\id COL  
\h Koloosiyankooɓe 
\toc1 Ɓataaki Pool faade e Koloosiyankooɓe 
\toc2 Koloosiyankooɓe 
\toc3 Col. 
\mt2 Ɓataaki Pool faade e 
\mt1 Koloosiyankooɓe 
\c 1  
\p  
\v 1 Oo ɓataaki ga am iwri miin Pool \w nelaaɗo\w* Iisaa \w Almasiihu\w* e sago Laamɗo, kaɲum e sakiike men Timote.  
\v 2 Min njowtii on onon seniiɓe wonɓe Koloosi, sakiraaɓe hoolniiɓe haɓɓiiɓe e Almasiihu. Yo \w Baabiraaɗo\w* meeɗen Laamɗo waɗan on moƴƴere e jam! 
\s1 No Pool yettirta Laamɗo kammari Koloosiyankooɓe 
\p  
\v 3 Min ceerataa e yettude Laamɗo, \w Baaba\w* Joomiraaɗo men Iisaa \w Almasiihu\w*, nde min ɲaagantoo on Laamɗo fuu,  
\v 4 sabi min kaalanaama kabaaru goonɗinal mon Iisaa Almasiihu, kaɲum e jilli ɗi njogani-ɗon seniiɓe ɓee fuu  
\v 5 saabe jikke mo ndesana-ɗon dow kammu oo. On keɓii oon jikke nde nan-ɗon konngol goonga ngol ndee, ɗum woni \w Kabaaru Lobbo\w* oo.  
\v 6 Oon Kabaaru Lobbo yottoriima on no mo yottorii aduna oo fuu nii, omo wa'i no lekki mawnoowi ndimoowi ɓiɗɗe mum nii. Hono non Kabaaru Lobbo oo worri hakkunde mon onon duu, gila ɲannde keɓ-ɗon hettinaade haala hinnee Laamɗo oo so paamu-ɗon no mo wa'i jaati nii.  
\v 7 Ɗum woni ko Epafaras gollidiiɗo amen korsuɗo waajii on, kanko gollanoowo Almasiihu koolniiɗo hakkunde mon oo.  
\v 8 O haalani min duu jilli ɗi \w Ruuhu\w* oo hebbini e mon ɗii. 
\p  
\v 9 Saabe ɗum, minen duu, gila min nani ɗum, min ceeraali e ɲaaganaade on Laamɗo. Miɗen ɲaagoo mo o hebbina on hakkilantaaku e faamu mo Ruuhu hokkata oo, yalla oɗon annda ko woni sago makko faa gasa.  
\v 10 Hono non, keɓon wuurde nguurndam beloojam Joomiraaɗo kawroojam e muuyɗe mum e dow huunde fuu, tabiton e golle lobbo fuu, ɓeydo-ɗon anndude Laamɗo.  
\v 11 Miɗen ɲaaganoo on Laamɗo kasen hokka on semmbe mawɗo no baawɗe mum tedduɗe ɗee mawniri nii, yalla oɗon tawree tiinnitaare e muɲal fuu.  
\v 12 Njettiree \w Baabiraaɗo\w* oo seyo, sabi o waɗii on fotuɓe heɓude ngeɗu e moƴƴereeji desanaaɗi seniiɓe gonɗi e fooyre ɗii.  
\v 13 Kanko yaltini en e baawɗe nimre, so o naanni en e laamu \w Ɓiyiiko\w* korsuɗo  
\v 14 coottitiiɗo en so yaafii luutti meeɗen oo. 
\s1 Haala teddungal Almasiihu 
\q1  
\v 15 Kanko \w Almasiihu\w* o mbaadi Laamɗo mo yiyataake oo. 
\q1 Kanko woni hammadi e dow tagoore ndee fuu. 
\q1  
\v 16 Sabi huunde fuu saabe makko tagiraa, 
\q2 ko woni dow kammu e ko woni e leydi fuu, 
\q2 ko yiyetee e ko yiyataake fuu, 
\q1 ɗum woni bimmbeeje laamu naa kaanankaaku naa hooreyaaku naa baawɗe, 
\q2 ɗum fuu kanko tagiraa, kanko taganaa. 
\q1  
\v 17 O woodii gila fay huunde woodaa, 
\q2 huunde fuu ana yuɓɓondiri saabe makko. 
\q1  
\v 18 Kanko woni hoore terɗe, 
\q2 ɗum woni kanko woni hoore deental goonɗinɓe ngal. 
\q1 Kanko woni fuɗɗoode, 
\q2 kanko woni hammadiijo e wuurtuɓe hakkunde maayɓe, 
\q2 yalla omo ɓura huunde fuu. 
\q1  
\v 19 Sabi Laamɗo muuyi ko woni e mum koo fuu 
\q2 wona e makko kanko Almasiihu. 
\q1  
\v 20 E oon \w Bajjo\w* mo rewrintiniri huunde fuu e makko 
\q2 ko o waddani ɓe jam saabe ƴiiƴam mum juppiiɗam dow \w leggal bardugal\w* koo. 
\q1 Ko woni dow kammu e ko woni dow leydi fuu 
\q2 rewrintinaama e makko. 
\p  
\v 21 Arannde, on fuu on woɗɗiiɓe Laamɗo, on laatinoke wayɓe makko saabe miilooji mon e golleeji mon bonɗi.  
\v 22 Kaa jooni, mo rewrintinii on e makko saabe maayde nde \w Ɓiyiiko\w* laatiiɗo neɗɗo oo maayi ndee, yalla omo darna on yeeso makko tawee on seniiɓe on ngalaa ayiibe on ngalaa ɲiŋe.  
\v 23 Kaa noo, kinaa keddo-ɗon e goonɗinal, ɲiiɓon e ley maggal, laato-ɗon joottiiɓe ɓe ndimmbataako ɓe iwataa e jikke mo \w Kabaaru Lobbo\w* hokkata oo. Oon Kabaaru Lobbo, on nanii mo, sabi tagoore ndee fuu waajaama mo. Kanko ngollanan-mi miin Pool. 
\s1 No Pool haɓorii banngal deental goonɗinɓe Iisaa 
\p  
\v 24 Miɗo seyii jooni saabe torraaji ɗi keɓu-mi kammari ko ngollan-mi on koo. Hono non, ko heddii e torraaji \w Almasiihu\w* koo, ɗum kiɓɓiniran-mi calɗi am kammari terɗe makko ɗee, ɗum woni deental goonɗinɓe ngal.  
\v 25 Kanngal laatii-mi golloowo mum. Laamɗo halfini kam oo golle, yalla miɗo waajoo on haala makko kaa fuu.  
\v 26 Kaan haala yo sirri cuuɗaninooɗo jamaanuuji gila arannde, kaa jooni Laamɗo ɓannginanii mo seniiɓe mum.  
\v 27 Sabi ɓeen Laamɗo anniyii anndinde sirri mum goodanɗo leɲi fuu, no sirri oo teddiri e no mawniri nii. Oon sirri annii: Almasiihu ana e mooɗon, ɗum hokki on jikke heɓude ngeɗu e annoora Laamɗo.  
\v 28 Oon Almasiihu min kaalata haala mum, miɗen mbaajoo yimɓe fuu, miɗen anndinira ɗum'en hakkilantaaku fuu yalla miɗen njottina neɗɗo fuu yeeso Laamɗo tawa yo kiɓɓuɗo e ley haɓɓagol mum e Almasiihu.  
\v 29 Saabe ɗum miɗo golla miɗo sooboroo baawɗe makko gollirooje semmbe e ley am ɗee. 
\c 2  
\p  
\v 1 Miɗo yiɗi anndon haɓo naawngo ngo kaɓetee-mi saabe mooɗon, onon e yimɓe wonɓe Lawdikiya e woɓɓe ɓe meeɗaali yiide kam ɓee fuu,  
\v 2 yalla ɓerɗe mon ana ɓuuɓa, laato-ɗon gooto saabe jilli, keewon hakkilantaaku kiɓɓuɗo faa paamon sirri Laamɗo oo, ɗum woni \w Almasiihu\w* 
\v 3 mo ngalu Laamɗo fuu suuɗii e mum oo. Ngalu oo yo hakkilantaaku e anndal.  
\v 4 Ko kaalanir-mi on ɗum, pati kiilire-ɗon haalaaji belɗi.  
\v 5 Sabi fay so taweede miɗo woɗɗiri on terɗe, hakkille am kaa ana wondi e mooɗon, miɗo seyoroo gondal mon lobbal ngal, kaɲum e no tiiɗir-ɗon e goonɗinal mon e Almasiihu ngal nii. 
\s1 Haala jokkude e Almasiihu 
\p  
\v 6 Jooni, ko njaɓu-ɗon Iisaa \w Almasiihu\w* laatoo Joomiraaɗo mooɗon koo, njokkon e makko,  
\v 7 ɲiiɓon e makko, accon o naɓa on yeeso e ley goonɗinal, keddo-ɗon e ngal goonɗinal ko waarata e jannde nde keɓ-ɗon ndee, njetton Laamɗo sanne. 
\p  
\v 8 Ndeentee pati fay gooto hiilira on haalaaji luggi e haalaaji ɓoli iwɗi e neesuuji ɓiɓɓe aadama kaɲum e semmbeeji aduna ɗii. Ɗeen geɗe iwaali e Almasiihu.  
\v 9 Sabi ko woni e Laamɗo fuu ana e Almasiihu, e ley terɗe mum jaati.  
\v 10 Onon duu, on keɓii ko woni e Laamɗo koo fuu e ley haɓɓagol mon e Almasiihu, kanko tiimuɗo laamu e baawɗe fuu oo.  
\v 11 E makko on taadanooma, kaa wanaa \w taadagol\w* ngol yimɓe ngaɗata ngol, ɗum taadagol iwngol e Almasiihu ngol nde o itti on e terɗe ɓii-aadamaaku luuttooje ɗee ndee.  
\v 12 E ley ko loota-ɗon \w lootogal batisima\w* koo, on irdanooma e makko, kasen, on nguurtindinanooma e makko saabe on ngoonɗinii baawɗe Laamɗo guurtinɗo mo oo.  
\v 13 On maaynooɓe saabe junuubaaji mooɗon e saabe on laatanooki yimɓe Laamɗo. Kaa Laamɗo wuurtindinii on e Almasiihu, 
\q1 yaafike en luutti men fuu, 
\q1  
\v 14 tosii ɗerewol kiiti ɲiŋooji en ɗii, 
\q1 ittii ngol, tontii ngol dow \w leggal bardugal\w*. 
\q1  
\v 15 O ɓoorti laamu e baawɗe, 
\q1 o hersini ɗum'en yeeso yimɓe fuu 
\q2 nde o jaalorii ɗum'en maayde Almasiihu ndee. 
\p  
\v 16 Ndennoo, pati fay gooto ɲiŋir on dow ko ɲaamaton e ko njaraton naa saabe teddingol ɲalaaɗe yogaaje e darɗe lewru e ɲalaaɗe powteteeɗe.  
\v 17 Ɗum fuu ɗum cappotooɗum kuɗɗe garoyooje tan, kaa goonga oo e Almasiihu woni.  
\v 18 Pati accon rewooɓe \w malaa'ika'en\w* wiyooɓe yo leyɗinkiniiɓe pela on. Ɓeen yimɓe ana kaɓɓii e ko njii ley koyɗi, kasen eɓe mawninkinii e dow meere saabe miilooji maɓɓe aduna,  
\v 19 ɓe njokkaali haɓɓaade e Almasiihu hooreejo oo. Oon hokkata terɗe ɗee fuu ko kaajaa, hawrintinira ɗe jokkolɗe e ɗaɗi. Kasen duu saabe makko terɗe ɗee ana mawnira no Laamɗo muuyiri nii. 
\s1 Haala maaydude e Almasiihu e wuurdude e mum 
\p  
\v 20 On maaydii e \w Almasiihu\w*, on iwii e semmbeeji aduna oo ɗii. Ndennoo, koɗum waɗi so oɗon nguurda no jeyaaɓe e oo ɗoo aduna nii? Koɗum waɗi so oɗon njaɓa daaleede:  
\v 21 «Pati ɓamu, pati meeɗu, pati memu»?  
\v 22 Ɗum fuu ɗum kaɗaaɗum dow meere, ɗum fuu ɗum waaju iwɗo e yimɓe tan. Laamɗo tagii kulle ɗee fuu faa nawtoro-ɗen ɗum'en sakitoo ɲola.  
\v 23 So goonga, yimɓe ana miila kaɗaaɗi ɗii yo hakkilantaaku, sabi wiyeteno kinaa yimɓe cujidira no semmbe mum'en foti, kinaa yimɓe leyɗinkinoo, kinaa yimɓe mbiira calɗi mum'en. Kaa noo, tawaama ɗiin kaɗaaɗi fuu paabataako yimɓe jaalaade giɗaaɗe yonki. 
\c 3  
\p  
\v 1 Ndennoo, ko nguurtindina-ɗon e \w Almasiihu\w* koo, tewtee kuɗɗe gonɗe dow kammu to Almasiihu jooɗii ɲaamo Laamɗo too.  
\v 2 Ngattee hakkillaaji mooɗon e kuɗɗe gonɗe dow kammu, pati ngattee ɗi e kuɗɗe gonɗe e leydi.  
\v 3 Sabi on maayii, nguurndam ɗam keɓ-ɗon jooni ɗam ana suuɗidaa e Almasiihu to Laamɗo.  
\v 4 So Almasiihu laatiiɗo nguurndam mooɗon oo ɓanngii, on ɓanngidan e makko onon duu, keɓon ngeɗu e teddeengal makko. 
\s1 Haala ko hiiɗɗi e ko heyɗi 
\p  
\v 5 Ndennoo, mbaree kulle adunankooje gonɗe e mooɗon ɗee, ko wa'i hono ko soɓi, kaɲum e fijirde e giɗaaɗe yonki e muuyooji bonɗi, kaɲum e joote, sabi joote yo rewde tooruuji.  
\v 6 Ɗiin luutti kaɲum'en njippinta tikkere Laamɗo e dow saliiɓe goonɗinde mo ɓee.  
\v 7 Onon duu, hono non ngorruno-ɗon arannde, hono non nguurduno-ɗon e ɗiin luutti.  
\v 8 Kaa jooni, njoppee ɗee ɗoo kulle: tikkere e ɲanngere e ko boni e mbonka, kaɲum e wulde hunduko.  
\v 9 Pati fay gooto e mooɗon fenana banndum, sabi on ittii ko hiiɗɗi ko wonnoo ley mon koo, kaɲum e golleeji mum fuu,  
\v 10 on laatike yimɓe heyɓe. Laamɗo taguɗo ko heyɗi ko woni ley mon oo seerataa e heyɗintinde ɗum faa ɗum nannda e muuɗum, yalla oɗon keɓa anndal kiɓɓungal.  
\v 11 Ndennoo jooni, walaa ko seenndi \w Yahuudiyanke\w* e Yunaninke, \w taadiiɗo\w* e mo taadaaki. Jooni wanaa mo janngaali, wanaa neɗɗo ladde, wanaa dimo, wanaa diimaajo, sabi \w Almasiihu\w* woni fuu, woni e maɓɓe ɓe fuu. 
\p  
\v 12 Ndennoo, saabe Laamɗo suɓike on, sennii on, horsinii on, tawre-ɗon jilli e yurmeende e moƴƴuki e leyɗinkinaare e newaare kaɲum e muɲal.  
\v 13 Muɲondiree, so yoga mooɗon ana jogii ko ɲiŋira goɗɗo, njaafondiron. No Joomiraaɗo yaaforii on nii, njaafondiron.  
\v 14 E ley ɗum fuu, ɓerɗe mooɗon keewa jilli, sabi jilli njuɓɓata huunde fuu faa gasa.  
\v 15 Accon jam Almasiihu oo laamoo miilooji mon, sabi Laamɗo noddii on faa ngondon e jam laato-ɗon terɗe goote. Njetton Laamɗo sanne.  
\v 16 Yo konngol Almasiihu ngol heew e mooɗon. Yo gooto e mooɗon fuu waajo goɗɗo oo, jeertinira ɗum hakkilantaaku. Njimanee Laamɗo e ley ɓerɗe laaɓuɗe, njettiree mo Jabuura e jaarooje, kaɲum e jime ɗe \w Ruuhu Ceniiɗo\w* oo hokkata on ɗee.  
\v 17 Ko ngaɗaton fuu, so haala so golle, ngaɗiree ɗum fuu e innde Joomiraaɗo men Iisaa, njetton \w Baabiraaɗo\w* men Laamɗo saabe makko. 
\s1 No jokkuɓe Almasiihu poti wuurdude 
\p  
\v 18 Onon rewɓe, ɗowtano-ɗon worɓe mooɗon no rewɓe woodanɓe Joomiraaɗo poti waɗude nii.  
\v 19 Onon worɓe, njiɗee rewɓe mooɗon, pati ɲanngon e maɓɓe. 
\p  
\v 20 Onon sukaaɓe, ɗowtano-ɗon saaraaɓe mooɗon e huunde fuu, sabi ɗum woni ko welata Joomiraaɗo.  
\v 21 Onon saaraaɓe, pati ɲannginee sukaaɓe mooɗon so ɓerɗe mum'en metta. 
\p  
\v 22 Onon maccuɓe, ɗowtano-ɗon halfaaɓe mooɗon e huunde fuu, tawa wanaa yeeso maɓɓe tan yalla ɓiɓɓe aadama ana njetta on. Ko haani dee, ɗowtiranee ɓe ɓerɗe laaɓuɗe e ley kulol Joomiraaɗo.  
\v 23 Huunde fuu ko ngollaton, ngaɗiron ɗum ɓerɗe laaɓuɗe, sabi Joomiraaɗo ngollanton, wanaa yimɓe ngollanton,  
\v 24 anndon Joomiraaɗo barjoto on, hokkan on moƴƴereeji desanaaɗi yimɓe mum. Sabi kalfaaɗo mo ngollanton oo yo \w Almasiihu\w*.  
\v 25 Gaɗoowo ko boni fuu, heɓan mbarjaari golle mum bonɗo oo, sabi Laamɗo ɓurdintaa yimɓe. 
\c 4  
\p  
\v 1 Halfaaɓe, njogoree maccuɓe mooɗon ɓee jogaaɗe lobbe e dow fooccitaare, anndon onon duu oɗon njogii kalfaaɗo dow kammu. 
\p  
\v 2 Nduumee e \w duwaawu\w*, tawee oɗon njeertii oɗon njetta Laamɗo.  
\v 3 Nduwanee min minen duu, yalla Laamɗo ana udditana min damal faa min mbaajoo konngol mum ngol, yalla miɗen mbaawa saakude goonga tedduɗo kaaloowo haala \w Almasiihu\w* oo. Saabe makko jaati uddiraa-mi jooni e ley kasu.  
\v 4 Ɲaagee Laamɗo yalla miɗo waajoroo oon goonga tedduɗo no haaniri nii. 
\p  
\v 5 Laatee hakkilante'en hakkunde yimɓe ɓe ngoonɗinaali ɓee. Nde keɓ-ɗon wakkati fuu, nawtoro-ɗon ɗum.  
\v 6 Haala mon ana haani laataade haala mbelka ngaɗaaka lamɗam, yalla oɗon annda no kaan-ɗon jaaboraade gooto fuu. 
\s1 Baynondiral 
\p  
\v 7 Tikikus, sakiike men korsuɗo gollidiiɗo am koolniiɗo e ley golle Joomiraaɗo oo, humpitan on kabaaruuji am ɗii fuu.  
\v 8 Ko waɗi so nel-moo-mi e mooɗon, yalla oɗon annda no min ngorri e yalla omo waaltina hakkillaaji mon.  
\v 9 Miɗo neldida e makko Onesim, jeyaaɗo e mooɗon oo. Oon yo sakiike amen korsuɗo koolniiɗo. Kamɓe ɗiɗon, ɓe kumpitan on ko waɗi gaa koo fuu. 
\p  
\v 10 Aristarka mo uddidaa-mi oo ana jowta on, kaɲum e Marka sakiike Barnabas mo mbiinoo-mi so warii to mooɗon njaɓɓo-ɗon ɗum oo.  
\v 11 Iisaa noddirteeɗo Yustus oo duu ana jowta on. Kamɓe tan ngoni \w Yahuudiyankooɓe\w* gollidooɓe e am kabaaru \w Laamu Laamɗo\w* oo. Eɓe mballa kam sanne. 
\p  
\v 12 Epafaras, gollanoowo Iisaa \w Almasiihu\w* oo, ana jowta on. Kanko duu e mooɗon o jeyaa. Wakkati fuu omo soobii e \w duwaawu\w* saabe mooɗon yalla oɗon ɲiiɓa e ley kiɓɓal, timminon muuyɗe Laamɗo fuu.  
\v 13 Miɗo seedanoo mo omo tampani on, onon e Lawdikiyankooɓe e Hiyerapolisankooɓe fuu.  
\v 14 Luuka cawroowo mo korsin-mi oo, kaɲum e Demas ana njowta on.  
\v 15 Miɗen njowta sakiraaɓe men wonɓe Lawdikiya ɓee, miɗen njowta Nimfa e deental goonɗinɓe kawroowal galle mum ngal.  
\v 16 Nde on njanngii oo ɓataaki, ngaɗee dabare faa deental goonɗinɓe Lawdikiya ngal jannga mo. Onon duu, njanngon ɓataaki garoowo iwrande on Lawdikiya oo.  
\v 17 Mbiyee Arkippa yo tiinno e timminde golle mo Joomiraaɗo halfini ɗum oo. 
\b  
\p  
\v 18 E junngo am jaati mbinndiran-mi ngoo ɗoo jowtaango: miin Pool miɗo jowta on. Pati njeggitee e geƴƴelle ngon-mi. 
\p Yo hinnee Laamɗo wonu e mooɗon!