\id 2TI  
\h 2 Timote 
\toc1 Ɓataaki Pool ɗiɗaɓo faade e Timote 
\toc2 2 Timote 
\toc3 2Ti. 
\mt2 Ɓataaki Pool ɗiɗaɓo faade e 
\mt1 Timote 
\c 1  
\p  
\v 1 Oo ɓataaki ga am iwri, miin Pool \w nelaaɗo\w* Iisaa \w Almasiihu\w* e sago Laamɗo faa mi fammina yimɓe haala nguurndam ɗam Laamɗo fodani en ngonɗam e Iisaa Almasiihu ɗam.  
\v 2 Mi jowtii ma, aan Timote ɓiyam korsuɗo oo. Yo \w Baabiraaɗo\w* men Laamɗo e Joomiraaɗo men Iisaa Almasiihu njurme, ndokke moƴƴere e jam! 
\s1 No Pool jeertiniri Timote 
\p  
\v 3 Miɗo yetta Laamɗo mo ngollanan-mi oo. Hakkille mo ɲiŋaali kam ngolliranan-moo-mi, hono no maamiraaɓe am ɓee ngaɗirnoo nii. Jemma e ɲalooma fuu mi seerataa e miccitaade ma e ley \w duwaawuuji\w* am,  
\v 4 sabi miɗo miccitoo gonɗi maa. Miɗo yiɗi yiide ma sanne yalla seyo am ana hiɓɓa.  
\v 5 Miɗo miccitoo goonɗinal maa ngal waldaa e naafigaaku ngal maama maa debbo Loyis e inna maa Enis njoginoo, miɗo taƴori aan duu kanngal njogi-ɗaa.  
\v 6 Ɗum saabii so miɗo miccintine: heyɗintin kasen dokkal ngal Laamɗo hokku maa nde paw-mi juuɗe am dow maa ndee.  
\v 7 Sabi Laamɗo hokkiraali en \w Ruuhu\w* faa kulen yimɓe. Ko o hokkiri en dee, faa Ruuhu hokka en semmbe e jilli e nantaare. 
\p  
\v 8 Ndennoo, pati yaaga waajaade kabaaru Joomiraaɗo men oo, pati yaagora duu ko uddiraa-mi kasu saabe makko koo. Reentu e am torraaji saabe \w Kabaaru Lobbo\w* haala Iisaa, tawa a pawiiɗo e dow baawɗe Laamɗo.  
\v 9 Kanko o hisinii en, o noddii en faa laato-ɗen yimɓe makko seniiɓe. Wanaa saabe golle men o noddiri en, ko o noddiri en dee, saabe ko o anniyii hisinde en koo e saabe hinnee makko mo o wayli e men oo kammari Iisaa \w Almasiihu\w* gila e al'ajal.  
\v 10 Kaa jooni moƴƴere ndee ɓannginiraama saabe ɓanngugol kisinoowo en, Iisaa Almasiihu kalkuɗo maayde, ɓannginɗo nguurndam e duumagol e ley Kabaaru Lobbo oo.  
\v 11 Saabe oon Kabaaru Lobbo Laamɗo waɗiri kam baajotooɗo e \w nelaaɗo\w* e jannginoowo.  
\v 12 Ɗum saabii so miɗo torree ɗiin torraaji, kaa mi yaagaaki fey, sabi miɗo anndi mo ngoonɗin-mi oo, miɗo taƴori omo waawi reenude ko kalfinaa-mi koo faa ɲannde gartol makko.  
\v 13 Jogora haalaaji celluɗi ɗi narru-ɗaa kam ɗii misaalu e ley goonɗinal e jilli ɗi keɓu-ɗen e ley haɓɓagol men e Iisaa Almasiihu ɗii.  
\v 14 Oo kaliifa moƴƴo, haybir ɗum Ruuhu Ceniiɗo jippiiɗo e men oo. 
\p  
\v 15 Aɗa anndi Asiyankooɓe fuu celii e am, Fijela e Hermoseena ana njeyaa e maɓɓe.  
\v 16 Yo Joomiraaɗo neemin koreeji Onesifoor, sabi o ɓuuɓinii ɓernde am cili keewɗi, kasen duu geƴƴelle am ɗee njaaginaaki mo.  
\v 17 Ko ɓuri ɗum fuu, nde mo warnoo \w Roma\w* ndee, mo tewtirii kam soobee faa mo yiiti kam.  
\v 18 Yo Joomiraaɗo yoɓu mo o heɓa yurmeende ɲannde darngal. Ko mo gollani kam ley ngeenndi Efeesu koo, aɗa anndi ɗum sanne. 
\c 2  
\s1 Haala laataade gollanoowo Iisaa koolniiɗo 
\p  
\v 1 Ndennoo aan ɓiyam, semmbinɗinira moƴƴere wonnde e Iisaa \w Almasiihu\w* ndee.  
\v 2 Ko kaalan-maa-mi yeeso seedee'en heewɓe koo, halfin ɗum yimɓe hoolniiɓe waawɓe famminde woɓɓe.  
\v 3 Torride-ɗaa e am no sordaasi Iisaa Almasiihu lobbo nii.  
\v 4 Walaa fuu sordaasi cuŋlanoowo ko wanaa haɓo so mawɗo mum welee ɗum.  
\v 5 Daɗondirteeɗo doddu duu heɓataa deesewal sinaa jokkira no yamiraa nii.  
\v 6 Kasen duu demoowo golluɗo faa tampi, kaɲum haani adaade heɓude ngeɗu mum e ko hettaa koo.  
\v 7 Miila ko kaalanan-maa-mi koo, sabi Joomiraaɗo udditan hakkille maa faa paamaa huunde fuu. 
\p  
\v 8 Miccita Iisaa Almasiihu immintinaaɗo e maayde, mo leɲol Daawuuda, no \w Kabaaru Lobbo\w* mo mbaajotoo-mi oo famminiri nii.  
\v 9 Saabe makko torriraa-mi faa kaɓɓaa-mi hono no mi janoowo nii, kaa konngol Laamɗo ngol kaɲum kaa haɓɓaaka.  
\v 10 Ɗum waɗi so miɗo muɲa huunde fuu saabe suɓaaɓe ɓee, yalla kamɓe duu eɓe keɓa kisindam iwɗam e Iisaa Almasiihu ɗam, ɓe naata e teddeengal mum faa abada.  
\v 11 Haala kaa ana hoolnii: 
\q1 So en maaydii e makko, 
\q2 en nguurdan e makko. 
\q1  
\v 12 So eɗen muɲa torraaji, 
\q2 en laamodoto e makko. 
\q1 So en mbii en anndaa mo, 
\q2 o wiyan o anndaa en enen duu. 
\q1  
\v 13 So en laataaki hoolniiɓe, 
\q2 kanko omo heddii o koolniiɗo, 
\q2 sabi o waawaa yeddude hoore makko. 
\s1 Haala golloowo mo Laamɗo yarrii 
\p  
\v 14 Ɗum woni ko kaan-ɗaa miccintinde goonɗinɓe. Njeertinaa ɓe yeeso Laamɗo pati ɓe pooɗondira e haalaaji ɗi nafataa fay huunde so wanaa bonnitidde hettintooɓe.  
\v 15 Tiinna, yalla so a darike yeeso Laamɗo, aɗa laatoo golloowo jarranaaɗo mo golle mum hersinaali, laato-ɗaa naftortooɗo konngol goonga ngol no haaniri nii.  
\v 16 Sel haalaaji coɓuɗi ɓoli, sabi wonduɓe e hono ɗii haalaaji ɓee ittiraaka so wanaa ɓeydude woɗɗaade Laamɗo.  
\v 17 Haala maɓɓe ana laɲira no uubere laɲoore nii. Himene e Filitus ana njeyaa e maɓɓe.  
\v 18 Ɓeen woortuɓe goonga ana mbiya immital ɓettike, ana mbonnitira non goonɗinal yogaaɓe.  
\v 19 Kaa Laamɗo waɗii nuygal cellungal, ana winndii dow maggal: «Joomiraaɗo ana anndi yimɓe mum.» Ana winndii kasen: «Noddoowo innde Joomiraaɗo fuu woɗɗoo ko boni.» 
\p  
\v 20 Wanaa kaŋŋe e cardi tan ngoni kaaki defirɗi ley galle jom jawdi, leɗɗeeji e loopeeji duu ana hen. Ardiiɗi ɗii ngollirtaake so wanaa e dow ko hensaa, goɗɗi ɗii ana ngolliree ko wanaa ko hensaa.  
\v 21 Ndennoo, so neɗɗo laɓɓinii hoore mum e golleeji bonɗi ɗii fuu, laatoto hono no kaakol keertaangol, ceniingol nafoowol joomum, lanndinanaangol faa golliree golle lobbo fuu. 
\p  
\v 22 Dogu fijirde cukaaku. Ndaartu fooccitaare e goonɗinal e jilli e jam, aan e noddirooɓe Joomiraaɗo ɓerɗe laaɓuɗe ɓee fuu.  
\v 23 Woɗɗita jeddi haalaaji laaliiɗi ɗi ngalaa ko nafata, aɗa anndi dukooji tan ɗi ngaddoyta.  
\v 24 Sabi maccuɗo Joomiraaɗo haanaa dukideede, ko haani tan laataade newaniiɗo yimɓe fuu, baawɗo jannginde, jom muɲal,  
\v 25 ne'iroowo yeddooɓe ɓee jam-jam miilde Laamɗo hokka ɓe no ɓe tuubira, ɓe paama goonga,  
\v 26 faa hakkillaaji maɓɓe ngarta, ɓe kisa e piccal \w Ibiliisa\w* nannguɗo ɓe so ana gollina ɓe muuyɗe mum oo. 
\c 3  
\s1 Haala cakite jamaanu 
\p  
\v 1 Anndu, ley cakite jamaanu tiiɗallaaji ngaɗan,  
\v 2 sabi yimɓe laatoto yiɗuɓe ko'e mum'en, jootuɓe e jawdi, mantotooɓe, mawninkiniiɓe, bonkotooɓe Laamɗo, murtirooɓe saaraaɓe mum'en, bonnooɓe moƴƴere, ɓe teddintaa ko senii,  
\v 3 yoorɓe ɓerɗe, ɓe njaafataako, ɲo'ooɓe yimɓe, ɓe ngalaa nantaare, ɓaleeɓe yonki, waɲuɓe ko moƴƴi fuu,  
\v 4 jammbotooɓe, wulɓe, haawtiiɓe, ɓe joote aduna ɓurani ɗum'en Laamɗo.  
\v 5 Ɓe nanndinkinto e hulɓe Laamɗo, kaa eɓe njedda baawɗe mum. Woɗɗita ɓeen yimɓe.  
\v 6 Won e maɓɓe naatooɓe e galleeji, keɓa hakkillaaji ndewoy luuttoowoy sanne njokkoowoy sii giɗaaɗe yonki fuu.  
\v 7 Wakkati fuu ekoy njiɗi faamude, kaa abada koy mbaawataa faamude goonga.  
\v 8 Ɓeen worɓe naatooɓe e galleeji njeddii goonga hono no Yannes e Yamberes njeddirnoo Muusaa nii. Ɓe ngalaa hakkille, goonɗinal maɓɓe walaa ko nafata.  
\v 9 Kaa ɓe njaarataa yeeso, sabi yimɓe fuu annditan ɓe ngalaa hakkille no Yannes e Yamberes nii. 
\s1 Haala Binndi ceniiɗi ɗii 
\p  
\v 10 Kaa aan a yii fammingol am e neesu am e anniyaaji am e goonɗinal am e muɲal am e jilli am e tiinnitaare am  
\v 11 e torraaji am e tampere am. A yii duu ko hewtii kam Antiyokiya e Ikoniya, kaɲum e Listara koo fuu, a yii no muɲir-mi torraaji kewtiiɗi kam ɗii. Kaa Joomiraaɗo biltii kam e majji ɗi fuu.  
\v 12 Goonga, kaɓɓiiɗo e Iisaa \w Almasiihu\w* fuu so yiɗii wuurdude e kulol Laamɗo, torrete.  
\v 13 Kaa yimɓe bonɓe hiilooɓe yimɓe ɓee ɓeydorto bone. Eɓe majjina woɓɓe, eɓe majjina ko'e maɓɓe duu.  
\v 14 Kaa aan, ɲiiɓu e ko njanngu-ɗaa ko njarri-ɗaa faa laaɓi koo, aɗa anndi jannginɓe ma ɓee.  
\v 15 Gila a suka aɗa anndi Binndi ceniiɗi ɗii. Kanji mbaawi famminde ma laawol kisindam keɓirteeɗam goonɗinal Iisaa Almasiihu.  
\v 16 Binndi ceniiɗi ɗii fuu Laamɗo loowi ɗi winnduɓe ɓee, nafaa majji yo jannginde, kaɲum e ɓannginande neɗɗo boofi mum, ooncude en e ne'ude en ley nguurndam pooccitiiɗam  
\v 17 yalla neɗɗo Laamɗo fuu ana hiɓɓa, lanndinanoo golle lobbo fuu. 
\c 4  
\s1 Haala tiiɗude e waaju 
\p  
\v 1 Miɗo ndaarde saabe Laamɗo e saabe Iisaa \w Almasiihu\w* caroyoowo wuurɓe e maayɓe oo, miɗo ndaardire saabe gartol makko kaɲum e \w Laamu\w* makko:  
\v 2 mbaajo-ɗaa konngol Laamɗo ngol yaafu maa tiiɗu maa fuu, hollitin ɓe boofi maɓɓe, fel ɓe, hokku ɓe semmbe e kaaddi muɲal maa e waaju maa fuu.  
\v 3 Sabi wakkati waran nde ɓe calotoo nande waaju celluɗo oo, ɓe njokka muuyooji maɓɓe faa ɓe ɓamana ko'e maɓɓe jannginooɓe ko ɓe njiɗi nande koo,  
\v 4 ɓe cukka noppi maɓɓe pati ɓe nana goonga, ɓe mbaylitoo e taali.  
\v 5 Kaa aan, nanto-ɗaa e huunde fuu, muɲaa torra, mbaajo-ɗaa \w Kabaaru Lobbo\w* oo, timminaa golle mo ngollantaa Laamɗo oo faa laaɓa. 
\p  
\v 6 Kaa miin, ƴiiƴam am ɓadike laataade no \w sadaka\w* kirsamaajo nii sabi wakkati am ɓadike.  
\v 7 Mi waɗii ko mbaaw-mi fuu faa mi heɓa jaalaade golle \w Ibiliisa\w* e ley goonɗinal, mi yottinii ɗo kaan-mi haaɗude, mi haybii goonɗinal ngal.  
\v 8 Gila jooni miɗo resanaa deesewal fooccitaare ngal Joomiraaɗo pooccitiiɗo caroowo oo hokkata kam ɲannde darngal. Wanaa miin tan hokketee ngal, miin e heppuɓe gartol makko ɓee fuu. 
\s1 Haala waajuuji cakitiiɗi 
\p  
\v 9 Tiinna ngaraa e am law.  
\v 10 Sabi Demas yoppii kam saabe yiɗude mum aduna, fa'ii Tesaloniiki. Keresna yehii Galaatiya, Titus duu fa'ii Dalmaatiya,  
\v 11 Luuka tan wondi e am. Faŋu Marka ngardaa e mum, sabi omo waawi faabaade kam sanne e ley golle oo.  
\v 12 Tikikus, mi nelii ɗum Efeesu.  
\v 13 So aɗa wara, ngaddanoraa kam saaya am ka njoppunoo-mi Torowas ley galle Karapo kaa, kaɲum e dewte ɗee. Ko ɓur-mi yiɗude ngaddanaa kam, dewte guri ɗee.  
\v 14 Aleksandere baylo oo waɗii kam ko naawi kam sanne. Joomiraaɗo yoɓan mo ko waarata e golle makko.  
\v 15 Aan duu, reenta e makko, sabi o yeddii waaju amen sanne. 
\p  
\v 16 Ɲannde ndarnaa-mi arannde yeeso caroowo faa mi bilta hoore am ndee, fay gooto faabaaki kam, ɓe fuu ɓe celu e am. Pati Laamɗo nanngir ɓe ɗum!  
\v 17 Kaa Joomiraaɗo faabike kam, hokki kam semmbe yalla miɗo ooynoo waaju makko, faa leɲi ɗii fuu nana. Nii woni no kisiniraa-mi e hunduko rawaandu ladde.  
\v 18 Joomiraaɗo ittan kam e bone fuu, hisina kam faa mi hewta laamu mum dow kammu oo. Yo teddeengal woodan mo faa abada abadin. Aamiina! 
\s1 Baynondiral 
\p  
\v 19 Miɗo jowta Piriskilla e Akilas, miɗo jowta koreeji Onesifoor.  
\v 20 Erasta ana heddii Korintu, Torofim, mi yoppii ɗum Miletus sabi wanaa celluɗo.  
\v 21 Tiinno-ɗaa ngaraa gila dabbunde waraali. Ebulus e Pudes e Lina e Kalawdiya e sakiraaɓe ɓee fuu, ana njowte. 
\p  
\v 22 Yo Joomiraaɗo tawde e maa! Yo hinnee Laamɗo wonu e mon.