v 1 Ko Iisaa \w Almasiihu\w* heddii hokkude on semmbe e suusinde on ley jilli koo, ko ndeentu-ɗon e \w Ruuhu Ceniiɗo\w* so njiɗondir-ɗon njurmondir-ɗon,  
\v 2 kiɓɓiniree seyo am ko laati-ɗon daande wootere e jilli gooti e ɓernde wootere e anniya gooto koo.  
\v 3 Pati ngolliree huunde fuu haasidaaku naa haawtaade dow pene, ngolliree leyɗinkinaare, yalla gooto fuu ana jogoroo hoore mum banndum ana ɓuri ɗum.  
\v 4 Pati fay gooto laatoo hammadi haaje mum tan, ndaarta nafaa woɓɓe ɓee duu.  
\v 5 Yo anniya Iisaa Almasiihu tawe e mon: 
\q1  
\v 6 Kanko, fay so taweede mbaadi Laamɗo ana e makko, 
\q2 o tuugaaki e majjum faa o heddoo fotude e Laamɗo, 
\q1  
\v 7 o famɗinii hoore makko, 
\q2 o ɓami mbaadi maccuɗo, 
\q2 o laatii hono neɗɗo. 
\q1 O jogoraa o neɗɗo 
\q2  
\v 8 o leyɗinkinii, 
\q2 o ɗowtanii Laamɗo faa o maayi, 
\q2 o maayi e dow \w leggal bardugal\w*. 
\q1  
\v 9 Saabe ɗum kasen, Laamɗo toownii mo faa sanne, 
\q2 hokki mo innde ɓurnde inɗe fuu, 
\q1  
\v 10 yalla koppi fuu ana koforoo saabe innde makko to tawaa fuu, 
\q2 so dow kammu so dow leydi so ley leydi, 
\q1  
\v 11 yalla gooto fuu ana sellina 
\q2 Iisaa Almasiihu woni Joomiraaɗo, 
\q2 faa \w Baabiraaɗo\w* men Laamɗo teddinee. 
\s1 No goonɗinɓe pooynirta ley aduna 
\p  
\v 12 Ɗum e taweede, sakiraaɓe am horsuɓe, nde ngondunoo-mi e mon ndee, oɗon ɗowtanii Laamɗo wakkati fuu. Sako jooni nde ngoɗɗitii-mi, nden kaan-ɗon ɓurde ɗowtanaade mo. Njirwiniron hono non kisindam ɗam Laamɗo hokki on ɗam, ngaɗiron ɗum kulol e siɲɲugol.  
\v 13 Sabi Laamɗo ana golla e mon faa muuyon ko weli ɗum, ngollon ɗum. 
\p  
\v 14 E ko ngollaton fuu, pati ŋermondiree pati ndukidee,  
\v 15 yalla oɗon laatoo laaɓuɓe ɓe ngalaa ɲiŋe, laato-ɗon ɓiɓɓe Laamɗo ɓe ngalaa ayiibe hakkunde yimɓe hannde ooɲiiɓe bonɓe. On pooynan hakkunde maɓɓe hono no koode pooyniri ley aduna nii  
\v 16 ko nanngu-ɗon konngol nguurndam ngol faa gasi koo. Nii waɗata so mi mantoroo on ɲannde gartol Iisaa \w Almasiihu\w*. Sabi mi don-donnaali meere, mi tampaali meere.  
\v 17 Fay so ɗum yaadi e yonki am mi laatoto \w sadaka\w* mbayleteeɗo dow sadaka mo goonɗinal mon sakkantoo Laamɗo oo, mi seyoto, mi weltodoto e mon.  
\v 18 Onon duu ceyoree hono non, mbeltodo-ɗen. 
\s1 Haala gollidiiɓe ɗiɗon hoolniiɓe 
\p  
\v 19 So Joomiraaɗo men Iisaa jaɓii, mi nelan Timote e mon ko ɓooyataa, yalla so mi humpitike kabaaruuji mon ɗii ana waaltina hakkille am.  
\v 20 Sabi kanko tan woni gonduɗo e am anniya gooto, kasindinɗo e kabaaru mon,  
\v 21 heddiiɓe ɓee fuu hammadi haaje mum'en tan, wanaa saabe Iisaa \w Almasiihu\w*.  
\v 22 Kaa Timote, oɗon anndi no holliri neɗɗaaku mum, sabi mo wallii kam waajaade \w Kabaaru Lobbo\w* oo no ɓiɗɗo wallirta baaba mum nii.  
\v 23 Kanko anniyii-mi nelude wakkati mo paamu-mi no alhaali am laatotoo fuu.  
\v 24 Kaa Joomiraaɗo hokkii kam taƴoral, ɓooyataa mi waran to mon, miin e hoore am. 
\p  
\v 25 Hono non mi yii tilsii mi nela e mon sakiike men Epaforodit, gollidiiɗo am oo. O wallii kam haɓanaade Kabaaru Lobbo oo. Kanko woni mo neluno-ɗon faa walla kam e haaje oo.  
\v 26 Omo yeewaa on fuu, kasen o wemmbanooma sanne ko nan-ɗon o sellaano koo.  
\v 27 Taƴoral, o ɲawiino faa o hosi maayde. Kaa Laamɗo yurmike mo, yurmike kam miin duu, pati mi heɓa sugulla dow sugulla.  
\v 28 Ɗum saabii so keɲii-mi law faa mi nela mo e mon, yalla so on njiitii mo oɗon ceyoo, miin duu sugulla am ɓuytoo.  
\v 29 Ndennoo, njaɓɓoree mo saabe Joomiraaɗo seyo manngo. Teddinee yimɓe wa'uɓe non fuu,  
\v 30 sabi kanko kammari gollande Iisaa Almasiihu o hosiri maayde, mo hokkitiri yonki makko faa o waddana kam ballal ngal ndonkuno-ɗon waddande kam onon e ko'e mon ngal. 
\c 3  
\s1 Haala anndude Iisaa Almasiihu 
\p  
\v 1 Caggal ɗum, sakiraaɓe am, ceyoree Joomiraaɗo. Winnditanaade on kulle ɗee tampintaa kam, sabi kanje ndokkata on hoolaare:  
\v 2 ndeento-ɗon e dawaaɗi – ɗum woni gollooɓe ko boni, waajotooɓe haala \w taadagol\w* penewol ɓee!  
\v 3 Sabi enen ngoni \w taadiiɓe\w* jaati ɓee, eɗen ndewira \w Ruuhu\w* Laamɗo, eɗen mantoroo Iisaa \w Almasiihu\w*, en pawaali jikke men e dow ko'e men.  
\v 4 Haya, miin miɗo waawnoo fawde jikke am dow hoore am. So woɓɓe miilii ana mbaawi fawde jikke mum'en dow ko'e mum'en, miin ɓuri haandude e majjum,  
\v 5 sabi mi taadaama gila e ɲalooma jettaɓo mo pinu-mi e mum oo, mi \w Israa'iilanke\w* iwɗo e suudu Beɲamin, mi \w Yahuudiyanke\w* ɓii Yahuudiyanke. E banngal \w Sariya\w* Muusaa miɗo jeyaa e waalde \w Farisa'en\w*,  
\v 6 miɗo hirana Sariya oo sanne faa miɗo torrannoo deente goonɗinɓe Iisaa ɗee, fay gooto waawaano ɲiŋude kam banngal fooccitanaade Sariya oo.  
\v 7 Kaa ko njogorinoo-mi yo tino am koo fuu, saabe Iisaa Almasiihu mi tawii yo mursee.  
\v 8 Goonga, miɗo jogorii ɗum fuu yo mursee saabe anndude Joomiraaɗo am Iisaa Almasiihu ɓuri kulle ɗee fuu. Saabe makko njarrii-mi mursude ko njogii-mi, miɗo jogorii huunde fuu yo mbuuwdi yalla Almasiihu ana laatanoo kam tino,  
\v 9 mi heɓa tawdeede e mum. Mi walaa fooccitaare nde mbaaw-mi heɓude miin e hoore am e jokkugol am Sariya oo, mi pooccitiiɗo saabe fooccitaare iwrannde kam e hoolaade Almasiihu, kayre woni fooccitaare nde Laamɗo hokki goonɗinɓe mo ɓee.  
\v 10 Sago am mi annda mo kanko Iisaa Almasiihu, mi annda baawɗe ɗe Laamɗo wuurtiniri mo ɗee, mi reenta e makko torra, mi nannda e makko maayde,  
\v 11 yalla miin duu miɗo heɓa immintineede hakkunde maayɓe ɲannde darngal. 
\p  
\v 12 Mi wiyaali mi heɓii ɗum gila jooni naa mi kiɓɓuɗo, kaa miɗo wondi e dogude hono no daɗondirteeɗo nii yalla miɗo heɓa ɗum, sabi miin e hoore am, Iisaa Almasiihu heɓii kam.  
\v 13 Goonga sakiraaɓe, mi wiyaali mi heɓii ɗum. Kaa miɗo waɗa huunde wootere: miɗo yeggita ko ƴaɓɓii, miɗo fooɗanoo ko warata.  
\v 14 Miɗo dogana haattirde, faa mi heɓa mbarjaari dow kammu ndi Laamɗo noddata en e mum saabe Iisaa Almasiihu.  
\v 15 Enen hakkilante'en ɓee fuu, miiloro-ɗen hono non. So oɗon miiloo huunde wonnde, Laamɗo ɓannginanan on ɗum.  
\v 16 Kaa no wa'i fuu, ɗo tawe-ɗen fuu, njokken laawol no ngorru-ɗen jooni nii. 
\p  
\v 17 Sakiraaɓe, on fuu ɲemmbee kam, ƴeewee worruɓe no njii-ɗon miɗen ngorri nii ɓee.  
\v 18 Sabi heewɓe laatike konnee'en \w leggal bardugal\w* Iisaa Almasiihu. Mi haalanii on ɗum cili kuurɗi, mi haaliranan on jooni duu e bojji.  
\v 19 Kamɓe, battane maɓɓe yo halkere, deeɗi maɓɓe ngoni laamɗo'en maɓɓe, hersa maɓɓe ɓe ɲaaƴirta, aduna tan ɓe kaɓanta.  
\v 20 Kaa enen, dow kammu njeye-ɗen, eɗen keppi kisinoowo men iwoowo ton oo, ɗum yo Joomiraaɗo men Iisaa Almasiihu.  
\v 21 Kanko, o waylitan terɗe men lo'uɗe ɗee faa ɗe keɓa teddeengal no terɗe makko ɗee nii, sabi omo jogii baawɗe faa o waɗa huunde fuu ɗowtanoo mo. 
\c 4  
\s1 Haala seyoraade Joomiraaɗo 
\p  
\v 1 Sakiraaɓe am horsuɓe, on njeewnii kam sanne, on laatike seyo am e deesewal am. Giɗiraaɓe am, tabitee e Joomiraaɗo. 
\p  
\v 2 Miɗo ndaarda banndiraaɓe am rewɓe, ɗum woni Ewodi e Sintis, yo ɓe laato daande wootere saabe Joomiraaɗo.  
\v 3 Aan Sinsigis, gollidiiɗo am koolniiɗo oo duu, miɗo ndaarde paabo-ɗaa ɓe, sabi ɓe mballii kam haɓanaade \w Kabaaru Lobbo\w* oo, kamɓe e Keleman e gollidiiɓe am woɓɓe, ɓe inɗe mum'en mbinndaa e dewtere nguurndam ɓee. 
\p  
\v 4 Ceyoree Joomiraaɗo wakkati fuu. Miɗo wiya on kasen, ceyee!  
\v 5 Yo yimɓe fuu anndu newaare mon. Joomiraaɗo ana ɓadii.  
\v 6 Pati fay huunde suŋlina on abada, ko haani dee: ɲaagoree Laamɗo haajuuji mon fuu \w duwaawu\w* gonduɗo e jettooje.  
\v 7 Nden, Laamɗo hokkan on jam daɗuɗo hakkille, ɲiiɓinan ɓerɗe mon e hakkillaaji mon e Iisaa \w Almasiihu\w*. 
\p  
\v 8 Haya, sakiraaɓe, tiiɗee e ko moƴƴi e ko haani yetteede fuu, ɗum woni teddungal e goonga, kaɲum e fooccitaare e senaare e ko haani yiɗeede e ko haani teddineede.  
\v 9 Ngolliree ko pammin-mi on e ko keɓ-ɗon e am, ko narru-ɗon kam e ko njiiru-ɗon kam. Nden Laamɗo gaddoowo jam oo tawdete e mon. 
\s1 No Pool barkiniri dokkal Filipiyankooɓe 
\p  
\v 10 Miɗo seyorii Joomiraaɗo seyo manngo sabi jooni on keyɗintinii ballal mon faade e am. Taƴoral, hakkillaaji mon ana ngonnoo e am, kaa on keɓaali yottinde ballal ngal.  
\v 11 Wanaa saabe won ko kaajaa-mi waɗi so mbii-mi non, sabi mi woowtinike heɲɲitoraade no tawraa-mi fuu.  
\v 12 Miɗo waawi wuurdude e baasal, miɗo waawi wuurdude e keɓal. E no waawi worrude fuu, mi biirorike haarannde e yolbere, mi biirorike hebbinde e ɲakoreede,  
\v 13 miɗo waawi fuu e ley haɓɓagol am e Iisaa \w Almasiihu\w* dokkoowo kam semmbe oo.  
\v 14 Kaa ɗum e taweede, on ngaɗii ko moƴƴi ko mballu-ɗon kam e ley torra am oo koo. 
\p  
\v 15 Filipiyankooɓe, oɗon anndi e ley puɗɗooɗe mon nande \w Kabaaru Lobbo\w* oo, nde iw-mi leydi Makedoniya ndee, fay deental goonɗinɓe gootal wallondiraali e am, so wanaa ngal mon ngal.  
\v 16 Nde ngonnoo-mi Tesaloniiki ndee duu, on neldii kam ko kasindin-mi e mum jaati, wanaa fay nde wootere, cili kuurɗi!  
\v 17 Wanaa dokkal tewtan-mi – faa tino golle mon lobbo oo ɓeydoo tewtan-mi.  
\v 18 Ko neldu-ɗon Epaforodit koo yottike faa gasi, humtii haajuuji am fuu, mi heɓii faa heewi. Dokkal mon ngal laatike uurdi mbelndi, no \w sadaka\w* belɗo Laamɗo jaɓaaɗo nii.  
\v 19 Laamɗo tedduɗo jom ngalu oo humtiran haajuuji mon fuu saabe Iisaa Almasiihu.  
\v 20 Yo teddeengal woodan \w Baabiraaɗo\w* men Laamɗo faa abada abadin. Aamiina. 
\s1 Baynondiral 
\p  
\v 21 Njowtanee kam seniiɓe haɓɓiiɓe e Iisaa \w Almasiihu\w* fuu. Sakiraaɓe wonduɓe e am ɓee ana njowta on.  
\v 22 Seniiɓe ɓee fuu ana njowta on. Ɓe ana adoo jowtude on fuu wonɓe ley galle kaananke \w Roma\w* mawɗo oo ɓee. 
\p  
\v 23 Yo hinnee Joomiraaɗo men Iisaa Almasiihu wonu e mon!