\id 2JN  
\h 2 Yuhanna 
\toc1 Ɓataaki Yuhanna ɗiɗaɓo 
\toc2 2 Yuhanna 
\toc3 2Yn. 
\mt1 Ɓataaki Yuhanna ɗiɗaɓo 
\c 1  
\p  
\v 1 Miin mawɗo deental goonɗinɓe winndi oo ɓataaki faade e debbo tedduɗo\f + \fr 1:1 \fk Debbo tedduɗo oo \ft e ɓiɓɓe mum yo deental goonɗinɓe gootal.\f* mo Laamɗo suɓii. Miɗo jowte, aan e ɓiɓɓe maa fuu, onon ɓe njiɗir-mi goonga. Wanaa miin tan yiɗi on, annduɓe goonga oo ɓee fuu ana njiɗiri on  
\v 2 saabe goonga gonɗo e men, duumotooɗo e men faa abada oo.  
\v 3 Laamɗo \w Baabiraaɗo\w* men e \w Ɓiyum\w* Iisaa \w Almasiihu\w* yurmoto en, hokkan en moƴƴere e jam kammari goonga e jilli. 
\s1 Haala goonga e jilli 
\p  
\v 4 Mi seyike sanne ko kumpitii-mi won ɓiɓɓe maa jokkirɓe goonga oo no \w Baabiraaɗo\w* yamiri en nii.  
\v 5 Jooni, debbo tedduɗo, miɗo ndaarde, njiɗondiren. Ko mbinndanan-maa-mi koo wanaa yamiroore heyre, ɗum yamiroore nde keɓu-ɗen gila arannde.  
\v 6 Ko woni jilli dee, haybude jamirooje Laamɗo. Nden yamiroore woni nde kaan-ɗon haybirde no nanir-ɗon ɗum gila arannde nii.  
\v 7 Sabi majjinooɓe heewɓe caakike e aduna oo. Ɓe njaɓaali Iisaa \w Almasiihu\w* warii laatike neɗɗo. Baaɗo no maɓɓe nii fuu yo majjinoowo yo konnee-Almasiihu.  
\v 8 Kaybee ko'e mon, pati golle mo ngollu-ɗon oo mursee, keɓon mbarjaari kiɓɓundi.  
\v 9 Sabi mo ɲiiɓaali e laawol Almasiihu ngol, walanaa Laamɗo. Ɲiiɓuɗo e maggol ana woodani Baabiraaɗo e \w Bajjo\w* oo fuu.  
\v 10 So won garɗo e mon ana waajoo ko waldaa e laawol ngol, pati njaɓɓee ɗum e ley galleeji mon, pati fay njowtee ɗum.  
\v 11 Sabi jowtuɗo mo fuu, kaɲum e makko laatike gootum. 
\s1 Baynondiral 
\p  
\v 12 Ko kaan-mi haalande on koo ana heewi, mi yiɗaa winndande on ɗum fuu e ɗerewol. Kaa miɗo yeloo warde to mon, kaalden hunduko e hunduko, yalla seyo men ana hiɓɓa. 
\p  
\v 13 Haya, ɓiɓɓe sakiike maa debbo mo Laamɗo suɓii oo ana njowte.