\id 1TH  
\h 1 Tesaloniikiyankooɓe 
\toc1 Ɓataaki Pool arano faade e Tesaloniikiyankooɓe 
\toc2 1 Tesaloniikiyankooɓe 
\toc3 1Ts. 
\mt2 Ɓataaki Pool arano faade e 
\mt1 Tesaloniikiyankooɓe 
\c 1  
\p  
\v 1 Oo ɓataaki ga am iwri, miin Pool, kaɲum e Silas e Timote. Miɗen njowta deental goonɗinɓe gonngal Tesaloniiki kaɓɓiingal e \w Baabiraaɗo\w* men Laamɗo e Joomiraaɗo men Iisaa \w Almasiihu\w*. Yo on keɓu moƴƴere e jam. 
\s1 Goonɗinal Tesaloniikiyankooɓe 
\p  
\v 2 Miɗen njetta Laamɗo wakkati fuu saabe mooɗon on fuu, sabi min ceerataa e miccitaade on e ley \w duwaawuuji\w* amen.  
\v 3 Miɗen miccitoo on wakkati fuu yeeso Laamɗo \w Baabiraaɗo\w* men, miɗen miccitoroo on golleeji ɗi ngollir-ɗon saabe goonɗinal, miɗen miccitoroo on tiinnitaare mooɗon saabe jilli, miɗen miccitoroo on muɲal mooɗon saabe fawgol mon jikke e Joomiraaɗo men Iisaa \w Almasiihu\w*. 
\p  
\v 4 Sakiraaɓe amen ɓe Laamɗo yiɗi, miɗen anndi Laamɗo suɓike on.  
\v 5 Sabi ko min mbaajii on \w Kabaaru Lobbo\w* oo koo laataaki haala ɓola, baawɗe duu ana e makko, sabi \w Ruuhu Ceniiɗo\w* hokki on taƴoral kiɓɓungal e ko min mbaajii koo yo goonga. Oɗon anndi no min ngorrunoo hakkunde mooɗon duu. Kammari mooɗon tan min ngolliri. 
\p  
\v 6 On ɲemmbii min, on ɲemmbii Joomiraaɗo sabi on njaɓii konngol Laamɗo fay e ley torraaji mawɗi, njaɓɓori-ɗon ngol seyo ngo Ruuhu Ceniiɗo waddata ngo.  
\v 7 Nii waɗi so kollu-ɗon goonɗinɓe wonɓe ley leyɗe Makedoniya e Akaya fuu no kaani worrude.  
\v 8 Sabi on mbaajike konngol Joomiraaɗo ngol, on caakii ngol, wanaa ley leyɗe Makedoniya e Akaya tan, goonɗinal mon Laamɗo nanaama e nokkuuje ɗee fuu. Fotaa ko min ɓeyda hen haala ngokka.  
\v 9 Kamɓe goonɗinɓe ɓee jaati kumpitata min no njaɓɓori-ɗon min arannde, no njoppir-ɗon tooruuji so ngartu-ɗon e Laamɗo faa ngollanon Laamɗo guurɗo goongaraajo oo,  
\v 10 faa ndoomon \w Ɓiyiiko\w* iwoowo dow kammu. Kanko woni Iisaa mo o immintini hakkunde maayɓe, kisinoowo en e jukkungo waroowo ngoo. 
\c 2  
\s1 No Pool golliri ley Tesaloniiki 
\p  
\v 1 Sakiraaɓe, onon Tesaloniikiyankooɓe ɓee, oɗon anndi ko min ngari e mon koo laataaki meere.  
\v 2 Fade amen warde, min torraama, min koynaama ley ngeenndi Filipa, hono no anndir-ɗon nii. Kaa Laamɗo men hokki min ngorgu min mbaajoroo \w Kabaaru Lobbo\w* oo soobee.  
\v 3 Sabi waaju amen fawaaki dow majjere, fawaaki dow fugaaraaku, ɗum wanaa hiila duu.  
\v 4 No Laamɗo hordi min faa halfini min Kabaaru Lobbo oo nii, hono non min mbaajortoo, wanaa ko welata yimɓe min tewtata, ko welata Laamɗo kumpitiiɗo ɓerɗe amen oo min tewtata.  
\v 5 Hono no anndir-ɗon nii, abada min mbaajoraaki haalaaji belɗi, min ɗaminaaki e kaalisi. Laamɗo ana seedii. 
\p  
\v 6 Min tewtaali faa ɓiɓɓe aadama teddina min, wanaa onon wanaa woɓɓe.  
\v 7 Kaa fay so e doole min ngardunoo duu, min mboofaali sabi min \w nelaaɓe\w*\w Almasiihu\w*. Kaa bele tan min ngardi. Miɗen kinnorii on hono no inna hinnortoo ɓiɓɓe muuɗum nii.  
\v 8 Sabi korsa amen e mooɗon ana satti sanne, min njarrike hokkude on ko wanaa Kabaaru Lobbo haala Laamɗo tan, miɗen njarrii hokkude on fay yonkiiji amen, sabi on laatike sakiraaɓe amen horsuɓe. 
\p  
\v 9 Sakiraaɓe, nde min mbaajotonoo on Kabaaru Lobbo haala Laamɗo oo ndee, oɗon miccitoo min ngolliino sanne, min tampii sanne duu. Min ngollii jemma e ɲalooma fuu faa min njogoo ko'e amen, pati min laatanoo on donngal.  
\v 10 Oɗon ceedanii min, Laamɗo ana seedanii min, no min ngorri hakkunde mon nii, onon goonɗinɓe ɓee. Miɗen cenii, miɗen pooccitii, min ngalaa ɲiŋoore fuu.  
\v 11 Gooto gooto mon fuu min ngolliranii ɗum no baaba golliranta ɓiɓɓe mum, hono no anndir-ɗon nii. 
\p  
\v 12 Min mbaajike on, min mbaaltinii hakkillaaji mon, min ndaardii on nguurdon nguurndam kawroojam e muuyɗe Laamɗo, noddoowo on faa naaton e \w Laamu\w* mum tedduɗo oo. 
\p  
\v 13 Kasen won ko saabanii min yettude Laamɗo wakkati fuu: nde nan-ɗon konngol Laamɗo ngol e kunduɗe amen ndee, on njaɓɓoraaki ngol konngol yimɓe. Ko njaɓɓori-ɗon ngol dee, konngol Laamɗo. Ngol kaɲum jaati. Kanngol gollata e ley mooɗon, onon goonɗinɓe ɓee.  
\v 14 Sakiraaɓe, ko hewtii deente goonɗinɓe Laamɗo gonɗe \w Yahuudiya\w* ɲiiɓuɗe e Iisaa Almasiihu ɗee koo, hewtike on onon duu. Sabi onon duu on muɲii torraaji ɗi ɓe muɲunoo ɗii, yimɓe mooɗon jaati torrata on, hono no \w Yahuudiyankooɓe\w* torriri ɓe nii.  
\v 15 Kamɓe mbari Joomiraaɗo men Iisaa. Ɓe mbari annabaaɓe. Haya, ɓe torrii min minen duu. Eɓe ngolla ko welaa Laamɗo, ɓe konnee'en yimɓe fuu.  
\v 16 Sabi eɓe njiɗi haɗude min waajaade \w leɲi goɗɗi\w* yalla ana kisa. Nii waɗata so luutti maɓɓe kiɓɓa, kaa jukkungo Laamɗo sakitike hewtaade ɓe. 
\s1 No Pool yiɗirnoo wirfitoraade Tesaloniiki 
\p  
\v 17 Kaa minen, sakiraaɓe, min ceerii e mooɗon wakkatiiwel gootel e jiile gite wanaa ɓerɗe. Min tiinnike sanne yalla miɗen keɓa yiide on. Miɗen njeewaa on sanne sanne.  
\v 18 Saabe majjum, miin Pool, mi muuyiino warde to mon cili kuurɗi, kaa \w Ibiliisa\w* haɗi kam.  
\v 19 Homo woni jikke amen e seyo amen e deesewal amen yeeso Joomiraaɗo men Iisaa nde wartoyii? Wanaa onon naa? Jaati!  
\v 20 Sabi onon ngoni teddeengal amen e seyo amen. 
\c 3  
\p  
\v 1 Ɗum waɗi nde wonnoo min mbaawaa kaariya mon, walanaa min baasi minen tan min keddoo ley ngalluure Ateena.  
\v 2 Min nelii sakiike amen Timote gollidoowo e Laamɗo saakude \w Kabaaru Lobbo\w* haala \w Almasiihu\w* oo, yalla omo hokka on semmbe, o ɲiiɓina on saabe goonɗinal mon.  
\v 3 Ɗum fuu walaa ko waɗi ɗum, so wanaa e ley ɗii torraaji pati fay gooto e mon yeryerta, sabi oɗon anndi en fodanaaɓe ɗum.  
\v 4 Gila nde min ngondunoo e mooɗon ndee, miɗen kaalanannoo on torraaji kewtotooɗi en. Non ɗum laatorii hono no anndir-ɗon nii.  
\v 5 Ɗum saabii so ndonku-mi waawde kaariya mon, nel-mi faa mi annda yalla oɗon coobii e goonɗinal ngal, naa ceytotooɗo seytike on, golle amen laatike meere.  
\v 6 Kaa jooni Timote iwii to mon, wartii e amen. O seynirii min goonɗinal mon e jilli mon sabi oɗon miccitoo min wakkati fuu, oɗon njiɗi yiide min sanne, hono no minen duu min njiɗiri yiide on nii.  
\v 7 Sakiraaɓe, ko tawde-ɗon e goonɗinal koo, waaltinii min e ley ɓillaare amen e ley torra amen.  
\v 8 Jooni min nguurtii kammari oɗon ɲiiɓi e Joomiraaɗo.  
\v 9 Jettooje fuu ɗe min mbaawi yettirde Laamɗo kammari mooɗon, min njettiran ɗum saabe seyo amen fuu ngo ceynir-ɗon min yeeso makko.  
\v 10 Jemma e ɲalooma miɗen ndaarda Laamɗo yiide on faa min kiɓɓintina ko ɲaki e goonɗinal mon. 
\s1 No Pool duwanorii deental goonɗinɓe gonngal Tesaloniiki 
\p  
\v 11 Yo Laamɗo \w Baabiraaɗo\w* men e Joomiraaɗo men Iisaa newnan min laawol faa min njaha to mon.  
\v 12 Yo Joomiraaɗo ɓeydu jilli hakkunde mooɗon faa sanne, njiɗondiron, njiɗon yimɓe fuu hono no min njiɗiri on nii,  
\v 13 faa o hokka on semmbe, laato-ɗon yimɓe ɓe ngalaa ɲiŋoore, wonɓe ley senaare yeeso Laamɗo Baabiraaɗo men e ley gartol Joomiraaɗo men Iisaa kaɲum e seniiɓe mum fuu. 
\c 4  
\s1 Haala nguurndam ɗam Laamɗo yiɗi 
\p  
\v 1 Caggal ɗum, sakiraaɓe, min njannginii on no kaan-ɗon worrude faa wela Laamɗo. Oɗon ngaɗa ɗum jaati. Kaa miɗen ndaarda on saabe Joomiraaɗo men Iisaa tiinno-ɗon, ɓeydon soobee.  
\v 2 Sabi oɗon anndi jamirooje ɗe min ndokki on iwde e Joomiraaɗo men Iisaa ɗee.  
\v 3 Ko woni sago Laamɗo dee, senaare mooɗon. Nanto-ɗon e njaahilaaku.  
\v 4 Homo e mon fuu reena terɗe mum\f + \fr 4:4 \ft Yogaaɓe ana paamira aaya oo hono nii: \fq Homo e mon fuu waɗa suudu, jogoroo ndu laaɓal e teddeengal.\f* reenira ɗe laaɓal e teddeengal,  
\v 5 pati jokka giɗaaɗe yonki hono no heeferɓe ɓe anndaa Laamɗo fay seeɗa nii.  
\v 6 Fay gooto pati yaha naato banndum, pati tooɲa ɗum, sabi ɗee kuɗɗe fuu Joomiraaɗo woni joɓtotooɗo ɗe, hono no min kaalanirnoo on gila arannde e no min njeertirnirnoo on nii.  
\v 7 Sabi Laamɗo noddiraali en faa coɓen, ko mo noddiri en dee, faa nguuren e senaare. 
\p  
\v 8 Ndennoo, caliiɗo ko haalaa jooni koo fuu, wanaa neɗɗo salanii. Laamɗo dokkuɗo on \w Ruuhu\w* mum Ceniiɗo oo o salanii.  
\v 9 Kaa banngal jilli hakkunde sakiraaɓe, fotaa ko min mbinndana on, sabi onon e ko'e mooɗon, Laamɗo anndini on no njiɗondirton.  
\v 10 Hono non ngollirton hakkunde sakiraaɓe wonɓe ley leydi Makedoniya fuu. Sakiraaɓe, miɗen ndaarda on ɓeydon soobe.  
\v 11 Tiinno-ɗon ndeeƴon, kiinno-ɗon haaju mon, homo fuu wuura e semmbe terɗe mum, hono no min mbiirunoo on nii.  
\v 12 Nden ɓe ngoonɗinaali Iisaa ɓee njogorto on yimɓe, on kasindintaa e neɗɗo fuu fay huunde. 
\s1 Haala gartol Joomiraaɗo 
\p  
\v 13 Sakiraaɓe, miɗen njiɗi paamon faa gasa ko wartata e banngal maayɓe, pati cuŋliree hono no yimɓe ɓe ngalaa jikke ɓee nii.  
\v 14 So nii en ngoonɗinii Iisaa maayii, wuurtii, hono non Laamɗo hawrindinirta maayɓe goonɗinnooɓe ɓee duu e makko.  
\v 15 Miɗen kaalana on ko Joomiraaɗo wii: enen wuurɓe forruɓe e gartol Joomiraaɗo ɓee, en ardataako maayɓe ɓee naɓeede to makko.  
\v 16 Sabi Joomiraaɗo e hoore mum jippoto iwde dow kammu dow ooynaango manngo, nde eewnaango hooreejo \w malaa'ika'en\w* nanetee e nde buututal Laamɗo fuufetee ndee. Nden maayɓe goonɗinnooɓe \w Almasiihu\w* ɓee adotoo fuu immitaade.  
\v 17 Caggal ɗum, enen wuurɓe heddinooɓe ɓee, en fuu en mbeewtidinte e maɓɓe, naɓide-ɗen ley duule, faa kawren e Joomiraaɗo ley mbeeyu. Hono nii ngondirten e makko faa abada.  
\v 18 Ɗum saabii homo e mon fuu waaltinira hakkille banndum ɗiin haalaaji. 
\c 5  
\p  
\v 1 Sakiraaɓe, fotaa ko min mbinndana on haala jamaanuuji e wakkatiiji gartol Joomiraaɗo oo.  
\v 2 Sabi onon, oɗon anndi tuur ɲannde gartol Joomiraaɗo ndee wardan no gujjo wardata ley jemma nii.  
\v 3 Wakkati nde yimɓe miilataa njaalataa, nde mbiyata jam tan e hoolaare woodi, nden kunkoo saamata e mum'en, hono no ŋatawere juhirta haamili nii. Ɓe mbaawaa daɗude e oo kunkoo fey.  
\v 4 Kaa sakiraaɓe, onon on ngalaa ley nimre, ɗum haɗata ɲalaande ndee juhude on no gujjo juhirta nii.  
\v 5 On fuu on ɓiɓɓe fooyre, on yimɓe ɲalooma. En njeyaaka e jemma, en njeyaaka e nimre.  
\v 6 Ndennoo pati ɗaano-ɗen hono no woɓɓe ɓee nii. Mbaalen e jeerngo, ndeento-ɗen.  
\v 7 Sabi ɗaanotooɓe jemma ɗaanotoo, sigirooɓe jemma cigirta.  
\v 8 Kaa enen yimɓe ɲalooma ɓee, ndeento-ɗen. Ɓoorno-ɗen goonɗinal e jilli, ɗum yo saaya men ndeenaagu. Jikke heɓude kisindam duu laatanoo en kufina ndeenaagu.  
\v 9 Sabi Laamɗo yiɗanaa en jukkungo mum, ko o yiɗani en dee, keɓiren kisindam saabe Joomiraaɗo men Iisaa \w Almasiihu\w*,  
\v 10 maayruɗo kammari men yalla en fuu eɗen nguurda e mum so wartii, tawe-ɗen en wuurɓe tawe-ɗen en maayɓe fuu fotu.  
\v 11 Ɗum saabii homo e mon fuu waaltina hakkille banndum, gooto fuu faaboo goɗɗo banngal goonɗinal, hono no ngollirton nii. 
\s1 No deental goonɗinɓe haani worrude 
\p  
\v 12 Sakiraaɓe, miɗen ndaarda on anndanon gollooɓe hakkunde mon ɓee. Eɓe ɗowa on faade e Joomiraaɗo, eɓe mbaajoo on.  
\v 13 Teddiniron ɓe sii teddeengal fuu, njiɗiron ɓe saabe golle maɓɓe. 
\p Ngondon gondal sabu Laamɗo hakkunde mooɗon.  
\v 14 Miɗen ndaarda on, sakiraaɓe, njeertinon nattuɓe, maalto-ɗon hulɓe, paabo-ɗon lo'uɓe, tawde-ɗon e muɲal hakkunde yimɓe fuu,  
\v 15 tiinno-ɗon pati fay gooto yoɓtoo so won ko banndum waɗi ɗum. Wakkati fuu tewton waɗondirde ko moƴƴi, ngaɗanon yimɓe fuu hono non. 
\p  
\v 16 Ceyo-ɗon wakkati fuu,  
\v 17 pati ceeron e \w duwaawu\w*,  
\v 18 njetton Laamɗo no ngorru-ɗon fuu. Sabi ɗum woni ko Laamɗo muuyani on, onon ɲiiɓuɓe e Iisaa \w Almasiihu\w* ɓee. 
\p  
\v 19 Pati kaɗon \w Ruuhu Ceniiɗo\w* gollude hakkunde mooɗon,  
\v 20 pati koynon waaju annabaaɓe,  
\v 21 kaa tayko-ɗon huunde fuu, nanngon ko moƴƴi e muuɗum.  
\v 22 Ngoɗɗo-ɗon sii bone fuu. 
\s1 Baynondiral 
\p  
\v 23 Yo Laamɗo gaddoowo jam oo e hoore mum sennu on senaare hiɓɓunde, reena gooto gooto mon fuu ndeenaagu timmuɗo faa laato-ɗon yimɓe ɓe ngalaa ɲiŋoore ɲannde gartol Joomiraaɗo men Iisaa \w Almasiihu\w*.  
\v 24 Nodduɗo on oo yo koolniiɗo, kasen duu kanko tabintinoyta ɗum. 
\p  
\v 25 Sakiraaɓe, miɗen ɲaagoo on \w duwaawu\w*. 
\p  
\v 26 Njottinon sakiraaɓe ɓee fuu calminaali amen e jilli amen. 
\p  
\v 27 Miɗo tilsinira on saabe Joomiraaɗo, njannganon sakiraaɓe ɓee fuu oo ɓataaki. 
\p  
\v 28 Yo hinnee Joomiraaɗo men Iisaa Almasiihu wonu e mon.